Ibi bikorwa birimo gukorerwa ku kigo nderabuzma cya Byahi mu murenge wa Rubavu hamwe n’ikigo nderabuzma cya Karambo mu murenge wa Kanama kuva kuri uyu wa kabiri tariki 02/12/2014. Ahandi iki gikorwa kizabera ni mu kigo ngororamuco kigisha ubumenyi kiri Wawa mu karere ka Rutsiro.

Urubyiruko rwitabiriye gusiramurwa ku kigo nderabuzima cya Byahi.

Urubyiruko rwinshi n’abagabo bo mu karere ka Rubavu na Nyabihu babyitabiriye ku bwinshi aho ku munsi abarenga magana atanu basanga abaganga ngo babafashe nyuma y’igihe kinini bari barashatse iyi serivisi ariko ntibayibone.

Umuyobozi w’ibitaro bya Gisirikare Col. Dr.Karenzi avuga ko ibikorwa bafasha abaturage babikorana urukundo kandi bashaka ko abaturage bagira ubuzima bwiza, mu gihe u Rwanda rugihanganye n’icyorezo cya Sida ngo bagomba gufasha abaturage kuyirinda babaha amahirwe yo guhagarika aho yandurira.

Urubyiruko rwari ku murongo rwiteguye kujya gupimwa no gusiramurwa.

Nubwo kwisiramuza bitarinda virusi itera Sida 100% ngo bigabanya ibyago byo kwandura kugera kuri 60% ku bagabo naho ku bagore bikabarinda kwanduzwa kanseri y’inkondo y’umura kuburyo kwisiramuza ari ikintu cyiza Abanyarwanda bagombye kwitabira.

Abaganga bo mu bitaro bya gisirikare bya Kanombe n’abafatanya bikorwa bitabiriye gutangiza icyumweru cy’ibikorwa bya gisirikare.

Sylidio Sebuharara