Muri iki gihe cy’imyaka itanu akarere ka Gicumbi kazibanda ku bikorwo bigari bitanu aribyo ubuhinzi n’ubworozi, gutwara abantu n’ibintu hatunganwa imihanda ihuza imirenge, amazi n’isuku n’isukura, ikoranabuhanga ndetse n’ingufu.

Abayobozi b’inama njyanama y’akarere ka Gicumbi.

Amafaranga 33,210,054,000 azakora ibyo bikorwa azaturuka imbere mu karere habariwemo imisoro akarere kaka abaturage, abafatanyabikorwa, inzego z’abikorera ku giti cyabo, ndetse n’ibikorwa by’amaboko bishobora gukorwa n’abaturage ubwabo nko mu muganda nk’uko byatangajwe n’umuyobozi w’akarere Mvuyekure Alexandre.

Aya mafaranga ntabariyemo ibikorwa bikorwa n’ibigo bya leta ndetse na za minisiteri kuko ibikorwa byazo bizakorwa n’amafaranga bateganyije.

Iyi gahunda y’igenamigambi ry’akarere ka Gicumbi niyo iturukamo ibikorwa biri muri EDPRS na VISION 2020 ikaba ariyo izajya ikurwamo ibikorwa bizajya bikorwa buri mwaka mu ngengo y’imari y’akarere ndetse n’abafatanyabikorwa b’akarere bakabigiramo uruhare; nk’uko byasobanuwe na Perezida w’inama njyanama y’akarere ka Gicumbi, Bizimana Jean Baptiste.

Bamwe mu bitabiriye inama njyanama idasanzwe y’akarere ka Gicumbi.

Akarere ka Gicumbi kageze kuri ku kigero cya 97% mu burezi, imirenge 21 yose ifite imirenge sacco, ubuhinzi bugeze kuri 85%, Ubworozi bugeze kuri 65.9% kandi akarere kari ku kigero cya 89.4% mu kugira amazi meza.

Ernestine Musanabera