APR FC yanganyije na Al Marrikh SC

Wari imukino w’umunsi wa 15 wa Rwanda Premier League 2025-2026 ,aho ikipe ya APR FC yakiriyemo ikipe ya Al Merrikh SC ikomoka mu gihugu cya Sudani , mu mukino wabereye kuri stade Amahoro ku isaha ya saa cyenda zuzuye. Ni amakipe yombi yinjiye mu mukino akurikiranye ku rutonde rwa shampiyona aho ikipe ya APR FC yari ku mwanya wa gatatu n’amanota 32 ikurikiwe na Al merrikh SC yo yari ifite amanota 30. Umukino watangijwe n’ihembwa ry’umukinnyi witwaye neza kurusha abandi mu cyumweru cya 13 cya Rwanda Premier League wabaye Byiringiro Jean Gilbert ’Kagege’.

Muri uyu mukino umutoza wa APR FC, yari yakoze impinduka ebyiri mu bakinnyi basanzwe babanza mu kibuga ,aho myugariro Aliou Souane yari yasimbuye Niyigena Clement na Ruboneka Jean Bosco wari wasimbuye Umunya-Ghana Dauda Yussif.Igice cya mbere cyatangiye Ikipe ya Al Merrikh SC isatira bikomeye kuko uko iminota yagendaga ikipe ya APR FC nayo yanyuzagamo igasatira binyuze muri ba rutahizamu bayo barimo Djibril Ouattara na Mugisha Gilbert, gusa kutabyaza umusaruro uburyo amakipe yombi yagiye abona bituma igice cya mbere kirangira amakipe yombi anganya 0-0.

Igice cya kabiri cyatangiye ikipe ya Al Merrikh SC isatira bikomeye ariko umunyezamu Ishimwe Pierre akuramo imipira myinshi yaganaga mu izamu.Ku munota wa 74 APR FC yakoze impinduka Dauda Yussif asimbura Memel Raouf Dao na Denis Omedi winjiye mu kibuga asimbuye Mugisha Gilbert.Nyuma y’iminota itandatu ikipe ya Al Merrikh SC nayo yakoze impinduka ishyiramo Moussa Moise Camara winjiye asimbuye Razafimalo Gilles ,ari nako APR FC yinjizagamo Hakim Kiwanuka wasimbuye Djibril Ouattara wari wahushije ibitego bibiri byabazwe. Ku munota wa 87 ikipe ya APR FC yabonye igitego cyanzwe, ku mupira w’umuterekano Ruboneka Jean Boscon yahereje Dauda Yussif wateye ishoti rikomeye riruhukira mu izamu , ariko umusifuzi wo ku ruhande avuga ko habayemo kurarira.

Kwanga iki gitego ku musifuzi Jabo Aristote ntabwo byashimishije abakunzi ba APR FC ndetse n’abakinnyi, dore ko nyuma y’iminota itanu y’inyongera umukino warangiye amakipe yombi agabanye amanota anganyije 0-0, kapiteni Claude Niyomugabo agahita ajya ku musifuzi wanze igitego gusaba ibisobanuro byahise bituma abashinzwe umutekano bahita bajya mu kibuga gufasha abasifuzi kugira ngo basohoke mu kibuga ndetse n’umukino izakina na Al Hilal SC.

Kunganya uyu mukino, byatumye APR FC iguma ku mwanya wa gatatu n’amanota 33 aho ikurikiwe na Al Marrikh SC ku mwanya wa kane n’amanota 31 mu gihe isigaje gukina na Al Hilal SC naho Al Merrikh SC ikaba izakina na Rayon Sports tariki 21 Mutarama 2026 kuri Stade Amahoro.

Abasifuzi basohotse mu kibuga bacungiwe umutekano kubera igitego cya APR FC cyanzwe

Kapiteni wa APR FC, Claude Niyomugabo yafashwe n’abakinnyi bagenzi be ubwo yajyaga kureba umusifuzi

Abakunzi ba APR FC ntabwo bari bishimye nyuma y’umukino

Claude Niyomugabo aganira n’umusifuzi wa kane Umutoni Aline nyuma y’umukino

Umutoza wa Al Merrikh SC Darko Novic yakina APR FC yatozaga umwaka ushize

Mu mukino w’umunsi wa 14 wa shampiyona ya Rwanda Premier League wabaye kuri uyu gatanu taliki ya 2 Mutarama 2026, ikipe ya Musanze FC yatsinze Gasogi United ibitego 3-0 Uba umukino wa gatandatu ikipe ya Gasogi United.

Ni ibitego byose byinjiye mu gice cya mbere cy’umukino byatumye ikipe ya Gasogi United ijya ku mwanya wa 10 n’amanota 19 naho Musanze yo ifata umwanya wa 6 n’amanota 22

Ibitego bya Hakizimana Tithy, Katembo Lubila na Shabani Hussein byafashije Musanze kunyagira Gasogi United

Ikipe ya Gicumbi FC yari iherutse kunyagira ikipe ya Rutsiro, yari yakiriye ikipe ya Al-Hilal Omdurman kuri kigali pele stadium, umukino warangiye ikipe ya Al-Hilal ibonye itsinzi nyuma yo gutsinda Gicumbi FC ibitego 3-1 byatumye inigira imbere ku rutonde rwa shampiyona.

Umukino wa Gicumbi wabanjirijwe n’umunota wo kwibuka NDAYIRAGIJE Jean Bosco iherutse kwitaba Imana, uyu Ndayiragije yayibereye umukinnyi ndetse akaba yarigeze no kuba umuyobozi ushinzwe ubuzima bw’abakinnyi (Team Manager) ba Gicumbi.

Ni umukino watangiye ikipe ya Al hilal isatira bikoye izamu ry’igikipe ya Gicumbi FC, ariko umunyezamu wa Gicumbi FC Ahishakiye Hertier akomeza kwitwara neza, ku munota wa 12 ku kutumvikana hagati ya myugariro n’umunyezamu ba Gicumbi, Al Hilal yafunguye amazamu ku gitego cyatsinzwe na rutahizamu Emmanuel Flomo wari wisanze imbere y’izamu wenyine.

Habura iminota 3 gusa ngo igice cya mbere kirangire, umunyezamu wa Gicumbi FC Ahishakiye Hertier yongeye gukora amakosa Al Hilal itsinda igitego cya kabiri cyatsinzwe n’umunya Mali Adama
Koulibary maze amakipe yombi ajya kuruhuka ikipe ya Al Hilal iri imbere.

Igice cya kabiri cyaranzwe n’impinduka ku mpande zombi, gusa ukabona ko ikipe ya Al Hilal yakomeje kuyobora umukino, ku mu nota wa 72 Ndikumana Arteta yaje kubonera igitego cya mbere ikipe ya Gicumbu FC ku mupira mwiza yari ahawe na rutahizamu Lola Kanda Moses, maze Gicumbi isa nitangiye gutuza kuko yizeraga ko kwishyura bishoboka.

