Ruziga Emmanuel Masantura, umunyamakuru ufite uburambe bw’imyaka 20 yibanda ku nkuru z’ubikungu, yasabye aba banyamakuru kujya babanza gusobanukirwa imiterere y’ingengo y’imari ya leta, ndetse n’uko izakoreshwa kugira ngo bakore inkuru zifite ireme.

Ati, "Nk’abanyamakuru ni ingenzi cyane kumva neza Ingengo y’imari ya leta, ku buryo mu gukora inkuru yawe ugomba kuba ufite amakuru ahagije, Kandi ugashingira kubyo wabonye ndetse n’ibindi bimenyetso ufite. ugomba kumenya Kandi abarebwa n’iyo nkuru ndetse n’ingaruka izagira zaba nziza cyangwa mbi."

Abanyamakuru bitabiriye Aya mahugurwa y’iminsi 3, kuva ku wa kabiri tariki 5 Gicurasi kugeza kuwa kane tariki 7 Gicurasi 2026, bagaragaje ko bayungukiyemo byinshi, bigiye no kubafasha mu kazi kabo ka Buri munsi.

Alice Mukeshimana, ni umwe muri abo banyamakuru. Agaragaza icyo yakuye muri aya mahugurwa. ATI, "Icyo nungukiyemo nk’umunyamakuru ni uko ngomba kugira uruhare mu kumenyesha abaturage bakurikira igitangazamakuru nkorera inkuru zivuga ku ngengo y’Imari kuva itegurwa kugeza ishyizwe mu bikorwa. Buri cyiciro cyose kigize ingengo y’Imari kirimo amakuru menshi natangaza Kandi abaturage bakabikunda kuko bibaha ishusho y’uko inyigisho byabo bigenda bishyirwa mu bikorwa."

Mugenzi we Inshungu Raul, nawe avuga ko Aya mahugurwa Ari ingirakamaro mu mwuga Akora. ATI, " Nibyo Koko Aya mahugurwa ni ingirakamaro kuri nge nk’umunyamakuru kuko hari ibintu byinshi tutari tuzi ku bijyanye n’ingengo y’imari ubu namenye neza uko itegurwa ibyiciro by’uko kuyitegura kugeza n’icyo Leta igenderaho iha amafaranga menshi iki gice kurusha ikindi"

Niyonagize Fulgence Umukozi wa FOJO Media Institut, ari nayo yateguye Aya mahugurwa ifatanyije na AFRI-MEDIA, asaba abanyamakuru kwihatira kumenya byuzuye ibijyanye n’ingengo y’imari ya leta kuko ari ingenzi mu gutara no gutangaza inkuru zuzuye.

Ati, " Ntabwo waba uri umunyamakuru ngo ube utazi ibyerekeye Ingengo y’imari ya leta, hunyama ngo uzakore inkuru zifite ireme. Mugomba kwityaza mu bumenyi ku ngengo y’imari ya leta kuko nibyo byabafasha gukora kinyamwuga."

Umuyobozi wa AFRI-MEDIA, Solange Ayanone,we asanga abanyamakuru bahawe amahugurwa ku ngengo y’imari ya Leta, ubu bakwiye kujya bahuza inkuru bakora n’ingengo y’imari ya leta, kuko baba bayisobanukiwe.

Ati, “Hari inkuru nyinshi zivuga ku iterambere ariko zidasobanura inkomoko yaryo. Twifuza ko mumenya guhuza inkuru n’ingengo y’imari, mukamenya kubaza ibibazo bifatika no gutanga amakuru asobanutse. Nibyo bigaragaza ko Koko ibyo utangaza nk’umunyamakuru nawe Uba ubyumva neza”

Buri mwaka, u Rwanda n’ibindi bihugu bitandukanye muri rusange, batangaza ingengo y’imari izifashishwa mu bikorwa bitandukanye bifitiye abaturage akamaro, haba mu guhemba abakozi ba Leta, kubaka no gusana ibikorwaremezo bitandukanye, byose bifitiye inyungu binateza imbere umuturage.

