Yabigarutseho mu kiganiro yabagejejeho ubwo Umuryango w’Abayisilamu mu Rwanda (RMC), wahuriye mu gikorwa cyo kwibuka ku nshuro ya 32 Jenoside yakorewe Abatutsi mu 1994, cyabereye ku Rwibutso rwa Jenoside rwa Nyanza–Kicukiro.

Umuvugizi Wungirije wa RDF, Lt Col Simon Kabera, mu kiganiro yatanze, yagaragaje uko Jenoside yakorewe Abatutsi mu 1994 yateguwe ikanashyirwa mu bikorwa, ndetse n’uruhare Ingabo za RPA zagize mu kuyihagarika, zigakiza ubuzima bw’abatari bake no kugarurira Abanyarwanda icyizere.

Yabasabye ko mu rwego rwo kurwanya abagihakana bakanapfobya Jenoside yakorewe Abatutsi bagomba kugira uruhare rwo kubungabunga ukuri ku mateka no gukumira ikwirakwizwa ry’imvugo n’ibitekerezo bibiba amacakubiri ari inshingano ya buri Munyarwanda, harimo no kwigisha abakiri bato amateka nyayo kugira ngo azabafashe kubaka ejo hazaza heza.

Iki gikorwa cyo kwibuka cyahuje abayobozi b’Umuryango w’Abayisilamu mu Rwanda, abayobozi mu nzego za Leta n’abafatanyabikorwa batandukanye, mu rwego rwo guha icyubahiro abazize Jenoside yakorewe Abatutsi, kuzirikana urugendo rw’u Rwanda mu bumwe n’ubwiyunge, no kongera gushimangira ubushake bwo gukumira ko Jenoside yazongera kubaho ukundi.

Nk’umuganga ukiri muto kandi ufite intego zo kugera kure, ndetse n’umubyeyi wari utegereje umwana, yagize ikibazo gikomeye cyo mu gihe cyo gutwita gitera kuruka bikabije kandi gishobora guteza ingaruka zikomeye ku buzima bw’umubyeyi n’umwana (hyperemesis gravidarum).

Nubwo yari azi neza iyo ndwara mu buryo bw’ubumenyi bw’ubuvuzi, kuyibamo no guhura na yo byamubereye ubundi buzima butandukanye cyane.

Agita ati: “Nari nzi ibimenyetso n’uko yigaragaza kuko nari narabyize. Icyo nari mbuze icyo gihe ni uko ntari niteguye mu mutwe kandi ntari narahawe imbaraga zihagije zo guhangana na yo.”

Mu rwego rw’ubuvuzi, hyperemesis gravidarum nta mpamvu n’imwe isobanutse iyitera. Akenshi ifatwa nk’indwara iboneka mu buryo butandukanye kuri buri mugore utwite. Ni yo mpamvu idashobora gukumirwa burundu, ariko kumenya hakiri kare ibimenyetso biyibanziriza no kwivuza ku gihe bifasha kugabanya ubukana bwayo.

Nubwo yari afite ubumenyi mu buvuzi, ubushobozi bwo kugera kuri serivisi z’ubuzima ndetse n’inkunga y’umuryango, Umunyana yisanze na we ahanganye n’ukutamenya neza ibiri kumubaho, nuko agira ubwoba n’ibibazo abagore benshi bahura na byo mu gihe cyo gutwita.

Muri icyo gihe kandi, abantu benshi bamugiraga inama ziturutse impande zose, aho agira ati “Buri wese aba ashaka kukugira inama ngo kora iki cyangwa kiriya. Rimwe na rimwe imitekerereze n’imyumvire itari yo iba myinshi kurusha amakuru ashingiye ku bimenyetso bya siyansi.”

Mu gihe yari akomeje guca muri ayo mezi akomeye yo gutwita, ikibazo kimwe cyakomeje kuza mu bitekerezo bye.

Ati: “Niba njye ndi kugorwa kandi mfite ubu bufasha bwose, byagenda bite ku mugore udafite umuryango umushyigikiye, utagira amakuru ku buzima cyangwa utari mu mwuga w’ubuvuzi?”

Iki kibazo cyakomeje kumuherekeza na nyuma yo kubyara umukobwa we.

Birenze Inkuru y’Umugore Umwe

Umunyana amaze gusubira mu kazi nyuma yo kubyara, yatangiye kubona ikintu atari yarigeze yitaho mbere. Abagore benshi bazaga kwivuriza ku bigo nderabuzima bari bafite ubwoba n’ukutamenya neza ibintu nk’ibyo na we yari yaranyuzemo.

Bamwe batindaga kujya kwa muganga kuko batekerezaga ko ibimenyetso bimwe ari ibisanzwe ku mugore utwite. Abandi bakishingikiriza ku makuru bavanaga ku nshuti, abo mu muryango cyangwa ku mbuga nkoranyambaga batazi niba ari ukuri mu rwego rw’ubuvuzi.

Hari n’abatagera ku makuru yizewe na busa.

Icyamukoze ku mutima cyane ni uburyo abagore benshi bumvaga bari bonyine muri ibyo bibazo.

Ati: “Akenshi wumva ari ikibazo cyawe bwite. Kubera ko nta muntu ubivugaho, ugatekereza ko ari wowe wenyine.”

Umunyana, umubyeyi w’abana babiri, avuga ko uko yarushagaho kumva inkuru zabo, ari na ko yabonaga ko ibibazo byinshi by’ubuzima byarushagaho gukomera kubera kubura amakuru yizewe.

Ni muri urwo rwego yatangiye gukorana na Dr. Polyphile Ntihinyurwa, inzobere mu kuvura indwara z’abagore no kubabyaza, bandika igitabo cyiswe “Mama Guide”, igitabo gikubiyemo amakuru menshi kandi ubu gikoreshwa henshi mu rwego rw’ubuzima mu gihugu.

Dr. Ntihinyurwa, akaba n’Umuyobozi wa Rwanda Menopause Society, avuga ati:

“Amakuru ni yo shingiro ry’ifatwa ry’ibyemezo byiza. Umugore ufite amakuru ahagije aba afite amahirwe menshi yo kugira ubuzima bwiza, kandi abagore bafite ubuzima bwiza bubaka imiryango myiza ndetse n’abaturage bakomeye.”

Yongeraho ko iyo amakuru yizewe abuze, abagore bashobora kugwa mu mitego y’ibitekerezo n’amakuru atari yo, cyane cyane mu gihe cyo gutwita, aho ibyemezo bifatwa ku mirire, imyitwarire no kwivuza bigira ingaruka ku mubyeyi no ku mwana.

Guhindura Ibibazo Mo Ibisubizo

Yiyemeje gushaka igisubizo kuri iki kibazo, Umunyana yatangiye gutegura ibiganiro byo kwegera abaturage, aho abagore bashoboraga gusangiza abandi ibibazo byabo no kubaza ibijyanye no gutwita, kubyara, konsa, imirire n’ubuzima bw’imyororokere.

Ibyo biganiro byagaragaje ko abagore b’ingeri zose n’imyaka yose bibazaga ibibazo bisa kandi bakeneye ibisobanuro n’ihumure bisa.

Aho kureka ibyo biganiro bikarangirira aho, Umunyana n’itsinda rye batangiye kwandika ibibazo abagore bakunze kubaza kurusha ibindi.

Nyuma y’igihe, ibyo bibazo, ubuhamya n’inama z’inzobere byaje kuvamo igitabo kizwi uyu munsi nka Mama Guide.

Ati: “Si igitabo gusa. Ni umufasha wa hafi.”

Iki gitabo gitanga amakuru ashingiye ku bimenyetso bya siyansi ku buzima bw’umugore kuva mbere yo gusama kugeza mu gihe cyo gucura, kandi kikagaragaza n’uruhare rw’imiryango n’abafasha mu gushyigikira abagore mu bihe bikomeye by’ubuzima bwabo.

Cyemejwe n’Ikigo cy’Igihugu cy’Ubuzima, Rwanda Biomedical Centre (RBC), kandi cyanditswe hashingiwe ku buzima n’ibibazo abagore bahura na byo mu Rwanda no muri Afurika muri rusange.

Ubuzima Butangirira Mu Rugo

Mu muhango wo kumurika icyo gitabo, Jeanne Umuhire, Umuyobozi Mukuru Wungirije wa RBC, yavuze ko guha abagore ubumenyi ari ingenzi mu kuzamura ubuzima bwabo.

Yagize ati:“Ubuzima butangirira mu rugo. Ariko kugira ngo koko ubuzima butangirire mu rugo, abakobwa n’abagore bagomba kugira amahirwe yo kubona atari serivisi z’ubuzima gusa, ahubwo n’amakuru yizewe bashobora kumva no gushyira mu bikorwa.”

Kuri Umunyana, ubu butumwa busubiramo neza isomo yigiye mu bihe bimwe mu bikomeye yanyuzemo mu buzima bwe.

Icyatangiye nk’igihe gikomeye cyo gutwita cyaje guhinduka intego yo gufasha abandi bagore kunyura mu bihe nk’ibyo bafite icyizere n’ubufasha buruseho.

Ibibazo yigeze kwibaza ubwe byabaye umusingi w’igisubizo kigamije gufasha ibihumbi by’abagore gufata ibyemezo byiza ku buzima bwabo no ku buzima bw’imiryango yabo.

Nyuma y’imyaka itandatu kuva kuri uko gutwita kwamuhinduriye ubuzima, Umunyana yifuza ko nta mugore uzongera kubaho mu rujijo kubera gusa ko atabonye amakuru yizewe.

Naramuka ageze ku ntego yo guha abagore ibisubizo mbere y’uko ibibazo bikomera, urugendo rwe rwari rurimo amarangamutima menshi n’ingorane zikomeye ruzaba ruvuyemo umusaruro urenze kure ibyo yigeze gutekereza.

Umuyobozi Mukuru wa RDB, Jean-Guy Afrika, yaraye agiranye ibiganiro na Nyiricyubahiro Kardinali Antoine Kambanda ndetse na Sir David Adjaye, mu rwego rwo gutangiza ku mugaragaro ubukangurambaga bwo gushyira mu bikorwa umushinga wa Katedarali ya Mater Misericordiae.

Sir Sir David Adjaye ni we wakoze igishushanyo mbonera cy’iyi Katederali y’akataraboneka izubakwa mu kibanza cyahozemo Gereza nkuru ya Kigali, izwi cyane ku izina rya Dix Neuf Trente(1930), yitiriwe umwaka yatashywemo.

Iyi Katedarali iteganyijwe ko izaba ari igihango gikomeye mu by’iyobokamana, umuco n’inyubako zigezweho, ikazashimangira ishoramari u Rwanda rukomeje gushyira mu kubungabunga umurage ndangamuco no guteza imbere ubukerarugendo.

Uretse ibyo, uyu mushinga uzagira uruhare rukomeye mu nzego zitandukanye zirimo ubukerarugendo, amahoteli, inganda zishingiye ku guhanga udushya ndetse n’iterambere ry’Imijyi, unongerere u Rwanda kumenyekana ku rwego mpuzamahanga.

Umushinga wo kubaka iyi Katederali watangiye kuvugwa cyane ubwo Musenyeri Antoine Kambanda yazamurwaga mu ntera, akagirwa Kardinale.

Mu birori by’uwo muhango, Kambanda yavuze ko Kiliziya ishaka kubaka Kiliziya nziza ijyanye n’iterambere ry’umujyi wa Kigali, ariko itaretse no kwerekana umuco w’u Rwanda Abakristu Gatolika babarizwamo.

Perezida Kagame yavuze ko ashyigikiye uwo mushinga, ndetse avuga ko byaba byiza bahawe ikibanza gishya.

Muri 1930 iherereye rwagati mu Mujyi wa Kigali, iruhande rw’inzu yatuyemo umuyobozi wa mbere w’Umujyi wa Kigali, Dr. Richard Kandt, Katederali iteganyijwe kubakwa izaba ifite ubushobozi bwo kwakira abantu ibihumbi bitanu.

Icyakora, izaba ifite n’imbuga nini kurushaho, yo ikaba yakwakira abantu hagati y’ibihumbi 10 na 20.

Muri iriya myaka, RDB yavuze ko hagiye gushakwa Miliyari 40 Frw zo gutangiza uyu mushinga, icyakora igiciro cyawo cyose ntikiratangazwa.

Ni yo mpamvu mu ngo zacu haba isafuriya ihora ikubye neza, yererana batekamo amazi, badashobora gutekamo ibishyimbo, ibirayi n’amashaza, cyangwa ibindi byo kurya ibyo ari byo byose.

Mu Bugesera, amazi y’isoko ya Rwakibirizi muri Nyamata, yo ntabwo ari uko bigenda; iyi soko itanga amazi abaturage bavoma, bakayanywa, bakayagurisha, ndetse bakanayakoresha mu bigo bimwe na bimwe nk’amazi meza yo kunywa.

Ayo mazi bahaye akabyiniriro ka Rwaki, arimo iki? Abaturage bamwe na bamwe barayavoma bakayagemura mu mujyi wa Nyamata, maze abacuruzi bakayasukira umukiriya akanywa, akishyura.

Amavuliro - clinics amwe n’amwe y’aha mu Bugesera, na yo arayafata uko yakavomwe agaha abakiriya bakinywera, ndetse hari n’abavuga ko hari ikigo gisanzwe gicuruza amazi kiyafata kikayapfunyika, kigahereza abakiriya mu njerekani zabugenewe, ziyita ko ari amazi yatunganyijwe nk’uko amategeko y’ubuziranenge abigena.

Impamvu nuko, aya mazi yabaye amahitamo y’abatuye Bugesera, kuva muri Nyamata ukagera Ntarama, Mayange na Gashora mu Bugesera ndetse no mu Murenge wa Gahanga mu Karere ka Kicukiro.

Iyo soko ituruka mu musozi, amazi yayo ahora yisuka kuko hariho amatiyo, ntajya akama na rimwe cyangwa se ngo agabanuke, nubwo izuba ryaba ryinshi mu gihe cy’impeshyi aba ahari, ku buryo n’iyo amazi asanzwe ya WASAC yabuze, usanga abantu benshi bagiye kuyashakira kuri iyo soko, hakaba inkomati cyane ariko akaboneka.

Gasasira Jean Bosco uri mu kigero cy’imyaka 45, isoko ya Rwakibirizi yayimenye mu 1995, ubwo we n’umuryango we bari bahungutse bava mu Burundi, hanyuma bakajya kubereka aho bazajya bavoma. Ubu ni umwe mu bakora umurimo wo kuvoma ayo mazi, akayatwara ku igare, ajya kayacuruza ahantu hatandukanye, iyo bizinesi akaba ayimazemo imyaka isaga 8.

Mbere yabanje kuba umunyonzi atwara abantu n’imizigo ku igare, ariko kuko kunyonga ngo bisaba imbaraga nyinshi cyane kandi bigatanga amafaranga macye, ni cyo cyatumye abihagarika, atangira kuvoma no gucuruza amazi y’isoko ya Rwakibirizi kandi biramutunze neza n’umuryango we nk’uko abivuga.

Yagize ati,” Isoko ya Rwakibirizi nayimenye tukigera ino duhungutse duturuka i Burundi muri 1995, kuko twashyikiye hano muri Nyamata, batwereka aho tuzajya dukura amazi. Ariko icyo gihe sinari nzi ko hari igihe nzajya nyavoma nk’akazi kantunze”.

Iyi soko yaba yaraturutse he?

Mu bijyanye n’inkomoko, iyi soko yaba ifite imizi mu bitekerezo by’ubwami bwo mu Rwanda.

Gasasira agira ati “Numva bavuga ko ari isoko ya cyera cyane, kuko ngo ni Umwami w’u Rwanda wari kumwe n’ingabo ze, zigira inyota nyinshi zibura aho zakura amazi yo kunywa, uwo Mwami arasa umwambi, hanyuma ategeka zimwe mu ngabo ze kuwukurikira bakareba aho ugwa, maze barawukurikira basanga aho waguye havubutse isoko.Ubwo bavoma amazi menshi bashyira ingabo ku musozi aho zari ziri, ni uko Rwakibirizi yabayeho ni ko numva babivuga…”.

Yagize ati, “ Nkiri umunyonzi byaramvunaga cyane, hanyuma nkatahana amafaranga nka 3000 ku munsi navuga ko wagenze neza. Ariko ubu ncuruza amajerekani y’amazi ya Rwakibirizi atari munsi ya 15 ku munsi, kandi imwe igura 500Frw hano mu Mujyi wa Nyamata, yaba ari kuri Arete muri Ntarama ni 800 cyangwa 1000.Urumva rero ko ayo mbona ntaho ahuriye n’ayo nabonaga nkinyonga”.

Gasasira asobanura ko nta kindi gishoro, uretse umwanya n’imbaraga zo kuzana ayo mazi, kuko aho bayavoma ku isoko ngo ni ubuntu, ntawishyuza, kuko ari ivomo ry’abaturage, umuntu wese yemerewe kujyayo akavoma nta kiguzi.

Yagize ati,” Ni iriba ry’abaturage nta nyiraryo rigira ngo arishyuza. Urebye bahagabanyijemo ibice bibiri, igice kizitiye, kiri iruhande rw’isoko, aho ni ho ibigo bitandukanyee yaba ibya Leta n’ibindi bikenera amazi ya Rwaki biza kuyavoma, ibimodoka bitwara amazi (water tanks), bivoma hahandi hazitiye kuko WASAC yashyizemo ibigega byoherezwamo amazi ya Rwaki noneho ibyo bigo bikaba ari ho biyakura. Hari rero n’ariya yirirwa ameneka tuvoma twese, yaba abashaka kuyanywa cyangwa se kuyakoresha ibindi”.

“ Njyewe ubu ngira imiryango igera kuri 80 nkorana nayo ku buryo buhoraho, uko amazi ashize bakambwira nkabashyira, kandi hari umuryango uba ukoresha nk’amajerekani ane mu cyumweru, ahandi atanu bityo bityo. Amajerekani asagutse ataguzwe n’abo bakiriya bahoraho nyatereka ahantu nkorera muri Nyamata, hanyuma akagurwa n’abantu batandukanye ntaba nsanzwe nzi, umuntu akabaza ati, bandangiye ko ucuruza amazi ya Rwaki none impa ijerekani imwe, ubundi hakaza imodoka ntazi aho ziba zivuye, za moto, umuntu agaparika ati bambwiye ko ucuruza amazi yo kunywa ya Rwaki nshyiriramo amajerekeni abiri mu modoka nigendere. Ni uko ncuruza, agashira ngasubira kuvoma andi”.

“ Hariya dukura amazi hari agasozi tuzamuka, igare riba rihetse amajerekani 10-12, bigasaba ko hari abana b’abasore badusunikira amagare bafashe inyuma, kugira tubashe kugera ahatambika heza, iyo ari agusunikiye ari umwe umwishyura 500Frw, iyo ari babiri wishyura 1000Frw, kandi barafasha cyane, kuko harazamuka”.

Gasasira avuga ko amafaranga akura muri uko gucuruza amazi y’isoko ya Rwaki, amufasha gutunga umuryango we neza, kandi nta yindi mirimo akora ku ruhande.

Yagize ati,” Aya mazi niyo nkesha imibereyo yanjye n’umuryango wanjye. Ubu ntuye iwanjye, nyuma yo kubaka inzu mbamo nubatse n’andi matoya ku ruhande afite imiryango ine ikodeshwa. Amafaranga mvana mu gucuruza amazi ya Rwaki ni yo amfasha guhaha ibikenerwa mu rugo, kwishyurira abana banjye amashuri uko ari babiri, kuko bombi biga mu mashuri yisumbuye kandi umwe yishyura 150.000Fw ku gihembwe”.

Gasasira avuga ko amazi ya Rwaki ari amazi meza kuko n’iwe mu rugo ari yo banywa kandi bidasabye kuyateka, kandi uretse kuba atabatera kurwara kuko adatetse, ngo anasa neza no mu kirahuri ku buryo arusha n’aya ‘robinet’ gusa neza nubwo yo aba arimo imiti”.

Yagize ati,” Ngiye kuvuga isoko ya Rwaki, sinabona uko nyivuga. Nta kibi na kimwe nayivuga. Kuko ibyayo ni ibyiza gusa, urumva ni isoko intungiye umuryango. Iriya soko itunze Abanyarwanda benshi cyane. Igira amazi aryoha kandi atari ukuvuga ngo afite icyanga runaka, ariko Rwaki igira amazi unywa kubera uko uyashaka, ukumva araryoshye pe. Hano hari amariba menshi, harimo irya Kavovo, irya Yorodani-Kanazi, irya Kamatana, hari menshi ariko Rwaki igira umwihariko, ihora ifite amazi y’urubogobogo aba acyeye 100% kandi nta muti wagiyemo. Iyo uyashyize mu kirahuri uyagereranya n’andi ubona itandukaniro…”.

“ Hano mu Mujyi wa Nyamata, harimo abantu bacuruza Rwaki, bakayishyira mu macupa, noneho abantu bakagura bazi ko ari ay’uruganda(izina ryarwo twarizigamye). Harimo abo tuvomera, bagasuka mu macupa yabo y’urwo ruganda, bagapfundikira, bagishyiraho twa dusashi two hejuru, abakiriya baba bahari, ubwo bagatuma abanyonzi, bakabashyira, bakanywa bazi ko ari ay’uruganda kandi ntacyo abatwara. Niyo mpamvu mvuga ko aya mazi ya Rwaki ari meza cyane… Kuko umucuruzi nyamusukiramo, akayapfundikira ndeba, umunyonzi akayatwara ndeba, nta miti abanje kuyashyiramo, urumva iyo soko atari nziza biteye ubwoba!”.

Yari umucuruzi w’imboga, arabireka

Rutikanga Maharariyeri, nawe ukora ako kazi ko kuvoma amazi ya Rwaki no kuyacuruza, avuga ko yagatangiye nyuma yo kumara igihe acuruza imboga zitandukanye, ariko akabona zitamwungura kuko hari ubwo yaburaga abakiriya zikangirika, ubwo akaba arahombye, ariko amazi ya Rwaki yo ngo yaje gusanga atajya ahomba kuko ntiyangirika nubwo yarara ataguzwe. Rutikanga avuga ko amaze imyaka itanu akora ako kazi.

Yagize ati, “ Ngicuruza imboga, byaterwaga n’uko umunsi wagenze, ariko washoboraga kumara iminsi itatu yikurukiranya uhomba ntacyo utoramo nk’inyungu, ariko ubu ncuruza amazi ya Rwaki, sinshobora kubura 5000Frw ku munsi. Ku munsi ncuruza amajerekani y’amazi atari munsi ya 10. Ngira abakiriya bahoraho nshyira amazi mu ngo, hari ibigo by’amashuri nyashyira, ariko ntabwo bayagurira abanyeshuri, ayo bantuma aba ari ay’abayobozi n’abarimu n’abandi bakozi b’ikigo, abandi bakiriya ni amavuriro (clinics), n’abandi …”.
“ Rwaki ni isoko nziza cyane, irantunze n’umuryango wanjye ntacyo nayinganya. Wenda nubwo haba harimo imvune, ariko Rwaki ni nziza cyane. Erega buriya ikintu gihoraho, atari ukuvuga ngo ni ikintu ukora none ejo gihagarare, kiba gitandukanye n’icyo wakora nta cyizere cy’ejo. Kandi amazi ni ubuzima, turayakeneye abantu twese. Nutayanywa hari ubwo ajya kwa muganga bakayamutegeka nk’umuti”.

Rutikanga avuga ko amazi ya Rwaki, yaba iwe mu rugo n’abenshi mu bo ayagurisha batajya babanza kuyateka mbere yo kuyanywa, kuko bizera ko asukuye bihagije.

“ Rwaki se waba uyiteka kubera iki? Nta myanda ibamo, nta nzoka, kuko amazi wenda wateka ni ayava mu biyaga, mu mariba mabi wakeka ko adasukuye, ariya ava mu isoko nta handi hantu anyura, isoko iri mu musozi, ni ahantu hadatuwe ngo uvuge ngo wenda haba hacukurwa imyobo ijyamo imyanda, hari aho gusa ni umusozi ubereye aho. Ni amazi meza cyane”.

Uwo bita Mudive, avuga ibyiza akesha akazi ko kuvoma no gucuruza amazi y’isoko ya Rwaki, kuko amaze imyaka igera kuri ine agakora kandi kamugejeje kuri byinshi nk’uko abisobanura, kuko yashatse umugore avanye inkwano n’ibindi byangombwa muri ayo mazi none ubu umuryango ubayeho neza kubera ayo mazi gusa.

Yagize ati, “ Mbere yo kujya muri ibi byo gucuruza amazi, nari umufundi nubaka, ariko nyuma nza kubona bitarimo gukunda, niyizira muri ibi. Iyo ngereranyije ayo nabonaga nkiri umufundi ntaho byahurira, kuko iyo ukorera abantu, nibo bakugenera umushahara, ariko hano imbaraga zawe nizo zikugenera ayo ubona, iyo ukoze cyane ubona menshi, wakora gacye ukabona macye. Kumenya ayo ninjiza mu kwezi mbinyuza mu itsinda tuzigamamo, harimo ubwo nizigama 100.000-120.000 mu kwezi, kandi ubwo haba havuyemo ibitunga umuryango bikenerwa byose, ayo gukodesha inzu n’ibindi”.

“Aya mazi ni isoko nziza cyane ikoreshwa n’abantu benshi, kuko hari abakoresha ayo mu nganda zimwe na zimwe bakunda guhura n’ingaruka, kurusha abanywa aya Rwaki, kuko abo banywa ay’inganda, hari ubwo bahura n’ibibazo byo kubabara mu gifu kubera imiti ishyirwa muri ayo mazi, hanyuma ugasanga baraduhamagara ngo tubarwaneho tubashyire aya Rwaki, hanyuma ibibazo byo mu nda bari bagize bigashira. Aya mazi ni umuti, kuko njyewe kano kazi ngakora numva ndimo nko gutanga urukingo rw’indwara z’imbyiko. Abana banywa aya mazi cyangwa se abantu bakuru, nta kibazo abagiraho kandi ntibayateka. Hari abayashyira muri za ‘water dispenser’ bagatangira kunywa,…. No mu rugo iwanjye niyo tunywa. Hari n’abantu bajya baza kuyapima,kugira ngo barebe ubuziranenge bwayo, bakaza Leta ibohereje, hari n’abazungu bajya baza kuyapima bakareba niba hari ikibazo afite, kandi uko bahageze bavuga ko aya mazi yacu nta kibazo afite”.

Mudive avuga ko abakiriya be ari abaturage basanzwe ndetse n’abacuruzi ayaranguza nabo bakongera bakayagurisha abandi , aho umucuruzi arangura ijerekani kuri 400Frw akayicuruza kuri 600Frw cyangwa se 700Frw. Igare akoresha ni irye, kandi ngo rishobora gutwara amajerekani 20 icyarimwe nubwo biba ari ukuryica, kuko ubundi ibyiza ari ugutwaraho amajerekani 15 kumanura kandi nabwo rifite umwuka wuzuye neza mu mapine. Uretse gutunga umuryango, Mudive yamaze kugura ikibanza cya Miliyoni ebyiri n’igice (2.500.000Frw), abikesha amafaranga akura muri ubwo bucuruzi bw’amazi ya Rwaki.

Urujya n’uruza mu kabande ka Rwaki

Umuhanda ujya ku isoko ya Rwaki uva muri Nyamata uhoramo urujya n’uruza rw’abatwara amagare bajya kuzana ayo mazi bacuruza, imodoka ndetse na za moto, kandi ngo aba mbere batangira kugera ku mugezi butaracya neza, kuko nka saa munani , saa cyenda za mu gicuku baba bagezeyo barimo bavoma, bakaza kugeza na saa moya z’umugoroba bakivoma…

Izabayo Emmanuel, umusore w’imyaka 26, akora akazi ko gusunikira amagare abo baba baje kuvoma amazi ya Rwaki bajya kuyacuruza. Avuga ko yaje mu Bugesera aje gushakisha ubuzima aturutse mu Karere ka Ngoma, atangira akora ‘ikiyede’ ahereza abafundi mu bwubutsi, agahembwa 4000 Frw ku munsi, ariko aho atangiye gusunikira abo bavomyi, ubu ngo ashobora kubona 7000-9000Frw ku munsi, bitewe n’umubare w’amagare yasunitse kuko gusunika igare rimwe ari 500Frw.

Yagize ati,” Sindabimaramo igihe ndakiyubaka, ariko mu mafaranga nkorera hano, niyishyurira inzu mbamo mu isantire ya Kanazi, nkanihahira ibyo kurya. Amafaranga mbona hano mu kwezi nshyize ku mpuzandengo ni 105.000Frw, ntabwo ayo nayabura. Ariko intego mfite ni ugushaka gutera imbere kurushaho. Nubwo hari abakora akazi k’ukwezi ndusha umushahara nubu”.

Nkundukozera Aimable we afite imyaka 19, ubu ageze ku gucuruza amazi ya Rwaki, ariko yatangiye ari umusunitsi nawe, hanyuma agenda abika amafaranga aza kugera aho agura igare akoresha muri iki gihe, kandi bimaze kumugeza kuri byinshi.

Nkundukozera, avuga ko amafaranga avana mu kuvoma no gucuruza amazi ya Rwaki, avanaho ayo kwizigama mu itsinda bagabana buri nyuma y’amezi 9, akabona 400.000Frw, ariko anayakoresha mu bindi byo kwita ku muryango, kuko yishyurira murumuna we ishuri, agatanga 90.000Frw ku gihembwe n’ibindi bikoresho by’ishuri akenera. Ikindi ni uko Nkundukozera yiyishyuriye mu ishuri ryigisha amategeko y’umuhanda abona uruhushya rwo gutwara moto (categorie A), byose bivuye muri iyo bizinesi y’amazi ya Rwaki.

Yagize ati,” Ubu nifuza gukomeza kuzigama, kuko bitewe n’uko ngana, ndacyari muto, sinshaka kuzakomeza aka kazi, ahubwo ndashaka kuzagura moto,nkajya mu mwuga wo gutwara abantu kuri moto. Aya mazi natwe niyo tunywa mu rugo. Ntatekwa ni ayo kunywa gutyo gusa. Ubishatse wayateka, ariko nyine ntabwo ari byiza. Aya mazi buriya aruta ayo mu nganda. Aya mazi kandi noneho, ni n’ay’Umwami Ruganzu, ngo yarashe umwambi hano Rwakibirizi, hanyuma isoko iba iravutse. Ni amazi atandukanye, iyo uyanyoye ukanywa n’andi wumva bitandukanye…”.

Yimukiye i Bugesera, maze kunywa amazi atetse ahita abireka

Bahenda Bosco, aza Rwakibirizi azanywe no kuvoma ayo kunywa iwe mu rugo gusa, we ntacuruza.

Avuga ko umuryango we watangiye kunywa amazi y’isoko ya Rwakirizi nyuma y’uko bimukiye mu Bugesera, baturutse i Remera muri Kigali. Ngo batangiye bateka amazi aya ‘robinet’ bakaba ari yo banywa ariko kuva bamenya aya Rwaki ntibongeye kunywa ayo bateka.

Yagize ati, “ Ubusanzwe iyo nanywaga amazi adatetse nararwaga akamerera nabi,n’amazi ya robinet turayafite mu rugo ariko ubu ntabwo twayanywa. Ariko aya ndagenda nayageza mu rugo abantu bagatangira kunywa nta kibazo. Icyo ngombwa ni uko ijerekani iba yogeje isa neza.Tuyanywera aho nta guteka n’abana ntawe atera indwara. N’abo bana kandi barayakunda cyane. Dufitemo abiga, mu gitondo iyo bagiye ku ishuri babasukira mu macupa bakajyana ayo banywerayo. Aya mazi ya Rwaki iyo uyamenye uhita uyayoboka. Urayanywa ukumva amara inyota, kuko ava mu isoko uba wumva ari meza afutse.Uba wumva asa n’akonje cyane cyane iyo uyanywereye ku isoko, ni meza arafutse. Ntacyo atwara ni meza pe”.

Nyinawumuntu Donatila, ni umubyeyi uvuga ko yamenye amazi ya Rwaki guhera mu 2007, ubwo umuryango we wimukiraga mu Murenge wa Nyamata mu Bugesera uvuye mu Mujyi wa Kigali. Avuga ko icyo gihe bamubwiye ko ari amazi meza y’isoko anyobwa adakeneye kubanza gutekwa kandi ko nta kibazo ajya atera abayanywa, maze ayatangira ubwo kugeze nubu. Icyo gihe atangira kuyakoresha, ngo ijerekani yayiguraga 200-300 Frw, ariko ubu ngo ayigura 700Frw kuko agenda azamuka.

Agira ati “Amazi ya Rwaki ntabwo tujya tuyateka kuko aba ari meza , urabyumva mu kanwa urimo uyanywa, ariko no kuyareba n’amaso ubona ko ari meza pe. Mu cyumweru tunywa amajerekani abiri, bitewe n’abantu bari mu rugo, ariko hari nubwo arenga kuko hari ubwo haba hari benshi. Twese turinywera n’abana ni yo mbaha. Nta byo kuyateka wenda ngo atabatera inzoka cyangwa se inkorora. Nta kibazo afite ariya mazi. Hanyuma rero agira ukuntu aryoha ku buryo, iyo uyanywa bikugora kunywa andi ayo ari yo yose”.

“Kuri njyewe Rwaki iruta andi mazi yose, yaba ayo mu nganda aza apfundikiye n’andi. Ariko Rwaki ndayanywa nkumva aryoshye, agera ku nyota, mbese muri macye, Rwaki irabanza ikanikurikira”.

Uwiragiye Julienne, waje gutura mu Bugesera aturutse mu Karere ka Ruhango, avuga ko yatangiye kunywa amazi ya Rwaki mu myaka ibiri ishize, ariko ko kugeza ubu atarumva amazi yo kunywa ameze nka Rwaki.

Yagize ati, “ Njyewe amazi ya Rwaki yarantangaje, ni amazi aryoha kandi bitari ukuvuga ngo arimo isukari, ariko uba wumva wayanywera kuyamara. Nkigera ino, nasanze abaturanyi bayanywa batayatetse, rero natwe mu rugo tuyanywa tutayatetse kandi nta kibazo na kimwe aradutera. Ubundi sinajyaga nywa amazi mu buzima pe, nanywaga amazi bigoranye ari nka kwa kundi uba wagiye guhinga ku zuba ryinshi, ryakwakira ukaba wagira inyota ukanywa amazi, ariko ubusanzwe utayakunda. Hanyuma amazi y’isoko zimwe urayanywa ukumvamo ibintu bimeze nk’umunyu wa Gikukuru, andi ukumva arimo umwuka umeze ukuntu, ariko amazi ya Rwaki araryoha pe. Ubu abantu basanzwe banzi, batangazwa n’ukuntu nsigaye nicara ngafata igikombe cy’amazi nkanywa. Rwaki yanyigishije kunywa amazi pe. Ubu iyo nagiye iwacu aho mu Majyepfo, amazi yaho arananira kubera kumenyera Rwaki…”.

Mu 2025 nibwo Qatar yahaye Leta Zunze Ubumwe za Amerika iyi ndege yo mu bwoko bwa Boeing 747 ifite agaciro ka miliyoni 400$ nk’impano, ndetse ibijyanye no kuyivugurura no kuyongerera ubushobozi n’ibindi bikenewe kugira ngo ikoreshwe na Perezida w’iki gihugu byatwaye agera kuri miliyari 1 mu Madolari ya Amerika.

Perezida Trump ataha iyi ndege nshya ya Air Force One yavuze ko izakora urugendo rwayo mu gikorwa cyihariye mu kirere cya Washington, D.C. tariki 04 Nyakanga ubwo hazaba hizihizwa imyaka 250 Leta Zunze Ubumwe za Amerika zibonye ubwigenge.

Yagize ati: “Hazaba igikorwa cyo kuguruka mu kirere ku itariki ya 4 Nyakanga, kandi ntekereza ko nshobora kuvuga ko kizaba ari igikorwa tutigeze tubona nka cyo mbere.”

Ibi byitezweho kuba igikorwa gikomeye kandi cy’amateka, kizaba kigamije kwizihiza umunsi w’ubwigenge bwa Amerika mu buryo budasanzwe, hagaragaramo indege nshya ya perezida.

Perezida Donald Trump yavuze ku mpinduka za Air Force One harimo n’amabara ayigize bitandukanye n’iya mbere kuko ashingiye ku ibendera rya Amerika.

Yagize ati: “Aya ni yo mabara mashya, umutuku, umweru n’ubururu. Twakundaga ubururu bworoheje [baby blue], ariko igihe cyo guhindura cyari kigeze... Njye nkunda amabara agize ibendera rya Amerika.”

Perezida Trump, yavuze ko indege nshya ya Air Force One ari yo nini kurusha izindi zose zigeze kubaho ndetse ko ifite ubushobozi bwo kugera kure mu kirere kandi vuba.

Yagize ati: “Abapilote bacu, abashushanya n’abahanga mu ikoranabuhanga bakoze indege nini kurusha izindi zose za Air Force One zigeze gukorwa. Igera kure kandi vuba kurusha izindi zose… kandi ni imwe mu ndege nziza cyane Ingabo zirwanira mu kirere zizabona cyangwa gukoresha.”

Perezida Trump yavuze kandi ko iyi ndege ari intambwe ikomeye mu kongerera ubushobozi n’umutekano ubuyobozi bukuru bw’Igihugu, anashimangira ko igaragaza imbaraga n’iterambere bya Amerika mu rwego rw’ikoranabuhanga ryo mu kirere.

Indege za Air Force One zari zisanzwe zikoreshwa ni izo mu bwoko bwa Boeing VC-25A, zatangiye gukoreshwa mu 1990 ku butegetsi bwa George H.W. Bush.

“Aya ni yo mabara mashya, umutuku, umweru n’ubururu. Twakundaga ubururu bworoheje [baby blue], ariko igihe cyo guhindura cyari kigeze... Njye nkunda amabara agize ibendera rya Amerika.”

Perezida Donald Trump yavuze ku mpinduka z'indege nshya ya Air Force One harimo n'amabara… pic.twitter.com/ITotzxPKBQ

— Kigali Today (@kigalitoday) June 20, 2026

Kera mu muryango wasangaga gusangira ku meza byarabaga ari umwanya wo kuganira, guseka no gusangira amakuru y’umunsi, ariko iyo witegereje uyu munsi usanga wagira ngo nibwo buri wese abonye umwanya wo gukoresha telephone, aho bamwe bajya no kurya byamaze kuba ubutita.

Usanga ababyeyi cyangwa abana, umwe afite telefone mu ntoki, ari kuri WhatsApp, undi kuri Facebook, Instagram undi ari kureba videos kuri YouTube cyangwa TikTok, ibintu byatumye ubusabane bw’umuryango buri kugenda bukendera ndetse bamwe bavuga ko biteje impungenge ku hazaza h’umuryango.

Mu bushakashatsi buherutse gushyirwa ahagaragara, bwerekanye ko ikibazo uyu munsi kitari hagati y’abana n’ababyeyi kuko ikibabaje kurushaho ni uko n’aho abantu bagombye kwegerana cyane nko mu cyumba cy’abashakanye na ho telefone zimaze gufata umwanya. Aho kuganira ku buzima bwabo, ku bibazo bafite cyangwa ku ntego z’urugo, usanga buri wese yibereye mu Isi ye y’ikoranabuhanga.

Ariko nanone, si ukuvuga ko ikoranabuhanga ari ribi burundu. Ikibazo kiri mu mikoreshereze yaryo. Iyo ridafashwe neza, rishobora gusenya aho ryagombye kubaka.

Ubushakashatsi bushya bugaragaza ko ababyeyi bagenda bamara igihe kinini bakoresha telefoni n’ibindi bikoresho by’ikoranabuhanga mu gihe cyo kurya, rimwe na rimwe bakabikoresha kurusha abana babo. Abahanga bavuga ko ibi bishobora kuba bihindura uruhare rukomeye ifunguro ryo mu muryango ryari risanzwe rifite mu kubaka ubumwe.

Mu bushakashatsi bwagiye hanze ku wa Mbere tariki 15 Kamena 2026, mu kinyamakuru JAMA Pediatrics bwagaragaje ko imiryango isangira kenshi ifunguro igira inyungu nyinshi zirimo kongera ubusabane, kugira ubuzima bwo mu mutwe bwiza, no kugabanya ibyago by’uko abangavu n’ingimbi bakwishora mu bikorwa bishobora kubangiza ku kigero cya 30%.

Byongeye kandi, abana bo mu miryango isangira byibuze inshuro 3 kugeza kuri 5 mu cyumweru bagaragaza ubushobozi bwo kuganira neza n’ababyeyi babo ku kigero kiri hejuru ho hafi 40% ugereranyije n’abandi. Icyakora, kubera ubwiyongere bw’ikoreshwa ry’ikoranabuhanga bisa n’ibigenda bigabanya izi nyungu.

Mu bushakashatsi bwakorewe ku babyeyi barenga 350, bwagaragaje ko abarenga 75% muri bo bakoresheje ibikoresho by’ikoranabuhanga mu gihe cyo gufata ifunguro rya nimugoroba basangira n’imiryango yabo. Ibi bikoresho byakoreshejwe cyane ni telefoni zigezweho (smartphones), kuko ziza ku isonga mu bikunze gukoreshwa mu gihe cyo kurya.

Ubu bushakashatsi kandi bwerekanye ko n’abana bafite hagati y’imyaka 4 na 10, na bo batari kure y’ababyeyi babo mu ikoreshwa ry’ibi bikoresho. Hafi ya 70% y’abo bana bavuze ko na bo bajya ku mbuga nkoranyambaga mu gihe cyo gufata ifunguro, bareba amashusho, gukina imikino (Games), cyangwa gukoresha telefoni mu bindi bibarangaza.

Ibi bishimangira ko ikorababuhanga rikomeje guhindura imibereho mu miryango myinshi, ndetse rikaba riba ku mpande zombi haba ku babyeyi n’abana, bigatuma igihe cyo gusangira, cyahoze gifatwa nk’ingenzi mu guhuza umuryango no gusabana kiri gukendera.

Abashakashatsi bagira bati: “Iyo ababyeyi bahugiye ku bikoresho byabo [Telephone], ireme ry’ikiganiro riragabanuka cyane. Ntabwo ari ukuba uri ku meza gusa, ahubwo ni ukuba uri kumwe n’abandi mu buryo bwuzuye mu bitekerezo no mu marangamutima.”

Ubundi bushakashatsi bwerekana ko no gufata akanya gato ureba ubutumwa cyangwa amakuru kuri Telephone bishobora kugabanya ibiganiro ku kigero kiri hagati ya 20% na 30%. Ibi bituma abana babura amahirwe yo gusangira ibitekerezo n’ababyeyi babo bituma batekereza ko bigoye no gutegwa amatwi..

Iyo ababyeyi baha agaciro Telephone kurusha ibiganiro no gusabana n’abana babo mu miryango, bishobora gutuma abana bumva ko batitabwaho bihagije, ibintu abashakashatsi bavuga ko biba bizagira ingaruka ku mubano w’igihe kirekire.

Ibi bijyana n’imiterere y’isi muri rusange, aho ikoranabuhanga rikomeje gufata umwanya munini mu buzima bwa buri munsi. Nubwo rifite akamaro kanini, abahanga mu mitekerereze n’uburezi bagaragaza impungenge ku ngaruka rifite mu muryango.

Gusa nanone, ntibasaba ko ikoranabuhanga ridakoreshwa burundu, ahubwo basaba ko hashyirwaho imipaka isobanutse mu kurikoresha mu muryango mu rwego rwo gusigasira ubusabane, ibiganiro mu muryango.

Bimwe mu byo abashakashatsi batangaho inama byafasha umuryango harimo kugena ko mu gihe cyo kurya ntawe ugomba gukoresha Telephone, gushyiraho amategeko asobanutse ku ikoreshwa rya telephone ku meza ndetse kuba ababyeyi ari bo bagomba gutanga urugero rwiza.

Aba bashakashatsi bavuga ko igihe cyari kigeze ngo ababyeyi bongere kugira uruhare mu gushakira umwanya abana babo ndetse na bo ubwabo kuko bizabafasha mu kubaka umubano, kuganira, no gukomeza ubumwe bw’umuryango binyuze mu bintu bito ariko bifite agaciro kanini.

Mbonyi yageze muri iki gihugu ku mugoroba wo ku wa 18 Kamena 2026 ari kumwe n’itsinda rye rigizwe n’abacuranzi n’abaririmbyi bamufasha mu bitaramo, mu rwego rwo gukomeza urugendo rw’ibitaramo ari kugirira mu Burayi.

Mu Bubiligi, aho yakoreye igitaramo ku wa 13 Kamena 2026, yasize ashimiye abakunzi be bamushyigikiye ndetse anaboneraho gutumira abatuye mu Budage kuzitabira igitaramo cye gikurikira.

Iki gitaramo biteganyijwe ko kuberera mu Mujyi wa Braunschweig, aho azaba ari gutaramira abakunzi b’indirimbo zo kuramya no guhimbaza Imana.

Urugendo rwa Mbonyi mu Burayi ruzakomereza mu United Kingdom, aho azataramira mu Mujyi wa Leeds ku wa 27 Kamena 2026, mbere yo gusoreza muri Sweden ku wa 4 Nyakanga 2026.

Nyuma yaho azagaruka mu Rwanda akomeze imyiteguro y’ibitaramo ateganya gukorera mu bihugu byo muri Afurika y’Iburasirazuba, ndetse n’igitaramo cya “Icyambu 5” kizaba kunshuro ya gatanu cyikaba giteganyijwe tariki ya 25 ukuboza 2026.

Mbonyi akomeje kwandika amateka mu muziki wa Gospel haba mu Rwanda ndetse no kuruhando mpuzamahanga.

Uyu mwana w’umukobwa yitwa Adhara Pérez Sánchez, wavutse mu 2011, amaze kwamamara ku rwego mpuzamahanga kubera ubwenge budasanzwe afite, aho bivugwa ko ikigero cyabwo (IQ) kigera kuri 162 kikaba kirenze cyane igipimo gisanzwe cy’abantu benshi aho ubushakashatsi buvuga ko kiba kiri hafi ya 100 .

Mu gihe abana bagenzi be baba bakiri mu ntangiriro z’urugendo rw’uburezi, bataragera ku rwego rwo gusobanukirwa amasomo akomeye, Adhara we yasoje amashuri abanza afite imyaka itanu gusa, arangiza ayisumbuye mu gihe gito cyane mbere yo kujya muri Kaminuza.

Uyu mwana w’umuhanga yamaze kubona impamyabumenyi ebyiri mu bijyanye na engineering harimo iya systems engineering n’iya industrial engineering ndetse akaba yaranakomeje amasomo yo ku rwego rwa Master’s mu mibare akiri muto cyane.

Adhara Perez igipimo cy’ubwenge afite bivugwa ko kiri hejuru kurusha icya bamwe mu bahanga bakomeye babayeho mu mateka nka Albert Einstein na Stephen Hawking. Ibi byatumye afatwa nk’umwana w’umuhanga udasanzwe (child prodigy) mu bijyanye na siyansi n’ikoranabuhanga.

Nubwo yagaragaje impano idasanzwe, mu bwana bwe yahuye nibibazo by’ubuzima. Nyina wa Adhara, Nallely Sánchez, yavuze ko afite imyaka itatu yagize ibibazo by’indwara ya autism (Asperger syndrome), ibintu byatumye agorwa no kubana n’abandi bana ndetse bituma ahura n’itotezwa ku ishuri.

Nyina avuga ko nyuma yo gusanga uyu mwana afite igipimo cy’ubwenge kiri hejuru, byatumye ahabwa uburyo bwihariye bwo kwiga.

Kubera ubwo bwenge buhambaye, Adhara yarangije amashuri abanza afite imyaka itanu gusa, akomereza mu mashuri yisumbuye ndetse agera no ku rwego rwa Kaminuza akiri muto cyane.

Uyu mwana w’umuhanga afite inzozi zikomeye zo gukorera Ikigo cya Amerika gishinzwe iby’Isanzure (NASA) no kujya mu isanzure, aho yifuza kuzagira uruhare mu bushakashatsi mu by’isanzure ndetse no ku mibumbe nka Mars.

Kuri ubu, Adhara Pérez Sánchez afatwa nk’icyitegererezo ku bana benshi, cyane cyane abafite ibibazo byihariye, agaragaza ko ubushobozi n’inzozi bidakwiye guhagarikwa n’imbogamizi z’ubuzima.

Ku bayisilamu nta gishya kirimo kuko ari ibintu bamenyereye bitewe n’imyemerere yabo, dore ko ari ibyo basanze bisabwa n’idini yabo.

Ku rundi ruhande ariko byibazwaho cyane n’abatari Abayisilamu, cyane cyane nk’iyo bagiye gutabara Abayisilamu bagatungurwa no kubona umubyeyi w’umugore atagiye gushyingura umugabo cyangwa umwana we, kimwe n’umwana w’umukobwa utagiye gushyingura umubyeyi cyangwa abandi bavandimwe bavukana, n’undi uwo ari wese.

Mufti w’u Rwanda wungirije Sheikh Yunus Mushumba, yavuze ko ikintu cyose gikorwa muri Islam, kigendera ku mategeko y’idini, kuko isoko bayavomamo ari igitabo cya Korowani (Qur’an) cyangwa n’inyigisho z’Intumwa y’Imana Muhamad.

Ati “Amahame yacu n’imirongo tugenderaho mu kwemera kwacu, ni ugushyira mu bikorwa uko kwemera. Ku kijyanye no gushyingura kw’igitsina gore, dufite imwe mu nyigisho z’Intumwa y’Imana ibuza igitsina gore, guherekeza no gutabara aho bashyinguye. Ariko bamusengera hamwe na basaza babo, bamusabira igihe tuba turimo kumutegura kugira ngo ajye gushyingurwa. Ubwo akazi kabo kaba karangiriye aho ngaho ntibakomezanye n’abagabo kugira ngo bajye kumushyingura.”

Uyu muyobozi akaba n’umumenyi mu idini ya Islam, avuga ko hari abashakashatsi bagaragaje ko kubuza abagore kujya gushyingura bishobora kuba byarashingiwe ku kuba mu bihe nka biriya, kwihangana kwabo kuba ari guke, hamwe n’imbaraga zabo z’umubiri kuko gutabara cyera byasabaga imbaraga z’amaboko n’umubiri, kubera imwe mu mirimo irimo gucukura imva no gushyingura yakorerwaga ku marimbi, kandi igakorwa n’abagabo.

Ibi byatumaga abagore basigara mu rugo kugira ngo bite ku basigaye, gutegura mu rugo by’umwihariko ahakirirwa abatabaye.

Sheikh Mushumba ati “Izo ni zimwe mu mpamvu abashakashatsi bagarukaho, ariko ntabwo dukeneye kuzimenya kugira go dukurikize uwo murongo w’idini tweretswe n’intumwa y’Imana, uba uduhagije iyo twamaze kubona ko ari ukuri kandi ari we bikomokaho. Burya dufite byinshi muri Islam dukurikiza tutiriwe tunashakisha impamvu tuba twarabibwiwe cyangwa tutarabibwiwe.”

Ntabwo muri Islam babibona nko guheza abagore mu bikorwa bimwe na bimwe by’idini, kuko ari ukububahisha, nkuko Sheikh Mushumba abisobanura.

Ati “Twe rero aho bari (abagore), barubahitse, kandi uwacengewe n’inyigisho anyuzwe n’ubwo buryo. Twe rero mu rwego rw’idini n’amahame y’idini, ntabwo tubibona nko guheza igitsina gore, ahubwo tubibona nko gukomeza kumwubahisha no kwita ku nshingano ze nka mutima w’urugo rwe n’umuryango muri rusange.”

Kuba umuyisilamukazi yajya gushyingura abandi b’inshuti n’abavandimwe batari Abayisilamu kuko wenda amahame yabo atabuza abagore gutabara no gushyingura, ngo nubwo aba atavuye mu Idini ya Islam, ariko aba yatandukiriye amahame yaryo.

Sheikh Mushumba ati “Aba akiri umuyisilamu utarabuvamo, kuko hari amahame akomeye y’umurongo utukura atarenga, ariko biba bigaragaje ko atacengewe n’inyigisho z’ubuyisilamu, kuko iyo aba yaracengewe yari kuba yitwararika uwo murongo yeretswe n’Intumwa y’Imana.”

Muri make kuba abagore b’Abayisilamukazi batajya ku marimbi guherekeza no gushyingura inshuti n’abavandimwe, bituruka ku nyingisho z’Intumwa y’Imana Muhamad, wagaragaje ko bidakwiye ko bashobora kujya cyangwa no kwegera ahantu nkaho muri ibyo bihe.

Abahanga mu kwita no kuvura uruhu bavuga ko impamvu zituma imvi ziza mu bihe bitandukanye biterwa n’impamvu zinyuranye.

Dr Muhima Giovanni, inzobere mu kuvura indwara z’uruhu, avuga ko umuntu ukiri muto ashobora kugira imvi, mu gihe undi azigira akuze, ndetse hari n’abasaza bagifite umusatsi w’umukara imvi zabo ugasanga ari nke cyane.

Ati: “Mu busanzwe, ibara ry’imisatsi ritangwa na melanin, uturemangingo dutanga ibara ku ruhu no ku musatsi. Iyo utwo duce dutangiye kugabanuka cyangwa kudakora neza, umusatsi utangira guhinduka ukamera imvi.”

Dr Muhima avuga ko impamvu ya mbere isanzwe itera imvi ari ugusaza. Uko umuntu agenda akura, umubiri ugabanya uturemangingo twa melanin, bigatuma umusatsi utakaza ibara.

Ikindi avuga gishobora gutera imvi ni uruhererekane mu miryango (genes), cyane cyane ku bantu batangira kuzigira bakiri bato bitewe n’uko byagiye bigaragara mu miryango yabo.

Ati: “Umuhangayiko ukabije (Stress) ishobora kugira uruhare mu kwihutisha guhinduka kw’imisatsi, kuko igira ingaruka ku mikorere y’umubiri muri rusange.”

Ikindi Dr Muhima avuga gitera imvi ni kubura intungamubiri zimwe na zimwe nka vitamini B12, fer (iron) na zinc. Iyo umubiri udafite izo ntungamubiri, umusatsi ntubona imbaraga zihagije zo gukora melanin, bikihutisha guhinduka kw’ibara ryawo.

Hari n’indwara zishobora kugira ingaruka ku misatsi, zirimo izibasira uruhu cyangwa imikorere y’umubiri, bikaba byatuma umusatsi uhindura ibara.

Zimwe muri izo ndwara harimo thyroid (hypothyroidism cyangwa hyperthyroidism). Thyroid ni glande iherereye mu ijosi imbere, ikora imisemburo ikayohereza mu maraso kugira ngo ifashe kugenzura imikorere y’umubiri. Iyi misemburo igira uruhare runini mu kugenzura ingufu z’umubiri, ubushyuhe, umutima n’imikurire muri rusange. Iyo ‘thyroid’ idakora neza, ishobora kugira ingaruka ku mubiri wose, harimo n’uruhu n’imisatsi.

Iyo ‘thyroid’ idakora neza, igira ingaruka ku mikurire y’umusatsi, bigatuma ugabanuka cyangwa ugahindura ibara hakiri kare ukaba imvi.

Ati “Indi ndwara ishobora gutera imvi ni vitiligo. Ni indwara ituma uturemangingo dutanga ibara (melanin) twangirika, bigatera uruhu n’umusatsi gutakaza ibara”.

Hari kandi ‘alopecia areata’, indwara yangiza imizi y’umusatsi, bigatera umusatsi gucika cyangwa guhindura ibara mu duce tumwe na tumwe.

Dr Muhima avuga kandi ko kubura vitamini B12 cyangwa fer bishobora gutuma umusatsi udakura neza kandi ugahinduka imvi hakiri kare. Asobanura ko iyo umubiri udafite intungamubiri zihagije, umusatsi ntubona imbaraga zo gukora melanin, bikihutisha guhinduka kw’ibara ryawo.

Ese hari amavuta atuma imvi zigenda?
Dr Muhima avuga ko uretse amabara akoreshwa mu guhindura umusatsi by’igihe gito, ngo nta mavuta atuma imvi zicika burundu.

Icyo abaganga bemeranya ni uko amavuta ashobora gusa guhindura ibara ry’umusatsi mu gihe gito, ariko iyo ashizemo, imvi zongera kugaragara.

Iyi mibare ishingiye ku gihugu buri mukinnyi yavukiyemo, hatitawe ku gihugu akinira mu marushanwa.

Igaragaza uburyo ibihugu bimwe bikomeje kuba ikiriri cy’impano z’umupira w’amaguru ku rwego mpuzamahanga.

Ubufaransa buza ku mwanya wa mbere n’abakinnyi 98 bavukiye muri icyo gihugu bari mu Gikombe cy’Isi cya 2026. U Buholandi bukurikiraho n’abakinnyi 67, mu gihe u Bwongereza buza ku mwanya wa gatatu bufite 49.

U Budage buza ku mwanya wa kane n’abakinnyi 48, bukurikirwa na Espagne na Belgique bifite abakinnyi 36 buri gihugu.

Suède ifite abakinnyi 34 bavukiye muri icyo gihugu bitabiriye iri rushanwa, Austria ikagira 31, mu gihe Suisse na Argentine bifite abakinnyi 30 buri gihugu.

Iyi mibare kandi igaragaza ko umugabane w’u Burayi ukomeje kugira uruhare runini mu gutanga abakinnyi bari ku rwego rwo hejuru, kuko ibihugu icyenda mu icumi bya mbere ari ibyo ku mugabane w’u Burayi.

Argentine ni yo gihugu rukumbi kitari cyo mu Burayi cyinjiye kuri uru rutonde.

N’ubwo igihugu umukinnyi yavukiyemo kidahita gisobanura igihugu akinira, iyi mibare itanga ishusho y’aho impano nyinshi z’umupira w’amaguru zikomoka ndetse n’uburyo isi y’umupira yarushijeho kuba mpuzamahanga kurusha mbere.

Ni nyuma y’uko muri iryo shuri kuri uyu wa Gatanu tariki 19 Kamena, habereye umuhango wo gusoza icyiciro cya 14 cy’amasomo y’ubuyobozi amara umwaka umwe (Police Senior Command and Staff Course), kigizwe n’abanyeshuri 38 bo ku rwego rwa ba Ofisiye Bakuru baturutse mu bihugu 10 byo muri Afurika.

Abasojwe bagizwe n’abanyeshuri 23 b’Abanyarwanda, barimo abo muri Polisi y’u Rwanda, Urwego rw’u Rwanda rushinzwe Igorora (RCS), Urwego rw’Igihugu rushinzwe Iperereza n’Umutekano (NISS) hamwe n’Urwego rw’Igihugu rw’Ubugenzacyaha (RIB).

Abandi 15 ni abaturutse mu bihugu 9 by’Afurika, birimo Santrafurika, Ubwami bwa Eswatini, Malawi, Namibia, Sudan Y’Epfo, Somalia, Gambia na Uganda na Kenya.

Aya masomo bahabwa (Police Senior and Staff Course) ni gahunda y’amahugurwa imara umwaka umwe, atangwa n’Ishuri rikuru rya Polisi ku bufatanye na Kaminuza y’u Rwanda hamwe na African Leadership University.

Ni mahugurwa agizwe n’ibyiciro bitatu by’ingenzi bihuza uburezi bufite ireme n’iterambere ry’umwuga, ririmo amasomo ajyanye n’ubuyobozi n’imicungire ya Polisi (Police Command and Staff Component), amasomo y’icyiciro cya gatatu cya kaminuza (Postgraduate Course) mu buyobozi n’imicungire n’urwego rw’ubushobozi bwo gufata ibyemezo (Strategic Leadership and Management), atangwa na African Leadership University, hamwe na gahunda y’icyiciro cya kabiri cya kaminuza (Master’s Degree) mu masomo yerekeranye n’amahoro no guhindura amakimbirane mu buryo bwubaka (Peace Studies and Conflict Transformation), atangwa na Kaminuza y’u Rwanda.

Abanyeshuri bose uko ari 38 batsinze amasomo ya Police Command and Staff Course. Muri bo, 36 bujuje ibisabwa kugira ngo bahabwe impamyabumenyi y’icyiciro cya kabiri cya kaminuza (Master’s Degree) mu masomo y’amahoro no guhindura amakimbirane mu buryo bwubaka (Peace Studies and Conflict Transformation), ndetse n’impamyabushobozi y’icyiciro cya gatatu cya kaminuza (Postgraduate Diploma) mu buyobozi n’imicungire bishingiye ku igenamigambi (Strategic Leadership and Management).

Umuyobozi w’ishuri rikuru rya Polisi, CP Christophe Bizimungu, yashimiye inzego zose zagize uruhare mu kugira ngo aya masomo agende neza mu gihe cy’umwaka amaze, asaba abayasoje kugenda bagakoresha ubumenyi bahawe kuko babifitiye ubushobozi.

Yagize ati “ubwo musubiye mu nshingano zanyu z’umwuga, ni ingenzi ko mukomeza kuzirikana ko mufite inshingano zo gukora akazi kanyu neza kurushaho kandi mu buryo bunoze bwa kinyamwuga. Mwungutse ubumenyi n’ubushobozi byisumbuyeho, kandi ibyo bigomba kugaragarira mu bikorwa byanyu no mu myitwarire yanyu.”

Yungamo ati “Mufite kandi inshingano zo kugira uruhare rufatika mu guteza imbere aho mukorera ndetse n’imibereho y’ababazengurutse. Mujye mwibuka ko kugira icyo uhindura cyangwa ukosora bidasaba buri gihe ibikorwa bikomeye cyane, ariko n’impinduka nto zifatika zifite agaciro kandi zishobora kugira uruhare rukomeye mu iterambere ry’umuryango n’iry’inzego mukorera.”

Minisitiri w’Uburezi Joseph Nsengimana wari umushitsi mukuru muri uyu muhango, yavuze ko abarangije amasomo bafite impamvu nyinshi kandi zumvikana zo kwishimira ibyo bagezeho, kuko barangije gahunda y’amasomo ikomeye kandi isaba byinshi.

Yagize ati “Kurangiza amasomo si iherezo ryo kwiga, ahubwo ni intangiriro y’urundi rugendo rushya. Imiterere y’umutekano ku isi iragenda ihinduka ku muvuduko mwinshi. Buri munsi havuka ibibazo n’ibyago bishya, ikoranabuhanga rigakomeza gutera imbere, imitwe y’abanyabyaha igahindura uburyo ikoramo, ndetse n’imibereho y’abaturage igahinduka.”

Yunzemo ati “Kubera iyo mpamvu, nk’abayobozi, mugomba gukomeza kwiga, kwagura ubumenyi bwanyu no kumenyera impinduka ziba mu kazi no mu muryango mugari. Gukomeza kwiteza imbere ni byo bizabafasha guhangana n’ibibazo bishya no kuzuza neza inshingano mwahawe.”

Ubusanzwe ubwonko bw’umuntu mukuru buzima budafite ikibazo bugomba kuba bupima nibura hagati y’ikilo 1.2 na1.4, bukaba bugizwe n’ibice bitatu by’ingenzi birimo ikizwi nk’ubwonko bunini (Cerebrum), ubwonko buto (Cerebellum) hamwe n’Igihimba changwa Igice cyo hasi cy’ubwonko (Brainstem).

Akamaro kabwo gashingira cyane kuri ibyo bice, ari nabyo bifasha umuntu mu bintu bitandukanye birimo gutekereza, gufata imyanzuro, kumva, guhumeka, kugira amarangamutima, kwibuka, kureba, n’ibindi bikorwa bya muntu byose nko gukora umusemburo, gukorora, kuruka, kwitsamura, uwavuga ko ari ibikorwa byose ntabwo yaba agiye kure y’ukuri, kuko buri gice cy’umubiri gihagarariwe mu bwonko.

Dr. Clement Kwihangana, umuganga uvura indwara zifata ubwonko n’imyakura mu bitaro bya Caraes Ndera, avuga ko igice cyo hejuru cy’ubwonko cyitwa ‘Cerebrum’, kigira ibice 4 by’ingenzi, birimo icy’imbere (Frontal Lobe), hagati (Parietal Lobe), inyuma (Occipital Lobe) no ku ruhande (Temporal Lobe).

Ati “Icy’imbere kigenzura ibintu byinshi, birimo gukora kw’amaguru, amaboko, amaso, gutekereza, imyitwarire, kugira umwete mu bintu, ibintu byose bidutandukanya n’inyamaswa bigatuma tuba abantu bafite ubwenge, usanga bikorwa n’icyo gice. Igice cyo hagati cyo gituma twumva, kwa kundi kugira ngo umenye ko ikintu gikonje cyangwa gishyushye, ikintu kikurumye cyangwa usitaye, kugira ubabare ubimenye ni uko bijya kuri icyo gice kigatuma umenya ko byabaye.”

Ibindi bice birimo igice cy’inyuma cy’ubwonko, gishinzwe ibijyanye no kureba, kikaguha amakuru yo kumenya icyo ubonye, icyo kivuze, aho kiri n’ibindi byose bijyanye n’igisobanuro cy’icyo kintu uba ubonye.

Akamaro k’igice cyo ku ruhande, ni uko gituma umuntu ashobora kugira ubwoba, amakenga no kwibuka.

Dr. Kwihangana, avuga ko igice cy’ubwonko buto kizwi nka ‘Cerebellum’, gikora cyane ibijyanye no guhuza ibikorwa.

Ati “Akamaro kacyo, ni uguhuza ibintu cyane cyane ibyo dukora, ni nka kwa kundi ujya gufata akantu gato, kugira ngo bibeho ni ukubera ‘Cerebellum’, cyangwa se kuba ubasha kugenda ubwabyo, ntugende ugwa, guhaguruka, guhindukira urebye n’ibyo by’ingenzi. Ikindi gice cy’ingenzi n’icyo twita ‘BrainStem’ (Igice cyo hasi cyangwa igihimba), ikintu kimara ni ibirimo ibikorwa by’amaso byose, kureba hejuru, hasi, ku ruhande, uburyo umutwe uhindukira ibyo byose nicyo kibikora.”

Yungamo ati “Ariko harimo n’ibindi byinshi, nko guhumeka, gutera k’umutima, bya bintu byose biba utarimo kubitekerezaho, bimeze nkaho birimo kwikoresha mu mubiri, byose bikorwa n’icyo gice, harimo n’imisemburo, gusinzira, ubushyuhe bw’umubiri cyangwa ubukonje.”

Imikorere y’igice cy’ubwonko kiba mu mugongo (Spinal Cord)

Ubwonko bugira igice kiri mu mutwe ariko hakabamo n’ikindi gikomeza mu mugongo kikagenda gitanga imyakura ijya mu bice byose by’ubwonko.

Dr. Kwihangana, avuga ko ubwonko bwo mu mugongo bugizwe n’umusokoro.

Ati “Uyu nawo ufite ibintu ushinzwe bindi ariko ni igice cy’ubwonko. Ni ukuvuga ngo urutirigongo ni amagupfa y’umugongo, ariko hagati mu magufa y’umugongo hacamo ubwonko bugenda bukamanuka bukava hejuru inyuma y’ijosi, bukagenda bukagera aho ikibuno gitereye. Icyo nicyo twita ‘Spinal Cord’.”

Ubwonko bwo mu mugongo nibwo bukoresha amaboko n’amaguru, ariko nabwo bukagira ibice, kuko bubamo igice cyo hejuru (Cervical), hagati (Thoracic) no hasi (Lumbar).

Dr. Kwihangana ati “Icyo hejuru gitanga imyakura, ikoresha amaboko, ijosi, imwe muri yo ikaza mu gatuza. Noneho icyo hagati, cyo gitanga imyakura iza mu gatuza, ku mutima, ku bihaha, no ku mikaya yo mu gituza. Naho igice cyo hasi cyo gitanga imyakura ikoresha amaguru, n’ibindi bice birimo imiyoboro y’inkari, uruhago, inda ibyara ku bagore, imyanya myibarukiro, byose bikoreshwa n’icyo gice cya Spinal Cord cyo munsi.”

Yungamo ati “Nacyo ni igice cy’ubwonko, kuko iyo turimo kuvuga ubwonko, tuvuga ko burimo ibice bibiri by’ingenzi, birimo ubwonko buri mu mutwe (Central Nervous System), hakazamo n’ubwo mu mugongo (Spinal Cord), noneho hakaza n’igice cy’ubwonko kiri hanze kitari muri ibyo byombi. (Peripheral Nervous System).”

Kubungabunga ubwonko

Kugira ngo ubwonko burusheho kumera no gukora neza busaba kubwitaho, kuko ari kimwe mu bice by’umubiri bikoresha imbaraga nyinshi, bitewe n’uko ibindi byose bisa nkaho ari bwo bishingiyeho.

Dr. Kwihangana ati “Ubundi ubwonko ikintu cya mbere wavuga cy’uburyo wabwitaho ni imirire, kubera ko 20% by’isukari umubiri ukoresha ijya ku bwonko. Iyo mirire igomba kuba ifite intungamubiri zihagije zubaka umubiri n’izirinda indwara. Ni cyo kintu kiba gikenewe cyane kubera ko ubwonko ari urugingo rworoshye kandi rukenera kwitabwaho by’umwihariko, kuko bukoresha imbaraga nyinshi.”

Ubundi buryo bushobora gufasha ubwonko kumera neza, ni ugusinzira nibura amasaha hagati ya 7-8 ku muntu mukuru, kuko iyo umuntu asinziriye, bibufasha kubika amakuru y’ibyo umuntu yagiye ahura nabyo byose. Ibiba byabaye byose, amakuru yabyo abikwa neza igihe umuntu asinziriye, ku buryo iyo adasinzira neza, bimugiraho ingaruka zirimo kwibagirwa no kudatekereza byihuse.

Igihe umuntu asinziriye, ni nabwo ubwonko busohora gusohora ibyakwitwa umwanda, cyangwa ibitagikora neza, ariko iyo adasinzira, ibyo bintu bishobora kwangiza ubwonko, bikomeza byibika, bikaba byatera indwara mu gihe runaka.

Gukoresha ubwonko ibikorwa birimo gusoma ibitabo, gukina imikino ituma umuntu atekereza, gukora siporo, kujya ahantu hashya, kwiga ibintu bishya umuntu atari azi, ni kimwe mu bibufasha kurushaho kumera neza, kuko bibufasha gutekereza neza, kuruhuka, gukora neza k’umutima, bukanabona amaraso ahagije.

Mu buhamya bwe, yavuze ko yigishijwe na Dr Rwamucyo isomo ry’ubuvuzi bw’akazi (médecine du travail) mu gihe yari umunyeshuri muri UNR.

Yagize ati “Yari umuntu ukora akazi ke kinyamwuga. Ntabwo yavuganaga n’abantu cyane. Iyo twahuriraga mu nzira ntiyadusuhuzaga, n’ iyo twamusuhuzaga yaratwihoreraga.”

Uyu mutangabuhamya yakomeje avuga ko Dr Rwamucyo yari umwarimu wafataga akazi ke nk’ikintu gikomeye cyane, ariko ko uburyo yitwaraga bwatumaga bamwe bamufata nk’umuntu w’umwirasi.