Nyuma y’igihe gito asimbuye, Aksante Dieu merci wa Gicumbi FC yaje kubona ikarita y’umutuku ibi byatumye ikipe ya Al Hilal ibona icyuho maze ku munota wa 86, ikipe ya Al Hilal ibona igitego cya gatatu cyatsinzwe na Emmanuel Flomo ku kazi gakomeye kari gakozwe na rutahizamu Mazin Fadol wari winjiye mu kibuga asimbuye.

Nyuma yo gutsinda ikipe ya Gicumbi FC, ikipe ya Al Hilal yafashe umwanya wa 9 n’amanota 20 mu mikino 10 imaze gukina, naho Gicumbi yo ifata umwanya wa 11 n’amanota 18.

Ibi yabinyujije mu butumwa burambuye yageneye abafana, abakinnyi ndetse n’ubuyobozi bwa Kiyovu Sports aho yavuze ko "Ndashaka kuvuga bimvuye ku mutima wanjye. Imikino ibiri iheruka yaratubabaje twese kandi nzi icyo muba mwiteze kuri njyewe uko kingana no ku ikipe yose muri rusange, ndemera ibyo nakoze, cyane cyane igihehe nataga hasi igitambaro cya kapiteni nyuma yo gusimbuzwa."

Amiss Cedric yakomeje avuga ko uku guta igitambaro cya kapiteni hasi ku mukino batsinzwemo na Al Merrikh 2-0 ku wa Mbere w’iki Cyumweru atari agambiriye gusuzugura abafana, abakinnyi cyangwa ibirango by’ikipe.

Ati" Cyari igihe cy’uburakari, nta kindi. Ntabwo nari ngambiriye kubahuma ikirango cy’ikipe, abafana, abakinnyi bagenzi bange cyangwa ubuyobozi, nari nirakariye njyewe ubwanje, nta wundi muntu uwo ariwe wese ariko ndabyunva uko byagaragaye kubw’byo ndasaba imbabazi cyane, iyi kipe isobanuye byose kuri njyewe, inkunga yanyu isobanuye byose kuri njye, ndasaba imbabazi buri umwe narabatengushye kandi ndabasezeranya ko nigiye kuri ibi kandi nzagaruka nkomeye kurushaho."

Ibi byose yabyanditse nyuma y’ibaruwa yo ku wa 25 Ugushyingo 2025 yahawe n’ubuyobozi bwa Kiyovu Sports yamuhagarikaga imikino ibiri adakina nyuma yo kwivumbura ubwo yasimburwa haba ku mukino wahuje Kiyovu Sports na Gasogi United ku wa Gatanu w’icyumweru gishize kuri Stade Amahoro ndetse n’uwo ku wa Mbere w’iki Cyumweru kuri Kigali Pele Stadium yombi batsinzwemo 1-0 ba 2-0.

Ni umukino Rayon Sports yakinnye yakoze impinduka nyinshi mu bakinnyi 11 bari basanzwe babanza mu kibuga, aho abarimo umunyezamu Pavel Ndzila, Bigirimana Abed, Serumogo Ally, Niyonzima Olivier Seif batagaragaye no ku rutonde rw’abakinnyi bari gukina uyu mukino muri rusange kongeraho Tambwe Gloire wavunitse.

Mu bakinnyi basanzwe basimbura babanje mu kibuga harimoTony Kitoga na Ishimwe Fiston bakinaga hagati, Adama Bagayogo wakinaga ku ruhande, Sindi Paul Jesus wakinaga ku ruhande rw’ibumoso yugarira, Mugisha Yves wasimbuye Pavel Ndzila mu izamu na Bayisenge Emery wakinaga mu mutima w’ubwugarizi.Iyi kipe yatangiye umukino igerageza gusatira ariko ba myugariro na AS Kigali bayobowe Isaac Eze na Onyeabor Franklin bakababera ibamba, byatumye igice cya mbere kirangira ari 0-0.

Igice cya kabiri cyatangiye Ikipe ya Rayon Sports igerageza uburyo imbere y’izamu Rya AS Kigalia ariko umunyezamu wayo Kanuma Pascal akabyitwaramo neza. Ku munota wa 60 Rayon Sports yakoze impinduka ikuramo rutahizamu Habimana Yves ishyiramo Harerimana abdelazizi, maze.

Ku munota wa 70 AS Kigali yabonye kufura yatewe neza umupira ugahabwa Nshimiyima Tharcisse wari ahagaze neza hanze y’urubuga rw’amahina, maze agahita arekura ishoti rikomeye riruhukira mu rushundura rw’ikipe ya Rayon Sports, ibona igigego cya mbere.

Rayon Sports yongeye gukora Impinduka ikuramo Adama Bagayogo, Ishyiramo Rutahizamu Ndikumana Asman wari umaze amezi abiri adakina kubera imvune, inakomeza kugerageza uburyo bushoboka ngo yishyure igitego ariko, abasatari bayo bananirwa kububyaza umusaruro.

Ku munota wa 80, Olivier Dushimimana yatsindiye AS Kigali igitego cya kabiri kuri koroneri yari itewe Neza na Ndayishimiye Didier, umukino unarangira itsinze Rayon Sports ibitego 2-0, bishimangira imikino ibiri yikurikiranya iyi kipe ikundwa na benshi itsindwa, nyuma yo gutsindwa na APR FC 3-0 ku munsi wa karindwi.

AS Kigali yishimira igitego cya kabiri

Mu wundi mukino wabaye, ikipe ya Mukura VS iwayo yahatsindiwe na AS Muhanga ibitego 2-1 byatsinzwe na Twizerimana Onesme kuri penaliti ku munota wa gatandatu na Shingiro Honore ku munota wa 22 mu gihe Joseph Sackey yatsindiye Mukura VS yari mu rugo ku munota wa 17.

Muri ubu buryo bushya amakipe y’ibihugu yose azitabibira iyi mikino y’ijonjora azaba agabanyije mu matsinda 13, aho ibihugu bitatu bizakira byo bifite itike. Amakipe 13 azaba aya mbere mu matsinda azaba aherereyemo azahita abona itike yerekeza mu mikino ya nyuma naho atatu yabaye aya kabiri meza mu matsinda 13 abone itike yo gukina imikino ya nyuma ako kanya bijyanye n’uburyo yitwaye mu mikino yayahuje n’ikipe izaba yabaye iya mbere ndetse n’iya gatatu mu itsinda aherereyemo.

Andi makipe icumi yatsinzwe neza akaba aya kabiri mu matsinda , azahura hagati yayo yishakemo andi makipe atanu azahita yiyongera kuri 19 azaba amaze kuboneka yuzuze amakipe 24 agomba kuzitabira imikino ya nyuma y’igikombe cya Afurika 2027.

