Byatangajwe kuri uyu munsi u Rwanda rwizihiza ku nshuro ya 32 Umunsi wo Kwibohora.

Mukanyandwi Julienne, umwe mu baturage bavuwe n’Ingabo z’u Rwanda, yavuze ko yari arwaye mu muhogo, akivuza ku bigo nderabuzima bitandukanye ariko ntibabashe kumuha imiti ngo akire.

Ati: "Naje hano ku Munini, Ingabo zacu ziransuzuma zimpa imiti. Ndayinywa, ubu ndimo ndoroherwa kandi meze neza. Mbere numvaga rwose gukira byaranze. Ndabashimira cyane."

Nshimiyimana Marcel wo mu Murenge wa Kibeho na we yagiye kuvurirwa ku Bitaro bya Munini n’Ingabo z’u Rwanda. Avuga ko yari yarabuze ubushobozi bwo kwivuza, aza kumva inkuru nziza iturutse ku bayobozi bo mu nzego z’ibanze bamubwira ko Ingabo z’u Rwanda zije kubavurira ku buntu.

Ati: "Mfite ikizere ko nzakira neza kuko ubu ntabwo ncyumva ububabare nka mbere. Ndashimira Ingabo zacu uburyo zanyitayeho cyane zigatuma ngarura ikizere cyo kuzagira icyo nimarira na njye."

Minisitiri w’Ubuzima, Dr Sabin Nsanzimana, yavuze ko iki gikorwa cyo kuvura abaturage kiba ngarukamwaka kandi kigakorwa nta kiguzi umurwayi asabwe.

Ati: "Kera Ingabo, abazibonaga barabizi, abenshi ntibazegeraga. Aba barwayi babiri nababajije uko biyumva bavurwa n’Ingabo z’u Rwanda bambwiye ko batekanye. Murumva icyo bisobanura, ko ari ibikorwa byiza bituruka ku miyoborere myiza."

Brig. Gen. Dr Chrysostome Kagimbana, ushinzwe ibikorwa by’ubuvuzi muri RDF, yavuze ko izi serivisi zatanzwe n’inzobere z’ubuvuzi ziturutse mu Bitaro Bikuru bya Gisirikare by’Ubujyanama n’Inyigisho byo mu Rwanda (Rwanda Military and Referral Teaching Hospital), mu Bitaro bya Kacyiru, CHUK, CHUB, ndetse no mu bitaro bitandukanye bya Leta.

Ati: "Twatanze ubuvuzi ku ndwara z’amagufa, indwara zivurwa zibazwe, indwara z’abana, indwara z’abagore, amenyo, amaso n’izindi ndwara zitandukanye.

Brig. Gen. Kagimbana yavuze ko ibi bikorwa byageze mu Ntara zose z’igihugu, zirimo Intara y’Amajyaruguru mu Bitaro bya Byumba, Intara y’Iburasirazuba mu Bitaro bya Kirehe, Intara y’Iburengerazuba mu Bitaro bya Gihundwe, ndetse n’Intara y’Amajyepfo mu Bitaro bya Munini.

Mu Ntara zose havuwe abaturage 33,722. Muri bo, 1,004 babonye ubuvuzi binyuze mu kubagwa, bituma umubare w’abagombaga koherezwa ku bitaro bikuru mu gihugu ugabanuka. Hanabazwe abantu 3,698 bari bafite indwara y’ishaza ry’amaso.

Ati: "Abaturage bose bitabiriye bavuwe ku buntu kandi bahabwa n’imiti nta kiguzi. Iki gikorwa kigaragaza ko umutekano n’ubuzima bw’abaturage ari ibintu bigendana."

Brig. Gen. Dr Kagimbana yavuze ko iki gikorwa ngarukamwaka kibafasha kugera ku cyerekezo cy’igihugu cyo kubaka u Rwanda rufite abaturage bafite ubuzima buzira umuze, bashoboye gutanga umusanzu mu iterambere rirambye.

Ni amakuru yatanzwe kuri uyu wa Gatatu Nyakanga n’Umuvugizi wa Polisi y’u Rwanda, ACP Boniface Rutikanga, ari kumwe n’Umuvugizi Wungirije wa RDF, Lt Col Simon Kabera, aho batangaje ibikorwa bigiye kumurikwa mu kwizihiza ku nshuro ya 32 Umunsi Mukuru wo Kwibohora.

ACP Rutikanga yavuze ko ibikorwa byakozwe bikubiyemo kubaka inzu z’abatishoboye, amashuri, gutanga serivisi z’ubuvuzi, koroza abaturage amatungo, kubaka ibiraro no gutanga ubwato buzorohereza ingendo z’abaturage bo mu Turere twa Nyamasheke na Rusizi.

Yavuze ko ibikorwa biza kumurikwa hirya no hino mu gihugu, birimo ishuri ryubatswe i Rugarika mu Ntara y’Amajyepfo, ibikorwa by’ubuvuzi ku Bitaro bya Munini mu Karere ka Nyaruguru, inzu 80 zizatuzwamo imiryango 160 mu Murenge wa Muganza mu Karere ka Gisagara, ndetse n’izindi nzu zubakiwe abatishoboye mu Turere twa Kayonza, Rulindo, Gakenke na Nyabihu.

Mu Ntara y’Iburasirazuba haratangwa kandi amatungo magufi ku baturage bo mu Karere ka Kirehe, mu gihe mu Mujyi wa Kigali hazatahwa ibyumba by’amashuri byubatswe mu Murenge wa Rusororo, Akagari ka Rwankuba mu Karere ka Gasabo.

Harashyikirizwa kandi amatsinda y’Imboni z’Impinduka inkunga y’amafaranga yo kubafasha kwihangira imirimo no guteza imbere ibikorwa bibinjiriza.

ACP Rutikanga yavuze ko ibi bikorwa bigamije kunganira gahunda za Leta mu kuzamura imibereho y’abaturage, ashimangira ko inzego z’umutekano zitagamije gusimbura izindi nzego, ahubwo zifatanya na zo mu kugeza serivisi n’iterambere ku baturage.

Yagize ati: "Ntabwo umuturage yishima kubera ko yubakiwe inzu gusa, ahubwo yishimira impinduka iyo nzu imuzaniye mu mibereho ye."

Umuvugizi Wungirije wa RDF, Lt Col Simon Kabera, yavuze ko uretse gufasha abaturage mu bikorwa bitandukanye, ibi bikorwa binatanga akazi ku batuye aho biri gukorerwa, bityo bikagira uruhare mu kuzamura ubukungu bwabo.

Yavuze kandi ko ibikorwa nk’ibyo koroza abaturage bitanga umusaruro urambye, kuko amatungo yororoka, agatanga ifumbire ifasha kongera umusaruro w’ubuhinzi, abaturage bakawugurisha, ubukungu bugatera imbere, na Leta ikinjiza imisoro.

Ati: "Iyo dutanze amatungo, abaturage barayorora agatanga ifumbire, bakeza umusaruro, bakawugurisha, ubukungu bugatera imbere, natwe tukagura ibyo bejeje. Ni urunana rw’iterambere rufasha buri wese."

Ibikorwa byatangajwe biri muri gahunda ya Defence and Security Citizen Outreach Programme 2026, yatangijwe ku wa 9 Werurwe 2026 n’Ingabo z’u Rwanda na Polisi y’u Rwanda ku bufatanye n’izindi nzego za Leta, hagamijwe gufasha abaturage mu mibereho myiza no kubateza imbere.

Ibi byagarutsweho kuri uyu wa Gatanu tariki ya 3 Nyakanga 2026, ubwo ubuyobozi bwa Rwanda Polytechnic bwatangaga ibisobanuro ku makosa yagaragajwe muri Raporo y’Umugenzuzi Mukuru w’Imari ya Leta y’umwaka wa 2024/2025.

Abadepite bagize PAC bagaragaje kutanyurwa n’uko iki kibazo kimaze igihe kigaruka mu igenzura ry’umutungo n’imari ya Leta nyamara ntigikemuke.

Depite Uwumuremyi Marie Claire yabajije impamvu abanyeshuri basabwa amafaranga y’ingwate bakayatanga, ariko barangiza amasomo yabo ntibayasubizwe, nyamara nta kintu baba barangije cy’ikigo.

Depite Niwemahoro Wasilla yavuze ko ikibazo cyakomeje kugaruka muri raporo z’Umugenzuzi Mukuru w’Imari ya Leta, abaza impamvu hatigeze hafatwa ingamba zirambye zo kugikemura, anagaragaza ko bidakwiye ko abanyeshuri badasubizwa amafaranga yabo.

Perezida wa PAC, Depite Muhakwa Valens, nawe yavuze ko bitumvikana ukuntu umunyeshuri yasoza amasomo ariko agataha adahawe amafaranga ye, agaragaza ko ubuyobozi bwa RP bwagombaga kuba bwarakemuye icyo kibazo hakiri kare.

Yagize ati: “Kuki mudategura uburyo bwo kubikemura hakiri kare abanyeshuri bakiri ku ishuri? Ntibyumvikana ko umuntu wize imyaka itatu yabura kubera gushaka kumusubiza amafaranga ye.”

Yagaragaje kandi ko bitumvikana kuba ishuri rifite imyirondoro y’abanyeshuri ryabura uburyo bwo kubageraho kugira ngo basubizwe amafaranga yabo.

Asubiza ibi bibazo, Umuyobozi Mukuru Wungirije wa Rwanda Polytechnic ushinzwe Imari, Jean Pierre Nkuranga, yavuze ko iki kibazo gikomereye ishuri kuko hari abanyeshuri barangije kera, bamwe bakaba bamaze imyaka igera kuri 15 bataraboneka.

Yagize ati: “Kubabona biragoye kuko hari abahinduye aho batuye, abandi nta makuru yabo dufite ahamye.”

Yavuze ko muri uyu mwaka bamaze gusubiza miliyoni 8 Frw ku banyeshuri babashije kuboneka, anongeraho ko iki kibazo kizashyirwa mu mihigo y’abakozi kugira ngo hakorwe ubushakashatsi bwo gushaka abatarabona amafaranga yabo.

Ati “Amafaranga RP igomba gusubiza abayirangijemo ni miliyoni 252 Frw tuzakomeza kugerageza kubashakisha abazajya baboneka bazajya bayahabwa”.

Yakomeje avuga ko aho bizananirana hazitabazwa inzego zibishinzwe hagafatwa icyemezo kijyanye no gukura iyi myenda mu bitabo by’imari ya Leta.

Gusa iki gisubizo nticyakiriwe neza n’Abadepite, bagaragaza ko bidakwiye kuba igisubizo kirambye ku kibazo kimaze imyaka myinshi kigaruka mu igenzura ry’imari ya Leta.

Mu bisobanuro Ishuri Rikuru ry’Imyuga n’Ubumenyingiro (Rwanda Polytechnic) ryatanze rntabwo ryagaragaje umubare w’abagomba guhabwa ingwate yabo ndetse n’ingwate buri munyeshuri asabwa.

Ibi Perezida Chapo yabivuze kuri uyu wa 2 Nyakanga 2026, ubwo yasuraga Icyicaro Gikuru cy’Inzego z’Umutekano z’u Rwanda giherereye mu Karere ka Mocímboa da Praia, mu ruzinduko rw’akazi arimo kugirira muri iyo ntara.

Perezida Chapo yahawe ibisobanuro ku bikorwa by’umutekano bikomeje gukorwa ku bufatanye hagati y’Ingabo z’u Rwanda n’iza Mozambique, hagamijwe gukomeza gusigasira umutekano umaze kugarurwa no guhashya ibisigisigi by’imitwe y’iterabwoba.

Yashimiye Guverinoma y’u Rwanda, by’umwihariko Perezida Paul Kagame, ku nkunga idahwema guha Mozambique mu rugamba rwo kurwanya iterabwoba, avuga ko ubufatanye bw’ibihugu byombi bwagize uruhare rukomeye mu kugarura ituze mu bice byari byarazahajwe n’ibikorwa by’imitwe yitwaje intwaro.

Yagaragaje ko umutekano umaze kugarurwa watumye abaturage benshi basubira mu byabo, ibikorwa by’ubukungu n’iterambere byongera gusubukurwa, ndetse icyizere cy’abaturage kirushaho kwiyongera.

U Rwanda rwatangiye kohereza Ingabo n’Abapolisi muri Mozambique muri Nyakanga 2021, nyuma y’ubusabe bwa Guverinoma y’icyo gihugu bwo gufashwa guhangana n’imitwe y’iterabwoba yari yarigaruriye ibice bitandukanye bya Cabo Delgado.

Kuva icyo gihe, Ingabo z’u Rwanda zifatanyije n’iza Mozambique zabohoye uduce twinshi tw’ingenzi twarimo Mocímboa da Praia na Palma, twari twarahindutse ibirindiro by’imitwe y’iterabwoba.

Uretse ibikorwa bya gisirikare, Inzego z’Umutekano z’u Rwanda zakomeje kugira uruhare mu kurinda ibikorwa remezo, gufasha abaturage gusubira mu ngo zabo no kongera ibikorwa by’ubuhinzi, uburobyi n’ubucuruzi.

Uruhare rw’u Rwanda muri Cabo Delgado rwakomeje gushimwa n’abayobozi ba Mozambique ndetse n’abafatanyabikorwa mpuzamahanga, bavuga ko rwagize uruhare rufatika mu kugarura amahoro, kugabanya ibitero by’iterabwoba no gutuma ubuzima bw’abaturage busubira ku murongo.

Uruzinduko rwa Perezida Chapo ku cyicaro cy’Inzego z’Umutekano z’u Rwanda rugaragaza ubufatanye bukomeje gukomera hagati y’u Rwanda na Mozambique mu rwego rwo kubungabunga amahoro n’umutekano.

Yabigaritseho mu nama ya Kane ya Vibrant Gujarat Regional Conference yabereye mu mujyi wa Vadodara kuva ku wa 29 kugeza ku wa 30 Kamena.

U Rwanda rwitabiriye iyi nama nk’igihugu cy’umufatanyabikorwa (Country Partner), hamwe na Singapore, Leta Zunze Ubumwe z’Abarabu (UAE), u Buyapani na Ukraine.

Mu ijambo yashimiye Minisitiri w’Intebe w’u Buhinde, Narendra Modi, agaragaza ko ubuyobozi bwe bwagize uruhare mu kuzamura isura y’u Buhinde ku rwego mpuzamahanga no gukomeza gutsura umubano wabwo n’u Rwanda.

Yanasobanuye ko u Rwanda ari igihugu gifite umutekano, ubukungu bukomeje gutera imbere, kirangwa n’imiyoborere myiza, kandi gifite uburyo bworohereza ishoramari no kugera ku masoko yo muri Afurika.

Ambasaderi Mukangira yahamagariye abashoramari bo mu Buhinde gushora imari mu Rwanda, cyane cyane mu nzego zirimo inganda, ibikorwa remezo, ikoranabuhanga mu itumanaho n’isakazabumenyi (ICT), ubuhinzi, ingufu, ubukerarugendo, ubuvuzi n’ubucukuzi bw’amabuye y’agaciro. Yagaragaje ko u Rwanda rutanga amahirwe n’inyungu zitandukanye ku bashoramari.
Ni muri urwo rwego yagiranye ibiganiro n’abahagarariye ibigo bitandukanye byo mu Buhinde, aho benshi bagaragaje ubushake bwo gushora imari mu Rwanda.

Kugeza ubu, u Buhinde ni igihugu cya kabiri mu bishora imari nyinshi mu Rwanda ndetse n’icya kabiri mu bucuruzi mu Rwanda. Ishoramari ryinshi rituruka mu Buhinde rikomoka muri Leta ya Gujarat.

Iyi nama ya Central Gujarat ni iya kane yateguwe muri gahunda ya Vibrant Gujarat Regional Conferences, nyuma y’inama zabereye muri North Gujarat mu Ukwakira 2025, Kutch na Saurashtra muri Mutarama 2026, ndetse na South Gujarat muri Gicurasi 2026.

U Rwanda rwabaye igihugu cy’umufatanyabikorwa muri izo nama zose uko ari enye.

Mu mwaka wa 2017, Perezida wa Repubulika y’u Rwanda, Paul Kagame, yitabiriye Vibrant Gujarat Global Summit abitumiriwemo na Minisitiri w’Intebe w’u Buhinde, Narendra Modi.

Biteganyijwe ko inama ikurikira ya Vibrant Gujarat Global Summit izaba muri Mutarama 2027.

Ibi byagarutsweho mu gikorwa cyo kubariza mu ruhame ibigo bya Leta amakosa yagaragajwe muri Raporo y’Umugenzuzi Mukuru w’Imari ya Leta y’umwaka wa 2024/2025.

Mu gihe cy’ingengo y’imari ya 2023-2024, ni bwo Minisiteri yaguze ibi bitabo, ku mafaranga arenga miliyoni 12 Frw yishyuwe kandi ibyo bitabo bitaragezwa ku mashuri.

Visi Perezida wa PAC, Depite Cécile Murumunawabo, yabajije impamvu ibyo bitabo byatinze kugera ku mashuri ndetse n’impamvu amafaranga yabyo yishyuwe kandi bitaragezwa ku banyeshuri.

Ati: "Ikintu giteye ubwoba ni ukuntu mwasobanuye ko mwari mugikora igenzura ry’ibintu muzi neza ko bitari mu murongo, mukishyura ibintu mutarabona. Ese iyo musanga ibyo mwishyuye atari byo byakozwe byari kugenda gute? Murumva iyo mikorere yatuma habaho uburezi bufite ireme?"

Depite Mussolini Eugène na we yabajije ikibura kugira ngo Minisiteri y’Uburezi na REB bageze ibitabo ku barimu no ku banyeshuri ku gihe.

Asubiza ibi bibazo, Umuyobozi Mukuru wa REB, Dr Nelson Mbarushimana, yavuze ko gutinda kw’ibitabo byatewe n’uko bamwe muri ba rwiyemezamirimo batsindiye amasoko batubahirije amasezerano. Yijeje iyi Komisiyo ko mu mwaka utaha w’ingengo y’imari ibitabo bizajya bigezwa ku mashuri ku gihe.

Ati: "Amakosa turayemera kandi turabizeza ko tutazongera kugaruka imbere yanyu dusubiramo amakosa nk’aya. Tugiye kurushaho gukurikirana ba rwiyemezamirimo twahaye amasoko, ndetse n’ibigo byakira ibyo bitabo, kugira ngo bigere ku mashuri ku gihe."

Kudindira mu kugeza ibitabo ku mashuri ku gihe bishobora kugira ingaruka ku ireme ry’uburezi. Ibi bishimangirwa n’ubushakashatsi bwakozwe na NESA bwiswe Learning Achievement in Rwandan Schools (LARS 2025), bugaragaza ko nubwo abanyeshuri benshi bo mu mwaka wa gatatu w’amashuri abanza (P3) bashobora gusoma amagambo n’interuro, 44% gusa ari bo basobanukirwa neza ibyo basoma. Ubu bushakashatsi bwakorewe ku banyeshuri 22,950 bo mu mashuri 592 hirya no hino mu gihugu.

Iki gikorwa cyabaye mu gihe cyo Kwibuka ku nshuro ya 32 Jenoside yakorewe Abatutsi, by’umwihariko hibukwa abahoze ari abakozi bane b’Inama y"igihugu iharanira amajyambere - Conseil National de Développement (CND) bazize Jenoside yakorewe Abatutsi.

Abakozi bibutswe ku nshuro ya 32 ni ni Gashayija Pierre Célestin, Kayiranga Célestin, Mugenzi Jean Louis na Mukantembe Aloysie.

Uru rwibutso rugizwe n’ibice bine birimo Urukuta rw’Ubutumwa, Inkingi enye z’Urwibutso, Ubusitani bw’Urwibutso n’Urumuri rw’Icyizere.

Senateri Jean Pierre Dusingizemungu yasobanuye ko buri gice muri ibi gifite ubutumwa bwihariye.

Yavuze ko Urukuta rw’Ubutumwa ruhamagarira abarusura gushyira imbaraga mu gukumira Jenoside, kurwanya ingengabitekerezo ya Jenoside, no kurwanya ukuyihakana no kuyipfobya, ndetse no kurandura ivangura n’amacakubiri mu buryo bwose. Yanavuze ko runashishikariza Abanyarwanda kwimakaza ubumwe n’ubudaheranwa nk’ishingiro ry’ejo hazaza.

Ati: "Igice cya kabiri kigizwe n’inkingi enye n’ibimenyetso byo kwibukiraho abakozi ba CND bazize Jenoside yakorewe Abatutsi uko ari bane. Izo nkingi zigizwe n’amabuye yatoranyijwe kubera imiterere yayo karemano n’uburemere bwayo. Ayo mabuye asobanura ’Guhoraho’."

Senateri Dusingizemungu yavuze ko gukoresha amabuye manini karemano bishimangira ko urwibutso rw’abibukwa rushinze imizi kandi ruzahoraho.

Yasobanuye kandi ko uburebure bw’izo nkingi, buruta ubw’umuntu, bugamije gutuma uzireba azegera urwibutso yubashye abishwe muri Jenoside, mu gihe uburemere bw’amabuye bugaragaza uburemere bw’amateka ya Jenoside yakorewe Abatutsi.

Ku bijyanye n’Ubusitani bw’Urwibutso, Senateri Dusingizemungu yavuze ko ari ahantu hagenewe gutuza, kwibuka no gutekereza. Yavuze ko bugizwe ahanini n’ibimera bya cactus, byatoranyijwe kubera ubushobozi bwabyo bwo gukura no kubaho neza no mu bihe bikomeye, bikaba bigereranywa n’ukwihangana, kwigirira icyizere no gukomera k’umutima wa muntu mu bihe by’ingorane.

Ati: "Igice cya kane kigizwe n’Urumuri rw’Icyizere, rukaba ari ikimenyetso cyerekana kudaheranwa n’amateka ya Jenoside yakorewe Abatutsi, ukwihangana n’icyizere cyo gukomeza kubaka igihugu kirangwa n’Ubumwe, Ubudaheranwa n’Iterambere."

Urugendo rwe rwo kuva mu mitwe yitwaje intwaro akaza kwisanga mu Ngabo z’u Rwanda (RDF), ndetse nyuma agakomereza muri Polisi y’igihugu avuga ko arukesha ubuyobozi bwiza bwa RPF Inkotanyi, bwamuhinduye imyumvire agafatanya n’abandi kubaka igihugu.

Kuradupagase yavutse mu kwezi k’Ukuboza 1968, mu cyahoze ari Komini Karago, muri Gisenyi, aho uwahoze ari Perezida w’u Rwanda, Juvénal Habyarimana, yakomokaga.

Amashuri yisumbuye yayize muri G.S. de La Salle Byumba, ariko kubera ko yakomokaga aho Perezida Habyarimana yavukaga, ngo byari ihame ko ajya kwiga mu Ishuri Rikuru rya Gisirikare, ESM (École Supérieure Militaire).

Ati: "Jyewe byari ihame ko njya muri iryo shuri bitewe n’aho nakomokaga. Tariki ya 2 Nzeri 1991 nahise ntangira amasomo ya gisirikare gusa, kubera ko urugamba rwari rukomeye. Twagombaga kwiga amasomo ya gisirikare gusa, andi akazaza nyuma."

ACP Kuradupagase avuga ko mu gihe cy’umwaka yamaze ahabwa ayo masomo, hari amezi abiri yigishijwe n’abasirikare b’Abafaransa bari mu itsinda ry’Ubufasha bwa Gisirikare n’Amahugurwa (DAMI).

Icyo gihe yarangije ayo masomo afite ipeti rya Adjudant, ahita ajya ku rugamba mu gice cy’u Mutara, muri Batayo ya 3, yari izwi nk’imwe mu zikomeye.

Ku wa 1 Mutarama 1994, yahawe ipeti rya Sous-lieutenant. Avuga ko ubwo indege yari itwaye Perezida Habyarimana yahanurwaga, batayo enye zari muri ako gace zahise zitangira urugamba rwo guhangana n’Inkotanyi.

Ngo Batayo ya Muvumba yarimo ni yo yasigaye muri ako gace ikomeza guhangana n’Inkotanyi, ariko na yo iza kunanirwa.

Ati: "Aho za Nyakayaga, kugera za Kiziguro, tukagera Kayonza kuri Kiliziya ya Mukarange, aho hose twarwanaga. Naje kurasirwa i Musha, muri Rwamagana, biba ngombwa ko ngaruka i Kigali gushaka ubuvuzi."

ACP Kuradupagase avuga ko, nubwo urugamba rwari rumaze gukomera, yakomeje kururwana kuko yumvaga iyo aba umusivili yashoboraga kuhasiga ubuzima.

Avuga ko yagumye muri ESM, ariko ko abasirikare ba FAR bahuye n’ikibazo gikomeye ubwo Inkotanyi zari zimaze kugera ku musozi wa Rebero, aho zashoboraga kugenzura umujyi wa Kigali.

ACP Kuradupagase avuga ko yakomeje guhangana n’Inkotanyi mu cyo yise "urugamba rwo mu mazu", ariko ko hari imbunda yari ku musigiti kwa Kadhafi yamurasaga aho yabaga ari hose muri ibyo bice.

ACP Kuradupagase avuga ko, nk’umuntu wari warize ibya gisirikare, yakomeje kurwana yifashishije za gerenade, ariko akabona ko batsinzwe, nubwo atabibwiraga abasirikare yari ayoboye.

Ati: "Za gerenade twateraga twazikorerwaga n’umumajoro umwe, sinibuka izina rye. Ndetse n’imbunda zacu za Rutura, Inkotanyi zari zamaze kuzitsimbura. Abasirikare bakomezanyije urugendo bahunga berekeza muri Congo, icyo gihe yitwaga Zaïre."

Ku wa 3 Nyakanga 1994, muri Camp Kigali, hakozwe inama yayobowe na Gen. Kabirigi, aho hafatiwe umwanzuro wo guhunga, abasirikare bakajyana n’abaturage.

ACP Kuradupagase avuga ko icyo gihe yahawe amabwiriza yo kutagira umuturage asiga inyuma.

Mu rugendo rwo guhunga, berekeje ku mugezi wa Nyabarongo, ariko bahura n’abaturage baturukaga i Runda bababwira ko Inkotanyi zamaze gufata ako gace. Yakomeje kugerageza kurwana ari kumwe n’ingabo bagenzi be, ariko aza kubona ko batagishobora kunyura muri iyo nzira. Aho ni ho yabonye abandi banyuze mu Nzove, na we ahungana nabo.

Ati: "Natekereje ku bintu byose nari narize byamfasha ku rugamba, nsanga nsigaranye kimwe cyonyine bita Protection mutuelle (ubwirinzi bwa buri ruhande). Nibwo nahisemo kunyura mu nzira abaturage banyuzemo."

Mu gukomeza guhunga, ku wa 17 Nyakanga 1994 saa kumi n’imwe n’iminota 45 z’umugoroba (17h45), yambutse umupaka w’u Rwanda na Congo, agezeyo asanga hari amabwiriza asaba abasirikare bose kujya ahitwa Mugunga.

Agezeyo, avuga ko biyubatse bongera kwisuganya, banashinga umutwe witwaga CRUP.

Avuga ko uwo mutwe wari ufite inshingano zo gukora ibikorwa bya gisirikare inyuma y’umwanzi.

Uyu mutwe wari uyobowe na CG Evariste Murenzi, ubu akaba ari Komiseri Mukuru w’Urwego rw’Igihugu rushinzwe Igorora (RCS), icyo gihe akaba yari afite ipeti rya Capitaine.

ACP Kuradupagase avuga ko akiri muri Congo yahawe amabwiriza yo kujya gutoza ingabo za CNDD-FDD zari ziyobowe na Nyangoma, kubera imikoranire yari hagati ya Mobutu Sese Seko na État-major ya FAR yari yarahungiye muri Congo.

Ati: "Icyo gihe twahawe ubutumwa na Col. Rwarakabije, tujya mu Burundi gutoza icyo gisirikare cya Nyangoma. Twarakigishije, tunashyira mu bikorwa ibyo twari twakigishije. Twagabye ibitero ku ruganda rw’icyayi, dukora za ambushi n’ibindi bikorwa bya gisirikare byahungabanyaga umutekano."

Avuga ko nyuma yo kurangiza ayo mahugurwa, bagarutse muri Congo, ariko basanga Inkotanyi zamaze kumenya imigambi yabo, ndetse zatangiye no gucyura impunzi.

Ati: "Abaturage twashukaga ko tuzabacyura bemye, Inkotanyi zabacyuye zemye koko. Nageze muri Congo mu kwezi kwa mbere kwa 1996 nsanga imyitozo yose abasigaye batozwa barayimenye.

Gusa ngo baje guhura n’ikibazo cyo gusanga Inkotanyi zaramenye umugambi mubisha wabo wo guhungabanya umutekano w’u Rwanda zibasanga yo kandi Zikora uburyo zibaturuka inyuma, zibasunikira inzira ibagarura mu Rwanda.

We n’abandi bayobozi, barimo Col. Rwarakabije, baje kujya ku muntu bitaga Mwami, arabakira, ariko amusaba gukomeza ibikorwa bya gisirikare.

Ati: "Nakomeje kurwana, ariko niyemeza ko ngomba kurwanira mu Rwanda kuko nari mu barwanyi b’Intasi, kandi nari mfite ingabo nyoboye."

Yaje kwisanga mu Nkotanyi ate?

Yavuye muri Congo yambuka aza mu Rwanda ari kumwe n’ingabo yari ayoboye. Banyuze mu Burengerazuba, bahinguka mu bice byo mu Byangabo, banyura mu Birunga. Avuga ko bamwe mu basirikare bari kumwe na we batangiye gucika intege, bamwe muri bo abagira inama yo kwishyikiriza Inkotanyi kugira ngo bakomeze ubuzima.

ACP Kuradupagase avuga ko, ubwo yari mu bikorwa by’abacengezi mu Rwanda, yaje kugera iwabo, aho nyina na bashiki be bamugiriye inama yo kwishyikiriza Inkotanyi no gufatanya na zo kubaka igihugu, ariko arabahakanira.

Ati: "Nababwiye ko ngiye gukomeza kurwana, kandi ko nimwumva amasasu avugira i Kigali, muzamenye ko ari jye wahageze gufata umurwa."

Nyuma y’igihe, ACP Kuradupagase avuga ko na we yaje gushoberwa n’urugendo yari arimo, afata icyemezo cyo kwishyikiriza Inkotanyi.

Avuga ko bamubajije ibibazo byinshi, bamukoraho iperereza, nyuma bamwohereza mu kigo cya Mukamira.

Ati: "Imodoka ije kunjyana, abaturage benshi barasakuje babaza bati: ’Ko mwatubwiye ko nitubashyikiriza umuntu wacu uri mu bacengezi muzamureka, uyu se kuki mumujyanye?”

Mu gihe yari i Mukamira, yatanze amakuru ku bikorwa by’ubucengezi yari azi. Avuga ko nyuma y’icyumweru kimwe yamaze muri icyo kigo, yinjijwe mu Gisirikare cy’u Rwanda.

Yashyizwe muri Batayo ya 59, yayoborwaga na Lt Gen (Rtd) Frank Mushyo Kamanzi, wamwigishije amahame ya RPF Inkotanyi, amukuramo ibitekerezo bibi yari yaratojwe.

Nyuma yaje kuva mu Gisirikare ajya muri Polisi y’u Rwanda, aho yakomeje kuzamurwa mu ntera.

Mu mwaka wa 1999, yahawe amahirwe yo kwiga mu Ishuri ry’Ubugenzacyaha. Arangije amasomo, ahabwa ipeti rya Lieutenant.

Avuga ko icyo gihe Polisi y’u Rwanda yari ikimara gushingwa, ahita ayijyamo.

Mu mwaka wa 2008, yagiye kwiga muri Kaminuza ya Polisi, ahamara imyaka ine, ahakura impamyabumenyi y’icyiciro cya kabiri cya kaminuza muri Professional Police Studies.

Nyuma yahawe inshingano zitandukanye muri Polisi y’u Rwanda, kugeza ubu akaba ari umwe mu bagize Inama Nkuru ya Polisi, ndetse akaba n’Umuyobozi Wungirije w’Ishami rishinzwe ubutumwa bw’Umuryango w’Abibumbye bwo kubungabunga amahoro.

Mu bana be babiri, umuhungu we witwa Niwenizeye Mugisha Blaine yahawe amahirwe yo kwiga mu Royal Military Academy Sandhurst, mu Bwongereza, aho yahawe ipeti rya Second Lieutenant (2Lt cyangwa S/Lt).

Ati: “Nabibwiye madamu ko umwana wacu yahawe amahirwe yo kwiga mu ishuri ryizemo n’umwana wa Perezida Kagame.”

Uyu muhungu we Mugisha yahawe andi mahirwe na RDF asubira gukarishya ubumenyi muri Kaminuza ya African Leadership University.

Umukobwa wa ACP Kuradupagase we ari gukora icyiciro cya gatatu cya kaminuza mu Butaliyani, mu bijyanye na Farumasi.

Mu gusoza ubuhamya bwe, yagize ati: "Ndagira ngo mbwire ibyo bigaragasha ko u Rwanda rwahindutse cyane. Ubuyobozi bwarwo ntibutonesha, ntiburonda akarere cyangwa ubwoko. Ndashimira Perezida wangiriye ikizere nkabona amahirwe yo gufatanya n’abandi kubaka u Rwanda."

Yabigarutseho kuri uyu wa Gatandatu, tariki ya 27 Kamena 2026, ubwo yagezaga ijambo ku bitabiriye Inama Nyunguranabitekerezo ku mateka ya Jenoside yakorewe Abatutsi n’urugamba rwo kuyihagarika, yateguwe n’Umuryango Unity Club Intwararumuri.

Perezida Kagame yavuze ko amateka u Rwanda rwanyuzemo agomba guhora yibukwa kugira ngo Abanyarwanda bayigirireho amasomo abafasha gukomeza kubaka igihugu.

Ati: "Ni amateka akomeye akubiyemo byinshi abantu bagomba kwibuka, bagomba guheraho bubaka igihugu bundi bushya uko Abanyarwanda babyifuza. Harimo n’ibyo abantu baba badashaka kwibuka, ibyo birumvikana, ariko ni ngombwa ko abantu bihangana bakabyibuka kuko bibamo amasomo menshi."

Yavuze ko kwicuza ari intambwe ikomeye ku muntu wakoze amakosa, kuko bimufasha kuyemera no kwiyemeza kutazayasubiramo.

Perezida Kagame yashimye Umuryango Unity Club Intwararumuri ku ruhare ugira mu gufasha abantu "guhambuka", bakarekura ibikomere n’amateka mabi banyuzemo kugira ngo babashe gukomeza ubuzima.

Ati "Guhambuka ukaba umuntu, ukarekura icyakubayemo, icyakugenzemo cyangwa icyakurayemo kikakuganisha mu mateka mabi, ukakivuga kikakuvamo. Birafasha, kandi bifasha n’abandi."

Yagarutse kandi ku ngingo yo kwicuza, avuga ko hari aho usanga bikorwa mu buryo budafite ukuri, cyane cyane iyo umuntu adashaka kwemera amakosa yakoreye abo yahemukiye.

Yavuze ko hari abantu bahitamo kuvuga ko bicujije mu rwego rw’idini, ariko batarigeze bemera amakosa yabo imbere y’abo bayakoreye, bityo kwicuza kwabo kukaba gushobora kuba kutuzuye.

Perezida Kagame yatanze urugero rw’ubuzima bwe, avuga ko akiri muto, mbere yo guhabwa Isakaramentu ry’Ugukomezwa, yabwiwe ko agomba kubanza kwicuza ibyaha bye, nyamara yumvaga nta byo yari azi yakoze.

Ati: "Numvaga nta byaha nakoze, biba ngombwa ko mbihimba kugira ngo mbone uko mpabwa Isakaramentu."

Yavuze ko nubwo kwemera amakosa imbere y’abandi bishobora kugora, ari intambwe ikomeye ifasha uwakoze amakosa ndetse n’abo yayakoreye.

Perezida Kagame yavuze ko hari abantu bazi neza ibyo bakoze, ariko bagahitamo gukomeza kubihakana no gutsimbarara ku myitwarire yabagize abo bari bo.

Ati "Impaka nyinshi zikunze kuba ari iz’abantu aho kugira ngo bavuge bati: ’Ibyo mvugwaho ni byo, kandi niteguye kubihindura nkaba umuntu muzima.’ Ahubwo benshi baranangira. Ariko igihugu ntigishobora kuba ingwate y’abo bantu."

Yasoje avuga ko kwicuza ku muntu wakosheje ari ingenzi kuko bifasha umutima kugira amahoro, bikanafasha kubaka igihugu kirangwa n’umutekano, ubumwe n’iterambere.

Basabye ko hajya hakorwa inyigo irambye ndetse hakanifashishwa inzobere mu kubaka imihanda.

Abadepite babigarutseho muri gahunda PAC yatangiye kuri uyu wa 25 Kamena yo kubariza mu ruhame ibigo 76 byagaragajwe n’Umugenzuzi Mukuru w’Imari ya Leta ko byakoze amakosa mu micungire y’umutungo wa Leta mu mwaka wa 2024-2025.

Depite Valens Muhakwa uyobora PAC yabajije ubuyobozi bwa RTDA impamvu bwakoresheje amafaranga menshi mu gusana umuhanda Cyanika-Musanze na Musanze-Rubavu, nyamara iyo mihanda ikaba igikomeje kugaragaramo ibinogo.

Ati: “Mu ngendo twakoze, hari aho twasanze iyi mihanda yarangiritse cyane kandi ubugenzuzi bwagaragaje ko amafaranga yakoreshejwe mu kuyisana ari menshi. Kuki mudakora imihanda mu buryo burambye?”

Asubiza iki kibazo, Umuyobozi wa RTDA, Imena Munyampenda, yemeye ko hakozwe amakosa mu gusana iyo mihanda mu buryo butarambye, ariko avuga ko mu ngengo y’imari ya 2026-2027 hateganyijwe kuyisana mu buryo burambye.

Ati: “Amakosa yarakozwe, ni byo. Twagiye dusana igice kimwe ugasanga ikindi na cyo gihise cyangirika kuko umuhanda utasaniwe rimwe. Tuzabikosora.”

Munyampenda yavuze ko impamvu umuhanda Musanze-Rubavu ukunze gusanwa inshuro nyinshi ari uko wangirika vuba bitewe n’ubwinshi bw’abawukoresha, barimo abajya mu bikorwa bitandukanye mu Karere ka Burera no mu gace ka Butaro.

Ati: “Usanga amafaranga menshi yarakoreshejwe cyane kuva Kinigi kugera ku Ishuri ry’Ubutore rya Nkumba kuko twakoze ahangana n’ibirometero 70, kandi twagendaga dusana umuhanda uko hagiye kubera ibikorwa bitandukanye.”

Dr. Mbereyaho Leopold, Perezida w’Inama y’Ubutegetsi ya RTDA, yavuze ko kudahoraho kw’isanwa ry’iyo mihanda biterwa n’imihindagurikire y’ikirere ituma yangirika vuba.

Ati: “Inama baduhaye ni uko tuzajya twubaka dukoranye n’inzobere kandi tugakora ibikorwa biramba, tukirinda kwangiza umutungo wa Leta. Inama zabo twazumvise kandi tugiye kuzishyira mu bikorwa.”

Canoth Manishimwe, Umunyamabanga Uhoraho muri Minisiteri y’Ibikorwa Remezo, yavuze ko bagiye gutanga amahugurwa ku bakozi kugira ngo barusheho kunoza imirimo bakora.

Ati: “Kubongerera ubumenyi bizabafasha kunoza ibyo bakora kandi bizatuma imishinga yacu ikorwa neza.”

Umunyamabanga wa Leta ushinzwe Imari muri Minisiteri y’Imari n’Igenamigambi, Godfrey Kabera, yasobanuriye Abadepite ko iyi nguzanyo izafasha abaturage bo mu Karere ka Nyagatare guhangana n’ibibazo by’amapfa akunze kwibasira aka karere.

Kabera yavuze ko iyi nguzanyo izishyurwa mu gihe cy’imyaka 50, kandi ko izatangira kubarirwa inyungu nyuma nyuma y’imyaka 10 ingana na 1%.

Kabera yasobanuye ko aya mafaranga atabarwa mu Madorari ya Amerika cyangwa mu Mayero, ahubwo ko “Units of Account” (UA) ari igipimo cy’agaciro gikoreshwa n’Ikigega Nyafurika Gitsura Amajyambere mu kubara inguzanyo n’inkunga gitanga.

Kabera yakomeje asobanura ko umushinga w’Amazi ya Muvumba utegerejweho guhindura ubuhinzi n’ubworozi mu Karere ka Nyagatare.

Ati: “Umushinga w’iterambere rikomatanyije ry’umutungo w’amazi ya Muvumba ni umwe mu mishinga minini u Rwanda rurimo gushyira mu bikorwa mu Karere ka Nyagatare. Ugamije gukemura ibibazo by’amapfa, kongera umusaruro w’ubuhinzi, guteza imbere ubworozi no kubyaza umusaruro amazi y’Umugezi wa Muvumba.”

Ati “Akarere ka Nyagatare ni kamwe mu turere dukunze kwibasirwa n’izuba ryinshi n’amapfa, ibintu bikunze kugira ingaruka ku buhinzi n’ubworozi. Uyu mushinga ugamije gufasha abaturage kubona amazi ahagije yo kuhira imyaka no kuhira urwuri rw’amatungo, bityo umusaruro ukiyongera kandi ibikorwa by’ubuhinzi ntibishingire gusa ku mvura”.

Igice cy’ingenzi cy’uyu mushinga ni urugomero rwubakwa ku Mugezi wa Muvumba. Biteganyijwe ko ruzabika metero kibe miliyoni 55 z’amazi, akazakoreshwa mu bikorwa bitandukanye birimo kuhira imyaka, guha amazi abaturage n’amatungo ndetse no gutunganya amashanyarazi.

Ati “Hazubakwa ibikorwa byo kuhira imyaka kuri hegitari 3.073 mu mirenge ya Nyagatare, Karama, Tabagwe, Rwempasha na Rukomo. Ibi biteganyijwe kuzamura umusaruro w’ubuhinzi no kongera ibiribwa mu karere”.

Kabera Godfrey avuga ko ibi bikorwa bizongera umusaruro w’ubuhinzi n’ubwinshi bw’ibiribwa. By’umwihariko, hazubakwa ibikorwa remezo bizafasha guhangana n’ingaruka z’imihindagurikire y’ibihe.

Hazubakwa kandi ibikorwa remezo byo gufata neza no kubika umusaruro, hubakwe ibigega 10 byo kubikamo umusaruro ndetse n’ibibumbiro 75 by’amatungo. Umushinga uzanafasha kwimura no gutuza neza abaturage bazagirwaho ingaruka n’ibikorwa byawo.

Biteganyijwe ko uzagirira akamaro abaturage barenga ibihumbi 26 bazaba bafite aho bahuriye nawo, ndetse ugatanga imirimo irenga 4.700, cyane cyane ku rubyiruko.

Nk’uko Ikigega Nyafurika Gitsura Amajyambere kibitangaza, umushinga wa Muvumba uzafasha abaturage bagera ku bihumbi 800 binyuze mu kubona amazi meza, kuhira imyaka, guteza imbere ubworozi no kubona amashanyarazi.

Uyu mushinga kandi uzagira uruhare mu guhangana n’ingaruka z’imihindagurikire y’ibihe no kubungabunga umutungo kamere, bikazagira uruhare mu kuzamura imibereho y’abaturage no guteza imbere ubukungu bw’Akarere ka Nyagataren’uturere bihana imbibe.

Iyi nama yanitabiriwe n’ishami ry’umuryango w’Abibumbye ryita ku Mpunzi, ikaba yashoje imirimo yayo i Addis Abeba muri Ethiopia kuri uyu wa 22 Kamena.

Imibare yatangarijwe muri iyi nama igaragaza ko RDC icumbikiye impunzi n’abasaba ubuhungiro b’Abanyarwanda 196.289, muri bo 75.421 bakaba baranditswe hakoreshejwe uburyo bw’ikoranabuhanga bugaragaza imyirondoro yabo (biometric registration).

Abasigaye basaga ibihumbi 120, imyirondoro yabo ntisobanutse neza, abari mu nama bakaba bagaragaje ko iki ari ikibazo gikomeye.

Ku rundi ruhande, u Rwanda rucumbikiye impunzi n’abasaba ubuhungiro b’Abanye-Congo 84.456.

Impande zose zemeje ko impunzi zigomba gutahuka ku bushake bwazo, mu mutekano kandi zifite amakuru ahagije ku buzima zizasanga mu gihugu cyazo.

Impande zose zashyizeho intego yo gutahura nibura impunzi 10.000 mbere y’uko uyu mwaka urangira.

RDC igiye gutegura aho impunzi z’Abanye-Congo zizatahukira

Ikindi cyagarutsweho muri iyi nama ni uko RDC yemeye gutangira, guhera mu Ukwakira 2026, gutegura no kugaragaza ahantu h’ibanze impunzi z’Abanye-Congo ziri mu Rwanda zizatahukira. Ibi bizashingira ku byifuzo by’izo mpunzi ndetse n’amakuru yatanzwe n’ubuyobozi bw’u Rwanda.

Iyi gahunda igamije gutegura uburyo impunzi z’Abanye-Congo zizatahuka buhoro buhoro kandi ku buryo burambye mu duce zikomokamo.

Iri ni itangazo rya gatanu rihuriweho n’impande zombi ku bijyanye no gutahura impunzi ku bushake kuva hashyirwaho uru rwego rw’ubufatanye.

Nubwo amasezerano nk’aya yakomeje gusinywa mu myaka yashize, bamwe mu bakurikirana iki kibazo bagaragaza ko hari ibyemezo byinshi bitigeze bishyirwa mu bikorwa uko byari byateganyijwe, cyane cyane ku ruhande rwa RDC.

Ikibazo cy’umutekano mucye gikomeje kugaragara mu Burasirazuba bwa Congo, ahari imitwe myinshi yitwaje intwaro.

Itangazo ry’ibyavuye muri iyi nama ryasinyweho na Minisitiri ushinzwe Ibikorwa by’Ubutabazi mu Rwanda, Maj Gen (Rtd) Albert Murasira, Jacquemain Shabani Lukoo Bihango, Visi Minisitiri w’Intebe wa RDC ushinzwe Umutekano w’Imbere mu Gihugu, ndetse n’Umuyobozi Mukuru wa HCR, Barham Salih.

Iki gikorwa cyabaye kuri uyu wa mbere tariki 22 Kamena 2026, kikaba ari igikorwa kiri muri gahunda ya Defence and Security Citizen Outreach Programme 2026, cyatangijwe ku wa 9 Werurwe 2026 n’Ingabo z’u Rwanda na Polisi y’u Rwanda ku bufatanye n’izindi nzego za Leta.

Iyi gahunda igamije guteza imbere imibereho myiza y’abaturage binyuze mu bikorwa bitandukanye by’iterambere, ikaba iteganyijwe gusozwa ku wa 4 Nyakanga 2026, umunsi u Rwanda ruzizihizaho Kwibohora ku nshuro ya 32.

Micomyiza Sylivestre, umwe mu baturage bahawe ihene, yavuze ko iri tungo rizamufasha kuzamura imibereho y’umuryango we ndetse no kongera umusaruro w’ubuhinzi binyuze mu ifumbire rizatanga.

Ati: “Iyi hene izamfasha kubona ifumbire mbashe gufumbira neza, mbashe no kwishyurira umuryango ubwisungane mu kwivuza ndetse mbone ibikoresho by’ishuri by’abana.”

Yavuze ko afite intego yo korora neza iyo hene ku buryo mu myaka iri imbere na we azabasha koroza abandi, nk’uko nawe yorojwe.

Micomyiza yavuze ko yari asanzwe azi Ingabo na Polisi nk’inzego zishinzwe umutekano no gufasha abaturage mu bikorwa bitandukanye, ariko ko yatunguwe no kubona zibatekerezaho zikabaha amatungo abafasha kwivana mu bukene.

Ati: “Ibi bizadufasha gukomeza gukorana neza n’inzego z’umutekano, dutanga amakuru ku gihe kandi dukomeza kugira uruhare mu kubungabunga umutekano.”

Mukandayisenga Pharasie, umwe mu bahawe ihene, yavuze ko iri tungo rizamufasha kurwanya ikibazo cy’imirire mibi mu muryango we no kuzamura imibereho y’abana be.

Yashimiye Ingabo na Polisi ku bikorwa byiza bakorera abaturage, avuga ko bitanga icyizere ku miryango itishoboye.

Ati: “Natunguwe no kumva umuyobozi w’umudugudu ambwira ko ngiye guhabwa ihene n’Ingabo z’u Rwanda. Byaranshimishije cyane.”

Undi muturage witwa Nayino Francine, umubyeyi w’abana batanu, yavuze ko yari asanzwe yumva ibikorwa by’Ingabo z’u Rwanda bigamije guteza imbere abaturage, ariko ko yishimiye kuba na we byamugezeho.

Abahawe aya matungo bose bahuriza ku kuba azabafasha kwivana mu bukene, kongera umusaruro w’ubuhinzi no kuzamura imibereho y’imiryango yabo.

Ati: “Ubutumwa duha Ingabo ni uko zakomeza kutuba hafi no kudufasha mu rugendo rw’iterambere, igihugu cyacu kigakomeza kugira amahoro arambye.”

Ndayisenga Jean Bosco, umwe mu bahawe inka, yavuze ko izamufasha kubona ifumbire no kongera umusaruro mu buhinzi bwe.

Asanzwe ahinga soya, ibigori, ibishyimbo n’ibindi bihingwa bitandukanye. Avuga ko kwakira amakuru y’uko agiye guhabwa inka byamushimishije cyane kuko izamufasha kurera neza abana be babiri no kuzamura imibereho y’umuryango.

Ati: “Nzayitaho uko bikwiye. Numvaga ibikorwa by’Ingabo na Polisi bikorwa ahandi, none nanjye byangezeho. Ni ibyo kwishimira kuko bidufasha gutera imbere.”

Umuyobozi w’Akarere ka Kirehe wungirije ushinzwe iterambere ry’ubukungu yavuze ko ubuyobozi buzafasha abaturage bahawe amatungo kuyitaho neza no gukomeza gahunda yo korozanya.

Ati: “Ibi bigaragaza umubano mwiza uri hagati y’inzego z’umutekano n’abaturage. Ni n’uburyo bwo gukomeza gushimangira urugendo rw’iterambere igihugu cyacu kirimo. Aya matungo azafasha abaturage kwihutisha iterambere ryabo.”

Ibi byagarutsweho mu kiganiro Urubuga rw’Itangazamakuru gitegurwa n’Ishyirahamwe ry’Abanyamakuru b’u Rwanda (ARJ).

Abakurikiranira hafi ikibazo cy’umutekano muri RDC banenze iyi mvugo, bavuga ko ishobora gukomeza gukaza umwuka mubi hagati y’impande zihanganye.

Me Gasominari Jean Baptiste, umunyamategeko ndetse n’umwe mu bakurikiranira hafi ibibera mu Burasirazuba bwa Congo, yavuze ko amagambo ya Perezida Tshisekedi agaragaza imyitwarire ya politiki ishingiye ku rugamba aho gushyira imbere ibiganiro.

Perezida Tshisekedi yabivugiye i Houston muri Leta Zunze Ubumwe za Amerika ku wa 17 Kamena 2026, nyuma y’umukino w’Igikombe cy’Isi cya 2026 wahuje RDC na Portugal ukarangira amakipe yombi anganyije igitego 1-1.

Mu ijambo yagejeje ku Banye-Congo batuye muri Amerika, yavuze ko yizeye ko ingabo za RDC (FARDC) zizongera kwigarurira ibice byose biri mu maboko y’imitwe irwanya ubutegetsi bwa Kinshasa, harimo imijyi ya Goma na Bukavu.

Yagize ati: “Tugomba gushyigikira abakobwa n’abahungu ba Congo bari kurwanira igihugu aho bari hose. Uyu munsi ingabo zacu zirimo gutera imbere ku rugamba. Tuzisubiza Goma na Bukavu vuba, ni ikibazo cy’igihe gusa.”

Tshisekedi yanavuze ko afite icyizere ko mu minsi iri imbere ibice byose biri mu maboko y’imitwe yitwaje intwaro bizaba byongeye kugenzurwa na Leta.

Yanakomoje ku mateka ya politiki ya RDC, agaruka ku iyicwa rya Laurent-Désiré Kabila ndetse anashinja amahanga kugira uruhare mu bibazo igihugu cye kimazemo imyaka.

Aya magambo agaragaza ko ashyize imbere intambara

Me Gasominari yavuze ko amagambo ya Tshisekedi atajyanye n’inzira yo gushaka amahoro imaze igihe ivugwa mu biganiro biri guhuza impande zitandukanye.

Yagarutse kandi ku magambo Perezida Tshisekedi aherutse kuvuga ku wahoze ayobora RDC, Joseph Kabila, avuga ko atari ururimi rwubaka ubumwe cyangwa rusigasira amahoro.

Ati: “Iyo urebye imvugo ze n’uburyo akomeza kugaragaza ko igisubizo kiri mu rugamba, ubona ko ari mu murongo ushyira imbere intambara kurusha ibiganiro.”

Yakomeje avuga ko ikindi giteye impungenge ari uko ayo magambo yayatangarije muri Amerika, igihugu gifatwa nk’umuhuza mu gushaka ibisubizo by’umutekano mucye muri RDC.

Me Gasominari yanavuze ko hari abantu bamwe bakoresha imbuga nkoranyambaga bagatangaza amakuru adafite gihamya ku bibazo byo mu karere, ibintu bishobora kurushaho guteza umwuka mubi.

Yatanze urugero rw’uwitwa Mubenga uba muri Amerika, uherutse gutangaza amakuru ajyanye na politiki y’u Rwanda atigeze agaragaza ibimenyetso bifatika byemeza ukuri kwayo.

Ati: “Icyo gihe yavuze ko Joseph Kabila akoreshwa n’amahanga. Ikindi, Amerika nta cyo yavuze kuri iyo mvugo kandi ari yo muhuza, ahubwo ikomeza gushyira igitutu kuri M23 ngo ive mu bice yamaze gufata.”

Me Gasominari yavuze ko Leta ya Congo ifite abantu ihemba kugira ngo batangaze amakuru banyujije ku mbuga nkoranyambaga, binyuze muri Minisiteri y’Itangazamakuru, asanga hari igihe hakwirakwizwa amakuru adafite gihamya.

Ati: “Hari uwitwa Mubenga uzwi cyane uba muri Amerika uherutse gutangaza ko bashyigikiye Jean-Luc Habyarimana, umuhungu wa Perezida Juvénal Habyarimana, kandi ko mu minsi ya vuba azaba ari we uyoboye u Rwanda.”

Me Gasominari avuga ko ibyo Perezida Tshisekedi yatangaje bidatandukanye cyane n’ibyo uwo Mubenga akunze gutangaza ku mbuga nkoranyambaga ze.

Agaruka ku magambo ya Tshisekedi yo kwisubiza Goma na Bukavu, yavuze ko bishoboka ko yaba yarayatangaje ashingiye ku makuru yari yahawe atabanje kugenzurwa neza.

Ati: “Hari ubwo amakuru aturuka mu nzego zitandukanye ashobora gutangwa nk’aho ari ukuri nyamara ataragenzurwa neza.”

Abanyamakuru bavuga ko imvugo nk’izi zidakwiye mu gihe cy’ibiganiro by’amahoro

Umunyamakuru Bugirimfura Rachid yavuze ko amagambo nk’aya atavugwa mu gihe impande zitandukanye zikomeje gushaka uburyo bwo guhagarika imirwano.

Ati: “Imvugo za Perezida Tshisekedi zikunze kugaragaza ko yizera igisubizo cy’intambara kurusha inzira y’ibiganiro. Ibyo bishobora gutuma habaho gushidikanya ku bushake bwo gushyigikira amasezerano y’amahoro.”

Minembwe ikomeje kuberamo imirwano

Mu kiganiro kandi hagarutswe ku mirwano iherutse kubera mu gace ka Minembwe muri Kivu y’Amajyepfo.

Mecky Kayiranga, Umuyobozi w’Ikinyamakuru Bwiza, yavuze ko muri iyo mirwano hapfiriyemo abasirikare n’abarwanyi bo ku ruhande rwa DRC.

Yavuze ko Minembwe ituwe cyane n’Abanyamulenge, Abanye-Congo bavuga Ikinyarwanda, kandi ko ari agace kamaze igihe karimoimirwano.

Ati: “Imirwano yabereye muri Minembwe yafatiwemo abantu benshi ndetse igwamo n’abarwanyi bo ku ruhande rwa Congo cyane Abarundi.

Kayiranga avuga ko ngo iyo mirambo y’Abarundi yajyanywe mu gihugu cyabo ariko mbere yo kuyishyira mu modoka babanje gupakira amabuye y’agaciro hejuru bashyiraho imirambo.

Kayiranga yavuze ko nubwo imirwano ikomeje, imitwe ya M23 na Twirwaneho ikomeje kugaragaza ubushobozi bwo kwirwanaho, mu gihe yo ishyize imbere ibiganiro by’amahoro nk’inzira ishobora gutanga igisubizo kirambye ku bibazo by’umutekano muri aka karere.

Abahanga mu kwita no kuvura uruhu bavuga ko impamvu zituma imvi ziza mu bihe bitandukanye biterwa n’impamvu zinyuranye.

Dr Muhima Giovanni, inzobere mu kuvura indwara z’uruhu, avuga ko umuntu ukiri muto ashobora kugira imvi, mu gihe undi azigira akuze, ndetse hari n’abasaza bagifite umusatsi w’umukara imvi zabo ugasanga ari nke cyane.

Ati: “Mu busanzwe, ibara ry’imisatsi ritangwa na melanin, uturemangingo dutanga ibara ku ruhu no ku musatsi. Iyo utwo duce dutangiye kugabanuka cyangwa kudakora neza, umusatsi utangira guhinduka ukamera imvi.”

Dr Muhima avuga ko impamvu ya mbere isanzwe itera imvi ari ugusaza. Uko umuntu agenda akura, umubiri ugabanya uturemangingo twa melanin, bigatuma umusatsi utakaza ibara.

Ikindi avuga gishobora gutera imvi ni uruhererekane mu miryango (genes), cyane cyane ku bantu batangira kuzigira bakiri bato bitewe n’uko byagiye bigaragara mu miryango yabo.

Ati: “Umuhangayiko ukabije (Stress) ishobora kugira uruhare mu kwihutisha guhinduka kw’imisatsi, kuko igira ingaruka ku mikorere y’umubiri muri rusange.”

Ikindi Dr Muhima avuga gitera imvi ni kubura intungamubiri zimwe na zimwe nka vitamini B12, fer (iron) na zinc. Iyo umubiri udafite izo ntungamubiri, umusatsi ntubona imbaraga zihagije zo gukora melanin, bikihutisha guhinduka kw’ibara ryawo.

Hari n’indwara zishobora kugira ingaruka ku misatsi, zirimo izibasira uruhu cyangwa imikorere y’umubiri, bikaba byatuma umusatsi uhindura ibara.

Zimwe muri izo ndwara harimo thyroid (hypothyroidism cyangwa hyperthyroidism). Thyroid ni glande iherereye mu ijosi imbere, ikora imisemburo ikayohereza mu maraso kugira ngo ifashe kugenzura imikorere y’umubiri. Iyi misemburo igira uruhare runini mu kugenzura ingufu z’umubiri, ubushyuhe, umutima n’imikurire muri rusange. Iyo ‘thyroid’ idakora neza, ishobora kugira ingaruka ku mubiri wose, harimo n’uruhu n’imisatsi.

Iyo ‘thyroid’ idakora neza, igira ingaruka ku mikurire y’umusatsi, bigatuma ugabanuka cyangwa ugahindura ibara hakiri kare ukaba imvi.

Ati “Indi ndwara ishobora gutera imvi ni vitiligo. Ni indwara ituma uturemangingo dutanga ibara (melanin) twangirika, bigatera uruhu n’umusatsi gutakaza ibara”.

Hari kandi ‘alopecia areata’, indwara yangiza imizi y’umusatsi, bigatera umusatsi gucika cyangwa guhindura ibara mu duce tumwe na tumwe.

Dr Muhima avuga kandi ko kubura vitamini B12 cyangwa fer bishobora gutuma umusatsi udakura neza kandi ugahinduka imvi hakiri kare. Asobanura ko iyo umubiri udafite intungamubiri zihagije, umusatsi ntubona imbaraga zo gukora melanin, bikihutisha guhinduka kw’ibara ryawo.

Ese hari amavuta atuma imvi zigenda?
Dr Muhima avuga ko uretse amabara akoreshwa mu guhindura umusatsi by’igihe gito, ngo nta mavuta atuma imvi zicika burundu.

Icyo abaganga bemeranya ni uko amavuta ashobora gusa guhindura ibara ry’umusatsi mu gihe gito, ariko iyo ashizemo, imvi zongera kugaragara.

Ibiganiro byo mu bihe bishize hagati ya Amerika na Iran

Ibi biganiro byari kubera i Burgenstock mu Busuwisi, bikaba byari byitezwe guhuza intumwa za Amerika na Iran hamwe n’abahuza barimo Qatar na Pakistan.

Minisiteri y’Ububanyi n’Amahanga y’u Busuwisi yatangaje ko gahunda y’ibi biganiro yahagaritswe, ndetse nta yindi tariki iratangazwa yo kubisubukura.

Iri tangazo rije nyuma y’aho ku wa Kane ubutegetsi bwa Amerika butangarije ko Visi Perezida wa Amerika, JD Vance, atakigiye mu Busuwisi nk’uko byari biteganyijwe.

Ibiro bya White House byavuze ko gahunda y’urwo rugendo yahindutse kubera impamvu zijyanye n’imitunganyirize y’inama ndetse n’andi mabwiriza y’akazi.

Ibiganiro byari byitezweho gufasha impande zombi gukomeza ibiganiro ku bibazo bimaze igihe bireba umubano wa Amerika na Iran no guhagarika intambara ibi bihugu bihanganyemo, harimo n’ibijyanye n’umutekano mu karere k’u Burasirazuba bwo Hagati.

Mu minsi ishize, Qatar na Pakistan zari zakomeje kugira uruhare mu gushaka uko impande zombi zegerezwa kugira ngo hakomeze ibiganiro bya dipolomasi no kugabanya amakimbirane akomeje guteza impungenge amahanga.

Nubwo ibiganiro byahagaritswe, nta ruhande na rumwe rwigeze rutangaza ko ibiganiro hagati ya Amerika na Iran byarangiye burundu, ahubwo amakuru aturuka mu nzego za dipolomasi agaragaza ko hakomeje gushakwa uburyo bwo kongera kubihuza mu gihe kiri imbere.

Gusubikwa kw’ibi biganiro bishobora gutinza intambwe zari zitezwe mu kunoza umubano hagati y’ibihugu byombi no gushakira ibisubizo ibibazo by’umutekano bikomeje kuvugisha amahanga.

Yabitangaje ku wa 17 Kamena 2026 mu nama nyunguranabitekerezo yahuje Abasenateri n’abandi bayobozi mu nzego zitandukanye, igamije gusuzuma ikibazo cy’abana bafite Autism no gushaka ibisubizo bigamije kunoza ubufatanye mu kubitaho no kubafasha kwiga neza.

Dr. Gishoma yavuze ko mu Rwanda hakomeje gukorwa ubushakashatsi kuri iyi ndwara ndetse no kumenya abantu bo mu byiciro bitandukanye bayirwaye.

Yagize ati: “Iyi ndwara irahari, igaragara mu bana bato, kandi ababyeyi n’abarezi babibona umwana ageze mu myaka ibiri cyangwa itatu, kuko ari bwo atangira kugenda no kuvuga no kugaragazaga ibimenyetso n’imyitwarire bitandukanye n’ibyabandi bana.”

Yagaragaje ko ibimenyetso bya Autism birimo kuba umwana asa n’uwumva ibintu ukwe, kwibera mu isi ye, ndetse rimwe na rimwe agahugira mu bintu bye nubwo ari kumwe n’abandi.

Dr. Gishoma yavuze ko atari abana bose bayirwara ku kigero kimwe, kuko hari abo usanga bakora nk’abandi, ariko hakagaragara itandukaniro rito mu myitwarire yabo mu bandi.

Yagaragaje kandi ko Autism ikunze kugaragara cyane ku bana b’abahungu kurusha abakobwa, asobanura ko bishingira ku miterere y’uturemangingo dutanga igitsina cy’umwana.

Yagize ati: “Utunyangingo tw’umugabo kuko ari we utanga igitsina cy’umwana akenshi ni ho bikomoka.”

Yongeyeho ko Autism (Autism Spectrum Disorder–ASD) atari indwara ifite impamvu imwe izwi neza, ahubwo iterwa n’uruhurirane rw’impamvu zitandukanye zirimo imiterere y’uturemangingo ndangasano (genes).

Yavuze ko ishobora kugaragara mu miryango imwe, bigaragaza ko ishobora kugira aho ihuriye n’uruhererekane rw’umuryango.

Yagaragaje kandi ko imikurire y’ubwonko ishobora kugira uruhare, cyane cyane igihe umwana akiri mu nda cyangwa akiri muto, aho ubwonko bwe bukura mu buryo butandukanye n’ubw’abandi bana.

Yavuze ko n’imyaka y’ababyeyi ishobora kuba iri hejuru ishobora kongera ibyago, kimwe n’ibibazo bishobora kuvuka mu gihe cyo gutwita cyangwa kubyara, nko kuvuka umwana atagejeje igihe (premature birth) cyangwa umwana ufite ibiro bike cyane.

Rwigamba Fidele, ufite umwana urwaye Autism, yavuze ko yamenye ikibazo cy’umwana we hakiri kare kubera ibimenyetso birimo kutavuga no kutumva neza. Yavuze ko yahuye n’imbogamizi nyinshi mu gushaka ubufasha, kugeza ubwo yageze ku baganga bo muri Kenya, ari naho bamusobanuriye neza indwara umwana afite.

Yagize ati: “Nagarutse mu Rwanda ndamuvuza nkomeza kumurera, ariko ageze mu myaka itatu mujyana ku ishuri ntibyakunda kubera imyitwarire ye.”

Yongeyeho ko umwana we yaje kujyanwa mu kigo cyigisha abana bafite Autism, aho ubu ku myaka irindwi amaze gutera imbere kuko atangiye gusoma no kuvuga.

Minisitiri w’Uburezi, Joseph Nsengimana, yavuze ko Leta izi iki kibazo kandi ko hakomeje gutangwa amahugurwa ku barezi no gutanga ibikoresho bibafasha kwita kuri aba bana, ariko agaragaza ko hakiri icyuho cy’amashuri yihariye kuko aba bana bakeneye uburyo bwihariye bwo kwigishwa.

Yagize ati: “Turabizi ko aba bana bakeneye umwihariko, ni yo mpamvu usanga ibigo bibakira bihenze kubera ibisabwa byinshi mu kubitaho. Tuzakomeza ubuvugizi n’ubufatanye mu bikorwa bya Leta.”

Yavuze ko hakomeje kwitabwaho amahugurwa y’abarimu no kunoza ubufatanye mu mashuri yakira aba bana.

Inama y’Igihugu y’Abantu bafite ubumuga yatangaje ko mu ibarura ryakozwe hatagaragaye imibare nyayo y’abantu bafite Autism, ariko ko hari gahunda yo gukora ibarura rirambuye kugira ngo hamenyekane neza abashobora gufashwa uko bikwiye.

Umuyobozi Mukuru wa NESA baDr. Bahati Bernard yavuze ko ubushakashatsi bwagaragaje ko abanyeshuri bo mu mashuri abanza mu mwaka wa gatatu, 76% bagorwa no gusubiza ibibazo bijyanye n’ibyo basomye ugereranyije na 72,5% bo mu mwaka wa gatandatu.

Dr. Bahati Bernard, yavuze ko ikibazo cyo kumva ibyo umunyeshuri yasomye mu Cyongereza no mu Kinyarwanda kirushaho gukomera.

Ati “Kuba abana babasha gusoma ariko ntibashe kumva icyo basomye ntitwavuga ko umwana azi ururimi atabasha kumva ibyo yasomye birasaba ko dushyiramo imbaraga kugira ngo tuvuge ko umwana azi ururimi”.

Dr. Bernard Bahati, yagaragaje ko mu biga mu mwaka wa gatatu w’amashuri abanza, 49% ari bo babashije gusoma amagambo 35 y’Ikinyarwanda mu munota umwe. Abagera kuri 71% ni bo babashije kuyasoma ari mu nteruro.

Ati “Dufite ikibazo gikomeye cyane cy’uko abana basoma ariko wababaza ibyo basomye, 44% gusa ni bo bashobora kugusubiza ko ibyo basomye babyumvise.”

Dr. Bernard Bahati, yavuze ko abakobwa bo mu mwaka wa gatatu w’amashuri abanza basoma neza Ikinyarwanda kurusha abahungu. Abanyeshuri bo mu Ntara y’Amajyaruguru bahagaze neza mu gihe abo mu Mujyi wa Kigali n’abo mu Ntara y’Amajyepfo bagifite ibibazo.

Dr Bahati asobanura impamvu zatanzwe n’abarimu babajijwe muri ubu bushakashatsi zituma abana batabasha kwiga neza ngo bamenye ururimi yavuze ko basubije ko usanga bigoye gukurikirana abana 60 mu ishuri rimwe ndetse ko ibitabo bifashisha mu kwigisha abo bana biba bidahagije.

Dr Bahati yavuze ko ubushakashatsi bwamuritswe kuri uyu wa 15 Gicurasi bukorwa buri myaka ibiri, butanga amakuru y’ingenzi azakomeza gufasha mu gushyiraho ingamba zo guteza imbere ireme ry’uburezi nk’inkingi ikomeye mu kubaka icyerekezo Igihugu cyihaye cyo kugira ubukungu bushingiye ku bumenyi.

Kuri iyi nshuro bwakozwe muri Gicurasi 2025 n’Ikigo Gishinzwe Ibizamini n’Ubugenzuzi bw’Amashuri (NESA) n’abandi bafatanyabikorwa harebwa imyigire y’abanyeshuri bo mu mwaka wa gatatu n’uwa gatandatu w’amashuri abanza ndetse n’umwaka wa 3 w’amashuri yisumbuye mu masomo y’ingenzi arimo Ikinyarwanda, Icyongereza, Imibare na Siyansi.

Imwe mu ngamba Leta ifite ni ukongerera ubushobozi abarimu kuko hari aho ubushakashatsi bwagaragaje ko bagifite ikibazo cy’ubumenyi bw’ururimi.

Ikindi kizitabwaho ni ugukomeza gufasha abanyeshuri kwiga neza bakarangiza amashuri abanza bazi kumva, kuvuga no kwandika neza ibyo bize.

Mu kiganiro cyatanzwe na Izamuhaye Jean Claude, Umuyobozi ushinzwe ubuhinzi muri RAB, mu biganiro byahuje Abasenateri bose n’abayobozi b’inzego za Leta hamwe n’imiryango ya sosiyete sivile ku ruhare rw’ikoranabuhanga mu guteza imbere ubuhinzi, tariki 12 Kamena 2026, yavuze ko Leta izakomeza guhanga imirimo mu rwego rwo kuvana urubyiruko mu bushomeri.

Yagize ati: “Mu gushishikariza urubyiruko n’abikorera gushora imari mu buhinzi, twashyizeho ikoranabuhanga rya AgriTech ririmo drones, ubwenge buhangano (AI) ndetse na serivisi z’ikoranabuhanga zifasha kongera umusaruro no koroshya ibikorwa by’ubuhinzi n’ubworozi.”

Izamuhaye yavuze ko Leta n’abafatanyabikorwa bayo bakomeje gushyigikira urubyiruko kugira ngo rwinjire mu buhinzi bugezweho no guhanga udushya twafasha uru rwego gutera imbere.

Yagize ati: “Intego ni ukubaka urwego rw’ubuhinzi ruyobowe n’ikoranabuhanga, rukurura urubyiruko kandi rugafasha ishoramari ry’abikorera.”

Yavuze kandi ko hari gutezwa imbere ikoranabuhanga ripima ubuhehere bw’ubutaka n’ubw’ikirere, rifasha abahinzi kumenya igihe gikwiye cyo kuhira, ndetse no gukoresha uburyo bwo kuhira bukoresha imirasire y’izuba bukoresha amazi make hagamijwe kongera umusaruro no guhangana n’imihindagurikire y’ibihe.

Hanagaragajwe ko ikoranabuhanga rishingiye ku mushinga wo guteza imbere ibihingwa (biotechnology) rikomeje gufasha mu kubona imbuto zihanganira indwara n’imihindagurikire y’ikirere.

Yagize ati: “Binyuze mu mushinga wo guteza imbere ibihingwa (CMP), hatunganyijwe imbuto z’imyumbati zihanganira indwara ya kabore, ibirayi bihanganira indwara iterwa n’imvura nyinshi, ndetse n’imbuto z’ibigori zihanganira nkongwa.”

Ikigo cy’Igihugu gishinzwe guteza imbere ubuhinzi n’ubworozi (RAB) kandi cyavuze ko hari n’imbuto zihanganira izuba n’amapfa zikomeje gutezwa imbere.

Yagize ati: “Binyuze mu mushinga wa BIOCAP mu Rwanda, hagiye kubakwa ikigo cy’ikitegererezo mu ikoranabuhanga rya biotechnology hagamijwe kongera ubudahangarwa n’umusaruro w’imbuto zikoreshwa mu buhinzi.”

Hagaragajwe imbogamizi bazihutira gukemura

RAB yagaragaje uburyo hakiri imbogamizi ku bahinzi mu gukoresha ikoranabuhanga ririmo kutagerwaho bihagije na interinete n’amashanyarazi mu bice bimwe by’icyaro, ubumenyi buke ku ikoranabuhanga kuri bamwe mu bahinzi, igiciro kiri hejuru cya ‘smartphones’ n’ibindi bikoresho by’ikoranabuhanga.

Ati “Ikiguzi cy’ibikorwa remezo byo kuhira biracyari hejuru ariko hamwe n’izindi mbogamizi zose zikigaragara mu buhinzi bizagera muri 2029 twamaze kubikemura”.

Yabitangaje tariki 12 Kamena mu biganiro byahuje Abasenateri bose, abayobozi b’inzego za Leta n’aba sosiyete sivile ku ruhare rw’ikoranabuhanga mu guteza imbere ubuhinzi.

Ati: “U Rwanda rwiyemeje kuva ku buhinzi bwa gakondo rukerekeza ku buhinzi bukozwe kinyamwuga bushingiye ku ikoranabuhanga.”

Dr Uwituze yavuze ko zimwe mu ntambwe zigaragara ari ikoreshwa rya drones mu gukurikirana imirima n’imyaka. Yasobanuye ko izi drones zifasha gufata amashusho yerekana hakiri kare ibibazo bishobora kwibasira imyaka birimo indwara, udukoko twangiza imyaka ndetse n’ibibazo byo kuhira.

Yavuze kandi ko ingamba igihugu cyafashe mu guteza imbere ubuhinzi hakoreshejwe ikoranabuhanga zatangiye gutanga umusaruro ugaragara mu nzego zitandukanye z’ubuhinzi.

Yagaragaje ko hashyizweho gahunda ya Smart Nkunganire ifasha abahinzi kubona no gucunga inyongeramusaruro zirimo ifumbire n’imbuto z’indobanure hakoreshejwe telefone. Abarenga miliyoni 1.9 bamaze kwiyandikisha muri iyi sisitemu, naho abahinzi basaga 90% bakaba barahawe nkunganire hifashishijwe ikoranabuhanga.

Yanavuze ko ibikorwa remezo byo kuhira byakomeje kwaguka, ku buryo ubuso bungana na hegitari 74,375 bumaze kuhirwa, ibintu byafashije cyane cyane uturere dukunze guhura n’ibibazo by’amapfa cyangwa imvura nke kongera umusaruro w’ubuhinzi.

Dr Uwituze yagarutse kandi kuri sisitemu ya e-Soko ifasha abahinzi kubona amakuru agezweho ku biciro by’umusaruro ku masoko atandukanye.

Yavuze ko iyi gahunda yafashije kugabanya icyuho cy’amakuru hagati y’abahinzi n’amasoko, bituma bafata ibyemezo bishingiye ku makuru ku byo bahinga n’igihe bagurishiriza umusaruro wabo.

Muri Gahunda ya kabiri y’Igihugu yo Kwihutisha Iterambere (NST2,2024-2029), Guverinoma y’u Rwanda yiyemeje kongera umusaruro w’ubuhinzi ku kigero cya 50%, bigafasha igihugu kwihaza mu biribwa no gusagurira amasoko.

Biteganyijwe kandi ko umusaruro w’ubuhinzi uzagenda wiyongera ku kigero kiri hejuru ya 6% buri mwaka kugira ngo ugire uruhare mu kuzamuka k’ubukungu bw’igihugu ku kigero cya 9.3%.

Inzobere mu by’imirire zivuga ko atari byiza kurya no kunywa ibintu birimo isukari nyinshi kuko byangiza amenyo iyo bifashwe igihe kirekire.

Ndikubwayo Innocent ni Inzobere mu by’imirire ku kigo nderabuzima cya Burehe mu karere ka Rulindo avuga ko hari ibiribwa n’ibinyobwa byangiza amenyo bikayatera gucukuka, birimo isukari nyinshi, cyangwa aside ikangiza uruhu rukomeye rwo ku ryinyo inyuma ruririnda kwinjirwamo n’ubukonje cyangwa ubushyuhe bukabije bw’ikintu umuntu ariye ‘enamel’.

Ati“Iyi ‘enamel’ irinda iryinyo kubora ikaririnda kwinjirwamo n’ubushyuhe ndetse n’ubukonje bw’ibyo urya n’ibyo unywa bifasha kandi iryinyo gusa neza no gukomera ntiryangirike”.

Ndikubwayo avuga ko ibiribwa birimo isukari nyinshi birimo za Bombo, shokora ndetse n’ibifite ubushyushye bukabije n’ubukonje bukabije byose byangiza amenyo.

Ati “Ibinyobwa biryohereye birimo Fanta, imitobe y’imbuto yongerewemo isukari (juice) nabyo byangiza amenyo kuko isukari ifasha bagiteri mu kanwa gukora aside yangiza amenyo”.

Ibindi bintu byangiza amenyo ni ibinyobwa birimo aside, urugero ni nki indimu iyo ifashwe kenshi, ibinyobwa bitera imbaraga, n’ibiribwa bifata ku menyo birimo imitsima yoroshye, (gateau) Biswi byose byorohereza bagiteri kuyangiza.

Ati “Ibiryo bikaranze cyane birimo umunyu n’amavuta menshi
bikunze gusigara mu menyo igihe kirekire. Imyunyungugu n’ibinyobwa bisindisha by’umwihariko ibifite Alukolo nabyo iyo bifashwe ku rugero rwo hejuru byangiza amenyo”.

Ndikubwayo avuga ko nubwo hari ibiribwa bishobora guteza amenyo ibibazo, si ngombwa kubireka burundu. Icy’ingenzi ni ukugabanya inshuro umuntu abifata, ndetse akoza neza amenyo nyuma yo kurya, no kunywa.

Ni byiza kandi kujya kwa muganga w’amenyo kenshi nabyo bifasha kumenya ikibazo hakiri kare.

Abahanga mu buvuzi bw’amenyo bavuga ko kutoza amenyo neza kandi buri munsi bishobora kuba intandaro zo kurwara izindi ndwara zirimo n’umutima bakagira inama abantu yo kugira isuku y’amenyo ku gira ngo birinde ibyo bibazo byose.

Docteur Muhigana Adelaide uyobora ishyirahamwe ry’abaganga bavura indwara z’amenyo avuga ko isuku nke yo mu kanwa ikurura n’ubundi burwayi bukomeye.

Ati “Igihe umuntu atakoreye isuku amenyo, ye ashobora kubora, guhumura nabi ndetse akaba yavamo. Mu kwita ku menyo, umuntu ayoza inshuro eshatu ku munsi, igihe cyose arangije gufata amafunguro”.

Dr Muhigana avuga ko 90% by’abarwayi, usanga amenyo yabo aba yaracukutse, bitewe n’isuku nke no gutinda kuyivuza.

Inyigo yakozwe na RBC mu 2018 ku bantu 2097 bagiye kwa muganga kwivuza indwara zo mu kanwa, 2/3 muri bo bari bafite amenyo yatobotse cyangwa yamanyutse bitewe no kutoga mu kanwa.

Ubushakashatsi bwakozwe na RBC mu mwaka wa 2021 bwerekanye ko 92% by’Abanyarwanda bisuzumishije amenyo muri uwo mwaka babitewe n’uko bababaraga cyane, mu gihe abangana na 1% aribo bisuzumishije bagamije kureba uko bahagaze.

Ubu bushakashatsi kandi bwerekanye ko Abanyarwanda bagera kuri 67%, boza amenyo rimwe ku munsi mu gihe abayoza kabiri ari 19% gusa.

Hari abagaragaza ko guteka ku mbabura biryoshya ibiryo kandi bigira isuku nyinshi kuruta ibitetse ku nkwi no kuri gaze.

Mukandayisenga Claudine utuye mu Karere ka Nyanza yavuze ko akunda ibiryo bitetse ku nkwi kuko ngo bigira impumuro n’uburyohe bwihariye.

Ati: “Iyo utekeye ku nkwi cyane cyane ibishyimbo cyangwa igitoki, biraryoha cyane. Hari impumuro yihariye ibiryo bigira itandukanye n’iyo kuri gaze.”

Naho Niyomugabo Eric we yavuze ko uburyohe bw’ibiryo buterwa n’uburyo umuntu ateka kurusha ibikoresho akoresha.

Yagize ati: “Njye mbona ibiryo biryoha bitewe n’uwabitetse. Ushobora gutekera kuri gaze cyangwa ku mbabura kandi bikaryoha cyane kurusha ibyatekewe ku nkwi.”

Mugisha Faustin we avuga ko gaze ari ntagereranywa mu guteka vuba kandi igahisha ibiryo vuba, nubwo biba bitaryoha nk’ibyatekeshejwe ku nkwi no ku mbabura.

Ati: “Numva ibiryo byatekewe kuri gaze nta cyanga biba bifite kuko usanga nta buryohe bifite nk’ibyo batekesheje inkwi.”

Mugisha ariko asanga impamvu ibiryo byatekeshejwe inkwi biba bifite impumuro yihariye biterwa n’imyotsi iba yabigiyemo, nubwo icyo batetsemo kiba gipfundikiye.

Ati: “Akamenyero na ko kagira uruhare. Iriya myotsi ishobora gutanga habaho impumuro yihariye ku biryo, kubera kuyimenyera bigatuma ubirya ataryoherwa n’ibindi byatetswe kuri gaze cyangwa ku mbabura.”

Inzobere mu by’imirire, Shema Arlette, avuga ko uburyo umuntu atekamo ibiryo bushobora gutuma bitakaza icyanga.

Ati: “Hari ibiribwa bitekwa igihe gito, urugero nk’imboga. Ntizitekwa igihe kirekire cyangwa ku gipimo cy’ubushyuhe bukabije, kuko iyo umutetsi azitindije ku muriro mwinshi zitakaza intungamubiri.”

Shema avuga ko aho umuntu yateka hose ntacyo bihindura ku buryohe bw’ibiryo iyo ifunguro ryateguwe neza kandi riteguranywe isuku.

Icyakora, avuga ko ibiryo bitekwa igihe kirenze bishobora gutakaza icyanga.
Yatanze urugero ko guteka ibitoki n’ibirayi amasaha abiri bituma bitakaza uburyohe bisanzwe bifite, kuko byo byagenewe gutekwa hagati y’iminota 30 na 60.

Ku mboga ho avuga ko atari byiza kuzihisha cyane kugira ngo zigumane intungamubiri zuzuye.

Ati: “Bisaba guteka ku muriro uringaniye utari mwinshi cyane, kuko umuriro mwinshi ubabura ibiryo ugatuma bishya vuba, kandi hari n’intungamubiri zangirika kubera gutekeshwa umuriro mwinshi.”

Asobanura ko kutaryoha kw’ibiryo bituruka kuba bitateguwe uko bikwiye bityo intungamubiri zirimo zigatakara bigatakaza icyanga.

Shema avuga ko ibiryo bishobora kuryoha kimwe yaba bitetse ku nkwi, ku mbabura cyangwa kuri gaze, igihe byatetswe neza kandi bifite isuku.

Inganda zitunganya imyenda zizongerera ubushobozi ibikorwa byazo ku rugero rwa 100% bitarenze mu 2029, ndetse umubare w’akazi zizatanga uziyongera uve ku mirimo 11,900 ugere ku 50,500.

Biteganyijwe ko u Rwanda ruzajya ruzigama miliyoni 28 z’amadolari buri mwaka ku myenda yatumizwaga hanze, mu gihe amafaranga azajya asigara imbere mu gihugu kubera gukora ibitambaro bikorwamo imyenda mu Rwanda ateganyijwe kwiyongera akava kuri miliyari 9 Frw akagera kuri miliyari 45 Frw buri mwaka.

Aha kandi, ibyoherezwa mu mahanga bikomoka ku nganda z’imyenda biteganyijwe kuzava kuri miliyoni 20 z’amadolari bikagera kuri miliyoni 100 z’amadolari ku mwaka.

Iri terambere ryitezweho kugira uruhare rukomeye mu kugabanya ubushomeri bukigaragara cyane cyane mu rubyiruko.

Raporo y’Ikigo cy’Igihugu cy’Ibarurishamibare (NISR) igaragaza ko igipimo cy’ubushomeri mu Rwanda cyageze kuri 11% mu gihembwe cya mbere cya 2026, kivuye kuri 11.1% mu gihembwe cya mbere cya 2025.

Abashomeri bafite imyaka yo gukora bageze ku bihumbi 615, mu gihe abatari ku isoko ry’umurimo barenga miliyoni 3.1.

Imibare ya NISR kandi igaragaza ko abafite akazi benshi bakiri mu rwego rw’ubuhinzi rwihariye 44.4%, rugakurikirwa na serivisi zikoresha 41%, mu gihe inganda zikoresha 14.6%.

Abasesenguzi bavuga ko kongera ishoramari mu nganda zitunganya imyenda bishobora gufasha igihugu kongera ibyoherezwa mu mahanga, guteza imbere urwego rw’inganda no guhanga imirimo mishya ku rubyiruko rwinshi rwinjira ku isoko ry’umurimo buri mwaka.

Minisitiri Murangwa yavuze ko iyi ngengo y’imari yiyongereyeho miliyari 844,2 Frw ugereranyije n’ingengo y’imari ivuguruye y’umwaka wa 2025/2026 yari miliyari 6952,1 Frw.

Ati “Iri zamuka rishingiye ku cyerekezo cya Guverinoma cyo gukomeza gushora imari mu bikorwa byihutisha iterambere ry’ubukungu, guteza imbere imibereho myiza y’abaturage ndetse no kongera ubushobozi bw’inzego zitandukanye”

Minisitiri Murangwa yagaragaje ko ingengo y’imari y’uyu mwaka Leta iteganya gushyira imbaraga mu bikorwa remezo, ubuhinzi, uburezi, ubuzima, guhanga imirimo no guteza imbere gahunda zigamije kuzamura imibereho y’abaturage.

Minisitiri Murangwa yavuze ko ingengo y’imari ya 2026/2027 yubakiye ku ntego zo gukomeza kuzahura ubukungu no kongera umusaruro mu nzego zitandukanye zifatiye runini abaturage.

Yanagaragaje ko Guverinoma ikomeje gushyira imbere imikoreshereze inoze y’umutungo wa Leta, gukomeza gukusanya neza imisoro no kongera ubushobozi bw’igihugu bwo kwigira.

Ministiri Murangwa yavuze ko kubera ingaruka z’intambara yo mu Burasirazuba bwo hagati Leta izakomeza gukaza ingamba zo guhangana n’izamuka n’ihindagurika ry’ibiciro byo ku masoko kugira ngo bidakomeza kugira ingaruka ku baturage no ku gihugu.

Ati“Muri iyi ngengo y’imari tuzanita cyane ku guhanga n’ihindagurika y’ibihe kuko twasanze bigira ingaruka cyane ku bukungu bw’ibikomoka ku buhinzi”.

Minisitiri Murangwa yagaragaje ko amafaranga akomoka imbere mu gihugu azazamuka ku kigero cya 13.1%, mu gihe amafaranga ava hanze azazamuka ku kigero cya 10.2%. Ibi bikaba byerekana byerekana icyerekezo cyiza cyo kwigira k’ubukungu bw’u Rwanda.

Yabigarutseho kuri uyu wa Kane tariki 11 Kamena ubwo yagezaga ku Nteko Ishinga Amategeko ihuriweho n’Imitwe yombi umushinga w’Itegeko rigena Ingengo y’Imari ya Leta y’umwaka wa 2026/2027.

Mu kiganiro cye, Minisitiri Murangwa yavuze ko mu rwego rw’ubutabera hari ibikorwa bitandukanye byagezweho birimo kugaruza umutungo wa Leta wari waranyerejwe ndetse no gukomeza kwegereza abaturage ubutabera.

Yavuze ko amafaranga yagarujwe agaragaza imbaraga Leta ikomeje gushyira mu kurwanya inyerezwa ry’umutungo wa rubanda no gukurikirana abakoresha nabi umutungo wa Leta.

Minisitiri Murangwa yavuze kandi ko ubutabera bukomeje kwegerezwa abaturage binyuze mu ruhare rw’abunzi mu gukemura amakimbirane.

Ati: “Mu rwego rwo gukomeza kwegereza abaturage ubutabera no gushimangira uruhare rwabo mu kwikemurira amakimbirane, abunzi bakiriye imanza 14,500 murizo 14,400, zingana na 99% zarakemuwe.”

Minisitiri Murangwa yanagarutse kuri gahunda yo gufasha abaturage batishoboye kubona ubutabera. Yavuze ko muri gahunda yo gutanga ubufasha mu by’amategeko ku baturage batishoboye ndetse n’abatagejeje imyaka y’ubukure, urugaga rw’abavoka rwafashije abantu 2700 kubona ubutabera.

Iyi Chorale iririmbwamo abantu baturuka mu nzego zitandukanye zaba inzego z’ubuyobozi, abakozi, abanyeshuri, abikorera n’abandi bakora muyindi mirimo. Aba bose bahujwe n’impano yo kuririmba no gukunda umuziki by’umwihariko bakabikora nk’ubutumwa bwa Kiliziya.

Iyi Korali ifite umwihariko wo kuririmba mu majwi atandukanye bikanyura abumva indirimbo zabo ndetse bikanaruhura umutima.

Nk’uko muri Kiliziya Gatolika haba umwihariko w’indirimbo bitewe n’igihe Kiliziya irimo usanga iyi Korali iririmba izo ndirimbo zigakundwa kandi mu bihe byose ugasanga zinogeye amatwi.

Chorale de Kigali ifite Alubumu zirenga 13 n’izindi ndirimbo zihariye zanditse amateka mu rurimi rw’Ikinyarwanda, Ikilatini, Icyongereza ndetse n’Igifaransa.

Zimwe mu zikunzwe cyane harimo iz’Ikinyarwanda zihimbaza Imana na Bikira Mariya harimo iyitwa Indabo za Mariya kuko iri mu zumviswe cyane kuri YouTube, Nyagasani Nasingizwe (Ibisingizo Byose), Twifitiye Umubyeyi, Ndagiwe n’Umushumba Mwiza, Yezu waje kubana natwe, Yezu Kristu Mukiza Wacu, Dusingize Imana, Komeza Intambwe Zanjye, Ni Wowe Rutare Rwanjye, ndetse n’Indirimbo za Noheli (Christmas Carols).]

Muri alubumu zabo nka Twabonye Inyenyeri ya Noheli, indirimbo zakunzwe cyane zirimo iyitwa Umukiza Yatuvukiye, Uwo Mwami Ari He? Joro Ryiza, Malayika n’Abashumba.

Chorale de Kigali yashinzwe ku wa 15 Kanama 1966. Yashinzwe n’abagabo b’abahanga mu muziki bari barasoreje amashuri yabo muri za Seminari Nkuru n’ayandi mashuri y’abamisiyoneri.

Bamwe mu bayitangije barimo Professeur Paulin Muswahili, Saulve Iyamuremye, Matthieu Ngirumpatse, Célestin Nkaka, Henry Nzajyibwami, na Claver Karangwa.

Mu ntangiriro y’umwaka wa 1966, yari igizwe n’abagabo gusa. Abagore baje kwemererwa kwinjiramo bwa mbere mu mwaka wa 1987, bituma igira amajwi y’urusobe mu buryo bwuzuye arimo ‘Soprano, Alto, Tenor, Bass’.

Mu 1978, yaririmbye mu birori by’isabukuru y’imyaka 50 y’Ubusaserdoti bwa Musenyeri Aloys Bigirumwami.

Mu 1988, nibwo basohoye Album yabo ya mbere y’amajwi nyuma y’imyaka 22 ivutse, yakorewe muri Studio ya Kinyamateka Saint Paul.

Ku wa 10 Nzeri 1990, yaririmbye mu gitambo cya Misa ubwo Papa Yohani Pawulo wa II yasuraga u Rwanda.

Ubu iyi Korali ifite icyicaro kuri Paruwasi ya Cathedrale Saint Michel i Kigali, kandi yizihiza isabukuru yayo buri ku wa 15 Kanama ku munsi w’Ijyanwa mu Ijuru rya Bikira Mariya.

Kuva mu mwaka wa 2013, Chorale de Kigali yamenyekanye cyane mu gushyiraho igitaramo gikomeye cyitwa "Christmas Carols Concert" kiba buri jororo rya Noheli, kigahuza abakunzi b’umuziki benshi muri Kigali.

Kuri uyu wa 10 Gicurasi 2026 iyi Korali irakirwa na KT Radio mu kiganiro Dunda Show aho bari buganire byinshi cyane birimo imyiteguro y’igitaramo cyayo cyiswe Voices in Harmony mu rugendo rwo kwizihiza imyaka 60.

Uyu mugabo w’imyaka 67 y’amavuko arajuririra igihano cy’igifungo cy’imyaka 27 yakatiwe mu Ukwakira 2024, nyuma yo guhamwa n’ibyaha bya Jenoside, ubufatanyacyaha muri Jenoside ndetse n’ibyaha byibasiye inyokomuntu byakozwe mu gihe cya Jenoside yakorewe Abatutsi mu 1994.

Iri buranisha rishya rije hashize hafi imyaka ibiri Urukiko rwa Rubanda rw’i Paris rumuhamije ibyaha byinshi bifitanye isano n’ubwicanyi bwakorewe mu cyahoze ari Perefegitura ya Butare.

Umunyamategeko Richard Gisagara, yavuze ko muri uru habanza, rugiye kuburanishwa kuri uyu wa Kabiri mbere yo gutangira habanza hagategurwa abantu b’inyangamugayo 9 bagize akanama nkemurampaka (jury) hakumvwa ibitekerezo byabo byamara kwakirwa bakaba aribo bitabira iburanisha.

Ati “Hiyongereyeho n’abacamanza b’umwuga batatu ndetse barimo na Perezida w’urukiko inteko yose ikaba igizwe n’abantu 12”.

Me Richard Gisagara avuga ko uru rubanza rutazoroha kuko usanga Dr Rwamucyo Eugene agifite ingengabitekerezo ya Jenoside ndetse ukabona asa nkuwifitemo ingengabitekerezo yo guhakana ko Jenoside yabaye nubwo atabivuga abyeruye kuko akenshi akunze gukoresha imvugo izimije.

