Depite Nkusi ni umwe mu bamaze imyaka myinshi mu nteko ishinga amategeko y’u Rwanda

Depite Nkusi w’imyaka 62 y’amavuko umaze imyaka 23 mu Nteko ishinga amategeko. Yinjiye muri iyi nteko mu mpera z’umwaka w’1994.

Kuri Depite Nkusi avuga ko mu barahiye mu kwezi k’Ugushyingo 1994, ashobora kuba ari we usigayemo wenyine, nk’uko yabitangaje mu kiganiro kihariye yagiranye na Kigali Today.

Kuri ubu abona impinduka zikomeye yaba ku kijyanye n’imikorere n’iterambere muri uru rwego.

Agira ati ati “Icyo gihe mu nteko habaga indangururamajwi ebyiri gusa. Abantu bajya kuvuga bakajya kuri micro imwe hagati. Ariko ubu buri wese afite iye.”

Muri icyo gihe kandi ngo umudepite yagendaga n’imodoka yabaga yakodeshejwe kuko abadepite nta modoka bagiraga.

Depite Nkusi ni umwe mu badepite bafatwa nk’inararibonye ndetse akaba azwiho ubunyangamugayo muri komisiyo y’imicungire y’imari ya Leta (PAC)

Ku kirebana n’imikoranire y’inteko n’itangazamakuru icyo gihe, Depite Nkusi yavuze ko kugira ngo itangazamakuru rize mu nteko bitabaga kenshi kuko n’abanyamakuru bari bake. Gusa ngo bitandukanye n’ubu kuko byaroroshye cyane.

Ati “Abantu baricaraga ari 80 haba hari umunyamakuru waje akandika kandi ibinyamakuru ntago byari byinshi.”

Yongeraho ko ubu buri munyamakuru ubishaka abasha kuhagera agahabwa amakuru, n’abaturage bakamenya ibihakorerwa kandi na Radio Rwanda inteko nayo ikaba ibigiramo uruhare.

Ati “Impaka zigirwa mu nteko ishinga amategeko zinyura kuri Radio Rwanda Inteko ku buryo zikurikiranwa n’Abanyarwanda benshi ngo bumve ibihavugirwa n’ibihakorerwa, bumve n’impamvu itegeko rigiyeho n’ibisobanuro bitangwa bikumvikanisha impamvu ryari rikenewe n’icyo rizageza kuri bose.”

Ku birebana n’uburyo bwo gutanga amakuru nabwo ngo ntibwari bworoshye. Ati “hari igihe wahuraga n’umuyobozi wamubaza ikibazo akakubwira ati ‘ntacyo ngusubiza hoshi genda. Ariko ubu itegeko ririho ryo gutanga amakuru.’”

Depite Nkusi avuga ko kuba amaze imyaka 23 mu nteko ishinga amategeko biterwa n’icyizere bagenzi be bakorana mu ishyaka rya PSD bamugirira.

Akavuga ko abandi batamara igihe cy’icyo mu nteko bitavuze ko baba bakoze nabi.

Ati “Icyizere ntago ari njye ukizana kuko ntago ari njye wizana. Bagenzi banjye bo mu ishyaka PSD dukorana nibo babona babona ngifite ubushobozi bwo guhagararira ishyaka mu nteko ishinga amategeko.”

Ashingiye ku bunararibonye afite, Depite Nkusi avuga ko mu nteko ishinga amategeko hagaragara impinduka cyane cyane mu iterambere agereranije na mbere.

Ati “Iyo uri mu gihugu gihinduka kandi vuba, nawe izo mpinduka ugomba kuzitega kandi ukazitegura, ukazigiramo uruhare kugira ngo zitagusiga kuko ni ngombwa.

“Igihugu cyacu iyo ukirebye ukuntu cyagize impinduka muri iyi myaka 24 bihamagarira buri wese kumva ko izo mpinduka yazigiramo uruhare kandi no kuziha intumbero izafasha buri wese gukomeza gutera intambwe ijya imbere.”

Depite Nkusi anavuga ko yaba imikorere y’abadepite n’ishyirwaho ry’amategeko byose bigenda bihinduka.

Ati “Byarahindutse. Ari imibereho, ari n’imikorere y’abadepite. Amategeko yagiyeho. Ubu ngubu usigaye ubona akazi kanini ari ukuyahuza n’igihe tugezemo ngo ibya cyera bitatubera intambamyi yo gukora iterambere.”

Depite Nkusi avuga ko hari amakomisiyo 10 mu nteko akora imirimo inyuranye mu kunoza imirimo yo gushyiraho amategeko n’indi mirimo y’inteko.

Buri Komisiyo ikaba ifite imirimo ishinzwe. Bikaba atari umwihariko w’u Rwanda kuko mu nteko zishinga amategeko z’ahandi naho Komisiyo ziba zirimo.

Ati “Mu nteko navuga ko haba hari nk’inzego ebyiri. Haba hari inteko rusange aho abadepite bose bahurira bagatora amategeko, bakajya n’impaka ku mategeko. Ariko kugira ngo amategeko agere mu nteko rusange arategurwa, bikorerwa rero muri za Komisiyo.”

Mu gutora amategeko Depite Nkusi avuga ko hari ibyo bagenderaho. Ati “Iyo tugiye gutora itegeko uba uziko rizagira ingaruka ku Banyarwanda bose nawe ubwawe. Nutora itegeko ryo guhana icyaha, iyo ugize ibyago ukagikora nawe ubwawe rizaguhana. Bisaba rero ko utareba inyungu zawe bwite ureba iz’igihugu.”

Depite Nkusi avuga ko mu byo umuntu akora byose akwiye kubigiramo ubwitonzi. Mu bunararibonye afite mu buyobozi, avuga ko gutega amatwi ukumva ibivugwa mu gihugu, biguha uburyo bwo kugira uko witwara no kumenya icyo wakora.

Anavuga ko gukora akazi ufite ubishaka, ukabikora neza, ugashyiramo imbaraga kandi ukabifata nk’ibidasanzwe, nabyo ari ingenzi.

Abajijwe icyamushimishije kuva yagera mu nteko yagize ati “Ikinshimisha ni ukubona yuko amategeko umuntu atoye abaturage bayakira neza amenshi. Iyo bagutoye ngo ubahagararire mu nteko ishinga amategeko, ugatora amategeko ugasanga ntacyo atwaye kandi afitiye akamaro Abanyarwanda, ibyo birashimisha.”

Depite Nkusi ku cyamubabaje ati “Nk’umudepite ntacyo. Nk’umuntu, umuntu abaho hari ibyiza n’ibibi ariko nta kidasanzwe.”

Ubusanzwe Depite Nkusi yavukiye mu Karere ka Nyamagabe mu Majyepfo y’u Rwanda. Yakuriye i Kibungo mu karere ka Ngoma, mu murenge wa Rukumberi na Sake. Afite imyaka 62. Afite umugore n’abana.

Yize amashuri abanza ahitwa I Rukumberi, yiga amashuri yisumbuye mu iseminari nto y’i Zaza kuva mu 1967 kugeza 1974. Kuva icyo gihe kugeza mu 1979 yize muri Kaminuza y’u Rwanda.

Yakoze muri Minisiteri y’imirimo ya Leta yitwaga (MINITRAP) kuva mu 1979 kugeza mu1991. Muri iyi Minisiteri yari ashinzwe ibijyanye n’imiturire n’amajyambere y’imijyi.
Kuva mu 1991-1992 yakoze muri muryango yitwaga Lamette yari ishinzwe imiturire no gutunganya icyaro. Kuva mu mpera 1994 kugeza ubu ari mu Nteko ishinga amategeko y’u Rwanda nk’umudepite.

Bosenibamwe avuga ko ikigo ngororamuco cy’abakobwa b’inzererezi kizubakwa muri Mutarama 2018

Bosenibamwe Aimé, umuyobozi w’ikigo cy’u Rwanda cy’igororamuco avuga ko icyo kigo kizatangira kubakwa muri Mutarama 2018, kizuzura gitwaye Miliyari 7RWf.

Mu kubaka icyo kigo, harateganywa ibikorwa byo kwagura ikigo ngororamuco cya Gitagata giherereye mu Karere ka Bugesera cyari gisanzwe cyakira abana b’inzererezi b’abahungu gusa.

Bosenibamwe avuga ko u Rwanda rufite gahunda yo guca burundu ubuzererezi ku bana abo ari bo bose.

Agira ati “Tugiye kuvugurura ikigo cya Gitagata. Igice cya mbere kizatangira ejo bundi mu kwa mbere kizatwara miliyoni 451RWf.”

Nubwo atatangaje igihe imirimo yo kwagura icyo kigo izarangirira, avuga ko hari byinshi bizahashyirwa bizafasha abahagororerwa.

Biteganijwe ko ikigo cya Gitagata kizagurwa kikava ku bana 300 cyari gisanzwe cyakira, kikagera ku bana 1000. Muri bo hakaba hagomba kuba harimo nibura abakobwa 200.

Bazajya bakira abana b’abakobwa n’abagore b’inzererezi batari munsi y’imyaka 10 batari no hejuru y’imyaka 30 y’amavuko.

Bosenibamwe avuga ko hazubakwa ivuriro n’irerero rizajya rirererwamo abana b’abakobwa bakuwe mu buzererezi.

Bosenibamwe avuga ko igihe ubuzererezi buzaba bwacitse burundu mu Rwanda, inyubako z’icyo kigo zizagirwa ibigo by’imyuga (Vocation Training Centers).

Biteganijwe kandi ko muri Mutarama 2018,i Nyamagabe naho hazatangira kubakwa ikigo ngororamuco mu Murenge wa Gatare, kikazatwara akabakaba miliyari 3RWf. Ikigo cya Iwawa na cyo kandi ngo kizagurwa.

Umunyamabanga wa Leta muri Minisiteri y’ubutegetsi bw’igihugu, Dr Alivera Mukabaramba yemeza ko ikigamijwe ari uguca burundu ubuzererezi mu Rwanda.

Agira ati “Ari ikigo cya Gitagata ndetse n’ikindi kizubakwa i Nyamagabe turashaka kubikora nk’ahigirwa imyuga ndetse tukabishyira mu maboko ya WDA (ikigo cy’u Rwanda cyita ku myuga n’ubumenyingiro) bagakurikirana imyuga.”

Bamwe mu bana barererwaga i Gitagata basubijwe imiryango yabo

Byatangajwe na Bosenibamwe Aime, umuyobozi w’ikigo ngororamuco mu Rwanda ubwo abana 66 muri 413 bigishirizwaga mu kigo ngororamuco cya Gitagata kiri mu Bugesera, basubizwaga mu miryango yabo ku itariki ya 08 Ukuboza 2017.

Bosenibamwe agaragaza ko mu bana 819 bashyikirijwe imiryango bava mu bigo ngororamuco kuva mu mwaka wa 2014, abagera kuri 219 basubiye mu mihanda bajyanwa Iwawa.

Agira ati “Abana basubizwa mu miryango bagasanga ibibazo basizeyo byatumye bajya mu mihanda bitarakemutse. Abana bagerwaho n’amakimbirane yo mu miryango bigatuma basubira mu buzererezi.”

Akomeza ahamagarira ababyeyi basubijwe abana kwitwara neza mu miryango yabo bagaharanira ko abana babo batasubira mu mihanda kandi bagakomereza ku masomo abana babo baherewe mu bigo ngororamuco.

Ati “Babyeyi, igihe kirageze ngo imyitwarire mwagize yatumye abana banyu bajya mu mihanda igere ku iherezo. Mufatanye n’abavandimwe n’imiryango n’ubuyobozi kugira ngo mwite ku burere bw’abana banyu.”

Abana basubijwe mu miryango basinye amasezerano yuko batazongera gusubira mu muhanda

Abana basubijwe ababyeyi babo, bakuwe mu mihanda yo mu turere 19 two hirya no hino mu gihugu.

Umwe mu bakuwe mu muhanda witwa Hakuzimana Jean Luc avuga ko ubuzima bubi bwo mu rugo aribwo bwatumye ajya mu muhanda.

Agira ati “Ubuzima bubi bwo mu muryango nibwo bwatumye njya kuba inzererezi mu muhanda. Naje i Gitagata ndiga. Uburere nahakuye bwatumye nsubizwa mu muryango ndihangana, ubu ndangije icyiciro cya mbere cya Kaminuza mu burezi.”

Akomeza abwira abasubijwe mu miryango ko kwihangana no kugendera ku ndangagaciro z’umuco nyarwanda aribyo bizatuma bagera ku iterambere.

Ati “Mwe musubiye mu rugo ibyatumye mujya mu muhanda ntaho byagiye, ariko muzihangane kandi mwitonde nibyo bizatuma mugira aho mugera.”

Bosenibamwe avuga ko bamwe mu bana basubira mu mihanda kuko basanga amakimbirane mu miryango yabo

Muri uwo muhango abana basubijwe mu miryango yabo basinye amasezerano yo kutazongera guta cyangwa gutoroka imiryango ngo bajye mu mihanda.

Ababyeyi nabo basinyiye gukurikirana abana babo no kubarera nk’ababyeyi. Uturere dusinyira gukurikirana iyo miryango no gufasha imiryango ifite ibibazo byatera abana gutorongera.

Umunyamabanga wa Leta muri Minisiteri y’ubutegetsi bw’igihugu, Dr Alivera Mukabaramba yabwiye ababyeyi ko bafite inshingano ikomeye yo kurera abana babo kuko ubusanzwe abana bakwiye kurererwa mu miryango atari mu bigo ngororamuco.

Agira ati “Iyo umwana ari mu muhanda hari uburenganzira bwo kuba mu muryango aba yavukijwe. Ntiyishima, ntiyiga, ntavuzwa, ntakura neza, ntiyambara neza n’ibindi bituma abaho neza.”

Umunyamabanga wa Leta muri Minisiteri y’ubutegetsi bw’igihugu, Dr Alivera Mukabaramba

Akomeza avuga ko ariyo mpamvu Leta y’u Rwanda yahagurukiye kurwanya ubuzererezi ku bana n’abakuru inashyira imbaraga mu gutuma abana barererwa mu miryango.

Niwemutoni Yvonne , umwe mu babyeyi bashyikirijwe abana babo avuga ko hari igihe abana nabo bananirana. Gusa yemera n’uburangare bwa bamwe mu babyeyi.

Minisitiri w’Intebe ahamya ko kwita ku bana ari intego ya Leta

Yabitangaje ubwo yitabiraga inama nkuru y’igihugu y’abana yabaye ku nshuro ya 12, kuri uyu wa kane tariki 07 Ukuboza 2017. Yitabiriwe n’abana 488.

Minisitiri w’intebe avuga ko kwita ku bana ari ukwita ku iterambere ry’ejo hazaza h’u Rwanda ari nayo mpamvu Leta ishyize imbaraga mu kubitaho.

Agira ati “Umwana wese afite uburenganzira bwo kwitabwaho by’umwihariko n’ababyeyi be n’abandi banyarwanda bitewe n’ikigero n’imibereho barimo; nk’uko bitegenywa n’amategeko y’u Rwanda n’amategeko mpuzamahanga.”

Akomeza yibutsa ababyeyi n’abarezi ko bafite inshingano mu gutuma abana b’u Rwanda babona uburere buboneye ari nabwo nkingi yo kubaka u Rwanda rwifuzwa.

Minisitiri w’uburinganire n’iterambere, Nyirasafari Esperance yibukije abana ko n’ubwo abarezi n’ababyeyi bafite uruhare mu kubarera na bo bakwiye kugira uruhare mu gutuma uburere bwabo buba bwiza kandi bukaba bubereye u Rwanda.

Yakomeje abahamagarira kubaha ababyeyi n’abarezi, kwirinda guta ishuri, guharanira gukunda igihugu no kugiteza imbere ndetse no kwita ku gaciro bahawe ntibakiteshe.

Inama nkuru y’igihugu y’abana yabaye ku nshuro ya 12 yitabiriwe n’abana 488

Karasira Ange Patrick, umwana uhagarariye abandi mu nama nkuru y’igihugu y’abana yavuze ko bashimira Leta yabahaye urubuga rwo gutanga ibitekerezo.

Agira ati “Biduteye ishema kuba dufite ihuriro ry’abana, urubuga rwo gutanga ibitekerezo bigamije guteza imbere uburenganzira bw’umwana no kubaka igihugu.”

Akomeza avuga ko biyemeje kuzarushaho kumvira, kugira uburere buboneye mu byo bakora byose n’aho bagenda hose kandi bakirinda ibiyobyabwenge n’ubusambanyi.

Mu ibarura rusange riheruka ry’abaturage byagaragaye ko abana bari munsi y’imyaka 15 bagize 42% by’Abanyarwanda bose. Abafite hagati y’imyaka 13-30 bangana na 27%.

Inama nkuru y’abana mu Rwanda yatangiye mu mwaka wa 2004. Ikaba yarashyizweho hagamijwe guteza imbere abana no guharanira ko uburenganzira bwabo bwubahirizwa.

Guverineri w’Intara y’Amajyaruguru Gatabazi Jean Marie Vianney

Guverineri Gatabazi avuga ko yifuza ko ibibera muri iyo ntara byose uhereye ku byo Guverineri akora kugeza ku by’umuyobozi w’akagari ateganya gukora bizajya bimenywa na buri muturage ndetse n’umushyitsi muri iyo ntara.

Kuri we ngo uretse kumanika gahunda ku nzugi z’ibiro, kuzihanahana kuri email n’ahandi, ngo ni byiza ko zizajya zinatangwa ku mbuga nkoranyambaga nka Whatsapp, Facebook na Twitter, buri muyobozi wese agashyiraho gahunda ye.

Agira ati “Umuntu agomba gukorera kuri gahunda kandi afite intego, akanamenya ko abantu bamukenera bagomba kumubona ndetse n’abo uzajya kureba bakamenya gahunda yawe.”

Yongeraho ko iyo utangaje gahunda kare uba umenyesheje abagukeneye n’abo uzakenera,unamenyesheje n’inzego zindi mukorana.

Ati “Hari igihe iyo maze kuyitangaza,inzego z’umutekano zitegura gahunda zikurikije iyo nateguye, uturere na bo babona gahunda yanjye iyo ari yo. Hari n’abandi baba bakeneye kuza kureba Guverineri ku ntara cyangwa se kugushaka kuri gahunda z’ibikorwa mugomba gukorana bagakurikiza gahunda yawe.”

Gatabazi avuga ko ataraza mu Ntara y’Amajyaruguru gahunda y’icyumweru yakorwaga ariko ikaba izwi n’inzego zibishinzwe gusa cyangwa ikamanikwa ku nzugi z’ibiro.

Ati “Ubu twarabisabye, abayobozi mu nzego z’umutekano, uturere n’imirenge duhurira kuri whatsapp bagashyiraho gahunda yabo ku buryo nshobora guhaguruka i Musanze ngiye i Gicumbi nzi gahunda yabo.”

Kuri Guverineri Gatabazi ngo ubwo buryo bufasha abayobozi mu mikoranire, bigatuma babasha gukemura ibibazo by’abaturage mu bufatanye kandi n’izindi gahunda zizamura intara bakaziganiraho.

Uretse kumenyekanisha gahunda ku mbuga nkoranyambaga, Guverineri Gatabazi anasaba abayobozi bo mu Majyaruguru kujya bamenyakanisha ibyo bakora bifashishije itangazamakuru.

Abadepite icyenda bo muri Burukinafaso basuye Minaloc

Zimwe muri izo gahunda zanyuze abo Badepite ni gahunda y’umuganda, imihigo, umushyikirano n’inteko z’abaturage.

Muri izo gahunda ngo basobanukiwe uburyo ubuyobozi bukorana n’abaturage bagahana ibitekerezo biganisha ku iterambere, bakanaboneraho gukemura ibibazo byabo nk’uko Depite Jacob Ouedraogon yabitangaje.

Yagize ati” Twanyuzwe cyane na gahunda yiswe “Umushyikirano”, aho abayobozi mu nzego zose bahurira hamwe bakaganira ku cyateza imbere u Rwanda, ndetse n’abaturage bagahabwa ijambo.“

Yakomeje agira ati” Ubu ni uburyo bwiza bwo kumenya ibyifuzo n’ibibazo by’abaturage ku buryo bifatirwa ibyemezo bikazakemurwa vuba.”

Depite Jacob Ouedraogon yavuze ko uru ruzinduko barwungukiyemo byinshi bizabafasha mu kwita ku baturage babo

Abo Badepite ngo bananyuzwe n’uburyo buri wa kabiri w’icyumweru abaturage n’abayobozi bahurira mu nteko z’abaturage, bagakemurirwa ibibazo bakanatanga ibyifuzo ku buyobozi, nabwo bukabigeza ku rwego rugomba kubikemura.

Ubwo buryo u Rwanda rukoresha mu kwegera abaturage, kumva ibyifuzo byabo ndetse no kubisubiza ngo ni uburyo bwiza kandi bakuyemo amasomo menshi, azabafasha mu gihugu cyabo, bakarushaho kunoza imikoranire n’abaturage.

Kuri uyu wa Gatatu tariki ya 22 Ugushyingo 2017, Umunyamabanga wa Leta muri Minisiteri y’ubutegetsi bw’igihugu ushinzwe iterambere ry’imibereho myiza y’abaturage Harerimana Cyriaque yakiriye abo Badepite.

Yababwiye ko ubwo buryo bwose u Rwanda rubukoresha mu kumva ibitekerezo n’ibyifuzo bw’abaturage hagamijwe guharanira iterambere n’imibereho myiza yabo.

Yanatangaje ko ibyo Abanyarwanda bakora mu kuzamura imibereho myiza y’abaturage bigaragara ko ari ingirakamaro, ari nayo mpamvu bihagurutsa amahanga akaza kubireberaho kugira ngo babashe nabo guteza imbere abaturage babo kurushaho.

Min Harerimana Cyriaque yatangaje ko bishimishije ko imiyoborere myiza yo mu Rwanda iri kubera icyitegererezo amahanga

Nyuma y’uruzinduko bagiriye muri Minaloc bafashe ifoto y’urwibutso

Aba badepite uko ari icyenda bakazamara icyumweru basura inzego zitandukanye mu Rwanda. Bakaba banavuze ko bashobora kuzitabira umuganda bagamije kureba uko ukorwa.

Hari aho imiswa yagiye yubaka mu rwibutso

Kwegurira Umuryango IBUKA imicungire y’urwo rwibutso bizarufasha kwitabwaho nk’uko bikwiye no kurufasha kugera ku nshingano ubuyobozi bwari bwarihaye bwo kuhagira ahantu nyabagendwa, nk’uko byatangajwe n’umuyobozi w’Akarere ka Kicukiro Dr Nyirahabimana Jeanne.

Dr. Nyirahabimana yavuze ko akarere kazajya kagena amafaranga yo kugira ngo ibikorwa biteganijwe byo kurwitaho bishobore gukorwa.

Yagize ati “Hari n’ibindi bikorwa duteganya nko kwagura urwibutso,kugira ngo habonekemo nk’inzu y’ishyinguranyandiko.”

Akarere ka Kicukiro na IBUKA basinyanye amasezerano agamije kwegurira IBUKA imicungire y’urwibutso rwa Nyanza

Bimwe mu byo IBUKA yashinzwe kuzakora ku rwibutso rwa Nyanza ya Kicukiro, harimo kurwitaho muri rusange, gufata imva neza kugira ngo zitangirika,kwita ku busitani ntiburare cyangwa ngo buse nabi ndetse no kwita k’umutekano w’urwo rwibutso.

Dr Nyirahabimana yibukije ko harimo kwandika amateka y’urwibutso mu buryo bw’ikoranabuhanga, kumenyekanisha ibikorwa bikorerwa ku rwibutso, kwakira abashyitsi bagana urwibutso yaba abo mu Rwamda n’abo hanze yarwo.

Prof Dusingizemungu Jean Pierre umuyobozi wa IBUKA, yavuze ko bishimiye gucunga urwibutso rwa Nyanza ya Kicukiro nk’urubumbatiye amateka akomeye.

Ati “Rugaragaza y’uko imiryango mpuzamahanga yataye igihugu bakanga gufasha kugira ngo Jenoside yakorewe Abatutsi yakorwaga ihagarare. Ayo ni amateka dushaka ko n’abanyamahanga bajya baza kwiga ariko bakayigira ahantu hatunganye.”

Urwibutso rwa Nyanza-Kicukiro rwari rugeze igihe cyo gusanwa

Yavuze ko hazakorwa n’urubuga rwa interineti rugaragaza neza urwibutso rw’i Nyanza ya Kicukiro n’amateka yarwo. Kuri urwo rwibutso bazajya banabika inyandiko zijyanye n’amateka ya Jenoside yakorewe Abatutsi “archives”.

Yavuze ko ku bufatanye n’Ikigo cy’igihugu gishinzwe Uburezi (REB), abanyeshuri bazajya baza kurwigiraho amateka ya Jenoside yakorewe Abatutsi.

Kugeza ubu,mu rwibutso rwa Nyanza ya Kicukiro hashyinguwemo imibiri y’inzirakarengane zazize Jenoside yakorewe Abatutsi isaga ibihumbi 11.

Imwe mu nka zatanzwe muri gahunda ya Girinka

Tariki 12 Mata 2006 nibwo inama y’Abaminisitiri yemeje ko iyo gahunda itangira mu Rwanda.Ni gahunda yashyiriweho kuzamura imibereho y’Umunyarwanda utishoboye, imufasha kuva mu bukene ariko akabona n’amata.

Nyuma y’imyaka igera kuri 11, inka zitanzwe ni inka za kijyambere, zisanzwe zizwiho kugira umukamo uhagije. Uwo mukamo kandi niwo wari utegerejweho kuvugurura imirire y’abaturage, kongera umusaruro ukomoka ku bworozi no gusagurira isoko.

Ngabo Methode, umuhuzabikorwa wa gahunda ya Girinka muri Minisiteri y’Ubutegetsi bw’Igihugu (MINALOC) avuga ko kuva icyo gihe kugeza uyu mwaka wa 2017, mu Rwanda hose hamaze gutangwa inka zirenga ibihumbi 300.

Girinka yafashije Mukandori kuva mu cyiciro cy’ubudehe cya mbere yari arimo ajya mu cya gatatu

Asobanura ko muri izo nka zose harimo n’inyiturano, nk’uko itegeko rigena ko umuturage worojwe nawe aba agomba koroza abandi.

Yongeyeho ko uyu mwaka w’ingengo y’imari ugomba kurangira hamaze gutangwa inka ibihumbi 350. Akavuga ko zizagenwa bitewe n’ubushobozi igihugu kiba kibona gifite.

Agira ati “Inka zisigaye zisaga ibihumbi 49 zigomba gutangwa mu mezi make asigaye. Ni ugushyiramo ingufu uko bishoboka. Turizera ko bizashoboka.”

Kugeza ubu,mu ntara zitandukanye z’u Rwanda gahunda ya Girinka imaze guteza imbere abazihawe, aho benshi bagenda bikura mu bukene binyuze muri iyo gahunda.

Mukandori Dancilla atuye mu Karere ka Nyamagabe, avuga ko inka yahawe muri Girinka yatumye ashobora kwiyubakira inzu akava aho yari atuye mu manegeka agatera imbere.

Ati “Mu 2009 nibwo yabyaje ubwa mbere. Yampaga amata ngaha abana,andi nkayagemura ngakuramo amafaranga nshaka konti nyashyiraho. Nabyaje ikimasa kimaze amezi umunani, kubera ko bitari byemewe kucyitura, nasabye uburenganzira bwo kukigurisha.”

Mu mafaranga ibihumbi 100 bamuhaye ku kimasa, ngo yayongereye kuyo yakuye mu mata n’ubuhinzi kuko yari asigaye abona ifumbire,atangira kubaka inzu, ava mu manegeka.

Kuri ubu,inzu afite ngo ayibarira agaciro ka miliyoni 3Frw kandi ayikesha inka.Guhera mu mwaka wa 2009, agenda yongera isambu nto yari afite.

Gutunga inka byamukuye mu cyiciro cya mbere cy’ubudehe,none ageze mu cyiciro cya gatatu cy’ubudehe.

Akarere ka Nyaruguru gaherereye mu Ntara y’Amajyepfo

Nk’uko uyu muyobozi yabitangaje, ngo mu beguye harimo Umunyamabanga Nshingwabikorwa w’Umurenge wa Ruheru Habumugisha Jules, watangaje ko yeguye ku giti cye.

Yagize ati “Uweguye ku mpamvu ze bwite ni uwo w’umurenge wa Ruheru. Hanyuma tukagira n’undi witwa Rushingwankiko Valens w’Umurenge wa Kivu wanditse atumenyesha yuko agiye kwiga.”

Yakomeje avuga ko hari n’Umunyamabanga Nshingwabikorwa w’akagari ka Kibeho weguye ku mirimo ye, ndetse n’abandi bakozi babiri bari bashinzwe ibijyanye n’imyubakire mu karere ka Nyaruguru.

Abajijwe ku bijyanye n’ibivugwa ko n’Umuyobozi wa njyanama y’Akarere ka Nyaruguru yaba yeguye, Bisizi yagize ati “Iyo udafite inyandiko igaragaza ko umuntu yahagaze ku mirimo ye, ntago wabyemeza.”

Uyu muyobozi yavuze ko aba beguye ukuyemo uwavuze ko agiye kwiga abandi bose beguye ku giti cyabo, ku buryo utavuga ko hari amakosa runaka bashinjwa.

Ubu bwato bukoreshwa mu mugezi wa Nyabarongo bushobora gutwara abantu 20, ubutwaye akoresha ingashya

Mu myaka yashize hagiye hagaragara impanuka zitewe n’ubwato bwambutsaga abaturage bakora ingendo hagati y’Akarere ka Kamonyi n’Umujyi wa Kigali. Izo mpanuka akenshi zaterwaga n’ikoreshwa ry’ubwato butarimo moteri bwageraga hagati mu mugezi bukarohama.

Iheruka muri 2015 yahitanye abarenga 25 bari mu bwato bw’imbaho umusare atwara akoresheje uburyo bwo kugashya. Kuva icyo gihe leta yahise ishyiraho itegeko ko ubwato bwose bukoreshwa mu gutwara abagenzi muri uwo mugezi bugomba kuba bukoresha moteri.

Ubuyobozi bwemeje kandi ko ababurimo bagomba kuba bambaye amakote yabugenewe yabafasha kureremba hejuru y’amazi mu gihe ubwato burohamye.

Nyamara kuri ubu iyo ugeze ku cyambu kiri hagati y’Umurenge wa Mageragere wo mu Karere ka Nyarugenge n’Umurenge wa Rugarika muri Kamonyi, uhasanga ubwato ariko budakoresha moteri.

Icyo kibazo kandi kigaragara no ku cyambu gihuza Umurenge wa Runda muri Kamonyi n’uwa Rutonde muri Rulindo.

Abaturage bifashisha ibyo byambu ni abajya gushaka serivisi zitandukanye nk’ubuvuzi cyangwa abashaka imibereho nk’abarema amasoko. N’ubwo bakoresha ubu bwato bagaragaza ko bahangayikishijwe n’umutekano wabo mu mazi, nk’uko bitangazwa n’umwe muri bo.

Agira ati “Impanuka yabaye abantu bambuka berekeza mu isoko rya Butamwa na za Kimisange, ubwato burarohama, bamwe bahasiga ubuzima abandi bararokoka.”

Undi mukecuru wo mu Murenge wa Runda, unakoresha icyambu cya Rutonde ajya kwivuza i Rulindo, avuga ko yigeze kubona ubwato bwa moteri mu mezi asaga atanu ashize, ariko atamenye irengero ryabwo.

Ati “Bigeze kubuzana n’amajire y’imihondo barayazana. Ariko yaba ubwato bwa moteri yaba n’ayo majire byose sinkibibona,ubu tugenda dufite ubwoba. Baduhaye ikiraro byaba byiza umuturage akajya agenda yisanzuye. ”

Ubusanzwe ubwato bw’ibiti buri kuri Nyabarongo buba burimo imyanya igizwe n’imbaho ziteye nk’intebe, ku buryo bushobora kujyamo abantu barenga 20.

Umuturage witwa Minani avuga ko umutekano wabwo uba utizewe kuko ahanini nta majire baba bambaye ndetse n’ubwato nta bwishingizi bufite ku buryo ubuziranenge bwabwo butizewe. Gusa ngo kubw’amaburakindi abaturage barabukoresha.

Ubusanzwe ubwato bufite moteti ntibupfa kurohama kubera ingufu za moteri. Kwambara amajire mu bwato nabyo bifasha umugenzi kureremba hejuru y’amazi mu gihe habayeho ikibazo cyo kugwa mu mazi cyangwa kurohama k’ubwato.

Umwe mu basare ukorera muri Nyabarongo utatangaje izina rye, avuga ko badakoresha ubwato bwa moteri ku bw’amikoro make.

Izindi mpungenge mu baturage ngo ni uko niyo haboneka ubwato bwa moteri bwaba buhenze. Bamwe bemeza ko byatuma igiciro kikuba kikava ku giceri cya 100Frw bari basanzwe bishyura kikazamuka.

Tuyizere Thadee, wasigariyeho Umuyobozi w’Akarere ka Kamonyi, avuga ko atari azi icyo kibazo kuko bari barabuciye mu mugezi wa Nyabarongo.

Ati “Hari ubwato bukoze mu mbaho bukoresha moteri,ndabizi ko buhari. Abo bakoresha ubwo butagira moteri bakubwire aho babitse ubufite moteri. Ubwo budafite moteri ntibwemewe rwose.”

Bamwe mu bagikoresha ubwo bwato butari ubwa moteri bavuga ko icyemezo cyo guhindura ubwo bwato kitabareba kuko ibyemezo ngo byafatiwe mu Karere katari akabo kandi Nyabarongo ihuriweho n’uturere twinshi.

Umuyobozi w’ibitaro na Ambasaderi wa Misiri bamurikirwa ibikoresho byatanzwe

Ibyo bikoresho bikazajya binifashishwa mu kwigisha abanyeshuri batandukanye biga mu cyiciro cya gatatu cya kaminuza bakunze gufashwa n’ibyo bitaro muri gahunda izwi nka “Tele Medecine.”

Ambasaderi wa Misiri mu Rwanda Dr Namira Nabil Mohamed Elmahdy Negm, yavuze ko gutanga ibyo bikoresho byaturutse ku mubano u Rwanda rufitanye na Misiri. Yavuze ko ubwo buryo bukoreshwa mu Misiri mu guhuza ibitaro n’ibindi hagamijwe imikoranire.

Yanavuze ko bazajya bakorana cyane na kaminuza y’i Cairo mu bijyanye n’ubwo buvuzi, hifashishijwe ibyo bikoresho. Bakazajya bungurana ibitekerezo mu buvuzi bwa kinyamwuga.

Umuyobozi w’ibitaro na Ambasaderi wa Misiri

Umuyobozi w’ibitaro bya gisirikare bya Kanombe Colonnel Dr Jean Paul Bitega, yavuze ko ibyo bikoresho bije kunganira ibyari bihasanzwe bikazarushaho kubafasha mu mikoranire na Misiri n’ibindi bihugu byo hanze nk’Ubuhinde na Amerika basanzwe bakorana mu buvuzi.

Yagize ati “Ibi bikoresho byitwa Tele Medecine. Ni uburyo bwo kuvurira kure. Bifasha mu bintu bibiri. Mu rwego rwo kwigisha no kwiga.

“Nk’umuntu ari mu kindi gihugu ufite ikibazo cy’uburwayi bwakunaniye kumenya cyangwa ushaka icyo wakorera umurwayi, umuntu w’inararibonye ashobora kugufasha akakubwira icyo wakora kuko uba umureba na we akureba n’umurwayi mumureba.”

Bimwe muri byo babifunguye barabyerekana

Yongeyeho ko ushobora no gukurikirana isomo abaritanga bari mu gihugu cyo hanze nawe ukarikurikirana ukagira ibyo ubaza ukabyumva nk’aho uhibereye utagombye kujyayo.

Ibyo bikoresho bije byiyongera ku byuma 10 byitwa “Dialyse”, icyo gihugu cyahaye u Rwanda mu cyumweru gishize, ibyo byuma bikaba bifasha mu kuyungurura amaraso ku barwayi b’impyiko.

Muri aka gasantere igice kimwe gifite umuriro mu gihe ikindi ntawo gifite

Abo baturage bavuga ko mu 2008, abagera ku 185 bakusanije amafaranga asaga miliyoni 1Frw kugira ngo icyahoze ari ELECTROGAZ kibagezeho umuriro w’amashanyarazi nk’uko babyifuzaga.

Rubayiza Paul umwe muri abo baturage avuga ko ELECTROGAZ yaje guhinduka RECO RWASCO birangira umuriro bashakaga batawubonye.

Agira ati “ELECTROGAZ ni nayo yakoze igiteranyo cy’ibisabwa icyo gihe,ishishikariza abaturage guteranya amafaranga yabo ko izabafasha ihereye aho bazaba bagejeje.”

Uwiragiye yifuza ko EUCL yabafasha kubona umuriro bamaze imyaka igera ku 10 bifuza

Rubayiza avuga ko kuva kuri ELECTROGAZ kugeza kuri RECO RWASCO abaturage bakomeje kwandika amabaruwa.

Byageze aho abatekinisiye bakaza bagapima bakanasanga transiforumateri iri ku kigo cy’amashuri cya APPEGA ifite ubushobozi bwo kuba yaha n’abaturage umuriro.

Uwiragiye Bernard nawe avuga ko ibigo byakomeje guhinduka kugera kuri EWSA na EUCL nta kimenyetso barabona ko bazahabwa umuriro w’amashanyarazi.

Ati “Batubwiye ko buri muntu akwiye gutanga umugabane w’ibihumbi 56, uyafite akayatanga. Utanayabonye agatanga ½ cyayo. Twatanze asaga miliyoni 1 n’ibihumbi 200.”

Niyomwungeri Richard Umunyamabanga nshingwabikorwa w’Umurenge wa Gahengeri, avuga ko iki kibazo gihangayikishije abaturage

Umunyamabanga nshingwabikorwa w’Umurenge wa Gahengeri Niyomwungeri Richard, avuga ko amafaranga abaturage batanze abitswe muri SACCO y’umurenge, nyuma yo gukurwa mu yandi mabanki banga ko akomeza gukatwaho ayo banki zitwara buri kwezi.

Kuri ubu ubuyobozi bw’umurenge bukomeje gukore ubuvugizi ngo icyo kibazo cy’umuriro abaturage bafite gikemuke.

Butera Laurent umuyobozi wa EUCL ishami rya Rwamagana, avuga ko icyo kibazo atari akizi.

Ati “Mu cyumweru gitaha nzahasura nkimenye. Nidusanga ari hafi y’umuyoboro tuzabaha amashanyarazi nta kibazo.”

Avuga ko nihaba kure babagira indi nama y’uburyo babona umuriro binyuze mu zindi nzira nko kuba bakoresha imirasire y’izuba.

Ibikoresho byo muri laboratwari

Ibyo bikoresho biri muri Laboratwari eshatu, bikazifashishwa mu gukora ubushakashatsi mu mu bijyanye no kubungabunga ibidukikije n’ubutaka.

Byashyikirijwe UNILAK hashingiwe ku bufatanye ifitanye na Chinese Academy of Sciences kuva mu 2012.

Dr Ngamije Jean umuyobozi wa UNILAK, avuga ko harimo ibijyanye n’amazi, ibijyanye n’ubutaka n’ibindi bijyanye n’ikoranabuhanga.

Ku bijyanye n’amazi, Dr Ngamije yagize ati “bizadufasha gukemura byinshi. Twifuza ko mu bushakashatsi tuzatanga amazi meza kandi menshi, ahagije ku Banyarwanda.”

Akavuga ko bazafatanya na WASAC mu gukora ubushakashatsi hifashishijwe ibyo bikoresho.

Ibikoresho by’ubutaka byo yavuze ko abazashaka kubaka bakeneye ibipimo by’ubutaka bwabo, Laboratwari y’ubushakashatsi izajya ibafasha.

Izajya inakora kandi ibijyanye no gupima amasambu n’ibindi byose bijyanye n’ubutaka harimo no kurwanya Ibiza byibasira ubutaka, aho bakazagirana n’imikoranire ya hafi na MIDIMAR.

Ibikoresho by’ikoranabuhanga biri muri Laboratwari ya 3, ngo bizajya bifasha mu gukora amakarita y’ubutaka n’ay’ikirere (Geospatial Infrastructures).

Professor Yaping ZHANG

Professor Yaping ZHANG, umuyobozi wungirije wa Chinese Academy of Sciences ari nabo batanze ibikoresho, yavuze ko babikoze kubw’imibanire myiza Ubushinwa bufitanye n’u Rwanda ndetse na Kaminuza ya UNILAK.

Bakaba bifuzaga kurushaho kuzamura ibijyanye n’ubushakashatsi mu bijyanye n’ibidukikije, ubutaka n’umutungo kamere.

Olivier Rwamukwaya, Umunyamabanga wa Leta muri Minisiteri y’uburezi ushinzwe amashuri y’imyuga n’ubumenyingiro, yavuze ko inkunga y’Ubushinwa ije ishimangira umubano w’ibihugu byombi kandi izagirira akamaro u Rwanda n’akarere rurimo.

Ati “iyi laboratwari ni uko iri muri UNILAK ikaba iyakiriye ariko ubundi ihawe akarere u Rwanda ruherereyemo. Ikazafasha mu bushakashatsi mu bijyanye n’ibidukikije.”

Honorable Rwamukwaya anavuga ko Iyi nkunga ije yiyongera ku bindi Ubushinwa bukora mu Rwanda nko kuba harashyizweho “Conficius Institute” yigisha igishinwa mu Rwanda, n’ishuri rya Musanze Polytechnic ryubatswe ku nkunga y’Ubushinwa.

Inyubako irimo laboratwari

Muri UNILAK hamaze gutangwa buruse 11 ku banyeshuri n’abarimu bajya kwiga PHD na Masters mu Bushinwa.

UNILAK kandi ngo Abashinwa banayifashije gutangiza Masters mu bidukikije n’ibijyanye no guhangana n’ibiza, aho batanze abarimu 8 baje gufasha mu kwigisha.

Bahawe amazi meza

Rwabuhigi Ladislas ufite imyaka 47, avuga ko yavutse asanga ababyeyi be bavoma amazi ya Nyabarongo.

Yagize ati “Yabaga asa nabi, akaba arimo ibitaka. Nta kundi twari kugira, umuntu agapfa kuyanywa. Byaduteraga uburwayi bw’inzoka n’indwara ziterwa n’umwanda.”

Shyirakera Pierre Claver nawe utuye muri ako gace avuga ko bahoraga bivuza inzoka kubera amazi mabi, umuntu akivuza nk’inshuro imwe cyangwa ebyiri mu kwezi.

Abo baturage bavuga ko ayo mazi kubera gusa nabi yanduzaga imyenda, ifite ibara yera yameswa ikava mu mazi yabaye ikigina.
Kuri ubu abaturage bashimira ko bahawe amazi, mu Mudugudu wa Ruramba hakaba harubatswe amavomo abiri mu kwezi kwa Nzeli 2017.

Bemeza ko mu minsi mike bamaze bahawe amazi, isuku yiyongereye ndetse bakaba bahamya ko n’indwara ziterwa n’umwanda zitazongera kubibasira.

Muri uwo Murenge wa Rugarika ariko hari ahataragezwa amazi meza, ahandi naho akaba yarahigeze ariko nyuma akabura bitewe n’ibibazo by’amatiyo yangiritse.

Bavomaga amazi mabi ya Nyabarongo

Umunyamabanga nshingwabikorwa w’Umurenge wa Rugarika Nsengiyumva Pierre Celestin, akaba avuga ko ashima Leta yatanze amazi meza ku baturage ba Ruramba, akanavuga ko ikibazo cy’indi midugudu ifite imiyoboro yapfuye bakizi.

Ati “hari pompe zari zarapfuye zoherezaga amazi ava ku isoko ya Rwakayange. Twabimenyesheje akarere karanabikora. Ariko noneho bakoze isuzuma ry’amatiyo mu cyumweru gishize bigaragara ko amwe yahise yangirika.Turashaka uburyo ayo matiyo azasimbuzwa nabo bakabona ayo mazi.”

Hamwe amavomo ntagikora

Yongeraho ko bishobora guca mu isoko ryo gushaka amatiyo bikaba byatinda ariko ko agize aho aboneka mu karere byahita byihuta. Akaba ari yo mpamvu ngo atahita amenya igihe icyo kibazo kizaba cyakemutse.

Hon. Bamporiki yifatanyije n’intore mu gusoma ku ntago

Babisabwe na Hon. Bamporiki Eduard Umuyobozi w’Itorero ry’Igihugu, ubwo UNILAK yakiraga abanyeshuri bashya bazatangira muri uyu mwaka wa 2017/2018, kuri uyu wa Gatanu tariki 20 Ukwakira 2017.

Yagize ati “Hari ibintu byinshi biza nk’ibiza cyangwa bifite n’umumaro, aho tubona Rihanna yambaye ubusa, umwana wacu mwiza w’i Nyamirambo nawe akavuga ati ndakuramo tu! Hari imitekerereze ya Rihanna n’umuryango we kugeza ku gisekuru cy’ijana, hakaba n’imitekerereze y’Umunyarwanda kugera ku bakurambere bacu.”

Yongeyeho ati “Bigenda bite ngo umwana wacu mwiza ufite bwa buranga twemera, ufite agaciro kubera igihugu cyacu,yigane umuntu atigeze abona cyangwa atazigera anabona mu gihugu gifite abantu!”

Intore nshya muri UNILAK -zinjijwe mu zindi, zasabwe kugendana n’indangagaciro z’umuco nyarwanda zirinda kwiyandarika

Bamporiki avuga ko iyo umuntu amaze kumera atyo imitekerereze iba yamaze kwangirika. Yavuze ko atiyumvisha ukuntu umuntu wize ujijutse yakumva ko ibanga ryo kugera ku cyiza ashaka kugeraho ryaba mu kwiyandarika.

Irakiza Henry Israel umwe mu banyeshuri bashya, yavuze ko kwambara ubusa cyangwa kwambara utikwije bitajyanye n’indangagaciro z’umuco Nyarwanda.

Ati “Burya umuntu iyo ajya kwambara ubusa inyuma ni uko no mu imbere ntacyo aba afite,aba yarambaye ubusa cyera. No mu bwonko nta kiba kirimo. Kwambara ubusa ni uguta umuco kandi si byiza.”

Irakiza umunyeshuri wiga muri INILAK nawe ntashima imico bamwe mu rubyiruko badukanye

Irakiza agira inama urubyiruko ko gukurikiza umuco Nyarwanda nk’abatojwe, aribyo byiza bizabahindura abo bakwiye kuba bo.
Mukantwari Daphrose ni umwari wo muri UNILAK, nawe yavuze ko kwambara ubusa bidakwiye mu muryango Nyarwanda.

Ati “Kwambara ubusa mbona biterwa n’ibyo bamwe mu rubyiruko bishyizemo bitewe n’amafirime bareba bagashaka kwisanisha n’abanyamahanga kandi bitajyanye n’umuco wacu. Bikwiye gucika.”

Muri UNILAK mu mashami ya Nyanza, Kigali na Rwamagana hakaba kwiga abanyeshuri bashya 1400. Aba banyeshuri bose biganjemo urubyiruko bahise bashyirwa mu “ntore za UNILAK.”

INILAK yakiriye abanyeshuri bashya mu ntore

Aho yashakaga kujya bamuteruraga bakahamugeza

Ni nyuma yo guhabwa igare rizajya rimufasha kugenda kuko amaguru ye yombi yamugaye ku buryo atabasha kuyahina.

Muhawenimana atuye mu Biryogo i Nyarugenge. Yavutse abona nyina wenyine wari utunzwe no gukorera abantu akazi mu ngo bakabona icyo kurya.

Ageze ku myaka itandatu,mu buzima bw’ubukene Muhawenimana nibwo yatangiye gusabiriza ku muhanda, cyane ko kubera ubumuga bwe atabashakaga kujya ku ishuri.

Avuga kuva icyo gihe kugeza uyu munsi abayeho atunzwe no gusabiriza kuko na nyina yageze ubwo atabasha kubabonera ibibatunga kuko nawe yaje gukora impanuka imutera ubumuga.

Mu myaka y’ubuzima bwe, Muhawenimana kugira ngo ashobore kuva aho ari yashakaga abantu bakamuterura cyangwa akagendesha amaboko yikurura hasi. Kujya kure ngo yingingaga abamuterura bakamugeza kuri moto.

