Ibiganiro bagiranye byibanze ku bikorwa biri gushyirwa mu ngiro mu rwego rwo gushyiraho Ihuriro rya Politiki rihuza Ibihugu bya Afurika y’Iburasirazuba (East African Political Confederation), by’umwihariko ku ntambwe imaze guterwa mu gutegura Umushinga w’itegeko rigenga iryo huriro.

Baganiriye kandi ku ntambwe zikurikiraho zigamije kwihutisha gahunda yo kurushaho kwishyira hamwe kw’ibihugu bigize aka Karere, hagamijwe guteza imbere ubufatanye, iterambere rirambye n’imiyoborere ihamye.

Izi ntumwa zimaze iminsi mu Rwanda mu biganiro nyunguranabitekerezo ku mushinga wo guhuza inzego za politiki z’Umuryango wa Afurika y’i Burasirazuba (EAC).

Muri ibi biganiro, impuguke zakusanyije ibitekerezo by’Abanyarwanda bo mu ngeri zitandukanye, ku ngingo z’ingenzi bifuza ko uyu mushinga wazibandaho mu gihe cyo gushyirwa mu bikorwa.

Ni ibiganiro byahuje inzego zitandukanye zirimo iza Leta, Inteko Ishinga Amategeko, Urwego rw’Ubucamanza, amashuri Makuru na za Kaminuza, imiryango itegamiye kuri Leta, abikorera, urubyiruko, abagore, abafite ubumuga, imiryango ishingiye ku myemerere, amashyaka ya politiki ndetse n’itangazamakuru.

Ubuyobozi bwa EAC, buvuga ko ibi biganiro bigamije kongera uruhare rw’abaturage mu gutanga ibitekerezo ku miterere n’imiyoborere mu rwego rwo guhuza inzego za politiki z’Umuryango wa EAC ndetse no kwakira ibitekerezo by’u Rwanda mu mushinga w’itegeko rizagena imikorere y’iri huriro.

EAC, ishimangira ko uruhare rwa buri wese muri ibi biganiro ari ingenzi mu kubaka inzego zikomeye kandi zihamye zizafasha Akarere kugera ku iterambere rirambye no kurushaho gishimangira ubufatanye.

Yabigarutseho uri uyu wa Gatanu, mu nama y’ihuriro ry’ishoramari rya Bugesera ryateguwe ku bufatanye n’urwego rw’Igihugu rushinzwe iterambere (Rwanda Development Board) ndetse n’Urugaga rw’Abikorera (Private Sector Federation). muri La Palisse Hotel i Gashora.

Meya Mutabazi yagaragaje amahirwe menshi ari mu nzego zitandukanye zirimo ubwikorezi bwo mu kirere, ubukerarugendo, ubuhinzi, inganda, imiturire, ingufu zisubira ndetse n’ibikorwaremezo by’amazi, n’izindi.

Yashimangiye ko aya mahirwe atari ubutumire busanzwe gusa, maze agira ati: “Ibi si ubutumire bwo gushora imari muri izi nzego gusa, ahubwo ni ubutumire bwo gufatanya natwe mu kurema ejo hazaza h’Akarere ka Bugesera.”

Yakomeje asobanurira abitabiriye iyi nama ko Bugesera ifite umutungo kamere ukomeye, ugizwe n’ibiyaga icyenda (9), ibishanga, urusobe rw’ibinyabuzima ndetse n’ikirere cyiza gishobora korohereza ishoramari mu bijyanye n’ingufu zisubira.

Umuyobozi Wungirije w’Urwego rw’Igihugu rushinzwe Iterambere (RDB), Juliana Muganza, yagaragaje ko iterambere ry’Akarere ka Bugesera rizashingira ku bufatanye bw’abikorera bo mu Rwanda n’abafatanyabikorwa mpuzamahanga.

Yagize ati: “Inganda, ibigo by’ubwikorezi n’ububiko bw’ibicuruzwa, amahoteli, ibikorwa by’ubukerarugendo, amashuri, serivisi z’ubuzima ndetse n’ibikorwaremezo by’ubucuruzi bizagena icyerekezo gishya cy’iterambere rya Bugesera, bizubakwa n’abashoramari n’abanyemari b’Abanyarwanda bafatanyije n’abo mu Karere ndetse n’abaturutse ku rwego mpuzamahanga.”

Yongeyeho ko ubu bufatanye buzafasha kwihutisha iterambere rirambye, guhanga imirimo no guteza imbere ubukungu bw’akarere ka Bugesera District n’igihugu muri rusange.

Perezida w’abikorera mu Ntara y’Iburasirazuba, Laurien Benedata, yagaragaje ko iyi nama ibaye mu gihe gikwiye, kuko u Rwanda rukomeje kwiyubaka no kuba ahantu heza ho gushora imari.

Uyu mwana wakoze amateka, yabashije koga intera igera kuri kilometero 29 ava ahitwa i Talaimannar muri Sri Lanka agera i Dhanushkodi mu Buhinde, akoresheje amasaha 9 n’iminota 50 gusa.

Iki gikorwa kidasanzwe cyatangaje benshi ku Isi, cyane cyane bitewe no kuba uyu mwana w’imyaka 7 yarambutse aya mazi nyamara akunze kubamo ingorane ku basanzwe bakoresha iyi nzira y’amazi, zirimo imiraba ikomeye, umuyaga n’inyamaswa zo mu mazi.

Ishank Singh muri uru rugendo rwo kwambuka aya mazi, yari aherekejwe n’ubwato bw’abamufashaga kumurinda no kumukurikirana mu rwego rwo kumurindira umutekano.

Abateguye iki gikorwa bemeje ko byakozwe mu buryo bwubahirije amategeko agenga Siporo yo koga intera ndende (open water swimming), aho abakinnyi bemerewe gufashwa mu buryo bw’imirire no gukurikiranirwa hafi.

Nyina w’uyu mwana, Manisha Sinha, akunze kumwita “umwana wakuriye mu mazi,” aho avuga ko kuva afite imyaka ibiri gusa, Ishank yasimbukiraga mu mazi yose yabonaga. Yaba ibidendezi, ibiyaga bito cyangwa ibigega by’amazi, ahantu hose hari amazi, Ishank yarahageraga.

Ati: "Kuva akiri muto cyane, amazi ntiyari ikintu kimutera ubwoba, ahubwo ni ho yumvaga ko ari murugo."

Kuva icyo gihe ababyeyi be bahise babona ko ibi atari ugukina nk’abandi bana gusa ahubwo ko ari impano idasanzwe, karemano kandi ikeneye gutezwa imbere. Bavuga ko aho kumubuza kujya mu mazi, bahisemo kumushyigikira no kumufasha kuyibyaza umusaruro ndetse iyo mpano yaje gukura aho uyu munsi yamufashije kwandika amateka.

Mbere yo gukora igerageza rikomeye ryo koga mu mazi y’umuhora wa Palk Strait, Ishank yari afite icyizere gikomeye. Ati: "Nari niteguye neza guca agahigo.”

Kuri Ishank ntabwo ibyo byagaragazaga icyizere gusa, ahubwo byanerekagana uburyo yari yariteguye bihagije.

Binyuze mu bayoza be, Aman Kumar Jaiswal na Bajrang Kumar, Ishank yashyize imbaraga zidasanzwe mu kwihanganira imbogamizi yari guhura nazo. Imyitozo ye yari ikomeye cyane, aho yamaraga amasaha ane kugeza kuri atanu buri munsi ari mu mazi. Hari n’igihe yamaraga amasaha atanu yose yoga adahagaze.

Umutoza Jaiswal avuga ko Ishank yagaragaje itandukaniro kuva kera. Yagize ati: “Kuva mu ntangiriro, yashoboraga koga intera ndende adafite ubwoba.”

Uko kudatinya kongeraho imyitozo ihamye n’impano karemano yifitemo ni byo byabaye inkingi ikomeye y’urugendo rwa Ishank, cyane cyane mu rugamba rwe rwo kwambukiranya umuhora wa Palk Strait.

Iki gikorwa cyarushijeho kugaragaza impano n’imbaraga bidasanzwe by’uyu mwana, kikaba gitegerejweho kumufungurira amarembo mu marushanwa mpuzamahanga mu gihe kiri imbere.

Ariko ntabwo ari amagambo gusa cyangwa gushyushya inkuru gusa cyangwa ibitekerezo bidafite ishingiro kuko hari n’ubushakashatsi bubishyigikira.

Ubushakashatsi bwa siyansi bwakozwe ku buzima bw’ababyeyi bugaragaza ko koko hari itandukaniro rishobora kubaho hagati yo kubyara abahungu n’abakobwa, cyane cyane ku ngaruka bigira ku mubiri no ku gihe cyo kubaho.

Abashakashatsi batandukanye bakoze inyigo ku buzima bw’ababyeyi n’ingaruka z’abo babyaye (abahungu cyangwa abakobwa) ku buzima bwabo bwo kubaho igihe kirekire.

Nko muri Finland, hari ubushakashatsi bwamamaye cyane bwakozwe ku mibereho y’ababyeyi b’igitsina gore bwerekanye ikintu cyatangaje benshi, aho umubyeyi umubare w’abahungu yabyaye ushobora kugira uruhare ku gihe cye cyo kuramba nyuma yo kubyara.

Abashakashatsi basanze ko abagore babyaye abahungu benshi bagaragaje kugabanuka ku gihe cyabo cyo kuramba nyuma yo guhagarika kubyara, ugereranyije n’ababyaye abakobwa benshi. Ibi byatumye bamwe mu bahanga bavuga ko hari “igiciro” umubiri w’umugore wishyura bitewe n’igitsina cy’abana yabyaye, cyane cyane iyo ari abahungu benshi.

Impamvu zishobora kubitera, abahanga mu bijyanye n’ubuzima n’imiterere y’ibinyabuzima (biology) batanga ibisobanuro bitandukanye harimo ko abahungu basaba imbaraga nyinshi mu gihe cyo kuvuka no kubonsa, bigashyira umutwaro ku mubiri w’umubyeyi.

Ubushakashatsi bwakozwe na University of Helsinki, ku bijyanye n’ihindagurika ry’utunyangingo, bwagaragaje ko inda y’umuhungu ishobora kugira ingaruka zitandukanye ku mubiri w’umugore ugereranyije n’iy’umukobwa.

Ubundi bushakashatsi buherutse gukorwa nabwo bwerekanye ko umubare w’abana muri rusange ugira uruhare ku buzima bw’umubyeyi no kugena igihe cye cyo kubaho.

Ni ubushakashatsi bwakozwe na University of Helsinki, aho bwagaragaje ko abafite abana benshi cyane (barenga bane) bashobora gusaza vuba mu gihe abafite abana bake (2 cyangwa 3) bakunze kubaho igihe kirekire kurushaho. Ibi bishimangira igitekerezo cy’uko kubyara ari ingenzi mu buzima, ariko na byo bifite igipimo kidakwiye kurengwa.

Icyo abahanga bibutsa abantu, bavuga ko nubwo ubu bushakashatsi bwose bwerekana isano iri hagati yo kubyara (cyane cyane abahungu benshi) n’ubuzima bw’umubyeyi, bashimangira ko:
ibi ari ibigaragara ku rwego rusange (population level), atari ihame kuri buri muntu.

Hari n’ibindi byinshi bagiye bagaragaza bigira uruhare runini, harimo imirire, ubuvuzi
imibereho myiza ndetse n’uburyo ubuzima bw’umuryango muri rusange bwifashe.

Kandi hari ubushakashatsi bwerekana ko kuba umubyeyi ubwabyo bishobora no kongera igihe cyo kubaho ugereranyije n’utabyaye.

Ni bimwe mu byagarutsweho mu kiganiro cyatanzwe n’umujyanama wa Mbere muri Ambasade y’u Rwanda mu Busuwisi, Edmond Tubanambazi ubwo yari mu nama y’Akanama k’Umuryango w’Abibumbye gashinzwe Uburenganzira bwa Muntu (HRC62).

Bwana Edmond Tubanambazi, yagaragarije abitabiriye icyo kiganiro ibyo u Rwanda rumaze kugeraho mu kugabanya ubukene mu myaka 32 ishize kuva Jenoside yakorewe Abatutsi mu 1994 ihagaritswe.

Ati: "Nk’uko raporo ibigaragaza, ubukene bw’amafaranga bwaragabanutse buva kuri 39.8% muri 2017 bugera kuri 27.4% mu 2024. Abanyarwanda bagera kuri miliyoni 1.5 bakuwe mu bukene mu myaka irindwi."

Yavuze ko nyuma ya Jenoside yakorewe Abatutsi, ibyo u Rwanda rugezeho mu kurwanya ubukene byerekana ko imiyoborere, kubazwa inshingano ndetse n’ishoramari rirambye mu baturage bishobora guhindura ubuzima bw’Igihugu n’ubw’abagituye.

Umuvugizi wihariye ku bukene bukabije n’uburenganzira bwa muntu muri Loni, yashimye intambwe igaragara u Rwanda rumaze gutera mu kugabanya ubukene, agaragaza ko imibare y’abari mu bukene yagabanutse ku buryo bufatika kuva mu mwaka wa 2017.

Yongeyeho ko ubukene bukabije bwagabanyijweho hejuru ya kimwe cya kabiri, ibintu byatewe n’izamuka rirambye ry’ubukungu n’amategeko n’ingamba za Leta zinoze.

Ibi byagezweho, nk’uko byagaragajwe, bishingiye ku miyoborere ihamye, politiki zishingiye ku mibereho myiza y’abaturage, ndetse n’ishoramari rikomeye mu iterambere ry’abaturage.

Tubanambazi niho yabishimangiye agira ati: “Ibyagezweho n’u Rwanda si impanuka, ahubwo ni umusaruro w’imiyoborere igamije gushyira ku isonga abaturage, igenamigambi rirambye, no gushyira imbere iterambere ry’umuturage.”

U Rwanda rukomeje gushimangira ko urugendo rwo kurwanya ubukene nubwo rukiri rurerure, rwiyemeje gukomeza gushyira imbaraga mu ngamba zigamije imibereho myiza y’abaturage bose, cyane cyane abari mu byiciro byugarijwe n’ubukene.

Yagaragaje kandi ko u Rwanda rwiyemeje kurushaho kunoza igenamigambi ryarwo hibandwa cyane ku bakene n’abatishoboye kurusha abandi, harimo abafite ubumuga, abageze mu zabukuru n’imiryango iyobowe n’abagore.

Tubanambazi yavuze ko mu rwego rw’ubuzima, uyu munsi Umunyarwanda abarirwa imyaka 70 y’icyizere cyo kubaho. Yerekanye ko ibyo biterwa na gahunda zirimo gukingira abana mu byiciro byose, ubwishingizi bw’ubuzima (mutuelles de santé), aho abaturage babwitabira ku kigero kiri hejuru ya 90%.

Yakomeje agira ati: "U Rwanda rwiyemeje byimazeyo kurandura ubukene bukabije, gushimangira gahunda zo kwita ku mibereho myiza y’abaturage, ndetse na gahunda zo kuzamura ubukungu zigamije kugira uruhare rugaragara mu guteza imbere imibereho ya buri muturage."

Tubanambazi yavuze ko u Rwanda ruzashyira mu bikorwa inama zatanzwe zihuje n’imiterere y’igihugu n’ibikeneye gushyirwamo imbaraga mu buryo bwihuse.

Iyi nama ya HRC62 yagaragaje kandi uruhare rw’ibihugu bitandukanye mu gushyira imbere uburenganzira bwa muntu, no gushaka ibisubizo birambye ku bibazo byugarije isi, birimo n’ubukene bukabije.

Imibare igaragaza ko igiteranyo cy’ubucuruzi mpuzamahanga (ibitumizwa n’ibyoherezwa hamwe) cyageze kuri miliyoni 1,892.91 z’amadorari ya Amerika mu 2026, kivuye kuri miliyoni 1,995.26 z’amadorari cyariho mu gihembwe cya mbere cya 2025.

Ku ruhande rw’ibitumizwa mu mahanga, u Rwanda rwatumije ibicuruzwa bifite agaciro ka miliyoni 1,332.21 z’amadorari mu gihembwe cya mbere cya 2026, bivuye kuri miliyoni 1,379.05 z’amadorari mu gihe nk’icyo cya 2025, bivuze igabanuka rya 3.4%.

Ibicuruzwa byoherezwa mu mahanga byo byagabanutse ku rugero runini kurushaho, aho byageze kuri miliyoni 366.85 z’amadorari mu 2026, bivuye kuri miliyoni 480.82 z’amadorari mu 2025, bingana n’igabanuka rya 23.7%.

Nubwo bimeze bityo, ibyo u Rwanda risubiza mu mahanga byarazamutse ku buryo bugaragara. Mu gihembwe cya mbere cya 2026, byinjirije Igihugu miliyoni 193.84 z’amadorari, bivuye kuri miliyoni 135.39 z’amadorari mu 2025, bingana n’izamuka rya 43.18%.

Iyi mibare igaragaza ko nubwo hari igabanuka mu byoherezwa mu mahanga, izamuka rya serivisi rishobora gukomeza kugira uruhare rukomeye mu kuzamura ubukungu bw’u Rwanda mu bihe biri imbere.

Iri tsinda ryahuye na Perezida Kagame ririmo Daniel Libeskind, washinze akaba n’Umunyabugeni Mukuru wa Studio Libeskind, Nina Libeskind, umwe mu bayishinze, Stefan Blach, umufatanyabikorwa wabo ndetse na Holm Keller, Perezida wa kENUP Foundation.

Uyu mushinga mushya wo gushyiraho icyo kimenyetso ugamije gushyiraho uburyo bugezweho butanga ubunararibonye bwimbitse ku basura urwibutso, harimo uburyo bw’ikoranabuhanga bushobora gutuma umuntu yumva amateka mu buryo bukora ku marangamutima.

Uyu mushinga utegerejweho kurushaho kongera imbaraga mu kubungabunga amateka ya Jenoside yakorewe Abatutsi mu 1994 no kuyageza ku Isi mu buryo bugezweho, hagamijwe ko Jenoside itazongera kubaho ukundi, no gukomeza kwigisha ab’iki gihe n’ibiragano bizaza.

Urwibutso rwa Kigali ruri ku Gisozi ni kimwe mu bimenyetso bikomeye by’amateka ya Jenoside yakorewe Abatutsi mu 1994, aho rushyinguyemo imibiri y’abasaga ibihumbi 250,000, kandi rukaba ari ahantu hifashishwa mu kwigisha amateka no guteza imbere amahoro n’ubwiyunge.

Perezida Paul Kagame kandi yakiriye intumwa z’umuryango wa Mastercard Foundation ziyobowe na Zein Abdalla, Perezida w’Inama y’Ubutegetsi yawo.

Muri izi ntumwa kandi harimo uwahoze ari Perezida wa Liberia, Ellen Johnson Sirleaf, hamwe n’abandi bayobozi bagize Inama y’Ubutegetsi n’ubuyobozi bw’uwo muryango.

Ibiganiro byabo byibanze ku bufatanye buri hagati ya Mastercard Foundation n’u Rwanda, ndetse n’ingamba zo kurushaho kwagura amahirwe agenewe urubyiruko.

Impande zombi zagarutse ku buryo bwo kongera imbaraga mu guteza imbere ubumenyi ngiro guteza imbere ubucuruzi n’imishinga mito, guhanga imirimo no gushyigikira gahunda zo guhanga udushya byose bigamije kuzamura imibereho y’urubyiruko.

Mastercard Foundation ni umwe mu bafatanyabikorwa bakomeye b’u Rwanda mu guteza imbere gahunda zigamije gufasha urubyiruko kubona ubumenyi n’amahirwe yo kwinjira ku isoko ry’umurimo, binyuze mu mishinga itandukanye ikorerwa mu gihugu.

Iyi nama ihuza abayobozi batandukanye ba Leta, abafatanyabikorwa mpuzamahanga, imiryango itari iya Leta ndetse n’abikorera, ikaba ari urubuga rukomeye rwo kungurana ibitekerezo ku iterambere ry’igihugu no guhuza ibikorwa by’abafatanyabikorwa.

Mu biganiro biri kubera muri iyi nama, biribanda ku gushimangira imikoranire n’ihuzabikorwa hagati y’inzego zose, kongerera ubushobozi abashyira mu bikorwa gahunda z’iterambere, ndetse no kunoza uburyo bwo gushyira mu bikorwa politiki nshya zigamije gutuma ubufatanye burushaho gutanga umusaruro.

Politiki y’u Rwanda y’Ubufatanye mu Iterambere (Rwanda Development Cooperation Policy) igamije guhindura uburyo Igihugu gifatanya n’abafatanyabikorwa bacyo, aho cyifuza kuva ku mishinga itandukanye idahuye na politike zacyo, kigana ku bikorwa bihuriweho kandi bishingiye ku byihutirwa Igihugu cyihaye mu ntego z’igihe kirekire.

Abitabiriye iyi nama bitezweho gutanga ibitekerezo bigamije gushyira imbaraga mu ihuzabikorwa, gukoresha neza ubushobozi buhari, no gukurikirana ishyirwa mu bikorwa rya gahunda z’iterambere mu gutuma iyi politiki y’u Rwanda igera ku ntego zayo.

Byitezwe ko ibyemezo n’inama bizava muri iyi nama bizafasha kunoza uburyo bwo gukorana n’abafatanyabikorwa, bityo bikihutisha ishyirwa mu bikorwa bya gahunda z’ingenzi z’Igihugu zigamije kuzamura ubukungu n’imibereho myiza y’abaturage.

Iyi Nama y’Ihuriro ry’Abafatanyabikorwa mu Iterambere kandi igaragaza umuhate w’u Rwanda mu gukomeza kubaka ubufatanye bufite ireme, bushingiye ku mucyo, ubufatanye busesuye, n’inshingano zihuriweho hagati ya Leta n’abafatanyabikorwa mu iterambere.

Uyu mwanzuro wafashwe mu gihe uwo mwanya wari usanzwe ufitwe na Janet Museveni, umaze igihe atagaragara mu ruhame bitewe n’uburwayi.

Itangazo ryashyizwe ahagaragara kuri uyu wa Kane, rivuga ko Muyingo agiye kuyobora imwe muri minisiteri zikomeye kandi zifite uruhare runini mu iterambere ry’igihugu, mu gihe hategerejwe ko Janet Museveni akira neza agasubira mu mirimo ye.

Uyu mugabo usanzwe azwi mu buyobozi bw’uburezi bwa Uganda, bivugwa ko ari inkingi ya mwamba. Icyakora, bamwe mu bakoresha imbuga nkoranyambaga bavuze ko mu by’ukuri ari we umaze imyaka itanu ahetse iyi Minisiteri.

Mu mupira w’amaguru mu bagabo, imikino izabera kuri Stade ya Pele aho ku wa 26 Kamena 2026, Ikipe y’Abasikare barinda Abayobozi bakuru b’Igihugu (RG) izacakirana n’Ishuri Rikuru rya Gisirikare rya Gako (RMA Gako) kuva saa yine za mu gitondo. Ku wa 27 Kamena 2026, Ikipe y’Ishuri rya Gisirikare rya Nasho (BMTC Nasho) izahura na TF DIU mu mukino uteganyijwe saa munani z’amanywa.

Mu mukino w’intoki wa Volleyball, imikino izabera mu kigo cy’Ishami rishinzwe imyitwarire mu Ngabo (MP BDE Barracks). Ku wa 24 Kamena 2026 saa yine za mu gitondo, ikipe y’Abasirikare bo mu mutwe udasanzwe (SOF) izakina n’Ikigo cya gisirikare cy’Imyitozo (CTC Gabiro), naho Ikipe y’Abasikare barinda Abayobozi bakuru b’Igihugu (RG) izahure n’Ikipe y’Ishami ry’Ingabo z’Abahanga mu by’Ubwubatsi (ENG COMD) saa munani z’amanywa.

Imikino mu mupira w’amaguru mu bagore, naio izabera kuri Stade ya Pele ku wa 25 Kamena 2026. MHS izacakirana na Diviziyo ya Kane y’Ingabo zirwanira ku butaka (4 INF DIV) saa yine za mu gitondo, naho Burigade y’Ishami rishinzwe imyitwarire mu Ngabo (MP BDE) ikine n’Ishuri Rikuru rya Gisirikare rya Gako (RMA Gako) saa munani z’amanywa.

Mu mukino wa Basketball, imikino izabera ku kibuga cy’Ishami ry’Ingabo z’Abahanga mu by’Ubwubatsi (ENG COMD Stadium) ku wa 25 Kamena 2026. Ikipe y’Ishuri Rikuru rya Gisirikare rya Gako (RMA Gako) izahura n’Ikipe y’Ishuri rya Gisirikare rya Nasho (BMTC Nasho) saa yine za mu gitondo, mu gihe ikipe y’Abasirikare bo mu mutwe udasanzwe (SOF) izacakirana na 6 AG (RAF) saa munani z’amanywa.

Iyi mikino yose irakomeye cyane kuko amakipe yose azaba ahatanira kugera ku mukino wa nyuma no kwegukana igikombe cya Liberation Cup 2026.

Kayumba Alice yabigarutseho ubwo yifatanyaga n’ubuyobozi n’abakozi b’uru rwego mu gikorwa cyo kwibuka ku nshuro ya 32 Jenoside yakorewe Abatutsi mu 1994, mu gikorwa cyabereye ku Rwibutso rwa Jenoside rwa Kigali ku Gisozi. Hibutswe kandi n’abakozi bahoze bakorera amagereza bishwe muri Jenoside, ahamaze kumenyekana abagera kuri 18.

Iki gikorwa cyabanjirijwe no gusoma amazina y’abari abakozi bahoze bokorera amagereza ndetse n’ibyo bari bashinzwe. Aya mazina yasomewe imbere y’imiryango yabo, yari yaje kongera kubibuka no kubaha icyubahiro.

Mu butumwa n’ibiganiro byatanzwe, yagarutse ku mateka ya Jenoside yakorewe Abatutsi, kuva mu gihe cy’ubukoloni bwagize uruhare mu gucamo ibice n’ivangura mu Banyarwanda ndetse bikambukiranya Repubulika uko zagiye zisimburana kugeza mu 1994 ubwo yashyirwaga mu bikorwa.

Yavuze ko mbere y’Abakoloni imitegekere y’u Rwanda, Umwami yabaga ariwe muyobozi w’ikirenga agafatwa nk’umubyeyi w’Igihugu, akarangwa no kubumbatira ubumwe bw’Abanyarwanda ku buryo butajegejega.

Ati: "Kandi Abanyarwanda babyemeraga batyo, Umwami nawe akayoborera muri icyo cyerekezo, ntavangure. Iryo pfundo ry’ubumwe ryagaragariraga mu miterere y’ubuyobozi bw’u Rwanda ryashenywe n’abakoloni n’Abamisiyoneli kugira ngo babone ububasha bwo kubategeka no kubahindurira imyemerere gakondo."

Yagarutse by’umwihariko ku ruhare rukomeye rw’u Bubiligi muri aya macakubiri n’ivangura ndetse n’uburyo bwagiye bufasha mu kuyacengeza muri amwe mu mashyaka yitwaga ko agamije ineza ya rubanda.

Kayumba Alice yagaragaje uburyo ibyo byose ariko byagiye bikorerwa Abatutsi, batangira kwicwa guhera mu 1950, abandi baratotezwa, bakurwa mu mashuri, mu mirimo ndetse bamwe barameneshwa, bahungira mu bihugu bitandukanye.

Ikindi kandi, yashimiye cyane uruhare rwa RCS, mu bikorwa byayo byo guhugura aba bagororwa kugira ngo basubire mu miryango yabo ariko kandi baharanira gukomereza aho basanze abandi Banyarwanda mu kwimakaza ubumwe.

Yagize ati: "Ndashimira Urwego rw’Igihugu rw’Igorora, bitari kuri iki gikorwa cyo kwibuka ahubwo no muri gahunda bafatanya na MINUBUMWE, zirimo gusubiza mu buzima busanzwe abagororwa bahamijwe ibyaha bya Jenoside yakorewe abatutsi bari hafi kurangiza ibihano. Byose biri muri uyu mujyo wo kugira ngo tubafashe birinde isubiracyaha mu gihe bazaba bageze hanze bazaharanire kubana neza n’imiryango yabo harimo n’abarokotse Jenoside yakorewe Abatutsi basize biciye."

Umuyobozi Mukuru w’Urwego rw’u Rwanda rushinzwe Igorora (RCS) CG Evariste Murenzi, yavuze ko kwibuka abakozi bahoze bakorera amagereza bishwe muri Jenoside ntabwo ari umuhango kuko ari inshingano ndetse n’isezerano. Ati: "Ni umwanya mwiza wo kuzirikana amateka asharira abo twibyuka banyuzemo kugira ngo tubasubize agaciro bambuwe."

CG Murenzi yashimiye imiryango y’abakozi bibutswe, kubera ubutwari bukomeje kubaranga mu kuba urugero rwiza bakorera igihugu, kwiteza imbere ndetse no gusigasira ubumwe n’ubudaheranwa by’abanyarwanda. Ati: "Turabizeza ko RCS izakomeza kubabahafi no kubashyigikira mu bikorwa by’iterambere ry’imiryango yanyu."

Uwari uhagarariye umuryango wa IBUKA, yavuze ko uyu munsi igihugu gihanganye n’abagihakana bakanapfobya Jenoside yakorewe Abatutsi, cyane cyane binyuze ku mbuga nkoranyambaga, aboneraho gusaba urubyiruko gufata iya mbere kujya basubiza kandi bakamagana abo bose.

Ibiganiro byabo byibanze ku bufatanye bw’igihe kirekire uyu muryango ufitanye n’u Rwanda, cyane cyane ishoramari wakoze mu rwego rw’ubuhinzi bw’icyayi.

Wood Foundation ifasha mu buhinzi bw’icyayi muri Nyaruguru cyane cyane abagemurira icyayi ku ruganda rw’icyayi rwa Kibeho, Ndetse na Rugababo na Shagasha zo mu Burengerazuba na Mulindi yo mu Majyaruguru.

Banaganiriye kandi ku bikorwa by’umuryango Kids Operating Room, umuryango mpuzamahanga wita ku buzima washinzwe na Garreth Wood afatanyije na Nicola Wood, ugamije kwagura uburyo bwo kubona serivisi zizewe zo kubaga abana, hagamijwe guteza imbere ubuvuzi bw’abana hirya no hino ku isi.

Kids Operating Room (KOR) ni umuryango mpuzamahanga utari uwa leta (NGO) wibanda ku guteza imbere ubuvuzi bw’abana, by’umwihariko kubafasha kubona serivisi zo kubagwa (pediatric surgery) zizewe kandi ziboneka henshi ku isi.

Uyu muryango ugamije gukemura ikibazo gikomeye kiri mu bihugu bikiri mu nzira y’amajyambere aho abana benshi babura aho babagirwa mu buryo butekanye bigatuma benshi bibaviramo ibibazo birimo kugira ubumuga.

Ibikorwa by’ingenzi bya KOR harimo, kubaka no gutunganya ibyumba byo kubagiramo (operating rooms) mu bitaro, bikajyana n’ibikoresho bigezweho, gutanga amahugurwa ku baganga n’abaforomo kugira ngo bongere ubumenyi mu kubaga abana.

Harimo kandi gutanga ibikoresho by’ubuvuzi bifasha mu kubaga no kwita ku bana nyuma yo kubagwa, gufasha mu guteza imbere gahunda zirambye zituma ibihugu bikomeza kwigira mu rwego rw’ubuvuzi.

Intego zawo harimo kugabanya umubare w’abana bapfa cyangwa bagira ubumuga bitewe no kubura serivisi zo kubagwa ku gihe, gushyiraho uburyo burambye butuma ubuvuzi bw’abana bugera kuri benshi, cyane cyane mu bihugu bikennye.

Imikoranire ya Kids Operating Room (KOR) n’ibihugu birimo u Rwanda, watanze umusanzu mu guteza imbere serivisi zo kubaga abana mu bitaro, gufasha mu kongera ubushobozi bw’abaganga ndetse no guteza imbere ubuzima rusange bw’abana

Muri uru ruzinduko, izi ntumwa zahawe ibiganiro birambuye byibanze ku buryo u Rwanda rwashyize imbere kwishakamo ibisubizo ibizwi nka "Home-Grown Solutions", n’uburyo byagize uruhare rukomeye mu kubaka Igihugu no guteza imbere imibereho myiza y’abaturage.

Mu byagarutsweho muri ibi biganiro, Richard Niwenshuti yagaragaje ko bimwe mu bisubizo u Rwanda rwishatsemo harimo inkiko Gacaca, n’uburyo zagize uruhare mu kunga Abanyarwanda nyuma ya Jenoside yakorewe Abatutsi.

Yabasobanuriye Urwego rw’Abunzi, rugizwe na komite y’abakorerabushake b’inyangamugayo batorwa n’abaturage, bakaba bafite inshingano zo kunga abantu bafitanye amakimbirane ku rwego rw’ibanze by’umwihariko ku Kagari n’Umurenge.

Uyu muyobozi kandi yabamaze amatsiko kuri gahunda ya Girinka, yo guha inka imiryango itishoboye hagamijwe kurwanya ubukene no guteza imbere imirire.

Mu zindi gahunda u Rwanda rwishatsemo nk’ibisubizo nyuma ya Jenoside yakorewe Abatutsi mu 1994, basobanuriwe ko harimo Umuganda, kikaba igikorwa rusange cy’ubwitange gikorerwa hamwe n’abaturage mu kwimakaza ibikorwa by’iterambere.

Izi ntumwa kandi zasobanuriwe gahunda y’Imihigo, uburyo ifasha mu gushyiraho intego no kuzisuzuma mu nzego za Leta ndetse n’Umushyikirano, ikaba inama ngarukamwaka ihuza abayobozi n’abaturage mu biganiro ku miyoborere n’iterambere ry’Igihugu.

Ntabwo aribyo gusa kuko basobanuriwe igikorwa cy’Umwiherero, babwirwa ko ari inama y’abayobozi bakuru igamije gusuzuma no kunoza imikorere ndetse na gahunda y’Itorero, igamije gutoza indangagaciro n’umuco Nyarwanda mu baturage aho yageze no mu Banyarwanda batuye mu mahanga.

umuyobozi Mukuru w’Ikigo cy’ u Rwanda gishinzwe guteza imbere ubufatanye (RCI), Richard Niwenshuti, yavuze ko izi gahunda zose ari inkingi ikomeye yagize uruhare mu guhindura ubuzima bw’Abanyarwanda, guteza imbere ubukungu, no gushyigikira iterambere rirambye.

Uru ruzinduko rw’izo ntumwa rugaragaza uburyo u Rwanda rukomeje gusangiza amahanga ubunararibonye bwarwo mu miyoborere myiza n’iterambere rishingiye ku baturage, bikaba bikomeje gutuma Igihugu kiba icyitegererezo ku rwego mpuzamahanga.

Minisitiri Dr Arakwiye yabigarutseho ubwo yifatanyaga n’Umunyamabanga Mukuru w’Umuryango w’Abibumbye, Antonio Guterres, mu Ihuriro ryiga ku buryo bwo gutera inkunga ibikorwa by’iterambere no kurwanya ingaruka z’imihindagurikire y’ikirere (Climate and Development Finance Forum).

Iri huriro ryabereye mu gikorwa cya London Climate Action Week (LCAW), icyumweru ngarukamwaka kibera i Londres mu Bwongereza, kigamije guhuriza hamwe abayobozi ba za Guverinoma, abashoramari, ibigo byigenga, abashakashatsi, imiryango itegamiye kuri leta n’urubyiruko kugira ngo baganire ku buryo bwo guhangana n’imihindagurikire y’ikirere. Mu 2026, cyatangiye kuva ku wa 20 kugeza ku wa 28 Kamena.

Muri iri huriro, Minisitiri Dr Arakwiye yagaragaje gahunda y’u Rwanda yiswe Country Platform for Climate and Development, igamije guhuza ibikorwa by’iterambere n’ibirengera ibidukikije.

Yanashishikarije abafatanyabikorwa mpuzamahanga kumenya no gushora imari mu mishinga y’u Rwanda ifite ireme mu rwego rwo guhangana n’imihindagurikire y’ikirere.

Yagize ati: “Dufite icyerekezo gisobanutse, turifuza ko u Rwanda ruba ahantu heza kandi hizewe ho gushora imari mu bikorwa bibungabunga ibidukikije, bikanafasha iterambere ry’abaturage."

Yakomeje agira ati: "Turahamagarira abafatanyabikorwa gukorana natwe binyuze muri gahunda yacu y’Igihugu, kugira ngo dufatanye kubaka no guteza imbere ishoramari rishya ribungabunga ibidukikije.”

Ibi bigaragaza umuhate w’u Rwanda mu gukomeza guteza imbere ubukungu burambye no gukurura ishoramari rifasha guhangana n’ingaruka z’imihindagurikire y’ikirere, ari na ko riteza imbere imibereho myiza y’abaturage.

António Guterres, Umunyamabanga Mukuru wa Loni, yavuze ko mu gihe Isi ihanganye n’ingaruka z’imihindagurikire y’ikirere n’izamuka ry’ibiciro by’ingufu, ibigo bya peteroli na gaze bikomeje kubona inyungu nyinshi.

Yagaragaje ko ibigo 8 binini kurusha ibindi ku Isi bikora mu rwego rw’ibikomoka kuri peterori n’ingufu, byinjije inyungu zirenga miliyari 6.5 z’amadolari ya Amerika mu gihembwe cya mbere cya 2026.

Yakomeje agira ati: "Ndahamagarira za Guverinoma gushyiraho imisoro ku nyungu zidasanzwe, ibyo bigo byabonye, maze ayo mafaranga akoreshwe mu gufasha imiryango n’abaturage batishobiye, no kwihutisha imishinga igamije guteza imbere ingufu zitangiza kandi zihendutse."

Ibi bihuye n’ubutumwa Guterres amaze imyaka myinshi atanga, bwo gusaba Isi kugabanya ikoreshwa rya peteroli, gaze n’amakara, no kwihutisha ishyirwa mu bikorwa ingamba zo kurwanya ingaruka z’imihindagurikire y’ikirere.

Uyu musore w’imyaka 19, yatumye u Rwanda rwandika amateka yo kugira Umunyarwanda ukina muri NBA nyuma y’uko mu rukerera rwo kuri uyu wa Gatatu. Yatoranyijwe n’Ikipe ya Miami Heat muri iki cyiciro cya mbere ari uwa 13, ihita imutanga muri Milwaukee Bucks azajya akinira.

Nate Ament wakiniraga Kaminuza ya Tennesse, muri ibi birori bya "NBA Draft 2026" yari yambaye ikote ririho amagambo ‘Visit Rwanda’ imbere.

Mu kiganiro yahise agirana n’itangazamakuru, Nate yavuze ko gukunda basketball byatangiye akiri muto cyane, aho yakundaga gukina ku bibuga by’iwabo ndetse no ku ishuri. Yagaragaje ko nubwo hari imbogamizi zirimo kubura ibikoresho bihagije n’amarushanwa make, atigeze acika intege.

Ati: “Nakuze nkunda basketball cyane. Nari mfite inzozi zo kuzaba umukinnyi ukomeye, kandi n’ubwo bitari byoroshye, nakomeje gushyiramo imbaraga.”

Icyakora, yagaragaje ko umuntu w’ingenzi wamufashije cyane muri uru rugendo ari nyina, wamubaye hafi mu bihe byose. Yavuze ko nyina yamuteraga imbaraga, akamugira inama ndetse akanamushyigikira mu buryo bwose bushoboka.

Ati: “Mama ni we muntu wampaye imbaraga kurusha abandi bose. Yanyeretse ko nshobora kugera ku nzozi zanjye niba nishyizeho.”

Nate Ament yemeza ko iyo nkunga y’umubyeyi we yamubereye urufatiro rukomeye, rumufasha gukomeza gukora cyane no kugira icyizere cyo kugera kure muri basketball.

IBYO WAMENYA KURI NATE AMENT

Nathaniel Herman Ament, uzwi nka Nate Ament, yavutse ku wa 10 Ukuboza 2006 i Woodbridge muri Leta ya Virginia muri Leta Zunze Ubumwe za Amerika. Ni umuhungu wa Albert Ament, Umunyamerika wahoze akina Basketball, na Godelive Mukankuranga, Umunyarwandakazi.

Nyina wa Nate Ament yavuye mu Rwanda mu 1994 ajya mu Butaliyani abifashijwemo na UNICEF kugira ngo akomeze amashuri. Nyuma yo kugera muri icyo gihugu, yakiriwe n’umuryango wamureze, ari na ho yaje guhura na Albert Ament, baza kubaka umuryango wabo. Nubwo Nate yavukiye muri Amerika, yakuze azi inkomoko ye y’u Rwanda kandi yagiye agaragaza ko ayishimira.

Impano ye yatangiye kugaragara akiri mu mashuri yisumbuye, aho yabaye umwe mu bakinnyi bifuzwaga cyane n’amashuri makuru akomeye muri Amerika. Mu 2025 yahisemo gukomereza amasomo ye muri University of Tennessee, aho yakomeje kwitwara neza muri Basketball ya kaminuza.

Mu 2024, Nate Ament yari mu ikipe y’igihugu ya Leta Zunze Ubumwe za Amerika y’abatarengeje imyaka 18 yitabiriye FIBA U18 AmeriCup, ifasha igihugu cye kwegukana umudali wa zahabu.

Iyi ndirimbo “Angelina” igaruka ku rukundo, aho Mishou aririmba agaragaza uburyo umukobwa yise Angelina ari mwiza bidasanzwe, akamwizeza kumwitaho no kumuha ibyiza byose akwiye. Mu butumwa buyirimo, yumvikanisha urukundo rufite icyerekezo, aho atanga isezerano ryo kumuba hafi no kumurinda ikintu cyose cyamutesha agaciro.

Mishou si mushya mu muziki, kuko asanzwe azwi cyane mu gutunganya indirimbo (Music production). Iyi ndirimbo niwe wayiyandikiye ndetse anayitunganyiriza amajwi (Audio production), mu gihe Bob Pro ari we wakoze mixing na mastering, naho amashusho atunganywa na Bernard Bagenzi.

Nyuma yo gusoza amasomo ye mu muziki, Mishou yafashe icyemezo cyo kwinjira mu kuririmba ku giti cye aho yashakaga gushyira mu bikorwa inzozi yari afite kuva akiri umwana. Avuga ko igihe kigeze ngo agaragaze impano ye atari mu gutunganya indirimbo gusa, ahubwo no mu kuririmba.

Uyu muhanzi afite izina rikomeye inyuma y’amarido, aho yakoranye n’abahanzi batandukanye bazwi mu Rwanda. Yigeze no kuba mu itsinda ryakoze ku bitaramo bya The Ben Live Stream byabaye mu gihe cya COVID-19, ndetse anagira uruhare mu muziki wacaga kuri YouTube channel ya Niyitegeka Gracien (Papa Sava) mu biganiro byamenyekanye nka “Ngayo Nguko”.

Mu bindi bikorwa bye byamenyekanye, Mishou yakoze indirimbo “Zibarutse” ya Kibonke, ndetse anakora ku ndirimbo “Njye Nawe” ya P Fla, ibintu byamuhaye ubunararibonye bukomeye mu muziki.

Yize ibijyanye no gutunganya umuziki mu ishuri rya Muzika ku Nyundo, aho yanize kuririmba no gucuranga ibikoresho bya muzika birimo piano na acoustic guitar. Mu gusoza amasomo, yabashije kuza ku mwanya wa kabiri mu banyeshuri bitwaye neza, ikintu cyamwongereye icyizere mu rugendo rwe rwa muzika.

Kuri ubu, Mishou afite intego yo kuzamura umuziki Nyarwanda akoresheje impano n’ubumenyi afite, ndetse yizeza abakunzi b’umuziki ko azakomeza gukora indirimbo zishingiye ku nzozi yahoranye kuva kera.

Indirimbo “Angelina” avuga ko arii nk’intangiriro y’urugendo rwe rushya nk’umuhanzi, kandi igaragaza ko Mishou afite byinshi byo gutanga mu muziki Nyarwanda.

Minisitiri Dr Jean Damascene Bizimana yabigarutseho ubwo kuri uyu wa Kabiri yifatanyije n’abaturage b’Akarere ka Rusizi mu gikorwa cyo kwibuka ku nshuro ya 32 Jenoside yakorewe Abatutsi, ku Rwibutso rwa Nyarushishi.

Urwibutso rwa Nyarushishi rushyinguyemo Abatutsi 8.559 biciwe ku musozi wa Nyarushishi no ku misozi iwukikije, ejo hakaba harashyinguwe indi mibiri 16 yabonetse.

Minisitiri Dr Bizimana yavuze ko uyu Perefe Bagambiki, yatsembye Abatutsi bo muri Cyangugu afatanyije na Minisitiri w’Ubwikorezi Ntagerura André watangaga imodoka za Leta zikajya zifatanya n’imodoka z’uruganda rwa sima rwa CIMERWA n’iz’inganda z’icyayi za Shagasha na Gisakura, gutwara Interahamwe aho zigiye kwica.

Yatanze ubutumwa bw’ihumure avuga ko ubumwe Abanyarwanda basangiye bagomba kubukomeraho. Ati: “Ubumwe bwacu tugomba kubukomeraho. Nta na rimwe muzongera kubona Bagambiki abagambanira, byararangiye. Nta na rimwe muzongera kubona Ntagerura yongera kubagerera. Na byo byararangiye."

Minisitiri Dr Bizimana yashimye kandi ubutwari bw’Abarinzi b’Igihango bitandukanyije n’abajenosideri bagahisha Abatutsi bikabarinda kwicwa, avuga ko Igihugu kibaha icyubahiro gikomeye.

Yagize ati: "Tubaha icyubahiro gikomeye, agaciro ntagereranywa, kubera ubuntu bagaragaje bwo kurengera Igihugu banga kwica, banga gukurikira irondabwoko rya Kayibanda na Habyarimana. Turabubaha, bazahora bubahwa. Abarinzi b’Igihango, baba abari mu Rwanda n’abatari mu Rwanda, bamenye ko tubashimira cyane kandi tuzirikana ubutwari bagize, ni na bwo buzahora butsinda."

Minisitiri w’Ubumwe bw’Abanyarwanda n’Inshingano Mboneragihugu, yavuze ko buri wese afite inshingano zo gufatanya, nk’Abanyarwanda bagakumira ikibi kandi bakarwanya abagikwiza, barimo abahakana n’abapfobya Jenoside yakorewe Abatutsi bakanaharabika ubuyobozi bw’u Rwanda ku mbuga nkoranyambaga.

Deschamps w’imyaka 57 yamenye amakuru ko nyina yitabye Imana mu gitondo cyo kuri uyu wa kabiri, ahita ahabwa uruhushya na Perezida wa FFF, Philippe Diallo, rwo gusubira mu Bufaransa kwitabira igikorwa cyo gushyingura umubyeyi we.

Ishyirahamwe rya Ruhago mu Bufaransa, ryavuze ko umutoza wungirije Guy Stephan ariwe uzayobora iyi kipe kugeza Deschamps agarutse. Biteganyijwe ko azagaruka mu kazi ke nyuma yo kwifatanya n’umuryango we muri ibi bihe bikomeye.

Ikipe y’u Bufaransa izacakirana na Norway ku wa Gatanu, mu mujyi wa Foxborough, muri Leta ya Massachusetts muri Leta Zunze Ubumwe za Amerika. Uyu mukino uzagena ikipe izarangiza ku mwanya wa mbere mu itsinda rya I.

U Bufaransa bumaze gutsinda imikino ibiri ya mbere aho bwatsinze Senegal ibitego 3-1, bukurikizaho Iraq bwanyagiye 3-0. Aha bivuze ko bwamaze kubona itike yo kujya mu cyiciro gikurikiraho (knockout stage).

Iki gikorwa cyitabiriwe kandi n’Umugenzuzi Mukuru w’Imari ya Leta mu Rwanda, Bwana Alexis Kamuhire, aho bagiranye ibiganiro byibanze ku gushimangira ubufatanye mu kurwanya ruswa n’ikoreshwa nabi ry’umutungo wa Leta.

U Rwanda rwasangije izi ntumwa, ubunararibonye rufite mu mikoranire hagati y’Urwego rw’Ubugenzuzi Bukuru bw’Imari ya Leta (OAG) n’Urwego rw’Igihugu rw’Ubugenzacyaha (RIB), cyane cyane mu gukurikirana no gukumira ibyaha bifitanye isano no kunyereza umutungo wa Leta.

Ni ubufatanye bwagaragajwe nk’ingenzi mu kongerera imbaraga inzego zishinzwe ubugenzuzi n’ubutabera, hagamijwe kubaka imiyoborere myiza, kurwanya ruswa no kurinda umutungo wa rubanda.

Uru ruzinduko rw’iri tsinda riturutse muri Mali rugaragaza ubushake bwo gukomeza guhanahana ubumenyi no gusangira ubunararibonye hagati y’ibihugu byombi mu rwego rwo guteza imbere imikorere inoze n’ibikorwa by’ubugenzuzi bufite ireme.

U Rwanda na Mali bisanzwe bifitanye umubano mwiza kandi uhamye ushingiye ku bufatanye mu nzego zitandukanye. By’umwihariko mu mpera za Gicurasi 2024, ibihugu byombi byasinyanye amasezerano 19 y’ubufatanye mu nzego zirimo umutekano, ubuzima, ubuhinzi, ikoranabuhanga, umuco ndetse n’ishoramari.

Mu rwego rwo koroshya ingendo no guteza imbere ubucuruzi, abanyarwanda bajya muri Mali bemerewe guhabwa Visa bageze ku kibuga cy’indege cyangwa ku mipaka. Hari n’amasezerano y’ubufatanye mu bya gisirikare n’ubugenzuzi bw’imari ya leta yagiye asinywa hagati y’impande zombi.

Ambasaderi Gao yabigarutseho kuri uyu wa Kabiri ubwo yitabiraga gahunda ya mbere y’amahugurwa yiswe “Luban Classroom – Road and Bridge”, iherekejwe n’umushinga w’u Bushinwa wo kwagura no kuvugurura umuhanda uva kuri Prince House ugana i Masaka.

Yakomeje avuga ko gutangiza gahunda ya “Luban Classroom” icyarimwe n’ibikorwa by’uyu mushinga, aho site ikorerwaho akazi ihindurwa ishuri ry’amahugurwa, ari uburyo bushya bwo kurushaho kwimakaza ubufatanye hagati y’u Bushinwa n’u Rwanda mu bijyanye n’ikoranabuhanga ry’ubwubatsi no guteza imbere ubumenyi ngiro.

Aya mahugurwa yitabiriwe n’abagera kuri 36, barimo abayobozi n’abatekinisiye mu by’ubwubatsi bo muri Minisiteri y’Ibikorwa Remezo, Umujyi wa Kigali, abarimu n’abanyeshuri bo muri Kaminuza y’u Rwanda ndetse n’abo mu mashuri makuru y’imyuga n’ubumenyingiro.

Ambasaderi Gao yasobanuye ko iyi gahunda izafasha mu gushyira mu bikorwa uyu mushinga w’umuhanda Prince House - Masaka, ku rwego rwo hejuru kandi ikaba n’intambwe ikomeye mu gushyigikira amahugurwa y’abakozi b’Abanyarwanda no kubaka ubushobozi bw’impano z’imbere mu gihugu.

Yongeyeho ko ubu ari uburyo u Bushinwa bugaragazamo inshingano zabwo mu mibereho myiza y’abaturage binyuze mu guteza imbere uburezi n’amahugurwa ajyanye n’ubumenyingiro mu Rwanda.

Ambasaderi Gao yatangaje ko umushinga w’umuhanda Prince House - Masaka wa kilometero 10 uterwa inkunga n’u Bushinwa uri mu mishinga y’ingenzi yatoranyijwe mu nama y’i Beijing y’Ubufatanye bw’u Bushinwa na Afurika, kandi ko uzashyirwa mu bikorwa na sosiyete yitwa Hunan Road and Bridge Construction Group.

Muri Kamena 2019, nibwo Guverinoma y’u Rwanda yagiranye n’iy’u Bushinwa amasezerano y’impano ya miliyoni 42,8$ yo kwifashisha mu gushyira mu bikorwa uyu mushinga.

Aya mahugurwa yamaze amezi ane yibanze ku gutyaza ingabo ngo zihore ziteguye, bongererwa ubumenyi mu kuyobora no gukurikirana imyitwarire y’abasirikare, no kunoza amayeri y’ibikorwa njyarugamba.

Gen MK Mubarakh yashimiye abarangije aya mahugurwa anabagezaho ubutumwa bwa Perezida wa Repubulika y’u Rwanda akaba n’Umugaba w’Ikirenga w’Ingabo z’u Rwanda, Nyakubahwa Paul Kagame.

Muri ubwo butumwa, Perezida yashimye akazi gakomeje gukorwa na RDF n’izindi nzego z’umutekano, anashimira by’umwihariko abasirikare barangije aya mahugurwa uyu munsi. Yabibukije ko amahugurwa ahoraho ari yo nkingi y’ingenzi ituma RDF ikomeza gukora kinyamwuga.

Gen MK Mubarakh yashimangiye ko amahugurwa y’urwego rwisumbuye ku Ngabo zirwanira ku butaka afite uruhare rukomeye mu gutegura abasirikare kugira ngo bashobore gusohoza neza inshingano zabo no guhangana mu buryo bunoze n’ibibazo bishya by’umutekano bishobora kuvuka.

Yanagaragaje ko, uretse ubumenyi n’ubuhanga bwa tekiniki n’amayeri ya gisirikare, aya mahugurwa yanabatoje indangagaciro z’ingenzi zirimo imyitwarire ya gisirikare, ubunyamwuga ndetse no gukora inshingano zabo mu bunyangamugayo, byose bikajyana no kubahiriza amahame agenga RDF.

Umugaba Mukuru w’Ingabo yasabye abasirikare gukoresha neza ubumenyi bushya bungutse mu bikorwa bya gisirikare no gukomeza kurangwa n’imyitwarire myiza n’ikinyabupfura, mu rwego rwo kurushaho gusohoza neza inshingano zabo za buri munsi.