Ati “Yari umwarimu ukomeye kandi ukomeye ku kazi, ariko kubera ko atari umuntu washoboraga kwiyegereza byoroshye, wasangaga bamwe bamubona nk’umwirasi. Yarangizaga kwigisha agahita agenda.”

Uyu mutangabuhamya yabajijwe kandi niba yarigeze abona cyangwa yumva imyitwarire y’ivangura rikorerwa abanyeshuri b’Abatutsi ivugwa na bamwe mu bahoze bigana na Dr Rwamucyo, asubiza ko nta makuru abifiteho kuko atigeze abibona cyangwa ngo abyumve.

Ubu buhamya bwatangiwe imbere y’Urukiko rwa Rubanda rwa Paris, aho Dr Eugène Rwamucyo akurikiranwe ku byaha bifitanye isano na Jenoside yakorewe Abatutsi mu 1994.

Muri 2024, Urukiko rwa Rubanda rwa Paris rwari rwahamije Dr Rwamucyo w’imyaka 65, ibyaha bya Jenoside rumukatira igifungo cy’imyaka 27.

Dr Rwamucyo wahoze ari muganga ku bitaro bya Kaminuza y’u Rwanda i Butare (bizwi nka CHUB) anigisha mu Ishami ry’Ubuvuzi bw’abantu mu Kaminuza Nkuru y’u Rwanda (UNR), yahamijwe mu byaha yahamijwe harimo ubufatanyacyaha cya jenoside, kubiba urwango rwangisha Abatutsi, ubufatanyacyaha mu byaha byibasiye inyoko muntu, n’ubufatanyacyaha mu gutegura ibyo byaha.

Minisitiri Nduhungirehe yahuye n’Abanyarwanda batuye muri Afurika y’Epfo, mu gikorwa cyateguwe na Ambasade y’u Rwanda muri icyo Gihugu. Yakiriwe na Ambasaderi w’u Rwanda muri Afurika y’Epfo, Hategeka Emmanuel ari kumwe n’abakozi ba Ambasade.

Minisitiri Nduhungirehe yahaye ishusho rusange abo Banyarwanda y’uko umubano w’u Rwanda na Afurika y’Epfo uhagaze, agaragaza ko uri kongera gufata undi murongo, ashimangira ubushake bw’ibihugu byombi bwo kuwusubiza mu buryo no kuwuteza imbere mu nzego zitandukanye.

Muri ibyo bikorwa bigamije gusubiza mu buryo umubano w’u Rwanda na Afurika y’Epfo, ibihugu byombi byarashimangiye ko umwaka utaha hateganyijwe inama ya Komisiyo Ihuriweho yaherukaga kuba mu myaka 15 ishize.

Ntabwo ari iyo nama gusa kuko u Rwanda na Afurika y’Epfo byemeranyije gusubizaho uburyo bwo gutanga viza ku Banyarwanda bafite pasiporo zisanzwe bitarenze hagati mu mwaka wa 2027.

Yanagarutse ku iterambere ry’ubukungu bw’u Rwanda rikomeje kwiyongera, ndetse anasobanura uko umutekano uhagaze mu Karere. Yongeye gushimangira ko Guverinoma y’u Rwanda yiyemeje gukomeza kwegera no guha ubushobozi Abanyarwanda baba mu mahanga, kuko ibabona nk’abafatanyabikorwa bakomeye mu rugendo rw’iterambere ry’igihugu.

Minisitiri Nduhungirehe kandi yasabye Abanyarwanda baba muri Afurika y’Epfo gukomeza kwimakaza ubumwe, indangagaciro n’umuco Nyarwanda, ndetse no gukomeza kuba ba Ambasaderi beza b’u Rwanda aho bari hose.

Uyu mugoroba wabaye umwanya mwiza wo kuganira, gusabana no gukomeza gushimangira umubano hagati y’u Rwanda n’abaruvukamo batuye muri Afurika y’Epfo.

Iri murikabikorwa ry’uyu mwaka rifite insanganyamatsiko igira iti: “Twihutishe ivugurura ry’ubuhinzi n’ubworozi binyuze mu guhanga ibisubizo n’ubufatanye.”

Iyi nsanganyamatsiko igamije gushishikariza abahinzi n’aborozi gukoresha uburyo bushya bugezweho, kongera umusaruro, no guteza imbere ubuhinzi bushingiye ku bumenyi n’ikoranabuhanga.

Iri murikabikorwa ni amahirwe akomeye ku bahinzi, aborozi, abashoramari n’abandi bafite aho bahuriye n’uru rwego, kuko bazabona umwanya wo kumurika ibikorwa byabo, kungurana ibitekerezo, no gushaka amasoko y’ibyo bakora.

Biteganyijwe kandi ko abazaryitabira bazigishwa uburyo bwo kunoza ibikorwa byabo, bamenye amakuru agezweho mu buhinzi n’ubworozi, ndetse banahabwa amahirwe yo guhura n’abafatanyabikorwa batandukanye mu rwego rwo guteza imbere ibikorwa byabo.

MINAGRI yasabye abafite ibikorwa bifuza kumurika kwiyandikisha banyuze ku rubuga rwayo rwa interineti, ndetse inatanga nimero za telefoni bashobora kwifashisha mu gihe bakeneye ibindi bisobanuro.

Iri murikabikorwa ritegerejweho kuzagira uruhare rukomeye mu kongerera agaciro ibikorwa by’ubuhinzi n’ubworozi, no guteza imbere ubufatanye mu rubyiruko n’abashoramari mu rwego rwo kugera ku iterambere rirambye muri uru rwego.

Ikigo cyo mu Busuwisi gikora ubushakatsi ku nyamaswa zitandukanye, cyakoze ubushakashatsi ku nzovu mu ntangiriro za Werurwe 2024, muri ‘Journal of Threatened Taxa’ maze cyandika ko mu gihe abashakashatsi babonye ahantu hatanu hashyinguwe abana b’inzovu, kandi igihe cyose barashyinguwe n’inzovu mu Majyaruguru ya Bengale mu Buhinde, hagati y’imyaka ya 2022-2023.

Ubwo bushakashatsi bwagaragaje ko inzovu zo mu gasozi zo muri Aziya, ziririra abana bazo iyo bapfuye zikavuza induru kubera umubabaro ndetse zikanabashyingura. Ikindi, inzovu zivugwaho kuba zigira ubwonko bubika ibintu cyane ku buryo inzovu iba ishobora kwibuka ikintu cyayibayeho nubwo haba hashize imyaka myinshi. Gusa ibyo kuba igira imyitwarire ijya gusa n’iy’abantu mu gihe yapfushije ni ibintu bitari bisanzwe bizwi, kuko byari byarakozweho ubushakashatsi bukeya.

Abashakashatsi bemeje ko imyitwarire y’inzovu n’imihango zikora mu gihe zapfushije imeze nk’iy’abantu. Aho bavuze ko bitegereje uko inzovu zisohoka mu ishyamba zitwaye umurambo w’icyana cy’inzovu cyapfuye, ziwutwara zifashe umutonzi cyangwa se amaguru, ziwujyana mu murima w’icyayi ahantu zari zabanje gutegura mbere mu mugende unyuramo amazi, ariko bigaragara ko hadakunze kugera abantu, zishyiramo uwo murambo buhoro buhoro, nyuma zirenzaho itaka. Gusa ngo kuko inzovu zishyingura umurambo ugaramye, amaguru n’amaboko ntabwo aba atabye neza asigara agaragara hejuru.

Ubwo bushakashatsi bwagaragaje ko ibyana by’inzovu ari byo byonyine bishyingurwa n’inzovu, ariko izikuze zo zidashyingurwa kuko gutwara imirambo yazo bitashoboka, bitewe n’uko ziba zireshya ndetse n’uburemere bwazo. Kandi hari ubwo bisaba ko inzovu zigiye gushyingura zikora urugendo rurerure, kuko hari aho babonye zakoze urugendo rumara amasaha 48.

Uretse inzovu yapfushije, hari n’izindi ziyiherekeza, kuko aho muri uwo mugende wo mu cyayi, aho icyana kimwe cy’inzovu cyari gishyinguye, byagaragaye ko hari hari n’izindi nzovu zigera kuri 15, kandi zose zarengeje itaka ku murambo nyuma y’uko ushyizwe mu mwobo uba upima nka sentimetero zigera kuri 65.

Akashdeep Roy umushakashatsi ku buzima bw’inyamaswa, wo mu Buhinde yavuze ko gushyingura ibyana by’inzovu bigaramye ari byo bituma inzovu nyinshi zishobora kugira uruhare mu gushyingura, kandi ko gutaba umutwe n’umutonzi ari byo zifata nk’ibya ngombwa kugira ngo bitaribwa n’izindi nyamaswa z’indyanyama. Yakomeje avuga ko uko gushyingura kw’inzovu, kugaragaza ubwenge bwinshi bwazo kuko zidashyingura hafi y’aho abantu batuye kuko bazirogoya, ikindi zihitamo ahantu horoshye zishobora gucukura umwobo.

Muri rusange, inzovu zari zisanzwe zizwiho kuba zikundana hagati yazo, ko zigira ubufatanye, ariko ibyo kuba zishyingura mu butaka, byagaragaye bwa mbere kuri izo zo muri Aziya. Gusa, ngo hari inzovu zo mu mashyamba ya Kenya zari zarakozweho ubushakashatsi bucyeya, bugaragaza ko iyo inzovu zipfushije mugenzi wazo, zitwikiriza umurambo ibishami by’ibiti n’ibibabi nyuma zikamara amasaha menshi zikikije umurambo wa mugenzi wazo wapfuye.

Byari bisanzwe bizwi ko inzovu zo mu mashyamba ya Afurika zikomeza gusura umurambo wa mugenzi wazo wapfuye uko ugenda ubora, ariko ubushakashatsi bushya ku nzovu zo muri Aziya wagaragaje ibindi, kuko ngo abaturiye aho zashyinguye ibyo byana, bumvise zirira nk’izivuza induru cyane, bimara iminota hagati ya 30-40, nyuma ziragenda kandi ntizagaruka.

Muri Kenya kandi, mu mwaka wa 2006, inzovu y’ingore yari iri mu marembera irwaye igiye gupfa, ngo yasuwe n’izindi zo mu itsinda ryayo mu minsi ya nyuma y’ubuzima bwayo. Uko kuyisura, byarakomeje na nyuma y’iminsi itanu ipfuye. Ibyavuyemo muri ubwo bushakashatsi, byagaragaje ko inzovu ari zo nyamaswa zo mu gasozi zita cyane ku magufwa ya zigenzi zazo zapfuye kurusha andi moko.

Izindi nyamaswa zo mu gasozi zishyingura zigenzi zazo zapfuye ni inguge cyangwa se impundu. Hari amoko amwe y’izo nyamaswa zitwa inguge, avugwaho kuba asangiye n’abantu uburyo bwo kwakira urupfu, harimo kubabara, kwita ku murambo w’uwapfuye no kumuririra.

Abashakashatsi ku buzima n’imibereho y’izo nyamaswa, babonye ko iyo imbyeyi zipfushije abana bazo, bazitwara imirambo mu biganza amasaha menshi, rimwe na rimwe iminsi myinshi cyangwa n’amezi, zikagenda ari itsinda, iyapfushije umwana ikomeza kugendana uwo murambo kugeza irushye cyane. Hari n’aho imbyeyi z’inguge zapfushije abana zagiye zigaragara zisukura amenyo y’imirambo nk’uburyo bwo kuwitaho. Ibyo bigaragaza ko agahinda n’icyunamo ari ibintu bisangiwe n’ibinyabuzima byinshi.

Hari kandi ibisiga byo mu bwoko bw’inkongoro, ngo zikunze kubaho mu muryango ugizwe n’ingabo n’ingore, zigategura ahantu kure y’abantu zitera amagi yazo zikayabungabunga kandi zombi,kugeza aturazwe. Iyo imwe muri zo yapfuye, zigaragara ziteranira mu ruziga zizengurutse umurambo w’iyo yapfuye, hanyuma ngo zigasohora amajwi asa n’indirimbo igaragaza ko ziri mu cyunamo, ndetse rimwe na rimwe zigashyiraho ibyatsi nk’indabo ku murambo w’iyapfuye, nk’uburyo bwo gushyingura.

Iki gitaramo cya mbere kizahuza bamwe mu bahanzi bagezweho mu Rwanda barimo Amalon, Kivumbi King, Kenny Sol, Marina, Bushali, Davis D, Ross Kana na Chriss Eazy, mu gihe Platini azitabira nk’umuhanzi w’umushyitsi.

Ni na bwo bwa mbere abakunzi b’umuziki i Huye bazabona Platini agaragara muri iri serukiramuco nk’umushyitsi wihariye, ibintu byatumye benshi ku mbuga nkoranyambaga bavuga ko biteze kuririmbana na we indirimbo zakunzwe zirimo izo yakoze akiri mu itsinda rya Dream Boys.

Primus Iwacu Muzika Festival 2026 izazenguruka uturere dutandukanye tw’igihugu turimo Huye, Ngoma, Nyagatare, Karongi, Muhanga, Musanze na Rubavu, ikazasozwa ku wa 1 Kanama 2026. Abategura iri serukiramuco bavuga ko intego ari ugukomeza kwegereza abaturage ibitaramo bikomeye no guteza imbere impano z’abahanzi nyarwanda.

Ibiganiro byo mu bihe bishize hagati ya Amerika na Iran

Ibi biganiro byari kubera i Burgenstock mu Busuwisi, bikaba byari byitezwe guhuza intumwa za Amerika na Iran hamwe n’abahuza barimo Qatar na Pakistan.

Minisiteri y’Ububanyi n’Amahanga y’u Busuwisi yatangaje ko gahunda y’ibi biganiro yahagaritswe, ndetse nta yindi tariki iratangazwa yo kubisubukura.

Iri tangazo rije nyuma y’aho ku wa Kane ubutegetsi bwa Amerika butangarije ko Visi Perezida wa Amerika, JD Vance, atakigiye mu Busuwisi nk’uko byari biteganyijwe.

Ibiro bya White House byavuze ko gahunda y’urwo rugendo yahindutse kubera impamvu zijyanye n’imitunganyirize y’inama ndetse n’andi mabwiriza y’akazi.

Ibiganiro byari byitezweho gufasha impande zombi gukomeza ibiganiro ku bibazo bimaze igihe bireba umubano wa Amerika na Iran no guhagarika intambara ibi bihugu bihanganyemo, harimo n’ibijyanye n’umutekano mu karere k’u Burasirazuba bwo Hagati.

Mu minsi ishize, Qatar na Pakistan zari zakomeje kugira uruhare mu gushaka uko impande zombi zegerezwa kugira ngo hakomeze ibiganiro bya dipolomasi no kugabanya amakimbirane akomeje guteza impungenge amahanga.

Nubwo ibiganiro byahagaritswe, nta ruhande na rumwe rwigeze rutangaza ko ibiganiro hagati ya Amerika na Iran byarangiye burundu, ahubwo amakuru aturuka mu nzego za dipolomasi agaragaza ko hakomeje gushakwa uburyo bwo kongera kubihuza mu gihe kiri imbere.

Gusubikwa kw’ibi biganiro bishobora gutinza intambwe zari zitezwe mu kunoza umubano hagati y’ibihugu byombi no gushakira ibisubizo ibibazo by’umutekano bikomeje kuvugisha amahanga.

Hirya no hino ku Isi, hamaze kumenyekana igikorwa cyitwa "World Naked Bike Ride (WNBR)" gikomeje kwamamara mu bihugu byinshi cyane cyane byo mu Burayi na Amerika, aho abantu batwara amagare bambaye uko bavutse abagerageje bagahisha gusa imyanya y’ibanga mu rwego rw’imyigaragambya yo gutanga ubutumwa.

Cyane cyane abategura ibi bikorwa usanga babikora nk’ubukangurambaga bugamije gusaba abo bireba kwita ku bidukikije, umutekano mu muhanda n’uburenganzira bw’abatwara amagare.

Iki gikorwa kigaragara nk’idasanzwe, cyatangiye nk’ubukangurambaga bwo kwamagana ikoreshwa rikabije ry’ibikomoka kuri peteroli no kugaragaza uburyo abatwara amagare mu mihanda irimo imodoka nyinshi bakwiye kwitabwaho hagashyirwaho uburyo bubarengera.

Inkomoko n’amateka y’iki gikorwa, bisaba gusubira inyuma mu mwaka wa 2001 mu Mujyi wa Zaragoza muri Espagne, aho itsinda ry’abigaragambyaga ryateguye urugendo ritwaye amagare bambaye uko bavutse mu rwego rwo kwamagana impfu z’abatwara amagare no gusaba ko umutekano mu muhanda witabwaho.

Mu 2003, Umunya-Canada witwa Conrad Schmidt yahuje ibikorwa byari bitandukanye byakorwaga hirya no hino, abigira igikorwa kimwe mpuzamahanga cyiswe World Naked Bike Ride.

Ku itariki ya 12 Kamena 2004, habaye igikorwa cya mbere ku rwego rw’isi, cyabereye icyarimwe mu Mijyi 28 yo mu bihugu 10 ku migabane ine. Kuva icyo gihe mu 2010, cyari kimaze kugera mu Mijyi 74 yo mu bihugu 17. Uyu munsi gikorwa buri mwaka mu Mijyi myinshi ku Isi, cyane cyane mu Burayi na Amerika

Akenshi usanga uyu munsi bawuhuza n’ubukangurambaga bufite intego zitandukanye aho kuba uwo kwishimisha nk’uko bamwe babitekereza aho usanga harimo nko kugaragaza ibibazo by’umutekano muke w’abatwara amagare mu mihanda, kurwanya ikoreshwa ry’ibikomoka kuri peteroli n’imodoka zihumanya ikirere.

Gusaba ko Imijyi itandukanye yashyira imbaraga mu gukoresha amagare n’ibindi binyabiziga bidasohora imyuka yangiza ikirere. Abitabira iki gikorwa bavuga ko kugenda bambaye ubusa ari uburyo bwo kugaragaza ko abatwara amagare “bari mu kaga” mu mihanda irimo imodoka nyinshi.

By’umwihariko ku Cyumweru tariki ya 14 Kamena 2026, mu mihanda yo rwagati mu Mujyi wa London yari yuzuye abantu abasaga 1,000 bari batwaye amagare bambaye ubusa.

Iki gikorwa cyari kigamije kwamagana umuco wo kwishingikiriza cyane ku modoka zikoresha ibikomoka kuri peteroli, gusaba umutekano w’abanyamagare no kugaragaza ko abanyamagare bafite intege nke mu muhanda uhuza ibinyabiziga byinshi.

Uko bikorwa, abantu bahura ku munsi wateguwe (kenshi hagati ya Kamena na Nyakanga), bakagenda mu mihanda y’umujyi runaka mu matsinda manini buri wese akaza bijyanye n’uko abyifuza kugaragara “bare as you dare” (ambara uko ushaka). Hari abisiga amarangi ku mubiri (body paint) aho kwambara imyenda.

Nubwo kwambara ubusa bishishikarizwa buri wese uba kuzitabira icyo gikorwa, ntabwo bitegetswe kuko buri wese afite uburenganzira bwo kwambara cyangwa kutambara ari n’aho usanga hari abahishe imyanya y’ibanga abandi bakaza nk’uko bavutse.

Kugeza ubu aho iki gikorwa kimaze kumenyerwa cyane ni mu Mujyi wa Portland muri Leta Zunze Ubumwe za Amerika, aho buri mwaka gutwara amagare abantu bambaye uko bavutse byitabirwa n’abagera ku bihumbi 10. Mu Mijyi nka London, Paris, Berlin, Madrid n’indi mijyi minini iki gikorwa kimaze kumenyerwa.

Nubwo WNBR ifatwa nk’ikorwa ku bw’impamvu z’ubukangurambaga runaka, hari aho ababyitabira bahura n’ibibazo birimo amategeko ajyanye no kubuza abantu kwambara ubusa gusa ariko bigaterwa n’igihugu. Mu bihugu bimwe, hari abafatwa bagacibwa amande, ariko mu bice byinshi, bifatwa nk’uburenganzira bwo kwigaragambya mu mahoro.

Ibi byatangajwe na Perezida w’agateganyo wa Rayon Sports, Murenzi Abdallah wavuze ko bamaze gusinya amasezerano kandi ko Banki ya Kigali ariyo izagaragara imbere ku mwambaro wabo.

Ati" Uyu mwaka tuzakorana na BK, twasinyanye amasezerano. Mu minsi iri mbere tuzageza ku bakunzi b’umupira n’Aba-Rayons muri rusange. BK niyo tuzabona uyu mwaka imbere ku mwambaro."

Murenzi Abdallah kandi yavuze ko mu bafatanyabikorwa bandi iyi kipe izakorana nabo harimo Skol yari umuterankunga mukuru mu myaka hafi icumi ishize gusa bakaba bari kuvugurura amasezerano bakazakomeza gukorana mu bundi buryo.

Izi ntumwa zakiriwe na Perezida wa Komisiyo y’Igihugu ishinzwe Gusezerera no Gusubiza mu Buzima Busanzwe Abari Abasirikare (RDRC), Valerie Nyirahabineza ari kumwe na Visi Perezida wa Komisiyo, Maj Gen (Rtd) Jacques Nziza.

Zasobanuriwe byinshi ku ngaruka zikomeje guterwa n’umutwe wa FDLR n’imitwe yitwaje intwaro iyishamikiyeho ikorera mu burasirazuba bwa Repubulika Iharanira Demokarasi ya Congo, ndetse banasobanurirwa uburyo gahunda y’u Rwanda Gusezerera no Gusubiza mu Buzima Busanzwe (DDR) yageze ku musaruro ushimishije.

Uru ruzinduko rwanarushijeho kugira akamaro binyuze mu buhamya bwatanzwe n’abahoze ari abarwanyi ba FDLR batahutse bavuye mu burasirazuba bwa Repubulika Iharanira Demokarasi ya Congo, batashye mu Rwanda ku bushake, nyuma bakabasha gusubira mu buzima busanzwe no kwinjira neza mu muryango nyarwanda.

Ubuhamya bwabo bwagaragaje uruhare rukomeye rwa gahunda zo gusubiza abantu mu buzima busanzwe, kubafasha kongera kwiyubaka no kongera kwinjizwa muri sosiyete, ndetse no guteza imbere amahoro n’umutekano usesuye.

Iyi nama yateranye ku wa Kane tariki 18 Kamena 2026, yabaye ku butumire bwa Perezida wa Ghana, John Mahama, nyuma y’amezi atatu gusa hatowe umwanzuro w’amateka ujyanye n’iki kibazo cy’ubucurizi bw’abacakara.

Muri Werurwe 2026, Inteko Rusange y’Umuryango w’Abibumbye yatoye umwanzuro wemeza ko ubucakara bwakoreshejwe abirabura ari icyaha gikomeye cyibasiye inyokomuntu. Ni umwanzuro wateguwe na Guverinoma ya Ghana ariko ushyigikiwe na Afurika Yunze Ubumwe.

Mu matora yabaye ku wa 25 Werurwe 2026, ibihugu 123 mu bigize Umuryango w’Abibumbye, byashyigikiye uyu mwanzuro, bitatu birimo Israel na Amerika birawanga n’aho 52 birimo u Bwongereza n’ibindi byo mu Muryango w’Ubumwe bw’u Burayi birifata.

Minisitiri Ugirashebuja ageza ijambo ku bitabiriye iyi nama, yavuze ko ari umwanya wo kwibuka ko buri gisekuru gifite inshingano zituruka mu mateka.

Yagize ati: “Ni umwanya wo kwemera ko buri gisekuru gisigarana inshingano zimwe zituruka mu mateka y’ahahise. Hari izireba ejo hazaza, ariko hari n’izidusaba guhangana n’ahashize.”

Yakomeje ashimangira ko amateka agomba kwitabwaho aho kwirengagizwa, agira ati: “Amateka agomba kwitabwaho, ntakwiriye kwirengagizwa.”

Ghana nk’Igihugu cyiteguye uyu mwanzuro wo ku rwego mpuzamahanga, cyagaragaje ko Loni yagombaga kwemera ko ibikorwa by’ubucakara n’icuruzwa ry’abantu bikwiye gufatwa nk’ihonyorwa rikomeye ry’ikiremwamuntu.

Iyi nama yitabiriwe n’abakuru b’ibihugu n’aba za Guverinoma baturutse muri Afurika no muri Karayibe, barimo Perezida wa Liberia, Joseph Boakai uwa SãoTomé & Príncipe, Carlos Manuel Vila Nova, uwa Senegal Diomaye Faye n’uwa Namibia, Dr. Netumbo Nandi-Ndaitwah.

Hari kandi na Minisitiri w’Intebe wa Barbados, Mia Amor Mottley ndetse n’intumwa ziturutse mu bihugu birenga 50.

Ku mugoroba wo ku wa Gatatu tariki 17 Kamena 2026, Perezida Tshisekedi ni umwe mu bari bitabiriye umukino w’Igikombe cy’Isi, ikipe ya RDC yanganyijemo n’iya Portugal igitego 1-1. Ni umukino wabereye mu Mujyi wa Houston muri Leta Zunze Ubumwe za Amerika.

Mu butumwa yashyize ku rubuga rwe rwa X, Yolande yavuze ko ikipe y’Igihugu ya Les Léopards ya RDC, yahaye Afurika ibyishimo byinshi mu mukino wayo wa mbere mu Gikombe cy’Isi, ariko Tshisekedi agahitamo kubikoresha mu kuvuga amagambo yibasira Abanyarwanda n’Abanye-Congo.

Yagize ati: "Perezida Tshisekedi yahisemo kwangiza uyu mwanya mwiza atuka Abanyarwanda n’Abanye-Congo, kandi ari ku butaka bwa Amerika atangaza ko azakomeza ibitero bya gisirikare mu burasirazuba bwa RDC."

Kuvugira aya magambo ku butaka bwa Leta Zunze Ubumwe za Amerika, bifatwa nko kudaha agaciro uruhare iki Gihugu cyagize kandi gikomeje kugira mu gushakira amahoro Akarere k’Ibiyaga Bigari, by’umwihariko binyuze mu masezerano ya Washington, yibandaga ku gusenya umutwe w’iterabwoba wa FDLR no gukuraho ingamba z’ubwirinzi u Rwanda rwashyizeho.

Yolande Makolo yashinje kandi Perezida Tshisekedi, kwitwaza ibyo byishimo ikipe ya DRC yatanze mu gikombe cy’Isi akabikoresha mu nyungu za politiki.

Tshisekedi ubwo yaganiraga n’Abanye-Congo batuye muri Amerika, yagarutse ku mutwe wa AFC/M23 umaze igihe warigaruriye igice kinini cy’uburasirazuba bw’igihugu, avuga ko ubuyobozi bwe bwatahuye abagambanyi bakorana n’uyu mutwe.

Yavuze ko yari aziko baba mu Rwanda gusa, ariko basanze hari n’abageze i Kinshasa. Ati: "Abarozi babaho. Twatekerezaga ko baba mu Rwanda gusa ariko baraducengeye.”

Ibyishimo bya Tshisekedi kandi byatumye asezeranya aba Banye-Congo batuye muri Amerika ko mu gihe cya vuba bidatinze Ingabo za FARDC, zizaba zisubije Umujyi wa Goma n’uwa Bukavu.

Ntibyagarukiye aho kuko yanashinje Joseph Kabila yasimbuye ko ubwo yajyaga ku butegetsi yari ashyigikiwe n’ingabo z’amahanga, nyuma y’iyicwa rya se, Laurent-Désiré Kabila.

Mu butumwa Bebe Cool yashyize ku rubuga rwe rwa X, kuri uyu wa Kane, yavuze ko yakiriye telefoni ya Gen Muhoozi Kainerugaba, amusaba guhagarika guharabika Jolly ku mbuga nkoranyambaga ahubwo ikibazo kigashakirwa umuti mu bwumvikane.

Yagize ati: “Muri iki gitondo nakiriye telefoni ya mukuru wanjye, Gen Muhoozi Kainerugaba, ku bijyanye n’ikibazo cya Jolly. Nka mukuru n’umuyobozi wanjye, yangiriye inama yo kubireka, ngasiba ubutumwa nari natangaje, maze ikibazo kigakemurwa mu bwumvikane."

Bebe Cool yakomeje avuga ko Gen Muhoozi kandi yamusabye kujya kure y’imbuga nkoranyambaga kuko bombi (Bebe Cool na Miss Jolly) ari umuryango kuri we kandi nta mpamvu yo guterana amagambo mu ruhame.

Asoza agira ati: "Nishimiye inama ze kandi ndabyemeye.”

Gen Muhoozi yinjiye muri iki kibazo nyuma y’uko Miss Jolly atangaje ko yifashishije sosiyete yunganira abantu mu mategeko yo muri Uganda ya Mbidde & Co Advocates, agiye kujyana mu nkiko umuhanzi wo muri Uganda, Moses Ssali uzwi nka Bebe Cool nyuma y’uko amuharabitse ku mbuga nkoranyambaga amushinja ubutubuzi.

Abunganizi ba Miss Jolly bari basabye Bebe Cool guhagarika gukomeza gukwirakwiza ibikorwa byo guharabika umukiriya wabo ndetse akandika inyandiko isaba imbabazi akisubiraho ku mugaragaro ku byo yavuze byose. Yari yahawe amasaha 48 yo kuba yabikoze, bitaba ibyo ikibazo kigashyikirizwa inkiko.

Aya masezerano yasinywe kuri uyu wa Kane tariki 18 Kamena, hagati ya Kigali Today Ltd hamwe na PSF, agamije guteza imbere ubucuruzi bwo mu Rwanda binyuze mu kugaragaza no kumenyekanisha imurikagurisha Mpuzamahanga (Expo 2026), riteganyijwe gutangira ku wa 28 Nyakanga- 17 Kanama 2026.

Kigali Today Ltd yari ihagarariwe n’Umuyobozi Mukuru Dan Ngabonziza naho PSF ihagarariwe n’Umuyobozi Mukuru w’agateganyo Callixte Kanamugire.

Nyuma yo gushyira umukono ku masezerano, Umuyobozi Mukuru w’Agateganyo wa PSF, Callixte Kanamugire, yavuze ko bahisemo gukorerana na Kigali Today kubera ubunararibonye imaze kugira mu bijyanye no gutangaza no kumenyekanisha amakuru.

Yagize ati “Aho Kigali Today igera ni henshi, turifuza ko ubwo bunararibonye mu rwego rwo kumenyekanisha amakuru twabwifashisha muri iri murikagurisha, by’umwihariko rikabasha kugera kure hashoboka.”

Umuyobozi Mukuru wa Kigali Today, Dan Ngabonziza, yavuze ko aya masezerano azabafasha mu kumenyekanisha ibikorwa kandi bakabikora nk’umusanzu w’itangazamakuru mu kubaka u Rwanda.

Ati “Uyu munsi iki gikorwa cyaduteranyije aha, ni igikorwa PSF na Kigali Today twinjiyemo kugira ngo noneho ya Expo abantu bakundaga yongere ibabere nziza kurushaho inshuro nyinshi cyane binyuze mu miyoboro y’ibitangazamakuru byacu, kugira ngo tumenyekanishe ibikorwa bya PSF, cyane cyane abamurika mu imurikagurisha, natwe tubikore nk’umusanzu dutanga nk’igitangazamakuru mu kubaka u Rwanda.”

Bamwe mu bazamurika ibikorwa byabo mu imurikagurisha ry’uyu mwaka, bagaragaje ko kuba PSF, yarahisemo gukorana na Kigali Today, ari kimwe mu bisubizo bizabafasha kugeza ibikorwa byabo kuri benshi.

Queen Mwamikazi ni umwe mu bazamurika ibikorwa bifasha abana kwidagadura (Queen’s Park), avuga ko kuba muri uyu mwaka hari akarusho k’uko Kigali Today izabafasha kwamamaza ibikorwa byabo, nta kabuza ko ibikorwa byabo bizagera kuri benshi.

Ati “Jye ku giti cyanjye biranejeje, kuko ikintu mukoze kizatuma Expo igira urundi rwego abantu bayumvamo, hari ukuntu abantu bari bamaze gusa nk’abayimenyera icyo muzagikoreho nka KT radio, bareke kuyimenyera ahubwo bumve ko ari ibihe bidasanzwe bibonetse mu gihugu bareke gufata ko ari ikintu gisanzwe, kuko nk’abacuruzi icyo turimo gukora nka njye by’umwihariko ni ukuzana udushya.”

Derrick Kanyonya ni umwe mubazamurika imyenda ikorerwa mu Rwanda, muri Expo muri uyu mwaka, avuga ko ubufatanye na Kigali Today ari ingenzi kuko asanzwe ayumva.

Ati “KT ndayumva, iyo ushaka amakuru yihuta niho wihutira. Kugira ubufatanye n’abantu bafite ababakurikira barenga miliyoni ntabwo ari ikintu cyoroshye mu bucuruzi bwose tuba tubishaka kuko iyo ubonye ibihumbi 10 urishima. Ariko kugira ubu bufatanye bw’ibyumweru bitatu, KT yerekana ibintu bikorerwa mu Rwanda, biradushimishije cyane, kuko byerekanye intambwe PSF irimo gutera imenyekanisha ibikorerwa mu Rwanda.”

Biteganyijwe ko iri murikagurisha rya 29, rizitabirwa n’ibihugu birenga 20, rikazitabirwa n’abamurika barenga 500, rikazarangira risuwe n’abarenga ibihumbi 300.

Kigali Today Ltd, ni Ikigo cy’Itangazamakuru cyatangiye gukora mu 2011, kikaba gifite ibitangazamakuru bigishamikiyeho birimo, KT radio, Kigali Today web, KT Press hamwe na KT Tv.

Nk’uko ibyavuye muri ubu bushakashatsi bibigaragaza, Obama afitiwe icyizere n’abagera ba Amerika ku kigero cya 57%, umubare uri hejuru cyane ugereranyije n’abagiye bamusimbura ku mwanya w’Umukuru w’Igihugu.

Ku rundi ruhande, Perezida Donald Trump we afitiwe icyizere n’abagera kuri 34% gusa, mu gihe Joe Biden afitiwe icyizere cya 30%, ikigero kiri hasi.

Abasesenguzi bavuga ko ibi byerekana uburyo Obama akomeje gufatwa nk’umuyobozi wagize uruhare rukomeye mu guhuza Abanyamerika no kuyobora igihugu mu bihe bitandukanye by’ingenzi.

Nubwo bimeze bityo, politiki yo muri Amerika ikomeje kugaragaramo cyane amacakubiri ashingiye ku mashyaka, aho ibitekerezo by’abaturage ku bayobozi bitandukana bitewe n’aho babogamiye.

Uretse ibijyanye n’icyizere ku bayoboye Amerika mu bihe bitandukanye, mu kibazo cyabajijwe abantu cyo kuvuga Perezida bakunda cyane, 30% by’ababajijwe bavuze Obama, akurikirwa na Donald Trump ufite 19%.

Abandi bayobozi bagaragajwe cyane harimo Abraham Lincoln na Ronald Reagan, buri umwe afite 9%, mu gihe John F. Kennedy afite 6%, naho George Washington yagize 5%.

Ku bandi bakiriho, imibare yabo iri hasi cyane kuko Bill Clinton afite 2%, mu gihe Joe Biden na George W. Bush buri umwe afite 1% gusa. Hari n’abandi 1% bavuze “Bush” batagaragaje uwo bavugaga neza.

Ni mu gihe hafi 10% by’ababajijwe bavuze ko nta Perezida n’umwe bishimira abandi bahitamo kutagira icyo bavuga kuri icyo kibazo.

Mu mashyaka abiri kandi akomeye muri Leta Zunze Ubumwe za Amerika, Abademokarate, Barack Obama ni we uza imbere ku kigero cya 64% by’abamufata nk’umuyobozi bakunda cyane. Abakurikiraho ni John F. Kennedy ufite 6%, Abraham Lincoln na Franklin Delano Roosevelt buri umwe bafite 5%.

Ku rundi ruhande, mu ishyaka ry’Abarepubulikani, Donald Trump ni we uza ku isonga n’icyizere cya 53% by’abamushyigikiye nk’umuyobozi bakunda cyane. Aha akurikirwa na Ronald Reagan ufite 18%, Abraham Lincoln afite 8%, mu gihe John F. Kennedy na George Washington buri umwe bafite 5%.

Mu butumwa yanyujije ku mbuga nkoranyambaga ze by’umwihariko kuri Instagram, Clinton Ndikumagenge, yasangije abamukurikira amashusho ari kumwe n’umukunzi we, bari mu byishimo, ayandikaho amagambo agira ati “Ku wa Gatandatu hatinze kugera”. Ni amashusho yafatiwe mu Majyaruguru y’u Rwanda.

Ubukwe bwa Prophet Vincent Mackay na Kate Clinton Ndikumagenge, buzabera muri Camp Kigali, ndetse ni ibirori byahawe umwihariko kuko mu kurimbisha aho bizabera hifashishijwe Umunya-Uganda Icandy, umuhanga mu gukora decoration uzwi cyane mu Karere na Afurika y’Iburasirazuba.

Prophet Vincent Mackay na Clinton Ndikumagenge, bamaze igihe ari mu rukundo na kuko mu 2022 nibwo yamwambitse impeta y’urukundo amusaba kuzamubera umugore, umuhango wabereye mu Kirwa cya Santorini mu Bugiriki.

Kate Clinton Ndikumagenge yamenyekanye binyuze mu nyigisho anyuza kuri Instagram, aho yigisha ubutumwa bwiza abinyujije mu cyo yise “Preeminent Touch”.

Umukunzi we, Prophet Vincent, ni we washinze akaba anayobora Umuryango w’Ivugabutumwa witwa “Prayer Warriors Global”, Umaze imyaka itandatu aho ukorera muri Leta zitandukanye muri Afurika, u Burayi ndetse na Amerika y’Amajyaruguru.

Abinyujije muri uyu Muryango, Prophet Vincent Mackay ategura ibiterane bigari mu bice bitandukanye by’Isi. Nko mu mpeshyi ya 2023, yahurije abagera kuri 500 mu cyo yise “Purpose Conference” cyabereye i Dallas muri Texas.

Prophet Vincent Mackay ukorera ivugabutumwa muri Leta Zunze Ubumwe za Amerika agiye kurushinga n’Umunyarwandakazi Kate Clinton Ndikumagenge, mu bukwe buzaba kuri uyu wa Gatandatu, tariki ya 20 Kamena 2026. pic.twitter.com/mHdoqkBKzK

— Kigali Today (@kigalitoday) June 18, 2026

Ubuyobozi bw’Akarere ka Gasabo bukaba bwasabye abo basenateri ubuvugizi kugira ngo hatunganywe ku misozi igize ako karere abaturage bahatuzwe aho guhora babimura kuko "Muri Kigali ahatari ku misozi usanga ari mu bishanga."

Aka karere kanagaragaje ko hari ibikorwa byinshi bikeneye ingengo y’imari mu rwego rwo kwirinda ibiza, birimo inzira z’amazi, ibiraro bigera muri 82 n’ibindi.

Banavuze ko bahangayikishwa n’abaturage bimurwa ku misozi bivugwa ko igiye gutunganywa kugira ngo babone uko bahatuza abaturage neza ariko hagashira imyaka n’imyaka bidakorwa, nyamara umuturage ntibanabumukureho agakomeza kubusoreshwa.

Senateri Charles Murigande, na we yavuze ko icyo kibazo gihangayikishije ababaza icyo iyo bavuganye n’Ikigo cy’Igihugi cy’Imisoro n’Amahoro bababwira.

Ati "Ubwo se waba uri muyobozi ki, abaturage bawe bakomeje guhura n’ikibazo nk’icyo gikora ku mibereho yabo ugaceceka."

Senateri Murigande avuga ko icyo kitagakwiye kuba kinanirana.

Ubuyobozi bw’Akarere ka Gasabo bwo bwavuze ko bica mu nzira ndende, birimo no kwemeza ko bahimuwe.

Ubuyobozi ariko buvuga ko "abo baturahe bakabaye nta n’icyo bishyuzwa kuko ngo bamerewe nabi."

Iki gikorwa cyabaye ku wa Gatatu, tariki ya 17 Kamena 2026, mu rwego rwo kwibuka ku nshuro ya 32 Jenoside yakorewe Abatutsi mu 1994, kirangwa n’ibikorwa byo kunamira inzirakarengane zazize Jenoside, gushimira uruhare rukomeye rw’ingabo za Ghana zari mu butumwa bw’amahoro muri icyo gihe, ndetse no gushimangira umubano mwiza usanzwe hagati ya Ghana n’u Rwanda.

Minisitiri w’Ububanyi n’Amahanga wa Ghana, Samuel Okudzeto Ablakwa, wari umushyitsi mukuru muri uwo muhango, yongeye gushimangira akamaro ko guha icyubahiro abazize Jenoside yakorewe Abatutsi ndetse n’abasirikare ba Ghana bagize ubutwari mu kurinda abasivili.

Yagaragaje ko nubwo icyo gihe hari ibibazo bikomeye, ingabo za Ghana zagumye ku murongo w’akazi, zirinda abaturage zifite ubutwari, ubumuntu n’ubwitange budasanzwe.

Hon. Ablakwa yavuze ko kwibuka ari umwanya wo kongera kwibutsa abantu bose agaciro k’amahoro, ubumwe n’icyubahiro cy’ikiremwamuntu. Yanashimiye u Rwanda ku ntambwe rumaze gutera mu kwiyubaka, asaba ibihugu n’abaturage gukomeza kwirinda urwango, ivangura rishingiye ku moko n’irindi iryo aryo ryose.

Maj Gen (Rtd) Henry Kwami Anyidoho wahoze ayoboye ingabo za Ghana zari mu Rwanda mu butumwa bwa UNAMIR, yagarutse ku mbogamizi bahuye na zo mu gihe cya Jenoside yakorewe Abatutsi.

Yavuze ko nubwo icyo gihe hari ibikorwa ndengakamere ndetse bikajya no kuba izindi Ngabo mpuzamahanga zarahise ziva mu Rwanda, ingabo za Ghana zagumye mu gihugu, zikomeza kurinda abasivili no kubaha ubuhungiro, zikomeza inshingano zazo zo kubungabunga amahoro.

Yasabye urubyiruko n’abazavuka mu gihe kizaza kwirinda urwango n’ivangura, bagashyira imbere agaciro k’ikiremwamuntu.

Minisitiri w’Ubutabera akaba n’Intumwa Nkuru ya Leta y’u Rwanda, Emmanuel Ugirashebuja wari witabiriye iki gikorwa, yagarutse ku ngaruka zikomeye za Jenoside yakorewe Abatutsi yahitanye ubuzima bw’abarenga miliyoni imwe mu mezi atatu gusa

Yagarutse kandi ko iterambere u Rwanda rumaze kugeraho, avuga ko ari ikimenyetso cy’uko ibihugu bishobora kwiyubaka no gutera imbere binyuze mu kwimakaza mahoro, ubutabera n’ubumwe bw’abaturage.

Umugaba Mukuru w’Ingabo za Ghana zirwanira ku butaka, Maj Gen Lawrence Kwaku Gbetanu, wavuze mu izina ry’Umugaba Mukuru w’Ingabo, yavuze ko kwibuka ku nshuro ya 32 atari ukwibuka gusa, ahubwo ari no kongera gushimangira indangagaciro z’ubwiyunge n’ubudaheranwa.

Yagaragaje ko uru rwibutso rwatashywe ari ikimenyetso cy’ubudaheranwa n’ubwiyunge, anashimira ingabo za Ghana zagize uruhare muri UNAMIR, anashimangira ko igihugu cye gikomeje gushyira imbere kubungabunga amahoro n’umutekano mu Karere.

Guverineri Soraya yavuze ibi mu gihe kuri uyu wa Kane, I Kigali hateraniye Inama Ngarukamwaka y’Ubushakashatsi ihuriweho na Banki Nkuru y’u Rwanda (NBR) n’Ikigo International Growth Centre (IGC), igamije guteza imbere ubukungu.

Guverineri Soraya yagaragaje ko ubufatanye hagati ya Banki Nkuru y’u Rwanda ndetse na International Growth Centre, bumaze igihe kirekire kandi bufite uruhare rukomeye mu guhuza ubushakashatsi bihuza ibikorwa rya politiki mu rwego rw’ubukungu.

Yagize ati: “Ubufatanye hagati ya Banki Nkuru y’u Rwanda na IGC bumaze igihe kirekire, kandi bwabaye umuyoboro ukomeye uhuza ubushakashatsi no gufata ibyemezo bya politiki. Iyi nama ni ikimenyetso kigaragara cy’uruhare rw’ubu bufatanye.”

Guverineri yakomeje agaragaza ko ubukungu bw’isi muri iki gihe buri mu bihe bigoye bitewe n’ibibazo bitandukanye birimo amakimbirane ya politiki mpuzamahanga, ihungabana ry’ubucuruzi, ibibazo by’imihindagurikire y’ikirere, amadeni ibihugu bifite ndetse n’ihindagurika ryihuse ry’ikoranabuhanga.

Yavuze ko ibi byose bisaba abafata ibyemezo gukora ibirenze guhangana n’ibibazo by’ako kanya, ahubwo bagashyiraho uburyo bukomeye butuma ubukungu bushobora guhangana n’ibyo bibazo byose ariko kandi budahungabanye.

Ku bijyanye n’ihame ry’ubukungu butajegajega, Guverineri yavuze ko bidahagije kwita gusa ku guhangana n’ibibazo, ahubwo bisaba kubaka umusingi ukomeye utuma habaho iterambere rirambye kandi ridaheza.

Yanashimangiye ko Banki Nkuru y’u Rwanda yiyemeje guteza imbere ubushakashatsi bushingiye ku makuru afatika, asobanura ko ubushakashatsi bubanbutagamije gutanga amasomo gusa, ahubwo ari igikoresho gifatika gifasha kunoza imikorere y’inzego, kongera umusaruro mu byemezo bifatwa no guteza imbere ubukungu bw’igihugu mu buryo burambye.

Umuyobozi Mukuru wa IGC, Jonathan Leape, yavuze ko ubufatanye nk’ubu ari bwo butuma ubukungu bugira uruhare nyarwo mu iterambere ry’Igihugu.

Yagize ati: “Iyo hariho politiki itekerejweho neza ishingiye ku bimenyetso bifatika, bituma tugera ku musaruro mwiza kurushaho. Ubufatanye nk’ubu ni bwo shingiro ry’ibikorwa byacu.”

Yakomeje agaragaza ko IGC izakomeza gufasha u Rwanda binyuze mu bitekerezo mpuzamahanga bikajyana ariko no kumenyekanisha inkuru y’u Rwanda ku rwego rw’Isi, mu gihe Banki Nkuru y’u Rwanda ikomeje kugira uruhare rugaragara mu gutanga ibisubizo bifatika.

Ibyo rero, ngo ni bimwe mu bigira ingaruka zikomeye n’uruhare runini mu bibazo by’ubuzima rusange kuko byongera ikwirakwira ry’iyo ndwara nk’uko byatangajwe n’Ishami ry’Umuryango w’Abibumbye ryita ku Buzima.

Mu bice byinshi by’icyaro byo muri Repubulika ya Demokarasi ya Congo, cyane cyane mu Ntara za Ituri na Kivu y’Amajyaruguru, indwara nka Ebola, akenshi ngo zifatwa nk’ingaruka zituruka mwaku, imivumo, uburozi cyangwa ibikorwa by’ubupfumu bikorwa n’abanzi.

Hari abarwayi bandura Ebola rero, ngo bakabona ko ibyoroshye kandi bibafasha ari ukubanza kujya ku bavuzi gakondo batuye hafi yabo kandi bizeye, kurusha uko bajya ku mavuriro, akenshi aba atanabegereye cyane.

Abo bavuzi gakondo, akenshi ngo usanga bavura abo barwayi babaha amababi y’ibiti bitandukanye, harimo nk’inturusu (eucalyptus), avoka, imyembe n’amapapayi, kuko baba babifitiye icyizere cyo gukiza. Uko gutinda kujya kwa muganga, ngo bituma abarwayi benshi bagera ku bigo bivura Ebola igihe indwara yamaze gukomera kandi ubuzima bwabo buri mu kaga kurushaho.

Ingaruka zikomeye zituruka kuri iyo myemerere yo gufata indwara ya Ebola nk’ituruka ku mbaraga z’imyuka mibi cyangwa se amarozi n’ibindi, byongera ikwirakwira rya Virusi ya Ebola, kubera ko abo bavuzi gakondo kenshi ntibaba bafite ibikoresho bihagije byo kwirinda. Iyo bakoranye cyangwa bakoze ku murwayi wanduye, bashobora kwandura ubwabo, ariko no kwanduza abandi.

Kubanza kwivuriza mu bavuzi gakondo, ngo bitwara igihe kinini mbere y’uko umurwayi apimwa Ebola mu buryo bwa laboratwari, bikagabanya amahirwe ye yo gukira. Mu rwego rwo kurokora ubuzima bw’abantu, Ishami ry’Umuryango w’Abibumbye ryita ku Buzima rifatanyije na Minisiteri y’ubuzima muri RD Congo, barimo gutangira gukorana n’abo bavuzi gakono aho kubarwanya.

Abo bavuzi gakondo barimo barigishwa kumenya ibimenyetso bya Ebola n’uburyo bwo kwirinda. Barasabwa gutandukanya abantu bakekwaho Ebola n’abandi ndetse no kubohereza vuba ku bigo by’ubuvuzi. Ikindi ni uguhugura abayobozi b’amadini n’amatorero, barimo Abapasiteri n’abandi bigisha ijambo ry’Imana, ku kamaro ko kwirinda gukorakora ku barwayi ba Ebola mu gihe barimo babasengera cyangwa se kubasabira ngo bakire.

Nk’uko uru ruganda rwabitangaje, aba bafana banyoye iyi nzoga ku kigero kingana n’inshuro enye ugereranyije n’izo utibari dusanzwe tugurisha mu bihe bisanzwe. Ibi byatumye ububiko bw’inzoga ya Boston Lager bushira mu buryo butunguranye.

Ubuyobozi bw’iyo sosiyete bwavuze ko butari bwiteze umubare munini w’abafana ndetse n’uburyo banywemo bwinshi, ariko bushimangira ko bwihutiye kongera gutumiza izindi nzoga kugira ngo abakiriya bakomeze guhabwa serivisi nziza.

Ibi kandi byemejwe na Noelle Somers, umuyobozi ushinzwe ibikorwa (COO) muri Hennessy’s Bar iri mu Mujyi wa Boston rwagati, wavuze ko ubucuruzi bw’inzoga bwazamutse ku buryo budasanzwe nyuma y’umukino wahuje Scotland na Haiti, warangiye Scotland itsinze 1-0.

Somers yasobanuye ko ingano y’ibinyobwa byacurujwe nyuma y’uwo mukino byikubye inshuro eshatu ugereranyije n’uko bisanzwe bigenda ku munsi Mukuru wa St Patrick’s Day, usanzwe ari umwe mu minsi bakoraho cyane.

Yagize ati: “Tumaze imyaka irenga 30 dukorera hano, ariko nta kintu nk’iki twigeze tubona.”

Umujyi wa Boston uri mu Mijyi yakiriye imikino y’Igikombe cy’Isi cya 2026, ukomeje kwakira imbaga y’abafana baturutse hirya no hino ku Isi, bigira uruhare rukomeye ku bucuruzi butandukanye burimo n’utubari n’amahoteli.

Ahandi muri Leta Zunze Ubumwe za Amerika, nko mu Mujyi wa Dallas, abafana b’ikipe y’u Bwongereza banyoye inzoga zirenga ibihumbi 5,000 mbere y’umukino wa mbere w’u Bwongereza mu Gikombe cy’Isi. Bivugwa ko mu ijoro ryo ku wa Kabiri aribwo banyoye izi nzoga ndetse kugeza ubwo inzego z’umutekano zabasabye kurekera bakajya aho bacumbitse muri iyi minsi.

Akabari kazwi nka Londoner Pub kari mu mujyi wa Dallas, ni kamwe mu dukomeje gusohokerwamo cyane n’abafana b’ikipe y’Igihugu y’u Bwongereza, ndetse byatumye hongerwa n’amasaha yo gufunga.

Gusa nubwo bimeze bityo, ngo iyo kamaze gufunga, abafana basohokana inzoga bakazinywera ku rubaraza rw’ako kabari bagakomeza kubabaza manyinya.

Uyu musore utaratangajweho ibintu byinshi, yandikiye ikigo kitavuzwe amazina, asaba akazi nk’abandi bose, ariko mu gihe yari ategereje ubutumwa bumubwira ko yatoranyijwe, yatunguwe no kubona ubwamubwiraga kwihangana kuko bitakunze ko ahabwa ako kazi yari yasabye.

Mu butumwa bwakwirakwiye cyane ku mbuga nkoranyambaga, Keane yatangiye ashima icyo kigo ku bwo kuba cyaranze ubusabe bwe, avuga ko yishimiye uburyo bafashe icyemezo cyo kutamuhitamo bagakomeza gushaka abandi bakozi mu bandi basabye akazi.

Ariko muri ubu butumwa nawe yanditse akoresheje email, igice cyashimishije benshi ni aho yagize ati: “Kuri iyi nshuro, nyuma yo kubitekerezaho neza, nanjye nahisemo kutemera ko mwanga ubusabe bwanjye."

Yakomeje ashimira cyane ku bw’umuhate bagize wo kwanga kumuhitamo, ariko avuga ko agitegerezanyije amatsiko menshi, guhamagarwa akajya mu kazi.

Abakoresha imbuga nkoranyambaga bagaragaje ko iyi email ari urugero rw’udushya mu guhangana n’ibigo bikunze kwanga ubusabe bw’abantu akazi, ndetse bamwe bayibonye nk’uburyo bwo gusetsa no kugabanya igitutu cy’abantu usanga bahangayikishwa no gusaba akazi mu gihe gakomeje kuba ak’ibura ku isi.

Aba bose bageze mu Rwanda mu ijoro ryo ku wa 17 Kamena 2026, bakaba bagizee n’Abanya-Sudani 85, Abanya-Eritereya 66, Abanya-Somaliya 2, Abanya-Etiyopiya 7 n’Abanya-Sudani y’Epfo 12.

Abakiriwe kimwe na bagenzi babo bahageze mu byiciro byabanje bahita bajyanwa mu Nkambi y’Agateganyo ya Gashora iherereye mu Karere ka Bugesera, ari na ho bazacumbikirwa mbere yo gushakirwa ibindi bihugu bajyamo.

Ku wa 10 Nzeri 2019 ni bwo Guverinoma y’u Rwanda, Umuryango w’Ubumwe bw’Afurika (AU) hamwe n’Ishami ry’Umuryango w’Abibumbye ryita ku mpuza (HCR) byashyize umukono ku masezerano y’imyaka itatu, yo kwakira impunzi n’abasaba ubuhungiro i Gashora mu Karere ka Bugesera.

Ni amasezerano yasinyiwe i Addis Ababa ku cyicaro cya AU nyuma y’ubushake Perezida Paul Kagame yagaragaje bw’uko u Rwanda rwakwakira izi mpunzi z’Abanyafurika zageze muri Libya zishakisha ubuhungiro n’amahoro ariko ntizibigereho.

Ni Abanyafurika bagenda baturuka mu bihugu byinshi birimo umutekano muke, ntibashobore kuhabonera ubwisanzure n’amahoro bakeneye, ndetse abenshi muri bo bakananirwa kwambuka Inyanja ya Méditerranée ngo bajye i Burayi nk’uko babyifuza, ahubwo bakisanga bafungiwe muri Libya.

Imibare igagaraza ko kuva muri Nzeri 2019, u Rwanda rumaze kwakira impunzi n’abasaba ubuhungiro barenga 3,000 baturutse muri Libya. Muri bo, 2,623 bamaze kwimurirwa mu bindi bihugu mu buryo burambye.

Abagera 2140 muri bo bamaze kwakirwa mu bihugu, birimo Suède yakiriye 255, Canada yakiriye 656 na Norvège yakiriye 225.

Hari kandi u Bufaransa bwakiriye 194, Finlande yakiriye 236, u Buholandi bwakiriye abantu 52, u Bubiligi bwakiriye 72, Amerika yakiriye 318 n’u Budage bwakiriye 132.

Benshi muri izi mpunzi n’abimukira ni abakomoka mu bihugu nka Eritrea, Sudani, Somalia, Ethiopia na Sudani y’Epfo, n’ubwo hari n’abandi bake baturuka mu bindi bihugu bya Afrika y’Uburengerazuba bahafashirijwe.

Ubuzima bwabo bukurikiranwa umunsi ku munsi na Leta y’u Rwanda binyuze muri Ministeri ishinzwe Ibikorwa by’Ubutabazi (MINEMA) na HCR, ku bufatanye n’abaterankunga barimo Umuryango w’Ubumwe bw’u Burayi na Denmark.

Umunyamabanga Mukuru wa EAC, ari mu Rwanda kuva ku wa Mbere tariki 15 Kamena 2026, ubwo hafungurwaga ku mugaragaro ibiganiro nyunguranabitekerezo ku mushinga wo guhuza inzego za politiki z’Umuryango wa Afurika y’i Burasirazuba (EAC).

Muri ibi biganiro, impuguke ziturutse muri EAC ziri gukusanya ibitekerezo by’Abanyarwanda bo mu ngeri zitandukanye, ku ngingo z’ingenzi bifuza ko uyu mushinga wazibandaho mu gihe cyo gushyirwa mu bikorwa.

Ni ibiganiro bizahuza inzego zitandukanye zirimo iza Leta, Inteko Ishinga Amategeko, Urwego rw’Ubucamanza, amashuri Makuru na za Kaminuza, imiryango itegamiye kuri Leta, abikorera, urubyiruko, abagore, abafite ubumuga, imiryango ishingiye ku myemerere, amashyaka ya politiki ndetse n’itangazamakuru.

Ubuyobozi bwa EAC, buvuga ko ibi biganiro bigamije kongera uruhare rw’abaturage mu gutanga ibitekerezo ku miterere n’imiyoborere mu rwego rwo guhuza inzego za politiki z’Umuryango wa EAC ndetse no kwakira ibitekerezo by’u Rwanda mu mushinga w’itegeko rizagena imikorere y’iri huriro.

EAC, ishimangira ko uruhare rwa buri wese muri ibi biganiro ari ingenzi mu kubaka inzego zikomeye kandi zihamye zizafasha Akarere kugera ku iterambere rirambye no kurushaho gishimangira ubufatanye.

APR FC ibinyujije ku mbugankoranyambaga yashimye Claude Niyomugabo wayigezemo mu 2019, ivuga ko imushimira ibyo yayihaye mu myaka irindwi birimo ibikombe birindwi bya shampiyona byikurikiranya.

Mbere yo gushimira Claude Niyomugabo, ikipe ya APR FC kuri uyu wa Gatatu yasinyishije myugariro Ishimwe Christian ugiye kumusimbura aho uyu musore wari umaze imyaka ibiri avuye muri iyi kipe akajya muri Police FC yasinye amasezerano y’imyaka ibiri.

Ishimwe Christian yasinyiye APR FC agarutsemo, ari kumwe n’umubyeyi we

Nubwo kugeza ubu hatari hamenyekana ikipe azakinira ariko Niyomugabo Claude, kuva mu mwaka utaha w’imikino 2026-2027 azakina hanze y’u Rwanda.

Uretse Claude Niyomugabo kandi, abakinnyi nka Nshimiyimana Yunusu, Ruboneka Jean Bosco, bose basoje amasezerano muri APR FC yifuza kubagumana ariko ibiganiro bikaba bikomeje kugorana cyane cyane ku kijyanye n’amafaranga aho bivugwa ko babwiye iyi kipe ko igomba kubaha miliyoni 100 Frw buri umwe.

Muri APR FC kandi abarimo umunyezamu Ishimwe Pierre, Mugisha Gilbert na Niyibizi Ramadhan nabo bayasoje ariko iyi kipe ikaba itazayongera ngo ikomezanye nabo kongeraho Denis Omedi wari usigaje amezi atandatu gusa nawe uzagenda.

Intandaro y’iki kibazo, ku mugoroba wo ku wa 16 Kamena 2026, nibwo Bebe Cool abinyujije ku rubuga rwe rwa X, yatangaje ko Miss Jolly yatuburiye yitwaje u Rwanda n’ikipe ya Arsenal mu 2025.

Bebe Cool yagize ati “Uyu mugore, Jolly Mutesi aba mu Bwongereza kandi akunda gukurikira imikino ya Arsenal, yantekeye imitwe umwaka ushize yitwaje izina ry’u Rwanda n’ikipe ya Arsenal. None agarutse mu kindi gikorwa gikomeye ari gutegura.”

Miss Jolly mu gusubiza, yabwiye Bebe Cool, ko ari icyamamare atakabaye avuga ibyo abonye, atabanje gukora ubushakashatsi cyangwa ngo ashake amakuru mbere yo kuvuga ibintu bishobora kwangiza izina ry’uwo avuga.

Mu ibaruwa ya Mbidde & Co Advocates, bunganira mu mategeko Miss Jolly, bateguje Bebe Cool kumujyana mu nkiko bamushinja gusebanya no gutangaza amakuru y’ibihuha yakwangiza izina ry’umuntu bigakorwa ku bushake ndetse nta n’iperereza rikwiye ryabaje gukorwa.

Bagira bati:”Ibyo mwatangaje bigize icyaha gikomeye cyo gusebanya kuko ari ibinyoma byuzuye, byakozwe mubizi neza kandi byatangajwe mu buryo budatekereje, butitaye ku kuri cyangwa ku kubanza kugenzura amakuru. Ibyo birego bigamije gusebya, gutesha agaciro no gukoza isoni imukiriya wacu, bikaba byangiza izina rye n’icyubahiro cye mu buryo bukomeye."

Bakomeje bavuga ko umukiriya wabo (Mutesi Jolly) atigeze na rimwe agirana imikoranire iyo ari yo yose, cyangwa itumanaho iryo ari ryo ryose na Bebe Cool.

Bati: "Nimero ya telefoni mwavuze akoresha ni iy’ubutekamutwe yakoreshejwe bitemewe kandi nta sano ifitanye na we [Jolly]. Ibyo birego byanyu rero ni ibihimbano, nta shingiro bifite kandi nta kimenyetso kibishyigikira."

Abunganira Mutesi Jolly, bibukije Bebe Cool ko ku wa 4 Ukwakira 2024, uwitwa Tumwine Daniel yashyize kuri konti ye ya Twitter (X) iyo nimero ya telefoni ishinjwa Jolly, aburira abantu ko ikoreshwa n’abatekamutwe mu kwiba amafaranga mu buryo bw’uburiganya.

Bati: "Ibi bigaragaza neza ko iyo nimero yari isanzwe izwiho gukoreshwa n’abiyitirira abandi, kandi nta sano ifitanye n’umukiriya wacu."

Bavuze kandi ko ku wa 3 Ukwakira 2024, Mutesi Jolly yari yaratanze itangazo ku mugaragaro aburira abantu kwirinda abamwiyitirira bagamije uburiganya, bityo ko Bebe Cool yakagombye kuba yari abizi cyangwa akabitekerezaho mbere y’ibyo yatangaje.

Bakomeza bagira bati: "Ibikorwa byanyu bigize icyaha gikomeye cyo gusebanya ndetse n’icyaha cyo gukwirakwiza amakuru agamije guharabika, byakozwe mubizi neza kandi nta mpamvu zifatika, bikaba byateje kandi bishobora guteza ibihombo no gutesha agaciro n’icyubahiro umukiriya wacu."

Nyuma y’ibyo byose byagarutsweho mu kumenyesha Bebe Cool ibyo yakoze ko bigize icyaha bamusabye guhita ahagarika ako kanya gutangaza cyangwa gusakaza ayo makuru asebanya, kwandika yisubiraho ku byo yavuze kandi agatanga umucyo kuri buri kimwe mu byo yatangaje.

Bamusabye kandi gusaba imbabazi mu buryo bwanditse, kandi akabikora nk’uko yabigenje ajya gutangaza ayo makuru y’ibinyoma kuri Jolly. Ibi byose Bebe Cool yasabwe kuba yabishyize mu bikorwa mu gihe kitarenze amasaha 48.

Bebe Cool yamenyeshejwe ko mu gihe atubahirije ibyo yasabwe mu gihe cyavuzwe, hazakurikiraho gutanga ikirego mu nkiko ako kanya.

Bamumenyesheje kandi ko ibikorwa bye bishobora kumukururira ibindi bihano by’imbonezamubano n’iby’amategeko mpanabyaha bijyanye n’ihohoterwa ryo kuri murandasi, ndetse no kwangiza izina ry’umuntu.

Nubwo Mutesi Jolly yamaze kwifashisha abanyamategeko muri iki kibqzo, ku rundi ruhande Bebe Cool nyuma yo guteguza abamukurikira ku mbuga nkoranyambaga ko azava imuzi inkuru nyayo y’uko ibintu byagenze, akomeje gushyira hanze amwe mu mafoto ndetse n’ibiganiro avuga ko yagiranye na Miss Jolly.

Amakuru dukesha umunyamabanga nshingwabikorwa w’Umurenge wa Cyahinda, Aphrodis Nkurunziza, avuga ko ibyo byamenyekanye ejo kuwa kabiri tariki ya 16 Kamena 2026, mu masaa sita yo ku manywa, ariko ko inda uwo mukobwa w’imyaka 19 yari yaraye ayikuyemo, umurambo w’umwana akawuzingazingira mu ipantalo ye, akawujugunya hejuru y’ikiraro, mu rugo iwabo.

Yagize ati “Abazi iby’imikurire y’abana mu nda bitegereje umurambo bavuze ko urebye uwo mwana yari afite hagati y’amezi atatu n’ane. Inda ye yari itaratangira kugaragara, ku buryo iyo atawujugunya aho abantu bawubona nta n’uwari gukeka ko yigeze atwita.”

Gitifu Nkurunziza anavuga ko umurambo umaze kugaragara ababyeyi bavuze ko uwo bakeka ari umukobwa wabo wari wagiye ku ishuri, RIB ihamusanze yiyemerera ko koko ari we wari wazingiye uruhinja mu ipantalo ye, ariko ko atari yayikuyemo.

Ati “Yavuze ko yari ari mu rugo atetse, nimugoroba, akumva mu nda hamuriye, hanyuma yajya mu bwiherero akabona adasobanukiwe ibije. Ngo nta n’ubwo yari azi ko atwite.”

Naho kubijyanye na se w’umwana, yavuze ko ngo yagiye kwahira agahura n’umuntu atazi akamufata ku ngufu, kandi ko atigeze abibwira ababyeyi kubera ko yumvaga nta nkurikizi bizagira.

Icyakora, hari umuturanyi utashatse ko amazina ye atangazwa wabwiye Kigali Today ko bihwihwiswa ko uwo mukobwa yaba yaratewe inda n’umwarimu wigisha ku kigo yigaho.

Ibi byatangajwe nyuma y’inama yo ku rwego rwo hejuru yabereye mu mujyi wa Pretoria ku wa Gatatu, tariki ya 17 Kamena 2026, yahuje Minisitiri w’Ububanyi n’Amahanga n’Ubutwererane wa Afurika y’Epfo, Ronald Lamola, na Minisitiri w’Ububanyi n’Amahanga n’Ubutwererane w’u Rwanda, Olivier J.P. Nduhungirehe.

Iyi nama iri mu rugendo rwa dipolomasi rugamije kongera kubaka umubano hagati y’ibihugu byombi, wasubiye inyuma mu mwaka wa 2014 ubwo hafatwaga ingamba zakumiraga ingendo z’Abanyarwanda bajya muri Afurika y’Epfo bitewe n’umwuka mubi wa politiki wari hagati y’impande zombi.

Abahagarariye ibihugu byombi bavuze ko ibiganiro byo mu 2026 ari intangiriro nshya yo kongera kubaka umubano, aho hibanzwe ku guteza imbere ubufatanye mu bucuruzi, ubukerarugendo, ubuzima, uburezi, umutekano ndetse n’ibindi bikorwa byo ku rwego rw’akarere.

Nyuma y’ibiganiro byabereye mu muhezo, aba baminisitiri bashyize umukono ku nyandiko ihuriweho igaragaza gahunda n’inzira bizakurikizwa mu kongera kubaka ubufatanye n’inzego z’imikoranire hagati y’ibihugu byombi.

Iyo nyandiko igaragaza ko abayobozi b’ibihugu byombi, Perezida Cyril Ramaphosa na Perezida Paul Kagame, bashyigikiye byimazeyo iki gikorwa cyo kongera gusana umubano. Inagaragaza amateka ahuriweho n’ibihugu byombi, birimo urugamba rwo kwibohora no kongera kwiyubaka nyuma y’ibihe bikomeye by’amakimbirane.

Iyo nyandiko yibukije amateka ya apartheid muri Afurika y’Epfo n’amateka ya Jenoside yakorewe Abatutsi mu Rwanda mu 1994, ivuga ko umubano mushya ushingiye ku guhangana n’ibigeragezo no ku nshingano zo guteza imbere amahoro, ituze n’iterambere ku mugabane wa Afurika.

Ibihugu byombi byemeranyije kongera gusubukura Komisiyo ihuriweho y’Ubufatanye (Joint Commission for Cooperation – JCC), yashyizweho kugira ngo ibe urubuga rw’imikoranire mu bya politiki, ubukungu, imibereho myiza, umuco, uburezi n’ubushakashatsi bwa siyansi. U Rwanda ruzakira inama itaha y’iyi komisiyo mu gihembwe cya mbere cya 2027.

Kimwe mu byemezo by’ingenzi byafatiwe muri iyo nama ni uko visa ku Banyarwanda bafite pasiporo zisanzwe bajya muri Afurika y’Epfo zizongera gutangwa buhoro buhoro mu gihe kitarenze amezi 12 nyuma yo gushyira mu bikorwa aya masezerano, bivuze ko hagati ya 2027 ari bwo biteganyijwe ko gahunda izaba yatangiye gukora neza.

Perezida Cyril Ramaphosa na Perezida Paul Kagame na bo bazahura mu gihe kizatangazwa nyuma binyuze mu nzira zisanzwe za dipolomasi.

Iyo nyandiko kandi yagaragaje gahunda yo kwagura ubufatanye mu ishoramari n’ubucuruzi, harimo kongera imikoranire hagati y’ibigo bya Leta n’iby’abikorera byo mu bihugu byombi. Hanashimangiwe akamaro ko gusurana kenshi, gutegura imurikabikorwa bihuriweho no kwitabira inama zikomeye zo ku rwego rwa Afurika.

Impande zombi zashimye ubufatanye busanzwe buriho mu nzego zirimo ubukerarugendo, kubungabunga urusobe rw’ibinyabuzima, amahoteli, amashuri makuru, siyansi n’ikoranabuhanga ndetse n’ubushakashatsi mu by’ubuzima.

Hanavuzwe ibikorwa nka Africa’s Travel Indaba, Meetings Africa, Africa CEO Forum na International AIDS Society Conference nk’ingero zigaragaza ko imikoranire hagati y’abaturage n’inzego zitandukanye ikomeje kwaguka.

