Barasaba ibyangombwa by’ubutaka bwabo

Abo baturage bavuga ko basiragizwa cyane mu gihe bagiye gusaba iyo serivisi, abashinzwe kuyibaha ntibagire icyo babamarira kandi bahari.

Nyirasafari Elsabeth wo mu Murenge wa Kiramuruzi agira ati” Maze imyaka igera kuri irindwi (7) nsaba ubuyobozi kumpa ibyangombwa bya burundu by’ubutaka bwanjye, ariko kugeza n’ubu sindabihabwa.

Ubu sinabasha kujya gusaba inguzanyo muri banki kuko bansaba ingwate, kandi sinatanga ubutaka butanyanditseho, turasaba ko ubuyobozi bwaturenganura.”

Abo baturage bakomeza bavuga ko gutinda kubona ibyo byangombwa bibagiraho ingaruka zitandukanye zirimo nko kuba nta wabasha kugurisha ubutaka budafitiwe ibyangombwa ngo abe yakwikorera indi mishinga yamuteza imbere.

Ubuyobozi bw’Akarere ka Gatsibo buvuga ko bukimara kumenya icyo kibazo ngo bwasanze koko abo baturage barengana, bukaba bubizeza ko mu gihe kitarenze ibyumweru bibiri uhereye ku itariki 14 Nzeli 2017, baba bamaze kubona ibyangombwa by’ubutaka bwabo.

Manzi Theogene Umuyobozi w’Akarere wungirije ushinzwe ubukungu n’iterambere ati” Nibyo koko aba baturage batinze guhabwa ibyangombwa byabo, ariko turi gukurikirana icyo kibazo kugira ngo tunarebe ababigizemo uruhare babibazwe.”

Ikibazo cy’abaturage batinzwa kubona ibyangombwa, ntabwo ari mu Murenge wa Kiramuruzi kivugwa gusa, kuko no mu yindi mirenge itandukanye y’Akarere ka Gatsibo abaturage bavuga ko badindizwa mu kubona ibyo byangombwa.

Abo bahagaze imbere y’ivuriro riri mu Nkambi ya Nyabiheke baje kureba abo bana bafashwe n’iyo ndwara bazanwe kwa muganga

Mbere ya saa sita kuri uyu wa Gatanu tariki ya 09 Kamena 2017 nibwo abo bana bafashwe n’iyo ndwara ubwo bari bari ku ishuri, bajyanwa mu ivuriro riri muri iyo nkambi, bituma amasomo ahagarara.

Abo bana b’abakobwa biga mu kigo cy’amashuri cya Nyabiheke,ngo bafatwa n’iyo ndwara bishimagura, batabaza bameze nk’abahungabaye. Uyirwaye iyo abandi bana bamukoragaho nabo bahitaga bandura.

Abana bafashwe n’iyo ndwara ni abiga guhera mu mwaka wa gatanu w’amashuri abanza kugeza mu mashuri yisumbuye.

Rugengamanzi Stiven, umuyobozi w’Umurenge wa Gatsibo iyo nkambi iherereyemo,avuga ko hafashwe abana b’abakobwa 20.

Ariko umwe mu bigereye kwa muganga avuga ko hafashwe abangavu 90 ariko kuri ubu ngo bamwe batangiye gukira ku buryo ngo batangiye gutaha.

Inkambi ya Nyabiheke iri mu Karere ka Gatsibo

Ubwo abo bana bafatwaga hitabajwe imodoka na moto biba ari byo bibajyana kwa muganga.

Iyo ndwara ngo yatangiye gufata abo bana muri iki cyumweru (cyatangiye tariki ya 05 Kamena 2017) ariko bidakanganye. Uko iminsi yashiraga ngo nibwo abana batangiye gufatwa ari benshi bajyanwa kwa muganga.

Abaturage bo muri Gatsibo bishimira ko begerejwe amazi meza bakaba baruhutse kuvoma ibiziba

Abo baturage bo mu Mirenge ya Rugarama, Rwimbogo na Gitoki babitangaje ubwo bamurikirwaga umuyoboro w’amazi meza wa Cyampirita, tariki ya 23 Werurwe 2017.

Mukamparirwa Vestine wo mu Murenge wa Rugarama, avuga ko kuba baravomaga kure kandi bagakoresha amazi y’ibiziba byabagiragaho ingaruka.

Agira ati “Mbere kugira ngo tubashe kubona amazi meza twabanzaga gukora urugendo rurerure rungana n’isaha.

Iyo twohorezagayo abana byatumaga basiba ishuri rimwe na rimwe bikabaviramo gutsindwa amasomo, kuba batwegereje aya mazi biradushimishije cyane.”

Aba baturage bakomeza bavuga ko banavomaga amazi y’ibiziba bigatuma banywa bakanakoresha amazi mabi bikabaviramo kurwara indwara ziterwa n’umwanda.

Uyu muyoboro w’amazi w’i Gatsibo watwaye miliyoni 500 RWf

Manzi Theogene, Umuyobozi wungirije w’Akarere ka Gatsibo ushinzwe iterambere ry’ubukungu avuga ko kuba abatuye aka karere bagenda begerezwa amazi meza ari ibintu byo kwishimira cyane, kuko bituma abaturage bagenda barushaho kugira ubuzima bwiza.

Agira ati “Amazi ni ubuzima niyo mpamvu natwe nk’ubuyobozi dukora ibishoboka byose ngo ubuzima bw’abo tuyobora burusheho kugenda neza ariko tunasaba abaturage gufata neza amavomero baba begerejwe kugira ngo atazangirika.”

Uwo muyoboro wa Cyampirita wuzuye mu gihe cy’imyaka itatu, ukaba waratwaye amafaranga asaga Miliyoni 500 RWf. Uzahaza abaturage ibihumbi 25,277.

Uyu muyoboro w’amazi w’i Gatsibo wubatswe ku bufatanye na WASAC na World Vision

Uyu mushinga washyizwe mu bikorwa n’ikigo gishinzwe amazi, isuku n’isukura WASAC ku bufatanye n’Akarere ka Gatsibo, uterwa inkunga n’umushinga utegamiye kuri Leta wa World Vision.

Kugeza ubu abaturage b’Akarere ka Gatsibo bamaze kugerwaho n’amazi meza bari ku kigero cya 63%.

Ubuyobozi bw’aka karere bufite intumbero ko mu mwaka wa 2020 abagatuye bose bazaba bamaze kugerwaho n’amazi meza.

Perezida Kagame ashyira ibuye ry’ifatizo ahagiye kubakwa ishuri

Muri uwo muganda wabaye kuri uyu wa gatandatu tariki ya 25 Gashyantare 2017, Perezida Kagame yashyize ibuye ry’ifatizo ahagiye kubakwa ishuri ribanza rya Simbwa.

Perezida Kagame yavuze ko ayo mashuri yatangiye kubakwa muri uwo muganda ari ayo gutuma abana bigira hafi. Yijeje ko ayo mashuri azuzura vuba abana bakabona aho bigira.

Agira ati "Uyu munsi twafatanyije mu gikorwa cyo kubaka amashuri kugira ngo abana be kugenda ingendo ndende bashaka ubumenyi. Aya mashuri tudangiye kubaka uyu munsi azarangira vuba maze abana bacu babone uko biga neza."

Akomeza avuga ko mu burezi ariho hatangirira umuco wo kwigisha abana gukora no gukunda umurimo. Niyo mpamvu ngo ayo mashuri agomba gushyirwamo ikoranabuhanga bityo rikagera ku Banyarwanda bose.

Agira ati "Aho abana bacu bigira hagomba kuba ahantu hari ibikoresho bigezweho bibafasha kubona ubumenyi."

Bamwe mu babyeyi baganiriye na Kigali today bavuga ko kuba iri shuri baryegerejwe babyishimiye cyane kuko abana babo ngo bakoraga urugendo rurerure bajya kwiga, bikabaviramo gutsindwa amasomo; nkuko Mukamakuza Seraphine abivuga.

Agira ati “Turanezerewe cyane kuba umukuru w’igihugu yadusuye akanadushyiriraho ishuri, ubu abana bacu bajyaga bakora urugendo rw’amasaha menshi bajya kwiga ariko ntibizongera.”

Abanyeshuri bo muri uyu mudugudu bakoraga urugendo rungana n’ibilometero 12 kugenda no kugaruka bajya kwiga. Iri shuri rizuzura ritwaye miliyoni 42RWf.

Perezida Kagame yitabiriye uwo muganda mbere yuko atangiza Umwiherero w’abayobozi bakuru b’igihugu, ubaye ku nshuro ya 14, ubera i Gabiro mu Karere ka Gatsibo.

Biteganyijwe ko uwo mwiherero wa 2017 uzamara iminsi itanu aho kumara ibiri nkuko byari bisanzwe bigenda.

Abaturage ibihumbi 18 bo muri Gatsibo begerejwe amazi meza

Abaturage babarirwa mu bihumbi 18 bo mu mirenge ya Kageyo, Muhura, Remera na Rugarama nibwo begerejwe amavomero 51, yatashywe tariki ya 13 Gashyantare 2017.

Uwo muyoboro w’amazi wuzuye utwaye miliyoni 165RWf.

Abo baturage bavuga ko umuyoboro w’amazi meza begerejwe ubakijije amazi yo mu bishanga bari basanzwe bajya kuvoma; nkuko bitanganzwa na Dushimimana Jeanette.

Agira ati “Kuvoma amazi y’ibirohwa byari bimaze kudutera ingaruka nyinshi kuko yaduteraga indwara zitandukanye zikomoka ku mwanda, turashimira cyane ubuyobozi bwadutekerejeho bukatwegereza aya mavomero kuko aje yari akenewe.”

Eng. Twizeyemungu Juvens akuriye ishami rishinzwe iby’amazi isuku n’isukura mu Karere ka Gatsibo, avuga ko igikorwa cyo gukomeza kwegereza amazi meza abaturage bigikomeza. Niho ahera ahamagarira abaturage gufata neza ayo mavomero.

Agira ati “Turizeza abaturage bataragerwaho n’amazi ko mu gihe kitarambiranye azaba amaze kubageraho, tukanabasaba kuyabungabunga neza.”

Aba baturage bavuga ko bataregerezwa aya mazi bavomaga amazi y’ibishanga

Aya mavomero yubatswe ku nkunga y’Igihugu cy’Ubuyapani ku bufatanye n’Umushinga utegamiye kuri Leta w’Abataliyani witwa Mouvement pour Lutter contre la Faim dans le Monde/Movimento Lotta Fame Mondo (MLFM).

Usibye uyu uyoboro w’amazi wa Byimana-Remera, undi muyoboro wamaze guhabwa abatuye mu karere ka Gatsibo ni uwa Kigomero-Bugarama, uha amazi abaturage bagera 6000, ukaba waruzuye utwaye miliyoni 79RWf.

Inyubako y’icyicaro cya Polisi y’u Rwanda ikorera mu Karere ka Gatsibo nayo yubatswe bigizwemo uruhare n’abaturage

Izo nyubako zirimo n’icyicaro cya Polisi y’u Rwanda ihakorera, zifite amacumbi y’abapolisi, ibiro, aho bafatira amafunguro ndetse n’aho bafungira abagore n’abagabo.

Izo nyubako, zubatswe mu gihe cy’umwaka zose hamwe zuzuye zitwaye miliyoni 87RWf, uruhare rw’abaturage rungana na miliyoni 51RWf binyuze mu bikorwa bitandukanye bimo n’umuganda wo kuzubaka.

Abaturage bamwe babuumbye amatafari, bashaka imodoka ibafasha mu mirimo y’ubwubatsi, bakusanya imifuka ya sima n’ibindi.

Tariki ya 02 Gashyantare 2017, ubwo hatahabwa izo nyumako baturage bo mu murenge wa Nyagihanga ahabereye icyo gikorwa nyirizina, bavuga ko bakoze uko bashoboye bubaka izo nyumako mu rwego rwo kurushaho kubungabunga umutekano.

Niyonsaba Annonciata umwe muri abo baturage avuga ko kuba Polisi isigaye ikorera hafi yabo basigaye batekanye.

Agira ati “Abajura mbere bari baratuzengereje ariko ubu turatuje kuko tuba tuziko Polisi iba iri hafi yacu, byose turabicyesha ubuyobozi bwiza.”

Izi ni inyubako z’amacumbi yagenewe gucumbikamo abapolisi bakorera wa Nyagihanga. Nayo yubatswe ku bufatanye n’abaturage

Aba baturage bakomeza bavuga ko mbere izo sitasiyo za Polisi zitarubakwa, bamwe bakoraga urugendo rw’isaha irenga bajya kuri sitasiyo ya Polisi ya Ngarama mu gihe babaga bafite ibibazo bifuzaga ko Polisi ibakemurira.

Ibi ngo byaberaga imbogamizi bamwe batashoboraga gukora urugendo rurerure bityo bikaba byatuma ibyaha bimwe na bimwe bidahanwa.

Umuyobozi mukuru wa Polisi y’Iguhugu, IGP Gasana Emmanuel yashimiye abaturage b’Akarere ka Gastibo uruhare rukomeye bagize mu kubaka izo nyubako.

Agira ati “Ibi ni bimwe mu by’umwihariko w’u Rwanda, aho abaturage bumva neza akamaro k’umutekano ndetse n’uruhare rwabo mu kuwusigasira. Turashima ubufatanye n’uruhare mwagize mu kubaka iyi (izi) sitasiyo ya (za) Polisi.”

Akomeza avuga ko kwibungabungira umutekano bigerwaho iyo habayeho ubufatanye n’abaturage, mu guhanahana amakuru bityo ibyaha bigakumirwa bitaraba.

Richard Gasana, umuyobozi w’Akarere ka Gatsibo asobanurira abayobozi bakuru inyubako za Polisi zubatswe n’abaturage

Umuyobozi w’akarere ka Gatsibo, Gasana Richard yavuze ko mu mirenge 14 igize ako karere, 10 gusa ariyo ifite sitasiyo za Polisi.

Agira ati “Intego yacu ni uko buri murenge wose ugomba kugira sitasiyo ya Polisi ndetse n’amacumbi y’abapolisi mbere y’uko uyu mwaka urangira.”

Amazu y’ubucuruzi atarubahirije amabwiriza yose y’umurenge wa Kabarore yarafunzwe

Ni mu gikorwa cyakozwe n’Ubuyobozi bw’Umurenge wa Kabarore hamwe n’inzego zishinzwe kubungabunga umutekano mu gitondo cyo ku itariki ya 26 Gashyantare 2017.

Ubuyobozi bw’Umurenge wa Kabarore buvuga ko hashize amezi arenga arindwi basabye abakorera muri izo nzu kuhakorera isuku, bakaharimbisha bagashyira amapave (Pavet) imbere y’amazu yabo.

Kuva ayo mabwiriza bayashyiraho ngo bamwe mu bacuruzi ntibabyubahirije. Niyo mpamvu ngo babafungiye; nkuko umunyamabanga nshingwabikorwa w’umurenge wa Kabarore, Murego Richard abisobanura.

Agira ati “Ni amabwiriza yashyizweho n’ubuyobozi bw’Akarere! Bamwe barabikoze abandi baterera agati mu ryinyo niyo mpavu turi kubafungira imiryango kugira ngo nabo bihutire gushyira mu bikorwa ayo mabwiriza.”

Akomeza avuga ko utazashyira mu bikorwa ayo mabwiriza azacibwa amande y’ibihumbi 10RWf; nkuko byemejwe n’Inama Njyanama y’Akarere ka Gatsibo. Uzakomeza kunangira we ngo azafungirwa burundu.

Abashinzwe uumutekano n’ubuyobozi bw’umurenge wa Kabarore bafunga imiryango y’inzu zitujuje ibisabwa

Bamwe mu baturage bakorera imirimo y’ubucuruzi muri aya mazu ntibakozwa iyi gahunda yo gusukura aho bakorera.

Bavuga ko nta mikoro bafite bitewe n’uko ubucuruzi bakora ngo buciriritse; nkuko umwe muri bo witwa Mukagatare Regine, umukecuru w’imyaka 70 y’amavuko ucuruza amata.

Agira ati “Iyi nzu nkoreramo ni iyanjye bwite niyubakiye bimvunnye! Nyicururizamo nkanayituramo! Ubwo se nibafungira umuryango nzatungwa n’iki kandi aribyo byaribintungiye abana.”

Inzu z’ubucuruzi zituriye umuhanda Kigali-Nyagatare muri Kabarore ba nyirazo basabwa kuzishyiraho amapave nk’uku

Abandi batandukanye bakorera muri ayo mazu y’ubucuruzi bahamya ko amabwiriza yo kurimbisha aho bacururiza ari cyiza ariko ngo amazu bakoreramo barayakodesha. Ba nyirayo ngo nibo badakurikiza ayo mabwiriza ngo baharimbishe.

Umunyamakuru wa Kigali Today ukorera i Gatsibo yashatse kumenya icyo ba nyir’izo nzu batangaza ariko ntiyabasha kugira n’umwe abona kubera ko abenshi bataba mu Karere ka Gatsibo.

Musenyeri Nzakamwita (wo hagati wambaye igishura gifite ibara ritukura rimanuka) ahamya ko kubaha Imana aribyo bizaca amakimbirane mu miryango

Avuga ko kuba abantu batandukanye basigaye barateye Imana umugongo aribyo ntandaro y’amakimbirane.

Agira ati “Ibibazo by’umwiryane biriho mu miryango, abantu baragumutse batera Imana umugongo ari nayo ntandaro yayo makimbirane yose amaze igihe agaraga hirya no hino haba mu Rwanda ndetse no ku isi hose.

Umusanzu wacu nka kiliziya mu kurwanya ibyo bintu ni uguhora twigisha abakirisitu kubaha Imana.”

Akomeza avuga ko abantu nibemera guhindaka bakagarukira Imana, bizafasha umuryango Nyarwanda kongera kwiyubaka, bityo impfu za hato na hato zikomeje kugaragara mu miryango nazo zigacika.

Minisitiri w’uburinganire n’iterambere ry’umuryango, Nyirasafari Esperence avuga ko Leta ifatanyije n’amadini ikomeje urugamba rwo kurwanya amakimbirane agaragara mu miryango.

Agira ati “Amadini atandukanye by’umwihariko Kiliziya Gatulika baradufasha cyane muri gahunda yo kurwanya amakimbirane mu miryango atuma habaho impfu za hato na hato.

Natwe nka Leta turacyakajije umurego mu kurwanya icyo kibazo binyuze muri gahunda zimwe na zimwe nk’utugoroba tw’ababyeyi hamwe n’inshuti z’umuryango.”

Akomeza avuga ko mu rwego rwo gukomeza kurwanya no gukumira amakimbirane mu miryango, hashyizweho gahunda yiswe “ihuriro ry’umuryano.”

Iyi gahunda ikaba imaze imyaka 10 ishyizweho ku gitecyereza cy’Umushumba wa Diyoseze ya Byumba Musenyeri Servilien Nzakamwita.”

Iri huriro rikora ibikorwa bitandukanye birimo gushishikariza abantu gusezerana imbere y’amategeko n’imbere y’Imana bagakomeza gukurikiranwa mu buzima bwabo bwa buri munsi, no kwita ku bibazo byihariye byo mu miryango.

Musenyeri Nzakamwita atangaza ibi mu gihe ku wa gatanu tariki ya 06 Mutarama 2017, hizihijwe umunsi mukuru w’Umuryango Mutagatifu w’Inazareti.

Uwo muhango wabereye muri Paruwasi ya Nyagahanga yo mu Karere ka Gatsibo.

Mu rwego rwo kubungabunga isuku hagiye hashyirwaho ahabugenewe ho kujugunya imyanda.

Abacuruzi bacururiza mu isoko rya Kabarore ni bishimiye iki gikorwa kurenza abandi, bavuga ko cyatumaga abaguzi batabagurira kubera umunuko n’isazi byaharangwaga.

Fidele Muyombano, umwe muri aba bacuruzi, avuga ko kuri ubu isuku yatangiye kugaragara muri aka gace, ubundi kari gasigaye gateye abahahahira.