Ni ubuhamya Uzamukunda yatangiye aho Ababyeyi b’Intwaza 45 batuye, ubwo bibukaga ku nshuro ya 32 abari bagize imiryango yabo 314 barimo abana n’abo bashakanye bishwe muri Jenoside yakorewe Abatutsi mu 1994.

Muri iki gikorwa kandi hibutswe n’imiryango y’Ababyeyi b’Intwaza 15 nabo babaga muri uru rugo bitabye Imana.

Iki gikorwa kitabiriwe na Minisitiri w’Ubumwe bw’Abanyarwanda n’Inshingano Mboneragihugu, Jean Damascene Bizimana, Intwararumuri, Mayor w’Akarere ka Rusizi, Abahagarariye Inzego z’Umutekano, abahagarariye Amadini n’Amatorero, abaturanyi b’Impinganzima n’abandi.

Uzamukunda ukomoka mu Karere ka Gakenke, Umurenge wa Muhondo, muri ubu buhamya yavuze ko mbere ya Jenoside yari afite ubuzima busanzwe, ari kumwe n’umugabo we n’abana babo umunani.

Muri Jenoside, Interahamwe zishe umugabo we n’abana be bose uko ari umunani, ibintu byamusigiye ibikomere bikomeye by’umubiri n’iby’umutima kubera ko bamwe mu bamuhekuye harimo abo mu muryango we.

Abicanyi bahereye ku mugabo we, maze ahungishiriza abana be kwa musaza we, yizeye ko ari bubahishe. Ariko siko byagenze, kuko uwo musaza we yanze kubakira, abirukana ababwira ko ari “inzoka zitakandagira iwe.” <

Yavuze ko ibi byatumye abana be basigara nta ho berekeza, maze abicanyi barabafata, barabica, kandi ab’abakobwa babanje kubafata ku ngufu.

Leocadia yakomeje avuga ko na we ubwe, abicanyi bamukubise bikomeye bamuvuna umugongo, bamusiga ameze nabi cyane.

Mu gihe yari ageze ku ndunduro, Leocadia yavuze ko Inkotanyi zasanze akiriho ariko ari mu buzima bubi cyane, atazi aho ari kandi nta n’imyenda yambaye. Yagize ati: "Inkotanyi zanyitayeho, ziranyambika, zirangaburira ndetse zimfasha kongera kubaho."

Uyu mubyeyi avuga ko yageze mu Rugo rw’Impinganzima yarahungabanye ku buryo atashoboraga no kuvuga. Ariko kubera ubufasha yahawe, urukundo n’ubwitange yagaragarijwe, ubu arimo koroherwa. Ati: "Ubu ndarya, ndambara, ndasinzira kandi mfite imbaraga zo gukomeza ubuzima."

Mu magambo yuzuye ishimwe, yashimiye by’umwihariko Perezida wa Repubulika y’u Rwanda, Paul Kagame, agira ati: “Dufatiye iry’iburyo Nyakubahwa Perezida wa Repubulika y’u Rwanda, Paul Kagame na Madamu.”

Ubuhamya bwa Leocadia bugaragaza ubukana bwa Jenoside yakorewe Abatutsi, ariko bukerekana n’uruhare rukomeye rw’Inkotanyi mu gutabara abarokotse no kubafasha kongera kubaho.<

Minisitiri wa MINUBUMWE, Dr Damascene Bizimana wari witabiriye iki gikorwa, yahaye izi Ntwaza ubutumwa bw’ihumure ababwira ko bafite Igihugu kibakunda, kibazirikana kandi ko ntacyo bazakiburana.

Ati: "Mukomere rero, nubwo ubuzima mwanyuzemo bwo kwicirwa abana bose n’abo mwashakanye muri Jenoside yakorewe Abatutsi bwabateye ibikomere ariko muzasaza neza, mwitabwaho. Mufite Igihugu kibakunda, kibazirikana, ntacyo muzakiburana. Ibyo bibatere ishema, bibatere ubwuzu."

Minisitiri Bizimana yavuze kandi ko buri wese afite inshingano zo kuvuga ukuri kw’itegurwa n’ishyirwa mu bikorwa rya Jenoside yakorewe Abatutsi kuko utazi iyo ava ntamenya iyo ajya.

Ati: "Dufite inshingano yo gukora ibishoboka ukuri kukavugwa, kukigishwa kugira ngo tumenye icyatumye Umunyarwanda yumva ko agomba kurimbura undi akanabitoza abana be, ababyeyi bakajyana abana babo kwica. Tutabisobanuye ngo tubereke ngo "dore aho urwango rwagejeje Igihugu" ntacyo twaba dukosora, ntacyo twaba dukora."

Yavuze ko abanyarwanda bagomba kurinda Igihugu cyabo kugira ngo kitazongera guhura n’amahano cyahuye na yo, kandi ko kukirinda nyabyo ni ukuvuga ukuri.

Ibi byagarutsweho na Ambasaderi w’u Rwanda mu Muryango w’Abibumbye, Martin Ngoga, mu nama yo ku rwego rwo hejuru y’Inteko Rusange y’Umuryango w’Abibumbye yiga ku cyorezo cya HIV/SIDA. Iyi nama ifatwa nk’amahirwe akomeye yo kongera gushimangira umuhate w’ibihugu mu guhashya burundu SIDA nk’ikibazo cy’ubuzima rusange bitarenze umwaka wa 2030.

Ambasaderi Ngoga yavuze ko binyuze muri gahunda Igihugu cyihaye yo kurandura burundu icyorezo cya SIDA, byatumye kigera ku musaruro ugaragara, aho cyarenze intego mpuzamahanga zizwi nka “triple 95”. Kuri ubu, 96% by’abantu babana n’ubwandu bazi uko bahagaze, 98% bahabwa imiti igabanya ubukana bwa virusi, naho 98% bageze ku rwego rwo kugabanya ubwandu ku buryo budashobora kwanduza abandi.

Yagize ati: "Iyi ntambwe ishimishije ishingiye ku kuba Igihugu cyarafashe iya mbere mu gukemura ibibazo byacyo, ubufatanye bw’inzego zitandukanye, ndetse no gushyira imbere kudasiga n’umwe mu kubona serivisi z’ubuzima."

Yavuze kandi ko u Rwanda rwabashije kugabanya ubwandu bwa Virusi itera Sida buturutse ku mubyeyi akaba yakwanduza umwana, kuko bwagumye munsi ya 2%, binyuze mu guhuza serivisi zo guhashya iki cyorezo ndetse n’iz’ubuzima bw’ababyeyi n’abana, gupima indwara zitandukanye zirimo sifirisi na hepatite B mu buryo busanzwe.

Yakomeje agira ati: "Byongeye kandi, Igihugu kirimo gukoresha ikoranabuhanga mu rwego rw’ubuzima, harimo gukurikirana abarwayi mu buryo bugezweho [digital health] no gukoresha amakuru ku rwego rwa buri murwayi, hagamijwe kunoza igenzura ry’indwara, gukomeza kwita ku barwayi no gufata ibyemezo bishingiye ku makuru."

Ambasaderi Ngoga yavuze ko nubwo hari intambwe imaze guterwa, hakiri imbogamizi zikigaragara muri bimwe mu bihugu, zirimo ivangura rikorerwa bamwe mu byiciro byihariye n’ibindi bibazo bituma batagerwaho na serivisi uko bikwiye.

Bamwe mu bagihura n’ibyo bibazo, harimo abangavu n’abagore bakiri bato kuko bacyugarijwe n’ingaruka z’ubusumbane n’ibibazo bishingiye ku gitsina.

U Rwanda rugaragaza ko hakenewe ingamba zihamye zo kurwanya ihohoterwa rishingiye ku gitsina, imyumvire idahwitse mu muryango, ipfunwe n’ivangura bikomeza kongera ibyago byo kwandura SIDA no kubangamira ibikorwa by’ubuvuzi.

Ikindi kandi, ikibazo cy’inkunga ihoraho mu rwego rw’imari kiracyari ingorabahizi, kuko nubwo igihugu gikomeje kongera ishoramari rituruka imbere mu gihugu, kugabanuka kw’inkunga z’amahanga bishobora kudindiza ibyari bimaze kugerwaho.

U Rwanda rushimangira kandi uruhare rukomeye rw’imiryango n’ibikorwa biyobowe n’abaturage, kuko ari ingenzi mu gutanga serivisi, ubuvugizi, gukurikirana ibikorwa no kubazwa inshingano, bityo ko ikwiye gushyigikirwa mu buryo burambye.

Mu gihe isi igana mu mwaka wa 2030, u Rwanda rwasabye kongera ubufatanye ku rwego mpuzamahanga, gushora imari ihagije no gukomeza ubufatanye bw’ibihugu, kugira ngo imyanzuro izafatirwa mu itangazo rya gahunda ya 2026 izashyirwe mu bikorwa ku nyungu z’abaturage bose.

U Rwanda rwagaragaje kandi ko rushimira ibihugu bya Georgia na Botswana byabaye abafatanyabikorwa mu gutegura inyandiko y’itangazo rya 2026, ndetse rukaba rwiteguye kwakira no kuyemeza ku mugaragaro.

Iki cyemezo cyafashwe mu gihe impande zombi zikomeje gushaka uburyo bwo kugera ku masezerano arambye agamije kugabanya umwuka mubi wari umaze igihe hagati yazo.

Abahuza baturutse muri Qatar na Pakistan batangaje ko habayeho ubwumvikane ku ngengabihe y’iminsi 60 izakoreshwa mu kuganira ku masezerano ya nyuma.

Abayobozi batangaje kandi ko imirwano yari imaze igihe ibera muri Libani yagabanutse ku buryo bugaragara. Ibi biganiro byatumye hanashyirwaho uburyo bwo gufasha guhagarika amakimbirane hagati ya Israel n’umutwe wa Hezbollah ushyigikiwe na Iran, hagamijwe kugarura ituze muri ako Karere.

Amerika yavuze ko guhagarika ibihano kuri Iran ari intambwe yo kubaka icyizere hagati y’impande zombi no gushyigikira ibiganiro bikomeje kujya imbere. Perezida Donald Trump yavuze ko Amerika izakomeza gukurikiranira hafi ishyirwa mu bikorwa ry’amasezerano, yongeraho ko ishobora gufata izindi ngamba mu gihe Iran yaba itubahirije ibyo yemeye.

Abasesenguzi bavuga ko aya masezerano ashobora gutanga icyizere cyo kugabanya amakimbirane amaze igihe mu Burasirazuba bwo Hagati, nubwo hakiri byinshi bigomba kuganirwaho mbere y’uko impande zombi zagera ku masezerano ya burundu.

Ni ibikorwa byabaye mu bitaro byitiriwe Umwami Faisal, bimwe mu bikomeye mu karere bitanga serivisi z’ubuvuzi ziri ku rwego mpuzamahanga.

Iyi ntambwe ntabwo ifatwa nk’mibare gusa yabasimburijwe impyiko, ahubwo igaragaza imbaraga u Rwanda rushyira mu bufatanye mpuzamahanga ndetse n’umuhate warwo wo kubaka ubushobozi bw’abaganga b’Abanyarwanda.

Iyi gahunda Living Donor Kidney Transplant Program, itangizwa muri 2023, abaganga b’inzobere b’Abanyarwanda bari bamaze iminsi bategurwa bafatanyije n’itsinda ry’abavuye muri Leta Zunze Ubumwe za Amerika. Muri icyo gikorwa basimburije abarwayi batatu impyiko.

Ibitaro byitiriwe Umwami Faisal, byatangaje ko binyuze mu mikoranire n’Ikigo cya Kaminuza ya Michigan yigisha ibijyanye n’ubuzima (University of Michigan Center for Global Health Equity – UM-CGHE) hamwe na Michigan Medicine, u Rwanda rwabashije kongera ubumenyi n’ubushobozi bw’inzobere z’imbere mu gihugu.

Bigizwemo uruhare na Prof. Jeffrey Punch, Ibitaro byitiriwe Umwami Faisal, bivuga ko iyi gahunda yibanze ku gutoza abaganga b’Abanyarwanda gukora ibikorwa byo gusimbuza impyiko, kubaka no kongerera ubushobozi amatsinda y’abaganga batandukanye ndetse bikajyana no gushyiraho uburyo burambye bwo gutanga izi serivisi mu Rwanda.

Kugeza ubu abarwayi bahoraga bajya kwivuriza mu mahanga ndetse bikajyana n’ikiguzi gihanitse cyo kubona serivisi babaga bakeneye, ubu bashobora kubona ubuvuzi bubafasha kurokora ubuzima bwabo batari kure y’imiryango yabo, kandi bitabahenze.

Mbere y’uko gahunda Living Donor Kidney Transplant Program itangizwa mu 2023, Minisiteri y’Ubuzima, yatangazaga ko mu myaka irindwi ishize, abarwayi 67 boherejwe gusimburizwa impyiko mu bihugu by’amahanga bitwara arenga miliyoni 900 z’amafaranga y’u Rwanda.

U Rwanda rukomeje gushyira imbaraga mu kubaka urwego rw’ubuzima rushoboye mu gufasha Abanyarwanda ndetse n’abanyamahanga kubona serivisi z’ubuvuzi zigezweho imbere mu Gihugu.

Iyi nkuru yaciye igikuba ku mbuga nkoranyambaga aho bamwe bavuze ko ibyo yakoze ari ugutesha agaciro ikipe y’Igihugu akayirutisha umuryango we, ndetse ko adakwiye kuyigarukamo cyangwa kuzongera kuyihamagarwamo ukundi.

Umugore wa Doku witwa Shireen byavugwaga ko yari kubyara mu cyumweru cya kabiri cya Nyakanga, mu gihe igikombe cy’Isi kizaba gikomeje, bishobora no kuba kizaba kigeze no muri 1/4 cy’irangiza. Gusa kuri uyu wa Mbere nibwo inkuru yagiye hanze ko aribwo yibarutse umwana w’umuhungu, bahise bita "Praise".

Nyuma y’uko atangaje ko azajya kuba hafi y’umugore we mu gihe cyo kwibaruka, byakuruye impaka zikomeye gusa ariko Doku, avuga ko kuba ari umwana we wa mbere byatumye yumva ari ingenzi cyane kuba ahari muri uwo mwanya ukomeye mu buzima bwe. Yagize ati: “Ni umwana wanjye wa mbere, bityo rwose ndifuza kuba mpari.”

Nubwo hari bamwe babifashe nabi, hari n’abandi bashyigikiye icyemezo cye bavuga ko umuryango ugomba kuza imbere ya byose, mu gihe abandi bo bavuga ko inshingano zo gukinira igihugu zikwiye guhabwa agaciro kihariye cyane cyane mu marushanwa akomeye nk’Igikombe cy’Isi.

Bamwe mu bamunenze harimo n’umunyamakuru wa L’Equipe TV, France Pierron aho yavuze ko atishimiye na gato icyo cyemezo, agira ati: “Ibi birambabaje cyane. Iyo ubonye amahirwe yo gukina Igikombe cy’Isi, hari amagana y’abakinnyi babyifuza cyane hamwe banahasiga ubuzima.”

Yakomeje avuga ko Igikombe cy’Isi ari umwanya udasanzwe ku mukinnyi, kuko inzozi ziba zibaye impamo, bityo kubona umuntu witandukanya nabyo agiye kuba hafi y’umugore we ugiye kubyara, bitumvikana kuri we.

Pierron yanavuze amagambo yakuruye impaka agira ati: “Mbabarira, ariko se umubyeyi w’umugabo hari icyo afasha? Ni nk’inyongera gusa. Afata ukuboko, bagafata ifoto.”

Yongeyeho ko urugendo rurerure rw’amasaha 10, umunaniro ndetse n’amarangamutima azagarukana avuye kureba umwana we wa Mbere avuka, bishobora kugira ingaruka ku mikinire ya Doku mu gihe azaba agarutse mu irushanwa.

Ati: “Uzafata urugendo rurerure, unanirwe, unanyure mu bihe bikomeye by’amarangamutima… uzagaruka ute ukine neza? Umwana azahora ahari.”

Nubwo izo mpaka zakomeje kuba iz’urudaca, Ishyirahamwe ry’Umupira w’Amaguru mu Bubiligi, kuri uyu wa Mbere ryatangaje ko umukinnyi Jeremy Doku yagereye i Londres ku gihe, kugira ngo abe hafi y’umugore we Shireen mu gihe yiteguraga kwibaruka.

Mu itangazo ryashyizwe ahagaragara n’umuganga w’ikipe, Brahim Hacene, yavuze ko Doku yari yabonye amakuru mbere y’umukino wabaye ku Cyumweru wahuje u Bubiligi na Iran ko igihe umugore we yagombaga kubyarira cyari cyegereje cyane.

Bagize ati: “Byagenze neza cyane, nyina, se n’umwana bose bameze neza. Jérémy azagaruka mu ikipe ku mugoroba wo ku wa Kabiri i Seattle.”

Mu bandi banenze Doku, harimo Peter Janssens umwe mu bamutoje akiri muto, yabwiye itangazamakuru ryo mu Bubiligi ko uyu musore yari yarafashe umwanzuro kuva kera.

Yagize ati: “Bishobora kumvikana nabi, ariko niba wahisemo kujya mu Gikombe cy’Isi, uba wahisemo no gukina. Umwana ntaho azajya.”

Undi wahoze ari umukinnyi w’ikipe y’igihugu y’u Bubiligi, Gert Verheyen, we yabivuze mu buryo bwo gutebya, yibaza icyo Doku yari gukora mu gihe umugore we ari kubyara. agize ati: “Icyo ushobora kuvuga gusa ni, humura uramera neza."

Icyakora, nyuma y’igihe gito, umuriro ugurumana ku mbuga nkoranyambaga, France Pierron yaje gusaba imbabazi nyuma y’uko hari bamwe bamunenze kubera amagambo yatangaje ndetse n’ikinyamakuru akorera cya L’Equipe, cyatangaje ko kitandukanije n’ibyo yavuze.

Mu itangazo ryashyizwe ahagaragara ku mugoroba wo ku Cyumweru, ikinyamakuru L’Équipe ishami rya Siporo, cyatangaje ko cyitandukanyije n’amagambo yavuzwe n’umunyamakuru France Pierron, kuko yababaje benshi mu bakurikira ibiganiro byacyo.

Iri tangazo ryagiraga riti: “L’Équipe yitandukanyije n’aya magambo, kuko atandukanye n’indangagaciro zayo, kandi irasaba imbabazi umukinnyi uvugwa ndetse n’abarebaga ikiganiro bose muri rusange.”

L’Équipe yahise itangaza ko uyu mugore, Pierron ahise ahagarikwa kugeza tariki 03 Nyakanga 2026.

Umwe mu banenze uyu mugore, harimo umunyamideli n’umuhanzi, Caroline Salame, wanakiniye Canada mu Gikombe cy’Isi cy’abatarengeje imyaka 17 cyabereye muri Nouvelle-Zélande.

Yabwiye Pierron ku mbuga nkoranyambaga ati: “Biteye isoni. Nk’umuntu wakinnye Igikombe cy’Isi kandi akanabyara, ndakubwira ko ikintu gikomeye kurusha ibindi nakoze mu buzima bwanjye kandi nishimira cyane ari ukuzana umwana ku Isi.”

France Pierron, yahise ahagarikwa kugeza tariki 03 Nyakanga 2026

Yongeraho ko atazi uko yari kubigeraho adafite umugabo we hafi ye, ashimangira ko mu gihe cyo kubyara bishobora kugorana cyane kandi ko hari byinshi bishobora kubaho mu gihe icyo ari cyo cyose.

Huawei ICT Competition ni irushanwa ngarukamwaka ritegurwa n’ikigo cya Huawei ku rwego rw’Isi. Ryashyiriweho abanyeshuri n’abarimu bo muri za kaminuza n’amashuri makuru.

Ni irushanwa rifatwa nk’urubuga mpuzamahanga rwo guhatana no kungurana ubumenyi, rigafasha abaryitabiriye kongera ubumenyi bwabo mu by’ikoranabuhanga, kunoza ubumenyingiro no guteza imbere guhanga udushya hifashishijwe ikoranabuhanga rigezweho

Mu makipe atatu y’abanyeshuri bari bahagarariye u Rwanda, ikipe imwe yegukanye igihembo cya mbere (First Prize) mu cyiciro cya Network Track, ndetse inegukana igihembo cya kabiri (Second Prize) mu byiciro bya Cloud na Computing.

Minisitiri Nsengimana yashimangiye ko iki ari ikimenyetso cy’ubuhanga n’ubushobozi by’urubyiruko rw’u Rwanda mu ikoranabuhanga, anabashishikariza gukomeza kwagura ubumenyi no guhatana ku rwego mpuzamahanga.

Ibi byagezweho bigaragaza intambwe u Rwanda rukomeje gutera mu guteza imbere ubumenyi n’ikoranabuhanga nk’imwe mu nkingi z’iterambere ry’igihugu.

Muri uyu mwaka, u Rwanda rwari ruhagarariwe n’amakipe atatu mu cyiciro kizwi nka Practice Competition, aho yahatanye mu byiciro bito bitatu birimo ikoranabuhanga ry’imiyoboro y’itumanaho rizwi nka Network Track, ikoranabuhanga rya Cloud Track, ndetse n’ikoranabuhanga ry’imikorere ya mudasobwa rizwi nka Computing Track.

Aba bakinnyi bafatiwe iki cyemezo nyuma yo kutitanira ubutumire bw’Ikipe y’Igihugu yari yabahamagaye mu mwiherero wo kwitegura imikino y’amajonjora y’Igikombe cy’Isi cya FIBA mu Karere ka Afurika, nyamara bari bararekuwe n’amakipe basanzwe bakinamo.

FERWABA yavuze ko iki cyemezo gifashwe hakurikijwe amategeko ya FIBA n’imyanzuro y’Inteko Rusange y’iri shyirahamwe, isaba ko umukinnyi wahamagawe mu Ikipe y’Igihugu agomba kubahiriza ubwo butumire.

Iri shyirahamwe ryashimangiye ko rikomeje gushyira imbere ikinyabupfura, ubwitange no kubaha inshingano z’Ikipe y’Igihugu, nk’ishingiro ry’iterambere rya Basketball mu Rwanda. Kugeza ubu nta mpamvu zizwi aba bakinnyi batanze zituma batazitabira ubutumire bw’ikipe y’Igihugu.

Tariki 11 Kamena 2026, nibwo Umutoza w’Ikipe y’Igihugu y’Abagabo ya Basketball, Murenzi Yves yahamagaye abakinnyi 16 azakuramo abo agomba kwifashisha mu mikino yo gushaka itike y’Igikombe cy’Isi cya 2027. Kuri uru rutonde hagaragaraho Ntore Habimana ndetse na Axel Mpoyo.

Iyi mikino ya Kabiri y’ijonjora izabera muri Angola kuva tariki ya 2 kugeza ku ya 5 Nyakanga 2026.

Icyiciro cya mbere cy’iyi mikino, Ikipe y’u Rwanda yitwaye nabi itsindwa imikino yose uko ari itatu, bituma isoza ari yo ya nyuma mu Itsinda C ririmo Guinea yariyoboye n’amanota atandatu, Tunisia n’amanota atanu na Nigeria y’amanota ane.

Ni ibyo yagarutseho mu ijambo yagejeje ku bitabiriye umuhango wo gutangiza Inama yiga ku miyoborere muri Lesotho, yatangijwe ku mugaragaro na Minisitiri w’Intebe wa Lesotho, Samuel Matekane. Ni igikorwa cyabaye hifashishijwe ikoranabuhanga.

Minisitiri w’Intebe yagarutse ku rugendo rw’u Rwanda mu miyoborere n’iterambere, ashimangira kandi ko ubufatanye hagati ya Lesotho n’u Rwanda bukomeje kwaguka no gukomera.

Yagize ati: “Twishimira cyane ibiganiro byo kungurana ibitekerezo n’ubumenyi byabaye hagati y’Ibihugu byombi mu myaka ishize, harimo no kwitabira Umwiherero w’Abayobozi muri Lesotho, kuko bigaragaza intego duhuje yo gusangira ubumenyi n’ubunararibonye. Twiteguye kurushaho gushimangira ubwo bufatanye kugira ngo bugirire akamaro abaturage b’Ibihugu byombi.”

Umubano w’u Rwanda na Lesotho watangiye kubakwa mu 1983, ukaba ushingiye ku bwubahane n’ubufatanye hagati y’ibihugu byombi. Wabagariwe n’ibikorwa bitandukanye byiganjemo kugenderanirana kw’abayobozi b’impande zombi.

Muri 2024, Guverinoma y’u Rwanda n’Ubwami bwa Lesotho byasinye amasezerano y’imikoranire (General Cooperation Agreement) azagira uruhare mu gufasha ibihugu byombi kwagura imikoranire igamije inyungu ku mpande zombi.

By’umwihariko u Rwanda na Lesotho bisanzwe bifitanye ubutwererane mu nzego zirimo n’iz’umutekano.

Ni ubutumwa yatanze kuri uyu wa Mbere, ubwo yafunguraga inama ku bufatanye hagati y’ibihugu bikiyubaka n’abandi bafatanyabikorwa (South-South & Triangular Cooperation), ibera i Kigali kuva kuri uyu wa 22-23 Kamena 2026.

Iyi nama yateguwe n’Urwego rw’Igihugu rushinzwe Ubutwererane mpuzamahanga, ku bufatanye n’Ishami ry’Umuryango w’Abibumbye rishinzwe Iterambere mu Rwanda (UNDP), ikaba ifite insanganyamatsiko igira iti: “Gushimangira ubufatanye n’inzego zishyiraho amategeko n’amabwiriza mu koroshya ishyirwa mu bikorwa ryabyo.”

Minisitiri Nduhungirehe yatangaje ko u Rwanda rwishimiye kwakira ku nshuro ya mbere iyi nama mpuzamahanga ku bufatanye bw’Ibihugu bikiyubaka ndetse nk’abafatanyabikorwa batandukanye mu iterambere ryabyo.

Yagize ati: “U Rwanda rwishimira kwakira iyi nama ya mbere, kandi rufite intego yo gushyira ku rwego mpuzamahanga Kigali nk’ihuriro ry’ubufatanye bw’Ibihugu bikiyubaka n’ubw’abafatanyabikorwa. ahantu ho guhanahana ubumenyi hagati y’ibihugu kandi bigategurwa neza, aho ibikorwa byiza bishyirwa mu bikorwa bikanahuzwa n’aho bikeneye gukoreshwa, aho kuba ibyo kurebererwa gusa.”

Minisitiri w’Ububanyi n’Amahanga, Olivier Nduhungirehe yakomeje ashimangira ko ubu bufatanye bugamije gutuma ibihugu byo mu Majyepfo y’Isi bibasha gukorana nta busumbane hagati yabyo, bisangira ibisubizo ku bibazo bihuriyeho, hagamijwe iterambere rusange n’ubukungu burambye.

Iyi nama igaragaza intambwe u Rwanda rukomeje gutera mu guteza imbere ubufatanye mpuzamahanga bushingiye ku bwubahane, gusangira ubumenyi, no gushakira hamwe ibisubizo byafasha ibihugu kugera ku iterambere rirambye.

Minisitiri Nduhungirehe kandi yibukije abitabiriye iyi nama ko ubufatanye bw’Ibihugu bikiyubaka ndetse n’ubw’abafatanyabikorwa bushingiye ku kubahana no gusangira ubunararibonye, aho kugira ngo bamwe batekereze ko ubumenyi buva ku ruhande rumwe ahubwo bugana no ku rundi.

Yagaragaje ko ubu buryo bw’ubufatanye bugamije guteza imbere ibihugu biri mu nzira y’amajyambere binyuze mu gusangira ibisubizo byabashije kugerwaho n’ibindi byakozwe mu bindi bihugu bifite imiterere ijya gusa, bityo bigafasha mu kwihutisha iterambere rirambye.

Iyi nama ihuje abayobozi, impuguke n’abafatanyabikorwa batandukanye, mu rwego rwo kungurana ibitekerezo ku buryo bwo kunoza imikorere y’ubu bufatanye, no gushaka ibisubizo bifatika byafasha mu gushyira mu bikorwa gahunda z’iterambere mu buryo bunoze.

Ibirori by’ubukwe bw’aba bombi byabereye mu ihema rya Kigali Conference and Exhibition Village, ahazwi nka Camp Kigali. Ni ibirori byarimbishijwe n’Umunya-Uganda Icandy, umuhanga mu gukora decoration uzwi cyane mu Karere na Afurika y’Iburasirazuba.

Clinton Ndikumagenge mbere y’uko ubukwe buba, mu butumwa bw’amashusho yanyujije kuri Instagram ye, ari kumwe n’umukunzi we, yagize ati “Ku wa Gatandatu hatinze kugera”.

Ntabwo byatinze kuko ku wa Gatandatu tariki 20 Kamena 2026, byarageze maze imbere y’imiryango yabo bombi ndetse n’inshuti, basezerana imbere y’Imana kubana nk’umugore n’umugabo.

Nyuma y’ubu bukwe Clinton Ndikumagenge yashimye abantu bose baje kubashyigikira kugira ngo ibirori byabo bigende neza.

Yagize ati “Mwarakoze cyane mwese mwaje, abagize uruhare mu migendekere myiza y’ubukwe, abadushyigikiye n’abadufashije kugira ngo umunsi w’ubukwe bwacu ube uwo tuzahora twibuka. Turishimye kandi namwe mwakire ishimwe riva ku ndiba y’imitima yacu.’’

Aba bombi bakoze ubukwe nyuma y’igihe bari mu munyenga w’urukundo kuko mu 2022 Prophet Vincent Mackay yambitse impeta y’urukundo Clinton Ndikumagenge amusaba kuzamubera umugore, umuhango wabereye mu Kirwa cya Santorini mu Bugiriki.

Uyu mugore n’umugabo we, basanzwe ari abakozi b’Imana, kuko Kate Clinton Ndikumagenge yamenyekanye binyuze mu nyigisho anyuza kuri Instagram, aho yigisha ubutumwa bwiza abinyujije mu cyo yise “Preeminent Touch” mu gihe Prophet Vincent, ari we washinze akaba anayobora “Prayer Warriors Global”.

Yabitangaje mu ijambo yagejeje ku bitabiriye inama ngarukamwaka yiga kuri politiki y’ifaranga, yanyuze ku bitangazamakuru bya Leta.

Perezida Pezeshkian yavuze ko gahunda ya Iran ijyanye n’ingufu za Nikeleyeri izakomeza uko iri, anagaragaza ko ari uburenganzira bw’Igihugu gihabwa n’amategeko mpuzamahanga, nubwo hakomeje kwiyongera igitutu cy’ibihugu byo mu Burengerazuba.

Ibi bije mu gihe mu Busuwisi ku buhuza bwa Qatar, hari kubera ibiganiro hagati ya Iran na Leta Zunze Ubumwe za Amerika, aho ikibazo cy’ikorwa ry’intwaro za Nikeleyeri kiri mu by’ingenzi bikomeje kugibwaho impaka.

Iran ishimangira ko gahunda yayo yo kwihaza ku butare bwa uranium igamije amahoro n’iterambere, ariko ibihugu bimwe bikomeje kugaragaza impungenge ko ishobora kuyifashisha mu gukora intwaro za kirimbuzi.

Iri rushanwa kandi ryitabiriwe n’Ikipe ya Karate y’Ingabo zidasanzwe (RDF Special Forces) n’andi makipe atandukanye abarizwa mu Ishyirahamwe ry’Umukino wa Karate mu Rwanda (FERWAKA), mu bagabo n’abagore. Ryabaye kandi umwanya wo gukomeza kwimakaza amahoro, ubumwe n’ubwiyunge binyuze muri siporo.

Mbere y’uko irushanwa ritangira, abagize amakipe yose yaryitabiriye babanje kwifatanya mu bikorwa byo kwibuka Jenoside yakorewe Abatutsi, birimo urugendo rwo kwibuka (Walk to Remember) rwaganaga ku Rwibutso rwa Jenoside rwa Rubengera, ahashyinguye imibiri y’abasaga 3,439 bishwe muri Jenoside.

Urubyiruko rwitabiriye iri rushanwa, rwahawe umwanya wo gusobanukirwa amateka no gufata iya mbere mu kurwanya ingengabitekerezo ya Jenoside.

Umuyobozi wungirije w’Akarere ka Karongi ushinzwe imibereho myiza y’abaturage, Madamu Umuhoza Pascasie, yashimye urubyiruko by’umwihariko Ishyirahamwe rya Karate mu Rwanda, ku ruhare rwabo mu kwibuka Jenoside yakorewe Abatutsi binyuze mu mikino, ndetse no gukomeza gufasha abayirokotse.

Yaboneyeho no kubashishikariza gukomeza kwimakaza indangagaciro za Karate zirimo imyitwarire myiza, ikinyabupfura n’ubwitange, nk’umusanzu mu kubaka sosiyete irangwa n’ubumwe n’amahoro arambye.

Iyi nama iri kwibanda ku biganiro bya tekiniki bigamije kunoza uburyo izo mpunzi zafashwa gutaha mu buryo butekanye, bwubahiriza uburenganzira bwazo kandi bikajyana n’icyizere cyo kutazongera gusubira mu buhungiro.

Biteganyijwe ko nyuma y’ibi biganiro bya tekiniki, hazakurikiraho inama yo ku rwego rw’abaminisitiri izaba kuri uyu wa Mbere tariki 22 Kamena 2026, igamije gufata imyanzuro ku rwego rwa politiki ishyigikira ishyirwa mu bikorwa ry’iyi gahunda.

Iyi gahunda yo gufasha impunzi gutaha ku bushake ifatwa nk’intambwe ikomeye mu gushaka ibisubizo birambye ku kibazo cy’impunzi mu karere, no gukomeza guteza imbere umutekano n’ubufatanye hagati y’ibihugu byombi.

Muri Nyakanga 2025, nibwo Guverinoma y’u Rwanda, iya Repubulika Iharanira Demokarasi ya Congo n’ishami ry’Umuryango w’Abibumbye rishinzwe impunzi (HCR) byemeranyije gufatanya mu bikorwa byo gucyura impunzi z’Abanye-Congo n’Abanyarwanda zibyifuza.

Uyu mwanzuro washyizweho umukono na Ambasaderi w’u Rwanda muri Ethiopia, Charles Karamba, Minisitiri w’Umutekano w’Imbere muri RDC, Jacquemain Shabani, n’intumwa ya HCR, Raouf Mazou, ubwo bahuriraga mu nama i Adis Abeba.

Washingiye ku masezerano impande zose zagiranye ku wa 17 Gashyantare 2010, amasezerano y’amahoro ya Washington u Rwanda rwagiranye na RDC ku wa 27 Kamena 2025 n’amahame ya Doha RDC n’ihuriro AFC/M23 byagiranye ku wa 19 Nyakanga 2025.

Mu masezerano ya Washington n’amahame ya Doha, impande zose zumvikanye ko zizafasha impunzi ndetse n’abahungiye imbere muri RDC gutaha ku bushake, mu buryo butekanye kandi buzihesha agaciro.

Impande zose zemeranyije kunoza uburyo bwo kumenyesha impunzi ndetse n’abaturage bazaturana na zo gahunda yo kuzicyura, hifashishijwe uburyo bw’ikoranabuhanga, hagamijwe kurema icyizere ndetse no gukorera mu mucyo.

Iyi mpano y’indege, Leta Zunze Ubumwe za Amerika yahise itangira kuyivugurura kugira ngo igandane n’igihe ndetse kugeza ubu ni imwe mu zifite ikoranabuhanga kandi yubatse bitigeze bigira indi ndege yabayeho mu zitwara Umukuru w’Igihugu.

Perezida Trump ubwo yayitahaga ku mugaragaro, yavuze kandi ko iyi ndege ari intambwe ikomeye mu kongerera ubushobozi n’umutekano ubuyobozi bukuru bw’Igihugu, anashimangira ko igaragaza imbaraga n’iterambere bya Amerika mu rwego rw’ikoranabuhanga ryo mu kirere.

Abahanga mu by’indege bavuga ko iyi Air Force One idafatwa nk’iyo gutwara Perezida wa Amerika mu ngendo ze gusa ahubwo ko ari nk’ibiro bye n’abandi bayobozi bakuru bizajya biba byogiga ikirere, kuko gifite ubushobozi buhambaye bwo kumara ibihe byose ikorera mu kirere, cyane cyane mu bihe by’intambara cyangwa ibibazo bikomeye by’umutekano.

Imwe mu miterere yayo ku bijyanye n’ikoranabuhanga ry’itumanaho rigezweho

Air Force One nshya ifite uburyo buhambaye bwo gutumanaho buyifasha guhuza Perezida n’inzego zose z’igihugu ndetse n’Isi yose. Ifite ikoranabuhanga rya satellite rituma igira itumanaho rihamye kandi ridashobora kuvangirwa, harimo n’imirongo ya telefone idashobora kumvwa n’uwo ariwe wese mu bashobora kuyinjirira.

Ibi bituma Perezida ashobora gukomeza kuyobora Igihugu aho yaba ari hose, ndetse no mu kirere, nta nkomyi.

Ubwirinzi buhanitse ku rwego rwa gisirikare

Kimwe mu by’ingenzi byahawe iyi ndege ni uburyo bw’umutekano bukomeye cyane. Ifite uburyo bwo kwirinda ibisasu byayiterwaho (missile defense systems), harimo n’ikoranabuhanga riyobya ibisasu bya rutura bikoresha ikoranabuhanga rya infrared decoys.

Iyi ndege kandi ifite uburyo bwo guhagarika cyangwa kuyobya radar z’umwanzi (electronic jamming), ndetse n’ubwirinzi bukomeye ku bitero byo mu ikoranabuhanga (cybersecurity systems) ku buryo abitwa ko ari aba hackers cyangwa se abafatwa nk’abajura mu by’ikoranabuhanga badashobora kugira aho bamenera.

Ubushobozi mu gihe cy’ibitero by’ibisasu bya kirimbuzi

Air Force One nshya yubatswe ku buryo ishobora gukora no mu bihe bikomeye cyane, harimo n’igihe habayeho ibitero by’ibisasu bya Nikeleyeri cyangwa electromagnetic pulse (EMP). Sisitemu zayo zubatswe ku buryo zidashobora kwangizwa n’ingaruka z’ibyo bisasu, hamwe bitayibuza gukomeza gukora nk’ibisanzwe.

Ibi biyigira imwe mu ndege ku Isi zifite ubushobozi n’ikoranabuhanga bihambaye byo kudakomwa mu nkokora n’ikibazo cy’umutekano uko cyaba kimeze kose kuburyo ubuyobozi bw’Igihugu bwakomeza gukora no mu bihe bikomeye cyane.

Ubushobozi bwo kuguma mu kirere igihe kirekire

Iyi ndege ifite uburyo bwo kongererwa amavuta iri mu kirere (mid-air refueling), bivuze ko ishobora kuguma mu kirere igihe kirekire cyane idahagaze.

Ibi ni ingenzi cyane by’umwihariko mu gihe hari ibibazo bivutse bikaba bitatuma Perezida asabwa kubanza kururka ku kibuga cy’indege ahubwo agakomeza kuyobora Igihugu no gufata ibyemezo bitandukanye cyane cyane mu bihe by’umutekano muke.

Imiterere y’imbere n’ibijyanye n’ubuvuzi

Imbere muri iyi ndege harimo ibiro bya Perezida, ibyumba by’inama, aho abajyanama be bakorera ndetse n’aho abanyamakuru bakorera.

Hari kandi igice cyihariye cyagenewe ubuvuzi (medical suite) gifite ibikoresho byo kuvura by’ikoranabuhanga no gutanga z’ubuvuzi bwihuse ndetse n’abaganga bahora biteguye, ku buryo ishobora no gukora nk’ibitaro bito biri mu kirere.

Impinduka mu mikorere ya Air Force One

Iyi ndege nshya ya Boeing 747-8 yatanzwe nk’inkunga na Qatar ikaza kuvugururwa hakoreshejwe agera kuri miliyari 1 mu madolari ya Amerika, ubushobozi yahawe bwatumye Amerika ikomeza kuba Igihugu gifite indege ifite ubushobozi buhanitse ku rwego rw’Isi, ihuza umutekano, ikoranabuhanga n’imikorere yihariye.

Impinduka za Air Force One harimo n’amabara ayigize bitandukanye n’iya mbere kuko ashingiye ku ibendera rya Amerika.

Indege za Air Force One zari zisanzwe zikoreshwa ni izo mu bwoko bwa Boeing VC-25A, zatangiye gukoreshwa mu 1990 ku butegetsi bwa George H.W. Bush.

Ubu bufatanye bufite akamaro gakomeye kuko bugamije gufungura inzira nshya z’ubwikorezi bw’ibicuruzwa biva muri Nigeria biza i Kigali, Lusaka muri Zambia na Harare muri Zimbabwe, ndetse no kurushaho koroshya ingendo z’ubucuruzi zijya i Nairobi na Johannesburg binyuze mu ngendo za RwandAir.

Minisitiri w’inganda, ubucuruzi n’ishoramari wa Nigeria, Jumoke Oduwole, yatangaje ko igihugu cye gikomeje gushyira imbaraga mu guteza imbere ubucuruzi hagati y’ibihugu bya Afurika, binyuze mu gushyira mu bikorwa amasezerano y’isoko rusange rya Afurika, African Continental Free Trade Area.

Ibi yabigarutseho mu muhango wo gutangiza ku mugaragaro gahunda y’ubwikorezi bw’imizigo mu ndege binyuze mu muhora uhuza uhuza Nigeria n’Afurika y’Iburasirazuba n’iy’Amajyepfo, ku bufatanye na RwandAir.

Yagize ati: “Intego yacu ni ukoroshya no kugabanya ibiciro ku bacuruzi ba Nigeria bashaka gukorera ubucuruzi hirya no hino muri Afurika. Umwaka ushize, twatangije iyi gahunda igamije gukemura ikibazo gikomeye cyari kibangamiye abohereza ibicuruzwa hanze kubera ibiciro bihanitse byo kugeza ibicuruzwa ku masoko yo muri Afurika.”

Yakomeje asobanura ko ubu bufatanye bushya na RwandAir bugamije kwagura iyo gahunda, bugafungura inzira nshya z’ubucuruzi no kongera amahitamo ku bohereza ibicuruzwa hanze ya Nigeria.

Ati: “Ubu, dufatanyije na RwandAir, turi kwagura iyi gahunda, dufungura inzira nshya nyinshi, no guha abacuruzi bacu amahirwe menshi yo guhangana ku isoko rya Afurika.”

Iyi gahunda biteganyijwe ko izafasha koroshya ubwikorezi bw’ibicuruzwa hagati ya Nigeria n’ibindi bihugu bya Afurika, bityo igafasha kuzamura ubucuruzi bwambukiranya imipaka no guteza imbere iterambere ry’ubukungu ku mugabane.

Umuyobozi ushinzwe serivisi z’ubwikorezi bw’imizigo muri RwandAir, Jean Bosco Gakwaya, yatangaje ko ubufatanye bushya bw’iyi sosiyete na Nigeria bugiye gufasha cyane guhuza inganda zo muri icyo gihugu n’amasoko akomeye yo muri Afurika y’Iburasirazuba n’iy’Amajyepfo, hifashishijwe inzira za RwandAir.

Gakwaya yavuze ko iyi ari intambwe ikomeye mu guteza imbere ubucuruzi hagati y’ibihugu bya Afurika, cyane cyane mu koroshya uburyo ibicuruzwa bitwarwa ku mugabane.

Yagize ati: “Iki ni igihe gikomeye ku bucuruzi bwo mu bihugu bya Afurika no mu buryo dukwiye koroshya itwarwa ry’ibicuruzwa ku mugabane. Ubushobozi dufite bwo guhuza neza abacuruzi n’amasoko yo mu Turere dutandukanye burushaho gushimangira uruhare rw’ubwikorezi bwo mu kirere mu iterambere ry’ubukungu bwa Afurika.”

Yakomeje asobanura ko ubu bufatanye bugaragaza uburyo umubano w’ubucuruzi hagati ya Nigeria n’u Rwanda urimo kwaguka, cyane cyane nyuma y’ibiganiro byabaye hagati ya Perezida wa Nigeria, Bola Ahmed Tinubu, n’uwa Rwanda, Paul Kagame mu nama ya 13 ya CEO Forum yabereye I Kigali muri Gicurasi 2026.

Iri terambere ryitezweho kongera amahirwe ku bashoramari n’abohereza ibicuruzwa hanze, rinatange umusanzu mu gushyira mu bikorwa isoko rusange rya Afurika, rigamije kuzamura ubucuruzi n’iterambere rirambye ku mugabane.

Yabigarutseho mu kiganiro yabagejejeho ubwo Umuryango w’Abayisilamu mu Rwanda (RMC), wahuriye mu gikorwa cyo kwibuka ku nshuro ya 32 Jenoside yakorewe Abatutsi mu 1994, cyabereye ku Rwibutso rwa Jenoside rwa Nyanza–Kicukiro.

Umuvugizi Wungirije wa RDF, Lt Col Simon Kabera, mu kiganiro yatanze, yagaragaje uko Jenoside yakorewe Abatutsi mu 1994 yateguwe ikanashyirwa mu bikorwa, ndetse n’uruhare Ingabo za RPA zagize mu kuyihagarika, zigakiza ubuzima bw’abatari bake no kugarurira Abanyarwanda icyizere.

Yabasabye ko mu rwego rwo kurwanya abagihakana bakanapfobya Jenoside yakorewe Abatutsi bagomba kugira uruhare rwo kubungabunga ukuri ku mateka no gukumira ikwirakwizwa ry’imvugo n’ibitekerezo bibiba amacakubiri ari inshingano ya buri Munyarwanda, harimo no kwigisha abakiri bato amateka nyayo kugira ngo azabafashe kubaka ejo hazaza heza.

Iki gikorwa cyo kwibuka cyahuje abayobozi b’Umuryango w’Abayisilamu mu Rwanda, abayobozi mu nzego za Leta n’abafatanyabikorwa batandukanye, mu rwego rwo guha icyubahiro abazize Jenoside yakorewe Abatutsi, kuzirikana urugendo rw’u Rwanda mu bumwe n’ubwiyunge, no kongera gushimangira ubushake bwo gukumira ko Jenoside yazongera kubaho ukundi.

Mu 2025 nibwo Qatar yahaye Leta Zunze Ubumwe za Amerika iyi ndege yo mu bwoko bwa Boeing 747 ifite agaciro ka miliyoni 400$ nk’impano, ndetse ibijyanye no kuyivugurura no kuyongerera ubushobozi n’ibindi bikenewe kugira ngo ikoreshwe na Perezida w’iki gihugu byatwaye agera kuri miliyari 1 mu Madolari ya Amerika.

Perezida Trump ataha iyi ndege nshya ya Air Force One yavuze ko izakora urugendo rwayo mu gikorwa cyihariye mu kirere cya Washington, D.C. tariki 04 Nyakanga ubwo hazaba hizihizwa imyaka 250 Leta Zunze Ubumwe za Amerika zibonye ubwigenge.

Yagize ati: “Hazaba igikorwa cyo kuguruka mu kirere ku itariki ya 4 Nyakanga, kandi ntekereza ko nshobora kuvuga ko kizaba ari igikorwa tutigeze tubona nka cyo mbere.”

Ibi byitezweho kuba igikorwa gikomeye kandi cy’amateka, kizaba kigamije kwizihiza umunsi w’ubwigenge bwa Amerika mu buryo budasanzwe, hagaragaramo indege nshya ya perezida.

Perezida Donald Trump yavuze ku mpinduka za Air Force One harimo n’amabara ayigize bitandukanye n’iya mbere kuko ashingiye ku ibendera rya Amerika.

Yagize ati: “Aya ni yo mabara mashya, umutuku, umweru n’ubururu. Twakundaga ubururu bworoheje [baby blue], ariko igihe cyo guhindura cyari kigeze... Njye nkunda amabara agize ibendera rya Amerika.”

Perezida Trump, yavuze ko indege nshya ya Air Force One ari yo nini kurusha izindi zose zigeze kubaho ndetse ko ifite ubushobozi bwo kugera kure mu kirere kandi vuba.

Yagize ati: “Abapilote bacu, abashushanya n’abahanga mu ikoranabuhanga bakoze indege nini kurusha izindi zose za Air Force One zigeze gukorwa. Igera kure kandi vuba kurusha izindi zose… kandi ni imwe mu ndege nziza cyane Ingabo zirwanira mu kirere zizabona cyangwa gukoresha.”

Perezida Trump yavuze kandi ko iyi ndege ari intambwe ikomeye mu kongerera ubushobozi n’umutekano ubuyobozi bukuru bw’Igihugu, anashimangira ko igaragaza imbaraga n’iterambere bya Amerika mu rwego rw’ikoranabuhanga ryo mu kirere.

Indege za Air Force One zari zisanzwe zikoreshwa ni izo mu bwoko bwa Boeing VC-25A, zatangiye gukoreshwa mu 1990 ku butegetsi bwa George H.W. Bush.

“Aya ni yo mabara mashya, umutuku, umweru n’ubururu. Twakundaga ubururu bworoheje [baby blue], ariko igihe cyo guhindura cyari kigeze... Njye nkunda amabara agize ibendera rya Amerika.”

Perezida Donald Trump yavuze ku mpinduka z'indege nshya ya Air Force One harimo n'amabara… pic.twitter.com/ITotzxPKBQ

— Kigali Today (@kigalitoday) June 20, 2026

Kera mu muryango wasangaga gusangira ku meza byarabaga ari umwanya wo kuganira, guseka no gusangira amakuru y’umunsi, ariko iyo witegereje uyu munsi usanga wagira ngo nibwo buri wese abonye umwanya wo gukoresha telephone, aho bamwe bajya no kurya byamaze kuba ubutita.

Usanga ababyeyi cyangwa abana, umwe afite telefone mu ntoki, ari kuri WhatsApp, undi kuri Facebook, Instagram undi ari kureba videos kuri YouTube cyangwa TikTok, ibintu byatumye ubusabane bw’umuryango buri kugenda bukendera ndetse bamwe bavuga ko biteje impungenge ku hazaza h’umuryango.

Mu bushakashatsi buherutse gushyirwa ahagaragara, bwerekanye ko ikibazo uyu munsi kitari hagati y’abana n’ababyeyi kuko ikibabaje kurushaho ni uko n’aho abantu bagombye kwegerana cyane nko mu cyumba cy’abashakanye na ho telefone zimaze gufata umwanya. Aho kuganira ku buzima bwabo, ku bibazo bafite cyangwa ku ntego z’urugo, usanga buri wese yibereye mu Isi ye y’ikoranabuhanga.

Ariko nanone, si ukuvuga ko ikoranabuhanga ari ribi burundu. Ikibazo kiri mu mikoreshereze yaryo. Iyo ridafashwe neza, rishobora gusenya aho ryagombye kubaka.

Ubushakashatsi bushya bugaragaza ko ababyeyi bagenda bamara igihe kinini bakoresha telefoni n’ibindi bikoresho by’ikoranabuhanga mu gihe cyo kurya, rimwe na rimwe bakabikoresha kurusha abana babo. Abahanga bavuga ko ibi bishobora kuba bihindura uruhare rukomeye ifunguro ryo mu muryango ryari risanzwe rifite mu kubaka ubumwe.

Mu bushakashatsi bwagiye hanze ku wa Mbere tariki 15 Kamena 2026, mu kinyamakuru JAMA Pediatrics bwagaragaje ko imiryango isangira kenshi ifunguro igira inyungu nyinshi zirimo kongera ubusabane, kugira ubuzima bwo mu mutwe bwiza, no kugabanya ibyago by’uko abangavu n’ingimbi bakwishora mu bikorwa bishobora kubangiza ku kigero cya 30%.

Byongeye kandi, abana bo mu miryango isangira byibuze inshuro 3 kugeza kuri 5 mu cyumweru bagaragaza ubushobozi bwo kuganira neza n’ababyeyi babo ku kigero kiri hejuru ho hafi 40% ugereranyije n’abandi. Icyakora, kubera ubwiyongere bw’ikoreshwa ry’ikoranabuhanga bisa n’ibigenda bigabanya izi nyungu.

Mu bushakashatsi bwakorewe ku babyeyi barenga 350, bwagaragaje ko abarenga 75% muri bo bakoresheje ibikoresho by’ikoranabuhanga mu gihe cyo gufata ifunguro rya nimugoroba basangira n’imiryango yabo. Ibi bikoresho byakoreshejwe cyane ni telefoni zigezweho (smartphones), kuko ziza ku isonga mu bikunze gukoreshwa mu gihe cyo kurya.

Ubu bushakashatsi kandi bwerekanye ko n’abana bafite hagati y’imyaka 4 na 10, na bo batari kure y’ababyeyi babo mu ikoreshwa ry’ibi bikoresho. Hafi ya 70% y’abo bana bavuze ko na bo bajya ku mbuga nkoranyambaga mu gihe cyo gufata ifunguro, bareba amashusho, gukina imikino (Games), cyangwa gukoresha telefoni mu bindi bibarangaza.

Ibi bishimangira ko ikorababuhanga rikomeje guhindura imibereho mu miryango myinshi, ndetse rikaba riba ku mpande zombi haba ku babyeyi n’abana, bigatuma igihe cyo gusangira, cyahoze gifatwa nk’ingenzi mu guhuza umuryango no gusabana kiri gukendera.

Abashakashatsi bagira bati: “Iyo ababyeyi bahugiye ku bikoresho byabo [Telephone], ireme ry’ikiganiro riragabanuka cyane. Ntabwo ari ukuba uri ku meza gusa, ahubwo ni ukuba uri kumwe n’abandi mu buryo bwuzuye mu bitekerezo no mu marangamutima.”

Ubundi bushakashatsi bwerekana ko no gufata akanya gato ureba ubutumwa cyangwa amakuru kuri Telephone bishobora kugabanya ibiganiro ku kigero kiri hagati ya 20% na 30%. Ibi bituma abana babura amahirwe yo gusangira ibitekerezo n’ababyeyi babo bituma batekereza ko bigoye no gutegwa amatwi..

Iyo ababyeyi baha agaciro Telephone kurusha ibiganiro no gusabana n’abana babo mu miryango, bishobora gutuma abana bumva ko batitabwaho bihagije, ibintu abashakashatsi bavuga ko biba bizagira ingaruka ku mubano w’igihe kirekire.

