Aya ni amwe mu mafoto agaragaza ubwiza bw’umujyi wa Dubai uberamo iyi nama.

Amafoto: Niyonzima Moise / Kigali Today

Habayeho umwanya wo kungurana ibitekerezo ku myitwarire iranga Intwararumuri. Ibitekerezo byatanzwe byashimangiye ko kizira gutatira igihango n’Igihugu, igihango n’Abanyarwanda ndetse n’igihango cy’abashakanye.

Insanganyamatsiko y’uyu mwiherero igira iti: "Intwararumuri: Tubigire umuco uhamye".

Madamu Jeannette Kagame wari muri uyu mwiherero, yavuze ko iyo Intwararumuri zihuye muri ubu buryo aba ari umwanya mwiza wo kongera kuganira, gusabana, ndetse no kungurana ibitekerezo.

Ibi biganiro byitabiriwe n’abayobozi batandukanye barimo Minisitiri w’Intebe, Dr Edouard Ngirente; n’abandi bagize Guverinoma, abayobozi mu bigo n’izindi nzego za Leta, abahagarariye amadini n’amatorero, sosiyete sivile n’abikorera.

Aya ni amwe mu mafoto yaranze Ihuriro rya 16 rya Unity Club Intwararumuri:

Habayeho n’umwanya wo gucinya akadiho

Kureba andi mafoto menshi, kanda HANO

Amafoto: Moise Niyonzima/Kigali Today

Mu gihe muri uku kwezi kwa Werurwe isi izirikana abagore, Kigali Today yakusanyije amafoto y’abagore bagaragaye bifashisha igare mu kazi kabo ka buri munsi, by’umwihariko bo mu Karere ka Bugesera.

Igare muri aka Karere kimwe n’ahandi hirya no hino mu gihugu, rikoreshwa mu gutwara abagenzi cyangwa imizigo, nk’uko bigenda kuri za moto cyangwa imodoka zikora ubwikorezi rusange.

Akarere ka Bugesera ni kamwe mu dufite umubare munini w’abagore batwara amagare, ndetse byatumye hatekerezwa gushingwa ikipe yabo, yiswe Bugesera Women Cycling Team yitabira amarushanwa akomeye mu gihugu

Bamwe muri aba bakobwa n’abagore b’i Bugesera usanga babyuka hakiri kare bajya gushaka amazi bitwaje igare, abandi bakaramukira mu isoko guhaha cyangwa gucuruza na bo bifashishije igare, bikaborohera mu ngendo no mu bwikorezi, nk’uko bigaragara muri aya mafoto:

Kuri iyi nshuro, ibyishimo biragaragara ku maso y’abitabiriye uyu munsi mukuru, dore ko mu myaka ya vuba ishize bitakunze ko abantu baterana bisanzuye bitewe n’icyorezo cya COVID-19 cyari cyugarije Isi.

Kigali Today yabakusanyirije amafoto y’uko byari byifashe.

Imihanda n’amasangano yayo, inyubako za Leta n’iz’abikorera, amasoko, amabanki n’ahandi hahurira abantu benshi, hagaragara amatara atuma hagaragara neza, ahandi hubatswe ibirugu nk’ikimenyetso cyo kwizihiza ivuka rya Yezu /Yesu Kirisitu, ndetse no gusoza umwaka mu birori by’Ubunani.

Umufotozi wa Kigali Today, Niyonzima Moise, yatembereye mu bice bitandukanye afata aya mafoto agaragaza uko Kigali by’umwihariko yarimbishijwe muri iyi minsi.

