Izo nka zibwe mu ijoro rishyira tariki 18/05/2013 maze abo bagabo barazambutsa bazizana mu Rwanda mu karere ka Gicumbi mu murenge wa Rubaya.

Ku bugafatanye bw’inzego z’umutekano z’u Rwanda n’u Bugande bakoreye hamwe maze bafata abo bajura. Nibwo habaye umuhango wo gushyikiriza nyiri ukubwa inka ze umuhango wabereye mu murenge wa Rubaya ndetse abo bajura berekwa abaturage.

Umuyobozi w’akarere ka Gicumbi, Mvuyekure Alexandre, yasabye abaturage kurushaho kubana n’abaturanyi bo mu gihugu cya Uganda amahoro.

Yagize ati “mugomba kubana n’abaturanyi bacu bo muri Uganda neza mugaragaza abanyabyaha kuko aribwo buryo bwiza bwo guca umuco mubi nk’uyu wabambuka bagenzwa n’ibidasobanutse.”

Kazoba Denys umuyobozi wa LUC3 Rubaya muri Uganda, yashimye uburyo inzego z’umutekano z’ibihugu byombi zakoranye kugirango abo bajura babashe gutabwa muri yombi, maze avuga ko umuntu wese uzakora ikosa maze agahungira mu gihugu cyabo nta buhungiro azabona kuko azashyikirizwa u Rwanda bidatinze.

Ernestine Musanabera