Muhawenimana yafashe igare yahawe nk’amaguru n’intebe bye. Yahise anatangaza ko abonye umufasha akabona imashini idoda ikoreshwa amaboko gusa, ryamufasha kujya ayikoresha yicaye, akabona ibimutunga adasabirije.

Yagize ati “Ndishimye cyane, ubu ngiye kujya mbasha kugira aho njya nijyanye. Iri gare rizamfasha mu kuba nakwihangira imirimo mbe nareka no gusabiriza.”

Muhawenimana yahawe igare agenderamo

Richard Kananga umuhuzabikorwa w’inama y’igihugu y’abafite ubumuga muri Nyarugenge avuga ko ku ikubitiro hatanzwe amagare 46 ku bafite ubumuga bababaye kurusha abandi, ariko hakaba hateganijwe gutangwa andi magare 289 mu bihe biri imbere.

Yasabye abahawe amagare kuyakoresha ndetse akababera imbarutso yo guhaguruka bakabasha gukora imirimo bashobora aho gusabiriza.

Ayo magare yatanzwe ku bufatanye bwa Handicap International na Church of Christ for later Saints.

Amwe mu mafoto atangwa na Radar ku iteganyagihe

Ni henshi mu gihugu hakunze kwibasirwa n’ibiza byangiza ibikorwa-remezo bikanatwara ubuzima bw’abaturage. Ibyo byose biba kandi mu Rwanda hari ikigo cy’igihugu gishinzwe gutanga amakuru ku itenganyagihe.

Akenshi Minisiteri ishinzwe guhangana n’ibiza no gucyura impunzi (MIDIMAR) nayo isa n’itungurwa n’ibiza biba byabaye, kuko bifata amasaha atari make cyangwa iminsi kugira ngo igeze ubutabazi bw’ibanze ku bibasiwe na byo.

Urugero ruheruka ni urw’ibiza byabaye hirya no hino mu gihugu mu Karere ka Nyagatare no mu Karere ka Gicumbi byatwaye ubuzima bw’abantu,binasenya inzu z’abaturage.

Ibikoresho bya Meteo Rwanda mu gupima ibijyanye n’iteganyagihe

Mu 2016 naho, mu Karere ka Gakenke hibasiwe n’ibiza abaturage bamwe bahasiga ubuzima,inzu nyinshi zirasenyuka na bimwe mu bikorwa-remezo birangirika. Byagize ingaruka ku miryango igera ku 1000, binatuma umuhanda Kigali-Musanze -Rubavu ufungwa igihe gito.

Usanga inzego zisa n’izitana ba mwana zivuga ko zitabona amakuru ku gihe. Meteo Rwanda ni yo ifite inshingano zo gukusanya amakuru ikayashyikiriza abafatanyabikorwa, na bo bakayasakaza mu buryo bworoheye buri muturage.

MIDMAR ihamya ko itabona amakuru ahamye y’ahashobora kuzaba ibiza, kuko amakuru ibona ari amakuru rusange atatuma imenya ahazaba ibiza bikomeye hakiri kare.

Muri Meteo bakoresha ibikoresho bitandukanye ngo bamenye kandi basakaze amakuru y’iteganyagihe ku Banyarwanda kandi barateganya kurushaho kongera uburyo bwo kuyageza henshi hashoboka

Habinshuti Philippe umuyobozi w’ishami rishinzwe gufasha abahuye n’ibiza no gusana ibyangiritse muri MIDMAR, avuga ko ibiza biheruka byabatunguye kuko guhera muri Kanama kugeza mu Ukwakira 2017, mu Rwanda habaye ibiza byinshi byahitanye ubuzima bw’abantu n’ibintu.

Agira ati “Baduha amakuru ajyanye n’uko imvura iza kugwa, umuyaga uza kuba urimo n’igihe haba harimo inkuba. Gusa ayo makuru ntaba ahagije kugira ngo umuntu amenye ko aho hantu imvura iri bugwe haza kuba ibiza.”

Icyo gihe inzu 2425 zarasenyutse, hegitari 1251 zarangiritse, hapfa amatungo marere 99, ibyumba by’amashuri 107 birasenyuka, ibiraro 13 birangirika n’amapoto 59 aragwa.

Meteo Rwanda izakomeza kongera ubupimiro hirya no hino mu Rwanda kugira ngo igere henshi

Avuga ko imvura nyinshi, inkuba n’imiyaga biri mu byahitanye ubuzima bw’abantu 20 naho abandi 57 barakomereka mu mezi make ashize.

Ati “kugira ngo umenye ko imvura iza guteza ibiza ni uko uba uzi neza aho iza kugwa. Naho amakuru baduha aba yibanda mu turere, utamenya ngo iragwa he, mu kahe kagari mu by’ukuri.”

Avuga ko baramutse bahawe amakuru nyayo y’ahashobora kwibasirwa n’ibiza byafasha kuburira abaturage hakiri kare.

Meteo Rwanda ntihakana ikibazo cyo kudatanga amakuru ku hashobora kuba ibiza bikaze. Impamvu itanga ni ukudahuza imikorere n’abafatanyabikorwa bayo, nk’uko bitangazwa na John Ntaganda Semafara umuyobozi wa Meteo Rwanda.

Ati “Ibikoresho birahari ku buryo ibiba tuba tubireba. Hari ibishobora no gufata ibipimo kurenga n’imbibi zacu.”

John Ntaganda Semafara umuyobozi wa Meteo Rwanda avuga ko bazongera ubushobozi bwo kugeza amakuru y’iteganyagihe ku baturage kugira ngo birinde ibiza

Akomeza avuga ko imbogamizi zikiri mu guhuza amakuru no kuyakwirakwiza aho agomba kugera hose mu Rwanda ku gihe,icyo ngo nicyo bashyiramo ingufu muri iki gihe, akizeza ko mu gihe cy’umwaka bizaba byakemutse.

Avuga ko banashyize ingufu mu gushaka uburyo amakuru y’iteganyagihe yajya ashyirwa ku mbuga nkoranyambaga, kuri butumwa bugufi bwa terefone zigendanwa ku buryo habaye hari ibiza bishobora kuba, terefone yajya itanga sms iteguza abantu.

Hari n’uburyo kandi bifuza bwazashyirwa muri terefone ku buryo ushaka amakuru y’iteganyagihe yajya ayabona bitamugoye.

Bateganya kuzareba uburyo amakuru yajya anyuzwa ku byapa byamamaza n’amashusho mu mijyi minini cyangwa ahahurira abantu benshi kugira ngo ibyo byose bige bifasha abantu kumenya amakuru y’iteganyagihe, aho bibafasha kumenya uko bitegura.

Semafara avuga ko kuri ubu Meteo Rwanda igenda ikora amahugurwa iyaha ibigo bitandukanye by’abafatanyabikorwa bayo bakunze gukenera amakuru y’iteganyagihe cyane.

Ati “Dukora iteganyagihe buri masaha atandatu kugira ngo Abaturarwanda bamenye uko ikirere kiba giteye. Hakaba hari iteganyagihe rikorwa ku munsi, hari iry’iminsi itatu, iry’iminsi itanu, iry’iminsi icumi, iry’ukwezi ndetse n’iry’amezi atatu.”

Iryo teganyagihe rikaba ryunganirwa n’iry’igihe kigufi rikorwa ku buryo iyo hagize ikintu babona kigiye kuba bakigaragaza.

Meteo Rwanda kandi ngo ikomeje kubaka ubushobozi igenda ishyira ibipimio hirya no hino kugira ngo bazagere ku rwego rwo kuba banatanga iteganyagihe kugeza mu nzego z’imirenge n’uduce runaka.

Ibikoresho byikoresha (automatic) biri mu duce 41 mu Rwanda, mu gihe ibikoreshwa n’abantu bagiye bari aho biri bafata ibipimo bakohereza amakuru biri ahantu 263.

Bamwe mu banyeshuri biga muri IRPC South bimenyereza gukoresha imashini zitandukanye

Imibare itangwa na Guverinoma igaragaza ko urubyiruko rw’u Rwanda ruri hejuru ya 50% by’abaturage bose. Ibi bitera impungenge leta kuko abarangiza amashuri ari benshi kandi bose batahita babona akazi.

Kwigisha imyuga ni imwe muri gahunda Leta yashizeho mu rwego rwo guhangana n’ikibazo cyo kubura akazi ku rubyiruko. Ariko bikiyongeraho ko urubyiruko rwize imyuga rufasha mu kongera serivisi ubundi zakorwaga n’abanyamahanga bavuye hanze y’igihugu.

IPRC-South ni ishuri ryigisha imyuga n’ubumenyingiro, rimwe mu mashuri atanu Leta yashyizeho mu ntara zose z’igihugu n’Umujyi wa Kigali, kugira ngo atange ubumenyingiro bukenewe ku isoko ry’umurimo mu Rwanda.

Major Dr Barnabe Twabagira uyobora IPRC South

Mu isuzuma ryakozwe muri Werurwe 2017 harebwa uko abanyeshuri baharangiza babona akazi, ryagaragaje ko 80% bahita babona akazi. Bamwe boherezwa mu bigo n’inganda naho abandi bakikorera.

Major Dr Twabagira Barnabe uyobora IPRC South, avuga ko mu myaka itanu ishuri rimaze rikora, harangije abanyeshuri 1068 mu byiciro bibiri. Yemeza ko uyu mubare ukiri muke ugereranije n’abakenewe ku isoko ry’umurimo.

Agira ati “Nabita nk’igitonyanga mu nyanja. Nimugoroba twavuganaga n’ibigo n’inganda zitadukanye bansaba abanyeshuri barangije kwiga hano. Nabashije kubona bakeya abandi bambwira ko bifitiye akazi.”

Yongeyeho ko mu nganda zikunze kubasaba abakozi ari izikora ubwubatsi mu Rwanda, izikora ibya mekanike. Ikigo cya Rwanda Energ Group (REG) gikora iby’amashanyarazi na cyo kiri mu gikoresha abanyeshuri barangije imyuga benshi.

Shema umwe mu barangije muri IPRC South agahita abona n’akazi

Major Dr Twabagira avuga ko REG yo itarindira ko barangiza kuko ibaha akazi bakiga.

Ntawugaserura Damascene ahagarariye abakozi ba REG ku rugomero rwa Rukarara i Nyamagabe, ashima imikorere y’abakozi akoresha bavuye muri IPRC South. Ati “Nta kibazo afite ibyo tumusabye nibyo adukorera.”

Shema Jean Fiston umwe mu bize ibijyanye n’ikoranabuhanga n’itumanaho (ICT) muri iri shuri yahise ahabona akazi,aho akora mu bijyanye no kwita kuri mudasobwa zifite ibibazo akanafasha abanyeshuri bahiga ibijyanye n’imyigire-ngiro ya mudasobwa.

Ahereye ku mubare w’abo bahataniye akazi yatsindiye muri IPRC South, avuga ko ireme ry’uburezi ry’iryo shuri riri hejuru. Ni naho ahera ashishikariza abandi biganjemo urubyiruko kuza kuryigamo.

Ati “Hari amezi atandatu batanga y’igeragezwa kugira ngo ubashe kuba umukozi, hari amanota baha umukozi, urumva rero kuba barampaye anyemerera kuba umukozi nakoze neza.”

Imibare y’ababona akazi barize imyuga, cyane cyane ku barangije muri za IPRC, iramutse ikomeje kuzamuka byafasha mu kurwanya ikibazo cy’ubushomeri kiri mu rubyiruko rurangiza amashuri asanzwe nka za kaminuza kiri ku 18% by’abarangiza ntibahite babona akazi.

Nkongwa idasanzwe irya ikigori ihereye mu mitima wacyo

Abahinzi barahamagarirwa kwita ku mirima yabo kuko mu Ntara y’Amajyepfo hongeye kugaragara nkongwa idasanzwe yibasira ibigori.

Gasana Parfait, uhagarariye ikigo cy’igihugu gishinzwe ubuhinzi n’ubworozi (RAB) mu Ntara y’Amajyepfo ahamagarira abahinzi gusura imirima yabo nibura gatatu mu cyumweru.

Tariki ya 12 Nzeli 2017, ubwo yari ari i Nyamagabe mu gutangiza igihembwe cy’ihinga cya 2018 A, yagize ati “Nkongwa y’ibigori iracyahari ntaho yagiye, abahinzi babe maso.

Aho izagaragara bazagure umuti, nibumva batabisobanukiwe bazatubwire tuze tubarebere.”

Ibyo abivuga ahereye ku kuba mu gihembwe cy’ihinga cya 2017 C harahinzwe ibigori mu gishanga cy’Akanyaru, muri Nyanza na Gisagara, bikamera birimo nkongwa.

Akomeza avuga kandi ko no mu Karere ka Nyaruguru mu mirenge yegereye ishyamba rya Nyungwe bahinze mbere ibigori mu gihembwe cya 2018 A, byamera bigahita byibasirwa na nkongwa.

Muri Muhanga naho ngo abari guhinga ibigori hafi ya Nyabarongo nkongwa yatangiye kuhagaragara. Ati “Bivuze ko ahantu hahinze ibigori bimera nkongwa nayo iri ahongaho hafi.”

Akomeza abwira abahinzi ko mbere yo gutera imiti babanza gutoragura nkongwa ubundi bagatera umuti.

Gasana Parfait, umuyobozi wa RAB mu Ntara y’Amajyepfo ahamagarira abahinzi kuba maso kuko nkongwa igihari

Gasana avuga kandi ko abahinzi bagomba guterera rimwe umuti mu mirima kuko ngo iyo umwe ateye undi ntatere nkongwa yimuka.

Mukamuganga Donatha, ushinzwe ishami ry’ubuhinzi n’umutungo muri Nyamagabe avuga ko bari gukora ubukangurambaga mu baturage bwo guhinga ariko banategura amafaranga yo kugura umuti wica nkongwa.

Mukantwaza Claudine avuga ko yababariye abamwiciye umuryango

Mukantwaza Claudine warokotse Jenoside yakorewe Abatutsi, avuga ko yababariye abarenze batanu bamwiciye umuryango.

Yemeza ko gahunda ya "Mvura Nkuvure" itaraza yumvaga atanarebana mu maso n’abamwiciye umuryango, binagoye ko yabababarira.

Yagize ati “Iyo twazaga kwibuka twahuraga n’abaduhemukiye ukababara, ukibaza niba nabo baje kwibuka abacu kandi aribo babishe. Byatuberaga inzitizi.”

Binyuze mu mahugurwa n’inyigisho z’ubumwe n’ubwiyunge muri "Mvura Nkuvure" yatangiriye ahitwa i Musange muri 2015, Mukantwaza yaje kubabarira abamwiciye. Ngo byamufashije mu isanamitima araruhuka.

Ati “Ni inzira ndende ariko mu by’ukuri iyo ubasha kuganira n’umuntu wabonaga ukiruka, ugenda ubohoka kubera ko wa muntu akubwira uko byamugendekeye, uko yabishe, aho yabashyize. Birangira nawe wibaza impamvu atinyutse kuba yabivuga.”

Ndahimana Vincent ni umwe mu bahawe imbabazi

Ndahimana Vincent yakoze Jenoside yakorewe Abatutsi. Ni umwe mu bababariwe.

Yagize ati “Igihano narakirangije ngaruka mu rugo. Nagiraga ipfunwe ryo kureba abo nahemukiye.

Nabonaga abantu batanyegera. ’Mvura Nkuvure’ yampuje n’uwo niciye arambabarira. Ubu turasangira, nta rwikekwe tugifite, tubanye neza.”

Ndakebuka Yves, umunyamabanga nshingwabikorwa w’umurenge wa Musange avuga ko abagera kuri 360 bafashijwe na gahunda ya "Mvura Nkuvure" mu isanamitima i Musange, byatumye umubano mwiza wiyongera mu baturage.

"Mvura Nkuvure" ni gahunda yashyizweho n’itorero ry’aba-Anglican mu Rwanda muri 2005.

Itangirira i Byumba iza no kugera muri Nyamagabe muri 2015, aho ikorera mu mirenge ya Kaduha, Mbazi, Kamegeri, Musange na Cyanika.

Uku ni ko byari byifashe hatangizwa igihembwe cy’Ubuhinzi muri Nyamagabe

Igihembwe cy’ihinga cyatangijwe kuri uyu wa 13 Nzeri 2017, gitangirizwa mu Murenge wa Buruhukiro, Akagari ka Munini kuri site ya Gumira A, haterwa imbuto y’ibirayi kuri hegitari 1,5.

Ubusanzwe abaturage babonaga imbuto y’ibigori biciye muri gahunda yiswe "Nkunganire", aho Leta ibafasha kubona iyo mbuto, ikabishyurira kimwe cya kabiri, abahinzi bakishyura asigaye.

Abo bahinzi bavuga ko imvura yari yagwiriye igihe kandi n’ifumbire bayifite yaba ifumbire mva-ruganda ndetse n’imborera,ariko ubuke bw’imbuto bwabakomye mu nkokora mu gutangiza igihembwe cy’ihinga.

Hari zimwe mu Ntabire zasigaye zidateyemo imbuto kubera ubuke bwazo

Uwitwa Banganyiki Yoweri yagize ati” Hari benshi batabashije gutera hasigaye intabire nini, kuko batarabona imbuto.”

Mukamuganga Donatha, Umuyobozi w’ishami ry’ubuhinzi n’umutungo kamere i Nyamagabe, yemeza ko iki kibazo cy’imbuto koko kigihari.

Ati “imbogamizi dufite ni ijyanye n’imbuto y’ibigori, iy’ibirayi yo si cyane, kuko n’ubundi itaba muri "Nkunganire", abahinzi bayishakira.”

Gasana Partait, umuyobozi w’ubuhinzi n’ubworozi mu Ntara y’Amajyepfo yamaze abahinzi impungenge, avuga ko mu minsi mike imbuto y’ibigori iza kubageraho.

Ati “Mu Majyepfo buriya dukoresha amoko abiri y’imbuto z’ibigori. Imbuto zo mu misozi migufi n’izo mu miremire.

Banganyiki Yoweri avuga ko imbuto y’ibigori yababanye nkeya

Ino dukoresha izo mu misozi miremire, kandi ku wa mbere zageze i Kigali. Ababishinzwe (Agro Dealers) bajya kuzigura bakazigeza ku baturage bagahinga nta kibazo.

Abazakenera imbuto zihingwa mu misozi migufi bo mu tundi turere nka Nyanza, Huye, Ruhango n’ahandi , nazo zizagera mu Rwanda ku wa gatatu w’iki cyumweru’’ .

Abahinzi bo muri ako Karere kandi bibukijwe n’ubuyobozi bw’Ikigo cy’igihugu cyita ku buhinzi RAB, ko mu Majyepfo, nkongwa itahacitse burundu bakwiye kuba maso, aho ibonetse bagatanga amakuru ku gihe bakayirwanya.

Muri iki gihembwe i Nyamagabe hazahingwa ha 9950 z’ibigori, ha 10088 z’ibishyimbo na ha 9700 z’ibirayi.

Umuyobozi wa RAB mu Majyepfo yizeje abaturage ko imbuto babuze ziboneka vuba

Bimwe mu bitera indwara ziva ku isuku nke harimo no kurya abantu badakarabye

Mu ndwara ziyongereye harimo impiswi,inzoka n’indwara z’uruhu nk’ubuheri,ise n’izindi nk’uko bivugwa na Hategekimana Sylvestre ushinzwe gukurikirana ibikorwa by’ubuzima i Nyamagabe.

Yagize ati “Muri Mutarama-Gashyantare-Werurwe abarwaye impiswi bagera ku 1400, muri Mata-Gicurasi-Kamena bagera ku 2000. Abarwaye inzoka bavuye ku bihumbi 11 bagera ku bihumbi 13 na 500 muri ayo mezi.”

Indwara z’uruhu nk’ubuheri, ise n’izindi ngo bavuye ku barwayi 3600 bagera kuri 4500.

Hategekimana avuga ko kudakaraba intoki, umubiri, isuku nke ku myambaro,ubwiherero n’aho abantu baba ari byo byatumye iyo mibare igenda yiyongera.

Bitewe n’izo mpamvu Hategekimana akaba ashishikariza abaturage kwita ku isuku cyane cyane bakaraba intoki n’umubiri neza ndetse bita ku isuku mu ngo no ku myambaro kuko ari bwo bazagira ubuzima buzira umuze.

Abavugwaho ikibazo cy’umwanda batanga impamvu zigitera.

Sibomana agaruka ku mibereho ya buri munsi ijyana n’akazi bakora usanga biba bitoroshye gukaraba intoki. Gusa anavuga ko ngo hari n’abatabyitaho.

Ati “icya mbere hari ukutabyitaho, icya kabiri, iyo umuturage abonye icyo kurya ahanini aba atari mu rugo. Ntiyavuga ngo agiye gukaraba,hari igihe haba hatari n’amazi.”

Yungamo ati “iyo umuhinzi ari mu kazi ko guhinga aba akorakora ifumbire,ibyatsi,hari ubwo haba hari ibijumba cyangwa imyumbati ugakura, ugatonora, ugahita uhekenya udakarabye. ”

Yagarutse no ku bakora akandi kazi nk’ababumba amatafari, abacuruza n’abandi.

Ati “hari igihe ujya kubona ukabona avoka irahise, hari n’ubucuruzi bukorerwa ku dutaro mu ndobo.

Umuntu ukora akazi nk’ako iyo abonye amandazi ahise aragura agahita arya adakarabye nta mazi aba ari aho.”

Ibyo byose akabibona nk’umwanda wateza indwara.

Mukamusoni avuga ku bagore bo mu cyaro, biba bitoroshye kuko hari aho bisaba ko ajya guhinga yaba ari nko mu murima bikamusaba guhita aha umwana ibere. Bikaba bitoroshye gukaraba.

Mu ngamba zashyizweho harimo ko abahagarariye abandi mu midugudu, utugari n’imirenge bazajya bajya mu ngo bashishikariza abaturage kwita ku isuku muri rusange.

Nk’uko bivugwa na Hategekimana Sylvestre ushinzwe gukurikirana ibikorwa by’ubuzima i Nyamagabe, mu ndwara zikunze kugaragara ku basuzumwa ngo harimo Diyabete, umuvuduko w’amaraso ukabije (Hypertension), Asima n’izindi.

Ati “mu bitabira checkup 100 ntihaburamo 5 bafite indwara karande imwe cyangwa ebyiri. Mu myaka yo hambere byashobokaga kutagira uwo wabona.”

Izo ndwara ngo zikunze kugaragara cyane ku bagore kuva ku myaka 35 kuzamura no ku bagabo kuva ku myaka 40 kuzamura.

Akaba ari yo mpamvu hashyizweho uburyo bworohereza abageze muri iyo myaka kwisuzumisha ku buntu ku bafite mitiweli cyangwa ubundi bwishingizi.

Yungamo ati “checkup ikorwa rimwe buri mwaka. Uyikoresheje agasanga arwaye ashobora gukira, biterwa n’indwara. Iyo ari nka Kanseri igitangira ishobora gukira.”

Ku ndwara zidakira nka Diyabete, uwo bayisanganye ahabwa inama agenderaho yazubahiriza zikamwongerera amahirwe yo kurama. Hari n’abo basanga bafite ibyago byo kwandura indwara runaka bakagirwa inama zatuma bazikumira.

Anashishikariza abaturage bagifite imyumvire ko indwara karande nka Diyabete, Hypertension n’izindi, ari iz’abakire, kuyireka kuko buri wese yazirwara atirinze.

Dr Nteziryayo Philippe, muganga mukuru ku bitaro bya Kabgayi, akangurira abantu kwitabira “checkup”.

Ati “ubushakashatsi bugaragaza ko inyinshi muri izi ndwara zihera ku myaka 30-35. Umubiri uba ugenda usaza unananirwa, hari iziza kubera uko kunanirwa cyangwa icyo kigero cy’imyaka.Niyo mpamvu ari cyo kigero duheraho.”

Yongeraho ko checkup iba igendereye gusuzuma ziriya ndwara kuko zifata umuntu ntaribwe.

Dr Nteziryayo avuga ko ziriya ndwara ziza buhoro buhoro. Gukoresha checkup bikaba bituma bazivumbura ku bazifite n’abo batazisanzemo bakabagira y’uko bakwitwara.

Mukambungo ni umuturage witabiriye checkup. Yemeza akamaro yamugiriye agashishikariza abandi kuyitabira.

Ati “nagiye ndi muzima, barampimye bansangana hypertension. Bangiriye inama yo kugabanya amavuta, umunyu nywuvaho, bambwira kunywa amazi menshi no gukora siporo. Nakurikije inama, ubu meze neza.”

Aba bagabo nibo bafatanywe urumogi rw’ibiro 100

Iyo modoka ifite nimero za puraki RAB422F yavaga i Rusizi igana i Nyamagabe. Bivugwa ko yari igiye mu Mujyi wa Kigali.

Urwo rumogi rwari ruri muri iyo modoka, bari barushyize imbere mu mifuka barurenzaho ifu ya kawunga mu rwego rwo kujijisha.

Hafashwe abagabo babiri umwe wari utwaye iyo modoka n’undi wari utwaye moto ifite puraki RCA804M. Uwo ngo yagendaga imbere y’iyo modoka, aneka niba mu nzira nta nzego z’umutekano zirimo.

Abo bafashwe bombi bafungiye kuri Station ya Polisi ya Gasaka, i Nyamagabe mu gihe hagikorwa iperereza.

Urumogi bari barushyize hagati mu ifu ya kawunga mu rwego rwo kujijisha

IP Emmanuel Kayigi, umuvugizi wa Polisi mu Ntara y’Amajyepfo avuga ko abo bagabo baramutse bahamwe n’icyo cyaha, bahabwa igihano cy’igifungo kiri hagati y’imyaka 5-7.

Bagatanga n’ihazabu kuva ku bihumbi 500RWf kugeza kuri miliyoni 5RWf; nk’uko bivugwa mu ngingo ya 503 y’igitabo cy’amategeko ahana ibyaha mu Rwanda.

Iki kigo nderabuzima cyuzuye gitwaye miliyoni 186RWf

Uwo murenge utuwe n’abaturage babarirwa mu bihumbi 24, mbere nta vuriro bagiraga ku buryo ngo bajyaga kwivuriza mu Murenge wa Gasaka, ku bitaro bya Kigeme cyangwa mu Cyanika, ahantu bageragayo bakoze urugendo rw’ibirometero bigera ku 10 n’amaguru.

Mbabazi Gerard, umwe mu baturage batuye uwo murenge avuga ko byabagoraga cyane byagera ku babyeyi bagiye kwibaruka bikaba ibindi.

Agira ati “Hari kure cyane,byabaga bikomeye cyane nk’umuntu ajyanye umubyeyi. Iki kigo nderabuzima kimaze imyaka igera kuri ine cyubatswe,cyaturuhuye gukora ingendo ndende kinagabanya imfu z’ababyeyi n’abana bajyaga kure bari ku nda.”

Mugenzi we witwa Nyirakanani Virginia ati “Wasangaga ari urugendo rurerure umubyeyi yafatwa n’inda akaba yatinda kugera ku ivuriro, ariko ubungubu umujyanama w’ubuzima arazana umubyeyi akamugeza hano byaba binaniranye bakazana ‘Ambulance’ ikamugeza ku Kigeme bitagoranye.

Umwana yararembaga nka nijoro umuriro umurenze ukabura uko umuvuza ariko ubu iyo arembye, uhita umujyana bakamuvura.”

Anavuga ko hari abaremberaga mu ngo ntibajye kwivuza bitewe n’urugendo rurerure bakoraga.

Ikigo nderabuzima cya Kibirizi cyubatse mu buryo bwa kijyambere.Ubuyobozi bw’umurenge buvuga gifite akamaro mu iterambere n’imibereho myiza y’abaturage.

Niyonsaba Anaclet umunyamabanga nshingwabikorwa w’Umurenge wa Kibirizi agira ati “Ni ikigo nderabuzima kije vuba. Cyaje abaturage tugikeneye kuko service z’ubuvuzi zabonekaga kure.

Icyo kigo nderabuzima cyubatswe ku bufatanye bw’Akarere ka Nyamagabe n’umuryango utegamiye kuri Leta witwa "World Vision". Cyuzuye gitwaye Miliyoni 186RWf.

Uyu muhanda wa Huye - Nyamagabe - Kitabi uzamara imyaka ibiri uri gusanwa

Twayituriki Emmanuel, umunyamabanga nshingwabikorwa w’Akarere ka Nyamagabe, igice kinini uwo muhanda unyuramo, avuga ko kuwagura byatangiranye no gupima aho uzagurirwa.

Kuwagura biri gukorwa n’ikompanyi y’Abashinwa ikora iby’ubwubatsi yitwa China Road and Bridge Corporation.

Ikindi ngo ni uko kuri ubu abaturage bafite ibikorwa aho uwo muhanda uzagurirwa bari kubarirwa kugira ngo bazahabwe ingurane.

Agira ati “Ubungubu bari gupima umuhanda. Hari abakozi bo muri RTDA (Ikigo cy’u Rwanda gishinzwe iterambere ry’ubwikorezi) barimo kubarira abaturage kugira ngo hahite hakurikiraho ibijyanye n’ingurane.”

Akomeza avuga ko umushinga wo gukora uwo muhanda biteganyijwe ko uzarangira muri Gicurasi 2019, ukaba ufite ingengo y’imari ya miliyari 24RWf na miliyoni 494RWf.

Umuhanda Huye-Nyamagabe-Kitabi wari muto mu bugari kandi warangijwe n’isuri kuburyo imodoka iyo zahanyuraga ari nini kubisikana byagoraga bikaba ngombwa ko imwe ibanza guhagaragara igaha indi inzira.

Ibyo byashoboraga gutera impanuka kuko imodoka zasatiraga ahagenewe kugenda abanyamaguru; nkuko umwe mu baturage witwa Mukansanga Marie Rose abisobanura.

Agira ati “Twagize icyizere tubonye baje kuwupima. Burya iyo umuhanda waguye biba byiza. Nta mpanuka zikunda kuba,umunyamaguru aratambuka,ibinyabiziga bikagenda neza ugasanga mu muhanda hari umutekano.”

Mugenzi we witwa Nyiramayira Marie avuga ko yishimira uburyo Leta ishyira imbaraga mu bikorwa remezo.

Uyu muhanda wari muto mu bugari kuburyo kubisikana kw’imodoka byagoranaga

Umuhanda Huye-Nyamagabe-Kitabi numara kwagurwa bizoroshya urujya n’uruza mu muhanda Huye-Nyamagabe-Rusizi kuko igice cyawo cya Kitabi-Rusizi kimaze igihe cyarakozwe.

Uwo muhanda ukoreshwa n’abantu batandukanye bava cyangwa bajya mu mujyi wa Rusizi uhana imbibi n’umujyi wa Bukavu wo muri Congo (DRC).

Ingabo z’igihugu zafatanije n’abaturage bo muri Nyamagabe babumba amatafari yo kubakira abakuwe muri Nyakatsi

Babitangaje ubwo ingabo z’u Rwanda zifatanyaga n’abaturage n’ubuyobozi bakora ibikorwa bitandukanye muri gahunda ya “Army Week”, birimo kubumba amatafari no kubakira abimuwe muri Nyakatsi, ku wa kane 01 Kamena 2017.

Biteganijwe ko imiryango 100 yakuwe muri Nyakatsi izubakirwa inzu muri iyo gahunda. Izo nzu zizatahwa ku mugaragaro ku itariki ya 04 Nyakanga 2017, ku munsi wo Kwibohora.

Abagize iyo miryango bari bamaze imyaka irenga itanu bacumbikiwe n’abaturanyi nyuma y’uko bakuwe muri Nyakatsi.

Mukansanga Marie Rose, umwe mu bazubakirwa avuga ko nyuma yo kuva muri Nyakatsi yabagaho mu buzima bwo gukodeshwa no gucumbikirwa.

Agira ati “Tuzaba twibohoye imvura, ubukode twishimira ko twubakiwe. Njye inzu izandindira abana kunyagirwa. Nari narabuze aho mbicaza, tukavirwa, utwo nateguye tukajyamo amazi, nzaba meze neza cyane nta kibazo mfite.”

Izi nzu ziri kubakirwa abakuwe muri Nyakatsi muri Nyamagabe biteganyijwe ko zizatahwa ku munsi wo Kwibohora

Nsengimana Jean Damascene, umukozi ushinzwe ibikorwa by’igenagaciro ry’ubutaka muri Nyamagabe, avuga ko ibikorwa bya “Army Week” bibafasha mu gutegura neza umunsi wo Kwibohora.

Agira ati “Ku bijyanye no kubakira abatishoboye, tuzubaka inzu 119. Inzu 100 ni zo Army week izadufashamo zizanahabwa n’ibikoresho.”

Biradufasha rwose kuko kwibohora ni ukuba ufite aho uba, utuje, utekanye. Rero uriya munsi wo kwibohora uzasanga abaturage bacu batuye neza kandi kuba barabifashijwemo n’Ingabo z’igihugu,ni ibintu byiza cyane.”

Muri Army Week kandi ingabo zanafashije abaturage, kubagarira Kawa ihinze kuri hegitari 112.

Nyiramajangwe Annonciatta (wambaye ubururu) umwe mu ncike zahawe ubufasha

Babitangaje nyuma y’uko abagize inama y’igihugu y’abagore mu Kagari ka Kimisagara ko mu Mujyi wa Kigali, basuye abakecuru batatu b’incike za Jenoside bo mu Murenge wa Gasaka tariki ya 21 Gicurasi 2017.

Izo ncike zahawe ibikoresho birimo ibiribwa,ibikoresho by’isuku birimo isabune n’ibahasha irimo amafaranga atatangajwe umubare, baguramo icyo bakeneye.

Nyiranjangwe Annonciata, uri mu kigero cy’imyaka iri hagati ya 65 na 70 y’amavuko, ahamya ko n’ubwo babuze imiryango yabo bagifite igihugu nk’umuryango.

Agira ati “Mbyakiriye neza n’umutima mwiza. Baramfashije. Imana ikoresha abayo. Nzamesa umwenda, nkarabe, njye no gusenga. Tubikorerwa n’Imana kuko yadusigaje. Aba bana baradufashije. Ni abana bacu,ntituri twenyine.”

Nyiranzikwesa Euphrasie, ufite imyaka iri hagati ya 70 na 80 y’amavuko, yanejejwe n’ubwo bufasha maze atera indirimo ko inkuru nziza n’amahoro bitashye iwe.

Niyongabo Joyeuse, uhagarariye inama y’igihugu y’abagore mu Kagari ka Kimisagara, avuga ko ibyo bakoze babikoreye kwereka urukundo ababyeyi babo basizwe iheruheru na Jenoside yakorewe Abatutsi.

Agira ati “Ni ababyeyi b’incike badafite abana kandi bari babafite,badafite abagabo kandi bari babafite. Kubaremera ni ukubereka ko turi kumwe. Natwe n’ubwo twasigaye, twarakuze tugomba kwibuka bariya babyeyi.”

Niyongabo Joyeuse, ushinzwe inama y’igihugu y’abagore mu kagari ka Kimisagara mu mujyi wa Kigali

Uwayezu Wilson ukurikirana ibikorwa by’Ikigega cya Leta gitera inkunga abarokotse Jenoside batishoboye (FARG) i Nyamagabe avuga ko banyuzwe n’igikorwa bakorewe n’abagore bo ku Kimisagara.

Agira ati “N’ubwo tubita incike,ibi bikorwa, bituma bagera no ku rwego rwo kutubwira bati ntitukiri incike. Turabafite aba babyeyi badusuye,urubyiruko,dufite abaduhora hafi bakagira iby’ibanze badufasha umunsi ku wundi.”

Abarangije muri KCCEM bari kumwe na bamwe mu bayobozi bitabiriye uwo muhango

Uwo muhango wabaye kuri uyu wa kabiri tariki ya 02 Gicurasi 2017, ku cyicaro cy’iryo shuri riherereye mu mu Murenge wa Kitabi mu Karere ka Nyamagabe, hafi ya Pariki y’igihugu ya Nyungwe.

Muri abo banyeshuri 59, 23 barangije mu ishami rishinzwe kubungabunga inyamaswa zo mu gasozi, 19 barangije mu bukerarugendo naho 17 barangije mu kubungabunga amashyamba.

Umunyamabanga wa Leta muri Minisiteri y’uburezi, Rwamukwaya Olivier yasabye abanyeshuri bahawe impamyabushobozi kuzabyaza umusaruro ubumenyi bahawe bihangira imirimo.

Yabahamagariye kandi kubera abandi urugero, bagira uruhare mu kubungabunga urusobe rw’ibinyabuzima biboneka mu Rwanda nka bimwe mu bituma ubukerarugendo butera imbere.

Uyu muhango ukaba wanahuriranye n’igikorwa cy’uko iri shuri ryakuwe mu maboko y’ikigo cy’u Rwanda cy’iterambere (RDB ) cyaricungaga, rikajya muri Kaminuza za Leta.

Abayobozi bajya gutangiza umuhango wo gutanga impamyabushobozi muri KCCEM

Icyo kigo cyatangiye ari ikigo cy’amahugurwa y’igihe gito ku bijyanye no kubungabunga urusobe rw’ibinyabuzima, ubukerarugendo n’ibindi bijyanye na byo, byakorwaga na RDB.

Nyuma y’aho icyo kigo cyaje kuba ishuri rikuru ari nayo mpamvu ryeguriwe Minisiteri y’Uburezi.

Umunyamabanga wa Leta muri Minisiteri y’uburezi, Rwamukwaya akaba yatangarije ubuyobozi bw’iri shuri ko rizakomeza gucungwa neza kurushaho.

Yanashimiye abafatanyabikorwa bakoze ibishoboka byose kugeza rigeze ku ntambwe rigezeho ubu.

KCCEM yatangiye mu mwaka wa 2006. Ni ubwa kabiri iri shuri ritanze impamyabushobozi ariko nibwo bwa mbere zitangiwe ku cyicaro cyaryo ku Kitabi kuko mbere zatangiwe mu Mujyi wa Kigali.

Umuryango wa Ntawuziyambonye baherutse kwibaruka impanga z’abana batatu.

Umugore wa Ntawuziyambonye aherutse kubyarira abana batatu b’impanga mu bitaro bya Kigeme, tariki ya 11 Werurwe 2017. Ariko kugeza ubu, ntarabona ubushobozi bwo kwishyura fagitire y’iminsi abana na nyina bamaze mu bitaro.

Kuri uyu wa kabiri tariki ya 14 Werurwe 2017, Kigali Today yamusuye aho atuye mu Karere ka Nyamagabe, Umurenge wa Gasaka, mu Kagari ka Nzega, kugira ngo irebe uko abayeho.

Igice cy’inyuma ku nzu y’uyu muryango.

Ubwo umunyamakuru yahageraga, yahuye nawe avuye kuvoma, yikoreye ijerekani y’amazi ku mutwe, agenda nta nkweto yambaye. Yavuze ko avuye gushaka amazi yo guteka kugira ngo agemurire umugore we kuko akiri kwa muganga.

Ntawuziyambonye avuga ko ibyo kurya babikura mu gupagasa nko guhingira abaturage, avuga ko n’ibyo yari agiye guteka yabikuye mu mafaranga bamuhaye nyuma yo gutunda ibiti. Yagize ati “Natinze,ndagirango nteke njye ku Kigeme.”

Ntawuziyambonye ahagaze imbere y’inzu ye.

Ibyo yabivugaga yihuta agana mu rugo, mu rugendo rw’iminota igera ku munani uvuye ku muhanda w’ahitwa i Nzega.

Inzu babamo ifite ibyumba bitatu, ihomesheje ibyondo, isakaje amabati bigaragara ko ashaje. Urebera imbere ukabona imyenge yatobotse mu mabati. Yahaye ikaze umunyamakuru wa Kigali Today mu ruganiriro, harimo intebe ebyiri nto z’imbaho zikikije akameza gato.

Mu ruganiriro harimo intebe ebyiri z’imbaho n’akameza gato

Ati “Inzu yubakishije amabati.Ayangaya ubona ashaje ni amakura. Iyi myenge ubona mu mabati, iyo imvura iguye irava. Aya mabati yo hirya nayo ni ay’umugabo duturanye witwa Bikamari yampaye.”

Yayampaye agira ngo tutaba mu nzu idasakaye kuko mbere nari narabanje kuba mu nzu y’ibyatsi,muri cya gihe cyo gukuraho nyakatsi ubwo baraza bayikuraho.Nibwo Abdou yampaye amabati.”

Uko ni ko igisenge cy’inzu kimeze imbere.

Yongeyeho ko mu bijyanye n’imibereho uretse gupagasa bafite imirima ibiri mito itarengeje metero 15 kuri 12. Abana yari asanganywe, umwe afite imyaka itatu n’amezi make undi afite imyaka irindwi.

Ati “Nkimara kubona ko ari abana batatu kubyakira byabanje kumvuna. Kubera ko burya iyo ikintu kibaye utari ukiteguye kirakuvuna. Uranahangayika.”

Igice cy’inyuma kuri iyi nzu.

Claude akomeza avuga ko bari baziko bazabyara umwana umwe, akaba ngo yari yaramuguriye utwenda tubiri, udusarubeti tubiri n’akagofero. Havutse abana batatu, ngo yahise abura uko abyifatamo icyakora ku bw’Imana ngo abaganga nibo bahaye abana utwenda.

Ati “Uretse aka kazu, nta yindi sambu ngira. Iyo ngira ni utu turima tubiri naguze nkiri umusore ibihumbi 40Frw. Iyi mizonobari ubonye sinyirenga. Aha mu irembo si iwanjye, munsi y’inzu si iwanjye. Sinabona ikintu mvuga Imana yonyine niyo nabishyize imbere.”

Uyu murima ngo niwo bitegura kugwatiriza, mu gihe baba babuze ayo kwishyura ibitaro.

Claude avuga ko nta kazi agira uretse gupagasa, ngo ntiyigeze yiga n’ishuri na rimwe ngo abe yasaba akazi.

Kuri we ngo byaramurenze, gusa ngo yizera ko iyo Imana iguhaye iba izi n’ibizatunga abo iguhaye. Yemera ko Imana ishobora gukorera mu bantu bakaba bamufasha mu kurera aba bana.

Muri iyi minsi umugore wa Ntawuziyambonye ari mu bitaro, kugira ngo abashe kugemura muramu we aza kumusigarira ku rugo akajya gupagasa akabona kuza agateka akajyemura.

Ati “Muramu wanjye ejo nimugoroba niho yaje. Yansigariye ku rugo nanjye njya gukora mu kazi ko kwikorera ibiti by’amasiteri hano hirya. Niho niriwe. N’ubungubu urabona ko mvuye kuvoma ari ko kazi mvuyemo.

Iyo tugiye gukora duhera mu gitondo tukageza saa tanu n’igice bakaduhemba 800frw.”

Mu rugo kwa Claude hagaragara ikiraro ubona ko cyashaje.Icyo kiraro avuga ko giherukamo ihene umwaka ushize, akaba yarayigurishije ashaka ubwisungane mu kwivuza bw’umugore n’abana.

Ubu ngo ahangayikishijwe n’ibibazo bibiri by’ingutu bimutera gusaba akarere,umurenge n’abandi bagiraneza ubufasha bwatuma ashobora gutunga aba bana.

Kimwe muri ibyo bibazo ngo ni uburyo umugore we azava mu bitaro. Ni mu gihe yabyaye neza kuwa 11 Werurwe,akaba agejeje kuwa 15 atarava mu bitaro.

Agira ati “Ndi kwibaza aho nzakura ayo nishyura ibitaro,ubu tuvugana sindamenya umubare w’amafaranga nzishyura ibitaro.Icyakora uyu munsi niho nicaye ndavuga nti amafaranga bazanyaka, nzafata umuganga umwe aze mwereke uyu murima uri inyuma y’urugo,awufotore,awugire ingwate.”

Avuga ko nabona amafaranga azajya agenda yishyura gake gake kugeza igihe azarangiriza kwishyura ibitaro.

Ikindi kibazo kimuhangayikishije ahanini ngo ni ukubona ibizatunga abana n’umugore n’ubwisungane mu kwivuza bwabo dore ko ngo yashyizwe mu cyiciro cya gatatu, aho asaba ko yahindurirwa icyiciro cy’ubudehe kuko kidahuye n’ubushobozi bwe.

Nyuma y’ibi byifuzo asaba ko akarere n’umurenge n’abandi bagiraneza bamufashamo, ngo arasaba n’amabati azasakaza bigatuma impinja niziva kwa muganga zitazajya zivirwa.

Mugisha Philbert umuyobozi w’Akarere ka Nyamagabe, yemeza ko hari bimwe biteguye gufasha uyu muryango, birimo ibikoresho by’ibanze, kuba bamukamishiriza, kuba bashaka uburyo babona indyo ikungahaye ku ntungamubiri zitandukanye zatuma abana bakura neza.

Ati “Muri iki cyumweru turimo, nibwo dutangira gushyira mu bikorwa ibyo twiyemeje kumufasha dufatanije n’ubuyobozi bw’Umurenge wa Gasaka.”

Bimwe mu bihangayikishije uyu muryango ni uko barya ari uko umwe muri bo yakoze, ikindi bakaba bavuga ko bashyizwe mu kicyiro cya gatatu cy’abishoboye, nk’uko Ntawuziyambonye abisobanura.

Abifuza gufasha uyu muryango bakoresha nimero 0725732616 za Ntawuziyambonye Claude

Santere ya Kitabi iri mu Murenge wa Kitabi muri Nyamagabe

Abazi amateka y’izina “Kitabi” bahamya ko ryiswe ako gace biturutse ku itabi ryaheraga, rikahacururizwa.

Ntakirutimana Gervais umwe mu batuye Umurenge wa Kitabi avuga ko mu gihe cyo hambere hazaga abantu baturutse hirya no hino mu Rwanda baje kuhagura itabi ry’igikamba, bakavuga ko ari ku “gasozi k’itabi”.

Agira ati “Habaga itabi ry’igikamba, abantu batubwiraga ko ryabaga ari ryiza abantu baturukaga impande n’impande bakaza kurihagurira.”

Mugenzi we witwa Ntanshutimwe Leocadie agira ati “Nabyirutse tubaza papa impamvu bahita ku “Kitabi”, akatubwira ngo hari agasozi bari barahinzemo itabi, ngo abahaje bose bakaza kurihakura.”

Kugeza ubu ariko iyo ugeze ku Kitabi uvuye mu gace k’umujyi wa Nyamagabe usanganirwa n’imirima ihinzeho icyayi ukagera no kuri santere ya Kitabi ikije umuhanda Nyamagabe-Rusizi.

Abaturage ba Kitabi bavuga ko itabi ryacitse burundu muri ako gace ariko ngo imyaka ishize rihacitse ntibazi umubare wayo. Icyo bazi kihiganje mu bihingwa ni icyayi, ingano n’ibirayi.

Aho niho bahera bavuga ko agace batuyemo kareka kwitwa “Kitabi” ahubwo kakitwa “Kicyayi” kubera icyayi kihera; nkuko Kabaganwa Josephine abivuga.

Agira ati “Ahubwo iyo winjiye Kitabi, uhita ubona icyayi. N’iryo zina bakagombye kurihindura bakahita “Kicyayi” sinzi niba byavugika ariko ubundi duhinga icyayi ku bwinshi tugahinga n’ingano n’ibirayi.”

Abatuye ku Kitabi bifuza ko hakwitwa ku Kicyayi kuko hasigaye hera icyayi cyane

Mugenzi we witwa Ntakirutimana agira ati “Itabi ntirigihingwa, cyane ko abasaza barihingaga batabonye uburyo bwo kurisigasira ngo ridacika.

Ndetse itabi si ryiza, duhora tubyigisha mu mashuri no mu byiciro bitandukanye yaba urubyiruko n’ababyeyi, ubu ntiwashingira ku itabi.”

386 basuzumwe amatwi baranavurwa 181 muri bo bakeneye inyunganirangingo

Ubu buvuzi bwakozwe ku itariki enye n’eshanu Gashyantare,n’abaganga bo mu muryango utegamiye kuri Leta Starkey ku bufatanye na Minisiteri y’ubuzima.

Twagirayezu Innocent umusore utumva utanavuga, uwamuzanye kumuvuza yavuze ko bababwiye ko babemereye kuzagaruka bagahabwa inyunganirangingo kugirango zizamufashe.

N’ubwo hari ababwiwe kuzagaruka ngo bahabwe inyunganirangingo hari n’abahise bakira ibibazo birakemuka.

Umukecuru Nyirangendahayo Evelyne yemeje ko nyuma yo kumwoza mu matwi yabashije kumva,mbere atarapfaga kumva umuntu atamwegereye.