Agira ati “Icyo kimoteri ni byo koko cyari gihari ariko icyari kitubangamiye cyane ni uko ubujyakuzimu bwacyo butari buhagije, hakiyongeraho kuba kitari gitwikiriye.

Ubu rero ikibazo twahuraga nacyo cy’umunuko hamwe n’isazi twarabikize, turashimira ubuyozi bw’Umurenge bwitaye kuri iki kibazo bukagicyemura.”

Murara Kazora Fred, umunyamabanga Nshingwabikorwa w’Umurenge wa Kabarore, yavuze ko kuba icyo kimoteri cyakuweho bitavuze ko abaturage bagiye kwirara, abasaba gukomeza kubungabunga isuku.

Ati “Icyo kimoteri cyari kibangamiye abaturage ku buryo bugaragara, ni bwo twahise dufata ingamba zo kukimura tukakijyana kure yabo. Icyo tubasaba rero ni ukwirinda kujugunya imyanda ahabonetse hose mu rwego rwo gukomeza kubungabunga isuku.”

Murara avuga ko hanagiye hashyirwaho ahagenewe kujugunywa imyanda hirya no hino muri santere ya Kabarore, na byo bikazorohereza abakora isuku.

Ubuyobozi bw’Akarere ka Gatsibo, Ishami rishinzwe isuku n’isukura butanga ubutumwa buvuga ko ikimoteri gishobora kugira ingaruka zitari nziza ku buzima bw’abagituriye. Ariko kandi ngo imyada yatunganyijwe neza yabyazwamo ibicamwa aho kuba ikibazo kikaza igizubizo.

Uko bwije n’uko bucyeye umujyi wa Kabarore uragenda waguka ari nako n’ibikorwa by’ubucuruzi n’urujya n’uruza rw’abantu byiyongera. Ubuyobozi butangaza ko hari gushakwa ubundi buryo hashyirwaho ikindi kimoteri cyazunganira icyo cyari gisanzwe.

Aha abaturage barimo bageza ibibazo byabo ku bayobozi.

Ni bimwe mu bibazo bitandukanye baturage bagaragarije umuyobozi w’Intara y’Iburasirazuba, Kazayire Judith ubwo yabasuraga ashaka kumva ibibazo bafite, tariki 28 Ukuboza 2016.

Nyirabashumba Sarah wo mu kagari ka Nyagakomb, yavuze ko ikibabangamiye cyane ari icy’amazi atarabageraho bigatuma bavoma amazi y’ibishanga cyangwa se ay’ikiyaga cya Muhazi bikaba byabaviramo uburwayi.

Yagize ati “Amazi atubereye ikibazo cyane, mbere twajyaga twiyambaza ayo mu kiyaga cya Muhazi, ariko kubera ko abana bajyaga kuvomayo bakarohama, ubuyobozi bwarabibuzanyije, ubu tuvoma amazi y’ibirohwa mu bishana kandi aba ari mabi cyane.”

Kutagira amazi meza bituma bavoma ay’ibishanga.

Mu bindi aba baturage bagaragaje bikibabangamiye ni ukutagira umuriro w’amashanyarazi bigatuma hari imwe mu mirimo yabo idindira kandi yakabateje imbere, hakiyongeraho n’ikibazo cy’umutekano aho amarondo abahagarika akabararana kandi baba bazwi mu murenge.

Guverineri Kazayire yabijeje ko bigomba gucyemuka, asaba abayobozi b’inzego z’ibanze kubigiramo uruhare anabibutsa ko bagomba kurengera inyungu z’umuturage aho biri ngombwa hose.

Ati “Ikibazo cy’amazi muri uyu murenge twizeye ko kigiye gucyemuka, kuko hatangiye gukwirakwizwa imiyoboro y’amazi hirya no hino mu midugudu hamwe n’amavomero.

Ndasaba abayobozi guha agaciro umuturage kuko ari ku isonga rya buri gikorwa cyose, inyungu ze zikwiye kwimirizwa imbere.”

Muri gahunda y’imiyoboborere myiza, mu Karere ka Gatsibo kimwe no mu tundi turere twose tw’Igihugu buri wa gatatu w’icyumweru haba hateganyijwe inteko rusange z’abaturage uhereye mu midugudu n’utugari, abaturage bagatanga ibibazo byabo bigashakirwa umuti.

Ubuyobozi bw’Akarere bwizeza abahinzi ko ubuhunikiro buhari buhagije.

Muri iki gihembwe imvura yaguye itinze bituma abaturage nabo bahinga bakererewe. Bari bafite impungenge ko bashobora kuzabona umusaruro batari biteze, nk’uko bitangazwa na Nyinawabera Esperence ukorera ubuhinzi bw’ibigori mu murenge wa Murambi.

Agira ati “Imvura yabanje kubura aho ibonekeye dutangira guhinga, ubu tugeze igihe cy’isarura ariko twatunguwe no kubona umusaruro utaratubye nkuko twabitecyerezaga, twibwiraga ko ntacyo tuzasarura.”

Icyo aba bahinzi bose bahurizaho, ni uko ku bantu batahise bafatirana imvura ikigwa ngo bahinge vuba bashobora kuzarumbya imyaka yabo cyane cyane ku bahinze ibigori, ariko ngo si benshi.

Umuyobozi w’Akarere ka Gatsibo wungirije ushinzwe ubukungu n’iterambere Manzi Theogene, avuga ko nubwo umusaruro utazaba ari mwiza ugereranyije n’ibihe imvura yabaga yaguye neza ariko bizagabanya inzara.

Ati “Imibare dufite ku musaruro abaturage bagiye kubona, ugaragaza ko umusaruro uzaba uri ku kigeraranyo cya 70%. Icyo dusaba abahinzi ni ukujya bazigamira ejo hazaza mu gihe bejeje, ikindi bakirinda abamamyi babahenda ku myaka yabo.”

Manzi avuga ko nta kibazo abahinzi bazagira cy’aho guhunikira imyaka yabo, kuko ubu mu karere kose bafite ubuhunikro bw’imyaka bugera ku icyenda kandi bwujuje ibyangombwa byose, ku buryo imyaka izahunikwamo izaba ifite umutekano wose.

Mu bice bitandukanye by’Akarere ka Gatsibo abahinzi batangiye ibikorwa by’isarura, aho bahinze imyaka itandukanye irimo ibishyimbo, ibigori, soya na Kawa. Aba bahinzi bakomeje kwishimira ko uyu musaruro ari mwiza n’ubwo bari bakomwe mu nkokora n’izuba.

Bikimara kugaragara ko imvura ishobora kuzaba nkeya muri iki gihe muri aka karere, abahizi bahise batangira gushishikarizwa kwitabaza uburyo bwo kuhira imyaka hifashishijwe amazi yo mu bishanga, kikaba ari kimwe mu byatumye imyaka itangirika cyane.

Igihingwa cya soya kimwe mu bihingwa cyane mu Karere ka Gatsibo

Aba bahinzi bishimira kuba baramaze guhabwa amahugurwa ku buhinzi bwa kijyambere bifashishije ifumbire, kuko bibafasha kubona umusaruro kandi bahinze ku butaka buto.

Bavuga ko gushyira mu bikorwa aya mahugurwa bikomeje kubagora, kubera ubushobozi buke butuma ubuhinzi bwabo butagenda neza.

Kimwe mu byo aba bahinzi basaba ni ukoroherezwa kubona inguzanyo mu ma banki, kugira ngo barusheho guteza imbere ibikorwa byabo nk’uko Hakizimana Alexandre abivuga.

Agira ati” Turasaba ko twakoroherezwa kubona inguzanyo mu by’ubuhinzi, tukajya twishyura buhoro buhoro bitewe n’umusaruro twabonye”.

Igirukwayo Pierre umujyanama w’ubuhinzi mu kagari ka Munini, avuga ko indi mbogamizi ari uko imbuto ibageraho ikererewe, bigatuma badahingira ku gihe bityo n’umusaruro ukaba mucye.

Ikindi aba bahinzi bahurizaho nk’imbogamizi ngo ni ukubona imiti yica udukoko mu myaka, kuko dutuma imyaka yabo yangirika bikabatera kugwa mu bihombo.

Kuri iki kibazo Udahemuka Bernard ushinzwe ubuhinzi mu karere ka Gatsibo, avuga ko imiti yica udukoko mu myaka yamaze kugezwa mu mirenge yose igize akarere.

Yanyujijwe muri ba “Agro dealers”, ngo cyeretse niba ari amikoro macye y’abahinzi atuma batabasha kuyigura.

Ati” Ikibazo cy’imiti nticyakabaye urwitwazo kuko imiti irahari ku bwinshi kandi yegerejwe abahinzi hirya no hino mu mirenge bahingamo.

Niba ikibazo bafite ari amikoro make twabashishikariza kwibumbira muri za koperative, kugira ngo bisungane babashe kwigurira iyo miti”.

Ubusanzwe abaturage b’Akarere ka Gatsibo ahanini batunzwe n’ubuhinzi n’ubworozi.

Soya n’ibigori ni bimwe mu bihingwa byatoranyijwe mu gihembwe cy’ihinga 2016-2017 A na B, aho ibigori bihinze ku buso bungana na hegitari 28,434 naho soya kuri hegitari 739.

Bamwe mu bana bafite ubumuga bo mu karere ka Gatsibo bahawe inyunganirangino.

Byagaragarijwe itsinda rya komisiyo ishinzwe imibereho myiza y’abaturage mu nteko ishingamategeko umutwe w’abadepite, mu ruzinduko intumwa za rubanda zagiriye muri aka karere mu cyumweru gishize.

Kantengwa Merry, Umuyobozi w’akarere wungirije ushinzwe imibereho y’abaturage, , yagaragarije intumwa za rubanda ko nubwo hari byinshi bimaze gukorwa kugira ngo ubuzima bw’abafite ubumuga burusheho kumera neza, hakiri ibigicyenewe kugira ngo abafite ubumuga nabo barusheho kwitabwaho.

Yagize ati “Tubifashijwemo n’abafatanyabikorwa b’akarere hari byinshi byakorewe abafite ubumuga birimo kubaha inyunganirangingo no kububakira ahabagenewe bahererwa serivisi zitandukanye n’ibindi ariko baracyakeneye kwitabwaho kurushaho.”

Muri uru ruzinduko intumwa za rubanda zasuye kimwe mu bigo birererwamo abana bafite ubumuga kitwa “Wikwiheba Mwana”, giherereye mu murenge wa Ngarama, kirererwamo abana bagera kuri 44 bafite ubumuga butandukanye.

Hon. Depite Ngabo Amiel waruyoye iri tsinda ry’abadepite, yavuze ko nubwo abana bafite ubumuga bo mu karere ka Gatsibo bagerageza kwitabwaho mu bigo bibarera, ngo bakwiye gusubizwa mu miryango bavukamo bagakomeza kwitabwaho bayirimo.

Ati “Abafite ubumuga baracyakeneye gukorerwa ubuvugizi kugira ngo ubuzima bwabo burusheho kumera neza, ariko icyo dusaba Akarere ka Gatsibo ni ugukora ubukangurambaga mu babyeyi b’abana bafite ubumuga bakabumvisha ko kubitaho nk’abandi ari inshingano zabo.”

Akarere ka Gatsibo katuwe n’abaturage ibihumbi 433,020, abagera ku bihumbi 22,000 bafite ubumuga muri bo abagera ku bihumbi 551,000 bamaze gushyirwa muri gahunda yo kwitabwaho.

Mu bindi bikorerwa abafite ubumuga bo mu karere ka Gatsibo mu rwego rwo kubashakira uburyo bakwiteza imbere no kubungabunga imibereho myiza yabo, ni ukubaha ubufasha mu babigisha imyuga itandukanye.

Hatanzwe amagare 48 ku bana bafite ubumuga bw’ingingo

Aya magare yatanzwe n’umuryango wa Gikirisitu utegamiye kuri Leta FH (Food for the Hungry), muri uku kwezi kw’Ukuboza.

Umuyobozi w’ishami rishinzwe iterambere ry’imibereho myiza mu Karere ka Gatsibo Dusenge Yvette, asaba ababyeyi kuyafata neza, akanabibutsa ko abana bafite ubumuga, nabo ari abana, bityo bakaba bagomba kubafata nk’abandi.

Yagize ati “Tuributsa aba babyeyi kumenya ko ari inshingano zabo kwita ku buzima bw’abana babo bavukanye ubumuga, ko batagomba kubatererana bakabafata nk’abandi bana bose batavukanye ubumuga.
Ibikoresho bahawe tuzabakurikirana tumenye ko babifata neza”.

Mukakibibi Marie Gorette, umwe muri aba babyeyi, avuga ko nta mikoro yari afite yo kuba yakwigurira igare ryo kumufashiriza umwana, agashima Leta n’abafatanyabikorwa bayo babatekerejeho bakabaha iyi mfashanyo.

Ati “Biranshimishije cyane kubona iri gare, umwana yarwaraga ariko kuko atabasha kugenda bikangora kumugeza kwa muganga, ugasanga byamuviramo no kurembera mu rugo.”

Bamwe mu babyeyi nabo bahawe amagare, bavuga ko abana babo batabashije kugera mu mashuri kubera ikibazo cy’ubumuga bwo kutagenda bavukanye, ariko ubu ngo bagiye guhita babatangiza amashuri.

Umuryango FH ufite gahunda yo gufasha abana bagera kuri 3028 bo mu Karere ka Gatsibo bafite ibibazo bitandukanye by’ubuzima.

Muri iyi gahunda uyu muryango wahereye ku magare y’abafite ubumuga agera kuri 48, igare rimwe rifite agaciro k’amafaranga ibihumbi 350 frw.

Urubyiruko rwereka abayobozi barusuye uko bakora inkweto

Uru rubyiruko rwabitangaje ubwo basurwaga n’inzego za Leta zifite aho zihiriye n’urubyiruko, ziri kumwe n’ibigo bakorana birimo RDB, WDA na BDF muri gahunda ya “Kora Wigire” NEP, kuri tariki ya 01 Ugushyingo 2016.

Bisangwa Bruno, wahuguriwe umwuga wo kudoda imyenda, binyuze muri gahunda ya NEP, avuga ko ikibaraje inshinga ari ugukora cyane ibikorwa byabo by’ubudozi bakiteza imbere.

Agira ati “Turifuza guteza imbere ubudozi bwacu tukava ku rwego rw’Akarere tukagera ku rwego rwo gukwirakwiza ibyo dukora mu gihugu hose.

Iyi gahunda ya NEP yaziye igihe kuko twebwe nk’urubyiruko iradufasha kwikura mu bukene mu buryo bwihuse.”

Banasuye aho abakora inkweto bazicururiza

Urundi rubyiruko rufite uruganda rukora inkweto z’uruhu, ruvuga ko uwo mwuga watangiye kubateza imbere kuko bagurisha inkweto, bakagenerwa umushahara wa buri kwezi.

Urwo ruganda rukoresha abakozi 15 ba nyakabyizi n’abandi batanu bahoraho. Uhembwa make muri bo ahembwa ibihumbi ibihumbi 80RWf naho uhembwa menshi ni ibihumbi 150RWf.

Uruganda rukora izi nkweto rufite ubushobozi bwo gukora imiguru 15 y’inkweto ku munsi

Uruganda rwabo rufite ubushobozi bwo gukora imiguru 15 y’inkweto. Urukweto ruhendutse rugura ibihumbi 5RWf naho uruhenze rugura ibihumbi 20RWf.

Izo nkweto bazigurisha mu Karere ka Gatsibo aho bakorera ariko ngo banazigurishiriza mu mujyi wa Kigali. Barateganya no kujya mu zindi ntara.

Uru rubyiruko rugira inama bagenzi babo bagisuzugura imyuga, gukura amaboko mu mifuka. Kuko nta wakwicara gusa ngo ibintu bimwizanire.

Izi nkweto zikorerwa mu karere ka Gatsibo

Uwamahoro Adnan, umukozi mu ishami rishinzwe guteza imbere ibikorwa bya ba rwiyemezamirimo, mu kigo cy’Igihugu gishinzwe iterambe (RDB), avuga ko hari gahunda ndende yo guhugura urubyiruko mu myuga itandukanye.

Agira ati “Iki ni igikorwa kigamije gukangurira urubyiruko hamwe n’abagore kugira ngo babashe kwihangira imirirmo bagamije iterambere ryabo hamwe n’iry’Igihugu muri rusange.

Nyuma y’amahugurwa tubaha babona ubufasha bwo kugira ngo batangire kwikorera imishinga iciriritse.”

Uru ni urubyiruko ruri guhabwa amahugurwa ku mwuga wo kudoda

Gahunmda ya NEP “Kora Wigire” yatangiye mu mwaka wa 2015, muri gahunda yo gutegura imishinga urubyiruko rufashwamo n’abajyanama mu by’ubucuruzi.

Hamaze gutegurwa imishinga ibihumbi 27 y’urubyiruko n’abagore, muri yo imishinga ibihumbi 24 ikaba yaramaze kubona inguzanyo.

Amafaranga impunzi ziyahabwa hifashishijwe ikoranabuhanga rya “Smart Card”

Zabitangaje ubwo hatangizwaga ku mugaragaro gahunda yo kuziha amafaranga mu ntoki hifashishijwe ikarita ya “Smart Card” tariki ya 19 Ukwakira 2016.

Umuntu umwe mu mpunzi agenerwa ibihumbi 6300RWf buri kwezi. Ariko impunzi zivuga ko ayo mafaranga akiri make bagerereranyije n’ibiciro byo ku isoko muri iki gihe. Basaba ko yongerwa; nkuko Izabayo Florida abisobanura.

Agira ati “Twatangiye guhabwa imfashanyo y’amafaranga ingemeri y’ibigori igura 100RWf none ubu igeze kuri 400RWf.

Ibishyimbo byari amafaranga 200RWf ubu bigeze kuri 800RWf ku ngemeri, turifuza ko yakongerwa bakajya baduha byibura ibihumbi 10RWf ku muntu.”

Mukantabana Seraphine, Minisitiri ufite mu nshingano gucyura impunzi no kurwanya ibiza amara impungenge izi mpunzi azizeza ko iki kibazo kiri kwigwaho. Bitarenze umwaka wa 2017 ngo kizaba cyakemutse.

Agira ati “Iki kibazo turacyizi kandi nibyo koko ibiciro bigenda bizamuka ku isoko umunsi ku wundi, twatangitye kuganira n’abaterankunga kandi barabyumvise kuko ubu buryo ni ingirakamaro cyane ku mpunzi.”

Impunzi z’Abanyekongo zihamya ko ubwo buryo bwo kubaha amafaranga mu ntoki ari bwiza kuko buzabafasha.

Zivuga ko bazajya babasha kwihahira ibibanyuze aho guhorera indryo imwe. Iyo ndyo imwe yabaga igizwe ahanini n’impungure n’ibishyimbo, yagwaga nabi abageze mu zabukuru n’abana; nkuko Nyirahabimana Henriette abivuga.

Agira ati “Kuva aho dutangiriye gufashishwa amafaranga mu mwanya w’ibiribwa, byaradufashije cyane mu mibereho yacu.

Kuko mbere wasanaga baduha rimwe na rimwe ibigori cyanwa ibishyimbo biboze, ariko ubu umuntu ahaha icyo yifuza.”

Impunzi z’Abanyekongo ziri mu nkambi ya Nyabiheke zibarirwa hagati y’ibihumbi 14 na 15. Buri kwezi hatangwa miliyoni zibarirwa muri 93RWf zo kubafashisha.

Bamwe mu babyeyi ba Gatsibo baratungwa agatok mu gutuma abana babo bata amashuri

Umuyobozi w’aka karere Gasana Richard, avuga ko abenshi mu babyeyi bagira abana bata amashuri, aribo babigiramo uruhare kuko usanga badaha agaciro uburere bw’abana babo.

Yagizemati “Ahagiye hagaragara ikibazo cy’abana bata ishuri muri aka karere, akenshi usanga ari imyumvire y’ababyeyi babo ikiri hasi, aho usanga bamwe baba bavuga ngo ko twe tutize ntitubayeho? Ugasanga barashaka no kubiraga abana babo.”