Nubwo baminisitiri bemeye ko mu myaka yashize habayeho ibibazo n’ihungabana mu mubano w’ibihugu byombi, bavuze ko inama yabereye i Pretoria ari intambwe ikomeye iganisha ku gusubizaho umubano usanzwe.

Banemeye gukomeza guteza imbere ubufatanye mu kubaka ibikorwa remezo, koroshya ubuhahirane n’ikorwa ry’imihanda ihuza ibihugu byo mu karere, guteza imbere ubutabera ndetse n’ubufatanye mu bukungu, no gushimangira uburyo bwo kuganira ku bibazo bya politiki no guhuza ibikorwa bya tekiniki.

Aba baminisitiri banaganiriye ku bibazo by’umutekano byo mu karere no ku rwego mpuzamahanga, birimo amakimbirane ari mu burasirazuba bwa Republika Iharanira Demokarasi ya Congo, muri Sudani, Sudani y’Epfo, Somaliya ndetse n’umutekano muke uri mu karere ka Sahel.

Impande zombi zashimangiye ko amakimbirane agomba gukemurwa binyuze mu biganiro no mu buhuza, kandi zisaba ko Afurika yagira ubushobozi bukomeye bwo kwicungira umutekano, harimo gushyiraho Ingabo za Afurika ziteguye gutabara (African Standby Force).

Zanagaragaje impungenge ziterwa n’ubwiyongere bw’ibibazo muri Sudani y’Epfo, zinongera gushimangira ko zishyigikiye gahunda z’amahoro ziyobowe n’inzego z’akarere n’iz’umugabane wa Afurika.

Ku bijyanye n’imiyoborere y’isi, ibihugu byombi byagaragaje ko gahunda mpuzamahanga iri kurushaho guhungabana, bisaba ivugururwa ry’inzego mpuzamahanga zirimo Umuryago w’Abibumbye kugira ngo ibihugu bibe bihagariwe neza, kandi habeho ubwisanzure bw’ibihugu byinshi mu gufata ibyemezo.

Mu gusoza, aba baminisitiri bongeye gushimangira ubushake bwo gukomeza kugirana ibiganiro bihoraho no gukomeza gukurikirana ibikorwa byemeranyijweho. Banemeje ko inama itaha ya JCC izabera mu Rwanda mu ntangiriro za 2027, ndetse ko abakuru b’ibihugu byombi bazakomeza kugirana ibiganiro kugira ngo bayobore uru rugendo rwo kongera kubaka umubano.

Icyakora, ishyirwa mu bikorwa ry’itangwa rya viza ku Banyarwanda rizasaba indi mirimo ya tekiniki n’ubuhuza bwa dipolomasi mu mezi ari imbere mbere y’uko gahunda itangira gukurikizwa mu buryo bwuzuye.

Yabitangaje ku wa 17 Kamena 2026 mu nama nyunguranabitekerezo yahuje Abasenateri n’abandi bayobozi mu nzego zitandukanye, igamije gusuzuma ikibazo cy’abana bafite Autism no gushaka ibisubizo bigamije kunoza ubufatanye mu kubitaho no kubafasha kwiga neza.

Dr. Gishoma yavuze ko mu Rwanda hakomeje gukorwa ubushakashatsi kuri iyi ndwara ndetse no kumenya abantu bo mu byiciro bitandukanye bayirwaye.

Yagize ati: “Iyi ndwara irahari, igaragara mu bana bato, kandi ababyeyi n’abarezi babibona umwana ageze mu myaka ibiri cyangwa itatu, kuko ari bwo atangira kugenda no kuvuga no kugaragazaga ibimenyetso n’imyitwarire bitandukanye n’ibyabandi bana.”

Yagaragaje ko ibimenyetso bya Autism birimo kuba umwana asa n’uwumva ibintu ukwe, kwibera mu isi ye, ndetse rimwe na rimwe agahugira mu bintu bye nubwo ari kumwe n’abandi.

Dr. Gishoma yavuze ko atari abana bose bayirwara ku kigero kimwe, kuko hari abo usanga bakora nk’abandi, ariko hakagaragara itandukaniro rito mu myitwarire yabo mu bandi.

Yagaragaje kandi ko Autism ikunze kugaragara cyane ku bana b’abahungu kurusha abakobwa, asobanura ko bishingira ku miterere y’uturemangingo dutanga igitsina cy’umwana.

Yagize ati: “Utunyangingo tw’umugabo kuko ari we utanga igitsina cy’umwana akenshi ni ho bikomoka.”

Yongeyeho ko Autism (Autism Spectrum Disorder–ASD) atari indwara ifite impamvu imwe izwi neza, ahubwo iterwa n’uruhurirane rw’impamvu zitandukanye zirimo imiterere y’uturemangingo ndangasano (genes).

Yavuze ko ishobora kugaragara mu miryango imwe, bigaragaza ko ishobora kugira aho ihuriye n’uruhererekane rw’umuryango.

Yagaragaje kandi ko imikurire y’ubwonko ishobora kugira uruhare, cyane cyane igihe umwana akiri mu nda cyangwa akiri muto, aho ubwonko bwe bukura mu buryo butandukanye n’ubw’abandi bana.

Yavuze ko n’imyaka y’ababyeyi ishobora kuba iri hejuru ishobora kongera ibyago, kimwe n’ibibazo bishobora kuvuka mu gihe cyo gutwita cyangwa kubyara, nko kuvuka umwana atagejeje igihe (premature birth) cyangwa umwana ufite ibiro bike cyane.

Rwigamba Fidele, ufite umwana urwaye Autism, yavuze ko yamenye ikibazo cy’umwana we hakiri kare kubera ibimenyetso birimo kutavuga no kutumva neza. Yavuze ko yahuye n’imbogamizi nyinshi mu gushaka ubufasha, kugeza ubwo yageze ku baganga bo muri Kenya, ari naho bamusobanuriye neza indwara umwana afite.

Yagize ati: “Nagarutse mu Rwanda ndamuvuza nkomeza kumurera, ariko ageze mu myaka itatu mujyana ku ishuri ntibyakunda kubera imyitwarire ye.”

Yongeyeho ko umwana we yaje kujyanwa mu kigo cyigisha abana bafite Autism, aho ubu ku myaka irindwi amaze gutera imbere kuko atangiye gusoma no kuvuga.

Minisitiri w’Uburezi, Joseph Nsengimana, yavuze ko Leta izi iki kibazo kandi ko hakomeje gutangwa amahugurwa ku barezi no gutanga ibikoresho bibafasha kwita kuri aba bana, ariko agaragaza ko hakiri icyuho cy’amashuri yihariye kuko aba bana bakeneye uburyo bwihariye bwo kwigishwa.

Yagize ati: “Turabizi ko aba bana bakeneye umwihariko, ni yo mpamvu usanga ibigo bibakira bihenze kubera ibisabwa byinshi mu kubitaho. Tuzakomeza ubuvugizi n’ubufatanye mu bikorwa bya Leta.”

Yavuze ko hakomeje kwitabwaho amahugurwa y’abarimu no kunoza ubufatanye mu mashuri yakira aba bana.

Inama y’Igihugu y’Abantu bafite ubumuga yatangaje ko mu ibarura ryakozwe hatagaragaye imibare nyayo y’abantu bafite Autism, ariko ko hari gahunda yo gukora ibarura rirambuye kugira ngo hamenyekane neza abashobora gufashwa uko bikwiye.

Nk’uko imibare ya NAEB ibigaragaza, muri iyo minsi itanu ibicuruzwa byoherejwe mu mahanga byageze kuri toni 9,946, bikaba byarimo ikawa, icyayi, imboga, imbuto, indabo, ibihingwa bitandukanye ndetse n’amatungo n’ibiyakomokaho.

NAEB igaragaza ko ibindi bihingwa bitandukanye byoherezwa mu mahanga, byoherejwe ku rugero rwa toni 7,846 zifite agaciro ka miliyari 7.6 Frw.

Muri rusanga, ibikomoka ku buhinzi byoherejwe mu mahanga byagiye cyane cyane muri Bangladesh, Oman no mu bihugu bitandukanye byo ku Mugabane wa Afurika.

Ikawa yoherejwe mu mahanga ingana na toni 383 ifite agaciro ka miliyari 3.4 Frw, mu gihe icyayi cyoherejwe kingana na toni 825 gifite agaciro ka miliyari 3.3 Frw.

NAEB igaragaza kandi ko imboga zoherejwe mu mahanga zingana na toni 312 zinjije miliyoni 522 Frw, mu gihe imbuto zingana na toni 323 zinjije miliyoni 326 Frw.

Ni mu gihe indabo zoherejwe mu mahanga ari toni 14 zifite agaciro ka miliyoni 114 Frw, naho amatungo n’ibiyakomokaho byoherejwe bikangana na toni 243 bifite agaciro ka miliyoni 399 Frw.

Muri rusange, ibyinshi muri bicuruzwa bikomoka ku buhinzi n’ubworozi byoherejwe ku masoko yo mu Burasirazuba bwo Hagati, u Burayi, Aziya ndetse no mu bihugu byo ku Mugabane wa Afurika.

Ibi byatangajwe nyuma y’uko kuva muri Kanama 2025, sosiyete ya Global Tungsten & Powders (GTP) yo muri Amerika itangiye kwakira tungsten iva mu Rwanda binyuze mu masezerano yagiranye na Traxys, umufatanyabikorwa wa Trinity Metals mu kugurisha umusaruro wayo.

Trinity Metals yavuze ko kugeza ubu hamaze koherezwa muri Amerika toni zirenga 320 za Tungsten y’umwimerere ifite ubuziranenge bwo hejuru, yacukuwe mu kirombe cya Nyakabingo mu Rwanda.

Iyo Tungsten itunganyirizwa mu ruganda rwa GTP ruherereye muri Pennsylvania, ikavamo ifu ya t
Tungsten ikoreshwa cyane mu nganda no mu rwego rw’umutekano muri Amerika.

Iyi sosiyete yavuze ko umubare wa Tungsten woherezwa muri GTP wikubye kabiri ugereranyije n’iyoherezwaga mbere, bituma umusaruro wa Nyakabingo ugeza ku rugero rwa 20% by’ibikenerwa na Amerika buri kwezi.

Umuyobozi w’Inama y’Ubutegetsi ya Trinity Metals, Shawn McCormick, yavuze ko ubusabe bwa Tungsten muri Amerika bukomeje kwiyongera cyane, cyane cyane mu nganda no mu bikorwa by’umutekano.

Yagize ati “Amerika ikomeje gukenera Tungsten nyinshi mu nganda no mu rwego rw’ingabo, nyamara umusaruro wayo imbere mu gihugu uri ku rwego rwa zeru. Mu gihe u Bushinwa bugenzura hejuru ya 80% by’umusaruro wa Tungsten ku isi kandi bukomeje kugabanya iyoherezwa ryayo hanze, tlTungsten iva mu Rwanda irushaho kugira akamaro ku mutekano wa Amerika n’ibihugu biyifatanya na yo.”

Yakomeje agira ati "Nk’ikigo cya mbere (kinini) gicukura amabuye y’agaciro mu Rwanda kikanayohereza mu nahanga, Trinity Metals yishimira uruhare rw’u Rwanda mu gufasha Amerika kubona amabuye y’agaciro afatwa nk’ingirakamaro mu bukungu no mu mutekano."

Yanavuze ko hari amahirwe yo gusinyana amasezerano yihariye hagati y’u Rwanda na Amerika ajyanye n’ubucuruzi bw’amabuye y’agaciro y’ingenzi (critical minerals) nk’uko Amerika yabigenje kuri bimwe mu bihugu bya Afurika.

Ku ruhande rwa Traxys, umuyobozi ushinzwe ubucuruzi bw’amabuye y’agaciro muri iyo sosiyete, Ioannis Kallinikos, yavuze ko bishimira gufasha Trinity Metals kugeza umusaruro wayo ku masoko mpuzamahanga.

Yagize ati “Twishimiye kuba ari twe twabaye umusemburo wo gufasha umusaruro wa Nyakabingo, kimwe mu birombe bya Tungsten bikomeye muri Afurika, kugera ku bakiliya bakomeye bo muri Amerika no mu Burayi.”

Trinity Metals ni sosiyete ikomeye mu bucukuzi bw’amabuye y’agaciro mu Rwanda.
Yashinzwe mu 2022 nyuma yo guhuza ibirombe bitatu byari bisanzwe bikora birimo Nyakabingo Tungsten Mine, Rutongo Tin Mine na Musha Tin and Tantalum Mine.

Kuri ubu ni yo sosiyete nini icukura amabuye y’agaciro yemejwe ko adafitanye isano n’intambara cyangwa ikoreshwa ry’abana mu kazi mu Rwanda.

Iyo sosiyete ikoresha abakozi barenga 6.500 kandi iherutse no kuvumbura ubutare bwa Lithium ahitwa Ntunga mu gace ka Musha.

Mu mwaka wa 2024, Trinity Metals yabaye ikirombe cya mbere gikora muri Afurika cyabonye inkunga y’Ikigo cya Leta Zunze Ubumwe za Amerika gishinzwe gutera inkunga ibikorwa by’iterambere (DFC), aho cyahawe inkunga ya miliyoni 3,865 z’amadolari ya Amerika yo gufasha mu bikorwa bya tekiniki.

Ikirombe cya Nyakabingo gifite ubuso bwa hegitari 1.600, kikaba giteganya ko gifite ubushobozi bwo kubonekamo toni zirenga 30.000 za tungsten ishobora gucukurwa, mu gihe ubushakashatsi bukomeje bwerekana ko iyo mibare ishobora kwiyongera.

Kuri ubu, umusaruro wacyo urenga toni 100 za wolframite buri kwezi, ikaba irimo hagati ya 65% na 70% bya Tungsten trioxide (WO3).

Iki kirombe gikora ku ruhushya rw’igihe cy’imyaka 25 rwatangiye mu mwaka wa 2015.

Barimo Minisitiri w’Ubucuruzi n’Inganda, Minisitiri w’Ibikorwa remezo ndetse n’Abanyamabanga ba Leta, babiri, n’abandi bayobozi mu nzego nkuru z’igihugu zitandukanye.

Perezida Kagame yababwiye ko kuba umuyobozi ari ugukorera abaturage, no guharanira imibereho myiza, kandi buri wese akaba yashyizwe mu nshingano, kuko hari abantu bamubonye mu mikorere ye myiza mu byo yakoraga.

Yagize ati "Mujye mwibuka ko hari abandi Banyarwanda benshi bashobora gukora nk’ibyo mukora. Icyo gihe iyo ugeze mu nshingano, byatuma ugira uruhare rugaragara."

Yakomeje agira ati "Imikorere mibi yo mugomba kuyirinda, kuko igira ingaruka. Mbere y’uko ikugiraho ingaruka, ku baturage bo ziba zaramaze kubageraho, bakaba ari bo babyishyura."

Perezida Kagame, yababwiye ko ibyiza abayobozi bigomba kubageraho nyuma y’uko bigera ku baturgae, ariko usanga ngo akenshi abayobozi bashaka ko ari bo bigeraho mbere.

Ngo hari n’aho usanga benshi bafite ubwirasi, batumva ko barimo gukorera igihugu, ahubwo bagakora bapinganwa n’abandi. Nyamara rero, ngo ibyiza bigira inyungu ku gihugu n’umuyobozi bimugeraho.

Yagize ati "Iki gihugu aho cyari kigeze, hanyuma abantu bakakibohora, sinzi niba abantu batekereza ko abagize urwo ruhare bitekerezagaho, cyangwa batekerezaga igihugu. Iyo baba bitekerezaho, ntaho igihugu cyari kugera."

Yonegeyeho ko icyo gihe n’inyungu umuntu yarwanira, nta zari zihari, nta wahembwaga cyangwa ngo abonemo ikindi, ahubwo hashoboraga kuba gutakaza ubuzima.

Ni yo mpamvu agira ati "ubwitange uyu munsi hano ntibudusaba gutakaza ubuzima. Aha ngaha, ukora akazi uzi ko utaha uri muzima. Aya mateka yari akwiye kuba atuyobora mu bikorwa byacu bya buri gihe."

Ati "Iyo uhuye n’ibibazo ku kazi, wareba uko ubikemura, ukavugana n’abandi, ibibazo bikunaniye ushobora kubisubika, ukareba amikoro ugakemura cya kibazo. Ibyo ariko bikunda iyo umuntu azi aho inshingano ziva n’aho zigarukira."

Umukuru w’Igihugu yavuze ko impinduka zishobora kujya ziba mu gihe gitoya kurusha ubu, aho yagize ati "Impinduka zo nk’izi, ahubwo birashoboka ko zajya ziba mu gihe gitoya kurusha ubu. Hari abavuga ngo ariko bihindutse vuba, abaminisitiri babahinduye vuba."

Perezida Kagame ati "Ni byo, abashinzwe kuyobora aba bantu, ababashyiraho, iyo batameze nk’aba bahindurwa cyangwa abagerwaho n’ibindi bitari byiza..ubundi habamo kwihangana...hari indwara iba mu bantu ugasanga wicaranye n’umuntu ukibwira ko yumva inshingano, mukajya inama umuntu wese agatanga igitekerezo, ibyangombwa byose bihari. Ugasanga twihaye amezi atandatu, hashira amezi atanu, mukabaza aho bigeze, ugasanga n’uwagombaga kubikora ntazi aho bigeze."

Kagame yavuze ko habaho kwihangana, kabiri, gatatu, kane, ugafata icyemezo.

Agira ati "Kwihangana hari ubwo byanga ukagerageza, ukagenda ugashaka abandi bakora neza, bakaza bagakora, kandi hari abaza bakabikora neza, ibyo kandi turabishima."

Nk’uko bigaragara ku nteguza y’ibi bitaramo, byiswe “USA Tour”, bigamije kwegera abakunzi b’umuziki b’uyu muhanzi batuye muri Amerika, ndetse no gukomeza kumenyekanisha ibikorwa bye ku rwego mpuzamahanga.

Element, umaze kumenyekana binyuze mu ndirimbo zitandukanye no mu buryo bwe bwihariye bwo gukora umuziki, ategerejweho kuzasusurutsa imbaga y’abazabyitabira, cyane cyane Abanyarwanda n’abandi bakunda umuziki Nyarwanda batuye muri diaspora.

Ibi bitaramo byateguwe na Innox Entertainment LLC ku bufatanye na Eleesphere, bikaba byitezweho kuba umwanya mwiza wo guhuza umuhanzi n’abafana be, no guteza imbere umuziki nyarwanda ku ruhando mpuzamahanga.

Element EleéeH aherutse gutoranywa muri gahunda yitwa Apple Music Up Next Africa, igamije kumenyekanisha no gushyigikira abahanzi bafite impano n’icyerekezo cyo kugera ku rwego mpuzamahanga.

Iyi gahunda ya Apple Music isanzwe izwiho gufasha abahanzi bakizamuka kubona urubuga rwagutse rubageza ku bakunzi b’umuziki hirya no hino ku Isi, binyuze mu gufata indirimbo zabo bakazishyira kuri ‘Playlists’ zihariye mu rwego rwo kurushaho kuzamamaza.

Kwinjira muri gahunda ya Apple Music Up Next Africa byitezweho kumufasha kuzamura izina rye ku rwego rwa Afurika no ku isoko mpuzamahanga ry’umuziki.

Ibi bikubiye mu itangazo ubuyobozi bw’Ingabo z’u bwashyizwe ahagaragara kuri uyu wa 17 Kamena 2026, rikaba rigaragaza kandi ko Brig Gen Karuretwa agiye gufatanya izi nshingano n’izindi yari asanzwe afite.

Nk’uko iri tangazo ribivuga, Brig Gen Karuretwa azakomeza no gukora inshingano yari asnganywe zo kuba Umuyobozi Mukuru ushinzwe ubufatanye mpuzamahanga mu bya gisirikare muri Minisiteri y’Ingabo, ari na ko akora nk’Umuvugizi w’Ingabo z’u Rwanda.

Brigadier General Ronald Rwivanga wari umuvugizi w’Ingabo z’u Rwanda, kuva ku wa 20 Gicurasi 2026, yatangiye ku mugaragaro inshingano zo kuyobora Urwego rukuriye Umutwe w’Ingabo z’Ibihugu byo muri Afurika y’Iburasirazuba zihora ziteguye gutabara (Director EASF) asimbuye Brigadier General (Rtd) Paul Kahuria Njema.

Uyu muhango wabereye ku cyicaro cya Minisiteri y’Ingabo n’Abahoze mu Ngabo i Mbuya, Kampala muri Uganda, wayobowe na Minisitiri w’Ingabo n’Abahoze mu Ngabo za Uganda, Jacob Marksons Oboth, unayoboye Inama y’Abaminisitiri ba EASF. Brig Gen (Rtd) Njema, yari amaze manda y’imyaka itatu.

Brig Gen Rwivanga yasezeranyije gukorera uyu muryango mu mucyo, ubunyamwuga no kubazwa inshingano. Yavuze ko yahaye agaciro gakomeye inshingano yahawe zo gukomeza guteza imbere amahoro n’umutekano rusange mu karere.

Umutwe wa EASF ni umuryango wo mu karere ufite inshingano zo guteza imbere amahoro n’umutekano muri Afurika y’Iburasirazuba.

Ni umwe mu mitwe itanu y’ingabo z’akarere zigize Umuryango wa Afurika yunze Ubumwe, ugizwe n’igisirikare, polisi ndetse n’abasivili. EASF igizwe n’ibihugu 10 ari byo U Burundi, Comores, Djibouti, Ethiopia, Kenya, u Rwanda, Seychelles, Somalia, Sudan na Uganda.

Abagabo bitwaje intwaro bateye Ikigo nderabuzima kiri hafi y’Umujyi wa Butembo mu Ntara ya Kivu y’Amajyaruguru, batwara uwo mwana wari urwaye ari kumwe na nyina. Inzobere mu by’ubuzima zikaba zavuze ko icyo gikorwa gishobora guteza ikibazo gikomeye ku mutekano w’ubuzima rusange muri ako gace, kubera gukwirakwira kw’icyo cyorezo. Ntibizwi niba abakoze icyo gikorwa bari babizi ko arwaye Ebola.

Abaganga batangaje ko uwo mwana na nyina bashobora gukwirakwiza virusi ya Ebola ku buryo bwihuse niba bakomeje kubura no kuguma hanze y’ubugenzuzi bw’abaganga kuko yaba usanzwe arwaye ashobora kurushaho kumererwa nabi, ariko n’abari kumwe nawe bagakandur iyo ndwara yica kandi ikaba itarabona umuti cyangwa urukingo kugeza ubu.

Dr. Lubambo Maboko Gaston, ushinzwe ibikorwa byo kurwanya Ebola muri iyo Ntara, yasabye byihutirwa abashimuse uwo mwana n’umuryango we, ko bagana ikigo kivura Ebola icyo ari cyo cyose, bakajyana yo abo bashimuse, bakabikora byihuse, kuko kubatindana bishyira ubuzima bwabo bose mu kaga gakomeye.

Yagize ati: “Kugeza ubu ntiturabona abo bantu bombi bashimuswe. Turabasaba aho bari hosa, kwihutira kujya mu kigo kivura Ebola vuba bishoboka.”

Ibyo bibaye mu gihe, igihugu cya RDC kimaze iminsi gihanganye n’icyorezo cya Ebola yo mu bwoko bwa Bundibugyo, yagaragaye guhera ku itariki 15 Gicurasi 2026 mu Ntara ya Ituri.

Hakurikijwe imibare itangwa na Minisiteri y’Ubuzima y’icyo gihugu, igaragaza ko nyuma y’ukwezi kumwe gusa, ni ukuvuga kugeza ku itariki 15 Kamena 2026, abamaze kwandura icyo cyorezo muri rusange ari 837, abamaze gupfa ari 196 (ni 23.4% by’abanduye),abamaze gukira ari 49 mu gihe, mu gihe abarimo gukurikiranwa kubera ko bahuye n’abanduye ari 376. Intara ya Ituri ni yo ikomeje kuba igicumbi cy’icyo cyorezo, kuko ari ifite umubare munini w’abacyanduye, igakurikirwa n’Intara ya Kivu y’Amajyaruguru.

Ubuhamya yabutangiye mu Rukiko rwa Rubanda rw’Ubujurire i Paris mu Bufaransa ruri kuburanisha Rwamucyo.

Uyu mutangabuhamya, mu mpera z’icyumweru gishize, yabwiye urukiko ko Jenoside yakorewe Abatutsi ifite umwihariko ugereranyije n’izindi Jenoside zabaye ku isi, bitewe n’ubwinshi bw’abaturage benshi bayigizemo uruhare.

Yavuze ko, ashingiye ku mibare yakomotse mu nkiko Gacaca, hafi 60% by’Abahutu bafite imyaka iri hagati ya 15 na 60 bagize uruhare muri Jenoside yakorewe Abatutsi, ibintu yavuze ko bitigeze biboneka mu zindi Jenoside zamenyekanye mu mateka.

Padiri Karangwa yasobanuye ko imizi y’ibi bibazo igaragara mu mateka y’ubukoloni, yibutsa ko u Rwanda rwatangiye gukolonizwa n’u Budage mu 1897 mbere yo kujya mu maboko y’u Bubiligi nyuma y’Intambara ya Mbere y’Isi.

Yavuze ko abakoloni n’abamisiyoneri bagize uruhare mu gukoresha no gushimangira amacakubiri hagati y’Abahutu n’Abatutsi.

Agaruka ku byabaye mu 1959, yavuze ko ihirikwa ry’ubwami ryashyigikiwe n’ubutegetsi bw’abakoloni b’Ababiligi, bwatumye abaturage bayoborwa mu guhangana n’Abatutsi aho guhangana n’abakoloni ubwabo.

Uyu mupadiri yavuze kandi ko nyuma y’ubwigenge, ubutegetsi bushya bwakomeje gushyira imbere urugamba rwo kurwanya ubwami kurusha urwo kurwanya ubukoloni.

Yanagarutse ku bikorwa byo guheza Abatutsi byabaye mu 1973, aho benshi birukanwe mu mashuri, muri za kaminuza no mu nzego za Leta.

Yakomeje avuga ko bamwe mu rubyiruko rwagize uruhare muri ibyo bikorwa ari bo nyuma bagarutse mu bayoboye cyangwa bagashyira mu bikorwa Jenoside yakorewe Abatutsi mu 1994.

Yibukije kandi ko, ku butegetsi bwa Perezida Juvénal Habyarimana hashyizweho politiki y’iringaniza yagabanyaga umubare w’Abatutsi bemererwaga kwiga no gukora mu nzego za Leta, aho batagombaga kurenza 10%.

Abajijwe ku bisobanuro by’amoko y’Abahutu n’Abatutsi, Karangwa yavuze ko ayo mazina atazanywe n’abakoloni cyangwa abamisiyoneri, ahubwo ko, bo bayakoresheje kandi bakayaha ibisobanuro byimakaza amacakubiri mu nyungu zabo.

Yavuze ko imbaraga za gikoloni mu bya gisirikare, mu muco no mu mitekerereze byatumye abaturage benshi bemera iyo myumvire.

Ati “Nshobora kugaragara nk’Umututsi, ariko imbere muri njye ndi Umunyarwanda mbere ya byose.”

Ku ruhare rw’amadini mu gihe cya Jenoside, Karangwa yavuze ko abantu benshi bahungiye mu nsengero kuko mu bihe byari byarabanje bazibonagamo ubuhungiro.

Cyakora, yavuze ko mu 1994 hari bamwe mu bayobozi b’amadini n’abihaye Imana bashyigikiye Jenoside, ibintu byatumye hari abatari bake bahicirwa.

Asubiza ikibazo cy’impamvu Jenoside yashobotse mu gihe gito kandi ikagirwamo uruhare n’abaturage benshi, Padiri Karangwa yavuze ko ubukoloni n’ubukene biri mu byagize uruhare rukomeye mu gutuma umubare munini w’abahutu wijandika muri Jenoside yakorewe Abatutsi.

Ati "Bamwe bashukishwaga amasambu n’amatungo by’Abatutsi bicwaga, mu gihe ubutegetsi bwakoresheje inzego zabwo zirimo ingabo, polisi n’itangazamakuru mu gukwirakwiza ingengabitekerezo ya Jenoside."

Yagarutse kandi ku ruhare rw’abize n’abanyabwenge, avuga ko bamwe bagize uruhare mu gutegura no gushyigikira ibitekerezo byagejeje kuri Jenoside yakorewe Abatutsi.

Yongeyeho ko hari n’Abahutu barwanyije ayo mahame, ariko na bo bakicwa hamwe n’imiryango yabo.

Abunganira Dr Rwamucyo basaga n’abagaragaza ko Umukiliya wabo atari kurangwa n’imitekerereze n’imigirire iganisha ku kurimbura abatutsi kandi igihe kinini yarabaye mu mahanga, Padiri Karangwa yavuze ko kuba umuntu yarabaye imyaka myinshi mu mahanga bidakuraho imyemerere cyangwa imyumvire yakuriyemo.

Ati “Intera umuntu aba ariho itandukanye n’urwego rw’imyumvire ye. Ashobora kuba ari kure ariko mu mitekerereze ye akaguma aho yakuriye.”

Ubuhamya bwa Padiri Hildebrand Karangwa bwibanze ku gusobanura amateka n’imiterere ya sosiyete nyarwanda mbere ya Jenoside, ndetse n’uruhare rw’ubukoloni mu gutuma Jenoside yakorewe Abatutsi iba.

Wababaza uti kuki murasa ibikorwa remezo muri Gaza..bati "Isiraheli iri kwirwanaho"...ibibazo n’ibisubizo USA na Isiraheli itanga ku ntambara zinyuranye barimo

Yifashishije ingero z’intambara zitandukanye zirimo kubera hirya no hino ku Isi kandi bazigizemo uruhare, yagaragaje ko atungurwa n’ibisubizo batanga iyo babajijwe.

Yagize ati “Iyo ubajije ba Mpatsibihugu uti: Kuki Israel yanga ko abanyapalestine batagira Igihugu cyabo? Ba mpatsibihugu bagusubiza ngo “Israel irirwanaho” Wababaza uti: “Kuki Israel yica aba Palestine, Ba mpatsibihugu bagasubiza bati: “Israel irirwanaho.”

Arongera ati “Wababaza uti: “Kuki Israel yica abana bato?” Ba mpatsibihugu bagasubiza bati “Israel irirwanaho” Wababaza uti: “Kuki Israel ishaka ko aba Palestinian bava muri Gaza. “Ba mpatsibihugu bakagusubiza bati: “Israel irirwanaho."

Muri iyi nyandiko yashyize ku mbuga nkoranyambaga ze, Rutaremara yanakomoje ku bikorwa by’ubwicanyi bw’indengakamere bukorerwa muri Gaza, ariko banyirubwite babazwa bagasubiza ibisubizo bidasobanutse.

Ati “Wababaza uti: “Kuki Israel ikora genocide muri Gaza. “Ba mpatsibihugu bagasubiza bati: “Israel irirwanaho." Israel yafashe ku ngufu igice cya Liban Ba mpatsibihugu bagasubiza bati: “Israel irarwana ku mutekano wayo. Wababaza uti ese ko leta ya Liban itarwanya Israel? Ba mpatsibihugu bagasubiza bati: “ni Hezbollah ibitera byose” Wababaza uti ese ko Hezbollah yagiyeho ngo ibohoze igice cyayo Israel yafashe? Bati: ni Hezbollah ntiyagomba kujyaho.”

Yungamo ati “Wababaza uti ese; ko murasa ibisasu mu majyaruguru ya Liban na Beirut bikica abantu, bigashwanyaguza ibikorwa remezo kandi Hezbollah idahari? Ba mpatsibihugu bagasubiza bati: “ariko byose ni Hezbollah” Wababaza Uti: ese Isreal yo amategeko mpuzamahanga ntayireba, Ba mpatsibihugu bagasubiza bati: “Israel iba yirwanaho."

Rutaremara yanakomoje ku ntambara ya Iran agira ati “Ubaza ba mpatsibihugu uti: Kuki USA na Israel batera Iran bakavuga ko Iran ishaka gukora intwaro za kirimbuzi kandi nyamara USA na Israel bafite intwaro za kirimbuza. Ba mpatsibihugu kandi bagira bati: “Iran nta democracy” Noneho Wababaza uti: “Ko Israel na USA bateye bakica abayobozi bakuru bose ba Iran ubwo ntibishe amategeko mpuzamahanga? “Ba mpatsibihugu bagusubiza bagira bati: “Iran nta democracy.”

Arongera ati “Wababaza uti: “Ese ko Israel na USA bohereje bombe ku ishuri babishaka bakica abana 150 b’abakobwa; ubwo si icyaha ndengakamere? “Ba mpatsibihugu bagasubiza bati: “Iran nta democracy. Nonese ko Israel na USA barasa bagashwanyaguza ibikorwa remezo bya Iran birimo amavuriro, amashuri, bakicamo n’abantu benshi …. Ubwo si ibyaha byibasira inyoko muntu? Ba mpatsibihugu baragusubiza bati: “Iran nta democracy.”

Ni inyandiko igenda yibaza ku bisubizo bitandukanye bitangwa n’ibihugu bikomeye ku Isi, iyo bibajijwe ku ntambara bifitemo akaboko.

Muzehe Tito asoza agira ati “Ngaho namwe basomyi; nimwumve kandi musesengure ibyo bisubizo bya mpatsibihugu.

Bimwe mu bikoresho by’isuku byifashishwa mu gukaraba byashyizwe hirya no hino ahahurira abantu benshi hatubatse robinets

Tariki 15 Gicurasi 2026, nibwo byemejwe ko muri Repubulika Iharanira Demokarasi ya Congo (RDC), mu Ntara ya Ituri, hagaragaye Ebola yo mu bwoko bwa Bundibugyo, hagendewe ku bari bamaze kugaragaza ibimenyetso simusiga.

Ku wa 16 Kamena 2026, nibwo MINISANTE yashyize ahagaragara itaganzo ihumuriza Abanyarwanda n’abarutuye ko mu nta muntu icyo cyorezo kiragaragaraho mu Rwanda.

Rigira riti "Kugeza ubu nta murwayi wa Ebola uri mu Rwanda, no mu duce bihana imbibi. Nubwo ibyago by’uko iki cyorezo cyagera mu Rwanda biri hasi, dukomeje kuba maso no kongera imbaraga mu bikorwa byo gutahura byihuse aho icyorezo cyamenera hose."

Nubwo mu Rwanda bari maso kandi biteguye gatahura byihuse aho Ebola yamenera hose, muri RDC ntabwo bimeze neza, kuko Imibare mishya ya Minisiteri y’Ubuzima yaho, igaragaza ko kugera ku wa 15 Kamena, abari bamaze kwandura bapimwe ari 837, barimo 29 bashya, naho 4 bakaba aribo bahitanywe nayo kuri uwo munsi.

Muri rusange umubare w’abamaze kwicwa n’icyo cyorezo kuva muri Gicurasi ni 196, aho igipimo cy’impfu kigeze kuri 23,4%.

Abantu 49 ni bamaze gukira, mu gihe abarwayi bari mu kato ari 376.

Abanduye bashya batangajwe bose ni abo mu Ntara ya Ituri, naho muri Kivu y’Amajyaruguru n’iy’Amajyepfo nta murwayi mushya wa Ebola watangajwe.

Uturere 31 mu 104 tugize iyo Ntara nitwo tumaze kugerwamo n’iki cyorezo.

Mu itangazo ryashyizwe ahagaragara ku wa Kabiri, rikaba rivuga ko iyo guverinoma yari imaze kugera kuri 10% gusa by’intego zayo. Gusa ariko ntiryigeze risobanura neza izo ntego ndetse n’ibyari bikubiyemo.

Minisitiri w’Intebe ucyuye igihe, Manuel Osa Nsue Nsua, yari yashyizweho mu 2024 na Perezida Teodoro Obiang Nguema Mbasogo, umwe mu bakuru b’Ibihugu ku Mugabane wa Afurika umaze maze igihe kirekire ku butegetsi kuva mu 1979.

Ishyaka riri ku butegetsi, Democratic Party of Equatorial Guinea (PDGE), ryavuze ko mu gihe cy’iyo guverinoma hashyizwe mu bikorwa imishinga itandukanye mu nzego zirimo imiyoborere, ibikorwa remezo, serivisi rusange n’iterambere ry’ubukungu.

Rigaragaza ko ubu bwegure bwa Guverinoma buri mu rwego rwo kongera kuvugurura inzego za Leta hagamijwe kunoza imikorere no guhuza n’ibyo igihugu gishyize imbere.

Iri shyaka rivuga ko imivugururire nk’iyi ikorwa kenshi hagamijwe kunoza imikorere ya Leta.

Minisitiri w’Intebe yabigarutseho ubwo yahagarariraga Perezida Kagame, mu Nama y’Abakuru b’Ibihugu na za Guverinoma muri Afurika hamwe n’abafatanyabikorwa batandukanye, baganiraga ku ngamba zo guhangana n’Icyorezo cya Ebola. Inama yabaye hifashishijwe ikoranabuhanga.

Muri iyi nama yari yitabiriwe na Minisitiri w’Ubuzima Dr Sabin Nsanzimana, Minisitiri w’Intebe yashimangiye ko mu Rwanda nta Ebola ihari, ibi akaba ari umusaruro w’ishoramari rihamye mu gutegura no kubaka urwego rw’ubuzima rufite ubushobozi bwo guhangana n’ibibazo.

Yagize ati: "Twakajije ingamba zo kugenzura no gukurikirana indwara ku mipaka yose yinjira mu Gihugu, twongereye ubushobozi bwo gusuzuma no gupima iyi ndwara muri laboratwari, twongera imbaraga mu buryo bwo gutabara byihuse, kandi dukomeza ubukangurambaga bwo kwigisha abaturage.”

Mu itangazo Minisiteri y’Ubuzima yashyize hanze ku mugoroba wo kuri uyu wa Kabiri tariki 16 Kamena 2026, rijyanye n’amakuru kuri Ebola yatangaje ko ikomeje gukurikirana hafi iki cyorezo cyagaragaye mu Burasirazuba bwa Repubulika Iharanira Demokarasi ya Kongo (RDC), mu Ntara ya Ituri.

Icyo cyorezo cyatewe n’ubwoko bwa virusi ya Ebola buzwi nka Bundibugyo, cyatangajwe muri Gicurasi 2026, kikaba kimaze kwibasira cyane uduce twa Ituri ndetse kinagira ingaruka mu bice bya Uganda bihana imbibi na RDC.

Amakuru aheruka agaragaza ko umubare w’abanduye n’abahitanywe n’iki cyorezo muri DRC, ukomeje kwiyongera, aho abarwayi bemejwe ari 676. N’aho muri Uganda abamaze kwemezwa bayanduye 19 mu gihe abamaze gupfa ari babiri.

Nubwo bimeze bityo, Minisiteri y’Ubuzima mu Rwanda yemeje ko kugeza ubu nta murwayi wa Ebola uraboneka mu gihugu cyangwa mu duce duhana imbibi na RDC.

Iyi Minisiteri kandi yavuze ko nubwo ibyago byo kugera mu Rwanda biri hasi, igihugu gikomeje kuba maso no kongera imbaraga mu ngamba zo gukumira no gutahura hakiri kare icyorezo cyaba cyinjiye mu gihugu.

Mu ngamba zafashwe harimo gukaza isuzuma ku mipaka, gukangurira abaturage kwirinda no gutanga amakuru ku gihe, ndetse no gutegura inzego z’ubuzima ku buryo bwihuse mu gihe haboneka uwakekwaho ubwandu.

Ubwoko bwa Bundibugyo, buri gukwirakwira muri iki gihe, ntiburabonerwa umuti cyangwa urukingo rwemewe ku rwego mpuzamahanga, bikaba bituma ingamba zo kwirinda ziba ingenzi cyane.

Abaturage barasabwa gukomeza gukurikiza amabwiriza y’inzego z’ubuzima, birinda kwegera ababagaragaraho ibimenyetso by’iyi ndwara, no gutanga amakuru ku gihe binyuze ku mirongo itishyurwa yashyizweho.

Ni imikino yo mu itsinda rya cyenda n’irya cumi yakinwe mu ijoro ryo ku wa 16 Kamena 2026 no mu rukerera rwo ku wa 17 Kamena. Ikipe y’u Bufaransa mu itsinda rya cyenda yatsinze Senegal ibitego 3-1 birimo bibiri bya Kylian Mbappe na kimwe cya Bradley Barcola mu gihe Mbaye yatsindiye Senegal.

Ibi bitego bya Kylian Mbappe muri uyu mukino watangiye Saa Tatu z’ijoro, byatumye ahita akora amateka yo kuba ariwe umaze gutsindira bitego byinshi ikipe y’igihugu y’u Bufaransa aho afite 59 akaba yanyuze kuri Olivier Giroud ufite 57 mu gihe yujuje ibitego 14 mu Gikombe cy’Isi bimugira uwa kane umaze kugitsindamo byinshi arushwa bibiri n’uwa mbere.

Saa Cyenda z’igitondo cyo kuri uyu wa Gatatu, ikipe ya Argentina yakinnye na Algeria iyitsinda ibitego 3-0 byose byatsinzwe na Lionel Messi. Uyu mugabo wakinaga umukino wa 200 mu ikipe y’igihugu, yakoze amateka yo kuba amaze gutsinda ibitego byinshi mu mateka y’igikombe cy’Isi aho yujuje ibitego 16 anganya n’Umudage Miloslav Klose wari umaranye igihe aka gahigo.

Mu wundi mukino wabaye, ikipe ya Norway yatsinze inyagiye Iraq ibitego 4-1 birimo bibiri bya Erling Haaland mu gihe kuri uyu wa Gatatu Saa Moya z’ijoro, Portugal irakina na DRC naho Saa Yine z’ijoro, u Bwongereza bugakina na Croatia.

Uretse Algeria na Senegal byo muri Afurika byatsinzwe, mu bindi bihugu byari byakinnye mbere, Brazil yanganyije na Morocco 1-1, Cape Verde inganya na Espagne 0-0 mu gihe Tunisia yatsinzwe na Sweeden 5-1.

Uyu Munyamerika w’imyaka 49, yasoje umukino w’iteramakofe ry’ababigize umwuga (professional boxing) adatsinzwe na rimwe, ashyiraho agahigo kadasanzwe k’intsinzi 50 (50-0), karimo izo yakubise n’abamurusha ibiro. Icyo gihe yakuyeho agahigo ka Rocky Marciano wari ufite amateka y’imikino 49-0 adatsindwa.

Mayweather arakekwaho kugerageza kugura isaha ya Audemars Piguet ifite agaciro ka $200,000 mu iduka ryo muri Las Vegas mu Ukuboza 2024, akoresheje sheki bivugwa ko itari iriho amafaranga yari ahagije kuri konti.

Ikinyamakuru cya ESPN mu nyandiko cyabonye z’urukiko rwo muri Nevada, Mayweather araregwa ibyaha birimo ubujura ndetse no gushaka guhuguza abantu ukoresheje uburiganya.

Ubushinjacyaha buvuga ko sheki ya $200,000 yanditswe kuri konti ya Wells Fargo yoherejwe ku iduka rizwi nka Gold and Beyond, ariko ngo konti yari iri kuri iyo sheki nta mafaranga ahagije yo kwishyura iyo saha yari ariho.

Umunyamategeko w’iri duka, Marc Cook yabwiye ESPN ko kuba ibi byarabaye mu 2024, ubu akaba aribwo ikibazo kigaragajwe, bagiye batinda gutanga ikirego kugira ngo Mayweather abanze ahabwe amahirwe yo kwishyura, ariko ngo ntibyo yigeze akora kuko nta gisubizo yatangaga cyangwa kwishyura amafaranga.

Mayweather aramutse ahamwe n’icyaha cy’ubushukanyi, ashobora gufungwa hagati y’umwaka umwe kugeza kuri ine, mu gihe ku cyaha cy’ubujura gishobora kumuviramo igihano kigera ku myaka 20.

Ibi bibaye mu gihe uyu mukinnyi wubatse izina rikomeye mu mukino w’iteramakofe akomeje no kuvugwaho izindi manza zirimo iz’imbonezamubano no kutishyura amadeni afite mu bindi bihugu bitandukanye, ndetse n’ikirego cyo kutishyura imisoro ya leta igera kuri miliyoni $7.3 (Arenga miliyari 10Frw).

Ibi Rayon Sports yabitangaje inyuze ku mbugankoranyambaga zayo aho yavuze ko yishimiye gutangaza isinya rye aho yasinye imyaka ibiri ayikiniraga kugeza mu mpeshyi ya 2028.

Kigali Today yamenye ko Rayon Sports izishyura miliyoni 8 Frw kuri uyu rutahizamu w’imyaka 23 y’amavuko.

Nizeyimana Mubarak yazamukiye mu ikipe y’Intare FA ya APR FC aho yavuye ajya mu ikipe ya Marine FC yakiniye mu mwaka w’imikino 2025-2026 aho yatsinze ibitego bitanu muri shampiyona.

Iri tsinda ryasuye Minisiteri y’Ingabo ndetse n’Icyicaro Gikuru cy’Ingabo z’u Rwanda, aho ryagejejweho ikiganiro n’Umuyobozi Mukuru ushinzwe Ubutwererane Mpuzamahanga mu bya Gisirikare muri Minisiteri y’Ingabo, Brigadier General Patrick Karuretwa.

Iki kiganiro cyibanze ku nsanganyamatsiko igira iti: “Imitwe yitwaje intwaro ishingiye ku moko, ihatanira umutungo kamere n’ingaruka zayo ku mutekano w’igihugu”, aho bagaragarijwe
ubunararibonye bw’u Rwanda n’ingamba rwafashe mu gukemura ibibazo by’umutekano rwagiye ruhura nabyo.

Uru rugendoshuri rugamije kongerera abarwitabiriye ubumenyi ku mpamvu zitera umutekano muke, cyane cyane izifitanye isano n’imitwe yitwaje intwaro ishingiye ku moko ndetse n’ihatanira umutungo kamere. Runatanga kandi amahirwe yo kwiga politiki, inzego n’uburyo u Rwanda rwakoresheje mu gukumira no guhangana n’ibibazo by’umutekano.

Madamu Halima Zanna, uhagarariye iri tsinda akaba n’Umuyobozi w’Amasomo, yashimiye amakuru n’ubumenyi by’ingirakamaro bahawe muri uru ruzinduko. Yagaragaje ko ibyo bungutse bizafasha cyane mu kurushaho gusobanukirwa imicungire y’umutekano w’igihugu, gukumira amakimbirane no kubaka amahoro arambye.

Uru ruzinduko rugaragaza ubufatanye bugenda burushaho gukomera hagati y’u Rwanda na Nigeria mu rwego rw’inyigisho n’ubushakashatsi ku mutekano, ndetse no gusangizanya ubumenyi bw’umwuga, bikaba bikomeza gushimangira ubufatanye bw’akarere mu guhangana n’ibibazo by’umutekano biriho n’ibigenda bivuka.

Kayinamura, umubyeyi w’abana bane, ukomoka mu Murenge wa Nyamata mu Karere ka Bugesera, Jenoside yatangiye ari kumwe n’umuryango we, bagenda bicirwa ahantu hatandukanye, aza kwisanga agenda yihishahisha mu bihuru ari wenyine. Ku bw’amahirwe, yaje kurokoka wenyine mu bana 6 bavukanaga.

Nk’uko yabigarutseho mu buhamya yatanze mu gikorwa cyo Kwibuka ku nshuro ya 32 Jenoside yakorewe Abatutsi cyabereye ku Kagari ka Kanazi, Kayinamura yibuka uko yabonaga imibereho y’umuryango we n’abaturanyi b’abatutsi yari imeze mbere ya jenoside, cyane cyane mu bijyanye n’imyigire y’abana.

Ngo byasaga n’aho abatutsi batemerewe kwiga, nk’uko byamugendekeye akisanga yabuze amanota yo kujya mu yisumbuye, maze ajya kwiga imyuga, muri CERAI nyuma nabyo birananirana.

Mu 1992, umuryango we warahunze hamwe n’abandi batutsi bo mu bice bitandukanye bigize icyari Komini Kanzenze, kuko barimo batwikirwa, basahurwa, banyagwa inka zabo, ndetse bamwe bahasiga ubuzima. Icyo gihe bahungiye ku Kiliziya ya Nyamata, hashize iminsi micye, bivugwa ko hatanzwe ihumure, basubira mu ngo zabo, ubuzima burakomeza.

Kwibuka i Kanazi

Mu 1994, ubwicanyi bwatangiye aho iwabo, umuryango wa Kayinamura n’abandi bibwiye ko wenda biza kugenda nk’uko byagenze muri icyo gihe cya 1992, ariko mu gihe gito, biba bibi cyane, abantu batangira kwicwa.

Aho muri Kanazi yibuka ko haguye nyina n’abavandimwe batatu, umwe yicwa arashwe. Abandi bakomeje kwiruka bahunga baza kugera i Nyamata kuko bibwiraga ko baza kuhabona ubuhungiro.

Yagize ati, “ Tugeze i Nyamata,mu buryo bugoye, ubwo nari nsigaranye na Papa n’abo tuvukana babiri, twasanze Kiliziya yuzuye harimo abantu bahunze baturuka hirya no hino. Abenshi bari hanze mu mbuga ya Kiliziya, ariko twebwe tubona umwanya tujyamo inyuma mu Bapadiri. Baje kwica ku Kiliziya mu bihe bitatu bitandukanye, ariko mu ijoro baraye bishe abantu bari mu Kiliziya imbere, twashyize hamwe turi abantu benshi b’abasore n’abagabo bakiri bato, turavuga ngo duhungire i Burundi. Tugeze mu nzira twahuye n’Interahamwe ziri ku irondo ziradutatanya, njyewe n’undi musore umwe twiruka dusubira ku Kiliziya”.

“ Nageze ku Kiliziya nsanga Papa aracyahari, ndamwinginga ngo areke dushake uko twahungira i Burundi, arambwira ati ko n’ubundi byarangiye waretse tugapfira aha! Ubwo yari kumwe n’umusaza w’umuturanyi, aramubwira ati reka twumve ibyo uyu mwana atubwira tugerageze duhunge. Tugenda turi bane nijoro, murumuna wanjye muto tumusiga aho mu mpunzi kuko yari muto tuvuga ko atoshobora kugenda, nubu iyo nibutse uko ngo yasigaye arira twamusize, kugeza baje kubica, ngira agahinda kuko numva ari jyewe wateye urupfu rwe…”.

Kayinamura avuga ko Se yari asanzwe azi iryo shyamba rya Mpira n’irya Gako ryari ririmo ikigo cya gisirikare, kuko bajyaga bariragiramo inka, ku buryo bari bizeye ko bazagera i Burundi ubwo bashoboye kuryinjiramo baticiwe mu nzira. Ariko ngo baje kugira ibyago barihuriramo n’interahamwe, bariruka, baratandukana.

Kayinamura ati, “ Iryo shyamba sinari nsanzwe ndizi, nari nakomeje kurigendamo ntazi aho ndimo ngana, nza kwisanga, ku basirikare babiri bari ku ‘burinzi’, bambaza aho mva n’aho njya, ntangira kubabwira, ariko ntavuga aho nturutse by’ukuri, ariko umwe muri bo, aravuga ngo ubu wasanga uvuye i Nyamata,…Abo basirikare basiganiye kumenya icyo bankorera, umwe abwira mugenzi we ati reka tumujyane ‘kwa muganga’ (byabaga bivuze kwica), undi arabyanga ati reka tumujyane kumufunga. Uwo washakaga kunyica byaramurakaje, ndabibona ko adashaka gukomeza kumbona. Twakomeje iyo nzira duhinguka ku gikoni cy’abasirikare, tugera imbere mu kigo nsanga aho barimo bagaburira abantu b’abasivili nanjye uwo wari wanze ko banyica arambwira ngo jya kurya…Nyuma baje kunshyira muri Kasho y’aho mu Kigo kuva uwo munsi”.

Kayinamura asobanura ko aho muri Kasho yo mu Kigo cya gisirikare cya Gako yamazemo iminsi 25 kandi ubundi ntamaregamo iminsi 15 ayirimo, ataricwa cyangwa ngo ajyanwe ahandi. Aho ngo yaje kuba nk’imfungwa imenyereye, bakamwohereza kuzana ibyo kurya ku gikoni aherekejwe, ariko uko ajya hanze akumva amakuru, akumva abavuga aho Inkotanyi zigeze n’ibindi byinshi.

Yagize ati, “ Aho mu Kigo cya Gako, byari bitangiye kuba akavuyo abasirikare bari kumwe n’abagore babo n’abana, kandi harimo abasanzwe bahakorera hamwe n’abaje bahunga urugamba baturuka za Kibungo n’ahandi. Aho hari harimo abana b’abasore bato bafashaga abasirikare imirimo itandukanye harimo kumesa n’ibindi, bakitwa ‘Abakarapu’ cyangwa se ‘Inkaraga’, umuntu yagereranya n’ababoyi b’abasirikare. Nanjye nubwo nari mfunze ariko nageragezaga kwivanga nabo uko nshobora, ku buryo abasirikare benshi bari basigaye banzi n’abana babo…”.

Kayinamura avuga ko amasasu y’Inkotanyi atangiye kumvikana, abasirikare n’imiryango yabo ndetse n’abo bari bafungiyemo aho, bahunze bagenda berekeza ahitwa Rwabusoro mu cyahoze ari Komini Muyira, ubu ni Akarere ka Nyanza. Muri uko guhunga yagiye yikoreye agasanduku k’amasasu, ahandi ashyirwa mu mujishi w’abikoreye imbunda nini, kuko imodoka zari zanze kuyitwara.

Yagize ati, “ Abasirikare twari kumwe, sinzi uko bitwaga, ariko baje gufatwa nk’ibigwari, basimbuzwa Batayo Muvumba, nkumva bavuga ngo Batayo Muvamba iraje, biyamira cyane, bati ubu na Bugesera Inyenzi ntizikiyifashe, kuko ntizabatsinda,...twagiye kubona tubona haje abasirikare ntazi aho bari bavuye, baza hejuru y’amamodoka kwa kundi interahamwe zagendaga, iyo niyo yari Batayo Muvumba ngo yari igitangaza, ijya kuri Rwabusoro ku Kiraro, abo basirikare twari kumwe bashyirwa inyuma”.

“Aho ni ho Gatsinzi Marcel, icyo gihe wari ufite ipeti rya Colonel yaje ari kumwe n’abandi bayobozi b’abasirikare, ateranya inama y’ababasirikare, ababwira ko babaye ibigwari, batarimo kurwana neza, ko Inyenzi zirimo ziza bakiruka, ko batanze igihugu none bakaba barimo bahunga. Ati mwatsinzwe ubu ntacyo mumaze nimugende...arabatonganya cyane. Ubwo bafata lisiti ndende y’abirukanywe mu ngabo barayisoma. Muri bo hari abatari bafite imyenda ya gisivili, batwiraramo batwaka imyenda twiyambariye. Aho niho umusirikare yanyambuye imyenda mama yari yarampaye tujya guhunga kuko ibintu byose bya gisirikare babyatswe, harimo n’imyenda. Jyewe banyatse umupira nari nambaye, bantwara n’ikoti ry’uruhu ryari ryiza nambaraga imbeho ntingereho. Hari n’abasivili baagurishije imyenda, kuko bari basabwe kutagira igikoresha na kimwe basigarana cya gisirikare. Bababwiye ko batagombaga no kuzongera kwegera ahari abasirikare kuko ari abagambanyi…”

“Uwanyatse imyenda yanjye yahise ansindagira igikote cya ‘simoko’ cyangwa ‘madowadowa’ yari yambaye, ubwo mbyambara ari ibikote bibiri bya gisirikare, ariko ibyo bikote bya gisirikare byaramfashije binkiza kwicwa, kuko n’abasore b’aho nkomoka bambonye, batinya kugira icyo bankoraho babonye uko nambaye…”

Kayinamura avuga ko iyo Batayo Muvumba imaze gutsindwa n’Inkotanyi, izo mpunzi nyinshi ziri kumwe n’ingabo zatsinzwe, zahise zihunga ari igihiriri, we yanga gukomeza guhungana nabo, ahubwo atangira gushaka uko abacika bwa kabiri, kuko ubwa mbere abigerageza, bitamuhiriye, icyo gihe agenda asubira inyuma, yumva yifuza ko yahura n’Inkotanyi.

Yagize ati,” Ubwo nasubiye inyuma, uwo murongo w’impunzi urangiye ngera ahantu mu gasantire mfatwa n’interahamwe ziri ahantu ku kabari, zimbaza niba ntari akanyenzi, nzisubiza ko ndi ‘Umukarapu’ w’abasirikare, hakaba hari ‘grenades’ nataye duhunga nkaba ngarutse kuzishaka. Interahamwe imwe yaramfashe itangira kuniga, nyikizwa n’undi wari wambonanye n’abasirikare, ati reka uwo mwana yari kumwe n’abasirikare rwose...nuko ankubita ku rukuta ambwira amagambo mabi. Ankubita ku rukuta, andekuye ndiruka, nza kugera ahantu hacecetse cyane nta bantu bagihari, nyuma numva amajwi y’abantu bavugira hirya, nihisha aho nari ngeze mu bwatsi bw’inka ariko ndeba mu muhanda”.

“Abo bavugaga bangeze hafi ndabareba mbona ni abasirikare, ariko batandukanye n’abo bandi twari kumwe, hanyuma sinahita mbiyereka, ariko umwe ahindukiye arambona aho mu byatsi, arambwira ati, ngwino, ntiwiruke kuko niwiruka turakurasa. Ubwo nshaka kwiyambura bya bikote bya gisirikare, uwo musirikare arambwira ati ntubisige nabyo bizane. Ni uko nahuye n’Inkotanyi. Kuva ubwo sinongera gutandukana nazo. Baduha imyitozo tuba abasirikare, urugamba rurangiye batwohereza ku ishuri muri ba ‘Kadogo’”.

“Nize ibinyabuzima n’ubutabire mu mashuri yisumbuye, hanyuma Kaminuza nize i Mudende niga ibijyanye n’imitekerereze ya muntu mu burezi (Educational Psychology), numvaga nifuza kuzakora ubushakashatsi nkamenya byinshi kuri iyi Jenoside yakorewe Abatutsi…”.

Inganda zatanze 24%ku musaruro mbumbe, ariko nanone, ni zo ziyongereye ku ijanisha rinini ugereranyije n’ingenzura riheruka, 13%

Serivisi zikomeje kugira uruhare runini kuko zagize urungana na 52% by’umusaruro mbumbe, ubuhinzi bugira uruhare rwa 19%, inganda zigira urwa 24% naho ibindi bisigaye bigira uruhare rwa 5%.

Ku bijyanye n’uburyo umusaruro mbunbe wagiye wiyongera hakurikijwe ibyiciro, usanga uw’ibikomoka ku nganda wariyongereye cyane ugereranyije n’ibindi, kuko wiyongereye ku kigero cya 13%, uw’ubuhinzi wiyongeraho 8%, mu gihe uwa Serivisi wo wiyongereyeho 7%.

Umusaruro w’ibihingwa byoherezwa hanze y’Igihugu wiyongereyeho 39%, bigizwemo uruhare n’uw’ikawa wazamutse ku kigero cya 86%, uw’icyicaye ugabanukaho 3%, mu gihe uw’ibihingwa ngandurarugo wiyongereyeho 3%.

Mu nganda, umusaruro w’ubucukuzi bw’amabuye y’agaciro na kariyeri wiyongereyeho 20%, umusaruro w’imirimo y’ubwubatsi wiyongeraho 11%, mu gihe uw’inganda zitunganya ibintu bitandukanye wiyongereyeho 15%.

Uyu ahanini wiyongereye bitewe n’izamuka rya 52% ry’umusaruro w’inganda zikora ibinyobwa, izamuka rya 57% ry’umusaruro w’inganda zikora ibikoresho by’ubwubatsi bishingiye ku mabuye, izamuka rya 21% ry’umusaruro w’inganda zikora ibikomoka ku binyabutabire n’ibikoresho bya pulasitike, n’irya 22% ry’umusaruro w’inganda zikora ibikomoka ku mbaho.

Mu bijyanye na Serivise, umusaruro w’ubucuruzi buranguza n’ubudandaza wiyongereyeho 11%, uw’ubwikorezi wiyongereyeho 11% harimo uw’ubwikorezi bwo ku butaka wiyongereyeho 10%, naho ubwo mu kirere bwiyongereyeho 7%.

Mu zindi serivisi, umusaruro wa serivisi z’itumanaho n’ikoranabuhanga wiyongereyeho 22%, uw’ibigo by’imari n’ubwishingizi wiyongereyeho 11%, uw’uburezi wiyongereyeho 3%, mu gihe umusaruro wa serivisi za resitora n’amacumbi wagabanutseho 16%.

Minisitiri w’Imari n’Igenamigambi Yusuf Murangwa, avuga ko nubwo hari ingaruka z’intambara irimo kubera mu burasirazuba bwo hagati zari zitezwe ariko atari nyinshi ku buryo byashoboraga kugira ingaruka zikomeye cyane ku bukungu bw’Igihugu.

Ati “Iyo turebye uko ubukungu bwazamutse mu gihembwe cya kabiri cy’umwaka ushize n’icya gatatu cy’umwaka ushize, ubona ko ubukungu bwari bumaze gufata umuvuduko mwiza, kuko nko mu gihembwe cya gatatu cy’umwaka ushize bwazamutse ku kigero cya 11.8%, icya kane 11.2%. Birumvikana ko urwego byari bimaze gufata rw’ubukungu butandukanye ari rwiza.”

Yungamo ati “Buriya iyo ubukungu burimo kuzamuka, iyo nta kintu kibubangamiye hagati aho, burakomeza bukazamuka, ariko wenda ubu turategereje mu gihembwe cya kabiri wenda ingaruka z’intambara dushobora kuzazibona, ariko natwe ntabwo twicaye, turimo turagerageza gukora ibishoboka byose kugira ngo tutazahura na za zindi za mbere.”

Bimwe mubyo Minisitiri Murangwa avuga ko birimo gukorwa, harimo kwihutisha imishinga, korohereza abashoramari kugira ngo bakomeze gushora imari, n’ibindi bishobora gutuma izo ngaruka zitagaragara cyane.

Ingabire akurikiranweho kurema umutwe w’abagizi ba nabi. Ku wa 15 Kamena yari yitabye urukiko ngo urubanza rutangire mu mizi, ariko avuga ko atameze neza mu mubiri, mu marangamutima no muri Roho.

Mu byo yavuze, harimo ko atabona imiti ye y’amenyo n’iy’uruhu uko bikwiye, ko atavugana n’umuryango we nk’uko abyifuza, ndetse ko atemererwa kujya gusenga, uretse ku Cyumweru.

Yari yavuze kandi ko atemererwa kuvugana n’abo bari mu rubanza rumwe, uko ari batandatu.

Uyu munsi, Ingabire wari waje yitwaje ya miti avuga ko akoresha ku ruhu rwe ndetse n’amenyo yari yayizanye mu rukiko.

Urukiko rwanzuye ko nta bimenyetso bigaragaza ko atabona imiti uko ayifuza, cyangwa ko abuzwa gusenga, cyangwa kuvugana n’umuryango we.

Urukiko rwahaye Victoire Ingabire umwanya wo kuvugana n’abo bareganwa, aho mu rukiko, kugira ngo noneho urubanza ruzakomeze kuri uyu wa 17 Kamena.

Uru ruzinduko rwatangiye kuri uyu wa Kabiri tariki 16 Kamena 2026, ruzibanda ku gusobanurirwa byinshi ku miyoborere y’inzego za Leta, imicungire y’imari ya Leta, ndetse no kunoza imikorere y’inzego za Leta hagamijwe kongera ubushobozi n’imikorere inoze.

Muri uru rugendo, izo ntumwa zizaganira n’inzego zitandukanye zirimo Minisiteri y’Imari n’Igenamigambi, Ibiro bya Minisitiri w’Intebe, Urwego rw’u Rwanda rw’Imiyoborere, Minisiteri y’Abakozi ba Leta n’Umurimo n’Ikigo cy’Igihugu gishinzwe Ikoranabuhanga mu Itumanaho n’Isakazabumenyi (RISA), ndetse n’ubuyobozi bw’Irembo.

Muri izi ngendo bazagirira mu nzego zitandukanye za Leta, bazasobanurirwa uburyo u Rwanda rutegura igenamigambi ry’iterambere, uko ingengo y’imari itegurwa kandi igashyirwa mu bikorwa, gahunda y’imicungire y’imikorere ya Leta izwi nka Imihigo, ndetse n’ishyirwa mu bikorwa rya sisitemu ya E-Cabinet.

E-Cabinet system ni sisitemu y’ikoranabuhanga ikoreshwa mu gufasha Inama y’Abaminisitiri mu gutegura ku gihe gahunda z’inama y’Abaminisitiri.

Gusangiza abaminisitiri inyandiko n’amadosiye mu buryo bwizewe. Gukurikirana ibyemezo bifashwe mu nama. Gukurikirana ishyirwa mu bikorwa ry’ibyemezo bya Guverinoma. Kugabanya ikoreshwa ry’impapuro no kongera imikorere inoze.

Mu Rwanda, E-Cabinet ni kimwe mu bigize gahunda yo guteza imbere ikoreshwa ry’ikoranabuhanga mu miyoborere, igamije kongera umuvuduko, gukorera mu mucyo no kunoza imikoranire y’inzego za Leta.

Uruzinduko kandi ruzarangwa n’ingendo mu nzego z’ubuyobozi bw’ibanze, aho intumwa zo muri Liberia zizarebera hamwe uburyo imikoranire y’inzego z’ibanze n’abaturage itegurwa kandi igashyirwa mu bikorwa, hagamijwe guteza imbere iterambere rishingiye ku baturage.

Uru rugendo rwitezweho kongera ubufatanye hagati y’ibihugu byombi no gusangira ubumenyi ku mikorere inoze y’inzego za Leta.

Perezida wa Repubulika y’u Rwanda Paul Kagame, ku wa 10 Kamena 2026, nibwo yakoze impinduka shyiraho abayobozi bashya aho yagize Madamu Uwizeye Judith Minisitiri w’Abakozi ba Leta n’Umurimo, asimbuye Amb. Christine Nkulikiyinka wagizwe Ambasaderi w’u Rwanda muri Espagne.

Ambasaderi Christine Nkulikiyinka yashimangiye akamaro ko gukorera abaturage mu bunyangamugayo n’ubunyamwuga ndetse n’umwihariko wo gushyira imbere intego yo gutanga serivisi nziza, ashimangira ihame rigira riti “Service Before Self”, (Serivisi mbere y’inyungu zawe bwite).

Iyi ni interuro ikoreshwa kenshi mu rwego rw’imiyoborere n’ubuyobozi ishimangira ko umuntu agomba gushyira inyungu rusange n’akazi ashinzwe imbere y’inyungu ze bwite.

Ku ruhande rwa Minisitiri Judith Uwizeye yashimiye Hon. Amb. Nkulikiyinka ku buyobozi bwiza n’umusingi ukomeye asize muri iyi Minisiteri, anagaragaza ko azakomeza guteza imbere ireme rya serivisi zihabwa abaturage, guteza imbere imishinga igamije guhanga imirimo mishya ndetse no gukomeza gushyira imbere ivugurura rigamije inyungu z’Abanyarwanda.

Uwizeye Judith ugiye kuyobora Minisiteri y’Abakozi ba Leta n’Umurimo, muri Guverinoma nshya yatangajwe muri Nyakanga 2025, yari yagizwe Minisitiri muri Perezidansi ya Repubulika.

Minisiteri y’Abakozi ba Leta si ubwa mbere ayiyoboye kuko no mu 2014-2017 yari yagizwe Minisitiri w’Abakozi ba Leta n’Umurimo.

Iki gikorwa cyabereye mu Ngoro y’Umukuru w’Igihugu mu Mujyi wa Ljubljana, cyagaragaje umubano ukomeje gutera imbere hagati y’u Rwanda na Slovenia, ndetse n’ubushake bw’ibihugu byombi bwo gukomeza guteza imbere ubufatanye mu nzego zitandukanye zifitiye inyungu impande zombi.

Mu biganiro byabaye nyuma y’iki gikorwa, Ambasaderi Bakuramutsa na Perezida Nataša, bongeye gushimangira akamaro ko guteza imbere ubucuruzi, ishoramari ndetse n’ubufatanye bwagutse hagati y’ibihugu byombi.

Ibi byitezweho gufungura amahirwe mashya mu iterambere ry’ubukungu no gukomeza gusigasira umubano mwiza usanzwe uri hagati y’u Rwanda na Slovenia.

Ambasaderi Bakuramutsa, asanzwe ahagarariye u Rwanda mu bihugu birimo Liechtenstein, Vatican, Autriche ndetse no mu Busuwisi ari n’aho afite icyicaro. Asanzwe kandi ahagarariye u Rwanda mu biro bya Loni i Genève ndetse no mu Muryango Mpuzamahanga w’Ubucuruzi (WTO).

U Rwanda na Slovenia bifitanye umubano mwiza wa dipolomasi n’ubutwererane mu nzego zitandukanye, cyane cyane mu bya politiki, ubukungu, ibidukikije, ndetse n’imikino. Ibihugu byombi byiyemeje gushimangira ubufatanye.

Muri Mata 2023, Perezida w’Inteko Ishinga Amategeko ya Slovenia, Urška Klakočar Zupančič, yasuye u Rwanda ndetse anagirana ibiganiro na Perezida Paul Kagame ndetse n’abandi bayobozi bakuru b’Igihugu. Yasuye n’Urwibutso rwa Jenoside ruri ku Gisozi.

Yabigarutseho ku wa Mbere tariki 15 Kamena, ubwo yafunguraga ku mugaragaro ibiganiro nyunguranabitekerezo ku mushinga wo guhuza inzego za politiki z’Umuryango wa Afurika y’i Burasirazuba (EAC).

Muri ibi biganiro, impuguke ziturutse muri EAC ziri gukusanya ibitekerezo by’Abanyarwanda bo mu ngeri zitandukanye, ku ngingo z’ingenzi bifuza ko uyu mushinga wazibandaho mu gihe cyo gushyirwa mu bikorwa.

Dr Usta Kaitesi, yavuze ko kuba nyamwigendaho ntacyo byageza ku Gihugu, ahubwo ubufatanye ari ryo shingiro rizatuma ibihugu bigera ku iterambere rirambye.

Yagize ati: “U Rwanda rwiyemeje ibi rushingiye ku kuba amahirwe menshi n’ibibazo byinshi byo mu Karere bisaba imbaraga z’ibihugu byose. Ubufatanye ni bwo shingiro rikomeye ry’iterambere kurusha ko buri Gihugu cyakora ukwacyo.”

Dr. Usta Kayitesi

Muri iki gikorwa, Dr Usta Kaitesi yashimye kuba abaturage barahawe amahirwe yo kugira uruhare mu gutegura ejo hazaza h’Umuryango wa Afurika y’Iburasirazuba.

Minisitiri Kayitesi yasabye abaturage gutanga ibitekerezo byabo ntacyo bishisha, bakagaragaza ibyifuzo n’ibyo bategereje kuri uku guhuza Politiki za EAC, ashimangira ko uruhare rwabo ari ingenzi mu kubaka amategeko shingiro azagaragaza inyungu z’abaturage bose bo muri Afurika y’Iburasirazuba.