Tombora y’uko amakipe azaba agabanyije mu matsinda yo gushaka itike y’Igikombe cya Afurika 2027 iteganyijwe ku wa 19 UKuboza 2025 i Rabat muri Maroc, saa tatu z’ijoro.Iyi mikino iteganyijwe kuzatangira muri Werurwe 2026 aho hazakinwa imikino ibiri, ndetse no muri Nzeri n’Ukwakira 2026 hazakinwa imikino ine mu gihe imikino ya kamarampaka yo iteganyijwe mu Ugushyingo 2026.

Ubu buryo bushya buje busimbura ubwari busanzwe aho amakipe y’ibihugu 48 yabaga agabanyije mu matsinda 12, buri tsinda rigizwe n’amakipe ane, abiri ya mbere mu itsinda agahita abona itike yerekeza mu mikino ya nyuma.

Ni imikino yakinwe vuva ku wa 24 Ukwakira 2025, ibimburirwa n’umukino Gicumbi FC yatsinzemo Gasogi United, usozwa n’umukino wabaye ku wa 26 Ukwakira 2025, ikipe ya Marine FC itsindirwa mu rugo na Police FC 2-1 mu karere ka Rubavu. Imikino imwe nimwe yagaragayemo amakosa y’imisifurire, byatumye bamwe mu banyamuryango ba Rwanda Premier Peague bandikira Komisiyo ishinzwe imisifurire basaba ubutabera.Amakipe yanditse asaba kurenganurwa ndetse n’ubusobanuro yari arangajwe imbere na Bugesera FC , Amagaju FC, ndetse na APR FC.

Umukino watumye abenshi bibaza byinshi wahuje ikipe ya Bugesera FC na AS Muhanga wabaye ku wa 25 Ukwakira 2025 ubera mu Bugesera. Komisiyo ishinzwe imisifurire ivuga ko yakoze ubusesenguzi bw’umukino, igendeye kuri raporo ya komiseri w’umukino, n’amashusho y’umukino, ihasanga ku munota wa 20, umunyezamu Hategekimana Bonheur wa AS Muhanga yararenze urubuga rw’amahina, akagarura umupira n’amaboko yombi.

Iyi Komisiyo ivuga ko yakoze ikosa risobanurwa mu rurimi rw’Icyongereza nka "Denying an obvious goal-scoring opportunity" (DOGSO)" ryo kubuza uburya uburyo bwari kuvamo igitego rihanishwa umupira w’umuterekano ndetse n’ikarita itukura, ariko abasifuzi bakaba bararetse umukino ugakomeza nta kosa basifuye.

Kuri uyu mukino kandi, Komisiyo yavuze ko ku munota wa 45 w’igice cya mbere, umupira wakoze ku kuguru k’umusifuzi umupira uri gukinwa, aho yagombaga guhagarika umukino agakurikiza uko amategeko abiteganya ariko akaba yararetse ugakomeza hakanavamo n’igitego cya AS Muhanga, bityo komisiyo igendeye ku itegeko rigenga abasifuzi ryo muri 2019, KWIZERA Olivier wari hagati mu kibuga akaba yahagaritswe ibyumweru bitanu nk’uko amategeko abiteganya.

Mbonigena Seraphin wari umusifuzi wo ku ruhande we yahagaritswe ibyumweru bine, nyuma y’uko yo gusanga yarakoze ikosa ryo kudafasha umusifuzi mu kumenya ko umunyezamu yakoreye umupira hanze y’urubuga rw’amahina, kandi biri mu nshingano ze. Undi mukino wari watanzwemo ikirego wabaye ku wa 24 Ukwakira 2025, Rayon sports yakiriwe n’Amagaju FC kuri Kigali Pele Stadium. Muri uyu mukino Amagaju FC yagaragaje kutishimira icyemezo cy’umusifuzi, agaragaza ko umukinnyi wayo Rwema Amza nta kosa yakoze ku munota wa 23 ryatuma ahabwa ikarita itukura.

Komisiyo igendeye ku mashusho ifite, inagendeye kuri raporo ya komiseri w’umukino, yasanze bigaragara ko umusifuzi yari ari hafi y’ahabereye igikorwa, abireba neza, ivuga ko umusifuzi yafashe icyemezo gikwiriye.

Ku mu mukino wahuje Kiyovu Sports na APR FC ku wa 25 Ukwakira 2025, komisiyo ishinzwe imisifurire yasuzumye ubusabe bw’ikipe ya APR FC bwo ku wa 27 Ukwakira 2025, maze imaze kureba neza amashusho, isanga umusifuzi yarafashe ibyemezo bikwiriye mu mukinο, haba kuri penaliti APR FC yavugaga ko yakabaye yarahawe ku ikosa ryakorewe Denis Omedi ndetse n’ikarita y’umutuku yahawe Ronald Ssekiganda.

Imisifurire ikomeje guteza inkeke, haba mu bakunzi ndetse n’abanyamuryango ba Rwanda Premier League, gusa inzego zirimo ubuyobozi bwa shampiyona ndetse na FERWAFA bukaba buvuga ko bukomeje gufata ingamba zirimo no kuba hari no gutekereza uburyo mu bihe bya vuba hakwifashishwa ikoranabuhanga rya VAR.

Perezida wa FERWAFA, Shema Ngoga Fabrice yagizwe umwe mu bagize Akanama Gashinzwe Kurwanya Irondaruhu ndetse n’Ivangura, Anne Lise Alida Kankindi usanzwe ari umuyobozi mu ikipe ya AS Kigali, agirwa umwe mu bagize Akanama Gashinzwe Ikoranabuhanga, Guhanga Ibishya no kujyanisha n’igihe ruhago.

Shema Ngoga Fabrice na Anne Lise Kankindi, basanze muri FIFA, Ambasaderi Martin Ngoga asanzwe ari Umuyobozi w’Akanama Gashinzwe imyitwarire, inshingano arimo kuva muri Gicurasi uyu mwaka gusa yari asanzwe anarimo kuva mu 2021.

Aba bayobozi bose bashyizwe muri izi nshingano, bazibamo mu gihe kingana n’imyaka ine ariko bakaba bashobora kugira manda eshatu zitandukanye.

Ni umukino watangiye ku isaha ya saa cyenda zuzuye, ikipe ya AS Muhanga yari iri imbere y’abakunzi bayo itangira isatira izamu binyuze ku ruhande rw’iburyo rwakinagaho Kubwimana Cedric ’Jay polly’ na Niyonizeye Telesphore ’Foden’ bageragezaga uburyo bwinshi imbere y’izamu ariko umunyezamu James Desire akababera ibamba mu gihe Kiyovu Sports nayo yanyuzagamo igasatira binyuze kuri kapiteni Amiss Cedric wateraga amashoti ya kure ariko bikaba iby’ubusa.