Amafoto:

Mu Mujyi wa Kigali rwagati, hagati yayo hatatswemo inyenyeri. Abemeramana bahamya ko inyenyeri ari yo yayoboye abanyabwenge aho Yesu/Yezu yavukiye mu Mujyi wa Betelehem

Umujyi wa Kigali warimbishijwe bidasanzwe mu myiteguro ya Noheli n’Ubunani

Inyubako y’Umujyi ni uku itatse

Ikaze ku cyicaro gikuru cya Banki ya Kigali

Rond-Point nini iri mu Mujyi rwagati yatatswe amatara yaka amabara atandukanye

Ukigera muri rond-point yo mu Mujyi, uhabwa ikaze n’ubutumwa bwa Banki ya Kigali

Rond-point yo ku Kisimenti i Remera

Umuhanda wa Kisimenti i Remera ugana mu Mugiporoso watatsweho amatara atandukanye

Ni ahantu heza abakundana basohokera

Bisaba amasaha atandatu n’iminota 20 kuva i Kigali kugera mu murwa mukuru wa Misiri ari wo Cairo. Iyo ugeze muri uyu mujyi ufata indege ikugeza mu Mujyi wa Sharm El Sheikh ari na ho haherereye Inyanja Itukura.

Umuntu umenyereye ubuzima bwa Kigali abanza kugorwa n’ubushyuhe bwo muri aka gace cyane ko bigoye kubona umuntu wambaye yifubitse.

N’amashyushyu natangiye gufata amafoto ari nako mbaza amakuru y’uyu Mujyi kugira ngo nzabare ibyo nahabonye ntarya iminwa nk’aho nabikuye kuri murandasi.

Ku mwaro w’Inyanja Itukura ni uku haba hameze, isuku ni yose

Ikintu cya mbere cyantangaje nabonye nkigera muri uyu murwa ni ibiti bitoshye ariko bambwira ko bisaba kubyitaho cyane ukabivomerera kuko utabikoze gutyo bitaramba.

Abakunda kwambara neza no kwidagadurira hafi y’Inyanja barabazirikanye

Narangajwe n’urujya n’uruza rw’abantu baba muri uyu Mujyi kuko ari Umujyi w’Ubukerarugendo n’ubwo ari ubutayu.

Byinshi bijyanye n’aha hantu wabyirebera muri aya mafoto:

Ikaze ku mucanga ukwerekeza ku nyanja itukura

Ikaze ku Nyanja Itukura

Hano baguha ikaze ukisanzura

Bamwe mu baba baje kuharuhukira bakuramo imyenda kubera ubushyuhe

Abavuye mu nyanja bicara hano bakota akazuba

Hano ni mu muhanda wo hafi y’inyanja. Iyo abagenzi bategereje imodoka ni aha baba bicaye

Hari ibikorwa by’ubucuruzi butandukanye

Ibi biti by’imikindo byuhirwa buri munsi kugira ngo bituma

Aha hacururizwa imibavu (parfum) n’amavuta bikenerwa cyane n’ababa bavuye koga mu nyanja

Inyubako zabo usanga zisa n’umweru

Iyi nyanja bivugwa ko Mose yayambukije Abisiraheli ntiwayireba n’amaso ngo ubone aho igarukira

Ku nyanja itukura hari ibikorwa remezo bikorerwamo ubucuruzi

Amafoto: Moise Niyonzima/ Kigali Today

Kuri uyu wa Kane, tariki ya 24 Ugushyingo 2022, ni bwo amarushanwa ya nyuma yo ku rwego rw’igihugu yakozwe.

Art Rwanda-Ubuhanzi igamije gushakisha no gushyigikira urubyiruko rufite impano. Ni irushanwa rizenguruka igihugu hashakishwa abanyempano mu Bugeni, Indirimbo n’Imbyino, Imideli, Ikinamico n’Urwenya, Filimi no Gufata Amafoto, Ubusizi n’Ubuvanganzo.

Amarushanwa y’Icyiciro cya Kabiri cya Art Rwanda- Ubuhanzi yatangirijwe ku mugaragaro mu Karere ka Rubavu ku wa 10 Kamena 2022.

Amajonjora y’ibanze yatangiriye mu Burasirazuba, aho ku wa 16-18 Kanama 2022, abahatana bahuriye i Kayonza.

Nyuma yo kuzenguruka igihugu cyose hatoranyijwe abahanzi 149 bageze mu cyiciro kibanziriza icya nyuma. Aba ni bo bahatanye ndetse bagomba gutoranywamo 10 muri buri cyiciro bazavamo umwe uzahembwa.

