Minisitiri Busingye yayoboye ibiganiro ku Butabera n’iyubahirizwa ry’amategeko byahuje abafatanyabikorwa batandukanye, baba abakomoka mu Rwanda n’abakomoka mu Buholandi bafite aho bahurira n’Ubutabera n’ibijyanye n’iyubahirizwa ry’amategeko.

Minisitiri w’Ubutabera kandi yanagiranye ibiganiro n’Abanyarwanda baba mu Buholandi, aho baganiriye kuri gahunda zitandukanye za leta kugira ngo bagire uruhare mu iterambere ry’u Rwanda.

Abo Banyarwanda baba mu Buholandi bibukijwe ko Diaspora y’u Rwanda ifitiye akamaro kanini u Rwanda. Minisitiri Busingye yabasabye gutekereza ku iterambere u Rwanda rumaze kugeraho ariko banibuka aho rwavuye, abasaba kuba abafatanyabikorwa mu cyerekezo cy’iterambere u Rwanda rurimo.

Yavuze ko bikwiye ko Abanyarwanda bo muri Diaspora bagaragaza uruhare rwa bo kugira ngo icyuho kiri ku isoko ry’umurimo mu Rwanda ugereranyije n’abize kiveho, yungamo ko Abanyarwanda aho bari hose bakwiye gufatanya guteza imbere u Rwanda mu nzego zose.

Cyprien Ngendahimana