Gutanga ubutabera kuri Dr Rwamucyo byafashe igihe kirekire

Izina rya Dr Rwamucyo rimaze imyaka myinshi rigaragara mu manza zitandukanye zijyanye na Jenoside yakorewe Abatutsi. Ku wa 2 Nzeri 2009, urukiko Gacaca rwa Ngoma, mu karere ka Huye k’ubu, rwamukatiye adahari igifungo cya burundu.

Yari yarahamijwe ibyaha birimo gushinga no gushyigikira imitwe y’abicanyi, gutanga ibikoresho byakoreshejwe mu bwicanyi ndetse no kugira uruhare mu gushimuta abagore n’abakobwa b’Abatutsi bakabakorera ihohoterwa rishingiye ku gitsina.

Nyuma yo guhungira mu Bufaransa, yakoraga umwuga w’ubuganga mu Bitaro bya Sambre-Avesnois biherereye i Maubeuge. Icyakora, amasezerano y’akazi ye yahagaritswe mu 2010, nyuma y’uko ubuyobozi bw’ibi bitaro bumaze kumenya umwirondoro we n’ibirego yashinjwaga.

Nyuma y’amezi make, muri Gicurasi 2010, yatawe muri yombi i Paris ubwo yari yitabiriye umuhango wo gushyingura Jean-Bosco Barayagwiza.

Nyuma y’imyaka 14 hatangiye gutangwa ubutabera n’ibyemezo bitandukanye byafashwe n’inkiko, ubuyobozi bw’u Bufaransa bwaje gufata icyemezo cyo kumuburanisha.

Abamwunganira ntibishimiye igihano yahawe

Mu rubanza rwe rwa mbere, abatangabuhamya batandukanye bashinje Dr Rwamucyo kugira uruhare muri Jenoside yakorewe Abatutsi i Butare. Umwe muri bo yavuze ko yumvise uregwa ashishikariza Interahamwe kongera ubukana bw’ubwicanyi kuri bariyeri yari iri hafi y’urugo rwa Pauline Nyiramasuhuko, wahoze ari Minisitiri w’Umuryango muri Guverinoma yiyise iy’Abatabazi icyo gihe.

Ku wa 30 Ukwakira 2024, Urukiko rwa Rubanda rw’i Paris rwamuhamije ibyaha bya Jenoside, kugira uruhare mu mugambi wo gutegura Jenoside ndetse n’ibyaha byibasiye inyokomuntu, rumukatira igifungo cy’imyaka 27.

Iki gihano nticyashimishije uruhande rw’uregwa, rwifuzaga ko agirwa umwere, ndetse nticyanashimishije ubushinjacyaha bwari bwasabye ko yakatirwa imyaka 30 y’igifungo. Impande zombi zahise zijurira hakurikije uburyo buteganywa n’amategeko.

Mu iburanisha ryabanje, Dr Rwamucyo yemeye ko yatanze amabwiriza yo gushyingura imibiri y’abazize Jenoside, ariko avuga ko yabitewe gusa n’impungenge z’ubuzima rusange n’ibidukikije. Yahakanye yivuye inyuma ko yaba yarategetse gushyingura abantu bakiri bazima cyangwa kugira uruhare mu mugambi uwo ari wo wose wo gutsemba Abatutsi.

Urubanza rw’ubujurire

Urubanza rw’ubujurire ruteganyijwe kwibitarwa n’abatangabuhamya 69 barimo ab’ubwunganizi n’ab’Ubushinjayacyaha, abaregera indishyi, n’inzobere.

Muri iki cyiciro gishya cy’urubanza, Dr Rwamucyo yahinduye cyane itsinda ry’abamwunganira. Abanyamategeko bari baramwunganiye mu rubanza rwa mbere, Me Philippe Meilhac na Me Françoise Marthe, ntibongera kumuburanira.

Amakuru atandukanye avuga ko gutandukana kwabo kwabaye nyuma y’icyemezo cyamukatiye mu 2024.

Ubu arunganirwa n’itsinda rigizwe n’abanyamategeko barindwi ari bo Me Daniel Fellous, Me Raphaël Constant, Me Salomé Cohen, Me Parvez Dookhy, Me Jean-Christophe De Block, Me Michèle Siari na Me Jean-Baptiste Harelimana.

Perezida Paul Kagame ni we watangije ikibuga cy’indege zitagira Abapilote cya Muhanga gikoreshwa mu gatwara amaraso n’imiti

Sosiyete ya Zipline Rwanda Ltd ni imwe mu masosiyete y’ikoranabuhanga yazanye impinduka zikomeye mu rwego rw’ubuzima mu Rwanda no muri Afurika muri rusange. Iyi sosiyete ikoresha drones, zizwi nk’indege nto zitagira Abapilote, mu kugeza ibikoresho by’ubuvuzi aho bikenewe mu buryo bwihuse.

Zipline yatangiye gukorera mu Rwanda mu mwaka wa 2016, ikaba yaratangiriye ibikorwa byayo mu Karere ka Muhanga mu Ntara y’Amajyepfo. Yagezaga amaraso mu bitaro ku buryo bwihuse.

Ikibuga cy’indege zayo zitagira Abapilote cya mbere, cyubatwe I Shyogwe mu Karere ka Muhanga.

Mu Rwanda, ibikorwa bya Zipline byakomeje kwaguka, aho nyuma ya Muhanga yanashinze ikindi kigo gikomeye mu Karere ka Kayonza mu Ntara y’Iburasirazuba kugira ngo serivisi zigere no mu bice byinshi by’igihugu.

Muri Mata uyu mwaka, Leta y’u Rwanda na Zipline Rwanda, basinye amasezerano atuma iki kigo cyagura aho gukorera, harimo Umujyi wa Kigali no mu Ntara y’Iburengerazuba.

Umuyobozi wa Zipline mu Rwanda, Pierre Kayitana, agaruka ku buryo bizakorwa muri Kigali.

Ati "Ni drones zihariye tuzakoresha, zitandukanye cyane n’izo dusanganywe kuko zo zidakenera ibibuga zihagurukiraho. Izajya ijya aho ifata ikintu, ihagarare hasi bagishyiremo, hanyuma ihaguruke ikigeze ku wa gitumije ako kanya".

Yungamo ati "Mu byo twumvikanye kandi harimo kubaka ikindi kibuga cy’indege (drones) i Karongi, kizaba kibaye icya gatatu nyuma y’icya Muhanga n’icya Kayonza. Iki kibuga kizafasha kugeza serivisi mu bice bya Rusizi, Nyamasheke, ku Nkombo n’ahandi".

Mbere byari biteganyijwe ko iki kibuga cya drone cy’i Karongi kizatangirwa gukora muri uku kwezi.

Minisitiri w’Intebe yavuze ko izamuka ry’ibiciro by’ibikomoka kuri Peterero rituruka ku ntambara yo mu Burasirazuba bwo hagati ariko ko Leta izakomeza guhangana n’ibyo bibazo kugira ngo irengere inyungu z’umuturage.

Yabisobanuye atya: “Iri zamuka rya Mazutu ryatangajwe ku mugoroba wo kuwa Gatanu Leta yashyizemo nkunganire ingana na 18,26% kuko iyo itaza gushyiramo nkunganiro iba yatangaje ko Litiro igeze ku giciro cya 3581frw."

Minisitiri w’Intebe Dr Nsengiyumva yatanze urugero rw’urugendo rwo kuva Nyabugogo - Musanze ko ari 3821frw kubera ko harimo nkunganiro ya Leta, agaragaza ko iramutse itarimo uru rugendo rwakwishyurwa 4281frw hatarimo iyo nkunganire.

Minisitiri w’Intebe yavuze ko nubwo mazutu yazamutse ndetse na Lisansi ishobora kongera kuzamuka Leta y’u Rwanda izakomeza guhangana n’ingaruka z’ibi bibazo kugira ngo zitagera ku muturage.

N’ubwo Leta yunganira muri Mazutu Minisitiri w’Intebe Dr Nsengiyumva yavuze ko kuri Lisansi nta Nkunganire ishyiramo.

Ati “Impamvu Leta yashyize nkunganire cyane kuri Mazutu nuko ariyo ikoreshwa cyane mu nganda ndetse no mu modoka nyinshi zitwara abagenzi”.

Muhumure Leta izakomeza kubabera Maso

Minisitiri w’Intebe Nsengiyumva yabwiye abanyarwanda ko Leta izi neza ko ikiguzi cy’imibereho cyazamutse ikaba izi neza ko birimo kugira ingaruka ku mibereho y’Abanyarwanda.

Nyamara yabahumurije agira ati “Turasaba Abanyarwanda kudakuka umutima. Hari ikibazo ku Isi kandi Leta izahangana nacyo. Ibicuruzwa bizakomeza kuboneka ku isoko, kandi n’ibikomoka kuri Peteroli n’aho byazamuka, Leta izakora uko ishoboye bikomeze kuboneka mu gihugu."

Atangiza igihembwe cy’ihinga cya 2027AB umuyobozi wa One Acre Fund Rwanda Belinda Bwiza yavuze ko bakomeje gukorana bya hafi na Guverinoma y’u Rwanda binyuze muri Minisiteri y’Ubuhinzi n’Ubworozi (MINAGRI), Ikigo cy’Igihugu gishinzwe guteza imbere Ubuhinzi n’Ubworozi (RAB) ndetse n’izindi nzego mu gufasha abahinzi kubona inyongeramusaruro nziza, amahugurwa, ubushobozi bwo kubona inguzanyo no gushakira umusaruro amasoko.

Belinda yavuze ko mu mwaka ushize, One Acre Fund Rwanda yafashije abahinzi barenga miliyoni imwe binyuze muri gahunda yayo ya Tubura.

Iki kigo kandi cyatanze toni zirenga 50,500 z’inyongeramusaruro mu turere 27 tw’igihugu, kinahugura abahinzi barenga 430,000 ku buryo bwiza bwo guhinga.

Ikigo gitunganya imbuto z’indobanure cya RICA Seed Center gikorana na One Acre Fund cyatunganyije toni 4,500 z’imbuto z’ibinyampeke birimo ibigori, ibishyimbo na soya, ndetse kinahugura impuguke 32 mu bijyanye n’ikoranabuhanga n’ubucuruzi bw’imbuto.

Mu rwego rwo kongerera ubushobozi abajyanama b’ubuhinzi, gahunda y’Ikigo cy’icyitegererezo mu bujyanama bw’ubuhinzi (Extension Center of Excellence) yashyizweho ku bufatanye na RAB, yahaye icyemezo cya mbere ku rwego rw’igihugu abajyanama 49, ndetse kugeza ubu imaze kugera ku bajyanama 270 bakorera hirya no hino mu gihugu.

Mu rwego rwo kubungabunga ibidukikije no guhangana n’imihindagurikire y’ikirere, One Acre Fund Rwanda yatanze ibiti miliyoni 30 by’amashyamba n’ibiti by’imbuto 800,000 mu mwaka ushize, bifasha abahinzi miliyoni imwe. Kuva mu 2016, iki kigo kimaze gutanga ibiti miliyoni 145 mu Rwanda.

Ku bijyanye no gushakira abahinzi amasoko, One Acre Fund yohereje mu mahanga toni 378 z’umusaruro zirimo avoka, urusenda, ibishyimbo bibisi ndetse n’ikawa y’icyatsi, inafasha abahinzi barenga 15,000 kubona amasoko yizewe nk’uko bwiza akomeza abivuga.

Muri rusange, ibikorwa by’iki kigo byagize uruhare mu kongera inyungu z’abahinzi zingana na miliyoni 168 z’amadolari ya Amerika mu gihembwe cya 2026AB.

Bwiza yavuze ko gukomeza guteza imbere urubyiruko mu buhinzi biri mu byo izashyira imbere muri uyu mwaka, aho iteganya kugera ku rubyiruko rw’abahinzi 400,000 binyuze mu kubafasha kubona ubushobozi bw’imari, amahugurwa ndetse no kuborohereza kubona amahirwe mu rwego rw’ubuhinzi.

Umuyobozi wa One Acre Found Bwiza yavuze ko iki ikigo kizakomeza gushimangira ubufatanye n’inzego zitandukanye kugira ngo abahinzi babone amasoko yizewe kandi yunguka, bityo umusaruro mwinshi ugahinduka inyungu ifatika ku bahinzi.

Ati “Impinduka mu buhinzi bw’u Rwanda zirasaba kongera umusaruro no gufasha abahinzi kubona inyungu ku byo bahinze”.

Minisitiri w’Ubuhinzi n’Ubworozi Dr. Telesphore Ndabamenya yavuze ko muri iki gihembwe Leta yiteguye gufatanya n’abandi bafatanyabikorwa mu kongera umusaruro ukomoka ku buhinzi kugira ngo buri mu nyarwanda wese yihaze mu biribwa kandi asagurire amasoko.

Abahinzi batanze ubuhamya uburyo guhinga igihngwa cyatoranyijwe byabahinduriye ubuzima nyuma yo kuba mu bushomeri igihe kirekire.

Nyiransabimana Jeanne D’arc waturutse mu karere ka Gakenke mu ntara y’Amajyaruguru yatanze ubuhamya ku buhinzi bw’Avoka bwamuteje imbere we n’umuryango we bakava mu bukene.

Ati “Twabashije gutera imbere jyewe n’umuryango wange kuko ubu abana bariga neza ndetse icyo dukeneye mu rugo tubasha ku kibona”.

Nyiransabimana avuga ko igihe Avoka zitarera ngo bagurishe umusaruro baba bahinga indi myaka isanzwe yera vuba kugira ngo umuryango we ubashe kubaho.

One Acre Found ni ikigo cyashinzwe mu 2007, kikaba gikomeje gufasha abahinzi bato bo hirya no hino mu Rwanda binyuze mu nkingi eshatu zirimo kongera umusaruro, kubaka ubudahangarwa no gushakira abahinzi amasoko, mu rwego rwo gushyigikira icyerekezo cy’u Rwanda cya 2050 na gahunda y’Icyiciro cya Gatanu cyo Guhindura no Guteza Imbere Ubuhinzi.

Abarobyi bavuga ko ubwato bwinshi bukoresha Lisansi cyangwa Mazutu, ku buryo izamuka ry’ibiciro byabyo ryahise rigira ingaruka ku giciro cy’amafi n’insambaza zigurishwa ku masoko.

Umurobyi ukorera ku Kiyaga cya Kivu Rukundo Jean Damour yavuze ko mbere bakoreshaga amafaranga make mu kugura lisansi ijya mu bwato, ariko ubu bikaba byikubye inshuro nyinshi.

Yagize ati :“Iyo Lisansi na mazutu bizamutse, natwe duhita tuzamura ibiciro by’ubwato kuko amafaranga dukoresha aba yiyongereye, bitabaye ibyo twakorera mu gihombo.”

Rukundo avuga ko isambaza zitumye zaguraga 2000frw ku kiro zageze ku 4000frw, mu gihe izaguraga 7000frw zumye zigeze 14000frw.

Ikindi aba barobyi bavuga nuko Insambaza ndetse n’amafi byabaye bike mu mazi muri ibi bihe by’impeshyi.

Gusa amafi yo ngo aboneka ni make cyane ugereranyije n’umusaruro w’ayo babonaga.

Ati “Ku munsi twarobaga nk’ibiro 80kg byabaye bike ariko ubu umuntu ashobora kuroba nk’ibiro 20 cyangwa bikajya munsi”

Bamwe mu basesenguzi bavuga ko izamuka ry’ibiciro by’ibikomoka kuri peteroli rikomeje kugira ingaruka ku mibereho y’abaturage benshi. Igiciro cy’izamuka rya Lisansi na Mazutu kandi cyatumye habaho impinduka nyinshi mu bucuruzi butandukanye byose bikagenda bigira ingaruka zikomeye ku buzima bw’abantu ndetse n’ubukungu bugahungabana.

Mu gihe ikibazo gikomeje, abaturage bavuga ko bafite impungenge ko nibidakemuka, amafi n’insambaza bishobora gukomeza guhenda kurushaho, bigatuma bamwe babura kimwe mu biribwa by’ibanze byabafashaga kugira ubuzima bwiza no kurya indyo yuzuye.

Aya matora agamije gutora abagize Inteko Ishinga Amategeko ndetse n’abahagarariye inzego z’ibanze. Abadepite bazatorwamo Minisitiri w’Intebe mushya wa Ethiopia, kuko ubutegetsi bw’iki gihugu bushingiye kuri gahunda y’Inteko Ishinga Amategeko (parliamentary system).

Abiy Ahmed, umaze kuyobora Ethiopia kuva mu 2018, ni we uyoboye ishyaka rya Prosperity Party, riteganyijwe kongera kwegukana intsinzi nk’uko byagenze mu matora yo mu 2021.

Abasesenguzi benshi bavuga ko iri shyaka rifite amahirwe menshi yo gukomeza kugira ubwiganze mu Nteko Ishinga Amategeko kubera intege nke z’amashyaka atavuga rumwe na Leta ndetse n’ibibazo by’umutekano bikigaragara mu bice bimwe by’igihugu.

Nubwo amatora yabaye mu bice byinshi bya Ethiopia, ntabwo yabereye mu karere ka Tigray ndetse no mu bice bimwe bya Amhara kubera ibibazo by’umutekano muke bikomoka ku ntambara n’imvururu byagiye biharangwa mu myaka yashize.

Guverinoma ya Abiy Ahmed igaragaza ko igihugu kimaze gutera intambwe mu bukungu, aho ubukungu bwa Ethiopia buteganyijwe kuzazamuka ku kigero kirenga 10% muri uyu mwaka w’ingengo y’imari.

Icyakora abatavuga rumwe n’ubutegetsi n’imiryango iharanira uburenganzira bwa muntu bavuga ko hakiri ibibazo birimo gukandamizwa kw’abatavuga rumwe na Leta, abanyamakuru ndetse n’imbogamizi ku bwisanzure bwa politiki.

Ibyavuye muri aya matora biteganyijwe gutangazwa mu minsi iri imbere, bikazagaragaza niba Abiy Ahmed azakomeza kuyobora Ethiopia muri manda nshya cyangwa niba hazabaho impinduka muri politiki y’iki gihugu.

Uyu mukobwa ubwo yatangiraga guca akenge, yabajije nyina niba we agira se nuko nyina amubwira izina ahimbye.

Ati “ Mama yafashwe ku ngufu agira n’ibyago byo kumbyara bimutera igikomere nanjye bintera igikomere cyo gukura ntazi Papa ndetse ntazapfa menye ubuzima bwanjye bwose”.

Umurizaboro agize imyaka 12 yongeye kubaza nyina aho se ari, amubwira ko bamwishe muri Jenoside yakorewe Abatutsi icyo gihe amubwira izina rya Sekuru.

Ati “Mama yambwiye ko nabyawe na Se (sogokuru) ndetse ambwira n’izina rye anambwira ko bamwishe muri Jenoside yakorewe Abatutsi, gusa byose yabiterwaga no kubura ibisobanuro ampa”.

Nyuma nyina yaje kumubwira ko impamvu yamubwiye izina rya Sekuru kwari ukugira ngo ajye abasha kumubonera amakuru yose yari kujya amubaza.

Mu biganiro umubyeyi we bagiranaga yakundaga kumubwira ko abantu batamukunda, akamugira inama ko agomba kwirinda kujya abegera ngo kuko bamugirira nabi ariko ntamubwire impamvu yabyo.

Icyakora, yaje kumumenera ibanga ry’ukuntu umuvandimwe yamusabye gukuramo inda ye, ariko akabyanga.

Imwe mu mpamvu yatumye abyanga ngo ni uko yari umukirisitu kandi akaba yarigishijwe ko umuntu atagomba kuvutsa ubuzima uwo ataremye kandi ko iyo abikoze aryozwa amaraso ye.

Ati “Mama yambwiye ko yari afite inzozi zo kuzaba Umubikira akaba ari na yo mpamvu yanze gukora icyaha cyo gukuramo inda yanjye, gusa byaje kumuviramo kwangwa n’umuryango we wari wararokotse yisanga batamwisangaho”.

Uyu mwana rero, nyuma yaje gutangira ishuri, rimwe na rimwe akabura ibikoresho akabaza nyina impamvu adahabwa ibikoresho nk’abarihirwa n’ikigega kigenewe gutera inkunga abarokotse Jenoside yakorewe Abatutsi, akamusubiza ko bizakorwa ubwo azaba ageze mu mashuri yisumbuye.

Ati “ Nubwo yakomeje kumpisha inkomoko yanjye naje kuyimenya biturutse ku Muryango SEVOTA watumyeho abagore bakorewe ihohoterwa rishingiye ku gitsina bagafatwa ku ngufu."

Umunsi umwe rero, yajyanye na nyina muri ibyo biganiro byategurwaga na SVOTA, maze agezeyo ahasanga abandi bana benshi n’ababyeyi babo baganira ku mateka y’ibikomere byo kubyara basambanyijwe ku gahato.

Ngo bageze mu rugo batashye kuko yari amaze kugira imyaka 15 yabajije mama we ati ko numvise bavuga ko abana bari hariya bavutse ba nyina barafashwe ku ngufu mu gihe cya Jenoside nange niko bimeze?

Icyo gihe yamusubije ko ariko byagenze nuko nawe amubaza niba hari abandi bantu babizi amusubiza ko ntawe yabibwiye.

Ati “ Nisabiye Mama ko ntawe agomba kubibwira gusa numva ngize igikomere cy’uko nabeshywe ko Papa yapfuye nkongera kumenya ukuri kuko navutse mu bibi mama yakorewe, mbabazwa nuko ntazapfa menye Data kuko abamuhohoteye babaga ari benshi”.

Ibi byose byatumye Umurizaboro akura yiheza mu bandi ntagire uwo yegera akabaho mu bwigunge gusa aza kubifashwamo n’umuryango SEVOTA ukabaha inyigisho zibafasha kwiyakira.

Ati “ Iyo twabaga twagiye aho SEVOTA ikorera wumvaga uri ahantu heza kuko wumvaga abantu muri kumwe muhuje, ntawe ukwishisha, gusa wasubira mu rugo bigasubira inyuma”.

We n’umubyeyi we baje kwakira amateka y’ibyababaye ho ndetse buhorobuhoro babasha no kongera kunga ubumwe n’umuryango wabo muto wari wararokotse.

Mama we yaje gushaka, arabyara ubu yishimira ko afite umuvandimwe ndetse nawe yabashije kwiga agera ku rwego arangiza Kaminuza.

Umurizaboro avuga ko yishimira kuba Leta y’u Rwanda ntawe iheza kandi ikomeje gufasha abanyarwanda kunga ubumwe birinda icyakongera gusenya ubumwe bwabo.

Iki gikorwa cyabaye kuri uyu wa Gatandatu, tariki 30 Gicurusi 2026 cyabanjirijwe no gushyira Indabo ku mva ndetse no kunamira Abatutsi barenga 5000 bazize Jenoside, bashyinguye mu Rwibutso rwa Jenoside rwa Ntarama.

Iyi nzu y’amateka yubatswe ku bufatanye bwa LiquidInTechRW na Unity MemoryRw n’Imbuto Foundation nk’umusanzu uzafasha mu kubika, kubungabunga no kwigisha amateka ya Jenoside no kurinda ko izongera kubaho ukundi.

Iyi Nzu y’Amateka iri ku Rwibutso rwa Jenoside rwa Ntarama yashyizwemo ibimenyetso byo mu byiciro 3, birimo ibigaragaza imibanire myiza y’Abanyarwanda mbere y’ubukoroni, uko Jenoside yateguwe kugera ikozwe, amateka ya Jenoside yakorewe Abatutsi mu Bugesera, uko Jenoside yakorewe Abatutsi yahagaritswe n’urugendo rwo kongera kwiyubaka kw’Abanyarwanda.

Urwibutso rwa Jenoside rwa Ntarama rwabaye urwa gatatu mu gihugu rwashyizwe mu Inzu Ndangamurage ya Jenoside yakorewe Abatutsi, nyuma y’urwibutso rwa Kigali ruri ku Gisozi n’Urwibutso rwa Murambi ruherereye mu Karere ka Nyamagabe.

Minisiteri y’Ubumwe bw’Abanyarwanda n’Inshingano Mboneragihugu yatangaje ko yatangiye gahunda yo kubaka inzu ndangamurage za Jenoside yakorewe Abatutsi ku nzibutso 10 z’Igihugu, uhereye ku Rwibutso rwa Jenoside rwa Nyange.

Ni ubutumwa yahaye abarenga 2000 bitabiriye Ihuriro ry’Urubyiruko, Igihango cy’Urungano ry’umwaka wa 2026, rifite insanganyamatsiko igira iti “Rubyiruko, Turwanye Ingengabitekerezo ya Jenoside, Twimakaze ubumwe n’ubudaheranwa”.

Madamu Jeannette Kagame yavuze ko iri atari ihuriro gusa ahubwo ari umwanya wo kwibuka, no kuzirikana abari urubyiruko bishwe bazira Jenoside yakorewe Abatutsi, bakavutswa ubusore n’ubukumi bwabo ndetse bakicwa batageze ku nzozi zabo bari bafite.

Ati " Abato turi kumwe ngira ngo mwumvise uko Afurika yacu yashegeshwe mwarayize ndetse n’ihame rya mbatanye mbategeke Abakoroni bakoresheje kugeza amacakubiri babibye ageza kuri Jenoside yakorewe Abatutsi 1994".

Madamu Jeannette Kagame yibukije urubyiruko ko guhura atari ukwibuka gusa ahubwo ari no kuzirikana igihango bafitanye nk’abanyarwanda cyo gukomeza kubaka no kurinda ubumwe bw’abanyarwanda.

Madamu Jeannete Kagame yabwiye urubyiruko ko ari umwanya wo kongera gutekereza ku nshingano rufite zo kubaka u Rwanda kuko gusenyuka k’ubumwe bw’abanyarwanda ari amateka bagomba guhora baganiraho nk’umusingi wo kubakiraho.

Ati ’Iyo ukurikiranye amateka y’u Rwanda mbere y’umwaduko w’Abakoroni no mugihe cyabo ndetse na nyuma yaho usanga amacakubiri yarigishijwe igihe kirekire bityo no kuyarandura bisaba imbaraga n’ubufatanye kandi bw’igihe kirekire".

Madamu Jeannette Kagame yasabye abakiri bato b’uyu munsi kwirinda ingengabitekerezo isenya.

Ati “Ni gute abacyibona mu ndorerwamo y’amoko bava ibuzimu bakajya ibuntu? Ni uruhe rukingo rwadufasha kurinda abato bakibyiruka nkamwe ngo mwirinde iyo ngengabitekerezo isenya ntizabagereho?”

Yavuze ko nyuma ya Jenoside yakorewe Abatutsi, Umuryango FPR Inkotanyi wayihagaritse, wahisemo kubaka ubumwe bw’Abanyarwanda, ibintu benshi babonaga nk’inzozi.

Ndi Umunyarwanda nk’icyerekezo cy’ahazaza

Nyakubahwa Madamu Jeannette Kagame yongeye kwibutsa ko gahunda ya “Ndi Umunyarwanda” ikomeje kuba inkingi ya mwamba mu kubaka neza no gusangira ubuzima bw’Abanyarwanda.

Yasabye urubyiruko gutekereza cyane ku ngaruka z’amahitamo yabo, haba ku hazaza habo bwite, ku miryango yabo ndetse n’igihugu cyose muri rusange.

Yagarutse kandi ku mateka y’umugabane wa Afurika, ukunze kuvugwa n’abanyamahanga banyuze mu ndorerwamo z’amoko bwite, maze ashishikariza urubyiruko rw’u Rwanda kwiyandikira amateka yarwo no kuba ijwi ry’igihugu banyuze mu nzego zitandukandukanye, by’umwihariko mu muco, mu buhanzi ndetse no mu mpano zitandukanye.

Kuri iyi ngingo, yashimiye umwanditsi uyobora amashusho (réalisatrice) ya filime “Benimana”, Clémentine Dusabijambo, kubera ibihembo mpuzamahanga aherutse kwegukana, kuko byamwongereye imbaraga we n’abandi banyempano bakiri bato abasaba gukomeza gukora umurimo unoze no guha agaciro amateka n’indangagaciro by’u Rwanda.

Ati: “Muri abatabazi bazamenya u Rwanda rwa none n’urw’ejo, mbonereho no kubibutsa ko nta heza haruta iwabo w’umuntu.”

Abandi bitabiriye Ihuriro Igihango cy’Urungano ni urubyiruko ruri mu kazi, urubyiruko rwo mu Mashuri Makuru na za Kaminuza; urubyiruko rwo mu miryango ishamikiye ku madini n’amatorero n’urubyiruko rwo mu mitwe ya politiki yemewe mu Rwanda.

Hari kandi ba rwiyemezamirimo b’urubyiruko, abahanzi, abakora siporo zitandukanye, urubyiruko rw’abafite ubumuga; urubyiruko ruba cyangwa rwiga mu mahanga ruri mu Rwanda; abayobozi bagize imiryango y’abarokotse Jenoside yakorewe Abatutsi; abakoresha imbuga nkoranyambaga n’abandi.

Iri huriro ryanitabiriwe na Madamu Jeannette Kagame hamwe na Ministiri w’Ubumwe bw’abanyarwanda n’Inshingano Mboneragihugu Dr Bizimana Jean Damascene.

Muri iri huriro urubyiruko rwahawe ikiganiro na Ministiri Dr Bizimana ku mateka mabi yaranze ubutegetsi bw’abayoboye u Rwanda bukageza kuri Jenoside, n’ingaruka zayo.

Minisitiri Dr Bizimana yavuze ko Leta ya Kayibanda na Habyarimana Juvenal zaranzwe n’amacakubiri ndetse batanga itegeko ko abahutu bemerewe imyanya myinshi mu mashuri abahutu bemererwa imyanya igera kuri 80% naho Abatutsi bemererwa imyanya 20 gusa abatwa bo ntacyo bari bemerewe.

Minisitiri Bizimana yavuze ko iryo vangura ryagejeje ku gukorera Jenoside Abatutsi kubera inyigisho mbi z’amacakubiri zakomeje gukwirakwiza urwango rurakura.

Minisitiri yavuze ko Jenoside yabanjirijwe no kumenesha Abatutsi kugeza bahinduka impunzi mu bihugu bitandukanye.

Emmanuel Ntigurirwa ucuruza inyama mu isoko rya Kimironko mu mujyi wa Kigali avuga ko hashize imyaka 2 acuruza amajanja n’imitwe y’inkoko.

Agira ati“Jyewe nagize igitekerezo cyo kuyacuruza kubera ko hazaga abantu bayambaza nuko ntangira ncuruza make nk’ibiro 5 ku munsi ariko bakomeje kuyansaba nongera ibiro ku buryo ubu ku munsi ncuruza ibiro 30”.

Ntigurirwa avuga ko ikiro cy’amajanja akigurisha 2000frw naho ikiro cy’imitwe y’inkoko akakigurisha 1500frw.

Ati“Abanyarwanda babigura ni bake cyane kuko abenshi babihaha ni abanyamahanga, nkeka ko n’abanyarwanda baza kubihaha baba batumwe n’abanyamahanga bakorera akazi ko mu rugo”.

Iyo hari uyashaka barabanza bakayakuramo inzara bakayaharuraho uruhu rukomeye rw’inyuma hagasigara igice cyoroshye.

Ati“Ntuzi se ko amaguru y’Inkoko agira ibintu inyuma bikomeye bimeze nk’ibiri ku mubiri w’Ifi? Nibyo tubanza gukuraho ubundi tukayaronga akayatwara atunganyije. Gusa hari n’abayatwara adatunganyije bakabyikorera”.

Ni izihe ntungamubiri ziba mu majanja y’Inkoko

Abahanga mu mirire bagaragaza ko amajanja y’inkoko afite intungamubiri zifitiye umubiri akamaro kanini.

Inzobere mu by’imirire Ndikubwayo Innocent ukora ku kigo nderabuzima cya Burehe mu karere ka Rulindo avuga ko mu majanja no mu mutwe w’inkoko habamo Collagen ikaba ari Poroteyine ifasha uruhu, amagufa n’ingingo gukomera no kugumana ubuzima bwiza.

Ati “ Amajanja y’inkoko agizwe ahanini na collagen, ikaba ari poroteyine ifasha uruhu gukomera no kugumana itoto. Collagen kandi ifasha amagufa, ingingo n’imikaya gukora neza, bityo bikagabanya ibibazo byo kubabara ingingo cyane cyane ku bantu bakuze”.

Ndikubwayo avuga ko kubera ko Amajanja aba arimo calcium, phosphorus n’izindi ntungamubiri, afasha amagufa gukomera ndetse akagabanya ibyago byo kurwara indwara zifata amagufa.

Amajanja y’inkoko arimo poroteyine zifasha umubiri kubaka no gusana utunyangingo. Ni yo mpamvu ashobora gufasha abantu bafite intege nke cyangwa abakora imirimo ibasaba imbaraga nyinshi kumva bakomeye.

Ndikubwayo asobanura ko Collagen ifasha n’imisatsi gukura neza no kudacika vuba.

Icyitonderwa ku buryo ategurwa

N’ubwo bimeze bityo, amajanja y’inkoko akwiriye gutegurwa neza kugira ngo uyarya yirinde kugira umwanda cyangwa ibinure byinshi bishobora kugira ingaruka ku buzima.

Ati “ Ni byiza kuyasukura neza no kuyateka igihe gihagije. Amajanja y’Inkoko akwiye gutekwa neza kugira ngo yoroshye kandi yice udukoko dushobora guteza uburwayi. Mu buryo busanzwe iyo utekeye mu isafuriya isanzwe, ashobora gutekwa hagati y’iminota 45 n’isaha 1 n’igice bitewe n’ubukure bw’inkoko. Iyo ukoresheje ‘pressure cooker’, akenshi bifata hagati y’iminota 20 na 30 gusa”.

Akomeza asobanura ko mbere yo kuyateka, ari byiza kuyasukura neza, gukuraho inzara, kuyaronga mu mazi ashyushye cyangwa kuyababura gato ku muriro kugira ngo uruhu rudasukuye neza ruveho.

Ati “Iyo amaze gutekwa neza aba yoroshye kandi inyama n’utugufa twayo biroroha mu kubirya”.

Zimwe mu ngaruka zishobora kubaho

Nubwo Amajanja y’inkoko afite intungamubiri zifasha umubiri, ashobora no kugira ingaruka zimwe na zimwe igihe asukuwe nabi cyangwa akaribwa birengeje urugero.

Amajanja y’inkoko ashobora gutera ibinure byinshi, cyane cyane iyo atetswe mu mavuta menshi cyangwa akabikwa nabi. Ibinure byinshi byateza ibyago by’indwara y’umutima.

Ku bantu bayategura bagashyiramo umunyu mwinshi cyangwa ibirungo byinshi cyane ngo nabyo si byiza kuko bishobora kugira ingaruka ku bantu bafite umuvuduko w’amaraso uri hejuru.

Amajanja y’inkoko ashobora no kuba arimo ‘purine’ nyinshi, ishobora kongera ikibazo cya ‘goutte’ ku bantu bayirwara.

Purine ni ubwoko bw’utunyangingo duto tuboneka mu biribwa dufasha mu kubaka no gusimbuza ingingo (cells), ariko iyo turenze urugero bishobora gutera aside nyinshi igatera uburwayi bwo kubyimba ingingo.

Izi ngendo ziteganyijwe kuva ku wa 28 Gicurasi kugeza ku wa 4 Kamena 2026 muri imwe mu Mirenge igize Uturere two mu Ntara, no ku wa 6-7 Kamena 2026 mu Mirenge yose mu Mujyi wa Kigali.

Perezida w’Umutwe w’Abadepite, Kazarwa Gertrude, yavuze ko izi ngendo zigamije kwegera abaturage ndetse no kubona amakuru yibanze yo kubafasha kureba icyateza imbere umusaruro w’ubuhinzi.

Ati"Dukomeje gushyira imbere inshingano zo kugenzura ibikorwa bya Guverinoma no kwegera abaturage. Izi ngendo zizadufasha kubona amakuru aturutse ku baturage no ku bafatanyabikorwa kugira ngo harebwe uko gahunda zo kongera umusaruro w’ubuhinzi zarushaho gutanga umusaruro no guteza imbere imibereho myiza y’Abanyarwanda."

Muri izi ngendo, Abadepite bazasura ibikorwa by’ubuhinzi, bagirane ibiganiro n’inzego z’ibanze, amakoperative y’abahinzi, abafatanyabikorwa mu iterambere ndetse n’abaturage.

Hazibandwa ku bibazo n’imbogamizi zikigaragara mu ubuhinzi zirimo ikoreshwa ry’inyongeramusaruro ku kigero gito, ibibazo by’imihindagurikire y’ikirere, ibura ry’ibikorwaremezo by’ubuhinzi n’ihuzwa ry’abahinzi n’amasoko.

Abadepite bazanifatanya n’abaturage mu muganda rusange usoza ukwezi kwa Gicurasi 2026. Muri izi ngendo, Abadepite bazakira banashakira ibisubizo ibibazo by’abaturage ari nako bazasuzuma uko ibibazo bagejejejweho mu ngendo ziheruka byakemuwe.

Minisitiri w’Uburinganire n’Iterambere ry’Umuryango, Uwimana Consolée

Yabitangarije mu nama Nyunguranabitekerezo ku Mateka ya Jenoside yakorewe Abatutsi n’Urugamba rwo kuyihagarika, yahuje abanyamuryango ba Unity Club Intwararumuri n’abandi batumirwa bagera kuri 500 tariki 22 Gicurasi 2026.

Minisitiri Uwimana yavuze ko Inkotanyi zitangiza urugamba rwo kubohora Igihugu yigaga mu mwaka wa Gatanu w’amashuri yisumbuye muri Lycée Notre-Dame de Cîteaux mu Mujyi wa Kigali.

Icyo gihe ngo haje umwuka mubi mu kigo yigagaho biba ngombwa ko abanyeshuri bimuka bakava mu icumbi bararagamo bajya kurara muri salle kuko ari ho Ababikira bumvaga bizeye umutekano.

Ati “Mu kigo cyacu icyo gihe ibintu by’amoko ntabwo byaharangwaga cyane ariko icyo gihe byaragaragaye kuko abantu benshi baritandukanyije, Abahutu n’Abatutsi bajya ukwabo ndetse ukumva bamwe bararanye ibyuma”.

Minisitiri Uwimana akomeza avuga ko icyo gihe Ababikira basabye abanyeshuri kugira ihumure bakomeza kwiga batekanye.

Amashuri yisumbuye yayarangije mu 1991 mu nkubiri y’amashyaka menshi hari imyitozo y’Interahamwe ndetse n’abakombozi ari ibintu bitoroshye. Mu 1992 yaje kubona akazi muri BACAR yari iyobowe n’umuvandimwe wa Bagosora.

Minisitiri Uwimana avuga ko icyo gihe byari byemewe kujya mu kazi wambaye ibirango by’ishyaka ubarizwamo, na we nk’umwe mu barwanashyaka ba MRND akagenda yakubiseho umudari ugaragaza ishyaka arimo.

Ati “Icyo gihe najyaga mu kazi nabikubisemo numvaga nshyigikiye na Papa kuko icyo gihe yari umudepite wa MRND”.

Mu mwaka wa 1993 yahise akora ubukwe kuko yarangije afite umukunzi. Icyo gihe yahise atwita ariko aza kugira ibyago mu kwezi kwa munani Se yarapfuye, bituma amashagaga yo kugaragaraga mu mashyaka agabanuka.

Mu 1994 urugamba rugeze mu mahina bari batuye muri Kabeza i Kigali, icyo gihe ahungira mu kigo cya Gisirikare i Kanombe, ajyanywe n’umujandarume bari baziranye, ku buryo amasasu yaraswaga yose yabaga ayumva amwe amuca hejuru yaka umuriro.

Ati “Aho inzirabwoba zinesherejwe twafashe inzira turahunga ndi kumwe n’umudamu w’inshuti yacu wa za Rubengera twiganye za Bugesera, ariko ubwo umugabo nari namusize Kabeza ndakomeza njya i Muhanga nyuma uwo mudamu aza kumbwira dukomeza tugana iwabo za Rubengera, tuza kumva bavuga ko abantu bari guhunga bagana i Rubavu”.

Icyo gihe bafashe icyemezo bahungira i Rubavu aza kugira amahirwe ahura n’umugabo we barakomeza barambuka bajya i Goma mu yahoze ari Zaire, ubu ni muri Repubulika Iharanira Demokarasi ya Congo.

We n’umuryango we bageze i Goma, bananiwe bari mu buzima bubi ariko icyo gihe Leta ya Congo ibasaba kujya mu nkambi, bamwe bajya Kibumba we akomeza mu nkambi y’ahitwa Mugunga.

Muri iyo Nkambi ya Mugunga, Uwimana avuga ko yahamaze imyaka ibiri ndetse aza kuhabyarira undi mwana wa kabiri.

Ati “Mu nkambi rero Inyenzi zaje gufata icyemezo cyo kuducyura ariko jyewe nari mfite ingengabitekerezo yo kumva ko ntazataha ngo zimbage kuko ni yo makuru twari dufite. Byongeye kuko nari mwene Rusimbuka wo muri MRND numvaga nta gahunda yo gutaha mfite muri jyewe”.

Muri uko guhunga yaje kwisanga ari wenyine yatandukanye n’umugabo we ndetse n’umwana wabo mukuru kuko we yatwaye agahinja yari ahetse noneho umugabo ajyana umwana mukuru.

Minisitiri Uwimana yavuze ko yaje kongera guhura n’uwo mwana wabo mu 2003 gusa nta mateka ajyanye n’uko bongeye guhura yavuze.

Yakomeje guhunga agera aho bita Tingitingi ariko nabwo aza guhura n’icyo bise rugondihene z’inyenzi (Inkotanyi) nk’uko muri icyo gihe babitaga, yisanga nabwo zabagose zije kubacyura.

Muri icyo gihe babaga mu ishyamba batungwaga n’amateke, n’imyumbati, bagira amahirwe bakabona n’utuboga bagashyiraho bakarisha.

Ati “Muri icyo gihe nibwo Inkotanyi zageze muri ako gace twarimo. Bavuze ko zahageze kandi zishaka Abanyarwanda mfata icyemezo cyo kuzihunga”.

Minisitiri Uwimana yarakomeje ageze ahitwa Mbandaka ajugunya ikintu cyose kimuranga ko ari Umunyarwanda ariko mu kanya gato abona umuntu amuhagaze iruhande aramusuhuza mu Kinyarwanda.

Ati “Yarambajije ngo ndi aho ngaho nkora iki musubiza ko nahunze ambaza icyo nahunze mubwira ko ari Inyenzi aransubia ati wari uzi ko wayihunze i Goma se ukayisanga Mbandaka?”

Icyo gihe umusatsi ngo wamworosotseho yumva ubwoba buramwishe, ariko bamujyana hamwe n’abandi bategereza indege ibazana mu Rwanda.

Ati “Ndashimira Inkotanyi zampaye ‘Lift’ sintahe n’amaguru nk’uko nagiye, ndanazishimira ko twageze mu Rwanda baraduhumuriza dusura imiryango yacu, dusanga iri amahoro itekanye nanjye bampa amahirwe yo gukomeza kwiga ikindi cyiciro cya Kabiri cya Kaminuza”.

Gusa kubera ihungabana Minisitiri Uwimana yari yarahuye na ryo muri icyo gihe, inyigisho yaherewe i Nyakinama ngo ntacyo yazumvagamo kuko iyo babigishaga we yabaga acunga aho ari bunyure acika Inkotanyi kuko iteka yumvaga ziri bumwice.

Minisitiri Uwimana avuga ko yahawe amahirwe nk’abandi Banyarwanda ajya mu nzego zitandukanye aho yakoze imirimo itandukanye kugeza ageze mu nzego z’ubuyobozi.

Yasabye abo bari kumwe mu biganiro n’Abanyarwanda bose kujya bagaragaza ukuri ku Rwanda, barwanya abagoreka amateka babeshyera u Rwanda ibinyoma bidafite ishingiro.

Inama Nyunguranabitekerezo ku Mateka ya Jenoside yakorewe Abatutsi n’Urugamba rwo kuyihagarika, yahuje abanyamuryango ba Unity Club Intwararumuri n’abandi batumirwa bagera kuri 500.

Madamu Jeannette Kagame akaba n’Umuyobozi Mukuru w’Umuryango Unity Club Intwararumuri, ubwo yatangizaga iyi nama, yavuze ko nyuma ya Jenoside yakorewe Abatutsi Abanyarwanda bahisemo gushyira hamwe no gukorera Igihugu cyababyaye. Yavuze ko kwibuka Jenoside yakorewe Abatutsi bidasigana no kuzirikana urugamba rwo kuyihagarika. Yavuze kandi ko nyuma ya Jenoside yakorewe Abatutsi imitima y’Abanyarwanda izirikana abo Jenoside yahitanye ndetse n’ingabo zitanze mu kuyihagarika.

Yagize ati “ Abanyarwanda bahisemo gushyira hamwe ngo bakorere Igihugu cyababyaye. Kwibuka Jenoside yakorewe Abatutsi ntibisigana no kuzirikana urugamba rwo kuyihagarika. Abacu twabuze n’Ingabo zacu zitanze batuye mu mitima yacu iteka, naho abagiye bose dufitanye igihango gikomeye cyo gukomera kuri uru Rwanda batabonye.”

Madamu Jeannette Kagame yashimye Inkotanyi zafashe umwanzuro ukomeye wo guhagarika Jenoside yakorewe Abatutsi no kubohora Igihugu, agaragaza ko ari urugero rw’uko Abanyarwanda ubwabo ari bo bagomba kwirwanirira muri muri iyi Si ihindagurika buri munsi.

Ati “Nta kindi twabona duha Inkotanyi zemeye guhangana n’ibyo byose, kandi zikabitsinda, uretse guhora tuzishimira. Byasaga n’ibidashoboka mu maso ya benshi, ko u Rwanda rwakongera kubaho, kubera uko rwari rwarasenyutse mu mpande zose. Mwarakoze Nkotanyi.”

Madamu Jeannette Kagame yasabye abayobozi ndetse n’abagize uruhare mu rugendo rwo kubaka Igihugu gukomeza gushakisha icyakomeza ubumwe bw’Abanyarwanda kandi bakabikorana ubushishozi muri iki gihe imvugo z’urwango zongera kumvikana hirya no hino ku Isi no mu Karere.

Ati “Twe Abanyarwanda, ibi ntitwabirebera kure ngo tubifate nk’ibitagira aho bihuriye natwe. Tuzi neza aho urwango rushobora kugeza Igihugu.”

Madame Jeannette Kagame yavuze ko ukurikije igihe Jenoside yateguwe, ubukana n’ubugome ndengakamere yakoranywe, imiryango mpuzamahanga n’ibihugu bikomeye birebera, umuntu yibaza iyo Inkotanyi zidafata umwanzuro ukomeye wo kuyihagarika no kubohora Igihugu, uko byari kugenda.

Ati “ Ibi rero ni ibigaragaza ko n’ubu ari twebwe tugomba kwirwanirira, cyane cyane muri iyi Si ihindagurika buri munsi.”

Madamu Jeannette Kagame yavuze ko Abanyarwanda bakwiye guhora bashimira Inkotanyi zahanganye n’ibidashoboka ariko zikabitsinda”.

Komisiyo y’Imibereho Myiza y’Abaturage mu Nteko Ishinga Amategeko, yakoze isesengura rya raporo y’ubugenzuzi bwimbitse bwakozwe n’Ibiro by’Umugenzuzi Mukuru w’Imari ya Leta ku micungire y’ishami rya pansiyo kuva muri Nyakanga 2015 kugeza muri Werurwe 2025.

Muri uwo mwaka, amafaranga yose y’imisanzu ya pansiyo atari yaratanzwe yageraga kuri miliyari 27,9 Frw, harimo miliyari 16,2 Frw ziberewemo n’ibigo bya Leta na miliyari 11,7 Frw ziberewemo n’ibigo by’abikorera.

RSSB yagaruje miliyari 9 Frw, zingana na 32% by’ayo mafaranga yose. Muri ayo yagarujwe, miliyari 2,3 Frw yavuye mu bigo bya Leta, naho miliyari 6,7 Frw yishyurwa n’ibigo by’abikorera.

Perezida wa Komisiyo y’Imibereho Myiza y’Abaturage mu Nteko Ishinga Amategeko, Veneranda Uwamariya, yavuze ko hari abakoresha bemerewe kwishyura iyo myenda buhoro buhoro hakurikijwe gahunda yihariye yo kuyishyura mu byiciro.

Depite Uwamariya avuga ko kugaruza imisanzu itaratanzwe ari ingenzi mu kurengera uburenganzira bw’abakozi ku bwiteganyirize bw’izabukuru no gukomeza gushimangira gahunda y’ubwiteganyirize bw’abaturage mu gihugu.

Abadepite kandi bagaragaje ko nta bipimo cyangwa amabwiriza bisobanutse byari byarashyizweho byo kuyobora igikorwa cyo kugaruza iyo myenda, ibintu byatumye uburyo bwo kuyikurikirana no kuyishyuza budatanga umusaruro ukwiye.

Ati “ Nubwo RSSB ifite ububasha bw’amategeko bwo kwishyuza ku gahato imisanzu itatanzwe no guca amande ku bayitindana, raporo yagaragaje ko ubwo bubasha butakoreshejwe uko bikwiye mu bihe bimwe na bimwe.

Depite Uwamariya Veneranda avuga ko hacyi impungenge ku bakoresha batangaza umusoro ku mushahara ariko ntibatangaze cyangwa ngo bishyure imisanzu ya pansiyo y’abakozi babo.

Raporo igaragaza ko hagati ya 2019 na 2024, umubare w’abakoresha batangazaga umusoro ku mushara warutaga uw’abatangazaga imisanzu ya pansiyo ku kigero kiri hagati y’abakoresha 1.956 na 5.849 buri mwaka.

Iri tandukaniro ryatewe n’ibibazo bitandukanye birimo kudahuzwa neza kw’amakuru hagati ya RSSB n’Ikigo cy’Imisoro n’Amahoro (RRA), ikibazo cyo kumenya neza abakoresha batubahiriza amategeko, ndetse no kuba nta buryo buhamye bwo kwandikisha no gukurikirana abakozi bashya.

Abadepite basabye ko ubufatanye hagati ya RSSB na RRA bwakongerwa, hakanozwa uburyo bwo gukurikirana imisanzu, ndetse hakanashyirwaho ingamba zikomeye zo abakoresha kubahiriza inshingano zabo zo gutangaza no gutanga imisanzu ku gihe.

Depite Mukabalisa Germaine yavuze ko abakoresha 5.849 batatangaje cyangwa ngo bishyure imisanzu ya pansiyo bishobora kugira ingaruka mbi ku nyungu z’abakozi babo mu gihe kizaza.

Yasabye ko hashyirwaho ingamba zikomeye zo kubahiriza amategeko kugira ngo abakoresha bose bubahirize inshingano zabo mu bwiteganyirize bw’abakozi.

Ati“ Dukeneye gahunda yihuse kandi isobanutse yafasha abateganyirizwa guhabwa indishyi z’akababaro zo kudatangirwa amafaranga yabo ku gihe”.

Mu rwego rwo kugaruza amafaranga asigaye atarishyurwa, Minisiteri y’Imari n’Igenamigambi (MINECOFIN) yemeye gukomeza gukurikirana ibigo bya Leta bifitiye RSSB imyenda, kugira ngo ayo mafaranga azashyirwe mu ngengo y’imari ya Leta guhera mu mwaka w’ingengo y’imari wa 2026/2027 no mu myaka izakurikiraho.

Ku birebana n’ibigo by’abikorera, Minisiteri y’Imari n’Igenamigambi (MINECOFIN) yavuze ko izakomeza gukorana na RSSB kugira ngo harebwe uko amafaranga asigaye y’imisanzu ya pansiyo yishyurwa, harimo no gukoresha uburyo bwo kuyishyuza hakurikijwe ibiteganywa n’amategeko.

Komisiyo itanga inama y’Uburyo iki kibazo cyakemuka

Komisiyo yasanze hari abakoresha batangaza umusoro ku mushahara, ariko ntibatangaze cyangwa ngo bishyure imisanzu ya pansiyo y’abakozi babo.

Komisiyo yagaragaje ko urubuga rwa ISHEMA ruzafasha gukemura icyo kibazo, kuko umukoresha ashyiramo amakuru y’imishahara y’abakozi, maze sisiteme igahita ibara umusoro wa n’imisanzu ya RSSB igomba gutangwa.

Urubuga rwa ISHEMA rutuma abakoresha binjiza amakuru y’imishahara n’ibiyigize, rukabara imisanzu ya RSSB n’umusoro ku mushahara, ndetse rukabuza abakoresha gusimbuka cyangwa guhisha imisoro n’imisanzu bagomba gutanga.

Ati “Muri Nyakanga 2025, abakoresha bangana na 90% bari bamaze gukoresha uru rubuga. Kugeza mu Ukuboza 2025, nibura abakoresha 21.846 bari bamaze kwinjizwa muri sisiteme ya ISHEMA, mu gihe 261 basigaye bari abakoresha bato batangaza umusoro ku mushahara buri gihembwe.

Perezida wa Komisiyo y’Imibereho Myiza y’Abaturage mu Nteko Ishinga Amategeko, Veneranda Uwamariya, yavuze ko abo basigaye bari biteganyijwe gutangira gukoresha uru rubuga muri Gashyantare 2026.

Gusaba ko imyenda y’imisanzu yishyurwa

Nyuma yo gusesengura raporo y’ubugenzuzi, Komisiyo yasabye MINECOFIN kugeza ku Nteko Ishinga Amategeko, Umutwe w’Abadepite, gahunda irambuye yo kwishyura imyenda y’imisanzu ya pansiyo mu gihe kitarenze amezi atatu.

Umwanzuro wa Komisiyo ugira uti “Imisanzu ya pansiyo itarishyurwa ituma bamwe mu bayitanze batabona uburenganzira bahabwa n’amategeko. Ni yo mpamvu Komisiyo yabonye ko hakenewe gahunda isobanutse yo kugaruza iyo myenda.”

Komisiyo kandi yagaragaje ko ingamba zateganyijwe zirimo kwemerera abakoresha kwishyura imyenda mu byiciro, ndetse no kugenera amafaranga yo kwishyura iyo myenda mu ngengo y’imari ya buri mwaka guhera mu mwaka w’ingengo y’imari wa 2026/2027 ku bigo bya Leta bizafasha gukemura iki kibazo.

Yanatanze inama yo gukoresha uburyo bwo kwishyuza ku ngufu ibigo bidaterwa inkunga n’ingengo y’imari ya Leta igihe bibaye ngombwa, igaragaza ko ibyo byatanga umusaruro ufatika nibishyirwa mu bikorwa uko bikwiye.

Depite Nabahire Anastase Perezida w’iyi Komisiyo yavuze ko Komisiyo yashatse kumenya ingamba inzego zibishinzwe zifite mu rwego rwo gukemura ikibazo cy’imitangire ya serivisi itanoze muri WASAC .

YAvuze ko abanenga imibonekere y’amazi meza ni 45.3%.

Nyuma y’iri sesengura Depite Nabahire avuga ko baganiriye na Minsiteri y’Ibikorwaremezo (MININFRA) n’ibigo biyishamikiyeho bagaragarije Komisiyo imishinga irimo gushyirwa mu bikorwa hirya no hino mu Gihugu, irimo kwegereza abaturage amazi, ndetse n’imiyoboro y’amashanyarazi basobanura ko ibyinshi mu bibazo bizaba byarangiye bitarenze impera za 2029.

Depite Mukabunani Christine avuga ko hakwiye kujyaho ingamba zihamye zo gukurikirana inzego zidashyira mu bikorwa inshingano bigatuma abaturage batagerwaho na Serivise nziza uko bikwiriye.

Ati “ Ikibazo mfite ni ukubera iki WASAC itakoze amavugurura bikaba bimaze imyaka 5 bidashyirwa mu bikorwa kandi byarafashweho umwanzuro, nasabaga ko Inteko Ishinga amategeko yajya ikurikirana ibiri mu nshingano zayo kugira ngo aho bitashyizwe mu bikorwa byubahirizwe”.

Komisiyo y’Imiyoborere, Uburinganire n’Ubwuzuzanye bw’Abagabo n’Abagore yasanze kandi hari ibibazo bizakomeza gukurikiranwa n’Umutwe w’Abadepite binyuze muri Komisiyo zibifite mu nshingano.

By’umwihariko, havuzwe ibibazo by’imikorere n’imitangire ya serivisi itanoze byafashweho umwanzuro n’Inteko Rusange mu G9ushyingo 2021 usaba ko hakorwa amavugurura muri WASAC hakaba hashize imyaka igera kuri 5 bitararangira.

Depite Nabahire Anastase, Perezida w’iyi Komisiyo, yavuze ko ubushakashatsi bwakozwe na RGB bugaragaza ko Abanyarwanda bishimira uko umutekano wabo urinzwe.

Depite Nabahire yavuze ko isesengura ry’iyi raporo ryari rigamije gusuzuma mu buryo burambuye ishyirwa mu bikorwa ry’inshingano z’ibanze z’Urwego rw’Igihugu rw’Imiyoborere (RGB) nk’uko ziteganywa n’itegeko n° 56/2016 ryo ku wa 16/12/2016.

Mu nkingi zasesenguwe harimo iyubahirizwa ry’amategeko, uburenganzira mu bya politiki n’ubwisanzure bw’abaturage, imiyoborere abaturage bagizemo uruhare kandi idaheza , Umutekano n’ituze, kuzamura imibereho myiza y’abaturage, kurwanya ruswa, gukorera mu mucyo no kubazwa inshingano, ireme ry’imitangire ya serivisi, imiyoborere mu bukungu n’ubucuruzi.

Ati “RGB yakoze igipimo cy’Imiyoborere mu Rwanda cya 12. Muri iki gipimo, inkingi eshanu ku munani ziri ku kigereranyo cya 80% kuzamura, mu gihe eshatu zisigaye ziri ku kigereranyo kiri hagati ya 60% na 79,99%. Inkingi y’umutekano ni yo yaje ku isonga n’amanota 90,02% mu gihe inkingi yo kuzamura imibereho myiza y’abaturage ari yo yaje inyuma n’amanota 64,69%”.

Depite Nabahire yavuze ko RGB yanakoze ubushakashatsi ku ishusho y’uko abaturage babona imiyoborere n’imitangire ya serivisi mu nzego zibegereye (Citizen Report Card 2025), bugaragaza ko abaturage bishimiye imitangire ya serivisi ku gipimo cya 76,7%. Ibyiciro 8 kuri 16 byasuzumwe biri hejuru ya 75% aho umutekano waje ku isonga n’amanota 92,1% naho ubutaka, imiturire n’ibidukikije biza ku mwanya wa nyuma n’amanota 65,7%.

Abibukwa biciwe muri iyi Seminari ni Abasaserdoti, Abaseminari, Abakozi ba Seminari n’abandi bantu bari bahahungiye, bazize Jenoside yakorewe Abatutsi mu 1994.

Rwagati mu nyubako z’iyo Seminari hari urwibutso rushyinguyemo abari abanyeshuri, abakozi, Abihayimana ndetse n’abandi bantu bari bahungiye mu Iseminari bavuye ku misozi ikikije aho iyo Seminari yubatse nk’i Masoro ahakorera inganda, abavuye ku misozi ya Kanombe, Kayumba n’i Remera.

Nkundanyirazo Elvis ni umuhungu wa Nkundanyirazo Ephrem wiciwe mu Iseminari nto ya Ndera kuko muri Jenoside ariho yari yahungiye.

Nkundanyirazo Ephrem wiciwe mu Iseminari yari umuganga muri Caraes Ndera. Yari azwi cyane aho yari atuye ku musozi wo hakurya ya Ndera witwaga Rubungo icyo gihe.

Ubuzima bwamurangaga bwari ugukunda abantu, kubavura ndetse no kubaha imiti itandukanye ariko akanabanira neza abaturanyi be.

Kubera umwuga w’ubuganga yakoraga byatumaga iwe mu rugo hamera nk’aho habaye Farumasi kuko uwarwaraga wese yajyaga kumureba ngo amuvure nawe akamuha imiti y’ibanze imufasha mbere y’uko ajya kwa muganga.

Nkundanyirazo mu buhamya bwe avuga ko batangiye gutoteza umuryango we mu mwaka wa 1959 aho abantu bo mu Majyaruguru bo mu bwoko bw’Abakonya babazanye gutura ku musozi wa Bumbogo kugira ngo bajujubye Abatusti babameneshe maze bigarurire amasambu yabo ngo bayaturemo.

Nk’uko Nkundanyirazo akomeza abivuga mu buhamya bwe ibikorwa byo kubatoteza byakomeje gukura kugera ubwo abari batuye kuri uwo musozi bahunze bakajya mu bihugu by’abaturanyi ndetse na Papa we aza guhungira Uganda agezeyo asanga imibereho iragoye kuko yari yarize mu Gifaransa kandi bo bakoresha icyongereza.

Umubyeyi we yakomeje kurorongotana kubera itotezwa yakorerwaga kuko yahunze aratorotse ubwicanyi bwari bwatangiye mu mashuri aho yigaga muri Ecole des Assistants Medicaux i Kgali. Yaje gukomeza guhunga agana mu Burundi kuko yabonaga Uganda nta buryo bwo gukomeza kwiga yabona kubera ko bigaga mu rurimi rutandukanye nurwo yigagamo mu Rwanda. Gusa ubuzima bwo kuba impunzi bwaramugoye biba ngombwa ko mu 1987 agarukana umuryango we mu Rwanda.

Muri uko kugaruka ababyeyi be hamwe n’abandi bake bakomeje kwihagararaho barahaguma kugeza ubwo Jenoside yabaye bagituye kuri uwo musozi.

Ati “Jenoside yabaye mfite imyaka 12 ndabyibuka ko Papa ino hano mu Rwanda yari ahafite umuvandimwe we umwe witwa Rwakunda ariko abandi bose ba data wacu bari barahungiye hanze y’u Rwanda”.

Tariki 4 Mata mu mwaka wa 1994 yaje kujya gukora ikizamini kimwinjiza muri seminari aherekezwa n’umubyeyi we ndetse amuha n’umugisha umwifuriza intsinzi.

Kubera ko bari bafite amakuru ko umuntu wize mu Iseminari avamo umugabo uzi ubwenge kandi imibereho ye ikaba myiza yumvaga yishimiye kwiga muri iki kigo.

Nkundanyirazo avuga ko nyuma yo gukora ikizamini Jenoside yahise itangira bahungira mu rugo rw’umugabo witwa Kalisa Gaspard wagizwe n’umurinzi w’igihango, abahisha ibyumweru bibiri ariko ageza ubwo aza kunanirwa kuko abantu bari bamenye ko ari ho bihishe, abasaba kuhava.

Umuryango wa Kalisa impamvu wemeye kubahisha ni uko Papa we yari yaravuye ubushye bw’ibere umugore wo muri urwo rugo kugeza akize.

Ati“Bemeye kuduhisha ariko bavuga ko Papa batamuhisha kuko azwi cyane, ariko batinyaga ko bamumufatana bakabica na bo kuko uwo basangaga yarahishe Abatutsi na bo bahitaga babica”.

Icyo gihe babasabye kuva mu rugo aho bari bihishe bahise bajya ku musozi hafi yo kuri Azam, barara mu bihuru hanyuma baza kuvumburwa n’Interahamwe zibabaza ukuntu bamaze ibyumweru bibiri batarishwe kuko umuryango wabo wose bari bawuzi.

Izo nterahamwe zabashyikirije umugabo wari waravuye mu gisirikare cyo ku butegetsi bwa Perezida Habyarimana (Umudemobe) witwaga Aimabilis ngo abice kuko yari azwiho kwica nabi Abatutsi muri icyo gihe.

Iyo nterahamwe yahoze mu gisirikare cyo mu ngabo zari izo ku bwa Habyarimana, yibutse ineza umubyeyi wabo yamugiriye ubwo yari arwaye indwara zibasira imyanya ndangagitsina.

Uwo Aimabilis ntabwo yabishe ahubwo yabwiye izindi nterahamwe ebyiri bari kumwe ngo zibamurekere aze kubiyicira kuko zari zimuziho kuba umwicanyi ruharwa, zirabyemera.

Icyo gihe yabajyanye mu rugo rwo kwa Se wabo ariko na bo icyo gihe bari barabishe na bo bagira ngo ni ugushaka kujya kuhabicira ariko babona ntabishe.

Ati “Twaramubwiye ati waturashe ko n’ubundi twarangije gupfa duhagaze arangije aratubwira ngo ntabwo mbica Papa wanyu yangiriye neza”.

Nkundanyirazo avuga ko Aimabilis yari yaravuwe na Se indwara yari arwaye mu myanya ndangagitsina (imitezi) arinda akira nta buyobozi bw’ingabo zo kwa Habyarimana zibimenye.

Ati“Iyo ngo mu gisirikare cyo kwa Habyarimana bamenyaga ko umusirikare wabo yarwaye bene izo ndwara bahitaga bamwirukana. Icyo gihe yivuje rwihishwa Papa amutera inshinge nyinshi kuko yazaga mu masaha y’ijoro kugeza akize nta muntu numwe ubimenye”.

Ubwo basabaga iyi nterahamwe Mabirisi kubica yabasubije ko ngo atabica kuko Se yamurinze igifungo kirekire bityo amaraso y’umuryango we atazamubarwaho.

Ati“Yafashe mama na murumuna wange wankurikiraga bwa kabiri abajyana hakurya ku munini natwe atujyana ku mugabo witwa Innocent adusaba no kutihisha kugira ngo interahamwe zimenye ko tukiriho adusezeranya ko ntawe uzatwica ahari”.

Nubwo yabahishe aho hantu yababwiye ko Inkotanyi ziri mu mujyi wa Kigali kandi ko zo zigenda bucece zidasakuza zidatera induru nk’interahamwe kandi ko zitagenda mu gikundi ahubwo zitandukanya zikagota abantu.

Ati“Nimubona ari abasirikare babiri cyangwa batatu baje babahamagara muzabitabe, cyangwa muzikingirane mu nzu bazaca urugi babasangemo mubibwire hanyuma nazo ntacyo zizabatwara”.

Mu gihe cy’icyumweru kimwe gusa inkotanyi zari zamaze kubasanga aho bari bari zibajyana mu bice zari zarafashe zizeyemo umutekano.

Agiye kwiga mu Iseminari ibyo yabonye byari biteye agahinda

Nkundanyirazo nyuma ya Jenoside agiye kwiga mu Iseminari ntoya ibyo yabonye byari biteye agahinda. Yasanze ahantu bajugunye imibiri y’abiciwemo itarashyingurwa mu cyubahiro.

Gusa ashima uburyo hateguwe gahunda yo kujya havugirwa isengesho rya buri wa gatatu w’icyumweru mu rwego rwo kubasabira.

Uko Jenoside yakozwe ku bari bahungiye muri Seminari nto ya Ndera

Muri Jenoside abantu bahahungiye ari benshi, bamwe bajya mu kigo cyita ku bafite uburwayi bwo mu mutwe cya CARAES, abandi bahungira mu Iseminari, bahasanga Abapadiri babashyira mu byumba by’amashuri barabakira ndetse babitaho, ku ikubitiro abahahungiye bakaba barimo abahigwaga n’abatarahigwaga, nyuma y’uko indege yari itwaye uwari Perezida Habyarimana yari imaze kuraswa.

Ku itariki ya 08 Mata 1994, abari bayoboye ubwicanyi barimo uwitwaga Mbonampeka n’izindi Nterahamwe zari ziri aho i Ndera, baraje bavangura abantu, abatarahigwaga babategeka gusohoka bagataha, Abatutsi basigaramo aho.

Abicanyi bagarutse ku itariki 09 Mata 1994 baje kwica abantu bari bahungiye muri iyo Seminari, ariko uwari umuyobozi w’iyo Seminari ari we Padiri Andereya Havugimana (ubu ni Musenyeri), na Padiri Ananiya Rugasira wari Umucungamutungo (Econome) w’iyo Seminari, barababima bababwira ko nta mpamvu yo kubica kuko ari abana b’Imana.

Kugira ngo abicanyi babashe kubageraho, babanje kwica Padiri Ananiya Rugasira utari mu bahigwaga, baramurasa, umurambo we ukaba uri mu yashyinguwe mu rwibutso rw’iyo Seminari ya Ndera.

Musenyeri Andereya Havugimana na we bamusabye kubaha abo bantu ariko aranga, bahita bamurasa arakomereka cyane, ariko ku bw’amahirwe ntiyashiramo umwuka, akaba ari no mu bifatanyije n’abaje kwibuka ku nshuro ya 32 abiciwe muri iyo Seminari, tariki 16 Gicurasi 2026.

Abicanyi ngo bakomeje kugenzura abahungiye kuri iyo Seminari, tariki ya 11 Mata 1994 uba umunsi mubi cyane ku bari bahahungiye, kuko abicanyi babasohoye mu mashuri, babakusanyiriza ku kibuga cya Basketball barahabicira, abandi babicira mu mashuri, harokoka abantu bane bonyine nk’uko umuyobozi w’iyo Seminari yabisobanuye.

Abicanyi bavuye aho muri Seminari bajya kwica abandi bari bahungiye mu kigo cya CARAES cyita ku bafite uburwayi bwo mu mutwe, itariki ya 11 Mata ikaba ari itariki muri uwo Murenge wa Ndera bibukiraho by’umwihariko nk’itariki yabayeho ubwicanyi ndengakamere muri ako gace.

Abayobozi b’iyi Kaminuza hamwe n’abanyeshuri basobanuriwe amateka n’uburyo Jenoside yateguwe ikanashyirwa mu bikorwa n’ubuyobozi bubi bukanabishishikariza abaturage.

Bahati Queen, umwe mu banyeshuri avuga ko byamuhaye isomo ry’uko Jenoside yateguwe kubera urwango rwabibwe mu Banyarwanda.

Ati “ Niyemeje ko nk’urubyiruko tuzubakira ku bumwe nkirinda ikintu cyose cyaducamo ibice kuko twese turi umuntu umwe sinkwiye kubiba urwango muri bagenzi banjye”.

Rugwiro Johnson nawe avuga ko yigiyemo byinshi birimo kumenya amateka y’igihugu cye.

Ati “Bansobanuriye imbaraga zakoreshejwe mu guhagarika Jenoside binsigira imbaraga zo guharanira kubaka igihu cyanjye kandi ko twe abato ari twe dufite umukoro wo gusigasira amahoro dufite y’iki gihugu cyacu”.

Umuyobozi w’Agateganyo muri RICA Dr Olusegun Adedayo Yerokun yabwiye abitabiriye iki gikorwa ko ari igihe cyo guhurira hamwe bakunamira abazize Jenoside, bagafata mu mugongo abarokotse, ndetse bagaterana imbaraga mu gikorwa cyo kwibuka, bimakaza ubumwe n’ubwiyunge.

Ati “ Ntitwakwifuza kongera kubona Jenoside ukundi. Ntitwakwifuza kongera kubona amahano nk’ayabayeho mu gihugu cyacu. Ni n’igihe cyo kwibuka ko muri iyi si dutuyemo uyu munsi, dukwiriye gufatanya n’abantu bose tukamagana ibikorwa by’ivanguramoko rikabije n’ibiganisha kuri Jenoside”.

Dr Olusegun yavuze ko abishwe bahowe uko baremwe ubwoko cyangwa inkomoko aho bari hose, bifatanyije na bo.

Ati “ Kimwe mu ndangagaciro z’ingenzi za RICA ni ubumwe bw’umuryango. Ubumwe bw’umuryango busobanuye kubana hamwe, kugira icyerekezo kimwe no kuba abantu bamwe”. Ni yo mpamvu ntekereza ko atari impanuka kuba RICA yarahisemo iyo ndangagaciro yo kuba umuryango umuryango umwe.

Ati “ Njye ku giti cyanjye ndabyishimira cyane kuko ku banyeshuri bacu bibabera urumuri rubayobora kuko ari mwe b’ejo hazaza, ndetse no muri ibi bihe. Abazadufasha gukomeza urugendo ni mwe. Bityo rero mukomeze mubumbatire bumwe”.

Yashimiye Senateri Bideri John Bonds wasangije amateka urubyiruko rwiga muri iyi Kaminuza, ndetse anashimira umwe mu barokotse watanze ubuhamya bw’inzira y’umusaraba yanyuzemo mu gihe cya Jenoside.

Ati “ Bityo rero, ndashishikariza buri wese ko tuva hano twiyemeje ko tugiye gukomeza urugendo rw’ubu buzima turi umuryango umwe.Dukomeze guterana imbaraga no gufashanya. Kandi kubera urumurirw’ikizere rucanye n’inyigisho twakuye muri iki gikorwa, ndasaba buri wese gukomeza gukongeza urwo rumuri aho azajya hose”.

Akanyamasyo ka Seychelles gashobora kubaho imyaka magana abiri

Inyamaswa zibaho igihe kirekire ziba zifite ibizifasha kugira ngo zirame harimo no kuba zihagarara gukura mu gihe runaka bitewe n’ibizikikije. Inyinshi muri zo ziba hasi mu bujyakuzimu bw’inyanja. Ubushakashatsi hari aho usanga butagaragaza igihe gihamye kizwi izi nyamanswa ziba zaravukiye. Icyo gihe hagenderwa ku makuru yavuye mu bundi bwabanje.

Uru ni urutonde rwa zimwe mu nyamaswa zibaho igihe kirekire kurusha izindi.

Akanyamasyo ka Seychelles

Utunyamasyo dusanzwe tuzwiho kubaho igihe kirekire ariko akabaho igihe kinini ni ako mu bwoko bwa Aldabrachelys gigantea hololissa. Akamaze igihe kirekire kaba ku kirwa cya St Helena mu Nyanja ya Atlantic kahazanywe n’abantu bo muri Seychelles hagati ya 1882 na 1886.

Aka kiswe Jonathan muri 2022 kanditswe mu gitabo cy’uduhigo (Guiness World Record) nk’akanyamasyo karambye ku Isi. Imyaka ya Jonathan igenderwa ku ifoto yafashwe hagati ya 1882 na 1886. Kandi kuri iyo foto kari karakuze nibura gafite imyaka 50 nk’uko livescience, urubuga rushyirwaho ubushakashatsi ku binyabuzima rubivuga.

Ibinyabuzima bitagira ingingo byitwa ‘Urchins’

Indi nyamaswa ikunze kubaho igihe kini ni ibinyabuzima bitagira ingingo (invertabrates) bitwikiriwe n’amahwa byitwa ‘urchins’ bikunze kuboneka mu nyanja itukura. Kaminuza ya Oregon State muri Leta Zunze Ubumwe za Amerika ivuga ko Urchins zikunze kuba mu mazi y’inyanja yegereye ubutaka zikarya ibimera byo mu nyanja. Ubushakashatsi bw’iyi kaminuza buvuga ko Urchins zikura buhoro cyane hamwe na hamwe zigashobora kubaho ibinyejana mu gihe zidahuye n’izindi nyamaswa zizirya, indwara cyangwa abarobyi.

Urchins zo mu nyanja itukura zo muri Washington na Alaska zibaho imyaka hagati ya 100 na 200. Ubushakashatsi bwakozwe na Fishery Bulletin muri 2003 buvuga ko iriho ifite imyaka myinshi ari 200.

Ifi yo mu bwoko bwa Baleine

Iyi fi izwiho kuba ari cyo kinyamabere kibaho igihe kirekire. Ikigo cyo muri USA kirengera ibinyabuzima byo mu mazi kivuga ko iyi fi ibaho imyaka hagati ya 100 na 200. Baleine igira akanyangingo (gene) kitwa ERCC1 gafasha gukiza akaremangingo fatizo (DNA) iyo kangiritse. Ibi biyirinda indwara nyinshi nka kanseri. Igira n’akandi kanyangingo kitwa PCNA kayifasha kugabanya umuvuduko isazamo.

Inyamaswa zo mu Gasozi mu Rwanda zibaho imyaka ingahe?

Inyamaswa zo mu gasozi zifite ubuzima butandukanye cyane bitewe n’ubwoko bwazo, aho ziba, n’uburyo zibaho. Hari izibaho igihe gito cyane, mu gihe izindi zimara imyaka myinshi cyane.

Umukozi w’akarere ka Gicumbi ushinzwe ubworozi Gashirabake Isidore yasobanuye imwe mu mibereho y’inyamaswa ndetse n’impamvu zimwe ziramba izindi ntizirambe.

Ati “ Inyamaswa zirya inyama nk’intare n’ingwe akenshi zibaho hagati y’imyaka 10 na 17. Izi nyamaswa zihura n’ibibazo byinshi birimo kurwanira ibyo kurya, indwara, ndetse n’ingaruka z’ihindagurika ry’ikirere, bigatuma ubuzima bwazo butamarara igihe kinini”.

Gashirabake avuga ko ubundi inyamaswa zirya inyama zidakunda kuramba kuko usanga intungamubiri ziba mu nyama zituma iyo nyamaswa igira imbaraga nyinshi cyane bigatuma izikoresha mu kwirwanaho uko igenda ikura izo mbaraga nazo zigashira ndetse igapfa vuba”.

Ku rundi ruhande, inyamaswa nini nk’Inzovu zo zishobora kubaho imyaka iri hagati ya 60 na 70. Inzovu zibaho igihe kirekire kubera imbaraga zazo n’uburyo zishobora kwirinda abanzi. Ikindi gituma Inzovu iramba nuko irya ibyatsi bigatuma umubiri wayo ugira ubwirinzi bwo gukenyuka.

Indi nyamaswa avuga ko iramba ni Ingagi, kuko zibaho hafi imyaka 35 kugeza kuri 40. Zishobora no kurenza iyi myaka biturutse uburyo zabungabunzwe neza.

Impyisi zo zibaho igihe gito ugereranyije n’izindi ziba mu ishyamba kuko , akenshi ziramba hagati y’imyaka 8 na 12, bitewe n’uko byoroshye guhura n’ingaruka z’ibidukikije ntizibashe no guhangana n’imihindagurikire y’ibihe.

Ati “Muri rusange, imyaka inyamaswa zo mu gasozi zimara iterwa n’ibintu byinshi birimo kubona ibiryo bihagije, umutekano, indwara, n’uburyo abantu bazirinda cyangwa bazibangamira”.

Gashirabake avuga ko hari izindi nyamaswa z’ingenzi zo mu gasozi ziramba zirimo Ingona (crocodile) kuko ibaho kuva ku myaka 70 kugera ku myaka 100, Impara zibaho hagati y’imyaka 15 na 25, Imvubu ishobora kubaho imyaka 40–50, Imparage zibaho hagati y’imyaka 20–25, Isatura ibaho imyaka 20 kugera kuri 25, naho Inkwavu zo mu gasozi zibaho hagati y’imyaka 4 na 8.

Amatungo yo mungo nayo agira imyaka amara

Kimwe mu bintu abantu bakunze kwibaza ni igihe amatungo yororwa mu ngo zabo ashobora kumara abayeho.

Gashirabake avuga ko Ingurube ishobora kubaho imyaka iri hagati ya 10 na15, ariko mu bworozi busanzwe akenshi zibagwa kare cyane nyuma y’amezi 6 ivutse.

Ati “ Inka zishobora kumara imyaka hagati y’imyaka 15 na 25, hari n’izirenza ho gato iyo zibungabunzwe neza. Ihene ishobora kubaho kuva ku myaka 10 kugera kuri 18 naho intama zo zishobora kumara imyaka 10 kugeza kuri 15”.

Ku Mbwa ho ngo biterwa cyane n’ubwoko (breed), ariko impuzandengo ni imyaka 10 kugera kuri 15, ariko hari n’ishobora kugera kuri 18 na 20.

Gashirabake avuga ko ku bijyanye n’amatungo afasha mu kazi, ifarashi ishobora kubaho imyaka 25 kugeza kuri 30.

Injangwe yo mu rugo ibaho igihe kingana n’imyaka 12 kugera kuri 18 iyo yitabwaho neza cyane ihabwa ibiryo byiza, ubuvuzi buhoraho ishobora kugera ku myaka 20 cyangwa irenga gato.

Inkoko yo ibaho imyaka 5 kugera ku 10 iyo yitaweho neza cyane ihabwa ibiryo byiza n’ubuvuzi ishobora kurenga gato imyaka 10. Inkoko z’ipondezi (broilers) ni inkoko zororerwa cyane gutanga inyama, bityo ntizibeho igihe kirekire.

Gusa ku Nkoko z’amapondezi zo zigira umwihariko kuko zororwa mu buryo bwo gutanga inyama zikabagwa mu gihe cy’ ibyumweru 6 na 8 ni ukuvuga mu kwezi kumwe n’igice cyangwa amezi abiri ziba zatangiye kuribwa.

Ati“Niyo zakomeza kubaho akenshi ntizarenza amezi 3 kugera kuri 6 kuko umubiri wazo uba uremye mu buryo bwo gukura vuba zikaribwa”.

Yabitangaje kuri uyu wa kane tariki 14 Gicurasi 2026 mu nama Mpuzamahanga y’Abayobozi Bakuru b’Ibigo izwi nka ‘Africa CEO Forum’, iri kubera i Kigali.

Abitabiriye iyi nama baganiriye ku mpamvu abatuye Umugabane wa Afurika bakwiye gufatanya mu kwigira no kwishakamo ibisubizo biganisha ku iterambere.

Umuyobozi w’Ikigega cy’Imari cya Banki y’Isi gifasha abikorera (International Finance Corporation), Makhtar Diop, yavuze ko inzego zirimo ubuhinzi zitejwe imbere zafasha Afurika mu guhanga imirimo, kwihaza mu biribwa no guteza imbere inganda.

Ati “Intego ni ukubona amafaranga ajya mu baturage ndetse n’imirimo ihangwa ari myinshi.”

Makhtar Diop yavuze ko kwihuriza hamwe kw’Abanyafurika havanwaho imipaka mu bijyanye n’ubucuruzi n’ishoramari, ari bimwe mu byafasha abatuye uyu Mugabane kugera ku iterambere bifuza.

Makhtar Diop, yavuze ko Umugabane wa Afurika ufite abaturage benshi kandi bafite impano n’ubushobozi bwo gukora byose bikenewe mu kugera ku mpinduka zifuzwa.

Yerekanye ko urwego rw’ingufu n’ibikorwa remezo ari zimwe mu zafasha kugera ku iterambere.

Ati “Ingufu n’ibikorwaremezo, nta ruganda rwakora rudakeneye ingufu ni yo mpamvu twiyemeje kugeza amashanyarazi ku baturage miliyoni 300 ba Afurika kandi urwego rw’abikorera ni rwo ruzabigiramo uruhare.”

Umuyobozi Mukuru w’Urwego rw’Igihugu rushinzwe Iterambere, RDB, Jean-Guy Afrika, yavuze ko iterambere Afurika yifuza ritagerwaho na za Guverinoma gusa cyangwa abikorera bakora basa nk’abitaruye.

Ati “Ariko hamwe no gusangira inshingano, gusangira kwiyemeza no gushyira mu bikorwa, ubu butumwa ni ingenzi uyu munsi. Ubukungu bw’Isi buri guhinduka vuba, igishoro kiri kugera kuri bamwe, gutera inkunga imishinga birahenze kandi ikoranabuhanga riri guhindura buri rwego.”

Umuyobozi Mukuru wa RDB, Jean Guy Afrika, yavuze ko u Rwanda rwamaze kumenya ko iterambere ritagerwaho n’Igihugu kimwe ari na yo mpamvu rwashoye imari mu kubaka ibikorwaremezo, ubukerarugendo, urwego rwo gutwara abantu n’ibintu mu kirere ndetse n’ikoranabuhanga.

Ni ibintu yavuze ko bifasha abashoramari gushora mu Rwanda, bagakora neza kandi bakunguka bakorera imbere mu gihugu ariko babasha no kugera ku isoko ryo hanze y’u Rwanda.

Ati “Urugendo rwacu rw’iterambere rwahoze rudusaba gutekereza birenze uko igihugu kingana mu buso, ahubwo rwubakiye ku gufungura amarembo no kwihuza n’abadufasha guha serivisi atari isoko ry’Abanyarwanda gusa ahubwo no mu Karere kose ndetse n’Umugabane.”

Ni ikibazo cyagarutsweho kuri uyu wa 13 Gicurasi ubwo Minisiteri y’Ibikorwaremezo yagezaga ku Badepite bagize Komisiyo y’Ingengo y’Imari n’Umutungo bya Leta mu Nteko Ishinga Amategeko mu rwego rw’ibiganiro ku ngengo y’imari ya Leta y’umwaka wa 2026/2027, aho basabye ko hagira igikorwa kugira ngo haboneke amazi ahagije muri aka Karere.

Depite Pio Nizeyimana yagaragaje ko mu ngendo bakoze hirya no hino mu gihugu bagejejweho n’abaturage bo mu karere ka Muhanga ikibazo cy’amazi make atabasha guhaza abatuye muri uyu mujyi.

Ati “Kubera icyo kibazo byatumye n’abaturage bahingaga mu gishanga cya rugeramigozi idamu bifashishaga mu kuhira imyaka yabo yifashishwa mu gukemura ikibazo cy’amazi make ku baturage”.

Depite Nizeyimana yasabye ko mu ngengo y’imari ya 2026-2027 hakwiye kwitabwa kuri iki kibazo kugira ngo gikemuke burundu kuko byatumye n’abahinzi bo mu gishanga cya Rugeramigozi batakibona amazi yo kuhiza imyaka yabo.

Ikibazo cy’amazi make mu Karere ka Muhanga gikunze kugwarukwaho n’abahatuye nk’uko Muhizi Andre utuye mu Mujyi wa Muhanga yavuze ko babona amazi kuwa kabiri no kuwa kane rimwe na rimwe no kuwa Gatandatu akaza igihe gito.

Ati“Muri Make amazi ni make ku buryo usanga ayo dukenera gukoresha adahagije kandi n’ikibazo kidiukomereye twese abatuye muri uyu mujyi”.

Ingengo y’imari ivuguruye ya 2025/2026 y’ibikorwa byo gukwirakwiza amazi ni 110,324,509,047 naho Ingengo y’imari imaze gukoreshwa ingana na 65,911,800,260, ni ukuvuga ko amafaranga yateganyijwe gukoreshwa mu bikorwa bya WASAC angana na 60%.

Minisitiri w’Ibikorwa Remezo Dr Jimmy Gasore yavuze ko habayeho gutinda kw’amasoko y’imishinga y’Isuku n’Isukura bituma Ingengo y’Imari idakoreshwa ku gipimo uko byari biteganyijwe.

Mu rwego rwo gukemura ikibazo cy’amazi kimaze igihe kigaragara mu bice bitandukanye byo mu Ntara y’Amajyepfo, harimo na Muhanga, Minisitri yavuze ko Leta iri gushyira imbaraga mu mishinga yo kubaka no kwagura ibikorwa remezo by’amazi, harimo n’inganda zitunganya amazi.

Imwe mu mishinga uzakemura iki kibazo ni uwa Kagaga Water Supply System, uzatanga amazi mu turere twa Muhanga, Kamonyi na Ruhango. Uwo mushinga uri gushyirwa mu bikorwa muri gahunda ya Rwanda Sustainable Water Supply and Sanitation Program (RSWSSP), uterwa inkunga na Banki Nyafurika Itsura Amajyambere (AfDB).

Uyu mushinga utegerejweho kongera amazi meza ku baturage bo muri utu turere twagiye tugaragaramo ikibazo cy’ibura ry’amazi, cyane cyane mu bihe by’izuba cyangwa mu duce dutuwe cyane.

REG nk’ikigo gishamikiye kuri Minisiteri y’Ibikorwaremezo yavuze ko hari umushinga itabashije gushyira mu bikorwa kubera kubura ingengo y’imari ingana na 912,000,000frw.

Ati“Uyu mushinga twagombaga kuwufatanya na European Investment Bank (EIB) ariko ntabwo twabashoboye kuwushyira mu bikorwa kubera ko ayo mafaranga atabonetse ariko duteganya kwishyura amafaranga y’ibanze (advance payment) bitarenze ukwezi kwa gatandatu 2026”.

Nubwo habayeho iyo mbogamizi kuri uyu mushinga Umuyobozi wa REG Zingiro yavuze ko ibindi bikorwa byose byari biteganyijwe gukorwa n’ikigo cya REG byagezweho ku kigero kiri hejuru ya 80%.

Ati“Aha navuga nko gushyira amatara ku mihanda biri ku kigero cyiza, ndetse n’umushinga wo kubaka ibigega bya Rusororo bibika ibikomoka kuri peteroli (fuel storage tanks) nabyo byararangiye ndetse n’indi mishanga twari twateguye yose iri ku kigero gishimishije”.

Minisitiri w’Ibikorwaremezo Jimmy Gasore yabwiye Abadepite bagize iyi Komisiyo ko bimwe mu bikorwa byari biteganyijwe bitageze ku kigero gishimishije bizitabwaho mu ngengo y’imari ya 2026-2027.

Ati “ Hari aho bitagezweho uko bikwiye kubera ko hajemo imbogamizi zirimo n’ingengo y’imari idahagije ariko ubu icyo nababwira nuko mu ngengo y’imari ya 2026-2027 bizitabwaho”.

Perezida Komisiyo y’Ingengo y’Imari n’Umutungo bya Leta, Depite Uwamariya Odette, yavuze ko nyuma y’ibi biganiro n’inzego za Leta bazatumira Minisiteri y’Imari n’igenamigabwi bakayimurikira ibyavuye muri ibi biganiro kugira ngo babihereho bategura ibikorwa bizakorwa mu ngengo y’imari y’umwaka wa 2026-2027.

Ibiro by’Umukuru w’Igihugu, Village Urugwiro, byatangaje ko iyi nama izitabirwa n’Abakuru b’Ibihugu na za Guverinoma barenga 25 baturutse hirya no hino ku mugabane wa Afurika. Ni inama yateguwe ku bufatanye bwa Perezida William Ruto wa Kenya na Perezida Emmanuel Macron w’u Bufaransa.

Iyi nama yiga ku bufatanye bwa Afurika n’u Bufaransa mu guhanga udushya no kuzamura iterambere rigamije gushimangira imikoranire ihuriweho n’impande zombi.

Minisitiri w’Ububanyi n’amahanga n’Ubutwererane w’u Rwanda, Amb. Olivier Nduhungirehe, na we witabiriye iyi nama, kuri uyu wa Mbere yagaragaje ko u Rwanda rufitemo inyungu mu bizaganirwaho.

Amb. Nduhungirehe avuga ko hazaganirwa kuri byinshi birimo guhanga udushya, uburumbuke mu by’ubukungu, ubucuruzi n’ishoramari. Intego y’iyi nama ni ukugira ngo harebwe uko Afurika yatera imbere, n’ubufatanye hagati ya Afurika n’u Bufaransa ariko bishingiye ku nyungu z’impande zombi. Iyi nama ifite insanganyamatsiko igira iti ‘Guhanga udushya n’uburumbuke mu by’ubukungu (Innovation and growth)’.

Minisitiri Murangwa yabitangaje tariki 11 Gicurasi 2026 mu nama ihuriweho n’imitwe yombi y’abagize Inteko Ishinga Amategeko abagezaho imbanzirizamushinga y’ingengo y’imari ya Leta y’umwaka wa 2026/2027 hamwe n’ingamba zo mu gihe giciriritse 2026/2027-2028/2029.

Minisitiri Murangwa yasobanuye ko iri gabanuka ry’icyuho cy’ibyoherezwa mu mahanga byatewe ahanini n’igabanuka ry’ibyo u Rwanda rutumiza mu mahanga ku gipimo cya 14,9 % mu mwaka wa 2025 ugereranyije na 15% byari byiyongereyeho mu mwaka wa 2024.

Ati “Inyungu ikomoka kuri serivisi yiyongereye igera kuri Miliyoni 84.1$ y’America mu mwaka wa 2025 ivuye kuri Miliyoni 78,4$ y’America yariho mu mwaka wa 2024 bitewe no kwiyongera serivisi u Rwanda rutangaha hanze ugereranyize n’izo u Rwanda ruhasaba yo”.

Minisitiri Murangwa yabwiye abagize inteko ko umwenda w’igihugu ibipimo u Rwanda rugenderaho biri mu rugero bitewe nuko mu Ukuboza 2025 umwenda w’igihugu ungana na 80,9% by’umwenda w’igihugu yari imyenda ihendutse itangwa na Banki ndetse n’ibigega by’imari ku nyungu yo hasi n’igihe kirekire cy’ kwishyura.

Minisitiri Murangwa yagaragaje ko nubwo mu mwaka wa 2025 ubukungu bw’Isi bwazamutse ku gipimo cya 3,4% biteganyijwe ko muri uyu mwaka wa 2026 buzazamuka ku kigero cya 3,1% naho muri 2027 bukazamuka ku kigero cya 3.2%.

Ati“Uko kugabanuka kw’izamuka ry’ubukungu bw’Isi biraturuka ku ngaruka z’intambara yo mu Burasirazuba bwo hagati ndetse n’izamuka ry’ibikomoka kuri Peteroli”.

Minisitiri Murangwa yavuze ko ku bukungu bw’u Rwanda umusaruro mbumbe wazamutseho ku gipimo cya 9,4% mu mwaka wa 2025 iri zamuka ryatewe ahanini n’umusaruro mwiza wabonetse mu nzego zitandukanye zirimo urwego rwa serivisi rwari kuri 52%, urw’inganda rwagize 22%, naho urwego rw’ubuhinzi rugira 20%.

Umusaruro w’ubuhinzi wazamutse ku gipimo cya 7% bitewe ahanini n’umusaruro w’ibihingwa byoherezwa mu mahanga wazamutse ku gipimo cya 32%, inganda wazamutse 11% bitewe ahanini n’ubucukuzi bw’amabuye y’agaciro na cariyeri Bwazamutse ku gipimo cya 17%.

Byari ibintu bidasanzwe kuko iyo wageraga muri Kigali Today wahitaga ubona hahindutse ivuriro kuko ibiro bikorerwamo byose byabaye aho gusuzumira abitabiriye iki gikorwa.

Aba baganga basuzumye indwara zitandukanye zirimo ubuvuzi bw’amenyo, indwara z’abagore, amagufa, ndetse n’indwara z’imbere mu mubiri (médecine interne).

Nkurunziza Sam, umwe mu bakozi ba Kigali Today, yari afite ikibazo cyo kubabara umugongo. Uyu munsi na we ari mu bavuwe n’iri tsinda ry’Abaganga b’Abashinwa.

Nkurunziza avuga ko kubabara umugongo yari abimaranye imyaka 3 ariko nyuma yo guhabwa ubuvuzi, atashye yumva ububare bwashize.

Yagize ati "Maze imyaka myinshi numva mbabara igice cy’umugongo wo hejuru, ariko nyuma y’uko bankoreye icyo bita ’capping’ mpise numva bwa bubabare bwose burangiye"

’Capping’ ni uburyo iri tsinda ry’Abaganga b’Abashinwa bavuramo abantu aho babarumikaho utuntu tw’udukombe ahantu bumva ububabare bukagenda bushira buhoro buhoro.

Nkurunziza avuga ko banamukoreye ubuvuzi bumufasha gukura imyanda mu mubiri (detox) ubwo buvuzi bukaba bufasha amaraso gutembera neza.

Dr Zhang Sheng Mao wari uhagarariye iki gikorwa avuga ko bavura bakoresheje imiti iva mu bimera kandi iyo miti yabo iba ikoze mu buryo hatongerwamo ibindi binyabutabire.

