Bamwe mu barimu bavuga ko bakeneye amafaranga yabo kuko biri mu byabafasha mu kazi kabo kuko iyo umuntu yakoze ntahembwe usanga akora akazi ariko atameze neza kuko nta faranga aba afite.

Umuyobozi w’Akarere ka Kirehe wungirije ushinzwe ubukungu n’iterambere, Tihabyona Jean de Dieu, yijeje abarimu ko bagiye gukurikirana iki kibazo cy’ibirarane asaba ababa bataruzuza ibyangombwa bisabwa ko babikora vuba kugira ngo babafashe kwishyurwa mu buryo nyabwo.

Tihabyona yibukije abarimu bari bitabiriye inama ko guhabwa serivise no kuyitanga ari uburengenzira bw’ubikeneye bityo abibutsa ko kuza gushaka ibyangombwa kugira ngo buzuze dosiye zabo kugira ngo bahabwe amafaranga y’ibirarane byabo ko ari ngombwa.

Yakomeje abasaba kwitabira akazi ku gihe kandi bagashaka uburyo bazamura ireme ry’uburezi, abarezi kandi muri iyi nama bibukijwe ko isuku ari ngombwa ku bigo by’amashuri bayoboye.

Iyi nama yari yitabiriwe n’abayobozi b’ibigo hamwe n’abarimu bafitiwe ibirarane. Ibi bibaye mu gihe mu minsi ishize hari abarimu bari babonye amafaranga y’ibirarane byabo ariko abandi ntibayabone kubera dosiye zabo hari ibyabaga bikiburamo.

Grégoire Kagenzi