Abaturutse mu duce dutandukanye bari bitabiriye kwisuzumisha indwara z’amatwi

Emerusenge Gisele umukozi wa Starkey ukurikirana ibikorwa byayo,yavuze ko baje kuvurira I Nyamagabe kuko iri mu turere batari baragezemo. Bakaba barakundaga kubona abantu baho baza kwivuriza mu tundi turere aho babaga bari.

Avuga ko abasuzumwe babaha imiti bakurikije ikibazo bafite,bakanaha insimburangingo abo basanze bazikeneye.

Yagize ati “Nta nyunganirangingo ushobora kubona iri munsi y’ibihumbi 200.

Hari igihe umuturage bimunanira agahitamo kwiberaho atumva kubera ko inyunganirangingo bamwandikiye ihenze.Abo tumaze gusuzuma tugasanga bakeneye utwuma tuzagaruka mu cyiciro cya kabiri tutubahe ku buntu.”

Igikorwa cyo guha inyunganirangingo abazikeneye ngo giteganijwe muri Mata 2017.

Bamwe bogejwe mu matwi batashye bumva neza

Hategekimana Sylvestre ushinzwe ubuzima i Nyamagabe avuga ko ubu buvuzi bwari bukenewe kuko hari ibigo nderabuzima byinshi bitagira ubushobozi bafashije muri ubu buvuzi.

Yagize ati “indwara zo mu matwi ni nyinshi kandi ziterwa n’ibintu bitandukanye.
Usanga rero ku bigo nderabuzima bafite ubuvuzi bw’ibanze,hari aho butagera ku buryo batanga n’izo nyunganirangingo.Biba bisaba inzobere.”

Umuryango Starkey ukorera mu bihugu bitandukanye bya Afurika birimo n’u Rwanda. Wita ku buvuzi bw’indwara z’amatwi mu baturage.

Kuva 2012, umaze kuvura abarenga ibihumbi bitanu mu Rwanda.

Abanyeshuri baba mu nkambi ya Kigeme bahamya ko amakaye n’amakaramu bahawe bibongereye imbaraga zo kwiga bashyizeho umwete

Babitangaje ubwo bahabwaga iyo mfashanyo n’abanyeshuri biga muri Kaminuza mpuzamahanga ya Rusizi (Rusizi International University), tariki ya 22 Mutarama 2017.

Aba banyeshuri bahamya ko bari basanzwe bahabwa imfashanyo y’ibikoresho by’ishuri ariko idahagije ku buryo hari ibyo biguriraga mu buryo bugoranye; nkuko Uwase Sifa wiga mu wa kabiri w’amashuri yisumbuye abivuga.

Agira ati “Kuba batugiriye impuhwe bakabona ko abanyenkambi dufite ibyo dukeneye, bakaduha ibikoresho twifashisha mu ishuri turabashimiye cyane. Biduhaye ‘morale’ yo kuziga neza tukarushaho gutsinda.”

Nshimiye Fabrice, ugiye mu mwaka wa gatatu w’amashuri yisumbuye avuga ko umwaka w’amashuri wa 2016 warangiye ari uwa kane mu ishuri irye. Ibyo bikoresho ahawe ngo bizamufasha arusheho kugira amanota meza.

Abanyeshuri 140 bo mu ishami rya “Economic and Management” bo muri Rusizi International University nibo bahaye abo banyeshuri ibikoresho bigizwe y’amakayi n’amakaramu, bifite agaciro k’ibihumbi 500RWf.

Amakarito atandukanye y’amakayi n’amakaramu ashyikirizwa abayobozi b’inkambi ya Kigeme

Ndahayo Eliezer, umuyobozi w’ihuriro ry’abanyeshuri muri iyo kaminuza avuga ko gufasha abanyeshuri bo mu nkambi ya Kigeme ari ukubaha ‘morale’.

Agira ati “Impamvu nyamukuru yaduteye gusura inkambi ni urukundo dufite ikindi ni ukuza kubaha morale kugira ngo tubashishikarize ko badakwiye guheranwa n’ubuhunzi ngo bibaviremo kuba bahitamo kuba inzererezi, ahubwo ko bagomba kumva ko kwiga ari wo murage wa mbere ufite ishingiro.”

Ndahayo avuga ko ibyo bikorwa byo gufasha abanyeshuri bo mu Nkambi ya Kigeme bifuza kubikomeza bikaba byaba ngarukamwaka.

Nzayurugo Fils Albert, umuhuzabikorwa muri Kaminuza mpuzamahanga ya Rusizi avuga ko ibyo abanyeshuri bo muri iyo kaminuza bakoze bijyanye n’ireme ry’uburezi.

Agira ati “Mu byo kaminuza yigisha harimo n’ibyo gukora ibikorwa biteza imbere abaturage. Aribyo bihura neza n’iki gikorwa abanyeshuri batekereje, turabyishimira turabafasha.”

Uwambayikirezi Rosette umuyobozi w’Inkambi ya Kigeme yashimye igikorwa cy’ubugwaneza n’urukundo Kaminuza mpuzamahanga ya Rusizi yabakoreye.

Inkambi ya Kigeme irimo impuzi z’Abanyekongo ibihumbo 19 na 400

Inkambi ya Kigeme yatangiye kuwa 10 Kamena 2012. Ubu irimo impuzi ibihumbi z’Abanyekongo ibihumbo 19 na 400. Muri zo harimo abanyeshuri bo mu mashuri abanza n’ayisumbuye basaga 4900.

Abahanye inka muri Girinka barahoberana, bagatangirira ubucuti n’imibanire aho bakemeza ko Girinka yabaye gahuzamiryango.

Bavuga ko imyinshi mu miryango yahawe inka ikaziturira bagenzi babo, byatumye barushaho kwegerana, zibabera nk’igihango bakarushaho gutsura umubano no gukundana.

Simbayobewe Cyprien worojwe muri gahunda ya Girinka, avuga ko zirabahuza bagasangira, bagatabarana, bagafashanya mu byiza n’ibibi zikababera igihango ku buryo batahemukirana.

Agira ati “Uyu muntu noroje uyu munsi ni uko nanjye hari uwanyoroje, uwo wanyoroje tubanye neza, turatumirana, turatabarana, turatwererana mu bukwe n’ibindi.

Uwimana Virginie na Kavutse Aroni nyuma yo guhana inka bavuze ko nubwo batari baziranye inka ibabereye imbarutso y’umubano n’urukundo hagati y’imiryango yabo.

None nanjye noroje undi mugenzi wanjye, abaye inshuti yanjye iki gihango mwifurije nawe kuzagihaho n’abandi. Ubu imiryango yacu ibaye umwe.”

Simbayobewe yemeza ko yazituriye witwa Ntawugashira Innocent atari amuzi, batanatuye hamwe. Ariko kubwo inka yahawe ikabyara nawe akitura, imaze kumuhuza n’uwayimuhaye n’uwo ahaye iyo yabyaye n’abandi batandukanye yagiye aha amata n’ibishingwe.

Ntawugashira Innocent wahawe inka na Simbayobewe nawe yavuze ko iyo nka ari nk’igihango hagati y’umuryango wa Ntawugashira na Simbayobewe. Yyiemeza ko bakazajya babana mu byiza no mu bibi nk’abavandimwe bafitanye ubushuti bwihariye.

Ati “Nzajya musura nanjye ansure, umuryango wanjye niwo we. Azajya antumira mu bukwe nanjye mutumire, nagira urubanza cyangwa akabazo tubisangire. Iyi nka iraduhuje ibaye igihango cy’urukundo.”

Mujawayezu Prisca yibutsa abaturage ko umuco wo gutanga inka y’urukundo ari mwiza ukwiye gusegasirwa.

Umwe mu bageze mu za bukuru witwa Kavutse, asobanura ko guhana inka mu bihe bya kera byatumaga abahanye inka bombi baba nk’abavandimwe bigakomereza no mu miryango yabo.

Ati “Kera umuntu yarakurebaga ari ntacyo ufite akavuga ati mwana wanjye nguhaye inka, niyororoka uzahe barumuna bawe. Ukabaha kandi wagira nyinshi ukoroza n’abandi. Burya umuntu uguhaye amata aba ahaye n’umuryango wose n’aho utuye.”

Bamwe mu bakuze bavuga ko guhana inka ari umuco Nyarwanda wabayeho kuva kera ariko bitari bikunze gukorwa cyane nk’uko bikorwa ubu binyuze muri Girinka.

Akenshi ngo uwayitangaga cyera yayihaga mugenzi we w’inshuti ye magara, umunywanyi we cyangwa se ari umugiraneza ushaka gufasha umukene ngo azamuke. Hakaba hari n’abazihakirwaga.

Kuri ubu binyuze muri Girinka imiryango myinshi ikennye ikaba yorozwa bikanafasha no mu iterambere n’imibanire y’imiryango binyuze no muri gahunda yo kuziturirana.

Umuyobozi w’Akarere ka Nyamagabe wungirije ushinzwe imibereho myiza y’abaturage Mujawayezu Prisca, yibutsa abaturage ko kugabirana inka z’urukundo ari umuco mwiza kandi ukwiye gukomeza.

Ati “Nkangurira abandi baturage muri rusange ko umuco wo gushima,kwishimana no guhana inka y’urukundo, ntaho wagiye tuwukomeze.”

Kuva mu 2006, i Nyamagabe hamaze gutangwa inka 12.587.

Umusaza Kavutse ngo agiye gusubira ku mata nyuma y’imyaka 27

Uyu musaza w’imyaka 72 y’amavuko yatangaje ibi ubwo yagabirwaga inka muri gahunda ya “Gira Inka” tariki ya 12 Mutarama 2017.

Kavutse avuga ko hari hashize imyaka 27 atongeye korora inka kuko izo yari afite zagiye zimushiraho, abura n’ubushobozi bwo kugura izindi.

Akomeza avuga ko muri iyo myaka yose atoroye inka, we n’umukecuru we, babayeho mu buzima bubi kuko kubona amata yo kunywa byabagoraga. Ariko ngo iyo nka yagabiwe igiye gutuma yongera kunywa amata.

Agira ati “Mperuka inka mu 1990. Ijambo ryiza ry’umukuru w’igihugu watekereje koroza Abanyarwanda, abasaza n’abakecuru badafite itungo ngo batere imbere babona amata yo kunywa, babona n’agafumbire niryo ritumye nongera kubona inka. Anshubije ku mata rwose ndamushimira.”

Akomeza avuga ko iyo nka yagabiwe kandi izatumaa abona ifumbire yo gufumbira imyaka. Mbere ngo yayibonaga bigoye.

Kavutse avuga ko inka ari itungo rifite akamaro gakomeye kuko ngo mbere ubwo yari yoroye inka (ntavuga umubare wazo) zatumaga abona umusaruro mwinshi w’imyaka.

Izo nka kandi ngo zamufashije gutunga umuryango we, arera abana be uko bikwiye kugeza bakuze, ubu bose bakaba barashinze ingo zabo.

Akomeza avuga nyuma ya Jenoside yakorewe abatutsi atongeye gutunga inka kuko nta bushobozi yongeye kubona.

Kavutse asanga inka yahawe izatuma agira amasaziro meza

Kabayiza Lambert, umuyobozi wungirije w’Akarere ka Nyamagabe ushinzwe iterambere ry’ubukungu avuga ko gahunda ya Girinka yatangira mu mwaka wa 2006 muri ako karere bamaze gutanga inka zibarirwa mu bihumbi 12 na 587.

Akomeza avuga ko iyo gahunda irakomeje kuko ngo imiryango itoroye inka itararangira. Mu mwaka wa 2017 ngo bafite umuhigo wo gutanga inka zirenga 1600.

Kabayiza avuga ko nubwo ingengo y’imari bafite yo kugura inka itarenga inka 140 buri mwaka, gahunda yo kuzitura izakomeza kubafasha ari nayo yashyizwemo ingufu.

Abakecuru ba VUP bubakiwe inzu ariko bakaba batayifiyeho uburenganzira Gasaka yose.

Ni nyuma y’uko bamwe muri aba bakecuru b’i Nyamagabe muri Gasaka bagiye bakurwa ku bahabwa inkunga y’ingoboka muri VUP, abandi bakavuga ko bageze mu zabukuru batategereza igihe uyu mushinga wazungukira ngo batangire kubona ayo mafaranga.

Hakaba hari n’abavuga ko bamwe mu bagiye bayatanga bagiye bapfa kubera gusaza bagasanga ngo igisubizo cyiza ari uko basubizwa amafaranga yabo inzu ikazaba iya Leta, nk’uko bivugwa na Nyirabititaweho Daphrose umwe muri bo.

Agira ati “Ikibazo mfite rero twafataga amafaranga muri VUP,bankuyemo. Icya kabiri ayo bagiye badukuraho bavuga ngo barubaka inzu, iyo nzu ntituyizi, barayubatse bakatubwira ngo ni iya rwiyemezamirimo, ntitumuzi.”

Bayiringire Jean umunyamabanga nshingwabikorwa w’Umurenge wa Gasaka avuga ko abakecuru n’abasaza bakeneye gusubizwa amafaranga yabo bazayasubizwa inzu itangiye gutanga umusaruro.

Iki kibazo kinagarukwaho n’undi mukecuru utuye mu Kagari ka Nyabivumu mu Mudugudu wa Dusego witwa Marcelline Mukaruhamya.

Ati “Baduhaga amafaranga ya VUP y’abakecuru n’abasaza noneho batubwira ko tugomba gutanga ayo kubakamo inzu mu mafaranga badukuraho. Byaterwaga n’amafaranga turi buhabwe uwo munsi. Hariho igihe badukuyeho umunani, hariho igihe badukuyeho ibihumbi 15Frw, hariho igihe badukuyeho ibihumbi 7Frw.

Tukabahakanira tukababwirako ko twebwe dushaje,bukeye bateranya amafaranga,batubwira ko habonetse miliyoni makumyabiri na zingahe, ngo bagiye kutwubakira inzu, ikibanza baguze ntabwo bigeze baduha icyangombwa cyacyo,ntabwo bigeze batwereka rwiyemezamirimo wubatse iyo nzu.”

Ikibazo cya gatatu aba bakecuru bagarukaho ngo nta buzima gatozi bafite kuri ayo mazu n’icyo kibanza bubatse ngo bamenye ko ayo mazu ari ayabo.

Abakecuru bafite iki kibazo bakaba bavuga ko barimo abo mu tugari twa Ngiryi, Nyamugari, Nyabivumu n’ahandi mu murenge wa Gasaka. Bagasaba ko basubizwa amafaranga yabo.

Ku ruhande rw’ubuyobozi, umunyamabanga nshingwabikorwa w’Umurenge wa Gasaka Bayiringire John yemeza ko iyi nzu yubakiwe aba bakecuru kugira ngo izabafashe mu minsi iri imbere kujya babona aho bakura amafaranga.

Ati “Abagenerwabikorwa ba VUP bahabwa inkunga y’ingoboka mu buryo bwo kubafasha nabo bifasha mu buryo burambye hatekerejwe umushinga bakora uzajya ubafasha mu buryo burambye, ku buryo bibaye ngombwa ko batagifashwa, wa mushinga wajya ubabyarira inyungu zo kwifasha mu gihe kirekire.”

Bayiringire avuga ko ubuyobozi bwabagiriye inama y’uwo mushinga ariko hagati yabo baba aribo bifatira umwanzuro bagena n’amafaranga bagenda bizigama buri kwezi bagura ikibanza, hubakwa n’inzu komite ibibafashijemo,ubu irahari irubatse.

Abajijwe ibijyanye n’iyo nzu Bayiringire yagize ati “Gusa yari itaruzura,isize sima,irakinze,irimo purafo, amashanyarazi agezemo n’amazi barimo barayashyiramo bakora n’imbuga yo hanze kugira ngo hamere neza.”

Bayirigire anavuga ko hari habonetse n’abantu bashaka kuyikodesha ariko bababwira ko baba bitonze gato, kugira ngo ibanze yuzure neza kugira ngo badatanga amafaranga make bagahenda abagenerwabikorwa.

Ku kibazo cy’abari basanzwe bahabwa inkunga y’ingoboka bavanywe ku rutonde rw’abakiyihabwa muri VUP kandi hari umugabane batanze kuri aya mafaranga yubatse iyi nzu bagashaka ko bayasubizwa, Bayiringire hari uko yagishubije.

Ati “Harimo abatarasubiyemo bitewe n’impamvu zitandukanye. Harimo abavuye mu cyiciro cya mbere bajya mu cya kabiri, harimo abo usanga barazamutse hari aho bavuye n’aho bageze bitewe n’amabwiriza abagenga ya VUP.

Abavuyemo rero ntago bigeze bishimira ko bavuye ku nkunga y’ingoboka ihoraho.”

Bayiringire akomeza avuga ko bakoranye inama zitandukanye babasobanurira impamvu batakiri ku rutonde rw’abahabwa inkunga y’ingoboka ihoraho.

Ku birebana n’inzu yubatswe batanzeho imigabane avuga ko hari inama babagiriye. Ati “Twarababwiye tuti kubera ko mwamaze gukora igikorwa inzu irahari ntago twenda kuyisenya ngo amafaranga muyagabane.

Twarababwiye tuti koperative iragumaho,noneho imigabane mwatanze iraba umugabane wa buri munyamuryango,turababwira tuti ese umunyamuryango ni uwuhe mugabane yakwiza ujyanye n’agaciro k’inzu kugira ngo akomeze abe umunyamuryango ku bavuyemo.”

Bayiringire avuga ko uwagumyemo we akomeza akazamura umugabane we mu gihe abavuyemo basabwa kongera umugabane wabo kugira ngo bashyikire abandi cyangwa se bakagumana uwo bagizemo bakazajya bahabwa inyungu hakurikijwe umugabane bafitemo.

Ati “Ushaka kuvamo we rero bitewe n’uko amafaranga yubatse inzu ntayo agihari kuri konti,kandi igikorwa kigaragara inzu itari busenywe,inzu nitangira kubona ubukode, itangiye gutanga umusaruro, komite izicara igene amafaranga ya buri wese yari agejejemo ayasubizwe.”

Kuri ubu ngo amabwiriza ahari akaba ari uko hatazongera gufatwa ku mafaranga y’abagenerwabikorwa ba VUP ngo hagire icyo akoreshwa cy’umushinga urambye uzabafasha ahubwo ngo bayabaha yose bo ubwabo bakayicungira.

Inzu aba bagenerwabikorwa b’inkunga y’ingoboka muri VUP i Gasaka bubakiwe ikaba imaze gutwara amafaranga ari hagati ya miliyoni 28 na 32 nk’uko umunyamabanga nshingwabikorwa w’uyu murenge yabidutangarije.

Akavuga ko mu gihe cy’imyaka 5 cyangwa 6 izaba imaze kugaruza amafaranga yatanzweho yubakwa kuko yubatse heza ku buryo izahita ibona abayikoreramo niyuzura.

Umuvunyi wungirije ushinzwe gukumira akarengane Kanzayire Bernadette asaba abaturage kwirinda ruswa no kuyirwanya kuko ari icyaha kidasaza

Byatangajwe n’Umuvunyi mukuru wungirije ushinzwe gukumira akarengane, Kanzayire Bernadette, ubwo yari ari i Nyamagabe mu gikorwa cyo gutangiza icyumweru cyahariwe kurwanya akarengane mu Rwanda, tariki ya 20 Ukuboza 2016.

Agira ati “Ndagirango mbibutse yuko ubu noneho hanashyizweho ingamba z’uko ruswa yaba icyaha kidasaza.

Umuntu yaragendaga akarya ruswa akavuga ngo nibanamfata bakamfunga ya ruswa nakiriye nzayisigira uwo twashakanye ayicuruze azajya angemuriramo.

Uwayakiriye (ruswa) akavuga ati ‘ya myaka itatu cyangwa itanu bankatiye nirangira nzasohoka njye kurya ya mafaranga, wa mutungo.

Kandi koko niko byagendaga. Ubu rero twafashe ingamba z’uko ruswa yaba icyaha kidasaza.Ubuzima bwawe bwose cya cyaha ufite kizakurikiranwa.”

Akomeza avuga ko urwego rw’umuvunyi rufite ububasha bwo kugaruza imitungo yavuye kuri ruswa ku wahamwe n’icyaha.

Icyumweru cyo kurwanya akarengane cyatangiye abaturage b’i Nyamagabe babaza ibibazo bakanasubizwa

Bamwe mu baturage bo mu Karere ka Nyamagabe batangaza ko icyo cyemezo cyafashwe cyo kuba icyaha cya ruswa kidasaza, bagishyigikiye kuko kizafasha mu guca burundu ruswa n’akarengane; nkuko Bayiringire John abisobanura.

Agira ati “Hashyizweho nyirantarengwa kuri icyo cyaha kuko utavuga ngo ndagikora ntoroke igihugu cyangwa se wenda mpindure imirimo, cyangwa se mve muri Leta njye kwikorera ntazakurikiranwa.

Ni ukuvuga ngo mu yandi magambo aho wajya hose, icyo wakora cyose icyaha kizagukurikirana.”

Yongeyeho ko iki cyemezo kizatuma abaturage n’abayobozi barushaho kugira imyitwarire myiza mu misabire n’imitangire ya serivise birinda ruswa n’akarengane.

Aho iriba ryo Mu Kunyu harazitiwe ni na hafi cyane y’umugezi wa Rukarara ugaragara hirya yaho

“Mu Kunyu” ni iriba rihiye bivuze ko rivubukamo amazi arimo umunyu. Riherereye mu murenge wa Uwinkingi mu Karere ka Nyamagabe.

Riri ku rugabano rw’umurenge wa Uwinkingi n’uwa Buruhukiro, iruhande rw’umugezi wa Rukarara ugabanya iyi mirenge yombi. Ni ku muhanda uva Gasarenda werekeza Mushubi na Gisovu.

Ukigera mu gace iri riba riherereyemo uhabwirwa n’igihangano k’inyambo, kiri ku muhanda haruguru gato y’iryo riba, kuri ubu ryazengurukijwe urukuta rw’amabuye.

Ahari iriba bita Iriba rihiye Mu Kunyu uwashoragaho inka yatangaga igiceri cy’icumi hambere

Nsabimana Sylvestre, umusaza utuye mu murenge wa Buruhukiro, avuga ko iby’iryo riba abizi kuva kera.

Agira ati “Navutse mu 1957. Hari inka za sogokuru witwaga Sebukima. Najyaga njyanayo n’abandi tukajya gushorayo ndi umwana.

Amazi yaho impamvu yakundwaga yaryoheraga inka, yari amazi meza, yagwaga neza inka, yari amazi inka zinywa zigashyuha zigashaka imfizi, yari amazi zinywa zikongera umukamo.”

Akomeza avuga ko yari amazi yashorwagaho inka ziturutse mu majyepfo hafi ya hose.

Kuko ngo bahahuriraga n’abashoye baturutse hafi za Butare, Mushubi, Tare, Buruhukiro, Nyamagabe yose na Nyaruguru muri za Nshyiri. Abashakaga ko inka zabo zirinda vuba barazihashoraga.

Ikirango cy’nka y’inyambo nacyo gifite icyo gisobanuye mu mateka yo Mu Kunyu

Kubera gukundwa kw’ayo mazi n’uburyo yagiriraga inka akamaro, muri icyo gihe bari barahashyize usoresha abaje gushora.

Buri wese uje haba ku manywa cyangwa nijoro agatanga igiceri cy’icumi cy’amafaranga yo hambere.

Bukima Sylvestre we avuga ko aya mazi y’umunyu yari akataraboneka bigahuruza buri wese aje kuyashora.

Agira ati “Hari n’abajyanaga ibyo kuvomeramo bakuhirira mu rugo. Hari n’inka zacikaga ba nyirazo zikaza gushoka kuri iryo riba, wayibura ukaba uziko ariho uyisanga.”

Bukima Sylvestre ari mu bashoye inka Mu Kunyu atumwe na Sekuru

Aba basaza bakaba basanga ibyakozwe bijyanye no kubungabunga iryo riba bidahagije.

Bifuza ko hashyirwa inzu y’amateka, hakanagirwa ahantu nyaburanga hazajya hasurwa,amahasura bakishura.

Kabayiza Lambert, umuyobozi w’Akarere ka Nyamagabe wungirije ushinzwe ubukungu, avuga ko aha hantu bahashyize ibirango birimo igihangano k’inka y’inyambo kandi ngo n’iriba ryazengurukijwe urukuta rw’amabuye.

Bahateye kandi ubwatsi bwa Kikuyu, bakaba bateganya no kuhashyira inka zirimo inyambo.

Mu Kunyu hazongera hororerwe inka kuburyo hanashyizwe n’inzu zizororerwamo

Akomeza avuga ko bazasaba abashinzwe iby’Inzu ndangamurage y’u Rwanda kuhashyira inzu y’amateka, uhasuye akazajya asobanurirwa amateka yaho, akerekwa iryo riba ndetse n’inyambo.

Gusa ariko uyu muyobozi ntavuga igihe nyacyo ibyo bikorwa bizatangirira.

Kugeza ubu abaturiye “Mu Kunyu” bakaba bavuga ko hatagishorwa inka kubera gahunda yo kororera mu biraro no kubungabunga ibidukikije.

Mu Kunyu ahuhirirwaga inka bazidahira

Hahyizwe ibyapa n’ibirango bitandukanye byerekana amateka yo Mu Kunyu

Mu Kunyu hubatswe inzu izakorerwamo n’abazajya basobanura amateka yaho hashyirwa n’ikibumano cy’inyambo yerekana amateka yaho

Inyubako nshya y’ibiro by’Akarere ka Nyamagabe

Iyo nyubako yuzuye mu kwezi k’Ukuboza 2016, yatangiye no gukorerwamo ku buryo buri mukozi w’akarere afite ahantu hisanzuye azajya yakirira abaturage.

Iyi nyubako igizwe n’ibyumba 55, izoroshya imitangire ya serivise, nta muturage usiragiye kuko abakozi bo mu ishami rimwe bakorera mu cyumba kimwe bose.

Ibi bigatuma umuturage ubashaka ahita ababona kandi bari hamwe bakorana; nk’uko umwe mu baturage witwa Uwitonze abivuga.

Agira ati “Iyo duhawe serivise nziza kandi bitadusiragije biradushimisha kandi bigatuma turushaho gukunda ubuyobozi bwacu.”

Yongeraho ko iyi nyubako ari ikitegererezo kandi yerekana isura y’u Rwanda n’iterambere rugezeho.

Ku marembo y’ibiro bishya by’Akarere ka Nyamagabe ni uko hameze

Abakozi b’Akarere ka Nyamagabe bavuga ko bagiye gukorera heza kandi hisanzuye badatatanye; nkuko Twagirayezu Erneste abisobanura.

Agira ati “Abakozi dusigaye dukora twisanzuye. Mbere twakoreraga ahatameze neza, dutandukanye bamwe bakorera aha abandi hariya, serivise zitandukanye zikorera hamwe mbese utamenya uko ibintu bimeze bitanoze.”

Aho mi gice kimwe cy’ibiro bishya by’Akarere ka Nyamagabe

Ubuyobozi bw’akarere ka Nyamagabe buvuga ko iyi nyubako izoroshya imicungire y’abakozi ikanafasha gukorera mu mucyo no kunoza serivise zihabwa abaturage; nkuko Mugisha Philbert, umuyobozi w’ako karere abihamya.

Agira ati “Bizanagira n’ingaruka mu gukurikirana abakozi. Niba abakozi bari ahantu henshi hatandukanye, n’umuyobozi ntago biba byoroshye mu kumenya niba abakozi bitabira akazi uko bikwiye.

Ese abaturage bishimira serivise bahabwa. Hari igihe ushobora kuba uri hamwe ariko hari abaturage bari kurengana ahandi.”

Ku muryango winjira mu biro bishya by’Akarere ka Nyamagabe hari icyuma gicunga umutekano

Akomeza avuga ko abaturage baba bagomba guhabwa serivise nziza kandi akaba ari n’inshingano z’abakozi. Iyi nzu ikazafasha mu kurushaho kubigenzura kuko utazajya yishimira serivise azajya ahita abimenyesha.

Ni inyubako ifite amagorofa abiri. Ifite kandi ibyumba by’inama bibiri, icya nyobozi n’igisanzwe.

Andi mafoto

Uko niko hanze y’ibiro bishya by’akarere ka Nyamagabe hameze

Mu nyubako y’ibiro bishya by’Akarere ka Nyamagabe harimo ibyuma bicunga umutekano (Camera)

Bagerageza kurambikaho imbaho ariko ntibiramba

Ibi biraro bihuza imirenge itandukanye mu Karere ka Nyamagabe, bikanahuza ako karere n’Akarere ka Karongi. Mu kwangirika, bivaho ibiti, abashaka gutambuka bagashyiraho ibindi ariko nabyo bitarambaho.

Bangaheza Sylvestre umwe mu bakoresha ibi biraro, avuga ko ubusanzwe bibafatiye runini kuko byabafashaga guhaha.

Yagize ati “Nka Buruhukiro ni ikigega cya Nyamagabe ku birayi,amakara n’indi myaka.
Iyo ikiraro cyapfuye tuguma mu bwigunge,imyaka yacu ikadupfira ubusa n’abaje kuyitwara ku magare bakaduhenda.”

Yongeraho ko uyu muhanda unajya ku bigo by’amashuri n’inganda nk’i Mushubi,i Tare, Buruhukiro ndetse n’abashaka kujya i Karongi no mu Gisovu mu cyayi,bakaba ariwo muhanda rukumbi baca.

Bangaheza Sylvestre avuga ko babura uko bambutsa imyaka bacuruza

Mugisha Philbert,Umuyobozi w’Akarere ka Nyamagabe avuga ko ibi biraro koko byangiritse, ndetse kimwe kikaba cyarangiritse cyane kandi ari ahantu hagendwa hari n’uruganda rw’icyayi.

Akomeza avuga ko iki kibazo bakimenyesheje ikigo cy’igihugu gishinzwe ubwikorezi RTDA, kandi kikababwira ko kirimo kugikurikirana.

Ati“ubuvugizi twarabukoze. Byaranasuwe ibyo biraro byombi na RTDA.”

Twagiramukiza Leonard umukozi wa RTDA uyobora ishami rishinzwe gusana imihanda, avuga ko iki kibazo bakizi kandi kizaba cyakemutse bitarenze kuwa 15 Mutarama 2017.

Ati “ibiraro rero twarabisuye hamwe na Engeneering Brigade turebera hamwe imirimo ikwiye gukora mu buryo bwihutirwa.
Ibisabwa byarangije gutegurwa. Kuri ariya mateme ntabwo imirimo yarenga amezi abiri.”

Twagirumukiza avuga ko bishoboka ko kuwa 15 Ugushyingo imirimo yo gusana ibi biraro yaba yatangiye.

Iyo ibi biraro bisanwe hakoreshwa imbaho gusa ku buryo imodoka ziremereye zitanyurako

Nshimiyimana Jean Pierre yemeje ko yeguye ku mwanya w’umunyamabanga nshingwabikorwa w’akarere ka Nyamagabe

Amakuru yo kwegura kwa Nshimiyimana yatangiye kumenyekana tariki ya 12 Ugushyingo 2016.

Nshimiyimana Jean Pierre yahamirije Kigali Today ko yeguye ku mirimo ye ariko ntihagira byinshi abivugaho.

Agira ati “Nibyo ntago ari ibihuha! Njye ndakwemerera ko aribyo. Urumva ibisobanuro ndi ahantu mu bantu benshi hari ahantu natashye ubukwe, warebye undi muntu ubaza!”

Gusa ariko hari amakuru avuga ko Nshimiyimana yeguye nyuma y’uko Akarere ka Nyamagabe kitabye Komisiyo y’inteko ishingamategeko, ishinzwe kugenzura imikoreshereze y’imari n’umutungo bya Leta (PAC).

Beretswe amwe mu makosa bakoze maze babahata ibibazo ariko ngo Nshimiyimana ntiyabashije kubyakira ngo asobanure impamvu.

Mu nama njyanama idasanzwe y’Akarere ka Nyamagabe yateranye kuri uyu wa 11 Ugushyingo 2016, bagarutse ku makosa PAC yabagaragarije basaba Nshimiyimana kubisobanura ariko we afata icyemezo cyo kwegura.

Ku itariki ya 13 Ugushyingo 2016 twagerageje gushaka Perezida wa njyanama y’Akarere ka Nyamagabe ngo aduhe ibisobanuro kuri iyi nkuru ariko dusanga telefone ye ifunze.

Nshimiyimana akurikiye abanyamabanga nshingwabikorwa babiri b’imirenge beguye mu kwezi kw’Ukwakira 2016.

Abo banyamabanga nshingwabikorwa b’imirenge ni Utazirubanda Francois Xavier wayoboraga Umurenge wa Mugano na Manirarora Paul wayoboraga Umurenge wa Buruhukiro.

Kuri ubu Umurenge wa Buruhukiro ukaba warabonye umunyamabanga nshingwabikorwa mushya witwa Furaha Guillaume naho uwa Mugano uhabwa uwahoze ari uwa Mbazi witwa Hagenimana Pacifique.

Umunyeshuli wakaraga ibizamini bya leta yarohamye muri icyo kizenga

Nyakwigendera yitwa Gasiga Desire, yari afite imyaka 19 y’amavuko. Yakomokaga mu Karere ka Ruhango.

Yarohamye ubwo we na bagenzi be icyenda batorokaga ikigo bakajya koga mu kizenga cy’amazi,giherereye mu Murenge wa Cyanika Akagari ka Ngoma,Umudugudu wa Kabarera; nkuko Ndorimana Chrysostome, umunyamabanga nshingwabikorwa w’Umurenge wa Cyanika abisobanura.

Agira ati “Nibyo! Abanyeshuri 10 batorotse ikigo bajya ahantu hari ikirombe cy’Abashinwa, aho bakuraga amabuye hari ikirombe cy’amazi bajya kogamo. Ayo mazi iyo uyarebye ubona ari amazi y’urubogobogo.

Bagiye kogamo nk’aboga muri pisine. Ubwo uwitwa Gasiga wigaga mu wa gatandatu ku ishuri rya G.S Notre Dame de la Paix Cyanika muri Computer Science (ubumenyi bwa mudasobwa), wari uri mu kizamini cya Leta agwamo.”

Akomeza avuga ko ngo uwo mwana yagerageje koga ngo avemo biramunanira na bagenzi be bagerageza kumukuramo birabananira bahita batabaza.

Abaturage baraye ikiriyo aharohamye umunyeshuri wakoraga ibizamini bya leta

Amakuru y’uko kurohama ngo yamenyekanye hashize nk’isaha imwe abuze. Nibwo ubuyobozi bwahise butabaza Polisi y’igihugu. Yahise itabara ariko ntibahita babona umurambo kuko hatazwi neza uburebure bw’icyo kizenga.

Abaturage baraye ikiriyo hafi y’icyo kizenga mu gihe hategerejwe izindi mbaraga za Polisi kugira ngo bakuremo umurambo wa nyakwigendera.

Uwo munyeshuli abaye wa kabiri urohamye muri icyo kizenga cy’amazi kuko ngo no mu mwaka wa 2015 ubwo hakorwaga umuhanda wa Kitabi-Nyungwe, hari umwana wigaga mu mashuli abanza warohamye muri icyo kizenga ahasiga ubuzima.

Icyo kizenga, ngo uretse kuba gihitana ubuzima bw’abantu, ngo n’iyo imvura iguye cyuzura amazi agateza isuri mu mirima y’abaturage.

Nubwo umuriro w’amashanyarazi wageze ku barenga 19%, i Nyamagabe abo uca hejuru batawufite nabo baratekerezwaho.

Umulisa ndetse na Mukamana ni bamwe mu baturage bo mu mirenge ya Tare na Kitabi. Bavuga ko nta kibabaza nko kubona insinga zica hejuru y’urugo cyangwa ahakwegereye hacanye wowe nta muriro ufite.

Mukamana agira ati “Umuriro ni igikorwa remezo cy’ingenzi kandi gikenerwa na buri wese. Birababaza kujyana telefone kuyisharija ahandi cyangwa ukarara mu kizima nyamara umuriro ukwegereye.”

Agasaba ababishinzwe n’ubuyobozi kuzatekereza ku bantu nk’abo bakaba babona umuriro.

Mugisha Philbert umuyobozi w’Akarere ka Nyamagabe, avuga ko uyu mwaka bafite gahunda yo guha ingo 600 umuriro w’amashanyarazi ziziyongera ku ngo 14.647 zari ziwusanganywe.

Ati “Hari n’indi nyigo y’amashanyarazi turimo dukoresha ava ahitwa The Mata i Nyamigina, ajya ahitwa Ryarubondo ni ahantu hari isoko ry’amatungo hari n’umudugudu hatuwe cyane. Twari twasabye EUCL ngo badukorere inyigo.”

Uretse utu duce tuzitabwaho,Mugisha anavuga ko hari n’abafite ingo insinga zica hejuru. Nabo batekerejweho n’imirenge itatu itarageramo umuriro w’amashyanyarazi.

Ati “Biranajyana n’inyigo turimo dukorana nabo noneho turebe ahantu hari ipoto iha abaturage amashanyarazi,urugo rutarengeje metero 37 uvuye kuri ya poto.Turimo turakora iryo barura.

Izo ngo nazo zikazahabwa amashanyarazi dufatanije na REG. Igikorwa kirarimbanije mu mirenge.”

Mugisha avuga ko ku mirenge ya Musange, Nkomane na Mugano itarageramo umuriro, ku bufatanye na REG hatanzwe isoko ryo kuhageza umuriro nubwo nta gihe yavuze bizatangirira cyangwa bizarangirira.

Hagendewe ku mpuzandengo y’abafite umuriro w’amashanyarazi, Nyamagabe iracyari inyuma aho iri ku ijanisha rirenga gato 19%.

Nyamagabe igizwe n’ingo 76.489, izifite umuriro ni 14.657.

Abatewe inda biga bafashwa n’umushinga YWCA ku bufatanye na Care

Ibi babivuga nyuma yo gufashwa n’umushinga Young Women Christian Association mu masomo atandukanye, arimo kwibumbira mu matsinda yo kwiteza imbere ndetse no gukorana n’ibigo by’imari baharanira kwigira.

Iyamurera Chantal yacikirije amashuri mu mwaka wa 2012 nyuma yo guterwa inda ashukishijwe 5000frw. Avuga ko yumvaga ubuzima bwe burangiye.

Nyuma yo gufashwa na YWCA ubu ageze ku mitungo ya miliyoni ebyiri mu myaka ibiri. Yayagezeho ahereye ku mafaranga ibihumbi 10 yacuruzaga inyanya, yaka inguzanyo y’ibihumbi 100 acuruza caguwa.

Yagize ati “Aho nagereye mu itsinda nasanze ibihumbi bitanu banshukishije ngomba kubikorera kandi nkabigeraho ntavunitse.”

Iyamurera Chantal watewe inda ashukishije bitanu (ufashe micro) ndetse na Muhawenimana Febronie (uvuga)

Muhawenimana Febronie nawe wacikirije amashuri avuga ko kwihesha agaciro ku mukobwa byamufasha gutera imbere.

Ati “Abakobwa duturanye harimo ababyaye bacikirije amashuri bari baragize ipfunwe bigunze.Ubu twese iyo utubonye abo EDOAG ifasha,ubona dukeye nta muhungu wadushukisha akantu ako ariko kose”

Aba bakobwa bagira inama bagenzi babo yo kwihangira imirimo kuko aribyo bizabafasha gutera imbere,ibyo babashukisha bakabasha kubyibonera .

Iranyumva Fred uyobora umushinga EDOAG, avuga ko intego bafite ari ugufasha abakobwa bacikirije ishuri muri Huye na Nyamagabe kwiteza imbere binyuze mu matsinda yo kubitsa no kugurizanya.

Hazafashwa abakobwa ibihumbi 10 mu myaka itatu.

Iranyumva Fred Uyobora umushinga EDOAG ufasha aba bana

Umuyobozi w’Akarerere ka Nyamagabe Philbert Mugisha.

Philbert Mugisha, umuyobozi w’aka karere, avuga hari abaragira amatungo ku gasozi akagenda yangiza ibidukikije binyuranye birimo n’ibiti byagiye biterwa ku nkengero z’imigezi.

Agira ati “Tubasaba kubahiriza za ntambwe icumi zidahingwa ku migezi minini ndetse n’eshanu ku migezi mito.”

Mugisha anavuga ko banasaba abaturage kutaragira amatungo ku gasozi kandi ba ntibindeba batabyitaho bakibutswa ko hari ibihano.

Ati “Kuragira amatungo ku gasozi,buri tungo rifashwe,inama njyanama yafashe icyemezo ko ricibwa amande y’ibihumbi bitanu kuko ayo matungo azererezwa.

Niba twateye urubingo cyangwa imigano usanga yahise abirisha kandi byari bigenewe gufata no kubungabunga inkengero z’imigezi.”

Yongeraho ko kwangirika kw’imigezi binatuma n’ingomero ziyiriho zangirika.Atanga urugero rwa Rukarara ya mbere.

Imigezi nka Mwogo, Rukarara na Mbirurume n’imwe mu igize Nyabarongo kandi ica i Nyamagabe.

Ibigo nka Minisiteri y’Umutungo kamere (MINERENA), Ikigo cy’igihugu cyita ku bidukikije (REMA) n’umushinga Lac Victoria Environmental Management (LVEMP), bikora ibishoboka mu kuyitaho ngo ibungwabungwe hagamijwe no kubungabunga umugezi wa Nyabarongo.

Hakorwa ibikorwa ibitandukanye birimo kuyiteraho ibiti birimo imigano ku nkengero zayo,kubungabunga metero zagenwe ku nkengero zayo n’ibindi.

Nabimana Jean de Dieu uhagarariye umushinga LVEMP mu karere ka Huye na Nyamagabe, avuga ko bazakora ibikorwa byinshi mu kubungabunga iyi migezi.

Ati “kuri Mwogo tuzatera imigano kuri ha 28 hanyuma kuri Mbirurume duyitere kuri ha 10.Kuko Mwogo na Mbirurume nizo zihura zikabyara Nyabarongo. Kandi icyo dukeneye ni ukubungabunga Nyabarongo duhereye aho amazi yayo aturuka.”

Mahoro umuturage w’akarere ka Nyamagabe akaba avuga ko bazaharanira kubungabunga ibidukikije n’imigezi birinda icyakongera kubihungabanya kuko ari ingenzi kuri buri wese mu Rwanda.

Utazirubanda Francois Xavier wari umunyamabanga nshingwabikorwa w’umurenge wa Mugano yeguye ku mpamvu ze bwite

Umunyamabanga nshingwabikorwa w’Akarere ka Nyamagabe, Nshimiyimana Jean Pierre yemeza ayo makuru avuga ko Utazirubanda Francois Xavier wayoboraga umurenge wa Mugabo yeguye ku mpamvu ze bwite.

Nshimiyimana avuga ko byaramenyekanye binyuze mu ibaruwa yandikiye ubuyobozi bw’aka karere tariki ya 14 Ukwakira 2016.

Manirarora Paul, wayobora umurenge wa Buruhukiro, ntiharamenyeka icyatumye yegura.

Utazirubanda wayoboraga umurenge wa Mugano ahamya aya makuru avuga ko yabikoze ku mpamvu ze bwite.

Agira ati “Nanditse ku mpamvu zanjye bwite kandi ndumva nta kindi kibazo. Imirimo yo ntiyabura imyaka 11 maze nkora mu karere ntabwo nakoze nabi bashobora kumpa indi mirimo.

Kandi batanayimpaye mu Karere ka Nyamagabe nayishaka n’ahandi. Rwose ubu turi aba tekinisiye twari tumenyereye akazi nta kibazo dufite.”

Bivugwa ko uyu murenge wa Mugano wahise uhabwa undi munyamabanga nshingwabikorwa wari usanzwe ayobora umurenge wa Mbazi witwa Hagenimana Pacifique.

Ishuri rya Gisakura mu murenge wa Bushekeri i Nyamasheke riri mu byubatswe n’amafaranga aturuka ku bukerarugendo bwo muri Parike ya Nyungwe

Batanga ibi mu gihe mu mwaka ushize w’ingengo y’imari 2015-2016, abaturiye Pariki ya Nyungwe basaranganyijwe miliyoni 110RWf mu rwego rwo kubasangiza ku musaruro ukomoka ku bukerarugendo bukorerwa muri iyo Parike.

Nyabyenda Claude, utuye mu murenge wa Kitabi agira avuga ko nk’abaturage bafashe iya mbere mu kuyibungabunga, bayirinda abashobora kuyangiza.

Agira ati “Amadevise avuye muri Pariki y’igihugu ya Nyungwe araza akatugeraho. Ndetse no mu mudugudu wa Uwurunazi yatugezeho kuko hari inkunga RDB yahatanze.

Baraza batwubakira umudugudu ngo hazatuzwe abantu batuye mu nkengero za Pariki ya Nyungwe kuko batega, bakangiza inyamaswa.”

Mugenzi we witwa Nizeyimana Joseph agira ati “inyamaswa zikunze kuba ziri ino usanga hari imondo, inguge, ibyondi, ibisaho n’izindi.

Zidufitiye akamaro kuko zikurura ba mukerarugendo bateza imbere u Rwanda. Tuzarushaho kubungabunga Pariki turwanya ba rushimusi n’abandi bayangiza.”

Ayo mafaranga asaranganywa abaturage binyuze mu Kigo cy’igihugu cy’iterambere (RDB) kuko aricyo gifite mu nshingano zacyo amaparike. Bayabasaranganya kugira ngo barusheho kuyibungabunga.

Ayo mafaranga asaranganywa abaturiye Pariki buri mwaka, ntahabwa abaturage mu ntoki ahubwo abaturage ubwabo baricara bakareba igikorwa bakeneye cyabateza imbere akaba ariho akoreshwa.

Karegire Norbert yemeza ko hakorwa byinshi mu gusangiza abaturage umutungo ukomoka mu bukerarugendo

Karegire Norbert, umuyobozi wungirije wa Pariki ya Nyungwe, ushinzwe guhuza Pariki n’abaturage, yavuze ko ayasaranganyijwe abaturiye Parike ya Nyungwe, yifashishijwe mu kubaka amashuri9, amavuriro, ubworozi n’ubukorikori.

Agira ati “Hari ishuri ribanza rya Rugera ni mu karere ka Rusizi, hakaba ishuri ryatashywe rya Gisakura ni mu karere ka Nyamasheke.

Hari n’ibikorwa by’amakoperative cyane cyane abaturage bajyaga bakenera muri pariki, hari amakoperative atubura ibirayi yubakiwe aho babibika.”

Akomeza avuga ko hari n’abavumvu, bajyaga bajya kwagika muri Pariki ya Nyungwe, bakorewe imishinga. Hakaba hari na ba rushimusi bajyaga bangiza ibinyabuzima muri iyo Parike borojwe amatungo magufi.

Abakerarugendo bariyongereye

Karegire akomeza asaba abaturage kuyibungabunga kuko kutabikora kwaba ari nko gutema ishami bicayeho.

Ati “Abaturage bakwiye kumva ko kutabungabunga Pariki ari nko gutema ishami ry’igiti uryicariye. Ni iyabo, ibafitiye akamaro dufatanye twese mu kuyibungabunga.”

Ubwiza bwa Nyungwe bwongera ba Mukerarugendo uko umwaka utashye

Akomeza avuga ko uko imyaka utashye ari nako abakerarugendo basura Pariki ya Nyungwe biyongera.

Agaragaza ko mu mwaka wa 2008 yasuwe n’abakerarugendo 4153. Mu mwaka wa 2015 yasuwe n’abakerarugendo 9415. Muri uyu mwaka wa 2016, kugeza muri Nzeli, Parike ya Nyungwe imaze gusurwa n’abakerarugendo 9886.

Karegire avuga ko abakerarugendo bagenda biyongera bitewe n’imiterere n’ubwiza bw’ishyamba rya kimeza rya Nyungwe, ryiganjemo byinshi bitandukanye bikurura abarisura.

Abaturage bo mu Murenge wa Mugano basaba isoko rizagabanya urugendo bakora bajya kugurisha imyaka beza mu yindi mirenge

Iri soko ngo rizabafasha gukemura ikibazo cy’ibirometero birenga icumi bakora, bagana mu isoko ryo mu Murenge wa Kaduha.

Musabyimana ucuruza imyaka, avuga ko bakora urugendo rw’amasaha atatu bikoreye ibyo bagiye kugurisha, bigatuma rimwe na rimwe bemera guhendwa, kuko baba batari bubashe kubyikorera ngo babisubizeyo.

Agira ati” Iyo ujyanye ibicuruzwa kure akenshi urahendwa bitewe n’uko uba uvuga uti sindi bubicyure.”