Umuhanzi uririmba, Safari Ismaël, ni umwe mu bahatanye uyu munsi.

Imbere y’akanama nkemurampaka yerekanye ubuhanga afite mu kuririmba indirimbo ziri mu mujyo wa karahanyuze.

Uyu musore w’i Rusizi yaririmbye “Rwaranyemeje” yiyandikiye na “Amahoro ku giti cy’umuntu” ya Nkurunziza François.

Nshimirimana James ni umuhanga mu gufata amafoto na we yagaragaje impano ye mu gufotora.

Yasobanuye ko yibanda ahanini ku mafoto yerekana ibihe bya kera mu mateka y’u Rwanda bifite igisobanuro runaka.

Uyu musore yerekanye amafoto yafashe arimo iyo yise “Together we can” y’abana bo ku muhanda bizeye ko imbere habo ari heza.

Ishimwe Andrée Lucette ni umunyamideli utanga icyizere, na we yamuritse imyenda akora mu budodo yifashishije ikoroshi.

Imyambaro ye ishobora kwifashisha mu gihe cy’ubushyuhe cyangwa mu mbeho, abahanzi bashobora kuyambara bagiye ku rubyiniro cyangwa bari gufata amashusho y’indirimbo n’ibindi bikorwa byabo.

ArtRwanda - Ubuhanzi ni umushinga wa Minisiteri y’Urubyiruko n’iya Siporo n’Umuco, ushyirwa mu bikorwa na Imbuto Foundation, mu gushakisha impano z’urubyiruko no kuzishyigikira kugera aho zibasha gutunga ba nyirazo.

Biteganyijwe ko ibirori byo guhemba abatsinze bizabera muri Kigali Convention Centre ku wa Gatanu, tariki ya 25 Ukwakira 2022.

Abahanzi batatu ba mbere muri buri cyiciro bazahembwa miliyoni 1 Frw mu gihe imishinga itatu ya mbere izahabwa miliyoni 10 Frw kuri buri wose.

ArtRwanda- Ubuhanzi yatangijwe bwa mbere mu 2018 ariko idindizwa n’Icyorezo cya COVID-19. Abahanzi 68 batoranyijwe mu cyiciro cya mbere bashyizwe ku isoko ry’umurimo muri Mata 2022.

Mu 2021 bari bamaze gushinga ibigo 11, byatanze imirimo ku rubyiruko rugera kuri 400 aho bashobora kwinjiza miliyoni 80 Frw.

Kureba andi mafoto menshi, kanda HANO

Amafoto: Moise Niyonzima/Kigali Today

Iyo nama izatangira kuri iki Cyumweru tariki 6 ikazageza ku 18 Ugushyingo 2022, ikazitabirwa n’ibihugu bitandukanye byo hirya no hino ku isi n’u Rwanda rurimo. Iyi nama ije ikurikira iyabaye umwaka ushize wa 2021 mu kwezi k’Ugushyingo, ikabera i Glasgow muri Ecosse.

Amafoto: Niyonzima Moise

Abiganjemo urubyiruko baherutse kwitabira inama ya YouthConnekt Africa, yabereye i Kigali mu Rwanda tariki 13 – 15 Ukwakira 2022, yiga ku buryo urubyiruko rwa Afurika rwabyaza umusaruro amahirwe rufite.

Muri iyi nama iba irimo n’ibikorwa by’imyidagaduro, ndetse abayitabiriye bakaba barahawe amahirwe yo kwifotozanya n’abayobozi batandukanye bayitabiriye. Aya ni amwe mu mafoto agaragaza bamwe muri urwo rubyiruko bahuje urugwiro n’abayobozi barimo Perezida Kagame na Minisitiri w’Intebe Dr. Edouard Ngirente.

Amafoto: Moise Niyonzima/Kigali Today

Ibi byagaragaje ko abantu atari bo gusa bagirira amerwe aka kaboga, ahubwo ko na bimwe mu bisiga na byo bishobora kuba bigakunda cyane, nk’uko bigaragara muri aya mafoto.