Gasana akomeza avuga ko mu rwego rwo kurwanya iyo myumvire, akarere gafite gahunda ndende yo gukomeza ubukangurambaga mu babyeyi.

Bibutswa ko muri gahunda za Leta harimo n’uburezi kuri bose, kandi ko ari itegeko gushyira umwana mu ishuri, uzajya abirengaho akazajya afatirwa ibihano.

Bamwe mu babyeyi bo muri Gatsibo bakunze gutungwa agatoki ko bavana abana mu mashuri bakabohereza mu mirimo yinjiza amafaranga, nko mu birombe by’amabuye no kwirukana inyoni mu mirima y’imiceri.

Aba babyeyi bavuga ko ibi atari ukuri, ko ahubwo abana bamwe batwarwa n’ibigezweho, bakararuka bagata ishuri bashaka amafaranga ngo babibibone, nk’uko Kayijamahe Jean Marie Vianey abivuga.

Ati “Uburere bw’abana bwaragabanutse, ntibagishaka kumvira ababyeyi basigaye bafite ibibarangaza byinshi, ahubwo turasaba ubuyobozi ko bwadufasha kubagarura mu murongo muzima.”

Bamwe mu badepite mu nteko ishingamateko, bari mu ruzinduko rw’iminsi 7 mu karere ka Gatsibo, kimwe mu bibazo bazibandaho ni icy’abana bata ishuri.

Babitangaje kuri uyu wa Kane tariki 8 Nzeli 2016, mu nama yabahuje n’ubuyobozi bw’ aka Karere.

Iyi nama yari igamije kurwanya no gukumira ibikorwa by’iterabwoba bishingiye ku idini, byagaragaye muri aka Karere, no mu tundi duce dutandukanye tw’igihugu.

Shehi Murengera Haruna umuyozozi w’idini ya Islam mu Karere ka Gatsibo, yijeje ubuyobozi ubufatanye mu kurwanya no gukumira abakwitwaza idini bagakora iterabwoba.

Yagize ati” Idini yacu yubahiriza amahoro, kuko nicyo Korowani itwigisha. Abaryihisha inyuma bagakora amahano, ni abahezanguni ntabwo turi kumwe nabo.”

Abandi bayoboke b’Idini ya Isilamu bari muri iyi nama, bemeza ko ibikorwa by’iterabwoba bihabanye cyane n’ukwemera kwabo. Bavuga ko ababikora, babikora ku nyungu zabo bwite.

Gasana Richard umuyobozi w’Akarere, yababwiye ko Umuyisilamu muzima adakwiye kujya mu bikorwa by’iterabwoba.

Yabasabye ko ubwo ari bwo butumwa bakwiye kwigisha abayoboke babo, anababwira ko bagomba gusengera ahantu hazwi.

Ati” Uzishora mu bikorwa by’iterabwoba bihungabanya umutekano w’abaturarwanda, azafatwa nk’umwanzi w’igihugu ahanwe n’amategeko.

Icyo tubasaba ni ukwiteza imbere, mukitandukanya n’abitwaza idini bagahungabanya umutekano.”

Guhanahana amakuru mu gihe hari ahagaragaye abashobora kujya mu bikorwa by’iterabwoba, ni kimwe mu byo biyemeje.

Mu Karere ka Gatsibo naho hagaragaye bimwe mu bimenyetso bigaragaza imigambi y’iterabwoba.

Mu murenge wa Kabarore ahazwi ku izina rya ruhuha, havumbuwe ishuli ryigishaga urubyiruko ibikorwa by’ubutagondwa, rihita rifungwa.

Abanyeshuri biga ubwubatsi muri Gatsibo Technical School bashyira mu bikorwa ibyo biga.

Abanyeshuri baganiriye na Kigali today ni abiga mu ishuri ry’imyuga rya Gatsibo Technical School mu ishami ry’ubwubatsi. Bavuga ko iki kibazo bahura nacyo iyo bageze mu gihe cyo gushyira mu bikorwa ibyo baba bize mu ishuri (pratique).

Niyonshuti Andre ni umwe muri aba banyeshuri, yiga mu mwaka wa gatandatu w’ubwubatsi aragira ati “Muri aka karere muri rusange hari ikibazo cy’amazi adahagije birazwi, ariko twifuza byibura ko bashaka ukuntu bayatwegereza kugira ngo tujye tubona uko twashyira mu bikorwa ibyo tuba twize mu ishuri.”

Sinayigaye Jacques nawe wiga ubwubatsi yunga mu rya mugenzi we, avuga ko ibikorwa byabo igihe bagiye gushyira mu ngiro ibyo baba bize mu ishuri usanga bidindira kubera amazi adahagije kandi banayakura kure, agasaba ko babafasha kuyabegereza.

Umuyobozi w’iri shuri, Ndatimana Theodore avuga ko koko hari ikibazo cy’amazi adahagije ku banyeshuri biga amasomo y’ubwubatsi ngo hakiyongeraho n’ikibazo cy’ibitabo by’imfashanyigiso bikiri bicye.

Ati “Muri rusange turacyafite ikibazo cy’ibikoresho by’ibanze abanyesuri bacyenera kugira ngo bimenyereze ibyo biga, ariko tugerageza gufatanya n’ababyeyi kugira ngo twishakemo ibisubizi, naho ku kibazo cy’amazi, biri muri gahunda irambye y’akarere batubwiye ko biri mu igenamigambi.”

Ishuri ryigisa imyuga rya Gatsibo Technical School riherereye mu murenge wa Gatsibo, Akagari ka Gatsibo mu mudugudu w’Agatare, ryigisha imyuga irimo ubwubatsi, amashanyarazi n’ibikorwa rusange.

Iri shuri ryatangiye mu 2014, ryigamo abanyeshuri bagera kuri 400 barimo abahungu 320 n’abakobwa 80.

Iki kigo cyabitangaje nyuma yo gukora uruzinduko muri aka Karere ka Gatsibo kuri uyu wa 30 Kanama 2016, hagamijwe kureba ibikorwa bitandukanye by’iterambere giteramo inkunga akarere no kureba aho bigeze bibyazwa umusaruro n’abagenerwa bikorwa.

Amashuri y’imyuga ari mu biterwa inkunga na LODA.

Muri ibi bikorwa hibanzwe cyane ku ishuri ryigisa imyuga rya Gatsibo Technical School riherereye mu Murenge wa Gatsibo, Akagari ka Gatsibo mu Mudugudu w’Agatare, rikaba ryigisha imyuga irimo ubwubatsi, amashanyarazi hamwe n’ibikorwa rusange.

Sibomana Saidi ni umuyobozi wungirije muri LODA, avuga ko kuzamura ubukungu bw’inzego z’ibanze ari zo nshingano za mbere z’iki kigo, ngo uru ruzinduko rukaba rwakozwe mu rwego rwo kugira ngo harebwe niba izi nzego ziyubaka uko bikwiye nyuma yo kuzitera inkunga.

Yagize ati” Ibikorwa ikigo LODA gitera inkunga byashyizweho mu rwego rwo kugira ngo hongerwe imirimo mishya binyuze mu kwigisha ubumenyingiro kandi birusheho guteza imbere abagenerwa bikorwa, ni muri urwo rwego twaje kureba aho bigeze kandi biratanga umusaruro mwiza.”

Bamwe mu banyeshuri baganiriye na Kigalitoday biga mu ishuri ry’imyuga rya Gatsibo Technical School, bayitangarije ko ubumenyi bakura muri iri shuri biteguye kuzabubyaza umusaruro ku isoko ry’umurimo.

Sindambiwe Jean Damascene ni umwe muri abo banyeshuri agira ati” Naje kwiga umwuga w’ubwubatsi mbikunze kandi mbishaka, niteguye kuzabibyaza umusaruro ningera ku isoko ry’umurimo kuko ari umwuga mwiza nashishikariza na bagenzi banjye kuwukurikira bagakura amaboko mu mifuka.”

Ishuri rya Gatsibo Technical School ryatangiye mu mwaka wa 2014, ryigamo abanyeshuri bagera kuri 400 barimo abahungu 320 n’abakobwa 80.

Ikigo cya LODA, gitera inkunga Akarere ka Gatsibo mu bikorwa by’iterambere bitandukanye birimo kubaka imiyoboro y’amazi, kubaka agakiriro, kubaka Hotel y’Akarere, kubaka imihanda n’ibindi.

Abakozi bashinzwe gutanga ibyangombwa binyuranye mu Karere ka Gatsibo, basobanurirwa imikoreshereze y’Irembo.

Aba bakozi babitangaje kuri uyu wa 23 Kanama 2016, nyuma yo guhabwa amahugurwa arebana no gukoresha uburyo bw’ikoranabuhanga bwa “Irembo”, bufasha abaturage gusaba ibyangombwa bakeneye bakoresheje ikoranabuhanga.

Muhire John, Umuhuzabikorwa wa “Irembo” muri Rwanda Online ku rwego rw’Intara y’Iburasirazuba, avuga ko bateguye guhugura abashinzwe gutanga ibyangombwa bitandukanye abaturage bakenera mu rwego rwo kugira ngo aba bakozi basobanukirwe iyo gahunda neza.

Yagize ati “Twararebye dusanga ubwitabire bw’abaturage kuri iyi gahunda ya “Irembo” butaragera ku kigereranyo twifuza. Ni yo mpamvu twateguye aya mahugurwa kugira ngo twongere ubumenyi ku mikorere n’imikoreshereze yabwo kandi tunashishikarize aba bakozi kumva ko iki gikorwa bakwiye kukigira icyabo.”

Muhire avuga ko kugira ngo iki gikorwa kirusheho kugenda neza, bityo n’umuturage ntazongere kujya gutonda umurongo ashaka ibyangombwa, ngo hagiye gushyirwaho abakozi (Agents) ba “Irembo” muri ‘centres’ zo mu midugudu no mu tugari. Aba bakozi bakazajya bafasha abaturage kubona ibyangombwa binyuze mu Irembo.

Ntirandekura Cyprien ushinzwe irangamimerere mu Murenge wa Kiramuruzi, avuga ko bajyaga bahura n’imbogamizi muri iyi gahunda ya Irembo, ahanini zishingiye ku bikoresho bidahagije. Gusa ngo bakaba nta n’ubumenyi buhagije bari bafite ku mikoreshereze y’ubu buryo.

Agira ati “Mbashije kumenya neza imikoreshereze y’uburyo bwa Irembo. Twajyaga tugira ikibazo cya ‘network’, ariko ubwo hagiye gushyirwaho abakozi bazajya batwunganira mu guha abaturage serivise, ubu serivisi twajyaga duha abaturage zigiye kwihuta.”

Izi serivise za Irembo zatangijwe tariki ya 1 Nzeli 2014, zigamije korohereza abaturage gusaba ibyangombwa, byaba ari ibishya cyanwa se ibyangiritse ndetse n’ibyazimiye. Ubwitabire bw’abaturage bamaze kuyigana bukaba bugera kuri 85%.

Indi mirenge yo muri aka karere hafi ya yose yamaze kugezwamo umuriro w’amashanyarazi.

Aba baturage bahamya ko ibikorwaremezo bitandukanye birimo kugenda bibageraho ku buryo bushimishije, gusa ngo bibaza impamvu mu murenge wabo nta na hamwe wasanga umuriro w’amashanyarazi, nk’uko Bitunguramye Anastase abivuga.

Agira ati Dufite ibikorwa byinshi by’iterambere, ariko uyu murenge wacu niwo usigaye wonyine utaragezwamo amashanyarazi, nta poto n’imwe bigeze bashinga, bituma hari imishinga yacu igenda idindira kubera icyo kibazo.”

Hari bamwe muri bo bavuga ko bagerageje kwishakamo ibisubizo binyuze mu gukoresha imirasire y’izuba, kuko bemeza ko umuriro uhageze byabongerera ingufu mu kazi kabo ka buri munsi.

Umunyamabanga Nshingwabikorwa w’Umurenge wa Gasange Iyakaremye Dominique, avuga ko gahunda yo kwegereza umuriro w’amashanyarazi abaturage b’uyu murenge yatangiye, bakaba bagiye kuwubona mu minsi ya vuba.

Ati “Iki kibazo kiri kwigwaho dufatanyije n’ubuyobozi bw’Akarere kacu hamwe n’abafatanyabikorwa, gahunda yo kwegereza aba baturage umuriro w’amashanyarazi irimo gutegurwa.

Ahubwo turabashishikariza kwitegura kuzawubyaza umusaruro igihe bazaba bamaze kuwubona.”

Umurenge wa Gasange utuwe n’ingo 3838, muri zo ingo zigera kuri 280 nizo zimaze kwitabira gahunda yo gukoresha imirasire y’izuba bishakamo ibisubizo, nk’uko bitangazwa n’ubuyobozi bw’uyu murenge.

Bamwe mu Banyagatsibo ntibishimira uburyo bahwiturwamo mu gutanga umusanzu wa mituweli.

Aba baturage bemeza ko iyi gahunda ari ingirakamaro, ariko hakaba bamwe bagikererwa gutanga uwo musanzu w’ubwisungane mu kwivuza, bigatuma hitabazwa ingufu z’umutekano, nk’uko uwitwa Munganyineza Emmanuel abivuga.

Agira ati “Twese tuzi akamaro ko kwishyura ubwisungane mu kwivuza, gusa ikibazo duhura nacyo ni ubucyene, ariko ikitubangamiye kurusha ibindi ni uko iyo basanze waracyerewe kwishyura bagufunga.”

Umunyamabanaga Nshingwabikorwa w’Umurenge wa Gasange Iyakaremye Dominique, avuga ko bahinduye uburyo bafatagamo abaturage ku bijyanye no kubahiwtura, kuko bahisemo kubahuriza hamwe bongera kubaha inyigisho.

Ati “Ntabwo dufunga abantu kubera gucyererwa kwishyura ubwisungane mu kwivuza, ahubwo icyo dukora ni ubukakangurambaga tubaha inyigisho, kugira ngo barusheho kumva neza akamoro ko gutangira ubwisungane mu kwivuza ku gihe.”

Mbere y’uko leta ishyiraho gahunda y’ubwisungane mu kwivuza, kwivuza byari bigoye abatari bacye mu Banyarwanda bitwe no kutagira ubushobozi rimwe na rimwe abarwayi bakarembera mu rugo bikaba byanabaviramo urupfu.

Umurenge wa Gasange utuwe n’ingo ibihumbi 3,838, abamaze kwitabira gutanga ubwisungane mu kwivuza bari ku kigero cya 81%. Abasaga 17% bishyurirwa n’Umurenge kubera amikoro make.

Mu mashuri hashyizwe imfashanyigisho zikangurira buri wese kurwanya inda zitateguwe ku bana b’abakobwa.

Ubushakashatsi bwakozwe mu 2015 ku buzima bw’abaturage, bwagaragaje ko aka karere ari ko kaza ku isonga mu gihugu mu kugira abangavu batwara inda zitateguwe kuko bagera kuri 15,5 %.

Umuhuzabikorwa w’Inama nkuru y’abagore ku rwego rw’akarere, Mukamwiza Elvanie avuga ko urwego ayobora barimo gukora ibishoboka kugira ngo bakumire iki kibazo mu rwego rwo kurengera abana b’abakobwa.

Agira ati “Iki kibazo twatangiye kugihagurukira binyuze mu biganiro tugenda dutanga mu bigo by’amashuri byo muri aka karere.

Ariko tunafite ingamba zo gukaza ubukangurambaga mu babyeyi tubibutsa ko kuganiriza abana babo ku myororocyere nabyo byafasha mu kugabanya inda zitateganyijwe ku bana b’abakobwa.”

Ababyeyi nabo bemeza ko kugira ngo abana b’abakobwa batware inda zitateguwe bigirwamo uruhare na bamwe mu babyeyei usanga barataye inshingano zabo, ugasanga nta mwanya baha abana babo wo kubegera ngo babaganirize, nk’uko uwitwa Yankurije Vestine abivuga.

Ati “Ababyeyi ntibagiha abana babo umwanya wo kubaganiriza ngo baberecye za kirazira kikanaziririzwa, ngo baberecye uko bakwiye kwitwara mu kigero bagezemo, ni gutyo abana b’abakobwa bagwa mu bishuko bibatera gutwara izo nda.”

Bamwe mu bana b’abakobwa biga mu kigo cy’amashuri cya Gabiro High School, bavuga ko ku ruhande rwabo babona ibishuko bagenzi babo bagwamo akenshi babiterwa n’ubucyene no kugira irari ry’ibintu, abandi ngo bakabiterwa no kugendera mu bigare bibi.

Gutwara inda zitateguwe ku bana b’abakobwa, ni kimwe mu bidindiza iterambere ryabo kuko bituma bata amashuri abandi imiryango yabo ikabatererana.

Mu gukumira iki kibazo hafashwe ingamba zo gukwirakwiza imfashanyigisho mu mashuri, zereka buri wese uruhare rwe mu kurinda abana b’abakobwa gutwara inda zitateguwe.

Minisitiri w’ingabo Gen. James Kabarebe aganira n’urubyiruko rwahize urundi mu masomo.

Minisitiri Kabarebe yabibwiye uru rubyiruko ruri mu itorero ryiswe “Indangamirwa”, mu biganiro bigamije kubereka amateka ajyanye n’urugamba rwo kwibohora, byabereye aho bari mu i Gabiro mu Karere ka Gatsibo, kuri uyu wa mbere tariki 4 Nyakanga 2016.

Yababwiye ko nibiyemeza gusigasira ibyo Igihugu kimaze kugeraho, nk’urubyiruko ko nta muntu n’umwe ushobora gukoma mu nkokora gahunda nziza z’iterambere Igihugu kihaye.

Yagize ati “Ubumwe bw’Abanyarwanda nibwo buzakomeza kubaka Igihugu, by’umwihariko urubyiruko ni mwebwe mbaraga z’Igihugu kuko ari mwebwe Igihugu gitezeho ejo hazaza heza, urugamba rw’amasasu rwararangiye ariko haracyari byinshi byo gukora.”

Urubyiruko ruri mu Itorero Indangamirwa mu kigo cya gisirikare cya Gabiro.

Minisitiri Kabarebe yakomeje abwira uru rubyiruko ko n’ubwo intambara y’amasasu yarangiye, bagifite urugamba rukomeye rwo kudatega amatwi abashobora kubayobya kubera inyungu zabo.

Rumwe mu rubyiruko rwaganiriye na Kigali today, rwemeza ko hari byinshi batari bazi bungukiye muri ibi biganiro ku mateka y’urugamba rwo kubohora Igihugu, bakavuga ko biteguye gutanga imbaraga zabo mu kubaka Igihugu.

Masengesho Azaria ni umwe muri uru rubyiruko ruri mu itorero, ati “Inyigisho hamwe n’impanuro nkuye muri ibi biganiro bizamfasha kwitegura kubaka Igihugu, kandi menye ko urugamba rwa mbere ngomba kurwana ari urwo kubaka Ubunyarwanda no gukunda Igihugu.”

Itorero Indangamirwa rihuje urubyiruko rugera kuri 347 i Gabiro mu karere aka Gatsibo, bikaba biteganyijwe ko bazamara ibyumweru bitatu bahabwa amasomo arebana no gukunda Igihugu ndetse no kukitangira bibaye ngombwa.

Mbere iri torero ryahuzaga abanyeshuri biga mu mahanga, ariko ubwo Perezida Kagame yasozaga iry’ubushize, yasabye ko izi nyigisho zajya zihabwa abanyeshuri bose baba abarangije mu gihugu imbere ndetse n’abiga hanze.

Uwamurera Denyse, umwe mu bahawe inka utuye mu Kagari ka Agakomeye mu Murenge wa Kiziguro, avuga ko yishimiye cyane iki gikorwa bamukoreye agashima Perezida wa Repubulika watangije iyi gahunda ya Girinka Munyarwanda.