Dr Zhang avuga ko bafite ubushobozi bwo gusuzuma umuntu bakamenya indwara arwaye mu gihe we yumvaga ari muzima.

Ati " Ni byiza ko abantu bisuzumisha kuko umuntu ashobora kugenda yumva ari muzima kandi afite uburwayi agendana atabizi. Iyo yisuzimishije akamenya icyo arwaye agahabwa imiti biba byiza kuruta kubaho atazi uko ahagaze".

Mukakalisa Josette umufasha wa Niyonzima oswald ukora muri Kigali Today yavuze ko yishimiye iki gikorwa cyo kuba Kigali Today yaratekereje kubaha amahirwe yo gusuzumwa niri tsinda ry’Abaganga b’Abashinwa bakamenya uko ubuzima bwabo buhagaze.

Aba baganga b’Abashinwa bamaze igihe bakorera mu Rwanda kuri iyi nshuro ya 26 bakaba barangajwe imbere na Dr Zhang Sheng Mao.

Kureba andi mafoto, kanda HANO

Ndikubwayo Innocent Inzobere mu by’imirire ukora ku kigo nderabuzima cya Burehe mu karere ka Rulindo abisobanura agira ati “ Iyo uyinyoye cyane cyane nimugoroba cyangwa nijoro, ishobora gutuma udasinzira neza, bigatera umunaniro ku munsi ukurikiyeho”.

Abantu banywa ikawa nyinshi bashobora kugira ikibazo cyo guhangayika, kumva badatuje, ndetse n’umutima ugatera vuba. Ibi biterwa n’ingaruka caféine igira ku mikorere y’umubiri.

Ikawa ishobora kongera aside mu gifu, bigatuma bamwe baribwa mu nda cyangwa bagira ikibazo cy’uko aside iri mu gifu igaruka ikazamuka mu muhogo ‘acid reflux”. Ku bantu bafite igifu cyoroshye, ibi bishobora gutera uburwayi bw’igifu.

Ati“Kunywa ikawa nyinshi bishobora gutuma umuvuduko w’amaraso wiyongera, bikaba byateza ibibazo ku bantu basanzwe bafite ikibazo cy’umuvuduko uri hejuru w’amaraso ‘hypertension’ kumererwa nabi bigatuma uwo muvuduko wabakururira urupfu”.

Ndikubwayo avuga ko iyo umubiri umenyereye ‘caffeine’ iba mu ikawa, umuntu yumva ayikenera buri munsi. Iyo uyinywa ayihagaritse, ashobora kugira ibimenyetso nko kubabara umutwe, kurakara, cyangwa kumva afite umunaniro ukabije.

Ati “Nubwo ikawa iguha imbaraga z’ako kanya, nyuma y’igihe gito ushobora kumva unaniwe cyane kurushaho, bigatuma uyisubiraho inshuro nyinshi”. Kunywa ikawa mu rugero ni ingenzi. Amatasi mato 2 arahagije ku bantu benshi. Ni byiza kandi kwirinda kuyinywa nijoro ahubwo umuntu akagerageza ibindi binyobwa nk’icyayi kidafite caffeine mu rwego rwo kwirinda kubura ibitotsi nijoro”.

Ni Ingano ki y’Ikawa Umuntu Akwiye Kunywa ku Munsi?

Umuntu mukuru usanzwe adafite uburwayi yemererwa kunywa ikawa “caffeine” iri hagati ya miligarama 300 kugeza kuri 400 ku munsi. Ibi bingana n’amatasi 3 cyangwa 4 by’ikawa.

Ati “Ariko ibi bishobora gutandukana bitewe n’umubiri w’umuntu. Hari abumva caféine vuba cyane ku buryo n’igikombe kimwe gusa gishobora kubatera kudasinzira cyangwa guhagarika umutima”.

Ndikubwayo avuga ko hari ibyiciro by’abantu bagomba kugabanya cyane ikawa cyangwa kuyirinda burundu harimo abagore batwite, bagirwa inama yo kutarenza miligarama 200 z’ikinyobwa kirimo caféine ku munsi, abantu bafite ikibazo cy’umuvuduko w’amaraso, abafite ibibazo byo kudasinzira, abafite ibibazo byo mu gifu nka Aside izamuka mu muhogo nyuma yo kurya yitwa mu rurimi rw’amahanga ‘acid reflux’.

Ndikubwayo agira abantu inama kwirinda kuyinywa nijoro, kugerageza kuyigabanya buhoro buhoro kuwari usanzwe uyinywa cyane, ndetse akanywa n’amazi ahagije kugira ngo yirinde umwuma.

Abwira abantu ko kunywa ikawa atari ikibazo iyo bikorwa mu rugero. Kandi ko ari byiza gukurikiza ingano isabwa no kumenya uko umubiri we uyakira ko ari byo bizabafasha kwirinda ingaruka mbi no kugumana ubuzima bwiza.

Asanga umuntu atari akwiriye kurenza amatase atatu mu cyumweru kuko aribyo byamurinda kuba imbata yayo ndetse no kuba yamutera ibibazo.

Ibi byabaye haburaga amasaha make ngo Kalasira Aimable ngo asohoke mu Igororero rya Mageragere aho yari asoje ibihano yari yarahawe kubyaha yari akurikiranywe.

Umuvugizi wa RCS, Sengabo Hillary, yatangaje ko ubwo Karasira yari amaze kugenzurwa byose habura amasaha make ngo asohoke muri gereza, ari bwo yanyweye iyo miti yamufashaga ku bibazo by’uburwayi bwo mu mutwe (Depression) yari afite.

Ati “Imiti yayinyoye nk’uwiyahura, ubuyobozi bwa RCS bwahise bwihutira kumugeza kwa muganga ku bitaro bya Nyarugenge biranga, birangira apfuye”.

Karasira Aimable wari uzwi ku zina rya Prof. Nigga yari yarakatiwe n’Urukiko rukuru, urugereko rwa Nyanza, igihano cy’Imyaka 5 runategeka ko imitungo ye yafatiriwe irekurwa.

Karasira Aimable yari yatawe muri yombi mu kwezi kwa 5 muri 2021 n’urwego rw’igihugu rw’ubugenzacyaha RIB imukurikiranyeho icyaha cyo guhakana no guha ishingiro Jenoside yakorewe Abatutsi 1994 n’icyaha cyo gukurura amacakubiri.

Yashinjwaga kandi icyaha cy’iyezandonke no kudasobanura inkomoko y’umutungo we urimo amafaranga yafatanywe (cash) n’ayari kuri konti ze zitandukanye zirimo iza banki na Mobile Money.

Karasira yasabye imbabazi abakomerekejwe n’amagambo yavugiye kuri YouTube mu bihe bitandukanye, avuga ko nta mugambi afite wo kubiba amacakubiri no guhakana Jenoside.

Yakunze kugaragaza ko afite ikibazo cy’uburwayi bw’ihungabana ‘depression’ akaba aribyo byatumaga atangaza ibiganiro agamije kwivura agahinda gakabije yari afite.

Ku bijyanye n’inkomoko y’amafaranga yafatiriwe, Ubushinjacyaha bwagaragaje ko Karasira yayakuye mu barwanya Leta bari bashyigikiye ibyo yavugaga.

Karasira we yavuze ko yari asanzwe atunze amafaranga menshi arimo imperekeza yahawe na Kaminuza y’u Rwanda yabereye umukozi ndetse n’amafaranga yohererejwe n’abagiraneza, kandi ngo nta cyari kuyamutwara kuko akiri ingaragu.

Ibi bikubiye muri Raporo y’Urwego rw’Ubugenzuzi Bukuru bw’imari ya Leta Umwaka warangiye ku wa 30 Kamena 2025 igaragaza ko izi nzu zari mu nshingano z’urwego rw’ikigo cya Leta kigamije gucunga no guteza imbere ubwiteganyirize mu Rwanda (RSSB) ariko ubwo bakoraga igenzura mu mwaka wa 2024 kugera muri Nyakanga basanze zitaruzura ndetse igiciro cyo kuzuzuza cyarikubye inshuro hafit eshatui

Ati “ Umushinga wo kubaka inzu 548 i Batsinda watangiye ku wa 22 Mata 2016 biteganijwe ko ugomba kumara amezi 26 n’iminsi 20 bikarangira muri Nyakanga 2018. Uyu mwaka bavuguruye amasezerano ku nshuro ya 7 ni ukuvuga ko hongereweho imyaka 7 n’amezi 10 kugeza ku wa 30 Mata 2026. Igiciro cyariyongereye kiva kuri Miliyari 15.5 Frw kigera kuri Miliyari 42.24Frw”.

Kamuhire avuga ko muri Gashyantare 2026, imirimo yari igeze kuri 93% kandi igikomeza. Kubera gutinda kuzuza ayo mazu, intego yari iteganijwe ntizagerwaho ku gihe.

Avuga ko bagiriye inama urwego rw’ikigo cya Leta kigamije gucunga no guteza imbere ubwiteganyirize mu Rwanda (RSSB) kuzihutisha kurangiza uyu mushinga kugira ngo igiciro cyo kuzubaka kidakomeza kwiyongera.

Urukiko nyuma yo gusesengura ubwiregure bw’impande zombi no kureba ibiteganywa n’amategeko rwamuhamije ibyo byaha byose rumutegeka kwishyura ihazabu no gukora imirimo y’inyungu rusange.

Urukiko ariko rwategetse ko iyo mirimo y’inyungu rusange DJ Toxxyk yakatiwe isubitswe mu gihe cy’amezi atandatu runategeka ko akuriweho gutanga ihazabu kuko yaburanye afunzwe by’agateganyo mu Igororero rya Nyarugenge.

DJ Toxxyk yari akurikiranyweho ibyaha bitatu birimo ubwicanyi butagambiriwe, gukekwaho gukoresha ibiyobyabwenge cyangwa urusobe rw’imiti ikoreshwa nkabyo, guhunga umaze guteza impanuka n’icyaha cyo kwanga gupimishwa icyuma gipima ‘Alcohol’.

Ibi byaha byose yari akurikiranyeho byaturutse ku mpanuka DJ Toxxyk yakoze mu rukerera rwo ku wa 20 Ukuboza 2025, ikagwamo umupolisi, ndetse n’ibiyobyabwenge byasanzwe iwe ubwo hakorwaga iperereza.

Akimara gukora iyo mpanuka DJ Toxxyk yahise atoroka ariko aza gufatirwa mu Karere ka Karongi, urukiko rutegeka ko akomeza gukurikiranwa afunze kugira ngo rubanze rukore iperereza.

Itegeko riteganya ibyaha n’ibihano muri rusange mu ngingo yaryi y’i 111 riteganya ko
Umuntu uhamijwe n’urukiko gukora icyaha cyo kwica bidaturutse ku bushake ahanishwa igifungo kitari munsi y’amezi atandatu ariko kitarenze imyaka ibiri n’ihazabu y’amafaranga atari munsi ya 500.000 Frw ariko atarenze 2.000.000 Frw cyangwa kimwe gusa muri ibyo bihano.

Ibi byatangajwe na Hon. Uwamariya Veneranda, Perezida wa Komisiyo y’Imibereho y’Abaturage, ageza ku Nteko rusange umutwe w’Abadepite ibikubiye mu isesengura rya raporo y’ibikorwa bya Komisiyo y’igihugu ishinzwe abakozi ba Leta (NPSC) by’umwaka wa 2024/2025 na gahunda y’ibikorwa by’umwaka wa 2025/2026.

Depite Uwamariya Veneranda yavuze ko mu mwaka wa 2025-2026 abakozi baburanye imanza ari 45 bareze ibigo 22 bya Leta.

Ati “ Izi manza zose zari zishingiye kuba hari abakozi bagiye birukanwa mu kazi mu buryo butubahirije amategeko ndetse bamwe bataratangiwe amafaranga y’ubwizigame bw’izabukuru abandi bagahindurirwa imyanya y’akazi bidakurikije amategeko”.

Depite Veneranda yatanze ingero ku bigo bimwe na bimwe byatsinzwe imanza biturutse ku bakozi babireze bituma Leta igwa mu gihombo.

Depite Uwamariya yatanze urugero rw’Akarere ka Gisagara kirukanye umukozi mu buryo bunyuranyije n’amategeko bituma Leta ishorwa mu manza icibwa indishyi zingana n’amafaranga y’u Rwanda 7,449,218.

Umuyobozi w’Akarere yasobanuye ko uwo mukozi ari Umunyamabanga Nshingwabikorwa w’Umurenge wakekwagaho ibyaha by’ubujura harimo kunyereza amafaranga ya mituweli, ay’utugari, ay’ubudehe n’ay’amakoperative.

Yatawe muri yombi na RIB, akurikiranwa mu rwego rw’amategeko no mu rwego rwa discipline, nyuma aza kwirukanwa kubera amakosa yamuhamye.

Umukozi yareze Akarere mu rukiko aratsinda rutegeka ko ahabwa indishyi. Umuyobozi w’Akarere yongeyeho ko iki kibazo cyaturutse ku kudahuza kw’inzego mu mikorere, agaragaza ko bavanyemo amasomo azabafasha mu kunoza imikorere hirindwa ko cyazasubira.

Urundi rugero ni urw’Akarere ka Kayonza kirukanye umukozi mu buryo bunyuranyije n’amategeko bituma Leta ishorwa mu manza icibwa indishyi zingana n’amafaranga y’u Rwanda 1,760,000.

Umuyobozi w’Akarere yasobanuye ko uwo mukozi yari Umuyobozi ushinzwe imibereho myiza mu Murenge wa Mukarange, yafashwe n’Urwego rw’Igihugu rw’Ubugenzacyaha (RIB) akekwaho icyaha cya ruswa no kunyereza amafaranga y’abatishoboye.

Urukiko rwemeje ko ibyaha yashinjwaga bitamuhama, rutegeka ko asubizwa mu kazi agahabwa imishahara y’amezi atatu ndetse n’amafaranga y’ikiguzi cya avoka.

Uku gufata ibyemezo mu buryo budakurikije amategeko byatumye Leta igwa mu gihombo bitewe n’amakosa aba yakozwe na bimwe mu bigo byayo.

Depite Nabahire Anasthase yavuze ko ihame ririho ari uko umukozi wa Leta acungwa hubahirijwe amategeko yakora amakosa agahanwa hubahirijwe amategeko, bikamurinda kurengana, yaba arenganyijwe akanyura mu nzira zubahirije amategeko akarenganurwa.

Ati “Ni byo koko usanga Umunyamategeko agendera ku bimenyetso yasanga ntabyo wa muntu akarenganurwa. Icyo gihe ni umukozi wa Leta uba utsinze Leta, ariko ntibyagombye guhagararira aho ahubwo hakwiriye gukurikiranwa wa muntu watumye Leta itanga za Miliyoni akaba ari we uzishyura. Ni wo murongo dukwiye guhagararaho”.

Nyuma yo gusesengura ko hari abakozi bagiye bakurwa mu myanya mu buryo budakurikije amategeko ndetse n’abandi bagiye barenganywa n’ibigo bakorera, Komisiyo yateguye umushinga w’imyanzuro uzashyikirizwa Minisiteri y’Ubuhinzi n’Ubworozi (MINAGRI) mu rwego rwo gukemura ikibazo cy’abakozi babiri b’Ikigo cy’Igihugu gishinzwe guteza imbere iyoherezwa mu mahanga ry’ibikomoka ku buhinzi n’ubworozi (NAEB) bakuwe mu myanya bari bujujeho ibisabwa bagashyirwa mu myanya batujujeho ibisabwa.

Muri abo bakozi hari uwakuwe ku mwanya wa Division Manager of Quality Assurance and Regulatory agashyirwa ku wa Division Manager of Planning n’uwakuwe ku mwanya wa Division Manager of Emerging Commodities agashyirwa ku wa Division Manager of Export Services, nk’uko byagaragajwe muri raporo ya Komisiyo y’Igihugu ishinzwe abakozi ba Leta 2024/2025. Ibi bikazakorwa mu gihe kitarenze amezi atatu.

Gaspard Simbarikure ushinzwe ubugenzuzi bw’Isuku, Ubuziranenge, ndetse n’akato k’ibikomoka ku matungo mu kigo cy’lgihugu gishinzwe Ubugenzuzi, Ihiganwa mu Bucuruzi no Kurengera Abaguzi (RICA), avuga ko uburyo amatungo atwarwamo igihe agiye kubagwa byangiza ubuziranenge bw’inyama, ndetse zikaba zagira ingaruka ku muntu uziriye.

Simbarikure avuga ko iyo itungo baritwaye riziritse usanga amaraso adatembera neza mu ruhu, bigatuma ajya mu nyama, kandi iyo ziretsemo amaraso ntabwo umuntu yemerewe kuzirya.

Ati “Ubundi inyama ziretsemo amaraso zigahindura ibara ntabwo umuntu yemerewe kuzirya, kuko ya maraso aba arimo mikorobe zishobora gutera umuntu indwara”.

Zimwe mu ndwara zishobora kwibasira umuntu kubera kurya inyama z’amatungo yafashwe nabi igihe agiye kubagwa, harimo izifata mu rwungano ngogozi, bigatera umuntu kuribwa mu nda, akaba yaruka ndetse agacibwamo.

Impamvu inyama ziba zidafite ubuziranenge nuko rya tungo riba ryabazwe ryamaze kugira ubwoba n’umuhangayiko ukabije noneho bigatuma inyama zigiramo ikinyabutabire kitwa ‘acide lactique’ gituma inyama ihinduka umweru ndetse ugasanga irimo amazi menshi inoroshye cyane.

Ati “ Iyo uyiriye wumva nta buryohe ifite kuko iba yatakaje umwimerere wayo biturutse kuri wa muhangayiko itungo ryagize mbere yo kubagwa”.

Simbarikure avuga ko itungo iyo ryagize umuhangayiko w’igihe kirekire inyama ihinduka umukara ndetse igakomera, ku buryo nayo usanga yatakaje uburyohe.

Nubwo kubaga itungo wabanje kurihangayikisha atari byiza ngo inyama zaryo ntabwo zishobora kwica umuntu ngo apfe kuko ibinyabutabire zigiramo biba bitatuma umuntu apfa.

Ni byiza kubanza kuyapima mbere yo kubagwa

Amatungo atapimwe neza usanga afite indwara z’inzoka, ibihaha n’indwara ya ruje ku ngurube bigatuma uwariye izo nyama na we yandura za ndwara.

Ati “Ubundi iyo izi ndwara zigaragaye mu itungo, cyane cyane iy’ibihaha, itungo ryose turarijugunya kuko tuba tutizeye ubuziranenge bwaryo, ikindi iyo amatungo atapimwe neza bishobora kwanduza uwariye inyama zayo”.

Simbarikure avuga ko iyo itungo ribazwe ryabanje gukorerwa ibikorwa biribabaza bituma risohora imisemburo igakwira mu nyama zayo, kandi ko iyo misemburo atari myiza ku nyama.

Simbarikure avuga ko itungo mbere y’uko ribagwa ryagombye kuba ryaruhutse, rigomba kugezwa ku ibagiro rikamara amasaha 12 ritarya ariko ntirirenze amasaha 36 ritarabagwa. Ikindi nuko muri ayo masaha rigomba guhabwa amazi gusa kugira ngo wa mwanda w’ibiva mu nda ugabanuke.

Simbarikure avuga ko igihe cyo kubaga itungo rinyuzwa mu nzira yagenwe itaryemerera kureba inyuma cyangwa ku ruhande kugira ngo ritabona rigenzi ryaryo ryapfuye rikababara ndetse rikagira ubwoba n’igihugunga mbere yo kubagwa.

Ati “Ababaga amatungo bakoresha igikoresho cyabugenewe cyo kuritesha ubwenge bakarirasa mu gahanga rikagwa rigatakaza ubwenge bagahita barikata batarengeje iminota itatu kugira ngo ritazanzamuka rikabimenya.

Iyo bamaze kurikata ritangiye kuva amaraso barinyuza mu minyururu yabugenewe bakayicurika kugira ngo amaraso yaryo arishiremo bakabona kuribaga barikuraho uruhu ndetse bakanatunganya inyama zaryo.

Umushinjacyaha Olivier Christen

Igisobanuro atanga, ni uko ngo "bagikorwaho iperereza kandi hakaba hategerejwe umwanzuro w’urukiko tariki ya 6 Gicurasi."

Mu kiganiro yagiranye n’itangazamakuru tariki 23 Mata nyuma y’igikorwa cyo Kwibuka abakoreraga serivisi z’u Bufaransa mu Rwanda bazize Jenoside yakorewe Abatutsi mu 1994, Olivier Christen yashubije agira ati “Nk’abantu bamwe bavugwa cyane, nk’umupadiri Wenceslas Munyeshyaka n’umugore witwa Agathe Kanziga, dosiye zabo ziracyakorwaho iperereza ryimbitse. Sinshobora gutangaza uko izo dosiye zizarangira, kuko ari iperereza rigikomeje kandi rigoye cyane”.

Uruhare rwa Wenceslas Munyeshyaka mu gihe cya Jenoside

Munyeshyaka Wenceslas, ubu utakibarizwa mu Bapadiri ba Kiliziya Gatolika, kuko yirukanywe burundu nyuma y’icyemezo cyafashwe na Papa Francis, mu gihe cya Jenoside yakorewe Abatutsi mu 1994, yari Padiri muri Paruwasi ya Sainte Famille, ahahungiye ibihumbi by’Abatutsi batekereza ko bahabona umutekano.

Ashinjwa ibyaha byo gufata abagore n’abakobwa ku ngufu no kugira uruhare mu iyicwa ry’Abatutsi baguye kuri iyo Kiliziya ndetse no ku kigo cya Saint Paul byegeranye, afatanyije n’uwahoze ari Perefe wa Kigali, Renzaho Tharcisse.

Abatangabuhamya bemeza ko hagati y’itariki 8 Mata n’icyumweru cya mbere cya Nyakanga 1994, Munyeshyaka yitabiriye inama nyinshi zaberega kuri Sainte Famille no kuri Saint-Paul zateguraga kwica Abatutsi ari kumwe n’uwahoze ari Perefe wa Kigali, Col Tharcisse Renzaho, Maj. Gen. Laurent Munyakazi n’abandi bari mu buyobozi bw’ibanze barimo Odette Nyirabagenzi, Angeline Mukandutiye, abasirikare n’interahamwe.

Munyeshyaka ngo yitwazaga imbunda nto mu gihe cya Jenoside, akaba ariyo yagiraga igikangisho ubwo yajyaga gusambanya ku gahato abagore n’abakobwa bari bahungiye ku kiliziya.

ikindi kandi, ngo ni we warobanuraga Abatutsi bari bahungiye ku kiliziya akabashyikiriza Munyakazi ngo bajye kwicwa.

Nyuma ya Jenoside, Padiri Munyeshyaka yahungiye mu Bufaransa. Urubanza rwe rwagejejwe mu butabera bw’u Bufaransa muri 2005 bikozwe n’Urukiko Mpanabyaha Mpuzamahanga rwashyiriweho u Rwanda (ICTR).

Dosiye ye yoherejwe i Paris, aho yashinjwaga ibyaha bya Jenoside, gufata ku ngufu, gutsemba no guhotora, nk’ibyaha byibasira inyoko muntu.

Muri 2015, urukiko rwo mu Bufaransa rwanzuye ko Munyeshyaka atagombaga kuburanishwa ibyaha byose ashinjwa, kubera ko ngo nta bimenyetso bifatika byatanzwe.

Imiryango itandukanye ikorera mu Bufaransa irimo CPCR (Collectif des Parties Civiles pour le Rwanda) yajuririye icyo cyemezo mu rukiko rw’i Paris ariko rukomeza gusubika urubanza.

Mu 2018, Radio Mpuzamahanga y’Abafaransa (RFI),yatangaje ko ubutabera bw’u Bufaransa bwahisemo guhagarika iperereza kuri urwo rubanza rwari rumaze imyaka 20, bituma Padiri Munyeshyaka ataburanishwa.

Muri 2006, Urukiko rwa Gisirikare rw’u Rwanda rwakatiye padiri Munyeshyaka igifungo cya burundu adahari, mu rubanza yaregwagamo hamwe na Maj. Gen. Laurent Munyakazi nyuma yo guhamwa n’ibyaha byo kwica Abatutsi babarirwa mu magana bari bahungiye ku kiliziya mu gihe cya Jenoside.

Bite kuri Agatha Kanziga

Urukiko rwo mu Bufaransa kandi rwasubitse icyemezo cyarwo ku kuba rwatera utwatsi cyangwa rukomeza gukurikirana dosiye ya Jenoside yakorewe Abatutsi iregwamo Agathe Kanziga, umugore wa Juvénal Habyarimana wahoze ari Perezida w’u Rwanda.

Icyemezo cyari gitegerejwe tariki ya 8 Mata cyarasubitswe, kikazatangazwa ku wa 6 Gicurasi, nyuma y’imyaka 18 ishize bakora iperereza.

Inkiko z’u Bufaransa zirimo gusuzuma niba Kanziga yaragize uruhare mu itsinda ry’abari hafi y’ubutegetsi bwa Perezida Juvenal Habyarimana rizwi nka “Akazu” bashinjwa gutegura no gushyira mu bikorwa Jenoside yakorewe Abatutsi mu 1994.

Kanziga afashijwe n’ingabo z’u Bufaransa, zamuhungishirije mu Bufaransa kugeza n’ubu gusa kuva u Rwanda rwasaba kenshi ko ashyikirizwa ubutabera ntibyigeze bikorwa.

Dosiye imukurikirana yafunguwe mu 2008, nyuma y’uko umuryango uharanira uburenganzira bw’abahohotewe, ukorera mu Bufaransa, utanze ikirego. Iyi dosiye imaze gufungwa inshuro eshatu Ubufaransa bukavuga ko nta bimenyetso bihagije byabonetse.

Agathe Kanziga

Mu cyemezo giheruka gufatwa muri Kanama 2025 cyo kuyifunga, ubushinjacyaha bushinzwe iby’iterabwoba hamwe n’abareze basabye ko isubirwamo. Kuri ubu, Urukiko rw’Ubujurire rwa Paris rurimo kureba niba ruzemera ubujurire cyangwa rugafunga burundu uru rubanza.

Ibuka ibivugaho Iki ?

Umuryango uharanira inyungu z’Abarokotse Jenoside yakorewe Abatutsi, Ibuka, uvuga ko gutinza imanza ku bakoze ibyaha bya jenoside yakorewe Abatusti ari ukudatanga ubutabera ku barokotse by’Umwihariko kuri abo bakidegembya mu Bufaransa.

Perezida wa IBUKA Dr Gakwinzire Philibert yasabye amahanga ko atakomeza guhishira abakoze ibyaha bya Jenoside ahubwo ko hakwiye gutangwa ubutabera bagakurikiranwa bagahanirwa ibyaha bakoze.

Dr Gakwenzire avuga ko gutinza imanza ndetse no gufata igihe kirekire hakorwa iperereza bituma abakoze Jenoside bakomeza gukwirakwiza ingengabitekerezo yayo biturutse kuba ibihugu bibacumbikiye bitabakurikirana ngo bashyikirizwe ubutabera.

Mu kiganiro cya KT Radio cyatambutse kuri uyu wa Gatatu tariki 22 Mata i Muhanga, Alexandre Twizerumukiza umwarimu muri ICK akaba n’umukozi mu biro by’Umuyobozi wa Kaminuza avuga ko kuba Abanyeshuri bajya kwiga muri ICK byongera ubufatanye mu ishoramari kuko bakenera ibyo kurya ndetse n’amacumbi n’ibindi bintu bibafasha mu buzima bwa buri munsi.

Agira ati “ Kaminuza igira inshingano eshatu z’ingenzi iya mbere ni ukwigisha, iya kabiri ni ugukora ubushakashatsi, iya gatatu ni ukugira uruhare mu iterambere ry’aho ikorera”.

Twizerumukiza avuga ko ubu Kaminuza ya ICK ifite abanyeshuri basaga 7000 kandi bose bacumbitse bakanahaha i Muhanga.

Ati“Iyo urebye serivisi zavutse nyuma y’aho Kaminuza ya ICK itangiriye ni nyinshi cyane kuko abenshi mu bikorera bahanze imirimo bagendeye ku byo abanyeshuri bakenera”.

Ikindi, iyi Kaminuza ngo yorohereza umunyeshuri wese ushaka kuhiga uburyo bwo kwishyuramo amafaranga y’ishuri.

Iyi Kaminuza ifitanye ubufatanye n’ikigo cya ‘Chancen International Rwanda’ cyishyurira abanyeshuri basaga 1200 bava mu miryango ifite amikoro make, nabo bakazishyura babonye akazi nyuma yo kurangiza kwiga.

Joshua Kwihangana umukozi muri ICK nawe wari bitabiriye iki kiganiro yavuze ko ICK ikora n’ibindi bikorwa bitandukanye birimo kuremera abatishoboye ndetse no kwifatanya n’abandi mu bikorwa byo kwibuka Jenoside yakorewe Abatutsi.

Ati“Hari ubwo tugabira bamwe mu barokotse cyangwa tukaremera utishoboye.”

Kwihangana avuga ko mu byo baha abanyeshuri haba harimo no kubatoza kwegera Imana aho buri wa Gatatu bajya gusengera hamwe kugira ngo kwizera Imana no kuyubaha nabyo bibe mu ndangagaciro zibaranga

Umushinjacyaha Olivier Christen

Byatangajwe n’Umushinjacyaha ushinzwe kurwanya Iterabwoba mu Rukiko rwa Paris mu Bufaransa, Olivier Christen, kuri uyu wa 23 Mata i Kigali.

Kuri uyu munsi, Ambasade y’u Bufaransa yibutse abakoreraga serivisi z’u Bufaransa mu Rwanda bazize Jenoside yakorewe Abatutsi mu 1994.

Christen yabajijwe icyo Ubufaransa bukora mu gukurikirana aya madosiye asaga 30 y’abakoze Jenoside bakidegembya muri iki gihugu.

Olivier yavuze ko mu Bufaransa habaye imanza 12 zaburanishijwe mu Rukiko rwa Rubanda rwa Paris, aho abantu umunani bahamwa n’ibyaha.

Yagize ati “Hari n’izindi manza zizakomeza kuba, harimo iz’ubujurire zizaba muri Kamena na Nyakanga, ndetse n’urubanza ruzaba mu Gushyingo no mu Kuboza 2026 ku rwego rwa mbere. Ibi bigaragaza ko iki gikorwa kigikomeje, kandi hari nibura izindi dosiye ebyiri zizaburanishwa hagati ya 2027 na 2028. Bityo rero, si ikibazo cyarangiye burundu”.

Umushinjacyaha Olivier yavuze ko umubano mwiza w’ibihugu byombi ugaragarira mu byo Perezida w’Ubufaransa Emmanuel Macron yagiye atangaza kenshi, avuga ko ubutabera bw’u Bufaransa bushyize imbaraga nyinshi mu kurwanya ukudahana kw’abagize uruhare muri Jenoside yakorewe Abatutsi mu 1994.

Ati“Byongeye kandi, hari iperereza ku banyarwanda 36 rikomeje gukorwa n’Ubufaransa bakekwaho ibyaha bya Jenoside byakozwe mu minsi 100 yakozwemo Jenoside”.

Olivier yagaragaje ko uko igihe kigenda gihita, bahura n’imbogamizi ebyiri zikomeye zirimo kuba imyaka y’abakekwaho ibyaha bya Jenoside, bamwe muri bo baba bageze mu zabukuru cyane. Ku rundi ruhande, n’abarokotse na bo bagenda basaza, bigatuma ubuhamya bugorana kuboneka no gusobanuka bigatinza imanza.

Olivier avuga ko buri mwaka, nibura inshuro ebyiri abashinjacyaha n’abacamanza b’Abafaransa baza mu Rwanda gukusanya ubuhamya bwinshi bushoboka, kugira ngo bufashe gukora dosiye no gutuma iperereza rirangira vuba bishoboka.

Umwamikazi wa nyuma w’u Rwanda, Rosalie Gicanda, ari mu bishwe muri Jenoside yakorewe Abatutsi mu 1994

Kuri uyu wa Mbere i Mwima mu Karere ka Nyanza, habereye igikorwa cyo kwibuka ku nshuro ya 32 Umwamikazi wa nyuma w’u Rwanda, Rosalie Gicanda, wazize Jenoside yakorewe Abatutsi mu 1994. Umwamikazi Rosalie Gicanda, yishwe ku ya 20 Mata 1994, ubwo Jenoside yakorewe Abatutsi yari irimbanyije mu yahoze ari Perefegitura ya Butare.

Minisitiri w’Ubumwe bw’Abanyarwanda n’Inshingano Mboneragihugu, Dr Jean Damascene Bizimana, yifatanyije n’abandi bayobozi, n’abo mu muryango w’Umwamikazi wa nyuma w’u Rwanda, Rosalie Gicanda, mu gikorwa cyo kumwibuka ku nshuro ya 32.

Bashyize indabo ku Musezero we i Mwima mu Karere ka Nyanza, baranamwunamira.

Ni igikorwa cyabimburiwe n’igitambo cya Misa cyaturiwe muri GS Mater Dei, Misa iyoborwa na Musenyeri Jean Bosco NTAGUNGIRA, afatanyije na Musenyeri Philippe Rukamba.

Nyuma y’igitambo cya misa yo kwibuka Umwamikazi Rosalie Gicanda, umuryango we, inshuti n’abayobozi batandukanye bakomereje aho atabarije i Mwima mu karere ka Nyanza, bashyira indabo ku musezero aho aruhukiye ndetse bahavugira n’isengesho.

Gahunda zakomereje ku Ngoro y’Amateka y’Abami mu Rukari, ahahuriye abaturage, inshuti n’Umuryango w’Umwamikazi Rosalie Gicanda, mu gikorwa cyo kumwibuka no kumuha icyubahiro nk’Umwamikazi wa nyuma w’u Rwanda, wishwe ku itariki 20 Mata 1994 muri Jenoside yakorewe Abatutsi.

Tariki 20 Mata 1994 wari umunsi w’akaga ku Batutsi bari batuye hirya no hino mu yahoze ari Perefegitura ya Butare, ubu ni mu Ntara y’Amajyepfo. Kuri iyo tariki nibwo Jenoside yatangijwe ku mugaragaro muri ibyo bice.

Mu Kwibuka Jenoside yakorewe Abatutsi, ku itariki ya 20 Mata i Huye hibukwa n’ Umwamikazi Rosalie Gicanda.

Tariki 19 Mata 1994 nibwo Théodore Sindikubwabo wari Perezida wa Guverinoma yashyize mu bikorwa Jenoside, yageze mu mujyi wa Butare, akoresha inama abaturage maze ashishikariza Abahutu kwica Abatutsi.

Umwamikazi Rosalie Gicanda yishwe ku munsi wakurikiyeho, tariki 20 Mata 1994. Kwica Umwamikazi Rosalie Gicanda hamwe n’abo babanaga byabaye nk’intangiriro y’ubwicanyi mu buryo bugaragara kandi bukomeye mu mujyi wa Butare, kuko bukeye bw’uko yishwe, ku itariki ya 21/4/1994, aribwo abantu benshi batangiye kwicwa.

Umwamikazi Rosalie Gicanda yishwe ku itegeko rya Kapiteni Ildephonse Nizeyimana wari mu kigo cya ESO (École des Sous-Officiers).

Muri Jenoside yakorewe Abatutsi, Kapiteni Nizeyimana yafatanyije n’abandi basirikari bari mu bwicanyi nka Lt Colonel Muvunyi Tharcisse n’abasirikari bo mu Kigo cya gisirikari cya Ngoma cyayoborwaga na Liyetona Ildephonse Hategekimana na Jandarumuri yayoborwaga na Major Cyriaque Habyarabatuma ndetse n’Interahamwe.

Ubwo Kapiteni Nizeyimana yategekaga abasirikari kwica umwamikazi Rosalie Gicanda, mu baje mu rugo rw’Umwamikazi Rosalie Gicanda rwari hafi y’ibiro bya Komini Ngoma harimo Lieutenant Bizimana bitaga ’Rwatsi’, Lieutenant Gakwerere, Corporal Aloys Mazimpaka, hamwe na Dr. Kageruka.

Mu rugo bahasanze abandi bahigwaga harimo Jean Damascène Paris, Marie Gasibirege, Aurelie Mukaremera, Callixte Kayigamba na Alphonse Sayidiya. Harimo kandi n’uwitwa Uzamukunda Grace.

Uyu Uzamukunda Grace yararashwe ariko ntiyapfa, yaje kurokoka apfa nyuma ya Jenoside azize urupfu rusanzwe, akaba yari umukobwa wa Jean Damascene Paris, akaba ari na we watanze amakuru ya nyayo y’uburyo Umwamikazi Rosalie Gicanda n’abo bari kumwe bishwe.

Bisabwe n’umupadiri, Umwamikazi Gicanda yashyinguwe mu rugo rw’aho yari yaratujwe, ariko kuri ubu umubiri we wimuriwe i Mwima mu Karere ka Nyanza, ari na ho Umwami Rudahigwa na we yatabarijwe.

Umwamikazi Rosalie Gicanda abantu benshi bamwibukira ku mutima mwiza ndetse no gukunda abantu, aho buri wese wamusuraga yamwakirizaga amata meza y’inka yari yoroye, bakanamwibuka nk’umukirisitu kandi nk’umubyeyi wabakiranaga urugwiro.

Kuri iyi nshuro hibukwa Umwamikazi Rosalie Gicanda Minisitiri w’Ububanyi n’Amahanga n’Ubutwererane, Amb. Olivier Nduhungirehe abinyujije kuri X yavuze ko Umwamikazi Rosalie Gicanda yari afite uburanga, yagiraga ubuntu, kandi akiyubaha.

Amb. Olivier Nduhungirehe yavuze ko Rosalie Gicanda, Umwamikazi wa nyuma u Rwanda rwagize, buri munsi yahaga amata abana bo mu gace yari atuyemo ka Taba ya Butare.

Ababanye n’Umwamikazi Rosarie Gicanda bahamya ko yari umuntu uca bugufi, utuje kandi uzi kwihangana kandi ko yari umuntu udasanzwe, wiyoroshyaga akagira n’ n’umutima mwiza.

Igikorwa cyo kwibuka Umwamikazi Gicanda cyabimburiwe n’igitambo cya misa yabereye muri GS Mater Dei. Misa yayobowe na Musenyeri Jean Bosco Ntagungira, afatanyije na Musenyeri Philippe Rukamba

Minisitiri w’Ubumwe bw’Abanyarwanda n’Uburere Mboneragihugu, Dr. Jean Damascene Bizimana, n’abandi bayobozi, bifatanyije n’abo mu muryango w’Umwamikazi Rosalie Gicanda, mu gikorwa cyo kumwibuka ku nshuro ya 32. Bashyize indabo ku Musezero we i Mwima mu Karere ka Nyanza aho aruhukiye, baramwunamira, bahavugira n’isengesho

Gatamba avuga yavuze ko Abatutsi bari bahungiye ku musozi wa Mwulire baturutse mu byahoze ari amakomini ya Bicumbi, Gikoro na Rutonde ubu ni mu Karere ka Rwamagana bahanganye n’Interahamwe bakoresheje amabuye n’intwaro gakondo bakomeza gutsinda ibitero bagabwagaho n’interahamwe, kugeza ubwo hitabajwe Abasirikare baturutse mu kigo cya gisirikare cya Kanombe bica Abatutsi benshi bari bahungiye kuri uyu musozi wa Gisanza hifashishijwe imbunda nini.

Ati “Indege ya Habyarima yahanuwe bwakeye bashyiraho Bariye ndetse induru zitangira kuvuga. Bukeye interahamwe zari zaturutse Bicumbi zishe umuturanyi wacu witwaga Claver ndetse zikomeza kujya mu rugo rw’umupasteur Ndengeyinka bica abatutsi barimo basengerayo”.

Ngo icyo gihe abaturage bari bataritandukanya nyuma baza kumva mikoro ivugiramo abayobozi bavuga ko hari kwicwa Abatutsi basaba Abahutu kwitandukanya nabo bababwira ko basubira inyuma mu ngo zabo batagombaga kujyana n’Abatutsi.

Gatamba avuga ko aho bari bahungiye kimwe na bagenzi be bagiriwe inama n’umugabo witwa Guido bari kumwe ababwira ko bagomba kwirwanaho batagomba kwicwa nk’ibimonyo.

Icyo gihe yabagiriye inama yo kwigabanyamo amatsinda bamwe abereka ikerekezo bajyamo abandi abereka aho bajya maze aho bari bahungiye bahasiga inka zabo ndetse n’abakecuru n’abana bfite intege nke.

Ati " Yatubwiye ko tutagomba gupfa nk’ibimonyo atubwira ko tugomba kurwana n’ibyo bitero. Atugabanyamo ibyiciro bamwe adushyira mu mpande zitandukanye atwigisha uko tuzajya turyama twumvise baturashe n’amasasu".

Gatamba avuga ko birwanyeho bakoresheje amabuye, imiheto n’imyambi. Abakiri bato bakabahereza amabuye babasha gusubiza inyuma ibyo bitero byose byaro byaje kubica.

Tariki 12 abatutsi bari kuri uwo musozi batewe n’igitero cy’abapolisi, baraza nabo barabarwanya bakoresheje amabuye n’intwaro gakondo barabanesha basubirayo ndetse hari n’umupolisi babashije kwambura imbunda yari yitwajwe nyuma y’uko amasasu amaushiriye.

Tariki 15 Mata 1994 haje ikindi gitero simusiga cyari kiyobowe na Polisi kirimob n’Abajandarume nacyo birwanaho babasha kubasubiza inyuma ariko bagenda bafite umugambi wo kugarukana izindi mbaraga zo kubarimbura.

Ati “Kuko twabarwanyije bagasubira inyuma bagarutse bongereyemo Abajandarumwe nabo barabatsinda ndetse n’Abajepe barindaga Habyarima kuko bari bavuze ko icyo gihe abo Batutsi bari kumwe n’Inkotanyi”.

Nk’uko akomeza abisobanura mu buhamya bwe Gatamba yavuze ko bigeze saa kumi nimwe bararyamye bararuhuka noneho bucya haje abafite imbaraga nyinshi barimo n’abajepe barabagota barabarasa bakabatera amabuye bo bakabatera amabombe.

Ati “Umwe Guido nababwiye watugiraga inama yo kwirwanaho baramurashe Interahamwe n’Abajepe bakomeza kuturasa abantu bakomeza gupfa umugenda kugeza ubwo inyama z’abantu zivangaga n’iizinka zari zahungishirijwe kuri uwo musozi twariho”.

Gatamba avuga ko bigeze nimugoroba bamaze kwica abantu Abahutu n’Interahamwe ndetse n’Abajandarume batangiye gucuza imirambo ndetse no gutwara inka Abatutsi bari bahunganye kuri uwo musozi.

Kugira ngo abashe kurokoka yaseseye mu mirembo mu mirambo myinshi yari inyuma y’igihuru. Bumaze guhumana abari bakiri bazima barashakanye barabwirana bigira inama yo kujya gusanganira inkotanyi.

Muri urwo rugendo rwo gusanga inkotanyi bageze mu nzira bahuye n’ikibazo cyo kugwa mu gico cy’interahamwe zibajyana mu kigo cya Gishali ariko umujandarume ababuza kubicira aho kuko ngo hari imirambo myinshi.

Izo nterahamwe zabwiwe kujya kubicira ahandi ariko kuko undi mugabo bari kumwe yari afite amafaranga baramusahuye noneho bahita babasaba kuva aho ngaho.

Icyo gihe berekeje ku bitaro bya Rwamagana bahasanga inkomere nyinshi. Icyo gihe baraharaye mu gitondo cya kare babyutse babahambira barabababoha batangira kubakubita.

Ati “Twumvise Radio Muhabura ndetse n’interahamwe zarayumva cyane icyo gihe abasirikare bari mu bitaro binzirabwoba ari inkomere bahita batangira guhunga icyo gihe interahamwe zarimo zibakubita zumvise urusaku rw’amasasu ziriruka zihungana nabo basirikare”.

Akomeza avuga ko icyo gihe ababyeyi bari aho mu bitaro bya Rwamagana batari baziritswe batangiye kubahambura basohoka mu bitaro. Bakomeje inama yo gusanganira Inkotanyi bakomeza bagana Kabuga. Bakiri mu muhanda imodoka yarimo abantu baririmba yabanyuzeho igeze imbere bumva ikintu gituritse bakomeza kugenda bagana aho giturikiye kuko bari bageze aho bifuza uwabica bakavaho kubera imibereho igoye irimo inzra n’inyota.

Ati“Twasanze abantu b’abasirikare baratubaza ngo turajyahe tubabwia ko duhunze batubaza icyo duhungu tubabwira ko dushaka abatwica badusobannuje impamvu tubabwira ko kubaho ntacyo bitumariye kubera ko abavandimwe n’abandi bishwe n’Interahamwe”.

Icyo gihe bavuga gutyo bakekaga ko ari Inkotanyi kuko bakunze gukurikira amakuru yazo. Tariki 20/4/1994 bari mu maboko y’inkotanyi bukeye zibajyana Kayonza ahari umutekano wizewe.

Ati "Ndashimira inkotanyi zitanze zikaturokora, mwarakoze Nkotanyi mwabaye ibitambo kugira ngo tube turibo”.

Mu kwibuka kuri iyi nshuro i Mwulire hanashyinguwe umubiri umwe wabonetse wa Kimandwa.

Mu ijambo ry’Umuyobozi w’Akarere ka Rwamagana, Mbonyumuvunyi Radjab bagarutse ku buryo Jenoside yakorewe Abatutsi i Mwulire yakoranywe ubukana n’uruhare rw’Ubuyobozi bwari burangajwe imbere na Burugumesitiri Semanza Laurent na Rugambarara Juvenal bayoboye icyari Komini Bicumbi.

Uyu Semanza yanakatiwe n’Urukiko Mpanabyaha Mpuzamahanga Rwashyiriweho u Rwanda.

Akenshi usanga bikunze kuba nk’ahantu habaye ibirori cyangwa se muri resitora aho umuntu yiyarurira kuri buri funguro ryose riteguye nyamara ugasanga ibyo agiye kurya hari ibihuje intungamubiri.

Inzobere mu by’imirire zivuga ko umuntu atari akwiye kurya ifunguro rihuje intungamubiri ahubwo ko aba akwiriye kurya ibitera imbaraga, Ibyubaka umubiri, Ibirinda indwara, akarya imbuto ndetse akanywa n’amazi.

Wowenjye Shema Arlette Inzobere mu by’imirire ukora ku kigo nderabuzima cya Tare mu murenge wa Bushoki mu karere ka Rulindo avuga ko mu buzima bwa buri munsi, abantu benshi bibaza niba kurya ibiribwa bitandukanye bitanga imbaraga icyarimwe ari byiza ku buzima.

Ati“Ibijumba, imyumbati n’ibitoki, amateke, ibikoro, byose bifite akamaro gakomeye kuko bitanga imbaraga nyinshi ku mubiri. Ibi biribwa bikungahaye ku ntungamubiri zitwa ‘carbohydrates’, zifasha umubiri gukora neza no kugira ingufu mu mirimo ya buri munsi. Ni yo mpamvu usanga bikundwa cyane n’abantu bakora imirimo ivunanye cyangwa abakenera imbaraga nyinshi”.

Akomeza avuga ko nubwo bitanga imbaraga, kurya ibi biribwa byose icyarimwe si byiza ku mubiri w’umuntu kuko byose bikungahaye ku bwoko bumwe bw’intungamubiri, bityo umubiri ukabura izindi ntungamubiri z’ingenzi nko kubaka umubiri no kuwurinda indwara.

Ati “Iyo umuntu aririye ibiribwa byinshi bitanga imbaraga ‘carbohydrates’ icyarimwe, ashobora kumva ahaze cyane ariko umubiri ntubone indyo yuzuye. Hari n’igihe bishobora gutuma isukari yo mu maraso izamuka cyane, cyane cyane ku bantu bafite ibibazo bya diyabete”.

Shema avuga ko indyo nziza ari igizwe n’ibyiciro bitandukanye by’ibiribwa. Ni byiza guhitamo kimwe mu biribwa bitanga imbaraga nk’ibijumba cyangwa amateke, hanyuma ukabihuza n’ibindi bifite intungamubiri zitandukanye.

Ati “Urugero rwiza rw’indyo yuzuye ni nko kurya ibijumba hamwe n’ibishyimbo n’imboga rwatsi, cyangwa amateke ugashyiraho isombe n’inyama nkeya. Ibi bituma umubiri ubona imbaraga, ibyubaka umubiri n’ibirinda indwara icyarimwe”.

Kugira ubuzima bwiza bisaba kurya ibiribwa bitandukanye no kwitondera uko ubihitamo mu ifunguro rya buri munsi.

Dore uko wafata ifunguro rikwiriye utarengeje urugero

Mu birori nk’ubukwe cyangwa muri resitora, usanga amafunguro aba ari menshi kandi atandukanye ku buryo umuntu ashobora kurenza urugero atabizi. Hari igihe umuntu afata inyama z’ubwoko bwinshi icyarimwe nk’inyama y’inka, iy’inkoko n’iy’ifi atekereza ko ari ukwiyubaha cyangwa kurya neza. Nyamara, hari uburyo bwiza bwo kwiyarurira butuma wubaha ubuzima bwawe kandi ugasohoka wishimye.

Shema avuga ko mbere yo kurya icya mbere, umuntu akwiye gutangira kwiyarurira utekereza ku rugero. Nubwo amafunguro yaba ari menshi, ntibisobanuye ko ugomba gufata byose icyarimwe. Umubiri ukenera indyo iringaniye, si ukugwiza ibintu byinshi ku isahani. Gushyiraho inyama zose icyarimwe bishobora gutuma urya proteyine nyinshi kurenza izindi ntungamubiri, kandi bikakuremerera.

Icya kabiri, ni uguhitamo neza. Aho gufata ubwoko bwose bw’inyama, wahitamo ubwoko bumwe cyangwa bubiri bugushimishije, ukongeraho ibindi byunganira ifunguro nk’ibirayi, umuceri cyangwa amateke, ndetse n’imboga. Ibi bituma ubona indyo yuzuye aho kwibanda ku cyiciro kimwe gusa.

Ati “ Icya gatatu, ni ukwibuka imboga n’imbuto. Mu mafunguro y’ibirori, abantu benshi birengagiza imboga nyamara ari zo zifasha igogorwa ryiza no kuringaniza ifunguro. Gushyira imboga ku isahani yawe bigufasha kurya neza kandi nturengere”.

Shema avuga ko igihe umuntu arya ari byiza kwirinda kurya vuba cyangwa kurya cyane kubera ko ibiryo ari byinshi. Kurya buhoro no kumva igihe uhaze bigufasha kwirinda kurenza urugero.

Indi nama y’ingenzi agira abiyarurira ahateguye amafunguro menshi nuko atari ngombwa kugerageza buri kintu cyose kiboneka ku meza mu ifunguro rimwe.

Ati“Niba ari ibirori bimara igihe, ushobora kugerageza bimwe muri ibyo byiciro bitandukanye aho kubifata byose icyarimwe”.

Ingaruka zo kurya ugahaga cyane

Shema agira abantu inama abantu bakunda kurya ibiryo byinshi, cyane cyane iyo babonye amafunguro atandukanye kandi meza ko kurya ibiryo byinshi cyane ugahaga cyane (kagwa ivutu) ari bibi ku buzima bw’umuntu.

Ati “ Hari n’igihe umuntu arya kugeza aho yumva ahaze cyane, akumva igifu cyuzuye ku rugero rurenze. Nubwo bishobora gusa n’aho nta kibazo kirimo, kurya ugahaga cyane bishobora kugira ingaruka zitandukanye ku buzima”.

Zimwe muri izo ngaruka ziba ku muntu wariye cyane, zirimo gutuma igifu cyuzura kurenza uko bikwiye bikaba byatuma umuntu yumva aremerewe kandi ananiwe. Akenshi nyuma yo kurya cyane, abantu benshi bumva bashaka kuruhuka cyangwa gusinzira kuko umubiri uba uhangayitse mu igogorwa ry’ibiryo byinshi icyarimwe”.

Indi ngaruka bigira ni ukubyimba mu nda no kugubwa nabi. Igifu cyuzuye cyane gishobora gutera umwuka mwinshi mu nda, bikaba byatera uburibwe cyangwa kumva umuntu abangamiwe. Ibi bituma umuntu atabasha gukora neza cyangwa kwibanda ku kazi ke n’ibindi bikorwa yateganyaga gukora.

Shema avuga ko kurya cyane iyo bibaye akamenyero, bishobora no gutuma umuntu yiyongera ibiro mu buryo budasanzwe. Umubiri ukabika ingufu zirenze izo ukeneye mu buryo bw’amavuta, bigatera umubyibuho ukabije. Uyu mubyibuho ushobora no kongera ibyago by’indwara zitandukanye nk’iz’umutima n’umuvuduko w’amaraso ndetse na Diyabete.

Ibi urwego rw’abikorera rwabitangaje mu biganiro byabahuje n’Abasenateri bagize iyi Komisiyo kuri uyu wa Gatatu tariki 15 Mata 2026 mu gikorwa cyo kugenzura ishyirwa mu bikorwa ry’umwanzuro wa Sena usaba Guverinoma kwihutisha gahunda yo gushyira ibikorwaremezo mu byanya byahariwe inganda.

Bimwe mu byanya by’inganda byasuwe mu ngendo zakozwe hirya no hino mu gihugu n’Abasenateri zirimo icya Huye, Muhanga na Nyagatare, basanga nubwo inganda zikora hari zimwe zitaragezwamo ibikoraremezo birimo imihanda, Abaturage batuye mu mbago z’inganda, hari kandi naho basanze hari inganda zubatswe hadasuzumwe ingaruka zagira ku bidukikije.

Ibi byose bikaba bituma abashoramari batitabira gushora imari mu nganda uko bikwiye bityo n’umusaruro witezwe kuva ku nganda nawo ugakomeza kuba muke.

Umuyobozi wungirije muri PSF ushinzwe guteza imbere inganda Jules Murekezi yabwiye Abasenateri ko Abanyenganda barimo kugira imbogamizi yo kugorwa n’igiciro cy’ubutaka byo gushingaho inganda mu bice byagenewe inganda byumwihariko muri Kigali, aho ba nyiri mitungo basaba ibiciro bihanitse bityo bishobora guteza imbogamizi mwiyubahirizwa ry’igishushanyo mbonera cy’Umujyi wa Kigali.

Ati “Twifuza ko hakwihutishwa kwimura abaturage bagituye mu byanya by’inganda, gushyira mu bikorwa amategeko agena imikoreshereze y’ubutaka no gushyiraho imbago z’ibyanya mu buryo bugaragara, gukora no kubahiriza inyigo z’isuzumangaruka ku bidukikije n’imibereho y’abaturage ndeste leta ikemeza kwimura abantu mu nyungu rusange mu duce twahariwe inganda, hagendewe ku biciro biri mu igazeti ya leta”.

Urugaga rw’Abaikorera kandi bagaragaje ko hakiri imicungire idahuriweho neza ndetse no kubura gahunda ihamye yo gusana no kubungabunga ibikorwa remezo.

PSF yasabye ko hashyirwaho urwego rumwe rufite ubunyamwuga rushinzwe gucunga ibyanya by’inganda, no gushyiraho komite y’abanyenganda muri buri cyanya, hagamijwe kureba ibibazo bihari kugira bikemurwe hakiri kare, gushyiraho amasezerano y’imicungire ashingiye ku musaruro, ndetse no gukoresha ikoranabuhanga mu micungire harimo gutanga ibibanza no gukurikirana ibikorwa, n’itangwa rya serivisi.

Senateri Uwimbabazi Penine yavuze ko nyuma yo gukezwaho imbogamizi n’urugaga rw’Abikorera basanze nta mikoraniri ihamye bafitanye n’izindi nzego kugira ngo ibyo bibazo bafite bikemuke.

Ati“Ubundi urwego rwanyu ni urwego rwari rukwiriye kuba rukorana n’izindi nzego ndetse na Leta mu bikorwa by’inganda no kuziteza imbere none turumva mufite ibibazo murimo murwana nabyo mudafitiye ibisubizo ndetse uko mbyumva ntanaho mwabigejeje ngo bikemuke ndabagira inama yo gukorana n’abandi mu rwego rwo kubishakira ibisubizo”.

Senateri Uwimbabazi yabagiriye inama zo kwegera izindi nzego bakaganira bagafatanya gukemura ibibazo bikigaragara mu byanya byahariwe inganda.

Ibindi bibazo abasenateri basabye uru rwego rw’Abaikorera bikwiye kitabwaho ku bafite inganda zikora neza, ni ukubungabunga ibidukikije barinda ko imyanda n’ibindi bisigazwa biva mu rugunda bijya kwangiza inzuzi n’imigezi, kurinda urusaku abaturage batuye mu nkengero z’inganda ndetse n’imyuka ihunya kuko basanze bigira ingaruka ku buzima bw’abaturage.

Undi mushinga w’itegeko watowe n’Inteko rusange Umutwe w’Abadepite ni uwemera kwemeza burundu amasezerano y’inguzanyo hagati ya Repubulika y’u Rwanda n’Ikigega Mpuzamahanga gitsura Amajyambere yerekeranye n’inguzanyo ya miliyari cumi n’eshanu na miliyoni magana atatu mirongo inani n’esheshatu z’Amayeni (15.386.000.000¥), igenewe politiki igamije guteza imbere imirimo idaheza kandi irambye mu Rwanda, yashyiriweho umukono i Kigali mu Rwanda, ku wa 08 Mata 2026.

Umunyamabanga wa Leta ushinzwe Imari muri Minisiteri y’Imari n’Igenamigambi, Godfrey Kabera, yasobanuriye ko iyi nguzanyo igenewe gutera inkunga ingengo y’imari isanzwe na politiki yo guteza imbere imirimo idaheza kandi irambye mu Rwanda, yashyiriweho umukono i Kigali mu Rwanda, ku wa 09 Mata 2026.

Ati“Iyi nguzanyo izatangira kwishyurwa mu gihe cy’imyaka 15, ikazatangira kubarwa nyuma y’imyaka itandatu“.

Kabera avuga ko bimwe mu bikorwa bizitabwaho harimo kunoza igikorwa cyo gukusanya imisoro, kunoza imiyoborere, no guteza imbere ibigo bya Leta bikora ubucuruzi hagamijwe guteza imbere uruhare rw’abikorera.

Iyi nguzanyo kandi izakemura imbogamizi u Rwanda rwahuraga nabyo mu guhanga imirimo idaheza, harimo kongera murandasi ‘internet’ yihuta.

Harimo no guteza imbere umuco wo kwizigamira hagamijwe kunoza gahunda ya Ejo Heza. Iyi nguzanyo kandi izongera ubumenyi bw’Abakozi hifashishijwe sisiteme ya MIS ariyo ‘Integrated Labor Market Information system’ no guteza imbere inganda n’ubuhinzi hibandwa kukongera umusaruro no guteza imbere isoko ry’inyongeramusaruro.

Ati“Muri rusange iyi gahunda izafasha u Rwanda kugera ku iterambere rirambye rushingiye ku guhanga imirimo no kuzamura imibereho y’Abaturage”.

Igikorwa cyo Kwibuka abari Abanyapolitiki kitabiriwe n’Abayobozi mu nzego nkuru z’igihugu, barimo Perezida wa Sena, Dr. Kalinda François Xavier, Perezida w’Inteko Ishinga Amategeko Umutwe w’Abadepite, Kazarwa Gertrude, Perezida w’Urukiko rw’Ikirenga, Domitilla Mukantaganzwa na Minisitiri w’Intebe, Dr Justin Nsengiyumva n’abayobozi bakuru mu nzego z’umutekano, ndetse n’imiryango ifite ababo bashyinguye muri uru rwibutso ndetse n’abanyarwanda bagiye kwifatanya mu gusoza icyumweru cyo kwibuka.

Umuvugizi w’Ihuriro ry’Igihugu Nyunguranabitekerezo ry’Imitwe ya Politiki, Dr. Habinera Frank yashimangiye ko bashyigikiye ubuyobozi bw’u Rwanda kandi batazigera bemera ko hari icyasubiza inyuma Igihugu, anasaba abakiri mu buhungiro gutaha, bagafatanya n’abandi kubaka u Rwanda.

Ati “Ihuriro ry’Imitwe ya Politiki yemewe mu Rwanda rirasaba Abanyarwanda bakiri mu mashyamba ya Congo n’ahandi ku Isi kwitandukanya n’ababagize ingwate, banga gutaha kubera ibyaha basize bakoze mu Rwanda birimo na Jenoside yakorewe Abatutsi. Nibatahe kuko mu Rwanda ari amahoro.”

Dr. Habineza Frank, asobanura uko abatavuga rumwe na Leta bakorana na yo mu kubaka Igihugu yavuze ko ‘Opozisiyo’ mu Rwanda atari ukurwana cyangwa kwangiza ibyo abantu bagezeho biyubaka nyuma y’imyaka 32 u Rwanda ruvuye muri Jenoside yakorewe Abatutsi mu 1994.

Ati “Opozisiyo yacu ni ugutanga ibitekerezo, ni ugushaka ibisubizo ku bibazo bigihari kandi tukabikora tuzirikana ko turi mu Rwanda rwagize amateka ya politiki mabi yatumye haba Jenoside yakorewe Abatutsi. Opozisiyo yacu igomba kubaha ibyo abantu bemeranyijweho nk’amahame remezo buri wese agomba kugenderaho no kurinda kuko adufasha gukomera kubungabunga ubumwe bw’Abanyarwanda”.

Dr. Habineza Frank, yavuze ko kuri ubu abanyepolitiki bishimira gukorera mu Rwanda kuko hari demukarasi y’ubwumvikane.

Ati “Twishimira ko twese tugira uruhare mu miyoborere y’u Rwanda, hakaba gusangira ubutegetsi nta bwikanyize. Ni yo mpamvu imitwe ya politiki uko ari 11 ihagarariwe mu Nteko Ishinga Amategeko ndetse no mu zindi nzego z’ubuyobozi bw’Igihugu.”

Dr Habineza yavuze ko kuba abanyepolitike mu Rwanda bafite aho bahurira bitabuza buri mutwe wa Politike kuba wigenga ndetse ukagira nuko ubona ibintu mu buryo butandukanye n’undi icyo bamwe bita ‘Opposition’.

Dr Habineza avuga ko uburyo imitwe ya Politiki ikora mu bwisanzure igomba kwibuka ko Politiki mbi yagejeje igihugu kuri Jenoside yakorewe Abatutsi bagomba kubyirinda bakibuka ko bubakira igihugu gishyigikiye ubumwe bw’abanyarwanda.

Abanyapolitiki bashyinguye mu Rwibutso rwa Jenoside rwa Rebero, bibukwa kuri uyu munsi barimo abo mu Mujyi wa Kigali no mu ntara zitandukanye bishwe bazizwa kurwanya umugambi wa Jenoside yakorewe Abatutsi mu 1994.

Barimo Landouard Ndasingwa (PL), Charles Kayiranga (PL), Jean de la Croix Rutaremara (PL), Augustin Rwayitare (PL), Aloys Niyoyita (PL), Venantie Kabageni (PL), Andre Kameya (PL), Frederic Nzamurambaho (Yari Perezida wa PSD na Minisitiri w’Ubuhinzi), Felicien Ngango (PSD), Jean Baptiste Mushimiyimana (PSD), Faustin Rucogoza (MDR) na Joseph Kavaruganda wari Perezida w’Urukiko rw’Ikirenga. Abandi ni Ngulinzira Boniface, Prof Rumiya Jean Gualbert, Dr Habyarimana Jean Baptiste, Ruzindana Godefroid, Dr Gafaranga Théoneste, Ndagijimana Callixte, Nyagasaza Narcisse, Gisagara Jean Marie Vianney na Rwabukwisi Vincent (Ravi).

Dr Gakwenzire yabigarutseho mu gikorwa cyo kwibuka ku nshuro ya 32 Jenoside yakorewe Abatutsi mu 1994 cyabereye ku Rwibutso rwa Jenoside rwa Nyanza ya Kicukiro kuri uyu wa Gatandatu tariki 11 Mata 2026.

Ati "Nibo babibye amacakubiri mu Banyarwanda tutaretse ubwicanyi bwibasiye Abatutsi mu gihe cyo guharanira ubwigenge”.

Perezida wa Ibuka avuga ko nyuma yo guharanira ubwigenge mu mwaka wa 1959 kugera mu 1962 ubwoko bw’abatutsi bwaribasiwe ndetse bamwe barameneshwa barahunga.

Ati“Bashyiraho Perezida Kayibanda Gregoire wasigaye ahagarariye inyungu z’Ababiligi hashyizweho umutwe w’ingabo wo kurinda ingoma ya Gihutu, ariko nyuma izo ngabo zashyizweho nizo zaje gukora munda Ababiligi”.

Dr Gakwenzire avuga ko muri ayo mateka yo hambere mabi yakwiye gusigira isomo abantu ibyo bakora bakabikorana indangagaciro.

Yagize ati “Iyo wakoze neza inyungu urayibona ariko nanone iyo wakoze nabi birakugaruka. Ibi turimo twe tuba twereka Isi inzira nziza twahisemo ndetse tukaba tunagira inama abantu bose n’Isi muri rusange amahitamo yacu meza yo kubaka igihugu gifite ubumwe buzira amacakubiri”.

Umuyobozi w’Umujyi wa Kigali, Dusengiyumva Samuel, yavuze ko Umusozi wa Nyanza ya Kicukiro udasanzwe kuko wamenekeyeho amaraso menshi y’Abatutsi bahiciwe bavanwe muri ETO Kicukiro.

Ati "Uyu musozi uruhukiyeho abacu benshi barimo abiciwe hano n’ahandi mu Mujyi wa Kigali, bahashyinguye mu cyubahiro."

Meya Dusengiyumva avuga ko u Rwanda rutazahwema kuvuga ko Urwibutso rwa Nyanza ya Kicukiro, ari ikimenyetso cy’ubugwari bw’izari ingabo z’Umuryango w’Abibumbye (MINUAR) kuko zateshutse zisiga Abatutsi mu maboko (amenyo) y’interahamwe na Ex-FAR.

Interahamwe na Ex FAR bashoreye Abatutsi bari bahungiye muri ETO Kicukiro babica umugenda, icyo gikorwa cy’ubwicanyi bagisoreza i Nyanza ya Kicukiro, aho babarundanyije bakabarasa, babateramo za gerenade, babakubita imihoro n’ibindi, ari na ko babacuza amafaranga n’imyambaro.

Umuryango IBUKA washimiye Ingabo zahoze ari iza FPR-Inkotanyi kuba zararokoye Abatutsi bicwaga, ari na ko zirwanya ingabo zahoze ari iza Leta n’interahamwe.

Madamu Jeannette Kagame yavuze ko ijambo “IBUKA’ ari ijambo riha Abanyarwanda inshingano.

Ati “Ni Inshingano zikomeye zo Kwibuka, kuko umuryango utibuka urazima. Uyu mwaka turibuka ku nshuro ya 32 Jenoside yakorewe Abatutsi mu Rwanda! Kubihuza no kuzirikana urugendo rw’imyaka 30 umuryango IBUKA umaze, bifite ishingiro kandi rikomeye! Abacu bakomeze baruhukire mu mahoro”.

Madame Jeannette Kagame yongeye ati “ Umwanditsi Martin Gray mu gitabo cye yise ‘Au nom de tous les miens’ yagize ati: “Être fidèle à ceux qui sont morts, c’est vivre comme ils auraient vécu, c’est les faire vivre en nous, c’est transmettre leur visage, leur voix, leur 3 message aux autres. Ainsi la vie des disparus germe sans fin.” Mu rurimi rw’i Kinyarwanda bisobanuye kuzirikana no kwibuka abawe wabuze, ni ukubaho ku bwawe no ku bwabo.”

Madamu Jeannette Kagame yavuze ko kubibuka ari ukubumbatira ubupfura n’ubwiza bwabo, bakabusiga abandi bityo, bakabaho muri bo ubuzima butazima!

Ati “Munyemerere rero nongere mbwire Abarokotse Jenoside yakorewe Abatutsi nti ‘Impore’! Mwarakoze cyane kwemera kubaho kugira ngo batazima.Mwarakoze kwemera kugendana ibikomere, tugafatanya twese kubaka u Rwanda batabonye, abato bavukiramo, bagakuriramo, bagakomeza u Rwanda rwunze Ubumwe”.

Madamu Jeannette Kagame yashimiye by’umwihariko, abagize uruhare mu ishingwa ry’umuryango IBUKA n’indi miryango bafatanyije urwo rugendo.

Yabashimiye ubutwari bagize bwo gutangirira ku busa mu gihe cyari cyuzuyemo umwijima n’agahinda, bo bagahitamo kubaka.

Ati “ Ndashimira kandi Abanyarwanda muri rusange bakomeje gufatanyiriza hamwe mu kuwuherekeza, bawuha ijwi n’imbaraga, bawushyigikira mu rugamba rukomeye rwo kurinda no gusigasira amateka ya Jenoside yakorewe Abatutsi, kugira ngo atazigera yibagirana”.

Madamu Jeannette Kagame yavuze kou Rwanda rwagize ibyago kandi rwagushije ishyano avuga ko ari akaga gakomeye kubona ko, uyu nawo ari umurage abanyarwanda bazakomeza guhererekanya nk’Igihugu, kandi nta n’undi bawusiganira. Yibutsa ko Kwibuka atari igisebo, gusa na none atari n’ikamba.

Ati “ Dr. Damas yabivuze neza ko kwibuka ari amaburakindi. Ubudaheranwa ni amaburakindi. Iyo haza kubaho ubumuntu, ntidutereranwe, ubwo bugome bw’indengakamere ntabwo bwari kwimikwa, ngo bushyirwe mu bikorwa kariya kageni, bworeke imbaga y’abanyarwanda barenga miriyoni, bazize uko bavutse”.

Yavuze ko kubaho k’umuryango IBUKA gushingiye ku mateka ashaririye y’igihugu cyacu ndetse byaje nk’igisubizo cy’amateka mabi u Rwanda rwanyuzemo.

Avuga ko bitari byoroshye kuva muri Jenoside ngo abantu bakomeze ubuzima uko bisanzwe, bagire icyizere cyo kubaho, gutera imbere no kureba ejo hazaza.

Ati “Iyi myaka mirongo itatu y’umuryango IBUKA igaragaza ubuzima bw’ikiragano. Ni igisekuru cyanyuze mu bihe bikomeye, cyatakaje imiryango, cyigeze kwamburwa ubumuntu, gitakaza ubuzima ndetse ni igisekuru cyakuriye mu gahinda gakomeye. Ariko kandi, ni igisekuru cyafashe icyemezo gikomeye cyo kubaho, n’ubwo Jenoside yadushegeshe ariko umutima w’u Rwanda n’abarwo ntacyawushyikira iyo turi kumwe, dushyize hamwe”.

Madamu Jeannette Kagame yabwiye Abanyamuryango ba IBUKA ko bagaragaje ubutwari bukomeye aho bemeye gushinjagirana ishavu mu gihe byari ngombwa, ndetse bakomeza gutwaza.

Ati “ Muhumure, ntimukagire icyo mwikanga. Ikiguzi cy’ubudaheranwa mwatanze ni ntagereranywa kandi nta n’uwagishidikanyaho. Mwarakoze”.

Yifashishije urugero rw’Umwanditsi Muzehe Mugesera yagize ati: “Niwe wavuze ko nta bipimo byashobora gufasha umuntu kumva agahinda n’akababaro k’uwarokotse. Bisaba kubatega amatwi no kumva amarenga y’ubwo bubabare, rimwe na rimwe batavuze.

Madamu Jeannette Kagame yagaraga ko u Rwanda rwishimira byinshi rwagezeho ndetse byabafashije muri urwo rugendo ariko icyemezo cyo kubabarira cyo kirabihebuje.

Ati “ Gutanga cyangwa kugira imbabazi ntabwo ari intege nke. Ni imbaraga zikomeye z’umutima. Ni ubutwari bwo kwanga guhera ku ngoyi y’ urwango ruhoraho, rubyara inzika. Imyaka 30 iha umuntu umusingi ukomeye wo kubaka no kwagura intego yihaye. Nk’umuryango IBUKA rero, igihe ni iki cyo gutekereza imbogamizi zigihari zikavugutirwa umuti, ariko n’amahirwe arambye ari mu gihugu cyacu ndetse n’isi muri rusange”.

Madamu Jeannette Kagame yasabye urubyiruko kutirara ngo rwibwire ko rufite amahoro n’umutekano wuzuye bihagije, ntirugire icyo rukora ngo rubirinde kwaba ari ukwibeshya cyane.

Ati “Turacyabona abagerageza guhakana no kugoreka amateka. Nk’uko Smith yabivuze,”Lies travel half the road before truth puts boots on the ground”. Rubyiruko, Bana bacu, Nta na rimwe tuzigera twicuza amahitamo twakoze yo kubaka u Rwanda twifuza kandi rutubereye twese. Namwe ayo mahitamo azakomeze kuba ayanyu. Uru rugamba ni urwacu. Ni urwanyu”.

Madamu Jeannete Kagame yavuze ko amateka y’isi yerekana ko aho Jenoside yabaye hose, umuryango mpuzamahanga wateshutse ku nshingano zawo zo kurinda ko Jenoside ibaho. Yagaragaje ko ibyo byose byigisha ko umutekano w’ukuri ugomba guturuka imbere muri bo n’igihugu cyabo.

Ati “ Tutabaye maso, ibyo twagezeho bisabye ikiguzi cy’ubuzima bw’abana b’u Rwanda, twakongera tukabibura mu gihe gito. Niyo mpamvu ntibizongere kubaho - Never Again’ bidakwiye kuba imvugo gusa ahubwo dukwiye kubifata nk’isezerano rihoraho, kuri twebwe ubwacu, abacu twabuze, abadukomokaho, n’igihugu cyacu muri rusange”.

Yabasabye kwiyemeza no kwemera inshingano zo gukomeza gukunda, kubaka, no kwimana u Rwanda.

Ati “ Abacu bagiye bababajwe, ubu bahozwa no kubona aho tugeze! Twabonye ‘Abavunyi’, abarokotse Jenoside bongeye kwiyubaka. Mbifurije gukomera muri iyi minsi 100 twibuka Jenoside yakorewe Abatutsi. Abacu bakomeze baruhukire mu mahoro”.

Reba ibindi muri iyi Video

Byagarutsweho mu kiganiro Mpaka cyagarutse ku ngingo ijyanye na Jenoside yakorewe Abatutsi n’ubwiyongere bw’ingengabitekerezo ya Jenoside mu Karere.

Iki kiganiro cyayobowe na Sandra Shenge, cyatanzwe na Umwanditsi w’Umufaransa Bruno Boudiguet; Umwanditsi kuri Jenoside yakorewe Abatutsi David Gakunzi, Umunyamategeko Innocent Nteziryayo na Gen. Boubacar Faye, Umunya- Sénégal wakoze muri MINUAR akurikirana iyubahirizwa ry’amasezerano ya Arusha.

Gen. Boubacar Faye, Umunya- Sénégal wakoze muri MINUAR akurikirana iyubahirizwa ry’amasezerano ya Arusha yatangaje ko Jenoside iba mu Rwanda yari ahari kuko yari mu bantu bafata ibyemezo kandi ari hafi ya Gen. Roméo Antonius Dallaire wari uyoboye izo ngabo muri icyo gihe.

Ati “Nari umuntu wa mbere umenya amakuru ndetse ndi umwe mu bantu babonye Jenoside ikorwa ariko ndi no mu bantu bananiwe kugira icyo bakora, gusa icyo nababwira nuko byagaragaraga ko umugambi wa Jenoside uhari kuko hakorwaga Lisiti nyinshi z’Abatutsi bagomba kwicwa”.

Gen. Boubacar Faye avuga ko nubwo habayeho gusaba umuryango w’Abibumbye kugira icyo ukora bahise babwira Gen. Roméo kutagira icyo akora mu kurwanya umugambi wa Jenoside.

Umwanditsi w’Umufaransa Bruno Boudiguet we mu bushakashatsi yakoreye mu gihugu cya Congo bwagaragaje ko hari amatsinda ahakana ko mu Rwanda habaye Jenoside kandi we mu bushakashatsi bwe yasanze nta kuri kurimo.

Ati“Hari ibyo bavuga ngo Miliyoni yapfuye iguye mu Burengerazuba bwa Congo ariko usanga iyo mibare igenda ihindagurika kuko mu bushaksti nakoze iyo ubihuje uba usanga bisa nkaho bashaka kubisanisha na Jenoside yakorewe Abayahudi byose iyo ubyinjiyemo usanga ari ukubeshya kuko muri icyo gice nta ntambara yigeze ihabera ahubwo abapfuye abenshi bari abishwe n’indwara”.

Bruno avuga ko imikorere y’abaturage ba Congo itari kure cyane n’ibikorwa byakozwe n’abakoze Jenoside mu Rwanda kuko byose byatangiye nyuma y’uko bahungiye yo.

Ati “Ibyo bintu byo gucamo ibice umuntu bamwica byakozwe n’abasirikare b’Abafaransa mu gihe cya Jenoside 1944, usanga rero ari ibintu birenze ubwenge nibyo abanyarwanda bahungiye muri Congo bakomeje gukorera muri kiriya gihugu cya DRC”.

Umunyamategeko Innocent Nteziryayo mu kiganiro mpaka yagaragaje ko nubwo u Rwanda ruri mu gihe cyo kwibuka ariko wagombye no kuba umwanya mwiza wo gutekereza ku birimo kuba muri aka karere by’umwihariko mu gihugu cya Repuburika Ihanarira Demokarasi ya Congo ikomeje kwica Abatutsi bo mu bwoko bw’Abanyamurenge.

Me Nteziryayo avuga ko muri DRC habaye ubwicanyi bukorerwa Abanyamurenge, aho babanje gukuraho ubuyobozi bwabo noneho Abanyamurenge batangira gufatwa nk’abantu badafitiye igihugu akamaro.

Ati “Nubwo Abanye Congo bo mu bwoko bw’Abanyamurenge batotezwaga byaje gufata indi ntera ubwo Abahutu basize bakoze Jenoside mu Rwanda bahungiyeyo kuko bajyanye ingengabitekerezo yabo n’ivangura rishingiye ku moko batangira no kwica Abanyamurenge”.

Me Nteziryayo yatanze ingero aho yagaragaje uburyo Gen. Sylvain Ekenge wari umuvugizi wa Guverinoma wavuze ko kubona umututsi ari ukubona umunyabyaha.

Ati“Icyo gihe yaravuze ngo iyo urongoye umututsikazi ugomba kwitonda niba uri mu mwanya w’umuyobozi uba ugomba kumenya uburyo umufata kuko usanga yazanyemo na bene wabo, bakajya babyarana nawa mugore wowe utabizi ugasanga babyaranye abana b’Abatutsi wowe utabizi kuko bumva ko ubwoko bwabo ari ubwoko buri hejuru”.

Me Nteziryayo avuga ko icyo gihe Abanyapolitiki batandukanye bakomeje bavuga ko ngo niba batishe Abatutsi babarashe bazajya bababonera mu miryango bagiye gushakana babicire yo.

Ati“Mbahaye urugero rw’umudepite witwa Justin Bitakwira wavugiye mu nama nkuru y’igihugu ko bagomba gushaka uko bakwikiza Abanyamurenge hakiri kare ubwo yabazwaga ikibazo cyabo cyo gukorerwa itotezwa no kwicwa kubera ubwoko bwabo”.

Uwitwa Jean Claude Mubenga we yavuze ko bagomba gucura umugabi wo kujya babica igihe bagiye kubyara mu kiganiro yagiranye n’itangazamakuru ndetse n’abakoresha imbuga nkoranyambaga.

Nyuma yo kugaragaza imvugo zibiba urwango muri DRC ndetse no gukomeza kwibasira Abanye congo bavuga ururimi rw’ikinyarwanda bo mu bwoko bw’Abatutsi basabye ko Umuryango w’Abibumbye wakurikirana ikanahagarika ubwo bwicanyinyi.

Dr Gakwenzire yavuze ko Jenoside yasigiye abayirokotse ibikomere byo ku mubiri ndetse no ku mutima bikaba bigera no kubabakomokaho.

Ati“Ibikomere babitewe no kubura imiryango yabo, abavandimwe, inshuti bishwe bazira uko bavutse bagasigara ari ba nyakamwe”.

Dr Gakwenzire yashimiye Perezida Kagame wifatanya n’abanyarwanda by’umwihariko akita ku barokotse Jenoside mu mibereho yabo ya buri munsi ari ukubavuza, kubabonera icumbi no gusindagiza abageze mu zabukuru.

Ati“Kwibuka Jenoside yakorewe Abatutsi uretse kuba umwanya mwiza wo kunamira abacu ni n’umwanya mwiza wo kumenya amateka no kuyasobanukirwa no kumenya amahitamo meza abereye abanyarwanda twese ariko cyane cyane kwegera abayirokotse kubera ibikomere yabasigiye haba mu mitekerereze, ku mubiri no ku mutima”.

Dr Gakwenzire avuga ko urugendo abarokotse Jenoside yakorewe Abatutsi muri Mata 1994 bahuye narwo muri iyi myaka 32 ishize rwababereye umutwaro batari kwishoboza, kubera ubukana n’ingaruka Jenoside yabasigiye.

Ati“Uwo mutwaro twawushobojwe n’ubuyobozi bwiza igihugu cyabonye, no kutuzirikana byihariye kugeza nanubu tukaba dushyigikiwe”.

Perezida wa IBUKA, Dr Philibert Gakwenzire

Dr Gakwenzire yashimiye Perezida Kagame uburyo yita ku barokotse yaba ku bijyanye n’umutekano, amacumbi, uburezi, ubuvuzi n’ibindi.

Avuga ko uko kwitabwaho byabafashije kuva mu budaheranwa babasha gufatanya n’abandi kubaka igihugu ndetse abari bakiri bato barashibutse ubu ni ababyeyi babereye u Rwanda.

Dr Gakwenzire yabwiye abitabiriye ijoro ryo kwibuka ko hari bimwe mu bihugu bitakuye isomo muri Jenoside yakorewe Abatutsi kuko usanga hakiri aho bahembera urwango ndetse n’imvugo zirimo amacakubiri ashingiye ku moko no ku ngengabitekerezo ya Jenoside birimo n’ibihugu byo mu karere u Rwanda ruherereyemo.

Ati “Abagize uruhare muri jenoside yakorewe Abatutsi aho bari ku isi hose bakwiriye gushyikirizwa ubutabera bityo bigatuma n’abayirokotse babuhabwa uko bikwiriye”.

Perezida wa IBUKA yanasabye ko hakomeza gushyirwaho ingamba zo guhangana n’ingaruka za Jenoside kuko bigaragara ko ihungabana ritarashira mu barokotse.

Dr Gakwenzire yashimye uburyo hashyizweho gahunda yo gufasha urubyiruko kwigira ku mateka y’igihugu cy’u Rwanda bakamenya kuyasesengura no kurinda icyatuma u Rwanda rwongera guhungabana.

Ati “Kuba habikwa ibimenyetso ndetse n’ubuhamya by’amateka ya Jenoside bizatuma abakiri bato babyigiraho ndetse bifashe no kugaragaza ukuri kubashaka kuyagoreka”.

Kureba amafoto y’urugendo rwo #Kwibuka32 (Walk To Remember), kanda HANO

Kureba andi mafoto, kanda HANO

Uru rugendo rwatangiriye ku Biro by’Akarere ka Gasabo rwitabiriwe n’Abantu bari mu ngeri zitandukanye, rusorezwa kuri BK Arena ahari kubera umugoroba wo Kwibuka ku nshuro ya 32 Jenoside yakorewe Abatutsi 1994.

Urugendo rwo Kwibuka ruzwi nka "Walk to Remember" rwabanjirijwe n’ igikorwa cyo kwibuka nyirizina cyabereye ku Rwibutso rwa Gisozi mu mujyi wa Kigali.

Muri BK Arena Perezida Kagame yongeye gucana urumuri rw’icyizere nk’ikimenyetso cy’uko abanyarwanda bavuye mu mwijima umucyo wongera kubamurikira.

Tariki ya 7 Mata ni Umunsi Mpuzamahanga Ngarukamwaka Isi yose yibukaho Jenoside yakorewe Abatutsi mu 1994.

Kuri Iyi nshuro ya 32 u Rwanda rwibuka Abatusti bazize Jenoside umukuru w’Igihugu yavuze ko nyuma y’uko amahanga atereranye abicwaga kandi umugambi waracuzwe babizi ntakizongera gutuma u Rwanda rupfa ubwa kabiri.

Kureba amafoto y’urugendo rwo #Kwibuka32 (Walk To Remember), kanda HANO

Kureba andi mafoto, kanda HANO

Ni mu kiganiro yatanze kuri uyu wa Kabiri, tariki 7 Mata 2026, ubwo hatangizwaga Icyumweru cy’Icyunamo n’iminsi 100 yo Kwibuka ku nshuro ya 32.

Ikiganiro cya Minisitiri Dr Bizimana cyagarutse ku itegurwa n’ishyirwa mu bikorwa ry’umugambi wa Jenoside yakorewe Abatutsi mu 1994.

Minisitiri Dr Bizimana yavuze ko mu 1990, Ambasade y’u Bufaransa mu Rwanda yakoze raporo ivuga ko Jenoside iri gutegurwa mu Rwanda. Mu 1991, Général Jean Varret, wari ushinzwe ubutwererane bwa gisirikare mu Bufaransa yasuye u Rwanda, abonana na Colonel Rwagafirita, amutangariza umugambi wa Jenoside yari iri gutegurwa mu Rwanda.

Ati “ Icyo gihe ngo yamubwiye ko Abatutsi ni ba nyamuke, tuzabatsemba, abajandarume bazafatanya n’abasirikare barangize ikibazo cy’Abatutsi kandi ntibizaba birebire, ni bake cyane.”

Minisitiri Dr. Bizimana yavuze ko Habyarimana ari we watangije itozwa ry’Interahamwe, i Gabiro, zihabwa intwaro zirimo imbunda. Mu 1990, Habyarimana ngo yasuye abasirikare i Gabiro abizeza kuzahorera abaguye ku rugamba. Ati “Umugambi wa Jenoside waturukaga kuri Perezida Habyarimana ubwe kandi byatangiranye n’ubutegetsi bwe. Porogaramu politiki ya mbere yayitangaje tariki ya 1 Kanama 1973 avuga ko imitegekere y’Igihugu izashingira ku bwoko n’uturere.”

Minisitiri Dr Bizimana avuga ko nyuma ya Jenoside Amahanga yagiye asaba u Rwanda imbabazi bitewe nuko Jenoside yakorewe Abatutsi yabaye barebera ntibabashe kugira icyo bayikoraho kandi bari babizi.

Minisitiri Dr Bizimana avuga ko Leta y’uwari Perezida Habyarimana iri mu yateguye neza umugambi wo gutsemba Abatutsi nk’uko bigaragazwa na Raporo ya Ambasade y’Abafaransa mu Rwanda yakozwe tariki 15 Ukwakira 1990.

Ati “Iyo Raporo yavugaga ko Abaturage b’Abahutu bateguwe na MRND bongereye ibitero byo kwica Abatutsi bo muri Kibirira kandi hari ibimenyetso ko ubwicanyi buzakwira n’ahandi mu gihugu. Ikintu kimwe Abatutsi bakekaga ko cyabarinda Jenoside nuko FPR yatsinda intambara kandi ntibishoboka.”

Perezida Habyarimana abifashijwemo n’Abahutu b’intagondwa bakomeje kubiba amacakubiri banategura Jenoside kugeza ubwo bafashe abari baravuye mu gisirikare babaha intwaro bitwa interahamwe ndetse bafatanya n’urundi rubyiruko rwatojwe kwica Abatutsi.

Minisitiri Dr Bizima yagaragaje uburyo Hotel Rebero l’Horizon y’uwahoze ari Perezida w’u Rwanda Juvenal Habyarimana yategurirwagamo inama zo gutsemba Abatutsi.

Ati “ Tariki 20 /11/1993 Perezida Habyarimana yayoboye inama muri iyi Hotel hafatirwamo icyemezo cyo guha Interahamwe n’impuzamugambi intwaro zagombaga gukoreshwa mu kwica Abatutsi n’abatavugaga rumwe n’ishyaka rya MRND na CDR ikwirakwizwa ry’izo ntwaro ryakorwaga hifashishijwe Bus za Leta z’ikigo cya Onatracom”.

Tariki 27/2 /1994 kuri iyi Hoteli habereye inama yahuje abayobozi bakuru b’interahamwe yitabirwa na Michel Bagaragaza wayoboraga ikigo cy’igihugu cyari gishinzwe ubucuruzi bw’icyayi, Joseph Nzirorera wari umunyamabanga mukuru wa MRND, Augustin Ngirabatware wari Minisitiri w’igenamigambi, Claver Mvuyekure wari umuyobozi mukuru wa Banki ya Kigali, Pasteur Musabe wari umuyobozi mukuru wa BACAR, Seraphe Rwabukumba wari umwe mu bayobozi ba Banki nkuru y’igihugu akaba na muramu wa Perezida Habyarimana, na Robert Kajuga wari umuyobozi mukuru w’Interahamwe.

Izi nama zose zaje kuvamo umugambi karundura wo gukora Jenoside mu gihe cy’iminsi 100 Abatutsi baricwa amahanga arebera kandi yarategurwaga abizi.

Minisitiri Dr Bizimana avuga ko nubwo Jenoside yabaye amahanga arebera nanubu bakirebera abasize bayikoze bari mu mutwe witwaje intwaro wa FDLR ugikomeje gushaka guhungabanya umutekano w’abanyarwanda.

Ati “Ibyemezo byarafashwe ndetse banasaba ko uyu mutwe washyira intwaro hasi kuko ari umutwe w’iterabwoba ndetse n’ibihugu biwutera inkunga bikabihagarika ariko ntibyakozwe ahubwo usanga igihugu cya Congo gikomeje kubinjiza mu ngabo zabo na Monusco ibirebera nkuko MINUAR yarebereye itegurwa rya Jenoside mu Rwanda”.

Minisitiri Dr Bizimana avuga ko nanubu muri DRC hakiri imvugo z’u rwango zibiba amacakubira ndetse hakaba hari n’ubwicanyi bukorerwa Abatutsi bo mu bwoko bw’Abanyamurenge bavuga ikinyarwanda.

Minisitiri w’Ubumwe bw’Abanyarwanda n’Inshingano Mboneragihugu Dr Bizimana yabwiye Perezida Paul Kagame ko Abanyarwanda bamushimira umutekano yabahaye n’ingamba afata zibarinda.

Ati “ Abo mwarokoye uri 1994 basubiranye icyizere cy’Ubuzima barimo kandi abenshi barokotse kuva muri 1959 kugera muri 1994, ndetse urubyiruko rubashimira amahirwe mwaruhaye yo kuba mu gihugu kitavangura”.

Minisitiri Dr Bizimana yabwiye Perezida Kagame ko abakoze Jeniside barangiza ibihano bamushimira ingamba zo kubagorora , bagasubizwa Ubuntu biyambuye bagataha mu ngo zabo, ndetse abava mu mitwe yitwaje intwaro bashima ubuyobozi bw’u Rwanda bubakira bakisanga nk’umwana ujya iwabo.

Muri iki gikorwa cyo kwibuka Minisitiri yavuze ko hari ababa mu mahanga bitandukanyije n’ikinyoma gikwizwa n’abakoze Jenoside cyangwa ababaye imbata y’ingengabitekerezo yayo bagataha mu rwababyeye nabo bakaba bashima Perezida imiyoborere myiza y’u Rwanda ibasubiza ishema ry’igihugu cyabo.

Kureba andi mafoto, kanda HANO

Ni igikorwa cyabereye ku rwibutso rwa Kigali ruherereye ku Gisozi aharuhukiye imibiri y’Abatutsi irenga ibihumbi 250 yiciwe hirya no hino mu bice bigize Umujyi wa Kigali.

Ni igikorwa cyatangijwe no gushyira indabo ku mva no kunamira Abatutsi baruhukiye mu rwibutso rwa Gisozi, zashyizweho na Perezida Paul Kagame aherekejwe na Madamu Jeannette Kagame babimburiye abandi barimo Perezida wa IBUKA, Philbert Gakwenzire ndetse na Hon. Mukamugema Alphonsine uhagarariye AVEGA Agahozo.

Nyuma yo gushyira indabo ku mva no kunamira abaruhukiye mu rwibutso rwa Gisozi, Umukuru w’Igihugu afatanyije na Madamu Jeannette Kagame bakurikijeho igikorwa cyo gucana urumuri rw’icyizere nk’ikimenyetso cy’iminsi ijana yo Kwibuka.

Buri tariki ya 7 Mata ni umunsi ngarukamwaka u Rwanda rwifatanyaho n’Isi yose Kwibuka Jenoside yakorewe Abatutsi mu 1994.

Byatangajwe n’Umuyobozi Mukuru wa BK Group Plc Dr Uzziel Ndagijimana mu kiganiro yagiranye n’itangazamakuru tariki 2 Mata 2026.

Dr Ndagijimana avuga ko uru rwunguko rwatumye batangirana imbaraga ndetse biba n’impurirane yo kwizihiza imyaka 60 Banki ya Kigali imaze iha serivisi Abanyarwanda.

Ati “ Umusaruro rero wabaye mwiza kuko inyungu yageze kuri Miliyali 110 na miliyoni 100 frw, bikaba bigaragaza ko hiyongereyeho 20,9% ugeranyije n’umwaka wa 2024”.

Dr Ndagijimana avuga ko umutungo mbumbe wiyongereyeho 15,8%, uva kuri miliyali ibihumbi 521 ugera kuri Miliyali ibihumbi 2919.

Inguzanyo zihabwa abakiriya ziyongereye ku gipimo cya 16 ,1% kuva kuri Miliyari 1454 bigera kuri Miliyari 1688, naho amafaranga Abakiriya babitsa yiyongereyeho ku gipimo cya 14,8%.

Ati“Ibi rero tubikesha akazi keza kakozwe na Banki ndetse n’ibindi bigo bigize BK Group Plc, ariko kandi tukanabikesha nuko ubukungu bw’igihugu bwagenze neza mu mwaka wa 2025, nkuko bigaragazwa n’ikigo cy’igihugu cy’ibarurishamibare kigaragaza ko ubukungu bw’u Rwanda bwazamutse ku gipimo cya 9,4% muri 2025”.

Habaye n’umwanya wo kubaza ibibazo bitandukanye ku banyamakuru aho umwe mu bitabiriye ibi biganiro witwa Beatha Umutoni ukorera muri B&B FM wabajije ikibazo gikunze kuvugwa ko abakiriya ba Banki ya Kigali iyo bamaze igihe batabitsa kuri konti zabo bisanga hari amafaranga bishyuzwa ndetse na ducye bari bafiteho bagasanga Banki yaratwiyishyuye.

Umuyobozi Mukuru wa Banki ya Kigali (BK) Dr. Diane Karusisi, avuga ko abagana iyi Banki badakwiriye kugira impungenge kuko ubu kubikira bakiriya bayo nta kiguzi na kimwe bisaba.

Ati “ Namwe banyamakuru turabatumye mubabwire ko n’amafaranga 1000frw umukiriya yishyura kubera kumucungira Konti yavanyweho, kubitsa muri Banki ya Kigali ari Ubuntu”.

Dr Diane Karusisi yagaragaje ko Banki ya Kigali Plc (BK) yasoje umwaka wa 2025 ku rwego rushimishije, kuko yinjije inyungu ingana na miliyari 110.349frw izamuka ku kigero cya 22.9% ugereranyije n’umwaka wa 2024.