Amafoto: Moise Niyonzima/Kigali Today

Umwe mu bayobora ba mukerarugendo unabasobanurira iby’izo nyamaswa, yavuze ko inkomo ibyara rimwe mu mu myaka ibiri, ikabyara umwana umwe. Hari igihe ngo ishobora kubyara impanga, ariko ni gake cyane.

Ni inyamaswa imara igihe kinini cy’ubuzima bwayo mu biti, ikaba itunzwe ahanini n’amababi. Ni nyamaswa zigira urukundo cyane hagati yazo n’andi moko uretse impundu n’ibitera kuko zishobora kurya inkomo. Hagati yazo ubwazo mu muryango zirakundana kandi zikubahana.

Ntabwo byoroshye kumenya nyina w’umwana keretse igihe uyibonye yonsa, naho ubundi umuryango wose uba ugomba kwita ku bana bose. Ngo ni yo mpavu usanga n’ingabo itwaye utwana tw’uduhinja. Akana kavuka ari umweru hose kagatangira guhinduka nyuma y’ukwezi buhorobuhoro ku mezi atandatu kakaba ari umweru n’umukara nk’izindi zose nkuru.

Aha zari zirangije igikorwa

Inkomo ishobora kubaho mu gihe cy’imyaka 20. Inkomo kandi bavuga ko zibyara kuko zifitanye isano ya bugufi n’umuntu. Umubare zitera akabariro ku munsi ngo biterwa n’umubare w’ingabo zirimo kuko umuryango ugiramo ingabo nyinshi kandi zigasaranganya abagore.

Ikindi wamenya kuri izi nyamaswa, ni uko ingore ari yo isanga ingabo, atari ingabo ihitamo ingore. Inkomo ihaka amezi atandatu ikonsa umwaka n’igice, ari yo mpamvu hagati y’imbyaro n’indi habamo imyaka ibiri.

Izi nyamaswa kandi ngo ntizinywa amazi mu migezi, ahubwo zitungwa n’ayo zikura ku mababi no mu mbuto zirya.

Inkuru bijyanye:

IFOTO Y’ICYUMWERU: Wari wabona intare itera akabariro?

Menya imibereho y’intare n’uko zororoka

Umunsi wa Saint Valentin wakomotse ku mupadiri w’Umuromani witwa Valentin wabayeho ku gihe cy’umwami w’abami Claudius II ahagana mu myaka ya 269 na 273 mbere y’ivuka rya Yezu kiristu. Muri icyo gihe, tariki ya 14 Gashyantare habaga umunsi mukuru wo kwihiza umunsi w’umwamikazi Juno wafatwaga nk’imana y’abagore.

Kuri uwo munsi, abasore bandikaga amazina y’abakobwa bari mu kigero kimwe bakayashyira mu kintu, umusore yazamura izina ry’umukobwa guhera ubwo akamuherekeza bakajya kwizihiriza uwo munsi hamwe.

Ngo ibyo byatumaga abakobwa bahura n’abasore kuko mbere byabaga bibujijwe, ubucuti bwabo bugakomera bukavamo no kubana ubuziraherezo.

Ku ngoma ya Claudius igihugu cye cyaje kugarizwa n’intambara zikomeye, agira ikibazo cy’abasirikare bagomba kurwanira igihugu kubera ko abagabo bakiri batoya bangaga gusiga abagore babo ngo bajye ku rugamba.

Umwami Claudius yafashe icyemezo cyo guhagarika gushaka, ariko Saint Valentin ntiyabyakira neza. Afatanyije na Saint Marius batangira gusezeranya abantu bashaka kubana mu ibanga. Amakuru yageze ku mwami Claudius ararakara ategeka ko Padiri Valentin afatwa agafungwa.

Padiri Valentin yarafunzwe, akatirwa urwo gupfa akubiswe amahiri akanacibwa umutwe. Ngo igihe yari ategereje iherezo rye, abantu bazanaga indabyo n’ubutumwa bwo kumukomeza bakazinyuza mu idirishya.