Agira ati “Iri tungo rigiye gutuma nikura mu bukene. Iyi nka mpawe nzayifata neza nyiteho uko bikwiye kuko nyitegerejeho byinshi birimo amata n’ifumbire, mbese ubu ubu ngiye gutandukana n’ubukene, nta kindi nakongeraho uretse gushimira Perezida wacu.”

Abahawe inka basabwe kuzifata neza bakazoroza abandi bataragerwaho n’iyi gahunda.

Umuhuzabikorwa w’Umuryango Nyafurika w’Ivugabutumwa (AEE) mu Ntara y’Iburasirazuba, Kabagamba Wilson, ari nawo, watanze izi nka, yavuze ko babikoze mu rwego rwo kunganira gahunda ya Girinka Munyarwanda hagamijwe gufasha Abanyarwanda guhindura imibereho yabo.

Yagize ati “Ijambo ry’Imana ridusaba gufasha abatishoboye kandi no mu nshingano z’umuryango AEE harimo kuvuga ubutumwa mu buryo bushingiye ku bumenyi bw’Imana no guteza imbere abaturage batishoboye, kugira ngo imibereho yabo ihinduke.”

Umunyamabanga Nshingwabikorwa w’Intara y’Iburasirazuba, Makombe Jean Marie Vianney, wari witabiriye iki gikorwa, yasabye abahawe inka kuzifata neza kugira ngo zibabere imbarutso yo guhindura imibereho yabo.

Izi nka zatanzwe mu mirenge 6 y’Akarere ka Gatsibo harimo 15 zatanzwe mu wa Kiziguro 20 zatanzwe muri Gasange, 12 zatanzwe muri Rugarama, 11 muri Kiramuruzi, 20 zatanzwe muri Murambi n’izindi 22 zatanzwe mu Murenge wa Remera.

Iyi mirenge itandatu ikaba ari na yo Umuryango AEE ukoreramo mu Karere ka Gatsibo.

Izi nka zakusanyijwe muri gahunda yateguwe n’Akarere ka Gatsibo kugira ngo hihutishwe gahunda yo koroza inka imiryango itishoboye.

Abaturage bafashwa kuhira amazi.

Gasana Richard, Umuyobozi w’Akarere ka Gatsibo, abivuze mu gihe hasigaye igihe gito ngo ingengo y’imari y’akarere isozwe, gusa akavuga ko ibyinshi mu bikorwa byari biteganyijwe gukorwa muri iyi ngengo y‘imari byagezweho nk’uko byari biteganyijwe.

Agira ati “Twahuye n’imbogamizi yaje itunguranye mu kwesa umuhigo wo kongera umusaruro, aho ikirere cyahindutse izuba rikava hakiri kare kandi ryinshi.”

Gasana ariko, akavuga ko bahise bashakisha uburyo bwo kuzamura amazi y’ibishanga bagafasha abaturage kuhira imyaka cyakora akagira ati “Ariko birumvikana ko abaturage batazabasha kubona umusaruro nk’uwo bari basanzwe babona.”

Ikindi kidasanzwe bahuye na cyo mu ngengo y’imari y’uyu mwaka usozwa, ngo ni ibikorwaremezo bitaragera ku kigero cyari giteganyijwe ahanini ngo bitewe na bamwe muri ba rwiyemezamirimo batujuje inshingano zabo.

Mugiraneza David, Umukozi ushinzwe Igenamigambi mu Karere ka Gatsibo, avuga ko hari gukorwa ibishoboka byose kugira ngo ibikorwa bitabashije gukorwa birangizwe mu gihe cya vuba, birimo inyubako y’akakiriro hamwe n’ikigo nderabuzima cya Ngarama.

Ati “Ibikorwa byari biteganyijwe bitakozwe ni byo ubu twimirije imbere mu ngengo y’imari y’umwaka utaha kandi bimwe muribyo nk’agakiriro k’akarere imirimo yo kukubaka irarimbanije mu minsi ya vuba karaba gatangiye gukorerwamo.”

Uyu mwaka w’ingengo y’imari urimo usozwa, Akarere ka Gatsibo kari kateganyije gukoresha amafaranga angana na miliyari zisaga 12 y’u Rwanda, ingengo y’imari y’umwaka utaha hakaba hateganyijwe miliyari 13 zirengaho macye, azakoreshwa mu bikorwa bitandukanye by’iterambere ry’Akarere.

Houssen asohoka mu nzu yubakiwe.

Kuri uyu wa gatanu tariki 2016, ubwo hasozwaga urugerero rw’intore z’inkomezabigwi ikiciro cya kane, Umutahira w’intore ku rwego rw’Akarere ka Gatsibo Umfuyisoni Bernadette, yashimye izo ntore ku bikorwa by’ubwitange bakoreye Igihugu.

Yagize ati “Ibikorwa by’izi ntore n’ibyindashyikirwa, ni umusanzu ukomeye batanze ku gihugu, niyo mpamvu dusaba n’ababyeyi ko urugerero rw’ubutaha bajya barekura abana babo, kuko usanga abantu badafite imyumvire imwe kuri ibi bikorwa.”

Bamwe mu batishoboye bubakiwe amazu yo kubamo, bashimira cyane Leta y’u Rwanda yatecyereje iki gikorwa, bakavuga ko iki gikorwa bacyakiranye ibyishimo kuko bigiye guhindura ubuzima bwabo dore ko abenshi batagiraa aho kwegeka umusaya.

Iyi niyo nzu umusaza Rugaravu yabagamo mbere.

Rugaravu Houssen wo mu Murenge wa Gatsibo mu Kagari ka Gatsibo w’imyaka 74 nawe ni umwe mu bubakiwe, ati “Sinabona icyo mvuga uretse gushimira Perezida Paul Kagame hamwe n’izi ntore zanyibutse.”

Zimwe mu ntore zirangije urugerero, zivuga ko ibi bikorwa babikoze nta gahoto, ahubwo ko ari ubwitange kubera gukunda Igihugu biturutse ku masomo bakuye mu itorero, gusa ngo hari abagiye bacika intege bitewe nuko bari batsinzwe ibizamini bisoza amashuri yisumbuye.

Iki gikorwa cyabereye mu mirenge yose igize Akarere ka Gatsibo, ku rwego rw’Akarere byabereye mu Murenge wa Ngarama, kuko ariwo wabaye indashyikirwa mu bikorwa by’urugerero.

Ni ku nshuro ya kane hasozwa ibikorwa by’urugerero, kuri iyi nshuro intore zabashije kwitabira ibikorwa by’urugerero mu karere ka Gatsibo zikaba zigera ku 1.758.

Hashize igihe kigera ku byumweru bibiri imirimo yo kubaka agakiriro yongeye gusubukurwa.

Bamwe mu baturage bo mu Murenge wa Kabarore bibumbiye muri Koperative bise Coopezamu Gatsibo ibaza ikanatunganya imbaho, bavuga ko agakiriro kazabafasha kurushaho kwiteza imbere nibatangira gukorera mu gakiriro.

Maniriho Damascene ni umwe mu banyamuryango b’iyi koperative agira ati “Natangiye nkora njyenyine ariko aho mariye guhuza imbaraga zanjye n’iz’abandi muri iyi koperative byatumye ngera kuri byinshi ubu ndimo ndubaka inzu.”

Abakorera umwunga w’ububaji muri Kabarore batangaza ko bagifite imbogamizi zo kuba nta mashyamba ahagije ari muri aka karere, bituma imbaho zibageraho igiciro kiri hejuru, hakiyongeraho no kuba badafite agakiriro bakoreramo.

Umuyobozi w’Akarere ka Gatsibo Gasana Richard yizeza aba bakora iyi mirimo n’abandi bazahakorera, ko mu gihe cya vuba kazaba kuzuye kuko imirimo yo kukubaka ngo yadindijwe na rwiyemezamirimo utarabashije kuzuza inshingano ze.

Ati “Turisegura cyane ku banyabukorikori bo muri aka karere ku kuba imirirmo yo kubaka agakiriro yaradindiye, ariko mu gihe cya vuba kitarenze amezi atandatu karaba kuzuye kuko dufite gahunda y’uko abantu bose bareka gukorera mu kajagari.”

Miliyoni zigera kuri 740Frw ni zo ziteganyijwe ku mirimo yo kubaka aka gakiriro.

Hakurikijwe amasezerano akarere kari kagiranye na rwiyemezamirimo, yavugaga ko mu kwezi kwa werurwe uyu mwaka ibikorwa byo kubaka iyi nyubako y’agakiriro byagombaga kuba bigeze kuri 80% by’ imirimo yose isabwa.

Abahinzi mu kuhira bakoresha ipompe zizana amazi akururwa n’imashini ziyavana mu bishanga.

Babitangaje nyuma y’aho batangiye gutozwa uburyo bwo kuhira imyaka yabo bakoresheje imashini zivana amazi mu bishanga, mu rwego rwo guhangana n’ibihe by’izuba ryatangiye kuba ryinshi mu Karere ka Gatsibo ndetse no mu Ntara y’Iburasirazuba muri rusange.

Uwamahoro Godelive, ukorera ubuhinzi bwa soya mu gishanga cya kanyonyomba ya 2, avuga ko kuba barabegereje uburyo bushya bwo kuhira imyaka ari ibintu byiza, ariko akongeraho ko imashini zikiri nkeya kandi ngo n’izihari zaje zikerewe.

Agira ati “Igihombo cyo tuzakigira kubera ko imashini twifashisha mu kuhira zaje zikerewe zisanga hari imwe myaka yacu yatangiye kuma, byumvikana ko umusaruro twabonaga mbere ntabwo ubu tuzabasha kuwugezaho, ariko zongerewe zikaba nyinshi igihembwe gitaha twazabasha guhangana n’ibihe by’izuba nk’ibi.”

Abashinzwe ubuhinzi n’ubworozi mu Karere ka Gatsibo ariko baramara abaturage impungenge bahamya ko mu gihe cya vuba imashini zizongerwa, kandi ko hari na gahunda yo kugomera amazi y’ibishanga, kugira ngo na yo ajye yifashishwa mu kuhira.

Umukozi ushinzwe Ubuhinzi mu Karere ka Gatsibo, Udahemuka Bernard, agira ati “Hari gahunda irambye yo gushishikariza abahinzi kuhira imyaka yabo kugira ngo birinde kuzagwa mu bihombo kubera izuba ryinshi, uburyo bwo kuhira bwarateguwe hakoreshejwe amazi y’ibishanga, naho ikibazo cy’imashini zikiri nkeya hari rwiyemezamirimo ufiti isoko ryo kuzana izindi.”

Ku wa mbere tariki 6 Kamena 2016, ni bwo mu Karere ka Gatsibo hatangirijwe ku rwego rw’Igihugu iyi gahunda yo kuhira imyaka hakoreshejwe imashini.

Abahinzi bakaba bashishikarizwa kwibumbira muri za koperative, kugira ngo bajye babasha kubona amafaranga yo kwishyura izo mashini.

Hashyizweho gahunda zitandukanye, aho abajyanama bafasha abaturage guteka indyo yuzuye.

Mu gukomeza kurwanya indwara ya bwaki mu Karere ka Gatsibo hashyizweho gahunda y’igikoni cy’umudugudu, ababyeyi batorezwamo gutegura indryo yuzuye.

Kampayana Felicite, umwe mu babyeyi bo muri uyu murenge, avuga ko kugabanuka kw’indwara ya bwaki babikesha inyigisho zigamije ku kwita ku buzima bw’abana babo zirimo no kumenya gutegura indryo yuzuye.

Agira ati “Ubuyobozi bwaradufashije butwegereza abajyanama b’ubuzima baduha amahugurwa ku gutegura indryo yuzuye. Urebye imyumvire twari dufite mbere yo kumva ko bisaba umuntu wifite bitandukanye cyane n’ubu kuko ubu twarahumutse.”

Ikindi cyafashije imiryango itandukanye guhashya iyi ndwara, ni ubufatanye bw’abagabo n’abagore kuko ngo mbere imirire y’abana yaharirwaga abagore gusa. Ariko ubu abagabo nabo bafashe iya mbere birinda icyatuma imiryango yabo igaragara nabi.

Muvandimwe Enock, umuyobozi wungirije ku kigo nderabuzima cya Gitoki, avuga ko hari impinduka nziza mu kugabanuka kw’indwara ziterwa n’imirire mibi, bitewe n’ingamba zitandukanye zirebana n’ubuzima bw’umwana zihera ku midugudu.

Ati “Imibare dufite y’abana twakira bagaragaraho ikibazo cy’imirire mibi igaragaza ko byagabanutse cyane ugereranyije na mbere. Ni ikimenyetso kigaragaza ko abaturage bamaze guhindura imyumvire ariko n’ubukangurambaga buracyakomeje.”

Ubuyobozi bw’Akarere ka Gatsibo nabwo buvuga ko raporo bahabwa n’abajyanama b’ubuzima zigaragaza koi zo ndwara nka mbere.

Izi ni zimwe mu nyubako nshya z’ibitaro bya Kiziguro.

Muganga mukururu w’ibitaro Dr. Mukama Diocles, avuga ko ibi bitaro byakira abarwayi baturutse mu bice bitandukanye by’Igihugu, bigatuma bakoresha ubushobozi bwose bafite kugira ngo babashe kuvura abo barwayi ariko inyubako nto zikababera imbogamizi.

Agira ati “Ntwabwo twavuga ko serivisi zo kuvura abantu kuri ibi bitaro zitangwa neza 100%, ariko ubusozozi bucye dufite tugerageza kubukoresha kandi buri wese akanyurwa.

Gusa turacyafite imbogamizi z’inyubako zidahagije mu kwakira abarwayi benshi, turagenda tuzongera buhobo buhoro bitewe n’amikoro.”

Dr Mukanga muganga mukuru w’ibitaro bya Kiziguro.

Dr. Mukama avuga ko gahunda yo kwagura ibi bitaro yari mu byiciro bitandukanye bari bafite itagenze neza, aho byari biteganjyijwe ko hagombaga kugenda hubakwa amazu macye bitewe n’ingengo y’imari ihari.

Avuga ko ikiciro cya mbere cyari giteganyijwe kuzura mu gihe cy’imyaka ibiri n’igice, uhereye mu mwaka wa 2014 ariko ntibyashoboka.

Iki kibazo usanga kibangamiye haba abarwayi bivuriza kuri ibi bitaro kimwe n’abarwaza, bitewe n’uko usanga nta bwisanzure umwuka ukababana mucye, nk’uko umwe mu barwaza witwa Manirakiza Fabienne abivuga.

Ati “Kubera ubwinshi bw’abarwayi kandi ahantu ari hato bidusaba ko twebwe abarwaza tujya kurara hanze, kandi nk’umuntu uba afite umurwayi w’indembe aba acyeneye kumuba hafi ugasanga birabangamye cyane.”

Ibitaro bikuru bya Kiziguro byubatswe mu 1975, byakira byibuze abarwayi barenga 400 ku munsi. Biterwa inkunga na Kiliziya Gatulika ku bufatanye na Minisiteri y’Ubuzima.

Mu gukomeza kurwanya malariya mu karere ka Gatsibo hari igikorwa cyo gutera umuti wica imibu mu nzu z’abaturage.

Bamwe muri aba baturage bo mu Mrenge wa Kizigura baganiriye na Kigali Today, Bagaragaza uburyo basigaye babona indwara ya malariya yariyongereye ugereranyije no mu bihe byashize.

Umwe muri abo baturage witwa Kampayana Ephrosine agira ati “Malariya ni umwanzi w’iterambere kuko iyo yageze mu rugo nta kindi kintu ushobora gukora, kuko umara kuyikiruka abana bagafatwa cyangwa se umugabo, ugasanga ari uguhora kwa muganga.”

Hakizimana Emmanuel ushinzwe ibijyanye no kwirinda malariya mu kigo cy’Igihugu gishinzwe ubuzima (RBC), avuga ko ibyo aba baturage bavuga atari amakabyankuru, kuko ngo kugeza ubu akarere kabo ari ko kaza ku isonga mu kugira abarwayi benshi ba malariya.

Ati “Iyo turebye mu mibare dusanga Akarere ka Gatsibo kaza ku mwanya wa mbere mu kugira abaturage bensi barwaye malariya, mu ngamba zafashwe zo kuyirwanya mu gihugu cyose harimo no kongera ubushobozi bw’abajyanama b’ubuzima, bakarenga kubyo kwita ku bana gusa bakajya bafasha n’abantu bakuze.”

Ubuyobozi bw’Ibitaro bya Ngarama buvuga ko hakwiye ubufatanye bw’abaturage bose mu gushyira mu bikorwa ingamba zo kurwanya ubwiyongere bukabije bwa malariya.

Ubuyobozi bw’Akarere ka Gatsibo buributsa abaturage ko ubuzima buzira umuze ari wo musingi w’ibanze w’iterambere ry’Igihugu n’imibereho myiza y’abaturage, bukabasaba kudakoresha nabi amahirwe yo kubaho neza Leta iba yarabashyiriyeho.

Mu rwego rwo gukomeza guhashya malariya, Leta yashyizeho ingamba zitandukanye zo kuyirwanya zirimo kwivuza hakiri kare, kuryama mu nzitiramibu ikoranye umuti, gukuraho ibihuru n’ibinogo bikikije ingo no kubahiriza gahunda zose zijyanye n’igikorwa cyo kubaterera umuti wica imibu.

Ikibazo cy’abaganga bacye kuri iki kigo nderabuzima kiri mu bituma serivisi batanga zitihuta.

Bavuga ko barangaranwa haba ku barwayi barembye no ku babyeyi baje kubyara, nk’uko umwe bamwe mu bahivuriza barimo n’uwitwa Byimana Desire, babivuga.

Agira ati “Umurwayi aza mu gitondo akarinda ageza sa kumi n’imwe z’umugoroba ataravurwa, iyo bigeze rero ku babyeyi baje kubyara biba ari ibindi kuko no mu minsi ishize hari uherutse kubyarira hanze kubera kumurangarana.”

Umuyobozi w’iki kigo Imurinde Norbert, avuga ko bagerageza kunoza serivisi batanga no gukosora amakosa ashobora gukorwa umunsi ku munsi, akongeraho ko ibitagenda neza biterwa n’ikibazo cy’abaforomo bakiri bacye kuri iki kigo.

Ati “Ikibazo dukunze guhura nacyo ni igihe abarwayi babaye benshi kandi abaganga ari bacye, iyo ikibazo giteye gityo tubisobanurira abarwayi ariko umuntu urembye ntiyabasha kubyumva, gusa dufite n’ikibazo cy’amazi n’amashanyarazi, nabyo bituma tudatanga serivise nziza nk’uko byifuzwa.”

Ku kibazo cy’umuriro n’amazi bibangamiye itangwa rya serivise kuri iki kigo, ubuyobozi bw’Akarere ka Gatsibo buvuga ko ari ikibazo cyihutirwa ku buryo hagiye kurebwa uburyo iki kigo nderabuzima cyabona amazi,

Akongeraho ko ku birebana n’amashanyarazi bizatangira kuganirwaho mu ngengo y’imari y’umwaka utaha wa 2016-2017.

Ikigo nderabuzima cya Nyagihanga cyatangiye mu 2007. Kubera ko kiri hafi y’aho uturere twa Gatsibo, Nyagatare na Gicumbi duhanira imbibe, bituma kiganwa n’abaturage baturuka muri utwo turere uko ari dutatu.

Ibyo nabyo ngo bikagira ku itangwa rya serivise, kuko Iki kigo nderabuzima gifite abaforomo umunani mu bakozi 30 gifite.

Iki ni cyo gishanga cya Kanyonyomba gihingwamo umuceri kuri hegitari 378.

Ibi bibaye mu gihe abahinzi bahinga muri icyo gishanga bavuga ko amafumbire basanzwe bakoresha adatanga umusaruro uko bikwiye.

Tumukunde Laetitia, umwe mu bahinzi b’umuceri muri icyo gishanga, avuga ko ifumbire bakoresha itakibaha umusaruro mwiza kuko ngo itihanganira ibihe by’izuba n’imvura ikabije.