Ibi bijyana n’imiterere y’isi muri rusange, aho ikoranabuhanga rikomeje gufata umwanya munini mu buzima bwa buri munsi. Nubwo rifite akamaro kanini, abahanga mu mitekerereze n’uburezi bagaragaza impungenge ku ngaruka rifite mu muryango.

Gusa nanone, ntibasaba ko ikoranabuhanga ridakoreshwa burundu, ahubwo basaba ko hashyirwaho imipaka isobanutse mu kurikoresha mu muryango mu rwego rwo gusigasira ubusabane, ibiganiro mu muryango.

Bimwe mu byo abashakashatsi batangaho inama byafasha umuryango harimo kugena ko mu gihe cyo kurya ntawe ugomba gukoresha Telephone, gushyiraho amategeko asobanutse ku ikoreshwa rya telephone ku meza ndetse kuba ababyeyi ari bo bagomba gutanga urugero rwiza.

Aba bashakashatsi bavuga ko igihe cyari kigeze ngo ababyeyi bongere kugira uruhare mu gushakira umwanya abana babo ndetse na bo ubwabo kuko bizabafasha mu kubaka umubano, kuganira, no gukomeza ubumwe bw’umuryango binyuze mu bintu bito ariko bifite agaciro kanini.

Uyu mwana w’umukobwa yitwa Adhara Pérez Sánchez, wavutse mu 2011, amaze kwamamara ku rwego mpuzamahanga kubera ubwenge budasanzwe afite, aho bivugwa ko ikigero cyabwo (IQ) kigera kuri 162 kikaba kirenze cyane igipimo gisanzwe cy’abantu benshi aho ubushakashatsi buvuga ko kiba kiri hafi ya 100 .

Mu gihe abana bagenzi be baba bakiri mu ntangiriro z’urugendo rw’uburezi, bataragera ku rwego rwo gusobanukirwa amasomo akomeye, Adhara we yasoje amashuri abanza afite imyaka itanu gusa, arangiza ayisumbuye mu gihe gito cyane mbere yo kujya muri Kaminuza.

Uyu mwana w’umuhanga yamaze kubona impamyabumenyi ebyiri mu bijyanye na engineering harimo iya systems engineering n’iya industrial engineering ndetse akaba yaranakomeje amasomo yo ku rwego rwa Master’s mu mibare akiri muto cyane.

Adhara Perez igipimo cy’ubwenge afite bivugwa ko kiri hejuru kurusha icya bamwe mu bahanga bakomeye babayeho mu mateka nka Albert Einstein na Stephen Hawking. Ibi byatumye afatwa nk’umwana w’umuhanga udasanzwe (child prodigy) mu bijyanye na siyansi n’ikoranabuhanga.

Nubwo yagaragaje impano idasanzwe, mu bwana bwe yahuye nibibazo by’ubuzima. Nyina wa Adhara, Nallely Sánchez, yavuze ko afite imyaka itatu yagize ibibazo by’indwara ya autism (Asperger syndrome), ibintu byatumye agorwa no kubana n’abandi bana ndetse bituma ahura n’itotezwa ku ishuri.

Nyina avuga ko nyuma yo gusanga uyu mwana afite igipimo cy’ubwenge kiri hejuru, byatumye ahabwa uburyo bwihariye bwo kwiga.

Kubera ubwo bwenge buhambaye, Adhara yarangije amashuri abanza afite imyaka itanu gusa, akomereza mu mashuri yisumbuye ndetse agera no ku rwego rwa Kaminuza akiri muto cyane.

Uyu mwana w’umuhanga afite inzozi zikomeye zo gukorera Ikigo cya Amerika gishinzwe iby’Isanzure (NASA) no kujya mu isanzure, aho yifuza kuzagira uruhare mu bushakashatsi mu by’isanzure ndetse no ku mibumbe nka Mars.

Kuri ubu, Adhara Pérez Sánchez afatwa nk’icyitegererezo ku bana benshi, cyane cyane abafite ibibazo byihariye, agaragaza ko ubushobozi n’inzozi bidakwiye guhagarikwa n’imbogamizi z’ubuzima.

Minisitiri Nduhungirehe yahuye n’Abanyarwanda batuye muri Afurika y’Epfo, mu gikorwa cyateguwe na Ambasade y’u Rwanda muri icyo Gihugu. Yakiriwe na Ambasaderi w’u Rwanda muri Afurika y’Epfo, Hategeka Emmanuel ari kumwe n’abakozi ba Ambasade.

Minisitiri Nduhungirehe yahaye ishusho rusange abo Banyarwanda y’uko umubano w’u Rwanda na Afurika y’Epfo uhagaze, agaragaza ko uri kongera gufata undi murongo, ashimangira ubushake bw’ibihugu byombi bwo kuwusubiza mu buryo no kuwuteza imbere mu nzego zitandukanye.

Muri ibyo bikorwa bigamije gusubiza mu buryo umubano w’u Rwanda na Afurika y’Epfo, ibihugu byombi byarashimangiye ko umwaka utaha hateganyijwe inama ya Komisiyo Ihuriweho yaherukaga kuba mu myaka 15 ishize.

Ntabwo ari iyo nama gusa kuko u Rwanda na Afurika y’Epfo byemeranyije gusubizaho uburyo bwo gutanga viza ku Banyarwanda bafite pasiporo zisanzwe bitarenze hagati mu mwaka wa 2027.

Yanagarutse ku iterambere ry’ubukungu bw’u Rwanda rikomeje kwiyongera, ndetse anasobanura uko umutekano uhagaze mu Karere. Yongeye gushimangira ko Guverinoma y’u Rwanda yiyemeje gukomeza kwegera no guha ubushobozi Abanyarwanda baba mu mahanga, kuko ibabona nk’abafatanyabikorwa bakomeye mu rugendo rw’iterambere ry’igihugu.

Minisitiri Nduhungirehe kandi yasabye Abanyarwanda baba muri Afurika y’Epfo gukomeza kwimakaza ubumwe, indangagaciro n’umuco Nyarwanda, ndetse no gukomeza kuba ba Ambasaderi beza b’u Rwanda aho bari hose.

Uyu mugoroba wabaye umwanya mwiza wo kuganira, gusabana no gukomeza gushimangira umubano hagati y’u Rwanda n’abaruvukamo batuye muri Afurika y’Epfo.

Iri murikabikorwa ry’uyu mwaka rifite insanganyamatsiko igira iti: “Twihutishe ivugurura ry’ubuhinzi n’ubworozi binyuze mu guhanga ibisubizo n’ubufatanye.”

Iyi nsanganyamatsiko igamije gushishikariza abahinzi n’aborozi gukoresha uburyo bushya bugezweho, kongera umusaruro, no guteza imbere ubuhinzi bushingiye ku bumenyi n’ikoranabuhanga.

Iri murikabikorwa ni amahirwe akomeye ku bahinzi, aborozi, abashoramari n’abandi bafite aho bahuriye n’uru rwego, kuko bazabona umwanya wo kumurika ibikorwa byabo, kungurana ibitekerezo, no gushaka amasoko y’ibyo bakora.

Biteganyijwe kandi ko abazaryitabira bazigishwa uburyo bwo kunoza ibikorwa byabo, bamenye amakuru agezweho mu buhinzi n’ubworozi, ndetse banahabwa amahirwe yo guhura n’abafatanyabikorwa batandukanye mu rwego rwo guteza imbere ibikorwa byabo.

MINAGRI yasabye abafite ibikorwa bifuza kumurika kwiyandikisha banyuze ku rubuga rwayo rwa interineti, ndetse inatanga nimero za telefoni bashobora kwifashisha mu gihe bakeneye ibindi bisobanuro.

Iri murikabikorwa ritegerejweho kuzagira uruhare rukomeye mu kongerera agaciro ibikorwa by’ubuhinzi n’ubworozi, no guteza imbere ubufatanye mu rubyiruko n’abashoramari mu rwego rwo kugera ku iterambere rirambye muri uru rwego.

Hirya no hino ku Isi, hamaze kumenyekana igikorwa cyitwa "World Naked Bike Ride (WNBR)" gikomeje kwamamara mu bihugu byinshi cyane cyane byo mu Burayi na Amerika, aho abantu batwara amagare bambaye uko bavutse abagerageje bagahisha gusa imyanya y’ibanga mu rwego rw’imyigaragambya yo gutanga ubutumwa.

Cyane cyane abategura ibi bikorwa usanga babikora nk’ubukangurambaga bugamije gusaba abo bireba kwita ku bidukikije, umutekano mu muhanda n’uburenganzira bw’abatwara amagare.

Iki gikorwa kigaragara nk’idasanzwe, cyatangiye nk’ubukangurambaga bwo kwamagana ikoreshwa rikabije ry’ibikomoka kuri peteroli no kugaragaza uburyo abatwara amagare mu mihanda irimo imodoka nyinshi bakwiye kwitabwaho hagashyirwaho uburyo bubarengera.

Inkomoko n’amateka y’iki gikorwa, bisaba gusubira inyuma mu mwaka wa 2001 mu Mujyi wa Zaragoza muri Espagne, aho itsinda ry’abigaragambyaga ryateguye urugendo ritwaye amagare bambaye uko bavutse mu rwego rwo kwamagana impfu z’abatwara amagare no gusaba ko umutekano mu muhanda witabwaho.

Mu 2003, Umunya-Canada witwa Conrad Schmidt yahuje ibikorwa byari bitandukanye byakorwaga hirya no hino, abigira igikorwa kimwe mpuzamahanga cyiswe World Naked Bike Ride.

Ku itariki ya 12 Kamena 2004, habaye igikorwa cya mbere ku rwego rw’isi, cyabereye icyarimwe mu Mijyi 28 yo mu bihugu 10 ku migabane ine. Kuva icyo gihe mu 2010, cyari kimaze kugera mu Mijyi 74 yo mu bihugu 17. Uyu munsi gikorwa buri mwaka mu Mijyi myinshi ku Isi, cyane cyane mu Burayi na Amerika

Akenshi usanga uyu munsi bawuhuza n’ubukangurambaga bufite intego zitandukanye aho kuba uwo kwishimisha nk’uko bamwe babitekereza aho usanga harimo nko kugaragaza ibibazo by’umutekano muke w’abatwara amagare mu mihanda, kurwanya ikoreshwa ry’ibikomoka kuri peteroli n’imodoka zihumanya ikirere.

Gusaba ko Imijyi itandukanye yashyira imbaraga mu gukoresha amagare n’ibindi binyabiziga bidasohora imyuka yangiza ikirere. Abitabira iki gikorwa bavuga ko kugenda bambaye ubusa ari uburyo bwo kugaragaza ko abatwara amagare “bari mu kaga” mu mihanda irimo imodoka nyinshi.

By’umwihariko ku Cyumweru tariki ya 14 Kamena 2026, mu mihanda yo rwagati mu Mujyi wa London yari yuzuye abantu abasaga 1,000 bari batwaye amagare bambaye ubusa.

Iki gikorwa cyari kigamije kwamagana umuco wo kwishingikiriza cyane ku modoka zikoresha ibikomoka kuri peteroli, gusaba umutekano w’abanyamagare no kugaragaza ko abanyamagare bafite intege nke mu muhanda uhuza ibinyabiziga byinshi.

Uko bikorwa, abantu bahura ku munsi wateguwe (kenshi hagati ya Kamena na Nyakanga), bakagenda mu mihanda y’umujyi runaka mu matsinda manini buri wese akaza bijyanye n’uko abyifuza kugaragara “bare as you dare” (ambara uko ushaka). Hari abisiga amarangi ku mubiri (body paint) aho kwambara imyenda.

Nubwo kwambara ubusa bishishikarizwa buri wese uba kuzitabira icyo gikorwa, ntabwo bitegetswe kuko buri wese afite uburenganzira bwo kwambara cyangwa kutambara ari n’aho usanga hari abahishe imyanya y’ibanga abandi bakaza nk’uko bavutse.

Kugeza ubu aho iki gikorwa kimaze kumenyerwa cyane ni mu Mujyi wa Portland muri Leta Zunze Ubumwe za Amerika, aho buri mwaka gutwara amagare abantu bambaye uko bavutse byitabirwa n’abagera ku bihumbi 10. Mu Mijyi nka London, Paris, Berlin, Madrid n’indi mijyi minini iki gikorwa kimaze kumenyerwa.

Nubwo WNBR ifatwa nk’ikorwa ku bw’impamvu z’ubukangurambaga runaka, hari aho ababyitabira bahura n’ibibazo birimo amategeko ajyanye no kubuza abantu kwambara ubusa gusa ariko bigaterwa n’igihugu. Mu bihugu bimwe, hari abafatwa bagacibwa amande, ariko mu bice byinshi, bifatwa nk’uburenganzira bwo kwigaragambya mu mahoro.

Izi ntumwa zakiriwe na Perezida wa Komisiyo y’Igihugu ishinzwe Gusezerera no Gusubiza mu Buzima Busanzwe Abari Abasirikare (RDRC), Valerie Nyirahabineza ari kumwe na Visi Perezida wa Komisiyo, Maj Gen (Rtd) Jacques Nziza.

Zasobanuriwe byinshi ku ngaruka zikomeje guterwa n’umutwe wa FDLR n’imitwe yitwaje intwaro iyishamikiyeho ikorera mu burasirazuba bwa Repubulika Iharanira Demokarasi ya Congo, ndetse banasobanurirwa uburyo gahunda y’u Rwanda Gusezerera no Gusubiza mu Buzima Busanzwe (DDR) yageze ku musaruro ushimishije.

Uru ruzinduko rwanarushijeho kugira akamaro binyuze mu buhamya bwatanzwe n’abahoze ari abarwanyi ba FDLR batahutse bavuye mu burasirazuba bwa Repubulika Iharanira Demokarasi ya Congo, batashye mu Rwanda ku bushake, nyuma bakabasha gusubira mu buzima busanzwe no kwinjira neza mu muryango nyarwanda.

Ubuhamya bwabo bwagaragaje uruhare rukomeye rwa gahunda zo gusubiza abantu mu buzima busanzwe, kubafasha kongera kwiyubaka no kongera kwinjizwa muri sosiyete, ndetse no guteza imbere amahoro n’umutekano usesuye.

Iyi nama yateranye ku wa Kane tariki 18 Kamena 2026, yabaye ku butumire bwa Perezida wa Ghana, John Mahama, nyuma y’amezi atatu gusa hatowe umwanzuro w’amateka ujyanye n’iki kibazo cy’ubucurizi bw’abacakara.

Muri Werurwe 2026, Inteko Rusange y’Umuryango w’Abibumbye yatoye umwanzuro wemeza ko ubucakara bwakoreshejwe abirabura ari icyaha gikomeye cyibasiye inyokomuntu. Ni umwanzuro wateguwe na Guverinoma ya Ghana ariko ushyigikiwe na Afurika Yunze Ubumwe.

Mu matora yabaye ku wa 25 Werurwe 2026, ibihugu 123 mu bigize Umuryango w’Abibumbye, byashyigikiye uyu mwanzuro, bitatu birimo Israel na Amerika birawanga n’aho 52 birimo u Bwongereza n’ibindi byo mu Muryango w’Ubumwe bw’u Burayi birifata.

Minisitiri Ugirashebuja ageza ijambo ku bitabiriye iyi nama, yavuze ko ari umwanya wo kwibuka ko buri gisekuru gifite inshingano zituruka mu mateka.

Yagize ati: “Ni umwanya wo kwemera ko buri gisekuru gisigarana inshingano zimwe zituruka mu mateka y’ahahise. Hari izireba ejo hazaza, ariko hari n’izidusaba guhangana n’ahashize.”

Yakomeje ashimangira ko amateka agomba kwitabwaho aho kwirengagizwa, agira ati: “Amateka agomba kwitabwaho, ntakwiriye kwirengagizwa.”

Ghana nk’Igihugu cyiteguye uyu mwanzuro wo ku rwego mpuzamahanga, cyagaragaje ko Loni yagombaga kwemera ko ibikorwa by’ubucakara n’icuruzwa ry’abantu bikwiye gufatwa nk’ihonyorwa rikomeye ry’ikiremwamuntu.

Iyi nama yitabiriwe n’abakuru b’ibihugu n’aba za Guverinoma baturutse muri Afurika no muri Karayibe, barimo Perezida wa Liberia, Joseph Boakai uwa SãoTomé & Príncipe, Carlos Manuel Vila Nova, uwa Senegal Diomaye Faye n’uwa Namibia, Dr. Netumbo Nandi-Ndaitwah.

Hari kandi na Minisitiri w’Intebe wa Barbados, Mia Amor Mottley ndetse n’intumwa ziturutse mu bihugu birenga 50.

Ku mugoroba wo ku wa Gatatu tariki 17 Kamena 2026, Perezida Tshisekedi ni umwe mu bari bitabiriye umukino w’Igikombe cy’Isi, ikipe ya RDC yanganyijemo n’iya Portugal igitego 1-1. Ni umukino wabereye mu Mujyi wa Houston muri Leta Zunze Ubumwe za Amerika.

Mu butumwa yashyize ku rubuga rwe rwa X, Yolande yavuze ko ikipe y’Igihugu ya Les Léopards ya RDC, yahaye Afurika ibyishimo byinshi mu mukino wayo wa mbere mu Gikombe cy’Isi, ariko Tshisekedi agahitamo kubikoresha mu kuvuga amagambo yibasira Abanyarwanda n’Abanye-Congo.

Yagize ati: "Perezida Tshisekedi yahisemo kwangiza uyu mwanya mwiza atuka Abanyarwanda n’Abanye-Congo, kandi ari ku butaka bwa Amerika atangaza ko azakomeza ibitero bya gisirikare mu burasirazuba bwa RDC."

Kuvugira aya magambo ku butaka bwa Leta Zunze Ubumwe za Amerika, bifatwa nko kudaha agaciro uruhare iki Gihugu cyagize kandi gikomeje kugira mu gushakira amahoro Akarere k’Ibiyaga Bigari, by’umwihariko binyuze mu masezerano ya Washington, yibandaga ku gusenya umutwe w’iterabwoba wa FDLR no gukuraho ingamba z’ubwirinzi u Rwanda rwashyizeho.

Yolande Makolo yashinje kandi Perezida Tshisekedi, kwitwaza ibyo byishimo ikipe ya DRC yatanze mu gikombe cy’Isi akabikoresha mu nyungu za politiki.

Tshisekedi ubwo yaganiraga n’Abanye-Congo batuye muri Amerika, yagarutse ku mutwe wa AFC/M23 umaze igihe warigaruriye igice kinini cy’uburasirazuba bw’igihugu, avuga ko ubuyobozi bwe bwatahuye abagambanyi bakorana n’uyu mutwe.

Yavuze ko yari aziko baba mu Rwanda gusa, ariko basanze hari n’abageze i Kinshasa. Ati: "Abarozi babaho. Twatekerezaga ko baba mu Rwanda gusa ariko baraducengeye.”

Ibyishimo bya Tshisekedi kandi byatumye asezeranya aba Banye-Congo batuye muri Amerika ko mu gihe cya vuba bidatinze Ingabo za FARDC, zizaba zisubije Umujyi wa Goma n’uwa Bukavu.

Ntibyagarukiye aho kuko yanashinje Joseph Kabila yasimbuye ko ubwo yajyaga ku butegetsi yari ashyigikiwe n’ingabo z’amahanga, nyuma y’iyicwa rya se, Laurent-Désiré Kabila.

Mu butumwa Bebe Cool yashyize ku rubuga rwe rwa X, kuri uyu wa Kane, yavuze ko yakiriye telefoni ya Gen Muhoozi Kainerugaba, amusaba guhagarika guharabika Jolly ku mbuga nkoranyambaga ahubwo ikibazo kigashakirwa umuti mu bwumvikane.

Yagize ati: “Muri iki gitondo nakiriye telefoni ya mukuru wanjye, Gen Muhoozi Kainerugaba, ku bijyanye n’ikibazo cya Jolly. Nka mukuru n’umuyobozi wanjye, yangiriye inama yo kubireka, ngasiba ubutumwa nari natangaje, maze ikibazo kigakemurwa mu bwumvikane."

Bebe Cool yakomeje avuga ko Gen Muhoozi kandi yamusabye kujya kure y’imbuga nkoranyambaga kuko bombi (Bebe Cool na Miss Jolly) ari umuryango kuri we kandi nta mpamvu yo guterana amagambo mu ruhame.

Asoza agira ati: "Nishimiye inama ze kandi ndabyemeye.”

Gen Muhoozi yinjiye muri iki kibazo nyuma y’uko Miss Jolly atangaje ko yifashishije sosiyete yunganira abantu mu mategeko yo muri Uganda ya Mbidde & Co Advocates, agiye kujyana mu nkiko umuhanzi wo muri Uganda, Moses Ssali uzwi nka Bebe Cool nyuma y’uko amuharabitse ku mbuga nkoranyambaga amushinja ubutubuzi.

Abunganizi ba Miss Jolly bari basabye Bebe Cool guhagarika gukomeza gukwirakwiza ibikorwa byo guharabika umukiriya wabo ndetse akandika inyandiko isaba imbabazi akisubiraho ku mugaragaro ku byo yavuze byose. Yari yahawe amasaha 48 yo kuba yabikoze, bitaba ibyo ikibazo kigashyikirizwa inkiko.

Nk’uko ibyavuye muri ubu bushakashatsi bibigaragaza, Obama afitiwe icyizere n’abagera ba Amerika ku kigero cya 57%, umubare uri hejuru cyane ugereranyije n’abagiye bamusimbura ku mwanya w’Umukuru w’Igihugu.

Ku rundi ruhande, Perezida Donald Trump we afitiwe icyizere n’abagera kuri 34% gusa, mu gihe Joe Biden afitiwe icyizere cya 30%, ikigero kiri hasi.

Abasesenguzi bavuga ko ibi byerekana uburyo Obama akomeje gufatwa nk’umuyobozi wagize uruhare rukomeye mu guhuza Abanyamerika no kuyobora igihugu mu bihe bitandukanye by’ingenzi.

Nubwo bimeze bityo, politiki yo muri Amerika ikomeje kugaragaramo cyane amacakubiri ashingiye ku mashyaka, aho ibitekerezo by’abaturage ku bayobozi bitandukana bitewe n’aho babogamiye.

Uretse ibijyanye n’icyizere ku bayoboye Amerika mu bihe bitandukanye, mu kibazo cyabajijwe abantu cyo kuvuga Perezida bakunda cyane, 30% by’ababajijwe bavuze Obama, akurikirwa na Donald Trump ufite 19%.

Abandi bayobozi bagaragajwe cyane harimo Abraham Lincoln na Ronald Reagan, buri umwe afite 9%, mu gihe John F. Kennedy afite 6%, naho George Washington yagize 5%.

Ku bandi bakiriho, imibare yabo iri hasi cyane kuko Bill Clinton afite 2%, mu gihe Joe Biden na George W. Bush buri umwe afite 1% gusa. Hari n’abandi 1% bavuze “Bush” batagaragaje uwo bavugaga neza.

Ni mu gihe hafi 10% by’ababajijwe bavuze ko nta Perezida n’umwe bishimira abandi bahitamo kutagira icyo bavuga kuri icyo kibazo.

Mu mashyaka abiri kandi akomeye muri Leta Zunze Ubumwe za Amerika, Abademokarate, Barack Obama ni we uza imbere ku kigero cya 64% by’abamufata nk’umuyobozi bakunda cyane. Abakurikiraho ni John F. Kennedy ufite 6%, Abraham Lincoln na Franklin Delano Roosevelt buri umwe bafite 5%.

Ku rundi ruhande, mu ishyaka ry’Abarepubulikani, Donald Trump ni we uza ku isonga n’icyizere cya 53% by’abamushyigikiye nk’umuyobozi bakunda cyane. Aha akurikirwa na Ronald Reagan ufite 18%, Abraham Lincoln afite 8%, mu gihe John F. Kennedy na George Washington buri umwe bafite 5%.

Mu butumwa yanyujije ku mbuga nkoranyambaga ze by’umwihariko kuri Instagram, Clinton Ndikumagenge, yasangije abamukurikira amashusho ari kumwe n’umukunzi we, bari mu byishimo, ayandikaho amagambo agira ati “Ku wa Gatandatu hatinze kugera”. Ni amashusho yafatiwe mu Majyaruguru y’u Rwanda.

Ubukwe bwa Prophet Vincent Mackay na Kate Clinton Ndikumagenge, buzabera muri Camp Kigali, ndetse ni ibirori byahawe umwihariko kuko mu kurimbisha aho bizabera hifashishijwe Umunya-Uganda Icandy, umuhanga mu gukora decoration uzwi cyane mu Karere na Afurika y’Iburasirazuba.

Prophet Vincent Mackay na Clinton Ndikumagenge, bamaze igihe ari mu rukundo na kuko mu 2022 nibwo yamwambitse impeta y’urukundo amusaba kuzamubera umugore, umuhango wabereye mu Kirwa cya Santorini mu Bugiriki.

Kate Clinton Ndikumagenge yamenyekanye binyuze mu nyigisho anyuza kuri Instagram, aho yigisha ubutumwa bwiza abinyujije mu cyo yise “Preeminent Touch”.

Umukunzi we, Prophet Vincent, ni we washinze akaba anayobora Umuryango w’Ivugabutumwa witwa “Prayer Warriors Global”, Umaze imyaka itandatu aho ukorera muri Leta zitandukanye muri Afurika, u Burayi ndetse na Amerika y’Amajyaruguru.

Abinyujije muri uyu Muryango, Prophet Vincent Mackay ategura ibiterane bigari mu bice bitandukanye by’Isi. Nko mu mpeshyi ya 2023, yahurije abagera kuri 500 mu cyo yise “Purpose Conference” cyabereye i Dallas muri Texas.

Prophet Vincent Mackay ukorera ivugabutumwa muri Leta Zunze Ubumwe za Amerika agiye kurushinga n’Umunyarwandakazi Kate Clinton Ndikumagenge, mu bukwe buzaba kuri uyu wa Gatandatu, tariki ya 20 Kamena 2026. pic.twitter.com/mHdoqkBKzK

— Kigali Today (@kigalitoday) June 18, 2026

Iki gikorwa cyabaye ku wa Gatatu, tariki ya 17 Kamena 2026, mu rwego rwo kwibuka ku nshuro ya 32 Jenoside yakorewe Abatutsi mu 1994, kirangwa n’ibikorwa byo kunamira inzirakarengane zazize Jenoside, gushimira uruhare rukomeye rw’ingabo za Ghana zari mu butumwa bw’amahoro muri icyo gihe, ndetse no gushimangira umubano mwiza usanzwe hagati ya Ghana n’u Rwanda.

Minisitiri w’Ububanyi n’Amahanga wa Ghana, Samuel Okudzeto Ablakwa, wari umushyitsi mukuru muri uwo muhango, yongeye gushimangira akamaro ko guha icyubahiro abazize Jenoside yakorewe Abatutsi ndetse n’abasirikare ba Ghana bagize ubutwari mu kurinda abasivili.

Yagaragaje ko nubwo icyo gihe hari ibibazo bikomeye, ingabo za Ghana zagumye ku murongo w’akazi, zirinda abaturage zifite ubutwari, ubumuntu n’ubwitange budasanzwe.

Hon. Ablakwa yavuze ko kwibuka ari umwanya wo kongera kwibutsa abantu bose agaciro k’amahoro, ubumwe n’icyubahiro cy’ikiremwamuntu. Yanashimiye u Rwanda ku ntambwe rumaze gutera mu kwiyubaka, asaba ibihugu n’abaturage gukomeza kwirinda urwango, ivangura rishingiye ku moko n’irindi iryo aryo ryose.

Maj Gen (Rtd) Henry Kwami Anyidoho wahoze ayoboye ingabo za Ghana zari mu Rwanda mu butumwa bwa UNAMIR, yagarutse ku mbogamizi bahuye na zo mu gihe cya Jenoside yakorewe Abatutsi.

Yavuze ko nubwo icyo gihe hari ibikorwa ndengakamere ndetse bikajya no kuba izindi Ngabo mpuzamahanga zarahise ziva mu Rwanda, ingabo za Ghana zagumye mu gihugu, zikomeza kurinda abasivili no kubaha ubuhungiro, zikomeza inshingano zazo zo kubungabunga amahoro.

Yasabye urubyiruko n’abazavuka mu gihe kizaza kwirinda urwango n’ivangura, bagashyira imbere agaciro k’ikiremwamuntu.

Minisitiri w’Ubutabera akaba n’Intumwa Nkuru ya Leta y’u Rwanda, Emmanuel Ugirashebuja wari witabiriye iki gikorwa, yagarutse ku ngaruka zikomeye za Jenoside yakorewe Abatutsi yahitanye ubuzima bw’abarenga miliyoni imwe mu mezi atatu gusa

Yagarutse kandi ko iterambere u Rwanda rumaze kugeraho, avuga ko ari ikimenyetso cy’uko ibihugu bishobora kwiyubaka no gutera imbere binyuze mu kwimakaza mahoro, ubutabera n’ubumwe bw’abaturage.

Umugaba Mukuru w’Ingabo za Ghana zirwanira ku butaka, Maj Gen Lawrence Kwaku Gbetanu, wavuze mu izina ry’Umugaba Mukuru w’Ingabo, yavuze ko kwibuka ku nshuro ya 32 atari ukwibuka gusa, ahubwo ari no kongera gushimangira indangagaciro z’ubwiyunge n’ubudaheranwa.

Yagaragaje ko uru rwibutso rwatashywe ari ikimenyetso cy’ubudaheranwa n’ubwiyunge, anashimira ingabo za Ghana zagize uruhare muri UNAMIR, anashimangira ko igihugu cye gikomeje gushyira imbere kubungabunga amahoro n’umutekano mu Karere.

Guverineri Soraya yavuze ibi mu gihe kuri uyu wa Kane, I Kigali hateraniye Inama Ngarukamwaka y’Ubushakashatsi ihuriweho na Banki Nkuru y’u Rwanda (NBR) n’Ikigo International Growth Centre (IGC), igamije guteza imbere ubukungu.

Guverineri Soraya yagaragaje ko ubufatanye hagati ya Banki Nkuru y’u Rwanda ndetse na International Growth Centre, bumaze igihe kirekire kandi bufite uruhare rukomeye mu guhuza ubushakashatsi bihuza ibikorwa rya politiki mu rwego rw’ubukungu.

Yagize ati: “Ubufatanye hagati ya Banki Nkuru y’u Rwanda na IGC bumaze igihe kirekire, kandi bwabaye umuyoboro ukomeye uhuza ubushakashatsi no gufata ibyemezo bya politiki. Iyi nama ni ikimenyetso kigaragara cy’uruhare rw’ubu bufatanye.”

Guverineri yakomeje agaragaza ko ubukungu bw’isi muri iki gihe buri mu bihe bigoye bitewe n’ibibazo bitandukanye birimo amakimbirane ya politiki mpuzamahanga, ihungabana ry’ubucuruzi, ibibazo by’imihindagurikire y’ikirere, amadeni ibihugu bifite ndetse n’ihindagurika ryihuse ry’ikoranabuhanga.

Yavuze ko ibi byose bisaba abafata ibyemezo gukora ibirenze guhangana n’ibibazo by’ako kanya, ahubwo bagashyiraho uburyo bukomeye butuma ubukungu bushobora guhangana n’ibyo bibazo byose ariko kandi budahungabanye.

Ku bijyanye n’ihame ry’ubukungu butajegajega, Guverineri yavuze ko bidahagije kwita gusa ku guhangana n’ibibazo, ahubwo bisaba kubaka umusingi ukomeye utuma habaho iterambere rirambye kandi ridaheza.

Yanashimangiye ko Banki Nkuru y’u Rwanda yiyemeje guteza imbere ubushakashatsi bushingiye ku makuru afatika, asobanura ko ubushakashatsi bubanbutagamije gutanga amasomo gusa, ahubwo ari igikoresho gifatika gifasha kunoza imikorere y’inzego, kongera umusaruro mu byemezo bifatwa no guteza imbere ubukungu bw’igihugu mu buryo burambye.

Umuyobozi Mukuru wa IGC, Jonathan Leape, yavuze ko ubufatanye nk’ubu ari bwo butuma ubukungu bugira uruhare nyarwo mu iterambere ry’Igihugu.

Yagize ati: “Iyo hariho politiki itekerejweho neza ishingiye ku bimenyetso bifatika, bituma tugera ku musaruro mwiza kurushaho. Ubufatanye nk’ubu ni bwo shingiro ry’ibikorwa byacu.”

Yakomeje agaragaza ko IGC izakomeza gufasha u Rwanda binyuze mu bitekerezo mpuzamahanga bikajyana ariko no kumenyekanisha inkuru y’u Rwanda ku rwego rw’Isi, mu gihe Banki Nkuru y’u Rwanda ikomeje kugira uruhare rugaragara mu gutanga ibisubizo bifatika.

Nk’uko uru ruganda rwabitangaje, aba bafana banyoye iyi nzoga ku kigero kingana n’inshuro enye ugereranyije n’izo utibari dusanzwe tugurisha mu bihe bisanzwe. Ibi byatumye ububiko bw’inzoga ya Boston Lager bushira mu buryo butunguranye.

Ubuyobozi bw’iyo sosiyete bwavuze ko butari bwiteze umubare munini w’abafana ndetse n’uburyo banywemo bwinshi, ariko bushimangira ko bwihutiye kongera gutumiza izindi nzoga kugira ngo abakiriya bakomeze guhabwa serivisi nziza.

Ibi kandi byemejwe na Noelle Somers, umuyobozi ushinzwe ibikorwa (COO) muri Hennessy’s Bar iri mu Mujyi wa Boston rwagati, wavuze ko ubucuruzi bw’inzoga bwazamutse ku buryo budasanzwe nyuma y’umukino wahuje Scotland na Haiti, warangiye Scotland itsinze 1-0.

Somers yasobanuye ko ingano y’ibinyobwa byacurujwe nyuma y’uwo mukino byikubye inshuro eshatu ugereranyije n’uko bisanzwe bigenda ku munsi Mukuru wa St Patrick’s Day, usanzwe ari umwe mu minsi bakoraho cyane.

Yagize ati: “Tumaze imyaka irenga 30 dukorera hano, ariko nta kintu nk’iki twigeze tubona.”

Umujyi wa Boston uri mu Mijyi yakiriye imikino y’Igikombe cy’Isi cya 2026, ukomeje kwakira imbaga y’abafana baturutse hirya no hino ku Isi, bigira uruhare rukomeye ku bucuruzi butandukanye burimo n’utubari n’amahoteli.

Ahandi muri Leta Zunze Ubumwe za Amerika, nko mu Mujyi wa Dallas, abafana b’ikipe y’u Bwongereza banyoye inzoga zirenga ibihumbi 5,000 mbere y’umukino wa mbere w’u Bwongereza mu Gikombe cy’Isi. Bivugwa ko mu ijoro ryo ku wa Kabiri aribwo banyoye izi nzoga ndetse kugeza ubwo inzego z’umutekano zabasabye kurekera bakajya aho bacumbitse muri iyi minsi.

Akabari kazwi nka Londoner Pub kari mu mujyi wa Dallas, ni kamwe mu dukomeje gusohokerwamo cyane n’abafana b’ikipe y’Igihugu y’u Bwongereza, ndetse byatumye hongerwa n’amasaha yo gufunga.

Gusa nubwo bimeze bityo, ngo iyo kamaze gufunga, abafana basohokana inzoga bakazinywera ku rubaraza rw’ako kabari bagakomeza kubabaza manyinya.

Uyu musore utaratangajweho ibintu byinshi, yandikiye ikigo kitavuzwe amazina, asaba akazi nk’abandi bose, ariko mu gihe yari ategereje ubutumwa bumubwira ko yatoranyijwe, yatunguwe no kubona ubwamubwiraga kwihangana kuko bitakunze ko ahabwa ako kazi yari yasabye.

Mu butumwa bwakwirakwiye cyane ku mbuga nkoranyambaga, Keane yatangiye ashima icyo kigo ku bwo kuba cyaranze ubusabe bwe, avuga ko yishimiye uburyo bafashe icyemezo cyo kutamuhitamo bagakomeza gushaka abandi bakozi mu bandi basabye akazi.

Ariko muri ubu butumwa nawe yanditse akoresheje email, igice cyashimishije benshi ni aho yagize ati: “Kuri iyi nshuro, nyuma yo kubitekerezaho neza, nanjye nahisemo kutemera ko mwanga ubusabe bwanjye."

Yakomeje ashimira cyane ku bw’umuhate bagize wo kwanga kumuhitamo, ariko avuga ko agitegerezanyije amatsiko menshi, guhamagarwa akajya mu kazi.

Abakoresha imbuga nkoranyambaga bagaragaje ko iyi email ari urugero rw’udushya mu guhangana n’ibigo bikunze kwanga ubusabe bw’abantu akazi, ndetse bamwe bayibonye nk’uburyo bwo gusetsa no kugabanya igitutu cy’abantu usanga bahangayikishwa no gusaba akazi mu gihe gakomeje kuba ak’ibura ku isi.

Umunyamabanga Mukuru wa EAC, ari mu Rwanda kuva ku wa Mbere tariki 15 Kamena 2026, ubwo hafungurwaga ku mugaragaro ibiganiro nyunguranabitekerezo ku mushinga wo guhuza inzego za politiki z’Umuryango wa Afurika y’i Burasirazuba (EAC).

Muri ibi biganiro, impuguke ziturutse muri EAC ziri gukusanya ibitekerezo by’Abanyarwanda bo mu ngeri zitandukanye, ku ngingo z’ingenzi bifuza ko uyu mushinga wazibandaho mu gihe cyo gushyirwa mu bikorwa.

Ni ibiganiro bizahuza inzego zitandukanye zirimo iza Leta, Inteko Ishinga Amategeko, Urwego rw’Ubucamanza, amashuri Makuru na za Kaminuza, imiryango itegamiye kuri Leta, abikorera, urubyiruko, abagore, abafite ubumuga, imiryango ishingiye ku myemerere, amashyaka ya politiki ndetse n’itangazamakuru.

Ubuyobozi bwa EAC, buvuga ko ibi biganiro bigamije kongera uruhare rw’abaturage mu gutanga ibitekerezo ku miterere n’imiyoborere mu rwego rwo guhuza inzego za politiki z’Umuryango wa EAC ndetse no kwakira ibitekerezo by’u Rwanda mu mushinga w’itegeko rizagena imikorere y’iri huriro.

EAC, ishimangira ko uruhare rwa buri wese muri ibi biganiro ari ingenzi mu kubaka inzego zikomeye kandi zihamye zizafasha Akarere kugera ku iterambere rirambye no kurushaho gishimangira ubufatanye.

Intandaro y’iki kibazo, ku mugoroba wo ku wa 16 Kamena 2026, nibwo Bebe Cool abinyujije ku rubuga rwe rwa X, yatangaje ko Miss Jolly yatuburiye yitwaje u Rwanda n’ikipe ya Arsenal mu 2025.

Bebe Cool yagize ati “Uyu mugore, Jolly Mutesi aba mu Bwongereza kandi akunda gukurikira imikino ya Arsenal, yantekeye imitwe umwaka ushize yitwaje izina ry’u Rwanda n’ikipe ya Arsenal. None agarutse mu kindi gikorwa gikomeye ari gutegura.”

Miss Jolly mu gusubiza, yabwiye Bebe Cool, ko ari icyamamare atakabaye avuga ibyo abonye, atabanje gukora ubushakashatsi cyangwa ngo ashake amakuru mbere yo kuvuga ibintu bishobora kwangiza izina ry’uwo avuga.

Mu ibaruwa ya Mbidde & Co Advocates, bunganira mu mategeko Miss Jolly, bateguje Bebe Cool kumujyana mu nkiko bamushinja gusebanya no gutangaza amakuru y’ibihuha yakwangiza izina ry’umuntu bigakorwa ku bushake ndetse nta n’iperereza rikwiye ryabaje gukorwa.

Bagira bati:”Ibyo mwatangaje bigize icyaha gikomeye cyo gusebanya kuko ari ibinyoma byuzuye, byakozwe mubizi neza kandi byatangajwe mu buryo budatekereje, butitaye ku kuri cyangwa ku kubanza kugenzura amakuru. Ibyo birego bigamije gusebya, gutesha agaciro no gukoza isoni imukiriya wacu, bikaba byangiza izina rye n’icyubahiro cye mu buryo bukomeye."

Bakomeje bavuga ko umukiriya wabo (Mutesi Jolly) atigeze na rimwe agirana imikoranire iyo ari yo yose, cyangwa itumanaho iryo ari ryo ryose na Bebe Cool.

Bati: "Nimero ya telefoni mwavuze akoresha ni iy’ubutekamutwe yakoreshejwe bitemewe kandi nta sano ifitanye na we [Jolly]. Ibyo birego byanyu rero ni ibihimbano, nta shingiro bifite kandi nta kimenyetso kibishyigikira."

Abunganira Mutesi Jolly, bibukije Bebe Cool ko ku wa 4 Ukwakira 2024, uwitwa Tumwine Daniel yashyize kuri konti ye ya Twitter (X) iyo nimero ya telefoni ishinjwa Jolly, aburira abantu ko ikoreshwa n’abatekamutwe mu kwiba amafaranga mu buryo bw’uburiganya.

Bati: "Ibi bigaragaza neza ko iyo nimero yari isanzwe izwiho gukoreshwa n’abiyitirira abandi, kandi nta sano ifitanye n’umukiriya wacu."

Bavuze kandi ko ku wa 3 Ukwakira 2024, Mutesi Jolly yari yaratanze itangazo ku mugaragaro aburira abantu kwirinda abamwiyitirira bagamije uburiganya, bityo ko Bebe Cool yakagombye kuba yari abizi cyangwa akabitekerezaho mbere y’ibyo yatangaje.

Bakomeza bagira bati: "Ibikorwa byanyu bigize icyaha gikomeye cyo gusebanya ndetse n’icyaha cyo gukwirakwiza amakuru agamije guharabika, byakozwe mubizi neza kandi nta mpamvu zifatika, bikaba byateje kandi bishobora guteza ibihombo no gutesha agaciro n’icyubahiro umukiriya wacu."

Nyuma y’ibyo byose byagarutsweho mu kumenyesha Bebe Cool ibyo yakoze ko bigize icyaha bamusabye guhita ahagarika ako kanya gutangaza cyangwa gusakaza ayo makuru asebanya, kwandika yisubiraho ku byo yavuze kandi agatanga umucyo kuri buri kimwe mu byo yatangaje.

Bamusabye kandi gusaba imbabazi mu buryo bwanditse, kandi akabikora nk’uko yabigenje ajya gutangaza ayo makuru y’ibinyoma kuri Jolly. Ibi byose Bebe Cool yasabwe kuba yabishyize mu bikorwa mu gihe kitarenze amasaha 48.

Bebe Cool yamenyeshejwe ko mu gihe atubahirije ibyo yasabwe mu gihe cyavuzwe, hazakurikiraho gutanga ikirego mu nkiko ako kanya.

Bamumenyesheje kandi ko ibikorwa bye bishobora kumukururira ibindi bihano by’imbonezamubano n’iby’amategeko mpanabyaha bijyanye n’ihohoterwa ryo kuri murandasi, ndetse no kwangiza izina ry’umuntu.

Nubwo Mutesi Jolly yamaze kwifashisha abanyamategeko muri iki kibqzo, ku rundi ruhande Bebe Cool nyuma yo guteguza abamukurikira ku mbuga nkoranyambaga ko azava imuzi inkuru nyayo y’uko ibintu byagenze, akomeje gushyira hanze amwe mu mafoto ndetse n’ibiganiro avuga ko yagiranye na Miss Jolly.

Nk’uko bigaragara ku nteguza y’ibi bitaramo, byiswe “USA Tour”, bigamije kwegera abakunzi b’umuziki b’uyu muhanzi batuye muri Amerika, ndetse no gukomeza kumenyekanisha ibikorwa bye ku rwego mpuzamahanga.

Element, umaze kumenyekana binyuze mu ndirimbo zitandukanye no mu buryo bwe bwihariye bwo gukora umuziki, ategerejweho kuzasusurutsa imbaga y’abazabyitabira, cyane cyane Abanyarwanda n’abandi bakunda umuziki Nyarwanda batuye muri diaspora.

Ibi bitaramo byateguwe na Innox Entertainment LLC ku bufatanye na Eleesphere, bikaba byitezweho kuba umwanya mwiza wo guhuza umuhanzi n’abafana be, no guteza imbere umuziki nyarwanda ku ruhando mpuzamahanga.

Element EleéeH aherutse gutoranywa muri gahunda yitwa Apple Music Up Next Africa, igamije kumenyekanisha no gushyigikira abahanzi bafite impano n’icyerekezo cyo kugera ku rwego mpuzamahanga.

Iyi gahunda ya Apple Music isanzwe izwiho gufasha abahanzi bakizamuka kubona urubuga rwagutse rubageza ku bakunzi b’umuziki hirya no hino ku Isi, binyuze mu gufata indirimbo zabo bakazishyira kuri ‘Playlists’ zihariye mu rwego rwo kurushaho kuzamamaza.

Kwinjira muri gahunda ya Apple Music Up Next Africa byitezweho kumufasha kuzamura izina rye ku rwego rwa Afurika no ku isoko mpuzamahanga ry’umuziki.

Ibi bikubiye mu itangazo ubuyobozi bw’Ingabo z’u bwashyizwe ahagaragara kuri uyu wa 17 Kamena 2026, rikaba rigaragaza kandi ko Brig Gen Karuretwa agiye gufatanya izi nshingano n’izindi yari asanzwe afite.

Nk’uko iri tangazo ribivuga, Brig Gen Karuretwa azakomeza no gukora inshingano yari asnganywe zo kuba Umuyobozi Mukuru ushinzwe ubufatanye mpuzamahanga mu bya gisirikare muri Minisiteri y’Ingabo, ari na ko akora nk’Umuvugizi w’Ingabo z’u Rwanda.

Brigadier General Ronald Rwivanga wari umuvugizi w’Ingabo z’u Rwanda, kuva ku wa 20 Gicurasi 2026, yatangiye ku mugaragaro inshingano zo kuyobora Urwego rukuriye Umutwe w’Ingabo z’Ibihugu byo muri Afurika y’Iburasirazuba zihora ziteguye gutabara (Director EASF) asimbuye Brigadier General (Rtd) Paul Kahuria Njema.

Uyu muhango wabereye ku cyicaro cya Minisiteri y’Ingabo n’Abahoze mu Ngabo i Mbuya, Kampala muri Uganda, wayobowe na Minisitiri w’Ingabo n’Abahoze mu Ngabo za Uganda, Jacob Marksons Oboth, unayoboye Inama y’Abaminisitiri ba EASF. Brig Gen (Rtd) Njema, yari amaze manda y’imyaka itatu.

Brig Gen Rwivanga yasezeranyije gukorera uyu muryango mu mucyo, ubunyamwuga no kubazwa inshingano. Yavuze ko yahaye agaciro gakomeye inshingano yahawe zo gukomeza guteza imbere amahoro n’umutekano rusange mu karere.

Umutwe wa EASF ni umuryango wo mu karere ufite inshingano zo guteza imbere amahoro n’umutekano muri Afurika y’Iburasirazuba.

Ni umwe mu mitwe itanu y’ingabo z’akarere zigize Umuryango wa Afurika yunze Ubumwe, ugizwe n’igisirikare, polisi ndetse n’abasivili. EASF igizwe n’ibihugu 10 ari byo U Burundi, Comores, Djibouti, Ethiopia, Kenya, u Rwanda, Seychelles, Somalia, Sudan na Uganda.

Mu itangazo ryashyizwe ahagaragara ku wa Kabiri, rikaba rivuga ko iyo guverinoma yari imaze kugera kuri 10% gusa by’intego zayo. Gusa ariko ntiryigeze risobanura neza izo ntego ndetse n’ibyari bikubiyemo.

Minisitiri w’Intebe ucyuye igihe, Manuel Osa Nsue Nsua, yari yashyizweho mu 2024 na Perezida Teodoro Obiang Nguema Mbasogo, umwe mu bakuru b’Ibihugu ku Mugabane wa Afurika umaze maze igihe kirekire ku butegetsi kuva mu 1979.

Ishyaka riri ku butegetsi, Democratic Party of Equatorial Guinea (PDGE), ryavuze ko mu gihe cy’iyo guverinoma hashyizwe mu bikorwa imishinga itandukanye mu nzego zirimo imiyoborere, ibikorwa remezo, serivisi rusange n’iterambere ry’ubukungu.

Rigaragaza ko ubu bwegure bwa Guverinoma buri mu rwego rwo kongera kuvugurura inzego za Leta hagamijwe kunoza imikorere no guhuza n’ibyo igihugu gishyize imbere.

Iri shyaka rivuga ko imivugururire nk’iyi ikorwa kenshi hagamijwe kunoza imikorere ya Leta.

Minisitiri w’Intebe yabigarutseho ubwo yahagarariraga Perezida Kagame, mu Nama y’Abakuru b’Ibihugu na za Guverinoma muri Afurika hamwe n’abafatanyabikorwa batandukanye, baganiraga ku ngamba zo guhangana n’Icyorezo cya Ebola. Inama yabaye hifashishijwe ikoranabuhanga.

Muri iyi nama yari yitabiriwe na Minisitiri w’Ubuzima Dr Sabin Nsanzimana, Minisitiri w’Intebe yashimangiye ko mu Rwanda nta Ebola ihari, ibi akaba ari umusaruro w’ishoramari rihamye mu gutegura no kubaka urwego rw’ubuzima rufite ubushobozi bwo guhangana n’ibibazo.

Yagize ati: "Twakajije ingamba zo kugenzura no gukurikirana indwara ku mipaka yose yinjira mu Gihugu, twongereye ubushobozi bwo gusuzuma no gupima iyi ndwara muri laboratwari, twongera imbaraga mu buryo bwo gutabara byihuse, kandi dukomeza ubukangurambaga bwo kwigisha abaturage.”

Mu itangazo Minisiteri y’Ubuzima yashyize hanze ku mugoroba wo kuri uyu wa Kabiri tariki 16 Kamena 2026, rijyanye n’amakuru kuri Ebola yatangaje ko ikomeje gukurikirana hafi iki cyorezo cyagaragaye mu Burasirazuba bwa Repubulika Iharanira Demokarasi ya Kongo (RDC), mu Ntara ya Ituri.

Icyo cyorezo cyatewe n’ubwoko bwa virusi ya Ebola buzwi nka Bundibugyo, cyatangajwe muri Gicurasi 2026, kikaba kimaze kwibasira cyane uduce twa Ituri ndetse kinagira ingaruka mu bice bya Uganda bihana imbibi na RDC.

Amakuru aheruka agaragaza ko umubare w’abanduye n’abahitanywe n’iki cyorezo muri DRC, ukomeje kwiyongera, aho abarwayi bemejwe ari 676. N’aho muri Uganda abamaze kwemezwa bayanduye 19 mu gihe abamaze gupfa ari babiri.

Nubwo bimeze bityo, Minisiteri y’Ubuzima mu Rwanda yemeje ko kugeza ubu nta murwayi wa Ebola uraboneka mu gihugu cyangwa mu duce duhana imbibi na RDC.

Iyi Minisiteri kandi yavuze ko nubwo ibyago byo kugera mu Rwanda biri hasi, igihugu gikomeje kuba maso no kongera imbaraga mu ngamba zo gukumira no gutahura hakiri kare icyorezo cyaba cyinjiye mu gihugu.

Mu ngamba zafashwe harimo gukaza isuzuma ku mipaka, gukangurira abaturage kwirinda no gutanga amakuru ku gihe, ndetse no gutegura inzego z’ubuzima ku buryo bwihuse mu gihe haboneka uwakekwaho ubwandu.

Ubwoko bwa Bundibugyo, buri gukwirakwira muri iki gihe, ntiburabonerwa umuti cyangwa urukingo rwemewe ku rwego mpuzamahanga, bikaba bituma ingamba zo kwirinda ziba ingenzi cyane.

Abaturage barasabwa gukomeza gukurikiza amabwiriza y’inzego z’ubuzima, birinda kwegera ababagaragaraho ibimenyetso by’iyi ndwara, no gutanga amakuru ku gihe binyuze ku mirongo itishyurwa yashyizweho.

Uyu Munyamerika w’imyaka 49, yasoje umukino w’iteramakofe ry’ababigize umwuga (professional boxing) adatsinzwe na rimwe, ashyiraho agahigo kadasanzwe k’intsinzi 50 (50-0), karimo izo yakubise n’abamurusha ibiro. Icyo gihe yakuyeho agahigo ka Rocky Marciano wari ufite amateka y’imikino 49-0 adatsindwa.

Mayweather arakekwaho kugerageza kugura isaha ya Audemars Piguet ifite agaciro ka $200,000 mu iduka ryo muri Las Vegas mu Ukuboza 2024, akoresheje sheki bivugwa ko itari iriho amafaranga yari ahagije kuri konti.

Ikinyamakuru cya ESPN mu nyandiko cyabonye z’urukiko rwo muri Nevada, Mayweather araregwa ibyaha birimo ubujura ndetse no gushaka guhuguza abantu ukoresheje uburiganya.

Ubushinjacyaha buvuga ko sheki ya $200,000 yanditswe kuri konti ya Wells Fargo yoherejwe ku iduka rizwi nka Gold and Beyond, ariko ngo konti yari iri kuri iyo sheki nta mafaranga ahagije yo kwishyura iyo saha yari ariho.

Umunyamategeko w’iri duka, Marc Cook yabwiye ESPN ko kuba ibi byarabaye mu 2024, ubu akaba aribwo ikibazo kigaragajwe, bagiye batinda gutanga ikirego kugira ngo Mayweather abanze ahabwe amahirwe yo kwishyura, ariko ngo ntibyo yigeze akora kuko nta gisubizo yatangaga cyangwa kwishyura amafaranga.

Mayweather aramutse ahamwe n’icyaha cy’ubushukanyi, ashobora gufungwa hagati y’umwaka umwe kugeza kuri ine, mu gihe ku cyaha cy’ubujura gishobora kumuviramo igihano kigera ku myaka 20.

