Umucuruzi w’iyi awa yayambuwe kubera kutagira ibyangombwa by’aho yayiguriye, ikaba ishobora gutezwa cyamunara nk’uko amabwiriza ya Ministeri y’ubuhinzi abiteganya.

Imodoka yafashwe

Uyu mucuruzi arazira kuba yari ajyanye mu mahanga Ikawa idatunganyije, itatangiwe imisoro, nta byangombwa by’uko yujuje ubuziranenge hamwe n’icyemezo bitangwa na NAEB yari afite, ndetse imodoka yayipakiyemo y’inyamahanga ikaba itemewe gukura ikawa mu Rwanda.

Toni 10 za kawa ngo zifite agaciro ka Miliyoni esheshatu z’amafaranga y’u Rwanda, nk’uko umwe mu bakozi ba NAEB yabitangarije Kigali today, n’ubwo nta makuru arambuye inzego zibishinzwe ziratangaza.

Amabwiriza ya Ministiri w’ubuhinzi n’ubworozi yo muri Mutarama uyu mwaka, ateganya ko Ikawa yose idatunganije igemurwa ku nganda zikora mu Rwanda.

Uwafatiwe mu makosa avugwa kandi, uretse kwamburwa ibicuruzwa bye, ngo ahanishwa guhagarikwa gucuruza Ikawa mu gihe kingana n’umwaka, nk’uko amabwiriza abiteganya.

Simon Kamuzinzi