Aya marushanwa yakorewe mu Ntara zose z’igihugu aho yahurizaga hamwe ibigo by’amashuri yisumbuye na za kaminuza bikabanza guhatana mu rwego rw’Akarere nyuma bagahatana mu rwego rw’Intara.

Mu mashuri yisumbuye hazahatana Groupe Scolaire Notre Dame de Lourdes Byimana yatsinze ibindi bigo ikaba ihagarariye Akarere ka Ruhango, Sunrise School ihagarariye Akarere ka Musanze, King David ihagarariye Akarere ka Kicukiro ndetse na Lycée de Kigali ihagarariye Akarere ka Nyarugenge.

Mu mashuri Makuru na za Kaminuza abazahatana kuri final ni ISAE Busogo, KIE, Mount Kenya na SFB.

Aya marushanwa azabera muri Serena Hotel i Kigali azitabirwa n’abaminisitiri banyuranye nk’uko twabitangarijwe na Prince Kids uri mu bateguye aya marushanwa. Kuri uriya munsi ni naho bazahereza ibihembo abazaba begukanye insinzi.

Abazahatana kuri final bamaze iminsi ine mu mahugurwa kandi banasobanurirwa ku bijyanye no kwihangira imirimo (Entrepreneurship), bakaganirizwa n’abantu banyuranye bafite ubumenyi buhambaye muri Entrepreneurship. Aya mahugurwa yabereye kuri Maison Des Jeunes Kimisagara.

Mu Ntara zose ubu hari ambassaderi wa Rwanda Inspiration Back Up uzajya ufasha abaturage kumva agaciro nyako ko kwihangira imirimo; nk’uko Prince Kids abyemeza.

Marie Clemence CYIZA UWIMANIMPAYE