Nkuko tubikesha www.gentside.com, Myriam Thomas wayoboye ubwo bushakashatsi avuga ko urusaku rw’amazi rutuma umuntu asubira mu buzima busanzwe kamere (naturelle) no kwibona neza mu bimukikije ari nabyo bigira uruhare rukomeye ku buzima bwe.

Kugira ngo bagere kuri ubwo bushakashatsi, bakoze igerageza ku bagore 60 bari bafite ibibazo bya stress maze babagabanyamo amatsinda atatu. Itsinda rimwe ryashyizwe ahantu ryumva umuziki utuje nka kimwe mubyo abantu bakunda iyo bananiwe mu mutwe, irindi rishyirwa aho ryumva urusaku rw’amazi naho irindi rishyirwa ahantu hari umutuzo.

Nyuma y’igihe cyagenywe, basanze mu macandwa y’abashyizwe aho bumva umuziki ndetse n’abashyizwe mu mutuzo hakirimo amatembabuzi (hormone) agaragaramo ibimenyetso by’umunaniro (stress) kurusha abumvise urusaku rw’amazi.

Ikindi ubu bushakashatsi bugaragaza ni uko igihe umuntu afite ikibazo cy’umunaniro wo mu mutwe bagombye gushakira umuti mu bidukikije kamere (la nature) kuko aribyo bifite umwihariko wo gutuma umuntu asubirana ubuzima bwiza mu gihe gito.

Ernest Kalinganire