Bamwe mu Banyafurika batuye ku mugabane w’Uburayi bagaragaye mu birori bya Rwanda Day 2013 i London mu Bwongereza mu mpera z’icyumweru gishize basabye Perezida w’u Rwanda gutegura uburyo yazigisha abandi bayobozi ba Afurika ihame ryo kwigira no guharanira kwihesha Agaciro.

Perezida w’u Rwanda Paul Kagame arahamagarira Abanyarwanda guhindura imyumvire bagafata ingamba zo kwibeshaho, bakihitiramo uko bashaka kubaho kuko kubeshwaho n’inkunga z’amahanga bisa no kwizirika ku ibere kandi umuntu nyawe agomba gucuka akibeshaho.

Mu gihe Abanyarwanda baba mu bihugu bitandukanye byo ku mugabane w’Uburayi bitabiriye umunsi wiswe “Rwanda Day” wabereye mu mujyi wa London mu Bwongereza bakaganira na Perezida Kagame, Kigali Today yegereye abaturage mu turere dutandukanye bayigaragariza uko babona uwo munsi.

Perezida w’u Rwanda Paul Kagame yabwiye abitabiriye Rwanda Day 2013 mu mujyi wa London mu Bwongereza ko u Rwanda rutera imbere ku buryo bugaragarira buri wese, ndetse Abanyarwanda ubwabo bakaba babyiyumvamo kandi bakabitangira ibimenyetso kuko bazi aho bavuye.

Perezida w’u Rwanda Paul Kagame yahawe igihembo cy’umuyobozi mwiza ukora ibikwiye mu guteza igihugu cye imbere mu mihango yabereye mu ishuri rikuru ryigisha ubukungu ryitwa Oxford Africa Business school mu Bwongereza.

Perezida w’u Rwanda Paul Kagame aremeza ko umuvuduko u Rwanda rufite mu iterambere ushobora gukomeza Abanyarwanda ubwabo babishyizeho ubushake n’imbaraga zabo, nk’uko babigaragaje mu myaka yashize.

Abatuye mu karere ka Rusizi barasaba Abanyarwanda bitabiriye Rwanda Day i London mu Bwongereza bavuye mu Rwanda kubwira ababa mu mahanga ko u Rwanda rwabaye igihugu cyiza gitera imbere umunsi ku wundi, bikaba ari impamo izira amakabyankuru.

Bamwe mu batuye akarere ka Gankenke mu ntara y’Amajyaruguru basanga umunsi wo guhura n’Abanyarwanda baba hanze wiswe “Rwanda Day”, ari cyo gihe cyo kubamurikira ibyiza u Rwanda rwagezeho nabo bagashyiraho akabo bashora imari mu gihugu cyababye.

Guverinoma y’u Rwanda iremeza ko ifite ubushake n’ubushobozi bwo kwakira neza buri Munyarwanda wese ushaka gutahuka mu gihugu cye kandi ngo abadafite ubushobozi bagafashwa mu by’ibanze bakeneye ngo babeho neza.