Ibi bikoresho batanze tariki 14/08/2013 babihaye koperative ikora ibijyanye n’ubudozi ikorera mu murenge wa Nyarubuye (COCOUNYA), aho babahaye ibifite agaciro k’amafaranga 747,200 mu rwego rwo kubafasha mu mibereho yabo ya buri.

Simpenzwe Jackson uyobora PSF mu karere ka Kirehe avuga ko bahisemo kuza gufasha abana b’impfumbyi n’abapfakazi mu murenge wa Nyarubuye mu rwego rwo kumenya amateka ya Jenoside yakorewe i Nyarubuye, akaba akomeza avuga ko ibi biri mu buryo bwo guhumuriza aba bahuye n’ingaruka za Jenoside.

Umuyobozi w’akarere ka Kirehe wungirije ushinzwe imibereho myiza y’abaturage, Murekatete Jaqueline, yasabye aba bana b’impfuzi hamwe n’abapfakazi ba Jenoside gukomeza gukorera hamwe nka koperative bakirinda icyo aricyo cyose cyabatanya kuko kuba bari hamwe aribyo byabateza imbere mu byo bakora byose bya buri munsi.

Iki gikorwa cyo gusura abana b’impfubyi zibana bibumbiye muri koperative y’ubudozi bakaba bagifatanije no gusura urwibutyo rwa Jenoside yakorewe Abatutsi ruherereye mu murenge wa Nyarubuye aho basuye ahashyinguye imibiri isaga ibihumbi 51 bakabunamira.

Aba bibumbiye mu rugagaga rw’abikorera mu karere ka Kirehe bashyize kuri uru rwibutso amafaranga ibihumbi 100 yo gufasha mu bikorwa bitandukanye.

Grégoire Kagenzi