Iyi gahunda izamara ibyumweru bibiri iribanda ku gusuzuma ubwandu bw’agakoko gatera SIDA ku bushake no kugira inama abaturage ku isano riri hagati y’ihohoterwa no kunywa ibyobyambwenge.

Nkuko zimwe mu nshingano za polisi y’igihugu ari ukurinda umutekano w’abaturage, ngo ntibigarukira ku kurinda umutekano w’abantu n’ibintu byabo, ahubwo ngo binagera ku buzima bw’abaturage; nk’uko byagarutsweho na Assistant Commissioner of Police Dr Willison Rubanzana ukuriye ishami ry’ubuvuzi muri polisi y’igihugu.

Muri ubu bukangurambaga buri gukorwa n’ishami rishinzwe ubuvuzi muri polisi y’Igihugu, abaturage bagaragazizwa isano iri hagati y’ihohotera no kunywa ibiyobywabwenge n’uruhare bagomba kugira mu gufatanya na polisi kubirwanya.

Ingaruka zo kunywa ibiyobyabwenge birimo kanyanga ngo ni nyinshi abantu bakaba basabwa kubyirinda barinda n’ubuzima bwabo; nkuko byakomeje bisobanurwa na ACP Dr Willison Rubanzana.

Mu rwego rwo gufasha abahohotewe Polisi yashyizeho ikigo ‘One Stop Center’ gifasha abahuye n’ihohoterwa rinyuranye hakaba haranatangiye gahunda zo kubaka ibigo mu turere twose bizajya bifasha by’umwihariko n’abahuye n’ihohoterwa.

Dan Ngabonziza