Gahonzire Alphonse w’umuhinzi avuga ko muri aka gace beza cyane, ariko bakagorwa no kuba nta soko bagira hafi.

Ati “Tweza urutoki, imyumbati, ibishyimbo, amasaka, ariko tukabura isoko. Tubonye isoko byadufasha kuva mu bwigunge rikoroshya ubuhahirane”.

Gahonzire Alphonse asanga kubakirwa isoko bizabafasha kubona aho bacuruza imyaka beza biborohoye

Utazirubanda Francois Xavier umunyambanga nshingwabikorwa w’Umurenge wa Mugano, avuga ko iki kibazo kizakemurwa n’umudugudu w’icyitegererezo ugiye kubakwa muri uyu Murenge.

Ati “Uyu mudugudu tugiye kubaka uzazana n’ibindi bikorwaremezo birimo n’isoko”.

Umurenge wa Mugano ni Umurenge w’icyaro usanzwe ukennye mu bikorwaremezo, ariko uyu muyobozi atangaza ko ku bufatanye n’ubuyobozi bw’akarere, iki kibazo kiri gushakirwa umuti urambye.

Mu murenge wa Kabatwa hafi y’ ibirunga niho inkuba yakubitiye abaturage

Ba nyakwigendera ni Zaninka Peruth w’imyaka 22 n’umwana we Igizeneza Response, w’umwaka umwe n’amezi umunani.

Byarabereye mu mudugudu wa Kamuhe, Akagari ka Batikoti mu Murenge wa Kabatwa.

Bakubiswe n’inkuba ubwo Zaninka yari mu nzira ava gusura iwabo agana iwe, imvura ikabasanga mu nzira.

Uwanzwenuwe Theoneste uyobora Akarere ka Nyabihu, avuga ko aba ba Nyakwigendera, bahise bajyanwa mu buruhukiro, mu kigonderabuzima cya Kabatwa.

Uyu muyobozi yagiriye inama abaturage, zabafasha kwirinda inkuba muri ibi bihe by’imvura binjiyemo.

Yagize ati” Abaturage bakwiye kwirinda kugenda mu mvura, kugama munsi y’ibiti, no kuvugira ku ma terefone mu bihe by’imvura n’imirabyo.

Bakwiye no kwirinda gucomeka ibyuma bikoreshwa n’amashanyarazi mu mvura n’ ibindi byakurura inkuba zabateza ibibazo”.

Yasabye ko ahantu hahurira abantu benshi muri aka Karere, harimo mu masoko, mu mavuriro, mu mashuri n’ahandi, hashyirwa imirindankuba, mu rwego rwo gukumira imfu ziterwa n’inkuba.

Uwanzwenuwe Theoneste asaba abaturage kwirinda icyabakururira ibibazo by’inkuba mu bihe by’imvura

Intara y’ Iburengerazuba ikunze kwibasirwa n’inkuba zihitana abantu zikanahitana amatungo, cyane cyane mu Karere ka Rutsiro, Karongi na Nyabihu.

Umuhanda Huye-Nyamagabe-Kitabi warasadaguritse mu bice bitandukanye

Uwo muhanda wacitsemo ibinogo mu bice bimwe na bimwe. Ahandi wariyashije na rigore itwara amazi yarangiritse kuburyo amazi ameneka mu muhanda. Ibyo bituma ibinyabiziga biwukoresha bikarita aho hangiritse kuburyo byatera impanuka.

Kalisa, umwe mu bawukoresha, agira ati “Ni umuhanda ufite akamaro uhuza uturere twinshi mu Rwanda ndetse uduhuza na Kongo. Wangiritse cyane byabangamira imigenderanire. Hagira igikorwa ukitabwaho.”

Ubuyobozi bw’Akarere ka Nyamagabe buvuga ko ikibazo cy’uwo muhanda bukizi. Bakigejeje ku kigo cy’igihugu gishinzwe iterambere ry’ubwikorezi (RTDA) kandi ngo hari ikigiye gukorwa; nkuko Kabayiza Lambert, umuyobozi w’akarere ka Nyamagabe, wungirije ushinzwe iterambere ry’ubukungu, abisobanura.

Agira ati “Mu by’ukuri turabibona! Ni umuhanda urimo ibinogo wakozwe cyera! Ni umuhanda wo ku rwego rw’igihugu uduhangayikishije. RTDA, igikorwa cyo kugira ngo umuhanda uzakorwe, ikigeze kure! Batugaragariza ko ingengo y’imari yo gukora uwo muhanda, ubushobozi buhari.”

Uwo muhanda wacitsemo ibinogo

Akomeza avuga ko ikizabanza ari uguha ingurane abaturiye uwo muhanda kuko bazawagura. Muri Gashyantare 2017 nibwo biteganyijwe ko imirimo yo gusana uwo muhanda bizatangira.

Umuhanda Huye-Nyamagabe-Kitabi ni igice cy’umuhanda mpuzamahanga wa Huye-Nyamagabe-Kitabi-Nyamasheke-Rusizi. Uhuza uturere dutandukanye tw’u Rwanda na Repubulika Iharanira Demokarasi ya Kongo.

Igice cya Nyamasheke n’ikiva ku Kitabi cyarakozwe. Hasigaye gusanwa icya Huye-Nyamagabe-Kitabi.

Bubakiwe ibyumba 10 ku nkunga ya Leta zunze ubumwe za Amerika

Ibi byumba 10 byubatswe ku kigo cy’amashuri cya Diyoseze Gatulika ya Gikongoro cyitwa Don Bosco Technical Secondary School, byaratangiye kubakwa mu mwaka wa 2014.

Abanyeshuri baryigaho, bavuga ko bizatuma umubare w’abahiga wiyongera, kuko hari urubyiruko rwinshi rukeneye kwiga imyuga nk’uko Hakizimana Damascene abivuga.

Yagize ati “Iri shuri ridufitiye akamaro kanini kuko twabonye aho twiga imyuga hafi kandi bikazadufasha kwihangira imirimo. Ubundi twajyaga kuyiga muri za Muhanga n’I Nyanza.”

Padiri Valens Harerimana,umuyobozi w’iri shuri avuga ko, ku banyeshuri 301 bagiraga, buri mwaka hazajya hiyongeraho abandi 350, kuko ibi byumba 10 kimwe kijyamo abanyeshuri 35.

Umuyobozi w’akarere ka Nyamagabe Mugisha Philbert yashimiye Leta Zunze ubumwe za Amerika mubano mwiza.

Yanashimye Perezida Kagame imiyoborere myiza ye, ituma u Rwanda rugirana umubano n’ibindi bihugu.

Ambasaderi wa Leta Zunze Ubumwe za America mu Rwanda Erica Barks-Ruggles yavuze ko yishimira kuba iri shuri rigiye gufasha urubyiruko kurushaho kwiga imyuga.

Yasabye urubyiruko gukoresha amahirwe babonye, bakigirira akamaro, bakakagirira n’igihugu.

Ati “Mwibuke ko ejo hazaza hanyu, hari mu biganza byanyu, mugomba guharanira iterambere ryanyu n’iry’igihugu cyanyu”

Ambasaderi wa Leta Zunze Ubumwe za America mu Rwanda Erica Barks-Ruggles

Ishuri Don Bosco Technical Secondary School, ryigisha imyuga irimo ububaji, ubwubatsi, ubudozi n’ubukanishi.

Ibyumba 10 ryubakiwe byatashwe ku mugaragaro kuri uyu wa 14 Nzeli 2016.

Byuzuye bitwaye amadorali ya Amerika ibihumbi 240 na 892.

Baretse Ambasaderi wa Amerika mu Rwanda imyuga ihigirwa

Abaturage bavuga ko gutura ku midugudu byabegereje ibikorwa remezo nk’imihanda n’amashanyarazi

Kuba mu midugudu byabagiriye akamaro kuburyo ntawe bakwifuriza kuguma mu manegeka, nk’uko Imfura Anastase utuye mu Murenge wa Gasaka muri aka Karere abivuga.

Agira ati” Kuba mu midugudu byatumye twegerezwa ibikorwa remezo, ndetse binadufasha kwicungira umutekano”.

Avuga ko umuriro, amazi, amashuri, ivuriro ndetse n’imihanda byabegerejwe.
Anavuga kandi ko ibiza byajyaga bibasenyera bikanatwara ubuzima bwa bamwe mu manegeka, ubu byabaye amateka kuri bo.

Mu gihe abaturage bashima iyi gahunda bakanayiratira bagenzi babo, Akarere kavuga ko kagiye kurushaho kongera imidugudu hagamijwe kunoza imiturire.

Akarere ka Nyamagabe gasanganywe imidugudu itandatu irimo, uwa Kirehe, Nyabivumu, Uwinyana, Kitabi, uwa Mbazi, n’uwa Munyinya na Birambo.

Muri iyi midugudu yari isanzwe hazongerwaho umudugudu mushya wa Mugano, hanavugururwe uw’ Uwinyana wongerwamo ibikorwa remezo.

Ibi bikorwa bizatwara agera kuri miliyoni 759 z’amafaranga y’u Rwanda, nk’uko Mugisha Philbert uyobora aka karere abisobanura.

Mugisha Philbert uyobora Akarere ka Nyamagabe avuga ko bagiye kuvugurura imidugudu bakayigira iy’Icyitegererezo

Agira ati “Mu mudugudu wa Mugano, hazubakwa amazu 40, hubakwe Biogaz izakoreshwa muri ayo mazu, hatangwe n’ inka muri buri muryango uzahatura”.

Avuga kandi ko muri uyu mudugudu hazakorwa umuhanda wa kilometero 11, hagasanwa umuyoboro w’amazi ndetse hakubakwa ishuri ribanza rifite ibyumba 10.

Mu mudugudu w’Uwinyana uzavugururwa, Mugisha avuga ko abawutuye batorojwe bazorozwa, hanashyirwemo ibikorwa birengera ibidukikije.

Ibikorwa remezo bavuga bitabageraho ni imihanda, amazi n’amashanyarazi.

Uyu murenge ugizwe n’igice kinini cy’imisozi n’utubande, bituma bigorana kugeza ibikorwa remezo kubawutuye, nk’uko Ndagijimana Jean Bosco uhatuye abivuga.

Imiterere ya Kintobo ituma abenshi batura mu tubande no mu manegeka

Agira ati “Nko mu kagari ka Nyagisozi, umuriro ugera mu mudugudu umwe gusa kandi dufite imidugudu igera kuri itanu. Abawufite ni nka 1, 5% “.

Anavuga kandi ko muri uyu murenge bafite isoko imwe y’amazi, igaburira umudugudu umwe n’amashuri.

Murego Donati nawe utuye muri uyu Murenge, avuga ko abafite umuriro n’amazi ari bake cyane, kubera gutura mu manegeka.

Bavuga ko batujwe mu midugudu bakagezwaho ibikorwa remezo byabanezeza nk’uko Ndagijimana uhatuye abivuga.

Ati “Muri aka gace biragoranye kubona ibibanza kubera ubuhaname, dutujwe mu midugudu ibi bibazo byakemuka”.

Abatuye hafi y’umuhanda nibo babasha kugerwaho n’ibikorwa Remezo

Muhirwa Robert umunyamabanga nshingwabikorwa w’umurenge wa Kintobo, yemeza ko ikibazo cy’imiturire gihari.
Avuga ko iyo ari yo nyirabayazana yo kutagira ibikorwa remezo kuri bamwe mu baturage.

Agira ati “Dufite ikibazo cy’imiterere y’imisozi, tukanagira abaturage bagifite imyumvire yo kwanga kuva mu tubande, no mu manegeka”.

Mu gushaka gukemura iki kibazo, Muhirwa avuga ko bateganije ahantu aba baturage bazubakirwa imidugudu.

Ati “Harimo imidugudu tuzatangira gutunganya mu kwezi k’ Ukwakira ku bufatanye na LODA “

Aho hateganijwe kubakwa imidugudu, Muhirwa avuga ko hazagezwa ibikorwa remezo byose bikenewe ku baturage.

Muhirwa Robert Umunyamabanga Nshingwabikorwa w’Umurenge wa Kintobo

Muhirwa ashishikariza abaturage kuzubahiriza kwimuka mu tubande no mu misozi ihanamye bagatura mu midugudu.

Avuga ko bizatuma babona ibikorwa remezo bitabagoye.

Aho inda zageze amashyamba atangira kuraba no gukokoka

Dusabimana Simon, utuye mu kagari ka Nyamugari mu murenge wa Gasaka, avuga ko inda zibasira amashyamba ari ikibazo gikomeye kuburyo ngo zijya no ku bantu.

Agira ati “Ikibazo cy’inda kirahari ku buryo ushobora kuba ugenda no mu muhanda ukabona zagukwiriyeho, zirangiza n’ibidukikije. Ibiti byatangiye kuma. Rwose Leta yakigaho.”

Mugenzi we Handikimana avuga ko kubera izo nda, byatumye umusaruro w’ibiti asarura mu ishyamba rye, ugabanuka.

Agira ati “Waragabanutse cyane! Niba umuntu afata icyemezo cyo kuba yanaritema ritaramera neza kubera ikibazo cy’inda, ubwabyo ni igihombo umuntu aba yatangiye kwinjiramo.

Kandi i Nyamagabe twari dufite amashyamba asa n’aho adutunze warigurisha uvuga uti wenda nikenure, ngire n’akandi kabazo nkemura muri ubwo buryo. Twabuze abadukorera ubuvugizi rwose. Leta yagikemura.”

Ku mababi y’ibiti usangaho imigi y’umweru inda zateyeho,abaturage bavuga ko yangiza amashyamba bikomeye

Mugisha Philbert, umuyobozi w’akarere ka Nyamagabe, avuga ko icyo kibazo cy’inda zangiza amashyamba gihari, kikaba gikunda kwibanda ku biti by’inturusu.

Yongeraho ko ahanini zikunze kwibasira amashyamba adakoreye neza. Ni ho ahera asaba abaturage kurushaho kwita ku mashyamba bayakorera neza, bayakonorera, bacukura ibyobo bifata amazi ndetse banatera n’ubwoko bwiza budakunda gufatwa n’izo nda, nk’ubwa Mayideni.

Agira ati “Byari bifite ubukana ariko byagiye bigabanuka. Ni ingamba zafashwe n’abashakashatsi bagaragazaga ko hataraboneka umuti urambye. Umuti babonaga waterwa mu biti kugira ngo zipfe washoboraga kuba wakwangiza n’ibindi binyabuzima nk’inzuki n’ibindi, aho ngaho rero bisaba abantu bakwitonda.”

Akomeza avuga ko abashakashatsi bagishakisha umuti mwiza utakwangiza ibindi binyabuzima waterwa mu mashyamba.

Bitangazwa na Manirabaruta Charlotte wigisha i Kanyove mu murenge wa Mukamira, hafi ya Parike y’Ibirunga.

Manirabaruta Charlotte avuga ko kwigisha abana bituma bafasha ababyeyi babo kubungabunga ibidukikije

Avuga ko iyo abana bigishijwe akamaro ko kubungabunga ibidukikije, nabo bataha bakabyigisha ababyeyi babo, bakarushaho kubibungabunga.

Agira ati” Umwana tumwigisha ko agomba kubungabunga ibidukikije birimo zino ngagi duturiye, inyamaswa zitandukanye ndetse na bino biti, nawe akagenda akabyigisha iwabo”.

Akomeza avuga ko abana bafite ababyeyi bahoze ari abavumvu, ndetse n’abahoze ari ba rushimusi bagiye babireka babikuweho n’abana babo.

Abana iyo bigishijwe ibidukikije nabo bahugura ababyeyi babo mu kubibungabunga

Karehe Bienfait umunyamabanga nshingwabikorwa w’umurenge wa Mukamira, yemeza ko abaturage bumvise akamaro ko kubungabunga ibidukikije.

Abishingira ku bikorwa bitandukanye bakorerwa, bikomoka mu musaruro w’ubukerarugendo.

Kaliza Belise uyobora ubukerarugendo mu kigo cy’igihugu cy’iterambere (RDB), ashima uburyo imyumvire y’abaturage ku bijyanye no kwita ku bidukikije byahindutse.
Ati “Na ba rushimusi ubu bahinduye akazi kabo, ubu ni babandi batwaza ba mucyerarugendo.”

Akaliza Belise ushinzwe ubukerarugendo muri RDB

Mu mwaka wa 2014-2015 ibyinjizwa mu bukerarugendo byazamutseho 4%, aho mu mwaka wa 2015 amafaranga yinjijwe yageze kuri miliyoni 318 z’amadorali.

Muri 2016 hitezwe ko ibizinjizwa mu bukerarugendo bizazamuka bikagera kuri 5 cyangwa 6% y’ibyabonetse mu mwaka ushize.

umuhanda_nyakinama-vunga_nyuma_yo_gukorwa_woroheje_ingendo

Uyu muhanda umaze imyaka ibiri ukozwe. Uwamariya avuga ko igiciro cyo kuva i Shyira ujya mu karere ka Musanze cyagabanutse, bituma no kugera i Kigali kigabanukaho 650frw.

Yagize ati “Kuva hano i Shyira ujya i Musanze mbere watangaga 1000frw, ubu ni 600frw. Kujya i Kigali watangaga 3000frw none ubu ni 2350frw.”

Munyakazi avuga ko uyu muhanda watumye umusaruro wabo w’ibisheke n’ibitoki ugera ku isoko ku buryo bworoshye, n’agaciro kariyongera. Igisheke kimwe kirangurwa hagati ya 100frw na 200frw, mbere cyaragurwaga ari munsi ya 100frw.

Umuhanda watumye umusaruro w’ibisheke wongera agaciro

Kanamugire Noel, umunyamabanga nshingwabikorwa w’umurenge wa Shyira, avuga ko uyu muhanda wagabanyije umwanya abantu bataga mu ngendo. Ibi bituma abacuruzi n’abaguzi batinyuka kugana amasoko.

Ati “Uyu muhanda utarakorwa, kugirango uve ahangaha ujye Musanze byafataga amasaha atatu. Ariko ubu ntago byarenza iminota 50.”

Kanamugire avuga ko kuva uyu muhanda wakorwa, abaturage bo mu murenge wa Shyira 15, bamaze kwigurira imodoka, kuko batagitinya ko zangirika.

Abaturage bo mu murenge wa Shyira bavuga ko bagifite ikibazo cy’ikiraro cya Rubagabaga, gihuza akarere ka Nyabihu n’akarere ka Ngororero na Muhanga. Bavuga ko gikozwe neza cyarushaho kongera ubuhahirane.

Uburwayi bwibasira imyumbati buhangayikishije abaturage b’i Nyamagabe

Abo baturage bavuga ko imyumbati ari igihingwa cyari kibatunze mu myaka ibiri ishize, ku buryo n’abaturage bo mu tundi turere bazaga kuyigura muri ako karere.

Handikimana, umwe muri bo, agira ati “Twajyaga tweza imyumbati tukabona n’amasoko ugasanga za Cyangugu na za Congo Nil baza kugura imyumbati hano ku Gikongoro, Nyamagabe. Ubu yagiye igabanuka.”

Mugenzi we witwa Nshuti avuga ko aho yezaga nk’ibiro 100 bigoye kubonamo ibura ibiro 25, bitewe nuko imyumbati ibemba, ntiyere uko bikwiye. Kandi ngo icyo kibazo ni rusange mu Karere ka Nyamagabe.

Agira ati “Umuntu arahinga imyumbati ikabemba, iyo ibembye nta myumbati iza hasi. Biba ngombwa ko umuntu ayirandura nyine akongera agahinga indi bundi bushya.”

Mugisha Philbert, umuyobozi w’Akarere ka Nyamagabe, avuga ko kubera iki kibazo cy’uburwayi bwaje mu myumbati, byatumye batayishyira mu bihingwa byatoranyijwe, bifasha abaturage kwikura mu bukene.

Umuyobozi w’Akarere ka Nyamagabe avuga ko bari gukorana n’abashakashatsi kugira ngo hamenyekane indwara yibasiye iyo myumbati

Mugisha yongeraho ko ari nayo mpamvu bahise baba baretse gushishikariza abahinzi kugumya gutera iki gihingwa hataraboneka imbuto nziza. Bari basanzwe bahinga imyumbati kuri Hegitali 4000.

Agira ati “Ubu ngubu no mu mihigo y’akarere ntabwo turimo tuyishyiramo kuko dushobora no kuba twateganya ngo turahinga ubuso ubu n’ubu kandi tutizeye ko imbuto ari nziza.

Ubungubu navuga ngo ni ugutangira bundi bushya mu gushaka imbuto noneho tukazagira n’intego buri mwaka. Ikibazo ubungubu gikomeye cyane ni imbuto. Twabaye tunitondesheje cyane kugira ngo umuhinzi atazahinga imbuto itari nziza ikamuhombera.”

Gusa ngo ubu barimo gukorana n’abashakashatsi kugira ngo hamenyekane indwara yateye mu myumbati.

Ubukerarugendo bw’u Rwanda burimo n’ingagi bukurura abanyamahanga benshi ariko Abanyarwanda babusura baracyari bacye.

Bitangazwa na Kaliza Belise, umuyobozi w’ishami rishinzwe bukerarugendo muri RDB, mu gihe u Rwanda ruri mu myiteguro yo kwita izina abana b’ingagi, igikorwa ngarukamwaka kiba gitegerejwe n’abantu benshi baturutse hirya no hino ku isi.

Agira ati “Akenshi abanyarwanda ntituragira uwo muco wo kuruhuka, kuvuga ngo wikendi irageze uragiye hanze ya Kigali cyangwa hanze y’aho utuye.”

Avuga ko ibyo bituma mu mafaranga yinjizwa n’abakerarugendo usanga ayatanzwe n’ABanyarwanda akiri hasi ugereranyije n’abanyamahanga.

Ati “Mu myaka itanu ishize twagiye tubona inyongera y’amafaranga aturuka mu bukerarugendo ya 4% buri mwaka. Tugereranije umwaka wa 2014 na 2015 nabwo niko byagenze. Mu 2015 twinjije miliyoni 318 z’amadorali. Uyu mwaka tukaba duteganya inyongera navuga ngo kuri 5 cyangwa 6%.”

Kaliza Belise ushinzwe ubukerarugendo muri RDB, yemeza ko ubukerarugendo butera imbere uko umwaka utashye.

Abajijwe ibyo bakora ngo yiyongere yavuze ko kwita izina biri mu by’ingenzi mu bikorwa ngo ibyiza by’u Rwanda bimenyekanishwe.

Ati “kimwe mu bikorwa ni “Kwita izina”kuko ni kimwe mu byerekana u Rwanda, ibyo rwagezeho mubyo kubungabunga ibinyabuzima mu maparike y’igihugu. Hari n’ibindi byinshi, kwamamaza bisanzwe, imbuga za interineti dukoresha, hari ingero nyinshi.”

Mu Rwanda hateganijwe igikorwa cyo “Kwita Izina” abana b’ingagi, kikazabera mu Karere ka Musanze mu Ntara y’Amajyaruguru kuri uyu wa gatanu 2 Nzeri 2016.

Ibyumba by’amashuri bitandukanye byagiye byubakwa ahatandukanye na RDB hagamijwe guteza imbere abaturiye Pariki y’Ibirunga.

Ni nyuma y’uko Ikigo cy’Igihugu gishinzwe Iterambere (RDB) gisigaye kibasangiza ku mutungo uva mu bukerarugendo, kibakorera ibikorwa bitandukanye bibateza imbere birimo amashuri.

Uwitwa Nizeye uyituriye avuga ko abenshi bumvaga ko inyungu ari ukujya gushakamo inka n’utundi tunyamaswa, bakibwira ko ubukerarugendo ari ubwa leta gusa nta ruhare babufitemo.

Agira ati “Ubungubu ibikomoka ku bukerarugendo bigera ku baturage, tubonamo inyungu zigaragara koko. Amashuri aragaragara, gutera inkunga kwa RDB biragaragara. Leta yazanyemo itandukaniro rikomeye cyane.”

RDB yagiye ibubakira bimwe mu bigega bibafasha kubona amazi.

Manirabaruta Charlotte nawe avuga ko mbere ubukerarugendo bwafatwaga nk’ubw’abanyamahanga bazana amadevize, akagirira akamaro leta gusa.

Manirabaruta avuga ko bitewe na 5% by’ibikomoka ku bukerarugendo RDB ibasangiza, bashoboye kubona amashuri, ibigega by’amazi no korozwa amatungo, bituma barushaho kwibona mu bukerarugendo.

Kuri ubu biyemeje gukumira ba rushimusi n’abandi bakwangiza parike, kandi bakazakomeza kuba ijisho mu kubungabunga parike, bakumira uwayangiza wese.

Kaliza Belise umuyobozi ushinzwe ubukerarugendo muri RDB, ashimira abaturage ku buryo bazamuye imyumvire mu bukerarugendo no kubungabunga amapariki.

Umuyobozi w’ubukerarugendo muri RDB Kaliza Belise, ashimira abaturage bahinduye imyumvire bakaba babafasha kubungabunga Pariki y’Ibirunga no mu bindi bikorwa by’ubukerarugendo.

Ati “Hari byinshi abaturage bakora. Nibo badufasha gusana urukuta twakoze iyo tugize nk’ibyago rugasenyuka. N’inyamaswa iyo zivuye muri Parike badufasha hamwe n’inzego z’umutekano kuzisubizayo. Imyumviye yarahindutse kandi iracyakomeza guhinduka.”

Uyu mwaka hatashywe ibigo by’amashuri bitatu bifasha abaturage harimo ikigo cya Gatebe hafi ya Pariki y’Akagera, icya Kanyove hafi ya Pariki y’Ibirunga n’icya Gisakura kiri hafi ya Pariki ya Nyungwe. Byakozwe hitegura igikorwa cyo kwita izina ingagi kizabera i Musanze tariki 2 Nzeri 2016.

RDB ivuga ko ibikorwa byo gusangiza abaturage umutungo ukomoka ku bukerarugendo bimaze gutwara agera kuri miliyari 1,6Frw kuva byatangira gukorwa muri 2006.

Minisitiri wo gucyura impunzi n’ibiza Mukantabana Seraphine akaba yarabitangaje muri uku kwezi kwa Kanama,ubwo yabazwaga umuti urambye bateganyiriza Nyabihu mu gukumira ibiza bikunze kuhibasira, bikangiza amazu n’ibindi bikorwa Remezo mu gihe cy’imvura.

Umuhanda Musanze-Rubavu urangirika mu gihe cy’imvura bitewe na rigore nto ku kagezi ka Mutera kanyura hafi y’akarere.

Agaruka ku biteganyijwe yagize ati “Hari umushinga mugari MINIRENA irimo gukorera hano mu rwego rwo gukumira amazi ava ku misozi ashobora kuba yakwangiza amazu y’abaturage.”

Ku birebana n’amazi ava mu birunga akangiza ibitandukanye birimo n’ibikorwa Remezo, Minisitiri Mukantabana avuga ko nabyo binyuze mu nzego zitandukanye bizashakirwa umuti.

Yagize ati “Turacyakomeza kureba kuko na hano hirya mu muhanda hari ahantu muzi habaye ibiza bitewe n’uko inzira y’amazi yari yabaye ntoya.

Ibyo bikaba bizajya mu mushinga mugari uhuriweho n’inzego nyinshi wo kugira ngo tubonere ibisubizo aya mazi y’imyuzi ava mu birunga,akaza rimwe na rimwe akabura inzira akaba yashobora kwangiza ibikorwa remezo nk’imihanda cyangwa amazu y’abaturage.”

Abajijwe igihe uyu mushinga uteganyijwe gukorwa,n’ingengo y’imari yawo, Minisitiri Mukantabana yavuze ko bikiri mu nyigo.

Yatangaje ko hari inyigo ya mbere yakozwe n’abatekinisiye ba MIDIMAR bari kumwe n’ab’izindi Minisiteri,hakaba hari n’ibindi bigomba gukorwa bitandukanye kuko bizasaba no gutanga amasoko.

Binyuze mu nyigo,hakazamenyekana neza igihe umushinga uzakorerwa n’amafaranga uzatwara.

Minisitiri Mukantabana atangaje ibi,mu gihe abaturage b’I Nyabihu cyane abaturiye umuhanda wa Kaburimbo Musanze-Rubavu,bari bamaze igihe bagaragaza ikibazo cy’amazi abasenyera amazu.

Minisitiri Mukantabana avuga ko hari umushinga uzakemura ibibazo biterwa ahanini n’amazi ava mu birunga.

Abakunze kwibasirwa n’aya mazi bakaba ari abo mu tugari twa Rubaya na Rurengeri,mu bice byegereye aho ibiro by’Akarere ka Nyabihu byubatse.

Uwimana Israel,umwe mu baturage yagize ati “Amazi aratwangiriza bikomeye, yinjira mu mazu mu gihe cy’imvura,akangiza ibyo asanzemo byose bikadutera igihombo.”

I Nyabihu kuva muri Werurwe kugera muri Gicurasi 2016, ibiza bitewe n’amazi bikaba byarasenye amazu asaga 200,abantu 6 barapfa, amatungo, na hegitare nyinshi z’imyaka zirangirika.

Hari aho imodoka zigera zigahagarara ntizibashe gukomeza.

Ni umuhanda uhuza imirenge ya Mukamira na Kintobo mu Karere ka Nyabihu n’akarere ka Musanze ahitwa Nyakiriba, ndetse ugahuza ibice n’umuhanda wa kaburimbo Musanze - Rubavu bihurira ahitwa ku Cyapa cya Rwankeri.

Abaturage ba Nyabihu barasaba ibi mu gihe umuhanda watangiye gukorwa ariko imirimo ikaba itihuta, nk’uko babihamya.

Ndagijimana Bosco agira ati “Mu byo dukeneye cyane, umuhanda urimo kuko kugeza umusarurio tweza ku masoko biba bigoye cyane.”

Ndagijimana avuga ko nubwo umuhanda watangiye gukorwa, bifuza ko warangira vuba kuko ari bwo wababera igisubizo. Mu gihe utararangira, bikaba ngo bigoye kwemeza ko bafite umuhanda.

Umuhanda Rwankeri - Nyakiriba uramutse ukozwe ngo wafasha abaturage kugeza umusaruro w’ibirayi n’ingano ku masoko.

Umuyobozi w’Akarere ka Nyabihu, Uwanzwenuwe Theoneste, avuga ko uyu muhanda kimwe n’indi ihuza imirenge na kaburimo inyura muri ako karere izitabwaho kugira ngo ifashe abaturage.

Agira ati “Imihanda yinjira mu mirenge tuyifata nk’ikomeye. Iduhuza n’abaturage ikaba imihanda yorohereza abaturage kugeza umusaruro wabo ku masoko. Mu by’ibanze twashyize imbere mu karere, harimo ibyo bikorwaremezo nk’imihanda.”

Uwanzwenuwe avuga ko imihanda ari ibikorwa bisaba ubushobozi bwinshi ariko bitavuze ko butaboneka. Gusa avuga ko uko buzagenda buboneka ari na ko imihanda izagenda yitabwaho.

Yongeyeho, ati “Muri uyu mwaka w’ingengo y’imari, hari hateganyijwemo imihanda igera mu mirenge n’uwonguwo wa Kintobo urimo, tukaba rero tuzakora igendanye n’ubushobozi buzaba buhari.”

Abaturage barasaba ko umuhanda Rwankeri-Nyakiriba-Gatovu wakorwa byihuse.

Nta gihe ndakuka gitangwa uyu muhanda wa Rwankeri – Gatovu - Nyakiriba uzarangirira gukorwa. Cyakora ngo utwaye amafaranga y’u Rwanda agera kuri miliyari 3 na miliyoni 250.

Mugisha Thacien umwe mu rubyiruko waganiriye na Kigali Today yagize ati “akenshi hari igihe batubwira bati twishyire hamwe nk’urubyiruko tukabikora, ukazajya kubona biheze mu magambo ngo tuzabafasha tuzabafasha, nk’ubu twishyize hamwe baduhereza imipira ngo tujye gukina, imipira twarayiryamishije kubera kubura ibibuga.”

Ikibuga cya Bigogwe n’icya Rambura ku ishuri nibyo bipfa gukinirwaho i Nyabihu ariko nabyo si byiza ku buryo byujuje ibisabwa

Kamana we agira ati “icyo kibazo cyo kirahari, iyo dushatse gukina hari abantu baba bafite nk’imirima batahinze, tukirohamo tugakina ubwo isaha n’isaha nawe yaza akatwirukana nyine bikagenda gutyo.”

Urubyiruko rugakomeza ruvuga ko kimwe mu byo runenga mu karere ka Nyabihu ari uburyo aka karere kadafite ibibuga n’icyo kacungiragaho kiri hafi y’akarere kikaba cyaribasiwe n’ibiza biracyangiza.

Urubyiruko rugasaba ko nibura akarere kakora uko gashoboye kagateza imbere imyidagaduro n’imikino gashakira urubyiruko ibibuga byatuma babasha gukina bakazamura impano zabo ntibakomeze kudindira.

Urubyiruko ruvuga ko ruhangayikishijwe no kutagira ibibuga

Urubyiruko kandi runasaba Minisiteri y’umuco na Sport ko yagira icyo ifasha mu gukemura iki kibazo.

Ngo barasaba Ministeri ya Siporo n’Umuco ko yabafasha kubona ibibuga

Ku ruhande rw’akarere ka Nyabihu Uwanzwenuwe Theoneste avuga ko iki kibazo cy’ibibuga gihari kandi kikaba ari ikibazo gikomeye.

Agira ati “Ni ikibazo dufite mu karere kose giterwa ahanini n’imiterere y’akarere, igice kimwe ni amakoro, ikindi ni imisozi, usanga kubona aho ushyira ikibuga ubwabyo bitoroshye. Usibye n’abana, n’abantu bakuru bakeneye aho kwidagadurira.”

Yakomeje agira ati “Buhoro buhoro uko tugenda tubyinjiramo dutekereza uburyo byakemurwamo,turabona bizajyenda bikemuka hagashakwa ibibuga ku buryo muri buri murenge nibura haboneka ikibuga cyo kwidagaduriramo.”

Ku birebana n’ikibuga cyahoze hafi y’akarere cyangijwe n’ibiza Mayor Uwanzwenuwe avuga ko hari uburyo burambye bwo gukemura iki kibazo, aho kuri we asanga ari ikibazo gikomereye akarere kubera cyangizwa n’amazi aturuka mu birunga.

Gusa ngo babivuganyeho n’inzego zishinzwe imicungire y’imihanda kuko amazi acyangiza anangiza n’umuhanda Musanze-Rubavu. Ngo batangaje ko ngo hari uburyo ayo mazi azafatwa akayoborwa atangije, akaba asanga kizaba kimwe mu bisubizo.

Ibigega by’amazi byagiye byubakwa na RDB mu duce tw’ibirunga ariko ngo ntibitanga amazi ahagije ugereranije n’abayakeneye.

Nsengimana Jacqueline wo muri Mukamira avuga ko amazi babona bayakura kure, bagakora urugendo ruri hagati y’iminota 40 n’isaha kugira ngo bayabone.

Mu duce twa Gasizi na Kanyove no mu bice bya Jenda hakaba hari mu hakunze kuboneka icyo kibazo, nubwo hari aho abaturage bavuga ko RDB yagiye yubaka ibigega by’amazi. Gusa ngo ntibitanga ahagije ugereranije n’abayakeneye.

Maniraguha Charlotte avuga ko nubwo hari ibigega ariko amazi aracyari macye, bigatuma birwanaho bajya kuyashakira ahandi.

Nsengimana Jacqueline yemeza ko mu duce twegereye ibirunga hari ikibazo gikomeye cy’amazi.

Agira ati “Bavoma mu buvumo mu bibare,ni mu birometero byinshi ahantu bagenda nk’amasaha abiri.”

Umunyamabanga nshingwabikorwa w’Umurenge wa Mukamira, Karehe Bienfait avuga ko ikibazo cy’amazi gihari ariko hagenda haboneka ibisubizo buhoro buhoro uko ubushobozi buboneka.

Ati “Muri ya nkunga ya RDB y’ibikomoka ku bukerarugendo hari ibigega byagiye byubakwa. Ubu hari Koperative ahangaha yitwa Kalisimbi igenda ireba aho akenewe.”

Umuyobozi w’akarere Uwanzwenuwe Theoneste avuga ko buhoro buhoro uduce twinshi tutagiraga amazi tugenda tuyabona, ariko akizeza abaturage ko hari kwiga umuti wo kugikemura burundu.

Ati “Aho rero ataragezwa muri utu duce twegereye cyane ibirunga, ubuherutse ubwo nabonanaga na Minisiteri ishinzwe ingufu n’amazi, twasuraga ibigega biri muri Kabatwa.

Byari biteganirijwe gukoreshwa mu gikorwa cya Gaz methane ariko mu gihe uwo mushiga utagikomeza, twumvikanye ko kimwe muri byo cyashyirwamo amazi, akadufasha mu kuyageza ku baturage begereye ibirunga. Ni igikorwa twumva ko kizagerwaho mu minsi ya vuba.”

Nubwo i Nyabihu bivugwa ko bafite amazi meza hejuru ya 60%, haracyari ibice by’imisozi miremire ya za Muringa, Rurembo n’igice cya Gishwati bikeneye amazi.

Mayor Uwanzwenuwe yijeje abatarishyuwe mu mirimo yo kubaka Uruganda rw’Amata rwa Mukamira kubakurikiranira ikibazo.

Nyirabadeshi Irena, umwe mu baturage bavuga ko bakoze ku ruganda rw’amata rwa Mukamira rwubakwa, agira ati “Umwaka urashize tudahembwe. Twarayabuze, bansigayemo cumi na bitatu bampemba makumyabiri na bibiri.”

Abajijwe igihe aya mafaranga yaba amaze batishyuwe yagize ati “Ese ko ari cyera ko umwaka urangiye.Umwana nabyaye ari kugenda n’amaguru.”

Abandi baturage baganiriye na Kigali Today bakoze kuri urwo ruganda bavuga ko ikibazo cyo kutabona amafaranga yabo cyatangiye muri Nzeri 2016, bakavuga ko abagifite barenga 200.

Nta mubare w’amafaranga mbumbe yabashije kumenyekana aba baturage bishyuza, gusa bavuga ko bamaze igihe kirekire batarishyurwa.

Ubuyobozi bw’Akarere ka Nyabihu buvuga ko iki kibazo bukizi kandi bwakibwiwe ubwo bwasuraga inyubako.

Umuyobozi w’aka karere, Uwanzwenuwe Theoneste yagize, ati “Ubwo twasuraga inyubako mu rwego rwo kwitegura ko uruganda mu minsi iri imbere rwatangira imirimo, twarakigaragarijwe.

Nk’ubuyobozi icyo twasabye ni uko hagaragazwa urutonde rw’abo bakozi bishyuza, tukamenya ngo barishyuza angahe noneho tukabafasha kugira ngo bishyurwe.”

Uwanzwenuwe avuga ko urutonde rw’abakozi kurubona bitazarenza icyumweru, ubundi ikibazo cyabo kigakurikirwanwa, ababakoresheje bakabishyura.

Uru ruganda ngo rukaba rwarakozweho na ba rwiyemezamirimo batandukanye bitewe n’imirimo itandukanye yakorwaga. Batehereje kumenya ahaba hari ikibazo kugira ngo bafashe abaturage kwishyurwa.

Imirimo yo kubaka Ibitaro bya Shyira biragaragara ko yihuta.

Bamwe mu baturage b’aharimo kubakwa ibyo bitaro ku muhanda Vunga-Musanze bavuga ko bagiye kujya bagera kuri serivisi z’ubuvuzi biboroheye, bitabasabye kongera kurira imisozi.

Munyakazi Martin agira ati “Batworohereje cyane. Twazamukaga umusozi waba urwaye ukananirwa ariko ubungubu turahegereye cyane ni mu kibaya.”

Yongeraho ko mu gihe cy’imvura bigora ko imodoka zigera hejuru ku musozi aho ibitaro bya Shyira byari bisanzwe kubera ubunyereri; n’abahetsi mu ngobyi bikabagora kuhageza umurwayi.

Dr Rubanzabigwi Theoneste, uyobora Ibitaro bya Shyira, yishimira ko ibi bitaro bigiye kwimurwa bigakurwa mu nyubako zishaje zo mu 1930.

Avuga ko hari na hato kandi hejuru ku musozi ku buryo bitari koroha kuvugurura izo nyubako cyangwa kuzongera.

Agira ati “Dufite igihugu gifite icyerekezo, gifite aho kiri gifite n’aho gishaka kujya. Ntabwo byari bigishoboye kuba byakwakira inyubako nshya zijyanye n’igihe n’amaserivise dukeneye.”

Gahunda yo kubaka Ibitaro bya Shyira yaturutse mu mwiherero w’abayobozi, ubwo Nyakubahwa Perezida wa Repubulika yavugaga ko hari ibitaro yabonye mu mafoto akibaza niba biri mu Rwanda.

Dr Rubanzabigwi ati “Yabonye ko bikojeje isoni aho igihugu kigeze na serivise abaturage bakeneye,ahita asaba ko byavugururwa.”

Umuyobozi w’Akarere ka Nyabihu, Uwanzwenuwe Theoneste, yemeza ko aho ibi bitaro byubatse bizafasha abaturage bo mu mirenge y’ intara eshatu.

Imirimo yo kubaka Ibitaro bya Shyira yatangiye mu Gicurasi 2016 bikaba biteganijwe ko mu mpera za Gashyantare 2017 bizaba byuzuye.

Imirimo yo gukata ibiti biri mu kibanza yatangiye mu mpera z’icyumweru gishize.

Kuva mu mpera z’icyumweru gishize nibwo imirimo yo gutunganya ikibanza yatangiye, hatemwa ishyamba ry’ahazasizwa, byatumye hari n’ababyeyi baza kwihera uko hakorwa, ibintu bafataga nk’inzozi zigiye kuba impamo.

Nyirakwezi Sophie, umwe mu babyeyi bari baje kwihera ijisho, yagaragaje akanyamuneza aterwa n’iri shuri rikuru ry’imyuga IPRC,rigiye kubakwa i Nyabihu.

Yagize ati “Perezida wacu aragahora ku ngoma,arakabyara aheke. Nta n’undi muntu twabona nkawe. Abana bacu dukeneye kugira ngo bazahigire. Ni kure bajyaga. Tugize amahirwe kuko hano batuzaniye aho abana bacu bazajya bigira imyuga hafi.”

Yongeyeho ko iri shuri rigiye guhesha agaciro urubyiruko n’abaturage b’i Nyabihu Nyabihu, kuko abazaryigamo bazagira agaciro ku isoko ry’umurimo bakihangira imirimo bagatera imbere.

Karehe Bienfait umunyamabanga nshingwabikorwa w’uyu murenge, yavuze ko bizafasha abana bajyaga kwiga kure bakurikiye amashuri y’imyuga.

Ati “Bajya bavuga ngo umwana w’umufundi arabwirirwa ntaburara, bivuze ko ubumenyingiro ari igisubizo ku bana bacu mu kwiteza imbere no kwihangira imirimo.”

Uwanzwenuwe Theoneste, umuyobozi w’akarere, avuga ko imyiteguro yo kubaka iri shuri yatangiye kandi ko biteganijwe ko rizubakwa mu gihe cy’umwaka umwe.
Iri shuri rikazubakwa kuri hegitari 12, esheshatu muri zo zamaze kwishyurwa ari nazo zatangiye gutunganywa ngo imirimo itangire n’izindi bikazarangira vuba.

Iyi mirimo yo kubaka ikazakorwa binyuze mu kigo cyita kuby’ubumenyingiro (WDA). Gusa ingengo y’imari kubaka iri shuri bizatwara ntitangazwa kuko itaranozwa neza

Perezida Kagame yemereye iri shuri abaturage ubwo yasuraga Nyabihu muri Kamena 2014.

Ibirori byo gutaha ibyumba by’amashuri RDB yubatse muri Nyabihu.

Hari kuri uyu wa 19 Kanama 2016 mu muhango wo gufungura ku mugaragaro ibyumba birindwi bw’amashuri RDB yubatse ku Kigo cy’Amashuri Abanza cya Kanyove, byuzuye bitwaye abarirwa muri miliyoni 55FRW.

Uhagarariye ababyeyi kuri icyo kigo, Munyentwari Jean Marie Vianney, avuga ko icyo kigo kibafatiye runini kuko kirera abana 1,204 bo mu mashuri abanza na 76 bo mu mashuri y’inshuke.

Ni ibyumba byiza birimo na bimwe mu byangombwa bibafasha kwiga neza.

Aho RDB yubatse ibi byumba birindwi hari hasanzwe ibyumba by’amashuri 18 bishaje cyane bisaba gusimbuzwa, maze isimbuza birindwi muri byo. Ababyeyi bakaba basabye Minisiteri y’Uburezi na RDB ko ibisigaye byazavugururwa.

Makuza Laurent, umwe mu bize ku Kigo cy’Amashuri Abanza cya Kanyove mu 1973 akaba ari n’umuyobozi wacyo ubungubu, avuga ko mbere bigiraga mu mashuri ya rukarakara ashaje, ava kandi bakicara ku mabuye.

Ibyumba by’amashuri bishaje bihasigaye ababyeyi basaba ko byasimbuzwa.

Uruganda rutunganya ibirayi muri Nyabihu rwongeye gufungura imiryango.

Hakizimana Evariste uruyobora, avuga ko kuva muri Werurwe 2016 rugitangira rwahise ruhagarara gukora bitewe n’ikibazo cya Amballage zabugenewe zo gupfunyika ibyo rukora, zemewe n’ikigo gishinzwe ubuziranenge, RBS, ndetse na REMA, ishinzwe ibidukikije.

Mu ntangiriro za Kanama 2016, uruganda rwongeye gusubukura imirimo kuko ikibazo cya cyari cyakemutse.

Hakizimana agira ati “Twashatse ku isoko ry’imbere mu gihugu tubura campany n’imwe ishobora kuzikora, tubona uruganda mu Buholandi rushobora kuzikora kuko bisaba ko ziba zujuje ubuziranenge.”

Ibyiciro ibirayi bicamo kugeza bigeze aho bipakirirwa.

Urwo ruganda ngo rwabahaye igihe cy’amezi abiri ngo rube rwazikoze mu buryo bwifuzwa zisohorwe.

Akomeza avuga ko zabonetse mu mpera z’ukwezi kwa Nyakanga 2016 bituma batangira mu ntangiriro za Kanama 2016.

Ati “Izo twatumije zirahagije zishobora gukora mu gihe cy’amezi ane. Zari zifite uburebure bwa kirometero 20. Ni nyinshi.”

Iyo bimaze gusohoka mu mashini bihita bishyirwa mu yindi ipakira muri amballage.

Yongeraho ko bazajya baba bafite ibihunitse byamara amezi abiri ku buryo nta cyuho cya amaballage cyabaho. Ngo ntibizajya binarushya kuko imirimo y’ibanze yarangiye, ku buryo zizajya zihita zisohorwa mu mashini zishyirwa mu ndege zikazanwa.

Nubwo uru ruganda rwongeye gukora, umusaruro w’ibirayi rutunganya ngo uracyari mucye kuko rutunganya ibyitwa Kinigi. Kuri ubu bikaba bikurwa ahitwa Kintobo muri Nyabihu.

Agapaki ka 100gr karanguzwa 1,000FRW.

Uru ruganda rufite ubushobozi bwo gutunganya Toni 9 ku munsi ariko ubu rutunganya ibiro bibarirwa muri 500 ku munsi bitewe no kubura ibirayi, ku buryo kuri ubu babikura mu bahinzi ku mafaranga 300 ku kilo.

Rutangiranye abakozi 20 ngo baziyongera uko ruzagenda rukora. Rutunganya ibirayi ku buryo butandukanye ariko rugakora by’umwihariko ifiriti z’amoko atandakanye “Chips”.

Nubwo agapaki kamwe ka 100gr kagura amafaranga 1,000, Umuyobozi warwo avuga ko batazabura abaguzi kuko hari n’abamaze gusaba kubahagararira i Goma, i Rubavu, i Kigali n’ahandi.

Amballage zifashishwa mu gufunga ibyatunganyijwe ngo uruganda rwazitumije ku bwinshi.

Uruganda rw’Ibirayi rwa Nyabihu rwuzuye rutwaye asaga miliyoni 800 z’amafaranga y’u Rwanda.

Isoko rya Kijote rigiye guhindurwa inkambi isimbura iya Nkamira.

Byatangajwe na Minisitiri wa MIDIMAR, Seraphine Mukantabana, wemeza ko nyuma y’ibiganiro byakozwe hagati y’Akarere ka Nyabihu n’iyi minisiteri kuri uyu wa 17 Kanama 2016, kwimura Inkambi ya Nkamira bitazarenza ku wa 22 Kanama 2016.

