Ku bayisilamu nta gishya kirimo kuko ari ibintu bamenyereye bitewe n’imyemerere yabo, dore ko ari ibyo basanze bisabwa n’idini yabo.

Ku rundi ruhande ariko byibazwaho cyane n’abatari Abayisilamu, cyane cyane nk’iyo bagiye gutabara Abayisilamu bagatungurwa no kubona umubyeyi w’umugore atagiye gushyingura umugabo cyangwa umwana we, kimwe n’umwana w’umukobwa utagiye gushyingura umubyeyi cyangwa abandi bavandimwe bavukana, n’undi uwo ari wese.

Mufti w’u Rwanda wungirije Sheikh Yunus Mushumba, yavuze ko ikintu cyose gikorwa muri Islam, kigendera ku mategeko y’idini, kuko isoko bayavomamo ari igitabo cya Korowani (Qur’an) cyangwa n’inyigisho z’Intumwa y’Imana Muhamad.

Ati “Amahame yacu n’imirongo tugenderaho mu kwemera kwacu, ni ugushyira mu bikorwa uko kwemera. Ku kijyanye no gushyingura kw’igitsina gore, dufite imwe mu nyigisho z’Intumwa y’Imana ibuza igitsina gore, guherekeza no gutabara aho bashyinguye. Ariko bamusengera hamwe na basaza babo, bamusabira igihe tuba turimo kumutegura kugira ngo ajye gushyingurwa. Ubwo akazi kabo kaba karangiriye aho ngaho ntibakomezanye n’abagabo kugira ngo bajye kumushyingura.”

Uyu muyobozi akaba n’umumenyi mu idini ya Islam, avuga ko hari abashakashatsi bagaragaje ko kubuza abagore kujya gushyingura bishobora kuba byarashingiwe ku kuba mu bihe nka biriya, kwihangana kwabo kuba ari guke, hamwe n’imbaraga zabo z’umubiri kuko gutabara cyera byasabaga imbaraga z’amaboko n’umubiri, kubera imwe mu mirimo irimo gucukura imva no gushyingura yakorerwaga ku marimbi, kandi igakorwa n’abagabo.

Ibi byatumaga abagore basigara mu rugo kugira ngo bite ku basigaye, gutegura mu rugo by’umwihariko ahakirirwa abatabaye.

Sheikh Mushumba ati “Izo ni zimwe mu mpamvu abashakashatsi bagarukaho, ariko ntabwo dukeneye kuzimenya kugira go dukurikize uwo murongo w’idini tweretswe n’intumwa y’Imana, uba uduhagije iyo twamaze kubona ko ari ukuri kandi ari we bikomokaho. Burya dufite byinshi muri Islam dukurikiza tutiriwe tunashakisha impamvu tuba twarabibwiwe cyangwa tutarabibwiwe.”

Ntabwo muri Islam babibona nko guheza abagore mu bikorwa bimwe na bimwe by’idini, kuko ari ukububahisha, nkuko Sheikh Mushumba abisobanura.

Ati “Twe rero aho bari (abagore), barubahitse, kandi uwacengewe n’inyigisho anyuzwe n’ubwo buryo. Twe rero mu rwego rw’idini n’amahame y’idini, ntabwo tubibona nko guheza igitsina gore, ahubwo tubibona nko gukomeza kumwubahisha no kwita ku nshingano ze nka mutima w’urugo rwe n’umuryango muri rusange.”

Kuba umuyisilamukazi yajya gushyingura abandi b’inshuti n’abavandimwe batari Abayisilamu kuko wenda amahame yabo atabuza abagore gutabara no gushyingura, ngo nubwo aba atavuye mu Idini ya Islam, ariko aba yatandukiriye amahame yaryo.

Sheikh Mushumba ati “Aba akiri umuyisilamu utarabuvamo, kuko hari amahame akomeye y’umurongo utukura atarenga, ariko biba bigaragaje ko atacengewe n’inyigisho z’ubuyisilamu, kuko iyo aba yaracengewe yari kuba yitwararika uwo murongo yeretswe n’Intumwa y’Imana.”

Muri make kuba abagore b’Abayisilamukazi batajya ku marimbi guherekeza no gushyingura inshuti n’abavandimwe, bituruka ku nyingisho z’Intumwa y’Imana Muhamad, wagaragaje ko bidakwiye ko bashobora kujya cyangwa no kwegera ahantu nkaho muri ibyo bihe.

Ni nyuma y’uko muri iryo shuri kuri uyu wa Gatanu tariki 19 Kamena, habereye umuhango wo gusoza icyiciro cya 14 cy’amasomo y’ubuyobozi amara umwaka umwe (Police Senior Command and Staff Course), kigizwe n’abanyeshuri 38 bo ku rwego rwa ba Ofisiye Bakuru baturutse mu bihugu 10 byo muri Afurika.

Abasojwe bagizwe n’abanyeshuri 23 b’Abanyarwanda, barimo abo muri Polisi y’u Rwanda, Urwego rw’u Rwanda rushinzwe Igorora (RCS), Urwego rw’Igihugu rushinzwe Iperereza n’Umutekano (NISS) hamwe n’Urwego rw’Igihugu rw’Ubugenzacyaha (RIB).

Abandi 15 ni abaturutse mu bihugu 9 by’Afurika, birimo Santrafurika, Ubwami bwa Eswatini, Malawi, Namibia, Sudan Y’Epfo, Somalia, Gambia na Uganda na Kenya.

Aya masomo bahabwa (Police Senior and Staff Course) ni gahunda y’amahugurwa imara umwaka umwe, atangwa n’Ishuri rikuru rya Polisi ku bufatanye na Kaminuza y’u Rwanda hamwe na African Leadership University.

Ni mahugurwa agizwe n’ibyiciro bitatu by’ingenzi bihuza uburezi bufite ireme n’iterambere ry’umwuga, ririmo amasomo ajyanye n’ubuyobozi n’imicungire ya Polisi (Police Command and Staff Component), amasomo y’icyiciro cya gatatu cya kaminuza (Postgraduate Course) mu buyobozi n’imicungire n’urwego rw’ubushobozi bwo gufata ibyemezo (Strategic Leadership and Management), atangwa na African Leadership University, hamwe na gahunda y’icyiciro cya kabiri cya kaminuza (Master’s Degree) mu masomo yerekeranye n’amahoro no guhindura amakimbirane mu buryo bwubaka (Peace Studies and Conflict Transformation), atangwa na Kaminuza y’u Rwanda.

Abanyeshuri bose uko ari 38 batsinze amasomo ya Police Command and Staff Course. Muri bo, 36 bujuje ibisabwa kugira ngo bahabwe impamyabumenyi y’icyiciro cya kabiri cya kaminuza (Master’s Degree) mu masomo y’amahoro no guhindura amakimbirane mu buryo bwubaka (Peace Studies and Conflict Transformation), ndetse n’impamyabushobozi y’icyiciro cya gatatu cya kaminuza (Postgraduate Diploma) mu buyobozi n’imicungire bishingiye ku igenamigambi (Strategic Leadership and Management).

Umuyobozi w’ishuri rikuru rya Polisi, CP Christophe Bizimungu, yashimiye inzego zose zagize uruhare mu kugira ngo aya masomo agende neza mu gihe cy’umwaka amaze, asaba abayasoje kugenda bagakoresha ubumenyi bahawe kuko babifitiye ubushobozi.

Yagize ati “ubwo musubiye mu nshingano zanyu z’umwuga, ni ingenzi ko mukomeza kuzirikana ko mufite inshingano zo gukora akazi kanyu neza kurushaho kandi mu buryo bunoze bwa kinyamwuga. Mwungutse ubumenyi n’ubushobozi byisumbuyeho, kandi ibyo bigomba kugaragarira mu bikorwa byanyu no mu myitwarire yanyu.”

Yungamo ati “Mufite kandi inshingano zo kugira uruhare rufatika mu guteza imbere aho mukorera ndetse n’imibereho y’ababazengurutse. Mujye mwibuka ko kugira icyo uhindura cyangwa ukosora bidasaba buri gihe ibikorwa bikomeye cyane, ariko n’impinduka nto zifatika zifite agaciro kandi zishobora kugira uruhare rukomeye mu iterambere ry’umuryango n’iry’inzego mukorera.”

Minisitiri w’Uburezi Joseph Nsengimana wari umushitsi mukuru muri uyu muhango, yavuze ko abarangije amasomo bafite impamvu nyinshi kandi zumvikana zo kwishimira ibyo bagezeho, kuko barangije gahunda y’amasomo ikomeye kandi isaba byinshi.

Yagize ati “Kurangiza amasomo si iherezo ryo kwiga, ahubwo ni intangiriro y’urundi rugendo rushya. Imiterere y’umutekano ku isi iragenda ihinduka ku muvuduko mwinshi. Buri munsi havuka ibibazo n’ibyago bishya, ikoranabuhanga rigakomeza gutera imbere, imitwe y’abanyabyaha igahindura uburyo ikoramo, ndetse n’imibereho y’abaturage igahinduka.”

Yunzemo ati “Kubera iyo mpamvu, nk’abayobozi, mugomba gukomeza kwiga, kwagura ubumenyi bwanyu no kumenyera impinduka ziba mu kazi no mu muryango mugari. Gukomeza kwiteza imbere ni byo bizabafasha guhangana n’ibibazo bishya no kuzuza neza inshingano mwahawe.”

Ubusanzwe ubwonko bw’umuntu mukuru buzima budafite ikibazo bugomba kuba bupima nibura hagati y’ikilo 1.2 na1.4, bukaba bugizwe n’ibice bitatu by’ingenzi birimo ikizwi nk’ubwonko bunini (Cerebrum), ubwonko buto (Cerebellum) hamwe n’Igihimba changwa Igice cyo hasi cy’ubwonko (Brainstem).

Akamaro kabwo gashingira cyane kuri ibyo bice, ari nabyo bifasha umuntu mu bintu bitandukanye birimo gutekereza, gufata imyanzuro, kumva, guhumeka, kugira amarangamutima, kwibuka, kureba, n’ibindi bikorwa bya muntu byose nko gukora umusemburo, gukorora, kuruka, kwitsamura, uwavuga ko ari ibikorwa byose ntabwo yaba agiye kure y’ukuri, kuko buri gice cy’umubiri gihagarariwe mu bwonko.

Dr. Clement Kwihangana, umuganga uvura indwara zifata ubwonko n’imyakura mu bitaro bya Caraes Ndera, avuga ko igice cyo hejuru cy’ubwonko cyitwa ‘Cerebrum’, kigira ibice 4 by’ingenzi, birimo icy’imbere (Frontal Lobe), hagati (Parietal Lobe), inyuma (Occipital Lobe) no ku ruhande (Temporal Lobe).

Ati “Icy’imbere kigenzura ibintu byinshi, birimo gukora kw’amaguru, amaboko, amaso, gutekereza, imyitwarire, kugira umwete mu bintu, ibintu byose bidutandukanya n’inyamaswa bigatuma tuba abantu bafite ubwenge, usanga bikorwa n’icyo gice. Igice cyo hagati cyo gituma twumva, kwa kundi kugira ngo umenye ko ikintu gikonje cyangwa gishyushye, ikintu kikurumye cyangwa usitaye, kugira ubabare ubimenye ni uko bijya kuri icyo gice kigatuma umenya ko byabaye.”

Ibindi bice birimo igice cy’inyuma cy’ubwonko, gishinzwe ibijyanye no kureba, kikaguha amakuru yo kumenya icyo ubonye, icyo kivuze, aho kiri n’ibindi byose bijyanye n’igisobanuro cy’icyo kintu uba ubonye.

Akamaro k’igice cyo ku ruhande, ni uko gituma umuntu ashobora kugira ubwoba, amakenga no kwibuka.

Dr. Kwihangana, avuga ko igice cy’ubwonko buto kizwi nka ‘Cerebellum’, gikora cyane ibijyanye no guhuza ibikorwa.

Ati “Akamaro kacyo, ni uguhuza ibintu cyane cyane ibyo dukora, ni nka kwa kundi ujya gufata akantu gato, kugira ngo bibeho ni ukubera ‘Cerebellum’, cyangwa se kuba ubasha kugenda ubwabyo, ntugende ugwa, guhaguruka, guhindukira urebye n’ibyo by’ingenzi. Ikindi gice cy’ingenzi n’icyo twita ‘BrainStem’ (Igice cyo hasi cyangwa igihimba), ikintu kimara ni ibirimo ibikorwa by’amaso byose, kureba hejuru, hasi, ku ruhande, uburyo umutwe uhindukira ibyo byose nicyo kibikora.”

Yungamo ati “Ariko harimo n’ibindi byinshi, nko guhumeka, gutera k’umutima, bya bintu byose biba utarimo kubitekerezaho, bimeze nkaho birimo kwikoresha mu mubiri, byose bikorwa n’icyo gice, harimo n’imisemburo, gusinzira, ubushyuhe bw’umubiri cyangwa ubukonje.”

Imikorere y’igice cy’ubwonko kiba mu mugongo (Spinal Cord)

Ubwonko bugira igice kiri mu mutwe ariko hakabamo n’ikindi gikomeza mu mugongo kikagenda gitanga imyakura ijya mu bice byose by’ubwonko.

Dr. Kwihangana, avuga ko ubwonko bwo mu mugongo bugizwe n’umusokoro.

Ati “Uyu nawo ufite ibintu ushinzwe bindi ariko ni igice cy’ubwonko. Ni ukuvuga ngo urutirigongo ni amagupfa y’umugongo, ariko hagati mu magufa y’umugongo hacamo ubwonko bugenda bukamanuka bukava hejuru inyuma y’ijosi, bukagenda bukagera aho ikibuno gitereye. Icyo nicyo twita ‘Spinal Cord’.”

Ubwonko bwo mu mugongo nibwo bukoresha amaboko n’amaguru, ariko nabwo bukagira ibice, kuko bubamo igice cyo hejuru (Cervical), hagati (Thoracic) no hasi (Lumbar).

Dr. Kwihangana ati “Icyo hejuru gitanga imyakura, ikoresha amaboko, ijosi, imwe muri yo ikaza mu gatuza. Noneho icyo hagati, cyo gitanga imyakura iza mu gatuza, ku mutima, ku bihaha, no ku mikaya yo mu gituza. Naho igice cyo hasi cyo gitanga imyakura ikoresha amaguru, n’ibindi bice birimo imiyoboro y’inkari, uruhago, inda ibyara ku bagore, imyanya myibarukiro, byose bikoreshwa n’icyo gice cya Spinal Cord cyo munsi.”

Yungamo ati “Nacyo ni igice cy’ubwonko, kuko iyo turimo kuvuga ubwonko, tuvuga ko burimo ibice bibiri by’ingenzi, birimo ubwonko buri mu mutwe (Central Nervous System), hakazamo n’ubwo mu mugongo (Spinal Cord), noneho hakaza n’igice cy’ubwonko kiri hanze kitari muri ibyo byombi. (Peripheral Nervous System).”

Kubungabunga ubwonko

Kugira ngo ubwonko burusheho kumera no gukora neza busaba kubwitaho, kuko ari kimwe mu bice by’umubiri bikoresha imbaraga nyinshi, bitewe n’uko ibindi byose bisa nkaho ari bwo bishingiyeho.

Dr. Kwihangana ati “Ubundi ubwonko ikintu cya mbere wavuga cy’uburyo wabwitaho ni imirire, kubera ko 20% by’isukari umubiri ukoresha ijya ku bwonko. Iyo mirire igomba kuba ifite intungamubiri zihagije zubaka umubiri n’izirinda indwara. Ni cyo kintu kiba gikenewe cyane kubera ko ubwonko ari urugingo rworoshye kandi rukenera kwitabwaho by’umwihariko, kuko bukoresha imbaraga nyinshi.”

Ubundi buryo bushobora gufasha ubwonko kumera neza, ni ugusinzira nibura amasaha hagati ya 7-8 ku muntu mukuru, kuko iyo umuntu asinziriye, bibufasha kubika amakuru y’ibyo umuntu yagiye ahura nabyo byose. Ibiba byabaye byose, amakuru yabyo abikwa neza igihe umuntu asinziriye, ku buryo iyo adasinzira neza, bimugiraho ingaruka zirimo kwibagirwa no kudatekereza byihuse.

Igihe umuntu asinziriye, ni nabwo ubwonko busohora gusohora ibyakwitwa umwanda, cyangwa ibitagikora neza, ariko iyo adasinzira, ibyo bintu bishobora kwangiza ubwonko, bikomeza byibika, bikaba byatera indwara mu gihe runaka.

Gukoresha ubwonko ibikorwa birimo gusoma ibitabo, gukina imikino ituma umuntu atekereza, gukora siporo, kujya ahantu hashya, kwiga ibintu bishya umuntu atari azi, ni kimwe mu bibufasha kurushaho kumera neza, kuko bibufasha gutekereza neza, kuruhuka, gukora neza k’umutima, bukanabona amaraso ahagije.

Aya masezerano yasinywe kuri uyu wa Kane tariki 18 Kamena, hagati ya Kigali Today Ltd hamwe na PSF, agamije guteza imbere ubucuruzi bwo mu Rwanda binyuze mu kugaragaza no kumenyekanisha imurikagurisha Mpuzamahanga (Expo 2026), riteganyijwe gutangira ku wa 28 Nyakanga- 17 Kanama 2026.

Kigali Today Ltd yari ihagarariwe n’Umuyobozi Mukuru Dan Ngabonziza naho PSF ihagarariwe n’Umuyobozi Mukuru w’agateganyo Callixte Kanamugire.

Nyuma yo gushyira umukono ku masezerano, Umuyobozi Mukuru w’Agateganyo wa PSF, Callixte Kanamugire, yavuze ko bahisemo gukorerana na Kigali Today kubera ubunararibonye imaze kugira mu bijyanye no gutangaza no kumenyekanisha amakuru.

Yagize ati “Aho Kigali Today igera ni henshi, turifuza ko ubwo bunararibonye mu rwego rwo kumenyekanisha amakuru twabwifashisha muri iri murikagurisha, by’umwihariko rikabasha kugera kure hashoboka.”

Umuyobozi Mukuru wa Kigali Today, Dan Ngabonziza, yavuze ko aya masezerano azabafasha mu kumenyekanisha ibikorwa kandi bakabikora nk’umusanzu w’itangazamakuru mu kubaka u Rwanda.

Ati “Uyu munsi iki gikorwa cyaduteranyije aha, ni igikorwa PSF na Kigali Today twinjiyemo kugira ngo noneho ya Expo abantu bakundaga yongere ibabere nziza kurushaho inshuro nyinshi cyane binyuze mu miyoboro y’ibitangazamakuru byacu, kugira ngo tumenyekanishe ibikorwa bya PSF, cyane cyane abamurika mu imurikagurisha, natwe tubikore nk’umusanzu dutanga nk’igitangazamakuru mu kubaka u Rwanda.”

Bamwe mu bazamurika ibikorwa byabo mu imurikagurisha ry’uyu mwaka, bagaragaje ko kuba PSF, yarahisemo gukorana na Kigali Today, ari kimwe mu bisubizo bizabafasha kugeza ibikorwa byabo kuri benshi.

Queen Mwamikazi ni umwe mu bazamurika ibikorwa bifasha abana kwidagadura (Queen’s Park), avuga ko kuba muri uyu mwaka hari akarusho k’uko Kigali Today izabafasha kwamamaza ibikorwa byabo, nta kabuza ko ibikorwa byabo bizagera kuri benshi.

Ati “Jye ku giti cyanjye biranejeje, kuko ikintu mukoze kizatuma Expo igira urundi rwego abantu bayumvamo, hari ukuntu abantu bari bamaze gusa nk’abayimenyera icyo muzagikoreho nka KT radio, bareke kuyimenyera ahubwo bumve ko ari ibihe bidasanzwe bibonetse mu gihugu bareke gufata ko ari ikintu gisanzwe, kuko nk’abacuruzi icyo turimo gukora nka njye by’umwihariko ni ukuzana udushya.”

Derrick Kanyonya ni umwe mubazamurika imyenda ikorerwa mu Rwanda, muri Expo muri uyu mwaka, avuga ko ubufatanye na Kigali Today ari ingenzi kuko asanzwe ayumva.

Ati “KT ndayumva, iyo ushaka amakuru yihuta niho wihutira. Kugira ubufatanye n’abantu bafite ababakurikira barenga miliyoni ntabwo ari ikintu cyoroshye mu bucuruzi bwose tuba tubishaka kuko iyo ubonye ibihumbi 10 urishima. Ariko kugira ubu bufatanye bw’ibyumweru bitatu, KT yerekana ibintu bikorerwa mu Rwanda, biradushimishije cyane, kuko byerekanye intambwe PSF irimo gutera imenyekanisha ibikorerwa mu Rwanda.”

Biteganyijwe ko iri murikagurisha rya 29, rizitabirwa n’ibihugu birenga 20, rikazitabirwa n’abamurika barenga 500, rikazarangira risuwe n’abarenga ibihumbi 300.

Kigali Today Ltd, ni Ikigo cy’Itangazamakuru cyatangiye gukora mu 2011, kikaba gifite ibitangazamakuru bigishamikiyeho birimo, KT radio, Kigali Today web, KT Press hamwe na KT Tv.

Aba bose bageze mu Rwanda mu ijoro ryo ku wa 17 Kamena 2026, bakaba bagizee n’Abanya-Sudani 85, Abanya-Eritereya 66, Abanya-Somaliya 2, Abanya-Etiyopiya 7 n’Abanya-Sudani y’Epfo 12.

Abakiriwe kimwe na bagenzi babo bahageze mu byiciro byabanje bahita bajyanwa mu Nkambi y’Agateganyo ya Gashora iherereye mu Karere ka Bugesera, ari na ho bazacumbikirwa mbere yo gushakirwa ibindi bihugu bajyamo.

Ku wa 10 Nzeri 2019 ni bwo Guverinoma y’u Rwanda, Umuryango w’Ubumwe bw’Afurika (AU) hamwe n’Ishami ry’Umuryango w’Abibumbye ryita ku mpuza (HCR) byashyize umukono ku masezerano y’imyaka itatu, yo kwakira impunzi n’abasaba ubuhungiro i Gashora mu Karere ka Bugesera.

Ni amasezerano yasinyiwe i Addis Ababa ku cyicaro cya AU nyuma y’ubushake Perezida Paul Kagame yagaragaje bw’uko u Rwanda rwakwakira izi mpunzi z’Abanyafurika zageze muri Libya zishakisha ubuhungiro n’amahoro ariko ntizibigereho.

Ni Abanyafurika bagenda baturuka mu bihugu byinshi birimo umutekano muke, ntibashobore kuhabonera ubwisanzure n’amahoro bakeneye, ndetse abenshi muri bo bakananirwa kwambuka Inyanja ya Méditerranée ngo bajye i Burayi nk’uko babyifuza, ahubwo bakisanga bafungiwe muri Libya.

Imibare igagaraza ko kuva muri Nzeri 2019, u Rwanda rumaze kwakira impunzi n’abasaba ubuhungiro barenga 3,000 baturutse muri Libya. Muri bo, 2,623 bamaze kwimurirwa mu bindi bihugu mu buryo burambye.

Abagera 2140 muri bo bamaze kwakirwa mu bihugu, birimo Suède yakiriye 255, Canada yakiriye 656 na Norvège yakiriye 225.

Hari kandi u Bufaransa bwakiriye 194, Finlande yakiriye 236, u Buholandi bwakiriye abantu 52, u Bubiligi bwakiriye 72, Amerika yakiriye 318 n’u Budage bwakiriye 132.

Benshi muri izi mpunzi n’abimukira ni abakomoka mu bihugu nka Eritrea, Sudani, Somalia, Ethiopia na Sudani y’Epfo, n’ubwo hari n’abandi bake baturuka mu bindi bihugu bya Afrika y’Uburengerazuba bahafashirijwe.

Ubuzima bwabo bukurikiranwa umunsi ku munsi na Leta y’u Rwanda binyuze muri Ministeri ishinzwe Ibikorwa by’Ubutabazi (MINEMA) na HCR, ku bufatanye n’abaterankunga barimo Umuryango w’Ubumwe bw’u Burayi na Denmark.

Wababaza uti kuki murasa ibikorwa remezo muri Gaza..bati "Isiraheli iri kwirwanaho"...ibibazo n’ibisubizo USA na Isiraheli itanga ku ntambara zinyuranye barimo

Yifashishije ingero z’intambara zitandukanye zirimo kubera hirya no hino ku Isi kandi bazigizemo uruhare, yagaragaje ko atungurwa n’ibisubizo batanga iyo babajijwe.

Yagize ati “Iyo ubajije ba Mpatsibihugu uti: Kuki Israel yanga ko abanyapalestine batagira Igihugu cyabo? Ba mpatsibihugu bagusubiza ngo “Israel irirwanaho” Wababaza uti: “Kuki Israel yica aba Palestine, Ba mpatsibihugu bagasubiza bati: “Israel irirwanaho.”

Arongera ati “Wababaza uti: “Kuki Israel yica abana bato?” Ba mpatsibihugu bagasubiza bati “Israel irirwanaho” Wababaza uti: “Kuki Israel ishaka ko aba Palestinian bava muri Gaza. “Ba mpatsibihugu bakagusubiza bati: “Israel irirwanaho."

Muri iyi nyandiko yashyize ku mbuga nkoranyambaga ze, Rutaremara yanakomoje ku bikorwa by’ubwicanyi bw’indengakamere bukorerwa muri Gaza, ariko banyirubwite babazwa bagasubiza ibisubizo bidasobanutse.

Ati “Wababaza uti: “Kuki Israel ikora genocide muri Gaza. “Ba mpatsibihugu bagasubiza bati: “Israel irirwanaho." Israel yafashe ku ngufu igice cya Liban Ba mpatsibihugu bagasubiza bati: “Israel irarwana ku mutekano wayo. Wababaza uti ese ko leta ya Liban itarwanya Israel? Ba mpatsibihugu bagasubiza bati: “ni Hezbollah ibitera byose” Wababaza uti ese ko Hezbollah yagiyeho ngo ibohoze igice cyayo Israel yafashe? Bati: ni Hezbollah ntiyagomba kujyaho.”

Yungamo ati “Wababaza uti ese; ko murasa ibisasu mu majyaruguru ya Liban na Beirut bikica abantu, bigashwanyaguza ibikorwa remezo kandi Hezbollah idahari? Ba mpatsibihugu bagasubiza bati: “ariko byose ni Hezbollah” Wababaza Uti: ese Isreal yo amategeko mpuzamahanga ntayireba, Ba mpatsibihugu bagasubiza bati: “Israel iba yirwanaho."

Rutaremara yanakomoje ku ntambara ya Iran agira ati “Ubaza ba mpatsibihugu uti: Kuki USA na Israel batera Iran bakavuga ko Iran ishaka gukora intwaro za kirimbuzi kandi nyamara USA na Israel bafite intwaro za kirimbuza. Ba mpatsibihugu kandi bagira bati: “Iran nta democracy” Noneho Wababaza uti: “Ko Israel na USA bateye bakica abayobozi bakuru bose ba Iran ubwo ntibishe amategeko mpuzamahanga? “Ba mpatsibihugu bagusubiza bagira bati: “Iran nta democracy.”

Arongera ati “Wababaza uti: “Ese ko Israel na USA bohereje bombe ku ishuri babishaka bakica abana 150 b’abakobwa; ubwo si icyaha ndengakamere? “Ba mpatsibihugu bagasubiza bati: “Iran nta democracy. Nonese ko Israel na USA barasa bagashwanyaguza ibikorwa remezo bya Iran birimo amavuriro, amashuri, bakicamo n’abantu benshi …. Ubwo si ibyaha byibasira inyoko muntu? Ba mpatsibihugu baragusubiza bati: “Iran nta democracy.”

Ni inyandiko igenda yibaza ku bisubizo bitandukanye bitangwa n’ibihugu bikomeye ku Isi, iyo bibajijwe ku ntambara bifitemo akaboko.

Muzehe Tito asoza agira ati “Ngaho namwe basomyi; nimwumve kandi musesengure ibyo bisubizo bya mpatsibihugu.

Bimwe mu bikoresho by’isuku byifashishwa mu gukaraba byashyizwe hirya no hino ahahurira abantu benshi hatubatse robinets

Tariki 15 Gicurasi 2026, nibwo byemejwe ko muri Repubulika Iharanira Demokarasi ya Congo (RDC), mu Ntara ya Ituri, hagaragaye Ebola yo mu bwoko bwa Bundibugyo, hagendewe ku bari bamaze kugaragaza ibimenyetso simusiga.

Ku wa 16 Kamena 2026, nibwo MINISANTE yashyize ahagaragara itaganzo ihumuriza Abanyarwanda n’abarutuye ko mu nta muntu icyo cyorezo kiragaragaraho mu Rwanda.

Rigira riti "Kugeza ubu nta murwayi wa Ebola uri mu Rwanda, no mu duce bihana imbibi. Nubwo ibyago by’uko iki cyorezo cyagera mu Rwanda biri hasi, dukomeje kuba maso no kongera imbaraga mu bikorwa byo gutahura byihuse aho icyorezo cyamenera hose."

Nubwo mu Rwanda bari maso kandi biteguye gatahura byihuse aho Ebola yamenera hose, muri RDC ntabwo bimeze neza, kuko Imibare mishya ya Minisiteri y’Ubuzima yaho, igaragaza ko kugera ku wa 15 Kamena, abari bamaze kwandura bapimwe ari 837, barimo 29 bashya, naho 4 bakaba aribo bahitanywe nayo kuri uwo munsi.

Muri rusange umubare w’abamaze kwicwa n’icyo cyorezo kuva muri Gicurasi ni 196, aho igipimo cy’impfu kigeze kuri 23,4%.

Abantu 49 ni bamaze gukira, mu gihe abarwayi bari mu kato ari 376.

Abanduye bashya batangajwe bose ni abo mu Ntara ya Ituri, naho muri Kivu y’Amajyaruguru n’iy’Amajyepfo nta murwayi mushya wa Ebola watangajwe.

Uturere 31 mu 104 tugize iyo Ntara nitwo tumaze kugerwamo n’iki cyorezo.

Inganda zatanze 24%ku musaruro mbumbe, ariko nanone, ni zo ziyongereye ku ijanisha rinini ugereranyije n’ingenzura riheruka, 13%

Serivisi zikomeje kugira uruhare runini kuko zagize urungana na 52% by’umusaruro mbumbe, ubuhinzi bugira uruhare rwa 19%, inganda zigira urwa 24% naho ibindi bisigaye bigira uruhare rwa 5%.

Ku bijyanye n’uburyo umusaruro mbunbe wagiye wiyongera hakurikijwe ibyiciro, usanga uw’ibikomoka ku nganda wariyongereye cyane ugereranyije n’ibindi, kuko wiyongereye ku kigero cya 13%, uw’ubuhinzi wiyongeraho 8%, mu gihe uwa Serivisi wo wiyongereyeho 7%.

Umusaruro w’ibihingwa byoherezwa hanze y’Igihugu wiyongereyeho 39%, bigizwemo uruhare n’uw’ikawa wazamutse ku kigero cya 86%, uw’icyicaye ugabanukaho 3%, mu gihe uw’ibihingwa ngandurarugo wiyongereyeho 3%.

Mu nganda, umusaruro w’ubucukuzi bw’amabuye y’agaciro na kariyeri wiyongereyeho 20%, umusaruro w’imirimo y’ubwubatsi wiyongeraho 11%, mu gihe uw’inganda zitunganya ibintu bitandukanye wiyongereyeho 15%.

Uyu ahanini wiyongereye bitewe n’izamuka rya 52% ry’umusaruro w’inganda zikora ibinyobwa, izamuka rya 57% ry’umusaruro w’inganda zikora ibikoresho by’ubwubatsi bishingiye ku mabuye, izamuka rya 21% ry’umusaruro w’inganda zikora ibikomoka ku binyabutabire n’ibikoresho bya pulasitike, n’irya 22% ry’umusaruro w’inganda zikora ibikomoka ku mbaho.

Mu bijyanye na Serivise, umusaruro w’ubucuruzi buranguza n’ubudandaza wiyongereyeho 11%, uw’ubwikorezi wiyongereyeho 11% harimo uw’ubwikorezi bwo ku butaka wiyongereyeho 10%, naho ubwo mu kirere bwiyongereyeho 7%.

Mu zindi serivisi, umusaruro wa serivisi z’itumanaho n’ikoranabuhanga wiyongereyeho 22%, uw’ibigo by’imari n’ubwishingizi wiyongereyeho 11%, uw’uburezi wiyongereyeho 3%, mu gihe umusaruro wa serivisi za resitora n’amacumbi wagabanutseho 16%.

Minisitiri w’Imari n’Igenamigambi Yusuf Murangwa, avuga ko nubwo hari ingaruka z’intambara irimo kubera mu burasirazuba bwo hagati zari zitezwe ariko atari nyinshi ku buryo byashoboraga kugira ingaruka zikomeye cyane ku bukungu bw’Igihugu.

Ati “Iyo turebye uko ubukungu bwazamutse mu gihembwe cya kabiri cy’umwaka ushize n’icya gatatu cy’umwaka ushize, ubona ko ubukungu bwari bumaze gufata umuvuduko mwiza, kuko nko mu gihembwe cya gatatu cy’umwaka ushize bwazamutse ku kigero cya 11.8%, icya kane 11.2%. Birumvikana ko urwego byari bimaze gufata rw’ubukungu butandukanye ari rwiza.”

Yungamo ati “Buriya iyo ubukungu burimo kuzamuka, iyo nta kintu kibubangamiye hagati aho, burakomeza bukazamuka, ariko wenda ubu turategereje mu gihembwe cya kabiri wenda ingaruka z’intambara dushobora kuzazibona, ariko natwe ntabwo twicaye, turimo turagerageza gukora ibishoboka byose kugira ngo tutazahura na za zindi za mbere.”

Bimwe mubyo Minisitiri Murangwa avuga ko birimo gukorwa, harimo kwihutisha imishinga, korohereza abashoramari kugira ngo bakomeze gushora imari, n’ibindi bishobora gutuma izo ngaruka zitagaragara cyane.

Imibare mishya y’iyi Minisiteri igaragaza ko ku wa 14 abarwayi 8 bashya bakize barimo 3 bo mu gace ka Bunia hamwe n’abandi 5 bo mu Rwampara, twose two mu Ntara ya Ituri.

Muri rusange abamaze gukira icyo cyorezo kuva cyatangira kwibasira iki gihugu muri Gicurasi ni 48.

Minisiteri y’ubuzima ivuga kugera kuri iyo tariki uduce tugera kuri 31 ari two twari tumaze kugeramo iyo ndwara, mu gihe umubare w’ubwandu bushya wabonetse ari 26 naho 11 nibo bitabye Imana, aho igipimo cy’impfu kiri ku kigereranyo cya 23,8%.

Imibare kandi igaragaza ko abarwayi 363 ari bo bari mu kato (isolation).

Kugeza ubu nta muti cyangwa urukingo bya Ebola ya Bundibugyo biraboneka ariko ubushakashatsi bwemeza ko ibimenyetso byayo bivurwa, bigakira, cyane cyane iyo umurwayi yivuje hakiri kare.

Aba bombi bahuriye ku kuba bariyemeje guhakana no gupfobya Jenoside yakorewe Abatutsi, ahanini bagamije kurengera no guhishira ababo bagize uruhare mu kuyitegura no kushyira mu bikorwa, by’umwihariko mu ruganda rukora sima (CIMERWA) no mu nkengero zarwo mu Murenge wa Bugarama mu Karere ka Rusizi, hamwe no mu Bisesero mu Karere ka Karongi.

Mu nyandiko ndende Minisitiri w’Ubumwe bw’Abanyarwanda n’Inshingano Mboneragihugu (MINUBUMWE), Dr. Jean Damascene Bizimana, yanyujije ku mbuga nkoranyambaga ze, yagaragaje ko, ababyeyi ba Denise Zaneza na Théophile Mpozembizi, bari abantu bakomeye mu Ishyaka rya CDR, ryari ryaramunzwe n’ingengabitekerezo ya Jenoside.

Se wa Denise Zaneza yitwa Marcel Sebatware, akaba yarabaye Umuyobozi Mukuru wa CIMERWA kuva mu 1983, naho Jean Pierre Mpozembizi, yari umuyobozi w’ishami rishinzwe amashanyarazi muri CIMERWA, kuva ku wa 4 Werurwe 1988, akaba se wa Théophile Mpozembizi.

Aba bombi bari mu itsinda ryitwaga Akazu, ryari nk’ibuye fatizo ry’ubutegetsi bwa Juvénal Habyarimana, wagize uruhare rukomeye mu gutegura no gushyira mu bikorwa Jenoside yakorewe Abatutsi hagati y’Ukwakira 1990 na Mata 1994.

Minisitiri Dr. Bizimana avuga ko ku buyobozi bwabo muri CIMERWA, baranzwe no gushyigikira ingengabitekerezo ya Hutu Power (MRND/CDR).

Ati “Guhera mu Ukwakira 1990, Marcel Sebatware na Jean Pierre Mpozembizi, bombi bari mu ishyaka CDR ry’abanyagitugu, bagize umugambi wo kugenzura CIMERWA mu rwego rwa politiki, bashyiraho itsinda ry’abahezanguni b’Abahutu, benshi baturutse mu miryango yabo, hagamijwe kuyobora uruganda mu nyungu za Jenoside.”

Ni itsinda avuga ko ryari rigizwe n’umugore wa Marcel Sebatware, Daphrose Nyirankundwankize, wari umukozi wa CIMERWA ushinzwe ibitabo by’ibaruramari, akaba yari mwishywa wa Général Déogratias Nsabimana, wari Umugaba Mukuru w’Ingabo za Ex-FAR kuva muri Nyakanga 1992.

Muramu wa Marcel Sebatware, Théoneste Sebageni, wari warashatse mushiki we Claudine. Sebageni, Casimir Ndolimana, wari injeniyeri mukuru akaba n’umunyamuryango wa CDR hamwe na Assoumani Ntibankundiye, wari injeniyeri mukuru w’ishami ryitwa “cooking”, wahawe akazi mu 1990, na wari muri CDR.

Biyongeraho Umuyobozi wari ushinzwe imirimo n’ibikoresho muri CIMERWA, Nkusi David Wilson, na we wari muri CDR, wahawe akazi mu 1992, akaba yari ashinzwe no gutanga amakuru. Gaspard Kazungu, yari injeniyeri akaba n’umugabo wa Laurence Mukankaka, bivugwa ko ari umukobwa w’uwari Burugumesitiri wa Komini Bicumbi, Laurent Semanza, wari hafi cyane ya Perezida Habyarimana. Laurence Mukankaka akaba yari ashinzwe ishami rishinzwe abakozi muri CIMERWA.

Kamanzi Meschac, wahoze ari Burugumesitiri wa Komine Bugarama akaba n’umudepite wari uhagarariye MRND, yakoraga muri CIMERWA kuva mu 1989 kugeza mu 1993, ubwo yongeraga kugirwa Burugumesitiri mu 1993, kugeza Jenoside itangiye.

Minisitiri Dr. Bizimana avuga ko guhera mu 1992, mu rwego rwo gushyira mu bikorwa politiki ya Habyarimana yo gushyiraho icyo wakwita nk’ubwirinzi buhereye mu Kagari (self-defense cells), iri tsinda ry’abahezanguni b’Abahutu ryari riyobowe na Sebatware na Mpozembizi ryashinze umutwe w’Interahamwe muri CIMERWA no mu nkengero zayo, hagamijwe gushyira mu bikorwa Jenoside yakorewe Abatutsi.

Ati “Amahugurwa yabo yakorwaga ku bufatanye n’abayobozi ba MRND-CDR muri Perefegitura ya Cyangugu, barimo, Yussuf Munyakazi, umwe mu bayobozi bakomeye b’interahamwe n’umushoramari ukomeye mu Bugarama, wari ufite abarwanyi barenga 300. Urukiko Mpanabyaha Mpuzamahanga rwashyiriweho u Rwanda rwamuhamije icyaha cya Jenoside.”

Yungamo ati “Hari kandi Edouard Bandetse, wari umucuruzi mu isoko rya Nyakabuye akaba n’umubitsi wa komite ya MRND ku rwego rwa Purefegitura, Elias Bakundukize, wari umucuruzi mu isoko rya Bugarama hafi ya CIMERWA, Bareberaho Bantari Ripa, impuguke mu by’ubuhinzi akaba n’umuyobozi wa CDR ku rwego rwa Purefegitura, ubu ari mu buhungiro muri Canada hamwe na Colonel Claudien Singirankabo, wahoze ari umuyobozi w’ubwirinzi bwa gisivile i Cyangugu.”

Aba biyongeraho Lieutenant Samuel Imanishimwe, wari umuyobozi w’ingabo i Cyangugu, Major Vincent Munyarugerero, wayoboraga Gendarmerie ya Cyangugu kugeza muri Gicurasi 1994, nyuma agasimburwa na Lieutenant Colonel Innocent Bavugamenshi, utarigeze agira uruhare muri Jenoside kuko yarinze Abatutsi bari mu nkambi ya Nyarushishi muri Kamena 1994. Akaba ari we musirikare wenyine wari i Cyangugu mu 1994 utaragize uruhare muri Jenoside yakorewe Abatutsi, waje gupfa nyuma azize uburwayi.

Dr. Bizimana avuga ko mu 1992–1993, iri tsinda ry’abahezanguni b’Abahutu mu Bugarama riyobowe na Marcel Sebatware na Jean Pierre Mpozembizi, ryakoze urutonde rw’Abatutsi bagombaga kwicwa, rihugura kandi ritanga intwaro ku mitwe y’Interahamwe.

Ati “Iri tsinda ryakoraga iterabwoba, rikangisha abantu kandi rikica Abatutsi bakoraga muri CIMERWA n’imiryango yabo. Guhera muri Mata 1994, cyane cyane hagati ya 14 na 17 Mata, habaye ubwicanyi bukomeye, bukomatanyije kandi bukabije ku Batutsi bo mu Bugarama, bwari buyobowe na Marcel Sebatware na Jean Pierre Mpozembizi. Aba bombi bagize uruhare rukomeye mu gutegura no gushyira mu bikorwa ubwo bwicanyi.”

Yungamo ati “Bafatanyaga n’abasirikare n’imitwe y’Interahamwe mu gutegura ubwicanyi. Kuko CIMERWA bayoboraga yatangaga imodoka na lisansi byifashishwaga mu gutwara Interahamwe ahantu hatandukanye i Cyangugu no ku Kibuye, harimo Mibilizi, Stade ya Kamarampaka, Kibogora, Nyamasheke, Shangi, Gashirabwoba, Hanika, Nkanka, Mururu, Nyarushishi, Bisesero n’ahandi.”

Nyuma yo gutsindwa kwa Leta yakoze Jenoside, bagahungira mu cyahoze ari Zaire (DRC y’ubu), Marcel Sebatware na Jean Pierre Mpozembizi bashenye banasahura CIMERWA, bajyana ibikoresho byayo muri Zaire barabigurisha.

Banasahuye sitasiyo zose za lisansi z’uruganda, byose bikaba byarabereye mu maso ya Minisitiri Justin Mugenzi wari ushinzwe ubucuruzi n’inganda muri guverinoma yakoze Jenoside. Bafata uwo mutungo n’amafaranga y’uruganda, hagamijwe gukomeza kubeshaho guverinoma yari mu buhungiro, bateganya kuzagaruka mu Rwanda binyuze mu ntambara.

Ni ubufatanye yatangiranye ku mugaragaro na Numa logistics hamwe na Kabisa, kuri uyu wa Gatanu, mu rwego rwo gukwirakwiza izo modoka hirya no hino mu gihugu.

Iki igikorwa ku ikubitiro cyantangiranye imodoka nini 12 zirimo 9 zifite ubushobozi bwo gutwara toni zirenga 35 hamwe n’izindi 3 zifite ubushobozi bwo gutwara nibura toni 4.

Muri ubu bufatanye BK, ikorana na Numa Logistics mu buryo bwo kubaha amafaranga angana n’uruhare rwa 60% rw’ikiguzi cy’imodoka, ubundi zigatumizwa na Kabisa, nk’abasanzwe bakora ubwo bucuruzi, zikazanwa mu gihugu.

Ubuyobozi bwa BK, buvuga ko mu rwego rwo gufasha Abanyarwanda kubona uburyo bugezweho butangiza ikirere by’umwihariko bahisemo gukorana na Numa Logistics muri gahunda yo kubafasha gukomeza gukora ubwikorezi ariko mu buryo butangiza ikirere.

Umuyobozi w’Ishami rishinzwe ubuhinzi muri BK, Alexis Bizimana, avuga ko abahinzi hirya no hino mu gihugu bakenera kwegerezwa imbuto n’ifumbire ari nako bakenera kugeza umusaruro wabo ku isoko.

Ati “Mu rwego rwo kugira ngo bihendukire Umunyarwanda n’ababikora, twasanze ari ngombwa kugira ngo dufatanye kubona izi modoka zikoresha amashanyarazi, ariko tunafatanya na Leta y’u Rwanda kugabanya imyuka ijya mu kirere kuko yangiza ibidukikije kandi bikagira ingaruka ku Banyarwanda.”

BK ivuga ko iyi gahunda yatangiranye na Numa Logistics, izanakomereza no ku bandi babyifuza nkuko bisanzwe bikorwa ku bashaka imodoka nto bagendamo, hamwe n’abandi bafatanyabikorwa bakora ubuhinzi cyane cyane abatunganya umusaruro bakawumisha, bafashwa kubona imashini bakoresha, zikoresha ingufu zitangiza ikirere.

Icyiciro cya mbere cy’imikoranire ya BK na Numa Logistics cyantangiranye imodoka 12, bakazakorana mu byiciro bitatu bizatwara arenga miliyoni 7 z’Amadolari y’Amerika.

Umuyobozi wa Numa Logistics mu Rwanda, Francine Uwamahoro, avuga ko basanzwe bakorana n’abahinzi mu buzima bwa buri munsi, gusa ngo bari bafite icyuho mu bijyanye no kubagezaho umusaruro.

Ati “Hari harimo icyuho mu kuba twakoresha imodoka za Mazutu, kubera ko ikigereranyo cyo kugabanya amafaranga dushora ku modoka ya Mazutu ugereranyije n’iya mashanyarazi kiri ku kigero cya 60%, kuko amashanyarazi ni ayacu mu Rwanda ntabwo ari nka Mazutu tubanza kuvana hanze. Bityo igiciro cy’amashanyarazi ni gito cyane kurusha Mazutu, cyane ko hanabaho ihindagurika kuri Mazutu kandi iyo bihindutse bihita bigira ingaruka ku bwikorezi. Tukaba twizeye kuzabona inyungu, n’abantu duha serivisi bakazigira mu guhendukirwa.”

Umuyobozi Mukuru wa Kabisa mu Rwanda, Apophia Muhoza, avuga ko basanzwe bakora ubucuruzi bw’imodoka nto zikoresha amashanyarazi ariko batangiye ubucuruzi bw’izindi zikora ubwikorezi kandi zidakwiye kugwirwaho impungenge.

Ati “Twamara impungenge abantu ko ingendo dukora zose zijya mu mahanga dukoresha izi modoka, urugero ni izi 12, nitwe twazizanye guhera Tanzania kugera hano i Kigali. Birashoboka cyane kuko ari yo mpamvu twaje kumurika izo Numa imaze iminsi ikoresha, kandi zirimo zirakora neza kuko zimaze amezi atatu.”

Muri ubu bufatanye Kabisa niyo izana imodoka izikuye ku ruganda ikazizanira Numa Logistics, ubundi ikazisuzuma, igasaba amafaranga BK ikayishyura, aho itanga uruhare rwa 60%, andi 40% agatangwa na Numa Logistics.

Amakuru avuga ko muri ibyo bikoresho byibiwe muri Kansas City, harimo inkweto z’abakinnyi, imyambaro y’imyitozo, ibikoresho by’abatoza, imipira yo gukina ndetse n’imyenda ikoreshwa ku munsi w’umukino. Ibi bikoresho byose bikaba ari ingenzi mu myiteguro y’ikipe.

Ubuyobozi bw’ikipe bwatangaje ko buri gukorana n’inzego z’umutekano kugira ngo ibikoresho byibwe biboneke cyangwa hashakwe ibibisimbura mu buryo bwihuse kugira ngo imyitozo idahagarara.

Polisi ya Kansas City yagize iti: “Abantu babiri bakekwaho kugira uruhare muri icyo gikorwa bafashwe kugira ngo hakomeze iperereza.”

Ikipe y’Igihugu y’Ubwongereza iri mu Itsinda L, na n’amakipe y’ibihugu bya Croatia, Ghana na Panama.

Biteganyijwe ko bazakina umukino wabo wa mbere na Crotia ku wa 17 Kamena.

Avuga ko yageze muri ibyo bitaro tariki 10 Mata 1994, ariko ibyahabereye ari agahomamunwa kuko bigoranye kwemera ko ubugome abarwayi na bamwe mu Batutsi bahakoraga bicanywe, bwakozwe n’abari abaganga bari bashinzwe kurengera no gutanga ubuzima.

Akigera muri CHUK, yabaye igihe gito ahakirirwa indembe ariko abona bamwe mu bari abaganga bamwishisha, nubwo bateruraga ngo bamubwire, ariko we yabaga asobanukiwe neza ibyo bashaka kuvuga.

Ati “Hari umugore wakoraga hano bari baramuhimbye Perefe, kuko yari umuntu utegeka bikaba, n’umuyobozi w’ikigo atavuga, mbese n’abandi bakomeye ntabwo bavugaga. Yari atuye mu Gitega yitwaga Victoire Nyirampondo, yazengurukaga ibitaro, yarazanye abahungu be babiri bigaga mu mashuri yisumbuye, b’abana b’abasore avuga ko abazanye mu kazi ko mu biruhuko.”

Arongera ati “Akazi bakoraga ni ukwirirwa bica Abatutsi, bakaza ku gitanda bakorosora, basanga uri Umututsi bakagufata bakagenda bagukurura hasi, bakakuvana kuri salle bakakujyana ku buruhukiro. Bicishaga amabuye, icyo babonye cyose bagaterura bagatera mu mutwe, bagakubita umuntu bakanoza, agapfa twumva imiborogo, tubireba, ngahora nihisha hisha mo hano.”

Igihe cyarageze ngo Nyirampondo afatanyije n’uwitwaga Stephanie Ndayambaje wari umuforomo anakuriye abakozi, bavuga ko batagishaka Abatutsi muri CHUK, batangira kwibaza icyo Simugomwa ahakora kandi ari umukozi wa Minisiteri.

Icyo gihe yigiriye inama yo guhunga ariko ntiyava mu bitaro ahubwo ajya kureba umwe mu bari abayobozi yigeze kubera umushoferi amusaba ko yamuhisha, amubwira kwihisha mu nzu yabagirwagamo abarwayi.

Simugomwa ati “Ubwo mfata imyenda yaho y’icyatsi kibisi ndiyoberanya, nta muntu wapfaga kumenya atari uko jye mwiyeretse, nkanasohoka ariko nkajya kureba amakuru hanze no kureba ibirimo kuhabera. Nagize ibyago abantu bose bazanye batemaguye, barashe, ngasanga ni abantu banjye, ngaterura, tukoza, tukabarwaza dutyo, ariko nanone twabajyana muri salle ba bahungu ba Perefe bakabwira abakozi babaga hano bati muvaneho, ubwo bakabica.”

Yungamo ati “Bibaye aho abantu bagenda badupfana batyo, bigera aho Abatutsi bari bamaze kuba benshi cyane, hari abazaga baje kurwaza bakabona ko bahahungira ntibasubire iwabo. Hari abazaga babatemye, bamara koroherwa, bose tukajya tubaryamisha hanze kugira ngo bataza bakabica. Bishe abantu kugeza ubwo bapanga imirambo igera hejuru, abantu barabagerekeranya, abandi biciye ku muhanda na za Nyamirambo no mu Kiyovu bakabapakira bakabazana hano.”

Benshi mu bahiciwe ngo bapakirwaga amakamyo bakajya ku bajugunya mu byobo bari baracukuye mu irimbi ryabaga ku rya nyuma i Nyamirambo. Igihe cyarageze Simugomwa yigira inama yo kwigira Umutwa, afashwa kubona ibyangombwa ari nabyo byamufashije gusohoka muri Kigali bajyanye n’imodoka ya CHUK, ari kumwe n’abandi bakozi batinyaga ko Inkotanyi zabasanga muri Kigali, ajya mu Majyepfo ari naho yarokokeye.

Ubwo kuri uyu wa Gatanu mu bitaro bya CHUK, hibukwaga ku nshuro ya 32 abari abakozi, abarwayi, abarwaza n’abandi bari bahahungiye bishwe muri Jenoside yakorewe Abatutsi mu 1994, umuyobozi Mukuru w’ibitaro Dr. Tharcisse Mpunga, yavuze ko abo bose bibuka biyongeraho abandi bari bahahungiye bahashaka ubuzima, ariko bakahasanga urupfu.

Yagize ati “Kuba duhagaze aha ngaha twibuka, ni ikimenyetso cy’uko twakomeye, kurusha urwango rwaduhigaga rushaka kutumaraho. Hano muri CHUK buri munsi turwanya urupfu, twita ku buzima bw’abantu nta vangura iryo ari iryo ryose, ni intambwe ikomeye yo kwibuka, kubaho neza, gukorera hamwe no kwita ku muntu wese tutaronabuye.”

Umuyobozi w’Ishami rishinzwe iterambere no guhugura abakozi bo kwa muganga muri MINISANTE, Dr. Menelas Nkeshimana, yavuze ko inshingano za Minisiteri y’Ubuzima ari ukubungabunga ubuzima bwiza bw’Abanyarwanda, abarutuye n’abarugenderera bose.

Ati “Ibi bitaro byabayemo amahano ndengakamere, Abatutsi barishwe, ari abari mu bitaro, ndetse n’abaje bahizeye amakiriro. Mu gihe cya Jenoside yakorewe Abatutsi turagaya abaganga batakoze akazi kabo bakaba ibigwari, kuko aho gukiza abo bari bashinzwe kuvura, ahubwo babasonze ndetse abandi bica bagenzi babo bakoranaga umunsi ku munsi. Ni amateka yacu tugomba guhora twibuka tukayigiraho, tukibuka twiyubaka, turwanya ingengabiterezo ya Jenoside yahekuye u Rwanda, ntibizongere kubaho ukundi, duharanire ko bitagira ahandi biba ku Isi.”

Kuba ku rwibutso rwa Jenoside rwa CHUK handitseho amazina y’abantu 84, si uko aribo bonyine bahiciwe, ahubwo ni uko ari bo bamaze kumenyakana.

Mbere y’Intambara ya Mbere y’Isi mu mateka y’Ubwami bw’Ubwongereza hari igikuta cyitwaga Northern Wall of London.

Nyuma y’icyo gikuta, hari ubutaka bwarakorerwagaho ibikorwa binyuranye, harimo n’iby’urukozasoni nko kuhicira abantu

Hari kandi n’ibikorwa byo kwivuna umwanzi n’ibindi nkabyo byakorerwaga inyuma y’icyo gikuta inyuma y’Umujyi wa London. Ubwo butaka nta nyirabwo bwagiraga.

Mu Ntambara ya Mbere y’Isi rero, nibwo ijambo ’No Man’s Land’, ryamenyekanye cyane ndetse riranakomera, kuko hari ahantu hacukurwaga nk’indake igihe Igihugu kimwe cyarwanaga n’ikindi, ku buryo ariho bihishaga cyangwa bakaharwanira, hakaba ari hanze y’umupaka w’Igihugu. Bwari uburyo bwo kugira ngo barwane n’umwanzi ariko bidakorewe mu gihugu hagati.

Iyo intambara yarangiraga, abasirikare basubiraga mu gihugu cyabo, bwa butaka bugasigara nta bantu batuye cyangwa ngo babugenzure, hagakomeza gufatwa nk’ahantu bagombaga guhurira bakarwanira, bagahangana ariko bari hanze y’umupaka wabo, iryo jambo rifata rityo.

Byageze n’aho birenga kuba ubutaka, biba ikintu cyose gitandukanya ibihugu, cyaba amazi cyangwa ubutaka, hakitwa ’No Man’s Land’, bitewe naho ibihugu byumvikanye ko ariho hagomba kubitandukanya.

Impuguke mu mibanire mpuzamahanga, Politike akaba n’umwalimu muri Kaminuza, Ismael Aboui Buchanan, avuga ko nubwo ari ubutuka bwitwa ko butagira nyirabwo ariko nta wakwitwikira ikibi ngo ahahungire.

Agira ati “Iyo bigeze ku banyabyaha hari uburyo bwinshi abantu bashobora gufatirwa ahantu hatandukanye. Ntiwambwira ngo umuntu yambutse umupaka aragiye ageze muri bwa butaka ngo kuhamwicira biraba icyaha mpuzamahanga.”

Yungamo ati “Ntabwo numva ko uwakoze ibyaha akagera kuri buriya butaka yaba ageze nko mu ijuru. Niba hari n’umuntu wakoze ibyaha akajya kuri buriya butaka, Igihugu n’ikindi bashobora kumvikana uko bigenda.”

Ubwo se umuntu aguteye wamwihorera ngo nuko ari miro No Man’s Land?

Ku bijyanye n’ibihe by’intambara, Buchanan agira ati “Ntiwambwira ngo umwanzi aguteye ahagaze kuri buriya butaka wategereza akagera iwawe kugira ngo akore ibyo bikorwa ari mu gihugu cyawe, aho ngaho icyo ukora uramwivuna cyangwa ugafata ingamba zikomeye ataragera ku butaka bwawe, ntabwo wavuga ngo ni uko ari amategeko mpuzamahanga abivuga, ngo ni uko amateka atwigisha ko uwageze kuri buriya butaka adakorwaho, biterwa n’uburyo ibihugu byumvikana n’uburyo bishobora gukemeura ikibazo.”

No Man’s Land hagati ya za Korea zombi, ahitwa DMZ, Demilitialized zome

Hagati aho, nta tegeko cyangwa ibipimo bihamye bivuga ko ahagomba kuba “No Man’s Land” hakwiye kugira metero runaka, kandi ahenshi si ubutaka bwatanzwe n’Igihugu kimwe ngo ikindi kibuhabwe.

Hagati aho, umuntu ashobora kwibaza uburyo imirimo imwe n’imwe ikorerwa ubutaka busanzwe ikorwa kuri No Man’s Land.

Iyi mirimo ni nk’isuku, kubungabunga imihanda, gukuraho imyanda cyangwa gusana bimwe mu bikorwa, akenshi biterwa n’uko ubwo butaka bucungwa.

Niba ari agace kari hagati y’impande zihanganye cyane, nk’agace kari hagati ya Koreya ya Ruguru n’iy’Epfo, ahenshi haba nta baturage bemerewe kuhatura cyangwa kuhakorera ibikorwa bisanzwe, bityo “isuku” mu buryo dusanzwe tuyumva iba itari ikibazo gikomeye.

Ahandi rero, usanga hari ahaba harashyizwe ibisasu mu butaka (landmines) ahandi harameze nk’ishyamba.

Ni mu gihe ahandi nko ku mipaka, rimwe na rimwe buri ruhande rushobora kwita ku ruhande rubegereye, ariko hagati nyirizina hakaba hadakorerwa ibikorwa byinshi.

Ibi Minisitiri abigarutseho mu gihe guhera muri Gicurasi 2026, icyorezo cya Ebola cyo mu bwoko bwa Bundibugyo cyongeye kugaragara mu bihugu bya Uganda na Repubulika Iharanira Demokarasi ya Congo (DRC), aho kimaze gutwara ubuzima bw’abarenga 100, abamaze kwandura bafatiwe ibipimo bakaba barenga 600.

Iyi ndwara ngo nubwo byemejwe n’Ishami ry’Umuryango w’Ababimbye ryita ku Buzima (WHO/OMS), ku wa 15 Gicurasi ko ari bwo yagaragaye muri DRC, ariko ishobora kuba yarahageze mbere yaho amezi abiri, kubera ko hari hashize igihe abantu bapfa ariko batazi ikibishe, ku buryo byagiye kumenyekana yatangiye gusatira ibice bihana imbibe n’u Rwanda nk’i Goma na Bukavu aho hari n’abo yahitanye.

Nubwo nko muri Uganda isa nkaho yatangiye kugenza make, ariko muri DRC mu Ntara ya Ituri aho yagaragaye bwa mbere ntabwo biramera neza, kuko nk’umunsi umwe gusa wo ku wa Gatatu w’iki cyumweru hagaragaye abarwayi bashya 40.

Minisitiri Dr. Nsanzimana, avuga ko kuba mu bihugu by’abaturanyi bitaragenza make, ari ibyo kwitonderwa.

Ati “Ntabwo umuriro barawuzimya, kuba rero umuriro ucyaka, ni ukuvuga ngo twese ni ukwitegura. Ntabwo Ebola yigeze ibaho mu Rwanda, nta nubwo twifuza ko igera mu Rwanda. Ingamba zo kuyirinda zirazwi, turazifite, ndetse iyo ugereranyije usanga ibyorezo bya Ebola byabayeho mbere, ibyinshi byabaga bituruka hariya n’ubundi. Ibyinshi ni hariya muri Ituri, bifitanye isano n’ubucukuzi bw’amabuye y’agaciro buhakorerwa, uducurama dukunda kurya imbuto kuko nitwo dukunda kubika iriya virusi.”

Yungamo ati “Abantu bari ahantu ibyo biri bagomba kubyitaho cyane, gusa nyine ikibazo gitangiriye hamwe gishobora kugera ku bandi. Duhora twiteguye nk’Igihugu, ariko ntabwo turi Igihugu kiri mu kirwa, niyo mpamvu ibireba Akarere natwe biratureba, tugakurikiranira hafi, tugatanga ubufasha aho bishoboka.”

Ebola ngo irahari ntaho irajya kugeza igihe aho yatangiriye hazaba nta murwayi mushya ukigaragara kandi n’abarwayi barimo kuvurwa bagakira.

Ati “Buriya Ebola bavuga ko ari indwara yoroshye kwirinda ariko ikaba indwara igoye cyane kuyikira. Niko tuyizi, abakurikirana iby’ibyorezo cyane barayizi, kuko n’indwara yandura iyo wakoze ku muntu ufite ibimenyetso bigaragara kandi ukamukoraho ku buryo bufatika. Niyo mpamvu abenshi bandurria mu gushyingura, gutunganya umurambo, kurwaza umuntu urwaye, ubuvuzi gakondo, abantu barwara ntibaje kwivuza.”

Ibyo ngo biba bifite icyo bisabanuye bitewe n’uko ubuvuzi buba buteye mu buryo bw’Igihugu nkuko Dr. Nsazimana abisobanura.

Ati “Mu Rwanda urebye aho Igihugu kigeze, abaturage, imikoranire y’inzego zitari n’iz’ubuzima gusa, tubona ko zimwe mu ndwara zitwugarije ariko zitworohera kurwanya na Ebola ibamo, kubera ubwo buryo yanduramo. Ariko niyo habonetse umurwayi umwe birahagije kugira ngo izane ibibazo byinshi cyane byakugiraho ingaruka zitari n’iz’ubuzima gusa, ubukungu, imibereho, uko abaturage bari babayeho ubuzima bwa buri munsi, umurwayi umwe arahagije kugira ngo hanapfe n’abandi batishwe na Ebola ahubwo bicwe n’ibindi byaza ari nk’ingaruka zayo.”

Ibi ngo nibyo bituma Leta y’u Rwanda igenda ishyiramo imbaraga cyane kugira ngo hatazagira n’umurwayi n’umwe uboneka mu Rwanda, kuko aho ituruka, uko icyorezo kigenda abantu baba babibona.

Dr. Nsanzimana ati “Ni bwa buryo bwo gukurikirana, gupima, kumenya ni nde wahuye n’undi, kuvura, ariko kugira kwa kuntu abantu bahanahana amakuru, iyo ubikurikiranye neza, ushobora kumenya uko wugarijwe, ukirinda, ukanafata n’ingamba nkuko Igihugu cyagiye kizifata.”

Yungamo ati “Sinakubwira ngo hari umuntu numwe wavuga ngo nzafunga 100%, kuko uwanduye ashobora kumara iminsi 21 nta kimenyetso aragaragaza, ariko hari ibyo wakora bikaguha nibura nka 80% y’ubwirinzi, ugasigarana ya 20% y’ibyago, ariko hagira ikivamo ukagikumira vuba wihuse, ku buryo ikibazo ukivana mu nzira kidatinze, kuko uko gitinda niko cyangiza imibereho y’abaturage, ubukungu, abari bafite ibitaramo bigahagarara, ingendo n’ibindi. Nicyo kibi cya Ebola n’ibindi byorezo bikomeye, kumva umuntu umwe gusa, Igihugu cyose kijya mu kaga.”

Minisiteri y’Ubuzima ivuga ko kuba mu nshuro zirenga 15 icyorezo cya Ebola kimaze kugaragara nta na rimwe kigeze kigera mu Rwanda, atari ibintu byikoze, kuko byarashobokaga ko iyo haba uburangare yari kuhagera, ari nayo mpamvu n’ubu hagomba gukorwa ibishoboka byose ngo ntihagere, bitewe n’uburemere Igihugu kibiha.

Ngo nubwo Leta irimo kugerageza kongera iryo shoramari mu burezi bwo muri ayo mashuri, ariko Kaminuza n’amashuri makuru bakwiye kongeramo imbaraga bakishakamo ibisubizo mubyo bakora bakikemurira bimwe mu bibazo bafite.

Ubwo ubuyobozi bwa HEC, bwasuraga RP-Kigali kuri uyu wa Gatatu, Umuyobozi Mukuru wa HEC, Dr. Edward Kadozi, yavuze ko bishoboka cyane ko amashuri makuru na za Kaminuza byakwishakamo ibisubizo kandi bakongera ubushobozi bwabo.

Ati “Turi kuri 0.7% y’amafaranga ajya mu bushakashatsi, ariko intego ni ukugera kuri 1.5% by’umusaruro mbumbe w’Igihugu ajya mu bushakashatsi no guhanga udushya."

Muri rusange amafaranga ashorwa mu bushakashatsi no guhanga udushya mu mashuri makuru na za kaminuza ku rwego rw’Akarere aracyari hasi, kuko nubwo Kenya ari cyo gihugu cya mbere gishora menshi mu Karere ariko nabo ayo bashora akiri munsi y’ibipimo by’Ishami ry’Umuryango w’Abibumbye ryita ku Burezi, Ubumenyi n’Umuco (UNESCO) bisaba nibura 1% y’iryo shoramari.

Bumwe mu buryo amashuri makuru yagaragarijwe ko ashobora kubafasha kwishakamo ubushobozi harimo kongera umubare w’abanyeshuri b’abanyamahanga.

Umuyobozi Mukuru wungirije wa Rwanda Polytechinic, Dr. Sylvie Mucyo, avuga ko bafite abanyeshuri bake b’abanyamahanga ahanini bitewe n’uburyo ayo mashuri yagiye amenyekanishwa ku rwego mpuzamahanga.

Ati “Ibyo tuzabishyiramo imbaraga kugira abandi banyeshuri bashobora guturuka mu bihugu by’amahanga bashobore kugana RP, kuko ibijyanye n’imikoranire ya RP n’ibindi bihugu tumaze kugira ibihugu byinshi dukorana, na za Kaminuza zimeze nk’izacu dukorana. Ubu ngubu ntabwo barenze abanyeshuri 15, ariko ibyo ntibihagije kuko dukwiye kugira benshi tuzana, kubera ko hari inyungu bitanga.”

Imibare ya Minisiteri y’Uburezi ku rwego rw’amashuri makuru na kaminuza zemewe gukorera mu gihugu, igaragaza ko mu Rwanda habarirwa amashuri makuru na kaminuza 31 zemewe (Higher Learning Institutions), zirimo iza Leta n’iz’abikorera.

Guhemba Inkubito z’Icyeza, ni igikorwa cyatangijwe na Madamu Jeannette Kagame mu 2005 binyuze mu muryango Imbuto Foundation, mu rwego rwo gushishikariza abakobwa kwiga ibyiciro byose ndetse bagatsinda neza, kwigirira icyizere no kumva ko bashoboye, no gukangurira ababyeyi, abarezi n’umuryango muri rusange kwita ku burezi bw’umwana w’umukobwa.

Abari batahiwe ni abakobwa 59 batsinze neza mu mwaka w’amashuri 2024-2025, bo muri Fawe Girls’ School, bahembwe.

Muri iyi gahunda kandi, Imbuto Foundation ihemba abakobwa batsinze neza mu kizamini gisoza amashuri abanza, hagahembwa umwana umwe wahize abandi mu murenge, bigakorwa mu mirenge 416 igize igihugu, hakanahembwa n’abana b’abakobwa batanu bahize abandi kuri buri Ntara n’Umujyi wa Kigali.

Lt Gen(Rtd) Karenzi Karake

Lt Gen (Rtd) Karenzi Karake yagizwe Ambasaderi wa Repubulika y’u Rwanda muri Repubulika y’u Bushinwa, Maj Gen Emmanuel Bayingana agirwa Ambasaderi wa Repubulika y’u Rwanda muri Leta ya Isirahel.

Maj Gen. Emmanuel Bayingana

Ni mu gihe Col (Rtd) Jeannot Ruhunga yahawe inshingano nshya zo guhagarira Repubulika y’u Rwanda muri Repubulika ya Polonye.

Lt. Col(Rtd) Jeannot Ruhunga

Mu bandi bahawe inshingano zo guhagararira u Rwanda mu mahanga harimo Christine Nkulikiyinka wari Minisitiri w’Abakozi ba Leta n’Umurimo, umwanya yagiyeho guhera tariki 16 Kanama 2024.

Nkulikiyinka yagizwe Ambasaderi wa Repubulika y’u Rwanda mu Bwami bwa Esipanye.

Christine Nkulikiyimfura

Ni ubwa mbere u Rwanda rugize uruhagarariye ufite icyicaro muri Espagne ndetse dore ko iyi Ambasade yareberwaga n’iyo mu Bufaransa ihagarariwe na Amb. François Nkulikiyimfura.

Iyi gahunda izakorwa binyuze mu mushinga watangajwe kuri uyu wa kabiri n’Umuryango mpuzamahanga wo kurwanya no gukumira Jenoside (Aegis Trust) ku bufatanye bwa Guverinoma y’u Rwanda, Umuryango w’Abibumbye wita ku Burezi, Ubumenyi n’Umuco (UNESCO) n’abandi bafatanyabikorwa.

Ni umushinga ugamije gushimangira ubushobozi bw’uburezi ku nzibutso za Jenoside mu Rwanda, wiswe “Strengthening Educational Capacities at Rwanda’s Memorial Sites”.

Icyo ugamije ni ugufasha urubyiruko kumenya neza amateka ya Jenoside yakorewe Abatutsi, guhangana n’ingaruka zayo no kwiyemeza ko itazongera kuba ukundi.

Ubuyobozi bwa Aegis Trust, buvuga ko ku ikubitiro uzatangirira ku rwibutso rwa Jenoside rwa Kigali, Murambi, Nyamata na Bisesero, inzibutso zamaze gushyirwa mu murage w’Isi wa UNESCO, kugira ngo zirusheho gufasha abakiri bato mu gusubiza ibibazo buri wese yibaza kuri Jenoside.

Umuyobozi ushinzwe ibikorwa by’ubufatanyabikorwa muri Aegis Trust, Joel Benita Habiyambere, avuga ko abantu batungurwa na byinshi iyo bagiye gusura inzibutso, ariko hakiri icyuho cyane mu kubona icyo kubwira abakiri bato.

Yabivuze muri aya magambo “By’umwihariko abari mu myaka kuva kuri 12-18, hari ibibazo bibaza, ariko hari no kumva umuntu atiteguye ikiganiro kiri bube hagati ye n’umwana nyuma y’uko asuye urwo rwibutso."

Umuyobozi w’Ishami rishinzwe Politiki y’Uburezi muri MINEDUC, Dr. Rose Baguma, avuga ko uburezi ari imwe mu nkingi ikomeye yo kugira ngo abana bige amateka y’u Rwanda ariko bamenye kubana neza n’abandi uyu munsi n’ejo hazaza.

Umukozi wa UNESCO ushinzwe guhuza ibikorwa bijyanye no kubungabunga urwibutso n’amateka, Karel Fracapane, avuga ko uyu mushinga ugamije gushimangira ubushobozi bw’inzibutso kugira ngo zirusheho kuba ahantu hifashishwa mu burezi.

Yagize ati “Aha ni ahantu Jenoside yabereye, kandi inzibutso zifasha urubyiruko n’abandi bantu gusobanukirwa neza ukuri kwa Jenoside n’ibyabaye. Ibi birenze cyane amasomo asanzwe yo mu ishuri cyangwa kwiga amateka gusa, kuko inzibutso zifite uruhande rukomeye rw’amarangamutima, rutuma umuntu arushaho kwegera no kugira ubumuntu kubera ibyo abazize Jenoside banyuzemo. Ni yo mpamvu uyu mushinga ari ingenzi cyane.”

Mu gihe cy’amezi 10, icyiciro cyawo cya mbere kizamara, biteganyijwe ko uzagera ku barezi bari hafi y’izo nzibutso 56, barimo abafashamyumvire hamwe n’abanyeshuri barenga 1500. Nyuma yaho uzagezwa no ku zindi nzibutso n’ibigo by’amashuri byo hirya no hino mu gihugu.

Igitekerezo cya AI kerekana uko Ikigo cyayo mu Rwanda kizaba kimeze

Ni umwe mu myanzuro wemejwe n’Inama y’Abaminisitiri yateranye ku gicamunsi cyo kuri uyu wa Mbere iyobowe na Perezida wa Repubulika Paul Kagame.

Uyu mwanzuro wemejwe n’Inama y’Abaminisitiri mu gihe hari hashize amezi hafi 10, u Rwanda ruteye intambwe mu kwimakaza iterambere ry’ikoranabuhanga by’umwihariko iry’ubwenge buhangano ku mugabane wa Afurika.

Ni umushinga u Rwanda rufatanyije na Leta Zunze Ubumwe z’Abarabu [UAE] na Malaysia, ugamije guteza imbere ikoreshwa rya ‘AI’ mu buryo buboneye mu bihugu bikiri mu nzira y’iterambere.

Igitekerezo cya AI kerekana uko Ikigo cyayo mu Rwanda kizaba kimeze

Ibi byanyuze mu masezerano yashyiriweho umukono i Dubai ku wa 31 Nyakanga 2025, akaba ari mu mujyo wo kwimakaza amahame y’Urwego Rushinzwe Impinduramatwara ya Kane mu by’inganda [C4IR], u Rwanda na UAE rusanzwe rukurikiza.

Imwe mu nkingi zikomeye ziri muri gahunda ya Guverinoma y’u Rwanda yo kwihutisha iterambere mu cyiciro cyayo cya kabiri [NST2], harimo n’iy’uko mu myaka itanu iri imbere abantu babarirwa muri Miliyoni biganjemo urubyiruko bazahabwa amasomo y’ikoranabuhanga ajyanye na coding.

Ni mu gihe abandi ibihumbi 500 bazahabwa amahugurwa ahanitse ku ikoranabuhanga. Hazibandwa ku rubyiruko kuko ari bo benshi kandi basobanukiwe ikoranabuhanga.

Mu Rwanda, ingaruka zatangiye kugaragara mu ntangiriro za Werurwe 2026, aho ibiciro bya lisansi na mazutu byavuguruwe bwa mbere hagati yo ku wa 5 Werurwe na 4 Mata 2026, hanyuma byongera kuzamuka cyane ku wa 17 Mata 2026 no ku wa 6 Kamena 2026 ubwo Mazutu yiyongereyeho amafaranga 722 iva ku 2.205 igera kuri 2.927 Frw, mu gihe litiro ya lisansi yagumye kuri 2.938 yari yashyizweho muri Mata ivuye kuri 2,303 yari yariho.

MINICOM ivuga ko uko kuzamuka ku biciro by’ibikomoka kuri Peteroli mu gihe gito, nubwo Leta hari imbaraga yagiye ishyiramo kugira ngo bitagira ingaruka zikomeye ku Banyarwanda n’ibikorwa by’ubucuruzi, ariko byagize ingaruka zikomeye ku nganda zikorera mu Rwanda by’umwihariko izikora ibikomoka kuri Purasitike.

Ubwo yari mu kiganiro urubuga rw’Itangazamakuru, ku cyumweru, Minisitiri w’Ubucuruzi n’Inganda, Prudence Sebahizi, yavuze ko ibiciro by’ibikomoka kuri Peteroli bikimara kuzamuka ku rwego mpuzamahanga hari ingaruka bari biteze ko zigomba guhita zibaho.

Ati “Hari ibintu byinshi abanyenganda bavana hanze bagakoresha mu nganda zabo, bamwe byarabuze, bigera aho ubushobozi bw’inganda bugabanuka, abandi babibona bibahenze, bituma igiciro cy’ibyo bashyira ku isoka bizamuka. Hari abakozi babuze akazi, twarabibonye hirya no hino mu nganda, zigenda zigabanya abakozi. Hari ibyo dukoresha mu buzima bwa buri munsi twabonye, birahenda cyangwa bikabura. Ibyo rero twatangiye kubibona.”

Minisitiri Sebahizi yavuze ko ingaruka nyinshi zigaragara cyane ku nganda zikora ibikomoka kuri pulasitike, kubera ko hari aho ibiciro by’ibikoresho by’ibanze bakoresha byikubye inshuro zirenga ebyiri.

Ati “Ibikomoka kuri Peteroli bivamo ibikoreshwa mu gukora ibikoresho bya Pulasitike (low materials), niba mujya mubona twa dushaza tuza mu mifuka, tuba dufite amabara atandukanye, bashobora gukoramo amajerekani, indobo, amacupa y’amazi n’ibindi byose bya pulasitike. Utwo tuntu twarahenze cyane ku buryo igiciro cya Peteroli cyikubye kabiri ku isoko mpuzamahanga na turiya twikubye kabiri, inganda zidukoresha inyinshi zagabanyije ubushobozi bwazo bwo gukora kubera ko bihenze, n’abakozi bamwe barahagarikwa, n’ibiciro birazamuka.”

Izi ngaruka ngo zahise zitangira kwigaragaza hirya no hino ku isoko, nubwo hari n’abandi baba bashaka kwitwikira iryo zamuka ry’ibiciro by’ibikomoka kuri Peteroli bakazamura ibiciro by’ibicuruzwa kandi nta mpamvu ifatika bafite

Ni urwunguko bakesha kuba ubukungu bw’Igihugu bwaragiye buzamuke neza ku gipimo cya 9.4%, nubwo mu mpera za Gashyantare ubukungu bw’Isi bwatangiye gukomwa mu nkokora n’intambara irimo kubera mu Burasirazuba bw’Isi, cyane cyane binyuze mu izamuka ry’ibiciro by’ibikomoka kuri Peteroli, byatumye ibiciro ku Isi bizamuka.

Nubwo bimeze bityo ariko, ubukungu bw’Igihugu bwakomeje kwihagararaho, kuko n’iteganyabukungu rigaragaza ko muri uyu mwaka ubukungu bw’u Rwanda buzazamukaho 6.8%, nkuko biheruka gutangazwa n’Ikigega Mpuzamahanga cy’Imari (IMF).

Kutajegajega k’ubukungu bw’Igihugu byatumye umutungo rusange wa BK Group ukomeza kuzamuka neza ugera kuri miliyari 2.947,3 Frw, bingana n’inyongera ya 13,1% ugereranyije n’umwaka ushize wa 2025.

Ni izamuka ryagizwemo uruhare n’inguzanyo zatanzwe (net loans and advances) zageze kuri miliyari 1.661,5 Frw, ziyongeraho 7,3% ugereranyije n’umwaka ushize. Gusa, ku rundi ruhande zaragabanuka ugereranyije n’impera za 2025, aho zagabanutseho 1,6%.

Amafaranga y’abakiliya abitswe muri BK Group n’abitswa (client balances and deposits) yageze kuri miliyari 1.876,8 Frw, yiyongeraho 11,7% ugereranyije n’umwaka ushize, ariko akomeza kuguma hafi y’urwego yariho mu mpera za 2025 (-0,4%).

Amafaranga yabikijwe mu zindi banki (cash balances with banks) yageze kuri miliyari 689,9 Frw, akuba inshuro zirenga ebyiri yariho mu mwaka ushize (miliyari 326,9 Frw), ndetse yiyongeraho 27,1% ugereranyije n’impera za 2025, bikaba byarafashije mu kongera ubushobozi bwo kwishyura igihe cyose byari bikenewe (liquidity buffers).

Imari shingiro y’abanyamigabane (shareholders’ equity) yageze kuri miliyari 522,1 Frw, yiyongeraho 12,7% ugereranyije n’umwaka ushize.

Ikigero cy’inguzanyo zatanzwe ugereranyije n’amafaranga yabikijwe (gross loan-to-deposit ratio) cyari kuri 81,8%, nticyahinduka ugereranyije n’impera za 2025 kandi kiguma mu rwego BK Group isanzwe ikoreramo.

Ubushobozi bw’imari ya BK Group bwakomeje gukomera, aho igipimo cy’imari shingiro fatizo (core capital ratio) cyageze kuri 22,1%, naho igipimo cy’imari shingiro yose yemerewe kubarwa (total qualifying capital ratio) kigera kuri 23,4% by’umutungo ubarirwa mu byateza ibyago (risk-weighted assets).

Umutungo ushobora guhindurwa mu mafaranga (liquid assets) wari ugize na 40,6% by’umutungo rusange wa BK Group.

Umuyobozi Mukuru wa BK, Dr. Diane Karusisi, avuga ko Banki ya Kigali (BK) imaze iminsi igerageza kwegera abaturage, ibigo bito n’ibiciriritse, ku buryo ibyo bigo byahawe inguzanyo ingana na 17.7% ivuye kuri 10% yariho mu myaka yashize.

Ati “Kandi tubona ko nkuko natwe twegera abaturage, baratwumva, kubera ko iyo turebye ku bantu ku giti cyabo bakorana natwe, inguzanyo tubaha igeze kuri 21%, bigaragaza ko dufite abakiliya benshi bakorana na Banki ku giti cyabo. Ni ibintu bishimishije kuko bivuga ko abantu bari mu muryango iyo bashaka inguzanyo yo kwiteza imbere begera Banki bakayibona. Akenshi basigaye bayibonera no kuri telefone bidasabye ko baza kuri BK, bigatuma abantu batwiyumvamo cyane.”

Nyuma yo kumurikira abanyamukuru ibyavuye mu gihembwe cya mbere cya 2026, umuyobozi mukuru wa BK Group, Dr. Uzziel Ndagijimana, yavuze ko bazaharanira gukomeza kugira umusaruro mwiza.

Yagize ati “Tukaba twizera ko no mu gihe kiri imbere, dushingiye ku ngamba zijyanye no gukomeza kunoza no kwagura serivisi duha abaturage, no kwihuta mu bijyanye n’ikoranabuhanga ndetse no kubyaza amahirwe amashami atandukanye agize BK Group, turizera ko tuzakomeza kugira umusaruro mwiza."

BK Group igizwe n’ibigo biyishamikiyeho, birimo Banki ya Kigali (BK), BK Capital, BK Insuranc, BK Foundation, na BK Tech House.

Ni mu gihe ngo abaturage bakomeje kwicwa n’ibitero by’indege n’ibikorwa bya gisirikare bya Leta ya Kinshasa bikorerwa mu duce dutuwe cyane.

Bagize bati “AFC/M23 iributsa ko iri mu bagize inzira y’amahoro kandi yubahiriza amasezerano yasinywe, ishimangira ko amahoro arambye adashoboka hatabayeho uruhare rungana rw’impande zose bireba.”

Uyu mutwe wanenze cyane icyo wise kutubahiriza amasezerano kenshi na kenshi bikorwa n’ubutegetsi bwa Kinshasa, ndetse no gukomeza guhitamo inzira ya gisirikare mu buryo bunyuranyije n’ibyemeranyijwe muri dipolomasi, uvuga ko bidindiza icyizere kandi bikabuza iterambere riganisha ku mahoro arambye.

AFC/M23 yanagaragaje impungenge ku myitwarire y’ibihugu n’imiryango mpuzamahanga ifata imyanzuro isa n’ifite aho ibogamiye, ivuga ko ibyo bigabanya ubwisanzure n’ubutabera bukenewe kugira ngo inzira y’amahoro igerweho, kuko amahoro adashobora kubakwa ku busumbane cyangwa ubutabera bw’abatoranyijwe.

Uyu mutwe uvuga ko ukwizerwa k’umuryango mpuzamahanga gushingiye ku ihame ry’uburinganire, kandi ko uburenganzira bwa muntu budakwiye kurengerwa kuri bamwe ngo abandi bwirengagizwe, kuko ububabare bw’umuturage wese wa DRC bukwiye guhabwa agaciro kangana.

Iri huriro ryavuze ko rizakomeza gukusanya no kubika ibimenyetso by’ihohoterwa rikorerwa abasivili, kubera ko buri wese wahohotewe akwiriye kumenyekana, buri mubabaro ukumvwa, kandi ukuri kukagaragazwa.

Basabye umuryango mpuzamahanga, abafatanyabikorwa bo mu karere n’abafatanyabikorwa b’amahoro bose, gukorana ubunyamwuga, kutabogama no kugira ubutwari, uvuga ko ejo hazaza ha DRC hadakwiye kwitambikwa n’inyungu za politiki cyangwa iz’akarere, kubera ko kugira aho umuntu abogamiye mu gihe cy’akarengane bishobora gufatwa nk’uburyo bwo kugashyigikira.

Uyu mutwe uvuga ko wemera ko amahoro nyayo ashobora kuboneka gusa binyuze mu biganiro byubakiye ku kuri, byubahiriza buri ruhande kandi birimo bose, kandi ko witeguye gushyigikira gahunda iyo ari yo yose igamije kubaka DRC ishingiye ku butabera, umutekano, ubwiyunge no kubana neza.

Bagize bati “Amahoro asaba ukuri. Ukuri gusaba kutabogama, kandi kutabogama ni yo nkingi y’ingenzi y’igisubizo kirambye.”

Dr. Nsengiyumva yavuze ko hari icyizere cy’uko Igihugu cyiteguye bihagije mu kurinda ubuzima bw’abaturage kandi hatabayeho guhagarika ibikorwa by’ubukungu n’imibereho isanzwe y’abaturage.

Ibi Minisitiri w’Intebe yabitangarije mu kiganiro yagiranye n’abanyamakuru kuri uyu wa Gatandatu, cyibanze ku ishusho rusange y’ubukungu bw’u Rwanda n’ingaruka z’ibibazo byo mu Burasirazuba bwo hagati ku bukungu bw’Igihugu.

Minisitiri w’Ubuzima Dr. Sabin Nsanzimana

Yagize ati "Kuri Ebola rero, turadadiye mu by’ukuri, ubwirinzi burahari, nta mpungenge zihari, uretse ko nyine kuba tudadiye bitavuze ko tugomba kwirara ahubwo tugomba kwirinda, tukagira isuku, ufite ibimenyetso akajya kwa muganga hakiri kare, ariko nta byacitse turirinze rwose nta kibazo."

Icyorezo cya Ebola yo mu bwoko bwa Bundibugyo kimaze iminsi kivugwa mu bihugu bya Repubulika Iharanira Demokarasi ya Congo na Uganda aho kirimo kugenda kivugana abantu.

Minisiteri y’Ubuzima muri Repubulika Iharanira Demokarasi ya Congo yatangaje ko kugeza ku wa 4 Kamena 2026, abo byemejwe ko bari bamaze kwandura Ebola ari 452 barimo 81 bapfuye.

Umuvugizi wa Guverinoma Yolande Makolo

Ebola ya Bundibugyo nta muti cyangwa urukingo ifite ariko havurwa ibimenyetso byayo. Isuzuma rigaragaza ko muri RDC, iri kwica ku kigero cya 18,1%, gushakisha abahuye n’abanduye bikaba biri gukorwa kuri 57,8%.

Tariki ya 15 Gicurasi, Uganda na yo yatangaje ko umurwayi wa mbere wa Ebola ya Bundibugyo yagaragaye i Kampala.

Kugeza tariki ya 5 Kamena, Uganda yemeje ko hamaze kuboneka abarwayi 19 ba Ebola barimo babiri bamaze gupfa na bane bakize.

Ibi ni bimwe mubyo basabwe kuri uyu wa Gatandatu mu muhango wo gutanga impamyabumenyi ku banyeshuri 120 barangije muri uyu mwaka, ibirori byitabiriwe na Madamu Jeannette Kagame.

Umuyobozi wa GHA Dr. Daniel Hollinger, yabwiye aba banyeshuri ko intsinzi yabo itareberwa ku byo bagezeho ubwabo.

Yababwiye ati "Intsinzi yanyu ireberwa cyane ku kamaro mwagiriye abandi, kandi mufite byinshi mwamariye abandi, kugira Isi nziza ahantu heza, imishinga yanyu ifitiye akamaro sosiyete, mukemura ibibazo, mwamaze gukora byinshi. Nizeye ko muzabikomeza."

Umuyobozi w’Inama y’Ubutegetsi ya GHA, Faustin Mbundu, yashimiye Madamu Jeannette Kagame, wagize uruhare mu ishingwa rya GHA, kuko iyo rutaba uruhare rwe ishuri ritari kuba rigeze aho riri uyu munsi, asaba abarangije gukorana imbaraga n’umwete.

Yagize ati “Mfite ibyifuzo bike kuri aba banyeshuri bacu bateye indi ntabwe mu buzima. Ndabasaba ko uyu munsi wababera isoko y’imbaraga n’umuhate, ukabatera imbaraga zo guharanira gutsinda muri byose mukora, muzere imbuto z’umurimo mwashyizemo imbaraga. Uyu munsi ujye ubibutsa ko gukora cyane bihora bihemberwa.”

Yanababwiye gukomera ku ndangagaciro z’umuco kandi zirinda icyiza mu muryango Nyarwanda, zigatanga isura nyayo irimo icyubahiro n’agaciro ka muntu.

Ati “Izo ndangagaciro nizikomeze kubahuza n’iwanyu. Ku banyamahanga batari Abanyarwanda, kwemera no gusobanukirwa indangagaciro zacu bibaha amahirwe yo kubona ubuzima n’umuryango mugari mu buryo bwagutse kurushaho."

Ku mugoroba wo ku wa 5 Kamena 2026, nibwo Urwego Ngenzuramikorere, (RURA), rwatangaje ibiciro bishya by’ibikomoka kuri peteroli.

Litiro ya mazutu yazamutseho 722 Frw kuko yavuye kuri 2205 Frw ikagera kuri 2.927 Frw, mu gihe litiro ya lisansi yagumye kuri 2.938 Frw. Ibi ni ibiciro byatangiye guhera muri iki gitondo.

Ni ihinduka ry’ibiciro RURA ivuga ko rishingiye ku mpinduka ziri ku isoko mpuzamahanga, ndetse rikaba rigamije kugabanya ingaruka izamuka ry’ibiciro rishobora kugira ku bukungu n’imibereho y’abaturage.

Umunyamabanga wa Leta muri Minisiteri y’Ibikorwa remezo, Jean de Dieu Uwihanganye, avuga ko Leta yagize uruhare mu gutuma ibiciro bitazamuka cyane kuko byari kuba biri hejuru cyane ugereranyije n’ibyashyizweho.

Yagize ati “Byari kuba biri hejuru cyane hafi 60%, uramutse ubariye ku giciro mpuzamahanga cyangwa ukareba no mu bihugu duturanye, ibiciro bafite bya Mazutu.

Kuba rero igiciro cya mazutu kigeze kuri 2900, birumvikana ko haba harimo nkunganire, imbaragaza Leta yashyizemo cyane cyane itekereza umuturage, n’icyo iki giciro kimara mu bukungu bw’Igihugu.”