Agira ati “Ifumbire twari dusanzwe dukoresha ni iyo mu bwoko bwa NPK. Ntiyihanganira ibihe by’izuba ndetse n’imvura iyo iguye irayitembana kuko iyo tuyikoresha tuba tuminjira duterera hejuru, ugasanga ntacyo imariye imyaka.”

Ikigo cy’u Rwanda gishinzwe guteza imbere Ubuhinzi n’Ubworozi (RAB) kivuga ko umusaruro mwiza kandi mwinshi w’umuceri wagerwaho mu gihe abaturage bakoresheje neza amafumbire ajyanye n’ubutaka bahingaho.

Uhagarariye Ikigo RAB mu Ntara y’Iburasirazuba, Sendege Norbert, avuga ko gufumbira imyaka hakoreshejwe ifumbire mvaruganda hamwe n’iy’imborera ari byo byafasha abaturage kugera ku musaruro, ariko by’umwihariko ngo bagakoresha imbuto nziza.

Rusanganwa Athanase, umuhuzabikorwa ku rwego rw’igihugu ushinzwe ibijyanye n’ubushakashatsi ku mafumbire aberanye n’ibihingwa, avuga ko batangiye ubushakashatsi kugira ngo barebe ifumbire ijyanye n’ubutaka bwo mu gishanga cya Kanyonyomba.

Agira ati “Uko imyaka igenda ishira, ubutaka butakaza imyunyu. Bivuze ko mu myaka 50 ishize uko abatubanzirije bezaga, biratandukanye ugereranyije n’ubu. Ni yo mpamvu dukomeza gukora ubushakashatsi ku bijyanye n’ifumbire ijyanye n’uko ubutaka buteye ubu.”

Aba bahinzi basabwa gukora ubuhinzi bwabo kinyamwuga ku buryo bakurikirana igihingwa kuva gitewe kugeza gisaruwe.

Ingurube za koperative Twitezimbere zarororotse zigera kuri 70 ariko zinashira mu buryo budasobanutse.

Abagize iyi ikorera ubworozi bw’ingurube mu Kagari ka Karenge, bavuga ko icyo bifuza ari uko bahabwa uburenganzira ku migabane yabo bari bafite muri iyi Koperative, dore ko mu ngurube 70 bari bafite ubu ngo hasigaye eshanu gusa, izindi bakaba bataramenye irengero ryazo.

Uwitwa Muhawenimana Athanasie, avuga ko icyo bifuza ari uko komite nyobozi yabamurikira umutungo bafite bakawugabana, dore ko ubu basa nk’abashyizwe hanze ya koperative.

Agira ati “Turifuza kugaragararizwa umutungo usigaye noneho tukawugurisha tukagabana kuko natwe twari abanyamuryango nk’abandi. Iyi Koperative isa nk’ibaye baringa kuko mu banyamuryango 73 yatangiranye hasigaye 11 b’icyitiriro.”

Nirere Etienne ni umwe mu bagize Komite Nyobozi y’iyi Koperative, nawe avuga ko Koperative yabo itagikora kandi n’abasigaye bakaba bamaze gucika intege, bikaba byaraturutse ku kunanirwa guhuza imbaraga.

Umunyamabanga Nshingwabikorwa w’Umurenge wa Kabarore Murara Kazora Fred, mu butumwa abasaba guhura bakaganira ku bibazo byabo kandi ntihagire uwumva ko afite uburenganzira kurusha undi.

Ati “Duhora tugira inama abanyamakoperative ko igihe badashyize hamwe ngo bahuze imbara byanze bikunze bagwa mu bihombo, ibyo bigaterwa n’uko bamwe batangira kumva ko koperative ari akarima kabo, turabagira inama yo kujya bashyira hamwe kugira ngo babashe kwiteza imbere.”

Ingurube zigera kuri 70 nizo iyi Koperatibve yari imaze kugeraho, zakomokaga ku ngurube 14 zari zatanzwe n’Umuryango nterankunga utegamiye kuri Leta wa World Vision usanzwe ari umufatanyabikorwa w’Akarere ka Gatsibo mu gutera inkunga ibikorwa bitandukanye.

Aba baturage babitangaje ku wa Gatanu, tariki 15 Mata 2016, ubwo basuraga Urwibutso rwa Jenoside yakorewe Abatutsi rwa Kigali ruri ku Gisozi, bagamije kwirebera amateka nyakuri yaranze igihugu ndetse n’ubuyobozi bubi bwagejeje u Rwanda kuri Jenoside yakorewe Abatutsi mu 1994.

Abaturage b’Akagari ka Nyabikiri ubwo bari bageze ku Rwibutso rwa Jenoside yakorewe Abatutsi rwa Kigali ku Gisozi.

Kayiraba Mary ushinzwe imibereho myiza mu Murenge wa Kabarore ari na ho Akagari ka Nyabikiri kabarizwa, avuga ko bateguye iki gikorwa cyo gusura Urwibutso rwa Jenoside rwa Gisozi mu rwego rwo kugira ngo barusheho kumenya amateka ya Jenoside no kurwanya ingengabitekerezo yayo.

Yagize ati ”Abaturage bacu ni bo babanje gusaba ko twakora urugendo rugamije gusura urwibutso rukuru rwa Gisozi, natwe nk’ubuyobozi twarabyumvise tubishyira mu mihigo kuko twabonaga ko bizadufasha kurushaho guhangana n’ingengabitekerezo ya Jenoside aho dutuye.”

Rutabingwa Godfrey, umwe mu batuye Akagari ka Nyabikiri wasuye uru rwibutso, avuga ko icyo bagiye gukora ari ukubwira abo basize mu rugo ukuri ku mateka mabi yaranze u Rwanda kugeza akigejeje kuri Jenoside yakorewe Abatutsi mu mwaka wa 1994.

Yagize ati ”Twakunze kubeshywa byinshi. Ni na yo mpamvu mbona ko abantu bakigaragaza ingengabitekerezo ya Jenoside bakanayipfobya, babiterwa n’uko nta kuri babashije kumenya."

Akomeza agira ati "Ni yo mpamvu kuza kuri uru rwibutso bikwiye kubera buri wese isomo kugira ngo dutahirize umugozi umwe mu kurwanya ingengabitekerezo ya Jenoside.”

Akagari ka Nyabikiri ni kamwe mu tugari dutandatu tugize Umurenge wa Kabarore mu Karere ka Gatsibo.

Ubu butumwa bwatanzwe n’Umuyobozi w’Akarere ka Gatsibo, Gasana Richard, mu gikorwa cyo gushyingura mu cyubahiro imibiri y’abazize Jenoside yakorewe Abatutsi mu cyahoze ari Komine Murambi, ubu ni mu karere ka Gatsibo.

Imibiri 59 y’abazize Jenoside yakorewe Abatutsi yashyinguwe mu cyubahiro.

Muri iki gikorwa, hashyinguwe imibiri 59 y’abazize Jenoside yakorewe Abatutsi, yashyinguwe mu Rwibutso rwa Jenoside rwa Kiziguro ruri muri aka karere.

Gasana yavuze ko ingengabitekerezo ya Jenoside yigishwa igacengera, bityo asaba abakiri bato kurwanya bivuye inyuma aho yava hose, ahubwo bakitabira ibikorwa byo kwibuka baharanira ko Jenoside itazongera kubaho ukundi.

Yagize ati “Turasaba abakiri bato kutagendera ku bitekerezo by’abakuru bitubaka, ahubwo bagafata kwibuka Jenoside yakorewe Abatutsi nk’urukingo rubarinda kuzasubira mu byabaye.”

Ubuyobozi bw’Akarere ka Gatsibo kandi buvuga ko kwibuka neza ni ukurushaho gukora kugira ngo ibihe byo kwibuka bijye bisanga abarokotse Jenoside yakorewe Abatutsi, bakomeye mu mitima no mu mibereho.

Aha ni ku Rwibutso rwa Jenoside yakorewe Abatutsi rwa Kiziguro.

Mu buhamya bwatanzwe na Padiri Rutinduka Laurent wavukiye muri aka gace, by’umwihariko waniganye amashuri abanza na Burugumesitiri Jean Baptiste Gatete ufatwa nk’uri ku isonga mu gutegura Jenoside yakorewe Abatutsi i Murambi, bwagaragaje ko Jenoside yateguwe.

Ati “Jenoside yakorewe muri aka gace yateguwe kuva cyera kandi yitabiriwe n’ibyiciro byose kuva ku buyobozi kugera ku miryango. Ni yo mpamvu yatumye hapfa abantu benshi kandi mu gihe gito cyane.”

Gushyingura imibiri y’abazize Jenoside yakorewe Abatutsi mu 1994 mu Karere ka Gatsibo bitangizwa n’ijoro ryo kwibuka riba tariki ya 10 Mata. Muri iri joro, hibukwa imbaga y’Abatutsi biciwe muri Kiliziya ya Kiziguro tariki ya 10 Mata 1994.

Komine Murambi yahoze igizwe n’amasegiteri 14. Muri ayo masegiteri yose, Burugumesitiri Gatete Jean Baptiste yari yaratojemo interahamwe zirenga 2100, kuko ngo nibura buri segiteri yagombaga kugira interahamwe 150.

Izo nterahamwe zose zifatanije n’impuzamugambi zo mu ishyaka CDR ndetse n’undi mutwe wari wariyise interamwete zari zigizwe n’interahamwe z’igitsina gore, bishe Abatutsi barenga 14.380 bahoze batuye muri aka gace.

Muri iki gihe cyo kwibuka ku nshuro ya 22 Jenoside yakorewe Abatutsi mu 1994, Umuyobozi w’Akarere ka Gatsibo, Gasana Richard, yavuze ko abantu baramutse badashyize hamwe ngo batahirize umugozi umwe mu kurwanya ingengabitekerezo ya Jenoside, ntacyo baba bakora kuko ngo kwaba ari nko kubaka ku musenyi.

Umuyobozi w’Akarere ka Gatsibo, Gasana Richard, asaba abaturage kubakira ku bumwe bakarwanya ingengabitekerezo ya jenoside.

Agira ati ”Kurwanya ingengabitekererezo ya Jenoside ni ko gutsinda nyakuri kandi ni ko kurwanya Jenoside kurambye. Nimucyo rero dushyire hamwe dutahirize umugozi umwe muri urwo rugamba kandi tuzarutsinda.”

Sakindi Joseph, umwe mu barokokeye mu cyahoze ari Komini Murambi (agace kamwe mu tugize Akarere ka Gatsibo y’ubu), mu buhamya bwe avuga ko muri aka gace, ingengabitekerezo ya Jenoside yahemberewe kuva na mbere yuko Jenoside yo mu 1994 itangira.

Ati “Kuva mu mwaka wa 1990 Inkotanyi zikimara gutera, ni bwo muri Murambi hatangiye urwango ku Batutsi bari bahatuye babita ibyitso by’inyenzi. Abayoboraga iyi komini batangiye kwigisha abaturage bababwira ko Abatutsi ari abagome kandi ari abanzi b’Abahutu. Icyo gihe bamwe barafunzwe, abandi batangira kwicwa.”

Insanganyamatsiko yo kwibuka ku nshuro ya 22 Jenoside yakorewe Abatutsi mu Rwanda mu 1994 iragira iti ”Kwibuka Jenoside yakorewe Abatutsi, turwanya ingengabitekerezo ya Jenoside.”

Babyibukijwe na Perezida Paul Kagame kuri uyu wa 31 Werurwe 2016, ubwo yabasorezaga Itorero ryaberaga i Gabiro mu Karere ka Gatsibo.

Perezida Kagame yasabye aboyobozi basoje Itorero gukora ku buryo iterambere ry’igihugu risangirwa.

Perezida Kagame yabwiye abo bayobozi ko ibigenerwa umuturage bigomba kumugeraho kuko ari we biba byarateganyirijwe ngo bimuteze imbere, ababwira ko abayobozi batabikora ari bo bakomeza kudindiza iterambere igihugu cyiyemeje.

Yagize ati “Inyigisho muhabwa muri aya mahugurwa zibereka ukuri kw’ibyo mukwiriye gukora, inzira mukwiriye kunyuramo kugira ngo mubashe kuzuza inshingano zanyu mu kazi. Abayobozi rero bapfukirana iby’abaturage ntibabibagezeho nk’uko byateganyijwe ntitubashaka.”

Perezida Kagame aha impanuro abajyanama b’uturere n’Umujyi wa Kigali basoje Itorero.

Kuri gahunda yo gusaranganya ibyiza by’igihugu, Perezida Kagame yagarutse kuri gahunda ya Gira inka Munyarwanda, yihanangiriza abayobozi bafata inka bakaziha abatazikwiye bitewe n’amasano bafitanye, abasaba guhinduka bakagira imikorere mizima.

Aba bayobozi bahawe umwanya bahigira imihigo imbere ya Perezida wa Repubulika, muri yo hakaba harimo, guca burundu ikibazo cy’abana bata ishuri bakajya kuba mu mihanda, kuzuzanya no gukorera hamwe n’ibindi bididiza iterambere.

Ifoto y’urwibutso Perezida Kagame yafatanye na nyobozi na njyanama z’uturere ndetse n’abayobozi muri MINALOC n’Itorero ry’Igihugu.

Ntaganira Josuee, uturuka muri Njyanama ya Nyamaseke akaba ari na we wavuze mu mwanya w’izi Ntore, yagize ati “ Mu mahugurwa tumazemo iminsi hari aho twageze turisuzuma tugira ibyo twinenga.

Nk’umuco wo gukorera hamwe ntiwaturana no kutubahiriza igihe ndetse no gukingira ikibaba abanyamakosa, akaba ari yo mpamvu twafashe ingamba nshya.”

Intore z’Imbonezamihigo zemereye Perezida wa Repubulika, Paul Kagame, ko impanuro yazihaye zazumvise, zikaba zigiye kuzishyira mu bikorwa.

Perezeda Kagame yabitangaje kuri uyu wa kane tariki 31 Werurwe 2016, mu muhango wo gusoza Itorero ry’Abajyanama b’Uturere n’Umujyi wa kigali, abibutsa ko bakwiye kugira amahitamo meza, kugira ngo babashe kuyobora neza abo bashinzwe banarusheho kugera ku cyerecyezo Igihugu cyihaye.

Perezida Kagame yagarutse ku kamaro k’amahugurwa agenerwa abayobozi.

Yagize ati “Kugira ngo Igihugu cyacu kibashe kugera ku cyerecyezo twiyemeje, ni ngombwa ko kigira abayozozi bazi guhitamo kandi bagahitamo ikiza kugira ngo babashe kugeza kubo bayobora ibyo biyemeje.”

Perezida kandi yongeye gukangurira abayobozi b’Igihugu ko badakwiye gufata umwiherero nk’uyu nk’igikorwa cyagizwe akamenyero kiri ku ngengabihe, ko ahubwo ari amahugurwa akwiye gukurikirwa n’ibikorwa.

Abayobozi bitabiriye iri torero, dore ko abenshi ari bashya, bavuga ko yabunguye ubumenyi bazifashisha.

Ati “Hari benshi mu bayobozi ndetse bari na hano bakorera ku maramuko, abo ntitubashaka kuko ntabwo abantu biha agaciro, bashaka gutera imbere babigeraho bakora batyo, bisaba rero ko buri wese akora ibyo akwiriye gukora.”

Minisitiri w’Ubutegetsi bw’Igihugu Francis Kaboneka yizeje Perezida Kagame ko imyitwarire Intore zagaragaje muri iri torero, nibayikomeza izabafasha kuzuza inshingano zabo mu kazi kabo ka buri munsi.

Itorero ry’Abajyanama b’Uturere n’Umujyi wa Kigali ryatangiye tariki 19 Werurwe 2016, ryari rifite insanganyamatsiko igira iti “Twimakaze Indangagaciro Twese Imihigo.” Ryitabiriwe n’abajyanama bagera kuri 834 barimo abagabo 443 n’abagore 391.

KUREBA ANDI MAFOTO MENSHI KANDA AHA

Amafoto: Plaisir Muzogeye

Aka kagari gaherereye mu Murenge wa Kabarore, kari kamaze igihe kagaragaramo ikibazo cy’abana bacikisha amasomo bitewe n’urugendo rurerure bakoraga bajya ku ishuri. Bakoreshaga urugendo rungana na kilometer eshanu kugira ngo bagere ku ishuri rya Kibondo.

Ibi byumba by’amashuri bizafasha mu gutuma abana bo mu kagari ka Marimba batongera guta ishuri.

Mukunzi Pascal umwe mu bagize uruhare mu kubaka ibi byumba by’amashuri, avuga ko kujya kwiga hakoreshejwe urugendo rurerure, ari imwe mu mpamvu yatumaga abana bo mu kagari ka Marimba bacikisha amashuri bakiri bato.

Agira ati “Twaricaye tuganira n’ubuyobozi bw’Akagari ku cyatuma abana bacu badakomeza guta ishuri, aho niho havuye igitekerezo cyo kwishakamo ubushobozi bwo kwiyubakira ibyumba bitatu kugeza ubu tumaze kubisakara no kubifunga.”

Aba baturage ngo nta mpungenge bafite z’uko ibi byumba bitatu barimo kubaka bazabisoza neza, kuko ngo bashyize hamwe. Ikindi kandi bifuza ko Leta ngo yazabatekerezaho ngo bakunganirwa mu kubaka ibindi byuma.

Mukuranangoga Obed, umunyamabanga Nshingwabikorwa w’Akagari ka Marimba, avuga ko hari ibikorwa mu tugari biba bisabwa gukorerwa ahantu hisanzuye hari inyubako za Leta, aya mashuri agiye kuba kimwe mu bisubizo.

Ati “Twizeye ko bizaruhura abanyeshuri bakoraga urugendo rurerure berekeza mu tundi tugari tugira bene izi nyubako, kutagira amashuri mu kagari bigira ingaruka nyinshi harimo no guta ishuri ku bana.”

Mu kubaka ibi byumba by’amashuri, buri muturage wo mu kagari ka Marimba ufite imyaka iri hejuru ya 18, yatanze umusanzu ungana n’amafaranga 3.000Frws y’u Rwanda. Aka kagali gafite imidugudu irindwi ituwe n’ingo 2.273, zigizwe n’abaturage 10.372.

Mu nteganyanyigisho y’uburezi ivuguruye, Ikigo cy’Igihugu gishinzwe Uburezi (REB) cyongeyemo isomo rigenewe ubuzima bw’imyororokere.

Abayobozi b’amasomo mu bigo by’amashuri bahugurirwa isomo ry’ubuzima bw’imyororokere.

Umukozi ushinzwe ubuzima bwiza bw’abarimu muri REB, Kabatesi Emeritha, avuga iri somo uwo ryari risanzwe ryigishwa ariko ritahabwaga ingufu nk’uko byakagombye, bikagira ingaruka ku bana mu buzima busanzwe.

Agira ati “Twifuje kongerera iri somo ingufu, kuko ababyeyi benshi batajya bafata umwanya ngo baganirize abana babo ku byerecyeranye n’imyororokere ndetse n’impinduka y’imibiri yabo igihe batangiye gukura, byagiye rero bigira ingaruka ku bana kubera ubumenyi bucye babaga babifiteho.”

Bamwe mu barezi bemeza ko iri somo hari byinshi abana bazaryungukiramo ku birebana n’uburyo bakwiye kwitwara hanze, mu gihe bahuye n’ibishuko bya hato na hato no kumenya kuvuga “Oya” mu gihe hari abashatse kubashora mu ngeso mbi.

Uwimbabazi Jullienne umwe mu babyeyi, avuga ko ubumenyi batari bafite n’ibabuvoma mu ishuri bizafasha benshi mu babyeyi bagiraga ipfumwe ryo kubyigisa abana, hakiyongeraho ko akenshi ikibitera ari umuco uri mu banyarwanda.

Ati “Ni byiza ko abana bacu bagiye kujya bigishwa iri somo, kuko bizadufasha mu kubongerera ubumenyi batari bafite ku mihindagurikire y’imibiri yabo, kandi bizanafasha n’ababyeyi bajyaga bitwaza ko batabona umwanya wo kubiganiriza abana.”