Dr Karusisi avuga ko mu mwaka wa 2025, inguzanyo zatanzwe na Banki ya Kigali (BK) ziyongereyeho miliyari 236.6 Frw, bigizwemo uruhare n’uburyo bwiza mu kugenzura no gukoresha amafaranga no kuyacunga, n’umutungo urazamuka ndetse n’umubare w’abakiriya wiyongereyeho 6.6%.

Ati “ Amafaranga abakiliya babitsa muri banki nayo yariyongereye bigaragaza ko icyizere cyiyongereye kubagana Banki ndetse na Gahunda ya “Nanjye ni BK”, igaragaza ko Banki ya Kigali ari banki Abanyarwanda biyumvamo nk’iyabo”.

Dr Karusisi avuga ko inguzanyo zose zageze kuri miliyari 1,759 Frw, Banki ya Kigali ikomeza kuba umufatanyabikorwa ukomeye mu gutera inkunga inzego z’ingenzi zituma u Rwanda rutera imbere.

Umuyobozi wa Banki ya Kigali akomeza avuga ko mu 2025, ibikorwa by’iyi Banki byagize uruhare rugaragara mu mibereho y’Abanyarwanda mu nzego zitandukanye aho ba Rwiyemezamirimo n’ibigo bito n’ibiciriritse byabonye inguzanyo zingana na miliyari 285.1 Frw bingana n’izamuka rya 37.5%, ryabafashije kwagura ibikorwa, gukomeza akazi kabo no kugera ku masoko mashya.

Dr Karusisi akomeza avuga ko inkunga mu buhinzi yazamutse igera kuri miliyari 93.4 Frw ifasha abahinzi, amakoperative n’abatunganya umusaruro kongera umusaruro no kubungabunga ibikomoka ku buhinzi.

Umuyobozi Mukuru wa Banki ya Kigali, Dr Diane Karusisi, yavuze ko umusaruro wavuye mu mwaka wa 2025 atari imibare gusa, ahubwo bigaragaza ko ubuzima bwahindutse ku bantu n’imiryango yabo yarushijeho gukomera babikesha gukorana na Banki ya Kigali.

Banki ya Kigali ikorana n’ibyiciro bitandukanye

Dr Karusisi avuga ko abahinzi babona ibikoresho bibafasha kongera umusaruro, no gufasha ba rwiyemezamirimo kwagura inzozi zabo ndetse bigafasha n’imiryango kugera ku ntego zawo.

Hari na gahunda ya BKreative igenewe abakora ibikorwa by’ubuhanzi n’ubugeni, itanga inguzanyo zigera kuri miliyari 1 Frw zishingiwe cyangwa miliyoni 100 Frw zidafite ingwate, ndetse n’izindi serivisi z’imari zibafasha kwagura ibikorwa byabo.

Ati “Ibi byose bigamije korohereza abakiliya, kubegereza serivisi no gushyigikira iterambere ririmo bose”.

Hari kandi na gahunda ya BK Foundation yakomeje guteza imbere uburezi, ubushobozi bw’abantu n’iterambere ry’imiryango hirya no hino mu gihugu.

Mu 2025 BK Foundation yafashije abanyeshuri 420 biga amasomo ajyanye na siyansi n’ikoranabuhanga na 200 biga imyuga.

Abanyeshuri 510 biga ubuvuzi bahawe amahirwe yo kwiga amasomo yihariye, hubatswe ibigo 2 byita ku bana bato (ECD), bifasha abana 200 harimo n’abafite ubumuga.

Mu rwego rwo guteza imbere ubukungu ibigo 20 byahawe miliyoni 425.5 Frw z’inguzanyo zitagira inyungu binyuze muri gahunda ya Urumuri. Abanyeshuri 2,500 bahuguwe ku micungire y’imari, Amakoperative 18 y’abafite ubumuga yatewe inkunga mu kwagura ibikorwa.

BK Group PLC ni ikigo kinini cy’imari mu Rwanda cyashyizweho gifite inshingano zo kwagura serivisi z’imari.

Iki kigo kigizwe n’ibigo bitanu bikora mu nzego zitandukanye birimo Banki ya Kigali PLC, BK General Insurance itanga serivisi z’ubwishingizi butari ubw’ubuzima (non-life insurance) nko kwishingira ibinyabiziga n’inkongi.

BK Capital ifasha abantu n’ibigo mu bijyanye n’ishoramari no kugira abantu , inama mu by’imari, no gucunga imitungo.

BK TecHouse ishami ryibanda ku guhanga udushya mu bumenyi n’ikoranabuhanga ndetse na BK Foundation.

Ni igikorwa cyabereye kuri Kigali Golf Resort & Villas ku mugoroba wo ku itariki ya 2 Mata 2026 hasobanurwa imikorere ya Banki ya Kigali mu bikorwa byorohereza abakiriya babo kugera kuri serivisi z’ishoramari babifashijwemo n’ikoranabuhanga.

Olivier Kamanzi ukora mu ishami ryo kwishyura no kwishyurwa muri Banki ya Kigali (BK) avuga ko System ya ‘BK Open API’ ari uburyo bw’ikoranabuhanga bukoreshwa bukazahuzwa n’ibigo bifite nabyo sisiteme y’ikoranabuhanga kugira ngo serivisi zose bahabwaga kuri Banki zibagereho bidasabye kujyayo.

Ati “ Reka ntange urugero ku kigo cyakoraga imishahara bikaba ngombwa ko bajyana urutonde rw’abakozi n’imishahara yabo kuri Banki bizajya bikorerwa muri iryo koranabuhanga rya BK Open API’bidasabye kujyayo”.

Ikindi yavuze ni uko igihe hahujwe iryo koranabuhanga n’iry’ibigo bizajya bihita bifasha umuntu cyangwa ibigo kubona ubutumwa bw’igikorwa kimaze gukorwa kuri serivisi yasabye ako kanya.

Kamanzi yasobanuye ko Bank ya Kigali yashyizeho iri koranabuhanga rya API kugira ngo haboneke abafatanyabikorwa benshi ariko nabo basanzwe bakoresha ikoranabuhanga, barimo ibigo by’imari iciriritse n’ibigo by’ikoranabuhanga, kugira ngo bigire uruhare mu kubona no kwegera serivisi za Banki ya Kigali hifashishijwe ikoranabuhanga.

Ati“Banki ibanza gusuzuma neza abafatanyabikorwa bashobora kwinjira muri uru rubuga, ikareba niba bujuje ibisabwa nko kurinda amakuru, ndetse ibyo bigo bikaba bifite n’imiyoborere myiza mbere yo kubemerera kwinjira muri sisitemu”.

Ati“Hari ibigo byinshi dufite dukorana neza kandi turashaka gukorana nabo kugira ngo ibyo bakora bigere ku bantu benshi mu buryo bworoshye.”

Jean Claude Gaga umuyobozi mukuru w’Ikigo Airtel Rwanda wari bitabiriye iyi gahunda avuga ko iyi sisitemu izatuma babona serivisi zihuse mu gihe babanzaga kujya kuri Banki banki kuvugana n’ababishinzwe icyo bakeneye.

Ati “ Ubundi byasabaga inama nyinshi no kuhagera ariko nituba dufite API bizajya bitworohera gukoresha iryo koranabuhanga mu kubona serivisi zose dukenye kuri Banki ya Kigali tutavuye aho turi. Turabashimira ko badahwema gutekereza no gushyiraho uburyo bworohereza abakiriya babo”.

Nyuma y’ibyo biganiro habayeho ubusabane hagati y’abakiriya b’imena ba Banki ya Kigali ndetse n’abayobozi hamwe n’abakozi bayo basangira icyo kurya n’icyo kunywa.

Umuyobozi Mukuru ushizwe Ubucuruzi n’Ibigo Binini Levi Gasangwa yavuze ko Banki ya Kigali (BK) ikomeje kwiyemeza gutanga serivisi zinoze kandi zihariye yaba iza abakiriya ku giti cyabo ndetse n’ibigo.

Yagaragaje ko Banki ya Kigali ishishikajwe no kwagura ibikorwa byayo mu byiciro bitandukanye birimo abakiriya basanzwe (retail), ibigo bito n’ibiciriritse (SMEs), ubuhinzi n’ubworozi, ndetse n’izindi nzego z’ingenzi mu birebana no kuzamura ubukungu.

Yagize ati: “Buri gihe dushaka kumva ibitekerezo by’abakiriya bacu kugira ngo dusobanukirwe ibyo bakeneye n’uko twabafasha kurushaho, cyane cyane muri ibi bihe bigoye birangwa n’ihindagurika ry’ibiciro ku masoko ridateganyijwe.”

Gasangwa yongeyeho ko uruhare rwa Banki atari ugutanga serivisi z’imari gusa, ahubwo ari no kumva neza abakiriyababo, no guteganya uburyo babafasha mu gukemura ibibazo bishobora kuvuka mu mikoranire yabo, no kubafasha kubarinda ingaruka zishobora guterwa n’izo mpinduka.

Kureba andi mafoto, kanda HANO

Iyi mihigo, u Rwanda ruzayesa binyuze mu ngamba zinyuranye zafashwe zo kongera umusaruro.

Muri izo ngamba, hari ukongera ibimasa by’icyororo, u Rwanda rukaba rubitumiza hanze. Mu ntangiriro z’uyu mwaka, ibimasa icumi byageze mu Rwanda, bikaba bifite igiciro cya Miliyoni makumyabiri kuri buri kimasa.

Ibindi makumyabiri nabyo biri mu nzira, kandi uyu mwaka, u Rwanda ruzaba rugize ibimasa mirongo itandatu byose hamwe, bikazajya byororerwa muri RAB stasiyo ya Songa, ari naho intanga zizajya zitunganyirizwa.

Hagati aho, intanga zitanga inyana, zizava ku bihumbi bitanu, zigere ku bihumbi umunani. N’ubwo n’izindi ntanga zishobora gutanga inyana, cyangwa ikimasa, ariko ubu bwoko buvugwa bw’intanga zitwa "izitanga inyana", ni izo u Rwanda ruvana hanze zarakozwe zigenewe gutanga inyana. Ibi bizigira intanga zidasanzwe.

Iyi ni gahunda Minisitiri w’Ubuhinzi n’Ubworozi, Dr. Telesphore Ndabamenye yagejeje ku Nteko Ishinga Amategeko, Umutwe wa Sena.

Ndabamenye kandi, yavuze ko hari na gahunda yo kongera imisemburo ’Hormones’ zikoreshwa mu kurindisha inka.

Mu byo Minisitiri w’ubuhinzi n’ubworozi yagarutseho nuko harimo hubakwa uruganda ruzajya rubafasha kubika intanga kugira ngo zitangirika rukazaza rwunganira ibindi byuma bibiri byari bisanzwe bikora ako kazi.

Ati “Mu ngengo y’imari ya 2026-2028 hazagurwa ibindi byuma bibiri kimwe kijyanwe mu karere ka Musanze mu Ntara y’Amajyaruguru, ikindi kizajyanwe mu karere ka Karongi mu ntara y’Iburengerazuba ."

Ku ntanga itanga icyororo cy’ibimasa umworozi yishyura 500frw kuko aba yunganiwe na Leta, mu gihe ku ntanga z’icyororo cy’inyana aborozi bazajya bishyura Frw 10000.

Ati " Nta mworozi wakwanga kugura intanga kandi azi ko arimo ashaka icyororo cy’inyana".

Minisitiri Dr Ndabamenye avuga ko Leta izakomeza gushyira imbaraga mu gukemura ibibazo bigaragara mu bworozi kugira ngo ubworozi bukomeze gutera imbere.

Iyi filime yasohotse mu 2023 ikaba yubakiwe ku nkuru y’umugore witwa Hai Qing wo mu Bushinwa, wayikinnyemo ari umwarimu witwa Zhang Guimei wubatse ikigo cy’amashuri yisumbuye mu cyaro cy’icyo gihugu, mu guha uburezi abana b’abakobwa baturuka mu miryango ikennye.

Iyi Filimi kandi igaruka ku rugendo rw’uyu wiswe Zhang Guimei mu kurwana ishyaka ry’uko buri mukobwa wese yiga, akagira uruhare mu kugena ahazaza he bityo bikamufasha kugera ku nzozi ze.

Igaragaza uyu mugore arwanira ishyaka abana b’abakobwa bo mu miryango idafite ubushobozi bwo kwishyura amafaranga y’ishuri akabajyana kuryigamo ku buntu, ndetse akanahindura imyumvire y’ababyeyi bakennye bumvaga ko umwana wabo w’umukobwa adakwiye kujya kwiga ahubwo ko agomba kubafasha imirimo yo mu rugo nko guteka.

Ambasaderi w’u Bushinwa mu Rwanda Wang Xuekun yavuze ko kwerekana iyi Filimi ‘Beyond the Clouds’ bigamije kwerekana ko abakobwa bayigaragaramo bavuye mu bice by’icyaro bakajya mu mashuri abanza ayisumbuye no muri za Kaminuza, nyuma bakajya mu kazi no mu buzima bwiza kandi bari barabwiwe ko bidashoboka.

Ati“Uburezi ni intwaro ikomeye umukobwa muto ashobora guhabwa bikamubera urufunguzo rufungura imiryango imuganisha aheza. Ni umusingi muzubakiraho ejo hazaza hanyu, si ibyo mukora gusa, ahubwo uburezi nibwo bugaragaza ubushobozi bwanyu”.

Ambasaderi Wang yabwiye Abakobwa biga muri FAWE Girls School ko iyo bakomeje kwiga amasomo bakagira n’indangagaciro baba bereka abatuye isi ko inzozi zabo zizaba impamo kandi ari ab’agaciro.

Yabibukije ko abakobwa benshi baba bashaka kwiga mu mashuri meza bamwe ntibabone ayo mahirwe ariko ko bo bagize amahirwe yo kwisanga biga mu ishuri ryiza nka FAWE Girls School bagomba kubibyaza umusaruro.

Ati“Aya ni amahirwe mufite muyifashishe mukemura bimwe mu bibazo bikomeye muhura nabyo ndetse muyifashishe mwiga amasomo mukunda. Muyifashishe mugutekereza ubuzima burenze ibyo mubona hafi yanyu. Muyifashishe kuba abo mwifuza kuba bo, ndetse n’uwo mutigeze mutekereza ko mushobora kuba we. Mwibuke kandi, ko nta kintu na kimwe cyabananira igihe mushyize hamwe”.

Ambasaderi yahaye urugero aba banyeshuri ku muyobozi Zhang ko yubatse ishuri mu cyaro cyo mu Bushinwa agamije gufasha abana b’Abakobwa b’abakene kwiga ko atahinduye ubuzima bwabo wenyine ahubwo ko yafashijwe n’abarimu bari bashyigikiye igitekerezo cye ndetse n’umuryango we wabyumvise neza ukamushyigikira, ndetse n’abo bakobwa ubwabo bafashanyaga, hagati yabo banga ko hari uwasubira inyuma.

Ati“Bityo ndabashishikariza gufashanya, guterana inkunga na bagenzi banyu, ndetse mu gashyigikirana muri gahunda zanyu zose.”

Akomeza agira Ati “Nk’Ambasaderi w’u Bushinwa muri iki gihugu, nishimiye kubasangiza iyi nkuru, kuko muri iyi filimi hagaragaramo ko umwana w’umukobwa afite ubushobozi bwo kwiga nawe akabasha kuba umuntu ukomeye kimwe n’undi mwana wese harimo no gushyigikira abagore, no kwerekana ko dushyigikiye uburezi kuri bose kandi ko ari indangagaciro dusangiye”.

Amasaderi yavuze ko mu Bushinwa bashyira imbere abagore mu nzego zose no mu Rwanda ariko bimeze kandi bemera ko guha imbaraga abagore bituma igihugu gikomera.

Ati “Twese twemera ko ubucuti bw’ibihugu byacu burushaho gukomera iyo dushoye imari mu rubyiruko, cyane cyane abakobwa, bazavamo abayobozi b’ejo hazaza”.

Yavuze ko Ambasade izakomeza gushyigikira Abakobwa n’abagore mu mishinga iciriritse ariko ifite akamaro mu kubongerera ubushobozi mu ngeri zitandukanye, no kungurana no gusangira ubunararibonye n’amashuri yo mu Bushinwa, harimo n’ishuri rya Principal Zhang.

Yabwiye abanyeshuri ba FAWE Girls School ko barimo gukura kandi bigomba no kujyana n’ibitekerezo.

Ati“ Muzahura n’imbogamizi, ariko muzazitsinda kandi muzajye mubyitwaramo neza mu mbogamizi muhura nazo umunsi umwe muzagera ku ntsinzi”.

Minisitiri w’Uburinganire n’umuryango Uwimana Console yabwiye Abanyeshuri biga muri FAWE Girls School ko kuba batoranyijwe kuza kwerekwa iyo Filimi bihuye n’ibikorwa u Rwanda rurimo byahariwe ukwezi kose kwa Werirwe kuko ari ukwezi kwahariwe umugore.

Ati “ twagize ibikorwa byinshi byaduhuje n’abagore n’abakobwa hirya no hino mu gihugu bigaragaza ko umugore wo mu Rwanda hari ahoy amaze kuva naho yamaze kugera”.

Minisitiri w’Uburinganire n’Iterambere ry’Umuryango, Uwimana Console, wari umushyitsi mukuru avuga ko bishimira uko umunyarwanda ameze cyane iyo barebye uruhare rw’abagore bafite mu myanya ifatirwamo ibyemezo mu gihugu.

Ati“Nizera ko mubizi tumaze imyaka irenga 20 turi abambere ku Isi dufite umubare munini w’Abagore bari mu Nteko Ishinga Amategeko namwe tubitezemo abayobozi b’ejo heza hazaza”.

Minisitiri Uwimana avuga ko hakiri ikibazo cy’uko umubare w’abana b’abakobwa bitabira kwiga amasomo ya Siyansi ukiri muto abasaba ko bakwiriye kwitabira kwiga ayo maso.

Ati“Nimwe dutezemo abayobozi, abaganga ariko cyane cyane ababyeyi bazarere igihugu cyacu kandi muri iyi Filimi twizeye ko mukuyemo amasomo meza azabafasha gukomeza kwiyumvamo ubushobozi ndetse ko mwabibonye ko umwana w’umukobwa nawe ashoboye nk’abandi bose”.

Abanyeshuri barebye iyi Filimi bavuga ko bakuyemo amasomo abafasha kwigiramo ubutwari nk’uko Keza Mugisha Ornella yabitangaje.

Keza avuga ko Filimi ‘Beyond the Clouds’ yakuyemo amasomo yo kwigirira ikizere ndetse ko adakwiriye kwita kubamuca intege ahubwo ariwe ubwe ugomba kwifatira icyemezo ku buzima bw’ejo hazaza.

Yabitangeje tariki 27 Werurwe 2026 mu nama yateraniye mu Karere ka Gasabo mu biganiro bibafasha kwinjira mu cyunamo bakomeye mu minsi 100 yo kwibuka ku nshuro ya 32 Jenoside yakorewe Abatutsi mu 1994.

Ni ibiganiro byatangiwemo amagambo y’ihumure asaba abibumbiye mu muryango AVEGA Agahozo kudakuka umutima ngo basubire mu bihe baciyemo ahubwo ko bakwiriye kubana n’ihumure kuko bafite ubuyobozi bwiza buzakomeza kubaba hafi.

Ati “Twahuye kugira ngo tuganire twibukiranye akamaro k’ubudaheranwa ndetse tunakomeze iyo nzira kuko byadufashije gukira ibikomere ubu tukaba turi abo turi bo kuko tutaheranwe n’amateka ya Jenoside twanyuzemo akadusigira ibikomere byo ku mubiri no ku mutima”.

Mukamugema Alphonsine, umuyobozi wa AVEGA Agahozo

Hon. Mukamugema yagaragaje uruhare rwa Leta mu kubashyigikira mu rugendo rwo kwiyubaka bamazemo imyaka 31 kuva Umuryango AVEGA Agahozo yashingwa ndetse ashima n’ibikorwa byo kwita cyane ku Ntwaza kuko bari bakeneye kwitabwaho by’umwihariko.

Ati “ Murabona ko muri ino minsi harimo hafungurwa abakoze Jenoside bagasubira mu miryango yabo. Ntibibakure umutima ngo mwumve ko hari icyo bazabatwara, barigishijwe kandi dufite ubuyobozi bwiza butureberera”.

Yabibukije ko guhurira hamwe bagasangira bagasabana ari ukugira ngo batiyumva nk’aho ari bonyine ahubwo ko bakwiye kumva ko hari abo basangiye amateka kandi bagomba gukomeza gutwaza gitwari ntibasubire inyuma mu gihe cy’icyunamo.

Mu buhamya bwatanzwe n’umwe mu barokotse Jenoside yakorewe Abatutsi, yavuze ko mu gihe cya Jenoside yahuye n’ikibazo cy’agahinda gakabije biturutse ku kuba abana be barabishe n’inda yari afite ikavukamo umwana ufite ikibazo cy’ubumuga.

Kubera urwo ruhurirane rw’ibibazo yari yarahuye na byo muri Jenoside hakiyongeraho kwibaruka umwana na we ufite ubumuga, byatumye abaho ari mu gahinda gakabije cyane.

Ati “Umuryango AVEGA Agahozo wambaye hafi unyitaho ntangira urugendo rw’ubudaheranwa buke buke kugeza ubwo mbisohotsemo numva ngomba kongera kwishimira ubuzima”.

Hon. Marie Alice Kayumba Uwera ushinzwe Ubumwe n’Ubudaheranwa muri Minisiteri y’Ubumwe bw’Abanyarwanda n’Inshingano Mboneragihugu, yabwiye abanyamuryango ba AVEGA Agahozo ko ubutwari bwabo babuzirikana n’ubwitange bagize mu kurera imfubyi ari bonyine.

Ati “Mwareze abana banyu ndetse n’abari bakomotse ku yindi miryango mubikorana urukundo mu bushobozi buke bwari buhari”.

Marie Alice Kayumba Uwera wo muri MINUBUMWE yabwiye abanyamuryango ba AVEGA Agahozo ko ubutwari bwabo babuzirikana

Hon. Marie Alice Kayumba yabahumurije, ababwira ko nubwo uko imyaka igenda ihita ari ko intege nke zabo zigenda ziba nkeya, Leta y’u Rwanda izakomeza kugenda ibaba hafi binyuze muri gahunda yo kwita ku barokotse Jenoside yakorewe Abatutsi batishoboye.

Yagaragaje ko ubushakashatsi bwakozwe na Minisiteri y’Ubumwe bw’Abanyarwanda n’inshingano Mboneragihugu muri 2025 bwerekana ko bugeze kuri 94,7%”.

Ati “Igipimo cy’Ubumwe bw’Abanyarwanda mu mwaka wa 2025 cyageze kuri 95.3%, kivuye kuri 82,3% cyariho mu 2010. Ni mu gihe mu 2015 cyari kigeze kuri 92,5%, 2020 cyageraga kuri 94,7%”.

Hon. Kayumba avuga ko ari ishusho nziza y’ubudaheranwa ku banyarwanda bose ko nubwo amateka ya Jenoside yabakomerekeje ariko banze guheranwa n’agahinda.

Umuryango AVEGA Agahozo washinzwe mu mwaka wa 1995, nyuma ya Jenoside, yakorewe Abatutsi n’abagore bapfakajwe na yo. Bari bafite intego yo gufashanya kongera kwiyubaka no kubaho mu buzima bushya nyuma y’ibyago bikomeye bari baranyuzemo.

Ni ikibazo cyabajijwe n’Umuyisiramukazi utivuze amazina avuga ko kuba Adhan idakorwa badasenga neza uko bikwiriye.

Ati “Perezida wacu mudufashije ririya sengesho rya mu gitondo rigasubiraho byadufasha gusengera hamwe twese kandi tugasenga amasengesho yuzuye nk’uko Isram ibitegeka”.

Perezida Kagame yamusubije ko bitagoye bigiye gusuzumwa bikongera bikajya bikorwa nk’uko byari bisanzweho mbere.

Yagize ati "Ubundi ariya ni yo masaha yo gukanguka. Mutinya ababakangura mu gitondo? Ababishinzwe icyo kibazo muze kukigaho.”

Umuhamagaro wa mu gitondo, uzwi nko gutora Adhana, ugamije gushishikariza Aba-Islam kwitabira amasengesho wahagaritswe kubera ko uteza urusaku, kandi bikaba bibujijwe n’amategeko.

Uyu muhamagaro ukoreshwa n’indangururamajwi mu rwego rwo kwibutsa n’Aba-Islam badaturiye imisigiti.

Muri Werurwe mu mwaka wa 2022 Polisi yatangaje ko uyu muhamagaro uteza urusaku, bityo irawuhagarika, gusa icyo gihe yavuze ko amasengesho ya mu gitondo atabujijwe.

Polisi yavugaga ko guhagarika Adhan bakurikije itegeko rivuga ko iyo hari ibikorwa biteza urusaku rubangamira abaturage bihagarikwa nk’uko biteganywa mu itegeko nomero 68/2018 ryo ku wa 30 Kanama 2018 mu ngingo yaryo ya 267. Ni muri urwo rwego imisigiti yo mu Mujyi wa Kigali yabujijwe guteza urusaku.

Isengesho rya mu gitondo rigize amasengesho atanu aba agomba gukorwa n’Aba-Islam ku munsi, ibi bikaba biri mu bigize inkingi z’ukwemera kwabo.

Abayislamu bishimira ko ubu basigaye barahawe agaciro

Mufti Sheikh Mussa yabwiye Perezida Kagame ko Abayisiramu bo mu Rwanda bamushimira uburyo yabahinduriye amateka ndetse bakaba batagihezwa nk’uko byahoze mu buyobozi bwabanje mbere ya Jenoside.

Ati “Ntitukitwa Abaswahire dufatwa nk’abandi baturage, ntitukiri nk’uko byahoze mu butegetsi bwabanje aho bwaduhezaga ugasanga tudahabwa agaciro nk’abandi banyarwanda”.

Mufti Sindayigaya yavuze ko Abayisiramu bo mu Rwanda bafitanye igihango na Perezida Kagame kandi bamushimira urugamba yayoboye rwo kubohora u Rwanda nyuma akunga abanyarwanda agakomeza guha igihugu icyerekezo cy’iterambere rirambye.

Mufti w’u Rwanda Sheikh Mussa Sindayigaya yashimye Perezida Kagame kubera agaciro bahawe ku buyobozi bwe

Ati “Udashimira abantu ntiyashimira Imana. Turabashimira uburyo mutahwemye kwita ku banyarwanda by’umwihariko mugasubiza ijambo Abayisiramu tukaba twisanga mu nzego z’Ubuyobozi bwite bwa Leta, mu Nteko turahari, mu Ngabo ndetse no muri gahunda za Leta zose turisanga kandi dufatanya mu guteza igihugu cyacu imbere”.

Mufti yanavuze ko ubu Abayisilamu boroherejwe kujya mu mutambagiro Mutagatifu i Maka aho basigaye bagenda n’indege yihari ya Rwanda Air bikabarinda imvune kuko ihaguruka mu Rwanda ikabagezayo ikongera gusubirayo kubatora.

Ati “ Iyo indege ihagurutse mu Rwanda igasubirayo gufata aba Hadji abandi baturage b’ibindi bihugu bahita babona urukundo ukunda abaturage bawe”.

Mufti Sindayigaya yabwiye Perezida Kagame ko Abayisiramu biteguye gukomeza ubufatanye muri gahunda ya Guverinoma ya NST2.

Mu buhmya bwatanzwe na Hadji Issa Hakizimana washinze resitora ya ‘Visit Rwanda-Issa Coffee’ izwi i Nyamirambo ahazwi nko mu Marangi, yagarutse ku rugendo rwe rw’iterambere, akesha imiyoborere myiza.

Ati “ Mu mirimo, mu mashuri n’ahandi, Abayisilamu dufatwa nk’abandi Banyarwanda, nta kibazo cyo gutotezwa nk’uko byahoze muri Repubulika ya Mbere n’iya Kabiri. Ni ibintu dushima, byose tubikesha uwadusubije agaciro”.

Yanavuze ko Leta y’u Rwanda yatanze amahirwe angana kuri bose ndetse igakuraho ivangura ubu abanyarwanda bakaba bibona mu bunyarwanda kuruta uko bibona mu moko kandi bikaba bibaha amahirwe yo gukorera aho ari ho hose mu gihugu.

Umushoramari mu rwego rw’uburezi akaba n’uwashinze Kaminuza y’Ubukerarugendo n’Ikoranabuhanga (UTB), Hadjat Mukarubega Zulfat, yavuze ko Perezida Kagame yamubereye icyitegererezo mu buzima, abiheraho asaba Abayisilamu kurera abazasiga umurage mwiza.

Yatanze ubuhamya bw’aho yahereye nyuma ya Jenoside yakorewe Abatutsi aho yatangiye ubucuruzi buciriritse ahereye ku nguzanyo ya Banki, agakomeza kubwagura kugeza ashinze Kaminuza y’Ubukerarugendo n’Ikoranabuhanga (UTB).

Hadjat Mukarubega avuga ko kuba abantu babasha gukora bagatera imbere byose biturka ku mutekano igihugu kiba gifite.

Ati “Ntawabura kuvuga ko umutekano ari wo nkingi y’iterambere kuko udahari ntawakora ngo bigende neza, turamushimira rero no kuba yarahaye umugore agaciro akisanga mu iterambere ry’igihugu”.

Insanganyamatsiko y’uyu munsi igira Iti“Twishimire imiyoborere myiza mu Rwanda yaduhaye agaciro, n’ubwisanzure mu myemerere”.

Amb. Bazivamo yabibukije gukoresha neza izo mbuga nkoranyamba nk’intwaro nziza yo kurinda isura nziza y’igihugu cy’u Rwanda barwanya ibinyoma n’amacakubiri anyuzwaho avuga igihu uko kitari.

Ati“Murwimane. Mujye mwibuka aho muri hose haba imbere mu gihugu cyangwa hanze yarwo ko muranga u Rwanda ndetse imyitwarire yanyu imvugo n’ibikorwa byanyu bigomba kurangwa n’ubunyangamugayo”.

Amb. Bazivamo yashimye urubyiruko rushamikiye ku muryango RPF Inkotanyi ndetse n’abandi muri rusange ku ruhare rwabo mu kubaka Igihugu.

Yagize ati “Ndagira ngo nongere mbashimire uruhare rwanyu, ubushake n’umurava mwagaragaje.”

Umunyamabanga Mukuru w’Umuryango FPR Inkotanyi, Amb Bazivamo Christophe, yashimiye abari bagize Komite icyuye igihe mu nzego z’urubyiruko rw’uyu Muryango, aha umukoro Komite nshya yabasimbuye.
Ati “Mwabibonye ko 90% by’ibikorwa byari biteganyijwe byagezweho, ibi bikaba bitanga urugero kuri Komite nshya yatowe. Ariko birumvikana mwe mwatowe, birabasaba gukoresha ingufu nyinshi kurusha aba mbere, kugira ngo mugere kuri byinshi kandi mwubakiye ku byo bagezeho.”

Yibukije abatorewe kujya mu nzego z’urubyiruko rw’umuryango RPF ko bafite inshingano ziremereye ariko ko batari bonyine ko abanyamuryango bose bazabafasha.

Ati “Ariko ku rundi ruhande ntimugire impungenge, twese nk’Abanyamuryango ba FPR Inkotanyi, twiteguye gufatanya namwe. Urubyiruko rwa FPR Inkotanyi, rukwiye kugaragaza ubudasa no kuba intangarugero muri byose rugaragaza isuku, imyitwarire myiza, ubunyamwuga na serivisi inoze aho mujya hose. Mube intangarugero aho muba, mu kazi ndetse no mu buyobozi. Mube urubyiruko rutanga ibisubizo aho muri hose.”

Umunyamabanga Mukuru w’Umuryango FPR Inkotanyi, Amb Bazivamo Christophe, yashimye Chairman w’uyu Muryango, Paul Kagame ku bwo guhora atekereza icyagirira akamaro, kigateza imbere urubyiruko n’Abanyarwanda muri rusange.

Ati “Tumushimire agaciro gakomeye cyane aha urubyiruko muri gahunda zose z’Igihugu. Ni amahirwe kuba tumufite nk’Abanyarwanda. Kumushimira ni ugushyira mu bikorwa ibyo yifuza, mukimakaza ubumwe, mugakura amaboko mu mufuka, mwirinda ibiyobyabwenge, murangwa n’imyitwarire myiza n’ubupfura.”

Muri iyi nama Nkuru ya Gatandatu y’Urugaga rw’Urubyiruko rushamikiye ku Muryango FPR hatowe Komite nshya iyobowe na Mugisha Ernest watorewe kuba Perezida, Visi Perezida ni Rwagitare Nelly, Umunyamabanga yabaye Kwizera Urindwa Esther, Komisite ishinzwe imiyoborere myiza yabaye Mupenzi Nuru Israël, Komisiyo y’Ubutabera hatowe Kayiteshonga Kesly, muri Komite y’imibereho myiza hatorwa Icyoyishakiye Gernus, mu bukungu hatorwa Niyodusingize Valentine.

Mugisha yavuze ko we na bagenzi be bazashyira imbaraga mu guhindura imyumvire iganisha ku kuba abatsinzi nk’uko ari intego y’Umuryango FPR Inkotanyi.

Ati “Munyemerere nshimire abo dusimbuye, bakoze byinshi twabibonye. Rubyiruko, iyi myaka itanu, munyemerere duhige, twemerere abari hano ko twiyemeje guhindura imyumvire tukitwara nk’abatsinzi, ni twe hazaza h’Igihugu cyacu.”

Mugisha yasabye bagenzi be kwirinda ingeso mbi zirimo ubusinzi, ub]usambanyi, ibiyobyabwenge n’ibindi bishobora kubangiriza ahazaza.

Ati “Kubyirinda, bizadufasha ko twe nk’urubyiruko dufashanya, impano zacu. Byose nitubihuriza hamwe, tuzabasha kubaka u Rwanda twifuza. Ndabizeza ko muri iyi myaka itanu iri imbere tuzakorana neza.”

Kureba andi mafoto, kanda HANO

Iki cyifuzo cyatangiwe mu kiganiro mpaka cyahuje Rwiyemezamirimo Benurugo Cesar, Umuganga Dr Eden Gatesi ndetse na Rwiyemezamirimo akaba n’Umwanditsi, Rwagasani Braddock Le Sage.

Rwagasani Braddock Le Sage yasabye urubyiruko rwose kwirinda imvugo zigoreka ururimi bakazivanga n’iz’amahanga ndetse ugasanga hari izindi mvugo yise izo ku muhanda usanga zidahuye n’indangagacio z’umuco nyarwanda.

Ati “ Rubyiruko bagenzi bacu kuvuga ikinyarwanda kigoretse mureke tubicikeho kuko bitari mu muco wacu kandi iyo tubikoresha gutya usanga nta rurimi na rumwe umuntu aba ashobora kuvuga neza”.

Rwagasani avuga ko kugira ngo urubyiruko rukurane indangagaciro zo kubaka u Rwanda rwifuzwa n’Abanyarwanda, rubigizemo uruhare binyuze mu guhanga imirimo, kuba rufite ubuzima bwiza ndetse no gusigasira umuco n’ururimi rw’Ikinyarwanda abantu bose bakwiriye kunoza ururimi ruhuza abanyarwanda bakamenya kuruvuga neza, kurwandika no kurusoma.

Urubyiruko narwo rwasabye abayobozi kunoza ururimi mu gihe barimo batanga serivisi kugira ngo ababagana batazi izindi ndimi babashe kumva neza ibisobanuro bahabwa.

Ni igitekerezo cyatanzwe n’umuhanzi Junior Rumaga ubwo yavugaga ko hari aho usanga amatangazo y’akazi yanditse murundi rurimi ariko ikizamini kiri bukorwe mu Kinyarwanda.

Ati “ Ni byo koko muradusaba nk’urubyiruko kuvuga ururimi neza rw’ikinyarwanda ariko no mu bayobozi bamwe usanga bakivanga indimi nabyo bikaba byabangamira umuco wacu”

Yifashishije umugani w’ikinyarwanda Umuhanzi Rumaga yakomeze agira ati “ Ururimi rwacu ruraduhuza, ururimi rwacu kandi n’ingobyi y’umuco wacu ndasaba inzego zose mu gihe tubagannye tubasaba serivisi mujye mukoresha ikinyarwanda, mu kazi kanyu ka buri munsi, ariko twifuza ko amatangazo yakwandikwa mu Kinyarwanda cyangwa mu ndimi zose”.

Rumaga yanashimiye umukuru w’igihugu Perezida Paul Kagame uburyo adahwema gukomeza gushishikariza abantu gukoresha ururimi rw’ikinyarwanda bakosora imivugire igoretse ururimi.

Umuyobozi Wungirije w’Umuryango FPR Inkotanyi, Uwimana Consolée, yafunguye Inama Nkuru y’urugaga rw’urubyiruko rushamikiye ku muryango FPR Inkotanyi

Zimwe mu ngeso yasabye urubyiruko kwirinda ni ukutanywa ibiyobyabwenge, ubusinzi, ubujura, n’ubusambanyi kuko birutesha agaciro.

Ati“Mugomba kwirinda ibishuko bituma mutakaza indangagaciro zanyu ndetse mukirinda ingeso mbi zishobora gutuma mukurikiranwa mu mategeko”.

Ati “Mube ku isonga kurwanya ikoreshwa ry’ibiyobyabwenge, ubusinzi, ubuzererezi, kutubaha no kutubahana n’indi mico mibi itabereye umwana w’umunyarwanda “.

Uwimana yagaragaje uburyo mu Rwanda hari ikibazo cy’abangavu baterwa inda zitateganyijwe kandi imibare myinshi igaragaza ko baziterwa n’urubyiruko bagenzi babo.

Ati “ Mureke dufatanye turinde abangavu bacu, mwirinde ababashukisha imirimo n’andi mahirwe ari hanze y’igihugu mureke guhishira ibyaha mu bibona, mureke guhishira ruswa”.

Urubyiruko rwashishikarijwe kwiga rukaminuza, gukunda umurimo no kwitabira gahunda za Leta, ndetse rukanasigasira ubumwe bw’abanyarwanda birinda icyabusenya ndetse barwanya n’abagoreka amateka y’igihugu cyabo.

Ikigo cy’Igihugu cy’Ibarurishamibare (NISR) cyashyize ahagaragara ubushakashatsi bwa 7 ku mibereho n’ubuzima mu Rwanda (DHS7) mu kwezi k’Ukuboza kwa 2025 bwagaragaje ko imibare y’abangavu bafite imyaka iri hagati ya 15 na 19 batwaye inda yiyongereye mu myaka 5 ishize, iva kuri 5% yariho mu 2020, igera ku 8% mu 2025.

Ubushakashatsi ku mibereho n’ubuzima bwa 2020-2025, bwagaragaje ko hashingiwe ku myaka abangavu batewe inda, 1% bari bafite imyaka 15, 2% bafite imyaka 16, 6% bafite imyaka 17, 12% bafite imyaka 18 mu gihe 20% bari bafite imyaka 19.

Ni imibare igaragaza ko kandi abangavu batewe inda kuva mu 2020-2025, 21% byabo batabashije kugera mu ishuri, 13% bize amashuri abanza naho 4% bize ay’isumbuye.

Mu itegeko Nº68/2018 ryo ku wa 30/08/2018 riteganya ibyaha n’ibihano mu ngingo ya 335 no mu ngingo yayo ya 133 basobanura neza ibijyanye n’ibihano bihabwa uwahamijwe icyaha cyo gusambanya umwana utarageza ku myaka 18.

Iyo ubikoze abihamijwe n’urukiko, ahanishwa igifungo kitari munsi y’imyaka makumyabiri 20 ariko kitarenze imyaka makumyabiri n’itanu 25.

Itegeko rivuga ko iyo gusambanya umwana byakorewe ku mwana uri munsi y’imyaka cumi n’ine, igihano kiba igifungo cya burundu kidashobora kugabanywa iyo gusambanya umwana ufite cyangwa urengeje imyaka cumi n’ine byamuteye indwara idakira cyangwa ubumuga, igihano kiba igifungo cya burundu.

Umva impanuro za Visi Perezida wa Mbere w’Umuryango FPR Inkotanyi, Hon. Uwimana Consolee, ubwo yatangizaga Inama Nkuru y’Urugaga rw’Urubyiruko

Kureba andi mafoto, kanda HANO

Uzamukunda Pudencienne ni we watorewe kuyobora Komite y’Urugaga rw’Abagore rushamikiye ku Muryango FPR

Uzamukunda yungirijwe na Visi Perezida Kabega Emilienne naho Umunyamabanga aba Mukandayisenga Virginie, ushinzwe imiyoborere myiza ni Niyotwambaza Hitimana Christine, umuyobozi wa Komisiyo ushinzwe ubutabera ni Umuhoza Ninete, umuyobozi wa Komisiyo ushinzwe imibereho myiza ni Kayumba Marie Alice, na Mbonyumutwa Kangabo Maryse watorewe kuba umuyobozi wa Komisiyo ishinzwe Ubukungu.

Uzamukunda Pudentienne watorewe kuyobora Urugaga rw’Abagore rushamikiye ku Muryango FPR Inkotanyi, yashimye abamugiriye icyizere ndetse na komite nshya abizeza ubufatanye ubufatanye mu bikorwa by’iterambere ry’igihugu by’umwihariko ibirebana n’umugore.

Ati “Tubijeje ko gahunda y’ibikorwa by’abagore bari mu rugaga ndetse n’imyanzuro ivuye muri iyi nama tuzayishyira mu bikorwa uko bikwiye. Ndasaba ba Mutimawurugo bose muri hano n’abatari hano kuzadufasha kwesa imihigo.”

Yakomeje ati “ Intego y’iyi Komite nuko muri iyi myaka ibiri iri imbere 2025-2027, Umuryango FPR Inkotanyi uzarushaho kwimakaza umuco wo kwigira, guteza imbere ubukungu, ubutabera n’imibereho myiza y’abaturage.

Iyi komite ifite gahunda ko abagore bazakomeza gutozwa kwizigamira, gukorana n’ibigo by’imari no gukorera hamwe kandi ko bifuza umugore ufite ubushobozi bwo gupiganira amasoko yaba ayo mu gihugu no hanze.

Komite icyuye igihe yashimiwe ibikorwa byayo byo gufasha abagore kwiteza imbere ndetse bitabira gukora imishinga ibyara inyungu nk’uko byatangajwe na Visi Perezida wa Sena, Solina Nyirahabimana.

Ati “Mu myaka ibiri ishize, Urugaga rw’Abagore rushamikiye ku Muryango FPR Inkotanyi, rwakomeje iyo ntego, mu kubaka ubushobozi bw’umugore ushoboye, ubereye u Rwanda”.

Senateri Nyirahabimana Solina avuga ko kuva mu 2023 kugera mu 2025, Umuryango FPR Inkotanyi wagize uruhare mu gutera inkunga imishinga y’abagore, bahabwa igishoro, bakora ibikorwa bibyara inyungu, aho abagore bakuwe mu muhanda bahabwa amasoko bakoreramo. Abandi bakora ubucuruzi bwambukiranya imipaka bafashwa kwibumbira mu makoperative.

Ati “ Muri rusange, turashimira abanyamuryango b’abagore hamwe na Komite icyuye igihe bahurira muri uru rugaga bashyize hamwe ibitekerezo n’imbaraga byabo, hagamijwe kwiyubakamo ubushobozi no gushyira mu bikorwa Manifesto y’Umuryango FPR-Inkotanyi”.

Senateri Nyirahabimana Solina yavuze ko mu buryo bw’ubukangurambaga binyuze muri gahunda eshatu ari zo “Gahunda y’Abagore 100” imenyerewe nka “One Hundred Women” yimakaza umuco w’ubufatanye no kwigira, urugaga rw’Abagore rushamikiye kuri RPF ruzamura nibura abagore 100 batishoboye muri buri Murenge, buri wese agahabwa igishoro cy’amafaranga ibihumbi 100 Frw.

Umunyamabanga Mukuru w’Umuryango FPR Inkotanyi, Amb Bazivamo Christophe, yashimye Madamu Jeannette Kagame, ku bw’uruhare rwe mu gushyigikira iterambere ry’abagore n’umuryango muri rusange.

Ati “By’umwihariko ndagira ngo nkoreshe uyu mwanya mu gushimira komite imaze gutorwa tukaba tuyitezeho impinduka zizewe mu iterambere rirambye kandi tukaba tuyijeje ubufasha bwose muzakenera mu gushyira mu bikorwa ibyo mwiyemeje.”

Amb Bazivamo yasabye Abanyamuryango ba FPR Inkotanyi by’umwihariko abagore babarizwa muri uyu muryango, gushyira imbaraga mu gushishikariza abanyamuryango n’abaturage muri rusange kwitabira gahunda zawo.

Ati “Kwitabira gahunda za FPR Inkotanyi aho zibera hose mu Midugudu kugira ngo mubashe gushishikariza buri wese kuzishyira mu bikorwa mu buryo burambye. Imyanzuro yafatiwe muri iyi nama birumvikana ko dushyize hamwe twese, abagabo, abagore, ntawe usigaye inyuma, tuzayigeraho, tukayishyira mu bikorwa yose, nta shiti.”

Abayobozi bashya batowe bafashe ifoto y’urwibutso hamwe na madamu Jeannette Kagame n’abandi bayobozi muri FPR Inkotanyi

Yabitangaje kuri uyu wa Gatandatu tariki 21 Werurwe 2026 mu nama nkuru ya 6 y’urugaga rw’abagore rushamikiye ku muryango wa RPF Inkotanyi yabereye ku cyicaro gikuru cy’umuryango RPF Inkotanyi kuri Intare Arena mu Murenge wa Rusororo mu Mujyi wa Kigali.

Yagize ati “Kubera amateka y’Igihugu cyacu, mwese murabizi ko hari Abanyarwanda benshi babaye mu buhunzi igihe kirekire, bakabyarira mu mahanga, abana babo bagakurirayo, bakigayo bamwe bakanakorerayo. Byari byoroshye cyane kwibagirwa umuco wacu bagafata uw’ibihugu bari barahungiyemo. Ariko banze guta umutima w’u Rwanda, ndetse bamwe aho bishoboka, bakoraga amatorero ngo hato ababakomokaho batazata umuco”.

Madamu Jeannette Kagame yavuze ko amatorero yakomeje kuba ishuri rikomeye ry’indangagaciro na kirazira by’umuco nyarwanda, ariko rishyigikiwe n’umuryango.

Ati “ Muri icyo gihe cy’urugamba rwo kubohora igihugu, abagore bagize uruhare rukomeye mu gushyigikira no gukomeza umutima w’abari ku rugamba. Sinarenga aha ntashimiye ababyeyi batubyariye abatabazi, abagore batabaranye na basaza babo, ababyeyi bireranye abana mu gihe inkotanyi zaduciraga inzira itaha iwacu, ndetse n’abo bana babanye n’icyuho cy’intambara ndende ababyeyi babo barwanye”.

Yakomeje ati “ Mumfashe tubashimire! Iyi myumvire niyo yatumye RPF-Inkotanyi ibasha kugeza u Rwanda aho rugeze, uhereye ku mateka yo kubohora igihugu kugeza aho rugeze uyu munsi. Natwe rero nka ba mutima w’urugo kandi w’umuryango, ntabwo twakomeza kuba abo mu mbere gusa”.

Madamu Jeannette Kagame yibukije ba mutima w’urugo ko bakwiriye kumva ko ari inshingano zabo kurwanira ishyaka igihugu cyabo mu buryo bashoboye. Yaba bo ubwabo ndetse no kubitoza abo mu miryango yabo.

Ati “ Ibiganiro by’uyu munsi bitubere umwanya wo kongera kwisuzuma, turebe ko abana bacu twabahaye impamba ikwiye. Hari ubwo tunatekereza ko abana ari bo bataye umuco, ariko uramutse ushyize ku gipimo ukareba ibyo twabahaye n’imyitwarire yabo, hari ubwo wumva tubarenganya”.

Madmu Jeannette Kagame yavuze ko umwana utaratojwe indangagaciro zo gukunda igihugu, kubaha, ubumwe, ubufatanye, ubupfura, kwihesha agaciro, kwirinda kirazira n’ibindi, iyo atangiye guhura n’imico y’ahandi adafite ibyo asanganywe yatojwe, yakira ibyo ahuye na byo byose agatangira kubigira ibye, ntamenye gutandukanya ‘icyatsi n’ururo.

Ati “ Bana Bacu, ari mwe turi kumwe uyu munsi ndetse n’abandi baza gukurikira ibiganiro tugirana uyu munsi, nifashishije amagambo ya Nyakwigendera Rugamba, ndifuza kubasigira ubutumwa bwihariye ndetse bunabaha umukoro mutahana. Mu ndirimbo yuje inama nyinshi yagize ati: “Umuco mwiza wakureze, ntugatume udindira, mu by’abandi jya utora ibyiza, ibifutamye ujugunye. Niba urabukwa iby’ahandi, ugata n’urwo wambaye, Ntumpeho.”

Madamu Jeannette Kagame yasabye urubyiruko kugira ubushishozi bwo gukora amahitamo meza. Muri byinshi bihari byaba ibizanwa n’iterambere, imitekerereze mishya, ubumenyi barahura ahandi, imico y’ahandi, ni byiza ko babimenya ko bihari, ariko ko byose bitabafitiye akamaro.

Ati “ Ibidakwiriye ntimukabihe umwanya, ntimukagire n’undi mwemerera ko abiha umwanya”.

Iyi nama Nkuru y’Urugaga rw’Abagore, yahawe insanganyamatsiko itwibutsa ko umugore ari umusingi w’umuryango.

Ubwo Madamu Jeannette Kagame n’abandi bayobozi bitabiriye Inama Nkuru y'Urugaga rw'Abagore rushamikiye ku Muryango FPR-Inkotanyi, babyinaga imbyino gakondo bishimira umuco Nyarwanda.

Yongeye kwibutsa ko “Ntawavuga FPR-Inkotanyi atavuze umugore,” ashimangira uruhare rwabo mu… pic.twitter.com/usxgw19VH1

— Kigali Today (@kigalitoday) March 21, 2026

Reba ibindi muri iyi Video:

Ibi Minisitiri Dr Gasore yabitangarije mu Nteko Rusange umutwe w’Abadepite wateranye tariki 17 Werurwe 2026 ubwo yagezaga ibisobanuro mu magambo ku bibazo byagaragaye mu ngendo rusange z’Abadepite mu gihugu birebana n’iterambere ry’imijyi n’imiturire.

Ku kibazo cy’amazi make hirya no hino mu gihugu adahagije, Minisitiri Dr Gasore yerekanye ko kwagura uruganda rwa Mutobo muri Musanze bigeze kuri 84%, kubaka uruganda rwa Muhazi II muri Rwamagana bigeze kuri 92%, urwa Musogoro muri Karongi bigeze kuri 94%, urwa Karenge ruzongererwa ubushobozi rukabasha gutunganya meterokibe 48.000 ku munsi bigeze kuri 30% n’uruganda rwa Nzove ruri kuvugururwa umushinga ukazarangira uyu mwaka.

Minisitiri Dr Gasore yavuze ko Minisiteri y’Ibikorwaremezo muri uyu mwaka wa 2025/2026 ku bufatanye n’ikigo cy’ igihugu gishinzwe amazi, isuku n’isukura WASAC cyatangiye gusana imiyoboro 67 y’amazi mu turere 11 tw’igihugu.

Minisitiri Dr Jimm Gasore avuga ko ikibazo cyo kutageza amazi ahagije ku baturage ko cyatangiye gukemuka kuko hari imiyoboro y’amazi 67 mu turere 11 n’indi miyoboro 55 mu turere 11 twagaragayemo igwingira ry’Abana. Iyo miyoboro ikazasanwa ku bufatanye n’ikigo cy’igihugu gishinzwe ubuzima RBC.

Ati “ Kugeza uyu munsi amazi dufite ntahagije ugereranyije n’umubare w’abaturage dufite ariko hari ingamba zitandukanye zo gukomeza gusana no kwagura imiyoboro y’amazi kugira ngo agere ku baturage”.

Ku kijyanye no gusaranganya amazi Minisitiri Dr Jimi Gasore yavuze ko hashyizweho gahunda yo kumenyesha agace kari buyabure kugira ngo kamenye ko gakwiriye kwitegura bakayabika mbere bitarabagiraho ingaruka.

Minisitiri Dr Gasore avuga ko inganda zitunganya amazi zimwe zo mu mujyi zishaje ndetse ko zitanga umusaruro w’amazi zitagombye kuba zitanga.

Ati “Ingamba ni ugukora inyigo kugira ngo inganda zisanwe zigire ubushobozi bwo gutunganya amazi ahagije”.

Minisitiri Dr Gasore yabwiye Abadepite ko uko ingengo y’imari izajya igenda iboneka hazajya hakorwa inyigo yo kugeza ibikorwaremezo ahagenewe imiturire birimo amatara n’amazi ndetse ubu bikaba birimo bikorwa ku bufatanye bwa Leta n’abafatanyabikorwa.

Depite Mukabalisa Germaine, yavuze ko iyo Abadepite bakoreye ingendo hirya no hino mu gihugu usanga abaturage batonda umurongo muremure babatura ikibazo cy’umwenda iyi Koperative ibafitiye, bakabasaba kubavuganira.

Depite Mukabalisa avuga ko biteye impungenge kuba batishyurwa kandi babona uruganda rukora ndetse rufite n’ubushobozi bwo kuba rwabishyura.

Ati “ Ni gute igihugu kibashishikariza kujya mu bworozi hanyuma uruganda rukabambura kandi rukora”.

Depite Mukabalisa avuga ko aba baturage barenganyijwe kuko mu igenzura bakoze basanze abo iyi Koperative yari ibereyemo umwenda barimo na Banki ya Kigali bishyuwe ariko hakirengagizwa abaturage kandi aribo bari bakwiriye guhabwa amafaranga yabo.

Iki kibazo cyagarutsweho na Depite Gihana Donatha wagaragaje akarengane gakomeye aba baturage bakorewe ko kutishyurwa kandi uruganda rutabuze ubushobozi.

Ati “Ko ubushobozi buhari kuki batishyurwa kandi uyu mwenda bafitiwe n’uru uruganda umaze igihe kinini? Habaye iki gituma abandi bari bafitiwe umwenda barimo na Banki ya Kigali bishyurwa bo bakaba batarishyurwa”.

Umuyobozi Mukuru Ushinzwe Ubworozi muri Minisiteri y’Ubuhinzi n’Ubworozi, Jean Claude Ndorimana, yasobanuye ko iyi Koperative ijya kwamburwa aborozi byaturutse kuba yari yarahombye ndetse abari bayiyoboye bakaza gushyikirizwa ubutabera bagakurikiranwa.

Ati“Mu gufasha koperative hibanzwe ku kureba ko itagwa hasi no kureba uko hishyurwa imyenda yari ibereyemo banki kuko wari umwenda ukomeye ariko nayo igakomeza gukora”.

Ndorimana yavuze ko Minisiteri y’Ubuhinzi n’ubworozi itagifataho icyemezo kuko ari ikibazo cyakabaye kibazwa abashinzwe iyi koperative, gusa avuga ko abaturage bakwiriye kwishyurwa umwenda kugira ngo barusheho kugirira ikizere ishyirwamubikorwa rya gahunda ya Leta.

Ndorimana avuga ko iki kibazo gisaba ubufatanye ndetse ko umusanzu wakenerwa ngo umuturage arenganurwe biteguye kuwushyiramo nka Minisiteri y’Ubuhinzi n’ubworozi.

Ati “ Mu gufasha uru ruganda gukomeza gukora habayeho ko rukorana n’Inyange ikajya ibagurira noneho nabo bakabona uko bishyura wa mwenda ari nako narwo rukomeza kongera kwiyubaka”.

Ibibazo bya Koperative ya IAKIB byatangiye mu mwaka wa 2023 aho abari abayobozi bayo batawe muri Yombi bakurikiranywe kunyereza umutungo w’iyo koperative ungana na 690,451,909 Frw. Iryo nyerezwa ryayo mafaranga rikaba ryarakozwe hagati y’ umwaka wa 2021 kugeza 2023.

Kugeza n’ubu haracyari ikibazo cy’uwo mwenda w’Abaturage batishyurwa bakaba bagitegereje guhabwa ubutabera .

Ibi Abadepite babibajije mu kiganiro cyabahuje na Minisiteri y’Ubuhinzi n’ubworozi cyabaye kuri uyu wa Gatatu tariki 17 Werurwe 2026 barebera hamwe ibikubiye muri raporo y’Ibikorwa by’Urwego rw’Igihugu rw’Imiyoborere by’umwaka wa 2024/2025 na gahunda y’ibikorwa by’umwaka wa 2025/2026.

Raporo y’Urwego rw’Igihugu rw’Imiyoborere (RGB) mu bushakashatsi yakoze mu mwaka wa 2025 bwagaragaje ko abaturage bishimiye serivisi z’isoko ry’umusaruro bagera kuri 49.8%, gutunganya no kongerera agaciro ibikomoka ku buhinzi ari 31.0%, ubwanikiro rusange bw’umusaruro ari 27.4% no kuhira imyaka ari 19.9%.

Ibi byatumye Abadepite bagaruka ku bice bimwe by’Igihugu bigihura n’ikibazo cy’inzara biturutse ku kwibasirwa n’amapfa.

Depite Mvano Nsabimana Etienne yabajije icyabaye kugira ngo Akarere ka Kayonza kagere ku rwego abaturage basuhuka bakajya guca inshuro ahandi.

Ati “Habaye iki kidasanzwe ku buryo Akarere gasonza bikagera ubwo abaturage bako basuhuka? Mubona ari iki cyakorwa ngo iki kibazo gikemuke?”

Ni ikibazo cyagarutsweho na Depite Mukabalisa Germaine na we wabajije ingamba zafashwe kugira ngo hatazongera kubaho ikibazo nk’icyabaye muri Kayonza kuko byagaragaye ko haramutse hadafashwe ingamba zihamye cyakongera kubaho.

Umuyobozi Mukuru Ushinzwe Ubworozi muri Minisiteri y’Ubuhinzi n’Ubworozi, Jean Claude Ndorimana, yavuze ko aka Karere kari mu twibasirwa n’izuba ryinshi ariko ubu hakaba hari kurebwa uburyo bwo kujya habaho kuhira imyaka mu gihe cy’izuba ryinshi.

Ati “Byarabaye ariko kugira ngo iki kibazo gikemuke ni uko abaturage bazajya buhira imyaka bifashishije amazi y’imvura ndetse ubu harimo kubakwa ibidamu bizajya bifata amazi yo kujya bifashisha mu bihe haje amapfa”.

Ndorimana avuga ko u Rwanda ruteganya no kujya rugira ibyanya bigega hagahunikwamo imyaka ku buryo igihe habayeho kubura kw’ibiribwa, ibyahunitswe bizajya bigoboka abantu.

Ikibazo cy’inzara yo mu Karere ka Kayonza cyavuzwe mu mpera z’umwaka wa 2025 ndetse bituma abari abayobozi icyo gihe bose beguzwa ku myanya y’ubuyobozi.

Icyo gihe inzara yavugwaga mu mirenge ya Ndego, Rwinkwavu, Mwili na Murama na Kabare aho bamwe mu bari bayituye bafashe icyemezo cyo gusuhuka bajya gushakira imibereho mu yindi mirenge.

Gusa iki kibazo kimaze kumenyekana, ubuyobozi bukuru bwafashe icyemezo cyo guha abaturage ibiribwa mu gihe hagishakwa igisubizo cyo kurwanya iyo nzara iterwa n’izuba ryinshi ryari ryibasiye aka Karere.

Ubushakashatsi bukorwa n’Urwego rw’Igihugu rw’Imiyoborere (RGB) ku ishusho y’uko abaturage babona imiyoborere n’imitangire ya serivisi, buzwi nka ‘Citizen Report Card’ (CRC) mu myaka itatu ishize, bwagaragaje ko Akarere ka Kayonza kabayemo aka nyuma inshuro ebyiri.

Aka Karere kabaye aka nyuma, ni ukuvuga aka 30 n’amanota 70,45% mu mwaka wa 2023, naho mu mwaka wa 2024 kaza ku mwanya wa kane n’amanota 80,9% mu gihe umwaka wa 2025 kisanze ku mwanya wa nyuma n’amanota 67,26%.

Nubwo bimeze bityo abantu benshi usanga amavuta batekesheje ifiriti batayamena ahubwo bayabika bakongera bakayatekesha ibiryo bisanzwe cyangwa se bakongera bagatekamo ifiriti.

Bamwe mu baganiriye na Kigali Today bavuga ko kumena amavuta batekesheje ifiriti biba ri ukuyangiza kuko aba ari menshi bityo bagahitamo kuyabika ngo bazongere bayatekeshe.

Mukamusoni Immacule yagize ati “Reka reka ubwo se n’ukuntu amavuga ahenze nayamena koko? Ndayabika nkongera nkayatekesha rwose nk’inshuro eshatu. Ndongera nkanayatekesha n’agafiriti igihe nabonye ibirayi cyangwa ibijumba nkaryoherwa”.

Siwe gusa kuko gutekesha amavuta inshuro irenze imwe abihuriyeho na Gasana Felix ucuruza amandazi na Capati mu murenge wa Gahanga mu karere ka Kicukiro.

Gasana we avuga ko amavuta ashobora kuyatekesha amandazi inshuro zigera kuri eshanu kugeza ubwayo ashize.

Ati“Reka sinjya mena amavuta ngo arashaje cyangwa ngo nuko nayatekesheje inshuro nyinshi jyewe ndayatekesha mpaka akamye burundu niho ngura andi, byaba ari ukwitera igihombo ndamutse nyamennye”.

Gusa aba bose bavuga ko kuva bayatekesha inshuro irenze imwe nta ngaruka z’ako kanya barahura nazo ariko usanga nta makuru ku ngaruka byabagiraho ku buzima bwabo n’abo bagaburira.
Inzobere mu mirire Benimana Jean Sauveur, ukorera ku bitaro bya Ruhengeri mu kiganiro yagiranye na Kigali Today kuri zimwe mu ngaruka ziterwa no gutekesha amavuta inshuro zirenze imwe, yavuze ko bigira ingaruka nko kurwara indwara zidakira zirimo umutima, imitsi, Diyabete, umuvuduko w’amaraso ndetse na Kanseri, ibibazo by’urwungano ngogozi, ndetse bishobora no kuba intandaro y’ubugumba n’utunyangingo tw’umubiri bituma dusaza vuba.

Agira ati “Amavuta si byiza kuyatekesha inshuro zirenze imwe igihe wayashyizemo ibirayi utetse ifiriti cyangwa ukayatekesha inyama, amandazi n’ibindi. Ni byiza kuyamena nyuma yo kurangiza guteka”.

Benimana asobanura ko gutekesha amavuta inshuro irenze imwe bituma ibinyabutabire biyagize bihura n’ubushyuhe bwinshi, bigakora ibinure bibi bidakenewe mu mubiri ku buryo bigira ingaruka mbi ku mubiri w’umuntu.

Ibyo binure ni byo bigenda bikajya mu mubiri bikaba byatera izo ndwara zitandukanye zikawangiza.

Iyi nzobere mu by’imirire ivuga ko iyo amavuta yatekeshejwe akabikwa aba atagifite ubuziranenge yakoranywe kuko aba yahuye n’ibindi bintu biri mu biryo bigakora ibindi binyabutabire.

Ati “ Nuko abantu batabyitegereza ubundi iyo umuntu amaze kuyakuramo ifiriti n’amandazi n’ibindi bitekwa mu mavuta aba yamaze guhindura ibara, ndetse niyo amaze iminsi ushobora gusanga yahindutse umukara”.

Benimana atanga inama y’uko mu gihe umuntu ateka yajya akoresha amavuta make ashirana n’ibyo atetse, hagamijwe kwirinda ko yasigara.

Ikindi ni uguteka amavuta make hakurikijwe ingano y’ibyo bateka, kugira ngo birinde no gushyira amavuta menshi mu biryo.

Minisitiri Dr Biruta yabitangaje kuri uyu wa Gatanu tariki 13 Werurwe mu biganiro yagiranye n’iyi Komisiyo byari bigamije kumenya ingamba Leta ifite ku bibazo bikigaragara mu magororero.

Ikibazo cyibanzweho n’ikibazo cy’ubucucike kikigaragara mu magororero ari hirya no hino mu gihugu bigatuma uburenganzira bw’abagororwa butubahirizwa uko bikwiriye.

Minisitiri Dr Biruta avuga ko hazakomeza ibikorwa byo kugabanya ubu bucucike bikazakorwa mu ngengo y’imari y’umwaka wa 2026-2027 ko hazavugururwa hakanagurwa za Kasho za Polisi zishaje, kandi ko Leta izakomeza gushyiraho ingamba zo kugabanya ubucucike mu magororero hirya no hino mu gihugu binyuze no muri gahunda y’ubuhuza.

Minisitiri Biruta avuga ko Kasho zizaherwaho zivugurwa ari izo muri Gasabo mu mujyi wa Kigali, Nyamata mu Bugesera, Rushaki muri Gicumbi, Kinigi na Nkotsi muri Musanzi, Busasamnaa muri Nyanza, Bugeshi muri Rubavu, Jenda muri Nyabihu na Bweyeye muri Rusizi.

Minisitiri avuga ko uko ubushobozi buzagenda buboneka bizagenda bikorwa uko ingengo y’imari iboneka ndetse ko ibonekeye rimwe ibyo bikorwa byose byakorerwa rimwe.

Yavuze ko Leta yashyizeho gahunda y’uburyo aya magororero ubucucike bwagabanuka ko hashyizweho gahunda y’ubuhuza aho uwakoze icyaha n’uwagikorewe bahuzwa hakabaho gutanga imbabazi uwakoze icyaha akarekurwa.

Ikindi nuko hari abagiye barekurwa ku mbazi z’umukuru w’igihugu ndetse hakaba n’abarangiza igihano ku bakoze ibyaha bya Jenoside bagiye bategurwa bagasubira mu miryango yabo.

Ati“Ibyo byose byatumye ubucucike bugabanuka buva ku 144% bugera kuri 97,2% , kandi ingamba ziriho zizakomeza kugabanya ubwo bucucike”.

Minisitiri Biruta yavuze ko hafashwe indi ngamba yo kugabanya ubucucike mu igororero rya Mageragere, aho abahacumbikirwaga baje kuburana ku nkiko zo muri Kigali bazajya bahita basubizwa gufungirwa aho baturutse.

Ati“Igororero rya Mageragere rigira ubucucike biturutse kuba rinacumbikira abaje kwivuza, mu bitaro bikuru biri muri Kigali, cyangwa se hagacumbikirwamo abandi baba baje kuburanira i Kigali”.

Perezida wa Komisiyo y’Ubumwe bw’Abanyarwanda, Uburenganzira bwa Muntu no kurwanya Jenoside Madina Ndangiza yatangaje ko ibibazo bari babajije Minisitiri banyuzwe n’ibisubizo yabahaye.

Ati “ Twishimiye ko bigenda bigabanuka uko imyaka yagiye itambuka kandi dufite ikizere cy’uko bizagabanuka kurushaho dukurikije ingamba Leta ifite kandi natwe tuzakurikirana tumenye uko byagiye bikemurwa”.

Gusa nanone Depite Ndangiza yavuze ko hakiri imbogamizi ku bajyanama b’ubuzima bwo mu mutwe bakiri bake kuko ubu ari bane gusa mu magororero agera kuri 14 ari mu gihugu agasanga Leta ikwiriye kubyitaho kuko abantu bafungwa bahura n’ikibazo cy’ihungabana ryo mu mutwe.

Kuri iki kibazo Minisitiri Dr Biruta avuga ko bikir imbogamizi ko haboneka abajyanama bahagije muri buri gororero kuko abize ibijyanye n’ubuzima bwo mu mutwe bakiri bake ugereranyije n’abakenera iyi serivisi.

Minisitiri avuga ko uko uko abize bazajya barangiza hazajya hagenwa abajya gufasha abari muri aya magororero.

Raproro yakozwe na Komisiyo y’Igihugu y’Uburenganzira bwa muntu ivuga ko ubucucike mu magororero yo mu Rwanda mu mwaka wa 2024/2025 bwagabanyutseho 24,3% ugereranyije n’umwaka wari wabanje kuko bwavuye kuri 134,3% bigera kuri 110%.

Mu mpera za Kanama 2025, ubu bucukike bwari bumaze kugera ku 103,6% bishimangira ko bukomeje kugenda bugabanyuka bitandukanye n’uko byari bimeze mbere. Kugera muri uku kwezi kwa werurwe bugeze kuri 97,2% .

Munezero Arlette Wiclef ukuriye ishami ry’ikoranabuhanga muri BK avuga ko bateguye iki gikorwa mu rwego rwo kwifatanya n’abagore no kubashimira uruhare rwabo mu gukorana n’ibigo by’imari ndetse no kubafasha kwizihiza umunsi mpuzamahanga w’umugore.

Ati“Umunsi mpuzamahanga wabaye ari ku cyumweru tariki 8 Werurwe 2026 tutakoze niyo mpamvu twahisemo kubafasha kuwizihiza, uyu munsi tunabashimira uruhare rwabo mu gukorana natwe”.

Munezero avuga ko iki gikorwa kizakomeza hashimirwa abagore mu bice bitandukanye bari mu byiciro bitandukanye kuko bifuza gukomeza kubashyigikira mu bikorwa byabo.

Munezero avuga ko mu byiciro by’abagore bakorana na Banki ya Kigali harimo abagore bateye imbere ku rwego rwo hejuru ariko hari n’abandi bafasha mu mishanga iciriritse, intego ikaba ari ukubafasha gukorana n’ibigo by’imari bakiteza imbere.

Munezero avuga ko abagore kuva bakwitabira gukorana na Banki ya Kigali byatumye baguka mu bikorwa bitandukanye birimo ‘BK Urumuri Initiative’ iri mu mishinga iterwa inkunga na BK Foundation, ikaba ari gahunda imaze gutangwamo inguzanyo isaga miliyoni zirenga 234.5 z’amafaranga y’u Rwanda yahawe ba rwiyemezamirimo barenga 55 barimo 31 b’igitsina gore.

Umwe mu bakiriya ba Banki ya Kigali (BK) Clever Kayitaramirwa avuga ko gukorana na Banki ya Kigali yabihisemo kubera ko ifite serivisi zihuta kandi zimufasha kuba yabona amafaranga mu gihe gito igihe ayakeneye.

Ati“Hari ukuntu umuntu akenera amafaranga aho kuguza bagenzi be akaguza Banki kandi ugasanga abonye uburyo bwo gukemura ikibazo cye ako kanya”.

Ikindi Kayitaramirwa avuga cyatumye yitabira gukorana na Banki ya Kigali ni uburyo serivisi zayo zihuta.

Ati “ Guhuza Konti na Terefone ni ikintu cyamfashije cyane ku buryo ntatakaza umwanya njya gutonda umurongo kuri Banki”.

Munezero avuga ko Banki ya Kigai ifite umwihariko mu guha inguzanyo igera kuri Miliyoni 75 abagore badasabwe ingwate bigakorwa ku bagore bari mu bucuruzi buto n’ubuciriritse.

Yanavuze ko igikorwa cyo gukomeza gushimira abakiriya babo banabafasha kwizihiza uyu umunsi mpuzamahanga w’abagore kizakomeza kugera uku kwezi kwa Werurwe kurangiye. Ni igikorwa cyahawe insanganyamatsiko igira iti “Urabikwiye”.

Perezida wa Komisiyo y’Iterambere ry’Ubukungu n’Imari, Senateri Nsengiyumva Fulgence, yabwiye Abasenateri ko ku gikorwa cyo kugenzura ibikorwa bya Guverinoma byo kugeza amazi meza ku baturage, basanze hari imbogamizi zo kuba hari imidugudu itaragezwamo imiyoboro y’amazi meza bamwe mu baturage ntibabone amazi buri gihe, bituma bakoresha atujuje ubuziranenge.

Indi mbogamizi iyi Komisiyo yabonye ni ikibazo cyo kudasana imiyoboro y’amazi meza bitihuta n’imishinga yo kubaka inganda zitunganya amazi meza itihuta, ndetse amwe mu mavuriro y’ibanze, amashuri cyane cyane abanza, amasoko n’inganda bitaragerwaho n’amazi meza.

Ati “Nka Komisiyo twasanze hagomba kongerwa imbaraga mu gusana imiyoboro y’amazi ishaje n’iyangiritse, kubaka imishya no kwihutisha imishinga yo kubaka inganda nshya kugira ngo bitabangamira kugera ku ntego yo kugeza imiyoboro y’amazi mu midugudu yose 100% no kongera ingano y’amazi atunganywa ku munsi nk’uko biteganyijwe kugerwaho mu 2029”.

Senateri Nsengiyumva avuga ko uburyo bw’ikoranabuhanga bufasha inganda kugenzura inzira yo gutunganya amazi no kuyageza mu bigega bitaragezwa mu nganda zose, na zimwe mu mashini zisunika amazi (pumping stations) zimaze igihe zarubatswe, inyinshi zarashaje, bituma zitanga amazi make no gukoresha ingufu nyinshi bigatera igihombo abazicunga.

Senateri yagaragaje ko umutungo kamere w’amazi wangizwa n’ibiza birimo inkangu, imyuzure n’isuri bigira ingaruka z’uko inganda ziyatunganya bizisaba ikiguzi kinini.

Ati “ Igipimo cy’amazi meza atunganywa mu nganda atakara ku kigero cya 39.5%, bikaba ari igihombo kinini ku Gihugu.”

Komisiyo yasanze kuri ibi bibazo WASAC ikwiye kugeza iri koranabuhanga mu nganda zose no mu mashini zisunika amazi (pumping stations) kuko ryafasha mu guhita hakemurwa ikibazo kivutse. WASAC ikwiye gusimbuza imashini n’ibindi bikoresho bidatanga umusaruro muri pumping station. Gushyira imbaraga mu kwihutisha umushinga wo kugabanya amazi atakara no kwiga uburyo igipimo cya 25% giteganyijwe mu 2029 cyazarushaho kumanuka kikagera munsi ya 15%.

Amazi agezwa ku bayakenera bose agomba kuba yapimiwe ubuziranenge ariko bamwe muri ba rwiyemezamirimo batanga amazi mu cyaro ntibabupimisha, kuko bisaba ikiguzi kinini muri Laboratwari.

Ikindi kibazo cyagaragajwe ni icyo kwangiza ibikorwa remezo by’amazi n’ubujura bw’ ibikoresho by’amazi.

Ati “ WASAC yagiye igaragaramo ibibazo mu mikorere no mu mitangire ya serivisi zo kugeza amazi meza ku baturage, igakorera mu gihombo kandi ari ikigo gikora ubucuruzi. Twasanze WASAC ikwiye gushyiraho uburyo buhamye bwo gupima ubuziranenge bw’amazi yose atangwa mu baturage no mu bindi byiciro biyakenera”.

WASAC yanasabwe kongera ubukangurambaga mu baturage ku ruhare rwabo mu kubungabunga ibikorwa remezo by’amazi no gushyiraho uburyo bwo gutahura ababigiramo uruhare bagahanwa.

Senateri Nkubana Alphonse yavuze ko hakwiriye kujyaho ikoranabuhanga mu gucunga amazi ku buryo ahagaragaye ikibazo hakaba intabaza WASAC ihagera vuba.

Ati “ Iryo koranabuhanga tubona ko ryadufasha kubungabunga amazi, igihombo kikagabanuka kuko ibibazo byaba byabayeho byakemukira igihe”.

Iki kibazo cyasubijwe n’impuguke mu by’imirire Ndikubwayo Innocent ukora ku kigonderabuzima cya Burehe mu karere ka Rulindo yavuze ko ubwonko bw’Ifi budatuma umuntu agira ubwenge ahubwo ko Ifi muri rusange ariyo ifasha ubwonko gukura neza kubera amavuta yifitemo.

Ati“Ifi ni kimwe mu biribwa bifitiye umubiri w’umuntu akamaro kanini. Abantu bayirya kenshi kubera ko irimo intungamubiri nyinshi zifasha umubiri gukura neza, gukomera no kwirinda indwara. Kurya ifi kenshi bifasha umuntu kugira ubuzima bwiza kuko itanga intungamubiri zitandukanye zikenewe n’umubiri”.

Ndikubwayo avuga ko ifi irimo amavuta afite intungamubiri zifasha mu kubaka no gusana utunyangingo tw’umubiri. Zifasha cyane cyane abana gukura neza, ndetse n’abantu bakuru zibafasha kongera imbaraga z’umubiri igihe barwaye cyangwa bacitse intege by’umwihariko gukura k’ubwonko ku bana bato.

Asobanura akamaro k’Ifi Ndikubwayo yavuze ko Ifi irimo amavuta meza azwi nka omega. Aya mavuta afasha umutima gukora neza, akagabanya ibyago byo kurwara indwara z’umutima. Nanone aya mavuta aba mu Ifi afasha ubwonko gukora neza, ikongerera umuntu ubushobozi bwo gutekereza no kwibuka.

Ati“Ku bana bato usanga iyo bariye Amafi bifasha ubwonko bwabo gukura neza. Iyo ubwonko bw’umwana bwakuze neza usanga babasha kwiga neza no gufata mu mutwe ibyo bize”.

Ku muntu mukuru we avuga ko kurya Ifi kenshi bimurinda kugira ibyago byo kwibagirwa kimwe no ku bana bato.

Iyi nzobere mu by’imirire ivuga ko, ifi irimo vitamini zitandukanye nka vitamine D na vitamine B12. Vitamine D ifasha amagufa n’amenyo gukomera, mu gihe vitamine B12 ifasha amaraso gutembera neza no gufasha imyakura y’umubiri gukora neza ikanafasha ubwonko gukura no gukora neza.

Ati“Ifi kandi irimo imyunyungugu nka iyode fosifore na Seleniyumu. Iyi myunyungugu ifasha mu mikorere myiza y’umubiri, harimo gufasha mu mikorere y’ubwonko, imikaya n’imisemburo”.

Ndikubwayo avuga ko kubera intungamubiri ifi igira ari ingenzi cyane ku buzima bw’umuntu kuko ibamo intungamubiri nyinshi zituma umubiri ugira imbaraga, ukarwanya indwara kandi igatuma umuntu agira ubuzima bwiza.

Agira inama abantu gushyira ifi mu mafunguro yabo ya buri gihe kugira ngo bagire ubuzima bwiza kandi burambye ndetse bijye bibarinda kwibagirwa igihe barimo bagana mu busaza.

Ese Ifi ishobora gutanga ubuzima bwiza ku muntu wayiriye yonyine?

Ndikubwayo avuga ko nubwo kurya Ifi ari byiza kuko ifite intungamubiri ari byiza no kurya ibindi biryo bitandukanye birimo ibitera imbaraga, ibirinda indwara ndetse n’ibyubaka umubiri.

Ibiribwa bitera imbaraga umubiri yavuze ko birimo umuceri, ibirayi, ibijumba, imyumbati, ubugari naho Ibiribwa byubaka umubiri birimo inyama, amagi, amata, ibishyimbo na soya.

Ku biribwa birinda indwara Ndikubwayo yavuze ko biba byiganjemo
Vitamini n’imyunyungugu bifasha umubiri kurwanya indwara.

Ati “ Aha twavuga nk’imboga, imbuto, imineke, amacunga, amapera, avoka, imyembe ndetse na Karoti”.

Ndikubwayo avuga ko ari byiza kunywa Amazi kuko nayo ari ingenzi cyane kuko afasha umubiri gukora neza.

Abahanzi Muyango Jean Marie, Ruti Joel na Mariya Yohani, baganiriye n’Abadepite ku cyakorwa kugira ngo Ikinyarwanda gikoreshwe mu buryo bunoze

Iyi Komisiyo yatumiye umuhanzi Muyango Jean-Marie, n’umuhanzi Ruti Joel ndetse na Mariya Yohani Mukankuranga kugira ngo baganire barebere hamwe uko ururimi rw’Ikinyarwanda rwasigasirwa uko bikwiriye.

Zimwe mu mbogamizi aba bahanzi bagaragarije Abadepite ni uko usanga Abanyarwanda benshi bafite amateka atandukanye atuma batavuga Ikinyarwanda cy’umwimerere.

Umuhanzi Muyango yasobanuye ko nubwo Abanyarwanda baba mu gihugu kimwe usanga uturere tumwe na tumwe dufite imvugo twihariye, bitandukanye n’ahandi.

Ati “Iyo ugiye mu Majyaruguru usanga bavuga Urukiga, wajya ahegereye imipaka y’i Burundi ugasanga bavuga Ikirundi. Ikindi ubu u Rwanda rutuwe n’Abanyarwanda bataruvukiyemo ngo barukuriremo, izo na zo ni impamvu zo kutanoza neza Ikinyarwanda”.

Gusa agarutse ku mikoreshereze y’ururimi rw’Ikinyarwanda mu buhanzi asanga ari ikibazo gikomeye kuko abenshi bahanga bavangavanga indimi ugasanga n’ubutumwa bukubiye muri ibyo bihangano butumvikana.

Ikibazo cyo gukoresha Ikinyarwanda cy’umwimerere cyiza kitavanzwemo izindi ndimi ndetse no kukigoreka cyagarutsweho n’umuhanzi Ruti Joel wavuze ko abenshi mu bahanzi bavanga indimi kubera kumva ko ari byo bigezweho.

Ikindi yavuze gituma bavanga indimi bituruka ku kuba umunyeshuri wiga mu mashuri abanza adafashwa kuvuga neza ururimi rwe ahubwo ababyeyi be bakamushishikariza kuvuga Igifaransa cyangwa Icyongereza.

Ruti Joel yitanzeho urugero avuga ko na we ubu aba avuga Ikinyarwanda kidasobanutse ariko kuko yafashijwe na Sekuru ubwo yigaga mu mashuri yisumbuye, bituma akivuga neza.

Ati “Ubu nanjye mba mvuga Igifaransa gusa, ni uko Sogokuru yamfashije kukivuga neza bigatuma nanjye ntakigoreka”.

Gusa Ruti avuga ko mu bahanzi bikiri ikibazo gikomeye kuko abenshi bavanga indimi ndetse ugasanga baririrmba babivangavanga.

Umuhanzi Mariya Yohani yavuze ko hakwiriye ubukangurambaga mu rubyiruko kuko ari rwo rufite iki kibazo cyo kugoreka Ikinyarwanda haba mu mivugire no mu myandikire.

Perezida wa Komisiyo y’Uburezi, Ikoranabuhanga, Umuco, Siporo n’Urubyiruko, Depite Furaha Emma Rubagumya, yavuze ko abahanzi bakwiriye kugira uruhare mu gukosora imivugire y’Ikinyarwanda.

Ati “Ukajya kumva umuntu ashaka kubwira undi ko yamuhaye ikintu, ngo yamuhereje, ukumva ngo natariye, natamubonye, ibyo byose ni Ikinyarwanda kigoretse. Mufashe abagoreka ururimi barukosore”.

Depite Rubagumya yasabye ko habaho ubufatanye mu ngeri zose kugira ngo havugwe ururimi rw’Ikinyarwanda neza kuko usanga uburyo cyigishwa mu ishuri atari bumwe kandi hakoreshejwe imfashanyigisho imwe.

Kuwa 2 Werurwe, iyi Komisiyo yakiriye MIGEPROF barebera hamwe ishyirwa mu bikorwa rya Politiki y’Igihugu y’Umurage Ndangamuco.

Depite Furaha Rubagumya uyoboye iyi Komisiyo yavuze ko abantu batoranyijwe kubera abandi abajyanama bitwa ‘ Inshuti z’umuryango” bakwiriye gushyirwamo imbaraga nyinshi kugira ngo bafashe imiryango ibanye mu makimbirane kuyakemura.

Ati “Nubwo hari izo ‘Nshuti z’umuryango’ mbona zitagaragara cyane! Mpereye nko ku rubyiruko rw’Abakorerabushake biraboneka ko bakora cyane rero nabo bakora ku buryo bagabanya icyuho cy’imiryango ibana mu makimbirane kuko byagaragaye ko ingo nyinshi zirimo gusenyuka kubera ibibazo bito byagakemukiye mu miryango”.

Umunyamabanga Uhoraho muri Minisiteri y’Uburinganire n’Iterambere ry’Umuryango (MIGEPROF) Mireille Batamuliza avuga ko iyi Minisiteri ikora ibishoboka byose ngo bubake umuryango utekanye bifashishishije gahunda zitandukanye zirimo inshuti z’umuryango ndetse n’umugoroba w’ababyeyi.

Yagize ati “Twakoze igitabo kirimo inyigisho (Module) zizajya zifashishwa n’abashinzwe irangamimerere kugira ngo bahugukirwe no guherekeza imiryango mishya igiye kurushinga”.

Batamuriza avuga ko byose bigamije gufasha imiryango mishya kubaka urugo rwiza, no kumenya kwikemurira ibibazo igihe bageze mu muryango.

Imiryango ikomeje gusenyuka

Raporo y’Urwego rw’Ubucamanza yerekana ko mu mwaka wa 2024/2025 haburanishijwe imanza 2.674 z’abashakanye basaba gutandukana, zivuye ku manza 2.833 mu mwaka wari wabanje.

Muri raporo zitandukanye bigaragazwa ko umubare w’abasaba gatanya wazamutse vuba. Nko mu 2016, hakiriwe ibirego 21, mu 2017 biba 69 naho mu 2018 biba 1,311.

Mu 2019, imiryango 8941 yemerewe n’inkiko gutandukana nk’uko byatangajwe muri raporo y’Ikigo cy’Igihugu gishinzwe Ibarurishamibare (NISR) mu gihe mu 2020 inkiko zakiriye ibirego 3213.

Gaspard Simbarikure ushinzwe ubugenzuzi bw’Isuku, Ubuziranenge, ndetse n’akato k’ibikomoka ku matungo mu kigo cy’lgihugu gishinzwe Ubugenzuzi, Ihiganwa mu Bucuruzi no Kurengera Abaguzi (RICA), avuga ko ubundi inyama nziza ari izabanje kubikwa muri Firigo amasaha 24 kugira ngo mikorobe zagiyeho zibanze zipfe.

Asobanura uburyo inyama igomba kujyanwa aho icururizwa, Simbarikure avuga ko ari byiza ko inyama itagomba kurenza amasaha abiri ikiri mu nzira.

Ati “Hashyizweho uburyo bwo kuzitwara ahantu ziba ziri mu bukonje noneho zikagera aho zicururizwa zitarahura na mikorobe zizangiza”.

Simbarikure avuga ko inyama zikonjeshwa mu buryo bubiri burimo gukonjesha bikabije, no gukonjesha mu buryo bworoheje.

Inyama zakonjeshejwe ku bukonje bukabije ziba ziri kuri Dogere serisiyusi -18, zishobora kumara hagati y’amezi 3 na 12 zigifite ubuziranenge.

Ati “Kugira ngo uyirye ikuryoheye nta kintu cyahindutse cyane, ni uko yaba ibitswe hagati y’amezi atatu n’amezi ane ukumva nta kintu cyahindutse, noneho kuva ku mezi 3 kugera kuri 12 ushobora kuyirya ukumva icyanga cyaragabanutse kuko iba itagifite umwimerere wayo kubera ubukonje”.

Gusa asaba abantu kwirinda gucomokora firigo bya hato na hato kuko bituma ya nyama ishobora gutakaza ubuziranenge bitewe n’umwanya Firigo imaze idacometse.

Ati “Umuriro ushobora kugenda nk’amasaha abiri, cyangwa atatu, noneho ukongera ukagaruka icyo gihe rero za nyama zishobora kwangirika umuntu ntabimenye bikaba byamugiraho ingaruka mu mubiri zirimo kuba zamutera uburwayi bwo kumva ataguwe neza mu nda”.

Bimwe mu bibazo umuntu wariye inyama zitujuje ubuziranenge ashobora guhura na byo harimo kurwara mu gihe inyama yariye zirimo uburwayi amatungo ahuriyeho n’abantu (zoonoses).

Harimo kuba yarwara uburwayi bushobora guturuka ku bisigazwa by’imiti mu gihe itungo ryabazwe riri ku miti itararishiramo.

Uburwayi bushobora kuvamo urupfu bitewe n’ubukana bwa mikorobe n’uburyo uwaziriye yatinze kwihutira kujya kwa muganga.

Simbarikure agira abantu inama zo kurya inyama babitse neza mu bukonje buhoraho, kuko ari byo bibungabunga ubuziranenge bwazo.

Wowenjye Shema Arlette Inzobere mu by’imirire ukora ku kigo nderabuzima cya Tare mu murenge wa Bushoki mu karere ka Rulindo avuga ko umubiri w’umwana uba utaragira imbaraga zo kwakira amata y’inka, kubera intungamubiri nyinshi ayo mata afite ndetse no kuba yaremerera igifu.

Shema agaragaza zimwe mu ngaruka ziba ku mwana muto zirimo kurwara impiswi, cyangwa kurwara mu nda, kubyimba umubiri ndetse no guhumeka nabi.

Agira ati“Umwana wanyoye amata y’inka ari munsi y’umwaka agira ikibazo cyo kubura amaraso mu mikurire ye ugasanga anarwaragurika cyane kuko umubiri we udafite ubudahangarwa”.

Shema avuga ko bituma umwana akura adafite imyunyungugu ihagije ndetse n’ubudahangarwa, bikaba bishobora gutuma arwaragurika.

Aya mata kandi ngo anaremerera impyiko ugasanga bishobora kumutera uburwayi igihe yayanyoye ku kigero cyo hejuru.

Ati“Niba umwana akiri muto cyane, atarageza umwaka aba akwiriye konka gusa, noneho agatangira guhabwa imfashabere agize amezi atandatu ariko nabwo hakirindwa kumuha amata y’inka ku kigero cyo hejuru kugira ngo atamutera ibibazo byo kunanirwa kurya neza ndetse no kuzabura amaraso mu mikurire ye”.

Shema avuga ko ubundi umwana muto aba akwiriye amata y’ifu acuruzwa muri za Farumasi kandi akaba yaragenewe guhabwa abana bakiri bato kugera ku mezi atandatu.

Gusa avuga ko byaba byiza akoreshejwe hari impamvu z’ubuvuzi zibimusabye no mu gihe umubyeyi we adafite amashereka ahagije.

Ubundi umwana urengenje amezi atandatu agaburirwa ate?

Shema avuga ko umwana urengeje amezi 6 atangira guhabwa indyo yunganira ibere ariko agakomeza konka nibura kugera ku myaka ibiri.

Umwana urengeje amezi atandatu ashobora guhabwa igikoma cy’ibinyampeke birimo ifu y’ibigori, amasaka, uburo, hakaba hakongerwamo soya cyangwa amata.

Ati “Ashobora guhabwa ibirayi, ibitoki, umuceri, ibijumba bitogoshejwe neza, imboga zitekanye n’ikirayi, karoti, dodo, imbuto zirimo ipapayi, avoka, n’imineke”.

Iyi nzobere mu by’imirire ivuga ko ari byiza kumuha igi rimwe ku munsi guhera ku mezi 6, ndetse ko ashobora no kurya inyama cyangwa amafi bitetse neza kandi byoroshye.

Inshuro zo kugaburira umwana ku munsi

Shema avuga ko umwana ufite amezi 6 kugera ku mezi 8 ahabwa ifunguro inshuro 3 ku munsi ndetse akanonka. Amezi 9 kugera kuri 11 yonka inshuro 3 cyangwa 4 ku munsi ubundi agahabwa ifunguro rito hagati nk’inshuro 4 k’umunsi.

Nubwo bimeze gutyo Shema avuga ko atari ihame ry’uko umwana aryagagura ahubwo ko ari byiza ko umubyeyi agena amasaha azwi yo kuriraho.

Abaregwa barimo Uzabakiriho Cyprien uzwi nka Djihad, Ishimwe Patrick, Ishimwe François Xavier, Kwizera Nestor uzwi nka Pappy Nesta na Kalisa John uzwi nka K John.

Ubushinjacyaha bwagaragaje ko aba bakekwaho kuba barakwirakwije ayo mashusho ku mbuga nkoranyambaga n’ubundi buryo bw’itumanaho, ibintu bavuga ko binyuranyije n’amategeko arengera ubuzima bwite n’icyubahiro cy’umuntu.

Mu iburanisha, Ubushinjacyaha bwavuze ko ibimenyetso byakusanyijwe bihagije byerekana uruhare rw’aba bakekwa mu gusakaza ayo mashusho, bityo busaba ko bahanishwa igihano cy’igifungo cy’imyaka itanu nk’uko amategeko abiteganya ku byaha bijyanye no gukwirakwiza ibikubiyemo imibonano mpuzabitsina mu buryo bunyuranyije n’amategeko.

Urukiko ruzafata icyemezo nyuma yo gusuzuma ibisobanuro by’impande zombi, haba ibyatanzwe n’Ubushinjacyaha ndetse n’ubwunganizi bw’abaregwa tariki 27 Gashyantare 2026 saa cyenda.

Wowenjye Shema Arlette Inzobere mu by’imirire ukora ku kigo nderabuzima cya Tare mu murenge wa Bushoki mu karere ka Rulindo avuga rya Mugitondo rigomba kuba rigizwe n’ibirinda indwara, ibitera imbaraga n’ibyubaka umubiri kandi ko umuntu agomba kubifata byose.

Ibi kandi bishobora kuboneka kuri buri wese mu bushobozi bwe, ari naho Shema agira ati “Nk’umuntu ubifitiye ubushobozi aba ashobora kwifatira umutobe w’imbuto ikirahure kimwe, agapande k’umugati kamwe, ndetse n’igi.”

Umuntu kandi ashobora gufata umuneke umwe cyangwa urubuto rwa pome, umugati umwe wa ‘sandwich’ igikombe cy’igikoma cya 250 ml cyangwa igikombe cy’amata.

Shema avuga ko gufata ifunguro ryuzuye kandi ryujuje intungamubiri bifasha kongera imbaraga, kunoza imikorere y’ubwonko no kwirinda indwara zituruka ku mirire mibi.

Ibinyampeke birimo intungamubiri zitanga imbaraga
Shema akomeza avuga ko gufata ifunguro rya mu gitondo ririmo ibinyampeke nk’umuceri, Kawunga, igikoma ibishyimbo, imboga, ikijumba, umugati n’ibindi bitandukanye biha umubiri ingufu zituma umuntu abasha gukora neza akazi ke ka buri munsi.

Agura ati“Ni ingenzi kongeramo Poroteyine ziboneka mu magi, amata, Yawurute, ibishyimbo, soya cyangwa inyama nke. Poroteyine zifasha mu kubaka no gusana ingingo z’umubiri ndetse zigatuma umuntu adasonza vuba”.

Mu mbuto umuntu ashobora gufata nka avoka, imineke, amapera, amacunga cyangwa inanasi zitanga vitamini n’intungamubiri zirinda indwara. Imboga na zo zifasha umubiri kugira ubudahangarwa bwiza no kunoza igogorwa.

Nubwo gufata ifunguro mu gitondo ari byiza Shema avuga ko, kunywa amazi meza cyangwa icyayi kitashyizwemo isukari nyinshi ari ingenzi mu gutuma umubiri ukora neza no kwirinda umwuma mu gitondo.

Nyuma yo gufata ifunguro na bwo kandi, umuntu ashobora gutegereza iminota 30 akanywa amazi ikirahure kimwe kugira ngo igogora rigende neza.

Abakora akazi kabasaba ingufu bo bakwiriye gufata infunguro rimeze gute?