Uyu munsi uvugwaho byinshi. Hari n’abavuga ko ubwo Valentin yari afunzwe, umukobwa w’umucungagereza yakomeje kumuba hafi, amusura kugeza igihe cyo kunyongwa. Uwo mukobwa yari afite ubumuga bwo kutabona, ariko ibitangaza byabaye mu gihe yasengeraga Valentin, yongeye kureba.

Ubwo haburaga umunsi umwe ngo Valentin anyongwe, bivugwa ko yanditse ku ruparuro amagambo agira ati: “Love from your Valentine” ni ukuvuga “urukundo rwa Valentin wawe” amushimira urukundo n’ubudahemuka yamugaragarije.

Mu Rwanda, kimwe n’ahandi henshi ku isi, abatari bake bagaragaje ko bizihiza uyu munsi, nk’uko bagaragaraga mu myambarire yiganjemo amabara y’umukara n’umutuku, bamwe ndetse bakaba bagaragaye bategura impano zitandukanye, abandi bagura indabo zo guha abakunzi babo nk’uko bigaragara mu mafoto.

Amafoto: Niyonzima Moise/Kigali Today

Ubwo natangiraga gufata amafoto, nabonye igikorwa kidasanzwe. Nitegereje neza kure aho cyaberaga, mbona umusore ufite ubuhanga bukomeye mu kwinjira mu mazi.

Ku nshuro ya mbere ubwo namubonaga abikora nagize ngo ni ku bw’amahirwe, ariko yakomeje kubisubiramo inshuro nyinshi, ava mu bwato yari atwaye, agasimbukira mu mazi, akongera akavamo agasubira mu bwato bwe.

Nahagaritse gato akazi kari kanjyanye, ntegereza ko wa musore agera hafi y’aho nari ndi kandi akirimo gukina n’amazi ndetse n’ubwato.

Yitwa Niyongira Ildephonse, umusore uri mu kigero cy’imyaka 20 y’amavuko. Yemeye kunganiriza umwanya muto, atangira no kunsobanurira imibereho ye ndetse n’ubwo buhanga agaragaza mu mazi.

Yagize ati “Ndi umurobyi wabigize umwuga. Ibi ni ibintu nkora kuva mu bwana bwanjye. Amazi ni inshuti yanjye ikomeye.”

Niyongira aroba amafi mu kiyaga cya Mirayi akayagurisha mu baturanyi be. Kuba baturanye ndetse batuye hafi y’ikiyaga, ntibivuze ko bose bazi koga cyangwa kuroba, nk’uko Niyongira yabisobanuye.

Ati “Twese dutuye hafi y’iki kiyaga, ni ho twavukiye, ariko ubuhanga mu koga no kuroba si ibya buri wese, biterwa n’impano umuntu yifitemo ndetse n’uburyo abikunda.”

Niyongira avuga ko aterwa ishema n’akazi akora k’uburobyi, akizera ko umurimo wose umuntu akoze awukunda ushobora kumubeshaho.

Umunyamakuru wa Kigali Today yatembereye muri uyu mujyi agaragaza ubwiza bwawo mu mafoto yafashe by’umwihariko mu masaha y’umugoroba.

Kureba andi mafoto menshi, kanda HANO

Intare ibwegeka mu gihe kigera ku mezi atatu n’igice ikaba ifite ubushobozi bwo kubyara hagati y’abana babiri na batanu.

Bazizanye mu Rwanda ari 7 kuri ubu zikaba zigeze kuri 45. Ibi bigaragaza ko kugira ngo zororoke na zo zikenera gutera akabariro, nk’uko iziri muri aya mafoto umunyamakuru wa Kigali Today yasanze zibirimo muri Pariki y’Akagera.

Kigali Today yanyarukiye mu bice bitandukanye bya Kigali, henshi muri uyu mujyi hakaba hagaragara imitako ijyanye no kwizihiza iminsi mikuru ya Noheli n’Ubunani, nk’uko bigaragara muri aya mafoto:

Kureba amafoto menshi, kanda HANO