Mu gufasha ababyeyi n’abarezi gusobanukirwa no gutinyuka kuganiriza abana kuri iri somo, REB yateguye amahugurwa yasoje tariki 18 Werurwe 2016.

REB itangaza ko amahugurwa nk’aya azagenda atangwa mu gihugu hose, aho hazaba hibandwa ku guhugura abashinzwe amasomo mu bigo by’amashuri, abayobozi b’ibigo n’abarimu.

Babikora mu gihe Leta yamaze kubegereza ibigo nderabuzima kugira ngo babashe gukoresha gahunda y’ubwisungane mu kwivuza batavunitse, babashe kubungabunga ubuzima bwabo.

Nubwo bakivuza magendu, begerejwe ikigo nderabuzima.

Maniragaba Ernest wo mu Kagali ka Bukomane, avuga ko mbere yo kwerekeza mu bigo nderabuzima abanza kujya kugeragereza kwivuriza mu baganga ba Kinyarwanda bakoresha imiti ya gakondo, bityo ngo babona ntacyo bitanga bakabona kugana ibigo nderabuzima.

Agira ati “Hari indwara tumenyereye ko iyo zijyanywe mu Kinyarwanda zikira vuba nk’amarozi n’izindi, iyo tuzivuje bikanga nibwo twerecyeza ku kigo nderabuzima, ariko amarozi kwa muganga ntibayavura ngo akire.”

Umunyamabanga Nshingwabikorwa w’Umurenge wa Gitoki Murego Richard, asaba abaturage kujya bajya kwivuza batarazahazwa n’indwara kandi bakivuriza ahantu hizewe, kuko kuzahazwa n’indwara batarajya kwa muganga bishobora kubajyana mu kaga ko kubura ubuzima bwabo.

Ati “Nta munsi tudahwema kubwira abaturage gucika ku muco wo kwivuza magendu, duhora tubakangurira ko igihe bumva batameze neza bakwiye kujya bagana ibigo nderabuzima kuko bibegereye.”

Gusa, benshi muri aba baturage bahuriza ko gahunda y’ubwisungane mu kwivuza yabacyemuriye ikibazo bagiraga cyo kurwara ngo barembere mu rogo, kuko ngo n’ikiguzi cyakwa uwatanze ubwisungane cyoroheye benshi.

Ubuyobozi bw’Umurene wa Gitoki bunavuga ko iyi myumvire nta sano ifitanye no kudatanga amafaranga y’ubwisunane mu kwivuza, kuko ngo bafite amatsinda bishyuriramo buhoro buhoro ku buryo umwaka urangira abenshi bamaze kwiyishyurira ubwisungane bw’umwaka ukurikiyeho.

Ibi byatangajwe n’Ubuyobozi bw’Akarere ka Gatsibo kuri uyu wa 9 Werurwe 2016, mu muhango wo gutangiza igihembwe cy’ihinga 2016 B mu Karere ka Gatsibo, uyu muhango ukaba wabereye mu Murenge wa Gatsibo, Akagari ka Nyabicwamba.

Ubuyobozi bw’Akarere ka Gatsibo n’abahinzi bo muri iki gishanga bafatanyije gutera imbuto ya soya

Umuyobozi w’Akarere ka Gatsibo Gasana Richard, yavuze ko iki gishanga cya Rwangingo kijya gutunganywa hari mu rwego rwo kugira ngo ubukungu burusheho kwiyongera kandi n’imibereho y’abatuye aka karere na yo itere imbere kurushaho.

Yagize ati:” Kuba ubuhinzi burimo gufata indi ntera muri aka karere, bivuze ko ubukungu bwako na bwo buri kugeda butera imbere mu buryo bushimishije, ibyo bizagira uruhare mu kubyaza umusaruro iki gishanga nabwo burushaho kugenda neza.”

Biteganyijwe ko iki gishanga kizahingwamo igihingwa cy’umuceri, ariko ku ukubitiro abaturage bazagihingamo barashishikarizwa gutangirana n’imbuto ya soya n’ibigori, kugira ngo habanze hakorwe igeragezwa.

Nyirabazungu Odile wo mu Murenge wa Gatsibo, ni umwe mu bahinzi bagiye gutangira guhinga muri iki gishanga, avuga ko igihingwa bagiye gutangiriraho cya soya bizeye kuzakuramo umusaruro ushimishije, ikindi kandi ngo isoko rirahari kuko begerejwe uruganda ruyitunganya.

Iki gisanga gihuriweho n’abahinzi baturuka mu Murenge wa Ngarama na Gatsibo yo mu karere ka Gatsibo

Agira ati:” Igihingwa cya soya twishimiye kugihinga kubera ko uretse no kugurisha umusaruro tuzabona tukiteza imbere, ni n’igihingwa kizadufasha mu kurwanya imirire mibi yajyaga igaragara mu miryango yacu ugasanga abana bacu bahazaharira.”

Igishanga cya Rwangingo ifite ubuso bungana na hegitari 900, Akarere ka Gatsibo kakaba kihariye ubuso buzahingwa bungana na hegitari 320.

Muri iki gihembwe cy’ihinga 2016 B, ibihingwa byatoranyijwe ni bitanu birimo ibigori, ibishyimbo, imyumbati, umuceri hamwe na soya.

Umunyamabanga Nshingwabikorwa w’Umurenge wa Kiramuruzi, Kavutse Epiphanie, yavuze ko gusezeranya iyi miryango babihuje n’uyu munsi wizihizwa ku wa 8 Werurwe kugira ngo barusheho kwimakaza no gushimangira ihame ry’uburinganire mu muryango.

Imiryango 200 isezerana kubana byemewe n’amategeko.

Kavutse yagize ati ”Gusezerana imbere y’amategeko bishimangira ubwumvikane bw’abashakanye bityo bigatuna batera imbere. Twabihuje rero n’uyu munsi kugira ngo twerekane ka gaciro umugore afite mu muryango.”

Imwe mu miryango yasezeranye yemeza ko yafashe iki cyemezo nyuma yo kubona ko hari ibyo bakwiye gukosora bitagenda neza mu ngo zabo birimo nk’ubwumvikane buke, kutubahana ndetse no kutabana mu mahoro.

Gatete Fidele, utuye mu Kagari ka Gakoni, umwe mu basezeranye imbere y’amategeko kuri uyu munsi, avuga ko gusezerana n’umufasha we hari byinshi bigiye guhindura mu mibanire yabo.

Agti ”Mu miryango itarasezerana mu mategeko kenshi hakunze kugaragara amakimbirane, rimwe na rimwe hakabaho n’ikibazo cyo gucana inyuma, ariko iyo mumaze gusezerana muba umuryango uhamye bityo mukiteza imbere.”

Abagore banaremeye mugenzi wabo utishoboye.

Mu butumwa yagejeje ku bari bitabiriye uyu muhango, Umuyobozi w’Akarere ka Gatsibo, Gasana Richard, yabibukije ko Umunsi Mpuzamahanga w’Umugore atari uwo kwerekana ko umugabo nta gaciro agifite mu rugo, ko ahubwo ari uburyo bwo gushimangira ubwuzuzanye hagati y’umugabo n’umugore.

Mu Rwanda Umunsi Mpuzamahanga w’Umugore watangiye kwizihizwa mu 1975, uyu mwaka bikaba ari ku ncuro ya 41 wizihizwa.

Kuri iyi nshuro wizihijwe mu nsanganyamatsiko igira iti ”Twimakaze ihame ry’uburinganire, turushaho guteza imbere umugore.”

Iyo uganiriye n’aba bahinzi ku ruhare rwo gutwikira mu mirima ibi bisigazwa by’imyaka ku iyangirika ry’ikirere n’ihindagurika ry’ibihe, usanga ntacyo babiziho n’ababizi bakavuga ko ingano y’ibyo batwika ari nto ku buryo ngo ntacyo yatwara ikirere.

Batwikira ibigazwa by’imyaka mu mirima bazi ko bitanga ifumbire.

Mungarakarama Telesphore ni umuhinzi wo mu murenge wa Rwimbogo, agira ati “Tumenyereye ko iyo tumaze gusarura imyaka, ibisigazwa tubitwika mu rwego rwo gutunganya imirima kuko tuba twitegura kongera guhinga, ariko ubwo tumenye ko hari icyo byangiza tugiye kubicikaho.”

Umukozi ushinzwe ubuhinzi mu karere ka Gatsibo Udahemuka Bernard, avuga ko gutwikira imyaka mu butaka byangiza ubutaka n’intungabihingwa.

Ati “Bumwe mu buryo abahinzi bakoresha bikiza ibi bisigazwa ni ukubitwika kandi bakabitwikira mu mirima, babikora bizeye ko bizabaha ifumbire ariko duhora tubamenyesha ko bakwiye kureka uwo muco kuko byangiza byinshi mu buhinzi bwabo.”

Agira abahinzi inama ko mu gihe bamaze gusarura bajya barunda hamwe ibisigazwa by’ibihingwa, bakabikoramo ifumbire yakwifashishwa mu gihembwe cy’ihinga gikurikiraho no mu kugaburira amatungo.

Ikigo cy’igihugu gishinzwe kubungabunga ibidukikije (REMA) gihora kibuza abantu gutwika kuko byangiza ikirere.

Mu gihe mu Rwanda hose abahinzi barimo kwitegura igihembwe cy’ihinga cya kabiri cy’umwaka wa 2016, muri aka karere imirimo yo gutunganya no gusukura imirima irarimbanije, bakura mu mirima ibisigazwa by’imyaka nk’ibigorigori, ibikenyeri by’amasaka n’ibindi.

Abaturage bataka icyo kibazo ni abo mu tugari twa Nyagasiga na Bugarama, bahamya ko kugira ngo babone amazi meza, babanza gukora urugendo rurenga ibirometero bibiri.

Amwe mu mavomero yashyizweho n’umushinga "Leaving Water" ntagikora.

Ngendahayo Evode utuye mu Kagari ka Nyagasiga, avuga ko kugeza ubu ikibazo bagihura na cyo ari icyo kutagira amazi hafi yabo kandi ngo ni ikibazo kimaze igihe kinini cyane.

Agira ati ”Tumaze imyaka irenga 20 tutagira amazi, twifuza ko badukorera ubuvugizi natwe tukabona amazi hafi yacu.”

Aba baturage banavuga ko ingaruka zo kutagira amazi zigera no ku myigire y’abanyeshuri, aho usanga bakora urugendo rurerure bajya kuvoma mu bishanga bikabaviramo gukererwa amasomo.

Umunyamabanga Nshingwabikorwa w’Umurenge wa Rugarama, Urujeni Consolée, bagiye gukora ubuvugizi kuri iki kibazo kugira ngo gikemuke.

Ati ”Ikibazo cy’amazi ni ikibazo dukomeje gukorera ubuvugizi kuko tugerageza kukiganiraho n’abafatanyabikorwa b’Akarere. Gusa mu myaka yashize hari imishinga yagiye yemera kwegereza amazi abaturage ariko ntibishyire mu bikorwa.”

Hari amavomero yagiye asanwa ariko akongera akangirika.

Umushinga utegamiye kuri Leta wa World Vision muri uyu mwaka ni wo wiyemeje gukwirakwiza amazi mu mirenge itandukanye y’Akarere ka Gatsibo, naho Umushina witwa Leaving Water International wo umaze imyaka ibiri utakihakorera.

Umushinga “Leaving Water” wari umaze kwegereza amavomo abaturage bo mu mirene itanu, ariko ayo mavomo na yo ntagikora.

Umurenge wa Rugarama ugizwe n’utugari dutandatu. Muri two, dutatu twa Kanyangese, Matunguru na Gihuta ni two tumaze kubona amazi ku bufatanye World Vision n’ikigo gishinzwe gukwirakwiza amazi WASAC n’Akarere ka Gatsibo.

Aba baturage bashyira mu majwi uwahoze ayobora Akagari ka Bugarama, bakavuga ko yakiriye amafaranga bari babishyuye ntayabashyikirize, amaso yabo akaba yaraheze mu kirere.

Mukahigiro Anastasie utuye mu Mudugudu w’Akenene mu Kagari ka Bugarama, Umurenge wa Rugarama, wangirijwe imitungo, avuga ko bari baremerewe n’uwayoboraga ako kagari ko azakusanya amafaranga y’ubwishyu ku mitungo yabo yangijwe, ariko ngo kugeza n’ubu ntayo bigeze babona.

Agira ati ”Iki kibazo kimaze igihe kirekire. Twumvise ko amafaranga twishyuza yaba yaramaze kugera ku kagari ariko ntiyigeze atugeraho; tukaba twibaza rero irengero ryayo.”

Abandi bangirijwe imitungo muri Jenoside na bo bavuga ko bifuza ko inzego zibishinzwe zakurikirana icyo kibazo, bakishyurwa imitungo yabo.

Umunyamabanga Nshingwabikorwa w’Umurenge wa Rugarama, Urujeni Consollée, ariko yadutangarije kuri uyu wa 18 Gashyantare 2016, ko mu nama bakoze basuzuma iki kibazo, basanze nta mafaranga uwari Umunyamabanga Nshingwabikorwa w’Akagari ka Bugarama yakiriye ngo yange kuyatanga.

Urujeni yabwiye Kigali Today ko nyuma yo kumenya icyo kibazo, basuzumye bagasanga muri ako kagari hasigaye imiryango ine y’abarokotse Jenoside bishyuza amafaranga ibihumbi 240Frw (bose hamwe) y’imitungo yabo yangijwe.

Ubuyobozi buvuga ko imitungo y’iyo miryango yasahuwe n’uwitwaga Kanyemera, akaba yarapfuye ariko akaba yarasize imitungo irimo isambu yavamo ubwishyu.

Kugeza magingo aya, ngo ubuyobozi burimo gushaka uko buvugisha abana ba Kanyemera (kuko batahatuye) kugira ngo bishyure ayo mafaranga cyangwa bagurishe ku isambu ya se, haboneke ubwishyu.

Ubuyobozi bw’Umurenge wa Rugarama, buvuga ko muri rusange igikorwa cyo kwishyura imitungo yangijwe muri uyu murenge kigeze ku ijanisha rya 70%.

Ikindi kikigaragara nk’imbogamizi, ngo ni imanza zagaragayemo abantu bangije imitungo bakaba batakiriho, abagifunze ndetse n’abimukiye ahandi imyanzuro y’imanza za Gacaca itarashyirwa mu bikorwa.

Ibi abahagarariye za koperative n’abacungamutungo bazo, babishishikarijwe n’ikigo cy’imari cyizwi ku izina rya Urwego Oportunity Bank kuri uyu wa 17 Gashyantare 2016, mu mahugurwa y’umunsi umwe hagamijwe kureba uko inguzanyo ihabwa amakoperative yakoreshwa ibyo yagenewe gukora.

Abahagarariye za koperative n’abacungamutungo bazo bibukijwe gukoresha amafaranga ya koperative neza

Umukozi ushinzwe inguzanyo z’ubuhinzi n’ubworozi mu Rwego Oportunity Bank Serugo Espoir, avuga ko hagiye hagaragara imbogamizi zitandukanye ku bahinzi bibumbiye muri za koperative kugira ngo babashe kubona inguzanyo muri banki, ariko ubu icyo dukora ni ukutabaka ingwate mu rwego rwo kuborohereza kubona iyo nguzanyo.

Yagize ati:” Icyo dukora mu korohera za koperative kubona inguzanyo, tureba niba bafite ubuzimagatozi, tukanareba niba bafite umusaruro utubutse hamwe n’isoko ryawo, ibyo bikaduha icyizere ko inguzanyo tubaha bazayishyura neza nta maniniza abayeho.”

Naramabuye Viateur ni perezida wa koperative KOPEDURU y’abahinzi b’ibigori mu murenge wa Rugarama, avuga ko bakeneye inguzanyo y’amafaranga asaga miliyoni 15 kugira ngo bateze imbere ibikorwa byabo, ubu ngo barayemerewe bakaba bizeye kuyabyaza umusaruro kandi bakanishyura neza banki.

Ati:” Ni amafaranga twageneye gukusanya umusaruro kandi warabonetse isoko naryo turarifite twamaze kuvugana n’abashoramari tuzagurishaho toni 250 z’ibigori, twiteguye kuzishyura Banki mu gihe cy’amezi atatu kandi tununguke, bityo twagure n’ibikorwa bya koperative.”

Mu guteza imbere abahinzi bibumbiye muri za koperative binyuze muri gahunda ya Leta ya “Twigire muhinzi”, Urwego Oportunity Bank imaze guha inguzanyo abahinzi bagera ku bihumbi 85 uhereye mu kwezi kwa mbere k’umwaka ushize wa 2015, uyu mwaka iyi Banki ikaba ifite intego y’uko uzarangira abahinzi ibihumbi 105 bishobora no kwiyongera bahawe inguzanyo.

Niyibizi w’imyaka 48 y’amavuko, Urukiko Rwisumbuye rwa Nyagatare rwamuburanishirije mu ruhame aho atuye mu Mudugudu wa Nyamabuye, Akagari ka Rwikiniro, mu Murenge wa Rwimbogo ho mu Karere ka Gatsibo, maze aburana yemera icyaha.

Niyibizi aburana mu ruhame aho icyaha cyabereye.

Mu kwemera icyo cyaha, Niyibizi yabwiye ubushijacyaha ko nta mugambi mubi wo kwica umugore we yari afite, ko ahubwo yari arimo yitabara dore ko ngo bari basanzwe bagirana amakimbirane.

Yagize ati “Icyaha ndacyemera ariko nta mugambi mubisha wo kumwica nari mfite. Narimo nitabara kuko nabonaga agiye kunyica mutemye mbona araguye. Ndabisabira imbabazi kuko ari ibyangwiririye.”

Ubuyobozi bw’Umurenge wa Rwimbogo ahabereye ayo mahano, bugira inama abaturage yo kujya bihutira kugana ubuyobozi mu gihe babonye ko bafitanye amakimbirane yakurura imfu za hato na hato.

Munyaburanga Joseph, Umunyamabanga Nshingwabikorwa w’uyu murenge agira ati “Duhora dushishikariza abatuye uyu murenge kwirinda icyo ari cyo cyose cyatera amakimbirane mu ngo kandi bakajya biyambaza ubuyozi aho guhangana ubwabo.”

Urukiko Rwisumbuye rwa Nyagatare rwamuburanishije mu ruhame aho atuye, kugira ngo abaturage bagaragarizwe ibyo bakorerwa n’ubutabera kandi bikaba ari uburyo bwo kwihanangiriza inkozi zibibi.

Nyakwigendera Mukamparirwa Jacqueline wari umufasha wa Niyibizi, yishwe atemwe ijosi n’umugabo we tariki 12 Mutarama 2016, bikaba bivugwa ko yari ahetse n’umwana muto.

Uyu mugabo naramuka ahamwe n’icyaha azahanwa n’ingingo y’142 yo mu gitabo cy’amategeko ahana y’u Rwanda, urubanza rukazasomwa ku wa 10 Gashyantare 2016 saa cyenda z’amanywa na none imbere y’abaturage aho icyaha cyabereye.

Ku wa 26 Mutarama 2016, ni bwo ubuyobozi bw’umurenge bwamurikiye abatuye uyu murenge iyi nzu ya Polisi yubatswe ku bufatanye n’abaturage, ikuzura itwaye miliyoni zerenga 11Frw.

Inzu ya Polisi yuzuye mu Murenge wa Rugarama ku bufatanya n’abaturage.

umunyamabanga Nshingwabikorwa w’Umurenge wa Rugarama, Urujeni Consolee, avuga ko iyo nzu izajya yorohereza Polisi y’Igihugu ikorera mu Karere ka Gatsibo mu kazi kayo ka buri munsi.

Agira ati “Hajyaga hagaragara ibibazo bisaba kwitabaza Polisi, bikadusaba kwitabaza Ishami rya Kabarore, ugasanga niba ari ibyihutirwa hari igihe ihagera hari bimwe mu bimenyetso bishobora kuba byahishirwa kubera ubucyererwe, ariko ubu twizeye ko bitazongera.”