Shema avuga ko abantu bakora akazi gasaba ingufu baba bakwiriye kurya ibintu bibatera imbaraga.

Yatanze urugero rw’umunyonzi ko atannywa igikoma gusa ngo afate n’umugati umwe ngo abe afashe ifunguro rikwiriye.

Ati “We kuko aza gukoresha imbaraga nyinshi asabwa kurya ibimutera imberaga kugira ngo akore azifite”.

Aha yagaragaje ko umunyonzi ashobora gufata igikombe cy’amata cya ml 500 ndetse akaba yafata n’umugati, cyangwa se agafata umwumbati cyangwa ikijumba, byanamushobokera akaba yarya ibiryo bigizwe n’umuceri, ibishyimbo n’imboga, akibuka no kurya urubuto yaba avoka cyangwa umuneke, ariko ntiyibagirwe no kunywa amazi.

Kuki ari ingenzi kurya mu gitondo?

Kurya mu gitondo bifasha kwirinda umunaniro n’inzara ikabije mu masaha ya mbere y’umunsi, byongera ubushobozi bwo gutekereza neza no kwiga ku banyeshuri, bigabanya ibyago byo kurya nabi ku manywa cyangwa nijoro kuko umuntu atarya byinshi, bifasha kugenzura ibiro no kwirinda indwara ziterwa n’imirire mibi.

Nubwo umuntu akwiriye kurya mu gitondo ngo nibyiza ko iryo funguro rikwiye kuba riringaniye, kuko kurya ugahaga cyane bituma umuntu yumva asa nk’unaniwe bigatuma adakora akazi neza.

Agira ati “Gufata ifunguro ryuzuye mu gitondo ni intambwe ya mbere yo kugira ubuzima bwiza n’imbaraga zo guhangana n’imirimo ya buri munsi”.

Abatuye mu cyaro nabo bakwiriye gufata ifunguro rya mugitondo

Shema avuga ko abantu bo mucyaro nabo baba bakwiriye gufata ifunguro rya mugitondo kuko ribafasha kujya mu mirimo yabo isaba imbaraga bakomeye bameze neza.

Avuga ko nubwo baba ari abahinzi bashobora kuba bafata ikijumba n’avoka bakanywa n’igikombe cy’igikoma bakajya mu mirimo yabo.

Aha ni naho ahera avuga ko umuntu ashobora gufata nk’ikigori gitetse cyangwa cyokeje akanywa n’igikombe cy’igikoma ndetse akarya n’umuneke.

Byatangajwe na Minisitiri w’Imari n’Igenamigambi, Murangwa Yusuf, ubwo yagezaga ku bagize Inteko Ishinga Amategeko ingengo y’imari ya Leta ivuguruye y’umwaka wa 2025/2026, kuri uyu wa 12 Gashyantare 2026.

Minisitiri Murangwa yavuze ko imirimo yo kubaka Ibitaro bya Masaka aho CHUK izimukira, igeze kuri 98%. Ibisigaye kugira ngo CHUK yimukireyo harimo gusoza imirimo, gushyiramo ibikoresho no gutegura abakozi.

Ati “Biriya bitaro ni binini cyane, birasaba ibikoresho byinshi kandi bigezweho n’abakozi barenze abo twari dufite CHUK ariko ntabwo ibitaro bishobora kwimukira rimwe, hari serivisi zizabanza zimuke, izindi zigikorera CHUK.”

Minisitiri Murangwa yavuze ko impamvu Ibitaro bya Masaka bizakenera abakozi benshi nuko bifite ibitanda bisaga 800 mu gihe CHUK yo byageraga kuri 400.

Minisitiri Murangwa yasobanuye ko kugeza mu kwezi kwa Cyenda ibitaro byose bya CHUK bizaba byarangije kwimuka burundu bigakorera Masaka.

Minisitiri yavuze ko serivisi zitazahita zimuka ako kanya ari izikenerwa mu buryo bwihuse zirimo n’impanuka ndetse na serivisi ya isaba guhabwa ubufasha bwihutirwa.

Uyu mushinga wo kubaka ibi bitaro umaze imyaka kuko byatangiye muri Weurwe 2023 hagamijwe kwagura ubushobozi bwabyo.

Ni ibitaro biri kubakwa n’Ikigo cy’Abashinwa cya Shanghai Construction Group Co. Ltd, bikaba biteganyijwe ko bizuzura bitwaye miliyari 85 Frw, angana n’Ama-Yuan miliyoni 580.

Byubatswe kandi mu buryo bubungabunga ibidukikije kuko umwuka uba winjira mu nzu bidasabye gucana bya byuma bikonjesha. Buri cyumba gifite ibaraza hanze, aho umurwayi utangiye koroherwa ashobora kotera Izuba no kumva amahumbezi.

Hari inzira nziza zigana mu byumba kandi zorohereza n’abafite ubumuga ariko hakaba haranateganyijwe za ’assanseur’ zifasha mu kugera mu magorofa atandukanye.

Ibi bitaro biri mu gace kahariwe ibikorwa by’ubuvuzi aho hafi yabyo hari Ibitaro bya IRCAD Africa bizajya byigisha kubaga indwara za kanseri zifata urwungano ngogozi no kwigisha abaganga kubaga bakoresheje ‘Robot’ cyangwa kubaga udasatuye ahantu hanini.

Impinduka mu mushinga wo kubaka ikibuga cy’indege mpuzamahanga cya Bugesera, bimwe mu byazanye igabanuka mu ngengo y’imari y’uyu mwaka

Ibi Minisitiri Murangwa yabitangaje kuri uyu wa 12 Gashyantare ubwo yagezaga ku Nteko Ishinga Amategeko umutwe w’Abadepie umushinga w’ingengo y’imari ivuguruye.

Yagize ati “ Muri rusange turasaba ko ingengo y’imari ingana na Miliyari ibihumbi 732,5frw yari yemejwe n’Inteko Ishinga amategeko mu kwezi kwa Kamena 2025 igabanuka ikagera kuri Miliyari ibihumbi 6.952,1 frw , bivuze ko igabanukaho Miliyari 80,4frw by’amafaranga y’u Rwanda”.

Minisitiri Murangwa yabwiye Abadepite ko kugabanuka kw’ingengo y’imari biri guterwa ahanini n’impinduka zakozwe mu gushaka amafaranga akoreshwa mu kubaka ikibuga cy’indege mpuzamahanga gishya cya Kigali ikiciro cya Kabiri byagabanyije amafaranga yasabwaga mu mwaka w’ingengo y’imari y’umwaka wa 2025-2026, ndetse no kwimurira ubwishyu bw’umwenda wa RwandAir mu mwaka w’ingengo y’imari utaha.

Minisitiri Murangwa yerekanye ko amafaranga aturuka hanze y’Igihugu yari ateganyijwe aziyongeraho miliyari 250,5 Frw cyane cyane ay’inkunga n’inguzanyo zikoreshwa mu mishinga y’iterambere.

Bizajyana n’uko ingengo y’imari igenewe imishinga y’iterambere na yo iziyongeraho miliyari 253,3 Frw.

Depite Tumushime Francine yabajije ikibazo ku mpungenge afite ko inguzanyo z’imbere mu gihugu ziziyongera zikagera kuri Miliyari 331,8 frw bijyanye n’inguzanyo zo kubaka ikibuga cy’indege mpuzamahanga gishya cya Kigali n’inkunga igenewe Rwandair bizaturuka mu Isanduku ya Leta bigatuma inguzanyo z’imbere mu gihugu ziyongera.

Yagize ati “nagize impungenge kuri izi nguzanyo zizafatwa na Leta. Sinzi niba Banki zacu zifite amafaranga ahagije ku buryo izi nguzanyo zizafatwa hanyuma n’ibigo byigenga bigakomeza gufata inguzanyo nta nkomyi”

Kuri iki kibazo Minisitiri Murangwa yavuze ko iyo Leta itegenya kwiguriza mu gihugu biba bigamije guteza imbere Banki zo mu Rwanda kuko icyo gihe haba hadakenewe amadevise.

Ati“Iyo dufashe inguzanyo hanze bishobora kuduhendesha kuko twishyura dukurikije aho idovize rigeze. Icyo nabizeza Badepite nuko Banki zacu zifite amafaranga ahagije kandi gukorana nazo bituma nazo zibona inyungu”.

Komisiyo y’Abadepite Ishinzwe Gukurikirana Imikoreshereze y’Ingengo y’Imari n’Umutungo bya Leta yagiranye ibiganiro n’ubuyobozi bwa MINALOC n’Umujyi wa Kigali ku bibazo inzego z’ibanze zihura na byo mu gushyira mu bikorwa itegeko N° 031/2022 ryo ku wa 21/11/2022 rigenga Amasoko ya Leta

Ibi byagarutsweho n’Umuyobozi Mukuru w’Imirimo rusange mu mujyi wa Kigali Abiyingoma Gerard, mu biganiro yagirange n’Abadepite bari muri Komisiyo Ishinzwe Gukurikirana Imikoreshereze y’Ingengo y’Imari n’Umutungo bya Leta ko barebera hamwe icyakorwa ngo amakosa yagaragajwe n’umugenzuzi mukuru w’imari ya Leta akosorwe ari uko umuntu umwe atajya ahabwa isoko rinini wenyine.

Ku kibazo cyabajijwe Umujyi wa Kigali ni icyo gutinda kurangiza imirimo iba yarahawe ba Rwiyemezamirimo ugasanga hajemo kudindira.

Depite Muhakwa Valens Perezida Komisiyo Ishinzwe Gukurikirana Imikoreshereze y’Ingengo y’Imari n’Umutungo bya Leta yavuze ko impamvu batumiye umujyi wa Kigali kwari ukurebera hamwe icyakorwa mu mitangire y’amasoko ya Leta kuko babonye biragayitse muri Raporo y’umugenzuzi mukuru w’imari ya Leta.

Abiyingoma avuga ko kugira ngo iki kibazo gikemuke nuko mu itegeko rigena gutanga amasoko ryavugururwa ntirihe Rwiyemezamirimo umwe gutsindira isoko rinini ku rwego rw’igihugu ari umwe.

Abiyingoma avuga ko iyo rwiyemezamirimo atsindiye isoko rinini ari umwe icyo gihe ugasanga kubihuza bimugora bityo n’amasezerano ntabwe yakubahirizwa uko bikwiriye.

Ati “Mbahe uregero nka Rwiyemezamirimo ufite gusana ibigo nderabuzima 28, utugari, 161, imirenge 35, uturere 3, n’ibitaro 6 n’umujyi wa Kigali 1 murumva ko kubirangiriza ku gihe bidashoboka”.

Abiyingoma avuga ko itegeko ridaha ububasha umujyi wa Kigali kwambura isoko uwo rwiyemezamirimo igihe atubahirije amasezerano kuko aba yaritsindiye ku rwego rw’igihugu.

Ikindi kibazo cyagaragajwe nuko usanga ba rwiyemezamirimo bato batsindiye isoko rya Miliyoni 20 badasabwa ingwate bityo hakabaho gusiga imirimo itarangiye bigatuma batabasha kwishyura ibyo batarangije.

Umunyamabanga Nshingwabikorwa w’Intara y’Amajyaruguru Ngendahimana Pascal yavuze ko hakwiriye no gushyirwaho uburyo bwerekana ko System itangirwamo amasoko igihe yagize ikibazo bikajya bigaragara kugira ngo umugenzuzi mukuru w’imari ya Leta igihe akora ubugenzunzi ajye abona icyatindije gutanga ayo masoko.

Umunyamabanga Uhoraho muri Minisiteri y’Ubutegetsi bw’Igihugu Bob Gakire yavuze ko ibibazo byagaragajwe bazabiganiraho bigashakirwa igisubizo kuko bikiri imbogamizi mu mitangire y’amasoko.

Gakire yasabye Abadepite ko mu gihe cyo kuvugurura itegeko rigenga imitangire y’amasoko bareba kuri ibyo bibazo byagaragajwe n’umujyi wa Kigali ndetse n’ubuyobozi bw’intara bikongerwamo kugira ngo bikemure ibibazo bikirangwa mu masoko ya leta.

Perezida wa Komisiyo Muhakwa Valens yavuze ko itangwa ry’amasoko rikirimo imbogamizi zagaragajwe zizakorerwa ubuvugizi kugira ngo zikosorwe.

Ati “Izi mbogamizi zose zizakorerwa ubuvugizi ndetse n’igihe cyo kuvugurura iri tegeko ibyagaragajwe byose bizibandwaho birimo no kongera ingano y’amafaranga uturere tutemerewe kurenza mu itangwa ry’amasoko angana na Miliyoni 10”.

Imibare igaragaza ko abajya mu bigo ngororamuco biyongera

Yabibajije kuri uyu wa Kabiri tariki 10 Gashyantare 2026 mu Nteko Rusange y’Umutwe w’Abadepite, ubwo yari irimo igezwaho raporo ya Komisiyo y’Imibereho y’Abaturage ku isesengura rya raporo y’igenzura ricukumbuye ryakozwe n’Umugenzuzi Mukuru w’Imari ya Leta ku bigo by’igororamuco.

Perezida wa Komisiyo Uwamariya Veneranda yavuze ko Raporo y’Umugenzuzi Mukuru w’Imari ya Leta yagaragaje ko izamuka ry’imibare y’abakirwa mu bigo by’igororamuco wazamutse ku kigero cya 92%, uva ku 3.886 mu mwaka wa 2020/2021 ugera ku 7.461 mu mwaka wa 2023/2024 kubera ko nta buryo buhamye bwo gukumira imyitwarire ibangamira abaturage.

Depite Mukabalisa Germaine yabajije impamvu umubare w’abajya mu bigo ngororamuco wagiye wiyongera asaba ko hakorwa umwanzuro ugashyikirizwa Minisiteri y’Uburinganire n’Iterambere ry’Umuryango kugira ngo harebwe uburyo abana batajya bisanga mu bikorwa bibi bituma bajya mu bigo ngororamuco.

Ati“Habaye iki kidasanzwe ku myitwarire y’abajyanwa muri ibyo bigo ko bigaragara ko umubare wiyongereye ku kigero cyo hejuru?”.

Perezida wa Komisiyo y’Imibereho y’Abaturage yavuze ko ikibazo cy’izamuka ry’imibare y’abakirwa mu bigo by’igororamuco biterwa n’impamvu zitandukanye zirimo imyitwarire ibangamira abaturage, ibibazo byo mu miryango, ubukene, igitutu cy’urungano, kutitabira ishuri cyangwa kurivamo, ubushomeri cyane cyane mu rubyiruko, ubusinzi n’ibiyobyabwenge.

Inzego z’ubuyobozi zagize icyo zibivugaho mu gukemura iki kibazo

Perezida wa Komisiyo yavuze ibyo inzego z’ubuyobozi zabwiye Komisiyo. Yavuze ko Minisitiri w’Ubutegetsi bw’Igihugu, Umuyobozi Mukuru wa NRS, Minisitiri w’Umutekano mu Gihugu na Minisitiri w’Uburinganire n’Iterambere ry’Umuryango, bagaragaje ko hashyizweho Komite Nyobozi ihuriweho n’inzego zitandukanye, ishinzwe gushyiraho ingamba zo gukumira imyitwarire ibangamira abaturage, kunoza imikorere y’ibigo by’igororamuco n’ibigo binyurwamo by’igihe gito n’uburyo bwo gusubiza mu buzima busanzwe abarangije muri ibyo bigo.

Ibyagaragajwe muri raporo y’Umugenzuzi Mukuru w’Imari ya Leta

Raporo y’Umugenzuzi Mukuru w’Imari ya Leta yagaragaje ko abantu 19,700 bagaragaje imyitwarire ibangamira abaturage bagororewe mu bigo by’igororamuco, abangana na 11,200 barangije gahunda y’igororamuco harimo abagore 924 n’abana 1,135 basubijwe mu miryango yabo.

Abantu 11,478 bagaragaje imyitwarire ibangamira abaturage bahawe amahugurwa y’imyuga n’ubumenyingiro harimo ubwubatsi, ububaji, ubudozi, ubuhinzi, kogosha, guteka, gukora amashanyarazi, naho abana 251 bize icyiciro cy’amashuri abanza. Bamwe mu barangije mu bigo by’igororamuco bahujwe n’amahirwe y’akazi.

Ibigo by’igororamuco bifite akamaro kuko byakira abantu bafite imyitwarire ibangamira abaturage b’ingeri zose, bagahabwa serivisi zitandukanye zirimo: ubujyanama mu mitekerereze (psychosocial rehabilitation), serivisi z’ubuvuzi, amasomo y’uburezi rusange ndetse n’amahugurwa y’imyuga n’ubumenyingiro (TVET).

Izi serivisi zifasha abahuguwe guhindura imyitwarire no guhabwa ubumenyi bubafasha kugira amahirwe ku isoko ry’umurimo, kwiteza imbere no kugira uruhare mu iterambere ry’Igihugu.

Mu kiganiro cy’Urukiko rw’Ikirenga ku kurwanya ruswa, abanyamakuru bavuze ko baherutse inkuru ivuga ko Ishimwe afungiye muri Amerika, bakaba bashaka kumenya amaherezo ye.

Umushinjacyaha Mukuru, Habyarimana Angélique yashubije ko itabwa muri yombi rya Ishimwe Dieudonné ryaturutse ku bindi byaha yari yarakoze muri icyo gihugu.

Ariko kuko yahunze yaramaze guhamwa n’icyaha cyo gukoresha imibonano mpuzabitsina undi ku gahato u Rwanda rwahise rutangira gukorana n’ubutabera bwa Amerika

Yagize ati “ Icyiza nuko hatanzwe ubutabera ku mugaragaro kuko yarafashwe RIB ikora dosiye ishyikirizwa ubushinjacyaha bukuru nabwo bukora iperereza dusanze dosiye ye ifite ibimenyetso bihagije tuyiregera urukiko ku rwego rwa mbere rwaje gufata icyemezo tutishimiye bituma ubushinjacyaha bujurira”.

Icyo gihe, urukiko rwavuze ko ari umwere, ndetse rutegeka ko arekurwa.

Habyarimana avuga ko mu bujurire, urukiko rwasuzumye ibimenyetso byatanzwe rusanga ahamwa n’icyaha cyo gukoresha undi imibonano ku gahato.

Igihe ubushinjacyaha bwarimo bujuririra icyemezo cyo kumurekura Ishimwe Dieudonné yaje kujya hanze y’igihugu akatirwa adahari.

Ati “ Iyo umuntu yaciriwe urubanza adahari urukiko ruramukurikirana kugira ngo arangize igihano aba yarahawe. Ni muri urwo rwego ubushinjacyaha bukuru bwakoranye na Amerika nyuma yo kumenya ko hari ibindi byaha akurikiranyweho n’icyo gihugu tubamenyesha ko natwe hari ibyaha akurikiranyweho ndetse dutanga n’umwirondoro we wuzuye tunatanga n’ubusabe kugira ngo uyu muntu abe yagarurwa mu gihugu”.

Umushinjacyaha Mukuru yasobanuye ko iyo umuntu arimo akurikiranwa mu kindi gihugu hari igihe bishobora gutinda ko yahita yoherezwa mu gihugu cye.

Yagize ati “ U Rwanda rwasabye ko Ishimwe Dieudonné yoherezwa mu Rwanda mu Kwakira 2024 bakaba bategereje igihe umwanzuro wo kumwohereza uzafatirwa”.

Amakuru yashyizwe hanze n’Urwego rushinzwe iyubahirizwa ry’amategeko areba abinjira n’abasohoka n’imipaka muri Amerika (ICE) avuga ko Prince Kid yatawe muri yombi tariki 3 Werurwe 2025 mu Mujyi wa Fort Worth muri Texas.

Uru rwego rwavuze ko Prince Kid yari amaze iminsi atuye muri Fort Worth mu buryo bunyuranyije n’amategeko.

Amerika yavuze ko uyu mugabo yatawe muri yombi mu rwego rwo kubahiriza icyemezo cy’impapuro zo kumuta muri yombi zashyizweho n’Ubushinjacyaha bw’u Rwanda ku wa 29 Ukwakira 2024.

Kugeza ubu Prince Kid afungiye muri Amerika kugeza igihe ikindi cyemezo icyo aricyo cyose mu bijyanye no kumwohereza mu Rwanda kizafatwa.

Mu Kwakira 2023 nibwo Urukiko Rukuru rwakatiye Prince Kid igifungo cy’imyaka itanu rumuhamije ibyaha byo gukoresha undi imibonano mpuzabitsina ku gahato no gusaba cyangwa gukora ishimishamubiri rishingiye ku gitsina.

Mu isomwa ry’uru rubanza yaba Ishimwe Dieudonné n’abamwunganira mu mategeko nta wari mu rukiko mu gihe Ubushinjacyaha bwo bwari buhagarariwe.

Umucamanza yavuze ko yagombaga guhanishwa igifungo cy’imyaka 16, icyakora bitewe n’uko ari ubwa mbere akurikiranywe n’inkiko igihano cyagabanyijwe kigirwa imyaka itanu n’ihazabu ya miliyoni 2 Frw.

Reba ibindi muri iyi Video:

Yabigarutseho atangiza icyumweru cyo Kurwanya Ruswa mu Nkiko kuva tariki 9 – 13 Gashyantare 2026, ku nsanganyamatsiko igira iti "Serivisi mbi ni icyuho cya ruswa. Tanga amakuru dufatanye kuyamagana."

Mukantaganzwa yavuze ko muri iki cyumweru buri Perezida w’urukiko ndetse n’umwanditsi mukuru bazakira abaturage bafite ibibazo birebana n’imanza ndetse n’abashaka gusobanukirwa n’imikorere y’inkiko.

Yagize ati“Iyi nsanganyamatsiko yagenwe nyuma yo kubona ko umuturage atanga ruswa nk’ikiguzi cya Serivise nziza umuturage afiteho uburenganzira”.

Mukantaganzwa yasabye abagana inkiko kutagura uburenganzira bwabo no guhora bazirikana ko bafite uburenganzira bwo kwakirwa neza, bwo kubwirwa neza, bwo gusubizwa neza, bwo kuburanishwa neza kandi hubahirijwe amategeko, ubwo gusomerwa imanza zabo vuba, no kubona Kopi z’urubanza bitarenze iminsi itanu ikurikira isomwa ry’urubanza.

Ati “ Mboneyeho gusaba abacamanza, abanditsi n’abandi bakozi b’inkiko guha ababagana serivisi nziza bazirikana ko uburenganzira bw’ugannye urukiko ari inshingano kuri bo by’umwihariko ndabasaba kwirinda gusiragiza ababuranyi no kubiriza ku rukiko”.

Mukantaganzwa yavuze ko kugira ngo bishoboke nuko buri perezida w’urukiko ndetse n’umwanditsi mukuru bazajya bategura neza gahunda y’iburanisha ku buryo imanza zashyizwe kuri gahunda ziburanishwa hagira urusubikwa rugasubikwa ku mpamvu zikurikije itegeko kandi ikamenyeshwa ababuranyi.

Yaboneyeho kwibutsa ko imanza zishyirwa kuri gahunda y’iburanishwa hakurikijwe uko zaregewe urukiko kandi ko iburanisha ritangira saa tatu za mu gitondo.

Ati “ Ndasaba nanone abagana inkiko kwima amatwi ababeshya ko gutsinda urubanza bisaba gutanga ruswa no kujya bamenyesha urwego rw’ubucamanza igihe cyose bahawe serivisi mbi kuri terefone itishyurwa ya 9040 kugira ngo bikurikiranwe”.

Reba ibindi muri iyi Video:

Senateri Mureshyankwano Marie Rose

Nubwo hashize igihe kinini avuye mu buhungiro muri Repubulika Iharanira Demokarasi ya Congo, iyo abivuga ubyumva ari nk’ibintu byabaye ejo kubera uburyo iyo nzira yo guhunguka itigeze imusibangana mu mutwe we kandi akaba yarahahuriye n’ubuzima bubi bwarimo ibibazo n’ingorane zikomeye.

Senateri Mureshyankwano yavuze byinshi ku mibereho ye ndetse n’uburyo yinjiye muri Poliki anatanga impanuro ku bakiri bato.

Icya mbere aheraho ni uburyo Inkotanyi zamuvanye mu buhungiro zikamutegera indege bakagera mu Rwanda bagasubizwa mu buzima busanzwe hamwe n’umugabo we n’abandi Banyarwanda.

Mu ncamake y’ubuzima yabayemo muri Congo ngo yari mu bantu bafite imyumvire mibi ku Nkotanyi ko uwo zifashe zimwica.

Ubwo yari agiye gushaka icyo kurya ngo ahe umugabo we wari urembye muri icyo gihe, ngo yisanze umusirikare w’Inkotanyi amuri iruhande.

Ati “Kuko nari narigishijwe uko umututsi asa anareshya naramurebye mpita mbona ko ari Inkotanyi. Yambajije aho abandi bari mubwira ko ntazi aho bagiye ko jyewe nari nagiye gushaka ifu yo gushigishira umugabo wanjye igikoma kandi arwaye”.

Icyo gihe ngo uwo musirikare yakoresheje ikimenyetso ahamagara bagenzi be abona abandi bane bamugezeho aho bari bonyine n’umugabo we bababaza ikintu bafite cy’umwenda arakibura uretse uburingiti biyorosaga nabwo bwari bwarahiye uruhande rumwe.

Ati “Nabahaye akaringiti twiyorosaga nuko bagakoramo agatanda k’abarwayi bamushyiraho turagenda batugeza ahantu hari utuzu dusakaje ibyatsi ariko ku mpande turangaye. Badusize aho ariko baza kugaruka kutureba mu gitondo ku munsi wakurikiyeho”.

Muri ubwo burwayi bw’umugabo we ngo Inkotanyi zamuzaniye isosi y’ifi ariko itagira umunyu iramuramira abona atangiye kugarura imbaraga.

Ati “Umenya na bo bari babuze umunyu kuko natwe aho twari turi ntabwo twawubonaga byari bigoye”.

Senateri Mureshyankwano avuga ko hamwe n’abandi Banyarwanda babazanye mu Rwanda babategeye indege ibageza i Kigali.

Senateri Mureshyankwano avuga ko bahise bajyana mu bigo byakiraga impunzi nyuma y’iminsi itatu babaha imodoka zibageza mu miryango yabo.

Ati “Igitangaje ingengabitekerezo nari mfite y’uko nzicwa n’uko aho hose twanyuraga mu Rwanda nta muntu wabaga anyitayeho na busa”.

Inyigisho yaherewe mu itorero i Nkumba ngo ni zo zamufashije kugenda ahindura imyumvire buhoro buhoro.

Nyuma yo gusubira mu muryango we ngo babasabye ko abantu bize bazana ibyangombwa bagahabwa akazi, we asigarana ikibazo cy’uko Dipolome ye yayijugunye mu ishyamba.

Ati “Ubwo natahukaga Dipolome yanjye nari narayijugunye mu ishyamba kuko bari baratubwiye ko tugomba kuzijugunya ngo uwo Inkotanyi zifashe yarize ni we ziheraho”.

Yaje gusubira ku kigo yizeho asaba indi Dipolome atangira kwigisha mu mashuri abanza.

Muri icyo gihe rero yaje kugira igitekerezo cyo kujya aho yavukaga kureba ko hari uwaba akiriho kuko yatekerezaga ko nyina atakiriho kuko bahunze bakamusiga mu nzu kubera ubumuga yari afite bw’amaguru.

Ati “Mama yasigaye mu nzu kubera ko atabashaga kugenda kubera ubumuga bw’amagaru twe aho twabaga mu mashyamba ya Congo twumvaga Inkotanyi zaramwishe ariko twatangajwe no kuza tugasanga zaramwitayeho tukamusanga akiri muzima”.

Mureshyankwano avuga ko nyina yababwiye ko muri icyo gihe yari yarasigaye mu rugo wenyine Inkotanyi zaje zikamubaza impamvu atahunze akababwira ko yamugaye umuryango wose wagiye ukamusiga nuko zikajya ziza kumusura no kumufasha.

Ati “Mama yatubwiye ko zamuzaniraga ibiryo akarya ndetse zikaza zikamujyana ku kazuba akota haba haguye imvura zikanamusubiza mu nzu ndetse zikanamuha ibyo kurya. Icyo ni cyo kintu cya kabiri cyanteye kuzikunda cyane kuko byambereye umunezero wo gusanga ababyeyi banjye n’abavandimwe bose bahari”.

Icya gatatu cyashimishije Senateri Mureshyankwano ngo ni uko yasubiye mu kazi agahera mu mashuri abanza akaza kwisanga muri Politiki ari mu bayobozi bakomeye.

Senateri Mureshyankwano avuga ko mu mwaka wa 2000 bagiye bigishwa amahame y’umuryango RPF Inkotanyi yumva ni meza ariko kuko yari yarabonye ibyiza byazo aho bahuriye mu mashyamba ya Congo yiyemeza kuyijyamo nubwo yumvaga amashyaka atari meza kubera ibyo yari yarabonye mu mikorere yayo mbere ya Jenoside.

Ati “Niyemeje kuba umunyamuryango wa RPF Inkotanyi, kuko nasanze atari ishyaka ahubwo ari umuryango kandi ngomba kubahiriza amahame yawo yose ntaryo nishemo”.

Urugendo rwe muri Politiki

Senateri Mureshyankwano avuga ko yatangiye urugendo mu mwaka 2000 ubwo yinjiraga mu muryango RPF Inkotanyi nyuma gato akaza gutorerwa guhagararira inzego z’abagore ku rwego rw’Akagari.

Ati “Nitabiraga inama, gahunda za Leta zose nkazigaragaramo, nkitabira na gahunda yo kwibuka mu gihe hari ababitinyaga kubera ko bari bafite ipfunwe ndetse hari n’abakigendana ibikomere”.

Mu mwaka wa 2003 yagiriwe icyizere cyo kwamamaza Perezida Paul Kagame ku rwego rw’Akarere mu matora y’Umukuru w’Igihugu abikora neza agaragaza ubushobozi yifitemo.

Ati “Naje kuzamuka ntorwa guhagararira abagore ku rwego rw’Umurenge ndetse nza no kongera gutorwa guhagararira abagore ku rwego rw’Akarere ka Rutsiro”.

Mu matora rero y’Abadepite twatoye ugomba kuduhagararira witwaga Kamanyana Julienne yari ahagarariye abagore ku rwego rw’Intara.

Mu mwaka wa 2005 habayeho ikusanyamakuru kuri Gacaca abaturage batanga amakuru kuri Kamanyana Julienne ko yagize uruhare mu rupfu rw’umwana yahaye Interahamwe ziramwica biza kurangira yeguye ku mwanya w’Umudepite.

Ati “Muri 2005 nibwo natorewe kuba Umudepite, ndahirira kurangiza manda y’imyaka itatu yari asigaje, nongera kwiyamamariza indi manda y’imyaka itanu, nza no kugirwa Guverineri w’Intara y’Amajyepfo mu mwaka wa 2016 nyiyobora imyaka ibiri”.

Senateri Mureshyankwano avuga ko nta kintu na kimwe cyamutanya n’umuryango wa FPR ndetse n’umuryango we nyirizina urabizi.

Senateri Mureshyankwano avuga ko iyo mirimo yose yakoze yayifatanyije no kongera ubumenyi bwe kuko icyiciro cya mbere n’icya kabiri bya Kaminuza yabyize ari mu Nteko Ishinga Amategeko.

Senateri Mureshyankwano avuga ko Politiki ya Leta y’u Rwanda yo kudaheza buri wese ndetse no kongera kubaka ubumwe bw’Abanyarwanda ari ikintu gikomeye cyatumye u Rwanda rugera ku iterambere u Rwanda rufite ubu.

Avuga ko abasebya u Rwanda ari abantu baba batavugisha ukuri baba barafashe umurongo wo kwanga Igihugu cyabo bakirirwa bahimba ibinyoma bidafite ishingiro.

Avuga ko Perezida Paul Kagame afite impano yo gushyira imbere Abanyarwanda bose kandi akabafata kimwe. Yatanze urugero rwo kugaragara mu ikosa ko uwo ari we wese ahanwa kimwe n’undi.

Mu kiganiro yagiranye na KP MEDIA24, Senateri Mureshyankwano agira inama abakiri bato gukunda Igihugu cyabo kandi bagakomeza kunga ubumwe ntibishyiremo iby’amacakubiri kuko ntaho byabageza.

Ati “Abakiri bato bazarinde ibyagezweho, bashyire imbere ubunyarwanda kuko bagize umugisha wo kuvukira mu gihugu kitarimo amacakubiri bakwiye kubana neza birinda icyabatandukanya”.

I Musanze hari abaherutse kuvuga ko babonekewe ariko Kiliziya Gatolika ihakana iryo bonekerwa

Mu gushaka kumenya no gusobanukirwa byinshi ku bijyanye n’amabonekerwa ndetse n’igihe yemererwa Kigali Today yaganiriye na Padiri mukuru wa Paruwasi ya Musha Jullien Mwiseneza adusangiza byinshi Kiliziya igenderaho kugira ngo amabonekerwa yemerwe ko yabaye.

Padiri Mwiseneza avuga ko mu mwaka wa 1978 Kiliziya yagennye ibintu bigenderwaho kugira ngo amabonekerwa yemerwe muri byo harimo imyifatire myiza y’ababonekewe nyuma y’aho uwababonekeye abasezeye, icya kabiri ni ukuba ubutumwa bwatanzwe muri ayo mabonekerwa butabangamiye cyangwa ngo bube buvuguruza inyigisho n’ukwemera kwa Kiliziya, icya gatatu ni ukuba ibyabaye mu mabonekerwa bitabonerwa ibisobanuro byo mu buzima busanzwe, ndetse n’imbuto zeze mu buzima bw’abemera iby’ayo mabonekerwa nko kujya mbere mu iyobokamana rinoze, kwivugurura mu myifatire yabo, gukira indwara hakabaho no gusuzumwa ubuzima bwo mu mutwe niba bumeze neza.

Padiri Mwiseneza avuga ko mu mateka, Imana ishobora gutuma uwo ishatse, yaba Umumalayika nka Gabriyeli na Mikayile na Rafayile, yaba abantu bapfuye nka Musa na Eliya babonywe n’intumwa igihe Yezu yihindura ukundi, yaba inyenyeri nk’iyabonywe n’Abami bagiye kuramya Yezu amaze kuvuka, yaba igihuru cyaka ntigishire nk’icyo Musa yabonye, yaba inuma nk’iyo Nowa yabonye mu gihe cy’umwuzure cyangwa iyo abigishwa babonye kuri Pentekosti.

Ati “ Ntibitangaje rero ko yatuma Bikira Mariya, Umubyeyi uduhoza ku mutima, ngo atwibutse ibyo yabwiye ab’i Kana, avuga Yezu, ati: "Icyo ababwira cyose mugikore".

Padi Mwiseneza avuga ko Ubutumwa bwa Bikira Mariya atari ivanjili nshya, ahubwo yibutsa gukora ugushaka kw’Imana, kwihana ibyaha, gusenga, gushishikarira kwogeza ivanjili, kwifatanya n’ububabare bwa Yezu, kwubahiriza amasezerano abantu bagiranye n’Imana muri batisimu cyangwa andi ayo ariyo yose nk’amasezerano y’abashakanye cyangwa ay’abiyeguriyimana, ndetse n’indahiro yo gukorera igihugu”.

Padiri akomeza avuga ko amabonekerwa y’ukuri aberaho gukangura imitima yatangiye kudohoka, kugira ngo ba nyirayo bahore bari maso bategereje amaza ya Nyagasani, akanibutsa inyigisho abantu baba baratezutseho.

Ati “ Ubonekerwa na we, kabone n’iyo yaba yaremewe na Kiliziya burya akomeza kuba umuntu nk’abandi, akagumana imico imuranga, ingeso ze inziza n’izitari nziza kuko igihe cyose ari ku isi aba na we ari umunyabyaha n’umunyantege nkeya ukeneye kwihana, kujya mbere mu kubaho gikristu no guharanira ubutungane. Byumvikane ko atari byiza kubita abatagatifu mu gihe bakiri ku isi, kuko byaba ari ubuhubutsi no kutamenya gushyira mu gaciro”.

Ngo hari ibimenyetso bishobora gushingirwaho hemezwa amabonekerwa

Mukamazimpaka Nathalie wabonekewe na Bikira Mariya avuga ko ubwo babonekerwaga bahuye n’akaga ka bagenzi babo biganaga batagiraga ukwemera babaryaga inzara bakabajomba ibikwasi ngo barebe ko bahagarika kuvuga na Bikira Mariya.

Mukamazimapaka avuga ko ibyo babajombaga ku mubiri batumvaga ububabare ako kanya bakaza kubwumva ubwo babaga bamaze kuvugana na Bikira Mariya na nyuma y’iminota 30.

Ati“Hari nubwo batujombaga ikintu mu jisho kugira ngo barebe ko duhumbya ariko bakabona tudahumbya kugeza igihe turangije kuvuganira n’umubyeyi Bikira Mariya kuko twabaga tumurangamiye”.

Gusa ngo ibikomera bahuye nabyo mu gihe cy’ibonekerwa ryabo ngo byakiraga mu gihe gito cyane kuko mu minsi itatu babaga batacyumva ububabare.

Amabonekerwa ya Kibeho na yo ntiyahise yemezwa

Muri Werurwe 1982, hashyizweho Komisiyo yari igizwe n’abaganga, yakoze igenzura kugeza ubwo hafashwe icyemezo cyemeza burundu iby’amabonekerwa ya Kibeho.

Muri Gicurasi uwo mwaka, hashyizweho abahanga mu bya Tewolojiya, na bo bakora ubugenzuzi kugeza tariki 29 Kamena 2001, ubwo hatangazwaga icyemezo gikemura burundu ibirebana n’amabonekerwa ya Kibeho.

Habanje gukorwa ubucukumbuzi bushyikirizwa Abepiskopi bo mu Rwanda, bwoherezwa i Roma, aba ari ho hafatirwa umwanzuro wa nyuma noneho Umwepiskopi wa Diyosezi ya Gikongoro atangaza amabonekerwa ya Kibeho.

I Kibeho habereye amabonekerwa aremezwa

Guhera icyo gihe, abantu baturutse hirya no hino ku Isi, batangiye kujya baza gusura aha hantu nyuma haza no kwitwa ku butaka ‘Butagatifu.’

Amabonekerwa ya Kibeho ni yo yonyine yabayeho ku Mugabane wa Afurika mu mabonekerwa yose agera kuri 16 amaze kwemezwa na Kiliziya Gatolika kugeza ubu.

Ese uretse Kibeho, Lourdes na Fatima tujya twumva, hari ahandi habaye ibonekerwa?

Padiri Mwiseneza avuga ko Bikira Mariya yabonekeye abantu n’ahantu henshi. Hamwe ntihazwi kuko hariho n’ababonekerwa bakabwirwa ubutumwa buberekeyeho ubwabo bwite. Abandi bahabwa ubutumwa bwo kugira ibyo bakora muri Kiliziya ariko ntibavuge ko bakora kubera ko babonekewe.

Ati“Abo dukunze kumenya rero n’ababonekerwa mu ruhame cyangwa abagira ubutumwa bategekwa gusohoza ku bandi bantu. Bikira Mariya yagiye abonekera abantu kenshi, cyane cyane mu bihe bikomeye mu mateka y’isi. Akenshi ahitamo abana ba rubanda rugufi akabatuma ku bantu abingingira kwihana. Asa n’usubira mu magambo ya zaburi ngo: “Uyu munsi nimwumva ijwi rye ntimunangire umitima wanyu” (Zaburi 94)”.

Ahantu Padiri yagarutseho hakunze kuvugwa kenshi kuko ibihugu byabo byakwirakwije inkuru yabo, Ni Juan Diego w’i Guadalupe mu gihugu cya Mexico; Catherine Labouré i Rue du Bac mu Bufaransa; Maximin na Mélanie i La Salette mu Bufaransa; Bernadette Soubirous i Lourdes mu Bufaransa nawe; Eugène na Joseph i Pontmain mu Bubiligi; Esthèle Faguette i Pellevoisin mu Bufaransa; Lucia, Jacinta na Francisco i Fatima muri Portugal; Mariette Béco i Banneux mu Bubiligi; Conchita, Jacinta, Mari Loli na Mari Cruz i Garabandal muri Espanye; amabonekerwa y’i Medjugorie muri Bosnia Hercegovina, Alphonsine MUMUREKE, Marie Claire Mukangango, na Nathalie MUKAMAZIMPAKA i Kibeho mu Rwanda.

Mudenge Boniface yitabiriye Inama y’Umushyikirano aturutse mu Karere ka Rubavu

Mudenge yavuze ko hari igihe umuturage akenera kubaka ugasanga yigiriye kubaka inzu ahagenewe ubuhinzi kandi bitemewe ahubwo agakorana n’ubuyobozi bw’inzego z’ibanze ku buryo abona hazamo n’ikibazo cya ruswa.

Ati “Kuko bitarasobanuka neza usanga ukeneye kubaka yegera ubuyobozi bw’inzego z’ibanze bakavugana uko yubaka adakurikije ibyo amategeko ateganya. Twagira ngo mudufashe kuko usanga ari ikibazo gikomeye”.

Minisitiri w’Ibidukikije Dr Arakwiye Bernadette yavuze ko u Rwanda rufite igishushanyo mbonera cyerekana ubutaka bwagenewe guturwaho ndetse n’ubutaka bwagenewe ubuhinzi.

Ati “ Ku gihugu dufite ubutaka bwagenewe guhingwa bungana na 47,2 % ubuturwaho ni 15,2% , abakoresha ubutaka mu buryo budakwiye ni amakosa ahanwa, tukaba dusaba ababikora kubikosora”.

Minisitiri Arakwiye yavuze ko Leta y’u Rwanda ifite gahunda yo gukomeza gusobanurira Abanyarwanda icyo ibishushanyo mbonera bivuga ku mikoreshereze y’ubutaka ndetse ko hari gahunda yo gukomeza gukorana n’inzego z’ibanze kugira ngo ibyo bibazo bihari bikemuke.

Intego kuri gahunda y’imikoreshereze y’ubutaka igaragaza igishushanyo mbonera cy’igihugu (NLUDMP 2020-2050). Ni gahunda y’igihe kirekire yateguwe kugira ngo hategurwe uko ubutaka bwose mu Rwanda buzakoreshwa kugeza mu mwaka wa 2050.

Iyi gahunda ireba uburyo ubutaka butangira gukoreshwa mu byiciro bitandukanye, irimo gutura, ubuhinzi, inganda, ubucuruzi, ibikorwa remezo, ibidukikije n’ibindi.

Igamije kugabanya imyubakire y’akajagari, guteza imbere iterambere rirambye, no gucunga umutungo kamere neza.

Ati “Ndagira ngo nsabe kandi nibutse ko ibiganiro nk’ibi biba byanyuze no mu zindi nama ntibikabe ibyo guhora dusubiramo gusa, bimwe bitabona ikibivamo bikaba umugenzo gusa, tukajya tuza tukavuga ibibazo, tugatanga ibisubizo, tukaganira ibintu byinshi ariko umwaka washira twagaruka tugasanga ni nka kwa kundi”.

Perezida Kagame yavuze ko byinshi byari kuba byarakosowe kandi ko ntacyo byaba bimaze iyo abantu badindira mu mikorere no ku bintu bazi.

Ati “Ni yo mpamvu ari ibibazo bya rusange ndetse urebye ni muri Afurika ahubwo. Igisobanuro cy’Igihugu cyacu muri Afurika cyo kudatera imbere kiba ikihe ko ngira ngo ibitekerezo byiza byagombye kuvamo n’imikorere myiza”.

Ati “Abantu benshi muri hano murashoboye ariko hari ikintu kiza kikabavanamo ubwo bushobozi umuntu akabura irengero ryabwo”.

Perezida Kagame yavuze ko Politiki na yo ari umuco, ko iyo umuntu yifitemo umuco, ubumenyi, afite ibikenewe byose ariko ntihagire ikimuvamo kigaragara ngo avuge ngo ejo yari aha, ageze aha, arakomeje intambwe iragaragara aratera imbere haba hari ikibazo.

Ati “ Hari ubwo twifashisha ko abaduteye ibibazo kuva na kera hose iyo babonye ushoboye ugerageza gutera intambwe baraza bakagucubya bakabikora mu buryo bwinshi ntunabibone ko ari byo.

Perezida Kagame yavuze ko abakolonije Afurika bagifite umugambi wo kuyiheza hasi, bityo Abanyafurika bakwiye kuba bakora ibishoboka byose ngo bigobotore iyo ngoyi.

Ati “Ukwiye kuba hariya, ahantu hatishe, hadakijije, rimwe na rimwe bakugirira imbabazi bakaza bakakugirira impuhwe, bakakuzamuraho gato, ntupfe, ntukire, ugahora uri mu bitaro. Niko Afurika ibaye, rwose urebe hirya no hino uzabibona.”

Perezida Kagame yavuze ko bidakwiye ko abantu bahora mu bibazo bimwe kandi hari uburyo bwo kubikemura ndetse n’ababishinzwe.

Ati “Iyo usigaye ureba ibibazo tumazemo imyaka, duhora dusobanura abantu ntibatwumve, wajya kubona ukabona n’abandi batatwumva na bo ibyo bibazo byabagezeho, buriya ni ku Isi hose, Isi ifite ibibazo na ba bandi b’ibigirwamana na bo barabifite. Ntawe bikwiriye gushimisha ariko biramfasha kubibutsa ngo ariko n’ibyo mwigira, mugira abandi burya namwe, ujya gusenya ahandi wagaruka iwawe ugasanga na ho bahasenye. Ibyo ni byo bisigaye biriho.”

Perezida Kagame yasabye Abanyarwanda gushyira imbaraga mu byo bakora, kubana n’ibindi bihugu aho bishoboka bigakorwa ariko aho byanze bo bakareba ibibareba.

Ati “Dukore ibishobotse, ibishobotse byose bikwiriye gukorwa, hanyuma dushake uko tubana n’abandi, ari abaturanyi ari abatuye kure, nibidukundira dukorane neza, nibyanga izo mbaraga tuzigarure iwacu dukore, ni ko twatera imbere gusa. Ibi rero ntabwo bikwiye kuba amagambo, ibivugirwa hano bikwiriye kuvamo ibikorwa bigaragara ko dutera imbere.”

Perezida Kagame yashimiye abitabiriye umushyikirano abasaba gushyira mu bikorwa imyanzuro iba yafatiwemo ndetse bagakora bafite intego yo guteza u Rwanda imbere.

Depite Mukabalisa Germaine yabitangaje kuri uyu wa Gatanu tariki 6 Gashyantare 2026 mu kiganiro kidasanzwe kuri KTRadio aho yagarutse ku kamaro k’umushyikirano.

Depite Mukabalisa avuga ko mu itegeko nshinga rya Repubulika y’u Rwanda rivuga ko Umushyikirano uba rimwe mu mwaka, ukaba ari umwanya mwiza abaturage baganira na Perezida wa Repubulika ku bibazo abaturage baba bafite.

Depite Mukabalisa avuga ko abagize Inteko Ishinga Amategeko mu nshingano zabo harimo no kugenzura gahunda za Guverinoma bareba ishyirwa mu bikorwa rya gahunda za Leta ndetse n’ibyo Perezida wa Repubulika aba yaremereye abaturage niba bishyirwa mu bikorwa uko bikwiriye.

Ati “ Tuvuge tubonye nka Raporo y’Urwego rw’Igihugu rw’Imiyoborere (RGB) itweretse ko igipimo cyo gutanga serivisi ku baturage kiri hasi, twe duhita duhamagara za nzego, tukazibwirwa ko bigaragara ko ikiciro cy’imibereho myiza y’abaturage kiri hasi tukazibaza tuti kubera iki iki kibazo kidakemuka”.

Depite Mukabalisa avuga ko iyo inzego bireba batanze ingamba zo gukemura ibyo bibazo nyuma Abadepite bategura umunsi bakajya kureba ko byashyizwe mu bikorwa.

Depite Mukabalisa avuga ko ibibazo biba bihari bidasaba imbaraga nyinshi ngo bikemuke, agasanga habayeho ko inzego zitandukanye zigira imikoranire hagati yazo kugeza ku nzego z’ibanze zibikurikirana byakemuka.

Ku kibazo yabajijwe kijyanye n’umuryango uburyo wabaho utekanye Depite Mukabalisa yavuze ko ikibazo cy’umuryango kitazakemurwa n’ubuyobozi bwo hejuru ahubwo kigomba kwitabwaho n’abagize inzego zibanze ariko noneho n’abagize umuryango ubwabo.

Ati “ Bisaba ubufatanye ariko bigahera kuri ba nyirumuryango ku igiti cyabo kuko aribo baba bagomba kwicara bakaganira ibibazo byabo bakabikemura mu bwumvikane”.

Depite Mukabalisa asanga hakwiye kubaho no gusigasira umuryango bigakorwa n’ababyeyi ndetse n’inshuti zawo.

Ati “ N’ababyeyi n’inshuti n’imiryango bakwiriye kujya baba hafi abamaze kurushinga bakabasura bakamenya amakuru yabo niba ari meza, basanga bafite ibibazo bakabafasha kubikemura”.

Ku kibazo kijyanye n’imikorere y’inganda itaranozwa neza ngo zitange umusaruro uko bikwiriye Depite Mukabalisa avuga ko uretse inganda zidakora neza hari ibindi bitagenda.

Ati “Impamvu zatuma inganda zidakora neza byaturuka no kutabona umusaruro uhagije wo gukoresha, gusa ibituma imishinga imwe idindira bituruka kudakora inyigo neza gusa bizakemuka kuko ubu hari gahunda y’uko nta ngengo y’imari izajya isohoka nta nyigo igaragara”.

Kudakora inyigo neza bituma hari n’ibikorwa remezo byangirika bitamaze kabiri ndetse hakaba n’ibyangiza ubutaka bw’abaturage nk’uko akomeza abisobanura.

Depite Mukabalisa avuga ko ku bayobozi byagaragayeho ko batita ku gushyira mu bikorwa gahunda za Leta babiryozwa ndetse bakaba banabyishyura binyuze mu butabera.

Ati “Aho niho dukora umwanzuro dushyikirizwa Minisiteri y’ubutabera, gusa ibyiza nuko hatabaho gukora utegereje kuzaryozwa ibyo utatunganyije neza ahubwo umuntu akwiriye gukora neza yirinda izo ngaruka zose ziteza igihombo Leta”.

Ku bibazo by’abaturage baburana ingurane z’ubutaka Depite Mukabalisa asaba ko bajya bicara bafite ibyangombwa by’Ubutaka kugira ngo igihe basabwe kwimurwa mu bikorwa by’inyungu rusange basange bafite ibyangombwa.

Gusa Depite Mukabalisa asanga kuba hari abimurwa nta ngurane biba byaturutse kwiga umushinga nabi bigatuma batabonera ingurane ku gihe.

Iki kibazo yakibajije nyuma y’uko Minisitiri w’Intebe agaragaje ko ubukungu bw’Igihugu bwiyongereye mu byiciro bitandukanye ndetse ko muri gahunda ya Guverimona ya NST2 buzakomeza kwiyongera.

Ati “Ndashima ikiganiro cyiza kimaze gutangwa ku iterambere ry’ubukungu rirambye, ariko nahise ngiraho ikibazo, ni byiza koko ubukungu bw’Igihugu buri kwihuta kandi Igihugu cyacu cyateye imbere ku buryo byivugira ariko mfite ikibazo kirebana n’izamuka ry’ibiciro ku isoko ese ubushobozi bw’umuturage buhuzwa bute n’iterambere rirambye dore ko ibiciro ku isoko bizamuka umunsi ku wundi?”

Minisitiri w’Imari n’Igenamigambi, Murangwa Yusuf, yavuze ko izamuka ry’ibiciro ku masoko rituruka ku musaruro muke w’ubuhinzi ugereranyije n’abaturage.

Ati “Umusaruro w’ubuhinzi uracyari mucye. Nk’uko Minisitiri w’Ubuhinzi yabivuze, turasabwa gukora cyane tukazamura umusaruro ukaba ujyanye n’ubwiyongere bw’abaturage”.

Ikigo cy’Igihugu cy’Ibarurishamibare (NISR), cyatangaje ko ibiciro byo mu Rwanda bikomatanyije ku masoko yo mu mijyi no mu cyaro, byiyongereyeho 5,1% ugereranyije n’uko byari bihagaze mu 2024.

Ni imibare NISR yashyize hanze tariki 10 Ukuboza mu mwaka ushize wa 2025.
NISR igaragaza kandi ko muri Nzeri 2025, ibiciro byari byiyongereyeho 6,2%. Bimwe mu byatumye ibiciro byiyongera mu kwezi k’Ukwakira 2025 ni ibiciro by’ibiribwa n’ibinyobwa bidasembuye byiyongereyeho 1%, ibiciro by’ibinyobwa bisembuye n’itabi byiyongereyeho 15%, ibiciro by’inzu, amazi, amashanyarazi, gazi n’ibindi bicanwa byiyongereyeho 4,8%.

Hari kandi ibiciro by’ibijyanye n’ubuvuzi byiyongereyeho 62,7%, ibiciro by’ibijyanye n’ubwikorezi byiyongereyeho 6,9% n’ibiciro by’amafunguro n’icumbi byiyongereyeho 18,1%. Ugereranyije Ukwakira 2025 na Nzeri 2025, ibiciro byiyongereyeho 1%.

Iri zamuka ryatewe ahanini n’ibiciro by’ibiribwa n’ibinyobwa bidasembuye byiyongereyeho 0,7% n’ibiciro by’inzu, amazi, amashanyarazi, gazi n’ibindi bicanwa byiyongereyeho 2,8%.

Mu Ukwakira 2025, ibiciro mu mijyi honyine byiyongereyeho 7,1% ugereranyije n’Ukwakira 2024. Ibiciro mu kwezi kwa Nzeri 2025 byari byiyongereyeho 7,3%.

Mushimiyimana Marie Rose yabajije ikibazo cy’ibiciro ku isoko bikomeza kuzamuka

Byiyongereye bitewe ahanini n’ibiciro by’ibiribwa n’ibinyobwa bidasembuye byiyongereyeho 1,6%, ibiciro by’ibinyobwa bisembuye n’itabi byiyongereyeho 16%, ibiciro by’inzu, amazi, amashanyarazi, gazi n’ibindi bicanwa byiyongereyeho 7,5%, ibiciro by’ibijyanye n’ubuvuzi byiyongereyeho 71,3%, ibiciro by’ibijyanye n’ubwikorezi byiyongereyeho 8,5% n’ibiciro by’amafunguro n’icumbi byiyongereyeho 19,1%.

Ibiciro mu cyaro

Mu Ukwakira 2025, ibiciro mu cyaro byiyongereyeho 3,8% ugereranyije n’Ukwakira 2024. Ibiciro mu kwezi kwa Nzeri 2025 byari byiyongereyeho 5,5%.

Bimwe mu byatumye ibiciro byiyongera mu Ukwakira 2025 ni ibiciro by’ibiribwa n’ibinyobwa bidasembuye byiyongereyeho 0,8%, ibiciro by’ibinyobwa bisembuye n’itabi byiyongereyeho 14,6%, ibiciro by’ibijyanye n’ubuvuzi byiyongereyeho 55% n’ibiciro by’amafunguro n’icumbi byiyongereyeho 17%.

Niyishobora Kamo Faustin, rwiyemezamirimo

Kamo yavukiye mu Ntara y’Iburasirazuba mu Karere ka Nyagatare mu Murenge wa Gatunda. Mu mwaka wa 2014 asoje amashuri yageze mu Rwanda ahasanga ikibazo cy’amazi make.

Icyo gihe yahise abibonamo amahirwe yo gushoramo imari muri icyo kibazo nibwo yatangiye gutekereza icyo yakora. Yaje gushishikariza inshuti ye yabaga muri Amerika ayikundisha ibyiza by’u Rwanda bafatanya mu mushinga wo kubaka uruganda rw’amazi ruri mu Nzove.

Kamo avuga ko uwo munyarwanda uba muri Amerika yemeye ndetse bafatanya n’undi umwe wari mu Rwanda batangira gutunganya amazi y’uruganda rwa Nzove.

Ati “Dutangira kubaka uruganda rw’amazi rwa Nzove abaturage bagerwagaho n’amazi meza bari 65% ariko twagiye kururangiza kurwubaka abaturage bagera kuri 87% bagerwaho n’amazi meza mu ngo zabo”.

Kamo yabwiye urubyiruko ko rukwiriye kuvana amaboko mu mifuka rugakora kuko ibyo gukora bihari kandi u Rwanda rubaha amahirwe asesuye yo kuba ba Rwiyemezamirimo.

Avuga ko u Rwanda rwatanze amahirwe ahagije ku rubyiruko ndetse no ku bantu bose bashaka kurushoramo imari mu rwego rwo kwiteza imbere.

Kamo yasabye ko yafashwa kuko yifuza gukora ishoramari mu bucuruzi bwa Avoka akajya azijyana i Dubai.

Kamo yagejeje icyifuzo ku buyobozi bw’u Rwanda ko bahabwa amahirwe yo gushora mu bikorwa bitandukanye kugira ngo bakirigite ifaranga.

Ati“Hari amakuru numvise ku bantu bari baraguze ibibanza ku Kacyiru nyuma basanga ari ahazubakwa Umudugudu w’Abadipolomate. Nta kuntu mwahatanga mugaha Abanyarwanda bakahubaka natwe tugakirigita ifaranga?”

Kamo avuga ko abikorera na bo bakeneye guhura bakaganira kugira ngo bakomeze gufatanya mu kubaka Igihugu, umusanzu wabo ukagaragarira bose.

Minisitiri w’Intebe, Dr Nsengiyumva Justin

Minisitiri w’Intebe yavuze ko izamuka ry’ubukungu bw’u Rwanda mu mwaka wa 2023 ryavuye ku kigero cya 8,2% rigera ku 8,9% mu mwaka wa 2015, bisobanuye ko byarenze izamuka ry’ubukungu ryari ryateganyijwe ko rigomba kugera ku 8,3%.

Minisitiri w’Intebe Dr Nsengiyumva avuga ko mu mwaka wa 2025 ubukungu bw’u Rwanda bwakomeje kuzamuka mu bihembwe byose uko ari bitatu.

Ati “Iri zamuka ryagizwemo uruhare n’inzego zitandukanye zirimo urwego rw’ubuhinzi, inganda, n’urwego rwa serivisi”.

Mu bihembwe bitatu by’umwaka wa 2025 urwego rw’ubuhinzi rwazamutse ku mpuzandengo ya 7% ruvuye kuri 5% mu mwaka wa 2024, naho inganda zizamuka ku kigero cya 10% naho urwa serivisi rwazamutse ku mpuzandengo ya 9%.

Minisitiri w’Intebe, Dr Nsengiyumva Justin, yavuze ko uku kuzamuka k’ubukungu bw’u Rwanda bitanga icyizere ko intego u Rwanda rwihaye ruzayigeraho uko bikwiriye.

Minisitiri w’Intebe akomeza avuga ko uku kwiyongera k’umusaruro mbumbe mu nzego zitandukanye z’ubukungu bw’u Rwanda kunganiwe n’ingamba zashyizweho zo kongera amahirwe yo kubona imirimo ku Banyarwanda bikaba byaragize uruhare mu kugabanya ibipimo by’ubushomeri.

Igipimo cy’ubushomeri cyavuye kuri 16,8% muri 2024 kigera kuri 11,7% mu mpera za 2025. Muri 2022 nyuma gato y’icyorezo gato cya Covid-19 igipimo cy’ubushomeri cyari ku kigero cya 24,3%.

Muri gahunda ya NST2 intego u Rwanda rwihaye yari iyo guhanga imirimo idashingiye ku buhinzi yari 250.000 buri mwaka ariko mu ntangiriro ya 2024 hari hamaze guhangwa imirimo isaga 800.000.

Izamuka ry’umusaruro mbumbe ryagaragaye na none mu bucuruzi bw’ibyoherezwa mu mahanga kuko agaciro k’ibyoherezwa mu mahanga kiyongereye kava kuri Miliyari 3,5 y’amadorari ya Amerika mu mwaka wa 2023-2024 kagera kuri Miliyari 5,7 by’Amadorari y’Amerika bingana n’ubwiyongere bwa 62,8%.

Ati “ Intego dufite muri gahunda y’imyaka itanu ni ukugera kuri Miliyari 7,3 z’Amadolari ya Amerika”.

Minisitiri w’intebe avuga ko uku kwiyongera kw’ibyoherezwa mu mahanga kwafashije kugabanya icyuho kiri hagati y’ibyoherezwa mu mahanga n’ibitumizwayo ku buryo bugaragara byerekana ko igihugu kigenda cyubaka ubushobozi bwo kwigira.

Minisitiri w’intebe yagaragaje ko abasora nabo bagize uruhare mu kwiyongera ku bukungu b’u Rwanda biturutse mu misoro n’amahoro byakusanyijwe bisaga na Miliyali ibihumbi 3, 2 by’amafaranga y’u Rwanda bivuye kuri Miliyali ibihumbi 2, 7 by’amafaranga y’u Rwanda mu mwaka wa 2023-2024.

Mu rwego rwo gushishikariza abanyarwanda kugira umuco wo gukomeza kwizigamira hashyizwe imbaraga muri gahunda ya Ejo Heza aho mu mwaka wa 2024-2025 hari hamaze gushyirwamo Miliyari zigera kuri 52,8 z’amafaranga y’u Rwanda.

Ikindi cyazamuye ubukungu bw’u Rwanda n’imikorere y’umurenge Sacco yavuguruwe n’ibimina no kongera ishoramari ry’abikora ko nabo byazamuye ubukungu by’u Rwanda.

Ati “Intego u Rwanda rufite muri gahunda ya NST2 ni ukugera kuri Miliyali 4,6 by’amadorari y’Amerika ku mwaka”.

Minisitiri w’intebe avuga ko ku bijyanye n’ubukungu mu myaka ibiri ishize u Rwanda rwageze ku kigero rwari rwihaye ku kigero gishimishije, hamwe na hamwe intego rwari rwihaye irarenga.

Ati “ Ibi bikwiriye kudutera imbagaraga kuko bitanga ikizere ko abanyarwanda dukomeje gukorera hamwe twibanda kongera umusaruro mu nzego zitandukanye z’ubukungu bw’igihugu u Rwanda twagera ku iterambere twiyemeje”.

Isheja yashimye urugendo rw’u Rwanda mu kwiyubaka ndetse n’ibyiza rumaze kugeraho nyuma ya Jenoside yakorewe Abatutsi mu 1994 ko ari ikimenyetso kigaragaza ko Abanyarwanda bakomeje gushyira hamwe, bagera kuri byinshi.

Ati “Rubyiruko wowe uri hano, nawe uri kutwumva, uwo nguwo yaba wowe, nta gitangaza kirimo. Uzirinde za mvugo abantu bajya bavuga ngo ndi uwuhe? Utari uwuhe se ahubwo? U Rwanda ni urugero rw’ibishoboka.”

Isheja yabwiye abakurikiye uyu mushyikirano ko kuba u Rwanda rwarivanye mu bibazo byasizwe na Jenoside yakorewe Abatutsi byarimo gusenyuka kw’ibikorwa remezo, ibikomere by’umutima, rukongera rukiyubaka rukaba rugeze aho rugeze ubu, ari ikimenyetso cy’uko ubufatanye bw’Abanyarwanda buzatuma rugera kure hashoboka.

Isheja yasabye abitabiriye n’abakurikiye uyu mushyikirano gushimira byimazeyo Perezida Paul Kagame kuko ari we watumye u Rwanda rugera ku byiza byinshi u Rwanda rufite ubu.

Ati “Mwarakoze Nyakubahwa Perezida wa Repubulika kutuyobora mu rugendo rw’iterambere rigaragarira buri wese”.

Minisitiri Dr. Jean Damascene Bizimana muri Sena

Minisitiri Dr Bizimana yabivuze kuri uyu wa Gatatu tariki 4 Gashyantare 2025 mu biganiro yagiranye n’Abasenateri ubwo yaberekaga igipimo cy’ubumwe bw’abanyarwanda.

Ati “Mujye mwirinda ijambo gutwika, iyo habaye ibirori, igitaramo. Gutwika ni ukwica ntabwo ari ijambo risobanura ibirori no kwishima. Abato rero ntibaba babizi.”

Minisitiri Dr, yasabye ko urubyiruko rusobanurirwa ko mu mateka y’u Rwanda ijambo ‘gutwika’ ryagize igisobanuro kibi kuko ryakoreshejwe mu myaka ya 1959 na 1960, hatwikwa inzu z’Abatutsi mu Bufundu, ahahoze hitwa ku Gikongoro.

Minisitiri Dr Bizimana yavuze ko usanga abana bakiri bato mu biganiro bagirana na MINUBUMWE bababwira ko inyigisho z’ubumwe nubwo ari nziza zireba abakuze cyane, kuko aribo bagize uruhare mu isenyuka ry’ubumwe bw’Abanyarwanda bikanageza kuri Jenoside.

Kubera ko ingaruka za Jenoside zigera no kubakiri bato kuko bafite aho bahurira n’imiryango yayikoze ndetse n’abayirokotse Minisitiri Dr Bizimana yavuze ko abakiri bato nabo bahabwa inyigisho z’ubumwe n’ubwiyunge kuko nabo bagezweho n’ingaruka za Jenoside ndetse bamwe muri bo bafite ibikomere byayo bakura mu miryango yabo.

Minisitiri Dr Bizimana yavuze ko kubwira urubyiruko amateka y’ijambo ‘gutwika’ avuga ko bizabafasha gusobanukirwa iby’iyo mvugo kugira ngo batazisanga babibwemo urwango bakisanga bagize ingengabitekerezo ya Jenoside.

Ati “ Kubakiri bato urubyiruko rukwiriye kumenya amateka ya kera kuko bibafasha kumva neza umurongo u Rwanda rugenderamo wo kubumbatira ubumwe bw’abanyarwanda ndetse bakanamenya amateka yak era n’ibyayaranze”.

Iyo urubyiruko ruhawe inyigisho ku bumwe n’Ubudaheranwa Minisitiri w’Ubumwe bw’Abanyarwanda yasobanuye ko rubabwira ko abakuze aribo bagomba gukira kuko aribo barwaye ndetse banakomerekejwe n’amateka mabi.

Minisitiri Dr Bizimana yerekanye ko imiyoborere myiza yashyizeho gahunda zitandukanye zigamije guhuza Abanyarwanda no kubaha umwanya wo gutanga ibitekerezo n’ibyifuzo bigamije gukomeza kubaka Igihugu, yatumye igipimo cy’ubumwe bw’Abanyarwanda kizamuka.

Minisitiri Dr Bizimana avuga ko ubumwe bw’abanyarwanda bwagiye buzamuka uko imyaka yagiye yicuma.

Ubu bushakadhatsi bwatangiye gukorwa mu mwaka wa 2010 aho ibipimo byari ku kigero cya 82,3%, 2015 byari bigeze kuri 92,5%, 2020 byari kuri 94,7% naho muri 2025 byari kuri 95,3%.

Ati “Ni ukuvuga ko kuva mu mwaka wa 2010-2025 igipimo cy’ubumwe bw’abanyarwanda cyazamutseho 13%”.

Yabitangaje mu kiganiro barimo bagirana n’iyi Komisiyo ku bibazo byagaragajwe muri raporo y’ibikorwa by’Urwego rw’Umuvunyi by’umwaka wa 2024/2025 na gahunda y’ibikorwa by’umwaka wa 2025/2026.

Nibakure yavuze ko kwishyuza nyiri ikinyabiziga hari ubwo bahura n’imbogamizi zo gusanga ikinyabiziga atari icye nyirizina ahubwo ari undi atwarira.

Icyo gihe habaho gushaka amakuru kugeza bamenye nyiri ikinyabiziga akaryozwa amafaranga aba yatanzwe n’ikigega.

Ati “Iyo dusanze nyiri ikinyabiziga adafite ubushobozi bwo kwishyura amafaranga twamutangiye, itegeko ritwemerera kuba twateza cyamunara icyo kinyabiziga”.

Nibakure yagaragaraje ko Moto ari zo ziza ku isonga mu guteza impanuka nyinshi mu muhanda ndetse muri zo ugasanga abenshi iyo bamaze gukora impanuka bahunga.

Ku kibazo babajijwe cyo kugaragariza Komisiyo aho ikigega kigeze kigaruza amafaranga arenga miliyari eshanu (5.629.391.554 FRW) akiri mu bateje impanuka batari bafite ubwishingizi, Nikuze yasubije ko abagishakishwa ari 807 bishyuzwa 2,333,107,056 frw, abo baboneye imyirondoro bakaba barimo gutegurirwa amabaruwa ni 37 bishyuzwa 102,035,993 frw, abashyikirijwe amabaruwa abishyuza ni 569 bakishyuzwa 1,668,745,651 frw, izashyikirijwe abanyamategeko ngo hategurwe ibirego ni 451 bishyuzwa 1,418,565,456 frw, abasinye amasezerano yo kwishyurwa ni 50 bishyuzwa 128,740,828frw, naho abapfuye barimo gukurikirana imiryango yabo ni 4 bishyuzwa angana na 28,342,880 frw.

Umuntu wishyuzwa amafaranga aturutse ku mpanuka yateje ahabwa igihe cy’amezi atatu akamenyeshwa mu ibaruwa ko niba afite inzitizi zo kwishyura yakwegera iki kigega bakumvikana uburyo yakwishyura buhoro buhoro.

Ikindi ni uko amenyashwa ko iyo yatinze kwishyura ntagaragaze ko byamunaniye akurikiranwa mu mategeko.

Depite Nabahire Anastase Perezida wa Komisiyo y’Imiyoborere, Uburinganire n’Ubwuzuzanye bw’Abagabo n’Abagore mu Mutwe w’Abadepite yagiriye inama ubuyobozi bw’Ikigega cyihariye cy’ingoboka ku bwishingizi bw’uburyozwe bw’impanuka z’ibinyabiziga bifite moteri bigenda ku butaka ko igihe cy’amezi atatu cyagenwe ku muntu wakoze impanuka ikinyabiziga cye kidafite ubwishingizi ndetse n’uwayikoze agahunga yahabwa igihe gito cyo kumenyeshwa, atabyubahiriza hagakurikizwa amategeko.

Impamvu yatumye Depite Nabahire atanga iyi nama ni ukugira ngo abagendesha ibinyabiziga bigateza impanuka bidafite ubwishingizi bajye bihutira kwishyura indishyi hakiri kare hatabayeho gutegereza igihe kirekire kuko biri mu biteza igihombo Leta.

Claude Muhayimana (Ifoto: Internet)

Mu Ukuboza 2021, urukiko rwa Paris rwahamije Muhayimana icyaha cy’ubufatanyacyaha muri Jenoside yakorewe Abatutsi mu 1994 ndetse n’ubufatanyacyaha mu byaha byibasiye inyokomuntu.

Urukiko rwemeje ko yagize uruhare mu gutwara Interahamwe abajyana mu bice bya Karongi, Gitwa na Bisesero, mu Burengerazuba bw’u Rwanda, ahabereye ubwicanyi ndengakamere muri Jenoside yakorewe Abatutsi 1994.

Nubwo atari mu bayoboye Jenoside, abacamanza bagaragaje ko uruhare rwe mu gutwara abicanyi ku ahantu hiciwe Abatutsi byagize ingaruka mbi mu ishyirwa mu bikorwa rya Jenoside.

Nyuma yo gukatirwa imyaka 14 y’igifungo, Muhayimana yahise ajuririra icyo cyemezo. Mu bujurire bwe, ari kumwe n’itsinda rishya ry’abamwunganira, avuga ko ari umwere ku byaha ashinjwa.

Abamwunganira bavuga ko atigeze agira uruhare muri Jenoside, ahubwo ko hari abo yafashije kurokoka muri bamwe mu bahigwaga.

Urukiko rw’Ubujurire rwa Paris ruri kongera gusuzuma ibimenyetso n’imyanzuro yafashwe mu rukiko rwa mbere, mu rwego rwo gufata icyemezo cya nyuma kuri uru rubanza rureba ibyaha bikomeye byakozwe nawe mu gihe cya Jenoside yakorewe Abatutsi.

Urubanza rwa Muhayimana ruri mu manza nke ziburanishwa mu Bufaransa ku byaha bya Jenoside yakorewe Abatutsi, bikaba bigaragaza ko gukurikirana abakekwaho uruhare muri Jenoside bikomeje no ku rwego mpuzamahanga.

Perezida Kagame aganiriza abitabiriye iryo sengesho

Umukuru w’Igihugu yabigarutseho mu masengesho yo gusengera Igihugu, aho yagaragaje ko abantu bakwiriye kwemera ukuri bakagenda baguteza imbere bakugira neza, aho gushaka guhindura ibintu uko bo babishaka.

Ati “Kandi twebwe nk’Igihugu uko kwabaye turakuzi. Andi masomo se waba ukeneye ni ayahe, usibye ibyo wabonye, ibyakubayeho n’ingarukza zabyo”.

Perezida Kagame yasabye urubyiruko ko aho rugenda mu mahanga ku Iso hose, haba ibyo rubona, ibyo rushima, badakwiye kubigenderaho ngo bibahindure ukundi batari.

Ati “Ndabasabye haba abavutse 1995 n’abavutse mbere yanyu, ntimuzagere aho mutekereza gushaka gusimbuka mukava ku cyo muri cyo mukaba ikindi mwabonye ahandi. Ntabwo biramba ariko n’iyo byaramba ni nko kubaho utariho”.

Umukuru w’Igihugu yavuze ko akenshi ibyo bishingira ku myemerere y’amadini, ariko binashingira no ku muco w’ibyo umuntu yemera.

Ati “Ni ukubyirinda tugerageza gushaka ibyacu, igihe bitabaye byiza tukabihindura bikaba byiza”.

Perezida Kagame avuga ko mu mahanga hariyo amasomo meza abantu bahahayo bakamenya uko bagira ibyabo neza, bakamenya uko bakwiriye kubitandukanya kuko kutaba undi muntu ushobora no kumwigiraho.

Ati “Ni nk’uko n’abo bo hanze bashobora kugira icyo bakwigiraho ibintu ni magirirane, rero buri wese yakwigira ku wundi kandi umuntu agashakishamo ikizima cyamwubaka uko ari”.

Umukuru w’igihugu yabitangaje mu masengesho yo gusengera Igihugu, aho yagaragaje ko abantu bakwiriye kwemera ukuri bakagenda baguteza imbere bakugira neza aho gushaka guhindura ibintu uko bo babishaka.

Yagize ati “ Kandi twebwe nk’igihugu uko kibayeho turakuzi. Andi masomo se waba ukeneye ni ayahe, usibye ibyo wabonye, ibyakubayeho n’ingarukza zabyo?”.

Perezida Kagame yasabye urubyiruko ko aho rugenda mu mahanga ku isi hose, haba ibyo rubona, ibyo rushima, badakwiye kubigenderaho ngo bibahindure ukundi batari.

Ati “Ndabasabye haba abavutse 1995 n’abavutse mbere yanyu ntimuzagere aho mutekereza gushaka gusimbuka mukava kucyo muricyo mukaba ikindi mwabonye ahandi. Ntabwo biramba ariko niyo byaramba ni nko kubaho utariho”.

Perezida Kagame yavuze ko akenshi ibyo bishingira ku myemerere y’amadini ariko binashingira no ku muco w’ibyo umuntu yemera.

Ati “ Ni ukubyirinda tugerageza gushaka ibyacu igihe bitabaye byiza tukabihundura bikaba byiza”.

Perezida Kagame avuga ko mu mahanga hariyo amasomo meza abantu bahahayo bakamenya uko bagira ibyabo neza, bakamenya uko bakwiriye kubitandukanya kuko kutaba undi muntu bitavuze ko udashobora kumwigiraho."

Ati “ Ni nk’uko n’abo bo hanze bashobora kugira icyo bakwigiraho; ibintu ni magirirane rero buri wese yakwigira kuwundi kandi umuntu agashakishamo ikizima cyamwubaka uko ari”.

Umukuru w’Igihugu yashimiye abitabiriye isengesho Ngarukamwaka ritegurwa na Rwanda Leaders Fellowship, by’umwihariko abashyitsi baturutse mu bihugu by’amahanga.

Perezida Paul Kagame, yashimiye umuryango Rwanda Leaders Fellowship, utegura iri Sengesho Ngarukamwaka kuko ari umunsi mwiza ufasha Abanyarwanda n’ubuyobozi kongera guhirira hamwe mu buzima busanzwe kuko aba ari ingenzi, ndetse agaruka ku kuba uyu munsi w’Isengesho ngarukamwaka, warahujwe n’umunsi wo kwizihiza Intwari z’Igihugu ari ingenzi cyane.

Umukuru w’Igihugu witabiriye iri Sengesho n’umufasha we Jeanette Kagame, yagaragaje ko mbere yo kwitabira iri Sengesho babanje, kujya guha icyubahiro no gushyira indabo ku Kimenyetso cy’Ubutwari.

Ati: “Impamvu ntabiyunzeho kare nuko nabanje kujya guha icyubahiro Intwari z’Igihugu, nibazaga ukuntu aribyo byabanje ariko byahuriranye nyine. Impamvu y’umunsi w’Intwari buri gihugu ni ukumenyesha ibikorwa n’ibibazo by’inzitane by’intwari zacu zanyuzemo ndetse n’ibyo batwitezeho”.

Umukuru w’Igihugu yakomeje agira ati: “Ibi byose ni ibitwereka aho tugomba guhera, hari umuntu ku giti cye, hakaba umuryango dukomokamo baduha kubaho, hanyuma hakaza Igihugu. Byose bifitanye isano kuko kimwe gishyira ikindi."

Akomeza agira ati: “Iyo kimwe kitameze neza ntabwo imiryango yacu bimera neza kandi sinumva ukuntu igihugu cyamera neza n’umuryango utameze neza. Ibyo twumvise byose biri hagati y’umuryango n’igihugu, birimo ukwemera, ukwizera, gushobora kumenya ikibi n’ikiza kugira ngo umuntu, umuryango cyangwa igihugu bimere neza”.

Perezida Kagame yagaragaje ko niyo wabyirengagiza, ukabinyura iruhande uko ushaka ariko nyuma ingaruka zabyo zihora zihari.

Yasabye abitabiriye iri Sengesho, gufata umwanya nk’uyu kuwukoresha mu gutekereza, gusubiza amaso inyuma, kwisuzuma no kumenya ko turi ibiremwa muntu, ubwabyo bifite igisobanuro cy’imitekerereze ya muntu kuva yaremwa.

Isengesho Ngarukamwaka ni umunsi mwiza wo kwibaza no kwibukiranya uburyo harushwaho kunoza no gukoresha neza ibyo Imana yahaye u Rwanda kugira ngo hagerwe ku iterambere Abanyarwanda bifuza.

Insanganyamatsiko y’iri sengesho igira iti“Kubaka umuryango ushoboye kandi utekanye, inshingano y’ubuyobozi bugamije impinduka nziza mu gihugu”.

Iri sengesho Ngarukamwaka, ryitabiriwe n’abashyitsi bakaba n’inshuti z’u Rwanda, banitabiriye Umuganda rusange usoza ukwezi kwa Mutarama, barimo abaturutse muri Austaria, Kenya, Mali, Pakistan, Uganda, Amerika na Zimbabwe.

Yabwiraga Abadepite bagize Komisiyo y’Ubumwe bw’Abanyarwanda, Uburenganzira bwa Muntu no Kurwanya Jenoside ubwo batumiraga Urwego rw’Igihugu rushinzwe Ubugenzacyaha (RIB) n’ Ubushinjacyaha Bukuru (NPPA); n’Urugaga rw’Abavoka mu Rwanda.

Zimwe mu mbogamizi yagaragaje yavuze ko nko kuburana imanza hakoreshejwe ikoranabuhanga usanga abana baranga bakirebera amashusho kuruta kwita ku miburanishirize y’urubanza.

Ikindi nuko usanga muri icyo gihe basa n’abarangaye kuko aba ari kure y’umucamanza umuburanisha.

Uretse kuba barangara ngo usanga abana bavunika cyane igihe bagiye kuburana mu rukiko rwagenewe kubaburanisha.

Ruberwa yavuze ko kuba abana bose baburanishirizwa mu rugeroko rw’abana n’umuryango nabyo ari imbogamizi ku butabera bwabo kuko urwo rukiko ruba ruburanisha n’izindi manza mbonezamubano na nshinjabyaha bigatuma dosiye zabo zitagerwaho mu buryo bwihuse.

Ati“Umwana uri kugororerwa Nyagatre iyo agiye kuburana Ngoma, Rusizi, Muhanga n’ahandi usanga agezeyo yamaze kunanirwa ndetse ugasanga yinjiye mu rubanza yamaze kumva adashaka kuburana agafashwa n’umwunganizi gusa mu gihe nawe hari ibyo ashobora kwivugira”.

Ruberwa yavuze ko harimo kurebwa uburyo hashyiraho urugereko rwihariye kandi rugashyirwa Nyagatare aho bagororerwa kugira ngo imiburanishirize y’imanza zabo iborohere.

Ruberwa yavuze ko guhera mu kwezi kwa Nyakanga kwa 2024- kugeza mu Ukuboza 2024 ubushinjacyaha bwakiriye amadosiye 680 ubushinjacyaha bwari bukurikiranyemo abana.

Muri izo Dosiye izaregewe inkiko ni 306, hashyingurwa dosiye 373 by’agateganyo, izo manza zikaba zarakemuwe hakoreshejwe ubundi buryo bwo gukemura ibibazo bidaciye mu nkiko.

Ati“Harimo ubuhuza ndetse no kumvikanisha abantu bidaciye mu nkiko harimo no guca amande hatabaye urubanza byose byatumye amadosiye agabanuka”.

Ruberwa avuga ko mu madosiye 680 urwego rw’igihugu rw’ubugenzacyaha ( RIB) yohereje gusa abana 509 aribo bari bafunze abandi 171 bageze mu nkiko bagomba kurekurwa.

Ati “ Muri abo 509 baje bafunze 347 barekuwe by’agateganyo n’Abashinjacyaha, naho abana 96 nibo ubushinjacyaha byaregeye gufungwa by’agateganyo muri abo bageze mu rukiko 43 rwabahaye kurekurwa by’agateganyo abandi basigaye bahamwe n’ibyaha bikomeye bajyanywe mu igororero”.

Abunganira abana nabo baracyafite ibibazo

Itegeko rivuga ko umwana aba agomba kuburana yunganiwe, nubwo bikorwa ariko haracyari imbogamizi nyinshi kuko umubare w’ababunganira ukiri muto kuko kugeza ubu ari batatu ku rwego rw’akarere.

Maitre Nkundabarashi Moise uhagarariye urugaga rw’Abavocat mu Rwanda avuga ko abunganira abana bakiri bake kandi igihembo cyabo ari gito kuko ari ibihumbi 400 frw bahabwa gusa mu kwezi.

Ibi bituma aba bunganizi urugaga rwagennye kuburanira abana bahura n’imbogamizi z’ubushobozi bwo kuzuza inshingano zabo neza kuko igihembo bagenerwa gishobora kurangira imanza bagomba kuburana zitararangira bigasaba ko bishakamo ubushobozi.

Depite Kayigire Therence yabajije niba uko guhabwa igihembo gito bitaba intandaro yo kutajuririra imanza z’abana zigapfundikirwa umwana atarahabwa ubutabera bwuzuye.

Maitre Nkundabarashi yavuze ko urugaga rukurikirana imiburanishirize yizo manza kugira ngo umwana ahabwe ubutabera bwuzuye.

Yasabye Abadepite kubakorera ubuvugizi mu zindi nzego za Leta kugira ngo abana bahabwe ubutabera bwuzuye by’umwihariko hakarebwa ku gihembo cy’ababunganira.

Abana bafungwa ni bande

Zimwe mu mpamvu zagaragajwe zituma abana bafungwa akenshi zituruka ku myitwarire ibangamiye sosiyete bikaba ngombwa ko ahanwa.
Muri iyo myitwarire harimo gukubita no gukomeretsa, ubujura buciye icyuho ndetse no kunywa ibiyobyabwenge.

Maitre Nkundabarashi avuga ko umwana uri munsi y’imyaka 14 ntabwo afungwa, ariko hari n’ababa bafite hejuru y’iyo myaka kubera uburemere bw’icyaha bakoze bikaba ngombwa ko bajyanwa mu butabera.

Ati “Umwana w’imyaka 17 wasambanyije undi ibimenyetso bikamuhamya icyaha ashobora guhanwa ariko akenshi harebwa igihano gito cyane kubera ko haba hajemo inyoroshya cyaha”.

Maitre Nkundabarashi yavuze ko ku cyaha gihanishwa igihano cy’imyaka 25 umwana ashobora guhabwa imyaka icumu mu rwego rwo kumworohereza.

Perezida wa Komisiyo Depite Ndangiza Madina avuga ko hari intambwe imaze guterwa mu kubahiriza uburenganzira bwa muntu ariko mu byagenzuwe basanze hari abana bafungwa hatubahirijwe uburenganzira bwabo ku butabera buboneye.

Ati “ Hari abana barindwi bari muri Kasho z’ubugenzacyaha bari bafunzwe dusanga ko hatubahirijwe ingo ya 47 mu itegeko rigenga abana rivuga ko umwana afungwa ari uko yakoze insubira cyaha cyangwa icyaha akekwaho gihanishwa hejuru y’imyaka 5”.

Depite Ndangiza avuga ko Komisiyo yakoze ubuvugizi kuri abo bana 7 bari bafunzwe mu buryo bunyuranyije n’amategeko bararekurwa ndetse muri ibi biganiro iyi Komisiyo yasabye ko hajya habaho umwanya bagenera abunganira abana bakabanza kugirana ibiganiro mbere yo kuburana imanza kuko basanze hari aho bikorwa nabi bagahurira mu rukiko ku munsi nyirizina w’urubanza.

Umwaka ushize wa 2025, imodoka esheshatu zitwara abarwayi zizwi nk’imbangukiragutabara zaciwe amafaranga Miliyoni 45.6Frw kubera gukora impanuka zidafite ubwishingizi bw’ibinyabiziga.

Nibakure Florence Umuyobozi w’agateganyo w’ikigega cyihariye cy’ingoboka ku bwishingizi bw’uburyozwe bw’impanuka z’ibinyabiziga bifite moteri bigenda ku butaka n’izikomoka ku nyamaswa yavuze ko ibi biteza Leta igihombo.

Iyi nkuru yayibwiye Abadepite bagize Komisiyo y’Imiyoborere, Uburinganire n’Ubwuzuzanye bw’Abagabo n’Abagore kuri uyu wa 29 Mutarama.

Yagize ati“Izi modoka ziri mu binyabiziga ndakumirwa kandi iyo urebye uburyo zihuta ntizagombye kutagira ubwishingizi. Turagira ngo mudukorere ubuvugizi harebwe uko bajya babufata igihe bahuye n’impanuka bibafashe."

Nibakure yatanze urugero rw’Imbangukiragutabara ku bitaro bya Kibogora, Mibirizi, Ikigo nderabuzima cya Huye na Ngoma.

Ibi ngo byagiye bituruka ku burangare bw’abakozi b’ibitaro cyangwa ibigo nderabuzima batihutira kugura ubwinshingizi igihe ubundi bwarangiye.

Aha rero, iyo ikirego gitanzwe,ibitaro cyangwa ibigo nderabuzima bitishyuriye imbangukiragutabara ni byo bihanwa.

Nibakure yasobanuye ko bandikiye Minisiteri y’Ubuzima bayigezaho iki kibazo kugira ngo gishakirwe igisubizo kuko izi mbangukiragutabara ziri mu modoka ndakumirwa, zishobora no guhura n’ibyago byo gukora impanuka kubera umuvuduko ziba zigenderaho.

Abadepite bagize iyi Komisiyo bemeye ko iki kibazo nabo bazagikorera ubuvugizi kugira ngo gikemuke kuko giteye impungenge.

Nk’uko Ikigo cy’Ubwiteganyurize bw’Abakozi kibigaragaza, mu mwaka wa 2025, ibigo biteganyiriza abakozi byose hamwe byari bigfitiye umwenda wa Miliyari 27.9 z’amafaranga y’u Rwanda.

Ibigo bya Leta byari bifite umwenda ungana na miliyari 16, mu gihe abakoresha bo mu rwego rw’abikorera bari bafite imyenya ya Miliyari 11.

Muri uwo mwaka, Guverinoma yishyuye hafi miliyari 2, naho amasosiyete yigenga yishyura hafi miliyari 9 y’imisanzu yari yaratinze kwishyurwa.

Ubu rero, Leta ngo igiye kwikubita agashyi maze ikureho iki cyasha mu bigo byayo.

Minisitiri w’Imari n’Igenamigambi Yusuf Murangwa kuri uyu wa 27 Mutarama yabwiye Abadepite bagize Komisiyo y’Imibereho y’Abaturage ko bihaye imyaka ibiri ibi birarane byose bikaba byashizemo.

Hari mu kiganiro ku bibazo byagaragaye muri raporo y’igenzura ricukumbuye yakozwe n’Umugenzuzi Mukuru w’Imari ya Leta ku micungire y’ishami rya pansiyo kuva muri Nyakanga 2015 – Werurwe 2025.

Minisitiri Murangwa yavuze ko habayeho ubwumvikane n’ibi bigo bigifite uwo mwenda kugira ngo bitangire byishyure ayo mafaranga buhoro buhoro.

Ati “ Nibyo koko ibyo birarane birahari kandi ibigo birabizi ko bizayishyura kugira ngo RSSB itazagwa mu gihombo”.

Nubwo Minisitiri Murangwa yavuze ko ubu kwishyura ibirarane bigeze kuri 30% ndetse ko mu myaka ibiri iri imbere ibi bigo bifitiye umwenda RSSB nibikomeza kwishyura neza umwenda ushobora kurangira.

Depite Jeannette Uwababyeyi yabajije Minisitiri Murangwa niba hari gahunda yo guhuza amafaranga y’ubwiteganyirize bw’izabukuru n’agaciro k’ifaranga muri iki gihe ndetse niba hari n’ibindi bikorwa bibafasha mu kiruhuko cy’izabukuru biteganyijwe.

Minisitiri yasobanuye ko iyo gahunda yo kongera amafaranga y’izabukuru yatangiye gushyirwa mu bikorwa ndetse ko hari n’ibyatangiye gukorwa nko kubaha ubwisungane mu kwivuza.

Ati “ Ubu byarakozwe abagiye mu kiruhuko cy’izabukuru ntibahabwa amafaranga y’ubwitegenyirize gusa, kuko hiyongereho n’ubwisungane mu kwivuza kugira ngo bibafashe mu myaka baba bagezemo”.

Minisitiri Murangwa yavuze ko hateganyijwe no guhindura Inama y’Ubuyobozi bwa RSSB kugira ngo hashyirwemo abandi bantu bazafasha gukemura ibibazo bimwe bikiri mur uru rwego.

Perezida wa Komisiyo Uwamariya Veneranda yatanze inama ko nubwo hari ibiri gukorwa kugira ngo ibi birarane byishyurwe hakwiriye gushyirwaho ingamba ndetse no kujya inama n’ibyo bigo kugira ngo bitazagwa muri ayo makosa nk’uko byagenze mu myaka yatambutse.

Ati “Ni byiza ubwo Minisiteri yafashije ibi bigo gushyiraho umurongo wo kwishyura ibirarane ariko ni ngombwa ko muzaganira ku mpamvu yari yabiteye igakemuka burundu”.

Ibi yabitangaje mu Kiganiro Kidasanzwe cyatambutse ku mu goroba tariki 27 Mutarama 2026 kuri KTRadio aho yagarutse ku itegeko rishya riherutse gutorwa n’abagize Inteko Ishinga Amategeko y’u Rwanda.

ACP Rutikanga yavuze ko iri tegeko mu ngingo yaryo ya 6 mu gaka ka mbere B havuga amabwiriza rusange y’ikoreshwa ry’umuhanda agenga, inshingano z’ugenda mu muhanda igihe habaye impanuka; inshingano z’ugenda mu muhanda ategetswe n’umukozi ubifitiye ububasha.

ACP Rutikanga yavuze ko abatwara ibinyabiziga bagomba kubahiriza amategeko uko bigenwe uzabirengaho akazahanwa n’abashinzwe umutekano wawo.

Ati“Iri tegeko rikoze neza kuko nubwo harimo ingingo zitandukanye zirimo n’ibihano kandi rigaha ububasha umupolisi bwo guhita ahana ako kanya uwanze kuryubahiriza, niyo mpamvu ngira abantu inama yo kudatinya ibihano ahubwo bakwiriye kwitwararika kutagwa mu makosa kuko impanuka zigira ingaruka k’ubuzima bw’abantu”.

ACP Rutikanga yatanze ingero z’impanuka zagiye ziba ziturutse ku kutubahiriza amabwiriza bahawe n’abapolisi bacunga umutekano wo mu muhanda.

Umuvugizi wa Polisi yavuze ko hari umushoferi wahagaritswe n’abapoli mu muhanda mu mujyi wa Kigali arenga ku byapa bimubuza gukomeza kugenda arakomeza agonga abantu bane bahasiga ubuzima.

Ati “ Hari n’indi mpanuka yabaye Rulindo aho umushoferi yari ageze ahantu hameze nkahakunda kuba inkangu icyo gihe barimo bakora umuhanda baramuhagarika yanga guhagarara aragenda abirinduka munsi y’umuhanda ahasiga ubuzima hamwe na Kigingi we”.

Rutikanga atanga inama ku bantu banga guhagarara ko ari amakosa kandi bazajya bayahanirwa.

Abajijwe uburyo bazashyira mu bikorwa iryo tegeko nirimara gusohoka kandi hari abaturage bamwe batarizi ACP Rutikanga yasubije ko Polisi izarikorera ubukangurambaga kugira ngo abaturage barimenye.

Ati“Turateganya kuzajya hirya no hino mu gihugu tukarisobanurira abaturage bakarimenye, tugakoresha n’imbuga nkoranyambaga zacu, no gukorana n’itangazamakuru tukabona gutangira kurishyira mu bikorwa”.

Ikijyanye n’ubugenzuzi bw’ibinyabiziga mu bice by’icyaro ACP Rutikanga yavuze ko bazajya bifashisha ‘Drone’ ndetse n’abapolisi.

Yatanze urugero rw’umuhanda Nemba-Ruhuha Nyanza ko nawo ukeneye ibikorwaremezo birimo Kamera, ndetse n’ibyapa ku mihanda bikazakorwa ku bufatanye na Minisiteri y’Ibikorwaremezo na Polisi.

Kwanga guhuha mu kuma gapima ingano y’inzoga iri mu maraso no kwanga guhagarara nabyo ni amakosa ahanirwa nk’uko yakomejwe abisobanura.

Mu itegeko rishya rigenga imikoreshereze y’umuhanda ACP Rutikanga yavuze ko igipimo ntarengwa cya Alukora ari 0,8. Gusa atanga inama ko umuntu wanyoye inzoga aba agomba guca ukubiri no gutwara imodoka kuko byamuteza impanuka.

Umunyamabanga wa Leta muri Minisiteri y’Ubuzima Dr. Ivan Butera

Umunyamabanga wa Leta muri Minisiteri y’Ubuzima, Dr. Yvan Butera yabigarutseho mu kiganiro yagiranye n’Abadepite bagize Komisiyo y’Imiyoborere, Uburinganire n’Ubwuzuzanye bw’Abagabo n’Abagore ku miterere y’ibibazo byerekeranye n’ubuzima bwo mu mutwe muri rusange, ingaruka zabyo ku gihugu no mu miryango na gahunda ihari yo kubishakira ibisubizo birambye.