Minisiteri y’Ibikorwa remezo ivuga ko uretse imbaraga Leta yashyize mu kudatuma ibiciro bya Mazutu bizamuka cyane, ariko hari na nkunganire yashyizwe mu bijyanye n’ingendo zo gutwara abantu n’ibintu kugira ngo bidakoma mu nkokora ingendo z’abaturage.

Uwihanganye ati “Nta biciro byo gutwara abantu n’ibintu mu gihugu hose bizazamuka, yaba mu Ntara no mu Mujyi wa Kigali. Ibyo biba kubera ko Leta ijya muri urwo rwego, hejuru yo gushyira imbaraga na nkunganire mu giciro cya Mazutu, igashyira n’imbaraga mu byo gutwara abantu.”

Buri gihugu kigira amafaranga mu rwego rwo kugira ngo bashobora kubona ibyo bifuza.

Kugira ngo twinjire mu nkuru yacu neza, turabanza kureba nibura amafaranga icumi ahenze kurusha ayandi ku Isi, n’impamvu aya Leta Zunze Ubumwe z’Amerika ariyo azwi akaba anakoreshwa henshi kurusha ayandi.

Ifaranga rya mbere rihenze ku Isi ni iryo muri Kuwait (Kuwaiti Dinar/KWD), kuko kugeza tariki 5 Kamena, agaciro karyo mu Manyarwanda karenze 4,700 Frw, bivuze ko mu minsi iri imbere, ushobora gusanga uzaba ugomba gutanga inoti ya 5000 Frw kugira ngo uribone.

Ifaranga rikoreshwa muri Bahrain (Bahraini Dinar/ (BHD) naryo ryohagazeho, kuko ubu na ryo rikabakaba mu 4000 Frw ubaze mu Manyarwanda, rikaba rirutaho gato iryo mu gihugu cya Oman ku mwanya wa gatatu ku Isi.

Iryo muri Jordan (Jordanian Dinar /JOD) rikurikiraho, rikavunja Amanyarwanda 2,071 Fw, iry’Ubwongereza British Pound /GBP rikaza mu nsi yaryo gato, rikaba ryenda kugera ku MAfranga 2000 Frw.

Andi na yo agenda akurikiraho, ariko Amayero akoreshwa mu Burayi, akaza ku mwanya wa Cyenda, akaba avunja hafi Rwf 1700.

Idolari rya Amerika, ifaranga rihatse ayandi ku isi, nubwo riri ku mwanya wa cumi mu mafaranga ahenze ku isi

Idolari rikoreshwa muri Leta Zunze Ubumwe z’Amerika (US Dollar /USD), ryigaruriye imitima ya benshi, riri ku mwanya wa 10, w’ahenze ku Isi, rikaba rivunja Amanyarwanda 1,465 frw ku mugoroba w’uwa 5 Kamena.

Kuki Idolari rya Amerika rihatse amafaranga yose?

Impuguke mu bijyanye n’ubukungu Teddy Kaberuka, avuga ko Amerika yashoboye kugera ku kuba ifaranga ryabo ryakoreshwa kurusha ayandi (Currency dominance), rikamenyekana hose mu 1973.

Ati “Aho yari imaze kubasha gukora icyo bita Petro-dollar (uburyo Amerika yumvikanye n’Ibihugu bicukura peteroli ko bizajya bicuruza ibiyikomokaho mu madorari ya Amerika, bigatuma idorari rikomera ku rwego mpuzamahanga), kandi Peteroli ni igicuruzwa gikenerwa ku Isi yose. Ni ukuvuga ngo ibihugu byose ku Isi bikenera Peteroli, kubera ko igurwa mu madolari, ni kuvuga ngo ibihugu byose ku Isi bikeneye amadolari kugira ngo bibone uko biyigura.”

Yungamo ati “Na bya bihugu biyifite, kubera ko hari ibindi batumiza hanze, kandi aho utumiza naho bakeneye amadolari. Ni ukuvuga ngo amadolari yabaye nk’ifaranga rihuriweho n’ibihugu byinsi (Common Currency), kubera ko biyakenera mu buryo bwo kuyahererekanya (Transaction), bituma idolari riba ifaranga ryiganje (dominant currency) ahantu hose wajya.”

Ikindi ni uko nk’Ikigega Mpuzamahanga cy’Imari (IMF) na Banki y’Isi (World Bank), ari ibigo bimwe mu bishyiraho Politike y’ifaranga kandi bikaba byarashyizweho na Amerika kugira ngo bihuze ibikorwa bya Politike y’ifaranga ariko byibanda kuri Amerika n’i Burayi.

Kaberuka ati “Ni uko byashyizeho uburyo bwo kuvuga ngo ibihugu byose kugira ngo bibashe kugura bijye bigira ingano y’amafaranga (reserve), ku buryo biramutse bigize icyo bikenera gutumiza hanze, babitumiza mu Madolari ya Amerika. Ni uko rero ibihugu byose byisanze nta yindi nzira bifite yo kubikamo ubutunzi bwabyo cyangwa kugura no kugurisha."

Ifaranga rya Kuwait rikomejwe n’iki?

Kuba ifaranga rikoreshwa muri Kuwait (Kuwaiti Dinar) rirusha andi mafaranga agaciro, ntibivuze ko icyo gihugu ari cyo gikize kurusha ibindi byose, ahubwo biterwa n’impamvu nyinshi z’ubukungu n’imicungire y’ifaranga.

Kuwait Dinar ifaranga rihenze kurusha ayandi yose ku isi

Kuwait ni kimwe mu bihugu bifite peteroli nyinshi cyane ku Isi. Mu bubiko bwa peteroli bwamaze kwemezwa (proven oil reserves), Kuwait ifite hafi miliyari 101,5 z’amabarilo (barrels) ya peteroli. Ibituma iza ku mwanya wa 7 mu bihugu bifite Peteroli, kandi ifite hafi 5,7% bya peteroli yose izwi ku Isi.

Muri gahunda y’ingengo y’imari ya leta ya 2025/2026, Kuwait yateganyije ko amafaranga azava muri peteroli azagera kuri miliyari 15,3 z’amafaranga ya Kuwait Dinar (KD), angana na hafi na miliyari 49,5 z’Amadolari ya Amerika (USD) ku mwaka umwe. Peteroli yonyine itanga hafi 84% by’amafaranga leta yinjiza yose.

Banki Nkuru ya Kuwait nticapa amafaranga menshi uko yishakiye. Iyo igihugu gicapye amafaranga menshi birenze umusaruro w’ubukungu, ifaranga rigabanuka agaciro (inflation). Kuwait igenzura neza amafaranga ari mu gihugu.

Ifaranga ryayo kandi, ntabwo rishingira ku Idolari rya Amerika gusa.Ibi bifasha kugabanya ihungabana ry’isoko no kurinda ifaranga guhindagurika cyane.

Umubare muto w’abaturage: Kuwait ifite abaturage bake ugereranyije n’umusaruro wayo wa peteroli. Ibi bituma amafaranga igihugu cyinjiza asaranganywa ku bantu bake, bikazamura ubushobozi bw’ubukungu ku muntu umwe.

Politiki y’ubukungu ihamye; Igihugu gifite amafaranga menshi yabitswe mu kigega cy’ishoramari cya leta kugira ngo kizafashe igihugu no mu gihe ibiciro bya peteroli byagabanuka. Ibi byongera icyizere mu ifaranga.

Kuba ifaranga rifite agaciro kanini kurusha andi ntibivuze ko ubukungu bw’icyo gihugu buruta ubw’ibindi bifite ifaranga rifite agaciro ko munsi yaryo.

Uretse nk’umutungo kamere utuma Ibihugu bya Kuwait na Oman bigira ifaranga rihambaye, ,usanga izindi mpamvu zituma ifaranga rigira agaciro zifitanye isano n’imicungire y’ifaranga imbere mu gihugu.

Yuan, ifaranga ry’Ubushinwa rishaka guhangana n’Idolari rya Amerika

Hagati aho, abakurikiranira ubukungu hafi muri iyi myaka ya vuba, bavuga ko Ubushinwa, Igihugu kimaze gutera imbere cyasanze gushyira idolari mu bintu byose biha imbaraga Amerika, bigatuma igenzura ubukungu bw’Isi.

Ubu rero, na bwo bwiyemeje ko abantu bazajya bakorana ubucuruza bazajya bakoresha ifaranga ryabo (Yuan/CNY). Ubushinwa nabwo bugenda businyana amasezerano n’Ibihugu bitandukanye yo kugura Peteroli mu mafaranga yabo.

Ku gihugu nk’u Rwanda kwizihiza umunsi mpuzamahanga w’ibidukikije ni umwanya mwiza wo gukomeza kubakira ku byagezweho mu kubungabunga ibidukikije no guhangana n’imihindagurikire y’ibihe, hagamijwe guteza imbere ubukungu butangiza ibidukikije (Green Economy).

Ikibazo cy’imihindagurikire y’ibihe cyugarije Isi muri rusange, ku buryo n’u Rwanda nk’Igihugu rugerwaho n’ingaruka, kuko nko mu 2023, imyuzure n’inkangu byatwaye ubuzima bw’abantu 131, binatera igihombo cya Miliyari 609Frw.

Aha niho Umuyobozi Mukuru wa REMA, Juliet Kabera, ahera avuga ko gukumira no guhangana n’imihindagurikire y’ibihe ari uruhare rwa buri wese.

Abigarukaho kuri uyu munsi mpuzamahanga wahariwe ibidukikije, Kabera yagize ati “Ibi biratwereka ko buri Muturarwanda wese mu nzego zitandukanye, agomba kugira uruhare n’ijambo mu bikorwa byo gukumira no guhangana n’imihindagurikire y’ibihe, kubera ko ibikorwa bya muntu ni byo bituma imihindagurikire y’ibihe ikomeza kwiyongera bikabije.”

Yungamo ati “Turasaba inzego zose zaba iza Leta, iz’abikorera, imiryango itari iya Leta, abacuruzi, urubyiruko n’Abanyarwanda muri rusange, guhuza imbaraga mu guhangana n’ibibazo byugarije Isi muri iki gihe. Turahamagarira buri Munyarwanda kurushaho kubungabunga ibidukikije aho dukorera n’aho dutuye, kwirinda no kurwanya ihumana riterwa na pulasitike no gukoresha ibikoresho bitangiza ibidukikije.”

Abaturarwanda baranasabwa kubungabunga ibishanga, inkombe z’imigezi, n’ibiyaga, no kwirinda kubikoresha nabi. Gutera ibiti no kubungabunga amashyamba, gucunga neza imyanda no kwimakaza isuku.

Abikorera n’abafatanyabikorwa mu iterambere barahamagarirwa gukomeza gushora imari mu bikorwa birengera ibidukikije, basana urusobe rw’ibinyabuzima, hanatezwa imbere ubukungu burambye.

Umunsi mpuzamahanga wahariwe ibidukikije w’uyu mwaka (2026), urimo kwizihizwa ku nsanganyamatsiko igira iti “Dufatanye guhangana n’imihindagurikire y’ibihe”. Aho abaturarwanda basabwa kumva ko hakenewe ibikorwa byihuse kandi bihuje imbaraga mu guhangana n’ibibazo biterwa n’imihindagurikire y’ibihe.

U Rwanda rukomeje gushyira imbere kurengera ibidukikije no guhangana n’imihindagurikire y’ibihe binyuze muri gahunda zitandukanye.

Mu 2020 rwabaye Igihugu cya mbere muri Afurika cyashyikirije Umuryango w’Abibumbye ingamba zijyanye no guhangana n’imihindagurikire y’ibihe, hagamijwe kugabanya imyuka ihumanya ikirere (NDC 3.0).

Ni ingamba zagombaga kugeza mu 2030, zari zitezweho guhindura imikorere isanzwe mu byiciro bitandukanye birimo ubuhinzi, gucukura amabuye y’agaciro, gucunga imyanda, amazi n’ibindi, ku buryo imyuka ihumanya ikirere izagabanukaho 38%, igasigara kuri 16%.

Muri izo ngamba, u Rwanda ruteganya ko mu 2030, ruzaba rugeze ku kigereranyo cya 20% by’imodoka zitwara abagenzi mu buryo bwa rusange, moto zikaba ari 30% naho imodoka z’abantu ku giti cyabo zikazaba ari 8%.

Kuva mu 2020 ubwo mu Rwanda hatangiraga kwinjira cyane imodoka zikoresha amashanyarazi, kugeza mu mpera za 2024, mu Rwanda habarurwaga izirenga 7000, ubariyemo izikoresha amashanyarazi yonyine n’iziyakoresha hamwe na lisansi (Hybrid).

Iyi gahunda yagombaga gutwara Miliyari 11 z’Amadolari harimo Miliyari 5.3 azakoreshwa mu guhangana n’ingaruka ziterwa n’iyangirika ry’ikirere zamaze kubaho, n’andi Miliyari 5.7 azakoreshwa mu gushyiraho ingamba zishobora gukumira iyangirika ry’ikirere. U Rwanda rwabashije kubona Miliyari 4.5 z’Amadolari yo gukoresha muri ibyo bikorwa, muri NDC irangiye ya 2020-2025.

Mu Kwakira 2025, u Rwanda rwatangije ku mugaragaro gahunda y’Igihugu yo Kubungabunga urusobe rw’Ibinyabuzima (National Biodiversity Strategy and Action Plan) ya 2025-2030, hagamijwe iterambere rirambye.

Ni umuhango wabereye muri Ambasade ya Amerika i Kigali, witabirwa na Minisitiri w’Ububanyi n’Amahanga n’Ubutwererane Amb. Olivier Nduhungirehe.

Minisitiri Nduhungirehe yashimye ubufatanye bumaze igihe kirekire hagati y’ibihugu byombi agaragaza ko bishimangira ko ahazaza ari heza.

Yagize ati: “Mu gihe tureba ahazaza, biragaragara ko ibyiza kurushaho by’umubano hagati y’u Rwanda na Leta Zunze Ubumwe za Amerika bikiri kwandikwa. Amahirwe dufite imbere ni menshi, kandi dufatanyije dushobora gukomeza kubaka ubufatanye buzana inyungu zirambye ku bihugu byacu byombi no ku baturage babyo.”

Leta Zunze Ubumwe za Amerika zakoronijwe n’u Bwongereza (British Empire), guhera mu 1607, ubwo hashyirwagaho ubukoloni bwa mbere bw’igihe kirekire bwitwa Jamestown muri Virginia.

Bwarakomeje kugeza ku wa 4 Nyakanga mu 1776, ubwo hasohokaga itangazo ry’ubwigenge ryemeza ibice 13 byari bikoronijwe n’ Ubwongereza bibonye ubwigenge. Icyo gihe hari ku ngoma y’Umwami George III wayoboraga u Bwongereza.

Gusa icyo gihe intambara y’ubwigenge yarakomeje kugeza mu 1783, ubwo u Bwongereza bwemeye ku mugaragaro ubwigenge bwa Amerika binyuze mu masezerano y’i Paris azwi nka "Treaty of Paris".

Nyuma yo gutsinda iyo ntambara, George Washington yabaye Perezida wa mbere wa Leta Zunze Ubumwe za Amerika mu 1789.

Ni yo mpamvu buri mwaka ku wa 4 Nyakanga uba umunsi w’Ubwigenge bwa Leta Zunze Ubumwe za Amerika.

U Rwanda na Leta Zunze Ubumwe za Amerika bisanzwe bifitanye umubano wa dipolomasi, ubukungu, umutekano, ubuzima, uburezi n’iterambere, umaze imyaka myinshi kandi ugenda uhinduka bitewe n’inyungu z’impande zombi.

Amerika ifite Ambasade i Kigali, naho u Rwanda rukagira indi i Washington. Ibihugu byombi bikunze kugirana ibiganiro by’abayobozi, gukorana ku bibazo by’umutekano n’akarere,
no gufatanya mu bikorwa by’iterambere.

Perezida Paul Kagame yagiye ahura n’abayobozi batandukanye ba Amerika mu bihe bitandukanye.

Mu bukungu n’ishoramari, Amerika ni umwe mu bafatanyabikorwa b’u Rwanda mu bijyanye n’ubucuruzi n’ishoramari. Aho usanga gahunda nka AGOA (African Growth and Opportunity Act), igamije gufasha ibihugu bya Afurika birimo u Rwanda, kohereza ibicuruzwa muri Amerika bitishyuye imisoro imwe n’imwe.

Amerika kandi ifasha mu bijyanye n’ikoranabuhanga, ubucuruzi, ubuhinzi, n’imwe mu mishinga y’abikorera.

Mu bijyanye n’ubuzima, Amerika yabaye umwe mu baterankunga bakomeye mu rwego rw’ubuzima mu Rwanda, binyuze muri gahunda yayo yo kurwanya Sida (PEPFAR).

USAID yafashije mu kurwanya SIDA, Malariya, indwara z’ibyorezo, guteza imbere amavuriro n’ubuvuzi.

Mu burezi, Amerika ifasha mu gutanga buruse, amahugurwa no kongerera ubushobozi urubyiruko rw’abanyarwanda. Ubu abanyarwanda benshi biga cyangwa bagahabwa amahugurwa muri Amerika.

Mu bijyanye n’umutekano n’amahoro, ibihugu byombi bifatanya mu bikorwa byo kubungabunga amahoro.

Amerika kandi yashimye uruhare rw’u Rwanda mu butumwa bwa Loni bwo kubungabunga amahoro, n’umutekano wo mu karere.

Amategeko agena ibyishyurwa muri SGF, ateganya ko inyamaswa yose yo muri Parike ibyo yangije byishyurwa, iziri ahantu hose hakomye nko mu nzuzi, ibiyaga n’ibindi byanya bikomye zirishyurirwa, mu gihe ahandi nko mu Mujyi wa Kigali n’ahandi, bikorwa hakurikijwe urutonde rwashyizweho n’Iteka rya Minisitiri, ruriho inyamaswa zishyurirwa igihe zoneye cyangwa zikangiririza umuturage.

Nubwo kuri urwo rutonde Inkende zitariho, ariko ngo byagaragaye ko ari ikibazo kandi kigaragara mu Turere twinshi tw’Igihugu, kuko mu Turere 30 tugize Igihugu, utugera muri 17 twose twagaragayemo Inkende kandi zigenda zangiza.

Umuyobozi Mukuru w’agateganyo wa SGF, Florence Nibakure, avuga ko hari ibirimo kuganirwaho, birimo gahunda yo kuba hajya hishyurwa ibyangijwe n’inkende.

Bamwe mu baturage bagiye bonerwa n’inyamaswa, bavuga ko bagiye bishyurwa kandi bigakorerwa ku gihe, ariko hari n’abandi batarishyurwa ku buryo bamaze igihe kinini bayategereje.

Ubuyobozi bwa SDF buvuga ko mu myaka yashize gutinda kwishyura byagendaga bibaho hamwe na hamwe, kuko hari ibyari bitaranozwa neza, ariko ubu bikaba bisigaye bikorerwa ku gihe.

Nibakure ati “Tujya munsi y’ibihe biteganywa n’amategeko, kuko umuturage arasinyira amafaranga ye, mu gihe kitarenze ibyumweru bibiri akaba yayabonye kuri konte ye. Bimaze umwaka urenga, turajya kwishyura umuturage, tukajya kureba ubwone, agahita asinyira amafaranga ye, agatanga konte ye, amafaranga agashyirwa kuri konte mu gihe kitarenze icyo ngicyo.”

Uretse gutanga ubwishyu bw’ibyangijwe n’inyamaswa, SGF, inatanga indishyi ku mpanuka ziterwa n’ibinyabiziga bifite moteri bigenda ku butaka, iyo byateje impanuka ntibimenyekane, ibidafite ubwishingizi bw’iby’abandi byakwangiza, n’izatewe n’ibinyabiziga byibwe cyangwa byambuwe bene byo ku ngufu.

Abo byangiririje ibyabo, abo byakomerekeje, abo byiciye ababo, bahabwa indishyi mu nzira no mu buryo buteganywa n’amategeko.

Umuyobozi Mukuru wa WHO, Dr. Tedros Adhanom Ghebreyesus, yatangaje ko abandi bantu bane bagomba gusezererwa mu bitaro, nyuma y’uko undi murwayi umwe yasezerewe ku wa Gatanu.

Yabivugiye mu muhango wo gufungura ikigo gishya cyita ku barwayi ba Ebola mu mujyi wa Bunia, umurwa mukuru w’Intara ya Ituri mu Burasirazuba bwa DRC.

Iki ni icyorezo cya 17 cya Ebola kibaye muri DRC. Ariko bitandukanye n’ibyorezo byinshi byabanje byaterwaga na virusi ya Ebola Zaire, ifite inkingo n’imiti byemewe.

Ubu inzego z’ubuzima zirimo guhangana n’indi virusi yitwa Bundibugyo, kandi kugeza ubu nta rukingo cyangwa umuti byemewe byayo biraboneka. OMS/WHO ivuga ko ubu bwoko bwa Ebola bushobora kwica kugera kuri 50% by’ababwanduye.

Abaganga n’abakozi b’ubuzima bari gukora biravugwa ko bafite ibikoresho bike, mu gihe abaturage bamwe batangiye kurakara kubera amabwiriza akakaye yo gushyingura abahitanywe na Ebola, ndetse no kuba hari imitwe yitwaje intwaro ikorera mu burasirazuba bwa Congo.

Tedros yahamagariye by’umwihariko iyo mitwe iri mu Burasirazuba bwa DRC gusubika imirwano no gutangaza agahenge (ceasefire) mu gihe igihugu gihanganye n’iki cyorezo.

Minisitiri w’Intebe wa Israel, Benjamin Netanyahu

Intambara iri kubera muri Liban ni yo yagize ingaruka nyinshi kurusha izindi ntambara za Iran, aho ibitero bya Israel n’amabwiriza yo kwimura abaturage byatumye Abanya-Liban barenga miliyoni 1.2 bava mu byabo kuva tariki ya 2 Werurwe, ubwo Hezbollah yatangiraga kurasa roketi na drones muri Israel mu rwego rwo gushyigikira umufatanyabikorwa wayo (Iran).

Guverinoma ya Liban ivuga ko iyi ntambara imaze guhitana abantu barenga 3,370, mu gihe ku ruhande rwa Israel bavuga ko abasirikare bayo 24 n’abasivile bane ari bo bamaze gupfa.

Abaturage ibihumbi byinshi bo mu majyaruguru ya Israel na bo bavuye mu byabo kubera ibitero bya roketi na drones bya Hezbollah.

Mu gikorwa giheruka, ingabo za Israel zatangaje ko zafashe ikigo cya Beaufort Castle kimaze imyaka igera kuri 900, hamwe n’agace gafite akamaro mu bya gisirikare mu majyepfo ya Liban.

Ibi byabaye nyuma y’umunsi umwe Hezbollah igabye ibitero bikomeye cyane mu majyaruguru ya Israel kuva agahenge ko muri Mata katangira, bituma amashuri amwe afungwa, hanashyirwaho ingamba z’umutekano.

Netanyahu yagize ati: “Nategetse igisirikare kwagura ibikorwa byacyo byo ku butaka muri Liban.”

Kubera ubwiyongere bw’imirwano muri Liban, u Bufaransa bwahamagaje inama yihutirwa y’Akanama k’Umutekano ka Loni iteganyijwe kuri uyu wa mbere.

Nubwo hari agahenge katangiye hagati muri Mata, buri ruhande rwakomeje kigaba igitero ku rundi. Hezbollah ikomeje gukoresha drones zihendutse kandi zoroshye guteranya, zigora uburyo bwo kuzihagarika.

Israel yari isanzwe igenzura ibice bigera ku mugezi wa Litani, ariko ubu ingabo zayo zirigusatira umugezi wa Zaharani, uri nko ku bilometero 10 mu majyaruguru.

Netanyahu avuga ko ibyo bitero bigamije kwagura ibikorwa byabo.

Ati “Turashaka Kwimakaza no kwagura ububasha bwacu mu bice byari bisanzwe bigenzurwa na Hezbollah.”

Naftali Bennett, umwe mu bahanganye na Netanyahu muri politiki ya Israel, avuga ko hakenewe ingamba zikomeye kurushaho muri Liban, harimo no kugaba ibitero mu nkengero za Beirut.

Ejo hashize (ku cyumweru), igisirikare cya Israel cyasabye abaturage batuye mu majyepfo ya Zaharani kwimuka.

Ibiro bya Leta ya Liban byatangaje ko abantu umunani bishwe mu bitero byo muri iryo joro byibasiye umudugudu wa Deir El Zahrani.

Mu munsi umwe gusa, Israel yakoze ibitero birenga 40 mu majyepfo ya Liban.

Iki kigo cya Beaufort Castle giha Israel ubushobozi bwo kureba no kugenzura igice kinini cy’amajyepfo ya Liban n’amajyaruguru ya Israel, aho Hezbollah yakunze kurasa yerekeza mu duce dutuwemo.

Ni ubwa mbere kuva muri Gicurasi 2000 Israel yongeye gufata aka gace, nyuma yo kuva mu majyepfo ya Liban yari imazemo imyaka 18.

Minisitiri w’Ingabo wa Israel, Israel Katz, yavuze ko Beaufort izaguma mu gace kagenzurwa na Israel muri Liban y’amajyepfo.

Yagize ati: “Urugamba ntirurarangira. Twiyemeje guca intege Hezbollah burundu.”

Kugeza ubwo iyi nkuru yamdikwaga, Hezbollah na Guverinoma ya Liban bari bataragira icyo batangaza ku mugaragaro kuri aya makuru.

Uko Ebola igaragara mu maraso y’umurwayi

Yigeze kwitwa “Ebola hemorrhagic fever”, kubera ko ishobora gutera kuva amaraso imbere no hanze y’umubiri, nubwo atari buri murwayi bibaho. Ikaba ari virusi yibasira cyane abantu n’inyamaswa zirimo inguge n’uducurama (fruit bats).

Izina “Ebola” ryakomotse ku mugezi witwa Ebola uri hafi y’aho icyo cyorezo cyabonetse bwa mbere muri Zaire (DRC y’ubu). Abashakashatsi bahisemo kutita indwara izina ry’umudugudu yabonetsemo bwa mbere kugira ngo abaturage baho batagira ipfunwe cyangwa cyangwa bigatuma bakorerwa ivangura.

Ebola yamenyekanye bwa mbere mu 1976, mu cyahoze ari Zaire, ahitwa Yambuku no muri Sudan (ubu ni mur Sudan Y’Epfo).
Ibi byorezo byombi byahitanye abantu benshi ku buryo byatangaje abari batuye Isi icyo gihe bitewe n’uko yari itaramenyekana yica vuba cyane. Hari aho abantu barenga 80% bapfaga bitewe n’uburyo virusi yari ikaze n’uko nta muti cyangwa uburyo bwo kuyikumira byari bihari.

Abahanga bemeza ko inkomoko nyakuri ya Ebola ari inyamaswa zo mu ishyamba, cyane cyane uducurama (fruit bats), nubwo bitaramenyekana neza uko virusi ibamo igihe kirekire.

Umuntu ashobora kuyandura akoresheje cyangwa akoze ku nyamaswa zanduye nk’inguge, inkende cyangwa inyamaswa zo mu gasozi, nyuma igakwirakwira hagati y’abantu binyuze mu maraso, amacandwe, ibicurane, kwita ku murwayi utirinze no gukora ku murambo wanduye.

Nyuma y’uko icyo cyorezo kiboneka bwa mbere, Ebola yabanje kubura igihe kinini, kubera abahanga bari bataramenya cyangwa ngo bavumbure neza aho ituruka, uko ikwirakwira n’uburyo bwo kuyivura, ku buryo byafashe imyaka hafi 10 itarongera kugaragara.

Mu 1995 haje kubaho icyorezo gikomeye i Kikwit muri DRC, gihitana abantu benshi. Iki gihe ni bwo Isi yatangiye gushyira imbaraga mu buryo bwo kwirinda kwandura kwa muganga ku muganga no mu bitaro.

Mu 2000-2012 muri Uganda habaye ibyorezo bikomeye, cyane cyane ubwoko bwa Sudan ebolavirus. Muri Afurika yo hagati n’iy’iburengerazuba hakomeza kugaragara ibyorezo bito bito ariko byica cyane.

Mu 2014–2016 habayeho icyorezo cyagize ingaruka zikomeye kurusha ibindi byose mu mateka ya Ebola, gitangirira mu bihugu birimo Guinea, Liberia na Sierra Leone, aho abantu barenga 28,000 banduye, mu gihe abarenga 11,000 cyabahitanye.

Icyo gihe ahanini byatewe n’ibirimo kuba inzego z’ubuzima zari zitarakomera, kutagirira icyizere abaganga, uburyo imihango yo gushyingura yakorwagamo bakora ku murambo n’ibindi birimo kudashyira mu kato abagaragayeho icyorezo.

Iki gihe ni bwo Isi yatangiye gushyira imbaraga nyinshi mu bushakashatsi bw’inkingo n’imiti.

Mu 2018-2020 muri DRC habaye icyorezo cya kabiri gikomeye kurusha ibindi byose, cyane cyane mu Majyaruguru ya Kivu na Ituri, aho byari bigoye kugikumira kubera intambara yaterwaga n’imitwe yitwaje intwaro, ibitero byagabwaga ku bitaro, bamwe mu baturage ntibizeraga ko Ebola ibaho, ku buryo yatwaye ubuzima bw’abarenga 2,000.

Mbere ya 2019 nta rukingo rwemewe rwari rwakaboneka, ariko nyuma y’ubushakashatsi bwinshi, hatangiye gukoreshwa urukingo rwa Ebola cyane cyane ku bwoko bwa Zaire ebolavirus, rufasha gukingira abantu bari hafi y’abarwayi.

Hari kandi imiti nka monoclonal antibodies yafashije kugabanya impfu ku barwayi bamwe. Ariko kugeza ubu nta bwoko na bumwe bwa Ebola burabonerwa urukingo rwizewe.

Ebola ni kimwe mu byorezo biteye ubwoba kuko ishobora kwica abantu benshi mu gihe gito, ikaba yandura binyuze mu gukora ku murwayi cyangwa amatembabuzi ye, ikaba ikunda kugaragara ahantu hari ubuvuzi butaragera ku rwego rwiza, ku buryo gutinda kuyitahura bituma ikwirakwira cyane.

Ku Isi, habonetse ubwoko (species/strains) bwa Ebola bugera kuri 6, ariko si bwose bwateye ibyorezo bikomeye mu bantu. Bwahabwaga amazina akenshi ashingiye aho bwabonetse bwa mbere.

Bumwe muri bwo burimo Zaire ebolavirus, nibwo bwica cyane kandi bwateye ibyorezo byinshi kurusha ubundi ku Isi, kuko bwabonetse bwa mbere mu cyahoze ari Zaire mu 1976, bunateza ibibazo bikomeye muri Afurika y’Iburengerazuba hagati ya 2014–2016.

Ubundi bwoko ni Sudan ebolavirus, bwabonetse bwa mbere muri Sudan mu 1976, aho bwakunze kwibasira abatuye muri Uganda na Sudan Y’Epfo.

Bundibugyo ebolavirus, ni ubundi bwoko bwa Ebola bwitiriwe agace ka Bundibugyo muri Uganda, aho bwagaragaye bwa mbere mu 2007. Ari nabwo bwongeye kugaragara muri DRC na Uganda muri iyi minsi.

Taï Forest ebolavirus, bwitiriwe ishyamba rya Taï ryo muri Côte d’Ivoire, bugaragara gake cyane kuko habonetse umurwayi umwe uzwi cyane mu 1994.

Reston ebolavirus, ni ubundi bwoko bwabonetse bwa mbere ahitwa Reston muri Virginia muri Leta Zunze Ubumwe za Amerika, nyuma yo kuzanwa n’inguge zivuye muri Philippines. Bwanduje inyamaswa n’abantu bamwe ariko kugeza ubu ntibuzwiho guteza uburwayi bukomeye mu bantu.

Bombali virus, yaamenyekanye bwa mbere mu 2018 mu ducurama two muri Sierra Leone, ariko nta gihamya cyerekana ko bwigeze butera indwara mu bantu.

Kuva mu 1976 DRC ni cyo gihugu cyahuye na Ebola inshuro nyinshi kurusha ibindi, kuko kimaze kugira ibyorezo birenga 15.
Icyorezo cyahitanye abantu benshi kurusha ibindi ni icyabereye muri Guinea, Liberia na Sierra Leone mu 2014–2016, kuko cyatwaye ubuzima bw’abarenga 11,300.

Muri iki gihe Ebola by’umwihariko iyo mu bwoko bwa Bundibugyo yongeye kugaragara mu bihugu bya DRC na Uganda, Minisiteri y’Ubuzima mu Rwanda (MINISANTE), yatangaje ko itaragaragara mu Rwanda ariko muri DRC icyo cyorezo kimaze kugera mu barenga 1000 naho abarenga 200 bamaze guhitanwa nacyo, mu gihe abarenga 9 muri Uganda bamaze kuyandura.

Minisitiri w’Ubuzima Dr. Sabin Nsanzimana, ati “Ebola ni indwara mbi cyane kuko mu bayanduye umwe kuri babiri niwe ubasha kuyikira, cyane cyane iyi ngiyi yitwa Bundibugyo ifite umwihariko kuko kuyipima biragoye, nta rukingo irabona nta n’umuti urakorwa. Ubundi ubu bwoko ntabwo bwari bukunze kubaho mu muryango wa Ebola muri rusange.”

Abanyarwanda barakangurirwa kugira uruhare mu kiyikumira by’umwihariko abari mu bihugu yagaragayemo bifuza gutaha, barasabwa gukurikiza amabwiriza yashyizweho y’uko bagomba kuza bagakurikiranwa iminsi 21 mbere y’uko bakomeza imirimo yabo mu gihugu, kuko ari ubuzima bwabo n’ubw’abandi basanze.

Nyuma ya Jenoside yakorewe Abatutsi mu 1994, Umuganda wongeye gukorwa mu isura nshya yo kubaka Igihugu cyane ko cyari cyarasenyutse bigaragara, wagize uruhare mu kongera guhuza Abanyarwanda no guteza imbere imibereho n’imibanire yabo.

Mu 2007 umuganda waje gushimangirwa unemezwa nk’igikorwa cy’iterambere rusange ry’Igihugu, unashyirwamo imbaraga ndetse ibyakozwe bikajya bibarwa mu gacirofaranga kugira ngo abaturage basobanukirwe agaciro k’ibyo bakora.

Guhera mu 2007 agaciro k’ibikorwa by’Umuganda kagiye kiyongera kuko muri uwo mwaka hari hakozwe ibikorwa bifite agaciro ka miliyari 4,1 Frw bigera muri 2016 bigeze kuri miliyari 19,2 Frw.

Mu 2017, hashyizweho Politiki y’Umuganda ivuguruye n’ingamba zo kuyishyira mu bikorwa mu rwego rwo kunoza imitunganyirize y’Umuganda kugira ngo urusheho gukomeza kunganira ingengo y’imari y’Igihugu no kwimakaza imibereho n’imibanire myiza binajyanishwe n’icyerekezo 2050.

Muri uwo mwaka binyuze mu Muganda hakozwe ibikorwa bya miliyari 21,8 Frw, mu 2018/19 hakorwa ibya miliyari 22,8 Frw, mu 2019/2020 biba miliyari 23,7 Frw, mu 2022/2023 ziba miliyari 27,01 Frw mu gihe mu 2023/2024 zari miliyari 22,8 Frw.

Muri rusange mu myaka irindwi ishize (2017-2024) Abanyarwanda bakoze ibikorwa by’Umuganda bifite agaciro kangana na Miliyari 146.7 Frw.

Ibi bikorwa bikubiye mu kubaka ibigo by’ubuvuzi, amashuri, ibiraro, imihanda, amateme, inzu z’abatishoboye, inyubako zikorerwamo n’inzego za Leta n’ibikorwa by’umuganda bishingiye ku bumenyi bitandukanye.

Itegeko rigenga Umuganda rusange mu Rwanda rivuga ko Abanyarwanda bafite imyaka 18 kugeza kuri 65 bafite inshingano yo gukora Umuganda. Abanyamahanga baba mu Rwanda na bo bashishikarizwa kwitabira Umuganda.

Nko guhera mu 2018 ubwitabire bw’Umuganda bwari kuri 93,4%, mu 2019 buba 90%, mu 2020 buba 88%, mu 2023 bwari 91% mu gihe 2024 bwageze kuri 92,3%.

Mu bice bitandukanye by’Igihugu abaturage bishimira ibikorwa by’Umuganda birimo gutunganya imihanda y’imigenderano, kubakira abatishoboye, guca amaterasi n’ibindi bitandukanye.

Abenshi bibaza impamvu abarwayi baterwa inshinge ku kibuno, kandi rimwe na rimwe atari ho barimo kubabara, n’igituma ari ho abaganga bahitamo gutera igihe cyose umuntu arwaye.

Inzego zifite aho zihuriye n’ubuzima zivuga ko hari uburyo butandukanye bwo gutangamo imiti, burimo ubwitwa Oral (kuwunyuza mu kanwa). Ubu ni uburyo umuti unyuzwa mu kanwa, ukinjira mu mubiri umuntu awumize, kugira ngo ugere mu gifu no mu mara mbere yo kwinjira mu maraso.

Imwe mu miti itangwa muri ubwo buryo irimo Ibinini (Tablets) bimirwa, utubuto tw’imiti dupfundikiye (Capsules), imiti inyobwa (Syrup) hamwe n’ifu cyangwa utundi tunyobwa tw’imiti tuvangwa n’amazi.

Ubundi buryo imiti itangwamo, ni ubwitwa, Parenteral route, aho umuti utangwa utanyujijwe mu kanwa cyangwa mu nzira y’igogora, ahubwo ugatangwa hakoreshejwe urushinge cyangwa ubundi buryo bwinjira mu mubiri.

Aha umurwayi ashobora guterwa urushinge mu mutsi (Intravenous (IV), mu mutsi w’inyama (Intramuscular (IM) hamwe no munsi y’uruhu (Subcutaneous (SC).

Inzego zifite aho zihuriye n’ubuzima zivuga ko hari imiti umurwayi ashobora guhabwa akawufata awunyujije mu kanwa ukaba udashobora kumukiza ububabare afite, bitewe no kuba wacibwa intege n’ibinyabutabire byihutisha cyangwa bigafasha imikorere n’imyitwarire y’uduce tugize umubiri (chemical reactions) mu mubiri, ari na yo mpamvu bahitamo kuba bawutera mu mutsi, kuko biworohereza kugera vuba mu maraso.

Dr. Hussein Nsabiyera, avuga ko buri nyama yo ku mubiri w’umuntu izengurutswe n’imitsi ijyana ikanagarura amaraso.

Ati “Ubwo rero nta hantu bihuriye no kuvuga ngo aho bateye ni ho hari uburwayi. Cyakora hari uburyo bwo kuvura igice gifite ikibazo, aho kuvura umubiri wose (Target oriented treatment), ugasanga hari imiti batera banyujije aho hari ikibazo. Ibyo rero bitandukanye no kuba bagutera umuti ugabanya ububabare (Pain killer) nko ku kibuno, wari urwaye umutwe.”

Ubundi ngo umubiri w’umuntu awigengaho, ku buryo agira uruhare mu guhitamo ikiwukorerwaho.

Dr Nsabiyera ati “Umurwayi ahitamo igihe icyo ari cyo cyose abishakiye uko yakorerwaho ikintu runaka, adashatse yewe n’uwo muti ntabwo yawuhabwa, bityo rero, inyama tuzigira ahantu hatandukanye. Tuzigira ku kibuno (Gluteal muscles), tukazigira ku kuboko (Deltoid muscle), ari na yo imenyereweho kuba bakingira ahanini cyane, bitanabujijwe ko hari igihe wakingirwa ku bibero, ibyo biterwa n’inkingo, bigaterwa n’ahantu uwo muti woroherezwa kugera vuba, ahantu ugomba gukora akazi kawo.”

Kuba abantu baterwa urushinge ku kibuno ngo ntabwo ari ihame kuko bashobora kuruterwa n’ahandi hose hari inyama ku mubiri w’umuntu.

Ati “Ntabwo ari ihame, ashobora kugutera ku kibuno kuko hari inyama, ariko nanone indi mpamvu ikomeye cyane yatuma umuganga ahitamo gutera ku kibuno, ni uko hari inyama nini, ituma ibice by’umubiri byagombaga guhungabanywa na rwa rushinge bitagerwaho. Iyo uyiteyeho biragora cyane kuba rwahita rwinjira mu mwakura (nerve), bikaba byagutera kugira pararize (Paralyze), cyangwa akaba yatera aho atagombye gutera nko mu mutsi, kuko aba ari inyama itarimo ibindi bintu biyivangiye.”

Yungamo ati “Ariko umurwayi aramutse avuze ati, jye ndashaka ko untera hano, biri mu burenganizira bwe, habaho kwigengesera k’umuganga akabikora. Ariko nanone igihe cyose tubwiye umurwayi icyo tumukorera, tubihuza n’impamvu, tukamubwira tuti, urabishaka ariko ingaruka zabyo mbi ni izi n’izi, ngaho nsinyira ahangaha. Ibyo birakorwa, umuntu akemera ko akorerwa ibintu bitemewe kubera ko abishaka, ariko akanemera ko za ngaruka ziri bubivemo ari buzirengere. Gusa nta nyama y’umwihariko utateramo umuti ngo ube utakora.”

Mu yandi magambo, inyama yose yo ku mubiri mu zo muganga Nsabiyera yatugaragarije muri iyi nkuru, ishobora guterwaho urushinge kandi umuti ugakora, igihe cyose wagiye neza mu mubiri, hatabayeho kugira ikindi gihungabanywa kitari iyo nyama nk’umutsi, umwakura cyangwa igufa.

Urwego rw’Igihugu rw’Imiyoborere (RGB), rwagaragaje ko mu 2024, rwakoze ubugenzuzi bwihariye mu miryango ishingiye ku myemerere (insengero n’imisigiti) harebwa iyubahirizwa ry’amategeko n’ibijyanye n’imiyoborere.

Ni igenzura ryagaragaje ibibazo birimo inyigisho z’ubuyobe, ubushukanyi bugamije kwambura abantu ibyabo, kudakorera mu mucyo, uburiganya n’imicungire mibi y’umutungo, amakimbirane ashingiye ku buyobozi, n’inyubako zitubahirije ibiteganywa n’amategeko.

Guhagarika insengero n’imisigiti ntabwo byari bivuze ko abantu babujijwe gusenga, ahubwo basabwaga gukomeza ibikorwa byabo by’amateraniro mu buryo bwujuje ibisabwa.

Ibi byatumye bamwe mu batarahise bashobora guhita buzuza ibisabwa ngo bakomeze guteranira mu nsengero, batekereza uburyo bwo guterana hifashishijwe ikoranabuhanga.

Kuri ubu hari abasigaye baterana bakoresheje uburyo bwa Zoom, Google Meeting, YouTube, Tik Tok hamwe n’ubundi buryo bw’ikoranabuhanga, bubafasha gaterana nkuko byari bisanzwe mu nsengero.

Muri uku kwimurira amateraniro ku ikoranabuhanga, ngo nabyo n’ibyo kwitondera kuko bisigaye birimo n’abayitirira gukora umurimo w’Imana kandi nyamara bagamije kwiba.

Pasiteri Dany Mutangana, mu muryango uhuza Abakilisitu baturuka mu matorero atandukanye ufite intengo yo gusengera Igihugu n’Itorero (The United Christian Family Initiative), avuga ko nubwo insengero zafunze, ariko bitabujije abashakaga gusenga by’ukuri kandi bakomeje umurimo w’Imana.

Ati “Ku bantu bashakaga gusenga by’ukuri byarakomeje kandi nta kintu byigeze byangizamo, gusa iyo ushyize mu buryo bw’imibare kuko abantu bose ntabwo bafite telefone zigezweho, hariho abantu batazifite kandi iyo muhura hazamo ingeri zose. Ariko iyo mugeze ku mbuga nkoranyambaga habonekamo abafite ubushobozi bwo kubona internet, telefone, urumva ko bagabanuka, kuko niba twarahuraga turi nk’abantu 200, iyo duhuye ku mbuga nkoranyambaga tuba turi nka 70, hari igice kinini twabuze kubera gukorera ku mbuga nkoranyambaga.”

Hazamo n’ibyaha

Uyu mupasiteri avuga ko uko gusengera ku mbuga nkoranyambaga bisigaye binaviramo bamwe gukora ibyaha biyitirira gukora umurimo w’Imana.

Ati “Harimo harakorerwaho n’amakosa, icyo nacyo ntabwo twakirengagiza, kuko mu buryo bw’imbuga nkoranyambaga, bamwe bitwikira uwo mutaka, kubera ko hariho abatazwi, baje biyita abapasiteri atari bo, Igihugu kitabazi, hari abaje bafite indi migambi rimwe na rimwe bakahakorera amakosa.”

Arongera ati “Harimo abarimo kuhibira, nimbe na mbere iyo abantu bahuriraga mu rusengero Leta yabaga izi iti bahuriye hano, ariko ku mbuga nkoranyambaga hari abahura bitazwi ngo bahuye, ngo uyu ni muntu ki? wamubariza hehe? Hari n’abashobora kuba batari mu Rwanda. Barababwira ngo muzane amafaranga tubasengere, ubwo burwayi mufite burakira, ibintu nk’ibyo, kuko hari n’abo Leta yafungiye kandi koko byari bikwiye ko bafungirwa, na bo bimukiye kuri izo mbuga nkoranyambaga.”

Pasiteri Mutangana, avuga ko no gutura n’ubundi byakomeje nkuko byari bisanzwe bikorwa mu materaniro asanzwe.

Ati “Gahunda zose nkuko zakorwaga mu nsengero zarakomeje ku mbuga nkoranyambaga, ubundi iteraniro riba rigizwe n’ibyiciro bine. Icya mbere ni ugutangira basenga, basengera iteraniro uko riza kugenda, hakaba hari umuyobozi wa gahunda uza kuriyobora, hakajyaho igice cyo kuririmba, kuramya Imana, bakaririrmba abashinzwe kuririmba, byavaho hakabaho igihe cyo kwakira uwigisha ijambo ry’Imana.”

Yungamo ati “Byarangira hakabaho icyiciro cyo gusenga no gusengera ibyifuzo by’abantu batandukanye baba bafite, hakajyaho icyiciro cyo gutura no gushima Imana, bagashima Imana bagatanga n’amaturo. Iteraniro rigasozwa nkuko ryasozwaga mu rusengero.”

Nubwo gusengera ku mbuga nkoranyambaga bikorwa ariko ngo icyizere abayobozi b’amadini n’amatorero bari bafitiwe cyaragabanutse kubera ko hari abiyitirira uwo murimo, bagakora ibihabanye.

Pasiteri Mutangana ati “Icyizere cyaragabanutse kubera amakosa menshi abantu bamwe baje biyitirira ibintu byo gusenga kandi atari ugusenga bahakorera. Abantu benshi bacitse imbaraga, kubera ko niba yahuye n’igisambo, aravuga ati bariya bose ni ibisambo, niba yahuye n’umubeshya aravuga ati bariya bose barabeshya. Icyizere cyaragabanutse cyane."

Arongera ati “Mbere abapasiteri bari bazwi, Akarere gakurikirana kati dufite insengero izi ngizi mu Karere, mu Murenge, Akagari kandi bibaruye, umuntu ufite aho wamukurikiranira. Ubu babaye benshi, byabaye akajagari, urimo kuvuka wese araza yiyita Pasiteri, Prophet, Evangeliste, utazi aho akomotse. Birasaba ko abantu baza ku mbuga nkoranyambaga baje gusenga, baze bafitemo n’ubwenge Imana yabahaye.”

Kugeza mu Gushyingo 2025, RGB yagaragazaga ko insengero n’imisigiti 9.171 zafunzwe kubera kutubahiriza ibiteganywa n’amategeko zitarafungurwa, ariko yizeza ko zimwe zishobora gufungurwa vuba bijyanye n’uko zuzuza ibisabwa.

Aha kandi bagatungurwa no kumva ko umuntu basanze ntacyo arwaye yandikiwe imiti kandi muganga yamubuzemo indwara, bakibaza bati ese imiti yandikiwe ni iyiki ko wumva nta ndwara bigeze bamusangamo?

Abahanga mu bijyanye n’ubuzima bagaragaza indwara/kurwara nk’ikintu cyose gituma umubiri udakora neza nkuko byari bisanzwe.

Ibi rero bituma abaganga iyo bagiye gusuzuma no gupima indwara bahera ku kureba uko umubiri ugomba kuba umeze mu buryo busanzwe, basanga utameze neza, hagakurikiraho kumenya icyabiteye, bakaba babibona cyangwa ntibabibone.

Biranashoboka cyane ko bitewe n’ubudahangarwa bw’umubiri w’umuntu bwaburizamo cyangwa bugahagarika iyo ndwara.

Ubundi habaho udukoko dutera indwara (Pathogens) hamwe n’abasirikare b’umubiri bihariye bakorwa n’ubudahangarwa bw’umubiri kugira ngo barwanye ibintu byateza indwara (Antibodies).

Dr. Hussein Nsabiyera, avuga ko hari igihe umuntu aba afite abasirikare b’umubiri benshi kandi bakomeye.

Ati “Igihe icyo cyerezo cyikwinjiriye, tuvuge ko ari agakoko gatera Malariya (Malaria) cyangwa bagiteri (Bacteria) y’ubwoko runaka, abasirikare bahita babaduka kurwanya ka gakoko. Iyo bagiye gushaka ya ndwara ntibayibone, ahubwo bakabona abasirikare biganje benshi bameze neza mu mubiri w’umuntu nk’uko bisanzwe, bakubwira ko uri muzima, nyamara kandi ntabwo uri muzima kuko muri sisiteme y’umubiri wawe haracyarimo intambara ikomeye.”

Ibi ariko ngo ntabwo bivuze ko iyo babuze indwara batayivura, kuko hari icyo mu buvuzi bita Empiric treatment cyangwa Blind treatment (ubuvuzi butangizwa hashingiwe ku bikekwa n’ibimenyetso hataramenyekana indwara), kuko budashingira ku bisubizo by’bimenyetso byavuye muri laboratwari.

Dr. Nsabiyera ati “Iyo ungeze imbere ucitse intege, uruka, ufite umuriro kandi n’ingenzi kuba twawugabanya, nkohereza ibizamini muri laboratwari, bishobora kuba byatwara amasaha cyangwa se umunsi, yewe n’icyumweru kuko nk’icyo twita ‘Culture’, gishobora kumara n’ibyumweru bibiri. Noneho nkibaza uyu muntu ararwaye ndabibona, ariko ntabwo nzi icyamurwaje, ariko ikigaragara ni uko ari infekisiyo (infection) kuko nta kintu kizana umuriro uretse kuba ari infekisiyo, uba utanayizi ariko iba ihari.”

Yungamo ati “Umuganga mu bumenyi aba afite mu bijyanye n’umubiri w’umuntu aba afite bagiteri (ibitera ibyo byago) ibihumbi, bifite ibimenyetso bitandukanye harimo nka kimwe gitandukanya iki n’iki, ariko hari na byinshi bihuje. Habaho na antibiyotike (imiti yica bagiteri), akavuga ati mu gihe ntegereje ibisubizo bya laboratwari, uyu muntu reka mbe muvuye ntya, agahitamo umuti ukubereye ushobora kurwanya byose. Iki gihe nicyo twita Blind treatment.”

Iyo bigenze bityo, ngo hari igihe bishobora kurangira bibaye ubuvuzi butanga igisubizo ku buryo umurwayi akira ntasubire kwa muganga (definitive treatment), kabone nubwo ibisubizo by’ibizamini byaboneka, ariko hari n’igihe ibisubizo by’ibizamini bishobora kuza muganga akabona bagiteri yateye uburwayi.

Ati “Icyo gihe mpita mvuga nti uyu muti naguhaye ndawuhinduye, ni uko birangira abantu bahinduriwe imiti bari bahawe mbere. Ni ukuvuga ngo umuntu ashobora kuburirwa indwara kubera impamvu y’ubudahangarwa bw’umubiri we, abasirikare b’umubiri bagerageje kurwanya iyo ndwara.”

Uretse ubudahangarwa bw’umubiri, ariko ngo burya indwara zigira igihe fatizo gishingirwaho kugira ngo zitangire kwerekana/gutanga ibimenyetso (Incubation Period).

Dr. Nsabiyera ati “Uzabyumva ngo virusi runaka iyo yateye mu gihe cy’iminsi 1-14, nibwo ushobora gutangira kuvuga ngo ndayifite koko mfite ibimenyetso. Ntabwo ari virusi gusa, ni buri ndwara yose, iyo icyago cyose cy’uburwayi cyinjiye mu mubiri, kigira igihe runaka gishobora kuba cyagaragarira. Hari igihe umuntu ashobora kujya kwipimisha yumva intege nke, akajya kwa muganga bagapima ayo maraso, ntibabone bwa burwayi, kubera ko butarageza igihe.”

Arongera ati “Niyo mpamvu bakubwira ngo, ndabona ufite ibimenyetso byose bya Malariya ariko ntitwayibonye, uzagaruke ejo, bakongera bakagupima ya Malariya, inshuro n’eshatu zashira bagipima ya Malariya, kuko ni rumwe mu ngero dufite z’indwara zikunda kubura nyamara kandi uzifite.”

Abantu bagirwa inama yo kudafata imiti iyo ari yo yose batandikiwe na muganga, kubera ko ari kimwe mu bishobora gutuma indwara ibura igihe cyose ugeze kwa muganga ugiye kwivuza hari indi miti wabanje gufata mbere yaho.

Muri rusange biranashoboka ko uburwayi bushobora kutaboneka bitewe n’uko nta byuma byabugenewe byifashishwa mu kubushaka no kubutahura, kuko nko mu Rwanda, atari ahantu henshi ushobora kubona aho ukoresha ikizamini cya ‘Culture and Sensitivity’ bigatuma umuntu ahora avurwa muri bwa buryo bwo kuvura indwara itaragaragaza ibimenyetso.

Mu magambo yoroshye, ‘Culture and Sensitivity’, ni ikizamini gikorwa hashakwa udukoko dutera indwara, hakanarebwa imiti ishobora kutwica neza.

Culture, ni igihe hafatwa amaraso, inkari, ibikomere n’ibindi, kugira ngo hamenyekane udukoko dushobora kuba dutera indwarwa, mu gihe Sensitivity (Antibiotic sensitivity test), ari igihe hapimwa imiti (antibiotics) ikora neza kuri twa dukoko twabonetse, kugira ngo hatoranywe umuti ukwiye.

Ubuyobozi bw’Umuryango w’Abayisilamu mu Rwanda, bwatangaje ko kuva ku munsi wa Eid Al Adha wizihijwe ku wa 27 kuri mu Rwanda hatangwa ibitambo ku matungo 3,078.

Nyuma y’iyo minsi kandi ni nabwo biba biteganyijwe ko abarimo gukora umutambagiro mutagatifu (Hajj), basoza icyo gikorwa, maze imbaga y’Abayisilamu bari bateraniye i Mecca muri Arabia Saoudite bagatangira gufata ibyerekezo bitandukanye basubira mu bihugu byabo.

Ubuyobozi bw’Umuryango w’Abayisilamu mu Rwanda, buvuga ko muri uyu mwaka (2026) Abayisilamu b’Abanyarwanda bashoboye kujya gukora mutambagiro mutagatifu (Hajj), ari 72 barimo 62 bagiye muri gahunda isanzwe y’uwo muryango yo gufasha Abanyarwanda kujya gukora umutambagiro mugatifu hamwe n’abandi 10 mu buryo bwihariye bw’abashyitsi b’umwami wa Arabia Saoudite.

Aya matsinda yasuzumye inkingo n’imiti bishobora gufasha mu gukumira no kuvura Ebola ya Bundibugyo.

Impuguke za WHO zasabye ko ibikoresho byose byagaragajwe nk’ibifite icyizere byakomeza gukoreshwa gusa mu bushakashatsi bwo mu mavuriro (clinical trials) kugira ngo haboneke amakuru ahagije kandi ubushakashatsi bukorwe mu buryo butekanye, bwubahiriza amahame mbwirizamuco kandi bugatanga ibisubizo byizewe.

Aha kandi, iri shami ryita ku buzima, ryateguye inama nyinshi z’impuguke, zasuzumye inkingo n’imiti iri kugeragezwa kuri iyo virusi. Yanahuye n’itsinda rishinzwe ibijyanye n’inkingo za Ebola kugira ngo harebwe uruhare rw’inkingo za Ebola zisanzwe zemewe mu gihe hadutse iya Bundibugyo.

Kugeza ubu, nta muti cyangwa urukingo byemewe ku rwego mpuzamahanga, by’umwihariko byo gukumira cyangwa kuvura Ebola ya Bundibugyo. Ariko, WHO yagaragaje ko hari imiti n’inkingo bitanga icyizere ku buryo bikwiye gushyirwa imbere mu bushakashatsi.

Ubu rero, bashyizeho imikoranire ya hafi na za Guverinoma za Congo na Uganda kugira ngo byorohere ishyirwa mu bikorwa ry’ubu bushakashatsi.

Mu kuvura abarwayi, impuguke zasabye gushyira imbere MBP134 (monoclonal antibody). Uyu ni umuti ukozwe mu bwoko bw’udukingirizo twihariye twitwa monoclonal antibodies. Ukaba wakozwe kugira ngo ushobore gukora ku moko atandukanye ya Ebola, harimo n’iya Bundibugyo.

Maftivimab® (monoclonal antibody). Uyu ni umuti wamenyekanye cyane nk’igice cy’imiti ikoreshwa kuri Ebola zimwe na zimwe, cyane cyane mu bushakashatsi bwo kurwanya virusi zo mu muryango wa Orthoebolavirus.

Remdesivir. Uyu ni umuti urwanya virusi, wigeze no gukoreshwa mu bihe bimwe bya COVID-19, unakorerwaho ubushakashatsi kuri Ebola.

Hanashimangiwe ko hakwiye kugeragezwa guhuza umuti wa monoclonal antibody na remdesivir, mu gukumira ubwandu ku bantu bahuye n’abarwaye Ebola.

Impuguke zagaragaje ko obeldesivir, umuti unyobwa, ari wo ufite icyizere kurusha indi mu gukingira abantu bahuye n’abanduye.

Icyakora, WHO ivuga ko bisaba gukurikirana neza abantu bahuye n’abarwayi,
ikintu kigikomeye gutahur neza mu bice bimwe bya DRC.

Ubushakashatsi bugamije kureba niba guha abantu bahuye n’abarwayi ibinini bya obeldesivir bishobora kubarinda kurwara Ebola.

Impuguke zagaragaje ko urukingo rwa rVSV Bundibugyo vaccine ari rwo rufitiwe icyizere kurusha izindi. Uru, ruzafata amezi 7–9 mbere yo kuba rwageragezwa mu bushakashatsi.

Urundi ni urwa ChAdOx1 Bundibugyo, rushobora kuboneka mu mezi 2–3 kugira ngo rutangire kugeragezwa, nubwo hagikenewe andi makuru y’ubushakashatsi bwakorewe ku nyamaswa.

Impuguke zavuga ko urukingo rwa dose imwe rwakoreshwa ku bantu bahuye n’abanduye, naho urwa dose ebyiri rwagakoreshwa ku bantu bafite ibyago byinshi byo guhura n’icyorezo, nk’abaganga n’abakora ubutabazi.

Hagati aho, hasesenguwe uruhare rwa Ervebo, nk’urukingo rukumbi rwemewe kuri Ebola, ariko rwemewe gusa kuri Ebola isanzwe ikunze kugaragara muri Afurika.

WHO, na guverinoma za DRC na Uganda, n’izindi nzego z’ubushakashatsi barimo gutegura uburyo bwo gusuzuma umutekano, imikorere, n’ubushobozi bw’iyi miti n’inkingo.

Mu gihe hagitegerejwe ibisubizo by’ubushakashatsi, WHO ivuga ko hakomeje gukoreshwa uburyo busanzwe bwafashije mu guhangana na Ebola mu myaka yashize.

Ubu buryo burimo gukurikirana indwara, gupima no gusuzuma vuba, gukurikirana abahuye n’abarwayi, gushyira abarwayi mu kato no kubitaho, gukumira ubwandu mu mavuriro,
gukorana n’abaturage, no gushyingura mu buryo bwizewe kandi bwubashywe.

Ni ibirori byabaye kuri uyu wa Gatatu tariki 27 Gicurasi 2026, byitabiriwe na Perezida wa Repubulika Paul Kagame, hamwe n’abandi bayobozi mu nzego zitandukanye z’Igihugu, bikaza gutangirwamo ipeti rya AIP ku bapolisi bamaze igihe bategurwa kugira ngo bazamurwe mu ntera mu cyiciro cya abofisiye bato muri Polisi y’u Rwanda.

Polisi y’u Rwanda imaze imyaka 25 ishinzwe, ikorana n’abaturage mu bufatanye butanga umutekano, ibiro byo kwizihiza iyo myaka bikaba byanitabiriwe n’abashyitsi baturutse mu bihugu by’inshuti barimo abayobozi ba Polisi bo mu bihugu bya Burkinafaso, Santrafurika, Eswatini, Gambia, Kenya, Lesotho, Liberia, Qatar na Seychelles. Abandi ni abayobozi bungirije ba Polisi barimo uwa Mozambique, Sudan, Uganda na Zimbabwe.

Abanyeshuri barangije amahugurwa bagize icyiciro cya 14, bayatangiye tariki 15 Nyakanga 2025, barimo abagabo 327 n’abakobwa 109, bagizwe n’abanyeshuri 124 barangije amasomo y’icyiciro cya kabiri cya Kaminuza mu mashami atandukanye mu ishuri rikuru rya Polisi riri i Musanze.
Ikindi kigizwe n’abanyeshuri 172 bari basanzwe ari abapolisi bato barimo Abanyarwanda 173 n’abandi 9 baturutse muri Seychelles.

Abandi ni 86 baturutse mu buzima bwa gisivili, n’abandi 50 barimo 30 b’Urwego rw’Igihugu rushinzwe iperereza n’Umutekano (NISS) na 20 b’Urwego rw’Igihugu rw’Ubugenzacyaha (RIB).

Harimo kandi abanyeshuri 4 bakoreye amahugurwa y’abofisiye bato mu bihugu bya Misiri na Singapole.

Mu gihe bamaze mu mahugurwa bize amasomo agamije kubongerera ubushobozi, imyitwarire n’imikorere ya kinyamwuga ku rwego rw’abofisiye bato muri polisi, bikazabafasha gukora neza akazi kabategereje.

Ni amatungo arimo Inka 1894 hamwe n’Ihene 1182 atangwamo ibigitambo mu Turere twose tw’Igihugu mu gihe cy’iminsi ine yagenewe ibitambo uhereye ku wa 27 Gicurasi.

Mufti w’u Rwanda Sheikh Musa Sindayigaya, avuga ko muri ayo matungo harimo atangwa n’abafatanyabikorwa, yose akazasaranganywa mu buryo bwiza mu gihugu hose.

Ati "Hagiye gukurikiraho gahunda yo kujya kubaga biriya bitambo, tuba twarasabye uburenganzira mu nzego zitandukanye, twaramenyesheje iyi gahunda. Ubu nicyo kigiye gukurikiraho, kandi biteguye neza ku buryo burimo ubuhuzabikorwa bwiza kugira ngo bisaranganywe kuko Uturere 30 twose gahunda yo kutugeramo irahari."

Bamwe mu bayisilamu bavuga ko umunsi nk’uyu ari umunsi iyo babaze batumira bagenzi babo, bagasangira ndetse bakanafasha abatishoboye kugira ngo hatagira ubura amafunguro, ariko kandi ngo baba barimo no kubahiriza itegeko ry’Imana.

Jamal Sibomana, avuga uyu ari umunsi wo gufatanya no gusangira n’inshuti n’abavandimwe.

Ati "N’abavandimwe bacu batari Abayisilamu twese uyu munsi mucyo Imana yaduhaye, uwabonye inyama agasangira n’umuturanyi we, ari uzihabwa ntabwo ari buzirye wenyine, ari n’uwabaze araha abaturanyi be n’abatishoboye."

Shadia Uwimana ati "Hari abakene muri twe baba badafite amafunguro, bikadufasha kuba twasangira, mbese biba ari ibyishimo kuko bitwibutsa urwibutso rwiza Intumwa y’Imana Ibrahim yadusigiye, y’uko tugomba kumvira Imana kuko ibyo iba idutegetse si uko iba itwanze, ahubwo aba ari byiza kuri twe."

Ubuyobozi bw’Umuryango w’Abayisilamu mu Rwanda, buvuga ko muri uyu mwaka Abayisilamu b’Abanyarwanda bashoboye kujya gukora mutambagiro mutagatifu (Hajj), ari 72 barimo 62 bagiye muri gahunda isanzwe y’uwo muryango yo gufasha Abanyarwanda kujya gukora umutambagiro mugatifu hamwe n’abandi 10 mu buryo bwihariye bw’abashyitsi b’umwami wa Arabia Saoudite.

Ni umunsi ngarukamwaka wizihizwa buri ku wa 10 w’ukwezi kwa Dhul Hijjah (Ukwezi kwa 12 kuri kalendari ya y’Abayisilamu/ Hijri), uba ukurikira umunsi wa Arafat, uba ku wa 9. Ufatwa nk’umunsi wo kwibuka ukwemera n’ukumvira Imana kwa Ibrahim (Aburahamu), ubwo yari yiteguye gutamba umuhungu we kubera kumvira Imana.

Mu myemerere ya Islamu, Imana yaje kumuha intama (igitambo) kugira ngo ayisimbuze uwo mwana. Ikaba ari yo mpamvu witwa umunsi w’igitambo.

Muri uyu mwaka mu Rwanda n’ahandi hose ku Isi, umunsi wa Eid Al Adha urizihizwa kuri uyu wa Gatatu tariki 27 Gicurasi, aho ubimburirwa no gukora isengesho ryihariye rya Eid mu misigiti cyangwa ahantu hagari hahurira abantu benshi.

Nyuma y’isengesho abafite ubushobozi bashobora gutamba itungo nk’intama, ihene, inka cyangwa ingamiya mu bice bimwe by’isi, mu rwego rwo kwibuka ukwemera kwa Ibrahim (Aburahamu).

Uwatanze igitambo aba ategetswe gusangira n’abandi, kuko icyo gitambo kiba kigomba kugabanywamo ibice bitatu, biba bigizwe n’icya nyiri kubaga n’umuryango we, ikindi kigenerwa umuturanyi, hamwe n’ikigomba gushyikirizwa abatishoboye (abakene).

Uyu kandi uba ari umunsi wo gusura abo mu muryango, gufashanya, gutanga impano no kwifurizanya ibyiza.

Ni umunsi w’ingenzi ku bayisilamu kuko ubibutsa kumvira Imana, ugashimangira ubuntu no gusangira, guhuza imiryango n’inshuti, ukanagirana isano n’umutambagiro mutagatifu (Hajj).

Mu bihugu byinshi by’Abayisilamu, Eid al-Adha imara iminsi itatu kugeza kuri ine y’ibirori, amasengesho no gusurana.

Kuri uyu munsi nyirizina, umuntu ashobora kutabona uko atanga igitambo, akaba yagitanga mu yindi minsi itatu ikurikiyeho, bikangana cyangwa akakirirwa igikorwa nk’uwabikoze kuri Eid Al Adha.

Amateka yawo ashingiye ku ntumwa y’Imana Ibrahim (Aburahamu), kuko mu myemerere ya Islamu, bivugwa ko yarose cyangwa yahishuriwe n’Imana ko agomba gutamba umuhungu we nk’ikimenyetso cyo kumvira Allah.

Mu myemerere y’Abayisilamu, uwo muhungu ni Ishmael (Ismail), mu gihe mu myemerere imwe ya gikristu n’iy’Abayahudi hakunze kuvugwa Isaac.

Uyu munsi mukuru watangiye kwizihizwa kuva mu bihe by’Intumwa y’Imana Muhammad, nyuma yo kwimukira i Medina mu kinyejana cya 7. Bivugwa ko Intumwa Muhammad yabwiye Abayisilamu ko Iman (Imana) yabahaye iminsi mikuru ibiri y’ingenzi, ari yo Eid al-Fitr na Eid al-Adha.

Mu bihugu bimwe, cyane cyane muri Afurika y’Iburengerazuba n’Amajyaruguru, uyu munsi bawita Eid al-Kabir bisobanuye “Eid Nkuru”, kugira ngo bayitandukanye na Eid al-Fitr, rimwe na rimwe yitwa Eid nto.

Umuyobozi Mukuru wungirije w’Abayisilamu mu Rwanda, Sheikh Yunus Mushumba, avuga ko ibitabo by’amateka bivuga ko umunsi wizihirizwaho Eid Al Adha, ari na wo munsi Aburahamu yahereweho iryo tegeko.

Ati “Uko ibiragano byagiye bisimburana, uyu munsi uhuriranye na tariki 10 z’ukwezi kwa 12 mu kirangaminsi kigendera ku mboneko z’ukwezi, nibwo Aburahamu yategetswe iryo tegeko, n’Intumwa y’Imana Muhammad Imana imuha amahoro n’Imigisha, ni uyu munsi yatanzeho icyo gitambo. Ubwo rero ku Isi yose miliyari z’Abayisilamu na bo tariki 10 z’ukwezi kwa 12, dukoramo umutambagiro mutagatifu ni nako dutangamo igitambo.”

Yungamo ati “Twishimira ko iyi minsi mikuru itakiri umwihariko ku bayisilamu, ni ku Banyarwanda muri rusange. Tunabishimira by’umwihariko Perezida wa Repubulika Paul Kagame wadusubije ubu burenganzira, tukareshya n’abandi Banyarwanda bose, tukisanzura mu myemerere. Mbere ntabwo ari ko byari bimeze, wasangaga mu Bayisilamu nubwo bari bake ariko ntibahabwaga ayo mahirwe yo kuruhuka cyangwa ngo bifatanye n’abandi mu isengesho.”

Ku Isi habarirwa Abayisilamu bagera kuri miliyari 2, bangana na 25% by’abatuye Isi, bikagira Islamu idini ya kabiri ifite abayoboke benshi ku Isi, nyuma ya Gatolika.

Mu bana barenga 5,000 bitabiriye iri rushanwa muri uyu mwaka, 80 nibo bemerewe gukomeza mu ijonjora, ari nabo bazavamo 36 bazahembwa ku wa Gatanu tariki 29 Gicurasi 2026.

Iri rushanwa ryatangiye muri Mutarama rifite insanyamatsiko igira iti “Amafaranga ni ingenzi (Money Matters)”, ishishikariza abana n’urubyiruko gutekereza ku kwizigamira, gushora imari no gukoresha neza amafaranga.

Umuyobozi Mukuru wa KPL, Tessy Rusera, avuga ko iri rushanwa rimaze kuba urubuga rwo guteza imbere umuco wo gusoma, kwandika no kuvuga inkuru mu bana n’urubyiruko rw’u Rwanda.

Yagize ati: “Kuri twe ni intambwe ikomeye cyane. Icyo ni cyo cyatumye icyiciro cya gatanu kiba umwihariko. Amafaranga ni ikintu abana bumva kuva bakiri bato, ariko ntibayageraho. Ni yo mpamvu bakura batekereza bati: ‘Nzabona amafaranga, nzashaka uburyo bwo kuyabona.’”

Avuga ko uretse kwigisha ibijyanye n’imicungire y’imari, iri rushanwa rigamije no guha abana ijambo mu biganiro by’Igihugu bakunze kudahabwamo umwanya.

Yagize ati: “Twakiriye inkuru zishimishije cyane kandi zadutunguye. Intego ni ugutuma abana n’urubyiruko bagira uruhare mu biganiro. Akenshi ntabwo baba bari mu matsinda abazwa ibitekerezo.”

Bimwe mu bihembo bihabwa abatsinze, birimo mudasobwa zigendanwa, tablets, amagare, ibitabo, kuba umunyamuryango w’isomero ndetse n’ingendo zigamije kwigisha zijyanye n’insanganyamatsiko y’umwaka.

Iri rushanwa ryitabirwa n’abanyeshuri bose babishaka kandi babishoboye bo kuva mu mwaka wa mbere w’amashuri abanza kugeza mu mwaka wa gatandatu w’amashuri yisumbuye, ya Leta cyangwa ayigenga. Inyandiko zakirwa ni izo mu ndimi zikoreshwa kandi zemewe mu Rwanda.

Ubuyobozi bwa KPL bushimira abaterankunga na Leta yabahaye ubufasha bwo kugira ngo babashe kugera kuri iyo ntego. Uretse iri rushanwa, ibikorwa bya KPL bisanzwe bigera mu bice bitandukanye by’Igihugu binyuze mu gushyigikira amasomero arenga 100 y’abaturage. Inatanga ibitabo, amahugurwa, hamwe n’ibindi bikorwa bigamije kongera ubushobozi bwo gusoma.

KPL yifuza ko iri rushanwa ryazaguka rikagera ku rwego rwo kuba urubuga rw’akarere ka Afurika y’Iburasirazuba, hashimangirwa umuco wo gusoma no kwandika mu Rwanda, kuko kuba hari umubare munini w’abanditsi bato, bibagira abakandida beza bo guhatana ku rwego rw’Akarere

Uhuru yasabye ubutegetsi bwa Ruto gushyira imbaraga mu gushaka ibisubizo aho gukomeza gushinja ubutegetsi bwamubanjirije.

Abanyakenya benshi bakomeje kugaragaza impungenge n’uburakari bitewe n’ingaruka z’izamuka ry’ibiciro by’ibikomoka kuri peteroli, rikomeje gutuma ubuzima bwa buri munsi burushaho guhenda.

Uhuru yabivuze ubwo yagezaga ijambo ku bayoboke b’ishyaka rya Jubilee Party mu gace ka Kiambu, tariki ya 25 Gicurasi, aho yashinje ubuyobozi bwa Ruto gukoresha amagambo menshi no gushinja abandi aho gukemura ikibazo cy’ibiciro bya lisansi.

Uhuru yavuze ko Abanyakenya benshi binubira ubuzima buhenze bwatewe n’izamuka ry’ibiciro by’ibikomoka kuri peteroli.

Yagize ati: “Ikibazo kiroroshye. Abantu bari gutaka bavuga bati: ‘Njyewe umushahara wanjye wa Gicurasi ni amashilingi 20,000 ya Kenya. Muri ayo, amafaranga menshi agenda mu ngendo zo kujya no kuva ku kazi. Andi ajya mu nzu nkodesha. Hasigaye make yo kugaburira abana no kubajyana ku ishuri. Icyo ni cyo kibazo.”

Uhuru kandi yavuze ko ubutegetsi bwa Ruto bwagombye kwibanda ku gushaka ibisubizo aho gukomeza gushinja ubutegetsi bwamubanjirije.

Yagize ati: “Nimuvuge ku kibazo ubwacyo. Ntimukomeze kuvuga iby’amoko n’ibindi. Niba mushaka ko dufatanya gukemura iki kibazo, twagikemura kuko turi Abanyakenya kandi dukunda igihugu cyacu. Gukomeza gushinja abantu ni gute byafasha igihugu gutera imbere?”

Ubusanzwe Arafat ni ahantu h’ingenzi hafi ya Mecca muri Arabie Saoudite, ahari ikibaya cya Arafat (Plain of Arafat). Ni ho abajya gukora umutambagiro mutagatifu (Hajj) bahurira bakamara igihe basenga, basaba imbabazi no kwibuka Imana.

Iki gikorwa cyitwa Wuquf bi Arafah (guhagarara cyangwa kuba i Arafat), kikaba ari inkingi ikomeye cyane ya Hajj (umutambagiro mutagatifu).

Hari amagambo akunze kuvugwa agira ati: “Hajj ni Arafah”, bivuze ko kugera mu kibaya cya Arafat ari ingenzi cyane ku buryo utahageze umutambagiro mutagatifu (Hajj) we uba utuzuye.

Kuri uyu munsi (Arafat) abari mu mutambagiro mutagatifu (Hajj) baba bateraniye i Arafat kuva ku manywa kugeza izuba rirenze, basenga, basaba imbabazi, baca bugufi imbere y’Imana (Allah).

Mu myemerere ya Islamu, uyu munsi ufatwa nk’igihe cyiza cyane cyo gusaba imbabazi no gukora amasengesho yo gusaba (dua), kuko bivugwa ko ariwo umunsi Imana (Allah) ibabarira abantu benshi ibyaha ikabohoramo abantu benshi ku bihano.

Ku bayisilamu batagiye gukora umutambagiro mutagatifu (Hajj), umunsi wa Arafat ushimangirwa cyane no kwiyiriza ubusa (Sawm ya Arafah), gusenga no gusaba (dua), gusoma Qur’an, kwicuza no gusaba imbabazi.

Abayisilamu bemera ko kwiyiriza ku munsi wa Arafah bishobora kuba impamvu yo kubabarirwa ibyaha by’umwaka wabanje n’uwukurikiyeho (ibyaha byoroheje mu myemerere ya Islamu).

Nyuma ya Arafat, abakoze umutambagiro mutagatifu (Hajj) bajya gukora igikorwa cyo gutera amabuye (Ramy al-Jamarat) no gutamba igitambo, ari na byo bihurirana na Eid al-Adha ku bayisilamu bose.

Muri uyu mwaka umunsi wa Eid al-Adha uzizihizwa tariki 27 Gicurasi. Mu Rwanda Minisiteri y’Abakozi ba Leta n’Umurimo yatanze ikiruhuko.

Eid al-Adha, ni Umunsi Mukuru w’Igitambo wizihizwa hazirikanwa igihe Aburahamu yari agiye gutamba umwana we Ismail ho igitambo, ariko Imana ikamuha intama mu cyimbo cy’uwo mwana.

Ni umunsi wa gatatu w’umutambagiro mutagatifu uba watangiye tariki 8 ukamara iminsi itanu.

Ni umwe mu minsi mikuru yizihizwa cyane mu idini ya Islam kuko ari uwa kabiri nyuma ya Eid Fitir yizihizwa buri nyuma y’ukwezi kwa Ramadhan.

Uyu munsi ubanzirizwa n’isengesho rikorwa mu gitondo, rigakurikirwa n’igikorwa cyo kubaga amatungo atangwamo ibitambo hagamijwe gushyira mu bikorwa inkingi yo ‘gutamba’ imwe mu zigize ukwemera mu idini ya Islam.

Kuri uwo munsi Abayisilamu barangwa n’ibikorwa by’urukundo nko gusangira no gufasha abatishoboye.

Bitandukanye na Eid Fitir isengesho ryo kuri uwo munsi rikorwa nta muntu uragira icyo ashyira mu kanwa mu rwego rwo kuzuza iminsi 10 y’igisibo gikorwa muri uku kwezi (Dhul Hijjah ), ubundi bagatangira kurya no kunywa nyuma y’isengesho.

Nyuma yo kubisuzuma, urukiko rwanzuye ko urubanza ruzasomwa ku wa 11 Kamena 2026, ari nabwo hategerejwe imyanzuro ya nyuma y’urukiko kuri uru rubanza.

Muri Nyakanga umwaka ushize (2025) nibwo umukobwa ufite ubumuga bw’ubugufi bukabije utuye mu Karere ka Nyarugenge, witwa Nelly Ingabire yatanze ikirego cyo guhohoterwa n’umunyamategeko witwa Aline Munyakaragwe, wamwise amazina atesha agaciro abafite ubumuga agendeye ku bumuga afite.

Ingabire, avuga ko yakorewe ihohotera na Munyakaragwe, amwita amazina amutesha agaciro, agerageje kubimubuza undi ahitamo kubikomeza mu ruhame ku buryo byamugizeho ingaruka.

Ati “Arantuka ngo ndi igikuri, ndabyihorera ubwa mbere, ubwa kabiri abintukira mu ruhame. Byarampungabanyije kuko naramubwiye nti ariko kuki ukunda kumpohotera unyita igikuri, arambwira ati ubundi se nyobewe ko uri igikuri, kandi abivuga mu ruhame, bimviramo kureka n’akazi nari mfite. Nta bantu bari babizi aho ntuye, bari barabyibagiwe nta muntu ushobora kubinyita, numva abantu bose batangiye kubinyita, nshaka ukuntu nakwimuka kubera abantu bari batangiye kujya babinyita.”

Ihuriro Nyarwanda ry’amashirahamwe y’abafite ubumuga mu Rwanda (NUDOR), rivuga ko kimwe mubyo bamaze igihe bakora, ari ukwigisha abantu gukoresha imvugo ziboneye zikoreshwa ku bantu bafite ubumuga, ariko igihe kikaba kigeze kugira ngo ababikora nkana batangire kubihanirwa, kuko amategeko abihana ahari.

Umujyanama mu by’amategeko no kudaheza abantu bafite ubumuga muri NUDOR, Jean Baptiste Murema, avuga ko igihe kigeze kugira ngo abantu batangire guhanirwa guhohotera abafite ubumuga babita amazina abapfobya, kugira ngo bumve koko ko ari ikibazo kibabangamiye.

Ati “Usanga umuntu batamwita izina rye aho atuye cyangwa mu Mudugudu, ugasanga azwi ku izina rya kiragi, gicumba, kajorite, kaboko, ruhuma. Ayo ntabwo ari amazina biswe n’ababyeyi babo, ntabwo ari amazina ari ku irangamuntu. Aha rero niho hari ikibazo, tukavuga tuti aya mazina ntabwo yemewe, kubera ko iyo jye unyise gicumba, mu by’ukuri uba uvanye kuba umuntu, mbaye ikintu.”

Yungamo ati “Hari n’ababikorera nkana, kuko nkuru rubanza turimo kuvuga rw’uyu mugore Nelly yareze, yageze naho amubwira ati ntabwo uri igikuri gusa ahubwo uri n’urukuri, urumva ko aba abikoze nkana nta nubwo ateze no kubireka. Tukavuga tuti abantu mureke kutwita ya mazina ajyanye n’ubumuga bwacu, ahubwo mutwite ayo dufite nk’abandi bantu. Aha niho tuvuga tuti aho bigeze reka abantu batangire kubihanirwa babone ko hari amategeko, kwita umuntu ikimuga ko atari imvugo idakwiye kandi amategeko abihanira.”

Itegeko ry’abafite ubumuga ryo mu 2007, ni Itegeko No 01/2007 ryo ku wa 20/01/2007 rirengera abantu bafite ubumuga muri rusange, ryashyizweho kugira ngo rirengere uburenganzira bw’abafite ubumuga no gukuraho ivangura n’ihezwa bakorerwaga.

Kimwe mu byo rivuga, ni uko abafite ubumuga bafite uburenganzira bungana n’ubw’abandi banyarwanda, kandi batagomba guhezwa cyangwa gusuzugurwa kubera ubumuga bwabo, rikanabuza ibikorwa byose by’ivangura rikorerwa umuntu ufite ubumuga mu buzima busanzwe, mu kazi, mu burezi cyangwa muri serivisi rusange.

Mu gitabo cy’amategeko ahana ibyaha mu Rwanda cya 2018 (Itegeko Nº68/2018 ryo ku wa 30/08/2018 rigena ibyaha n’ibihano muri rusange), abafite ubumuga bavugwaho cyane cyane mu rwego rwo kubarinda ivangura, ihohoterwa no kubavutsa uburenganzira bwabo.

Ingingo ya 163 ivuga icyaha cy’ivangura, igasobanura ko umuntu wese ukora igikorwa kibangamira cyangwa kivutsa umuntu uburenganzira bwe hashingiwe ku bumuga bw’umubiri cyangwa bwo mu mutwe, aba akoze icyaha, kirimo guheza umuntu kubera ubumuga bwe, kumwima uburenganzira ateganyirijwe n’amategeko cyangwa kumutandukanya n’abandi cyangwa kumufata nabi kubera ubumuga.

Icyo gihe uwahamwe n’icyaha cy’ivangura ashobora guhanishwa, igifungo kuva ku myaka 5 kugeza kuri 7, ndetse n’ihazabu iri hagati ya 500,000Frw na 1,000,000Frw.

Ingingo ya 16 y’Itegeko Nshinga, ivuga ko Abanyarwanda bose bareshya imbere y’amategeko kandi ivangura iryo ari ryo ryose rishingiye ku bumuga bw’umubiri cyangwa bwo mu mutwe ribujijwe kandi rihanwa n’amategeko.

Romuald Wadagni yarahiriye kuyobora Bénin muri manda y’imyaka irindwi

Ni umuhango witabiriwe n’abarenga 6,000, barimo abayobozi b’inzego nkuru z’Igihugu, abagize inzego ziteganywa n’Itegeko Nshinga, abahoze ari ba Perezida Nicéphore Soglo na Thomas Boni Yayi, ndetse n’abagize urwego rwa dipolomasi ruhagarariye Ibihugu bitandukanye muri Bénin.

Uyu muhango wanitabiriwe na Minisitiri w’Intebe w’u Rwanda Dr. Justin Nsengiyumva wahagarariye Perezida Paul Kagame.

Imbere ya DorothéeG Sossa, Perezida w’Urukiko rushinzwe kurinda Itegeko Nshinga, Romuald Wadagni, yarahiye ko azakorera kandi akarinda inyungu za Bénin mu gihe cya manda ye y’imyaka irindwi iteganywa n’Itegeko Nshinga.

Wadagni, wabaye Perezida wa gatanu wa Bénin kuva Igihugu cyatangira inzira ya demokarasi nshya muri Gashyantare 1990, yarahiye ko azubahiriza kandi akarengera Itegeko Nshinga, agasohoza mu budahemuka inshingano zikomeye igihugu cyamushinze, ndetse agaharanira icyateza imbere inyungu rusange, amahoro n’ubumwe bw’Abanyabénin.

Yanasezeranyije kurinda ubusugire bw’Igihugu, no guhora agaragaza ubudahemuka n’ubunyangamugayo mu gukorera abaturage.

Nk’uko biteganywa n’Itegeko Nshinga rya Bénin, Perezida wa Repubulika afite ububasha bw’ikirenga akaba ari na we muyobozi wa Guverinoma, ushyiraho kandi agashyira mu bikorwa politiki y’Igihugu, akanagira ububasha bwo gutanga amabwiriza n’amategeko ngengamikorere.

Perezida kandi ni umuyobozi w’ubutegetsi bwa Leta n’Ingabo, kandi ni we uba ushinzwe umutekano n’ubwirinzi bw’Igihugu.

Nyuma yo kugisha inama Inteko Ishinga Amategeko, Perezida ashyiraho abagize Guverinoma, akagena inshingano zabo kandi ashobora no kubakura ku mirimo.

Wadagni, ufite imyaka 49, yatsinze amatora ya Perezida ku majwi 94%.

Ni umunyapolitiki akaba n’impuguke mu by’ubukungu. Yamenyekanye cyane ubwo yari Minisiteri w’Imari guhera mu 2016.

Yagize uruhare rukomeye mu ivugurura ry’ubukungu bwa Bénin cyane cyane mu kongera imisoro yinjira no kunoza imicungire y’imari ya Leta.

Afatwa nk’umwe mu bayobozi bato b’abahanga muri Afurika mu bijyanye n’imari n’ishoramari cyane ko yize ibijyanye n’ubucuruzi n’imari akaba yaranakoze mu bigo mpuzamahanga by’imari nka Deloitte mbere yo kwinjira muri politiki.

Yari ashyigikiwe cyane n’ubutegetsi buriho, ndetse afatwa nk’uzakomereza ku murongo wa Patrice Talon wari Perezida.

Umubano w’u Rwanda na Bénin umaze imyaka ugaragaramo ibikorwa bifatika, by’umwihariko kuva mu 2016 uruzinduko rw’uwari perezida w’iki gihugu, Patrice Talon rwabaye imbarutso y’umubano mushya ukomeje kwera imbuto mu ngeri zirimo ubucuruzi, ubuhahirane n’ibindi.

Izi mpuguke zivuga ko imishinga minini y’ibikorwa remezo, n’andi mahirwe azanwa n’Isoko Rusange rya Afurika (AfCFTA), gahunda zo kurengera ibidukikije no kugabanya ingaruka z’imihindagurikire y’ikirere, ndetse n’icyiciro gishya cy’iterambere ry’isoko ry’imari mu Rwanda, byose ntibishobora guterwa inkunga n’amafaranga abitswa muri banki n’inguzanyo gusa.

Ni bimwe mu byatangarijwe mu ihuriro ry’abashoramari (Investor Forum) ryabereye i Kigali ku wa Kane, ryari rigamije kuganira ku rwego rw’ishoramari n’isoko ry’imari n’imigabane mu Rwanda.

Bimwe mu bibazo by’ingenzi byaganiriwe muri iri huriro birimo, kurebera hamwe aho iterambere ry’icyiciro gikurikira cy’ubukungu bw’u Rwanda rizaturuka, n’uko rizaterwa inkunga.

Umuyobozi Mukuru wa Banki ya Kigali, Dr. Diane Karusisi, avuga ko nk’abantu bakora mu rwego rw’amabanki, babonye ishoramari mu nganda, iryo mu bucukuzi bw’amabuye y’agaciro, hamwe n’irikorerwa mu miturire n’imitungo itimukanwa.

Ati “Ariko ikibazo cy’ingenzi uyu munsi ni iki, mu myaka 60 iri imbere, iterambere rizava he? Iki ni ikibazo tugomba kuganiraho kuko kizadufasha kumenya aho tuzerekeza amafaranga abaturage bazigama mu myaka iri imbere. Nk’amabanki, dufite uruhare mu gutanga inguzanyo, kuri ba rwiyemezamirimo bafite igitekerezo cyiza, dushobora aho gutanga inguzanyo y’imyaka 5, 10 cyangwa 15"

Dr. Karusisi avuga ko nk’amabanki bifuza ko abantu bashora imari mu cyiciro gikurikira cy’iterambere ry’Igihugu, kuko ari bwo buryo abantu n’ibigo byubaka umutungo."

Ati “Ni yo mpamvu dushaka kuganirira hamwe ku cyerekezo ubukungu bwacu bukwiye gufata, n’inzego dukwiye gushoramo imari, kugira ngo natwe nk’amabanki tumenye ibyo dukwiye gutera inkunga, ariko tunafungurire amahirwe abashoramari bose yo kugira uruhare muri iri terambere tubona imbere. Aha ni ho isoko ry’imari n’imigabane (capital markets) rifite uruhare rukomeye, kuko rifasha kuyobora amafaranga yizigamirwa n’abaturage akajya mu mishinga ibyara umusaruro.”

Yungamo ati “Hari andi mahirwe menshi ku mugabane wa Afurika, cyane ko uyu mugabane uri gutera imbere. Twumvise ibiganiro ku mushinga wo kubaka uruganda rutunganya peteroli (refinery) mu karere. Ni gute nk’Abanyarwanda twagira uruhare mu gutera inkunga umushinga nk’uwo, waba uzubakwa muri Kenya cyangwa Tanzania? Ni yo mpamvu dushaka ko isoko ry’imari ridufasha kubona amakuru no kuyobora neza amafaranga yacu yizigamirwa mu mishinga ibyara inyungu ishobora guhindura Afurika.”

Dr. Monique Nsanzabaganwa wabaye Umuyobozi Mukuru wungirije wa Banki Nkuru y’u Rwanda mu gihe kigera ku myaka 10, avuga ko kugira ngo u Rwanda rugere aheza rwifuza mu iterambere rudakeneye gusa amabanki.

Ati “Ntidukeneye amabanki gusa; dukeneye n’isoko ry’imari n’imigabane. Niba urwego rw’amabanki ari moteri ihuza abafite imari n’abayikeneye, noneho isoko ry’imari rigomba kuba umuhanda mugari utwara imari y’igihe kirekire.”

Akomeza agira ati “Impapuro mpeshamwenda, imigabane, ubwizigamwe bw’izabukuru, ibigo by’ubwishingizi, gahunda z’ishoramari rihuriweho, ibikoresho by’imari birengera ibidukikije, ubufatanye bw’abikorera hamwe n’ibigo byihariye bishyirirwaho imishinga, byose ni inzira z’imari zigomba gufasha kugera ku cyerekezo twifuza. Icyo dukeneye ni uburyo bukomeye bwo guhuza amafaranga y’abaturage n’imishinga ifite ubushobozi bwo kuzamura ubukungu ku rugero runini.”