Minisitiri Mukantabana yagize ati “Kuva Nkamira tujya i Kijote ni impamvu zikomeye. Hariya Nkamira twari turi, ntabwo ari ubutaka bwa Leta. Hari umutungo w’abantu ku giti cyabo ariko ukaba n’umutungo wari waragwatirijwe mu ma banki.”

Yakomeje agira ati “Byabaye ngombwa ko amabanki ateza cyamunara hariya hantu kubera ko ba nyir’inguzanyo batari bashoboye kubahiriza amasezerano bari bagiranye na banki kuko hari hagwatirije. Ubu rero tuvugana, hariya muri Nkamira hamaze kugira nyiraho wahaguze mu cyamunara.”

Yongeyeho ko ari yo mpamvu bagomba kuhava vuba kugira ngo uwahaguze abashe kugira ibikorwa ahakorera.

Minisitiri Mukantabana yavuze ko inkambi izimukira mu Bigogwe mu Kagari ka Kijote, ahahoze Isoko rya Kijote.

Iri soko rimaze imyaka ikabakaba 9 ryubatse ariko ryarabuze abarirema bitewe n’amasoko yandi yari akikije ako gace kandi akomeye, arimo irya Kabali, Mahoko, Kora na Mukamira.

I Kijote hagiye kwimurirwa Inkambi ya Nkamira hari amazu menshi yapfaga ubusa kuko hari hateganyirijwe isoko ariko rigapfuba.

Minisitiri Mukantabana avuga ko HCR yatanze amafaranga akabakaba miliyoni 200 kugira ngo azifashishwe n’Akarere ka Nyabihu mu gukora ibindi bikorwa by’iterambere byafasha abaturage bari bubakiwe iryo soko.

Aya mafaranga akaba ngo yenda kungana n’ayakoreshejwe hubakwa iri soko. Bitewe n’uko inyubako zari ziri aho ntacyo zikora hakaba hari ibyumba bimwe byajyaga bibikwamo ibikoresho by’akarere hakaba n’icyumba cyari cyaratijwe abadozi bahadoderaga.

Yakomeje asaba ko ibyo bikoresho byakurwamo n’abakoreragamo bakavamo kugira ngo kuwa 22 Kanama,Kijote izabe yahindutse inkambi ikorerwemo.

Umuyobozi w’Akarere ka Nyabihu, Uwanzwenuwe Theoneste, yagize ati “Bizakurwamo muri iyi minsi 2 kugeza ku wa 5, ku buryo twizera ko ku wa mbere imirimo yatangira nta mbogamizi.”

Inkambi ya Nkamira ubusanzwe yakirirwagamo impunzi zihungira mu Rwanda ndetse hakananyuzwa Abanyarwanda bahunguka baturutse mu bihugu bitandukanye mbere y’uko basubira aho bakomoka.

Amazu afite ibigega, Biogaz ibiraro, imihanda iyacamo n’umuriro warahegerejwe.

Niyibizi Jacques umwe muri bo avuga ko ahereye kuri aya mazu agera kuri 200 yubakiwe abangirijwe n’ibiza bigaragaza ingufu Leta y’Ubumwe ikoresha mu guteza imbere umuturage.

Agira ati “Ibikorwa Leta y’ubumwe ikorera abaturage ni agahebuzo. Twe ibingibi nibwo twakabibonye. Turashimira Leta y’ubumwe kubera ibyiza nk’ibi itugezaho. Si ibi gusa, urabona uyu mudugudu ni uw’intangarugero muri Nyabihu.”

Ibi binagarukwaho na bamwe mu bandi batuye muri uyu mudugudu. Umwe mu bakecuru bawutuyemo yatangaje ko ntacyo yashinja Leta yamwubakiye.

Uko amazu yubatswe muri Kabyaza agiye ameze.

Uyu mudugudu wubatse mu kagari ka Rurengeri muri Mukamira. Ukaba wegerejwe ibikorwa remezo birimo imihanda irimo uca mu mudugudu nyirizina n’udushamikiyeho duhuza amazu yawubatswemo.

Umuyobozi w’akarere ka Nyabihu Uwanzwenuwe Theoneste, avuga ko uyu mudugudu uri mu midugudu irindwi y’icyitegererezo yubatswe mu mwaka wa 2015-2016 hanoza imiturire.

Ati “Twarangije umwaka imidugudu yose itandatu itunganijwe kandi inatuwe ndetse uwa karindwi wari ugeze kuri 78%, kugira ngo urangire kandi unatuwe.Ku bijyanye na gahunda yo gutuza abaturage mu midugudu, ni igikorwa gikomeza.

Niyibizi ari ahashyizwe igikoni, avuga ko bahawe za Biogaz n’ibindi ku buryo umuturage atari kuzabyigezaho.

Cyane ko biri muri gahunda ya Leta ku tugari no ku midugudu hakomeza gutungwanywa site zo guturaho.”

Nyabihu ni akarere gakunze kwibasirwa n’ibiza. Muri Werurwe-Mata-Gicurasi uyu mwaka, amazu asaga 200 yasenywe n’amazi, abantu batandatu bahasiga ubuzima, amatungo amwe arapfa na hegitari nyinshi z’imyaka zirangirika.

Kurwanya isuri no kunoza imiturire,abaturage batuzwa ahatari mu manegeka bikaba ari bimwe mu bikorwa mu kurwanya ibiza,ari nabyo bikomeje gukorwa abaturage batuzwa mu midugudu.

Nyabihu yeramo imboga z’amoko menshi ariko bamwe mu byabyeyi ngo ntibita ku kubitegura.

Kutamenya gutegura indyo yuzuye kuri bamwe mu babyeyi i Nyabihu bifatwa nk’ingeso, mu gihe ubuyobozi bwo buvuga ko ahanini iki kibazo giterwa akenshi n’ubujiji bwa bamwe mu babyeyi kandi abenshi batabuze ibiribwa byayikora.

Uwanzwenuwe Theoneste, Umuyobozi w’Akarere ka Nyabihu, avuga ko mu mwaka ushize ikibazo cy’imirire mibi mu bana kitagabanutse nk’uko babyifuzaga kuko umwaka washize bageze ku bana 176 bafite ikibazo cy’imirire mibi bavuye ku 179.

Agira ati “Ntiwumve imibare y’abo 179 ngo wumve ko ari bo gusa cyangwa se ngo wumve ko ari ikibazo cyo kuba abantu barabuze icyo barya. Ahubwo n’ukutamenya gutegurira abana babo."

Uwanzwenuwe avuga ko ubujiji bwa bamwe mu babyeyi mu gutegura indyo yuzuye bukurura imirire mibi.

Akomeza agira ati "Aka karere si akarere karangwamo inzara, ni akarere gafite ibyo kurya bitunga abaturage. Ariko uburyo byafashamo abana ngo bagire ubuzima bwiza ntabwo ari benshi babiha agaciro.”

Yongeraho ko iyo umubyeyi yejeje nk’ibirayi cyangwa ibindi, ari byo yumva umwana yarya gusa adatekereza ku bindi byakunganira iyo ndyo. Abihurizaho n’undi muturage witwa Imanizampa Jean Pierre, na we wemeza ko iki kibazo gihangayikishije.

Imanizampa agira ati “Noneho umubyeyi yakumva ko agaburiye umwana we ibirayi, akarya ibirayi byonyine ntiyumve ko agomba gushaka n’imboga.”

Guhera mu mwaka wa 2016-2017, Akarere ka Nyabihu kiyemeje kujya gakangurira kakanikigisha ababyeyi gutegura indyo yuzuye mu miryango, hagamijwe guca imirire mibi n’indwara ziterwa na yo muri uyu mwaka wa 2016-2017.

Mu nama zitandukanye ubuyobozi bugirana n’abaturage, bubashishikariza kuboneza urubyaro.

Babitangaza mu gihe aka karere kakiri inyuma muri gahunda yo kuboneza urubyaro ugereranije n’impuzandengo u Rwanda rugezeho. Nyabihu iri kuri 49% mu gihe impuzandengo rusange y’u Rwanda iri hejuru ya 50%.

Habimana Innocent, umwe mu baturage b’Akarere ka Nyabihu, avuga ko bigoye ku muturage kugira ngo atere imbere ataboneje urubyaro mu muryango.

Agira ati “Utaboneje urubyaro ukambwira ngo iterambere ryaboneka, ntabwo nabisobanukirwa. Ahubwo icyo mbona, waboneza urubyaro ukabona gutera imbere. Ntiwavuga ngo wateye imbere udashoboye kugaburira umwana wawe, udashoboye kurihira umwana wawe amashuri.”

Umukecuru Nyiramuruta we agira ati “Mu gihe cyashize habagaho umusaruro mwinshi, abana na bo babaga benshi. Ubungubu ni igihe cyiza cyo kuboneza urubyaro. Utabyaye abo ushoboye kurera, bakwandagara bakajya barara mu biraro, bakajya kwiba.”

Umuyobozi w’Akarere ka Nyabihu, Uwanzwenuwe Theoneste, avuga ko kuboneza urubyaro bishyigikira iterambere.

Umuyobozi w’Akarere ka Nyabihu, Uwanzwenuwe Theoneste, avuga ko kuboneza urubyaro ari inkingi ikomeye y’iterambere kuko bikozwe, abaturage babasha kubona ibibahagije bakanashyiraho igenamigambi rihamye ry’imiryango yabo.

Avuga ko akarere gafite intego yo kongera ubukangurambaga muri iyi gahunda kuko ngo hari abaturage bagifite imyumvire y’uko ari Imana ibyara ikanarera, ntibiyumvishe uruhare rwabo.

Ku rundi ruhande ariko, Uwanzwenuwe avuga ko hagenda hakorwa ibishoboka mu bukangurambaga ku buryo abaturage bagenda basobanurirwa ibyiza by’iyi gahunda no kuyitabira.

Kuri we ngo biragoye gutera imbere ku muryango mu gihe urimo abantu badashobora kubona ibibatunga, akaba ari ho ahera yemeza ko bagifite byinshi byo gukora.

Agira ati “Turi kuri 49% ku bakagombye kuba bitabira iyi gahunda. Ntabwo bishimishije cyane ariko hari intambwe zigenda ziterwa mu gufasha abaturage kuzamura imyumvire mu buryo bwo kuboneza urubyaro.”

Mayor Uwanzwenuwe Theoneste.

Muri Mata 2016, mu nama ya Njyanama y’Akarere ka Nyabihu, bagarutse ku kibazo cy’abafashe inguzanyo ya VUP batishyuriye igihe, bagaragaza ko ari ikibazo giteye inkeke.

Muri uko kwezi, muri Miliyoni 691 zari zaratanzwe nk’inguzanyo, ayari amaze kwishyurwa yabarirwaga muri 22%.

Umunyamabanga Nshingwabikorwa w’Akarere ka Nyabihu, Ngabo James, avuga ko icyabafashije kugera kuri iki kigero ari ibiganiro bagiye bagirana n’abayatwaye.

Yongeyeho ko mbere y’uko abaturage bahabwa aya mafaranga batanze ingwate ari na yo mpamvu hatagombye kubamo ikibazo kuko iyo ngwate yavamo ayo mafaranga.

Umuyobozi w’Akarere ka Nyabihu, Uwanzwenuwe Theoneste, we agira ati “Iki ni igikorwa n’ubungubu dushyizemo imbaraga kugira ngo amafaranga agaruzwe. Ubu hariho komisiyo ishinzwe kubikurikirana ifatanije n’inzego zo ku murenge.”

Avuga ko kuva mu ntangiriro z’uyu mwaka bamaze kugaruza miliyoni zirenga 618 muri miliyoni 691 zari ziteganijwe kugaruzwa.

Hari aho abana babyuka bajya gushaka amazi kuko kuyabona bigoye.

Urugero ni Mu Murenge wa Mulinga ugizwe n’imisozi, aho abawutuye bavuga ko kubona amazi meza bikibagoye kuko bibasaba kumanuka imisozi bajya kuyashakira mu gishanga, nk’uko bivugwa n’umwe mu bahatuye witwa Munyensanga.

Masengesho nawe utuye mu Murenge wa Mukamira, avuga ko nubwo batuye mu gice kiswe umujyi w’akarere, nta mazi bafite mu ngo bikabasaba gukora ingendo bajya kuyavoma. Avuga kandi ko iki kibazo kigaragara mu tugali twinshi tugize imirenge ya Mukamira na Bigogwe.

Agira ati “Nta bikorwa remezo wahasanga byakwemerera abaturage baho kwemera ko ari abanyamujyi. Nta bikorwa remezo uhasanga. Nta mazi mu ngo.”

Umuyobozi w’akarere Uwanzwenuwe avuga ko bazakomeza kwegereza abaturage ibikorwa remezo mu ngengo y’imari.

Uwanzwenuwe Theoneste, umuyobozi w’akarere avuga ko mu 2015-2016 amazi meza yegerejwe ingo 3934. Avuga ko hibanzwe cyane ku mirenge ya Karago na Rugera mu kagari ka Rurembo ahagaragaye abaturage bari babangamiwe no kutagira amazi. Avuga ko hakozwe imiyoboro 2 ifite uburebure bwa km 36,9.

Yizeza abaturage ko amazi ari mu bizitabwaho mu ngengo y’imari, kimwe n’ibindi bikorwa remezo. Ati “Icyo twifuje ko ingengo y’imari yazibandaho cyane cyane ni ibikorwa remezo.”

Ahandi hari ikibazo cy’amazi ni muri Gishwati, cyanagarutsweho n’umunyamabanga nshingwabikorwa w’agateganyo muri uyu murenge, Kamali Albert wagaragaje ko kibangamiye aborozi muri ako gace.

Ibaruwa abo borozi bandikiye Ubuyobozi bw’Akarere ka Nyabihu babusaba kubishyurizwa.

Gahiya Tegeri Gaad, Umuyobozi w’Ihuriro ry’Amakoperative y’Aborozi muri Nyabihu (UPROCENYA), avuga aborozi bo ku rwego rw’intara bambuwe asaga miliyoni 48 n’abacuruzi b’amata bayabaranguriraga.

Ni mu gihe ku rwego rw’Akarere ka Nyabihu gusa bambuwe amafaranga y’u Rwanda miliyoni 30 n’ibihumbi 51.

Aborozi bambuwe muri Nyabihu bagera kuri 544 bibumbiye mu makoperative atandukanye ahurira mu UPROCENYA.

Iki kibazo kimaze imyaka iri hagati y’umwe n’itatu. Gahiya Tegeri Gaad avuga ko bakimenyesheje akarere n’intara ngo bagikurikirane ariko kugeza ubu ngo ntibarishyurwa kubera amananiza, nyamara ababambuye ngo baranatsinzwe mu nkiko.

Agira ati “Ugasanga bakoze nk’uburyo bafungura kompnyi kandi kompanyi nta mitungo iba ifite, noneho wajya kubishyuza bakakubwira ngo imitungo y’umuntu ku giti cye si iya kompanyi, ayo mategeko akatugonga kandi bo ubwabo bafite imitungo.”

Yongeyeho ko hari n’abo usanga barandikishije imitungo yabo ku bana babo cyangwa abo mu miryango yabo na byo bikagorana kubishyuza.

Akarere ka Nyabihu kamenyeshejwe iki kibazo muri Werurwe 2016 binyuze mu ibaruwa ihuriro ry’aborozi ryakandikiye rigasaba kubishyuriza.

Kuva ubwo umuyobozi w’aka karere, Uwanzwenuwe Theoneste, yavuze ko bagiye gukora ibishoboka byose bakishyuriza aba borozi, ariko aborozi bavuga ko kugeza ubu bigaragara ko ababambuye nta bushake bafite bwo kwishyura.

Mukandasira Caritas, Guverineri w’Intara y’Iburengerazuba, avuga ko nubwo aborozi bavuga ko bandikiye intara bayimenyesha, iyo baruwa batayibonye.

Gusa, yijeje abo borozi ko kuva aho amenyeye iki kibazo kuri uyu wa 2 Kanama, agiye kugikurikirana ku buryo mu byumweru bibiri azaba yabonye amakuru yose arebana na cyo akabafasha kwishyurwa.

Ni nyuma yo kubisabwa na Guverineri Mukandasira muri nzeri 2015, ubwo yari mu muri Nyabihu agasaba ko uturere twose duhinga urutoki muri iyi ntara,tugomba kuruvugurura tugakora ubuhinzi bw’umwuga buteza imbere nyirabwo.

Hagamijwe buvuguruye buteza imbere nyirabwo

Yagize ati “Ni byo koko abaturage benshi batunzwe n’ubuhinzi ariko abenshi usanga bahinga bimwe byo kurya gusa badatekereza gusagurira isoko.Ibyo rero ntaho bimugeza,ubu ikiriho turimo gushyira ingufu cyane mu kuvugurura urutoki. Duhereye na hano muri Nyabihu Shyira na Rugera buriya n’imirenge iberanye n’urutoki cyane.

Ubu rero ikiriho ni ukwigisha abaturage duhereye ku bafashamyumvire mu buhinzi dufite,bashobore kuva kuri cya gitoki k’ibiro icumi cyangwa bitanu cyo kwirira beze n’igikoti bajyana ku isoko kandi bakabonamo amafaranga.”

Ubuyobozi bw’Akarere ka Nyabihu,nyuma yo kubisabwa,buvuga ko bugeze kure bubishyira mu bikorwa kandi n’abaturage babishishikariye.

Uwanzwenuwe Theoneste umuyobozi w’aka karere agira ati “twiyemeje kuvugurura ha 200, umwaka warangiye hamaze kuvugururwa ha 196.Iyo ukirikiranye imyumvire y’abaturage muri iki gikorwa usanga igenda izamuka kuko bamaze kubona inyungu zo guhinga ubwoko bwiza bw’urutoki.”

Yongeraho ko abaturage ubwabo banitangira ubuhamya bagafata iya mbere mu gushishikarira kujya kugura imibyare y’ubwoko bwiza ngo bayitere.

Bamwe mu bafite urutoki ruvuguruye bavuga ko barukuramo agatubutse rukaba runabafitiye umumaro ukomeye.

Habanabakize Damascene umwe mu bahinga urutoki rw’ubwoko bwiza rurimo insina zo mu bwoko bwa Fiya n’injagi mu murenge wa Rugera yatangaje ko ashobora kwinjiza amafaranga agera ku bihumbi 500 bitewe n’urutoki.

Yagize ati “zanteje imbere ku buryo ku kwezi nshobora gusarura nkakuramo amafaranga ari hejuru y’ibihumbi 500.”Kuri we ngo guhinga urutoki kinyamwuga biteza imbere ubikora.

Ku ruhande rw’ubuyobozi bw’Umurenge wa Rugera,umwe mu mirenge 2 ikunze guhingwamo urutoki I Nyabihu,Munyansengo Fred uwuyobora yatangaje ko ubuhinzi bw’urutoki bw’umwuga bufatiye runini abaturage muri uwo murenge mu kuzamura imibereho myiza yabo.

Gutanga inama z’imyitwarire ku rubyiruko n’abanyeshuri ngo biracyenewe.

Muri uyu mwaka w’amashuri mu mashuri abanza n’ayisumbuye niho havuye abo bana batwaye inda z’indaro, nk’uko umuyobozi w’akarere wungirije ushinzwe imibereho myiza y’abaturage Mukansanga Clarisse yabitangarije Kigali Today.

Yagize ati “Abo bana twabonye batwite abenshi bazifatiye iwabo.”

Avuga ko ibyo byatumye batangira gushishikariza ababyeyi kuganiriza abana no kwita ku myitwarire yabo mu gihe bari mu rugo no mu biruhuko. Yongeraho ko ibyo kandi bigomba kugendana no kurinda abana ihohoterwa iryo ari ryo ryose kuko nabyo biganisha ku ngeso mbi.

Gutanga inama z’imyitwarire ku rubyiruko n’abanyeshuri ngo biracyenewe.

Muhorakeye Monique, umwe mu rubyiruko, avuga ko ahanini kudakurikiranwa no kutagira icyo bakora mu bihe by’ibiruhuko, bishobora kuba nyirabayazana wo kujya mu ngeso mbi.

Ati “Akenshi igitera ibyongibyo ni ukubura icyo umuntu akora, kubura icyo wahugiraho usanga byatera kujya muri ibyo.Urubyiruko nitubona icyo dukora ibyo ngibyo bizacika.”

Urubyiruko rwemeza ko bagenzi babo bari mu biruhuko bashatse umurimo bahugiraho cyagwa bagafasha ababyeyi ntaho bahurira n’ibishuko, byabashora mu ngeso mbi nk’ubusambanyi n’izindi.

Abarezi nabo basabwa kwigisha abana imiterere y’umubiri wabo no kwirinda, bikiyongera ku masomo asanzwe abana bahabwa.

Umuhanda Musanze -Rubavu ukomeje kwangirika ku gice cy’imbere y’akarere ka Nyabihu.

Abaturage bakunze kwinubira uburyo imihanda ikunze kwangirika mu mvura ikabasiga mu mikorere idahwitse, bakibaza impamvu nta gikorwa ngo bikemuke kuko uko umwaka utashye usanga ahangiritse nta cyakozwe.

Hagarutswe ku muhanda wa Mukamira-Ngororero wakunze kwibasirwa n’inkangu, ikibazo gikunze kuba buri mwaka mu bihe by’imvura ahitwa i Rambura.

Hari kandi umuhanda uhuza Rambura na Rurembo ku kiraro cya Kirogotero, gitwarwa n’amazi n’indi mihanda itandukanye nk’ijya mu mirenge nka Muringa n’ahandi yangirika mu mvura, nk’uko Imanizampa Jean Pierre umwe mu baturage abitangaza.

I Rmabura mu myaka 2 ishize inkangu yafunze umuhanda igihe runaka ingendo zidakorwa, abaturage bagasaba ko iki kibazo cyacyemurwa burundu.

Agira ati “Inaha imihanda igenda icika ndetse indi igasibama kuko cyane cyane dutuye mu karere k’imisozi miremire. Nko mu murenge wa Kintobo, mu Murenge wa Rurembo ndetse n’indi bahana imbibi usanga beza ariko bikaba byabapfira ubusa kubera icyo kibazo.”

Avuga ku mu handa w’ahitwa i Rambura, Nzanzimfura nawe ati “Iyi nkangu imaze nk’imyaka ibiri. Iyo imvura iguye biramanuka ariko ubu noneho byarengejeho.”

Mu myaka ibiri ishize, iyi nkangu ya Rambura yakunze gufunga umuhunda mu bihe by’imvura, ugasanga bihagaritse ingendo igihe kirekire mu bihe by’imvura.

Ku muhanda Mukamira-Ngororero inkangu ifunga umuhanda mu mvura ibinyabiziga ntibitambuke.

Abaturage basaba ko iki kibazo cyashakirwa umuti urambye watuma kitazajya gihora kibaho mu gihe cy’imvura.

Abaturage kandi banagaruka ku muhanda Musanze-Rubavu ku bice byawo bigenda byangizwa n’isuri iterwa na rigore yawo yabaye nto, inatuma amazi arenga umuhanda akabasenyera.

Uumuyobozi w’Akarere ka Nyabihu Uwanzwenuwe Theoneste, avuga ko imihanda yangirika iri mu bizitabwaho mu ngengo y’imari ya miliyari 9,6Frw yatowe uyu mwaka.

Ati “Icyo twifuje ko iyi ngengo y’imari yazibandaho cyane cyane ni ibikorwa remezo. N’iyo mihanda niyo cyane twashyizemo imbaraga.”

Ku mihanda yangirika izitabwaho ngo harimo uwa kaburimbo wa Mukamira- Ngororero n’uwa Musanze Rubavu. Harimo n’indi yinjira mu mirenge n’ibiraro.

Ubuyobozi buvuga ko kandi bwanavuganye n’ikigo cya Leta gishinzwe ubwikorezi n’iterambere (RTDA) ishinzwe imwe mu mihanda, baranayereka ibyo bibazo ku buryo hategerejwe igihe cyo kubikemura.

Uzaba ari umudugudu w’icyitegererezo ugenewe abimuwe mu manegeka batishoboye.

Uyu mudugudu wubakiwe abaturage bivanywe mu manegeka batishoboye ariko ngo bikekwa ko haba harabayeho uburiganya bugatuma hari abandikwa guhabwa ayo mazu kandi batayakwiriye.

Harimo n’abagenerwabikorwa b’ayo mazu bavuga ko abayubatse bashobora kuba barariganyije ab’imbaraga nke kuko ngo hari inzu zirimo amadari (plafond) hose mu nzu ariko mu nzu zimwe, idari rikaba riri mu ruganiriro na koridoro gusa.

Umwe mu bazigenewe yabwiye Kigali Today ko hari izirimo inzira z’amashanyarazi zuzuye (installation), hakaba hasigaye kuyoboramo amashanyarazi ariko ngo iye bashyizemo udutiyo gusa, ntibamushyiriramo insinga, ndetse ngo yagerageje no kubibasaba ariko baramwangira.

Yongeyeho, ati “Urabona nk’iyi purafo (idari) iri hano iri n’aha gusa. Mu bindi byumba nta yirimo.” Ubwo yavugaga ko iri mu ruganiriro na koridoro ariko ahandi idahari mu gihe ngo hari aho iri no mu byumba.

Minisitiri w’Umutungo Kamere, Dr Vincent Biruta, avuga ko iryo suzuma rigomba gukoranwa ubushishozi kugira ngo amazu ahabwe abayagenewe koko.

Ku murongo wa telefone, yagize ati “Ibyongibyo byo bigomba gukorwa mu buryo busobanutse neza, inzego zose zikabigiramo uruhare. Abantu bakamenya neza niba koko abayahawe ari bo bakwiye kuba bayahabwa. Twanabishinze inzego z’akarere n’izindi bafatanya.”

Ni umudugudu wubatse ku buryo ugira Biogaz abaturage bifashisha.

Umuyobozi w’Akarere ka Nyabihu, Uwanzwenuwe Theoneste, avuga ko igenzura ririmo gukoranwa ubushishozi mbere y’uko amazu atahwa kugira ngo abazayahabwa, bazabe bayakwiriye koko.

Yagize ati “Icyo tugikurikirana ni uko hari abantu bateganijwe baba bafite ubundi buryo babayeho cyangwa bafite andi mazu. Iki cyumweru cyizarangira tumaze kumenya abarimo abo ari bo, tukabakuramo tugashyiramo abujuje ibisabwa.”

Ubuyobozi bw’akarere buvuga ko hari abashobora kuba barabonetse bazigwaho n’inama ibishinzwe, ari na yo izemeza niba bakurwa ku rutonde bagasimbuzwa abandi.

Uyu mudugudu ufite n’ikiraro rusange cy’inka.

Aya mazu agera kuri 200 yubatse mu Mudugudu wa Kabyaza, Akagari ka Rurengeri mu Murenge wa Mukamira. Yubatswe n’umushinga RV3CBA ukorera muri MINIRENA.

Yatangiye kubakwa muri muri Mata 2015, akaba agiye kuzura atwaye agera kuri miliyari imwe y’amafaranga y’u Rwanda.

Abaturage bavuga ko ubuharike n’ubushoreke biteza amakimbirane mu miryango.

Ubuyobozi bw’Akarere ka Nyabihu buvuga ko byakunze kugaragara ku bagabo bamwe na bamwe ko bashaka abagore benshi cyangwa bakagira inshoreke ku ruhande, kandi ko biteza amakimbirane mu miryango.

Umuyobozi w’Akarere Uwanzwenuwe Theoneste, avuga ko guharika cyangwa gushaka inshoreke ku bagabo ndetse n’ubusambanyi ku bagore, ari impamvu zikomeye ziteza amakimbirane mu miryango ku buryo ngo rimwe na rimwe zitera kuvutsanya ubuzima.

Uwanzwenuwe avuga ko abaturage bose bakwiye kugira umuco mwiza wo kudaca inyuma abo bashakanye ndetse bagaharanira ubudahemuka no kutajarajara.

Uyu muyobozi avuga ko hatangiye ubukangurambaga kugira ngo abaturage babane basezeranye byemewe n’amategeko, bikazarinda ingaruka zitandukanye zikururwa no kubana mu buryo butemewe.

Umuyobozi w’Akarere ka Nyabihu, Uwanzwenuwe Theoneste, asaba abaturage kwirinda ubuharike.

Ababana mu buryo butemewe n’amategeko na bon go baragirwa inama y’uko basezerana mu mategeko kuko ngo bibafitiye inyungu, haba kuri bo n’abazabakomokaho.

Abaturage bo bavuga ko ubuharike buterwa n’uburere buke no guta umuco bisigaye biranga abana ndetse n’ababyeyi bamwe bakaba badakora inshingano zabo zo kurera uko bikwiye.

Umukecuru Nyirantubure Madeleine asanga ababyeyi bakwiye guha uburere abana babo babibutsa indangagaciro na kirazira by’umuco nyarwanda, ariko na bo bakirinda ubuharike no kubana badasezeranye.

Kuri we ngo kubana mu buryo bwemewe n’amategeko birinda amakimbirane n’ubwumvikane buke mu miryango.

Tariki 20 Nyakanga 2016, mu Mudugudu wa Gakarara, Akagari ka Rega mu Murenge wa Jenda, hataruwe umurambo w’umugore witwa Nyiraruvugo Odette w’imyaka 44, bikaba byarakekwaga ko yishwe n’umugabo wari waramucyuye amutesheje umugabo babanaga, ariko na we bakaba bari bamaze iminsi batandukanye.

Icyo gihe, ubuyobozi bw’akarere bwatanze ubutumwa bw’uko abaturage bakwiriye kwirinda ubushoreke no gucana inyuma ku bashakanye kuko bikurura amakimbirane akomeye.

Abaturage bari ahabereye ubwo bwicanyi bateze amatwi umuyobozi w’akarere.

Umurambo wabonetse ahagana saa kumi n’imwe n’ebyiri za mu gitondo kuri uyu wa 20 Nyakanga 2016, hafi y’aho uwo bita ko yari inshoreke ye atuye mu Mudugudu wa Gakarara, Akagari ka Rega mu Murenge wa Jenda muri Nyabihu.

Bamwe mu baturage barimo na se wa nyakwigendera, bavuga ko yari yiriwe asangira ikigage n’uwo bari baziho kumubera inshoroke.

Nyiraruvugo ngo yaje gutaha mu ma saa kumi n’ebyiri za nimugoroba ariko aza guhamagarwa n’uwo mugabo amubwira ko amushaka agenda agiye kumureba.

Kuva yagenda ngo ntiyongeye ngo kugaruka kugeza ubwo yabonetse ahubwo baza kumubona hafi y’aho uwo mugabo aba yapfuye.

Se wa nyakwigendera yagize ati “Ariko uyu mugabo yahoraga iwanjye. N’ejo bundi abana baramutabarije, barimo Gasaza, anari hano yabaha ubuhamya. Niba atanamukoze mu muhogo yamugambaniye kuko n’imfura mbi cyane.”

Gukekwa kwa Hategekimana byanagarutsweho n’umugabo wa Nyiraruvugo yamwambuye.
Yagize ati “Buriya dufitanye abana batatu. Noneho rero uriya aramushuka aba aramujyanye. Amujyana mu Mutara agezeyo aramwirukana agaruka iwabo. Ubu rero ngo yaje kumufata iwabo.Naje kumva numva ngo yamwishe.”

Umuyobozi w’Akarere ka Nyabihu, Uwanzwenuwe Theoneste, yihanganishije umuryango n’abaturage ku byabaye.

Yagize ati “Icyo twasaba ni uko abafite amakuru mwese mwayatanga kugira ngo mufashe iperereza ukuri kumenyekane. Turasaba ngo abantu mwese mufate icyemezo mwe guca inyuma abo mwashakanye, mwe kujarajara, mwe guharika cyangwa se gushaka abagore benshi.”

Yanasabye abagore kudashaka abagabo benshi. Umurambo wa nyakwigendera wahise ujyanwa ku Bitaro bya Ruhengeri gukorerwa isuzuma ngo hamenyekane icyawishe.

Abakekwa kugira uruhare muri uru rupfu bahise bajyanwa kuri Sitasiyo ya Police ya Mukamira ngo bakorweho iperereza.

Miliyoni zisaga 560Frw zizishyurwa abafite ikibazo cy’ingurane muri Gishwati.

Minisitiri w’Umutungo Kamere, Dr Vincent Biruta avuga ko abaturage bari bafite iki kibazo batinze kwishyurwa, ahanini bitewe n’amakosa yagaragaye mu iyuzuzwa ry’ibyangombwa byabo ataratangaga amakuru ahagije kandi asabwa ngo babe bakwishyurwa.

Agira ati “Hari abaturage bagera kuri 700 batigeze basinya ku mpapuro zerekana ibyo bagomba kwishyurwa. Hari abandi bafunguye konti ngo babishyurireho zikamara igihe zidakora banki zikazifunga amafaranga yagenda akagaruka, abo ngabo twongeye gukorana n’amabanki ngo bafungure andi ma konti.”

Avuga ko hari abaturage usanga nimero zabo z’indangamuntu zitarahuraga na nimero z’icyangombwa cy’ubutaka bwabo anagaragaza ko hari amadosiye wasangaga afite utuntu tumwe agenda abura.

Gusa ngo kuri ubu ayo madosiye yoherejwe mu turere herekanwa abaribo, aho batuye n’ibibura muri dosiye zabo kugirango bikosorwe vuba bityo bazahite bishyurwa.

Minisitiri Biruta avuga ko bitarenze ukwezi kwa Nyakanga uyu mwaka,urutonde rukosoye rwaba rwasubiye muri MINIRENA kugira ngo abaturage bishyurwe.

Ati “Abazaba bujuje ibyangombwa bazishyurwa vuba hanyuma dukurikirane abo bandi bafite amadosiye atuzuye.”

Minisitiri Biruta avuga ko mu mpera z’uku kwezi hazatangazwa ababuze n’ababuriwe ibyangombwa byabo n’abatakiboneka, abasigaye babyujuje bishyurwe kuko amafaranga yose yari asigaye ari mu ngengo y’imari y’uyu mwaka.

Ubusanzwe abaturage bo muri Gishwati bakaga ingurane bagombaga kwishyurwa agera kuri miliyari 1 na miliyoni 810Frw. Kugeza ubu hamaze kwishyurwa arenga miliyari 1 na miliyoni 200Frw.

Abaturage basaga 1300 ni bo bari baragaragaje ikibazo cy’ingurane zabo ku butaka bwa Gishwati mu Karere ka Nyabihu.

Ni mu gihe n’ubwo mu Karere ka Nyabihu uru ruganda rwubatsemo hagaragara umusaruro mwinshi w’ibirayi,ngo hakiboneka ibirayi by’ubwoko budakunze gutunganyirizwa mu nganda kuko bifite amaso yinjira imbere mu kirayi kandi bene ubwo bwoko atari bwiza ku nganda.

Ibirayi biboneka bikunze kuba bifite amaso menshi

Aya maso ngo akaba adatuma ikirayi cyakorwamo igikenewe mu ruganda buryo bwiza.

Agaruka ku kibazo cy’imbuto y’ibirayi y’ubwoko bwiza yanatunganirizwa mu ruganda,umwe mu bashinzwe ubuhinzi i Nyabihu yagize ati “Ibyo rero ntekereza ko byagombye guhinduka abantu ntibarebe ngo uruganda ruzatanga ibirayi rwabayeho ahubwo no kureba ngo ibyo birayi bizava hehe.”

Umukozi w’Akarere ushinzwe ubuhinzi Nyirimanzi Jean Pierre avuga ko hakiri ikibazo cy’imbuto y’ibirayi gikomeye kandi kitakemuka hatabayeho ubufatanye n’inzego zose bireba ziri muri gahunda y’imbuto y’ibirayi.

Hibazwa ahava umusaruro w’ibirayi byujuje ibisabwa byanatunganywa mu ruganda rw’I Nyabihu, Minisitiri w’ubucuruzi n’inganda Francois Kanimba yavuze ko kizwi kandi kirimo gushakirwa umuti.

Yagize ati “Icyo kibazo kirazwi buriya twebwe usanga ibirayi byacu bifite amaso, ni turiya tuntu tumeze nk’imyobo twinjiramo imbere, buriya iyo ugiye gukora ziriya za cheaps usanga ibirayi bifite amaso menshi atari byiza.

Zimwe mu mashini z’uruganda rw’ibirayi rwa Nyabihu

Hari imbuto twahawe n’Abaholandi ariko nazo ni ukuzigerageza umuntu akareba niba zitanga umusaruro mwiza muri kariya karere. Ibyo ntekereza ko bizagenda biza buhoro buhoro ntabwo twavuga ngo tuzatangirana nabyo ariko imbuto RAB yarazibonye igomba kuba irimo izigerageza ngo irebe uburyo yazizana ari nyinshi bibaye ngombwa.”

Biteganije ko uruganda rw’ibirayi rwa Nyabihu rutazarenza ukwezi kwa Nyakanga rutongeye gutangira gukora kuko ikibazo cy’Ibifunikisho(amballage) rwagize ku ikubitiro rugitangira gukora kigatuma ruba ruhagaze,ngo cyakemutse ku buryo kuwa 25 Nyakanga zizaba zihari.

Iri soko rigiye guhindurwa Transit Center.

Iri soko rya kijyambere ryubatswe na Minisiteri y’Abacuruzi n’Inganda ahanini ryubakiwe abaturage bari bimuwe muri Gishwati muri 2008-2009 ritwaye miliyoni 300.

Kuva icyo gihe kugeza ubu, ryari ritarakorerwamo kubera kubura abarirema bitewe n’andi masoko akomeye byegeranye yari asanzwe arema kandi yitabirwa n’abacuruzi benda kuba bamwe.

Ayo masoko arimo irya Kora mu Bigogwe, Kabali, Mukamira n’andi nka Byangabo na Mahoko, aho usanga abacuruzi bayarema bakunze gusa n’aho ari bamwe.

Kuba iri soko bitarashobotse ko rikoreshwa icyo ryagenewe, hashatswe ubundi buryo ryabyazwa umusaruro.

Hari inyubako nyinshi zapfaga ubusa.

Byaranagarutsweho n’uwahoze ari Minisitiri w’Intebe Dr Pierre Damien Habumuremyi, ubwo yasuraga Nyabihu muri 2012 agasaba ko hashakwa ikindi cyahakorerwamo.

Iki kibazo cyanagarutsweho n’abadepite basuye Nyabihu muri Mutarama na Gashyantare 2015 baniyemeza kugikorera ubuvugizi.

Kuri ubu, Ubuyobozi bw’Akarere ka Nyabihu bwemeza ko inyubako z’iri soko zikazahindurwa aho Abanyarwanda baruhukira batahutse mbere yo gusubizwa mu miryango yabo.

Umuyobozi w’Akarere ka Nyabihu, Uwanzwenuwe Theoneste, yavuze ko bisa n’ibyarangiye.

Yagize ati “Iyo bigenze gutyo rero, ibyo bikorwa biba bigomba gushakirwa ikindi bikoreshwa. Ubu, ziriya nyubako zigiye gukomerezamo ibikorwa bya MIDIMAR bifasha Abanyarwanda batahuka mu gihe bategereje gusubizwa mu miryango yabo.”

Yongeyeho ko ibyo akarere kagombaga gukora bamurikira MIDIMAR inyubako zose na site ziriho byarangiye, igisigaye ari uko MIDIMAR iza gukoreramo ibyayo.

Amakuru y’uko gahunda zakozwe hagati y’akarere na MIDIMAR zikarangira, anemezwa na Minisitiri Mukantabana Seraphine wabidutangarije ku murongo wa terefone kuri uyu wa 14 Nyakanga 2016.

Gusa, izi nzego zombi nta tariki zitanga byaba byakoreweho nubwo batangaza ko bisa n’ibyarangiye.

Yabitangaje kuri uyu wa 12 Nyakanga mu gihe abaturage b’i Nyabihu bibazaga impamvu uru ruganda rwafunguye ku wa 8 Werurwe 2016 ariko rugahita rufunga imiryango nyamara bari bamurikiwe abakozi n’amamashini yarwo rutangira.

Uruganda uko rumeze imbere

Munyabera yagize ati “Twabonye rutangira ariko ntitwamenye impamvu rutongeye gukora.”

Umwe mu bayobozi muri Nyabihu yagize ati “Kugeza ubu uruganda rwarubatswe ni byo ariko ubona tutamenya neza uko rugomba gukora n’uko rugomba gukoreshwa.”

Ibibazo abaturage bibaza ku ruganda ngo babiterwa n’uko ahanini rwabashyiriweho ngo ruheshe agaciro umusaruro w’ibirayi uboneka muri aka gace.

Ni mu gihe kandi bari babwiwe ko uru ruganda ruzatunganya ibirayi mu buryo butandukanye burimo amoko atandukanye y’ifiriti, ibirayi bihase neza ku buryo byajya bigemurwa mu bigo by’amashuri n’ahandi bikenewe bakabiteka bitabaruhije babitunganya ndetse n’ubundi buryo bunyuranye.

Uru ruganda ngo rwari rwitezweho igisubizo mu buryo bunyuranye ku bagurisha n’abashaka kugura ibirayi bitunganije neza.

Nyuma yo gutwahwa rugahita rufunga imiryango rushobora kongera gukora bitarenze Nyakanga

Minisitiri w’Ubucuruzi n’Inganda, Francois Kanimba, avuga ko bahise bagira ikibazo cy’ibifunikisho (Amballage) ari na cyo bari bagishakira umuti ariko ukaba warabonetse.

Yagize ati “Icyari cyadutindije gutangira ni ibifunikisho (amballage) kuko biriya birayi bishyirwa muri za Biodegradable Plastic.”

Minisitiri Kanimba avuga ko zatumijwe hanze kandi zabonetse, ku buryo ku wa 25 Nyakanga 2016 zizagera mu Rwanda.

Yongeyeho ko bakoranye inama n’ababishyinzwe ku buryo nizigera mu Rwanda uruganda ruzahita rutangira, akavuga ko bitazarenza Nyakanga 2016.

Abajijwe niba harabonetse amballage zihagije ku buryo zizahaza uruganda, biteganijwe ko rwakora toni 9 ku munsi, yavuze ko hatumijwe nyinshi kandi zinashize nta kibazo bagira kuko aho zizajya ziva hahari.

Uruganda rw’amata rushobora gutangira bitarenze Kanama.

Abaturage bari bakomeje kwibaza amaherezo y’uru ruganda rwa Mukamira Dairy, rwarangiye gukubakwa mu 2014 ariko ntwigere rufungura kuzeza izi saha.

Bamwe mu borozi bari barutezeho guhesha agaciro umusaruro wabo bagiye bakomeza kubyibazaho, nk’uko umwe muri bo witwa Maniriho abivuga.

Agira ati “Uru ruganda rutuzura bagahora bavuga ngo birarangira urebye n’amata yacu nta gaciro ahabwa nabyo ni imbogamizi.”

Ihuriro ry’aborozi mu Karere ka Nyabihu ryitwa UPROCENYA naryo ryagiye rigaragaza ibibazo rihura nabyo bishingiye kuri ba rwiyemezamirimo barigurira amata bikopesha, amafaranga yamara kuba menshi bakaryambura.

Imashini n’ibindi bikoresho byageze mu ruganda hasigaye gutangira.

Urugero urugero batanga ni nko muri Gashyantare, aho iri huriro ryagejeje ibaruwa y’ikibazo cyayo ku karere yari imaranye igihe kirere, isaba ko kabishyuriza asaga miliyoni 30Frw bambuwe na ba rwiyemezamirimo bahagura amata.

Kuwa kabiri tariki 12 Nyakanga 2016, Minisitiri w’Uburuzi n’Inganda Francois Kanimba, yatangarije Kigali Today ko impamvu rutahise rutangira ari uko rwiyemezamirimo uzarucunga wari ataraboneka.

Ni mu gihe ngo hifuzwaga ko inganda nka ziriya zacungwa n’abikorera aho kugira ngo zicungwe na Leta.

Minisitiri Kanimba yakomeje avuga ko uzarucunga yabonetse ko igisigaye harimo kuzuzwa ibisabwa kugira ngo uruganda rutangire.

Ati “Ubu yarabonetse igisigaye ni ukugirana amasezerano na Leta kugirango imirimo itangire. Ndatekereza ko imirimo igiye gutangira rwose mwihangane,ntabwo ubundi byagombye kugeza mu matariki 15 y’ukwa munani rutaratangira gukora.”

Bimwe mu bibazo byagiye bibonekamo, harimo gutinda kw’inyubako zarwo no gushyiramo imashini mu buryo bunoze rwagiye rutinda gutangira.

Ni ku nshuro ya kabiri Minisitiri Kanimba atangaje igihe ntarengwa uru ruganda rutazarenza ngo rufungure, kuko no muri Werurwe 2016 naho yari yatangaje ko ari ko kwezi uru ruganda rutari kurenza rudafunguye imiryango ariko ntibyakunda.

Imisozi myiza ikikije Gishwati.

Munana, umwe muri abo baturage agira ati “Gishwati ifite ibyiza byinshi kandi bikwiriye kumenywa no kurebwa n’Abanyarwanda ndetse n’abandi. Hari udusozi duteye amabengeza turiho ibiti byiza, uburyo inzuri ziteye,umwuka waho.”

Hari n’abavuga ko umwuka waho n’amahumbezi ahaba nta handi wabisanga ku buryo uhagiye yifuza kuhigumira.

Ubwiza bw’aka gace bwanatumye bakagira agace nyaburanga k’u Rwanda, bikaba biri no mu byo abaturage n’ubuyobozi baheraho busaba ko hasubizwa hoteli kuko n’ubusanzwe yahahoze ahitwa Muhe.

Ni ahantu ijisho ryishimira.

Kamali Albert, Umunyamabanga Nshingwabikorwa w’Agateganyo w’Umurenge wa Bigogwe, na we asanga Gishwati hashyizwe hoteli cyaba ari ikintu cyiza kandi cyafasha Akarere ka Nyabihu n’abaturage muri rusange.

Yagize ati “Hasubijweho hoteli yabaga i Muhe, abantu bajya baza bakareba ibyiza bakareba ibyo biti, bakareba ukuntu habungabunzwe. Bishobora no gutanga amafaranga bikazamura umutungo w’akarere.”

Yongeyeho ko iyo hoteli yaba kimwe mu byatuma abantu barushaho gusura Gishwati.

Hoteli ya Muhe yari ihasanzwe ngo yasenywe mu gihe cya Jenoside yakorewe Abatutsi, ibikoresho byayo byari bisigaye byibwa mu ntambara y’abacengezi.

Gishwati na Mukura ni ibice nyaburanga byo mu Burengerazuba bw’u Rwanda byongerewe ku byo u Rwanda rwari rusanganywe.

Mukamurenzi avuga ko ibyuma by’ikoranabuhanga bafite biborohereza mu kazi.

Binyuze mu ikoranabuhanga bagezeho, nta mukozi w’uyu murenge ugita umwanya ashyira umunyamabanga nshingwabikorwa ngo isinywe cyangwa se agiye kuyisohora mu mashini, nk’uko Gasana Thomas umunyamabanga nshingwabikorwa w’Umurenge wa Rambura abivuga.

Avuga ko babikesha imashini bafite iborohereza mu ikoranabuhanga aho byakozwe ku buryo buri mukozi wese asohorera urupapuro rwa raporo ashaka gutanga ku mashini mu biro bye rugasohokera mu bunyamabanga by’umurenge.

Agira ati “Ibyo byose ni ukugira ngo abaturage bibone mu murenge bawugane. Ndetse iyo baje, ushobora no kubaganiriza ukagira icyo wumva ku makuru mu tugari n’imidugudu.”

Gasana yemeza ko ikoranabuhanga ribafasha no gusabana n’abaturage no gutanga serivisi.

Avuga ko ubu buryo butuma i Rambura badakerererwa gutanga raporo basabwa, kuko n’urupapuro rusohokeye mu biro by’umunyamabanga ahita abisinyaho.

Mukamurenzi Laurence umukozi w’umurenge wa Rambura yemeza ko murandansi n’ibyuma by’ikoranabuhanga bafite bibafasha gusangira amakuru y’umurenge nk’abakozi bakanamenya n’ay’ahandi mu gihugu, bigatuma bigira ku bandi.

Ati “Tubasha kumenya amakuru ku buzima bw’umurenge n’ubw’akarere ndetse n’ahandi.Byihutisha akazi ka buri munsi kandi buri mukozi abasha kwiga ibikorerwa ahandi atavuye aho ari.”

