Abagize koperative JYAHEZA ikora isuku mu murenge wa Rwimbogo mu karere ka Rusizi bamaze imyaka ibiri bishyuza rwiyemezamirimo bakoranaga wabambuye amafaranga ibihumbi 300.

Iki kibazo cy’iyi koperative cyagaragajwe ubwo minisitiri w’ubutabera, Tharcise Karugarama, yari muruzindo rw’akazi mu karere ka Rusizi ndetse no mu kwezi kwahariwe gukemura ibibazo byabaturage aho abayobozi b’akarere basangaga abaturage iwabo mu mirenge iki kibazo cyaragarutse.

Minisitiri Karugarama ndetse n’abayobozi b’akarere bose basabye urwego rw’umurenge gukurirana icyo kibazo.

Umunyamabanga nshingwabikorwa w’umurenge wa Rwimbogo, Kakindi Leoncie, avuga ko ikibazo bakijyanye ku rwego rw’akarere ngo kuko umurenge udafite ubushobozi bwo kwishura ayo mafaranga.

Ubuyobozi bw’umurenge buvuga ko iyi koperative nta masezerano yari ifitanye na rwiyemezamirimo kuko amasezerano ahubwo yari ayafitanye n’akarere.

Muhimpundu Anne Marie, ukuriye koperative JYAHEZA we yemeza ko bari bafitanye amasezerano n’uwo rweyemezamirimo kandi ko amwe mu makopi y’ayo amasezerano bayatanze bakaba bategereje igisubizo.

Musabwa Euphrem