Byabaye mu mpera z’icyumweru gishize aho amakuru avuga ko umuturage yari afite ikibazo, Ntakibagora wari umwanditse w’Urukiko rw’Ibanze rwa Ruhuha mu Karere ka Bugesera akamusaba amafaranga ibihumbi 200 kugira ngo abashe kukimukemurira.

Ku munsi wo kuyamuha, no yahise atabwa muri yombi arimo kuyakira ahita atwarwa kuri Sitasiyo ya Polisi ya Nyamata mu Karere ka Bugesera.

Polisi ikorera mu Karere ka Bugesera ivuga ko iperereza rikomeje kugira ngo hamenyekane ukuri, ndetse ko nirirangira bazahita bamugeza imbere y’urukiko.

Amategeko y’u Rwanda ahana umuntu wese usaba cyangwa wakira indonke y’uwo yagombaga guha serivisi.

Egide Kayiranga