ubwo basurwaga tariki 26/03/2013, ababa bagororwa bashishikajwe no kugaragaza ibibazo byabo aho ngo basanga hari ibikorwa bidatunganyirizwa imiryango yabo yasigaye mu ngo kandi ngo abandi babikorerwa.

Bimwe mu bibazo aba bagororwa bahurijeho ni ikijyanye n’isaranganywa ry’igishanga gihingwamo umuceri giherereye muri iyo mirenge yose yabasuye aho batangaza ko imiryango yabo itasaranganyijwe nk’uko bigomba bitewe nuko badahari cyangwa ngo babone ababitaho.

Ikindi kibazo abagororwa bagaragagaje ni ikijyanye n’imiryango ya bamwe batishoboye basaba ko imiryango yabo yajya yitabwaho igafashwa, cyakora ngo barashima cyane Leta y’u Rwanda iri kugenda ibitaho aho basigaye basurwa n’inzego zitandukanye bikaba biri kugenda bibakemurira bimwe mu bibazo by’ingutu bari bafite aho bakomoka.

Umunyamabanga nshingwabikorwa w’umurenge wa Bugarama, Gatera Egide, ari nawe wari ayoboye iritsinda yabasobanuriye abagororwa ibikubiye muri gahunda y’imiyoborere myiza aho yaberetse ko nubwo bafunze ari abaturage b’igihugu akaba ari muri urwo rwego yanabasabye kwitwara neza kuko aribyo bizabahesha agaciro no gukomeza kugororoka nyakuri.

Bimwe byatumye imirenge ituriye ikibaya cya Bugarama isura abo bagororwa ngo ni ukugira ngo babasangize ku buzima bwo hanze no kubasobanurira ko nubwo bafunze ari Abanyarwanda kimwe n’abandi bakareka kwiheba.

Musabwa Euphrem