Ikoranabuhanga ni umwe mu misingi y’iterambere. Abakozi n’abaturage bakaba basabwa kwimenyereza kurikoresha mu mirimo yabo ya buri hagamijwe iterambere.

Ni nyuma y’aho umushinga LWH wa MINAGRI ukoze amaterasi kuri hegitari 697 mu murenge wa Rambura yatanze umusaruro mu kurwanya isuri no kongera umusaruro.
Impinduka yagize zikaba zituma aho atakozwe I Rambura basigaye bayisabira,nyamara atangira gukorwa benshi baringingirwaga kuyakorerwa.

Bitewe n’akamaro k’amaterasi abingingirwaga gukorerwa amaterasi i Nyabihu ubu basigaye babyisabira

Karigirwa Jean Marie Vianney ni umuturage wo mu Kagari ka Rugamba Umudugudu wa Kibumbiro avuga ko amaterasi i Rambura atageze I Rugamba nyamara kandi barabonye yaragize akamaro gakomeye mu kurwanya isuri no kongera kuho yakozwe.

Akaba ariho ahera asaba ko mu kagari k’iwabo naho yahakorwa,iki cyifuzo kikaba abaturage b’aka gace bakaba barakigejeje ku murenge.

Yagize ati “Isuri yajyaga yibasira imisozi y’iyo ruguru ikayimanura none ubu kubera amaterasi yaje nta kibazo turahinga ifumbire ikagumamo bikera. Aho umuntu yasaruraga imifuka itatu asigaye ahasarura itandatu cyangwa irindwi.”

Karigirwa yongeyeho ati “I Rugamba, ni agace batarakora twifuza ko badukoreramo amaterasi.”

Kuri iki kibazo Umunyamabanga Nshingwabikorwa w’umurenge wa Rambura Gasana Thomas avuga ko kizwi kandi ko bakigejeje ku karere no ku mushinga LWH wabakoreye amaterasi kuri ha ahatandukanye.

Bitewe n’ibiza byo muri Mata ngo umushinga ukaba uri gusana amaterasi yangijwe nabyo,aho bizeye ko nurangiza uzanagera I Rugamba aho abaturage bayifuza.
Yagize ati “Hari akagari kagifite ibibazo by’isuri ka Rugamba. Dukomeje gusaba ngo turebe naho niba bahadukorera.”

Kuri iki kibazo,umuyobozi w’Akarere ka Nyabihu Uwanzwenuwe Theoneste yagize ati “Icyo umuntu yatangira ashima ni icyo cyifuzo cy’abaturage kuko niba ubwabo basigaye babyisabira ni intambwe ikomeye.Kuko nk’uko mubizi ajya gutangira gukorwa byabanje kutumvikana neza mu baturage.”

Yongeraho ko mu murenge wa Rambura hamaze gukorwa amaterasi mu tugari 5 muri 6 tuwugize.

Aka Rugamba gasigaye kakaba gashobora kuzakorwa kuko umushinga wakoze amaterasi wari warakagezemo ukagapima,bikaba bizwi ko ari ha 59 zikenewe gukorwa,igitegerejwe akaba ari amafaranga.

Icyimanizanye Marie Chantal yishimira ko yahawe inka adasabwe ruswa.

Ni nyuma y’uko mu myaka yashize hagiye havugwa ibibazo bitandukanye muri gahunda ya Girinka, ahanini bishingiye ku bakoraga amakosa arimo ruswa yabangamiraga imigendereke myiza yayo.

Umuyobozi w’Akarere ka Nyabihu, Uwanzwenuwe Theoneste, yongeye kwibutsa abagize komite za Girinka mu nzego z’ibanze kuba inyangamugayo no kudatatira icyizere abaturage babagiriye.

Yagize ati “Icyo dusaba abari muri komite ya Girinka ni uguhagarara ku bunyangamugayo abaturage baba barababonyemo kuko buriya bajya gutorwa mu bandi baturanye ari uko babaga babona ko hari icyo bazabafasha.”

Uwanzwenuwe yasabye abaturage gutinyuka kuvugisha ukuri ku buryo mu gihe habaye ikibazo runaka muri iyi gahunda, bazajya bahita bakimenyesha ubuyobozi hakiri kare kugira ngo gihite gikemurwa, n’uwabigizemo uruhare abibazwe.

Yakomeje avuga ko uzakora amakosa wese muri gahunda ya Girinka bizamugaruka kuko ngo n’abayakoze mu myaka ya 2006, 2007, 2008 n’indi myaka yashize, iyo batahuwe babiryozwa nta kabuza.

Bamwe mu baturage bahawe inka muri gahunda ya Girinka muri uyu mwaka wa 2016, bavuga ko batowe binyuze muri komite mu midugudu kandi ko ntacyo basabwe na kimwe, byakozwe mu mucyo.

Icyimanizanye Marie Chantal wahawe inka muri Kamena 2016, yagize ati “Nayiherewe ubuntu ntacyo ntanze, ni abaturage bantoye mu mudugudu babonye ko nyikwiriye.”

Komite ya Girinka mu mudugudu igizwe n’abantu 6 barimo umuyobozi wawo unayiyobora, ushinzwe umutekano, uhagarariye abagore, ushinzwe imibereho myiza, uhagarariye urubyiruko n’uhagarariye abafite ubumuga.

Iyi komite ikaba ikurikirana inka zatanzwe muri Girinka, igatoranya abazazihabwa binyuze mu nama rusange mu ruhame rw’abaturage. Yitezweho kuzafasha mu gutuma gahunda ya Girinka igenda neza, hirindwa ko habonekamo ibibazo.

Ni mu gihe bamwe bahuye n’igihombo muri iyi myaka itatu ishize cyatewe na n’umuyoboro w’amazi (rigole) muto ku kagezi ka Mutera, kava haruguru y’Ibiro by’Akarere ka Nyabihu kakamanuka ahitwa i Rurengeri kerekeza muri Kinoni.

Baratabariza umuhanda wangiritse.

Abaturiye aka kagezi bavuga ko kamaze imyaka irenga itatu kuzura rigole bavuga ko ari nto yakozwe na kompanyi ya Strabag ikora umuhanda wa kaburimbo Musanze-Rubavu.

Aka kagezi kanyura muri rigole kakayirenga kakiroha muri kaburimbo kagatezamo isuri n’ibyondo kakayangiza bikomeye.

Ni mu gihe kubera amazi menshi kanagenda gatengura bimwe mu bice bikikije umuhanda ari na ko kanasenya inkengero zawo.

Akagezi ka Mutera abaturage bavuga ari ko kangiza umuhanda Musanze-Rubavu.

Uwimana Israel, umwe mu baturage, yagize ati “Biterwa n’ubuto bwa rigole yahakozwe. Karatwangiriza bikomeye kuko amazi yinjira mu mazu mu gihe cy’imvura akangiza ibyo asanzemo byose bikadutera igihombo.”

Nk’umucuruzi yanongeyeho ko aka kagezi kabahombeje cyane cyane mu myaka itatu ishize.

Yavuze ko umunsi umwe yari yaruhutse ari ku isabato kakabatungura amazi yinjira mu nzu bacururizamo yangiza ibyari birimo byose.

Avuga ko kuva ubwo bamwe mu bakegereye baretse kurangura byinshi mu bihe by’imvura kuko bataba bizeye ako kagezi ka Mutera kuko isaha n’isaha gashobora kuzura rigore kakabasenyera cyangwa kakabangiriza.

Aka kagezi karuzura kakamena muri rigole y’umuhanda amazi agacukura umuhanda. Uretse umuhanda kanasenyera abaturage.

Uwitwa Innocent yavuze ko uretse kuzura kakanasenyera bamwe mu baturage amazi yinjira no mu biro by’akarere akamanuka anangiza mu mazu y’abaturage.

Muri 2014 haresenyutse amazu arenge atanu naho muri 2015 hasenyuka andi ndetse no muri uyu hari andi arimo gusenyuka.

Hari ibice nk’imbere y’Akarere ka Nyabihu amazi yuzura mu muhanda akawangiza akangiriza n’abaturage, n’ibice nka Rurengeri aho amazi yuzura akajya mu mazu y’abaturage akanabasenyera.

Umunyamabanga nshingabikorwa w’akarere, Ngabo James avuga ko mafaranga ya VUP amafaranga yari ahangaikishije akarere kuko ijanisha ryaherukaga muri Mata ryagaragazaga ko imibare y’abishyuye ikiri hasi cyane.

Uwanzwenuwe avuga ko ikibazo cy’inguzanyo za VUP zari zaratinze kwishyurwa kigenda gikemuka.

Yavuze ko muri imwe mu mirenge yari igifite ibibazo kurusha indi muri Nyabihu harimo Rurembo na Jomba.

Umuyobozi w’akarere Uwanzwenuwe, yavuze ko iki kibazo cyari iki kibazo cyagarutsweho n’inama njyanama y’akarere ka Nyabihu iheruka muri Mata, abayigize basabye ko cyakwiganwa ubushishozi kigakemuka mu maguru mashya.

Yagize ati “Muri iyi minsi nk’ubuyobozi twashyizemo imbaraga kugira ngo amafaranga ashobore kugaruzwa. Inguzanyo zari zahawe abaturage zageraga kuri miliyoni 678Frw n’imisago ariko amafaranga yari amaze kugaruzwa kugeza ku italiki ya 30 Gicurasi 2016 yageraga kuri miliyoni 613Frw.”

Uwanzwenuwe avuga ko aya mafaranga ya VUP biteguye kuzayagaruza uko bashoboye n’ubwo bagiye bahura n’ibibazo bitandukanye. Muri byo harimo bamwe mu baturage bimutse, abapfuye n’ibindi bitandukanye.

Ikibazo cy’inguzanyo zafashwe muri iyi gahunda zigatinda kwishyurwa ni kimwe mu byagiye bigarukwaho mu nama zitandukanye z’ubuyobozi.

Ni mu gihe ku wa 8 Werurwe 2016, Minisitiri w’Ubucuruzi n’Inganda, Francois Kanimba, yatangaje ko uru ruganda rwashoboraga kuba rwatangira bitarenze Werurwe 2016.

Haribazwa impamvu Uruganda rw’Amata rwa Mukamira rudatangira rwagomba gutangira muri Werurwe 2016.

Yagize ati “Uru ruganda rw’amata na rwo rwaruzuye. Ubungubu turi gushaka abagomba gushora ngo rutangire rukore kandi ndumva ari ibya vuba cyane ntabwo bizarenza uku kwezi kwa gatatu abo bantu batabonetse ngo rutangire gukora.”

Nyamara amezi abaye atatu arenga ku gihe cyavuzwe uru ruganda rwashoboraga kuba rwaratangiriyeho.

Uru ruganda rwari rwitezweho n’abaturage guhesha agaciro umusaruro w’ibikomoka ku bworozi nk’amata muri Nyabihu n’uturere dukikije gishwati.

Abaturage kandi bari biteze kurubonamo akazi hari n’abari biteze kuzahagurira amata yizewe.

Uwitwa Niyibizi Shadrack agira ati “Ubundi ikibazo twari dufite ni ikaragiro ry’amata. Nk’ubu umwaka washize bari bavuze ngo uzarangira ryararangiye.”

Nkundibiza Innocent yavuze ko iki kibazo gihora cyivugwa bakanahabwa icyizere ko amata yabo azahabwa agaciro n’uruganda ariko ngo bategereje ko rutangira bagaheba.

Zimwe mu nyubako z’urwo ruganda.

Umuyobozi w’Akarere ka Nyabihu, Uwanzwenuwe Theoneste, yatangaje ko bakibajije inzego zibishinzwe zigatangaza ko hari ibyaburaga, birimo imashini ibika neza amata.

Abaza iki kibazo muri Minisiteri y’Ubucuruzi n’Inganda, avuga ko bamusubije ko na bo bafite icyizere cy’uko ibyo baburaga byabonetse biteguye gutangira vuba.

Uru ruganda bivugwa ko rwatwaye asaga miliyari 4 z’amanyarwanda. Rwatangiye kubakwa muri 2012 hateganywa ko rwagomba gutangira bitarenze umwaka wa 2014.

Andi makuru dukesha abarukurikiranira hafi ni uko ngo RDB yari irimo gushaka abashoramari bazarukoreramo.

Isoko ngo ryaratanzwe ku wa 16 Gashyantare 2016, amabahasha akaba yaragombaga gufungurwa kuwa 18 Werurwe ari na bwo hagombaga kumenywa uwarutsindiye ngo ahite atangira.

Imashini zimwe zagejejwe mu ruganda ziranakoreshwa,runerekwa n’abaturage ariko baribaza impamvu rutongere gukora.

Uru ruganda rwafunguwe ku mugaragaro tariki 8 Werurwe 2016, ariko kuva icyo gihe, ngo rwakoze iminsi mike nk’uko umwe muri aba baturage witwa Yonani Petero abitangaza.

Agira ati “Kugeza ubungubu uruganda rwarubatswe ni byo, ariko ubona tutamenya neza uko rugomba gukora no gukoreshwa.”

Si uyu muturage gusa kuko n’abandi benshi bibaza amaherezo y’uru ruganda n’igihe ruzongera gukorera, mu gihe harimo ibikoresho nk’imashini zakoreshejwe rufungurwa ku mugaragaro.

Uruganda rw’ibirayi ngo ruheruka gukora kuwa 8 Werurwe rufungurwa.

Rufungurwa ku mugaragaro, bamwe ntibahishe amarangamutima ku ifungurwa ryarwo.

Umwe yari yagize ati “Mu byifuzo twagejeje ku buyobozi budukuriye ni uko twifuzaga ko hajyaho uruganda kugira ngo tujye tubona aho tujyana umusaruro wacu mu ruganda.”

Umuyobozi w’Akarere ka Nyabihu, Uwanzwenuwe, avuga ko na bo babiganiriye n’inzego zibishinzwe zikabatangariza ko hari ibikoresho byaburaga ngo uruganda rukore neza.

Ati “Mu kurufungura hari hari ibikoresho bikenewe by’ibanze bitari byakageramo. Rero icyatumye rudakomeza nk’uko mwabibonye, ni uko ibyo bikoresho bari bakibitegereje.”

Avuga ko mu kiganiro bagiranye n’ubuyobozi bw’uruganda, bamwijeje ko ibyo bikoresho bishobora kuzaba byabonetse mu byumweru bibiri ni ukuvuga kugeza ku wa 15 Kamena. Cyakora ngo niziboneka, imirimo izahita ikomeza.

Uruganda ruzatunganya ibirayi rwa Nyabihu Potatoes Company rwashyiriweho kuzamura agaciro k’ibihahingwa, rwuzuye rutwaye akabakaba miliyari 1Frw.

Igihe ruzakorera, biteganijwe ko ruzakora byinshi bitandukanye mu birayi, birimo amoko atandukanye y’ifiriti, kubihata bikagemurwa mu bigo n’ibindi. Byitezwe ko ruzajya rutunganya toni icyenda z’ibirayi ku munsi.

Umuyobozi Mukuru w’Itorero ry’Abadiventisite ku Isi, Pastor Teddy Wilson n’umugore we ubwo bari i Kanzenze mu Karere ka Rubavu.

Umukuru w’iri torero ku Isi, Pastor Teddy Wilson, yatangaje ibi ku wa 22 Gicurasi 2016, ubwo yari i Kanzenze mu Karere ka Rubavu, mu ruzinduko rw’ivugabutumwa amazemo iminsi mu Rwanda.

Ibyo bikorwaremezo bigiye kubakwa birimo ishuri ribanza n’iryisumbuye, ivuriro rigezweho ndetse n’urusengero, muri utwo turere twombi.

Umuyobozi w’Itorero ry’Abadiventisite mu Rwanda, Pastor Byiringiro Hesron, yatangaje ko ibi bikorwa bizatangira mu mwaka utaha wa 2017.

Ubwo yari mu Kagari ka Nyirabihogo mu Murenge wa Kanzenze, mu kibanza kizubakwamo ibi bikorwa mu Karere ka Rubavu, Pastor Byiringiro yavuze ko bigamije gufasha abaturage mu mibereho myiza no kubona serivise z’ubuvuzi n’ubuzima hafi, nk’uko biri mu nshingano z’iri torero.

Muri aya mabanga y’imisozi ya Kanzenze ni ho hazubakwa amashuri n’ivuriro mu Karere ka Rubavu.

Bamwe mu baturage b’i Kanzenze na Bigogwe baturiye ahazakorerwa ibi bikorwa, batangiye kubyishimira bavuga ko bizagirira akamaro ako gace.

Safari Kajeje agira ati “Aha ni akarusho kuko amashuri yegereye ahangaha yari asanzwe ari ku i Kora n’ahitwa ku Kabali. Ni mu bilometero hafi bitanu bitanu. Niyubakwa, azarushaho kutwegera. Ibitaro byo ni Ruhengeri na Gisenyi, ni kure cyane.”

Guverineri w’Intara y’Iburengerazuba, Mukandasira Caritas, ashima gahunda Itorero ry’Abadiventiste rifite mu kuzamura imibereho myiza y’abaturage.

Guverineri Mukandasira Caritas avuga ko ibyo bikorwa bizateza imbere uburezi n’imibereho myiza y’abaturage.

Avuga ko kubaka ivuriro rigezweho mu gace ka Kanzenze, bizatuma abaturage baho n’aba Bigogwe babonera serivise hafi, bikazagabanya umubare munini w’abarwayi baganaga ibitaro bya Ruhengeri n’ibya Gisenyi.

Ingengo y’imari izakoreshwa kuri ibyo bikorwa ntiratangazwa. Ubuyobozi bw’iri torero buvuga ko bugiye gukora inyigo nyayo y’ibyo bikorwaremezo, ku buryo bizatangira kubakwa mu mwaka utaha.

Muri gahunda yiswe “Twese mu Murimo w’Ivugabutumwa” yatangiye tariki 13 Gicurasi 2016 ikaba ikorerwa ku masite 2226 mu gihugu, abizera b’Abadiventisite bamaze gutanga inkunga y’amafaranga asaga miliyoni 262,5Frw yo gufasha abatishoboye.

Abaturage ba Kanzenze na Bigogwe baravuga ko umunsi ivuriro ryubatswe muri ako gace, bizabafasha kubona serivise z’ubuvuzi hafi yabo.

Muri iki gihe kandi, barakora n’ibindi bikorwa birimo gutanga amaraso afasha imbabare hirya no hino mu bitaro byo mu Rwanda.

Umukuru w’Itorero ry’Abadiventisite ku Isi, Pastor Teddy Wilson yashimye ubuyobozi bw’u Rwanda butanga umudendezo wo gusenga.

Aya mafaranga yatanzwe n’abizera b’Itorero ry’Abadiventisite bagamije gufasha bagenzi babo kugira imibereho myiza, binyujijwe muri gahunda y’ibwirizabutumwa ry’ibyumweru bibiri rirarikira abantu kwiyegurira Yesu Kirisito. Iri vugabutumwa rikaba ribera ahantu (sites) 2226 mu turere twose tw’u Rwanda.

Umuyobozi w’Itorero ry’Abadiventisite mu Rwanda, Pasitori Byiringiro Hesron,avuga ko rigomba kujyana n’ibikorwa byo gufasha abantu kuko ari bwo ubutumwa mwumvikana neza.

Yagize ati “Ubutumwa ntago ari uguhagarara imbere ngo uvuge hariho abantu bashonje, hariho abantu bafite uburwayi. Ibyo rero ni byo byatumye Itorero ry’Abadiventisite ritekereza ko ryagendera kuri gahunda rifite, kandi tugakurikiza gahunda y’igihugu mu buryo bwo gufasha abakene, imfubyi n’abapfakazi.”

Inka 63 zatanzwe mu gihugu hose ariko hamurikwa iki gikorwa kuri Site ya Nyirabigogo, hatanzwe 29 zihabwa abakene.

Pastor Byiringiro yavuze ko babikora bashingiye ku nkingi 4 z’Itorero ry’Abadiventisite zirimo ivugabutumwa, ubuvuzi, uburezi n’ibikorwa by’ubugiraneza bikomeza abantu kugira ngo babe abayoboke ba Kiristo.

Igikorwa cyo kwerekana ibimaze gukorwa mbere no cyumweru gishize hatangiwe ibwirizabutumwa, byabereye i Rubavu mu Murenge wa Kanzenze, kuri uyu wa 22 Gicurasi 2016, bikaba byamuritswe ku mugaragaro biyobowe na Pastor Dr. Teddy Wilson uyobora Itorero ry’Abadiventisite ku Isi.

Ibyo bikorwa birimo inka 63 zahawe abakene, amazu 122 yubatswe, amazu 302 yavuguruwe, amatungo magufi 702 yatanzwe, mituweli 12325 zahawe abakene, amateme ku mihanda y’imigenderano yubatswe ndetse n’ibindi bikorwa by’ubugiraneza.

Guverineri Mukandasira Caritas yashimiye Abadiventisite uburyo bafasha Leta mu bikorwa by’iterambere abasaba gukomeza kuba abafatanyabikorwa beza.

Nyiranzage Margueritte wahawe inka, yavuze ko byamubereye nk’igitangaza kuko ngo mu buzima bwe ntiyiyumvishaga uko yatunga inka kubera ubukene.

Yagize ati “Imana ihe umugisha Itorero ry’Abadiventiste ryantekerejeho. Ubu nanjye ngiye gutera imbere.”

Umukuru w’Itorero ry’Abadiventisite ku Isi, Pastor Teddy Wilson, washyikirije izi nka abazihawe, yabifurije kuzatunga bagatunganirwa kandi bagatera imbere mu by’ubuzima n’iby’umwuka.

Yizeje Abanyakanzenze ko muri uwo murenge hazubakwa ishuri ryiza, ibitaro bigezweho n’urusengero bizabafasha.

Pastor Teddy Wilson yashimye Leta y’u Rwanda itanga umudendezo wo gusenga.

Pastor Byiringiro yavuze ko ivugabutumwa rigomba kugendana n’ibikorwa by’ubugiraneza, ari na byo Itorero ry’Abadiventisite ryakoze.

Guverineri Mukandasira Caritas wari uhagarariye Minisitiri w’Ubutegetsi bw’Igihugu, yashimye Abadiventisite ku bufatanye bagaragaza mu iterambere ry’igihugu bakora ibikorwa bitandukanye birimo uburezi, ubuvuzi, ibikorwa by’umuganda n’iby’ubugiraneza.

Guverineri Mukandasira yasabye Abadiventisite gukomeza ibyo bikorwa byiza no kugumya kuba abafatanyabikorwa beza b’igihugu.

Muri uyu muhango, urubyiruko rw’Abadiventisite rwakoze umutambagiro.

Ni mu mukino wa nyuma wa Shampiyona wabaye kuri uyu wa 17 Gicurasi, aho Manchester United yatsinze 3-1 ikipe ya Bournemouth I Old Trafford,ibitego bitagize icyo bihindura ku mwanya yari iriho wa 5.

Rashford,Ashley Young na Rooney ni bo batsindiye Manchester

Manchester ikaba yasabwaga gukora igisa n’igitangaza igatsinda ibitego 19 ku busa ngo ibashe kugira ibitego 31 ibe irushije igitego 1 Manchester City binganya amanota 66 bityo ijye muri big four,bikaba bitabashije kuyishobokera.

Harry Kane wa Tottenham niwe watsinze ibitego byinshi

N’ibitego 25,Harry Kane niwe watsinze ibitego byinshi muri Shampiyona y’Ubwongereza.Akaba arusha Jamy Vardy wa Leicester na Sergio Aguero wa Manchester City igitego kimwe .

Harry Kane watsinze ibitego byinshi muri Shampiona

Mu makipe yazamutse uyu mwaka,harimo ikipe ya Burnely ndetse na Middlesbrough ariko hakaba hagitegerejwe indi izazamukana nazo izava hagati ya Hull City na Sheffield Wednesday zizishakamo izatsinda indi,ikazamuka.

Hull City izakina na Sheffield Wednesday ku mukino wa nyuma wa Play off ngo haboneke ijya muri Premier league muri 2016-2017

Sheffield Wednesday izakina na Hully City

Ni mu gihe ikipe ya Aston Villa,Newcasstle na Norwich City zamaze gusubira muri championship,mu cyiciro cya kabiri.

Seville irahatana na Liverpool ku mukino wa nyuma wa Europa league

Tubibutse ko kuri uyu wa 18 Gicurasi,saa 20h45 aribwo ikipe ya Seville na Liverpool ziza guhatanira igikombe cya Europa league igitwara igahita ikatisha bidasubirwaho umwanya muri champions league.

Seville ifite ibikombe bya Europa 4, mu gihe Livepool ifite 3

Ni nyuma y’uko aya makipe yombinta yabashije gutsindira,yaba umwanya wa Europa league cyangwa champion’s league mu gihugu cyayo kuko Seville yarangije ari iya 7 Liverpool irangiza ari iya 8.

Bimwe mu byaranze shampiyona z’I Burayi muri 2015-2016

Shampiyona ya Espagne,iy’Ubwongereza,Ubudage,Ubutaliyani n’ubufaransa zifatwa nk’izikomeye I Burayi.Uretse iy’Ubwongereza isozwa kuri uyu wa 17,izindi zarashojwe.

Mu Bwongereza bikanze igisasu basoza shampiyona batinze

Byatunguye benshi kandi bibemeza ko byose bishoboka ubwo ikipe ya Leicester City yaturutse mu cyiciro cya kabiri yazaga igatungura ibihangange igatwara igikombe cya mbere shampiyona nyuma y’imyaka 132 ishinzwe.

Mu Bwongereza ikipe ya Leicester City yaratunguranye yegukana igikombe

Yagitwaye n’amanota 81 irusha Arsenal iyikurikira amanota 10. Chelsea yafatwaga nk’ikomeye yanakundaga kwitabira champion’s league,yatunguwe no kubona umwaka uyibereye imfabusa irangiza iri ku mwanya wa 10 naho Newcasstle imwe mu makipe yubagwaga anifashije,imanuka mu cyiciro cya kabiri.

Shampiyona yagombaga gusozwa kuwa 15 Gicurasi ariko bitewe n’uko ku kibuga cya Old Trafford Abongereza bahikanze igisasu,byatumye umukino wari guhuza Manchester United na Bournemouth wimurirwa kuri uyu wa 17 saa tatu z’ijoro.

Espagne:Barcelone yaragitwaye,Suarez akora amateka

Ikipe ya Barcelone yatwaye igikombe cya 24 cya Shampiyona n’amanota 91 irusha inota rimwe ikipe ya Real Madrid yayikurikiye.

Barcelone yegukanye igikombe cya 24 muri Espagne

Zlatan yabaye uwa 2 mu gutsinda ibitego byinshi

Iyi shampiyona yashojwe kuwa 14 Gicurasi,yagejeje ku munsi wa 36 hataramenyekana uzatwara igikombe hagati ya Real Madrid,Barcelone na Atletico Madrid zaryanaga isataburenge.

Luis Suarez yesheje agahigo ko gutsinda ibitego byinshi

Umukinnyi Luis Suarez w’imyaka 29,yeseje agahigo ko gutsinda ibitego byinshi muri shampiyona I Burayi uyu mwaka,imbere ya Messi na Cristiano bari bamenyereye utwo duhigo.

Suarez yatsinze ibitego 40,akurikirwa na Zlatan Ibrahimovic watsinze ibitego 38. Gonzalo Huguain wa Napoli yakuriyeho n’ibitego 36,Cristiano na 35 naho Lewandowski wa Bayern Munich akurikiraho n’ibitego 30.Messi akaba yaraje ku mwanya wa 6 n’ibitego 26.

Zlatan yabaye uwa 2 mu gutsinda ibitego byinshi

Mu Butaliyani Juventus yishubije igikombe cya shampiyona yari yegukanye umwaka ushize naho mu Budage Bayern Munich,igitwara bwa kane yikurikiranya.
Shampiyona yo mu Bufaransa ikaba yararanzwe n’agashya,aho Paris Saint Germain yegukanye igikombe habura hafi amezi 2,irangiza ifite amanota 96 mu gihe Lyon yayikurikiye ifite 65.

Imibiri 79 y’Abatutsi bishwe muri Jenoside yabakorewe mu 1994, bashyinguwe mu cyubahiro.

Mu muhango wabaye kuri iki Cyumweru, tariki 9 Gicurasi 2016, yari ikuwe ahantu hatandukanye muri aka karere harimo 72 yakuwe mu kigo cya Gisirikare cya Bigogwe. Indi yakuwe muri Shyira, Muringa, Rambura, Karago na Mukamira.

Mujawamariya Charlotte, umwe mu batanze ubuhamya bw’urugendo ruruhije yanyuzemo muri Jenoside, yashimye Leta y’Ubumwe yayihagaritse n’Ingabo za FPR zitanze uko zishoboye kugeza zihagaritse Jenoside.

Yanashimiye ko nyuma y’uko Jenoside ihagarikwa, Leta yafashije abacitse ku icumu rya Jenoside kwiyubaka.

Abaturage bari benshi muri uyu muhango.

Yagize ati “Nasigaranye abana, nta bushobozi nari mfite ariko Imana yakoze ibitangaza. Leta yakoze ibintu byiza. Yashyizeho ikigega cya FARG, yandihiririye abana, meze neza kandi Leta y’u Rwanda yarakoze.”

Mukarugwiza Alice na we waburiye umubyeyi muri Nyabihu, yavuze ko aruhutse kuko ashyinguye umubyeyi we mu cyubahiro.

Ati “Twaje kubasha kumumenya bitewe n’imyenda yari yambaye. Ntabwo nabasha kubona uko mbikubwira ko nduhutse kuko mbashije gushyingura umubyeyi wanjye. Ni umunsi udasanzwe muri njyewe.”

Abashyinguye ababo mu cyubahiro bavuze ko baruhutse.

Juru Anastase uhagarariye IBUKA muri Nyabihu avuga ko bashima Leta y’Ubumwe yahagaritse Jenoside, igenda inakora ibishoboka byose ngo bagire ubuzima bwiza.

Yasabye ko imanza z’abacitse ku icumu rya Jenoside zitararangizwa zarangizwa kandi n’urwibutso rwa Mukamira rugatunganywa neza ku buryo ibikorwa byo kwibuka byose byajya bihabera aho kubanza gukorera ibibanziriza gushyingura ahandi ngo bajye ku rwibutso bagiye gushyingura.

Juru Anastase ukuriye IBUKA mu Karere ka Nyabihu.

Senateri Uwimana Consolee wari umushyitsi mukuru muri uyu muhango, yasabye abaturage kwirinda ingengabitekerezo ya Jenoside kuko ngo mu Rwanda ikihagaragara.

Ati “Ubushakashatsi bwarabyerekanye, 27% by’Abanyarwanda barakibona mu moko. Uyu munsi ukaba wumva uri Umututsi, uyu munsi ukaba wumva uri Umuhutu. Wowe ukiyumva ukonguko umenye ko ubangamiye icyo RPF yifuje.”

Yasabye Abanyarwanda bose kwiyumva ko ari umwe, bagasenyera umugozi umwe kuko mu Rwanda nta Muhutu nta n’Umututsi, ahubwo ko bose ari Abanyarwanda.

Babanje gufata umunota wo kwibuka.

Kugeza ubu, mu rwibutso rwa Jenoside rwa Mukamira hashyinguwemo imibiri 2154 y’Abazize Jenoside yakorewe Abatutsi mu 1994.

Hari mu mukino wayihurije ku kibuga cyayo cya King Power Stadium n’ikipe ya Everton aho Leicester yatsinze Everton iyirusha cyane ibitego 3-1.
Nyuma y’uyu mukino,ikipe ya Leicester imbere y’abafana bayo barenga ikaba yashyikirijwe igikombe cya Shampiyona habura umunsi umwe gusa ngo irangire.

Umutoza Claudio Ranieri n’abakinnyi be bishimira igikombe begukanye

Yaba umutoza Claudio Ranieri,abakinnyi,Staff yose ya Leicester City ndetse n’abafana b’iyi kipe yavuye mu cyiciro cya kabiri ikaba yegukanye igikombe,bishimiye urwego ruhambaye n’ubwitange iyi kipe yagaragaje muri “Premier league” uyu mwaka.

Leicester yabanje guhabwa icyubahiro n’ikipe ya Everton

Kuva 1993 Manchester United niyo imaze gutwara kenshi “Premier League”
Mu mateka y’imyaka 132 iyi kipe imaze,ikaba ari ubwa mbere yegukanye “Premier league” ari nabwo ikinjira mu cyiciro cya mbere iviye mu cyiciro cya kabiri.
Iki gikombe Leicester City itwaye cyari gifitwe n’ikipe ya Chelsea mu mwaka ushize wa 2014-2015.

Ibyishimo byabarenze nyuma yo kwegukana iki gikombe bwa mbere mu mateka yabo

Mu mwaka wa 2013-2014,iki gikombe kikaba cyari cyaregukanywe n’ikipe ya Manchester City, kugeza ubu kuva mu mwaka w’1993 kugeza 2016, ikipe ya Manchester United niyo imaze gutwara “Premier League” inshuro nyinshi, zikaba ari inshuro 12.

Manchester United ikaba yaratwaye iki gikombe inshuro 3 yikurikiranya kuva mu mwaka w’1998-2001 no kuva mu mwaka wa 2006-2009. Yanagitwaye kabiri kikurikiranya mu mwaka w’1996 n’uw’1997.

Ibi kandi Manchester United yanabikoze mu 1993 no mu 1994 inshuro 12 zose. Ni mu gihe kuva muri uwo w’1993, ikipe ya Chelsea imaze kugitwaramo inshuro 4, Arsenal inshuro 3 naho Manchester City inshuro 2 gusa.

Mu mwaka w’1995 ikipe ya Blackburn Lovers ikaba yaratwaye Premier league ariko ubu ikaba ibarizwa mu cyiciro cya 2.
Amakipe abiri mu Bwongereza akaba ariyo yavuye mu cyiciro cya 2 aza mu cyiciro cya mbere ariyo Burnely ndetse na Middlesbrough.

Hari mu mikino yo kwishyura ya ½ cy’irangiza,aho Liverpool yabigezeho ikinira iwayo ku kibuga cya Anfield, itsinda Villareal ibitego 3-0, ibitego bya Bruno Suriano witsinze,Daniel Sturridge na Adam Lallana, ibitego byahise bituma igiteranyo cy’imikino yombi kiba 3-1 ,kuko mbere Liverpool yari yatsindiwe muri Espagne 1-0.
maze Villareal ihita isezererwa

Liverpool yigaragaje cyane mu mukino inatsinda biyoroheye

Villarreal yarushijwe muri uyu mukino,ikaba yaje kurushaho gusumbirizwa ku munota wa 71,ubwo umukinnyi wayo Victor Ruiz yahabwaga ikarita itukura kuko yari abonye amakarita 2 y’umuhondo.

Liverpool yarushije bigaragara Villareal

Ku rundi ruhande ikipe ya Sevilla inasanzwe ifite iki gikombe,yanigaragaje nk’ikipe ikomeye muri Europa league,yatsindiye iwayo Shaktar Donestk 3-1.Kevin Gameiro yatsinzemo ibitego 2 naho Mariano ashyiramo icya 3.Eduardo niwe watsindiye Shaktar.

Kuri mukino wa nyuma,ikipe ya Liverpool ishaka umwanya muri champions league idaherutsemo, ikaba izahatana na Seville ikomeye cyane muri Europa league, bakina umukino wa nyuma.
Izatsinda ikazahita yegukana igikombe ndetse ikanabona bidasubirwaho itike yo gukina champions league umwaka utaha.

Bikaba bitoroshye ku mutoza Jurgen Klopp wa Liverpool ushaka iki gikombe no kujyana ikipe ye muri champion’s league idaherukamo,mu gihe Seville nayo ikeneye kwisubiza iki gikombe no gukina champion’s league.
Uyu mukino ufite byinshi usobanuye,ukaba uzaba kuwa 18 Gicurasi 2016,I Parc Saint Jacques i Bale mu gihugu cy’Ubusuwisi.

Seville nayo yageze ku mukino wa nyuma bitayigoye itsinze hombi 5-3

Ikipe ya Liverpool ikaba imaze gutwara Europa league inshuro 3, ubwa mbere ikaba yarayitwaye mu mwaka wa 1973, 1976 no mu mwaka wa 2001, mu gihe Seville imaze kugitwara inshuro 4 mu mwaka wa 2006,2007 ndetse n’imyaka ya 2014 na 2015. Bikaba bizaba bitoroshye kuri aya makipe ku mukino wa nyuma.

Ikipe ya Atletico Madrid ikaba yarabigezeho kuwa 3 Gicurasi imaze gusezerera Bayern Munich yo mu Budage naho Real Madrid ikaba yabigezeho kuri uyu wa 4 Gicurasi 2016,isezereye ikipe ya Manchester City ku 1-0 mu mikino yombi.

Umutoza Diego Simeone wa Atletico Madrid na Zinedine Zidane wa Real Madrid bazacakirana ku mukino wa nyuma I Milan

Ni gutya igitego cyagiyemo

Gareth Bale yatunguye Joe Hart ntiyamenya aho umupira unyuze

Umukino ubanza ikipe ya Manchester City ikaba yari yanganirije ku kibuga cyayo Etihad Stadium 0-0 na Real Madrid,mu mukino wo kwishyura Real Madrid itsinda Manchester City 1-0 ari nacyo cyatumye iyisezerera.

Vincent Kompany wa Man City yaje guhita avunika asimburwa na Eliaquim Mangala

Umukinnyi Garenth Bale wa Real Madrid,imbere y’abafana bayo I Santiago Bernabeu muri Espagne, akaba ariwe wayitsindiye igitego kimwe rukumbi yabonye, cyatumye isezerera Manchester City byari bihanganye.

Igitego rukumbi cya Garenth Bale cyagejeje Real Madrid ku mukino wa nyuma

Abakinnyi ba Real Madrid bishimira intsinzi

Umukino wa nyuma ukazahuza Real Madrid na Atletico Madrid,ikipe zose zo mu mujyi wa Madrid muri Espagne. Ukazabera mu mujyi wa Milan mu gihugu cy’u Butaliyani kuwa 28 Gicurasi 2016.

Gareth Bale ari nawe mukinnyi waguzwe amafaranga menshi mu mateka y’isi ubwo yoherezaga umupira mu izamu

Izi kipe zikaba ziheruka guhurira ku mukino wa nyuma mu mwaka wa 2014,aho Real Madrid yatwaye igikombe Atletico Madrid iyitsinze ibitego 4-1.
Abantu bakaba bibaza niba n’uyu mwaka umutoza Diego Simeon azemera kongera gutsindwa na Real Madrid ikamutwara igikombe indi nshuro.

Ni mu gihe umutoza Zinedine Zidane wa Real Madrid nawe yifuza gukora amateka atwara igikombe cya champion’s league bwa mbere mu ikipe ya Real Madrid,nawe yigeze gukinira.

Ubusanzwe iki gikombe kikaba cyari gifitwe na FC Barcelone yagitwaye umwaka ushize itsinze Juventus yo mu Butaliyani 3-1.
Barcelone ikaba uyu mwaka yarasezerewe muri ¼ cy’irangiza itsinzwe na Atletico Madrid ibitego 3-2 uteranije imikino yombi.

Atletico Madrid ikaba yabigezeho mu ijoro ryo kuri uyu wa 3/5/2016,nyuma yo gutsindirwa Arienz Arena ku kibuga cya Bayern Munich mu Budage ibitego 2-1, ariko ifashwa n’igitego yatsindiye hanze.

Byari ibyishimo bikomeye ku basore ba Atletico Madrid i Allianz Arena

Ni mu gihe mu mukino ubanza,ikipe ya Atletico Madrid yari yatsindiye Bayern Munich ku kibuga cyayo cya Vicente Cardelon muri Espagne 1-0.
Kuba nta gitego Bayern Munich yabashije kwinjiriza mu gihugu cya Espagne bikaba byayikozeho nubwo igiteranyo cy’ibitego byabonetse mu mikino yombi cyari ibitego 2-2.

Abakinnyi ba Bayern Munich bacitse intege cyane nyuma yo gusezererwa ku kibuga cyabo

Uyu mukino waranzwe n’ihangana rikomeye ariko kandi ikipe ya Bayern yasatiraga cyane Atletico Madrid ariko ubwugarizi bwayo bukaba ibamba. Ni mu gihe Atletico Madrid yo yacungiraga kuri “contre attaque”.

Uyu mukino kandi wabonetsemo penaliti 2 imwe imwe kuri buri ruhande,ariko impande zombi zirazihusha. Thomas Muller wa Bayern akaba yahushije Penaliti naho Fernando Toress wa Atletico nawe arayihusha.

Umuzamu wa Atletico Jan Oblak yabereye ibamba abasatirizi ba Bayern Munich

Amarushanwa y’amakipe yabaye aya mbere iwayo kuri uyu wa 4/5/2016 akaba akomeza aho Real Madrid icakirana na Manchester City yo mu Bwongereza I Santiago Bernabeu bahatanira itike y’umukino wa nyuma w’iri rushanwa.

Aya makipe yombi akaba agomba kuvamo imwe izahura na Atletico Madrid ku mukino w’igikombe kuwa 28 Gicurasi 2016 I Milan mu Butaliyani.

Kabari Bosco ni umwe mu baturage batari basobanukiwe n’ibi biti, kuko bibwiraga ko byangiza ubutaka aho kubufasha.

Ibi biti byabafashije kurwanya isuri mu mirimo.

Agira ati “Twabonaga umuntu ufite ibiti bivangwa n’imyaka mu murima tukumva ko ari ibyo kugundura ubutaka ariko aho tuboneye amahugurwa twasanze bifite umumaro mwinshi.”

Mu mumaro w’ibiti bivangwa n’imyaka, Kabali avuga harimo kuba bishobora kugaburira amatungo, kuba bitanga ifumbire nziza bikanarwanya isuri cyane.

Ku kijyanye n’uburyo ibiti bivangwa n’imyaka cyane cyane ikitwa Arnus bitanga ifumbire, Nzanywenimana Anne Marie agira ati “Kuri Are dufata ibiro 200 bya Arnus tukavanga n’ibiro bitatu bya NPK tugatera ibirayi. Bikera cyane birenze kurusha aho wateye NPK yonyine.”

Yongeraho kubera guhinga mu buryo bugezweho, kuri Are imwe aho yahategaraga ibiro birenga 70 by’ibirayi bikarumbira ubu asigaye ahatera ibiro 25 by’ibirayi yakongeraho no gufumbira, akahakura ibiro biri hagati ya 150 na 200.

Nzanywenimana yemeza ko ibiti bivangwa n’imyaka bitanga ifumbire nziza kandi bikarwanya isuri.

Nzanywenimana anavuga ko n’ibindi biti bivangwa n’imyaka nka Acasia n’umubirizi nabyo biri mu byo batera kandi bibagirira akamaro yaba mu kurwanya isuri, kubaha ifumbire no mu kubigaburira amatungo.

Ku bagifite imyumvire yo kumva ko ibiti bivangwa n’imyaka bigundura ubutaka, aba bamaze kubona akamaro kabyo barimo Kabali na Nzanywenimana bakaba babasaba guhindura imyumvire.

Bakaba bari kwibanda cyane ku bivangwa n’imyaka. Ku hari kwibandwa mu gutera ibiti, akaba ari mu mirima y’abaturage no ku misozi ihanamye kuko ariho hakunze kwibasirwa n’isuri muri Nyabihu akarere kagizwe n’imisozi miremire.

Gutera ibiti bivangwa n’imyaka bikaba ari igikorwa cyashyizwe imbere hagamijwe kubungabunga ubutaka no kurwanya isuri ariko kandi bikaba ngo birinda n’ubutaka bw’abaturage kugunduka.

Munyampamira Ildephonse ushinzwe amashyamba mu karere, avuga ko muri 2015-2016 muri uyu mwaka muri Nyabihu hari gahunda yo gutera ibiti kuri ha 4588.

Avuga ko bazibanda ku bivangwa n’imyaka bigaterwa cyane mu mirima y’abaturage no ku misozi ihanamye, muri aka karere k’imisozi miremire gakunze kwibasurwa n’ibiza.

Iri vugabutumwa rizakorerwa ku masite 2300 mu gihugu hose, riteganyijwe gutangira tariki 13 kugeza 28 Gicurasi 2016. Iki gikorwa kikazayoborwa n’Umuyobozi Mukuru w’Itorero ry’Abadiventisite ku isi, Pastor Teddy Wilson, nk’uko byemejwe n’ubuyobozi bw’iri torero.

Amakorali amwe n’amwe yamaze kwitegura kuzahimbaza iri vugabutumwa mu ndirimbo.

Umuyobozi w’Itorero ry’Abadiventisite mu Rwanda, Pastor Byiringiro Hesron, yemeza ko ababwiriza muri aya materaniro bazaba barimo abagera ku 164 bazaturuka mu Nteko Rusange y’Abadiventiste ku isi. Muri bo, 83 bakazaturuka muri Amerika abandi 81 baturuke mu biguhu bigize Umuryango wa Afurika y’Iburasirazuba hiyongereyeho na Repubulika Iharanira Demokarasi ya Congo.

Uretse abo babwiriza ku rwego mpuzamahanga no ku rw’akarere, abandi bazaturuka mu Rwanda barimo abapasitori ndetse n’abakuru b’amatorero.

Iri vugabutumwa ryitiriwe insanganyamatsiko yaryo “TMI” (Total Member Involvement), cyangwa “Twese mu Murimo w’Ivugabutumwa”, rigamije gukangurira Abanyarwanda bari mu turere twose tw’igihugu kwihana bakagarukira Imana kandi bakubaha n’amategeko yayo kugira ngo babe abenegihugu bagendera ku mategeko.

Musengamana Vincent, umwe mu bakuru b’Itorero ry’Abadiventiste b’Umunsi wa Karindwi i Nyamirambo, avuga ko iri vugabutumwa rizakuza ukwizera k’umudiventisite w’Umunsi wa Karindwi no gutangariza amakuru yo kugaruka kwa Yesu abataramumenya.

Avuga ko rizafasha mu guhindura imico y’abantu ikaba myiza no kubaka umuryango Nyarwanda.

Yagize ati “Iyo imico y’umuntu ihindutse, n’igihugu kibyungukiramo, buri muntu wese akagirira urukundo mugenzi we, hakabaho no kubaha igihugu n’amategeko yacyo.”

Umurerwa Diane, umwe mu bakirisito b’iri torero, yagize ati “TMI ni igikorwa twakiriye neza. Gifite icyo kizamarira itorero n’igihugu muri rusange kubera ko Umunyarwanda namara kumenya ubutumwa bwiza, azihana ibyaha bitume aba umunyagihugu mwiza ugendera ku mahame ya Bibiliya n’ay’igihugu.”

Ndagijimana Lyhotely uyobora abasore bagera ku 1000 mu Itorero rya Nyamirambo, avuga ko icy’ingenzi muri iki gikorwa atari uguhindura abantu Abadiventisite ahubwo ari ukubwiriza abantu ubutumwa bugamije kubafasha guhinduka mu mitima.

Yongeyeho ko bizafasha cyane urubyiruko mu guhindura imibereho, bamwe bakava mu ngeso mbi nk’ubusinzi n’ibiyobyabwenge, bityo bigatuma batera imbere n’igihugu kigatera imbere.

Biteganyijwe ko ku wa 12 Gicurasi 2016, Umuyobozi w’Itorero ry’Abadiventisite ku isi, Pastor Teddy Wilson, azabanza gushyira ibuye ry’ifatizo ahazubakwa Ishuri ry’Ubuvuzi ry’Abadiventisite, rizubakwa i Kigali. Ku wa 13 Gicurasi azahita yerekeza i Rubavu mu materaniro azabera muri uwo mujyi.

Uretse kubwiriza ubutumwa, hakazakorwa n’ibindi bikorwa bifasha Abanywaranda birimo kugurira ubwisungane mu kwivuza abatishoboye, site zimwe zizatanga inka ku bakene kandi hatangire igikorwa cyo kubakira amazu abatagira aho kuba.

Hazaba hari n’abaganga b’inzobere bazafasha gusuzuma zimwe mu ndwara zikunze kwibasira abaturage. Amafaranga yo gukora ibi bikorwa, abizera b’Abadiventisite bakaba baragiye bayakusanya binyuze mu kwitanga.

Byamenyekanye ahagana saa tanu z’ijoro kuri uyu wa 02 Gicurasi, ubwo Chelsea yari imaze kunganya na Tottenham Hotspurs ibitego 2-2 ku munsi wa 36 muri 38 ikinwa muri Shampiyona y’u Bwongereza.

Leicester City yegukanye ‘English Premier League”

Leicester City yari ifite amanota 77 nyuma y’umunsi wa 36, aho yanganije n’ikipe ya Manchester United 1-1, Old Trafford ku kibuga cy’I Manchester.