Yongeyeho ko gushyira imbere ibitekerezo by’abaturage bizafasha gushyiraho urwego rukomeye rw’imiyoborere rujyanye n’icyerekezo cy’Akarere.

Ni umuhanda w’ibirometero 18 uzashyirwamo kaburimbo iciriritse guturuka ahitwa mu Bihari hafi y’ibiro by’Umurenge wa Nyagisozi ku muhanda wa kaburimbo uturuka i Huye ukagera i Ndago unyuze i Cyahinda; ukanyura mu isoko rya Viro, ukagera ku mupaka w’u Rwanda n’u Burundi wa Nshiri.

Unyura mu Mirenge itanu yo mu Karere ka Nyaruguru ari yo Nyagisozi, Cyahinda, Busanze, Ruheru na Munini.

Ibi bishimishije abarema ririya soko, ariko n’abaturiye uriya muhanda, bavuga ko uzabazanira iterambere ndetse bakazajya banagenda mu muhanda ukoze neza.

Nka Narcisse Nsengiyumva utuye mu Mudugudu wa Muriza mu Kagari ka Nyagisozi, Umurenge wa Nyagisozi, agira ati "Hari imodoka zituruka za Butare, Kigali na Gisagara, abanyamagare n’abanyamamoto, baje guhahira mu Iviro. Iyo imvura yaguye zibura aho zinyura, zikagarukira ku Murenge hafi ya Kaburimbo. Umuhanda Numara gushyirwamo kaburimbo ibintu bizagenda neza."

Marie Goretti Mukamurara utuye mu Mudugudu wa Nyagishayi, Akagari ka Nyagisozi, Umurenge wa Nyagisozi, na we ati "Imvura yagwaga ibinyabiziga bigashaya ntibibashe kunyura muri uyu muhanda kubera ubunyereri buwubamo. N’abanyamaguru kugenda byabagoraga. Mu gihe cy’izuba habaga ivumbi ryinshi cyane rikagera no mu masafuriya mu nzu, wahanyura uri kuri moto ikaguceka kubera ibinogo."

Yungamo ati "Ariko uwatinyaga kuhanyura ntazongera kubitinya. Azajya avuga ati umuhanda ni mwiza. Ashobora kuzana imyaka ashoye mu Iviro, umushoferi ntatinye kuza guheramo no gutanga amafaranga yo guhemba abayishayura. Ibintu biraza kujya bigenda neza."

Na none ariko, abaturiye uriya muhanda bavuga ko n’ubwo bishimiye umuhanda uzabazanira iterambere, ntibishimiye uko babariwe ibyabo bizangizwa no kuwutunganya kubera ko bavuga ko byakozwe bategerewe ngo basobanurirwe ibyo bagomba kwishyura, bituma batekereza ko bari kwishyurwa makeya.

Hari ugira ati "Mu kuza kubara, umuturage nta ruhare yabigizemo. Barazaga bakirebera ibyo bareba, ukazumva ngo barakugeneye. Wumvaga baguhamagaye ngo ngwino usinye, bakaguha agapapuro ngo uzishyurwa aya."

Akomeza agira ati "Twifuza ko ubutaha abaturage bajya bagira uruhare mu kubarirwa. Umuntu bakamwereka igiti cya avoka kibarirwa aya, insina igenerwa aya n’aya, ku buryo umuntu asigara azi ayo azabarirwa."

Umuyobozi w’Akarere ka Nyaruguru, Emmanuel Murwanashyaka, avuga ko gushyira kaburimbo muri uriya muhanda byatekerejweho hagamijwe kunoza imihahirane kubera ko imiterere ya Nyaruguru ituma imihanda y’ibitaka yangirika vuba nyuma yo gutunganywa.

Ati "Nyaruguru ni Akarere gafite imisozi miremire, ubutaka bworoshye ndetse n’imvura nyinshi, ku buryo umuhanda ukozwe utarimo kaburimbo utamara igihe. Usanga nk’uwagombaga kumara byibuze imyaka itanu umara umwe cyangwa ibiri. Gushyirwamo kaburimbo rero ni ukugira ngo uburyo bwo gufata neza imihanda bugendane n’igihe ndetse n’imiterere y’Akarere."

Naho ku bijyanye n’ibarwa ry’ibizangizwa ryaba ritarakozwe mu buryo umuturage abigiramo uruhare, avuga ko ubundi atari ko bigenda, kandi ko bene ayo makosa aramutse yarabayeho utishimiye uko yabariwe yemerewe kutabisinya agasubirishamo.

Ngo ashobora no kwifashisha umugenagaciro wigenga, ibyo abonye bigahuzwa n’ibyakozwe mbere, cyane ko hariho itegeko rigenga kwimura abantu ku mpamvu rusange rigena n’ibiciro by’ibyishyurwa.

Biteganyijwe ko imirimo yo gutunganya uriya muhanda izarangirana n’ukwezi k’Ukuboza muri uyu mwaka wa 2026, ukazatwara amafaranga abarirwa muri miriyari 16.

Uzasiga Nyaruguru ari kamwe mu Turere dufite imihanda ya Kaburimbo miremire kuko izaba ifite iri ku birometero 125.

Ikigaragaza uburyo yabaye inkuru ku Isi, mbere y’uyu mukino Cape Verde yanganyijemo na Espagne 0-0, Vozinha yari afite abamukurikira ku rubuga rwa Instagram bagera ku bihumbi 50 gusa. Icyakora, nyuma yo kwitwara neza cyane, akagaragaza ubuhanga buhanitse mu izamu ndetse akanatorwa nk’umukinnyi w’umukino (Man of the Match), umubare w’abamukurikira wazamutse mu buryo butangaje.

Mu gihe gito cyane, uyu munyezamu yahise agera ku barenga miliyoni 2 bamukurikira, ibintu byerekana uburyo umukino mwiza no kwitwara neza ku rwego mpuzamahanga bishobora guhindura ubuzima bw’umukinnyi mu buryo bwihuse.

Imibare mishya y’iyi Minisiteri igaragaza ko ku wa 14 abarwayi 8 bashya bakize barimo 3 bo mu gace ka Bunia hamwe n’abandi 5 bo mu Rwampara, twose two mu Ntara ya Ituri.

Muri rusange abamaze gukira icyo cyorezo kuva cyatangira kwibasira iki gihugu muri Gicurasi ni 48.

Minisiteri y’ubuzima ivuga kugera kuri iyo tariki uduce tugera kuri 31 ari two twari tumaze kugeramo iyo ndwara, mu gihe umubare w’ubwandu bushya wabonetse ari 26 naho 11 nibo bitabye Imana, aho igipimo cy’impfu kiri ku kigereranyo cya 23,8%.

Imibare kandi igaragaza ko abarwayi 363 ari bo bari mu kato (isolation).

Kugeza ubu nta muti cyangwa urukingo bya Ebola ya Bundibugyo biraboneka ariko ubushakashatsi bwemeza ko ibimenyetso byayo bivurwa, bigakira, cyane cyane iyo umurwayi yivuje hakiri kare.

Raporo y’iki kigega igaragaza ko Afurika ifitemo ibihugu 12 muri 15 bya mbere biteganyijwe kuzagira izamuka rikomeye ry’ubukungu, aho u Rwanda na rwo ruri kuri urwo rutonde.

U Rwanda rukomeje gushimwa ku rwego mpuzamahanga kubera uburyo rwashyize imbaraga mu guteza imbere serivisi, ikoranabuhanga, ubukerarugendo, ibikorwa remezo ndetse no guteza imbere ishoramari.

IMF iteganya ko izi gahunda zizakomeza gufasha ubukungu bw’igihugu kuzamuka ku muvuduko ushimishije mu 2026, kuko igaragaza ko ubukungu bwarwo buzazamuka ku gipimo cya 7,2%.

Ibindi bihugu bya Afurika biri kuri uru rutonde birimo Senegal, Niger, Ethiopia, Benin, Côte d’Ivoire, Uganda, Tanzania, Djibouti, Libya, Togo na Zambia. Hanagaragaraho ibihugu bike byo hanze ya Afurika birimo igihugu cya Guyana cyo muri Amerika y’Amajyepfo gikomeje kuzamuka kubera ubukungu bushingiye kuri peteroli.

Senegal iri mu bihugu biteganyijwe kuzagira izamuka rikomeye cyane kubera ibikorwa bishya byo gucukura peteroli na gaz. Ethiopia na Côte d’Ivoire byo bikomeje kungukira mu ishoramari ry’ibikorwa remezo n’inganda.

Nubwo IMF itagaragaza imibare ya mbere n’iyagabanyijwe kuri buri gihugu ku rutonde rwose, ariko raporo zayo zigaragaza ko ibihugu byinshi bya Afurika byagabanyirijweho hagati ya 0.1% na 1% bitewe n’ibibazo by’ubukungu bw’Isi, imyenda, ihindagurika ry’ikirere n’umutekano mucye.

Ku Rwanda, urugero, IMF yari yabanje guteganya izamuka riri hejuru gato ya 7.5%, nyuma iza kurigabanya rishyirwa kuri 7.2%.

Ethiopia yo yari hafi ya 9.5% mbere yo kugabanywa ikagera kuri 9.2%, mu gihe Uganda yari yitezweho hafi 7.8% mbere yo kujya kuri 7.5%.

Nubwo habayeho kugabanya imibare, Afurika yakomeje kuyobora urutonde rw’ibihugu bifite ubukungu buzazamuka cyane kurusha ubundi ku Isi mu 2026.

Infantino agerageza guhuza intumwa ya Israel n’iya Palestine

Iri rushanwa rizabera muri Leta Zunze Ubumwe za Amerika muri Nzeri 2026.

Rizitabirwa n’amashyirahamwe y’ibihugu y’umupira w’amaguru yose agize FIFA uko ari 211, harimo n’u Burusiya bumaze imyaka ine butemerewe amarushanwa ya FIFA kubera intambara bwashoje muri Ukraine mu 2022.

Uyu mukino uteganyijwe hagati ya Israel na Palestine uje nyuma y’uko Perezida wa FIFA, Gianni Infantino, ananiwe guhuza abayobozi b’amashyirahamwe y’umupira w’amaguru y’ibi bihugu byombi ngo bahane umukono ndetse bifate hamwe mu nama ya FIFA yabaye muri Mata 2026.

Muri iyo nama, Perezida w’Ishyirahamwe ry’Umupira w’Amaguru muri Palestine, Jibril Rajoub, yanze guhagararana na Basim Sheikh Suliman, visi perezida w’Ishyirahamwe rya Israel, nubwo Infantino yagerageje kubabwira ko bakwiye kwerekana ubutumwa bw’amahoro.

Rajoub yavuze ko “barimo kubabara”, agaragaza ko ikibazo cya politiki n’umutekano hagati y’impande zombi kigikomeye.

Ishyirahamwe ry’Umupira w’Amaguru muri Israel ryatangaje ko ryiteguye gukoresha umupira w’amaguru nk’inzira yo guteza imbere amahoro n’ubusabane hagati y’abaturage b’impande zombi.

Iri rushanwa rishya rya FIFA rizajya rikinirwa ku bibuga bito, amakipe agizwe n’abakinnyi bari hagati ya barindwi na icyenda, ndetse rikazajya rikoresha igihe kigufi cy’umukino.

FIFA yatangaje ko, uyu mwaka rizitabirwa n’abahungu gusa, ariko mu mwaka utaha hazongerwamo n’amakipe y’abakobwa.

Ibi yabigarutseho mu nama ya African Air Transport Convention & Expo 2026, iri kubera I Lome muri Togo, kuva tariki 15-19 Kamena 2026. Iyi inama itegurwa ku bufatanye bwa Komisiyo Nyafurika ishinzwe ibijyanye n’indege za gisivile n’Umuryango wa Afurika Yunze Ubumwe.

Perezida Kagame mu ijambo yagejeje ku bitabiriye iyi nama, yavuze ko isoko rimwe rikora neza ari irishingiye ku mategeko n’amabwiriza asobanutse kandi ahamye mu bihugu bitandukanye.

Yagize ati: “Isoko rimwe rikora neza iyo amategeko n’amabwiriza bihuye kandi byumvikana mu bihugu byose. Inzego zifite inshingano zo kuyobora ibi zisanzwe zihari, kandi zikwiye gushyigikirwa. Iri hame kandi rireba na politiki igomba gukurikizwa kuri visa."

Perezida Kagame yagaragaje ko u Rwanda rwafashe icyemezo cyo gukuraho inzitizi zimwe na zimwe, zirimo iza visa, hagamijwe korohereza abantu gusura igihugu, guhuza ibikorwa no gushaka amahirwe.

Ati: “Mu Rwanda, twakuyeho izo nzitizi kuko twashakaga ko abantu basura igihugu, bagahuza ibikorwa ndetse bakavumbura amahirwe ahari. Kandi nk’uko tubizi, ni cyo cyari gikwiye gukorwa.”

Yongeyeho ko ibyo byagize uruhare rukomeye kuko byatumye habaho kwiyongera kw’ibikorwa by’ubucuruzi, ubukerarugendo ndetse n’ubwiyongere bw’ingendo z’indege.

Perezida Kagame yashimangiye ko iki gikorwa u Rwanda rwakoze, cyagaragaje ko gufungura imipaka n’imikoranire ari imbaraga zikomeye zituma iterambere ryihuta, anavuga ko nta Karere na kamwe gashobora kugera ku bushobozi bwako mu gihe gahisemo kuba nyamwigendaho.

Ati: “Uko ubwikorezi bwo mu kirere bwiyongera, niko butanga amahirwe menshi kandi bugafungura inzira nshya z’iterambere.”

Yasoje ashimangira ko guteza imbere ubufatanye mu by’ubwikorezi bwo mu kirere ari imwe mu nkingi z’iterambere rirambye rya Afurika.

Iyi nama Perezida Kagame yitabiriye, igamije kwihutisha ishyirwa mu bikorwa rya gahunda ya AU izwi nka Single African Air Transport Market (SAATM), igamije gukuraho inzitizi zikigaragara mu ngendo zo mu kirere muri Afurika no guhuza imikoranire muri uru rwego.

Nk’uko tubikesha abashinzwe itangazamakuru n’itumanaho muri iki kigo, kuri uyu wa Gatandatu, 20 Kamena, Spiro izafungura sitasiyo eshatu nini, zishobora gucaginga bateri hagati ya 350-700 icyarimwe.

Ibyo rero, ngo bisobanuye ko iyo sitasiyo iba ishobora gutanga bateri 700-1500 ku munsi.

Felix Rubanda, umuyobozi ushinzwe ingufu muri Spiro Rwanda yagize ati "Nyuma y’iminsi nk’icumi cyangwa makumyabiri, tuzafungura izindi sitasiyo zirindwi, zose hamwe zibe icumi."

Izi sitasiyo ngo zizashyirwa ahantu h’ingenzi mu kazi ka motari nka Nyamirambo, Kinamba, Kicukiro centre, Kimironko, Batsinda, Muhima, Nyabugogo, Gatsata, Kanombe na Sonatube.

Yongeyeho kandi ko utwara moto ushaka bateri azajya ayibona hagati y’iminota itatu n’itanu.

Uyu mutoza wari wavuye muri iyi kipe mu mpeshyi ya 2025, iyi kipe yamutangaje ku mugoroba wo kuri uyu wa Mbere ibinyujije ku mbugankoranyambaga zayo.

Laurentiu waherukaga gutwara shampiyona ya Sudani 2025-2026 nyuma yo gutsinda Al Merrikh SC 1-0, mu cyumweru gishize yaherukaga kongera amasezerano y’umwaka muri Al Hilal SC ndetse iyi kipe iranabitangaza.

Uretse gutwarwa shampiyona ya Sudani, Laurențiu Reghecampf yanatwaye Shampiyona y’u Rwanda 2025-2026.

Laurentiu yaherukaga kongera amasezerano y’umwaka muri Al Hilal SC

‎

Iri rushanwa mpuzamahanga ryabaye mumpera z’Icyumweru kuwa Gatandatu no ku Cyumweru, tariki ya 13 na 14 Kamena 2026, ryitabirwa n’abantu 4.197, umubare munini ryigeze kugira mu myaka ishize. Uretse ubwitabire budasanzwe, uyu mwaka waranzwe n’udushya twatumye uba uw’amateka kuko ku nshuro ya mbere ibikorwa by’irushanwa byashyizwe mu minsi ibiri, ribanzirizwa n’isiganwa ry’avatarabigize umwuga "Run for Peace" y’ibilometero 10 yabaye ku wa Gatandatu, tariki ya 13 Kamena 2026.
‎
‎Aya mavugurura yatumye Kigali International Peace Marathon iba igikorwa cy’iminsi ibiri cyahuje abanyamwuga, abakunzi b’imikino ngororamubiri ndetse n’abaturage basanzwe, bikomeza kongera ubukerarugendo bwa siporo no kugaragaza Kigali nk’umujyi wakira neza amarushanwa mpuzamahanga.
‎
‎Andi mateka yanditswe muri iri rushanwa ni ay’Abanyarwandakazi bihariye imidari, harimo umudari wa zahabu n’indi myanya ibiri ya mbere mu cyiciro cya Half-Marathon. Ibishatse Angelique ni we wegukanye umwanya wa mbere akoresheje isaha imwe, iminota 13 n’amasegonda 29, akurikirwa na Mutuyimana Berthlide ndetse na Tuyambaze Thabita. Ni intsinzi ikomeye igaragaza iterambere ry’abagore b’Abanyarwanda mu mikino ngororamubiri no guhangana ku rwego mpuzamahanga.
‎
‎Mu gihe Abanya-Kenya bakomeje kwigaragaza mu marushanwa maremare ya Full-Marathon, Abanyarwandakazi bo berekanye ko igihugu gifite impano zikomeye zishobora gukomeza guhesha ishema ibendera ry’u Rwanda mu marushanwa akomeye ku Isi.
‎
‎Ibihembo by’amafaranga byatazwe biga anyone mu buryo bukurikira, umukinnyi wegukanye iri rushanwa mu gusiganwa mu bilometero 42 [Full-Marathon] mu bagabo n’abagore, yahawe ibihumbi 20$ [asaga miliyoni 29,3 Frw], uwa kabiri ahabwa ibihumbi 15$ naho uwa gatatu atwara 7500$.
‎
‎Uwa kane yabonye 5000$, uwa gatanu abona 3000$ mu gihe kuva ku wa gatandatu kugeza ku wa munani bahawe 2000$, 1500$ na 1000$. Naho mu basiganwe mu bilometero 21 [Half-Marathon], uwa mbere mu bagabo no mu bagore yahawe 5000$ [asaga miliyoni 7,3 Frw], uwa kabiri yahawe 4000$, uwa gatatu ahabwa 3000$ mu gihe kuva ku mwanya wa kane kugeza ku wa munani bahawe 2000$, 1000$, 800$, 500$ na 400$.
‎
‎Kigali International Peace Marathon ikomeje kuzamura urwego kuko iri mu marushanwa yemewe ku rwego mpuzamahanga, ndetse uyu mwaka yanatumiwemo abakinnyi 22 bo ku rwego rwa Gold Label mu rwego rwo gukomeza kuzamura ireme ryayo. Ibi byose bituma iri rushanwa rikomeza kuba kimwe mu bikorwa bya siporo bikomeye kandi byanditse amateka muri Afurika.
‎

Abayobozi n’abakozi ba ISOKO SACCO Gasabo basura urwibutso rwa Ntarama

Ubu urwibutso rwa Ntarama, rwashyizwemo inzu y’amateka asobanura iby’itotezwe Abatutsi banyuzemo kuva cyera.

Muri iyi nzu y’amaeka, bagaragaza ko Umututsi wa mbere yageze mu Bugesera mu 1959 avanwe i Nemba mu yahoze ari Perefegitura Ruhengeri, abandi baza bimuwe i Byumba, Gikongoro na Butare babanza kubatuza mu nkambi.

Amateka agaragaza ko n’ubwo Ubugesera bwari butuwe no ku gihe cy’ubwami, hari abaturage bacye, kubera isazi ya Tsetse yari ihafite amatwara, kubera imiterere y’ikirere cyaho, cyarangwaga n’ubushyuhe yishimira.

Kuruma abantu n’amatungo yabo byasaga nko kwitabara kw’iyo sazi, cyangwa gushaka ibyo kurya, icyo kibazo kiracyariho mu Ntara y’Ibirasirazuba, aho aborozi bahora bahanganye na Tsetse, kuko iyo irumye inka ihaka, ihita iramburura.

Mu myaka ya 1960 Guverinoma yaje gufata abari mu nkambi, ibashyira mu miturire yateguwe, (Paysannats) hafi y’Ikiyaga cya Rweru n’Umugezi w’Akanyaru.

Iyo gahunda yatumye Abatutsi benshi bakomeza koherezwa mu Bugesera, kugera mu myaka ya 1960 nk’uko ibimenyetso biri ku Rwibutso rwa Jenoside rwa Kigali, na Ntarama bibigaragaza.

Kugeza 1969, Imidugudu yateguwe yari imaze guturwa ku kigero cya 77%. Abimuwe bavuye cyane cyane mu yahoze ari Perefegitura Gikongoro bari bageze kuri 37%, Butare 44%, aha haje no kwiyongeraho impunzi z’Abarundi zari zihunze imidugararo y’iwabo, bo bageraga kuri 19%.

Impunzi z’Abarundi akandi kaga ku Batutsi mu Bugesera

Nyuma yo kubona ko Abatutsi bihagazeho imbere y’isazi ya Tsetse, Leta y’u Rwanda yakiriye impunzi z’Abahutu b’Abarundi, maze izituza hamwe n’Abatutsi mu Midugudu yari yarashyizweho.

Prof Dusingizemungu Jean Pièrre, Umu senateri mu Nteko Ishinga Amategeko avuga ko abo Bahutu b’Abarundi, yari indi ntwaro izafasha Leta kurimbura Abatutsi, kandi koko bakoze Jenoside aho mu Bugesera.

Agaragaza ko ari nako byagenze ku bari baratujwe mu nkambi ya Nyagahama ku Mayaga ahahoze ari Komini Ntongwe, aho abo Barundi batatiyinyaga no kwica Umututsi bakamukuramo umutima bakawurya babanje kuwotsa.

Ba Perezida Sylvetre Ntibantunganya na Cyprien Ntaryamira bari muri izo mpunzi

Leta y’icyo gihe yari yarimye Abatutsi amahirwe yose abaho, uretse gusa kubategeza Tsetse.

Nta mashuri, nta mavuriro, nta mazi nta mashanyarazi, nta n’aho gusengera bagiraga.

Ariko impunzi z’Abarundi zikihagera, zahise zubakirwa ikigo cy’amashuri cya Collège RILIMA.

Ubu cyitwa GS Saint-Aloys RILIMA, ni naho hize abo baje kuba ba Perezida b’Uburundi Sylvestre Ntibantunganya na Cyprien Ntaryamira.

Cyprien Ntaryamira

Umukozi w’urwibutso rwa Jenoside yakorewe Abatutsi rwa Ntarama, avuga ko kuba Abatutsi bari barimwe amashuri, impunzi z’Abarundi zaza zigahita zubakirwa ishuri rya RILIMA, ari kimwe mu bikorwa bigaragaza ko nta neza namba Leta yashakiraga abaturage bayo.

Mbere ya 1973 aho hashyizwe ishuri hari hasanzwe hatuwe, ariko nta kigo gikomeye cy’amashuri yisumbuye cyari gihari.

Mu myaka ya 1970, nyuma y’ubuhunzi bwa 1972 ku Barundi, Rilima yakiriye abana b’impunzi z’Abahutu b’Abarundi benshi, irera abayobozi nka Cyprien Ntaryamira na Sylvestre Ntibanyunganya.

Agira ati, "Buriya kiriya kigo cya Rilima cyubatswe ari uko impunzi z’Abarundi zije aha, ibaze kubona aho umunyamahanga arusha agaciro umunyagihugu, Abarundi bize neza ku buryo bamwe muri izo mpunzi, baje no kuvamo ba Perezida b’Uburundi"

Sylvestre Ntibantunganya

Aya ni amwe mu mateka abakozi ba ISOKO SACCO Gasabo bashoboye kwimenyera ubwo basuraga uru rwibutso rwa Ntarama kuwa 13 Kamena.

Umuyobozi w’Inama y’Ubutegetsi ya ISOKO SACCO Gasabo Ndizihiwe Boniface, yashimiye Leta y’Ubumwe bw’Abanyarwanda, iyobowe na Nyakubahwa Prezida Paul Kagame, itekerereza abaturage bose nta vangura.

Agira ati, "Turifuza ko ibyabaye bitakongera ukundi, niyo mpamvu tuza gusura urwibutso, twize ko Umunyarwanda wese afite agaciro. Leta nziza ni ifasha abaturage kwiteza imbere. Nk’ubu hashyizweho service nziza z’imari za District SACCO. Ibintu byiza tubona Leta ikora biduha icyizere ko nta Leta izongera gutegura Jenoside".

Urwibutso rwa Ntarama ruruhukiyemo imibiri y’Abatutsi bishwe muri Jenoside isaga 5.000, benshi biciwe muri Kiliziya ya Ntarama bari bahungiyemo.

Akigera i Lome yakiriwe na Perezida w’Inama y’Abaminisitiri ya Togo, Faure Essozimna Gnassingbé.

Iyi nama yateguwe ku bufatanye bwa Komisiyo ya Afurika mu by’Indege za Gisivile (African Civil Aviation Commission) ndetse na Afurika Yunze Ubumwe.

Iyi nama ihuza ba minisitiri bashinzwe ubwikorezi, abayobozi b’inzego z’indege za gisivili, abayobozi b’ibigo n’ibibuga by’indege, inganda, abashoramari ndetse n’abandi bafatanyabikorwa b’ingenzi.

Umuyobozi Mukuru wa NESA baDr. Bahati Bernard yavuze ko ubushakashatsi bwagaragaje ko abanyeshuri bo mu mashuri abanza mu mwaka wa gatatu, 76% bagorwa no gusubiza ibibazo bijyanye n’ibyo basomye ugereranyije na 72,5% bo mu mwaka wa gatandatu.

Dr. Bahati Bernard, yavuze ko ikibazo cyo kumva ibyo umunyeshuri yasomye mu Cyongereza no mu Kinyarwanda kirushaho gukomera.

Ati “Kuba abana babasha gusoma ariko ntibashe kumva icyo basomye ntitwavuga ko umwana azi ururimi atabasha kumva ibyo yasomye birasaba ko dushyiramo imbaraga kugira ngo tuvuge ko umwana azi ururimi”.

Dr. Bernard Bahati, yagaragaje ko mu biga mu mwaka wa gatatu w’amashuri abanza, 49% ari bo babashije gusoma amagambo 35 y’Ikinyarwanda mu munota umwe. Abagera kuri 71% ni bo babashije kuyasoma ari mu nteruro.

Ati “Dufite ikibazo gikomeye cyane cy’uko abana basoma ariko wababaza ibyo basomye, 44% gusa ni bo bashobora kugusubiza ko ibyo basomye babyumvise.”

Dr. Bernard Bahati, yavuze ko abakobwa bo mu mwaka wa gatatu w’amashuri abanza basoma neza Ikinyarwanda kurusha abahungu. Abanyeshuri bo mu Ntara y’Amajyaruguru bahagaze neza mu gihe abo mu Mujyi wa Kigali n’abo mu Ntara y’Amajyepfo bagifite ibibazo.

Dr Bahati asobanura impamvu zatanzwe n’abarimu babajijwe muri ubu bushakashatsi zituma abana batabasha kwiga neza ngo bamenye ururimi yavuze ko basubije ko usanga bigoye gukurikirana abana 60 mu ishuri rimwe ndetse ko ibitabo bifashisha mu kwigisha abo bana biba bidahagije.

Dr Bahati yavuze ko ubushakashatsi bwamuritswe kuri uyu wa 15 Gicurasi bukorwa buri myaka ibiri, butanga amakuru y’ingenzi azakomeza gufasha mu gushyiraho ingamba zo guteza imbere ireme ry’uburezi nk’inkingi ikomeye mu kubaka icyerekezo Igihugu cyihaye cyo kugira ubukungu bushingiye ku bumenyi.

Kuri iyi nshuro bwakozwe muri Gicurasi 2025 n’Ikigo Gishinzwe Ibizamini n’Ubugenzuzi bw’Amashuri (NESA) n’abandi bafatanyabikorwa harebwa imyigire y’abanyeshuri bo mu mwaka wa gatatu n’uwa gatandatu w’amashuri abanza ndetse n’umwaka wa 3 w’amashuri yisumbuye mu masomo y’ingenzi arimo Ikinyarwanda, Icyongereza, Imibare na Siyansi.

Imwe mu ngamba Leta ifite ni ukongerera ubushobozi abarimu kuko hari aho ubushakashatsi bwagaragaje ko bagifite ikibazo cy’ubumenyi bw’ururimi.

Ikindi kizitabwaho ni ugukomeza gufasha abanyeshuri kwiga neza bakarangiza amashuri abanza bazi kumva, kuvuga no kwandika neza ibyo bize.

Ni ku nshuro ya mbere Kevin Kade yari agiye gutaramira abakunzi be muri uru ruhererekane rw’ibitaramo bya MTN Iwacu Muzika Festival bigiye kuba ku nshuro ya 7.

Kevin Kade yatangajwe nk’umuhanzi wa Mbere mu bagamboga kwitabira iri serukiramuco rya muzika nyuma y’uko umwaka ushize wa 2025, nabwo yari yashyizwe ku rutonde ariko aza kurisezeramo bitewe n’uko yari amaze kwemezwa nk’umwe mu bahanzi bazaririmba muri Rwanda Convention USA yabereye muri Amerika ku itariki ya 5 Nyakanga 2025.

Ibi byatangajwe n’abamureberera inyungu mu itangazo ryashyizwe ahagaragara kuri uyu wa 15 Kamena 2026, mu kumenyesha abakunzi b’uyu muhanzi amakuru y’ubuzima bwe.

Muri iri tangazo, ubuyobozi bwa YEEBAA Music bwavuze ko Kevin Kade ari kwitabwaho n’abaganga, kandi ko yafashe icyemezo cyo kubahiriza inama z’abaganga, bityo atazabasha kwitabira ibi bitaramo.

Bagize bati: “Ni igihe gikomeye kuri Kevin Kade wari utegereje gusangira ibihe byiza n’abakunzi be hirya no hino mu gihugu. Icyakora, ubuzima bwe bugomba kuza imbere.”

Abamureberera banashimiye abategura ibitaramo bya Iwacu Muzika Festival ku biganiro byaranzwe n’ubwumvikane, ndetse bashimira abakunzi b’uyu muhanzi ku rukundo, amasengesho n’ubufasha bakomeje kumugaragariza muri iki gihe.

Basabye kandi abakunzi be gukomeza kumushyigikira no kumuzirikana, mu gihe ari gukurikira inama yahawe n’abaganga, kandi ko bizeye ko azagaruka afite imbaraga kurushaho.

Kevin Kade ni umwe mu bahanzi bakunzwe cyane mu muziki Nyarwanda, aho indirimbo ze zikomeje gukundwa n’abatari bake mu gihugu no hanze yacyo. Uyu muhanzi hari hashize iminsi mike ashyize hanze indirimbo yise "Ndi Ready".

Kevin Kade bitangajwe ko atakitabiriye ibitaramo bya MTN Iwacu Muzika Festival, mu gihe bibura iminsi mike bigatangira. Ibi bitaramo bizatangira ku wa 20 Kamena kugeza ku wa 1 Kanama 2026, bikazagera mu Turere turindwi, ari two: Huye, Ngoma, Nyagatare, Karongi, Muhanga, Musanze na Rubavu.

Aba bombi bahuriye ku kuba bariyemeje guhakana no gupfobya Jenoside yakorewe Abatutsi, ahanini bagamije kurengera no guhishira ababo bagize uruhare mu kuyitegura no kushyira mu bikorwa, by’umwihariko mu ruganda rukora sima (CIMERWA) no mu nkengero zarwo mu Murenge wa Bugarama mu Karere ka Rusizi, hamwe no mu Bisesero mu Karere ka Karongi.

Mu nyandiko ndende Minisitiri w’Ubumwe bw’Abanyarwanda n’Inshingano Mboneragihugu (MINUBUMWE), Dr. Jean Damascene Bizimana, yanyujije ku mbuga nkoranyambaga ze, yagaragaje ko, ababyeyi ba Denise Zaneza na Théophile Mpozembizi, bari abantu bakomeye mu Ishyaka rya CDR, ryari ryaramunzwe n’ingengabitekerezo ya Jenoside.

Se wa Denise Zaneza yitwa Marcel Sebatware, akaba yarabaye Umuyobozi Mukuru wa CIMERWA kuva mu 1983, naho Jean Pierre Mpozembizi, yari umuyobozi w’ishami rishinzwe amashanyarazi muri CIMERWA, kuva ku wa 4 Werurwe 1988, akaba se wa Théophile Mpozembizi.

Aba bombi bari mu itsinda ryitwaga Akazu, ryari nk’ibuye fatizo ry’ubutegetsi bwa Juvénal Habyarimana, wagize uruhare rukomeye mu gutegura no gushyira mu bikorwa Jenoside yakorewe Abatutsi hagati y’Ukwakira 1990 na Mata 1994.

Minisitiri Dr. Bizimana avuga ko ku buyobozi bwabo muri CIMERWA, baranzwe no gushyigikira ingengabitekerezo ya Hutu Power (MRND/CDR).

Ati “Guhera mu Ukwakira 1990, Marcel Sebatware na Jean Pierre Mpozembizi, bombi bari mu ishyaka CDR ry’abanyagitugu, bagize umugambi wo kugenzura CIMERWA mu rwego rwa politiki, bashyiraho itsinda ry’abahezanguni b’Abahutu, benshi baturutse mu miryango yabo, hagamijwe kuyobora uruganda mu nyungu za Jenoside.”

Ni itsinda avuga ko ryari rigizwe n’umugore wa Marcel Sebatware, Daphrose Nyirankundwankize, wari umukozi wa CIMERWA ushinzwe ibitabo by’ibaruramari, akaba yari mwishywa wa Général Déogratias Nsabimana, wari Umugaba Mukuru w’Ingabo za Ex-FAR kuva muri Nyakanga 1992.

Muramu wa Marcel Sebatware, Théoneste Sebageni, wari warashatse mushiki we Claudine. Sebageni, Casimir Ndolimana, wari injeniyeri mukuru akaba n’umunyamuryango wa CDR hamwe na Assoumani Ntibankundiye, wari injeniyeri mukuru w’ishami ryitwa “cooking”, wahawe akazi mu 1990, na wari muri CDR.

Biyongeraho Umuyobozi wari ushinzwe imirimo n’ibikoresho muri CIMERWA, Nkusi David Wilson, na we wari muri CDR, wahawe akazi mu 1992, akaba yari ashinzwe no gutanga amakuru. Gaspard Kazungu, yari injeniyeri akaba n’umugabo wa Laurence Mukankaka, bivugwa ko ari umukobwa w’uwari Burugumesitiri wa Komini Bicumbi, Laurent Semanza, wari hafi cyane ya Perezida Habyarimana. Laurence Mukankaka akaba yari ashinzwe ishami rishinzwe abakozi muri CIMERWA.

Kamanzi Meschac, wahoze ari Burugumesitiri wa Komine Bugarama akaba n’umudepite wari uhagarariye MRND, yakoraga muri CIMERWA kuva mu 1989 kugeza mu 1993, ubwo yongeraga kugirwa Burugumesitiri mu 1993, kugeza Jenoside itangiye.

Minisitiri Dr. Bizimana avuga ko guhera mu 1992, mu rwego rwo gushyira mu bikorwa politiki ya Habyarimana yo gushyiraho icyo wakwita nk’ubwirinzi buhereye mu Kagari (self-defense cells), iri tsinda ry’abahezanguni b’Abahutu ryari riyobowe na Sebatware na Mpozembizi ryashinze umutwe w’Interahamwe muri CIMERWA no mu nkengero zayo, hagamijwe gushyira mu bikorwa Jenoside yakorewe Abatutsi.

Ati “Amahugurwa yabo yakorwaga ku bufatanye n’abayobozi ba MRND-CDR muri Perefegitura ya Cyangugu, barimo, Yussuf Munyakazi, umwe mu bayobozi bakomeye b’interahamwe n’umushoramari ukomeye mu Bugarama, wari ufite abarwanyi barenga 300. Urukiko Mpanabyaha Mpuzamahanga rwashyiriweho u Rwanda rwamuhamije icyaha cya Jenoside.”

Yungamo ati “Hari kandi Edouard Bandetse, wari umucuruzi mu isoko rya Nyakabuye akaba n’umubitsi wa komite ya MRND ku rwego rwa Purefegitura, Elias Bakundukize, wari umucuruzi mu isoko rya Bugarama hafi ya CIMERWA, Bareberaho Bantari Ripa, impuguke mu by’ubuhinzi akaba n’umuyobozi wa CDR ku rwego rwa Purefegitura, ubu ari mu buhungiro muri Canada hamwe na Colonel Claudien Singirankabo, wahoze ari umuyobozi w’ubwirinzi bwa gisivile i Cyangugu.”

Aba biyongeraho Lieutenant Samuel Imanishimwe, wari umuyobozi w’ingabo i Cyangugu, Major Vincent Munyarugerero, wayoboraga Gendarmerie ya Cyangugu kugeza muri Gicurasi 1994, nyuma agasimburwa na Lieutenant Colonel Innocent Bavugamenshi, utarigeze agira uruhare muri Jenoside kuko yarinze Abatutsi bari mu nkambi ya Nyarushishi muri Kamena 1994. Akaba ari we musirikare wenyine wari i Cyangugu mu 1994 utaragize uruhare muri Jenoside yakorewe Abatutsi, waje gupfa nyuma azize uburwayi.

Dr. Bizimana avuga ko mu 1992–1993, iri tsinda ry’abahezanguni b’Abahutu mu Bugarama riyobowe na Marcel Sebatware na Jean Pierre Mpozembizi, ryakoze urutonde rw’Abatutsi bagombaga kwicwa, rihugura kandi ritanga intwaro ku mitwe y’Interahamwe.

Ati “Iri tsinda ryakoraga iterabwoba, rikangisha abantu kandi rikica Abatutsi bakoraga muri CIMERWA n’imiryango yabo. Guhera muri Mata 1994, cyane cyane hagati ya 14 na 17 Mata, habaye ubwicanyi bukomeye, bukomatanyije kandi bukabije ku Batutsi bo mu Bugarama, bwari buyobowe na Marcel Sebatware na Jean Pierre Mpozembizi. Aba bombi bagize uruhare rukomeye mu gutegura no gushyira mu bikorwa ubwo bwicanyi.”

Yungamo ati “Bafatanyaga n’abasirikare n’imitwe y’Interahamwe mu gutegura ubwicanyi. Kuko CIMERWA bayoboraga yatangaga imodoka na lisansi byifashishwaga mu gutwara Interahamwe ahantu hatandukanye i Cyangugu no ku Kibuye, harimo Mibilizi, Stade ya Kamarampaka, Kibogora, Nyamasheke, Shangi, Gashirabwoba, Hanika, Nkanka, Mururu, Nyarushishi, Bisesero n’ahandi.”

Nyuma yo gutsindwa kwa Leta yakoze Jenoside, bagahungira mu cyahoze ari Zaire (DRC y’ubu), Marcel Sebatware na Jean Pierre Mpozembizi bashenye banasahura CIMERWA, bajyana ibikoresho byayo muri Zaire barabigurisha.

Banasahuye sitasiyo zose za lisansi z’uruganda, byose bikaba byarabereye mu maso ya Minisitiri Justin Mugenzi wari ushinzwe ubucuruzi n’inganda muri guverinoma yakoze Jenoside. Bafata uwo mutungo n’amafaranga y’uruganda, hagamijwe gukomeza kubeshaho guverinoma yari mu buhungiro, bateganya kuzagaruka mu Rwanda binyuze mu ntambara.

Iki gikorwa cyatangijwe no gufata umunota wo kunamira inzirakarengane zishyinguye muri uru rwibutso, hakurikiraho gushyira indabo aharuhukiye imibiri y’abazize Jenoside, ndetse n’ibiganiro byibanze ku mateka yaranze Jenoside n’inzira ndende abarokotse banyuzemo.

Urubyiruko rw’Abaskuti rwagaragarijwe amateka ya Jenoside yakorewe Abatutsi kuva mu 1959 kugeza mu 1994, hanatangwa ubuhamya bw’uwarokokeye Jenoside i Nyanza ya Kicukiro, bwakoze ku mitima ya benshi.

Abitabiriye iki gikorwa basabwe gukomeza kurwanya abagoreka amateka, abahakana ndetse n’abapfobya Jenoside yakorewe Abatutsi, banashishikarizwa gusigasira ukuri n’amateka nyakuri.

Urubyiruko kandi rwasabwe kwigira ku butwari n’ubwitange byaranze ingabo za RPA Inkotanyi zahagaritse Jenoside, no gukomeza kubaka u Rwanda ruzira amacakubiri, rushingiye ku bumwe n’ubudaheranwa.

Abayobozi bagaragaje ko ibikorwa nk’ibi bifasha cyane cyane urubyiruko gusobanukirwa amateka y’igihugu no kugira uruhare mu kuyasigasira, bityo Jenoside ntizongere kubaho ukundi.

Iki gikorwa cyitabiriwe na Komiseri Mukuru w’Umuryango w’Abaskuti mu Rwanda, uhagarariye urubyiruko muri komite ya Africa y’Abaskuti, umuyobozi ushinzwe imiyoborere myiza mu Karere ka Kicukiro wari umushyitsi mukuru.

Mu bandi bitabiriye kandi harimo Umuhuzabikorwa Wungirije w’Inama y’Igihugu y’Urubyiruko mu Karere ka Kicukiro, uhagarariye Ibuka ku rwego rw’Umurenge wa Kagarama, ndetse n’abandi bayobozi n’Abaskuti baturutse mu bice bitandukanye by’Igihugu.

Ingabire, wunganiwe n’abanyamategeko batatu, yageze mu rukiko avuga ko hari imiti y’uruhu ndetse n’iy’amenyo atabonera ku gihe.

Yavuze kandi ko adahamagara umuryango we uko abyifuza, kuko ubu ngo kuva umwaka watangira amaze kubahamagara gatatu.

Ikindi, ngo ntabwo abona umwanya uhagije wo kujya gusenga kuko ngo yemererwa kujya gusenga ku cyumweru gusa.

Ubushinjacyaha bwavuze ko ibyo Ingabire asaba birimo ubutesi, kuko bishingiye ku marangamutima, aho batanze urugero bagira bati "urashaka kohererezwa Pasiteri muri Gereza"?

Ingabire Victoire avuga ko kandi yasabye kuvugana n’abantu bareganwa uko ari batandatu, ariko ntabyemererwe.

Urukiko rwagiye gusuzuma izi nzitizi za Ingabire, rukaba ruzatanga umwanzuro warwo kuri uyu wa 16 Kamena.

Yabigarutseho kuri uyu wa Mbere tariki 15 Kamena 2026, ubwo hatangizwaga ubushakashatsi bwiswe Women in Financial Services Rwanda 2025 Study, bugamije kugaragaza uruhare rw’abagore mu rwego rw’imari mu gihugu. Ni igikorwa kibaye ku bufatanye bwa Banki Nkuru y’u Rwanda, Access to Finance Rwanda (AFR) ndetse na Women in Finance Rwanda.

Guverineri Soraya yavuze ko kugeza ubu 92% b’abakuze mu Rwanda, bose bagerwaho na serivisi z’imari ariko hakigaragara icyuho hagati y’abagore n’abagabo.

Yagize ati: “Twishimira intambwe u Rwanda rumaze gutera mu kugera kuri serivisi z’imari, aho 92% by’abakuze bafite konti muri banki, mu bigo by’imari iciriritse cyangwa kuri mobile money. Ariko nanone turacyabona ko hari icyuho kinini hagati y’abagabo n’abagore.”

Yakomeje ashimangira ko inzitizi abagore bahura na zo mu kubona serivisi z’imari no guteza imbere ubucuruzi bwabo zidindiza iterambere ry’ubukungu muri rusange.

Ati: “Iyo abagore bahuye n’imbogamizi mu kubona imari mu gutangiza ubucuruzi cyangwa gutera imbere mu byo bakora, ntituba tugabanya amahirwe yabo gusa, ahubwo tuba tunagabanya iterambere ry’ubukungu.”

Yongeyeho ko kuziba icyuho kigaragara mu buringanire mu by’imari n’ubucuruzi bishobora kugira uruhare rwo kongera hagati ya miliyari 5 kugeza kuri miliyari 6 z’amadolari ku bukungu bw’isi, mu gihe ku Rwanda byakongera angana na miliyoni 750 z’amadolari, bingana na 6% by’umusaruro mbumbe w’igihugu (GDP).

Guverineri yagaragaje kandi ko gushyira imbere uburinganire atari ibikorwa bigamije kugirira impuhwe uwo ariwe wese, ahubwo ari ingamba z’iterambere.

Ati: “Uburinganire si impuhwe, ni ingamba. Gahunda z’imari zidaheza kuri bose ni ingirakamaro mu buryo burambye kandi zifite ubushobozi bwo guhangana n’ibibazo no guteza imbere ubukungu mu gihe kirekire.”

Yibukije ko u Rwanda rusanzwe rufite intego nini zo kwihutisha iterambere, zirimo n’icyerekezo 2050, rushyira imbere gukoresha neza ubushobozi bw’abaturage bose nta n’umwe usigaye inyuma.

Ati: “Icyerekezo 2050 nticyubakiye ku ntego nto, ahubwo gishingiye ku cyizere ko nta bushobozi bugomba gupfushwa ubusa, haba mu baturage cyangwa mu bigo.”

Abateguye ubu bushakashatsi bagaragaje ko buzafasha kumenya neza imbogamizi n’amahirwe bihari, bityo hashyirweho ingamba zifatika zigamije kurushaho kongera uburinganire n’uruhare rw’abagore mu rwego rw’imari.

Ibi kandi biteganyijwe ko bizafasha kunoza politiki n’ingamba z’iterambere, bigamije guteza imbere uburinganire no kongera umubare w’abagore bari mu myanya ifata ibyemezo mu bigo by’imari.

Ubu bushakashatsi buje mu gihe u Rwanda rukomeje gushyira imbaraga mu guteza imbere ihame ry’uburinganire n’ubwuzuzanye, cyane cyane mu nzego z’ingenzi zifatiye runini ubukungu bw’igihugu.

Umuhango wo gusoza amasomo yaba Ofisiye Bakuru (Senior Command and Staff Course 2025/2026) wabaye ku wa 14 Kamena 2026, iyoborwa na wayobowe na Maj Gen Yousef Huneiti, Umugaba Mukuru w’Ingabo za Jordan.

Uwo muhango kandi witabiriwe na Col Ephraim NGOGA, uhagarariye u Rwanda mu bya gisirikare muri Jordan.

U Rwanda n’Ubwami bwa Jordanie bifitanye umubano ukomeye ushingiye ku masezerano y’ubutwererane mu bya dipolomasi, ubuhinzi, ubukungu, ubuzima, ndetse n’umutekano.

Ibihugu byombi byakuraho igiciro cya viza ku Banyarwanda bajya muri Jordanie, ndetse banahurira mu masezerano y’ubufatanye bw’isanzure azwi nka Artemis Accords.

Ubutwererane bwa gisirikare n’umutekano, ibihugu byombi bifitanye amasezerano y’ubufatanye mu guhanahana ubunararibonye no kurwanya iterabwoba ndetse n’ajyanye no gufasha abasirikare bakuru b’u Rwanda gukurikira amasomo ya gisirikare mu ishuri rikuru rya Jordan (Royal Jordanian Command and Staff College).

Mu ijambo yavugiye ku biro bye biri i Downing Street, Starmer yavuze ko imbuga nkoranyambaga zigira uruhare rukomeye mu gutuma abana batishima.

Yavuze ko “Imbuga nkoranyambaga zituma abana batagira ibyishimo,” ashimangira ko hari ibimenyetso byinshi bigaragaza ingaruka mbi zazo ku bana, zirimo ibibazo by’ubuzima bwo mu mutwe, no kugabanuka kw’imibanire myiza yabo.

Uyu muyobozi yavuze ko iri tegeko rishya rigamije gushyiraho umurongo uhamye wo kurinda abana, cyane cyane mu gihe ikoranabuhanga rikomeje kwiyongera no kwinjira mu mibereho ya buri munsi.

Guverinoma y’u Bwongereza ivuga ko izakorana n’ibigo by’ikoranabuhanga kugira ngo hubahirizwe aya mabwiriza, ndetse hanashyirweho uburyo bwo kugenzura imyaka y’abakoresha imbuga nkoranyambaga.

Iyi gahunda yakiriwe mu buryo butandukanye, aho bamwe bayishimira nk’intambwe yo kurinda abana, mu gihe abandi bagaragaza impungenge ku bijyanye n’uburenganzira bwo kubona amakuru no kwidagadura.

Icyakora, Starmer yagaragaje ko icy’ingenzi ari ugushyira imbere ubuzima n’imibereho myiza y’abana, agaragaza ko guverinoma izakomeza gushaka ibisubizo mu buryo burambye muri uru rwego.

Aba bafana bagumye muri Stade batangira gukora isuku batoragura amacupa n’indi myanda y’ibyo bakoresheje. Uyu mukino wo mu itsinda F, warangiye u Buholandi n’u Buyapani, binganyije ibitego 2-2.

Ni igikorwa cyakoze abantu benshi ku mutima, bagaragaza ko aba bafana batanze urugero rwiza rwo kugira umuco w’isuku no kubungabunga ibidukikije. Aba bafana bagaragaye bakusanya imyanda mu mifuka, basukura aho bari bicaye, mbere yo gusohoka muri stade.

Si ubwa mbere abafana b’Abayapani bagaragaje imyitwarire nk’iyi, kuko bakunze kugaragara basukura stade nyuma y’imikino mpuzamahanga, bituma bafatwa nk’urugero rwiza ku bandi bafana ku Isi.

Irebere uburyo abafana b'ikipe y'Igihugu y'u Buyapani, bakoze isuku muri Stade batoragura amacupa n'indi myanda y'ibyo bakoresheje nyuma y'umukino w'Igikombe cy'Isi wahuzaga ikipe yabo n'u Buholandi. pic.twitter.com/ShKmuGMDl7

— Kigali Today (@kigalitoday) June 15, 2026

Gutangiza imirimo yo kubaka uruganda A1 Iron & Steel

Minisiteri y’Ubucuruzi n’inganda, ubwo yagezaga ku Nteko Ishinga Amategeko gahunda ya Leta y’imyaka icumi y’urwego rw’inganda, yavuze ko urwo ruganda rwagiye gushaka abakozi magana abiri bafite ubumenyi bakeneye, ariko bakaba barababuze ku isoko ry’u Rwanda

Mu gihugu ubushomeri mu rubyiruko buhagaze kuri 14%, iyi ni inkuru yateje impaka nyinshi, abantu bavuga ko bidashoboka ko umushoramari yabatwara iyo mirimo yose.

Igitekerezo bari bafite cyagiraga kiti n’aho ibyo uruganda rusaba mu Rwanda baba batabizi, babyigishwa bakabikora ariko ntihagire umuntu uva ahandi ngo abatwarire imirimo.

Ubuyobozi bw’uruganda nabwo ntibuhakana ko iyo nzira yo kwigisha abakora iyo mirimo yaba nziza, ariko bavuga ko ibintu byose bigira intangiriro.

Ubundi se urwo ruganda ni uruhe, rukora iki?

Uru ruganda ni A1 Iron & Steel, rukaba ruherereye mu Karere ka Musanze, Intara y’Amajyaruguru. Ni uruganda rukora ibyuma bikoresha mu bwubatsi, ruhereye ku mabuye y’agaciro rwicukuriye ubwarwo, mu Rwanda.

Birashoboka ko mu Rwanda hari uruganda rumwe, cyangwa se ebyiri zikora ibyuma byo kubaka, cyane cyane za fer a beton, ariko bakabikora mu byuma byashaje by’imodoka, ibikoresho byo mu rugo n’ibindi bintu bitandukanye bongera bagashongesha, bikavamo igikoresho gishya bifuza(recycling).

Uru ruganda rwo rufite umwihariko wo gukora icyuma kuva kuri zero, ku mabuye y’agaciro kugera ku byuma byubakishwa.

Mu kiganiro kihariye, Umuyobozi ushinzwe imari muri uru ruganda Rajendra Bharadia yabwiye Kigali Today ko mu by’ukuri uru ruganda kugira ngo rutangire mu buryo buto bushoboka, rukeneye abakozi 700.

Aho ngo ni ho bazashobora gutanga byibuze toni 400-500 z’ibyuma ku munsi. Icyakora, aba bose si ko u Rwanda rubafite mu bushobozi uruganda rubakeneyeho.

Rajendra avuga ko n’ubwo abakozi benshi muri aba magana arindwi ari Abanyarwanda, byabaye ngombwa gushakamo n’abafite uburambe n’ubunararibonye mu bumenyi bumwe na bumwe bwihariye butari bwashyikirwa n’abari ku isoko ry’umurimo ry’u Rwanda.

Aba rero, ngo bagiye kubashaka mu bihugu bisanzwe bizwiho inganda zikomeye zikora ibyuma, byamenyereye gutoza abakozi bakora muri izo nganda.

Yagize ati “ Mbere yacu, u Rwanda ntirwigeze rugira uruganda rukora ibyuma ruhereye ku mabuye y’agaciro. Mu by’ukuri hari ubumenyi buhanitse bukenerwa muri izi nganda butari bwagera ku isoko ry’u Rwanda.”

Icyakora, yavuze ko aba bahanga mu by’izi nganda, benshi bavuye mu Buhinde. Ngo bazajya bakorana n’Abanyarwanda, kugira ngo ubwo bumenyi na bo bazabugire.

Yongeyeho ati “Ikigamijwe si ugutwara Abanyarwanda imirimo, ahubwo ni ugutangira inzira yo kubaka uburambe buzatuma uru ruganda rushinga imizi mu minsi iri imbere. Intego yacu ni uko abafite ubumenyi buhambaye b’Abanyarwanda ari bo bazaba bayoboye imirimo y’ingenzi y’uru ruganda mu minsi iri imbere, bitewe no kwigira ku murimo.”

Bharadia avuga ko mu bwoko bw’inganda nk’izi guhanahana ubumenyi ku bakozi bakorana mu ruganda, bishobora gufata hagati y’amezi atandatu n’umwaka.

Agira ati “Hano habamo ubwenge buhambaye. Abanyarwanda nibamara kubishyikira neza, bazaba bafite amahirwe y’imirimo myiza cyane, atari hano gusa, ahubwo no mu zindi nganda zateye imbere muri uru rwego.

Turiteguye kwiga - Sendika y’Abakozi

Sendika y’Abakozi y’Abari mu Bucukuzi bw’Amabuye y’Agaciro yitwa REWU mu magambo ahinnye y’Icyongereza, ni bamwe mu bumvise amakuru y’iyi mirimo bakibaza ukuntu ibyo bishoboka, ko umushoramari yabura abakozi mu Rwanda, kandi babatoza.

Nabo bari bafite igitekerezo ko n’iyo abakozi baba badafite ubumenyi bukenewe neza n’uruganda, bakwigishwa bagakurikira.

Umunyamabanga mukuru wungirije wa REWU Jean Marie Vianney Bwanakweri, avuga ko abakozi bo mu nzego z’ubucukuzi bafite ubumenyi bufatika, ku buryo bashobora kwifashishwa mu mirimo isanzwe ikomeye y’inganda ziteye nka A1 Iron & Steel.

Yagize ati “iterambere ry’inganda ntiritangirira kuri zero. Abakozi benshi bamaze kugira uburambe mu bucukuzi bw’amabuye y’agaciro n’indi mirimo bijyanye. Igikenewe, ni ugufasha abari muri iyo mirimo kugera ku rwego rwemewe muri izi nganda nshya.”

Atanga urugero mu bo bigishije, Bwanakweri avuga ko abakozi 4700 bigishijwe iby’ubucukuzi ndetse bahabwa n’impamyabumenyi. Abandi 2500 nabo bazemezwa nk’abanyamwuga mu Kuboza uyu mwaka.

Minisitiri w’Intebe Dr. Justin Nsengiyumva asura uruganda A1 Iron & Steel

Abayobozi mu Kigo cy’Imyuga n’Ubumenyi Ngiro - Rwanda TVET Board(RTB) bavuga ko kuba haboneka imirimo mishya itamenyerewe ku isoko ry’u Rwanda, ni ikimenyetso ko Igihugu kiri kunyura mu mpinduka zikomeye kandi nziza mu bukungu..

Aimable Hategekimana, Umu specialist wa RTB mu by’ubucukuzi, yavuze ko Ikigo cye gikorana bya hafi n’abakoresha, kugira ngo barebe ibikenewe mu mirimo mishya iri kuvuka, kugira ngo bamenye uko bavugurura integanyanyigisho zijyane n’ibikenewe ku isoko.

Yagize ati “Inshingano zacu ziba ari ukubona hakiri kare imirimo igiye gukenera abakozi, hanyuma tugategura abazayikora.”

Aha kandi Hategekimana yavuze ko ibigo bizanye ikoranabuhanga rishya mu Rwanda, byemererwa kuzana inararibonye ziturutse hanze, by’agateganyo, maze bigaha amahirwe Abanyarwanda bakabyiga nabo bakagenda babimenyerezwa.

Ni ubufatanye yatangiranye ku mugaragaro na Numa logistics hamwe na Kabisa, kuri uyu wa Gatanu, mu rwego rwo gukwirakwiza izo modoka hirya no hino mu gihugu.

Iki igikorwa ku ikubitiro cyantangiranye imodoka nini 12 zirimo 9 zifite ubushobozi bwo gutwara toni zirenga 35 hamwe n’izindi 3 zifite ubushobozi bwo gutwara nibura toni 4.

Muri ubu bufatanye BK, ikorana na Numa Logistics mu buryo bwo kubaha amafaranga angana n’uruhare rwa 60% rw’ikiguzi cy’imodoka, ubundi zigatumizwa na Kabisa, nk’abasanzwe bakora ubwo bucuruzi, zikazanwa mu gihugu.

Ubuyobozi bwa BK, buvuga ko mu rwego rwo gufasha Abanyarwanda kubona uburyo bugezweho butangiza ikirere by’umwihariko bahisemo gukorana na Numa Logistics muri gahunda yo kubafasha gukomeza gukora ubwikorezi ariko mu buryo butangiza ikirere.

Umuyobozi w’Ishami rishinzwe ubuhinzi muri BK, Alexis Bizimana, avuga ko abahinzi hirya no hino mu gihugu bakenera kwegerezwa imbuto n’ifumbire ari nako bakenera kugeza umusaruro wabo ku isoko.

Ati “Mu rwego rwo kugira ngo bihendukire Umunyarwanda n’ababikora, twasanze ari ngombwa kugira ngo dufatanye kubona izi modoka zikoresha amashanyarazi, ariko tunafatanya na Leta y’u Rwanda kugabanya imyuka ijya mu kirere kuko yangiza ibidukikije kandi bikagira ingaruka ku Banyarwanda.”

BK ivuga ko iyi gahunda yatangiranye na Numa Logistics, izanakomereza no ku bandi babyifuza nkuko bisanzwe bikorwa ku bashaka imodoka nto bagendamo, hamwe n’abandi bafatanyabikorwa bakora ubuhinzi cyane cyane abatunganya umusaruro bakawumisha, bafashwa kubona imashini bakoresha, zikoresha ingufu zitangiza ikirere.

Icyiciro cya mbere cy’imikoranire ya BK na Numa Logistics cyantangiranye imodoka 12, bakazakorana mu byiciro bitatu bizatwara arenga miliyoni 7 z’Amadolari y’Amerika.

Umuyobozi wa Numa Logistics mu Rwanda, Francine Uwamahoro, avuga ko basanzwe bakorana n’abahinzi mu buzima bwa buri munsi, gusa ngo bari bafite icyuho mu bijyanye no kubagezaho umusaruro.

Ati “Hari harimo icyuho mu kuba twakoresha imodoka za Mazutu, kubera ko ikigereranyo cyo kugabanya amafaranga dushora ku modoka ya Mazutu ugereranyije n’iya mashanyarazi kiri ku kigero cya 60%, kuko amashanyarazi ni ayacu mu Rwanda ntabwo ari nka Mazutu tubanza kuvana hanze. Bityo igiciro cy’amashanyarazi ni gito cyane kurusha Mazutu, cyane ko hanabaho ihindagurika kuri Mazutu kandi iyo bihindutse bihita bigira ingaruka ku bwikorezi. Tukaba twizeye kuzabona inyungu, n’abantu duha serivisi bakazigira mu guhendukirwa.”

Umuyobozi Mukuru wa Kabisa mu Rwanda, Apophia Muhoza, avuga ko basanzwe bakora ubucuruzi bw’imodoka nto zikoresha amashanyarazi ariko batangiye ubucuruzi bw’izindi zikora ubwikorezi kandi zidakwiye kugwirwaho impungenge.

Ati “Twamara impungenge abantu ko ingendo dukora zose zijya mu mahanga dukoresha izi modoka, urugero ni izi 12, nitwe twazizanye guhera Tanzania kugera hano i Kigali. Birashoboka cyane kuko ari yo mpamvu twaje kumurika izo Numa imaze iminsi ikoresha, kandi zirimo zirakora neza kuko zimaze amezi atatu.”

Muri ubu bufatanye Kabisa niyo izana imodoka izikuye ku ruganda ikazizanira Numa Logistics, ubundi ikazisuzuma, igasaba amafaranga BK ikayishyura, aho itanga uruhare rwa 60%, andi 40% agatangwa na Numa Logistics.

Shehbaz Sharif yavuze ko "Impande zombi zatangaje ko ibikorwa bya gisirikare bihagaritswe kandi burundu ku mpande zose z’urugamba, harimo no muri Libani."

Umuhango wo gushyira umukono kuri aya masezerano ku mugaragaro uzaba ku wa Gatanu, tariki ya 19 Kamena, mu Busuwisi.

Uyu muyobozi wa Pakistani yagize ati "Turashimira Leta Zunze Ubumwe za Amerika na Repubulika ya Kisilamu ya Irani ku bushake n’ubwitange bagaragaje mu gushaka umuti wa dipolomasi w’aya makimbirane. Turanashimira byimazeyo abavandimwe bacu bagize uruhare muri ubu buhuza, cyane cyane ubuyobozi bw’ikirenga bwa Leta ya Katari, ku nkunga bwatanze kugira ngo aya masezerano agerweho."

Yongeyeho ati "Turashimira kandi by’umwihariko ubuyobozi bufite icyerekezo bw’Ubwami bwa Arabiya Sawudite na Repubulika ya Turukiya ku ruhare runini bagize muri iki gikorwa."

Mu biganiro bagiranye byibanze ku bibazo by’umutekano mu Karere, by’umwihariko ibikomeje kubera mu Burasirazuba bwa RDC, banagaruka ku kamaro k’ingamba zifatika mu gukemura intandaro y’ayo makimbirane no gushaka inzira irambye iganisha ku mahoro n’umutekano.

Perezida Kagame kandi yakiriye Umunyamabanga Mukuru w’Umuryango wa Commonwealth, Hon. Shirley Botchwey, uri mu Rwanda mu ruzinduko rw’akazi rugamije gushimangira ubufatanye hagati y’impande zombi.

Ibiganiro bagiranye byibanze ku gushimangira umubano n’ubufatanye hagati y’u Rwanda na Commonwealth, hagamijwe guteza imbere inyungu rusange zirimo iterambere rirambye, ubucuruzi, n’ubufatanye mu bya dipolomasi.

Banagarutse ku myiteguro y’Inama y’Abakuru b’Ibihugu na za Guverinoma bigize Commonwealth (CHOGM) izaba mu 2026.

New York Knicks, yegukanye NBA nyuma yo gutsinda San Antonio Spurs amanota 94-90 mu mukino wa gatanu wabaye mu rukerera rwo kuri iki Cyumweru.

Umuhanzikazi Jennifer Lopez, yishimiye bidasanzwe ikipe ya New York Knicks yegukanye igikombe cya Shampiyona ya Basketball muri Amerika (NBA) nyuma y’imyaka 53.

New York Knicks, yegukanye NBA nyuma yo gutsinda San Antonio Spurs amanota 94-90 mu mukino wa gatanu wabaye mu… pic.twitter.com/KHiMIKpSIZ

— Kigali Today (@kigalitoday) June 14, 2026

Uretse kuba utu dukomo, turiho izina rya Jota wari rutahizamu wa Liverpool na Portugal, hariho n’andi mazina y’abakinnyi ba Portugal bazakina igikombe cy’Isi cya 2026.

Iyi mpano yatanzwe na Minisitiri w’Intebe wa Portugal, Luís Montenegro, igamije kugaragariza abakinnyi ko n’iyo bari mu marushanwa akomeye, ubumwe n’agaciro k’abakinnyi bikomeza kuba ingenzi.

Ni igikorwa cyakoze ku mitima ya benshi cyane cyane bagaragaza ko bishimiye uburyo Diogo Jota yahawe agaciro mu buryo budasanzwe.

Artan, wari waratoranyijwe mu basifuzi bazasifura iri rushanwa rikomeye ku Isi, yabujijwe kwinjira muri Amerika ku mpamvu zitarasobanurwa. Ibi byatumye atabasha gusifura imikino y’Igikombe cy’Isi, ibintu byatunguranye ndetse bikababaza benshi mu bakurikiranira hafi ruhago.

Nyuma y’uko ibi byose bibaye FIFA yafashe icyemezo cyo kumuhemba amafaranga yose yari agenewe abazasifura muri iri rushanwa. Ibi bifatwa nk’icyemezo cyo guha agaciro umwuga no kubaha abasifuzi, cyane cyane iyo hari impamvu zitari mu bushobozi bwabo zibabuza gukora akazi kabo.

Aba basirikare bagaragaje ubwitange n’ubunyamwuga mu gihe cy’aya masomo, aho biyemeje gukomeza kwimakaza indangagaciro za RDF zirimo ikinyabupfura, ubunyangamugayo n’umurava mu kazi.

Ibi byerekana urwego rwo hejuru rw’amahugurwa n’ubufatanye mpuzamahanga u Rwanda rukomeje guteza imbere, mu rwego rwo kubaka igisirikare gikomeye kandi gifite ubushobozi buhanitse.

Ubufatanye hagati y’u Rwanda n’u Buhinde mu bya gisirikare bushingiye cyane ku mahugurwa, kongera ubushobozi bw’abasirikare, no guhanahana ubumenyi. Ingabo z’u Rwanda (RDF) zikunze kwitabira amasomo mu mashuri ya gisirikare akomeye yo mu Buhinde, ndetse n’abayobozi bakuru b’ingabo z’ibihugu byombi bagirana imigenderanire mu rwego rwo kurushaho gushimangira ubu bufatanye.

By’umwihariko, mu ntangiriro za Kamena uyu mwaka, Umugaba Mukuru w’Ingabo z’u Rwanda, General Mubarakh Muganga, yakiriye itsinda rigizwe n’abanyeshuri n’abarimu bo mu Ishuri Rikuru rya Gisirikare ryo mu Buhinde aho bari mu rugendoshuri rw’icyumweru mu Rwanda.

Ni urugendo rwabafashije gusobanukirwa neza ibikorwa bya RDF byo gukomeza kongera ubunyamwuga mu ngabo ndetse n’uruhare rwayo mu mutekano wo mu karere no ku rwego mpuzamahanga. Yanashimangiye ko basobanukiwe byinshi ku iterambere ry’inzego z’imiyoborere mu Rwanda n’urugendo rw’iterambere igihugu cyanyuzemo.

Ubu bufatanye bwa gisirikare ni kimwe mu bigize amasezerano yagutse y’ubutwererane bw’ibihugu byombi.

Ni bimwe mu byagarutsweho kuri uyu wa Gatanu ubwo mu Igororero rya Nyamasheke hasozwaga ku mugaragaro icyiciro cya munani cy’amahugurwa agamije gutegura abagororwa bahamijwe ibyaha bya Jenoside yakorewe Abatutsi bitegura kurangiza ibihano.

Mu kiganiro cyatanzwe na Dignity in detention, Umuryango uharanira agaciro k’umugororwa haba mu magororero ndetse no mu miryango, hibanzwe ku byo abo mu miryango yabo basabwa mu gukomeza kubaherekeza mu buzima bushya bagiyemo mu rwego rwo kwirinda ko basubira aho bavuye.

Numupfasoni Beatha, umukozi wa Dignity in Detention, yavuze ko mu byo bigishijwe kandi bakwiye gushyira mu bikorwa koko niba barabyumvise neza, ari ugutaha bagasaba imbabazi ku bo bakoreye ibyaha ndetse n’abo mu miryango yabo.

Yagize ati: "Gusaba imbabazi, ntabwo ari ukugenda ngo utume abandi, uti nimugende mumumbwirire. Kuko gusaba imbabazi ni nk’amasezerano uba ugiranye n’umuntu. Ariko kandi niba mukeneye kubohoka muhere no mu miryango kuko hari ibyo muzi mwabakinze bo batazi, kuko nimwe muzi ukuri kuri ku mitima yanyu."

Bamwe mu bagororwa bahagarariye abandi, bavuze ko mu biganiro 16 bahawe hari byinshi bungukiyemo ndetse bashimira Leta y’Ubumwe yagize igitekerezo cyo kubategurira aya mahugurwa kuko yabafashije kumva uburemere bw’ibyaha bakoze banzura kutazongera kurangwa n’amacakubiri n’ingengabitekerezo ya Jenoside.

Uwayezu Sylvestre uri mu bagororwa bahise bataha, yagize ati: "Ngiye kubanira neza buri wese, guharanira kugira uruhare muri gahunda ya Ndi Umunyarwanda no kwakira impinduka nzasanga mu muryango wanjye, gahunda za Leta, gusaba imbabazi zabo nahemukiye no gufatanya n’abandi kubaka Igihugu."

Bashimangiye ko nyuma y’amasomo atandukanye bahawe, biyemeje guca bugufi no gusaba imbabazi abo bakoreye ibyaha, abandi bagatanga amakuru y’ahari imibiri y’abishwe muri Jenoside yakorewe Abatutsi kugira ngo bashyingurwe mu cyubahiro.

Uwari uhagarariye imiryango, Cyirima Buhungiro Jean Chrimaque, yashimye Leta y’u Rwanda ku buryo ikomeje gufasha mu gutegura abagororwa gusubira mu buzima busanzwe. Yavuze ko imiryango yiteguye kubafasha gusigasira ibyo bize, kubakira ku byiza igihugu cyagezeho no kubafasha kwiyumva mu muryango Nyarwanda.

Yagize ati: “Babyeyi bacu turabasaba guhinduka, kuvuga ukuri no kwirinda kugoreka amateka. Mube abantu barangwa n’imvugo nziza, mudakomeretsa abandi kandi mwiyumve nk’abagize umuryango Nyarwanda.”