Karangwa Francois, umwe mu baturage batuye muri uyu murenge, yemeza ko kuba Polisi igiye kubegera, hari byinshi bizakemura mu bibazo by’umutekano muke bajyaga bahura na byo.

Ati “Twajyaga duhura ahanini n’ibibazo by’abajura bitwikira ijoro bakiba amatungo n’ibindi kandi bakaburirwa irengero, ariko ku bufatanye na Polisi itwegerejwe twizeye ko ubu nta muntu uzongera kwibwa ibye ngo bihere.”

Iyi nyubako yifitemo icyumba cya Komanda wa Polisi, icyagenewe ubujyanama ku bantu bahohotewe, ibiro by’abunzi, ubwiherero bugezweho n’ibyumba bibiri bizajya bicumbikiramo abanyabyaha mbere yo gushyikirizwa ubutabera.

Perezida w’Inama Njyanama y’Akarere ka Gatsibo, Rutayisire Wilson, avuga ko Abanyagatsibo kimwe n’Abanyarwanda muri rusange bakwiye kwishimira ko ari abanyagihugu gifite intwari kuko ibikorwa byazo byakigejeje ku mahoro n’umutekano birambye.

Urugendo rwo gutangiza icyumweru cyahariwe kuzirikana ibikorwa by’Intwari z’u Rwanda. Aha ni mu Karere ka Gatsibo.

Rutayisire yongeraho ko ubutwari nyabwo ari ugukorana ubwitange n’umwete ibyo ushinzwe.

ku wa 22 Mutarama 2016, ubwo hatangizwaga icyumweru cyahariwe kuzirikana ibikorwa by’intwari muri aka karere.

Rutayisire, ubwo yari mu biganiro bitangiza icyumweru cyahariwe kuzirikana ibikorwa by’Intwari z’u Rwanda, tariki 22/01/2016, yibukije abaturage ko izi ntwari, zaranzwe n’ibikorwa ndetse n’umuhate udasanzwe, ababwira ko bikwiye kubatera ishema kuko hari ibindi bihugu bitagize ayo mahirwe.

Nyuma y’ibiganiro byatanzwe n’abantu batandukanye, abatuye Umurenge wa Gitoki ahasorejwe urugendo rwo gutangiza iki cyumweru, bavuga ko ibyakozwe n’intwari z’u Rwanda byahaye abato n’abakuru amasomo yibanda cyane ku mibanire myiza n’abandi, byo soko y’amahoro arambye.

Umwe muri abo baturage witwa Mukamutsinzi Frolence ati “Isomo nkuye mu biganiro tumaze guhabwa, ni uko umuntu ataza ngo ambwire gukora ikibi ngo mbyemere, nyamara mbere nashoboraga kuba nabikora, ariko mbonye ko ari ubugwari.”

Icyumweru cyahariwe kuzirikana ibikorwa by’intwari, mu Karere ka Gatsibo cyatangijwe n’urugendo rw’amaguru, aho abarwitabiriye baturukaga mu mujyi wa Kabarore berekeza mu Kagari ka Bukomane ho mu Murenge wa Gitoki.

Aka kagari ka Bukomane gafite amateka mu byerekeranye no kubohora igihugu ndetse n’ubutwari, kuko ari hamwe mu habereye urugamba rukomeye mu duce tw’Akarere ka Gatsibo.

Iki cyumweru biteganyijwe ko kizasozwa kuwa 31 Mutarama 2016.

Mu karere ka Gatsibo, urubyiruko rwongeye gusabwa kwirinda ibiyobyabwenge ndetse n’inyigisho mbi ziganisha ku bwoko ruhabwa na bamwe mu babyeyi, bakagira umutima wo gukunda igihugu nk’abacyitangiye.

Hari mu nama Njyanama idasanzwe y’Akarere ka Gatsibo yateranye kuri uyu wa gatanu taliki 22 Mutarama 2016, iyi nama ikaba yari igamije kurebera hamwe uko ingengo y’imari y’Akarere ivuguruye yakwemezwa, kugira ngo Akarere kabone ububasha bwo kuyikoresha muri aya mezi asigaye y’ingengo y’Imari 2015-2016.

Gasana Richard Umuyobozi w’Akarere ka Gatsibo

Umuyobozi w’Akarere ka Gatsibo Gasana Richard, yavuze ko aho akarere kageze kesa imihigo kahize ari ibyo kwishimira, kuko byinshi mu bikorwa Akarere kiyemeje gukora bitandukanye biteza imbere abaturage bigenda bishyirwa mu bikorwa.

Yigize ati:” Ibimaze kugerwaho ni byinshi ariko turacyafite byinshi byo gukora kugira ngo turusheho guteza Akarere kacu imbere, kandi twizeye ko byose tuzabigeraho ku bufatanye n’abaturage.”

Iyi nama yanagaragaje igishushanyo mbonera cy’umujyi wa Ngarama, mu murenge wa Ngarama, uyu murenge ukaba ufite ubukungu bwinshi aho usanga abaturage bawutuye bafite imikorere myiza mu bijyanye n’ubukungu.

Perezida w’Inama Njyanama y’Akarere ka Gatsibo Rutayisire Wilson, yashimiye abajyanama akazi katoroshye bakoze muri iyi manda irimo kurangira, anasaba ubuyobozi bw’Akarere gukomeza gushyira imbaraga ku mihigo ikiri inyuma kugira ngo yose izeswe neza.

Ati:” Biragaragara ko hari akazi kakozwe katoroshye, kandi ni ibyo gushimirwa ku babigizemo uruhare bose, twizeye ko n’ibisigaye bizagerwaho neza uko twabyiyemeje.”
Akarere ka Gatsibo kari kahize imihigo 70 ikubiyemo inkingi enye zitandukanye arizo iy’ubukungu, imibereho myiza, imiyoborere myiza n’ubutabera.

Ingengo y’imari yatowe kuri 30 Kamena 2015 yagaragazaga ko Akarere ka Gatsibo kazakoresha amafaranga angana na miliyari 13,422,740,256 y’u Rwanda, ubu ivuguruye ingana na miliyari 12,594,882,856 y’amafaranga y’u Rwanda.

Abafashamyumvire bakorera mu mirenge iyi gahunda ikoreramo muri aka karere babyemeje mu nama y’umunsi umwe yabahuje n’ubuyobozi bwa 12+ ku rwego rw’igihugu kuri uyu wa kane tariki 21 Mutarama 2016.

Aba ni bamwe mu bana b’abakobwa bafashwa na gahunda ya 12+.

Umuyobozi mukuru w’iyi gahunda, Uwayezu Beatrice, avuga ko igamije kuzamura imyumvire y’umwana w’umukobwa ufite imyaka 10 - 12, kumutoza kugira isuku, kumenya imihindagurikire y’umubiri we no kwitoza kuzigama kugira ngo ejo hazaza habo hazabe heza.

Yagize ati “Tujya gutekereza kuri iyi gahunda, ni uko twabonye ko abana b’abakobwa benshi iyo bageze mu gihe cy’ubwangavu batabasha kwikurikirana mu myororokere yabo, ariko nanone tukongerao no kubatoza kwizigamira kugira ngo bagire icyo bigezaho.”

Yamuragiye Alphonsine Nyampinga, umwe mu bafashamyumvire ba gahunda ya 12+ mu murenge wa Nyagihanga, avuga ko iyi gahunda yamukuye kure mu buryo bw’imibereho inazamura n’ubukungu bwe.

Ati “Iyi gahunda itangira nari mfite imibereho itari myiza, ariko maze kwisobanukirwa natangiye gutekereza umushinga wazamura imibereho yanjye binyuze ku mafaranga y’inkunga duhabwa buri kwezi angana n’ibihumbi 29Frw y’u Rwanda.”

Yamuragiye akomeza avuga ko yegereye banki imufasha guterimbere binyuze mu nguzanyo yatse ya miliyoni imwe agura moto, ubu ngo ikajya imwishyurira uwo mwenda akaba agiye kurangiza kwishyura akaba yaranubakiye ababyeyi be inzu.

Gahunda ya 12+ ishyirwa mu bikorwa na Caritas Rwanda ifatanyije n’umuryango w’abagide mu Rwanda n’ikigo cya Institute for Reproductive Health (IRH). Imaze imyaka igera kuri ibiri ikorera mu mirenge itanu y’Akarere ka Gatsibo ariyo Gasange, Murambi, Kageyo, Ngarama na Nyagihanga.

Kagoyire Adele, Visi Perezida wa Koperative Amizero ikorera mu gishanga cya Rwabagenzi, avuga ko igiciro bagurirwaho imyaka yabo ari gito cyane, ngo akaba ari na ho bakura igihombo ugereranije n’igishoro baba bashyize muri uyu murimo.

Abahinzi b’ibigori ngo igishoro baba baratanze mu bikorwa byabo kirabahombera.

Agira ati “Igiciro baturanguriraho ntabwo tukishimira kuko kiri hasi cyane, ikilo tuba tugishakaho amafaranga byibura 220, ariko ugasanga rwiyemezamirimo aratwishyura amafanga 80 gusa. Ubwo kubera inguzanyo tuba twaratse mu ma banki bigatuma twakira ayo baduhaye kugira ngo tubashe natwe kwishyura umwenda.”

Abo bahinzi bifuza ko ku mwero, igiciro cyajya gishyirwaho habanje kubaho ibiganiro hakarebwa ku nyungu z’umuhinzi kadi Leta na yo ikabigiramo uruhare.

Ubusanzwe Minisiteri y’Ubuhinzi n’Ubworozi, MINAGRI, ishishikariza abahinzi kwitabira gahunda yo guhuza ubutaka no kwibumbira mu makoperative abahuza mu rwego rwo kunoza ubuhinzi bubyara inyungu.

Manzi Theogene, Umuyobozi Wungirije w’Akarere ka Gatsibo ushinzwe Ubukungu n’Iterambere, abagira inama yo kujya bagisha inama ubuyobozi bw’akarere mbere yo kugirana amasezerano n’abazagura umusaruro wabo.

Ati “Ikibazo aya makoperative akunze guhura na cyo, ni icy’uko bajya basinyana amasezerano na rwiyemezamirimo batatumenyesheje, ku buryo abamaze gusinya kuri icyo giciro kiri hasi nta kindi twabikoraho kuko bisaba kujya mu mategeko.”

Abahinzi ntibagiye bahwema kwerekana ko bahendwa igihe bejeje imyaka yabo, bagaheraho basaba Leta kubaba hafi bakajya babahuza n’ababagurira umusaruro kugira ngo hitabwe no ku nyungu z’umuhinzi.

Abagura umusaruro na bo, bavuga ko bashyiraho igiciro babanje kwiga ku miterere y’isoko birinda na bo kugwa mu gihombo.

Ibi babitangaza nyuma y’aho Ikigo cy’Igihugu gishinzwe imisoro n’amahoro (RRA), cyafashe gahunda yo kwegera abasora b’ingeri zose, kugira ngo bahabwe ibisobanuro birambuye bijyanye n’imisoro ndetse n’impinduka zagiye ziba mu mategeko agenga imisoro n’amahoro.

Santere ya Kabarore ni hamwe mu hakorerwa ubucuruzi bwinjiriza Akarere amafaranga

Mukunzi Emmanuel umwe mu basoreshwa bo mu Karere ka Gatsibo mu Murenge wa Kiramuruzi, avuga ko amwe mu mategeko yasohotse yaborohereje mu bucuruzi bwabo.

Ati:” Uburyo bushya bwo gusoresha abasora bato n’abaciriritse, ubu dushyirwa mu byiciro, bityo tukishyura umusoro uzwi hashingiwe ku ngano y’amafaranga y’ibyo tuba twacuruje, ku buryo usanga ari uburyo butworohera cyane ugereranyije na mbere.”

Mukunzi akomeza avuga ko iryo tegeko ryasohotse, rigamije korohereza abasora bato n’abaciriritse badafite ubushobozi bwo gukora ibaruramari, ngo bishyurire inyungu nyakuri zagaragaye mu bucuruzi bwabo.

Mutaboza Benon, ahagarariye abikorera mu karere ka Gatsibo, avuga ko Nyuma y’ubuvugizi bwakozwe n’Urugaga rw’Abikorera (PSF) ku rwego rw’Akarere, byagaragaye ko icyo cyiciro cy’abacuruzi gikeneye ubufasha bwatuma bamenya mu buryo buboroheye ingano y’umusoro bagomba kwishyura batabanje kubara inyungu babonye.

Ati:”Ubusanzwe hari itegeko rigena umubare w’amafaranga umucuruzi agomba gutanga nk’umusoro ku nyungu bitewe n’amafaranga yaturutse mu byo yacuruje mu gihe cy’umwaka.

Urwego rushinzwe abasoreshwa rusobanura ko ibyiciro iri tegeko rishyiramo abasora bitandukanye, icya mbere ngo ni icy’abadatanga umusoro ku nyungu. Iki cyiciro kigizwe n’abacuruzi batarenza amafaranga y’ibyo bacuruje angana na miliyoni 2 ku mwaka.

Uretse icyo cyiciro cyo hasi kidatanga umusoro ku nyungu, ibindi byiciro bikurikiraho birimo abafite igicuruzo kiri hejuru ya miliyoni 2 ku mwaka.

Kubera ayo mabwiriza mashya, abasoreshwa ngo basanga ikibazo cyajyaga kivuka cyo gutinda gutanga umusoro bikabaviramo no gucibwa amande bitazongera kubaho.

Babikanguriwe n’ishami rishinzwe iterambere ry’ubucuruzi n’umurimo mu karere ka Gatsibo (Business Development and Employment Unit) kuri uyu wa kane tariki 14 Mutarama 2016, mu biganiro by’umunsi umwe hagamijwe gukangurira urubyiruko guhanga imirimo mishya.

Urubyiruko rurangije amashuri yisumbuye rweretswe amahirwe ahari mu kwihangira umurimo.

Umuyobozi w’Akarere ka Gatsibo Gasana Richard, yasabye urubyiruko gukoresha amahirwe rufite bakunguka amakuru ahagije, nabo bakaba umusemburo w’iterambere ry’akarere.

Yagize ati “Turifuza ko amahugurwa mugenda muhabwa muri gahunda yo guhanga imirimo mishya, yazabafasha kwinjira ku isoko ry’umurimo mudategereje cyangwa ngo muhange amaso kuri Leta musaba akazi, kandi nta kabuza nimubishyiramo ubushake muzabishobora.”

Urubyiruko narwo rwahawe umwanya rutanga ibitekerezo by’uburyo imirimo itandukanye yakomeza guhangwa, ariko banagaruka ku mbogamizi zikiri muri iyi gahunda.

Munyawera Erneste ahagarariye urubyiruko rwo mu murenge wa Kagey, ati “Twifitemo umuhate wo kwihangira imirimo, kuko iyo turebye ababibanjemo ubona ari ishema kuba waratangiriye hasi ariko ugasanga mu minsi micye uratanga akazi, ariko tunifuza gukorerwa ubuvugizi kugira ngo tujye tworoherezwa mu gukorana n’ibigo by’imari.”

Gahunda yo kwihangira imirimo mu rubyiruko, igamije guhanga imirimo itandukanye buri mwaka ariko cyane cyane idashingiye ku buhinzi n’ubworozi n’akarusho ku bikorwa by’ubuhinzi hakorwa inganda ntoya n’iziciriritse.

Ibi biganiro nyungurana bitekerezo byari byitabiriwe kandi n’intumwa z’ikigo cy’ubumenyi ngiro (WDA), Ikigo cy’Igihugu gishinzwe amakoperative (RCA), Urugaga rw’abikorera mu karere ka Gatsibo (PSF), n’abakozi b’ikigega gishinzwe gutanga inguzanyo kuri ba rwiyemezamirimo BDF.

Ibi byabaye mu ijoro ryo kuri uyu wa 28 rishyira kuwa 29 Ukuboza 2015, bikaba byamenyekanye ubwo abandi baturage babanaga na Mukabadege mu ishyirahamwe ry’ubuhinzi bazaga kumureba ngo bajye mu bikorwa byabo by’ubuhinzi bakamusana mu nzu yitabye Imana.

Ahatukura niho habereye ubwicanyi

Umuyobozi w’Akarere ka Gatsibo Gasana Richard, yatangarije Kigali today ko ukekwa kuba inyuma y’ubu bugizi bwa nabi ari umwisengeneza wa nyakwigendera witwa Nkuranga, kuko ari we baherukana mbere y’uko nyakwigendera apfa.

Yagize ati:” Nibyo koko uwo mukecuru yasanzwe mu nzu yishwe atemaguwe, ariko harakekwa umwisengeneza we witwa Nkurana Jonathan, kuko yaje aje kumusura bajyana mu kabari gusangira inzoga, nyuma baratahana mu rugo amuha icumbi, ubwo umurambo wabonekega rero uwo mwisengeza we yahise aburirwa irengero.”

Meya Gasana yakomeje avuga ko iperereza rigikomeje ngo hamenyekane ababigizemo uruhare bose ndetse n’icyo bamuzijije, yongeraho ko hagicyekwa ibibazo byo mu muryango.

Twifuje kumenya icyo inzego z’umutekano zivuga kuri ubu bugizi bwa nabi, Umuvugizi wa Polisi mu Ntara y’iburasirazuba IP Kayigi Emmanuel ntiyabasha kugira icyo adutangariza kuko yari mu nama y’umutekano.

Hari hamaze igihe hatumvikana ubugizi bwa nabi mu Karere ka Gatsibo, ubusanzwe ahenshi byakunze kugaragara ubuyobozi bw’aka Karere bukaba buvuga ko byaterwaga n’ikoreshwa ry’ibiyobyabwenge.

Abagize iri huriro bo muri Kiliziya Gatorika Paroisse ya Ngarama, babisabwe n’Umushumba wa Kiliziya Gatolika mu Rwanda Diyoseze ya Byumba Musenyeri Nzakamwita Servilien kuri uyu wa 28 Ukuboza 2015, ubwo basozaga umwiherero w’iminsi 3 bahabwa amasomo agendanye no kubaka ingo.

Abagize ihuriro ry’ingo ubwo basozaga amahugurwa

Nkurunziza Emmanuel atuye mu murenge wa Gatsibo Akagari ka Nyabiheke, avuga ko ataraza mu ihuriro ry’ingo atashoboraga kuba yasaba umugore imbabazi mu gihe yamukoreye ikosa, ariko nyuma yo guhabwa amasomo atanga ubuhamya bw’uko agiye kujya abana neza n’umufasha we.

Aragira ati:”Hari icyo nabonye abambanjirije muri iri huriro bandushaga, kuko muri izi nyigisho mbashije kumenya ko mu gihe wakoreye amakosa uwo mubana ari ngombwa guca bugufi ukamusaba imbabazi, kugira ngo murusheho kubaka neza urugo ndetse no gutanga uburere bwiza mu bana.”

Mukandayishimiye Xavera ni umufasha wa Nkurunziza Emmanuel nawe avuga ko zimwe mu nyigisho yakuye muri uyu mwiherero w’iminsi igera kuri itatu agomba kubaha umugabo we kurusha uko bari babanye atarabona ubundi bumenyi.

Umushumba wa Kiliziya Gatolika Diyoseze ya Byumba Musenyeri Nzakamwita Servilien, yahaye ubutumwa abagize ihuriro ry’ingo bo muri Paruwasi ya Ngarama abasaba kurushaho gukaza ingamba birinda ibyasenya imiryango y’abashakanye.

Ati:” Hari ibyonnyi byonona ingo bikonona abana, mukwiye kubyirinda kandi ababyeyi mukwiye kujya muha umwanya abana banyu mukaganira nabo kenshi mu rwego rwo kubaha uburere bwiza.”

Abagize ihuriro ry’ingo bo muri Paruwasi ya Ngarama bari bamaze iminsi igera kuri itatu bahabwa amasomo atandukanye, mu rwego kurushaho kubaka ingo zizira amakimbirane, insanganyamatsiko y’uyu mwaka ikaba igira iti “Umuryango mwiza isoko y’ubuzima n’uburere mu rubyiruko.”