Abakinnyi ba Leicester City bishimira igikombe mu rugo rwa Jamie Vardy aho bareberaga umupira wa Chelsea na Totthenham

Kwegukana bidasubirwaho igikombe cya mbere muri “English Premier League” Leicester yabigejejweho na Chelsea yishyuye Tottenham ibitego 2 yari yayitsinze mu gice cya mbere.

Abafana ba Leicester bishimira igikombe

Tottenham ikaba yari isanganywe amanota 69 yiyongereyeho inota 1 yabonye ku munsi wa 36 igira amanota 70. Tottenham yahataniraga igikombe na Leicester City ikaba yahise irushwa amanota 7 habura imikino 2 gusa.

Kari agahinda ku ikipe ya Tottenham nyuma yo kunganya 2-2 itakaje amahirwe ku gikombe.

Ibi bikaba byahise bihesha amahirwe Leicester City yo kwegukana igikombe nubwo yatsindwa imikino yose isigaye y’amanota 6.

Leicester City itozwa n’Umutaliyani Claudio Ranieri yashinzwe mu 1884. Yakandagije muri cyiciro cya mbere mu Bwongereza nyuma yo gutwara igikombe mu cyiciro cya 2 “championship” muri 2013-2014.

Muri 2015-2016, ikaba ihise yegukana n’igikombe cya Shampiyona y’u Bwongereza, aho ikoze amateka akomeye.

Jamie Vardy,Riad Mahrez,N’goro Kante,Shinji Okazaki,Dany Drinkwater,Wes Morgan,Jeff Schlupp,umutoza Claudio Ranieli bari mu bafashije Leicester kwegukana igikombe.

Nyuma y’umunsi wa 36 w’umukino Leicester city ikaba iri ku mwanya wa mbere n’amanota 77, Tottenham uwa kabiri na 70,Arsenal kuwa 3 na 67,Man city uwa 4 na 64, Man-united uwa 5 na 60 ikaba ifite ikirarane kimwe.

Mu Butaliyani Juventus yatwaye igikombe, mu Bufaransa Paris Saint Germain yagitwaye kare,mu Budage ntibirasobanuka neza naho muri Espagne Barcelona,Atletico Madrid na Real Madrid ziracyakirwanira kugeza ku munsi wa nyuma.

Iyi nkangu igiye kumara iminsi ibiri ifunze uyu muhanda yatengutse ku wa Mbere, tariki 25 ariko kugeza ku gicamunsi cyo kuri uyu wa Kabiri, ubwo twandikaga iyi nkuru, wari utaraba nyabagendwa.

Inkangu yatengukiye mu muhanda. Ingendo ni ikibazo.

Cyakora, harimo abakozi benshi bayoraga igitaka n’ibyondo by’iyi nkangu biri mu muhanda.

Urebesheje amaso, ubona igice cy’umusozi cyaramanutse gitengukira mu muhanda kirawufunga. Kuva hatengutse, ingendo z’abakoresha uyu muhanda zabaye ikibazo gikomeye.

Ibintu byarushijeho kuzamba ubwo ikamyo ikururana ya Bralirwa yaheraga muri iyo nkangu ku mugoroba wo ku wa 25 Mata, n’akayira kari gahari imodoka nto zihengekagamo zigatambuka kahise gasiba burundu, ingendo z’imodoka zirahagarara.

Umusozi watengutse uramanuka.

Bamwe mu bashoferi batwara abagenzi muri uwo muhanda muri “AGENCE EXPRESS” cyangwa “TWEGERANE”, barimo gukoresha uburyo bwo kugurana abagenzi, buzana ingaruka zikomeye zo guhomba no gukerererwa ku mpande zombi.

Kugeza ubu, aho abaturage bagenderaga 300 kuva i Rambura ujya Mukamira, barimo kuhagendera amafaranga 400. Ku muturage udashaka kwiyanduza we, arashaka abamuheka cyangwa bakamuterura, agatanga amafaranga ari hagati ya 200Frw na 300Frw.

Umwe mu bagenzi witwa Mushimiyimana yagize ati “Biradukerereza cyane ndetse binadutangisha amafaranga menshi. Ntibyoroshye kurimba kuko bisaba kuguheka ngo udaca mu byondo bikakurengera amaguru n’imyenda igahindana.”

Umwe mu bashoferi yatangarije Kigali Today ko byabangamiye cyane ingendo ku buryo uretse abashoferi b’amatagisi na agence bagurana abagenzi hari abandi baharara. Yagize ati “Njye naharaye.”

Kugeza ubu, ubuyobozi, abashoferi n’abagenzi bakaba batabaza Ikigo cy’igihugu gifite mu nshingano imihanda n’ubwikorezi (RTDA) ngo kigire icyo cyakora byihuse kuri uyu muhanda.

Abaturage bavuga ko bitabaye ubwa mbere aho hantu hatengukira mu muhanda kuko n’umwaka ushize wa 2015 byarabaye.

Habimana Seleke, umwe mu baturage bahaturiye yagize ati “Iyi nkangu irimo kwangiza byinshi. Imaze nk’imyaka 2 n’igihe basiburaga umuhanda, yari ihari. Iyo imvura iguye biramanuka. Bibaye inshuro ya kabiri.”

Umwaka ushize iyi nkangu yaguye mu muhanda ariko mu buryo budakomeye nk’ubw’iyaguyemo uyu mwaka kandi ikomeje kwiyongera.

Abaturage ntako batagira ngo bagabanye ibitaka haboneke akayira, ariko urebesheje amaso urabona ko byanze bikaba iby’ubusa kuko irenze ubushobozi bwabo.

Uyu muhanda ukaba ugaragaramo ibindi bibazo nk’utundi duce twagiye twiyasa ndetse n’ikiraro cyo hafi y’ikigo cya Gisirikare cya Mukamira gisa n’icyaturitse.

Imirenge ya Jenda, Kabatwa na Mukamira ni yo yibasiwe cyane n’ibiza byatewe n’imvura irimo kugwa muri uku kwezi.

Ibiza byasenye amazu menshi muri Nyabihu, cyane muri Jenda na Mukamira.

Mu ijoro ryo kuri uyu wa 20 Mata, mu Mudugudu wa Bugarama, Akagari ka Bukinanyana mu Murenge wa Jenda, inzu yagwiriye umubyeyi w’imyaka 27 n’umwana we w’imyaka 2, bahita bapfa.

Mu mudugudu wa Kamatenge, Akagari ka Kareba mu Murenge wa Kabatwa, ho inzu yagwiriye umuhungu w’imyaka 15 ahita apfa ndetse ihitana n’ihene enye.

Umuyobozi w’Akarere ka Nyabihu, Uwanzwenuwe Theoneste, uretse ubuzima bw’abantu bwahitanywe n’iyi mvura, ngo aho ubuyobozi bwageze, bwabonye amazu asaga 30 yasenyutse n’andi arenga 100 yugarijwe n’imyuzure.

Amazu yasenywe n’amazi, abaturage bamwe bimutse mu byabo.

Uwanzwenuwe yongeraho ko hari n’imirima myinshi y’imyaka imaze kwangirika ku buryo ngo habarurwa hegitare zisaga icumi z’imyaka yangijwe n’imvura.

Kuva mu ntangiriro za Mata 2016, muri Nyabihu hakomeje kugwa imvura nyinshi iteza ibiza birimo imyuzure, guhitana abantu, kwica amatungo, gusenya amazu y’abaturage no kwangiza imyaka.

Uretse abo batatu bazize imvura mu ijoro ryo ku wa 20 ushyira uwa 21 Mata, mu minsi mike ishize, undi umwe yakubiswe n’inkuba mu Murenge wa Bigogwe ahita apfa kandi abana babiri batwawe n’amazi.

Abaturage baribaza iherezo ry’ibi biza bimaze guhitana abantu batandatu bikangiza n’amazu.

Kugeza ubu, hari impungenge z’uko ibiza bishobora kuzafata intera irenze iyo biriho kuko bamwe mu batuye Nyabihu bavuga ko mu kwezi kwa Gicurasi, ari bwo hakunda kugwa imvura nyinshi.

Umuyobozi w’aka karere asaba abaturage bafite amazu yugarijwe n’amazi kuyasohokamo kugira ngo ataza kubagwira bigateza ingaruka zikomeye. Cyakora ngo ubuyobozi buracyarimo gushakisha icyakorwa.

Imyaka myinshi n’amazu byarengewe.

Uyu muyobozi avuga ko ibiraro bimwe byarengewe, amazi agatera mu mihanda ndetse n’abaturage bamwe bakaba babuze amacumbi yabo. Asaba Minisiteri ifite imicungire y’ibiza mu nshingano (MIDIMAR) kugira icyo yabafasha mu gukemura ibi bibazo, abibasiwe bakaba bahwabwa ubutabazi bakabona n’amacumbi.

Uwanzwenuwe yasabye abaturage gukomeza gutanga amakuru ku byangijwe byose kuko agikusanywa no kurinda abana kujya aho imivu itemba cyangwa aharetse amazi kugira ngo atabahitana.

Ku rwibutso rwa kabaya ahatangirijwe icyumweru cy’icyunamo ku rwego rw’Akarere ka Ngororero.

Depite Ngabo Amiel (wa kabiri i bumoso) yifatanyije n’abanyakabaya abasaba kugirira icyizere inkiko.

Abarokotse Jenoside yakorewe Abatutsi muri Mata 1994 n’abakurikriye ijambo Mugesera yahavugiye, bavuze ko ari ryo ryatangije ubwicanyi, akaba akwiye kubasaba imbabazi, nk’uko uwitwa Uwiragiye Jean Claude yabitangaje.

Yagize ati Ni byo koko hari ibyakozwe mu kumucira urubanza ariko azanywe hano akadusaba imbabazi byadufasha kuruhuka no kwiyunga.

Uyu mugabo w’imyaka 47, atanga ubuhamya avuga amazina ya bamwe mu Batutsi bishwe nyuma y’ijambo Mugesera yavugiye ku kabaya mu 1992. Ibi ni nabyo ashingiraho avuga ko Leon Mugesera aje aho yarivugiye byafasha inkiko n’abaturage.

Bifuza ko mugesera abasaba imbabazi.

Ntakirutimana Evariste, perezida wa IBUKA mu Murenge wa Kabaya, avuga ko bababazwa n’uko bumva Mugesera ahakana ibyo ashinjwa.

Ati Niwe ufite urufunguzo rw’ubwicanyi bwakorewe abantu bacu. Biratubabaza iyo twumva ku maradiyo ahakana ibyo yakoze byose, ku buryo azanywe aha twabimwibutsa.

Depite Ngabo Amaiel, yavuze ko nubwo ibyo abaturage basaba bifite ishingiro, ariko bitakoroha kuko Mugesera arimo gukurikiranwa n’urukiko ku rwego rw’Igihugu.

Bakoze urugendo rwo kwibuka.

Ati Inkiko zimuburanisha ziri ku rwego rw’igihugu ku mahame mpuzamahanga ku buryo byasaba ibintu byinshi ngo azanwe aha.

Ijambo yavuze riri mubyo akurikiranweho yaribwiraga abanyarwanda bose bakaba bagomba no gukurikirana urubanza rwe bose. Leta yorohereza abatangabuhamya aho bakenewe muri urwo rubanza ku buryo ntwawe ukwiye kugira impungenge.

Mu Murenge wa Kabaya n’imirenge iwukikije bavuga ko amabwiriza yatanzwe na Leon Mugesera ari yo yazamuye ubukana bw’urwango akirivuga Abatutsi batangira kwicwa.

Ku rwibutso rwa kabaya hashyinguwe imibiri 245, y’Abatutsi barimo abishwe mu 1992 nyuma y’iryo jambo rya Leon Mugesera.

Uretse abatutsi benshi b’i Nyabihu bishwe bakabujugunywamo, ngo hari n’abandi bahiciwe baturutse hirya no hino mu Rwanda bahunga berekeza muri R.D Congo.

Depite Uwamama Marie Claire n’Umuyobozi w’Akarere ka Nyabihu, Uwanzwenuwe Theoneste, bacana urumuri rw’icyizere ku Rwibutso rwa Jenoside rwa Mukamira.

Juru Anastase, uhagarariye IBUKA mu Karere ka Nyabihu, avuga ko by’umwihariko abajugunywe muri ubwo buvumo baturukaga mu makomini atandukanye harimo ahahoze ari Komini Nkuri, Karago, Mukingo, Kinigi n’abo bakuraga Nyakinama.

Agira ati “Abenshi bazanwaga n’imodoka za gisirikare, iz’abacuruzi n’iz’amakomini harimo n’iz’uruganda rwa Nyabihu ni abafatirwaga ku mabariyeri.”

Akomeza avuga ko kuri ubwo buvumo hahoraga interahamwe zitahava zitegereje abari buhazanywe ari bazima ngo zibice. \

Ati “Bavugaga ko babajyanye kwiga universite ya Makelele mu Bugande ari ukubashinyagurira.”

Ubuvumo bwa Nyaruhongo bwaroshywemo abatutsi benshi bishwe muri Jenoside kubwinjiramo biragoye.

Kugeza ubu, nta mubare uramenyekana w’inzirakarengane z’Abatutsi biciwe mu buvumo bwa Nyaruhonga. Gusa, ngo abahajyanwaga bari benshi cyane kandi ni ubuvumo bunini burebure.

Uwanzwenuwe Theoneste, Umuyobozi w’Akarere ka Nyabihu, avuga ko imibiri 139 ari yo imaze kuboneka muri myinshi y’inzirakarengane z’Abatutsi zajugunywe muri ubwo buvumo.

Ubuyobozi bwa Ibuka mu Karere ka Nyabihu buvuga ko iyo mibiri kugira ngo bayibone bazirikaga imigozi abasore bakabamanuramo bakayishakisha kandi iyo babonye ikaba ari iyagendaga ihagama mu buvumo kuko ari burebure cyane.

Abaturage bari benshi mu gutangiza Kwibuka 22 mu Karere ka Nyabihu.

Bakeka ko ubwo buvumo burimo imyobo itandukanye bushobora kuba burimo abantu benshi, bakaba ngo baranasabye ko Komisiyo y’Igihugu yo Kurwanya Jenoside yabafasha kureba niba nta yindi mibiri irimo.

Kugeza ubu, mu Karere ka Nyabihu hamaze gushyingurwa mu cyubahiro imibiri irenga ibihumbi bitandatu. Igera ku bihumbi bine ishyinguye mu Rwibutso rwa Jenoside rwa Kanzenze mu Karere ka Rubavu indi ibarirwa mu bihumbi 2 na 75 ishyinguye mu Rwibutso rwa Jenoside rwa Mukamira Muri Nyabihu.

Biteganyijwe ko aho i Mukamira ku wa 13 Mata 2016 hazashyingurwa ndi 77 yabonetse mu Kigo cya Gisirikare cya Mukamira.

Iyi mibiri yabonetse muri iki kigo gisigaye ari icya Gisirikare cya Special Force cya Bigogwe giherereye mu kagari ka Kijote mu Mudugudu wa Kazuba mu karere ka Nyabihu, yabonetse tariki 30 Werurwe 2016.

Juru yemeza ko imibiri 72 mu Bigogwe yabonetse yiyongera ku mibiri 5 yari yarabonetse.

Juru Anastase uhagarariye IBUKA mu karere ka Nyabihu, yavuze ko iyo mibiri bayikuye muri iki kigo cyahoze kitorezwamo n’ingabo za Ex-Far kitwa Camp Bigogwe.

Yagize ati “Yabonetse ahantu bacukuraga fose bari kuvugurura amazu y’ikigo.Tukaba dufite impungenge rero y’uko ahantu haba hari ibigo, imibiri yaba irimo kuko bafataga abantu mu gihe cy’ibyitso bakabajyanamo.

N’ikibigaragaza harimo n’ingoyi bagendaga bababohesha bakabatondeka babaroha mu cyobo.”

Imibiri isaga ibihumbi 6 niyo imaze gushyingurwa mu cyubahiro mu mibiri 7645 ibarurwa.

Imibiri 72 yabonetse mu kigo cya Gisirikare cya Bigogwe yemejwe na komite y’abacitse ku icumu rya Jenoside mu Murenge wa Bigogwe n’uhagarariye IBUKA muri Nyabihu ko ari iy’inzirakarengane z’Abatutsi zazize Jenoside.

Ije yiyongera ku mibiri mibiri yari isanzwe yarabonetse. Yose hamwe uko ari 77 bategura kuyingushyingura mu cyubahiro mu rwibutso rwa Jenoside rw’akarere ka Nyabihu, arirwo rwa Mukamira hasozwa icyumweru cy’icyunamo cyatangijwe kuri uyu wa 7 kane tariki Mata 2016.

Kugeza ubu mu karere ka Nyabihu habarirwa inzirakarengane zazize Jenoside yakorewe Abatutsi 7.645.
Mu rwibutso rwa Kanzenze muri Rubavu hashyinguwe imibiri igera ku bihumbi bine muri yo, naho mu rwibutso rwa Mukamira hashyinguwemo imibiri 2.075 iziyongeraho indi 77 izashyingurwa mu cyubahiro hasozwa icyunamo.

Juru yahamagariye abaturage baba bazi ahagiye hajugunywa imibiri y’abazize Jenoside yakorewe Abatutsi, kujya batanga amakuru kugira ngo nayo izaboneke izashyingurwe mu cyubahiro.

Hari nyuma y’igikorwa cy’umuganda wo gutunganya ubusitani bw’ahitwa mu Kanogo mu Karere ka Nyarugenge, kuri iki Cyumweru, tariki 27 Werurwe 2016.

Pastor Isaac Ndwaniye yasabye abitabiriye umuganda kuzitabira ibikorwa byo gufasha abarokotse Jenoside yakorewe Abatutsi.

Pastor Isaac Ndwaniye, Umuyobozi wa Komferanse y’Umujyi wa Kigali n’uturere tuwukikije, yashimiye Imana anashima Leta y’u Rwanda iha umudendezo Abadiventisiti b’Umunsi wa 7 bagasenga ku Isabato; bagakora umuganda ku wa “Mbere w’Isabato” (ku Cyumweru).

Yagize ati “Turanashimira Leta yacu yashoboye kuduha umunsi w’umwihariko tugasenga Imana, tugakora umuganda bukeye. Ibyo rwose turabyishimira.”

Yongeyeho ko umuganda ari igikorwa cyo kwiyubakira igihugu, guharanira isuku yacyo ndetse n’iterambere.

Yagize ati “Iyo utisukuye, ntiwasukura n’abandi. Aha rero iyo twaje tuba turi mu rugo iwacu.”

Abitabiriye uyu muganda batunganyije ubusitani bwo mu Kanogo.

Pastor Ndwaniye yaboneyeho gushishikariza abitabiriye umuganda kuzitabira ibikorwa byo kwibuka ku nshuro ya 22 Jenoside yakorewe Abatutsi mu Rwanda mu 1994. Bakaba basabwa gufata mu mugongo abarokotse Jenoside.

Yagize ati “Abantu bose baba bagomba kumva ko ari ibyabo. Tugomba guhuza imbaraga n’ibitekerezo, tugahumuriza abamerewe nabi, tugakomeza abagifite iyo ntimba n’ako gahinda kuko icyo gihe iyo kigeze abantu benshi bagira agahinda.”

Yongeyeho ko iyo abarokotse Jenoside begerewe, bagahumurizwa bakanafashwa; bituma bumva bagaruye imbaraga n’icyizere bakabona ko bari kumwe n’abantu babitayeho.

Abadiventisiti bo mu Mujyi wa Kigali bashimiwe uburyo bitabira umuganda.

Eric, umwe mu bitabiriye umuganda, yavuze ko gufata mu mugongo abarokotse Jenoside bakitabwaho kandi bagahumurizwa ari igikorwa cy’ingenzi kireba buri Munyarwanda wese kandi ko ari ingenzi kuzabyitabira.

Aha batemaga ibyatsi bibangamiye ubwiza bw’ubusitani bwo mu Kanogo.

Basibuye imigende inyuramo amazi muri ubu busitani.

Hatemwe ibihuru bitandukanye byashoboraga kuba indiri y’ibisambo.

Bamwe mu baturage bemeza ko ahanini muri aka karere abaturage bafite umuco wo kubana badasezeranye, bitewe no kutita ku kamaro kabyo, nk’uko uwitwa John Baranyeretse uhatuye abitangaza.

Gusezerana byemewe n’amategeko bigirira akamaro ababikoze, abana babo n’umuryango mugari.

Agira ati “Impamvu badasezerana ntabwo ari uko batabyigishwa, nta n’inama batabivugamo ahubwo usanga bamwe bafunze umutwe nk’aho gusezerana ntacyo bibamariye.”

Yongeraho ko usanga abenshi babyitabira ari uko hari nk’ibyangombwa bakeneye bibasaba kugaragaza ko basezeranye.

Umwe mu bagore witwa Barayavuga we agaragaza ko nyuma yo kuganira n’abagore bagenzi be batasezeranye, yasanze ahanini impamvu batanga ngo ari uko baba badashaka kwizirika ku bagabo babo mu gihe baba bashwanye.

Ati “Ikibitera ni kwa kutumvikana mu rugo ugasanga abagabo bashaka guhagika abagore. Noneho umugore akavuga ati aho kugira ngo mbeho ampagitse, dusezeranye byatuma ntigira iwacu tunaniranywe, ahanini ukumva n’abagore batabikeneye.”

Baranyeretse asaba ababana batarasezeranye byemewe n’amategeko kubyitabira kuko bifite akamaro.

Baranyeretse we nk’uwasezeranye, agira inama bagenzi be babana badasezeranye, avuga ko icyiza basezerana kuko bibahesha umutuzo mu ngo kandi bakagira uburenganzira bungana ku byo batunze n’abana bakabugira.

Umuyobozi w’Akarere ka Nyabihu, Uwanzwenuwe Theoneste, avuga ko umuco wo kubana bitemewe n’amategeko atari mwiza agashishikariza abaturage kubana basezeranye kuko atari bo bigirira akamaro gusa ahubwo binakagirira n’umuryango mugari.

Ati “Ni umuco utari mwiza, cyane ko byamaze kugaragara ko ababana badasezeranye birangira bibateje ingaruka cyangwa bigateza ababo ingaruka nyinshi zitari nziza.

Igikorwa ni ubukangurambaga bugamije kumvisha abaturage ko inyungu zo gusezerana atari bo zigarukiraho gusa ahubwo zigera no ku bana ndetse n’abo bakomokaho.”

Nubwo nta mubare werekana ababana badasezeranye akarere kagaragaza, abaturage bemeza ko bahari kandi benshi.

Bimwe mu bice bigize Umurenge wa Mukamira byamaze kwemezwa mu gishushanyo mbonera nk’ibigize umujyi w’Akarere ka Nyabihu n’ibikorwa n’amategeko bijyanye na wo, byatangiye kubahirizwa.

Abaturage b’agace k’umujyi mu kwezi k’Ukwakira 2015 beretswe ibitegenijwe mu gishushanyo mbonera cy’umujyi wa Nyabihu.

Bamwe mu baturage barokotse jenoside batishoboye, bagaragaza ko gusora bigoranye ku buryo basanga bishobora kuzasaba kugurisha ubutaka ngo umusoro uboneke, nk’uko Juru Anastase uhagarariye IBUKA muri Nyabihu abivuga.

Agira ati “Murabizi turi mu gihe cyo gusorera ubutaka. Hari abantu bacu batishoboye badashobora kubona aho bakura umusoro noneho ibirarane bikaba byinshi."

Akomeza agira ati "Tukaba dufite impungenge z’uko bazahura n’ikibazo cy’uko wajya kubona ukabona bari guteza ibyabo. Ni ho dusaba ko Leta yazareba neza bakabarura abo bantu batishoboye, hakarebwa icyakorwa.”

Muri 2015 abaturage beretswe igishushanyo mbonera banasobanurirwa ibigiteganijweho n’ibigomba kubahirizwa.

Yongeraho ko hari n’abatoroherwa no kubona icyo barya, bityo bikaba bigoye ko babona umusoro.

Iki kibazo ntigifitwe n’abacitse ku icumu rya Jenoside batishoboye gusa kuko n’abandi usanga bakigarukaho nk’ikibakomereye cyane.

Umwe mu basaza bo muri Rurengeri wasoreshejwe ibihumbi 102Frw, avuga ko ntaho yayabona kuko no kubona mituweli bimugora.

Ati “Nibatwishyuze ayo dushoboye gusora bakurikije aho dutuye. Na mituweli kuyibona ni uguhangayika.”

Abaturage banavuga ko n’amazu bubatse muri aka gace kiswe umujyi ntawe uyakodesha, akinze kandi nta bikorwa remezo nk’amazi n’imihanda bihari.

Juru Anastase uhagarariye IBUKA muri Nyabihu avuga ko ikibazo cy’imisoro kibahangayikishije kandi n’abandi baturage bagifite.

Basaba ko niba bashaka kuhafata nk’umujyi, bahashyira ibikorwa remezo byose bijyanye n’umujyi ku buryo hagira agaciro nko mu yindi mijyi izwi. Bongeraho ko basora amafaranga 30Frw kuri metero kare, bagasanga ari menshi cyane.

Umuyobozi w’Akarere ka Nyabihu, Uwanzwenuwe Theoneste, avuga ko Umujyi wa Nyabihu wemejwe ko uzaba uri muri Mukamira.

Avuga ko icyo gikorwa cyahasanze abaturage, ari na yo mpamvu kigomba kubaho kandi na bo bakabaho.

Ati “Hari ibwiriza rigena uko ubutaka bwo mu mujyi bukodeshwa. Byarangije kuba itegeko. Icyo twe dukora ni ukureba ngo abaturage bacu barimo bafite ibihe bibazo bijyanye no gusorera ubutaka batunze. Nitumara kumenya ikibazo, tukamenya abagifite, tuzashaka n’umuti.”

Uyu mugabo ufite umugore n’abana babiri yemeza ko umugabo udaha agaciro umugore we, na we ubwe aba akiyambuye kandi ngo ntashobora gutera imbere kuko “ntaba yuzuye neza”.

Umuryango wa Baranyeretse na Barayavuga wishimira ko ubanye neza mu bwubahane.

Agira ati “Imana irema umuntu, byabaye ngombwa ko irema n’umugore. Burya umugabo ntago aba yuzuye iyo atari kumwe n’umugore."

Yongeyeho, ati "Iyo ufite umugore ukanamukunda, nawe uba wikunze. Kuko no mu Banyarwanda baravuga ngo ‘ukurusha umugore aba akurusha urugo’. Umugore ni mwiza cyane.”

Baranyeretse akomeza avuga ko ushatse kubara agaciro k’umugore utabona icyo ukanganya. Ati “N’iyo ugiye kumusaba, ababyeyi be bamuguha bakubwira ko nta mafaranga wabona umutangaho.”

Uyu mugabo agaya abagabo bagenzi be basuzugura abagore bakora imirimo yo mu ngo, ahanini kuko nta kazi “ka Leta” cyangwa akandi bazindukiraho bafite.

Baranyeretse avuga ko guha agaciro umugore bitera umugabo ishema.

Avuga ko umugabo nk’uwo aramutse ashatse umukozi ngo akore imirimo nk’iyo umugore we yirirwa akora mu rugo, yatanga amafaranga menshi cyane. Agasaba abagabo bafite iyo ngeso mbi kuzibukira.

Umugore wa Baranyeretse witwa Barayavuga Esther, twamusanze mu rugo rwabo ku Munsi Mpuzamahanga w’Umugore, tariki 8 Werurwe 2016, arimo kumesa mu gitondo kare.

Yabwiye Kigali Today ko yishimira uburyo umugabo we amuha agaciro ndetse n’uburyo umuryango wabo ubana neza.

Kuri we, ngo uburenganzira ahabwa n’umugabo we bumutera kumukunda cyane kandi na we, uretse imirimo yo mu rugo akora nk’umugore, agerageza no gushaka utundi turimo tw’ubukorikori twateza imbere urugo.

Uyu mubyeyi Barayavuga asanga ubwuzuzanye n’ubwubahane mu muryango butuma batera imbere.

Barayavuga agerageza kudoda akoresheje imashini kugira ngo ashake amafaranga yunganira urugo, atarindiriye gusa amafaranga umugabo azana.

Yagize ati “Uyu munsi nsanga waragenewe abagore no kuzirikana ku burenganzira bwabo. Umugabo wanjye ampa uburenganzira. Nk’ubu mvuze nti ‘ngiye aha, ntiyambuza; mvuze ngo ngiye gukora iki, ntiyakwanga’.”

Barayavuga asaba abagore bagenzi be kwihesha agaciro bagaharanira icyateza imbere ingo zabo aho kujya mu ngeso mbi.

Uyu muryango uhamya ko kwimakaza uburinganire no guhana agaciro kw’abagize umuryango ari byo bituma utera imbere kandi ukabana neza.

Aka gasoko gaherereye mu Kagari ka Rubaya mu Murenge wa Mukamira mu Karere ka Nyabihu katangiye kubakwa muri Werurwe 2014 kagombakuzura mu mezi atatu gusa, ariko kugeza na n’ubu ntikararangira kubakwa.

Agasoko kadindiye imyaka ibiri yose.

Igihozo, umwe mu baturage bakereama, avuga ko gucururiza bari barabujijwe kugacururiza muri ako gasoko katuruzura none bakaba barategereje ko kuzura amaso agahera mu kirere.

Kugeza ubu ako gasoko nta bwiherero gafite ndetse ntikazanarangiza gukorerwa amasuku, bakavuga ko byatewe n’uko amafaranga yari yateganyijwe mu kukubaka yabaye make ugereranije n’imirimo yagombaga kuhakorwa .

Amwe mu meza yubatswe ngo ajye acururizwaho yatangiye gusenyuka kataranatangira gukorerwamo.

Kuri ubu iyo ugeze kuri ako gasoko usanga ameza yubatswe muri sima yakagombye gucururizwaho yaratangiye kwangirika mbere y’uko anacururizwaho.

Abaturage basaba ko kasubukurwa kakuzuzwa, abacururiza hasi bose bakagacururizamo kuko ari cyo kari karubakiwe ngo gafashe abaturage gucururiza heza kandi hafite isuku.

Hari bamwe mu bacururiza hanze y’agasoko kuko kataruzura neza.

Ngabo James Umunyamabanga Nshingwabikorwa w’Akarere ka Nyabihu, yatangaje ko ako gasoko koko kadindiye kandi kakaba karagiye kaza mu bibazo biganirwaho kenshi bigomba gukemurwa vuba.

Yagize ati “Kariya gasoko karadindiye koko, kari no mu bintu bijya bikunda kugarukwaho bigomba kubakwa. Hari ingengo y’imari “budget” nto yaburaga ariko muri uyu mwaka nkeka ko yabonetse.”

Nimugoroba hacururizwa ibintu bitandukanye.

Yongeyeho ko Njyanama y’Akarere yemeje ko kazuzuzwa muri uyu mwaka w’imihigo 2015-2016, ndetse bikaba binagaragara mu ngengo y’imari ivuguruye.

Uruganda “Nyabihu Potatoes Company” rwamurikiwe abaturage kuri uyu wa Kabiri, tariki 8 Werurwe 2016 rwuzuye rutwaye hafi miliyari imwe y’amafaranga y’u Rwanda, nk’uko byemejwe n’Umuyobozi warwo, Hakizimana Evariste.

zimwe mu ifiriti uruganda rwahise rukora

Afungura ku mugaragaro uru ruganda, Minisitiri Kanimba yavuze ko Minisiteri ayoboye ifite gahunda ihamye yo guteza imbere igihingwa cy’ibirayi.

Uru ruganda ruje muri gahunda ya Minisiteri y’Ubucuruzi n’Inganda yitwa “Uruganda Iwacu”. Ni gahunda ishingiye ku iterambere ry’inganda rireba cyane ikoranabuhanga ryo gufasha abaturage kongera agaciro k’ibyo bakora.

Nubwo hari mu mvura nyinshi abayobozi batandukanye bitabiriye uyu muhango

Uru ruganda ngo ruzakora ifiriti z’amoko atandukanye, runagurishe ibirayi bihase neza byazafasha ibigo by’amashuri n’ahandi bakira abantu benshi; hakiyongeraho ibizagurishwa bironze.

Minisitiri Kanimba yavuze ko nubwo Leta ifitemo imigabane ya 97%, ikigamijwe gikomeye ari uko ruzateza imbere abahinzi b’ibirayi. Biteganijwe ko mu myaka iri imbere rumaze kumenyera neza, Leta yazavugana n’abahinzi ikarubegurira.

Minisitiri w’Ubucuruzi yizeje abahinzi ko umusaruro w’uru ruganda utazabura isoko kuko ngo hari n’urundi i Musanze kandi ibyo rukora bikaba bikunzwe cyane. Cyakora, yasabye ko uru ruganda rwazacungwa neza kugira ngo rubashe gutanga inyungu.

Minisitiri Kanimba yavuze ko Leta ifite gahunda yo guteza imbere abahinzi ishyiraho inganda

Ku ruhande rw’abahinzi b’ibirayi, Kanyamuhanda Jean Berchmas wo muri Koperative COIMU ihuje abahinzi 365 bo muri Nyabihu na Rubavu, ikaba inafitemo imigabane ya 3%, avuga ko uru ruganda ruzongera agaciro k’umusaruro wabo.

Ati “Twari twarabyifuje ko twabona uruganda tuzajya tujyanamo umusaruro wacu none turarubonye.”

Uyu muhinzi avuga ko rubakijije abamamyi n’abandi bateraga akajagari mu bucuruzi bw’ibirayi.

Abakozi batangiye imirimo mu ruganda

I Nyabihu, hera ibirayi bisaga Toni 500 ku mwaka. Uru ruganda rufite ubushobozi bwo gutunganya Toni 9 ku munsi, rukaba ari rimwe mu masoko akomeye ku bijyanye n’uyu musaruro.

Abaturage bamurikiwe imikorere y’uru ruganda

Abaturage bari bafite amatsiko bitegereza uruganda bubakiwe

Abaturage n’abagize Koperative COIMU bitabiriye uyu muhango wo gutangiza uru ruganda

Abayobozi bitabiriye uyu muhango nubwo hari mu mvura nyinshi

Uru ruganda rugikora rwatangaga akazi ku bahaturiye, rukanagura umusaruro w’ibigori n’uw’ingano babaga bejeje, bikiyongeraho ko banaguraga ifu rukora batiriwe bakora ingendo zo kujya ku masoko.

Ifunga rya Maiserie Mukamira ryibazwaho byinshi n’abaturage.

Kuva rwafunga kubera igihombo rwagize, na n’ubu abaturage baracyibaza amaherezo y’aho bazakura inyunganizi nk’iyarwo yafashaga mu buzima bwa buri munsi ibaha amafaranga, nk’uko uwitwa Habinshuti Augustin w’imyaka 53 warukozemo abivuga.

Agira ati “Ubundi uruganda rwarakoraga pe! abakozi barwo n’abo hanze tukabona aho duhahira. Rwakoraga akawunga n’amavuta y’ibigwagari, rugakora na SOSOMA ku buryo abana n’abandi bose banywaga igikoma neza.”

Habinshuti Augustin umwe mu bakoze muri uru ruganda, avuga ko ihomba ryarwo barifata nk’igihombo ku baturage baruturiye.

Atanga ikigereranyo ko mu gihe nk’ubu akawunga k’ibiro 25 kagura hagati y’ibihumbi 10Frw na 11Frw, Maiserie iramutse yakoraga bashoboraga kuba bakabonera hagati y’ibihumbi 6Frw na 7Frw.

Ati “Kuva rwaharagarara ubuzima bwacu bwarahagaze. Nkanjye nakoragamo. Ninjye warubanjemo ariko kuva rwahagarara nta kantu nkibona. Icyo twasaba ni uko uruganda rwakongera gukora tukongera kubona akazi ndetse n’akawunga tukakagura kuri makeya.”

Tuyisingize Emmanuel, undi muturage nawe wari uturiye uru ruganda, avuga ko bakiri mu gihirahiro, kandi bahora bategereje niba rwazongera gufungurwa bakabona imirimo n’aho bagurisha umusaruro wabo.

Zimwe mu mashibi zakoreshwaga na Maiserie Mukamira zigenda zisaza kubera kudakora.

Ati “Twumvise ko ruri mu maboko ya RDB kandi ko izaruha umushoramari akarugura ariko ibanje gukemura imyenda uru ruganda rwari rurimo.”

Aba baturage bavuga ko babwiwe ko ifungwa ryarwo ryatewe n’abayobozi bwagujije amafaranga yo kugura ariko akanyerezwa, ari nabyo byaruviriyemo igihombo.

Ngabo James umunyamabanga nshingabikorwa w’akarere ka Nyabihu, harimo n’imashini zihenze ziri kwangirika.

Ati “Twagumye kubibaza, twabibwiye inzego zidukuriye tubikorera ubuvugizi, nkeka yuko RDB hari icyo irimo kubikoraho.”

Amakuru aturuka muri RDB avuga ko komite igizwe na MINICOM, MINECOFIN na RDB ubu irimo gutegura isoko rizaba ryashyizwe ahagaragara bitarenze impera za Werurwe uyu mwaka. Abazaritsindira bakaba aribo bazarukoresha.

Uru ruganda rwiswe Nyabihu Potatoes Campany ruzatangira muri Werurwe 2016, ruzajya rukoresha umusaruro w’ibirayi abaturage beza, nk’uko umuyobozi warwo, Hakizimana Evariste abitangaza.

Uruhererekane rw’imashini zizatunganya ibirayi mu buryo butandukanye zatwaye asaga miliyoni 400Frw.

Mu byo ruzakora harimo ifiriti z’amoko atandukanye, ibirayi bironze bifunze neza no gutunganya ibirayi bibisi bizajya bihatwa n’imashini zabugenewe bikabikwa neza bikagemurirwa ibigo by’amashuri n’ahandi bakira abantu benshi.

Agira ati "Turateganya no koza ibirayi tukabigurisha byogeje hari n’ubundi buryo duteganya bwo kubigurisha bihasekuko imashini zacu zitwemerera kubikora."

Avuga ko kugeza ubu ibyagombwa byose bamaze kubibna igisigaye ari ugutangira ku mugaragaro.

Hakizimana avuga ko bazagura ibirayi ku giciro cy’amakusanyirizo ariko ikiro kikaba gishobora kuzageza ku mafaranga 200 hagamijwe kuzamura umuhinzi.

Inyubako uru ruganda ruzakoreramo.

Masengesho umwe mu bahinzi b’ibirayi, avuga ko uru ruganda ruziye igihe kuko hambere hari igihe n’ikiro cy’ibirayi cyagezaga munsi ya 50Frw ntibigire icyo bibamarira. Nubwo hariho amakusanyirizo yabihesheje agaciro, ngo uru ruganda rukazaba akarusho ku bahinzi.

Ati "Uruganda ruziye igihe nirutangira gukora ruzarushaho kongera agaciro k’igihingwa cy’ibirayi n’umuhinzi atere imbere."

Akarere gasanga uru ruganda ruzagira akamaro muri aka gace kagira umusaruro mwinshi.

Mukaminani Angela wari umuyobozi w’akarere wungirije ushinzwe ubukungu muri manda ishize, yari yatangaje ko muri Nyabihu hahingwa hegitari ibihumbi 20 z’ibirayi zatangaga Toni zigera kuri 500 z’umusaruro.

Ruzatunganya ibirayi byo mu turere rwegerejwe twa Nyabihu, Rubavu, Musanze na Burera hakunze guhingwa ibirayi. Rufite ubushobozi bwo kuzatunganya toni icyenda ku munsi.

Abahinzi bizeye ko uru ruganda ruzahesha agaciro umusaruro wabo.

Uru ruganda ruzatangira rutwaye asaga miliyari 1Frw, aho agera kuri miliyoni 400Frw yaguze imashini yatanzwe n’Umuryango w’Ubumwe bw’u Burayi naho andi atangwa na Minisiteri y’Ubucuruzi n’Inganda, BDF, akarere ka Nyabihu n’amakoperative y’abahinzi yaguzemo imigabane.

Guverineri Mukandasira yabitangaje ubwo yari mu Karere ka Nyabihu mu gikorwa cyo gutora abagize inama y’igihugu y’abagore mu karere ka Nyabihu, kuri uyu wa gatanu tariki 26 Gashyantare 2016.

Guverineri Mukandasira yasabye abagore batorwa mu nama y’igihugu y’abagore i Nyabihu kuzaba umusemburo mu iterambere ry’imiryango n’igihugu.

Guverineri Mukandasira yavuze ko iyo umugore agize uruhare mu iterambere ry’umuryango, akita ku rugo rwe,umugabo n’abana be n’umuryango we muri rusange bituma iterambere ry’imiryango rigerwaho mu buryo bwihuse bityo n’igihugu kigatera imbere.

Yagize ati “Hakenewe abagore bazi icyo bakora,bafite ubushake n’ubushobozi bwo guteza imbere imiryango yabo n’igihugu.”

Valentine ubanza wambaye ibitenge niwe watorewe kuyobora inama y’igihugu y’abagore i Nyabihu, Eiada umukurikiye aramwungirije naho Pascasie uheruka ni umunyamabanga Valentine ubanza wambaye ibitenge niwe watorewe kuyobora inama y’igihugu y’abagore i Nyabihu, Eiada umukurikiye aramwungirije naho Pascasie uheruka ni umunyamabanga.

Yongeyeho ko ba mutima w’urugo aribo benshi mu Rwanda kandi baramutse bahaye agaciro imbaraga bafite bateza imbere igihugu n’imiryango, batagombye gutegereza buri cyose ku bagabo babo.

Yasabye abagore bose batorwa mu nama y’igihugu y’abagore muri aka karere kwimakaza isuku mu buryo bwose, nka kimwe mu biranga umugore,guteza imbere imibereho myiza y’umuryango ndetse no kwita ku nshingano bahawe n’igihugu.

Guverineri Mukandasira yasabye abagore guharanira kudateshuka ku gaciro bahawe aho yabasabye guharanira nabo kugahesha igihugu.

Abagore ba Nyabihu bumva impanuro za Guverineri Mukandasira.

Valentine Nikuze akaba ari we watorewe kuba umuhuzabikorwa w’inama y’igihugu y’abagore mu karere ka Nyabihu.

Ni umugore w’imyaka 45 ufite umugabo n’abana batatu, yari asanzwe ari umuyobozi w’ikigo cy’ishuri ribanza rya Birembo mu Murenge wa Rambura.

Afite impamyabushobozi ihanitse mu miyoborere myiza.Yari asanzwe ari umunyamabanga w’ inama njyanama mu murenge wa Rambura.

Mu bikorwa azakora yavuze ko azaharanira icyateza imbere umugore, umuryango n’igihugu kandi akazaharanira ko abagore baba aba mbere mu kuba umusemburo w’iryo terambere.

Ku mwanya w’uwungirije umuhuzabikorwa w’inama y’igihugu y’abagore mu muri Nyabihu hakaba hatowe Mukasine Eliada wo mu Bigogwe w’imyaka 32. Naho ku mwanya w’umunyamabanga w’uru rwego hakaba hatowe Nyirahabineza Pascasie.

Abatowe bakaba bahuriye bose ku mwuga w’uburezi bari basanzwe bakora uretse Twagiramungu Angelique watowe ku mwanya w’ushinzwe ubukungu.

Ubu bugizi bwa nabi bwongeye kuba mu ijoro ryo kuri uyu wa kabiri tariki 23 Gashyantare 2016, mu Mudugudu wa Nyirabashenyi mu Kagali ka Jaba mu Murenge wa Mukamira, bwibasiye inka y’inyana n’ikimasa.

Iki kimasa bigaragara ko cyanatatewe n’ikindi cyuma mu mutwe cyari cyakijahaje.

Iki kibazo cyaherukaga kuba mu mezi ane ashize muri uyu mudugudu watujwemo abimuwe mu ishyamba rya Gishwati mu myaka itandatu ishize, aho hari indi nka yatemwe

Maniriho yavuze ko ikimasa cyatemwe ibitsi byombi ku buryo amaguru y’inyuma yari yacitse kigendesha amavi y’amaboko kikurura hasi banagitera icyuma mu mutwe hagati y’amahembe. Inyana yo yatemwe ku murizo no ku mugongo ariko yo yavuwe irakira.

N’akababaro kenshi, Maniriho warebaga uko ikimasa cye bakibaga, yavuze ko nta cyo afite yarenzaho kuko bamuteye igihombo kuko abacuruza inyama bamuhaye amafaranga macye. Yagize ati “Nta kundi nagira nahombye.”

Iki kimasa cyatemwe ibitsi byombi imitsi iracika amagarura asa n’acitse kinanirwa kugenda.

Ikimasa cyaje kubagwa kuko byagaragaraga ko kitabaho.

Maniriho yavuze ko ntawe bari bafitanye ikibazo ariko yemeza ko ibyabaye byameretse ko afite abanzi n’ubwo yavuze ko ntawe akeka.

Umwe mu baturage baturanye, unashinzwe amakuru muri uwo mudugudu, Nkundibiza Innocent, yavuze ko nawe azi Maniriho nk’umuntu utagirana amakimbirane n’abaturanyi, ariko yizeza ko hakomeza iperereza ku gushaka uwaba abyihishe inyuma.

Maniriho Jacques watemewe inka yari afite agahinda n’ikiniga.

Umunyamabanga nshingwabikorwa w’akarere ka Nyabihu, Ngabo James, yaboneyeho kwibutsa abaturage gukaza irondo.

Nk’uko byemezwa n’ushinzwe ubworozi mu aka karere Shingiro Eugene,kuva mu mwaka wa 2006 gahunda ya Girinka itangiye kugeza muri 2016,inka 4280 nizo zimaze gutangwa muri Nyabihu.

Inka zisaga ibihumbi 4 zatanzwe muri Girinka

Shingiro ahamya ko iyi gahunda yafashije abaturage benshi yagezeho kwikura mu bukene mu gihe imaze ishyizweho.

Yagize ati “Muri iyo miryango yorojwe inka,zarabafashije kuko bagiye babona ifumbire bagahinga bakeza,hari n’abo inka zagiye zibyara bakitura,bakabona amata bakagurisha,bakaba bagurisha ku nka bakagura imirima,bakubaka amazu.”

Yongeraho ko Girinka yafashije mu iterambere ry’ubworozi muri Nyabihu.Yagize ati “Abantu batororaga inka babashije kuzorora,amatungo ariyongera n’umusaruro uriyongera kubera kubona ifumbire”.

Ku ruhande rw’abahawe inka muri Girinka,nabo bemeza ko hari aho zibakura zikabageza mu iterambere.

Tuyishime Charlotte umwe muri bo ati “Leta y’u Rwanda ntacyo idakorera abakene.Nanjye narayihawe.Hano dutuye abenshi yabagezeho.Icya mbere unywa amata,inka itanga ifumbire, ku buryo imyaka yera kuruta uko yari isanzwe.”

Umukecuru Nyiramuhire Laurence amaze hafi imyaka 5 ahawe inka.Atangaza akamaro inka yahawe yamugiriye,yavuze ko uretse kumuha amata kuyireba binamufasha kuva mu bwigunge,bikamwereka hari abamwitayeho.

Yanatangaje ko inka ye yayise Ingabe kuko yayigabiwe na Perezida wa Repubulika.Anamushimira cyane iyi gahunda yashyizeho yafashije benshi kwikura mu bukene.

Abahawe ika bishimira impinduka bagize

Ku kirebana n’uko iyi gahunda ya Girinka ifatwa mu baturage,Nizeyimana Theogene wo murenge wa Jomba yagize ati “ni nziza kuko yazamuye abaturage. Dushima Nyakubahwa Perezida wa Repubulika kuri iyi gahunda yashyizeho.”

Girinka Munyarwanda ni gahunda yashyizweho na Perezida w’u Rwanda Paul Kagame muri 2006 hagamijwe gufasha abaturage kwikura mu bukene.

Kuva yashyirwaho,abaturage bakaba badahwema kugaragaza impinduka yazanye mu kubafasha kwikura mu bukene.Uyu mwaka muri Nyabihu,hakaba hazorozwa imiryango 950.

Nkundukozera Pascal wakoreraga INTERSEC arindaga Umwarimu Sacco mu Karere ka Gicumbi yarashe Gahunde Emmanuel wari umuyobozi we (Supervisor), na we ahita yirasa.

Umukozi urinda Umwarimu SACCO i Gicumbi yarashe mugenzi we na we ahita yirasa.

Umuvugizi wa Polisi mu Ntara y’Amajyaruguru, CIP Robert Ngabonziza, avuga ko Nkundukozera Pascal amaze kurasa Gahunde Emmanuel yibeshye ko yapfuye maze na we agahita yirasa ndetse we agahita apfa.

