Aba baturage bashimira Perezida wa repubulika y’u Rwanda wongeye kuboroza binyuze muri gahunda ya girinka, bamwizeza ko inka bahawe bazazifata neza bakazoroza n’abandi bitarageraho, nk’uko babyitangarije kuwa Kane tariki 27/06/2013.

Ibyo babitangarije mu gikorwa cyo korozanya inka hagati y’abaturage, aho izigera kuri 33 ari zo zatanzwe muri iki cyiciro. Horoje abaturage bari barahawe inka muri gahunda ya Girinka, mu rwego rwo kwitura Leta kugira ngo bagenzi babo kwikura mu bukene.

Chantal Uwamwiza, n’umunyamabanga nshingwabikorwa w’uyu murenge, yavuze ko iyi gahunda imaze igihe itangijwe yakozwe mu rwego rwo kubashumbusha.

Ubuyobozi butandukanye muri aka karere ka Kirehe kuva ku mudugudu n’umufatanyabikorwa basabye abaturage borojwe kuzafata neza ayo matungo, kugira ngo nabo azabahe umukamo mwinshi.

Basabwe kuyagirira isuku no kuyagaburira neza, banihanangirizwa ko batagomba kuzigurisha zitarororoka ngo uwahawe abe yaranashoboye no kugabira abandi.

Izi nka zorojwe abaturage zaturutse ku zari zatanzwe n’umushinga ushinzwe guteza imbere ubuhinzi n’ubworozi mu karere ka Kirehe (KWAMP).

Grégoire Kagenzi