Umukozi ushinzwe Uburezi mu Karere ka Gatsibo, Ngamije Ally Hassan, avuga bakeneye kongera umubare w’abarimu kuko umubare w’abanyeshuri ugenda urushaho kwiyongera.

Gatsibo ngo bakeneye abarimu bashya 142 ngo barusheho kunoza uburezi.

Yagize ati “Twagize ikibazo cy’abarimu ariko na none hakiyongeraho na gahunda yo kubaka ibyumba by’amashuri. Ibyinshi bikaba bimaze kuzura, abo barimu bashya rero bazatuma nta cyuho kibaho mu burezi, ni yo mpamvu twabiteguye hakiri kare.”

Muturutsa Fidele, umukozi w’Akarere ka Gatsibo ushinzwe imicungire y’Abakozi, avuga ko uretse no mu burezi akarere gacyeneye no kongera abakozi mu kazi mu rwego rwo kurushaho kunoza serivisi.

Agira ati “Mu burezi ni ho hakenewe abakozi bashya benshi, ariko by’umwihariko tumaze iminsi dufite imyanya idafite abantu bayikoramo bujuje ibisabwa. Iyo myanya ubu iri gupiganirwa, byose bikaba biri muri gahunda yo kugira ngo turusheho kwesa imihigo.”

Mu mwaka w’amashuri wa 2016, Akarere ka Gatsibo ngo kazakenera abarimu 112 mu mashuri abanza, 13 mu mashuri yisumbuye bafite impamyabumenyi yo mu cyiciro cya kabiri cya kaminuza hamwe n’abarimu 17 bafite icyiciro cya mbere cya kaminuza.

Mu karere kose habarirwa ibigo by’amashuri abanza 90, hamwe n’ibigo by’amashuri yisumbuye 55, naho ibyigisha imyuga byo bikaba bigera kuri 6.

Aba banyonzi bavuga kandi ko bafite umuhigo wo gukora cyane, kugira ngo bazagire ubushobozi bwo gutwara n’ibindi binyabiziga bikoreshwa na moteri nk’amapikipiki n’imodoka.

Uru ni urubyiruko rukora umwuga wo kunyonga mu murenge wa Rugarama.

Abenshi muri bo biganjemo urubyiruko bahamya ko, kuva batangira gukora aka kazi hari byinshi kabafashijemo mu bijyanye n’iterambere.

Nkurunziza Jean Bosco ni umwe muri aba banyonzi, avuga ko aka kazi akamazemo imyaka itanu, agira ati “Nabashije kugura inka kandi mu minsi ishije naguze n’akarima k’ibihumbi 300, byose mbikesha umwuha wo gutwara abantu n’ibintu ku igare.”

Aba banyonzi bo mu murenge wa Rugarama banashimira Perezida Kagame uburyo yabafashije mu mikorere yabo bakemererwa kujya bagendera no muri kaburimbo, ariko bagasaba n’ubuyobozi bubegereye ko bwabafasha kubona inkunga kugira ngo barusheho kwiteza imbere.

Umukozi ushinzwe imiyoborere myiza mu murenge wa Rugarama Mpagazehe Emmanuel, ashima uburyo aba basore b’abanyonzi bakora neza bagamije kwiteza imbere dore ko uretse gutwara igare banishyiriyeho ubucuruzi bw’ibyuma by’amagare.

Akavuga ko ibyo byose bigaragaza ubushake bafite mu kwiteza imbere.

Ati “Uru rubyiruko rwibumbiye muri iyi koperative y’abanyonzi, ubona ko rufite ubushake bwo gukora ni nayo mpamvu natwe nk’ubuyobozi tugerageza kubakorera ubuvugizi kugira ngo babone inkunga.”

Iyi koperative ‘’Abisunganye’’y’abanyonzi bo mu murenge wa Rugarama, yatangiye mu 2010 ikaba igizwe n’abanyamuryango 138 bose b’igitsina gabo.

Umuyobozi w’Akarere ka Gatsibo Gasana Richard, aganira na Kigali today kuri uyu wa kabiri tariki 15 Ukuboza 2015, yavuze ko mu byihutirwaga mu igenamigambi ry’Akarere harimo n’inyubako nshya Akarere kazakoreramo.

Igishushanyo mbonera kigaragaza uko inyubako nshya y’Akarere izaba imeze imaze kuzura

Iyi nyubako izuzura itwaye amafaranga y’u Rwanda Miliyari imwe na Miliyoni magana abiri (1,200,000,000).

Iyari isanzwe ntihagije. hari serivisi zimwe na zimwe bisaba ko hiyambazwa izindi nyubako bikabangama mu kazi no mu guha serivisi inoze abaturage.

Yagize ati:” Inyubako nshya y’Akarere ka Gatsibo tujya kuyitekereza hari mu rwego rw’imiyoborere myiza, kugira ngo tugire abakozi bakorera ahantu heza hajyanye na serivisi dutanga, ikindi kandi biri mu mihigo y’Akarere kandi twizeye ko uyu muhigo tuzawesa uko twabiteganyije kuko amafaranga arahari.”

Muturutsa Fidele ashinzwe imicungire y’abakozi mu karere ka Gatsibo, avuga ko inyubako nshya y’Akarere ije yari ikenewe cyane kuko usanga uko umubare w’abakozi b’Akarere ari munini ugereranyije n’aho bakorera kandi ngo bakaba bateganya no kongera abakozi.

Imirimo yo kubaka inyubako nshya y’Akarere ka Gatsibo igeze kure

Ati:” Twakoreraga ahantu hatatanye kubera inyubako idahagije ugasanga bigorana mu kugeza serivisi ku batugana, ariko iyi nyubako izaza ari igisubizo cy’iki kibazo kuko n’abakozi ubwacu tuzaba twegeranye bitume turushaho kunoza imikorere.”

Akarere ka Gatsibo kabarirwamo abakozi bagera kuri 283 harimo n’abakorera ku rwego rw’Utugari n’Imirenge.

Imirimo yo kubaka ibiro bishya by’Akarere ka Gatsibo yatangiye tariki 18 Gashyantare uyu mwaka, bikaba biteganyijwe ko izaba yuzuye mu gihe cy’amezi 24 ahwanye n’imyaka ibiri, ikazuzura itwaye amafaranga y’u Rwanda Miliyari imwe na Miliyoni magana abiri (1,200,000,000).

Babitangaje kuri uyu wa 16 Ukuboza 2015, ubwo intumwa za rubanda zabagezagaho igisubizo cyavuye mu byifuzo byabo ku ivugururwa ry’Itegekonshinga, cyane cyane mu ngingo yaryo ya 101.

Abaturage ba Kiziguro bavuga uko bakiriye ukwemerwa kw’ibyifuzo byabo.

Gatafari Servilien, umusaza w’imyaka 85 y’amavuko wo mu Murenge wa Kiziguro, avuga ko yabayeho ku ngoma zitandukanye, ariko ngo ubuyobozi burangajwe imbere na Perezida Paul Kagame burahebuje kuko yanamuhaye inka muri gahunda ya “Gira inka”.

Yagize ati “Mfite inka mu rugo ikamwa tukanywa amata, ubu nambara inkweto kandi mbere ntari narabyigeze, dore kandi nambaye n’ikoti ndacyeye ku mutima no ku mubiri byose mbikesha Perezida Kagame. Ubu koko twamunganya iki, nejejwe no gutora “yego” akazakomeza kutuyobora.”

Ndangari Merciana na we w’i Kiziguro, avuga ko abagore bo muri uyu murenge bamaze gutera intambwe ishimishije mu iterambere babikesha ubuyobozi bwiza, bakaba biteguye gutora “yego”ku munsi w’itora.

Agira ati “Utatora yego yaba yirengagiza aho igihugu kigeze n’aho cyari kiri mu bihe byashize. Turi mu gihugu gifite umutekano usesuye, turatera imbere uko bwije uko bucyeye byose nta yindi mpamvu uretse ubuyobozi bwiza twifitiye burangajwe imbere na Nyakubawa Perezida wa Repubulika.”

Hon. Depite Mukazibera Agnes, yabwiye abaturage b’Umurenge wa Kiziguro ko ibyifuzo byabo byakiwe kandi bigashyirwa mu bikorwa, kubera ko muri Demukarasi abaturage ari bo bafata ibyemezo, akaba yaboneyeho n’umwanya abashishikariza kuzitabira amatora ya Referandumu uko bikwiye.

Aba baturage babitangaje ku wa gatanu w’icyumweru gishize ubwo Hon. Depite Mukama Abbas yasuraga Akarere ka Gatsibo, agamije kumenyesha abatuye aka karere ko ibyo basabye mu guhindura itegeko nshinga bifite ishingiro none ubusabe bwabo bukaba bwarashyizwe mu bikorwa.

Abatuye Umurenge wa Kabarore bavuga uburyo bishimiye ko ibyifuzo byabo byashyizwe mu bikorwa

Mukamana Drocella atuye mu Murenge wa Kabarore, avuga ko yishimiye uburyo intumwa za rubanda zakiriye neza ibyifuzo byabo ku ivugururwa ry’itegeko nshinga, aho bifuzaga ko Perezida wa Republika Paul Kagame yakomeza akabayobora bashingiye ku bikorwa by’iterambere yabagejejeho.

Ati:”Twatumye Inteko ishingamategeko ngo izatuvugire Itegekonshinga rivugururwe kugira ngo tuzongere kwitorera Perezida wacu Paul Kagame kubera iterambere yatugejejeho, none igisubizo turakibonye, ku bwanjye ndumva binshimishije cyane.”

Undi mukecuru witwa Mukamasera Berancille, we avuga ko igihe cyo gutora kimutindiye ngo yitorere yego, ibi akabishingira ku kuba Perezida kagame yarahaye agaciro abagore ubu bakaba bafite ijambo ndetse barahawe n’imyanya mu nzego zifata ibyemezo.

Agira ati:” Mbere igitsina gore cyari cyarahejwe, nta jambo twagiraga, ariko ubu abagore bashyizwe mu nzego zose z’ubuyobozi bikozwe na Perezida Kagame, iyo niyo mpamvu twifuje ko yakongera akatuyobora kugira ngo akomeze atugeze ku iterambere ryihuse.”

Umuyobozi w’Akarere ka Gatsibo Gasana Richard, aha ubutumwa abaturage ababwira ko mu gihe ubuyobozi ari bwiza badakwiye kubwitesha kugira ngo nabwo bukomeze kubagezaho ibyiza mu mibereho yabo ya buri munsi.

Amabaruwa asaga Miliyoni 3,7 y’Abanyarwanda niyo abaturage bagejeje ku ntumwa za rubanda, bose bakaba barifuzaga ko Itegeko nshinga ry’u Rwanda ryavugururwa cyane cyane mu ngingo yaryo ya 101, abatuye i Gatsibo ubu bakaba bavuga ko bishimiye iri vugururwa baniteguye kuritora hagamijwe gukomeza kwiyubaka mu iterambere.

Hon. Depite Mukama yabibabwiye ku wa 11 Ukuboza 2015, ubwo yagendereraga Akarere ka Gatsibo agamije kumenyesha bagatuyemo ko ibyo basabye mu guhindura Itegeko Nshinga bifite ishingiro none ubusabe bwabo bukaba bwarashyizwe mu bikorwa.

Depite Mukama Abas ageza ubutumwa ku baturage bo mu Murenge wa Kabarore ku ihindurwa ry’Itegeko Nshinga.

Yagize ati “Muri demukarasi ntawe ukwiye kwimwa icyo yifuza iyo ari cyiza, niko ka maro k’imiyoborere myiza. Abatora ni mwebwe mufite uburenganzira bwo kugira icyo muhindura binyuze muri referendum cyangwa mu babahagarariye ari bo badepite.”

Depite Mukama yakomeje ababwira ko igihe cyo gutorera ko Itegeko Nshinga rivugururwa, bagendeye ku byiza bagejejweho, n abo bakwiye kuzatora neza, abibutsa ko iyo utoye yego uba ushimangiye bya byiza ukeneye ko bikomeza kukugeraho nk’umuturage.

Umuyobozi w’Akarere ka Gatsibo, Gasana Richard, mu butumwa yagejeje ku bari bitabiriye iki gikorwa, yababwiye ko mu gihe ubuyobozi ari bwiza badakwiye kubwitesha kugira ngo na bwo bukomeze kubagezaho ibyiza mu mibereho yabo ya buri munsi.

Ati “Nk’uko abatura b’Akarere ka Gatsibo dusanzwe tubimenyereye, gutora neza ni wo muco wacu kugira ngo dukomeze dusangire ku byiza by’igihugu mu mahoro no mu mudendezo ntawe uhejwe.”

Muri iki gikorwa, abaturage bahawe umwanya kugira ngo batange ibitekerezo, banavuge uko bakiriye kuba ibyo basabye byarashyizwe mu bikorwa, abaturage na bo bakaba bagaragaje ko babyishimiye.

Intumwa za rubanda zatangiye gutanga ubutumwa bw’ibisubizo abaturage bari babasabye ku ihindurwa ry’Itegeko Nshinga kuri uyu wa 11 Ukuboza 2015 mu mirenge itandukanye igize Akarere ka Gatsibo, iki gikorwa kikaba kije mu gihe byamaze kwemezwa ko Referendum izaba tariki 18 Ukuboza 2015.

Benjamin NYANDWI

Babisabwe mu gihe imibare yagaragaje ko m’Ukwakira 2015, muri ako karere habarurwaga abana 773 bafite ibibazo by’imirire mibi no kugwingira.

Abajyanama b’ubuzima berekana uko imibare y’abana bafite imirire mibi ihagaze.

Ibarura rusange ry’abaturage n’imiturire rya kane mu Rwanda, ryashyize akarere ka Gatsibo ku mwanya wa gatatu mu turere turangwamo ibibazo by’imirire mibi ku bana bari munsi y’imyaka itanu.

Umubyeyi witwa Nyiragahinda Dative, wo mu Murenge wa Kabarore ni umwe mu bitabira gahunda y’igikoni cy’umudugudu nyuma y’uko umwana we agaragaweho ikibazo cy’imirire mibi cyamukururiye kugwingira. Avuga ko mu mpamvu asanga zarateye iki kibazo harimo kuba uwo bashakanye yaramutaye agitwite.

Ati “Umwana wanjye yagize kugwingira nkimutwite kuko se yahise anta nanjye ntangira kwirwanaho kugeza avutse na nyuma sinabona uko mwitaho uko bikwiye kubera amikoro make.”

Bamwe mu batuye Akarere ka Gatsibo bavuga ko mu mpamvu zitera imirire mibi, harimo n’ubumenyi buke ku gutegura indyo yuzuye, ubukene hamwe n’amakimbirane.

Abagabo batungwa agatoki ko mu bihe by’isarura imyaka yose bayigurisha amafaranga bakayanywera, bikagabanya ubwumvikane mu bashakanye ari na byo usanga bigira ingaruka ku bana.

Umuyobozi Wungirije w’Akarere ka Gatsibo ushinzwe Imibereho Myiza y’abaturage, Uwimpuhwe Esperance, akaba asaba abagabo n’abagore gufatanyiriza hamwe mu kubungabunga imibereho myiza y’abana babo.

Agira ati “Iyo hari amakimbirane mu miryango agira ingaruaka ku bana ntibabashe kwitabwaho uko bikwiye, ababyeyi turabakangurira gushyira hamwe kuko umuryango mwiza ari wo shingiro ry’iterambere rirambye.”

Mu bana 773 bagaragaye ko bafite ikibazo cy’imirire mibi, 618 bafite imirire mibi yoroheje naho 155 bakagira imirire mibi ikabije, ubu bakaba bakurikiranirwa umunsi ku munsi mu bigo nderabuzima by’aka karere.
Babisabwe mu gihe imibare yagaragaje ko m’Ukwakira 2015, muri ako karere habarurwaga abana 773 bafite ibibazo by’imirire mibi no kugwingira.

Ibarura rusange ry’abaturage n’imiturire rya kane mu Rwanda, ryashyize akarere ka Gatsibo ku mwanya wa gatatu mu turere turangwamo ibibazo by’imirire mibi ku bana bari munsi y’imyaka itanu.

Umubyeyi witwa Nyiragahinda Dative, wo mu Murenge wa Kabarore ni umwe mu bitabira gahunda y’igikoni cy’umudugudu nyuma y’uko umwana we agaragaweho ikibazo cy’imirire mibi cyamukururiye kugwingira. Avuga ko mu mpamvu asanga zarateye iki kibazo harimo kuba uwo bashakanye yaramutaye agitwite.

Ati “Umwana wanjye yagize kugwingira nkimutwite kuko se yahise anta nanjye ntangira kwirwanaho kugeza avutse na nyuma sinabona uko mwitaho uko bikwiye kubera amikoro make.”

Bamwe mu batuye Akarere ka Gatsibo bavuga ko mu mpamvu zitera imirire mibi, harimo n’ubumenyi buke ku gutegura indyo yuzuye, ubukene hamwe n’amakimbirane.

Abagabo batungwa agatoki ko mu bihe by’isarura imyaka yose bayigurisha amafaranga bakayanywera, bikagabanya ubwumvikane mu bashakanye ari na byo usanga bigira ingaruka ku bana.

Umuyobozi Wungirije w’Akarere ka Gatsibo ushinzwe Imibereho Myiza y’abaturage, Uwimpuhwe Esperance, akaba asaba abagabo n’abagore gufatanyiriza hamwe mu kubungabunga imibereho myiza y’abana babo.

Agira ati “Iyo hari amakimbirane mu miryango agira ingaruaka ku bana ntibabashe kwitabwaho uko bikwiye, ababyeyi turabakangurira gushyira hamwe kuko umuryango mwiza ari wo shingiro ry’iterambere rirambye.”

Mu bana 773 bagaragaye ko bafite ikibazo cy’imirire mibi, 618 bafite imirire mibi yoroheje naho 155 bakagira imirire mibi ikabije, ubu bakaba bakurikiranirwa umunsi ku munsi mu bigo nderabuzima by’aka karere.

Minisitiri Biruta yahaye ubu butumwa abaturage b’Akarere ka Gatsibo bateraniye mu Kagari ka Rubona, Umurenge wa Kiziguro, ubwo ku wa 28/11/2015, bari mu muganda ngarukakwezi usoza Ugushyingo 2015; wahuriranye no kwizihiza Umunsi w’Igiti mu Rwanda.

Minisitiri Biruta atera igiti.

Muri uyu muganda, hatewe ibiti ibihumbi 160 kuri hegitari 100. Ibi biti bije byunganira ibindi byari bisanzwe biteye muri aka karere kuri hegitari ibihumbi 33.

Minisitiri Biruta yagize ati “Ibiti duteye uyu munsi, turifuza ko byazakurikiranwa umunsi ku wundi kugira ngo bitazangirika. Turasaba abayobozi ko bafatanya n’abaturage kugira ngo ibidukikije bikomeze kubungabungwa uko bikwiye.”

Umunyamabanga Nshingwabikorwa w’Akagari ka Rubona, Sekaziga Francois, yavuze ko mu rwego rwo gukomeza kubungabunga ibiti byatewe, hazakomeza gukorwa ubukangurambaga mu batuye aka kagari kandi ngo abaturage bamaze kumenya akamaro k’ibiti.

Sekaziga yavuze ko n’abakibyangiza babitema mu buryo butemewe, hari ingamba zo kubahana hakurikijwe amategeko.

Uyu muyobozi w’akagari yongeraho ko abaturage ubwabo bamaze gusobanukirwa akamaro k’ibiti kuko bazi neza ko n’imvura irimo kugwa muri iyi minsi ihabwa imbaraga n’ibiti biteye.

Abaturage bitabiriye umuganda ari benshi.

Uyu muganda wari witabiriwe n’abaturage b’Akarere ka Gatsibo warimo n’abayobozi batandukanye barimo Guverineri w’Intara y’Iburasirazuba, Odette Uwamariya hamwe n’abadepite bo mu Nteko y’Umuryango wa Afurika y’Iburasirazuba (EALA).

Benjamin Nyandwi