Muri uyu muhango wabaye tariki 22/08/2013, ubuyobozi bw’ishuli rya Jill Barham bwashimiwe ko bwabashije gukoresha neza inkunga bahawe ingana n’amafaranga miliyoni 23 bwahawe n’ikigo SDF( skills development fund).

Byandoga Levingiston wari uhagarariye WDA yasabye abanyeshuli barangije kuzabyaza umusaruro ubumenyi bakuye muri Jill Barham.

Byandoga Livinston akaba yasabye Abanyarwanda muri rusange ubwitabire n’ubufatanye mu kwiga amashuli dore ko afasha benshi kwihangira imirimo ndetse no gupiganwa ku isoko rya kazi.

Rukondo Eugene, umumotari witabiriye aya masomo yatangarije Kigali Today ko ubumenyi avanye muri aya masomo bugiye kuzamufasha kwiteza imbere aho ateganya kuzajya atunganya amandazi 800 ku munsi.

Abanyeshuli barangije kwiga aya masomo ariko bagaragaje impungenge z’amikoro make bafite bakaba baboneyeho uburyo bwo gusaba ubuyobozi ko bwabafasha mu kwibumbira mu mashirahamwe kugirango babafashe kubona ibikoresho by’ibanze byabafasha gutangira ubuzima bwo kwiteza imbere.

Musabwa Euphrem