Avuga ko badakwiye kureba gusa uburyo bwo gutanga inguzanyo z’igihe gito, ahubwo bagomba no gutekereza ku buryo bwo kubaka imari y’igihe kirekire ishobora gushyigikira impinduka z’ubukungu.

Ati “Ni ho isoko ry’imari rifite uruhare rukomeye, kuko iyo rikora neza, rituma abaturage batizigamira gusa, ahubwo bahinduka abafatanyabikorwa mu iterambere ry’igihugu. Iyo umuntu ashoye imari mu migabane, mu mpapuro mpeshamwenda cyangwa mu kigega cy’ishoramari, ntabwo aba yizigamira gusa, aba ari gutera inkunga uruganda, ibikorwa remezo cyangwa ikigo gishobora gutanga imirimo no kongera umusaruro."

Arongera ati “Ni yo mpamvu tugomba gukomeza kubaka amasoko y’imari atanga icyizere, acungwa neza kandi yorohereza abantu bose kuyageramo. U Rwanda rwamaze gushyiraho umusingi mwiza muri uru rwego, ariko urugendo ruracyari rurerure. Niba dushaka gutera inkunga icyiciro gikurikira cy’iterambere ryacu, tugomba guhuza amabanki, isoko ry’imari, ibigo by’ubwishingizi, ubwizigame bw’izabukuru n’abashoramari bose, kugira ngo dukore nk’urwego rumwe.”

Umuyobozi Mukuru wa BK Group, Dr. Uzziel Ndagijimana, avuga ko inama bahuriyemo yarushijeho kubafasha kugaragaza no gusobanurira isoko n’icyerekezo cy’ahazaza h’ikigo cyabo.

Ati “Byatwibukije ko kugera ku bikomeye mu buryo burambye bidashobokera umuntu ku giti cye cyangwa ikigo cyonyine. Imikorere y’igihe kirekire ya BK Group ishingiye ku mbaraga z’ubukungu bw’u Rwanda, ubunararibonye bw’isoko ry’imari n’imigabane, icyizere cy’abashoramari, intego n’ubushake by’urwego rw’abikorera, ndetse n’ubuziranenge bw’inzego z’igihugu.”

Abitabiriye ibiganiro batahanye ishusho yaguye ku bijyanye n’isoko ry’imari n’imigabane ku iterambere ry’Igihugu n’Afurika muri rusange, biyemeza gukomeza gushyigikira no gusigasira urwo rwego.

IFAK ni yo yahize andi mashuri mu marushanwa ngarukamwaka ya Money Makeover

Ni irushanwa ryabaye kuri uyu wa 23 Gicurasi, rikaba ritegurwa na iDebate Rwanda, rigaterwa inkunga na BK Foundation, hagamijwe gukangura ubwonko bw’abana bakiri bato, kugira ngo bakurire mu muco wo kuzaba ba rwiyemezamirimo beza, basobanukiwe agaciro k’ifaranga, bikazabafasa kuba abayobozi beza b’ejo hazaza.

Muri uyu mwaka aya marushanwa asanzwe ahuza ibigo by’amashuri yisumbuye bitandukanye byo hirya no hino mu gihugu, ryitabiriwe n’ibigo 11 birimo ES Bumbogo, Lycée de Rusumo, Kagarama Secondary School, IFAK, Rwanda Coding Academy, Rwanda Children Christian School, Rusumo High School, CornerStorne Leadership, Saint Mary Hills Kiruhura, Petit Seminaire Saint Leo Kabgayi hamwe na Agahozo Shalom Youth Village, aho buri shuri ryari rihagarariwe n’abayeshuri batatu.

Bose uko ari 33 bahuriye mu biganiro mpaka byashakiraga ibisubizo abana batatu barangije amashuri yisumbuye bakorerwa umushinga ushobora kubafasha kwinjiza amafaranga menshi kurusha ayo basohora.
Abanyeshuri ba IFAK, begukanye igihembo cy’amafaranga ibihumbi 900Frw, aho uko ari batatu bayagabana buri wese agahabwa ibihumbi 300, bakurikirwa na bagenzi babo biga muri ES Bumbogo, begukanye igihembo cy’ibihumbi 450Frw.

Si ibigo by’amashuri byahize ibindi gusa byahembwe, kuko abanyeshuri bose uko ari 33 bahabwa ishimwe ry’amafaranga ibihumbi 50, kugira ngo bayahereho abafasha kuzigama, banahabwa seritifika (Certificate).

Nyuma yo kwitabira irushanwa, abanyeshuri bavuga ko kwitabira byabafashije kurushaho kumenya byinshi ku mikoreshereze n’imicungire y’ifaranga, bakaba biteze ko bizarushaho kubafasha mu buzima bwabo bwa buri munsi.

Guilliane Juru wiga mu mwaka wa Gatanu kuri IFAK, avuga ko ari iby’agaciro kuba begukanye irushanwa rya 4 rya ‘Money Makeover’, kuko kuryitabira bibasigira ubumenyi ku micungire y’ifaranga.

Ati “Ikintu byamfashije ni ukubona ko nubwo ryaba ifaranga rito riba rifite akamaro kuko hari aho rizagera rigatuma ugwa cyangwa ukazamuka. Kuza muri aya marushanwa biguha ubumenyi bw’uko n’amafaranga macye, ari amafaranga kandi yakora ibintu bihambaye no kubasha gukoresha neza macye ufite.”

ES Bumbogo yabaye iya kabiri mu marushanwa ya Money Makeover

Arnold Mfura Munyaneza wo mu mwaka wa Gatanu kuri ES Bumbogo, avuga ko bashimishijwe n’umwanya wa kabiri babonye kuko ari ubwa mbere bitabiriye iri rushanwa.

Ati “Ubusanzwe twabaga tuzi ko amafaranga uyafata ukayakoresha, noneho asigaye ukaba ari yo ujya kubika, ariko batwigishije ko ufata amafaranga ugakuraho ayo kubika, asigaye ukaba ariyo ukoresha.”

Uyu mwaka irushanwa ‘Money Makeover’ ryari rifite umwihariko ugereranyije n’ayandi yaribanjirije, kubera ko ryahujwe n’ibindi biganiro mpaka byahuje abanyeshuri bo mu Rwanda n’abandi batandatu bo muri Nigeria, baturutse mu Ntara ya Taraba.

Iri rushanwa ryari rifite ibiganiro mpaka byavugaga ku byiza n’ibibi by’ubwenge buhangano (AI), ryegukanywe n’abanyeshuri batandatu bo muri Nigeria.

Gabriel U. Divine, ni umwe mu banyeshuri batandatu bitabiriye ibiganiro mpaka baturutse muri Nigeria. Avuga ko ibiganiro mpaka bibafasha kongera ubushobozi bwo gutekereza byimbitse no gusesengura.

Ati “Nashimishijwe kandi n’uburyo babiteguye kugira ngo bifashe abanyeshuri kongera ubushobozi bwo gutekereza byimbitse, ndetse no kugaragaza impano zabo.”

Ambasaderi John Musa

Ambasaderi w’Intara ya Taraba, John Musa wari uhagarariye itsinda ryaturutse muri Nigeria, yavuze ko bagize amahirwe yo gusura urwibutso rwa Jenoside rwa Kigali bababazwa n’ibyabaye mu Rwanda.

Yagize ati “Nigeria irimo kwigira ku bunararibonye bw’u Rwanda mu kuvugurura integanyanyigisho, kugira ngo urubyiruko rutazashingira gusa ku kazi ka Leta, ahubwo rwige kwihangira imirimo no gushora imari.”

Umuyobozi ushinzwe ibikorwa muri iDebate Rwanda, Keza Ketsia, avuga ko mu myaka ibiri iri rushanwa rimaze ryabaye ingirakamaro ku banyeshuri baryitabira.

Ati “Uruhare rwa BK Foundation rwabaye runini cyane kuko byose ntabwo byari gushoboka badahari. Twazanye igitekerezo bagitera inkunga, ntabwo twari kuba twaragejeje mu banyeshuri bagera ku bihumbi 15 twashoboye guhugura, BK Foundation itarahabaye muri iyo myaka ibiri.”

Ku nshuro yaryo ya gatatu irushanwa ‘Money Makeover’ ryabaye muri Gicurasi 2025, rikaba ryaritabiriwe n’abayeshuri 300 baturutse mu bigo by’amashuri 20, ryegukanwa n’ishuri rya Kagarama Secondary School, mu gihe muri uyu mwaka ryitabiriwe n’abanyeshuri 350 baturutse mu bigo 11.

Nigeria yashimiwe kuza mu Rwanda mu marushanwa y’ibiganiro mpaka ya iDebate

Abanyeshuri bo muri Nigeria batsinze Abanyarwanda mu biganiro mpaka byavugaga ku byiza n’ibibi bya AI

Ni bimwe mu byo ubuyobozi bw’Inama y’Ubutegetsi bwa BK Group bwatangarije abanyamigabane bayo mu nama y’Inteko Rusange ngarukamwaka ya 2026 (AGM), bahuriyemo i Kigali kuri uyu wa Kane, batangarijwe umusaruro ukomeye w’ubukungu, ugaragaza ko inyungu yazamutseho 29% ndetse n’iterambere rikomeye ry’ibigo biyigize.

Ni amafaranga bungutse muri uwo mwaka warangiye tariki 31 Ukuboza, bigaragaza kwaguka cyane mu bikorwa kw’ibigo byose uko ari bitanu bigize BK Group.

Abanyamigabane bagaragarijwe ko kuva uyu mwaka watangira umugabane umaze kwiyongeraho amafaranga y’u Rwanda 51.8, kuko wavuye ku 395Frw wariho mu ntangiriro z’uyu mwaka (2026), uyu munso ukaba uhagaze 600Frw

Umuyobozi w’Inama y’Ubutegetsi ya BK Group, Jean Philippe Prosper, yavuze ko raporo y’umwaka wa 2025 yahawe insaganyamatsiko igira iti “Imyaka 60 ya BK Group, Icyerekezo Kimwe, Urwego rw’Imari rwuzuzanya mu Rwanda” bigaragaza neza urugendo rw’iki kigo muri iyo myaka kimaze, kuva kuri banki isanzwe ikagera ku rwego rw’ibigo by’imari bitandukanye.

Umuyobozi w’Inama y’Ubutegetsi ya BK Group, Jean Philippe Prosper

Yagize ati: “Hashize imyaka 60, Banki ya Kigali yafunguye imiryango ifite inshingano zo gukusanya amafaranga yizigamirwa, gutanga inguzanyo no gushyigikira iterambere ry’ubukungu bw’u Rwanda. Uyu munsi BK Group ni urwego rw’imari rugizwe n’ibigo byinshi birimo banki, ishoramari, ubwishingizi, ikoranabuhanga, n’iterambere ry’abaturage.”

Muri rusange muri uwo mwaka umutungo wa BK Group wiyongereyeho 15.8% ugera kuri tiriyali 2.9Frw, mu gihe inyungu ku mari shingiro (ROE) yiyongereye ikagera kuri 22.9%.

Banki ya Kigali, nk’ikigo cy’ibanze muri BK Group, yongereye inguzanyo itanga ku kigero cya 16.1%, ikomeza kugumana igipimo cy’inguzanyo zitishyurwa neza (NPL) cya 2.9%, kiri munsi y’impuzandengo y’urwego rw’amabanki.

Philippe ati “Iyi Banki yakomeje gahunda yo kwegera abaturage, aho inguzanyo z’ibigo bito n’ibiciriritse (SMEs) zavuye kuri 13.6% zigera kuri 19.8%. Inguzanyo z’ubuhinzi zigera kuri miliyari 93.4Frw, hafi inshuro enye ugereranyije n’urwego rusanzwe rw’amasoko. Umubare w’abakiliya wageze hafi ku 800,000, barimo abarenga 393,000 bakoresha serivisi za banki ku buryo buhoraho.”

BK Capital, ni ikindi kigo cya BK Group cyongereye umutungo ku kigero cya 111%, ukagera kuri miliyari 154.7Frw, ibigaragaza ko imicungire y’ishoramari yabaye imwe mu nkingi zikomeye z’iterambere ry’isoko ry’imari n’imigabane mu Rwanda.

Muri uwo mwaka kandi, BK General Insurance yinjije miliyari 19Frw z’amafaranga y’ubwishingizi angana na 19%, yunguka miliyari 4.7Frw, yavuye ku bakiliya barenga 30,000 yakoreye.
Bamwe mu banyamigabane bagaragaje ibyifuzo bitandukanye byiganjemo ubushake bwo gukomeza kugura imibagabane.

Marie Rose Muhorakeye avuga ko bishimira uko inyungu ku migabane igenda yiyongera ugereranyije n’imyaka yashize, byatumye yongera imigabane ikava ku 1000 yatangiranye akaba amaze kuyikuba inshuro zirenga 4.

Ati “Nayongereye kubera ko nabonaga uko inyungu zitangwa, kandi nk’amafaranga uba warashyize ahantu ukagenda ubona inyungu, kandi bakatwizeza ko no mu myaka izaza bizagenda birushaho. Nkomeza kugenda ntekereza uko nakomeza gushoramo aho kugira ngo nyikuremo ahubwo nkongeramo indi.”

Ku Isoko ry’Imari n’Imigabane mu Rwanda, imigabane ya BK Group yiyongereho 27.4% mu 2025, iva ku 210Frw igera kuri 295Frw.

Kuva muri Kamena 2023, igiciro cy’imigabane cyikubye kabiri, nta yindi migabane mishya yongewe ku isoko cyangwa gusaba inyongera y’imari ku banyamigabane.

Inama y’Inteko Rusange yemeje ko hatangwa inyungu ku mugabane ingana na 53.04Frw, harimo inyungu ya nyuma ya 41.84Frw yiyongera ku yari yagabanyijwe muri Mutarama uyu mwaka ingana na 11.2Frw, bikaba byariyongereyeho 80% ugereranyije n’umwaka ushize. Isigaye ikaba izishyurwa ku wa 19 Kamena 2026.

Muri iyi nama y’Inteko Rusange hemerejwemo raporo y’umwaka, ubugenzuzi bw’imari, hamwe n’inyandiko z’ubuyobozi z’umwaka w’imari warangiye ku wa 31 Ukuboza 2025.

Iyo raporo yakozwe muri uyu mwaka (2026), igaragaza ko mu bitangazamakuru 325 biri mu Rwanda harimo ibyemewe kandi bibaruye muri RMC 278, naho 37 bibaruye mu Rwego rw’Igihugu ngenzuramikorere (RURA), mu gihe 10 bibaruye hombi (RURA na RMC), naho 1 ntaho kibaruye.

Muri iyo raporo bagaragaza ko ibitangazamakuru bikora kandi byemewe na RMC ari 239, birimo Radiyo 43, Televiziyo 18, ibinyamakuru byandikira kuri murandasi (Website) 172, YouTube 3, online print 2 hamwe n’ikindi 1 cyandika kikanacapwa.

Aha kandi bagaragaza ko ibindi bitangazamakuru 86, birimo Radio 1, Televisiyo 3, ibyandikira kuri murandasi 82 bidakora.

Iyo raporo igaragaza ko kuba byinshi mu bidakora ari ibitangazamakuru bikorera kuri murandasi (online media) bigaragaza ikibazo gikomeye cy’ubusumbane, bisobanuye ko, nubwo kwiyongera kw’ibitangazamakuru bikorera kuri murandasi kwatumye umubare w’ibitangazamakuru wiyongera, bitahise bibona ubushobozi bwo gukomeza gukora mu buryo burambye cyangwa ngo byihaze mu mikorere.

Ku rundi ruhande, radiyo na televiziyo, nubwo ari bike mu mubare, bigaragaza ubushobozi bwo gukora mu buryo burambye (operational stability), bikaba bishobora guterwa n’uko bifite amategeko n’amabwiriza abigenga akomeye kurushaho, ndetse no kuba ibisabwa kugira ngo umuntu yinjire muri iryo tangazamakuru (entry thresholds) biri hejuru.

Ni amakuru yatanzwe n’ibitangazamakuru 43, bitanga ishusho y’imiterere y’inzego z’itangazamakuru, uburyo bicungwa (ownership patterns), abakozi bikoresha (staffing), ndetse n’uko bikora mu buryo rusange (operational characteristics).

Ibitangazamakuru byakoreweho ubushakashatsi biri mu bwoko butandukanye burimo ibikorera kuri murandasi (online news websites) 12 bingana na 27.9% na radiyo 7 zingana na 16.3%.

Hari kandi ibitangazamakuru bikorera kuri murandasi n’imbuga nkoranyambaga (online and social media) 6 bingana na 14% hamwe n’ibicapwa, ibikorera kuri murandasi, imbuga nkoranyambaga (print, online, and social media) 3 bingana na 7%.

Mu gihe Televiziyo n’ ibinyamakuru byandikwa (print media) ari 3 bingana na 7% kuri buri kimwe.

Ubwiganze bw’itangazamakuru by’abantu ku giti cyabo n’abikorera (private commercial ownership) bungana na 74.4% bugaragaza uko urwego rw’itangazamakuru rwafunguriye amarembo buri wese mu guhera mu 2002.

Ku rundi ruhande, ibitangazamakuru by’abaturage (community-based media) biracyari bice kuko bingana na 9.3%, ndetse n’ibitangazamakuru bya Leta (public media) bingana na 2.3.

Ibitangazamakuru byinshi byakoreweho ubushakashatsi, 93% byanditse muri RMC, mu gihe 7% bitanditse.

Ku bijyanye n’impushya zitangwa na RURA, zisabwa cyane ni ibitangazamakuru bikoresha amajwi n’amashusho (broadcast media), 60.5% bifite ibyangombwa, mu gihe 30.2% ntabyo, naho 9.3% bavuze ko batabikenera.

Iyi mibare igaragaza ko urwego rw’itangazamakuru mu Rwanda, mu buryo bwemewe n’amategeko (formal terms), ruri ku rwego rwo hejuru rwo kubahiriza ibisabwa kuko hafi 90.6% by’ibitangazamakuru byanditse kandi byahawe impushya, naho 93% byanditswe muri RMC, kandi igice kinini kingana 66.7% gifite impushya zatanzwe na RURA, mu gihe 33.3% ari bo batazifite.

Kuba Itegeko N°02/2013 ridasobanura neza itandukaniro riri hagati y’iyandikwa (registration), itangwa ry’uruhushya (licensing) no kwemezwa nk’umunyamwuga (accreditation), bituma habaho guhurirana kw’inshingano z’inzego zitandukanye (overlapping mandates).

Mu bikorwa, RURA ishinzwe harimo gutanga impushya, cyane cyane ku bitangazamakuru bikoresha amajwi n’amashusho (broadcasting), mu gihe RMC ishinzwe iyandikwa no kugenzura imyitwarire n’ubunyamwuga. Ariko kubera ko amategeko atabisobanura neza, bishobora gutuma ikigo cy’itangazamakuru kiba cyujuje ibisabwa n’urwego rumwe ariko kitaramenyekana neza ku rundi, bigateza urujijo mu mategeko (legal ambiguity).

Nubwo imibare igaragaza ko ibitangazamakuru byinshi byubahiriza amategeko, kuba nta sisitemu ihuriweho ihari, bigora igenzura bigatuma amakuru y’urwego rumwe atizerwa uko bikwiye mu igenamigambi rya politiki.

Iki kibazo kirushaho kugaragara mu bitangazamakuru bikorera kuri murandasi (online media), kuko rimwe na rimwe amategeko abigenga aba adasobanutse neza (regulatory grey zone).

Nubwo hari amasezerano y’imikoranire hagati ya RMC na RURA agamije kunoza imikoranire, ariko ntakemura ikibazo nyamukuru cyo guhurirana kw’amategeko.

Ni urwunguko rwazamutseho 1% ugereranyije n’urwo yaherukaga gushyiraho muri Gashyantare uyu mwaka, kuko rwavuye kuri 7,25% rugashyirwa ku 8,25%, hagamijwe gusubiza hasi umuvuduko w’izamuka ry’ibiciro ku masoko ukaguma mu mbago z’iyo Banki nk’imwe mu ngingo z’ingenzi mu gusigasira izamuka ry’ubukungu.

Mu kiganiro yagiranye n’abanyamakuru kuri uyu wa Kane, Guverineri wa Banki Nkuru y’Igihugu, Soraya Hakuziyaremye yagize ati “Icyo gihe byari byatewe n’ibintu bibiri, wari umusaruro muke w’ubuhinzi ku rwego rw’Igihugu, icya kabiri, kubera intambara ya Ukraine yari yatangiye muri Gashyantare, ibiciro bya Peteroli ku isoko mpuzamahanga biriyongera ndetse n’iby’ifumbire. Icyo twakoze icyo gihe nka Banki Nkuru y’u Rwanda, ni uko twazamuye inyungu fatizo kuva kuri 4.5% iza kugera kuri 7.5%, ni ukuvuga kuzamura kugera ku kigero cya 3%.”

Arongera ati “Ni imwe mu ngamba navuga zagombaga gufatwa kuri politike y’ifaranga ariko na Leta ishyiraho izindi ngamba nka nkunganire ku biciro bya Peteroli n’ifumbire, kugira ngo tugabanye uwo muvuduko w’izamuka ry’ibiciro. Uko guhuza ibikorwa hagati ya politiki y’ifaranga na politike ya Leta ni byo byatumye twongera kugaruka kuri za mbago hagati ya 2%-8%, aho byatanze umusaruro uhereye mu gihembwe cya mbere cya 2024.”

BNR ivuga ko icyo Politike y’ifaranga ifasha ari ukugira ngo umuvuduko w’izamuka ry’ibiciro udakomeza kugenda wiyongera.

Hakuziyaremye ati “Ubu turabona ko warenze za mbago za 8%, aho ugeze kuri 13%. Mu iteganyamibare tugenda dukora buri mezi atatu, bigaragara ko uyu mwaka ku mpuzandego dushobora kugira uwo muvuduko ugeze kuri 13.9%. Icyo bivuze ni uko ubushobozi bw’umuguzi buba bugabanutse, kubera ko ibiciro ku isoko biba byiyongereye kandi natwe turabibona.”

Yungamo ati “Nka Banki Nkuru y’u Rwanda ntabwo wabireberera gusa ubona niryo teganyamibare ngo utegereze ko uzongera kugera kuri ya 20% kuko nabyo twabonye ko bishoboka ku bukungu bwacu. Ahubwo duhita dufata izi ngamba kugira ngo uwo muvuduko w’izamuka ry’ibiciro wongere ugabanuke, kandi n’iteganyamibare riratwereka ko kubera izi ngamba twafashe, n’izo Leta igenda ishyiraho dushobora kugaruka kuri 7% mu 2027.”

BNR ivuga ko intego yayo ari uko impuzandengo yo mu myaka ibiri cyangwa itatu umuvuduko w’ibiciro utagombye kurenga 5%, kuko ari wo utuma uko ubukungu bw’Igihugu bwiyongera ari ibintu birambye kandi n’ubushobozi bw’Umunyarwanda budahungabana cyane.

Uyu munsi inka zikamwa kugera kuri Litiro makumyabiri, ndetse hari n’izirenza aho, ku buryo byagorana guhumuza inka ebyiri.

Ishuri rikuru ryigisha Ubuhinzi bubungabunga ubutaka (RICA), riherereye mu Karere ka Bugesera, ubu ririgisha Abanyarwanda uburyo bw’ikoranabuhanga bwo gukama inka bakoresheje imashini yabugenewe.

Mu gutangira, hari ibikorwa by’ibanze by’isuku, no kugenzura ubuziranenge bw’amata y’inka igiye gukamwa.

Dr. Severin Munyampuhwe, inzobere mu ikoranabuhanga ry’ubworozi n’itunganywa ry’amata muri RICA, avuga ko mbere yo kwinikiza, umukamyi afata akadobo, agashyiramo amazi y’akazuyazi, harimo isabune n’agatambaro.

Munyampuhwe agira ati “Agatambaro gatose, niko dukoresha twoza amabere, kaba kazinzemo uduce tune, dukora ku buryo buri gace koza ibere ryako, kugira ngo niba hari ibere rifite ifumbi, ritayikwirakwiza ku yandi mabere."

“Iyo tumaze koza, turapima tukareba ko inka tugiye gukama itarwaye. Dupima ifumbi igaragara n’amaso (Clinical Mastitis). Tugira agakombe bita strip cup, gafitemo utuyunguruzo, aho dukamira buri bere muri utwo tuyunguruzo. Iyo inka irwaye amata aravura, ntabwo anyuramo, nuko tukamenya ko inka irwaye.”

Nyuma y’ibi rero bafata imashini yabugenewe, (Milking unit) nuko bagafatisha akuma kuri buri bere ubundi bakinikiza inka kugeza ihumuje.

Ku Munyarwanda wumva iri koranabuhanga, yakwibwira ko ibi bintu bitagwa neza inka, ariko si ko bimeze. Mbere na mbere, amazi bahanaguza inka, aba ari akazuyazi, dore ko ngo mu kanwa k’inyana haba ubushyuhe bungana n’ubw’amazi z’akazuyazi.

Izi mashini rero na zo zikoresha uburyo bwitwa vacuum, aho imashini ikurura ikanda ibere ari nako irirekura, bikaba biba bimeze neza nk’iyo inyana yonka, ubundi amata akanyura mu mipira kugeza ageze mu gicuba.

Ni uburyo bwihutisha gukama ugereranyije no gukamisha amaboko, kuko bishobora gufata iminota iri hagati ya 5-7 ku nka ikamwa litiro 20. Gukama inka nk’iyo ngo bishobora gutwara iminota 20 ku bakoresha amaboko.

Hagati aho, iyi mashini umuhinzi wese ufite urwuri ashobora kuyihaha, kugira ngo ajye ashobora kwinikiza inka ze mu gihe gito, kandi yizere ko azihumuje none. Imashini imwe yo muri RICA ifite ubushobozi bwo gukama inka enye icyarimwe.

Icyakora, hari n’izishobora gukamira inka ebyiri icyarimwe, ziri ku giciro giciriritse ku mworozi, kuko zitageza kuri Miliyoni y’amafaranga y’u Rwanda.

Muri RICA bafite inka 37 zikamwa litiro 840 ku munsi, aho inka ishobora gukamwa nibura litiro 23.

Mu Kinyarwanda kandi, iyo inka ihumuje bayikingira bakoresheje ingwa, bityo bakayirinda indwara. Ni mu buryo bwa RICA, nabwo hari umuti wabugenewe bakoresha iyo bahumuje, kugira ngo babungabunge imbyeyi.

Umuyobozi ushinzwe Iterambere muri RICA, Jean Claude Kayisinga, avuga ko imwe mu mpamvu nyamukuru yatumye iyo Kaminuza itangizwa mu Rwanda mu 2019, ari ikibazo cy’ubutaka bwashaje n’ubwangirika.

Agira ati “Uko duhinga, ni ko ubutaka bugenda butwarwa n’isuri. Turashaka gufasha abahinzi gukora ubuhinzi bwo kubungabunga ubutaka, kugira ngo bushobore kuzafasha no mu biragano bizakurikira.”

Avuga mu mibare uko ikibazo gihagaze, yagize “Urebye ikibazo gihari nko mu Rwanda, dutakaza nka toni zigera kuri Miliyoni 27 z’ubutaka bwo hejuru buri mwaka. Kwangirika kw’ubwo butaka, bitwara ubukungu bw’Igihugu amafaranga agera kuri miliyari 810 buri mwaka."

Kayisinga avuga ko bafitanye amasezerano y’imyaka ine na Minisiteri y’Ubuhinzi, yo kuzafasha gusakaza mu bice bitandukanye by’Igihugu ubuhinzi bubungabunga ubutaka.

Agira ati “Ni igikorwa kigiye gutangira muri uyu mwaka, kandi kizakomeza, kuko gahunda zihari ni uko urebye twifuza ko twagera ku ntego bihaye. Ubundi kugira ngo umuturage abyumve neza ni uko abanza kureba aho twakoreye ubushakashatsi bakaza bakareba, kuko aba agomba kubireba n’amaso."

Yungamo ati “Dukorana n’abahinzi mu Mirenge itandukanye, hari uwatubwiye ko mu gihembwe kimwe yakoreshaga nk’amafaranga ibihumbi 10 byo gukorera mu murima we, ariko nyuma ya gahunda bigishijwe yo kubungabunga ubutaka, ubu asigaye akoresha amafaranga ibihumbi 6. Urumva ko hari inyungu ku buhinzi.”

Abiga muri iyi Kaminuza bavuga ko nta kabuza ko ubumenyi bazahakura buzabafasha guhindura uko ubuhinzi bukorwa hanze, ku buryo igihombo Leta yaterwaga no kugenda k’ubutaka kizagabanuka cyangwa kikarangira burundu.

Jean Bosco Irahari, ni umunyeshuri mu mwaka wa kabiri, avuga ko yavukiye mu cyaro aho bahinga bakoresheje uburyo bwo kurima no gutabira, butandukanye n’ubwo barimo kwiga.

Ati “Amapfa yarazaga akica imyaka, abaturage bahinga kuko i Gicumbi ari mu misozi miremire, ugasanga isuri yaje yabitwaye byose, itaka ryose ukarisanga mu kabande, hari nubwo yatwaraga imyaka ugasanga bibateje igihombo. Mbabazwa nuko ntavutse cyera ngo mbe narahinduye ibyo bibazo byari bihari, ariko ubu twabonye igisubizo kuko aha ngaha batwigisha ubuhinzi bubungabunga ubutaka, ku buryo iyo suri izagabanuka ku kigero runaka.”

Christelle Micyomyiza nawe wiga ubuhinzi mu mwaka wa kabiri agira ati “Umukoro dufite nituva hano, ni ukugenda tukajya kwigisha abahinzi bandi bataramenya ibyiza by’ubuhinzi butangiza ubutaka. Ubu haracyari imyumvire iri hasi kuko niyo ubibabwiye batabyumva, ariko nitujya hanze tukabasha kubikora, tukabikorana nabo ntekereza ko icyo gihe bizazamura imyumvire yabo kandi twese bikadufasha nk’Igihugu.”

Hamwe muho RICA imaze kugera yigisha abaturage ni mu Murenge wa Rweru na Gashora yo mu Karere ka Bugesera, Kirehe na Gakenke, bakaba barimo kwigisha abahinzi kubanza kubyumva no kubyakira, bikazagezwa n’ahandi hose mu gihugu.

Kaminuza ya RICA yubatswe ku buso bwa hegitari hafi 1,400, aho inyubako zubatswe ku gice gito (nka hegitari 40), ahandi hagakoreshwa nk’imirima y’igerageza n’ikorwa ry’ubuhinzi bubungabunga ubutaka.

Ni nyuma yo gusezera ku bayobozi batandukanye ku Kibuga cy’Indege Mpuzamahanga cya Julius Nyerere (JNIA) i Dar es Salaam mbere yo guhaguruka yerekeza i Kigali.

Akigera i Kigali, Dr. Samia Suluhu Hassan yakiriwe n’Umunyamabanga wa Leta muri Minisiteri y’Ububanyi n’Amahanga n’Ubutwererane, Dr Usta Kaitesi.

Iyo nama ihurije hamwe abayobozi b’ibihugu, aba Guverinoma, Abaminisitiri b’Ibikorwa remezo n’Ingufu, abafata ibyemezo, abashoramari, abahanga mu bya Nikeleyeri, ibigo by’imari n’abafatanyabikorwa mu rwego rw’ingufu (NEISA).

Iyi nama yatangiye guhera kuri uyu wa Kabiri iraganirirwamo uburyo bwiza bwo kugera ku mashanyarazi muri Afurika,kugabanya ihumana ry’ikirere, gushyigikira iterambere ry’inganda, guteza imbere udushya mu ikoranabuhanga ry’ingufu za Nikeleyeri, ndetse no gushora imari mu mishinga y’ingufu.

Minisitiri w’Ibikorwa Remezo Jimmy Gasore

Minisiteri y’Ibikorwa remezo ivuga ko muri iyo myaka hakozwe byinshi by’umwihariko ku bijyanye no kwitegura hamwe n’ubushake, ku buryo igihe kigeze cyo gutangira gushyira mu bikorwa imishinga y’ikoreshwa ry’ingufu za Nekeleyeri.

Guhera kuri uyu wa mbere mu Rwanda hateraniye Inama Nyafurika yiga ku mukoreshereze y’ingufu za nekeleyeri (Nuclear Energy Innovation Summit for Africa /NEISA), iganirirwamo uburyo izo ngufu zakemura ibibazo by’amashanyarazi ku mugabane wa Afurika.

Ni inama y’iminsi ine, ihurije hamwe abayobozi b’ibihugu, aba Guverinoma, Abaminisitiri b’Ibikorwa remezo n’Ingufu, abafata ibyemezo, abashoramari, abahanga mu bya nekeleyeri, ibigo by’imari n’abafatanyabikorwa mu rwego rw’ingufu.

Minisitiri w’Ibikorwa remezo Dr. Jimmy Gasore, yavuze ko igitandukanye muri iyi nama, ari ugufata ubushake Igihugu kimaranye igihe bigahindurwa mu mishinga.

Yagize ati “Imishinga tuzi ngo izatangira ryari, ifite amatariki. Kugira ngo bigerweho ni uko dushyira imbaraga mu gushaka imari yo gushyira ya mishinga mu bikorwa. Turaganira byinshi ariko byose bigaruka mu gushyira mu bikorwa mu gukora imishinga.”

Agendeye ku ntego z’Igihugu za 2050, Dr. Gasore avuga ko kugira ngo Igihugu gitere imbere gikenera ingufu z’amashanyarazi ku buryo ibihugu byose byateye imbere ku Isi bifite ingufu za nekeleyeli.

Ati “Natwe nk’Abanyarwanda ntidushobora gukomeza kuvuga iterambere rirambye tutavuga ingufu z’amashanyarazi zihagije. Turavuga imbaraga za nekeleyeri zikoreshwa ku mpamvu za gisivili zo kubyara amashanyarazi, n’izindi mpamvu z’iterambere ariko za gisivili. Hari ibihugu bimaze imyaka irenga 50 bifite nekeleyeri byateye imbere, kuki twumva hari abandi bafite uburenganzira bwo gutera imbere, twebwe Abanyarwanda, Abanyafurika, tukiyambura ubwo burenganzira.”

Kubera ko nekeleyeri ari ikoranabuhanga rishobora gukoreshwa mu bikorwa bya gisirikare n’ibya gisivili, riragenzurwa cyane, bikaba bisaba ko ibyo ukora bigomba kuba bizwi, ukorera ku mugaragaro kandi ufite ubushobozi bwo kuyifata no kuyicunga neza.

Kuva mu 2018, mu Rwanda hatangiye gushyirwaho amategeko, amabwiriza no kongerera ubushobozi ikigo cy’Igihugu ngenzuramikorere (RURA) kugira ngo gikomeze kibe ikigo kigenzura gifatanyije n’ibigo mpuzamahanga, hashyirwaho Ikigo cy’Igihugu gishinzwe Ingufu za Atomike mu Rwanda (RAEB), gishinzwe guhuza ibyo bikorwa, hanasinywa amasezerano n’Ikigo mpuzamahanga gishinzwe ingufu za Atomike, mu rwego rwo kwitegura gushyira mu bikorwa imishinga ishingiye ku ngufu za nekeleyeri.

Ibi byiyongeraho kuba kuva muri icyo gihe, u Rwanda rumaze kohereza abanyeshuri barenga 200 hirya no hino ku Isi, kwiga ibijyanye n’ingufu za nekeleyeri, hamwe n’ishami rya Nikeleyeri ryatangijwe muri Kaminuza y’u Rwanda.

Minisitiri Dr. Gasore ati “Ibyo byose ni ibivuga ngo nk’Igihugu turiteguye, igisigaye ni ugutangira gushyira mu bikorwa imishinga.”

Iyi nama irimo kubera mu Rwanda ku nshuro ya kabiri yikurikiranya, kuko iheruka kuhabera muri Nyakanga umwaka ushize (2025), iba igamije gufasha Afurika kuva ku rwego rwo kuvuga gusa ku mishinga ya Nikeleyeri ikagera ku rwego rwo kuyishyira mu bikorwa no kuyishoramo imari.

Yabitangarije i Kigali kuri uyu wa Kane, mu kiganiro yahuriyemo na mugenzi we wo muri Gabon, mu nama ya African CEO Forum, cyari gifite insanganyamatsiko igira iti “Ese Afurika ishobora kubyaza umusaruro ubufatanye bw’Ibihugu byayo bukabyara umutungo n’imbaraga byagirira akamaro umugabane.

Agendeye kuri iyi nsanganyamatsiko Perezida Tinubu yavuze ko asanga Afurika ikwiye gushyirwa imbere.

Yagize ati “Kuri jye nemera ko Afurika ari yo iza imbere, kuko natangiye nshyira imbere Nigeria mbere na mbere. Muri iki gihe, ibyo dukeneye si abantu baza kuduha amabwiriza, ahubwo ni abaza kongera agaciro ku byo dufite. Niba uri umushoramari, tuzagushishikariza kongera agaciro ku mutungo n’ibyo Igihugu cyacu gifite.”

Aha kandi yagaragaje ko nk’abayobozi b’impinduka n’iterambere rya Afurika, bakwiye gushyiraho urubuga ruhuriweho.

Ati “Nimurebe umugabane wose wa Afurika ugizwe n’ibihugu 54, nta gihugu na kimwe kidafite umusaruro cyangwa umutungo kamere wihariye gifite kurusha ikindi. Kuki tudatangiza urubuga rwo guhanahana no gucuruzanya ibicuruzwa hagati y’ibihugu byacu? Byadufasha guteza imbere ubuhahirane bw’Abanyafurika hagati yabo, kongera ubukungu bw’umugabane no kugabanya kwishingikiriza ku masoko yo hanze. Iyo Afurika ikoranye kandi igacuruzanya imbere mu bihugu byayo, iba irimo kubaka imbaraga zayo bwite n’iterambere rirambye.”

Perezida wa Gabon Brice Clotaire Oligui Nguema, nawe yunze mu rya mugenzi we, agaragaza ko Ibihugu bya Afurika bikwiye kwishyira hamwe nkuko n’ahandi ku yindi migabane babigenje, bikabafasha kwiteza imbere.

Yagize ati “Ibihugu bya Afurika bikwiye kwishyira hamwe bikavuga rumwe, bigahuza imbaraga kugira ngo Afurika ibashe gutsinda no kwigira. Dukwiye kureba uburyo u Burayi bwiyubatse bushingiye ku mateka y’ubufatanye mu bukungu no muri politiki. Bashoboye gushyiraho ifaranga rimwe, pasiporo imwe, visa ihuriweho ndetse n’ubwisanzure bwo kugenda kw’abantu n’ibintu. Ibihugu by’u Burayi kandi bihuriye ku masosiyete akomeye nka Airbus, ndetse na Air France yaje kwaguka ikabyara KLM. Banafite politiki zihuriweho mu bijyanye n’inganda n’ubuhinzi.”

Yavuze ko izi ari ingero zigaragaza ukuri n’imbaraga z’ubufatanye mu bukungu kandi ko na Afurika ifite ubushobozi n’ibikoresho byatuma iba umugabane ukomeye kandi wigenga.

Ati “Ubufatanye bukwiye gushingira ku gushimangira amahoro n’umutekano, kuko Afurika itagikwiye gukomeza kuba umugabane urangwa n’amakimbirane nk’ayo tubona muri iki gihe. Afurika ishobora kubakwa n’Abanyafurika ubwabo. Tugomba gutegura no gushyigikira ibigo byacu bikomeye ku rwego rw’umugabane.”

Yunzemo ati “Dusanganywe ibigo byinshi byatangiye ku rwego rw’Ibihugu, bishyigikiwe na za Leta, kandi ubu bitegereje ko Afurika ibifasha gukura bikaba amasosiyete mpuzamahanga ashobora guhangana n’andi akomeye ku isi. Ni yo mpamvu tugomba kwishyira hamwe kugira ngo dushyigikire ayo masosiyete yacu, abashe guhangana n’ibigo bikomeye byo mu Burayi no mu bindi bice by’isi.

Africa CEO Forum y’uyu mwaka ifite insanganyamatsiko igira iti “Impamvu umugabane wa Afurika ukwiye gufatanya kwigira”, ikaba yitabiriwe n’abarenga 2800 baturuka mu bihugu 40 byo ku mugabane wa Afurika, ikaba ifatwa nk’urubuga ruhuriza hamwe ba rwiyemezamirimo bo ku mugabane wa Afurika bakungurana ibitekerezo no gusangira ubunararibonye.

Ni bumwe mu butumwa bwatanzwe kuri uyu wa Gatanu, ubwo u Rwanda rwifatanyaga n’umuryango mpuzamahanga mu kwizihiza Umunsi Mpuzamahanga wahariwe umuryango.

Buri mwaka tariki 15 Gicurasi, hizihizwa umunsi mpuzamahanga wahariwe umuryango, aho mu Rwanda wizihizwa hifashishijwe ibikorwa bigaragaza ko umuryango ari inkingi ya mwamba mu gukomeza ubwiyunge n’iterambere ry’Igihugu, binyuze mu ngamba zitandukanye Guverinoma yashyizeho zigamije gukomeza imibereho myiza y’umuryango, imiyoborere n’ubukungu.

Nubwo hari intambwe imaze guterwa, ubushakashatsi bugaragaza ko hakiri ibibazo bikomeye bituma umuryango udatekana birimo kunywa inzoga cyane biri ku kigero cya 85.8%, kutaganira bihagije mu miryango biri ku kigero cya 83.2%, ubusambanyi buri kuri 79.2%.

Byiyongeraho gucunga nabi umutungo w’umuryango biri ku kigero cya 78.7%, kutumvikana ku ihame ry’uburinganire biri kuri 75.9%, kutita ku nshingano z’ababyeyi biri kuri 69.2%, n’ikoreshwa ry’ikoranabuhanga mu buryo butari bwo riri ku kigero cya 30.1%.

Bimwe mu ngaruka bigira ku muryango harimo guhungabanya uburenganzira bw’abana bikabaviramo kujya mu muhanda, guta ishuri, gukora imirimo ivunanye, imirire mibi, inda ziterwa abangavu no gutandukana kw’imiryango.

Marie Grace Gahongayire, avuga ko umugabo n’umugore bagakwiye kujya bagirana amasezerano, bakagira ibyo baganiraho mbere y’uko bubaka umuryango.

Ati “Abagiye kubaka ingo bakagombye kumvikana bo ubwabo, bakagirana amasezerano yabo bwite, bakumvikana bo ubwabo uburyo bazubaka umuryango. Bakabanza kuganira bo ubwabo ku kuntu umuryango wabo uzaba uteye, bakumvikana ku ruhare rwa buri wese, mu kugira ngo umuryango uzagende neza.”

Elie Mugabowishema, avuga ko ababyeyi bakwiye gutangira kwitoza kurera abana babo.

Agira ati “Mbona dukwiye kwitoza, no kwiyemerera kurera abana bacu, kugira imitekerereze isesenguye. Bizadufasha no kumva rya hame ry’uburinganire n’ubwuzuzanye, rihinduke imbaraga zituma ingo zacu, iz’abana bacu, zirushaho gukora neza.”

Minisitiri w’Uburinganire n’Iterambere ry’Umuryango Consolée Uwimana, asaba Abanyarwanda kubaka umuryango bakawusigasira, bakawuherekeza kandi bakabikorana umwete kuko umuryango ungana u Rwanda.

Ati “Umuryango ungana u Rwanda, uyu muryango ungana u Rwanda turasabwa kuwubaka, tukawusigasira tukanawuherekeza, kandi ni ngombwa ko tubishyira mu nshingano zacu, tugahaguruka, tukumva ko tugiye kubikorera. Kubikorera nta kundi ni uguhera ku bato, tukabarera, tukabatoza, ariko tuzirikana ko ari bo bazasigara bahekeye u Rwanda, tubagire abantu nyabantu.”

Imibare yashyizwe ahagaragara na Sisiteme y’Igihugu ihuriweho yo kwandika abaturage n’ibyiciro by’ingenzi by’ubuzima NCI-CRVS), igaragaza ko mu mwaka ushize (2025) imiryango 4,479 yatandukanye, 58.7%, muri yo yahawe gatanya byemejwe n’inkiko.

Ibikorwa byo kuwizihiza no gutanga ubutumwa bugamije kubaka umuryango bikazakorwa mu gihe cy’ukwezi, aho biteganyijwe ko siporo rusange izakorwa ku wa 24 Gicurasi mu Mujyi wa Kigali, izaharirwa ibyo bikorwa.

Ni inama yibanda cyane ku guteza imbere ubukungu bwa Afurika, ishoramari, ubufatanye hagati ya Leta n’abikorera, no gushakira hamwe ibisubizo by’iterambere ry’umugabane.

Africa CEO Forum yatangirijwe i Genève mu Busuwisi mu 2012, itangijwe n’ikigo Jeune Afrique Media Group gifite ikinyamakuru Jeune Afrique
ku bufatanye n’Ishami rya
Banki y’Isi rishinzwe Iterambere ry’Imari ry’abikorera (International Finance Corporation/IFC).

Nyuma yaje kwimurirwa muri Afurika kugira ngo yegerezwe abagenerwabikorwa bayo, hagamijwe guteza imbere ubucuruzi n’ishoramari muri Afurika,
guhuza abayobozi ba Leta n’abikorera,
kuganira ku mbogamizi z’ubukungu,
gukurura abashoramari,
no gushaka ibisubizo birambye ku bibazo byugarije umugabane.

Intego yayo nyamukuru, ikaba ari kubaka Afurika ikaba hamwe mu hantu hakomeye mu bukungu ku Isi, (Making Africa the next global economic powerhouse).

Ibiganiro bikunda gutangwa muri Africa CEO Forum, byibanda ku bucuruzi n’ishoramari,
ikoranabuhanga na AI,
ingufu, ubuhinzi, uburezi, ibikorwa remezo, urubyiruko n’akazi, ubufatanye bwa Afurika (AfCFTA),
imari n’amabanki, Imihindagurikire y’ibihe,
ubuzima,
n’uruhare rw’abikorera mu iterambere n’ibindi.

Hanaba kandi ibiganiro hagati y’abakuru b’ibihugu,
ibiganiro by’abayobozi b’ibigo bikomeye,
ndetse n’amasezerano y’ishoramari asinyirwa aho.

Iyi nama ifatwa nk’imwe mu nama zikomeye ku bukungu bwa Afurika, kuko ihuza ibyemezo bya Leta n’ibitekerezo by’abikorera. Ni naho hakomoka amasezerano y’ishoramari,
ubufatanye bushya,
n’imishinga minini y’iterambere.

Perezida Paul Kagame ni umwe mu bakuru b’Ibihugu bakunze kuyitabira aho akunze kuba umwe mu batanga ibiganiro bigaruka cyane cyane ku ikoranabuhanga,
ubufatanye bwa Afurika,
ishoramari,
n’imiyoborere.

Africa CEO Forum y’umwaka ushize (2025) yabereye i Abidjan muri Côte d’Ivoire

U Rwanda ni rwo rutahiwe

Guhera kuri uyu wa Kane, tariki 14-15 Gicurasi 2026, abarenga 2000, baturutse hirya no hino ku Isi baraba bateraniye mu Rwanda muri iyi nama aho rugiye kuyakira ku nshuro ya gatatu kuko ku nshuro ya mbere rwayakiriye mu 2019, rwongera kuyakira mu 2024.

Bamwe mu bakuru b’Ibihugu na za Guverinoma bamaze kuhagera barimo Minisitiri w’Intebe wa Côte d’Ivoire, Robert Beugré Mambé na Perezida wa Guinée-Conakry, Mamadi Doumbouya bageze mu Rwanda ku wa Kabiri.

Hari kandi na Perezida wa Nigeria, Bola Ahmed Tinubu, Perezida Mohamed Ould Ghazouani wa Mauritania na Perezida wa Mozambique, Daniel Chapo bageze i Kigali kuri uyu Gatatu.

Mu bandi bakuru b’Ibihugu bategerejwe harimo Perezida Brice Clotaire Oligui Nguema wa Gabon, bose bakazaba bari kumwe na Perezida Paul Kagame.

Aba baziyongeraho abakuru ba za Guverinoma barimo Minisitiri w’Intebe w’u Rwanda, Dr Justin Nsengiyumva, Minisitiri w’Intebe wa Repubulika ya Guinée, Bah Oury, n’uwa Tanzania Mwigulu Nchemba.

Ubwo yavugaga ku myiteguro y’iyi nama ku wa 30 Mata, Umuyobozi Mukuru wa Africa CEO Forum, Adrian Fielding, yatangaje ko nasanze bakwiye gushimagira ko mu byerekeye politiki z’ubukungu mpuzamahanga, ubunini [bw’umugabane] ari ingenzi.

Yagize ati "Twe nka Africa CEO Forum twarebye ku miterere y’Isi n’ubukungu mpuzamahanga dusanga dukwiye gushimagira ko mu byerekeye politiki z’ubukungu mpuzamahanga, ubunini [bw’umugabane] ari ingenzi, ndetse ko imbaraga, ubudahangarwa n’ubutajegajega ari ingenzi ku bashoramari, ibigo by’ubucuruzi n’abayobozi mu bya poliriki".

Biteganyijwe ko iyi nama yitabirwa n’abagera ku 2500, kuva kuwa 14-15 Gicurasi 2026 muri Kigali Convention Centre.

Bagiranye ibiganiro byibanze ku kwagura ishoramari mu Rwanda, cyane cyane mu nzego zirimo ingufu zirambye, guteza imbere ibikorwa remezo, ndetse n’amahirwe y’ishoramari mu nganda n’ubukerarugendo.

Elsewedy Electric ni sosiyete nini yo mu Misiri (Egypt) ikora ibikorwa bijyanye n’ingufu, amashanyarazi n’ibikorwa remezo.

Yashinzwe mu 1938, ikaba iri mu bigo bikomeye muri Afurika no mu Burasirazuba bwo Hagati mu bijyanye n’ikoranabuhanga ry’ingufu n’inganda.

Bakora ibikorwa byinshi birimo kubaka no guteza imbere imishinga y’amashanyarazi,
imiyoboro y’amashanyarazi, ingufu z’imirasire y’izuba n’umuyaga.

Bagira kandi ibikorwa remezo nko kubaka inganda, imishinga y’imijyi igezweho, ibikorwa y’ubwikorezi, gukora ibikoresho by’amashanyarazi nk’insinga, transformateurs,compteurs z’amashanyarazi, n’ibindi bikoresho by’ikoranabuhanga.

Bakorera mu bihugu byinshi byo muri Afurika, Aziya n’Uburasirazuba bwo hagati.

Elsewedy Electric imaze igihe igaragaza ubushake bwo gushora imari mu Rwanda cyane cyane mu ngufu zirambye,ibikorwa remezo, no guteza imbere inganda.

Naho Sunrise Resorts & Cruises, ni sosiyete ikomeye ikorera mu rwego rw’ubukerarugendo n’amahoteli, nayo ifite inkomoko mu Misiri, ikaba yibanda cyane ku bikorwa by’amahoteli n’ahantu ho kuruhukira (resorts), ingendo zo mu mazi (cruises), ndetse n’ishoramari mu bukerarugendo bwo ku rwego rwo hejuru.

Yubaka kandi igacunga amahoteli, igatanga serivisi z’ubukerarugendo ku bakerarugendo bo mu bihugu bitandukanye, ikagira ibikorwa by’ubukerarugendo byo gutwara abantu mu bwato cyane cyane mu nyanja Itukura (Red Sea) no ku ruzi rwa Nile.

Madaar ni indi sosiyete ifitanye isano na Hossam El Shaer, ikora ibijyanye no guteza imbere imijyi,
ibikorwa by’ubwubatsi, ubukerarugendo, n’ishoramari mu miturire n’ubucuruzi.

Gnassingbé usanzwe ari n’umuhuza washyizweho n’Umuryango wa Afurika Yunze Ubumwe (AU) mu kibazo cya Repubulika Iharanira Demokarasi ya Congo.

Yageze i Kigali mu gitondo cyo kuri uyu wa Gatatu mu ruzinduko rw’akazi rw’umunsi umwe mu Rwanda.

Ibiganiro byabo byibanze ku mubano mwiza ibihugu byombi bifitanye, ukomeje gutera imbere, banasuzuma intambwe imaze guterwa mu kuwushimangira mu nzego zitandukanye zirimo ubufatanye mu bukungu, ubucuruzi n’iterambere.

Bagarutse kandi ku bibazo by’umutekano mu karere, bashimangira akamaro ko gukomeza ubufatanye hagati y’ibihugu bya Afurika mu gushakira hamwe ibisubizo birambye ku bibazo bihuriweho, hagamijwe guteza imbere amahoro n’iterambere rirambye mu Karere.

Yaherukaga mu Rwanda muri Mutarama 2026. Icyo gihe yakiriwe na Perezida Paul Kagame baganira ku kibazo cy’umutekano muke mu Burasirazuba bwa RDC.

Guverinoma y’u Rwanda n’iya Togo zisanzwe zifitanye amasezerano y’ubufatanye mu koroshya ingendo z’indege hagati y’impande zombi yashyizweho umukono muri Gicurasi 2018, aha u Rwanda uburenganzira busesuye bwo gukoresha ibibuga by’indege biri i Lomé.

Byagarutsweho na Minisitiri w’Imari n’Igenamigambi Yusuf Murangwa ubwo yagezaga ku Nteko Ishinga Amategeko imitwe yombi, imbanzirizamushinga w’Ingengo y’imari izatangazwa muri Kamena uyu mwaka.

Murangwa yagaragaje ko iyo Minisiteri irimo gutegura Ingengo y’Imari ingana na Miliyari 7,796.3 Frw y’Umwaka wa 2026-2027, izakoreshwa muri gahunda z’ibikorwa bitandukanye byatoranyijwe hashingiwe ku buryo bifasha mu kugera ku ntego z’iterambere Guverinoma yihaye nk’uko bikubiye muri gahunda yayo yo kwihutisha iterambere.

By’umwihariko mu bikorwa by’ubwikorezi, harimo kuvugurura urusobe rw’imihanda minini ya kaburimbo yo ku rwego rw’Igihugu, irimo uwa Kigali – Muhanga wa kilometero 45, Base – Butaro wa kilometero 63, hamwe no kuvugurura umuhanda Prince House – Giporoso – Masaka wa kilometero 10.

Iyo mihanda yiyongeraho kubaka umuhanda wa ’Express Way’ ujya ku kibuga cy’Indege mpuzamahanga cya Kigali (Kigali International Airport) wa kilometero 11.6.

Murangwa yagize ati "Hazubakwa umuhanda wagutse ujya ku kibuga cy’Indege mpuzamahanga gishya cya Kigali, gukomeza gushyigikira gahunda yo gutwara abantu mu buryo bwa rusange, kwagura no kunoza amasangano y’imihanda mu Mujyi wa Kigali".

Hazanubakwa hanasanwe imihanda yunganira mu buhahirane

Muri iyo mbanzirizamushinga y’ingengo y’imari ya 2026-2027, biteganyijwe ko hazongerwa uburebure bw’urusobe rw’imihanda yunganira ubuhahirane ku rwego rw’Igihugu, irimo umuhanda wa Nyacyonga–Mukoto wa kilometero 40, ndetse n’umushinga wo guteza imbere ihuzanzira rya Kigali Logistics Platform ufite kilometero 69.

Mu guteza imbere urujya n’uruza mu mijyi, hazatangira imirimo yo kuvugurura gare ya Nyabugogo Bus Terminal, gushyiraho imihanda yihariye yagenewe za bisi (Dedicated Bus Lanes), no kuvugurura amasangano y’imihanda mu Mujyi wa Kigali binyuze mu mushinga wa Kigali Urban Transport Improvement (KUTI).

Hazanavugururwa kandi umuhanda Zindiro–Masizi–Birembo–Kami–Gasanze wa kilometero 10.1, n’umuhanda wa Cyamitsingi–Bibare–Zindiro wa kilometero 4.

Mu bijyanye n’Iterambere ry’ubwikorezi bwo mu kirere, biteganyijwe ko muri iyo ngengo y’imari hazashyirwaho ikigo cy’indashyikirwa mu guteza imbere ubumenyi n’ubushobozi mu by’indege, kwimura ibikorwa n’imiturire mu gice kigenewe kurinda ibikorwa by’ikibuga cy’indege mpuzamahanga cya Kigali, no kongerera ubushobozi abakozi bashinzwe imikorere yacyo.

Mu Iterambere ry’ibikorwa remezo byo gutwara abantu n’ibintu mu mazi hazubakwa ubwato bwa Nkombo Island hamwe no gutangiza imikorere y’ibyambu bya Rubavu na Rusizi.

Mu Iterambere ry’ibikorwa remezo by’ubwikorezi bwambukiranya imipaka, hazibandwa cyane mu kuvugurura imihanda ihuza imipaka, harimo umuhanda wa Nyagisozi–Remera–umupaka wa Nshili wa kilometero 18.

Umushinga uhuriweho na Rwanda na Burundi wo guteza imbere ibikorwa remezo (BRIDEP), urimo umuhanda wa Musanze–Cyanika wa kilometero 25 n’umuhanda wa Bugarama–Bweyeye wa kilometero 60, hamwe no kubaka urukuta rukingira ibikorwa ku mupaka wa Gatuna (OSBP).

Bikaba biteganyijwe ko ibi bikorwa byose bizatangira gukorwa igihe iyi ngengo y’imari izaba imaze kumurikirwa Abanyarwanda muri Kamena.

Ni inama y’iminsi ibiri irimo kubera mu Mujyi wa Nairobi muri Kenya, yatangiye kuri uyu wa mbere, ikaba igaruka cyane ku bufatanye bwa Afurika n’u Bufaransa mu guteza imbere ibiganiro, ubucuruzi, ishoramari guhanga udushya n’iterambere rirambye, ikaba ifite insanganyamatsiko igira iti ‘Guhanga udushya n’uburumbuke mu by’ubukungu (Innovation and growth)’.

Biteganyijwe ko yitabirwa n’abakuru b’Ibihugu bagera kuri 30, baganira ku bijyanye n’amahoro n’umutekano, imari mpuzamahanga n’ukuntu yagerwaho n’ibihugu bya Afurika, no guhanga udushya.

Yanitabiriwe n’abashoramari batandukanye bo ku mugabane wa Afurika n’Igihugu cy’u Bufaransa hamwe n’abahanzi.

Mu kiganiro yagiranye na RBA, Minisitiri w’Ububanyi n’amahanga n’Ubutwererane, Amb. Olivier Nduhungirehe witabiriye iyo nama, yemeje ko Perezida Kagame ayitabira.

Ati “U Rwanda ruzitabira iyi nama kuko dufitemo inyungu. Mbere na mbere dufitanye umubano mwiza n’ibihugu byombi ari byo u Bufaransa ndetse na Kenya, yakira iyi nama, Nyakubahwa Perezida wa Repubulika akaba azayitabira. Twebwe nk’uko mubizi turi Igihugu giteza imbere guhanga udushya, uburumbuke mu by’ubukungu, ubucuruzi n’ishoramari, tukaba tuzitabira ibi biganiro byose kugira ngo turebe uko Afurika yatera imbere, n’ubufatanye hagati ya Afurika n’u Bufaransa bugatera imbere ariko bishingiye ku nyungu z’impande zombi.”

Iyi nama hagati y’u Bufaransa n’Ibihugu bya Afurika si ubwa mbere ibaye kuko yatangijwe bwa mbere mu 1973.

Mbere y’uko iyi nama itangira, mu masaha ya mu gitondo, Perezida w’u Bufaransa, Emmanuel Macron, yabanje gukorera imyitozo ngororamubiri mu mihanda ya Kenya, ari kumwe n’abandi bantu bake bamufashije.

Muri abo harimo na Eliud Kipchoge, umugabo udasanzwe mu mateka yo gusiganwa ku maguru, dore ko ari umwe mu babashije kwiruka marathon y’ibilometero 42,2 akoresheje isaha imwe, iminota 59 n’amasegonda 40.

Ibi ariko yabikoze mu isiganwa rya Ineos Challenge ryabereye i Vienne muri Autriche mu 2019, ariko rikaba ritari mu masiganwa akomeye ku Isi .

Brig Gen Dr. John Nkurikiye

Byari bisanzwe bimenyerewe ko mu Rwanda hari ibitaro bya gisirikare bya Kanombe byonyine biri mu Karere ka Kicukiro mu Mujyi wa Kigali.

Ubu rero siko bimeze kubera ko n’abatuye mu bice bitandukanye by’Igihugu bashobora kwivuriza muri ibyo bitaro kandi bitabasabye kugera i Kigali, kubera ko byamaze kugezwa mu bice bitandukanye by’Igihugu mu rwego rwo kwegereza serivisi z’ubuvuzi abaturage.

Umugaba Mukuru Wungirije w’Ingabo z’u Rwanda zishinzwe ibikorwa by’ubuvuzi muri RDF, Brig Gen. Dr. John Nkurikiye, avuga ko basigaye bafite ibitaro bya gisirikare by’Intara.

Ati “Ubu dufite ibitaro by’Intara bya gisirikare, mu Majyaruguru ni ibya Kinihira, niyo mpamvu ubiyobora yahoze ari Lt. Col. mu ngabo, ubu ngubu yagiye mu zabukuru ariko aracyari umuganga wacu. Dufite ibya Bushenge mu Burengerazuba, ibya Munini mu Majyepfo. Mu Burasirazuba turimo gupanga aho tuzabishyira, muri Kigali ho turabisanganywe.”

Brig. Gen. Dr. Nkurikiye, avuga ko muri ibyo bitaro byose hashobora gutangirwa serivisi zisanzwe zitangwa n’inzobere zo mu bitaro bikuru bya gisirikare bya Kanombe.

Ati “Si uko biruta ibindi bitaro, ahubwo ni uko twifashishije inzobere dufite mu gisirikare, muri ibyo bitaro serivisi abantu bava i Kanombe bakaza gukorera aha bagasubirayo, bigatuma serivisi z’inzobere zo ku rwego rwo hejuru zishobora kugera no kuri ibi bitaro kandi dukoresheje abaganga bacu dusanganywe.”

Benshi mu bagiye bavurirwa mu bitaro bya gisirikare bya Kanombe, bashima serivisi bahaboneye, kimwe n’abagize amahirwe yo kuvurwa n’abaganga b’inzobere b’abasirikare, mu bikorwa byabo ngarukamwaka byo kwegera abaturage (RDF Citizen Outreach Program) byibanda cyane ku byiciro bitandukanye bigamije guteza imbere imibereho myiza y’abaturage birimo ubuvuzi.

Ni igikorwa cyatangirijwe ku bitaro bya Kinihira mu Karere ka Rulindo, n’ingabo za RDF ku bufatanye n’Umuryango The Fred Hollows Foundation (FHF), kuri iki Cyumweru tariki 10 Gicurasi 2026, muri gahunda ngarukamwaka y’amezi atatu yahariwe ibikorwa by’ingabo na Polisi mu baturage yiswe RDF Citizen Outreach Program.

Ni igikorwa ubuyobozi bwa RDF buvuga ko nubwo cyatangirijwe ku bitaro bya Kinihira, ariko kizagera ko baturage bo mu Turere twose tw’Igihugu mu gihe cy’amezi abiri kizamara kikazagera nibura ku bagera kuri 200 muri buri Karere, kuko cyoroshye gukemura iyo kiramutse kibonewe ubushobozi.

Mu kiganiro yagiranye na Kigali Today, Umugaba Mukuru wungirije w’Ingabo zishinzwe kuvura muri RDF, Brig Gen. Dr. John Nkurikiye, yavuze muri uyu mwaka bifuje kongera umubare wabo bavura amaso ugereranyije n’abo bari bagezeho umwaka ushize.

Yagize ati “Ubundi tubikora muri iki gihe twise Citizen Outreach Program, iba kuva mu kwezi kwa Werurwe kugera muri Kamena, ubushize twakoreye abarenga 3400 nibo babazwe, ubu turateganya abarenga 6000. Turashaka gukorera muri buri Karere k’Igihugu, ni ukuvuga ko tuzakorera mu Turere 30, gahunda ni ugukorera abarwayi bafite ibibazo nibura 6000, ni ukuvuga ko tubara nibura nka 200 buri Karere, bishobora guhinduka bakarenga cyangwa ntibagereho.”

Ubusanzwe muri ibi bikorwa by’ingabo na Polisi, ubuvuzi bwose cyangwa n’ibikorerwa abaturage bikorwa nta kiguzi, by’umwihariko nko ku buvuzi bw’amaso, ibyo umuturage akorerwa abaye ari utanga ikiguzi bishobora kumutwara nibura amafaranga y’u Rwanda atari munsi ya miliyoni 1.5.

Bamwe mu baturage bagize amahirwe yo kuvurwa amaso binyuze muri iki gikorwa cy’ingabo na Polisi, bavuga ko mbere yo kuvurwa bari bararembejwe n’amaso barihebye, kuko benshi batarebaga baramaze kwiyakira ko bahumye.

Umwe muri bo wo mu Karere ka Rulindo ati “Jye narwaye ijisho mara imyaka itatu ntava mu rugo, haza kuza igikorwa bati haje abasirikare, ni abagiraneza barimo kuvurira amaso ubuntu. Nagiyeyo baransuzuma bati ni ishaza riguhejeje mu nzu, barambwiye bati tuzazana imodoka yo kugukura hano, tukujyanye, twakujyana i Kigali, nitwe tuzakugarura hano tugukuye. Nari narihembye mvuga ko ntazakira, ariko ijisho barikozemo, maze imyaka itatu ndeba nta kibazo, nkaba nshimira ingabo z’Igihugu narakize n’abandi batubagiye rimwe.”

Umuyobozi Mukuru uhagarariye Umuryango The Fred Hollows Foundation Foundation mu Rwanda, Tiva Kananura, avuga ko nubwo kwirinda indwara y’amaso by’umwihariko aterwa n’ishaza bidashoboka, ariko abaturage badakwiye kugira ubwoba kuko ishobora kuvurwa kandi igakira.

Ati “Kwirinda ikibazo cy’amaso giterwa n’ishaza ntabwo bishoboka, kuko uko dukuze tugeze mu myaka irenga 50, iki kibazo kibaho kandi kirasanzwe, ntabwo abaturage tugomba kugitinya, ariko icyo twababwira ni uko niba bazi abavandimwe cyangwa abaturanyi bafite icyo kibazo cyo kutabona, ubuvuzi burahari, niyo mpamvu dukorana na Leta ngo idufashe kugera ku baturage.”

Umunyamabanga Uhoraho muri Minisiteri y’Ubuzima Jean Marie Vianney Ndayizigiye, avuga muri rusange mu gihugu hari ikibazo cy’uburwayi bw’amaso ariko ubwiganje bukaba ari ubufata abari hejuru y’imyaka 50.

Ati “Ishami ry’Umuryango w’Abibumbye ryita ku Buzima, riteganya ko abantu bagera kuri bane bagomba kuba babona iyo serivisi, ariko turacyari mu rugendo kuko turacyari muri 2.5 kuri miliyoni, bikaba biterwa n’uko twavuye kure, ariko hari ibirimo gukorwa kuko amavuriro n’ibigo byose bivura amaso bisigaye birenga 500, tubaze ibiri muri Leta, tukaba dufite abaforomo babihuguriwe n’abaganga b’inzobere bagera kuri 30. Tukaba twitegura ko iyo mibare iziyongera.”

Uretse igikorwa cyo kuvura amaso cyatangijwe uyu munsi, ibindi bikorwa by’ingabo na Polisi, bimaze iminsi byaratangijwe guhera ku wa 9 Werurwe, hibandwa cyane ku byiciro bitandukanye bigamije guteza imbere imibereho myiza y’abaturage birimo ubuvuzi, kubungabunga ibidukikije, kubaka ibikorwaremezo nk’amashuri, ubworozi no kubakira imiryango itishoboye no kuyigezaho amazi meza.

Bikaba biteganyijwe ko bizakorwa mu gihugu hose, bikazarangira bitwaye nibura arenga miliyari 2,5 Frw.

Kureba andi mafoto menshi, kanda HANO

Reba ibindi muri iyi Video:

Kuri iki Cyumweru tariki 10 Gicurasi 2026, ahenshi ku Isi barimo kwizihiza Mother’s Day (Umunsi w’Ababyeyi b’Abagore).

Ese wakomotse he?

Ni umunsi ufite inkomoko muri Leta Zunze Ubumwe za Amerika (USA), uburyo wizihizwa muri iki gihe bukaba bwaratangiye kubera umuhate wa Anna Jarvis, washakaga guha icyubahiro nyina witwaga Ann Reeves Jarvis.

Mu 1908, nibwo habaye igikorwa cya mbere cyihariye cyo kwizihiza Mother’s Day, cyabereye i Grafton, muri West Virginia, muri Amerika.

Mu 1914, Perezida Woodrow Wilson atangaza ku mugaragaro ko Icyumweru cya kabiri cya Gicurasi kizajya kizihirizwaho uwo munsi muri Amerika.

Anna Jarvis, watangije uwo munsi, nyuma yaje kutishimira uburyo wahindutse uwo gushakamo inyungu z’ubucuruzi, kuko we yifuzaga ko wajya uba umunsi wo guha icyubahiro ababyeyi b’abagore, kwandika ubutumwa bwuje umutima, no kumarana igihe n’umubyeyi.

Nyuma yaje kubona ko ibigo by’ubucuruzi cyane cyane abacuruza indabo, amakarita y’indamutso n’impano batangiye kuwubyaza inyungu, biramubabaza cyane, kugeza aho yatangiye kwamagana uburyo Mother’s Day yizihizwagamo.

Wizihizwa ute hirya no hino ku Isi?

Ibihugu byinshi, harimo n’u Rwanda, bikunze kwizihiza Mother’s Day ku Cyumweru cya kabiri cya Gicurasi, bikurikira umuco wakomotse muri Amerika.

Mu Rwanda, uyu munsi (Mother’s Day) ntuvugwa cyane nk’uko bimeze mu bihugu bimwe byo mu Burayi cyangwa muri Amerika, ahanini kubera impamvu zirimo kuba nta muco gakondo wihariye wari usanzweho wo kugira umunsi umwe wagenewe gusa ababyeyi b’abagore. Mu muco nyarwanda, kubaha umubyeyi byafatwaga nk’ibya buri munsi.

Mu Rwanda hakunze kwibandwa cyane ku minsi ifite insanganyamatsiko rusange ku muryango, umugore, cyangwa abana, kurusha umunsi umwe wihariye wa “Mother’s Day”.

Abongereza n’Abafaransa bawizihiza bitandukanye n’ahandi

Mu Bwongereza Mother’s Day bayita Mothering Sunday, bakaba batayizihiriza kimwe no muri Amerika n’ahandi hensi ku Isi (ku Cyumweru cya Kabiri cya Gicurasi) kuko ho bayizihiza ku Cyumweru cya kane cy’igihe cy’igisibo cy’Abakilisitu cy’iminsi 40 (Carême/ Lent) mbere ya Pasika.

Mu Bufaransa bawita Fête des Mères, aho akenshi wizihizwa ku Cyumweru cya nyuma cya Gicurasi, cyeretse iyo gihura na Pentekote, bakawimurira ku cyumweru gikurikiyeho.

Amagambo meza wabwira mama kuri Mother’s Day

Amwe mu magambo meza wabwira umubyeyi wawe w’umugore kuri uwo munsi ku ba bafite arimo:
“Mama, warakoze ku rukundo rwawe, ku kwihangana kwawe no ku byo unkorera buri munsi.”

“Uri inkingi y’ubuzima bwanjye; ndagukunda kandi ndagushimira.”

“Ibyo wanyigishije n’urugero umpa bizahora bindanga.”

“Ndagushimira uburyo uhora unshyigikira mu bihe byoroshye no mu bikomeye.”

Itandukaniro rya Mother’s Day na Women’s Day

Umunsi wa Mother’s Day (Umunsi w’Ababyeyi b’Abagore), wibanda cyane ku kubaha no gushimira ababyeyi b’abagore kubera uruhare rwabo mu muryango no mu kurera. Akenshi uba umunsi wihariye wo gushimira mama.

Umunsi Mpuzamahanga w’Umugore (Women’s Day), wo wibanda ku burenganzira bw’abagore, uburinganire, uruhare rw’umugore mu iterambere, n’amateka y’urugamba rwo guharanira uburenganzira bwabo. Ntabwo uba ugenewe ababyeyi gusa, ahubwo ugenewe abagore bose.

Uyu munsi Mpuzamahanga watangiye kwizihizwa mu ntangiriro z’ikinyejana cya 20, ukaba ufite inkomoko ku bagore basabaga uburenganzira mu kazi, mu matora no mu mibereho rusange.

Mu 1909, muri Leta Zunze Ubumwe za Amerika, habaye umunsi wa mbere wahariwe abagore ku rwego rw’Igihugu.

Mu 1910, i Copenhagen muri Denmark, mu nama mpuzamahanga y’abagore b’abakozi, Clara Zetkin yatanze igitekerezo cy’uko hajyaho umunsi mpuzamahanga w’abagore.

Mu 1911, uwo munsi wizihijwe bwa mbere mu bihugu birimo u Budage, Austria, Denmark n’u Busuwisi, mu gihe wemejwe bwa mbere n’Umuryango Mpuzamahanga w’Abibumbye (Loni) mu 1975, utangira no kwizihizwa ku mugaragaro ahenshi ku Isi, ku wa 8 Werurwe.

Kimwe n’ahandi henshi mu gihugu, mbere ya Jenoside yakorewe Abatutsi, abahakoreraga baratotezwaga bacunaguzwa kugera ubwo Jenoside yashyiriwe mu bikorwa mu 1994, bamwe bakicwa.

Ubwo kuri uyu wa Gatanu, ku cyicaro gikuru cya RMS, haberaga igikorwa cyo kwibuka ku nshuro ya 32 Jenoside yakorewe Abatutsi, by’umwihariko bibuka abari abakozi babo 5, bishwe muri icyo gihe, abarokotse bagaragaje ko bazi agaciro k’amahoro kuko bayabuze igihe kinini.

Mu buhamya yatanze uwahakoraga icyo gihe, Stanislas Simugomwa, wari unahagarariye imiryango y’ababuze ababo bakoraga muri OPHAR, yavuze ko imwe mu ndamukanyo bakunda gukoresha ari ‘Mugire Amahoro’, kubera ko bazi agaciro kayo.

Ati “Twebwe tubasuhuza ’kugira amahoro’, kuko tuzi agaciro kayo, tuzi kubura amahoro icyo ari cyo, kandi amahoro nta wuyibuza, arayabuzwa. Twayabujijwe igihe kinini, turayabura pe, tunabivamo twumva ko tugomba kubaho nta mahoro. Ni ikintu kibabaza, gihangayikisha kandi kubura amahoro ni ukubura ubuzima. Ni yo mpamvu ari cyo tubifuriza ngo mugire amahoro.”

Stanislas Simugomwa wari yari ahagarariye imiryango y’ababuze ababo bakoraga muri OPHAR

Yunzemo ati “Aho tuyaboneye twaje gusanga ari ikintu gihenze gikomeye, kukigeraho utabona ikiguzi cyabyo. N’uwakora ingengo y’imari akavuga ati ndambika ingabo, ndwane amahoro agaruke, abara amafaranga ariko ntabasha kubara amaraso azameneka kugira ngo aze. Ni yo mpamvu ubiburira ikiguzi, kuko ntabwo wabibara ngo uzabimenye, ahubwo ukitanga, ukiheba, ugatanga ibyawe n’abawe. Amahoro ni ingenzi. Mugire amahoro kandi muyaharanire, kugira ngo atazongera kubura.”

Umuyobozi Mukuru wungirije wa RMS, Diana Umutoni, yavuze ko kwibuka ari umwanya ukomeye wo kunamira inzirakarengane zirenga miliyoni zazize Jenoside no guha icyubahiro abarokotse bakomeje kwiyubaka no kubaka Igihugu, mu mbaraga nyinshi n’ubutwari budasanzwe.

Ati “Kwibuka ntabwo ari umuhango gusa, ni inshingano, umwanya wo kuzirikana amateka y’Igihugu cyacu cyanyuzemo, tukayasobanukirwa kugira ngo atazongera kubaho ukundi. Nka RMS twemera ko tugomba gukora inshingano zacu, ariko tukanubaka ahantu harangwa n’ubumwe, kubahana, ukuri, ubunyamwuga, tukemera ko ari zimwe mu nzira zo gukomeza kubungabunga ibyo Igihugu cyagezeho nyuma ya Jenoside.”

Umuyobozi Mukuru wungirije wa RMS, Diana Umutoni

Alphonse Nsengimana wari uhagarariye IBUKA, mu butumwa yatanze, yavuze ko kwibuka uba ari umwanya mwiza wo kunamira no guha agaciro abishwe muri Jenoside yakorewe Abatutsi mu 1994, guhumuriza no gukomeza abayirokotse no gukomeza kubashimira urugendo rw’ubudaheranwa rwabaranze no kuba nta rwango bigeze cyangwa ngo bagirire ababagiriye nabi bakabamaraho imiryango .

Alphonse Nsengimana wari uhagarariye IBUKA

Ati “Aha ari n’umwanya wo gutekereza ingabo zahoze ari iza RPF Inkotanyi, Abanyarwanda, abana b’u Rwanda b’umutima muzima, utararebereye ikibi cyaranze Igihugu cyacu cy’amacakubiri, urwango no kwica bamwe mu bana b’u Rwanda babahoye uko baremwe."

Umuyobozi w’Inama y’Ubutegetsi ya RMS, Eric Nyirimigabo, yavuze ko bafashe umwanya wo kwibuka ariko ntibahe agaciro abagize uruhare mu guhagarika Jenoside, kwaba ari ugukosa.

Umuyobozi w’Inama y’Ubutegetsi ya RMS, Eric Nyirimigabo

Yagize ati “Jenoside ntabwo yihagaritse ahubwo yarahagaritswe, kandi kugira ngo ihagarikwe hari ikiguzi cyatanzwe, ntabwo ari ingengo y’imari gusa, hari n’amaraso yamenetse. Ni ibintu tugomba guha agaciro, tukaba tubizirikana ndetse tunabishimira abantu bose babigizemo uruhare. Izo mbaraga zakoreshejwe mu guhagarika Jenoside ni zo zikomeje gukoreshwa mu kubaka Igihugu cyacu.”

Imiryango y’abari abakozi ba OPHAR yifuje ko mu gihe abishwe muri Jenoside bose bazaba bamaze kumenyekana, hazubakwa urwibutso bazajya bibukirwaho, rukandikwaho amazina yabo.

Aha gushora mu mwana bavuga, ni ingengo y’imari iba igomba kugenda ku mikurire ye, ibijyanye n’ubuzima, imibereho myiza, kumurinda no kumurengera, isuku n’isukura, no kumuha uburere buboneye.

Ni bimwe mu byatangarijwe mu nama mpuzamahanga y’iminsi itatu, ivuga ku bijyanye no gushora imari mu kwita ku mikurire y’abana bato, irimo kubera i Kigali guhera kuri uyu wa Kabiri.

Igamije kongera kuganira n’abafatanyabikorwa batandukanye baba ab’imbere mu gihugu no hanze yacyo, harebwa icyo ingo mbonezamikurire (ECD’s) za Leta zishora mu bana.

Umuyobozi Mukuru w’Ikigo cy’Igihugu gishinzwe Imikurire no Kurengera Umwana (NCDA), Assumpta Ingabire yagize ati “Ubushakashatsi bwagiye bugaragaza y’uko iyo ushoye idolari 1 ku mwana akivuka, iyo akuze Leta yunguka 17, kandi kuyunguka si muri iyo mibare gusa, kuko umwana witaweho, akabona za serivisi zose mbonezamikurire, ntabwo arwaragurika, kubera ko aba yarakingiwe, yarariye neza, afite ubuzima bwiza iyo ni inyungu kuri cya gishoro.”

Yungamo ati “Iyo ageze mu mashuri abanza, agakomeza na Kaminuza ariga agatsinda, ni ukuvuga ngo Leta naho irunguka, kuko aba afite ubushobozi bw’aho azagera mu kazi azaba yubakitse neza, afite ubwo bumenyi kuko ubwonko bwakanguwe akiri muto afite n’uburere buboneye.”

Umunyamabanga Nshingwabikorwa w’Urugaga mpuzamahanga ruhuza abafatanyabikorwa mu guteza imbere imikurire y’umwana mu myaka ya mbere y’ubuzima (ECDAN), Elizabeth Lule, avuga ko Guverinoma nyinshi z’Ibihugu zihanganye n’imbogamizi zikomeye mu rwego rw’ingengo y’imari ijya ku bana.

Ngo hari igihe usanga zidakusanya amafaranga ahagije ava mu misoro, kandi n’inkunga zituruka mu mahanga zigenda zigabanuka hamwe zikaba zarahagaze, ariko hari ubundi buryo bushoboka bwo kwishakamo ibisubizo.

Ati “Kimwe muri byo ni ukunoza uburyo bwo gukusanya imisoro binyuze mu kubishyira ku ikoranabuhanga. Ikindi ni ibyo twita imisoro igamije ubuzima rusange, nko gushyiraho cyangwa kongera imisoro ku itabi, inzoga n’ibindi, bityo hakaboneka amafaranga menshi yo gushora mu mibereho myiza y’abaturage, harimo no guteza imbere imikurire y’umwana mu myaka ye ya mbere y’ubuzima.”

Atangiza ku mugaragaro iyi nama, Minisitiri w’Uburinganire n’Iterambere ry’Umuryango Consolée Uwimana, yavuze ko gahunda y’Igihugu ya ECD yateye imbere ku buryo bugaragara.

Yagize ati “Kuko yavuye ku bana barenga ibihumbi 297 yageragaho mu 2020, ikagera ku barenga miliyoni 1.2 uyu munsi, binyuze muri ECD zirenga ibihumbi 32, bikaba bigaragaza iterambere, ubushake bwa politiki n’imikoranire ihamye. Nubwo hari intambwe imaze guterwa, turacyafite mbogamizi zo kubona uburyo burambye kandi bunoze bwo gutera inkunga gahunda za ECD, ari nayo mpamvu inama nk’iyi aba ari ingenzi cyane, kuko itanga umwanya wo gusangira ubunararibonye no kwigiranaho.”

Ni bimwe mubyo basabye Mu Nteko Ishinga Amategeko umutwe w’Abadepite yagezwagaho umushinga w’Itegeko ryerekeye ubucuruzi bw’umutungo koranabuhanga.

Hagarutswe cyane ku ngingo zirimo iya 25,27 n’izindi zibanda ku kurengera umuguzi.

Depite Germaine Mukabalisa yagize ati “Mu itegeko harimo ko umuguzi arengerwa mu ngingo, birashimishije, ariko haterwa n’indi ntabwe hakajyaho amabwiriza yihariye yo kumurengera nk’uko umuguzi wa serivisi z’imari ndetse n’abandi bafite itegeko ribarengera ryihariye, nabyo byaba ari byiza."

Aha rero, Mukabarisa yagize ati "Bishobotse iyi ngingo yasozwa n’igika kivuga ko amabwiriza y’uru rwego azagena uburyo bwihariye bwo kurengera umuguzi."

Aha kandi, Mukabarisa yasabye ko hasobanurwa itandukaniro ry’umuguzi n’umukiliya.

Perezida wa Komisiyo, Théogène Munyangeyo yavuze ko umukiliya ari umuntu ku giti cye, ikigo gifite ubuzima gatozi cyangwa ubwumvikane bushingiye ku masezerano bihabwa serivisi z’umutungo koranabuhanga, ariko rikaba rikoreshwa mu buryo bwagutse, mu by’ukuri rikaba risobanura kimwe n’umuguzi.

Mu kiganiro Buracyeye cya KT radio cyo kuri uyu wa mbere, cyari gifite isanganyamatsiko igira iti “Kuki ibibazo iby’ingurane z’abimuwe cyangwa abangiririjwe imitungo bidakemuka’, hagaragajwe ibibazo by’ubutaka usanga buhuriweho n’abantu benshi.

Umuyobozi Mukuru ushinzwe ubutaka, amazi n’amashyamba muri Minisiteri y’Ibidukikije, Philippe Kwitonda, yavuze ko itegeko riteganya ko umuntu ahabwa ingurane mbere y’uko yimuka.

Yagize ati “Itegeko rirabisobanura ko uhabwa ingurane mbere y’uko wimuka, ukayihabwa mu minsi 120 (amezi ane), nicyo itegeko riteganya, ariko nanone Itegeko rigateganya ko ushobora no kumvikana. Rwa rwego rukwimura rushobora kuvuga ruti, turumvikanye iminsi 120 ishobora kurenga, icyo gihe iyo irenze wa muntu wimurwa bamuha 5%, yakwitwa nk’igihano gihabwa urwego rwagombye kuba rwamuhaye ingurane ariko ntayihabwe.”

Ariko ngo hari n’izindi mpamvu zishobora gutuma ingurane itinda gutangwa, harimo ubutaka buri mu makimbirane, Leta ikabura uwo iha ingurane, kuko buri wese aba avuga ko ubutaka ari ubwe.

Kwitonda ati “Buriya mu Rwanda dufite icyo twakwita nk’ibibanza (Plots) cyangwa ubutaka miliyoni 12, ni ukuvuga Abanyarwanda uburyo batunze ubutaka, ubwinshi buri munsi ya 0.5 bya hegitari, ni ubutaka buto buto cyane. Niba nka Minisiteri y’Uburezi igiye kubaka nk’ishuri ahantu, ikavuga iti nkeneye hegitari ebyiri kugira ngo ryubakwe, kubera ko ari ubutaka buto buto kuri buri muturage, ubwo ugiye gusa naho uganira n’abaturage hafi 1000, uko uganira nabo niko usanga bya bibazo twavugaga. Izo ni zimwe mu mpamvu zihari.”

Jean Bosco Niyomugabo wo mu Karere ka Nyagatare, avuga ko mu 2022 REG yamukoreshereje ubutaka akaba ageze uyu munsi atarahabwa ingurane kandi nta kibazo na kimwe bufite.

Ati “REG yarancuragije mu buyobozi ahantu hose, ari ingurane z’ibihingwa nari mfitemo ntazo nabonye, cyari ikibanza cy’ahantu mu isantere cyo kubaka yaragikoresheje nta kintu bampaye na mba, bambwiye ko ntagomba kuhubaka, imyaka ibaye ine, amafaranga bageze naho bansaba kujya aho bakorera, barebye muri mashini basanga amafaranga ambaruyeho.”

Umuyobozi ushinzwe igenamigambi muri Minisiteri y’Ibikorwa remezo, Emmanuel Nuwamanya, avuga ko bakorana n’izindi nzego ariko batanyuze ku ruhande rw’icyo Itegeko rivuga.

Ati “Gukorana n’inzego ni ngombwa, cyane cyane dukorana na Minisiteri y’Ibidukikije, kubera ko Itegeko ari bo basa nkaho barifite mu nshingano, inzego zose zikarikurikiza. Tugakorana nanone na Minisiteri y’Ubutegetsi bw’Igihugu ndetse n’inzego z’ibanze kugira ngo cya gikorwa remezo kiri bushyirwe mu mutungo w’umuturage ku bw’inyungu rusange, abashe guhabwa ingurane ikwiye.”

Iyo umuturage atanyuzwe n’ingurane arimo guhabwa, intambwe ya mbere aba agomba gutera ni ukuganira n’urwego rwimura, ariko mu gihe atanyuzwe aba ashobora kugana inkiko, nubwo ubuyobozi bwa Minisiteri y’Ibidukikije buvuga ko bidakunze kubaho kuko ibibazo bigera kuri 99% bikemukira aho bigomba gukemukira.

Ni imishinga izahabwa ayo mafaranga binyuze muri gahunda ya Ed-Tech Fellowship, yateguwe na Mastercard Foundation hamwe na Ed-Tech, ishyirwa mu bikorwa n’Ishami ry’Ikoranabuhanga mu rugaga rw’abikorera (ICT Chamber), hagamijwe guteza imbere uburezi hifashishijwe ikoranabuhanga.

Mu biganiro byari bihuje inzego zitandukanye zifite aho zihuriye n’ikoreshwa ry’ubwenge buhangano n’ikoranabuhanga rigezweho mu guteza imbere uburezi, byaberaga i Kigali kuri uyu wa 30 Mata 2026, hagaragajwe ibibazo bitandukanye birimo imbogamizi z’ingengo y’imari n’icyuho kiri mu ikoreshwa ry’ikoranabuhanga, cyane cyane ku bijyanye n’ubumenyi n’ibikorwa remezo.

Dieudonné Dusabimana, ni umuyobozi w’uwo mushinga, avuga ko batangiye ibikorwa byo guhitamo imishinga y’indashyikirwa izahiga iyindi, kugira ngo banyirayo bazahite bahuzwa n’ibigo by’amashuri itangire kuhakorera.

Ati “Iyo mishinga akenshi usanga yarabuze uburyo bw’amikoro kugira ngo ikomeze ibikorwa byayo inagezwe mu gihugu hose. Hari amafaranga ibihumbi 50 by’Amadolari yateganyijwe ko azahabwa buri mushinga muyo tuzahitamo, bakazanabona ubufasha mu buryo buri tekinike kugira ngo bashobore kuyishyira mu bikorwa, bashobore kuba bajya no muri ibyo bigo by’amashuri.”

Yungamo ati “Buri mushinga tuzahitamo, umubare muto wanyuma w’abantu bashobora kuwungukiraho ni ibihumbi 5 mu gihe cy’umwaka, ubwo ni ukuvuga abantu ibihumbi 40 by’abantu bagomba kugirwaho ingaruka nziza n’iyo mishinga ku mwaka, kuko tuzaba dufite imishinga umunani.”

Umuyobozi ushinzwe ibikorwa mu rugaga rw’abikorera mu Rwanda, mu Ishami ry’Ikoranabuhanga (ICT Chamber), Moïse Tuyizere, yavuze ko ibi biganiro byari bigamije kugira ngo bumve banakire ibitekerezo by’abahanga mu bijyanye n’ikoranabuhanga, no kugira ngo harebwe uko bafashwa no gukorera hamwe mu guteza imbere urwo rwego.

Yagize ati: “Dukomeje guteza imbere uru rubuga, mu rwego rwo gupima ingaruka z’ibikorwa no gukemura ibibazo duhura nabyo nk’abahanga muri rwo, kugira ngo tugire uruhare rufatika mu iterambere ry’Igihugu.”

Umuyobozi ushinzwe ibikorwa by’ikoranabuhanga rigezweho muri Minisiteri y’Ikoranabuhanga na Inovasiyo (MINICT), Thomas Ndayambaje, avuga ko nka Minisiteri ifite ikoranabuhanga mu nshingano, bashyiraho uburyo ryakoreshwa mu mashuri harimo no kurinda abana.

Ati “Ntabwo abana izo politike n’ingamba dushyiraho zibabuza gukoresha ikoranabuhanga, ahubwo ni ukugira ngo bakoreshe ikoranabuhanga kandi barikoreshe neza. Ariko nanone umwana aba agomba kurindwa aho ariho hose, no mu Isi y’ikoranabuhanga agomba kurindwa. Ni muri urwo rwego hajyaho uburyo bwo kumurinda, burimo kubigisha ibijyanye n’ikoranabuhanga, rikoreshwa rite, rimaze iki, wakwirinda ute?.”

Arongera ati “Ababyeyi nabo, ikoranabuhanga ni iki, barikoresha bate, barinda umwana bate, bo bakwirinda bate? Hakazamo n’ingamba noneho zo kugira ngo wa mwana arindwe, ariho mwabonye ko abana bari munsi y’imyaka 16 bagiye kubuzwa gukoresha imbuga nkoranyambaga. Kubabuza gukoresha imbuga nkoranyambaga ntabwo bivuze ko babujijwe gukoresha ikoranabuhanga, bazarikoresha ariko barikoresha ibyo bagomba gukora kandi barikoreshe neza.”