Nyuma yo gutangazwa kw’iyi ngengo y’imari, hari amafaranga yoherezwa mu bigo bitandukanye, kugira ngo bitangire biyakoreshe, ibikorwa bikurikirwa n’ubugenzuzi harebwa ko amafaranga yakoreshejwe icyo yateganyirijwe.

‎Guhera ku wa Kabiri tariki ya 05 Gicurasi 2026 kugera ku wa Kane tariki 07 Gicurasi 2026, abanyamakuru bakorera mu bitangazamakuru bitandukanye bari mu mahugurwa agamije kubongerera ubumenyi ku gukora inkuru zijyanye n’ ingengo y’imari (Training on the National Budget).

‎Yateguwe n’ikigo cy’Abanya-Suède giteza imbere ibitangazamakuru n’amashuri y’itangazamakuru (FOJO) ku bufatanye na AFRIMEDIA.
‎
‎
‎Peter Karinganire impuguke mu bukungu, mu kiganiro yahaye abo banyamakuru, yabibukije ko uko Pasiteri cyangwa Bishop aba agomba kuba azi Bibiliya, Ari Nako abanyamakuru bakwiye kuba bumva neza, intego z’igihugu by’umwihariko icyerekezo 2050, ndetse na gahunda ya guverinoma yo kwihutisha iterambere mu cyiciro cyayo cya 2 NST2.
‎
‎Ati, " Ubundi murabizi ko Pasiteri cyangwa se Bishop aba agomba kuba yumva neza Bibiliya, kugira ngo afashe abakiritu neza, namwe banyamakuru Niko bigomba kugenda. Mugomba kuba mwumva neza, intego z’igihugu by’umwihariko icyerekezo 2050, hamwe na NST2, ku buryo mubyumvisha Abaturage babakurukira."
‎
‎Yvan Christian Ngabiwe, Umunyamakuru witabiriye Aya mahugurwa, avuga ko Ari ingirakamaro, mu mwuga Akora.
‎
‎"Ingengo y’ imari ni ingenzi ku buzima bw’ igihugu muri rusange nk’ umunyamakuru rero ni ingenzi kumenya byinshi ku mitegurire yayo kuko byose bishingira kuriyo. Ntiwakora inkuru ku buzima bw’ abantu n’ igihugu udasobanukiwe inkomoko y’ imari n’ imikoresherezo yayo."
‎
‎Solange AYANONE, uyobora AFRIMEDIA, yasabye abanyamakuru ko mubyo bakora birimo no guha Abaturage amakuru, bakwiye gushyira imbaraga biruseho no mu kwigisha Abaturage, Ari nayo mpamvu bateguriwe Aya mahugurwa, ku bijyanye n’ingengo y’imari y’igihugu.

‎Ati, "Kumenya uko Ingengo y’imari itegurwa, uko ikoreshwa ndetse n’ibibazo bizamo, ni ingenzi cyane ku banyamakuru, ariko Kandi ni ingirakamaro ko mwe banyamakuru mumenya neza, Ingengo y’imari ya leta, n’ibindi. Gusa mu byo musanzwe mukora byo guha Abaturage amakuru, munongeremo imbaraga mu kwigisha Abaturage kuko kenshi na kenshi hari ubwo baba Batumva neza ibinyanye n’ingengo y’imari ya Leta."

‎Abitabiriye Aya mahugurwa Kandi, banarebeye hamwe uko Ingengo y’imari ya Leta iyo yasohotse ngo itangire gukoreshwa, haba hanatangiye igikorwa cyo gutegura indi ngengo y’imari y’umwaka ukurikiyeho.
‎
‎Ni ukuvuga igihe umwaka wa 2025-2026 watangiraga gushyirwa mu bikorwa, ni nacyo gihe hatangiye gutegurwa ingengo y’imari ya 2026-2027.
‎

Ni ibitaro biherereye mu Burengerazuba bw’igihugu ya Mianmar, mu mujyi wa Mrauk-U muri Leta ya Rakhine.

Ni mu gihe iki gihugu cyitegura amatora y’Umukuru w’igihugu, ateganyijwe ku wa 28 Ukuboza 2025, gusa igisirikare cya Myanmar ntikiragira icyo gitangaza kuri ibi bitero.

