Abo bana 53 bize mu kigo cy’ishuri cya St Matthew’s College bagaragarije ubuhanga n’ubumenyi ababyeyi babo bari baje mu muhango wo kubaha indangamanota ibyo kandi ngo binashimangira ko ireme ry’uburezi riri kugenda ritera imbere.

Aba bana nibo ba mbere mu karere ka Rusizi biga mumashuri y’incuke bahawe impamyabumenyi.

Nteziyaremye Jean Pierre, umuyobozi ushinzwe uburezi mu karere ka Rusizi yasabye ababyeyi gushishikazwa no kujyana abana babo mu mashuri y’incuke mbere yo kujya mu mashuri abanza kuko aribyo bituma umwana azamuka neza mu myigire ye.

Nyuma yo kubona ubuhanga abana bato bakura mu mashuri y’incuke umwe mu babyeyi bahagarariye abandi yasabye bagenzi be gukomeza gufasha abo bana kugirango intambwe bateye ntigasubire inyuma.

Ababyeyi bishimiye ko abana babo barangije amashuri y’incuke.

Umuyobozi w’ishuri rya St. Matthew’s College Neza Kenneth yasabye ababyeyi gukomeza kwita ku bana babo muri ibi bihe by’ibiruhuko birebire kugirango uburere n’uburezi bakuye muri icyo kigo bazabugarukane umwaka utaha w’amashuri.

St. Matthew’s College ni kimwe mu bigo by’amashuri y’icyitegererezo mu karere ka Rusizi aho ari na cyo gikunze kuba icya mbere mu kugira amanota meza ndetse no gutsindisha abana benshi mu bizamini bya Leta kugeza ubu kikaba gifite abanyeshuri 673.

Umuyobozi w’ishuri St. Matthew’s College Neza Kenneth.

Musabwa Euphrem