Amasezerano y’ubu bufatanye, yashyizweho umukono tariki 13/06/2012, agiye gushyirwa mu bikorwa muri uyu mwaka wa 2013.
Mu ruzinduko rw’iminsi ibiri inzobere n’abarimu bo muri ISAE Busogo bashoje tariki 16/01/2013 mu karere ka Ruhango, bavuze ko baganiriye n’abaturage ndetse n’ubuyobozi bw’aka karere babagezaho ibibazo bahuranabyo, bakaba bagiye kwicara bakabyigaho.
Dr. Muhinda Mugunga Elie ushinzwe ubushakashatsi muri ISAE Busogo yagize ati “twamaze kubona ibibazo byose tugiye kwicara n’aba bashakashatsi tubishakire ibisubizo.
Akarere ka Ruhango kari mu gihugu hagati, kakaba gafite ibikorwa byinshi by’ubuhinzi harimo imyumbati, ibigori, inanasi, umuceri n’ibindi.
Ubuyobozi bw’aka karere bwifuzako inzobere zo muri iyi kaminuza, zabafasha mu kubakorera ubushakashatsi ku butaka bw’aka karere kugira ngo,barebe uko buhagaze ndetse n’ibibura kugirango abaturage bahinge bazi icyo bakora; nk’uko bivugwa n’umuyobozi w’aka karere Mbabazi Francois Xavier.
Abahinzi baganiriye n’ubuyobozi bwa ISAE Busogo, babasabye ko babongera amazi kugira ngo bahinge umuceri mwinshi, kuko ibigori basanzwe bahinga ngo babona nta musaruro bitanga.
Eric Muvara
Ibitekerezo
Ohereza igitekerezo
|