Ku munota wa 34 w’umukino kiyovu Sports yabonye uburyo bwashoboraga kuvamo igitego ubwo umukinnyi wa AS Muhanga Niyonkuru Jean Pierre yatakazaga umupira imbere y’izamu ugafatwa na rutahizamu wa Moise Sanja wacenze umunyezamu wa AS Muhanga ariko umupira ananirwa kuwushyira mu rucundura.

Ubwo igice cya mbere cy’umukino cyari hafi kurangira, ku munota wa 44 w’umukino Kiyovu Sports yabonye ubundi buryo bukomeye ku mupira w’umuterekano nyuma y’ikosa ryari rikorewe kuri Cherif Bayo maze Nsanzimfura Keddy awuteye uca hejuru y’izamu igice cya mbere kirangira amakipe yombi anganya 0-0.

Mu gice cya kabiri cy’umukino ikipe ya AS Muhanga yatangiranye impinduka aho umutoza Gatera Mussa yasimbuje Twizerimana Martin Fabrice utitwaye neza mu gice cya mbere yinjiza mu kibuga Nishimwe Blaise. Nubwo hari habaye izi mpinduka ikipe ya Kiyovu Sports yakomeje kwiharira umupira ina gerageza kurema uburyo bwinshi imbere y’izamu rya AS Muhanga yari yasubiye inyuma.

Mu buryo bugaragara, ibyo Kiyovu Sports yakoraga byayihiriye mu minota ya nyuma y`umukino ubwo Niyo David winjiye mu kibuga asimbuye yatsindaga igitego ku munota wa 87 w’umukino cyahesheje intsinzi Urucaca, rugasoza uyu mukino rutsinze igitego 1-0 runabonye amanota atatu yarwo ya mbere. Uyu mukino watumye ikipe ya Kiyovu Sports igira amanota atatu kuri atandatu imaze gukinira mu gihe AS Muhanga yari imaze imyaka ine ikina icyiciro cya kabiri itari yabona inota na rimwe dore ko iheruka gutsindwa na Gorilla FC igitego 2-0.

Undi mukino wabaye uyu munsi, ikipe ya Rutsiro FC yari yakiriye Gasogi United kuri Stade Umuganda nayo ihatsindirwa ibitego 3-2.

Mu bahungu, umukino watangiye ikipe y’igihugu ya Uganda iyoboye, dore ko iyi kipe yari ishyigikiwe n’abafana benshi bari buzuye stade ya Lugogo iherereye mu mujyi wa Kampala isanzwe yakira abafana bagera ku bihumbi cumi na bitanu.

Mu minota ya mbere, ikipe ya Uganda yaje gushyiramo ikinyuranyo cy’amanota agera ku munani u Rwanda rutarakoramo, ariko binyuze muri bamwe mu nkingi za mwamba, ikipe y’igihugu y’u Rwanda igenderaho bayobowe na Kayijuka Dylan, baza kwisubiraho bagabanya igihunga bari batewe n’abafana, batangira gutsinda amanota gake gake, banagabanya amakosa menshi yabagaragayeho mu ntangiriro z’umukino bagerageza kugabanya ikinyuranyo. Agace ka mbere karangiye ikipe y’igihugu ya Uganda iyoboye n’amanota 19 kuri 17 y’u Rwanda.

Mu gace ka kabiri, amakipe yagaragaje gukanirana cyane, igihunga cyinshi, amakosa menshi yo gutakaza imipira ndetse no guhusha amanota cyane cyane ku mpande zombi, ariko abasore b’Abanyarwanda bagaragaje imbaraga mu mpera z’agace ka kabiri, baza gukosora amakosa yo gutakaza imipira myinshi, birangira u Rwanda ruyoboye ku manota 34 kuri 29 ya Uganda.

Agace ka gatatu katangiye abasore b’ikipe y’u Rwanda bafite igihunga cyinshi baterwaga n’abafana, ibi biza gutuma ikipe y’igihugu ya Uganda iva inyuma ivanamo ikinyuranyo cy’amanota atanu u Rwanda rwari rwashyizemo , ariko abasore b’ikipe y’igihugu y’u Rwanda ntibacitse intege bakomeje barahatana , aka gace ka gatatu karangira amakipe yombi anganya amanota 46-46.

Ikipe y’igihugu y’u Rwanda yatangiye agace ka kane iri imbere, gusa Uganda na yo yakomezaga kongera imbaraga mu gutsinda amanota menshi dore ko u Rwanda rwari rwujuje amakosa. Buri kosa ryose abasore b’ikipe y’u Rwanda bakoraga bahanwaga , babifashijwemo n’umukinnyi Tejan Rugette wagoye cyane ikipe y’u Rwanda. Mu minota ibiri ya nyuma ikipe ya Uganda yatsinze amanota menshi, dore ko abasore b’ikipe y’u Rwanda bakoraga amakosa menshi bakanatakaza imipira myinshi. Umukino warangiye ikipe y’igihugu ya Uganda itsinze ku manota 69-66 y’u Rwanda ku kinyuranyo cy’amanota atatu.

Mu bakobwa, ikipe y’igihugu ya Uganda yegukanye igikombe itsinze ikipe y’igihugu y’u Rwanda amanota 82-52.

Denis Onyango wabaye umunyezamu ukomeye w’ikipe y’igihugu ya Uganda mu mupira w’amagaru na we yari yaje kwihera ijisho uyu mukino.

Kayijuka Dylan ni we wasoje iri rushanwa atsinze amanota menshi.

Aya makipe yombi yari ahagarariye Uganda yahise abona itike yo kuzakina imikino ya nyuma y’igikombe cya Afurika izabera muri Afurika y’Epfo, mu mikino yo gushaka itike yo kwitabira igikombe cy’Isi cy’abatarengeje imyaka 19 kizaba mu mpeshyi y’umwaka utaha wa 2025.

Ku munota wa cumi na kabiri, ikipe y’u Busuwisi yafunguye amazamu ku gitego cyatsinzwe na Kwado Duah. Igitego cya kabiri cyatsinzwe na Michel Aebischer ku munota wa mirongo ine na gatanu, igice cya mbere kirangira ikipe y’u Busuwisi iyoboye ku bitego bibiri ku busa.

Igice cya kabiri cyatangiye ikipe ya Hongiriya isatira cyane, iza kubona igitego ku munota wa mirongo itandatu na gatandatu gitsinzwe na rutahizamu Barbanas Varga. Umukino ugana ku musozo ku munota wa mirongo icyenda na kabiri, rutahizamu w’ikipe y’u Busuwisi, Breel Embolo aza gushyiramo agashinguracumu atsinda igitego cya gatatu, umukino urangira ku bitego bitatu by’u Busuwisi kuri kimwe cya Hongiriya.