Umuyobozi w’Agashami gashinzwe ikoranabuhanga rigezweho mu burezi, mu Ishami ry’Ikoranabuhanga mu burezi, mu rwego rw’Igihugu rushinzwe Uburezi bw’ibanze (REB), Aimé Vedaste Uwishema, avuga ko bamaze guhugurwa abarimu bagera ku bihumbi 5 ku bijyanye na AI.

Ati “Umwaka ushize muri Nyakanga, twagerageje guhugura abarimu bageze 150, bivuze ko ari 5 muri buri Karere, nyuma yaho twarakomeje, abo barimu badufasha guhugura bagenzi babo bageze ku 4800. Ubu turimo gutegura uburyo twakorana nabo tukongera umubare w’abarimu bahugurwa, kuko twifuza ko iri koranabuhanga ryagera ku barimu bose mu Rwanda.”

Bamwe mu bitabiriye ibi biganiro, bagarutse ku ruhare rwa AI mu burezi bwa Afurika, bagaragaza ko hakenewe kongera ubushakashatsi bukorerwa muri Afurika kuko umusanzu wabwo mu gutanga ubumenyi ukiri muke.

Dieudonné wo mu kigo cya Master Hub, yagaragaje impungenge ku bukererwe mu kwemeza integanyanyigisho nshya zikorwa n’abahanga mu guhanga udushya mu ikoranabuhanga, n’uburyo AI ikoreshwa mu gutanga amanota ku banyeshuri, cyane ko u Rwanda rutaragira ikigo gikomeye cy’ububiko bw’amakuru ya AI (AI data center).

Bimwe mubyo basubijwe harimo kuba hakenewe guteza imbere AI ishingiye ku Rwanda, ariko hakiri ikibazo cy’ubuke bw’ubushakashatsi n’ibikorwa remezo, n’ubwo hari gahunda ya leta yo gushyiraho ikigo cy’Igihugu cy’ububiko bw’amakuru (National data center).

Kureba andi mafoto, kanda HANO

RIB ivuga ko mu 2023 na 2024 Hategekimana yagiye yohererezwa amafaranga na Rubazinda Callixte, umuyobozi wa kompanyi yitwa Calliane Company Ltd, kugira ngo amukingire ikibaba ku bucukuzi bw’amabuye y’agaciro yakoraga nta ruhushya afite, nawe ufunze nk’umufatanyacyaha kuri icyo cyaha cya ruswa.

Ngo Hategekimana yaragiye anaburira Rubazinda mbere yuko hakorwa ubugenzuzi ku bucukuzi bw’amabuye y’agaciro kugira ngo adafatwa, kuko yabukoraga nta ruhushya abifitiye.

RIB irongera kwibutsa abaturarwanda kwirinda ibyaha bya ruswa kuko bidasaza bityo igihe cyose habonetse ibimenyetso ku wabikoze abihanirwa hatitawe ku gihe yagikoreye.

Abaturage barabwa gukomeza gutanga amakuru aho bakeka ruswa hose.

Ni umukino wari witezwe cyane hirya no hino ku Isi kuko wari ugiye guhuza amakipe afatwa nk’aya mbere meza uyu mwaka hakurikijwe uko yitwara mu marushanwa atandukanye yaba ayo mu bihugu byayo, na cyane ko Bayern Munich iheruka kongera gutwara Shampiyona y’u Budage 2025-2026 mu gihe PSG iyoboye urutonde rw’agateganyo mu Bufaransa.

PSG isanganywe amasezerano y’ubufatanye n’u Rwanda binyuze muri gahunda yarwo ya Visit Rwanda, azageza mu 2028.

Iyi kipe ya PSG yamaze gutera intambwe ya mbere yerekeza ku mukino wa nyuma wa UCL, ni yo ibitse igikombe cy’umwaka ushize yatwaye itsinze Inter Milan ibitego 5-0.

Ubuyobozi bw’iyo Minisiteri buvuga ko Jenoside yakorewe Abatutsi mu Rwanda ari igisebo gikomeye by’umwihariko kuba yaragizwemo uruhare n’abagore bari abayobozi bakoze ubwicanyi bw’indengakamere.

Ni bimwe mu byatangajwe kuri uyu wa Kabiri, ubwo ubuyobozi bw’iyo Minisiteri, iy’Urubyiruko n’Iterambere ry’ubuhanzi hamwe n’ibindi bigo bya Leta bikorera mu nyubako ya A&P, bibukaga ku nshuro ya 32 abari abakozi babo bishwe muri Jenoside yakorewe Abatutsi mu 1994.

Nyuma yo gusura urwibutso rwa Jenoside rwa Kigali, no gushyira indabo ku mva aharuhukiye imibiri y’Abatutsi barenga ibihumbi 250, biciwe hirya no hino mu Mujyi wa Kigali, abitabiriye icyo gikorwa bagejejweho ikiganiro kuri Jenoside, cyatanzwe na Amb. François Xavier Ngarambe, wagarutse cyane ku mateka y’u Rwanda guhera mu 1959, ubwo Abatutsi bameneshwaga, bagatwikirwa, bamwe bakicwa, abatarishwe bagahungira mu bihugu by’abaturanyi.

Amb. François Xavier Ngarambe

Asoza ikiganiro Amb. Ngarambe yavuze ko Jenoside ari icyaha cya Politike, gishingiye kuri Politike, gishaka inyungu za Politike, kikaba gikubiyemo ibibi byose umunyapolitike ashobora gukora.

Yagize ati “Igisubizo ni Politike yubaka, kwigisha mu buryo buhoraho amahame aganisha ku irandura burundu ry’ingengabitekerezo y’ivangura, urwango no kurimbura. Kwimakaza Politike ireba umutekano wa buri wese, uburenganzira bwa buri wese, kungana kwa bose mu burenganzira, abagabo n’abagore, abato n’abakuru, abakire n’abakene, mwese muba mufite uburenganzira bungana, n’amahirwe kimwe aho muvuka.”

Visi Perezida wa mbere wa IBUKA ku rwego rw’Igihugu, Christine Muhongayire, yavuze ko igikorwa cyo kwibuka bakibonamo ibintu bitatu bikomeye.

Ati “Icya mbere ni uguhumuriza abacitse ku icumu kugira ngo tubegere, tubabwire ngo muhumure kandi mukomere ntabwo muri mwenyine, nabo babashe guhobera ubuzima. Icya kabiri ni uguha agaciro n’icyubahiro abacu bambuwe. Icya gatatu ni uko tubasha nko gukora ikiriyo niba ari ko nabyita, kubera ko guhera mu 1959 Abatutsi bapfa, nta wabashije no kubibuka, nta n’uwabivugaga.”

Minisitiri w’Uburinganire n’Iterambere ry’Umuryango, Uwimana Consolée

Mu ijambo rye, Minisitiri w’Uburinganire n’Iterambere ry’Umuryango Consolée Uwimana, yavuze ko amateka ya Jenoside yakorewe Abatutsi akwiye kuba isomo rikomeye ku bayobozi bariho uyu munsi, akabaha inshingano zo guharanira ukuri, ubumwe n’ubudaheranwa by’Abanyarwanda.

Ati “Tugomba gutoza Abanyarwanda indangagaciro na kirazira by’umuco wacu, tunabigisha amateka nyayo y’Igihugu cyacu. Ni ngombwa kandi ko tuzirikana ko tudakwiye gutoza no kuvuga ibyo tudakora. Twihereyeho, tube intangarugero mu mibanire na bagenzi bacu, twirinde imvugo zipfobya, ziyobya, cyane ko ubutumwa bwacu bwumvwa na benshi. Imico n’imyitwarire by’abayobozi, bigira ingaruka ku myitwarire yabo bayobora cyane cyane abato.”

Yanavuze ko baterwa ikimwaro n’ipfunwe n’abagore bari abayobozi bakoze Jenoside yakorewe Abatutsi, barimo Pauline Nyiramasuhuko wari Minisitiri w’Iterambere ry’Abagore hamwe na Agnes Ntamabyaliro Rutagwera wari Minisitiri w’Ubutabera, bose bakaba barahamijwe n’inkiko icyaha cya Jenoside yakorewe Abatutsi.

Iki gikorwa cyitabiriwe n’abandi bayobozi batandukanye barimo Minisitiri w’Urubyiruko n’Iterambere ry’Ubuhanzi, Umunyabanga wa Leta muri iyo Minisiteri hamwe n’abandi bayobozi b’ibigo bya Leta bihuriye mu nyubako ya A&P, birimo NCDA, RCI, NPSC na REAF.

Umuyobozi Mukuru wa NCDA, Assumpta Ingabire

Umunyamabanga wa Leta muri Minisiteri y’Urubyiruko n’Iterambere ry’Ubuhanzi, Sandrine Umutoni

Ni bimwe mu byatangajwe muri raporo ya RDB igaragaza umusaruro wabonetse mu ishoramari, ibyoherezwa mu mahanga n’ubukerarugendo mu 2025, no gukomeza gushyira mu bikorwa amavugurura agamije guteza imbere ubucuruzi.

Muri iyo raporo hagaragaramo ko mu 2025, u Rwanda rwemeje ishoramari ringana na miliyari 2.62 z’amadolari ya Amerika mu mishinga 799, rivuye kuri 612 mu 2024. Aho biteganyijwe ko iyi mishinga izatanga imirimo irenga ibihumbi 38.

Inzego zirimo ubwubatsi (real estate), inganda n’ubucukuzi bw’amabuye y’agaciro ni zo zagize uruhare runini, zigira n’ingaruka nziza mu kwinjiza imari no guhanga imirimo.

Raporo igaragaza ko ishoramari ry’abanyamahanga kuri miliyoni 872.9 z’amadolari mu 2024, rivuye kuri miliyoni 716.5 mu 2023, bingana n’izamuka rya 21.8%, bigaragaza icyizere gikomeje kugirirwa u Rwanda mu bijyanye n’imiyoborere n’ishyirwa mu bikorwa rya politiki z’ubukungu.

Ubukerarugendo bwinjije miliyoni 685 z’amadolari mu 2025, buvuye kuri miliyoni 647 mu 2024, bingana n’izamuka rya 6%.

Abasuye u Rwanda bageze kuri miliyoni 1.49, biyongera ku kigero cya 9%, ahanini bitewe n’ibikorwa bizwi birimo gusura ingagi zo mu birunga,
n’ibindi bikorwa bishya mu pariki z’Igihugu.

Urwego rwa MICE (inama, imurikagurisha n’ibindi bikorwa mpuzamahanga) rwinjije miliyoni 94.7 z’amadolari, ruzamuka ho 11%, bitewe n’ibikorwa 165 mpuzamahanga byabereye mu Rwanda.

Mu 2025, u Rwanda rwakiriye ibirori bikomeye birimo, UCI Road World Championships 2025 byari bibereye bwa mbere muri Afurika,
Move Afrika: Kigali yitabiriwe na JohnLegend,
Mobile World Congress,
n’amarushanwa ya Basketball Africa League Season 5.

Ibi byongereye umubare w’abasura u Rwanda no kurumenyekanisha ku rwego mpuzamahanga.

U Rwanda rwabonye kandi rwabonye miliyari 3.6 z’amadolari avuye mu byoherezwa mu mahanga, bitewe ahanini n’inzego zirimo ubucukuzi bw’amabuye y’agaciro, ubuhinzi n’ubuhinzi bw’indabo n’imboga.

Serivisi zoherezwa hanze ziyongereyeho 2.7%, naho ubwikorezi bwo mu kirere buzamukaho 2.4%, bugera kuri toni 6,257.

U Rwanda rwakomeje ubufatanye n’amakipe binyuze muri gahunda ya Visit Rwanda, aho Paris Saint-Germain bafitanye amasezerano kugeza 2028,
Atlético de Madrid kugeza 2028,
ndetse n’amakipe ya Los Angeles Clippers na Los Angeles Rams kugeza 2030.

Ibi bizafasha kongera kumenyekanisha u Rwanda no gukurura abashoramari n’abakerarugendo benshi.

Iyo raporo igaragaza ko u Rwanda rukomeje kwitwara neza ku rwego mpuzamahanga, aho rufite amanota ya mbere muri Afurika mu bijyanye n’amategeko agenga ubucuruzi (World Bank B-READY),
kandi rukomeza kuza ku isonga muri Afurika yo munsi y’ubutayu bwa Sahara mu kubahiriza amategeko (Rule of Law Index).

RDB yakomeje kunoza serivisi hifashishijwe ikoranabuhanga rihuriweho ritanga serivisi zirenga 400, gukurikirana imikorere mu buryo bw’igihe nyacyo (real-time monitoring),
no koroshya ishoramari n’iyandikisha ry’ibigo.

Hanashyizweho Urwego rw’Igihugu rugenzura imikino y’amahirwe (NLGC), ruzafasha kunoza imiyoborere muri uwo murenge.

Umuyobozi Mukuru wa RDB, Jean-Guy Afrika, avuga ko ibyagezweho mu 2025 bigaragaza intambwe nziza mu gushimangira ubukungu bw’u Rwanda no gushyira mu bikorwa gahunda z’ishoramari.

Ati "Ibyoherezwa mu mahanga, ubukerarugendo no gutanga serivisi nziza. Tuzakomeza kubaka ibidukikije byiza bifasha abikorera gutera imbere no kugera ku iterambere rirambye.”

Ubuyobozi bwa RDB buvuga ko buzakomeza gushyira mu bikorwa gahunda y’Igihugu yo kwihutisha Iterambere icyiciro cyayo cya kabiri (NST2 ya 2025–2030), yibanda cyane ku kongera ishoramari,
guteza imbere ibyoherezwa mu mahanga, kuzamura ubukerarugendo bufite agaciro, no guteza imbere udushya n’ikoranabuhanga.

Ibi Brig Gen Rwivanga, yabivugiye mu kiganiro yatanze ubwo Banki Nkuru y’u Rwanda (BNR) yibukaga ku nshuro ya 32 abari abakozi bayo 22 bishwe muri Jenoside yakorewe Abatutsi, aho yagaragaje ko gutererana Abatutsi bari muri ETO Kicukiro batumye bicwa, kandi nyamara bari bahahungiye bahizeye ubutabazi.

Umuvugizi w’ingabo z’u Rwanda yavuze ko mu nshingano zabo badashobora gusiga abaturage ngo bicwe.

Yagize ati “Mu ishuri rya ETO Kicukiro, hari Abanyarwanda benshi bahahungiye, begera icyicaro cy’umuryango w’abibumbye, kuko ubundi mu nshingano zacu, aho tujya hose, u Rwanda rwoherejwe, ntabwo ingabo z’u Rwanda zishobora gusiga abaturage ngo bicwe, ntibishoboka.”

Yunzemo ati “Ariko ibyabereye muri ETO ni ibintu bibabaje cyane, ni umugayo ukomeye cyane ku muryango w’abibumbye. Aho ureba Ababiligi bafata abagore babo n’imbwa bakazishyira mu modoka bakagenda, abacecuru, abana babaririra, bababwira ngo reka tujyane namwe.”

Brig Gen Rwivanga avuga ko nubwo wenda bitashobokaga ko abasirikare b’u Bubiligi bajyana n’abantu bose bari bahungiye muri ETO Kicukiro muri icyo gihe, ariko nibura bari kugira ubumuntu bakanga kugenda kugira ngo badatererana ababasaba ubutabazi n’ubuhungiro nkuko abo muri Ghana na Senegal babikoze bakanga kugenda.

Ati “Nibura bari kuvuga bati reka dutegerezeho gato turebe ko umugambi wo kwica aba bantu bari aha ngaha wahagarikwa. Iyo nibutse ko turi mu muryango w’abibumbye wakoze ibyo bintu, u Rwanda rwiyemeje kutaba nkabo. Twiyemeje kutaba nkabo, ariyo mpamvu aho turi hose turwana ku baturage byaba na ngombwa abasirikare bakahasiga ubuzima bwabo. Tuzi icyo bivuze gusiga abantu ngo bicwe nkuko bishwe muri ETO Kicukiro.”

Ingabo z’Ababiligi zikimara gutererana Abatutsi bari bazihungiyeho muri ETO Kicukiro ku wa 11 Mata 1994, Interahamwe na Ex FAR barabashoreye babica umugenda kugera i Nyanza ya Kicukiro, aho babarundanyije bakabarasa, babateramo za gerenade, babakubita imihoro n’ibindi, ari na ko babacuza amafaranga n’imyambaro.

Abibutswe kuri BNR, kuri uyu wa Gatanu, ni abahoze ari abakozi 22 barimo abishwe babanje gukurwamo amaso.

Bagiye bicwa mu bihe bitandukanye uhereye igihe Jenoside yakorewe Abatutsi yatangiriye, bamwe bicanwa n’imiryango yabo, abandi ku bw’amahirwe abagore n’abana babo bararokoka.

Mu buhamya bwatanzwe n’uwari uhagarariye imiryango y’abari abakozi ba BNR bishwe, Marie Ignace yashimiye ubuyobozi by’umwihariko Inkotanyi zabarokoye bakanahabwa umwanya wo kugira ngo bajye bibuka ababo bishwe bazira uko bavutse.

Yagize ati “Turashimira cyane ubuyobozi bwa BNR n’abakozi bayo bose, badufasha kwibuka abacu bari abakozi bayo. Ni igikorwa kitwongeramo imbaraga, umuhate no kongera kubaho, nubwo abacu bishwe tukaba tutakibabonesha amaso y’umubiri, ariko aho bari turabashimira kuko nibo baduhuza na banki bakoreraga. Imbuto nziza basize babibye kuko babaye abakozi beza namwe mwabihaye agaciro mubasigarira aho batari uko mushoboye, kuko ibi bikorwa bitwereka ko abacu batagiye buheriheri, ahubwo bagumanye agaciro bakwiye.”

Evode Ndatsikira wari uhagarariye Umuryango uharanira Inyungu z’Abarokotse Jenoside (IBUKA), yavuze ko kuba bararokotse batabura gushima Inkotanyi zari zirangajwe imbere na Maj Gen Paul Kagame.

Yagize ati “Hari umunsi kugira ngo icyizere cy’ubuzima cyongere kubaho, twahuye n’Inkotanyi. Buri umwe wese warokotse afite aho yahuriye n’Inkotanyi kandi zije kumurokora. Murabyumva mu buhamya butandukanye, muzajya mubyumva mu makuru atangwa n’abicaga, muzajya mubyumva mu buhamya n’ibiganiro byiza tubona, kuko guhura n’Inkotanyi kwari ukongera kubona ubuzima, niyo mpamvu tubashimira.”

Ubuyobozi bukuru bwa BNR bwavuze ko kubibuka ari inshingano za buri wese, ariko banazirikana uruhare rwabo mu iterambere ry’ubukungu bw’Igihugu.

Mu ijambo rye, Umuyobozi Mukuru wa BNR, Soraya Hakuziyaremye, yagize ati “Kubibuka ni ishingano zacu twese. Turazirikana uruhare rw’abo twibuka uyu munsi, mu iterambere rya BNR dukorera, bagize uruhare rukomeye mu kubaka no guteza imbere ubukungu bw’Igihugu cyacu n’urwego rw’imari, kandi bari inkingi zikomeye z’imiryango yabo.”

Yunzemo ati “Dufite inshingano zo kurengera no gusigasira ubukungu bw’Igihugu, gukorana umuhate igihe cyose duharanira iterambere rirambye ry’Igihugu cyacu. Turasabwa kwitanga uko bucyeye n’uko bwije mu rugendo rutuganisha ku cyerekezo twihaye cyo kuba Banki y’icyitegererezo ku Isi, icyerekezo Igihugu cyacu cyihaye cy’Iterambere (Vision 2050), kandi dutanga umusanzu mu kubaka urwego rw’imari rutajegajega, ubudahangarwa bw’ubukungu bw’u Rwanda, n’iterambere rirambye kandi ridaheza.”

Mu bakozi ba BNR bishwe muri Jenoside yakorewe Abatutsi bibukwa, hanibukwa n’abandi batabashije kubonerwa amakuru.

Ni ikigega kiswe ’SME Growth Fund’, cyatangijwe binyuze mu masezerano RSSB yagiranye n’Ikigo Enko-Capital Rwanda kizacunga imikorere y’iki kigega.

Cyatangiranye ishoramari rya miliyoni 30 z’Amadolari y’Amerika yiyongeraho miliyoni 3 z’amadolari azashyigikira mu gushaka abakozi bazakora muri ibyo bigo bizashorwamo imari, kikazagenda cyaguka kugeza kigeze ku ishoramari rya miliyoni 100.

Nyuma yo gusinya amasezerano kuri uyu wa mbere, ubuyobozi bwa RSSB, bwagaragaje ko icyo kigega kigamije kongerera imbaraga abikorera mu kwagura ibikorwa byabo, bikazatanga akazi kuri benshi.

Harimo kandi no kongera umusaruro kuri serivisi z’ubucuruzi bw’imbere mu gihugu no ku byoherezwa hanze.

Umuyobozi Mukuru wa RSSB, Regis Rugemanshuro, avuga ko kimwe mu bibazo kizakemura ari abananirwaga kubona inguzanyo y’ibigo by’imari kubera ko ihenze.

Ati “Kuko amafaranga arahenze ku isoko, rimwe na rimwe biranatinda kuyabona, ibi rero n’ibintu bisanzwe bikorwa ahandi ku Isi, ariko ni ubwa mbere muri Afurika, cyane cyane y’Iburasirazuba, aho urwego rw’ubwishingizi nka RSSB, rufata iya mbere mu gushinga ikigega kugira ngo gishyigikire nta handi binyuze ibigo byigenga.”

Kugira ngo ukeneye inguzanyo ayibone, azajya abanza gutanga umushinga, asobanure uko ukora, hanyuma aho kubona inguzanyo ahabwe imigabane by’igihe kiri hagati y’imyaka 5-10, ubundi ikigo cyongererwe ubushobozi.

Rugemanshuro yagize ati “Icyo dushaka ni ukugira ngo twongerere ibyo bigo ubushobozi, bibashe gukora ku kigero cya 90% cyangwa 100% by’ubushobozi, ndetse tunacuruze hanze y’u Rwanda, nabyo bizakemura ikibazo cy’ibyo dukorera mu Rwanda n’ibyo tugura hanze, kuko ushobora kubona nk’uruganda rukorera kuri 50%, ariko hakaba hari ibindi Abanyarwanda tukigura hanze atari uko tutabishoboye ahubwo ari ikibazo cy’ubushobozi n’amafaranga. Icyo kibazo kizakemurwa muri ubwo buryo.”

Ni ikigega kigenewe u Rwanda kuko imishinga yose izashorwamo imari ari iyo mu Rwanda gusa.

Ubushakashatsi bwakozwe n’Ikigo cy’Ubushakashatsi n’Isesengura rya Politiki-(IPAR-Rwanda), bwakorewe mu Turere turindwi two mu Ntara enye n’Umujyi wa Kigali bwagaragaje ko 36% by’ibigo bito, ibiciriritse n’ibiringaniye bigera ku guzanyo mu buryo bugoranye, mu gihe 38% ari byo byoroherwa.

Ni muri gahunda y’urugendoshuri rugamije kwiga uburyo urugamba rwo kubohora Igihugu no guhagarika Jenoside rwagenze.

Nyuma yo kwerekwa no gusobanurirwa ibice bigize igicumbi cy’Intwari z’Igihugu, Umuyobozi w’itsinda Lt Col, Isaac Kwame Amehoho wo muri Ghana, yagize ati “Igihugu kitizihiza cyangwa ngo kizirikane Intwari zacyo ntacyo cyaba gikora, ari nayo mpamvu u Rwanda rwafashe iya mbere rwizihiza Intwari z’Igihugu cyabo. Ni isomo rikomeye nizera ko buri wese uri mu itsinda ryacu azasubirana iwabo.”

Lt Col Madditso Zulu wo muri Zambia, avuga ko mu ishuri rikuru rya gisirikare rya Nyakinama, biga ibijyanye n’igisirikare n’umutekano, kuko biri mu nteganyanyigisho.

Ati “ Bidufasha mu masomo yacu ajyanye n’umutekano, binyuze mu mateka y’u Rwanda kuko ibyahabaye bishobora no kuba ahandi ku mugabane.”

Umuyobozi w’Ishami rishinzwe ubushakashatsi muri CHENO, Nicolas Rwaka, avuga ko aba basirikare bahisemo gusura igicumbi cy’Intwari z’Igihugu kugira ngo barebe uko mu Rwanda babungabunga amateka y’Intwari z’Igihugu.

Ati “Bahisemo gusura hano, ariko cyane cyane kugira ngo barebe uko tubungabunga amateka y’Intwari z’Igihugu, twizihiza Intwari z’Igihugu, banabifatireho urugero rwiza, cyane cyane ko bamwe muri bo, hari zimwe mu ntwari z’Igihugu hano dufite, nk’ lIntwari y’Imanzi, Maj Gen Fred Gisa Rwigama, bamuzi, kuko ibihugu bakomokamo bamwe bazi amateka n’ibigwi bye.”

Uru rugendoshuri rugamije gusobanurirwa no gusobanukirwa uko ingabo za RPA zabohoye u Rwanda mu maboko y’ubuyobozi bubi n’uko zahagaritse Jenoside yakorewe Abatutsi mu 1994.

Mbere yo gusura igicumbi cy’Intwari z’Igihugu babanje gusura ingoro y’amateka y’urugamba rwo kubohora Igihugu, nyuma y’uko ku wa 22 bari basuye umupaka wa Kagituma nka hamwe mu bice bya mbere ingabo za RPA zanyuzeho zitangira urugamba rwo kubohora Igihugu.

Inyigisho bahabonera zibafasha kurushaho gusobanukirwa imipangire y’intambara n’uko abayirwana bayishyira mu bikorwa, bityo bagakuramo amasomo abafasha mu kazi ka gisirikare.

Ni ingamba zigomba guhita zitangira gushyirwa mu bikorwa uhereye tariki 14 Mata 2026, mu rwego rwo kugabanya imodoka zikoresha lisansi na mazutu, n’imyuka ihumanya ikirere no guteza imbere ubwikorezi burambye kandi budahumanya.

Ni ubusabe bugaragarira mu ibaruwa yo ku wa 14 Mata, Umunyamabanga wa Leta ushinzwe Ibikorwa remezo, Jean de Dieu Uwihanganye, yasabiyemo abashinzwe ingengo y’imari mu bigo bya Leta guhuza gahunda zo kugura imodoka na politiki y’Igihugu yo kugura ibikoresho birambye.

Ni ibaruwa igira iti “Ibigo bya Leta byose bisabwa gukora ku buryo nibura 30% by’imodoka nshya zigurwa ziba zikoresha amashanyarazi uhereye igihe iyi baruwa isinyiwe, nk’imwe mu nzira zo kugabanya imyuka ihumanya yoherezwa mu kirere, kugabanya kwishingikiriza ku bikomoka kuri peteroli no guteza imbere ubwikorezi burambye kandi budahumanya.”

Ibi MININFRA ibisabye mu gihe ibiciro by’ibikomoka kuri peteroli mu Rwanda no hirya no hino ku Isi bikomeje kuzamuka bigatuma amafaranga Leta ikoresha yiyongera.

Mu gihe cy’ukwezi kumwe gusa gushize, mu Rwanda litiro imwe ya lisansi yiyongereyeho amafaraga ageze ku 1000, kuko yavuye ku 1,989 Frw igera ku mafaranga 2,938, ukuzamuka kutigeze kubaho mbere mu Rwanda, mu gihe litiro imwe ya mazutu yavuye ku 1,948 Frw igera ku 2.205Frw.

Mu rwego rwo gukomeza guteza imbere ubwikorezi burambye kandi budahumanya, Leta y’u Rwanda iheruka kugura bisi 300 zikoreshwa mu mihanda y’Umujyi wa Kigali zirimo n’izikoresha amashanyarazi.

Kugeza mu mpera za 2024 imodoka zikoresha amashanyarazi mu Rwanda zari zimaze kurenga 7,000.

Muri Gahunda ya Guverinoma y’Icyiciro cya kabiri cya gahunda y’Igihugu yo kwihutisha iterambere 2024-2029 (NST2), hateganyijwemo ko u Rwanda ruzagabanya imyuka ihumanya ikirere ku kigero nibura cya 38%, bingana na toni miliyoni 4.6 z’imyuka ya ‘dioxyde de carbone’.

Babishingira ku kuba bamwe mu bakoraga ubucuruzi mbere ya Jenoside yakorewe Abatutsi, imitungo yabo yarifashishijwe mu bikorwa bitandukanye byo gusenya Igihugu, hamwe no kugura imihoro yifashishijwe mu gutema abarenga miliyoni bishwe bazira uko bavutse, bakavutswa ubuzima n’Abanyarwanda bagenzi babo.

Ubwo abarenga 500 bakorera muri iryo soko basuraga urwibutso rwa Jenoside rwa Rukemberi mu gikorwa cyo Kwibuka ku nshuro ya 32 Jenoside yakorewe Abatutsi, bagaragaje ko kwibuka ari umuco bahisemo birinda amacakubiri n’ikindi cyose gishobora kubatandukanya, baharanira kudasa n’abakoraga ubucuruzi mbere ya Jenoside.

Etienne Habimana, umwe rubyiruko rucururiza muri iryo soko, avuga ko kwibuka ari igikorwa gikomeye cyane kuri bo, kuko bahigira amateka y’uburyo bagenzi babo bagiye batanga ubutunzi bwabo mu gusenya Igihugu, bakabyifashisha bakosora amakosa yakozwe.

Ati “Abacuruzi batubanjirije bagiye bagira uruhare mu mahano yagwiririye Igihugu. Amakosa tugomba gukosora ndetse n’ingamba dufite, ni uguharanira ko tugomba kuba Abanyarwanda bamwe, tukarushaho guharanira kubaka Igihugu cyacu, aho kugira ngo tujye mu bitandukanye, tukarushaho guharanira ko bwa butunzi burushaho gukoreshwa mu kubaka Igihugu aho kugisenya.”

Mugezi we ati “Izo mbuga nkoranyambaga bakoresha natwe turazikoresha, niyo mpamvu twiteguye guhangana nabo, ibyo bavuga bagoreka amateka yacu, duharanira kubanyomoza dukoresha izo mbuga nkoranyambaga bakoresha, hanyuma na bwa butunzi bwacu tukabukoresha tugaragaza ko u Rwanda aho rwari ruri kiriya gihe, atari ho ruri ubu ngubu, twerekana n’ibyiza Igihugu kigezeho. Abo ngabo bagoreka amateka berekana ko Jenoside itabayeho ni ukwigiza nkana kugira ngo basibanganye amateka ariko turahari nk’urubyiruko, twiteguye kubivuguruza.”

Ubuyobozi bw’Umuryango Uharanira Inyungu z’Abarokotse Jenoside yakorewe Abatutsi (IBUKA), mu Murenge wa Kanombe, buvuga ko uruhare rw’abacuruzi mu gikorwa cyo Kwibuka, rugaragaza imiyoborere myiza y’Igihugu, bikarushaho kubafasha kumenya amateka.

Perezida wa IBUKA mu Murenge wa Kanombe, Christine Utetiwabo, yabasabye gukumira icyo ari cyo cyose gishobora gutuma Igihugu gisubira inyuma.

Ati “Urubyiruko nirwo mbaraga z’Igihugu kandi zubaka vuba, ni narwo ruba ku mbuga nkoranyambaga cyane, ubutumwa nabaha ni ugukomeza gusigasira ibyo Igihugu cyagezeho.”

Urwibutso rwa Jenoside yakorewe Abatutsi rwa Rukumberi ruri mu Murenge wa Rukumberi mu Karere ka Ngoma, rukaba ruruhukiyemo imibiri irenga ibihumbi 45, irimo Abatutsi bagera ku 1800 biciwe muri Kiliziya ya ADEPR, hamwe n’abandi biciwe hirya no hino mu misozi y’icyahoze ari Kibungo.

Abakurikiranywe bari mu matsinda abiri arimo irigizwe n’abantu barindwi, batandatu muri bo bakaba baramaze gutabwa muri yombi, mu gihe mugenzi wabo akirimo gushakishwa.

Irindi rigizwe n’abantu batatu, bose bakaba bakurikiranyweho ibyaha birimo gushyiraho umutwe w’ubugizi bwa nabi cyangwa kuwujyamo hamwe no kwihesha ikintu cy’undi hakoreshejwe uburiganya.

Bafashwe bamaze gutwara abantu miliyoni zirenga 53Frw hamwe n’amadolari ibihumbi 3, hashingiwe ku bamaze gutanga ibirego.

Abagize itsinda rya mbere, barabanza bagashaka inzu yo gukoreramo, bibanda mu bice byubatsemo inzu nziza, bakayishakaho amakuru, bayibona bakabwira nyirayo ko bazajya bamwishyura neza kandi bakishyura nibura amezi atandatu.

0 bavuga ko bayishakiye uwitwa Dr. Andrew Miller ushaka kuyikoreramo ubushakashatsi kuri Kinowa bavuga ko ivamo umuti wo kuvura Kanseri.

Ubusanzwe Kinowa ni imbuto ntoya cyane, ziba ziri mu mabara atandukanye arimo umweru (ukunze kuboneka), umutuku, cyangwa umukara.

Zifite imimerere isa n’uruziga ruto cyangwa oval, zikagira agace k’udusongero ku mpande.

Nyuma yo gushima inzu, bamwizeza kumwishyura amezi atandatu kandi ku giciro cyiza, ariko bakamubwira ibyo bifuza ko ahindura mu nzu, bijyanye n’ubushakashatsi bifuza gukora, mu rwego rwo gukomeza kumwica mu mutwe, bamugaragariza ko bafite umushinga munini kandi uhambaye.

Aha niho bahera binjiza nyiri inzu muri uwo mushinga bamwereka imbuto bise Kinowa (uburo basize irangi), bakamubwira ko bazajya bamugurisha ku madolari ibihumbi 2 (2,922,760 frw) ku kilo ariko we azajya azitangira Ibihumbi bitatu kuri uwo muntu barimo gushakira inzu.

Ubwo berekanwaga kuri uyu wa Kabiri, umuvugizi wa RIB, Dr. Thierry Murangira, yavuze ko nyiri nzu akimara kumva uwo mushinga ahita ashidukira hejuru bitewe n’uko bamaze kumwica mu mutwe, bakamuzanira ubwo buro akabubagurira.

Aba bantu ngo ibyo bagurishaga nibo bongeraga bagaca inyuma bakabigura, bakongera bakabigurisha kugeza igihe bashyize nyiri kubigura mu mutego wo gutanga amafaranga menshi.

Yagize ati “Atanga ibihumbi bibiri by’Amadolari, nuko umwe muri iri tsinda agaca inyuma akamuha bitatu, bagakomeza batyo. Ubwo rero barakomeza bakamureshya kugeza aranguye ibya menshi nk’Ibihumbi makumyabiri by’Amadolari, bagahita bagenda batamuguriye, ntamenye irengero ryabo."

Murangira agira ati "Ubwambuzi bushukana nk’ubu si ubwa mbere mubwumvise, kuko hari ibintu by’amapasi byigeze kwaduka mu Majyaruguru, ngo amapasi ya cyera afite isake hejuru hari umuzungu uyashaka afite ibyo ayakoramo.”

Yunzemo ati “Ubu babivanye muri ibyo babijyanye mu buhinzi, turanakeka ko hari n’abandi bantu benshi bibwe muri ubu buryo ariko baceketse. Icyo tubabwira niba waribwe muri ubu buryo bagushuka ngo ni imbuto za Kinowa ngwino kuri RIB utange amakuru, aba ngaba nibo bakekwaho ibyo byaha.”

Ba Noteri bigenga bafatiwe mu kwiba ibibanza

Irindi tsinda ry’abantu batatu rigizwe n’abakoraga ibikorwa byo kugurishya ubutaka bw’abantu, bakabwiyitirira, barimo ba noteri bigenga bemewe, bakaba barafatiwe mu cyuho bagiye kugurishya miliyoni 50Frw ubutaka buri mu Karere ka Gasabo, bubaruye ku muntu ufunze hamwe n’umugore we witabye Imana.

RIB irahamagarira abantu bose kugira amakenga, igihe bagiye kugira icyo bagura bakabanza kukigiraho amakuru afatika kugira ngo bibarinde kwisanga baguye mu gihombo.

Abafunzwe bose bakurikiranyweho ibyaha birimo kugurisha ikintu cy’undi cyangwa kugitangamo ingwate, kwihesha ikintu cy’undi hakoreshejwe uburiganya, gushinga cyangwa kujya mu mutwe w’ubugizi bwa nabi, hamwe no guhimba cyangwa gukoresha inyandiko mpimbano.

Byose bihanwa n’amategeko y’u Rwanda, igihanishwa igifungo gito muri byo igihe umuntu agihamijwe n’urukiko, akaba ari igifungo cy’myaka hagati ya 2-3, mu gihe igifite igifungo kinini ari imyaka hagati ya 5-7.

Ni amateka maremare ariko atarakozwe mu gihe kinini kuko atangirana akanarangirana n’umugoroba wo ku wa Gatatu tariki 18 Werurwe 1997, ubwo abigaga muri iryo shuri, bari bavuye gufata ifunguro rya nijoro basubiye mu masomo (Étude) yabo.

Iryo joro abigaga kuri ES Nyange bw’umwihariko abo mu mwaka wa Gatanu n’uwa Gatandatu, ntabwo bazaryibagirwa cyangwa ngo barikumbure kubera uburyo abacengezi babigabijemo bagasiga bishe abanyeshuri batatu undi akagwa ku bitaro bya Kabgayi aho yari yajyanywe kuvuzwa.

Aloys Kayiranga wari ufite imyaka 19, ni umwe mu banyeshuri b’Intwari z’i Nyange, wigaga mu wa Gatandatu icyo gihe, avuga ko bagiye gufata ifunguro ry’umugoroba kuva saa 18:30 kugera saa 19:30, ariko babona mu madirishya abacengezi ari benshi bakagira ngo ni ingabo z’u Rwanda kuko na zo hari igihe zahanyuraga ziri mu bikorwa byo kurinda umutekano.

Aloys Kayiranga, umwe mu Ntwari z’i Nyange

Ati “Uwo munsi twabonye ari benshi mu madirishya y’aho turira, tubona bararunguruka mu birahure, tukabona ni ibisanzwe, imbunda z’amoko atandukanye, turarya turarangiza, dutangira no kuzamuka mu byiciro dusubira mu ishuri. Twe rero twari mu mwaka wa gatandatu twarangizaga nyuma kuko twaranaganiraga turi abantu bakuru ugereranyije n’abandi banyeshuri twiganaga.”

Arongera ati “Mu kuzamuka, bamwe batuzamuka inyuma ariko abandi bazamutse imbere bahagazemo hagati, baraduhagarika, baratubaza bati amakuru yanyu, tuti ni meza, ese ibi biryo mufite ni bya bande? Tuti ni bagenzi bacu barwaye, batabashije kuza aha ngaha. Bati se byari biryoshye, tuti byari biryoshye. Bati ko mutaduhayeho se? Tukabihorera ntitugire icyo tubasubiza.”

Hashize iminota micye bigeze saa mbili (z’umugoroba) inzogera yo gusubira mu ishuri iravuzwa, abanyeshuri bose basubira mu mashuri yabo batangira kwiga, hashize nk’iminota 15 basubiye mu ishuri nibwo igikorwa cy’ubutwari cy’umusirikare w’Inkotanyi cyaburijemo umugambi wose w’abacengezi nk’uko bari bawuteguye.

Kayiranga ati “Ntekereza ko ari na cyo cyatumye igikorwa nyirizina mwumva kitagezweho neza nk’uko abo bacengezi bari bagiteguye. Barazamutse bagera mu kigo ari benshi cyane, bafite intwaro zinyuranye, imbunda nyinshi. Aha hakaba hari umusirikare w’Inkotanyi wari wavuye hakurya ku kigo aho bari bakambitse, yaje gusharija (Charge) icyombo aha ku ishuri, kubera ko muri aka gace kose nitwe twari dufite moteli y’amashanyarazi. Bazaga kenshi bakazana ibyombo byabo bakabishyiraho byakuzura bagasubirayo, twari tubimenyereye.”

Yungamo ati “Iryo joro hari umwe afite ibyo byombo arimo kubikurikirana, ntiyabaga ari mu ishuri, yabaga yibereye hanze twe turimo kwiga, yarababonye bazamuka kandi ababona ari benshi twumva arasakuje cyane, aravuga ati mwebe muri bande? Kuko yari azi ko abanyeshuri bose basubiye mu mashuri. Ntibamusubiza, baramubwira ngo uraje utubone, batangira kuza bamwegera, yafunguye imbunda ahita abarasamo, barasandara, bahita batangira kumugota kuko bari benshi, icyo yakoze yarirukanse.”

Muri uko kwiruka ngo yari yamaze kurasamo umwe mu bacengezi arapfa, bituma igikorwa cyabo kimenyekana kuko bashakaga kuza gutoranya abanyeshuri neza bitonze bakurikije amoko, bakabica, barangiza bakagenda bitamenyekanye, bikazamenyekana bukeye.

Nubwo bahise birara mu banyeshuri bakabica ariko ngo babikoranye igihunga kuko bari bazi neza kandi biteguye ko isaha n’isaha ingabo z’u Rwanda zibageraho kubera ko hari uwari wamaze kumenya amakuru.

Hari impapuro zari zanditseho abagombaga kwicwa

Kayiranga avuga ko Ubutwari bwaranze abasirikare b’Inkotanyi butagarukiye mu guhagarika Jenoside yakorewe Abatutsi gusa, kuko bwakomeje nyuma yaho bukanigaragariza cyane kuri ES Nyange, kubera ko iyo hataba uwo musirikare ngo abaraseho bitume bagira ubwoba, uyu munsi haba havugwa ibindi.

Ati “Hari amakuru twaje kumenya ko bari bafite impapuro bateguriyeho amazina y’abantu, Abahutu n’Abatutsi, ntituzi uko bari barabibonye, ariko bigaragara ko bari baje bashaka kuza kwica neza bitonze muri iryo joro, nta muntu ubimenye, bakaza kwigendera. Ahubwo uriya musirikare bahasanze yakoze igikorwa gikomeye cyane, ndashaka kugaragaza ubutwari bw’Inkotanyi ko atari ubwa none, ndetse ko n’umusirikare umwe ashobora gukora igitangaza aho ari, ari umwe gusa.”

Ubutwari bw’Inkotanyi bwanigaragarije kuri Valens Ndemeye wari umunyeshuri

Ubutwari bw’Inkotanyi muri iryo joro ntabwo bwigaragarije gusa ku musirikare warasanye n’abacengezi mbere y’uko batangira kwica abanyeshuri, kuko bwanigaragarije muri Valens Ndemeye wari umunyeshuri mu mwaka wa Gatanu, ariko akaba yari amaze igihe avuye mu gisirikare cy’Inkotanyi mu rugamba rwo guhagarika Jenoside.

Ku ishuri ry’i Nyange ahafite amateka y’ubutwari hashyizwe ikimenyetso cy’ubumwe

Ubwo abacengezi bari bamaze kwica abanyeshuri bo mu mwaka wa Gatandatu, bakomereje muwa Gatanu, batangira ku barasa, bakimara kurasamo babiri, nibwo Ndemeye yahisemo kwitangira bagenzi be, arahaguruka asimbukira uwari mu muryango afite imbunda, batangira kuyirwanira, bituma abandi bashobora kubona aho banyura bariruka barahunga, bimuviramo kuhasiga ubuzima.

Nubwo hari abari abanyeshuri mu mwaka wa Gatanu n’uwa Gatandatu icyo gihe barashwe, ariko ngo abacengezi babikoranye igihunga bituma batagera neza ku mugambi wabo nkuko bari bawuteguye.

Umwe muri izo ntwari yabigarutseho mu buhamya yatanze mu kwizihiza ubutwari bw’Abanyeshuli b’i Nyange bibuka icyo gitero cyabaye kuwa 18 Werurwe 1997.

Ni umunsi wo guha agaciro ubwitange buhebuje n’umutima ukomeye, byaranze abanyeshuri bigaga i Nyange, icyo gihe hari muri Komine Kivumu muri Purefegitura ya Kibuye.

Aba banyeshuri b’uwa Gatanu n’uwa Gatandatu, abariho n’Abitabye Imana, bashyizwe mu cyiciro cy’Intwari z’Imena, kubera Ibikorwa by’indashyikirwa bakoze ubwo bangaga kwitandukanya nyuma y’uko bari babitegetswe n’abacengezi kugira ngo bice abo bashakaga, bikaviramo bamwe kuhasiga ubuzima abandi barakomereka ndetse bakurizamo n’ubumuga.

Aloys Kayiranga, wigaga mu wa Gatandatu, by’umwihariko mu ishuri abacengezi bahereyemo bakicamo abanyeshuri, avuga ko nubwo iby’amoko bari babizi icyo gihe, ariko bari bakundanye.

Ati "Twari dukundanye n’iby’amoko twari tubizi, yewe n’abo Bahutu n’Abatutsi bashoboraga kumenyekana, kuko hari imiryango imwe n’imwe yari itangiye kuza gufasha abantu barokotse Jenoside, ku buryo bari bazwi. Ni ukuvuga ngo Abahutu n’Abatutsi twari tuziranye ubwacu."

Yungamo ati "Bariya bantu bapfuye batubereye urumuri rukomeye cyane, n’intangiriro yo kugira ngo twunge ubumwe. Chantal (uwarashwe mbere y’abandi) twaramukundaga cyane, yari umukobwa utuje koko, izina niryo muntu, koko yari Mujawamahoro. Mu kumurasa ntabwo byaduteye ubwoba bwo kuvuga ngo reka twemere twitandukanye, ahubwo byatumye muri twe twumva ikintu cy’igishyika tuvuga tuti n’uwashaka yapfa kuko n’aba bagenzi bacu bari bishimye."

Umunyamabanga wa Leta muri Minisiteri y’Uburezi, Claudette Irere, wari umushyitsi mukuru muri uyu muhango, avuga ko uyu munsi abanyeshuri nta rwitwazo bafite rwo kudaharanira Ubunyarwanda.

Ati "Abanyeshuri b’icyo gihe bari bavuye mu bihe bikomeye, buri wese yashoboraga kurwanira gukiza amagara ye, ariko barahagarara baravuga bati turi Abanyarwanda. Abanyeshuri b’uyu munsi rero nta rwitwazo na rumwe bafite rwo kudaharanira Ubunyarwanda. Bariya batabarutse bazize ko bavuze ko ari Abanyarwanda, ab’uyu munsi nta kindi bigishijwe nta n’ikindi bari cyo, n’isomo rero rikomeye n’igihe byaba bimeze bite, bagomba guhagarara ku Bunyarwanda bagaharanira icyubaka Abanyarwanda kurenza ikibatanya."

Abiga mu ishuri ryisumbuye rya Nyange uyu munsi, bavuga ko ibikorwa by’ubutwari byakozwe n’abababanjirije bibaha umukoro wo gusigasira Ubumwe bw’Abanyarwanda.

Julia Tania Akayesu wiga mu mwaka wa Gatandatu ati "Twe ntabwo tubizi ko byabayeho, tubyumva mu mateka, ariko biduha umukoro w’uko tutagomba kugendera ku moko ngo tugere n’aho tubiba amacakubiri."

Ubwo abacengezi bagabaga igitero ku ishuri ryisumbuye rya Nyange tariki 18 Werurwe 1997, bane mu bari abanyeshuri icyo gihe bahise bahasiga ubuzima, kugeza ubu abakiriho bakaba ari 35.

Ubwo kuri uyu wa Kabiri mu Mujyi wa Kigali hatangirizwaga inama Nyafurika ku rwego rw’Akarere mu gushyigikira abagore mu bijyanye n’amasomo ya Siyansi, Ikoranabuhanga n’Imibare [STEM], hagaragajwe ko abagore bakora ndetse n’abiga Siyansi ku Isi bari ku kigero cya 25%.

Ni inama y’iminsi itatu, yateguwe n’Urwego rw’Igihugu rushinzwe Iterambere (RDB), ku bufatanye n’Umuryango Mpuzamahanga wita ku mutungo bwite mu by’ubwenge (World Intellectual Property Organization - WIPO), hamwe na Ambasade y’u Buyapani, hagamijwe guteza imbere ikoreshwa ry’umutungo bwite mu by’ubwenge mu kurinda no gushyira ku isoko ubuvumbuzi bushya, ndetse no guteza imbere ibikorwa bigirwamo uruhare n’abagore hirya no hino muri Afurika.

Umuyobozi uhagarariye Afurika mu ishami rishinzwe ubufatanye mu iterambere, muri WIPO, Loretta Asiedu, yagaragaje ko hakiri icyuho gikomeye mu bagore n’abakobwa bakora mu rwego rw’ibijyanye na Siyanse kuko bari munsi ya 25%.

Yagize ati “Abagore bari mu bijyanye na Siyanse bari munsi ya 25% ku rwego mpuzamahanga. Ku mugabane wa Afurika, uwo mubare uri munsi kurushaho, kandi uko ibintu bimeze ubu, uburinganire bw’abagabo n’abagore mu byerekeye Siyanse ntibuzagerwaho mbere y’umwaka wa 2060, bivuze ko hakiri hafi imyaka 40.”

Yunzemo ati “Ibi si ikimenyetso cy’uko abagore bo kuri uyu mugabane badafite ubushobozi cyangwa impano. Ndetse n’abagore bari muri iki cyumba bonyine ni gihamya ihagije y’ubwinshi bw’impano, guhanga udushya n’umurava biboneka hirya no hino ku mugabane wacu. Icyuho gihari si icy’ubushobozi, ahubwo ni ikibazo cyo kubona ubumenyi, ubujyanama, imikoranire, ndetse n’ibikoresho bibafasha guhindura ibitekerezo byiza bikaba ibisubizo bishobora kwaguka no kubyazwa umusaruro ku isoko ry’umurimo.”

Richard Kayibanda wo muri RDB avuga ko hashyizweho gahunda zo kuzamura umubare w’abagore bari muri Siyanse n’Ikoranabuhanga

Umuyobozi w’agateganyo ushinzwe gutanga impushya z’ubucuruzi muri RDB (Acting Chief licensing officer), Richard Kayibanda, yavuze ko nubwo imibare igaragaza ko abagore bari mu bijyanye na Siyanse bakiri bacye, ariko gahunda zitandukanye za Leta zijyanye no gushishikariza abagore n’abakobwa kwitabira ibijyanye na Siyanse, zituma iyo mibare igenda yiyongera.

Ati “Ubundi umutungo bwite mu by’ubwenge uturuka ku bijyanye n’ibikorwa by’ubuvumbuzi no guhanga udushya. Ibi bikorwa akenshi bituruka mu bikorwa bya Siyanse cyangwa kuba abantu bafite ubumenyi bwa Siyanse nubwo hari n’ibindi. Usanga imibare y’abagore bandikisha imitungo bwite mu by’ubwenge, ijyanye n’ubuvumbuzi, ikiri hasi, usanga muri rusange ijanisha mu myaka itanu ishize, mu byandikishijwe muri RDB, abagore bakigaragara nk’abari munsi ya 7% by’ibikorwa by’ubuvumbuzi muri rusange.”

Bamwe mu bagore n’abakobwa bitabiriye iyi nama, bavuga ko ari ingirakamaro, kuko ifitemo gahunda nyinshi zigamije gufasha abagore n’abakobwa bari mu bikorwa bya Siyanse n’ikoranabuhanga.

Ritah Inema Uwizeye ni umwe mu bakobwa bafite uburyo bw’ikoranabuhanga bufasha abantu kurwanya no guhangana n’ibibazo byo mu mutwe hakoreshejwe umuziki n’ibikorwa by’ubugeni. Avuga ko barimo kwerekwa gahunda nziza zijyanye n’igihe bagezemo.

Yagize ati “Mu gihe tugezemo ikoranabuhanga ni ryo riyoboye, rero nitwinjira mu bintu by’ikoranabuhanga bizadufasha kugira ngo tubashe kugera kure hashoboka nk’aho abandi barimo kugenda bagera. Nashishikariza n’abandi bakobwa bagenzi banjye kwitabira ibintu biri mu isi y’ikoranabuhanga kuko ni ho Isi irimo kugana.”

U Rwanda ni kimwe mu bihugu bishimirwa kuba byarafashe iya mbere mu guha amahirwe abakobwa n’abagore angana n’aya basaza babo aho nko mu ishuri rya Rwanda Coding Academy rigisha ibijyanye n’ikoranabuhanga abakobwa bagomba kuba ari 50% n’abahungu bakaba 50%.

Ibi bivuze ko umusaruro mbumbe wiyongereye ku kigero cya 9.4%, aho mu gihembwe cya mbere cya 2025, wiyongereyeho 6.5%, mu cya kabiri wiyongereyeho 7.8%, mu cya gatatu wiyongeraho 11.8%, naho mu cya kane wiyongereyeho 11.2%.

Iri rizamuka ryagizwemo uruhare na serivisi zagize uruhare rwa 52% by’umusaruro mbumbe, inganda zigira uruhare rwa 22%, ubuhinzi bugira uruhare rwa 20% naho ibisigaye bigira uruhare rwa 5%.

Mu byiciro by’ubukungu, nko mu buhinzi, umusaruro mbumbe wiyongereyeho 7%, uw’inganda wiyongeraho 11% mu gihe muri serivisi wiyongereyeho 9%.

Mu buhinzi, umusaruro w’ibihingwa ngandurarugo wazamutseho 3%, uw’ibihingwa ngengabukungu uzamukaho 32% bitewe ahanini n’izamuka ry’umusaruro wa kawa wazamutse ku kigero cya 60%, mu gihe uw’icyayi wazamutseho 8%.

Mu bindi birimo inganda, umusaruro w’ubucukuzi bw’amabuye y’agaciro na kariyeri wazamutseho 17%, imirimo y’ubwubatsi izamukaho 11%, mu gihe uw’inganda zitunganya ibintu bitandukanye wazamutseho 10%, aho ahanini wiyongereye bitewe no kwiyongera kwa 35% by’umusaruro w’inganda zitunganya sima n’amatafari, 21% by’umusaruro w’inganda zitunganya ibyuma, na 24% by’umusaruro w’inganda zikora ibikomoka ku binyabutabire na pulasitike.

Ku rundi ruhande, umusaruro w’ibiribwa bitunganywa n’inganda wiyongereyeho 9%, naho uw’inganda zikora imyenda ugabanukaho 1%.

Muri serivisi, ubucuruzi buranguza n’ubudandaza bwazamutseho 15%, ubwikorezi buzamukaho 7%, mu gihe mu zindi serivisi umusaruro wa serivisi zo gucumbikira abantu hoteli na resitora wagabanutseho 2%, uwa serivisi z’ikoranabuhanga n’itumanaho uzamukaho 15%, uwa serivisi z’imari n’ubwishingizi uzamukaho 7%, uwa serivisi z’ubuyobozi bwite bwa Leta uzamukaho 6%, serivisi z’uburezi zizamukaho 5%, naho uw’ubuvuzi ugabanukaho 13%.

Umuyobozi Mukuru wungirije wa NISR, Jean Claude Mwizerwa, avuga ko kugabanuka kwa zimwe muri serivisi zirimo iz’ubuzima, ubwikorezi hamwe n’inganda zikora imyenda, byatewe n’uko hashize igihe umusaruro wazo wiyongera cyane.

Umuyobozi Mukuru wungirije wa NISR, Jean Claude Mwizerwa

Ati “Tumaze igihe kinini dufite umusaruro uri hejuru muri izi nzego kubera imbaraga nyinshi zagiye zishyirwamo, hari igihe rimwe na rimwe biba bigoye kugira ngo zikomeze zizamuka ziri hejuru buri mwaka. Ariko uko bigaragara muri ino mibare yo mu 2025, iyo urebye uko ibihembwe bigenda bikurikirana, igihembwe cya mbere n’icya kabiri ni byo byari byagabanutse cyane, bitewe n’uko n’ubundi mu myaka yari yabanje twari dufite umusaruro uri hejuru cyane.”

Yungamo ati “Ariko iyo urebye igihembwe cya nyuma, ubona ko mu nganda z’imyenda byazamutse, ndetse no muri hoteli ntabwo birimo kugabanuka nk’uko mu bihembwe byabanje byari bimeze, twiteze ko bigiye kongera bikazamuka, kimwe no mu buvuzi na ho hari hagiyemo imbaraga nyinshi ku mwaka tureberaho wa 2024, kubera ikibazo cyari gihari cy’icyorezo cya Marburg. Ariko ugereranyije n’imyaka yabanje biri mu rugero nta kibazo kirimo.”

Ku bijyanye n’ingaruka ku bukungu zishobora guterwa n’intambara imaze iminsi mu bihugu byo mu Burasirazuba bwo hagati bw’Isi, Minisitiri w’Imari n’Igenamigambi (MINECOFIN), Yusuf Murangwa, avuga ko hari ibicuruzwa byoherezwayo ariko hari n’ibiza mu Rwanda binyura muri ibyo bihugu, by’umwihariko ku byoherezwayo hari ibitakijyaho kubera intambara.

Ati “Ibyo byonyine ni ikibazo, ariko turimo gufatanya n’abacuruzi n’izindi nzego za Leta mu bindi bihugu, za Ambasade n’abandi dukorana, kugira ngo dushake ayandi masoko. Haracyari kare, iyi ntambara imaze ibyumweru bibiri, ikigaragara ni uko nubwo imaze ibyumweru bibiri ntabwo twavuga ko izahita irangira, ingaruka zose zigahita zihagarara. Ni ibintu dukurikiranira hafi ariko tunashaka amasoko ahandi, dufatanyije n’abacuruzi.”

MINECOFIN ivuga ko ingaruka z’iyo ntambara mu bijyanye n’ubucuruzi ku Rwanda zitahita zimenyekana muri aka kanya bitewe n’igihe imaze, kuko bizatangira kugaragara neza nibura mu gihe cy’amezi atatu, ari nabwo Abanyarwanda bazabimenyeshwa.

Kureba andi mafoto, kanda HANO

Ibi byatumye Itsinda ry’abagore batanu bacumbikiwe mu nkambi ya Kiziba iherereye mu Karere ka Karongi, bishyira hamwe biyemeza gutangiza resitora (Restaurant), muri iyo nkambi, nyuma yo guhabwa amahugurwa atandukanye ku mikoreshereze y’ifaranga imyaka

Mu myaka itanu bamaze batangiye gukora byabahinduriye ubuzima ugereranyije n’ubwo bari babayemo mbere, kuko ntacyo bashoboraga gukenera ngo bakibone mu buryo buboroheye.

Aline Nyirarukundo ni umwe mu bagize itsinda rya ‘Best Future Women Company Ltd’, rikorera ubucuruzi bwa resitora mu nkambi ya Kiziba, Akarere ka Karongi mu ntara y;Uburengerazauba.

Avuga ko bagize igitekerezo cyo gutangiza resitora nyuma yo kubona ko mu nkambi hari abantu bazaga kuhakorera kandi bataha kure, badafite aho bashobora kubonera amafunguro.

Yagize ati “Igitekerezo cyaturutse aho, kugira ngo tworohereze abo bantu bashobora kuba bafata nk’amasaha abiri kugira ngo atahe mu rugo, ahubwo akabonera amafunguro hano, agatahira rimwe arangije akazi k’umunsi. Twatangije igishoro cy’ibihumbi 200 kuri buri wese, uyu munsi duhagaze nka miliyoni 3.”

Uwakumva ibihumbi 200 batangije, yahita yibaza aho bayakuye bitewe n’ukuntu ubuzima bwo mu nkambi buba bumeze, ariko ngo babikesha amatsinda yo kuzigama babagamo.

Uko resitora yabahinduriye ubuzima

Bavuga ko nubwo ubuzima bwo mu nkambi buba bugoye ugereranyije n’ahandi, ariko nk’abantu bafite icyo bakora bibafasha mu miryango yabo mu kubona iby’ibanze nkenerwa.

Nyirarukundo ati" Gucuruza bisanzwe bifata nk’amezi ane kugira ngo tuzagabane inyungu, ariko buri wese ashobora kuba yabona nk’ibihumbi 100. Byamfashije kuba nakwita ku muryango wanjye, kuko ubu mu nkambi ntabwo dufata ibiribwa ariko nshobora kubonera abana imyambaro n’inkweto bajyana ku ishuri, kandi usanga hari na bamwe bigora kubibona kubera ntacyo bafite bakora.”

Evelyne Mukamana uhagarariye itsinda, avuga ko kuba muri iryo tsinda bimufitiye akamaro cyane kuko bimushoboza kwita ku muryango we.

Agira ati “Mbere twari dufite ubuzima buri inyuma y’ubwo dufite uyu munsi, buri hasi cyane ku buryo ntashoboraga kwifasha ikintu runaka, ariko nk’ubu nigishije umwana imodoka mbikuye aha, ngura itungo, nta mwana urwaye bwaki kandi niyo arwaye izindi ndwara nshobora kumuvuza. Intego zacu ni uko umushinga wacu wakwaguka, tukagura ibikorwa, tukagura ibikoresho tukabikodesha, tugatanga n’akazi ku bantu batagafite.”

Umugore ni umunyembaraga kandi arashoboye

Nyirarukundo asanga abagore bakwiye gutinyuka bagahaguruka bagakora, kuko bashoboye.

Agira ati “Abantu benshi bakunda kwisubiza inyuma ngo ni abagore, ariko umugore arashoboye, kuko nshoboye gukora imirimo yo mu rugo, ubundi nkanita ku muryango wanjye kandi nkanacuruza byose bigashoboka. Ubundi turi abanyembaraga ni uko abantu batabyumva, bakumva ko turi abo mu rugo, turi bukore imirimo y’iyo hirya gusa, ariko ubundi turi abanyemabaraga, abagore bisaba gutinyuka gusa.”

Bashima amahirwe bahabwa n’u Rwanda, bakaba badafungiye mu nkambi, bakagira ibikorwa bibahuza n’Abanyarwanda, kuko ari bimwe mu bibafasha kurushaho kwigirira icyizere gituma bagera ku ntsinzi.

Bafite abakozi batatu bahoraho, bakagira n’abandi baha akazi bitewe n’agahari ku munsi.

Umuyobozi Ushinzwe gahunda z’impunzi muri Minisiteri Ishinzwe Ibikorwa by’Ubutabazi (MINEMA), Gonzague Kayigire, avuga ko kuba impunzi zishobora gucuruza, ari imwe muri gahunda yo kubinjiza mu buzima busanzwe nk’ubw’Abanyarwanda, kugira ngo bibafashe kwiteza imbere.

Agira ati “Kuba bacuruza ni no guha serivisi impunzi ubwazo, kuko impunzi ntabwo tukiziha ibiribwa, byose babihabwa mu mafaranga. Izo mpunzi zikora ubucuruzi zibafasha kubona ibyo bakeneye kuko baba bafite amafaranga bagomba kubigura. Abo bacuruza nabo babona ubushobozi bakagenda biteza imbere. Tugamije kugira ngo impunzi zigire ubushobozi ubwazo, mu gihe n’iyo nkunga basanzwe bahabwa igenda igabanuka.”

François Twagirumukiza ni we muyobozi mushya wa PSF

Twagirumukiza yari asanzwe ari Perezida w’Ihuriro ry’Ubucuruzi muri PSF, akaba amaze imyaka 28 ari umucuruzi.

Atowe ku majwi 191 habonekamo impfabusa 9 na Oya 2, akaba ari we mukandida wenyine wari watanze kandidatire kuri uwo mwanya.

François Twagirumukiza afite ibigo bibiri by’ubucuruzi birimo Eastern Hope Ltd ikora ubucuruzi mpuzamahanga bushingiye ku byuma bikoreshwa mu mirimo yo kubaka, hamwe na White Storm Apartment, akaba ari n’umunyamigabane ukomeye muri CHIC.

Mu bandi bagize komite nyobozi ya PSF batowe harimo Jean Claude Uwizeyemungu watorewe kuba Visi Perezida wa mbere agize amajwi 184, impfabusa 4 hamwe na Oya 2, mu gihe Diane Mukasahaha Kamanzi yatorewe kuba Visi Perezida wa kabiri, n’amajwi 180.

Jean Claude Uwizeyemungu yatorewe kuba Visi Perezida wa mbere wa PSF

Nyuma yo gutorwa, Twagirumukiza, yashimye abatowe abizeza ko azakorana imbaraga kugira ngo bazamure urwo rwego.

Twagirumukiza avuga ko urwego atorewe kuyobora asanze ruhagaze neza ariko hari n’aho bari bafite intege nke kuko hari ibyo bari batarageraho.

Yagize ati "Nababwira ko aho turi ari nko kuri 70%, turifuza kuzamuka tukagera kuri 90%. Tuzakora ibishoboka byose mu kuzamura ijanisha ry’imirimo kugira ngo abanyamuryango ba PSF ku rwego rushoboka ku ijanisha riri hejuru babone imirimo."

Uretse amatora y’abagize komite nyobozi ya PSF hanatowe abagize komite nyobozi y’amahuriro atanu agize PSF.

Aba ni abagize komite nyobozi ya buri huriro:

Mu Ihuriro ry’Abanyenganda hatowe Josiane Nsanza Usanase ku mwanya wa Perezida, Jules Murekezi ku mwanya wa Visi Perezida wa Mbere hamwe na Nyabudala Martin nka Visi Perezida wa kabiri.

Mu Ihuriro ry’Ubuhinzi n’Ubworozi batoye Christian IRAKOZE, ku mwanya wa Perezida, Jean Claude SHIRIMPUMU, Visi Perezida wa mbere hamwe na ⁠Immaculée KAYITESI, nka Visi Perezida wa kabiri.

Mu Ihuriro ry’Ubucuruzi ku mwanya wa Perezida hatowe Faustin Niyibishobora, Stafford Rubagumya atorwa nka Visi Perezida wa mbere mu gihe Visi Perezida wa kabiri ari Sonia Umurungi.

Mu Ihuriro rya Serivisi, hatowe Christian Ndagijimana, Eric Rutayisire aba Visi Perezida wa mbere na Joan Mpazimpaka nka Visi Perezida wa kabiri.

Mu Ihuriro ry’Abagore, Urubyiruko n’Abafite ubumuga, hatowe Thérèse Sekamana nka Perezida w’Ihuriro, Gloria Girabawe nka Visi Perezida ushinzwe Abagore, Kefa Shimwayesu nka Visi Perezida ushinzwe urubyiruko hamwe na Papy Sibomana nka Visi Perezida ushinzwe abantu bafite ubumuga.

Diane Mukasahaha Kamanzi yatorewe kuba Visi Perezida wa kabiri wa PSF ku rwego rw’Igihugu

Aba ni bo bagize Komite Nyobozi ya PSF

Inkambi ya Mahama

Ni amafaranga yashowe mu gihe cy’imyaka irindwi, mu nzego zirimo uburezi, ubuvuzi, gukora imihanda, imiyoboro y’amazi, kubaka isoko, andi atangwa nka Nkunganire mu rwego rwo kuzamura imibereho y’abo bantu.

Ibi bikorwa byakorewe mu Turere dutandatu turimo inkambi z’impunzi, bishyirwa mu bikorwa na Minisiteri Ishinzwe Ibikorwa by’Ubutabazi (MINEMA) ibinyujije mu mushinga wayo ‘Jya Mbere’, muri gahunda y’imyaka irindwi yari ifite ingengo y’imari ingana na Miliyoni 84 z’Amadolari ya Amerika, ni ukuvuga arenga Miliyari 123Frw.

Guhera muri Kanama 2019, muri utwo Turere mu bijyanye n’uburezi hamaze kubakwa ibyumba by’amashuri 250, ubwiherero 386, hamwe na Laboratwari yubatswe ku ishuri riri mu nkambi ya Mahama.

Mu buvuzi, hakozwe ibikorwa birimo kubaka ibitaro bya Kirehe byubakiwe inyubako itangirwamo serivisi zo kubyara n’izindi, hamwe n’ibya Ngarama birimo kubakwa aho imirimo y’igice cya mbere yarangiye, hakaba harimo gukorwa igice cya kabiri. Harimo no kubakwa ikigo nderabuzima cya Nyarubuye kirimo gushyirwa ku rwego rwisumbuye, gihabwa ubushobozi bwo gutanga serivisi zitangirwa ku bitaro.

Hanubatswe imiyoboro y’amazi itatu mu Turere twa Gatsibo, Karongi na Nyamagabe, harimo uw’ibirometero 22 wubatswe ahitwa Kigwende Nyamirondogoro muri Karongi, muri Gihengeri mu Karere ka Gatsibo hubakwa ibirometero 23 hamwe n’ibindi 15 byubatswe mu Karere ka Nyamagabe.

Iyo ngengo y’imari kandi yakoreshejwe hubakwa isoko mpuzamahanga ry’amatungo rya Ryarubondo riri mu Karere ka Nyamagabe, hamwe n’isoko rya Mugera riri mu Karere ka Gatsibo.

Hakozwe umuhanda Bwishyura-Kiziba uturuka mu Mujyi wa Kibuye werekeza mu nkambi ya Kiziba, ureshya n’ibirometero 14.5. Hanatangwa amafaranga ya Nkunganire ku bantu barenga 5300, hamwe n’amahugurwa ajyanye no gukora imishinga, gucunga no gukoresha amafaranga hamwe no gukoresha ibigo by’imari, ku bantu barenga ibihumbi 22 bo mu Turere 11.

Mu rwego rwo kubungabunga ibidukikije no kurengera ubuzima bw’abatuye n’abaturiye inkambi, hakozwe za ruhurura zitwara amazi zirenga ibirometero 20 muri utwo Turere twose.

Abagezweho n’ibyo bikorwa hamwe n’ibindi byakozwe, bavuga ko byabahinduriye ubuzima mu buryo bumwe cyangwa ubundi, bagashima Leta y’u Rwanda yabigizemo uruhare, kubera ko hari aho byabakuye n’aho byabagejeje.

Alphonsine Mukamazimpaka wo mu Murenge wa Ngarama mu Karere ka Gatsibo, avuga ko yageze mu bitaro bya Ngarama agasanga byarahindutse agereranyije n’aho bari basanzwe bivuriza.

Ati “Natangajwe n’uko nabonye inzu igeretse kuko nibwo bwa mbere nari nyibonye, mpageze nahazengurutse, ariko ikintu cyanejeje, nagiye ngeze ku muryango banshyira mu cyuma (Elevator/ascenseur) kirankubita kiranzamura kingeza muri etaje hejuru, mpageze mpabona ibintu byiza cyane. Twishimira ko Leta ya Kagame yaduhaye iterambere, jye ntabwo i Kigali mpanzi ariko nageze muri iyi nyubako mbona nageze i Kigali, nanezerewe, nishimye, kuko aho twari turi twanyagirwaga, ariko ubu nta murwaza unyagirwa.”

Faustin Mugisha, impunzi icumbikiwe mu nkambi ya Kigeme, aho yageze mu 2013 aturutse muri RDC, avuga ko isoko rya Ryarubondo ribafitiye akamaro kuko ribafasha mu bikorwa byabo by’iterambere.

Ati “Iyo wabonye amafaranga, uraza ukagura itungo hano ukagenda ukariragira, ryamara kwiyongeraho gake ukarigarura, ukongera ukarigurisha ukagira ikintu wungukamo."

Francine Uwajeneza ni umwe mpunzi zavukiye mu nkambi ya Kiziba, bakahigira amashuri abaza kugera muri Kaminuza aho arimo kurangiza. Avuga ko mbere y’uko begerezwa amashuri, atari benshi bagiraga amahirwe yo kwiga ngo barangize kaminuza.

Ati “Umuntu wese w’impunzi aba afite icyizere ko ashobora kwiga akarangiza amashuri yisumbuye akabona na kaminuza byoroshye. Mbere nta bushobozi abantu bari bafite, byabaga bigoye ku buryo hariho n’abacikirizaga ishuri, ariko ubu ngubu dufite amahirwe kuko umuntu ariga akarangiza nta kibazo.”

Umuyobozi w’umushinga ‘Jya Mbere’, Frank Ngoga, avuga ko ibikorwa byose byakozwe byagize uruhare mu gufasha impunzi n’Abanyarwanda baturiye inkambi kwigira.

Ati “Babonye akazi bituma barushaho kwigira, aho bagiye bagura ibintu bifatika, kuko harimo abakubwira ko baguze inzu, ubutaka, amatungo magufi n’amaremare hamwe n’imodoka, bitewe n’ukuntu umushinga ‘Jya Mbere’, wagiye ubateza imbere. Hari n’izindi ngaruka nziza zawo twagiye tubona, aho impunzi zatangaga akazi ku Banyarwanda, barahari benshi cyane bakubwira ko hari abo bahaye akazi.”

Umushinga ‘Jya Mbere’ watangiye muri Kanama 2019, ukaba usigaje gusa amezi atarenga arindwi kuko biteganyijwe ko uzarangira mu Ukwakira uyu mwaka wa 2026.

Bakimara kwambuka umupaka uhuza u Rwanda na RDC, bakiriwe n’inzego zitandukanye zirimo iza Leta, hamwe n’abandi Banyarwanda batashye mbere bari baje kubakira, banabahamiriza uko imibereho yabo yarushijeho kuba myiza kuva bagera mu Rwanda, ugereranyije n’igihe babaga mu mashyamba ya RDC.

Umuyobozi w’Akarere ka Rubavu wungirije ushinzwe imibereho myiza y’abaturage, Pacifique Ishimwe, yabasabye kuzitwara neza bamenya amakuru yose yabafasha, bakirinda ababashuka.

Yagize ati “Turabifuza ngo amaboko muzanye abe mato cyangwa manini yose azagire uruhare mu kwiteza imbere no guteza imbere Igihugu, kuko iyo umuturage ateye imbere n’Igihugu kiba cyateye imbere. Turabasaba kuzitwara neza ku bo musanze mumenya amakuru yose yabafasha, kandi ikibazo cyose wagira wabaza umuyobozi. Ntimwumve ibihuha, ntimutege amatwi ababashuka ngo bababwire ibindi nk’ibyo bababwiraga hakurya byatumye muherayo igihe kingana gitya. Ubuyobozi burahari kubasobanurira gahunda zose mwakenera kugira ngo mujye mu mujyo umwe n’abandi musanze.”

Aba batashye nyuma ya bagenzi babo 208 barimo abana 145, abagabo 9 n’abagore 54, bageze mu Rwanda ku wa 27 Gashyantare uyu mwaka, na bo banyuze ku mupaka wa ‘La Corniche’ mu Karere ka Rubavu.

Abatashye bose iyo bamaze kubona ibyangombwa bibaranga, Leta ibaha impamba yo kubafasha kwinjira mu buzima busanzwe, bagahabwa amafaranga y’ibanze yo kubafasha gutangira ubuzima, aho urengeje imyaka 18 ahabwa Amadolari ya Amerika 188, uri munsi yayo agahabwa Amadolari 113, buri wese akagenerwa n’ibyo kurya by’ibanze bifite agaciro k’ibihumbi 45Frw.

Abenshi mu bagaruka ni abagore n’abana bavutse ku bantu bahunze u Rwanda mu 1994, abafite abagabo babo bagiye mu mitwe yo muri RDC nka FDLR yasize ihekuye u Rwanda n’abandi.

Minisiteri Ishinzwe Ibikorwa by’Ubutabazi (MINEMA) igaragaza ko nibura Abanyarwanda barenga miliyoni 3,5 ari bo bamaze gutaha mu myaka 30 ishize.

Ni imiryango igizwe n’abantu 74 barimo abagabo, abagore hamwe n’abana, batangiye urugendo rungana n’ibilometero bigera kuri 315, saa moya za mu gitondo zo kuri uyu wa Kane, bavuye mu nkambi ya Mahama berekeza ku mupaka wa Nemba, aho baherekejwe n’inzego zitandukanye zirimo iz’umutekano, abakozi ba Minisiteri ishinzwe ibikorwa by’ubutabazi (MINEMA), hamwe n’abakozi b’Ishami ry’Umuryango w’Abibumbye ryita ku mpunzi (HCR), baza kubageza ku mupaka wa Nemba, bakabashyikiriza inzego nk’izo ku ruhande rw’u Burundi.

Abatashye kuri uyu wa 12 Werurwe, bagize icyiciro cya 86 cy’impunzi z’Abarundi zari zicumbikiwe mu Rwanda zitashye ku bushake, bakaba ahanini bagizwe n’abari barahunze Igihugu cyabo mu 2015 na nyuma yaho, ubwo mu Burundi hageragezwaga ihirikwa ry’ubutegetsi bw’uwahoze ari Umukuru w’igihugu Petero Nkurunziza, bigakurikirwa n’imvururu zatumye ibihumbi by’Abarundi bahunga, bagahungira mu bihugu birimo n’u Rwanda, aho zahise zicumbikirwa mu Nkambi ya Mahama.

Aba batashye basanga bagenzi babo bari bagize icyiciro cya 85, cyari kigizwe n’imiryango 34 y’impunzi z’Abarundi yari igizwe n’abantu 78 batashye tariki 21 Gashyantare 2024 banyuze ku mupaka wa Nemba.

Inkambi ya Mahama

Ubuyobozi bw’inkambi ya Mahama buvuga ko bagira ibiro bishinzwe kwakira abashaka gutaha, ku buryo ugize ubushake wese abigana akandikwa, ubundi hagategurwa uko azataha kuko hari ibyo aba agomba gutunganyirizwa kugira ngo azatahe nta kibazo afite.

Kugeza ubu ibyiciro byose uko ari 86 by’impunzi z’Abarundi zimaze gutaha ku bushake zivuye mu Rwanda, zirarenga gato ibihumbi 30. Inkambi ya Mahama icumbikiye impunzi zirenga ibihumbi 70 ziganjemo iz’Abarundi n’Abanyekongo

Bamwe mu banyeshuri b’impunzi biga muri Kaminuza ya Kepler Ishami rya Kiziba bashima amahirwe bahawe yo kwigira mu nkambi kugera no muri Kaminuza

Aba tuvuga bisanga mu gihe runaka baratujwe ahantu mu nkambi mu gihugu batari bazi, rimwe na rimwe batigeze banatekereza ko bageramo, ariko bakahisanga kandi nta kintu bafite gishobora kubafasha gukomeza imibereho nk’uko byari bimeze iwabo, kubera impamvu zitabaturutseho.

Ibyo bituma babaho mu buzima bwo gupfundikanya, bitabwaho n’imiryango mpuzamahanga hamwe n’Igihugu cyabakiriye, kikabacumbikira nk’abantu bahahungiye.

Si kenshi cyangwa henshi uzumva impunzi zigira amahirwe yo kwiga cyangwa ngo zinjizwe mu buzima busanzwe bw’abenegihugu, aho ibikorwa byose birimo ubuvuzi, uburezi uburenganzira bwo gukora, ibikorwa remezo n’ibindi bigenerwa abanyagihugu, impunzi zibigiraho uburenganzira bungana n’ubwabo.

Aho ni ho impunzi by’umwihariko abatuye mu Nkambi ya Kiziba iherereye mu Karere ka Karongi, bashimira Leta y’u Rwanda yabahaye amahirwe yo kwiga, ikabubakira amashuri mu nkambi, guhera mu mashuri y’incuke, ayisumbuye, hakanashyirwa ishami rya Kaminuza, ku buryo umwana ahatangirira amashuri abanza akarinda arangiza kaminuza adasohotse mu nkambi.

Inkambi ya Kiziba

Inkambi ya Kiziba ni yo ya mbere yatujwemo impunzi mu Rwanda nyuma ya Jenoside yakorewe Abatutsi, kuko aba mbere bahatujwe mu 1995, bavuye muri RDC, umwana wavutse icyo gihe akaba arimo kuzuza imyaka 31.

Bamwe mu bahavukiye barimo kwiga muri Kaminuza mu ishami rya Kepler rikorera muri iyo nkambi, bavuga ko ntacyo babona bakorera Leta y’u Rwanda n’ubuyobozi bwayo, ku mahirwe bahawe yo kwiga, bakabona ubumenyi buzabafasha mu mibereho y’ubuzima bw’ahazaza habo.

Francine Uwajeneza w’imyaka 21 ni umwe mu bana b’impunzi bavukiye mu nkambi ya Kiziba, bakahigira amashuri abaza kugera muri Kaminuza aho arimo kurangiza. Avuga ko mbere y’uko begerezwa amashuri yisumbuye n’ishami rya kaminuza, atari benshi bagiraga amahirwe yo kwiga ngo barangize kaminuza.

Ati “Uko byari bimeze mbere ntabwo ari ko ubu bikimeze, kuko umuntu wese w’impunzi aba afite icyizere ko ashobora kurangiza amashuri yisumbuye akabona na kaminuza byoroshye. Mbere nta bushobozi abantu bari bafite, byabaga bigoye ku buryo hariho n’abacikirizaga ishuri, ariko ubu ngubu dufite amahirwe kuko umuntu ariga akarangiza nta kibazo. Ishimwe mfite ni uko, uko twavuye mu gihugu cyacu tumeze, atari ko tuzasubirayo, burya n’iyo waba udafite imitungo ariko ufite mu mutwe, biba bihagije kugira ngo ube wagera ku byo abandi bagezeho.”

Faustin Habineza w’imyaka 27, ni umuyobozi w’abanyeshuri muri Kaminuza ya Kepler ishami rya Kiziba, akaba n’umwe mu bana bavukiye muri iyo nkambi bakahigira amashuri abanza kugera muri kaminuza. Avuga abifata nk’amahirwe akomeye bahawe na Leta y’u Rwanda, kubera ko nta handi bari bafite icyizere cy’ubuzima.

Ati “Nyuma y’aho ababyeyi bacu bahungiye bavuye muri RDC, aho bari batunze, bafite imirima, boroye inka, nta kintu babuze, ariko bitewe n’ibibazo bakaza bakisanga aha hantu, nta cyizere cy’ubuzima cyari kigihari, ariko tugirirwa amahirwe yo kubona ishuri turiga, niyo mpamvu mbifata nk’ibikomeye ngendeye kubambanjirije banyuze aho ndimo kunyura uyu munsi, bameze neza by’umwihariko abarangije muri iyi Kaminuza, hanze aha usanga ari abantu bari ku isoko ry’umurimo bakora neza bitewe n’ubumenyi bavanye aha ngaha mu ishuri.”

Yungamo ati “Mbere byari bigoye cyane kubona umwana w’impunzi uturutse aha ngaha urimo kwiga kaminuza, byonyine kumva ngo umwana w’impunzi arimo kwirihira kaminuza, sinzi ngo yaba yakuye he ubushobozi, ndumva nta n’uwigeze ubaho icyo gihe, ahubwo barazaga bagatoramo umwe, babiri cyangwa batatu, mu nkambi yose bakaba ari bo bajya kurihira, urumva mu nkambi yose umubare munini wabaga ari uw’abatiga kaminuza.”

Kugeza ubu muri Kaminuza ya Kepler ishami rya Kiziba, higamo abanyeshuri 149 barimo ab’impunzi 123.

Mu nkambi ya Kiziba harimo n’inyubako zifashishwa nk’amashuri

Stella Bonard Ibango, ni umuyobozi ushinzwe imishinga y’iterambere ry’abaturage cyane cyane mu gufasha impunzi n’urubyiruko kubona uburezi n’amahirwe y’iterambere (Humanitarian Sector), avuga ko kwiga muri kaminuza byahinduye ubuzima bw’abatuye mu nkambi.

Ati “Ahantu ubibonera ni uko umunyeshuri arangiza ahangaha, ukabona abonye akazi ka mbere, akabona aka kabiri, yamara kumva nawe amaze kwiteza imbere, ugasanga ahinduriye ubuzima umuryango we, arabafashije bagiye kwibera ahandi, batangiye kwiga imishinga yo kwiteza imbere, ariko dufite n’abandi benshi bafashe inshingano zo kwishyurira barumuna babo cyangwa abandi bavandimwe, bitewe n’urwego babashije kwigezaho nyuma y’uko barangiza amasomo ahangaha.”

Buri mwaka muri Kepler hakirwa abanyeshuri 60 b’impunzi babonye amanota meza kurusha abandi, bagahabwa amahirwe yo kwiga barihirwa ndetse banahabwa n’ibikoresho bibafasha mu masomo yabo birimo mudasobwa.

Kuva mu 2015, ubwo iyo kaminuza yatangiraga gukorera mu nkambi ya Kiziba, hamaze kurangiza impunzi 240.

Ni umuhanda uturuka mu Mujyi wa Kibuye ukagera ku Nkambi ya Kiziba, ureshya n’ibirometero 14.5 wakozwe na Leta y’u Rwanda n’abafatanyabikorwa bayo babinyujije muri Minisiteri Ishinzwe Ibikorwa by’Ubutabazi (MINEMA), mu mushinga wayo ‘Jya Mbere’, ukaba wararangiye utwaye arenga miliyari 17Frw.

Abawukoresha bavuga ko mbere y’uko ukorwa wari mubi cyane, kuko uretse kuba warabagamo ibinogo, wanakundaga gutengukiramo inkangu, ku buryo batoroherwaga no kuwukoreramo ingendo, bigatuma badashobora guhahirana na bagenzi babo mu buryo bworoshye, bakanagorwa no kugera kwa muganga igihe bahawe turansiferi (Transfer) ku bitaro bya Kibuye, ku buryo hari ababyariraga mu nzira cyangwa inda zikavamo.

Sandrine Dukuzemariya wo mu Murenge wa Bwishyura, avuga ko mbere y’uko babakorera umuhanda, bakundaga guhura n’imbogamizi zitandukanye zatumaga kuwukoreramo ingendo bigorana.

Ati “Wari umuhanda mubi, twazamukaga tuva mu Mujyi bikatugora, moto zikatuzamura ziduciye ibihumbi bibiri, haba ari nijoro bikaba ari ikibazo, bakaduca ibihumbi bitatu cyangwa bine, hari ibikuku bibi, hari n’igihe umumotari yanzamuye nikubita hasi ntwite, moto irantwika. Hano ntabwo twapfaga kubona ukuntu tujya mu mujyi. Ubu ngubu wabaye mwiza haba saa sita z’ijoro ndazamuka ntabwo nishisha ngo ndataha ryari, moto yarakatutse ni amafaranga igihumbi. Turishimira ko watubereye mwiza Imana yarakoze.”

Ntawuyirusha, umucuruzi wo mu Murenge wa Rwankuba, avuga ko bakundaga guhura n’imbogamizi zirimo kudahahirana n’abandi, ku buryo byabatezaga inzara bikanagira ingaruka ku bacuruzi.

Ati “Mbere byari bimeze nabi cyane, imodoka yashoboraga kuva mu Mujyi nk’imvura yaguye ikagera mu nkambi hashize nk’isaha n’igice, cyangwa zimwe zigahera mu nzira bitewe n’ukuntu hari hameze, ariko ubu imodoka irahagenda iminota 20 zigenda neza nta kibazo. Aha hari igihe hateraga inzara bitewe n’uko guhahirana bitabagaho. Imodoka zazaga zivuye kuduhahira ibintu byo kurya, ibicuruzwa byose biza mu nkambi ntabwo byakundaga bitewe n’uko imodoka zaheraga mu nzira. Nkanjye ncuruza ibinyobwa bisembuye, hari igihe imodoka yagiraga gutya igahengama kubera umuhanda mubi, bikameneka tukaba tubihombeyemo. Ubu Leta yatugiriye neza nta zindi mbogamizi tugifite.”

Perusi Mami, umwe mu mpunzi zageze mu nkambi ya Kiziba mu 1996, we yagize ati “Umuhanda utarakorwa byatugiragaho ingaruka kenshi, kuko nko mu buvuzi hari igihe batangaga taransiferi y’umurwayi ugiye ku Kibuye, bidashobotse ko avurirwa hano, ugasanga mu muhanda haridutsemo ikintu imodoka ntibashe gutambuka, kandi ni ko umurwayi akomeza kuremba hakaba n’igihe abyariye mu nzira cyangwa akagira n’ibindi bibazo, ariko ubu ngubu bimeze neza nta kibazo.”

Umuyobozi w’umushinga ‘Jya Mbere’, ukorera muri MINEMA, Frank Ngoga, avuga ko uyu muhanda wakozwe hagamijwe gufasha Abanyarwanda n’impunzi mu bikorwa byabo bitandukanye.

Ati “Watangiye kubakwa mu 2024, kugira ngo ufashe impunzi n’Abanyarwanda, baba abavuye mu Mirenge itandukanye cyangwa n’Uturere dutandukanye, mu migenderanire, imihahirane, no mu kwivuza, ukaba waratwaye asaga miliyari 17Frw.”

Umuyobozi w’Akarere ka Karongi, Gerald Muzungu, avuga ko gukora uyu muhanda byari bikenewe cyane bitewe n’uko wari umeze nabi mbere.

Ati “Washoboraga kuba wahagenda isaha irenga kubera ko ari mu misozi, hari ahantu habi h’amabuye hatagendeka. Ubu rero ni iminota 20, kuva Karongi ugera Kiziba ni nk’ako kanya. Byafashije korohereza urujya n’uruza rw’abantu, ari impunzi ari n’Abanyarwanda, bikaba bifasha ubucuruzi, ariko ikintu cyari kinakomeye byatezaga ingorane ku buzima bw’abaturage, kuko abagore batwite kugira ngo bagere ku bitaro bya Kibuye byari ingorane kubera imbangukiragutabara yagendaga ibacunda. Byarafashije ku buryo ubu nta ngorane y’abapfa babyara.”

Umuhanda wa Bwishyura-Kiziba, uhuza abaturage bo mu Mirenge ya Bwishyura, Rwankuba na Gitesi hamwe n’impunzi zirenga ibihumbi 14 zicumbikiwe mu nkambi ya Kiziba.

Uku niko umuhanda Bwishyura - Kiziba wari umeze utarakorwa

Ni ubutumwa yabageneye abunyujije ku mbuga nkoranyambaga, agira ati "Umunsi Mpuzamahanga w’Abagore mwiza! Uyu munsi no mu yindi minsi yose, twizihiza uruhare rukomeye abagore bakomeje kugira mu mpinduka n’iterambere by’u Rwanda."

Yunzemo ati "Ukwihangana kwanyu, ubuhanga n’ubuyobozi bwanyu bikomeje kwemeza ukuri nyako: Igihugu ntigishobora gutera imbere by’ukuri cyeretse iyo uburinganire no kutavangura byubahirizwa mu nzego zose z’ubuzima."

Kuri uyu munsi kandi Madamu Jeannette Kagame yifatanyije n’abatuye Umujyi wa Kigali muri siporo rusange (Car Free Day), yari yahariwe kwizihiza Umunsi Mpuzamahanga w’Abagore.

Abayitabiriye bakoze imyitozo itandukanye irimo kugenda n’amaguru, kwiruka, kunyonga igare, aerobic, n’ibindi.

Ni Siporo yateguwe na Minisiteri y’Uburinganire n’Iterambere ry’Umuryango, Minisiteri ya Siporo n’Umujyi wa Kigali mu kwizihiza abagore, imibereho myiza n’ibyishimo by’umuryango.

Uyu munsi ukaba wizihizwaga mu Rwanda ku nshuro ya 51, aho wari ufite insanganyamatsiko igira iti "Umugore ni uw’Agaciro."

Ozonnia Ojielo yatangiye gukorera mu Rwanda nk’Umuhuzabikorwa w’Umuryango w’Abibumbye mu 2022, nyuma yo gushyikiriza Perezida Kagame impapuro zimwemerera gukora izo nshingano (letter of credence).

Yari ashinzwe guhuza ibikorwa by’inzego zose z’uwo muryango zikorera mu Rwanda, gufatanya na Leta mu gushyira mu bikorwa gahunda z’iterambere no guteza imbere intego z’iterambere rirambye (SDGs).

Yagize uruhare mu guhuza ibikorwa by’inzego z’Umuryango w’Abibumbye mu Rwanda, anashimangira ubufatanye hagati yawo na Guverinoma mu gushyira mu bikorwa gahunda z’iterambere.

Yafashije mu gukurikirana no guteza imbere ishyirwa mu bikorwa ry’Intego z’Iterambere Rirambye (SDGs), cyane cyane mu nzego zirimo Ubuzima, Uburezi, Uburinganire no kurwanya ubukene.