Mu minsi ishize, igisirikare cya Myanmar cyarushijeho kugaba ibitero by’indege z’intambara ku mutwe w’abarwanyi wa Arakan Army, n’indi irwanya ubutegetsi bw’icyo gihugu, mu rwego rwo kugerageza kugarura uduce twafashwe n’iyi mitwe y’inyeshyamba, ariko kivuga ko kitagamije kwica abasivili.

Itsinda rishinzwe ubuvuzi muri uyu mutwe w’iterabwoba wa Arakan Army, ryatangaje ko icyo gitero cyishe abarwayi 10.

Nk’uko amafoto yasakajwe ku mbuga nkoranyambaga yabigaragaje, zimwe mu nyubako z’ibitaro zasenyutse n’ibitanda byo kwa muganga birangirika.

Kuva igisirikare cyahirika ubutegetsi mu 2021, Myanmar yadutsemo intambara imaze guhitana abantu ibihumbi, ndetse abarenga miliyoni bavanwe mu byabo.

Nubwo icyo gihugu kiri mu myiteguro y’amatora, ariko bamwe mu banyapolitiki batavuga rumwe n’ubutegetsi bavuga ko amatora ashobora kutazaba mu bwisanzure no mu mutuzo, dore ko mu byumweru bishize ubuyobozi bwa Perezida Gen Min Aung Hlaing, bwatangiye guta muri yombi bamwe mu baturage ishinja gushaka kuzahungabanya umutekano w’amatora, harimo na bamwe bayanenze ku mbuga nkoranyambaga.

Iki gihugu cyavuze ko cyahise cyifashisha indege zacyo z’intambara mu rwego rwo kurwanya umwanzi mu buryo bwihuse, nyuma y’uko indege zirindwi z’u Burusiya n’ebyiri z’u Bushinwa zisatiriye ikirere cya Koreya y’Epfo n’ubwo zitahatinze. Gusa, Korea y’Epfo yashimangiye ko izo ndege zitinjiye neza mu kirere cyayo, ahubwo zarenze umurongo ugaragaza imbibi za Koreya y’Epfo, nk’uko byagaragajwe n’ikoranabuhanga rya Radar.

Amategeko mpuzamahanga ntiyemera ko agace gato kari hagati y’igihugu n’ikindi ari ak’igihugu runaka, ariko ibihugu byinshi usanga bibifata nk’ikosa kuba indege z’ibindi bihugu cyane cyane iz’intambara zahagera.

Muri Werurwe uyu mwaka, Koreya y’Epfo yigeze kohereza indege z’intambara muri ako gace nyuma y’uko indege z’u Burusiya na zo zari zahagaragaye, ibyashimangiraga ko hari igitero cya gisirikare kirimo gutegurwa.

Icyo gihe, indege z’u Burusiya zinjiye hafi y’ibirwa bya Ulleung na Dokdo, mu gihe iz’u Bushinwa zinjiye hafi ya Ieodo, nk’uko byatangajwe n’umwe mu bayobozi bakuru b’ingabo za Koreya y’Epfo, abishingira ku makuru y’itangazamakuru ryaho.

Nyuma yaho, indege z’impande zombi zahuriye mu kirere cyo hafi y’ikirwa cya Tsushima mu Buyapani, kuko buri ruhande rwashakaga kugaragariza urundi ubukaka bwarwo.

Ubwo yatangaga iki kirego, Minisiteri y’Ingabo ya Koreya y’Epfo yatangaje ko “izakomeza gufata ingamba zikwiye ku bikorwa byose by’indege z’amahanga mu gace ka Kadiz, hubahirizwa amategeko mpuzamahanga”.

Ikirwa cya Dokdo kivugwaho n’ibihugu bitatu aribyo Koreya y’Epfo, Koreya ya Ruguru n’u Buyapani, byose byemera ko gikwiye kubyegurirwa.

Ieodo, ibuye rinini cyane riri munsi y’amazi hafi y’ikirwa cya Jeju, na ryo ni ikibazo gikomeje guteza amakimbirane hagati ya Koreya y’Epfo n’u Bushinwa, kuko buri gihugu kirifata nk’agace kacyo ko gucungiramo umutekano wo mu kirere.