Undi mukino wari utegerejwe na benshi wo mu itsinda rya kabiri rifatwa nk’aho ari ryo tsinda ry’urupfu (rikomeye), ni uwahuje ikipe ya Croatia n’ikipe ya Esipanye ubera kuri stade ya Olympiastadion. Ku munota wa 29, ikipe ya Esipanye yafunguye amazamu ku gitego cyatsinzwe na Alvaro Morata. Nyuma y’iminota itatu gusa, ikipe ya Esipanye yongeye kureba mu izamu ku gitego cyatsinzwe na Fabian Ruiz. Igice cya mbere kigiye kugana ku musozo, myugariro w’ikipe y’Igihugu ya Esipanye Dani Carvajal yatsinze igitego, igice cya mbere kirangira ikipe ya Esipanye iyoboye ku bitego bitatu ku busa.

Mu gice cya kabiri, ikipe ya Croatia yongereye imbaraga, gusa biba iby’ubusa, dore ko yaje guhusha penaliti ku munota wa 80, umukino urangira ikipe ya Esipanye itsinze ibitego bitatu ku busa.

Umukino wasoje umunsi wa kabiri, wari wahuje ikipe y’u Butaliyani n’ikipe ya Albania zibarizwa mu itsinda rya kabiri. Uyu mukino ugitangira, ikipe ya Albania yafunguye amazamu hakiri kare ku isegonda rya 23 gitsinzwe n’umukinnyi ukina hagati Nedim Bajrami, gusa ku munota wa cumi na rimwe, umusore ukina mu bwugarizi bw’ikipe y’igihugu y’u Butaliyani, Alessandro Bastoni, aracyishyura.

Nyuma y’iminota itanu, Nicolo Barella yatsinze igitego cya kabiri cy’u Butaliyani, igice cya mbere kirangira ikipe y’u Butaliyani iyoboye ku bitego bibiri kuri kimwe cya Albania. Mu gice cya kabiri, ikipe ya Albania yagarutse yakaniye cyane, gusa babura amahirwe yo gutsinda igitego, umukino urangira u Butaliyani bubonye amanota atatu ku ntsinzi y’ibitego bibiri ku busa.

Indi mikino irakomeza kuri iki Cyumweru tariki 16 Kamena 2024, aho umukino ubimburira iyindi mu itsinda rya kane uhuza ikipe ya Poland yakira ikipe y’igihugu y’u Buholandi. Ikipe y’igihugu ya Slovenia irakira Denmark naho umukino wa nyuma w’umunsi wa gatatu wo mu itsinda rya gatatu urahuza ikipe y’igihugu ya Serbia n’ikipe y’igihugu y’u Bwongereza.

Abahungu bari batangiye neza, ariko umunsi wa kabiri urabagora

Imbere y’abafana benshi bari baje gushyigikira ikipe y’igihugu ya Uganda, u Rwanda rwaje gutakaza umukino wa kabiri. Ni umukino watangiye abasore b’ikipe y’igihugu y’ u Rwanda bayoboye dore ko basoje agace ka mbere bari imbere y’ikipe y’igihugu ya Uganda ku manota 15 kuri 11 ya Uganda.

Abasore b’u Rwanda bari batangiye neza ariko baza gutsindwa uyu mukino

Gusa ntibyaje gukomeza gutya dore ko mu gace ka kabiri abasore b’ikipe y’igihugu ya Uganda baje kwiminjiramo agafu bakagabanya imipira myinshi batakazaga ndetse baza kongera imbaraga mu gutsinda amanota menshi arimo guterera kure byabaheshaga amanota 3, babifashijwemo n’umukinnyi wazonze ikipe y’u Rwanda Mukisa Nkungwa, ikipe y’igihugu ya Uganda isoza igice cya mbere iyoboye ku manota 30-22.

Mu gace ka gatatu umutoza w’ikipe y’igihugu ya Uganda yaje kongera imbaraga mu ikipe ye aho yaje gushyiramo umukinnyi Kagaba Musiime akomeza kugora cyane abasore b’u Rwanda anatsinda amanota menshi yakomezaga guca intege ikipe y’u Rwanda. Iipe ya Uganda yakomeje kuyobora isoza agace ka gatatu ikiyoboye ku manota 61-29.

Mu gace ka kane ikipe ya Uganda yakomeje kuyobora umukino irusha cyane ikipe y’u Rwanda iza gusoza uyu mukino itsinze ku kinyuranyo cy’amanota 29 birangira igize igiteranyo cy’amanota 78 kuri 49 y’u Rwanda.

Mu bakobwa ikipe y’igihugu y’u Rwanda yatsinzwe na Tanzania amanota 70-69, uza kuba umukino wa kabiri abakobwa b’u Rwanda batakaje nyuma yo gutsindwa ku munsi wa mbere n’ikipe y’igihugu ya Uganda.

Abakobwa b’u Rwanda batsinzwe umukino wa kabiri

Mu yindi mikino yabaye mu bakobwa ikipe y’igihugu ya Uganda yatsinze irusha cyane ikipe y’igihugu ya Kenya amanota 97-47, mu bahungu ikipe y’igihugu ya Kenya yatsinze Tanzania amanota 95-81. Indi mikino itegerejwe kuri uyu wa Kabiri aho ikipe y’u Rwanda mu bahungu ikina na Tanzania naho mu bakowa ikipe y’igihugu y’u Rwanda ikine na Kenya.

Binyuze mu rugendo rwari rwateguwe n’ishyirahamwe ry’umupira w’amaguru muri Croatia (HNS) riyobowe na Perezida Marijan Kustic, ikipe y’igihugu yose ya Croatia irimo bamwe mu bakinnyi bakomeye bakina ku mugabane w’i Burayi barimo Luka Modric ari nawe kapiteni w’ikipe y’igihugu, Lucas Vasquez ukinira Real Madrid, Josko Gvardiol ukinira ikipe ya Manchester City, n’abandi bakinnyi benshi bakomeye basuye ingoro ya Papa ibarizwa mu mujyi wa Vatican.

Ikipe y’igihugu ya Croatia i Vatican yakirwa na Papa Francis mbere yo gukina #Euro2024

Bayobowe n’umutoza w’ikipe y’igihugu ya Croatia Zlatco Dalic, abakinnyi b’ikipe y’igihugu ya Croatia bakiriwe na Papa Francis abanza kubashimira bimwe mu bikorwa by’indashyikirwa iyi kipe yagezeho mu bihe byashize harimo uburyo bitwaye neza mu gikombe cy’isi cyabaye mu mwaka wa 2022 muri Qatar, aho iyi kipe yasoje iki gikombe iri ku mwanya wa gatatu.

Papa Francis bamugeneye impano

Iyi kipe y’igihugu ya Croatia yageneye impano Papa Francis y’umwambaro w’ikipe y’igihugu ya Croatia, wari wanditseho Franjo banamuha umupira udasanzwe wo gukina.

Papa Francis yasoje asengera ndetse anasabira amahirwe n’imigisha ituruka ku Mana ikipe y’igihugu ya Croatia mbere yo gukina imikino ya EURO 2024 izatangira kuri uyu wa 14 Kamena, abasabira ko bazaba aba mbere cyangwa aba kabiri.