Abari hafi aho babonye uburyo byagenze bavuga ko nyuma yo kurasa Gahunde Emmanuel yagiye no kuri moto yagendagaho nayo akayirasa nyuma abona kwirasa nawe nk’uko Ndindiriyimana Alphonse wari waje gushaka amafaranga ku mwarimu saco yabivuze.

CIP Ngabonziza akomeza avuga ko nyuma y’ibyabaye bakomeje iperereza ryo kumenya impamvu yaba yateye Nkundukozera kurasa umuntu bakorana.

Tuganira bikimara kuba, yagize ati “Haracyari kare ni bwo bikiba ariko turakeka ko baba bafitanye amakimbirane akomeye ariko turacyabikurikirana ngo turebe niba aribyo koko.”

Inzego z’umutekano zikorera mu Karere ka Gicumbi zahise zihutira gukora ubutabazi zigeza Gahunde Emmanuel ku Bitaro bikuru bya Byumba kugira ngo akorerwe ubutabazi bw’ibanze ndetse n’umurambo wa Nkundukozera Pascal na wo ujyanwa mu buruhukiro bw’ibyo bitaro.

Mukaminani Angela, umuyobozi w’akarere wungirije ushinzwe ubukungu, avuga ko mu 2009 binjizaga miliyoni 100Frw mu misoro, 2011 bageza kuri miliyoni 200Frw none ageze kuri miliyoni 600Frw zishobora no kuziyongera.

Abagize urwego rw’ubukungu bungurana ibitekerezo mu cyatuma butera imbere.

Agira ati “Ibyo nta handi bituruka ni bya bikorwa remezo byagiye byubakwa ,abantu bakajya mu yindi mirimo itari iy’ubuhinzi bagahinduka abasoreshwa.”

Yongeraho ko n’uburyo bwo kwakira imisoro bwanogejwe neza bikegurirwa abikorera bitandukanye n’uko mbere byakorwaga. Avuga ko mategeko n’amabwiriza nayo yagiye anozwa, hanabaho gutanga ibyangombwa by’ubutaka bituma n’imisoro yabwo itangwa neza.

Atanga urugero rw’ahitwa Kabwatwa, aho kubera umuhanda wakozwe abaturage basaga 108 baguze moto zitwara abagenzi hanagurwa imodoka 40 zitwara imizigo.

Ibikorwa remezo nk’imihanda n’ibindi byatumye abihangira imirimo n’abasoreshwa biyongera.

Avuga ko muri aka karere kandi bashyize ingufu mu gushishikariza abaturage kwihangira imirimo itari ubuhinzi gusa,nabyo byongera abasoreshwa. Guhanga imirimo mishya biri mu mihigo y’aka karere, aho muri 2015-2016, hahizwe guhanga imirimo mishya ibihumbi 5.500.

Kugira ngo bigerweho, ubuyoboi buzashishikariza abaturage gukorana n’ibigo by’imari na BDF n’ubuyobozi bugaharanira guhuza izi mpande zose, hagamijwe imikoranire myiza no korohereza abaturage kubona inguzanyo binyuze mu kigo cya BDF.

Abaturage nabo ngo basanga Nyabihu igenda itera imbere bagereranije n’uko bari bayizi mu myaka ishize, bashingiye ahanini ku bikorwaremezo. Aabenshi bemeza ko kwiyongera kw’imisoro yinjira mu karere bitabatungura.

Habumugisha Michel umuturage ufite imashini zikora ubukorikori nk’inkweto n’ amashakoshi ahamya ko ishoramari ryateye imbere n’ibikorwa remezo bikiyongera.

Ati “Mu myaka 21 twageze kuri byinshi. Ntaho twagiraga ho kwiyakirira,ariko dufite Motel ku i Sashwara. Dufite Guest House ya Mukamira, dufite gare nziza n’ibindi, turihaza mu biribwa, ibirayi birinjiza.”

Ni umuhango wabereye mu mujyi wa Zurich mu Busuwisi. Lionel Messi ubusanzwe ni rutahizamu w’ikipe ya FC Barcelone akaba na Kapiteni w’ikipe y’igihugu ya Argentine.

Messi amaze guhabwa umupira wa zahabu bwa 5

Akaba yegukanye Ballon d’or ku nshuro ya 5 atsinze Cristiano Ronaldo wa Real Madrid ndetse na Neymar Junior Dos Santos bakinana mu ikipe ya FC Barcelone.
Messi akaba yaratowe ku majwi 41,33%,Cristiano atorwa ku majwi 27,76% naho Neymar agira amajwi 7,86%.

Lionel Messi yavutse kuwa 24 Kamena 1987 I Rosario muri Argentine. Yegukanye Ballon d’or ku nshuro ya 5 afite imyaka 29.

Messi afite ibigwi yagejeje ku ikipe ye ya Barcelone ndetse n’iy’igihugu cye cya Argentine mu mwaka wa 2015 byanatumye ahabwa uyu mupira wa zahabu nk’igihembo kiba kifuzwa n’umukinnyi uwari we wese ku isi.
Messi mu mwaka wa 2015,yafashije ikipe ya FC Barcelone kwegukana ibikombe 5 bikomeye mu mwaka ushize.

Ibyo bikombe birimo icya Shampiyona ya Espagne,igikombe cy’umwami muri Espagne “Copa del Rey”,igikombe cy’amakipe yabaye aya mbere iwayo ku mugabane w’I Burayi “UEFA Champions league”,igikombe kiruta ibindi I Burayi “super coupe d’Europe” n’igikombe cy’isi cy’ama “clubs” yegukanye mu Ukuboza 2015.

Muri uyu mwaka wa 2015,akaba atarashoboye gusa gutwara igikombe kiruta ibindi “super coupe” cyo muri Espagne ndetse n’igikombe cy’isi cy’ibihugu aho ikipe ye ya Argentine yatsindiwe ku mukino wa nyuma na Chili.

Abajijwe aho azarangiriza umupira w’amaguru Messi yavuze ko azawurangiriza mu ikipe ya FC Barcelone.Abajijwe uko agiye kwitwara yagize ati “ndakomeza guharanira kudahinduka”.

Luis Enrique wa Fc Barcelone nawe yatowe nk’umutoza w’umwaka

Uretse Messi,umutoza w’ikipe ya Barcelone Luis Enrique nawe akaba yatowe nk’umutoza mwiza w’umwaka wa 2015.
Luis Enrique umutoza mwiza

Mukaminani Angela, Umuyobozi w’Akarere ka Nyabihu Wungirije ushinzwe Iterambere ry’Ubukungu avuga ko kimwe mu byo bitayeho muri manda yabo ari uguharanira ko abaturage begerezwa amashanyarazi.

Urugomero rwa Giciye ya mbere rutanga Megawatt 4 z’umuriro w’amashanyarazi rwubatswe mu myaka 5 ishize.

Ibi ngo byatumye mu mirenge 12 igize aka karere, 4 itaragiraga umuriro w’amashanyarazi (Shyira, Rurembo,Muringa,Kabatwa) iwugezwamo n’ama-centres menshi akomeye nka Kareba, Vuga na Gaharawe; abona umuriro w’amashanyarazi.

Mukaminani avuga ko muri iyi myaka itanu ishize, uduce twinshi twa Nyabihu ndetse n’ingo by’umwihariko, byabonye umuriro w’amashanyarazi.

Kubona umuriro ku mirenge itarawugiraga, ngo byihutishije iterambere na serivise zihatangirwa ugereranyije na mbere. Intego ikaba ko umuriro wagezwa mu tugari twose.

Umurenge wa Shyira utari ufite umuriro w’amashanyarazi, na wo uracaniwe.

Kugera kuri iyi ntambwe, ahanini byakomotse ku mbaraga zashyizwe mu kongera ingufu z’amashanyarazi hubakwa urugomero rwa Giciye ya mbere rutanga Megawatt 4.

Kugeza ubu, hakomeje imirimo yo kubaka urugomero rwa Giciye II.

Ku ruhande rw’abaturage, bashima cyane ko begerejwe amashanyarazi mu gihe abari bayafite bari bake.

Nzabirinda Theogene wo muri Rurembo agira ati “Ni ya miyoborere myiza nyine tuba tuvuga. Ubu twabonye n’urugomero rwa Giciye hano hepfo, ari rwo rwaduhaye n’umuriro.

Akomeza agira ati “Giciye twari tuyiziho ko itwara abantu gusa, ariko isigaye ari Giciye ibyara umuriro w’amashanyarazi azaducanira kandi dore byaratangiye.

Abaturage b’Umurenge wa Shyira batagiraga umuriro muri centre ikomeye ya Vunga, bavuga ko nyuma yo kugezwaho amashanyarazi, basanga ubuzima bwarahindutse.

Umugwaneza Felicité utuye muri Shyira, yemeza ko baruhutse kugura peteroli n’umwotsi w’udutadoba.

Umugwaneza Felicite avuga ko yaciye ukubiri n’udutadowa nyuma yo kubona amashanyarazi.

Umusaza Nsengiyumva Valens we avuga ko baciye ukubiri no kwiyogoshesha inzembe, akazi ko kubonesherezwa n’isitimu karagabanuka ndetse babona aho bazajya bashyirira umuriro muri telephone zabo.

Abaturage bakaba basaba abazatorwa mu yindi manda kuzarushaho guteza imbere ibikorwa remezo birimo no kurushaho kugeza amashanyarazi mu byaro.

Umuyobozi w’Akarere ka Nyabihu Wungirije ushinzwe Iterambere ry’Ubukungu, Mukaminani Angela, avuga ko mu gihe cy’imyaka 5 bamaze bayobora aka karere, hakozwe imihanda myinshi irimo ibiri ya kaburimbo.

Iyo ni umuhanda Musanze-Rubavu wavuguruwe n’umuhanda Mukamira-Ngororero wakozwe.

Umuhanda Sashwara - Kabatwa wafashije abaturage guhesha agaciro umusaruro w’ibirayi ku buryo hari n’abo imodoka zisanga mu mirima.

Indi mihanda yakozwe ni Nyakinama-Vunga, umuhanda Jomba-Shyira, umuhanda wa Rurembo, umuhanda wa Kabatwa, umuhanda wa Rwankeri-Gatovu ndetse n’imihanda ya Gishwati yatangiye gutunganywa.

Umuhanda wa Rurembo wari watangiye kuba nyabagendwa ariko uracyafite ikibazo cy’ikiraro cyangijwe n’ibiza.

Umuhanda Nyakinama-Vunga woroheje ubuhahirane mu baturage unabakura mu bwigunge.

Mukaminani avuga ko nubwo imwe muri iyo mihanda yagaragayemo ibibazo, ngo yafashije abaturage mu buhahirane inabavana mu bwigunge.

Mukaminani avuga ko iyi mihanda yahesheje agaciro umusaruro w’ubuhinzi bwa Nyabihu; nk’ibisheke, ibitoki ndetse n’ibirayi.

Ikiraro cya Basera hagati ya Rurembo na Jomba cyarangiritse cyane ku buryo abaturage basaba ko cyakorwa, ubuhahirane n’ubutwererane bugakomeza.

Hakizimana Eliezer, umuturage wo mu Murenge wa Shyira, avuga ko bishimira uburyo bwiza umuhanda Nyakinama-Vunga utunganyijwemo kuko ubafasha mu buhahirane hagati y’abatuye mu mirenge ya Shyira na Rugera ndetse n’umujyi wa Musanze; kandi n’ibiciro by’ingendo byaragabanutse.

Kuri ubu urugendo rwagendwaga ku mafaranga 1000 rusigaye rugendwa ku mafaranga 600.

Rwamuhungu ni umwe mu baturage basaba ko ikiraro cya Basera cyasanwa mu buryo burambye.

Abaturage bavuga ko umuhanda Sahwara-Kabatwa watumye umusaruro w’ibirayi wongererwa agaciro ku buryo ikilo cyavuye ku mafaranga y’u Rwanda 50 kirenga amafaranga 100 kandi imodoka zikabasanga aho bahinze zije kubirangura.

Cyakora nubwo mu Karere ka Nyabihu hakozwe imihanda myinshi kandi igafasha abaturage kuva mu bwigunge, imwe mu mihanda yagiye yangirika ndetse bigeza n’aho kuyikoresha bigorana cyane.

Kwambuka Rubagabaga imvura ari nyinshi bigora abaturage iyo yuzuye. Abaturage basaba ko hakorwa ikiraro.

Urugero ni nk’umuhanda Jomba-Rurembo, ahitwa ku Kirogotero ku kiraro cya Basera. Ibiza byangije ikiraro ku buryo kuhaca bitoroshye na gato, bikaba bisaba ko abaturage babanza gutindaho ibiti n’amabuye mu gihe hari ikinyabiziga kitaremereye gishaka gutambuka.

Nzabarinda Gaspard, umuturage w’Umurenge wa Rurembo yemeza ko kuba iki kiraro kimaze hafi umwaka kidakoze, kibangamira abaturage kuko nk’imodoka izanye umurwayi ku Kigo Nderabuzima cya Rurembo biba bitoroshye gutambuka.

Twahirwa Vincent asaba ko umugezi wa Rubagabaga washyirwaho ikiraro.

Agira ati “Imbangukiragutabara iyo zigiye kuzana cyangwa zijyanye umurwayi ku Kigo Nderabuzima cya Rurembo, ntizibona uko zitambuka. Harimo imbogamizi kuko nk’umurwayi arembye ntiyabona uko atambuka vuba... Icyifuzo ni uko iki kiraro cyakorwa.”

Uretse abaturage ba Rurembo muri Nyabihu bafite ikibazo cy’iki kiraro, n’abaturage ba Gakenke na Muhanga bavuga ko bafite ikibazo cy’umuhanda Nyakinama-Vunga-Satinsyi; bitewe n’ikiraro cyo ku mugezi wa Rubagabaga (kiduhuza) kimaze imyaka isaga 8 kidakoze.

Nzabirinda Felicien umwe mu baturage bo muri ako gace,avuga ko iyo imvura yaguye ari nyinshi, bambutsa abantu babahetse cyangwa babateruye ku buryo uhetswe acibwa amafaranga y’u Rwanda ari hagati ya 100 na 200.

Ahandi hari imihanda ifite ibibazo ni mu Murenge wa Muringa, aho ibiraro byagiye bicika, imihanda ikangirika ku buryo kugera ku Kigo Nderabuzima cya Gakamba bigorana.

Si imihanda y’igitaka ifite ibibazo gusa kuko n’iya kaburimbo na yo igenda igira ibibazo byo kwibasirwa n’inkangu, kwika no kwibasirwa n’isuri.

Umuhanda Mukamira-Ngororero na wo waracitse, urika mu gace ka Rambura ndetse ugwamo n’inkangu ikomeye. Mu gice cya Jomba na ho, wasatiriwe cyane n’umugezi wa Giciye ariko ho hatangiye gukorwa.

Umuhanda Mukamira - Ngororero uri mu mihanda yangiritse. Birasaba ko aho yagiye yangirika hasanwa.

Nubwo imihanda yakozwe kandi abaturage bakaba bemeza ko ibafitiye akamaro, aho yagiye yangirika basaba ko yasanwa n’ibiraro bigakorwa kugira ngo imigenderanire n’ubuhahirane bigumye gukorwa neza.

Izi ngamba zifatwa nka kirazira zisaba abagize koperative kurangwa n’indangagaciro zo kwita ku mutungo nka ba nyirawo kandi bakazicunga neza hagamijwe iterambere rusange ry’abanyamuryango.

Abagize amakoperative yo muri Rubavu na Nyabihu basabwa kwirinda amakosa yadindiza iterambere ry’abanyamuryango.

Abanyamuryango basabwa kwiyumva nk’abashoramari bashoye imari yabo muri koperative; bakaba bagomba guharanira ko yunguka.

Ndacyayisenga Jean Damascene uhagarariye amakoperative mu Ntara y’Iburengerazuba avuga ko hari amakoperative yagiye abonekamo ibibazo by’imicungire mibi, ariko ngo hazakoreshwa imbaraga zishoboka kugira ngo ababigizemo uruhare babibazwe.

Kugira ngo amakosa nk’ayo acike, ngo birasaba abagize koperative kongera gutekereza ku ndangagaciro z’Umunyarwanda, maze bagafata ayo makosa nka kirazira.

Amakoperative asabwa kurangwa n’ibikorwa bifatika kandi biyahesha agaciro ku isoko muri uyu mwaka wa 2016 kugira ngo azarusheho gutera imbere ariko anirinda ibibazo byayadindiza.

Ndacyayisenga Jean Damascene uhagarariye amakoperative mu Ntara y’Iburengerazuba.

Uwamahoro Marie Rose, umunyamuryango w’imwe muri izo koperative avuga ko yumva agomba kugira indangagaciro yo kuba umusemburo w’iterambere ku bantu bataragera muri koperative, ku buryo agaragaza itandukaniro n’abatazirimo; bityo akabakumbuza kuzibamo.

Mu Ntara y’Uburengerazuba habarizwa amakoperative agera ku bihumbi 2.

Mu mahugurwa yahuje abayobozi b’amakoperative 40 arimo 20 yo mu Karere ka Rubavu na 20 yo mu Karere ka Nyabihu, mu mpera z’umwaka ushize; bumvikanye ko abanyamuryango ba koperative (barimo n’abo bayobozi) bagomba kugendera kure amakosa yose abangamira iterambere ryayo.

Iki gikorwa kikaba cyabereye mu murenge wa Mukamira, Akagari ka Jaba mu Mudugudu wa Rwanyirangeri kuri uyu wa 31 Ukuboza 2015. Ibiyobyabwenge byangijwe bikaba bikubiyemo inzoga zitemewe n’urumogi.

Aho babyangirije

Inzoga ya Blue Sky udupaki ibihumbi 225 n’135 zifite agaciro ka miliyoni 56 n’ibihumbi bikabakaba 300, urumogi ibiro 137 rufite agaciro ka miliyoni 3 n’ibihumbi 836,kanyanga Litiro 70 zifite agaciro k’amafaranga ibihumbi 140 ndetse na Kalgazoke amacupa 85 afite agaciro k’amafaranga asaga ibihumbi 38.

Ibiyobyabwenge byangijwe byose hamwe bikaba bifite agaciro ka miliyoni 60 n’ibihumbi 298 by’amafaranga y’u Rwanda. Bikaba byangirijwe imbere y’abaturage.

Mayor w’Akarere ka Nyabihu Twahirwa Abdoulatif yashishikarije abaturage kwirinda kunywa no gucuruza ibiyobyabwenge

Umuyobozi w’Akarere ka Nyabihu Twahirwa Abdoulatif akaba yahaye ubutumwa abaturage,bwo kwirinda kunywa no gucuruza ibiyobyabwenge kuko byangiza ubuzima bwabo kandi n’ababiguze bakaba bazajya bahomba kuko Polisi iri maso kandi hakaba hagamijwe kubihashya burundu.

Yasabye urubyiruko kubyirinda kuko ubigiyemo nta kindi akuramo uretse kwiyangiriza ejo hazaza he kandi uretse n’ibyo akaba yahuriramo n’izindi ngorane zikomeye.

Ibiyobyabwenge byangijwe byari mu bwoko butandukanye bikaba byaragiye bifatwa mu mezi ashize abaturage baje kwihera amaso bari benshi banahabwa n’impanuro

Manishimwe Alexis, umwe mu rubyiruko rwari ruri ahatwikiwe ibyo biyobyabwenge yavuze ko azabyirinda cyane kandi akaba umusemburo mu gushishikariza n’abandi bagenzi be kubikumira kuko nta cyiza kibirimo

Hangijwe ubwoko butandukanye bw’ibiyobyabwenge

Nyuma yo gutwikirwa mu maso y’abaturage, bakaba bashishikarijwe kugira uruhare mu kubikumira no gutanga amakuru ku babinywa, ababikora, ababicuruza ndetse n’abandi bafite aho bahuriye nabyo hagamijwe kubica burundu.

Abaturage bo mu mirenge itatu ya Jomba, Rugera na Shyira nibo borojwe inka, ubwo hasozwa umwaka kuri uyu wa kane tariki 31 Ukuboza 2015.

Zimwe mu nka zaherewe abaturage mu kibuga i Jomba.

Inka 15 zikaba zatanzwe mu murenge wa Shyira, inka 10 zitangwa mu murenge wa Rugera naho izindi 18 zitangwa mu murenge wa Jomba.

Nizeyimana Theogene umwe mu bazihawe mu murenge wa Jomba, yashimiye Leta y’Ubumwe, by’umwihariko Perezida Kagame, washyizeho gahunda ya Gira inka Munyarwanda kuko asanga ifasha benshi mu baturage kwikura mu bukene.

Yagize ati “gahunda ya Girinka ni nziza kuko yazamuye abaturage,tukaba dushima nyakubahwa Perezida wa Repubulika washyizeho iyi gahunda ya Gira inka. Ngiye kugenda nyiteho noneho nibyara nanjye nzaziturire abandi.”

Umwe mu borojwe muri gahunda ya Gira inka.

Nizeyimana yongeraho ko asanga hari aho gahunda ya Girinka yakuye abaturage kuko uwayihawe mbere agenda aziturira undi bityo bityo,ikaba igenda ifasha abatari bake kwikura mu bukene.

Inka zatanzwe mu murenge wa Jomba zikaba zatwanzwe n’ushinzwe ubuhinzi mu karere Nyirimanzi Jean Pierre naho izo mu murenge wa Rugera na Shyira zikaba zashyikirijwe abaturage n’ushinzwe ubworozi mu karere ka Nyabihu Shingiro Eugene.

Mbere yo gushyikiriza izi nka abazigenewe zikaba zabanje gukingirwa indwara y’igifuruto, nk’uko Shingiro Eugene ushinzwe ubworozi mu karere ka Nyabihu yabitangaje.

Yanashishikarije abahawe inka kuzifata neza,bakazishakira ibizitunga,bakazubakira ibiraro kandi bagaharanira ko zazatanga umusaruro mwinshi kandi mwiza zikarushaho kubakura mu bukene.

Izi nka zisanga 45 zari zaratanzwe muri uyu mwaka w’imihigo. Biteganijwe ko uyu mwaka w’imihigo mu karere ka Nyabihu hazatangwa inka 950.

Bamwe baturage bavuga ko kuba baratoye“Yego”100% babishingira ku iterambere bamaze kugeraho rishingiye ku buyobozi bwiza bwa Perezida Kagame bikabatera kumva ko yaguma kubayobora no mu yindi manda.

Ubusabane bwaranzwe no gusangira kw’abayobozi n’abaturage

Nzagezehe Silas umuturage wo mu mudugudu wa Kivugiza wanabereyemo ibi birori, ngo yashimishijwe no kumva Abanyarwanda bashyigikiye ko itegekonshinga rivugururwa binyuze muri Referendumu.

Yagize ati“Cyane cyane njye biranshimisha n’abaturage batoye“Yego”. Byarabashimishije kubera ko bavuguruye itegekonshinga.”

Karehe Bienfait umunyamabanga Nshingwabikorwa w’Umurenge wa Mukamira yashimiye abaturage uko bitwaye mu matora

Kuba ryaravuguruwe Perezida Kagame akaba abasha kongera kwiyamamaza ngo agume kuyobora, kikaba ari kimwe mu byanejeje Silas.

Kuri we ngo abaturage bo mu mudugudu ayobora, abakene bagiye bahabwa inka muri gahunda ya Girinka, akaba ntacyo yanganya Perezida wazitanze.

Umunyamabanga Nshingwabikorwa w’Umurenge wa Mukamira Karehe Bienfait avuga ko bakoze ibirori bishimira ko abaturage bo muri uwo murenge bose batoye “Yego”.

Abaturage bishimiye ubusabane

Agira ati “Abaturage ba Mukamira batoye neza batora “Yego” 100% kandi bari bambaye neza babukereye. Icyo gikorwa rero twumvise tugomba kukishimira kuko batoye ibikorwa kandi ibikorwa by’ingenzi baharanira kwiteza imbere.”

Umuyobozi w’Akarere ka Nyabihu Twahirwa Abdoulatif akaba yashimye abaturage bo muri Mukamira n’ubuyobozi ku ruhare badahwema kugira mu iterambere ry’Akarere n’igihugu. Bakaba baranakomeje kubishyigikira batora “Yego” 100%, bikaba bisobanuye ko bashaka gukomeza gusegasira iterambere.

Umuturage Silas yashimishijwe n’uko bitoreye “Yego” 100%

Itora ry’ivugurura ry’itegekonshinga rikaba ryarabaye ku wa 17 Ukuboza ku Banyarwanda baba hanze no ku wa 18 ku baba imbere mu Rwanda.

Itora rikaba ryararangiye hatangajwe ko kurivugurura byatowe n’Abanyarwanda kuri zirenga 98,3% nk’uko byatangajwe na Perezida wa Komisiyo y’u Rwanda y’Amatora Prof. Kalisa Mbanda ku wa 21 Ukuboza 2015.

Guverineri Mukandasira atangaza ko binyuze mu mugoroba w’ababyeyi, abaturage baganira ku bibazo baba bafite bigashakirwa umuti binyuze muri bo ubwabo.

Guverineri Mukandasira asaba abaturage b’Uburengerazuba kwitabira umugoroba w’ababyeyi nk’ishingiro ryo kwikemurira ibibazo.

Yabitangaje mu kiganiro yagiranye n’abayobozi kuva ku rwego rw’utugari mu turere twa Nyabihu, Rubavu na Ngororero.

Bimwe mu bibazo yagarutseho bikunze kuganirwaho bikanakemukiramo, harimo ibijyanye n’ihohoterwa mu ngo,kwitabira ubwisungane mu kwivuza,ibibazo by’imirire mibi y’abana, ibibazo by’isuku mu ngo n’ibya bwaki.

yagize ati “umugoroba w’ababyeyi ushoboye gukora neza wadufasha muri byinshi. Ni ishingiro ryo kudufasha gukemura ibibazo abaturage tuba twifitemo. Ubu imbogamizi zihari mu by’ukuri nuko utarakora ku kigareranyo gishimishije.

Juru Anastase uyobora umudugudu wa Kazuba ngo umugoroba w’ababyeyi ubafasha mu kwikemurira ibibazo.

Iyo bavuze umugoroba w’ababyeyi ntihakwiye kumvikana umubyeyi w’umugore gusa,bakwiye kumva yuko umugoroba w’ababyeyi ureba umugabo ukareba n’umugore. Aho niho bashobora kwikemurira ibibazo nk’iby’amakimbirane mu rugo,ibibazo by’ihohoterwa.”

Guverineri Mukandasira yongeraho ko niyo bitanahakemurirwa uko bikwiye, byaba urubuga rwo kubiganiraho bigatuma inzego zishinzwe kubikemura zimenya ko ibyo bibazo bihari bikaba byatuma bakumira ingaruka kuko byaba byamenyekanye.

Juru Anastase, umukuru w’umudugudu wa Kazuba muri Nyabihu avuga ko binyuze mu mugoroba w’ababyeyi babasha kugira inama ingo zibamo amakimbirane, bagashishikariza ababyeyi kurera neza abana bagenda bananirana baba abakobwa cyangwa abahungu.

Yongeraho ko hafatirwa n’izindi ngamba zafasha ingo,imidugudu n’igihugu muri rusange gutera imbere.

Ni mu gihe Mukamunana Alice utuye mu murenge wa Mukamira we avuga ko binyuze mu mugoroba w’ababyeyi, hari uwakemuriwe ikibazo agasubizwa mu bye byari byaratashwe n’inshoreke.

Rutanga Jean Damascene avuga ko yazindutse cyane kugira ngo asohoze ikimuri ku mutima.

Abaturage ba Nyabihu bazindukiye mu matora ya Referandumu.

Yongeyeho ko ashimishijwe cyane n’uko uyu mwaka urangiye bashyize akadomo ku byo bisabiye kandi ngo afite icyizere ko Perezida Kagame azongera kwiyamamaza akabayobora.

Rutanga yagize ati “Ikinshimishije muri uyu mwaka dusoza ni iki cy’amatora twitorera Itegeko Nshinga rivuguruye bituma tuzibonera umukuru w’igihugu twifuza muri 2017.”

Kuri we ngo asanga ari amahirwe baba bagize bongeye kuyoborwa na Perezida Kagame.

Ku mihanda, bahateye insina nk’iziranga ibirori by’ubukwe.

Uwitwa Habumugisha Michel, nyuma yo gutora mu gitondo cyo kuri uyu wa 18 Ukuboza, yagize ati “Kuba iriya ngingo ya 101 yarashoboye guhinduka, umuyobozi wacu Paul Kagame akaba ashobora kongera kwiyamamaza, biranshimishije cyane nsoza uyu mwaka.”

Impamvu yifuza ko Perezida Kagame yakongera kuyobora u Rwanda ngo ni ukuba yarubatse u Rwanda akarugeza ku iterambere rifatika ririmo ibikorwa remezo, iterambere mu rwego rw’ubuzima, uburezi, imibereho myiza rusange ndetse n’umutekano uhamye.

Habumugisha avuga ko Perezida Kagame akomeje kuyobora u Rwanda rwagera heza kurutaho.

Mutuyimana Dativa wo mu mudugudu wa Rutovu ngo yazindutse saa kumi n’imwe z’igitondo. Yagize ati ati “Nagombaga kuzinduka kuko nagombaga gutora ‘YEGO’ kugira ngo bigende neza.”

Yakomeje agira ati “Ubundi iriya ngingo ya 101 yari izitiye Perezida wa Repubulika none batwemereye ko yavuyemo. Tugomba gutora rero; mbega turamushaka...”

Mutuyimana Dativa ngo yazindutse saa kumi n’imwe agiye gutora "YEGO".

Akarere ka Nyabihu kagizwe n’imirenge 12, utugari 73 n’imidugudu 473 ; karimo ibiro by’itora 78.

Ikintu rusange cyagiye kigaragara ku biro by’itora ni uko hari isuku. Haba ku mihanda n’inzira ziganayo, ku miryango ihinjira ndetse no mu byumba by’itora haratatse.

Uhageze arabona ubutumwa ku miryango bumwifuriza ikaze no gutora yisanzuye muri Demokarasi.

Bamwe mu batuye, abakorera n’abakoresha uyu muhanda bagaragazaga ko babangamiwe n’amatara yo ku muhanda menshi yazimye .

Amatara yo ku muhanda Kigali-Musanze Rubavu acyaka neza yafashaga abaturage

Abaganiriye na Kigalitoday batangaje ko aya matara yo ku mihanda acyaka yoze bongeraga amasaha y’akazi,bagakora neza habona batanatinya ko ibisambo byabasagarira. Nyamara ngo batunguwe n’uko amenshi yagiye azima.

Uwimana,ni umwe mu baturage bakorera hafi y’uyu muhanda. Yavuze ko hashize igihe amatara menshi ku muhanda wa kaburimbo uturutse ku cyapa ujya ku Mukamira,agace gafatwa nk’ak’umujyi wa Nyabihu atacyaka bakibaza uko azakorwa,igihe azakorerwa n’uzayakora.

Furaha Aimee ni Umunyamabanga Nshingwabikorwa w’Akagari ka Rubaya,kamwe mu tugari two muri Nyabihu ducamo uyu muhanda wa Kaburimbo unariho aya matara. Nawe yadutangarije ko amwe n’amwe mu matara atacyaka.

Amatara yo ku muhanda Kigali-Musanze Rubavu amwe n’amwe yarazimye

Ku birebana n’uko babigenza iyo babonye atacyaka nyamara yari afitiye abaturage akamaro yagize ati “Icyo kibazo natwe tugenda tugishyikiriza abadukuriye.”

Ku birebana n’akamaro ubusanzwe iyo yaka aba abafitiye yagize ati “Nk’iyo twabaga turi ku irondo, biba byoroshye kuba turi kugenda ahantu ku matara,ikintu cyose gitambuka ukireba yaba imodoka ukamenya niba ari iy’umutekano cyangwa indi. Amatara yadufashaga mu gucunga umutekano.”

Ku ruhande rw’ubuyobozi bwa EUCL, Ntampaka Larry Vincent umwe mu bayobozi mu kigo gishinzwe ikwirakwizwa ry’ingufu z’amashanyarazi EUCL, atangaza ko kuva kuri uyu wa 14 Ukuboza 2015 ibikorwa byo gusimbuza amatara atakaga ku muhanda Kigali-Musanze-Rubavu cyatangiye.

Umunyamabanga Nshingwabikorwa w’Akagari ka Rurengeri avuga ko amatara yapfuye bayatangira raporo ku babakuriye

Mu byumweru bibiri amatara atarakaga kuri uyu muhanda akaba azaba yaka neza yose. Ku kibazo cyatumye ayari asanzweho atamara igihe avuga ko ngo n’ubundi yari akiri mu gihe bahawe nka garanti “warranty”.

Gusa ngo byatewe n’ikirere cyo muri aka gace k’Amajyaruguru kitari kijyanye n’ayo matara yari yashyizwemo ubusanzwe arondereza umuriro.

Ubu bakaba bagenda bashyiramo ayihanganira ikirere icyo ari cyo cyose.

Rwiyemezamirimo ubusanzwe wakoze iki gikorwa cyo gushyiraho aya matara akaba ari NPD-COTRACO.

Igihugu cy’ubwongereza kikaba gifitemo amakipe 3 muri 4 yari yitabiriye iri rushanwa. Ikipe ya Arsenal yasabwaga gutsinda ngo ikomeze,ikaba yabigezeho itsindiye mu Bugereki Olympiacos 3-0.

Olivier Giroud rutahizamu w’umufaransa akaba ariwe wafashije Arsenal muri iyi nsinzi yayihesheje gukomeza ayitsindira ibitego bitatu byose byabonetse muri uyu mukino.

Ku rundi ruhande,mu Bwongereza Chelsea nayo yasabwaga gutsinda yageze kubyo yasabwaga ibasha gutsinda Porto byanganyaga amanota ibitego 2-0.

Arsenal ifashijwe na Olivier Giroud yasezereye Olympiakos

Chelsea ikaba yahise ikomeza naho Porto yerekeza muri Europa league. Uretse Manchester United yananiwe gutsinda Wolfsburg ngo ikomeze nta yindi kipe yo mu Bwongereza yaviriyemo muri 1/16 nubwo uretse Manchester City izindi byazisabye kugera ku mukino wa nyuma mu matsinda ngo zizere gukomeza.

Diego Costa na Willian nibo batsindiye Chelsea ibitego 2 byayigejeje muri 1/8

Kuri ubu amakipe 16 azakina muri 1/8 cy’irangiza muri iri rushanwa hakaba harimo 3 yo muri Espagne ariyo FC Barcelone, Real Madrid na Atletico Madrid.
Harimo kandi 2 yo mu Budage ariyo Bayern Munich na Wolfsburg. Hazamo kandi ikipe imwe yo mu Bufaransa ya Paris Saint Germain ndetse n’imwe yo mu Buholandi ya PSV Eindhoven.

Hakaba hazamo kandi ikipe ya Roma na Juventus zo mu Butaliyani, Dynamo Kyiv yo muri Ukraine ndetse na Zenit St Petersburg yo mu Burusiya,ziyongeraho ikipe ya Gent yo mu Bubirigi.

Nubwo Arsenal ikomeje,bikaba biyisaba imbaraga zikomeye muri 1/8 idakunze kurenga kugira ngo ibashe kuzikura imbere y’amakipe nka Barcelone,Real Madrid,Bayern Munich, Zenit, Atletico Madrid ,Wolfsburg n’andi makipe yabaye aya mbere mu matsinda isabwa gutomboramo iyo bizahura.

Ikipe ya Valencia,Porto,Manchester united,Sevilla,Olympiacos,Bayern Leverkusen,Galatasaray na Shaktar Doneski zikaba zerekeje muri Europa League.

Uyu mwanzuro wafashwe kubera ikibazo giteye inkeke ubuyobozi cyo gutema inka z’abaturage ziganjemo n’izatanzwe muri gahunda ya “Gira inka”, kiri kugaragara muri tumwe mu turere tugize iyi ntara.

Imwe mu nka zigeze gutemwa muri Nyabihu.

Iki kibazo cyatinzweho kuri uyu wa kabiri tariki 8 Ukuboza 2015, mu nama yabereye mu Karere ka Nyabihu ihuje Guverineri Mukandasira Caritas, ubuyobozi bw’ingabo na Polisi n’ubw’uturere twa Nyabihu, Ngororero na Rubavu uhereye ku buyobozi bw’utugari.

Havuzwe ko muri iyi Ntara hari abaturage gito bitwikira ijoro bagatema inka z’abaturage, usanga ababiri inyuma ari abafite amabagiro asanzwe acuruza inyama.

Umwe mu bitabiriye iyi nama yatanze urugero rwo mu kagari ka Ngororero hatemwe inka ziri hagati ya 7 -9 mu kwezi kumwe mu mwaka w’imihigo wa 2014-2015 ariko ntitwashoboye kumenya ukwezi nyir’izina byabayemo.

Abayobozi mu ntara basabye ko ikibazo cy’inka zitemwa cyahagaraga burundu.

Yagize ati “Mwibaze namwe niba Perezida wa Repubulika ashaka amafaranga ngo bagure inka muri Gira inka ngo abaturage bave mu bukene, buri gitondo akabyuka abona raporo ngo hatemwe ebyiri, ni mugoroba ngo hatemwe imwe!”

Uretse guhana bihanukiriye uwatemye inka y’umuturage, hafashwe umwanzuro ko n’ubucuruzi bw’inyama buzajya bukorerwa ahazwi n’inyama zicuruzwa zikaba ari izavuye mu mabagiro azwi neza kadi yizewe.

Inama yahuje umukuru w’Intara n’abayobozi kuva ku kagari mu turere twa Nyabihu,Rubavu na Ngororero.

Mu zindi ngamba zafashwe ni uko uwatemye inka agomba kujya yishyura ebyiri byiyongera ku guhanwa, yaba atabonetse abatuye umudugudu uwatemewe inka yari atuyemo babakaba ari bo bateranya kuyishyura.

Ikipe ya Manchester united yagaragaje intege nke cyane mu mukino wayihuje na Wolfsburg yo mu Budage bituma itsindirwa ibitego 3-2 byanatumye isezererwa.

Ku bakunzi b’umupira w’amaguru n’abasesenguzi bawo,bavuga ko abakinnyi basa n’abakomeye basigaye muri iyi kipe ari umuzamu wayo igenderaho cyane David De Gea,Cris Smalling ndetse na Martial nk’uko Muhire David ukunze kwiyita Scholes unakunda iyi kipe yabitangaje.

Wolfsburg mu byishimo,Man U mu gahinda

Kuri we ngo kuba Manchester united yasezerewe mu itsinda irimo ntibyamutunguye kuko imikinire yayo muri iyi minsi muri iri rushanwa ngo itigaragazaga nk’ikipe iberanye n’aya marushanwa.

Ati “ikipe uretse kugendera ku muzamu n’abandi bakinnyi nka babiri bagerageza bandi bakinnyi bo ku rwego rwo hejuru ifite. Nta busatirizi bukomeye,nta hagati yewe n’ubwugarizi ifite.”

Kuri we ngo asanga iyi kipe ikeneye kwiyubaka cyane cyane ku busatirizi nab a myugariro bakomeye kugirango yongere gusubiza icyubahiro izina ryayo nk’ikipe ikomeye.
Ikipe ya CSKA Moscou nayo ntiyabashije kwikura mu Buholandi aho yatsindiwe ibitego 2-1na PSV Eindhoven ihita isezererwa. PSV na Wolfsburg zikaba arizo zakomeje muri 1/8.

Ku rundi ruhande Real Madrid ibifashijwemo na Karim Benzema ndetse na Cristiano Ronaldo yeretse ibirori abafana bayo iwayo I Santiago Bernabeu,itsinda Malmo ibitego 8-0.

Benzema yatsinze 3,Christiano atsinda 4 mu bitego 8 Real yatsinze Malmo

Uyu mukino waranzwe n’imvura y’ibitego,Cristiano Ronaldo yatsinze hat-trick anongeraho ikindi gitego bivuga ko yatsinzemo ibitego 4 naho Karim Benzema atsinda Hat-trick(ibitego 3). Meteo Kovasic atsinda kimwe.

Mu yindi mikino,Paris Saint Germain yatsinze Shaktar 2-0,Manchester City itsinda Borussia Moenchengladbach 4-2,Atletico Madrid itsinda Benifica 2-1,Seville itsinda Juventus 1-0.

Kur uyu wa gatatu,ikipe ya Arsenal bikaba biyisaba gutsinda Olympiakos yo mu Bugereki ku kinyuranyo cy’ibitego 2 cyangwa ikayitsinda 3-2 kuzamura kugira ngo ikomeze.

Itsinda B ribarirwamo amakipe ya Wolfsburg yo mu Budage,Manchester united yo mu Bwongereza,PSV Eindhoven yo mu Buholandi na CSKA Moscou yo mu Burusiya,aya makipe aracyakubana mu manota ku buryo muri 3 ya mbere hataramenyekana ebyiri zizakomeza.
Iri tsinda riyobowe na Wolfsburg n’amanota 9,Manchester united ikayikurikira n’amanota 8,PSV Eindhoven n’amanota 7 ndetse na CSKA Moscou n’amanota 4.
Ku basesenguzi b’umupira w’amaguru ngo bikaba bikigoye cyane kumenya hagati y’amakipe atatu ya mbere,abiri akomeza muri 1/8 k’irangiza muri champions league.

Wolfsburg irakira Manchester United ku i Saa 21h45

Manchester mu myitozo mu Budage

Imikino y’iri joro kuri uyu wa 8 Ukuboza,ikaba iri busobanure amakipe ari bukomeze.Wolfsburg ikaba yisobanura na Manchester United mu Budage saa tatu na mirongo ine n’itanu. Uyu mukino iwutakaza yose ikaza kugira ingorane zo kuba yakwerekeza muri Europa league.

Manchester United ifite akazi gakomeye imbere y’abafana ba Wolfsburg

Birasaba Man-u imbaraga zidasanzwe imbere y’abafana ba Wolfsburg
Ku makipe 3 ya mbere muri iri tsinda bikaba bisaba buri yose gutsinda ngo yizere gukomeza.

Abakinnyi bashobora kubanzamo

Mu yandi matsinda,itsinda A Real Madrid na Paris Saint Germain zikaba zaramaze gukomeza mu matsinda yazo. Mu itsinda rya C ikipe ya Atletico Madrid na Benifica zikaba zaramaze gukomeza.

Mu itsinda D,ikipe ya Manchester City na Juventus zikaba zaramaze gukomeza muri 1/8 mu gihe Seville na Garatasalay bihatanira umwanya wa Europa league.
Mu itsinda E, Barcelona ikaba yarakomeje naho AS Roma na Bayern Leverkusen bikaba bitegereje iyakomeza muri zo,bigoye Bayern Leverkusen aho biyisaba kuzatsinda FC Barcelone kuri uyu wa 9 Ukuboza.
Mu itsinda F Arsenal na Olympiacos bikaba bizisobanuramo izaherekeza Bayern Munich muri 1/8 cy’irangiza.

Kuwa 9 Ukuboza amakipe 16 azakomeza azaba yamenyekanye
Mu itsinda G,Chelsea,FC Porto,Dynamo Kyiv bikaba bizishakishamo ikomeza mu gihe mu itsinda H,Zenit yamaze gukomeza.

Bitangazwa na Nzabirinda Isaac, Perezida wa Federasiyo y’amakoperative y’abahinzi b’ibirayi mu Rwanda FECOPORWA. avuga ko ikibazo cy’imbuto y’ibirayi cyari inzitizi mu buhinzi bwabyo.

Uburyo buzwi nka Green House buzagabanya ikibazo cy’ibura ry’imbuto z’ibiranyi.

Avuga ko muri Toni ibihumbi 40 z’imbuto nziza abahinzi bakenera buri gihembwe cy’ihinga, ikigo cy’igihugu gishinzwe ubuhinzi n’ubworozi (RAB) cyabashaga kubona 2% gusa, izindi abahinzi ubwabo bakishakira uburyo bazibona bakazihererekanya.

Akomeza avuga ko kuba abahinzi bagiraga ikibazo cy’imbuto y’ibirayi kugeza kuri 98%, byatezaga ingaruka z’indwara n’umusaruro utari mwiza mu buhinzi.

Ibi nibyo byatumye bamwe mu bahinzi bakaba n’abatubuzi bishakamo ibisubizo bashyiraho Green Houses 24 zibafasha mu gutubura izo mbuto nziza, nk’uko Nzabirinda akomeza abivuga.

Agira ati “Imbuto zitari nziza zigabanya umusaruro ariko hari ingamba twafashe ubu ntabwo tukiri kuri 2% turi kuri 25%. Kuko hari imirimo yakorwaga na RAB nko gutuburira muri mazu ya Green House,ubu natwe tumaze kugira Green House 24 mu Rwanda mu rwego rwo gukemura icyo kibazo.”

Nzabirinda Isaac Perezida wa Federasiyo y’amakoperative y’abahinzi b’ibirayi mu Rwanda.

Green House zifashishwa mu butubuzi bw’imbuto nziza y’ibirayi, zigafasha mu gutuma abahinzi bayibona bitabagoye.

N’ubwo imbuto itaraboneka ku buryo buhagije, hakomeje gushakishwa uburyo bwo gukemura iki kibazo burundu.

Mu kwezi k’Ukwakira 2015, Nzabirinda yatangarije abahinzi bo muri Nyabihu ko mu gukomeza kwishakamo ibisubizo mu gukemura ikibazo cy’imbuto y’ibirayi hagiye gushyirwaho ikigega kizakemura burundu ikibazo cy’imbuto y’ibirayi.

Iki kigega kizatwara miliyoni 200Frw, kikazafasha abahinzi guhunika izo mbuto nziza z’ibirayi no kongera kuzihererekanya mu gihe zikenewe mu buhinzi. Kikazanakora indi mirimo yerekeranye no guhesha agaciro ibirayi n’abahinzi babyo mu Rwanda.

Biteganijwe ko bishobotse nyuma yo kubona imigabane isabwa ku bahinzi b’ibirayi, cyazaba cyashyizweho bitarenze Gashyantare 2016. Buri muhinzi ushaka kugira imigabane muri icyo kigega asabwa ibihumbi 200Frw bingana n’imigabane 10.

Ntegerejimana Etienne umuhinzi w’ibirayi mu murenge wa Kintobo muri Nyabihu, avuga ko amakusanyirizo atarajyaho mu bucuruzi bw’umusaruro wabo habonekagamo ibibazo.

Ibirayi ntibikigurishwa mu kajagari bisigaye bipakirwa bikajyanwa ku makusanyirizo.

Avuga ko bimwe muri byo akaba ari igiciro gito abahinzi bagurirwagaho kuko igurwa ry’ibirayi ryanyuraga ku bantu benshi.

Atunga urutoki abitwaga abahuza hagati y’ugura n’ugurisha bakunze kwita aba “ Sherisheri (chercheurs)” umuhinzi yahaga amafaranga y’uko bamushakiye umuguzi.

Agira ati “Kuva mu kwezi kw’Ugushyingo ibirayi twabaga turi kubigurisha ku mafaranga 120, ariko ubu turi kubigurisha ku mafaranga 160.

Urumva ko hari amafaranga yiyongereyeho bitewe n’ariya makusanyirizo. Umuhinzi ntiyacika intege, bya bindi aba yarakoresheje nawe abona inyungu.”

Mbere hari abo imodoka zasangaga mu mirima bakagurisha ibirayi mu kajagari byakururaga guhendwa.

Mu 2014 hari ubwo abahinzi babigurishaga mu kajagari ugasanga ku modoka baguriwe kuri 90Frw cyangwa 80Frw naho mu murima akaba 70. Bamwe batangazaga ko ugereranije n’ibyo babaga bashoye byabahombyaga.

Mukaminani Angela, umuyobozi w’Akarere wungirije ushinzwe ubukungu, avuga ko ubuyobozi bakora bashyira imbaraga mu gutuma iki gihingwa gifatwa nka zahabu y’Akarere ka Nyabihu kirushaho guteza imbere abagihinga n’akarere.

Ati “Muri rusange usanga ku mwaka tugeza kuri hegitali ibihumbi 20 z’ubuso bw’ibirayi. Tweza toni zigera ku bihumbi 500 ku musaruro. Ubukungu bw’akarere kacu bushingira ku buhinzi n’ubworozi.

Mu buhinzi rero ibirayi nibyo biza ku isonga. Niyo mpamvu usanga tuba twahagurutse ngo uruhererekane mu buhinzi bw’ibirayi kugeza ku kubyongerera agaciro rufate umurongo.”