Yanongeyeho ko ari ingenzi gukunda umurimo no kugira ishema ry’igihugu cyabo, kuko ari byo bizabafasha kubaho neza no kwirinda gusubira mu makosa bakoze.

Philomene Kankesha nawe yagaragaje ko imiryango yabo yiteguye gukomeza kubana neza n’abo bahemukiye, abasaba kuzakomeza inzira y’ubwiyunge no kwirinda ibikorwa bibi byagejeje igihugu kuri Jenoside yakorewe Abatutsi.

Ati: “Nidufatanya twese nk’Abanyarwanda, ntituzongera kugwa mu mutego w’amacakubiri n’urwango. Tugomba kubaka u Rwanda ruzira ayo mateka mabi."

Ku ruhande rw’ubuyobozi, Umuyobozi Nshingwabikorwa ushinzwe Ubumwe bw’Abanyarwanda n’Ubudaheranwa, Alice Kayumba, yavuze ko amahugurwa ahabwa abagororwa bahamijwe icyaha cya Jenoside bitegura gusoza ibihano amaze gutanga umusaruro ushimishije kuko yafashije guhindura byinshi mu myumvire yabo.

Kayumba yagaragaje ko aya mahugurwa yafashije abagororwa kurushaho kumva neza uruhare rwabo n’uburemere bw’ibyaha bakoze; no gusobanukirwa imbaraga zo gusaba imbabazi, gusobanukirwa umurongo Igihugu cyiyemeje kugenderaho n’uruhare rwabo mu gutuma Icyerekezo cy’Igihugu kigerwaho.

Harimo kandi no kwiyemeza gufatanya n’abo bazasanga harimo imiryango yabo n’abaturanyi mu kurinda ibyagezweho no guharanira kubana neza n’abandi.

Kuva hatangijwe aya mahugurwa muri Werurwe 2025, hamaze guhugurwa abagororwa 2.748 barimo abagabo 2.544 n’abagore 204. Abagabo bahugurirwa mu Igororero rya Nyamasheke, abagore bagahugurirwa mu Igororero rya Nyamagabe

Itangazo ry’iyo ngengo y’imari ryagaragaje ko 58 ku ijana (USD 64,768,033 cyangwa Miliyari 94.9 Frw) azaturuka mu misanzu y’abanyamurango, ariko hakaba hari impungenge ko atazaboneka kubera ikibazo gikomeye cy’abatishyura.

Raporo iheruka, igaragaza ko ibirarane by’imisanzu y’uyu muryango byari bimaze kuba Miliyoni 89.4 z’Amadolari ya Amerika kugera ku wa 31 Mutarama uyu mwaka.

Repubulika Iharanira Demokarasi ya Congo n’u Burundi bihariye arenga kimwe cya kabiri cy’ibi birarane. Congo ubwayo ifite ibirarane bya Miliyoni 27.7 z’Amadolari ya Amerika, mu gihe u Burundi butegerejweho kwishyura ibirarane bya Miliyoni 22.7 z’Amanyamerika.

Sudani y’Epfo, iza ku mwanya wa gatatu ikaba isabwa Miliyoni 21.8 z’Amadolari ya Amerika, hanyuma Somaliya, umunyamuryango uheruka kwakirwa, irimo ikirarane cya Miliyoni icumi z’Amanyamerika.

Kenya, Uganda, Tanzaniya, ndetse n’u Rwanda bishyuye imisanzu yose uko isabwa kugeza uyu mwaka.

Abatishyura bashyiriweho inyoroshyo

Impinduka ebyiri zashyizweho mu myishyurire muri Werurwe uyu mwaka, zitegerejweho gufasha abatishyura imisanzu, igihe baba bafite ubushake bwo kwishyura.

Mu buryo busanzwe bw’imyishyurire, Ibihugu byose byishyuraga umusanzu ungana. Urugero, ingengo y’imari ya 2025/2026 yari Miliyoni 109.5 z’Amadolari ya Amerika, abanyamuryango bakaba baragombaga gutanga Miliyoni 67.7 z’Amadolari, abaterankunga bagatanga Miliyoni 41.6 z’Amanyamerika.

Buri gihugu cyagombaga gutanga umusanzu wa Miliyoni 7 z’Amadolari, ariko kuva ku wa Mbere Kamena, ubu imyishyurire ni mishya.

Mu itegeko rishya, Ibihugu ntibitazongera kwishyura umusanzu ungana, ahubwo buri gihugu kizajya kibarirwa umusanzu hakurikijwe ubukungu bwacyo.

Nk’uko itangazo ry’iyi ngeno y’imari nshya ribivuga, mirongo itanu ku ijana by’uyu musanzu izaba ingana ku bihugu byose, mu gihe indi mirongo itanu ku ijana izajya ibarwa hakurikijwe ubukungu bw’Igihugu.

Hagati aho, EAC yemeje gusonera Ibihugu bitarishyura mirongo itanu ku ijana y’ibirarane, mu gihe byakwemera kwishyura igice gisigaye mu myaka ibiri.

Ikindi ariko, inama y’Abaminisitiri ya EAC yahawe inshingano zo gushyiraho ibihano ku bihugu bitishyura imisanzu.

Ubu kubera abatishyura imisanzu, hari ibikorwa bimwe bya EAC byagiye bidindira. Ubu kandi, mu myanya 469 iteganyijwe muri EAC, harimo imyanya 163 itarashyirwamo abakozi, kuko hari icyuho cy’umutungo mu muryango. Ubwo hari abakozi bakora aha babiri cyangwa badasinzira kuko bagira akazi k’umurengera.

Mu rwego rwo kwishimira intsinzi y’amateka y’ikipe ya RSSB Tigers yegukanye igikombe cya Basketball Africa League (BAL 2026), hateguwe igikorwa cyihariye cyo kurasa ibishashi by’umuriro (fireworks).

Iri tangazo ryashyizwe ahagaragara kuri uyu wa 13 Kamena 2026, rigaragaza ko ibi birori biri bubere kuri Kigali Convention Centre, i saa tanu z’ijoro (23h00). Ni igikorwa kigamije guha abaturage n’abatuye umujyi wa Kigali umwanya wo kwishimira iyi ntsinzi ikomeye yegukanywe n’iyi kipe ihagarariye u Rwanda ku rwego rwa Afurika.

Uretse ibi birori byo kurasa urufaya rw’bishashi, hateguwe n’gitaramo cyiswe “BAL Champions Celebration Concert” aho kwinjira ari ubuntu, mu rwego rwo gutuma buri wese abasha kwifatanya n’abakunzi b’iyi kipe mu byishimo by’iyi ntsinzi.

Ni igitaramo cyatumiwemo abahanzi batandukanye bakunzwe mu Rwanda, barimo Ariel Wayz, Juno Kizigenza, Kivumbi King, Bulldogg, Kenny Sol ndetse na Angel Mutoni.

Mbere y’ibi bikorwa byose kandi byabanjirijwe n’urugendo rwo kumurika igikombe rwatangiye saa 15h00 kuri Club Rafiki rugakomereza Kimisagara- Nyabugogo -Muhima – City Center -SOPETRADE ndetse n’i Remera rusorezwe KCC ahabera icyo gitaramo cy’imbaturamugabo.

Ibi birori byose ni ibyo gushimira ikipe ya RSSB Tigers BBC yakoze amateka yo kuba ikipe ya mbere yo mu Rwanda yegukanye irushanwa rya Basketball Africa League (BAL 2026), nyuma yo gutsinda Petro de Luanda yo muri Angola amanota 90-88, mu mukino wakurikiwe na Perezida Kagame.

Aba bakinnyi 11 batondetswe n’ikinyamakuru Forbes bose hamwe binjije asaga miliyoni 950 z’Amadolari ya Amerika mu mezi 12 ashize mbere y’itangira ry’iri rushanwa.

Umunya-Portugal Cristiano Ronaldo ni we uza ku mwanya wa mbere, aho Forbes ivuga ko yinjije miliyoni 300 z’Amadolari. Uyu rutahizamu w’imyaka 41 akomeje kuba umwe mu bakinnyi binjiza amafaranga menshi ku Isi, cyane cyane kubera umushahara ahabwa na Al-Nassr yo muri Arabie Saoudite ndetse n’amasezerano menshi yo kwamamaza.

Ku mwanya wa kabiri haza Lionel Messi wa Argentine winjije miliyoni 140 z’Amadolari. Messi akomeje kwinjiza amafaranga menshi binyuze mu ikipe ya Inter Miami ndetse no mu masezerano y’ubucuruzi afitanye n’ibigo bikomeye nka Adidas.

Kylian Mbappé w’u Bufaransa aza ku mwanya wa gatatu n’amafaranga abarirwa muri miliyoni 95 z’Amadolari nyuma y’igihe cyiza yagize muri Real Madrid.

Erling Haaland wa Norvège ari ku mwanya wa kane n’amafaranga miliyoni 80 z’Amadolari, mu gihe Vinicius Jr. wa Brésil ari ku mwanya wa gatanu n’amafaranga miliyoni 60.

Mohamed Salah wa Misiri yinjiye miliyoni 55 z’Amadolari, naho Sadio Mané wa Sénégal yinjiza miliyoni 54, cyane cyane kubera amafaranga menshi atangwa muri shampiyona ya Arabie Saoudite.

Jude Bellingham w’u Bwongereza aza ku mwanya wa munani n’amafaranga miliyoni 44 z’Amadolari nyuma yo gukomeza kwitwara neza muri Real Madrid.

Umukinnyi watunguye benshi ni Lamine Yamal wa Espagne uri ku mwanya wa cyenda n’amafaranga miliyoni 43 z’Amadolari. Nubwo afite imyaka 18 gusa, amaze kuba umwe mu bakinnyi bakurura ibigo byinshi byamamaza ku Isi, harimo Coca-Cola, Visa na McDonald’s.

Harry Kane w’u Bwongereza ari ku mwanya wa 10 n’amafaranga miliyoni 41 z’Amadolari, mu gihe Neymar wa Brésil asoza uru rutonde n’amafaranga miliyoni 38.

Forbes ivuga ko uru rutonde rugaragaza uburyo amafaranga ava mu kwamamaza no kwamamazwa akomeje kugira uruhare runini mu bukungu bw’umupira w’amaguru ku rwego mpuzamahanga

Ibyo ni ibyo bagaragaje kuri uyu wa Gatanu tariki 12 Kamena 2026, mu gikorwa cyateguwe na MINICOM, cyo kwibuka Jenoside yakorewe Abatutsi, byumwihariko, abari abakozi ba MICOMART 34 bishwe muri Jenoside.

Ni igikorwa cyabereye ku rwibutso rwa Jenoside yakorewe Abatutsi rwa Nyamata mu Karere ka Bugesera rushyinguwemo imibiri isaga 45.000 y’abazize jenoside yakorewe Abatutsi, ndetse kuri ubu rukaba rwaragiye mu murage w’isi wa UNESCO.

Mpfizi Edouard, wari ufite imyaka 8 mu gihe cya Jenoside, ubu ni we uhagarariye abarokotse bo muri iyo miryango y’abahoze ari abakozi ba MICOMART. Yagarutse ku cyizere babonye bagikuye mu bikorwa byiza by’abakozi ba MINICOM.

Yagize ati, “ …uyu munsi rero nubwo uba ari umunsi wo kwibuka abacu, ni n’umunsi udukomeza,kuko dusubira mu mateka yacu, tukongera tukambara uruhu rw’umubabaro w’icyo gihe, tugakurura uko abavandimwe bacu babaga bameze, ariko tugasubizwamo imbaraga n’abantu nkamwe muba mudushyigikiye, muba mwatugaragiye kugira ngo tudaheranwa n’amateka”.

“Muri iyi miryango 34 y’abari abakozi muri iyi Minisiteri, harimo abana b’imfubyi, hari incike, harimo n’abafite ibibazo by’ibikomere byo mu mutima, nshimira cyane rero ubufatanye n’umutima wa kimuntu n’inkunga abakozi ba MINICOM badahwema kutugaragariza…inkunga yanyu yaba iy’ibikoresho, yaba iy’ihumure yagize uruhare rukomeye mu kongera icyizere no kubaka imibereho myiza y’abarokotse no gukomeza ubuzima bufite icyerekezo”.

Madamu Mukeshimana Claire, Umuyobozi mukuru ushinzwe ibikorwa rusange muri MINICOM, akaba ari nawe watanze ubutumwa bwa MINICOM muri icyo gikorwa, yashimye cyane abakozi ba MINICOM n’ibindi bigo byaje kwifatanya nabo mu gikorwa cyo kwibuka abari abakozi ba MICOMART.

Yagize ati, “ Ndihanganisha imiryango yabuze ababo bari abakozi bo muri Minisiteri y’ubucuruzi, inganda n’ubukorikori bitaga ‘MICOMART’ ndetse n’abarokotse Jenoside yakorewe Abatutsi turi kumwe uyu munsi mwese muri rusange, ndabihanganishije mbabwira nti nimukomere, muhumure ntimuri mwenyine, muri kumwe n’igihugu, muri kumwe n’ubuyobozi…”.

“… Abo twibuka uyu munsi ibyo bakorewe birazwi, ariko icyo dushima uyu munsi, ni uko hari ababakomokaho barokotse. Jenoside yakorewe Abatutsi yahitanye benshi muri bo, bari abahanga, bari bakunze igihugu cyabo, baragikoreye batiganda, basize imfubyi basiga abapfakazi. Abo twabonye basaga 30 bishwe, uyu ni umwanya wo kubibuka, ko bishwe bazira uko bavutse, bazira akarengane…Kwibuka ni umwanya wo gusubiza agaciro abacu bishwe urw’agashinyaguro, tukibuka ibikorwa byiza by’abarangaga, imirimo bakoreye igihugu, inzozi bari bafite bavukijwe. Kwibuka kandi ni inshingano ya buri Munyarwanda wese, kugira ngo Jenoside itazongera kubaho ukundi…”.

Ku wa 11 -12 Kamena 2026, nibwo Ingabo z’u Rwanda zigize Rwanbatt-1 hamwe n’abapolisi b’u Rwanda (RWA-FPU III) bari mu butumwa bw’Umuryango w’Abibumbye muri Sudani y’Epfo, batanze serivisi z’ubuvuzi ku buntu ku baturage bo mu gace ka Gudele i Juba muri Sudani y’Epfo.

Iki gikorwa cyabaye ku bufatanye n’Umuryango witwa Society for Family Health, hatangiwemo serivisi zitandukanye z’ubuvuzi zirimo kwisuzumisha indwara rusange, ubuvuzi bw’amenyo, gukoresha ultrasound ku bagore batwite, ndetse n’ubuvuzi bw’amaso.

Minisitiri Joyce Bakwa yashimye byimazeyo inzego z’umutekano z’u Rwanda ku bwitange n’umurava bakomeje kugaragaza mu gutanga serivisi z’ubuvuzi zifite agaciro gakomeye ku baturage ba Gudele, mu mujyi wa Juba.

Yagaragaje ko izi serivisi zigamije gufasha abaturage bakeneye ubuvuzi, bikaba bigaragaza ubunyamwuga, ubumuntu n’ubufatanye u Rwanda rukomeje kugaragaza mu ruhando mpuzamahanga.

Binyuze muri iki gikorwa cyo gutanga ubuvuzi ku buntu, abaturage barenga 500 bahawe ubuvuzi ku ndwara zitandukanye ndetse abagenerwabikorwa bashimye cyane iki gikorwa cy’ubuvuzi bahawe.

Iki gikorwa kandi kigaragaza uruhare rw’u Rwanda mu kubungabunga amahoro no guteza imbere imibereho myiza y’abaturage mu bihugu bitandukanye, binyuze mu bufasha bw’ubuvuzi n’ibindi bikorwa by’ingenzi.

Amakuru avuga ko muri ibyo bikoresho byibiwe muri Kansas City, harimo inkweto z’abakinnyi, imyambaro y’imyitozo, ibikoresho by’abatoza, imipira yo gukina ndetse n’imyenda ikoreshwa ku munsi w’umukino. Ibi bikoresho byose bikaba ari ingenzi mu myiteguro y’ikipe.

Ubuyobozi bw’ikipe bwatangaje ko buri gukorana n’inzego z’umutekano kugira ngo ibikoresho byibwe biboneke cyangwa hashakwe ibibisimbura mu buryo bwihuse kugira ngo imyitozo idahagarara.

Polisi ya Kansas City yagize iti: “Abantu babiri bakekwaho kugira uruhare muri icyo gikorwa bafashwe kugira ngo hakomeze iperereza.”

Ikipe y’Igihugu y’Ubwongereza iri mu Itsinda L, na n’amakipe y’ibihugu bya Croatia, Ghana na Panama.

Biteganyijwe ko bazakina umukino wabo wa mbere na Crotia ku wa 17 Kamena.

Yatangiye kuri uyu wa Gatandatu hakorwa ibilometero 10 muri Run for Peace aho abaryitabiriye basiganwa mu buryo byo kwishimisha.

Ku munsi wayo wa mbere, kuri uyu wa Gatandatu Marathon Mpuzamahanga y’Amahoro ya Kigali, yitabiriwe n’abarenga 4,100 baturutse mu bihugu 65 bitandukanye ku Isi mu kwizihiza ubumwe n’amahoro binyuze muri siporo.

Abatabiriye ’Run for Peace’ bagaragaje ko siporo ishobora kuba ururimi ruhuza abantu batandukanye, bakagaragaza ko amahoro n’ubumwe bishobora kwimakazwa binyuze mu bikorwa bihuriweho nk’ibi.

Ndetse nk’uko bigaragara, n’ibyishimo bidasanzwe ku bitabiriye umunsi wa mbere wa Marathon Mpuzamahanga y’Amahoro ya Kigali.

Ni igihembo RwandAir yaherewe mu bihembo bizwi nka ‘2026 APEX Awards’ byatangiwe i Dublin muri Irelande, bikaba bitegurwa n’Umuryango uzwi nka Airline Passenger Experience Association (APEX).

Iki gihembo kigaragaza urwego rwo hejuru RwandAir imaze kugeraho mu guha abakiliya bayo serivisi nziza, zishingiye ku kwita ku mugenzi no kumufasha kugira urugendo rwiza no kugira ibihe byiza.

Ubuyobozi bwa RwandAir bwatangaje ko iki gihembo gishingiye ku ntego bufite yo gushyira imbere ibyishimo by’abakiliya, gukomeza kunoza serivisi zitangwa mu ndege no guhanga udushya mu ngendo.

Bagize bati: “Tuzakomeza gushyira imbaraga mu gutanga ingendo zishimirwa n’abakiliya no gutuma buri rugendo rwose ruba umwihariko ku mugenzi.”

Iki gihembo kije gishimangira izina ry’u Rwanda mu rwego rw’ubwikorezi bwo mu kirere ku mugabane wa Afurika, ndetse ikaba n’icyizere cy’uko RwandAir izakomeza gutanga serivisi zo ku rwego mpuzamahanga.

Umuyobozi Mukuru wa Airline Passenger Experience Association, Dr Joe Leader, yavuze ko ibitekerezo by’abagenzi bikomeje kuba igipimo cy’ingenzi kigaragaza uko sosiyete z’indege zitanga serivisi zijyanye n’ibyifuzo by’abakiriya.

Yagize ati: “Ibitekerezo by’abagenzi bikomeje kuba kimwe mu bipimo bisobanutse bigaragaza uko indege zitanga serivisi zijyanye n’ibyo abagenzi bifuza kurusha ibindi.”

Dr Joe Leader yakomeje avuga ko abegukanye ibihembo bya APEX muri uyu mwaka bagaragaje ubushobozi bwo guhindura ibitekerezo by’abagenzi mu guhanga udushya dufatika, bifasha kuzamura urwego rwa serivisi zitangwa mu ndege.

Yongeyeho ko sosiyete z’indege zikomeje kumva neza ibyo abakiriya bifuza, zigahindura imikorere yazo no gushora imari mu guhanga udushya, ari byo biri gutuma urwego rw’ubwikorezi bwo mu kirere ruzamuka kandi rugashyiraho ibipimo bishya by’ubuziranenge na serivisi nziza.

Aya magambo agaragaza uburyo inganda z’indege ku Isi zikomeje kwita ku byo abagenzi bifuza, mu rwego rwo guteza imbere serivisi zinoze no guhatana ku isoko mpuzamahanga.

Mu itangazo bashyize hanze, kuri uyu wa Gatandatu tariki 13 Kamena 2026, aba bahanzi bagaragaje ko iki cyemezo cyafashwe nyuma yo kubitekerezaho neza no kubisesengura mu buryo bwimbitse. Bashimangiye ko MIE yababereye umufatanyabikorwa ukomeye kuva mu ntangiriro y’urugendo rwabo rw’umuziki.

Muri iryo tangazo bagize bati: “Mbere na mbere, turashimira byimazeyo MIE. Batwemeye kuva ku ntangiriro, bashora imari mu nzozi zacu kandi badufasha mu bihe byari bikomeye. Batubereye nk’ababyeyi, mu rugendo rwatwigishije, baraturinda, kandi badufasha kuba abo turi bo uyu munsi.”

Vestine na Dorcas bavuze ko bishimira byinshi bagezeho bari kumwe na MIE, ndetse n’ibihe byiza bagiranye, ariko ko bageze aho bumva ari ngombwa gukomeza urugendo rwabo bigenga, bagendeye ku cyerekezo n’indangagaciro zabo ndetse n’ahazaza bifuza kwiyubakira.

Bakomeje bagira bati: “Dufitiye icyubahiro n’ishimwe rikomeye ikipe yose ya MIE, kandi tubifurije gukomeza gutsinda mu bikorwa byabo byose.”

Aba bahanzi banashimiye abakunzi babo ku rukundo n’inkunga bakomeje kubagaragariza, bavuga ko nubwo hari impinduka, urugendo rwabo rukomeje kandi biteguye gutangira indi ntambwe nshya.

Ni ku nshuro ya Kabiri impande aba bakobwa batangaje ko batandukanye na MIE, nubwo kuri iyi nshuro bitandukanye kuko babishyize mu itangazo rigenewe abanyamakuru. Mu mwaka wa 2021, impande zombi zari zatandukanye kubera kutumvikana ku micungire ya shene yabo ya YouTube. Icyakora nyuma y’amezi make bongeye kumvikana basubukura ubufatanye.

Vestine na Dorcas batangiye gukorana na M Irene mu 2020. Kugeza ubu ntiharamenyekana impamvu nyamukuru yo gutandukana ndetse ku ruhande rwa M Irene ntacyo arabitangazaho ku mugaragaro.

Aya makuru yayatangaje kuri uyu wa 13 Kamena 2026 abinyujije ku rukuta rwe rwa Instagram, aho yabanje gusangiza abakunzi be amafoto n’amashusho agaragaza uko ibirori byo kwitegura kwakira umwana, bizwi nka Baby Shower, byagenze.

Nyuma yaho yakurikijeho ifoto y’umwana we, ibintu byashimishije benshi mu bamukurikira ndetse n’ibyamamare bitandukanye byamwifurije ibyiza.

Wema Sepetu yamenyekanye cyane mu ruganda rw’imyidagaduro muri Tanzania no muri Afurika aho usibye gukina filime no kumurika imideli, anakora ibikorwa by’ubucuruzi.

Mu myaka yashize, Wema Sepetu yagiye avugwa mu nkuru z’urukundo n’ibyamamare bitandukanye birimo umuhanzi Diamond Platnumz, nyakwigendera Steven Kanumba, Idris Sultan ndetse na Chuchu Hans.

Kwibaruka imfura ye byabaye inkuru yakiriwe neza n’abakunzi be benshi, aho benshi bagaragaje ko bishimiye kubona asohoje inzozi zo kuba umubyeyi nyuma y’igihe kinini abyifuza.

Ni inkuru ikomeje kuvugisha benshi ku mbuga nkoranyambaga, aho abafana n’inshuti ze bakomeje kumwifuriza ubuzima bwiza we n’umwana we.

Kuri konti ye Instagram kuri uyu wa gatanu tariki 12 kamena, itangazo ryashyizweho umukono na bombi, Zari na Shakib bagaragaje ko icyemezo cyo gutandukana bagifashe nyuma yo kubitekerezaho bihagije, bavuga ko byatewe n’ibibazo batabashije kumvikanaho.

Bagize bati: "Nyuma y’imyaka itanu twari tumaranye, twafashe umwanya wo gutekereza maze twanzura ko icyiza kuri buri wese ari ugutandukana kubera kutumvikana kuri bimwe mu bibazo. Nubwo bitari icyemezo cyoroshye, twumva ari cyo cyiza kuri twembi. Turashimira ibihe byiza twagiranye, ibikorwa twasangiye ndetse n’ubufasha twahanye."

Iri tangazo ntiryigeze rishinja umwe muri bo kuba ari we nyirabayazana w’itandukana ryabo cyangwa ngo rigaragaze ko habaye amakimbirane akomeye. Ahubwo bombi bagaragaje ko uko imyaka yagiye ihita, buri wese yagiye agira icyerekezo cye mu buzima, bityo bakaba barafashe icyemezo cyo gutandukana mu bwumvikane.

Zari Hassan, uzwi cyane muri gahunda ya televiziyo Young, Famous & African, yavuze ko nubwo batandukanye, azakomeza kugirana na Shakib umubano mwiza ushingiye ku kubahana no kumvikana.

Bagize bati: "Nta burakari cyangwa inzika bihari. Hari igihe abantu babiri bashobora gusanga inzira zabo z’ubuzima zitandukanye. Turacyubahana kandi tuzakomeza kuba inshuti. Twifurizanya ibyiza, amahirwe n’intsinzi mu bihe biri imbere."

Ubuzima bw’urukundo rwa Zari Hassan bwakomeje gukurikirwa cyane n’abatari bake. Mbere yaho yari yarashakanye na nyakwigendera Ivan Semwanga mu gihe cy’imyaka 12, bakaba barabyaranye abahungu batatu ari bo Pinto, Dido na George Semwanga. Zari yigeze kuvuga ko urugo rwabo rwari rwaranzwe n’ihohoterwa ndetse n’umubano utari mwiza.

Nyuma yaho, Zari yakundanye n’umuhanzi w’icyamamare muri Tanzania, Diamond Platnumz, bafitanye abana babiri.

Kugeza ubu, amakuru y’itandukana rya Zari Hassan na Shakib Cham Lutaaya akomeje kuvugisha benshi ku mbuga nkoranyambaga no mu myidagaduro

Depite Uwamahoro Prisca - Photo archive

Hari mu kinganiro nyunganabitekerezo inzego za Leta zishinzwe ubuhinzi n’abafatanyabikorwa bazo, barimo abashoramari mu buhinzi, amashuri yigisha ubuhizi n’abahinzi ubwabo bagiranye n’abasenateri, kuri uyu wa 12 Kamena barebera hamwe uruhare rw’ikoranabuhanga mu guteza imbere ubuhinzi.

Nyuma yo kumva gahunda zitangaje z’ikoranabuhanga mu buhinzi zirimo uburyo bwo kuhira imyaka, yagize ati “Ese turebye izi gahunda nziza mwatubwiye, mu by’ukuri turimo kuzihuza n’ingengo y’imari dutekereza yava kuri Leta cyangwa ku bandi bafatanyabikorwa ku buryo uyu munsi twatangira kwizeza Abanyarwanda koko umusaruro wenda dufashe igihe gito mwanagarutseho kijyanye na NST2 izarangirana na 2029 aho Abanyarwanda bazaba bashobora kwihaza mu biribwa 100%?”

Ibi Depite Uwamahoro yabibajije ashingiye kuri gahunda z’ikoranabuhanga mu buhinzi zirimo gutera imiti yica udukoko, gutera amafumbire mu myaka no kugenzura ubuhehere bw’ubutaka hifashishijwe utudege tutagira abapilote tuzwi nka durone.

Afatiye kuri uru rugero no ku byanya bigenga by’ubuhinzi byuhirwa, Depite Uwamohoro avuga ko babisuye kandi ko babonye ko ibyinshi biri imusozi, ariko ko izindi gahunda zo kuhira zitagera henshi, akibaza niba muri iki gihe cy’imyaka itatu isigaye ngo gahunda ya kabiri y’imyaka itanu yo kwihutisha iterambere (NST2) irangire, intego yo kwihaza mu biribwa 100% yaba yagezweho.

Depite Uwamahoro akaba yagise abaza Minagri n’abafatanyabikorwa ingamba zihari zifatika zatuma Abanyarwanda bahinga badategereje imvura uko bazijyanisha n’ubushobozi buhari kandi zigatanga umusaruro.

Yatanze urugero aho “mu bihugu by’ubutayu usanga hari ibihugu byateye imbere mu buhinzi kandi bakoresha amazi make,mu gihe twebwe amazi y’imvura atubana menshi ahubwo akanadusenyera ibikorwaremezo.”

Yasabye Minagri kugaragaza uko ayo mazi yatanga umusaruro mu bushobozi buhari ku buryo abahinzi bazajya babona amazi yo gukoresha mu gihe imvura yabatengushye.

Umunyamabanga wa Leta muri Minagri, Dr Solange Uwituze, yavuze ko mu rwego rwo gukomeza kongera umusaruro, ubu Minagri yashyizeho impuguke mu buhinzi zigenga (agronomes) bahorana n’abafashamyumvire b’ubuhinzi basanga abahinzi mu mirima bakabagira inama, ndetse avuga ko babikoze cyane cyane mu buhinzi bw’ibigori byagaragaje umusaruro.

Minisitiri Uwituze avuga kandi ko guhuza izi gahunda zo kwegereza abahinzi abagoronomo no kongera ikoranabuhanga mu buhinzi cyane cyane irijyanye no kuhira imyaka hifashishijwe ikoranabuhanga.

Bumwe mu buryo avuga bizagerwaho, ni ukongera ubuso buvomererwa ahatagerwa n’amashanyarazi asanzwe hakifshishwa ingufu zikomoka ku zuba.

Yavuze ko ubu u Rwanda rurimo kureba uko, bafatanyije n’abikorera, amazi y’umuvu w’imvura yajya afatirwa mu manga z’imisozi noneho akifashishwa mu kuhira mu bice bihakikije, aho kugira ngo azajye yangiriza abantu anasenye ibikorwaremezo.

Izi gahunda z’ikoranabuhanga mu buhinzi, zijyana na gahunda isanzwe yo guhuza ubutaka, ndetse n’iyo gushyiraho ibyanya bigega.

Ibi byose bikaba byitezweho kuzahura ubuhinzi bw’u Rwanda bukava mu mikorere ya gakondo, hagakorwa ubuhinzi bujyanye n’igihe butuma u Rwanda rwihaza ku musaruro w’ubuhinzi kandi rugasagurira amasoko mpuzamahanga.

Mu kiganiro cyatanzwe na Izamuhaye Jean Claude, Umuyobozi ushinzwe ubuhinzi muri RAB, mu biganiro byahuje Abasenateri bose n’abayobozi b’inzego za Leta hamwe n’imiryango ya sosiyete sivile ku ruhare rw’ikoranabuhanga mu guteza imbere ubuhinzi, tariki 12 Kamena 2026, yavuze ko Leta izakomeza guhanga imirimo mu rwego rwo kuvana urubyiruko mu bushomeri.

Yagize ati: “Mu gushishikariza urubyiruko n’abikorera gushora imari mu buhinzi, twashyizeho ikoranabuhanga rya AgriTech ririmo drones, ubwenge buhangano (AI) ndetse na serivisi z’ikoranabuhanga zifasha kongera umusaruro no koroshya ibikorwa by’ubuhinzi n’ubworozi.”

Izamuhaye yavuze ko Leta n’abafatanyabikorwa bayo bakomeje gushyigikira urubyiruko kugira ngo rwinjire mu buhinzi bugezweho no guhanga udushya twafasha uru rwego gutera imbere.

Yagize ati: “Intego ni ukubaka urwego rw’ubuhinzi ruyobowe n’ikoranabuhanga, rukurura urubyiruko kandi rugafasha ishoramari ry’abikorera.”

Yavuze kandi ko hari gutezwa imbere ikoranabuhanga ripima ubuhehere bw’ubutaka n’ubw’ikirere, rifasha abahinzi kumenya igihe gikwiye cyo kuhira, ndetse no gukoresha uburyo bwo kuhira bukoresha imirasire y’izuba bukoresha amazi make hagamijwe kongera umusaruro no guhangana n’imihindagurikire y’ibihe.

Hanagaragajwe ko ikoranabuhanga rishingiye ku mushinga wo guteza imbere ibihingwa (biotechnology) rikomeje gufasha mu kubona imbuto zihanganira indwara n’imihindagurikire y’ikirere.

Yagize ati: “Binyuze mu mushinga wo guteza imbere ibihingwa (CMP), hatunganyijwe imbuto z’imyumbati zihanganira indwara ya kabore, ibirayi bihanganira indwara iterwa n’imvura nyinshi, ndetse n’imbuto z’ibigori zihanganira nkongwa.”

Ikigo cy’Igihugu gishinzwe guteza imbere ubuhinzi n’ubworozi (RAB) kandi cyavuze ko hari n’imbuto zihanganira izuba n’amapfa zikomeje gutezwa imbere.

Yagize ati: “Binyuze mu mushinga wa BIOCAP mu Rwanda, hagiye kubakwa ikigo cy’ikitegererezo mu ikoranabuhanga rya biotechnology hagamijwe kongera ubudahangarwa n’umusaruro w’imbuto zikoreshwa mu buhinzi.”

Hagaragajwe imbogamizi bazihutira gukemura

RAB yagaragaje uburyo hakiri imbogamizi ku bahinzi mu gukoresha ikoranabuhanga ririmo kutagerwaho bihagije na interinete n’amashanyarazi mu bice bimwe by’icyaro, ubumenyi buke ku ikoranabuhanga kuri bamwe mu bahinzi, igiciro kiri hejuru cya ‘smartphones’ n’ibindi bikoresho by’ikoranabuhanga.

Ati “Ikiguzi cy’ibikorwa remezo byo kuhira biracyari hejuru ariko hamwe n’izindi mbogamizi zose zikigaragara mu buhinzi bizagera muri 2029 twamaze kubikemura”.

Yabitangaje tariki 12 Kamena mu biganiro byahuje Abasenateri bose, abayobozi b’inzego za Leta n’aba sosiyete sivile ku ruhare rw’ikoranabuhanga mu guteza imbere ubuhinzi.

Ati: “U Rwanda rwiyemeje kuva ku buhinzi bwa gakondo rukerekeza ku buhinzi bukozwe kinyamwuga bushingiye ku ikoranabuhanga.”

Dr Uwituze yavuze ko zimwe mu ntambwe zigaragara ari ikoreshwa rya drones mu gukurikirana imirima n’imyaka. Yasobanuye ko izi drones zifasha gufata amashusho yerekana hakiri kare ibibazo bishobora kwibasira imyaka birimo indwara, udukoko twangiza imyaka ndetse n’ibibazo byo kuhira.

Yavuze kandi ko ingamba igihugu cyafashe mu guteza imbere ubuhinzi hakoreshejwe ikoranabuhanga zatangiye gutanga umusaruro ugaragara mu nzego zitandukanye z’ubuhinzi.

Yagaragaje ko hashyizweho gahunda ya Smart Nkunganire ifasha abahinzi kubona no gucunga inyongeramusaruro zirimo ifumbire n’imbuto z’indobanure hakoreshejwe telefone. Abarenga miliyoni 1.9 bamaze kwiyandikisha muri iyi sisitemu, naho abahinzi basaga 90% bakaba barahawe nkunganire hifashishijwe ikoranabuhanga.

Yanavuze ko ibikorwa remezo byo kuhira byakomeje kwaguka, ku buryo ubuso bungana na hegitari 74,375 bumaze kuhirwa, ibintu byafashije cyane cyane uturere dukunze guhura n’ibibazo by’amapfa cyangwa imvura nke kongera umusaruro w’ubuhinzi.

Dr Uwituze yagarutse kandi kuri sisitemu ya e-Soko ifasha abahinzi kubona amakuru agezweho ku biciro by’umusaruro ku masoko atandukanye.

Yavuze ko iyi gahunda yafashije kugabanya icyuho cy’amakuru hagati y’abahinzi n’amasoko, bituma bafata ibyemezo bishingiye ku makuru ku byo bahinga n’igihe bagurishiriza umusaruro wabo.

Muri Gahunda ya kabiri y’Igihugu yo Kwihutisha Iterambere (NST2,2024-2029), Guverinoma y’u Rwanda yiyemeje kongera umusaruro w’ubuhinzi ku kigero cya 50%, bigafasha igihugu kwihaza mu biribwa no gusagurira amasoko.

Biteganyijwe kandi ko umusaruro w’ubuhinzi uzagenda wiyongera ku kigero kiri hejuru ya 6% buri mwaka kugira ngo ugire uruhare mu kuzamuka k’ubukungu bw’igihugu ku kigero cya 9.3%.

Mu ijoro ryo ku wa 10 Kamena 2026, Perezida Paul Kagame yakoze impinduka zirimo no gushyiraho abahagarariye u Rwanda bashya mu bihugu bitandukanye, harimo no muri Espagne. Iyi Ambasade yahawe, Ambasaderi Nkulikiyinka Christine, wari Minisitiri w’Abakozi ba Leta n’Umurimo.

Ni ubwa mbere u Rwanda rugize uruhagarariye bihoraho muri Espagne ndetse anahafite icyicaro kuko ubusanzwe iyi Ambasade yari ihagarariwe na Amb. François Nkulikiyimfura ufite icyicaro mu Bufaransa.

Gufungura Ambasade y’u Rwanda muri Espagne, bibaye mu gihe u Rwanda rukomeje kwagura ibikorwa byarwo ku mugabane w’u Burayi, aho rusanzwe rufitanye umubano na Espagne kuva mu 1967, nubwo kugeza ubu rwakoraga rubinyujije ku biro byarwo biri i Paris.

Aho niho umusesenguzi mu bya Politiki mpuzamahanga akaba n’Umwalimu muri Kaminuza, Dr. Ismael Buchanan, ahera avuga ko kuba u Rwanda rugiye gufungura Ambasade muri Espagne ari amahirwe akomeye ku bihugu byombi.

Ati: "Gufungura Ambasade ni amahirwe menshi u Rwanda cyangwa Espagne bishobora gukura muri ya politike y’Ibihugu biba bifite cyane cyane ko buri Gihugu kireba inyungu zacyo aho kiri ariko no kugira ngo ububanyi bwacyo n’ubutwererane bishyirwe mu bikorwa."

Akomeza avuga ko kugira Ambasade muri Espagne ari kimwe mu bizongera ubuhahirane hagati y’u Rwanda n’Ibihugu by’i Burayi bikazagaragarira kandi no mu Banyarwanda bajya mu Gihugu cya Espagne ndetse n’Abanya-Espagne baza mu Rwanda, maze bigatuma habaho ubuhahirane muri aka Karere kuko bizanafasha ibihugu by’ibituranyi.

Dr Buchanan yavuze ko Espagne iyo bigeze mu bubanyi n’amahanga ari Igihugu, mu byo mu Burayi kiri mu bikomeye kandi n’aho giherereye bikaba bifite akamaro gakomeye cyane kuko kiri hagati kuburyo ubuhahirane bwacyo bushobora kubyarira inyungu u Rwanda.

Yagize ati: "Buriya mu Burayi, Espagne iri mu cyo bita euro zone, ibihugu bikoresha amafaranga y’Amayero, kuburyo hagiyeho uburyo bwo kuganira ku byerekeranye n’ibiciro mu bukungu n’ubucuruzi biroroshye kuba ufite Ambasade muri Espagne kuko hari inyungu rwose u Rwanda rushobora kubona muri ibyo."

Yagarutse kandi no ku nyungu mu rwego rw’ubukerarugendo, avuga ko Espagne ari Igihugu cyizwi cyane muri urwo rwego, kuko gifite uduce abantu basura cyane ndetse n’Abanya-Espagne bakaba ari abantu bakunda gutembera kuburyo kuza mu Rwanda kureba ingagi, kwirebera amateka y’u Rwanda bizabafasha cyane.

U Rwanda kuba rugiye gufungura Ambasade muri Espagne, ni ibintu bije no gishimangira amasezerano akomeye u Rwanda rwasinyanye n’ikipe y’umupira w’amaguru ya Atlético de Madrid, binyuze muri gahunda ya Visit Rwanda. Aya masezerano yashyizweho umukono mu 2025, azageza mu 2028, agamije kumenyekanisha u Rwanda n’ibyiza nyaburanga byarwo ku rwego mpuzamahanga binyuze muri Siporo.

Dr Buchanan kandi asanga mu rwego rw’ubukerarugendo, nka Espagne yateye imbere hari ibyo u Rwanda rwayigiraho nk’uko na Espagne hari ibyo yakwigira ku Rwanda.

Yakomeje agira ati: "Andi mahirwe akubiye mu kuba Espagne ikorana n’Ibihugu byo ku Mugabane wa Afurika by’umwihariko ibyo mu Majyaruguru nka Maroc na Algeria bikora ku nyanja ya Mediterrane, bizafasha kunyuza ibicuruzwa muri iki gice bibyarire inyungu u Rwanda."

Mu rwego rw’uburezi, yavuze ko u Rwanda rusanzwe rufitanye imibanire myiza kuko za Kaminuza zo mu Rwanda, zikorana n’izo muri Espagne, bigafasha Abanyarwanda bajya kwigayo, bikaba kandi byatuma hari n’Abanya-Espagne bashobora kuza kwiga mu mashuri yo mu Rwanda ku bwinshi haba aya Leta cyangwa mpuzamahanga.

Ati: "Ibyo rero byateza imbere mu kumenya umuco, kumenya Igihugu by’umwihariko amateka y’u Rwanda."

Gufungura Ambasade mu Gihugu runaka, ni ibintu bigira uruhare rukomeye mu korohereza Abanyarwanda bari ku Mugabane w’i Burayi, cyane abari muri Espagne kuko bashobora koroherezwa kubona viza, pasoporo n’ibyangombwa bitandukanye bigafasha kandi n’abari mu bindi bihugu bari kure y’aho za Ambasade ziherereye.

Dr Buchanan yavuze kandi ko kugira Ambasade muri Espagne, bizatuma n’Abanyarwanda bahatuye bisanzura, uretse no kuba bakoroherezwa kubona ibyangombwa, Ambasade igomba kuba hafi yabo no mu bindi bakeneye.

Ati: "Ngiyo inyungu rero ikomeye mu kuba u Rwanda n’Igihugu cya Espagne bigirana umubano ukomeye, ushingiye ku bwubahane, ubwuzuzanye mu gufatanya mu bucuruzi [......]no mu buvuzi kuko bafite abahanga bakomeye, hari ibyo twakwigiranaho."

Yakomoje no kuba u Rwanda rufite "Made in Rwanda", gahunda yo guteza imbere ibikorerwa imbere mu Gihugu, ibihingwa birimo ikawa n’icyayi byose bishobora kugera ku isoko ryagutse ry’i Burayi binyuze mu Gihugu cya Espagne.

Ati: "U Rwanda rushyize imbere gucuruza ikawa, icyayi, imboga, mbuto n’indabo kuburyo Espagne ishobora kuba umuyoboro w’aho ibicuruzwa by’u Rwanda bishobora kunyuzwa. Harimo inyungu nyinshi zo kugira Ambasade muri Espagne."

Yakomoje agira ati: "Urabizi neza ko u Rwanda rwashyize imbere ishoramari, Abanya-Espagne bashobora kuza mu Rwanda gufungura inganda, imodoka zigakorerwa hano n’ibikoresho bitandukanye kuko u Rwanda ruracyakura ibintu byinshi i Burayi no mu yindi Migabane."

Yashimangiye ko haramutse hari inganda zikora ibyo u Rwanda rukura hanze ya kure, byarworohereza kuzigama amafaranga rwashoraga muri ibyo bihugu bikaba byose byakorerwa imbere mu Gihugu.

Ati: "Hari uruganda rwa Volkswagen, imodoka zarwo ziteranyirizwa mu Rwanda ndetse rukaba rwarashyize imbaraga mu guteza imbere ishoramari kandi rurakomeje muri uwo murongo."

Gufungura Ambasade y’u Rwanda muri Espagne, ni intambwe igaragaza uburyo u Rwanda rukomeje gukoresha dipolomasi ishingiye ku bukungu n’imikoranire mpuzamahanga, hagamijwe guteza imbere iterambere rirambye n’icyerekezo cy’igihugu ku ruhando mpuzamahanga.

Avuga ko yageze muri ibyo bitaro tariki 10 Mata 1994, ariko ibyahabereye ari agahomamunwa kuko bigoranye kwemera ko ubugome abarwayi na bamwe mu Batutsi bahakoraga bicanywe, bwakozwe n’abari abaganga bari bashinzwe kurengera no gutanga ubuzima.

Akigera muri CHUK, yabaye igihe gito ahakirirwa indembe ariko abona bamwe mu bari abaganga bamwishisha, nubwo bateruraga ngo bamubwire, ariko we yabaga asobanukiwe neza ibyo bashaka kuvuga.

Ati “Hari umugore wakoraga hano bari baramuhimbye Perefe, kuko yari umuntu utegeka bikaba, n’umuyobozi w’ikigo atavuga, mbese n’abandi bakomeye ntabwo bavugaga. Yari atuye mu Gitega yitwaga Victoire Nyirampondo, yazengurukaga ibitaro, yarazanye abahungu be babiri bigaga mu mashuri yisumbuye, b’abana b’abasore avuga ko abazanye mu kazi ko mu biruhuko.”

Arongera ati “Akazi bakoraga ni ukwirirwa bica Abatutsi, bakaza ku gitanda bakorosora, basanga uri Umututsi bakagufata bakagenda bagukurura hasi, bakakuvana kuri salle bakakujyana ku buruhukiro. Bicishaga amabuye, icyo babonye cyose bagaterura bagatera mu mutwe, bagakubita umuntu bakanoza, agapfa twumva imiborogo, tubireba, ngahora nihisha hisha mo hano.”

Igihe cyarageze ngo Nyirampondo afatanyije n’uwitwaga Stephanie Ndayambaje wari umuforomo anakuriye abakozi, bavuga ko batagishaka Abatutsi muri CHUK, batangira kwibaza icyo Simugomwa ahakora kandi ari umukozi wa Minisiteri.

Icyo gihe yigiriye inama yo guhunga ariko ntiyava mu bitaro ahubwo ajya kureba umwe mu bari abayobozi yigeze kubera umushoferi amusaba ko yamuhisha, amubwira kwihisha mu nzu yabagirwagamo abarwayi.

Simugomwa ati “Ubwo mfata imyenda yaho y’icyatsi kibisi ndiyoberanya, nta muntu wapfaga kumenya atari uko jye mwiyeretse, nkanasohoka ariko nkajya kureba amakuru hanze no kureba ibirimo kuhabera. Nagize ibyago abantu bose bazanye batemaguye, barashe, ngasanga ni abantu banjye, ngaterura, tukoza, tukabarwaza dutyo, ariko nanone twabajyana muri salle ba bahungu ba Perefe bakabwira abakozi babaga hano bati muvaneho, ubwo bakabica.”

Yungamo ati “Bibaye aho abantu bagenda badupfana batyo, bigera aho Abatutsi bari bamaze kuba benshi cyane, hari abazaga baje kurwaza bakabona ko bahahungira ntibasubire iwabo. Hari abazaga babatemye, bamara koroherwa, bose tukajya tubaryamisha hanze kugira ngo bataza bakabica. Bishe abantu kugeza ubwo bapanga imirambo igera hejuru, abantu barabagerekeranya, abandi biciye ku muhanda na za Nyamirambo no mu Kiyovu bakabapakira bakabazana hano.”

Benshi mu bahiciwe ngo bapakirwaga amakamyo bakajya ku bajugunya mu byobo bari baracukuye mu irimbi ryabaga ku rya nyuma i Nyamirambo. Igihe cyarageze Simugomwa yigira inama yo kwigira Umutwa, afashwa kubona ibyangombwa ari nabyo byamufashije gusohoka muri Kigali bajyanye n’imodoka ya CHUK, ari kumwe n’abandi bakozi batinyaga ko Inkotanyi zabasanga muri Kigali, ajya mu Majyepfo ari naho yarokokeye.

Ubwo kuri uyu wa Gatanu mu bitaro bya CHUK, hibukwaga ku nshuro ya 32 abari abakozi, abarwayi, abarwaza n’abandi bari bahahungiye bishwe muri Jenoside yakorewe Abatutsi mu 1994, umuyobozi Mukuru w’ibitaro Dr. Tharcisse Mpunga, yavuze ko abo bose bibuka biyongeraho abandi bari bahahungiye bahashaka ubuzima, ariko bakahasanga urupfu.

Yagize ati “Kuba duhagaze aha ngaha twibuka, ni ikimenyetso cy’uko twakomeye, kurusha urwango rwaduhigaga rushaka kutumaraho. Hano muri CHUK buri munsi turwanya urupfu, twita ku buzima bw’abantu nta vangura iryo ari iryo ryose, ni intambwe ikomeye yo kwibuka, kubaho neza, gukorera hamwe no kwita ku muntu wese tutaronabuye.”

Umuyobozi w’Ishami rishinzwe iterambere no guhugura abakozi bo kwa muganga muri MINISANTE, Dr. Menelas Nkeshimana, yavuze ko inshingano za Minisiteri y’Ubuzima ari ukubungabunga ubuzima bwiza bw’Abanyarwanda, abarutuye n’abarugenderera bose.

Ati “Ibi bitaro byabayemo amahano ndengakamere, Abatutsi barishwe, ari abari mu bitaro, ndetse n’abaje bahizeye amakiriro. Mu gihe cya Jenoside yakorewe Abatutsi turagaya abaganga batakoze akazi kabo bakaba ibigwari, kuko aho gukiza abo bari bashinzwe kuvura, ahubwo babasonze ndetse abandi bica bagenzi babo bakoranaga umunsi ku munsi. Ni amateka yacu tugomba guhora twibuka tukayigiraho, tukibuka twiyubaka, turwanya ingengabiterezo ya Jenoside yahekuye u Rwanda, ntibizongere kubaho ukundi, duharanire ko bitagira ahandi biba ku Isi.”

Kuba ku rwibutso rwa Jenoside rwa CHUK handitseho amazina y’abantu 84, si uko aribo bonyine bahiciwe, ahubwo ni uko ari bo bamaze kumenyakana.

Mbere y’Intambara ya Mbere y’Isi mu mateka y’Ubwami bw’Ubwongereza hari igikuta cyitwaga Northern Wall of London.

Nyuma y’icyo gikuta, hari ubutaka bwarakorerwagaho ibikorwa binyuranye, harimo n’iby’urukozasoni nko kuhicira abantu

Hari kandi n’ibikorwa byo kwivuna umwanzi n’ibindi nkabyo byakorerwaga inyuma y’icyo gikuta inyuma y’Umujyi wa London. Ubwo butaka nta nyirabwo bwagiraga.

Mu Ntambara ya Mbere y’Isi rero, nibwo ijambo ’No Man’s Land’, ryamenyekanye cyane ndetse riranakomera, kuko hari ahantu hacukurwaga nk’indake igihe Igihugu kimwe cyarwanaga n’ikindi, ku buryo ariho bihishaga cyangwa bakaharwanira, hakaba ari hanze y’umupaka w’Igihugu. Bwari uburyo bwo kugira ngo barwane n’umwanzi ariko bidakorewe mu gihugu hagati.

Iyo intambara yarangiraga, abasirikare basubiraga mu gihugu cyabo, bwa butaka bugasigara nta bantu batuye cyangwa ngo babugenzure, hagakomeza gufatwa nk’ahantu bagombaga guhurira bakarwanira, bagahangana ariko bari hanze y’umupaka wabo, iryo jambo rifata rityo.

Byageze n’aho birenga kuba ubutaka, biba ikintu cyose gitandukanya ibihugu, cyaba amazi cyangwa ubutaka, hakitwa ’No Man’s Land’, bitewe naho ibihugu byumvikanye ko ariho hagomba kubitandukanya.

Impuguke mu mibanire mpuzamahanga, Politike akaba n’umwalimu muri Kaminuza, Ismael Aboui Buchanan, avuga ko nubwo ari ubutuka bwitwa ko butagira nyirabwo ariko nta wakwitwikira ikibi ngo ahahungire.

Agira ati “Iyo bigeze ku banyabyaha hari uburyo bwinshi abantu bashobora gufatirwa ahantu hatandukanye. Ntiwambwira ngo umuntu yambutse umupaka aragiye ageze muri bwa butaka ngo kuhamwicira biraba icyaha mpuzamahanga.”

Yungamo ati “Ntabwo numva ko uwakoze ibyaha akagera kuri buriya butaka yaba ageze nko mu ijuru. Niba hari n’umuntu wakoze ibyaha akajya kuri buriya butaka, Igihugu n’ikindi bashobora kumvikana uko bigenda.”

Ubwo se umuntu aguteye wamwihorera ngo nuko ari miro No Man’s Land?

Ku bijyanye n’ibihe by’intambara, Buchanan agira ati “Ntiwambwira ngo umwanzi aguteye ahagaze kuri buriya butaka wategereza akagera iwawe kugira ngo akore ibyo bikorwa ari mu gihugu cyawe, aho ngaho icyo ukora uramwivuna cyangwa ugafata ingamba zikomeye ataragera ku butaka bwawe, ntabwo wavuga ngo ni uko ari amategeko mpuzamahanga abivuga, ngo ni uko amateka atwigisha ko uwageze kuri buriya butaka adakorwaho, biterwa n’uburyo ibihugu byumvikana n’uburyo bishobora gukemeura ikibazo.”

No Man’s Land hagati ya za Korea zombi, ahitwa DMZ, Demilitialized zome

Hagati aho, nta tegeko cyangwa ibipimo bihamye bivuga ko ahagomba kuba “No Man’s Land” hakwiye kugira metero runaka, kandi ahenshi si ubutaka bwatanzwe n’Igihugu kimwe ngo ikindi kibuhabwe.

Hagati aho, umuntu ashobora kwibaza uburyo imirimo imwe n’imwe ikorerwa ubutaka busanzwe ikorwa kuri No Man’s Land.

Iyi mirimo ni nk’isuku, kubungabunga imihanda, gukuraho imyanda cyangwa gusana bimwe mu bikorwa, akenshi biterwa n’uko ubwo butaka bucungwa.

Niba ari agace kari hagati y’impande zihanganye cyane, nk’agace kari hagati ya Koreya ya Ruguru n’iy’Epfo, ahenshi haba nta baturage bemerewe kuhatura cyangwa kuhakorera ibikorwa bisanzwe, bityo “isuku” mu buryo dusanzwe tuyumva iba itari ikibazo gikomeye.

Ahandi rero, usanga hari ahaba harashyizwe ibisasu mu butaka (landmines) ahandi harameze nk’ishyamba.

Ni mu gihe ahandi nko ku mipaka, rimwe na rimwe buri ruhande rushobora kwita ku ruhande rubegereye, ariko hagati nyirizina hakaba hadakorerwa ibikorwa byinshi.

Inzobere mu by’imirire zivuga ko atari byiza kurya no kunywa ibintu birimo isukari nyinshi kuko byangiza amenyo iyo bifashwe igihe kirekire.

Ndikubwayo Innocent ni Inzobere mu by’imirire ku kigo nderabuzima cya Burehe mu karere ka Rulindo avuga ko hari ibiribwa n’ibinyobwa byangiza amenyo bikayatera gucukuka, birimo isukari nyinshi, cyangwa aside ikangiza uruhu rukomeye rwo ku ryinyo inyuma ruririnda kwinjirwamo n’ubukonje cyangwa ubushyuhe bukabije bw’ikintu umuntu ariye ‘enamel’.

Ati“Iyi ‘enamel’ irinda iryinyo kubora ikaririnda kwinjirwamo n’ubushyuhe ndetse n’ubukonje bw’ibyo urya n’ibyo unywa bifasha kandi iryinyo gusa neza no gukomera ntiryangirike”.

Ndikubwayo avuga ko ibiribwa birimo isukari nyinshi birimo za Bombo, shokora ndetse n’ibifite ubushyushye bukabije n’ubukonje bukabije byose byangiza amenyo.

Ati “Ibinyobwa biryohereye birimo Fanta, imitobe y’imbuto yongerewemo isukari (juice) nabyo byangiza amenyo kuko isukari ifasha bagiteri mu kanwa gukora aside yangiza amenyo”.

Ibindi bintu byangiza amenyo ni ibinyobwa birimo aside, urugero ni nki indimu iyo ifashwe kenshi, ibinyobwa bitera imbaraga, n’ibiribwa bifata ku menyo birimo imitsima yoroshye, (gateau) Biswi byose byorohereza bagiteri kuyangiza.

Ati “Ibiryo bikaranze cyane birimo umunyu n’amavuta menshi
bikunze gusigara mu menyo igihe kirekire. Imyunyungugu n’ibinyobwa bisindisha by’umwihariko ibifite Alukolo nabyo iyo bifashwe ku rugero rwo hejuru byangiza amenyo”.

Ndikubwayo avuga ko nubwo hari ibiribwa bishobora guteza amenyo ibibazo, si ngombwa kubireka burundu. Icy’ingenzi ni ukugabanya inshuro umuntu abifata, ndetse akoza neza amenyo nyuma yo kurya, no kunywa.

Ni byiza kandi kujya kwa muganga w’amenyo kenshi nabyo bifasha kumenya ikibazo hakiri kare.

Abahanga mu buvuzi bw’amenyo bavuga ko kutoza amenyo neza kandi buri munsi bishobora kuba intandaro zo kurwara izindi ndwara zirimo n’umutima bakagira inama abantu yo kugira isuku y’amenyo ku gira ngo birinde ibyo bibazo byose.

Docteur Muhigana Adelaide uyobora ishyirahamwe ry’abaganga bavura indwara z’amenyo avuga ko isuku nke yo mu kanwa ikurura n’ubundi burwayi bukomeye.

Ati “Igihe umuntu atakoreye isuku amenyo, ye ashobora kubora, guhumura nabi ndetse akaba yavamo. Mu kwita ku menyo, umuntu ayoza inshuro eshatu ku munsi, igihe cyose arangije gufata amafunguro”.

Dr Muhigana avuga ko 90% by’abarwayi, usanga amenyo yabo aba yaracukutse, bitewe n’isuku nke no gutinda kuyivuza.

Inyigo yakozwe na RBC mu 2018 ku bantu 2097 bagiye kwa muganga kwivuza indwara zo mu kanwa, 2/3 muri bo bari bafite amenyo yatobotse cyangwa yamanyutse bitewe no kutoga mu kanwa.

Ubushakashatsi bwakozwe na RBC mu mwaka wa 2021 bwerekanye ko 92% by’Abanyarwanda bisuzumishije amenyo muri uwo mwaka babitewe n’uko bababaraga cyane, mu gihe abangana na 1% aribo bisuzumishije bagamije kureba uko bahagaze.

Ubu bushakashatsi kandi bwerekanye ko Abanyarwanda bagera kuri 67%, boza amenyo rimwe ku munsi mu gihe abayoza kabiri ari 19% gusa.

Yashatse mu 2007, maze nyuma y’ukwezi kumwe agira impinduka zirimo guhora akonje, kunukirwa n’ibintu bimwe na bimwe harimo n’ibiribwa ubusanzwe yakundaga, maze aribwira ati "ibi ni ibimenyetso byo gusama."

Nyuma gato ariko yaragenzuye, abona ibimenyetso bigaragaza ko adatwite ari ukwibeshya, hanyuma n’ibyo byo guhurwa ibintu bitandukanye bihita birangira.

Hashize umwaka umwe, umugabo yamubwiye ko bakwiye kujya kwa muganga, bakareba igituma hashize igihe kingana gityo batarasama ngo babyare, kandi babana ku buryo buhoraho.

Agira ati, “ Icyo gihe umugabo ni we wazanye igitekerezo, arambwira ati ntubifate nabi, ko wenda hari ukundi nkubona, nitugerayo ndasaba ko ari njyewe babanza gusuzuma, hanyuma nawe barebe ko hari ikibazo cyaba gihari. Twagezeyo, aradusuzuma, atubwira ko twembi nta kibazo dufite cyatuma tutabyara, ariko yibaza impamvu ntasama. Nuko aratubwira ati nimugende mutegereze bizakunda nta kibazo”.

Basubiye mu rugo rwabo barategereza nk’uko muganga yavuze, ariko hashize imyaka itatu, ubwo hari mu 2010, bongera gusubira kwa muganga, maze umuganga w’abagore wo muri CHUK, ababwira ko ikibazo ari imiyoborantanga (trompes) y’umugore ifunze, kandi ko yashobora kumufasha igafunguka binyuze mu kumubaga.

Yagize ati,” Ubwabyo gukora ibizamini byo kureba kuri izo ‘trompes’ birababaza ku buryo ntamenya kubisobanura, noneho yemeza ko kumbaga ari byo byazamfasha ngasama. Icyo gihe kumbaga byasabye kunsinziriza, aho nkangukiye, uwo muganga aza mu cyumba, arambwira ati urihangana, nyuma yo kukubaga nagezemo imbere nsanga ukuntu imiyoborantanga yawe ifunze bidashoboka ko nayifungura ngo uzasame inda mu buryo busanzwe. Uko byagenda kose, kugira ngo uzabyare, bizanyura mu buryo bwo guhuza intanga hifashishijwe ikoranabuhanga (IVF)”.

Uwo muganga ngo yasobanuriye Mukamwiza n’umugabo we ko bombi bafite intanga nzima kandi zimeze neza, ikibazo gihari, kikaba ari uko zidashobora guhura byikoze ku buryo busanzwe, bitewe n’uko inzira zagombye kuba zinyuramo (imiyoborantanga) ifunze.

Icyo gihe ubuvuzi bwo guhuza intanga binyuze mu ikoranabuhanga ntabwari buhari mu Rwanda. Ubwo rerom muganga yababwiye ko bashobora kujya kubikoresha muri Afurika y’Epfo, ariko ikibazo kikaba ari uko byakundaga ku kigero gito cyane, cya 1%. Ahandi rero, hari mu Buhinde aho amahirwe yari ageze kuri 20% no muri Amerika, 30%.

Ayo yari amakuru meza, ariko ababwiye ikiguz bisaba, bumva bacitse intege, dore ko bari banatinyaga gutanga amafaranga atabarika kandi icyizere cy’uko bizakunda kiri hasi nk’uko imibare yabigaragaje.

Mukamwiza ati,” Icyo gihe twaricaye tubivugaho n’umugabo tubona ko nta kundi twabigira ubwo ari ukubireka. Nta mafaranga twari kubona n’abo mu miryango yacu twari gusaba ngo badutere inkunga twabonaga ko ntayo bafite. Ariko muri icyo gihe, mu bushobozi dufite, umuganga wese twumvaga ko afite ubumenyi cyane mu by’indwara z’abagore najyaga kumureba, babiri bansuzumye mu Rwanda, bose bahuriza ku kintu cy’uko ntazabyara bitanyuze muri IVF”.

“Hari nubwo nagiye kwivuza ku muganga wo muri Repubulika ya Demokarasi ya Congo, mu Mujyi wa Bukavu witwa Denis Mukwege bavugaga ko ari umuhanga cyane ariko na we nta bundi buryo bwo kumfasha yabonye. Ubwo nagarutse mu Rwanda, nkomeza akazi, ntegereza igitangaza Imana yazakora. Kuko hari n’ibitekerezo twajyaga tugira tukabiganiraho n’umugabo twibaza niba uwo mwana twajya gushaka muri ubwo buryo atari Imana iduhaye gutwita bisanzwe, bitaba ari ikibazo! Ariko ibyo bitekerezo byaje kudushiramo”.

Muri iyo myaka yo gutegereza, hari undi muryango bari baziranye nawo wari umaze igihe utegereje kubona urubyaro bidakunda, ariko bagiye kwivuriza muri Kenya, ikibazo kirakemuka, barasama baranabyara. Uwo muryango niwo wabagiriye inama yo kujya kwivurizayo bakareba ko wenda nabo byakunda.

Yagize ati,” Uwo muryango warisuzumishije, basanga umugabo ari we ufite ikibazo baramuvura, hanyuma batangira kubyara ubu bafite n’abana bakuze. Aho muri Kenya, nabwo muganga na we yasanze nta yindi nzira, maze atuyobora kuri mugenzi we ukora ibya IVF wari uzwiho ubuhanga mu gutanga iyo serivisi, asa n’uwihariye isoko ry’abayishaka bose (monopoly) .”

“ Uwo muganga yaradupimye nawe, ariko avuga ko hari akabyimba abona muri nyababyeyi ku buryo bitakunda ko ahita ankorera kataravamo. Ati niba mukoresha ubwishingizi mu gihugu cyanyu, wabanza ukajya kukabagisha, hanyuma ibindi bikazaba nyuma. Kuko hano ubuvuzi burahenze, kandi ni akabyimba kashobora kubagwa n’umuganga w’abagore wese ntibigoye”.

Ubwo yagarutse mu Rwanda ajya ku muganga w’abagore muri Faisal, apimye asanga ako kabyimba karimo koko, amuha gahunda arakabaga, arivuza neza arakira maze asubira muri Kenya nk’uko byari biteganyijwe.

Urugendo rwo gutwita hakoreshejwe ikoranabuhanga nyirizina

Gusubira muri Kenya, ntiwari umunsi wose uyu mubyeyi yihitiyemo, ahubwo muganga yari yaramubwiye ko bagomba kubonana ku munsi wa kabiri wo kujya mu mihango. Ubwo rero, umubyeyi kuko yari azi ukwezi kwe, yabonye ashigaje umunsi umwe abwira umugabo we ati duhaguruke, nuko batega bisi ijya Nairobi, urugendo rw’iminsi ibiri.

Agira ati "Nagiye mu mihango ndi mu nzira ku cyumweru. Ku wa mbere twari twagezeyo duhita tujya kureba muganga, ampa imiti yo kunywa, iyo gucisha hasi ndetse n’inshinge naterwaga rimwe mu minsi ibiri”.

“Nyuma yo kunshyira kuri iyo miti, yambwiye ko nzagaruka mu byumweru bibiri kumureba, ariko hagati aho inda yaragiye irabyimba, igatonekara, guhaguruka bigoranye mbese wagira ngo ni umugore utwite, ukuriwe. Iyo miti ngo yabaga ishinzwe gukuza amagi mu nda yanjye. Iminsi bari bampaye ishize nasubiye kwa muganga bantera ikinya bakuramo amagi, nkanguka mbabara ariko bitari cyane, kuko hari imiti batanga y’ububabare. Kandi bari banteguje ko nzana ibikoresho by’isuku kuko iyo birangiye umuntu aba ameze nk’uwabyaye, hakagira imyanda isigara isohoka”.

Ibyo kumukuramo amagi birangiye ngo bafashe n’intanga z’umugabo bajya kuzihuza , hanyuma babaha gahunda y’igihe cyo kuzagaruka mu minsi ine (4), kugira ngo hakorwe igikorwa nyamukuru cyari cyabajyanye.

Nuko abana babashyira mu nda...barambwira bati uratwite

Yagize ati, “Kuri uwo muganga wari urimo kumfasha twabaga twahahuriye turi benshi baturuka mu bihugu bitandukanye; muri Uganda, Tanzania, Repubulika ya Demokarasi ya Congo, Ethiopia, u Buhinde n’ahandi. Umunsi bari bampaye naraje barantegura, bashyiramo abana mu nda. Ni ibintu bikorwa mu kanya gato cyane kuko biba bisaba ko bava aho bategurirwa bahita bashyirwamo hatanyuzemo umunota n’umwe. Ntibambajije umubare nshaka ko bashyiramo, ahubwo bampitiyemo ibyo bo batekereje byaba byiza kuri jyewe, bashyiramo batatu, kugira ngo ningira amahirwe bazakure bose, ariko ningira ibyago umwe akagenda hazasigaremo babiri, cyangwa se nihagenda babiri hazasigaremo umwe”.

“ Nyuma y’ubwo bambwiye kuzagaruka mu minsi 7, ngarutse bapima amaraso barambwira ngo byarakunze ndatwite, ariko ntibashobora kumenya niba harimo umwe cyangwa batatu, ariko bambwira ko nakwitahira noneho hazashira ukwezi nkajya ku muganga w’abagore mu gihugu cyanjye agusuzuma akareba, uko bimeze akambwira. Ubwo kuko nari natwise, nateze indege, imodoka ntibyashobokaga. Ngeze mu Rwanda ntegereza uko kwezi bari bambwiye, njya kwipimisha kwa muganga, nabwo muganga yari yarambwiye ko ntagomba kwemera ko basuzuma banyujije hasi (transvaginal ultrasound), ngiye kwa muganga bambwira ko ntwite umwana umwe gusa…”.

“Ziriya nda rero zigendana no kwigengesera kwinshi. Uwo muganga wamfashije, yambwiye ko nshobora kuzajya nisanga mvuye ntacyo biturutseho, ampa imiti nazahita nkoresha. Ariko nkajya no kureba umuganga. Uhereye ubwo, bambwiye imyitwarire nkwiye kugira, ko ntagomba kuryama nubitse inda, ko ntagomba guterura ikintu kirengeje ikiro kimwe, ko ntagomba kugenda kuri moto cyangwa n’imodoka mu mihanda mibi nicugusa, ko ntagomba kwegera ahantu hasizwe amarangi akiri mashyashya(akinuka), ko ntagomba kujya muri za saloon zitunganya imisatsi...ubwo nahise niyogoshesha, ko ntagomba kurya cyangwa kunywa ibituruka mu nganda. Yampaye urutonde runini rw’ibyo ntemerewe kandi rwose numvaga ntacyo bitwaye narabyitwararatse ntungwa n’igitoki gusa ayo mezi yose, uretse rimwe numvise ndarikiye ikivuguto cyane nsomaho nubwo bari barakimbujije ariko ntacyo byantwaye”.

Ese muga! Umwana afite umutwe, afite amaguru abiri? Impungenge za Mukamwiza

Mukamwiza avuga ko ibyo muganga wo muri Kenya yamubwiye byabaye koko rimwe yabyuka akisanga arimo avira ku nda, kandi nta kibazo kindi yagize, ahita akoresha imiti yari yamuhaye birahagarara, ariko biza kongera bwa kabiri muganga wamukurikiranaga mu Rwanda amuha indi miti nabwo birahagarara, inda ntiyavamo ikomeza gukura neza.

Yagize ati, “ Nabonye mvuye ngira ubwoba bwinshi mbwira umugabo nti birarangiye ivuyemo,ariko ngiye kwa muganga bambwira ko ikirimo nta kibazo. Nahoraga mpangayitse nibaza ibibazo byinshi bidashira. N’abatwite inda zisanzwe bahorana amatsiko yo kumenya niba abana batwite bameze neza, …njyewe rero nahoranaga impungenge, nkumva ko atazaba ari umwana ufite ingingo zuzuye, najya kwisuzumisha, ugasanga ndabaza umuganga nti nonese urabona ari umwana umeze neza, ufite umutwe urawubona neza, hariho umusatsi se? yanyereka ukuguru, nkamubaza nti ubu ntafite kumwe gusa se ? Akanseka ariko akambwira ko umwana ameze neza cyane kandi akura uko bikwiye”.