Ikipe y’igihugu ya Croatia

Luka Modric kapiteni wa Croatia yakirwa na Papa Francis

Iyi kipe y’igihugu ya Croatia iherereye mu itsinda rya kabiri ari naryo tsinda ryitiriwe itsinda ry’urupfu, aho iri kumwe n’amakipe y’ibigugu arimo Espagne, u Butaliyani, na Albania, ikaba ifite akazi katoroshye dore ko yihaye intego yo gusoza iyoboye iri tsinda.

ikipe ya Croatia izakina umukino wa mbere kuwa 15 Kamena, aho izatangira ihura n’ikipe y’iguhugu ya Esipagne imwe mu makipe yibitseho igikombe cya EURO inshuro nyinshi zigera kuri eshatu. Iyi mikino izatangira ku wa 14 Kamena aho izatangizwa n’umukino w’ u Budage na Scotland.

Rutsiro FC yishimiye gusubira mu cyiciro cya mbere

Ni imikino ya kamarampaka yo guhatanira kujya mu cyiciro cya mbere mu mupira w’amaguru mu Rwanda, yahuje amakipe abiri yabaye aya mbere mu matsinda yabarizwagamo.

Ni imikino yahuje Rutsiro FC n’Intare FC zabaye iza mbere mu itsinda A, mu gihe mu itsinda B hari hazamutsemo amakipe abiri ari yo Vison FC na AS Muhanga yazamutse nyuma y’uko ikipe ya Espoir FC yo mu Karere ka Rusizi ikuweho amanota bitewe no gukinisha umukinnyi utari ufite ibyangombwa.

Iyi mikino ya kamarampaka yatangiye ku wa 22 Gicurasi 2024, aho ikipe ya Vision FC yatangiye itsinda AS Muhanga ibitego bibiri kuri kimwe mu mukino wari wabereye ku Mumena. Kuri iyo tariki kandi ikipe ya Rutsiro FC yari yanganyije umukino wa mbere n’ikipe ya Intare FC mu mukino wari wabereye i Shyorongi.

Ku munsi wa kabiri, ikipe ya AS Muhanga yari yakiriye ikipe ya Rutsiro FC mu Karere ka Muhanga tariki 25 Kamena 2024. Uyu mukino ikipe ya AS Muhanga yawutakaje itsinzwe ibitego bitatu kuri kimwe. Kuri iyo tariki kandi ikipe ya Vision FC yatsinze Intare FC igitego kimwe ku busa. Mu mukino wasozaga imikino ibanza ya kamarampaka, ikipe ya AS Muhanga yatsinze ikipe ya Intare FC ibitego bibiri ku busa. Ni mu gihe ikipe ya Rutsiro FC yari yatsindiwe iwayo kuri Stade ya Mukebera igitego kimwe ku busa na Vision FC. Ibi byahise bituma ikipe ya Vision FC isoza iyoboye mu mikino ibanza ku manota icyenda ikurikiwe na Rutsiro FC yari ifite amanota ane.

Mu mikino yo kwishyura yatangiye tariki 02 Kamena 2024 mu Karere ka Muhanga ikipe ya AS Muhanga yahanganyirije n’ikipe ya Vision FC ibitego bibiri kuri bibiri, mu gihe ikipe ya Rutsiro FC yatangiye itsinda ikipe ya Intare FC ibitego bibiri ku busa mu mukino wabaye ku Cyumweru tariki 03 Kamena 2024.

Mu mikino yabaye kuri uyu wa Gatatu tariki 05 Kamena 2024, ikipe ya Rutsiro FC yakatishije itike yo gukina imikino y’icyiciro cya mbere itsinze ikipe ya AS Muhanga ibitego bibiri ku busa, naho mu mukino wahuzaga ikipe ya Intare FC na Vision FC yamaze kubona itike yo gukina icyiciro cya mbere, ikipe ya Intare FC yatsinze ikipe ya Vision FC ibitego bitatu kuri bibiri. Ibi byahise bisiga ikipe ya Rutsiro FC iyoboye ku manota icumi, ikurikiwe n’ikipe ya Vision FC ifite amanota icumi, ku mwanya wa gatatu hari ikipe ya AS Muhanga ifite amanota ane, mu gihe ikipe ya Intare FC iri ku mwanya wa nyuma n’amanota ane.

Aya makipe yombi bidasubirwaho azakina imikino y’icyiciro cya mbere cy’umupira w’amaguru mu Rwanda (Rwanda Premier League) 2024-2025, izatangira tariki 10 Kanama 2024 ikaba izarangira tariki 30 Gicurasi 2025.

Lucas Paqueta

Mu ibanga rikomeye, ishyirahamwe rishinzwe kugenzura ibijyanye n’imyitwarire yaba mu bakinnyi, abatoza, abasifuzi, abafana ndetse n’abayobozi babarizwa mu mupira w’amaguru mu gihugu cy’u Bwongereza, hatangiwe gukorwa iperereza ku mukinnyi ukomoka mu gihugu cya Brazil, Lucas Paqueta, ukinira ikipe ya West Ham, wageze mu gihugu cy’u Bwongereza mu mwaka wa 2022 avuye mu gihugu cy’u Bufaransa mu ikipe ya Olympique Lyon aguzwe akayabo k’agera kuri miliyoni 50 z’Amayero.

Iri perereza ryatangiye gukorwa muri Kanama mu mwaka wa 2023, aho uyu mukinnyi akekwaho kuba yihesha amakarita y’umuhondo kugira ngo uwaba wamutegeye abe yatsindira amafaranga menshi. Imwe mu mikino uyu mukinnyi akekwaho kuba yarihesheje amakarita ku bushake harimo umukino ikipe wa West Ham yahuyemo na Leicester City tariki 12 Ukuboza 2022, umukino ikipe ya West Ham yakinnye na Aston Villa tariki 23 Werurwe 2023, umukino West Ham yakinnye na Leeds United tariki 21 Gicurasi 2023 ndetse n’umukino iyi kipe yahuyemo na Bournemouth tariki 12 Kanama 2023. Iyi mikino yose ashinjwa kuba yarabonye amakarita y’umuhondo ku bushake.

Uyu rutahizamu w’ikipe ya West Ham yabaye ahagaritswe igihe kigera ku mezi icyenda mu gihe icyaha kitaramuhama. Ikipe ya West Ham na Lucas Paqueta barahakana bivuye inyuma, bakavuga ko uyu mukinnyi ibyaha byose akurikiranyweho atari ukuri. Uyu mukinnyi ndetse n’iyi kipe bahawe itariki yo kujurira aho iri shyirahamwe rishinzwe imyitwarire(FA) rizakira ubujurire ndetse n’ibindi bimenyetso byose bihamya ko uyu mukinnyi atigeze akora ibyaha.