Madamu Jeannette Kagame

Umunsi Mpuzamahanga w’Abagore, (International Women’s Day) watangiye kwizihizwa bwa mbere ku wa 19 Werurwe 1911, wizihirijwe mu bihugu bine byo ku mugabane w’u Burayi, birimo Austria, Denmark, Ubudage na Switzerland

Icyo gihe, abarenga miliyoni imwe nibo bitabiriye ibikorwa byo gushyigikira uburenganzira bw’abagore.

Igitekerezo cyo gushyiraho uyu munsi cyatangajwe mu 1910 mu nama mpuzamahanga y’abagore b’abakozi yabereye i Copenhagen muri Denmark, gitangizwa n’umunyapolitiki w’Umudage witwa Clara Zetkin.

Washyizweho kugira ngo baharanire uburenganzira bw’abagore, kugira ngo bahabwe uburenganzira bwo gutora, bishyurwe umushahara ungana n’uw’abagabo igihe bakoze akazi kamwe, harwanywe ivangura n’ihohoterwa rikorerwa abagore.

Ubu uyu munsi wizihizwa buri mwaka ku wa 8 Werurwe.

Umunsi Mpuzamahanga w’Abagore watangiye kwizihizwa mu Rwanda bwa mbere mu 1975, mu rwego rwo kwifatanya n’ibindi bihugu by’isi kuwizihiza buri mwaka ku wa 8 Werurwe.

Mu ntangiriro, wizihizwaga n’inzego za Leta n’imiryango itandukanye mu rwego rwo kugaragaza uruhare rw’umugore mu iterambere ry’igihugu.

Nyuma ya Jenoside yakorewe Abatutsi mu 1994, abagore bagize uruhare rukomeye mu kongera kubaka Igihugu, bituma Leta y’u Rwanda ishyira imbaraga mu guteza imbere uburinganire n’ubwuzuzanye, guha abagore amahirwe angana n’ay’abagabo mu buyobozi, mu burezi no mu bukungu.

Mu guteza imbere umugore hashyizweho inzego zitandukanye zirimo, Minisiteri y’Uburinganire n’Iterambere ry’Umuryango hamwe n’Urwego rw’Igihugu rw’Abagore

Izi nzego zigira uruhare mu gutegura no kuyobora ibikorwa byo kwizihiza Umunsi Mpuzamahanga w’Abagore buri mwaka, bigakorwa binyuze mu biganiro ku burenganzira bw’umugore, ibikorwa byo guteza imbere ubukungu bw’abagore no kurwanya ihohoterwa n’ivangura bikorerwa abagore.

Buri mwaka hatoranywa insanganyamatsiko (theme) igamije kwibanda ku kibazo runaka kireba iterambere n’uburenganzira bw’abagore.

Insanganyamatsiko y’uyu mwaka (2026), ku rwego mpuzamahanga iragira iti "Uburenganzira, Uburinganire n’Iterambere ku bagore n’abakobwa bose” (For ALL Women and Girls: Rights. Equality. Empowerment)

Nyiramahirwe arimo kwigisha

Ubuzima bw’ubuhunzi yabutangiye mu mwaka wa 2013, ubwo we n’umuryango we bahungiraga mu Rwanda bavuye muri RDC, bakabanza gucumbikirwa mu nkambi y’agateganyo ya Nkamira aho bavuye mu 2014, bajyanwa mu ya Mugombwa.

Nyiramahirwe yageze mu Rwanda, ari mu mwaka wa gatatu w’amashuri abanza, ayakomereza i Mugombwa kugeza arangije amashuri yisumbuye muri Mugombwa TSS mu 2024, mu bijyanye n’ubudozi, agira amanota 75.75%.

Mu kiganiro yagiranye na Kigali Today, yayitangarije ko nubwo urwo rugendo rutari rworoshye ariko yishimira ko batigeze bavangurwa nk’abana b’impunzi biga mu Rwanda by’umwihariko mu mashuri yizemo.

Ati “Nashakaga kwiga kandi ngatsinda neza, naragerageje ndabiharanira kandi mbigeraho. Turashimira Leta y’u Rwanda bitewe n’uburyo yatwakiriye n’ukuntu ikidufasha n’uyu munsi. Ndangiza kwiga nagize amanota meza binshoboza kubona akazi ko kwigisha abandi ku bijyanye n’ibyo nize by’ubudozi.”

Yungamo ati “Intego zanjye ni ugufasha abandi banyeshuri bakaba bagira aho bava n’aho bagera, bakazafasha n’imiryango yabo, nanjye byaba binkundiye nkaba nakomeza kujya kongera ubumenyi, bwiyongera ku bwo mfite.”

Avuga ko amahirwe atandukanye bahabwa na Leta y’u Rwanda, ari kimwe mu bishoboza impunzi zihacumbikiwe by’umwihariko abanyeshuri gushobora kwiga bakagera ku rwego rwiza.

Ati “Hari abanyeshuri benshi bagiye biga mu nkambi, bakabona ababishyurira hanze (Scholarship), babonye abo baterankunga bakagenda. Nifuza kuzarenga uru rwego ndetse nzakora n’igishoboka mbigereho, kugira ngo nzagere ku nzozi zanjye zo gukora ibitambaro abantu bakoresha n’ibintu by’indodo bigiye bitandukanye bishobora kuba byabafasha mu buzima bwa buri munsi, ku buryo biramutse binkundiye nazashinga uruganda rwo gukora ibitambaro bikanyitirirwa.”

Ubumenyi amaze gukura mu Rwanda, Nyiramahirwe avuga ko igihe cyose azasubirira iwabo (RDC), buzamufasha kuko abantu baho bakunda kwambara imyenda y’ibitenge.

Umuyobozi wa Mugombwa TSS, Fidèle Mbaraga

Umuyobozi wa Mugombwa TSS, Fidèle Mbaraga, avuga ko hari abari abanyeshuri babiri bahawe akazi barimo na Nyiramahirwe wahize abandi.

Ati “Nyiramahirwe Aline ni umwana warangije hano ari uwa mbere ahiga abandi, no mu bizamini bya Leta impamyabumenyi ye iri imbere y’izindi mu ishami yigagamo. Ni umwana wagiye agaragaza indangagaciro nziza cyane kandi n’abo yigishije bakaba bamushima cyane. Ni umwaka wa kabiri tugiye gukorana na we.”

Umuyobozi w’Akarere ka Gisagara, Jérôme Rutaburingoga, avuga ko impunzi zari zikeneye ahantu zagukira kuko kuzishyira mu nkambi gusa bitari bihagije.

Ati “Bazi byinshi, harimo abize, abana bakeneye kwiga, mu by’ukuri bakeneye ubuzima nk’ubw’abandi baturage kuko na bo ni abantu. Ibyo rero byagiye bibongerera ubushobozi mu myigire.”

Umuyobozi w’Akarere ka Gisagara, Jérôme Rutaburingoga

Mu Karere ka Gisagara habarirwa abana b’impunzi barenga 1500 bari mu mashuri abanza n’ayisumbuye, hamwe n’abandi barenga 350 bari mu mashuri ya Tekinike, Imyuga n’Ubumenyingiro (TSS).

Abatuye muri iyi nkambi bishimira imirimo yakozwe

Hirya no hino mu Turere turimo Inkambi zicumbikiye Impunzi, by’umwihariko aho zagiye zituzwa ku misozi isa nkaho ihanamye, bigateza inkangu mu gihe cy’imvura, zagiye zituma habaho ibyobo binini cyane kubera ubutaka bwagendaga, ku buryo byashoboraga gushyira ubuzima bwa benshi barimo impunzi n’abazituriye mu kaga.

Bamwe mu batuye mu Nkambi ndetse n’abazituriye by’umwihariko abo mu ya Kigeme, bavuga ko mu bihe by’imvura bahuraga n’ibibazo by’amazi menshi yaturukaga mu nkambi agateza inkangu ku buryo imisozi yaridukaga bigatwara ubuzima bwa bamwe n’imirima n’imyaka by’abaturiye inkambi.

Tuyisenge Zagira, ni umwe mu mpunzi zituye mu nkambi ya Kigeme, avuga ko bakundaga guhura n’inkangu ku buryo hari n’abashoboraga kuba bahagwa.

Ati “Hari habi cyane hateye impungenge, hari umuhonga (umuringoti), ariko ubu bahakoze neza, n’umuntu yajyamo akajyamo iriya hepfo nta kibazo, ariko mbere wabaga utagerayo kuko cyari icyobo kinini cyane ku buryo wabaga wahirimayo ugapfa, hari habi cyane.”

Hagiye hashyirwamo imiyoboro y’amazi

Anastase Hakizimana wo mu Murenge wa Kibirizi ati “Hano hari inkangu iteye ubwoba ku buryo n’umuntu yari kumanukamo agahita apfa burundu ntagaragare, hateye impungenge kuko igikuku cya hano n’ikireba ku bitaro byari biteye ubwoba cyane, dufite impungenge z’abana bashobora kuhegera bakagwamo, ariko aho bahakoreye, hasigaye hameze neza cyane nta nkangu igihari, bashyizemo imiyoboro y’amazi barwanya isuri, bahatera n’ibiti, byarahafashe harakomeye cyane nta nkangu izongera kuhagaruka”.

Perezida wa Komite nyobozi w’inkambi ya Kigeme, Edison Munyakarambi Sebutoza, avuga ko hari igice kinini cyari gituyemo abantu bakaza kwimurwa kubera uburyo ubutaka bwaho bwaridukaga, kuko hari n’abahaburiye ubuzima.

Ati “Aha hose hari hatuwe ariko aba bantu bose (Impunzi) bagiye i Mahama, bajyanywe n’uko ubuzima bwabo bwari kujya mu kaga, bitewe n’imiterere yaho, ku buryo himuwe amakaritiye (quartier) abiri. Ariko mbere yo kuhakora hari igihe umwana yakinnye n’undi agwa mu muringoti uramumanura agera hepfo yapfuye.”

Umuyobozi w’Akarere ka Gisagara, gacumbikiye impunzi zo mu nkambi ya Mugombwa, Jérôme Rutaburingoga, avuga ko impunzi zagiye zubakirwa ahantu hatari hatuwe kugira ngo haboneke aho bagomba gutuzwa no kubakirwa.

Hatewe ibiti

Ati “Aho abantu batuye ari benshi ni ibisanzwe haza n’ibibazo by’isuri kuko amazi aba yahuriye ahantu hamwe. hakaba hari gahunda yo gukora imiyoboro y’ayo mazi no kuyayobora kugira ngo isuri idakomeza kubaho. Ibyo bikorwa byafashije kugira ngo hataba isuri no kurengera imirima y’abaturage baturiye aho hafi, kuko mbere amazi yangizaga ibindi bikorwa by’abaturage.”

Umuyobozi w’umushinga ‘Jya Mbere’, wa MINEMA, Frank Ngoga, avuga ko bakoze ibikorwa byo gusana ahantu hari ibyobo binini no gukora imiyoboro y’amazi mu nkambi ziri mu Turere dutandukanye tw’Igihugu.

Ati “Abana bagwagamo, abantu bakuru bakaba bagwamo, ubu ngubu hamaze gusanwa, hameze neza, ahari imyobo minini harasanwe, imiyoboro y’amazi yarakozwe ubu amazi aragenda neza. Hagiye hafatwa amazi aturuka ku nzu igihe imvura iguye, ubu arayoborwa akagera mu gishanga atagenda yishakira inzira. Kugeza ubu mu Turere 6 ahari inkambi 6, hatanzwe amafaranga arenga miliyari 5Frw mu bikorwa byo kurengera ibidukikije.”

Ahakozwe hose, hagiye hasanwa ibyobo byari bihari, hakorwa imiyoboro y’amazi, hanaterwa ibiti mu rwego rwo gufata no kurinda ubutaka, impunzi n’abahaturiye bakaba baragiye bahabwa akazi mu mirimo yo kuhakora.

Imiyoboro y’amazi yashyizwemo ituma amazi agera mu gishanga atabanje kwishakira inzira

Abatuye mu nkambi ya Kigeme n’abayituriye bishimira imirimo yahakozwe

Mbere y’uko hakorwa, hari hateye impungenge abatuye mu nkambi

Abari bahatuye bimuriwe mu nkambi ya Mahama mu rwego rwo kubarinda ibiza bishobora guturuka ku nkangu

Inkambi ya Mugombwa na yo yakozwemo ibikorwa byo kurengera ibidukikije hagamijwe kurinda ubuzima bw’abahatuye

Ubu bakora imirimo yabo ntacyo bikanga

Binyuze muri gahunda y’Igihugu n’abafatanyabikorwa bayo, yo kwinjiza impunzi mu buzima bw’Igihugu no kuzifasha kwigira (Economic Inclusion Program for Refugees), impunzi zicumbikiwe mu Rwanda, zatangiye gufashwa mu mishinga itandukanye hagamijwe kugira ngo zishakemo ibisubizo, ubuzima bwazo burusheho kugenda neza.

Koperative Igisubizo iboha imitako, igizwe n’abanyamuryango 62, ikaba ihuriwemo n’impunzi zo mu nkambi ya Kigeme n’Abanyarwanda bayituriye, yabonye umusaruro w’amafaranga Miliyoni 4Frw mu mwaka ushize, bayakesha gucuruza imitako bohereza mu mahanga.

Abanyamuryango bayo bavuga ko uretse kuba kubahuriza hamwe n’Abanyarwanda baturiye inkambi byanatumye bava mu bwigunge, ariko byanabafashije kubona amafaranga abafasha mu bikorwa bitandukanye by’iterambere, kuko mu mitako baboha harimo iyo bagurisha ibihumbi bitatu, birindwi no kugera ku bihumbi 20, bagakuramo umusanzu wa koperative ungana na 1/10, bakanazigamira.

Jacqueline Kazungu ni impunzi icumbikiwe mu nkambi ya Kigeme. Avuga ko afite ubumuga bwatumaga ahora mu rugo yigunze adashobora guhura n’abandi.

Ati “Ariko ubu ngubu mfatanya n’abandi badafite ubumuga, icyo bakora nanjye ni cyo nkora. Iyo naboshye mbona uko mbasha kugura amavuta y’abana, twaba twabonye isoko nkabagurira inkweto, mu gihe ntari nshoboye no gukorera igiceri cy’icumi, ariko iby’ingenzi ni uko nsigaye nibona muri bagenzi banjye kuko turabana bikampesha agaciro.”

Charlotte Mukantabana wo mu Kagari ka Kigeme, ni umwe mu banyamuryango baturiye inkambi. Avuga ko kwibumbira hamwe byamufashije kunguka amasomo ajyanye n’ubucuruzi, bimufasha kwiteza imbere.

Ati “Nabashije kugura amatungo mato ndorora, nubwo mu rugo nari nsanzwe norora, ariko nashoboye kugura ingurube ebyiri, ngira n’inkoko, uyu munsi ntabwo nagira ikibazo cyo gukenera guha umwana igi ngo ndibure. Iryo n’iterambere nabashije kugeraho mfatanyije na benedata bo mu nkambi tubana.”

Umuyobozi wa Koperative Igisubizo, Peninnah Nyirankuri ni umubyeyi w’abana umunani, akaba ari impunzi imaze imyaka irenga 10 mu nkambi ya Kigeme. Avuga ko amafaranga bacuruje bayatahana bakagabana, bagasigamo umusanzu wa 500 kuri buri muntu hamwe na 1/10 abafasha kugura ibikoresho.

Ati “Byadukuye mu bwigunge, twari abagore birirwa mu rugo mu maganya, turi abagore badafite agaciro, biduha n’umubano kuko twaje guhuzwa n’abo hanze bituremamo ubushuti, tuba bamwe, twisanga twese turi hamwe. Igihugu cy’u Rwanda turagishimira cyane kuko ntabwo cyaduheje nk’impunzi kubera ko badufashe nk’abana b’Igihugu, ndetse no mu gihugu cyatubyaye twavuyemo nta mutekano dufite baduhiga, batwanga urunuka, ariko twagize agaciro kandi aho turi, turi impunzi.”

Yves Nshimiyimana ni umukozi ushinzwe amahugurwa mu muryango Indego Africa, ari na bo bahugura impunzi bakanazifasha gushakira imitako yazo isoko hanze y’Igihugu. Avuga ko 99% by’imitako impunzi zikora yoherezwa muri Amerika.

Ati “Tujyanisha ubumenyi bwo kuboha no kubaha andi mahugurwa y’ibanze yo kumenya gukora no kwihangira imirimo cyane cyane imicungire ya Koperative, kubera ko bigaraga ko iyo ifashijwe mu bumenyi no mu buryo bw’amafaranga, rwaba urwego rwafasha umwari n’umutegarugori kwiteza imbere.”

Muri rusange Koperative zikora ibikorwa by’ubukorikori mu nkambi, ni eshanu, zirimo ebyiri zo mu nkambi ya Kigeme, hamwe n’izindi zo mu ya Mahama, umwaka ushize (2025), zose hamwe zikaba zarinjije amafaranga y’u Rwanda agera hafi kuri Miliyoni 50Frw, arimo miliyoni zirenga 6Frw zinjijwe n’izo mu nkambi ya Kigeme hamwe n’andi arenga miliyoni 42.2Frw yinjijwe n’izikorera i Mahama.

Biteganyijwe ko muri uyu mwaka wa 2026, zose hamwe zizinjiza arenga miliyoni 100Frw, arimo 20.5Frw azinjizwa na koperative ebyiri zo mu nkambi ya Kigeme hamwe na 88.5Frw, azinjizwa n’izikorera mu nkambi ya Mahama.

Abavuga ibi ni abaturage 1,570 bo mu Mirenge ya Kibirizi na Uwinkingi barimo impunzi 500 zicumbikiwe mu nkambi ya Kigeme. Bahuriye muri Koperative Duhuzimbaraga Mushishito (CODUM), ikorera ubuhinzi bw’ibigori, ibishyimbo, imboga n’ibihumyo mu gishanga cya Mushishito, bakundaga guhura n’ikibazo cyo kurwaza indwara zituruka ku mirire mibi.

Bavuga ko nubwo batari bazi ko ubuhinzi bw’ibihumyo hari icyo bushobora kubamarira, ariko basanze ari ingirakamaro, kubera ko uretse kuba byerera igihe gito kandi bigatanga umusaruro ariko byanabafashije kudakomeza kurwaza indwara zituruka ku mirire mibi.

Jacqueline Mukakabera ni umwe mu mpunzi zo mu nkambi ya Kigeme zikora ubuhinzi bw’ibihumyo. Avuga ko mbere bari bafite ikibazo cy’imirire mibi.

Ati “Imirire mibi twari tuyifite, ari muri Nyamagabe no mu Nkambi, ariko ubu ibihumyo byarabonetse, buri wese abigeraho nta kibazo, no mu nkambi muzengurutse mwasanga nta bana dufite bari mu igwingira, kuko turabatekera bakarya, bikababuza kugira ngo bakomeze kujya bagwingira, igihe na cya gikoma kitaraboneka, umutekera ya sosi ukamuha akarya. Ubu uburwayi ntabwo bushobora gufata abana bacu kuko habonetse ikibukumira.”

Ibyo avuga abihurizaho na Mariya Kubwimana wo mu Murenge wa Kibirizi, uvuga ko ubuhinzi bw’ibihumyo bubafitiye akamaro kanini kuko bibinjiriza amafaranga bikanabafasha gutuma abana babo batibasirwa n’indwara ziterwa n’imirire mibi.

Ati “Mu bushobozi bwanjye iyo nabonye ayo mafaranga 1500 cyangwa nkabona inusu (1/2 kg) yabyo, ndaza ngatekera abana bakarya, ni mu buryo bwo kurwanya imirire mibi nkabona nta kibazo. Mu bo twegeranye cyangwa n’aho dutemberera ntabwo wari kubaha amanota 100%, ariko aho ibihumyo byaziye nta kibazo kuko igiciro cyabyo buri wese yibonamo, byahinduye ubuzima bw’abana natwe bakuru hari icyo byatumariye.”

Mu gihe cy’icyumweru kimwe baba bamaze gusarura kandi ikilo bakakigurisha amafaranga y’u Rwanda 1500.

Jean Marie Manirafasha ushinzwe gukurikirana ibikorwa by’ubuhinzi mu gishanga cya Mushishito, avuga ko bafite zone enye zihinzeho imigina igera ku bihumbi 28, aho zone igizwe n’imigina ibihumbi 7.

Ati “Ibihumyo ni ubuhinzi bwiza kuko iyo ubutangiye mu cyumweru kimwe uba ubonye umusaruro, umugina ugafata amezi atatu n’igice kugira ngo ube urekeye aho kwera. Guhera mu kwa 11 kugeza ubu, bamaze gusarura toni zirenga 7, bakuyemo miliyoni hafi 12Frw.”

Umuyobozi w’Inkambi ya Kigeme, Kevin Karayenzi, avuga ko ubuhinzi bw’ibihumyo buhuriweho n’impunzi n’Abanyarwanda bazituriye, ari kimwe mu bisubizo byo kugira ngo impunzi zishakemo ibisubizo, kandi ko ari umushinga utanga umusaruro mu gihe gito.

Ati “Ugerageza kubafasha mu kunganira muri duke impunzi zibona, kugira ngo ubuzima bukomeze bugende neza. Ibyinshi usanga bigurirwa mu nkambi, ugasanga bigira inyunganizi mu bijyanye n’imirire kuko hano usanga tugerageza kugurisha amafaranga make ugereranyije n’isoko dufite i Kigali.”

Imibare y’Ubushakashatsi bwa karindwi ku mibereho y’ingo (EICV 7) yagaragaje ko igwingira mu bana mu Karere ka Nyamagabe riri ku gipimo cya 29,4% rivuye kuri 51,8% ryahozeho mu 2015.

Icyumba gikonjesha babikamo ibihumyo kugira ngo bitangirika

Inzu bahingamo ibihumyo

Abarema iri soko nta mpungenge baba bafite z’umutekano w’amafaranga ndetse n’ibicuruzwa byabo

Iri soko riri mu Murenge wa Tare, ririmo ibice bitatu, birimo ahacururizwa intama n’ihene, ahacururizwa ingurube, mdetse n’umwanya wihariye ucururizwamo inka.

Kuri ibi hiyongeraho urugo mbonezamikurire y’abana bato, rikaba ryarubatswe binyuze mu mushinga ’Jya Mbere’ wa Minisiteri Ishinzwe Ibikorwa by’Ubutabazi (MINEMA), imirimo yo kurivugurura ikaba yararangiye itwaye Miliyoni 426Frw.

Abarema iri soko bavuga ko ribafitiye akamaro cyane kuko nyuma y’uko rivuguruwe ryakemuye ibibazo byinshi birimo kuba abaturage batakibura amatungo yabo.

Liliane Ingabire wo mu Murenge wa Gasaka, umucuruzi w’Ingurube umaze igihe kinini arema isoko rya Ryarubondo, avuga ko mbere ritarubakwa byabatezaga igihombo.

Ati “Ikintu ntazigera nkumbura ni uko isoko ritarubakirwa, habagamo akajagari, ku buryo itungo ryigeze kumfata akaguru rirandya, mbura ubutabera, ariko ntibikibaho kuko iri soko ryakemuye ibintu byinshi cyane, birimo akajagari, kwibana aha ntabwo bibana cyane.”

Faustin Mugisha, impunzi icumbikiwe mu nkambi ya Kigeme, aho yageze mu 2013 aturutse muri RDC, avuga ko isoko rya Ryarubondo ribafitiye akamaro kuko ribafasha mu bikorwa byabo by’iterambere.

Ati “Iyo wabonye amafaranga, uraza ukagura itungo hano ukagenda ukariragira, ryamara kwiyongeraho gake ukarigarura, ukongera ukarigurisha ukagira ikintu wungukamo."

Simon Mutangana ufite Resitora hanze y’isoko, avuga ko kuva ryavugururwa, ubucuruzi bwe bwarushijeho kumera neza, kubera umubare w’abarirema wiyongereye.

Ati “Ku munsi w’isoko nshobora kwakira abantu bagera muri 200 ngacuruza nk’ibihumbi 200 kandi cyera twabonaga nk’amafaranga ibihumbi 80. Turashimira Leta y’u Rwanda yatumye iri soko rimenyekana kuko n’abazana amatungo amafaranga yariyongereye.”

Ubuyobozi bw’Akarere ka Nyamagabe buvuga ko kuvugurura isoko rya Ryarubondo byatumye imisoro yinjira mu Karere yiyongera ugereranyije n’uko byari bimeze mbere y’uko rivugururwa.

Leonidas Nsengiyumva, ni umugenzuzi w’imisoro mu Karere ka Nyamagabe, avuga ko uretse kuba kuvugurura isoko rya Ryarubondo byarongereye umutekano w’abarirema, ariko ryanatumye imisoro yiyongera.

Ati “Ntabwo imisoro igitorokanwa n’abantu uko bishakiye, kubera ko hari irembo rimeze neza. Tugira amasaha yo kwinjiza amatungo, n’amasaha yo kuyasohora ku buryo byongereye umutekano kuri buri ruhande. Mbere twinjizaga miliyoni ebyiri ariko nyuma yahoo ryubakiwe twinjiza miliyoni 2.8 ariko hari n’igihe tugira 3.”

Umuyobozi w’umushinga ‘Jya Mbere’, Frank Ngonga, avuga nyuma yo kugaragarizwa ibibazo byaterwaga no kuba isoko rya Ryarubondo ritameze neza bahisemo kurivugurura.

Ati “Ryatwaye arenga miliyoni 426Frw, buri matungo afite igice cyayo, kandi n’abandi bantu bafite amahirwe yo gucuruziramo ibindi cyangwa abazana imyenda ku ruhande. Iri soko rifite n’Irerero ry’abana, aho ababyeyi baje mu isoko bafite abana hari ibyumba byabugenewe hakaba harimo n’abarimu kandi n’Akarere kakaba kabafasha gutanga igikoma cy’abana mu gihe ababyeyi baje kurema isoko.”

Isoko rya Ryarubondo, riremwa n’abantu barenga ibihubi 3 baturuka mu Turere twa Nyamagabe, Huye, Nyanza, Nyaruguru, Ruhango, Rusizi, harimo n’abayatwara mu bihugu by’abaturanyi birimo RDC na Uganda.

Riri ku buso bungana n’igice cya hegitari, rikaba rirema buri wa Kabiri w’icyumweru, rikaremwa n’abaturage bari hagati y’ibihumbi bitatu na bine, aho ku munsi w’isoko hashobora kugurishirizwa Inka ziri hagati ya 800-1000, Ingurube 800 hamwe n’Ihene n’Intama zigera 500.

Aya ni amakuru Minisitiri w"intebe Dr. Justin Nsengiyumva yahaye abaturage b’Imirenge ya Mageragere na Gahanga yo mu Turere twa Kicukiro na Nyarugenge nyuma y’umuganda usoza ukwezi, kuri uyu wa gatandatu, 28 Gashyantare.

Uyu kandi, wabaye umwanya wo kwibutsa abahabwa ibyangmbwa byo kwenga inzoga zemewe, maze bagaca inyuma bakenga izitemewe, bakoresheje ibintu bitaribwa, cyangwa byangiza umubiri w’umuntu muri rusange, ko batazihanganirwa.

I Kigali, umuganda wa none wibanze ku bikorwa byo kubaka imiyoboro y’amazi (drainage) no gutunganya amaterasi y’indinganire ku misozi iri hafi y’Ishyamba rya Karambi.

Ibi bigamije kugabanya ingaruka z’imvura y’itumba igwa muri Werurwe - Gicurasi 2026.

Imbere mu ruganda rwa RFC

Ni mu gikorwa ngarukamwaka cyabaga ku nshuro ya kabiri, gisanzwe gikorwa n’ubuyobozi bwa RFC, aho kuri iyi nshuro ibihembo byatangiwe ku cyicaro cy’uruganda mu Karere ka Bugesera kuri uyu wa Gatanu, hashimirwa abahinzi n’abacuruzi b’inyongeramusaruro 27 baturutse mu bice bitandukanye by’Igihugu, mu rwego rwo kubashimira uruhare rwabo mu gufasha Abanyarwanda kugira ngo babone umusaruro uturutse mu buhinzi bakoresheje ifumbire ikorwa na RFC.

Ibihembo bahawe birimo moto z’amapine atatu zizwi nka Lifan, mudasobwa, telefoni n’amafaranga, byose hamwe bifite agaciro k’amafaranga y’u Rwanda arenga Miliyoni 30Frw.

Abashimiwe bavuga ko ibihembo bahawe bigiye kurushaho kuborohereza gukwirakwiza ifumbire mu baturage.

Aline Ukunzituze wo mu Karere ka Nyabihu ni umwe mu bacuruzi b’inyongeramusaruro batatu bahembwe moto ifite amapine atatu. Avuga ko moto yahawe izamufasha mu kazi asanzwe akora ko gutanga ifumbire ku bahinzi.

Ati “Izamfasha cyane kuko hari igihe umuntu ajya kurangura utari burangure byinshi, cyangwa uri burangure byinshi hari ibirengaho imodoka idashobora kubitwara, moto izajya imfasha. Hari abahinzi bagura ifumbire nyinshi, mu rwego rwo kunoza serivisi ntanga, nzajya nyibagereza aho bayijyanye barusheho kwishimira serivisi ntanga.”

Alphonse Habimana wo mu Karere ka Ngororero, ni umwe mu bacuruzi b’inyongeramusaruro bahembwe. Avuga ko ifumbire ya RFC yamuhinduriye ubuzima hamwe n’abahinzi akorana na bo kuko yaje ikenewe.

Ati “Burya Agrodealer yungukira mu kuba ifumbire yakunzwe n’abahinzi kandi ikaba yatanze umusaruro. Bituma abahinzi bakunda iyo fumbire kuko iba yabahaye umusaruro, bigatuma acuruza byinshi, kandi iyo ucuruje byinshi urunguka. Mbere nacuruzaga toni zigera kuri 50 muri sezo (session), ariko uyu munsi zikubye inshuro eshatu kubera RFC.”

Egide Mumarakizi ni umuyobozi wa Koperative Indatwa Kayonza ihinga umuceri. Avuga ko igihembo bahawe kigiye kubafasha kongera kugura ifumbire kugira ngo ibashe kubageraho neza.

Ati “Ifumbire yo muri RFC yatugiriye akamaro, yaraje yongera umusaruro mu murumbuko kandi bikatworohera kuyibona hafi, kuko hari igihe indi twakoreshaga kubera kuva mu mahanga yatugeragaho itinze, ugasanga abahinzi bagize ikibazo mu mihingire, ariko kuri iyi nshuro tuyibona vuba kandi irushaho no kugira umurumbuko, ni nziza kuko mbere nibura kuri hegitari twabonaga toni 4.5 ariko ubu tubona 5 kuzamura, tubikesha RFC.”

Uruganda Rwanda Fertilizer Company/RFC, rukora ifumbire iri mu bwoko bune, burimo ‘Tweze’, imaze igihe iri ku isoko, hamwe n’izindi zirimo Twihaze, Ongera na Ongera+, zifite umwihariko w’uko zakozwe hagendewe ku bipimo by’imiterere y’ubutaka bw’u Rwanda.

Inyongeramusaruro ya Ongera+ ni imwe mu zakozwe hagendewe ku bipimo by’ubutaka bw’u Rwanda

Umuyobozi Mukuru wa RFC, Anass Khanchoufi, avuga ko ibihembo byatanzwe, byahawe abantu bari mu byiciro bitandukanye, hagamijwe kubashimira umuhate bashyira mu kumenyekanisha no gucuruza ifumbire y’uruganda rwabo.

Ati “Intego yacu ntabwo zishingiye ku bucuruzi gusa, ahubwo ni uburyo twakorana bya hafi n’aba bafatanyabikorwa mu kongera mu buryo burambye imikorere myiza mu kwamamaza ifumbire yihariye ku bihingwa no ku butaka.”

Umuyobozi Mukuru wa RFC, Anass Khanchoufi

Uruganda RFC ruherereye mu cyanya cy’inganda mu Karere ka Bugesera, rukaba rufite ubushobozi bwo guhaza isoko ry’imbere mu gihugu rugasagurira amahanga, kuko rushobora gukora toni ibihumbi 100 ku mwaka.

Rufite imashini zigezweho zo kuvanga ifumbire, ububiko bwa toni 25,000, Laboratwari igezweho ipima ubutaka n’ifumbire.

Bagiranye ibiganiro byibanze ku rugendo n’impinduka u Rwanda rumaze kugeraho mu myaka irenga mirongo itatu, harimo inzira y’ubwiyunge n’ubumwe bw’Abanyarwanda, imiyoborere myiza ndetse n’ubuyobozi bushingiye ku guhanga udushya.

Banaganiriye ku mahirwe y’ubufatanye ashobora gushyigikira icyiciro gikurikiraho cy’iterambere, hibandwa ku nzego zifite uruhare runini mu gushyira mu bikorwa gahunda z’ingenzi z’igihugu.

Iri tsinda riyobowe na Bobby Pittman, Umuyobozi Mukuru akaba n’Umuyobozi w’Inama y’Ubutegetsi ya Banki y’Iterambere y’u Rwanda (BRD); Nick Allardice, Perezida akaba n’Umuyobozi Mukuru wa GiveDirectly; na Jocelyn Wyatt, Umuyobozi Mukuru wa Alight.

Aba bayobozi bari mu ruzinduko mu Rwanda rugamije kungurana ibitekerezo ku miyoborere n’iterambere, hagamijwe gushimangira ubufatanye mu guteza imbere impinduka zirambye.

Dialog Group ni itsinda rihuza abayobozi bakomeye ku rwego mpuzamahanga baturuka mu nzego zitandukanye zirimo ubucuruzi, imari, imiryango itari iya Leta, politiki n’iterambere.

Rifite intego zirimo kungurana ibitekerezo ku miyoborere n’iterambere rirambye, guhuza abayobozi kugira ngo bafatanyirize hamwe mu gushakira ibisubizo ibibazo byugarije isi hamwe no guteza imbere ubufatanye hagati y’ibihugu n’inzego zitandukanye.

Si umuryango wa Leta cyangwa ikigo cy’ubucuruzi gifite icyicaro gihoraho nk’ibindi bigo mpuzamahanga, ahubwo ni urubuga (platform) ruhuza abayobozi mu biganiro no mu gusangira ubunararibonye.

Ubuyobozi bwa BK buvuga ko abahanzi ari bamwe mu bantu babona amafaranga, kandi kugira ngo barusheho kuyabona bagomba kubona ayo bashoramo, ari na yo mpamvu bashyiriweho uburyo bwihariye buzabashoboza kubona inguzanyo bashobora gushora mu buhanzi bwabo, zibashoboza gutera imbere.

Umuyobozi Mukuru wa BK, Dr. Diane Karusisi, avuga ko bazajya batanga inguzanyo igera kuri Miliyari y’amafaranga y’u Rwanda ku bahanzi bamaze gutera imbere.

Ati “Bafite ibikorwa bigaragara, bafite ibihangano byabo ku mbunga nka Spotify, YouTube n’izindi babonamo amafaranga, tuzashobora kubaha amafaranga kugira ngo bakomeze ubuhanzi bwabo. Turafatanya na Minisiteri y’Urubyiruko n’Iterambere ry’Ubuhanzi kuko ni bo bashyiraho politiki y’uko ako kazi gakorwa. Twagiye dufatanya kugira ngo natwe twumve uko twakorana n’abahanzi, twumve umwuga wabo, n’ukuntu bakorera amafaranga kugira ngo dushobore kubashyiriraho uburyo bubabereye buzatuma bashobora gutera imbere.”

Yungamo ati “Mu buhanzi tubona harimo amafaranga, urwego rwose rurimo amafaranga na Banki igomba kuba irimo, kugira ngo ifashe urwo rwego gutera imbere. Twasanze hari icyuho cy’uko abahanzi batabona Banki zibizera, zibaha inguzanyo kugira ngo bateze imbere ibikorwa byabo. Icyo cyuho ni cyo cyatumye dukorana n’abahanzi na Minisiteri, kugira ngo dushyire hamwe turebe uko twashyiraho uburyo bwihariye bubereye abahanzi.”

Umuyobozi Mukuru wa BK, Dr. Diane Karusisi, avuga ko biyemeje gufasha abahanzi guteza imbere ibyo bakora

Abahanzi basanga amahirwe bashyiriweho na BK agiye gufasha abasanzwe babikora nk’akazi, kuko hari amahirwe bari basanzwe babona ariko bakabura Banki zibagirira icyizere.

Fally Merci Ndungutse ni umunyarwenya wabigize umwuga akaba ari we washinze Gen-Z Comedy. Avuga ko ari amahirwe ku bahanzi n’abandi bari muri urwo rwego.

Ati “Ikintu cya mbere cyatugoraga muri rusange ni igishoro, ariko icyiza banadufashije ni uko batubwiye ko tugomba kubaha uburyo bw’imiterere n’imikorere y’akazi, kuko kuguha igishoro utabifite ushobora guhita uyabyinira, ariko ni byiza kuko iyo ubifite bigufasha kubikora. Ni amahirwe ku bantu bari muri urwo rwego babikora nk’akazi. Twari dusanzwe twihiringa tukikoramo, ariko ubu ngubu ni amahirwe BK iduhaye.”

Isaac Shema ukora ubugeni, avuga ko biteguye kwagura ibikorwa kuko nk’abantu bari mu rwego rw’ubuhanzi isoko ari rigari.

Ati “Ntabwo ari ugukorera abantu bari hano mu Rwanda gusa, ni ugukorera abari hanze y’Igihugu, hanze ya Afurika, aho hose hariyo isoko twageraho. Ibi biraza kudufasha, turahita dutangira gutekereza byagutse, tugire ibikoresho bizima, ibiro byiza, uburyo turi butangire gushora kugira ngo ayo masoko ari hanze dushaka gukorera atumenye. Urumva ko harimo amahirwe menshi dukeneye kubyaza umusaruro.”

Umunyamabanga wa Leta muri Minisiteri y’Urubyiruko n’Iterambere ry’Ubuhanzi, Sandrine Umutoni, avuga ko abahanzi bakundaga kubura inkunga ibafasha gukora ibintu mu buryo bwa kinyamwuga.

Umunyamabanga wa Leta muri Minisiteri y’Urubyiruko n’Iterambere ry’Ubuhanzi, Sandrine Umutoni

Ati “Kuba dufite ubu bufatanye hagati ya Minisiteri na BK, buzatuma ibintu byihuta kurushaho, ariko hari ikintu cyiza bafite muri ubu bufatanye, ni uko bazafatanya na BK Foundation kugira ngo bazamure n’ubushobozi bw’abahanzi, kubera ko gutanga amafaranga ntabwo biba bihagije.”

Yungamo ati “Burya uba ukeneye no guherekeza umuhanzi kugira ngo yumve neza ukuntu amafaranga agomba gukoreshwa, kubera ko ni inguzanyo. Niba ari inguzanyo bakeneye kumva neza uko bazayishyura n’ukuntu bayikoresha neza kugira ngo bayabyaze ayandi menshi.”

Inguzanyo abahanzi bazajya bahabwa ziri mu bwoko butandukanye kuko hari izishobora kwishyurwa mu gihe gito n’izishobora kwishyurwa mu gihe cy’imyaka 5, kandi abahanzi bakazajya bahabwa umubare runaka w’amafaranga hagendewe ku bikorwa byabo.

Abahanzi bazajya bahabwa inguzanyo igera kuri miliyoni mirongo itanu nta ngwate, mu gihe bakeneye andi menshi bakaba bashobora guhabwa agera kuri miliyari y’amafaranga y’u Rwanda kandi inyungu bazajya bishyura ingana n’itangwa ku zindi nguzanyo zisanzwe zihabwa abandi bakiriya ba Banki.

Ubwoko bw’inguzanyo zigenewe abahanzi harimo, iyifashishwa mu ishyirwa mu bikorwa ry’umushinga (Production Financing Facility):
Iyi ni inguzanyo igera kuri miliyari 1Frw, itangira kwishyurwa nyuma y’amezi 3 imaze gutangwa (grace period), ikishyurwa mu gihe cy’imyaka 3.

Ruzindana Eric yahize abandi mu gukora logo izajya ikoreshwa kuri Brand ya BKreative

Inguzanyo y’ibikoresho n’imitungo (Asset & Equipment Financing):
Iyi nguzanyo igera kuri miliyoni 500Frw yo kugura ibikoresho bya studio, camera, amatara n’ibindi bikoresho byifashishwa mu kazi. Hasabwa ingwate ya 50%, aho ibikoresho byaguzwe bishobora kuba ingwate y’iyo nguzanyo.

Kwishyuza hakiri kare amafaranga y’amasezerano (Invoice Discounting),
kugera kuri 70% by’agaciro k’amasezerano atarishyurwa, ku buryo uwahawe isoko abona amafaranga mbere y’uko umukiriya ayishyura.

Inguzanyo y’umuntu ku giti cye (Personal Loan):
Ni inguzanyo igera kuri miliyoni 50Frw igenewe abahanzi, abaririmbyi n’abakoresha imbuga nkoranyambaga (influencers), idasaba ingwate.

Irakoze Ntwari yabaye uwa kabiri

Anne Bethiane Uwababyeyi yabaye uwa gatatu

Ibihugu byombi bisanzwe bifatanye umubano mwiza, umaze imyaka ugenda urushaho gukomera, cyane cyane mu by’ububanyi n’amahanga, ubucuruzi n’iterambere.

Mu bya dipolomasi, ibihugu byombi bifitanye umubano mwiza ushingiye ku kubahana no gufatanya mu nyungu rusange. Ambasade z’ibihugu byombi zarafunguwe, ibifasha mu koroshya ubutwererane no guhuza abayobozi mu biganiro by’ingenzi.

Mu bukungu n’ubucuruzi, Arabie Saoudite iri mu bihugu bifite ishoramari rikomeye, aho u Rwanda rwagiye rureshya abashoramari baturuka muri icyo gihugu, cyane cyane mu bukerarugendo, ingufu, ubwikorezi bwo mu kirere, hamwe n’ubucuruzi bw’ibikomoka ku buhinzi n’ubworozi.

Hari kandi amasezerano y’ubufatanye agamije guteza imbere ubucuruzi hagati y’impande zombi.

Mu bijyanye n’akazi, Abanyarwanda bamwe bakora muri Arabie Saoudite binyuze mu masezerano yemewe n’amategeko agenga abakozi bajya gukora mu mahanga. U Rwanda rushyira imbaraga mu kurinda uburenganzira bwabo no gukurikirana imibereho yabo.

Naho mu by’idini n’umuco, kubera ko Arabie Saoudite ari igihugu gifite ibigo by’ingenzi by’idini ya Islamu, hari ubufatanye mu bijyanye n’amasomo ya tewolojiya n’ingendo zijyanye n’umutambagiro mutagatifu (Hajj na Umrah) ku Bayisilamu b’Abanyarwanda.

Kutigishwa ururimi rwabo kavukire, bituma benshi mu rubyiruko rw’Abanyarwanda baba mu mahanga by’umwihariko abahavukiye n’abahagiye bakiri bato, batamenya Ikinyarwanda kandi bafite amahirwe yo kugira ababyeyi bakizi, banavukiye mu Rwanda.

Ubwo kuri uyu wa Kabiri tariki 24 Gashyantare 2026, mu Rwanda hizihizwaga ku nshuro ya 23 Umunsi Mpuzamahanga w’Ururimi Kavukire, urubyiruko rw’Abanyarwanda baba mu mahanga rwagaragaje ko nubwo baba bifuza kumenya Ikinyarwanda, ariko ababyeyi babo babigiramo ubushake buke, bikabavutsa amahirwe yo kumenya ururimi n’umuco w’Igihugu cyabo cy’amavuko.

Aline Karemera w’imyaka 19 ni umwe mu Banyarwandakazi bavukiye mu Bubiligi akaba ari na ho atuye. Avuga ko Ikinyarwanda azi yakigiye iwabo mu rugo akigishijwe n’ababyeyi na bakuru be, ku buryo asanga ari ngombwa ko bagenzi be baba mu mahanga bakimenya.

Ati “Nkanjye bimfasha kumenya kuganira n’umuryango iyo ngeze mu Rwanda, nkumva ibiganiro, nkisanzura hano mu Rwanda kuko mba numva ndi umunyarwandakazi. Twebwe tuba dushaka kukimenya ariko hari abadashyiramo imbaraga nyinshi mu kukivuga no kucyiga kubera ko ababyeyi batabiha agaciro. Jye mbona bikenewe, nshaka kuzabatera imbaraga zo kukiga.”

Cyusa Noris Karara w’imyaka 17, atuye mu Bubiligi. Avuga ko akunda kuvuga Ikinyarwanda cyane, kuko ku ishuri bavuga Igifaransa cyane n’izindi ndimi zikoreshwa mu Bubiligi, bigatuma iyo ageze mu rugo yiganirira n’ababyeyi be ururimi kavukire.

Ati “Iyo tugiye ku ishuri tuvuga Igifaransa cyonyine, ntashye nshobora kuvugana na mama, tuvuga Ikinyarwanda turimo kuganira, na papa iyo atashye avuye ku kazi, birimo kumfasha kubera ko jye nkunda kuganira n’umuryango wanjye. Hano mu Bubiligi tujya tubona cyane ababyeyi batavugana Ikinyarwanda n’abana babo kuko bumva ko batakimenya, bagomba kukiga kuko ni umuco wacu, ariko jye birambabaza iyo mbona ababyeyi batigisha ngo banareke abana baze mu Rwanda bamenye umuco wabo.”

Mu rwego rwo gufasha abana baba mu mahanga kumenya Ikinyarwanda, by’umwihariko abatuye mu Bubiligi, mu 2019, i Bruxelles hatangijwe ishuri ryitwa ‘Ishuri Umuco’, rigamije gufasha Abanyarwanda bahatuye kumenya no kuvuga ururimi rw’Ikinyarwanda hamwe n’umuco Nyarwanda.

Christopher Icyimanitegetse ni umwarimu muri iryo shuri. Avuga ko nubwo bafite abanyeshuri banditse bagera kuri 62, ariko batababonera rimwe kuko batitabira nk’uko bikwiye.

Ati “Iyo tugize amahirwe tukabona na 3/4 byabo dushima Imana. Hari igihe umubyeyi aba afite n’ubushake bwo kuzana umwana ku ishuri, ariko bigakubitana n’uko wenda habonetse isabukuru y’undi mwana, cyangwa bari bujye ku mafarasi, ugasanga ni zimwe mu mbogamizi zituma batohereza abana babo ku ishuri Umuco. Ariko iyo babashije kuza, baraza bakiga, ugasanga bafite n’umurava, barashaka kucyiga, ariko n’iyo tubigishije basubira mu rugo bakivugira Igifaransa, wa mubyeyi atarimo kunganira mwarimu kugira ngo bakimenye neza.”

Intebe y’Inteko, Prof. Robert Masozera, avuga ko umunsi mpuzamahanga w’ururimi kavukire ari umunsi wo kwisuzuma no kwiyemeza.

Ati “Twibaza ngo ese Ikinyarwanda tugikoresha dute? Tukinoza ku rugero rungana iki? Uyu munsi uje usanga mu Rwanda hari ikibazo rusange mu mikoreshereze y’Ikinyarwanda, ariko usanze hari n’ingamba zo kubikemura, n’umuhate ugaragara mu Banyarwanda mu kubikemura.”

Minisitiri w’Urubyiruko n’Iterambere ry’Ubuhanzi, Dr. Jean Nepo Abdallah Utumatwishima, yashimiye abantu bafata umwanya bakigisha Ikinyarwanda babinyujije ku mbuga nkoranyambaga.

Ati “Hari abantu bo kuri X, bigisha Ikinyarwanda, umuntu yakosa bakamugira inama, muri twe twigiramo abantu b’ibifura badakunda gukosorwa, ariko nagira ngo nsabe abantu bigisha Ikinyarwanda ku mbuga nkoranyambaga, kudacika intege kuko kwigisha ni uguhozaho, hanyuma ibifura n’abadashaka kwiga burya aba yabibonye, aba yigiza nkana. Kuba umusirimu ntibisobanura kwibagirwa uwo uri we, ntibivuga gusiribanga umuco n’ururimi byawe.”

Ubushakashatsi ku mikoreshereze y’indimi zemewe mu butegetsi ahahurira abantu benshi muri Kigali bwakozwe mu 2023 n’Inteko y’Umuco ku bufatanye n’Umuryango Mpuzamahanga uhuza ibihugu bikoresha ururimi rw’Igifaransa, OIF, bwagaragaje ko Abanyakigali 73% bagaragaje ko ubusirimu, kwisanisha n’abavuga rikumvikana, n’ubumenyi buke biri mu bituma bahitamo kuvanga indimi iyo bari kuvuga Ikinyarwanda.

Mu babajijwe muri ubu bushakashatsi, 73% bemeye ko bavuga bavanga indimi mu gihe 27% bavuze ko batazivanga.

Ni ikiganiro gitambuka kuri uyu wa 23 Gashyantare, saa kumi n’ebyiri z’umugoroba kiza kuba gifite insanganyamatsiko igira iti:
“Guteza Imbere Ikoranabuhanga mu Burezi Hibandwa ku Bikowa-remezo.

U Rwanda rumaze gutera intambwe ishimishije mu kwinjiza ikoranabuhanga (ICT) muri gahunda z’uburezi, ibikorwa remezo bifatwa nk’inkingi y’ingenzi mu myigire ishingiye ku ikoranabuhanga.

Ku bufatanye n’Urwego rw’Igihugu rushinzwe Uburezi bw’Ibanze (REB), amashuri arenga 2,000 amaze kugerwamo na internet, kandi gahunda nka Smart Education Project yazanye internet yihuta n’ibyumba by’amashuri bigezweho mu bigo birenga 1,500.

Nubwo hari intambwe yatewe kandi ishimishije, haracyagaragara icyuho, kuko amashuri yose ataragira internet, kandi amashanyarazi n’ibikoresho by’ikoranabuhanga ntibiragera hose mu mashuri nkuko bikwiye, cyane cyane mu bice by’icyaro.

Ikindi ni uko ishoramari mu bikorwa remezo ritagarukira gusa kuri internet, ahubwo harimo no gukwirakwiza ibikoresho nka mudasobwa zigendanwa, ibikoresho by’ikoranabuhanga mu mashuri n’imbuga zo kwigiraho.

Ibi bigamije kwagura amahirwe ku banyeshuri, gushyigikira imyigishirize ishingiye ku bushobozi (competence-basedcurriculum) no gutegura abanyeshuri bafite ubumenyi bujyanye n’igihe tugezemo.

Ku rundi ruhande ariko, bikorwa remezo bidaherekejwe no kongerera ubushobozi abarimu ntibyatanga umusaruro uhagije, ari nayo mpamvu haba hakenewe amahugurwa ahoraho ku barimu, kugira ngo bashobore gukoresha neza ikoranabuhanga mu buryo bufite ireme mu myigishirize.

Muri iki kiganiro abatumirwa baragaragaza ibisubizo bihari hashingiwe ku ntego Igihugu cyihaye n’ibyo kimaze kugeraho mu guhuza amashuri na internet hamwe no kubaka ibyumba by’amashuri bishingiye ku ikoranabuhanga.

Uko REB ishyira imbere ishoramari mu bikorwa remezo by’ibanze, haba mu mashuri yo mu mijyi no mu cyaro.

Imbogamizi REB yahuye na zo mu gushyira mu bikorwa no kubungabunga ibikorwa remezo by’ikoranabuhanga hamwe n’uko zirimo gukemurwa.

Uko kwiyongera k’uburyo bwo kubona internet n’ibikoresho by’ikoranabuhanga byahinduye imikorere y’ishuri n’imyigire y’abanyeshuri.

Imbogamizi z’ibikorwa remezo bakomeje guhura na zo ku mashuri, n’ingaruka zigira ku myigishirize n’imyigire.

Uko amahugurwa ku barimu ku bijyanye n’ibikorwa remezo by’ikoranabuhanga yabaye ingirakamaro n’ubwoko bwayo bwagize akamaro kurusha ubundi.

Uko ba rwiyemezamirimo bashya mu ikoranabuhanga mu burezi, bakorana n’amashuri na Leta mu kunoza ibikorwa remezo by’ibanze

Akamaro n’uruhare rw’ishoramari ry’abikorera mu kwagura amahirwe yo kugera ku bikoresho by’ikoranabuhanga bifite ireme ku rwego rw’Igihugu.

Ibi hamwe ni ibindi ni kuri uyu mugoroba kuri KT radio, aho mushobora guhamagara abatumirwa mukabungura inama cyangwa se mukababaza ikibazo mu gihe batanze urubuga mu isaha iki kiganiro kimara, mushobora no kwandika ubutumwa mukabunyuza kuri email: edtechmondays@mastercardfdn.org.

Abavuga ibi by’umwihariko ni abacumbikiwe mu nkambi ya Nyabiheke iherereye mu Karere ka Gatsibo, bibumbiye muri Koperative Twisungane ikora ubuvumvu, bahuriyemo n’Abanyarwanda baturiye inkambi.

Ni koperative igizwe n’abanyamuryango 21 barimo impunzi 11 hamwe n’Abanyarwanda 10, bakaba bashobora guhakura ubuki bungana n’ibiro birenga 300 mu gihe cy’amezi atatu.

Abanyamuryango b’iyi koperative bavuga ko yatangiye igizwe n’impunzi, nyuma baza kwihuza n’abandi baturiye inkambi, bavuga ko uko kwihuza byabagiriye akamaro.

Daniel Cyiza ni umuyobozi wungirije wa koperative. Avuga ko kwihuza n’abanyagihugu byabafashije kutigunga.

Ati “Impunzi akenshi ziba zarahungabanye bitewe n’ibyo bagiye banyuramo, ariko twagize amahirwe abantu baza kudukangurira uburyo tugomba kwibeshaho, n’uburyo tugomba kwigira no kwibumbira hamwe, tukareba ko byatubyarira umusaruro, tudategereje ko UNHCR iduhereza mu biganza gusa. Twumvaga tudashobora guhuza n’Abanyarwanda, ariko uko twagiye tumenyerana, kugeza ubu tubanye neza kandi ibintu bimeze neza cyane.”

Saraphine Mujawamariya wo mu Murenge wa Gatsibo, avuga ko bataratangira gufatanya n’impunzi bumvaga nta hantu bahurira.

Ati “Abavumvu bo mu nkambi, ubu turasabana kandi abantu ntabwo bakishisha impunzi, turahura tukaganira, haba hari ibikorwa byiza bagize bakadutumira twese tugahurirayo.”

Olivier Majupo, avuga ko kwibumbira hamwe n’Abanyarwanda bibafasha kurushaho kugira imibereho myiza.

Ati “Ubu umubano wabaye umwe, icyerekezo dufite ni ugutera imbere tukagera kure, kubera ko uyu mushinga udufasha kwikura mu bushomeri, kuko iyi koperative iradufasha cyane cyane mu buryo bwo kubona amafaranga.”

Umuyobozi w’Akarere ka Gatsibo, Richard Gasana, avuga ko, uko bakurikirana koperative zitari mu bice birimo impunzi ari na ko bakurikirana iziri mu bice birimo impunzi.

Ati “Hari abakozi babishinzwe ku Murenge no ku Karere, haramutse habayemo imikorere itari myiza, tubifata nk’aho ari imikorere itagenze neza mu makoperative nyarwanda, ntabwo ari koperative z’abanyamahanga. Mu gihe bazaba basubiye iwabo ibikorwa byagezweho tuzabisigasira, ni kimwe n’ibyo dukorana n’imiryango mpuzamahanga, iraza igakora tugafatanya, iyo igiye dufata inshingano nk’ubuyobozi kugira ngo bya bikorwa remezo bikomeze bibyazwe umusaruro n’Abanyarwanda, bitazatuma hongera kubaho gushakisha ubundi bushobozi.”

Umuyobozi ushinzwe gahunda z’impunzi muri Minisiteri ishinzwe ibikorwa by’ubutabazi (MINEMA), Gonzague Karagire, avuga ko imishinga bategura ari ihuza abaturage n’impunzi.

Ati “Kubera ko inkambi ntabwo ibamo abantu bari ahantu habo bonyine, ni ngombwa ko babana n’abaturage b’aho ngaho, ibintu byose bigera ku baturage, bigera no kuri izo mpunzi ziri aho ngaho. Ni cyo tuba tuvuga, iyo tuvuga gushyira impunzi mu buzima bw’Igihugu, ni ukubana n’abaturage, babaho ubuzima bumwe, gukora ibikorwa bakabihuriraho. Kuba bakorana bitanga imbaraga kuri ba baturage ariko no ku mpunzi ubwazo, bakumva ko batari bonyine, bafatanyije n’abaturage, ariko n’Igihugu kibatekereza.”

Hashize imyaka irenga 30, mu Rwanda batangiye kwakira impunzi, kuri ubu muri rusange mu gihugu hakaba hacumbikiwe izirenga ibihumbi 137, zicumbikiwe mu nkambi esheshatu hamwe n’abandi bari mu nkambi z’agateganyo.

Igice cya mbere cy’imirimo yo kubaka ibitaro bya Ngarama cyararangiye

Ibitaro byubatse mu Murenge wa Ngarama, ahari hasanzwe ibitaro bya Ngarama, ariko bikaba byari bifite ibibazo byo gukorera ahantu hato, hatisanzuye, kandi inyubako zishaje ku rwego rw’uko bitari bikeneye kuvugururwa gusa uretse kubyubaka bundi bushya.

Leta y’u Rwanda ibinyujije muri Minisiteri Ishinzwe ibikorwa by’Ubutabazi (MINEMA) mu mushinga wayo ‘Jya Mbere’, uterwa inkunga na Banki y’Isi, yafashe icyemezo cyo kubisenya hubakwa ibindi bishya kandi bijyanye n’igihe, ku buryo igice cya mbere cyamaze kuzura hakaba harimo kubakwa icya kabiri.

Mu bitaro bya Ngarama bakira abarwayi bari hagati ya 150-180 bivuza bataha ku munsi, n’abandi bari hagati ya 130-150 bari mu bitaro kandi hari ibitanda 130 gusa, mu gihe ibitaro bishya byubatswe, igihe bizaba byuzuye neza, bizaba bifite ubushobozi bwo kwakira abarwayi baba mu bitaro, bikubye inshuro enye ku bo byari bisanzwe byakira.

Alphonsine Mukamazimpaka wo mu Murenge wa Ngarama, avuga ko yageze mu bitaro bya Ngarama agasanga ibihe byarahindutse agereranyije n’aho bari basanzwe bivuriza.

Ati “Natangajwe n’uko nabonye inzu igeretse kuko nibwo bwa mbere nari nyibonye, mpageze nahazengurutse, ariko ikintu cyanejeje, nagiye ngeze ku muryango banshyira mu cyuma (Elevator/ascenseur) kirankubita kiranzamura kingeza muri etaje hejuru, mpageze mpabona ibintu byiza cyane. Twishimira ko Leta ya Kagame yaduhaye iterambere, jye ntabwo i Kigali mpanzi ariko nageze muri iyi nyubako mbona nageze i Kigali, nanezerewe, nishimye, kuko aho twari turi twanyagirwaga, ariko ubu nta murwaza unyagirwa.”

Jean Marie Bwizere wo mu Murenge wa Kabarore, avuga ko uretse inyubako nshya zubatswe ahari hasanzwe ibitaro bya Ngarama, ariko na serivisi zisigaye zihatangirwa ari nta makemwa.

Ati “Mbere twakoreshaga amafishi, ukaba wahura n’umwaku ukayita kubona indi bikagorana, ikindi ni ku mafaranga, Wazaga witwaje igipfunyika bakaba banayakwiba, ariko ubu ni kuri telefone. Ibijyanye n’inyubako wasangaga imbere nta n’ibikoresho birimo, n’inyubako ugasanga twicara ku ntebe z’imbaho, ariko ubu turishimira serivisi nziza turimo kubonera kwa muganga, dutekereza ko n’abaganga barimo bafite ubumenyi buhagije bitewe n’ibikoresho umuntu aba areba.”

Si abivurizza i Ngarama gusa bishimira serivisi nziza basigaye babonera ku bitaro kuko n’abivuriza mu bitaro bya Kirehe, nyuma yo kubyagura, bavuga ko serivisi basigaye bahabwa zarushijeho kuba nziza.

Laurence Nyirangeyo wo mu Murenge wa Nyamugari ati “Ibitaro barabyaguye biba binini, baduhera serivisi ku gihe ku buryo nta murwayi basubiza inyuma kandi serivisi zikagenda neza. Mbere abantu barabyiganaga ari benshi, none ubu buri cyumba n’abarwayi bacyo. Turashimira Leta ko yagize neza, ikaduha ibitaro, abaganga batwitaho, nta kibazo serivisi baraziduha.”

Batemberejwe inyubako nshya y’ibitaro bya Ngarama

Umuyobozi Mukuru w’Ibitaro bya Ngarama, Dr. Jean Bosco Nzambimana, avuga ko hari impinduka zabayeho ugereranyije na mbere.

Ati “Twagiraga ahantu hato hatisanzuye, ugasanga rimwe na rimwe abarwayi turabegeranya harimo n’abaryamana ku gitanda, igice cya mbere kimaze kuzura, abantu twabimuriyemo, ariko abantu barakirwa neza, ahantu hisanzuye, umuturage arakirwa neza, kandi tukaba dufite icyizere ko icyiciro cya kabiri nikirangira bizarushaho kuba byiza cyane.”

Umuyobozi Mukuru w’Ibitaro bya Ngarama, Dr. Jean Bosco Nzambimana, avuga ko ubu abarwayi bakirirwa ahantu heza, hisanzuye

Umuyobozi w’umushinga Jya Mbere, Frank Ngoga, avuga ko baguye ibitaro bya Kirehe, banubaka ibya Ngarama hamwe no kwagura ikigo nderabuzima cya Nyarubuye kikava ku rwego kiriho, kikagera ku rw’ibitaro.

Ati “Byagaragaye ko hari ibitaro nka Ngarama bishaje bikeneye kuvugururwa, ni na yo mpamvu byatoranyijwe kugira ngo bivugururwe, bizamurirwe urwego, hajyamo n’ikoranabuhanga rishya, hanyuma n’impunzi zegereye ibyo bitaro zikaboneraho hamwe n’abaturage batuye muri utwo Turere, kugira ngo babone izo serivisi mu buryo bworoshye.”

Umuyobozi w’Akarere ka Gatsibo, Richard Gasana, avuga ko ibitaro bya Ngarama bijyanye n’icyerekezo cy’Igihugu.

Umuyobozi w’Akarere ka Gatsibo, Richard Gasana, ashima ko muri ako Karere bubakiwe ibitaro bijyanye n’icyerekezo cy’Igihugu

Ati “Ni ibitaro bya kijyambere bigiye kuzaha isura nziza urwego rw’ubuzima, bikazarangira ari ibitaro bijyanye n’icyerekezo cy’Igihugu. Igice cya mbere cyararangiye, turateganya ko mu Kwakira, icya kabiri kizaba cyarangiye.”

Imirimo yo kubaka ibitaro bya Ngarama mu byiciro byose izarangira itwaye Miliyari zirenga 16 Frw habariwemo n’ibikoresho bizatangwamo, mu gihe ibya Kirehe byuzuye bitwaye arenga Miliyari 3 Frw harimo n’ibikoresho.

Ibitaro bya Ngarama byakira abarwayi barenga ibihumbi 200 mu kwezi barimo abaturuka mu Turere twa Nyagatare na Gicumbi hamwe n’abo mu ka Gatsibo byubatsemo.

Icyo ibitaro bya Kirehe bihuriyeho n’ibya Ngarama ni uko byose byakira abarwayi barimo n’impunzi zicumbikiwe mu Rwanda.

Ni ibitaro bifite ikoranabuhanga rigezweho

Biteganyijwe ko imirimo yo kubaka igice cya kabiri cy’ibitaro bya Ngarama izarangira mu Kwakira 2026

Ibisabwa uruganda byose byamaze kugezwamo

Ni koperative yatangiye mu 2023, iherereye mu Karere ka Gatsibo, ikaba igizwe n’abanyamuryango 446 barimo impunzi 222 n’Abanyarwanda 224, bakora imirimo y’ubuhinzi bw’ibigori na Soya, bahinga ku buso bwa hegitari 25 ziri mu gishanga cya Rucumbo.

Abanyamuryango bayo bavuga ko mbere yo kwibumbira muri koperative, batari baziranye kandi baturanye, kuko bamwe bari batuye mu nkambi n’abandi bayituriye, ariko nyuma yo kwishyira hamwe bikaba byarazamuye imibanire hagati yabo, binabagurira ibitekerezo mu gukora no kwiteza imbere, bitewe no guhuza ibitekerezo.

Impunzi z’Abanyekongo zigize iyo Koperative zivuga ko kwibumbira hamwe n’Abanyarwanda bungukiyemo ubumenyi burimo kumenya guhinga kijyambere.

Susan Nyakundwa ni umunyamuryango wa koperative umaze imyaka 18 mu nkambi ya Nyabiheke. Avuga ko kuba barahurijwe muri koperative n’Abanyarwanda, byatumye bava mu bwigunge kuko hari igihe batabonaga uko bahura n’abandi batari impunzi.

Susan Nyakundwa, umunyamuryango wa koperative umaze imyaka 18 mu nkambi

Ati “Ikindi ni uko hari icyo byagiye bitwunganiraho mu mibereho yacu nk’impunzi, tunashimira Leta y’u Rwanda yabonye ko natwe tugomba gukora, tukabona icyo dukora, ubu ahubwo ubutaka bukaba ari bwo butangiye kutubana buto. Ubu hari amafaranga tubona, tukagira ayo dushyira mu itsinda, bigatuma twiteza imbere mu matsinda. Abanyarwanda hari icyo twabigiyeho, tubaboneraho ubumenyi bwo guhinga, kuko uko twahingaga muri Congo, ntitwakoreshaga ifumbire, twarahingaga gusa tugatera, guhinga kijyambere twabyigiye hano.”

Kayitare Shema na we ni impunzi yageze i Nyabiheke mu 2008, aturutse i Masisi muri RDC. Avuga ko mbere bari babayeho mu bwigunge bwatumaga badatekereza mu buryo bwagutse.

Shema wahungiye mu Rwanda 2008

Ati “Ariko nyuma y’aho tugiriye muri iyi koperative twungutse inshuti z’abaturanyi b’Abanyarwanda, tugenda tubungukiraho ubumenyi butandukanye. Ntitwari tuzi guhinga ku buso buto ngo tubutunganye, no guhinga neza bya kijyambere ntabyo twari tuzi, ariko ibyo byose twarabyungutse, tubikesha Leta yabigizemo uruhare, ifatanyije n’umuterankunga HCR.” Ubu ngubu dufite ubumenyi bwo gutunganya ubutaka, tukamenya guhinga ku murongo, guhuza ubutaka, tukamenya imbuto nziza, gutunganya umusaruro. Ibyo byose tubikesha Leta yabigizemo uruhare.”

Umuyobozi w’iyo koperative, Samuel Nsanzabahizi, avuga ko mu gihe cy’imyaka itatu bagiye kumara bibumbiye hamwe, bageze ku musaruro wa toni 140 z’ibigori, bavuye kuri toni 80 batangiriyeho.

Ati “Nubwo itamaze igihe kinini, ariko ni koperative ihagaze neza, ikataje mu rugendo rw’iterambere, kuko hari ibikorwa byinshi tumaze kugeraho, twumva dushaka gukomeza kandi kurushaho, ku buryo mu minsi iri imbere umunyamuryango wa koperative azaba ahagaze neza, nibura umwaka uzajya ushira tukagira icyo tumugenera kandi cyavuye mu musaruro wa koperative.”

Yungamo ati “Tumaze kubaka uruganda rufite ubushobozi bwo kuzajya rutunganya toni eshanu z’ibigori ku munsi. Navuga ko imirimo yarwo igeze nko kuri 90%, kuko hamaze kugeramo imashini, inyubako yararangiye, ikintu gisa nkaho ari imbogamizi ni umuriro utarahagera. Ni uruganda ruzaba ruhagaze Miliyoni 210frw.”

Biteganyijwe ko uru ruganda rwazatangira gukora muri Mata, mu gihe imirimo yo kuhageza umuriro w’amashanyarazi yaramuka igenze neza.

Ibikorwa byose bya Koperative Duhuze Imbaraga Gatsibo, bihagaze agaciro k’amafaranga y’u Rwanda arenga miliyoni 500.

Leta y’u Rwanda yahisemo kudaheza impunzi muri gahunda zirimo ubuzima, uburezi, guhabwa ibyangombwa by’indangamuntu, imari hamwe n’imirimo ibyara inyungu.

Uko kudaheza impunzi, bituma umubare w’izigira ubushobozi bwo kwigira no kwitunga wiyongera, bikongera ubudahangarwa bw’ubukungu, bigateza imbere imibanire myiza no gusabana kw’impunzi n’Abanyarwanda bazakiriye.

Umuyobozi ushinzwe ibikorwa by’impunzi muri Minisiteri ishinzwe ibikorwa by’Ubutabazi (MINEMA), Gonzague Karagire, avuga ko bafite ibikorwa binyuranye bigamije gutuma impunzi zisanga mu buzima bw’Igihugu.

Ati “Icy’ingenzi muri byose ni uko impunzi tuzifata nk’uko dufata n’Abanyarwanda baturiye inkambi mu gihe bakeneye serivisi, ahari amahirwe bagomba kubona, ari impunzi ari n’abaturage baturiye inkambi, byose babigireho uburenganzira.”

Inkambi ya Nyabiheke icumbikiye impunzi zirenga ibihumbi icumi, zaturutse muri Repubulika Iharanira Demokarasi ya Congo (RDC).

Impunzi zicumbikiwe mu Nkambi ya Mahama, zishimira Gas zo gutekesha bahawe, byabakijije kugirana amakimbirane na bagenzi babo bo hanze y’inkambi, bajyaga gutemera amashyamba bashaka inkwi.

Guhera mu 2017 Leta y’u Rwanda yafashe icyemezo cyo guhagarika icanwa ry’amashyamba mu nkambi, hagamijwe kugera ku ntego ya Leta, y’ishyirwa mu bikorwa rya gahunda ya Guverinoma y’Icyiciro cya kabiri cya gahunda y’Igihugu yo kwihutisha iterambere 2024-2029 (NST2), iteganyijwemo ko u Rwanda ruzagabanya imyuka ihumanya ikirere ku kigero nibura cya 38%.

Ibi bikubiye mu masezerano mpuzamahanga y’i Paris (Paris Agreement) u Rwanda rwasinye yo guhangana n’ingaruka z’imihindagurikire y’ibihe no guteza imbere ubukungu butangiza ibidukikije.

Abatuye mu nkambi bavuga ko mbere yo guhabwa gas, bahuraga n’imbogamizi zitandukanye zirimo kubura inkwi batekesha, rimwe na rimwe bakaburara, n’abazibonye bigasiga bibashamiranyije na bagenzi babo b’Abanyarwanda baturanye n’inkambi.

Pélagie Nyirabagande, ni umwe mu mpunzi z’Abarundi zicumbikiwe mu nkambi ya Mahama, avuga ko mbere bagiranaga amakimbirane n’Abanyarwanda baturiye inkambi bitewe n’uko bajyaga gushaka inkwi mu masambu yabo.<

Ati “Twagiranaga amakimbirane, kubera ko wavugaga uti ngiye kuburara, ukagenda ugatashya udukwi mu isambu ye, yagusangamo akagukubita akakugirira nabi, ariko ubu gas ni ukuri yadukemuriye ikibazo hano mu nkambi kuko ntabwo bigorana nk’inkwi kubera ko bamwe twari twararwaye amaso.”

Leocadie Karimumbere nawe ni impunzi y’Umurundi icumbikiwe mu nkambi ya Mahama, akaba avuga ko gas ibafasha mu buzima bwabo bwa buri munsi ugereranyije na mbere batarazihabwa.

Ati “Mbere twari dufite ibibazo kuko hari igihe twaburaraga, cyangwa tukagenda ahantu h’amasaha nk’atatu mu gikumba cya Leta tugakuramo ibiti, byakunanira ukaburara. Mu gihe cy’imvura hari igihe waryaga cyangwa ukaburara. Bagize neza nta wabagaya, kuko baraturuhuye, urabona kugenda amasaha atatu, twe turashaje byaratunaniraga. Ubu badutereye ibiti mu nkambi byarakuze, ariko iyo tuba tugicana inkwi tuba twarabitemye bashaka bakatwica.”

Umuyobozi w’Impunzi mu Nkambi ya Mahama, Rev. Pst. Jean Bosco Kwibishatse, avuga ko buri muryango mu nkambi ugenerwa icupa rya gas ry’ibilo 6, ariko iminsi yo kuyitekesha ikagenwa n’umubare w’abagize umuryango.

Ati “Iyo ari umuntu umwe agira igihe kirekire, iyo ari umuryango w’abantu babiri, bagenda bagabanya bijyanye n’umuryango uko ungana. Baraza bagatega, bagahabwa gas, bakagenda, igihe cyagera cyo kugaruka gutega, akajya ahari abakozi ba HCR, aba afite ifishi baba baramuhaye, bagashyiraho itariki y’uwo munsi ajye kuyifatiraho n’igihe azagarukiraho. Buri wese aba azi itariki azaza gufatiraho gas. Ni uko abantu babona gas mu nkambi nta kibazo, bikabafasha.”

Umuyobozi Ushinzwe gahunda z’impunzi muri Minisiteri Ishinzwe ibikorwa by’Ubutabazi (MINEMA), Gonzague Karagire, avuga ko Leta yarebye igasanga impunzi nazo zikwiye kwinjizwa muri gahunda yo kurengera ibidukikije kuko ari ikintu cy’ingenzi.

Ati “Mahama kuba icana gas, ni ikintu cy’ingenzi atari ukurengera ibidukikije gusa ahabwo no ku buzima bw’abo bantu, kuko gucana inkwi nabyo ubwabyo bifite imbogamizi ku rwego rw’ubuzima. Kuba impunzi zicana gas ni mu rwego rwo kurengera ubuzima bwazo, ibidukikije no ku mashyamba yatemwaga. Ariko ikigamijwe ni uko, uko Abanyarwanda babona ibyiza ari nako n’impunzi ibyo byiza biba bigomba kubageraho.”

Umuyobozi w’Akarere ka Kirehe, Bruno Rangira, avuga ko ibikorwa byo gutanga gas mu nkambi byafashije cyane kiriya gice cyafatwaga nk’ubutayu.

Ati “Kugira ngo babone ibicanwa bacana buri munsi wasangaga ari ikibazo gikomeye, ku buryo wasangaga hamwe na hamwe hari abajya kurimbura amashyamba, ariko gas imaze gutangwa byafashije kugira ngo babone izo ngufu zo gukoresha mu ngo zabo, ariko binafasha guhagarika kwangiza bya bidukijije byangirizwaga. Muri rusange ubona n’ibikorwa byazanye n’iyo gas haba gutera ibiti mu nkambi no mu nkengero zayo byafashije mu guhindura imiterere y’ibidukikije mu Karere kacu.”

MINEMA ivuga ko icanwa ry’amashyamba mu nkambi zose ryahagaritswe mu 2017, ubu ahacumbikiwe impunzi hose batagikoresha inkwi, kuko bacana gas, buriketi (briquette) na Peretisi (pellets).

Mu Rwanda habarirwa impunzi zirenga ibihumbi 138, ziri mu nkambi zitandukanye hirya no hino mu gihugu no mu mijyi.

Uyu mukobwa w’imyaka 17, yiga mu mwaka wa gatanu w’amashuri yisumbuye, mu bijyanye n’Imideli n’Ubudozi (Fashon Design) mu ishuri rya Musaza TSS, riherereye mu Karere ka Kirehe.

Avuga ko yahisemo kwiga ibijyanye n’Imideli n’ubudozi kubera ko yifuza kuzatuma abantu barushaho kugaragara neza, kuko uko umuntu yambaye bituma arushaho kugaragara neza.

Ati “Uko wambaye bisobanura neza icyo uri cyo, tubyita ‘first impression’. Uko umuntu akubona akikubona bwa mbere, arebera kuko wambaye, bikajyana n’icyubahiro aguha ndetse n’agaciro aguha. Numva rero nifuza kuzatuma abantu bagaragara neza biri ku rwego rwo hejuru.”

Ganza avuga ko kuba abana b’impunzi bahabwa amahirwe by’umwihariko ayo kwiga nk’abandi bana b’abanyagihugu, batarobanuwe cyangwa ngo batotezwe, ari umugisha bagiriwe, kandi agomba kuzitura Igihugu.

Ati “Ni nk’umugisha nabagiriyeho wo kunteza imbere no kumfasha muri rusange. Dufatwa neza kimwe n’abandi, turya bimwe. Nza hano twabanjye kwiga mu bigo bya Mahama, twigana n’inzindi mpunzi ngenzi zacu, bigatuma niyumva nkaho ndi umuntu ucishijwe bugufi w’impunzi, mporana ipfunwe.”

Yungamo ati “Ubu ngubu niyumva nkaho ndi mu rugo, Igihugu cyanjye ari u Rwanda ndetse nzakora cyane kugira ngo ngiteze imbere, kuko kwiga muri ibi bigo bituma tutumva ko duhejwe, bigatuma twumva ko turi mu muryango natwe kandi witeguye kutwakira. Ikindi ni uko niyo dusohotse hano duhabwa akazi kubera ko ahantu hose tuba twemerewe kuhagera.”

Avuga ko mbere yifuzaga kugira inshuti z’abana b’Abanyarwanda, akagira abana bangana baganira, akabisanzuraho, bakajya basurana.

Kuri ubu, ngo intego y’ejo hazaza ya Ganza, ni ukuzaba umuntu ukomeye uteye Igihugu ishema.

Ati “Nifuza kuzaba umuntu ukomeye, kandi uteye iki gihugu ishema, nifuza kuzambika Perezida wa Repubulika w’iki gihugu (Rwanda), akambara umwenda wanditseho ‘Ganza Fashion Design’.”

Ababyeyi ba Ganza bahungiye mu Rwanda mu 2012 bavuye muri RDC.

Ishuri rya Musaza TSS, ryigamo abana b’impunzi zicumbikiwe mu nkambi ya Mahama 60, biga mu mashami atandukanye.

Ni ahantu yabaye mu buzima bugoye kuva akigera mu Rwanda, bitewe n’imibereho yaho itari yoroshye muri icyo gihe. Icyakora yakomeza kugenda arwana n’ubuzima, ariko aza kubitambukamo neza bitewe n’inkunga ikomatanyije y’Ishami ry’Umuryango w’Abibumbye ryita ku Mpunzi (UNHCR) na Leta y’u Rwanda.

Mu ntangiriro, Habimana n’abandi bari bahunganye bagenerwaga ibyo kurya, ariko nyuma baza kongererwaho amafaranga bahabwaga buri kwezi bakajya kwishakira ibizabatunga.

Habimana avuga ko yagize amahirwe akabona akazi kamuhembaga amafaranga y’u Rwanda ibihumbi 18, aza kwiyongera agera ku bihumbi 26, nuko akagenda azigama macye macye kugeza igihe yatangiriye kwikorera.

Yagize ati“Ejo bundi nibwo haje umushinga bareba abantu batera inkunga bafite imishinga mito ndetse n’abafite ibitekerezo byo gutangira gucuruza. Bampaye amafaranga ibihumbi 800. Babanje kuduhugura, batwigisha gucunga amafaranga, nibwo natangiye gucuruza. Imana yaramfashije amafaranga arunguka, ngira igitekerezo, nza muri MINEMA, ndabaza nti hari aho mwambonera ikibanza nkubaka inzu ngakora, babimfashijemo banyereka aho kubaka.”

Yungamo ati “Iyi nzu ubona (iyo acururizamo), yavuye muri ya mafaranga, nayiyubakiye ku giti cyanjye ikaba ihagaze miliyoni 2. Ubu ngereranyije mfite igishoro cya miliyoni nka 12, ngereranyije mu kwezi nshobora kwinjiza nk’ibihumbi 80 by’inyungu kandi igishoboro ngifite.”

Uyu mugabo wageze mu Rwanda yumva ko ubuzima butazakunda bitewe n’uko yari ahunze mu gihugu cye cy’amavuko akiza amagara ye, kandi akahagera nta kintu na kimwe afite, avuga ko afite ishimwe ku Rwanda rwamwakiriye.

Ati “Ishimwe rya mbere mfite ni umutekano. Twe dukurikirana cyane amakuru abera mu bihugu bituranyi ku mpunzi, ariko uyu munsi nshobora kuva hano (Mahama mu nkambi), nkajya i Kigali mu ijoro mfite igikapu cyuzuye amafaranga nta n’uwantera ibuye. Ikindi ni uko nta gihugu ndumva kirafata amafaranga ngo gihe impunzi, kuko jye nakiriye ibihumbi 800 bidasubizwa, sinibaza ko hari ikindi gihugu kirabikora.”

Yongeraho ati “Iryo ni ishimwe tugomba gushimira u Rwanda. Uwo Imana yafashije akabona ayo mafaranga yaramufashije kandi azakomeza amufashe kwiteza imbere. Urebye ukuntu twahunze umutekano umeze, uyu munsi tukaba turyama tugasinzira, nta muntu n’umwe wareka kubishima.”

Yifuza gukora ubucuruzi mpuzamahanga

Habimana avuga ko yifuza kugera ku rwego rwo gukora ubucuruzi mpuzamahanga aho agira ati “Imana imfashije nkabona amafaranga ahagije nashinga uruganda rukora ibiryo, kuko nka Kawunga ducuruza hano, iyo urebye inziza iba iva nka Uganda, ugereranyije iya hano na Uganda uba ubona harimo itandukaniro, Nifuza ko niyo naba nsubiye i Burundi nazashinga uruganda kandi atari rwa rundi rukorera hamwe ahubwo rufite amashami. Nicyo nifuza.”

Kudahezwa mu bikorwa bitandukanye byo mu gihugu, ni kimwe mubyo Habimana avuga ko byamufashije gutinyuka, kuko yagize n’amahirwe agasanga umuco n’ururimi by’Abanyarwanda bidatandukanye cyane n’iby’iwabo mu Burundi.

Umuyobozi ushinzwe ibikorwa by’Impunzi muri MINEMA, Gonzague Karagire, avuga ko ubucuruzi bw’impunzi bushingiye ahanini ku kuba badahezwa mu bijyanye n’imari, aho bafashwa kugera ku bukungu n’uko Abanyarwanda bacuruza.

Ati “Tugamije kugira ngo impunzi zigire ubushobozi, kugira ngo mu gihe n’iyo nkunga basanzwe bafata izaba idahari bazabe bashobora kwibeshaho.”

Mu nkambi ya Mahama, habarirwa impunzi 72,340, zituruka mu bihugu 14, birimo ibyo ku migabane ya Aziya n’ahandi mu bihugu bitandukanye byo muri Afurika, byiganjemo u Burundi na RDC.

Kudahezwa byatumye abakora imirimo y’ubworozi 128, bibumbura muri Koperative Indashyikirwa yo mu nkambi ya Mahama mu Karere ka Kirehe, bafashwa kubakirwa ibiraro.

Umuyobozi w’iyo Koperative, Nzayikorwa Rwamuningi Mon ami, avuga ko batangiye mu 2015 ari aborozi bake bafite inka zitagera mu 10, bakaba bamaze kugera ku nka 505, zitanga umukamo wa litiro nibura 2500 ku munsi, nyuma yo kubakirwa ibiraro bya kijyambere.

Yagize ati “Biradushimisha iyo tubona turi muri Leta imeze itya idaheza, kuko urabona ko tworoye mu buryo n’undi Munyarwanda yoroyemo. Ikindi kandi dufite uburenganzira dufite bungana n’ubw’abanyagihugu. Yego turi impunzi, ariko iyo dusohotse nta wushobora kudutandukanya n’abanyagihugu, kuko ntaho duhezwa.”

Gilbert Harindintwari, impunzi mu nkambi ya Mahama, avuga ko kudahezwa ari kimwe mu bibatera imbaraga.

Agira ati “Abanyarwanda iyo ubasabye icumbi, baragucumbikira, wabasaba akazi bakakaguha, ugakora nta kibazo."

Guha impunzi amahirwe yo kwinjira mu buzima busanzwe bw’Igihugu, bibafasha kuba kugeza ubu abanyeshuri barenga ibihumbi 45 hirya no hino mu gihugu bigana n’Abanyarwanda mu byiciro byose.

Ange Ishimwe, umwe mu banyeshuri b’impunzi biga mu mwaka wa mbere w’ayisumbuye, avuga ko bigana n’abandi batari impunzi mu ishuri kandi nta gikorwa na kimwe bahezwamo.

Yagize ati "Hano ntibaduha ubumenyi gusa ahubwo baranaturera.”

Minisiteri ishinzwe ibikorwa by’Ubutabazi (MINEMA), ivuga ko hari ibikorwa bitandukanye bifasha impunzi kwisanga mu buzima bw’Igihugu.

Mu Rwanda habarirwa impunzi zirenga ibihumbi 138 zirimo ababa mu nkambi no mu mujyi.

Ibikorwa remezo by’imihanda, amavuriro n’amasoko ndetse n’ibikorwa by’imyidagaduro biri hose mu nkambi no hanze yazo. Impunzi kandi zihabwa ibyangombwa biziranga (Identification documents): Ikarita y’Impunzi, Pasiporo, n’ibyemezo by’amavuko.

Impunzi zemerewe kujya aho zishaka hose mu gihugu no hanze yacyo no gukora ibikorwa binyuranye. Impunzi zivuza nk’uko Abanyarwanda bivuza, zikagira uburenganzira bwo gukora ubucuruzi hamwe n’uburenganzira bwo gushaka akazi.

Abarenga 90% by’abari bagize izo ngabo z’Abadage b’Abirabura bari Abayisilamu. Nguko uko Abayisilamu bageze mu Rwanda.

Irindi tsinda ry’Abayisilamu ryinjiye mu Rwanda mu 1901, rikaba ryari rigizwe ahanini n’abacuruzi b’Abarabu n’Abaswayili babo.

Muri biriya bihe, Abaswayili bari Abirabura bavutse ku miryango y’Abarabu bashakanye n’Abanyafurika. Ni naho ururimi rw’Igiswahili rwakomotse.

Itsinda ry’aba rero, ryagaragaye bwa mbere i Nyanza, ari naho hari urugo rukuru rw’Umwami.

Mu 1907 nibwo Kigali yagizwe Umurwa Mukuru w’Ubutegetsi bw’Abadage, iyoborwa n’uwitwa Richard Kandt.

Icyo gihe, Abayisilamu bari i Shangi n’abari i Nyanza baje gutura mu murwa mukuru (Kigali), maze batangira kumenyana bashinga umuryango remezo wa mbere w’Abayisilamu (Jamaa’a) mu Rwanda.

Kimwe mu byari bibashishikaje bya mbere ni ugushaka aho bajya bahurira, ari nabwo batekereje uko bakubaka umusigiti, nuko bawubaka mu Mujyi rwagati ahazwi nko ku Iposita uyu munsi, mu kibanza bahawe n’Umuhinde witwaga Barakat Ali, na we wari Umuyisilamu.

Ni umusigiti watashywe ku mugaragaro ku wa 2 Ukuboza 1913, ari na rwo rusengero rwa mbere rwubatswe muri Kigali no mu Rwanda hose muri rusange, ukaba wari ufite metero 9 kuri 5.

Uyu musigiti wagiye uvugururwa n’uyu munsi urahari, ukaba witwa Masjid Madina. Uyu mnusi ugizwe n’amagorofa atatu, ari nawo munini mu Rwanda kuko ushobora kwakira abantu barenga ibihumbi bibiri.

Bitandukanye n’andi madini yinjiye mu Rwanda mu buryo bw’ibwirizabutumwa riteguye, Islam yinjiye mu Rwanda mu buryo budateguye. Haje Abayisilamu bisanga mu Rwanda ku bw’impamvu zindi zitari iyogezabutumwa.

Uko Abanyarwanda bisanze mu Buyisilarmu

Kugira ngo Abanyarwanda bagerweho n’Ubuyisilamu byanyuze muri aba Banyamahanga, ubwo batangiraga gushakana n’Abanyarwandakazi bashinga umuryango, bituma na bamwe mu bavandimwe b’abagore babo bahitamo kuyoboka iryo dini.

Indi nzira yagejeje Abanyarwanda mu buyisilam ni ubucuruzi, bitewe n’uko bamwe mu babugejeje mu Rwanda bwa mbere bari abacuruzi, baza kugera aho ubucuruzi bwigaranzura kugurana byari bisanzwe bikorwa n’Abanyarwanda nk’uburyo bwo kubona icyo udafite.

Ubucuruzi bwakorwaga n’Abarabu n’Abahinde bari biganjemo Abayisilamu bwaje kwiganza bugaragara ko ari ubw’abasirimu, bituma benshi babwitabira.

Abayisilamu bafashwe nk’itsinda ryihariye bashyirwa mu nkambi

Nubwo Abadage batakundaga bayisilamu barabihanganiraga, ariko ubwo Abakoloni b’Ababiligi bari bamaze gusimbura Abadage mu 1916, bazanye n’imiyoborere mishya y’ubukoloni, batangira kuyitegekesha u Rwanda.

Bageze mu Rwanda basa nkaho bafite Politike yo gusiba Ubuyisilamu mu bihugu bategekaga birimo n’u Rwanda, ku buryo mu 1924, umuyobozi w’Ababiligi wari ushinzwe ibikorwa bya politiki n’ubukoloni mu karere ka Ruanda - Urundi, Alfred Frédéric Gérard Marzorati, yandikiye abayoboraga koroni z’Ababiligi, abategeka gusiba Ubuyisilamu mu duce twabo.

Ibyo byatumye bashyiraho amategeko abangamira Abayisilamu, kuko mu 1925, hagiyeho iteka rya Minisitiri w’Ababiligi, Nº 38, rya tariki 18 Kamena 1925, rishyira Abayisilamu mu nkambi (Camp Swahili).

Izi nkambi zari zimeze nka gereza. Abayisilamu bagombaga kubamo, abarimo bakamenyekana, bakabuzwa kuzirenga ndetse bagahabwa n’ibyangombwa bakamenyekana.

Inkambi (Camp Swahili) ya mbere yatujwemo Abayisilamu mu 1925, yari mu Mujyi wa Kigali. Batujwe imbere y’umusigiti, (ubu ni ahazwi nko ku iposita), bakagenda bagafata ahazwi uyu munsi nko ku Nkuru nziza, bagakomeza bakamanuka kugera ahari feruge (feux rouge/Traffic lights) zo mu Gakinjiro.

Mu 1937 nibwo Abayisilam batangiye kwimurirwa mu Biryogo

Nyuma y’imyaka 12 batujwe mu nkambi yo mu Mujyi, haje gusohoka irindi teka ry’Ababiligi, ribahakura riberekeza mu Biryogo.

Al Hadji Sudi Munyantwali ni umusaza w’imyaka 80, wavukiye ndetse agakurira mu Biryogoi. Avuga ko yibuka neza aho iwabo bari batuye mu nkambi yo mu Mujyi.

Agira ati “Kugira ngo bashire mu Mujyi, bagiye bimuka buhoro buhoro, abanyuma bavuyeyo mu 1940, ni naho bubatse uriya musigiti wa Onatracom (Masjid Al fat’h), kuko kujya mu Mujyi byari bisigaye ari kure, ariko hari abakomeje kuhasengera cyane cyane ku wa Gatanu. Uko niko baje mu Biryogo.”

Icyo gihe batuzwa mu Biryogo, hari ibibanza bigera kuri 469, biri mu mihanda ine, aho umuntu yavuga ko uyu munsi ari ku muhanda uturuka mu Mujyi ukanyura munsi y’umusigiti wa Onatracom, uwa ruguru yawo uva i Nyamirambo werekeza mu Mujyi, undi ukurikiyeho w’ahazwi nko mu Marangi hamwe n’undi wo kwa Nyiranuma, ariko byose bikarangirira aho ibisate bibiri by’imihanda iva mu Mujyi n’ijya mu Mujyi yongera guhurira werekeza kuri 40.

