Gafirimbi yagize ati “Gahunda yatangiye muri 2008 yasabaga ko abaforomo bongera ubumenyi. Nyamara umugabane munini mu baforomo, ni ukuvuga abagera ku bihumbi birindwi (ku bagera ku bihumbi 11 ndlr) ni aba A2 kandi bafatiye runini ibigo by’ubuzima.”

Kugira ngo aba baforomo bose bagire kwiga rimwe rero ntibyashobokaga. Ngo ni bwo hagiyeho gahunda yo kwiga hifashishijwe iyakure (e-learning).

Yunzemo ati “N’abaforomo bacu nta wirukanwe. Ubu ndetse amahirwe twabonye ni uko Minisiteri y’ubuzima yemeye ko bikomeza batavuye mu bitaro, ahubwo n’abari basigaye batarabasha kujya kwiga bakajyayo.”

Ubundi, ngo ku baforomo n’ababyaza 246 bakora kuri CHUB, 35 bonyine nibo basigaye bagifite impamyabushobozi za A2 ndetse batari no mu ishuri. 19 bari kwiga bakoresheje iyakure, ubu bageze muwa kabiri. Ngo hari n’abandi 10 bize muri Kongo, none ubu inzego z’ubuforomo mu Rwanda zamaze kwemeza dipolome zabo.

Ubu rero, ngo kuri ba 35 basigaye, Minisiteri y’ubuzima yabemereye ko mu mwaka utaha w’amashuri hazatangira kwiga abagera kuri 20, hanyuma n’abandi basigaye bakazahabwa nyuma amahirwe yo kongera ubumenyi, bari mu kazi.

Marie Claire Joyeuse