U Bushinwa bwemeje ko kuri uyu wa Gatatu bwakoze ibishoboka byose bwifashisha indege z’intambara mu gucunga umutekano wo mu kirere, bufatanyije n’u Burusiya, by’umwihariko mu kirere cy’Uburasirazuba bw’inyanja ya Pacifique. Iyi myitozo u Bushinwa bwavuze ko ari igikorwa cyo mu rwego rw’ubufatanye busanzweho, kigamije “guhangana n’imbogamizi z’akarere no kubungabunga amahoro n’umutekano”.

Guhera mu 2019, indege z’u Bushinwa n’u Burusiya zimaze kwinjira muri ako gace ka Koreya y’Epfo kenshi zitabifitiye uburengazira, cyane cyane mu gihe cy’imyitozo ya gisirikare.

U Burusiya bwo buvuga ko budaha agaciro ako gace Koreya y’Epfo yihariye icungiramo umutekano, kazwi nka Air Defense Identification Zone (ADIZ), kuko katagaragara mu masezerano mpuzamahanga, bityo kukubaha ngo ntibibe itegeko.

Haragomba kugira igikorwa kugira ngo hongerwe imbaraga mu kubungabunga ibidukikije

Umwe mu bayoboye itsinda ry’abashakashatsi bakoze iyi raporo igaruka ku kwangirika kw’ibidukikije, Prof Sir Robert Watson, yabwiye BBC ko raporo ikomeye ya UN ku rwego rw’Isi ku bijyanye n’ibidukikije yagoretswe na Leta Zunze Ubumwe za America, hamwe n’ibindi bihugu bitashakaga kwemera ibisubizo by’abahanga bakoze ubu bushakashatsi ku bidukikije.

Ni raporo igaragaza kandi ko miliyoni nyinshi z’abantu bazahura n’akaga mu bihe biri imbere, mu gihe ikiremwamuntu cyaba kidahagaritse kohereza mu kirere ibyuka bihumanya, ndetse ngo n’inkunga zishorwa mu ikoreshwa ry’ibikomoka kuri peteroli zihagarikwe igitaraganya.

Ubwo hateranaga inama y’Abakuru b’ibihugu na za Guverinoma yabereye i Nairobi mu kwezi k’Ukwakira uyu mwaka, kugira ngo bemeze ibikubiye muri iyi raporo, Leta Zunze Ubumwe za Amerika n’ibindi bihugu by’inshuti zavuze ko zidashobora kuyishyigikira.

Aba bashakashatsi bo bakomeje gutsimbarara ko batagomba kuvuguruza cyangwa kugoreka ibyo ubushakashatsi bwabo bwagaragaje. Byatumye iyi raporo isohoka idafite isuzuma rusange rikorwa n’abanyapolitiki, kandi idashyigikiwe na guverinoma, bityo bigabanya imbaraga zayo.

Prof. Sir Robert Watson, umwe mu bakoze iyi raporo, yabwiye BBC ko hari bimwe mu bihugu byiyemeje kuyitesha agaciro, agira ati “Ni ibihugu bike byafashe ibikubiye muri iyi raporo bikayitesha agaciro.”

Yavuze ko Amerika iri mu bihugu byayitesheje agaciro ku ikubitiro, nyamara ikaba itari no mu bihugu byari byitabiriye inama yamurikiwemo iyi raporo, gusa nyuma iza ije kuyitesha agaciro, itanigeze yumva ibiyikubiyemo.

Abari bitabiriye iyi nama bemeza ko imyitwarire ya Amerika n’ibindi bihugu yitambitse inzira yo kwemeza iyi raporo, maze irayigoreka.

Dr. David Broadstock, umwe mu bayoboye itunganywa ry’iyi raporo, yagize ati: “Nibwiraga ko igihe cyageze cyo kujya mu rugamba rwo guhangana n’ikoreshwa ry’ibikomoka kuri peteroli, ariko bisa nk’aho hari ibihugu byiyemeje kutava ku izima ku kohereza ibyuka bihumanye mu kirere.”