Ibi bibaye mu gihe uyu mukinnyi wubatse izina rikomeye mu mukino w’iteramakofe akomeje no kuvugwaho izindi manza zirimo iz’imbonezamubano no kutishyura amadeni afite mu bindi bihugu bitandukanye, ndetse n’ikirego cyo kutishyura imisoro ya leta igera kuri miliyoni $7.3 (Arenga miliyari 10Frw).

Iri tsinda ryasuye Minisiteri y’Ingabo ndetse n’Icyicaro Gikuru cy’Ingabo z’u Rwanda, aho ryagejejweho ikiganiro n’Umuyobozi Mukuru ushinzwe Ubutwererane Mpuzamahanga mu bya Gisirikare muri Minisiteri y’Ingabo, Brigadier General Patrick Karuretwa.

Iki kiganiro cyibanze ku nsanganyamatsiko igira iti: “Imitwe yitwaje intwaro ishingiye ku moko, ihatanira umutungo kamere n’ingaruka zayo ku mutekano w’igihugu”, aho bagaragarijwe
ubunararibonye bw’u Rwanda n’ingamba rwafashe mu gukemura ibibazo by’umutekano rwagiye ruhura nabyo.

Uru rugendoshuri rugamije kongerera abarwitabiriye ubumenyi ku mpamvu zitera umutekano muke, cyane cyane izifitanye isano n’imitwe yitwaje intwaro ishingiye ku moko ndetse n’ihatanira umutungo kamere. Runatanga kandi amahirwe yo kwiga politiki, inzego n’uburyo u Rwanda rwakoresheje mu gukumira no guhangana n’ibibazo by’umutekano.

Madamu Halima Zanna, uhagarariye iri tsinda akaba n’Umuyobozi w’Amasomo, yashimiye amakuru n’ubumenyi by’ingirakamaro bahawe muri uru ruzinduko. Yagaragaje ko ibyo bungutse bizafasha cyane mu kurushaho gusobanukirwa imicungire y’umutekano w’igihugu, gukumira amakimbirane no kubaka amahoro arambye.

Uru ruzinduko rugaragaza ubufatanye bugenda burushaho gukomera hagati y’u Rwanda na Nigeria mu rwego rw’inyigisho n’ubushakashatsi ku mutekano, ndetse no gusangizanya ubumenyi bw’umwuga, bikaba bikomeza gushimangira ubufatanye bw’akarere mu guhangana n’ibibazo by’umutekano biriho n’ibigenda bivuka.

Uru ruzinduko rwatangiye kuri uyu wa Kabiri tariki 16 Kamena 2026, ruzibanda ku gusobanurirwa byinshi ku miyoborere y’inzego za Leta, imicungire y’imari ya Leta, ndetse no kunoza imikorere y’inzego za Leta hagamijwe kongera ubushobozi n’imikorere inoze.

Muri uru rugendo, izo ntumwa zizaganira n’inzego zitandukanye zirimo Minisiteri y’Imari n’Igenamigambi, Ibiro bya Minisitiri w’Intebe, Urwego rw’u Rwanda rw’Imiyoborere, Minisiteri y’Abakozi ba Leta n’Umurimo n’Ikigo cy’Igihugu gishinzwe Ikoranabuhanga mu Itumanaho n’Isakazabumenyi (RISA), ndetse n’ubuyobozi bw’Irembo.

Muri izi ngendo bazagirira mu nzego zitandukanye za Leta, bazasobanurirwa uburyo u Rwanda rutegura igenamigambi ry’iterambere, uko ingengo y’imari itegurwa kandi igashyirwa mu bikorwa, gahunda y’imicungire y’imikorere ya Leta izwi nka Imihigo, ndetse n’ishyirwa mu bikorwa rya sisitemu ya E-Cabinet.

E-Cabinet system ni sisitemu y’ikoranabuhanga ikoreshwa mu gufasha Inama y’Abaminisitiri mu gutegura ku gihe gahunda z’inama y’Abaminisitiri.

Gusangiza abaminisitiri inyandiko n’amadosiye mu buryo bwizewe. Gukurikirana ibyemezo bifashwe mu nama. Gukurikirana ishyirwa mu bikorwa ry’ibyemezo bya Guverinoma. Kugabanya ikoreshwa ry’impapuro no kongera imikorere inoze.

Mu Rwanda, E-Cabinet ni kimwe mu bigize gahunda yo guteza imbere ikoreshwa ry’ikoranabuhanga mu miyoborere, igamije kongera umuvuduko, gukorera mu mucyo no kunoza imikoranire y’inzego za Leta.

Uruzinduko kandi ruzarangwa n’ingendo mu nzego z’ubuyobozi bw’ibanze, aho intumwa zo muri Liberia zizarebera hamwe uburyo imikoranire y’inzego z’ibanze n’abaturage itegurwa kandi igashyirwa mu bikorwa, hagamijwe guteza imbere iterambere rishingiye ku baturage.

Uru rugendo rwitezweho kongera ubufatanye hagati y’ibihugu byombi no gusangira ubumenyi ku mikorere inoze y’inzego za Leta.

Perezida wa Repubulika y’u Rwanda Paul Kagame, ku wa 10 Kamena 2026, nibwo yakoze impinduka shyiraho abayobozi bashya aho yagize Madamu Uwizeye Judith Minisitiri w’Abakozi ba Leta n’Umurimo, asimbuye Amb. Christine Nkulikiyinka wagizwe Ambasaderi w’u Rwanda muri Espagne.

Ambasaderi Christine Nkulikiyinka yashimangiye akamaro ko gukorera abaturage mu bunyangamugayo n’ubunyamwuga ndetse n’umwihariko wo gushyira imbere intego yo gutanga serivisi nziza, ashimangira ihame rigira riti “Service Before Self”, (Serivisi mbere y’inyungu zawe bwite).

Iyi ni interuro ikoreshwa kenshi mu rwego rw’imiyoborere n’ubuyobozi ishimangira ko umuntu agomba gushyira inyungu rusange n’akazi ashinzwe imbere y’inyungu ze bwite.

Ku ruhande rwa Minisitiri Judith Uwizeye yashimiye Hon. Amb. Nkulikiyinka ku buyobozi bwiza n’umusingi ukomeye asize muri iyi Minisiteri, anagaragaza ko azakomeza guteza imbere ireme rya serivisi zihabwa abaturage, guteza imbere imishinga igamije guhanga imirimo mishya ndetse no gukomeza gushyira imbere ivugurura rigamije inyungu z’Abanyarwanda.

Uwizeye Judith ugiye kuyobora Minisiteri y’Abakozi ba Leta n’Umurimo, muri Guverinoma nshya yatangajwe muri Nyakanga 2025, yari yagizwe Minisitiri muri Perezidansi ya Repubulika.

Minisiteri y’Abakozi ba Leta si ubwa mbere ayiyoboye kuko no mu 2014-2017 yari yagizwe Minisitiri w’Abakozi ba Leta n’Umurimo.

Iki gikorwa cyabereye mu Ngoro y’Umukuru w’Igihugu mu Mujyi wa Ljubljana, cyagaragaje umubano ukomeje gutera imbere hagati y’u Rwanda na Slovenia, ndetse n’ubushake bw’ibihugu byombi bwo gukomeza guteza imbere ubufatanye mu nzego zitandukanye zifitiye inyungu impande zombi.

Mu biganiro byabaye nyuma y’iki gikorwa, Ambasaderi Bakuramutsa na Perezida Nataša, bongeye gushimangira akamaro ko guteza imbere ubucuruzi, ishoramari ndetse n’ubufatanye bwagutse hagati y’ibihugu byombi.

Ibi byitezweho gufungura amahirwe mashya mu iterambere ry’ubukungu no gukomeza gusigasira umubano mwiza usanzwe uri hagati y’u Rwanda na Slovenia.

Ambasaderi Bakuramutsa, asanzwe ahagarariye u Rwanda mu bihugu birimo Liechtenstein, Vatican, Autriche ndetse no mu Busuwisi ari n’aho afite icyicaro. Asanzwe kandi ahagarariye u Rwanda mu biro bya Loni i Genève ndetse no mu Muryango Mpuzamahanga w’Ubucuruzi (WTO).

U Rwanda na Slovenia bifitanye umubano mwiza wa dipolomasi n’ubutwererane mu nzego zitandukanye, cyane cyane mu bya politiki, ubukungu, ibidukikije, ndetse n’imikino. Ibihugu byombi byiyemeje gushimangira ubufatanye.

Muri Mata 2023, Perezida w’Inteko Ishinga Amategeko ya Slovenia, Urška Klakočar Zupančič, yasuye u Rwanda ndetse anagirana ibiganiro na Perezida Paul Kagame ndetse n’abandi bayobozi bakuru b’Igihugu. Yasuye n’Urwibutso rwa Jenoside ruri ku Gisozi.

Yabigarutseho ku wa Mbere tariki 15 Kamena, ubwo yafunguraga ku mugaragaro ibiganiro nyunguranabitekerezo ku mushinga wo guhuza inzego za politiki z’Umuryango wa Afurika y’i Burasirazuba (EAC).

Muri ibi biganiro, impuguke ziturutse muri EAC ziri gukusanya ibitekerezo by’Abanyarwanda bo mu ngeri zitandukanye, ku ngingo z’ingenzi bifuza ko uyu mushinga wazibandaho mu gihe cyo gushyirwa mu bikorwa.

Dr Usta Kaitesi, yavuze ko kuba nyamwigendaho ntacyo byageza ku Gihugu, ahubwo ubufatanye ari ryo shingiro rizatuma ibihugu bigera ku iterambere rirambye.

Yagize ati: “U Rwanda rwiyemeje ibi rushingiye ku kuba amahirwe menshi n’ibibazo byinshi byo mu Karere bisaba imbaraga z’ibihugu byose. Ubufatanye ni bwo shingiro rikomeye ry’iterambere kurusha ko buri Gihugu cyakora ukwacyo.”

Dr. Usta Kayitesi

Muri iki gikorwa, Dr Usta Kaitesi yashimye kuba abaturage barahawe amahirwe yo kugira uruhare mu gutegura ejo hazaza h’Umuryango wa Afurika y’Iburasirazuba.

Minisitiri Kayitesi yasabye abaturage gutanga ibitekerezo byabo ntacyo bishisha, bakagaragaza ibyifuzo n’ibyo bategereje kuri uku guhuza Politiki za EAC, ashimangira ko uruhare rwabo ari ingenzi mu kubaka amategeko shingiro azagaragaza inyungu z’abaturage bose bo muri Afurika y’Iburasirazuba.

Yongeyeho ko gushyira imbere ibitekerezo by’abaturage bizafasha gushyiraho urwego rukomeye rw’imiyoborere rujyanye n’icyerekezo cy’Akarere.

Ikigaragaza uburyo yabaye inkuru ku Isi, mbere y’uyu mukino Cape Verde yanganyijemo na Espagne 0-0, Vozinha yari afite abamukurikira ku rubuga rwa Instagram bagera ku bihumbi 50 gusa. Icyakora, nyuma yo kwitwara neza cyane, akagaragaza ubuhanga buhanitse mu izamu ndetse akanatorwa nk’umukinnyi w’umukino (Man of the Match), umubare w’abamukurikira wazamutse mu buryo butangaje.

Mu gihe gito cyane, uyu munyezamu yahise agera ku barenga miliyoni 2 bamukurikira, ibintu byerekana uburyo umukino mwiza no kwitwara neza ku rwego mpuzamahanga bishobora guhindura ubuzima bw’umukinnyi mu buryo bwihuse.

Ibi yabigarutseho mu nama ya African Air Transport Convention & Expo 2026, iri kubera I Lome muri Togo, kuva tariki 15-19 Kamena 2026. Iyi inama itegurwa ku bufatanye bwa Komisiyo Nyafurika ishinzwe ibijyanye n’indege za gisivile n’Umuryango wa Afurika Yunze Ubumwe.

Perezida Kagame mu ijambo yagejeje ku bitabiriye iyi nama, yavuze ko isoko rimwe rikora neza ari irishingiye ku mategeko n’amabwiriza asobanutse kandi ahamye mu bihugu bitandukanye.

Yagize ati: “Isoko rimwe rikora neza iyo amategeko n’amabwiriza bihuye kandi byumvikana mu bihugu byose. Inzego zifite inshingano zo kuyobora ibi zisanzwe zihari, kandi zikwiye gushyigikirwa. Iri hame kandi rireba na politiki igomba gukurikizwa kuri visa."

Perezida Kagame yagaragaje ko u Rwanda rwafashe icyemezo cyo gukuraho inzitizi zimwe na zimwe, zirimo iza visa, hagamijwe korohereza abantu gusura igihugu, guhuza ibikorwa no gushaka amahirwe.

Ati: “Mu Rwanda, twakuyeho izo nzitizi kuko twashakaga ko abantu basura igihugu, bagahuza ibikorwa ndetse bakavumbura amahirwe ahari. Kandi nk’uko tubizi, ni cyo cyari gikwiye gukorwa.”

Yongeyeho ko ibyo byagize uruhare rukomeye kuko byatumye habaho kwiyongera kw’ibikorwa by’ubucuruzi, ubukerarugendo ndetse n’ubwiyongere bw’ingendo z’indege.

Perezida Kagame yashimangiye ko iki gikorwa u Rwanda rwakoze, cyagaragaje ko gufungura imipaka n’imikoranire ari imbaraga zikomeye zituma iterambere ryihuta, anavuga ko nta Karere na kamwe gashobora kugera ku bushobozi bwako mu gihe gahisemo kuba nyamwigendaho.

Ati: “Uko ubwikorezi bwo mu kirere bwiyongera, niko butanga amahirwe menshi kandi bugafungura inzira nshya z’iterambere.”

Yasoje ashimangira ko guteza imbere ubufatanye mu by’ubwikorezi bwo mu kirere ari imwe mu nkingi z’iterambere rirambye rya Afurika.

Iyi nama Perezida Kagame yitabiriye, igamije kwihutisha ishyirwa mu bikorwa rya gahunda ya AU izwi nka Single African Air Transport Market (SAATM), igamije gukuraho inzitizi zikigaragara mu ngendo zo mu kirere muri Afurika no guhuza imikoranire muri uru rwego.

Akigera i Lome yakiriwe na Perezida w’Inama y’Abaminisitiri ya Togo, Faure Essozimna Gnassingbé.

Iyi nama yateguwe ku bufatanye bwa Komisiyo ya Afurika mu by’Indege za Gisivile (African Civil Aviation Commission) ndetse na Afurika Yunze Ubumwe.

Iyi nama ihuza ba minisitiri bashinzwe ubwikorezi, abayobozi b’inzego z’indege za gisivili, abayobozi b’ibigo n’ibibuga by’indege, inganda, abashoramari ndetse n’abandi bafatanyabikorwa b’ingenzi.

Ni ku nshuro ya mbere Kevin Kade yari agiye gutaramira abakunzi be muri uru ruhererekane rw’ibitaramo bya MTN Iwacu Muzika Festival bigiye kuba ku nshuro ya 7.

Kevin Kade yatangajwe nk’umuhanzi wa Mbere mu bagamboga kwitabira iri serukiramuco rya muzika nyuma y’uko umwaka ushize wa 2025, nabwo yari yashyizwe ku rutonde ariko aza kurisezeramo bitewe n’uko yari amaze kwemezwa nk’umwe mu bahanzi bazaririmba muri Rwanda Convention USA yabereye muri Amerika ku itariki ya 5 Nyakanga 2025.

Ibi byatangajwe n’abamureberera inyungu mu itangazo ryashyizwe ahagaragara kuri uyu wa 15 Kamena 2026, mu kumenyesha abakunzi b’uyu muhanzi amakuru y’ubuzima bwe.

Muri iri tangazo, ubuyobozi bwa YEEBAA Music bwavuze ko Kevin Kade ari kwitabwaho n’abaganga, kandi ko yafashe icyemezo cyo kubahiriza inama z’abaganga, bityo atazabasha kwitabira ibi bitaramo.

Bagize bati: “Ni igihe gikomeye kuri Kevin Kade wari utegereje gusangira ibihe byiza n’abakunzi be hirya no hino mu gihugu. Icyakora, ubuzima bwe bugomba kuza imbere.”

Abamureberera banashimiye abategura ibitaramo bya Iwacu Muzika Festival ku biganiro byaranzwe n’ubwumvikane, ndetse bashimira abakunzi b’uyu muhanzi ku rukundo, amasengesho n’ubufasha bakomeje kumugaragariza muri iki gihe.

Basabye kandi abakunzi be gukomeza kumushyigikira no kumuzirikana, mu gihe ari gukurikira inama yahawe n’abaganga, kandi ko bizeye ko azagaruka afite imbaraga kurushaho.

Kevin Kade ni umwe mu bahanzi bakunzwe cyane mu muziki Nyarwanda, aho indirimbo ze zikomeje gukundwa n’abatari bake mu gihugu no hanze yacyo. Uyu muhanzi hari hashize iminsi mike ashyize hanze indirimbo yise "Ndi Ready".

Kevin Kade bitangajwe ko atakitabiriye ibitaramo bya MTN Iwacu Muzika Festival, mu gihe bibura iminsi mike bigatangira. Ibi bitaramo bizatangira ku wa 20 Kamena kugeza ku wa 1 Kanama 2026, bikazagera mu Turere turindwi, ari two: Huye, Ngoma, Nyagatare, Karongi, Muhanga, Musanze na Rubavu.

Iki gikorwa cyatangijwe no gufata umunota wo kunamira inzirakarengane zishyinguye muri uru rwibutso, hakurikiraho gushyira indabo aharuhukiye imibiri y’abazize Jenoside, ndetse n’ibiganiro byibanze ku mateka yaranze Jenoside n’inzira ndende abarokotse banyuzemo.

Urubyiruko rw’Abaskuti rwagaragarijwe amateka ya Jenoside yakorewe Abatutsi kuva mu 1959 kugeza mu 1994, hanatangwa ubuhamya bw’uwarokokeye Jenoside i Nyanza ya Kicukiro, bwakoze ku mitima ya benshi.

Abitabiriye iki gikorwa basabwe gukomeza kurwanya abagoreka amateka, abahakana ndetse n’abapfobya Jenoside yakorewe Abatutsi, banashishikarizwa gusigasira ukuri n’amateka nyakuri.

Urubyiruko kandi rwasabwe kwigira ku butwari n’ubwitange byaranze ingabo za RPA Inkotanyi zahagaritse Jenoside, no gukomeza kubaka u Rwanda ruzira amacakubiri, rushingiye ku bumwe n’ubudaheranwa.

Abayobozi bagaragaje ko ibikorwa nk’ibi bifasha cyane cyane urubyiruko gusobanukirwa amateka y’igihugu no kugira uruhare mu kuyasigasira, bityo Jenoside ntizongere kubaho ukundi.

Iki gikorwa cyitabiriwe na Komiseri Mukuru w’Umuryango w’Abaskuti mu Rwanda, uhagarariye urubyiruko muri komite ya Africa y’Abaskuti, umuyobozi ushinzwe imiyoborere myiza mu Karere ka Kicukiro wari umushyitsi mukuru.

Mu bandi bitabiriye kandi harimo Umuhuzabikorwa Wungirije w’Inama y’Igihugu y’Urubyiruko mu Karere ka Kicukiro, uhagarariye Ibuka ku rwego rw’Umurenge wa Kagarama, ndetse n’abandi bayobozi n’Abaskuti baturutse mu bice bitandukanye by’Igihugu.

Yabigarutseho kuri uyu wa Mbere tariki 15 Kamena 2026, ubwo hatangizwaga ubushakashatsi bwiswe Women in Financial Services Rwanda 2025 Study, bugamije kugaragaza uruhare rw’abagore mu rwego rw’imari mu gihugu. Ni igikorwa kibaye ku bufatanye bwa Banki Nkuru y’u Rwanda, Access to Finance Rwanda (AFR) ndetse na Women in Finance Rwanda.

Guverineri Soraya yavuze ko kugeza ubu 92% b’abakuze mu Rwanda, bose bagerwaho na serivisi z’imari ariko hakigaragara icyuho hagati y’abagore n’abagabo.

Yagize ati: “Twishimira intambwe u Rwanda rumaze gutera mu kugera kuri serivisi z’imari, aho 92% by’abakuze bafite konti muri banki, mu bigo by’imari iciriritse cyangwa kuri mobile money. Ariko nanone turacyabona ko hari icyuho kinini hagati y’abagabo n’abagore.”

Yakomeje ashimangira ko inzitizi abagore bahura na zo mu kubona serivisi z’imari no guteza imbere ubucuruzi bwabo zidindiza iterambere ry’ubukungu muri rusange.

Ati: “Iyo abagore bahuye n’imbogamizi mu kubona imari mu gutangiza ubucuruzi cyangwa gutera imbere mu byo bakora, ntituba tugabanya amahirwe yabo gusa, ahubwo tuba tunagabanya iterambere ry’ubukungu.”

Yongeyeho ko kuziba icyuho kigaragara mu buringanire mu by’imari n’ubucuruzi bishobora kugira uruhare rwo kongera hagati ya miliyari 5 kugeza kuri miliyari 6 z’amadolari ku bukungu bw’isi, mu gihe ku Rwanda byakongera angana na miliyoni 750 z’amadolari, bingana na 6% by’umusaruro mbumbe w’igihugu (GDP).

Guverineri yagaragaje kandi ko gushyira imbere uburinganire atari ibikorwa bigamije kugirira impuhwe uwo ariwe wese, ahubwo ari ingamba z’iterambere.

Ati: “Uburinganire si impuhwe, ni ingamba. Gahunda z’imari zidaheza kuri bose ni ingirakamaro mu buryo burambye kandi zifite ubushobozi bwo guhangana n’ibibazo no guteza imbere ubukungu mu gihe kirekire.”

Yibukije ko u Rwanda rusanzwe rufite intego nini zo kwihutisha iterambere, zirimo n’icyerekezo 2050, rushyira imbere gukoresha neza ubushobozi bw’abaturage bose nta n’umwe usigaye inyuma.

Ati: “Icyerekezo 2050 nticyubakiye ku ntego nto, ahubwo gishingiye ku cyizere ko nta bushobozi bugomba gupfushwa ubusa, haba mu baturage cyangwa mu bigo.”

Abateguye ubu bushakashatsi bagaragaje ko buzafasha kumenya neza imbogamizi n’amahirwe bihari, bityo hashyirweho ingamba zifatika zigamije kurushaho kongera uburinganire n’uruhare rw’abagore mu rwego rw’imari.

Ibi kandi biteganyijwe ko bizafasha kunoza politiki n’ingamba z’iterambere, bigamije guteza imbere uburinganire no kongera umubare w’abagore bari mu myanya ifata ibyemezo mu bigo by’imari.

Ubu bushakashatsi buje mu gihe u Rwanda rukomeje gushyira imbaraga mu guteza imbere ihame ry’uburinganire n’ubwuzuzanye, cyane cyane mu nzego z’ingenzi zifatiye runini ubukungu bw’igihugu.

Umuhango wo gusoza amasomo yaba Ofisiye Bakuru (Senior Command and Staff Course 2025/2026) wabaye ku wa 14 Kamena 2026, iyoborwa na wayobowe na Maj Gen Yousef Huneiti, Umugaba Mukuru w’Ingabo za Jordan.

Uwo muhango kandi witabiriwe na Col Ephraim NGOGA, uhagarariye u Rwanda mu bya gisirikare muri Jordan.

U Rwanda n’Ubwami bwa Jordanie bifitanye umubano ukomeye ushingiye ku masezerano y’ubutwererane mu bya dipolomasi, ubuhinzi, ubukungu, ubuzima, ndetse n’umutekano.

Ibihugu byombi byakuraho igiciro cya viza ku Banyarwanda bajya muri Jordanie, ndetse banahurira mu masezerano y’ubufatanye bw’isanzure azwi nka Artemis Accords.

Ubutwererane bwa gisirikare n’umutekano, ibihugu byombi bifitanye amasezerano y’ubufatanye mu guhanahana ubunararibonye no kurwanya iterabwoba ndetse n’ajyanye no gufasha abasirikare bakuru b’u Rwanda gukurikira amasomo ya gisirikare mu ishuri rikuru rya Jordan (Royal Jordanian Command and Staff College).

Mu ijambo yavugiye ku biro bye biri i Downing Street, Starmer yavuze ko imbuga nkoranyambaga zigira uruhare rukomeye mu gutuma abana batishima.

Yavuze ko “Imbuga nkoranyambaga zituma abana batagira ibyishimo,” ashimangira ko hari ibimenyetso byinshi bigaragaza ingaruka mbi zazo ku bana, zirimo ibibazo by’ubuzima bwo mu mutwe, no kugabanuka kw’imibanire myiza yabo.

Uyu muyobozi yavuze ko iri tegeko rishya rigamije gushyiraho umurongo uhamye wo kurinda abana, cyane cyane mu gihe ikoranabuhanga rikomeje kwiyongera no kwinjira mu mibereho ya buri munsi.

Guverinoma y’u Bwongereza ivuga ko izakorana n’ibigo by’ikoranabuhanga kugira ngo hubahirizwe aya mabwiriza, ndetse hanashyirweho uburyo bwo kugenzura imyaka y’abakoresha imbuga nkoranyambaga.

Iyi gahunda yakiriwe mu buryo butandukanye, aho bamwe bayishimira nk’intambwe yo kurinda abana, mu gihe abandi bagaragaza impungenge ku bijyanye n’uburenganzira bwo kubona amakuru no kwidagadura.

Icyakora, Starmer yagaragaje ko icy’ingenzi ari ugushyira imbere ubuzima n’imibereho myiza y’abana, agaragaza ko guverinoma izakomeza gushaka ibisubizo mu buryo burambye muri uru rwego.

Aba bafana bagumye muri Stade batangira gukora isuku batoragura amacupa n’indi myanda y’ibyo bakoresheje. Uyu mukino wo mu itsinda F, warangiye u Buholandi n’u Buyapani, binganyije ibitego 2-2.

Ni igikorwa cyakoze abantu benshi ku mutima, bagaragaza ko aba bafana batanze urugero rwiza rwo kugira umuco w’isuku no kubungabunga ibidukikije. Aba bafana bagaragaye bakusanya imyanda mu mifuka, basukura aho bari bicaye, mbere yo gusohoka muri stade.

Si ubwa mbere abafana b’Abayapani bagaragaje imyitwarire nk’iyi, kuko bakunze kugaragara basukura stade nyuma y’imikino mpuzamahanga, bituma bafatwa nk’urugero rwiza ku bandi bafana ku Isi.

Irebere uburyo abafana b'ikipe y'Igihugu y'u Buyapani, bakoze isuku muri Stade batoragura amacupa n'indi myanda y'ibyo bakoresheje nyuma y'umukino w'Igikombe cy'Isi wahuzaga ikipe yabo n'u Buholandi. pic.twitter.com/ShKmuGMDl7

— Kigali Today (@kigalitoday) June 15, 2026

Mu biganiro bagiranye byibanze ku bibazo by’umutekano mu Karere, by’umwihariko ibikomeje kubera mu Burasirazuba bwa RDC, banagaruka ku kamaro k’ingamba zifatika mu gukemura intandaro y’ayo makimbirane no gushaka inzira irambye iganisha ku mahoro n’umutekano.

Perezida Kagame kandi yakiriye Umunyamabanga Mukuru w’Umuryango wa Commonwealth, Hon. Shirley Botchwey, uri mu Rwanda mu ruzinduko rw’akazi rugamije gushimangira ubufatanye hagati y’impande zombi.

Ibiganiro bagiranye byibanze ku gushimangira umubano n’ubufatanye hagati y’u Rwanda na Commonwealth, hagamijwe guteza imbere inyungu rusange zirimo iterambere rirambye, ubucuruzi, n’ubufatanye mu bya dipolomasi.

Banagarutse ku myiteguro y’Inama y’Abakuru b’Ibihugu na za Guverinoma bigize Commonwealth (CHOGM) izaba mu 2026.

Uretse kuba utu dukomo, turiho izina rya Jota wari rutahizamu wa Liverpool na Portugal, hariho n’andi mazina y’abakinnyi ba Portugal bazakina igikombe cy’Isi cya 2026.

Iyi mpano yatanzwe na Minisitiri w’Intebe wa Portugal, Luís Montenegro, igamije kugaragariza abakinnyi ko n’iyo bari mu marushanwa akomeye, ubumwe n’agaciro k’abakinnyi bikomeza kuba ingenzi.

Ni igikorwa cyakoze ku mitima ya benshi cyane cyane bagaragaza ko bishimiye uburyo Diogo Jota yahawe agaciro mu buryo budasanzwe.

Artan, wari waratoranyijwe mu basifuzi bazasifura iri rushanwa rikomeye ku Isi, yabujijwe kwinjira muri Amerika ku mpamvu zitarasobanurwa. Ibi byatumye atabasha gusifura imikino y’Igikombe cy’Isi, ibintu byatunguranye ndetse bikababaza benshi mu bakurikiranira hafi ruhago.

Nyuma y’uko ibi byose bibaye FIFA yafashe icyemezo cyo kumuhemba amafaranga yose yari agenewe abazasifura muri iri rushanwa. Ibi bifatwa nk’icyemezo cyo guha agaciro umwuga no kubaha abasifuzi, cyane cyane iyo hari impamvu zitari mu bushobozi bwabo zibabuza gukora akazi kabo.

Aba basirikare bagaragaje ubwitange n’ubunyamwuga mu gihe cy’aya masomo, aho biyemeje gukomeza kwimakaza indangagaciro za RDF zirimo ikinyabupfura, ubunyangamugayo n’umurava mu kazi.

Ibi byerekana urwego rwo hejuru rw’amahugurwa n’ubufatanye mpuzamahanga u Rwanda rukomeje guteza imbere, mu rwego rwo kubaka igisirikare gikomeye kandi gifite ubushobozi buhanitse.

Ubufatanye hagati y’u Rwanda n’u Buhinde mu bya gisirikare bushingiye cyane ku mahugurwa, kongera ubushobozi bw’abasirikare, no guhanahana ubumenyi. Ingabo z’u Rwanda (RDF) zikunze kwitabira amasomo mu mashuri ya gisirikare akomeye yo mu Buhinde, ndetse n’abayobozi bakuru b’ingabo z’ibihugu byombi bagirana imigenderanire mu rwego rwo kurushaho gushimangira ubu bufatanye.

By’umwihariko, mu ntangiriro za Kamena uyu mwaka, Umugaba Mukuru w’Ingabo z’u Rwanda, General Mubarakh Muganga, yakiriye itsinda rigizwe n’abanyeshuri n’abarimu bo mu Ishuri Rikuru rya Gisirikare ryo mu Buhinde aho bari mu rugendoshuri rw’icyumweru mu Rwanda.

Ni urugendo rwabafashije gusobanukirwa neza ibikorwa bya RDF byo gukomeza kongera ubunyamwuga mu ngabo ndetse n’uruhare rwayo mu mutekano wo mu karere no ku rwego mpuzamahanga. Yanashimangiye ko basobanukiwe byinshi ku iterambere ry’inzego z’imiyoborere mu Rwanda n’urugendo rw’iterambere igihugu cyanyuzemo.

Ubu bufatanye bwa gisirikare ni kimwe mu bigize amasezerano yagutse y’ubutwererane bw’ibihugu byombi.

Ni bimwe mu byagarutsweho kuri uyu wa Gatanu ubwo mu Igororero rya Nyamasheke hasozwaga ku mugaragaro icyiciro cya munani cy’amahugurwa agamije gutegura abagororwa bahamijwe ibyaha bya Jenoside yakorewe Abatutsi bitegura kurangiza ibihano.

Mu kiganiro cyatanzwe na Dignity in detention, Umuryango uharanira agaciro k’umugororwa haba mu magororero ndetse no mu miryango, hibanzwe ku byo abo mu miryango yabo basabwa mu gukomeza kubaherekeza mu buzima bushya bagiyemo mu rwego rwo kwirinda ko basubira aho bavuye.

Numupfasoni Beatha, umukozi wa Dignity in Detention, yavuze ko mu byo bigishijwe kandi bakwiye gushyira mu bikorwa koko niba barabyumvise neza, ari ugutaha bagasaba imbabazi ku bo bakoreye ibyaha ndetse n’abo mu miryango yabo.

Yagize ati: "Gusaba imbabazi, ntabwo ari ukugenda ngo utume abandi, uti nimugende mumumbwirire. Kuko gusaba imbabazi ni nk’amasezerano uba ugiranye n’umuntu. Ariko kandi niba mukeneye kubohoka muhere no mu miryango kuko hari ibyo muzi mwabakinze bo batazi, kuko nimwe muzi ukuri kuri ku mitima yanyu."

Bamwe mu bagororwa bahagarariye abandi, bavuze ko mu biganiro 16 bahawe hari byinshi bungukiyemo ndetse bashimira Leta y’Ubumwe yagize igitekerezo cyo kubategurira aya mahugurwa kuko yabafashije kumva uburemere bw’ibyaha bakoze banzura kutazongera kurangwa n’amacakubiri n’ingengabitekerezo ya Jenoside.

Uwayezu Sylvestre uri mu bagororwa bahise bataha, yagize ati: "Ngiye kubanira neza buri wese, guharanira kugira uruhare muri gahunda ya Ndi Umunyarwanda no kwakira impinduka nzasanga mu muryango wanjye, gahunda za Leta, gusaba imbabazi zabo nahemukiye no gufatanya n’abandi kubaka Igihugu."

Bashimangiye ko nyuma y’amasomo atandukanye bahawe, biyemeje guca bugufi no gusaba imbabazi abo bakoreye ibyaha, abandi bagatanga amakuru y’ahari imibiri y’abishwe muri Jenoside yakorewe Abatutsi kugira ngo bashyingurwe mu cyubahiro.

Uwari uhagarariye imiryango, Cyirima Buhungiro Jean Chrimaque, yashimye Leta y’u Rwanda ku buryo ikomeje gufasha mu gutegura abagororwa gusubira mu buzima busanzwe. Yavuze ko imiryango yiteguye kubafasha gusigasira ibyo bize, kubakira ku byiza igihugu cyagezeho no kubafasha kwiyumva mu muryango Nyarwanda.

Yagize ati: “Babyeyi bacu turabasaba guhinduka, kuvuga ukuri no kwirinda kugoreka amateka. Mube abantu barangwa n’imvugo nziza, mudakomeretsa abandi kandi mwiyumve nk’abagize umuryango Nyarwanda.”

Yanongeyeho ko ari ingenzi gukunda umurimo no kugira ishema ry’igihugu cyabo, kuko ari byo bizabafasha kubaho neza no kwirinda gusubira mu makosa bakoze.

Philomene Kankesha nawe yagaragaje ko imiryango yabo yiteguye gukomeza kubana neza n’abo bahemukiye, abasaba kuzakomeza inzira y’ubwiyunge no kwirinda ibikorwa bibi byagejeje igihugu kuri Jenoside yakorewe Abatutsi.

Ati: “Nidufatanya twese nk’Abanyarwanda, ntituzongera kugwa mu mutego w’amacakubiri n’urwango. Tugomba kubaka u Rwanda ruzira ayo mateka mabi."

Ku ruhande rw’ubuyobozi, Umuyobozi Nshingwabikorwa ushinzwe Ubumwe bw’Abanyarwanda n’Ubudaheranwa, Alice Kayumba, yavuze ko amahugurwa ahabwa abagororwa bahamijwe icyaha cya Jenoside bitegura gusoza ibihano amaze gutanga umusaruro ushimishije kuko yafashije guhindura byinshi mu myumvire yabo.

Kayumba yagaragaje ko aya mahugurwa yafashije abagororwa kurushaho kumva neza uruhare rwabo n’uburemere bw’ibyaha bakoze; no gusobanukirwa imbaraga zo gusaba imbabazi, gusobanukirwa umurongo Igihugu cyiyemeje kugenderaho n’uruhare rwabo mu gutuma Icyerekezo cy’Igihugu kigerwaho.

Harimo kandi no kwiyemeza gufatanya n’abo bazasanga harimo imiryango yabo n’abaturanyi mu kurinda ibyagezweho no guharanira kubana neza n’abandi.

Kuva hatangijwe aya mahugurwa muri Werurwe 2025, hamaze guhugurwa abagororwa 2.748 barimo abagabo 2.544 n’abagore 204. Abagabo bahugurirwa mu Igororero rya Nyamasheke, abagore bagahugurirwa mu Igororero rya Nyamagabe

Mu rwego rwo kwishimira intsinzi y’amateka y’ikipe ya RSSB Tigers yegukanye igikombe cya Basketball Africa League (BAL 2026), hateguwe igikorwa cyihariye cyo kurasa ibishashi by’umuriro (fireworks).

Iri tangazo ryashyizwe ahagaragara kuri uyu wa 13 Kamena 2026, rigaragaza ko ibi birori biri bubere kuri Kigali Convention Centre, i saa tanu z’ijoro (23h00). Ni igikorwa kigamije guha abaturage n’abatuye umujyi wa Kigali umwanya wo kwishimira iyi ntsinzi ikomeye yegukanywe n’iyi kipe ihagarariye u Rwanda ku rwego rwa Afurika.

Uretse ibi birori byo kurasa urufaya rw’bishashi, hateguwe n’gitaramo cyiswe “BAL Champions Celebration Concert” aho kwinjira ari ubuntu, mu rwego rwo gutuma buri wese abasha kwifatanya n’abakunzi b’iyi kipe mu byishimo by’iyi ntsinzi.

Ni igitaramo cyatumiwemo abahanzi batandukanye bakunzwe mu Rwanda, barimo Ariel Wayz, Juno Kizigenza, Kivumbi King, Bulldogg, Kenny Sol ndetse na Angel Mutoni.

Mbere y’ibi bikorwa byose kandi byabanjirijwe n’urugendo rwo kumurika igikombe rwatangiye saa 15h00 kuri Club Rafiki rugakomereza Kimisagara- Nyabugogo -Muhima – City Center -SOPETRADE ndetse n’i Remera rusorezwe KCC ahabera icyo gitaramo cy’imbaturamugabo.

Ibi birori byose ni ibyo gushimira ikipe ya RSSB Tigers BBC yakoze amateka yo kuba ikipe ya mbere yo mu Rwanda yegukanye irushanwa rya Basketball Africa League (BAL 2026), nyuma yo gutsinda Petro de Luanda yo muri Angola amanota 90-88, mu mukino wakurikiwe na Perezida Kagame.

Ku wa 11 -12 Kamena 2026, nibwo Ingabo z’u Rwanda zigize Rwanbatt-1 hamwe n’abapolisi b’u Rwanda (RWA-FPU III) bari mu butumwa bw’Umuryango w’Abibumbye muri Sudani y’Epfo, batanze serivisi z’ubuvuzi ku buntu ku baturage bo mu gace ka Gudele i Juba muri Sudani y’Epfo.

Iki gikorwa cyabaye ku bufatanye n’Umuryango witwa Society for Family Health, hatangiwemo serivisi zitandukanye z’ubuvuzi zirimo kwisuzumisha indwara rusange, ubuvuzi bw’amenyo, gukoresha ultrasound ku bagore batwite, ndetse n’ubuvuzi bw’amaso.

Minisitiri Joyce Bakwa yashimye byimazeyo inzego z’umutekano z’u Rwanda ku bwitange n’umurava bakomeje kugaragaza mu gutanga serivisi z’ubuvuzi zifite agaciro gakomeye ku baturage ba Gudele, mu mujyi wa Juba.

Yagaragaje ko izi serivisi zigamije gufasha abaturage bakeneye ubuvuzi, bikaba bigaragaza ubunyamwuga, ubumuntu n’ubufatanye u Rwanda rukomeje kugaragaza mu ruhando mpuzamahanga.

Binyuze muri iki gikorwa cyo gutanga ubuvuzi ku buntu, abaturage barenga 500 bahawe ubuvuzi ku ndwara zitandukanye ndetse abagenerwabikorwa bashimye cyane iki gikorwa cy’ubuvuzi bahawe.

Iki gikorwa kandi kigaragaza uruhare rw’u Rwanda mu kubungabunga amahoro no guteza imbere imibereho myiza y’abaturage mu bihugu bitandukanye, binyuze mu bufasha bw’ubuvuzi n’ibindi bikorwa by’ingenzi.

Yatangiye kuri uyu wa Gatandatu hakorwa ibilometero 10 muri Run for Peace aho abaryitabiriye basiganwa mu buryo byo kwishimisha.

Ku munsi wayo wa mbere, kuri uyu wa Gatandatu Marathon Mpuzamahanga y’Amahoro ya Kigali, yitabiriwe n’abarenga 4,100 baturutse mu bihugu 65 bitandukanye ku Isi mu kwizihiza ubumwe n’amahoro binyuze muri siporo.

Abatabiriye ’Run for Peace’ bagaragaje ko siporo ishobora kuba ururimi ruhuza abantu batandukanye, bakagaragaza ko amahoro n’ubumwe bishobora kwimakazwa binyuze mu bikorwa bihuriweho nk’ibi.

Ndetse nk’uko bigaragara, n’ibyishimo bidasanzwe ku bitabiriye umunsi wa mbere wa Marathon Mpuzamahanga y’Amahoro ya Kigali.

Ni igihembo RwandAir yaherewe mu bihembo bizwi nka ‘2026 APEX Awards’ byatangiwe i Dublin muri Irelande, bikaba bitegurwa n’Umuryango uzwi nka Airline Passenger Experience Association (APEX).

Iki gihembo kigaragaza urwego rwo hejuru RwandAir imaze kugeraho mu guha abakiliya bayo serivisi nziza, zishingiye ku kwita ku mugenzi no kumufasha kugira urugendo rwiza no kugira ibihe byiza.

Ubuyobozi bwa RwandAir bwatangaje ko iki gihembo gishingiye ku ntego bufite yo gushyira imbere ibyishimo by’abakiliya, gukomeza kunoza serivisi zitangwa mu ndege no guhanga udushya mu ngendo.

Bagize bati: “Tuzakomeza gushyira imbaraga mu gutanga ingendo zishimirwa n’abakiliya no gutuma buri rugendo rwose ruba umwihariko ku mugenzi.”

Iki gihembo kije gishimangira izina ry’u Rwanda mu rwego rw’ubwikorezi bwo mu kirere ku mugabane wa Afurika, ndetse ikaba n’icyizere cy’uko RwandAir izakomeza gutanga serivisi zo ku rwego mpuzamahanga.

Umuyobozi Mukuru wa Airline Passenger Experience Association, Dr Joe Leader, yavuze ko ibitekerezo by’abagenzi bikomeje kuba igipimo cy’ingenzi kigaragaza uko sosiyete z’indege zitanga serivisi zijyanye n’ibyifuzo by’abakiriya.

Yagize ati: “Ibitekerezo by’abagenzi bikomeje kuba kimwe mu bipimo bisobanutse bigaragaza uko indege zitanga serivisi zijyanye n’ibyo abagenzi bifuza kurusha ibindi.”

Dr Joe Leader yakomeje avuga ko abegukanye ibihembo bya APEX muri uyu mwaka bagaragaje ubushobozi bwo guhindura ibitekerezo by’abagenzi mu guhanga udushya dufatika, bifasha kuzamura urwego rwa serivisi zitangwa mu ndege.

Yongeyeho ko sosiyete z’indege zikomeje kumva neza ibyo abakiriya bifuza, zigahindura imikorere yazo no gushora imari mu guhanga udushya, ari byo biri gutuma urwego rw’ubwikorezi bwo mu kirere ruzamuka kandi rugashyiraho ibipimo bishya by’ubuziranenge na serivisi nziza.

Aya magambo agaragaza uburyo inganda z’indege ku Isi zikomeje kwita ku byo abagenzi bifuza, mu rwego rwo guteza imbere serivisi zinoze no guhatana ku isoko mpuzamahanga.

Mu itangazo bashyize hanze, kuri uyu wa Gatandatu tariki 13 Kamena 2026, aba bahanzi bagaragaje ko iki cyemezo cyafashwe nyuma yo kubitekerezaho neza no kubisesengura mu buryo bwimbitse. Bashimangiye ko MIE yababereye umufatanyabikorwa ukomeye kuva mu ntangiriro y’urugendo rwabo rw’umuziki.

Muri iryo tangazo bagize bati: “Mbere na mbere, turashimira byimazeyo MIE. Batwemeye kuva ku ntangiriro, bashora imari mu nzozi zacu kandi badufasha mu bihe byari bikomeye. Batubereye nk’ababyeyi, mu rugendo rwatwigishije, baraturinda, kandi badufasha kuba abo turi bo uyu munsi.”

Vestine na Dorcas bavuze ko bishimira byinshi bagezeho bari kumwe na MIE, ndetse n’ibihe byiza bagiranye, ariko ko bageze aho bumva ari ngombwa gukomeza urugendo rwabo bigenga, bagendeye ku cyerekezo n’indangagaciro zabo ndetse n’ahazaza bifuza kwiyubakira.

Bakomeje bagira bati: “Dufitiye icyubahiro n’ishimwe rikomeye ikipe yose ya MIE, kandi tubifurije gukomeza gutsinda mu bikorwa byabo byose.”

Aba bahanzi banashimiye abakunzi babo ku rukundo n’inkunga bakomeje kubagaragariza, bavuga ko nubwo hari impinduka, urugendo rwabo rukomeje kandi biteguye gutangira indi ntambwe nshya.

Ni ku nshuro ya Kabiri impande aba bakobwa batangaje ko batandukanye na MIE, nubwo kuri iyi nshuro bitandukanye kuko babishyize mu itangazo rigenewe abanyamakuru. Mu mwaka wa 2021, impande zombi zari zatandukanye kubera kutumvikana ku micungire ya shene yabo ya YouTube. Icyakora nyuma y’amezi make bongeye kumvikana basubukura ubufatanye.

Vestine na Dorcas batangiye gukorana na M Irene mu 2020. Kugeza ubu ntiharamenyekana impamvu nyamukuru yo gutandukana ndetse ku ruhande rwa M Irene ntacyo arabitangazaho ku mugaragaro.

Mu ijoro ryo ku wa 10 Kamena 2026, Perezida Paul Kagame yakoze impinduka zirimo no gushyiraho abahagarariye u Rwanda bashya mu bihugu bitandukanye, harimo no muri Espagne. Iyi Ambasade yahawe, Ambasaderi Nkulikiyinka Christine, wari Minisitiri w’Abakozi ba Leta n’Umurimo.

Ni ubwa mbere u Rwanda rugize uruhagarariye bihoraho muri Espagne ndetse anahafite icyicaro kuko ubusanzwe iyi Ambasade yari ihagarariwe na Amb. François Nkulikiyimfura ufite icyicaro mu Bufaransa.

Gufungura Ambasade y’u Rwanda muri Espagne, bibaye mu gihe u Rwanda rukomeje kwagura ibikorwa byarwo ku mugabane w’u Burayi, aho rusanzwe rufitanye umubano na Espagne kuva mu 1967, nubwo kugeza ubu rwakoraga rubinyujije ku biro byarwo biri i Paris.

Aho niho umusesenguzi mu bya Politiki mpuzamahanga akaba n’Umwalimu muri Kaminuza, Dr. Ismael Buchanan, ahera avuga ko kuba u Rwanda rugiye gufungura Ambasade muri Espagne ari amahirwe akomeye ku bihugu byombi.

Ati: "Gufungura Ambasade ni amahirwe menshi u Rwanda cyangwa Espagne bishobora gukura muri ya politike y’Ibihugu biba bifite cyane cyane ko buri Gihugu kireba inyungu zacyo aho kiri ariko no kugira ngo ububanyi bwacyo n’ubutwererane bishyirwe mu bikorwa."

Akomeza avuga ko kugira Ambasade muri Espagne ari kimwe mu bizongera ubuhahirane hagati y’u Rwanda n’Ibihugu by’i Burayi bikazagaragarira kandi no mu Banyarwanda bajya mu Gihugu cya Espagne ndetse n’Abanya-Espagne baza mu Rwanda, maze bigatuma habaho ubuhahirane muri aka Karere kuko bizanafasha ibihugu by’ibituranyi.

Dr Buchanan yavuze ko Espagne iyo bigeze mu bubanyi n’amahanga ari Igihugu, mu byo mu Burayi kiri mu bikomeye kandi n’aho giherereye bikaba bifite akamaro gakomeye cyane kuko kiri hagati kuburyo ubuhahirane bwacyo bushobora kubyarira inyungu u Rwanda.

Yagize ati: "Buriya mu Burayi, Espagne iri mu cyo bita euro zone, ibihugu bikoresha amafaranga y’Amayero, kuburyo hagiyeho uburyo bwo kuganira ku byerekeranye n’ibiciro mu bukungu n’ubucuruzi biroroshye kuba ufite Ambasade muri Espagne kuko hari inyungu rwose u Rwanda rushobora kubona muri ibyo."

Yagarutse kandi no ku nyungu mu rwego rw’ubukerarugendo, avuga ko Espagne ari Igihugu cyizwi cyane muri urwo rwego, kuko gifite uduce abantu basura cyane ndetse n’Abanya-Espagne bakaba ari abantu bakunda gutembera kuburyo kuza mu Rwanda kureba ingagi, kwirebera amateka y’u Rwanda bizabafasha cyane.

U Rwanda kuba rugiye gufungura Ambasade muri Espagne, ni ibintu bije no gishimangira amasezerano akomeye u Rwanda rwasinyanye n’ikipe y’umupira w’amaguru ya Atlético de Madrid, binyuze muri gahunda ya Visit Rwanda. Aya masezerano yashyizweho umukono mu 2025, azageza mu 2028, agamije kumenyekanisha u Rwanda n’ibyiza nyaburanga byarwo ku rwego mpuzamahanga binyuze muri Siporo.

Dr Buchanan kandi asanga mu rwego rw’ubukerarugendo, nka Espagne yateye imbere hari ibyo u Rwanda rwayigiraho nk’uko na Espagne hari ibyo yakwigira ku Rwanda.

Yakomeje agira ati: "Andi mahirwe akubiye mu kuba Espagne ikorana n’Ibihugu byo ku Mugabane wa Afurika by’umwihariko ibyo mu Majyaruguru nka Maroc na Algeria bikora ku nyanja ya Mediterrane, bizafasha kunyuza ibicuruzwa muri iki gice bibyarire inyungu u Rwanda."

Mu rwego rw’uburezi, yavuze ko u Rwanda rusanzwe rufitanye imibanire myiza kuko za Kaminuza zo mu Rwanda, zikorana n’izo muri Espagne, bigafasha Abanyarwanda bajya kwigayo, bikaba kandi byatuma hari n’Abanya-Espagne bashobora kuza kwiga mu mashuri yo mu Rwanda ku bwinshi haba aya Leta cyangwa mpuzamahanga.

Ati: "Ibyo rero byateza imbere mu kumenya umuco, kumenya Igihugu by’umwihariko amateka y’u Rwanda."

Gufungura Ambasade mu Gihugu runaka, ni ibintu bigira uruhare rukomeye mu korohereza Abanyarwanda bari ku Mugabane w’i Burayi, cyane abari muri Espagne kuko bashobora koroherezwa kubona viza, pasoporo n’ibyangombwa bitandukanye bigafasha kandi n’abari mu bindi bihugu bari kure y’aho za Ambasade ziherereye.

Dr Buchanan yavuze kandi ko kugira Ambasade muri Espagne, bizatuma n’Abanyarwanda bahatuye bisanzura, uretse no kuba bakoroherezwa kubona ibyangombwa, Ambasade igomba kuba hafi yabo no mu bindi bakeneye.

Ati: "Ngiyo inyungu rero ikomeye mu kuba u Rwanda n’Igihugu cya Espagne bigirana umubano ukomeye, ushingiye ku bwubahane, ubwuzuzanye mu gufatanya mu bucuruzi [......]no mu buvuzi kuko bafite abahanga bakomeye, hari ibyo twakwigiranaho."

Yakomoje no kuba u Rwanda rufite "Made in Rwanda", gahunda yo guteza imbere ibikorerwa imbere mu Gihugu, ibihingwa birimo ikawa n’icyayi byose bishobora kugera ku isoko ryagutse ry’i Burayi binyuze mu Gihugu cya Espagne.

Ati: "U Rwanda rushyize imbere gucuruza ikawa, icyayi, imboga, mbuto n’indabo kuburyo Espagne ishobora kuba umuyoboro w’aho ibicuruzwa by’u Rwanda bishobora kunyuzwa. Harimo inyungu nyinshi zo kugira Ambasade muri Espagne."

Yakomoje agira ati: "Urabizi neza ko u Rwanda rwashyize imbere ishoramari, Abanya-Espagne bashobora kuza mu Rwanda gufungura inganda, imodoka zigakorerwa hano n’ibikoresho bitandukanye kuko u Rwanda ruracyakura ibintu byinshi i Burayi no mu yindi Migabane."

Yashimangiye ko haramutse hari inganda zikora ibyo u Rwanda rukura hanze ya kure, byarworohereza kuzigama amafaranga rwashoraga muri ibyo bihugu bikaba byose byakorerwa imbere mu Gihugu.

Ati: "Hari uruganda rwa Volkswagen, imodoka zarwo ziteranyirizwa mu Rwanda ndetse rukaba rwarashyize imbaraga mu guteza imbere ishoramari kandi rurakomeje muri uwo murongo."

Gufungura Ambasade y’u Rwanda muri Espagne, ni intambwe igaragaza uburyo u Rwanda rukomeje gukoresha dipolomasi ishingiye ku bukungu n’imikoranire mpuzamahanga, hagamijwe guteza imbere iterambere rirambye n’icyerekezo cy’igihugu ku ruhando mpuzamahanga.

Ibi yabigarutseho mu ruzinduko rwe rwa mbere agirira muri Koreya y’Epfo, aho yitabiriye iserukiramuco rya sinema Nyafurika ku nshuro ya munani ryabereye i Jeonju, ryateguwe na Korea-Africa Foundation, ubwo herekanwaga filime ye yitwa “Killer Music.”

Mighty Popo, umaze igihe kinini mu muziki ndetse akaba yaranegukanye igihembo cya Juno Awards (gisa na Grammy muri Canada), yavuze ko iyi filime atayibereye umuyobozi, ahubwo yayanditse, arayitunganya ndetse anahimba umuziki wayo.