Zimwe mu mpamvu yagaragaje zitera ubwiyongere bw’indwara n’ibibazo by’ubuzima bwo mu mutwe zituruka ku gahinda gakabije, ihungabana rishobora guturuka ku mpamvu zitandukanye, n’ikoreshwa ry’inzoga n’ibiyobyabwenge.

Ati "Ku bakoresha inzoga n’ibiyobyabwenge byariyongereye ariko nk’agahinda gakabije kuva muri 2018-2025 byavuye kuri 11,9% bigera ku 9,1%”.

Dr Butera avuga ko 18,2 % by’Uurubyiruko bafite imyaka iri hagati ya 26-35 bagize ibibazo by’ubuzima bwo mu mutwe naho abafite imyaka iri hagati ya 19-25 bangana na 13,7% abafite imyaka iri hagati 14-18 bagaragaweho n’ibibazo by’ubuzima bwo mu mutwe bangana na 8,7%.

Muri Rusange ibibazo by’ubuzima bwo mu mutwe bigenda bigabanuka kuko 2012 byari kuri 26,1%, muri 2018 bari kuri 20,5%, naho mu mwaka wa 2025 byari 18,6%.

Dr Butera yagaragaje uruhare rwa Leta mu gufasha abantu kwirinda ibibazo byangiza ubuzima bwo mu mutwe zirimo gukurikirana mu buryo buhoraho ubuvuzi n’ubujyanama bwo mu mitekerereze ku bantu bafite ihungabana, cyane cyane mu gihe cyo Kwibuka Jenoside yakorewe Abatutsi.

Ati “Gufasha abantu kwiteza imbere by’umwihariko abarokotse Jenoside,ubufasha butangwa binyuze muri MINUBUMWE, MINALOC, n’imiryango bafatanya birafasha ndetse no gukomeza kunoza uburyo bwo kubona serivisi z’ubuzima.

Umunyamabanga wa Leta Dr Butera Yvan yavuze ko mu rwego rwo gukomeza guhangana n’ibi bibazo hashyizweho ibigo ngororamuco byo kubagororeramo, bagasubizwa mu buzima busanzwe baramaze kwiga imyuga itandukanye.

Yatanze urugero nko ku kigo kiri mu karere ka Huye (Huye Isange Rehabilitation Centre) Ibitaro byitirirwe umwami Faisal ndetse na Caraes Freres de La charite Ndera mu karere ka Gasabo n’ahandi hatandukanye mu gihugu.

Ikindi yagaragaje gikorwa ni ubukangurambaga bwo kurwanya ubusinzi, n’ubukangurambaga bwa Tunywe Less, aho abana bato bo babuzwa kunywa inzoga, ndetse no kunywa itabi rikoze mu buryo bw’ikoranabuhanga aho abarinywa bahumeka umwotsi waryo (vaping).

Mu bibazo byabajijwe mu gutanga ubuvuzi kubafite uburwayi bwibasira imitekerereze yo mu mutwe hagarutswe ku muti wa Ketamine aho Depite Muyango Mukayiranga Sylvie, yabajije niba kuwukoresha bidashobora gutera izindi ngaruka zikomeye.

Umuyobozi w’Ishami ryita ku Buzima bwo mu Mutwe mu Kigo cy’Igihugu gishinzwe Ubuzima, Dr. Gishoma Darius, yasobanuye ko uwo muti nta kibazo kuko ubushakashatsi bwagaragaje ko wakwifashishwa mu buvuzi bw’indwara zo mu mutwe.

Ati “ Uwo muti umaze imyaka igera kuri 20 utangiye gukoreshwa mu buvuzi bw’indwara zo mu mutwe kuko basanze ifite ingaruka nziza tutabonaga ahandi. Hakozwe inyigo nyinshi iza no kujya mu miti yemewe gukoreshwa mu bindi bihugu no mu Rwanda isanzwe iri ku miti yemewe.”

Depite Nabahire Anasthase Perezida wa Komisiyo y’Imiyoborere, Uburinganire n’Ubwuzuzanye bw’Abagabo n’Abagore avuga ko icyizere cyo kubaho ku Banyarwanda (life expectancy) kiri hejuru ugereranije n’imyaka yashize kandi kigaragaza uko imibereho n’ubuzima bw’abaturage byateye imbere mu Rwanda.

Ati “Ubu, icyizere cyo kubaho ku Banyarwanda kiri hafi y’imyaka 70 (hagati ya 69.6–69.9 mu bipimo bya 2023–2024) ndahamya neza ko izi gahunda mutubwiye zizadufasha gukemura ibyo bibazo byose byibasira ubuzima bwo mu mutwe..

Depite Nabahire yavuze ko kuba Leta ishyiramo imbaraga mu kwita ku buzima bwo mu mutwe bitanga icyizere cy’uko umubare w’abafite iki kibazo uzakomeza kugabanuka.

Senateri Niyomugabo yagejeje iki gitekerezo kuri Minisitiri w’Ubuhinzi n’ubworozi Dr Ndabamenye Thelesphore mu kiganiro yagiranye n’Abasenateri mu cyumweru gishize.

Bavugaga ku ishyirwa mu bikorwa ry’igenamigambi ry’Igihugu ryo guteza imbere ubworozi, ibikorwa bijyanye no kubona ibiryo by’amatungo, imbogamizi zihari n’ingamba zo kuzikuraho.

Ubuvanganzo yagarutseho ni ubwahozeho kera bwo kuvugira inka amahamba, kuyishitura uburondwe bayikorakora, kuyihanagura hakoreshejwe inkuyo, kuyicanira igicaniro, ndetse no kuyizinga igihe iri gukamwa( Kuyihungura amasazi) ndetse no kuyihamagara mu mazina igihe zitashye cyangwa zishotse ku ibuga.

Minisitiri Ndabamenye yavuze ko icyifuzo cya Senateri Niyomugabo kizashyirwa mu bikorwa ku nka z’Inyambo ariko bidashoboka ku nka zose.

Ati “Buriya ziriya nka mwita inzungu ntabwo iyo uzihamagaye mu mazina zibasha kuvumera ngo zitabe nk’inka z’inyarwanda uko zibigenza”.

Minisitri yavuze ko hari gahunda yo kubungabunga inka z’Inyambo kugira ngo zijye zikorerwaho ubukerarugendo nka zimwe mu nka z’umwimerere zo mu Rwanda rwo hambere.

Minisitiri Dr Ndabamenye avuga ko izi nka z’Inyambo zihari mu Rwanda kandi nazo zorowe zinitabwaho uko bikwiriye ariko ngo hazaba umwihariko wo gukorana n’Inteko y’Umuco kugira ngo hashyirweho umurongo uhamye wo kuzibungabunga by’umwihariko kugira ngo zijye zisurwa bikozwe mu bukererugendo.

Ati “Ubuvanganzo bwo hambere buzajya bukorwa kuri izo nka z’Inyambo kuko kuva na kera zari zarabitojwe zirabimenyera, niyo mpamvu bizakomeza herekanwa uko inka zo hambere zitabwagaho”.

Mu ngingo ya 149 ivuga ku kutavogerwa kw’icyumba cy’Inteko Rusange. Iyi ngingo isobanura ko abantu batari Abasenateri cyangwa abakozi ba Sena binjira mu cyumba cy’Inteko Rusange banyuze mu miryango yihariye yabugenewe. Bicara mu myanya yabagenewe mu mutuzo.

Ibi bisobanuye ko Abasenateri banyura mu muryango bagenewe utandukanye n’undi abitabiriye inama banyuramo bajya mu myanya yabo.

Icyumba cy’inama cy’Abasenateri imiryango bacamo ni ibanza ari nayo inyurwamo n’abashyitsi bo mu nzego z’ubuyobozi baje kugira ibyo bageza ku Basenateri iba iri hafi y’aho bicara bikaborohera kugera mu myanya yabo vuba.

Ku bandi bitabiriye ibikorwa by’Inteko rusange banyura ku ruhande rw’ ahazamuye Ibendera ry’igihugu bakinjira mu muryango bazamutse ingazi bagahingukira ahari intebe zifite ibara ry’icyatsi kibisi.

Nubwo bimeze gutyo, undi muntu utahamenyereye iyo anyuze mu muryango wagenewe kunyurwamo n’Abasenateri nta ngaruka bishobora kumugiraho kuko biba ari ubwa mbere agannye muri iyo Nteko Rusange.

Icyo gihe umukozi ushinzwe itumanaho amufasha kumenya aho yicara yagenewe kugira ngo ataza kwisanga yicaranye n’Abasenateri mu myanya yabo kandi bitemewe.

Ibi bifasha abitabiriye Inteko Rusange kugana mu myanya yabo mu ituze no mu mutekano kandi hatabayeho kubangamirana.

Buri Musenateri yicara mu mwanya we wabugenewe akurikije ikirango kiriho amazina ye yombi agakurikira inama mu ituze.

Ni kimwe no mu cyumba cy’inama y’Inteko rusange y’Abadepite kuko imirwango ibiri iri ahabanza niy binjiramo undi murango ukurikiyeho ukinjirirwamo n’abandi batari abadepite baje gukurikira imirimo y’Inteko.

Iyo Inteko Rusange igiye gukorera mu muhezo Abatari Abasenateri barasohoka. Birabujijwe kwinjirana mu cyumba cy’Inteko Rusange ku bantu batari Abasenateri telefone igendanwa isohora ijwi. Biranabujijwe kwinjirana ikintu cyose gishobora guhungabanya imigendekere myiza y’imirimo y’Inteko Rusange.

Ingingo ya 150 yo igena uko abaturage bakurikirana imirimo y’Inteko Rusange. Mu gihe cy’imirimo y’Inteko Rusange, abantu bari mu myanya yagenewe abatari Abasenateri baricara, bagatuza.

Abantu batari Abasenateri bicara mu myanya y’inyuma mu ntebe zabugenewe. Sena igira ibyuma bisakaza amajwi n’amashusho ajyanye n’imirimo y’Inteko Rusange irimo kuba. Iyo bishoboka, amashusho n’amajwi byafashwe bigezwa kuri rubanda hakoreshejwe uburyo bw’itangazamakuru n’itumanaho.

Umuntu wese utari Umusenateri ubuza umutekano mu Nteko Rusange ahita yirukanwa ku cyemezo cy’uyiyoboye agatanga amabwiriza ku babishinzwe. Iyo uwo muntu wirukanywe yakoze icyaha gihanwa n’amategeko, ashyikirizwa inzego z’ubutabera bidatinze.

Ibikubiye mu ngingo z’iri tegeko ngenga zirebana n’ukutavogerwa kw’aho Sena ikorera, bitangazwa ku miryango yinjira mu Ngoro ya Sena no ku miryango y’icyumba cy’Inteko Rusange cya Sena.

Ni ishuri ryubatswe n’Abayisilamu mu wa 1957 kugira ngo abana babo babone aho biga, bisanzuye mu myemerere yabo. Ubu riyoborwa n’Umuryango w’Abayisilamu mu Rwanda.

Kuko ku ngoma ya gikoroni amashuri menshi yari aya Kiriziya Gatolika ariko n’Abaporotesitanti bari bafite ayabo. Amadini atari afite amashuri yayo, by’umwihariko idini rya Isilamu, ryari rifite ikibazo gikomeye kuko abana b’abayisilamu bategekwaga kwiga iyobokamana ry’andi madini ndetse akenshi bagategekwa no kubatizwa kugira ngo bakomeze kwiga.

Ni yo mpamvu Abayisilamu bamaze kuba benshi mu gace ka Nyamirambo bubatse ishuri ryigisha abana babo nubwo bitaboroheye kubigeraho.

Abayisilamu ku ngoma ya gikoroni

Imyemerere ya Isilamu mu Rwanda yazanywe n’abasirikare b’Abanyatanzaniya bari mu gisirikare cy’abakoroni b’Abadage ndetse n’abacuruzi b’Abarabu bageze mu Rwanda mu ntangiriro z’ikinyejana cya 20.

Igihe ibihugu by’ibihangange byigabanyaga umugabane wa Afurika i Berlin mu Budage hagati ya 1884-1885, u Rwanda rwabaye urw’u Budage. Mu wa 1897, Ababirigi baturuka muri Congo baza i Shangi mu Kinyaga, Abadage babimenya bari i Bujumbura mu Burundi baza kuhegukana ndetse kuva ubwo bahashinga ibirindiro bya gisirikare (camp militaire).

Mu gisirikare cy’Abadage harimo abirabura b’Abanyatanzaniya benshi idini ryabo ari Isilamu. Uretse abo basirikare kandi, n’abandi bakozi b’Abadage cyane cyane abasemuzi bari barazanye na bo baturutse muri Tanzaniya na bo imyemerere yabo yari ishingiye kuri Isilamu.

Guhera mu wa 1901, hatangiye kuza abacuruzi b’Abarabu baturutse mu bihugu byo mu burasirazuba bw’Afurika bihana imbibi n’u Rwanda, na bo imyemerere yabo ishingiye ku idini rya Isilamu. Abarabu bageze mu Gihugu mbere bari batuye i Nyanza kuko ari wo wari umurwa mukuru w’u Rwanda.

Kigali imaze kugirwa umurwa mukuru ku ngoma y’Abadage mu wa 1907, abacuruzi b’Abarabu batangiye kuhimukira ndetse n’abandi barahabasanga; hiyongeraho abasirikare b’Abanyatanzaniya bari mu gisirikare cya gikoroni cy’u Budage, bityo Isilamu itangira gushinga imizi mu murwa mukuru w’u Rwanda ndetse batangira kuhubaka imisigiti. Umusigiti wa mbere wubatswe mu wa 1913, munsi ya Athénée hepfo y’ahubatse umusigiti wo mu mujyi.

Mu gihe abayisilamu bubakaga uwo musigiti, abategetsi b’Abadage bashishikarije ubuyobozi bwa Kiriziya Gatolika gushinga Misiyoni mu Mujyi wa Kigali kugira ngo bakumire Isilamu dore ko ari ryo dini rya mbere ryari rigiye gushingwa i Kigali.

Kiliziya yabyumvise vuba na yo ihashinga Misiyoni y’Umuryango Mutagatifu (Paroisse Sainte Famille) muri uwo mwaka ku wa 21 Ukwakira 1913. Ariko nubwo Abadage bashishikarije Kiliziya Gatolika gushinga Misiyoni i Kigali, Abamisiyoneri b’Abaporotesitanti ni bo bari babisabye mbere ariko Abadage basanga batari bafite ubushobozi bwo guhangana na Isilamu.

Babimye ubwo burenganzira kuko bagereranyije na misiyoni 9 Kiliziya Gatolika yari imaze gushinga mu Rwanda, babonaga misiyoni z’Abaporotesitanti nka Kirinda, Rubengera na Remera–Rukoma zari zaratinze gushinga imizi mu turere ziherereyemo.

Abakoroni b’Ababirigi basimbuye Abadage ntibishimiye idini rya Isilamu kandi ntibifuzaga ko rikwira hose mu Rwanda cyangwa mu bindi bihugu bategekaga. Ni yo mpamvu ku wa 24 Gicurasi 1924, Minisitiri wa za koroni yandikiye komiseri (Commissaire royal) Alfred Marzoratti wategekaga Ruanda-Urundi amusaba gukora ibishoboka byose agaca Isilamu intege ntitere imbere haba mu Rwanda n’ahandi hategekwaga n’u Bubirigi.

Nyuma y’ayo mabwiriza, ubutegetsi bw’Ababirigi bwatuje abayisilamu mu nsisiro kugira ngo bubone uko bubagenzura neza. Urusisiro rw’abayisilamu bari batuye i Kigali rwari i Nyarugenge hagati y’ahari hubatswe umusigiti wa mbere n’ahari ishuri rya ETEMU muri iki gihe. Urwo rusisiro rwubatswe mu wa 1925 rwahavuye mu wa 1937 rwimuriwe mu Biryogo.

Uretse i Nyarugenge, no mu yindi mijyi yagendaga ivuka hirya no hino mu Rwanda abayisilamu batujwe mu nsisiro z’ “abaswahili” akenshi wasangaga zubatse hafi y’ibirindiro bya gisirikare.

Iteka ryashyiragaho insisiro z’abayisilamu ryanagenaga imbago zazo n’amabwiriza azigenga, kandi abari bazituyemo ntibemererwaga kurenga umujyi batabiherewe uburenganzira. Utarabaga atuye mu rusisiro rw’abayisilamu na we ntiyemererwaga kurwinjiramo atabifitiye uruhushya.

Aho Abayisilamu babaga batuye bagiraga ubuyobozi n’inzego z’ubucamanza zihariye; kandi ntibayoborwaga n’ubutegetsi gakondo ahubwo bayoborwaga n’Ababirigi mu buryo butaziguye. Abayisilamu bo mu nsisiro ntibari bemerewe kurema amasoko yo mu giturage.

Ishuri ry’Intwari riravuka

Abayisilamu bo mu Rwanda bagize igitekerezo cyo kubaka ishuri mu wa 1948; abayobozi b’idini begera ubuyobozi bw’Ababirigi babusaba ikibanza n’inkunga yo kubaka ishuri ryigenga rya kiyisilamu. Ikibanza baragihawe ariko babura inkunga y’amafaranga. Abayisilamu bashatse ubushobozi bahubaka ishuri ry’ibyumba bitatu byo kwigiramo ryuzuye mu wa 1953.

Ishuri rimaze kuzura, abayisilamu basabye uburenganzira bwo gutangira kwigisha, ariko abayobozi b’Ababirigi babasaba gutegereza umwanzuro wa Vikariyati ya Kabgayi. Nyuma y’imyaka itatu igisubizo kitaratangwa, Abayisilamu bafashe umwanzuro wo gutangiza iryo shuri nta wundi muntu bagishije inama.

Ryatangiye kwigisha muri Nzeri 1957, ryigisha mu rurimi rw’Igifaransa gusa, ryitwa Ecole Rwandaise de Kigali, ariko ubutegetsi bw’Ababirigi buryita Ecole Swahili de Kigali (Ishuri ry’Abaswahili ry’i Kigali). Abanyeshuri bahigaga biguriraga ibikoresho byose, buri mwana bakariha n’amafaranga y’ishuri 160 Frw ku gihembwe kuko nta yindi nkunga ishuri ryabonaga. Ibi byari bitandukanye no mu yandi mashuri aho abanyeshuri bigiraga ubuntu.

Umwami Mutara III Rudahigwa akubutse i Burayi mu wa 1958, Abanyarwanda b’ingeri zose bakoze ibirori byo kumwakira byabereye i Nyanza. Ishuri ry’abayisilamu ryitabiriye ibyo birori ryaserukiwe n’abarimu n’abanyeshuri bo mu mwaka wa kabiri.

Uretse impano iryo shuri ryahaye umwami, umunyeshuri wari uhagarariye abandi witwaga Badru Radjabu yasomye imbwirwaruhame yabo mu rurimi rw’Igifaransa ishimisha benshi mu bari bitabiriye ibyo birori, bituma Rudahigwa abasezeranya gusura ishuri bigaho.

Haciye iminsi mike Umwami asura iryo shuri ry’abayisilamu, aganira n’ababyeyi baharereraga ndetse abanyeshuri bahiga abagabira inka. Mu bibazo ababyeyi bamutuye harimo icy’uko bo barihiraga abana babo ndetse bakanabagurira ibikoresho byose by’ishuri kandi ahandi mu Rwanda barigiraga ubuntu ndetse bagahabwa n’ibikoresho. Rudahigwa yumvise icyo kibazo gikomeye abo bayisilamu bari bafite ariko bakitwara kigabo kugira ngo abana babo babone uburere bwo ku rwego rwo hejuru, icyo kigo yacyise Ishuri ry’Intwari (Ecole Rwandaise Intwari de Kigali) riba izina ryacyo kugeza ubu.

Abayisilamu yabemereye kubafasha kwagura iryo shuri, ndetse no kubakorera ubuvugizi mu butegetsi bw’abakoroni kugira ngo bahabwe inkunga nk’iyahabwaga andi mashuri.

Ku nkunga y’Umwami ishuri ryaraguwe ndetse koko asaba ubutegetsi bw’Ababirigi kurifasha, ritangira kubona iyo nkunga mu wa 1960 nyuma y’umwaka umwe Rudahigwa atanze. Yagura ishuri ry’Intwari, Rudahigwa yahubatse ibyumba bibiri byo kwigiramo n’ubu biracyahari kandi byigirwamo, n’inzu yo gukorerwamo n’ubuyobozi bwaryo. Iyo ntikiri iy’ishuri, ubu ikorerwamo n’umuryango w’Abasukuti (Scout) i Nyamirambo.

Ku busabe bw’Umwami Mutara III Rudahigwa, ubuyobozi bw’Ababirigi bwatangiye gufasha Ishuri rya kiyisilamu “Intwari” guhera mu wa 1960 ariko bushyiraho amabwiriza akomeye. Ibwiriza rya mbere ryarebaga imiyoborere y’ishuri.

Abayisilamu ntibari bemerewe kuriyobora kandi ari iryabo, ahubwo bagombaga guhitamo abo bariragiza hagati ya Kiriziya Gatorika n’Itorero ry’Abaporotesitanti. Icyo gihe bahisemo kuriragiza abaporotesitanti, riba ikigo kibarirwa muri Misiyoni ya Remera-Rukoma. Ibwiriza rya kabiri ryarebaga imyigishirize y’isomo ry’iyobokamana.

Iyobokamana rya Isilamu ntiryagombaga kwigishwa muri iryo shuri, ryasimbujwe isomo ry’ububonezabupfura (morale). Mu bindi bigo by’amadini bigishaga iyobokamana ryabo. Ibwiriza rya nyuma ryarebaga imyaka y’abanyeshuri. Ishuri ryagombaga kugumana abana banganya imyaka n’abo mu bindi bigo n’ubwo byari bigoye kuko abana b’abayisilamu batangiraga ari bakuru bitewe n’uko mbere batari bafite ishuri bigamo. Ibi byatumye bamwe bagabanyirizwa imyaka, abandi barirukanwa.

Amavugurura yagiye akorwa mu burezi bw’u Rwanda mu bihe bitandukanye yagiraga impinduka ku miyoborere y’Ishuri ry’Intwari. Nyuma yo guhabwa Misiyoni y’abaporotesitanti ya Remera-Rukoma mu wa 1960, ivugurura ryo mu wa 1966 ryarigize ishuri rya Leta hamwe n’ibindi bigo byose byashinzwe n’amadini.

Mu wa 1978, Leta yasubije ibyo bigo amadini ariko Ishuri ry’Intwari rikomeza kuba irya Leta kuko bavugaga ko ryubatswe n’Umwami Mutara III Rudahigwa. Nyuma y’igihe kirekire, Leta yasubije iryo shuri idini rya Isilamu mu wa 1998.

Kuva ubwo riyoborwa n’Umuryango w’Abayisilamu mu Rwanda; kandi ni kimwe mu bimenyetso bigaragaza ibikorwa bizira ivangura bya Rudahigwa wari uhangayikishijwe n’iterambere ry’Abanyarwanda bose. Ibyo bikorwa ni na bimwe mu byatumye ashyirwa mu kiciro cy’Intwari z’Imena.

Ishuri rya Kiyisilamu “Intwari” mu gihe cy’amacakubiri yo mu wa 1959

Kuva kera bakigera mu Rwanda, abayobozi b’Ababirigi bafatanyije n’aba Kiliziya Gatorika bahembereye amacakubiri mu Banyarwanda ashingiye ku moko ingaruka zayo zitangira kugaragara mu mvururu zo mu wa 1959. Abatutsi barishwe, abandi baratwikirwa barameneshwa bava mu byabo.

Ivangura ryakorerwaga Abatutsi no mu burezi ryari rihari, ariko abigaga ku Ntwari bahamya ko iryo vangura ritahageze. Mu gihe ahandi abana b’Abatutsi birukanwaga, abo ku Ntwari barakomeje bariga ndetse n’abirukanywe ahandi bazaga kuhasaba imyanya bakayihabwa.

Mu wa 1959 kandi, hari Abatutsi baciriwe i Nyamata mu Bugesera. Mbere yo kujyanwayo, bakusanyirizwaga kuri kiriziya y’Umuryango Mutagatifu (Paroisse Sainte Famille) i Kigali.

Bakiri aho i Kigali, imwe mu miryango ibishoboye yahungiye mu ngo z’abayisilamu i Nyamirambo, indi cyane cyane iyari ifite inka ihungira ku Ishuri ry’Intwari.

Kwanga gufatanya n’abandi kwanga Abatutsi kwatumye ubuyobozi bwariho bukomeza kwishisha abayisilamu ndetse bubita abagambanyi. Isura y’abayisilamu yabaye mbi cyane ku buyobozi bwa Parmehutu igihe Umwami Kigeri V Ndahindurwa yabuzwaga kugaruka mu Rwanda yagiye i Kinshasa, nyuma agaca i Burundi akanyura iya Bugesera akinjira mu Rwanda rwihishwa abifashijwemo n’abayisilamu.

Ageze mu Rwanda, Ndahindurwa yacumbitse mu Biryogo ku musaza w’Umuyisilamu witwaga Kibombo, ariko Ababirigi babimenye baramufata bamusubiza i Bujumbura.

Jean Baptiste Murema ukora mu muryango uharanira uburenganzira bw’abantu bafite ubumuga mu Rwanda NUDOR avuga ko muri ibi bihe hatangiye gufotorwa abantu mu byiciro byose ngo bazahabwe indangamuntu Koranabuhanga usanga abafite ubumuga bashobora gucikanwa agasaba ko habaho ubuvugizi kugira ngo nabo iyo ndangamuntu Koranabuhanga izabagereho.

Murema ubwo yagiranaga ibiganiro n’Abadepite Abadepite bagize Komisiyo y’Ubumwe bw’Abanyarwanda, Uburenganzira bwa Muntu no Kurwanya Jenoside kubikorerwa abafite ubumuga ngo imibereho yabo irusheho kugenda neza yavuze ko hari intambwe imaze guterwa ndetse ko imiryango imwe n’imwe ishinzwe kubitaho itanga ubufasha butandukanye.

Gusa yasabye Abadepite ko babakorera ubuvugizi ku itangwa ry’indangamuntu Koranabuhanga kugira ngo batazacinwa kuko usanga uburyo iyo ndangamuntu itangwamo hari ibyo abafite ubumuga baba batujuje.

Ati “ None se niba hari aho bafotora imboni y’ijisho urumva ku muntu ufite ubumuga bwo kutabona bizajyenda gute? Nonese aho biri ngombwa ko umuntu ashobora gutera ibikumwe n’intoki zose bizagenda bite adafite ikiganza?”.

Ikindi yagarutse n’ikibazo cy’aho bafotorera ko hakwiriye kurebwa niba abafite ubumuga bashobora kuhagera mu buryo buborohereye.

Ati “Nk’umuntu ugendera mu mbago se cyangwa mu igare biramworohera kuba yagera kuri site zatoranyijwe gufotorerwaho? Hakwiriye gushyirwaho uburyo bwihariye buborohereza gufotorwa ndetse abatujuje ibisabwa hakagenwa uko bazazibona nabo”.

Ikindi kibazo ni icy’abana bafite ubumuga batanditswe mu irangamimerere cyangwa badafite indangamuntu kandi baragejeje ku myaka y’ubukure yo kuyifata n’ibindi.

Depite Ndangiza Madina Perezida wa Komisiyo y’Ubumwe bw’Abanyarwanda, Uburenganzira bwa Muntu no Kurwanya Jenoside yavuze ko mu bintu by’ingenzi bazaganira n’inzego za Leta zirebwa n’iki kibazo kugira ngo kibonerwe igisubizo.

Ati “Impungenge bafite nizo kandi zirumvikana kuko tuzaganira na Minisiteri y’Ubutegetsi bw’igihugu ndetse n’ikigo cy’igihugu gishinzwe Indangamuntu tuzabagezaho iki kibazo tunabagaragarize impungenge zihari kugira ngo bahabwe umwihariko”.

Depite Ndangiza avuga ko iyo batumije imiryango ifite aho ihurira n’abafite ubumuga bakaganira bitarangirira aho, ahubwo ko bakomeza bakanaganira n’izindi nzego bireba kugira ngo hafatwe icyemezo gikwiriye.

Ikigo cy’Igihugu gishinzwe Indangamuntu kibivugaho iki?

Nyuma y’izi mpungenge zagaragajwe na Murema ukora muri NIDOR Kigali Today yaganiriye n’ikigo cy’igihugu gishinzwe Indangamuntu (NIDA) icyo barimo bakora kugira ngo abafite ubumuga batazacikanwa mu guhabwa indangamuntu koranabuhanga.

Mugawaneza Annette ni umukozi ushinzwe itumanaho muri NIDA yavuze ko kuba umuntu afite ubumuga bitamubuza gufotorwa izindi ngingo afite.

Ati “Ashobora kuba afite ubumuga bwo kutabona ndetse n’ubwizindi ngingo zirimo nko kutagira intoki cyangwa ikiganza ntabwo bimubuza gufotorwa, kubera kubana n’ubumuga ahubwo afotorwa uko ari."

Aha, Mugwaneza avuga ko no mu bijyanye n’igikumwe, n’imboni z’ijisho, uwaba atabifite byose atabazwa ibyo bimenyetso kuko nta wabazwa ibyo adafite, bityo serivise ntibyatuma atayihabwa.

Mugwaneza avuga ko NIDA yavuganye n’uturere ko abatazashobora kugera kuri site zateguwe gufotorerwaho bazajya babasanga aho bari mu rwego rwo kuborohereza.

Ati “ Nta kibazo kizabamo kuko twateguye n’abantu bazi gukoresha ururimi rw’amarenga kugira ngo bajye babasha gusemurira bamwe mu bafite ubumuga igikorwa kirimo kubakorerwa”.

Ku kijyanye n’abafite ubumuga batanditse mu irangamimerere kandi bagejeje igihe Mugwaneza yavuze ko hari amakosa yagiye akorwa n’ababyeyi bamwe batandikishije abana babo ariko ko aba bagenerwa umwihariko bakandikwa nyuma bagahabwa n’indangamuntu.

Kuri ubu Ikigo cy’igihugu gishinzwe indangamuntu NIDA kivuga ko cyagiranye ibiganiro n’ibigo bifite mu nshingano kwita kubafite ubumuga kujya bategura abacikanywe no kwandikwa mu irangamimerere bigakorwa hagendewe ku ibarura riba ryarakozwe kuva ku rwego rw’umudugudu kugera ku rwego rw’akarere.
Indangamuntu Koranabuhanga: Intambwe nshya mu gutanga serivisi no kurinda umutekano w’umuturage

Guverinoma y’u Rwanda ikomeje guteza imbere ikoreshwa ry’ikoranabuhanga mu miyoborere n’itangwa rya serivisi binyuze mu Indangamuntu Koranabuhanga, igikorwa kiyobowe n’Ikigo cy’Igihugu gishinzwe Indangamuntu (NIDA).

Indangamuntu Koranabuhanga ni uburyo bugezweho bwo kumenya no kwemeza umwirondoro w’umuturage hifashishijwe ikoranabuhanga n’ibimenyetso byihariye by’umubiri, bizwi nka ‘Biometrics’. Iyi ndangamuntu igamije kwihutisha serivisi, gukumira ubujura bw’indangamuntu no koroshya imikoranire hagati y’inzego za Leta n’abaturage.

Mu bimenyetso bifatwa harimo ibikumwe by’intoki, isura y’umuntu, ndetse n’andi makuru bwite arimo amazina, itariki n’aho umuntu yavukiye, igitsina, aho atuye n’umubare w’indangamuntu. Aya makuru abikwa mu bubiko bwizewe bwa Leta, agakoreshwa gusa mu gutanga serivisi zemewe n’amategeko.

Indangamuntu Koranabuhanga ikoreshwa mu nzego zitandukanye zirimo serivisi za Leta zitangirwa kuri Irembo, ubuvuzi, banki n’imari, amatora ndetse n’izindi serivisi zisaba kwemeza umwirondoro w’umuntu. Ibi bifasha kugabanya igihe n’ingendo abaturage bakoreshaga bashaka serivisi zitandukanye.

Abayobozi bagaragaza ko iyi gahunda izagira uruhare runini mu guteza imbere imiyoborere myiza, kurinda amakuru y’abaturage no kwihutisha iterambere rishingiye ku ikoranabuhanga. Basaba abaturage gukomeza kwitabira kwiyandikisha no gukoresha neza iyi ndangamuntu, mu rwego rwo kubyaza umusaruro amahirwe itanga.

Yabisobanuriye Abadepite bagize Komisiyo y’Imibereho y’Abaturage mu biganiro bagiranye ku bibazo byagaragajwe muri raporo y’igenzura ricukumbuye yakozwe n’Umugenzuzi Mukuru w’Imari ya Leta ku micungire y’ishami rya Pansiyo.

Perezida wa Komisiyo y’imibereho myiza y’abaturage Uwamariya Veneranda yabajije icyo RSSB irimo ikora ku kibazo cy’abakoresha batamenyekanisha kandi ntibanishyure imisanzu y’ubwiteganyirize bwa pansiyo kandi baramenyekanishije umusoro ku mishahara.

Umuyobozi Mukuru w’Urwego rw’Ubwiteganyirize mu Rwanda, RSSB, Regis Rugemanshuro yasobanuye ko kugeza ubu RSSB ifite ububasha ihabwa n’amategeko bwo kwishyuza ku ngufu abakoresha batishyuye imisanzu no kubahanisha gutanga amande yo mu rwego rw’ubutegetsi ateganywa n’itegeko.

Ati “Nubwo tubyemererwa n’itegeko ku bigo bya leta ho bisa n’ibigoye kuko nk’amavuriro ufatiriye imitungo yayo irimo nka za konti byadindiza imikorere yabyo bigateza ibindi bibazo biruta icyo byakemura”.

RSSB yasobanuye ko hakomeje gushyirwamo imbaraga mu kwishyuza ibirarane by’imisanzu y’ubwiteganyirize bwa pansiyo itaratanzwe hashingiwe ku mategeko n’imikorere.

RSSB yagaragaje ko umubare munini w’abakoresha uhitamo kwishyura ibirarane by’ubwiteganyirize mu byiciro.

Ati “ Iyi gahunda yo kwishyura mu byiciro ishobora kugera mu myaka ibiri. Bityo bigaragara ko mu gihe cya bugufi umusaruro ugaragara ko ari muto n’ubwo igikorwa cyo kugaruza ibirarane kiba gikomeza”.

Rugemanshuro avuga ko hazajya hakoreshwa ubutumwa koranabuhanga bwo kwibutsa abatishyura, hanakoreshwe uburyo bushingiye ku isesengura ry’amakuru (data-driven recovery) mu bigo birebwa n’igikorwa cyo kugaruza ibirarane harimo n’uburyo bwo kwishyuza ibirarane ku ngufu.

RSSB yatangiye gukorana na MINECOFIN hakaba harashyizweho uburyo bugamije kurebera hamwe uko inzego za leta by’umwihariko amashuri n’amavuriro byakwishyuzwa ariko bitabangamiye ubuzima bw’abanyeshuri n’ubw’abarwayi.

Kutishyura kw’ibigo bya Leta bitera igihombo ku bakozi RSSB yasabye Abadepite kubakorera ubuvugizi ko mu gihe cyo gutora ingengo y’imari hajya hanabaho ashyirwa mu kwishyura ibirarane by’ubwiteganyirize kuko bidindiza imikorere ya RSSB.

Ubugenzuzi bwagaragaje ko hagati ya 2020 na 2024, ibirarane by’imisanzu itaratanzwe n’ibigo bya Leta n’iby’abikorera yanganaga na Milyari enye n’igice.

Ibi Minisitiri Ndabamenye yabitangaje kuri uyu wa mbere tariki 19 Mutarama 2026 mu kiganiro n’Abasenateri ku ishyirwa mu bikorwa ry’igenamigambi ry’igihugu ryo guteza imbere ubworozi, ibikorwa bijyanye no kubona ibiryo by’amatungo, imbogamizi zihari n’ingamba zo kuzikuraho.

Ibi biganiro bigamije guha ishusho Abasenateri y’uko ubworozi buhagaze hirya no hino mu Rwanda kugira ngo bazamenye ibyo bazibandaho mu ngendo Sena yateguye zo gusura abaturage mu gihugu hose, hagamijwe kureba ibikorwa mu guteza imbere ubworozi.

Iki gikorwa cy’ingendo z’abasenateri giteganyijwe ku itariki ya 20 kugera ku kuya 28 Mutarama 2026.

Bimwe mu bibazo byagarutsweho n’Abasenateri birimo ibijyanye n’ibiri mu bworozi aho usanga ubuziranenge bw’ibiryo bw’amatungo bukemangwa.

Senateri Nyinawamwiza Laetitia yabajije aho ubuziranenge bw’ibiryo by’amatungo bupimirwa mbere y’uko bigaburirwa amatungo.

Ashingiye kuri raporo ya RGB y’umwaka yo muri 2024 yagaragazaga ko 54,6% by’abaturage bagezwaho serivisi z’ubworozi banenga imibonekere y’ibiryo by’amatungo, yagize ati "Ikibazo cyange ni ikijyanye n’ubuziranenge bw’ibiryo by’amatungo: Bupimwa nande? bupimirwa hehe?”.

Ni mu gihe Senateri Nyinawamwiza we yagaragaje ko usanga ahantu ibiryo by’amatungo bicururizwa biba bibitswe mu buryo bugoye kwizera kandi n’ibiciro ugasanga bitandukanye kandi ibiryo ari bimwe. Kuri we ibi bivuze ko n’ubuzirange bwabyo ari ubwo gushidikanywaho.

Ni ikibazo cyagarutsweho na Senateri Mureshyankwano Marie Rose avuga ko mu gihe ibiryo by’amatungo bitabitswe neza itungo rikabirya bitujuje ubuziranenge byatuma rirwara, bikaba byagira ingaruka ku barya inyama zaryo.

Ati “Ubumenyi bwo kumenya gucunga no kubika neza ibyo biryo by’amatungo ni ubuhe ko usanga abenshi baba batarabyize twagira ngo mutubwire uko bicungwa.”

Minisitiri Dr Ndabamenye yavuze ko Minisiteri y’Ubuhinzi n’Ubworozi iteganya kuzashyiraho itegeko rigenga ubworozi rigashyirwamo n’ibihano bizatuma hubahirizwa ibijyanye n’ubworozi byose.

Minisitiri yatanze urugero rw’uburyo hari n’abatwara amatungo nabi igihe bagiye kuyagurisha ariko wamubaza impamvu yabikoze atyo ugasanga nta tegeko rimuhana.

Ku bijyanye no kureba ubuziranenge bw’ibiryo bw’amatungo Minisitiri yavuze ko ubundi bigera aho bicururizwa byamaze gupimwa, ikibazo gishobora kubera aho bicururizwa.

Yavuze kandi ko nubwo hari hasanzwe hariho amategko agenga ubworozi hagenda hashyirwaho n’amabwiriza hakurikijwe ibintu bigezweho cyangwa gahunda nshya yinjiye mu bworozi kugira ngo birusheho guhabwa umurongo.

Ati “Mu itegeko rizashyirwaho hazibandwa no ku kunoza imicungire y’ubuziranenge bw’ibiryo bw’amatungo kugira ngo bakareba niba nta bibazo byateza”.

Yakomeje avuga ko hari gahunda yo guhuriza hamwe ba Veterineri muri koperative, bityo umworozi ukeneye umuganga w’amatungo akazajya amubona mu buryo bworoshye. Ibi, ariko bikaba bizanajyana no gushishikariza aborizi kororera hamwe, ku buryo veterineri azajya asurira amatungo menshi icyarimwe.

Minisitiri akaba yabwiye abasenateru ko iyi ari gahunda izajyanishwa no gushishikariza aborozi kujya bashaka umuntu wihariye wo kwita ku matungo yabo aho kujya bategereza veterineri w’akarere.

Abashinzwe ubworozi nibihuza ndetse n’aborozi bakaba bafite umukozi uhoraho mu kwita ku matungo ye bizoroshya kumenya niba ibiryo byagenewe amatungo byujuje ubuziranenge kuko bizaba byitahabwaho n’umuntu ubuhugukiwe.

Ibyo bizajyana no kuba bafite ibikoresho bipima ubwo buziranenge bakareba n’ububiko bwabigenewe kugira ngo bitangirika.

Minisitiri Ndabamenye yasobanuye ko bizajyana no gushishikariza aborozi nabo kujya bashaka Veterineri wihariye wo kwita ku matungo yabo aho kujya bategereza umukozi ubarizwa ku karere gusa kubafasha kuyitaho.

Ati “Aba bashinzwe ubworozi nibihuza ndetse n’aborozi bakaba bafite umukozi uhoraho mu kwita ku matungo ye bizoroshya no kumenya niba ibiryo byayo matungo byujuje ubuziranenge kuko bizaba byitahabwaho n’umuntu ubihugukiwe".

Minisitiri w’uhuhinzi n’Ubworozi yavuze ko ibyo bizajyana no kuba bafite ibikoresho bipima ubwo buziranenge bakareba n’ububiko bwabigenewe kugira ngo bitangirika.

Uyu mugoroba, Perezida Kagame yageze i Conakry, muri Guinea, aho ejo hazaba isubirwamo ry’akagirwa ku mwanya w’ubuyobozi bwa Perezida watoranyijwe Mamadi Doumbouya nka Perezida wa Repubulika ya Guinea. Perezida Kagame yakiriwe na Minisitiri w’Intebe wa Guinea, Amadou Oury Bah.

Mamadi Doumbouya yatsinze amatora y’umukuru w’Igihugu yo kuwa 8 Ukuboza, n’amajwi menshi ku rugero rwa 86.72%, ahitamo kuzana ubuyobozi bwe mu buryo bwemewe n’amategeko.

Umukandida waje ku mwanya wa kabiri ni Abdoulaye Yéro Baldé wabonye 6.59% by’amajwi.

Harimo n’abandi bakandida batandukanye, ariko bose bari inyuma ya Doumbouya ku majwi.

Mamadi Doumbouya yamenyekanye cyane mu 2021 ubwo yayoboraga ihirikwa ry’Ubutegetsi akuraho Perezida Alpha Condé.

Nyuma yo gukuraho ubutegetsi bwa Condé, yabaye Umuyobozi wa Guverinoma y"inzibacyuho wa Guinea mu bihe byo guhindura politiki no gutegura amatora.

Yashyize imbere gahunda yo guhangana n’ubukene, ruswa, no kwigenga mu miyoborere.
U Rwanda na Guinea-Conakry ni ibihugu bisanzwe bifitanye umubano ndetse n’imikoranire mu ngeri zitandukanye.

Mu Kwakira umwaka ushize ibihugu byombi byasinye amasezerano 12 mu nzego zinyuranye zirimo ubukerarugendo, ubuhinzi, ingufu, guteza imbere ibyoherezwa mu mahanga, ubukungu, umutekano, ubucukuzi bw’amabuye y’agaciro n’umuco guteza imbere ibyanya byahariwe inganda n’ibindi.

Ibihugu byombi bifitanye umubano mu bya dipolomasi, ndetse byasinye amasezerano atandukanye y’ubufatanye, ndetse mu 2016 Perezida Kagame yambitswe umudali w’icyubahiro uruta indi muri Guinea, uzwi nka Grand Croix, kubera ibikorwa by’ubutwari yagaragaje.

Mu bihe bitandukanye, Perezida Paul Kagame yagiye agenderana na mugenzi we Gen. Mamadi Doumbouya, aho bagiranye ibiganiro byavuyemo ingamba zigamije kurushaho kwimakaza ubutwererane bw’ibihugu byombi.

Mu biganiro Abakuru b’Ibihugu byombi bagiye bagirana, bagaragazaga ko himakajwe ubufatanye bugamije guteza imbere abaturage b’ibihugu byombi.

Mu 2023 Guinea Conakry yafunguye Ambasade yayo mu Rwanda, nyuma y’amezi make Souleymane Savane agenwe nka Ambasaderi wayo wa mbere w’icyo gihugu mu Rwanda.

Kuri uyu wa 16 Mutarama 2026, Minisitiri w’Ubutabera akaba n’Intumwa Nkuru ya Guverinoma, Dr. Emmanuel Ugirashebuja, yasobanuriye Komisiyo y’Abadepite y’Ubumwe bw’Abanyarwanda, Uburenganzira bwa Muntu no Kurwanya Jenoside ishusho rusange y’ishyirwa mu bikorwa ry’imyanzuro 160 u Rwanda rwiyemeje gushyira mu bikorwa mu isuzuma rya 2021, mu rwego rwo kubungabunga no kurengera uburenganzira bwa muntu.

Dr. Ugirashebuja yasobanuye impamvu hari imyanzuro u Rwanda ruhabwa mu Isuzuma Mpuzamahanga Ngarukagihe (UPR) ry’Uburenganzira bwa Muntu ariko ritayishyira mu bikorwa yose.

Yagize ati “Iyo ibihugu bimaze gukorerwa isuzuma, bihabwa amahirwe yo gusesengura imyanzuro yose, bakahitamo iyo bemeye ariko ntibayifateho umukoro.”

Minisitiri yasobanuye ko igihugu gishobora guhitamo imyanzuro yo gushyira mu bikorwa, ariko kidashobora kuvuga ko cyanze imyanzuro. Iyo hari umwanzuro igihugu kitemeranywa na wo, gisobanura impamvu muri raporo.

Ati “Hari raporo twongera gukora dusubiza iyo tumaze gusesengura imyanzuro yose. Haba hari ibyo twanze, muri raporo yacu dusobanura impamvu, cyane cyane iyo bihabanye n’intego z’igihugu.”

Dr. Ugirashebuja yatanze urugero ku mwanzuro uvuga gushyira abana mu gisirikare, asobanura ko u Rwanda rutakwirirwa rugira icyo rukora ku mwanzuro nk’uwo, kuko igihugu cyubahiriza uburenganzira bw’umwana kandi nticyemera gushyira abana bato mu gisirikare.

Yakomeje agira ati “Ibi ntibibuza ko igihe igihugu cyasesenguye imyanzuro kigasanga hari iyo kitemeye ariko bijyanye n’ibihe cyangwa impamvu, gishobora kuyongeramo mu ishyirwa mu bikorwa kandi kikayigaragaza mu raporo ya UPR. Igihe cyose habaye isesengura, igihugu kireba niba umwanzuro uri mu cyerekezo cyo guteza imbere imibereho n’uburenganzira bw’Abanyarwanda.”

Minisitiri yanagarutse kandi ku bindi bihugu bikomeza gusuzuma ubushobozi bw’igihugu mu ishyirwa mu bikorwa ry’imyanzuro, igihe gisabwa, ndetse no kureba niba umwanzuro ujyanye n’intego z’igihugu kandi ushingiye ku makuru y’ukuri, atari ku nyungu z’abantu ku giti cyabo.

Raporo ya kane y’u Rwanda ku Isuzuma Mpuzamahanga Ngarukagihe (UPR) ry’Uburenganzira bwa Muntu izasuzumwa ku wa 24 Mutarama 2026, aho intumwa za Leta zizatanga ibisobanuro ku byo u Rwanda rwatangaje.

U Rwanda rumaze gusuzumwa inshuro eshatu uhereye mu 2011. Bwa mbere, muri Mutarama 2011, mu bihugu 48 byatanze ibitekerezo, u Rwanda rwahawe imyanzuro 73 maze rwiyemeza gushyira mu bikorwa 67.

Isuzuma rya kabiri ryabaye mu Gushyingo 2015, ibihugu 88 byatanze ibitekerezo, bihaye u Rwanda imyanzuro 229, maze rwemera gushyira mu bikorwa 50.

Muri Mutarama 2021, UPR yabaye mu buryo bw’ikoranabuhanga kubera icyorezo cya COVID-19, ibihugu 99 byatanze ibitekerezo, biha u Rwanda imyanzuro 284, maze rwemera gushyira mu bikorwa 160.

Mu isuzuma ritegerejwe ku wa 26 Mutarama, ibihugu bimaze guha u Rwanda ibitekerezo ni 103, bishobora kwiyongera. Imyanzuro izavamo ni yo u Rwanda ruzashyira mu bikorwa mu myaka ine itaha.

Twiringiyimana Theogene Umunyamategeko mu Ihuriro ry’imiryango itanga ubufasha mu by’Amategeko (LAF) yabwiye Abadepite ko usanga abunganira abana bari mu magororero batabikora uko bikwiriye biturutse ku bumenyi budahagije.

Impamvu hagarutswe cyane kuri iki kibazo nuko Raporo ya Komisiyo y’Uburenganzira bwa muntu yagaragaje ko Abana bafungiye mu Igororero rya Nyagatare batunganirwa uko bikwiye kuko bamwe muri bo bahurira n’abunganizi babo ku rukiko batateguranye imanza mbere.

Hari kandi bamwe mu bunganizi batajuririra imanza z’abana ku gihe, bigatuma urubanza rupfundikirwa, hakaba n’abatishoboye baburana batunganiwe.

Twagirimana avuga ko kunganira umwana bisaba umwihariko kuko urubanza rwe rusaba kubanza gukora ubucukumbuzi bwimbitse kuruta uko wakunganira umuntu mukuru.

Ati“Iyo urebye usanga biterwa n’impamvu eshatu zirimo ikibazo cy’ubumenyi buke ku bunganira abana kuko abenshi baba bakiri bato mu mwuga kuko baba bataramenya uko imanza ziburanwa ndetse abenshi baba bataragira ubumenyi bwo gusesengura imanza neza”.

Twagirimana avuga ko kugira ngo umwana yunganirwe bisaba ko umwunganizi we aba afite amakuru afatika ndetse yabanje no kumuganiriza akamenya uko ikibazo cye giteye nawe ubwe akajya kwishakira andi makuru arebana n’ifungwa ry’uwo mwana.

Indi mpamvu ituma abunganizi batiga imanza neza ziburanamo abana bituruka no kuba igihembo cyabo ari gito kingana na 400,000frw ugasanga abunganizi bamenyereye kuburana imanza batayakorera.

Ati “Ayo mafaranga rero usanga yakirwa na bamwe batarabona akazi keza cyangwa badafite ibindi bakora, batanafite uburambe n’ubunararibonye mu kuburana imanza ugasanga bituma abana badahabwa ubutabera bwuzuye biturutse ku manza zaburanywe”.

Twagirimana avuga ko usanga hari n’Abunganizi bahatira abana kwemera icyaha kubera ko babona kuburana rwa rubanza atazabishobora kandi yamaze guhabwa igihembo.

Ati “Hakwiye kurebwa uburyo imanza z’abana ziburanwa n’abantu babimenyereye kandi bafite uburambe mu kuburana imanza kuko abo zihabwa batuma umwana ashobora gufungwa bitari ngombwa.

Twagirimana yasabye Abadepite ko hajya havugururwa amategeko cyangwa hakabaho kuyahuza arebana n’uburenganzira bw’umwana kugira ngo hajye habanza kubaho kugoragoza mbere yo gufata icyemezo cyo gufunga umwana.

Ati“Ubundi ibyo umwana yakora byose biba bikwiye kubanza gusuzumwa bihereye mu mizi w’icyo cyaha yakoze kugira ngo harebwe uko yafashwa guhabwa ubutabera”.

Nubwo nta mubare wagaragajwe w’abana batahawe ubutabera uko bikwiriye Abadepite bavuze ko mu nzego z’uboyozi bazatumiza kugirana ikiganiro nabo harimo na Minisiteri y’Ubutabera ndetse n’urugaga rw’abunganizi kugira ngo baganire uburyo iki kibazo cyakemuka uko bikwiriye.

Depite Ndangiza Madina Perezida wa Komisiyo y’Ubumwe bw’Abanyarwanda, Uburenganzira bwa Muntu no Kurwanya Jenoside yavuze ko mu bintu by’ingenzi bagiye gukora ari ukuganira n’izindi nzego kugira ngo barebe uko ibi bibazo byagaragajwe by’ubutabera buhabwa abana bukubahirizwa uko bikwiriye.

Byavugiwe mu Nteko Ishinga Amategeko mu biganiro byahuje imwe mu miryango ya Sosiyete Sivile (CSOs) irimo CLADHO, LAF, ARDHO, HAGURUKA n’Abadepite bagize Komisiyo y’Ubumwe bw’Abanyarwanda, Uburenganzira bwa Muntu no Kurwanya Jenoside ubwo bareberaga hamwe icyakorwa ngo hakemurwe bimwe mu bibazo bikigaragara mu magororero birimo n’ubucucike bukabije.

Murwanashyaka Evariste umuyobozi ushinzwe guhuza ibikorwa bya CLADHO yabwiye Adepite ko nubwo mu itegeko mpanabyaha harimo ibihano byinshi birimo no gucibwa amande usanga bititabwaho ahubwo ugasanga umuntu wese ukoze icyaha inzego z’umutekano zihita zihutira ku mufunga.

Ati “ Ubundi hakwiye no kurebwa no kubindi bihano nko gucibwa amande, guhabwa igihano nsimburagifungo, no gukomeza gahunda y’ubuhuza byose byafasha mu kugabanya ubucucike”.

Murwanashyaka yatanze urugero rw’umuntu ushobora gufungirwa Sheki itazigamiye kandi mu by’ukuri afite umutungo wakurwamo ayo mafaranga.

Ni naho yahereye asaba Abadepite kujya bareba ibyuho bikiri mu itegeko kugira ngo bitange ibisubizo ku bibazo biba bihari mu rwego rwo gufasha Leta kubishakira igisubizo.

Ikindi Abadepite basabwe ni ugukora ubuvugizi bwo kwagura inyubako zigororerwamo kugira ngo bagire ubwisanzure.

Perezida wa Komisiyo y’Ubumwe bw’Abanyarwanda, Uburenganzira bwa Muntu no Kurwanya Jenoside Depite Madina Ndangiza yavuze ko basanze ari ngombwa kugirana ibiganiro niyi miryango hagamijwe kugira amakuru y’inyongera.

Aya makuru azafasha Komisiyo ubwo izaba igirana ibiganiro n’inzego zitandukanye za Leta ku bibazo byagaragaye muri raporo ya Komisiyo y’lgihugu y’Uburenganzira bwa Muntu y’ïbikorwa by’umwaka wa 2014-2025.

Depite Ndangiza yavuze ko nyuma yo kuganira n’imiryango itegemiye kuri Leta bazaganira n’inzego za leta zirimo Minisiteri y’Ubutabera ndetse n’urugaga rw’abavoka, na Ministieri y’umutekano kugira ngo barebere hamwe ibigomba kunozwa muri za Kasho ndetse no mu magororero.

Ijanisha ry’abari bafungiye mu magororero ugereranije n’abo yagenewe kwakira ryagabanyutse kuva kuri 140.7% mu mwaka wa 2022-2023 rigera kuri 103,8% mu mpera za Kanama 2025.

Mu ngingo yaryo ya 26, iri tegeko rivuga ko urwego rufite kurinda umutekano wo mu muhanda mu nshingano rushobora kutemerera umuntu gukora ikizamini cy’uruhushya rwo gutwara ikinyabiziga cyangwa rukaruhagarika by’agateganyo iyo nyirarwo afite ukutabona guhagije kutakosowe n’indorerwamo zabugenewe.

Ibi bishobora kuba no ku muntu ufite ukutumva cyangwa ukumva buhoro bikabije kandi ku matwi yombi; indwara y’umubiri ibuza ku buryo bukabije ingingo z’umubiri gukora neza; cyangwa uburwayi buhungabanya imikorere y’ubwonko.

Urwego rufite kurinda umutekano wo mu muhanda mu nshingano ruhagarika by’agateganyo uruhushya rwo gutwara ikinyabiziga rushingiye kuri raporo ya muganga wemewe na Leta.

Iyo umuntu wari ufite uburwayi bumubuza gutwara ikinyabiziga agaragaje icyemezo cya muganga wemewe na Leta kigaragaza ko uburwayi bwe bwakize cyangwa bwakosowe, ahabwa uburenganzira bwo gukora ikizamini cy’uruhushya rwo gutwara ikinyabiziga cyangwa akarusubizwa, iyo rwahagaritswe by’agateganyo.

Urwego rufite kurinda umutekano wo mu muhanda mu nshingano rushobora kandi guhagarika by’agateganyo uruhushya rwo gutwara ikinyabiziga kubera imyitwarire ku mikoreshereze y’umuhanda y’umuyobozi wacyo.

Umuyobozi w’ikinyabiziga wahagarikiwe by’agateganyo uruhushya ntiyemerewe gutwara ikinyabiziga mu Rwanda n’iyo yaba afite uruhushya rwo gutwara ikinyabiziga rwo mu kindi gihugu.

Iyo igihe cyo guhagarika by’agateganyo uruhushya rwo gutwara ikinyabiziga kubera imyitwarire ku mikoreshereze y’umuhanda y’umuyobozi wacyo kirangiye, rwongera gukoreshwa.

Ingingo ya 28 y’iri tegeko ivuga ko gutesha agaciro uruhushya rwo gutwara ikinyabiziga bikorwa n’urukiko rubifitiye ububasha, bisabwe n’urwego rufite kurinda umutekano wo mu muhanda mu nshingano.

Nyir’uruhushya rwateshejwe agaciro ntiyemerewe kongera gukora ikizamini cy’uruhushya rwo gutwara ikinyabiziga mbere y’amezi 12 abarwa uhereye ku munsi urukiko rubifitiye ububasha rwafatiye icyemezo cyo kurutesha agaciro.

Mukamazimpaka Nathalie, umwe mu bo byemejwe ko babonekewe na Bikira Maria. Ubu yibera i Kibeho nk’uko ngo Umubyeyi Bikira Mariya yamusabye kuhaguma

Kuri uyu wa Mbere tariki 12 Mutarama 2026 i Kibeho babyukiye mu birori byo kwizihiza Isabukuru y’imyaka 44 ishize Nathalie Mukamazimpaka abonekewe n’umubyeyi Bikiramariya.

Ni ibirori byabanjirijwe n’igikorwa cyo guhabwa Penetensiya (Kwicuza ibyaha) gikurikirwa n’igitambo cya Misa bahimbaza amabonekerwa ya Kibeho.

Musenyeri Célestin Hakizimana wa Diyosezi ya Gikongoro yavuze ko kubera amateka ya Kibeho ubu yamaze kwaguka ndetse ubu ikaba yarabaye ahantu Nyobokamana bitewe n’abantu bahagana baje kumva amateka kubera gusurwa n’umubyeyi Bikira Mariya.

Ati “Ntitukambare ikirezi ngo tuyoberwe ko cyera, twagize amahirwe yo gusurwa n’umubyeyi Bikira Mariya ni yo mpamvu duteraniye hano twibuka ubutumwa yahaye Nathalie Mukamazimpaka”.

Impamvu hizihijwe iyi sabukuru kuri iyi tariki ni uko igihe nk’iki mu 1982 aribwo yabonekeye Nathalie Mukamazimpaka amuha ubutumwa bwo gukomeza asenga asabira Isi n’abayituye.

Mukamazimpaka yabonekewe hagati ya tariki 12 Mutarama 1982, kugeza mu Ukuboza 1983 amusezeraho. Bikira Mariya yamuhamagaye agira ati “Nataliya mwana wanjye !” Undi na we asubiza adatinze ati “Karame !”

Nk’uko abyivugira, Bikira Mariya yakomeje ikiganiro amubwira ati “Nimusenge, nimusenge cyane kuko isi ari mbi. Mukunde cyane ibyo mu ijuru kurusha ibyo mu nsi, kuko biyoyoka vuba cyane. Mu buzima bwawe, uzagomba guhangana n’imibabaro myinshi kandi ikomeye. Nimukanguke kandi muve hasi. Mwitonde. Mugomba guha umwanya uhagije isengesho.

Murasabwa kandi kugarukira imigenzo myiza y’urukundo, kwitanga no kwiyoroshya. Nimugarukire Imana, yo soko y’amazi y’ubuzima”.

Nathalie Mukamazimpaka uba i Kibeho kugeza na n’ubu mu rwego rwo gusohoza isezerano yagiranye na Bikira Mariya, Mumureke Alphonsine umubikira uba mu Butaliyani na Marie Claire Mukangango wishwe muri Jenoside yakorewe Abatutsi mu 1994. Aba bose batangiye kubonekerwa ku wa 28 Ugushyingo 1981 kugeza 28 Ugushyingo 1989.

Mukamazimpaka kuri ubu afite imyaka 62 y’amavuko ariko nta mugabo yigeze ashaka kandi si Umubikira ndetse avuga ko yagumye i Kibeho nk’uko Bikiramariya wababonekeye yabimusabye.

Uko amabonekerwa ya Kibeho yagenze

Mumureke wari mu kigero cy’imyaka 16 ni we wabonekewe bwa mbere na Bikira Mariya. Ni umunsi udasanzwe kuko ubwo hari mu masaha ya nyuma ya saa sita abana barangije gufungura, ariko bakiri hamwe mu cyumba cy’amafunguro, yumvise ijwi ryoroheje rimuhamagara mu kinyarwanda rigira riti “Mwana wanjye” nk’uko amateka y’amabonekerwa ya Kibeho abivuga.

Yahagurutse bwangu arikurikira, abona umugore ufite ubwiza buhebuje amuhagaze imbere, amubazanya igihunga agira ati “Uri nde?” Uwo mugore amusubiza bwangu avuga ati “Ndi Nyina wa Jambo”.

Alphonsine ngo yahagaze yemye nk’ufashwe n’amashanyarazi, aguma kwitegereza uwo mugore ariko akanibaza uburyo “Nyina wa Jambo” yaje mu kirongozi cy’ishuri ryabo.

Bikira Mariya yongera kumubaza ati “Ni nde ukunda cyane?” Alphonsine wavukaga mu muryango w’abakirisitu kandi na we agerageza kuyoboka iyo nzira, asubiza adatindiganyije ati “Nkunda Imana na Bikira Mariya wabyaye Yezu”.

Bikira Mariya yumvise icyo gisubizo asagwa n’ibyishimo, maze aramubwira ati “Nazanywe no kugukomeza, kuko numvise amasengesho yawe”.

Yongeraho ati “Ndifuza ko inshuti zawe zikomera mu kwemera, kuko zitemera bihagije”.

Yatangiye kuvuga amasengesho yoroheje, naho “Nyina wa Jambo” azamuka ajya ejuru, umwana we aguma kwitegereza uko uwo mubyeyi utagira uko asa arembera.

Ibyo byamaze nk’iminota cumi n’itanu. Abageragezaga kumuvugisha cyangwa se kumunyeganyeza ntibagira icyo bageraho, kuko yari ameze nk’umuntu wafashwe n’ubugeni bukomeye cyane.

Bukeye umubyeyi Bikira Mariya yongeye kumubonekera ari mu cyumba abanyeshuri bararagamo. Ngo Bikira Mariya yamubonekeye atari umuzungu nk’uko bakunze kumubona ku mashusho, ahubwo ntiyashoboraga kumenya ibara ry’uruhu rwe.

Hafi buri wa Gatandatu, Alphonsine yagumaga kubonekerwa, bamwe bakabifata nk’ukuri, abandi bakavuga ko uwo mwana yasaze, kandi nibwo yari agitangira amashuri yisumbuye.

Uwa gatatu wabonye Bikira Mariya, ni Marie Claire Mukangango. Yatangiye kubonekerwa na Bikira Mariya tariki ya 2 Mata 1982 ubwo yari afite imyaka 21. Ni umwe mu bageragezaga Alphonsine Mumureke, atemera na gato amabonekerwa.

Yarabonekewe arahinduka kuko yanahawe ubutumwa bwo kwamamaza ishapule y’ububabare bwa Bikira Mariya.

Mu mabonekerwa cumi n’atanu yagiriwe kugeza mu Ukuboza 1982, Mukangango yabwirwaga ko isi igenda nabi cyane, ko u Rwanda rugeze ahakomeye, bityo abantu bakaba bagomba gusenga cyane no guhinduka.

Kubera ayo mabonekerwa y’i Kibeho, ibihumbi n’ibihumbi by’abakirisitu bisigaye bihakorera ubukerarugendo nyobokamana.

Uko amabonekerwa y’i Kibeho yemejwe

Muri Werurwe 1982, hashyizweho komisiyo yari igizwe n’abaganga, yakoze igenzura kugeza ubwo hafashwe icyemezo cyemeza burundu iby’amabonekerwa ya Kibeho.

Muri Gicurasi uwo mwaka, hashyizweho abahanga mu bya Tewolojiya, na bo bakora ubugenzuzi kugeza tariki 29 Kamena 2001, ubwo hatangazwaga icyemezo gikemura burundu ibirebana n’amabonekerwa ya Kibeho.

Nathalie Mukamazimpaka yari kumwe na Padiri Kouassi Kan Jean Marcel wo muri Côte d’Ivoire

Habanje gukorwa ubucukumbuzi bushyikirizwa Abepiskopi bo mu Rwanda, bwoherezwa i Roma, aba ari ho hafatirwa umwanzuro wa nyuma noneho Umwepiskopi wa Diyosezi ya Gikongoro atangaza amabonekerwa ya Kibeho.

Guhera icyo gihe, abantu baturutse hirya no hino ku Isi, batangiye kujya baza gusura aha hantu nyuma haza no kwitwa ku butaka ‘Butagatifu.’

Amabonekerwa ya Kibeho ni yo yonyine yabayeho ku Mugabane wa Afurika mu mabonekerwa yose agera kuri 16 amaze kwemezwa na Kiliziya Gatolika kugeza ubu.

I Kibeho ubu habaye ahantu haganwa n’abaturutse mu bice byose by’Isi nk’ahantu hakorerwa ubukerarugendo bushingiye ku iyobokamana.

Si amabonekerwa gusa yahabereye kuko ubu hari n’Isoko ya Bikiramariya na yo abahagana batahana amazi yayo abafasha kwirukana imyuka mibi ndetse abizeye ko yabakiza ku bijyanye na Roho barayavoma kugira ngo bayitagatifurishe.

Hari n’ishusho ya Yezu ifite uburebure bwa metero esheshatu n’ibilo 950, ahitwa i Nyarushishi mu Murenge wa Kibeho.

Kugeza ubu Kibeho yahindutse ahantu habumbatiye amateka akomeye ku Bakirisitu Gatolika. Abenshi bagana i Kibeho buri tariki ya 15 Kanama, umunsi w’Ijyanwa mu Ijuru rya Bikira Mariya, na buri 28 Ugushyingo ku munsi wizihirizwaho ayo mabonekerwa.

Si ibyo gusa kuko n’abashaka kujya gusengerayo bajyayo baturutse mu bice bitandukanye by’Igihugu kugira ngo bakomeze bisunge baniyambaze umubyeyi Bikira Maria.

By’umwihariko, abagize umutwe wa Sena nabo hari ingingo zikubiye mu itegeko rigenga imikorere ya Sena zirimo ibihano bihabwa Umusenateri utagaragaje imyitwarire myiza.

Itegeko rigenga imikorere ya Sena, rivuga bimwe mubyo Umusenateri agomba kubahiriza n’uburyo atagomba gukora ibikorwa bibangamira bagenzi be haba mu nama ndetse no mubindi bibahuza.

Ingingo ya 129 ivuga ko Umusenateri agomba kuba inyangamugayo n’indakemwa, kuba intangarugero yubahiriza Itegeko Nshinga n’andi mategeko kandi azirikana indahiro yakoze mbere yo gutangira imirimo y’ubusenateri.

Umusenateri urenze kuri ibi ashobora kwibutswa, kwihanangirizwa, kugawa ku mugaragaro cyangwa gukurwa muri Sena byemejwe na bitatu bya gatanu by’Abasenateri bahari.

Ingingo ya 130 yo ivuga ku cyemezo cya Sena cyo kwirukana Umusenateri hakurikijwe ibivugwa mu ngingo ya 129 y’iri tegeko ngenga kiregerwa kandi kiburanishwa ku rwego rwa mbere n’urwa nyuma n’Urukiko rubifitiye ububasha.

Umusenateri wakatiwe n’urukiko igihano cy’igifungo kingana cyangwa kirenze amezi atandatu ku buryo budasubirwaho ahita asezererwa muri Sena.

Bitewe n’ikosa Umusenateri yakoreye mu nama y’Inteko Rusange ya Sena, Umusenateri ashobora gufatirwa ibyemezo birimo kwibutswa kwitonda, kwihanangirizwa mu magambo, kwihanangirizwa bikandikwa mu nyandikomvugo, kuvanwa by’agateganyo mu byicaro byagenewe Abasenateri, guhezwa mu nama yakurikiranaga, guhezwa mu nama eshanu zikurikirana, kugawa mu ruhame.

Umusenateri wafatiwe icyemezo cyo guhezwa mu nama eshanu zikurikirana; ntiyemererwa kwitabira inama za Komisiyo, iza Komite cyangwa iz’inama y’Abaperezida iyo ari umwe mu bayigize.

Umusenateri wafatiwe kimwe mu byemezo biteganywa n’iyi ngingo, iyo asubiye mu ikosa, ikibazo cye gishyikirizwa Komite kugira ngo isuzume iyo myitwarire idasanzwe. Raporo ya Komite kuri icyo kibazo ishyikirizwa Inteko Rusange kugira ngo iyifateho icyemezo.

Ituze mu Nteko Rusange

Abasenateri bagomba kurangwa n’ituze igihe bateraniye mu nama y’Inteko Rusange. Iyo hari abateye isahinda mu gihe cy’imirimo y’Inteko Rusange, uyoboye inama y’Inteko Rusange abibutsa kugarura ituze. Iyo bakomeje, uyoboye inama y’Inteko Rusange arayihagarika, Abasenateri bakaba basohotse. Inama yongera guterana iyo uyoboye inama y’Inteko Rusange abona ko ituze rihagije ryagarutse.

Umusenateri ubuza ituze mu Nteko Rusange mu izina rye amwibutsa kwitonda. Iyo asubiriye, uyoboye inama y’Inteko Rusange aramwihanangiriza. Iyo uwo Musenateri abikomeje cyangwa agaragaweho n’irindi kosa rikomeye, uyoboye inama y’Inteko Rusange amutegeka kuva by’agateganyo mu byicaro byagenewe Abasenateri, kandi byemejwe n’Inteko Rusange.

Umusenateri ubuza ituze muri Komisiyo mu izina rye amwibutsa kwitonda. Iyo asubiriye, Perezida wa Komisiyo aramwihanangiriza, bigashyirwa muri raporo y’inama ya Komisiyo. Iyo uwo Musenateri abikomeje cyangwa agaragaweho n’irindi kosa rikomeye, hakorwa raporo yihariye igashyikirizwa Biro ya Sena.

Kuvanwa mu cyicaro by’agateganyo k’umusenateri mu Nteko Rusange bimubuza gufata ibyemezo mu nama y’Inteko Rusange yakurikiranaga. Guhezwa k’Umusenateri mu Nteko Rusange kumubuza gukurikirana imirimo y’Inteko Rusange mu gihe cyose cy’inama yahejwemo.

Iyo Umusenateri wavanwe mu cyicaro by’agateganyo cyangwa wahejwe mu Nteko Rusange yakurikiranaga atubahirije icyemezo yafatiwe, Uyoboye inama y’Inteko Rusange ayihagarika by’igihe gito cyangwa burundu. Icyo gihe Umusenateri ahezwa, ku buryo budakuka, mu nama eshanu zikurikira, akagawa ku buryo bwanditse kandi akabuzwa kwitabira inama eshanu za Komisiyo, iza Komite cyangwa iz’Inama y’Abaperezida iyo ari umwe mu bayigize.

Icyakora Umusenateri wakuwe by’agateganyo mu cyicaro cye cyangwa wahejwe ashobora gusaba imbabazi zo gukurirwaho ibihano, akoresheje inyandiko.

Iyo Umusenateri wahejwe asabye imbabazi inama y’Inteko Rusange yamufatiye icyemezo itarasoza imirimo yayo, uyoboye inama y’Inteko Rusange asomera iyo nyandiko abari mu Nteko Rusange, ikaba ari yo ifata umwanzuro.

Uguhezwa k’Umusenateri mu nama z’Inteko Rusange gukurwaho no kuba iyo Umusenateri wahejwe asabye imbabazi Sena kandi akazihabwa; iyo Inteko Rusange ifashe icyemezo cyo kwisubiraho bisabwe na Komite; iyo igihe Umusenateri wahejwe yahawe kirangiye.

Umusenateri asibye inama y’Inteko Rusange cyangwa iya Komisiyo nta mpamvu, Biro ya Sena ishyikiriza ikibazo cy’uwo Musenateri Komite kugira ngo igisuzume. Raporo ya Komite kuri icyo kibazo ishyikirizwa Inteko Rusange kugira ngo ifate icyemezo cyo kumwihanangiriza kandi Umusenateri bireba akabimenyeshwa mu nyandiko. Iyo Umusenateri wihanangirijwe atisubiyeho ahabwa kimwe mu bihano birimo kugawa mu ruhame; gukurwa muri Sena byemejwe na bitatu bya gatanu by’abagize Sena.

Mu nama y’Inteko Rusange Birabujijwe gutukana, gusarikana, gushyogozanya, gusahinda cyangwa kurogoyana. Ntawushobora guca undi mu ijambo, keretse uyoboye inama y’Inteko Rusange na bwo yibutsa itegeko.

Ngo icyo yashakaga kuvuga, ni uko yitabiriye irushanwa yumva atifitiye icyizere gihagije kuko atari asanzwe azi kuvugira mu ruhame.

Karimpinya yari mu kiganiro Buracyeye kuri KT Radio kuri uyu wa 9 Mutarama.

Yavuze iby’urugendo rwe nyuma yo kwegukana ikamba ry’igisonga cya kabiri cya Nyampinga w’u Rwanda mu mwaka 2017.

Yagize ati “ Mu kiganiro mperutse kugirana na kimwe mu butangazamakuru ntabwo nashakaga kuvuga ko kwitabira Miss Rwanda banshutse ahubwo nashakaga gusobanura ko numvaga ntafite ikizere cyo kuba nakwegukana ikamba”.

Miss Kalimpinya avuga ko akigera mu irushanwa atari azi no kugendera mu nkweto ndende kuko byabanje kumutonda nk’umuntu wabagaho yimereye nk’abahungu.

Ati “ Nahuye n’abana bamenyereye kwambara inkweto ndende bazi no kuzigenderamo mbarebye numva nasigaye inyuma gusa kubera imyitozo baduhaye nanjye narabishoboye”.

Agarutse ku kintu cyatumye atibagirana ngo yabifashijwemo n’isiganwa ry’amamodoka yitabiriye bituma akomeza kumenyekana.

Gusa mu buzima busanzwe nyuma yo kuba Miss avuga ko bitari byoroshye kuko yahise aba ikimenyabose.
.

Ati “ Nyuma y’amarushwanwa gato nagiye guhaha mbona abantu bose barandeba mbega byari ibintu bisa nk’ibibangamye ariko naje kugenda mbimenyera buhoro buhoro”.

Kuri we kuba iri rushanwa ritakiba ngo ni igihombo gikomeye ku rubyiruko rw’abana b’abakobwa kuko ngo muri iri rushanwa bigiragamo ibintu byinshi birimo no kumenya kwitinyuka ndetse n’indangagaciro zigomba kubaranga.

Icyumba cy’inama cya Sena y’u Rwanda

Inshingano abayobozi mu nzego zitandukanye bahabwa zigendanye n’umurongo ntarengwa utuma batabona urwaho rwo gukoresha ububasha bafite mu nyungu zabo bwite, cyangwa kwigwizaho imbaraga zidakwiriye, bikaba byabuza abandi gusangira amahirwe igihugu gitanga.

No ku bagize inteko ishinga amategeko, umutwe wa Sena, uwo murongo barawufite.

Itegeko rigenga imikorere ya Sena, rivuga imirimo itabangikanywa n’uw’Ubusenateri, kandi muri yo, harimo n’iyo mu nzego nkuru z’igihugu.

Ku ikubitiro, umusenateri ntiyemerewe kuba Perezida wa Repubulika, umwe mu bagize Guverinoma cyangwa Guverineri w’Intara ndetse n’ Umudepite.

Umusenateri ntiyemerewe kuba mu nzego z’ibanze, nko kuba umwe mu bagize Komite Nyobozi y’Umudugudu, Inama Njyanama y’Akagari, iy’Umurenge, iy’Akarere cyangwa iy’Umujyi wa Kigali.

Ntabwo yaba umucamanza, umushinjacyaha; umwe mu bagize Komisiyo z’igihugu zihoraho cyangwa inzego zihariye ziteganywa n’Itegeko Nshinga cyangwa izindi zashyirwaho n’amategeko.

Senateri kandi ntiyemerewe kuba umwe mu bagize Inama y’Ubuyobozi mu kigo cya Leta cyangwa ikigo Leta ifitemo imigabane, cyangwa umugenzuzi w’imari w’icyo kigo, umuyobozi w’ikigo cy’ubucuruzi cyangwa umwe mu bagize Inama y’Ubutegetsi yacyo; umukozi wa Leta cyangwa umukozi wo mu kigo cya Leta; cyangwa umukozi mu nzego z’imitegekere y’Igihugu zegerejwe abaturage.

Senateri ntabwo ashobora kuba umukozi ugengwa n’amasezerano y’umurimo, mu nzego zishinzwe amatora, mu Ngabo z’u Rwanda, muri Polisi y’u Rwanda, mu rwego rw’Igihugu Rushinzwe Iperereza n’Umutekano, mu Rwego rw’Igihugu Rushinzwe Imfungwa n’Abagororwa cyangwa Urwego Rwunganira Ubuyobozi bw’Akarere mu Gucunga Umutekano.

Muri iyi ngingo havuga ko Senateri atemerewe kuba mu nzego z’ubuyobozi bw’amashyirahamwe, imiryango nyarwanda itari iya Leta, imiryango ishingiye ku idini, amakoperative, imiryango mpuzamahanga cyangwa mvamahanga, uretse imiryango ihuriweho n’Abagize Inteko Ishinga Amategeko igamije kubafasha kurangiza neza inshingano zabo.

Ntiyemerewe kuba mu rugaga rw’abahesha b’inkiko b’umwuga cyangwa kuba mu bakora umurimo w’ubunoteri.

Umusenateri ukora umwuga wa Avoka ntashobora kuburana ubwe imanza izo ari zo zose. Ibiro bye byemerewe kuburana imanza uretse izo Leta iregamo cyangwa iregwamo.

Abanyamuryango biyemeje kandi gukurikiza inama za Perezida wa Repubulika, Paul Kagame, ari na we Muyobozi Mukuru(Chairman) w’uyu muryango.

Abanyamuryango ba FPR Inkotanyi biyemeje gusuzuma no kuvugurura imiterere, imikorere n’imikoranire by’inzego kugira ngo zirusheho gutanga umusaruro, bijyanye n’igihe, hagendewe ku mahame remezo n’indangagaciro z’umuryango.

Biyemeje kandi kurushaho kunoza imitangire ya serivisi no kwegera abaturage kugira ngo babakemurire ibibazo ku gihe, by’umwihariko kurwanya akarengane, kuko Umuryango FPR Inkotanyi ari wo nkingi y’iterambere ry’Igihugu.

Bemeje ishyirwaho ry’Urwego rw’Inararibonye rw’Umuryango FPR Inkotanyi, ndetse n’ivugururwa ry’inzego z’amategeko y’Umuryango FPR Inkotanyi.

Ayo mategeko agena imiterere ya Komite Nyobozi yo ku rwego rw’Igihugu hongerwamo Visi Perezida wa kabiri n’Umunyamabanga Mukuru Wungirije.

Ayo mategeko agena kandi inshingano, imiterere n’imikorere by’Urwego rw’Inararibonye rw’Umuryango FPR Inkotanyi.

Abanyamuryango batoye ku bwumvikane busesuye Abayobozi bashya muri Komite Nyobozi yo ku rwego rw’Igihugu, hashingiwe ku mavugururwa yakozwe ku ngingo z’amategeko, ku mwanya wa Visi Perezida wa Mbere, Visi Perezida wa Kabiri, Umunyamabanga Mukuru n’Umunyamabanga Mukuru wungirije.

Abo bayobozi ni Uwimana Consolée, Visi Perezida wa Mbere, Kayisire Marie Solange, Visi Perezida wa Kabiri, Amb. Bazivamo Christophe, Umunyamabanga Mukuru, ndetse na Gasana Karasanyi Stephen, Umunyamabanga Mukuru Wungirije.

Abanyamuryango ba FPR Inkotanyi biyemeje kandi kunoza ubukangurambaga mu Muryango FPR Inkotanyi hashingiwe ku mahame n’indangagaciro byubaka ireme ry’Abanyamuryango bose, bigafasha Igihugu gukemura ibibazo bijyanye n’aho ibihe bigeze, haba mu Gihugu cyangwa ku Isi.

Biyemeje kandi guhwitura abakuru kugira ngo babere urugero rwiza abato, no kuzirikana ibyo urubyiruko rukeneye mu rugendo rw’iterambere.

Ni umushinga w’itegeko watowe n’Inteko Rusange Umutwe w’Abadepite ukubiyemo ingingo zitandukanye zigenga ikoreshwa ry’umuhanda n’ibihano biteganyijwe kubatazawubahiriza.

Icyiciro cya kabiri kiri tegeko kivuga ku kugenza no guhana ibyaha giteganya ko umuyobozi w’ikinyabiziga utwara ikinyabiziga yarengeje igipimo cy’inzoga mu maraso aba akoze icyaha.

Iyo abihamijwe n’urukiko ahanishwa ihazabu itari munsi ya FRW 100.000 ariko itarenze FRW 400.000 n’igifungo kitari munsi y’amezi 3 ariko kitarenze amezi 6.

Iyo atwaye ikinyabiziga gitwara abantu mu buryo bwa rusange; gitwara abanyeshuri; abakozi hamwe; cyangwa gitwara ba mukerarugendo; imizigo irengeje toni 3,5; cyangwa agamije kwinjiza amafaranga; ahanishwa ihazabu itari munsi ya 150 000 FRW ariko itarenze 300 000 FRW n’igifungo kitarengeje iminsi 10 cyangwa kimwe muri ibyo bihano.

Umuyobozi w’ikinyabiziga utavugwa mu gika cya mbere ufite igipimo cya arukoro mu maraso gikubye nibura inshuro ebyiri z’igipimo ntarengwa, ahanishwa ihazabu itari munsi ya 200.000 FRW ariko itarenze 500.000 FRW n’igifungo kitari munsi y’amezi 3 ariko kitarengeje amezi 6 cyangwa kimwe muri ibyo bihano.

Iyo umuyobozi w’ikinyabiziga yongeye gukora icyaha giteganywa n’iyi ngingo mu gihe kitarengeje umwaka umwe, ahanishwa igihano ntarengwa giteganyijwe n’iyi ngingo kandi icyo gihano gishobora kongerwa kugeza ku nshuro ebyiri zacyo.

Ingingo ya 38 ivuga ko Umuyobozi w’ikinyabiziga wanga gupimwa arukoro mu maraso, aba akoze icyaha. Iyo abihamijwe n’urukiko, ahanishwa ihazabu itari munsi ya 300.000 FRW ariko itarenze 600.000 FRW n’igifungo kitari munsi y’amezi 3 ariko kitarenze amezi 6.

Iyo atwaye ikinyabiziga gitwara abantu mu buryo bwa rusange; gitwara abanyeshuri; gitwarira abakozi hamwe; gitwara ba mukerarugendo; gitwara imizigo irengeje toni 3,5 cyangwa agamije kwinjiza amafaranga ahanishwa ihazabu itari munsi ya 400. 000 FRW ariko itarenze FRW 600.000 n’igifungo kitarengeje iminsi 10 cyangwa kimwe muri ibyo bihano.

Iyo umuyobozi w’ikinyabiziga yongeye gukora icyaha giteganywa n’iyi ngingo mu gihe kitarengeje umwaka umwe, ahanishwa igihano ntarengwa giteganyijwe n’iyi ngingo kandi icyo gihano gishobora kongerwa kugeza ku nshuro ebyiri.

Ingingo ya 39 yo ivuga ko umuyobozi w’ikinyabiziga uhagaritswe n’umugenzacyaha cyangwa umukozi ubifitiye ububasha akanga guhagarara, aba akoze icyaha. Iyo abihamijwe n’urukiko ahanishwa ihazabu itari munsi ya 400.000 FRW ariko itarenze 700.000 FRW n’igifungo kitari munsi y’amezi 3 ariko kitarengeje amezi 6.

Ingingo ya 40 ivuga ko umuntu utwara ikinyabiziga atagira uruhushya rwo kugitwara aba akoze icyaha. Iyo abihamijwe n’urukiko, ahanishwa igifungo kitari munsi y’iminsi 15 ariko kitarenze iminsi 30 n’ihazabu itari munsi ya FRW 100.000 ariko itarenze FRW 200.000 cyangwa kimwe muri ibyo bihano.

Bamwe mu Bashoferi baganiriye na Kigali Today bavuga ko kuba iri tegeko ryatowe bizagabanya impanuka zo mu muhanda abatwara ibinyabiziga nibaramuka babyubahirije.

Ati “ Ndumva ari byiza kuko tuzaba dutwara tuzi neza ko nidukora amakosa hari ibihano bIdutegereje birimo n’igifungo. Tuzagerageza kwirinda aho bishoboka hose”.

Bikubiye mu ngingo ya 22 y’umushinga w’itegeko rigenga ikoreshwa ry’umuhanda aho ivuga ko ufite ikinyabiziga azajya abimenyeshwa hanyuma akaba yakigurishiriza ku giciro yishimiye, gusa akubahiriza kwishyura amande yaciwe.

Hon. Tumukunde Hope Gasatura, Perezida wa Komisiyo y’Ububanyi n’Amahanga, Ubutwererane n’Umutekano mu Nteko Ishinga Amategeko y’u Rwanda, asobanura impamvu muri iri tegeko harebwe uburyo nyiri ikinyabiziga yahabwa uburenganzira bwo kukigurishiriza barebaga niba byajya bituma kigira agaciro kuruta uko cyashyirwa muri cyamunara kikagurwa amafaranga make.

Ati “Kuba yaza akigurishiriza ikinyabiziga cye akishyura amande twasanze ntacyo bitwaye kuko bimuha amahirwe yo kuba yasubirana ikinyabiziga cye agakora ndetse igihe akigurishirize akaba yagira icyo asagura”.

Depite Muhakwa Valens yabajije niba guha nyiri ikinyabiziga kukigurishiriza bitateza igihombo Leta igihe yaba agurishije amafaranga make adahwanye n’amande yaciwe.

Minisitiri w’Ibikorwa Remezo, Dr Jimmy Gasore, yavuze ko mu gusuzuma uyu mushinga w’itegeko barebye ko hatabaho gufatira imitungo ya nyiri ikinyabiziga biturutse ku kubura uburyo bwo kwishyura amande yaciwe.

Ati “Birasanzwe ntabwo uburyozwe bw’amande bwatuma hafatirwa indi mitungo yaba iy’ubutaka ndetse n’inzu ni yo mpamvu habaye kureba kuri nyiri ikinyabiziga, ariko ntihagamijwe gushyirisha Leta mu gihombo”.

Amafaranga akomotse mu igurisha mu cyamunara y’ikinyabiziga cyafunzwe ni yo yonyine akoreshwa hishyurwa ibyakozwe kubera iryo fungwa. Iyo amafaranga avuye mu igurisha mu cyamunara ry’ikinyabiziga cyafunzwe arenze ay’ibyakozwe kubera iryo fungwa, asigaye abikwa kuri konti yabugenewe bikamenyeshwa nyiri ikinyabiziga cyangwa umuhagarariye imbere y’amategeko kugira ngo aze kuyatwara.

Bigenda bite kugira ngo ikinyabiziga gifatirwe?

Gufunga ikinyabiziga ni icyemezo gifatwa n’umuyobozi w’ishami rishinzwe umutekano wo mu muhanda cyo gushyira ikinyabiziga ahantu hateganyijwe ku mpamvu zo kubungabunga umutekano wo mu muhanda kugeza igihe ikinyabiziga gisubirijwe nyiracyo cyangwa giterejwe cyamunara.

Umuyobozi ufunze ikinyabiziga yuzuza ifishi yabugenewe, kopi yayo igahabwa nyiracyo cyangwa umuyobozi wacyo.

Gufunga ikinyabiziga bishobora kubanzirizwa no kukibuza kugenda, mu gihe umugenzacyaha w’ibyaha bihungabanya umutekano wo mu muhanda cyangwa umukozi ubifitiye ububasha asanga ari ngombwa kandi hakurikijwe ibiteganywa n’iri tegeko.

Ikinyabiziga gifungwa iyo cyatawe ku muhanda cyangwa ku mpande zawo kandi nyiracyo akaba atazwi cyangwa adashobora kuboneka, nyiracyo cyangwa umuyobozi wacyo atakemuye ibyatumye gihagarikwa umwanya muto.

Ikindi gishobora gutuma gifatirwa ni igihe kitakoreshejwe hakurikijwe ibyasabwe mu isuzuma cyakorewe, cyakoze impanuka yapfiriyemo umuntu, cyangwa umuyobozi wacyo afite mu maraso igipimo cya alukolu gisumba igiteganywa mu ngingo ya 7.

Ikinyabiziga gifungwa igihe kingana gute?

Igihe ntarengwa cy’ifungwa ry’ikinyabiziga ni amezi atatu abarwa uhereye igihe ryemerejwe n’umuyobozi ubifitiye ububasha. Iyo igihe kivugwa mu gika cya mbere kirangiye nyiri ikinyabiziga cyangwa umuhagarariye wemewe n’amategeko adakuye ikinyabiziga aho gifungiwe, kigurishwa mu cyamunara cyangwa kigasenywa hakurikijwe amategeko abigenga.

Jarama sector - Ifoto ya AI

Amakuru yatanzwe n’abaturage, bo mu mudugudu wa Murama, avuga ko
abapfuye harimo ab’igitsina gabo batandatu n’ abigitsina gore batatu hahungabana 9.

Abo baturage bari bavuye mu kibaya cy’akagera guhinga, bageze i musozi ahitwa Mbuye hagwa imvura irimo inkuba, bugama mu kazu k’imboni z’umutekano ari naho yabakubitiye.

Imirambo y’abapfuye yajyanywe ku kigo nderabuzima cya Jarama ngo izashyingurwe ejo kuwa mbere tariki 5 Mutarama 2026.

Aba baturage bakubiswe n’inkuba mu gihe Ikigo cy’Igihugu cy’Iteganyagihe, Meteo Rwanda, cyatangaje ko mu kwezi kwa Mutarama 2026 hateganyijwe imvura iri hagati ya milimetero 50 na 300, ikaba iri hejuru gato y’impuzandengo y’isanzwe igwa muri uku kwezi.

Imvura iziyongera cyane cyane mu bice by’Intara y’Iburengerazuba, iy’Amajyaruguru, iy’Amajyepfo, Umujyi wa Kigali, no mu bice bimwe na bimwe by’Intara y’Iburasirazuba.

Ubusanzwe imvura isanzwe igwa mu kwezi kwa Mutarama iri hagati ya milimetero 26 na 269.

Mu gice cya mbere n’icya gatatu cy’ukwezi kwa Mutarama 2026, hateganyijwe imvura izaba iri ku kigero cy’impuzandengo y’isanzwe igwa muri ibyo bice, naho mu gice cya kabiri hateganyijwe imvura iri hejuru gato y’impuzandengo y’imvura isanzwe igwa.

Bimwe mubyafasha umuntu kwirinda gukubitwa n’inkuba

Mu gihe hagwa imvura ivanze n’inkuba n’imirabyo abaturage basabwa kwirinda kugama munsi y’igiti kiri cyonyine, Kwirinda kugama ahantu hari amazu ya telefoni rusange, ku misozi hejuru, kuko ibyo byose byagira uruhare mu gukubitwa n’inkuba.

Ikindi ni ukwirinda gukorakora no gutwara ibintu bizwiho gutwara umuriro vuba ni ukuvuga ibyuma binyuranye nk’amakanya, ferabeto,n’ibindi mu gihe ibyo byuma bisumba umutwe w’ubitwaye.

Uri mu modoka agomba gufunga ibirahure byose, hanyuma kandi abantu bakirinda gukorakora (gushyira intoki) mu madirishya arimo ibyuma bya giriyaje.

Abantu basabwa kandi kwirinda kuba hafi cyangwa gukorakora ahantu hari za senyenge cyangwa se ibindi bikoresho bikoze mu byuma.

Mu buryo bwafasha kwirinda inkuba harimo kwirinda gukoresha ibyuma bizamuka mu nyubako z’amagorofa aribyo bita ascenceur (lift) igihe cy’imirabyo n’inkuba.

Hari kandi kwirinda gukoresha ibintu byose bikoresha amashanyarazi mu gihe utizeye neza ko inyubako yawe ifite “akarindankuba” (paratonerre). Niba uri ku igare cyangwa kuri moto, ibyiza ni ukubivaho kuko bishobora gutuma inkuba igukubita.

Abaganiriye na Kigali Today bavuga ko bagorwa cyane mu bihe by’imvura kuko iyo iguye babura aho banurira umuceri bigatuma unyagirwa.

Havugimana Alex avuga ko imbuga banikaho ari nto ugereranyije n’umusaruro babona, akavuga ko byamuteje igihombo ku musaruro yabonaga.

Ati“Simbura nk’ibiro biri hagati ya 20 na 30 mpomba kubera imvura ndetse ngatakaza umwanya ntegereje ko hari uwanura ngo nange mbone aho nanika”.

Akomeza agira ati “Iyo imvura yaguye dutwikiriza Shitingi ariko hari n’ubwo umuceri unyagirwa igihe iguye itunguranye ugasanga habayeho kwangirika ndetse rimwe na rimwe warangara gato umuvu ukawutwara”.

Ikindi Havugimana yagaragaje nuko usanga mu gihe cyo kwanika umuceri bibasaba umwanya munini wo gutegereza mugenzi we wumishije kugira ngo abone aho yanika.

Ati “ Na hano twanika hasi ni hato ukurikije umusaruro wacu, none se ubu ugira ngo ntibwije hari abatanitse kubera kubura aho banika kuko habaye hato. Twasabaga ko badutunganyiriza indi mbuga bikajya bitworohera kwanika”.

Mukandekwe Josephine nawe avuga ko baramutse babonye imbuga yo kwanikaho umusaruro wabo byabafasha kutagwa mu gihombo ndetse bigatuma umuceri wabo uba mwiza ku isoko.

Ati “Nonese urumva umuceri wanyagiwe uba usa nutarigeze uhura n’imvura? Ikindi turi benshi pe niyi mbuga ubona ntiduhagije kuko bisaba ko wanika ari uko mu genzi wawe yanuye”.

Umuyobozi w’ishami ry’ubuhinzi ubworozi n’umutungokamere mu karere ka Ngoma Mudahemuka Innocent avuga ko mu gushaka igisubizo cy’iki kibazo bazifashisha imashini yumisha imyaka ‘Mobile dry’ ikajya iwumisha hatabayeho kwanika banura kugeza utonowe.

Ati “ Iyo mashini yumisha umuceri ako kanya bagahita bawujyana ku ruganda kuwutonoza ndatekereza ko aribyo bizatanga igisubizo kuri iki kibazo ndetse bikanarinda umusaruro kwangirika”.

Mudahemuka avuga ko ‘Mobile Dry’ iri Ngoma mu murenge wa Kazo bayibonye mu kwezi k’Ukuboza 2025 ku bufatanye n’Umuryango utegamiye kuri Leta wo mu Buholandi igurwa asaga Miliyoni 400.

Ati“Koperative zishyize hamwe uko ari enye zirimo iyitwa Koperative Subiza, Koabika, Kopamunya, Koremu, ku bufatanye n’akarere ka Ngoma n’umuryango utegamiye kuri Leta y’ Abahorandi yitwa ‘Agri_Terra’ iragurwa.