Raporo ya Global Environment Outlook isohoka buri myaka 6 cyangwa 7, kandi ni imwe mu bushakashatsi bukomeye ku Isi ku bibazo bikomeye by’ibidukikije.

Sir Robert Watson

Ubusanzwe, raporo nk’izi ziba zigomba kugira impine y’iby’ingenzi yemeranywaho ijambo ku ijambo n’ibihugu byose. Iyo bayisesengura bakemeranya ku biyikubiyemo byose, biba bisobanuye ko banemera n’ibyo abayikoze basaba, maze bigatangira gukurikizwa mu bihugu byose byayemeye.

Ariko kuri iyi nshuro nta mpine yayo yasohotse, kuko abakoze raporo n’intumwa za politiki zigera kuri 70 batigeze bumvikana, mu nama yari yuzuye ubushyamirane yabereye Nairobi.

Iyi raporo yakozwe n’abashakashatsi barenga 300 bo hirya no hino ku isi, isaba ko hibandwa ku gukemura ibibazo bikomatanyije by’imihindagurikire y’ibihe, ihumana ry’ikirere n’iyangirika ry’ubuzima bwa muntu, nubwo byagira izindi ngaruka z’ubukungu ariko nanone ngo byarengera ikiremwamuntu.

Kuva Perezida Trump yasubira ku butegetsi, yashyize imbere ikoreshwa ry’ibikomoka kuri peteroli, ndetse anakuraho imyanzuro yari igamije kurengera ikirere,anahagarika inkunga igihugu cye cyatangaga muri iyo gahunda.

‎

Abagize korali Ambassadors of Christ bateye ibiti bisaga 1,600 muri Gasabo

‎
‎Ni igikorwa cyitabiriwe n’abanyamuryango ba Ambassadors of Christ Choir, yaba ababa mu Rwanda ndetse no hanze yarwo, kuko bagaragaza ko gisobanuye byinshi kuri bo.‎

‎Kayijuka Moses watangiranye na Ambassadors of Christ Choir mu myaka 30 ishize, avuga ko uretse ibi biti bateye uyu munsi, mu rugendo rw’imyaka 30 bamaze batangiye umurimo w’Imana, banishimira ibindi bikorwa nk’iby’isanamitima bagiramo uruhare.

Yagize ati “Kuva twatangira, dufite ibikorwa byinshi dukora birimo gusura abari mu magororero nk’i Gikondo n’ahandi, dusura abarwayi kwa muganga, abihebye kubera impamvu zitandukanye, abo bose kimwe n’abandi iyo twabasuye turabaririmbira tukanabasengera. Nguwo umurimo dukora nka Ambassadors of Christ Choir.”

Ibi kandi anabihurizaho na mugenzi we Oliva Mushikiwabo, wavuze ko umurimo w’Imana bakora bahisemo kuwunyuza mu ndirimbo, ari na ko bafasha abababaye, gusa mu rwego rwo kugaragaza ko bahereye hasi none ubu bakaba bamaze kwaguka, bahisemo gutera ibiti ngo babungabunge ibidukikije ariko banagaragaze urugendo banyuzemo.

Agira ati “Iyo uteye igiti, kirakura kikagira amashami, natwe ni ko twakuze ndetse ubu dufite na bagenzi bacu baba mu mahanga baje kwifatanya natwe. Igiti rero gihura n’imbogamizi z’uko hari abagitema amashami, natwe ni iyo mpamvu hari imbogamizi muri iyi myaka yose twagiye duhura na zo, icyakora twarazirenze kubera Imana.” ‎

‎Patience Mutamba uba muri Australia, avuga ko nk’urubyiruko rwa Ambassadors of Christ Choir, baba bagomba gukora umurimo w’Imana batitaye kuho baherereye.

‎Ati "Nk’urubyiruko twumva ko dufite umukoro wo gukora umurimo w’Imana aho turi hose. Gusa impamvu yo gutera ibiti, ni uko gifite akamaro kanini mu buzima kandi kikaba kimara imyaka myinshi."

