Me Nduwamungu yatsinze amatora mugenzi yari ahanganye na mugenzi we Me Kavaruganda Julien, ku bwiganze bw’amajwi 316 kuri 272 ya Kavarugaanda, mu gikorwa cy’amatora yabaye kuwa gatanu tariki 12 Kamena 2015.

Abavoka bari bitabiriye igikorwa cy’amatora yabo.

Uyu muyobozi mushya w’urugaga rw’abavoka mu Rwanda Kigali yatangaje ko afite gahunda ari ukwigira hamwe mu nteko rusange ikibazo cy’igihembo fatizo cy’umu Avoka, kugira ngo hafatwe icyemezo ku gihembo gito yahabwa.

Yabivuze mu gihe abavoka bo mu Rwanda bari batakemerewe kwakira amafaranga y’u Rwanda ari munsi y’ibihumbi magana atanu (500,000) kuri dosiye iyo ari yo yose bagiye kuburana. Uwakiriye amafaranga make ku yo amabwiriza ashyiraho ibihembo mbonera by’Abavoka ateganya, yabihanirwaga kandi umuyobozi w’Urugaga akabigenzura.

Me Nduwamungu avuga ijambo ry’imigabo n’imigambi ye.

Bamwe mu baturage bari ku byicaro by’inkiko bahafite imanza, bagiye batangaza ko aya mafaranga basabwa atuma aribo bajya kwiburanira kubera kubura ubushobozi bwo kuyishyura.

Kuri iki kibazo Me Nduwamungu yagize ati: “ Nta butabera bwabaho hatari aba Avoka bagenda batwaye imvugo z’ababuranyi”.

Uyu muyobozi mushya watorewe kuyobora urugaga ubusanzwe yari Umuyobozi w’Ishyirahamwe ry’Abavoka bakiri bato mu Rwanda (AJA: Association des Jeunes Avocats au Rwanda) akaba yari na Visi Perezida w’Ihuriro ry’Abavoka bakiri bato muri Afurika (Federation Africaine des Associations et Unions des Jeunes Avocats: FAUJA).

Jean Pierre Twizeyeyezu