Filime “Killer Music” igaruka ku rugendo rw’abanyamuziki mu buzima bwa buri munsi kuva umuntu atekereje urugendo rwo kwinjira mu muziki, igihe abaye icyamamare ndetse n’ubuzima anyuramo mu majoro mu bitaramo. Ubunararibonye bwa Mighty Popo mu muziki mpuzamahanga bwamufashije gukora inkuru ishingiye ku buzima nyabwo.

Mu kiganiro yagiranye n’ikinyamakuru Yonhap News ku itariki ya 10 i Seoul, yavuze ko yashakaga kugaragaza by’umwihariko ibibazo abakobwa bahura na byo mu muziki, abinyujije mu rugendo rukomeye rw’umuhanzikazi ukiri mushya ushaka kwamamara.

Yagize ati: “Nashakaga kugaragaza mu buryo burambuye igitutu umuhanzi ukiri muto ahura nacyo, uburyo yisanga mu mutego w’ibintu bihabanye bikamugusha.”

Popo yavuze ko iyi nkuru itagarukira muri Afurika gusa, kuko n’abahanzi b’abagore bo muri Koreya y’Epfo bashobora guhura n’ibi bibazo nk’iby’umuhanzikazi wo mu Rwanda uvugwa muri iyi filime. Yagize ati: “Nubwo nakoresheje uburyo bwa sinema, ubutumwa natanze burenze imipaka kandi bushobora kumvwa na buri wese.”

Yanagarutse ku bufatanye bwa hafi na Anirban Mitra ukomoka mu Buhinde wafashe amashusho yayo. Mighty Popo, avuga ko nk’uwahimbye umuziki, intego ye atari ugushyira amarangamutima ku bayireba, ahubwo ari uruhare yifuzaga gutanga mu kongera imbaraga z’ibiri kugaragara muri filime.

Yagize ati: “Nashyizemo umuziki mu buryo bufasha kongera amarangamutima y’inkuru, ariko utabangamiye amashusho. Iyi filime ifite agaciro kihariye mu iterambere rya sinema y’u Rwanda izwi nka Hillwood."

Popo yavuze kandi ko "Killer Music" kimwe mu biyitandukanya n’izindi filime ari umuziki wayo w’umwimerere. Yongeyeho ko ari filime ya mbere yakorewe mu Rwanda kandi ikoranywe ubuhanga butuma uyireba yiyumva nk’uri muri sinema byukuri.

Biteganyijwe ko iyo filime izagira ibice bitatu ariko igice cya mbere akaba ari cyo cyashyizwe hanze. Popo yavuze ko igice cya mbere uburyo gikinnyemo kigamije gushyiraho umusingi w’inkuru izaba nini, mu gihe ibice bibiri bizakurikiraho bizatanga ibisubizo ku bibazo byagaragajwe.

Yavuze ko inyandiko z’ibyo bice bibiri bisigaye byamaze gutegurwa, kandi ko ubu arimo gushaka abafatanyabikorwa mpuzamahanga n’abashoramari bazamufasha kuzishyira mu bikorwa.

Filime "Killer Music" iri mu bwoko bw’izitwa “Musical Drama’’ mu rurimi rw’Icyongereza ikaba imara amasaha abiri.

Yongeyeho ko ari no gutegura indi filime yitwa “Ghost Note,” izaba igaruka ku muziki ariko igahuriza hamwe Afurika muri ibi bihe, ubuhanga bwa muntu ndetse n’ikoranabuhanga rya AI.

Yasoje avuga ko Koreya y’Epfo iri ku isonga mu bijyanye n’ikoranabuhanga rya AI mu muziki na sinema, bityo kuba iyi filime iramutse ikorewe muri icyo Gihugu byaba ari amahitamo meza kurushaho ugereranyije no kuyikorera mu Rwanda.

U Rwanda n’Umuryango wa Commonwealth bigaragaza intego imwe yo guteza imbere ubufatanye bushingiye ku mahame ya Commonwealth, arimo imiyoborere myiza, iterambere rirambye n’amahoro.

Mu Kwakira 2024, nibwo uyu mugore ukomoka Ghana, yatorewe kuba Umunyamabanga Mukuru wa Commonwealth mu gihe cy’imyaka ine. Yagiye kuri uyu mwanya asimbuye Patricia Scotland.

U Rwanda rwemerewe kwinjira muri Commonwealth tariki ya 29 Ugushyingo 2009 mu nama yabereye muri Trinidad and Tobago ndetse icyo gihe ni cyo gihugu cya kabiri cyari cyinjiye muri uwo muryango kitarakolonijwe n’u Bwongereza, nyuma ya Mozambique yawinjiyemo mu 1995

Ibindi bihugu biri muri Commonwealth bitarakolonijwe n’u Bwongereza ni Gabon na Togo byemerewe kwinjira muri uyu muryango mu nama yabereye i Kigali muri Kamena 2022.

Iki gikorwa cyatangiye kuri uyu wa Kane kizakomeza no kuri uyu wa Gatanu, kikaba kirimo gutangirwamo serivisi z’ubuvuzi zitandukanye, zirimo kwisuzumisha indwara rusange, ubuvuzi bw’amenyo, gukoresha ultrasound ku bagore batwite, ndetse n’ubuvuzi bw’amaso.

Maj. Gerard Bahati Murasandonyi, Umuganga Mukuru wa Rwanbatt-1, yavuze ko ubufasha batanga ku baturage bo mu gace bakoreramo bujyanye n’inshingano zabo z’ingenzi zo kurinda abasivili, binyuze mu bikorwa bigamije gufasha abaturage.

Yongeyeho ko iki gikorwa kizafasha abaturage kwisuzumisha, kuvurwa no guhabwa imiti y’indwara zirimo malariya n’ibindi bibazo by’ubuzima.

Ismail Abdu Nimaya, umuhuzabikorwa wa serivisi z’ubuvuzi mu bigo bya Leta ya Sudani y’Epfo, yashimiye ingabo n’abapolisi b’u Rwanda ku nkunga yo gutanga serivisi z’ubuzima ku buntu.

Yagize ati: “Dukeneye ko abavandimwe bacu bo mu Rwanda n’Umuryango w’Abibumbye muri rusange bakomeza gufatanya natwe kugira ngo dukomeze kugeza izi serivisi z’ubuzima ku baturage bacu. Turishimye cyane kandi turashimira inkunga n’ubwitange budasanzwe bw’ingabo z’u Rwanda.”

Mu gusubiza iyi raporo y’amapaji 78, Guverinoma y’u Rwanda yamaganiye kure ibyo birego, bishinjwa Ingabo z’u Rwanda, ishimangira ko nta ruhare yigeze igira mu kwinjiza abantu ku ngufu mu gisirikare, kubafunga, kubica, kubakorera iyicarubozo cyangwa kubashora mu mirimo y’agahato.

U Rwanda kandi rwanenze uburyo HRW ihuza M23 na RDF nk’aho ari ikintu kimwe, ruvuga ko imyitwarire ivugwa kuri M23 idakwiye kwitirirwa RDF.

U Rwanda rugaragaza ko no muri iyo raporo ubwayo, HRW yemera ko ingabo za Repubulika Iharanira Demokarasi ya Congo (FARDC) zashyigikiye imitwe yitwaje intwaro irwanya M23, harimo na FDLR, umutwe washinzwe n’abagize uruhare muri Jenoside yakorewe Abatutsi mu 1994.

Raporo ivuga kandi ko ubuyobozi bwa DRC bwahaye inkunga, intwaro ndetse bukaba bukorana bya hafi n’imitwe ya Wazalendo na FDLR, ibintu byagize uruhare mu kongera ibikorwa by’ihohotera rikorerwa abasivili.

Nubwo ibi byemejwe muri raporo, u Rwanda rugaragaza ko HRW itagaragaje ubushakashatsi bwimbitse kuri FARDC, FDLR cyangwa Wazalendo, ndetse ntigaragaze abayobozi b’iri huriro bakwiye kubiryozwa. Ahubwo ko raporo ishyira imbaraga nyinshi ku Rwanda na M23, mu gihe uruhare rwa Kinshasa n’abo ifatanyije rugirwa nk’inkuru iraho idafite icyo ivuze.

Ku bijyanye n’uburyo ubushakashatsi bwakozwe, u Rwanda ruvuga ko nta bushakashatsi bwakorewe aho ibyo birego bivugwa byabereye, nta mibiri yabonetse mu mva rusange iyo raporo ivuga ndetse ko nta n’ibimenyetso bya gihanga byatanzwe. Ruvuga ko byinshi mu byavuzwe bishingiye ku buhamya bw’abantu batavuzwe amazina, bamwe muri bo bakaba barabajijwe bari mu maboko y’ingabo za Congo, bikaba byatera impungenge ku kwizera amakuru yabo.

U Rwanda runenga kandi ko HRW isaba ibihano ku bantu bamwe ishingiye ku buhamya budafite gihamya ihagije, ibintu ruvuga ko nta rukiko rwabishingiraho mu gufata ibyemezo.

Ku bijyanye n’izingiro ry’ikibazo, u Rwanda rushimangira ko ikibazo nyamukuru ari FDLR, umutwe umaze imyaka irenga 30 uteza umutekano muke mu Karere, ugizwe n’abagize uruhare muri Jenoside yakorewe Abatutsi. Ruvuga ko gushyira ku ruhande ibikorwa by’uyu mutwe n’inkunga uhabwa na bamwe mu bayobozi ba Congo ari uwkirengagiza ukuri ku bibazo byo mu burasirazuba bwa DRC.

U Rwanda rusanga raporo ya HRW ikurikiza uburyo bwo kurebera ibintu ku ruhande rumwe, aho ibikorwa by’ihuriro ry’imitwe ifatanyije na Leta ya Kinshasa bidahabwa agaciro nk’uko bikwiye, mu gihe ibirego ku Rwanda bihabwa uburemere ndengakamere.

Ku bijyanye n’ahazaza, u Rwanda rugaragaza ko amasezerano ya Washington ari yo nzira nyayo yo kugera ku mahoro arambye, binyuze mu bufatanye bw’ibihugu byo mu Karere, binyuze mu gusigasira umutekano, ubutabera n’ubwumvikane.

U Rwanda rwasoje ruvuga ko ruzakomeza kurinda umutekano warwo, gukorana n’abandi mu buryo bwubaka kandi bikajyana no gushyigikira ibisubizo bishingiye ku biganiro n’ubufatanye mu Karere.

Aya mafaranga arenze ay’umwaka w’ingengo y’imari 2025/26 ivuguruye, yari kuri miliyari 6,952.1 Frw, bivuze ko hiyongereyeho miliyari 844.2 Frw.

Imisoro n’amahoro by’imbere mu gihugu biteganyijwe kugera kuri miliyari 5,273.8 Frw, mu gihe inkunga z’amahanga zizagera kuri miliyari 548.3 Frw. Inguzanyo zituruka hanze ziteganyijwe zingana na miliyari 1,974.1 Frw. Ibi bivuze ko hamwe n’amafaranga akomoka imbere mu gihugu n’inguzango zo hanze, bigize 93% by’ingengo y’imari yose ya 2026/27.

Ku bijyanye n’imikoreshereze y’ayo mafaranga, Minisitiri Murangwa yavuze ko muri iyo ngengo y’imari yose ingana na miliyari 7,796.3 Frw. Muri yo, amafaranga azakoreshwa mu mishinga y’iterambere angana na miliyari 3,010.8 Frw, mu gihe ingengo y’imari isanzwe ari miliyari 4,785.5 Frw.

Iyi ngengo y’imari igaragaza icyerekezo cy’igihugu cyo kongera ishoramari mu iterambere, mu gihe hongerwa imbaraga mu kwihaza ku mutungo w’imbere mu gihugu no guteza imbere gahunda z’iterambere rirambye.

Ubu bufatanye bushingiye ku rugendoshuri rwakozwe umwaka ushize hagamijwe guhanahana ubunararibonye, rukaba rwarakurikiwe n’ingendo z’impuguke n’abarimu hagati ya kaminuza zombi.

Ibi bikorwa byafashije impande zombi gusangira ubumenyi no kunoza uburyo bwo guteza imbere uburezi, mu gukomeza gushimangira umubano w’ubufatanye hagati ya Kaminuza y’u Rwanda n’iya Somalia.

Aya masezerano yashyiriweho umukono ku mugaragaro i Kigali, ubwo itsinda ryo muri Somalia ryasozaga uruzinduko ryagiriraga mu Rwanda. Afatwa nk’ingenzi ku mpande zombi kuko agamije gushimangira ubufatanye mu bijyanye n’inyigisho zigamije amahoro, amasomo y’ubwiyunge, ubushakashatsi buhuriweho, guhanahana abarimu no guteza imbere ubushobozi bw’ibigo.

Ibi kandi bigaragaza uruhare Ikigo cy’u Rwanda gishinzwe guteza imbere ubufatanye (RCI), gikomeje kugira mu guteza imbere ubufatanye hagati y’ibihugu byo mu majyepfo y’Isi (South–South Cooperation), hagamijwe gushaka ibisubizo by’ibibazo bya Afurika biturutse ku Banyafurika ubwabo, by’umwihariko mu kubaka amahoro n’iterambere rirambye.

Uwo mukino uzahuza Paris Saint-Germain yegukanye UEFA Champions League 2025-2026 n’ikipe ya Aston Villa yegukanye UEFA Europa League y’uwo mwaka w’imikino.

UEFA kuba itoranyije Omar Artan bifatwa nko kumuha icyubahiro n’agaciro yambuwe ndetse ni n’indi ntambwe ikomeye mu rugendo rwe rwo mu misifurire, ndetse bikagaragaza ukwizerwa n’iterambere ry’abasifuzi bo muri Afurika mu marushanwa mpuzamahanga.

Artan wari witezweho kuba Umunya-Somalia wa mbere usifuye Igikombe cy’Isi, nyuma yo kwangirwa kwinjira muri Amerika, yahise anakurwa ku rutonde rw’abazasifura b’iri rushanwa.

Nta mpamvu nimwe yatangajwe yatumye uyu musifuzi akumirwa muri Amerika, gusa ariko bihuzwa no kuba Somalia iri mu bihugu byinshi biri ku rutonde rwashyizweho n’ubuyobozi bwa Trump aho abaturage babyo batemerewe kwinjira muri Leta Zunze Ubumwe za Amerika.

Uyu musifuzi wari afite ibyangombwa byemewe ndetse na Visa, aho igihugu cye cyari cyamuhaye pasiporo y’abadipolomate, yavuze ko yamaze amasaha 11 abazwa n’inzego zishinzwe abinjira n’abasohoka, ndetse afungirwa muri kasho amasaha menshi mbere yo gutegerwa indege yamusubije i Istanbul muri Turikiya akabona kugaruka iwabo muri Somalia.

Icyemezo cyo guha Omar Artan kuyobora umukino wa UEFA Super Cup 2026 cyafashwe kandi mu rwego rw’amasezerano y’ubufatanye aherutse gusinywa hagati ya UEFA na CAF, agamije guteza imbere ubufatanye mu nzego zitandukanye, harimo n’imisifurire.

Aya masezerano agamije gushimangira ubufatanye hagati y’impuzamashyirahamwe y’umupira w’amaguru ku migabane y’i Burayi na Afurika, binyuze mu guteza imbere umupira w’amaguru mi nzego zose no kwimakaza indangagaciro z’ubumwe, uburinganire no kurwanya ivangura.

Perezida wa UEFA, Aleksander Čeferin, yavuze ko Omar Artan ari umusifuzi ukiri muto ariko ufite inararibonye, wagaragaje ubushobozi bwe ku rwego rwo hejuru mu marushanwa ya CAF.

Yagize ati: “Umupira w’amaguru ugamije guhuza abantu, kandi UEFA yifuje guha icyubahiro Omar ndetse n’ubuhanga bwe budasanzwe bwatumye ahabwa uyu mwanya ukomeye. Ndashimira cyane mugenzi wanjye Perezida wa CAF, Patrice Motsepe, ku bufatanye yagize muri iki gikorwa.”

Ku ruhande rwa CAF, Perezida Dr Patrice Motsepe yavuze ko Omar Artan yateye ishema Somalia ndetse n’umugabane wa Afurika muri rusange, anashimangira ko ibihembo yahawe nk’umusifuzi w’umwaka wa CAF 2025 no kuba yari yaremejwe kuzasifura mu mikino y’Igikombe cy’Isi cya 2026 ari ikimenyetso cy’ubuhanga bwe ku rwego mpuzamahanga.

Mu ijoro ryo ku wa 31 Gicurasi 2026, nibwo ikipe ya RSSB Tigers BBC yakoze amateka yo kuba ikipe ya mbere yo mu Rwanda yegukanye irushanwa rya Basketball Africa League (BAL 2026), nyuma yo gutsinda Petro de Luanda yo muri Angola amanota 90-88, mu mukino wakurikiwe na Perezida Kagame.

Muri iki gitaramo cyiswe “BAL Champions Celebration Concert” kizaba ku wa Gatandatu tariki ya 13 Kamena, kibere kuri KCC Roundabout, kikazatangira saa kumi z’umugoroba. Abateguye iki gikorwa batangaje ko kwinjira ari ubuntu, mu rwego rwo gutuma buri wese azabasha kwifatanya n’abakunzi b’iyi kipe mu byishimo by’iyi ntsinzi.

Abahanzi batandukanye bakunzwe mu Rwanda bazasusurutsa abazitabira, barimo Ariel Wayz, Juno Kizigenza, Kivumbi King, Bulldogg, Kenny Sol ndetse na Angel Mutoni.

Iki gikorwa giteganyijwe kuzaba umwanya udasanzwe wo kugaragaza ko siporo n’imyidagaduro bishobora guhuriza hamwe Abanyarwanda mu byishimo kandi bunze ubumwe, ndetse no gukomeza kwishimira amateka mashya ikipe ya RSSB Tigers yanditse mu mukino wa Basketball ku rwego rw’Afurika.

Abateguye igitaramo barahamagarira Abanyarwanda bose, abafana ba Basketball n’abakunzi b’umuziki kuzitabira ari benshi, bagafatanya kwishimira iyi ntsinzi yateye ishema Igihugu.

Impande zombi zunguranye ibitekerezo by’umwihariko ku gushimangira ubufatanye hagati y’Inteko Zishinga Amategeko z’ibihugu byombi, harimo guhanahana ubunararibonye no kongera ubufatanye mu bikorwa by’Inteko.

Abayobozi, bagaragaje ko ubufatanye buri hagati y’ibihugu byombi bukomeje gutera imbere, bigizwemo uruhare n’ubuyobozi bwiza bw’Abakuru b’Ibihugu byombi.

Biyemeje kandi gukomeza gukorera hamwe mu guteza imbere ubufatanye bufatika mu nzego zitandukanye, hagamijwe guteza imbere imibereho myiza y’abaturage b’ibihugu byombi.

U Rwanda n’u Bushinwa bisangwanywe umubano w’amateka kuva ku wa 12 Ugushyingo 1971 ndetse na nyuma ya Jenoside yakorewe Abatutsi, aho ibihugu byombi byakomeje kubaka umubano ushingiye kuri politiki, umutekano n’imibereho myiza y’abaturage.

U Rwanda n’u Bushinwa kandi bifatanya mu mishinga itandukanye irimo nk’ishoramari, ibikorwa remezo, ikoranabuhanga, ubucukuzi bw’amabuye y’agaciro, ubwikorezi bwo mu kirere, uburezi, kubaka ubushobozi, ubuzima, ubucuruzi, ubukerarugendo, ubuhinzi, umutekano n’indi myinshi.

Ku wa Gatatu tariki 10 Kamena 2026, nibwo Perezida wa Repubulika y’u Rwanda, Paul Kagame yakoze impinduka muri Minisiteri zirimo iy’Ibikorwa Remezo, iy’Ubucuruzi n’Inganda ndetse n’iy’Abakozi ba Leta n’Umurimo.

Minisiteri y’Ubucuruzi n’Inganda yahawe Bwana Kajangwe Antoine Marie, wari usanzwe ari Umunyamabanga uhoraho muri iyi Minisiteri akaba yasimbuye Prudence Sebahizi.

Tariki ya 16 Kanama 2024, ni bwo Perezida Paul Kagame yashyizeho abagize Guverinoma n’abandi bayobozi batandukanye. Muri iyo Guverinoma nshya ya 2024-2029 ikaba igizwe n’abaminisitiri 21 n’abanyamabanga ba Leta icyenda.

Muri Minisiteri zari zisanzweho, eshatu ni zo zahawe abaminisitiri bashya ndetse icyo Prudence Sebahizi agirwa Minisitiri w’Ubucuruzi n’Inganda (MINICOM), asimbuye Dr Ngabitsinze Jean Chrysostome wari kuri uwo mwanya kuva tariki ya 30 Nyakanga 2022.

Abinyujije ku rubuga rwe rwa X, Sebahizi yavuze ko ashimira byimazeyo Perezida Kagame wamugiriye icyizere akamuha izo nshingano yari amazeho imyaka ibiri. Ati: "Ndashimira cyane Nyakubahwa Perezida wa Repubulika, Paul Kagame, ku cyubahiro yampaye cyo kungira Minisitiri w’Ubucuruzi n’Inganda mu gihe cy’imyaka ibiri ishize."

Sebahizi yagaragaje kandi ko mu gihe yamaze muri izo nshingano yishimiye gukorana n’abandi bagize Guverinoma ndetse n’ikipe yose ya Minisiteri y’Ubucuruzi n’Inganda (MINICOM), mu guteza imbere inganda, kongera uruhare rw’abikorera, guteza imbere ubucuruzi bushingiye ku ikoranabuhanga ndetse no gushimangira ubufatanye mu karere.

Yavuze ko yishimira ibyo bagezeho bafatanyije, ashimangira ko ari intambwe ikomeye mu iterambere ry’ubukungu bw’Igihugu.

Yasoje ashimira kandi anifuriza ishya n’ihirwe uwamusimbuye muri izi nshingano, Kajangwe Antoine Marie, avuga ko ari umwanya yahawe awukwiye kandi ko yizeye ko azakomeza gusigasira ibyagezweho.

Damien Murwanashyaka ni inzobere mu bijyanye n’ubwubatsi (Professional Civil Engineer) aho afite uburambe burenga imyaka 15 mu rwego rw’ubwubatsi n’imishinga y’iterambere ndetse akaba n’umunyamuryango w’Urwego Mpuzamahanga rw’Abakemurampaka (Chartered Institute of Arbitrators).

Yize ibijyanye n’Ubwubatsi ku rwego rwa Kaminuza aho yasoje amasomo ye afite amanota ya mbere (First Class Honors) muri Kaminuza y’u Rwanda.

Afite kandi impamyabumenyi y’Ikiciro cya Gatatu cya Kaminuza (MBA) yakuye muri Oklahoma Christian University, bituma afite ubumenyi buhambaye mu bya tekiniki no mu buyobozi bw’imishinga.

Mu rugendo rwe, Murwanashyaka yagiye akora imirimo itandukanye ku rwego rwo hejuru. Kuva muri Gicurasi 2024 -2026 yabaye Umuyobozi Mukuru wa UDL imwe muri Sosiyete zikomeye mu by’ubwubatsi izwi cyane mu mishinga idasanzwe nka Vision City.

Yabaye kandi Chief Quantity Surveyor muri Real Contractors Ltd, aba Project Manager muri ROKO Construction Ltd, ndetse anakora nk’umujyanama mu bigo birimo Century Engineering and Contractors Ltd na Gasabo 3D Design Ltd.

Mbere y’uko agirwa Minisitiri w’Ibikorwa Remezo, Murwanashyaka Damien yari Umuyobozi Mukuru (Managing Director) wa Preferred Contractors, kimwe mu bigo biyoboye mu gutanga serivisi z’ubujyanama, imicungire y’imishinga ndetse n’ibikorwa by’ubwubatsi.

Murwanashyaka yagifashije iki kigo kugera ku ntego zacyo kuko yakomeje kugaragaza ubuhanga mu micungire y’imishinga n’ingengo y’imari yayo, anagira uruhare mu guteza imbere ibikorwa by’ubwubatsi no gutanga umusaruro ugaragara mu mishinga ikomeye.

Ubunararibonye bwe n’ubuyobozi bufite icyerekezo ni bimwe mu byakomeje kumugira umwe mu banyamwuga b’indashyikirwa mu rwego rw’ubwubatsi mu Rwanda no mu Karere.

Bwana Murwanashyaka Damien yagizwe Minisitiri w’Ibikorwa Remezo asimbuye Dr Jimmy Gasore wari kuri uwo mwanya kuva muri Nzeri 2023.

Muri iyi Minisiteri kandi, Bwana Zingiro Armand na Col. Bizimungu Claudien bagizwe Abanyamabanga ba Leta, umwanya wari uriho Ambasaderi Jean de Dieu Uwihanganye wari umaze kuri uyu mwanya amezi 11.

Uwihanganye yari yinjiye muri izi nshingano muri Nyakanga 2025 avuye guhagararira u Rwanda muri Singapour.

Zingiro Armand, Umunyamabanga wa Leta muri Minisiteri y’Ibikorwa remezo

Muri Minisiteri y’Abakozi ba Leta n’Umurimo, Madamu Uwizeye Judith wari Minisitiri mu Biro bya Perezida wa Repubulika yasimbuye Ambasaderi Nkulikiyinka Christine, wagizwe Ambasaderi muri Espagne. Nkulikiyinka yari yagizwe Minisitiri muri Kanama 2024 asimbuye Kayirangwa Fanfan Rwanyindo.

Uwizeye si mushya muri MIFOTRA. Yabaye Minisitiri w’Abakozi ba Leta n’umurimo hagati ya 2014-2017. Muri Kanama 2017 yagizwe Minisitiri muri Perezidansi.

Judith Uwizeye, Minisitiri w’Abakozi ba Leta n’Umurimo

Bwana Kajangwe Antoine Marie, yagizwe Minisitiri w’Ubucuruzi n’Inganda akaba yari asanzwe ari Umunyamabanga uhoraho muri iyi Minisiteri. Kuri uyu mwanya, Kajangwe yasimbujwe Madamu Tuyishimire Chantal.

Kajangwe Antoine Marie, Minisitiri w’Ubucuruzi n’inganda

Perezida Kagame kandi yashyizeho n’Abambasaderi bashya bazahagararira u Rwanda mu bihugu bitandukanye, barimo Lt Gen (Rtd) Karenzi Karake, wagizwe Ambasaderi mu Bushinwa. Karake asimbuye Ambasaderi James Kimonyo.

Maj Gen Bayingana Emmanuel, yagizwe Ambasaderi muri Israel, mu gihe Col (Rtd) Ruhunga Jeannot, wabaye Umunyamabanga Mukuru wa RIB, yagizwe Ambasaderi muri Pologne. Aha, asimbuye Anastase Shyaka wigeze no kuba Minisitiri w’Ubutegetsi bw’Igihugu.

Hari n’abandi bayobozi bashyizwe mu myanya itandukanye y’ingenzi.

Louise Kanyonga

Madamu Kanyonga Louise, wari umuyobozi wungirije mu Kigo cy’Igihugu cy’Ubwiteganyirize RSSB, yagizwe Umuyobozi Mukuru wa Banki y’Ingabo n’abashinzwe Umutekano Zigama CSS.

Kuri uyu mwanya wo muri RSSB, Kanyonga yasimbujwe Madamu Umurungi Michelle wari usanzwe ari umuyobozi mukuru ushinzwe ishoramari mu Kigo cy’Igihugu cy’Iterambere, RDB.

Bwana Byilingiro Maximilien we yagizwe Umuyobozi Mukuru w’Ikigo gishinzwe Ingufu (REG).

Uyu mugabo na we si mushya mu by’amashanyarazi. Aje muri REG yayoboraga Uruganda Shema Power Lake Kivu rutanga amashanyarazi ruyavanye muri Gaz Methane yo mu Kivu.

Izi mpinduka zitezweho gukomeza kunoza imikorere ya Guverinoma no guteza imbere gahunda z’iterambere ry’igihugu, binyuze mu bayobozi bashya bahawe inshingano zitandukanye.

MINEDUC ivuga ko ifunguro rihabwa abanyeshuri ku ishuri ritagamije gusa kubamara inzara, ahubwo bifite uruhare runini mi mibereho myiza y’abana, imitsindire yabo ndetse n’uko bakora mu ishuri.

Nubwo gahunda igeze ku rwego rushimishije kugeza ubu, MINEDUC ivuga ko inkunga ya buri wese igikenewe kuko ishobora gutuma "Dusangire Lunch" ikomeza kwaguka ikagera ku bandi banyeshuri benshi kurushaho.

Uburyo bwo gutanga inkunga ku bari mu Rwanda bashobora gukoresha telefoni bakanda *182*3*10*3#. Inkunga inyuzwa kandi kuri Koperative Umwalimu SACCO.

Gahunda ya "Dusangire Lunch" yatangijwe mu mwaka wa 2019, igamije gushishikariza inzego zitandukanye zirimo abakozi ba Leta, abikorera, imiryango ya sosiyete sivile, abanyarwanda baba mu mahanga ndetse n’umuryango nyarwanda muri rusange gushyigikira gahunda yo kugaburira abana ku ishuri kugira ngo bashobore gukomeza amasomo yabo neza batekanye.

Mu ijoro ryo ku wa 9 Kamena 2026, BK Arena yahindutse urubuga rw’amateka mu njyana ya Reggae, aho abakunzi b’itsinda rya UB40 ft Ali Campbell bahuriye mu gitaramo cyaranzwe n’amarangamutima adasanzwe.

Si igitaramo cyari kigamije gusa imyidagaduro, ahubwo cyabaye urugendo rwihariye rwasubije abakitabiriye mu bihe byahise, binyuze mu ndirimbo zabaye igice cy’ubuzima bwabo zirimo nka Red Red Wine, Kingston Town ndetse na I can’t help falling in love with you.

Abitabiriye iki gitaramo bagaragaje ibyishimo bidasanzwe, aho baririmbaga indirimbo hafi ya zose mu ijwi rimwe bagendana n’iri tsinda badasiganwa. Ibi byagaragaje urukundo rukomeye iri tsinda rifitiwe, ndetse n’uburyo umuziki waryo wakomeje gukundwa no kugendana n’ibihe bitandukanye.

Iki gitaramo cyashimangiye ko UB40 ikiri mu banyabigwi ba reggae ku rwego mpuzamahanga, ndetse gisigira abakunzi bayo bo mu Rwanda n’abanyamahanga ibyishimo bidasanzwe.

Yabigarutseho ubwo yitabiriga umukino wiswe “Essuie tes larmes et tiens-toi debout” (bisobanuye ngo “Ihanagure amarira uhaguruke wemye”), wanditswe na Jean-Marie Vianney Rurangwa, ukinwa n’abahanzi barimo Lionel Sentore, Jali, Mugwaneza ndetse na Majyambere.

Uyu mukino werekanwe ku nshuro ya mbere muri Luxembourg ku bufatanye na Ibuka Luxembourg.

Iki gikorwa cyahuje abanyeshuri, Abanyarwanda batuye muri Luxembourg ndetse n’inshuti z’u Rwanda, mu mugoroba wihariye wo kwibuka, gutekereza no kwigira hamwe amateka n’indangagaciro z’ubumuntu.

Ambasaderi Mimosa yagaragaje ko uyu mukino utanga ubutumwa bukomeye, agira ati: “Muraduhamagarira gutekereza ku budaheranwa, agaciro ka muntu, ubushobozi bwo kongera guhaguruka nyuma y’icuraburindi n’imbaraga zo kubabarira."

Yakomeje agira ati: "Izi ndangagaciro zifite igisobanuro gikomeye mu muryango Nyarwanda kandi ni umurage w’agaciro tugomba gusigasira, guteza imbere no guhererekanya mu bisekuru bizaza.”

Ambasaderi Mimosa yavuze ko ubuhanzi bufite ubushobozi bwihariye bwo kugera ku mitima y’abantu no kubakangurira gutekereza byimbitse, asaba ko hakomeza gushyirwa imbaraga mu kwimakaza ubumwe, gushimangira ubwiyunge no gusigasira indangagaciro zihuza Abanyarwanda n’abandi bose.

Yanagarutse ku kamaro ko gusigasira umuco Nyarwanda no gukomeza kubaka umuryango ushingiye ku bwubahane, ubwumvikane gufatanyiriza hamwe n’amahoro.

Muri iki gikorwa, Porofeseri Alain Verhaagen yatanze ikiganiro cyimbitse ku mateka y’u Rwanda, agaruka ku bihe byabanjirije ubukoloni, igihe cyabwo ndetse n’ibihe byakurikiye Jenoside yakorewe Abatutsi mu 1994. Yagaragaje imizi n’impamvu zagejeje kuri Jenoside, anasobanura urugendo rutoroshye u Rwanda rwanyuzemo mu gushaka ubutabera, kwimakaza ubwiyunge no kongera kubaka Igihugu.

Ambasaderi Mimosa yasoje ashimira abahanzi ku mukino wabo unogeye ijisho kandi ukora ku mutima, abashishikariza gukomeza guteza imbere impano zabo no gukoresha ubuhanzi nk’igikoresho gikomeye cyo kwimakaza ubumwe, kwibuka no gufasha abantu kongera kugira icyizere cy’ejo hazaza.

Ni ubutumwa BK Arena ishyize ku mbuga nkoranyambaga zayo, nyuma y’uko itsinda rya UB40 ft Ali risoje igitaramo cy’amateka ryakoreye mu Rwanda. Gusa izo mpamvu zatumye Boukuru ataririmba ntizatangajwe.

BK Arena yashimye byimazeyo Boukuru ku bw’ubunyamwuga bwe n’umuhate yagaragaje mu gihe cyose yamaze ategura iki gitaramo, kandi ko bateganya kongera gukorana na we mu gihe cya vuba.

Bashimiye kandi buri wese witabiriye ijoro ridasanzwe ry’umuziki wa Reggae w’itsinda rya UB40 ft Ali mu birori byabereye muri BK Arena.

Mu mpera za Gicurasi, nibwo byatangajwe ko ariwe umuhanzi Boukuru ari we Munyarwanda rukumbi watoranyijwe mu bazataramana n’Itsinda rya UB40 Ft Ali Campbell.

Uretse Boukuru kandi ku rutonde rw’abasusurukije abatabiriye iki gitaramo harimo, DJ Infinity, Nicolas Peks na Nep DJs, mu gihe iki gitaramo cyayobowe na MC Sonia na MC Michel.

Iri tsinda ryari riyobowe na Rogelio Romero, uhagarariye YPO Gold Panama akaba n’Umuyobozi Mukuru wa Concretex Panama. YPO ni umuryango mpuzamahanga uhuza abayobozi barenga ibihumbi 38 b’ibigo by’ubucuruzi n’inganda, ukorera mu bihugu birenga 130 ku isi

Mu biganiro bagiranye, hibanzwe ku rugendo rw’iterambere u Rwanda rumaze kugeraho mu myaka ishize, cyane cyane mu guteza imbere ubukungu n’imibereho myiza y’abaturage. Hanagarutswe ku gushimangira ubufatanye mu by’ubukungu n’ubucuruzi hagati y’u Rwanda na Panama, hagamijwe guteza imbere ishoramari rishingiye ku bufatanye bw’ibihugu byombi.

Uru ruzinduko rw’aba bayobozi bo mu rwego rwo hejuru rugaragaza uburyo u Rwanda rukomeje kuba igicumbi cyiza cy’ishoramari n’ubufatanye mpuzamahanga, cyane cyane mu rwego rw’abikorera ku giti cyabo n’abashoramari baturuka hirya no hino ku isi.

Mu 2003, Young Presidents Organization (YPO) yahaye igihembo Perezida Kagame, cyitwa Global Leadership Award, kubera imiyoborere yahinduye ubuzima bw’Abanyarwanda, ibyo bikagaragarira ku kwimakaza amahoro ndetse n’ikigero cy’iterambere mu bukungu n’imibereho myiza yabagejejeho.

Izi ntumwa ziherekejwe n’abayobozi bo muri Kaminuza ya Somalia (Somali National University), zakiriwe kandi n’ubuyobozi bukuru bw’Ikigo cy’ u Rwanda gishinzwe guteza imbere ubufatanye.

Gahunda y’uru ruzinduko izibanda ku kungurana ibitekerezo no gusangira ubumenyi hagati y’izi nzego, cyane cyane ku bufatanye na Kaminuza y’u Rwanda binyuze mu Kigo cyita ku masomo ajyanye no gukumira amakimbirane. (Center for Conflict Management). Ibiganiro bizibanda ku buryo bwo guteza imbere amasomo ajyanye n’amahoro n’ubwiyunge.

Hateganyijwe kandi n’biganiro byo ku rwego rwa tekiniki bizagaruka ku buryo bw’imyigishirize, itegurwa rya gahunda z’amasomo, ndetse no gushyiraho ubufatanye bukomeye mu rwego rw’uburezi.

Ibi bigamije gufasha mu kubaka ibihugu byanyuze mu makimbirane, binyuze mu kongerera imbaraga inzego z’uburezi n’iterambere rirambye.

Uru ruzinduko rugaragaza ubufatanye bukomeje gukura hagati y’u Rwanda na Somalia, by’umwihariko mu bijyanye no kubaka amahoro, ubwiyunge, no guteza imbere inzego za leta n’uburezi.

U Rwanda na Somalia bisanzwe bifitanye umubano ishingiye ku masezerano atandukanye y’ubufatanye harimo ayo kurwanya ibyaha byambukiranya imipaka, kurwanya iterabwoba n’ibikorwa by’imitwe yitwaje intwaro no kurwanya icuruzwa ry’abantu.

Ibi bihugu kandi byifatanya mu kurwanya ibyaha by’ikoranabuhanga, ikwirakwizwa ry’intwaro nto rinyuranyije n’amategeko, guhanahana amakuru no gusangira ubunararibonye hagati ya Polisi no guteza imbere amahugurwa no kubaka ubushobozi.

Uyu mukino wahuje New York Knicks na San Antonio Spurs, ukaba ari wo wa mbere w’iri rushanwa ukiniwe i New York mu myaka myinshi ishize, ibintu byari bitegerejwe cyane n’abakunzi ba Basketball muri Leta Zunze Ubumwe za Amerika.

Trump abaye Perezida wa mbere uri ku butegetsi witabiriye umukino wa NBA Finals, igikorwa cyatumye amaso yose y’abakunzi ba Basketball ku Isi yerekeza i New York, igikorwa cyahise gishyira izina rye mu mateka ya Siporo n’imiyoborere.

Uyu mukino wa Gatatu muri irindwi amakipe yombi azakina kugira ngo hamenyekane itwara igikombe, warangiye ikipe ya San Antonio Spurs ibonye intsinzi yayo ya mbere nyuma yo gutsinda New York Knicks amanota 115 ku 111. New York Knicks iyoboye n’intsinzi 2-1.

Perezida Trump ntabwo yari wenyine, kuko yari kumwe n’abayobozi bakuru barimo Minisitiri w’Umutungo Kamere, Doug Burgum, umuyobozi w’Ikigo gishinzwe kurengera ibidukikije (EPA) Lee Zeldin, Minisitiri w’Ubwikorezi Sean Duffy, ndetse n’abandi barimo Kai Trump na Jared Kushner.

Uretse kuba wari umukino ukomeye, iki gikorwa cyanagaragaje uburyo siporo ishobora guhuza abayobozi n’abaturage ndetse byanongereye NBA Finals ubukana n’icyubahiro ku rwego mpuzamahanga.

Abafana ba Knicks bishimiye kongera kwakira umukino wa nyuma w’iri rushanwa i New York nyuma y’igihe kinini, mu gihe aba Spurs bo bari baje bashaka intsinzi no guhatanira igikombe dore ko imikino ibiri ibanza bari bayitsinzwe.

Ibi byose byatumye uyu mukino uba umwe mu yagarutsweho cyane, bitari ku bw’imikinire gusa, ahubwo no ku bw’amateka mashya yanditswe n’uwawitabiriye.

Muri Mata uyu mwaka, nibwo Guverinoma y’u Rwanda n’ubuyobozi bw’Ikigega Mpuzamahanga cy’Imari (IMF) byageze ku masezerano mashya agena iyi nguzanyo izakoreshwa mu myaka itatu n’amezi abiri (amezi 38). U Rwanda rukaba rwahise rwemererwa ako kanya miliyoni 35.7 z’amadolari y’Amerika angana na miliyari 52.229 z’Amafaranga y’u Rwanda.

Iyi nkunga ije ikenewe cyane mu gufasha gusigasira ubukungu bw’u Rwanda, yemejwe n’Inama y’Ubutegetsi y’Ikigega Mpuzamahanga cy’Imari (IMF) nyuma y’ubusabe bw’u Rwanda bwo guhabwa iyi nguzanyo binyuze muri gahunda yo kongera inguzanyo ku bihugu bikiri mu nzira y’Amajyambere.

Iyi nguzanyo u Rwanda rwemerewe na IMF, igamije kurufasha guhangana n’ihindagurika ry’imiterere y’urwego rw’imari ku Isi rukomeje guhungabana, mu gihe kandi Igihugu kiri guhangana no kuzamura ubukungu bwacyo, kurinda ingengo y’imari igenewe imibereho myiza y’abaturage n’iterambere, no kongera ubushobozi bwo guhangana n’ibibazo bibangamiye ubukungu.

IMF igaragaza ko ubukungu bw’u Rwanda bukomeje kwitwara neza, aho bwazamutse ku kigero cya 9.4% mu 2025, hejuru y’ibyari byitezwe. Icyakora, mu ntangiriro za 2026, izamuka ry’ibiciro ryariyongereye rikagera ku 13.2% muri Mata, rirenga intego ya Banki Nkuru y’Igihugu.

Ku rundi ruhande, ubucuruzi bw’u Rwanda kunisoko mpuzamahanga bwateye intambwe ikomeye mu mwaka ushize, bufashwijwe n’izamuka ry’ibyoherezwa hanze birimo ikawa n’amabuye y’agaciro. Icyakora, ibitimizwa hanze byinjira mu gihugu nabyo bikomeje kwiyongera, cyane cyane ibikoresho n’ibikenerwa mu ishoramari ry’imbere mu gihugu.

Intambara iri mu Burasirazuba bwo Hagati ni kimwe mu biteje impungenge ku hazaza h’ubukungu bw’u Rwanda, aho biteganyijwe ko izagabanya umuvuduko w’izamuka ry’ubukungu bwarwo bikagera munsi ya 6.8% mu 2026. Ibi bikaba ari ingaruka ry’izamuka ry’ibiciro by’ibikomoka kuri peteroli n’ifumbire ku isoko mpuzamahanga, ndetse n’ishoramari rinini mu mishinga y’ingenzi, bikomeje gushyira igitutu ku ngengo y’imari.

Gahunda ya ECF igamije gukomeza impinduka mu bukungu, gushyigikira politiki zihamye z’imari n’ubukungu, no kongera ubushobozi bwo guhangana n’ibibazo bikoma mu nkokora ubukungu.

Izibanda ku nkingi eshatu zirimo kunoza politiki z’ubukungu, kugenzura neza ingengo y’imari n’amadeni kugira ngo bidakoma mu nkokora iterambere ry’Igihugu, no guteza imbere ubukungu bushingiye ku bikorera hagamijwe iterambere rirambye, hongerwa no gukurikirana neza imikorere y’ibigo bya Leta.

Umuyobozi wungirije w’Inama y’Ubutegetsi ya IMF, yavuze ko ubukungu bw’u Rwanda bwakomeje kugaragaza imbaraga no kutajegajega nubwo bwanyuze mu bihe bikomeye by’ihungabana ry’ubukungu ku Isi.

Yagize ati: "U Rwanda rwagaragaje ubushobozi bwo gukomeza kwiyubaka binyuze mu mavugurura y’imiyoborere n’ubushishozi mu gufata ibyemezo, bikaba byarafashije Igihugu gukomeza kwihuta mu iterambere n’ubwo Isi yahuye n’imbogamizi zirimo izamuka ry’inyungu ku nguzanyo, igabanuka ry’imfashanyo mpuzamahanga n’ukwiyongera k’ubwoba ku isoko mpuzamahanga."

Yagaragaje ko nubwo ubukungu bw’u Rwanda bukomeje kugaragaza ishusho nziza, hakiri ibibazo by’izamuka ry’ibiciro ndetse n’ubusumbane bugaragara mu bucuruzi n’ibindi bihugu, bikaba bigaragaza ko hakiri imbogamizi zigomba kwitabwaho.

Bo Li yavuze kandi ko nubwo icyerekezo cy’ubukungu gitanga icyizere, hakiri ibyago bishobora kudindiza iterambere, bityo hakenewe gukomeza imbaraga mu gucunga neza politiki z’ubukungu no gukomeza ibikorwa byo kuvugurura imirimo ya Leta kugira ngo iterambere rirambye rikomeze kugerwaho.

IMF yavuze ko gahunda ya Extended Credit Facility (ECF), ishingiye ku bushake bukomeye bw’inzego za Leta no gukomeza gukorana n’abafatanyabikorwa mu iterambere mu gufasha Igihugu kugera ku mavugurura anoze.

Iyi gahunda ifatwa nk’inkingi y’ingenzi igamije gufasha mu gucunga neza ihindagurika ry’ubukungu, gukomeza gushyigikira amavugurura mu nzego z’imari ya Leta, no koroshya kubona inkunga n’ishoramari riturutse hanze.

IMF yavuze ko iyi gahunda izafasha u Rwanda gukomeza inzira y’iterambere, kugabanya ingaruka z’ihungabana ry’ubukungu, kandi rikomeza gutuma igihugu kigira ubushobozi bwo kubona andi mafaranga agifasha mu iterambere mu buryo burambye.

Iserukiramuco mpuzamahanga rya Global Green Heroes Festival ryatangijwe ku mugaragaro n’umukinnyi wa filime Kayumba Vianney uzwi cyane nka Manzi, mu rwego rwo guteza imbere ubufatanye hagati y’ubuhanzi n’ibikorwa byo kubungabunga ibidukikije.

Manzi agaragaza ko guhuza ubuhanzi n’ibidukikije bizafasha mu kongera ubukangurambaga bugera kuri benshi, binyuze mu mafilime, umuziki, imbyino n’ubundi buryo bw’ubuhanzi bushobora gutuma ubutumwa bugera ku baturage mu buryo bworoshye kandi bushimishije.

Ati: "Iri serukiramuco riteganyijwe gukomeza kuba urubuga mpuzamahanga ruhuza abafite impano n’abashaka kugira uruhare mu kubaka ejo hazaza mu buryo burambye mu kurengera ibidukikije."

Uyu muhanzi wamenyekanye cyane muri sinema Nyarwanda, yakomeje agira ati: "Ubuhanzi bufite imbaraga zikomeye mu gutanga ubutumwa no guhindura imyumvire ya sosiyete, bityo bukaba bwakoreshwa nk’ikiraro gihuza abantu n’ibikorwa byo kurengera ibidukikije."

Manzi yavuze ko iri serukiramuco rigamije guhuriza hamwe abahanzi, abashoramari, urubyiruko n’abandi bafite ibitekerezo bishya, kugira ngo bafatanye gushaka ibisubizo birambye ku bibazo byugarije ibidukikije, harimo imihindagurikire y’ikirere n’ikorwa ry’ibikorwa bitangiza ibidukikije.

Muri uwo muhango wabereye kuri Norrsken House Kigali, hanabereye igikorwa cyo gutangiza "Arts for Green Initiative Forum", ihuriro rihurije hamwe abahagarariye inzego za Leta zirimo Minisiteri y’Urubyiruko n’Iterambere ry’Ubuhanzi, Minisiteri y’Ibidukikije, imiryango mpuzamahanga, ibigo byigenga nka Green Ride, UNESCO ndetse n’abahanzi mu ngeri zitandukanye.

Aba bose bahuriye ku gitekerezo cy’uko ubuhanzi bushobora kuba igikoresho gikomeye mu guhindura imyumvire n’imyitwarire by’abantu ku bijyanye no kurengera ibidukikije. Bagaragaje ko binyuze mu muziki, amafilime, imbyino n’ubundi buryo bw’ubuhanzi, ubutumwa bushobora kugera ku bantu benshi mu buryo bworoshye kandi bubashishikariza kugira uruhare mu bikorwa byo kubungabunga ibidukikije.

Bashimangiye kandi ko ubufatanye hagati ya Leta, imiryango mpuzamahanga, abikorera n’abahanzi ari ingenzi mu guteza imbere ibisubizo birambye, bityo ubuhanzi bukaba kimwe mu bikoresho byafasha mu guhangana n’ingaruka z’imihindagurikire y’ikirere no kubaka ejo hazaza heza harambye.

Uretse gutangiza iri serukiramuco mpuzamahanga hanatangiwemo ibiganiro bifite insanganyamatsiko zitandukanye zirimo “Uruhare rw’Ubuhanzi mu Kubaka Ubukungu Bushingiye ku Bidukikije (Green Economy)”, hibanzwe ku ruhare rw’ubuhanzi mu kubaka ubukungu bushingiye ku kubungabunga ibidukikije.

Ni ikiganiro cyitabiriwe n’uhagarariye UNESCO hamwe n’umuhanzi akaba n’umunyabugeni uzwi cyane Ben Rurangirwa, bagaragaza uburyo inkuru zitambutswa mu buhanzi n’imvugo z’ubugeni bishobora kugira uruhare mu guhindura ubukungu mu buryo burambye.

Maj. Gen. Alex Kagame

Yabigarutseho kuri uyu wa Kabiri tariki 08 Kamena, mu gutangiza umwiherero w’Urwego rushinzwe uburinganire n’ubwuzuzanye bw’ abagore n’abagabo mu Ngabo z’Igihugu.

Batangije umwihererero w’iminsi itatu, ufite insanganyamatsiko igira iti: “Iyubahirizwa ry’ihame ry’uburinganire no guteza imbere ubwuzuzanye mu Ngabo z’u Rwanda.”

Uyu mwiherero uri kubera mu Ishuri Rikuru rya Gisirikare ry’u Rwanda i Gako mu Karere ka Bugesera, ukaba wahuje Ofisiye n’abandi basirikare (Abagore n’Abagabo) bo nzego zitandukanye hagamijwe gukomeza gushimangira ibikorwa biteza imbere uburinganire n’ubwuzuzanye muri RDF.

Maj Gen Alexis Kagame, yagaragaje ko uyu mwiherero w’iminsi itatu ugamije gufasha kurushaho guteza imbere politiki y’uburinganire no kongerera ubushobozi abagore bo mu Ngabo z’u Rwanda, bityo ukaba ugaragaza umuhate w’ubuyobozi bwa RDF mu kwimakaza indangagaciro z’iterambere rishingiye ku mikorere myiza n’imiyoborere ijyanye n’intego z’Igihugu ndetse n’inshingano mpuzamahanga ku bijyanye n’uburinganire.

Abitabiriye uyu mwiherero bazasuzumira hamwe ibyagezweho mu ishyirwa mu bikorwa rya politiki y’uburinganire n’iterambere ry’abagore, baganire ku ngamba zikomeye zo gukumira no kurwanya ihohoterwa rishingiye ku gitsina (GBV) mu Ngabo z’u Rwanda no mu miryango y’abasirikare, ndetse banasesengure ishyirwa mu bikorwa rya Politiki y’Uburinganire ya 2023.

Kuva ku wa Gatandatu tariki ariki ya 6 Kamena, Umushumba wa Kiliziya Gatolika ku Isi, Papa Leo XIV uri mu ruzinduko rw’amateka mu gihugu cya Espagne, akaba azahamara icyumweru cyose, azenguruka imigi ikomeye ya Madrid, Barcelona n’ahandi, ndetse atanga imbwirwaruhame zikomeye, harimo n’iyo azageza ku Nteko Ishinga amategeko.

Papa Leo XIV uherutse gutangaza ko ari umufana wa Real Madrid, yakiriwe mu cyubahiro kidasanzwe aho abagera ku bihumbi 70 bari bateraniye muri Stade ya Santiago Bernabéu, iri mu zubakanye ubuhanga buhambaye ku Mugabane w’i Burayi.

Mu rwego rwo kumuha ikaze, Florentino Pérez yahaye Papa Leo XIV impano y’umwambaro wa Real Madrid wanditseho izina rye bwite, Robert F. Prevost, ndetse n’umubare 1. Yanamutambagije ibice bya stade Santiago Bernabéu, anamwereka icyumba cy’amateka cyibiyse ibikombe 15 bya UEFA Champions League iyi kipe yegukanye.

Ku ruhande rwe, Papa Leo XIV na we yahaye Perezida wa Real Madrid umudari nk’ikimenyetso cyo kumushimira.

Iri tsinda kuri uyu wa Mbere tariki 08 Kamena 2026 ryakiriwe na Niwenshuti Richard umuyobozi Mukuru w’Ikigo cy’u Rwanda gishinzwe guteza imbere ubufatanye (RCI).

Uru ruzinduko rugamije gufasha iri tsinda kunguka ubumenyi bwimbitse ku buryo u Rwanda rwashyizeho uburyo bw’ikoranabuhanga mu rwego rw’amategeko, by’umwihariko mu micungire y’ubutaka, imitungo y’abapfuye ndetse n’imiburanishirize y’imanza n’ishyirwa mu bikorwa ryazo hifashishijwe uburyo bw’ikoranabuhanga.

Mu gihe cy’icyumweru, iri tsinda rizamara mu Rwanda, rizagirana ibiganiro n’inzego zitandukanye z’ingenzi mu gihugu zirimo Minisiteri y’Ubutegetsi bw’Igihugu, Minisiteri y’Ubutabera, Ikigo cy’Igihugu cy’indangamuntu, Ikigo cy’Igihugu gishinzwe ubutaka, urwego rw’u Rwanda rushinzwe iterambere (RDB), Ikigo cy’Igihugu cy’imisoro ndetse na IremboGov.

Biteganyijwe ko ibiganiro bazagirana n’izo nzego, bizabafasha gusesengura byimbitse uburyo u Rwanda rukoresha mu kubika no gucunga amakuru y’ubutaka hifashishijwe ikoranabuhanga, uburyo bwo gukurikirana imitungo y’abapfuye mu buryo bw’ikoranabuhanga, ndetse n’uburyo bwo gushyira mu bikorwa imyanzuro y’inkiko hakoreshejwe sisiteme zigezweho zirimo n’ikorwa rya cyamunara hifashishijwe uburyo bwa “E-Auction”.

