Inyungu z’ishyirahamwe ahanini usanga ziharirwa n’abayobozi baryo gusa ariko amategeko ya koperative yo akarebera buri munyamuryango, nk’uko Uwayo Theophile ukuriye uru rubyiruko abitangaza.

Akomeza avuga ko urubyiruko rwisnhi rwo muri aka gace ruvuga ko rufite imishinga myinshi ariko rukabura abaterankunga, nta handi rwakura inkunga uretse ruramutse rwibumbiye mu makoperative.

Yabitangazaga ubwo muri aka karere ka Burera, guhera tariki ya Mbere kugeza tariki 02/03/2012, habaga igikorwa cyo guhugura amakoperative akorera mu mirenge ya Kinyababa, Kagogo, Cyanika, Gahunga, Rugarama na Kinoni.

Uwayo yatangaje ko bateganya no guhugura n’abandi bo mu yindi mirenge, kugira ngo bakomeze basobanukirwe n’ubwiza bwo kwibumbira mu makoperative.

Mu karere ka Burera haboneka amakoperative atandukanye, ariko abayagize bagaragaza ikibazo cyo kubura amikoro kugira ngo bakore biteze imbere ndetse banateze imbere iguhugu.

Norbert Niyizurugero