Mu 1954 inkambi yo mu Biryogo yaraguwe ishyirwaho ikindi gice cy’ahazwi nko kuri 40, harimo n’umuhanda wo munsi y’uriya uri munsi y’umusigiti wa Onatracom uturuka mu Mujyi, unyura ku musigiti uzwi nk’uwa Majengo ukagenda ukagera ku ishuri ry’Intwali.

Ishuri ry’intwari

Mu 1959/60 inkambi ya Biryogo yongeye kwagurwa hakatwa indi mihanda igera kuri itandatu, irimo uwa Paul VI, uwo kuri St Etienne, ku Isoko, ugana ku musigiti wo mu Biryogo, uw’inyuma yawo hamwe n’uwo munsi y’Isoko, n’undi umanuka uvuye ahahoze Grace Hotel umanuka uteganye n’uwo kwa Nyiranuma.

Aho mu nkambi bari bafite amategeko yihariye arimo kuba uwagomba kuba mu nkambi yaragombaga kuba ari umuyisilam banashyirirwaho amategeko abagenga mu nkambi kuko bagombaga kugengwa n’ubutegetsi bw’Ababiligi batarebwa n’amategeko y’Umwami yagengaga abandi Banyarwanda.

Umusaza Al Hadji Munyentwali ati “Bagombaga kugengwa n’ubutegetsi bw’Ababiligi ku buryo batarebwaga n’amategeko agenga abandi baturage bose b’u Rwanda, kuko abandi basigaye inyuma y’inkambi bagengwaga n’amategeko y’ubutegetsi bw’Umwami.”

Yungamo ati “Inkambi ya Camp Swahili ya Kigali yari muri sheferi ya Bwanacyambwe, shefu wa Bwanacyambwe ntabwo yabagengaga kandi ari Abanyarwanda. Ntibakoraga imirimo yategetswe abandi Banyarwanda, ntabwo yabarebaga. Ntibanagombaga kurenga inkambi badafite uruhushya ruhabakura, igihe abandi Banyarwanda bagendaga mu gihugu uko bashaka.”

Urwo ruhushya rwagombaga kuba rwanditse kandi bakaruhabwa n’umuyobozi cyangwa komiseri ushinzwe inkambi.

Al Hadji Minyentwali arakomeza ati “Iyo umuntu ugenewe kuba mu nkambi bamufatiraga nka hariya Kicukiro n’ahandi wenda atuye mu Biryogo, baramufungaga, kuko nta ruhushya yabaga afite. N’abandi Banyarwanda ntibari bemerewe kwinjira muri izo nkambi, kwinjiramo no gusohokamo byagombaga uruhushya.”

Arongera ati “Hari uburyo wabasabaga uruhushya, hari igihe bavugaga ngo umuswayile ni umuntu w’abazungu kuki ushaka kujya iriya mu bashenzi, wowe uri umusirimu urambara ukaberwa, bariya baracyambara impu, urajya kubakoramo iki bariya banyamwanda. Bakababuza no kujya gusura benewabo. Byari ikibazo gikomeye.”

Ikindi ni uko hari amasoko abayisilam batari bemerewe kurema kugira ngo bategera abandi Banyarwanda bakabanduza ubuyisilamu, ikindi bagategekwa gutanga umusoro ku mugore wa kabiri bashakaga kuko idini yabo yabemereraga gushaka umugore urenze umwe.

Ikindi ni uko Abayisilamu batari bemerewe kwiga, kuko kugira ngo umwana w’umuyisilam yige yagombaga kwemera kubatizwa, kubera ko amashuri yari ahari icyo gihe yari ashingiye ku myemerere y’Abagatolika, harimo Sainte Famille yigagamo abahungu gusa hamwe na EPA yigagamo abakobwa.

Nubwo bafashe icyemezo cyo kubaka amashuri yabo arimo iry’i Mugandamure mu Karere ka Nyanza ryubatswe mu 1951 (Ubu ni ahari ishuri ribanza rya Kavumu) n’iryitwaga Ecole Swahili de Kigali, nyuma rikaza kwitwa n’Umwami Rudahigwa, Ecole Rwandaise Intwali de Kigali (Ubu ni ahazwi nko ku Ntwali), naryo ryuzuye mu 1951, ariko nta buzimagatozi yigeze ahabwa.

Camp Swahili yaje kongerwaho Camp Belge, yatuzwagamo abari abakozi b’Ababiligi nyuma izo nkambi zombi ziza kurema ikindi kintu cyitwa City Indigene (ba kavukire b’umujyi),
Izo nkambi zombi zagiraga Inkiko zazo zihariye zirimo urw’Ibanze n’uw’Ubujurire. Ubwo buyobozi n’izo nkiko byavuyeho muri Kamena 1960, hanyuma inkambi z’Abayisilamu zose mu Rwanda zitangira kubungabungwa n’amakomine.

Kugira ngo babone ubuzimagatozi byabasabye gutegereza kugera mu 1964, kuko kwitwa umuyislamu byageze aho bifatwa nk’ubwoko bwa kane nyuma y’andi moko y’Abanyarwanda.
N’ubwo babonye ubuzima gatozi n’igihugu cyarabonye ubwigenge, ariko Abayisilam bakomeje gukandamizwa na Leta ya mbere n’iya kabiri kugeza ubwo Leta y’Ubumwe yagiyeho mu 1994.

Uretse i Nkambi z’Abayisilam muri Kigali hari n’izindi zabaga ahandi zirimo iyabaga i Mugandamure i Nyanza, mu Ruhengeri (Musanze), i Gisenyi (Rubavu), i Butare (Huye) n’ahandi.

Uko Abagatolika bubatse Sainte Famille Huti Huti nyuma y’uko Abayisilamu bujuje umusigiti wa Kigali

Ubwo Kigali yatoranywaga, ubutegetsi bw’Abadage bwahise buva i Shangi buza i Nyarugenge.
Abayisilamu bari mu ngabo z’Abadage, ndetse n’abari mu itsinda ry’Abarabu n’Abaswayili baturutse za Tanzaniya bazanywe n’ubucuruzi, nabo baje bakurikiye ubu butegetsi.

Bageze I Kigali, bashinze umuryango remezo wa mbere w’Abayisilam (Jamaa’a) mu Rwanda, ariko uko biyongeraga babona ko bagomba no kubaka umusigiti.

Ku nkunga y’umwe muri bo wabahaye ikibanza mu mujyi rwagati ahitwa ku Iposita, Abayisilamu bubatse umusigiti mu Mujyi rwagati bawita Madina na bugingo n’ubu.

Mu gihe Abayisilamu barwanaga no kubaka umusigiti wa mbere, icyo gihe abamisiyoneri ba mbere bageze mu Rwanda b’Abagatolika bari barujuje mu 1900 Kiliziya Gatorika ya mbere i Save ubu ni mu Karere ka Gisagara.

Abaporotesitanti nabo bashinze Misiyoni yabo ya mbere mu Rwanda mu 1907, i Kilinda na Rubengera mu Karere ka Karongi ndetse n’i Remera Rukoma ubu mu Karere ka Kamonyi.
Aba bose rero, ubwo babonaga Abayisilamu bagiye kubatanga gushinga ibirindiroi Kigali, ntibyabashimishije.

Ubutegetsi bw’Abadage bwari bugizwe ahanini n’abaporotesitanti bifuzaga kuba bashinga urusengero i Kigali mu murwa mukuru, nyuma yo kumenya ko Abayisilamu batangiye kubaka urwabo, bakabona ko imbaraga bafite ari nke ugereranyije n’Abagatolika, basanga badashobora guhangana n’Abayisilamu.

Ibi byatumye nubwo batari babisabye, abategetsi b’Abadage bahamagara abamisiyoneri bo muri Kiliziya Gatolika babasaba ko bakubaka Kiliziya i Kigali, babizeza kubatera inkunga y’ibikoresho n’abantu babafasha mu mirimo yo kubaka, kugira ngo urusengero rwabo ruzuzure rutanze urw’Abayisilamu.

Umusigiti watashwe ku mugaragaro ku wa 2 Ukuboza 1913, uba urusengero rwa mbere rwubatswe muri Kigali, rwubatswe kuri metero 9 kuri 5, wubakishije ibiti n’ibyatsi, uba umusigiti wa mbere wubatswe mu Rwanda.

Umwe mu basaza bazi amateka y’uko ayo madini yagiye agera mu Rwanda by’umwihariko mu Mujyi wa Kigali, Al Hadji Sudi Munyentwali, avuga ko nubwo umusigiti watanze Kiliziya ya Sainte Famille kuzura ariko byuzuriye mu kwezi kumwe.

Ati “Babahaye abanyururu 300 bo kubafasha kubaka, babasaba ko misiyoni yabo yazuzura itanze umusigiti cyangwa bikuzurira rimwe. Unarebye iminsi iri hagati yo gutaha umusigiti n’iyo gutaha Kiliziya ni 25, kuko byose byatashwe ku mugaragaro mu Ukuboza, umusigiti watashwe tariki 2, Kiliziya itahwa tariki 27 Ukuboza 1913.”

Umusigiti wa mbere wubatswe wabaye ikirango cy’abayisilam mu Rwanda, mu gihe Kiliziya ya Sainte Famille yabaye ikirango cy’abagatolika mu Mujyi wa Kigali kuko hari indi yari imaze imyaka irenga icumi yubatswe i Save.

Umusigiti uracyahari n’uyu munsi, witwa Masjid Madina, nubwo wagiye uvugururwa, kuri ubu ukaba ugizwe n’amagorofa abiri, ari nawo munini mu Rwanda kuko ushobora kwakira abantu barenga ibihumbi bibiri.

Kiliziya ya Saint Famille nayo yagiye ivugururwa kuri ubu ikaba ifite ubushobozi bwo kwakira abarenga 700.

ArtRwanda–Ubuhanzi ni gahunda y’umuryango Imbuto Foundation igamije guteza imbere impano z’igihugu, ikomeza gushimangira no guteza imbere urwego rw’ubuhanzi mu Rwanda.

Ishyirwa mu bikorwa ku bufatanye na Minisiteri y’Urubyiruko n’iterambere ry’ubuhanzi, Imbuto Foundation hamwe n’abandi bafatanyabikorwa barimo Ishami ry’Umuryango w’Abibumbye ryita ku Iterambere (UNDP Rwanda), Umuryango w’Ubumwe bw’Ibihugu by’i Burayi (EU).

Art Rwanda-Ubuhanzi yatangijwe bwa mbere mu 2018, ku gitekerezo cya Imbuto Foundation muri gahunda y’uyu muryango yo guteza imbere impano z’abakiri bato mu cyiciro cy’inganda ndangamuco.

Kuva ryatangizwa, abanyempano barenga 7000 barinyuzemo, ribafasha gutyaza impano zabo no kuzagura.

Iyi Nama iraba guhera kuri uyu wa Gatandatu tariki 14–15 Gashyantare 2026, ikaba ifite insanganyamatsiko igira iti: “Guharanira ko amazi aboneka igihe cyose kandi isuku ikwiye igerweho mu rwego rwo kugera ku ntego z’Icyerekezo 2063.”

Ubwo yageraga ku kibuga cy’indege mpuzamahanga cya Bole International Airport, yakiriwe na Minisitiri w’Amahoro, Mohamed Edris, hamwe na Minisitiri wungirije ushinzwe Ububanyi n’Amahanga, Amb Berhanu Tsegaye.

Uretse iyi nama ya Afurika Yunze Ubumwe, Minisitiri w’Intebe kandi yanitabiriye Inama ya kabiri y’Abakuru b’Ibihugu bya Afurika n’u Butaliyani yabaye mu gitondo cyo kuri uyu wa Gatanu.

Ni inama byari biteganyijwe ko itanga umwanya wo gusuzuma intambwe imaze guterwa mu ishyirwa mu bikorwa rya Mattei Plan, rigamije guteza imbere umuhate w’u Butaliyani mu bufatanye bwa politiki n’ubukungu bufatika n’ibihugu bya Afurika.

Kuri iki Cyumweru, nibwo biteganyijwe ko Minisitiri w’Intebe azanitabira Inama y’Abakuru b’Ibihugu ya Afurika (High-Level Ad Hoc Committee) ku birebana na Sudani y’Epfo.

Uyu mugabo w’imyaka 67, umaze kuba ikimenyabose, bitewe n’ibikorwa bitandukanye byiganjemo imbwirwarahame zinyura abatari bake, ubusanzwe yavukiye mu idini Gatolika, anakurira muri uwo mujyo w’imyemerere.

Mu kiganiro yagiranye na KT radio, ku wa 12 Gashyantare, cyari gifite insanganyamatsiko igira iti ‘Ahazaza h’u Rwanda n’urubyiruko dufite uyu munsi’, yavuze ko yakuranye inzozi zo kuzaba umupadiri ariko ahitamo kubireka kugira ngo bitazamugusha mu mutego.

Pasiteri Rutayisire, avuga ko yize mu Iseminari y’Izaza imyaka irindwi (1970-77), ariko ahitamo kureka kuba Padiri kuko yabonaga atazabushobora.

Ati “Jyewe naricaye, ku myaka 19 burya umuntu aba yahindutse, ndicara ndareba, nareba hanze nkabona abakobwa bose babaye beza, nareba igipadiri kitarongora, nakwitega amatwi, nkumva mu mubiri wanjye hajemo ibinyugunyugu ntari mfite cyera, kandi byose binakubitira mu mababa icyarimwe.”

Yungamo ati “Ndavuga nti, ibi binyugunyugu, na biriya mbona nkumva imitingito, na buriya bupadiri butarongora, none nazavamo umupadiri uhemuka, kuko jye nanga guhemuka. Jyewe nakurahiriye ikintu, mba nafashwe n’indahiro.”

Pasiteri Rutayisire, avuga ko yavukiye mu muryango w’abantu bagira indangagaciro, bamwigishije ko icyo umuntu avuze aricyo akora.

Ati “Niba nakubwiye ngo ndi umugabo mfite umugore, njya mbona abantu bakuraho impeta iyo umuntu yapfuye, impeta igasigara umugabo yagiye, hari n’abagore uzabona bazambaye ku mukufi, yambayeho iye n’iy’umugabo. Jye naramubwiye nti, impeta yanjye muzayirekereho muyimpambane.”

Yongeraho ati “Kugira ngo ningera imbere ya Yesu, mubwire ngo narahiriye imbere yawe, umukobwa anyambika impeta dusezerana ko tuzabana akaramata nta buhemu, iyi mpeta ndayizanye umbere umugabo y’uko nabaye indahemuka, indakemwa mu mico no mu myifatire mu mibanire n’umugore wanjye.”

Impeta Pasiteri Antoine Rutayisire yambaye, avuga ko ayimaranye imyaka 35, kuko yayambaye afite imyaka 32, akaba nta gahunda yo kuyikuramo afite, kuko uko itaracuya, ari nako urukundo rwabo (we n’uwo bashakanye), rutaracuya.

Kuba ari umunyakuri, indakemwa mu mico no mu myifatire, ngo byatumye atiyemeza ibyo yumva atazashobora (kuba umupadiri), ahitamo gukurikiza amarangamutima ye.

Reba ibindi muri izi Videwo:

Pasiteri Antoine Rutayisire

Rutayisire umaze kuba ikimenyabose mu Rwanda, ni umwe mu bagizweho ingaruka na Jenoside yakorewe Abatutsi, avuga ko amasomo amaze kwiga mu buzima ari menshi, ariko nka Jenoside yakorewe Abatutsi yamwigishije isomo rikomeye ry’uko umuntu ashobora kuba mubi, agahinduka cyane bitandukanye n’uko wari usanzwe umuzi.

Ibi ni bimwe mu byo yatangarije kuri KT Radio, kuri uyu wa Kane, mu kiganiro cyari gifite insanganyamatsiko igira iti ‘Ahazaza h’u Rwanda n’urubyiruko dufite uyu munsi’.

Antoine Rutayisire yavuze ko ibibazo abantu bacamo ari nk’uruganda ucamo ukamenya ko ushobora kubaho n’iyo ibibazo byabayeho.

Yagize ati “Ariko jye umbwiye ngo nkubwire amasomo nize, ni menshi, wenda mfatiye hafi, ngafatira nko muri Jenoside yakorewe Abatutsi kuko jye nari ino (mu Rwanda). Isomo rya mbere rikomeye byanyigishije ni uko umuntu ashobora kuba mubi, akaba mubi mwari muturanye yari mwiza, ariko kubera ingengabitekerezo bamushyizeho n’agahato bashyizeho, uwari umuturanyi wawe ejo agahinduka umwanzi wawe uyu munsi kandi ntacyo mupfa.”

Mu gusanisha iryo somo yakuye muri Jenoside yakorewe Abatutsi n’ubuzima abantu babayemo uyu munsi by’umwihariko mu miryango, Rev. Rutayisire, yavuze ko rizahoraho.

Yagize ati “Iryo ni isomo rizahoraho, kuko umugore azarongorwa n’umugabo, umugabo arongore umugore, mukundana, ejo agutenguhe. Iryo ni isomo wiga, njya mbwira abantu nti ariko se ibintu bishobora kuba bibi bikageza ku byo muri 1994. Kuki mvuga 1994, ni uko mu 1994 icyo utabonye ntabwo uzakibona. Jye mpamya ko nta kibi nzabona mu buzima bwanjye busigaye kingana n’ibyo nabonye mu 1994.”

Yunzemo ati “Ubu urambwira ko hari undi munsi uzongera kubona abantu bageze ku bihumbi icumi bapfuye umunsi umwe, n’iyo haza ikiza ntabwo gishobora gutwara abantu bangana gutyo. Urambwira ko hari igihe nzabaho mu bihe biri imbere, nkamara amezi ane cyangwa atatu, ndya impungure zonyine ndenzaho amazi? Bikubwira ngo iyo wanyuze mu bihe nk’ibyo, uvamo ukavuga ngo ubu ngubu icyaza cyose nahangana na cyo, kuko nabonye ko bishoboka ko umuntu aca mu bibazo kandi agakomeza akabaho.”

Rev. Rutayisire yavutse mu 1958, ku buryo imvururu zose zagiye ziba mu Rwanda zo kwica abantu bazira ubwoko abandi bakameneshwa, byatangiye ari umwana, abikuriramo kugeza mu 1963 ubwo Se yicwaga, biranakomeza na nyuma yaho kugeza mu 1994, ubwo Jenoside yakorewe Abatutsi yashyirwaga mu bikorwa.

Kunyura muri ubwo buzima ngo ntabwo byatumye yanga u Rwanda, kuko kimwe mu byo yishimira ari ukuhasazira.

Ati “Ukaba muri icyo gihugu kikubwira ko kikwanga, abantu babikubwira ku mugaragaro, banabikwereka, bakakwicira abantu, hanyuma wazagera aho ngaho ujya gusaza, ukaba mu gihugu kikubwira ko kigukunda. Iryo ni isomo rikubwira ngo, ibintu bishobora kuba bibi uyu munsi, ariko ntuzacike intege, kuko aho waboneye induru, waririye amarira, ushobora kuzahasazira uhavugiriza impundu, uririmba indirimbo z’umunezero. Ni isomo rikomeye rikubwira ngo ubudaheranwa bugera aho bukabyara umusaruro.”

Ibi Rutayisire asanga bikwiye gutanga isomo ku rubyiruko n’abandi, ryo kugira indangagaciro z’ibyiza no gutekereza neza, ku buryo n’iyo waba ukikijwe n’abagizi ba nabi, abantu bakwifuriza ibibi, wowe ubyanga ugakomeza gukora ibyiza.

Reba ibindi muri izi Videwo:

Ni irushanwa rimaze iminsi itanu kuko ryatangiye ku wa 7 rikaba ryasojwe kuri uyu wa 11, aho ryitabiriwe n’amakipe 109 yaturutse hirya no hino ku Isi.

Babinyujije ku rubuga rwabo rwa X, Ubuyobozi bwa Polisi y’u Rwanda bwashimiye itsinda ryitabiriye ayo marushanwa, bubifuriza gukomeza gutsinda no guhesha Igihugu ishema.

Ubwo bakirwaga na Ambasaderi w’u Rwanda muri Leta Zunze Ubumwe za Abarabu, John Mirenge, mbere gato y’uko batangira irushanwa, Komiseri ushinzwe Ibikorwa n’Ituze ry’Abaturage muri Polisi y’u Rwanda ari nawe wari uyoboye iryo itsinda ryitabiriye irushanwa, CP George Rumanzi, yavuze ko u Rwanda rwiteguye kongera kwitwara neza by’umwihariko mu irushanwa ryo kunyura mu nzira z’inzitane.

UAE SWAT Challenge, ni irushanwa ngarukamwaka, rikaba ryitabirwa n’amakipe akomeye ya polisi n’imitwe yihariye igomba guhangana mu ngeri zitandukanye z’imyitozo y’umutekano.

Si ubwa mbere ikipe ya Polisi y’u Rwanda yitwaye neza muri iri rushanwa, kuko mu 2024, Ikipe ya Leta Zunze Ubumwe z’Abarabu n’ikipe ya mbere ya Polisi y’u Rwanda ni zo zitwaye neza mu cyiciro cyo kunyura mu nzira z’inzitane (obstacle course), mu gihe ikipe ya kabiri ya Polisi y’u Rwanda yaje ku mwanya wa 6.

Umwaka ushize ikipe y’u Rwanda ya Polisi yegukanye umudali wa zahabu mu cyiciro cyo kunyura mu nzira z’inzitane.

Ni ibirori byahuje abagize Umuryango w’Abanyarwanda baba mu Burusiya, inshuti z’u Rwanda, abakozi ba Ambasade n’imiryango yabo, hagamijwe kuzirikana indangagaciro z’ubutwari, ubumwe n’inshingano za buri wese mu kubaka Igihugu, ari na zo zigize ishingiro ry’urugendo rw’iterambere ry’u Rwanda.

Mu ijambo rye, Ambasaderi Joseph Nzabamwita yagaragaje ko iterambere ry’u Rwanda rishingiye ku butwari n’ubumwe, ashimangira ko impinduka nziza Igihugu kimaze kugeraho zitaturutse gusa ku bikorwa by’ubutwari byo mu mateka, ahubwo zishingiye no ku kwiyemeza kwa buri munsi kw’abaturage mu gukunda Igihugu, kurangwa n’ubunyangamugayo, gukora neza no kumva inshingano rusange.

Yasabye Abanyarwanda, by’umwihariko urubyiruko, kwimakaza izo ndangagaciro no kugira uruhare rugaragara mu kubaka Igihugu gifite imbaraga, cyigenga kandi cyiteguye ahazaza.

Uhagarariye Ingabo z’u Rwanda mu Burusiya (Defence Attaché), Col. A.B. Mpagaze, yatanze ikiganiro cyagarutse ku mateka y’ubutwari mu Rwanda no ku buryo bwagiye butera imbere uko ibihe byagiye bisimburana.

Yanagarutse ku byiciro by’Intwari z’Igihugu byemewe ku rwego rw’Igihugu ari byo: Imanzi, Imena n’Ingenzi, bigamije guha icyubahiro abagaragaje ubwitange budasanzwe, ubutwari bw’indashyikirwa n’umusanzu udasanzwe mu gukorera Igihugu.

Ibi birori byaranzwe kandi n’imyidagaduro irimo isomwa ry’umuvugo witwa “Their Shadows, Our Promise” wasomwe na Cdt. Officer Napoleon Rwigema, wibanze ku kuzirikana ubutwari bw’Intwari z’u Rwanda, agaruka ku kwitanga kwabo, Ubumwe no ku nshingano z’iki gihe zo kurinda no gusigasira ubumwe n’amahoro byagezweho.

Abitabiriye ibirori basusurukijwe kandi n’itorero Imena mu Ngango, ryabyinnye imbyino gakondo zigaragaza ubutwari, kwihangana n’umuco by’ingenzi bigaragaza umwihariko w’u Rwanda.

Gaspard Musonera, Komiseri mushya muri Komisiyo y’Igihugu y’Amatora (NEC) yarahiye

Yagize ati “Indahiro umaze gukorera imbere y’Urukiko rw’Ikirenga, ni indahiro iteganyije mu Itegeko ry’ububasha bw’Inkiko, ni n’indahiro iteganyijwe mu itegeko rigenga NEC, mu ngingo yaryo ya 15. Indahiro rero hari igihe abantu benshi bagira ngo ni umuhango, ariko buriya si umuhango.”

Yunzemo ati “Indahiro ni ukwiyemeza, ibyo wiyemeje wabyivugiye. Ni indahiro iteganjijwe mu ngingo ya 63 y’Itegeko Nshinga. Iriya ndahiro iraremereye, irakomeye, ni igihango uyikoze aba agiranye n’u Rwanda. Tukaba tudashidikanya ko uzayubahiriza, kuko gutatira indahiro ni icyaha gihanirwa.”

Perezida w’Urukiko rw’Ikirenga yanifurije Komiseri mushya muri NEC, kuzagira amahirwe muri iyo mirimo, akazakorana neza n’abo asanze, no gukomeza gukorera u Rwanda nkuko yabikoze mu myaka ishize.

Gaspard Musonera yakoze imirimo itandukanye ya Leta, irimo kuba yarabaye umunyamabanga uhoraho muri Minisiteri y’Abakozi ba Leta n’Umurimo, akaba yaremejwe ku mwanya wo kuba Komiseri muri NEC, n’Inama y’Abaminisitiri yateranye ku wa 28 Mutarama, nyuma yo gusuzuma imyirondoro ye, aza kwemezwa n’Inteko rusange ya Sena ku wa 5 Gashyantare.

Igicuri ni indwara y’imitsi irangwa no gutuma ubwonko budakora uko bikwiye, ibyo bigakurikirwa no kwikubita hasi bitunguranye kandi bigakunda kubaho kenshi.

Mu gihe umuntu yikubise hasi, bikurikirwa no gutitira amaguru cyangwa se umubiri wose. Gusa uko kwikubita hasi k’umuntu urwaye igicuri ntibimara igihe kinini kuko nyuma y’iminota runaka arahaguruka agakomeza ubuzima bisanzwe.

Uko kugwa bitunguranye k’umuntu urwaye igicuri, biterwa n’imikorere idasanzwe y’urwunge rw’udutsi two mu mutwe, bigatuma habaho icyo bagereranya n’amashanyarazi anyura hagati y’imitsi ikora ku bwonko. Umurwayi wafashwe n’igicuri, akenshi ntamenya ko kigiye kumufata, ariko hari abarwayi bamwe bumva ko hatangiye kubaho impinduka, bakajya ahantu heza hakiri kare.

Ku nshuro ya mbere mu Rwanda no mu Karere, kuri uyu wa Mbere tariki 9 Gashyantare, nibwo muri CHUK hatangijwe ubuvuzi bwo kubaga indwara y’Igicuri mu gikorwa cyahujwe n’icyumweru cy’Amahugurwa ku Kubaga Indwara y’Igicuri (Epilepsy Surgery Training Camp).

Ni igikorwa cyitabiriwe n’abaganga b’inzobere mpuzamahanga mu kubaga ubwonko (Neurosurgeons), mu ndwara z’ubwonko (Neurologists) n’abatera ikinya (Anesthesiologists) baturutse mu bihugu bitandukanye.

Biteganyijwe ko mu gihe cy’icyumweru hazabagwa abarwayi 8 bafite uburwayi bukomeye bw’indwara y’Igicuri, bananiwe kuvurwa n’imiti isanzwe (drug-resistant epilepsy).

Uwa mbere wahereweho abagwa ni umugore w’imyaka 39 wo mu Karere ka Rwamagana, umaranye iyo ndwara imyaka irenga 15, ku buryo uburwayi bwe bwari bumaze gukomera, aho yari ageze ku rwego rwo gufata ubwoko butatu butandukanye bw’imiti, kandi kikamukubita hasi nibura inshuro ebyiri mu cyumweru.

Alvera Mukarugwiza ni umuvandimwe akaba n’umurwaza w’umurwayi wabazwe indwara y’Igicuri. Avuga ko umuvandimwe we amaze igihe kinini yarazahajwe n’iyo ndwara kuko yamufashe yiga mu mwaka wa Gatandatu w’amashuri abanza bigatuma adakomeza amashuri.

Ati “Uburwayi bwamuzahazaga. Yafatwaga abyumva, akihuta akajya mu nzu, natwe tukihuta tukamufata umutwe, amaguru, kugira ngo adakubita amaguru hasi agakomereka. Tugakomeza tukamufata, ubwo igihe Imana ishakiye kumugarurira ubuzima akongera akagaruka, tukabona asubiye mu mubiri.”

Uretse kuba mu gihe uwo murwayi amaranye indwara y’Igicuri byaramugizeho ingaruka ku buzima, zirimo kubura amaraso ahagije, ariko no kumuhora hafi byagize ingaruka ku muryango we, bituma nta kindi bashobora kwikorera gituma biteza imbere, kandi ubuvuzi bwe bukabasaba amafaranga menshi.

Mukarugwiza arongera ati “Kuba uyu munsi arimo kuvurirwa ubuntu, ni ukuri turabishima, kuko bavugaga kujya hanze tukabura amikoro. Ubwo rero kuba bigenze bityo, ni ukuri turishimye, turanezerewe. Dushimiye Imana, Igihugu, n’ababigizemo uruhare bose kugira ngo ahagere.”

Dr Sylvie Inyange Musoni ni umwe mu baganga bari mu gikorwa cyo kubaga umurwayi wa mbere w’igicuri mu Rwanda. Avuga ko nyuma y’iki cyumweru na bo (Abanyarwanda) bazaba bafite ubushobozi bwo kubaga indwara nyinshi.

Ati “Uyu duhereyeho, ibirimo kumukorerwa ni ugukuraho agace gato k’ubwonko burwaye ku ruhande rw’ibumoso. Amashusho ya MRI yagaragaje ko ari ho icyo gicuri kirimo gukomoka. Mu gukuraho ako gace k’ubwonko, ari ko icyo gicuri gikomokamo, bizamufasha kugabanya imiti yari ariho, bikaba byanakunda ko yahagarika imiti y’igicuri yari amazeho imyaka irenga 10 afata. Amaze imyaka irenga 15 arwaye Igicuri, yitura hasi. Hano turimo gukoresha uburyo bwo kubaga dufunguye hagakurwaho ako gace.”

Inzobere akaba n’umuyobozi w’agashami gashinzwe kuvura urwungano rw’imyakura, harimo ubwonko n’uruti rw’umugongo, muri CHUK, Dr. Severien Muneza, avuga ko muri iki cyumweru abaganga bazigishwa ibyerekeranye n’ubuvuzi bushya butangijwe mu Rwanda, hanarebwa uko bwatera imbere mu gihugu.

Ati “Abantu benshi ntabwo batekereza ko Igicuri gishobora gukenera kubagwa, ariko hari abarwayi bashobora gukenera kubagwa, kubera ko akenshi imiti baba bariho iba yarananiranye. Duhera ku muti wa mbere byakwanga ukaba washyiraho uwa kabiri cyangwa uwa gatatu, byakwanga umurwayi hakaba harebwa niba yavurwa mu buryo bwo kubagwa.”

Abantu biteganyijwe ko bazabagwa muri iki cyumweru, bahuriye ku kuba bafite igicuri bamaranye igihe kirekire kandi baragerageje imiti itandukanye irenze umwe, ariko bagakomeza kwibasirwa n’igicuri.

Igicuri kirimo ibice bitatu, birimo icyo umuntu avukana cyangwa kimufata nyuma y’uko agize impanuka agakomereka ku igufa ry’umutwe, cyangwa nyuma yo guturika imitsi yo mu mutwe, cyangwa se kurwara ikibyimba ku mutwe. Ibyo ni byo byitwa “épilepsies secondaires ou symptomatiques” mu gifaransa.

Hari igicuri gifata umuntu kubera uko umubiri we umeze gusa, atari ukuvuga ko cyatewe n’indi ndwara. Ibyo byitwa “épilepsies idiopathiques” mu gifaransa.

Hari n’igicuri giterwa n’impamvu zitazwi, gusa abaganga bagakeka ko habayeho gukomereka kw’imitsi runaka (lesions), ariko badashobora gusobanura uko biba byagenze. Ibyo ni byo byitwa “épilepsies cryptogéniques”.

Abanyarwanda hari icyizere ko mu minsi iri imbere bazaba bungutse ubumenyi mu kuvura indwara zitandukanye

Igicuri gishobora gufata abantu bari mu byiciro byose by’imyaka, ariko akenshi cyibasira abana bato, ingimbi n’abangavu ndetse kikanibasira abantu bakuze cyane.

Indwara y’igicuri irangwa n’iki?

Ikimenyetso cya mbere kigaragara cy’indwara y’igicuri ni ukwikubita hasi bitunguranye, bigakurikirwa no gutakaza ubwenge bitunguranye.

Nyuma yo kwikubita hasi, umurwayi aba asa n’utakiri ku isi, adashobora kumva ibimuri iruhande mu gihe cy’amasegonda runaka (icyo kimenyetso gikunda kugaragara cyane cyane ku bana bato).

Umurwayi w’Igicuri kandi arangwa no gukora ibintu bidasanzwe (guhekenya amenyo, kuzunguza umutwe n’amaso).

Hari ibice by’umubiri we biba bisa n’ibyafashwe n’imbwa. Ntaba ashobora kumva cyangwa ngo arebe neza. Ibyo bikurikirwa no gutitira umubiri wose.

Ku Isi habarirwa abantu barenga miliyoni 90 barwaye igicuri barimo abashya barenga miliyoni 11.

REG ivuga ko amashyanyarazi azatangira kubura guhera kuwa Mbere tariki 9 kugera 17 ku masaha n’iminsi itandukanye mu bice bitandukanye by’Igihugu.

Ni igikorwa REG ivuga ko kigamije kwagura no gusana imiyoboro y’amashanyarazi hirya no hino mu Turere, bikazatuma habaho ibura ry’umuriro mu bice bimwe by’Imirenge itandukanye uhereye kuri uyu wa Mbere.

Mu itangazo REG yashyize hanze, yagize iti "Abantu bose barasabwa kwitondera insinga z’amashanyarazi kuko umuriro ushobora kugaruka mbere y’isaha iteganyijwe."

Abazagirwaho ingaruka n’iri bura ry’amashanyarazi ni abo mu Mirenge itandukanye iri mu Turere tw’Umujyi wa Kigali, muri tumwe mu Turere two mu Ntara y’Amajyaruguru, iy’Iburengerazuba, n’iy’Amajyepfo.

Hashize igihe hagaragara ibura ry’amashanyarazi rya hato na hato mu bice bitandukanye by’Igihugu , REG, igasobanura ko byaterwaga n’ibibazo bya tekinike bimaze iminsi bigaragara ku miyoboro y’icyo kigo iri hirya no hino mu gihugu.

Leta yihaye intego y’uko abagerwaho n’amashanyarazi bazaba bageze ku 100%, bitarenze mu 2029, aho kugeza ubu ingo zigerwaho n’amashanyarazi zibarirwa kuri 85%, agakoreshwa n’ibindi bikorwa by’ubucuruzi birimo nk’inganda zirenga 1,300.

Ni gahunda yatangijwe ku mugaragaro tariki 7 Gashyantare 2026 mu Turere twose tw’Umujyi wa Kigali, yitabirwa n’abayobozi batandukanye bo mu nzego z’ibanze n’abo muri NIDA.

Ku ikubitiro iki gikorwa cyatangirijwe mu Mirenge ya Gitega, Nyakabanda na Rwezamenyo mu Karere ka Nyarugenge, Kagarama, Kicukiro na Niboye mu Karere ka Kicukiro, hamwe n’iya Kimihurura na Kacyiru mu Karere ka Gasabo, bakazageza ku wa 15 Gashyantare.

Aho hose abaturage bagenda bitwaje ibisabwa birimo indangamuntu bari basanganywe, nimero z’indangamuntu y’ababyeyi, abo bashakanye ku babafite na nimero abana bibarurijeho mu irangamimerere, ubundi hagafatwa imyirondoro yabo ndetse bakanafotorwa, kandi bikaba bidasaba ko uba ari ho wafatiye indangamuntu ahubwo ni ukuba ari ho hari site ikwegereye.

Iki gikorwa gitangira guhera saa moya za mu gitondo (7:00 am) kugeza saa kumi n’imwe (5:00 pm), kigakorwa iminsi yose, kuva ku wa Mbere kugeza ku Cyumweru.

Umuvugizi w’Umujyi wa Kigali, Emma Claudine Ntirenganya, avuga ko abo mu yindi Mirenge itaragerwamo na bo bashonje bahishiwe kuko bazagerwaho, kubera ko buri nyuma y’icyumweru ibikorwa bizajya byimukira ahandi.

Ati “Buri cyumweru tuzajya tugenda duhindura, ni ukuvuga ngo ubu aho turahari kuva tariki 7 kugera kuri 15, noneho mu cyumweru cya kabiri kuva tariki 17 kugera kuri 22 tuzajya mu yindi Mirenge. Ariko bizaba binasobanuye ko n’iyo wowe waba waracikanywe muri wa Murenge, ntabwo byakubuza kujya mu wundi Murenge byakomerejemo. Icy’ingenzi ni uko ujyayo ntabwo bazakubaza ngo wari utuye hehe, ahubwo uragenda ukuzuza ya myirondoro, ugafotorwa, ugakorerwa n’ibindi byose.”

NIDA ivuga ko igikorwa cyo kwemeza imyirondoro no gufotorwa kimaze gukorerwa mu Turere dutandatu tw’Igihugu, abatahiwe bakaba ari abo mu tugize Umujyi wa Kigali.

Umuyobozi Mukuru wa NIDA, Josephine Mukesha, asaba abantu kwitabira icyo gikorwa kuko boroherejwe mu buryo bushoboka bwose.

Yagize ati “Turasaba abantu kuza kwiyandikisha bakazana n’abana babo, iminsi y’akazi, twagerageje no gukora muri weekend, dukora ku wa Gatandatu no ku Cyumweru, kugira ngo wa mubyeyi ufite umwana uri mu ishuri ashobore kumuherekeza aze, na we bashobore kumwandikisha adataye akazi ke. Hari n’amasite amwe n’amwe tuzajya dukora amasaha ageza saa moya zo ku mugoroba, ariko ntabwo ari yose biterwa n’ubwumvikane n’Akarere bakaduha ahantu hari abakora nijoro.”

Uyu muyobozi avuga ko hari imbogamizi barimo kugenda bahura na zo, zirimo kuba hari ababyeyi batigeze bitabira kwandikisha abana babo mu irangamimerere hakiri kare.

Ati “Imbogamizi turimo kubona, ni ababyeyi batitabiriye kwandikisha abana babo ku gihe, turabona abana bo mu mashuri abanza, uragenda ugashakisha ugasanga yaracikanywe batarigeze bamubarura mu irangamimerere. Tukaba dusaba cyane ko ubu twanabimanuye ku rwego rw’Akagari, turagira ngo ababyeyi bose bagende barebe ko abana babo banditse kugira ngo cya gihe baje aha, aze afite kode gusa bamubaruriyeho.”

Ikindi ni abasezeranye imbere y’amategeko ariko bakaba batagaragara mu irangamimerere, basabwa kujya kubikosoza mu irangamimerere kugira ngo bajye gutanga imyorondoro no kwifotoza byamaze gukosorwa.

Muri iki gikorwa kandi umuntu ufite mudasobwa na murandasi ashobora kujya ku rubuga Irembo, akarebaho ifishi yuzuzwaho imyirondoro, akabyikorera, akajya kuri site yifotoza gusa, ahita yitahira.

Indangamuntu y’ikoranabuhanga (SSDID) ni indangamuntu umuntu azaba ashobora guhabwa ikarita yayo nk’uko bisanzwe, indi iri mu buryo bwa QR Code ku buryo wayigendana muri telefoni cyangwa mudasobwa ndetse no guhabwa nimero izwi nka ‘token’ ushobora gukoresha mu kubona amakuru yawe, itandukanye na nimero y’indangamuntu.

Icyemezo giheruka cya Guverinoma y’u Rwanda cyo gufunga insengero n’imisigiti bitujuje ibisabwa cyatangajwe mu 2024. Kugeza mu Gushyingo 2025, RGB yagaragazaga ko insengero n’imisigiti 9.171 zafunzwe kubera kutubahiriza ibiteganywa n’amategeko zitarafungurwa, ariko yizeza ko zimwe zishobora gufungurwa vuba bijyanye n’uko zuzuza ibisabwa.

Urwo rwego rwagaragaje ko mu 2024, rwakoze ubugenzuzi bwihariye mu miryango ishingiye ku myemerere (insengero n’imisigiti) harebwa iyubahirizwa ry’amategeko n’ibijyanye n’imiyoborere.

Ni igenzura ryagaragaje ibibazo birimo inyigisho z’ubuyobe, ubushukanyi bugamije kwambura abantu ibyabo; kudakorera mu mucyo, uburiganya n’imicungire mibi y’umutungo; amakimbirane ashingiye ku buyobozi, n’inyubako zitubahirije ibiteganywa n’amategeko.

Iryo sesengura ryasize imiryango 21 yambuwe ubuzima gatozi bitewe n’impamvu zitandukanye mu gihe inyubako z’insengero n’imisigiti 13.770 byagenzuwe, 9.171 muri zo zafunzwe kubera kutubahiriza ibiteganywa n’amategeko.

RGB yagiranye ibiganiro n’abahagarariye amadini n’amatorero byibanze ku ishyirwa mu bikorwa ry’amategeko n’amabwiriza no kunoza imikorere y’imiryango ishingiye ku myemerere.

Ni ibiganiro by’umwihariko byibanze ku kurwanya ibibazo bigaragara mu miyoborere no mu nyubako zikoreshwa n’iyi miryango mu bikorwa byo gusenga.

Nyuma yo kuganirizwa no kwemeranya ku bigomba kunozwa, ku ikubitiro babinyujije ku rukuta rwa X, rw’ikinyamakuru gishamikiye kuri Kiliziya Gatolika mu Rwanda (Kinyamateka), kuri uyu wa Gatandatu tariki 7 Gashyantare, Kiliziya Gatolika yashyizeho ubutumwa bugira buti: "Diyosezi ya Byumba yishimiye ifungurwa rya kiliziya nkuru za paruwasi eshatu ari zo: Paruwasi Nyagahanga, Nyagasozi na Nyakayaga. Izi kiliziya zari zimwe muri kiliziya za paruwasi 26 zari zifunze kugera ubu".

Rikomeza rigira riti "Nyuma y’ifungurwa ryazo, kuri ubu kiliziya za paruwasi 23 ni zo zisigaye zifunze. Muri izi zifunze Diyosezi ya Byumba yari ifitemo 8. Kuri ubu hakaba hasigaye eshanu zigifunze ari zo: Rukomo, Gituza, Burehe, Muyanza na Kisaro".

Biteganyijwe ko kuri iki Cyumweru, Musenyeri Papias Musengamana azifatanya n’Abakiristu ba Paruwasi zafunguwe mu Gitambo cya Misa yo Gushimira Imana.

Mu Gushyingo 2025, RGB yari yagaragaje ko hari insengero n’imisigiti mike zamaze gufungurwa nyuma yo kuzuza ibisabwa, ariko ko babonye ubusabe bw’imiryango 84 by’abujuje ibisabwa basaba gufungurirwa, muri yo 15 yasabwe gusubira inyuma bakuzuza neza ibyo basabwa mu gihe 68 ibyangombwa byayo byari bikirimo kwigwaho.

Ni irushanwa ngarukamwaka rizwi nka UAE SWAT Challenge,
ribera i Dubai muri Leta Zunze Ubumwe z’Abarabu, ritegurwa n’Urwego rwa Polisi ya Dubai ku bufatanye n’abandi bafatanyabikorwa mu bijyanye n’umutekano.

Kuri uyu wa Gatandatu, nibwo itsinda rihagarariye u Rwanda rigizwe n’Ingabo z’u Rwanda (RDF) hamwe na Polisi y’u Rwanda, ryakiriwe na Ambasaderi w’u Rwanda muri Leta Zunze Ubumwe z’Abarabu, John Mirenge, akabifuriza intsinzi, anabasaba gukoresha imbaraga n’ubushobozi bwabo bwose, bikazabafasha kwitwara neza no kubona umusaruro mwiza mu gihe irushanwa rizamara.

Komiseri ushinzwe Ibikorwa n’Ituze ry’Abaturage muri Polisi y’u Rwanda akaba n’umuyobozi w’itsinda riri guhatana muri iri rushanwa, CP George Rumanzi, yavuze ko uko imyaka ishira iri rushanwa rigenda rikomera ndetse rikanitabirwa n’amakipe ashoboye.

Yavuze ko kuri iyi nshuro u Rwanda rwiteguye kongera kwitwara neza by’umwihariko mu irushanwa ryo kunyura mu nzira z’inzitane.

UAE SWAT Challenge ni irushanwa mpuzamahanga rihuza imitwe yihariye ya polisi n’ingabo zishinzwe umutekano (SWAT / Special Forces) iturutse mu bihugu bitandukanye ku Isi, rigamije gupima no kwerekana ubushobozi bwo ku rwego rwo hejuru mu bikorwa by’umutekano.

Bimwe mu bikorwa bikorerwa muri iryo rushanwa

Iri rushanwa ribera muri Leta Zunze Ubumwe z’Abarabu, ritegurwa n’Urwego rwa Polisi ya Dubai ku bufatanye n’abandi bafatanyabikorwa mu bijyanye n’umutekano, rikitabirwa n’amakipe aturuka mu bihugu byo ku migabane itandukanye.

Amakipe yitabiriye irushanwa apimirwa ku bintu bitandukanye by’ingenzi mu bijyanye n’akazi ko kurinda umutekano, birimo, kurwanya iterabwoba no kwinjira ahantu hafunzwe, kurasa neza mu gipimo kandi mu gihe gito (precision & speed shooting).

Gutabara abashimuswe cyangwa abafunzwe (hostage rescue), gukorana nk’ikipe mu bihe bigoye, imbaraga z’umubiri no kwihangana hamwe no gufata ibyemezo byihuse mu bihe by’akaga.

UAE SWAT Challenge igamije guteza imbere ubunyamwuga n’ubushobozi bw’imitwe yihariye, gusangira ubunararibonye n’ubumenyi hagati y’amakipe yo mu bihugu bitandukanye hamwe no gushimangira imikorere mpuzamahanga mu gucunga umutekano.

Amakipe aryitabira ahabwa amanota hashingiwe ku muvuduko, ukuri, umutekano, gukorera hamwe no kubahiriza amategeko y’irushanwa.

Ni irushanwa ryatangijwe mu 2019 nk’irushanwa mpuzamahanga ryateguwe na Polisi ya Dubai rigamije kugerageza ubushobozi n’imikoranire y’imitwe yihariye ya polisi ziturutse mu bihugu bitandukanye ku Isi.

Iry’uyu mwaka ryatangiye kuri uyu wa Gatandatu tariki 7 rikazageza tariki 11, aho ririmo kuba ku nshuro yaryo ya Karindwi.

Umwaka ushize (2025) Polisi y’u Rwanda yatwaye umwanya wa mbere mu guhangana n’ibizazane

Buri mwaka ryitabirwa n’amakipe akomeye ya polisi n’imitwe yihariye igomba guhangana mu ngeri zitandukanye z’imyitozo y’umutekano.

Mu 2024, Ikipe ya Leta Zunze Ubumwe z’Abarabu n’ikipe ya mbere ya Polisi y’u Rwanda ni zo zitwaye neza mu cyiciro cyo kunyura mu nzira z’inzitane (obstacle course), mu gihe ikipe ya kabiri ya Polisi y’u Rwanda yaje ku mwanya wa 6.

Umwaka ushize ikipe y’u Rwanda ya Polisi yegukanye umudali wa zahabu mu cyiciro cyo kunyura mu nzira z’inzitane.

Major General Francis Takirwa yitabye Imana azize uburwayi

Major General Francis Takirwa w’imyaka 61, yitabye Imana azize indwara ya stroke, nk’uko byemejwe n’igisirikare cya Uganda.

Urupfu rwe rwamenyekanye mu gitondo cyo kuri uyu wa Gatandatu, rwababaje benshi mu basirikare n’abandi bo mu gace ka Mbarara avukamo, aho yibukwa nk’umusirikare w’intangarugero, inyangamugayo, umunyamwuga wagiye ahabwa ibihembo by’ishimwe byinshi, kubera akamaro yagiriye Igihugu cya Uganda.

Maj Gen Takirwa yitabye Imana asanzwe ari Umugaba Mukuru Wungirije w’Ingabo za Uganda zirwanira ku butaka, umwanya ufite uruhare rukomeye mu gutegura ibikorwa bya gisirikare, gutegura ingabo no guhuza ibikorwa byose bya gisirikare byo ku butaka hirya no hino mu gihugu.

Abo bakoranaga bamuvuga nk’umuyobozi utuje, watekerezaga neza, wazamuwe mu ntera bitewe n’ubushobozi n’ubunyamwuga bwe.

Maj Gen Francis Takirwa yavukiye mu Karere ka Mbarara tariki 7 Ugushyingo 1965, yiga amashuri abanza kuri Mbarara Junior School, akomereza icyiciro rusange cy’ayisumbuye (O-Level)muri Mbarara High School, mbere y’uko yinjira mu gisirikare cya Uganda.

Mu mahugurwa ya gisirikare yahawe harimo Junior Command and Staff Course, yize muri Uganda Junior Staff College i Jinja mu 1994, yiga amasomo ajyanye n’igisirikare muri Tanzania Military Academy mu 1998, hamwe n’andi yo ku rwego rwo hejuru yigiye mu Bushinwa mu 2006.

Maj Gen Takirwa yinjiye mu gisirikare cya Uganda mu 1989, akomeza guhabwa inshingano zitandukanye z’ubuyobozi, aho yabaye Umuyobozi wa diviziyo ya kabiri ifite icyicaro i Mbarara, ayobora ibikorwa bya gisirikare mu Ntara y’Iburengerazuba bw’igihugu.

Yanabaye Umuyobozi ushinzwe Uburezi, Siporo n’Umuco mu Ngabo za UPDF. Ku rwego mpuzamahanga, Maj Gen Takirwa yagize uruhare mu butumwa bwa UPDF muri Somalia mu 2011–2012, mu butumwa bw’Umuryango wa Afurika Yunze Ubumwe muri Somalia (AMISOM), aho yagize uruhare mu bikorwa byo kugarura amahoro no kurwanya imitwe yitwaje intwaro.

Ibijyanye n’imihango yo kumushyingura mu cyubahiro bizatangazwa n’igisirikare cya Uganda.

Ni umudali Gen Muhoozi yambitswe kuri uyu wa Gatanu tariki 6 Gashyantare 2026, kubera kuyobora ibikorwa byo kurwanya umutwe w’iterabwoba wa Al-Shabaab no kuyobora misiyo muri Repubulika Iharanira Demokarasi ya Congo, Sudani y’Epfo na Somalia, awambikirwa mu birori byo kwizihiza umunsi ingabo zahoze ari iza Uganda (NRA), zatangirijeho urugamba rwo kubohora Uganda, uzwi nka ‘Tarehe Sita’. Icyo gihe zari ziyobowe na Yoweli Kaguta Museveni.

Umudali Gen Muhoozi yambitswe ni uwa kabiri ukomeye mu gisirikare cya Uganda, ukaba utangwa ku basirikare bagaragaje ibikorwa by’indashyikirwa, ukaba ubanzirizwa n’uwitwa ’Order of Katonga’, witiriwe Omukama (Umwami) Kabalega wa Bunyoro, wigeze kurwanya ubukoloni bw’Abongereza, uhabwa abasirikare ba Uganda (UPDF) bagaragaje ubutwari mu kazi.

Ibirori byo kwizihiza isabukuru ya 45 ya Tarehe Sita byabereye mu Karere ka Kabale, bikaba byari bifite insanganyamatsiko igira iti:
“Kurinda Ibyagezweho no guha icyubahiro abitanze ku rugamba rwo kubohora Igihugu.”

Gen Muhoozi yiyongereye ku bandi barimo Gen Caleb Akandwanaho uzwi nka Salim Saleh, Gen Ivan Koreta na Brig Gen Bosco Omure, na bo bahawe uwo mudali mu bihe byashize.

Gen Muhoozi Kainerugaba ni umusirikare mu ngabo za Uganda (UPDF), wabigize umwuga, yakoze amahugurwa atandukanye arimo ayo kuyobora imitwe yihariye. Yize amasomo ya gisirikare yaba imbere mu gihugu no hanze yacyo, harimo n’ayisumbuye yo kuyobora no gutegura urugamba yaherewe muri Leta Zunze Ubumwe za Amerika muri United States Army Command and General Staff College, ahakura ubumenyi bugezweho mu ntambara n’imikoranire y’ingabo zitandukanye.

Gen Muhoozi yagize uruhare mu bikorwa bitandukanye by’umutekano muri Uganda no mu Karere, cyane cyane muri Somalia mu butumwa bw’Umuryango wa Afurika Yunze Ubumwe, aho ingabo za UPDF zashinzwe kugarura amahoro, kurinda ibikorwa remezo no kurwanya imitwe y’iterabwoba.

Uretse Gen Muhoozi, muri ibyo birori, abandi barimo umugaba mukuru w’ingabo zirwanira ku butaka, Lieutenant General Kayanja Muhanga n’Umugaba mukuru w’ingabo zirwanira mu kirere Lieutenant General Charles Okidi, bahawe imidali y’ishimwe izwi nka Rwenzori Star, bashimirwa ibikorwa by’indashyikirwa bakoze mu gisirikare cya Uganda.

MINISANTE igaragaza ko kimwe mu bibazo by’ingutu bari bafite byabangamiraga itangwa rya serivisi z’ubuvuzi n’ubuzima by’umwihariko ku hantu hegereye cyane abaturage, ahanini cyaterwaga n’umubare muke w’abakora mu nzego z’ubuvuzi, kubera ko mbere ya 2024, abakoraga mu buvuzi bari bake cyane ugereranyije no mu myaka ibiri ishize.

Umunyamabanga wa Leta muri Minisiteri y’Ubuzima, Dr. Yvan Butera, avuga ko mbere ya 2024, abinjiraga mu rwego rw’ubuvuzi ku mwaka bari munsi y’ibihumbi bibiri.

Umunyamabanga wa Leta muri Minisiteri y’Ubuzima, Dr. Yvan Butera, avuga ko kongera umubare w’abakora mu buvuzi bizihutisha itangwa rya serivisi z’ubuvuzi

Ati “Ku mwaka mbere ya 2024, abinjiraga mu nzego zo kwiga iby’ubuvuzi bari 1600, umwaka ushize, twageze ku 6400, bakaba bamaze kwikuba inshuro hafi enye, ari yo gahunda twavuze yo gukuba kane abinjira mu rwego rw’ubuvuzi mu myaka ine, ariko hakaba hari ahantu hari hari imibare mike cyane, nko mu baforomo ku mwaka twigishaga abageze kuri 200, ariko ubu tukaba tugeze ku bihumbi birenga bibiri.”

Arongera ati “Mu babyaza kugira ngo ababyeyi babashe kubyarira aho batuye, twajyaga twigisha 72 ku mwaka, ariko ubu twigisha abarenga igihumbi ku mwaka. Tukaba twiteze ko mu gihe gito, serivisi zizaba zegereye abaturage.”

MINISANTE igaragaza ko habayeho kuzamura urwego rw’amavuriro n’ibitaro, aho bari bafite ahatangirwa serivisi zo kubaga no kwita ku bana ku buryo bwihariye n’indwara z’umubiri zikomeye, ibitaro bitanu gusa mu gihugu, bivura bikanigisha, ariko guhera mu mwaka ushize (2025), hongeweho ibindi icumi, ubu byose hamwe bikaba ari ibitaro 15, bifasha mu kugabanya ubucucike mu mavuriro.

Mu rwego rwo korohereza Abanyarwanda bajya kwivuriza hanze, cyane cyane abajyaga gusimbuza impyiko, bikaba bisigaye bikorerwa mu Rwanda, kuko guhera umwaka ushize, abagera kuri 82, baherewe ubwo buvuzi imbere mu Gihugu, bifasha u Rwanda kuzigama agera ku bihumbi 800 by’amadolari ya Amerika.

Mu zindi ndwara zatumaga hari abajya gushakira serivisi mu mahanga, harimo n’iz’umutima, zikaba zisigaye zitangirwa mu Rwanda, ahamaze kubagwa abarenga 500.

Minisitiri w’Ubuzima, Dr. Nsanzimana Sabin hamwe n’Umunyamabanga wa Leta muri Minisiteri y’Ubuzima, Dr. Yvan Butera, bungurana ibitekerezo mu Nama y’Umushyikirano

Abayobozi muri MINISANTE bavuga ko iyo Minisiteri ishyize imbaraga mu bijyanye no guhangana n’indwara za Kanseri, kuko zirimo kwibasira umubare w’Abanyarwanda batari bake, kandi inyinshi zikaba zivurwa hakoreshejwe ikoranabuhanga, aho imwe mu mashini ikomeye yifashishwa mu kuzivura yitwa PET Scan yamaze kugezwa mu gihugu, hakaba harimo kubakwa uruganda rutunganya imiti iyikoreshwamo, ku buryo mu gihe cy’amezi atatu iyo serivisi izaba yatangiye gutangwa.

Mu 2023 nibwo MINISANTE yatangije gahunda yo kongera umubare w’abakora mu rwego rw’ubuvuzi izwi nka kane gukuba kane (4x4), bakaba bateganya ko mu myaka mike iri imbere serivisi zose zizaba zitangirwa hafi y’umuturage kandi ku giciro gito.

Umwaka wa 2025 wasize iyi ntego igezweho ku kigero cya 43% mu gihe cy’imyaka ibiri gusa yari imaze ishyirwa mu bikorwa, aho mu bimaze gukorwa harimo kongera umubare w’abiga iby’ubuvuzi umaze kwikuba inshuro 3,7.

U Rwanda rwatangije gahunda yo gukuba kane abakora muri urwo rwego, mu rwego rwo kongera umubare wabo kuko wasangaga umuganga umwe abarirwa abantu 1.000, mu gihe intego ari abaganga bane ku baturage 1.000.

Gahunda yo kongera abakora mu rwego rw’ubuvuzi, iteganya kongeramo abantu 32.973 bitarenze 2028.

Biteganyijwe ko iyo gahunda izakoresha arenga miliyoni 395,2 z’Amadolari (agera kuri miliyari 508,1 Frw) mu kugera kuri gahunda yo kongera abakora mu rwego rw’ubuvuzi.

Ni bimwe mubyo uyu muyobozi yagarutseho kuri uyu wa Gatanu, ku kiganiro cyagarukagaga ku bubanyi n’amahanga, yagezaga ku bitabiriye inama y’Igihugu y’Umushyikirano ya 20 ku munsi wayo wa kabiri.

Amb. Nduhungirehe, yagaragaje inshuro zose ibihugu byombi byagiye bigirana ibiganiro n’abahuza batandukanye yaba abo mu Karere, Afurika, Aziya, Uburayi ndetse n’Amerika ari byo biheruka bya vuba, ariko ko nubwo byagiye byitabirwa n’impande zombi, nta bushake bwa Politike ubuyobozi bwa RDC bwagiye bugaragaza.

Yagize ati “Iyo bavuga ngo u Rwanda rwajyanye ibiganiro hanze y’Afurika, ibyo ntabwo ari byo, twe twari mu biganiro nya EAC na SADC, ariko Perezida Tshisekedi aba ari we ufata icyemezo cyo kubijyana hanze, ariko twe kubera ko dushigikiye amahoro, ibyo biganiro tubijyamo, amasezerano ashyirwaho umukono.”

Yunzemo ati “Ikibazo gikomeye, burya si ugushyira umukono ku masezerano, ikibazo ni ubushake bwa Politike, nibwo bwabuze. Mwumvise neza ejo bundi Nyakubahwa Perezid awa Repubulika, ajya gusinya amasezerano ya Washington tariki ya 4 Ukuboza, umwaka ushize. Nyuma yaho umujyi wa Uvira ugafatwa, amagambo yavuzwe, kuvuga ngo ni ukutubahiriza k’u Rwanda na M23 kw’aya masezerano.”

Aha Amb. Nduhungirehe yagaragaje ko ubuyobozi bwa RDC bwirengagiza nkana ko hasinywa amasezerano y’amahoro, hari ibyo bumbvikanyeho bari basinye tariki 27 Kamena 2025, asinyirwa i Washington, hagamijwe guhagarika amakimbirane ari hagati y’ibihugu byombi, kugira ngo haboneke amahoro mu Karere, ku buryo icyo gihe banabisengeye.

Ati “Twaranabisengeye, Pasiteri Paula White, yadufashe ibiganza, turahumiriza, turasenga, dusengera amahoro mu Karere, ndetse na mugenzi wanjye Kayikwamba Thérèse, rwose twari twakundanye, dufatanye agatoki ku kandi. Ariko ibyabaye nyuma mwarabibonye, ni ibitero bya buri munsi by’indege na Drone, byibasira umutwe wa M23, binyuranyije n’amasezerano yari yashyizweho umukono yari yashyizweho umukono. Ni ugukoresha abacanshuro, mwabonye abacanshuro bo muri Romania banyuze hano bihuta (Quickly, Quickly).”

Yongeyeho ati “Basimbuwe n’abandi bacanshuro bo mu bihugu bitandukanye barimo Colombia. Harimo gukoresha ingabo z’abaturanyi b’impanga, bajya muri RDC, gufatanya na Guverinoma ya RDC kwibasira Abanyamulenge. Ntitwahwemye kubibwira umuryango mpuzamahanga n’abahuza, tubabwira ko amasezerano y’amahoro n’agahenge atareba uruhande rumwe. Nayo yashyizweho umukono tariki ya 4 Ukuboza yabaye intambara ihari, ibyo bisasu birimo biraswa, ku buryo uwishe ayo masezerano, utarayubahirije ni uwagiye gutera ibyo ibisasu.”

Aha ni ho Amb. Nduhungirehe ahera avuga ko u Rwanda rushigikiye amasezerano y’amahoro, kuko akubiyemo byose biganisha ku mahoro.

Yagize ati “Twebwe nk’u Rwanda dushigikiye amasezerano yashyizweho umukono, tukaba dushyigikiye ko ashyirwa mu bikorwa, kuko ni amasezerano rusange, agenga ibibazo byose, harimo ibijyanye n’umutekano, kurandura umutwe wa FDLR, no gukuraho ingamba z’ubwirinzi z’u Rwanda, hari ibijyanye n’ubukungu, twashyize umukono ku masezerano y’Akarere azatuma hari ibikorwa bizakorwa hagati y’u Rwanda na RDC, n’ibindi bijyanye na Politike kugira ngo amahoro ahinde mu Karere.”

Aha u Rwanda rwagaragaje ko rushaka guha imbaraga ni ubuhuza bwa Afurika, kubera ko ariho bwatangiriye, kuko ari ngombwa ko ikibazo ibihugu byombi bifitanye ari ngombwa ko yarangira.

Nyuma y’imyaka 32 ishize, u Rwanda rubohowe ingoma ya Leta yari yarimakaje amoko n’amacakubiri, Leta y’Ubumwe yashyize imbaraga mu kubaka uburezi, isa nkaho ihereye ku busa, kubera ko amashuri menshi yari yarasenywe, abari benshi barishwe, abandi barahunga.

Ibyo byiyongera kuri Politike y’Uburezi yari ihari mbere ya Jenoside yakorewe Abatutsi, yahezaga kuko hari uburezi bugenewe bake, bituma hajyaho Politike yo kwagura amarembo mu burezi kugira ngo Abanyarwanda bose babugane.

Minisitiri w’uburezi Joseph Nsengimana, avuga ko mu myaka 32 ishize, iyo Politike yagezweho, kubera ko imibare y’abagana ishuri uhereye kuy’inchuke kugera muri Kaminuza yiyongereye.

Ati “Iyo ntambwe yagezweho, mbere ya 1994 amashuri y’inchuke yari mbarwa, ubu ngubu dufite abana barenga ibihumbi 680 bari muri aya mashuri y’inchuke, urumva ko ubu abana b’Abanyarwanda bategurwa, mbere y’uko bajya mu ishuri nyirizina, bikaba amahirwe kugira ngo bige, bashobore gutsinda.”

Arongera ati “Mu mashuri yisumbuye, mu 1994, hari Abanyarwanda ibihumbi 37 mu yisumbuye, uyu munsi hari abana b’Abanyarwanda ibihumbi 787 mu yisumbuye, byikubye inshuro zirenga 20. Ibyo byerekana ko amarembo y’uburezi yaguwe koko, kandi Abanyarwanda bakayagana.”

Minisiteri y’Uburezi igaragaza ko mu 1994 mu Rwanda hari abantu bize Kaminuza ibihumbi bibiri, ariko uyu munsi Kaminuza y’u Rwanda yonyine ikaba isohokamo abarenga ibihumbi icyenda barangije mu mwaka umwe, hatabariwemo abarangiza mu zindi Kaminuza zigenga n’amashuri makuru.

Nubwo imibare igaragaza ko hari ubwiyongere kandi buri ku rwego rwo hejuru bwabayeho mu gihe cy’imyaka 32 ishize, Minisitiri w’Uburezi avuga ko hakiri byinshi byo gukorwa, kubera ko bataragera aho Igihugu cyifuza kugera.

Ati “Ntabwo turagera aho twifuza kugera, kugira ngo tugere aho twifuza kugera, ni ugufatanya twese nk’Abanyarwanda. Uburezi bwubakira ku burere, ababyeyi turabashishikariza ko bita ku bana babo kuva bakiri bato, kuko amashuri ahera ku mwana wazanye, nuzana umwana utuzuye, ukavuga ngo ishuri niryubake, icyo gihe ntabwo tugera kuri wa Munyarwanda twifuza.”

Yungamo ati “Ahubwo dufatanyije tugahera ku burere bw’abana bato, wamuzana no ku ishuri, ukamuherekeza mu ishuri ukamenya mwarimu, umuyobozi w’ishuri, kugira ngo umufashe nawe. Icyo gihe bizatuma ireme ry’uburezi ritera imbere.”

MINEDUC igaragaza ko hashyizwe imbaraga mu mashuri ya Tekiniki Imyuga n’ubumenyingiro mu rwego rwo gutegura abanyeshuri kujya no kunoza akazi, kugira ngo bibafashe kuzajya barangiza ayo mashuri bahita bajya mu kazi, kandi bigakorwa bihuzwa n’imirimo iri hanze, bizafashe abanyeshuri kwiyubaka banubaka Igihugu.

Mu rwego rwo kugabanya ubucukike bukigaragara mu mashuri, Leta yubatse ibyumba by’amashuri 27500, hagati y’umwaka wa 2017/2024, ikaba ari gahunda izakomeza gukorwa kugira ngo bifashe abana kurushaho kwiga bisanzuye.

Inoti n’ibiceri bikozwe mu bikoresho biramba, bikagira kandi n’ibibiranga bibiha umutekano kugira ngo amafaranga atiganwa, hagamijwe kurinda igihe azamara akoreshwa, kuzamura icyizere ifaranga ry’u Rwanda rifitiwe n’abaturage no gushigikira ukutajegajega k’ubukungu bw’u Rwanda.

BNR, ikomeje kubona imikoreshereze idahwitse y’amafaranga y’u Rwanda, aho inoti n’ibiceri bikoreshwa mu gufunga indabo zitangwa n’impano, n’ibindi bikorwa bijyanye no gutaka, gutegura cyangwa kurimbisha.
Ibyo bikorwa n’abatunganya indabo, abacuruzi, abategura ibirori, abanyabugeni, abategura impano n’abakiriya babo.

Mu bikorwa nk’ibyo usanga inoti zihinahinwa, zigafundikanywa, zigaterwamo utwuma dufatanya impapuro, zigafatishwa ubujeni cyangwa ubundi bwoko bw’ibifatisho, mu rwego rwo kugira ngo amafaranga atangwe nk’impano mu birori no mu mihango itandukanye.

Ibikorwa nk’ibyo bihungabanya icyizere ifaranga ry’u Rwanda rifitiwe cyane cyane inoti, bigatuma bigaragara nk’aho amafaranga atitaweho, birayangiza bikayatera ubusembwa bukabije, bityo hakabaho ingorane mu bikorwa bijyanye n’imicungire n’imitangirize y’amafaranga, harimo ibyuma by’ikorabuhanga byifashishwa mu kubara amafaranga n’imashini koranabuhanga zibika zikanabikuzwamo amafaranga zizwi nka ATMs, kandi ari bumwe mu buryo bw’ingenzi bwo gukwirakwiza amafaranga mu gihugu.

Uko kwangirika kw’inoti gutuma zikurwa ku isoko, zigasimbuzwa imburagihe, bityo bigatuma habaho igihombo bitari ngombwa.

BNR irabutsa abantu bose muri rusange, ko umuntu wese wangiza amafaranga aba akoze icyaha gihanwa hakurikijwe Itegeko No 68/2018 ryo ku wa 30/08/2018 riteganya ibyaha n’ibihano muri rusange.

BNR ikomeje gushyira imbaraga mu bikorwa byayo bigamije kurinda ubunyangamugayo bw’ifaranga ry’u Rwanda rikoreshwa, kandi izakomeza gukangurira abaturarwanda no gushishikariza abafatanyabikorwa kurinda ubuziranenge, imikoreshereze iboneye no gukomeza kuzamura icyizere amafaranga y’u Rwanda afitiwe.

BNR yibukije ibi, nyuma y’iminsi mike Urwego rw’Igihugu rw’Ubugenzacyaha (RIB), ruburiye abatanga impano z’indabo zirimo inote mu bihe bya ‘Saint Valentin, ko bigize icyaha.

Abashaka gutanga impano y’amafaranga, barasabwa kubikora mu buryo bwubahisha amafaranga y’Igihugu, kuko gutanga impano ari uburenganzira bwa buri wese uko abyumva, ariko bigakorwa mu buryo butagize ibyaha.

Mu Ukuboza 2025, urwo rwego rwataye muri yombi abantu batanu bari bakurikiranyweho icyaha cyo kugayisha agaciro k’ifaranga ry’Iguhugu.

Icyaha cyo kugayisha agaciro k’ifaranga ry’Igihugu giteganwa n’ingingo ya 221 y’itegeko nimero 68/2018 ryo ku wa 30 Kanama 2018 riteganya ibyaha n’ibihano muri rusange.

Urukiko ruramutse rubahamije iki cyaha rwabahanisha igifungo kitari munsi y’umwaka umwe ariko kitarenze imyaka ibiri n’ihazabu y’amafaranga atari munsi ya miliyoni 1Frw ariko atarenze miliyoni 3Frw.

Urwego rw’Igihugu rushinzwe ubucukuzi bw’amabuye y’agaciro, Peteroli na Gazi mu Rwanda (RMB), rwatangaje ko nubwo u Rwanda ari Igihugu gito kandi cy’imisozi, ariko ari ni Igihugu gifite amabuye y’agaciro menshi.

Ni bimwe mu byatanganjwe n’Umuyobozi Mukuru w’urwo rwego Alice Uwase, kuri uyu wa Kane, ubwo yari mu kiganiro cyatangiwe mu nama y’Igihugu y’Umushyikirano cyari gifite insanganyamatsiko igira iti ‘Guharanira Iterambere rirambye’.

Uwase yavuze ko nubwo hari abajya bibaza cyane ku Rwanda niba koko rufite amabuye y’agaciro, ariko Abanyarwanda badakwiye kugira impungenge kuko igice kinini cy’Igihugu gifite amabuye y’Agaciro kandi ku bwinshi.

Yagize ati “Ni ikimenyimenyi amabuye y’agaciro yacukuwe muri iki gihugu tumaze imyaka 96. Ahantu hakunda kuvugwa cyane ni Rwinkwavu, Nyakabingo, Rutongo, izo ni Mine zatangiye gushakishwamo amabuye mu 1950 na 1970. Ariko amabauye y’agaciro agira agaciro n;akamaro afite mu gihe runaka. Cyera bakeneraga Kaserite (cassiterite) na Wolfram kugira ngo ibihugu bitandukanye byiyubake mu nganda zabo. Ariko mu 2000 nibwo abantu na Coltan ifite agaciro, yakoreshwa muri izo telefone, mudasobwa n’ibindi byinshi.”

Yunzemo ati “No mu myaka itanu itandatu ishize, twagiye tubona inkundura y’amabuye y’agaciro ya ritiyamu na Berire (Lithium, Beryl), tutajyaga duha agaciro, twafataga nk’imyanda kuri site turimo gucukura. Uko ikoranabuhanga rigenda ryiyongera hari amabuye atari afite agaciro agenda ahabwa agaciro. Birashoboka ko hari n’andi mabuye tubona asanzwe azagira agaciro mu myaka iri imbere bitewe n’aho ubushakashatsi bugeze.”

Aha ni naho uyu muyobozi yahereye avuga ko mu 80% by’Uturere tugize Igihugu tudufite amabuye y’agaciro.

Ati “80% y’Uturere twose two mu Rwanda dufite amabuye y’agaciro. Muri Kigali hari Gasegereti uhereye kuri Mount Kigali, wakomeza Kamonyi hariyo za Coltan, Beryl, Lithium na Cassiterite nkeya, ugakomeza Muhanga, Gakenke, Rutsiro na Rubavu muri Nyamyumba. Wamanuka wagera muri Birambo muri Karongi hariyo Zahabu, ukamanuka ukagera Nyamasheke hariyo Zahabu n’amabuye y’amabengeza. Wajya Rwamagana, Gatsibo na Kirehe, hariyo Wolfram na Cassiterite, muri Miyove na za Nyamiyaga hari Zahabu.”

Yunzemo ati “Mu gihugu cyacu cyose kirimo amabuye y’agaciro, ndetse n’isoko mpuzamahanga rirabizi, kuko 31% ya Wolfram icukurwa, ikoreshwa ku isi hose, iba yaturutse mu Rwanda, bikadushyira ku mwanya wa mbere muri Afurika no ku mwanya wa Kane ku Isi yose. Coltan ikoreshwa ku Isi yose iva mu Rwanda ni 22%. Abahakana ko amabuye yacu adahari, wasanga bayakoresha muri telefone zabo za buri munsi. Dufite amabuye akenewe kandi meza.”

Umwaka ushize ibikorwa byu’ubucukuzi bw’amabuye y’agaciro byatanze akazi ku bantu barenga ibihumbi 92, mu gihugu. Bugeza mu isanduku ya Leta arenga miliyari 129.

Mu rwego rw’ishoramari, mu Rwanda hari sosiyete mpuzamahanga ya kabiri ku Isi irimo gukora ubushakashatsi ku mabuye ya Lithium.

Umuyobozi mukuru wa RMB Alice Uwase

Ku rundi ruhande ariko ngo haracyari byinshi byo gukorwa birimo kwiga uburyo habyazwa umusaruro agaciro kose kari mu mabuye, bahereye ku bushakashatsi kugira ngo bamenye icyo basabwa n’ibyo basaba abashoramari.

Kongera ubumenyi amashuri makuru na Kaminuza y’imbere mu gihugu akarushaho gutanga abakora mu bijyanye n’ubucukuzi kandi bafite ubumenyi buhagije.

Ni bimwe mu byo yagarutseho kuri uyu wa Kane mu ijambo yagejeje ku bitabiriye inama y’Igihugu y’Umushyikirano irimo kuba ku nshuro yayo ya 20.

Afungura iyi nama, Perezida Kagame yavuze ko iyi nama igamije kugira ngo bagezweho amateka y’Umushyikirano n’Igihugu muri rusange, kugira ngo bagire icyo babivanamo, bashingiraho bakora ibyubaka Igihugu, hashakishwa imbaraga za buri wese zigashyirwa hamwe bakarenga ibibatandukanyije byose kugira ngo Igihugu gitere imbere.

Yagize ati “Aho rero harimo no gufata inshingano cyane cyane ku bayobozi, kugira ngo ibyo dukora, dukwiye kuba tugeza kubo tuyobora, igihe nikigera tube twabibazwa. Ubazwe uti wemeye inshingano zisaba ibi, wahawe amikoro ameze atya mu nyungu z’Abanyarwanda bose, ibyo wabigenje ute? Amikoro wayakoresheje ute? Wayagize ayawe gusa cyangwa wayakoresheje ku buryo bigera kubo byari bigenewe.”

Yunzemo ati “Icyo ntabwo dukwiye kukinyura iruhande n’umunsi n’umwe, kubazwa ibyo dushinzwe, tugasobanura, ndetse byaba ngombwa tukabyishyura igihe tutashoboye gusobanura ibyakoreshejwe muri izo nyungu rusange. Kandi bikunze kubaho kenshi, rimwe na rimwe bamwe bakagira amahirwe ntibamenyekane, n’ibyo bakoze bitari byo ntibimenyekane. Ariko dukwiye gukomeza umuco, aho byamenyekanye, umuntu akwiye kubibazwa, akwiye kubihanirwa.”

Perezida Kagame yatanze urugero ku bintu byinshi byashoboye gukemurwa n’ibindi bigenda byanga bigakomeza, bigatuma hadaterwa intambwe ndende mu ikemurwa ry’ibibazo by’Igihugu n’Abanyarwanda.

Yagize ati “Ugasanga umushinga warateguwe ariko utegurwa bituzuye, kubera ko niba ari urwego uru n’uru rubishinzwe mbere y’abandi, ugasanga ntabwo rwakoranye n’izindi nzego bakwiriye kuba bafatanyije kugira ngo bategure uwo mushinga. Icya kabiri niba n’uwo mushinga wateguwe ukwiye gukurikiranwa, kureba ko ugenda uko byari bikwiye kuba bigenda. Ugasanga akenshi umushinga uri aho warahagaze, waba ugenda gahoro, waba ugenda cyane nta wubizi, nta wakurikiranye kugira ngo ibintu bijye mu buryo.”

Yongeyeho ati “Ibyo ni ibintu tumaranye imyaka myinshi aho tubereye aha, n’intambwe yatewe ikaba ntoya cyane, cyangwa igaterwa umunsi umwe, undi bikaba byibagiranye. Ibyo ndagira ngo tugende tubishakire umuti tubigeza ku musozo wabyo, bigomba kugera aho bihagaraga ntabwo byahora bityo iteka, cyangwa se uburyo bwo kubikurikirana no kubaza abantu kubisobanura akaba ariho burushaho intambwe bikajya mu bikorwa, tukamenya ko ibitagenze neza biba bifite ubushinzwe akabibazwa vuba na bwangu, bitagombye no gutinda.”

Perezida Kagame yavuze ko ibintu byo gukomeza gukora ibintu bidindira bigafata umwaka umwe bigafata undi bikwiye guhagarara bigashakirwa ibisubizo.

Ikindi yakomojeho ku mishinga ikorwa, igatanga akazi ku baturage ariko ntibabahembere igihe.

Yagize ati “Ejo bundi aha mu gihe cy’iminsi mikuru ya Noheli n’Ubunani, hari ahantu hatandukanye abaturage bari bagiye kugumuka, kubera ko abayoboye iminshinga bari mu bwangu bashaka kwigendera kugira ngo bajye kuruhuka, ariko umuturage buri munsi byatwariraga umwanya kugira igikorwa akora mukamusiga aho ngaho ntacyo mumwishyuye.”

Yunzemo ati “Icyo kigomba guhagarara, byanze bikunze, cyangwa se abantu bakwiye kubibazwa bakabyishyura. Niba biri mu Mujyi wa Kigali, Mayor n’abandi bayobozi bakwiye kubibazwa. Kubibazwa ntabwo ari ukubibazwa gusa ngo usubize icyo ushaka, ukwiye kubihanirwa.

Umukuru w’Igihugu yasabye n’ahandi bafite uruhare mu bikorwa n’abaturage kujya babikurikirana bakamenya ko bigenda mu buryo nkuko bikwiye.

Ni umutwe ushinjwa kugira uruhare mu bikorwa by’iterabwoba, ihohotera, n’ibindi byaha bikomeye byibasira abasivili, ukaba warashinzwe mu 2000, ukomotse ku mashyirahamwe yari agizwe n’abahoze ari abasirikare ba Leta yakoze Jenoside n’Interahamwe, bahungiye muri RDC nyuma ya Jenoside yakorewe Abatutsi mu 1994, biyongeraho bamwe mu rubyiruko n’abaturage bafashwe ku gahato cyangwa bagashukwa bakiyunga kuri uwo mutwe.

Kuva washingwa wagiye ugaragara mu mu bikorwa byinshi binyuranyije n’amategeko mpuzamahanga n’uburenganzira bwa muntu, cyane cyane mu burasirazuba bwa RDC, birimo kwica abasivili mu midugudu, mu masoko no mu ngo.

Kugaba ibitero bigamije guteza ubwoba no kwigarurira uduce, gufata abagore n’abakobwa ku ngufu, gukoresha ihohotera rishingiye ku gitsina nk’intwaro y’intambara, gushimuta abaturage bakajyanwa mu mashyamba, no gufata abantu ku ngufu bakabashyira mu mitwe yitwaje intwaro cyane cyane urubyiruko.

Gusahura amatungo n’imyaka y’abaturage, gutwika inzu, amashuri n’amavuriro, kwifashisha zahabu, coltan n’andi mabuye y’agaciro mu gutera inkunga ibikorwa by’intambara, gufatanya n’indi mitwe mu bikorwa by’iterabwoba n’imirwano hamwe no kugerageza inshuro zitandukanye guhungabanya umutekano w’u Rwanda bagaba ibitero byagiye bitwara ubuzima bw’abantu.

Ibyo bikorwa byose byatumye FDLR ishyirwa ku rutonde rw’imitwe y’iterabwoba n’ibihugu n’imiryango mpuzamahanga itandukanye, abayobozi bayo bamwe bakurikiranyweho ibyaha by’intambara n’ibyibasiye inyokomuntu.

Binyuze muri Komisiyo y’Igihugu yo Gusezerera no Gusubiza mu buzima busanzwe abari Abasirikare (RDRC), Leta y’u Rwanda ntiyahwemye gushishikariza abari muri uwo mutwe gutaha bagafatanya n’abandi Banyarwanda kubaka urwababyaye, ariko bakagenda baseta ibirenge, ku buryo n’abageragezaga gutaha wasangaga umubare munini ari abagore n’abana.

Mu Gushyingo umwaka ushize (2025), ubwo yari mu Karere ka Rubavu Umuyobozi wungirije wa RDRC, Maj Gen (Rtd) Jack Nziza, yasabye Abanyarwanda bakiri mu mashyamba ya RDC gutaha mu gihugu cyabo, ariko hakaza n’abagabo, kuko mu bataha buri gihe baba ari abagore n’abana.

Icyo gihe yagize ati “Ntitugomba gutegereza HCR ngo abe ari yo izana bariya bari hakurya muri Congo. HCR na UNICEF bazana abana n’abagore gusa, kandi na bo baza bameze nabi, abana bararwaye bwaki, ariko bagera hano bagashyirwa mu bigo bya ECD bakitabwaho, mu mezi abiri bakaba bakize, ariko turashaka ko haza n’abagabo.”

RDRC yashyize imbaraga mu bukangurambaga bwambukiranya imipaka, aho hifashishijwe ikiganiro ‘Isange Mu banyu’, imbuga nkoranyambaga za RDRC, ibitangazamakuru byo mu gihugu no hanze yacyo, aho abari mu mitwe yitwaje intwaro bagiye bashishikarizwa gutaha ku bushake, bikaba bigenda bitanga umusaruro, ku buryo umubare w’abatahuka cyane cyane abasirikare, wakomeje kwiyongera ugereranyije n’ibihe byashize.

Imibare ya RDRC y’abamaze gutaha igaragaza ko abagabo bataha biyongereye cyane, ku buryo baruta ubwinshi abagore, kuko kuva ku wa 1 Ukwakira 2025 kugeza ku wa 28 Mutarama 2026, mu Kigo cya Mutobo hari hamaze kwakirwa abahoze ari abarwanyi muri FDLR, 199 barimo abagabo 189 hamwe n’abagore 10.

Mu kigo cya Mutobo DC hari telefoni ishyirwamo ikarita ihoraho, abatahutse bifashisha bahamagara imiryango n’inshuti basigaye mu mitwe yitwaje intwaro.

Umuyobozi Mukuru wa RDRC, Valérie Nyirahabineza, avuga ko ubundi buryo bakoresha bashishikariza abari muri FDLR gutaha, harimo kwifashisha abahoze muri iyo mitwe batahutse bagasubizwa mu buzima busanzwe, kuko bagira uruhare runini rutuma abari mu mashyamba bava ku izima, kubera ko baba babona ibifatika.

Ati “Mu bihe bishize hatahukaga cyane abagore n’abana, bikagaragara ko baba baje kureba ko ibyo bababwira ari ukuri, kugira ngo bahamagare abagabo babo nabo batahe. Nabyo bifite icyo bivuze, kuko iyo bageze mu Rwanda bakabona uko bitabwaho neza, amahoro n’umutekano bafite, bihutira guhamagara abagabo babo nabo bagataha.”

Mu 2001 nibwo Komisiyo y’Igihugu yo Gusezerera no Gusubiza mu buzima busanzwe abari Abasirikare (RDRC), yatangiye kwakira abatahuka bava muri FDLR, kuva icyo gihe, hakaba hamaze kwakirwa abarenga 12,000. Iyi Komisiyo ikaba ifite intego yo kugarura amahoro mu Karere binyuze mu gusubiza mu buzima busanzwe abari mu mitwe yitwaje intwaro by’umwihariko abo muri FDLR.

Kugeza muri Kamena 2025, FDLR yari ifite abarwanyi babarirwa hagati ya 7000 na 10.000. Abenshi barimo n’abayobozi babo bakuru baherereye muri Teritwari ya Walikale na Masisi mu Ntara ya Kivu y’Amajyaruguru.

Baganiriye ku ngingo zifitiye inyungu ibihugu byombi, baniyemeza gushakisha izindi nzego nshya z’ubufatanye.

Ibihugu byombi bisanzwe bifitanye umubano mwiza mu nzego zitandukanye, bisanzwe bigirana n’ibiganiro ku rwego rwa dipolomasi.

Israel izwiho ikoranabuhanga rihanitse mu buhinzi, u Rwanda rukaba rwungukira kuri ubwo bunararibonye mu guteza imbere ubuhinzi butanga umusaruro mwinshi, binyuze mu mishinga n’amahugurwa afasha abahinzi n’inzobere z’Abanyarwanda.

Ibihugu byombi bisanzwe bifatanya mu bijyanye n’umutekano, amahugurwa y’inzego zishinzwe umutekano, hamwe no gusangira ubunararibonye mu kurwanya iterabwoba.

Mu burezi, Abanyarwanda bamwe babona amahirwe yo kwiga no guhugurirwa muri Israel.

Hari kandi imishinga ifasha mu rwego rw’ubuzima n’ikoranabuhanga rikoreshwa mu buvuzi.

Mu bijyanye n’ubucuruzi, umubano uragenda urushaho kwaguka, kuko ibigo byo muri Israel bikomeje gushora imari mu Rwanda, cyane cyane mu ikoranabuhanga, ubuhinzi n’ingufu.

Saif al-Islam Gaddafi yishwe arashwe

Ibiro by’Umushinjacyaha Mukuru wa Libya byatangaje ko abashinzwe iperereza n’abaganga basuzuma imirambo, basuzumye umubiri wa Saif al-Islam ku wa Kabiri, basanga yapfuye azize amasasu.

Itangazo ryashyizwe ahagaragara n’ibyo biro, rivuga ko barimo gukurikirana kugira ngo hamenyekane abakekwaho uruhare muri urwo rupfu, kandi ko hafatwa ingamba zikakaye kugira ngo hatangirwe urubanza rw’inshinjabyaha.

Nubwo Saif al-Islam yari azwi cyane muri icyo gihugu cyo mu Majyaruguru ya Afurika, cyane cyane kubera uruhare yagize mu gutegura politiki z’igihugu mbere ya 2011, izina rye ryari rimaze igihe ritumvikana cyane mu ruhame mu myaka ishize.

Mu 2015, urukiko rwo muri Libya rwamukatiye igihano cy’urupfu adahari, rumushinja gukoresha imbaraga mu guhagarika imyigaragambyo y’amahoro mu gihe cy’impinduramatwara yo mu 2011 yakuye se ku butegetsi.

Urukiko Mpuzamahanga Mpanabyaha (ICC) rwigeze kumushinja by’agateganyo ibyaha byibasiye inyokomuntu, mu rubanza abanyamategeko be bananiwe gutesha agaciro.

Mu 2021, Saif al-Islam yiyandikishije nk’umukandida ku mwanya wa Perezida mu matora yari ateganyijwe kuba mu Ukuboza, ariko ayo matora aza gusubikwa kubera umwiryane wa politiki.

Saif al-Islam yavukiye i Tripoli muri Libya ku wa 25 Kamena 1972, akaba yararangije muri Kaminuza ya Tripoli mu 1994, anarangiza amasomo ajyanye n’ubucuruzi na Politiki mu Ishuri rikuru rya London Business and Political Science mu 2008.

Mu 2017, ishami ry’Umuryango w’Abibumbye ryita ku Buzima (OMS/WHO), ryatangaje ko kurumwa n’inzoka ari indwara yo mu turere dushushe yirengagijwe, kandi ikomeye cyane, kubera umubare munini ’abantu ihitana.

OMS ivuga ko mu bantu barenga miliyoni 5.4 baribwa n’inzoka buri mwaka kw’Isi, abarenga ibihumbi 100 bapfa.

Yongeraho ko kurumwa n’inzoka bibangamira cyane abantu baba mu bihugu bikennye n’ibikiri mu nzira y’amajambere.

Mu 2024, mu Buhinde hatangijwe gahunda yitwa ’National Action Plan for Prevention and Control of Snakebite Envenoming (NAPSE)’, igamije kugabanya hafi kimwe cya kabiri c’impfu ziterwa no kurumwa n’inzoka kugera mu 2030.

Ni gahunda igomba kwibanda cyane ku gukurikirana neza ibyo bibazo, kwongera imiti irwanya ubumara bw’inzoka no gukora ubushakashatsi, kongera ubushobozi bw’amavuriro n’abaganga, hamwe n’ibikorwa byo kumenyesha no kwigisha abanyagihugu .

NAPSE ikorera muri Minisiteri y’Ubuzima, by’umwihariko Ikigo gishinzwe kurwanya indwara z’ibyorezo, ikaba ifite n’ibigo bishinzwe kurwanya ubumara bw’inzoka muri buri karere(regional venom centers)

Abahanga bemera ko ari intambwe nziza, ariko ishyirwa mu bikorwa ryayo ridakorwa neza hose.

U Rwanda na Botswana bisanzwe bifitanye umubano mwiza kuko bafatanya mu nzego nyinshi z’iterambere n’umutekano, zirimo ingabo, polisi, ubucuruzi n’ishoramari, ndetse n’ibindi.

Ibihugu byombi byasinyanye amasezerano y’ubufatanye mu bya gisirikare, agamije gukomeza imikoranire hagati y’Ingabo z’u Rwanda (RDF) na Botswana Defence Force mu bikorwa bitandukanye birimo n’imyitozo y’ingabo n’ahandi hafitanye isano.

Polisi y’u Rwanda n’iyo muri Botswana basinyanye amasezerano y’ubufatanye agamije guhangana n’ibyaha bikomeye byambukiranya imipaka, nk’ubugizi bwa nabi mpuzamahanga, iterabwoba, ubucuruzi bw’abantu, ibyaha by’ikoranabuhanga n’ibindi.

Abayobozi b’impande zombi bagaragaje ko hari ubushake bwo guteza imbere ubucuruzi n’ishoramari, bashyiraho inzego zihuza ibihugu byombi mu by’ubucuruzi n’amahirwe y’ishoramari.

Bafitanye gahunda yiswe ’Joint Permanent Commission on Cooperation (JPCC)’, ari yo nama ihoraho y’ubufatanye hagati y’ibihugu byombi, igamije gushyiraho urubuga rwo gukurikirana ishyirwa mu bikorwa ry’amasezerano bagiranye.