Urwo rugendo rwo gutwita rwari rurerure, ariko ngira abakozi twakoranaga barumfashijemo cyane, ugasanga baranyitangira, buri gihe nyuma yo gufata ifunguro rya saa sita, nagiraga amasaha abiri yo kuryama aho ku kazi, kandi abo bagenzi banjye ntibabyinubire, nagira ibisaba guterurwa ku kazi, bakihutira kuza kubinterurira, mbese baramfashije bidasanzwe mpora mbasabira umugisha.

Amezi icyenda ageze, Mukamwiza yafashwe n’ibise ajya kwa muganga wamukurikiranye, kuko yumvaga igihe kigeze ngo abone umwana we yari amaze imyaka hafi icyenda (9) ategereje. Gusa ntibyagenze uko yari abyiteze. Kuko hajemo ikibazo gituma agomba kubyara abazwe.

Wibarutse umuhungu mwiza

Yagize ati,” Twageze kwa muganga ibise byatangiye kuba byinshi, ariko nyuma sinzi uko byagenze, baravuga ngo habayeho ikibazo cy’ingobyi umwana yari arimo yangiritse n’ibindi byinshi ntari nsobanukiwe bavugaga, ariko bakavuga ko bagomba gukora ku buryo batabara umwana. Ubwo nahise mbabaza none se harasabwa iki? Barambwira ngo ubu tugiye kukubaga, ntabanje no gutekereza nahise mbabwira nti nimushaka mubage muhereye mu gutwi cyangwa se ku mutwe mugeze ku nda, ariko mufate umwana wanjye ari muzima nta kindi. Abaganga bumvise ibyo mbabwiye baraseka gusa, ariko bakora ibyihuse, barambaga bambyaza umwana ari muzima ararira nk’abandi, ndishima ukuntu nanjye mbaye umubyeyi, ariko nkumva byandenze…”.

Mukamwiza avuga ko inkuru yajyaga yumva mbere yo gukorerwa ubwo buvuzi ndetse nawe zikamutera impungenge rimwe na rimwe ko abana bavutse muri ubwo buryo bataba bameze neza, ko bataba buzuye n’ibindi byinshi, ubu yamaze kubona ko nta shingiro zifite, kuko umwana we ameze neza, yiga neza agatsinda, agira urukundo n’andi marangamutima yose kimwe n’abandi bana, mbese aramunezeza gusa.

Mukamwiza avuga ko byabagoye cyane kubona izina bita umwana wabo kuko yose yumvaga adasobanura neza igitangaza babonye, kuko bifuzaga izina ritaritwa undi muntu ku isi, kandi ngo ntiribaho

Se w’umwana na we yumvaga bya bindi byo gushaka izina mbere no kuriganiraho atari byo ngo kuko yumvaga byaba ari uguhinda cyane, akavuga ko na bya birori bikorwa byo gutegurira umwana utaravuka ’baby shower’ atabyemera mu rugo rwe.

Ikiguzi kingana gite?

Umwana avutse bamwise izina risobanura ngo ’God is merciful’ (Imana ni inyembabazi). Irindi zina yiswe ryo risobanura ’Sekuruza w’amahanga’.

Mukamwiza ati, " nterura umwana wanjye nakomezaga numva bisa nko kurota, nkumva ni nka filime ntabwo ari ibya nyabyo, mama wanjye we yaje aho kwa muganga abonye umwana wanjye kuko yari amaze igihe abisengera, yabaye nk’uwataye ubwenge, ararira, arasenga, byari ibitangaza gusa".

Mukamwiza amaze imyaka 4 abyaye, yongeye kugerageza ubwo buvuzi bwa IVF mu Rwanda, ariko biranga, yongera gusubira i Nairobi birakunda ariko inda isigaje gato ngo yuzuze amezi atatu ihita ivamo.

" Ubu numva narabiretse kuko birahenda cyane, ugusanga ntibituma abantu batera imbere.Biravuna ku mubiri, mu marangamutima ..."

"Muri Kenya nkoresha bwa mbere byari Miliyoni esheshatu zisaga z’Amanyarwanda, ariko ubwa kabiri byari byaragabanutseho gato kuko abakiriya bari baragabanutse kuko hari abaganga babikora bagiya baboneka mu bihugu bitandukanye.Mu Rwanda mbikoresha bwa mbere ngira ngo bishyuraga Miliyoni hafi enye z’Amanyarwanda...".

Muri iri shuri, habamo ababonye impamyabumenyi y’icyiciro cya gatatu, Masters ndetse n’Icyiciro cy’amasomo ya gisirikare.

Abarangje ni abanyeshuri ijana n’umunani, 108 batiritse mu bihugu makumyabiri, u Rwanda rukaba ubwarwo rufitemo Abanyeshuri mirongo inani n’umwe - 81, muri Porogarami imara umwaka.

Ibihugu byose ni ibyo muri Afurika, hakiyongeraho n’Igihugu cya Jordan, yo muri Aziya.

Mu byo bize, harimo gutegura urugamba, gukemura amakimbirane, imibanire y’ibihugu n’ibindi.

Ibi yabigarutseho mu ruzinduko rwe rwa mbere agirira muri Koreya y’Epfo, aho yitabiriye iserukiramuco rya sinema Nyafurika ku nshuro ya munani ryabereye i Jeonju, ryateguwe na Korea-Africa Foundation, ubwo herekanwaga filime ye yitwa “Killer Music.”

Mighty Popo, umaze igihe kinini mu muziki ndetse akaba yaranegukanye igihembo cya Juno Awards (gisa na Grammy muri Canada), yavuze ko iyi filime atayibereye umuyobozi, ahubwo yayanditse, arayitunganya ndetse anahimba umuziki wayo.

Filime “Killer Music” igaruka ku rugendo rw’abanyamuziki mu buzima bwa buri munsi kuva umuntu atekereje urugendo rwo kwinjira mu muziki, igihe abaye icyamamare ndetse n’ubuzima anyuramo mu majoro mu bitaramo. Ubunararibonye bwa Mighty Popo mu muziki mpuzamahanga bwamufashije gukora inkuru ishingiye ku buzima nyabwo.

Mu kiganiro yagiranye n’ikinyamakuru Yonhap News ku itariki ya 10 i Seoul, yavuze ko yashakaga kugaragaza by’umwihariko ibibazo abakobwa bahura na byo mu muziki, abinyujije mu rugendo rukomeye rw’umuhanzikazi ukiri mushya ushaka kwamamara.

Yagize ati: “Nashakaga kugaragaza mu buryo burambuye igitutu umuhanzi ukiri muto ahura nacyo, uburyo yisanga mu mutego w’ibintu bihabanye bikamugusha.”

Popo yavuze ko iyi nkuru itagarukira muri Afurika gusa, kuko n’abahanzi b’abagore bo muri Koreya y’Epfo bashobora guhura n’ibi bibazo nk’iby’umuhanzikazi wo mu Rwanda uvugwa muri iyi filime. Yagize ati: “Nubwo nakoresheje uburyo bwa sinema, ubutumwa natanze burenze imipaka kandi bushobora kumvwa na buri wese.”

Yanagarutse ku bufatanye bwa hafi na Anirban Mitra ukomoka mu Buhinde wafashe amashusho yayo. Mighty Popo, avuga ko nk’uwahimbye umuziki, intego ye atari ugushyira amarangamutima ku bayireba, ahubwo ari uruhare yifuzaga gutanga mu kongera imbaraga z’ibiri kugaragara muri filime.

Yagize ati: “Nashyizemo umuziki mu buryo bufasha kongera amarangamutima y’inkuru, ariko utabangamiye amashusho. Iyi filime ifite agaciro kihariye mu iterambere rya sinema y’u Rwanda izwi nka Hillwood."

Popo yavuze kandi ko "Killer Music" kimwe mu biyitandukanya n’izindi filime ari umuziki wayo w’umwimerere. Yongeyeho ko ari filime ya mbere yakorewe mu Rwanda kandi ikoranywe ubuhanga butuma uyireba yiyumva nk’uri muri sinema byukuri.

Biteganyijwe ko iyo filime izagira ibice bitatu ariko igice cya mbere akaba ari cyo cyashyizwe hanze. Popo yavuze ko igice cya mbere uburyo gikinnyemo kigamije gushyiraho umusingi w’inkuru izaba nini, mu gihe ibice bibiri bizakurikiraho bizatanga ibisubizo ku bibazo byagaragajwe.

Yavuze ko inyandiko z’ibyo bice bibiri bisigaye byamaze gutegurwa, kandi ko ubu arimo gushaka abafatanyabikorwa mpuzamahanga n’abashoramari bazamufasha kuzishyira mu bikorwa.

Filime "Killer Music" iri mu bwoko bw’izitwa “Musical Drama’’ mu rurimi rw’Icyongereza ikaba imara amasaha abiri.

Yongeyeho ko ari no gutegura indi filime yitwa “Ghost Note,” izaba igaruka ku muziki ariko igahuriza hamwe Afurika muri ibi bihe, ubuhanga bwa muntu ndetse n’ikoranabuhanga rya AI.

Yasoje avuga ko Koreya y’Epfo iri ku isonga mu bijyanye n’ikoranabuhanga rya AI mu muziki na sinema, bityo kuba iyi filime iramutse ikorewe muri icyo Gihugu byaba ari amahitamo meza kurushaho ugereranyije no kuyikorera mu Rwanda.

Amakuru yizewe Kigali Today yamenye ni uko ikipe ya Police FC yegereye uyu Munya-Tunisi ndetse bagirana ibiganiro bya mbere byagenze neza bishobora no kugeza ku gukorana igihe batandukana na Ben Mousa, ibintu bateganya nyuma yo kutabaha ibikombe bifuzaga.

Indi kipe yifuza uyu mugabo, ni Kiyovu Sports iheruka gutandukana na Haringingo Francis. Amakuru Kigali Today yemerewe n’umuntu wa hafi muri iyi kipe ni uko ari mu batoza bane bifuza kuba baha akazi ko gutoza Urucaca ariko n’ibiganiro bigikomeje.

Iyi kipe ya Kiyovu Sports iheruka gusinyisha Kambanda Emmanuel umwe mu bakinnyi bo hagati uyu mutoza Hammadi ngo akunda cyane, niyo ihabwa amahirwe yo kuba yamwegukana dore ko ashobora kuba ari umukinnyi yagize uruhare mu igurwa rye.

Ku rundi ruhande ariko ikipe y’Amagaju FC nayo irifuza kuba yakomezanya na Hammadi nyuma yo kuyifasha kuguma mu cyiciro cya mbere nyamara yarayisanze ahantu habi.

Umukuru w’Igihugu yababwiye ati "Mwageze hano mufite ubunararibonye mu mwuga, none mutashye mufite ubumenyi bwagutse kurushaho ndetse mwatyaje ubwenge mwakira n’inshingano zikomeye."

Aha ni ho Perezida Kagame yahereye, ashimira, imiryango n’inshuti bashyigikiye abanyeshuri bashoje iki cyiciro, bakaba bagendana na bo mu buzima bwa buri munsi, muri uyu murimo ukomeye w’Igisirikare.

Iki cyiciro gishoje amasomo kirimo Abasirikare ba RDF ndetse n’ibihugu bituranye n’u Rwanda n’ibya kure.

Umukuru w’Igihugu yagize ati "Ndabashimira kuba abafatanyabikorwa beza n’inshuti, bakaba baraje kudufasha ngo aya masomo agende neza."

Yagize ati "Indangagaciro mwahuriyeho hano, ni ntagereranywa. Ubundi abasirikare batorejwe hamwe iyo bahuriye mu bikorwa by’akarere, baba bafite imyumvire iteze imbere imikoranire.
Iyi porogramu yashyiriweho guteza imbere ubumenyi bwanyu bwabafasha mu bihe bigoye cyangwa se bisa n’ibidafite igisubizo."

Aha, Kagame abona ko hari indangagaciro aba ba Ofisiye bagomba kugira, iya mbere ni ugutwaza, kuko bifasha umuyobozi gufata ibyemezo n’aho yaba ari guca mu bihinyuza byinshi.

Ikindi, ni ukubanza ni ugukora ikintu mwagitekereje neza. Impamvu Perezida Kagame abivuga gutya, yayisobanuye agira ati "Uko inshingano zanyu ziyongera ni ko n’ingaruka z’ibyemezo mufata ziziyongera."

Ikindi rero, ngo amahitamo meza, ibyemezo byiza, bituruka ku bunararibonye, gukorana, ndetse no guca bugufi ukemera kwigira ku makosa y’ibyahise, aho biri ngombwa.

Icya gatatu ni gukora ku ntego, bitewe no kumenya neza icyo urwanira. Ku Banyarwanda - RDF, Perezida Kagame yavuze ko iyo ntego ishinze imizi mu kurinda abaturage b’u Rwanda n’ubusugire bw’igihugu, ari nako bateze imbere iguhugu.

Aha na none Umukuru w’Igihugu yagize ati "Ikibazo gisigaye hano, si ukumenya niba muzayobora, ahubwo ni ukumenya uko muzayobora. Izi ndangaciciro zigomba kubaranga, kandi mugahora muzivugurura iteka. Uko RDF ihagaze uyu munsi, si impanuka. Byubatswe, mu myaka myinshi kubera kwitanga, discipline n’ubunyamwuga."

Yongeyeho ati "Ibyo ni byo byaduhesheje kugirirwa icyizere n’Abanyarwanda, Abafatanyabikorwa ndetse n’abandi duhurira mu bikorwa bya gisirikare. Iyo nshingano mwese irabareba. Ahantu mukorera, hazakomeza gutera imbere mu ikoranabuhanga ari nako havuka ibibazo bibasaba guhora mwivugurura."

Ibi byagarutsweho kuri uyu wa 12 Kamena 2026, mu kiganiro nyunguranabitekerezo cyahuje Abasenateri, inzego zishinzwe ubuhinzi n’abafatanyabikorwa, hagamijwe kurebera hamwe uko ikoranabuhanga ryarushaho kwifashishwa mu kunoza ubuhinzi bw’u Rwanda.

Marie Rose Sabine, washinze kompanyi Green Energy Technology, yavuze ko yatangije uwo mushinga nyuma yo kubona igihombo kinini gituruka ku musaruro wangirikira mu nzira z’isarura no kuwugeza ku isoko, cyane cyane imboga n’imbuto.

Ati “Hari igihe usanga umusaruro wangiritse kuko utabonye uko ugera ku isoko. Ariko nanone ugasanga turatumiza umusaruro uturutse hanze kandi hari uburyo uwo dufite mu gihugu wabikwa neza, bityo tugabanya icyo gihombo.”

Green Energy Technology ifasha abahinzi gukora ubuhinzi bwo mu mahema azwi nka greenhouses, ikanabubakira ibyumba bikonjesha umusaruro (cold rooms), ahanini bikoresha imirasire y’izuba. Ibyo byumba bifite ikoranabuhanga rya Internet of Things (IoT) rigenga ubushyuhe n’ubukonje bukenewe kugira ngo umusaruro umare igihe kirekire utarangiritse.

Iyo kompanyi kandi ifasha abahinzi kugeza umusaruro ku masoko bifashishije imodoka zikonjesha (refrigerated trucks), nazo zicungwa n’ikoranabuhanga rikurikirana ihindagurika ry’ubushyuhe.

Sabine avuga ko ubwenge buhangano (Artificial Intelligence) bwifashishwa mu gusesengura amakuru atangwa na IoT kugira ngo ibibazo bishobora gutuma umusaruro wangirika bimenyekane hakiri kare.

Ati “Dusesengura amakuru yavuye muri IoT kugira ngo tumenye ahakeneye kwitabwaho byihuse. Iyo ubushyuhe buzamutse kurenza uko bwari bukenewe muri cold room cyangwa mu modoka, dufata ingamba zo kubikosora mbere y’uko umusaruro wangirika.”

Yongeyeho ko ikoranabuhanga rifasha no guhuza umuhinzi n’umuguzi mu buryo bwihuse, bikagabanya uruhare rw’abamamyi basigaye batwara inyungu nyinshi ku musaruro.
Ati “Iyo abamamyi bagiye hagati, umuhinzi ni we usigara atwara amafaranga make kandi ari we uba wakoze akazi kenshi.”

Nubwo yemeza ko ikoreshwa ry’ikoranabuhanga mu buhinzi rigenda ryiyongera, Sabine agaragaza ko hakiri urugendo. Avuga ko hafi 30% by’urubyiruko rukora ubuhinzi rusobanukiwe n’ikoranabuhanga rikoreshwa muri uru rwego, ariko ko abagera kuri 18,7% ari bo barikoresha byuzuye mu bikorwa byabo bya buri munsi.

Kuri we, ibyo bigaragaza ko hakenewe kongerwa imbaraga mu gufasha urubyiruko gukoresha ikoranabuhanga mu buhinzi kugira ngo rwongere umusaruro kandi rugabanye igihombo.

Yishimira ko urubyiruko rwamaze kwinjira mu guhanga udushya turimo ibyuma bipima ubushyuhe n’ubuhehere (sensors), utudege tutagira abapilote (drones) dukoreshwa mu kuhira no gutera imiti, ndetse n’ikoranabuhanga rya hydroponics ryo guhinga ubwatsi bw’amatungo hadakoreshejwe ubutaka.

Ati “Iri koranabuhanga hafi ya ryose usanga ari urubyiruko rurizana, rukarigerageza kandi rukigisha abandi uko barukoresha. Bigaragaza ko urubyiruko rushoboye guhanga udushya dufasha guteza imbere ubuhinzi.”

Nubwo hari gahunda zitandukanye zirimo Aguka Ideation, Hanga Hubs na Hanga Pitch zifasha urubyiruko kubona ubumenyi, ibikoresho no guhura n’abashoramari, Sabine asanga hakenewe indi ntambwe.

Asaba ko ibigo by’imari byatangira kwemera udushya tw’ikoranabuhanga, nka porogaramu (apps) ziba zarahanzwe n’urubyiruko, nk’ingwate zatuma rubona inguzanyo zo guteza imbere imishinga yarwo.

Yagize ati “Urubyiruko rufite ibitekerezo byinshi bishobora guhindura ubuhinzi bwacu. Ariko iyo rudafite igishoro, ibyo bitekerezo birahagarara. Turifuza ko udushya duhimbwa n’urubyiruko twajya twitabwaho nk’umutungo ushobora kurufasha kubona ubushobozi bwo gukura.”

Mu gihe u Rwanda rwifuza kubaka ubuhinzi bugezweho bushingiye ku ikoranabuhanga, uruhare rw’urubyiruko rugaragara nk’inkingi ya mwamba.

Umunyamabanga wa Leta muri Minisiteri y’Ubuhinzi n’Ubworozi, Dr Solange Uwituze, yavuze ko bateganya kuganira n’ibigo by’imari bakamenya impamvu zigira impungenge yo kuguriza abahinzi, bityo bakabiganiraho bagahurira hagati ku buryo bagabanya gutinya kuguriza abashora mu mishinha y’ubuhinzi.

Inyambo ni inka nyarwanda ikunzwe cyane kubera uruhare rw’umuco ibumbatiye mu Gihugu. Kurinda ubu butunzi bw’umuco nyarwanda bisanzwe bikorwa na RAB yorora, ikororotsa, kandi ikabungabunga inyambo mu rwuri rw’i Karama mu Karere ka Nyanza, Intara y’Amajyepfo.

Aha ni ho RAB ibwira aborozi ko itanga icyororo ku babishaka. Bagira bati "iyo mujyanye inyambo tubahaye mukazongera mu ishyo ryanyu musanganywe, muba muteje imbere ubukungu bw’umurage gakondo, kandi mukaba munabonye icyororo cy’inka nziza cyane."

U Rwanda n’Umuryango wa Commonwealth bigaragaza intego imwe yo guteza imbere ubufatanye bushingiye ku mahame ya Commonwealth, arimo imiyoborere myiza, iterambere rirambye n’amahoro.

Mu Kwakira 2024, nibwo uyu mugore ukomoka Ghana, yatorewe kuba Umunyamabanga Mukuru wa Commonwealth mu gihe cy’imyaka ine. Yagiye kuri uyu mwanya asimbuye Patricia Scotland.

U Rwanda rwemerewe kwinjira muri Commonwealth tariki ya 29 Ugushyingo 2009 mu nama yabereye muri Trinidad and Tobago ndetse icyo gihe ni cyo gihugu cya kabiri cyari cyinjiye muri uwo muryango kitarakolonijwe n’u Bwongereza, nyuma ya Mozambique yawinjiyemo mu 1995

Ibindi bihugu biri muri Commonwealth bitarakolonijwe n’u Bwongereza ni Gabon na Togo byemerewe kwinjira muri uyu muryango mu nama yabereye i Kigali muri Kamena 2022.

Izamuhaye Jean Claude, Umuyobozi muri RAB, ukuriye Ishami rishinzwe ubushakashatsi no gusakaza ibyavuye mu bushakashatsi ku bihingwa abisobanura yagize ati "Ikintu gihinduka cyane cyane muri uyu mwaka w’ubuhinzi tugiye gutangira, ni uko iyi gahunda izahuzwa noneho na gahunda igiye gukurikiraho ya ‘RWASS’ (Rwanda Soil information System’).

Muri ubu buryo, icyo umuhinzi asabwa, ni ugishyiramo numero z’ikibanza - UPI,bakamenya ifumbire ikenewe.

Aha yagize ati "Ubu tugiye kujya dukoresha amafumbire atandukanye; uri i Musanze ntazakoresha ifumbire imwe n’uri mu Bugesera cyangwa i Rusizi, kuko twapimye ubutaka, tuza kubona icyo bukeneye”.

Uwo muyobozi yasobanuye ko ubutaka bwangiritse ku buryo butandukanye, icyo akaba ari icyo cyatumye habaho kwiga no kumenya ibyo ubutaka bukeneye, hashingiwe ku duce dutandukanye ibyo bita’amazone’.

Hari abagaragaza ko guteka ku mbabura biryoshya ibiryo kandi bigira isuku nyinshi kuruta ibitetse ku nkwi no kuri gaze.

Mukandayisenga Claudine utuye mu Karere ka Nyanza yavuze ko akunda ibiryo bitetse ku nkwi kuko ngo bigira impumuro n’uburyohe bwihariye.

Ati: “Iyo utekeye ku nkwi cyane cyane ibishyimbo cyangwa igitoki, biraryoha cyane. Hari impumuro yihariye ibiryo bigira itandukanye n’iyo kuri gaze.”

Naho Niyomugabo Eric we yavuze ko uburyohe bw’ibiryo buterwa n’uburyo umuntu ateka kurusha ibikoresho akoresha.

Yagize ati: “Njye mbona ibiryo biryoha bitewe n’uwabitetse. Ushobora gutekera kuri gaze cyangwa ku mbabura kandi bikaryoha cyane kurusha ibyatekewe ku nkwi.”

Mugisha Faustin we avuga ko gaze ari ntagereranywa mu guteka vuba kandi igahisha ibiryo vuba, nubwo biba bitaryoha nk’ibyatekeshejwe ku nkwi no ku mbabura.

Ati: “Numva ibiryo byatekewe kuri gaze nta cyanga biba bifite kuko usanga nta buryohe bifite nk’ibyo batekesheje inkwi.”

Mugisha ariko asanga impamvu ibiryo byatekeshejwe inkwi biba bifite impumuro yihariye biterwa n’imyotsi iba yabigiyemo, nubwo icyo batetsemo kiba gipfundikiye.

Ati: “Akamenyero na ko kagira uruhare. Iriya myotsi ishobora gutanga habaho impumuro yihariye ku biryo, kubera kuyimenyera bigatuma ubirya ataryoherwa n’ibindi byatetswe kuri gaze cyangwa ku mbabura.”

Inzobere mu by’imirire, Shema Arlette, avuga ko uburyo umuntu atekamo ibiryo bushobora gutuma bitakaza icyanga.

Ati: “Hari ibiribwa bitekwa igihe gito, urugero nk’imboga. Ntizitekwa igihe kirekire cyangwa ku gipimo cy’ubushyuhe bukabije, kuko iyo umutetsi azitindije ku muriro mwinshi zitakaza intungamubiri.”

Shema avuga ko aho umuntu yateka hose ntacyo bihindura ku buryohe bw’ibiryo iyo ifunguro ryateguwe neza kandi riteguranywe isuku.

Icyakora, avuga ko ibiryo bitekwa igihe kirenze bishobora gutakaza icyanga.
Yatanze urugero ko guteka ibitoki n’ibirayi amasaha abiri bituma bitakaza uburyohe bisanzwe bifite, kuko byo byagenewe gutekwa hagati y’iminota 30 na 60.

Ku mboga ho avuga ko atari byiza kuzihisha cyane kugira ngo zigumane intungamubiri zuzuye.

Ati: “Bisaba guteka ku muriro uringaniye utari mwinshi cyane, kuko umuriro mwinshi ubabura ibiryo ugatuma bishya vuba, kandi hari n’intungamubiri zangirika kubera gutekeshwa umuriro mwinshi.”

Asobanura ko kutaryoha kw’ibiryo bituruka kuba bitateguwe uko bikwiye bityo intungamubiri zirimo zigatakara bigatakaza icyanga.

Shema avuga ko ibiryo bishobora kuryoha kimwe yaba bitetse ku nkwi, ku mbabura cyangwa kuri gaze, igihe byatetswe neza kandi bifite isuku.

‎

‎Isi yose yahanze amaso iri rushanwa rikomeye kurusha andi yose mu mupira w’amaguru, Imijyi itandukanye muri ibyo bihugu yarimbishijwe n’amabara y’ibihugu byitabiriye, abafana baturuka hirya no hino ku Isi biteguye kurebera iyi mikino mu masitade atandukanye yo muri ibi bihugu.
‎
‎Muri iyi nkuru tugiye kugaruka ku masitade atandukanye azakinirwaho iyi mikino ibigwi n’amateka yayo n’ibindi ukwiye kuyamenyaho, muri aya masitade 16 harimo 11 yo muri Leta Zunze Ubumwe za America, amasitade atatu yo muri Mexico n’abari yo muri Canada.
‎
‎Estadio Azteca yo muri Mexico

‎
‎Iyi sitade yakiriye umukino wa mbere ufungura igikombe cy’Isi iherereye muri Mexico, yafunguwe mu 1966, maze yakira imikino ya nyuma y’Igikombe cy’Isi mu 1970 ndetse no mu 1986. Muri uyu mwaka yongeye guhabwa icyubahiro cyo kwakira umukino wo gufungura iri rushanwa.
‎
‎Estadio Azteca ifite ubushobozi bwo kwakira abantu 93,000 bicaye neza kandi ibaye sitade ya mbere ku isi yakiriye imikino y’ibikombe by’isi bitatu bitandukanye. Iki kibuga giherereye ku butumburuke bwa metero zirenga 2,200 hejuru y’inyanja cyakiriye umukino ufungura wa Mexico na Afurika y’Epfo, urangira Mexico itsinze Afurika Y’Epfo ibitego 2-0.
‎
‎2. AT&T Stadium (Dallas Stadium)

‎
‎Nicyo kibuga kinini kizakinirwaho imikino y’igikombe cy’isi muri uyu mwaka kuko ifite ubushobozi bwo kwakira abantu 94,000 bicaye neza, kikaba giherereye Arlington, Texas muri Leta Zunze Ubumwe za America. Icyo ukwiye kumenya n’uko cyafunguwe mu mwaka wa 2009, iki kibuga gisazwe gikiniraho kipe ya Dallas Cowboys, gikunze kwitwa "Jerry’s World" kubera nyiracyo Jerry Jones. Iki kibuga kizakinirwaho imikino itandukanye irimo uwa Ubwongereza na Croatia mu mikino y’amatsinda ndetse kinakire umwe mu mikino ya 1/2 cy’irangiza.

‎
‎3. MetLife Stadium (New York New Jersey Stadium)
‎
‎Iyi stade iteganyijwe kuzakira umukino wa nyuma w’igikombe cy’Isi uzaba tariki ya 19 Nyakanga 2026, ifite ubushobozi bwo kwakira abantu 82,500. Iki kibuga giherereye muri East Rutherford, New Jersey muri Leta Zunze Ubumwe za America.
‎

‎MetLife Stadium yafunguwe mu 2010 nyuma yo kuvugururwa igashyirwa ku rwego rwiza nyuma y’uko yari yakiriye imikino irindwi y’igikombe cy’Isi cyo mu 1994 harimo n’umukino wa 1/2 wahuje Ubutaliyani na Bulgaria, si uwo mukino ukomeye gusa yakiriye kuko iyi stade yakiriye n’umukino wa nyuma w’igikombe cy’Isi cya amaclubs wabaye umwaka ushize uhuza Chelsea na Paris Saint Germain.
‎
‎4. Mercedes-Benz Stadium (Atlanta Stadium)

‎
‎Iyi sitade iherereye iya Atlanta n’imwe mu masitade yubakanye ubuhanga budasazwe kuko ifite igisenge gifunguka kikanafungwa, iyi stade kandi ifite ubushobozi bwo kwakira abantu 75,000, bicaye neza kuva muri 2017 gifunguwe. Iyi Stade ihereye muri Atlanta (USA) yakiriye imikino itandukanye, nko muri 2025 cyakiriye imikino ya nyuma y’igikombe cy’Isi cya amaclubs, ndetse nayo izakira umukino wa 1/2 w’igikome cy’Isi.
‎
‎Arrowhead Stadium (Kansas City Stadium)

‎

‎Iyi Stade yakira abantu 73,000 bicaye neza n’imwe muziherereye muri Leta Zunze Ubumwe za America mu mujyi wa Kansas, icyo kumenya n’uko iki kibuga Cyafunguwe mu 1972, gusa ntayari mu masitade yakiriye igikombe cy’Isi cyo mu 1994 cyabereye muri USA, iki kibuga ni cyo kipe ya NFL ya Kansas City Chiefs ikiniraho, kizakinirwaho imikino yo mu itsinda J ririmo ikipe y’igihugu ya Argentina, Algeria, Austria na Jordan ndetse n’imikino imwe n’imwe yo mutsinda E.
‎
‎NRG Stadium (Houston Stadium)
‎
‎Ni stade yubatse mu buryo bugezweho cyane cyane ku gisenge cyayo kuko gifunguka igihe cy’imikino, mu gihe imikino itarimo kigafungwa, iyi stade ifite ubushobozi bwo kwakira abantu 72,000 bicaye neza, iyi stade iherereye, i Houston, Texas (USA), cyafunguwe mu 2002.
‎

‎Andi masitade ni Toronto Stadium na B.C. Place Vancouver. B.C. Place zo muri Canada zamamaye cyane nyuma yo kwakira umukino wa nyuma w’Igikombe cy’Isi cy’Abagore cya 2015 ndetse n’imihango yo gufungura no gusoza Imikino Olempike yo mu Itumba ya 2010, Toronto Stadium yakira Abantu 45,000 aho yafunguwe mu 2007, gusa iyi stade yaravuguruwe kugirango yakire Igikombe cy’Isi. Naho B.C. Place (B.C. Place Vancouver yakiriye umukino wa nyama w’igikombe cy’Isi cy’Abagore 2015 ifite ubushobozi bwo kwakira abantu 54,000.

U Rwanda rwatsinze Malawi

Muri uyu mukino w’umunsi wa kabiri wakinwe ku wa Kane tariki 11 Kamena 2026, Malawi niyo yatsinze toss (Gutombora kubanza kujugunya udupira ’Bowling’ cyangwa gutangira ukubita udupira ’Batting’m) aho yatangiye ijugunya udupira ibuza u Rwanda gushyiraho amanota menshi.

U Rwanda rwari rwatangiye ru rukubita udupira rwasoje igice cya mbere(first inning) rushyizeho amanota 174 muri overs 20 mu gihe muri iki gice Malawi yasohoye abakinnyi 6 b’u Rwanda aho yasabwaga gushyiraho amanota 175 ibi bitayoroheye kuko muri izi overs bashyizeho amanota 108 gusa u Rwanda rusohoye abakinnyi batanu babo, rwegukana intsinzi rutsinze ku kinyuranyo cy’amanota 66.

Abakinnyi u Rwanda ruri kwifashisha muri iri rushanwa

Mu wundi mukino wabaye ikipe y’igihugu ya Brazil yatsinze iya Nigeria ku kinyuranyo cya wickets zirindwi aho mu gice cya mbere Nigeria yari yatangiye ishyiraho amanota 111 naho Brazil ikaba yasohoye abakinnyi 6 ba Nigeria(6 Wickets). Mu gice cya kabiri, Brazil ntibyayisabye gukina overs zose kuko muri 18 n’udupira tubiri yari imaze gukuraho ikinyuranyo cyari cyashyizweho na Nigeria yo yari yasohoye abakinnyi batatu ba Brazil.

Ku gicamunsi cyo ku wa Kane kandi ikipe y’igihugu ya Nigeria yatsinze iya Zimbabwe mu gihr imikino irakomeza kuri uyu wa Gatanu aho Saa Tatu n’Igice za mu gitondo u Rwanda rurakina na Nigeria, Saa Tatu n’iminota 45 Brazil ikine na Malawi mu gihe ku gicamunsi, Saa Saba n’Igice Zimbabwe W HPC irakina na Brazil.

Iri rushanwa ryitabiriwe n’amakipe atanu muri rusange, riri kuba ku nshuro ya 12. Mbere yo gutangira gukinwa abaryitabiriye uyu mwaka, ku wa Kabiri w’iki cyumweru basuye Urwibutso rwa Jenoside rwa Kigali ruri ku Gisiozi basobanurirwa amateka yagejeje kuri Jenoside yakorewe Abatutsi mu 1994.

Mbere yo gutangira irushanwa, abaryitabiriye basuye Urwibutso rwa Jenoside rwa Kigali

Amakipe yitabiriye

Abakinnyi u Rwanda ruri kwifashisha muri iri rushanwa

Ibi Minisitiri abigarutseho mu gihe guhera muri Gicurasi 2026, icyorezo cya Ebola cyo mu bwoko bwa Bundibugyo cyongeye kugaragara mu bihugu bya Uganda na Repubulika Iharanira Demokarasi ya Congo (DRC), aho kimaze gutwara ubuzima bw’abarenga 100, abamaze kwandura bafatiwe ibipimo bakaba barenga 600.

Iyi ndwara ngo nubwo byemejwe n’Ishami ry’Umuryango w’Ababimbye ryita ku Buzima (WHO/OMS), ku wa 15 Gicurasi ko ari bwo yagaragaye muri DRC, ariko ishobora kuba yarahageze mbere yaho amezi abiri, kubera ko hari hashize igihe abantu bapfa ariko batazi ikibishe, ku buryo byagiye kumenyekana yatangiye gusatira ibice bihana imbibe n’u Rwanda nk’i Goma na Bukavu aho hari n’abo yahitanye.

Nubwo nko muri Uganda isa nkaho yatangiye kugenza make, ariko muri DRC mu Ntara ya Ituri aho yagaragaye bwa mbere ntabwo biramera neza, kuko nk’umunsi umwe gusa wo ku wa Gatatu w’iki cyumweru hagaragaye abarwayi bashya 40.

Minisitiri Dr. Nsanzimana, avuga ko kuba mu bihugu by’abaturanyi bitaragenza make, ari ibyo kwitonderwa.

Ati “Ntabwo umuriro barawuzimya, kuba rero umuriro ucyaka, ni ukuvuga ngo twese ni ukwitegura. Ntabwo Ebola yigeze ibaho mu Rwanda, nta nubwo twifuza ko igera mu Rwanda. Ingamba zo kuyirinda zirazwi, turazifite, ndetse iyo ugereranyije usanga ibyorezo bya Ebola byabayeho mbere, ibyinshi byabaga bituruka hariya n’ubundi. Ibyinshi ni hariya muri Ituri, bifitanye isano n’ubucukuzi bw’amabuye y’agaciro buhakorerwa, uducurama dukunda kurya imbuto kuko nitwo dukunda kubika iriya virusi.”

Yungamo ati “Abantu bari ahantu ibyo biri bagomba kubyitaho cyane, gusa nyine ikibazo gitangiriye hamwe gishobora kugera ku bandi. Duhora twiteguye nk’Igihugu, ariko ntabwo turi Igihugu kiri mu kirwa, niyo mpamvu ibireba Akarere natwe biratureba, tugakurikiranira hafi, tugatanga ubufasha aho bishoboka.”

Ebola ngo irahari ntaho irajya kugeza igihe aho yatangiriye hazaba nta murwayi mushya ukigaragara kandi n’abarwayi barimo kuvurwa bagakira.

Ati “Buriya Ebola bavuga ko ari indwara yoroshye kwirinda ariko ikaba indwara igoye cyane kuyikira. Niko tuyizi, abakurikirana iby’ibyorezo cyane barayizi, kuko n’indwara yandura iyo wakoze ku muntu ufite ibimenyetso bigaragara kandi ukamukoraho ku buryo bufatika. Niyo mpamvu abenshi bandurria mu gushyingura, gutunganya umurambo, kurwaza umuntu urwaye, ubuvuzi gakondo, abantu barwara ntibaje kwivuza.”

Ibyo ngo biba bifite icyo bisabanuye bitewe n’uko ubuvuzi buba buteye mu buryo bw’Igihugu nkuko Dr. Nsazimana abisobanura.

Ati “Mu Rwanda urebye aho Igihugu kigeze, abaturage, imikoranire y’inzego zitari n’iz’ubuzima gusa, tubona ko zimwe mu ndwara zitwugarije ariko zitworohera kurwanya na Ebola ibamo, kubera ubwo buryo yanduramo. Ariko niyo habonetse umurwayi umwe birahagije kugira ngo izane ibibazo byinshi cyane byakugiraho ingaruka zitari n’iz’ubuzima gusa, ubukungu, imibereho, uko abaturage bari babayeho ubuzima bwa buri munsi, umurwayi umwe arahagije kugira ngo hanapfe n’abandi batishwe na Ebola ahubwo bicwe n’ibindi byaza ari nk’ingaruka zayo.”

Ibi ngo nibyo bituma Leta y’u Rwanda igenda ishyiramo imbaraga cyane kugira ngo hatazagira n’umurwayi n’umwe uboneka mu Rwanda, kuko aho ituruka, uko icyorezo kigenda abantu baba babibona.

Dr. Nsanzimana ati “Ni bwa buryo bwo gukurikirana, gupima, kumenya ni nde wahuye n’undi, kuvura, ariko kugira kwa kuntu abantu bahanahana amakuru, iyo ubikurikiranye neza, ushobora kumenya uko wugarijwe, ukirinda, ukanafata n’ingamba nkuko Igihugu cyagiye kizifata.”

Yungamo ati “Sinakubwira ngo hari umuntu numwe wavuga ngo nzafunga 100%, kuko uwanduye ashobora kumara iminsi 21 nta kimenyetso aragaragaza, ariko hari ibyo wakora bikaguha nibura nka 80% y’ubwirinzi, ugasigarana ya 20% y’ibyago, ariko hagira ikivamo ukagikumira vuba wihuse, ku buryo ikibazo ukivana mu nzira kidatinze, kuko uko gitinda niko cyangiza imibereho y’abaturage, ubukungu, abari bafite ibitaramo bigahagarara, ingendo n’ibindi. Nicyo kibi cya Ebola n’ibindi byorezo bikomeye, kumva umuntu umwe gusa, Igihugu cyose kijya mu kaga.”

Minisiteri y’Ubuzima ivuga ko kuba mu nshuro zirenga 15 icyorezo cya Ebola kimaze kugaragara nta na rimwe kigeze kigera mu Rwanda, atari ibintu byikoze, kuko byarashobokaga ko iyo haba uburangare yari kuhagera, ari nayo mpamvu n’ubu hagomba gukorwa ibishoboka byose ngo ntihagere, bitewe n’uburemere Igihugu kibiha.

Inganda zitunganya imyenda zizongerera ubushobozi ibikorwa byazo ku rugero rwa 100% bitarenze mu 2029, ndetse umubare w’akazi zizatanga uziyongera uve ku mirimo 11,900 ugere ku 50,500.

Biteganyijwe ko u Rwanda ruzajya ruzigama miliyoni 28 z’amadolari buri mwaka ku myenda yatumizwaga hanze, mu gihe amafaranga azajya asigara imbere mu gihugu kubera gukora ibitambaro bikorwamo imyenda mu Rwanda ateganyijwe kwiyongera akava kuri miliyari 9 Frw akagera kuri miliyari 45 Frw buri mwaka.

Aha kandi, ibyoherezwa mu mahanga bikomoka ku nganda z’imyenda biteganyijwe kuzava kuri miliyoni 20 z’amadolari bikagera kuri miliyoni 100 z’amadolari ku mwaka.

Iri terambere ryitezweho kugira uruhare rukomeye mu kugabanya ubushomeri bukigaragara cyane cyane mu rubyiruko.

Raporo y’Ikigo cy’Igihugu cy’Ibarurishamibare (NISR) igaragaza ko igipimo cy’ubushomeri mu Rwanda cyageze kuri 11% mu gihembwe cya mbere cya 2026, kivuye kuri 11.1% mu gihembwe cya mbere cya 2025.

Abashomeri bafite imyaka yo gukora bageze ku bihumbi 615, mu gihe abatari ku isoko ry’umurimo barenga miliyoni 3.1.

Imibare ya NISR kandi igaragaza ko abafite akazi benshi bakiri mu rwego rw’ubuhinzi rwihariye 44.4%, rugakurikirwa na serivisi zikoresha 41%, mu gihe inganda zikoresha 14.6%.

Abasesenguzi bavuga ko kongera ishoramari mu nganda zitunganya imyenda bishobora gufasha igihugu kongera ibyoherezwa mu mahanga, guteza imbere urwego rw’inganda no guhanga imirimo mishya ku rubyiruko rwinshi rwinjira ku isoko ry’umurimo buri mwaka.

Iki gikorwa cyatangiye kuri uyu wa Kane kizakomeza no kuri uyu wa Gatanu, kikaba kirimo gutangirwamo serivisi z’ubuvuzi zitandukanye, zirimo kwisuzumisha indwara rusange, ubuvuzi bw’amenyo, gukoresha ultrasound ku bagore batwite, ndetse n’ubuvuzi bw’amaso.

Maj. Gerard Bahati Murasandonyi, Umuganga Mukuru wa Rwanbatt-1, yavuze ko ubufasha batanga ku baturage bo mu gace bakoreramo bujyanye n’inshingano zabo z’ingenzi zo kurinda abasivili, binyuze mu bikorwa bigamije gufasha abaturage.

Yongeyeho ko iki gikorwa kizafasha abaturage kwisuzumisha, kuvurwa no guhabwa imiti y’indwara zirimo malariya n’ibindi bibazo by’ubuzima.

Ismail Abdu Nimaya, umuhuzabikorwa wa serivisi z’ubuvuzi mu bigo bya Leta ya Sudani y’Epfo, yashimiye ingabo n’abapolisi b’u Rwanda ku nkunga yo gutanga serivisi z’ubuzima ku buntu.

Yagize ati: “Dukeneye ko abavandimwe bacu bo mu Rwanda n’Umuryango w’Abibumbye muri rusange bakomeza gufatanya natwe kugira ngo dukomeze kugeza izi serivisi z’ubuzima ku baturage bacu. Turishimye cyane kandi turashimira inkunga n’ubwitange budasanzwe bw’ingabo z’u Rwanda.”

Ngo nubwo Leta irimo kugerageza kongera iryo shoramari mu burezi bwo muri ayo mashuri, ariko Kaminuza n’amashuri makuru bakwiye kongeramo imbaraga bakishakamo ibisubizo mubyo bakora bakikemurira bimwe mu bibazo bafite.

Ubwo ubuyobozi bwa HEC, bwasuraga RP-Kigali kuri uyu wa Gatatu, Umuyobozi Mukuru wa HEC, Dr. Edward Kadozi, yavuze ko bishoboka cyane ko amashuri makuru na za Kaminuza byakwishakamo ibisubizo kandi bakongera ubushobozi bwabo.

Ati “Turi kuri 0.7% y’amafaranga ajya mu bushakashatsi, ariko intego ni ukugera kuri 1.5% by’umusaruro mbumbe w’Igihugu ajya mu bushakashatsi no guhanga udushya."

Muri rusange amafaranga ashorwa mu bushakashatsi no guhanga udushya mu mashuri makuru na za kaminuza ku rwego rw’Akarere aracyari hasi, kuko nubwo Kenya ari cyo gihugu cya mbere gishora menshi mu Karere ariko nabo ayo bashora akiri munsi y’ibipimo by’Ishami ry’Umuryango w’Abibumbye ryita ku Burezi, Ubumenyi n’Umuco (UNESCO) bisaba nibura 1% y’iryo shoramari.

Bumwe mu buryo amashuri makuru yagaragarijwe ko ashobora kubafasha kwishakamo ubushobozi harimo kongera umubare w’abanyeshuri b’abanyamahanga.

Umuyobozi Mukuru wungirije wa Rwanda Polytechinic, Dr. Sylvie Mucyo, avuga ko bafite abanyeshuri bake b’abanyamahanga ahanini bitewe n’uburyo ayo mashuri yagiye amenyekanishwa ku rwego mpuzamahanga.

Ati “Ibyo tuzabishyiramo imbaraga kugira abandi banyeshuri bashobora guturuka mu bihugu by’amahanga bashobore kugana RP, kuko ibijyanye n’imikoranire ya RP n’ibindi bihugu tumaze kugira ibihugu byinshi dukorana, na za Kaminuza zimeze nk’izacu dukorana. Ubu ngubu ntabwo barenze abanyeshuri 15, ariko ibyo ntibihagije kuko dukwiye kugira benshi tuzana, kubera ko hari inyungu bitanga.”

Imibare ya Minisiteri y’Uburezi ku rwego rw’amashuri makuru na kaminuza zemewe gukorera mu gihugu, igaragaza ko mu Rwanda habarirwa amashuri makuru na kaminuza 31 zemewe (Higher Learning Institutions), zirimo iza Leta n’iz’abikorera.

Ni umukino watangiye Saa Tatu z’ijoro, utahiriye Afurika y’Epfo kuko yabonyemo amakarita abiri atukura arimo iyahawe Sithole ku munota wa 49 ndetse na Themba Zwane ku munota wa 84 mu gihe Mexico nayo yabonye iyahawe Contes ku munota wa kabiri mu minota irindwi yongerewe ku mukino.

Mbere y’aya makarita ariko, ku munota wa cyenda Mexico yafunguye amazamu ku gitego cyatsinzwe na Quinones ahawe umupira na Erik ndetse igice cya mbere kirangira ari igitego 1-0.

Mu gice cya kabiri ku munota wa 67 Mexico yabonye igitego cya kabiri cyatsinzwe na Raul Jimenez ahawe umupira na Alvarada. Mexico yakomeje kurusha cyane Afurika y’Epfo yari yaje mu mukino yugarira ariko iminota 90 irangira ari ibitego 2-0.

Umukino wa kabiri w’iri rushanwa urakinwa Saa Kumi za mu gitondo hagati ya Czech Republic na Koreya y’Epfo, mu gihe Saa Tatu z’ijoro Bosnia Herzegovina na Canada.

Mu gusubiza iyi raporo y’amapaji 78, Guverinoma y’u Rwanda yamaganiye kure ibyo birego, bishinjwa Ingabo z’u Rwanda, ishimangira ko nta ruhare yigeze igira mu kwinjiza abantu ku ngufu mu gisirikare, kubafunga, kubica, kubakorera iyicarubozo cyangwa kubashora mu mirimo y’agahato.

U Rwanda kandi rwanenze uburyo HRW ihuza M23 na RDF nk’aho ari ikintu kimwe, ruvuga ko imyitwarire ivugwa kuri M23 idakwiye kwitirirwa RDF.

U Rwanda rugaragaza ko no muri iyo raporo ubwayo, HRW yemera ko ingabo za Repubulika Iharanira Demokarasi ya Congo (FARDC) zashyigikiye imitwe yitwaje intwaro irwanya M23, harimo na FDLR, umutwe washinzwe n’abagize uruhare muri Jenoside yakorewe Abatutsi mu 1994.

Raporo ivuga kandi ko ubuyobozi bwa DRC bwahaye inkunga, intwaro ndetse bukaba bukorana bya hafi n’imitwe ya Wazalendo na FDLR, ibintu byagize uruhare mu kongera ibikorwa by’ihohotera rikorerwa abasivili.

Nubwo ibi byemejwe muri raporo, u Rwanda rugaragaza ko HRW itagaragaje ubushakashatsi bwimbitse kuri FARDC, FDLR cyangwa Wazalendo, ndetse ntigaragaze abayobozi b’iri huriro bakwiye kubiryozwa. Ahubwo ko raporo ishyira imbaraga nyinshi ku Rwanda na M23, mu gihe uruhare rwa Kinshasa n’abo ifatanyije rugirwa nk’inkuru iraho idafite icyo ivuze.

Ku bijyanye n’uburyo ubushakashatsi bwakozwe, u Rwanda ruvuga ko nta bushakashatsi bwakorewe aho ibyo birego bivugwa byabereye, nta mibiri yabonetse mu mva rusange iyo raporo ivuga ndetse ko nta n’ibimenyetso bya gihanga byatanzwe. Ruvuga ko byinshi mu byavuzwe bishingiye ku buhamya bw’abantu batavuzwe amazina, bamwe muri bo bakaba barabajijwe bari mu maboko y’ingabo za Congo, bikaba byatera impungenge ku kwizera amakuru yabo.

U Rwanda runenga kandi ko HRW isaba ibihano ku bantu bamwe ishingiye ku buhamya budafite gihamya ihagije, ibintu ruvuga ko nta rukiko rwabishingiraho mu gufata ibyemezo.

Ku bijyanye n’izingiro ry’ikibazo, u Rwanda rushimangira ko ikibazo nyamukuru ari FDLR, umutwe umaze imyaka irenga 30 uteza umutekano muke mu Karere, ugizwe n’abagize uruhare muri Jenoside yakorewe Abatutsi. Ruvuga ko gushyira ku ruhande ibikorwa by’uyu mutwe n’inkunga uhabwa na bamwe mu bayobozi ba Congo ari uwkirengagiza ukuri ku bibazo byo mu burasirazuba bwa DRC.

U Rwanda rusanga raporo ya HRW ikurikiza uburyo bwo kurebera ibintu ku ruhande rumwe, aho ibikorwa by’ihuriro ry’imitwe ifatanyije na Leta ya Kinshasa bidahabwa agaciro nk’uko bikwiye, mu gihe ibirego ku Rwanda bihabwa uburemere ndengakamere.

Ku bijyanye n’ahazaza, u Rwanda rugaragaza ko amasezerano ya Washington ari yo nzira nyayo yo kugera ku mahoro arambye, binyuze mu bufatanye bw’ibihugu byo mu Karere, binyuze mu gusigasira umutekano, ubutabera n’ubwumvikane.

U Rwanda rwasoje ruvuga ko ruzakomeza kurinda umutekano warwo, gukorana n’abandi mu buryo bwubaka kandi bikajyana no gushyigikira ibisubizo bishingiye ku biganiro n’ubufatanye mu Karere.

Abahanga bavuga ko iyi El Niño ishobora kuba imwe mu zikomeye cyane zabayeho mu mateka, ndetse ikaba ishobora guteza undi mwaka ushyushye cyane ku isi, cyane cyane mu 2027.

NOAA yavuze ko ubushyuhe bw’amazi yo hagati no mu burasirazuba bwa Pasifika bwarenze urugero rwa dogere Celsius 0.5 hejuru y’impuzandengo, ari na rwo rwego rukoreshwa mu kwemeza ko El Niño yatangiye.

Iki kigo kivuga ko hari amahirwe angana na 63% ko hagati y’ Ugushyingo na Mutarama hitezwe El Niño ikomeye cyane, ishobora kujya mu zikomeye zabayeho kuva mu 1950.

Izikomeye kurusha izindi zabaye mu 1982/83, 1997/98 na 2015/16.

Abashakashatsi bavuga ko ikibazo gikomeye ari uko iyi El Niño ije yiyongera ku bushyuhe isi isanzwe ifite buterwa n’imihindagurikire y’ikirere.

Prof. Adam Scaife wo mu Kigo cy’u Bwongereza gishinzwe iteganyagihe yabwiye BBC ko ubushyuhe buzaterwa na El Niño bushobora kugera ku rwego rutigeze rubaho mbere.

El Niño ikomeye ishobora kongera ubushyuhe bw’ikirere ku isi hafi ya dogere 0.2 Celsius, kuko ubushyuhe bubitse mu nyanja buzamuka bukajya mu kirere.

Nubwo El Niño yo mu 2024 itari ikomeye cyane, yafashije uwo mwaka kuba uwa mbere ushyushye cyane mu mateka.

Abahanga bavuga ko no mu mpera za 2026 ndetse no mu 2027 hashobora kongera kubaho ubushyuhe bukabije ku isi.

El Niño akenshi itera imyuzure mu bice bya Peru na Ecuador ndetse no mu Burasirazuba bwa Afurika, ariko ikanateza amapfa n’inkongi z’umuriro muri Australia, Indonesia no mu majyaruguru ya Amerika y’Amajyepfo.

Ibi bishobora kugira ingaruka ku buhinzi, ku biribwa no ku bukungu bw’ibihugu byinshi.

Mohamed Adow, uyobora umuryango Power Shift Africa, yavuze ko El Niño atari inkuru isanzwe y’iteganyagihe, ahubwo ari ikimenyetso giteye impungenge ku bantu benshi.

Yagize ati “Bisobanuye imvura itagwa neza, imyaka yangirika, ibiciro by’ibiribwa bizamuka n’imiryango myinshi ikarushaho kujya mu bibazo.”

El Niño iba hagati y’imyaka ibiri n’irindwi kandi akenshi imara hafi umwaka umwe.

Nubwo nta gihamya ihamye ko imihindagurikire y’ikirere ituma iba kenshi cyangwa ikarushaho gukomera, abahanga bavuga ko uko isi irushaho gushyuha ishobora gutuma ingaruka zayo zirushaho gukaza umurego.

Ubuyobozi bwa Pentagon bwatangaje ko uburyo bw’ikoranabuhanga bukurikirana ubwiza bw’umwuka bwagaragaje ikibazo cyatumye hafatwa ingamba zo kwirinda mbere yo kumenya neza uburemere bwacyo.

Umuvugizi wa Pentagon, Sean Parnell, yavuze ko hashyizweho amabwiriza asaba abantu kuguma aho bari mu bice byibasiwe kugeza igihe ikibazo gisuzumiwe neza.

Yagize ati “Turimo gushyira mu bikorwa ingamba zisanzwe zo kurinda abantu, harimo no gusaba abari mu gace kateweho ikibazo kutahava.”

Urwego rushinzwe kuzimya inkongi no gutabara muri Arlington rwemeje ko ruri gukorana na Pentagon mu guhangana n’iki kibazo cy’ibintu bishobora guteza uburozi cyangwa guhungabanya ubuzima.

Ibinyamakuru byo muri Amerika byatangaje ko abapolisi bo muri Pentagon bagaragaye bambaye udupfukamunwa turinda imyuka yangiza ndetse n’imyambaro yihariye ikoreshwa mu bihe by’imyuka cyangwa ibinyabutabire bishobora guteza ibyago.

Mbere gato ya saa tanu z’amanywa, ku isaha y’i Washington, ubuyobozi bushinzwe umutekano muri Pentagon bwohereje ubutumwa busaba abakozi bari mu mihanda imwe y’iyo nyubako kuva ku igorofa rya kabiri kugeza ku rya gatanu kuguma aho bari.

Abakozi banasabwe guhagarika inama zihabera imbonankubone, ahubwo bagakoresha uburyo bw’ikoranabuhanga.

Pentagon iri muri Leta ya Virginia hafi y’umujyi wa Washington DC, ikaba ari icyicaro cya Minisiteri y’Ingabo za Amerika, ikoreramo abakozi ba Leta barenga ibihumbi 20.

Iki kibazo cy’imyuka yangiza ikirere kikanzwe muri Pentagon, mu gihe inzego zishinzwe ibijyanye no kugenzura ikirere n’imiyaga yo mu nyanja zatangaje, ko kuri uyu wa 11 Kamena hatangiye inkubi y’umuyaga ya El Niño.

El Niño izwiho guteza ibyago biturutse ku miyaga n’imyuka ishyushye cyane byo mu nyanja.

Ibi bikaba bishobora guteza imvura idasanzwe n’imyuzure mu bice bimwe, mu gihe mu bindi bice haba hari amapfa n’inkongi z’imiriro.

Minisitiri Murangwa yavuze ko iyi ngengo y’imari yiyongereyeho miliyari 844,2 Frw ugereranyije n’ingengo y’imari ivuguruye y’umwaka wa 2025/2026 yari miliyari 6952,1 Frw.

Ati “Iri zamuka rishingiye ku cyerekezo cya Guverinoma cyo gukomeza gushora imari mu bikorwa byihutisha iterambere ry’ubukungu, guteza imbere imibereho myiza y’abaturage ndetse no kongera ubushobozi bw’inzego zitandukanye”

Minisitiri Murangwa yagaragaje ko ingengo y’imari y’uyu mwaka Leta iteganya gushyira imbaraga mu bikorwa remezo, ubuhinzi, uburezi, ubuzima, guhanga imirimo no guteza imbere gahunda zigamije kuzamura imibereho y’abaturage.

Minisitiri Murangwa yavuze ko ingengo y’imari ya 2026/2027 yubakiye ku ntego zo gukomeza kuzahura ubukungu no kongera umusaruro mu nzego zitandukanye zifatiye runini abaturage.

Yanagaragaje ko Guverinoma ikomeje gushyira imbere imikoreshereze inoze y’umutungo wa Leta, gukomeza gukusanya neza imisoro no kongera ubushobozi bw’igihugu bwo kwigira.

Ministiri Murangwa yavuze ko kubera ingaruka z’intambara yo mu Burasirazuba bwo hagati Leta izakomeza gukaza ingamba zo guhangana n’izamuka n’ihindagurika ry’ibiciro byo ku masoko kugira ngo bidakomeza kugira ingaruka ku baturage no ku gihugu.

Ati“Muri iyi ngengo y’imari tuzanita cyane ku guhanga n’ihindagurika y’ibihe kuko twasanze bigira ingaruka cyane ku bukungu bw’ibikomoka ku buhinzi”.

Minisitiri Murangwa yagaragaje ko amafaranga akomoka imbere mu gihugu azazamuka ku kigero cya 13.1%, mu gihe amafaranga ava hanze azazamuka ku kigero cya 10.2%. Ibi bikaba byerekana byerekana icyerekezo cyiza cyo kwigira k’ubukungu bw’u Rwanda.

Aya mafaranga arenze ay’umwaka w’ingengo y’imari 2025/26 ivuguruye, yari kuri miliyari 6,952.1 Frw, bivuze ko hiyongereyeho miliyari 844.2 Frw.

Imisoro n’amahoro by’imbere mu gihugu biteganyijwe kugera kuri miliyari 5,273.8 Frw, mu gihe inkunga z’amahanga zizagera kuri miliyari 548.3 Frw. Inguzanyo zituruka hanze ziteganyijwe zingana na miliyari 1,974.1 Frw. Ibi bivuze ko hamwe n’amafaranga akomoka imbere mu gihugu n’inguzango zo hanze, bigize 93% by’ingengo y’imari yose ya 2026/27.

Ku bijyanye n’imikoreshereze y’ayo mafaranga, Minisitiri Murangwa yavuze ko muri iyo ngengo y’imari yose ingana na miliyari 7,796.3 Frw. Muri yo, amafaranga azakoreshwa mu mishinga y’iterambere angana na miliyari 3,010.8 Frw, mu gihe ingengo y’imari isanzwe ari miliyari 4,785.5 Frw.

Iyi ngengo y’imari igaragaza icyerekezo cy’igihugu cyo kongera ishoramari mu iterambere, mu gihe hongerwa imbaraga mu kwihaza ku mutungo w’imbere mu gihugu no guteza imbere gahunda z’iterambere rirambye.

Ibi Depite Murora yabivuze kuri uyu wa 11 Kamena ubwo Minisitiri w’Imari n’Igendamigambi, Murangwa Yusouf yagezaga ko Nteko Ishinga Amategeko ingengo y’imari y’umwaka wa 2026/2027 n’ingamba zo mu gihe giciriritse kugira ngo Inteko Ishinga Amategeko ishobore kuyemeza.

Asa n’uhangayikishijwe n’uburyo abona ubushakashatsi butitaweho mu ngengo y’imari, yagize ati “Iyo tuvuze ingengo y’imari tuba tuvuze iterambere kandi rirambye,” akibaza uko byashoboka ibikorwa byose bidashingira ku byavuye mu bushakashatsi.

Depite Murora yatanze urugero aho mu ngendo abadepite baherutsemo basura ibikorwa by’ubuhinzi n’ubworozi no kureba uko byatezwa imbere kugira ngo bishobore kugira icyo bigeza ku muhinzi mworozi no ku Banyarwanda muri rusange, basabye ko hakorwa ubushakashatsi ku bijyanye n’ifumbire.

Yagize ati “Mu ngendo duherutsemo ubwo twarebaga ibijyanye n’inyongeramusaruro twagaragaje ko hakewe ubushakashatsi ku ifumbire duha ubutaka bwacu uyu munsi bishingiye ku karere, kuko usanga uyu munsi ifumbire duha ubutaka bwacu ari imwe kandi buri karere kaba gafite ubutaka butandukanye n’ubw’akandi.”

Avuga ko abahinzi babagaragarije ko imbuto yera mu karere kamwe atari yo yera mu kandi, ndetse n’imbuto ugasanga iyera hamwe atari yo yera ahandi.

Yasabye ko hakorwa ubushakashatsi ku ifumbire ndetse n’imbuto kugira ngo ibikorwa byose bijyane n’ibyagaragajwe n’ubushakatsi.

Depite Murora yageze n’aho atanga urugero ku byuma bizimya inkongi hifashishijwe utudege tutagira abapilote, asa n’aho agaragaza ko bishobora kuba byarashowemo amafaranga bidashingiye ku bushakashatsi, bityo “bityo ugasanga byahenda nta musaruro urenze uwo uburyo bwari busanzwe bukoreshwa.”

Ati “Nyakubahwa minisitiri nifuje kumva igishoro turimo guha ubushakashatsi, ayo iduha iryo terambere. Ntanze urugero ejo batubwiye ko hari kizimyamwoto zikoresha utudege tutagira abapilote, ni ikoranabuhanga rishya tutamenyereye, ariko urigereranyije na kizimyamwoto dusanzwe dukoresha ushobora gusanga rihenze kuzirusha.”

Iki kibazo cy’amafaranga y’ubushakashatsi cyongeye gushimangirwa na Depite Munyangeyo wavuze ko amafaranga yashorwa yose, adashingiye ku bumenyi ntacyo byamara.

Asubiza iki kibazo, Minisitiri w’Imari n’Igenamigambi, Murangwa Yusouf yavuze ko n’ubwo amafaranga agenerwa ubushakashatsi atagaragara mu ngengo y’imari, ariko Leta ikora ubushakashatsi mbere yo kugira ibyo ikora.

Yatanze urugero aho Ikigo cy’Igihugu gushinzwe guteza imbere Ubuhinzi n’Ubworozi (RAB) gikora ubushakashatsi ku bijyanye n’ifumbire ndetse n’ubutubuzi bw’imbuto z’indobanure.

Ingengo y’imari y’umwaka wa 2026/2027 ingana na miliyari 7,796.3 ikaba yariyongereyeho miliyari 844,2 ugereranyije n’ingengo y’imari ivuguruye y’umwaka ushize.

Ubu bufatanye bushingiye ku rugendoshuri rwakozwe umwaka ushize hagamijwe guhanahana ubunararibonye, rukaba rwarakurikiwe n’ingendo z’impuguke n’abarimu hagati ya kaminuza zombi.

Ibi bikorwa byafashije impande zombi gusangira ubumenyi no kunoza uburyo bwo guteza imbere uburezi, mu gukomeza gushimangira umubano w’ubufatanye hagati ya Kaminuza y’u Rwanda n’iya Somalia.

Aya masezerano yashyiriweho umukono ku mugaragaro i Kigali, ubwo itsinda ryo muri Somalia ryasozaga uruzinduko ryagiriraga mu Rwanda. Afatwa nk’ingenzi ku mpande zombi kuko agamije gushimangira ubufatanye mu bijyanye n’inyigisho zigamije amahoro, amasomo y’ubwiyunge, ubushakashatsi buhuriweho, guhanahana abarimu no guteza imbere ubushobozi bw’ibigo.

Ibi kandi bigaragaza uruhare Ikigo cy’u Rwanda gishinzwe guteza imbere ubufatanye (RCI), gikomeje kugira mu guteza imbere ubufatanye hagati y’ibihugu byo mu majyepfo y’Isi (South–South Cooperation), hagamijwe gushaka ibisubizo by’ibibazo bya Afurika biturutse ku Banyafurika ubwabo, by’umwihariko mu kubaka amahoro n’iterambere rirambye.

Yabigarutseho kuri uyu wa Kane tariki 11 Kamena ubwo yagezaga ku Nteko Ishinga Amategeko ihuriweho n’Imitwe yombi umushinga w’Itegeko rigena Ingengo y’Imari ya Leta y’umwaka wa 2026/2027.

Mu kiganiro cye, Minisitiri Murangwa yavuze ko mu rwego rw’ubutabera hari ibikorwa bitandukanye byagezweho birimo kugaruza umutungo wa Leta wari waranyerejwe ndetse no gukomeza kwegereza abaturage ubutabera.

Yavuze ko amafaranga yagarujwe agaragaza imbaraga Leta ikomeje gushyira mu kurwanya inyerezwa ry’umutungo wa rubanda no gukurikirana abakoresha nabi umutungo wa Leta.

Minisitiri Murangwa yavuze kandi ko ubutabera bukomeje kwegerezwa abaturage binyuze mu ruhare rw’abunzi mu gukemura amakimbirane.

Ati: “Mu rwego rwo gukomeza kwegereza abaturage ubutabera no gushimangira uruhare rwabo mu kwikemurira amakimbirane, abunzi bakiriye imanza 14,500 murizo 14,400, zingana na 99% zarakemuwe.”

Minisitiri Murangwa yanagarutse kuri gahunda yo gufasha abaturage batishoboye kubona ubutabera. Yavuze ko muri gahunda yo gutanga ubufasha mu by’amategeko ku baturage batishoboye ndetse n’abatagejeje imyaka y’ubukure, urugaga rw’abavoka rwafashije abantu 2700 kubona ubutabera.

Uwo mukino uzahuza Paris Saint-Germain yegukanye UEFA Champions League 2025-2026 n’ikipe ya Aston Villa yegukanye UEFA Europa League y’uwo mwaka w’imikino.

UEFA kuba itoranyije Omar Artan bifatwa nko kumuha icyubahiro n’agaciro yambuwe ndetse ni n’indi ntambwe ikomeye mu rugendo rwe rwo mu misifurire, ndetse bikagaragaza ukwizerwa n’iterambere ry’abasifuzi bo muri Afurika mu marushanwa mpuzamahanga.

Artan wari witezweho kuba Umunya-Somalia wa mbere usifuye Igikombe cy’Isi, nyuma yo kwangirwa kwinjira muri Amerika, yahise anakurwa ku rutonde rw’abazasifura b’iri rushanwa.

Nta mpamvu nimwe yatangajwe yatumye uyu musifuzi akumirwa muri Amerika, gusa ariko bihuzwa no kuba Somalia iri mu bihugu byinshi biri ku rutonde rwashyizweho n’ubuyobozi bwa Trump aho abaturage babyo batemerewe kwinjira muri Leta Zunze Ubumwe za Amerika.

Uyu musifuzi wari afite ibyangombwa byemewe ndetse na Visa, aho igihugu cye cyari cyamuhaye pasiporo y’abadipolomate, yavuze ko yamaze amasaha 11 abazwa n’inzego zishinzwe abinjira n’abasohoka, ndetse afungirwa muri kasho amasaha menshi mbere yo gutegerwa indege yamusubije i Istanbul muri Turikiya akabona kugaruka iwabo muri Somalia.

Icyemezo cyo guha Omar Artan kuyobora umukino wa UEFA Super Cup 2026 cyafashwe kandi mu rwego rw’amasezerano y’ubufatanye aherutse gusinywa hagati ya UEFA na CAF, agamije guteza imbere ubufatanye mu nzego zitandukanye, harimo n’imisifurire.

Aya masezerano agamije gushimangira ubufatanye hagati y’impuzamashyirahamwe y’umupira w’amaguru ku migabane y’i Burayi na Afurika, binyuze mu guteza imbere umupira w’amaguru mi nzego zose no kwimakaza indangagaciro z’ubumwe, uburinganire no kurwanya ivangura.

Perezida wa UEFA, Aleksander Čeferin, yavuze ko Omar Artan ari umusifuzi ukiri muto ariko ufite inararibonye, wagaragaje ubushobozi bwe ku rwego rwo hejuru mu marushanwa ya CAF.

Yagize ati: “Umupira w’amaguru ugamije guhuza abantu, kandi UEFA yifuje guha icyubahiro Omar ndetse n’ubuhanga bwe budasanzwe bwatumye ahabwa uyu mwanya ukomeye. Ndashimira cyane mugenzi wanjye Perezida wa CAF, Patrice Motsepe, ku bufatanye yagize muri iki gikorwa.”

Ku ruhande rwa CAF, Perezida Dr Patrice Motsepe yavuze ko Omar Artan yateye ishema Somalia ndetse n’umugabane wa Afurika muri rusange, anashimangira ko ibihembo yahawe nk’umusifuzi w’umwaka wa CAF 2025 no kuba yari yaremejwe kuzasifura mu mikino y’Igikombe cy’Isi cya 2026 ari ikimenyetso cy’ubuhanga bwe ku rwego mpuzamahanga.

Ku wa 11 Kamena, Perezida w’Umutwe w’Abadepite yakiriye inyandiko y’ubwegure ku mwanya w’Ubudepite ya Bwana Icyitegetse Venuste ku mpamvu ze bwite.

Depite Icyitegetse yari yatowe nk’umudepite uhagarariye urubyiruko, akaba yari mu badepite bagize Komisiyo y’Imari n’Umutungo wa Leta.

Uyu ni we mudepite wa mbere weguye wo muri Manda ya Gatanu y’Inteko Ishinga Amategeko, iva mu mwaka wa 2024-2029.

Icyakora, muri manda ya kane, heguye Abadepite batatu. Ku wa 28 Ukuboza 2022, Ernest Kamanzi na we wari uhagarariye urubyiruko na we yareguye "ku mpamvu ze bwite", ariko bikavugwa ko yari amaze gutahurwaho ingeso y’ubusinzi.

Icyo gihe hari hashize icyumweru mugenzi we Dr. Mbonimana Gamariel na we yeguye ku mpamvu ze bwite. Icyakora, hari hamaze iminsi havuzwe amakuru y’umudepite wahoraga atonganya Abapolisi bo mu muhanda mu gihe bamuhagaritse yasinze.

Jean Pierre Celestin Habiyaremye na we yeguye muri uriya mwaka.

Mu ijoro ryo ku wa 31 Gicurasi 2026, nibwo ikipe ya RSSB Tigers BBC yakoze amateka yo kuba ikipe ya mbere yo mu Rwanda yegukanye irushanwa rya Basketball Africa League (BAL 2026), nyuma yo gutsinda Petro de Luanda yo muri Angola amanota 90-88, mu mukino wakurikiwe na Perezida Kagame.

