Uyu mugabo wenda kurangiza amasomo mu mpamyabumenyi y’ikiciro cya gatatu cya kaminuza, avuga ko ubuzima Abanyarwanda babayeho bitewe n’amateka banyuzemo bigakubitiraho n’igihe isi irimo biri mu bituma batabona igihe cyo kwitekerezaho.

Muganga Albert Gakwaya na bagenzi be biyemeje gufasha abantu guhangana n’ingaruka y’imitekerereze mibi.

Gakwaya avuga ko ari muri urwo rwego yagize igitekerezo cyo gutanga umusanzuku Banyarwanda akora itsinda ry’abakorerabushake, mu mashami atandukanye ryagerageza kureba uko ryafasha abantu bafite ibibazo bitandukanye. Ariko kuri ubu baracyategereje icyemezo kibemerera gukora ku mugaragaro bazahabwa na Minisiteri y’Ubuzima (MINISANTE).

Yifashishije ingero yabonye mu mahanga aho amashyirahamwe y’abantu ku giti cyabo, bafite ubumenyi mu mashami atandukanye biyemeza gukora nk’abakorera bushake bakakira ababagannye babafasha kugana inzego zitandukanye batajya bagana.

Avuga ko mu Rwanda, kimwe n’ ahandi henshi ku isi, ubuzima bugenda bukomera ku buryo abantu bagenda barushaho kwiyibagirwa n’ababo bagatwarwa n’akazi kabo bagerageza kugera ku ntego baba bategetswe n’abakoresha babo.

Gakwaya na bagenzi biyemeje gutanga serivisi z’ubuvuzi bwo mu mutwe ku buntu.

Yongeraho ku Munyarwanda uba mu gihugu cyabayemo Jenocide n’intambara yayihagarikaga n’ingaruka zabyo, zitagira ingano mu nzego zose z’ubuzima bwa buri munsi bw’Abanyarwanda, ubu bari bari kugerageza kwisuganya ngo barebe ko bakwiyubakira imbere hazaza ku muvuduko ushimishije.

Avuga ko ariko bitoroshye kuko baheraga ku busa kuko byinshi byari byarasenyutse ibindi bitakijyanye n’igihe, bisaba ubwitange bwinshi n’ingufu z’umurengera ngo babashe kugera ku cyerekezo abanyarwanda bihaye.

Avuga ko iyo biba bitoroshye ko abo bantu bagira umutuzo muri bo ubwabo, kuko kuva kuri gahunda yo gukorera ku muvuduko utari mwinshi cyane, ukajya ku muvuduko w’imikorere uvuduka kugira ngo ugere ku ntego z’usabwa kugeraho.

Avuga ko batangiza iri huriro bunvaga ibyo byiza biba ahandi bifasha inzego z’igihugu gufasha abaturage babyo nabo babikora, tubinyujije muri gahunda yoroheje ya serivise ikoze nk’urubuga rwo kwakira abasobanuza ibintu bitandukanye mu ku bafasha.

Avuga ko ku bijyanye n’inama abantu bagirana mu buzima busanzwe, batekereza ku buryo batazagarukira ku ndwara gusa kuko hari na gahunda zo gufasha abantu guha agaciro, cyangwa kwivumburamo ubushobozi bifitemo, kugirana inama.

Munyantore Jean Claude