Uyu mugore Mukandayisenga yafashe uwo mwana amuhambirira mu musambi maze amuhirikira munsi y’urutara umwana aragenda amaramo ukwezi kose atamugaburira.

Abaturanyi b’uyu mugore bamaze iminsi batabona uyu mwana batangiye gukeka uwo mugore kuko no mu buzima busanzwe yagaragazaga ko atamukunze maze bafata icyemezo cyo kujya kumubaza amakuru y’uwo mwana.

Mukandayisenga Devota yabutse inabi maze baragenda, nyuma abajyanama b’ubuzima n’abandi baturanyi be nibo baje kumusura ariko bari gukurikirana ngo barebe niba bamenya amakuru y’uwo mwana bumva umuntu unwigirira munzu maze batanga amakuru ko munzu y’uwo mugore bumvise umuntu arimo anihiramo.

Mukandayisenga Devota kuri sitasiyo ya polisi ya Gicumbi. Photo/Police

Ibi uyu mugore yabikoze mugihe umugabo we witwa Mbonyinshuti yari yaragiye gupagasa i Kigali.

Tariki 15/10/2012 nibwo inzego z’ubuyobozi zafashe icyemezo ziragenda zifungura inzu y’uwo mugore maze basanga umwana ahambiriye mu musambi yararwaye imbaragasa umubiri wose kandi agiye gushiramo umwuka.

Ubu uwo ari gukurikiranwa mu bitaro bikuru bya Byumba aho ari kwitabwaho n’abaganga.

Ingingo ya 153 mu gitabo cy’amategeko mpanabyaha biteganyijwe ko umuntu wakoze ibikorwa byo guhohotera umuntu nta mwiteho ngo amuhe ibyo kurya, kwambara, kumuvuza, kandi biri munsingano ze bikaba byamuviramo urupfu ko ahanishwa igihano kiri hagati y’imyaka 5 na 7.

Ernestine Musanabera