Munyankiko yatemye umushumba witwa Nzabandora Samuel w’imyaka 21 akoresheje umuhoro maze aramukomeretsa cyane mu mutwe; nk’uko polisi y’igihugu ibitangaza.

Iki gikorwa cya kinyamaswa cyabaye saa tatu n’igice z’ijoro. Nzabandora yahise ajyanwa kwa muganga ku Bitaro Bikuru bya Kibagabaga kugira ngo yitabyeho n’abaganga.

Umuvugizi wa polisi mu Mujyi wa Kigali, Supt. Albert Gakara avuga ko icyo gikorwa kinyuranyije n’amategeko. Yagize ati: “Munyankiko yishyize mu bibazo yirengagiza amategeko mu gihe yari kubyirinda amushyikiriza polisi cyangwa izindi nzego zibifitiye ubushobozi.”

Supt. Gakara yasabye abaturage kwirinda kwihanira kuko nta muntu ufite uburenganzira bwo kwihanira uretse inzego z’ubutabera .

Nshimiyinama Leonard