Bahamya ko igiti kigira uruhare runini mu buzima bw’abantu

‎
‎
‎Umuyobozi wa Ambassadors of Christ Choir Muvunyi Roben, yavuze ko impamvu bahisemo gutera ibiti, ari uko igiti giterwa ari urugemwe, kigakura, kikagira amashami ndetse kikamara imyaka myinshi, ndetse ngo bikaba bisa neza nk’urugendo rwabo, aho batangiye ari mbarwa none ubu bakaba basaga 200 nyuma y’imyaka 20.
‎
‎Yagize ati "Twahisemo gutera ibiti kuko bishobora kumara imyaka 500, ikaba yanarenga, ndetse twifuza gutera intambwe tugakomeza guteza imbere umurimo w’Imana. Ikindi ni uko igiti ari ubuzima, gutera ibiti ni ukurengera ibidukikije ndetse no gufatanya n’Igihugu kwesa umuhigo wo kugabanya imyuka ihumanya ikirere ku kigero cya 53% bitarenze mu mwaka wa 2029."
‎
‎Yongeyeho ko muri uru rugendo rw’imyaka 30, bafashijwe n’Imana ndetse no gukunda umurimo wayo binyuze mu ndirimbo, gusa anagaragaza zimwe mu mbogamizi bahuye na zo.

Ati "Ntabwo imbogamizi zabura mu murimo w’Imana, mwagiye mwumva impanuka twakoze ndetse tukanatakaza bamwe muri twe, ariko twarashibutse tuba umuryango mugari."

‎Mudaheranwa Regis, Umuyobozi Nshingwabikorwa wungirije w’Akarere ka Gasabo, yashimye abanyamuryango ba Ambassadors of Christ Choir, ku kuba bateye ibiti bigabanya imyuka ihumanya ikirere, asaba n’abandi banyamadini n’amatorero kubigiraho.
‎
‎Yagize ati "Kuba mwateye ibiti kandi ntimutere kimwe, ni ikigaragaza ko mubiha agaciro, ndetse kuba uyu munsi mwagize uru ruhare ni ikintu turashishikariza n’abandi banyamadini n’amatorero."

Nyuma yo gutera ibiti banaganiriye

‎
‎Dr Ivan Gasangwa, uyobora ishami ry’ubushakashatsi mu kigo cy’Igihugu cy’Amashyamba, yasabye abanyamuryango ba Ambassadors of Christ Choir kwita ku biti bateye, kuko iyo bitewe ntibyitabweho n’ubundi umusaruro byatewe byitezweho utaboneka.
Yagize ati “Ibi biti mwibitera gusa, ahubwo ni mu bikuze. Impamvu ni uko igiti nyuma yo kugitera usabwa no kucyitaho kugeza gikuze kikaguha wa musaruro wari ucyitezeho, ndetse ukaba unafashije mu kurengera ibidukikije no kugabanya ibyuka bihumanya ikirere.”
‎

Mu biti 1,600 byatewe, 30 bya mbere bihagarariye imyaka 30 y’umurimo w’lmana. Iki gikorwa kirerekana gukura, kuramba no gufasha sosiyete, kandi cyitabiriwe n’amatsinda yose agize Korali: abashinze iyi Korali, abaririmbyi b’ubu ndetse n’abana b’abayigize.

Ibindi bikorwa bizabanziriza umunsi nyamukuru wo kwizihiza imyaka 30 iyi korali imaze uzizihizwa mu mwaka utaha wa 2026, harimo kurwanya ibiyobyabwenge ku kirwa cya Iwawa, guhumuriza abarokotse Jenoside yakorewe Abatutsi mu 1994, gukora igiterane cy’ivugabutumwa mu igororero rya Nyarugenge i Mageragere ndetse n’ibindi.

Mu myaka 30 ishize, iyi Korali yatanze ubutumwa bwiza ibunyuza mu ndirimbo zo kuramya Imana, gusana no guhumuriza imitima y’abantu mu bihugu birimo Uganda, Kenya, u Burundi, Angola, Zambia, Repubulika iharanira Demokarasi ya Congo na Leta Zunze Ubumwe z’Amerika.