Ingengo y’imari y’umwaka 2013-2014 ngo izakoreshwa mu bikorwa bitandukanye, hibandwa ku bikorwa bitandukanye birimo uburezi, imihanda, amashanyarazi, ubuhinzi, ubworozi n’ubuvuzi; nk’uko bitangazwa na Innocent Uwimana, Perezida wa njyanama y’akarere ka Gisagara.

Ati “Iyi ngengo y’imali izakoreshwa mu bikorwa bigamije iterambere ry’abaturage, aho bizabafasha kuzamuka n’akarere kakazamuka muri rusange”.

Depite Mukandutiye Speciose avuga ko ingengo y’imari igamije kongera ibikorwa by’iterambere mu baturage gusa ngo iyo ikoreshejwe nabi rya terambere riradindira, ari nayo mpanvu inzego z’ubuyobozi zigomba kuyikurikirana kugirango ikoreshwe ibyo yateguriwe.

Ati “Ingengo y’imali iba igamije iterambere ry’abaturage n’igihugu muri rusange, iyo ikoreshejwe nabi riradindira ibintu ntibigende uko byifujwe byanateganyijwe, ababishinzwe rero bagomba gukurikirana ikoreshwa ryayo kugirango koko ikoreshwe icyo yateguriwe”.

Ingengo y’imari yemejwe kuzakoreshwa n’aka karere isagaho gato miliyari icyenda na miliyoni 423.

Clarisse Umuhire