Mu itangazo banyujije ku rubuga rwabo rwa X, RIB yagize iyi "Abaregwa bafungiye kuri Sitasiyo ya RIB ya Kimironko, Kicukiro BK na Kimihurura, mu gihe iperereza rikomeje ku byaha bakurikiranweho."

Barafinda yamenyekanye cyane mu bihe by’amatora y’umukuru w’Igihugu yo mu wa 2017, aho yajyanye ibyangombwa byo gutanga kandidature yo kwiyamamaza kuri Komisiyo y"igihugu y’Amatora.

Yongeye kandi kubikora mu matora ya 2024, ariko kuri izo nshuro zombi, Komisiyo yasanze atujuje ibyangombwa bisabwa.

Hagati aho, itangazamakuru ryaramukoresheje cyane, agakoresha amagambo adasanzwe yivuga ibigwi, ariko bamwe bakabonamo kuvangirwa.

Amakuru anyuranye avuga ko yaba yaranageze igihe cyo kwivuza ku kigo kivura indwara zijyanye n’ubuzima bwo mu mutwe, CARAES, Ndera.

RIB irongera kuburira abantu bose kwirinda gukoresha imbuga nkoranyambaga mu buryo bunyuranyije n’amategeko, kandi ko itazihanganira uwo ariwe wese uzikoresha mu gukora ibyaha.

Iri hagarikwa rizamara amezi atatu uhereye tariki 23 Mutarama 2026, rikaba ryatewe n’uko Mobicash "yaranzwe n’imikorere itubahirije amategeko n’amabwiriza agenga ibigo bitanga serivisi zo kwishyurana."

Ni ihagarikwa BNR ivuga ko rishingiye ku ngingo ya 34 igika (e) n’Itegeko n° 74/2023, rigenga abatanga serivisi zo kwishyurana.

Mobicash yabujijwe gukomeza gukora ibikorwa byo gutanga serivisi zo kwishyurana cyangwa kwakira amafaranga y’abakiriya.

Icyakora, ngo abakiriya bose basanzwe bafite konti bazakomeza kugira uburenganzira busesuye ku mafaranga yabo kandi bashobore kuyabikuza. Ibi bizagenzurwa na BNR bya hafi kugira ngo irinde abaguzi.

Mobicash isanzwe itanga serivise zo kwishyurana kuri telefoni nk’ikigo cyigenga kidashamikiye ku bigo by’itumanaho.

Kwishyurana no guhererekanya amafaranga binyura ku ba agent, ikagira kandi uburyo bwo kohereza no kwakira amafaranga, kwishyura abacuruzi, ndetse no kwishyura serivisi rusange cyangwa ubwishingizi bw’indwara biciye ku rubuga Irembo.

MobiCash ikoresha ikoranabuhanga rituma serivisi zayo ziboneka kuri telefoni zigendanwa, mudasobwa zigendanwa na tablets.

BNR irashishikariza abakiriya n’abandi baturage gukoresha ubundi buryo mu kwishyura serivisi zatangwaga na Mobicash.

Urutonde rw’abatanga serivisi zo kwishyurana bafite impushya ruboneka ku rubuga rwa BNR, https://www.bnr.rw/paymentsystem.

Nyirubutama yari umuyobozi wungirije w’Urwego rw’Ihugu rw’Iperereza - NISS kuva mu 2021, akaba yasimbuwe na James Uwizeye.

Uwizeye yari Minister-Counsellor muri Ambasade y’u Rwanda mu Bwongereza kuva mu 2020.

Ubukomisiyoneri rero uwavuga ko bumaze kwaguka no kugera mu zindi nzego ntabwo yaba agiye kure y’ukuri. Ubushakashatsi bwakozwe na Transparency International Rwanda (TIR) ku burezi budaheza na ruswa mu mashuri yo mu Rwanda bwagaragaje ko hariho ruswa itangwa hifashishijwe abakomisiyoneri.

Ni ubushakashatsi bwakozwe umwaka ushize (2025) hagamijwe kureba uko ruswa ihagaze mu itangwa ry’imyanya y’abarimu, kwandikisha abana, amasoko na ruswa ishingiye ku gitsina, no kureba niba abana bose biga kimwe nta wuhejwe.

Mu bantu 100 babajijwe mu turere dutanu, 8% bagaragaje ko hari ruswa cyane cyane mu kugira ngo abanyeshuri babone amanota meza, 5% bagaragaza ko haba ruswa mu bijyanye n’ifunguro rifatirwa ku ishuri (School Feeding), aho bamwe banyereza ibiryo cyangwa amasoko agatangwa mu buryo budaciye mu mucyo.

Ikindi kandi, abantu 7.8% bagaragaje ko abagore, abafite ubumuga, abaturuka mu miryango ikennye, n’abafite uburwayi bwo mu mutwe by’umwihariko bakunze guhezwa.

Umushakashatsi mukuru muri TIR, Dr. Bruce Gashema

Umwe mu barimu batanze ubuhamya muri ubwo bushakashatsi yabwiye TIR, ko mu rwego rw’uburezi hari abakomisiyoneri bifashishwa mu gutanga ruswa kugira ngo ukeneye serivisi ayihabwe.

Yagize ati “Hari ubwo usaba kwimurirwa ku kindi kigo(mutation) bakakwangira, ariko bwacya umuntu akaza akakwegera ati umuyobozi w’ishuri runaka yambwiye ngo nze nkuganirize. Ubwo rero waba ufite amafaranga uti ngaho nanyorohereze, ntabwo uyaha nyirubwite ugufasha, uyaha komisiyoneri. Hari abakomisiyoneri baba bahari mu rwego rw’uburezi turabafite.”

Mugenzi we ati “Hano i Gicumbi ni ikibazo gikomeye; baguha ibaruwa ngo jya mu Murenge w’icyaro, wari usanzwe wigisha mu Mujyi, naho hari umuntu bagiye kuhazana wowe bagahita bagukubita iyo mu cyaro. Ni ibintu birimo kuba buri munsi."

Umushakashatsi mukuru muri TIR, Dr. Bruce Gashema, avuga ko mu bushakashatsi bakoze bagiye babwirwa ko abasaba ruswa bafite abandi bohereza kuyikusanya.

Ati “Uwo bise umukomisiyoneri aba ari hagati yawe, nawe (uwaka ruswa), akenshi nibo batuma kuri izo ruswa. Bagiye babigaragariza no muri za kaminuza aho uba uhafite umuntu nk’umunyeshuri waharangije cyangwa undi muntu ku ruhande, akaguhuza na mwarimu, ku buryo akurangira naho muzahurira, n’amanota azaguha, kugira ngo wa mwarimu ase nkaho atagaragara muri icyo gikorwa, ahubwo hagaragaremo umukomisiyoneri. Ni uko biteye ni ko bagiye babitubwira.”

Umuyobozi ushinzwe gukurikirana no guhuza ibikorwa muri Minsiteri y’Uburezi (MINEDUC), Sylivie Uwimbabazi avuga ko ikibazo cy’abakomisiyoneri batari bakizi, ariko bazabiganiraho bigafatirwa umwanzuro.

Iyi ni intambwe ikomeye mu kunoza umugambi w’igihe kirekire wo gushyiraho ikigo cyihariye kizajya gitanga amahugurwa yo ku rwego rwo hejuru mu ngabo z’u Rwanda (RDF).

NDU izaba ari kaminuza nkuru ya gisirikare y’u Rwanda, ishingiye ku mirimo yatangiye mu 2024, ikazahuza ibigo bitandukanye by’amahugurwa ya gisirikare muri gahunda imwe ihuriweho.

Iyi kaminuza izatanga amasomo ku nzego zose z’uburezi bwa gisirikare, kuva ku mahugurwa y’ibanze y’abasirikare bayobora, amasomo ajyanye n’imiyoborere n’imirimo n’ibikorwa, kugeza ku masomo yo ku rwego rwo hejuru ajyanye n’ingamba za gisirikare n’igenamigambi.

Igice cy’ingenzi cy’iyo Kaminuza (NDU) kizaba Ishuri Rikuru ry’Ingabo (National Defence College – NDC), rizigisha cyane cyane abasirikare bakuru barimo abakoloneli (Col) na brigadiye generali (Brig Gen).

NDC yitezweho kuzaziba icyuho cyari gihari mu burezi bwa gisirikare mu Rwanda, itange amahugurwa yo ku rwego rwo hejuru ajyanye na politiki y’ingabo, umutekano mpuzamahanga, ubuyobozi, kuyobora ingabo n’imicungire, amasomo atari asanzwe atangirwa imbere mu gihugu.

Iyi Kaminuza izahuza ibigo bisanzwe bya RDF birimo Rwanda Military Academy (RMA) i Gako, izatanga porogaramu z’icyiciro cya mbere cya kaminuza mu masomo ya gisirikare n’aya sosiyete, ubuvuzi rusange bufite icyerekezo cya gisirikare n’amahugurwa y’igihe kirekire y’abasirikare bayobora abandi.

Ishuri rikuru rya Gisirikare rya Nyakinama mu Karere ka Musanze (RDF Command and Staff College (RDFCSC), rizatanga amasomo yo ku rwego rwo hagati n’urwo hejuru mu miyoborere, imicungire y’abakozi n’ingabo ndetse na politiki y’ingabo.

Iyi Kaminuza (NDC) izaba urwego rwo hejuru rw’amahugurwa y’abayobozi bakuru mu ngabo.

Ibindi bigo bifasha birimo RDF Combat Training Centre i Gabiro, Ishuri ry’Abasirikare bato (Non-Commissioned Officers Academy), Ishuri rya Infantry, Ishuri rya Cadet, Ishuri ry’Abarwanyi b’Ingabo zidasanzwe (Special Forces Training School) n’Ishuri ry’Amahugurwa y’Ibikorwa byo Kubungabunga Amahoro (Peace Support Operations Training School), byose bizagira uruhare mu porogaramu za kaminuza.

NDU izatanga icyerekezo gisobanutse cy’uburezi bwa gisirikare: abasirikare bashya bazahabwa ubumenyi bw’ibanze ku rwego rwa tactics, abasirikare bageze hagati mu kazi bazongerwa ubumenyi ku rwego rw’ibikorwa, naho abasirikare bakuru bahabwe ubumenyi ku rwego rw’igenamigambi.

Iyi kaminuza ishobora no gushyiraho ibigo by’ubushakashatsi no guteza imbere ubufatanye n’izindi nzego n’amashuri makuru mpuzamahanga.

Bitandukanye na kaminuza za gisivili nka Kaminuza y’u Rwanda, NDU izibanda ku masomo ya gisirikare n’umutekano agenewe abasirikare ba RDF n’abasivili batoranyijwe bakorera mu rwego rw’umutekano.

Porogaramu zikubiyemo impamyabumenyi z’icyiciro cya mbere mu masomo ya gisirikare, amasomo yo ku rwego rwo hagati ajyanye n’imiyoborere, ndetse n’amasomo yo ku rwego rwo hejuru mu politiki y’ingabo, ububanyi n’amahanga, umutekano n’ubuyobozi.

Amahugurwa ashingiye ku bikorwa bifatika azategura abanyeshuri guhangana n’imbogamizi zibangamiye umutekano, kwitabira ubutumwa bwo kubungabunga amahoro no gutanga umusanzu mu ntego z’iterambere ry’igihugu.

Nubwo nta makuru ahagije aratangazwa ku bijyanye n’imikorere y’iyo kaminuza ariko umushinga w’itegeko utegerejwe kwemezwa burundu n’Inteko Ishinga Amategeko na Minisiteri y’Ingabo, kugira ngo bemeze itangizwa rya NDU muri Nzeri, igihe umwaka w’amashuri utangirira mu Rwanda.

Igitekerezo cyo gutangiza Kaminuza ya Gisirikare (NDU) cyatangiye mu 2018, ubwo abayobozi ba RDF bagiranaga ibiganiro n’abafatanyabikorwa mpuzamahanga, barimo National Defence University yo muri Leta Zunze Ubumwe za Amerika, hagamijwe gutegura ikigo kigezweho.

Mu 2024, Minisiteri y’Ingabo yagejeje uyu mushinga ku Nteko Ishinga Amategeko, ishimangira ko hakenewe amahugurwa yo ku rwego rwo hejuru atuma haboneka abayobozi b’igihe kirekire, bashoboye kandi bagendanye n’igihe.

Itegeko ryemejwe mu 2024 ryavugaga ku ishingwa rya Kaminuza y’Ingabo, bityo ritangira inzira yagejeje ku cyemezo cy’Inama y’Abaminisitiri cyo ku wa 28 Mutarama 2026.

Guteza imbere integanyanyigisho n’ubufatanye na Kaminuza y’u Rwanda mu mwaka ushize byafashije gutegura itangizwa rya kaminuza.

Ubwo itegeko rizaba rimaze gushyirwaho umukono, rizasobanura imiyoborere, imari n’imiterere bya NDU izaba igenzurwa na Minisiteri y’Ingabo.

Iyi kaminuza izagabanya ingendo z’abasirikare ba RDF bajyaga kwiga muri kaminuza za gisivili cyangwa izo mu mahanga, inafashe kubaka igisirikare cy’ikinyamwuga, kigendera ku mahame kandi gishoboye, kirinda ubusugire bw’igihugu kinatanga umusanzu mu bijyanye n’umutekano mu karere.

Uyu mushinga ugaragaza ko u Rwanda rwiyemeje gushora mu mutungo w’abantu mu rwego rw’umutekano no kwemeza ko RDF ikomeza kuba iya kijyambere kandi ishoboye mu bihe bya politiki mpuzamahangabihindagurika.

Andi makuru ajyanye no kwiyandikisha, gutangiza porogaramu n’ingengabihe azatangazwa nyuma y’isuzumwa n’Inteko Ishinga Amategeko no kwemezwa na Perezida wa Repubulika.

Jean Maurice Uwera ni umuyobozi mu itangazamakuru ufite uburambe burenga imyaka 14 mu muri uyu mwuga, cyane cyane mu bijyanye na Radiyo n’itumanaho rigenewe imbaga y’abaturage.

Afite ubumenyi bwimbitse ku miterere n’imikorere y’itangazamakuru mu Rwanda, ku byo abaturage bakeneye kumenya, ndetse no ku mikoranire n’inzego za Leta.

Kuva muri Gashyantare 2025, ni Umuyobozi Mukuru (Executive Director) wa 93.9 SK FM, aho ayobora icyerekezo n’imirongo ngenderwaho y’itangazamakuru ryibanda ku bucuruzi n’inyungu rusange.

Mbere yaho, yakoreye Ikigo cy’Igihugu cy’Itangazamakuru (Rwanda Broadcasting Agency – RBA) kuva mu 2016, aho yagiye akora imirimo itandukanye irimo kuba Umunyamakuru ushinzwe kuvuga amakuru imbonankubone (RTV Senior Presenter) ndetse n’Umuyobozi wa Radiyo Magic FM.

Maurice Uwera yatangiye umwuga we mu itangazamakuru mu mwaka wa 2011, akora nk’Umuyobozi ushinzwe Umusaruro (Production Manager) kuri Flash FM & TV, nyuma yo kuva mu mirimo yo mu rwego rw’amahoteli.

Afite impamyabumenyi y’icyiciro cya mbere cya kaminuza (Bachelor’s Degree) mu Itangazamakuru n’Itumanaho yakuye muri Catholic Institute of Kabgayi.

Uretse Jean Maurice Uwera, inama y’Abaminisitiri yanashyize abandi bayobozi batandukanye mu myanya barimo abo muri Minisiteri y’Uburezi hamwe no muri Komisiyo y’Igihugu y’amatora.

Hanemejwe ba Ambasaderi bahagarariye ibihugu byabo mu Rwanda, barimo uwo muri Sudan y’Epfo n’uwa Leta Zunze Ubumwe z’Abarabu, bafite icyicaro i Kigali, uwa New Zealand ufite icyicaro i Addis Ababa muri Ethiopia, n’uwa Namibia ufite icyicaro i Dar es Salaam muri Tanzania.

Kuri aba hiyongeraho Umuyobozi w’Ibiro by’Akanama k’Umuryango w’Abibumbye gashinzwe Iterambere ry’Ubukungu muri Afurika (UNECA) mu Karere ka Afurika y’Iburasirazuba ufite icyicaro i Kigali.

Mu bindi, inama y’Abaminisitiri yagejejweho imyiteguro y’Inama y’Igihugu y’Umushyikirano iteganyijwe ku itariki ya 5 n’iya 6 Gashyantare 2026.

Yanemeje imishinga y’amategeko irimo Umushinga w’Itegeko rihindura itegeko n° 018/2025 ryo ku wa 30/06/2025, rigena ingengo y’imari ya Leta y’umwaka wa 2025/2026.

Iyi ni inama ya mbere y’Abaminisitiri iteranye kuva uyu mwaka watangira, ikaba yari iyobowe na Perezida wa Repubulika Paul Kagame.

Nk’uko itangazo ryaturutse muri Minisiteri y’Ububanyi n’Amahanga ribigaragaza, Ku wa 24 Ugushyingo 2025, ni bwo u Rwanda rwagejeje ku Rukiko Mpuzamahanga rw’Ubuhuza (Permanent Court of Arbitration) itangazo risaba ko habaho gutangiza ibiganiro by’ubuhuza hakurikijwe Ingingo ya 22 y’Amasezerano hagati y’u Bwongereza n’u Rwanda yerekeye Ubufatanye mu kwimura abimukira n’Iterambere ry’Ubukungu (Migration and Economic Development Partnership – MEDP).

Iryo tangazo ni ryo ryatangije ku mugaragaro izi manza z’ubuhuza hagati y’ u Rwanda n’u Bwongereza.

Aha, u Rwanda rwavuze ko aya masezerano y’ubufatanye atari igitekerezo cy’u Rwanda, ahubwo ngo yatangijwe ku busabe bw’u Bwongereza nk’uburyo bushya bukomeye bwo gukumira ingendo zishyira mu kaga ubuzima bw’abimukira.

Bwari uburyo kandi Ubwongereza bwabonaga ko buzakemura ikibazo cy’itandukaniro riri mu mahirwe y’ubukungu ku Isi, ari nayo mpamvu nyamukuru itera abantu kwimuka mu buryo bunyuranyije n’amategeko.

Ku rundi ruhande, bigaragara ko u Rwanda na rwo rwakiriye neza iki gitekerezo. Nk’uko iri tangazo ribivuga, ubufatanye hagati y’ibi bihugu byombi bugaragaza ubushake bw’u Rwanda bwo kurengera abayantege nke, hashingiwe ku mateka y’u Rwanda yo kwakira no gucumbikira impunzi n’abimukira baturutse hirya no hino ku isi.

Ihuzagurika ry’Ubwongereza mu mushinga bwatangije

Muri Mata 2024 ni bwo aya masezerano yatangiye gushyirwa mu bikorwa, ariko bidateye kabiri, muri Nyakanga 2024, nyuma gato yo kujya ku butegetsi, Minisitiri w’Intebe w’u Bwongereza Sir Keir Starmer yatangaje ko aya amasezerano yahagaritswe.

Itangazo rivuga ko yabikoze atabanje kubimenyesha u Rwanda, bikaba binyuranyije n’ibyari byumvikanyweho mu gtangiza aya masezerano.

Ni bwo u Rwanda rwamenyeshejwe ko nta bimukira ruzakira binyuze muri ayo masezerano, kandi ko Guverinoma y’u Bwongereza izasuzuma iseswa ryemewe ry’ayo masezerano mu buryo bukurikije amategeko.

Mu Gushyingo 2024, u Bwongereza bwasabye u Rwanda kwemera kutishyurwa ibyiciro bibiri rwagombaga guhabwamo miliyoni 50 z’ama-Pound (£50 million) muri buri cyiciro, ni ukuvuga miliyoni Ijana z’ayo mafaranga akoreshwa mu Bwongereza, ahanye na Miliyari 200.4 y’u Rwanda.

Muri ibi byiciro byombi, aya mafaranga yagombaga gutangwa muri Mata 2025 na Mata 2026, buvuga ko bubikora mu rwego rwo kwitegura iseswa ryemewe ry’amasezerano.

U Rwanda rwatangaje ko rwiteguye kwemera izo ngamba mu gihe amasezerano yaba asheshwe, ariko bikajyana no kuganira no kwemeranya ku biganiro bishya bijyanye n’ubukungu.

Ibiganiro hagati y’u Rwanda n’u Bwongereza ntibyabaye, bityo u Rwanda na rwo rukaba rwarasanze "ayo mafaranga agomba kwishyurwa nk’uko biteganywa n’amasezerano."

U Bwongereza rero ngo bwakomeje kwihagararaho, buviga ko butazongera gutanga andi mafaranga ayo ariyo yose ashingiye kuri ayo masezerano, ngo kuko nta bimukira buzigera bwohereza uko byamera kose.

Itangazo rigira riti "igitangaje ni uko imbaraga u Rwanda rwakoresheje rugerageza kugira ngo rurebe ko umwanzuro w’u Bwongereza wari umaze gufatwa wahindurwa zitigeze zitanga umusaruro."

Ubu rero, na nyuma y’uko u Rwanda rutanze ikirego mu buhuza, u Bwongereza bwanditse busubiza ko "bwahagaritse burundu ayo masezerano."

Hakurikijwe ibikubiye mu masezerano, iri seswa ngo rizatangira gukurikizwa ku wa 16 Werurwe 2026, ariko U Rwanda rwagaragaje ko rutishimiye icyo cyemezo.

Mu biganiro by’ubuhuza, u Rwanda rugaragaza ibisabwa bitatu: birimo, ko u Bwongereza butubahirije amasezerano y’inyandiko zasobanuraga imitegurire y’imari y’aya masezerano, ntibwubahirije kandi ingingo ya 18 y’amasezerano ku bijyanye n’izo ngingo z’imari, ndetse ntibwubahirije Ingingo ya 19 y’amasezerano, kuko bwanze gutegura gahunda zo kwimurira mu impunzi.

Aha ni cyo cyatumye u Rwanda rukurikirana ibi birego binyuze mu nzira y’ubuhuza, kuko u Bwongereza bwanze ko habaho ibiganiro kuri izo ngingo, nta yandi mahitamo yari asigaye.

Abatavanzemo izindi ndimi bakoresha amagambo y’ikinyarwanda mu buryo butari bwo, cyangwa se ataba mu Kinyarwanda, nko ku bihekane birimo ‘Nta cyangwa Mpa, aho usanga mu mivugire cyangwa mu myandikire byarahinduwe ‘Na cyangwa Ma.

Nyamara, inama zitandukanye ziba zitabiriwe n’Abanyarwanda ku kigero kiri hejuru ya 90%, ariko zigakorwa mu ndimi z’amahanga, amasezerano atandukanye y’aba ay’akazi, ayo mu bigo by’imari, ubwishingizi n’ahandi.

Ubwo inzego zitandukanye z’ubuyobozi zifite aho zihuriye n’Umuco, zahuriraga mu kiganiro nyunguranabitekerezo kigamije gushyira imbaraga no guhuza ubukangurambaga bw’Ikinyarwanda n’ibikorwa byo kwizihiza Intwari z’Igihugu, ku wa 27 Mutarama 2026, Minisitiri w’Ubumwe bw’Abanyarwanda n’Inshingano Mboneragihugu, Dr. Jean Damascène Bizimana yavuze ko igihe abantu bakuru n’abandi bavuga rikijyana bakomeza kujya bavuga Ikinyarwanda nabi, abato bazacyeka ko ari ko kivugika.

Yagize ati “Ntabwo ndimo mvuga ko indimi z’amahanga tutagomba kuzimenya, tugomba kuzimenya, tukanazivuga neza cyane, ariko bitavanyeho kumenya kuvuga, gukoresha neza binogeye, ururimi rwacu rw’Ikinyarwanda ruduhuza. Dufatanye guhuza Ubutwari n’Umuco, akamenyero ko gukoresha neza ururimi rwacu kuko nta butwari budashingiye ku muco, kandi imwe mu nkingi z’umuco ni ururimi.”

Intebe y’Inteko Prof. Robert Masozera, avuga ko umwaka ushize, bakoze isuzumabipimo, ku murage ndangamuco w’u Rwanda, bashyize ahagaragara muri Kanama 2025, rigaragaza ko ururimi rw’Ikinyarwanda ruvugwa n’Abanyarwanda ku kigero cya 99.7%.

Ati “Ikibazo kiri ku buryo kigenda gikoreshwa mu buzima bwa buri munsi, turagenda tubona ibyonnyi, gikoreshwa nabi mu mvugo no mu myandikire, uburyo kivangwavangwa n’indimi z’amahanga no mu gihe bitari ngombwa. Tukabona uburyo kigenda giteshwa agaciro kigafatwa nk’ururimi rutajyanye n’igihe, ururimi rw’abantu batize. Abanyarwanda twabajije, ku kigero cya 70.6% bagaragaje ko imikoreshereze y’Ikinyarwanda itaboneye, muri bo 6.3% babona itaboneye namba, 64.3% nibo babona ko idashimishije.”

Abari ku isonga mu kwica ururimi rw’Ikinyarwanda, barimo abahanzi, abanyamakuru by’umwihariko abakora siporo n’imyidagaduro, abayobozi mu nzego zitandukanye barimo ab’amadini, ababyeyi n’abandi bose bavuga rikumvikana.

Aba bose ariko ngo bashobora kuba n’umuyoboro mwiza gishobora kwigishirizwamo neza, kubera uko bakurikirwa bakanumvwa cyane n’abaturage.

Umuyobozi Mukuru w’Urwego rw’Igihugu rushinzwe Intwari, Imidali n’Impeta by’Ishimwe (CHENO), François Ngarambe, avuga ko ubutwari burangwa n’umuco, nawo ukarangwa n’ururimi.

Ati “Twumve neza y’uko ubutwari burangwa n’umuco, umuco urangwa n’ururimi. Igihe tudafite ururimi ntabwo twakwizera kuzagira intwari mu minsi iri imbere, kubera ko ubutwari barabwitoza, n’ururimi bararwiga. Hari ibyo tugomba kwinenga kubera ko dufite intege nke mu kwandika ibitabo, kugira ngo abantu babone ibyo basoma. Ababyiruka ubu bagomba gusoma ibintu bijyanye n’ibibazo biriho ubu ngubu kandi abanyamahanga ntabwo bazabidukorera, tuzatsindwa na none.”

MINUBUMWE ivuga ko inzego zose zifite aho zihuriye n’ikibazo cyo gusigasira ururimi rw’ikinyarwanda, zigomba gushyira hamwe bagasenyera umugozi umwe kugira ngo ababyiruka bige kuvuga no kwandika ikinyarwanda kandi mu buryo bunoze.

Ni amasezerano yasinyiwe ku cyicaro cy’iyo Ambasade ku gicamunsi cyo kuri uyu wa mbere tariki 26 Mutarama, akaba yashyizweho umukono na Ambasaderi w’u Buyapani mu Rwanda Nakajo Kazuya, hamwe n’Umuyobozi mukuru wa AVEH Umurerwa Eugene Ndayambaje.

Ni inkunga izatangwa mu mushinga wiswe Grant Assistance for Grassroots Human Security Projects /GGP/KUSANONE, aho Guverinoma y’u Buyapani izatanga Amadolari ya Amerika 89,725 anywanye na 120,453,700Frw, akazakoreshwa mu kubaka amacumbi afite ubushobozi bwo kwakira abana 102, bafite ubumuga bwo mu mutwe.

Hazanashyirwamo ibitanda 96, harimo n’ibigeretse, ibikoresho by’ibanze, hatangwe amagare y’abafite ubumuga 22, hamwe n’ibikoresho 10 byifashiswa mu kugenda hamwe n’ibya siporo.

AVEH Umurerwa n’Ikigo giherereye mu Murenge wa Nyamata mu Karere ka Bugesera, kikaba gisanzwe cyita ku bana 120, bafite ubumuga bwo mu mutwe, ariko bari mu byiciro bibiri, kubera ko harimo abafashirizwa mu miryango n’abandi baba mu kigo.

Aba bana bitabwaho hashingiwe ku nkingi enye zirimo; ubuzima, uburezi, imibereho myiza hamwe n’ubuvugizi, ku buryo bakurikiranwa umunsi ku wundi.

Abana bafashirizwa muri icyo kigo ni abo guhera mu kigero cy’imyaka itanu kugera nko kuri 17, baba bafite ibibazo bitandukanye bitewe n’urugero rw’ubumuga buri wese afite, kuko harimo abadashobora kwijyana ku musarani, kwigaburira, kuvuga, kwiyuhagira n’ibindi byinshi umuntu akenera kwikorera mu buzima busanzwe.

Abana 20 bonyine nibo bafashwa baba mu kigo abandi bagafashirizwa mu miryango kubera ikibazo cy’ibikorwa remezo birimo amacumbi adahagije, bigatuma hari abasubira inyuma mu burwayi bafite.

Umuyobozi Mukuru wa AVEH Umurerwa, Eugene Ndayambaje, avuga ko bakoze umushinga w’amacumbi yakwifashishwa n’abana bafite ubumuga bwo mu mutwe, bawushyikiriza Ambasade y’u Buyapani, barawiga basanga ukwiye guterwa inkunga kugira ngo abo bana bakomeze gufashwa, bagire uburenganzira nk’ubw’abandi bana mu Rwanda.

Ati “Iyo nkunga izafasha mu kubaka ibyumba byo kuraramo by’abo bana, ariko ifashe no kugura ibikoresho byo gushyirwa muri iyo nyubako. Ibyo bizatuma imbogamizi AVEH yari ifite zo kwita ku bana bafite ubumuga bwo mu mutwe baba mu kigo, bava ku mubare wa 20, ushobore kuzamuka ugere ku 100 barenga. Bizagabanya umutwaro Leta n’ababyeyi bafite ku bana bafite bwo mu mutwe.”

Iyo abo bana bari mu kigo bashobora guhabwa ubumenyi bwo kwiyitaho bakagera ku rwego rwo gushobora kuva mu mwanya barimo bakajya mu ishuri, akaba yanagera ku rwego rwo kwigana n’abandi bana badafite ubumuga.

Binyuze muri gahunda ya GGP/KUSANONE, Guverinoma y’u Buyapani itanga inkunga ku miryango itari iya Leta, ibigo by’amashuri, ibigo nderabuzima n’inzego z’ibanze, hagamijwe gushyigikira imishinga igirira akamaro abaturage ku rwego rw’ibanze.

Mu myaka 36 ishize, iyi gahunda yagize uruhare mu iterambere mu nzego zirimo amazi, ubuhinzi, ubuzima, hamwe n’uburezi. U Buyapani n’ u Rwanda basanzwe bafitanye ufatanye bugamije gukomeza guteza imbere imibereho myiza y’abanyarwanda no gushyigikira intego z’iterambere rirambye.

Ambasaderi w’u Buyapani mu Rwanda, Nakajo Kazuya, avuga ko inkunga yatanzwe izakoreshwa mu kwongera ubushobozi bwa AVEH Umurerwa.

Ati “Uyu mushinga nurangira, abana bakeneye kwitabwaho mu gihe kirekire ntibazongera kugorwa no kubona ibikorwa remezo, ahubwo bazahabwa amahirwe yo kugaragaza no guteza imbere impano n’ubushobozi bwabo.”

Imirimo yo kubaka ayo macumbi igiye guhita itangira nyuma yo gusinyana amasezerano, ikazarangira mu gihe cy’umwaka umwe.

Ikigo cya AVEH Umurerwa, cyatangiye gukora mu 2005, bakaba bafite abana bose hamwe 120 bakurikirana mu buzima bwa buri munsi, barimo 20 baba mu kigo, abandi 100 ni abakurikiranirwa mu miryango yabo.

Muri ubwo butumwa Edman yagize ati “Umwaka urahise n’undi uratashye, Miss Naomie akoze ubukwe, ariko nta kanunu ko gusama.”

Ni amagambo atakiriwe neza na benshi mu bakoresha imbuga nkoranyambaga, kuko bagaragaje ko ari ukwinjira mu buzima bwite bw’umuntu no kumwibasira.

Byakomeje gukurura impaka benshi bagaragaza ko bitagakwiye, kugeza mu rukerera rwo kuri uyu wa 27 Mutarama, ubwo Naomi Nishimwe yaje gusubiza agira ati “Ni nde wagushyizeho ngo ugenzure ubuzima bwanjye? Inda yanjye si umushinga rusange, nshuti. Tanga indi nkuru, nyabuneka."

Abahanzi cyangwa abandi bantu bazwi, bakunze kugaragaza ko bababazwa bakanakomeretswa no kubazwa impamvu batabyara, kuko hari n’igihe umuntu aba abishaka yarabibuze kandi atariyakira, ari yo mpamvu batifuza abantu babashyiraho igitutu bababaza impamvu batabyara cyangwa badakora ubukwe.

Miss Nishimwe Naomie yasezeranye mu mategeko n’umukunzi we Michael Tesfay, ku wa 27 Ukuboza 2024, indi mihango y’ubukwe bwabo iba ku wa 29.

Kugira ngo umubare w’abashomeri mu Rwanda ugabanuke kurushaho inzego z’ubuyobozi zisanga ba rwiyemezamirimo bakwiye kugirira icyizere no guha amahirwe Abanyarwanda mu mirimo itandukanye, kuko ariyo nzira yonyine izabafasha kugira ubunararibonye mu kazi no kwikura mu bukene.

Umuyobozi w’Umujyi wa Kigali, Samuel Dusengiyumva, avuga ko zimwe mu mbogamizi bakibona ari ikibazo cy’ubushobozi buke bw’abantu bakenera akazi ariko rimwe na rimwe ugasanga habamo gusigana nka kumwe abantu bibaza ngo ari inkoko, ari igi, ni iki cyaje mbere.

Yagize ati “Hari site twasuye nsanga barimo guhuza ibyuma, nsanga birimo gukorwa n’abantu bo mu Buhinde babiri, ndababaza nti ese mumaze gukora amadirishya angahe, bambwira ko bamaze gukora 200. Nti mufite Abanyarwanda se, bati yego, ni bangahe, bati ni batanu, bakozemo angahe, bati 20.”

Yungamo ati “Ufite abantu barindwi barimo gukora akazi, abavandimwe bacu batanu babashije gukora amadirishya 20 muri 200. Ndabaza nti ese ni ukubera iki? Bagatangira kugusobanurira, bati baza nta bumenyi bafite ariko n’ubushake buba ari buke. Ariko ku rundi ruhande njye rwiyemezamirimo ni jye ufite inyungu nyinshi mu gufasha wa Munyarwanda kuzakora amadirishya arenze ay’uwo Muhinde uri aho ngaho.”

Mayor Dusengiyumva avuga ko nubwo hari ikibazo cy’ubushobozi bukiri buke ku bakozi, ariko hari n’icy’imyumvire ku bakoresha, kubera ko hari imirimo idasaba ubumenyi buhambaye, kandi ugasanga ikorwa n’abanyamahanga.

Ati “Iyo urebye imirimo isanzwe ikorerwa ku bikorwa by’ubwubatsi (Chantier), nko gusiga irangi, abubatsi bakubwira ko bigira ibyiciro nka bine gusa, ibindi ni ugusubiramo umanura, uzamura. Ariko urareba ugasanga abajene (jeunes) bacu ntabwo barimo kubimenya, ku buryo nibaza ko twe turi mu mwuga dukeneye kureba icyo twakora kugira ngo aba bana barangiza amashuri y’imyuga tubafashe.”

Arongera ati “Mu ishuri abantu bahabwa ubumenyi, ariko rwiyemezamirimo niwe ushobora kugira ubushobozi bwo kwigisha umuntu uko yabukoresha imirimo ibyara amafaranga. Ikijyanye n’ubushobozi buke natwe tugifitemo uruhare, ntitukakirebere gusa nk’ikibazo kiri ahandi, akenshi turavuga ngo ni Minisiteri y’Uburezi, Inzego z’ibanze, ariko niba wowe ukeneye abakozi 100, urimo gukora iki kugira ngo ba bakozi tubabone ku isoko?"

Ba rwiyemezamirimo bavuga ko hari igihe bashaka abakozi b’Abanyarwanda bakababura, abo babonye bagasanga badahagije.

François Rutayisire, umwe mu bubatsi bibumbiye mu Ishyirahamwe ry’Ibigo bikora Imirimo y’Ubwubatsi mu Rwanda (AEBTP), avuga ko kimwe mu bibazo bagira, ari ukubura abakozi.

Yagize ati “Ubu tugira ibigo tukabura abakozi, kandi amashuri asohora abanyeshuri benshi, twese tujya ku mashansiye (Chantier) yacu tugakanura amaso. Mfite umushinga ndimo gukora i Musanze, aho abantu bubaka amazu, nturuka i Kigali nkabashaka i Musanze, nkabavana za Huye n’ahandi mu gihugu hose, hakaza umwe, nkibaza nti ariko ibi bintu nibyo, tubura abakozi kandi bahari.”

Umuyobozi wa AEBTP, Sadate Munyakazi

Umuyobozi wa AEBTP, Sadate Munyakazi, avuga ko imikoranire y’u rwego rwa Leta n’abikorera ari imwe mu nkingi y’ibisubizo birambye ku bukungu bw’igihugu."

Agira ati “Ni umwanya mwiza w’uko ubwo bufatanye tubugira intego bikadufasha twese kuzamura iki gihugu. Iki gihugu ni icyacu, kugiteza imbere nitwe bireba kandi tubona ko bishoboka.”

Raporo nshya ku bijyanye n’umurimo mu Rwanda (Labour Force Survey), y’Ikigo cy’Igihugu cy’Ibarurishamibare (NISR), igaragaza ko muri rusange, mu gihembwe cya mbere cya 2025, Abanyarwanda bari bagejeje igihe cyo gukora, ni ukuvuga abarengeje imyaka 16, bari miliyoni 8.6.

Iyo raporo igaragaza ko ubushomeri bwagaragaye cyane mu bagore aho buri ku kigero cya 13%, naho mu bagabo bukaba 10,5%, mu rubyiruko, bwageze kuri 14,1%, mu gihe mu bantu bakuze buri ku gipimo cya 10%.

Ni mu birori byabereye mu Mujyi wa Kigali ku mugoroba wo ku itariki ya 23 Mutarama, byibanda cyane ku kugaragaza icyizere iyi banki yubatse mu bakiriya, iterambere yabagejejeho n’uruhare yagize mu iterambere ry’ubukungu bw’u Rwanda.

Muri ibi birori hashimiwe abakiriya bamaze igihe kirekire bakorana na BK, barimo abantu ku giti cyabo, ibigo bito n’ibiciriritse (SMEs), ubucuruzi bushingiye ku buhinzi, n’ibigo bikomeye.

Hatanzw ibihembo ku bakiriya, nk’ikimenyetso kigaragaza ko BK iha agaciro umubano w’igihe bamaranye.

Ibihembo byatanzwe byashyizwe mu byiciro bitandukanye birimo icyitwa Umurage cyahawe Bralirwa, Gwiza cyahawe Hygebat, icyiswe Akaramata gihabwa Benebeza Gatera, Ishyaka gihabwa Archidiocèse ya Kigali, hamwe na Mugabekazi cyahawe Zulfat Mukarubega washinze Kaminuza ya UTB.

Ibi byiyongeraho ibindi byahawe abo mu Turere, muri buri Ntara hashimirwa umuntu umwe w’indashyikirwa, barimo Vincent Semuhugu wo mu Ntara y’Amajyepfo, Balthazar Nshimiyimana wo mu Majyaruguru, Evariste Mushengezi w’Iburengerazuba na Jean Bosco Budeyi w’Iburasirazuba.

Gerard Sina, ni umwe mu bakiriya ba BK bamaze igihe kirenga imyaka 35, avuga ko muri iyo myaka hari impinduka nyinshi zimaze kubaho.

Ati “Nkanjye natangiranye nayo, saa sita muri BK bajya kuruhuka bakagaruka saa munani, none ubu umukozi ajya kuruhuka, agasimburana n’undi agakomeza agatanga serivisi, icyo ni ikintu cyiza. Cyera byadusabaga kubasanga mu biro, none ubu barahaguruka bakadusanga aho turi, bakareba neza niba ari inguzanyo waka, imikorere yawe bakayisura, ndetse n’icyo utavuze cyangwa gusaba, bo bakagira uruhare mu kugufasha kuguha ibitekerezo by’ukuntu ushobora kubona inguzanyo itubutse.”

Saidat Mukanoheli ni umwe mu batsindiye itike y’indege yo kujya muri Seyschelles izishyurwa na BK, avuga ko yatangiye gukorana n’iyi banki mu 1987, akiri umwana iwabo banyuza amafaranga y’ishuri kuri konti ye, ku buryo kuva icyo gihe kugeza uyu munsi bamaze gukorana urugendo rukomeye mu bikorwa by’iterambere.

Ati “Tuyishima kwihutisha serivisi, guherekeza umuntu mu bikorwa bye, kuba yakugeza ku ndoto zawe. Isabukuru y’imyaka 60 ivuze kwiyubaka, kubaka Igihugu, imishinga, kugera ku nzozi z’umuntu, ni byinshi sinabivuga ngo mbirangize kuko BK ni banki yanjye. Nagiye mu bihugu byinshi cyane ariko Seyschelles nari ntarahagera, kuba BK ihangejeje ni ibyishimwe ntabona uko nsobanura.”

Ubuyobozi bwa BK, buvuga ko kwizihiza isabukuru y’imyaka 60 byatangijwe ku wa 23 Mutarama, ariko bizakorwa umwaka wose, kuko buri kwezi hateganyijwe ibikorwa byo kwizihiza iyo sabukuru kugeza umwaka urangiye.

Umuyobozi Mukuru wa BK, Dr. Diane Karusisi, avuga ko ibikorwa byo kwizihiza isabukuru y’imyaka 60 BK yatangije, bacyise kwizihiza ‘Umurage Mwiza BK imaze kugeraho mu Rwanda’, babwira abakiriya ko bakiri kumwe, kandi bazakomeza gufatanya mu bikorwa by’iterambere.

Ati “Tuzi ko muri iyi myaka ishize, hari aho twagiye tugira intege nke, tutanoza imikorere, ariko bo bagumanye natwe, urumva ko ari ikintu gikomeye. Tukaba tubizeza ko natwe mu myaka iri imbere tuzakomeza kubana nabo mu mishinga bafite, mu kwiyubaka, kugira ngo twubake umurage ufatika, twubakane u Rwanda.”

Banki ya Kigali ifite abanyamuryango barenga ibihumbi 700, bakaba bafite intego yo kurenza Miliyoni n’igice. Iyi banki imaze gutanga inguzanyo zirenga miliyali ibihumbi 2, ibi bikaba biyigira banki ya mbere.

Imibare yerekana ko uburyo bugezweho nka agapira (implant), inshinge n’ibinini bukoreshwa cyane.

Muri rusange Abanyarwanda bakoresha uburyo bwo kuboneza urubyaro barenga miliyoni ebyiri, bavuye kuri miliyoni 1,5 bariho mu 2019. Bivuze mu gihe cy’imyaka itanu, abantu ibihumbi 492 binjiye muri gahunda zo kuboneza urubyaro, bigaragaraza impinduka mu myumvire y’abaturage.

Agapira (implant) nibwo buryo bwo kuboneza urubyaro bukoreshwa cyane mu Rwanda, kuko kamaze gukoreshwa n’abagera 879.113, barimo 212.974 batangiye kugakoresha mu 2024. Hakurikiraho inshinge zikoreshwa n’abantu 671.008, barimo 180.182 bazitangiye mu 2024.

Uburyo bw’ibinini bwo bukoreshwa n’abantu 348.291, barimo 141.205 babutangiye mu 2024.

Iyo mibare igaragaza kandi ko abagore bifungishije burundu biyongereye ku buryo bugaragara, bava ku 14.456 mu 2019 bagera ku 35.105 mu 2024, byanatumye umubare w’abana bavuka ku mubyeyi bagabanuka, aho umubyeyi asigaye abarirwa abana 3.7.

Kimwe mubyo abayobotse ubwo buryo bahurizaho, ni uko bibafasha kwita ku bana babo babarinda kugwingira, bakiteza imbere, kubera ko kubyara indahekana bidindiza mu iterambere.

Nubwo abashinzwe serivisi zo kuboneza urubyaro basaba ababyeyi guhitamo uburyo bashaka, imibare igaragaza ko ababoneza urubyaro bagenda biyongera, ariko abagore bakavuga ko hari uburyo bubagiraho ingaruka, ku buryo hari abahitamo kubireka.

Umuyobozi ushinzwe kwita ku buzima bw’umwana n’umubyeyi muri RBC, Dr.François Régis Cyiza, avuga ko muri rusange imiti yo kuboneza urubyaro igizwe n’imisemburo igendanye n’ubuzima bw’imyororokere abantu basanzwe bagira mu mibiri yabo.

Ati “Iriya miti yo kuboneza urubyaro hafi ya yose ukuntu ikora, isa naho ishingiye ku misemburo n’ubundi dusanzwe dufite. Birumvikana nk’umuti uwo ari wo wose cyangwa ikintu icyo ari cyo cyose cyinjira mu mubiri, burya imibiri yacu ntabwo icyakira kimwe. Iyo dukoresha buri buryo bwo kuboneza urubyaro abenshi nta kibazo bagira iyo bakibutangira, ariko hari bake umubiri ubanza kugira umwanya wo kubanza gusa nkaho wimenyereza wa muti.”

Ku rundi ruhande, haracyari impungenge ku kwiyongera kw’abangavu baterwa inda zitateganyijwe, aho imibare y’ Ubushakashatsi bwa karindwi ku buzima n’imibereho y’abaturage (DHS 7) bwo mu 2025, yagaragaje ko bageze ku 8% bavuye kuri 5% bariho mu myaka itanu ishize.

Ni bimwe mubyo yatangaje ubwo yahagurukaga ku kibuga cy’indege mpuzamahanga cya Kigali mu ijoro ryo ku wa 22 Mutarama, ari kumwe n’itsinda rigari ryo muri 1:55AM.

Mu butumwa yatanze, Mélodie yavuze ko urugendo rwabo baruhereye muri Kenya, bakazakomereza no mu bindi bihugu birimo n’ibyo ku mugabane w’u Burayi.

Yagize ati "Twerekeje Nairobi, aho dutangiye urugendo rwo kuzenguruka tuganira n’itangazamakuru kuri ’Pom Pom’, njyanye na aba jeûne batandukanye. Gahunda rero ukuntu iteye, uyu mushinga wa ’Pom Pom’, ni n’umushinga ukomeye cyane. Twari turi mu bindi bintu turimo gushaka ibizakurikiraho n’ibindi bizarushaho gutuma ibintu bigenda neza, niyo mpamvu twari tutaratangira."

Yunzemo ati "Uyu munsi dutangiye ku mugaragaro urugendo rwo kuzenguruka tuganira n’itangazamakuru, duhereye Nairobi, tuzakomereza na Tanzania, Uganda, i Burayi n’ahandi hose, tuzakomeza tugenda tubaha amakuru."

Uyu muhanzi yasabye abantu gukomeza kureba indirimbo ye ’Pom Pom’, banayisangiza abandi ku mbuga nkoranyambaga, anabahishurira ko hari indi ndirimbo abateganyiriza mu bihe biri imbere.

Ati "Umushinga w’indirimbo ikurikiyeho nawo dusa nkaho twamaze kuwutunganya, mwa bantu mwe mbafitiye ingoma numva nanjye nkumva ngize akantu k’ubwoba. Ariko gahunda ni uko imeze, muzajya mugenda mubona amakuru. Dufite lisiti y’amaradiyo menshi cyane, tuzajya tugenda tuhanyura, cyane ko indirimbo iyo yabaye nini muri Afurika y’Iburasirazuba kiba ari igihe cyiza cyo kuyifatirana."

Yanakomoje ku bitaramo ateganya gukora azenguruka Igihugu, avuga ko biri mu nzira, akazakorera ibindi ku mugabane w’u Burayi harimo icyo ateganya gukorera i Bruxelles mu Bubiligi tariki 7 Gashyantare.

Indirimbo ‘Pom Pom’ Bruce Mélodie yayikoranye n’abarimo Diamond wo muri Tanzania na Brown Joel wo muri Nigeria, akaba yarayishyize ahagaragara ku wa 1 Mutarama 2026.

Muri iyi ndirimbo, Bruce Mélodie yaririmbye mu Kinyarwanda, Diamond aririmba mu Giswahili naho Brown Joel aririmba mu ki ‘Yoruba’ ururimi gakondo rw’ab’i Lagos muri Nigeria.

Iri mu njyana benshi bita ‘Afro House’ mu buryo bw’amajwi ikaba yarakozwe na C-Tea Beat, umwe mu batunganya imiziki bafite izina rikomeye muri Afurika, mu gihe amashusho yayo yo yatunganyijwe na Sacha Vybz.

Ni inka zifite umwimerere mwiza, bikaba ari intambwe ikomeye mu gushimangira gahunda y’igihugu yo gutera intanga ku nka (Artificial Insemination – AI) no kwihutisha guteza imbere akamero mu rwego rw’ubworozi.

Izi mpfizi zakuwe mu borozi bakomeye bo mu Budage, zikaba zifite ubushobozi bwo kubyara inka zishobora gutanga litiro zirenga 10,000 z’amata mu gihe inka imara yonsa(lactation).

Inka ya Firizoni imara amezi asaga icumi ikamwa, mbere y’uko yitegura kongera kwima. Byabi bivuze ko intanga z’iyi mfizi zaba zifite ubushobozi bwo gufasha umworozi kugera kuri litiro 33 z’u mukamo ku munsi.

Biteganyijwe ko izindi mpfizi 20 zifite umwimerere mwiza zizagera mu gihugu muri Mata 2026, zirimo izo mu bwoko bwa Holstein-Friesian, Jersey na Brown Swiss zizwiho gutanga umusaruro w’amata mwiza, hamwe na Angus na Charolais hagamijwe kongera umusaruro w’inyama.

Uku kuzana mpfizi bizafasha cyane kongera umusaruro, ubwiza n’ubwiyongere bw’amoko y’intanga z’inka zitunganyirijwe mu Rwanda, bikemure icyuho cyari gihari mu kubona icyororo cy’inka yujuje ubuziranenge, kandi ritange umusanzu mu kongera umusaruro w’ubworozi no kuzamura imibereho y’aborozi mu gihugu hose.

Uyu mushinga unashyigikira ishyirwaho rya Centre of Excellence mu Guteza Imbere Jenetike y’Inka (Bovine Genetic Improvement) i Songa mu Karere ka Huye, igamije gutanga jenetike y’inka z’amata n’inyama yujuje ubuziranenge, guteza imbere ikoranabuhanga rigezweho mu kororoka no gutera intanga no kwimura intanga (embryo transfer), no kuba igicumbi cy’igihugu cy’amahugurwa, ubushakashatsi n’udushya bigenewe aborozi n’abatekinisiye mu bworozi.

Iyi gahunda ihuje n’icyerekezo cy’igihugu kirimo gahunda ya Gatanu yo Guteza imbere ubuhinzi n’ubwrozi (PSTA5) n’icyiciro cya kabiri cya gahunda y’Igihugu yo kwihutisha iterambere (NST2), bigamije kongera umusaruro w’amata ku rwego rw’igihugu ukagera kuri toni metiriki 1,323,561 ku mwaka bitarenze 2028/2029, bityo bigafasha mu gushimangira umutekano w’ibiribwa n’imirire no kwihutisha impinduka mu nzego z’ubuhinzi n’ubworozi mu Rwanda.

Imibare ya Minisiteri ishinzwe Ibikorwa by’Ubutabazi (MINEMA) igaragaza ko kuva mu mwaka wa 2016 kugera umwaka ushize, umubare w’abahitanwa n’inkuba wagiye uhindadurika, uva ku bantu 37 mu 2016, kugera ku bantu ijana umwaka ushize wa 2025.

Uretse umwaka wa 2017 wagiye hasi ho gato, ukaba wari ufite abantu 24 bishwe n’inkuba, indi myaka yabayemo ibiza byinshi by’inkuba zibasiye ubuzima bw’abantu.

MINEMA igaragaza ko guhera muri Mutarama 2025 kugera tariki ya 15 Mutarama 2026, abantu 100 ari bo bamaze guhitanwa n’inkuba. Impamvu nyamukuru ni imvura nyinshi yaguye ivanze n’inkuba hafi mu gihugu hose.

IMIBARE Y’ABAHITANYWE N’INKUBA BURI MWAKA (2016–2025)

2016: 37
2017: 24
2018: 61
2019: 52
2020: 46
2021: 59
2022: 57
2023: 43
2024: 81
2025: 100 (kugeza tariki 15 Mutarama2026)

Mu gihe cy’imyaka 10 ishize, inkuba zimaze guhitana abantu 560, zikomeretsa abarenga 1,500, zinahitanya amatungo arenga 800.

MINEMA isaba abaturage kwirinda inkuba birinda kugama munsi y’ibiti, gukoresha telefoni mu mvura, kwegera ibyuma n’iminara, no gushyira imirindankuba ku nyubako.

Ni umuhango witabiriwe n’abayobozi batandukanye bo mu karere no ku rwego mpuzamahanga, abahagarariye ibihugu byabo, n’abandi bashyitsi bakomeye, ukaba wabaye mu mutuzo n’umutekano usesuye, ugaragaza icyubahiro n’akamaro k’icyo gikorwa ku gihugu.

Perezida Mamadi Doumbouya warahiye ku mugaragaro, yiyemeje kubahiriza Itegeko Nshinga, kurinda ubusugire bwa Guinée, no gukorera inyungu z’abaturage.

Nyuma yo kurahira, hatanzwe ijambo ry’icyerekezo, ryibanze ku kwimakaza ubumwe bw’igihugu, imiyoborere myiza, n’iterambere rirambye.

Uyu muhango waranzwe kandi n’imigenzo itandukanye irimo indirimbo y’igihugu, n’ibikorwa by’umuco, byose bigaragaza ubusugire n’ubwigenge bya Guinée.

Kwitabirwa kwawo n’abayobozi baturutse mu bihugu bitandukanye byashimangiye umubano wa dipolomasi n’ubufatanye bw’Akarere.

Mamadi Doumbouya yatsinze amatora y’umukuru w’Igihugu yo ku wa 8 Ukuboza, agize amajwi 86.72%, ahitamo kuzana ubuyobozi bwe mu buryo bwemewe n’amategeko.

Umukandida waje ku mwanya wa kabiri ni Abdoulaye Yéro Baldé wabonye 6.59% by’amajwi.

U Rwanda na Guinée basanzwe bafitanye umubano ukomeye mu nzego zitandukanye, ugamije guteza imbere iterambere n’inyungu bihuriweho n’ibihugu byombi.

Isuzuma rya UPR ni uburyo bwashyizweho n’Inama y’Umuryango w’Abibumbye yita ku burenganzira bwa muntu (UN Human Rights Council) bugamije gusuzuma no kugenzura uko ibihugu byose bikurikiza inshingano z’imibereho n’uburenganzira bwa muntu, aho buri gihugu kandi k’ikinyamuryango cy’Umuryango mpuzamahanga (UN), gisuzumwa buri myaka ine cyangwa itanu, mu rwego rwo kongera kunoza uko uburenganzira bwa muntu bwubahirizwa.

Mu Rwanda iri suzumwa rimaze gukorwa inshuro eshatu, kuko u Rwanda rwasuzumwe bwa mbere muri Mutarama 2011. Icyo gihe hari ibihugu 48 byafashe ijambo biha u Rwanda imyanzuro 73, rwiyemeza gushyira mu bikorwa 67.

Irya kabiri ryakozwe nyuma y’imyaka ine riba mu Gushyingo 2015, icyo gihe ibihugu byafashe ijambo byariyongereye biva kuri 48 byariho ku nshuro ya mbere, bigera kuri 88, bitanga imyanzuro 229, u Rwanda rwemera gushyira mu bikorwa 50.

Ku nshuro ya gatatu ari naryo riheruka, ryabaye muri Mutarama 2021, riba mu buryo bw’ikoranabuhanga kubera Isi yari yugarijwe n’icyorezo cya Covid-19.

Kuri iyo nshuro nabwo ibihugu byariyongereye kuko 99 aribyo byafashe ijambo, biha u Rwanda imyanzuro 284, rwiyemeza gushyira mu bikorwa 160.

Isuzuma rya kane rya UPR ku Rwanda, riteganyijwe muri uyu mwaka tariki 21 Mutarama, ibihugu bigera 103 bikaba aribyo bimaze kugaragaza ko bizafata ijambo, ariko bikaba bishobora kwiyongera.

Ukurikije kuva ku nshuro ya mbere isuzuma rya UPR ritangira gukorwa ku Rwanda, usanga kuva icyo gihe kugeza ku rigiye kuba ku nshuro ya kane, ibihugu bigira ijambo ku Rwanda, birushaho kugenda byiyongera.

Minisitiri w’Ubutabera akaba n’Intumwa Nkuru ya Leta, Dr. Emmanuel Ugirasebuja, avuga ko kwiyongera kw’ibihugu bigira ijambo muri iryo suzuma akenshi biterwa n’uko igihugu kiba kirimo kurushaho kugenda kimenyekana ku ruhando mpuzamahanga.

Ati “Iyo urebye abantu bazi ibibera muri icyo gihugu, aho bashobora kugenda bakabona za raporo zitandukanye z’icyo bihugu, akenshi usanga ariho bahera babaza ibibazo, ariko hari ibihugu usanga bitewe n’uko amakuru adahagije, ntaho wahera ubaza ibibazo byinshi. Usanga imibare y’ibihugu yiyongera, ndetse n’ibyemezo bifatwa byiyongera.”

Ku rundi ruhande ariko, ngo ni ikintu cyiza, kuko bigaragaza ko abantu bakurikirana ibibera mu Rwanda nkuko Dr. Ugirasebuja abisobanura.

Ati “Uba ari n’umwanya wo gusobanura nyakuri ibibera mu Rwanda, kuko hari ibiba bitari byo kubera za raporo ziba ziterekana ukuri ku bibera mu Rwanda. Nta hantu bihuriye no kwiyongera kw’ibibazo mu gihugu, kuko iyo ufashe mu masuzuma atandukanye atari aya UPR, bigaragazwa y’uko riteza imbere iyubahiriza ry’uburenganzira bwa muntu, usanga uko ibihugu bikora byinshi ari nako bibazwa byinshi.”

Yungamo ati “Muri uko gukora niho abantu bavana ibyo babaza, ndetse niyo za raporo yaba izo mu gihugu imbere, niho bahera abantu bagira ibibazo. Ariko hari n’ibihugu biba byifuza kuza bikabaza ibibazo kugira ngo birebe mu bikubiye muri raporo cyangwa ibindi bagiye bumva ku Rwanda, bakifuza kumenya uko twabigezeho nabyo n’ibintu bibaho cyane. Usanga ari ibintu akenshi biba muri iri suzuma, ntabwo ari ugusuzuma mu buryo bw’ibitagenda gusa, hari n’igihe abantu baba bashaka kumva ibyakozwe mu gihugu n’uko babigeraho.”

Biteganyijwe ko isuzuma rya UPR, rizaba rikorwa ku nshuro ya kane ku Rwanda, rizatangira ku wa 21 Mutarama, nibura ku wa 30, hakazaba hamaze kumenyekana imyanzuro rwafatiwe, aho iheruka igera 160 rwari rwiyemeje gushyira mu bikorwa muri 284 rwahawe, yashyizwe mu bikorwa ku kigero kiri hejuru ya 90%.

Kuba urwego rw’ubuhinzi n’ubworozi ari imwe mu nkingi zikomeye igihugu cyubakiyeho, ndetse runafatiye runini umusaruro mbumbe w’igihugu, byatumye guhera mu 2023, BK yiyemeza gushoramo amafaranga kugira ngo irusheho korohereza abarurimo kugera ku bisabwa byose.

Imibare ya BK, igaragaza ko mu 2023 batanze inguzanyo ingana na Miliyari 28Frw ku bari mu rwego rw’ubuhinzi, mu 2024 ariyongera agera kuri miliyari 58, mu gihe umwaka ushize (2025), warangiye inguzanyo zahawe abari muri urwo rwego zigeze kuri miliyari 96. Aya, angana n’izamuka rya 242%.

Uyu mwaka biyemeje kuzawurangiza nibura hatanzwe inguzanyo ingana na miliyari 140Frw. 

Ubwo bari mu gikorwa cyo gutangiza ku mugaragaro gahunda y’Imikoranire n’Ishyirahamwe ry’abacuruza n’abatubura imbuto nziza mu Rwanda (NSAR Collaboration Framework), kuri uyu wa Kane, umuyobozi Mukuru wa BK, Dr. Diane Karusisi yavuze ko bizera ko ubushobozi buhari burenzeho, kandi bemera ko ishoramari ryabo mu buhinzi rishobora kwiyongera.

Yagize ati “Kugira ngo tubigereho, ni ngombwa ko dukomeza gukorera hamwe. Dufitanye umubano mwiza na NSAR, dukorana n’abacuruzi b’inyongeramusaruro z’ubuhinzi barenga 800, binyuze mu mashami yacu hirya no hino mu gihugu. Dufite kandi gahunda 55 z’abahinzi b’inkomatanyirizo (out grower schemes) ziterwa inkunga na BK, ndetse n’ibigo 22 by’imbuto dufasha mu by’imari.”

Yunzemo ati “Icyerekezo cyacu ni uko inguzanyo z’ubuhinzi zigera nibura kuri 15% by’inguzanyo zacu zose, mu gihe ishoramari ryacu ryiyongera hafi 20% buri mwaka. Ubu inguzanyo zacu zose zingana na miliyari 1.5 z’Amadolari ya Amerika; kugera kuri 15% byatuma dushyira mu buhinzi asaga miliyoni 400 z’Amadolari. Aho ni ho twifuza kugera, kuko ubuhinzi bufite akamaro kanini mu gihugu cyacu, haba mu kwihaza mu biribwa no mu kubaka ubukungu butajegajega.”

Umuyobozi Mukuru w’Ishyirahamwe ry’abacuruza n’abatubura imbuto nziza mu Rwanda, Innocent Namuhoranye, avuga ko kuba umuhinzi akeneye imbuto n’ifumbire, kumenya kubikoresha naho ajyana umusaruro kandi ufite ubiziranenge, bidashobora kugerwaho nta bufatanye bubayeho hagati y’abafite aho bahuriye n’icyo gikorwa.

Yagize ati “Turashaka ko abikorera, abashoramari, bamanuka bagahindura ubuzima bw’abo baturage, ngira ngo BK mwumvise amafaranga imaze gushora mu buhinzi, ku nguzanyo batanze muri iyi myaka ishize, ni ubuhamya bufatika ndetse natwe abanyamuryango ba NSAR, twagize aho tuva naho tugera, dufite igenamigambi ry’imyaka irindwi, kandi ibigo byose byemeye gutanga ubushobozi bwabyo. Byitezwe ko mu myaka itanu mu Rwanda urwego rw’ubuhinzi ruzaba ruri ku rwego nk’urw’ibindi bihugu byateye imbere muri Afurika.”

Minisitiri w’Ubuhinzi n’Ubworozi, Dr. Telesphore Ndabamenye, avuga ko biteze ibisubizo bifatika bishingiye ku bufatanye bw’izo nzego.

Yagize ati “Icya mbere dutezemo ni uko ubwo bufatanye bubasha kwihutisha no kongera ishoramari muri icyo gikorwa. Ikindi twiteze ni ukumenya uko tugiye gucuruza no gushyiraho uburyo bunoze bwo kugeza imbuto ku bahinzi. Aba bantu nibakorera hamwe bizoroha kuko guhuza ibikorwa biradufasha, kugira ngo ibyo abaturage babibone vuba kandi mu buryo bworoshye.”

BK ivuga ko yiteguye kandi bushaka gukorana na buri wese, amafaranga akaba adakwiye kuba ikibazo, kuko bafite ubushobozi bwo gutera inkunga urwego rw’ubuhinzi mu gihugu hose, kugira ngo bubakire hamwe urwego rw’ubuhinzi rukomeye kandi rufite ubushobozi bwo guhangana n’ibibazo, hagamijwe umutekano w’ibiribwa n’iterambere rirambye.

Kuri uyu wa 16 Mutarama 2026, Minisitiri w’Ubutabera akaba n’Intumwa Nkuru ya Guverinoma, Dr. Emmanuel Ugirashebuja, yasobanuriye Komisiyo y’Abadepite y’Ubumwe bw’Abanyarwanda, Uburenganzira bwa Muntu no Kurwanya Jenoside ishusho rusange y’ishyirwa mu bikorwa ry’imyanzuro 160 u Rwanda rwiyemeje gushyira mu bikorwa mu isuzuma rya 2021, mu rwego rwo kubungabunga no kurengera uburenganzira bwa muntu.

Dr. Ugirashebuja yasobanuye impamvu hari imyanzuro u Rwanda ruhabwa mu Isuzuma Mpuzamahanga Ngarukagihe (UPR) ry’Uburenganzira bwa Muntu ariko ritayishyira mu bikorwa yose.

Yagize ati “Iyo ibihugu bimaze gukorerwa isuzuma, bihabwa amahirwe yo gusesengura imyanzuro yose, bakahitamo iyo bemeye ariko ntibayifateho umukoro.”

Minisitiri yasobanuye ko igihugu gishobora guhitamo imyanzuro yo gushyira mu bikorwa, ariko kidashobora kuvuga ko cyanze imyanzuro. Iyo hari umwanzuro igihugu kitemeranywa na wo, gisobanura impamvu muri raporo.

Ati “Hari raporo twongera gukora dusubiza iyo tumaze gusesengura imyanzuro yose. Haba hari ibyo twanze, muri raporo yacu dusobanura impamvu, cyane cyane iyo bihabanye n’intego z’igihugu.”

Dr. Ugirashebuja yatanze urugero ku mwanzuro uvuga gushyira abana mu gisirikare, asobanura ko u Rwanda rutakwirirwa rugira icyo rukora ku mwanzuro nk’uwo, kuko igihugu cyubahiriza uburenganzira bw’umwana kandi nticyemera gushyira abana bato mu gisirikare.

Yakomeje agira ati “Ibi ntibibuza ko igihe igihugu cyasesenguye imyanzuro kigasanga hari iyo kitemeye ariko bijyanye n’ibihe cyangwa impamvu, gishobora kuyongeramo mu ishyirwa mu bikorwa kandi kikayigaragaza mu raporo ya UPR. Igihe cyose habaye isesengura, igihugu kireba niba umwanzuro uri mu cyerekezo cyo guteza imbere imibereho n’uburenganzira bw’Abanyarwanda.”

Minisitiri yanagarutse kandi ku bindi bihugu bikomeza gusuzuma ubushobozi bw’igihugu mu ishyirwa mu bikorwa ry’imyanzuro, igihe gisabwa, ndetse no kureba niba umwanzuro ujyanye n’intego z’igihugu kandi ushingiye ku makuru y’ukuri, atari ku nyungu z’abantu ku giti cyabo.

Raporo ya kane y’u Rwanda ku Isuzuma Mpuzamahanga Ngarukagihe (UPR) ry’Uburenganzira bwa Muntu izasuzumwa ku wa 24 Mutarama 2026, aho intumwa za Leta zizatanga ibisobanuro ku byo u Rwanda rwatangaje.

U Rwanda rumaze gusuzumwa inshuro eshatu uhereye mu 2011. Bwa mbere, muri Mutarama 2011, mu bihugu 48 byatanze ibitekerezo, u Rwanda rwahawe imyanzuro 73 maze rwiyemeza gushyira mu bikorwa 67.

Isuzuma rya kabiri ryabaye mu Gushyingo 2015, ibihugu 88 byatanze ibitekerezo, bihaye u Rwanda imyanzuro 229, maze rwemera gushyira mu bikorwa 50.

Muri Mutarama 2021, UPR yabaye mu buryo bw’ikoranabuhanga kubera icyorezo cya COVID-19, ibihugu 99 byatanze ibitekerezo, biha u Rwanda imyanzuro 284, maze rwemera gushyira mu bikorwa 160.

Mu isuzuma ritegerejwe ku wa 26 Mutarama, ibihugu bimaze guha u Rwanda ibitekerezo ni 103, bishobora kwiyongera. Imyanzuro izavamo ni yo u Rwanda ruzashyira mu bikorwa mu myaka ine itaha.

Abakiriwe harimo Ambasaderi w’u Buyapani mu Rwanda, Nakajo Kazuya, hamwe na Mansour Ali Fahad Al-Shahwani Al-Hajri uhagarariye Leta ya Qatar.

Aba badipulomate bombi bagiye guhagararira ibihugu byabo mu Rwanda, bafite ibiro i Kigali.

U Rwanda na Qatar, basanzwe bafitanye umubano mwiza wa dipolomasi ushingiye ku bufatanye mu nzego zitandukanye zirimo ishoramari, ubwikorezi bwo mu kirere, ubucuruzi, n’iterambere ry’ubukerarugendo.

Ibihugu byombi byashyizeho umusingi ukomeye w’ubufatanye ugamije guteza imbere inyungu rusange no gushimangira umubano w’inshuti.

Mu rwego rw’ubwikorezi bwo mu kirere, Qatar Airways ifitanye umubano wihariye na RwandAir, binyuze mu bufatanye n’ishoramari Qatar yagize muri RwandAir, bigafasha u Rwanda kurushaho kwibona ku masoko mpuzamahanga no guteza imbere ubukerarugendo n’ubucuruzi.

Qatar kandi yagize uruhare mu ishoramari rikomeye mu Rwanda, cyane cyane mu mishinga y’iterambere n’ubukerarugendo, harimo n’ishoramari ryitezwe ku kibuga cy’indege mpuzamahanga cya Bugesera.

Ibi bigaragaza icyizere Qatar ifitiye icyerekezo cy’iterambere ry’u Rwanda n’ubushake bwo kurushaho kwagura ubufatanye mu nzego z’ingenzi.

Ku rwego rwa dipolomasi, abayobozi b’ibihugu byombi bagiranye ingendo n’inama zigamije gushimangira ubufatanye no kungurana ibitekerezo ku bibazo by’akarere n’iby’Isi. Uwo mubano ukomeje gutera imbere, wubakiye ku cyubahiro, icyizere n’inyungu z’impande zombi.

Ku rundi ruhande, u Buyapani n’u Rwanda bisanzwe bifitanye umubano mwiza wa dipolomasi umaze imyaka myinshi, ushingiye ku bufatanye mu iterambere, uburezi, ikoranabuhanga, ubuzima, n’iterambere ry’abaturage.

U Buyapani ni umwe mu bafatanyabikorwa bakomeye b’u Rwanda mu iterambere, binyuze mu nkunga n’imishinga itandukanye itangwa n’Ikigo cy’Abayapani gishinzwe ubutwererane (JICA).

Iyi mishinga yibanda cyane ku guteza imbere ubuhinzi bugezweho, kubaka ubushobozi bw’abakozi, guteza imbere imiyoborere myiza, uburezi n’ubuvuzi.

Mu rwego rw’ubukungu, u Buyapani bukomeje gushishikariza ishoramari mu Rwanda, cyane cyane mu nzego z’inganda, ikoranabuhanga n’ingufu zisubira.

U Rwanda na rwo rukomeje kureshya abashoramari b’Abayapani binyuze mu guteza imbere isoko rifunguye n’imiyoborere myiza.

Ku rwego rwa dipolomasi, abayobozi b’ibihugu byombi bagiranye ibiganiro n’ingendo zitandukanye hagamijwe gushimangira ubufatanye no kungurana ibitekerezo ku bibazo by’akarere n’iby’Isi.

Uwo mubano ukomeje gutera imbere, ugamije kugera ku iterambere rirambye n’inyungu rusange ku bihugu byombi.

Ku yindi mihanda ya Kigali na yo, umugenzi ukoze urugendo yishyura igiciro kimwe, ariko mu kugaruka, yakozaho ikarita iriho amafaranga, akabona havuyeho atandukanye n’ayo yishyuye agenda.

Muri Werurwe 2024 nibwo Urwego Ngenzuramikorere (RURA) rwashyizeho ibiciro bishya by’ingendo hirya no hino mu gihugu, nyuma y’uko Guverinoma itangaje ko yakuyeho ’Nkunganire’ yajyaga itangwa kugira ngo umugenzi yishyure macye.

Kuva icyo gihe ntabwo igiciro cyongeye guhinduka, kugeza ku wa 12 Mutarama 2026, ubwo abagenzi bakorera ingendo mu Mujyi wa Kigali, bavuga ko batunguwe no kubona amafaranga bari basanzwe bishyura ahinduka batarabimenyeshejwe, kandi bakaba batarimo kwishyura amwe ku rugendo rumwe.

Umwe muri bo agira ati “Umuntu iyo ava Kimironko ajya mu Mujyi yishyura amafaranga 426, ariko yategera muri Gare asubiye Kimironko amafaranga akiyongera akaba 540Frw arengaho cyane, kandi umuhanda ni umwe tunyuramo, ibiciro biratandukanye ugenda cyangwa ugaruka.”

Undi ati “Iyo urimo guhaguruka ugiye mu Mujyi uvuye i Gasanze, bagusaba 448Frw, noneho iyo urimo kuva mu Mujyi ni 388Frw. Ukibaza kuki guhaguruka bitandukanye no kuva mu Mujyi, ni kubera iki biba bitandukanye urugendo ari rumwe, nta tandukaniro, ntabwo tuzi impamvu. Ko umuhanda tunyuramo ari umwe kuki kugenda no kugaruka binyurana.”

Mugenzi wabo ati “Ntabyo batumenyesheje, jye nakojejeho mpita mbwira shoferi nti se ko avuyeho menshi, arambwira ngo ni ibi ngibi, byarahindutse. Biratubangamiye, kubera ko niba mbere umuntu yarashyiraga amafaranga ku ikirita, nka 500 ukayagenderaho inshuro ebyiri, ubu ukaba ugenderaho rimwe, urumva nta mbogamizi zirimo.”

Ntaho bihuriye no kururirwa amafaranga y’urugendo

Hashize umwaka urenga RURA itangije igerageza ry’uburyo bushya bwo kwishyura mu modoka zitwara abagenzi mu buryo bwa rusange hakurikijwe urugendo umugenzi yakoze.

Muri iyi gahunda, umugenzi yishyura amafaranga y’urugendo rwose rw’aho bisi ijya, ariko yaba agarukira mu nzira, igihe cyo gusohoka agakoza ikarita ku cyuma gisanzwe gikuraho amafaranga y’urugendo, kikamugarurira. Ibi byatangiye gukora neza.

Ubundi, dukurikije ibiciro biheruka bya RURA, umugenzi yishyura amafaranga 182 ku kilometero cya mbere n’icya kabiri, mu gihe ikilometero cya gatatu yishyura 205 Frw, ku cya kane akishyura 219, ku cya gatanu akaba 251 Frw, gukomeza kugeza ku bilometero 25 aho umugenzi yishyura amafaranga 855.

Kigali Today yagerageje kuvugana n’inzego zose zifite aho zihuriye n’iki kibazo zirimo RURA na Ecofleet Solutions Ltd nk’ikigo gifite mu nshingano gucunga no kunoza uburyo bwo gutwara abantu mu buryo bwa rusange mu Mujyi wa Kigali, ariko nta n’umwe watanze impamvu y’ikibazo kigaragazwa n’abagenzi.

Eric William Kneedler yari amaze imyaka irenga ibiri muri izo nshingano kuko yabaye Ambasaderi wa Leta Zunze Ubumwe za Amerika mu Rwanda kuva tariki ya 18 Ukwakira 2023.

Icyo gihe, yari yahawe inshingano na Perezida Joe Biden muri Kanama 2022, yemezwa na Sena muri Nyakanga 2023.

Mu gihe yari amaze mu Rwanda, Ambasaderi Kneedler yibanze cyane ku bikorwa bitandukanye birimo gukomeza umubano mwiza hagati y’ibihugu byombi, gushyigikira imishinga y’iterambere (ubuhinzi, uburezi, ubucuruzi), guteza imbere ibiganiro bya politiki n’ubukungu bifite intego yo kunganira abaturage b’impande zombi.

Uyu mu diploamate ari mu ba diplomates 29 baherutse guhamagazwa na Perezida Donald Trump.

Eric asize umubano w’u Rwanda na Amerika iyobowe na Trump uhagaze neza. N’ubwo u Rwanda rwagezweho n’ingaruka z’ihagarikwa ry’imishinga iterwa inkunga na USAID, mu buryo bw’umwihariko rwakomeje gukorana neza na Amerika imishinga izazana impinduka zikomeye mu Rwanda no mu karere.

Amasezerano ya Washington u Rwanda rwasinyanye na Repuburika Iharanira Demokarasi ya Congo(DRC) na Amerika ari na yo muhuza, yitezeho kuzana inyungu zikomeye mu bukungu, ndetse no kuzana amahoro arambye mu karere.

Mu minsi yashize kandi, amakuru yagaragaje ko ubucuruzi bw’amabuye y’agaciro yo mu Rwanda akorwamo ibikoresho bya gisirikare bwazamutse kuva aho u Rwanda ruboneye isoko ry’igisirikare cya Amerika mu myaka ishize.

Ni itangazo ryashyizwe ahagaragara na Perezida Museveni aho Guverinoma yatangaje ko iminsi ibiri y’ikiruhuko igamije gufasha abatora kubona umwanya uhagije wo gukora ingendo, gutonda imirongo no gutora, batabangamiwe n’inshingano z’akazi.

Aya matariki azubahirizwa mu gihugu hose, akaba areba cyane inzego za Leta n’iz’igenga, mu gihe muri iki gihugu bitegura amatora ategerejwe n’abatari bake.

Perezida Museveni, umaze ku butegetsi imyaka 40 kuko yabugiyeho mu 1986, arimo guhatanira manda nshya, mu matora azanagena n’abagize Inteko Ishinga Amategeko.

Ni amatora azitabirwa n’abagera kuri miliyoni 21.6, bazatora mu byiciro bitatu bitandukanye, birimo ay’Umukuru w’Igihugu, ay’Abadepite 353 batorerwa mu biro by’itora, hamwe n’ay’abagore bahagarariye Uturere (districts) 146, umwe muri buri karere.

Muri aya matora Perezida Museveni ahatanye cyane n’umuyobozi w’ishyaka ritavuga rumwe n’ubutegetsi, Robert Kyaguranyi uzwi cyane nka Bobi Wine, bagiye kuyahuriramo bahatanira kuyobora Uganda ku nshuro ya kabiri.

Museveni, w’imyaka 81, yatsinze amatora yo mu 2021 ku majwi 58%, mu gihe Bobi Wine yari yagize amajwi 35%, mu matora yaranzwe n’ibirego byo kwiba amajwi no guhohotera abatavuga rumwe n’ubutegetsi.

Nk’uko amategeko ya Uganda abiteganya, umukandida ku mwanya w’Umukuru w’Igihugu agomba kubona nibura amajwi 51% kugira ngo ayatsindire mu cyiciro cyayo cya mbere, bitaba ibyo akaba yasubirwamo.

Amatora yo muri Uganda agiye kuba mu gihe hashize amezi agera kuri ane, abaturanyi babo bo muri Tanzania bavuye mu matora yaranzwe n’ihangana rikomeye, yanabayemo imvururu mu bice bitandukanye by’igihugu.

Uretse Robert Kyaguranyi, abandi biyamamariza ku mwanya w’umukuru w’Igihugu barimo Frank Bulira, Robert Kasibante, Joseph Mabirizi, Nandala Mafabi, Mugisha Muntu hamwe na Mubarak Munyagwa.

Yoweri Kaguta Museveni ahagarariye ishyaka National Resistance Movement (NRM), mu gihe Bobi Wine bahanganye cyane muri aya matora ari uwo mu ishyaka National Unity Platform (NUP).

Biteganyijwe ko amatora y’umukuru w’igihugu azaba tariki 15 Mutarama, itegeko rikaba riteganya ko ibyayavuyemo bitangazwa nyuma y’amasaha 48.

Ibarura ry’amajwi rigomba gutangirira biro by’itora byose ako kanya amatora akimara kurangira, hanyuma ibivuyemo bigashyikirizwa ibiro bikuru byegeranya ibyavuye mu matora mu turere dutandukanye.

Imibare ya MINISANTE igaragaza ko abarwara Malariya biyongereye bakikuba inshuro zirenga ebyiri mu gihe cy’imyaka ibiri gusa, kuko bavuye ku bihumbi 550 bariho mu 2023, bakagera kuri miliyoni 1.2 mu 2025.

Mu 2023 nibwo abaturage baherukaga guhabwa inzitiramibu kuko ubusanzwe zitangwa buri nyuma y’imyaka itatu, zigasigara zihabwa gusa abagore batwite n’abafite abana bari munsi y’umwaka umwe, mu rwego rwo kubafasha kwirinda iyo ndwara.

Umuyobozi w’ishami rishinzwe kurwanya Malariya mu kigo cy’Igihugu cy’Ubuzima (RBC), Dr. Aimable Mbituyumuremyi, avuga ko basanzwe bagira gahunda yo gutanga inzitiramibu ku baturage bose ariko bigakorwa buri nyuma y’imyaka itatu.

Yagize ati “Inzitiramibu ziheruka gutangwa mu 2023, ubu gahunda yo gutanga izindi ni muri uyu mwaka, hari iza mbere zamaze kuhagera, harimo gutegurwa uburyo bwo kuzitanga, kugira ngo tuzigeze ku baturage, cyane cyane mu Mirenge izahaye kurusha iyindi.”

Dr. Mbituyumuremyi avuga ko izi nzitiramibu zitangwa muri rusange, ariko hakaba hariho gahunda isanzwe yo guha abagore batwite n’abafite abana bari munsi y’umwaka izigera ku bihumbi 800.

Mu rwego rwo gukomeza guhangana no kurwanya Malariya, hatewe umuti mu Turere dutandukanye tw’Igihugu, twiganjemo utwo mu Ntara y’Iburasirazuba, hanaterwa muri dutanu two mu Ntara y’Amajyepfo, hamwe n’Imirenge imwe n’imwe yo mu Turere tugize Umujyi wa Kigali, Nyamagabe, Nyaruguru, Rusizi, na Gicumbi. Muri uyu mwaka ukazaterwa mu yindi Mirenge irenga 70.

Igereranya ryakozwe kuva muri Mutarama kugera mu Ukuboza 2025, ryagaragaje ko Akarere ka Gisagara ari ko gafite abarwayi benshi ba Malariya, kuko kagize abarenga ibihumbi 300 mu gihe cy’umwaka umwe.

Gasabo ho bagize abarwayi barenga ibihumbi 200, naho muri Kicukiro barwaje Malariya abarenga ibihumbi 120 mu mwaka ushize.

Mu myaka itatu gusa ishize, ni ukuvuga 2023, 2024 na 2025, Malariya yishe abantu 205 mu gihugu hose.

Ni imibare yikubye inshuro zirenga ebyiri mu myaka ibiri ishize, kuko MINISANTE igaragaza ko abari bayirwaye mu 2023 bari ibihumbi 550 gusa, nubwo mbere yaho nabwo hari habayeho igabanuka ringana na 90% mu gihe cy’imyaka irindwi, kubera ko abari bayirwaye mu 2016 barengaga miliyoni eshanu.

Icyo gihe buri wese yumvaga akanemera neza ko iyo ndwara ikunda kwibasira ikanahitana cyane abatuye mu gice cyo munsi y’ubutayu bwa Sahara, ishobora kurandurwa burundu mu Rwanda, ikaba amateka.

Umuyobozi w’ishami rishinzwe kurwanya Malariya mu kigo cy’Igihugu cy’Ubuzima (RBC), Dr. Aimable Mbituyumuremyi, avuga ko guhera mu 2017 umubare w’abarwaye Malariya mu Rwanda watangiye kugenda ugabanuka.

Ati “Mu 2017 twagize miliyoni 1.8 barwaye Malariya mu gihugu hose, ariko mu 2023 twari twagize ibihumbi 550 bigana n’igabanuka rya 90%, hanyuma mu 2024 tubona izamuka ryabayeho, tugira abarwayi ibihumbi 800, byerekana ko twavuye ku bihumbi 550 mu 2023 tugera ku bihumbi 800, ni izamuka ubona ko ridasanzwe mu mwaka umwe. Umwaka ushize wa 2025 twagize abarwaye Malariya bagera miliyoni 1.2, ni ikigaragaza ko abantu badakwiye kwirara kuko Malariya ihari ndetse irimo kwiyongera muri iyi minsi.”

Zimwe mu mpamvu zigaragazwa na n’inzego zishinzwe ubuzima, zatumye imibare y’abarwara iyo ndwara ikomeza kwiyongera, harimo guhindura imiterere kw’imibu ikwirakwiza Malariya, yarushijeho kugira ubudahangarwa, bitewe no kumenyera imiti ivura Malariya yari imaze igihe ikoreshwa.

Si imiterere y’ubudahangarwa gusa, kuko ngo imibu yanahinduye uburyo bwo kuryana, aho kugira ngo iryanirane mu nzu, itangira kubikorera hanze, aho ingamba z’ubwirinzi bwayo zirimo inzitiramubu no gutera imiti mu nzu zidashobora kugezwa.

Ikindi ni umuti wari umaze igihe ukoreshwa mu kuvura abarwayi ba Malariya witwa Coartem, byagaragaye ko imibu itera Malariya yamaze kugira ubudahangarwa kuri uwo muti, bikaba bituma abawufata batagikira neza.

Ibi byiyongeraho imihindagurikire y’ikirere ituma ubushyuhe cyangwa ubukonje bwiyongera, bigatuma imibu ikwirakwiza Malariya, ibona aho yororokera, bikaba byakongera umubare w’abayirwara mu bice bitandukanye by’igihugu.

Icyo imibare ivuga ku bahitanwa na Malariya buri mwaka

Biba byumvikana neza ko kwiyongera kw’abarwayi byongera cyane ibyago byo kuba hari benshi bashobora guhitanwa n’indwara ya Malariya, nubwo akenshi iba ishobora kuvurwa igakira.

Mbituyumuremyi ati “Mu 2016 twapfushije abagera kuri 660 mu mwaka wose, ariko ingamba zari zashyizweho zo kuvurira abaturage barwaye Malariya mu Mudugudu bavuwe n’abajyanama b’ubuzima kandi bakavurwa ku buntu, byagabanyije impfu za Malariya, ku buryo mu 2023 twari twapfushije abantu 51, tuvuye kuri 660 bari bahitanywe na Malariya mu 2016. Iryo ryari igabanuka riri hejuru cyane.”

Yungamo ati “Ariko mu 2024 twabonye imibare yiyongera tugera ku bantu 67 tuvuye kuri 51, hanyuma umwaka ushize w’ingengo y’imari (2024-2025), twapfushije abarwayi 87 bahitanywe na Malariya mu gihugu. Byerekana ko imibare yiyongereye nubwo atari cyane nk’abarwaye Malariya, ariko n’abahitanwa nayo bariyongereye ugereranyije 2023 na 2025.”

Zimwe mu ngamba MINISANTE yashyizeho zo guhangana n’iyo ndwara, zirimo gukangurira abantu kuryama mu nzitiramubu iteye umut.

Hanahinduwe umuti wari usanzwe utangwa ku barwayi ba Malariya, hakaba harazanywe ubundi bwoko bubiri butari busanzwe bukoreshwa mu gihugu, burimo guhabwa abayigaragayeho cyane cyane mu bice byibasiwe cyane kurusha ahandi.

Imibare igaragaza iki ku bwandu bwa Malariya hagendewe ku Turere

Igereranya ryakozwe kuva muri Mutarama kugera mu Ukuboza 2025, ryagaragaje ko Akarere ka Gisagara ari ko gafite abarwayi benshi ba Malariya, kuko kagize abarenga ibihumbi 300 mu gihe cy’umwaka umwe, Gasabo ho bagize abarwayi barenga ibihumbi 200, naho muri Kicukiro barwaje Malariya abarenga ibihumbi 120 mu mwaka ushize.

Hakurikiraho Akarere ka Bugesera, Nyagatare na Nyarugenge, ariko uturere two mu Mujyi wa Kigali Mu mujyi wa Kigali twose twagaragayemo Malariya nyinshi muri rusange.

MINISANTE ivuga ko abagera kuri 50% by’abarwaye Malariya bavurwa n’abajyanama b’ubuzima kandi bakavurwa nta kiguzi batanze

Iyi myitwarire yo kwambara impu ebyiri niyo ituma umutekano muke ukomeza gufata indi ntera mu Ntara za Kivu y’Amajyaruguru n’iy’Amajyepfo.

U Rwanda rumaze igihe ruvuga ko FDLR ari ikibazo gikomeye kibangamira umutekano warwo, kandi raporo ya Loni igaragaza ko nubwo hari amasezerano menshi yakozwe ku rwego rw’Akarere n’andi mpuzamahanga , Guverinoma ya RDC itarafata ingamba zihamye zo gusenya burundu uwo mutwe.

Ahubwo, ibikorwa by’ingabo za Leta ya RDC (FARDC) byakomeje kwifashisha abarwanyi ba FDLR n’indi mitwe iyishamikiyeho mu mirwano, binyuranyije n’itangazo rya Leta risaba ko yasenywa ikamburwa intwaro.

Raporo ya LONI igaragaza ko hari itandukaniro rikomeye hagati y’ibivugwa na Leta ya RDC ku mugaragaro n’ibikorerwa aharimo kubera imirwano.

Igaragaza ko kuva aho FARDC yatangarije ku mugaragaro umugambi wo kurwanya FDLR, abayobozi bakuru mu gisirikare no muri Leta bakomeje guhumuriza FDLR, bayizeza ko ubufatanye buzagumaho, bayita “ingenzi” mu bikorwa bya gisirikare bya Congo.

Ibi bigaragaza ko ibikorwa byo guhashya uwo mutwe bitagerwaho kubera kubura ubushobozi, ahubwo ari ukuwihanganira ku bushake, bigendanye n’inyungu z’igihe gito za gisirikare.

Mu gukomeza ubu bufatanye n’uwo mutwe, RDC ibona inyungu z’ako kanya mu mirwano, ariko igakuraho icyizere ku byemezo byayo byo kugera ku mahoro arambye.

Intambara ikoreshejwe abahagarariye Leta (Proxy warfare)

Imwe mu nzira nyamukuru zituma imitwe irwanya u Rwanda ikomeza kubaho, ni inkunga ikomeye igenerwa na Leta ya RDC igahabwa imitwe irimo n’uwa VDP/Wazalendo.

Iyi mitwe, igaragarizwa imbere mu gihugu nk’iyirwanaho y’abaturage b’inyangamugayo, igahabwa amafaranga aturutse muri Leta, intwaro, amasasu, ibiribwa ndetse n’ubufasha bwo mu kirere.

By’umwihariko, aha impuguke za Loni zasanze Guverinoma ya Congo, buri kwezi yarakomeje gutanga ku mutwe wa VDP/Wazalendo amadolari ibihumbi 300, anyuzwa mu biro bya Guverineri wa Kivu y’Amajyaruguru.

Iyo raporo igaragaza ko byinshi muri ibi byiciro bikorana bya hafi n’abarwanyi ba FDLR, bigatuma uyu mutwe winjizwa mu buryo butaziguye mu ntambara ikoreshejwe abahagarariye Leta.

Iyi mikoranire ituma RDC ihakana ku mugaragaro isano ifitanye na FDLR, ariko igakomeza kuyikoresha mu mirwano, bityo intambara ikarushaho kugorana no gukomera.

Amazina akomeye mu mikoranire ya RDC na FDLR

Muri iyo raporo bavugamo abasirikare ba FARDC n’abayobozi b’imitwe ya VDP/Wazalendo ifitanye isano na FDLR, bakorana bya hafi mu bikorwa byo kurwanya M23.

Harimo nka Col Sekololo, umusirikare wa FARDC ukorera i Walikale, akaba umuhuza hagati ya FARDC na VDP/Wazalendo, ushinzwe gufasha mu kugeza intwaro, imyambaro ya gisirikare n’ubufasha bwo mu kirere ku mitwe ihagarariye Leta, inakorana na FDLR.

