Mu mihango yo gusinya iyo mihigo, tariki 15/01/2013, uwashinze ULK, Prof Rwigamba Barinda, yongeye kugaruka ku mpamvu imihigo igomba kubaho aho atangaza ko bifasha umuntu gutera imbere agendeye kubyo yifuza kugeraho akiha n’umurongo agomba kubigeraho.

Prof Rwigamba Barinda avuga ko imihigo itangiriye mu bayobozi itanga urugero rwiza ku banyeshuri, akavuga ko igihe abayobozi ba kaminuza n’amashami yigisha azaba yageze ku mihigo yabo n’ireme ry’uburezi iyi kaminuza ishyize imbere rizaba ryagezweho n’abarangiza bagashobora gushyira mu bikorwa ubumenyi bahawe.

Prof Rwigamba Barinda washinze akaba na Perezida wa Kaminuza Yigenga ya Kigali (ULK).

Prof Rwigamba Barinda avuga ko imihigo ijyana no kubahiriza amategeko yose agenga abayobozi kandi bakagendera ku ndangagaciro z’umuyobozi utibagiwe ubunyarwanda hamwe n’amahame afasha umuntu kugera ku ntego ze arimo kwigirira icyizere no guharanira kukigirirwa.

Guhiga muri kaminuza ya ULK bifatwa nk’urumuri ruzafasha ubuyobozi bwa kaminuza kugera ku nshingano nyinshi iyi kaminuza ifite birimo guteza imbere abayituriye itanga ubumenyi butuma bihuta mu kwiteza imbere nkuko bitangazwa na Professor Doctor Nzabandora.

Sylidio Sebuharara