Uru ruzinduko rufatwa nk’intambwe ikomeye mu gukomeza gusangira ubunararibonye hagati y’ibihugu, hagamijwe kunoza imikorere y’inzego z’ubutabera no kongera imikorere inoze ishingiye ku ikoranabuhanga mu gutanga serivisi ku baturage.

U Rwanda na Eswatini bisanzwe bifitanye umubano mwiza ushingiye ku bufatanye mu bya dipolomasi, ikoranabuhanga, ubukerarugendo, ndetse n’umutekano.

Muri Kanama 2024, ibihugu byombi byasinyanye amasezerano y’ubufatanye akuraho visa ku bafite pasiporo z’abadipolomate n’iza serivisi. Ibi byakurikiriwe n’uruzinduko rw’Umwami Mswati III yagiriye i Kigali.

Yagaragaje ko kandi uru rwego rukwiye gukomera no kunoza uburyo rukora, kugira ngo ruhuze neza inzego z’Ibanze n’abaturage.

Yabigarutseho kuri uyu wa Mbere tariki 08 Kamena, mu nama MINALOC yakoranye n’abahuzabikorwa ba DASSO b’Uturere twose, hagamijwe gusuzuma imikorere y’uru rwego no gushyiraho ingamba mu kurushaho kunoza inshingano.

Minisitiri Dominique, yibukije ko DASSO igomba kuba urwego rw’umwuga, rutunganya inshingano zarwo ku buryo buhoraho, kandi rugafatanya n’abandi mu guhangana n’ibibazo bibangamira umutekano n’ituze ry’abaturage.

Izindi ngingo z’ingenzi zagarutsweho muri iyi nama harimo gukomeza kubaka ubushobozi bw’abakozi ba DASSO binyuze mu mahugurwa n’imyitozo, gushimangira ubufatanye hagati ya DASSO, ubuyobozi bw’Inzego z’Ibanze n’izindi nzego z’umutekano no gushyira imbaraga mu gukumira ibyaha mbere y’uko biba.

Minisitiri w’Ubutegetsi bw’Igihugu Dominique Habimana yasabye abahuzabikorwa ba DASSO gukomera ku ndangagaciro zayo z’ubudahemuka, gukora kinyamwuga no kurangwa n’ubunyangamugayo mu kazi ka buri munsi.

Ati “DASSO igomba kuba urwego abaturage bizera kandi bubaha kubera serivisi nziza itanga mu kurinda umutekano wabo.”

DASSO (District Administration Security Support Organ) ni urwego rushinzwe kunganira ubuyobozi bw’Akarere mu gucunga umutekano. Rwashyizweho n’Itegeko N° 87/2013 ryo ku wa 11/09/2013, rukorera munsi ya Minisiteri y’Ubutegetsi bw’Igihugu (MINALOC) rugafatanya kandi na Polisi y’u Rwanda.

Ni ibikorwa byabereye muri leta ya Virginia byitabirwa kandi na Rev. Prophet Ernest Nyirindekwe wagize n’uruhare rwo kugaragaza ishusho y’u Rwanda mu kubaka Igihugu binyuze mu kwimakaza amahoro, ubumwe ndetse n’ubudaheranwa by’Abanyarwanda nyuma ya Jenoside yakorewe Abatutsi mu 1994.

Mu kiganiro Prophet Ernest yagiranye na Kigali Today, yavuze ko ibi bikorwa wari umwanya mwiza wo guhura, kuganira ndetse no kumenyana na bamwe mu bayobozi bakomeye ku Isi by’umwihariko amatorero, bagasangizanya ubuhamya bw’uburyo imirimo y’Imana ikorekera mu bihugu bitandukanye, uko barushaho kwagura ubwami bw’Imana ndetse n’indi mikoranire ishoboka byose mu nyungu z’ubwami bw’Imana.

Yagize ati: "Wari umwanya mwiza kandi wo gusenga, dusengera Isi mu bihe bigoye iri kunyuramo by’intambara, amahoro n’umutekano, ubuzima bukomeje guhenda ndetse no gusengera ubumwe bw’Itorero kugira ngo bikomeze biganze mu bice bitandukanye by’Isi."

Mu butumwa yagajeje ku bitabiriye iki gikorwa, yagarutse ku kamaro ko kwimakaza amahoro, ubumwe n’ubudaheranwa by’Abanyarwanda, agaragaza ko ari byo byabaye inkingi y’iterambere igihugu kimaze kugeraho mu myaka 32 ishize.

Yashimangiye ko urugendo rwo kwiyubaka rw’u Rwanda ari isomo rikomeye ku bindi bihugu byanyuze mu bihe by’amakimbirane, asaba amahanga gukomeza gushyigikira ibikorwa bigamije kubaka amahoro arambye n’ubwiyunge mu baturage.

Yasobanuye ko iki gikorwa cyabaye n’umwanya mwiza wo gukomeza gushimangira isura nziza y’u Rwanda ku rwego mpuzamahanga, cyane cyane mu bijyanye no kubaka igihugu gishingiye ku bumwe, amahoro n’iterambere rirambye.

Ibirori bya 2026 White House Prayer for Our Nation Awards and Appreciation Gala byateguwe nk’umwanya wo guha icyubahiro no gushimira abayobozi, imiryango, n’abafatanyabikorwa bagize uruhare rukomeye mu guteza imbere imibereho myiza y’abaturage.

Bigamije kandi no gushyigikira ibikorwa byo kubaka ubumwe, amahoro n’icyizere mu gihugu. Ibi birori byitabiriwe n’abayobozi b’amadini, abahagarariye inzego zitandukanye ndetse n’abafatanyabikorwa baturutse hirya no hino muri Leta Zunze Ubumwe za Amerika.

Prophet Ernest avuga ko ibi birori biri mu bikorwa bigari bya gahunda ya White House Prayer for Our Nation, igamije guhuriza hamwe abantu b’ingeri zitandukanye mu gusengera Igihugu, abayobozi bacyo, imiryango n’abaturage ndetse n’Isi muri rusange.

Hashize imyaka irenga 20 iki gikorwa gitangijwe mu rwego rwo guteza imbere umuco wo gusabana, gusabira Igihugu no gushishikariza abaturage kugira uruhare mu kubaka sosiyete irangwa n’ubumwe, ubufatanye n’iterambere rirambye.

Uretse kuba haranatangiwemo ibihembo, hanabayeho umwanya wo kuramya no guhimbaza Imana, kungurana ibitekerezo no gushimangira ubufatanye hagati y’abayobozi mu nzego zitandukanye bahuje intego yo gukorera abaturage.

Yabigarutseho ubwo yitabiriga Inama Nkuru ya mbere y’ishyaka PASTEF ryo muri Senegal yateranye ku wa Gatandatu Kamena.

Bazivamo yavuze ko izo ndangagaciro FPR Inkotanyi ihuriyeho na PASTEF zirimo ubumwe, gukunda igihugu, imiyoborere myiza, ndetse no guharanira ubumwe bwa Afurika arizo zabaye imbarutso y’umubano mwiza hagati y’imitwe yombi ya politiki no hagati y’Ibihugu byombi.

Mu ruzinduko Ambasaderi Bazivamo yabonanye kandi n’Abanyarwanda batuye muri icyo Gihugu abagaragariza uburyo Igihugu cyabo gikomeje gutera intambwe ishimishije mu buzima, uburezi, ububanyi n’amahanga n’ibindi.

Mu rwego rw’uburezi, yavuze ko ireme ry’uburezi ryizewe, ku buryo abanyamahanga baturutse mu bihugu binyuranye basigaye bahitamo u Rwanda.

Mu buzima, ubu u Rwanda rufite gahunda yo gukuba kane umubare w’abaganga(4X4), ari na ko ruteza imbere ubukerarugendo bushingiye ku buvuzi ndetse no kunoza serivisi z’ubuvuzi bwo ku rwego rwisumbuye.

Mu bubanyi n’amahanga, ubutwererane n’ubucuruzi, Amb. Bazivamo yashimangiye ko u Rwanda rukomeje gufungura amarembo ku Banyafurika bose, aho bashobora kurugana bakakirwa badasabwe visa.

Ambasaderi Festus Bizimana yashimye byimazeyo Umunyamabanga Mukuru wa FPR Inkotanyi n’abayobozi bari bamuherekeje, aboneraho no gushimira Abanyarwanda batuye muri Senegal ku ruhare rufatika bakomeje kugira mu guteza imbere igihugu.

Yagaragaje ko aba banyarwanda baherutse gukusanya umusanzu ushimishije wagenewe gahunda ya Dusangire Lunch, igamije gushyigikira gahunda yo kugaburira abana ku ishuri kugira ngo bashobore gukomeza amasomo yabo neza batekanye.

Uyu muhango wagaragaje umwanya ukomeye Afurika igezeho mu mateka, aho yizihiza imyaka 63 ishize ibonye ukwishyira ukizana kw’ibihugu byinshi byari byalakolonijwe. Ni umuhango kandi wahuriranye no kwizihiza imyaka 250 Leta Zunze Ubumwe za Amerika zimaze zibonye ubwigenge.

Mu byagrutsweho muri muhango, hibanzwe ku mubano uri hagati y’ibihugu bya Afurika na Leta Zunze Ubumwe za Amerika, aho wagaragajwe nk’uri mu gihe gikomeye cyane cyo kubyaza umusaruro amahirwe mashya n’iterambere mu buryo bushoboka.

Abitabiriye ibi birori bagaragaje ko ubufatanye hagati ya Afurika na Amerika bukomeje kuba ingenzi mu guteza imbere ubucuruzi, ishoramari, ikoranabuhanga ndetse n’uburezi, bityo hakaba hakenewe gukomeza kubwubakira ku ndangagaciro zo kubahana no gufatanya.

Umunsi wa Afurika [Africa Day] wizihizwa buri mwaka ku wa 25 Gicurasi, hakazirikanwa ishingwa ry’Umuryango w’Ubumwe bwa Afurika (Organization of African Unity - OAU) waje kuvamo Umuryango wa Afurika Yunze Ubumwe (AU). Washinzwe ku wa 25 Gicurasi 1963, ukaba wizihizwa mu bihugu bitandukanye bya Afurika ndetse no mu bindi bice by’isi.

Uyu mwaka, kwizihiza uyu munsi byaranzwe n’ubutumwa bushimangira ko Afurika ifite uruhare runini mu miyoborere y’Isi no mu iterambere ryayo, kandi ko ubufatanye n’ibindi bice by’Isi, by’umwihariko Amerika, bukomeje kuba inkingi y’iterambere rirambye.

Amb. Bazivamo yamugejejeho ubutumwa bw’ishimwe bwa Perezida wa Repubulika Paul Kagame akaba na Chairman w’Umuryango FPR Inkotanyi, bujyanye n’Inama Nkuru ya mbere y’Ishyaka PASTEF anamushimira ko yatumiye FPR muri iyo Nama Nkuru.

Abayobozi bombi baganiriye ku ngingo zitandukanye zigamije kubaka umubano hagati y’imitwe yombi ya Politiki, no hagati y’u Rwanda na Senegal.

Umunyamabanga Mukuru w’Umuryango FPR Inkotanyi Amb. Christophe Bazivamo ari muri Senegal mu ruzinduko aherekejwemo n’abasenateri Bibiane Ndiaye Gahamanyi na Dr Charles Murigande.

Muri urwo ruzinduko kandi babonanye n’Abanyarwanda batuye muri Senegal mu gikorwa cy’ibiganiro n’ubusabane cyiswe ‘Meet and Greet’ kigamije gusangiza abanyarwanda amakuru y’igihugu cyabo.

Iyi nkuru ya Radio Okapi yashinzwe n’Ubutumwa bw’Umuryango w’Abibumbye bwo kugarura amahoro muri Congo (Congo), ivuga ko abaturage b’Abanye-Congo bagera ku ijana bamaze ibyumweru bibiri baraheze ku mupaka wa Rusumo, kubera ingamba z’ubwirinzi u Rwanda rwashyizweho mu kwirinda icyorezo cya Ebola.

Iki kinyamakuru gikomeza kivuga ko aba baturage bavuga ko babayeho nabi nyuma y’uko bamaze igihe kinini batemerewe kwambuka banyuze mu Rwanda ndetse ko nta bushobozi bagifite bwo kubona ibibatunga, ndetse ko ubuzima bwabo buri mu kaga.

Mu gusubiza iyi nkuru, Umuvugizi wa Guverinoma y’u Rwanda, Yolande Makolo yavuze icya mbere uretse kuba aya makuru ari ibihuha, ifoto yakoreshejwe atari iya vuba ndetse ko n’umupaka yafatiweho atari uwa Rusumo nk’uko bivugwa koko ahubwo ikaba yarafatiwe ku mupaka wa Gatumba uhuza Repubulika Iharanira Demukarasi ya Congo n’u Burundi mu kwezi kwa Gashyantare.

Mu butumwa yashyize ku rukuta rwe rwa X asubiza iyi nkuru yagize ati: "Radio Okapi, muhagarike gukwirakwiza amakuru atari yo. Iyo foto ntabwo ari nshya kandi ntabwo ari iyo ku mupaka w’u Rwanda na Tanzania wa Rusumo ni iyo ku mupaka wa RDC n’u Burundi wa Gatumba yafashwe muri Gashyantare."

Yakomeje avuga ko byongeye kandi, iyo foto nta sano ifitanye n’icyorezo cya Ebola kiri muri RDC muri iki gihe kandi ko nta mubare ungana nk’uwo Radio Okapi yatangaje ugaragara ku mupaka w’u Rwanda uwo ariwo wose bityo ko amakuru nk’ayo akwiye gufatwa nk’adafite ishingiro.

Yolande yakomeje agira ati: "Radio Okapi ikwiye gukosora aya makuru, kuko amakuru atari yo ashobora guteza ingaruka zikomeye."

Abasesenguzi mu itangazamakuru n’ubuzima rusange bagaragaza ko amakuru atari yo ashobora kugira ingaruka zikomeye, cyane cyane mu bihe by’ibikorwa by’ubukangurambaga ku ndwara z’ibyorezo nka Ebola. Nk’uko byagiye bigaragara mu bihe byashize, amakuru ayobya ashobora kubangamira ingamba zo kurwanya indwara no gutuma abaturage batizera amakuru y’ukuri .

Bityo, Radio Okapi ikaba isabwa gukosora aya makuru no gushyira imbere ukuri, kuko itangazamakuru rifite uruhare rukomeye mu gutanga amakuru yizewe no kurinda umutekano w’abaturage.

Amakipe atatu y’u Rwanda yageze ku cyiciro cya nyuma (Global Final) ndetse yegukana ibihembo bikomeye birimo umwanya wa Mbere n’umudali wa zahabu ndetse n’umwanya wa Kabiri n’umudali wa feza.

Ibi byongeye gushimangira ko urubyiruko rw’u Rwanda rukomeje kwitwara neza mu marushanwa mpuzamahanga y’ikoranabuhanga, rugaragaza ubushobozi, ubunyamwuga n’udushya ku rwego rwo hejuru.

Ibi Minisitiri Mukazayire yabitangaje ubwo yitabiraga ibiganiro ku nsanganyamatsiko igaruka ku hazaza h’umuryango wa Olempike, imbogamizi n’amahame y’iterambere, byabereye mu ihuriro mpuzamahanga ry’Ubukungu rya St. Petersburg 2026 mu Burusiya.

Minisitiri Mukazayire yavuze ko Afurika ifite ubushobozi n’ubushake bwo kwakira no gutegura ibikorwa bikomeye bya Siporo ku rwego rw’Isi. Yashimangiye ko guhitamo Afurika nk’ahantu ho kwakira amarushanwa mpuzamahanga bitagabanya agaciro kayo ahubwo byagura ejo hazaza h’imikino ku Isi.

Yakomeje agaragaza ko u Rwanda ari urugero rugaragaza uko Afurika ishobora kwakira neza ibikorwa bya siporo mpuzamahanga, bishingiye ku mikorere inoze, ibikorwa remezo bigenda byiyongera, n’icyerekezo gihamye mu guteza imbere Siporo.

Iri vuriro ryatanzwe binyuze mu bufatanye hagati ya Imbuto Foundation n’Ikigo cya Leta ya Turikiya gishinzwe ubutwererane n’iterambere (TIKA), gihagarariwe n’Umuyobozi wacyo mu Rwanda, Kenan Yiğit.

Uyu muhango kandi witabiriwe na Ambasaderi wa Turikiya mu Rwanda, Aslan Alper Yüksel, ndetse n’Umuyobozi Mukuru w’Ikigo cy’Igihugu gishinzwe Ubuzima (RBC), Prof. Dr. Claude Muvunyi.

Iri vuriro rigendanwa rifite ibikoresho byose bikenewe mu gutanga serivisi z’ubuvuzi, rikazafasha kugeza serivisi z’ubuzima zinoze ku baturage bo mu bice bitagerwaho na serivisi z’ubuvuzi byoroshye, bityo ubuvuzi bukegerezwa abakeneye ubufasha kurusha abandi.

Reka duhere ku wa 23 Gicurasi 2026, aho filime Ben’Imana ya Marie Clémentine Dusabejambo yegukanye ibihembo bikomeye birimo Caméra d’Or ndetse n’igihembo cya FIPRESCI gitangwa n’abasesenguzi mpuzamahanga muri sinema, mu iserukiramuco rikomeye rya Cannes.

Ibi bihembo ni intsinzi ihambaye ifatwa nk’intambwe ikomeye mu kugaragaza amateka ya Jenoside yakorewe Abatutsi ku rwego mpuzamahanga, bikanashimangira uruhare rukomeye rwa sinema mu kubika amateka no kuyageza ku Isi yose.

Igihembo cya ‘FIPRESCI’ cyahawe filime Ben’Imana mu rwego rwo gushimira filime zagaragaje ubuhanga budasanzwe mu kubara inkuru, kuyitunganya no gutanga ubutumwa bufite uburemere muri sinema y’isi.

Ben’Imana yubakiye ku nkuru y’umugore wiswe Veneranda warokotse Jenoside yakorewe Abatutsi mu 1994, aza kongera kwiyubaka amererwa neza. Icyakora aza gushegeshwa no kuba umukobwa we yatwaye inda atateganyije bikamwibutsa ahahise he.

Nyuma yaho, ku wa 2 Kamena 2026, hatashywe urwibutso rwiswe Les Archive, rwakozwe n’umuhanzi Grada Kilomba, rugenewe kwibuka abazize Jenoside yakorewe Abatutsi. Uyu muhango wabereye i Paris ku nkengero z’umugezi wa Seine, witabiriwe na Perezida w’u Rwanda Paul Kagame na mugenzi we w’u Bufaransa Emmanuel Macron, ndetse na Madame Jeannette Kagame.

Ni igikorwa kandi cyitabiriwe na Louise Mushikiwabo, Umunyamabanga Mukuru w’Umuryango w’Ibihugu bikoresha Igifaransa (OIF).

Ibi bikorwa byombi byagaragaje uburyo ubuhanzi bushobora kuba inzira ikomeye yo kubika amateka no kuyasigasira, ndetse no kuyageza ku b’igihe kizaza.

Ibi bikorwa kandi bifite igisobanuro gikomeye mu rugendo rwo kwibuka no gukira ibikomere ku barokotse Jenoside. Bikagaragaza ko ubuhanzi haba muri sinema cyangwa mu bimenyetso bifatika nk’inzibutso bushobora kuba uburyo bwo gutanga ubuhamya bw’ukuri, no gufasha abantu kumva amateka mu buryo bwimbitse.

Byerekana kandi ko ijambo cyangwa ubuhamya bufasha abarokotse Jenoside kubona uburyo bwo kugaragaza amarangamutima, bikabafasha mu gukira ibikomere batewe n’amateka mabi banyuzemo.

Ikindi kandi, ibi bikorwa bishimangira inshingano Isi yose ifite yo gukomeza kwigisha amateka ya Jenoside yakorewe Abatutsi, cyane cyane ku rubyiruko, kugira ngo ibyabaye bitazasubira ahandi aho ariho hose ukundi.

Itangazo ryashyizwe ahagaragara na Spinny Events ku wa 04 Kamena 2026, rivuga ko iki gitaramo kimuwe kubera uburyo bashatse kugihuza n’ibirori ndetse n’imyidagaduro inyuranye izatuma abakunzi babo baryoherwa kurushaho.

Ikindi kandi, hari umuhanzi ukomeye utaratangajwe amazina uzasusurutsa abazakitabira uzaboneka ku itariki bakimuriyeho.

Iri tangazo rigira riti: "Nyuma y’igitaramo cya mbere cyagenze neza cyane kikitabirwa n’abantu benshi bo mu Rwanda no hanze yarwo, twafashe icyemezo cyo kubegera kurushaho no kugikorera ahantu hagutse hashobora kwakira neza abakunzi ba Spinny & Friends, tukabaha uburambe butazibagirana."

Ni ku nshuro ya kabiri DJ Spinny azaba ateguye iki gitaramo kuko icya mbere yagikoze mu 2025 ubwo yizihizaga imyaka icumi amaze mu muziki, icyo gihe akaba yaragikoreye muri Uganda ndetse no mu Rwanda aho cyabereye muri Zaria Court.

Abategura iki gikorwa batangaje ko muri uyu mwaka, ibi birori bitazibanda ku muziki gusa, ahubwo bizanagaragaramo ibikorwa bya Siporo zitandukanye n’ibindi bizatuma abakunzi b’umuziki bagira uruhare mu myidagaduro no kubashimisha.

Abazabyitabira kandi bazanabona amahirwe yo kureba umukino wo guhatanira umwanya wa gatatu ndetse n’umukino wa nyuma w’Igikombe cy’Isi, bikazahuza neza Siporo, umuziki n’ubusabane.

Kwimura amatariki y’iki gitaramo cya ’Spinny and Friends’ ndetse n’aho kizabera biri mu rwego rwo kugira ngo kizitabirwe n’abantu benshi bo mu Rwanda no mu mahanga mu gushimangira Kigali nk’Umujyi w’imyidagaduro n’ibikorwa mpuzamahanga.

Mu itangazo rya Minisiteri y’Ububanyi n’Amahanga y’u Rwanda kuri uyu wa 05 Kamena 2026, u Rwanda rwashimiye ubufatanye bukomeje n’Amerika, by’umwihariko binyuze mu Masezerano ya Washington, akomeza kuba umusingi wo gukemura imizi y’ibibazo by’umutekano muke mu burasirazuba bwa Repubulika Iharanira Demokarasi ya Congo.

Iri tangazo rikomeza rigira riti: "Icyakora, ni ingenzi kwibutsa ko inshingano zikubiye muri ayo masezerano zireba u Rwanda na RDC, kandi zisaba ko buri ruhande rugaragaza uko rwazisohoje."

Rikomeza rivuga kandi ko bidashoboka ko aya masezerano yashyirwa mu bikorwa mu gihe harimo gutoranya kuko ibibazo bitakemuka mu gihe habayeho kubogama.

U Rwanda ruvuga ko rukomeje gushyira mu bikorwa inshingano zarwo zikubiye muri ayo masezerano nyamara RDC iyarengaho ku buryo bugaragara, binyuze mu gukomeza gushyigikira umutwe wa FDLR, umutwe w’abasize bakoze Jenoside yakorewe Abatutsi umaze imyaka irenga mirongo itatu ukorera ku butaka bwa Congo, kandi ukaba ugikomeje guteza umutekano muke ku Rwanda.

Muri iri tangazo kandi u Rwanda rwagaragaje n’ikibazo cy’uko hakomeje gukoreshwa indege zitagira abapilote (drones) mu bice bituwe n’abaturage bigizwemo uruhare n’ihuriro ry’ingabo za Leta ya RDC harimo FDLR, Wazalendo ndetse n’Ingabo z’u Burundi.

U Rwanda rwashimangiye kandi ko rukomeje kwiyemeza byimazeyo kubahiriza ayo masezerano ya Washington no gukorana mu buryo bwubaka na Amerika, ibihugu byo mu karere, ndetse n’abandi bafatanyabikorwa, hagamijwe kwimakaza amahoro, umutekano n’iterambere mu Karere k’Ibiyaga Bigari.

Tariki ya 27 Kamena 2025, u Rwanda na RDC byagiranye amasezerano y’amahoro, bibifashijwemo na Amerika. Yibandaga ku gusenya umutwe w’iterabwoba wa FDLR no gukuraho ingamba z’ubwirinzi u Rwanda rwashyizeho.

Tariki ya 4 Ukuboza 2025, ibi bihugu byombi byasimangiye aya masezerano, byongeraho n’ingingo y’ubufatanye bw’akarere mu iterambere ry’ubukungu, bwibanda ku bucuruzi, ubucukuzi bw’amabuye y’agaciro no kubaka ibikorwaremezo.

Aya masezerano ya Washington asaba Leta ya RDC gusenya FDLR ariko ntiyabyubahirije ndetse u Rwanda rwagaragaje ko narwo rudashobora gukuraho ingamba z’ubwirinzi mu gihe uyu mutwe n’abafatanyabikorwa bawo bashaka kuruhungabanyiriza umutekano bari hafi y’umupaka.

U Rwanda rwagaragarije Amerika ko Leta ya RDC ikomeje guha FDLR ubufasha, ikanayinjiza mu gisirikare cyayo no mu mitwe ya Wazalendo kugira ngo byifatanye kurwanya ihuriro AFC/M23 rigenzura ibice byinshi mu ntara ya Kivu y’Amajyaruguru na Kivu y’Amajyepfo.

Ibiciro bishya byabitangajwe kuri uyu wa 5 Kamena bizatangira gukurikizwa ku wa 6 Kamena 2026, Saa Kumi n’Ebyiri za mu gitondo.

Mu itangazo rya RURA, yasobanuye ko iri hinduka ry’ibiciro rishingiye ku mpinduka ziri ku isoko mpuzamahanga, ndetse rikaba rigamije kugabanya ingaruka izamuka ry’ibiciro rishobora kugira ku bukungu n’imibereho y’abaturage.

Iri tangazo rikomeza rigira riti: "Ingamba za Leta zagize uruhare mu kugabanya izamuka ry’ibiciro bya lisansi na mazutu ku masoko, bituma bikomeza kuba hasi ugereranyije n’ibiciro byari kujyaho hashingiwe gusa ku miterere y’isoko."

RURA ikomeza ivuga ko iyi nkunga igamije gufasha urwego rwo gutwara abantu n’ibintu no kugabanya ingaruka zishobora kugera ku bukungu muri rusange.

By’umwihariko kandi RURA yahamije ko ibiciro by’ingendo mu modoka zitwara abagenzi mu buryo bwa rusange bizakomeza kuba ibisanzwe ntagihindutse kuko ingamba za Leta zo gushyigikira uru rwego zizakomeza gufasha abatwara abagenzi guhangana n’izamuka ry’ibiciro bya peteroli no gukomeza gutanga serivisi z’ingendo ku biciro bibereye abaturage.

RURA kandi yavuze ko izakomeza gukurikiranira hafi impinduka ziri ku masoko y’ibikomoka kuri peteroli ku rwego mpuzamahanga no mu Karere, kugenzura itangwa rya serivisi zinoze no kugeza ibikomoka kuri peteroli mu gihugu hose.

Kuri uyu wa Kane tariki 04 Kamena 2026, nibwo abashinzwe iperereza bakoze igikorwa cyo gusaka urugo rwa Patrick Analo Akivaga, ruherereye i Syokimau mu Ntara ya Machakos aho akekwaho kugira uruhare mu gushinga itsinda ry’abantu bakora ibikorwa bya ruswa (corruption syndicate).

Inzego z’ubutabera zatangaje ko hari gukorwa iperereza rigamije kugaragaza uburyo iri tsinda rikoramo n’uruhare rwa buri wese uribarizwamo, mu rwego rwo guca burundu ruswa no gukomeza gushyira imbere imiyoborere myiza.

Uretse amafaranga basanze mu rugo rwe ruherereye ahitwa Syokimau ndetse no mu modoka ye, bivugwa kandi ko Patrick Analo Akivaga akekwaho kuba yarakiriye amafaranga arenga miliyoni 170 z’amashilingi ya Kenya, anyuze mu buryo bw’ikoranabuhanga rya telephone no kuri konti za Banki hagati y’umwaka w’ingengo y’imari wa 2019/2020 na 2025/2026.

Mu itangazo ry’Urwego rushinzwe kurwanya ruswa muri Kenya (EACC) rivuga ko izi miliyoni zirenga 65 z’Amashilingi ya Kenya, zari mu bice bibiri bigizwe n’arenga miliyoni 51 mu Mashilingi ndetse n’amadolari ya Amerika ibihumbi 130 (arenga miliyoni 14 z’Amashilingi ya Kenya), yose akaba yari ahishe murugo rwe ndetse no mu modoka ye, mu gice cy’inyuma (boot).

EACC yavuze kandi ko uyu muyobozi yafatanywe ibindi bikoresho bikekwa ko bifitanye isano n’ibikorwa bya ruswa, birimo impapuro z’ubutaka, ibyangombwa by’imodoka, mudasobwa, amasezerano yo kugura no kugurisha ubutaka n’imodoka, ibikoresho by’ikoranabuhanga bitandukanye, ndetse n’impapuro z’inyandiko zigaragaza ibyemezo byatanzwe n’ubuyobozi.

Uru Rwego rushinzwe kurwanya ruswa n’imyitwarire mibi muri Kenya rwo rwego rwatangaje ko iperereza nirimara gusozwa ruzafata ibyemezo bikwiye ku byaha byose uyu mugabo akurikiranyweho.

Iyi sitasiyo yatangijwe kuri uyu wa 04 Kamena, ikaba ije mu rwego rwo kongerera Igihugu ubushobozi bwo guhangana n’ingaruka z’imihindagurikire y’ibihe binyuze mu kunoza ikusanya n’itunganywa ry’amakuru y’iteganyagihe.

Iyi sitasiyo kandi ni intambwe ikomeye mu guteza imbere ubushobozi bw’u Rwanda mu gutanga amakuru y’iteganyagihe, gukurikirana imihindagurikire y’ikirere, ndetse no kongera uruhare rw’u Rwanda mu gutanga amakuru ku rwego mpuzamahanga mu bijyanye n’iteganyagihe.

Iki gikorwa remezo kizafasha mu kunoza ireme ry’amakuru y’iteganyagihe, bityo bigire uruhare mu kurushaho gufasha inzego zitandukanye zirimo izita ku buhinzi, ubwikorezi n’imicungire y’ibiza, gufata ibyemezo bishingiye ku makuru yizewe kandi ku gihe.

U Rwanda rukomeje gushora imari mu ikoranabuhanga rigezweho mu rwego rwo gukumira no guhangana n’ingaruka z’imihindagurikire y’ikirere, ndetse no gutanga umusanzu mu bufatanye mpuzamahanga mu gusangira amakuru y’iteganyagihe.

Aba banyeshuri batanu ni Cedric Hindura, Francis Shyaka, Henry Kenny Hagenimana, Milka Isingizwe na Patricia Mugabo. Bose bakoze uru rugendo rwabo rwa mbere babifashijwemo n’abarimu babo b’inzobere.

Aba banyeshuri barimo kwiga mu ishami rya Aeronautics and Engineering, aho iki gikorwa cyabaye binyuze mu bufatanye hagati ya Kent State University na sosiyete y’indege ya RwandAir. Iyi gahunda ikaba igamije gutegura abapilote bashya b’Abanyarwanda bazafasha mu iterambere ry’indege mu gihugu.

Batoranyijwe mu buryo bukomeye cyane, kuko batoranyijwe mu basaga 2,600 bari basabye kwinjira muri iyi gahunda. Nyuma yo gusoza amasomo yabo, bazasubira mu Rwanda aho bazatangira gukorera Sosiyete Nyarwanda y’ubwikorezi bwo mu kirere ya RwandAir, ari nayo yateye inkunga amasomo yabo n’amahugurwa mu by’indege.

Nyuma yo gukora igenzura ry’ibanze ry’indege, bahagurutse mu ndege zabo zo mu bwoko bwa Cessna, bakurikirana umwe ku wundi, aho buri wese yaje kugwa ku kibuga cy’indege nyuma y’iminota hafi 30.

Henry Kenny Hagenimana yavuze ko gutwara indege bwa mbere kuri we, byari ibintu bitangaje. Ati: “Byari ibintu bitangaje cyane. Kujya mu kirere bwa mbere byanshimishije cyane. Byari uburambe bwiza cyane. Ubu ndumva ndi gukunda ibicu kurushaho, kandi nifuza ko nari kubigumamo igihe kirekire.”

Hagenimana yongeyeho ko kuba umwe mu banyeshuri batanu batoranyijwe na RwandAir bakoherezwa kwiga muri Kent State University ari umugisha ukomeye.

Yagize ati: “Navuga iki? Turi abanyamahirwe cyane, kuza kwiga muri iyi Kaminuza ikomeye, imwe mu zifite gahunda nziza mu bijyanye n’ubupilote no kuba muri bake batoranyijwe. Twiteguye gutanga imbaraga zacu zose bijyanye n’aya mahirwe twahawe. Tuzahesha ishema imiryango yacu, Igihugu cyacu na Kent State University.”

Patricia Mugabo, yavuze ko afite intego yo gutera ishyaka abandi bakobwa b’Abanyarwanda bakinjira mu bijyanye no gutwara indege, kuko bakiri bake muri uyu mwuga.

Mugabo, usanzwe yambara urunigi ruriho agashushanyo k’indege mu ibara rya zahabu, yakomeje avuga ko kuba atwaye ingege bwa mbere kuri we byari ikintu gikomeye cyane. Ati: “Ni ibintu nahoraga nifuza gukora. Nishimye cyane kuko mfite intego yo kuzaba umupilote mwiza, umupilote w’umugore ukomeye.”

Maureen McFarland, Ph.D., Umuyobozi Wungirije ushinzwe amasomo muri College of Aeronautics and Engineering ya Kent State University, yavuze ko yishimiye cyane aba banyeshuri n’Abanyarwanda kandi ko yiteguye kureba icyo ejo hazaza habahishiye.

Kaminuza ya Kent State yatangiye gukorana na Kaminuza y’u Rwanda ndetse na Leta y’u Rwanda mu mwaka wa 2022, hagamijwe gushyiraho ubufatanye mu bijyanye n’uburezi.

Iyo Kaminuza yahise inafungura ishami ryayo rishinzwe gushaka abanyeshuri muri Afurika yo munsi y’ubutayu bwa Sahara, ryiswe Kent State Sub-Saharan African Center, rifite icyicaro i Kigali mu Rwanda. Muri uwo mwaka kandi, abanyeshuri 12 ba mbere b’Abanyarwanda bahise bajya gutangira amasomo yabo muri Kent State.

Kugeza ubu, Kent State University ifite abanyeshuri bagera kuri 70 baturuka mu Rwanda ndetse kandi umubare w’Abanyarwanda ukomeje kwiyongera ndetse benshi bari baje gushyigikira bagenzi babo ubwo bakoraga urugendo rwabo rwa mbere batwaye indege, bafite ibendera ry’u Rwanda, banabakomera amashyi.

Aya mahoteri yafunzwe arimo Century Park Hotel and Residences iherereye i Nyarutarama mu Mujyi wa Kigali, Dove Luxury Hotel yo mu Karere ka Gicumbi, Highland Resort Ltd yo mu Karere ka Rulindo ndetse na Nengo Eden Park Hotel yo mu Karere ka Rubavu.

Iri genzura ryakozwe mu rwego rwo kureba niba ibikorwa byakira abantu byubahiriza amahame agenga ubuziranenge, umutekano n’imitangire ya serivisi.

Nk’uko bikubiye mu itangazo uru rwego rushyize hanze kuri uyu wa Kane tariki 04 Kamena 2026, risobanura ko gufunga ibi bigo ari icyemezo cyafashwe hagamijwe guha ayo mahoteri umwanya wo gukosora ibibazo byagaragajwe.

Itangazo rigira riti: "Muri byo harimo ibijyanye n’impushya zo gukora, isuku, ubuziranenge bw’ibiribwa, umutekano rusange, ireme rya serivisi ndetse n’ibindi bisabwa mu rwego barimo."

RDB yasabye aya mahoteri guhagarika ibikorwa byose bijyanye no kwakira abantu kugeza igihe azaba amaze gukosora ibyo yasabwe ndetse kandi ko igenzura rizakomeza gukorwa kugira ngo harebwe niba ibisabwa bishyirwa mu bikorwa mbere y’uko yemererwa kongera gukora.

Uru rwego rwibukije kandi abafite ibikorwa byakira abantu ko kubahiriza amabwiriza ari ingenzi mu kurinda ubuzima n’umutekano by’abakiliya n’abashyitsi, ndetse no guteza imbere urwego rw’ubukerarugendo mu Rwanda.

RDB yavuze ko izakomeza gukurikirana ishyirwa mu bikorwa ry’aya mabwiriza, kandi ko izafata ingamba zikomeye ku batayubahiriza.

Muri iyi nama, hibanzwe cyane ku mahirwe u Rwanda rufite mu bucukuzi bw’amabuye azwi nka 3Ts (Tin, Tantalum na Tungsten), aho by’umwihariko hagaragajwe inyungu iri mu bucukuzi bwa Tungsten.

Umuyobozi Mukuru w’Urwego rushinzwe Mine, Peteroli na Gaz mu Rwanda (RMB), Alice Uwase, yagaragarije abo bashoramari ko u Rwanda rufite amahirwe menshi mu guteza imbere urwego rw’ubucukuzi bw’amabuye y’agaciro, anashimangira ko Igihugu kimaze kugera ku rwego rwo hejuru mu bucukuzi bwa Tungsten, aho kuri ubu ari cyo gihugu cya mbere muri Afurika kiyicukura ku bwinshi.

Iyi nama yahuje abashoramari n’abayobozi b’Ibigo bitandukanye mu rwego rw’ubucukuzi no gutunganya amabuye y’agaciro, igamije guteza imbere ishoramari n’ubufatanye hagati ya Afurika na Leta Zunze Ubumwe za Amerika, mu rwego rwo guteza imbere ubucukuzi n’ikoreshwa rirambye ry’aya mabuye y’agaciro.

U Rwanda kugeza ubu nicyo gihugu cya mbere muri Afurika mu bucukuzi bwa Tungsten aho igice kinini cy’uyu musaruro gikomoka mu birombe bya Nyakabingo biherereye mu Karere ka Rulindo, bikaba bicukurwa kandi bigatunganywa n’ikigo Trinity Metals Group cyazamuye umusaruro ku kigero kiri hejuru cyane kuva cyatangira ibikorwa byacyo mu 2022.

Tungsten ni ibuye ritunganywamo ibyuma bikomeye bikoreshwa mu bwubatsi, mu ndege, mu bifaru, mu byogajuru, imbunda n’amasasu bituma riba rimwe mu mabuye y’agaciro afatwa nk’ingenzi ku iterambere ry’isi. Trinity Metals iyohereza mu mahanga yabanje kuyitunganya ku kigero cya 68%, inganda zindi zikayongerera agaciro kugera kuri 99,9%.

Muri Nzeri 2025 nibwo Sosiyete y’ubucukuzi bw’amabuye y’agaciro, ikorera mu Rwanda ya Trinity Metals yagejeje kontineri za mbere zitwaye amabuye y’agaciro yo mu Rwanda ya Wolfram yatunganyijwemo Tungsten yageze ku isoko rya Leta Zunze Ubumwe za Amerika ahazwi nka Towanda muri Leta ya Pennsylvania.

Ni amabuye yari ajyanywe mu kigo cya Global Tungsten & Powders (GTP) gitunganya ifu y’amabuye y’agaciro avamo ibyuma bikomeye bikoreshwa mu bikoresho bitandukanye.

Aya masezerano yasinywe binyuze mu buyobozi bw’Urwego Ngenzuramikorere mu Rwanda (RURA) bwari buhagarariwe na Claude Nkusi, Umuyobozi Mukuru Wungirije ndetse na Zia Hussain Shah, Umuyobozi Mukuru w’Ikigo gishinzwe kugenzura ingufu za Nikeleyeri muri Pakistan (PNRA).

Uyu muhango wabereye muri Pakistan witabiriwe na Ambasaderi w’u Rwanda muri icyo Gihugu, Fatou Harerimana, wari uhagarariye ishyirwaho umukono ry’aya masezerano agamije guteza imbere ubufatanye hagati y’impande zombi.

Intumwa z’u Rwanda kandi zananasuye laboratwari n’ibindi bigo bya PNRA ndetse n’Ikigo gishinzwe ingufu za Nikeleyeri muri Pakistan (PAEC), mu rwego rwo kuhakura ubumenyi no kureba uko imirimo ikorwa mu buryo bw’umutekano kandi bugezweho.

Abayobozi b’impande zombi bagaragaje ko ubu bufatanye buzagira uruhare rukomeye mu guteza imbere ikoreshwa ry’ingufu za Nikeleyeri mu buryo butekanye, burinzwe kandi bugamije amahoro, mu rwego rwo gushyigikira iterambere rirambye ry’ibihugu byombi, by’umwihariko u Rwanda.

U Rwanda rufite gahunda yo kuba rwatangiye gukoresha ingufu za Nikeleyeri (Nuclear Energy) bitarenze mu mwaka wa 2030. Igihugu kirimo gukora inyigo z’imishinga yo kubaka inganda nto zitunganya izi ngufu (Small Modular Reactors - SMRs) zizajya zikoresha ikoranabuhanga rigezweho kandi ritekanye.

Ni muri urwo rwego rukomeje gushyira imbaraga mu bufatanye n’ibindi bihugu mu guteza imbere ikoranabuhanga n’ingufu zigezweho, aho ubufatanye nk’ubu bufatwa nk’intambwe ikomeye mu kubaka ubushobozi mu bijyanye n’ingufu za Nikeleyeri.

Minisitiri Inocêncio yabigarutseho aganira n’itangazamakuru i Maputo, ubwo yatangazaga ko Guverinoma ya Mozambique yiyemeje ko izashaka amafaranga akenewe kugira ngo ingabo z’u Rwanda zikomeze ubutumwa bwazo bwo kurwanya iterabwoba rishingiye ku mitwe y’abahezanguni mu Ntara ya Cabo Delgado, mu majyaruguru y’icyo gihugu.

Ingabo z’u Rwanda zatangiye koherezwa muri Mozambique mu mwaka wa 2021, ku busabe bwa Guverinoma y’icyo gihugu, mu rwego rwo gufasha kurwanya imitwe y’iterabwoba yakoreraga muri ako Karere yari yarazahaje abaturage.

Mu minsi ishize, Minisitiri w’Ububanyi n’Amahanga w’u Rwanda, Olivier Nduhungirehe, yatangaje ko Umuryango w’Ubumwe bw’u Burayi (EU), wari usanzwe utanga igice cy’ingengo y’imari y’iki gikorwa, wavuze ko utazakomeza gutanga iyo nkunga.

Minisitiri Inocêncio agaruka ku kifuzo cya Mozambique cyo gukomeza gukorana n’inzego z’umutekano z’u Rwanda ziri mu Ntara ya Cabo Delgado, yavuze ko nubwo atazi ikiguzi bizatwara, ariko amasezerano azasinywa mu minsi ya vuba azasobanura byinshi birimo n’igihe Ingabo z’u Rwanda zizamara muri Mozambique.

Yagize ati: “Ntabwo nzi neza ingano y’amafaranga bizatwara cyangwa igihe bazamara hano, ariko amasezerano azabisobanura mu buryo burambuye vuba aha. Icyakora, kuba dufite ubu bufasha biduha umwanya wo gukomeza kubaka ubushobozi bw’Igihugu cyacu.”

Ni ubwa mbere guverinoma ya Mozambique itangaje ku mugaragaro igitekerezo cyayo kuri iki kibazo, nyuma y’uko ishami ry’Umuryango w’Ubumwe bw’u Burayi rishinzwe dipolomasi ritangaje ko ritigeze rihabwa ubusabe ubwo ari bwo bwose bwo kongerera inkunga Ingabo z’u Rwanda ziri muri Cabo Delgado, mu gihe gahunda yari isanzwe yarangiye mu mpera za Gicurasi.

Minisitiri Inocêncio Impissa yongeyeho ko gukomeza gukorana n’inzego z’umutekano z’u Rwanda bitanga umusaruro ufatika mu kurushaho kuvugurura Ingabo za Mozambique mu nzego zitandukanye

Yagize ati:“Ibi biduha umwanya wo gukomeza kuvugurura Ingabo zacu mu bijyanye n’ubushobozi, ibikoresho n’ikoranabuhanga, mu gihe tunabyungukiramo ku bufasha duhabwa n’Ingabo z’Igihugu cy’inshuti zifasha kurinda aka Karere.”

Muri Werurwe uyu mwaka, u Rwanda rwari rwatangaje ko rushobora gukura ingabo zarwo muri Mozambique mu gihe inkunga mpuzamahanga yaba itabonetse mu gukomeza ibikorwa byo gufasha Mozambique kurwanya iterabwoba.

U Rwanda kugeza ubu rufite abasirikare barenga 6,300 muri Mozambique, aho buri mwaka rwahabwaga inkunga igera kuri miliyoni 20 z’Amayero, nubwo ruvuga ko yari make cyane ugereranyije n’ikiguzi gisabwa mu bikorwa bya buri munsi, aho ndetse rwo rushora ibirenze inshuro 10 ayo mafaranga.

Ibikorwa by’iterabwoba byatangiye muri Cabo Delgado mu 2017 byatumye ibikorwa by’umushinga munini wo gutunganya gaz karemano (LNG), uyobowe na sosiyete y’Abafaransa TotalEnergies, bihagarara. Icyakora, ibikorwa by’Ingabo z’u Rwanda n’iz’a Mozambique cyane cyane mu turere twa Palma na Mocímboa da Praia, byatumye TotalEnergies isubukura ibikorwa byari byarahagaritswe mu 2021.

Muri Mutarama uyu mwaka, iyi sosiyete n’Igihugu cya Mozambique byemeranyije kongera gutangira imirimo y’uwo mushinga.

Ntabwo aribyo gusa kuko abaturage barenga ibihumbi 600 bari barahunze Ingo zabo, baratahutse basubira mu buzima busanzwe. Ingabo z’u Rwanda zakoze ibikorwa bitandukanye bigamije gufasha abaturage birimo kubaka amasoko, amashuri ibibuga by’imikino ndetse n’amavuriro.

Idris Elba ubwo yari mu Rwanda mu muhango wo kwita izina, NZeli 2023

Umukinnyi wa filime w’icyamamare ukomoka mu Bwongereza, Idris Elba, yahawe icyubahiro gikomeye cyo kugirwa “Sir” nyuma yo guhabwa umudari w’ubutwari (knighthood) n’Umwami w’u Bwongereza, King Charles III, mu muhango wabereye i Windsor Castle.

Nyuma y’iki gikorwa, ubu izina rye ni Sir Idris Elba, nk’ikimenyetso cyo kumushimira uruhare rwe rukomeye mu myidagaduro ndetse n’ibikorwa yakoze bifitiye akamaro sosiyete.

Mu 2023, Sir Idris Elba n’umugore we Sabrina Dhowre Elba bari mu bitabiriye umuhango wo Kwita Izina ku nshuro ya 19, ndetse banita umwana w’Ingagi izina rya “Narame”.

Idris Elba yamamaye cyane ku isi binyuze mu mafilime yakinnye, harimo nka Luther na Beasts of No Nation, ndetse no mu ruhare rwe mu gukomeza guteza imbere umuco n’imibereho myiza y’abaturage.

Iki gihembo cya knighthood gitangwa n’Umwami w’u Bwongereza ku bantu bagize uruhare rudasanzwe mu guteza imbere igihugu cyangwa Isi muri rusange, haba mu bukungu, umuco, siporo cyangwa ibikorwa by’ubugiraneza.

Iri shimwe rije nyuma y’imyaka ine Idris Elba atangije Umuryango yise Hope Foundation, wibanda ku guteza imbere uburezi, ubuvugizi ku rubyiruko, kongerera ubushobozi abaturage no gushyigikira gahunda z’iterambere rirambye.

Uyu mugabo w’imyaka 53 wamamaye muri filime Luther, ibikorwa bye by’ubugiraneza biragenda bifata umwanya munini, aho agenda abishyira imbere kuruta ibikorwa bye muri sinema n’ibiganiro byo kuri televiziyo. Elba akunze kugaragaza ko yifuza gufasha urubyiruko kugera ku mahirwe mashya no kwiteza imbere.

Iyi myigaragambyo yahawe izina rya "Ville Morte" yatangijwe n’ihuriro rya politiki rizwi nka C64, rihuza amashyaka atandukanye atavuga rumwe n’ubutegetsi. Abayobozi baryo bavuga ko bahangayikishijwe n’uko hashobora kubaho impinduka mu Itegeko Nshinga zatuma Perezida Félix Tshisekedi akomeza kuyobora igihugu nyuma ya manda ze ebyiri yemerewe ziteganywa n’amategeko.

Abatavuga rumwe n’ubutegetsi bahamagariye abaturage batuye ibice by’Umujyi wa Kinshasa kutagira igikorwa na kimwe bazindukiramo kuri uyu munsi, nko kujya ku kazi no ku mashuri, kurema amasoko ndetse n’ibindi bikorwa bya buri munsi, mu rwego rwo kugaragaza ko batishimiye icyerekezo igihugu kirimo gufata.

Ntabwo abaturage batengushye aba batavuga rumwe n’ubutegetsi kuko mu bice bimwe na bimwe nka Kimbaseke, Lac Moero ndetse n’amasoko atandukanye azwiho kugira urujya n’uruza rwinshi nka Marché pirate du Beach Ngobila ubuzima bwahagaze.

Iyi myigaragambyo nicyo gikorwa cya mbere gikomeye ihuriro C64 rihuriyemo Moïse Katumbi, Martin Fayulu, Delly Sesanga, Jean-Marc Kabund, Matata Ponyo riteguye, kikaba gifatwa nk’ikizamini cyo kureba ubushobozi bwaryo mu gukangurira abaturage kurishyigikira mu kurwanya ubutegetsi bwa Tshisekedi.

Bamwe mu bagize iri huriro batangaje ko nta mpungenge bafite zo kuba abaturage bitabira iyo myigaragambyo, bati: “Nta gushidikanya dufite, tuzi icyo abaturage bashaka.”

Ku ruhande rw’ubutegetsi mu gitondo cyo kuri uyu wa Gatatu, bwatangaje ko nubwo hari aho abaturage batitabiriye ibikorwa bya buri munsi, bizeye ko uko amasaha yicuma ubuzima busubira ku murongo.

Umwe mu bayobozi b’ishyaka rya UDPS yatangaje ko nta myigaragambyo bateganya gukora yo kuburizamo iki gikorwa cyateguwe na C64, ariko ko bakomeza kuba maso kugira ngo ibikorwa bisanzwe by’ubuzima bikomeze, abaturage bajye ku kazi nk’ibisanzwe.

Ubutegetsi bwa Congo bwakomeje kandi gusaba abakozi ba Leta kujya ku kazi, bunabibutsa inshingano zabo. Minisitiri w’Abakozi ba Leta yasohoye itangazo ribibutsa “kutabogama mu bya politiki ku bakozi ba Leta ndetse n’inshingano yo kugerera ku kazi ku gihe.”

Iyi myigaragambyo ishobora kugira uruhare rukomeye mu kugaragaza uko politiki ihagaze muri iki gihugu, ndetse n’ubushobozi bw’abatavuga rumwe n’ubutegetsi mu guhuriza hamwe abayoboke babo.

Ibi byagarutsweho na Minisitiri w’Ububanyi n’Amahanga n’Ubutwererane, Olivier J.P. Nduhungirehe, kuri uyu wa 1 Kamena 2026, mu nama ihuza ba Minisitiri b’Ububanyi n’Amahanga ba Afurika na Koreya y’Epfo (Korea-Africa Foreign Ministers’ Meeting).

Minisitiri Nduhungirehe yavuze ko u Rwanda mu byo rwashyize imbere, rwibanze ku kwihutisha iterambere ry’ubukungu bushingiye ku ikoranabuhanga no gushyigikira urubyiruko, agaragaza ko ari inkingi y’ahazaza h’umugabane wa Afurika.

Yanagarutse kandi ku ruhare rw’ubwenge buhangano (AI) nk’imbarutso y’iterambere rya Afurika, cyane cyane mu gihe bushyigikiwe binyuze mu bufatanye bushyira imbere inyungu z’abaturage no kubaka ubushobozi bwabo.

Mu bindi byaganiriweho muri iyi nama y’iminsi itatu, harimo n’ibijyanye n’amabuye y’agaciro aho Minisitiri Nduhungirehe yavuze ko u Rwanda rwabyishimiye kandi ko rushishikariza ubufatanye bugamije kongerera agaciro ibikomoka mu bihugu bya Afurika, guteza imbere inganda no guhanga imirimo.

U Rwanda kandi rwagaragaje ko kugira ngo abaturage batuye Afurika bagire imibereho myiza, hakenewe kongera ubufatanye na Koreya y’Epfo mu rwego rw’ubuhinzi buhangana n’imihindagurikire y’ikirere, kwita ku mutekano w’ibiribwa, ubuvuzi n’inganda zikora imiti ku mugabane wa Afurika.

Minisitiri w’Ububanyi n’Amahanga n’Ubutwererane Amb Olivier Nduhungirehe, yakomoje no ku bijyanye n’umutekano, avuga ko u Rwanda rwiyemeje gushimangira uruhare rwarwo mu bikorwa byo kubungabunga amahoro bya Loni ndetse n’iby’Umuryango w’Afurika Yunze Ubumwe, runishimira inkunga Koreya y’Epfo itanga muri uru rwego.

Minisitiri Nduhungirehe yasabye ko ibyemeranyijweho mu nama bitaguma ku mpapuro gusa, ahubwo bigashyirwa mu bikorwa mu buryo bugaragara, kugira ngo bitange inyungu zifatika ku baturage ba Afurika.

Iyi nama ibera mu Murwa Mukuru wa Koreya y’Epfo, Seoul ihurije hamwe abahagarariye ibihugu 50 bya Afurika ndetse n’imiryango ine ihuza ibihugu byo mu Turere dutandukanye. Ni inama igamije gushimangira ubufatanye bw’impande zombi mu nzego zitandukanye zirimo ubukungu, ikoranabuhanga n’umutekano.

