Byari mu masaha ya saa tatu z’ijoro ubwo uyu munyeshuri yambukiranyaga umuhanda ava mu mujyi wa Ruhango ajya ku ishuri rya Lycee de Ruhango aho yakoreraga ibizami.

Yahise akubitana n’imodoka ya Volcano Express ifite purake RAB 194 Q imukomeretsa bikomeye mu gice cyo mu maso. Yahise ajyanwa ku kigo nderabuzima aho bamuvanye bamujyana mu bitaro bya Gitwe.

Karekezi ukuriye site ya Lycee de Ruhango aho uyu munyeshuri yakoreraga ikizamini cya Leta, avuga ko atakoze ikizami kuko yari ameze nabi. Ati “ikizamini bakimushyiriye ariko ntiyashoboye kugikora kuko bakimuhaye biramunanira”.

Tuyisenge yigaga mu mwaka wa gatandatu mu ishuri rya Ecole Secondaire Sainte Trinite Ruhango mu ishami rya HEG.

Eric Muvara