Iyi ‘Mobile Dry’ ifite ubushobozi bwo kumisha umusaruro ku buryo udatakaza ubuziranenge, bityo Mudaheranwa asanga izaba igisubizo cy’abakeneye imbuga kuko umusaruro uzajya usarurwa uhita wumishwa ndetse ukanatonozwa.

Mudahemuka avuga ko iyi Koperative yiguriye imodoka ebyiri z’amakamyo azifasha kugeza umusaruro ku ruganda ruwutonora, asanga rero nibabyumva neza bizabafasha no kujya bahita bumisha umusaruro wabo.

Kwanika no kwanura umuceri bituma aba bahinzi batakaza hagati ya 19% na 21% by’umusaruro w’ibyo bejeje bingana na toni 1330kg mu mwaka. Mukarere kose beza mu gihembwe cy’amezi 6 Toni ibihumbi 7 by’umuceri.

Umuvugizi wa Polisi ACP Rutikanga avuga ko tariki 31 Ukuboza 2025 na 1 Mutarama 2026 umutekano wo mu muhanda wagenze neza. Ariko habayeho impanuka enye, ebyiri zabereye muri Kigali n’indi imwe yabereye mu karere ka Nyamasheke, n’imwe mu karere ka Bugesera zikaba

Rutikanga avuga ko hari n’abafashwe batwaye ibinyabiziga banyoye ibisindisha bagera kuri 47 abenshi bakaba ari abamotari ndetse n’abatwaye amagare.

Ikindi Umuvugizi wa Polisi yavuze kitagenze neza ni uburangare bwa bamwe mu babyeyi baretse abana babo bakajya kureba uko baturutsa ibishashi (fireworks) hirya no hino mu gihugu bonyine.

Ati “ Mu gihe cyo guturitsa ibishashi (fireworks) hirya no hino mu gihugu hagaragaye abana benshi bari bonyine. Hari aho wasangaga abana bari hagati y’imyaka 6-10 mu masaha ya saa saba z’ijoro bagenda bonyine nta muntu mukuru barikumwe. Iki ni ikibazo cy’uburangare ku ruhande rw’ababyeyi batita ku bana babo”.

Aha ni naho Umuvugizi wa Polisi ACP Rutikanga yagiriye ababyeyi inama yo kwita ku bana cyane abakiri bato babarinda kugenda mu ijoro ari bonyine, bakibuka ko aribo bafite inshingano z’ibibanze zo kurinda abana babo.

Ni ibiganiro byateguwe n’Ihuriro ry’Abanyarwandakazi bari mu Nteko Ishinga Amategeko, FFRP, bifite insanganyamatsiko igira iti ‘kungurana ibitekerezo hagati y’abato n’abakuru ku muryango utekanye kandi ushoboye, utegura abayobozi b’u Rwanda b’ejo hazaza’.

Dore imyanzuro yafatiwe muri iyi nama

Kubagize ihuriro FFRP biyemeje gukomeza kuba umusemburo w’impinduka nziza mu guteza imbere ihame ry’uburinganire ubwuzuzanye bw’abagore n’abagabo hitawe cyane kugusesengura Politike n’amategeko agenga umuryango, kugira uruhare mu kubimenyekanisha mu baturage hagamijwe gukumira ibibazo bitera amakimbirane mu muryango.

Gushyiraho no guteza imbere ingamba zihamye zo gukumira no gukemura amakimbirane mu miryango hakiri kare hifashshijwe ubujyanama ubuhuza bw’imiryango n’imikoranire y’inzego zibanze hagamijwe kubaka umuryango utekanye kandi uteye imbere.

Gushyigikira gahunda zashyizweho zigamije gutoza abakiri bato indangagaciro zibafasha kwiyubaka no kubaka umuryango n’igihugu muri rusange.

Gushyiraho uburyo buhamye bwo gutegura abagiye gushinga ingo no guherekeza abamaze kubana nk’umugabo n’umugore mu buryo bwo kubahiriza inshingano zabo baharanira iterambere ry’imiryango yabo.

Gushyiraho uburyo buhamye bwo kumenya imiryango ifite ibibazo ku rwego rw’umudugudu n’isibo no kuyiherekeza mu rugendo rwo kuva muri ibyo bibazo.

Guhuza ibikorwa no kongerera ubushobozi inshuti z’umuryango, Komite z’umuryango, Komite z’umugoroba w’umuryango, inama y’igihugu y’abagore, inama y’igihugu y’urubyiruko, urubyiruko rw’abakorerabushake, no kunoza imikoranire hagati yazo, hagamijwe kubaka ubushobozi bw’abagize umuryango mu mibereho myiza.

Kubaka ubushobozi bw’ababyeyi ngo barusheho kubahiriza inshingano zabo bareberera igihugu ab’ingirakamaro cyane cyane bita ku burere buboneye bakoresha neza gahunda za Leta yabegereje.

Gukomeza kwigisha abayobozi gukunda no kumva abo bayobora hagamijwe gukumira no gukemura ibibazo bibangamira umuryango no gukomeza gusigasira ibyakozwe mu kubaka umuryango ushoboye kandi utekanye.

Dr Uwihoreye yabitangaje mu Nama Nyunguranabitekerezo ku muryango utekanye n’imyitwarire y’urubyiruko ruzavamo abayobozi b’ejo u Rwanda rwifuza yahuje Abadepite, abayobozi mu nzego za Leta na Sosiyete Sivile zifite aho zihuriye n’imibereho y’umuryango.

Ni ibiganiro byateguwe n’Ihuriro ry’Abanyarwandakazi bari mu Nteko Ishinga Amategeko, FFRP, bifite insanganyamatsiko igira iti ‘Kungurana ibitekerezo hagati y’abato n’abakuru ku muryango utekanye kandi ushoboye, utegura abayobozi b’u Rwanda b’ejo hazaza’.

Dr Uwihoreye yavuze ko nubwo ibisenya umuryango ari byinshi ariko hari ibintu by’ingenzi bituma usenyuka burundu bigatuma abawugize bagira ibikomere ndetse bikagera ku rwego umuryango uvukamo amatsinda.

Dr Uwihoreye yagereranyije umuryango nk’umubiri w’umuntu ufite ingingo nyinshi kandi urwo rukomatanye rw’ingingo zikuzuzanya kugira ngo umubiri ubashe gukora neza kandi bifashe umuntu kubaho neza.

Ati“Umuryango nawo uba ugomba kuzuzanya uhereye ku mugore, umugabo n’abana kugira ngo ubeho utekanye kandi ufite ibyishimo”.

Dr Uwihoreye avuga ko ibintu bishobora gutuma umuryango urwara harimo kubura kw’ibiganiro n’Ubusabane hagati y’abashanye, gutakaza inshingano kw’ababyeyi bigatuma abana bahababarira, ndetse no kuba umuryango wahura n’ingorane zo kubura urubyaro, kubyara ufite ubumuga, bigakurura ubwumvikane buke.

Yifashishije umugani wa Kinyarwanda Dr Uwihoreye yavuze ko hari n’abashobora gushinga umuryango ubwabo barwaye ariko batabizi ko uburwayi cyangwa ibikomere bafite bitazabemerera kugira umuryango uhamye.

Ati “ Imitima ikomeretse ntiturana. Ni ukuvuga ko ibikomere umuntu afite iyo bitavuwe nabyo bishobora gutuma umuntu atubaka umuryango utekanye”.

Ibimenyetso bine bizakwereka ko umuryango warwaye

Dr Uwihoreye avuga ko ikimenyetso cya mbere ari amakimbirane ariko akaba mabi cyane iyo arimo guceceka, ku buryo hatabaho no kuvugana.

Ati“Iyo umugore n’umugabo batumvikana bigira ingaruka ku bana kuko usanga hajemo amatsinda ugasanga abana bafite aho babogamiye cyangwa ugasanga babuze uruhande begamiraho”.

Ikindi kimenyetso yerekana ko umuryango urimo usenyuka n’igihe umugabo cyangwa umugore bahukanye nta mpamvu.

Ati“Gufata ikemezo ukava mu rugo ukagenda nta mpamvu ifatika, cyangwa hakabaho kwahukanira mu rugo bimwe byateye kw’iki gihe aho usanga umwe yarahukaniye mu cyumba kimwe nabyo byerekana ko umuryango urwaye”.

Ikindi kimenyetso nuko umwe mu bagize umuryango ashobora kugaragaza ibimenyetso by’uburwayi bwo mu mutwe (depression) bikaviramo abana kuba inzererezi no kujya mu biyobyabwenge.

Dr Uwihoreye avuga ko umuryango warwaye uba ukeneye kuvurwa bakabafasha kongera kugirana ubusabane n’ibiganiro bakongera bakagirirana ikizire ndetse no kugira umutekano mu rugo.

Minisitiri Dr. Gasore yabibwiye abagize Inteko Ishinga Amategeko Umutwe w’Abadepite kuri uyu wa 29 Ukuboza avuga ko mu itegeko rigenga ikoreshwa ry’imihanda barebye bagasanga igihe umushoferi yitabye terefone atayifashe mu ntoki atabihanirwa.

Yakomeje ati “Mu gihe telefoni irambitse hasi, ihujwe n’imodoka ntabwo byitwa ikosa, bibarwa nk’aho waba uri kuganira n’umuntu mwicaranye mu modoka. Ndagira ngo mbitangeho umucyo.”

Umushinga w’itegeko rigenga ikoreshwa ry’umuhanda urimo ingingo zirebana no guhangana n’ibyaha, n’ibijyanye no gukoresha ikoranabuhanga mu gucunga no gutahura amakosa y’abatwara ibinyabiziga, ndetse n’amakosa 10 azaherwaho mu kwambura amanota abayakoze hagamijwe kongera umutekano wo mu muhanda no kugabanya impanuka ziwuberamo.

Ibishya by’ingenzi byateganyijwe mu mushinga w’itegeko harimo gucunga uruhushya rwo gutwara ibinyabiziga hakoreshejwe amanota y’imyitwarire hatangiriwe ku makosa 10 akomeye umuntu akora yabigambiriye.

Minisitiri w’ibikorwaremezo Dr Jimmy Gasore yabwiye Abadepite ko gukurwaho amanota bizakorwa mu buryo butandukanye hagendewe ku makosa yakozwe n’umushoferi abigambiriye.

Minisitiri yagaragaje kandi urutonde rw’amakosa icumi azaherwaho mu gukurikirana imyitwarire y’umuyobozi w’ikinyabiziga hakoreshejwe uburyo bw’amanota.

Ati “Ayo makosa ashingira ku bikorwa byagambiriwe, birimo kwirengagiza amategeko, cyangwa kurenga ku byemezo, birimo guhunga nyuma yo gukora cyangwa guteza impanuka yo mu nzira nyabagendwa no gutwara ikinyabiziga cyacomowemo akagabanyamuvuduko ( Driving a vehicle with a disconnected speed governor)”.

Irindi kosa ni ugutwara ikinyabiziga kidafite akagabanyamuvuduko gategetswe, gutwara ikinyabiziga warengeje igipimo ntarengwa cya arukoro mu maraso, gutwara ikinyabiziga wanyoye ibiyobyabwenge cyangwa urusobe rw’imiti ikoreshwa nka byo, gutwara ikinyabiziga warambuwe uburenganzira bwo kugitwara,n’ umuvuduko ukabije.

Aha Minisitiri yatanze urugero rwo kurenza ku muvuduko ntarengwa km 200 ku isaha, guhunga nyuma yo kutubahiriza ikimenyetso cy’itara ritukura, gutwara ikinyabiziga kidafite ubwishingizi, gukoresha telefoni cyangwa ikindi gikoresho cy’itumanaho ubifashe mu ntoki mu gihe utwaye ikinyabiziga.

Aha ninaho Minisitiri Gasore yasobanuye ko umuntu wafatwa arimo avugira kuri terefone ariko yifashishije uburyo bw’ikoranabuhanga nko guhuza terefone na blutooth y’imodoka, adahanwa.

Hasobanuwe ko urutonde rw’amakosa rudakwiye kujya mu itegeko mu rwego rwo guteganya n’andi ashobora kubaho nyuma y’uko itegeko ritangajwe bityo mu iteka bikaba byaba byoroshye kuyongeramo itegeko ridahinduwe.

Ku kirebana n’uko umupolisi ari we ubona icyaha akanagihana Minisitiri yagaragaje ko nta mpungenge irimo kuko mu itegeko hateganyijwe uburyo utishimiye uburyo yahanwe ashobora kujuririra urwego rukuriye uwamuhannye, ndetse no kuri urwo rwego atanyurwa akaba yajuririra urukiko.

Ibikorwa remezo byangiritse biteza impanuka zahitanye abantu

Ikinyamakuru Los Angeles Times cyatangaje ko Polisi ishinzwe umutekano wo mu muhanda, yavuze ko muri abo batatu bapfuye harimo n’Umuyobozi wa Polisi wa Sacramento nyuma yo kugonga igiti cy’amashanyarazi, imodoka ye igatakaza icyerekezo kubera umuhanda wari wanyereye.

Abashinzwe iteganyagihe baraburira abaturage ko indi mvura ikaze ishobora kuza kugwa, ikaza kuba irimo umuyaga ukaze nk’uwaraye usenye amateme n’imihanda ikanateza n’imyuzure.

Guverineri wa California, Gavin Newsom, yatangaje ibihe bidasanzwe by’ubutabazi (state of emergency) mu Mujyi wa Los Angeles no mu tundi turere dutanu duhana imbibi, nyuma y’uko Ikigo cy’Igihugu gishinzwe iteganyagihe gitangaje ko hari ibyago byo kugwa kw’imvura nyinshi, ikaba yanateza imyuzure ishobora kwibasira ahantu henshi kuruta iyaguye.

Imyuzure yangije byinshi

Imvura ikabije yari ku gipimo kitari munsi ya 15%, naho mu Majyepfo ya California, ibyago byo kugwamo imvura irenze urugero biri ku gipimo cya 40%, bikaba biteganyijwe gukomeza kugeza kuri uyu wa Gatanu mu gitondo.

Ibyago byinshi bishobora kwibasira uduce dutangirira mu majyepfo y’uburengerazuba bwa Santa Barbara, bigakomeza muri Ventura yo hagati, bikagera no mu karere ka Los Angeles yo hagati.

Ikigo Pacific Gas & Electric (PG&E) cyemeje ko imvura nyinshi, irimo urubura n’imiyaga ikaze yageze ku muvuduko wa 148km ku isaha, yatumye ibice byinshi by’igihugu bibura umuriro.

Imodoka zagwiriwe n’amabuye n’ibiti

Ubwo yari mu Kiganiro kuri KT Radiyo muri iki gitondo, Rutikanga yagize ati “ Hari abantu bashaka kuzana ikiganiro kure y’ikintu kigenderewe. Polisi ibyo ikora byose ibikorera kuburizamo icyaha, ibyago n’impanuka. Umuhanda ufite amategeko y’uburyo umuntu agomba kuwitwaramo. Uburyo Polisi ishyiraho bwo kureba uko aya mategeko yibahirizwa, no guhana uwayarenzeho ntabwo bigomba kuba impaka. Impaka zaba kuvuga ngo; ese narenganyijwe?"

Rutikanga yavuze ko hagize urengana, yaza akabivuga kuri Polisi, bagasabana imbabazi, bakamurenganura, naho ubundi ngo " umupolisi yaba ari mu kirere, yaba ari munsi y’ubutaka, apfa kuba afite ikimeyetso ko icyo yaguhaniye gikwiriye. Ibyo twebwe ntibitureba."

Yongeyeho ati "Camera waba uyibona, yaba iri mu kirere, drone cyangwa indege, yaba imodoka inyuma yawe, uuhum! birakureba. Icy’ingenzi nuko tuba dufite gihamya ko ibyo wahaniwe ari byo."

Aha ninaho umuvugizi wa Polisi avuga ko ntawe ukwiriye kugena uko umupolisi akora akazi ke cyangwa aho agomba kuba ahagaze mu gihe agenzura uko umuhanda ukoreshwa.

ACP Rutikanga avuga ko abatwara ibinyabiziga bagiye bagaragaza ibyo bifuza mu byerekeranye na Camera harimo ko bashyirirwaho ikimenyetso kerekana ko imbere ye mu ntera runaka hari Camera.

Ibyo Polisi yarabikoze ariko kugira ngo abatwara ibinyabizga batirara bakongera umuvuduko, Polisi ngo yasanze ari ngombwa ko na Camera zimukanwa zigomba gukoreshwa, kuko ngo usanga bamwe bagera hagati ya camera imwe n’iyikurikira bakavuduka.

Yagize ati “Umuntu wese wiga imodoka yiga ko umuhanda uyoborwa n’ibyapa. Iyo urengeje umuvuduko wagenwe muri icyo gice, niba amategeko atubahirijwe uwayaciyeho arabihanirwa. Uburyo dushyiraho bwo kureba ko amategeko yubahirijwe, no guhana uwabirenzeho, ibyo ni ibyacu."

Aha kandi Rutikanga yavuze ku batekereza ko Umupolisi ashobora guhana umuntu kubera inzika, ikibazo bafitanye, yagize ati "buriya itegeko, ni urubaho rugororotse, ntabwo rishobora kwihina ngo ryemerere umuntu uwo ari we wese gukora uko we abishaka. Twebwe tugomba gutwara ubuzima bwacu, bukagendera kuri rwa rubaho rugororotse rw’itegeko."

Umuvugizi wa Polisi yavuze kandi ko Polisi itabona abapolisi bahagarara kuri buri metero y’umuhanda, ari na yo mpamvu na yo ikoresha ikoranabuhanga, nk’uko no mu zindi nzego z’imirimo rikoreshwa.

Ndetse yanateguje ko mu minsi iri imbere, abakoresha umuhanda bashobora kuzajya bavugana n’ikoranabuhanga gusa. Yagize ati "Icyiza cya Tekinoloji, ntirenganya, ntikuzi, ntigira amarangamutima kandi isiga igihamya. Kuyiburanya biragora. Erega abantu nibabyemere bahinduke."

Umuvugizi wa Polisi yagize ati "Ku bakunzi ba 96.0 FM, KT Radiyo, reka mbabwire! nta muhanda wo mu Rwanda utarimo Camera. Iyo mubona irahari, n’iyo mutabona irahari. Nta mpamvu yo kuvuga ngo ndashaka kumenya ko irimo. Ibyo mwigira byose zirimo. Nubona icyapa bakubwira ko hari camera, ntugire ngo ni imwe. Si ishinze, ahubwo hari n’izidashinze."

Umuvugizi wa Polisi ACP Rutikanga yaboneyeho kugira inama abantu batwara ibinyabiziga kujya bubahiriza amategeko y’umuhanda bakirinda impanuka kuko inyinshi ziterwa no kutayubahiriza.

Barizigamira bikabateza imbere

Icyo aba babyeyi bahuriraho iyo babajijwe ku kamaro k’itsinda ryo kwizigamira no kugurizanya, bavuga ko mbere na mbere ribafasha kubona ibyo kwita ku ngo mbonezamikurire abana babo barererwamo, bagatanga ingero ko babashije kubagurira impuzankano, kubabonera ifu y’igikoma igihe iyo bahawe na Caritas Rwanda ifatanyije na Plan International Rwanda yashize, kubabonera ibikomoka ku matungo n’ibindi bikenerwa.

Uretse kwita ku bana, ababyeyi bavuga ko aya matsinda yanabafashije kwiteza imbere mu muryango, ku buryo wa mwana wavuye mu rugo mbonezamikurire akomeza kubona indyo yuzuye n’ibindi akenera ari no mu muryango we.

Penina Musabyimana, ni umuyobozi w’urugo mbonezamikurire “Kura ujye Ejuru" rwo mu mudugudu wa Cyogamuyaga, akagari ka Tunda, Umurenge wa Kamabuye. Kimwe n’ahandi hari ingo mbonezamikurire zifashwa na Caritas Rwanda ifatanije na Plan International Rwanda, ababyeyi bazirereramo bibumbiye mu matsinda yo kwizigamira no kugurizanya. Itsinda Musabyimana arimo ryitwa Duharanire Isuku, rikaba rigizwe n’abanyamuryango 30, bizigama kuva kuri 200 kugeza ku mafaranga y’u Rwanda 650 buri cyumweru.

Ati “Ni ukuvuga ko umugabane shingiro ari 200 ku buryo buri munyamuryango ashobora kwizigamira imigabane itatu mu cyumweru, akongeraho Frw 50 y’ingoboka”.

Caritas ku bufatanye na Plan International Rwanda babigishije kuzuza ibitabo by’ibaruramari

Aya mafaranga yabafashije kwiteza imbere ku buryo uyu mubyeyi yabashije kubaka icyumba cyo kubikamo ibikoresho, cyiyongera ku nzu yari asanzwe afite ndetse abasha kuyikorera amasuku ashyiramo sima akoresheje inguzanyo ya Frw 60,000 yatse mu byiciro bibiri bingana. Ababyeyi babana mu itsinda bamuhaye umuganda wo kubumba amatafari.

Gahunga Emmanuel ni umwe mu bibumbiye mu itsinda ‘Twite ku Bibondo’ riherereye mu mudugudu wa Tunda, Akagari ka Tunda, Umurenge wa Kamabuye. Ryatangiye mu 2014 bizigama Frw 200, batangira bakorana na Plan International Rwanda, naho mu 2022 batangira gukorana na Caritas Rwanda ku ‘bimina bivuguruye’.

Gahunga avuga ko muri ibi bimina bivuguruye bafitemo gahunda bise ‘kurasa ku ntego’ ibafasha kudapfusha ubusa inguzanyo, ikabafasha kuyikoresha icyo bayisabiye. Iyi gahunda igamije gufasha umunyamuryango kugurizwa amafaranga babanje kureba icyo agiye kuyakoresha, ndetse nabo bagasuzuma koko ko icyo yayasabiye ari cyo yakoze.

Ati “Bituma ya nguzanyo idapfira ubusa umunyamuryango, kuko yirinda gukora ikosa ngo abe yakoresha amafaranga icyo atayasabiye”.

Buri muntu uri mu kimina aba afite agatabo k’ubwizigame bwe

Ku gite cye avuga ko iryo tsinda ryamufashije kurihirira abana be amashuri yisumbuye ndetse ubu akaba afite n’uri muri kaminuza. Avuga kandi ko ibimina bivuguruye babitangiye nyuma yo guhabwa amahugurwa na Caritas Rwanda, ubu bakaba babikora neza ndetse buri munyamuryango akaba afite agatabo ko kubitsa.

Gahunga yongeraho ko afite gahunda yo kurangiza kwishyura Frw 100,000 aheruka kuguza mu itsinda akongera kuguza andi azakoresha ateza imbere ubuhinzi n’ubworozi bwe.

Nyirankundiye Josée na we uri mu itsinda ryo kubitsa no kugurizanya ‘Twite ku bibondo’, yishimira ko ikimina cyamufashije gutera imbere kuko kuva yakijyamo yagujije Frw 60,000 aguramo ihene, arazorora bimuha kubona amafaranga y’ishuri ry’abana.

Yaje kongera kuguza Frw 147,000 agura ihene n’inkoko, abasha kongera umubare w’amatungo mu rugo rwe.

Ati “Nize n’umushinga wo kurangura ibitoki nkenga umutobe nkawugurisha nkabasha kwikenura, ndetse ubu nindangiza kwishyura ayo nagujije nzaka indi nguzanyo nkomeze nkore niteze imbere, kuko nabonye binyungura Frw 40,000 mu kwezi”.

Bafata umwanya wo kungurana ibitekerezo ku kibahuje

Uretse intego ya buri munyamuryango yo kwiteza imbere, hari n’intego bahuriraho.

‘Abadahigwa’, ni irindi tsinda ryo kuzigama no kugurizanya rifashwa na Caritas Rwanda ifatanyije na Plan International Rwanda, ryasuwe na Kigali Today. Rikorera mu Murenge wa Ngeruka mu Kagari ka Ngeruka.

Nk’uko umuyobozi waryo, Habineza Emmanuel abisobanura, mu byo ryagejeje ku banyamuryango harimo kugura amatungo magufi arimo ihene n’inkoko.

Umwaka ushize ubwo barasaga ku ntego (kugabana ayo bizigamye n’ayo bungutse nyuma y’icyiciro cy’ubwizigame), itsinda ryaguriye buri munyamuryango inkoko 3 zimuha amagi yo kugaburira abana mu rwego rwo kurwanya igwingira. Ihene zo umunyamuryango yaraguzaga, akagura izo ashaka akazishyura.

Mu mwaka ushize kandi iri tsinda ryari rifite indi ntego yitwa ‘Duce Nyakatsi mu buriri’, aho abanyamuryango batararaga ku mifariso bakanguriwe gufata inguzanyo bakayigura, none kuri ubu bose barara heza.

Iyo barashe ku ntego bagura amatungo abafasha kwiteza imbere

Umwaka wo kuzigama iri tsinda ryatangiye muri Nyakanga 2025 rikazawusoza muri Kamena 2026, rifite intego yo kurushaho kunoza isuku mu ngo, aho abanyamuryango bakangurirwa gufata inguzanyo zo kugura ibidomoro byo kubikamo amazi meza, kugira ngo urugo rubone amazi meza yo kunywa.

Umushinga wa ECD ukorera mu Turere twa Bugesera, Nyaruguru na Gatsibo. Mu Karere ka Bugesera ingo mbonezamikurire zikurikiranwa na Caritas Rwanda ku bufatanye na Plan International Rwanda ni 29, muri zo 13 ziri mu Murenge wa Kamabuye naho 16 zikaba mu Murenge wa Ngeruka. Ababyeyi barerera muri buri rugo mbonezamikurire baba bibumbiye mu itsinda ryo kubitsa no kugurizanya.

Borora n’inkoko zibaha amagi abafasha kubonera indyo yuzuye abana n’imiryango muri rusange

Kwizigamira babigize intego

Ubwizigame bwabo butuma abana mu ngo mbonezamikurire ntacyo babura gikenewe

Ubu bukangurambaga bugamije kwishyura hakoreshejwe terefoni ngendanwa hagamijwe kwiteza imbere no kwihaza mu by’imari.

Muri ubu bukangurambaga buzagera mu gihugu hose, Banki Nkuru y’u Rwanda yagiranye ibiganiro n’abari mu nzego z’abagore haba ku rwego rw’akagari, umurenge n’Akarere, ndetse n’abahagarariye amabanki atandukanye ngo bagaragaze ibyiza byo guhuza konti na terefoni igendanwa.

Mujawimana Esperence ni umwe mubaje muri ibi biganiro, avuga ko we yari asanzwe afite konti yo kubitsa muri banki yahujwe na terefoni ye.

Yagize ati "Guhuza Konti ya Banki na telefone bifasha kugendana amafaranga yawe kuko uyabona igihe cyose uyashakiye udatakaje umwanya ujya kuri Banki".

Bazigaga Speciose nawe ni umwe mu bitabiriye ibiganiro na Banki nkuru y’u Rwanda akaba avuga ko agiye gukangurira abagore bagenzi be kwitabira guhuza terefone na Konti yabo kuko bizajya bibafasha kubona amafaranga yabo vuba mu gihe bayakeneye.

Nsengiyumva Rwisumbura Bernard umuyobozi ushinzwe guteza imbere ubutajegajega bw’urwego rw’imari muri Banki Nkuru y’u Rwanda avuga ko ubu bukangurambaga bugamije gufasha abagore kwiteza imbere ndetse bakoroherwa no kwegera serivisi z’imari.

Yagize ati " Mu karere ka Kirehe abagore bagera kuri 65% bari muri za Koperative, kandi bibumbiye mu kimina rero kwitabira gahunda ya ’Gendana Konti’ bizabafasha kugera kuri serivisi y’imari mu buryo bwihuta".

Nsengiyumva avuga ko kuba umugore yagendana Konti bizamufasha mu iterambere ry’igihugu ndetse n’urugo rwe.

Ati " Ashobora kwishyura ubwisungane, amazi, amashanyarazi akoresheje terefone, ashobora guhaha akishyura na terefone, urumva ko kugendana Konti ari ikintu kimufitiye akamaro kanini".

BNR yagaragaje imbogamizi zihari mu kwitabira gukoresha terefone

N’ ubwo ubwinshi bw’ikoreshwa rya terefone ngendanwa mu Rwanda bwazamutse kuva kuri 35% mu 2010 kugeza kuri 87% mu 2024, 72% gusa by’abagore nibo bakoresha serivisi zo kwishyurana hakoreshejwe terefone ngendanwa ugereranije na 81% by’abagabo.

Ikindi kandi, abagore miliyoni 1.16 banagana na 28% ntibakoresha serivisi zo kwishyurana hakoreshejwe terefone ngendanwa kubera impamvu zitandukanye, zirimo ubumenyi buke mu by’imari.

Mu karere ka Kirehe, 3% by’abakuze ntibagerwaho na serivisi z’imari na mba.

Iyi gahunda izakomerza mu Karere ka Rwamagana ku wa 24 Ukuboza, ndetse no mu Karere ka Gicumbi, Intara y’Amajyaruguru, ku wa 29 Ukuboza.

Kuva gahunda ya Gendana Konti yatangizwa, yageze ku ntsinzi igaragara aho abagore baganirijwe hose nko mu Turere twa Nyaruguru, Nyamasheke, Ngoma na Rulindo.

Gahunda yakiriwe ku bagore 120,000 bahabwa amasomo ajyanye n’imari, ndetse abarenga 30,000 bafashwa gufungura konti za Mobile Money cyangwa kongera gukoresha izari zarahagaze.

Uturere icumi mu gihugu hose tumaze kwakira intumwa za Banki Nkuru zaganirije abagore kuri Gendana Konti kandi bahita bayitegura. Gahunda izakomeza no mu tundi turere twose tw’Igihugu.

Ibi biri mu muronhgo w’icyerekezo cy’u Rwanda cy’iterambere ridaheza, mu kwemeza ko n’abagore bose bashobora kugira uruhare rusesuye mu bukungu bushingiye ku ikoranabuhanga.

Iy nguzanyo igenewe umushinga wo guteza imbere amashuri ya TVET hagamijwe impinduka, yashyiriweho umukono i Kigali mu Rwanda, ku wa 18 Kamena 2025.

Minisitiri w’Imari n’Igenamigambi, Yusuf Murangwa, wari uhagarariye Guverinoma y’u Rwanda muri iyi Nteko rusange y’Umutwe w’Abadepite asobanura impamvu bakwiriye gutora uyu mushinga w’itegeko, yavuze ko iyi nguzanyo ikabakaba muri miliyari 43 z’amafaranga y’u Rwanda (43,000,000,000FRW), ije guteza imbere amashuri y’imyuga n’ubumenyingiro, kandi ko izishyurwa mu gihe cy’imyaka 15 itangira kubarwa mu gihe cy’imyaka 5 ku nyungu ya 1%.

Ati “ Guteza imbere imyuga n’Ubumenyingiro n’iby’ingenzi mu cyerekezo cy’u Rwanda kugira ngo kibe igihugu giteye imbere ku rugero ruringaniye muri 2035, n’ubukungu buteye imbere muri 2050”.

Indi mpamvu ni ukunoza uburezi bushingiye ku bumenyingiro no kureshya abanyeshuri kwitabira amashuri y’imyuga n’ubumenyingiro ko ari kimwe mu byibanze Leta ishyize imbere.

Ati “Gushyira imbaraga muri aya mashuri bigamije kureshya abayitabira kuyiga cyane mu mashami abiri ya Rwanda Polytechnic ya Kigali na Gishali mu karere ka Rwamagana hitabwa cyane ku bakobwa bakiri bato”.

Minisitiri Murangwa avuga ko iyi nguzanyo izafasha u Rwanda kugera ku musaruro ku buryo hazubakwa amacumbi y’abanyeshuri atandatu harimo ane azubakwa muri Kigali n’abiri azubakwa i Gishali yose akaba azubakwa mu buryo budaheza abafite ubumuga hagamijwe kunoza uburyo abafite ubumuga n’abandi banyeshuri muri rusange bakirwa muri ibyo bigo nta mbogamizi.

Ati “Aya macumbi azakira abanyeshuri bagera ku gihumbi na magana arindwi na mirongo inani na batatu (1,783). Mu rwego rwo kurushaho kureshya abanyeshuri b’abakobwa kwitabira amashuri y’ubumenyingiro, yavuze ko hazongerwa imbaraga mu kwimakaza umutekano no kudaheza abanyeshuri b’abakobwa haba mu bijyanye n’ubuzima bwo kwiga no mu bundi buzima muri rusange hitabwa ku ihame ry’uburinganire.”

Minisitiri Murangwa yasobanuye ko hazubakwa ubushobozi bw’inzego kugira ngo zisobanukirwe ihame ry’uburinganire n’ubwuzuzanye no kumenya guhitamo imyuga iberanye n’abana b’abakobwa.

Mu bindi bizakorwa harimo kongera ishoramari rijyanye no kongera imibereho myiza y’abanyeshuri b’ababakobwa no kuzamura imyigishirize yabo no guhindura imyumvire itari myiza abantu bafite ku mashuri y’imyuga n’ubumenyingiro .

Ati “Ibi bizafasha abikorera ku giti cyabo mu kwakira abanyeshuri bashaka kwimenyereza umwuga mu bigo bayoboye.”

Abadepite bemeje kandi n’Umushinga w’itegeko ryemera kwemeza burundu Amasezerano y’impano hagati ya «Agence Française de Développement» na Repubulika y’u Rwanda, yerekeranye n’impano ya miliyoni imwe n’ibihumbi magana ane mirongo inani na bitanu by’Amayero (1.485.000 EUR), igenewe umushinga wo guteza imbere amashuri ya TVET hagamijwe impinduka, yashyiriweho umukono i Kigali mu Rwanda, ku wa 18 Kamena 2025.

Aya masezerano y’impano ibarirwa muri miliyari 2,5FRW, na yo azunganira mu bikorwa bikorwa bitandukanye mu mashuri y’imyuga n’ubumenyingiro. Abadepite batoye iri tegeko bidasabye ko rinyura muri Komisiyo ishinzwe gusuzuma amategeko utorwa n’abadepite 78.

Menya amabwiriza agenga imikoreshereze y’Amadovize mu Rwanda

Byatangajwe mu kiganiro Ubyumva Ute, cyatambutse kuri KT Radio ku mugoroba wo ku wa 19 Ukuboza 2025, hasobanurwa uko amafaranga yo mu bindi bihugu akoreshwa igihe umuturage aturutse mu bindi bihugu aje mu Rwanda.

Blandine Mukaneza, umuyobozi w’Ishami rishinzwe ibigo by’imari bitari Amabanki, avuga ko Itegeko rya Banki Nkuru y’u Rwanda nk’uko ribiteganya, rivuga ko kwishyurana ku banyamahanga bari mu Rwanda bikorwa hakoreshejwe Amafaranga y’u Rwanda.

Gusa iyo abanyamahanga baje mu Rwanda igihe bafite amafaranga yo mu bihugu byabo bemererwa kuyakoresha, ariko bakagendera ku gaciro k’Ifaranga ry’u Rwanda.

Mukaneza avuga ko impamvu hashyirwaho uburyo amadovize akoreshwa mu gihugu ari ukugira ngo Ifaranga ry’u Rwanda ridatakaza agaciro, ariko by’umwihariko haba hirindwa akajagari mu mikoreshereze y’amafaranga y’amanyamahanga.

Mukaneza avuga ko hari abantu bemerewe kwakira amafaranga y’abanyamahanga barimo amahoteri, ibigo by’amashuri mpuzamahanga iyo byakiriye abanyeshuri baturutse mu bindi bihugu baba basabwa kuyakira, ndetse n’amaduka adasora bita mu rurimi rw’amahanga (Duty free), bivuga ibicuruzwa bigurishwa nta misoro ya Leta, imisoro ya gasutamo n’iya VAT.

Ati “Akenshi ayo maduka aboneka ku bibuga by’indege no ku mipaka mpuzamahanga. Kugura muri ayo maduka (duty free) bigenewe abagenzi baba bari gusohoka cyangwa kwinjira mu gihugu, kandi hari ingano ntarengwa y’ibicuruzwa umuntu yemerewe kugura nta musoro”.

Abandi bemerewe kwakira amafaranga y’amanyamahanga ni abashoramari mu mabuye y’agaciro, kuko baba bakora ubucuruzi mpuzamahanga, ndetse n’abashoramari mu by’ubwubatsi igihe baba babifitiye uburengnzira.

Mukaneza avuga ko hari ibigo bigera muri 13 mu Rwanda bifite uburenganzira bwo kwishyura ibikorwa byabyo bikoresha amadovize, ariko ko n’undi wese waba ufite akazi cyangwa wifuza ko ibyo akora byishyurwa mu madovize, abisaba ikigo cy’Igihugu gishinzwe iterambere (RDB) uburenganzira, hanyuma agatangira kubishyira mu bikorwa.

Mukaneza avuga ko impamvu ari ngombwa ko amamdovize yinjira mu Rwanda, ari uko Igihugu gikorana n’ibindi haba mu byo gitumiza hanze, ndetse n’ibyoherezwa mu mahanga byose biba bigomba kwishyura mu madovize.

Yungamo ko mu Rwanda byemewe gufunguza Konti yo kuzigama y’amadovize muri za banki z’ubucuruzi, uwifuza kuyifunguza bamwereka ibyo asabwa hanyuma akayifunguza.

Ku kibazo cyo kuba umuntu yasaba inguzanyo mu madovizi birashoboka, ariko bisaba ko umuntu ashishoza akamenya niba ya nguzanyo atazayishyura Idolari ryazamutse, ugereranyije nuko ryari rihagaze mu Rwanda mu gihe yakaga iyo nguzanyo.

Olivier Mugwaneza, umuyobozi ushinzwe Politiki n’Amategeko, yasobanuye ko mbere yo gutanga uburenganzira ku bifuza gukoresha amadovize, babanza kwicara bakabisuzuma bakareba ko babikwiriye hanyuma bagahabwa uburenganzira.

Ati “Hari n’abandi bemererwa gukoresha amadovizi baba bakorana n’umuryango w’Abibumbye cyangwa za Ambasade z’ibindi bihugu, abo na bo barabisaba bakabyemererwa”.

Mugwaneza avuga ko hari amabwiriza avuga ko nta muntu n’umwe ufite uburenganzira bwo kwanga kwishyurwa mu Manyarwanda.

Ati “Ubundi amafaranga yemewe yo gucuruzamo mu gihugu cyacu ni Amanyarwanda, nubwo umucuruzi yaba yaranguye mu madovize”.

Bigenda bite ku bantu bakira amadovize bakayavunja batabifitiye uruhushya

Mukaneza avuga ko iyo umuntu ashaka kuvunjisha ajya ku bashinzwe kubikora, kandi babifitiye uburenganzira, ndetse akaba yajya no muri Banki zikamuvunjira.

Ku muntu rero ubikora atabiherewe uburenganzira, iyo afashwe ahanishwa igihano cya Miliyoni eshanu z’Amafaranga y’u Rwanda iyo ari ku nshuro ya mbere. iyo afashwe ku nshuro ya kabiri ahanishwa Miliyoni 10.

Iyo umuntu afashwe yakira amafaranga y’amahanga atabyemerewe, ahanisha ku nshuro ya mbere 50% y’ayo yakiriye, yafatwa inshuro ya kabiri agacibwa 100% y’ayo yakiriye.

Ati “Si byiza ko abaturage bakira amafaranga y’amahanga batabifitiye uburenganizira, kuko iyo babifatiwemo babihanirwa”.

Ku bantu bishyuza inzu mu madovize kandi batari ku rutonde rw’ibigo bibyemerewe, baba bakoze amakosa. Mukaneza yaboneyeho gushishikariza abantu gutanga amakuru kuri Banki Nkuru y’u Rwanda (BNR), kugira ngo ababikora bahanwe.

Ati “Umuntu ushaka gutanga amakuru ku bantu bakora ubucuruzi bw’amadovize batabiherewe uburenganzira, ashobora kujya ku ishami ryaho BNR ikorera hirya no hino mu gihugu cyangwa agatanga amakuru kuri info@bnr.rw, umuntu ashobora no koherezaho ubutumwa cyangwa agahamagara kuri 0788199232.”

Reba ibindi muri iyi video:

Depite Muhakwa Valens wari Kapitene w’ikipe ya Volleyball yatangarije Kigali Today ko muri iyi mikino u Rwanda rwatahanye ibihembo birimo n’imidari ya Zahabu.

Ati “Twatahanye intsinzi, ni ibyo kwishimirwa kuko iyi mikino twayitwayemo neza amarushanwa hafi ya yose twabonyemo igihembo."

Depite Muhakwa avuga ko mu marushanwa yo gusiganwa ku maguru Depite Mukabalisa Germaine yegukanye umudari wa Zahabu aho yasize abandi muri 800m, ndetse no mu gusiganwa ku ntera ya metero 400, anegukana umudari wa Bronze mu gusiganwa muri 100m.

Mu bagabo Depite Nyabyenda Damien we yegukanye umudari wa Silver mu gusiganwa muri 400m.

Naho mu mukino wa Volleyball wahuje abagabo u Rwanda rwegukanye umudari wa Silver, naho abagore bahabwa umudari wa Bronze ndetse no mu mukino wa GOLF abagore begukana umudari wa Bronze.

Depite Muhakwa avuga ko iri rushanwa ritari rigamije ibihembo no kurushanwa hagati y’abagize Inteko Zishinga Amategeko baturuka mu bindi bihugu ahubwo ko ikiba kigamijwe ari uguteza imbere ubufatanye hagati y’Inteko z’ibihugu n’Inteko Ishinga Amategeko y’Afurika y’lburasirazuba (EALA).

Ni mu gihe Depite Mukabalisa Germaine, avuga ko intsinzi ahanini yayikomoye ku mwanya Inteko Ishinga Amategeko y’u Rwanda yabahaye wo kwitegura amarushanwa.

Ati "Baduhaye umwanya uhagije wo kwitoza ndetse baduha n’ibyo twari dukeneye byose."

Aba badepite bavuga ko kwitabira aya marushanwa biba ari n’umwanya mwiza wo guhura bakungurana ibitekerezo no gukomeza umubano n’ubufatanye hagati y’Inteko Zishinga Amategeko z’ibihugu na EALA.

Ikindi, ngo ni umwanya w’ubukangurambaga bubafasha gusobanurira no gukangurira abaturage ba EAC gahunda y’ubumwe n’ubufatanye bw’akarere binyuze mu mikino.

Amakipe yaserukiye Inteko Ishinga Amategeko y’u Rwanda arimo Volleyball abagabo n’abagore, imikino ngororamubiri, "Golf", na "Darts".

Andi makipe yitabiriye yaturutse muri Kenya, Uganda, Sudani y’Epfo, u Burundi, ndetse n’Inteko Ishinga Amategeko y’Afurika y’lburasirazuba (EALA).

Ni ibyatangajwe n’umuyobozi w’akarere ka Ruhango wungirije ushinzwe imibereho myiza y’abaturage, aganira n’umunyamakuru wa KT Radiyo imbonankubone kuri uyu wa 16 Ukuboza.

Madamu Mukangenzi Alphonsine yibanze ku ngamba akarere gafite mu kongera isuku mu bahatuye ari zo kugira isuku yo ku mubiri, aho bakorera ndetse n’ahahurira abantu benshi.

Yagize ati“Turakora ubukangurambaga twibanda ahahurira abantu benshi harimo aho abagenzi bategera imodoka, mu nsengero, mu masoko, ariko umwihariko bigahera ku muntu ku giti cye haba imbere muri we n’inyuma akumva ko aho ageze hose isuku afite ku mubiri igomba kugera hose”.

Mukangenzi avuga ko mu mwaka wa 2018 washoboraga kubona umuturage urwaye amavunja ndetse bamwe badakaraba, abandi bakaba badafite ubwiherero.’

Hari n’abo wasangaga bafite umwanda ku myambaro yabo ariko ubukangurambaga bwo gukomeza kwigisha bwatumye benshi bahindura imyumvire.

Yagize ati “ Hari ubwo twakoraga ubukangurangambaga ku munsi w’Isoko, umuntu dusanze asa nabi tukamusubiza inyuma akazagera ubwo we ku giti cye yumva ko mbere yo kujya mu bandi abanza kwirebaho akareba niba koko asa neza.

Yongeyeho ati“Dufite imvugo igira iti “umudugu wacu! Maze abaturage bagasuziba bati, umudugudu ucyeye, imyumvire hejuru, umuturage ku isonga”.

Mukangenzi avuga ko mu bugenzuzi bw’isuku bakora nta hantu na hamwe bahishwa kuko bagenzura urugo kurundi ndetse akurikije ubugenzuzi bakoze asanga bageze ku kigero cya 89% mu kwimakaza isuku.

Perezida w’urugaga rw’Abikorera mu karere ka Ruhango, Ndayiringira Principe we avuga ko abaturage n’abacuruzi bagenda babyumva, ku buryo ubu batangiye kwimakaza isuku uko bikwiye.

Yagize ati “Nk’ubu urebye inzu zubakwa zose usanga zfite ubwiherero bwiza bugezweho ndetse n’aho abacuruzi bakorera isuku bayitabira.”

Ndayiringiye yavuze ko abacuruzi bashya babashishikariza kwitabira cyane kugira aho bashyira imyanda kugira ngo bagendere mu murongo mwiza wo kugira isuku aho bari hose.

Umuyobozi w’akarere yabajijwe iby’icyapa kigaragaraga ku matorero kibaza niba baje gusenga bafite isuku ndetse banameshe imyambaro aho bihuriye mu bufatanye n’amatorero mu kwimakaza isuku.

Visi Meya Mukangenzi yavuze ko mu nsengero ari ahantu hahurira abantu benshi icyapa nkicyo cyashyizweho kugira ngo abakirisitu bakangurirwe gukomeza kugira isuku aho ari ho hose.

Zimwe mu mbogamizi ubuyobozi bw’akarere ka Ruhango bafite zituma isuku itagera ku 100% bituruka ku myumvire y’abaturage batarahinduka.

Ati “ Hari aho ugera ugasanga hari abafite ubwiherero ariko budakinze, umuntu ushobora kohereza umwana atamwogoshe ndetse atanamwuhagiye, kuba hari abumva ko guca inzara atari ibyabo ugasanga bituma batanoza isuku uko bikwiriye”.

Kubera ubufatanye bw’inzego zitandukanye Akarere ka Ruhango gasanga umuhigo wo kwimakaza isuku uzagerwaho 100% buri wese nabigira ibye ndetse n’ubybozi ntibudohoke gukomeza kubikangurira abaturage.

Abayahudi n’inshuti zabo bagabweho igitero ubwo bari ku mwaro wa Bondi i Sydney, ku munsi wa mbere wo kwizihiza Hanouka, Polisi ya Australia, kuri uyu wa mbere ikaba yameje ko cyari igitero cy’iterabwoba cyo kwibasira Abayahudi, ibyashimangiwe na bamwe mu bayobozi bakuru bo muri iki gihugu.

Umwe mu bagabye iki gitero yahasize ubuzima, mu gihe uwo bafatanyije we yakometse cyane ubu akaba arembeye mu bitaro, naho abandi bantu bagera kuri 30 na bo bakaba bakomeretse.

Uwihitiraga yaratabaye

Umugabo wihitiraga hafi y’ahabereye iki gitero wareba ibirimo kuba, wamenyekanye nyuma nka Ahmed al Ahmed, yafashwe nk’Intwari nyuma yo gusesera mu modoka nyinshi zari ziparitse, akagenda yububa atitaye ku kuba na we yabigwamo, akagera kuri umwe mu barasaga maze aramucakira, babanza kurwana umwanya muto, ariko abasha kumwambura imbunda nyuma amuzirikisha umukandara.

Uwo mugabo wabaye Intwari, itangazamakuru ryihutiye kumenya uwo ari we, risanga ni umucuruzi w’imbuto w’aho i Sydney w’imyaka 43. Icyakora muri iki gikorwa cy’ubutwari, uyu mugabo na we yarakometse kuko yafashwe n’amasasu abiri, icyakora amakuru yatanzwe n’uwo mu muryango mu kiganiro yagiranye n’ikinyamakuru Seven News, ubuzima bwa Ahmed ngo ntabwo buri mu kaga, azakira bidatinze.

Abanya-Australia bashimye ubutwari by’uyu mugabo, kuko yahagaritse umwicanyi washoboraga gukomeza kurasa hagapfa benshi kurushaho.

Madamu Jeannette Kagame yifurije abana Noheli Nziza n’Umwaka mushya muhire

Ni igikorwa cyabereye muri Village Urugwiro, aho Madamu Jeannette Kagame yasabanye n’abo bana binyuze mu mikino itandukanye, dore ko aba yabateguriye n’ibikinisho bitandukanye bishimisha abana, ndetse akanabagenera impano zibanyura, ahanini ziganjemo ibikoresho by’ishuri.

Muri ubwo busabane, aba bana bagaragaje ubuhanga murizimwe mu mpano bibitseho, harimo gukina Karate, imbyino gakondo, gushushanya ibintu bitandukanye n’ibindi.

Ibi birori byitabiriwe kandi na Minisitiri w’Uburinganire n’Iterambere ry’Umuryango, Consolée Uwimana, hamwe n’Umuyobozi Mukuru w’Ikigo cy’Igihugu gishinzwe Imikurire no Kurengera Umwana (NCDA), Ingabire Assumpta.

Madamu Jeannette Kagame yageneye impano buri mwana

Aba bombi bari i Kigali aho bitabiriye igikorwa cyo gutanga ibihembo kuri ba rwiyemezamirimo beza muri Afurika, binyuze mu Irushanwa Africa’s Business Heroes (ABH), ikaba ari gahunda ya Alibaba igamije gushyigikira ba rwiyemezamirimo b’Abanyafurika no kwihutisha ihangwa ry’imirimo.

Icyiciro cya 7 cy’iri rushanwa (Grand Finale) gihurije hamwe muri ba rwiyemezamirimo b’indashyikirwa bo muri Afurika, aho abahatanira umwanya wa mbere 10 bari gutanga imishinga yabo, kugira ngo bagabane inkunga ya Miliyoni 1.5 z’Amadolari ya Amerika.

Ni gahunda yateguwe n’umuherwe w’Umushinwa Jack Ma, biciye mu bigo bye bibiri bya Jack Ma Philanthropy na Ali Baba Foundation.

Iri rushanwa ribaye ku nshuro ya karindwi, u Rwanda rukaba rwakiriye ibi birori inshuro eshatu zikurikiranya.

Abahatanira ABH bazagabana miliyoni imwe n’igice y’Amadolari, mu birori bizaba kuri iki Cyumweru tariki 14 Ukuboza 2025, nyuma yo gusobanura(Pitch) imishinga yabo, maze inteko ibishinzwe (jury) ikagenda itanga amanota azerekana uko barushanyijwe.

Umubano w’u Rwanda na Jack Ma wibanda cyane ku guteza imbere ba Rwiyemezamirimo, ikoranabuhanga n’udushya, cyane cyane mu rubyiruko rwo muri Afurika.

Jack Ma, washinze Alibaba Group, afitanye umubano mwiza n’u Rwanda binyuze mu biganiro n’ubufatanye na Leta y’u Rwanda.

Mu biganiro yagiye agirana na Perezida Paul Kagame, byagiye byibanda ku guteza imbere ubushabitsi (entrepreneurship), gukoresha ikoranabuhanga mu iterambere, gufasha urubyiruko n’abacuruzi bato kubona amahirwe ku masoko mpuzamahanga.

Jack Ma ni we washinze gahunda ya Africa’s Business Heroes (ABH), ikaba ari gahunda igamije gushyigikira ba rwiyemezamirimo b’Abanyafurika, gutanga inkunga n’amahugurwa, guteza imbere ireme ry’imirimo n’ibitekerezo by’ubucuruzi.

U Rwanda rwakiriye ibikorwa bikomeye bya ABH, harimo n’ibirori bya Grand Finale, bikagaragaza icyizere Jack Ma afitiye u Rwanda nk’igihugu gifite umutekano, imiyoborere myiza, n’icyerekezo mu ikoranabuhanga.

U Rwanda rufata Jack Ma nk’umufatanyabikorwa w’ingenzi kubera icyerekezo cya Leta mu kubaka ubukungu bushingiye ku bumenyi n’ikoranabuhanga, gushyigikira urubyiruko rwihangira imirimo, no guteza imbere ishoramari n’udushya.

Ibi byose byagize ingaruka nziza ku Rwanda, kuko uyu mubano wafashije kongera amahirwe kuri ba Rwiyemezamirimo b’Abanyarwanda n’abandi b’Abanyafurika, kugaragaza u Rwanda ku rwego mpuzamahanga nk’igicumbi cy’udushya muri Afurika, gukurura abafatanyabikorwa n’abashoramari mpuzamahanga.

Banki ya Kigali(i Bumoso), MTN Rwanda(i Buryo), abasora bamaze imyaka 10+ basora neza

Ni igikorwa cyabaye kuri uyu wa Gatanu tariki 12 Ukuboza 2025, cyahuje inzego z’ubuyobozi ndetse n’abasora kugira ngo abasora neza bashimirwe.

Mu guhitamo abahabwa ibihembo hagendewe kuba umucuruzi atanga umusoro neza kandi ku gihe no kuba atanga inyemezabuguzi yifashishije ikoranabuhanga rya EBM, no kuba atarafatiwe mu makosa yo kunyereza imisoro, ndetse akaba nta mwenda w’imisoro cyangwa yaba awufite akaba yaragiranye amasezerano na RRA y’uburyo azawishyuramo.

Mu bahembwe harimo Maniragaba Elisa akaba ari umuguzi watse EBM igihe cyose yaguze ibintu.

Abasora batumiza ibintu byabo mu mahanga bahize abandi muri uyu mwa wa 2024-2025 ni Sosiyete ya SORWATOM Ltd naho uwohereza ibintu mu mahanga wahize abandi ni sosiyete ya FG LTD.

Mu byiciro byihariye harimo umucuruzi wo mu Ntara wahize abandi mu gusora neza ndetse n’abacuruzi babiri bahanze udushya mu gukoresha neza EBM, aba rero bagiye bayihuza na sisitemu yabo bagiye bifashisha mu gukora inyemezabuguzi mururimi rw’amahanga (EBM Integration).

Umucuruzi wahize abandi mu gukoresha neza EBM mu ntara y’Amajyepfo ni DBB LTD, undi ni uwo mu ntara y’Amajyaruguru ZAFAMICO LTD, uwahize abandi mu ntara y’Iburengerazuba SOSEG LTD naho mu Burasirazuba ni 3P Initiative Ltd.

Ibigo byazanye agashya mu gukoresha EBM ni Sanlam Allianz General Insurance LTD, ikindi kigo ni SP Ltd (Société Pétrolière Ltd).

Ikindi kiciro ni icy’’ababaye indashyikirwa mu kumenyekanisha no kwishyura imisoro yeguriwe inzego z’ibanze harimo Mugwaneza Joram, na Mukantabana Lucie.

Abandi bahembwe ni icyiciro cy’abahize abandi mu byiciro bitandukanye ku rwego rw’igihugu barimo abasora banini, abasora bo hagati, abasora bato ndetse n’abasora bato cyane.

Mu basora banini harimo BPR Bank Rwanda PLC, abasora bo hagati ni YUSSA Company ltd, mu cyiciro cy’abasora bato ni Laundry ltd industries.

Abasora bato cyane ni Cultural Capital Rwanda ltd.

Abasora bamaze imyaka 10 bambaye ikamba ryo kuba indashyikirwa harimo ikigo cya MTN Rwandacell Plc na Banki ya Kigali.

Abasora bamaze imyaka itatu yikurikiranya bashimirwa nk’indashyikirwa ni Nkundunkundiye Jean Bosco, na Pfunda Tea Company Ltd.

Ni ku nshuro ya 23 hizihizwa umunsi wahariwe gushimira abasora ukaba ufite insanganyamatsiko igira iti “ Sora Nsore Twigire’

Perezida Kagame

Abayobozi barahiriye inshingano zabo ni Dr. Solange Uwituze, Umunyamabanga wa Leta muri Minisiteri y’Ubuhinzi n’Ubworozi, Dr. Usta Kaitesi, Umunyamabanga wa Leta muri Minisiteri y’Ububanyi n’Amahanga, Dr. Charles Murigande, Umusenateri n’Abacamanza babiri b’Urukiko rw’Ubujurire, Dr. Nshimiyimana Didace na Dr. Ntete Jules Marius.

Perezida Kagame yababwiye ko inshingano baba bahawe bagomba kuzuzuza uko bikwiriye, ndetse bagakora byinshi kurusha inshingano batorowe.

Ati “Ibihugu ni byinshi, biratandukanye, hari ibito, ibinini, ibikire, ibikene, ubwo ni ukuvuga ngo mu nshingano tuba dufite uko dukwiye kuba tuzuzuza, bidusaba imbaraga zitandukanye ariko nyinshi. Abadashyiramo imbaraga ubwo baba bafite impamvu bitewe n’ibihugu byabo uko biteye cyangwa ibyo bifite.”

Perezida Kagame agaruka ku masezerano y’amahoro u Rwanda na DRC byashyizeho umukono ku ya 4 Ukuboza 2025, i Washington D.C., yavuze ko u Rwanda rwemeye kuyubahiriza mu rwego rwo gushyigikira ko amahoro yongera kugaruka.

Ati “U Rwanda rwasinye amasezerano y’amahoro rubishaka, rubyemera kandi rwiteguye kubahiriza ibyo rusabwa kugira ngo aya masezerano, bigenze neza n’abandi bakubahiriza inshingano zabo bibe byatugeza ku mahoro, ariko inzira nk’iyo ntabwo iba yoroshye, iragorana.”

Dr. Usta Kaitesi

Yavuze ko ikibazo u Rwanda ruhanganye nacyo gituruka mu baturanyi bo muri DRC, ko ari ikibazo gikomeye kandi kiremereye kuko gifite amateka maremare, ndetse usanga ayo mateka ari Politiki ndetse ibyo bibazo rimwe na rimwe ugasanga bidasobanutse.

Ati “Sinzi ko hari abantu bakeneye amahoro kurusha u Rwanda. Turifuza amahoro kuko twe twabaye mu bihe bitagira amahoro byinshi, ibyo dutakaza turabyumva kuko hatakaramo n’ubuzima bw’abantu”.

Perezida Kagame yavuze ko u Rwanda rutaremewe kwikorera ibibazo byarwo ngo rwikorere n’ibyabandi, kuko kuri we asanga atari byo kuko haba harimo kwirengagiza impamvu z’izo ntambara.

Ati “Mpora ntekereza impamvu habaho kwirengagiza icyo bivuze sincyumve! Ejobundi turi muri American twarabasobanuriraga ugasanga babyumva, ariko twaba turangije ikiganiro bakavuga ngo ariko murabizi u Rwanda rurakomeye, bishatse kuvuga ko bo bumva ko u Rwanda rugomba kwiyicarira bakarutera gusa.”

Perezida Kagame asanga u Rwanda rukwiriye kwirinda, aho kujya guhangana n’ibindi bibazo birurusha ubushobozi.

Ati “Gukomera kwatuma utirinda sindabyumva neza nubwo abo bandi bahora babisubiramo. Aya mateka n’ibi bibazo bigerekwa ku Rwanda, birimo ubugome n’ibinyoma byinshi bingana kandi bifitanye isano n’amateka yacu”.

Dr. Solange Uwituze

Perezida Kagame yagaragaje uburyo intambara yo mu Burasirazuba bwa Congo igitangira habanjeyo ingabo za East Africa (EAC), icyo gihe habayeho kubuza u Rwanda gutanga ingabo zijyayo mu muryango wa EAC, kubera ko Congo itabishakaga.

Ati “Turabyemera rwose tuti ahubwo nimutugirira neza izi ngabo zigiyeyo zizadufashe gukemura ikibazo dufite, kiri mu Burasirazuba bw’igihugu cya Congo”.

Yungamo ati “Nyuma izo ngabo na zo zaje kwirukanwa ngo zisubire mu bihugu byazo. Muri icyo gihe Congo nubwo yirukanye izo ngabo yaje gusigarana ingabo z’u Burundi, kuko bari bafitanye ubumwe nabwo bufite aho buhuriye n’amateka yacu”.

Ati “Mu gusigara kwabo igihugu cy’ u Burundi cyagiye cyohereza ingabo nyinshi zisanga za zindi zasigaye”.

Perezida Kagame yasobanuye uburyo icyo gihe yafashe telefone ahamagara Perezida w’u Burundi Evariste Ndayishimiye, amubaza impamvu ingabo za EAC zavanywe mu Burasirazuba bwa Congo hakajyanwayo iza SADC, niba u Burundi nabwo busigaye bubarizwa muri izo ngabo?

Icyo gihe Perezida Ndayishimiye yahise asubiza Perezida Kagame ko ingabo ze zibarizwa muri EAC, ariko kubera ubucuti bafitanye na Congo ngo babasabye ko zigumayo.

Dr. Charles Murigande

Perezida Kagame ngo yamubwiye ko hari amakuru ndetse n’ibimenyetso bimwemeza ko ingabo z’u Buurundi ziri mu bice bya Walikare na Rutsuru, kandi ko zirimo zirwana, Perezida Ndayishimiye arabihakana.

Perezida Kagame yagaragaje uburyo muri Congo hari ingabo z’Abarundi zisaga ibihumbi 20, kandi birirwa bakora ibikorwa by’ubwicanyi bw’abaturage ba Minembwe no mu bindi bice bavuga ururimi rw’Ikinyrwanda.

Ati “Ejobundi intambara irahagaruka za Uvira bati ni u Rwanda, ikindi ngo nta FDRL iriho, ngo n’interahamwe ntabwo zikiriho ngo hariho abana babo. Muzajye i Mutobo murebe interahamwe zitahuka ndetse bamwe bakaba bari abahoze mu gisirikare”.

Perezida Kagame avuga ko usanga ibibazo babishyira ku Rwanda, nyamara ayo masezerano aba yasinywe n’abantu babiri, ndetse hakavugwa amagambo menshi ngo u Rwanda bagiye kurusibanganya.

Ati “Kwikorera umuzigo tuzawikorera ariko hari uguhitamo, nubwo byombi byaba birimo urupfu ushobora no guhitamo ko wapfa, ariko ibyo bakora niba bashaka amahoro cyangwa igisubizo cy’ibibazo dufite muri aka karere, bisaba ukuri kuko iyo ukoze ibitari byo ahubwo bizana ibibazo utakemura”.

Perezida Kagame asanga hakwiriye kubaho uburyo bwo gukemura ibibazo by’impande zombi, hatabayeho kwikoreza igihugu kimwe ibibazo by’ibindi bihugu.

Ati “Ntabwo u Rwanda rwaremwe n’abantu, icyaremye Isi yose ntabwo cyafashe abantu bamwe ngo ni mujye kurema u Rwanda, natwe turashaka kuba ab’icyaremwe n’Isi yose”.

Hejuru ya byose dushaka amahoro tuzayaharanira, kandi iyo ushaka amahoro n’ibindi urabyitegura bitari amahoro, ugashyiraho n’uburyo bwo guhangana na byo kugeza igihe amahoro azabonekera.

Buri wese afite umugabane we w’ibibazo agomba gusubiza, ari DRC ndetse n’u Burundi bafite umugabane bagomba gusubiza, natwe ubwacu dufite umugabane wacu tugomba gusubiza ntitukabazwe ibabzo by’abandi.

Perezida Kagame yasoje ijambo rye yifuriza abo bayobozi kuzagira umwaka mushya muhire, no kuzasoza uyu amahoro, abababwira ko bazakomeza guharanira ko u Rwanda rugira amahoro n’umutekano.

Reba ibindi muri iyi video:

Mu butumwa bwatangajwe na Lawrence Kanyuka Umuvugizi wa AFC/M23 ku rukuta rwe rwa X yavuze ko M23 ikangurira abaturage gusubira mu byabo kuko umutekano wongeye kugaruka ndetse banihanganisha abagizweho ingaruka n’imirwano yaberaga muri ako gace.

Kanyuka yavuze ko mu gihe kirenga amezi atatu, AFC/M23 yamaganye ikwirakwizwa ry’imvugo z’urwango, ibitero byibasiye bagenzi babo hashingiwe ku isura yabo, ndetse n’ubwicanyi bukorerwa abanya Congo.

Ni ubwicanyi yavuze ko bukorwa n’ingabo zibumbiye mu mitwe yitwaje intwaro ishyigikiye ubutegetsi bwa Kinshasa ndetse n’umufatanyabikorwa wabo w’u Burundi. Aha, yavuze ko ubwo bwicanyi bwahagaritswe.

Yagize ati “Ubwo bwicanyi bwarahagaritswe burundu kandi turemeza ko umujyi wa Uvira umaze kubohorwa. Turasaba abaturage bagenzi bacu gusubira mu mirimo yabo mu ituze ryose kuko AFC/M23 ihari kugira ngo ibarindire umutekano”.

AFC/ M23 yavuze ko abagizweho ingaruka n’imirwano bagahunga bashobora kugaruka mu ngo zabo, kuko ubu amahoro n’ituze ari byose kandi nta rugomo n’akato n’ibindi bikorwa bibi bazongera guhura nabyo.

Umujyi wa Uvira ni uwa gatatu ufashwe n’ihuriro AFC/ M23 nyuma y’uko ifashe umujyi wa Goma na Bukavu.

Mukayirere Adeline (wa kabiri uturutse iburyo) ahabwa ayo mafaranga

Iki gikorwa cyitabiriwe na Ambasaderi w’u Budage mu Rwanda, H.E Heike Uta Dettmann, hamwe n’abandi bafatanyabikorwa barimo GIZ Rwanda.

Mukayirere ni we Muyobozi Mukuru wa DAVET Ltd, ikigo gikora ibijyanye n’ubuhinzi n’ubworozi cyatangiye gukora mu 2015, aho afitemo umushinga wo kubyaza umusaruro imyanda y’amatungo n’amayezi akayibyazamo umusaruro, aho akoramo ifumbire mborera yifashishwa mu kuzamura umusaruro w’ubuhinzi mu gace atuyemo.

Mukayirere avuga ko yahisemo umushinga wo gutunganya imyanda, kubera ko yabonaga ko ifumbire mborera isigaye yarabaye nkeya, ahitamo gufata umwanzuro wo kuzajya abyaza umusaruro iyo myanda.

Ati “Impamvu nahisemo gutunganya ifumbire nkoresheje imyanda y’amatungo n’amayezi, ni uko nabonaga ubukene buhari bw’ifumbire y’imborera n’ikibazo cyari gihari cyo kugunduka k’ubutaka biturutse ku ikoreshwa rikabije ry’ifumbire mvaruganda, bituma nkora uyu mushinga wo gukora iyi fumbire kugira ngo ngire uruhare mu kuyikora ariko mu buryo bwo kubungabunga ibidukikije.”

Akomeza avuga ko indi mpamvu nyamukuru yahisemo uyu mushinga, yari ukubera ko yizeye isoko rinini, kubera ko aho atuye hari koperative ihinga kuri hegitari 200.

Abashyitsi bareba ifumbire Mukayirere atunganya

Mu kwezi akusanya imyanda y’ibisigazwa byo mu matungo n’iby’ibihingwa birimo iby’umuceri, ibigori, ibisheke n’ibindi, biri hagati ya toni 40 na 50.

Umunyamabanga Nshingwabikorwa wa BK Foundation, Ingrid Karangwayire, avuga ko umushinga DAVET ufitiye inyungu abawuturiye, kuko wagiye utanga akazi ku bantu b’ingeri zitandukanye.

Ati “Uyu mushinga watsindiye amafaranga muri gahunda yitwa Urumuri tukaba twawusuye uyu munsi. Ufite umwihariko wa ‘Integrity farming’ bisobanuye ko mu byo bifashisha batunganya ifumbire nta na kimwe cyasohoka ngo kibe cyakwangiza ikirere cyangwa ibidukikije”.

Karangwayire ashima ko uyu mushinga ukora ifumbire mborera bifahishije ibisigazwa biturutse ku matungo no mu byo bahinga, kandi uyu mushinga ukaba waragutse ugafasha abari mu buhinzi kubona ifumbire cyane cyane na Koperative ziwuturiye.

Yongeyeho ko impamvu BK Foundation ishyigikira imishinga ibungabunga ibidukikije ari ukugira ngo ifatanye na Leta mu kubungabunga ibidukikije, no kugabanya ibyuka bihumanya ikirere ku kigero cya 38%, bikajyana n’intego za BK Foundation zo guteza imbere imishinga irengera ibidukikije.

Green hause itunganyirizwamo ifumbire

Yanasobanuye ko Miliyoni 30Frw yahaye DAVET Ltd ari inguzanyo idafite inyungu, kandi ko porogaramu y’Urumuri izakomeza kujya itera inkunga imishinga itandukanye mu bihe bitandukanye, kuko ari gahunda idateganya guhagarara.

Ambasaderi w’Ubudage mu Rwanda, H.E. Heike Uta Dettmann, yavuze ko yishimiye ibikorwa by’uyu mushinga, kuko byateje imbere ubuzima bw’abaturage batandukanye ndetse bikaba byaratanze akazi ku baturage bo mu gace akoreramo.

Ambasaderi Dettmann avuga ko ari ishema kuba basuye ibikorwa by’umudamu witeje imbere, ndetse akaba yaranakoze umushinga mwiza ubungabunga ibidukikije kandi udahumanya ikirere.

Avuga ko uyu mushinga wo guteza imbere ubuhinzi n’ubworozi ari mwiza, kuko wafashije rwiyemezamirimo kwiteza imbere ndetse ugateza imbere n’abaturage yagiye aha akazi, ukabasha no kumufasha ubwe akabasha kwishyura amashuri y’abana n’ibindi bikorwa by’iterambere.

Ati “Ntitwakwibagirwa ko n’uyu munsi ari umunsi mpuzamahanga w’Ubwiherero (World Toilet Day) wizihizwa buri mwaka ku itariki ya 19 Ugushyingo. Ni ikintu cyiza cyo kwibutsa ko ari ingirakamaro mu bice by’icyaro, kugira isuku cyane no kugira ubwiherero bwujuje ibisabwa, kugira amazi meza, muri make ndishimye kubona umugore witeje imbere, ndishimye cyane ku bw’abagore muri hano mwese, ni iby’agaciro”.

Uyu mushinga wiswe ‘Urumuri Program’ watangijwe ku mugaragaro tariki 06 Werurwe 2025, hagamijwe gufasha ba rwiyemezamirimo bato by’umwihariko urubyiruko, abakobwa n’abagore hamwe n’abafite ubumuga, bafite imishinga iri munsi ya Miliyoni 500Frw imaze nibura igihe cy’amezi atandatu ikora.

Uyu mushinga waje gufasha ba rwiyemezamirimo bafite intego yo kwagura ibikorwa byabo, barengera ibidukikije no gukoresha neza umutungo kamere, no kubafasha kubona inguzanyo idafite inyungu guhera kuri Miliyoni 5Frw kugera kuri 30Frw bitewe n’ibyo azakenera, bakazanaherekezwa mu gihe cy’amezi atandatu bafashwa kuyishyira mu bikorwa.

Ba rwiyemezamirimo bagera ku 427 ni bo bandikishije ibigo byabo, muri bo hatoranywamo abagera ku 138 bahawe amahugurwa ajyanye n’imicungire n’imikoreshereze y’ifaranga, n’uburyo bashobora kubyaza umusaruro imishinga yabo ibungabunga ibidukikije.

Aho uruvange rw’imyanda rushyirwa ngo rubore havemo ifumbire

Iri shami rizibanda ku makamyo na moto

Umuvugizi wa Polisi y’u Rwanda, ACP Boniface Rutikanga, yatangaje ko iki kigo kije kunganira ishami rishinzwe kugenzura Ubuziranenge bw’Ibinyabiziga, riherereye mu Murenge wa Remera mu Karere ka Gasabo.

ACP Rutikanga avuga ko gufungura iri shami mu Murenge wa Ndera, bizagabanya ikibazo cy’ibinyabiziga byinshi byajyaga gusuzumirwa i Remera, ndetse bikazakemura ikibazo cy’amasaha menshi abantu bicaraga bategereje kubera ubwinshi bw’ibinyabiziga.

Ati “Iyi santere ifite ubunini buhagije bwo kwakira ibinyabiziga byinshi, ariko ikaba ifite umwihariko wo kwakira moto kuko ariho zateganyirijwe kujya zipimishiriza ingano y’imyotsi zisohora.”

Umuvugizi wa Polisi yavuze ko iyi santere ifite nanone umwihariko wo kujya isuzuma imodoka nini zifite uburemere bwa Toni 3.5, naho kuri santere ya Remera hazakomeza kwakira ibinyabiza bito bigendwamo n’abantu gusa.

ACP Rutikanga avuga ko gupima moto bidasaba umwanya munini, kuko bitwara umunota umwe gusa umumotari akaba asubiye muri gahunda ze.

Ati “Ku bantu bakorera ibinyabiziga byabo igenzura rikwiye (entretien) neza, nta kibazo bashobora guhura na cyo mu isuzuma ry’ibinyabiziga byabo.

Ku munsi, iki kigo gifite ubushobozi bwo gupima imyotsi ihumanya ikirere imodoka 450 na moto zigera kuri 200.

ACP Boniface Rutikanga

VIDEO – Mu Murenge wa Ndera mu Mujyi wa Kigali hafunguwe ikigo gisuzuma ubuziranenge bw’ibinyabiziga kije kunganira no kwihutisha serivisi zatangwaga n’icya Remera.
Umva uko umuvugizi wa Polisi, ACP Boniface Rutikanga, asobanura umwihariko w’iki kigo. pic.twitter.com/rbGbt62HeN

— Kigali Today (@kigalitoday) November 15, 2025

Minisitiri Gasore ubwo yari mu Nteko

Minisitiri Dr Gasore yabitangarije mu biganiro yagiranye n’Abadepite ba Komisiyo ishinzwe gukurikirana imikoreshereze y’Imari n’Umutungo bya Leta (PAC), kuri uyu wa Gatanu tariki 14 Ugushyingo 2025, ku myanzuro y’Inteko Rusanye y’Umutwe w’Abadepite yo ku wa 28 Gicurasi 2024 itarashyizwe mu bikorwa uko bikwiye.

Iyo myanzuro yasabaga ko iyi Minisiteri yakwita ku ikorwa ry’imihanda, kuko byagaragaye ko iyo imuritswe yarangiye, usanga ihise igira ibibazo bitandukanye byo gusenyuka itamaze igihe kirekire.

Raporo y’umugenzuzi w’Imari ya Leta yagaragaje ko imihanda 30 yafashweho urugero, 10 yose ingana na 33% by’iyakozwe itari yujuje ibipimo by’ubukomere.

Imwe muri iyo mihanda yangiritse kandi itamaze igihe yubatswe, harimo uwa Ngoma-Ramiro n’uwa Pindura-Bweyeye ndetse na Huye-Kitabi, yose ikaba yaragize ibibazo nyuma y’igihe gito yubatswe.

Depite Kalinijabo Barthelemy yabajije impamvu iyo mihanda imurikwa hatabanje kugenzurwa ko yujuje ibisabwa, kugira ngo ibe yatangira gukoreshwa.

Ati “Kuki mutabanza gupima neza mukamenya niba wa muhanda wubatswe uzaramba cyangwa se mukareba niba harakozwe inyigo yuzuye, ndetse hakabanza hagasuzumwa niba ubutaka bugiye kubakwaho uwo muhanda bukomeye koko, ku buryo budateza igihombo Leta”.

Abadepite basabye ko imihanda yagenzurwa mbere y’uko ikoreshwa

Umuyobozi Mukuru w’Ikigo cy’Igihugu gishinzwe Iterambere ry’Ubwikorezi mu Rwanda (RTDA), Imena Munyampenda, yabwiye Abadepite ko imwe mu mpamvu zituma imihanda isenyuka bituruka no ku miterere y’ahantu, ndetse bikaba byanaterwa n’imihindagurikire y’ibihe.

Yerekanye uburyo inkangu n’imyuzure bishobora kwangiza umuhanda nubwo waba wubatswe habanje gupimwa ibikoresho byose, ndetse n’ibikoresho byawubatse byujuje ubuziranenge.

Minisitiri Dr Gasore yabwiye Abadepite bagize iyi Komisiyo ko Leta igiye kujya ipima umuhanda mbere y’uko ukoreshwa.

Ati “Ubusanzwe uko byakorwaga kugira ngo turebe niba umuhanda wujuje ibisabwa kugira ngo ukoreshwe, twabanzaga gucukuraho akantu gato tukakajyana muri Laboratwari, kandi ugasanga hamwe ucukuye uba usa n’uhangije, ikindi biratinda kuzabona ibisubizo”.

Yunzemo ko uburyo bwakoreshwaga mu gupima umuhanda bwafataga igihe kirekire, kuko byasabaga kugenda bapima hato hato kuko batari gucukura umuhanda wose.

Ati “Ubu u Rwanda rwatumije imodoka izajya ipima umuhanda ikoresheje uburyo bwo kuwunyuraho hejuru utarashyirwaho ya Kaburimbo ya nyuma, ya modoka ikabikora idashenye wa muhanda, ikamenya niba wujuje ibisabwa ugatanga amakuru ako kanya, kugira ngo niba hari ibikosorwa bikosorwe utaratangira gukoreshwa”.

Ikindi iyo modoka izareba ni ukuba uwo muhanda ufite ubukomere buri ku kigero cyaho wubatse, ndetse igahita itanga amakuru ako kanya, ikanabasha kwerekana ahari ikibazo.

Ati “Iyo modoka yitwa ‘Multifunctional vehicle’, izajya inyura mu muhanda ireba ubuziranenge bwawo mbere y’uko ushyirwamo kaburimbo ya nyuma na mbere y’uko ukoreshwa, ndetse izajya iduha amakuru y’uko uwo muhanda ukeneye gusanwa mbere yuko wangirika. Indi ni yitwa ‘Falling Weiht Deflectometer’ (FWD), yo izajya yifashishwa mu kumenya amakosa yakozwe uwo muhanda wubakwa kugira ngo akosorwe mbere yo kuwukoresha”.

Izi modoka zizifashishwa mu gupima umuhanda zizatanga igisubizo kirambye ku mihanda yasenyukaga itamaze igihe kirekire yubatswe, bigatuma Leta igwa mu gihombo cyo gusana ibyangiritse.

Haracyari ibibazo muri gahunda gahunda yo kurwanya imirire mibi n’igwingira mu bana bato

Inteko rusange umutwe w’Abadepite yateranye kuri uyu wa Kane tariki 13 Ugushyingo 2025, igezwaho raporo ya Komisiyo y’Imibereho y’Abaturage ubwo yagenzuraga ikibazo cy’imirire mibi n’igwingira mu bana bato.

Komisiyo yateguye igikorwa cyo gusesengura ikibazo cy’imirire mibi n’igwingira mu bana bato, igamije kumenya ishyirwa mu bikorwa rya gahunda yo kurwanya igwingira n’imirire mibi mu bana bato, imbogamizi zihari n’ingamba zafatwa kugira ngo Igihugu kigere ku ntego cyihaye muri gahunda ya kabiri yo kwihutisha iterambere, isanga hari ibyagezweho ariko hari n’ibikwiriye gushyirwamo imbaraga.

Perezida w’iyi Komisiyo Depite Veneranda Uwamaliya, yasobanuye ko kuva ku wa 5 kugeza ku wa 9 Gicurasi 2025 no ku wa 12 Gicurasi 2025, Komisiyo yakoze ingendo mu Turere 12 mu Ntara n’Uturere 3 mu Mujyi wa Kigali, hagamijwe kubona amakuru y’inyongera ku kibazo cy’imirire mibi n’igwingira mu bana bato.

Mu guhitamo utwo Turere hashingiwe ku twagaragayemo igipimo cy’igwingira kiri hejuru 9, utwagaragayemo igipimo cy’igwingira kiri hasi 3 n’Uturere 3 tw’Umujyi wa Kigali.

Utwo Turere ni Rubavu, Rutsiro, Nyabihu, Burera, Gakenke, Rulindo, Nyagatare, Gatsibo, Rwamagana, Nyaruguru, Kamonyi, Muhanga, Nyarugenge, Gasabo na Kicukiro.

N’ubwo hashyizweho izo ngamba zo kurwanya igwingira, Komisiyo yasanze hari ibibazo bituma Igihugu kitagera ku ntego cyihaye, birimo Ingengo y’imari yo kurwanya imirire mibi n’igwingira ku rwego rw’uturere yibanda mu ikurikiranabikorwa ry’iyi gahunda kurusha ishyirwa mu bikorwa ryayo, n’ amarerero akorera mu ngo (Home Based ECDs) adakora uko bikwiye kuko adakora buri munsi, atabona amafunguro ahagije kandi yujuje intungamubiri.

Ikindi ni amahugurwa y’abarezi adahagije, imyumvire y’abaturage ikiri hasi mu kwita ku bana; ibura ry’inyunganiramirire hamwe na hamwe na bimwe mu bigo nderabuzima bidafite abakozi bashinzwe imirire; imikorere n’imikoranire y’inzego zitandukanye itanoze muri gahunda yo kurwanya imirire mibi n’igwingira mu bana bato; ubuke bw’ibikoresho abajyanama b’ubuzima bifashisha mu gufata ibipimo by’abana ndetse n’ibishaje bikeneye gusimbuzwa.

Ku bijyanye n’ishyirwa mu bikorwa rya gahunda yo kurwanya imirire mibi n’igwingira mu bana bato

Komisiyo yasanze hakiri ibibazo mu ishyirwa mu bikorwa ry’iyi gahunda harimo imikorere y’igikoni cy’umudugudu itanoze, ibura ry’inyunganiramirire hamwe na hamwe n’aho zigezwa ku bagenerwabikorwa zikererewe, ikurikiranabikorwa kuri gahunda yo kurwanya imirire mibi n’igwingira mu bana bato ku rwego rw’akarere ridakorwa mu buryo bunoze, n’imyumvire ya bamwe mu baturage ikeneye kuzamurwa.

Depite Uwamaliya avuga ko Komisiyo isanga hari ibikwiye kongerwamo imbaraga kugira ngo intego Igihugu cyihaye igerweho, ari byo: imitegurire y’indyo yuzuye itanoze, uruhare rw’ababyeyi rutaboneka uko bikwiye, imikorere y’igikoni cy’umudugudu itanoze n’isuku idahagije.

Ku bijyanye n’imikorere y’ingo mbonezamikurire y’abana bato (HBECDs) zikorera mu ngo z’abaturage

Komisiyo yasanze zimwe mu ngo mbonezamikurire y’abana bato zikorera mu ngo z’abaturage hakiri ibikwiye kwitabwaho, harimo ikibazo cy’abana batabona ifunguro buri munsi bitewe n’uko ababyeyi badatanga uruhare rwabo kubera imyumvire cyangwa ubukene, uburyo amafunguro ategurwa, isuku idahagije, abarezi badahabwa amahugurwa, agahimbazamusyi, ibikoresho n’imfashanyigisho, umubare w’ingo mbonezamikurire udahagije.

Icyakora, Komisiyo yasanze hari ibibazo bikwiye kwitabwaho birimo icy’abana batabona ifunguro buri munsi, amahugurwa ku barezi adahagije, ibikoresho n’imfashanyigisho zidahari mu gufasha abarezi gukangura ubwonko bw’abana, no kubategura kujya mu mashuri abanza.

Ku bijyanye no gukurikirana ishyirwa mu bikorwa ry’umwanzuro

Komisiyo yakurikiranye ishyirwa mu bikorwa ry’umwanzuro wafashwe n’Inteko Rusange yo ku wa 28/05/2024, wahawe MIGEPROF wo kugaragariza Inteko Ishinga Amategeko Umutwe w’Abadepite, gahunda (roadmap) yo gukemura ibibazo byagaragaye mu igenamigambi n’ikurikiranabikorwa bya gahunda z’amarerero n’ingo mbonezamikurire z’abana bato, birimo amarerero akora adafite ibyangombwa biyemerera gukora n’ayemerewe gukora atujuje ibisabwa. Ibi bigakorwa mu gihe kitarenze amezi ane.

Komisiyo yasanze umwanzuro utarashyizwe mu bikorwa kandi igihe cy’amezi ane wari warahawe cyararangiye. Mu ngendo Komisiyo yakoze yasanze hari ECDs zimwe zikora zitujuje ibisabwa mu mabwiriza ngenderwaho y’ingo mbonezamikurire y’abana bato, amahugurwa, imfashanyigisho, igikoni, amazi meza, ubwiherero bujyanye n’ikigero cy’abana, ibikoresho by’isuku, Komisiyo izakomeza gukurikirana ishyirwa mu bikorwa ry’uyu mwanzuro.

Iyi Komisiyo imaze gusesengura ikibazo cy’imirire mibi n’igwingira mu bana bato, yateguriye Inteko Rusange umushinga w’imyanzuro kuri MIGEPROF, gukemura ibibazo bigaragara muri gahunda yo kurwanya imirire mibi n’igwingira mu bana bato, harimo imitegurire y’indyo yuzuye itanoze, uruhare rw’ababyeyi rutaboneka uko bikwiye, imikorere y’igikoni cy’umudugudu itanoze n’isuku idahagije. Bigakorwa mu gihe kitarenze amezi 12.

Gukemura ibibazo bigaragara mu mikorere y’ingo mbonezamikurire y’abana bato zikorera mu ngo z’abaturage, birimo abana batabona ifunguro buri munsi, amahugurwa ku barezi adahagije n’imfashanyigisho zidahari mu gufasha abarezi gukangura ubwonko bw’abana no kubategura kujya mu mashuri abanza. Bigakorwa mu gihe kitarenze amezi 12.

Sebagabo Muhire Barnabé

Yabitangarije mu nama ihuriweho n’Imitwe yombi y’Inteko Ishinga Amategeko, ubwo yayigezagho raporo y’ibikorwa bya Komisiyo y’Igihugu ishinzwe Abakozi ba Leta by’umwaka wa 2024-2025, na gahunda y’ibikorwa by’umwaka wa 2025-2026.

Utwo turere ni Kayonza kaciwe 1,260,000frw, Gatsibo 6,648,080frw, Gisagara 10,668,827frw, Gicumbi 250,000frw.

Ati “Uturere 10 twaburanye imanza 15 n’abakozi 16, imanza utwo turere twatsinze ni 11 bituma inkiko ziduhesha amafaranga y’igihembo cy’Avoka, ikurikirana rubanza n’indishyi angana na 4,000,000frw. Uturere twatsinzwe imanza 4 ducibwa amafaranga 18,826,907frw agizwe n’indishyi zingana na 9,499,218frw naho 9,327,689frw yari asanzwe ari uburenganzira bw’abakozi”.

Sebagabo yagragaje ko hari ibindi bigo 6 byaburanye imanza 14 n’Abakozi 14, imanza ibyo Bigo byatsinze ni 12 bituma inkiko zibihesha amafaranga y’igihembo cya Avoka n’ikurikirana rubanza angana na 1,840,000frw. Ibigo 3 byatsinzwe imanza 2 zaburanywe n’abakozi 2, bituma bicibwa indishyi ingana na 5,352,580frw.

Minsiteri y’Uburezi (MINEDUC), iy’Ubuzima (MINISANTE), iy’abakozi ba Leta (MIFOTRA) n’y’Ingabo (MINADEF), zose uko ari 4 zaburanye n’abakozi 11 mu manza 6, muri izo manza izo Minisiteri zatsinze 4 zaburanyemo n’abakozi 9, bituma inkiko zizihesha amafaranga y’igihembo cy’Avoka, n’ikurikirana rubanza angana na 1,510,000Frw.

Minisiteri zatsinzwe imanza 2 zaburanye n’abakozi 2 bituma zicibwa 7,265,942frw. Muri ayo mafaranga indishyi zingana na 2,820,000frw naho 4,445,942frw yari uburenganzira bw’abakozi inzego zategetswe gutanga.

Kaminuza y’u Rwanda na Rwanda Polytechnic byaburanye n’abakozi 4 mu manza 4, muri izo manza Kaminuza y’u Rwanda yatsinze imanza 3, Urukiko rwemeza ko igomba guhabwa amafaranga y’ikurikiranarubanza angana na 850,000. Ishuri rikuru rikaba ryaratsinzwe mu rubanza 1, ritegekwa kwishyura uwaritsinze amafaranga 14,993,100 muri yo hakaba harimo indishyi zingana na 12,996,000Frw na 1,997,100Frw y’uburenganzira bw’umukozi ryategetswe gutanga.

Sebagabo yagaragarije abagize Inteko Ishinga Amategeko ko mu mwaka wa 2023/2024 Leta yaciwe amafaranga angana na Miliyoni 46,438,529, akaba ari make ugereranyije n’impuzandengo y’ayo yaciwe mu myaka itanu ishize, ni ukuvuga kuva mu kwezi kwa Nyakanga 2017 kugeza mu kwezi kwa Kamena 2024.

Isesengura rigaragaza nanone ko umwaka wa 2023/2024, amafaranga Inzego za Leta zatsindiye yagabanutse kuko zatsindiye 8,200,000Frw mu gihe mu mwaka wabanje zari zatsindiye 13,294,725Frw, naho ayo zaciwe yariyongereye kuko mu mwaka wa 2023/2024 zaciwe 46,438,529Frw mu gihe mu mwaka wari wabanje wa 2022/2023 zari zaciwe 38,404,878Frw.

Ati “Abakozi bagiye mu nkiko nyuma yo kugeza ubujurire bwabo muri Komisiyo y’Igihugu ishinzwe Abakozi ba Leta, ikabufataho imyanzuro ariko ntishyirwe mu bikorwa bigatuma Leta ishorwa mu manza igatsindwa”.

Aha ni naho yagaragaje ko kutubahiriza imyanzuro ya Komisiyo bituma Leta ishorwa mu manza zitari ngombwa bikayiteza igihombo, by’umwihariko mu mwaka wa 2023-2024 amafaranga Leta yaciwe yariyongereye ugereranyije no mu myaka 2 yabanje.

Muri iri sesengura hagaragaye ko hari abakozi batahawe uburenganzira bwabo ku gihe, abandi bafatiwe ibyemezo binyuranyije n’amategeko ajyanye n’imicungire y’Abakozi ba Leta bigatuma baregera Inkiko.

Inama Komisiyo itanga nyuma yo gukora isesengura no kugaragaza igihombo Leta iterwa n’uko Abakozi ba Leta baba bacunzwe nabi, hari ingamba zikwiye gufatwa, abakozi bireba bashinzwe kuyobora abandi bagaragayeho kutubahiriza amategeko agenga Imicungire y’Abakozi ba Leta, bakwiye gukurikiranwa hubahirijwe ibiteganywa n’amategeko abagenga.

Mu rwego rwo kugaruza umutungo wa Leta wahatikiriye, Amabwiriza ya Minisitiri w’Ubutabera No 002/M.J/ AG/15 yo ku wa 01/10/2015, agena uburyo bwo gukurikirana abakozi bateza Leta igihombo, agomba gushyirwa mu bikorwa n’Inzego za Leta bireba.

Mu rwego rwo gukumira igihombo Leta ikomeje guterwa n’ibyemezo bitubahirije amategeko bifatirwa abakozi, Komisiyo irajya inama isaba MIFOTRA na MINIJUST ko bashyiraho uburyo bwanditse kandi bunoze, butuma bitewe n’imiterere y’imyanzuro yafashwe n’Abayobozi, inzego zajya zirinda gukomeza mu manza, ahubwo zikajya mu nzira y’ubwumvikane haba mbere cyangwa mu nama ntegura rubanza, ku buryo aho bibaye ngombwa ibibazo byavutse byakemurwa hatiyambajwe inkiko.

MINIJUST ikwiye gukora ubukangurambaga ku Nzego za Leta ku byiza by‘inzira y’ubwumvikane (Mediation), uko bihagaze mu bijyanye n’umurimo mu Nzego za Leta, n’ingaruka zo kutitabira ubwumvikane igihe bigaragara ko hari ibura ry’ibimenyetso cyangwa amakosa yabaye mu ifatwa ry’ibyemezo.

MIFOTRA yakongera ubukangurambaga yibutsa Inzego zose za Leta kubahiriza amategeko mu ifatwa ry’ibyemezo bireba abakozi no gusubiza ubusabe n’ubujurire bw’abakozi mu gihe giteganywa n’amategeko.

Komisiyo izakomeza gukangurira Inzego za Leta kubahiriza amategeko agenga imucungire y’abakozi ba Leta, guhugura abakozi ku myitwarire mbonezamurimo no gukora kinyamwuga ndetse n‘abagize Akanama gashinzwe gukurikirana amakosa mu kazi ku bijyanye no gusesengura ubujurire, gukusanya no kubika ibimenyetso no kujya inama yubahirije amategeko.

Nyuma yo kumurikirwa ibikubiye muri iyi Raporo ku bijyanye n’imanza zateje igihombo Leta Abadepite batanze ibitekerezo bitandukanye basaba ko hajyaho uburyo bwo kunoza imikorere ndetse hakubahirizwa uburenganzira bw’abakozi.

Depite Mukabalisa Germaine avuga ko nubwo hari aho byagaragaye ko Leta hari imanza yatsinze ndetse bagahabwa indishyi, ko byatumye igwa mu gihombo.

Ati “Numva habaho kubahiriza amategeko hagati y’umukoresha n’umukozi kugira ngo birinde ko Leta yagwa mu gihombo, biturutse ku makosa aba yakozwe”.

Dr Uwituze asobanurira Abadepite ibijyanye n’ubwanikiro bw’imyaka

Dr Uwituze yabitangaje kuri uyu wa Gatatu tari 12 Ukwakira 2025, mu biganiro iyi Komisiyo yagiranye na Minisiteri y’Ubuhinzi n’Ubworozi ku bibazo byagaragaye muri raporo y’igenzura ricukumbuye ryakozwe n’Urwego rw’Ubugenzuzi Bukuru bw’Imari ya Leta, ku gufata neza umusaruro w’umuceri n’ibigori no kuwuhuza n’isoko.

Iryo genzura ryagaragaje ko hari ubwanikiro bw’ibigori budakora biturutse ku kuba bwubatse kure y’imirima yabo, bigatuma abaturage batajyana umusaruro ku bwanikiro bakawujyana mu ngo bigatuma utakaza ubuziranenge, ndetse hakagira n’uwangirikira mu isarura.

Iki kibazo cyagarutsweho n’Abadepite basanze abahinzi b’ibigori badafite ubwanikiro, ndetse n’ubuhari bagasanga budakoreshwa kubera impamvu zitandukanye.

Zimwe mu mpamvu zagaragajwe n’abadepite zirimo kuba ubwanikiro butubatse neza uko bikwiriye, kuba budahagije mu kwakira ingano y’umusaruro w’abahinzi no kuba budakomeye, ugereranyije n’ahagomba kwanikwa imyaka.

Depite Nkuranga Egide yasabye ko babagaragariza ingamba zihari mu gukemura iki kibazo, kuko basanze ubwanikiro buba bwatwaye amafaranga mu kubwubaka kandi budakoreshwa ugasanga biteje igihombo Leta.

Ati “Twagira ngo mutugaragarize ingamba zihamye zigiye gushyirwa mu bikorwa zijyanye n’ubwanikiro, kuko bigaragara ko umusaruro w’ibigori utabona aho utunganyirizwa uko bikwiriye”.

Abadepite muri icyo kiganiro

Dr. Uwituze yavuze ko bigiye gukemukira muri gahunda y’ibyanya bigega by’ibiribwa (Food Basket), kuko ibi byanya bizubakwamo ubwanikiro, ubuhunikiro kandi abakoreramo ubuhinzi banigishwe uko babukora kinyamwuga, bugamije kubona amasoko no kwihaza mu biribwa.