Muri iki gitaramo cyiswe “BAL Champions Celebration Concert” kizaba ku wa Gatandatu tariki ya 13 Kamena, kibere kuri KCC Roundabout, kikazatangira saa kumi z’umugoroba. Abateguye iki gikorwa batangaje ko kwinjira ari ubuntu, mu rwego rwo gutuma buri wese azabasha kwifatanya n’abakunzi b’iyi kipe mu byishimo by’iyi ntsinzi.

Abahanzi batandukanye bakunzwe mu Rwanda bazasusurutsa abazitabira, barimo Ariel Wayz, Juno Kizigenza, Kivumbi King, Bulldogg, Kenny Sol ndetse na Angel Mutoni.

Iki gikorwa giteganyijwe kuzaba umwanya udasanzwe wo kugaragaza ko siporo n’imyidagaduro bishobora guhuriza hamwe Abanyarwanda mu byishimo kandi bunze ubumwe, ndetse no gukomeza kwishimira amateka mashya ikipe ya RSSB Tigers yanditse mu mukino wa Basketball ku rwego rw’Afurika.

Abateguye igitaramo barahamagarira Abanyarwanda bose, abafana ba Basketball n’abakunzi b’umuziki kuzitabira ari benshi, bagafatanya kwishimira iyi ntsinzi yateye ishema Igihugu.

Guhemba Inkubito z’Icyeza, ni igikorwa cyatangijwe na Madamu Jeannette Kagame mu 2005 binyuze mu muryango Imbuto Foundation, mu rwego rwo gushishikariza abakobwa kwiga ibyiciro byose ndetse bagatsinda neza, kwigirira icyizere no kumva ko bashoboye, no gukangurira ababyeyi, abarezi n’umuryango muri rusange kwita ku burezi bw’umwana w’umukobwa.

Abari batahiwe ni abakobwa 59 batsinze neza mu mwaka w’amashuri 2024-2025, bo muri Fawe Girls’ School, bahembwe.

Muri iyi gahunda kandi, Imbuto Foundation ihemba abakobwa batsinze neza mu kizamini gisoza amashuri abanza, hagahembwa umwana umwe wahize abandi mu murenge, bigakorwa mu mirenge 416 igize igihugu, hakanahembwa n’abana b’abakobwa batanu bahize abandi kuri buri Ntara n’Umujyi wa Kigali.

Uwo muryango wemeza ko hafi kimwe cya kabiri cy’abana bo ku Mugabane w’Afurika, bafite ikibazo cy’ibura rikabije ry’intungamubiri. Uko kubura intungamubiri hamwe n’uburozi buturuka ku biribwa bihumanya umubiri, ngo bituma ubwonko bwabo budakura neza, bikagira ingaruka zikomeye ku buzima bwo mu mutwe.

OMS yasobanuye ko ingaruka z’imirire mibi ku mikurire y’abana ari nyinshi, harimo kudindira mu mikurire y’ubwonko n’ubushobozi bwo kwiga no gufata mu mashuri. Ikindi ni uko kubura intungamubiri z’ingenzi nka Fer (iron), zinc na ndetse na Iyode mu minsi 1 000 ya mbere y’ubuzima bw’umwana, NGO bishobora kwangiza ubwonko ku buryo bidashobora no gukosorwa.

Ibyo byose, kandi ngo bishobora gutera gukererwa kw’imikurire y’imyakura n’imikaya, ndetse umwana akajya ahorana ikibazo cyo kudashyira umutima ku byo arimo akora.

OMS ivuga ko kurya ibiribwa byanduye cyangwa kunywa amazi adafite isuku ari kimwe mu bitera imfu nyinshi mu bana. Uburozi buturuka mu biribwa bidafite ubuziranenge bwizewe ngo butera impiswi zikabije, zikarushaho kongera ikibazo cy’imirire mibi no gutuma ubudahangarwa bw’umubiri bugabanuka cyane.

Kubura intungamubiri ngombwa nka vitamini A cyangwa Fer bishobora gutera ubukererwe bukabije mu mikurire y’ubwenge kandi bikaba n’impamvu nyamukuru y’ubuhumyi mu bana.

Kugaburira abana hatitawe ku bigize indyo iboneye cyngwa se indyo yuzuye, ahubwo bagahabwa ibiribwa bikungahaye cyane ku isukari cyangwa se ibiribwa byatunganyijwe mu nganda, ngo byongera ikibazo gifatwa nk’uburwayi bwo kudatuza cyane (hyperactivité) ndetse n’ibindi bibazo by’imyitwarire mu bana.

Umuyobozi wa OMS, Dr Dr. Tedros Adhanom Ghebreyesus, yagize ati, “ Iyo umwana akunze kugira impiswi bitewe no kurya ibiribwa bibi, ntabwo bigira ingaruka z’ako kanya gusa ku buzima bwe, ahubwo no n’imikurire y’umubiri we, n’ubushobozi bwe bwo kwiga bugira ikibazo…”

Komiseri w’Umuryango w’Ubumwe bw’u Burayi ushinzwe ubutabazi n’imicungire y’ibiza, Hadja Lahbib, yavuze ko isi iri mu kaga gashobora guterwa n’ikwirakwira rya Ebola ikomeje kwibasira Uburasirazuba bwa Repubulika Iharanira Demokarasi ya Congo (RDC), agereranya uko ibintu bihagaze no "kwicara ku kirunga gishobora kuruka igihe icyo ari cyo cyose."

Yabitangaje akubutse mu ruzinduko i Bunia, mu Ntara ya Ituri, ari ho habonetse umubare munini w’abanduye Ebola.

Mu kiganiro yagiranye na RFI, Lahbib yavuze ko icyorezo kiri gukwirakwira mu gace karimo amakimbirane, kwimuka kw’abaturage n’ibibazo by’ubutabazi, ibintu bituma kugikumira birushaho kugorana.

Yagize ati "Turicaye ku kirunga. Iyo virusi ntizi imipaka kandi ishobora gukwirakwira vuba mu gihe ingamba zitafashwe hakiri kare."

Umuryango w’Ubumwe bw’u Burayi watangaje ko wamaze gutanga inkunga irenga miliyoni 80 z’amayero yo gufasha ibikorwa by’ubutabazi n’ubuvuzi muri RDC, ndetse ukaba uherutse kongeraho andi miliyoni 5 y’amayero yo gushyigikira ibikorwa byo gukurikirana ubwandu, ubushakashatsi n’ibikorwaremezo by’ubuzima.

Mu ruzinduko rwe i Bunia, Lahbib yasuye ibigo byita ku barwayi ba Ebola ndetse anagirana ibiganiro n’abayobozi ba RDC, Ishami ry’Umuryango w’Abibumbye ryita ku Buzima (OMS) n’abafatanyabikorwa mu rwego rw’ubutabazi.

Minisiteri y’Ubuzima muri RDC ivuga ko iki gihugu kimaze kubarura abanduye Ebola 635, mu gihe ababarirwa mu 127 bamaze guhitanwa n’iki cyorezo.

Gutangaza uyu musore w’imyaka 24 y’amavuko wasinye imyaka ibiri, Rayon Sports yabinyujije ku mbugankoranyambaga zayo imuha ikaze.

Rayon Sports kandi ku wa Gatatu tariki 10 Kamena yatangaje abandi bakinnyi babiri bongereye amasezerano aribo uwari visi kapiteni Nshimiyimana Emmanuel Kabange na Ishimwe Ganijuru bose basinye imyaka ibiri.

Rayon Sports ikomeje kwiyubuka ariko inatandukana n’abakinnyi yari isanganywe barimo ba myugariro Youssou Diagne wari kapiteni, Emery Bayisenge na Ramazani Tshimanga bose batazakomezanya nayo.

Rayon Sports irateganya gutangira umwiherero tariki 20 Kamena kugeza tariki 10 Nyakanga 2026 aho uzabera mu Karere ka Gicumbi.

Impande zombi zunguranye ibitekerezo by’umwihariko ku gushimangira ubufatanye hagati y’Inteko Zishinga Amategeko z’ibihugu byombi, harimo guhanahana ubunararibonye no kongera ubufatanye mu bikorwa by’Inteko.

Abayobozi, bagaragaje ko ubufatanye buri hagati y’ibihugu byombi bukomeje gutera imbere, bigizwemo uruhare n’ubuyobozi bwiza bw’Abakuru b’Ibihugu byombi.

Biyemeje kandi gukomeza gukorera hamwe mu guteza imbere ubufatanye bufatika mu nzego zitandukanye, hagamijwe guteza imbere imibereho myiza y’abaturage b’ibihugu byombi.

U Rwanda n’u Bushinwa bisangwanywe umubano w’amateka kuva ku wa 12 Ugushyingo 1971 ndetse na nyuma ya Jenoside yakorewe Abatutsi, aho ibihugu byombi byakomeje kubaka umubano ushingiye kuri politiki, umutekano n’imibereho myiza y’abaturage.

U Rwanda n’u Bushinwa kandi bifatanya mu mishinga itandukanye irimo nk’ishoramari, ibikorwa remezo, ikoranabuhanga, ubucukuzi bw’amabuye y’agaciro, ubwikorezi bwo mu kirere, uburezi, kubaka ubushobozi, ubuzima, ubucuruzi, ubukerarugendo, ubuhinzi, umutekano n’indi myinshi.

Yabigarutseho kuri uyu wa 10 Kamena mu butumwa yatanze ku bijyanye n’akamaro ko guteza imbere indimi zitandukanye mu ikoranabuhanga n’itumanaho, agaragaza ko "abantu benshi ku Isi, cyane cyane abo muri Afurika, bagorwa no kubona amakuru n’ubumenyi bwo kuri internet bibafasha mu buzima bwa buri munsi kubera ikibazo cy’ururimi."

Mushikiwabo yavuze ko nubwo internet n’ikoranabuhanga bikomeje kugera henshi, hari abaturage benshi batabasha kubyungukiramo uko bikwiye kuko ibyinshi biboneka byanditse mu Cyongereza cyangwa izindi ndimi nke ziganjemo iz’ibihugu bikize.

Yagaragaje ko ibi bituma urubyiruko, abanyeshuri n’abandi bakoresha internet badahabwa amahirwe angana yo kubona ubumenyi, kwiga cyangwa gukora ubushakashatsi mu ndimi bumva neza.

Yanashimangiye ko Umuryango w’Ibihugu bikoresha Igifaransa ukomeje gushyira imbaraga mu guteza imbere inyandiko n’amakuru y’ikoranabuhanga mu Gifaransa ndetse no gushyigikira ikoreshwa ry’indimi z’ibihugu kugira ngo abantu benshi barusheho kwinjira mu Isi y’ikoranabuhanga.

Mushikiwabo kandi yagize ati "Iterambere ry’ubwenge buhangano rikwiye kujyana no kubungabunga indimi n’umuco w’ibihugu, kuko ururimi ari kimwe mu bigize ubusugire n’akarango (identité) by’abaturage.

Yasabye ibihugu, ibigo by’ikoranabuhanga n’abafatanyabikorwa mpuzamahanga gufatanya kugira ngo internet ibe urubuga rufunguriwe bose, hatitawe ku rurimi bavuga.

Ku wa Gatatu tariki 10 Kamena 2026, nibwo Perezida wa Repubulika y’u Rwanda, Paul Kagame yakoze impinduka muri Minisiteri zirimo iy’Ibikorwa Remezo, iy’Ubucuruzi n’Inganda ndetse n’iy’Abakozi ba Leta n’Umurimo.

Minisiteri y’Ubucuruzi n’Inganda yahawe Bwana Kajangwe Antoine Marie, wari usanzwe ari Umunyamabanga uhoraho muri iyi Minisiteri akaba yasimbuye Prudence Sebahizi.

Tariki ya 16 Kanama 2024, ni bwo Perezida Paul Kagame yashyizeho abagize Guverinoma n’abandi bayobozi batandukanye. Muri iyo Guverinoma nshya ya 2024-2029 ikaba igizwe n’abaminisitiri 21 n’abanyamabanga ba Leta icyenda.

Muri Minisiteri zari zisanzweho, eshatu ni zo zahawe abaminisitiri bashya ndetse icyo Prudence Sebahizi agirwa Minisitiri w’Ubucuruzi n’Inganda (MINICOM), asimbuye Dr Ngabitsinze Jean Chrysostome wari kuri uwo mwanya kuva tariki ya 30 Nyakanga 2022.

Abinyujije ku rubuga rwe rwa X, Sebahizi yavuze ko ashimira byimazeyo Perezida Kagame wamugiriye icyizere akamuha izo nshingano yari amazeho imyaka ibiri. Ati: "Ndashimira cyane Nyakubahwa Perezida wa Repubulika, Paul Kagame, ku cyubahiro yampaye cyo kungira Minisitiri w’Ubucuruzi n’Inganda mu gihe cy’imyaka ibiri ishize."

Sebahizi yagaragaje kandi ko mu gihe yamaze muri izo nshingano yishimiye gukorana n’abandi bagize Guverinoma ndetse n’ikipe yose ya Minisiteri y’Ubucuruzi n’Inganda (MINICOM), mu guteza imbere inganda, kongera uruhare rw’abikorera, guteza imbere ubucuruzi bushingiye ku ikoranabuhanga ndetse no gushimangira ubufatanye mu karere.

Yavuze ko yishimira ibyo bagezeho bafatanyije, ashimangira ko ari intambwe ikomeye mu iterambere ry’ubukungu bw’Igihugu.

Yasoje ashimira kandi anifuriza ishya n’ihirwe uwamusimbuye muri izi nshingano, Kajangwe Antoine Marie, avuga ko ari umwanya yahawe awukwiye kandi ko yizeye ko azakomeza gusigasira ibyagezweho.

Damien Murwanashyaka ni inzobere mu bijyanye n’ubwubatsi (Professional Civil Engineer) aho afite uburambe burenga imyaka 15 mu rwego rw’ubwubatsi n’imishinga y’iterambere ndetse akaba n’umunyamuryango w’Urwego Mpuzamahanga rw’Abakemurampaka (Chartered Institute of Arbitrators).

Yize ibijyanye n’Ubwubatsi ku rwego rwa Kaminuza aho yasoje amasomo ye afite amanota ya mbere (First Class Honors) muri Kaminuza y’u Rwanda.

Afite kandi impamyabumenyi y’Ikiciro cya Gatatu cya Kaminuza (MBA) yakuye muri Oklahoma Christian University, bituma afite ubumenyi buhambaye mu bya tekiniki no mu buyobozi bw’imishinga.

Mu rugendo rwe, Murwanashyaka yagiye akora imirimo itandukanye ku rwego rwo hejuru. Kuva muri Gicurasi 2024 -2026 yabaye Umuyobozi Mukuru wa UDL imwe muri Sosiyete zikomeye mu by’ubwubatsi izwi cyane mu mishinga idasanzwe nka Vision City.

Yabaye kandi Chief Quantity Surveyor muri Real Contractors Ltd, aba Project Manager muri ROKO Construction Ltd, ndetse anakora nk’umujyanama mu bigo birimo Century Engineering and Contractors Ltd na Gasabo 3D Design Ltd.

Mbere y’uko agirwa Minisitiri w’Ibikorwa Remezo, Murwanashyaka Damien yari Umuyobozi Mukuru (Managing Director) wa Preferred Contractors, kimwe mu bigo biyoboye mu gutanga serivisi z’ubujyanama, imicungire y’imishinga ndetse n’ibikorwa by’ubwubatsi.

Murwanashyaka yagifashije iki kigo kugera ku ntego zacyo kuko yakomeje kugaragaza ubuhanga mu micungire y’imishinga n’ingengo y’imari yayo, anagira uruhare mu guteza imbere ibikorwa by’ubwubatsi no gutanga umusaruro ugaragara mu mishinga ikomeye.

Ubunararibonye bwe n’ubuyobozi bufite icyerekezo ni bimwe mu byakomeje kumugira umwe mu banyamwuga b’indashyikirwa mu rwego rw’ubwubatsi mu Rwanda no mu Karere.

Lt Gen(Rtd) Karenzi Karake

Lt Gen (Rtd) Karenzi Karake yagizwe Ambasaderi wa Repubulika y’u Rwanda muri Repubulika y’u Bushinwa, Maj Gen Emmanuel Bayingana agirwa Ambasaderi wa Repubulika y’u Rwanda muri Leta ya Isirahel.

Maj Gen. Emmanuel Bayingana

Ni mu gihe Col (Rtd) Jeannot Ruhunga yahawe inshingano nshya zo guhagarira Repubulika y’u Rwanda muri Repubulika ya Polonye.

Lt. Col(Rtd) Jeannot Ruhunga

Mu bandi bahawe inshingano zo guhagararira u Rwanda mu mahanga harimo Christine Nkulikiyinka wari Minisitiri w’Abakozi ba Leta n’Umurimo, umwanya yagiyeho guhera tariki 16 Kanama 2024.

Nkulikiyinka yagizwe Ambasaderi wa Repubulika y’u Rwanda mu Bwami bwa Esipanye.

Christine Nkulikiyimfura

Ni ubwa mbere u Rwanda rugize uruhagarariye ufite icyicaro muri Espagne ndetse dore ko iyi Ambasade yareberwaga n’iyo mu Bufaransa ihagarariwe na Amb. François Nkulikiyimfura.

Bwana Murwanashyaka Damien yagizwe Minisitiri w’Ibikorwa Remezo asimbuye Dr Jimmy Gasore wari kuri uwo mwanya kuva muri Nzeri 2023.

Muri iyi Minisiteri kandi, Bwana Zingiro Armand na Col. Bizimungu Claudien bagizwe Abanyamabanga ba Leta, umwanya wari uriho Ambasaderi Jean de Dieu Uwihanganye wari umaze kuri uyu mwanya amezi 11.

Uwihanganye yari yinjiye muri izi nshingano muri Nyakanga 2025 avuye guhagararira u Rwanda muri Singapour.

Zingiro Armand, Umunyamabanga wa Leta muri Minisiteri y’Ibikorwa remezo

Muri Minisiteri y’Abakozi ba Leta n’Umurimo, Madamu Uwizeye Judith wari Minisitiri mu Biro bya Perezida wa Repubulika yasimbuye Ambasaderi Nkulikiyinka Christine, wagizwe Ambasaderi muri Espagne. Nkulikiyinka yari yagizwe Minisitiri muri Kanama 2024 asimbuye Kayirangwa Fanfan Rwanyindo.

Uwizeye si mushya muri MIFOTRA. Yabaye Minisitiri w’Abakozi ba Leta n’umurimo hagati ya 2014-2017. Muri Kanama 2017 yagizwe Minisitiri muri Perezidansi.

Judith Uwizeye, Minisitiri w’Abakozi ba Leta n’Umurimo

Bwana Kajangwe Antoine Marie, yagizwe Minisitiri w’Ubucuruzi n’Inganda akaba yari asanzwe ari Umunyamabanga uhoraho muri iyi Minisiteri. Kuri uyu mwanya, Kajangwe yasimbujwe Madamu Tuyishimire Chantal.

Kajangwe Antoine Marie, Minisitiri w’Ubucuruzi n’inganda

Perezida Kagame kandi yashyizeho n’Abambasaderi bashya bazahagararira u Rwanda mu bihugu bitandukanye, barimo Lt Gen (Rtd) Karenzi Karake, wagizwe Ambasaderi mu Bushinwa. Karake asimbuye Ambasaderi James Kimonyo.

Maj Gen Bayingana Emmanuel, yagizwe Ambasaderi muri Israel, mu gihe Col (Rtd) Ruhunga Jeannot, wabaye Umunyamabanga Mukuru wa RIB, yagizwe Ambasaderi muri Pologne. Aha, asimbuye Anastase Shyaka wigeze no kuba Minisitiri w’Ubutegetsi bw’Igihugu.

Hari n’abandi bayobozi bashyizwe mu myanya itandukanye y’ingenzi.

Louise Kanyonga

Madamu Kanyonga Louise, wari umuyobozi wungirije mu Kigo cy’Igihugu cy’Ubwiteganyirize RSSB, yagizwe Umuyobozi Mukuru wa Banki y’Ingabo n’abashinzwe Umutekano Zigama CSS.

Kuri uyu mwanya wo muri RSSB, Kanyonga yasimbujwe Madamu Umurungi Michelle wari usanzwe ari umuyobozi mukuru ushinzwe ishoramari mu Kigo cy’Igihugu cy’Iterambere, RDB.

Bwana Byilingiro Maximilien we yagizwe Umuyobozi Mukuru w’Ikigo gishinzwe Ingufu (REG).

Uyu mugabo na we si mushya mu by’amashanyarazi. Aje muri REG yayoboraga Uruganda Shema Power Lake Kivu rutanga amashanyarazi ruyavanye muri Gaz Methane yo mu Kivu.

Izi mpinduka zitezweho gukomeza kunoza imikorere ya Guverinoma no guteza imbere gahunda z’iterambere ry’igihugu, binyuze mu bayobozi bashya bahawe inshingano zitandukanye.

Ni irushanwa riteganyijwe ku Cyumweru, tariki ya 5 Nyakanga 2026, aho rizabera muri Petit Stade Amahoro I Remera rigahuza abakinnyi babigize umwuga baturuka mu bihugu by’u Rwanda, Uganda, Tanzania na Kenya na Repubulika Iharanira Demokarasi ya Congo.

Umuyobozi wa Bodymax Promotion Kalim Fatih Niyonsenga avuga ko ari irushanwa rizitabirwa n’abakinnyi barimo ababigize umwuga bazaturuka mu bihugu byose bya Afurika y’i Burasirazuba.

Ati "Kuri iyi nshuro irushanwa riri ku rwego rwazamutseho,mu biro by’abakinnyi ndetse n’ibyiciro bakinamo. Umwaka ushize twari dufite abakinnyi barenza ibiro 60 ariko ubu dufite n’abafite ibiro 70 kuzamura. Muri aba bakinnyi hazaza ababigize umwuga bo mu bihugu byose bya Afurika y’i Burasirazuba."

Kalim akomeza avuga ko kandi ari irushanwa rizitabirwa n’abakinnyi baje gushaka kuva mu batarabigize umwuga bajye mu babigize umwuga.

Ati" Iteramakofe rigira ibyiciro bibiri, ababigize umwuga ndetse n’abatarabigize umwuga. Gusa habaho abatarabigize umwuga ariko basatira kuba ababigize umwuga aho bibarwa hakurikijwe imikino itegekwa n’Ishyirahamwe ry’Umukino w’iteramakofe ku Isi. Muri iri rushanwa rero harimo abazakuramo kuba ababigize umwuga hagati y’u Rwanda na Uganda."

Kwinjira muri iyi mikino ni amafaranga ibihumbi 2000 Frw ahasanzwe, ibihumbi 10,000 Frw mu myanya ya zahabu ndetse n’ibihumbi 20,000 Frw hafi y’aho abakinnyi bakinira.

Mu rubanza rwatangiye kuri uyu wa kabiri, hari ibimenyetso Rwamucyo yari yasabye ko bititabwaho, ariko ntibyamuhiriye.

Me Richard Gisagara uhagarariye abaregera indishyi, mu kigamiro cyihariye na KT Radio yagize ati: “Abunganira uregwa, basabye ibintu bitatu, harimo kutakira ikiganiro cyakozwe n’umugore wa Dr Rwamucyo wakoraga kuri Radio Rwanda. Bavuga ko icyo kimenyetso kitakwizerwa, icya Kabiri basabye ko ibindi bimenyetso byatanzwe bitakwemerwa kuko nta reme bifite bashingiye ku ihame ry’ubutabera rivuga ko ibimenyetso bitangwa mu kurega biboneka mu buryo busobanutse. We rero yasabaga ko ikirego kitakwakirwa kubera ibiri mu kiganiro cy’umugore we ashaka kugaragaza ko byabonetse mu nzira zitari zo”.

Akomeza agira ati: “Ibyo byose byasabwe n’abunganira Dr Eugene Rwamucyo ntabwo urukiko rwabyemeye”.

Me Gisagara asobanura ko mu bujurire, kuko abacamanza aba ari bashya, habanza gusobanurwa raporo y’ibyaranze urubanza rwa mbere no kumva imiterere y’ikirego noneho nyuma bakinjira mu kirego neza no kuburanisha babyumva.

Akomeza agira ati: “Nyuma y’iyo raporo umujandarume ukorera muri Ambasade y’Ubufaransa mu Rwanda, ushinzwe korohereza ubucamanza gukorana n’inzego zo mu Rwanda, aho yavuze ku burengenzira bw’abatangabuhamya, uburyo bashakwa mu Rwanda, asobanura uko abona u Rwanda mu rwego rwo kunyomoza ibivugwa ko abavuye mu Rwanda badatanga ubuhamya bwabo bisanzuye”.

Me Gisagara Richard, yagaragaje kandi ko urubanza rw’ubujurire rwa Dr. Rwamucyo ruzaba rukomeye kuko uyu muganga iyo abonye umwamya, ahakana Jenoside yakorewe Abatutsi mu buryo buziguye.

Me ati: "Ni numva uru rubanza rutazoroha, ni urubanza ruzaba rukomeye cyane cyane kubera ko Rwamucyo… ni umuntu ku bwanjye navuga ngo ugifite ingengabitekerezo ya Jenoside, akaba ari umuntu iyo abonye umwanya, aba ashaka kwisobanura kugira ngo agaragaze ibyo yemera, uko abona Jenoside yakorewe Abatutsi cyangwa uko abona amateka y’u Rwanda”.

Kuri Me Michèle Siari uri mu itsinda ry’abanyamategeko bunganira Dr. Rwamucyo, kuva rwatangira na mbere y’ubujurire, agaragaza ko umukiliya we ari umwere, bityo ko urubanza rukwiye kuzacibwa hakurikijwe icyo amategeko ateganya.

Dr. Rwamucyo Eugene, afite imyaka 67. Yabaye Umuyobozi w’ikigo cy’iyahoze ari Kaminuza Nkuru y’u Rwanda cyari gishinzwe ubuvuzi (CUSP) kugeza mu gihe cya Jenoside yakorewe Abatutsi mu 1994, aba inshuti y’abari muri Guverinoma y’inzibacyuho yakoreraga i Butare barimo Kambanda Jean wahoze ari Minisitiri w’Intebe.

Mu byo ashinjwa harimo kwitabira inama zafatiwemo ibyemezo byo kwica Abatutsi i Butare, kuyobora ibikorwa byo gushyingura imibiri y’Abatutsi bishwe muri Jenoside no gutegeka ko abakomeretse bicwa buhoro buhoro, abandi bagashyingurwa bakiri bazima hifashishijwe imashini zikora imihanda.

Mu Ukwakira 2024, Dr Rwamucyo yahamijwe ibyaha bya Jenoside akatirwa igifungo cy’imyaka 27.

Minisitiri Sebahizi Prudence(hagati)

Byatangajwe na Prudence Sebahizi, Minisitiri w’Ubucuruzi n’Inganda, kuri uwa 9 Kamena ubwo yagezaga ku Badepite gahunda y’Igihugu y’iterambere ry’inganda y’igihe kirekire (2024-2034).

Yagize ati “Uyu munsi u Rwanda ruri mu bihugu bifite impu zikunzwe ku isoko mpuzamahanga, ariko tuzohereza hanze zitaratunganywa. Iyo dukoze isesengura, dusanga zashoboraga kwinjiriza igihugu arenga miliyoni 450 z’Amadolari ya Amerika. Nyamara, iyo zoherejwe zidatunganyijwe, amafaranga twinjiza ntanagera kuri miliyoni 30 z’Amadolari.”

Minisitiri Sebahizi yavuze ko Guverinoma yiyemeje gukemura icyo cyuho binyuze mu kongerera agaciro ibikomoka ku mpu mbere y’uko byoherezwa ku masoko mpuzamahanga, bikaba biri mu bikorwa by’ingenzi biteganyijwe muri gahunda y’iterambere ry’inganda y’imyaka 10 (2024-2034).

Ikibazo cy’igihombo igihugu gihura na cyo kubera kudatunganya impu si gishya kuko na Perezida Paul Kagame amaze igihe asaba inzego zibishinzwe gushaka uburyo bwo kubyaza umusaruro impu ziva ku matungo yororerwa mu Rwanda.

Ku wa 30 Mata 2022, ubwo yari mu Nteko Rusange ya 15 y’Umuryango FPR Inkotanyi, Perezida Kagame yasabye inzego zishinzwe ishoramari n’iterambere ry’Igihugu kwihutisha gahunda yo gushyiraho uruganda rukora inkweto zigezweho mu mpu, agaragaza ko impu z’u Rwanda zifite umwihariko ushimwa n’abakora inkweto ku rwego mpuzamahanga.

Yagize ati “Abashinzwe ishoramari mu gihugu twese, twananijwe n’iki kuba u Rwanda rwakora inkweto? Impu turazifite kuko dufite inka n’andi matungo. Abantu barabaga amatungo bagashaka inyama, impu zikagurishwa cyangwa zikangirika, kandi hari isoko rinini ry’abakora inkweto.”

Perezida Kagame yanavuze ko mu ngendo yari yarakoreye mu bihugu bitandukanye byo muri Afurika y’Iburengerazuba mu myaka 20 ishize, yakunze kubwirwa ko impu zituruka mu Rwanda ziri mu zifite ubuziranenge bwo hejuru ku isi, bituma yibaza impamvu igihugu kitashora imari ihagije mu kuzitunganya no kuzikoramo ibicuruzwa byongerewe agaciro.

Nyuma y’iryo jambo rya Perezida Kagame, hatangajwe ko hari gukorwa inyigo y’uruganda rutunganya impu rwagombaga kubakwa mu Karere ka Bugesera. Icyakora, ubwo Minisiteri y’Imari n’Igenamigambi yagezaga ku Nteko Ishinga Amategeko imbanzirizamushinga y’ingengo y’imari ya 2026/2027 mu ntangiriro za Gicurasi 2026, yatangaje ko hamaze gukorwa inyigo nshya yimurira uwo mushinga mu Karere ka Gicumbi.

Minisitri Sebahizi yasobanuriye abadepite ko kuba ikibazo cy’ikaniro (uruganda rw’ibikomoka ku mpu) kimaze kuba agatereranzamba ari uko kubaka ikaniro bisaba ikoranabuhanga rihambaye kuko iyo bititondewe ibiriturukamo bihinduka uburozi ku bidukikije no ku bantu.

Yavuze ko ikibazo kimaze imyaka irenga 10 bashakisha uko bagikemura, ariko avuga ko gutinda kwacyo ahanini bituruka ku mikoro n’ubushobozi bidahagije,

Yaguze ati “Gutunganya ibikomoka ku mpu bisaba tekinoloji ihenze kandi inagoye kuyumva, ari na yo mpamvu mwumvise inganda zagiye zigerageza kubikora inyinshi zarafungaga kubera ko zitabashije kubahariza ibisabwa kugira ngo iyo tekinoloji itangiza ibidukikije cyangwa se idahumanya.”

Ubusanzwe, icyayi cy’u Rwanda kigurishirizwa cyane cyane ku cyambu cya Mombasa muri Kenya kuri cyamunara, kikagurwa n’abacuruzi bishyize hamwe, kigakoreshwa mu kuvangira ibindi byayi kubera ubwiza bwacyo mbere y’uko cyongera kujya kugurishwa ku yandi masoko nk’uko byasobanuwe na Minisitiri w’ubucuruzi n’inganda (MINICOM) Sebahizi Prudence.

Ku wa Kabiri 9 Kamena, aguruka ku kibazo bari bagaragaje ko icyayi cy’u Rwanda kigurishwa ku mafaranga macyeya, ibyo bikaba bigira ingaruka no ku bahinzi b’icyayi, yavuze ko hari gahunda ihari yo gutangira kukigurisha ku rindi soko.

Yagize ati,” Icyayi cy’u Rwanda, gisanzwe kigurishirizwa i Mombasa muri Kenya, kiguzwe n’abacuruzi baba barishyize hamwe ku buryo biba bigoye kubinjiramo uturutse hanze yabo, abo rero ni bo bagena igiciro uko bashaka, ariko muri iki gihe, twatangiye gukorana n’abashoramari bo muri Pakistan, ku buryo icyayi cy’u Rwanda kigurishwa muri Pakistan nta handi kibanje kunyura, kandi ibyo bizazamura igiciro cyagurishwagaho…”.

Ibiciro by’icyayi cy’u Rwanda ku isoko rya Mombasa bihindagurika bijyanye n’ingano y’icyayi gikenewe ku isoko mpuzamahanga, ariko kugeza ubu mu 2026 ngo kiba kiri hagati y’Amadolari 2.83-3.55 ku kiro kimwe, mu gihe muri Pakistan ikiro cy’icyayi cy’u Rwanda kiba kiri hagati y’Amadolari 4-7 ku kiro kimwe, bitewe n’uko kiba gikenewe cyane muri icyo gihugu, dore ko gikoreshwa mu bintu binyuranye.

U Rwanda rwohereza mu mahanga icyayi kiri hagati ya toni 38.000 na 40000 ku mwaka nk’uko bigaragazwa n’imibare itangwa na NAEB.

Mu mwaka w’ingengo y’imari wa 2023-2024, U Rwanda rwohereje mu mahanga toni 38.467, zinjiza Miliyoni 114 z’Amadolari.

MINEDUC ivuga ko ifunguro rihabwa abanyeshuri ku ishuri ritagamije gusa kubamara inzara, ahubwo bifite uruhare runini mi mibereho myiza y’abana, imitsindire yabo ndetse n’uko bakora mu ishuri.

Nubwo gahunda igeze ku rwego rushimishije kugeza ubu, MINEDUC ivuga ko inkunga ya buri wese igikenewe kuko ishobora gutuma "Dusangire Lunch" ikomeza kwaguka ikagera ku bandi banyeshuri benshi kurushaho.

Uburyo bwo gutanga inkunga ku bari mu Rwanda bashobora gukoresha telefoni bakanda *182*3*10*3#. Inkunga inyuzwa kandi kuri Koperative Umwalimu SACCO.

Gahunda ya "Dusangire Lunch" yatangijwe mu mwaka wa 2019, igamije gushishikariza inzego zitandukanye zirimo abakozi ba Leta, abikorera, imiryango ya sosiyete sivile, abanyarwanda baba mu mahanga ndetse n’umuryango nyarwanda muri rusange gushyigikira gahunda yo kugaburira abana ku ishuri kugira ngo bashobore gukomeza amasomo yabo neza batekanye.

Mu ijoro ryo ku wa 9 Kamena 2026, BK Arena yahindutse urubuga rw’amateka mu njyana ya Reggae, aho abakunzi b’itsinda rya UB40 ft Ali Campbell bahuriye mu gitaramo cyaranzwe n’amarangamutima adasanzwe.

Si igitaramo cyari kigamije gusa imyidagaduro, ahubwo cyabaye urugendo rwihariye rwasubije abakitabiriye mu bihe byahise, binyuze mu ndirimbo zabaye igice cy’ubuzima bwabo zirimo nka Red Red Wine, Kingston Town ndetse na I can’t help falling in love with you.

Abitabiriye iki gitaramo bagaragaje ibyishimo bidasanzwe, aho baririmbaga indirimbo hafi ya zose mu ijwi rimwe bagendana n’iri tsinda badasiganwa. Ibi byagaragaje urukundo rukomeye iri tsinda rifitiwe, ndetse n’uburyo umuziki waryo wakomeje gukundwa no kugendana n’ibihe bitandukanye.

Iki gitaramo cyashimangiye ko UB40 ikiri mu banyabigwi ba reggae ku rwego mpuzamahanga, ndetse gisigira abakunzi bayo bo mu Rwanda n’abanyamahanga ibyishimo bidasanzwe.

Ikinyamakuru De Morgen, muri iki gitondo, cyatangaje ko Ambasaderi wa Amerika mu Bubiligi, Bill White, ari we wagejeje icyo cyifuzo kuri Guverinoma y’u Bubiligi.

Raporo ivuga ko mu cyumweru gishize, abadipolomate ba Amerika bakorera mu bihugu by’u Burayi bahawe amabwiriza na Washington yo gushishikariza ibihugu bakoreramo gushyigikira ingamba za Amerika zo kugenzura ingendo, mbere y’itangira ry’Igikombe cy’Isi kizabera muri Amerika guhera muri iki cyumweru.

Bivugwa ko ibihugu bitazubahiriza izo ngamba bishobora guhura n’ibihano birimo gukumirwa kw’abagenzi babyo binjira muri Amerika.

Iki cyifuzo cya Amerika cyanasabaga ko abaturage b’u Bubiligi bazaba bavuye muri RDC bashyirwa mu kato igihe runaka kugira ngo hakurikiranwe ubuzima bwabo.

Cyakora, Minisitiri w’Ubuzima w’u Bubiligi, Frank Vandenbroucke, yavuze ko Ububiligi budateganya kubahiriza icyo cyifuzo, ahubwo akifuza gukomeza gukurikiza amabwiriza n’inama bitangwa n’Ishami ry’Umuryango w’Abibumbye ryita ku Buzima (WHO).

Kuva hagati muri Gicurasi, Amerika yamaze gufatira ingamba abagenzi baherutse gusura RDC cyangwa Uganda, ibabuza kwinjira ku butaka bwayo.

Gusa izo ngamba ntizireba abaturage ba Amerika, abafite uburenganzira bwo kuhatura burundu, abasirikare, abayobozi ba Leta n’abagize imiryango yabo ya hafi.

Nubwo kugeza ubu nta murwayi wa Ebola uratangazwa muri Amerika, ubuyobozi bw’icyo gihugu buvuga ko bwiteguye gukumira ibyago byaterwa n’ubwinshi bw’abashyitsi biteganyijwe ko bazitabira Igikombe cy’Isi, bikaba bishobora kongera ibyago byo kwandura cyangwa gukwirakwiza iyo ndwara.

Iyi Chorale iririmbwamo abantu baturuka mu nzego zitandukanye zaba inzego z’ubuyobozi, abakozi, abanyeshuri, abikorera n’abandi bakora muyindi mirimo. Aba bose bahujwe n’impano yo kuririmba no gukunda umuziki by’umwihariko bakabikora nk’ubutumwa bwa Kiliziya.

Iyi Korali ifite umwihariko wo kuririmba mu majwi atandukanye bikanyura abumva indirimbo zabo ndetse bikanaruhura umutima.

Nk’uko muri Kiliziya Gatolika haba umwihariko w’indirimbo bitewe n’igihe Kiliziya irimo usanga iyi Korali iririmba izo ndirimbo zigakundwa kandi mu bihe byose ugasanga zinogeye amatwi.

Chorale de Kigali ifite Alubumu zirenga 13 n’izindi ndirimbo zihariye zanditse amateka mu rurimi rw’Ikinyarwanda, Ikilatini, Icyongereza ndetse n’Igifaransa.

Zimwe mu zikunzwe cyane harimo iz’Ikinyarwanda zihimbaza Imana na Bikira Mariya harimo iyitwa Indabo za Mariya kuko iri mu zumviswe cyane kuri YouTube, Nyagasani Nasingizwe (Ibisingizo Byose), Twifitiye Umubyeyi, Ndagiwe n’Umushumba Mwiza, Yezu waje kubana natwe, Yezu Kristu Mukiza Wacu, Dusingize Imana, Komeza Intambwe Zanjye, Ni Wowe Rutare Rwanjye, ndetse n’Indirimbo za Noheli (Christmas Carols).]

Muri alubumu zabo nka Twabonye Inyenyeri ya Noheli, indirimbo zakunzwe cyane zirimo iyitwa Umukiza Yatuvukiye, Uwo Mwami Ari He? Joro Ryiza, Malayika n’Abashumba.

Chorale de Kigali yashinzwe ku wa 15 Kanama 1966. Yashinzwe n’abagabo b’abahanga mu muziki bari barasoreje amashuri yabo muri za Seminari Nkuru n’ayandi mashuri y’abamisiyoneri.

Bamwe mu bayitangije barimo Professeur Paulin Muswahili, Saulve Iyamuremye, Matthieu Ngirumpatse, Célestin Nkaka, Henry Nzajyibwami, na Claver Karangwa.

Mu ntangiriro y’umwaka wa 1966, yari igizwe n’abagabo gusa. Abagore baje kwemererwa kwinjiramo bwa mbere mu mwaka wa 1987, bituma igira amajwi y’urusobe mu buryo bwuzuye arimo ‘Soprano, Alto, Tenor, Bass’.

Mu 1978, yaririmbye mu birori by’isabukuru y’imyaka 50 y’Ubusaserdoti bwa Musenyeri Aloys Bigirumwami.

Mu 1988, nibwo basohoye Album yabo ya mbere y’amajwi nyuma y’imyaka 22 ivutse, yakorewe muri Studio ya Kinyamateka Saint Paul.

Ku wa 10 Nzeri 1990, yaririmbye mu gitambo cya Misa ubwo Papa Yohani Pawulo wa II yasuraga u Rwanda.

Ubu iyi Korali ifite icyicaro kuri Paruwasi ya Cathedrale Saint Michel i Kigali, kandi yizihiza isabukuru yayo buri ku wa 15 Kanama ku munsi w’Ijyanwa mu Ijuru rya Bikira Mariya.

Kuva mu mwaka wa 2013, Chorale de Kigali yamenyekanye cyane mu gushyiraho igitaramo gikomeye cyitwa "Christmas Carols Concert" kiba buri jororo rya Noheli, kigahuza abakunzi b’umuziki benshi muri Kigali.

Kuri uyu wa 10 Gicurasi 2026 iyi Korali irakirwa na KT Radio mu kiganiro Dunda Show aho bari buganire byinshi cyane birimo imyiteguro y’igitaramo cyayo cyiswe Voices in Harmony mu rugendo rwo kwizihiza imyaka 60.

Yabigarutseho ubwo yitabiriga umukino wiswe “Essuie tes larmes et tiens-toi debout” (bisobanuye ngo “Ihanagure amarira uhaguruke wemye”), wanditswe na Jean-Marie Vianney Rurangwa, ukinwa n’abahanzi barimo Lionel Sentore, Jali, Mugwaneza ndetse na Majyambere.

Uyu mukino werekanwe ku nshuro ya mbere muri Luxembourg ku bufatanye na Ibuka Luxembourg.

Iki gikorwa cyahuje abanyeshuri, Abanyarwanda batuye muri Luxembourg ndetse n’inshuti z’u Rwanda, mu mugoroba wihariye wo kwibuka, gutekereza no kwigira hamwe amateka n’indangagaciro z’ubumuntu.

Ambasaderi Mimosa yagaragaje ko uyu mukino utanga ubutumwa bukomeye, agira ati: “Muraduhamagarira gutekereza ku budaheranwa, agaciro ka muntu, ubushobozi bwo kongera guhaguruka nyuma y’icuraburindi n’imbaraga zo kubabarira."

Yakomeje agira ati: "Izi ndangagaciro zifite igisobanuro gikomeye mu muryango Nyarwanda kandi ni umurage w’agaciro tugomba gusigasira, guteza imbere no guhererekanya mu bisekuru bizaza.”

Ambasaderi Mimosa yavuze ko ubuhanzi bufite ubushobozi bwihariye bwo kugera ku mitima y’abantu no kubakangurira gutekereza byimbitse, asaba ko hakomeza gushyirwa imbaraga mu kwimakaza ubumwe, gushimangira ubwiyunge no gusigasira indangagaciro zihuza Abanyarwanda n’abandi bose.

Yanagarutse ku kamaro ko gusigasira umuco Nyarwanda no gukomeza kubaka umuryango ushingiye ku bwubahane, ubwumvikane gufatanyiriza hamwe n’amahoro.

Muri iki gikorwa, Porofeseri Alain Verhaagen yatanze ikiganiro cyimbitse ku mateka y’u Rwanda, agaruka ku bihe byabanjirije ubukoloni, igihe cyabwo ndetse n’ibihe byakurikiye Jenoside yakorewe Abatutsi mu 1994. Yagaragaje imizi n’impamvu zagejeje kuri Jenoside, anasobanura urugendo rutoroshye u Rwanda rwanyuzemo mu gushaka ubutabera, kwimakaza ubwiyunge no kongera kubaka Igihugu.

Ambasaderi Mimosa yasoje ashimira abahanzi ku mukino wabo unogeye ijisho kandi ukora ku mutima, abashishikariza gukomeza guteza imbere impano zabo no gukoresha ubuhanzi nk’igikoresho gikomeye cyo kwimakaza ubumwe, kwibuka no gufasha abantu kongera kugira icyizere cy’ejo hazaza.

Polisi yo mu gace ka Peel muri Ontario muri Canada yatangaje ko Geoffrey Wall w’imyaka 59 akurikiranyweho ibyaha birimo uburiganya no gukoresha inyandiko mpimbano, nyuma y’iperereza ryamaze amezi ane.

Abashinzwe umutekano bavuga ko hagati ya 2009 na 2025, Wall yaba yarakoze ingendo z’indege zirenga 900 z’imbere muri Canada n’izajya mu mahanga akoresheje ibyangombwa bituzuye.

Nubwo yari afite uruhushya rusanzwe rwemerera umuntu kuba umupilote w’indege z’ubucuruzi, ntabwo yari afite icyemezo cyo ku rwego rwo hejuru kizwi nka Airline Transport Pilot Licence (ATPL), gisabwa umuntu wese ushaka kuba kapiteni w’indege zitwara abagenzi.

Polisi ivuga ko Wall yaba yarabeshye Air Canada ndetse n’inzego zishinzwe iby’indege muri Canada ku bijyanye n’impamyabushobozi n’ibyangombwa bye mbere y’uko asezera ku kazi mu 2025.

Uyu mugabo akurikiranyweho ibyaha birimo uburiganya, gukoresha inyandiko mpimbano no gutunga ibirango byiganano.

Umuyobozi wa Polisi ya Peel, Nishan Duraiappah, yavuze ko iki kibazo gihangayikishije cyane kuko gishyira mu kaga icyizere abantu bafitiye urwego rw’indege n’umutekano w’abagenzi.

Yagize ati “Niba ibi byemejwe n’urukiko, bivuze ko abantu babarirwa mu bihumbi bashobora kuba baragiye mu ndege ziyobowe n’umuntu utari wujuje ibisabwa byose.”

Nubwo bimeze bityo, Air Canada yatangaje ko umutekano w’abagenzi utigeze uhungabana kuko abapilote bose basuzumwa buri mezi atandatu kandi bagakorerwa ibizamini by’umwaka kugira ngo harebwe ubushobozi bwabo bwo gutwara indege.

Iyi sosiyete yavuze kandi ko Wall yakoraga neza akazi ke kandi ko yajyaga atsinda amasuzuma yose yashyirwagamo.

Iyi gahunda izakorwa binyuze mu mushinga watangajwe kuri uyu wa kabiri n’Umuryango mpuzamahanga wo kurwanya no gukumira Jenoside (Aegis Trust) ku bufatanye bwa Guverinoma y’u Rwanda, Umuryango w’Abibumbye wita ku Burezi, Ubumenyi n’Umuco (UNESCO) n’abandi bafatanyabikorwa.

Ni umushinga ugamije gushimangira ubushobozi bw’uburezi ku nzibutso za Jenoside mu Rwanda, wiswe “Strengthening Educational Capacities at Rwanda’s Memorial Sites”.

Icyo ugamije ni ugufasha urubyiruko kumenya neza amateka ya Jenoside yakorewe Abatutsi, guhangana n’ingaruka zayo no kwiyemeza ko itazongera kuba ukundi.

Ubuyobozi bwa Aegis Trust, buvuga ko ku ikubitiro uzatangirira ku rwibutso rwa Jenoside rwa Kigali, Murambi, Nyamata na Bisesero, inzibutso zamaze gushyirwa mu murage w’Isi wa UNESCO, kugira ngo zirusheho gufasha abakiri bato mu gusubiza ibibazo buri wese yibaza kuri Jenoside.

Umuyobozi ushinzwe ibikorwa by’ubufatanyabikorwa muri Aegis Trust, Joel Benita Habiyambere, avuga ko abantu batungurwa na byinshi iyo bagiye gusura inzibutso, ariko hakiri icyuho cyane mu kubona icyo kubwira abakiri bato.

Yabivuze muri aya magambo “By’umwihariko abari mu myaka kuva kuri 12-18, hari ibibazo bibaza, ariko hari no kumva umuntu atiteguye ikiganiro kiri bube hagati ye n’umwana nyuma y’uko asuye urwo rwibutso."

Umuyobozi w’Ishami rishinzwe Politiki y’Uburezi muri MINEDUC, Dr. Rose Baguma, avuga ko uburezi ari imwe mu nkingi ikomeye yo kugira ngo abana bige amateka y’u Rwanda ariko bamenye kubana neza n’abandi uyu munsi n’ejo hazaza.

Umukozi wa UNESCO ushinzwe guhuza ibikorwa bijyanye no kubungabunga urwibutso n’amateka, Karel Fracapane, avuga ko uyu mushinga ugamije gushimangira ubushobozi bw’inzibutso kugira ngo zirusheho kuba ahantu hifashishwa mu burezi.

Yagize ati “Aha ni ahantu Jenoside yabereye, kandi inzibutso zifasha urubyiruko n’abandi bantu gusobanukirwa neza ukuri kwa Jenoside n’ibyabaye. Ibi birenze cyane amasomo asanzwe yo mu ishuri cyangwa kwiga amateka gusa, kuko inzibutso zifite uruhande rukomeye rw’amarangamutima, rutuma umuntu arushaho kwegera no kugira ubumuntu kubera ibyo abazize Jenoside banyuzemo. Ni yo mpamvu uyu mushinga ari ingenzi cyane.”

Mu gihe cy’amezi 10, icyiciro cyawo cya mbere kizamara, biteganyijwe ko uzagera ku barezi bari hafi y’izo nzibutso 56, barimo abafashamyumvire hamwe n’abanyeshuri barenga 1500. Nyuma yaho uzagezwa no ku zindi nzibutso n’ibigo by’amashuri byo hirya no hino mu gihugu.

Minisitiri Sebahizi Prudence wagejeje ku Nteko Ishinga amategeko, gahunda ijyanye n’iterambere ry’inganda ya 2024-2034, kuri uyu wa kabiri tariki 9 Kamena, yasobanuye ibijyanye n’uruganda rukora indodo zikorwa n’udusimba tw’amagweja rumaze igihe rudakora.

Minisitiri Sebahizi yasobanuriye Abadepite ko urwo ruganda ruri mu Rwanda, ariko rukaba rwarakoreshwga n’Abanya-Koreya y’Epfo. Nyuma y’uko abo bashoramari basubiye iwabo kubw’impamvu zabo bwite, imirimo y’uruganda nayo yahise ihagarara.

Yagize ati, “ Abo banya-Koreya y’Epfo bamaze gusubira iwabo ku mpamvu zabo bwite, uruganda rwarahagaze, kandi buriya ziriya ndodo za silk zikorwa n’amagweja, ni zo ndodo za mbere nziza zibaho mu bijyanye n’inganda zikora imyenda…”.

Minisitiri Sebahizi yemeza ko kubera akamaro urwo ruganda rufite cyane cyane ku nganda zikora imyenda, ubu Minisiteri y’ubucuruzi n’inganda (MINICOM), irimo itegura uko yashaka abandi bashoromari bafata urwo ruganda, bagakomeza gutunganya izo ndodo.

Ibyo ni kimwe n’uruganda rutunganya ifitiriti z’ibirayi (chips) rwubatswe mu Karere ka Nyabihu, Abadepite bagaragaje ko kugeza ubu, ntacyo rukora, ku buryo umuntu yakwibaza niba rwarashyizweho nta nyigo ikwiye yabanje gukorwa cyangwa se niba hari ikindi kibazo cyabayeho.

Kuri icyo kibazo Minisitiri Sebahizi yavuze ko hari gahunda ihari yo kugira ngo urwo ruganda rutangire gukora ibyo rwari rwaragenewe gukora, ndetse rutange umusaruro rwari rutegerejweho.

Ni ubutumwa BK Arena ishyize ku mbuga nkoranyambaga zayo, nyuma y’uko itsinda rya UB40 ft Ali risoje igitaramo cy’amateka ryakoreye mu Rwanda. Gusa izo mpamvu zatumye Boukuru ataririmba ntizatangajwe.

BK Arena yashimye byimazeyo Boukuru ku bw’ubunyamwuga bwe n’umuhate yagaragaje mu gihe cyose yamaze ategura iki gitaramo, kandi ko bateganya kongera gukorana na we mu gihe cya vuba.

Bashimiye kandi buri wese witabiriye ijoro ridasanzwe ry’umuziki wa Reggae w’itsinda rya UB40 ft Ali mu birori byabereye muri BK Arena.

Mu mpera za Gicurasi, nibwo byatangajwe ko ariwe umuhanzi Boukuru ari we Munyarwanda rukumbi watoranyijwe mu bazataramana n’Itsinda rya UB40 Ft Ali Campbell.

Uretse Boukuru kandi ku rutonde rw’abasusurukije abatabiriye iki gitaramo harimo, DJ Infinity, Nicolas Peks na Nep DJs, mu gihe iki gitaramo cyayobowe na MC Sonia na MC Michel.

Iri tsinda ryari riyobowe na Rogelio Romero, uhagarariye YPO Gold Panama akaba n’Umuyobozi Mukuru wa Concretex Panama. YPO ni umuryango mpuzamahanga uhuza abayobozi barenga ibihumbi 38 b’ibigo by’ubucuruzi n’inganda, ukorera mu bihugu birenga 130 ku isi

Mu biganiro bagiranye, hibanzwe ku rugendo rw’iterambere u Rwanda rumaze kugeraho mu myaka ishize, cyane cyane mu guteza imbere ubukungu n’imibereho myiza y’abaturage. Hanagarutswe ku gushimangira ubufatanye mu by’ubukungu n’ubucuruzi hagati y’u Rwanda na Panama, hagamijwe guteza imbere ishoramari rishingiye ku bufatanye bw’ibihugu byombi.

Uru ruzinduko rw’aba bayobozi bo mu rwego rwo hejuru rugaragaza uburyo u Rwanda rukomeje kuba igicumbi cyiza cy’ishoramari n’ubufatanye mpuzamahanga, cyane cyane mu rwego rw’abikorera ku giti cyabo n’abashoramari baturuka hirya no hino ku isi.

Mu 2003, Young Presidents Organization (YPO) yahaye igihembo Perezida Kagame, cyitwa Global Leadership Award, kubera imiyoborere yahinduye ubuzima bw’Abanyarwanda, ibyo bikagaragarira ku kwimakaza amahoro ndetse n’ikigero cy’iterambere mu bukungu n’imibereho myiza yabagejejeho.

Charles w’imyaka 25 y’amavuko, ni myugariro wo mu mutima w’ubwugarizi uhengamira iburyo ndetse akaba akinira ikipe y’igihugu Chad bihoraho kuva tariki 23 Ugushyingo 2023.

Amakuru agaragara ku rubuga rwa murandasi rwa transfermarket agaragaza ko Charles yari yageze muri Casric Stars FC muri Mutarama 2025 avuye muri CR Bernousi yari yaragezemo mu mpeshyi ya 2024.

Casric Stars FC uyu musore yakiniraga, mu mwaka w’imikino wa 2025-2026 yabaye iya kane muri shampoyona y’icyiciro cya kabiri mu gihe 2024-2025 yari yabonye itike yo gukina imikino ya kamparamaka yo kuzamuka mu cyiciro cya mbere gusa itabonyemo itike.

Iki kibazo, Minisitiri Sebahizi yacyumvise, ariko yereka abadepite aha harimo akazi kenshi, kandi gahenze ko kubihagarika.

Icyo avuga, nuko "ushaka guhagarika igihangano cye ngo kitiganwa, agomba kucyandikisha ku isoko gicuruzwaho n’abo bakiganye. Aha rero, byasaba kujya kucyandikisha mu Bushinwa, kandi birahenda cyane."

Icyakora, Minisitiri yavuze ko kwandikisha igihangano mu Karere u Rwanda rurimo byo biroroshye kubera amategeko agenda isoko ry’Akarere.

No kwandikisha igihangano muri Afurika na byo ngo birashoboka kubera AfCFTA, isoko rusange rya Afurika.

Yagize ati "No mu Bushinwa byashoboka, ariko ibyo byasaba ko abahanzi bishyira hamwe, bigakorerwa hamwe kuko birahenze. Ni ngombwa kureba ahacururizwa igihangano ushaka guhagarikisha, ukaba ari ho ujya kucyandikisha."

Izi ntumwa ziherekejwe n’abayobozi bo muri Kaminuza ya Somalia (Somali National University), zakiriwe kandi n’ubuyobozi bukuru bw’Ikigo cy’ u Rwanda gishinzwe guteza imbere ubufatanye.

Gahunda y’uru ruzinduko izibanda ku kungurana ibitekerezo no gusangira ubumenyi hagati y’izi nzego, cyane cyane ku bufatanye na Kaminuza y’u Rwanda binyuze mu Kigo cyita ku masomo ajyanye no gukumira amakimbirane. (Center for Conflict Management). Ibiganiro bizibanda ku buryo bwo guteza imbere amasomo ajyanye n’amahoro n’ubwiyunge.

Hateganyijwe kandi n’biganiro byo ku rwego rwa tekiniki bizagaruka ku buryo bw’imyigishirize, itegurwa rya gahunda z’amasomo, ndetse no gushyiraho ubufatanye bukomeye mu rwego rw’uburezi.

Ibi bigamije gufasha mu kubaka ibihugu byanyuze mu makimbirane, binyuze mu kongerera imbaraga inzego z’uburezi n’iterambere rirambye.

Uru ruzinduko rugaragaza ubufatanye bukomeje gukura hagati y’u Rwanda na Somalia, by’umwihariko mu bijyanye no kubaka amahoro, ubwiyunge, no guteza imbere inzego za leta n’uburezi.

U Rwanda na Somalia bisanzwe bifitanye umubano ishingiye ku masezerano atandukanye y’ubufatanye harimo ayo kurwanya ibyaha byambukiranya imipaka, kurwanya iterabwoba n’ibikorwa by’imitwe yitwaje intwaro no kurwanya icuruzwa ry’abantu.

Ibi bihugu kandi byifatanya mu kurwanya ibyaha by’ikoranabuhanga, ikwirakwizwa ry’intwaro nto rinyuranyije n’amategeko, guhanahana amakuru no gusangira ubunararibonye hagati ya Polisi no guteza imbere amahugurwa no kubaka ubushobozi.

Sebahizi, Minisitiri w’Ubucuruzi n’Inganda yabivuze atangaza politiki y’imyaka icumi y’inganda mu Rwanda mu Nteko Ishinga amategeko.

Uru ruganda rukora iby’ubucukuzi bw’amabuye y’agaciro, bamaze kubona ko rutabonye abo bakozi rukeneye, ngo barwemereye kubashaka hanze y’igihugu.

Aha ni ho yagize ati "Igihe uruganda rwatubwiye gahunda yarwo, rukatwereka lisiti y’abakozi tugasanga hano badahari, tubemerera kubashaka hanze, ariko natwe tugahita dushyiraho gahunda yo kwigisha izo programu nshya zitabonetse mu Rwanda."

Ibi Minisitiri yabuivuze yerekana ko mu Rwanda, uruganda ruhabwa uburenganzira bwo gukora rumaze kwerekana umubare w’Abanyarwanda ruzaha akazi, kandi bikanagenzurwa.

Icyakora, ngo iyo babonye mu Rwanda imirimo uruganda rushaka gutanga nta bayishobora, babemerera kubashaka hanze.

Umudepite Bakundufite Christine wabajije iki kibazo, yahereye ku kibazo cy’uruganda rukora ibikomoka ku mpu rwavanywe mu Bugesera, rukaba rugomba kuzubakwa ahandi.

Uru ruganda, ngo rwimuwe kuko byagaragaye ko bishobora kuzateza ibisiga, kandi icyo kikaba gishobora guteza impanuka ku ndege zizakoresha iki kibuga.

Yagize ati "Ese mwaba mwarize neza mureba niba nta zindi nganda zishobora guteza ibibazo ku kibuga cy’indege? Hariya mu Bugesera, hari uruganda rutunganya inyama. Ese urwo rwo ntirwateza ibisiga byabangamira ikibuga cy’indege?"

Minisitiri yavuze ko ikibazo gihari mbere na mbere ni ikijyanye n’ikoranabuhanga ritangiza ibidukikije.

Yavuze ko ibikoreshwa mu nganda z’impu ni uko ibiva mu nganda z’impu ari uburozi. Yavuze ko ubu mu gukemura iki kibazo, bazashyiraho ikitwa tenery park, cyangwa se icyanya cy’inganda z’impu.

Mu Bugesera rero ngo bari babonye aho zashyirwa, ariko ku bijyanye no kubungabunga ibidukikije basanga bidashoboka.

Agira ati "Nyuma yo kubona Bugesera bidakunze, twashatse ahandi hatatu, ubu tugeze mu Karere ka Gicumbi, kandi nabwo tubonye hari ikibazo twahareka. Icyiza nuko uburyo bwo gushaka iki cyanya ari Leta ibikora, ikazabona gushaka umushoramari tumaze kubona ahantu hakwiriye."

Nzoia Suar, uruganda rucungwa na RAI, ari na we mushoramari u Rwanda rushaka ko aza mu Rwanda

Minisitiri Prudence Sebahizi yabivugiye mu kiganiro yatangiye mu Nteko ishinga amategeko, umutwe w’abadepite, aho yavugaga politiki ya Leta y’inganda y’imyaka icumi 2024-2034.

Sebahizi yavuze ko uruganda rw’isukari rwa Kabuye, rudashoboye guhaza isoko ryo mu gihugu, kuko inganda zikenera isukari zigenda ziyongera, ndetse n’abayikoresha mu ngo bakaba bagenda biyongera.

Kabuye ubu ngo iri gutanga munsi y’icumi ku ijana byisukari igihugu gikeneye.

Minisitiri Sebahizi agira ati "ikibazo si ukugabanuka kw’iyo uruganda rutanga, ahubwo ikibazo nuko umusaruro rutanga utigeze wiyongera, kandi abakenera isukari bo bakiyongera."

Kuri ibi rero, Sebahizi yavuze ko bakeneye inganda byibuze ebyiri cyangwa eshatu nshya, kugira ngo baze bunganire urwa Kabuye.

Yagize ati "Turimo turavugana n’abandi bashoramari, baza tukabaha imirima bahingamo ibisheke, maze bagatanga isukari isoko ryacu rikeneye. Muri iyi minsi, turimo kuvugana n’uruganda rw’Isukari rwo muri Kenya rwitwa RAI kugira ngo ruzaze kubaka uruganda mu Rwanda."

Uru ruganda, ngo rwasabye hegitari ibihumbi cumi na kimwe byo kubakaho no guhingaho ibisheke bizakoreshwa mu ruganda, kandi ngo zabonetse mu Mutara.

Sebahizi yagize ati "Ni uruganda rufite ikoranabuhanga dukeneye. Uretse isukari, ruzaduha n’ingufu z’amashanyarazi, green energy biturutse mu mirimo yarwo. Ikindi, ruzaduha na Ethanol ikenerwa mu gukora inzoga."

Aha, ku kamaro k’uruganda, no kuba rushobora kuzaba ruhenze, Sebahizi yasubizaga depite Tumushime wagaragaje impungenge ko ubutaka buzaba bucye, kandi bukenewe n’ibindi bihingwa.

Sebahizi yavuze ko harimo inyungu nyinshi kurusha ibibazo. Uru ruganda icyakora, ngo ntiruzaboneka mbere y’imyaka ine.

Sebahizi, yavuze ko isukari ari igicuruzwa gihenze cyane, aho yavuze ko nyuma y’ibikomoka kuri Peteroli, igicuruzwa gitumizwa hanze gitwara menshi ari isukari.

Mu mwaka wa 2025, u Rwanda rwatumije hanze toni 195,610 z’isukari, zifite agaciro ka miliyoni 145 z’amadolari ya Amerika (Miliyari 212 Frw uyu munsi).

Mu mwaka wa 2024, igihugu cyari cyatumije hanze toni 308,000 z’isukari, zifite agaciro ka miliyoni 238 z’amadolari (hafi miliyari 348 Frw). Isukari yari iya gatatu mu bicuruzwa byatumijwe hanze bifite agaciro kanini nyuma ya lisansi na rizikori.

Umuyobozi w’Akarere ka Nyaruguru, Dr Emmanuel Murwanashyaka, ashimangira iki gitekerezo avuga ko i Kibeho huzuye Hotel de Kibeho yubatswe na Kiliziya Gatolika irimo ibyumba 35, muri byo hakaba harimo n’ibyakira abanyacyubahiro (VIP na VVIP). Kuyubaka byatwaye amafaranga abarirwa muri miriyari ebyiri na miriyoni magana abiri.

Pacis Hotel y’ababikira b’Abenebikira na yo iri kwagura aho kwakirira abakerarugendo ku buryo ku byumba 36 n’uburiri 68 biri mu byumba rusange (dortoirs) bari basanganywe haziyongeraho ibyumba bishobora kwakira abantu babarirwa muri 200.

Hotel de Kibeho...

Sr Marie Emilienne Umutesi uhayobora agira ati "Twubatse ibyumba 46 harimo n’ibirimo ibitanda bibiri. Twubatse n’ibyumba rusange bishobora kwakira abantu barenze 120. Ibyo byumba rusange, kimwe gishobora kwakira abantu batandatu bitewe n’uko biyemeza kurara hamwe. Buri cyumba kandi kiba kirimo n’ubwiherero n’ubwogero."

Yongeraho ko ibyo byumba bubatse bikikijwe n’ubusitani umuntu ushaka gusenga ashobora kwicaramo hanyuma akihererana n’Imana. Mu byumba rusange kandi ngo harimo ibitanda bitagerekeranye.

Kuyubaka byatwaye miriyari na miriyoni magana inani by’Amafaranga y’u Rwanda.

Meya Murwanashyaka yongeraho ko hari n’andi macumbi ari kubakwa harimo aherereye i Nyarushishi na Guest House ya EAR.

Ngo hari n’abandi bari kugenda bagaragaza ubushake bwo kubaka amacumbi harimo n’abajyanama b’ubuzima ubu bari gushaka ibyangombwa byo kubaka.

Raporo y’iki kigo y’umwaka ushize, ku bijyanye n’ubuzima n’imibereho (Rwanda Vital Statistics Report 2025) igaragaza ko indwara zitandura zirimo umutima, diyabete na kanseri zihariye 49.5% by’impfu zose zabereye mu mavuriro yo mu Rwanda mu mwaka wa 2025.

Imibare ya NISR igaragaza ko hagati ya 2019 na 2025, impfu ziterwa n’indwara zandura zagabanutse cyane, ziva kuri 70% mu 2019 zigera kuri 40% mu 2025.

Mu gihe nk’iki (2019-2025), indwara zitandura zo zarazamutse ziva kuri 27.9% zigera hafi kuri kimwe cya kabiri cy’impfu zose.

Iyi mibare igaragaza impinduka zikomeye mu rwego rw’ubuzima mu Rwanda, aho igihugu cyagiye kigabanya indwara zandura nka malaria, igituntu na VIH/SIDA, ariko hakiyongera indwara zituruka ku mibereho n’imirire.

Abahanga mu buzima bavuga ko kwiyongera kw’indwara zitandura guterwa ahanini n’imibereho irimo kurya ibiribwa birimo amavuta n’isukari nyinshi, kudakora siporo, kunywa inzoga n’itabi, ndetse n’umuhangayiko ukobaje (stress).

NISR igaragaza kandi ko impfu zituruka ku mpanuka n’imvune, na zo zikomeje kwiyongera buhoro buhoro, aho zavuye kuri 2.1% mu 2019 zikagera kuri 10.5% mu 2025.

Ni urubanza ruteganyijwe mu Rukiko Rukuru rwa Kigali, ku wa 15 Kamena.

Kalisa Adolphe aregwa n’Ubushinjacyaha ibyaha bibiri byo kunyereza umutungo no gukoresha inyandiko mpimbano bifitanye isano n’urugendo Ikipe y’Igihugu Amavubi yagiriye muri Nigeria mu 2024 bigakekwa ko yanyereje agera ku bihumbi 21$ by’Amadolari ya Amerika(Miliyoni 30.7 Frw) mu gihe yari Umunyamabanga Mukuru wa FERWAFA.

Yatawe muri yombi ku wa 4 Nzeri 2025 maze tariki 29 Nzeri uwo mwaka Urukiko rw’Ibanze rwa Gasabo rutegeka ko afungwa iminsi 30 y’agateganyo kuko urukiko rwabonye ko hari impamvu zikomeye zituma akekwaho ibyaha akurikiranyweho.

Yahise ajuririra iki cyemezo, maze tariki ya 21 Ugushyingo 2025 Urukiko Rwisumbuye rwa Gasabo rutegeka ko akomeza gufungwa iminsi 30 y’agateganyo rugaragaza ko rutahaye ishingiro ubujurire bwe.

Umuganga w’indwara z’amaraso Dr Uwizeyimana Gilbert, iby’indwara yitwa kwipfundika gukabije kw’amaraso(thrombosis) abisobanura agira ati ,” Iyo habayeho ikibazo mu buryo buanzwe bwo kuvura kw’amaraso ‘hemostasis’, nibwo umuntu ashobora kugira ikibazo amaraso akavura bikabije. Ni ukuvuga ngo cya kindi cyari gihari cyo kuvura bisanzwe, kigakabya. Nk’uko ku rundi ruhande, iyo habayeho igituma amaraso ava bikabije,iyo bya bindi bituma amaraso avura bitagenze neza nanone, umuntu noneho arava bikabije…”

Dr Uwizeyimana yasobanuye ko kwa muganga iyo bavuze kuva kw’amaraso, bidasobanura gusa amaraso ava bikagaragara hanze, ahubwo ngo mu gihe amaraso atembera mu mutsi, hari ubwo awukobora, ugatangira kuviramo imbere muri wo bitagaragara hanze. Icyo gihe rero, kimwe n’uko bigenda igihe itiyo y’amazi itobotse amazi agatangira kumeneka, uko umuntu yihutira gusa n’uyifunga, cyangwa kuyihoma ngo amazi areke kuva, ni ko n’umutsi ubigenza iyo harimo uko kuva muri wo.

Ubundi mu mikorere, umutsi usa n’uwifunga, hanyuma ibyitwa ‘plaquettes’ biba mu maraso bikaza guhoma aho harimo kuva mu mutsi, ariko kuva byamara guhagarara, ibyo byari byaje guhoma ahava bigasubira gutembera mu maraso uko bisanzwe.

Ku muntu ufite ikibazo cy’amaraso yipfundika rero, we ibyo bije guhoma aho umutsi wakobotse ugatangira kuvira imbere muri wo, birirunda bikaba byinshi n’igihe kuva byahagaze, bigakomeza kwirunda bikaba byinshi bikarangira umutsi uzibye ntiwongere gutembereza amaraso uko bikwiye, ubwo indwara yo kwipfundika kw’amaraso ikaba iratangiye. Hari n’ubwo ibyo byari byirunze hamwe, bicika bikava aho byari biri, bikajya gufunga umutsi ahandi atari aho byatangiriye kwirunda, ibyo nabyo bikabyara kwipfundika kw’amaraso aho byagiye gufunga.