Iyi nama kandi ije ikurikira indi nama ya mbere ya South Korea–Africa yabaye mu 2024, igamije kurushaho guteza imbere ubufatanye bw’impande zombi no gutegura ejo hazaza h’uyu mubano.

Iyi nama ikomeye iri kubera mu Murwa Mukuru wa Seoul ifite insanganyamatsiko igamije gushimangira ubufatanye hagati ya Koreya n’ibihugu bya Afurika mu guhangana n’ibibazo byugarije isi muri iki gihe.

Iyi nama y’iminsi itatu yatangiye kuva tariki ya 31 Gicurasi kugeza ku ya 2 Kamena 2026, yahuje abahagarariye ibihugu byinshi bya Afurika n’imiryango mpuzamahanga, bagamije guteza imbere ubufatanye mu bukungu, ubucuruzi n’ishoramari, gushaka ibisubizo ku bibazo by’isi birimo imihindagurikire y’ikirere, ubuzima rusange n’umutekano no gukomeza kubaka ubufatanye burambye hagati ya Afurika na Koreya y’Epfo.

Ku ruhande rw’u Rwanda, kwitabira iyi nama ni amahirwe yo gukomeza gushimangira umubano mwiza n’ibihugu bya Aziya, cyane cyane mu bijyanye n’iterambere, ikoranabuhanga, ubucuruzi ndetse n’ishoramari.

Minisitiri w’Ububanyi n’Amahanga wa Koreya y’Epfo, Cho Hyun afungura iyi nama yagaragaje ko isi iri guhura n’ibibazo byinshi birimo ikibazo cy’uruhererekane rw’ibicuruzwa, ingufu n’umutekano w’ibiribwa, bityo ko ubufatanye hagati ya Afurika na Koreya ari ingenzi kurushaho kugira ngo ibyo bibazo bihindurwe amahirwe y’iterambere.

Yagaragaje ko ibi bibazo biri gutuma ubukungu bw’isi burushaho kujya ahabi akomeza agira ati: "Muri iki gihe Isi iri mu mpinduka zikomeye, ibihugu ntibishobora gukemura ibi bibazo byonyine, bityo ko gukomeza gushimangira ubufatanye hagati ya Koreya y’Epfo na Afurika ari ingenzi kurusha uko byahoze."

Iyi nama yahuje abahagarariye ibihugu 50 bya Afurika muri 54 byari byatumiwe, ndetse n’imiryango ine ihuza ibihugu byo mu Turere dutandukanye. Ibiganiro biribanda ku gushaka uburyo bwo gushakira hamwe ibibazo byugarije Isi no kurushaho guteza imbere umubano n’ubufatanye bigamije iterambere rusange.

Iyi nama kandi ije ikurikira indi nama ya mbere ya South Korea–Afurika yabaye mu 2024, igamije kurushaho guteza imbere ubufatanye bw’impande zombi no gutegura ejo hazaza h’uyu mubano.

Captain Mbaye Diagne

Iki gikorwa cyabaye ku Cyumweru tariki 31 Gicurasi 2026 cyitabiriwe na Ambasaderi w’u Rwanda muri Sénégal, Festus Bizimana ari kumwe n’Umugaba Mukuru w’Ingabo z’icyo Gihugu Brigadier General Simon Ndour n’abandi bayobozi batandukanye.

Mu 2010, U Rwanda rwageneye Mbaye Diagne umudali w’Umurinzi ku ruhare yagize mu kurwanya Jenoside yakorewe Abatutsi, washyikirijwe umugore we muri Gicurasi 2016 (Rwandan National Medal of the Campaign Against Genocide), awuhabwa n’Umukuru w’Igihugu cy’u Rwanda.

Yawuherewe ku bw’ubutwari bwe bwatumye agera aho yirengagiza amabwiriza y’abamukuriye bari bamubujije gukiza Abatutsi bicwaga kugira ngo na bo batahasiga ubuzima ariko yumva ko nubwo yapfa atabara abandi, inshingano ye aba ayisohoje.

Capt Mbaye Diagne, yahawe kandi umudali w’ishimwe n’uwari Umunyamabanga Mukuru w’Umuryango w’Abibumbye, Ban Ki Moon.

Capt Mbaye Diagne yiciwe mu Rwanda tariki 31 Gicurasi 1994 azira gutabara Abatutsi bicwaga muri Jenoside yakorewe Abatutsi aho yari afite imyaka 36 gusa kandi icyo gihe yari mu ngabo za MINUAR zari mu Rwanda.

Icyo gihe, Kapiteni Mbaye Diagne yari mu ngabo za Sénégal zari ziri mu butumwa bw’Umuryango w’Abibumbye (UN) mu Rwanda, aho yakoze ibikorwa by’indashyikirwa mu kurengera abasivili bari bahigwaga.

Urwibutso rwitiriwe Capt Mbaye Diagne, rwafunguwe ku wa 22 Werurwe 2024, mu muhango witabiriwe n’uwari Umukuru w’Igihugu icyo gihe, Macky Sall, ndetse n’uwari Ambasaderi w’u Rwanda muri Sénégal, Karabaranga Jean Pierre n’abandi bayobozi.

Urwibutso rwubakiwe Captain Mbaye Diagne

Umukino wa nyuma wa BAL uzaba ku Cyumweru tariki 31 Gicurasi 2026, saa kumi n’ebyiri z’umugoroba muri BK Arena, ukazahuza Petro de Luanda yo muri Angola na RSSB Tigers yo mu Rwanda.

Iyi mpeta nshya igiye gutangwa muri iri rushanwa, ikaba yarakozwe mu buryo bwihariye bugaragaza umurage, ishema n’umuco wa Afurika. Yakozwe n’umuhanzi w’icyamamare mu gukora imirimbo n’imitako ya siporo witwa Victor Solomon, uzwi cyane mu gukora impeta z’amarushanwa akomeye nka NBA.

Mu busanzwe impeta nk’iyo imenyerewe muri shampiyona ya basketball muri Amerika, National Basketball Association NBA, igahabwa buri mukinnyi, umutoza, n’abandi bayobozi b’ikipe yegukanye igikombe cya shampiyona. Yatangiye gutangwa mu 1947, ikaba ikimenyetso gikomeye cyane kuko gisigara mu mateka y’umukinnyi wegukanye igikombe.

Ubwo shampiyona ya basketball muri Amerika yitwaga BAA (Basketball Association of America), ikipe ya Philadelphia Warriors yegukanye igikombe, abakinnyi bayo bahabwa impeta zari zikoze muri zahabu n’andi mabuye yagaciro ayitatse.

Impeta zitangwa muri shampiyona ya NBA (NBA Championship Rings) akenshi zikorwa mu mabuye y’agaciro nka zahabu cyangwa ifeza, kandi ziba zifite ibintu by’ingenzi biziranga, birimo izina ry’ikipe n’ikimenyetso cyayo (logo), umwaka iyo kipe yegukanyemo igikombe, izina ry’umukinnyi ndetse n’ikirango cya NBA. Agaciro k’impeta imwe kaba kari hagati y’ibihumbi 50 n’ibihumbi 150 by’amadolari.

Ku ruhande rw’abategura irushanwa rya Basketball Africa League, iyi ntambwe ije ikurikira icyemezo bafashe cyo gutangira guha abakinnyi n’abatoza begukanye igikombe impeta nk’uko bikorwa mu marushanwa akomeye ku isi, mu rwego rwo kubaha icyubahiro cyihariye.

Iyi mpeta igaragaza uburyo BAL ikomeje kuzamura urwego rw’irushanwa no kurushaho kurishyira ku rwego rw’andi marushanwa akomeye ku Isi, mu guha abakinnyi ibihembo bifite agaciro kanini n’ishusho yihariye ya Afurika.

Ni ibyagarutsweho na Minisitiri w’Ububanyi n’Amahanga w’u Rwanda, Olivier Nduhungirehe, mu kiganiro n’abahagarariye ibihugu n’imiryango mpuzamahanga mu Rwanda, asobanura ko Mozambique nk’uko yabikoraga ndetse izakomeza kubigenza mu gutera inkunga yose ikenewe Ingabo z’u Rwanda ziri mu Ntara ya Cabo Delgado mu Majyaruguru y’icyo Gihugu.

Yagize ati: “Ubufatanye hagati y’u Rwanda na Mozambique bwagaragaje umusaruro ugaragara kandi buzaguma gukomera no mu gihe kiri imbere.”

Minisitiri Nduhungirehe yasangije aya makuru aba badipolomate nyuma y’uko mu minsi ishize yari yatangaje ko nubwo Umuryango w’Ubumwe bw’u Burayi (EU) wafashe icyemezo cyo guhagarika inkunga wageneraga ibikorwa by’inzego z’umutekano z’u Rwanda muri Mozambique, Guverinoma z’ibihugu byombi ziyemeje gukomeza ubufatanye mu bikorwa byo kurinda abaturage b’intara ya Cabo Delgado bibasiwe n’imitwe y’iterabwoba.

Ni mu butumwa Minisitiri Nduhungirehe yashyize ku rubuga rwe rwa X, nyuma y’amakuru yacicikanye mu binyamakuru mpuzamahanga, bivuga ko Umuryango w’Ubumwe bw’Ibihugu by’Uburayi (EU), wafashe umwanzuro ntakuka wo guhagarika inkunga ya miliyoni 20 z’Amayero wahaga inzego z’umutekano z’u Rwanda ziri mu Ntara ya Cabo Delgado, ahubwo ukaba ugiye gushyigikira Ingabo za Mozambique.

Mu butuma yashyize kuri X, Amb Nduhungirehe yibukije ko mu mwaka wa 2021, inzego z’umutekano z’u Rwanda zatangiye ibikorwa muri Cabo Delgado ku butumire bwa Guverinoma ya Mozambique ndetse kuva icyo gihe umusaruro byatanze ugaragara mu bijyanye no kugarura amahoro n’umutekano, imiryango yari yarakuwe mu byayo n’ibikorwa by’imitwe y’iterabwoba isubira mu byayo, abana basubira ku ishuri, ibikorwa by’ubucuruzi byongera gufungurwa.

Ntabwo ari ibyo gusa kandi kuko inzego z’umutekano z’u Rwanda zahuguye ingabo za Mozambique kandi ibikorwa bikaba bigikomeje ndetse ko n’amasosiyete yo mu Burayi na Amerika byayafashije kongera gusubukura mu mutekano ibikorwa byayo by’shoramari rifite agaciro ka miliyari 50 z’amadolari y’Amerika mu rwego rw’ubucukuzi bwa gaz (LNG).

Aha niho Minisitiri Nduhungirehe yakomeje avuga ko u Rwanda rwafashe icyemezo cyo gukorana na Guverinoma ya Mozambique muri ibyo bikorwa by’umutekano nkuko rwari rwarabyiyemeje kuva mbere.

Ati: “Ni muri urwo rwego uyu mwaka u Rwanda rwafashe icyemezo cyo gusubira ku ishingiro ry’ubufatanye no gukorana by’umwihariko na Guverinoma ya Mozambique, ku ruhande rwayo ikaba yaramaze kubona kandi izakomeza kubona ubushobozi bwo gutera inkunga ibikorwa by’inzego z’umutekano z’u Rwanda muri Cabo Delgado.”

Minisitiri w’Ububanyi n’Amahanga n’Ubutwererane Amb Olivier Nduhungirehe uretse ubufatanye bw’u Rwanda na Mozambique mu by’umutekano, yakomoje no ku bibazo bijyanye n’umutekano mu Karere k’Ibiyaga Bigari, avuga ko u Rwanda rwongeye gusaba umuryango mpuzamahanga n’abafatanyabikorwa bose gufata iya mbere mu gusaba Repubulika Iharanira Demokarasi ya Congo (DRC) gushyira mu bikorwa ibyo yemeye bikubiye mu masezerano.

Minisitiri Nduhungirehe yagaragaje ko kudashyira igitutu no gukurikirana ishyirwa mu bikorwa ry’amasezerano byaba ari nko gushyigikira uburyo bwa gisirikare DRC ikomeje gukoresha, aho yavuze ko budatanga ibisubizo birambye.

Ati: “Hatabayeho igitutu kingana ku mpande zombi no gukurikirana ibyemeranyijwe, ntitwabasha gushyiraho uburyo bwatuma haboneka amahoro arambye mu Karere.”

Ubutegetsi bwa Repubulika Iharanira Demukarasi ya Congo bushinjwa kuba bukomeza kwigira ntibindeba mu kubahiriza amasezerano y’amahoro yagiye asinywa mu rwego rwo kugarura umutekano mu burasirazuba bw’iki Gihugu harimo amasezerano ya Washington agamije guhosha umwuka mubi hagati ya DRC n’u Rwanda mu rwego.

RDC ishinjwa kutayashyira mu bikorwa, cyane cyane mu gusenya umutwe wa FDLR no kureka kuyiha ubufasha.

Minisitiri Nduhungirehe kandi yagarutse no ku ruhare rwa Louise Mushikiwabo, Umunyamabanga Mukuru w’Umuryango w’Ibihugu bikoresha Ururimi rw’Igifaransa (OIF), mu guteza imbere uyu muryango.

Yavuze ko ku buyobozi bwe, Umuryango wa La Francophonie wageze ku rwego rwo hejuru, ugira ijambo rikomeye mu ifatwa ry’ibyemezo ku bibazo bijyanye n’urubyiruko, umurimo, imiyoborere myiza, ubukungu, umuco, uburinganire ndetse no guteza imbere ururimi rw’Igifaransa.

Ni mugihe kandi u Rwanda twamaze gutangaho umukandida, Louise Mushikiwabo nk’umukandida ku mwanya w’Umunyamabanga Mukuru w’umuryango OIF uhuza ibihugu bikoresha Igifaransa muri Manda ya Gatatu. Manda ya kabiri ya Mushikiwabo yatangiye mu Ugushyingo 2022.

Biteganyijwe ko mu nama y’Inteko Rusange ya OIF izabera mu mujyi wa Phnom Penh muri Cambodge mu Ugushyingo 2026 ari bwo hazaba amatora y’Umunyamabanga Mukuru w’uyu muryango.

Ibi bitaramo byitezwe cyane, kuri gahunda abahanzi b’ibihangange mu muziki Nyarwanda Bruce Melodie na The Ben, nibo bari bategerejwe kuri gahunda ariko bikaba byamaze kwemezwa ko hongewemo aba bahanzi bombi na bo bakunzwe cyane.

Mu butumwa bwa Bruce Melodie ari nawe nyiri ibi bitaramo yavuze ko uretse Kitoko na Bwiza, hazabaho no gutungurana kw’abandi bahanzi bazifatanya na bo mu gushimisha abakunzi b’umuziki mu Mijyi itandukanye izanyuramo ibi bitaramo.

Ibi bitaramo bizatangirira i Musanze, tariki ya 13 Kamena, bikomereze i Nyagatare tariki 20 Kamena, Bugesera tariki 27 Kamena na Rubavu ari naho bizasorezwa ku wa 4 Nyakanga 2026.

Bwiza, uri mu bahanzikazi bagezweho muri iki gihe, ndetse na Kitoko uzwiho ubunararibonye mu muziki, biteganyijwe ko bazongera imbaraga n’udushya muri ibi bitaramo, bikaba byitezwe ko bizaba ari iby’amateka ku bakunzi b’imyidagaduro.

Summer Country Tour 2026 igamije kwegera abafana hirya no hino mu gihugu, ibazanira ibitaramo bikomeye hanze ya Kigali, ndetse igafasha guteza imbere imyidagaduro mu turere dutandukanye.

Kwamamaza aba bahanzi byatumye abakunzi b’umuziki barushaho gutegerezanya amatsiko aya matariki, aho benshi biteze ibitaramo birimo imbaraga, udushya ndetse n’imyidagaduro yo ku rwego rwo hejuru.

Kwinjira muri ibi bitaramo ni 2000 Frw ahasanzwe, ibihumbi 5000Frw muri VIP ndetse n’ibihumbi 10 Frw muri VVIP.

Nubwo bimeze gutyo, abantu benshi ntibarasobanukirwa neza ko kugeza uyu munsi itsinda rya UB40 kuva mu 2008 ryamaze gucikamo ibice bibiri birimo UB40 yagumanye izina ry’umwimerere ndetse na ‘UB40 ft Ali Campbell’ igiye gutaramira i Kigali.

Ubundi mu mateka, itsinda rya UB40 ryashinzwe mu 1978 i Birmingham mu Bwongereza, ryamenyekanye cyane ku ndirimbo zakunzwe nka Red Red Wine na Can’t Help Falling in Love. Mu myaka myinshi ryabaye rimwe mu matsinda ya reggae yageze ku rwego rwo hejuru ku Isi mu guhuza reggae n’izindi njyana nka pop.

Ali Campbell wari umuhanzi ngenderwaho (lead singer) yavuye mu itsinda mu 2008 kubera ibibazo by’imiyoborere. Nyuma yo kugenda kwe, itsinda ryakomeje gukoresha izina UB40 ndetse ryongeramo n’abandi banyamuryango.

Uyu muhanzi, wari ijwi ry’ingenzi ryatumye UB40 imenyekana cyane, yavuze ko atari agishoboye gukomeza gukorana na bagenzi be kubera kutumvikana ku micungire y’itsinda. Ibi byakurikiwe n’ukutavuga rumwe bikomeye hagati y’impande zombi, ndetse binagera no ku manza zerekeye ikoreshwa ry’izina UB40.

Umubano warangiritse ndetse n’ingaruka zigera ku bafana ba UB40. Ntabwo ari ibyo gusa kuko aya makimbirane yanagize ingaruka ku mubano w’abavandimwe bari bagize itsinda, Robin Campbell, murumuna wa Ali Campbell, wahisemo kuguma mu itsinda rya UB40 risanzwe.

Nubwo hari igihe hagiye havugwa ko bashobora kongera guhura, Ali Campbell yigeze gutangaza ko amahirwe yo kongera gukora nk’itsinda rimwe ari make cyane.

Mu 2014 nibwo Ali Campbell yafashe icyemezo cyo gushinga UB40 ye, ariko kubera ibibazo by’imanza byerekeye ikoreshwa ry’izina UB40, ahitamo kwita itsinda rye ’UB40 ft Ali Campbell’.

Nyuma y’uko Ali Campbell wari uyoboye abaririmbyi ba UB40, avuye muri iri tsinda, abo barishinganye bahise bamusimbuza undi muvandimwe we Duncan Campbell ndetse aza no kuriyobora kugeza mu 2021 mbere y’uko yafataga umwanzuro wo gusezera kubera ibibazo by’ubuzima ndetse ahita asimbuzwa Matt Doyle.

Mu 2014 ubwo yashingaga itsinda rye, Ali Campbell yahise aryinjizamo Terence Wilson wamamaye nka Astro waje kwitaba Imana mu 2021 ndetse na Mickey Virtue na we waje kurisezeramo mu 2018. Yashinze iri tsinda rifite intego yo gukomeza umwimerere w’indirimbo zakunzwe cyane.

Ibi byateje urujijo ku bafana, kuko ayo matsinda yombi aririmba indirimbo zimwe zamenyekanye za UB40 mu bitaramo bakorera hirya no hino ku isi.

Kugeza ubu UB40 y’izina ry’umwimerere, igizwe n’abarimo Robin Campbell murumuna wa Ali Campbell, Jimmy Brown, Earl Falconer, Norman Hassan, Matt Doyle, Jahred Gordon, Gilly G, Matt Campbell, Martin Meredith, Ian Thompson na Laurence Parry.

Ndetse ubwo itsinda ‘UB40 ft Ali Campbell’ rizaba riri gutaramira i Kigali, irindi rya ‘UB40’ ryo rizaba ritaramira mu Bwongereza mu Mujyi wa Hull mu bitaramo byiswe ’The Unstoppable World Tour’.

Iki gitaramo kizabera muri BK Arena, ntabwo ari igitaramo gisanzwe kuko ni ubwa mbere UB40 ft Ali Campbell baje gutaramira mu Rwanda. Kitezweho kuzahuza abageze mu za bukuru bakuze bumva UB40 kera n’urubyiruko ruyimenye mu myaka ya vuba.

Indirimbo zabo zirimo Red Red Wine, Kingston Town, (I Can’t Help) Falling in Love with You zafashije abantu benshi mu bihe bitandukanye, cyane cyane mu butumwa bw’amahoro n’ubumwe. Abateguye iki gitaramo bavuga ko abazakitabira bazagira umwanya mwiza wo kuririmbira hamwe izi ndirimbo, bikazaba igitaramo cyuje amarangamutima menshi.

Iki gitaramo kije mu rwego rwo gukomeza kugaragaza ko Kigali iri ku ikarita y’Imijyi yakira ibitaramo bikomeye ku Isi.

Uyu mukobwa wamenyekanye mu bisigo bitandukanye birimo ibyo yakoranye n’abarimo Rumaga Junior ndetse na Mr Kagame, igitabo cye, yahisemo kucyandika binyuze mu rugendo rw’umukobwa witwa Isimbi, aho agaragaza ubuzima bw’imbere abantu benshi banyuramo, bagakomeza guseka no kubaho nk’aho nta kibazo bafite, nyamara bafite imitwaro iremereye y’amarangamutima.

Kibasumba aganira na Kigali Today, yakomoje ku gitekerezo cyo kwandika iki gitabo, avuga ko bitari uguhimba gusa kuko byahindutse urugendo rwinjira mu buzima bw’amarangamutima bwihishe abantu benshi banyuramo bucece buri munsi.

Yagize ati: Inyuma yo kumwenyura, kwambara neza, indamutso zubashywe, n’ibiganiro bisanzwe, akenshi haba hari intambara zitavugwa isi itazigera ibona.

Hari urubyiruko rutwara ubwoba rutabasha gusobanura, ububabare rutabasha kuvuga ku mugaragaro n’imitwaro iremereye y’amarangamutima kurusha uko abari hafi yabo babitekereza."

Akomeza avuga ko binyuze muri iyo nkuru ya Isimbi, yifuzaga kugaragaza ko guceceka atari buri gihe usanga ari amahoro kuko rimwe na rimwe guceceka aba ari ubwoba cyangwa ugasanga hari n’igihe ariho honyine umuntu ubabaye yumva afite umutekano bityo akabyihishamo.

Kibasumba avuga ko iyi nkuru ya Isimbi, yayanditse atagamije ugushimisha abasomyi gusa ahubwo ko ari ukwibutsa abantu kwita ku buzima bw’amarangamutima y’abandi cyane cyane urubyiruko, ingimbi cyangwa umwangavu ashobora gukomeza guseka, kwiga, kubaha amategeko no kugaragara nk’ufite ubuzima busanzwe nyamara imbere muri we arimo ashira.

Yungamo ati: "Ni yo mpamvu kugira neza bifite agaciro, kumva abandi, kubaba hafi no kubarinda bifite agaciro. Imwe mu nyigisho zikomeye ziri muri iyi nkuru ni uko ububabare butajya buhora busenya abantu hari igihe bubahindura bukabigisha, kubaka imbaraga no gutegura ejo hazaza."

Uyu mukobwa avuga ko binyuze mu nkuru y’urugendo rwa Isimbi, bigamije kwibutsa ko ibihe bikomeye mu buzima ari igice kibugize kandi ko nta muntu ubaho atanyuze mu makuba yaba ay’umubiri cyangwa ay’amarangamutima hamwe usanga byinshi bitagaragarira ku maso y’abantu.

Uyu mwanditsikazi avuga ko atekereza kwandika iki gitabo mu buryo bw’inkuru ya Isimbi, yifuzaga ko igera byumwihariko ku rubyiruko hamwe rugomba kumva ko rudakwiye kwemera ko ibihe bikomeye ruri kunyuramo bituma rutegereza ko ejo harwo hazasenyuka ahubwo rugahaguruka rukashyira imbaraga mu mashuri, mu kurinda inzozi zarwo, agaciro karwo no guharanira kutemerera umwijima w’igihe gito ugira ubushobozi bwo kugena ejo hazaza harwo.

Ati: "Ubuzima burahinduka kandi gukira birashoboka kandi izo mbaraga zishobora kugukura ahantu abantu bibwiraga ko hari intege nke gusa."

Kibasumba avuga kandi ko iyi nkuru yibutsa abakuru n’ababyeyi inshingano zikomeye bafite zo kwita ku bana babo kuko ibyo bakeneye atari ibibatunga, amafaranga y’ishuri n’ibindi nkenerwa mu buzima kuko bakeneye n’umutekano w’amarangamutima, bakeneye ubatega amatwi, umuyobozi, kwitabwaho no kurindwa.

Ati: "Rimwe na rimwe amakosa akomeye abaho adaturutse ku kuba abantu ari babi ahubwo ari uko hari ababaye batabasha gufashwa kare ngo bitabweho."

Kibasumba yavuze ko nk’umwanditsi, yifuzaga kandi kugaragaza ko kugera ku ntsinzi bidasobanura ko umuntu adashobora kubabara. Asoza kandi atanga ubutumwa busaba kwihangana, kugira icyizere kabone n’ubwo ubuzima bwaba bwijimye gute kandi ko abantu badakwiriye na rimwe gutakaza icyizere burundu.

Kwitabira kugura izo mpapuro mpeshamwenda byatangiye ku wa 15 Kamena 2026 bikazarangira ku wa 17 Kamena 2026, aho abashoramari bose babyifuza bazaba bemerewe gutanga ubusabe bwo kugura izi mpapuro.

Izi mpapuro mpeshamwenda ni uburyo Leta ikoresha ikusanya amafaranga yo gushyigikira imishinga y’iterambere, kandi zitanga inyungu ku bashoramari mu gihe kirekire.

Izi mpapuro zije ziyongera ku zari zaratanzwe muri mata 2025, bikaba ari amahirwe ku bashoramari bashya cyangwa abifuza kongera ishoramari ryabo binyuze muri izi mpapuro.

BNR irahamagarira abashoramari n’ibigo bitandukanye kudacikwa n’aya mahirwe, kuko ari uburyo bwizewe bwo gushora imari mu mpapuro mpeshwamwenda za Leta, zifite umutekano kandi zitanga inyungu ihamye.

Abifuza ibisobanuro birambuye bashobora gusura urubuga rwa Banki Nkuru y’u Rwanda cyangwa bakegera ibigo by’imari bibafasha gushora imari.

Leta y’u Rwanda yatangiye gahunda yo gushaka amikoro binyuze mu mpapuro mpeshamwenda mu 2008.

Ubwitabire bwo kugura impapuro mpeshamwenda bugenda buzamuka umunsi ku wundi, kuko nko mu mwaka w’ingengo y’imari wa 2023/2024, impuzandengo y’igipimo cyo kwiyandikisha mu kugura impapuro mpeshamwenda yageze ku 154%.

Umuyobozi wa NBA Africa, Clare Akamanzi, yagaragaje ko umukino wa basketball urenze kuba siporo gusa, ahubwo ko ari isano ihuza ibice byinshi by’ubuzima n’ubukungu.

Ibiganiro byatangiwe muri iyi nama, byibanze ku ngingo zitandukanye zirimo guteza imbere ibikorwa byo kumenyekanisha Siporo, ubufatanye n’intambwe ikomeje guterwa mu mikino ku mugabane wa Afurika.

Visi Perezida wa FERWABA, Pascale Mugwaneza yavuze ko inzego z’Igihugu zishinzwe Siporo n’amakipe mu mikino itandukanye zigenda zirushaho gusobanukirwa akamaro ko kumenya neza imikino yabo n’umutungo bafite, kugira ngo babashe gukurura abaterankunga bakomeye no kubaka ubufatanye burambye.

Yagize ati: “Turi kubona iterambere rigaragara muri Basketball muri Afurika, kandi izamuka rya Basketball Africa League ni urugero rukomeye kuva ku iterambere ry’amakipe kugeza ku buyobozi, imicungire n’imiyoborere mu rwego rwose rw’uyu mukino. Iyi ntambwe igaragaza ejo hazaza heza ha siporo ku mugabane wa Afurika."

Amadou Gallo Fall, yagarutse ku ruhare rukomeye BAL igira mu guteza imbere umukino wa Basketball uhereye ku bakiri bato, kunoza imikorere ndetse no gushyiraho imiyoborere myiza nk’inkingi z’iterambere rirambye ry’uyu mukino muri Afurika.

Yagize ati: “Kuva mu ntangiriro, twashyize imbaraga nyinshi mu guteza imbere basketball kuva ku rwego rw’ibanze, tugamije gutuma irushaho kugera kuri benshi binyuze mu bufatanye bukomeye n’inzego za Leta, Minisiteri za Siporo ndetse n’inzego z’Uburezi, no gushora imari mu kuzamura Basketball y’abagore ku mugabane wose.”

Amadou yanagaragaje ko imikorere myiza n’imiyoborere ihamye ari ingenzi cyane mu kubaka shampiyona irambye ndetse n’urusobe rw’umukino wa Basketball rukomeye muri Afurika.

Ku ruhande rw’Umuyobozi wa NBA Africa, Clare Akamanzi, yagaragaje ko umukino wa basketball urenze kuba siporo gusa, ahubwo ko ari isano ihuza ibice byinshi by’ubuzima n’ubukungu.

Yagize ati: “Basketball si Siporo gusa. Ni umuyoboro uhuza abantu. Ihuza umuziki, imyambarire, ubuvanganzo, ikoranabuhanga n’ibindi bice byinshi by’ubukungu rusange. Binyuze muri BAL, twishimira kugira uruhare mu guteza imbere ubukungu bushingiye ku guhanga udushya muri Afurika no kumenyekanisha ijwi ryayo ku rwego mpuzamahanga.”

Yakomeje ashimangira ko Basketball Africa League ari urubuga rukomeye rutuma Afurika igaragaza impano zayo no guteza imbere ubukungu bushingiye ku muco n’udushya, binyuze muri basketball.

Irushanwa rya Basketball Africa League (BAL) rifite intego nyamukuru yo guteza imbere umukino wa basketball ku mugabane wa Afurika, guha abanyempano amahirwe yo kwigaragaza no kugera ku rwego mpuzamahanga, ndetse no kubaka ubukungu bushingiye kuri siporo.

Ni irushanwa kandi riri gutera intambwe idasanzwe mu bukungu, aho bigaragara ko byibuze buri mwaka rifasha NBA Africa kuzamura ubukungu bwayo ku kigero cya 1000%.

Mu myaka 10 iri imbere, umusaruro urivamo biteganyijwe ko ugomba kuva kuri miliyoni 250$ ukagera kuri miliyari 4,5$, ndetse n’abagera ku bihumbi 650 bakaba babona akazi kubera wo.

Umuyobozi wa Basketball Africa League Amadou Gallo Fall

Mufti Sindayigaya, yabigarutseho mu kiganiro yagiranye n’itangazamakuru nyuma y’isengesho ry’umunsi mukuru w’igitambo (EID AL ADHA 2026) ryabereye kuri Kigali Pele Stadium i Nyamirambo ku rwego rw’Igihugu kuri uyu wa Gatatu tariki 27 Gicurasi 2026.

Ubwo Perezida Paul Kagame yagiranaga ubusabane n’Abayisilamu bo mu Rwanda, ku wa 25 Werurwe 2026, ni bwo umwe mu bayisilamu yamugaragarije imbogamizi bahura na zo zijyanye no kuba gutora Adhan mu gitondo bitagikorwa.

Icyo gihe yagize ati “Hari ikintu kitubabaza cyane, wenda ni uko tutasobanukiwe muradufasha. Rwose kuba guhamagarira abantu gusenga mu gitondo byarahagaze, biratubabaza kuba byaravuyeho. Kuriya bahamagara abantu ngo bajye gusenga mu gitondo ntabwo bikibaho.”

Umukuru w’Igihugu yahise amusubiza ko ibyo byoroshye kubisuzuma. Yagize ati “Ibyo biroroshye kubisuzuma na byo.”

Yahise asaba Minisitiri w’Ubutegetsi bw’Igihugu gusuzuma icyo kibazo, bakamenya niba ntacyakorwa gutora Adhan bigasubizwaho.

Aha niho Mufti Sindayigaya yabajijwe aho bageze bakurikirana ishyirwa mu bikorwa ubusabe bw’uwo muhamagaro wa mugitondo (Adhan), asubiza ko ubusanzwe mugitondo uretse kuba udatorerwa ku ndangururamajwi, mu musigiti ho bisanzwe bikorwa.

Yagize ati: "Byumvikane neza, Adhan ubundi iratorwa, kereka iya mugitondo kandi ubwo igishaka kuvugwa hano ni kundangururamajwi kuko iyo mu musigiti iratorwa. Izindi enye zisigaye zitorwa ku ndangururamajwi."

Yakomeje avuga ko nk’uko Umukuru w’Igihugu yabihaye umurongo akabishinga inzego zirimo Minisiteri y’Ubutegetsi bw’Igihugu, nk’Umuryango w’Abayisilamu na bo baticaye kuko bakomeje kubikurikirana.

Yagize ati: "Nibyo twarakurikiranye, maze kuvugana inshuro zitari nke na nyakubahwa Minisitiri w’Ubutegetsi bw’Igihugu ni nawe wari uhari barabimushinze kugira ngo abikurikirane rero turi gukorana, turavugana kandi yambwiye y’uko twihangana bari kureba inzira byakorwamo, ndumva rero turi gukora ibisabwa kandi nawe ari kubikurikirana."

Umihamagato wa Adhan cyangwa isengesho rya mu gitondo rigize amasengesho atanu aba agomba gukorwa n’Aba-Islam ku munsi, ibi bikaba biri mu bigize inkingi z’ukwemera kwabo. Uyu muhamagaro ukoreshwa n’indangururamajwi mu rwego rwo kwibutsa n’Aba-Islam badaturiye imisigiti.

Ku wa 15 Werurwe 2022 ni bwo Polisi yatangaje ko umuhamagaro wa mu gitondo (Adhan) ugamije gushishikariza Aba-Islam kwitabira amasengesho wahagaritswe kubera ko uteza urusaku, kandi bikaba bibujijwe n’amategeko.

Uyu muyobozi w’ishyaka Patriotes africains du Sénégal pour le travail, l’éthique et la fraternité (PASTEF) yabonye amajwi 132, umuntu umwe niwe wifashe mugihe nta majwi y’imfabusa yabayeho, bityo ishyaka rye ribona ubwiganze busesuye mu Nteko Ishinga Amategeko.

Aya matora abaye mu bihe bya politiki birimo umwuka utari mwiza mu Gihugu, kuko yabaye nyuma y’iminota mike Sonko asubijwe uburenganzira bwo kongera kwicara mu Nteko, ndetse n’abadepite batavuga rumwe n’ubutegetsi baje kuva mu cyumba cy’inteko mu gihe cyo kubara abari bitabiriye amatora.

Amatsinda y’abadepite batavuga rumwe n’ubutegetsi, barimo Takku-Wallu n’abandi badafite amashyaka babarizwamo, banenze iki gikorwa bavuga ko gifite impamvu za politiki.

Nyuma y’aya matora, Ousmane Sonko yafashe ubuyobozi bw’Inteko Ishinga Amategeko ya Sénégal, asimbuye El Malick Ndiaye, wari umaze kwegura kuri uwo mwanya.

Ku mugoroba wo ku wa 22 Gicurasi 2026, mu itangazo ryatambutse kuri televiziyo y’igihugu ya Sénégal nibwo Umunyamabanga mu biro bya Perezida, Oumar Samba Ba yavuze ko Perezida Bassirou Diomaye Faye yahagaritse mu nshingano Minisitiri w’intebe, Ousmane Sonko, kandi ko na guverinoma yose isheshwe.

Aya masezerano yasinywe kuri uyu wa Mbere tariki 25 Gicurasi 2025, aho agomba gutangira kugaragara mu myambaro y’iduka rya Flexx Now haba mu myitozo no mu kibuga mugihe cy’umukino harimo n’iyo mu irushanwa rya BAL.

Umuyobozi wa Flexx Now, Jean Jacques Koffi yavuze ko nk’iduka Nyafurika rigamije guteza imikino ku mugabane wa Afurika bishimiye gukorana na Craig Randall kuko ari amateka yo gukorana n’umukinnyi ukomeye kandi ukiri muto.

Yagize ati: "Twishimiye gukorana na Randall kuko aya ni amateka twanditse. Ntabwo twari guhusha amahirwe nk’aya yo gukorana n’umwe mu bakinnyi beza ba RSSB iri gukora amateka akomeye ku marushanwa yo ku Mugabane."

Yavuze kandi ko kuba barahisemo Craig Randall II mu bandi bakinnyi ba RSSB Tigers bijyanye no kuba ari umukinnyi uhuje n’intego ndetse n’icyerekezo bya Flexx Now.

Jean Jacques Koffi, yakomeje agira ati: "Nta brand nimwe ikora imyenda turabona ifasha Siporo Nyafurika, rero turifuza kugira urwo ruhare aho bishoboka hose. Haba mu buryo bw’ubushobizi, ubwa tekinike ndetse n’ibindi bitandukanye."

Yavuze ko muri 2021, ubwo hatangizwaga iduka rya Flexx Now, intego nyamukuru kwari uguteza imbere Siporo Nyafurika ku rwego mpuzamahanga harimo no gushyigikira impano z’abana bo mu bice by’icyaro mu kubafasha kubona ibikoresho bya Siporo no kugera ku nzozi zabo.

Yagize ati: "Turifuza gukora ibikorwa bifasha na ba bana bo hirya no hino mu Gihugu tukagera I Rusizi, Rubavu, Musanze na Huye aho batabasha kubona ibikoresho ariko nyamara bafite inzozi zo kuba abakinnyi ba Basketball cyangwa indi mikino bifuzamo iterambere."

Craig Randall II yishimiye intambwe yateye yo gusinyana amasezerano n’iduka Nyafurika rya Flexx Now, ashimye ikipe ya RSSB akinira n’ubuyobozi bwayo kuko kuba asinye amasezerano nk’aya, ari uko bamubaye hafi ndetse bikaba byararenze kuba Umuryango. Yashimye kandi papa we nk’umuterankunga ukomeye mu rugendo rwe.

Craig Randall II yishimiye intambwe yateye yo gusinyana amasezerano n’iduka Nyafurika rya Flexx Now

Uretse aya masezerano yasinywe hagati ya Flexx Now na Craig Randall, ubuyobozi bw’iri duka bwavuze ko bwifuza ko mu gihe cya vuba buzayagirana n’amakipe atandukanye yo mu Rwanda, harimo RSSB Tigers ndetse na APR Basketball Club.

Jean Jacques yagize ati: "Ibintu dukoranye na Randall turifuza no kubikorana n’abandi bakinnyi batandukanye tugafatanya mu rugendo."

Mu bandi bari bitabiriye isinywa ry’aya masezerano harimo n’Umugore wa Randall II usanzwe nawe ufitanye imikoranire na Flexx Now, yavuze ko yishimiye intambwe umugabo we ateye ndetse kandi ko adahwema kumushyigikira mu rugendo rwe.

Umuyobozi wa Flexx Now, Jean Jacques Koffi yavuze ko bishimiye gukorana na Craig Randall

Umubyeyi wa Randall II, nawe yashimye intambwe umuhungu we akomeje gutera mu mukino wa Basketball, ndetse ashimira by’umwihariko James Maye Jr., umutoza Mukuru wa APR BBC akaba umwungiriza muri RSSB Tigers muri iyi mikino ya BAL 2026, kuko yabaye imbarutso mu gutuma umuhungu we hari aho ageze uyu munsi ndetse ashimangira ko yiteguye ku mushyigikira kuri buri ntambwe ateye.

Leonard Craig Randall II w’imyaka 30 y’amavuko, ni umwe mu bakinnyi benshi mu bakomeje gukurikira irushanwa rya BAL 2026, bavuga ko ari gukora amateka muri iri rushanwa Nyafurika riri gukinwa ku nshuro ya Gatandatu binyuze mu kuba ari umwe mu basore b’abahanga mu gutsinda amanota menshi mu mukino umwe.

By’umwihariko mu mukino wabaye ku Cyumweru ubwo ikipe ya RSSB Tigers yasezereraga FUS Rabat yo muri Maroc, yatsinze amanota 43, ni mu gihe mu mukino wa mbere wabaye tariki 22 Gicurasi, nubundi ugahunza aya makipe yatsindaga amanota 38.

Ntabwo ari ibyo kuko Leonard Craig Randall yanditse amateka mashya yo kuba umukinnyi wa mbere muri BAL, watsinze amanota 54 n’atatu yatsinze inshuro 11 , mu mukino RSSB Tigers akinira yatsinzemo Dar City yo muri Tanzania amanota 104-92 muri Kalahari Conference.

Gutsinda amanota menshi mu mukino umwe wa Basketball Africa League, ni agahigo kari gasanzwe gafitwe na Jo Lual-Acuil Jr watsinze 42 mu 2024.

Uyu mukinnyi wa RSSB Tigers kandi yashyizeho akandi gahigo ko gutsinda amanota atatu inshuro nyinshi mu mukino umwe, aho yayatsinze inshuro 11, akuraho Axel Mpoyo wayatsinze inshuro 10 umwaka ushize.

Craig Randall II yari hamwe n’umugore we nawe usanzwe akorana na Flexx Now

U Rwanda na Qatar bisanzwe bifitanye umubano ukomeye mu nzego zirimo ubwikorezi bwo mu kirere, umutekano, ishoramari, no koroshya ingendo hagati y’ibihugu byombi. Ibihugu byombi bufite n’imishinga minini bihuriyeho harimo nko kubaka ikibuga mpuzamhaga cy’indege cya Kigali cyubakwa i Bugesera, n’ibindi.

Muri uru ruzinduko rw’akazi rw’umunsi umwe, Perezida Kagame yagiranye ibiganiro na Sheikh Tamim bin Hamad Al Thani, Umuyobozi w’Ikirenga (Amir) wa Qatar.

Perezida Kagame yakiriwe mu biro by’Umuyobozi w’Ikirenga wa Qatar bizwi nka Amiri Diwan, aho aba bayobozi bombi baganiriye ku mubano ukomeye ushingiye ku buvandimwe usanzwe uri hagati y’ibihugu byombi.

Ibiganiro byabo byibanze kandi ku gukomeza guteza imbere ubufatanye mu nzego zitandukanye zirimo ubucuruzi, ishoramari, ubwikorezi bwo mu kirere, ndetse n’izindi nzego zifitiye inyungu ibihugu byombi.

Abayobozi bombi banunguranye ibitekerezo ku bibazo by’Akarere ndetse n’ibireba urwego mpuzamahanga muri rusange aho bagaragaje ko bahuriye ku cyerekezo cyo gukomeza guteza imbere amahoro n’umutekano ku Isi.

Perezida Kagame yashimangiye ko u Rwanda rukomeje gushyigikira abaturage ba Qatar, anagaragaza ubushake bwo kurushaho gukomeza umubano n’ubufatanye hagati y’ibihugu byombi.

Uruzinduko Perezida Kagame yagiriye i Doha kuri iki Cyumweru, rugaragaza umubano mwiza n’ubufatanye bugenda burushaho kwaguka hagati y’u Rwanda na Qatar, cyane cyane mu bijyanye n’iterambere rirambye n’ubukungu.

Uyu muhango wayobowe n’Umuyobozi wa RWABAT-2, Lt Col Laurent Munana Kalisa, ari kumwe n’Umuyobozi w’Akarere ka Bossembele, Madamu Beatrice. Habayeho no gutanga ibikoresho bya siporo n’ibikoresho by’ishuri bigenewe urubyiruko.

Madamu Beatrice yashimiye RWABAT-2 ku ruhare rwayo mu guteza imbere imibereho myiza y’abaturage n’iterambere ry’ibikorwa bya siporo mu gace ka Bossembele.

Yashimye by’umwihariko igikorwa cyo gusana ikibuga cya Basketball, ndetse n’inkunga yatanzwe igizwe n’ibikoresho bya siporo n’ibyo mu ishuri, avuga ko ibyo byose bizafasha urubyiruko kugira ishyaka ryo kwitabira siporo no kwiga.

Muri iki gikorwa kandi habaye imikino ya gicuti yateguwe hagamijwe guteza imbere amahoro, ubumwe, kongerera ubushobozi urubyiruko, no gukomeza umubano mwiza hagati y’ingabo ziri mu butumwa bw’amahoro bwa MINUSCA n’abaturage.

Kabuga yari amaze imyaka itatu ari mu kigo cy’Umuryango w’Abibumbye mu Buholandi nyuma y’uko yari akurikiranweho ibyaha birimo gutera inkunga no gushishikariza abantu gukora Jenoside.

Urubanza rwe rwaburanishwaga n’Urugereko rw’Urukiko Mpanabyaha rwashyiriweho u Rwanda rwahawe kurangiza imanza z’insigarira (IRMCT) i La Haye mu Buholandi, rwari rwahagaritswe nyuma y’aho impuguke z’abaganga eshanu zasuzumye ubuzima bwa Kabuga, zikora raporo igaragaza ko ubuzima bwe n’ubushobozi bwo gutekereza bitamwemerera gukomeza urubanza.

Kabuga Félicien yafatiwe mu Bufaransa mu 2020, bishyira iherezo ku myaka 26 yari amaze yihishahisha, ahunga ubutabera bwari bumutegereje ngo aryozwe ibyo yakoze.

Ku wa 8 Nzeri 2023, urukiko rwafashe icyemezo cyo guhagarika urubanza igihe kitazwi, kubera ko Kabuga yabonwaga nk’utagifite ubushobozi bwo kuburana, runategeka ko akomeza gufungirwa ahakorera Umuryango w’Abibumbye kugeza igihe ikibazo cyo kumurekura by’agateganyo kizakemukira.

Mu gihe yitabaga Imana, Kabuga yari ategereje kurekurwa by’agateganyo no koherezwa mu gihugu cyemera kumwakira ku butaka bwacyo.

Muri uru ruzinduko, Perezida Doumbouya yitabiriye umuhango wo gutangiza ku mugaragaro Inama ya Africa CEO Forum 2026 yaberaga i Kigali, ihuza abayobozi bakuru b’ibigo bikomeye n’abashoramari baturutse hirya no hino ku mugabane wa Afurika no ku Isi.

Uretse ibyo kandi Perezida Kagame yanagiranye ibiganiro byihariye na Doumbouya, byibanze ku kurushaho guteza imbere ubufatanye hagati y’ibihugu byombi, cyane cyane mu nzego z’ubukungu, ishoramari n’iterambere rirambye.

Ni ubutumwa bw’ishimwe nyuma y’uko Niyonkuru Florence usanzwe ukinira Ikipe ya Sina Gérard AC, yegukanye umudali wa Feza muri aho yabaye uwa kabiri mu gusiganwa metero ibihumbi 10 muri Shampiyona Nyafurika riri kuba ku nshuro ya 24 kuva tariki ya 12 kugeza ku ya 17 Gicurasi 2026,.

Mu butumwa bwe, Minisitiri Mukazayire yashimangiye ko Florence yagaragaje ubwitange, imbaraga n’ubushobozi buhanitse, bitanga icyizere cy’ejo hazaza heza mu mikino ngororamubiri ku Rwanda.

Yagize ati: “Ni uko ni uko Florence. Komereza aho, ubutaha ni umudari wa zahabu uzatahana. Urashoboye kandi urashyigikiwe.”

Ni amagambo agaragaza icyizere Leta ifitiye abakinnyi b’Abanyarwanda, cyane cyane abakiri bato, bakomeje kugaragaza impano zabo ku rwego mpuzamahanga.

Imikino yo gusiganwa ku maguru iri mu zikomeje kuzamuka mu Rwanda, aho abakinnyi bagenda barushaho kwitwara neza mu marushanwa akomeye ku mugabane wa Afurika.

Niyonkuru umudali yegukanaga uje wiyongera ku wa zahabu watwawe na Imanizabayo Emeline muri iri rushanwa mu cyiciro cyo gusiganwa metero 5.000 mu bagore.

Kuri gahunda, Umutesi Uwase Magnifique usiganwa muri metero 200 niwe utahiwe kuri uyu wa Gatandatu, tariki ya 16 Gicurasi 2026 mu gihe ku Cyumweru, Iribagiza Honorine azasiganwa muri metero 800.

Niyonkuru Florence yegukanye umudali wa feza akoresheje iminota 31, amasegonda 43 n’ibice 73 akaba yarushijwe amasegonda 10 n’Umunyakenyakazi, Wanza Diana wakoresheje iminota 31, amasegonda 33 n’ibice 26.

Kiros Asefu Abrha wo muri Ethiopia, niwe wegukanye umwanya wa gatatu akoresheje iminota 31, amasegonda 45 n’ibice 91.

Ubwiza si ubushobozi. Ni isura umuntu afite, si igipimo cy’imbaraga, ubuhanga cyangwa ubushake bwo gukora umurimo runaka. Iyo bavuga ko hari imirimo idakwiye umukobwa mwiza, baba bavuga ko hari imirimo igenewe abagore badafite igikundiro cyangwa ko ubwiza bugomba kuba umutwaro uhoraho ugenga ubuzima bw’umuntu. Hano uvuze ko ibi bitumvikana neza mu Isi igendera ku mahirwe angana, ntabwo waba ubeshye.

Ikindi kandi, ni nko kubwira abakobwa ko ubwiza bwabo bugomba kubashyira mu gasanduku kamwe ko gukora mu biro, muri Banki, inyuma ya mudasobwa aho badahura n’umwanda cyangwa imirimo igoye. Imirimo nk’ubuhinzi, ubwubatsi, igisirikare cyangwa kuba Umupolisi ni inkingi zikomeye z’iterambere ry’Igihugu. Gusuzugura iyo mirimo uyihuza n’uko iyo ariyo cyangwa uko umuntu agaragara, ni nko kuyitesha agaciro.

Reka dufate urugero rwa hafi, ni urwa Sergeant Aline WIBABARA, nk’umukobwa ukorera mu mutwe ubarizwa mu Ngabo z’u Rwanda uzwi nka Military Police. Abantu bakunda kubona abasirikare babarizwa muri uwo mutwe bambaye ingofero zitukura. Rimwe na rimwe mu gihe cy’ibirori, bababona bari ku karasisi, batwaye ibendera ry’igihugu, mu muhanda bagenzura umutekano n’ahandi.

Uyu mukobwa ni umwe mu bo abantu bakunda gutangarira cyane ku masitade atandukanye kuko niwe ukunda gutwara moto igenda imbere y’imodoka y’ikipe y’Ingabo ya APR FC. Benshi mu bamubona usanga bavuga ngo yibeshye akazi kuko ubwiza afite ntabwo yakabaye yaragiye mu gisirikare, ni mugihe abandi usanga bamushyigikiye bati, "n’akorere urwamubyaye kuko niko kuba Nyampinga."

Uyu mukobwa muri Military Police ashinzwe ahanini kugenzura umutekano wo mu muhanda, ubwo yaganiraga n’itangazamakuru mu bihe byashize, yavuze ko uyu mwuga umutera ishema cyane ko nta mbogamizi ahura nazo kuko ibyo akora ari kimwe n’ibyo basaza be bakora.

Ati “Nta na kimwe njya mbona nk’imbogamizi. Ubutumwa naha abasivile n’abandi bari mu Ngabo z’u Rwanda, ni ugukunda umurimo.”

Yavuze ko akiri muto yakundaga gutwara moto, inzozi ze aza kuzikabya ageze muri RDF, aho ubu atwara moto agenzura umutekano wo mu muhanda.

Yasabye abakiri bato gukabiriza inzozi zabo muri RDF, ati “Buri kintu cyose ukunda aho uriho nagushishikariza gutinyuka kuko urashoboye ukaza muri RDF wagisangamo.”

Nubwo we ahamya ko ibyo akora bimutera ishema, hari abandi batabyimvise kimwe nawe ariko ahanini usanga bishingiye ku myumvire ishobora no gutesha abakobwa agaciro mu kazi kitwa ko gakomeye babona ko kagakwiye gukorwa n’abagabo gusa.

Kuba umuhinzi, umwubatsi, umusirikare cyangwa umupolisi si ibintu byoroshye. Ni imirimo isaba imbaraga, ikinyabupfura n’ubwitange. Iyo bavuga ko umukobwa mwiza atagomba kuyikora, ntawabura kutavuga ko baba bayisuzugura, kandi bikajyana no gusuzugura abari kuyikora bose.

Ariko se ni iki gituma iyi myumvire abantu batarayikuramo? Akenshi bishingiye ku muco w’igihe kirekire aho umugore yafatwaga nk’ugomba kwita ku rugo gusa cyangwa gukora imirimo “yoroheje.” Iyo myumvire yaje kwivanga n’ibitekerezo by’uko ubwiza bugomba kurindwa, bukabikwa nk’ikintu cy’agaciro gakomeye kitagomba “gukomeretswa” mu mirimo ifatwa nk’igoranye.

Ariko iyo urebye mu bihugu byateye imbere nko mu Bufaransa, abagore benshi uyu munsi bari mu gisirikare cy’Igihugu (French Armed Forces) ndetse no mu yindi mirimo igoye. Nta muntu uhitamo akazi ashingiye ku bwiza bwe ahubwo bareba ubumenyi n’ubushobozi afite.

Muri Afurika y’Epfo, uyu munsi abagore benshi uzasanga bakora mu nzego zitandukanye zirimo ubucukuzi bw’amabuye y’agaciro, muri Polisi n’igisirikare by’Igihugu. Politiki z’uburinganire zagiye zituma abagore benshi bagira amahirwe angana n’ay’abagabo, bityo ibitekerezo by’uko “ubwiza bugena akazi” bigenda bigabanuka.

Mu Nigeria, abagore baragenda bagaragara cyane mu nzego z’umutekano ndetse no mu mirimo isanzwe ifatwa nk’ivunanye. Nubwo hari imyumvire y’umuco ikiri muri icyo Gihugu igishaka kubashyira mu mirimo yo mu biro cyangwa mu bucuruzi bworoheje, ariko hari bamwe bamaze kubirenga bakora ibyo bifuza.

Mu gihugu cya Israel, abagore harimo n’abafite ubwiza bugaragara cyane benshi batangarira bakora mu gisirikare cya Israel Defense Forces ndetse ntibagarukira ku mirimo yo mu gisirikare yo mubiro gusa hari n’abajya ku rugamba, bagakora imyitozo ikomeye kimwe n’abagabo. Aha, ubwiza ntibwakabaye impamvu yo kubuza umuntu gukora umurimo yiyumvamo cyangwa akunda.

