Gukora imenyekanishamusoro rimwe mu myaka itatu bizatuma abasoreshwa bamenyekanisha ibyo bagomba gusorera mu mucyo ndetse bakirinda amariganya nk’uko byatangajwe n’umukozi w’Ikigo cy’igihugu gishinzwe Imisoro n’Amahroro (RRAushinzwe guhugura abasoreshwa, Gad Munyentwari.

Izi mpinduka zatangajwe mu kiganiro Ikigo cy’iguhugu gishinzwe Imisoro n’Amahroro (RRA) cyagiranye n’abaturage b’akarere ka Gasabo kuwa kabiri tariki 28/02/212 kuri stade Amahoro i Remera mu karere ka Gasabo.

Munyentwari yabisobanuye muri aya magambo “Umusoro ku nyungu uzajya umara imyaka itatu. Uzajya uhinduka bitewe n’uko icyo umuntu akora cyahindutse”.

Yatanze urugero rw’igihe umuntu ashatse kongera uburebure bw’inzu ye, icyo gihe umusoro uzajya wiyongera imyaka itatu itarangiye cyangwa ukagabanuka bitewe n’uko habaye impinduka zituma agaciro k’iyo nzu kagabanuka.

RRA ifatanyije n’akarere ka Gasabo byatangije icyumweru cyahariwe gukangurira abaturage batuye akarere ka Gasabo gutanga imisoro. Gutanga umusoro ku nyungu z’umwaka ushize bizarangira tariki 31/03/2012.

Muri ibyo biganiro byahuje abatuye akarere ka Gasabo n’abayobozi ba RRA n’ubuyobozi bw’akarere ka Gasabo, abaturage basobanuriwe ko nubwo Leta ibasaba kwishyura imisoro, iterambere ryabo naryo rifite agaciro.

Emmanuel N. Hitimana