Mu gihe uyu mukinnyi yahamwa n’iki cyaha, yaba yarishe itegeko ry’ishyirahamwe rishinzwe imyitwarire mu gihugu cy’u Bwongereza (FA) rya (E5.1), ritemerera umukinnyi uwo ari we wese mu gihugu cy’u Bwongereza kugaragara mu bikorwa ibyo ari byo byose byerekeranye no gutega ku bw’inyungu runaka. Mu gihe iki cyaha cyamuhama, yahanishwa kutazongera kugaragara mu gikorwa na kimwe cya siporo ubuzima bwe bwose.

Umwambaro wanyu ni uruhu rwanjye-Ijambo ryakoze ku mitima y’abafana

Aka ni kamwe mu gace kagize ijambo Jose Mourinho yabwiye abafana ubwo yerekanwaga ndetse kanakora cyane ku mitima y’abafana bamugaragarije ko bamwishimiye, gusa yanabijeje ko nibafatanya bazagera kuri byinshi.

Yagize Ati " Mbere na mbere mbanje kubasuhuza, ubu tugiye gutangirana urugendo rushya, mfite ibyiyumviro byinshi ndetse nishimiye urukundo rudasanzwe mwanyeretse, izi n’inshingano zikomeye nahawe Kandi ngomba gusohoza, mbasezeranyije ko kuva ubu mbarizwa mu muryango wa Fenerbahce, uyu mwambaro ni uruhu rwanjye.

Jose Mournho yijeje abafana b’iyi kipe kuzabaha ibyishimo

"Umupira w’amaguru usaba umurava, ubwitange ndetse n’urukundo. dufatanyije n’abayobozi b’iyi kipe tuzagera kuri byinshi. Ndashaka gukorera Fenerbache, kuva nasinya amasezerano inzozi zanjye zabaye impamo"

Jose Mourinho yatangajwe nk’umutoza mushya w’ikipe ibarizwa ku cyiciro cya mbere mu gihugu cya Turukiya (Süper Lig), ku wa Gatandatu tariki 02 Kamena 2024 aho yakiriwe n’imbaga y’abakunzi bafana iyi kipe mu mujyi wa Istanbul, aho yasinye amasezerano y’imyaka ibiri azamugeza muri 2026.

Uyu mwambaro wanyu ni uruhu rwanjye-Ijambo ryakoze ku mitima y’abafana

Abafana b’iyi kipe ni bamwe mu bakora ibidasanzwe mu mifanire yabo ku isi

Uyu mutoza ni ubwa kabiri agiye gutoza ikipe itabarizwa muri shampiyona eshanu zikomeye ku mugabane w’i Burayi zo mu bihugu birimo u Bwongereza, u Budage, u Bufaransa, u Butaliyani, ndetse na Espagne. Uyu mutoza yabiherukaga mu mwaka wa 2004 aho yatozaga ikipe ya FC Porto akanayihesha igikombe cya UEFA Champions League.

Ni umutoza ufite ibigwi

Jose Mourinho wiyise akazina “The Special One” ni umutoza uzwiho gutwara ibikombe byinshi dore ko mu mwuga we wo gutoza amaze kwegukana ibikombe bigera kuri 26, aho yatwaranye ibikombe bigera kuri bitandatu n’ikipe ya FC Porto, atwarana ibikombe bigera kuri 7 n’ikipe ya Chelsea, atwara ibikombe bitanu n’ikipe ya Intel de Milan, atwara ibikombe bitatu n’ikipe ya Real de Madrid.

Yatwaranye kandi ibikombe bibiri n’ikipe ya Manchester united, ndetse yaje guhesha ikipe ya AS Roma igikombe cya Europa conference League ari nacyo aheruka gutwara mu mwaka wa 2022. Mu bikombe bikomeye Jose Mourinho amaze gutwara harimo ibikombe bya Uefa Champions League bibiri ndetse n’ibikombe bitatu bya Premier league.

Gutoza ikipe ya Fenerbache bihise bimugira umwe mu batoza bamaze gutoza amakipe menshi atandukanye, aho amaze gutoza amakipe 10 ari yo: Benfica, Uniao de Leiria, Porto, Chelsea, Intel de Milan, Real Madrid, Chelsea, Manchester United, Tottenham Hotspur, AS Roma, ndetse na Fenerbahce.
Uyu mutoza yitezweho kongera guhesha ikipe ya Fenerbahce ibikombe, dore ko iyi kipe iheruka igikombe mu mwaka wa 2014. Dore ko iyi kipe imaze shampiyona eshatu zikurikiranya isoreza ku mwanya wa kabiri.

Binyuze mu kiganiro yagiranye n’igitangazamakuru cyo mu gihugu cy’ u Butaliyani La Repubblica, uyu mutoza yatangajeko nyuma yo kuva mu ikipe ya Real Madrid atazongera gukora umwuga wo gutoza umupira w’amaguru, ariko mu gihe ikipe ya Real Madrid yakomeza kumwifuza cyangwa ikamwongerera amasezerano yakomeza akayitoza.

Yagize ati” Nzasoreza umwuga wo gutoza mu ikipe ya Real Madrid ariko mbere na mbere ndashaka ikindi gikombe cya Champions League, umwuga wanjye wo gutoza uzarangirira muri Real Madrid, ariko mu gihe Real Madrid yaba ikinshaka naguma hano nkayitoza”

Carlo Ancelotti ni we mutoza umaze gutwara Champions League inshuro nyinshi

Carlo Ancellotii ni umwe mu batoza babayeho bakomeye mu mateka ya ruhago ku isi hose, aho ari mu batoza bamaze kwegukana ibikombe byinshi bigera kuri 20, akaba afite umwihariko wo kuba umutoza wa mbere ufite ibikombe byinshi bya UEFA Champions League aho yatwaye ibikombe bine, aho yatwaranye ibikombe bibiri na AC Milan, anatwara ibindi bibiri mu ikipe ya Real Madrid.

Carlo Ancelloti ni we mutoza rukumbi umaze kugaragara mu mikino ya nyuma ya Champions League myinshi aho yatoje imikino ya nyuma igera kuri itandatu. Uyu mutoza akiri umukinnyi yatwaye igikombe cya European Cup cyaje guhindurirwa izina kikitwa Champions League mu 1993 inshuro zigera kuri ebyiri, ibi bihita bimugira umwe mu batwaye igikombe cya Champions League yaba ari mutoza cyangwa ari umukinnyi.

Nyuma ya Real Madrid, Carlo Ancelotti nta yindi kipe azatoza

Uyu mutoza kandi ni we wenyine rukumbi ufite agahigo ko kuba yaratwaye ibikombe bya shampiyona muri shampiyona eshanu zikomeye ku mugabane w’i Burayi mu bihugu birimo Espagne, u Butaliyani, u bwongereza, u Bufaransa ndetse n’ u Budage. Yatwaye kandi igikombe cy’isi cy’amakipe (Club World Cup) inshuro eshatu, anatwara igikombe cya UEFA Supercup inshuro enye.