Ati “Twavuganye n’ikigo cy’igihugu gishinzwe imiturire (RHA), twumvikana ko tuzubaka ubwanikiro bwujuje ibisabwa kandi bukomeye, bityo tuzakurikirana uko buzubakwa ndetse n’uko buzajya bukoreshwa hashingiwe ku mategeko abigenga tuzaba twarashyieho”.

Dr. Olivier Kamana, Umunyamabanga Uhoraho muri Minsiteri y’Ubuhinzi n’Ubworozi, yavuze ko mu ngamba Leta ifite zo kubungabunga umusaruro w’ibigori, ari ugushyiraho amabwiriza mashya azafasha abahinzi.

Ikindi nuko muri ayo mabwiriza hazabaho gukurikirana ishyirwamubikorwa ryayo, kuko mu gihe cyo gusarura nk’uko byari bisanzwe bikorwa, hazongerwamo imbaraga ku bashinzwe ubuhinzi (Agronome), kugira ngo abaturage bazabashe gutunganya umusaruro wabo utangiritse, bubahiriza amategeko agenga kuwugeza ahabugenewe.

Minisitiri Dr Bizimana Jean Damascène asobanura ikibazo cy’inzu z’abarokotse Jenosude

Minisitiri Dr Bizimana yabivuze mu biganiro byamuhuje n’iyi Komisiyo kugira ngo barebere hamwe imyanzuro y’Inteko Rusanye y’Umutwe w’Abadepite yo ku wa 01 Ugushyingo 2023, itarashyizwe mu bikorwa uko bikwiye.

Minisitiri Dr Bizimana yavuze ko ibibazo by’inzu y’abarokotse Jenoside birimo bishakirwa igisubizo, ariko hakwiye ubufatanye bw’inzego zitandukanye kugira ngo bigerweho.

Ati “Inzu z’abarokotse Jenoside ibihumbi 6,973 zigomba kubakwa bushya, muri uno mwaka inzu 296 ni zo zigomba kubakwa, murumva ko turebye umubare w’izigomba kubakwa ari nyinshi hagomba ubufatanye hagati y’izindi nzego”.

Minisitiri Dr Bizimana avuga ko mu ngengo y’imari yagiye yoherezwa mu turere hagiye hakorwamo amakosa atandukanye, kuko hari aho uturere twagiye dukoresha aya mafaranga yagenewe kubakira no kwita ku barokotse Jenoside mu bindi bikorwa, birimo no kubaka imidugudu y’ikitekererezo nyamara ntihamenyekane niba abarokotse Jenoside na bo barahawemo inzu.

Aha ni naho Minisiti Bizimana yasabye uturere ko aya mafaranga yakoreshejwe ibindi agomba kugaruka akajya gukora ibyo yagenewe birimo no kubaka inzu z’abarokotse Jenoside yakorewe Abatutsi mu 1994.

ABADEPITE bumva ibyo bibazo

Ikindi kibazo cyagarutsweho ni ikijyanye n’umuyoboro w’imyotsi ‘cheminée’ zidakora neza, bigatuma ubuzima bw’Abarokotse Jenoside batujwe muri izo nyubako zubatse nabi butamera neza.

Depite Niwemahoro Wassila yavuze ku kibazo cy’inzu zubatse nabi ugasanga mu gihe cy’imvura nyinshi amazi yinjira mu nzu.

Ati “Mukwiriye kubireba ibibazo byose bigakosorwa kuko usanga hari n’aho babayeho nabi byitwa ko bitaweho”.

Depite Mussolini Eugene yasabye ko hakemuka ibibazo biri mu nzu zubatswe zegeranye, kuko imyotsi iyo idasohotse ibatera ibibazo by’ubuhumekero.

Minisitiri Dr Bizimana yavuze ko ibibazo biri mu nyubako zagenewe abarokotse Jenoside yakorewe Abatutsi byose bituruka mu myubakire, asobanurira Abadepite ko hagiye gushyirwamo imbaraga mu kugenzura no gukurikirana uko zubakwa n’ubwo biba bitari mu nshingano za Minisiteri ayoboye.

Ati “Nubwo bitari mu nshingano za MINUBUMWE tuzasaba dukorane n’ababifite mu nshingano, kugira ngo izizasanwa ndetse n’izizubakwa bundi bushya zizabe ari inzu nziza zikomeye”.

Alphonse Rukaburandekwe, Umuyobozi w’Ikigo cy’Igihugu gishinzwe Imiturire mu Rwanda (RHA) yavuze ko mu nzu zikeneye kongera gusanwa izakomeza kuba hafi abazaba babishinzwe, kugira ngo hatongera gukorwa amakosa yo kuzubaka nabi.

Rukaburandekwe yerekanye ko mu myubakirye y’izi nzu usanga harimo n’ikinyuranyo cy’amafaranga kandi ugasanga ziba ari inzu ziteye kimwe.

Ati “Nko mu Karere ka Bugesera inzu imwe ishobora gutwara 17,300,000Frw, Kayonza igatwara 16541,000 mu gihe nko mu Karere ka Nyamagabe ishobora gutwara 20,000,000 Frw.

Kuri iki kinyuranyo cy’amafaranga, Minisitiri Dr. Bizimana yagaragaje ko nko mu Karere ka Rusizi hari inzu yubatswe n’abanyamuryango ba FPR Inkotanyi yubakiwe utishoboye, igatwara Miliyoni 9Frw kandi nyamara usanga ikomeye kurusha izatwaye Miliyoni 20Frw.

Minisitiri Dr Bizimana yavuze ko guha ububasha mu iyubakwa ry’izi nzu uturere bishobora kuzafasha mu gutuma habaho kugabanyuka kw’ibiciro by’inzu zubakwa, bikanongera umubare w’izigomba kubakwa ndetse n’izubatswe zikaramba kuko zaba zifite gikurikirana.

Uturere twagaragayemo ibibazo byo kutubaka inzu z’abarokotse Jeniside neza ndetse n’amafaranga yagenwe mu kubaka izi nzu tuzakurikiranwa, agarurwe akoreshwe icyo yagenewe.

Nicolas Sarkozy yarekuwe by’agateganyo

Ku itariki 21 Ukwakira 2025, ni bwo Sarkozy yinjiye muri Gereza izwi nka ‘Prison de la Santé’, iherereye mu gace ka 14e Arrondissement de Paris, aho yagiye gufungirwa.

Ni we Perezida wa mbere mu mateka y’u Bufaransa ukurikiranyweho ibyaha bikageza aho ajya muri gereza.

Urukiko rw’Ubujurire rw’i Paris kuri uyu wa Mbere tariki ya 10 Ugushyingo 2025, rwategetse ko afungurwa by’agateganyo ariko akazakomeza gucungirwa hafi n’inzego z’ubutabera.

Urukiko ndetse n’ubushinjacyaha byabujije Sarkozy kurenga ubutaka bw’u Bufaransa, mu gihe agikurikiranwa by’agateganyo.

Sarkozy akurikiranyweho ibyaha bishingiye ku mafaranga yahawe na Muammar Gaddafi wahoze ayobora Libya, ubwo yiyamamazaga mu 2007. Ibyo byaha byatumye ahanishwa igifungo cy’imyaka itanu.

Uyu mukambwe w’imyaka 70 yayoboye u Bufaransa hagati ya 2007 na 2012. Ku wa 25 Nzeri yabwiye itangazamakuru ati “Niba bashaka ko ndyama muri gereza, nzabikora, ariko nzabikora nemye.”

Sarkozy abaye umuyobozi wa mbere w’u Bufaransa ukurikiranywe n’ubutabera nyuma ya Philippe Petain, wabaye umwe mu basirikare bakomeye b’iki gihugu ndetse na Perezida w’Akanama k’Abaminisitiri mu Bufaransa, wafunzwe nyuma y’intambara ya kabiri y’Isi yose kubera imikoranire ye n’Aba-Nazi.

Perezida Kagame asanga nta gihugu cyakizwa no gusabiriza

Ibi Perezida Kagame yabigarutseho ubwo we na Madamu Jeannette Kagame, akaba n’Umuyobozi Mukuru w’Umuryango Unity Club Intwararumuri, bitabiraga Ihuriro ngarukamwaka rya 18 ry’uwo muryango, ryabaye kuri uyu wa Gatandatu tariki 8 Ugushyingo 2025.

Ryitabiriwe kandi n’abayobozi mu nzego zitandukanye ndetse n’abanyamuryango ba Unity Club, aho bahuriye mu gitaramo cyabereye mu Intare Conference Arena.

Agaruka ku bijyanye no kwigira kw’ibihugu, yagize ati “Nimumbwire mu bice by’Isi byose muzi, mumpe urugero rw’Igihugu abantu bakijijwe n’imiryango itari iya Leta? Cyangwa se hari uwakijijwe no gusabiriza kandi ukabona gusabiriza ntabwo bimuteye isoni n’uwo usaba ndetse ukamureba igitsure nk’aho hari icyo agomba kukwishyura. Ibyo abayobozi twicaye hano, tubyumva gute? Tubisobanura gute? Icyo kibazo tudakora tugishakira umuti n’ibi byose tuvuga, dukora cyangwa tuganira biba amagambo gusa.”

Perezida Kagame yavuze kandi ko nta gihugu cyabaho nk’aho ari ikirwa, ati “U Rwanda nk’Igihugu, ntikiri mu kirwa cyonyine, ahubwo gituranye n’ibindi bihugu bya Afurika. Igihugu rero kiba kigomba kubana n’ibindi bagafatanya muri byose.

Perezida Kagame yavuze ko Abanyarwanda n’Abanyafurika muri rusange, bagomba gushaka umuti w’ibibazo bituma basigara inyuma.

Ati “Ikibazo ni twe tugomba kugishakira umuti byanze bikunze, kuko abantu bose bagera aho bakavuga ko bashaka gutera imbere, bashaka kubaho neza. Niba ari byo, bikore kandi birashoboka, wabigeraho, ariko umuntu yabaza impamvu nyuma y’imyaka 50, twaba tukiri aho dusabiriza”.

Perezida Kagame yavuze ko abantu badakwiye kubaho barihebye, bumva ko batazagera ku iterambere, ahubwo ko bakwiye guharanira kubaho ubuzima bwiza kandi nta gutega amaso abandi.

Ati “Ubuzima bwacu bwo dushaka kubaho ni ikintu twaberaho cyangwa tukagipfira. Impamvu uhitamo uko ushaka kubaho, ntabwo impamvu yawe yaba gukesha kubaho kwawe, ubuzima cyangwa imibereho y’abandi, uhora ubateze amaso ko ari bo bagomba kukubeshaho, ariko bibaye n’ibyo kuki bo batagutega amaso kugira ngo babeho, cyangwa kuki buri wese atareba undi ngo amubonemo ibishobora kumubeshaho?”

Perezida Kagame yavuze ko kuba u Rwanda rugeze ahashimishije byagizwemo uruhare na buri wese, yaba abayobozi ndetse n’abaturage bakorera, asaba abayobozi ko bakwiye kujya bahora bibaza uruhare bagira ku giti cyabo mu kurushaho guteza Igihugu imbere.

Ati “Sinumva impamvu uburyo ibihugu bya Afurika bimaze imyaka 50 cyangwa 60 bidatera intambwe mu iterambere, kandi ibyo byari ku rwego rumwe kuri ubu biri mu bifite ubukungu buteye imbere”.

Yunzemo ko abantu bafite ubushobozi butandukanye ndetse no gushishoza gutandukanye, ko iyo byose bihujwe bituma ibihugu byose byatera imbere ariko ko hakiri ihurizo ryo kureba aho u Rwanda, Afurika mu myaka 50, 60 ishize byari bihagaze gute.

Umukuru w’Igihugu yagize ati “Ikibazo muri twe tugomba kugishakira umuti byanze bikunze cyangwa bikajya ku mugaragaro, bikemezwa ko ari umuvumo uturimo cyangwa niba ari ko dushaka kuba ntitujye aho ngo tubeshye.”

Perezida Kagame yavuze ko atumva impamvu ibihugu bya Afurika byemera gukena no kubaho mu buzima bubi, kandi byari bifite ubushobozi n’amahitamo menshi yo gutera imbere no kugira impinduka mu iterambere.

Yanagarutse ku mutekano w’Igihugu, avuga ko abatekereza kuwuhungabanya bitabakundira.

Umukuru w’Igihugu yagaragaje ko amasezerano u Rwanda rusinyana na Repubulika Iharanira Demokarasi ya Congo, arimo uburiganya ariko ko rwamaze guca umurongo kera.

Ati “Ibyo by’amasezerano birimo uburiganya bwinshi. Byose dukora, tuvuga, tubana n’abandi, twaciye umurongo kera. Ni ukuvuga ngo igihugungabanya u Rwanda cyo ntabwo twacyihanganira.”

Amafoto: Eric Ruzindana

Minisitiri Dr. Jean Damascène Bizimana

Minisitiri w’Ubumwe bw’Abanyarwanda n’Inshingano Mboneragihugu, Dr. Jean Damascène Bizimana, yabitangarije abanyamuryango ba Unity Club Intwararumuri, n’abandi bitabiriye Ihuriro ngarukamwaka rya 18 ry’uwo muryango, ryabaye kuri uyu wa Gatandatu tariki 8 Ugushyingo 2025.

Ni ibyavuye mu bushakashatsi ku bumwe, ubwiyunge n’ubudaheranwa bukorwa buri nyuma y’imyaka itanu. Mu 2020, Komisiyo y’Igihugu y’Ubumwe n’Ubwiyunge yari yagaragaje ko igipimo cy’ubwiyunge mu Banyarwanda cyari 94.7%.

Muri uyu mwaka wa 2025, ubu bushakashatsi bwakorewe ku bantu 12,300 barimo abasanzwe mu ngo 8,100 n’abo mu bigo bagera kuri 4,200.

Ibibazo byabajijwe byari 123 byatanze isura y’ukuri y’uko ibintu byifashe. Mu babajijwe harimo abagore 52% n’abagabo 48%. Muri bo kandi urubyiruko ni 47% mu gihe abafite hejuru y’imyaka 35 ari 53%.

Mu bakoreweho ubushakashatsi kandi abize amashuri abanza ni 38%, ayisumbuye 26%, abatarageze mu ishuri ni 21%, Kaminuza ni 14% mu gihe ubumenyingiro ari 2%.

Ati “Igipimo cy’Ubumwe bw’Abanyarwanda mu mwaka wa 2025 kigeze kuri 95.3%, kivuye kuri 82,3% cyariho mu 2010. Ni mu gihe mu 2015 cyari kigeze kuri 92,5%, 2020 cyageraga kuri 94,7%”.

Minisitiri Dr Bizimana yavuze ko Ubudaheranwa nk’inkingi fatizo y’Ubumwe n’Ubwiyunge, igipimo rusange cyabwo gihagaze kuri 90.8%. Mu babajijwe, 99.1% bemeje ko imiterere y’ubuyobozi buri mu Rwanda idaheza Abanyarwanda, 99% bemera ko ingamba z’ubukungu z’Igihugu zizirikana ibyiciro by’imibereho bitandukanye by’Abanyarwanda kandi zidaheza.

Abagera kuri 98.6% bemeje ko u Rwanda rwimakaza umuco w’ibiganiro, gukemura amakimbirane no gufata ibyemezo binyuze mu bwumvikane mu gihe 98.1%, bemeje ko abaturage bahagarariwe mu nzego zifata ibyemezo kandi bazibonamo.

Muri ubu bushakashatsi ubumwe bw’Abanyarwanda buri kuri 95,6%, ubwiyunge bukaba kuri 95% mu gihe ubudaheranwa buri kuri 90.8%.

Abagera kuri 97% bemeza ko ubuyobozi buriho ubu mu Rwanda bureberera bose nta vangura rishingiye ku bwoko, 96% bemeza ko amateka akwiye kwigishwa urubyiruko, 93% bemeza ko Abanyarwanda bose bahabwa amahirwe angana ku byiza by’igihugu.

Ku bijyanye n’ibyasenye ubumwe bw’Abanyarwanda 93%, bemeza ko byagizwemo ingaruka n’amashyaka arimo Parmehutu na APROSOMA, 93% bemeza MDR, 93% bemeza ko intiti n’injijuke zagize uruhare mu gutegura Jenoside yakorewe Abatutsi, mu gihe 88% bemeje ko urubyiruko rwagize uruhare muri Jenoside yakorewe Abatutsi.

Ubushakashatsi bugaragaza ko ibibafasha mu kubaka ubumwe bw’Abanyarwanda ni ubutwari no gukunda igihugu biri kuri 98.7%, imigenzo, imyemerere n’imiziririzo ku gipimo cya 97,9%, isano Abanyarwanda biyumvamo 96%, indangagaciro zikaba ku kigero ku 95.9%, amasomo abanyarwanda bigiye ku ngaruka za Jenoside yakorewe Abatutsi biri 92,6% n’imikorere mibi y’amashyaka ya mbere ya Jenoside yakorewe Abatutsi bifite 91.9%.

Ku bwiyunge naho inkingi ziza imbere ni imibanire myiza ifite 98.5%, kwisanga no kwisanzura mu muryango nyarwanda biri kuri 95.9%, gusangira amateka biri kuri 90.6%, akamaro ko kwibuka Jenoside yakorewe Abatutsi biri ku gipimo cya 99%.

Abakoreweho ubushakashatsi kandi 100% bemeje ko baterwa ishema no kuba Abanyarwanda, banemeza ko Ikinyarwanda ari inkingi ya mwamba, 98% bemeza ko hari ubushake bwa Politiki bwo kubaka ubumwe mu Banyarwanda mu gihe 98% baterwa ishema n’intwari zitangiye igihugu zikabohora igihugu.

Hari kandi kuba igipimo cya 98% baremeje ko gahunda z’uburere mboneragihugu nk’itorero na Ndi umunyarwanda zifite akamaro, 99% bemeza ko Jenoside yateguwe, ndetse 97% bemeza ko ubunyarwanda busumba ikindi umuntu yakwibonamo.

Reba ibindi muri iyi video:

Amafoto: Eric Ruzindana

Video: George Salomo

Minisitiri Biruta ari na we muyobozi wa EAPCCO ubu, yabivugiye mu nama y’abayobozi bakuru ba Polisi b’ibihugu biri muri uyu muryango n’u Bushinwa yo ku rwego rw’Abaminisitiri, yateraniye mu Rwanda ku wa Gatatu tariki 5 Ukwakira 2025.

Iyi nama yabanjirijwe n’igikorwa cyo gusinya amasezerano hagati y’u Rwanda n’u Bushinwa, y’ubufatanye hagati ya Polisi mu kurushaho gushimangira umubano ibihugu byombi bisanganywe. Ayo masezerano yashyizweho umukono na Minisitiri Biruta ndetse na mugenzi we w’u Bushinwa, Xu Datong.

Iyi nama ibaye ku nshuro ya kabiri, yiga ku buryo bw’imikoranire mu by’umutekano no kubahiriza amategeko. Minisitiri Biruta, yashimye uko u Bushinwa bukomeje gufatanya n’ibihugu bihuriye muri uyu muryango, ashimangira ko iyo nama ikomeza kwerekana umusaruro w’imikoranire n’ubufatanye ku mpande zombi.

Ati “Ni ibyishimo bikomeye kubakira mwese mu Rwanda muri iyi nama. Dufite ishema ryo kwakira iyi nama ikomeye igamije gukomeza ubufatanye mu kurinda umutekano mu bihugu byacu”.

Minisitiri Biruta yavuze ko kwitabira kw’abayobozi baturutse mu bihugu bitandukanye ari ikimenyetso cy’ubwitange bukomeye bw’u Bushinwa, bufatanyamo n’ibihugu bigize Akarere ka Afurika y’Iburasirazuba, mu guhangana n’ibibazo by’umutekano birimo ibyaha by’ikoranabuhanga, ibyaha biteguwe neza n’ibindi byiyongera buri munsi bigira ingaruka ku Bushinwa, no ku bihugu bigize aka karere ka EAPCCO.

Ati “Ndashaka kandi gushimira ibihugu byose bigize EAPCCO n’u Bushinwa kubera ubwitange n’ubufatanye mugira mu kubaka ubufatanye bukomeye mu rwego rw’ubutabera no kurwanya ibyaha, haba mu rwego rw’akarere no ku rwego mpuzamahanga. Uru ruhare rwanyu rukomeza kuba ingenzi cyane mu rugendo twese dusangiye, rwo kubaka umutekano w’abaturage bacu no mu karere kose”.

Minisitiri Biruta avuga ko ibihugu byombi bishaka inyungu zisangiwe binyuze mu kongera ubumenyi n’ubushobozi, gusangira ubunararibonye cyane cyane mu ikoranabuhanga rigezweho, ndetse no gusangira amakuru ajyanye n’ibikorwa by’ubugizi bwa nabi n’ibindi bikorwa by’ingenzi by’umutekano.

Ati “Intego yacu ihuriweho irasobanutse neza, ni ukurinda abaturage b’ibihugu bigize EAPCO n’u Bushinwa, no guteza imbere ibikorwa remezo bifasha mu iterambere ry’ubukungu n’imibereho myiza”.

Yashimiye Guverinoma y’u Bushinwa ku bushake n’ubufasha idahwema gutanga, mu gushyigikira gahunda z’umutekano w’akarere.

Ati “Ubufatanye bwanyu bukomeye bugaragaza akamaro ko gukorera hamwe mu guhangana n’ibibazo bikomeye byugarije akarere kacu n’isi muri rusange. Nizeye ko ibyavuye muri iyi nama bizatuma dutera imbere mu kubaka amahoro, umutekano n’ituze mu karere ka Afurika y’Iburasirazuba n’ahandi, bikaba inzira y’ejo hazaza heza kandi harambye kuri twese”.

Xu Datong, Umunyamabanga wa Leta Wungirije Ushinzwe Umutekano w’u Bushinwa, yavuze ko iyi nama ari amahirwe yo kongera gushimangira ubushake n’ubwitange ibihugu byombi bifite mu gushyira mu bikorwa ibikubiye mu Masezerano y’Ubwumvikane (MoU), hrimo: ibikorwa byo gukumira no kurwanya iterabwoba n’ibyaha bikorerwa ku rwego mpuzamahanga, kuzamura urwego mpuzamahanga rw’amabwiriza ya Polisi, no guteza imbere ubunyamwuga mu nzego zishinzwe umutekano n’amategeko.

EAPCCO n’u Bushinwa byemeranyije kwagura ubufatanye bw’impande zombi mu ngeri zitandukanye zigamije kunoza imikorere myiza ya Polisi mu Karere, kuzubakira ubushobozi, imikoranire mu bijyanye no gusangira amakuru, kurwanya iterabwoba n’ibyaha byambukiranya imipaka, ibitero by’ikoranabuhanga no guteza imbere ubunyamwuga muri Polisi.

Ati “Hari inzego igihugu cyanjye cyifuza gukomeza gukoranamo n’ibihugu byo muri EAPCCO zirimo ubutasi, iperereza hagamijwe guhashya ibyaha byambukiranya imipaka n’iterabwoba. Hari kandi guhererekanya abanyabyaha, gusangira ubumenyi, ibitero by’ikoranabuhanga, gutoza polisi yo mu Karere, gufasha mu bijyanye no kubona ibikoresho bigezweho no kubaka umubano ushingiye ku bwubahane”.

Biteganyijwe ko guhera muri uyu mwaka u Bushinwa buzajya butanga inkunga y’ibikoresho bya Polisi bifite agaciro ka 137,000 by’Amadolari (arenga miliyoni 176 Frw) kuri buri gihugu kizaba kiyiyobeye.

U Bushinwa kandi buzohereza amatsinda atandukanye y’Abapolisi mu bihugu bya EAC, mu rwego rwo gufasha mu gukemura ibibazo bijyanye no kubahiriza amategeko, mu 2026 kandi buzatanga amahugurwa ku bantu 400 bo muri EAPCCO ndetse buniyemeza kuzashyigikira umukandida uzatangwa na EAPCCO ku buyobozi bwa INTERPOL.

Kuva umwaka ushize u Bushinwa bwatangira gukorana na EAPCCO, hamaze gukorwa imyitozo 18 mu Bushinwa, abarenga 347 bajya mu Bushinwa naho abapolisi barindwi bahabwa buruse zo kwigayo.

Abadepite baganira ku kibazo cya Internet

Minisitiri Ingabire yavuze ko mu Rwanda hari ibice bimwe bitagerwamo na Internet uko bikwiriye, ndetse ugasanga hari n’aho itagera kubera ikibazo cy’iminara itaragezwa mu ihugu hose.

Ati “Urebeye ku buso bw’igihugu cyacu Internet igera ahantu hangana na 83%, bivuga ko ubuso bungana na 17% bw’Igihugu hadafite internet, cyane ahantu hadatuwe no mu bice by’icyaro”.

Minisitiri Ingabire avuga ko uyu munsi mu Rwanda uburyo bwo kugeza Internet mu bice bitandukanye hifashishwa iminara y’itumanaho, ndetse na murandasi ‘fibre optique’.

Ubu mu Rwanda hari iminara itanga Internet igera ku 1871 ikaba ari yo ifasha ubuso bungana na 83% kuyibona.

Ku bufatanye n’ibigo by’itumanaho ndetse harimo n’uruhare rwa Leta, hubatswe murandasi y’ibanze ingana na Km 24,949.

Minisitiri Ingabire yagaragarije Abadepite ko mu ngengo y’imari y’uyu mwaka wa 2025, hubatswe km 366 za murandasi (fibre optique).

Akomeza avuga ko imbogamizi zituma Internet itagera mu gihugu hose, biterwa n’impamvu nyishi zirimo n’imiterere y’Igihugu ifite imisozi ndetse ugasanga hari n’aho idashobora kugera cyane cyane mu kabande.

Yagaragaje ko mu nyigo bakoze basanze u Rwanda rukeneye iminara iri hagati ya 720-800 kugira ngo rube rwabasha kugeza Internet ku buso bungana na 97%.

Ati “Kugira ngo byibura tube dufite iminara itanga Internet mu buryo bunoze turasabwa byibura iminara igera ku 2500, yiyongera ku 1700 u Rwanda rusanzwe rufite”.

Ingamba zihari zo kugeza Internet mu bice byose by’Igihugu kugira ngo serivisi zihabwa umuturage zimugereho uko bikwiye, Minisitiri Ingabire yavuze ko ibigo by’itumanaho byose bihabwa impushya zifite igihe kiri hagati y’imyaka 10 na 15 kandi bakaba bafite umubare w’iminara baba bagomba kuba bubatse.

Ati “Twasanze iminara igera kuri 220 ariyo ikenewe kubakwa mu mpushya bahawe muri iyo myaka uruhushya ruzamara, noneho isigaye ikazubakwa na Leta”.

Minisitiri Ingabire avuga ko umunara umwe kuwubaka biba bisaba ibihumbi 150 by’Amadorari hakaba hakenewe Miliyoni 300 z’Amadorari, kugira ngo byibura u Rwanda ruzibe icyuho cy’iminara ikenewe mu gihugu hose.

Iminara idahagije ituma Internet itagera hose mu gihugu (ifoto: RBA)

Minisitiri Ingabire yasobanuriye Abadepite ko bifashisha ubundi buryo kugira ngo bageze Internet mu mashuri, no mubigo nderabuzima bitegereye iminara bakifashisha ikoranabuhanga rya ‘saterite’.

Ati “Dufatanya n’ikigo cy’Igihugu gishinzwe gukwirakwiza amashanyarazi kugira ngo amapoto bagenda bageza hirya no hino mu gihugu, abe afite ‘Fibre obtique’ ifasha kugeza muri ako gace Internet”.

Yungamo ko ahari ibibazo bya Internet bazakorana n’uturere ndetse na Minisiteri y’Ubutegetsi bw’Igihugu ( MINALOC) gukemura ibyo bibazo, kugira ngo aho idakora neza yongererwe ubushobozi yihute.

Depite Umutesi Liliane yabajije igihe iki kibazo cya Internit igenda gahoro, idakora neza n’aho itaragezwa igihe bizaba byakemukiye, Minisitiri Ingabire asubiza ko uko ingengo y’imari izagenda iboneka izajya igenda ikorwa, ariko akurikije ibisabwa mu nyigo yakozwe nuko kugira ngo igere mu gihugu hose bizatwara byibura igihe cy’imyaka 10.

Aba bombi bafatiwe i Kigali ku wa 17 Ukwakira 2025, bafite amahembe y’inzovu atatu yakaswemo ibice umunani, mbere yo kuyashyikiriza uwagombaga kuyajyana muri Aziya, ukiri gushakishwa.

Mu rwego rwo kurengera inyamaswa n’ibidukikije, Leta y’u Rwanda yashyizeho amategeko akomeye abuza abantu gufata, gutwara cyangwa gucuruza ibikomoka ku nyamaswa zishobora kuzimira burundu ku Isi, kubera ibikorwa by’abantu cyangwa impinduka mu bidukikije, harimo n’amahembe y’inzovu.

Mu Rwanda, gucuruza amahembe y’inzovu bifatwa nk’icyaha gikomeye cyo kwangiza ibidukikije no guhungabanya inyamaswa, kuko biba bishyira ubuzima bwazo mu kaga.

Itegeko nº 48/2018 ryo ku wa 13/08/2018 rishyiraho amabwiriza ajyanye no kurengera ibidukikije. Nk’uko iri tegeko ribivuga mu ngingo ya 58, umuntu wese ufata, utwara, ucuruza, wohereza cyangwa winjiza mu gihugu ibikomoka ku nyamaswa zishobora kuzimira burundu ku isi kubera ibikorwa by’abantu cyangwa impinduka mu bidukikije, ahanishwa igifungo kiri hagati y’imyaka 5 na 10, n’ihazabu iri hagati ya 5,000,000 frw ni 10,000,000 frw.

Iyo bigaragaye ko yabikoze nk’ubucuruzi buhoraho cyangwa mu buryo bw’ikibazo mpuzamahanga (trafic international), ibihano bishobora kwiyongera hashingiwe ku bindi biteganywa n’amategeko mpuzamahanga igihugu cy’u Rwanda cyasinye nk’amasezerano ya CITES.

Amasezerano ya CITES bisobanura mu magambo y’Icyongereza ‘Convention on International Trade in Endangered Species of Wild Fauna and Flora’ ni amasezerano mpuzamahanga yo kurengera inyamaswa n’ibimera biri mu kaga, yashyiriweho kurwanya ubucuruzi bwa magendu bw’ibikomoka ku nyamaswa n’ibimera bishobora kuzimira.

Aya masezerano yashizweho mu mwaka wa 1973 i Washington D.C. (USA), atangira gukurikizwa ku isi mu 1975, u Rwanda rwayinjiyemo mu mwaka wa 1981.

Abashinzwe kurengera ibidukikije bavuga ko iki gihano kigamije guca burundu ubucuruzi bwa magendu bwibasiye inyamaswa nk’inzovu, ingwe, n’imvubu, kuko ubu bucuruzi bushobora guteza ibyago byo kuzimira kw’izi nyamaswa.

Abaturage barasabwa gutanga amakuru igihe babonye umuntu ushaka kugurisha cyangwa gutwara ibikomoka ku nyamaswa ziri mu kaga, kugira ngo igihugu gikomeze kurinda ibidukikije n’ubukerarugendo bushingiye ku nyamaswa.

U Rwanda rufatanya n’ibindi bihugu mu bikorwa byo kurwanya ubucuruzi bwa magendu bw’amahembe y’inzovu, kurengera inyamaswa zo mu ishyamba rya Nyungwe, Akagera, n’ibindi, no guteza imbere ubukerarugendo bushingiye ku nyamaswa.

.

BNR yigishije abagore 16,751 gukoresha serivisi z’imari hifashishijwe telefone muri Rulindo

Ni igikorwa cyabaye ku wa Gatanu tariki 31 Ukwakira 2025 mu Karere ka Rulindo, cyitabirwa na Guverineri wa Banki Nkuru y’u Rwanda, Soraya Hakuziyaremye, n’abandi bayobozi batandukanye mu nzego za Leta.

Guverineri Soraya yashimye intambwe yatewe n’ubwitabire bwagaragaye muri aka karere mu gukoresha serivisi y’imari hifashishijwe ikoranabuhanga, kuko ariko ka mbere mu turere tw’intara y’Amajyaruguru kuko ariho hatangirijwe iyi gahunda.

Agira ati “Dutangiza iki gikorwa umuhigo wari ukwinjiza abagore 7,500. Muri aka karere abigishijwe bageze ku 16,751, abinjijwe bushya muri MoMo n’abakanguriwe konti zasinziriye ni 4,416 ni ikintu cyiza kandi cyo kwishimira”.

Hakuziyaremye avuga ko iki gikorwa cyo gushishikariza abagore gukoresha serivisi z’imari bakoresheje telefone kimaze imyaka ibiri gitangiye.

Ubwinshi bw’ikoreshwa rya telefone ngendanwa mu Rwanda bwazamutse, buva kuri 35% mu 2010 kugeza kuri 87% mu 2024.

Ati “Mu Rwanda 72% gusa by’abagore ni bo bakoresha serivisi zo kwishyurana hakoreshejwe telefone ngendanwa ugereranyije na 81% by’abagabo, 28% bangana n’abagore Miliyoni 1.16 ntibakoresha serivisi zo kwishyurana hakoreshejwe telefone ngendanwa kubera impamvu zitandukanye, iri ku isonga ikaba ari ubumenyi buke mu by’imari. Mu Karere ka Rulindo, 8% by’abakuze ntibagerwaho na serivisi z’imari na mba”.

Guverineri wa Banki Nkuru y’u Rwanda, Soraya Hakuziyaremye

Yungamo ati “Turavuga nka Banki Nkuru y’u Rwanda tuti twaziba iki cyuho cy’abantu badakoresha telefoni muri serivisi z’imari kandi zarageze hose, nibwo twatangiye gukorana na Minisiteri y’Ubutegetsi bw’Igihugu, MINALOC, ndetse na Minisiteri y’bUuringanire n’Iterambere ry’Umuryango, twiyemeza gutangiza iki gikorwa mu turere twa Nyaruguru na Nyamasheke, kuko aritwo twari dufite umubare munini w’abantu badakoresha serivisi z’imari bifashishije telefone”.

Hakuziyaremye avuga ko BNR ifite gahunda yo kugeza iyi serivisi mu turere twose tw’Igihugu, bakamenya impamvu batitabira gukoresha telefone ngendanwa muri serivisi z’imari, ndetse bakamenya n’imbogamizi bafite kugira ngo babafashe kuzikemura.

Akomeza avuga ko kugira ngo abitabiriye iki gikorwa batazabihagarika nyuma y’uko ubu bukangurambaga bwasojwe, Akarere ka Rulindo kazakomeza kwita ku batangiye iyi gahunda ndetse bagakomeza no gushishikariza abandi kwitabira gukoresha telefone muri serivisi y’imari, binyuze muri gahunda ya ‘Byikorere’.

Rugerinyange Theoneste, umuyobozi w’Akarere ka Rulindo wungirije ushinzwe iterambere ry’ubukungu, yashimye iyi gahunda ya BNR, kuko yafashije abagore gutinyuka bagakoresha telefoni zabo muri serivisi y’imari.

Yabwiye abagore bitabiriye iyi gahunda ko bazakomeza kubaba hafi, kugira ngo na bo bashishikarize abandi batarayitabira kugura za telefone bagatangira gukoresha ikoranabuhanga.

Mu gusoza iki gikorwa hanahembwe abagore babiri bahize abandi mu tugari, aribo Akimanizanye Françoise na Umutesi Marie Christine, bahabwa 100,000Frw yashyizwe kuri Konti zabo za Mokash.

Abagore bazakomeza guhugurwa muri iri koranabuhanga

Umutesi yavuze ko yishimiye ibihembo yahawe ndetse ko azakomeza guhugura abandi bataritabira iki gikorwa.

Ati “Nabanje guhugurwa na Banki Nkuru y’Igihugu nanjye mpugura abagore basaga 1300 mu gihe cy’ukwezi kumwe, nkaba nsanga ari igikorwa cyiza rwose, ishimwe nari ndikwiriye”.

Umutesi avuga ko azakomeza gushishikariza abagore kwitabira gukoresha telefone muri serivisi z’imari, abagaragariza ko kugendana amafaranga mu ntoki nta mutekano biba bifite, ko bakwitabira serivisi za MoMo.

Intego ya Gendana Konti ni ukuziba icyuho cy’abagore 28% badakoreshaga telefoni ngendanwa mu kwishyurana, no kuzamura imibereho myiza no kwihaza mu by’imari. Biteganyijwe ko uyu mushinga uzamara imyaka 4 kuko watangiye mu 2022 ukazageza mu 2026.

Uyu mushinga ukorera mu turere twa Nyaruguru, Nyamasheke, Ngoma, Rulindo, Ngororero, Gakenke na Nyabihu, ukaba umaze guhugura abagore 122,128 naho abinjiye muri iyi gahunda ni 32,541.

Abayobozi bagiranye ibiganiro n’abitabiriye iki gikorwa

Ibiza bihombya byinshi Igihugu

Nk’uko ubushakashatsi bwakozwe na Banki y’Isi ku bufatanye na Minisiteri ishinzwe Ibiza (MINEMA) n’iy’Imari n’Igenamigambi (MINECOFIN) bubigaragaza, u Rwanda rujya ruhura n’igihombo rwatewe n’ibiza kingana hafi Miliyoni 145 z’Amadolari buri mwaka, no mu gihe habaye ibiza bikomeye cyane, icyo gihombo gishobora kugera no kuri Miliyoni 345 z’Amadolari.

Ubwo bushakashatsi bwasojwe mu ntangiriro z’uyu mwaka, buzashyirwa mu bikorwa mu 2026, bwerekana ko u Rwanda ruzaba rukeneye nibura Miliyoni 350 z’Amadolari (Miliyari 507.6FrW) buri mwaka kugira ngo ruzabe rufite ubwirinzi bukomeye n’amikoro, mu kurinda ubuzima bw’abaturage, ibikorwa remezo no guhangana n’imihindagurikire.

Kugeza ubu, igihugu cyifashisha cyane ingengo y’imari yihutirwa ikoreshwa mu gihe cy’ibiza, ingana hafi na Miliyoni 90 z’Amadolari buri mwaka, hakiyongeraho inkunga z’abaterankunga zidahoraho kandi zidateganyijwe. Ubu buryo bwagaragaye ko budahagije, kuko butuma igihugu gisigara gifite ibyuho by’imari binini nyuma y’ibiza bikomeye.

Ubushakashatsi bwerekanye ingaruka ibiza byabaye zagiye zisigara ku bukungu bw’igihugu, ku ngengo y’imari, no ku mibereho y’abaturage. Urugero ni imyuzure yo mu 2023 yangije ibintu bifite agaciro ka miliyoni 193 z’Amadolari, kandi byasabye miliyoni 451 z’amadolari kugira ngo igihugu kibashe kwiyubaka no gusana ibyangiritse.

Iyo raporo kandi yasuzumye amategeko, inzego, n’ibikoresho by’imari bisanzwe bikoreshwa mu guhangana n’ibiza, isanga harimo ibura rikomeye ry’amafaranga y’ingengo y’imari, amakuru n’imikoranire hagati y’inzego, bigatuma Minisiteri ishinzwe ibiza idakora neza uko bikwiye.

Kugira ngo ibyo bibazo bikemuke, ubushakashatsi bwasabye gushyiraho uburyo bushya bw’ingengo y’imari bufatika buzafasha u Rwanda kugira ubushobozi bwo guhangana no kwitegura ibiza bizaza.

Iyi gahunda nshya yo guhangana n’ibiza izakenera ingengo y’imari izaturuka ahantu hatandukanye, harimo igice cy’amafaranga kizajya kiboneka binyuze mu ngengo y’imari y’igihugu, aho buri mwaka hazajya hashyirwa miliyoni 40 z’amadolari muri Konti y’igihugu yo gukumira ibiza, kugira ngo habe hari amafaranga akoreshwa mu bibazo bito mu buryo bwihuse.

Na ho mu gihe habaye ibiza bikomeye cyane, u Rwanda ruzajya rubona inguzanyo zidasanzwe ziri hagati ya miliyoni 100 na 140 z’amadolari, ku bufatanye na Banki y’Isi n’ibindi bigo by’imari mpuzamahanga biteza imbere ibihugu.

U Rwanda kandi ruzafata ubwishingizi bw’igihugu ku byago bikomeye (sovereign disaster insurance) bungana na miliyoni 90 z’amadolari, buzajya butanga amafaranga yo gufasha mu gihe cy’ibiza bikomeye nk’imyuzure cyangwa imitingito.

Ubwishingizi bw’abahinzi n’ubw’ubucuruzi buto buzashyirwaho ku bufatanye n’abikorera, amakoperative n’ibigo by’ubwishingizi byo mu gihugu, bukazagera kuri miliyoni 70 z’amadolari, bugamije kurengera abahinzi n’abacuruzi bato.

Andi ni miliyoni 20 z’amadolari azaturuka muri gahunda mpuzamahanga zizita ku guhangana n’imihindagurikire y’ikirere, agamije guteza imbere sisiteme z’amakuru, ibipimo by’ingaruka, n’ubushobozi bwo gutanga impuruza hakiri kare.

Ibi byose hamwe bizatuma u Rwanda ruhindura uburyo rwakoreshaga bwo guhangana n’ibiza byabaye mu buryo bwo kubikumira, ahubwo rutegure hakiri kare kubikumira rushingiye ku makuru yizewe.

Nk’uko Banki y’Isi ibisobanura, ivuga ko uburyo bwo gutegura no guhangana n’ibyago bituruka ku biza mu byiciro bitandukanye, hakurikijwe ubukana bwabyo (risk-layered approach) ishobora gufasha Leta kuzigama hagati ya miliyoni 57 na 200 z’amadolari buri mwaka, kuko izagabanya gukenera inguzanyo z’ibyihutirwa no gutinda mu bikorwa byo gusana ibyangiritse nyuma y’ibiza.

Abayobozi bavuga ko iyi gahunda nshya yo gutegura ingengo y’imari yo guhangana n’ibiza ihuye neza n’icyerekezo cy’igihugu cya Vision 2050, no kuramba kw’ubukungu no kugira igihugu cyiteguye guhangana n’ibyago kugira ngo bidahungabanya umusingi w’iterambere.

U Rwanda rwari rukeneye gushyiraho uburyo n’ingamba zo guhangana n’ibibazo biterwa ni ibiza mu buryo burambye ubu ruzajya rubikora rugendeye ku ngengo y’imari ndetse n’amakuru y’iteganyagihe n’ubushobozi bw’ingengo y’imari kugira ngo amafaranga atazajya akoreshwa mu gusana gusa ahubwo afashe no mu kongera ubushobozi bwo kwirinda.

Mu gushyira imicungire y’ibiza mu igenamigambi rusange ry’igihugu, u Rwanda rugamije kugira uburyo bwo gusana vuba, kurinda ibyo rwagezeho mu iterambere, no kuba igihugu gifite ubushobozi bukomeye bwo mu by’ubukungu muri Afurika bitarenze 2030.

Marie Grace Nishimwe asobanurira Abadepite ibibazo bikomoka kuri ’procuration’

Ibi yabivugiye mu Nteko Ishinga Amategeko mu biganiro yagiranye n’Abadepite bagize Komisiyo y’Ubutaka, Ubuhinzi, Ubworozi n’Ibidukikije, ku ishyirwa mu bikorwa rya Politiki y’Igihugu y’Ibidukikije n’Ihindagurika ry’ibihe yo mu 2019, no ku bibazo byagaragaye muri raporo y’igenzura ricukumbuye, ryakozwe n’Umugenzuzi Mukuru w’Imari ya Leta ku micungire y’Amashyamba mu Rwanda.

Asobanura impamvu mu Rwanda Iheshabubasha ryahagaritswe, yavuze ko byagaragaye ko hari abantu bagendaga bagahimba ko ari ba Noteri, hanyuma bagakora ihererekanyabubasha ubutaka bukandikwa ku wundi muntu ariko birimo uburiganya.

Ati “Ubu ntabwo ‘proculation’ z’imbere mu gihugu zemewe, umuntu agomba kugenda akigurishiriza ubutaka bwe imbere ya Noteri, ariko utari mu gihugu ashobora gushaka umuhagararira mu buryo buteganyijwe n’amategeko”.

Impamvu bakuyeho ubu buryo bw’iheshabubasha mu Rwanda, ni uko bwagaragayemo amakosa kuri bamwe biyitiriraga ko ari ba Noteri kandi ari abatekamutwe.

Nubwo nta mibare yagaragaje y’abakurikiranyweho ubu buriganya, Nishimwe yavuze ko bajya kubihagarika hari habonetse abantu bagiye bakora ayo makosa.

Ati “Mu rwego rwo gukumira ko hari abantu bakoresha uburiganya bagahimba inyandiko z’iheshabubasha (procurations/power of attorney), bagamije guhererekanya ubutaka butari ubwabo, ubuyobozi bw’Ikigo cy’Igihugu Gishinzwe Ubutaka (NLA), turamenyesha abantu bose ko bwabaye buhagaritse by’agateganyo kwakira inyandiko z’iheshabubasha zakorewe imbere mu gihugu, muri serivisi z’ubutaka kugeza igihe uburyo bw’ikoranabuhanga (e-notary) buri kubakwa na Minisiteri y’Ubutabera buzaba butangiye gukoreshwa.”

Abadepite batanga ibitekerezo ku bibazo biri mu butaka

Iyo sisiteme ya e-notary izatuma ibikorwa byo kwemeza inyandiko bikorwa mu buryo bw’ikoranabuhanga, rizagabanya ku kigero cyo hejuru uburiganya bwajyaga bugaragara muri serivisi z’ubutaka.

Mu gihe hari umuntu wagira ikibazo kidasanzwe cyatuma atabasha kwihagararira yakigeza ku Kigo cy’Igihugu Gishinzwe Ubutaka, kigasuzumwa biciye mu Biro by’Ababitsi b’Inyandikompamo z’Ubutaka muri buri Ntara n’Umujyi wa Kigali, cyangwa ku cyicaro gikuru i Kigali.

Nishimwe yibukije Abanyarwanda bose ko bakwiriye kugura ubutaka bikorewe imbere ya Noteri, kandi akabanza kumenya amakuru yose ajyanye nabwo, ku cyo bwagenewe gukoreshwa.

Yavuze kandi ko hari ‘Application’ yitwa Citizen’s izajya ifasha abantu gutanga amakuru yose yerekeranye n’ubutaka, aho ubu bagiye kujya bigisha abaturage bakamenya uko ikoreshwa.

Ati “Umuntu ashobora kubona hari ubutaka burimo gukorerwaho ibikorwa bitahagenewe, agatanga ayo makuru yifashishije iyo ‘Citizen’s App’ bityo ibyo bikorwa bigahagarikwa”.

Muri ibi biganiro Depite Ayinkamiye Speciose, yabajije uko bigenda igihe ubutaka bw’umuntu bugiye mu manegek,a ndetse n’igihe asanze buhindutse ubutaka bwo mu gishanga.

Impamvu Abadepite bamubajije iki kibazo nuko hari abaturage babagaragarije ibibazo birimo no kuba bimurwa ahantu nka hamwe mu hashyirira ubuzima mu kaga, nyuma ugasanga basa nk’aho batagifite ububasha ku mutungo wabo.

Nishimwe yavuze ko igihe hari umuturage uhuye n’ikibazo cy’uko ubutaka buhindutse amanegeka, akomeza kubukoresha icyo ashaka, ariko niba yari ahatuye akahava mu rwego rwo kwirinda ko ubuzima bwe bwajya mu kaga.

Paul Biya yongeye gutsinda amatora ya Perezida

Ibyatangajwe nyuma yo kubara amajwi abakandida babonye muri ayo matora, bigaragaza ko Paul Biya yagize amajwi 53,66% naho Issa Tchiroma Bakary agira 35,19%.

Paul Biya ni Perezida wa Cameroon kuva mu mwaka wa 1982, aho yagiye ku butegetsi asimbuye Ahmadou Ahidjo. Yabaye Minisitiri w’Intebe kuva 1975 kugeza 1982 mbere yo kuba Perezida.

Nubwo ari we watangajwe ko yatsinze amatora yo kuba Umukuru w’Igihugu, hari impungenge ku kuba Paul Biya afite imyaka myinshi, abenshi mu baturage bakibaza ku bijyanye n’ubuzima bwe n’ubushobozi bwo kuyobora igihugu kuri iyo myaka.

Imiryango itegamiye kuri Leta na bamwe mu baturage bavuga ko amatora atabaye mu mucyo uko byari bikwiye, kuko havugwa ko hari urutonde rw’abatoye rutagaragra ndetse bakavuga ko habayeho gukoresha umutungo wa Leta mu nyungu za politiki.

Paul Biya yavutse ku ya 13 Gashyantare 1933, muri Cameroon. Yize mu Bufaransa muri Lycée Louis-le-Grand ibijyanye n’Ubujyanama bw’Ububanyi n’Amahanga. Yabaye umuyobozi w’ishyaka rya Cameroon People’s Democratic Movement (CPDM), kandi ishyaka rye ni ryo riyoboye igihugu kuko ni ryo riri ku butegetsi

Minisitiri w’Intebe Dr. Justin Nsengiyumva atera igiti i Karongi

Ni ubutumwa yatanze kuri uyu wa Gatandatu, ubwo yari yifatanyije n’ab’i Karongi, mu muganda rusange wahujwe no gutangiza igihembwe cyo gutera ibiti n’amashyamba mu mwaka wa 2025-2026.

Yagize ati “Igiti cyange umurage wange, uyu munsi igiti muteye kizabe umurage wawe ndetse kizabe kicyibukwa ko ari wowe wabiteye, nk’uko ibiti maze gutera bizaba umurage wanjye muri Karongi”.

Yasabye abafite serivisi zifite aho zihurira n’amashyamba, ko bakwiriye kubungabunga ibiti, yibutsa n’abaturage ko ari inshingano zabo gukomeza kubibungabunga.

Minisitiri w’Intebe yavuze ko igiti kigomba kurindwa na buri wese, kuko abantu bose bakwiye kugifata neza kubera akamaro kacyo karimo gutanga umwuka mwiza wo guhumeka, gukoramo ibikoresho bitandukanye ndetse no gukurura imvura.

Ati “Igiti ni nk’umwana, agomba kurindwa n’abantu bose, kubera ko kidufitiye akamaro twese, wa mwuka mwiza mwavuze tuwuhumeka twese. Ni igiti cyanjye, ni igiti cyawe, tugomba kugifata nk’aho ari umutungo wa twese”.

Minisitiri w’Intebe Dr. Nsengiyumva, yasabye abaturage kurinda ibiti

Minisitiri w’Intebe Dr Nsengiyumva kandi yasabye abaturage guhinga ahashoboka hose hari ubutaka, kandi bagakoresha ifumbire kugira ngo Igihugu kigere ku ntego yo kongera 50% by’umusaruro w’ubuhinzi.

Minisitiri w’Intebe Dr Nsengiyumva kandi yasabye abaturage guhinga ahashoboka hose hari ubutaka, kandi bagakoresha ifumbire kugira ngo Igihugu kigere ku ntego yo kongera 50% by’umusaruro w’ubuhinzi.

Yavuze ko abaturage bakwiriye gufumbira hakiri kare kugira ngo beze imyaka myinshi babe abakire.

Ati “Dukwiriye gukora tukihaza mu biribwa ndetse tukanasagurira amasoko tukaba abakire, ndetse dukomeze dufatanye n’ubuyobzi aho bishoboka twuhire imyaka mu mirima, kugira ngo tubone umusaruro uhagije”.

Umuganda Rusange wo kuri uyu wa Gatandatu wahariwe gutangiza igihembwe cyo gutera ibiti cya 2025-2026, muri gahunda y’u Rwanda yo kubungabunga ibidukikije.

Hirya no hino mu Gihugu, hari guterwa ibiti hagamijwe kurwanya imihindagurikire y’ikirere, kurinda ubutaka no kongera ubwiza bw’aho abaturage batuye. Mu Karere ka Gasabo, abo mu Murenge wa Kacyiru, barimo abayobozi b’inzego zitandukanye, urubyiruko rw’abakorerabushake n’abaturage, bateye ibiti by’imirimbo n’ibiti gakondo.

Abaturage bitabiriye umuganda ari benshi

Minisitiri w’Ibidukikije, Dr. Bernadette Arakwiye, yabwiye abitabiriye umuganda wo gutera ibiti mu Mujyi wa Kigali, ko ibiti bigira akamaro mu kurengera ibidukikije, gusukura umwuka abantu bahumeka, gutanga imbuto zo kurya, kurwanya isuri n’ibindi.

Yavuze ko u Rwanda rumaze kugera kuri 30% by’intego rwihaye yo gutera ibiti, asaba abaturage by’umwihariko abo muri Kigali kongera imbaraga mu gutera ibiti kugira ngo bihutishe iyo ntego.

Reba ibindi muri iyi video:

Abafite inganda za kawa mu Rwanda basabanye n’abayobozi ba BK

Ni igikorwa cyaranzwe no gusangira icyo kunywa no kurya cyiswe (Coffee Exporters Cocktail), haba n’umwanya w’ibiganiro ku bafite inganda za Kawa hamwe n’ubuyobozi bwa Banki ya Kigali.

Mubera Celestin afite uruganda ‘Dukunde Kawa Musasa’, yatangaje ko BK ari umufatanyabikorwa mwiza, kuko yabafashije kubona inguzanyo bagura ibikorwa byabo bigera ku rwego mpuzamahanga.

Ati “Banki ya Kigali igira umwihariko udasanzwe wo gutanga inguzanyo ku gihe, ikindi ni ugusuzuma ibijyanye n’inguzanyo, nabyo ntabwo bitinda kuko iyo wujuje ibisabwa mu gihe gito cy’icyumweru kimwe usanga inguzanyo yabonetse”.

Kuba BK ibafasha kubona inguzanyo ku gihe usanga ari amahirwe kuri bo, azabafasha kongera ubwiza bw’ikawa haba ku bayinywa no kuyihinga no kuyitunganya ndetse ikaba nziza ku rwego mpuzamahanga.

Ati “Kuvuga imyato BK si ukubeshya nkajye nihereyeho bampaye inguzanyo ya Miliyoni 400 nzishyura ku nyungu ya 12% kandi ubu rwose narangije kuyishyura nta kibazo mfitanye na Banki ya Kigali, ndateganya no gusaba andi mafaranga nkakomeza gukora kuko ubu dusa nk’abakorera ku irushanwa ryo kugira umusaruro mwiza wa Kawa kuko inganda zimaze kwiyongera”.

Undi muhinzi wa kawa na we uvuga ko Banki ya Kigali ari umufatanyabikorwa mwiza ni Baragahorana Oreste, uvuga uburyo gukorana na Banki ya Kigali byamuteje imbere akagura ubuhinzi bwa kawa ye ndetse ubu ikaba iri ku ruhando mpuzamahanga.

Ati “Uburyo bwo kubonamo inguzanyo ntabwo bukomeye ku muhinzi wa kawa wujuje ibisabwa kuko n’icyuweru ntikigeramo bahita baguha amafaranga, ugakora ubuhinzi bwawe”.

Ikindi ashima Banki ya Kigali n’uburyo ikurikirana uwo yahaye inguzanyo ikamugira inama z’uburyo akomeza gushyira mu bikorwa umushinga we kugira ngo adahomba.

Alex Bizimana, umuyobozi ushinzwe ishami ry’ubuhinzi n’ubworozi muri Banki ya Kigali, yavuze ko bagitangira guteza imbere ubuhinzi bwa kawa byasaga n’ibigoye ariko nyuma yo kwegera abahinzi bakareba uburyo bafatanya basanze bishoboka ko bateza imbere ubuhinzi bwa kawa.

Ati “Muri kino gihembwe cy’ihinga gishize twatanze Miliyari 36 kandi turateganya no kubaha amafaranga yose akenewe mu buhinzi bwa kawa”.

Bizimana avuga ko ibyo bafasha abahinzi ba kawa atari ukubaha inguzanyo gusa, ahubwo banabigisha uburyo bamenya guhinga kawa nziza no kumenya kuyitaho kugira ngo ibe ifite ubuziranenge.

Ku kijyanye n’inguzanyo zitinda usanga biterwa n’igihe umuhinzi yayisabiye cyangwa hari ibyo asabwa bikaba bitaruzuzwa neza uko bikwiriye ariko ubu Banki ya Kigali yabemereye kurushaho kubegera kugira ngo bakorere ku gihe.

Ati “Ibindi nukubabwira bakatwegera hakiri kare kugira ngo tubahe amafaranga batangire igihe cyabo cy’ihinga hakiri kare kuko amafaranga yo arahari kandi twiteguye kuyatanga”.

Bizimana avuga ko mu gutanga inguzanyo bareba agaciro ka kawa ifite, uburyo izunguka bakareba nibatanga inguzanyo ko umuhinzi azabasha kubyishyura bakumvikana n’inyungu azatanga ijyanye n’inguzanyo yahawe.

Yavuze ko iyi Banki yiteguye gukorana n’abahinzi ba kawa, kandi ko bazakomeza gufatanya mu bikorwa byabo byose.

Yavuze ko ikibazo kijyanye no gutinda kubona inguzanyo abahinzi bakwiriye kujya basabira amafaranga ku gihe, kugira ngo bayahabwe igihe cy’ihinga kitararangira.

Ati “Ubu nababwira ko tugiye gukora cyane muri iki gihe cy’impera z’umwaka, kugira ngo tubahe amafaranga ndetse tunakomeze gufatanya muri byose kugira ngo kawa yacu itere imbere”.

Dr Karusisi yabwiye abahinzi ba kawa ko ikijyanye n’inyungu ku nguzanyo bagaragaje ko iri hejuru cyane, bazabisuzuma kugira ngo boroherwe no kujya bishyura inguzanyo bahawe.

Dr. Diane Karusisi, Umuyobozi Mukuru wa Banki ya Kigali

Minisitiri Uwimana Consolée na Emilie Fernandes

Umuhango wo kumurika ibi bikorwa witabiriwe na Minisitiri w’Uburinganire n’Iterambere ry’Umuryango, Uwimana Consolée, Umuyobozi wa Plan International mu Rwanda, Emilie Fernandes n’abandi bafatanyabikorwa batandukanye.

Fernandes yatangaje ko kuva umuryango Plan International Rwanda watangira gukorera mu Rwanda muri 2007, ibikorwa byawo byibanda ku burenganzira bw’abana, uburinganire n’ubwuzuzanye no kongerera ubushobozi urubyiruko cyane cyane abakobwa.

Ati “Mu myaka itanu ishize (2020 –2025), ibikorwa bya Plan International Rwanda byageze ku bantu basaga ibihumbi 770 harimo abakobwa n’abagore bakiri bato ibihumbi 467. Benshi muri bo ubuhamya bwabo bugaragaza ko hari icyo byahinduye mu buzima bwabo nk’uko babyivugiye”.

Mu byo uyu muryango wa Plan International Rwanda uteganya mu myaka itanu iri imbere (2026-2030), harimo guteza imbere urubyiruko cyane cyane hibandwa ku kubahiriza ihame ry’uburinganire n’ubwuzuzanye ndetse no kubafasha kugira ejo heza hazaza habo.

Ati “Intego yacu ni ugufasha abagera kuri Miliyoni 1.2 bitabira gahunda zacu binyuze mu bafatanyabikorwa bacu, harimo abakobwa 750,000 n’abahungu 450,000”.

Minisitiri Uwimana Consolée na Emilie Fernandes

Ibyo bazibandaho ni ugufasha abantu kugira ubushobozi no kubongerera ubumenyi, bibafasha kubona akazi mu buryo burambye.

Hari gahunda yo gufasha urubyiruko kwinjira mu kazi k’imirimo ibyara inyungu, ndetse rugashyira hamwe imbaraga mu guhangana n’ibibazo ruhura na byo.

Hari na gahunda izibanda ku kurinda abana n’urubyiruko ihohoterwa, kandi ikarushaho gukomeza guteza imbere ingo mbonezamikurire z’abana bato (ECD), kimwe no guteza imbere uburyo bwo kurengera abana binyuze mu miryango.

Muri rusange umuryango Plan International Rwanda uzanibanda ku buringanire n’ubwuzuzanye, kongerera ubushobozi abana b’abakobwa n’urubyiruko kugira ngo bajye mu nzego z’ubuyobozi, kurwanya ingaruka z’imhindagurikire y’ikirere hifashishijwe ikoranabuhanga, ubuvugizi n’ubushobozi bwo guhindura ibintu (Advocacy & Influencing) ndetse n’ubufatanye n’inzego zitandukanye.

Ubuhamya bwatanzwe n’abafashijwe na Plan International Rwanda, bugaragaza ko ibikorwa byabo byagize ingaruka nziza kuri bo no ku miryango yabo.

Yassin ni umukobwa w’imyaka 22 wo mu Karere ka Bugesera mu Murenge wa Ngeruka, avuga ko uyu muryango wamufashije akiga gusudira. Uyu mukobwa avuga ko n’igishoro cy’amafaranga yatangije uyu mwuga yayahawe n’umuryango Plan Internation Rwanda.

Ati “Natangije ibihumbi 600Frw, mu mezi abiri nungutse ibihumbi 250Frw. Byose nabigezeho kubera umushinga Dream Rwanda ku bufatanye na Plan International Rwanda, bimfasha guhindura ubuzima bwanjye n’ubw’umuryango wanjye kuko ubu mbasha kwita kuri musaza wanjye muto”.

Minisitiri w’Uburinganire n’Iterambere ry’Umuryango, Uwimana Consolée, yashimye ibikorwa uyu muryango ukora kuko biteza imbere abaturage.

Yavuze ko gahunda yabo yo kwibanda ku baturage batishoboye kandi hanimakazwa ihame ry’uburinganire n’iterambere, ari ukunganira Leta mu bikorwa byayo bijyanye na Gahunda yIgihugu yo kwihutisha Iterambere, NST2.

Ati “Kuba mwita no ku mikurire y’abana bato, muteza imbere ingo mbonezamikurire (ECD), bigaragaza uruhare mugira nk’abafatanyabikorwa beza b’u Rwanda, ku bikorwa byiza bikorerwa Abanyarwanda”.

Gahunda z’Umuryango Plan International Rwanda zishyirwa mu bikorwa hibandwa ku baturage bo mu nzego z’ibanze, binyuze mu bafatanyabikorwa b’aho bakorera. Ubu, bakorana n’abafatanyabikorwa 8, barimo African Evangelistic Enterprise (AEE), Rwanda Dream Village Organization, Imbaraga, Caritas Rwanda, Bamporeze, Association des Guides du Rwanda (AGR), Health Development Initiative (HDI) na Learn Work Develop (LWD).

Minisitiri Uwimana Consolée

Abasaga ibihumbi 700 bagezweho n’ibikorwa by’Umuryango ‘Plan International Rwanda’

Amb. Christine Nkulikiyinka

Ibirimo gukorwa kugira ngo umubare munini w’abari mu mirimo itanditse (informal sector) ugira ubwiteganyirize, kugira ngo abarimo babashe kugira amasaziro meza.

Avuga ko harimo gukomeza kurushaho korohereza uburyo bwo kwiyandikisha no kwishyura imisanzu y’ubwiteganyirize, ndetse Minisiteri y’Abakozi ba Leta n’Umurimo yatangiye gukora ubugenzuzi bw’umurimo buhuriweho na RSSB hagamijwe gufasha abakoresha kubahiriza amategeko y’ubwiteganyirize mu mirimo itanditse (informal sector).

Ati “Hateganyijwe kandi gushyiraho uburyo bworoshye kandi bwihuse, bwo kwiyandikisha no kwishyura imisanzu hifashishijwe ikoranabuhanga nk’uburyo bwo kwishyura kuri telefoni.

Gushyiraho uburyo bwo gukorana n’amakoperative n’amashyirahamwe y’abikorera bato, kugira ngo bajye bafasha abanyamuryango babo kwishyurira hamwe ubwiteganyirize bwa RSSB”.

Biteganyijwe ko bitarenze igihembwe cya kane cya 2026, hazaba harashyizweho amategeko n’amabwiriza afasha kuzamura gahunda z’ubwiteganyirize bw’izabukuru bukagera ku byiciro byose by’imirimo n’ibikorwa.

Gukora inama nyunguranabitekerezo ku bwiteganyirize bugenewe abakozi bakora imirimo itanditse harimo ubwiteganyirize bw’izabukuru, ibigenerwa umukozi wabyaye, ubwiteganyirize bw’indwara, impanuka zikomoka kukazi, gutanga hakabaho ibitekerezo ku mpinduka zikenewe.

Ati “Gutanga ibitekerezo ku mpinduka zikenewe kugira ngo byorohe kwandikisha abakora ubucuruzi buciririste n’imirimo itanditse n’idahoraho (Seasonal Workers), bashobore koroherezwa kubona ubwiteganyirize bw’izabukuru”.

Ikindi Minisitiri Nkulikiyinka yagaragaje ni ukuvugurura amategeko ahari ajyanye n’itangwa ry’imisanzu n’ibisabwa, kugira ngo bihuzwe n’ubushobozi ndetse n’imiterere y’imirimo n’ibikorwa by’Abanyarwanda.

Ati “Hazabaho kuvugura amategeko n’imikorere ku bwiteganyirize bw’izabukuru, ubwishingizi n’ibigenerwa umugore uri mu kiruhuko cyo kubyara, kugira ngo bigere kubakora imirimo itanditse (Informal workers) n’abakora mu bigo biteganyijwe gukorwa mu mpera z’umwaka wa 2026”.

Abasenateri bifuje ko abajya mu za bukuru babanza gutegurwa

Abasenateri basabye ko abajya mu kiruhuko cy’izabukuru bakwiye kujya bahabwa amahirwe yo gukomeza gukorera Igihugu ku bagifite integer, ndetse bagategurwa mu buryo bw’imitekerereze kuko benshi bibatera guhungabana.

Senateri Cyitatire Sosthène yagaragaje ko Leta ikwiriye gushyiraho uburyo bwafasha abageze mu kiruhuko cy’izabukuru gusaza neza, kuko byagaragaye ko hari abagera mu kiruhuko cy’izabukuru bagasubira inyuma kubera kwiyumva nk’umuntu utagikeneweho umusanzu we mu kubaka Igihugu.

Ati “Abenshi baragenda bakumva ntacyo bakimaze muri sosiyete nyarwanda ahubwo abenshi bagasubira inyuma, ugasanga ya mafaranga y’izabukuru barinyweramo icupa, ndetse no kwiyitaho ntabikomeze kuko aba yumva atari ngombwa”.

Senateri Cyitatire avuga ko kugira ngo umuntu agire amasaziro meza, nuko abasha kwiga amashuri menshi kandi vuba ku buryo agira imyaka 25 yarangije kwiga amashuri y’ikiciro cya kabiri cya Kaminuza, kandi akaba yaratangiye gukora.

Ati “Ikindi navuga ni ugushaka neza, aha ndavuga gushaka umugore cyangwa umugabo uri mu kazi keza, ndetse nanone umuntu agashaka adatwawe n’amarangamutima gusa, ahubwo umuntu agashaka uwo banganya amashuri n’ubushobozi, ikindi umuntu akabyara abana bake ashobora kugira umurage abasigira”.

Akomeza avuga ko igitekerezo cye ari ko abantu bakoreye Leta mu byiciro bitandukanye bajya bahabwa umwanya wo gutanga umusanzu mu bikorwa bitandukanye byubaka igihugu, nubwo batabihemberwa ariko byabafasha kwiyumva nk’abagifite akamaro mu muryango nyarwanda.

Minisitiri Nkulikiyinka avuga ko abagiye mu kiruhuko cy’izabukuru bagomba kwiteganyiriza uburyo bazasaza ndetse bakabitegura.

Gusa kubanza kubategura igihe begereje kurangiza inshingano z’akazi, yavuze ko bizaba byiza bagiye babimenyeshwa n’ibigo bakorera.

Ati “Icyo tugiye gukora ni ugukomeza kubategura mbere y’igihe cyo kujya mu kiruhuko cy’izabukuru nyirizina, kugira ngo bajye bagenda bamaze kubyakira ndetse tuzajya dutegura n’imiryango yabo ariko tuzafata n’ibigo bakorera”.

Ku kibazo Senateri Cyitatire yabajije kijyanye n’uburyo iyo umwe mu bageze mu zabukuri yitabye Imana, abagize umuryango badakomeza kuvurirwa ku bwisungane bakoreshaga ndetse ugasanga umushara yahembwaga ugabanywamo kabiri abasigaye bagafata make, Minisitiri Nkulikiyinka yavuze ko hazabaho ibiganiro n’ikigo cy’ubwiteganyirize bw’abakozi kugira ngo baganire bamenye uko byakosorwa.

Abasenateri muri iki kiganiro

Senateri Adrie Umuhire yabajije impamvu Minisiteri y’Umurimo n’Abakozi ba Leta yagennye ko igenzura ry’uko umuntu ahagaze ( Health Checkup), rikorwa ku myaka 40 ku mugabo naho umugore agahera kuri 35, kandi umuntu ashobora kubikenera mbere.

Minisitiri Nkulikiyinka yavuze ko impamvu babigennye gutyo bagendeye kuba umuntu uri munsi y’imyaka 35 aba agifite ubuzima bwiza, ndetse ku mugabo uri mu myaka 40 aba agikomeye.

Hagaragajwe ishusho rusange y’Ubwiteganyirize 2024/2025

Abakozi 852,800 biyandikishije kandi batangirwa umusanzu mu bwishingizi bw’izabukuru n’Ubwishingizi bw’ibyago bikomoka ku Kazi (Pension & OH Scheme).

Abakozi 838,385 biyandikishije kandi batangirwa umusanzu mu bwishingizi bw’ibigenerwa umugore uri mu kiruhuko cyo kubyara, abagera 748,766 ni Abagenerwabikorwa mu bwishingizi bw’indwara- RAMA, igipimo cy’ukwiyandikisha kw’abagenerwabikorwa mu bwisungane mu kwivuza, ni 11,368,338 bingana na 87.9% , naho 3,765,045 Abanyamuryango bari muri gahunda y’ubwizigame bw’igihe kirekire ya EjoHeza.

Perezida Faye yageze i Kigali ku wa Gatanu nimugoroba, aho yakiriwe na Perezida Kagame ku Kibuga Mpuzamahanga cy’Indege cya Kigali.

Muri Village Urugwiro, Abakuru b’ibihugu byombi bagiranye ibiganiro byihariye, nyuma baza kuganira bari kumwe n’aandi bahagarariye ibihugu byombi.

Ibiganiro byabo byibanze ku buryo bwo kwagura ubufatanye hagati y’ibihugu byombi no gushaka inzego nshya zo gukoreramo ubufatanye, bigaragaza icyifuzo rusange cyo kurushaho gukomeza imibanire mu nzego z’ingenzi zinyuranye.

Amasezerano atanu yasinywe

Nyuma y’ibiganiro, ibihugu byombi byasinye amasezerano y’ubufatanye atanu yibanda ku nzego z’ingenzi zirimo: ubuhinzi n’ubworozi, gukuriranaho viza hagati y’ibihugu yombi, ubuzima, urwego rushinzwe igorora n’iterambere ry’icyerekezo 2050.

Aya masezerano agaragaza ubushake bushya bw’u Rwanda na Sénégal bwo kubaka ubufatanye bushingiye ku bumwe, imikorere inoze, n’icyerekezo gihuriweho cy’iterambere rya Afurika.

Mu gitondo cy’uyu munsi, Perezida Faye yunamiye inzirakarengane zazize Jenoside yakorewe Abatutsi mu 1994, ubwo yasuraga Urwibutso rwa Jenoside rwa Kigali ruherereye ku Gisozi.

Perezida wa Sénégal yashyize indabo ku rwibutso ndetse afata umunota wo kwibuka no guha icyubahiro abasaga miliyoni bazize Jenoside. Uru ruzinduko rwerekanye ubumwe bwa Sénégal n’u Rwanda, ndetse runemeza umuhate wa Afurika wo gukomeza kwibuka, guharanira ubutabera n’ubwiyunge.

Reba ibindi muri iyi video:

Biteganyijwe ko Perezida Kagame azakira mugenzi we Faye muri Village Urugwiro, ku wa Gatandatu tariki 18 Ukwakira 2023, bakagirana ibiganiro mu muhezo nyuma bakazagirana ikiganiro n’itangazamakuru.

Perezida Faye biteganyijwe ko azasura inzego zitandukanye z’u Rwanda zirimo Urwego rw’Igihugu rw’Iterambere (RDB) na Minisiteri ya Siporo ndetse na Irembo, agirane ibiganiro n’abayobozi bazo.

U Rwanda na Sénégal bimaze imyaka myinshi bifitanye umubano mwiza. Byashimangiwe n’abayobozi babyo mu nzinduko bagiriye i Dakar n’i Kigali mu bihe bitandukanye, ndetse n’amasezerano y’ubufatanye yasinyiwemo.

Ibihugu byombi bisanzwe bifitanye umubano wihariye unyuze mu masezerano byagiye bigirana, arimo nk’ay’ubufatanye mu by’umuco basinyanye mu 1975, ay’ubutwererane rusange yo mu 2004, mu 2016 hashyizweho Komisiyo Ihoraho ishinzwe kugenzura uyu mubano, hanasinywa n’amasezerano y’ubwikorezi yatumye indege za sosiyete ya RwandAir zitangira kujya i Dakar mu 2017.

Muri Gicurasi 2024 ubwo Faye yari amaze gutorerwa kuyobora Sénégal asimbuye Macky Sall, Perezida Kagame yamushimiye intsinzi, amwizeza guharanira ko umubano w’ibihugu byombi urushaho kuba mwiza.

Muri uyu mwaka, Perezida Faye na Perezida Kagame baganiriye ku kibazo cy’umutekano muke mu karere ka Afurika y’ibiyaga bigari, cyatumye umubano w’u Rwanda na Repubulika Iharanira Demokarasi ya Congo uzamba, bashima intambwe yatewe n’Umuryango wa Afurika y’Iburasirazuba (EAC) n’uwa Afurika y’Amajyepfo (SADC), iganisha ku kugikemura.

Muri uru ruzinduko biteganyijwe ko u Rwanda na Sénégal bizagirana amasezerano mashya y’ubufatanye, mu nzego zitandukanye yiyongera ku yandi asanzwe arimo ayo koroshya ingendo zo mu kirere n’ay’ubufatanye mu itangazamakuru.

Perezida Diomaye Faye

Umunyamabanga wa Leta muri Minisiteri y’Ikoranabuhanga no Guhanga Udushya, Yves Iradukunda

Yabitangaje kuri uyu wa Gatatu tariki 16 Ukwakira 2025, mu biganiro yagiranye n’Abasenateri ku ikoreshwa ry’ubwenge buhangano mu iterambere ry’Igihugu.

Uyu muyobozi yavuze ko u Rwanda rwatangije uyu mushinga muri gahunda yo gukoresha ubwenge buhangano mu nzego zitandukanye zirimo ubuzima, uburezi, ubuhinzi n’izindi.

Yatanze urugero rwa gahunda ya Leta izifashisha mu ikoranabuhanga rya AI, mu gusuzuma ababyeyi batwite hakoreshejwe uburyo bwa ‘Ultrasound’.

Uyu mushinga ugamije kunoza uburyo bwo gutahura kare ibibazo bishobora kuvuka mu gihe cyo gutwita mu Rwanda, hifashishijwe ibikoresho bya ultrasound bikoresha ubwenge buhangano (AI-powered point-of-care ultrasound - POCUS) mu bigo nderabuzima byo ku rwego rw’ibanze.

Ibi bikoresho bizafasha abaforomo n’ababyaza gupima neza igihe inda imaze, no gusuzuma impamvu zishobora gushyira inda mu kaga, bityo bagatanga ubufasha hakiri kare.

Iri koranabuhanga rizabafasha no kunoza imikorere mu rwego rw’ubuzima bw’ababyeyi n’abana, mu bice bidafite serivisi z’iteramberere zihagije.

Iradukunda yasobanuriye Abasenateri uko AI ‘simple blind sweep’, umukozi w’ubuzima akora isuzuma rya ultrasound mu buryo bworoshye adakeneye ubumenyi buhambaye.

Ati “AI isuzuma amashusho ako kanya, igahita yerekana igihe inda imaze n’ibyago bishobora kuyigeraho”.

Aha yanavuze ko AI imufasha gusesengura imibare (Biometric analysis), aho ipima ibipimo by’umwana uri mu nda nk’umuzenguruko w’umutwe (head circumference) n’uburebure bw’akaguru (femur length), kugira ngo ibisubizo bibe nyabyo mu gihe kitarenze iminota 10.

Yavuze ko ubu bwenge buhangano kubukoresha bitagoye, kuko ubu buryo bushobora kwigishwa mu munsi umwe gusa, bityo bukagera kuri bose.

Akomeza avuga ko ubu buryo buzigishwa abakozi bo ku rwego rw’ibanze mu buvuzi, abaforomo, ababyaza n’abandi bakozi bafite serivisi zifite aho zihurira n’ubuzima.

Ubu bwenge buhangano buzagira akamaro muri serivisi y’ubuzima, kuko buzafasha mu gutahura hakiri kare no kohereza ku gihe abagore bafite ibibazo nko kubyara imburagihe, cyangwa gutahura ibibazo birebana n’ikura ridasanzwe ry’umwana uri mu nda.

Ku rwego rw’ubuvuzi ubu bwenge buhangano buzatuma umubare w’abagore bitabira isuzuma ry’inda wiyongera, no kunoza uburyo bwo kohereza abarwayi aho bavurirwa neza ku gihe.

Kuri ubu AI izifashishwa muri serivisi z’ubuvuzi, Abasenateri babitanzeho ibyifuzo, kuko ishobora gukoreshwa nabi ikaba yateza ibibazo.

Senateri Mukabaramba Alivera yavuze ko nubwo hagaragajwe ko umujyanama w’ubuzima yakoresha AI ‘Ultrasound’ apima ubuzima bw’umwana n’umubyeyi, afite impungenge ku bumenyi bw’abajyanama b’Ubuzima kuko abenshi bafite ubumenyi buke.

Ikindi Senateri Mukabaramba yagaragaje ni uburyo bwo gusuzuma ibisubizo by’umurwayi, ndetse no kumusuzuma nabyo bishobora kubonekamo icyuho ugasanga habayeho ko ubwenge buhangano bushobora kwibeshya indwara.

Ati “Ibaze nk’ibisubizo umuganga yasuzuma mu gihe cy’iminsi runaka, ubwo bwenge buhangano bukabisuzuma mu gihe gito cy’amasaha, numva jyewe mwabisuzuma kugira ngo hatazabaho ibibazo mu rwego rw’ubuzima”.

Kuri izi mpungenge zagaragajwe, Umunyamabanga wa Leta muri Ministeri y’Ikoranabuhanga no Guhanga Udushya, yavuze ko AI itazasimbura ibyo abaganga bakoraga, ahubwo bazajya bayifashisha mu kazi kabo bigatuma koroha.

Umurungi Providence

Umuyobozi wa NCHR Umurungi Providence, yavuze ko umubare w’abafungiwe mu magororero wavuye kuri 134.3% ugera kuri 110% muri uyu mwaka, ni ukuvuga mu mpera za Kanama 2025.

Byatangajwe ku wa Gatatu tariki 15 Ukwakira 2025, ubwo NCHR yagezaga ku Nteko Rusange y’Umutwe w’Abadepite, Raporo y’ibikorwa byayo by’umwaka wa 2024/2025 na gahunda y’ibikorwa ya 2025/2026.

Umurungi avuga ko mu gushyira mu bikorwa inshingano yo gukumira iyicarubozo n’ibindi bihano cyangwa ibikorwa by’ubugome, ibidakwiye umuntu cyangwa ibimutesha agaciro, komisiyo yakoze igenzura ry’iyubahirizwa ry’uburenganzira bwa muntu mu magororero 14, ingando icumbikiye abagororwa bakora igihano cy’imirimo y’inyungu rusange, kasho z’Ubugenzacyaha 112, ibigo by’igororamuco ry’ibanze 29, ibigo ngororamuco 3, ibigo 9 byita ku bageze mu zabukuru, ingo 3 z’impinganzima, ibitaro n’ibigo 5 byita ku bafite uburwayi bwo mu mutwe.

Mu igenzura ry’iyubahirizwa ry’uburenganzira bw’abafungiwe mu magororero Komisiyo yakoze muri Werurwe 2025, yasanze ubucucike bwaragabanyutse, ugereranyije n’umwaka ushize wa 2023/2024 kuko bwavuye kuri 134.3 % bugera kuri 110%. Mu gihe Komisiyo yateguraga iyi raporo, ku wa 31 Kanama 2025, Urwego rw’u Rwanda rushinzwe Igorora rwayigaragarije ko ubucucike bwakomeje kugabanyuka bukaba bugeze kuri 103.8%, bitewe n’uko Igororero rishya rya Nyamasheke ryatangiye kwakira abantu bafunzwe.

Ati “Komisiyo yasanze kandi uburenganzira bw’abayafungiyemo muri rusange bwubahirizwa. Gusa Komisiyo yasanze hakiri ikibazo cyo kutagira ubwiherero bw’abantu bafite ubumuga mu magororero amwe n’amwe”.

Mu ngando icumbikiye abagororwa bakora igihano cy’imirimo y’inyungu rusange ya Rwamagana, Komisiyo yasanze ingando ikiri nshya hakaba hari ibikorwa remezo bitarayishyirwamo bituma bumwe mu burenganzira bwa muntu butubahirizwa uko bikwiye. Komisiyo ikaba isanga hakwiye kwihutishwa kuzuza ibisabwa kugira ngo uburenganzira ku mibereho myiza y’abayirimo burusheho kubahirizwa.

Muri kasho z’Ubugenzacyaha, Komisiyo yasanze uburenganzira ku mibereho myiza n’uburenganzira bwo gukurikiranwa mu bugenzacyaha no mu bushinjacyaha mu gihe giteganywa n’itegeko bugenda burushaho kubahirizwa, kandi abantu bafunzwe bamenyeshwa uburenganzira bwabo.

Ubucucike bwagabanyijwe na gahunda y’ubuhuza ku rwego rw’ubugenzacyaha n’iy’ubwumvikane bushingiye ku kwemera icyaha ku rwego rw’ubushinjacyaha (plea bargaining), binagira uruhare mu gutanga ubutabera bwihuse ku bantu bafunzwe.

Mu bigo by’igororamuco ry’ibanze, Komisiyo yasanze abari mu bigo babona
amafunguro, bavuzwa, bemererwa gusurwa no kuvugana n’imiryango yabo, kandi
bafite isuku ku mubiri n’aho baba. Icyakora, Komisiyo yasanze abanyantege nke
batagenerwa ifunguro ryihariye, hakenewe kubaka no kuvugurura inyubako zimwe na zimwe, gutandukanya abana n’abantu bakuru no gukora ijonjora ku gihe nk’uko biteganywa n’Amabwiriza ya Ministiri agenga ibigo by’igororamuco ry’ibanze.

Mu bigo ngororamuco, Komisiyo yasanze uburenganzira bw’ababirimo bwubahirizwa kuko aho baba hisanzuye, hari isuku, umwuka n’urumuri bihagije, bahabwa ifunguro rikwiye n’amazi meza yo kunywa, abakeneye serivisi z’ubuvuzi n’ubujyanama mu by’imitekerereze barazibona. Mu kigo cya Gitagata, abana bafite imyaka yo gutangira amasomo bashyirwa mu ishuri.

Nubwo ubucucike bwagabanutse, Komisiyo yasanze hari ibikwiye kwitabwaho mu igororero rya Huye na Rusizi, kuko basanze abafungiyemo hari bamwe badafite ibyo kuryamira, ahubwo usanga baryama ku mbaho cyangwa akantu kameze nk’uwenda baba bashashe ariko bagasanga hakwiye ko babona uburyamo bwiza nk’uburi mu yandi magororero.

Yabitangarije mu Nteko Rusange ya Sena yateranye kuri uyu wa Gatatu tariki 15 Ukwakira 2025, ubwo yagezaga ibisubizo mu magambo ku ngamba ziteganyijwe zo gukuraho imbogamizi zigaragara mu mikorere y’amavuriro y’ibanze.

Dr Butera ni we wari uhagarariye Minisitiri w’Intebe, kuko ari we wagombaga kuza gusobana ingamba Guverinoma ifite mu bibazo Abasenateri babonye muri aya mavuriro yo ku rwego rw’ibanze, mu ngendo baherutse kugirira hirya no hino mu gihugu.

Dr Butera yabwiye Abasenateri zimwe mu ngamba Minsiteri y’Ubuzima ifite, zirimo kongera umubare w’aya mavuriro y’ibanze aho ubu hamaze kubakwa 10, mu bice bitandukanye by’Igihugu aho yari akenewe.

Dr Butera avuga ko ku ikubitiro ubu bazongerera ubushobozi abakora muri aya mavuriro yo ku rwego rw’ibanze agera ku 1000, bakayagezaho ibikorwa remezo birimo amazi, ndetse n’ibikoresho bihagije kugira ngo akore neza.

Dr Butera avuga ko azashyirwamo ikoranabuhanga rizajya ryifashwishwa n’abahakora, kugira ngo barusheho gutanga servisi inoze ku babagana.
Ati “90% by’Abanyarwanda babona serivisi yo ku rwego rw’ibanze no mu bajyanama b’ubuzima, ubu twihaye umuhigo ko mu myaka itatu 95% by’Abanyarwanda bazajya babona izo serivisi muri ayo mavuriro”.

Dr Butera avuga ko aya mavuriro yo ku rwego rw’ibanze afasha abaturage kwivuza hafi, kandi hakiri kare bikanagira ingaruka nziza mu iterambere kuko iyo umuntu yivuje kare arakira akabasha gukora.

Amavuriro yo ku rwego rw’ibanze 1,294 angana na 8.2% ntabwo akora neza, bitewe n’umubare muke w’abaforomo n’ababyaza. Imibare igaragaza ko umuganga umwe akurikirana abaturage 1,000 kandi haba hakenewe nibura abaganga bane ku baturage 1,000.

Aha yagaragaje ko barimo bakemura ikibazo cy’abakozi bake, kuko umuganga umwe yakurikiranaga abarwayi 1,000 noneho ubu abaganga 4 akaba ari bo bazajya bakurikirana abarwayi 1,000.

Ati “Ubu umunyeshuri arangiza gukora ikizami cya nyuma mu mashuri ahita anakora ikizamini mu rugaga rw’abaganga, kugira ngo ahite atangira akazi hatabanje gucamo iminsi ategereje gukora ikizamini kimwinjiza mu kazi”.

Senateri Mureshyankwano Marie Rose, yabajije ikigiye gukorwa ku mavuriro adakora.

Dr Butera yavuze ko icyo kibazo bagitekerejeho, ko amavuriro y’ibanze ari ahantu adakora neza kandi atagira abayagana azafungwa, ahubwo bakagenda bareba ibice bituwe kandi byakorohera abaturage kuhagera.

Ati “Zimwe mu mpamvu zatumye hari amwe muri yo abura abakozi ndetse ntabone abayagana, byaturutse ku miterere y’aho yubatse kuko usanga kuhagera bigoye, ni yo mpamvu azubakwa nyuma hazarebwa ko abazayagana bizaborohera”.

Senateri Umuhire Adrie yabajije impamvu abakora mu buvuzi bw’inzego zibanze badahabwa amahugurwa kimwe n’abandi.

Ati “Mbona nabo bahawe amahugurwa byabafasha kongera ubumenyi kuko bahura n’abaturage benshi”.

Senateri Adrie Umuhire, yavuze ko mu mavuriro y’ibanze hari imbogamizi bahasanze zikwiriye gukurwaho zirimo kuba Health Poste zicungwa n’ibigo nderabuzima, ugasanga zikora kabiri mu cyumweru kuko abaganga bazikoraho baba baturutse kuri ibyo bigo nderabuzima.

Ati “Ayo mavuriro mato acungwa n’ibigo nderabuzima angana na 50%, kuba adafite abaganga bahoraho bigatuma abaturage batayagana, kuko bajya kwivuza bakabura ababavura bigatuma batabagirira icyizere bityo bakarwarira mu rugo”.

Kuri iki kibazo, Umunyamabanga wa Leta muri Minisiteri y’Ubuzima Dr Butera Yvan, yavuze ko kongera umubare w’abaganga nabyo bizakemura icyo kibazo, ndetse ko n’ikijyanye n’amahugurwa kizarebwaho na bo bakajya bayahabwa.

Minisitiri w’Ubutegetsi bw’Igihugu Habimana Dominique

Yabivuze kuri uyu wa Kabiri ubwo yagezaga ku bagize Inteko Ishinga Amategeko y’u Rwanda umutwe w’Abadepite, ibisubizo mu magambo ku bibazo byagaragaye mu mitangire ya serivisi mu nzego z’imitegekere y’Igihugu zegerejwe abaturage muri rusange, n’ibyagaragaye mu mitangire ya serivisi z’irangamimerere by’umwihariko.

Minisitiri Habimana yavuze ko ku kibazo cy’abakorera ku kagari cy’urwego rukiri hasi mu gutanga serivisi inoze, biturutse ku bushobozi bucye bw’abahakorera, bizakemuka uko ingengo y’imari izagenda iboneka.

Depite Mukabunani Christine yabajije Minisitiri ikibazo bagaragarijwe n’abakora ku rwego rw’akagari, rwo kuba bishyuzwa amafaranga y’ubwishingizi ya moto bakoresha kimwe n’abamotari bikabaremerera, kubera amikoro make bigatuma ndetse babura uburyo bwo kugera ku baturage ku gihe kubera ibyo bibazo byose.

Ati “Imwe mu mirenge yahaye abagitifu b’utugari za moto ariko batubwiye uburyo kubona lisansi ndetse n’ubwishingizi nk’ubw’abamotari bakorera amafaranga bibagora, twasabaga ko bakoroherezwa hakabaho kubavuganira bakagabanyirizwa ubwishingizi cyangwa se haboneka ubundi buryo bubafasha kuzuza inshingano bugakorwa”.

Kuri iki kibazo Minisitiri w’Ubutegetsi bw’Igihugu avuga ko uko hazajya haboneka ingengo y’imari ihagije, ibi bibazo bizitabwaho ndetse hari na gahunda yo kongerera ubushbozi uru rwego rw’akagari kugira ngo rutange serivisi inoze kuko ari rwo rwegereye abaturage cyane.

Abadepite mu kiganiro na Minisitiri Habimana

Depite Mazimpaka Jean Claude na we yabwiye Minisitiri Habimana ko abakozi bo ku rwego rw’akagari bakoroherezwa uburyo barangizamo imanza.

Ati “Aha ndavuga abayobozi b’utugari n’ab’imirenge barangiza imanza mu buryo butari ubw’umwuga, aho usanga badafite itike yo kugera aho izo manza zibera bikarangira bikoze mu mufuka, kandi ugasanga na serivisi batanze itanoze neza kubera amikoro make, mwareba uko mwajya mubafasha bigakorwa uko bikwiriye”.

Ikindi cyagarutsweho ni inyubako z’utugari zishaje cyane ndetse no ku rwego rw’imirenge. Depite Deogratias Nzamwita na we yavuze ko hakwiye kwihutishwa kuvugurura izo nyubako.

Ati “Iyo urebye imirenge uko ingana ndetse n’utugari byazafata imyaka myinshi kugira ngo izo nyubako zivugururwe, nagira ngo muzabyiteho mu ngengo y’imari mutegenye ko utugari n’imirenge bifite inyubako zishaje bivugururwa, servisi zihabwa abaturage zitangirwe heza”.

Depite Nzamwita yanasabye ko habaho kongerera uru rwego rw’akagari ubushobozi rukayoborwa n’umukozi wize Kaminuza, ntabe uwo ku rwego rw’amashuri yisumbuye.

Kuri ibi bibazo Minisitiri w’Ubutegetsi bw’Igihugu yavuze ko mu ngengo y’Imari y’uturere hongewemo n’amafaranga yo kwishyura bimwe mu birarane by’amafaranga y’ingendo z’abayobozi bo ku rwego rw’ibanze mu tugari n’imirenge.

Ku bibazo bindi byagaragajwe byo muri uru rwego bizagenda bishakirwa ibisubizo buhoro buhoro, uko ingengo y’imari ya Leta izajya iboneka.

Yatowe hamwe na Nkubana Alphonse, uhagarariye Ishyaka ry’ubwisungane bugamije iterambere, PSP.

Aba bombi bitezweho gusimbura abasenateri Alexis Mugisha na Clotilde Mukakarangwa, kuko manda zabo zizarangira ku itariki 22 Ukwakira 2025.

N’ubwo Dr. Habineza na Nkubana Alphonse batowe nk’abasenateri, bagomba kubanza kwemezwa n’Urukiko rw’Ikirenga mbere y’uko batangira imirimo yabo ku mugaragaro.

Dr. Habineza yaherukagaga kwiyamamaza mu matora ya Perezida wa Repubulika yabaye mu mwaka wa 2024, aho yabaye uwa gatatu abonye amajwi angana na 0.53%.

Mbere yaho, yabaye umudepite mu Nteko Ishinga Amategeko y’u Rwanda, kandi ni na we uyobora Ishyaka Riharanira Demokarasi no kurengera ibidukikije (Green Party).

Nkubana asanzwe ari Perezida w’ishyaka PSP, akaba n’Umuvugizi wa NFPO kuva muri Nzeri 2024.

Aba basenateri batowe mu gihe hari n’abandi benda gusoza manda yabo y’imyaka itanu muri uyu mwaka.

Abo ni Senateri Uwizeyimana Evode, André Twahirwa, Epiphanie Kanziza, na Jean Pierre Dusingizemungu, bazasoza manda yabo y’imyaka itanu mu Nteko Ishinga Amategeko Umutwe wa Sena, tariki 22 Ukwakira 2025.

Perezida wa Madascar, Andry Rajoelina

Mu ijambo rye ryanyuze ku mbuga nkoranyambaga, Perezida Rajoelina yasabye abaturage kubahiriza Itegeko Nshinga, kuko ngo ari cyo gusa cyatuma amahoro agaruka mu gihugu.

Yavuze ko ubu ari ahantu yizeye umutekano we, nyuma y’aho hakwirakwiye amakuru ko ashobora kwicwa, cyane ko hari n’itsinda ry’abasirikare ba Madagascar bifatanyije n’abari mu myigaragambyo kuva tariki 25 Nzeri 2025, isaba ko haba impinduka mu miyoborere y’iki gihugu.

Amakuru avuga ko Perezida Rajoelina yaba yaravuye mu gihugu ku Cyumweru tariki 12 Ukwakira 2025, abifashijwemo n’indege ya gisirikare y’u Bufaransa ku bwumvikane na Perezida Emmanuel Macron, gusa aho yahungiye ntihavuzwe.

Siteny Randriana solonia, Umudepite mu Nteko Ishinga Amategeko ya Madagascar unahagarariye abatavuga rumwe na Leta, yemeje ihunga rya Perezida Rajoelina, ubwo yaganiraga na Reuters.

Igihugu cya Madagascar kimaze igihe mu bibazo by’ubukungu, aho umuriro, amazi n’ibindi bikenerwa by’ibanze bitaboneka ngo bigere ku baturage bose.

Ubushomeri na bwo cyane cyane mu rubyiruko bukaba butarworoheye, bikaba ari yo mbarutso y’imyigaragambyo iri muri iki gihugu, isaba ko haba impinduka mu miyoborere, aho bifuza ko Perezida Rajoelina yakwegura.