Guidon Shimiray Mwissa, ni umuyobozi wa Nduma Defense of Congo–Rénové (NDC-R), umutwe wa VDP/Wazalendo ufatanyije na FDLR, akaba yarahimuriye icyicaro kugira ngo ahangane na M23.

Harimo kandi Janvier Karairi Boingo, umuyobozi wa Alliance des Patriotes pour un Congo Libre et Souverain (APCLS), undi mutwe wa VDP/Wazalendo ukorana na FDLR mu bice nka Lukweti, muri teritwari ya Masisi.

Aha kandi harimo Dominique Ndaruhutse uyobora umutwe wa Collectif des Mouvements pour le Changement–Forces de Défense du Peuple (CMC-FDP), akaba yaragize uruhare runini mu mirwano yabereye mu bice bya Rutshuru nka Katsiru na Bukombo, afatanyije na FDLR.

Imvano yo gukara kw’intambara mu Burasirazuba

U Rwanda rumaze igihe rugaragaza ko FDLR ari ikibazo gikomeye ku mutekano warwo, bikanashimangirwa na raporo ya Loni yemeza ko gukomeza kubaho k’uyu mutwe bikomeza gutuma impamvu zigaragazwa n’u Rwanda zikomeza kugira ishingiro.

Raporo ya Loni igaragaza kandi ko FARDC yishe inshuro nyinshi amasezerano yo guhagarika imirwano, harimo ibitero byo mu kirere byagabwe ku birindiro bya AFC/M23, binyuranyije n’amasezerano yari yarumvikanyweho.

Ibi bikorwa bikunze gukorwa mu gihe Wazalendo itangiza ibitero byo ku butaka, bigatuma bigorana gutandukanya hagati yo kwirwanaho n’intambara nshya.

Mu bya politiki, RDC ikomeza gusaba ko M23 ibanza kuva mu bice yafashe mbere yo gukemura burundu ikibazo cya FDLR, bikadindiza ishyirwa mu bikorwa ry’amasezerano y’amahoro, kandi bigaha imitwe yitwaje intwaro umwanya wo kwisuganya bundi bushya, bigakuraho icyizere.

Uretse ibikorwa bya gisirikare, Guverinoma ya RDC yatangije n’ingamba z’ubukungu n’iz’ububanyi n’amahanga zituma umwuka mubi ku Rwanda ukomeza kwiyongera.

Gusaba ko hakorwa iperereza mpuzamahanga ku by’uko amabuye y’agaciro acuruzwa ajyanwa mu Rwanda, bigakorwa mu gihe intambara ikoreshejwe abahagarariye Leta ikomeje, bigafatwa nko gushyira u Rwanda ku gitutu.

Muri icyo gihe kandi, urugomo rw’imitwe ihagarariye Leta rutuma abaturage benshi bava mu byabo, bikongera umubare w’impunzi n’ibibazo by’ubutabazi byambukiranya imipaka.

Iyo habaye intambara, u Rwanda rwakira impunzi zihunga ibikorwa by’intambara by’umwihariko ibyibasira amoko.

Ishusho y’imyitwarire ituma intambara itarangira

Mu ncamake, ibyagaragajwe na Loni byerekana ko atari ibintu biba rimwe na rimwe, ahubwo ari biba mu buryo buhamye.

Guverinoma ya RDC ikomeje gushyigikira imitwe irwanya u Rwanda mu ibanga, mu gihe iyihakana ku mugaragaro, bigatuma ikomeza kubona urwitwazo rwo kwitandukanya n’ibikorwa by’intambara bibera hirya no hino mu Burasirazuba.

Ubu buryo bugamije guhangana na M23, ariko bukitambika amahirwe y’amahoro arambye, butuma habaho icyizere gike mu Karere, bukanashimangira inzira yo kwihorera imaze imyaka myinshi iranga Uburasirazuba RDC.

Raporo ya Loni igaragaza ko kugera ku mahoro nyayo bidasaba gushyira igitutu kuri M23 n’u Rwanda gusa, ahubwo bizanasaba impinduka ikomeye mu buryo RDC yifashisha imitwe ihagarariye Leta, ndetse n’ingamba zinoze, zigenzurwa kandi zigaragara zo gukemura impungenge z’ingenzi z’umutekano w’u Rwanda.

Hatabayeho izo mpinduka, Uburasirazuba bwa RDC bushobora gukomeza kuba mu ntambara ikomeza kurangwa n’imbaraga n’imikoranire by’igihe gito, ariko itazigera ikemuka burundu.

Guhera ku wa 2 Ukuboza 2025, nibwo Minisiteri y’Ibikorwa remezo (MININFRA), yatangije gahunda y’uburyo bushya bwo gutwara abagenzi mu Mujyi wa Kigali.

Iyi gahunda icungwa n’ikigo gishya cya Leta cyitwa Ecofleet Solutions gishinzwe imikorere y’imodoka zitwara abantu mu buryo bwa rusange.

Mu rwego rwo kunoza iyi gahunda igamije gutwara abagenzi neza kandi vuba, ibisate by’imwe mu mihanda yo mu Mujyi wa Kigali, byahariwe imodoka zitwara abagenzi mu buryo bwa rusange kugira ngo byorohereze abazigendamo kwihuta no kugerera ku gihe aho bagiye.

Ku ikubitiro umuhanda uva kuri gare yo mu mujyi [downtown] -Sonatube – Remera, watangiye kubahirizwamo iyo gahunda kuva ku wa 2 Ukuboza 2025.

Ubwo yari mu kiganiro kidasanzwe kuri KT Radio, kuri uyu wa Gatatu tariki 7 Mutarama, umuvugizi wa Polisi ishami rishinzwe umutekano wo mu muhanda, SP Emmanuel Kayigi, yavuze ko kuva iyo gahunda yatangizwa, habayeho igihe kirenga icyumweru cy’ubukangurambaga kugira ngo abakoresha umuhanda batabangamira bisi.

Nyuma y’icyo igihe abakoresha umuhanda bavogera izo nzira, batangiye kujya babihanirwa.

Ugendeye mu nzira yagenewe imodoka zitwara abagenzi mu buryo bwa rusange (Bus Lane), acibwa amande y’amafaranga y’u Rwanda ibihumbi icumi (10,000).

SP Kayigi agira ati “Iyo urebye kuva bitangiye, abatwara imodoka ubona ko bo bamaze kubyumva, ntihabura bake bakosa bakisanga bagezemo, nibura ku munsi tubona ko imodoka zishobora kugera hagati ya 50 ariko moto zo ziba zirenga 100. Birashoboka ko umuntu ashobora kugira atya akabona yarenze umurongo, akageramo, cyangwa arangaye agakomeza akagenderamo akisanga yahanwe.”

Yungamo ati “Ariko moto zo, nongere mbivuge, mbishimangire, kuri bwa bufatanye, reka tubisabe abagenzi, kuko nibo batega moto bakazigendaho, bakabibona ko wa muntu arimo kugenda muri cya gisate cya bisi, ugasanga ntacyo bimubwiye, akishimira ko amwihutishije arimo kunyura ku bandi. Ntabwo biriya bintu ari byo, turi muri 2026, reka tube bashya, buri wese yumve ko atagomba kuba uwo biturukaho."

Kuri iki kibazo, Longin Niyobyose, umwe mu ba motari agira ati “Ntabwo njye nari nabihanirwa kuko niba uri mu muhanda ukabona ari ahagenewe bisi, ntabwo uba ugomba gucamo, ariko hari bagenzi banjye benshi cyane bagiye bahanwa."

Kuba bisi zisigaye zihabwa umwanya wo guhita mbere, biri gutuma abari baracitse ku modoka zitwara abagenzi bazigarukaho.

Uwitwa Yvonne Batamuriza agira ati “Uraza ugahita ubona imodoka ukagenda, gahunda zawe ntabwo zipfa. Ibi bizadufasha kuzigama amafarnaga no kugabanya igihe tumara mu muhanda."

Atanga urugero yagaragaje ko nko kuva i Remera kuri moto, umugenzi yishyura amafaranga 1500Frw, mu gihe ugenda na bisi yishyura Frw 400 kandi na we akagerayo neza, ndetse vuba.

Biteganyijwe ko igihe iyi gahunda izaba imaze kunozwa no kubahirizwa neza mu Mujyi wa Kigali, izagezwa mu bindi bice by’igihugu, kugira ngo abakoresha imodoka zitwara abagenzi mu buryo bwa rusange barusheho koroherezwa gukora ingendo batekanye, kandi badatinze mu nzira.

Uretse imodoka zitwara abagenzi mu buryo bwa rusange, izindi zemerewe gukoresha izo nzira ni imbangukiragutabara (Ambulances), n’izikoreshwa mu kuzimya inkongi.

Hari imvugo cyangwa n’imyumvire isanzwe imenyerewe n’abatari bake, ko mu gihe cy’iminsi mikuru isoza n’itangira umwaka, haba impanuka nyinshi kandi zigatwara ubuzima bwa benshi.

Polisi y’u Rwanda ivuga ko bitandukanye n’imyaka yabanje, mu mpera za 2025 no mu ntangiriro za 2026, habaye impanuka nke.

Mu kiganiro kidasanzwe umuvugizi wa Polisi ishami ry’umutekano wo mu muhanda, SP Emmanuel Kayigi, yagiriye kuri KT Radio, kuri uyu wa Gatatu tariki 7 Mutarama, yavuze ko mu minsi mikuru ya Noheli n’u Bunani habaye impanuka 6 gusa, kandi zidafite aho zihuriye n’iminsi mikuru.

Yagize ati “Twagize impanuka ebyiri zikomeye, imwe yabereye muri Nyungwe, ni ikamyo, umushoferi yari atwaye igira ikibazo cyo kubura feri (break), ikubita umukingo, umushoferi yitaba Imana. Indi nayo ni umuntu wagonzwe hejuru za Kanyinya, umunyamaguru agongwa n’imodoka. Urumva ko bitandukanye na bya bindi twabonaga cyera, aho umuntu yabaga atwaye imodoka yashyizemo abantu bagenda basakuza bishimye, barangiza wajya kumva, ukumva bakubise mu mukingo abantu barimo barakomeretse.”

Polisi ivuga ko byose byatewe n’uko habayeho ubukangurambaga mbere, bakibutsa abantu kwitwararika gutwara banyoye ibisindisha, guhagarikwa na polisi ngo bange guhagarara, gutwarwa n’ibyishimo bakarangara ku buryo bishobora kubateza impanuka.

SP Kayigi avuga ko nubwo habaye kwigisha, ariko habaho abumva n’abandi barenga ku mabwiriza, ku buryo mu minsi mikuru ya Noheli na Bonane hari abafunzwe bazira gutwara banyoye ibisindisha.

Ati “Nko kuri Noheli twafunze abantu bagera muri 45 batwaye banyoye ibisindisha mu gihugu hose. Kuri Bonane dufunga 47 batwara banyoye ibisindisha. Hari itegeko rishya ryatowe rigiye gusohoka mu igaseti ya Leta rigatangira gukurikizwa, kubera ko nk’ikintu cy’abantu gutwara banyoye ibisindisha kirimo kugarukwaho cyane, aho abapolisi baguhagarika ugahitamo gukomeza ukagenda ukiruka.”

Polisi ivuga ko muri rusange ishusho y’umutekano w’umuhanda igaragaza ko imodoka nini arizo zikora impanuka zikomeye zigahitana benshi, hagakomerekeremo abatari bake, zikanangiza byinshi. Moto zikaba ku isonga y’ibinyabiziga bikora impanuka nyinshi.

Ni raporo izwi nka ‘Business Ready (B-Ready)’ ya 2025 ikaba igaragaza ko u Rwanda ruri ku isonga mu byiciro bitatu bitandukanye, n’urwa 12 ku Isi, rukaba igihugu cya mbere ku mugabane wa Afurika yo munsi y’Ubutayu bwa Sahara kigeze kuri uru rwego, rukaba ku mwanya wa gatatu muri Afurika muri serivisi zitangwa na Leta ndetse rukomeje gutera intambwe ishimishije.

Iyo raporo igaragaza ko uburyo igihugu cyabashije kuvugurura amategeko n’inzego byatanze umusaruro mu mikorere y’ubucuruzi, imikorere inoze, n’intambwe igaragarira mu itangwa rya serivisi za Leta.

Ku rwego rw’Isi, u Rwanda ruri mu bihugu bike bigaragaza ko ivugurura rya politiki ritagarukira mu nyandiko gusa, ahubwo rinashyirwa mu bikorwa, bikihutisha ubucuruzi kandi bugakorwa neza.
Iyi raporo kandi ishyira u Rwanda ku mwanya wa mbere muri Afurika mu kunoza amategeko agenga ibikorwa by’ubucuruzi.

Hasuzumwe uko ayo mategeko yorohereza ikorwa ry’ubucuruzi, ipiganwa, ubucuruzi mpuzamahanga, imisoro n’ikemurwa ry’amakimbirane.

Imiterere y’amategeko mu Rwanda ishimirwa kuba yorohereza abashoramari n’abikorera, bigatuma batangiza, bikabongerera icyizere mu bucuruzi bwabo.

Muri iyi raporo bashyira u Rwanda mu bihugu by’Isi byateye imbere mu gukora ivugurura, bikagaragaza ko no mu bihugu bikiri mu nzira y’amajyambere hashobora kuboneka ibifite amategeko n’imikorere inoze.

Kimwe mu byaranze cyane u Rwanda ni umusaruro warwo mu mikore y’imirimo (Operational Efficiency), aho rwashyizwe ku mwanya wa 12 ku rwego rw’Isi, ruba igihugu cya mbere cyo muri Afurika yo munsi y’ubutayu bwa Sahara kigeze kuri uwo mwanya muri raporo ya B-READY 2025.

Muri icyo cyiciro bapima uburyo ubucuruzi bwubahiriza amategeko mu buryo bworoshye kandi serivisi za Leta zigatangwa mu buryo bunoze bworohereza buri wese.

Umwanya mwiza w’u Rwanda ugaragaza uko ibintu bikorwa mu buryo bwihuse, hakoreshwa ikoranabuhanga mu itangwa rya serivisi za Leta, no kugabanya inzitizi zigaragaraga mu buyobozi.
Ibi bivuze kubona ibisubizo byihuse ku bikorera, kugabanuka kw’kiguzi cyagendaga muri gahunda zitandukanye zijyanye no kubahiriza amategeko, no koroherezwa mu mikorere yabo ya buri munsi.

Banki y’Isi igaragaza ko ibihugu byitwara neza muri icyo cyiciro, akenshi bigira iterambere rirambye mu rwego rw’abikorera no kwiyongera kw’imirimo, bigashimangira ko ishyirwa mu bikorwa kw’amavugurura ya politiki ubwabyo ari ingenzi.

U Rwanda rwashyizwe kandi ku mwanya wa gatatu muri Afurika mu mitangire myiza ya serivisi za Leta, urwego ibihugu byinshi bigorwa nabyo mu guhuza amategeko n’itangwa rya serivisi zinoze.
Muri iyo raporo serivisi za Leta zirimo urubuga rw’ikoranabuhanga, sisiteme zo gutanga impushya, imisoro n’ibikorwa remezo bifasha kubahiriza amategeko.

Nubwo raporo igaragaza ko ku Isi hakiri icyuho mu itangwa rya serivisi za Leta, u Rwanda rugaragazwa nk’igihugu kiyoboye mu karere, rukomeza gutera intambwe igaragara mu kugabanya icyo cyuho.

Ishoramari rikomeje kongera ubushobozi mu ikoranabuhanga rya Leta n’ubw’inzego biteganyijwe ko bigaragara ko zizakomeza kuzamura umusaruro w’u Rwanda mu raporo zizakurikiraho.

Raporo ya B-READY 2025 ishimangira ko ibyo u Rwanda rwagezeho byatewe no kudashyira imbere icyifuzo cy’ivugururwa ry’amategeko gusa, ahubwo no kugishyira mu bikorwa, hagahuzwa amategeko akomeye n’inzego zikora neza, byashyizweho mu gutuma ubucuruzi bubyazwa amahirwe mu iterambere ry’imirimo.

Mu gihe Banki y’Isi ikomeje gushyira mu bikorwa gahunda ya B-READY mu myaka itatu, umusaruro w’u Rwanda urushyira ku rwego rw’icyitegererezo ku bihugu bya Afurika n’ahandi bifuza ivugurura, byerekana ko ubushake bwa politiki burambye n’imikorere inoze y’inzego bishobora gutanga umusaruro ugaragara ku rwego rw’abikorera.

GLADS Apartment

Ibikorwa byatashywe biri mu Murenge wa Ndera mu Karere ka Gasabo, GLADS Apartment-Ndera, ifite amacumbi 16 (Apartments), inzu ikorerwamo imyitozo ngororamubiri (Gym), Milk Zone, Salon, Supermarket, Sauna & Massage, Piscine (Swimming Pool), Coffee Shop, Bar, Restaurant, Jacuzzi, ibyumba bishobora gukorerwamo inama, ibishobora gukorerwamo nk’ibiro, Barbecue hamwe na Salle iri ku rwego rwo kwakira abantu barenga 1500 bicaye neza.

Ubuyobozi bw’Akarere ka Gasabo buvuga ko icyo ari cyo gikorwa cya mbere kinini, kandi gikomeye gikozwe mu Murenge wa Ndera, kubera ko ku buso bungana na kilometero kare 55 z’uwo Murenge, nta handi hari igikorwa cyo kuri urwo rwego.

Umukozi ushinzwe ibijyanye n’Ubuziranenge mu bijyanye n’amahoteli n’ubukerarugengo mu Rwego rw’Igihugu rw’Iterambere (RDB), Alphonse Safari, avuga ko igikorwa cyakozwe na GLADS Apartment, babibonamo imbaraga n’umusingi ukomeye wo kubaka igihugu.

Ati “Igikorwa nk’iki kizana iterambere mu gihugu ku buryo buziguye cyangwa butaziguye, giha akazi Abanyarwanda benshi, giha aho gukorera n’abandi bafite aho bahurira n’amahoteli n’ubukerarugendo. Urwego rw’ubukerarugendo by’umwihariko mu bya mahoteli iterambere ryayo rihoraho ariko rikagaragazwa na serivisi batanga, nagira ngo nsabe ubwiza na serivisi tubona bikomereze aho ndetse binaniyongere.”

BK na GLADS Apartment batashye ibikorwa by’arenga Miliyari 7Frw

Ni igikorwa ubuyobozi bwa GLADS Apartment buvuga ko cyakozwe mu gihe cy’umwaka, aho BK yatanze inguzanyo igera kuri 40% by’ishoramari ryose ryashyizweho.

Umuyobozi Mukuru w’Ishami rishinzwe abacuruzi bato n’abaciriritse muri BK, Darius Mukunzi, avuga ko bafite ubwoko bw’inguzanyo bwitwa Investment Loan, bushobora gufasha buri wese ufite igitekerezo cyo gukora ishoramari, akaba yakwishyura mu gihe kirekire kigera ku myaka 10.

Ati “Ni ubwo buryo dukoresha cyane kuko burashoboka ku bantu bose, ahubwo akenshi abantu ntabwo baba bazi ko bishoboka, ariko birashoboka cyane. Iyo ari imishinga nk’iyi yo kubaka amacumbi, abakora inganda, bose baba bashobora kugana Banki bagashobora kubona iyo nguzanyo.”

BK, ivuga ko inafasha abakiriya kubunganira mu bitekerezo bijyanye n’ishoramari cyane cyane mu kubaka ibikorwa binini kugira ngo amafaranga basabye azashobore gukora no kurangiza umushinga baba baratekereje gushyira mu bikorwa.

Mukunzi ati “Duterwa ishema no gufasha Abanyarwanda kubateza imbere, umuntu wese yakwisanga mu ishami ryose rya BK, agasanga umuntu ushinzwe ubucuruzi, usobanukiwe buri bucuruzi, tugiye dufite ubwoko bw’inguzanyo butandukanye, yaba iz’igihe gito cyangwa kirekire, zishobora gufasha abantu bose kubaka u Rwanda. Mu gihe bafite ibitekerezo ntibakagire ubwoba bwo kugana Banki kuko turahari kugira ngo tubahe ayo makuru.”

Darius Mukunzi

Uretse nk’amacumbi n’ahantu ho gukorera siporo n’ahandi hake hari haratangiye gukora muri Nyakanga, hagatanga akazi ku bantu biganjemo urubyiruko bagera 100, ahandi hose ibikorwa byafunguwe ku mugaragaro ku mugoroba wo ku wa 30 Ukuboza 2025.

Uwitwa Ali Daniel waje gusoreza ibiruhuko by’iminsi mikuru mu Rwanda n’umuryango we, baturutse muri Nijeriya, bagahitamo kujya mu macumbi ya GLADS Apartment Hotel-Ndera, avuga ko yanyunzwe n’uburyo yakiriwe na serivisi zihatangirwa.

Yagize ati “Uburyo nakiriwe mu Rwanda nta kindi gihe nigeze mbwakirwa ahandi, byatumye numva ndi koko muri Afurika Yunze Ubumwe, kubera uburyo nakiranywe urugwiro kandi mfite imbogamizi zo kutavuga ururimi rumwe nabo ariko bakanshakira unsemurira. Iki n’ikimenyetso cy’ubufatanye n’ubumwe buri mu Banyarwanda no guteza imbere igihugu.”

Umuyobozi Mukuru akaba ari na we washinze GLADS Apartment, Wilson Gafurama, avuga ko gukora bitangirira mu gitekerezo kandi ko iyo ufite ibitekerezo bizima bishobora ku kubyarira amafaranga.

Ati “Bitewe n’ubuyobozi bwiza dufite, kugana ibigo by’imari ni kimwe mu byagufasa gutera imbere, kuko iyo ubajyaniye igitekerezo cyiza, ugakora umushinga mwiza, ukiyemeza, na bimwe tuvuga ngo iyo udafite ingwate hari ibigega bishinzwe gufasha abantu bafite imishinga myiza, bagize ibitekerezo byiza kandi bato bafite imbaraga zo gukora, bikabashyigikira bakabona amafaranga.”

Wilson Gafurama

Ubuyobozi bwa GLADS Apartment bushimira BK yabufashije gusoza igikorwa batangiye bakabageza ku nzozi zabo, kuko igira uruhare runini mu iterambere ry’abakiriya yabo.

Hakashwe umutsima wo kwishimira ibyagezweho

Alphonse Safari

Kimwe mu byumba byo muri GLADS Apartment

Nyiri GLADS Apartment Wilson Gafurama n’umuryango we bashimiye buri wese wagize uruhare kugira ngo bagere ku nzozi zabo

Ali Daniel uri mu biruhuko by’iminsi mikuru mu Rwanda yishimiye uko yakiriwe na GLADS Apartment

Kugeza saa kumi n’ebyiri za Kigali ibihugu birenga icumi byo ku migabane itandukanye birimo u Bushinwa, u Buyapani, Koreya ya ruguru n’iy’Epfo na Nouvelle-Zélande byamaze kwinjira muri uwo mwaka, ndetse ibirori byo kuwishimira birarimbanyije.

Ibi bishingiye ku kuba amasaha atagenda kimwe hirya no hino ku Isi, bitewe n’aho ibihugu biherereye, bigatuma hari abagera ku itariki runaka mbere y’abandi.

Bigenda bibarwa hagendewe ku Isaha ngengamasaha (GMT). U Rwanda ruri imbere amasaha abiri ugereranyije n’Isaha ngengamasaha.

Bivuze ko iyo i Kigali batangiye akazi saa tatu za mu gitondo (9:00), kuri GMT biba ari Saa Moya (7:00).

Igihugu cyabaye icya mbere mu kwinjira mu 2026, ni Kiribati, kiri mu mugabane wa Oceania, cyawinjiyemo saa yine kuri GMT, nyuma y’isaha imwe gusa abo muri Nouvelle-Zélande, nabo bahise barasa ibishashi byo kwizihiza umwaka mushya wa 2026, kuko bawinjiyemo saa tanu kuri GMT.

2026 Nouvelle-Zélande yayigereyemo rimwe n’ibihugu birimo ibirwa bya Samoa na Tonga, hakurikiyeho ibihugu birimo Australie, byatangiye kwinjira mu mwaka mushya saa Saba kuri GMT, hamwe na Koreya ya Ruguru, Koreya y’Epfo n’u Buyapani, bawinjiyemo Saa Cyenda kuri GMT.

Saa Kumi kuri GMT, nibwo u Bushinwa nabwo bwiyongereye ku bindi bihugu byamaze kwinjira mu mwaka wa 2026.

Bikaba biteganyijwe ko nyuma y’isaha imwe ni ukuvuga saa kumi n’imwe kuri GMT, ibihugu bya Thailand na Indonesia nabyo biza kuba byamaze kugera muri uwo mwaka mushya utegerejwe na benshi.

Ibihugu byo ku mugabane wa Amerika biri mu bihugu biza kuwinjiramo nyuma y’ahandi, kubera ko nk’abari muri Brazil na Argentine baza kuwugeramo saa cyenda z’igicuku kuri GMT, mu gihe mu bice bimwe byo muri Leta Zunze Ubumwe za Amerika bo baza kurasa umwaka Saa kumi n’imwe za mu gitondo kuri GMT.

Muri Afurika no ku mugabane w’u Burayi ahenshi bararasa umwaka hagati ya saa yine na saa tanu z’ijoro ku masaha ya GMT, mu gihe mu Bwongereza ari na ho isaha fatizo ya GMT ibarizwa, baza kuwinjiramo neza saa sita zuzuye z’ijoro.

Ibi ni nyiraabayazana y’ibibazo byugarije umuryango nyarwanda birimo amakimbirane, ibibazo biva ku buzima bwo mu mutwe n’ibindi.

Yabigarutseho mu Nama Nyunguranabitekerezo ku muryango utekanye n’imyitwarire y’urubyiruko ruzavamo abayobozi b’ejo u Rwanda rwifuza yahuje inzego zitandukanye zifite aho zihuriye n’imibereho y’umuryango.

Mu kiganiro cyari gifite insanganyamatsiko igira iti “Kugaragaza ibyakozwe n’ingamba zo gusigasira umuryango utekanye, urangwa n’indangagaciro z’umuco nyarwanda,” Tito Rutaremara yagize ati “Ubu dufite uburezi butuzuye. Abarimu n’abandi baratanga ubumenyi, ababyeyi ntibakiboneka, abana mwabasigiye abayaya (abakozi bo mu rugo), ababyeyi bo mu cyaro baba bagiye guhinga no gushakisha ibindi. Cyera uwo mwana yasigaranaga na nyirakuru, nyiransenge, agasigarana na benewabo, kuko umuryango icyo gihe wari umuryango, ariko uyu munsi ni urugo, urugo rwahimbwe n’abapadiri n’abakoloni ruba umuryango.”

Yungamo ati “Uwo si wo muryango w’Abanyarwanda, cyera mu muryango w’Abanyarwanda, umwana ntabwo yarerwaga na se na nyina gusa. Umwana yari uw’umuryango ntabwo yari uw’umubyeyi umwe, ubu usanga indangagaciro bataziboneye mu muryango, mu ishuri baratanga ubumenyi nta ndangagaciro, niho hari ingorane.”

Aha yagaragaje ko uburezi butangwa uyu munsi bukwiye guhabwa icyerekezo gishobora gutuma uhashakira ubumenyi habonera indangagaciro na kirizira by’umuco nyarwanda.

Yagize ati “Ubu ngubu umwalimu niwe ufite umwana guhera saa kumi n’ebyiri, akamurekura saa kumi za nimugoroba. Amuhera afite imyaka itatu, akamugeza afite imyaka 24, urumva rero uburezi niho dukwiye kubwerekeza, bagashaka uko byakorerwa aho ngaho, izo ndangagaciro zose n’ibindi bikigishirizwa aho ngaho.”

Hanagaragajwe ingorane z’uko mu miryango abenshi basigaye barimakaje cyane ikoranabuhanga mu gushaka ibisubizo, harimo n’ibyo abana bagakwiye guhabwa cyangwa bakabibwirwa n’abo bakomokaho.

Rutaremara ati “Umwana uzamubaza, niba agiye kubaza igisekuruza cya se akajya kubaza ‘Google’, n’umubaza uti igisigo Ruganzu yasize avuze akajya kubaza ‘Google’, none se uwo ‘Google’, ufite umuco wacu mu ntoki, akagira iterambere ryacu, murumva atari ikibazo.”

Arongera ati “Numva icyakorwa, dukwiye kureba uburezi bwacu, abarimu bakaba abarimu bakaba n’ababyeyi, kuko muri iki gihe nibo bafite abana mu ntoki, nubwo wabwira ababyeyi uti nyabuneka nimutange umwanya ariko uwo mwanya bazatanga ni muto, kuko ntabwo umubyeyi wiriwe ahinga, yaza agashaka ibyo abana bari burye akarangiza ananiwe akabagaburira, nabo bananiwe bajya kuryama, ngo arabona umwanya. Cyera abana bigishwaga na ba nyirasenge na ba nyirakuru babaga bari aho, ubu siko bimeze rero.”

Abitabiriye iyi nama basanga abana banakwiye kwigishwa kwishakira ibisubizo, bikava mu mvugo ahubwo bigashyirwa mu ngiro, bikagera mu mashuri binyujijwe mu masomo bahabwa buri munsi.

Ni bimwe mubyo urwo rwego rwatangarije mu nama yo kwitegura kwizihiza Intwari z’Igihugu, yabaye kuri uyu wa 29 Ukuboza.

Umunyamabanga Nshingwabikorwa wa CHENO, Deo Nkusi, avuga ko Impeta y’Ishimwe ari ikimenyetso gihabwa Umunyarwanda cyangwa umunyamahanga uwo ari we wese, kigatangwa n’ubuyobozi bukuru bw’Igihugu ku muntu wakoze ibikorwa byiza kandi by’ingirakamaro.

Yagize ati “Abantu bayihawe ni benshi ariko cyane cyane abahawe Imidali benshi ni abahawe, ‘Uruti’, ukaba ari umudari wo kubohora igihugu, ‘Umurinzi’, umudari wo guhagarika Jenoside.

Aba bose bagera mu bihumbi 30, bayihawe hagati ya 2006, 2007 na 2010. Ni mu gihe abansi bayihawe muri 2017, bahawe umudari witwa ‘Igihango’, bakaba bari abanyamahanga icyenda.

‘Igihango’, gihabwa Abanyarwanda cyangwa abanyamahanga batsuye umubano w’u Rwanda no kurumenyekanisha ku ruhando mpuzamahanga.”

Ubuyobozi bwa CHENO, bwagaragaje ko isanganyamatsiko y’uyu mwaka, yibutsa Abanayarwanda gukomeza gushyira imbere ubumwe, ubwitange, umurimo unoze no gukunda Igihugu.

Ikindi kandi bavuze ko ubutwari n’ubumwe ari byo byubatse u Rwanda kandi bizakomeza kuruteza imbere.
Kwizihiza umunsi w’Intwari ku nshuro ya 32 bizarangwa n’ibikorwa birimo imikino, ibiganiro bizatambuka kuri radiyo, televiziyo no ku mbuga nkoranyambaga zitandukanye.

Hazabamo kandi n’imikino y’amaboko ndetse n’amaguru izakinwa mu marushanwa ya ‘Ubutwari Tournament’.

Bikazatangira guhera tariki 4 Mutarama 2026, bisozwe n’iIgitaramo gisingiza Intwari z’Igihugu kizaba ku wa 31/01/2026.

Umuyobozi w’Ishami rishinzwe ubushakashatsi muri CHENO, Nicolas Rwaka, avuga ko ari ngombwa ko Intwari z’Igihugu zihora zizihizwa.

Yagize ati “Impamvu twizihiza Intwari z’Igihugu, ni uko ari Intwari zahanzwe u Rwanda kuva rwabaho kugeza uyu munsi, tukanemera y’uko ruzakomeza kugirwa n’Intwari zarwo, nta na rimwe Igihugu kizabaho kidafite Intwari. Ariko tukamenya ko ari no kuzirikana abana b’u Rwanda, barwitangiye mu bihe bitandukanye kuva rwabaho kugeza uyu munsi.”

CHENO ivuga ko Ubutwari ari umurage, atari ibintu umuntu ashakisha cyangwa amasomo yigwa mu bitabo, ahubwo ari umurage w’Abanyarwanda, bahawe n’abakurambere babo kandi bagomba gusigasira bakawukomeza, bakazanawusigira abakiri bato.

Perezida Paul Kagame ubwo yakiraga mugenzi we wa Somaliya Hassan Sheikh Mohamud umwaka ushize i Kigali. U Rwanda ruri ku ruhande rwa AU, EAC mu gushyigikira ko Somaliya ikomeza kuba igihugu kimwe

U Rwanda rwasabye ko hakomeza inzira y’amahoro, ubwiyunge n’iterambere rusange, bishingiye ku mahame y’amategeko mpuzamahanga, kugira ngo ubufatanye mu Karere bukomeze guteza imbere ituze ku Banyafurika bose.

Komisiyo ya Afurika Yunze Ubumwe, iheruka gutangaza ko yamaganye umugambi cyangwa ibikorwa bigamije kwemera igihugu cya Somaliland nka Leta yigenga, ivuga ko ishyigikiye ubumwe bwa Leta ya Somalia.

Ni nyuma y’uko Israel yatangaje ku mugaragaro ko yemeye igihugu cya Somaliland, nka Leta yigenga kandi ifite ubusugire.

Itangazo impande zombi zasohoye ku wa 26 Ukuboza 2025, rigaragaza ko Israel na Somaliland zemeranya ko Somaliland ari Leta yigenga.

Gusa iki cyemezo cyahise gihagurutsa umuryango wa Afurika Yunze Ubumwe, uvuga ko ushyigikiye ubumwe bwa Somalia bityo utemera icyatuma icikamo ibice.

Itangazo ryashyizweho umukono na Perezida wa Komisiyo ya Afurika Yunze Ubumwe, Mahmoud Ali Youssouf, rivuga ko hagomba gukomeza kubahirizwa ibyemeranyijweho mu 1964 nyuma y’ubukoloni, ko imipaka y’ibihugu izakomeza kuguma uko imeze hagamijwe gusigasira ubumwe bw’umugabane.

Rigira riti “Mahmoud Ali Youssouf yamaganye umugambi cyangwa ibikorwa bigamije kwemeza Somaliland nk’igihugu cyigenga, yibutsa ko Somaliland ari agace ka Repubulika ya Somalia.”

Yashimangiye ko ibindi byakorwa bigamije gusenya ubumwe, ubusugire no kuvogera ubutaka bwa Somalia byaba ari ukunyuranya n’amahame, yashingiweho hashingwa umuryango wa Afurika Yunze Ubumwe.

Mu batarahise bumva neza ibyo kwemeza Somaliland nk’igihugu cyigenga, harimo na Perezida wa Leta Zunze Ubumwe za Amerika, Donald Trump, watangaje ko atahita yemeranya n’ibyatangajwe na Guverinoma ya Israel.

Trump yatangaje ko yifuza kubanza gufata umwanya wo gusesengura iki cyemezo, cyo kwemera Somaliland nk’igihugu cyigenga.

Mu kiganiro aheruka kugirana n’ikinyamakuru New York Post, yavuze ko azatangira kubitekerezaho nyuma.

Ati “Ntabwo ibyo nabyemeza aka kanya, oya rwose ntabwo byashoboka.”

Ibindi bihugu 21 byiganjemo iby’Abarabu, Afurika n’imiryango mpuzamhanga y’Abayisilamu nabyo byasohoye itangazo bihuriyeho, ryamagana icyemezo cya Guverinoma ya Israel cyo kwemeza Somaliland nk’igihugu cyigenga kitakibarizwa muri Somalia.

Iri tangazo rihuriweho n’ibihugu birimo Arabie Saoudite, Misiri, Turikiya, Iran, Pakistan, Qatar, Jordan, Algerie, Iraq, Kuwait, Oman, Libya, Palestine, Somalia, Sudan, Yemen, Comoros, Djibouti, Gambia, Ibirwa bya Maldives, Nigeria n’Umuryango Mpuzamahanga w’Abayisilamu ku Isi.

Ibi bihugu byagaragaje ko kuba Israel yaremeye Somaliland nk’igihugu cyigenga, ari igikorwa kinyuranyije n’amategeko mpuzamahanga kandi gishobora guhungabanya umutekano w’akarere n’igice gikora ku nyanja itukura.

Byagaragaje ko gufata umwanzuro wo gushyira hanze itangazo rihuriweho, bizatuma Somalia ikomeza kugenzura ubutaka bwayo.

Tariki ya 26 Ukuboza 2025 ni bwo Minisitiri w’Intebe n’uw’Ububanyi n’Amahanga ba Israel, bashyize umukono ku itangazo ryemeza ko Somaliland ari igihugu cyigenga, bagaragaza ko biteguye gutangira ubufatanye hagati y’impande zombi mu rwego rw’ubuhinzi, ubuzima, ikoranabuhanga n’ubukungu.

Umunyamabanga Mukuru w’Umuryango FPR-Inkotanyi, Amb. Christophe Bazivamo, wari uyoboye intumwa zitabiriye iyo nteko rusange, yagejeje ku bitabiriye inama ubutumwa bw’ubufatanye n’amahoro bwa Nyakubahwa Perezida wa Repubulika y’u Rwanda, Paul Kagame, akaba na Chairman wa FPR-Inkotanyi.

Amb. Bazivamo yashimye uburyo FPR-Inkotanyi n’ishyaka PCT bifite ishusho imwe mu miyoborere ishingiye ku kwimakaza imibereho myiza y’abaturage no kububakira ubushobozi, agaragaza ko ibyo byombi ari ishingiro ry’ubufatanye hagati y’ibi byiciro bya politiki.

Yagize ati “FPR-Inkotanyi na PCT bihuzwa n’amateka y’urugamba rwa Politiki rwashingiye ku ntego imwe, kubaka ibihugu byigenga, bitekanye kandi byubakiye ku iterambere ry’abaturage babyo.”

Yongeyeho ko ayo mashyaka yombi asangiye indangagaciro z’ubuyobozi bushingiye ku mateka n’inshingano yo gukorera abaturage, kandi ko FPR-Inkotanyi izakomeza gushyigikira ubufatanye bwa Politiki na dipolomasi hagati y’u Rwanda na Repubulika ya Congo.

Amb. Bazivamo yavuze ko FPR-Inkotanyi izakomeza guteza imbere ubufatanye hagati y’amashyaka yombi, nk’uburyo bwo gushimangira ubucuti n’ubufatanye busanzwe hagati y’ibihugu byombi.

Umunyamabanga Mukuru wa FPR-Inkotanyi, Amb. Christophe Bazivamo

Ku wa 22 Nyakanga 2025, nibwo ibikorwa by’iyo hoteli iherereye i Karongi mu Burengerazuba bw’u Rwanda byahagaritswe, nyuma y’uko iperereza ryerekanye ko yakoraga itarabiherewe uruhushya.

Mu itangazo basohoye ku wa 21 Nyakanga 2025, ryagaragazaga ko guhera ku wa 22 Nyakanga 2025, hoteli Château le Marara itemerewe kongera gukora.

RDB yagiraga iti “Gukomeza ibikorwa nyuma y’iyi tariki bizafatwa nko kwica amategeko igihugu kigenderaho, bishobora kuvamo ibihano bikomeye. Kongera gufungura bizasuzumwa ari uko iyi hoteli imaze kuzuza neza ibisabwa ngo ihabwe uruhushya rwo gukora mu rwego rw’ubukerarugendo no kubahiriza byuzuye ibisabwa n’amategeko byose.”

Ni nyuma y’uko hari hashize iminsi Hoteli Château le Marara yarabaye igitaramo ku mbuga nkoranyambaga, ahanini kubera ubukwe bwa Hajj. Shadadi Musemakweri usanzwe ari Umuyobozi Mukuru wa Gorilla Motors Ltd, akaba n’Umuyobozi Nshingwabikorwa wa Gorilla FC na Uwera Bonnette, bwahabereye bikavugwa ko bahawe serivisi mbi.

Aba bombi bashinje iyi hoteli kubura umuriro bya hato na hato ndetse nta n’inyunganizi yawo yari ihari, kudakurikirana ibibazo byabayeho mu gihe ibirori byabo byabaga, gutanga serivisi mbi, guhindagura ibiciro babahereyeho ibintu, ibibazo by’isuku nke, kwica amasezerano no gutanga serivisi zidahwanye n’urwego iyi hoteli bivugwa ko iriho.

Gusa ubuyobozi bwa hoteli bwahise bugana iy’ubutabera buvuga ko abageni bakangishije hoteli ibikorwa byo kuyisebya no gukoresha uburiganya ngo batishyura amafaranga bari bayibereyemo.

Ku rundi ruhande RDB yahamije ko nyuma y’iperereza ryakozwe, byagaragaye ko iyi hoteli ikora nta ruhushya, bityo ikaba itarubahirije amategeko agenga ubukerarugendo mu Rwanda.

Babinyujije mu butumwa bashyize ku rukuta rwabo rwa X, kuri uyu wa Gatanu tariki 26 Ukuboza 2025, ubuyobozi bw’Akarere ka Karongi, bwagaragaje ko Hoteli Château le Marara yongeye gukora.

Inzozi mwari mufite zo kuruhukira ahantu heza cyane mu Rwanda zabaye impamo! Château Le Marara, ya nyubako y’agatangaza iri ku nkengero z’Ikiyaga cya Kivu mu Karere ka Karongi, yongeye gufungura amarembo! Muri aka Karere hari hoteli 14 ziteguye kubakirana urugwiro. #VisitKarongi pic.twitter.com/e51FyUxQvc

— Karongi District (@KarongiDistr) December 26, 2025

RDB igaragaza ko abantu bose batanga serivisi z’ubukerarugendo no kwakira abantu bagomba kuba bafite uruhushya rwemewe rwo gukora ibikorwa by’ubukerarugengo bigenwa n’itegeko.

Uru ruhushya rugaragaza ko ibikorwa byujuje ibisabwa by’ibanze ku bijyanye n’umutekano, serivisi nziza n’imikorere, hagamijwe kurinda ababagana n’iterambere ry’ubukerarugendo rusange mu gihugu.

ACP Boniface Rutikanga muri studio za KT Radio

Ni bumwe mu butumwa bwatanzwe n’umuvugizi wa Polisi y’u Rwanda ACP Boniface Rutikanga, kuri uyu wa Gatatu tariki 24 Ukuboza 2025, ubwo yari mu kiganiro kidasanzwe kuri KT Radio, cyari gifite insanganyamatsiko igira iti “Umutekano mu gihe cy’iminsi mikuru”.

ACP Rutikanga yavuze ko umutekano ukenerwa mu bihe byose yaba mu minsi mikuru cyangwa n’indi minsi isanzwe, ku manywa na nijoro.

Yagize ati “Nitujya tuvuga umutekano ujye wumva umutekano utuma UCI iza mu Rwanda, utuma tugira inama mpuzamahanga mu Rwanda, haza ishoramari, ba mukerarugendo biyongera mu Rwanda. Umutekano utuma nawe uva iwawe ukagera ku kazi, ugataha amahoro, umubyeyi wawe uri hirya no hino mu gihugu yumva atekanye.”

Yavuze ko kuva uyu mwaka watangira (2025) hirya no hino mu gihugu habaye ibikorwa byinshi bitandukanye, kandi Polisi yagizemo uruhare mu migendekere myiza yabyo.

Ati “Iyo urebye igikorwa cya UCI, imbaga y’abanyamahanga cyahuruje, ibikorwa byari bigenwe icyo gihe, n’uko byagenze, ukabona n’uruhare rwa Polisi, wabona ishusho y’uburyo dukora n’ibyo dukora. Muri rusange navuga ko umwaka turimo gusoza utabaye mubi mu ruhande rw’umutekano, gusa nimvuga gutyo mutumva ko hatabuze ibyaha bibaho, kuko nta muryango wabamo n’umwe batazakubwira ngo nta cyaha gihari.”

Bimwe mu byaha avuga ko bagiye bahangana nabyo muri uyu mwaka birimo ubujura bw’ibikoresho by’ikoranabuhanga, insinga z’amashanyarazi, amatungo n’ibindi, ariko hari icyo babikozeho kandi mu buryo bushimishije nubwo hari aho bikigaragara.

Ibi byiyongeraho ibindi bikorwa by’ubucukuzi bw’amabuye y’agaciro budakorwa mu buryo bwa kinyamwuga byagiye bigwamo abatari bake, nubwo nabyo hari uburyo byagiye bikemurwamo.

Polisi iriteguye kandi neza gucungira umutekano Abanyarwanda n’abarutuye mu minsi mikuru

Mu gihe mu mpera ndetse n’intangiriro z’umwaka mu bice bitandukanye by’igihugu by’umwihariko mu mujyi wa Kigali, haba harangwa n’urujya n’uruza rw’abantu, ibitaramo, ibiterane n’ibindi bihuza abantu benshi bikiyongera, Polisi ivuga ko yiteguye kandi neza kugira abantu bazanezerwe nta komyi.

By’umwihariko mu Mujyi wa Kigali hateguwe ibitaramo bitandukanye byateguwe n’Umujyi wa Kigali, bihera kuri uyu wa Gatatu tariki 24 bikazageza tariki 2 Mutarama 2026, byiyongera ku bindi birori byo guturitsa ibishatsi byo kurasa umwaka mu ijoro rya tariki 31 Ukuboza 2025, bizabera kuri Pelé Stadium na Canal Olympia.

ACP Rutikanga avuga ko ibi ari ibindi byiyongera ku byari bisanzwe bikorwa muri iyo minsi.

Ati “Ni utundi dushya umujyi wahanze, kandi tugomba gukorwa mu ituze n’umutekano abantu bakabyishimira. Kugira ngo babyishimire rero tugomba kuba duhari, mboneraho no kwizeza Abanyarwanda ko rwose bishime, banezerwe kuko duhari kubacungira umutekano, gusa byose babikore mu buryo bwo kubahiriza amategeko n’amabwiriza.”

Yungamo ati “Kwishima ntabwo bivuze ko birenga ku mategeko n’amabwiriza, icyo tubizeza ni uko nta kizabahungabanyiriza umutekano duhari, kandi si mu Mujyi wa Kigali gusa, no mu Ntara hirya no hino mu gihugu ahazateranira abantu, tuzaba duhari.”

Polisi ivuga ko itandukaniro rihari ry’uburyo bacungamo umutekano riterwa n’ibikorwa bihari, kuko uko byiyongera ari nako nabo bongera imbaraga, ari nayo mpamvu ibihe by’iminsi mikuru biba bari hose kandi kenshi gashoboka.

Kurikira ikiganiro cyose muri iyi video:

Abiyemeje ibi ni abagize icyiciro cya kabiri cy’abarimu baturuka mu gihugu cya Zimbabwe kigizwe n’abarimu 139, bageze mu Rwanda ku mugoroba wo ku cyumweru tariki 21 Ukuboza 2025.

Mu muhango wo kubakira mu Rwanda wabereye ku ishuri rya Ntare Louisenlund riherereye mu Murenge wa Nyamata mu Karere ka Bugesera, ku mugoroba wo kuri uyu wa mbere tariki 22 Ukuboza 2025, aba barimu bavuze ko bashimishijwe no gusanga u Rwanda ari igihugu gitangaje, gifite umutekano n’isuku bitagereranywa kandi ko n’abarutuye basabana.

Muri uwo muhango kandi hari bagenzi babo 157 bagize icyiciro cya mbere, bamaze igihe mu Rwanda bigisha, muri gahunda bajemo yo kuzamura ireme ry’uburezi mu Rwanda.

Nyuma yo kwakirwa no kuganirizwa n’abayobozi batandukanye barimo Ambasederi wa Zimbabwe mu Rwanda Prof. Charity Munyeruke. Umunyamabanga Uhoraho muri Minisiteri y’Uburezi mu Rwanda Charles Karakye, Umunyamabanga wa Leta muri Minisiteri y’Uburezi Claudette Irere, hamwe na Minisitiri w’Abakozi ba Leta, Umurimo n’Imibereho myiza wo muri Zimbabwe, Edgar Moyo, aba barimu bavuze ko bari mu Rwanda kugira ngo batange ubumenyi buzagira icyo bumarira abo bazabuha.

Betty Musongi umwe mu barimu bazigisha mu mashuri abanza mu Rwanda, avuga ko yashimishijwe no kuba ari mu Rwanda kandi yiteguye kwigisha neza.

Yagize ati “Niteguye kwigisha ngatanga umusanzu uhindura ubuzima n’ubumenyi bw’abakiri bato, bakaba bandebereho w’ibikorwa byiza.”

Brighton Marumisa, undi mwarimu ariko uri mu bazigisha mu mashuri yisumbuye, we agira ati “Barimu kutwereka ahantu hakiri icyuho tugomba kuziba ku mashuri kandi rwose twiteguye kubikora neza dutanga umusanzu uzafasha mu guhindura imibereho y’abakiri bato.”

George Madaraza wari uhagarariye abagize icyiciro cya mbere bamaze igihe bigisha mu Rwanda, yavuze ko urugendo rwo kwigisha mu Rwanda mu myaka itatu ishize batanze umusanzu bari bitezweho kandi ko nta kabuza na bagenzi babo bagize icyiciro cya kabiri bakomeza gukorera muri uwo mujyo.

Yagize ati “Dufite icyizere gihagije cy’uko abo turimo kwakira uyu munsi, bazakorana umurava nk’uwamaze kubakwa n’abagize icyiciro cya mbere. Hamwe n’uwo murava tuzakomeza gusaba Imana gukomeza kudutiza imbaraga zo guhatana no gutanga serivisi zikenewe mu Rwanda, binyuze mu masezerano ibihugu byacu byagiranye.”

Abarimu u Rwanda rwakiriye, mbere yo kuva muri Zimbabwe babanje guhabwa impanuro n’amahugurwa abategura mbere yo guhaguruka mu gihugu cyabo.

Minisitiri w’Abakozi ba Leta, Umurimo n’Imibereho myiza wo muri Zimbabwe, Edgar Moyo, yavuze ko nta kindi biteze ku barimu bagize icyiciro cya kabiri uretse ubuhanga, kwiyemeza umurimo, no kubaha amategeko agenga igihugu.

Ati “Muri rusange tuzi ko abarimu bacu bitwara neza kandi turashaka ko barushaho mu Rwanda, bige umuco nyarwanda, ururimi kandi batange ubumenyi bwabazanye hano."

Umunyamabanga wa Leta muri Minisiteri y’Uburezi Irere Claudette, avuga ko abarimu baje, bagiye kongera imbaraga kandi ko hari impinduka zigaragara bagenzi babo bamaze imyaka itatu bigisha mu Rwanda bagaragaje.

Ati “Twizeye ko aba biyongereyeho, baje kongera imbaraga mu mashuri yacu, kongerera ubumenyi abanyeshuri bacu, nabarimu bagenzi babo, kuko igikomeye cyane ni imikoranire hagati y’abarimu."

Uretse abarimu, Zimbabwe yohereje kandi inzobere mu buvuzi n’abahanga mu ikoranabuhanga mu itumanaho (ICT) mu Rwanda.

Mu Kuboza 2021 ni bwo u Rwanda na Zimbabwe byasinyanye amasezerano yerekeye guhana abakozi b’inzobere mu nzego zikomeye nk’uburezi, ubuzima ndetse n’ikoranabuhanga mu itumanaho.

Abagabo bahuguwe muri gahunda ya Papa Rumuri basanga byari bikenewe ko na bo bamenya kwita ku bana

Nubwo bikunze kuvugwa no kwigishwa kenshi n’inzego zitandukanye, ko uruhare rw’umugabo ari ingenzi mu burere n’imikurire y’umwana, ariko usanga ahenshi abagabo babiharira abagore.

Ibi rimwe na rimwe biviramo umwana kuvutswa uburenganzira bwe, burimo ubwo kujyanwa kwiga mu ngo mbonezamikurire y’abana bato (ECD), kutabona indyo yuzuye n’ibindi bishobora gutuma imikurire y’umwana itagenda neza.

Mu 2022, Umuryango Caritas Rwanda wa Kiliziya Gatolika, ubitewemo inkunga na Plan International Rwanda, watangije gahunda ya Papa Rumuri mu ngo mbonezamikurire bakorana na zo, hagamijwe gukemura ibibazo byahagaragaraga birimo kutabonera igihe bimwe mu by’ibanze byifashishwa hategurwa amafunguro y’abana, birimo inkwi n’amazi, ariko no kugira ngo abana barusheho kubona uburere bw’ababyeyi bombi.

Aho iyi gahunda yatangiye gukorwa, muri buri Kagari harimo ba Papa Rumuri 10 bahagarariye abandi, kandi buri rugo mbonezamikurire rukaba rufite Papa Rumuri uruhagarariye. Aba bose bahabwa amahugurwa agamije kubigisha uruhare n’umusanzu by’umugabo mu burere n’imikurire y’umwana by’umwihariko mu rugo mbonezamikurire, ku buryo nabo bagenda babyigisha abandi.

Bamwe mu babyeyi b’abagabo n’abagore bo mu Karere ka Gatsibo baganiriye na Kigali Today, bayitangarije ko gahunda ya ‘Papa Rumuri’ yatumye abana barushaho kwibona mu muryango wuzuye, birenga mu rugo mbonezamikurire bigera no mu miryango yabo, kuko ibyo ba Papa Rumuri, bigishwa banabishyira mu ngiro mu ngo zabo, bigatuma ubwuzuzanye bw’umugabo n’umugore burushaho gutuma bagera ku iterambere.

Uyu mugabo arafasha abana mu dukino twabo

Jean Bosco Ndagiwenimana wo mu Murenge wa Kabarore, ni umubyeyi w’abana bane. Avuga ko kuva yatangira kwitwa Papa Rumuri, hari byinshi byahindutse, kuko mbere yumvaga ko kuba umugabo yahashye nta kindi kimureba.

Ati “Hari igihe njya nko mu rugo mbonezamikurire nkaganiriza abana, ngakina nabo, ukabona barishimye ndetse barabikunze cyane kubona umuntu w’umugabo arimo gukina nabo, ababwira ati nawe uzaba umugabo. Barabikunda cyane, kandi usanga ari n’ingenzi, kuko bitanga umusaruro, kuko uburezi bw’umwana budakwiye guharirwa umugore gusa. Iyo umubyeyi w’umugore ari mu masuku nanjye mba ngomba kuba mufasha mu mirimo yo mu rugo no gutanga uburere ku bana, bigatuma hari aho tugera tutageraga mbere.”

Antoinette Yankurije, umubyeyi w’abana babiri wo mu Murenge wa Rwimbogo, avuga ko uruhare rw’ababyeyi b’abagabo rukenewe ku rugo mbonezamikurire, kuko bibafasha kuzuzanya mu mikorere n’imikoranire.

Ati “Ku Irerero haba hari imirimo myinshi itandukanye, uruhare rw’umugabo iyo yabonetse wenda ni nko kwasa inkwi, kuvoma amazi, kuzana umwana ku rugo mbonezamikurire no kumucyura. Iyo ahabonetse kandi ziriya nyigisho zihatangirwa, iyo azibonye bidufasha kubaka umuryango iwacu mu rugo.”

Umuhuzabikorwa w’umushinga ECD wa Caritas Rwanda, Christine Kayitesi, avuga ko kuva gahunda ya Papa Rumuri, yatangira imaze gutanga umusaruro ufatika.

Ati “Bifite umusaruro ugaragara cyane, kubera ko iyo uganiriye n’abagore, bakubwira ko no mu rugo habayeho impinduka, ntabwo umugore ari we ucyita ku mwana wenyine, kuko iyo afite ibyo arimo gukora, usanga umugabo yita ku mwana, kandi mbere byarebaga umugore gusa. Mbere umugore iyo yaburaga umwanya wo kuzana umwana mu rugo mbonezamikurire, yarasibaga kandi se ari mu rugo. Ariko uyu munsi icyo kintu ntabwo tukikibona, kubera ko iyo mama we atabonetse ngo amuzane, papa we aramuzana, akaza no kumucyura.”

Mu ngo mbonezamikurire zifashwa na Caritas Rwanda ku bufatanye na Plan International Rwanda, abana baba bafite ibikenewe byose bibakangura ubwonko

Ikindi ni uko abagabo basigaye bafasha muri gahunda zo gushyiraho imirima y’igikoni mu ngo mbonezamikurire, bakita ku bijyanye no gushaka inkwi, amazi n’ibindi byose umugabo ashobora gutangamo umusanzu we.

Umuyobozi ushinzwe Ubuzima mu Karere ka Gatsibo, Jean Claude Habiyaremye, avuga ko uruhare rwa ba Papa Rumuri mu ngo mbonezamikuriee rwagaragaje impinduka aho bari, kuko abagabo nabo bakenera inyigisho zo kumenya ukuntu bita ku bana.

Ati “Icyo twabonye cyiza cyane, ni uko iyo abagabo n’abagore bafatanyije muri izi gahunda mbonezamikurire y’abana bato, bituma urugo mbonezamikurire rwitabirwa, ibyo abana bakenera bikaboneka kandi binyuze mu mikoro yabo. Twe nk’Akarere tubibonamo ikintu gishobora kuramba, tukavuga tuti n’igihe Caritas Rwanda yaba itagihari, umugabo n’umugore bakaba bafatanyije, bizakomeza bikore bitewe n’uko bumvise akamaro kabyo.”

Mu Karere ka Gatsibo by’umwihariko, Caritas Rwanda ikorana n’ingo mbonezamikurire 59 zirimo abana bato 1239, hamwe na ba Papa Rumuri barenga 130, bakorera mu Tugari 13. Iyi gahunda iri no mu Turere twa Bugesera na Nyaruguru, aho Caritas Rwanda ishyira mu bikorwa Umushinga wa ECD ibitewemo inkunga na Plan International Rwanda.

Umushinga wa EDC wigisha ababyeyi gukora uturima tw’igikoni, bagahinga imboga zunganira mu mirire y’abana

Ni bumwe mu butumwa bukubiye mu ijambo bagejejweho na Minisitiri w’Ibidukikije Dr. Bernadette Arakwiye, nyuma y’umuganda udasanzwe wo gusana no kugarura umwimerere w’ibishanga bya Kigali.

Muri uwo muganda, hatewe ibiti by’imbuto, mu gishanga cya Rugenge-Rwintare bikazafasha mu gusubiranya indiri z’urusobe rw’ibinyabuzima.

Minisitiri w’Ibidukikije yasabye abaturiye ibishanga kwirinda kubyoherezamo amazi yanduye no kubimenamo imyanda.

Yagize ati "Twibuke ko kumena imyanda ikomeye mu gishanga cyangwa kucyoherezamo amazi y’imyanda ari kirazira mu zindi! Ubikoze tumucyahe."

Minisitiri Arakwiye, yasabye abaturage gukomeza kugira uruhare mu kubungabunga ibidukikije kugira ngo nabyo bitange umwuka mwiza, maze n’ubuzima bw’abantu burusheho kuba bwiza.

U Rwanda rufite umushinga wo gutunganya ibishanga mu Mujyi wa Kigali, uzakorerwa ku buso bungana na hegitari zirenga 500.

Hazatunganywa ibishanga bya Gikondo, Rwampala, Rugenge-Rwintare, Nyabugogo na Kibumba, hagamijwe gufasha Kigali gukomeza kuba Umujyi w’icyitegereregezo, utekanye kandi ushobora kwakira ba mukerarugendo benshi.

Ikindi ni ukongera ubushobozi bw’Umujyi mu kubaka ubudahangarwa ku ngaruka z’imihindagurikire y’ibihe nk’imyuzure, kuko harimo gutunganywa imigezi n’ibidendezi by’amazi bishobora kwakira amazi menshi mu gihe avuye ku misozi itandukanye, bikazarangira bitarenze muri Mata 2026, bitwaye arenga miliyari 80Frw.

Minisiteri y’Ibidukikije ivuga ko mu rwego rwo kubungabunga urusobe rw’ibidukikije nk’imwe mu ntego igihugu cyihaye, hamaze gukusanywa arenga miliyoni 300 z’amadorali.

Nyandungu Eco-Park ni kimwe mu bishanga byatunganyijwe, cyatangiye no gukorerwamo ubukerarugendo, kiri ku buso burenga hegitari 120. Uyu mwaka, Nyandungu yinjije arenga Miliyoni 200 Frw.

Afrika Alexis asobanura ibyavuye mu bugenzuzi

Bavuga ko igihe bagiye kwivuza, abaganga batabitaho nk’uko bikwiye, kuko iyo batabahererekanyije bababwira kwicara bagategereza igihe bari buhugukire, bakamara igihe kinini batarabona ubitaho.

Bamwe mu baganiriye n’itangazamakuru, bavuga ko inshuro bagiye bajya kwa muganga, inyinshi ari izo bagiye badahabwa serivisi nziza, bitewe no kutitabwaho n’abaganga, kuko hari igihe bahagera mu masaha y’igitondo barembye bakarinda bagera ku mugoroba bataritabwaho.

Uwitwa Claudine Nyiraneza wo mu Murenge wa Muhima, avuga ko yigeze kujya kwa muganga mu gitondo bigaragara ko arembye, akagera ku gicamunsi atarakirwa.

Ati “Nagiye mu gitondo narembye pe, ariko bamvuye saa munani, Mba mbona umuntu yanahagwa, ariko jye ku bw’amahirwe sinahaguye, mba ndahavuye gutyo, gusa si jye jyenyine ufite icyo kibazo abenshi bikunze kubabaho.”

Undi ati “Uyu muntu tumuzanye kwa muganga, tubanza ku Kigo nderabuzima baduha ibinini ngo tubimuhe, baduha turansiferi (transfer), ngo tumujyane ahandi. Tuhageze ariko twabanje no guserera, umuganga umwe anyohereza ku wundi, barimo kuntererana, ndababwira nti ese uyu muntu mfite mu ntoki murabona ameze ate, barambwira ngo ntabwo ari we ubabaje gusa, hano hari n’abandi bamurenze kubabara.”

Mugenzi we ati “Hari igihe uzana umurwayi arembye, aho kugira ngo bakwiteho, bakakwereka ko hari abandi barwayi benshi bahari, n’ikibazo cyawe ntibagikemure ngo kirangire kive mu nzira, wenda bakire abandi ahubwo bagakomeza bakwereka ibibazo bihari, nabyo badasubiza, ugasanga barakuka inabi, urumva ko aba ari ikibazo.”

Imibare y’uyu mwaka y’ubugenzuzi bwakozwe n’Urwego rw’Igihugu rw’Imiyoborere (RGB), ku ishusho y’imiyoborere n’imitangire ya serivisi mu nzego zegereye abaturage, bwakorewe mu bigo bya Leta 50, birimo ibigo bya Leta 19, Uturere 15 hamwe n’ibitaro 16, bwagaragaje ko mu byagenzuwe byose ibipimo bibiri byonyine, ari byo bigaragara ko byageze kuri 80%, mu gihe ibindi byose bisigaye biri munsi ya 80%, kandi intego ya gahunda y’Igihugu yo kwihutisha iterambere mu cyiciro cyayo cya kabiri (NST2), ari uko ibipimo byose bigera hejuru ya 90%.

Muri rusange impuzandengo y’ibyagenzuwe byose iri ku gipimo cya 77.8%, aho mu bigo bya Leta biri ku gipimo cya 77.9%, mu Turere bikaba 76.18%, mu gihe mu bitaro biri ku gipimo cya 79.2%.

Umuyobozi w’agateganyo w’Ishami rishinzwe Itangwa rya Serivisi, Imiyoborere myiza n’abafatanyabikorwa mu Iterambere ry’Akarere (JADF), muri RGB, Afrika Alexis, avuga ko bafashe ibitaro muri buri Karere katoranyijwe, hiyongeraho n’ibya Kaminuza bya Kigali (CHUK), kugira n’iby’icyitegererezo bibe bihagarariwe.

Ati “Twashakaga kureba ko ibipimo ngenderwaho bikurikizwa koko mu gutanga serivisi. Muri zimwe mu mbogamizi twabonye harimo kutakira neza abantu, kuko icyo kubwira nabi abantu basaba serivisi kiri hejuru, kandi ntabwo ari ibintu bidusaba amikoro ahubwo n’imyitwarire gusa.”

Muri ubwo bugenzuzi by’umwihariko mu Mujyi wa Kigali harebwe ku bitaro bya Masaka, Kibagabaga hamwe n’ibya CHUK, kandi hose bikaba byaragaragaye ko hakiri byinshi byo gukosora, bisaba imbaraga nyinshi kugira ngo gahunda ya NST2 izarangire bimaze kugera ku kigero cya 90% nkuko biteganyijwe.

Afrika ati “Biragaragara ko tukiri kure, imihondo ni myinshi cyane (munsi ya 80% ariko bitagera muri 60%), kandi twifuza kujya mu cyatsi kibisi (hejuru ya 80%), ari cyo kituganisha ku kugera ku ntego y’Igihugu.”

Ubu bugenzuzi bunahura neza n’ubushakashatsi ngarukamwaka bwa CRC bukorwa na RGB, kuko ubw’uyu mwaka (2025), bwagaragaje ko Abanyarwanda banyurwa n’imiyoborere n’imitangire ya serivisi ku kigero cya 76.7%.

Mu bundi bushakashatsi bwari buyobowe n’Umuyobozi Mukuru ushinzwe Ibikorwa by’Ubuvuzi muri Minisiteri y’Ubuzima, Dr. Corneille Killy Ntihabose, bwashyizwe ahagaragara ku wa 02 Mata 2025, bugaragaza ko mu 2022, abarenga 93% by’abaturage bishimiye serivisi bahabwa kwa muganga.

Ubu bushakashatsi, bugaragaza ko abaturage 93.8% bishimiye serivisi yo kubonana na muganga, 92.0% bishimira serivisi itangirwa ahakirirwa indembe, 88.2% bishimira serivisi z’imiti, naho 87.2% bishimira serivisi zo muri Laboratwari.

Ubu bushakashatsi bugaragaza ko serivisi zo kwa muganga zikigaragaramo ibibazo, ari izijyanye no kwishyura, aho 73.3% ari bo bishimira izo serivisi bonyine.

Abaturage kandi bagaragaza kutishimira ibijyanye n’uburenganzira bwabo nk’abarwayi, aho 74.3% ari bo bagaragaza ko uburenganzira bwabo nk’abarwayi bwubahirizwa.

Mu bijyanye n’aho bategerereza, abaturage bo mu Majyaruguru, Amajyepfo ndetse no mu Burengerazuba ni bo bagaragaza kwishimira serivisi bahabwa, ugereranyije no mu zindi ntara, mu mijyi ndetse no mu bitaro bikomeye.

Abakoze ubu bushakashatsi basabye ibitaro n’amavuriro gufata ingamba zigamije koroshya uburyo bwo kwishyura, kugabanya umwanya wo gutegereza, guhugura abakozi, kuringaniza serivisi zitangwa mu byaro no mu mijyi, no gushyiraho politiki zishyira umurwayi imbere.

Ni bumwe mu butumwa bukubiye mu ijambo yavugiye mu Nama nkuru ya 17 y’Umuryango FPR-Inkotanyi yateranye kuri uyu wa Gatanu tariki 19 Ukuboza 2025, aho yagaragaje ko nubwo u Rwanda rufite abaturage beza, ariko ababazwa n’uko abitwa ko ari abayobozi batabaha ibyo babagomba.

Perezida Kagame yavuze ko nyuma y’imyaka 31 ishize u Rwanda ruvuye muri Politike y’amacakubiri, Abaturarwanda bageragejwe kenshi n’amahanga n’imiryango itari iya Leta, bagira ngo babasubize muri izo Politike, ariko bakanga bakababera ibamba.

Yagize ati “Aba navugaga bo hanze bashaka kudusenya, bashatse ukuntu bazana mu Banyarwanda kubatandukanya ngo bajye mu mwiryane, abaturage barabananira. Na bariya bapumbafu mureba bahunze igihugu, buriya nibo babanje gukoresha bakiri hano, kugira ngo babanze batandukanye FPR, bityo batandukanye Abanyarwanda.”

Yunzemo ati “Bariya bose mureba, bari za Amerika, Afurika y’Epfo, hakaza abantu bavuye i Burayi, bakabahwihwisamo ngo ariko wowe uzi ko ari wowe ukwiye kuba Perezida, erega bikamujyamo koko ko akwiye kuba Perezida. Akabishaka, ariko kubishaka si icyaha, ariko hari inzira binyuramo, iyo ubishatse gusa, wibwira ngo abo ngabo bazagufasha kubigeraho, bose byagiye bibananira, bajya aho bagiye, abandi ntabwo byabahiriye.”

Aho ni naho Umukuru w’Igihugu yahise agaragariza ko abaturage nubwo bageragejwe, ariko bo bimye amatwi uwabagerageje wese.

Ati “Bakagenda bagashaka kugira abaturage ababo, ntibabagire ab’u Rwanda, ariko aba baturage bacu baranze baba ab’u Rwanda. Aho rero niho namwe mubera akaga (abayobozi), mumbabaza. Kuba mufite abaturage bameze batyo, mwarangiza mukabajyamo mukabakiniramo ntimubahe ibyo mubagomba n’icyaha rwose kidakwiye no kubabarirwa.”

Arongera ati “Benshi njya mbona mwemera ibintu by’amadini, mwari mukwiye kubisabira imbabazi ku Mana cyangwa ikazabahana mo kimwe, mukwiye kubihanirwa rwose, ni bibi cyane. Ntabwo amahirwe mufite, muriho muyobora, muri abayobozi mu gihugu cyanyu, mufite abaturage bameze batya, mwarangiza mukajya gutobanga ibintu, ntabwo ari byo. Mujye mubyibaza ku giti cyanyu aho muri mwicuze, muhinduke kandi mukore ibintu bizima.”

Aha kandi by’umwihariko, Perezida Kagame yashimiye cyane akazi k’indashyikirwa inzego z’umutekano zikora, kuko nta bindi byinshi afite yabasaba birenze ibyo bakora.

Yagize ati “Mu nzego nshaka gushimira zindi, inzego z’umutekano ni ingenzi muri rusange. RDF, Polisi y’Igihugu, abashinzwe umutekano b’urundi rwego, aba bantu ibyo bakora, bakorera igihugu cyacu twese, sinavuga ko mfite byinshi birenze ibyo bakora mbasaba. Barabyujuje. Izi ngabo zacu, ni zo ngabo nahoze nifuza kugira.”

Muri iyi Nama Nkuru yitabiriwe n’abarenga 2000 barimo Abanyamuryango n’inshuti zawo, Perezida Kagame yavuze ko buri nama nkayo iba ifite ibyo ifasha kandi ikagira n’ibyo yungura abantu kugira ngo umuryango wa FPR-Inkotanyi ukomeze kubakwa, ari nako hubakwa igihugu.

Umukuru w’Igihugu yavuze ko ikwiriye kuba “umwanya wo kwisuzuma”, abayobozi bagasuzuma inshingano n’ibibazo bihari bakareba uko babyifatamo mu kubishakira igisubizo.

Motari bamutega byoroshye kandi byihuse kuko agera no mu duhanda n’utuyira, aho imodoka zidashobora kujya, nuko agatwara abantu n’ibintu, ndetse rimwe na rimwe bakamuhereza imizigo bati “tugereze ibunaka.”

Icyizere aba bamotari bagirirwa ngo rimwe na rimwe kiraza amasinde, kuko hari abavuga ko bamaze kwibwa n’abamotari babahaye ibintu ngo babibajyanire bikarangira batabigejeje aho batumwe.

Ibyo guhemuka kw’abamotari ntibigarukira gusa mu kwiba ibyo batumwe kujyana ahantu babwiwe kubigeza, ahubwo ngo hari n’igihe biba telefone z’abagenzi igihe babagejeje aho bari bagiye, mu gihe barimo kubishyura bakayishikuza umugenzi bagatera umugeri moto, bakaburirwa irengero.

Bamwe mu bakunda gutega moto, bavuga ko ari kenshi ibibazo nk’ibyo bikunze kubaho nubwo bidakorwa n’abamotari bose.

Umwe mubabikorewe, avuga ko yateze moto agiye kwa muganga kureba umurwayi birangira umumotari amwibye ibyo yari agemuye.

Yagize ati “Ngeze ku marembo kuko nari mfite igikapu kirimo amasahane, teremusi na telefone, nkibimuha ngo mfasha mbanze mveho, ibyo yamfashije byose yahise akata agendana nabyo gutyo, turanayihamagara telefone yanga kuyifata.”

Mugenzi we ati “Bibaho cyane kuba umumotari ushobora kumuha ikintu nta kikugerezeyo, kuko urabimuha, ukamuha nimero zawe utamuzi, ukagira ngo ibintu yabikugerejeyo wagerayo ukabibura. Ni benshi cyane bimaze kutubaho.”

Ibi kandi binashimangirwa n’abakora umwuga wo gutwara moto, bemeza ko hari abafite imyitwarire idahwitse, ariko ngo hari n’igihe abatega moto babigiramo uruhare.

Hari umumotari wagize ati “Barimo kutwicira akazi, bakatwicira izina n’umwuga, bige kuba inyangamugayo. Abagenzi bakwiye kujya bitonda bakabanza bakareba pulake n’ijire kuko iba ifite umwirondoro wawe.”

Urwego rw’Igihugu rw’Ubugenzacyaha (RIB), mu ntangiriro z’uku kwezi (Ukuboza), ruheruka gusubiza telefone 431 z’ubwoko butandukanye zifite agaciro k’amafaranga y’u Rwanda 94,500,000, zari zaribwe ba nyirazo mu mezi atandatu ashize, zifatirwa mu bice bitandukanye by’Igihugu.

RIB ivuga zagiye zibirwa ahantu hatandukanye, harimo gare zitegerwamo imodoka zitwara abagenzi mu buryo bwa rusange, ahibiwe izigera ku 127, izibwe mu buryo bwo gushikuza ba nyirazo zigera kuri 80, izibwe mu buryo bwo gushukana ni 63, izibwe ahantu hateraniye abantu benshi 59 ndetse n’izibiwe mu ngo zigera kuri 56.

Umuvugizi wa RIB Dr. Thierry B. Murangira, avuga ko muri zo harimo n’izibwe n’abamotari.

Ati “Kwa kundi umuntu ava kuri moto ageze aho yari agiye, mu gihe atangiye kwishyura, motari agahita ayimushikuza akirukanka. Mbere yo kurira kuri moto banza ufotore wohereze, nawe amenye ko wayifashe. Ikindi nujya kwishyura gerageza umwitaze, uve kuri moto utere nk’intambwe uhagarare hariya, umubaze uti ndakwishyura angahe ku kanyenyeri kahe?”

Arongera ati “Naho akubwira buhoro, uko akubwira buhoro nawe ukamwegera akujijisha, uko umwegera agahita ayifata yirukanka. Tugire amakenga, kugira amakenga ntibivuga guceka, ariko niyo waceka ukamureba ko ashobora kuba umwe muri ba bandi, nta kosa.”

Icyaha cyo kwiba giteganywa n’ingingo ya 166 y’Igitabo giteganya ibyaha n’ibihano muri rusange.

Iyo ugikurikiranyweho abihamijwe n’urukiko ahanishwa igifungo cy’umwaka umwe, ariko kitarenze imyaka ibiri n’ihazabu kuva kuri miliyoni imwe ariko itarenze miliyoni ebyiri z’Amafaranga y’u Rwanda.

Ubushakashatsi bwa karindwi ku Mibereho n’Ubuzima (DHS7) bwagaragaje ko umubare w’abana bavuka ku mugore umwe mu Rwanda wakomeje kugenda ugabanuka mu myaka itanu ishize

Ubu bushakashatsi bwashyizwe ahagaragara n’Ikigo cy’Igihugu cy’ibarurishamibare (NIRS) kuri uyu wa Gatatu tariki 17 Ukuboza 2025.

Uyu mubare wageze ku bana 3.7 kuri buri mugore uri mu gihe cyo kubyara, uvuye kuri 4.1, wariho mu 2020, aho igabanuka rikomeye ryagaragaye cyane mu Ntara y’Iburengerazuba n’iy’Amajyaruguru.

Ibi ngo byatewe n’uko bamwe mu babyeyi bahisemo kurekera aho kubyara ku bushake. Mu bushakashatsi, 47% by’abakoreweho ubu bushakashatsi bagaragaje ko barekeye aho kubyara ku bushake, abandi 13% bagaragaza ko babyara mu gihe runaka naho abagera kuri 2% bakaba batabyara kubera impamvu zitandukanye z’ubuzima.

Ni ubushakashatsi bunerekana ko umubare w’ababyeyi babyarira kwa muganga wazamutse ukagera kuri 98%, mu gihe uw’abana bapfa batarengeje imyaka itanu wagabanutse ukagera kuri 36 ku bana 1000 bavuka.

Mu mwaka wa 2000 abana batarengeje imyaka itanu bapfaga bari 196 mu bana 1000, iryo gabanuka rikaba ryaratewe n’uko muri iyo myaka ishize igihugu cyafashe ingamba zitandukanye ziganjemo kubungabunga ubuzima bw’abana n’ababyeyi.

Serivisi zo kwita ku babyeyi zakomeje kwiyongera mu myaka ishize, aho ubufasha bahabwa mu gihe cyo kubyara bwageze kuri 78%, buvuye kuri 47% bwariho mu 2020.

Iyi mibare igaragaza ko igipimo cy’abana bonka gusa biyongereye mu myaka itanu ishize, bagera kuri 82%, bavuye kuri 81% bariho mu 2020.

Minisitiri w’Ubuzima Dr. Sabin Nsanzimana, avuga ko ikibazo cy’inda ziterwa abangavu kigaragara kandi bagomba guhangana nacyo.

Ati “Iyi mibare iratwereka ibintu byabaye mu myaka itanu ishize, ibyakozwe mu myaka mike ishize, bizatangira kutugaragariza umwaka utaha no mu gihe gikurikiraho. Ni no kugira ngo twumve ko imibare iba yagaragajwe harimo amategeko yavuguruwe, kwegereza serivisi zifasha, ndetse no gukomeza kwigisha mu miryango yacu, mu mashuri, kugira ngo abana be kuva mu mashuri, cyangwa be kugira ibibazo kuko bagize ikibazo cyo gutwita bakiri bato.”

Arongera ati “Ndetse Bizana ikibazo cya kabiri cy’abo bana babakomokaho, umwana ubyaye akiri muto akenshi imibare iratwereka ko abana bavuka batagejeje igihe na ba nyina bakagira ibibazo babyara, kuko ni abana baba bakiri bato baba basa nkaho bagiye kubyara imburagihe, bikabagiraho ingaruka kwa muganga, turabibona kenshi.”

Ibijyanye n’imibare y’igwingira Minisitiri w’ubuzima avuga ko bishamikiye ku nda ziterwa abangavu.

Ati “Dufite abana benshi bagwingira, akenshi baba baturuka ku kuba barabyawe n’abatarashobora gushaka.H ari abangavu babyara bakiri bato, n’ikibazo cya mbere, icya kabiri, abana babavukaho ni abana babavukaho cya gihe cyo kubyara no kuvuka, ndetse n’uburyo bazakura. Ni ibyo bitatu tubona tugomba gushyiramo imbaraga, bimaze igihe, ariko tugomba gushyiramo imbaraga nyinshi kuko imibare yabitugaragarije.”

Umuhuzabikorwa w’Amashami y’Umuryango w’Abibumbye mu Rwanda, Ozonnia Ojielo, avuga ko Loni izakomeza gushyigikira u Rwanda mu ntego zarwo zo kugeza abaturage ku buzima bwiza.
Yagize ati “Iyo ufite abaturage bafite ubuzima, uba ufite abakozi beza, ibyo bakora biriyongera kandi bigira agaciro gakomeye ku bukungu. Loni n’abafatanyabikorwa bacu tuzakomeza gushyigikira imbaraga za Leta mu kugera ku buzima bwiza ku baturage bose.”

Impuguke mu buvuzi, zivuga ko imbaraga n’ishoramari u Rwanda rwashize mu buvuzi ari byo bituma igipimo cy’imibereho n’ubuzima gikomeza kuzamuka, nubwo hari ahakigaragara ibibazo, birimo kuba Umunyarwanda atarashobora kugera neza ku buvuzi bwiza mu buryo bumworoheye.

Ubushakashatsi nk’ubu bwakozwe bwa mbere mu Rwanda mu 1992, ibyavuye mur bw’uyu mwaka bukozwe ku nshuro ya karindwi, nibyo bigiye kujya bikurikizwa mu gihe cy’imyaka itanu iri imbere.

Abanyarwanda banyurwa n’imiyoborere n’imitangire ya serivisi ni 76.7%

Ishusho y’uko abaturage babona imiyoborere n’imitangire ya serivisi mu nzego zibegereye, ni amwe mu mahitamo shingiro y’Igihugu, aho abayobozi babazwa inshingano n’abo bashinzwe gukorera.

Ibi bituma buri mwaka RGB ikora ubushakashatsi, hagamijwe kwerekana igipimo cy’imiyoborere n’imitangire ya serivisi mu nzego zegereye abaturage (CRC), aho bakusanya ibitekerezo byabo birebana n’imibereho yabo ya buri munsi.

Ubwakozwe muri uyu mwaka (2025), bwerekanye ko muri rusange ku rwego rw’Igihugu abaturage bishimira imitangire ya serivisi n’imiyoborere bari ku gipimo 76.7%, aho byavuye kuri 69% bariho mu 2018.

Nubwo bimeze bityo ariko, hari zimwe mu nzego zamaze kugera kuri iyo ntego (NST2), zirimo urw’umutekano ruri ku gipimo cya 92.1%, iyubahirizwa ry’amahame y’imiyoborere n’icyizere ku nzego z’ubuyobozi ruri ku gipimo cya 90.1%, mu gihe izindi zirimo ibijyanye n’ubutaka, imiturire, ibidukikije, hamwe no kuzamura imibereho y’abaturage bikiri kuri 60% no munsi yaho.

Imibare y’ubushakashatsi bwa CRC, ntaho itaniye cyane n’ubugenzuzi n’ubundi bwakozwe na RGB muri uyu mwaka, ku ishusho y’imiyoborere n’imitangire ya serivisi mu nzego zegereye abaturage, bugakorerwa mu bigo bya Leta 50, birimo ibigo 19, Uturere 15 hamwe n’ibitaro 16.

Ishusho rusange igaragaza uko abaturage babona serivisi z’ubutaka, imiturire n’ibidukikije muri Kigali

Bimwe mu byarebwe muri iryo genzura harimo ibijyanye n’uburyo hatangwa uburenganzira bwo kubaka, gukemura ibibazo by’abaturage, serivisi za VUP, n’uburyo abatanze serivisi kuri ibyo bigo bishyurwamo.

Bikorwa hagamijwe kureba ko niba koko umuturage abona serivisi akwiye kandi yishimira, no kureba ko ibipimo biteganyijwe bikurikizwa nkuko bikwiye.

Mu byagenzuwe byose ibipimo bibiri byonyine birimo ‘kubahiriza amabwiriza yo gutanga serivisi no kwakirana urugwiro ababagana’, nibyo bigaragara ko byageze kuri 80%, mu gihe ibindi byose biri munsi ya 80%.

Muri rusange impuzandengo y’ibyagenzuwe byose iri ku gipimo cya 77.8%, aho mu bigo bya Leta biri ku gipimo cya 77.9%, mu Turere ni 76.18%, mu gihe, mu bitaro biri ku gipimo cya 79.2%.

Ubwo kuri uyu wa Kabiri tariki 16 Ukuboza 2025, ubuyobozi bw’umujyi wa Kigali n’abafatanyabikorwa bawo mu iterambere (JADF), bamurikirwaga ibyavuye muri iryo genzura n’ubushakashatsi bya RGB, bagaragarijwe ko Uturere dutandatu tutarimo utwo muri Kigali, ari two tumaze kugera nibura ku gipimo cya 80%, nabyo bikaba bimaze imyaka ibiri gusa kuko byatangiye mu 2023.

Ishusho rusange igaragaza uko abaturage bashima imikorere y’inzego z’ibanze mu Mujyi wa Kigali

Ubushakashatsi bwa CRC kandi bwerekanye ko by’umwihariko Uturere tugize umujyi wa Kigali tuyobowe na Kicukiro iri ku gipimo cya 79.6%, Nyarugenge ifite 77.6% mu gihe Gasabo bari ku kigero cya 74.5%, ariko kimwe n’ahandi hose mu gihugu, inzego zirimo imibereho myiza y’abaturage no kubazamurira ubushobozi (gufasha abatishoboye) bikaba bikiri hasi cyane.

Umuyobozi w’ishami rya JADF rishinzwe imiyoborere mu Karere ka Kicukiro, Céléstin Ngaruyinka, avuga ko nk’urwgo ruhuza abafatanyabikorwa, basanga bakwiye guhuza imbaraga n’inzego za Leta, bakegerana kugira ngo bafatanye kwesa imihigo.

Ati “Tukumva ko niba umuturage ari mu bukene, bitareba Leta gusa, ahubwo bitureba twese nk’abafatanyabikorwa kumuzamura. Icyo gihe bizatuma tumenya ngo dufite abaturage umubare runaka dukeneye ko bava mu bukene, tubafashe kuzamuka, kubona ibyo bakora, no kuva muri cya cyiciro cy’imibereho mibi barimo, bajye mbere. Ariko ubuyobozi bubikoze bwonyine cyangwa bakumva ko bazesa imihigo bonyine ntabwo byakunda.”

Umuyobozi w’Umujyi wa Kigali wungirije ushinzwe imibereho y’abaturage, Martine Urujeni, avuga ko bazakomeza kwishakamo ibisubizo mu mitangire myiza ya serivisi, bibanda cyane aho bidahagaze neza.

Ati “Mu rwego rwo kuzamura imitangire myiza ya serivisi, Umujyi wa Kigali hari gahunda zitandukanye wagiye ushyiraho, kugira ngo turebe uburyo twanoza aho biri hasi nko muri serivisi z’ubutaka, n’ahandi hose byagaragaye ko abaturage batishimiye serivisi Umujyi wa Kigali utanga. Tuzakomeza gushaka ibisubizo dufatanyije n’abafatanyabikorwa bacu, kugira ngo umuturage usaba serivisi ayihabwe yihuse kandi inoze, kuko ari yo ntego dufite nk’umujyi wa Kigali.”

Dr. Doris Picard Uwicyeza

Umuyobozi Mukuru wa RGB, Dr. Doris Picard Uwicyeza, avuga ko CRC ari ijwi ry’abaturage, kuko babona aho bavugira ibyo bishimira cyangwa banenga kuri serivisi bahabwa, bigaherwaho hafatwa ingamba zo kunoza ibitarakozwe neza.

Ati “Twese dufatanye dusuzume amanota abaturage baduhaye, aho bimeze neza tugume mu ngamba, aho bitameze neza dufate ingamba zo kubikosora. Ubu ni ukugira ngo twibwize ukuri ntitwibeshye, ntitwikirigite ngo duseke, abaturage batubwiye uko babibona. Dushobora kwumva wenda twese twujuje inshingano zacu mu mihigo, ariko niba abaturage bavuga ko batishimiye serivisi, ni iki twabyigiraho kugira ngo tunoze imitangire ya serivisi.”

Imyanzuro ifatirwa mu nama nk’iyi iba yitezweho gufasha mu mikorere n’imikoranire y’abafatanyabikorwa bibumbiye muri JADF, hagamijwe kwihutisha iterambere ry’Akarere no kunoza imitangire ya serivisi ishyira umuturage ku isonga.

The Ben na Bruce Mélodie biteguye gushimisha Abanyarwanda

Ni igitaramo ngarukamwaka kizabera i Kigali muri BK Arena, ku wa 1 Mutarama 2026, kikazahuriza hamwe abahanzi b’ibihangange bafatwa nk’aba mbere mu Rwanda, ari bo The Ben na Bruce Mélodie.

Iki gitaramo kigiye kuba ku nshuro ya kabiri, gisanzwe gitegurwa n’umuhanzi The Ben cyangwa Tiger B nk’uko bakunze kumwita, hagamijwe gufasha Abanyarwanda by’umwihariko Abanyakigali kwishimira umwaka mushya, no kugaragariza amahanga ko ariho ha mbere ibikorwa byose by’imyidagaduro bibera.

Kuri iyi nshuro harimo akarusho ku bazacyitabira, kubera ko uretse kuba BK ari umwe mu baterankunga bakomeye b’icyo gitaramo, ariko yanashyizeho uburyo bw’umwihariko ku bazagura amatike yo kwinjira bakoresheje amakarita ya Banki ya Kigali ya Credit cards hamwe na Prepaid cards, aho bazagabanyirizwa ibiciro (discount) ku kigero kizatangazwa mu minsi ya vuba.

Ubuyobozi bwa BK, buvuga ko kimwe mu byo bifuzaga bajya kwitirirwa inyubako ya BK Arena, ari ukubona abahanzi b’Abanyarwanda bahabwa amahirwe yo kuhakorera ibitaramo.

Thabit Habineza avuga ko abazagura amatike y’igitaramo bakoresheje BK Credit cards na Prepaid cards bazagabanyirizwa ibiciro

Umuyobozi ushinzwe ibikorwa by’itangazamakuru n’itumanaho muri BK, Thabit Habineza, avuga ko akarusho kari mu gitaramo ‘The Nu Year Groove’, ari uko abakiriya ba BK n’abandi bose bashobora kuzagura amatike bakoresheje amakarita yayo, bazagabanyirizwa ibiciro.

Ati “Turimo turagira ngo dufashe abakiriya bacu bashobora kugura amatike, bakoresheje amakarita ya BK, turimo gukorana n’itsinda rya The Ben kugira ngo tube twabasha kubaha n’igabanyirizwa mu gihe baramuka baguze amatike bakoresheje amakarita ya BK. Ibiganiro turimo kubinoza, guhera kuri uyu wa kabiri turaza guhita dutangaza uko igabanyirizwa rizaba ringana n’igihe rizageza.”

Ubuyobozi bwa BK buvuga ko ibikorwa byabo bitagarukira gusa mu bijyanye n’imari, kubera ko bafite n’inshingano zo gushyigikira abantu bari mu byiciro bitandukanye, ku buryo hari na gahunda zihariye barimo gutegurira abari mu byiciro by’ubuhanzi n’ubugeni hagamijwe kubafasha kwiteza imbere.

Bavuga ko guhera mu mwaka utaha bashaka kwinjira cyane mu bikorwa by’imyidagaduro na siporo, nka hamwe mu hantu batagaragaraga cyane, kugira ngo barusheho gushimangira gahunda yabo ya ‘Nanjye Ni BK’, ku buryo buri rwego rurushaho kwibona muri iyo Banki ya mbere y’Abanyarwanda kandi ikorera mu Rwanda.

The Ben yavuze ko igitaramo kigamije gushimisha Abanyarwanda kuko bakwiye ibyiza

Benjamin Mugisha uzwi nka The Ben, nk’umwe mu bahanzi bakuru kandi bakunzwe cyane mu Rwanda, avuga ko igitaramo ‘The Nu Year Groove’, kigamije gutanga ibyishimo ku Banyarwanda.

Ati “Mvugishije ukuri ni igitarambo kigamije kugira ngo duhe ibyishimo Abanyarwanda, kuko ni byo mukwiye, mukwiye umunezero.”

Bruce Itahiwacu uzwi cyane nka Bruce Mélodie, avuga ko yishimiye igitekerezo cyo kuba The Ben yarabegereye akabasaba ko bazifatanya muri icyo gitaramo ngarukamwaka, kandi ko nta kabuza ko Abanyarwanda bazabona ibyiza kuri uwo munsi.

Ati “Nta cyambuza gushyiraho itafari ryanjye nk’Umunyarwanda kuko twese turi abahanzi b’Abanyarwanda, ndetse no kubashimisha kuko ni mwe tubikorera (abafana). Niteguye neza, muzabibona kuri uwo munsi.”

Guhuriza hamwe The Ben na Bruce Mélodie mu gitaramo, ni kimwe mu bintu byifuzwaga n’abatari bake, bitewe n’ibihangano bafite byatumye bigarurira imitima y’abantu batandukanye biganjemo Abanyarwanda.