Carlo Anceloti n’ikipe ya Real Madrid bategereje gukina umukino wa nyuma wa UEFA Champions League aho bazahura n’ikipe ya Borussia Dortmund y’umutoza Edin Terzic watangaje ko biteguye kuba batsinda ikipe ya Real Madrid, mu gihe Real Madrid yazatwara iki gikombe yahita ikora amateka yo kwibikaho ibikombe bya UEFA Champions League inshuro zigera kuri 15.

Uyu munyezamu yabigezeho nyuma yaho ikipe ya Union Saint-Gilloise isoje imikino ya shampiyona( Regular season) iyoboye ku manota 70, Ikurikiwe n’amakipe arimo Anderlect, Royal Antwerp, Club Brugge, Cercle Brugge na Genk. Aya amakipe ni yo yahise abona itike yo gukina imikino ya nyuma (Championship round) aho iyi kipe ya Union Saint-Gilloise yasoje ku mwanya wa kabiri n’amanota 49, aho yasoje irushwa inota rimwe n’ikipe ya Club Brugge yasoje ifite amanota 50.

Iyi kipe yahise ibona itike iyerekeza mu matsinda ya UEFA Champions League, mu gihe ikipe ya Union Saint-Gilloise izabanza igakina imikino yo guhatanira kujya mu matsinda ya Champions league izatangira mu matariki arimo 9/10 na 16/17 Nyakanga muri uyu mwaka.

Umunyezamu Maxime Wennsens

Maxime Wenssens ukiri muto ku myaka 22, afite akazi katoroshye ko guhanganira umwanya wa mbere muri iyi kipe, dore ko iyi kipe isanzwe ifite abandi banyezamu bagera kuri batatu barimo: Antony Moris ukomoka mu gihugu cya Luxembourg, akaba ari nawe kapiteni w’iyi kipe, Heinz Lindner ukomoka mu gihugu cya Austria ndetse na Joachim Imbrechts ukomoka mu gihugu cya Sweden.

Uyu mukinnyi amaze guhamagarwa n’ikipe y’igihugu Amavubi inshuro eshatu, zirimo imikino yo guhatanira itike yo kwerekeza mu mikino ya nyuma y’igikombe cy’isi kizaba mu mwaka wa 2026, ndetse n’imikino ya gicuti ibiri. Uyu munyezamu ategereje kureba ko yazakoreshwa mu mikino ibiri u Rwanda rufite muri iyi mpeshyi aho ruzakina n’ikipe ya Benin na Lesotho.

Abandi banyarwanda bakinnye amarushanwa akomeye harimo nyakwigendera Hamad Ndikumana Katauti aho yakiniraga ikipe ya APOP Kinyras Peyias FC mu gihugu cya Cyprus wakinnye EUROPA League mu mwaka wa 2009, Undi uzakina irushanwa rikomeye ni captain w’ikipe y’igihugu Amavubi Bizimana Djihad ukinira ikipe ya Kryvbas Kryvyi rih yo mu gihugu cya Ukraine uzakina imikino ya EUROPA League.

Umutoza w’ikipe y’igihugu "AMAVUBI" Torsten Spittler yagiranye ikiganiro n’itangazamakuru, asobanura uko ikipe ihagaze ubu ndetse n’ikibazo cya rutahizamu Ani Elijah uheruka guhamagarwa, aho yavuze FERWAFA ikiri kuvugana na FIFA

Yagize ati "Baracyabyigaho kuko muri iyi myaka amategeko ya FIFA yarahindutse, tugomba kubyitondera kugira ngo bizabe binyuze mu mucyo, turacyategereje igisubizo tuzahabwa na FIFA ibindi tuzabireba nyuma"

Umutoza Torsten Spittler aganira n’itangazamakuru

Yakomeje agira ati "Turateganya ko yazadukinira imikino ibiri yaba umukino wa Lesotho ndetse n’umukino wa Benin mu gihe FIFA yaba yabitwemereye, mu gihe bitaba byakunze dufite n’abandi ba rutahizamu barimo Nshuti Innocent bityo reka dutegereze icyo FIFA izadusubiza."

Yasubije ibibazo birimo icya Ani Elijah

"Twebwe nk’abatoza duhora dushaka abakinnyi beza bakinina ikipe y’igihugu, twarebye imikino myinshi ya shampiyona tubona Elijah ari umukinnyi mwiza ufasha ikipe ye, tumwegereye atubwira ko nawe yifuza gukinira ikipe y’igihugu gusa si twe dufata umwanzuro wa nyuma byo biri mu maboko ya FIFA nibishoboka ko adukinira natwe bizadushimisha"

Avuga ko bari gutegura amarushanwa abiri icya rimwe

Ati "Ntabwo turi gutegura ikipe izakina imikino yo gushaka itike y’igikombe cy’isi gusa, ahubwo turi gutegura ikipe izakina amarushanwa menshi arimo na CECAFA izaba mu ntangiriro z’ukwezi kwa Nyakanga"

"Tugerageza guhamagara abakinnyi bitwaye neza mu makipe atandukanye muri shampiyona, icyumweru cya mbere twakoranye n’abakinnyi benshi bakina imbere mu gihugu, no mu cyumweru gitaha dufite abakinnyi bagera ku icyenda bazaturuka hanze y’igihugu, tugomba kwitegura cyane kuko nyuma y’iyi mikino yo gushaka itike yo gukina igikombe cy’isi hazacamo icyumweru kimwe dutangire gukina imikino ya CECAFA Kagame Cup"

Imikino Amavubi ari kwitegura iri mu rwego rwo guhatanira itike yo kuzakina imikino ya nyuma y’igikombe cy’Isi kizaba mu mwaka wa 2026 kizabera mu bihugu birimo Leta Zunze Ubumwe za Amerika, Canada ndetse na Mexique kikazaba ari nacyo gikombe cya mbere cyakiriwe n’ibihugu bitatu. 

Muri iyi mikino yo guhatanira itike yo kujya mu gikombe cy’isi u Rwanda ruyoboye itsinda ruherereyemo rya C n’amanota 4, rugakurikirwa na Afurika y’Epfo ifite amanota 3, Nigeria n’amanota 2, Lesotho amanota 2, Zimbabwe amanota 2, ku mwanya wa nyuma hakaza Benin ifite inota rimwe (1). 

U Rwanda ruzakina imikino ibiri mu kwezi kwa Kamena, irimo umukino ruzakirwamo n’ikipe y’igihugu ya Benin tariki 06/06/2024 bakazinira i Abidjan muri Côte d’Ivoire kuri stade Stade Félix-Houphouët-Boigny, umukino wa kabiri u Rwanda ruzakirwa n’ikipe ya Lesotho ku wa 11 kamena mu gihugu cya Afurika y’Epfo mu mujyi wa Durban kuri Stade "Moses Mabhida Stadium"