Nyuma y’uko ubundi bushakashatsi bwari bwaragaragaje ko divayi ifite uruhare mu kurwanya indwara z’umutima, Abasipanyoro bongeye ho ko kuyifata cyane cyane nyuma y’amafunguro ari byiza cyane ariko uyinyweye akirinda gusinda.

Ubushakashatsi bwakozwe mu gihe cy’imyaka 5 ku bagabo n’abagore 5500personnes bari hagati y’imyaka 55 na 80, nyuma yo gufungura bagafata ikirahuri cya divayi, ngo nta numwe wagaragaje ingaruka ziterwa na arukoro (alcool) ndetse n’iz’umunaniro wo mu mutwe.

Uko abo bantu banywaga kuri divayi ngo barapimwaga maze bagasanga bameze neza mu bwenge no mu mubiri kandi nta ngaruka za arukoro zigaragara.

Ubushakashatsi bwagaragaje ko ibibazo by’umunaniro abo bantu bagiraga byagabanutse kugera ku kigero cya 32% ku bantu bafata hagati y’ibirahure 2 na 7 mu cyumweru, ariko cyane kubafata ikirahure 1 ku munsi.

Professeur Miguel Martinez-Gonzalez, wayoboye ubwo bushakashatsi avuga ko divayi yagirira akamaro abarwayi ba diyabete hamwe n’abandi bagira indwara zituma bata ubwenge.

Ku bagira ibibazo by’umunaniro mu mutwe, kuvanga divayi no gufata amafunguro arimo imbuto n’imboga byihutisha ukwisubira k’ubwonko bwabo.

Ernest Kalinganire