Dr Uwizeyimana avuga ko indwara yo kwipfundika kw’amaraso igira ibimenyetso, birimo kubabara, bijyanye n’aho amaraso yipfunditse niba ari ku maguru, hakababara, hakabyimba ariko hakanashyuha. Nubwo iyo ndwara ikunze gufata ku maguru ariko no mu bindi bice irahafata, nko mu nda, nabwo bikajyana no kubabara mu nda…

Yasobanuye ko mu gihe iyo ndwara yo kwipfundika kw’amaraso yafashe umwe mu mitsi ijyana amaraso mu mubiri, ngo kiba ikibazo gikomeye cyane, kubera ko umumaro w’iyo mitsi ni ukujyana amaraso ari ko n’umwuka wa ‘oxygene’, iyo wipfunditsemo amaraso, igice wagemuriraga gitangira kugira ikibazo cyo kuma, kikaba umukara, bikaba bishobora no kurangira urugingo runaka ruciwe, iyo ari urugingo rushobora kucibwa. Iyo hari igice cy’ubwonko cyagaburirwaga n’uwo mutsi wazibye, icyo gice cy’ubwonko nacyo kirapfa, hanyuma umuntu agatangira kugira ‘stroke’. Iyo icyo kibazo cyo kwipfundika kw’amaraso cyabaye mu bihaha, icyo gihe bwo bijyana no gutangira guhumeka nabi.

Dr Uwizeyimana yemeza ko iyo ndwara, ubusanzwe ivurwa igakira, cyane cyane iyo itafashe ahantu habi nko mu mutwe, mu gatuza n’ahandi, kuko umuntu wagize icyo kibazo, ajya kwa muganga bakamupima, bakamenya aho amaraso yipfundikiye, hanyuma agahabwa imiti ituma amaraso atongera kuvurira mu mitsi, ariko ikanashongesha ayamaze kwipfundika, ku buryo mu mezi atandatu nibura, ikibazo kiba cyarangiye.

Mu gihe icyo kibazo cy’amaraso avura bikabije cyabereye ahantu hashobora gutera urupfu nko mu bihaha, mu gatuza cyangwa se mu mutsi ujyana ku bwonko, icyo gihe ubuvuzi bwo bukorwa mu buryo bwihutirwa nta gutegereza, umuntu agahabwa imiti ijya gushwanyuza ayo maraso yipfunditse, kugira ngo gutembera kw’amaraso kongere kugenda neza.

Dr Uwizeyimana agira inama abantu ko bakwiye kujya bipimisha, mu gihe bazi ko mu muryango harimo uwigeze kugira icyo kibazo cy’indwara y’amaraso yipfundika, kuko akenshi iyo ndwara ikunze kuza ari uruhererekane (genetic exposure). Ikindi agira inama abantu yo guhora baharanira kugira ubuzima buzira umuze, bakirinda indwara zitandura, zirimo diyabete, umuvuduko w’amaraso ukabije, umubyibuko ukabije ujyana n’ibinure bibi bya ‘cholesterol’ kuko byose byongera ibyago byo kugira iyo ndwara yo kuvura gukabije kw’amaraso. Ikindi ni ukwirinda itabi kuko ryongera ibyago cyane, ndetse no gukora imyitozo ngororamubiri.

Uyu mugabo w’imyaka 67 y’amavuko arajuririra igihano cy’igifungo cy’imyaka 27 yakatiwe mu Ukwakira 2024, nyuma yo guhamwa n’ibyaha bya Jenoside, ubufatanyacyaha muri Jenoside ndetse n’ibyaha byibasiye inyokomuntu byakozwe mu gihe cya Jenoside yakorewe Abatutsi mu 1994.

Iri buranisha rishya rije hashize hafi imyaka ibiri Urukiko rwa Rubanda rw’i Paris rumuhamije ibyaha byinshi bifitanye isano n’ubwicanyi bwakorewe mu cyahoze ari Perefegitura ya Butare.

Umunyamategeko Richard Gisagara, yavuze ko muri uru habanza, rugiye kuburanishwa kuri uyu wa Kabiri mbere yo gutangira habanza hagategurwa abantu b’inyangamugayo 9 bagize akanama nkemurampaka (jury) hakumvwa ibitekerezo byabo byamara kwakirwa bakaba aribo bitabira iburanisha.

Ati “Hiyongereyeho n’abacamanza b’umwuga batatu ndetse barimo na Perezida w’urukiko inteko yose ikaba igizwe n’abantu 12”.

Me Richard Gisagara avuga ko uru rubanza rutazoroha kuko usanga Dr Rwamucyo Eugene agifite ingengabitekerezo ya Jenoside ndetse ukabona asa nkuwifitemo ingengabitekerezo yo guhakana ko Jenoside yabaye nubwo atabivuga abyeruye kuko akenshi akunze gukoresha imvugo izimije.

Gutanga ubutabera kuri Dr Rwamucyo byafashe igihe kirekire

Izina rya Dr Rwamucyo rimaze imyaka myinshi rigaragara mu manza zitandukanye zijyanye na Jenoside yakorewe Abatutsi. Ku wa 2 Nzeri 2009, urukiko Gacaca rwa Ngoma, mu karere ka Huye k’ubu, rwamukatiye adahari igifungo cya burundu.

Yari yarahamijwe ibyaha birimo gushinga no gushyigikira imitwe y’abicanyi, gutanga ibikoresho byakoreshejwe mu bwicanyi ndetse no kugira uruhare mu gushimuta abagore n’abakobwa b’Abatutsi bakabakorera ihohoterwa rishingiye ku gitsina.

Nyuma yo guhungira mu Bufaransa, yakoraga umwuga w’ubuganga mu Bitaro bya Sambre-Avesnois biherereye i Maubeuge. Icyakora, amasezerano y’akazi ye yahagaritswe mu 2010, nyuma y’uko ubuyobozi bw’ibi bitaro bumaze kumenya umwirondoro we n’ibirego yashinjwaga.

Nyuma y’amezi make, muri Gicurasi 2010, yatawe muri yombi i Paris ubwo yari yitabiriye umuhango wo gushyingura Jean-Bosco Barayagwiza.

Nyuma y’imyaka 14 hatangiye gutangwa ubutabera n’ibyemezo bitandukanye byafashwe n’inkiko, ubuyobozi bw’u Bufaransa bwaje gufata icyemezo cyo kumuburanisha.

Abamwunganira ntibishimiye igihano yahawe

Mu rubanza rwe rwa mbere, abatangabuhamya batandukanye bashinje Dr Rwamucyo kugira uruhare muri Jenoside yakorewe Abatutsi i Butare. Umwe muri bo yavuze ko yumvise uregwa ashishikariza Interahamwe kongera ubukana bw’ubwicanyi kuri bariyeri yari iri hafi y’urugo rwa Pauline Nyiramasuhuko, wahoze ari Minisitiri w’Umuryango muri Guverinoma yiyise iy’Abatabazi icyo gihe.

Ku wa 30 Ukwakira 2024, Urukiko rwa Rubanda rw’i Paris rwamuhamije ibyaha bya Jenoside, kugira uruhare mu mugambi wo gutegura Jenoside ndetse n’ibyaha byibasiye inyokomuntu, rumukatira igifungo cy’imyaka 27.

Iki gihano nticyashimishije uruhande rw’uregwa, rwifuzaga ko agirwa umwere, ndetse nticyanashimishije ubushinjacyaha bwari bwasabye ko yakatirwa imyaka 30 y’igifungo. Impande zombi zahise zijurira hakurikije uburyo buteganywa n’amategeko.

Mu iburanisha ryabanje, Dr Rwamucyo yemeye ko yatanze amabwiriza yo gushyingura imibiri y’abazize Jenoside, ariko avuga ko yabitewe gusa n’impungenge z’ubuzima rusange n’ibidukikije. Yahakanye yivuye inyuma ko yaba yarategetse gushyingura abantu bakiri bazima cyangwa kugira uruhare mu mugambi uwo ari wo wose wo gutsemba Abatutsi.

Urubanza rw’ubujurire

Urubanza rw’ubujurire ruteganyijwe kwibitarwa n’abatangabuhamya 69 barimo ab’ubwunganizi n’ab’Ubushinjayacyaha, abaregera indishyi, n’inzobere.

Muri iki cyiciro gishya cy’urubanza, Dr Rwamucyo yahinduye cyane itsinda ry’abamwunganira. Abanyamategeko bari baramwunganiye mu rubanza rwa mbere, Me Philippe Meilhac na Me Françoise Marthe, ntibongera kumuburanira.

Amakuru atandukanye avuga ko gutandukana kwabo kwabaye nyuma y’icyemezo cyamukatiye mu 2024.

Ubu arunganirwa n’itsinda rigizwe n’abanyamategeko barindwi ari bo Me Daniel Fellous, Me Raphaël Constant, Me Salomé Cohen, Me Parvez Dookhy, Me Jean-Christophe De Block, Me Michèle Siari na Me Jean-Baptiste Harelimana.

Uyu mukino wahuje New York Knicks na San Antonio Spurs, ukaba ari wo wa mbere w’iri rushanwa ukiniwe i New York mu myaka myinshi ishize, ibintu byari bitegerejwe cyane n’abakunzi ba Basketball muri Leta Zunze Ubumwe za Amerika.

Trump abaye Perezida wa mbere uri ku butegetsi witabiriye umukino wa NBA Finals, igikorwa cyatumye amaso yose y’abakunzi ba Basketball ku Isi yerekeza i New York, igikorwa cyahise gishyira izina rye mu mateka ya Siporo n’imiyoborere.

Uyu mukino wa Gatatu muri irindwi amakipe yombi azakina kugira ngo hamenyekane itwara igikombe, warangiye ikipe ya San Antonio Spurs ibonye intsinzi yayo ya mbere nyuma yo gutsinda New York Knicks amanota 115 ku 111. New York Knicks iyoboye n’intsinzi 2-1.

Perezida Trump ntabwo yari wenyine, kuko yari kumwe n’abayobozi bakuru barimo Minisitiri w’Umutungo Kamere, Doug Burgum, umuyobozi w’Ikigo gishinzwe kurengera ibidukikije (EPA) Lee Zeldin, Minisitiri w’Ubwikorezi Sean Duffy, ndetse n’abandi barimo Kai Trump na Jared Kushner.

Uretse kuba wari umukino ukomeye, iki gikorwa cyanagaragaje uburyo siporo ishobora guhuza abayobozi n’abaturage ndetse byanongereye NBA Finals ubukana n’icyubahiro ku rwego mpuzamahanga.

Abafana ba Knicks bishimiye kongera kwakira umukino wa nyuma w’iri rushanwa i New York nyuma y’igihe kinini, mu gihe aba Spurs bo bari baje bashaka intsinzi no guhatanira igikombe dore ko imikino ibiri ibanza bari bayitsinzwe.

Ibi byose byatumye uyu mukino uba umwe mu yagarutsweho cyane, bitari ku bw’imikinire gusa, ahubwo no ku bw’amateka mashya yanditswe n’uwawitabiriye.

Ibi uru ruganda rwabitangarije mu itangazo rigenewe itangazamakuru rwashyize hanze mu ijoro ryo ku wa 7 Kamena 2026, aho rwavuze ko amasezerano yo kuba umuterankunga mukuru wa Rayon Sports yatangiye muri Gicurasi 2014 yagannye ku musozo cyakoze ko imikoranire yo itarangiye ahubwo bashobora gukorana mu bundi buryo.

Muri iyi baruwa, uru ruganda rwavuze ko rwishimira imikoranire yaranze impande zombi mu myaka 12 bari bamaranye ndetse ko rufite ikizere cyo gukomeza gukorana n’ikipe ya Rayon Sports, ibisobanuye ko impande zombi zitatandukanye mu buryo bwa burundu.

Rayon Sports na Skol zirateganya kwinjira mu mikoranire mishya:

Mu cyumweru gishize, Kigali Today yabwiwe n’umwe mu bantu ba hafi mu nzego za Rayon Sports ko imikoranire y’impande zombi igiye guhinduka ariko atari ugutandukana burundu ahubwo hazahinduka imiterere y’amasezerano.

Ati "Tuzagurana imikoranire itandukanye niyo twari dufite."

Nyuma y’ibaruwa ya Skol yasohotse mu ijoro ryakeye kandi, Kigali Today yabwiwe n’undi muntu wo hejuru mu nzego za Rayon Sports ko batigeze batandukana burundu ko ahubwo hagiye guhinduka uburyo bw’imikoranire gusa.

Ati "Amasezerano yari ahari yarangije igihe cyayo. Ikiriho ni uko impande zombi ziyemeje kuganira kugira ngo zumvikane imikoranire mishya. Ibizaba bikubiyemo byumvikanuweho nabyo bizamenyekana vuba. Ntabwo rero habayeho gutandukana ahubwo ni ukuganira imikoranire mishya ifite inyungu ku mpande zombi."

Uwaduhaye amakuru kandi yakomeje avuga ko " Iyo abantu baganiriye bakemeranya ko amasezerano ya mbere yarangiye hakaba guhabwa ubusabe bushya ni ngombwa mu nyungu za buri ruhande ko habaho igihe cyo kubwigaho . Nicyo cyabaye kandi vuba icyavuyemo kizamenyekana."

Rayon Sports irongera gukodesha ikibuga cy’imyitozo cyangwa iraguma mu Nzove?

Ikipe ya Rayon Sports yari isanzwe ikoresha ikibuga cy’imyitozo yubakiwe na Skol mu 2017 ubwo hongerwaga amasezerano ku nshuro ya mbere cyikaba ikibuga ikipe y’abagore yakiriraho imikino yayo yose nacyo cyari kiri mu masezerano ariko mu biri kuganirwaho mu mikoranire mishya hakaba harimo kuba iyi kipe yakomeza kugikoresha.

Rayon Sports yakorana na Banki ya Kigali?

Mu gihe Rayon Sports itandukanye na Skol ku kuyibera umuterankunga mukuru, hamaze iminsi amakuru avuga ko iyi kipe imaze igihe kinini mu biganiro na Banki ya Kigali ndetse mu minsi micye ishize Kigali Today yakiriye amakuru yizewe ahamya ko nubwo batari basinyana ariko ibiganiro biri kugana ku musozo kandi biri no kugenda neza.

Ubwo Banki ya Kigali yasinyaga amasezerano yo kwitirirwa Shampiyona y’Icyiciro cya Mbere mu tariki 24 Mata 2026, Umuyobozi Mukuru wayo Dr. Diane Karusisi akabazwa kuri aya makuru ntiyahakanye cyangwa ngo yemere ahubwo yavuze ko igihe nikigera bizavugwaho.

Ati "Uyu munsi turavuga BK Pro League ntabwo dushaka kuvanga amadosiye. Ibya Rayon Sports cyangwa n’andi makipe tuzavuga amakuru igihe cyageze kuko uyu munsi dushaka ko abanyamakuru bavuga BK Pro League gusa akaba ariyo abakunzi b’imikino bamenya."

Rayon Sports yasinyanye amasezerano na Skol bwa mbere tariki 15 Gicurasi 2014, yari afite igihe kingana n’imyaka itatu, aho yatangiye ibona ibona agera kuri miliyoni 47 Frw buri mwaka yanganaga n’ibihumbi 50 by’ama Euro icyo gihe ndetse n’ibikoresho byo gufasha iyi kipe.

Aya masezerano yavuguruwe mu 2017, 2020 ndetse na 2023 ari nayo yarangiranye n’umwaka w’imikino 2025-2026.

Muri Mata uyu mwaka, nibwo Guverinoma y’u Rwanda n’ubuyobozi bw’Ikigega Mpuzamahanga cy’Imari (IMF) byageze ku masezerano mashya agena iyi nguzanyo izakoreshwa mu myaka itatu n’amezi abiri (amezi 38). U Rwanda rukaba rwahise rwemererwa ako kanya miliyoni 35.7 z’amadolari y’Amerika angana na miliyari 52.229 z’Amafaranga y’u Rwanda.

Iyi nkunga ije ikenewe cyane mu gufasha gusigasira ubukungu bw’u Rwanda, yemejwe n’Inama y’Ubutegetsi y’Ikigega Mpuzamahanga cy’Imari (IMF) nyuma y’ubusabe bw’u Rwanda bwo guhabwa iyi nguzanyo binyuze muri gahunda yo kongera inguzanyo ku bihugu bikiri mu nzira y’Amajyambere.

Iyi nguzanyo u Rwanda rwemerewe na IMF, igamije kurufasha guhangana n’ihindagurika ry’imiterere y’urwego rw’imari ku Isi rukomeje guhungabana, mu gihe kandi Igihugu kiri guhangana no kuzamura ubukungu bwacyo, kurinda ingengo y’imari igenewe imibereho myiza y’abaturage n’iterambere, no kongera ubushobozi bwo guhangana n’ibibazo bibangamiye ubukungu.

IMF igaragaza ko ubukungu bw’u Rwanda bukomeje kwitwara neza, aho bwazamutse ku kigero cya 9.4% mu 2025, hejuru y’ibyari byitezwe. Icyakora, mu ntangiriro za 2026, izamuka ry’ibiciro ryariyongereye rikagera ku 13.2% muri Mata, rirenga intego ya Banki Nkuru y’Igihugu.

Ku rundi ruhande, ubucuruzi bw’u Rwanda kunisoko mpuzamahanga bwateye intambwe ikomeye mu mwaka ushize, bufashwijwe n’izamuka ry’ibyoherezwa hanze birimo ikawa n’amabuye y’agaciro. Icyakora, ibitimizwa hanze byinjira mu gihugu nabyo bikomeje kwiyongera, cyane cyane ibikoresho n’ibikenerwa mu ishoramari ry’imbere mu gihugu.

Intambara iri mu Burasirazuba bwo Hagati ni kimwe mu biteje impungenge ku hazaza h’ubukungu bw’u Rwanda, aho biteganyijwe ko izagabanya umuvuduko w’izamuka ry’ubukungu bwarwo bikagera munsi ya 6.8% mu 2026. Ibi bikaba ari ingaruka ry’izamuka ry’ibiciro by’ibikomoka kuri peteroli n’ifumbire ku isoko mpuzamahanga, ndetse n’ishoramari rinini mu mishinga y’ingenzi, bikomeje gushyira igitutu ku ngengo y’imari.

Gahunda ya ECF igamije gukomeza impinduka mu bukungu, gushyigikira politiki zihamye z’imari n’ubukungu, no kongera ubushobozi bwo guhangana n’ibibazo bikoma mu nkokora ubukungu.

Izibanda ku nkingi eshatu zirimo kunoza politiki z’ubukungu, kugenzura neza ingengo y’imari n’amadeni kugira ngo bidakoma mu nkokora iterambere ry’Igihugu, no guteza imbere ubukungu bushingiye ku bikorera hagamijwe iterambere rirambye, hongerwa no gukurikirana neza imikorere y’ibigo bya Leta.

Umuyobozi wungirije w’Inama y’Ubutegetsi ya IMF, yavuze ko ubukungu bw’u Rwanda bwakomeje kugaragaza imbaraga no kutajegajega nubwo bwanyuze mu bihe bikomeye by’ihungabana ry’ubukungu ku Isi.

Yagize ati: "U Rwanda rwagaragaje ubushobozi bwo gukomeza kwiyubaka binyuze mu mavugurura y’imiyoborere n’ubushishozi mu gufata ibyemezo, bikaba byarafashije Igihugu gukomeza kwihuta mu iterambere n’ubwo Isi yahuye n’imbogamizi zirimo izamuka ry’inyungu ku nguzanyo, igabanuka ry’imfashanyo mpuzamahanga n’ukwiyongera k’ubwoba ku isoko mpuzamahanga."

Yagaragaje ko nubwo ubukungu bw’u Rwanda bukomeje kugaragaza ishusho nziza, hakiri ibibazo by’izamuka ry’ibiciro ndetse n’ubusumbane bugaragara mu bucuruzi n’ibindi bihugu, bikaba bigaragaza ko hakiri imbogamizi zigomba kwitabwaho.

Bo Li yavuze kandi ko nubwo icyerekezo cy’ubukungu gitanga icyizere, hakiri ibyago bishobora kudindiza iterambere, bityo hakenewe gukomeza imbaraga mu gucunga neza politiki z’ubukungu no gukomeza ibikorwa byo kuvugurura imirimo ya Leta kugira ngo iterambere rirambye rikomeze kugerwaho.

IMF yavuze ko gahunda ya Extended Credit Facility (ECF), ishingiye ku bushake bukomeye bw’inzego za Leta no gukomeza gukorana n’abafatanyabikorwa mu iterambere mu gufasha Igihugu kugera ku mavugurura anoze.

Iyi gahunda ifatwa nk’inkingi y’ingenzi igamije gufasha mu gucunga neza ihindagurika ry’ubukungu, gukomeza gushyigikira amavugurura mu nzego z’imari ya Leta, no koroshya kubona inkunga n’ishoramari riturutse hanze.

IMF yavuze ko iyi gahunda izafasha u Rwanda gukomeza inzira y’iterambere, kugabanya ingaruka z’ihungabana ry’ubukungu, kandi rikomeza gutuma igihugu kigira ubushobozi bwo kubona andi mafaranga agifasha mu iterambere mu buryo burambye.

Urutonde rw’ibi bihugu ruriho Algeria, Azerbaijan, Botswana, Costa Rica, Guyana, Morocco Trinidad and Tobago ndetse na Senegal.

U Rwanda rufite amasezerano yitwa Bilateral Air Services Agreements (BASA) n’ibihugu byinshi ku isi, agamije korohereza indege gutwara abagenzi n’imizigo hagati y’ibihugu byombi.

Aya masezerano ni yo atuma nk’urugero indege za RwandAir cyangwa iz’ibindi bihugu zibasha gukora ingendo mpuzamahanga mu buryo bwemewe n’amategeko.

Nk’uko byatangajwe na Guverinoma y’u Rwanda, kugeza mu 2023 u Rwanda rwari rumaze gusinyana amasezerano ya BASA n’ibihugu 122.

Iserukiramuco mpuzamahanga rya Global Green Heroes Festival ryatangijwe ku mugaragaro n’umukinnyi wa filime Kayumba Vianney uzwi cyane nka Manzi, mu rwego rwo guteza imbere ubufatanye hagati y’ubuhanzi n’ibikorwa byo kubungabunga ibidukikije.

Manzi agaragaza ko guhuza ubuhanzi n’ibidukikije bizafasha mu kongera ubukangurambaga bugera kuri benshi, binyuze mu mafilime, umuziki, imbyino n’ubundi buryo bw’ubuhanzi bushobora gutuma ubutumwa bugera ku baturage mu buryo bworoshye kandi bushimishije.

Ati: "Iri serukiramuco riteganyijwe gukomeza kuba urubuga mpuzamahanga ruhuza abafite impano n’abashaka kugira uruhare mu kubaka ejo hazaza mu buryo burambye mu kurengera ibidukikije."

Uyu muhanzi wamenyekanye cyane muri sinema Nyarwanda, yakomeje agira ati: "Ubuhanzi bufite imbaraga zikomeye mu gutanga ubutumwa no guhindura imyumvire ya sosiyete, bityo bukaba bwakoreshwa nk’ikiraro gihuza abantu n’ibikorwa byo kurengera ibidukikije."

Manzi yavuze ko iri serukiramuco rigamije guhuriza hamwe abahanzi, abashoramari, urubyiruko n’abandi bafite ibitekerezo bishya, kugira ngo bafatanye gushaka ibisubizo birambye ku bibazo byugarije ibidukikije, harimo imihindagurikire y’ikirere n’ikorwa ry’ibikorwa bitangiza ibidukikije.

Muri uwo muhango wabereye kuri Norrsken House Kigali, hanabereye igikorwa cyo gutangiza "Arts for Green Initiative Forum", ihuriro rihurije hamwe abahagarariye inzego za Leta zirimo Minisiteri y’Urubyiruko n’Iterambere ry’Ubuhanzi, Minisiteri y’Ibidukikije, imiryango mpuzamahanga, ibigo byigenga nka Green Ride, UNESCO ndetse n’abahanzi mu ngeri zitandukanye.

Aba bose bahuriye ku gitekerezo cy’uko ubuhanzi bushobora kuba igikoresho gikomeye mu guhindura imyumvire n’imyitwarire by’abantu ku bijyanye no kurengera ibidukikije. Bagaragaje ko binyuze mu muziki, amafilime, imbyino n’ubundi buryo bw’ubuhanzi, ubutumwa bushobora kugera ku bantu benshi mu buryo bworoshye kandi bubashishikariza kugira uruhare mu bikorwa byo kubungabunga ibidukikije.

Bashimangiye kandi ko ubufatanye hagati ya Leta, imiryango mpuzamahanga, abikorera n’abahanzi ari ingenzi mu guteza imbere ibisubizo birambye, bityo ubuhanzi bukaba kimwe mu bikoresho byafasha mu guhangana n’ingaruka z’imihindagurikire y’ikirere no kubaka ejo hazaza heza harambye.

Uretse gutangiza iri serukiramuco mpuzamahanga hanatangiwemo ibiganiro bifite insanganyamatsiko zitandukanye zirimo “Uruhare rw’Ubuhanzi mu Kubaka Ubukungu Bushingiye ku Bidukikije (Green Economy)”, hibanzwe ku ruhare rw’ubuhanzi mu kubaka ubukungu bushingiye ku kubungabunga ibidukikije.

Ni ikiganiro cyitabiriwe n’uhagarariye UNESCO hamwe n’umuhanzi akaba n’umunyabugeni uzwi cyane Ben Rurangirwa, bagaragaza uburyo inkuru zitambutswa mu buhanzi n’imvugo z’ubugeni bishobora kugira uruhare mu guhindura ubukungu mu buryo burambye.

Ibihugu 11 nibyo bihuriye ku ruzi rwa Nil, harimo u Rwanda, u Burundi, Repubulika ya Demokarasi ya Congo(DRC)Egypte, Eritrea, Ethiopia, Kenya, Sudani, Sudani y’Epfo, Tanzania ndetse na Uganda.

Muri iki gihe, icyicaro gikuru cy’uwo muryango, giherereye ahitwa Entebbe muri Uganda, ariko ukagira n’izindi nzego ebyiri z’ingenzi zikora ku rwego rw’uturere twihariye, ari zo; ‘Nile Equatorial Lakes Subsidiary Action Program (NELSAP-CU)’ ifite icyicaro cyayo gikuru i Kigali mu Rwanda, ndetse na ‘Eastern Nile Technical Regional Office (ENTRO)’, ifite icyicaro cyayo gikuru i Addis Ababa muri Etiyopiya.

Umuryango uhuza ibihugu bisangiye uruzi rwa Nil, washinzwe mu mwaka wa 1999,ibikorwa byawo by’ingenzi bikaba byibanda ku nshingano eshatu z’ibanze ari zo, guteza imbere ubufatanye mu bihugu bihuriye ku ruzi rwa Nil, gutanga urubuga ku rwego rw’Akarere rutagira aho rubogamiye, rufasha ibihugu bihuriye ku ruzi rwa Nil, kubaka icyizere hagati yabyo ndetse no gusangira amakuru n’ibipimo bijyanye n’umutungo w’amazi, no kuganira no kumvikana ku ngamba na politiki zo gucunga amazi bisangiye.

Ikindi ugucunga umutungo w’amazi neza, bijyana no gukoresha uburyo bwo guteganya no kumenyesha hakiri kare ibijyanye n’ibiza biterwa n’amazi, nko gushyiraho ‘System’ imenyekanisha hakiri kare ko hari amapfa mu kibaya cya Nili (Nile Basin Drought Early Warning System) cyangwa se niba hari imyuzure igiye kubaho (Flash Flood Early Warning System), hagamijwe gufasha abaturage n’inzego zibishinzwe kwitegura no kugabanya cyangwa gukumira ingaruka z’ibyo biza.

Maj. Gen. Alex Kagame

Yabigarutseho kuri uyu wa Kabiri tariki 08 Kamena, mu gutangiza umwiherero w’Urwego rushinzwe uburinganire n’ubwuzuzanye bw’ abagore n’abagabo mu Ngabo z’Igihugu.

Batangije umwihererero w’iminsi itatu, ufite insanganyamatsiko igira iti: “Iyubahirizwa ry’ihame ry’uburinganire no guteza imbere ubwuzuzanye mu Ngabo z’u Rwanda.”

Uyu mwiherero uri kubera mu Ishuri Rikuru rya Gisirikare ry’u Rwanda i Gako mu Karere ka Bugesera, ukaba wahuje Ofisiye n’abandi basirikare (Abagore n’Abagabo) bo nzego zitandukanye hagamijwe gukomeza gushimangira ibikorwa biteza imbere uburinganire n’ubwuzuzanye muri RDF.

Maj Gen Alexis Kagame, yagaragaje ko uyu mwiherero w’iminsi itatu ugamije gufasha kurushaho guteza imbere politiki y’uburinganire no kongerera ubushobozi abagore bo mu Ngabo z’u Rwanda, bityo ukaba ugaragaza umuhate w’ubuyobozi bwa RDF mu kwimakaza indangagaciro z’iterambere rishingiye ku mikorere myiza n’imiyoborere ijyanye n’intego z’Igihugu ndetse n’inshingano mpuzamahanga ku bijyanye n’uburinganire.

Abitabiriye uyu mwiherero bazasuzumira hamwe ibyagezweho mu ishyirwa mu bikorwa rya politiki y’uburinganire n’iterambere ry’abagore, baganire ku ngamba zikomeye zo gukumira no kurwanya ihohoterwa rishingiye ku gitsina (GBV) mu Ngabo z’u Rwanda no mu miryango y’abasirikare, ndetse banasesengure ishyirwa mu bikorwa rya Politiki y’Uburinganire ya 2023.

Kuva ku wa Gatandatu tariki ariki ya 6 Kamena, Umushumba wa Kiliziya Gatolika ku Isi, Papa Leo XIV uri mu ruzinduko rw’amateka mu gihugu cya Espagne, akaba azahamara icyumweru cyose, azenguruka imigi ikomeye ya Madrid, Barcelona n’ahandi, ndetse atanga imbwirwaruhame zikomeye, harimo n’iyo azageza ku Nteko Ishinga amategeko.

Papa Leo XIV uherutse gutangaza ko ari umufana wa Real Madrid, yakiriwe mu cyubahiro kidasanzwe aho abagera ku bihumbi 70 bari bateraniye muri Stade ya Santiago Bernabéu, iri mu zubakanye ubuhanga buhambaye ku Mugabane w’i Burayi.

Mu rwego rwo kumuha ikaze, Florentino Pérez yahaye Papa Leo XIV impano y’umwambaro wa Real Madrid wanditseho izina rye bwite, Robert F. Prevost, ndetse n’umubare 1. Yanamutambagije ibice bya stade Santiago Bernabéu, anamwereka icyumba cy’amateka cyibiyse ibikombe 15 bya UEFA Champions League iyi kipe yegukanye.

Ku ruhande rwe, Papa Leo XIV na we yahaye Perezida wa Real Madrid umudari nk’ikimenyetso cyo kumushimira.

Ntibiswanzwe ko Umushumba wa Kiliziya Gatolika ku isi yamara icyumweru mu gihugu kimwe gusa. Ariko muri Espanye, umunyamerika Robert Francis Prevost wiswe Leon XIV, yavuze ko ikimuraje ishinga muri uru ruzinduko, ari ukuvuga ku kibazo cy’Abimukira.

Abari ku butegetsi uyu munsi muri Espanye, Umwami Felipe VI n’Umwamikazi Letizia bashimirwa ko bafite amategeko adasharirira abimukira, nyamara abarwanya ubutegetsi bwabo bo bakaba bashaka ko Leta imerera nabi abimukira cyane.

Ikindi gikomeye, Papa azagirana inama n’abakorewe ihohotera rishingiye ku gitsina n’abakozi ba Kiliziya Gatolika.

Raporo yasohotse mu 2023 n’Urwego rw’Umuvunyi wa Rubanda muri Espagne yagaragaje ko kuva mu 1940, abana bagera ku bihumbi 200 bashobora kuba barahohotewe.

Mu kiganiro yahaye abanyamakuru mu ndege mbere yo kugera i Madrid, Papa Leo XIV yavuze ko ihohoterwa rikiri “igikomere kidakira.”

Umwami Felipe VI yashimye “ubutwari n’ubwitonzi” bya Papa kuri iki kibazo, avuga ko ari ingenzi mu rugendo rwo gukira no gusana ibyangijwe n’ayo mahano.

Muri Werurwe uyu mwaka, guverinoma ya Pedro Sánchez na Kiliziya Gatolika muri Espagne basinye amasezerano yo gutanga indishyi ku bahohotewe, nyuma y’imyaka myinshi yo guhishira amakuru no gutinda kwemera ikibazo.

Perezida Paul Kagame ni we watangije ikibuga cy’indege zitagira Abapilote cya Muhanga gikoreshwa mu gatwara amaraso n’imiti

Sosiyete ya Zipline Rwanda Ltd ni imwe mu masosiyete y’ikoranabuhanga yazanye impinduka zikomeye mu rwego rw’ubuzima mu Rwanda no muri Afurika muri rusange. Iyi sosiyete ikoresha drones, zizwi nk’indege nto zitagira Abapilote, mu kugeza ibikoresho by’ubuvuzi aho bikenewe mu buryo bwihuse.

Zipline yatangiye gukorera mu Rwanda mu mwaka wa 2016, ikaba yaratangiriye ibikorwa byayo mu Karere ka Muhanga mu Ntara y’Amajyepfo. Yagezaga amaraso mu bitaro ku buryo bwihuse.

Ikibuga cy’indege zayo zitagira Abapilote cya mbere, cyubatwe I Shyogwe mu Karere ka Muhanga.

Mu Rwanda, ibikorwa bya Zipline byakomeje kwaguka, aho nyuma ya Muhanga yanashinze ikindi kigo gikomeye mu Karere ka Kayonza mu Ntara y’Iburasirazuba kugira ngo serivisi zigere no mu bice byinshi by’igihugu.

Muri Mata uyu mwaka, Leta y’u Rwanda na Zipline Rwanda, basinye amasezerano atuma iki kigo cyagura aho gukorera, harimo Umujyi wa Kigali no mu Ntara y’Iburengerazuba.

Umuyobozi wa Zipline mu Rwanda, Pierre Kayitana, agaruka ku buryo bizakorwa muri Kigali.

Ati "Ni drones zihariye tuzakoresha, zitandukanye cyane n’izo dusanganywe kuko zo zidakenera ibibuga zihagurukiraho. Izajya ijya aho ifata ikintu, ihagarare hasi bagishyiremo, hanyuma ihaguruke ikigeze ku wa gitumije ako kanya".

Yungamo ati "Mu byo twumvikanye kandi harimo kubaka ikindi kibuga cy’indege (drones) i Karongi, kizaba kibaye icya gatatu nyuma y’icya Muhanga n’icya Kayonza. Iki kibuga kizafasha kugeza serivisi mu bice bya Rusizi, Nyamasheke, ku Nkombo n’ahandi".

Mbere byari biteganyijwe ko iki kibuga cya drone cy’i Karongi kizatangirwa gukora muri uku kwezi.

Igitekerezo cya AI kerekana uko Ikigo cyayo mu Rwanda kizaba kimeze

Ni umwe mu myanzuro wemejwe n’Inama y’Abaminisitiri yateranye ku gicamunsi cyo kuri uyu wa Mbere iyobowe na Perezida wa Repubulika Paul Kagame.

Uyu mwanzuro wemejwe n’Inama y’Abaminisitiri mu gihe hari hashize amezi hafi 10, u Rwanda ruteye intambwe mu kwimakaza iterambere ry’ikoranabuhanga by’umwihariko iry’ubwenge buhangano ku mugabane wa Afurika.

Ni umushinga u Rwanda rufatanyije na Leta Zunze Ubumwe z’Abarabu [UAE] na Malaysia, ugamije guteza imbere ikoreshwa rya ‘AI’ mu buryo buboneye mu bihugu bikiri mu nzira y’iterambere.

Igitekerezo cya AI kerekana uko Ikigo cyayo mu Rwanda kizaba kimeze

Ibi byanyuze mu masezerano yashyiriweho umukono i Dubai ku wa 31 Nyakanga 2025, akaba ari mu mujyo wo kwimakaza amahame y’Urwego Rushinzwe Impinduramatwara ya Kane mu by’inganda [C4IR], u Rwanda na UAE rusanzwe rukurikiza.

Imwe mu nkingi zikomeye ziri muri gahunda ya Guverinoma y’u Rwanda yo kwihutisha iterambere mu cyiciro cyayo cya kabiri [NST2], harimo n’iy’uko mu myaka itanu iri imbere abantu babarirwa muri Miliyoni biganjemo urubyiruko bazahabwa amasomo y’ikoranabuhanga ajyanye na coding.

Ni mu gihe abandi ibihumbi 500 bazahabwa amahugurwa ahanitse ku ikoranabuhanga. Hazibandwa ku rubyiruko kuko ari bo benshi kandi basobanukiwe ikoranabuhanga.

Iri tsinda kuri uyu wa Mbere tariki 08 Kamena 2026 ryakiriwe na Niwenshuti Richard umuyobozi Mukuru w’Ikigo cy’u Rwanda gishinzwe guteza imbere ubufatanye (RCI).

Uru ruzinduko rugamije gufasha iri tsinda kunguka ubumenyi bwimbitse ku buryo u Rwanda rwashyizeho uburyo bw’ikoranabuhanga mu rwego rw’amategeko, by’umwihariko mu micungire y’ubutaka, imitungo y’abapfuye ndetse n’imiburanishirize y’imanza n’ishyirwa mu bikorwa ryazo hifashishijwe uburyo bw’ikoranabuhanga.

Mu gihe cy’icyumweru, iri tsinda rizamara mu Rwanda, rizagirana ibiganiro n’inzego zitandukanye z’ingenzi mu gihugu zirimo Minisiteri y’Ubutegetsi bw’Igihugu, Minisiteri y’Ubutabera, Ikigo cy’Igihugu cy’indangamuntu, Ikigo cy’Igihugu gishinzwe ubutaka, urwego rw’u Rwanda rushinzwe iterambere (RDB), Ikigo cy’Igihugu cy’imisoro ndetse na IremboGov.

Biteganyijwe ko ibiganiro bazagirana n’izo nzego, bizabafasha gusesengura byimbitse uburyo u Rwanda rukoresha mu kubika no gucunga amakuru y’ubutaka hifashishijwe ikoranabuhanga, uburyo bwo gukurikirana imitungo y’abapfuye mu buryo bw’ikoranabuhanga, ndetse n’uburyo bwo gushyira mu bikorwa imyanzuro y’inkiko hakoreshejwe sisiteme zigezweho zirimo n’ikorwa rya cyamunara hifashishijwe uburyo bwa “E-Auction”.

Uru ruzinduko rufatwa nk’intambwe ikomeye mu gukomeza gusangira ubunararibonye hagati y’ibihugu, hagamijwe kunoza imikorere y’inzego z’ubutabera no kongera imikorere inoze ishingiye ku ikoranabuhanga mu gutanga serivisi ku baturage.

U Rwanda na Eswatini bisanzwe bifitanye umubano mwiza ushingiye ku bufatanye mu bya dipolomasi, ikoranabuhanga, ubukerarugendo, ndetse n’umutekano.

Muri Kanama 2024, ibihugu byombi byasinyanye amasezerano y’ubufatanye akuraho visa ku bafite pasiporo z’abadipolomate n’iza serivisi. Ibi byakurikiriwe n’uruzinduko rw’Umwami Mswati III yagiriye i Kigali.

Ni iserukiramuco ryiswe ’The Champions Gymnastics Festival’ ryabereyemo imyitozo yakozwe mu byiciro bibiri birimo umuntu ku giti cye ndetse n’amakipe aho hari harimo abagitangira, abari hagati na hagati ku rwego, abari ku rwego rwo hejuru ndetse haniyerekana abatoza.

Umuyobozi wa The Champions Sports Academy akaba n’umutoza, Nkuranyabahizi Noel,yavuze ko ari iserukiramuco rishya rije risanga ibindi bikorwa bategura.

Ati "Ni igikorwa, cyateguriwe abana basanzwe bakora imyitozo mu bihe by’amashuri, bakina mu mpera z’icyumweru mu rwego rwo kureba icyo bamaze kunguka mu mwaka bamaze bakina. Ni ubwo mbere Festival ibaye ariko hari ibindi bikorwa dukora kuko imikino ngororamubiri yo muri rusange muri The Champions Sports Academy tuyirimo kuva mu 2022."

Umuyobozi wa The Champions Sports Academy akaba n’umutoza, Nkuranyabahizi Noel,yavuze ko ari iserukiramuco rishya rije risanga ibindi bikorwa bategura

Noel yakomeje avuga ko kuva mu 2022 batangira kugira uruhare mu mikino ngororamubiri nka The ChampionsSportsAcademy byahinduye isura yayo kandi ko bafite intego yo gutegura abakinnyi kugeza ku rwego mpuzamahanga.

Ati "Ni ibikorwa byahinduye isura y’imikono ngororamubiri mu rwego rw’igihugu kuko turi gutegura mu buryo bwa Olempike bugezweho tunategurira abana gukina mu marushanwa mpuzamahanga."

Umwe mu babyeyi bari baherekeje abana muri iri serukiramuco Ingabire Clementine avuga ko ari imikino ituna ubwonko bw’umwana bwaguka agafunguka akamenya gukorana n’abandi ndetse n’ikinyabupfura, bishobora kuba byavamo akazi kamutunga.

Ati" Ni imikino myiza kuko ituma ubwonko bw’umwana bwaguka agafunguka, akamenya gukorana n’abandi ndetse n’ikinyabupfura. Iyo abikora biramufasha, hakiyongeraho kuba yaba afite impano. Umukobwa wanjye arabikunda, nahisemo kumuzana ngo azamure ubumenyi kuko ejo ashobora no kubikoramo akazi."

Nyuma y’iri serukiramuco The Champions Sports Academy irategaanya umwiherero wo mu biruhuko by’abanyeshuri muri Nyakanga 2026 aho hateganyijwemo n’amarushanwa azatumirwamo amakipe atandukanye haba mu bato n’abakuru.

Ababyeyi bari baherekeje abana

Amakuru y’uburwayi bwe yatangiye gukwirakwira ku mbuga nkoranyambaga, bituma benshi bibaza ku buzima bwe. Mu gusubiza ibi bibazo, abamuba hafi, bavuze ko uburwayi bwe butageze ku rwego rwo gutera impungenge zikomeye.

Platini yageze kwa muganga ku Cyumweru tariki ya 7 Kamena, abaganga bafata icyemezo cyo kumugumana kugira ngo akurikiranwe neza. Icyakora ngo ubuzima bwe buhagaze neza kandi ashobora gusezererwa mu gihe cya vuba.

Amakuru avuga ko uyu muhanzi yari amaze igihe yumva atameze neza ariko agakomeza ibikorwa bye bya buri munsi, kugeza ubwo uburwayi bumurembeje bikamusaba kwitabaza abaganga.

Platini benshi bamumenye cyane mu itsinda rya Dream Boys yabanagamo na TMC aho bakoranye indirimbo zirimo ‘Romeo, Isano, Urare aharyana,na Wagiye kare..’ yakunzwe n’abatari bake.

Nyuma yo gutandukana na TMC yaje gukomeza urugendo rwe rwa muzika ku giti cye, aho yakoze indirimbo nka ‘Atansiyo, ku mutima ndetse n’iyo yatangiriyeho yise Veronika .

Abakunzi be bakomeje kumwifuriza gukira vuba no kongera kugaragara mu bikorwa bya muzika asanzwe akora.

Mu Rwanda, ingaruka zatangiye kugaragara mu ntangiriro za Werurwe 2026, aho ibiciro bya lisansi na mazutu byavuguruwe bwa mbere hagati yo ku wa 5 Werurwe na 4 Mata 2026, hanyuma byongera kuzamuka cyane ku wa 17 Mata 2026 no ku wa 6 Kamena 2026 ubwo Mazutu yiyongereyeho amafaranga 722 iva ku 2.205 igera kuri 2.927 Frw, mu gihe litiro ya lisansi yagumye kuri 2.938 yari yashyizweho muri Mata ivuye kuri 2,303 yari yariho.

MINICOM ivuga ko uko kuzamuka ku biciro by’ibikomoka kuri Peteroli mu gihe gito, nubwo Leta hari imbaraga yagiye ishyiramo kugira ngo bitagira ingaruka zikomeye ku Banyarwanda n’ibikorwa by’ubucuruzi, ariko byagize ingaruka zikomeye ku nganda zikorera mu Rwanda by’umwihariko izikora ibikomoka kuri Purasitike.

Ubwo yari mu kiganiro urubuga rw’Itangazamakuru, ku cyumweru, Minisitiri w’Ubucuruzi n’Inganda, Prudence Sebahizi, yavuze ko ibiciro by’ibikomoka kuri Peteroli bikimara kuzamuka ku rwego mpuzamahanga hari ingaruka bari biteze ko zigomba guhita zibaho.

Ati “Hari ibintu byinshi abanyenganda bavana hanze bagakoresha mu nganda zabo, bamwe byarabuze, bigera aho ubushobozi bw’inganda bugabanuka, abandi babibona bibahenze, bituma igiciro cy’ibyo bashyira ku isoka bizamuka. Hari abakozi babuze akazi, twarabibonye hirya no hino mu nganda, zigenda zigabanya abakozi. Hari ibyo dukoresha mu buzima bwa buri munsi twabonye, birahenda cyangwa bikabura. Ibyo rero twatangiye kubibona.”

Minisitiri Sebahizi yavuze ko ingaruka nyinshi zigaragara cyane ku nganda zikora ibikomoka kuri pulasitike, kubera ko hari aho ibiciro by’ibikoresho by’ibanze bakoresha byikubye inshuro zirenga ebyiri.

Ati “Ibikomoka kuri Peteroli bivamo ibikoreshwa mu gukora ibikoresho bya Pulasitike (low materials), niba mujya mubona twa dushaza tuza mu mifuka, tuba dufite amabara atandukanye, bashobora gukoramo amajerekani, indobo, amacupa y’amazi n’ibindi byose bya pulasitike. Utwo tuntu twarahenze cyane ku buryo igiciro cya Peteroli cyikubye kabiri ku isoko mpuzamahanga na turiya twikubye kabiri, inganda zidukoresha inyinshi zagabanyije ubushobozi bwazo bwo gukora kubera ko bihenze, n’abakozi bamwe barahagarikwa, n’ibiciro birazamuka.”

Izi ngaruka ngo zahise zitangira kwigaragaza hirya no hino ku isoko, nubwo hari n’abandi baba bashaka kwitwikira iryo zamuka ry’ibiciro by’ibikomoka kuri Peteroli bakazamura ibiciro by’ibicuruzwa kandi nta mpamvu ifatika bafite

Yagaragaje ko kandi uru rwego rukwiye gukomera no kunoza uburyo rukora, kugira ngo ruhuze neza inzego z’Ibanze n’abaturage.

Yabigarutseho kuri uyu wa Mbere tariki 08 Kamena, mu nama MINALOC yakoranye n’abahuzabikorwa ba DASSO b’Uturere twose, hagamijwe gusuzuma imikorere y’uru rwego no gushyiraho ingamba mu kurushaho kunoza inshingano.

Minisitiri Dominique, yibukije ko DASSO igomba kuba urwego rw’umwuga, rutunganya inshingano zarwo ku buryo buhoraho, kandi rugafatanya n’abandi mu guhangana n’ibibazo bibangamira umutekano n’ituze ry’abaturage.

Izindi ngingo z’ingenzi zagarutsweho muri iyi nama harimo gukomeza kubaka ubushobozi bw’abakozi ba DASSO binyuze mu mahugurwa n’imyitozo, gushimangira ubufatanye hagati ya DASSO, ubuyobozi bw’Inzego z’Ibanze n’izindi nzego z’umutekano no gushyira imbaraga mu gukumira ibyaha mbere y’uko biba.

Minisitiri w’Ubutegetsi bw’Igihugu Dominique Habimana yasabye abahuzabikorwa ba DASSO gukomera ku ndangagaciro zayo z’ubudahemuka, gukora kinyamwuga no kurangwa n’ubunyangamugayo mu kazi ka buri munsi.

Ati “DASSO igomba kuba urwego abaturage bizera kandi bubaha kubera serivisi nziza itanga mu kurinda umutekano wabo.”

DASSO (District Administration Security Support Organ) ni urwego rushinzwe kunganira ubuyobozi bw’Akarere mu gucunga umutekano. Rwashyizweho n’Itegeko N° 87/2013 ryo ku wa 11/09/2013, rukorera munsi ya Minisiteri y’Ubutegetsi bw’Igihugu (MINALOC) rugafatanya kandi na Polisi y’u Rwanda.

Joshua Baraka, umwe mu bahanzi bagezweho muri Uganda na Afurika muri rusange ari mu gahinda nyuma y’uko umubyeyi we, Lawrence Okello Habalu, yitabye Imana mu ijoro rya tariki ya 7 Kamena 2026.

Kuri uyu wa Mbere abinyujije ku mbuga nkoranyambaga ze, nibwo uyu muhanzi yatangaje inkuru y’urupfu rwa se.

Nk’uko bigaragara mu itangazo yanditse, umuhango wo gusezera ku mubyeyi we, urabera muri Kamwokya Church of God kuri uyu wa 8 Kamena guhera saa cyenda z’amanywa mu gihe aho gushyingura bizaba ku wa Kabiri, i Kayunga mu gace ka Bugelele Kitimbwa, saa munani z’amanywa.

Joshua Baraka yavuze ko umubyeyi we azakomeza kwibukwa cyane n’umuryango we, inshuti ndetse n’abamumenye bose, bitewe n’urukundo n’ineza yabasangije mu buzima bwe kuko yari umuntu wicishaga bugufi kandi ukunda Imana.

Joshua Baraka yakunze kugaragaza urukundo n’icyubahiro afitiye se. Mu mashusho yongeye gucicikana ku mbuga nkoranyambaga, uyu muhanzi agaragaramo aganira n’umubyeyi we aho amwita igihangange cy’ibihe byose (Greatest Of All Time).

Ati: "Uri igitangaza kurusha abandi, ndetse uri n’umubyeyi uruta bose.”

Yavuze ko se yagize uruhare rukomeye mu kumugira uwo ari we uyu munsi.

Muri ayo mashusho kandi, Joshua aganira na Se amubaza uko abona urugendo rwe mu muziki n’intsinzi amaze kugeraho, amusubiza ko afite ibyishimo kandi atewe n’ishema n’ibyo amaze kugeraho ndetse ko yishimira kubona amaze kugira ibyo ageraho ku Isi binyuze mu muziki we.

By’umwihariko, yavuze ko yashyigikiye icyemezo yafashe cyo kuva ku ishuri ku bushake mu rwego rwo kwibanda ku muziki, kuko byamugejeje ku iterambere rishimishije.

Aya mashusho yongeye gusangizwa cyane ku mbuga nkoranyambaga, aho abafana n’abakunzi ba Joshua Baraka bakomeje kuyifashisha mu kwibuka umubano ukomeye wari hagati y’umuhungu na se, mu gihe uyu muhanzi ari mu bihe bikomeye byo kubura umubyeyi we.

Ni ibikorwa byabereye muri leta ya Virginia byitabirwa kandi na Rev. Prophet Ernest Nyirindekwe wagize n’uruhare rwo kugaragaza ishusho y’u Rwanda mu kubaka Igihugu binyuze mu kwimakaza amahoro, ubumwe ndetse n’ubudaheranwa by’Abanyarwanda nyuma ya Jenoside yakorewe Abatutsi mu 1994.

Mu kiganiro Prophet Ernest yagiranye na Kigali Today, yavuze ko ibi bikorwa wari umwanya mwiza wo guhura, kuganira ndetse no kumenyana na bamwe mu bayobozi bakomeye ku Isi by’umwihariko amatorero, bagasangizanya ubuhamya bw’uburyo imirimo y’Imana ikorekera mu bihugu bitandukanye, uko barushaho kwagura ubwami bw’Imana ndetse n’indi mikoranire ishoboka byose mu nyungu z’ubwami bw’Imana.

Yagize ati: "Wari umwanya mwiza kandi wo gusenga, dusengera Isi mu bihe bigoye iri kunyuramo by’intambara, amahoro n’umutekano, ubuzima bukomeje guhenda ndetse no gusengera ubumwe bw’Itorero kugira ngo bikomeze biganze mu bice bitandukanye by’Isi."

Mu butumwa yagajeje ku bitabiriye iki gikorwa, yagarutse ku kamaro ko kwimakaza amahoro, ubumwe n’ubudaheranwa by’Abanyarwanda, agaragaza ko ari byo byabaye inkingi y’iterambere igihugu kimaze kugeraho mu myaka 32 ishize.

Yashimangiye ko urugendo rwo kwiyubaka rw’u Rwanda ari isomo rikomeye ku bindi bihugu byanyuze mu bihe by’amakimbirane, asaba amahanga gukomeza gushyigikira ibikorwa bigamije kubaka amahoro arambye n’ubwiyunge mu baturage.

Yasobanuye ko iki gikorwa cyabaye n’umwanya mwiza wo gukomeza gushimangira isura nziza y’u Rwanda ku rwego mpuzamahanga, cyane cyane mu bijyanye no kubaka igihugu gishingiye ku bumwe, amahoro n’iterambere rirambye.

Ibirori bya 2026 White House Prayer for Our Nation Awards and Appreciation Gala byateguwe nk’umwanya wo guha icyubahiro no gushimira abayobozi, imiryango, n’abafatanyabikorwa bagize uruhare rukomeye mu guteza imbere imibereho myiza y’abaturage.

Bigamije kandi no gushyigikira ibikorwa byo kubaka ubumwe, amahoro n’icyizere mu gihugu. Ibi birori byitabiriwe n’abayobozi b’amadini, abahagarariye inzego zitandukanye ndetse n’abafatanyabikorwa baturutse hirya no hino muri Leta Zunze Ubumwe za Amerika.

Prophet Ernest avuga ko ibi birori biri mu bikorwa bigari bya gahunda ya White House Prayer for Our Nation, igamije guhuriza hamwe abantu b’ingeri zitandukanye mu gusengera Igihugu, abayobozi bacyo, imiryango n’abaturage ndetse n’Isi muri rusange.

Hashize imyaka irenga 20 iki gikorwa gitangijwe mu rwego rwo guteza imbere umuco wo gusabana, gusabira Igihugu no gushishikariza abaturage kugira uruhare mu kubaka sosiyete irangwa n’ubumwe, ubufatanye n’iterambere rirambye.

Uretse kuba haranatangiwemo ibihembo, hanabayeho umwanya wo kuramya no guhimbaza Imana, kungurana ibitekerezo no gushimangira ubufatanye hagati y’abayobozi mu nzego zitandukanye bahuje intego yo gukorera abaturage.

Aba bakinnyi ni Byiringiro Lague wageze muri iyi kipe muri Mutara 2025 agasinya umwaka umwe n’igice, myugariro David Chimezi na Issa Yakubu, Allan Katerega na Richard Kilongozi bose bari bamazemo imyaka ibiri.

Aba biyongeraho Umurundi Msanga Henry ukina hagati mu kibuga yugarira unifizwa na Rayon Sports bivugwa ko bamaze no kumvikana kuyikinira ndetse na rutahizamu Ani Elijah wari wavuye muri Bugesera FC mu 2024.

Uretse abakinnyi kandi, Police FC ntabwo izakomeza gukorana na Aimable wari ushinzwe ubuzima bwa buri munsi bw’ikipe mu gihe ishobora no gusesa amasezerano n’umutoza Ben Mousa.

Police FC yasoje shampiyona 2025-2026 iri ku mwanya wa gatandatu n’amanota 52 mu gihe yasezerewe muri 1/4 mu Gikombe cy’Amahoro.

Ni urwunguko bakesha kuba ubukungu bw’Igihugu bwaragiye buzamuke neza ku gipimo cya 9.4%, nubwo mu mpera za Gashyantare ubukungu bw’Isi bwatangiye gukomwa mu nkokora n’intambara irimo kubera mu Burasirazuba bw’Isi, cyane cyane binyuze mu izamuka ry’ibiciro by’ibikomoka kuri Peteroli, byatumye ibiciro ku Isi bizamuka.

Nubwo bimeze bityo ariko, ubukungu bw’Igihugu bwakomeje kwihagararaho, kuko n’iteganyabukungu rigaragaza ko muri uyu mwaka ubukungu bw’u Rwanda buzazamukaho 6.8%, nkuko biheruka gutangazwa n’Ikigega Mpuzamahanga cy’Imari (IMF).

Kutajegajega k’ubukungu bw’Igihugu byatumye umutungo rusange wa BK Group ukomeza kuzamuka neza ugera kuri miliyari 2.947,3 Frw, bingana n’inyongera ya 13,1% ugereranyije n’umwaka ushize wa 2025.

Ni izamuka ryagizwemo uruhare n’inguzanyo zatanzwe (net loans and advances) zageze kuri miliyari 1.661,5 Frw, ziyongeraho 7,3% ugereranyije n’umwaka ushize. Gusa, ku rundi ruhande zaragabanuka ugereranyije n’impera za 2025, aho zagabanutseho 1,6%.

Amafaranga y’abakiliya abitswe muri BK Group n’abitswa (client balances and deposits) yageze kuri miliyari 1.876,8 Frw, yiyongeraho 11,7% ugereranyije n’umwaka ushize, ariko akomeza kuguma hafi y’urwego yariho mu mpera za 2025 (-0,4%).

Amafaranga yabikijwe mu zindi banki (cash balances with banks) yageze kuri miliyari 689,9 Frw, akuba inshuro zirenga ebyiri yariho mu mwaka ushize (miliyari 326,9 Frw), ndetse yiyongeraho 27,1% ugereranyije n’impera za 2025, bikaba byarafashije mu kongera ubushobozi bwo kwishyura igihe cyose byari bikenewe (liquidity buffers).

Imari shingiro y’abanyamigabane (shareholders’ equity) yageze kuri miliyari 522,1 Frw, yiyongeraho 12,7% ugereranyije n’umwaka ushize.

Ikigero cy’inguzanyo zatanzwe ugereranyije n’amafaranga yabikijwe (gross loan-to-deposit ratio) cyari kuri 81,8%, nticyahinduka ugereranyije n’impera za 2025 kandi kiguma mu rwego BK Group isanzwe ikoreramo.

Ubushobozi bw’imari ya BK Group bwakomeje gukomera, aho igipimo cy’imari shingiro fatizo (core capital ratio) cyageze kuri 22,1%, naho igipimo cy’imari shingiro yose yemerewe kubarwa (total qualifying capital ratio) kigera kuri 23,4% by’umutungo ubarirwa mu byateza ibyago (risk-weighted assets).

Umutungo ushobora guhindurwa mu mafaranga (liquid assets) wari ugize na 40,6% by’umutungo rusange wa BK Group.

Umuyobozi Mukuru wa BK, Dr. Diane Karusisi, avuga ko Banki ya Kigali (BK) imaze iminsi igerageza kwegera abaturage, ibigo bito n’ibiciriritse, ku buryo ibyo bigo byahawe inguzanyo ingana na 17.7% ivuye kuri 10% yariho mu myaka yashize.

Ati “Kandi tubona ko nkuko natwe twegera abaturage, baratwumva, kubera ko iyo turebye ku bantu ku giti cyabo bakorana natwe, inguzanyo tubaha igeze kuri 21%, bigaragaza ko dufite abakiliya benshi bakorana na Banki ku giti cyabo. Ni ibintu bishimishije kuko bivuga ko abantu bari mu muryango iyo bashaka inguzanyo yo kwiteza imbere begera Banki bakayibona. Akenshi basigaye bayibonera no kuri telefone bidasabye ko baza kuri BK, bigatuma abantu batwiyumvamo cyane.”

Nyuma yo kumurikira abanyamukuru ibyavuye mu gihembwe cya mbere cya 2026, umuyobozi mukuru wa BK Group, Dr. Uzziel Ndagijimana, yavuze ko bazaharanira gukomeza kugira umusaruro mwiza.

Yagize ati “Tukaba twizera ko no mu gihe kiri imbere, dushingiye ku ngamba zijyanye no gukomeza kunoza no kwagura serivisi duha abaturage, no kwihuta mu bijyanye n’ikoranabuhanga ndetse no kubyaza amahirwe amashami atandukanye agize BK Group, turizera ko tuzakomeza kugira umusaruro mwiza."

BK Group igizwe n’ibigo biyishamikiyeho, birimo Banki ya Kigali (BK), BK Capital, BK Insuranc, BK Foundation, na BK Tech House.

Amakuru Kigali Today yamenye inayahamiriza na rumwe muri izi mpande, ni uko uyu musore wageze muri Rayon Sports mu mpeshyi ya 2024, yasinye amasezerano mashya y’imyaka ibiri ku Cyumweru tariki 7 Kamena 2026.

Nshimiyimana Emmanuel Kabange yari yasoje amasezerano y’imyaka ibiri, yari yasinye muri Kamena 2022 avuye mu ikipe ya Gorilla FC.

Rayon Sports yongereye amasezerano Kabange, iravugwamo abakinnyi barimo Msanga Henry watandukanye na Police FC, Iradukunda Elie Tatou na Hakizimana Zuberi ba Mukura VS n’abandi bakinnyi batandukanye.

Victoire Ingabire akurikiranweho guteza imvururu cyangwa imidugararo muri rubanda akaba yaratawe muri yombi muri Kamena 2025.

Muri uru rubanza, Ingabire arareganwa n’abantu barindwi ari bo Sibomana Sylvain, Hagenimana Hamad, Rucubanganya Alexis, Ndayishimiye Jean Claude, Masengesho
Emmanuel, Nahimana Marcel, Mutabazi Alphonse na Nsengimana Theoneste.

Ingabire Victoire, yahawe imbabazi na Perezida wa Repubulika muri 2018, nyuma yo gutakamba asaba imbabazi ku bw’igihano cy’igifungo cy’imyaka 15 yari yarakatiwe mu 2013 kubera ibyaha birebana n’Ingengabitekerezo ya Jenoside no gutera inkunga imitwe y’iterabwoba.

Yabigarutseho ubwo yitabiriga Inama Nkuru ya mbere y’ishyaka PASTEF ryo muri Senegal yateranye ku wa Gatandatu Kamena.

Bazivamo yavuze ko izo ndangagaciro FPR Inkotanyi ihuriyeho na PASTEF zirimo ubumwe, gukunda igihugu, imiyoborere myiza, ndetse no guharanira ubumwe bwa Afurika arizo zabaye imbarutso y’umubano mwiza hagati y’imitwe yombi ya politiki no hagati y’Ibihugu byombi.

Mu ruzinduko Ambasaderi Bazivamo yabonanye kandi n’Abanyarwanda batuye muri icyo Gihugu abagaragariza uburyo Igihugu cyabo gikomeje gutera intambwe ishimishije mu buzima, uburezi, ububanyi n’amahanga n’ibindi.

Mu rwego rw’uburezi, yavuze ko ireme ry’uburezi ryizewe, ku buryo abanyamahanga baturutse mu bihugu binyuranye basigaye bahitamo u Rwanda.

Mu buzima, ubu u Rwanda rufite gahunda yo gukuba kane umubare w’abaganga(4X4), ari na ko ruteza imbere ubukerarugendo bushingiye ku buvuzi ndetse no kunoza serivisi z’ubuvuzi bwo ku rwego rwisumbuye.

Mu bubanyi n’amahanga, ubutwererane n’ubucuruzi, Amb. Bazivamo yashimangiye ko u Rwanda rukomeje gufungura amarembo ku Banyafurika bose, aho bashobora kurugana bakakirwa badasabwe visa.

Ambasaderi Festus Bizimana yashimye byimazeyo Umunyamabanga Mukuru wa FPR Inkotanyi n’abayobozi bari bamuherekeje, aboneraho no gushimira Abanyarwanda batuye muri Senegal ku ruhare rufatika bakomeje kugira mu guteza imbere igihugu.

Yagaragaje ko aba banyarwanda baherutse gukusanya umusanzu ushimishije wagenewe gahunda ya Dusangire Lunch, igamije gushyigikira gahunda yo kugaburira abana ku ishuri kugira ngo bashobore gukomeza amasomo yabo neza batekanye.

Ni mu gihe ngo abaturage bakomeje kwicwa n’ibitero by’indege n’ibikorwa bya gisirikare bya Leta ya Kinshasa bikorerwa mu duce dutuwe cyane.

Bagize bati “AFC/M23 iributsa ko iri mu bagize inzira y’amahoro kandi yubahiriza amasezerano yasinywe, ishimangira ko amahoro arambye adashoboka hatabayeho uruhare rungana rw’impande zose bireba.”

Uyu mutwe wanenze cyane icyo wise kutubahiriza amasezerano kenshi na kenshi bikorwa n’ubutegetsi bwa Kinshasa, ndetse no gukomeza guhitamo inzira ya gisirikare mu buryo bunyuranyije n’ibyemeranyijwe muri dipolomasi, uvuga ko bidindiza icyizere kandi bikabuza iterambere riganisha ku mahoro arambye.

AFC/M23 yanagaragaje impungenge ku myitwarire y’ibihugu n’imiryango mpuzamahanga ifata imyanzuro isa n’ifite aho ibogamiye, ivuga ko ibyo bigabanya ubwisanzure n’ubutabera bukenewe kugira ngo inzira y’amahoro igerweho, kuko amahoro adashobora kubakwa ku busumbane cyangwa ubutabera bw’abatoranyijwe.

Uyu mutwe uvuga ko ukwizerwa k’umuryango mpuzamahanga gushingiye ku ihame ry’uburinganire, kandi ko uburenganzira bwa muntu budakwiye kurengerwa kuri bamwe ngo abandi bwirengagizwe, kuko ububabare bw’umuturage wese wa DRC bukwiye guhabwa agaciro kangana.

Iri huriro ryavuze ko rizakomeza gukusanya no kubika ibimenyetso by’ihohoterwa rikorerwa abasivili, kubera ko buri wese wahohotewe akwiriye kumenyekana, buri mubabaro ukumvwa, kandi ukuri kukagaragazwa.

Basabye umuryango mpuzamahanga, abafatanyabikorwa bo mu karere n’abafatanyabikorwa b’amahoro bose, gukorana ubunyamwuga, kutabogama no kugira ubutwari, uvuga ko ejo hazaza ha DRC hadakwiye kwitambikwa n’inyungu za politiki cyangwa iz’akarere, kubera ko kugira aho umuntu abogamiye mu gihe cy’akarengane bishobora gufatwa nk’uburyo bwo kugashyigikira.

Uyu mutwe uvuga ko wemera ko amahoro nyayo ashobora kuboneka gusa binyuze mu biganiro byubakiye ku kuri, byubahiriza buri ruhande kandi birimo bose, kandi ko witeguye gushyigikira gahunda iyo ari yo yose igamije kubaka DRC ishingiye ku butabera, umutekano, ubwiyunge no kubana neza.

Bagize bati “Amahoro asaba ukuri. Ukuri gusaba kutabogama, kandi kutabogama ni yo nkingi y’ingenzi y’igisubizo kirambye.”

Kubera politiki ya Leta y’ubuyobozi bwa Juvenal Habyarimana yiswe iringaniza, abana benshi b’Abatutsi bangiwe kwiga, maze ababyeyi babo bagerageza kwishyira hamwe, bashinga amashuri yigenga.

Politiki y’iringaniza yari ishyize imbere guheza abana b’Abatutsi mu mashuri, kuko yakoreshaga uburyo bwitwa kwemererwa, bivuze ko umwana w’Umututsi watsindaga ibizamini bya Leta yemererwaga kwiga cyangwa bakamwangira.

Ababyeyi b’abo bana bakomeje kwinubira uburyo abana babo babuzwa amahirwe yo kwiga, ari naho havutse igitekerezo cyo gushinga amashuri yigenga mu Rwanda.

Aho niho bashinze ibigo nka APACOPE mu mujyi wa Kigali, ndetse na COLLEGE ACEJ Karama i Muhanga, na Collège APPEC Remera-Rukoma, maze abo bana batangira kwiga, ariko n’ubundi bahohoterwa kugeza bishwe muri Jenoside yakorewe Abatutsi mu 1994.

Kuri ACEJ Karama ubwayo hishwe abanyeshuri 46 b’Abatutsi, Umuyobozi w’ishuri n’abarimu bane, amazina yabo akaba yanditse ku rukuta rw’amateka muri icyo kigo ari naho bibukirwa buri mwaka.

Ibyabereye muri Collège ACEJ Karama birenze Kamere

Mu gikorwa cyo kwibuka ku nshuro ya 32 Jenoside yakorewe Abatutsi, ku kigo cya ACEJ Karama, umuyobozi w’Akarere ka Muhanga Kayitare Jacqueline, yavuze ko ibyabereye muri iryo shuri, birenze indangagaciro z’uburezi.

Kayitare avuga ko ACEJ Karama yabereyemo ihohoterwa n’itotezwa ku Batutsi, kugeza ubwo abanyeshuri, abarimu n’uwayoboraga icyo kigo, bapakirwaga mu modoka za Gisirikare, bakajya gukorerwa iyicarubozo.

Agira ati, "Uyu ni umwanya wo kuzirikana inkomoko y’ayo mateka mabi, yageze no mu mashuri, aho Umututsi yatotejwe birenze kamere muntu, abakobwa bafatwa ku ngufu, abarimu n’Umuyobozi w’iri shuri bagatotezwa mu bugome bukabije kugeza bishwe".

Agaragaza ko Kwibuka mu bakiri bato ari ukubaha ukuri ku mateka, kugira ngo abakigerageza kuyagoreka, bajye basanga abana bateguye neza.

Agira ati, "Mujye muha agaciro uyu mwanya, kandi turabizeza ko tuzakomeza kugendana muri uri rugendo rw’ubumwe n’ubudaheranwa, kuko ni mwe cyizere cy’Igihugu cy’ejo hazaza."

Umuyobozi wa ACEJ Karama Yousuf Bisangabagabo avuga ko kwibuka abari abanyeshuri n’abarimu, ari uburyo bwo kwigisha abana amateka ya Jenoside, no kubaha ubutumwa bubafasha guhangana n’ingengabitekerezo ya Jenoside, hagamijwe kubaka ejo hazaza heza.

Agira ati, "Abarimu abanyeshuri n’Umuyobozi w’iri shuri bishwe bazira uko bavutse, niyo mpamvu tugira umwihariko wo kwibuka mu ishuri ryacu, nko gushimangira uburere buzira ivangura n’amacakubiri, kugira ngo ibyabaye aha bitazongera ukundi".

Komiseri ushinzwe ibikorwa byo Kwibuka, mu muryango uharanira inyungu z’Abarokotse Jenoside yakorewe Abatutsi IBUKA mu Karere ka Muhanga Shyaka Gaspard, asaba abanyeshuri kurushaho kubaka ubumwe bwabo, binyuze muri za Club z’Ubumwe n’Ubudaheranwa, zasimbuye imiryango ya AERG mu mashuri.

Abanyeshuri ba ACEJ Karama bagaragaje ibihangano by’indirimbo, n’imikono igaragaza ko Jenoside n’ingengabitekerezo yayo, bidakwiye mu bato, kandi ko biteguye guhangana n’abapfobya bakanahakana Jenoside yakorewe Abatutsi.