Mu Rwanda ho rwabaye Igihugu amahanga aza kwigiraho kuko abagore bamaze kwigaragaza mu nzego zitandukanye zifata ibyemezo no zindi zose zifite uruhare rukomeye mu iterambere ry’Igihugu.

Uyu munsi hari abakobwa benshi bari muri Rwanda National Police na Rwanda Defence Force, ndetse hari abandi benshi bakora ubuhinzi n’ubwubatsi bagaragaza ko nta kazi kagenewe igitsina runaka cyangwa uko umuntu asa. Hari n’abakobwa benshi bakora mu murima kandi bagahinga kijyambere, nubwo hari abakibabona bavuga bati “uri mwiza, ibi ntibikubereye, ntiwarukwiriye kwitwa umuhinzi.”

Nubwo hari abagifite imyumvire ishingiye ku muco n’amateka, uyu munsi Isi iri guhinduka ku muvuduko kuko hari abakobwa beza kandi bagaragaza ko ari bo muri imwe mu mirimo yitwa ko itababereye harimo nko mu buhinzi, mu bwubatsi, mu nzego z’umutekano, ndetse no mu zindi nzego zari zarafashwe nk’iz’abagabo gusa. Si uko bahinduye ubwiza bwabo, ahubwo ni uko bahisemo kudakumirwa n’imyumvire ishaje.

Mu by’ukuri, ikibazo si uko abantu bashima ubwiza kuko gushima ari byiza ahubwo ni uko babuvanga n’ubushobozi cyangwa amahitamo y’umuntu. Umukobwa mwiza afite uburenganzira bungana n’ubw’abandi bwo guhitamo icyo ashaka kuba cyo, yaba umuhinzi, umusirikare cyangwa umuyobozi ukomeye.

Ikibazo gikomeye kiri muri iyi myumvjre ni uko ituma abakobwa bamwe batinya kugerageza. Hari abashobora kwifuza kuba abasirikare, abubatsi cyangwa abahinzi, ariko bakabyanga kubera gutinya kuvugwa nabi cyangwa kumva ko “bitajyanye n’uko basa.” Ibi bishobora kubabuza kugera ku bushobozi bwabo.

Uyu munsi uwavuga ko igihe kigeze ngo abantu bahindure imvugo. Aho kuvuga ngo “uri mwiza ntukwiye gukora ibi,” ahubwo bavuga bati “uri mwiza kandi ushoboye gukora icyo ushaka.” Ibyo byafasha kubaka sosiyete iha agaciro umuntu wese, bitagendeye ku bwiza bwe ahubwo ku bushobozi bwe n’inzozi ze.

Gusa, u Rwanda nta gihugu bahanganye muri rusange kuko rwagaragaje isura itandukanye nk’Igihugu gito mu buso, ariko gifite ishusho ngari ku ruhando mpuzamahanga.

Urugendo rw’u Rwanda ntirushobora gusobanurwa neza utongeye gusubira mu mateka yarwo akomeye rwanyuzemo mu 1994, aho gihugu cyanyuze mu bihe bikomeye bya Jenoside yakorewe Abatutsi, byasize Igihugu gisenyutse mu nzego zose.

Nyuma y’icyo gihe, hatangiye urugendo rushya rwihuse rwibanze ku kugarura umutekano, kubaka inzego z’Igihugu, gushaka icyizere ku ruhando mpuzamahanga no kubaka ubukungu bushingiye ku igenamigambi. Izi mpinduka nizo zubatse umusingi w’Igihugu kigezweho uyu munsi.

Iyo witegereje nko mu myaka icumi ishize, u Rwanda rwagiye rwiyubakira izina ridasanzwe ku ruhando mpuzamahanga, cyane cyane nk’Igihugu gikundwa gusurwa no kwakirirwamo inama n’ibirori bikomeye. Kuva ku bayobozi b’ibihugu, abashoramari, abategura ibirori cyangwa se inama kugeza ku bahanzi n’abakerarugendo, ijambo risigara risubirwamo kenshi ni rimwe: “U Rwanda rurakora, kandi rukora neza.”

Ntabwo wavuga u Rwanda ngo wibagirwe Umurwa Mukuru warwo Kigali. Uyu munsi, Kigali ntikivugwa gusa nk’Umurwa Mukuru w’Igihugu, ahubwo uvugwa nk’ahantu hatoranyijwe ku rwego rwo hejuru mu kwakira inama n’ibirori bikomeye ku Isi.

U Rwanda ntirwibanda gusa ku kwakira inama, ahubwo rwubatse n’icyerekezo cyuzuye binyuze mu kitwa MICE (Meetings, Incentives, Conferences and Exhibitions). Ibi byatumye Kigali ihinduka kirango ku giti cyayo nk’ahantu ho gukorera inama mpuzamahanga kuko iyo abantu bavuga MICE muri Afurika, Kigali iza mu mazina ya mbere atangwaho urugero.

Benshi mu bageze mu Mujyi wa Kigali bitabiriye Inama n’ibirori bikomeye ku rwego mpuzamahanga, bahita bibonera impamvu abawusuye mbere bawita Umujyi uha ikaze Isi. Bamwe bavuga ko Kigali ari Umujyi uteguye neza, usukuye, utekanye kandi ufite ituze bitandukanye n’iy’indi Mijyi yo mu karere.

Abashyitsi benshi bavuga ko Kigali ibaha icyizere kuva bagikandagira ku kibuga cy’indege. Imihanda itunganyije neza, umutekano usesuye, n’uburyo ibintu byose bikorwa ku murongo bigatuma abaza mu nama cyangwa mu birori batibaza byinshi ku buryo bizagenda ahubwo bakibanda ku cyabazanye.

Ibi byose ndabihera ku nama ya Africa CEO Forum imaze iminsi ibiri ibereye mu Rwanda. Iyi nama yaje ikurikira ibindi bikorwa bikomeye mu Karere ariko byasize izina ritari ryiza. Ibyo bikorwa ni Inama ya Africa Forward Summit yaberaga muri Kenya yari yagarukaga cyane ku bufatanye bwa Afurika n’u Bufaransa.

Ntabwo ari muri Kenya gusa habaye igikorwa gikomeye kuko no muri Uganda tariki 12 Gicurasi 2026, Perezida Yoweri Kaguta Museveni yarahiriye kuyobora Uganda muri manda ya karindwi y’imyaka itanu, izasoza mu 2031. Ni ibirori byitabiriwe n’abakuru b’Ibihugu na za Guverinoma hirya no hino muri Afurika.

Ibi bikorwa byombi nubwo bikomeye ariko byasize umugani kubera imitegurirwe yabyo dore ko hanabayeho gushyamirana kwa bamwe mu barinzi b’abakuru b’Ibihugu.

Ntabwo aribyo gusa kuko Perezida Emmanuel Macron w’u Bufaransa yacecekesheje abantu mu nama ya Africa Forward Summit aho yari ari kumwe na Perezida William Ruto, ubwo mu cyumba cyaberagamo inama, bamwe bari bayitabiriye barimo basakuza biganirira ibyabo, bituma Macron ahaguruka ajya gufata indangururamjwi arabihaniza.

Perezida Macron yavuze ko bakoze amahano yo kutagira ikinyabupfura maze ababwira ko niba bashaka kuganira bajya hanze cyangwa mu zindi nzu, bagaha amahoro abasigaye bagomba gutega amatwi abari kuvuga.

Aha rero niho u Rwanda rubera igitangaza kuko ibyo ntabwo wabihasanga kuko imikorere nk’iyo idahwitse kandi igayisha Igihugu Abanyarwanda bamaze gusobanukirwa neza ikirezi bambaye.

Aha niho hagaragarira isura y’Igihugu gito gifite imikorere ihambaye. Hari ijambo benshi bakunda kugarukaho by’umwihariko mu basura u Rwanda, aho bagira bati: "Rwanda, a small country but efficient.”

Aha bishatse kuvuga ko ari igihugu gito mu buso, ariko gifite imikorere iri ku rwego rwo hejuru binyuze muri serivisi zihuse, kubahiriza igihe, no gukora ibintu mu buryo butunganye kuko ari bimwe mu bituma u Rwanda rutandukana n’ibindi bihugu byo mu Karere.

Uwavuga ko iki ari igitego cy’umutwe u Rwanda rwatsinze ntabwo yaba abeshye kuko ibi ari ingenzi cyane ku nama mpuzamahanga aho buri munota uba ufite agaciro.

Uburyo bwo gukora ibintu ku gihe ni kimwe mu bintu kitagaragara ariko bikomeye kuko hari ibintu abashyitsi benshi bagarukaho bibanezeza ku Rwanda mu bikorwa byo gutegura inama, ibintu bikagenda neza harimo protocole ikora neza, uburyo bwo gutwara abantu buteguwe, guhuza ibikorwa hagati ya leta n’abategura inama, serivisi zihuse kandi ziteguye neza.

U Rwanda rwashyize imbaraga mu kuba ahantu h’ishoramari n’inama mpuzamahanga, binyuze mu koroshya urujya n’uruza binyuze mu gukuraho VISA ku baturage bose baturuka mu bihugu bya Afurika, kubaka ibikorwaremezo no gushora imari mu bikorwa byakira abashyitsi.

Mu myaka ishize, u Rwanda rwakiriye inama n’ibirori byahinduye isura yarwo ku Isi, harimo nka CHOGM mu 2022, iyi ikaba ari Inama y’abakuru b’ibihugu byo mu muryango ukoresha ururimi rw’icyongereza (Commonwealth) yabereye i Kigali, ihuza abayobozi bakomeye ku isi, igaragaza ubushobozi bw’u Rwanda bwo kwakira inama zo ku rwego rwo hejuru.

U Rwanda rwakiriye kandi Kongere ya 73 y’Ishyirahamwe ry’Umupira w’Amaguru ku Isi kemeje ko (73rd FIFA Congress) yabereye i Kigali ku wa 16 Werurwe 2023. Iyi nama ikomeye yitabiriwe n’abashyitsi barenga 2000, yanemejemo ko Gianni Infantino yongera gutorerwa kuyobora FIFA. Iyi nama kandi ni imwe mu zinjirije u Rwanda asaga miliyari 10 Frw.

Ntabwo ari iyo gusa mu bikorwa bikomeye ku Isi muri Siporo kuko rwakiriye n’Inama y’Inteko Rusange y’Ishyirahamwe ry’Umukino wo Gusiganwa ku Modoka ku Isi (FIA - Fédération Internationale de l’Automobile) ku nshuro ya mbere byari bibayeho muri Afurika. Iyi nama ikomeye yabereye muri Kigali Convention Centre ku wa 13 Ukuboza 2024.

Tukiri muri Siporo n’amarushanwa mpuzamahanga ntabwo twakwibagirwa, Basketball Africa League – BAL u Rwanda rwatangiye kwakira kuva 2021 ndetse uyu mwaka kuva tariki 22 kugeza ku ya 31 Gicurasi hategerejwe imikino ya nyuma izabera muri BK Arena.

Hari kandi Shampiyona y’Isi y’Amagare ya 2025 (UCI Road World Championships) yabereye mu Rwanda kuva tariki 21-28 Nzeri 2025, ikaba ari ubwa mbere yari ibereye ku mugabane wa Afurika mu mateka yayo y’imyaka 103 ndetse nyuma y’uko igenze neza, Umujyi wa Kigali uherutse guhabwa igihembo cyitwa “UCI Bike City Label Award” nk’ishimwe ry’uko wakiriye neza iyi Shampiyona.

Hari kandi na bimwe mu bikorwa bikomeye by’imyidagaduro byagiye bibera mu Rwanda, harimo ibihembo bya Trace Awards & Festival byatangiwe i Kigali mu 2023, bikaba bimwe mu bihembo bikomeye mu muziki wa Afurika, bikitabirwa n’abahanzi bakomeye ku mugabane wa Afurika no hanze yawo.

Hari kandi ibitaramo bya Move Afrika bitegurwa na Global Citizen, byatangiye kubera mu Rwanda mu 2023 bikazageza mu 2028, aho ku ikubitiro Umujyi wa Kigali wakiriye icyamamare mu njyana ya Hip Hop, Kendrick Lamar, hakurikiraho John Legend ndetse n’umuraperikazi Doja Cat.

Uwavuga ibikorwa bikomeye u Rwanda rwagiye rwakira ntiyabimara ndetse n’uburyo byagiye bigaragaza ubushobozi bw’Igihugu mu kwakira inama n’ibirori mpuzamahanga.

Impamvu u Rwanda rwahisemo kuba nk’igicumbi cy’inama n’ibikorwa mpuzamahanga, abasesenguzi n’abategura inama mpuzamahanga bashima ko bimwe mu bikunze kwibandwaho byose Igihugu cyabishyize ku murongo birimo umutekano wizewe ugereranyije n’Akarere imitegurire myiza ndetse no kuba Igihugu kiri ku murongo, gukorera ku gihe, ibikorwa remezo bigezweho birimo hoteli nziza n’inzu zakira inama zigezweho, Politiki ishyigikira ishoramari n’inama mpuzamahanga byose ariko bikajya n’Isura y’igihugu cyifuzwa ku ruhando mpuzamahanga.

Ukurikije byinshi biri muri iyi nkuru, usanga atari inkuru ishingiye ku kuba u Rwanda ari Igihugu cyahiriwe gusa, ahubwo ko ari inkuru y’Igihugu cyahisemo icyerekezo. Mu gihe ibindi bihugu byo mu karere bikiri mu rugendo rwo kwagura ubushobozi bwo kwakira inama mpuzamahanga, u Rwanda rwamaze kwinjira mu cyiciro cy’ibihugu bifatwa nk’ihuriro ry’isi.

Babivugiye mu nama ya Africa CEO Forum 2026 (#ACF2026) iri kubera i Kigali, berekana ko impamvu ubwishingizi muri Afurika bukiri hasi atari uko ibyago ari ibintu bidashobora kwishingirwa, ahubwo ari uko hatigeze hubakwa uburyo buhamye bwo kubigenzura.

Ingingo bagarutseho zikubiyemo ubwishingizi bw’amasezerano hagati y’umuntu n’ikigo cy’ubwishingizi ndetse n’ubwishingizi ibigo by’ubwishingizi ubwabyo bigura (Insurance and reinsurance).

Guverineri Soraya Hakuziyaremye yavuze ko ubwishingizi bugenda burushaho kugira uruhare rukomeye mu kubaka sisitemu z’imari zigezweho.

Yagize ati:“Ubwishingizi buragenda buba inkingi ikomeye muri sisitemu z’imari z’iki gihe. Bugira uruhare rukomeye mu kongera ubushobozi bwo guhangana n’ibibazo by’ubukungu, kurinda ishoramari, n’iterambere ridaheza.”

Yongeyeho ko iyo igihugu gifite urwego rw’ubwishingizi rukomeye, gifasha abaturage n’ibigo guhangana n’ingaruka z’ibiza n’ibihinduka mu bukungu, bityo bikagira uruhare mu kuinda ishoramari n’iterambere ry’Igihugu.

Mu kugaragaza icyerekezo cy’u Rwanda, Guverineri Soraya yavuze ko kugera ku ntego z’iterambere Igihugu cyihaye bisaba urwego rw’ubwishingizi rukomeye kandi rufasha buri wese.

Yagize ati: “Kugira ngo u Rwanda rugere ku ntego yo kuba igihugu gifite ubukungu buteye imbere mu buryo buringaniye (upper middle income) mu 2035, no kuba igihugu gifite ubukungu buhanitse mu mwaka wa 2050, bizasaba urwego rw’ubwishingizi rukomeye, rudaheza kandi mu buryo burambye, rushobora kurinda abaturage, ibigo ndetse n’ishoramari rya Leta ku bibazo bishobora kuvuka.”

Binyuze muri gahunda ya National Insurance Strategy, u Rwanda ruri kubaka urwego rw’ubwishingizi rufite icyerekezo gisobanutse kandi gishingiye ku iterambere rirambye.

Guverineri Soraya yasobanuye ko uru rwego rugamije gushyira ku isonga abaturage (people-centered), rushingiye ku ikoranabuhanga (technology-driven), rwifashishwa mu bijyanye n’imari kandi rugahuzwa n’intego rusange z’iterambere ry’Igihugu.

Yagize ati: “Iyi gahunda igamije kubaka urwego rw’ubwishingizi rukomeye rurinda abaturage n’ibigo ibyago, rukusanya imari y’igihe kirekire, kandi rugashyigikira iterambere rutagira uwo risiga inyuma.”

Abitabiriye iyi nama bagaragaje ko Afurika ikwiye guhindura imyumvire ku bwishingizi, ikabufata nk’ibikorwaremezo by’ingenzi mu bukungu bw’Ibihugu kimwe nk’imihanda, amashanyarazi cyangwa ikoranabuhanga.

U Rwanda ruri mu bihugu bigaragaza ko bishoboka, aho ruri gushyira imbaraga mu kubaka uru rwego mu buryo buteguwe neza, hagamijwe kurushaho kongera ubushobozi bw’ubukungu bwo guhangana n’ibibazo mu kubaka iterambere rirambye.

Imibare ya Banki Nkuru y’Igihugu (BNR) igaragaza ko agaciro kose k’urwego rw’ubwishingizi mu Rwanda kikubye inshuro zirenga ebyiri mu myaka itandatu, kagera kuri miliyari 1.212,3 Frw mu 2025.

Iyo mibare igaragaza ko mu 2019 agaciro k’urwego rw’ubwishingizi rwose kari miliyari 505.574 Frw ariko byageze muri Kamena 2025 kageze kuri miliyari 1.212,3 Frw.

Iyo mibare kandi igaragaza ko habayeho ubwiyongere bwa miliyari 71 Frw mu mezi atandatu kuko kuva mu Ukuboza 2024, agaciro kose k’urwego rw’ubwishingizi mu Rwanda kari miliyari 1.141,1 Frw.

BNR igaragaza ko kugeza muri Kamena 2025 mu Rwanda hari ibigo 18 by’ubwishingizi birimo 16 byigenga na bibiri bya Leta, ari byo RSSB na MMI bitanga ubwishingizi mu buvuzi.

Muri ibyo harimo icyenda bikora bitanga ubwishingizi butari ubw’ubuzima, bitatu bitanga ubw’ubuzima, kimwe gitanga ubwishingizi bw’ab’amikoro make, kimwe gitanga ubwishingizi bw’ikigo ubwacyo, kimwe gitanga ubwishingizi bw’ubuvuzi ndetse n’ubwisungane mu kwivuza (Mutuelle de Santé).

Urwego rw’ubwishingizi rugizwe n’abahuza mu by’ubwishingizi 14, abahuza b’ubwishingizi bw’inyongera babiri n’ababatanga serivisi z’ubwishingizi binyuze mu mabanki 11.

Urwego rw’ubwishingizi mu Rwanda rwabarirwaga agaciro ka 1,9% by’umusaruro mbumbe w’igihugu mu 2024 gusa biteganyijwe ko urwo rwego ruzaba rubarirwa agaciro ka 3,2% byawo mu 2029.

Kugira ngo ibyo bigerweho, BNR igaragaza ko iri gutegura amavugurura y’urwego rw’ubwishingizi azasiga hashyizweho ingamba nshya.

Yabigarutseho mu gutangiza ku mugaragaro inama y’iminsi ibiri ya Africa CEO Forum ya 2026, ihurije hamwe abakuri b’Ibihugu, abavuga rikumvikana mu rwego rw’abikorera muri Afurika barimo abacuruzi bakomeye, abayobozi b’ibigo, abashoramari n’abandi.

Yasobanuye ko muri iki gihe abashoramari badahubukira aho bashora amafaranga yabo, kubona inguzanyo nabyo bikaba bigoye kandi bihenze, uruhererekane rw’ibicuruzwa rukaba rugenda ruvugururwa ndetse n’ikoranabuhanga rikaba rikomeje guhindura inzego zose z’ubukungu.

Umuyobozi wa RDB kandi yavuze ko nubwo bimeze bityo, Afurika ifite amahirwe akomeye ashingiye ku mubare munini w’urubyiruko rwayo, imijyi iri kwaguka, izamuka ry’ibicuruzwa bikenerwa, ndetse n’imbaraga zishingiye ku bakiri bato bazavamo abakozi bazagira uruhare rukomeye mu bukungu bw’Isi mu myaka iri imbere.

Yashimangiye ko ikibazo nyamukuru ari uguhindura ayo mahirwe akavamo iterambere rifatika kandi mu buryo bwagutse, binyuze mu kubaka ibigo bikomeye bishobora guhangana ku rwego mpuzamahanga, guteza imbere amasoko, gushora imari mu bikorwa remezo, no gushyiraho uburyo bworohereza ubucuruzi n’ishoramari hagati y’ibihugu bya Afurika.

Jean-Guy Afrika, yanagarutse ku kamaro k’ubufatanye hagati ya Leta n’abikorera, agaragaza ko Leta zigomba gushyiraho uburyo bwizewe, bugabanya inzitizi mu ishoramari n’ubucuruzi, mu gihe abikorera bagomba gushora imari, guhanga udushya bagafasha kubaka ibigo bikomeye Afurika ikeneye kugira ngo irusheho gutera imbere.

Ku ruhande rw’Umuyobozi Mukuru wa Jeune Afrique Amir Ben Yahmed yagaragaje ko isi ikomeje guhura n’ibibazo bivuka buri munsi, bikagira ingaruka zikomeye kuri Afurika.

Yatanze ingero zirimo imihindagurikire y’ikirere, icyorezo cya COVID-19, n’intambara y’u Burusiya na Ukraine, agaragaza ko ibyo byose usanga Afurika hari igiciro cyabyo igomba kwishyura.

Yakomeje agaragaza ko Afurika ifite amahitamo abiri, ariyo gukomeza kwishyura igiciro cy’ibibazo bitayiturutseho, cyangwa gufata icyemezo cyo kwiyubakira ubushobozi buyifasha kugira ijambo rikomeye ku rwego mpuzamahanga.

Aba bakuru b’ibihugu byombi bagiranye ibiganiro byibanze ku guteza imbere ubufatanye hagati y’ibihugu byombi, by’umwihariko mu nzego zirimo umutekano, ubucuruzi n’ishoramari.

Perezida Chapo ari i Kigali aho yitabiriye ku nshuro ya 13 inama ya Africa CEO Forum, ihuza abakuru b’ibihugu, abikorera n’abafatanyabikorwa mu iterambere, mu rwego rwo gushimangira ubufatanye no guteza imbere ubukungu ku mugabane wa Afurika. Ni Inama iteganyijwe kuva kuri uyu wa 14 kugeza ku wa 15 Gicurasi 2026.

Aba bayobozi baganiriye ndetse no ku bibazo by’umutekano biri hirya no hino ku mugabane wa Afurika, ndetse n’ingingo z’ingenzi ku rwego mpuzamahanga zifitiye inyungu u Rwanda na Mauritania.

Perezida Ghazouani ari mu Rwanda aho yaje kwitabira ibikorwa by’Inama ya Africa CEO Forum izaba kuva kuri uyu wa Kane tariki ya 14 kugeza ku ya 15 Gicurasi, muri Kigali Convention Center, ikazahuza abakuru b’ibihugu, abikorera n’abafatanyabikorwa mu iterambere bagamije guteza imbere ubukungu n’ishoramari ku mugabane wa Afurika.

Abakuru b’Ibihugu byombi, bagiranye ibiganiro byibanze ku gushimangira umubano usanzwe uzira amakemwa hagati y’u Rwanda na Nigeria, by’umwihariko mu nzego z’ingenzi zirimo ubucuruzi, ingufu n’ubufatanye mu by’umutekano n’igisirikare.

Nyuma y’ibiganiro byabereye mu biro by’Umukuru w’Igihugu, Perezida Kagame yakiriye ku meza Tinubu n’itsinda ayoboye.

Perezida wa Nigeria, Bola Ahmed Tinubu, yashimiye mugenzi we w’u Rwanda Paul Kagame wamwakiranye urugwiro akigera i Kigali mu Rwanda ndetse no ku biganiro by’ingirakamaro bagiranye bigamije kurushaho gushimangira umubano usanzwe uzira amakemwa hagati y’ibihugu byombi.

Ni ubutumwa yagarutseho nyuma y’ibiganiro yagiranye na Perezida Kagame ku gicamunsi cyo kuri uyu wa Gatatu muri Village Urugwiro. Perezida Tinubu ari mu Rwanda aho yitabiriye Inama ya Africa CEO Forum iteganyijwe kuva kuri uyu wa 14 kugeza ku wa 15 Gicurasi 2026.

Perezida Tinubu yavuze ko Nigeria n’u Rwanda basobanukiwe neza iby’ingenzi Afurika ikeneye muri iki gihe, ashimangira ko umugabane ugomba kongera ibikorwa byubucuruzi hagati y’ibihugu biwugize, kwihutisha urujya n’uruza rw’ibicuruzwa no kunoza imikoranire y’amasoko kugira ngo abikorera babone amahirwe yo guhangana ku rwego rwagutse.

Aba bakuru b’Ibihugu byombi kandi baganiriye ku kwagura ubucuruzi hagati y’u Rwanda na Nigeria, ndetse kandi hatangiye n’ibiganiro na Sosiyete Nyarwanda y’ubwikorezi bwo mu kirere (RwandAir) bigamije gushyiraho uburyo bw’igiciro kidahindagurika (flat rate) cyafasha abacuruzi bo muri Nigeria kohereza ibicuruzwa byabo mu buryo butekanye kandi buhoraho hirya no hino ku mugabane wa Afurika.

Perezida Tinubu yagaragaje kandi ko nk’ibihugu bishyigikiye ishyirwa mu bikorwa ry’isoko rusange rya Afurika (African Continental Free Trade Area - AfCFTA), Nigeria n’u Rwanda byiyemeje gukomeza gukorana mu guteza imbere ubucuruzi bwifashisha ikoranabuhanga, kwagura amahirwe yo kugera ku masoko hirya no hino ariko kandi bikajyana no gukuraho inzitizi zibangamira iterambere ry’ubucuruzi ku mugabane wa Afurika.

Byongeye kandi, Nigeria yagaragaje ko yiteguye kwakira Inama y’Abaminisitiri bashinzwe ishyirwa mu bikorwa ry’isoko rusange rya Afurika (AfCFTA) ndetse n’Ihuriro ku bucuruzi bw’ikoranabuhanga (Digital Trade Forum) muri Kamena uyu mwaka.

Yanatangaje kandi ko Igihugu cye cyiteguye kwakira imurikaguriaha rihuza ibihugu bya Afurika (Intra-African Trade Fair - IATF) ndetse na Creative Africa Nexus (CANEX) biteganyijwe kuva tariki ya 5 kugeza ku ya 11 Ugushyingo 2026, ndetse no mu mwaka uzakurikiraho wa 2027 mu Ugushyingo, aho bizahuriza kamwe umugabane wa Afurika n’isi muri rusange.

Madamu Mushikiwabo aje mu Rwanda mu gihe Kigali iri kwitegura kwakira iyi nama mpuzamahanga ihuza abayobozi b’ibigo bikomeye, abafata ibyemezo mu nzego za Leta n’abashoramari baturutse hirya no hino ku Isi, bagamije kuganira ku iterambere ry’ubukungu bwa Afurika n’uruhare rw’abikorera.

Ubwo yari ageze ku Kibuga Mpuzamahanga cy’Indege cya Kigali, ku gicamunsi cyo kuri wa 13 Gicurasi 2026, Chapo yakiriwe na Minisitiri w’Ubutabera akaba n’Intumwa Nkuru ya Leta, Emmanuel Ugirashebuja n’abandi bayobozi barimo Umugaba Mukuru w’Ingabo z’u Rwanda (RDF), Gen MK Mubarakh.

Ku Kibuga Mpuzamahanga cy’Indege cya Kigali, yakiriwe na Minisitiri w’Ubumwe bw’Abanyarwanda n’Inshingano Mboneragihugu, Jean-Damascène Bizimana.

Ku Kibuga Mpuzamahanga cy’Indege cya Kigali, kuri uyu wa 13 Gicurasi 2026, yakiriwe na Minisitiri w’Umutekano imbere mu gihugu, Dr. Vincent Biruta.

Ubwo yari ageze ku Kibuga Mpuzamahanga cy’Indege cya Kigali, kuri uyu wa 13 Gicurasi 2026, yakiriwe na Minisitiri w’Ingabo, Juvenal Marizamunda.

Iyi nama ya Africa CEO Forum izabera i Kigali kuva kuri uyu wa 14-15 Gicurasi 2026, ihuriza hamwe abafata ibyemezo mu nzego zitandukanye, baganira ku buryo bwo guteza imbere ubufatanye hagati ya Leta n’abikorera, guteza imbere inganda, no gushaka ibisubizo by’ibibazo byugarije ubukungu bw’Afurika.

Gnassingbé yakiriwe ku Kibuga Mpuzamahanga cy’Indege cya Kigali na Minisitiri w’Ingabo, Juvenal Marizamunda.

Biteganyijwe ko muri uru ruzinduko, aza kugirana ibiganiro n’abayobozi batandukanye b’u Rwanda, birimo na Perezida Paul Kagame, ku bijyanye n’ubufatanye mu nzego zirimo ubucuruzi, ubukungu n’iterambere rusange.

Perezida Mamadi Doumbouya, akigera ku ku Kibuga Mpuzamahanga cy’Indege cya Kigali, yakiriwe na Minisitiri w’Ingabo, Juvenal Marizamunda.

Africa CEO Forum, ihuza abayobozi b’ibigo bikomeye, abakuru b’ibihugu n’abandi bafata ibyemezo mu rwego rw’ubukungu, bagamije kuganira ku iterambere ry’ishoramari, ubufatanye n’iterambere rirambye ku mugabane wa Afurika.

Undi wageze mu Rwanda ni Minisitiri w’Intebe wa Côte d’Ivoire, Robert Beugré Mambé nawe uje muri Africa CEO Forum.

Uyu muyobozi yakiriwe na Minisitiri w’Ubumwe bw’Abanyarwanda n’Inshingano Mboneragihugu, Jean-Damascène Bizimana.

Africa CEO Forum ni inama izenguruka mu bihugu bya Afurika. U Rwanda rugiye kuyakira ku nshuro ya gatatu kuko ku nshuro ya mbere rwayakiriye mu 2019, rwongera kuyakira mu 2024.

Ibi biganiro bagiranye nyuma y’inama ya Africa Forward Summit yaberaga i Nairobi, byibanze ku bufatanye busanzweho hagati y’u Rwanda na IFAD, cyane cyane iterambere ry’icyaro, impinduka mu buhinzi no kongerera ubushobozi abahinzi bato kugira ngo babashe guhangana n’ibibazo bitandukanye.

Abayobozi bombi kandi banasuzumye uburyo bwo kurushaho gushimangira ubufatanye hagamijwe guteza imbere ubukungu bugera kuri bose, ubushobozi bwo kugera ku masoko no guteza imbere uruhare rw’abikorera mu rwego rw’ubuhinzi.

Perezida Kagame yabigarutseho mu nama yahuje abayobozi b’ibigo bikomeye byo muri Afurika n’u Bufaransa baganira ku guteza imbere inganda zitangiza ibidukikije no guhindura uburyo bwo kubona no gukoresha ingufu zidahumanya ikirere.

Umukuru w’Igihugu yabajije niba ibi atari akarengane, ashimangira ko iyo witegereje ariko bimeze, ariko avuga ko Abanyafurika bagomba mbere na mbere kwiyemeza gufata inshingano zo kwiyubakira ejo hazaza habo.

Yavuze ko nta muyobozi uwo ari we wese ku isi, kabone n’iyo yaba ayobora igihugu gikomeye gute, ushobora gukemura ibibazo bya Afurika kurusha Abanyafurika ubwabo.

Yagize ati: "Nk’Abanyafurika, tugomba kubanza gufata inshingano mbere y’uwo ariwe wese. Nta muyobozi n’umwe ku Isi, kabone n’iyo yaba ayobora Igihugu gikomeye gute, uzaza gutabara umugabane wacu ibibazo byawo."

Perezida Kagame yibukije ko iterambere rirambye ry’umugabane wa Afurika rishingiye ku bushake n’imbaraga z’abaturage bawutuye.

Yashimangiye ko ibiganiro nk’ibi bikwiye kuba urubuga rwo gushakira hamwe ibisubizo, asaba ubufatanye bwimbitse hagati y’ibihugu n’abikorera kugira ngo Afurika ishobore kwigibotora imbogamizi ziyiri imbere.

Ibi biganiro byabaye nyuma y’inama y’ubufatanye bwa Afurika n’u Bufaransa yahawe izina rya ‘
Africa Forward Summit, igomba kuvamo imyanzuro y’ubufatanye hagati y’impande zombi.

Uyu musangiro wari ugamije kwakira mu cyubahiro abakuru b’ibihugu n’abayobozi batandukanye bitabiriye inama y’ubufatanye bwa Afurika n’u Bufaransa (Africa Forward Summit), mu rwego rwo kuganira ku iterambere ry’umugabane wa Afurika, ubufatanye mu by’ubukungu ndetse n’icyerekezo cy’ahazaza hawo.

Abayobozi kandi bagize umwanya wo kuganira no kurushaho gushimangira umubano n’ubufatanye hagati y’ibihugu byabo, mu rwego rwo guteza imbere imibereho myiza y’abaturage ba Afurika.

Iyi nama yitabiriwe n’abantu barenga 4000 barimo abakuru b’ibihugu na za guverinoma barenga 25, abashoramari n’abahanga ibishya.

Iyi myitozo ibaye ku nshuro ya 14 yatangiye ku mugaragaro kuva kuri uyu wa Mbere tariki 11 Gicurasi 2026, ifatwa nk’intambwe ikomeye mu gushimangira amahoro, umutekano n’ubufatanye bwa gisirikare hagati y’ibihugu bigize EAC.

Iyi myitozo izamara ibyumweru bitatu ikaba ifite insanganyamatsiko igira iti: “Gushimangira ubufatanye n’ubushobozi bw’Akarere mu kubungabunga amahoro, umutekano n’ubudahangarwa”.

Yahuje ingabo n’abafatanyabikorwa bo mu karere mu by’umutekano hagamijwe gukomeza uburyo bwo guhuriza hamwe imbaraga mu by’umutekano no kongera ubushobozi bwo guhangana n’ibibazo bigendanye nawo.

Ibihugu byitabiriye iyi myitozo ni u Rwanda, Kenya, u Burundi, Uganda na Tanzania, mu gihe Somalia yitabiriye nk’indorerezi.

Iyi myitozo yahuje abantu 342 baturutse mu nzego za gisirikare, polisi, abasivili n’izindi nzego zifite aho zihuriye n’ibikorwa byo kubungabunga amahoro n’umutekano mu karere.

Iyi myitozo ije mu gihe Akarere gahanganye n’ibibazo by’umutekano birimo iterabwoba, ibyaha bikorwa byambukiranya imipaka, ibitero by’ikoranabuhanga, ibiza n’ibindi bisaba ubufatanye bw’ibihugu mu kubihashya.

Iki gihembo gitanzwe nyuma y’uko u Rwanda rwakiriye neza amarushanwa ya UCI Road World Championships 2025, kikaba kinashimangira intambwe Umujyi wa Kigali ukomeje gutera mu guteza imbere ubwikorezi burengera ibidukikije (green mobility) n’ibikorwa bigamije kurengera ibidukikije.

Ibi bikorwa birimo guteza imbere imihanda n’ibikorwaremezo byifashishwa n’amagare, guteza imbere ubwikorezi mu buryo burambye no guteza imbere uburyo bwo gutwara abantu n’ibintu butangiza ibidukikije.

Iri shimwe rigaragaza ubushake bw’u Rwanda bwo guteza imbere umukino w’amagare, gushyigikira ubwikorezi mu buryo burambye no kwakira amarushanwa mpuzamahanga ku rwego rwo hejuru.

Shampiyona y’Isi y’Amagare 2025 (UCI Road World Championships) yatangiye ku mugaragaro ku wa 21 isozwa ku wa 28 Nzeri 2025 i Kigali, mu Rwanda.

Ni amateka u Rwanda rwanditse kuko aricyo gihugu cya mbere ku mugabane wa Afurika cyakiriye iri siganwa rikomeye mu mateka y’umukino w’amagare ku Isi, ibyumvikanisha ko ari bwo bwa mbere rikandagiye kuri uyu mugabane.

Ni isiganwa ryashyizweho akadomo ryegukanywe n’umunya Slovenia w’imyaka 27 Tadej Pogacar wari wongeye kuryisubiza.

Minisitiri Nkulikiyinka yagiriye uruzinduko muri Comoros ku wa 8 Gicurasi 2026, mu ruzinduko rwari rugamije kurushaho gushimangira umubano umaze igihe kirekire hagati y’u Rwanda na Comoros.

Minisitiri Hon. Nkulikiyinka yashyikirije Perezida Azali Assoumani ubutumwa bwa mugenzi we Paul Kagame, bwari bukubiyemo gushimangira umubano mwiza ushingiye ku bucuti, ubufatanye n’icyizere bisanzwe bihuza ibihugu byombi.

Uru ruzinduko rwagaragaje ubushake bw’u Rwanda na Comoros bwo gukomeza guteza imbere ubufatanye bufitiye inyungu impande zombi, no guteza imbere imikoranire ku rwego rw’Akarere mu rwego rwo gushyigikira iterambere rirambye mu by’ubukungu.

Muri urwo ruzinduko kandi Minisitiri w’Abakozi ba Leta n’Umurimo, Hon. Christine Nkulikiyinka, yagiranye ibiganiro na Hon. Said Mohamed Ali Said, Minisitiri ushinzwe Urubyiruko, Umurimo, Siporo, Ubuhanzi n’Umuco w’Ibirwa bya Comoros.

Ibiganiro byabo byibanze ku ngingo zifitiye inyungu ibihugu byombi, ndetse n’amahirwe yo kurushaho guteza imbere ubufatanye hagati y’u Rwanda na Comoros, cyane cyane mu bijyanye n’umurimo, guhanga imirimo no guteza imbere imitangire ya serivisi za Leta.

Ibi biganiro kandi byongeye gushimangira akamaro ko gukomeza ubufatanye no gusangira ubunararibonye mu rwego rwo guteza imbere inzego za Leta zikora neza no kugera ku iterambere rirambye mu mibereho n’ubukungu.

Minisitiri Hon. Christine Nkulikiyinka, yahuye ndetse agirana ibiganiro n’Abanyarwanda batuye mu Birwa bya Comoros agaragaza ko Leta y’u Rwanda ikomeje gushyira imbaraga mu gukomeza umubano n’Abanyarwanda baba mu mahanga no guteza imbere ubumwe bwabo aho bari hose.

Ibiganiro bagiranye kandi byibanze ku mibereho y’abo muri Diaspora, uruhare rwabo mu iterambere ry’u Rwanda, ndetse n’akamaro ko gukomeza kubungabunga indangagaciro, umuco n’icyubahiro by’u Rwanda kabone nubwo baba bari mu mahanga.

Minisitiri Nkulikiyinka yongeye gushimangira ko Leta yiyemeje gukomeza gushyigikira no gukorana bya hafi n’Abanyarwanda batuye hirya no hino ku Isi.

U Rwanda na Comoros bifitanye umubano mwiza ushingiye ku butwererane mu bya Dipolomasi.

Muri Mutarama 2023 ibihugu byombi byasinyanye amasezerano agamije guteza imbere umuco, siyansi mu birebana na tekiniki, urwego rw’imari, ubukungu n’izindi nzego zifitiye akamaro abaturage bo ku mpande zombi.

Mu gihe umwuka mubi hagati ya Leta Zunze Ubumwe za Amerika na Iran ukomeje gufata indi ntera nyuma y’intambara imaze amezi abiri arenga, umuhora wa Hormuz ukomeje kuba ihuriro rikomeye ry’inyungu z’ubukungu n’umutekano ku Isi.

Umuhora wa Hormuz ni inzira nto y’amazi iri hagati ya Iran na Oman, uhuza inyanja ya Persian Gulf n’Inyanja ya Oman igana mu Nyanja nini. Nubwo ari muto mu bugari, ufatwa nk’irembo rikuru ry’ingufu z’isi kuko ni wo mutima w’ubucuruzi bwa peteroli ku isi, ariko nanone ukaba intwaro ikomeye Iran ikoresha mu guhangana na Amerika.

Umuhora wa Hormuz umaze ibinyejana byinshi ukoreshwa nk’inzira y’ubucuruzi mpuzamahanga. Mu bihe bya kera, wari igice cy’inzira z’ubucuruzi zahuzaga Uburasirazuba bwo Hagati n’Iburasirazuba bwa Aziya.

Mu kinyejana cya 16, Porutugal ni yo yawugenzuraga bwa mbere mu Banyaburayi, nyuma iza gusimburwa n’u Bwongereza mu gihe cy’ubukoloni. Uyu muhora wakomeje kugira akamaro kanini ubwo Isi yari itangiye gushingira ibikorwa byayo cyane kuri peteroli mu kinyejana cya 20.

Mu ntambara ya Iran na Iraq yo mu 1980 Kugeza 1988, uyu muhora wabayemo ibitero bikomeye byiswe (Tanker War), byibasiraga cyane amato atwara peteroli, bigaragaza ko uwo ariwe wese wawugenzura n’uburyo yabikoramo bifite ingaruka ku Isi yose. Kuva icyo gihe, wakomeje kuba isoko y’ihangana hagati ya Iran n’ibihugu byo mu Burengerazuba, cyane cyane Amerika.

Mu magambo yakomeje kuvugisha benshi, ni igihe Donald Trump yavugaga ko Iran ikura inyungu nini cyane mu bikorwa bijyanye n’umuhora wa Hormuz, aho avuga ko ishobora kwinjiza arenga miliyoni 500$ ku munsi binyuze mu mikoreshereze y’uyu muhora cyangwa uburyo ujyana n’ubucuruzi bwa peteroli.

Ibi yabivuze mu gihe akomeje kugaragaza ko ingamba za Amerika zo guhagarika cyangwa kugenzura ibikorwa bijyanye n’uyu muhora ziri gushyira igitutu gikomeye kuri Iran, bikaba biri no mu rwego rw’ibiganiro cyangwa ihangana rikomeye rishingiye ku mutekano n’ubukungu.

Abasesenguzi bakomeje kuvuga ko bijyanye n’ingano y’amafaranga Iran ikura muri uko kugenzura uyu muhora, bishobora kuba ariyo mpamvu Amerika ishaka kuyishyiraho igitutu kugira ngo yemere amasezerano arimo n’ayo guhagarika cyangwa no kutazigera yongera guhirahira itekereza gukora intwaro za Nikeleyeri.

Abandi bavuga ko andi masezerano arimo n’ayo Iran yanze gusinyana na Leta Zunze Ubumwe za Amerika, harimo ko ibihugu byombi bigomba kugabana inyungu iva mu kugenzura uwo muhora. Ni yo mpamvu Trump yashyizeho amato y’intambara agenda aherekeje andi atwaye ibicuruzwa anyura muri uwo muhora. Bigatuma bavuga ko bigoye kuba Iran izemera gahunda ya tura tugabane niwanga bimeneke.

Trump avuga ko Iran yishingikiriza cyane ku bucuruzi bwa peteroli inyura muri Hormuz kuko ngo iyo hari igitutu cya gisirikare cyangwa ibihano, Iran ihomba amadolari menshi buri munsi. Gukomeza kugenzura uyu muhora bituma Iran igira ubushobozi bwinshi ndetse bamwe bavuga ko bituma ibona amafaranga menshi, bityo ikagira ubushobozi bwo gukomeza politiki yayo yo gucura ibitwaro bya kirimbuzi no kugira ijambo mu Karere.

AKAMARO K’UMUHORA WA HORMUZ KU BUKUNGU BW’ISI

Uyu muhora unyuramo hafi 20% bya peteroli ikoreshwa ku isi buri munsi, bigatuma ari imwe mu miyoboro y’ingenzi ku Isi inyuzwamo ibyo ikenera bya buri munsi.

Iyo uyu muhora ugize ikibazo nk’uko byagenze muri iyi ntambara ya Iran na Amerika, ibiciro bya lisansi bihita bizamuka, ubucuruzi mpuzamahanga bugahungabana, ibihugu byinshi bikagerwaho n’ingaruka z’ubukungu kuko natwe nk’u Rwanda byatugizeho ingaruka aho ibiciro by’ibikomoka kuri peteroli byatumbagiye muri aya mezi abiri ashize iyi ntambara yadutse.

Ni yo mpamvu uyu muhora ufatwa nk’umutima w’ingufu z’isi mu buzima bwayo bwa buri munsi, nka kumwe Abanyarwanda bicaye bagaca umugani ngo havemo umwe twashira.

Nk’ubu ku wa 30 Mata 2026, igiciro cy’akagunguru k’ibikomoka kuri peteroli cyazamutseho 7%, kirenga 126$, biba ubwa mbere bibayeho kuva mu 2022 ubwo intambara y’u Burusiya na Ukraine yatangiraga.

Gusa nyuma y’uko Leta Zunze Ubumwe za Amerika na Iran bigiye kugirana amasezerano yo guhagarika intambara imaze amezi abiri arenga, akagunguru k’ibikomoka kuri peteroli bidatunganyije, mu gitondo cyo ku itariki 06 Gicurasi 2026, kageze kuri 97$ kavuye ku 108$.

Nubwo ibintu byari byahindutse kuri ubwo buryo, ibiciro bikagabanuka, ariko n’ubundi biracyari hejuru cyane y’uko byari bihagaze intambara itaratangira, kuko akagunguru kamwe k’ibikomoka kuri peteroli kari munsi ya 70$.

IMPAMVU TRUMP AKOMEJE GUTSIMBARARA

Perezida Donald Trump akomeje gutsimbarara kuri iki kibazo kubera impamvu zifatika z’umutekano n’ubukungu. Icya mbere ni ugukumira Iran kugera ku ntwaro za Nikeleyeri. Trump asanga Iran ifite ubushobozi bwo guteza umutekano muke ku Isi, bityo ko kuyikumira ari ingenzi.

Icya kabiri ni ukurinda ubucuruzi bwa peteroli ku Isi. Gufungwa kw’umuhora byatumye ibiciro bya peteroli bizamuka cyane ndetse bigatera igitutu ku bukungu bw’Isi no ku baturage ba Amerika.

Nk’uko bimeze, kubera ko Iran ariyo igenzura uyu muhora, buri igikomye cyose ihita ifata umwanzuro wo gufunga umuhora wa Hormuz mu rwego rwo kugaragaza ko nayo ifite ijambo rikomeye cyane mu mibereho y’Isi.

Icya gatatu, bamwe babona ko Trump akomeje gushaka ko Amerika igira ijambo kuri uyu muhora wa Hormuz, ari uburyo bwo kwirinda ko Iran igira imbaraga nyinshi ku bucuruzi mpuzamahanga. Trump yagaragaje ko adashobora kwemera ko inzira y’ingenzi ku Isi igenzurwa n’igihugu kimwe gishobora kuyikoresha nko gushyira igitutu cya politiki ku bindi bihugu.

UKO TRUMP ABONA INYUNGU IRAN IKURA MURI HORMUZ

Kimwe mu bintu by’ingenzi Trump agarukaho cyane ni uko Iran iri kungukira cyane ku kugenzura uyu muhora kuko Iran ishobora kuwukoresha nk’intwaro y’ubukungu. Iyo iwufunze cyangwa iwuhungabanyije gato, ibiciro bya peteroli birazamuka ku Isi, bigatera igitutu ku bukungu bwa Amerika n’ibindi bihugu.

Abasesenguzi bagaragaza ko Iran ikoresha uyu muhora nk’igikoresho cy’ubukungu cyo guteza akaga Amerika n’Isi yose. Iran ishobora gusoresha cyangwa kugenzura amato awunyuramo.

Trump yigeze kuvuga ko ibi ari nko gusaba amafaranga mu buryo butemewe Isi yose, ndetse ategeka ko amato yose atagomba kwemera gutanga ayo mafaranga.

Iran kandi ikoresha uyu muhora mu biganiro bya politiki. Ifite ubushobozi bwo kuwufunga cyangwa kugabanya ibikorwa byawo, bityo ikabikoresha nk’igitutu mu mishyikirano igamije kubona inyungu zirimo, kugabanyirizwa ibihano, kubona amafaranga yo kongera kubaka ubukungu bwawo no kuyifasha kugira ijambo ku mutekano w’Akarere.

Gufunga cyangwa guhungabanya ibikorwa byo muri uyu muhora bituma Iran igira ijambo rikomeye ku rwego mpuzamahanga, kuko Isi yose ihita iyerekezaho amaso kubera agaciro uyu muhora ufitiye ibihugu byo ku Isi.

UKO IRAN IRI GUKINA INTAMBARA BITAYIGOYE

Muri iki gihe, Iran ikomeje gukoresha uburyo budahenze ariko bufite ingaruka zikomeye, burimo drones, mines n’amato mato, mu guhungabanya ubucuruzi bwo mu nyanja.

Ndetse muri ya matangazo ya Trump ahora anyuza ku rubuga rwe rwa truth social, Perezida Donald Trump yatangaje ko ingabo za Iran zagize igihombo gikomeye, ashimangira ko zisigaye zishingira cyane ku mato mato arimo imbunda mu kugaba ibitero.

Ibi yabivuze nyuma y’igitero cyabaye mu minsi ishize aho amato y’intambara ya Amerika yahuye n’ibitero bya Iran birimo drones, missiles ndetse n’ayo mato mato.

Ku wa 7 Gicurasi 2026, humvikanye inkuru z’ibitero byagabwe hagati y’impande zombi mu nyanja ya Hormuz. Iran bivugwa ko yakoresheje drones n’ibisasu bya missiles mu gutera amato afite aho ahuriye na Amerika, mu gihe Amerika na yo yahise isubiza igaba ibitero ku birindiro bya Iran.

Amerika yo ikomeje kohereza ingabo, kurinda amato, ndetse no gushyiraho ingamba zo gufungura uyu muhora ku ngufu cyangwa binyuze mu biganiro.

Amakuru aheruka agaragaza ko iyi ntambara iri kuganisha ku biganiro by’amahoro, nubwo impande zombi zigikomeje gutsimbarara ku nyungu zazo.

Abasesenguzi kandi bagaragaza ko iyi ari intambara y’ubukungu n’igenzura ry’inzira z’ingenzi kurusha kuba ari intambara isanzwe. Umuhora wa Hormuz ukomeje kuba igikoresho cy’ingenzi Iran ikoresha mu kugaragaza imbaraga zayo, mu gihe Amerika ishaka kuwukuraho ubwo bushobozi no kurinda ubucuruzi mpuzamahanga.

Ibi bibazo bikomeje kugira ingaruka ku bukungu bw’isi, cyane cyane ku biciro bya peteroli byagiye bizamuka bitewe n’impungenge z’umutekano mu muhora wa Hormuz. Ibi byatumye ibihugu byinshi bikomeza gukurikiranira hafi uko ibintu byifashe muri aka karere.

Kugeza ubu nubwo hari icyizere gike cy’ibiganiro, intambara ya Amerika na Iran iracyari mu cyiciro gikomeye kandi kitazwi neza aho izerekeza. Umuhora wa Hormuz nawo ukomeje kuba ihuriro ry’iki kibazo, aho icyemezo icyo ari cyo cyose gishobora guhindura icyerekezo cy’ubukungu n’umutekano ku Isi yose.

Umuhora wa Hormuz uwavuga ko ari urufunguzo rw’ubukungu bw’Isi ntabwo yaba abeshye ariko nanone ni intwaro ikomeye ya politiki. Iran iwukoresha mu gushaka inyungu zayo, mu gihe Amerika ya Trump ishaka kuwugiraho ijambo, ibintu Iran idakozwa.

Ibi bituma uyu muhora uba ku isonga mu bibazo by’Isi, aho icyemezo cyose gifatiwe kuri wo gishobora guhindura isura y’ubukungu n’umutekano mpuzamahanga.

Ibi Nagy yabitangaje tariki ya 7 Gicurasi 2026, umunsi umwe gusa nyuma y’uko Perezida Tshisekedi atangaje ko ashobora kwiyamamariza manda ya gatatu, mu gihe Abanye-Congo baramuka babimusabye.

Mu butumwa bwe, Nagy yagize ati: “Kimwe mu bintu nicuza cyane mu gihe nari mu nshingano, ni uko nasabye Leta Zunze Ubumwe za Amerika gushyigikira Tshisekedi nk’uwatsinze amatora ya 2018. Natekerezaga ko azaba umuyobozi utandukanye kandi uzateza imbere inyungu z’Abanye-Congo. Naribeshye cyane.”

Nubwo Nagy yavuze gutyo ariko, aya magambo aje atandukanye cyane n’ayo yari yaravuze mu 2019, ubwo yakiraga Tshisekedi i Washington nyuma yo kujya ku butegetsi. Icyo gihe yamushimye nk’umuyobozi wagejeje Igihugu ku ihererekanya ry’ubuyobozi rinyuze mu nzira ya demokarasi, anavuga ko uwo mwaka wari gutangira icyiciro gishya cya demokarasi muri RDC.

Yanagaragaje ko hari intambwe zari zimaze guterwa zirimo kunoza umubano n’ibihugu by’abaturanyi birimo u Rwanda na Uganda, kurekura imfungwa za politiki ndetse no kudahutaza ibikorwa by’abatavuga rumwe n’ubutegetsi.

Ubwo yari mu kiganiro cyamaze amasaha arenga atatu n’itangazamakuru ku mugoroba wo ku wa Gatatu i Kinshasa, Perezida Tshisekedi yavuze ko ashobora kwiyamamariza manda ya gatatu, asobanura ko bizashingira ku cyifuzo cy’abaturage. Yavuze kandi ko impinduka zose ku Itegeko Nshinga zizanyuzwa muri referendumu.

Yanatanze umuburo ko mu gihe umutekano ukomeje guhungabana mu burasirazuba bw’Igihugu, bishobora gutuma amatora ateganyijwe mu 2028 ataba.

Yagize ati "Nitudashobora guhagarika iyi ntambara, ku bw’ibyago ntituzashobora gutegura amatora mu 2028. Ariko ibyo ntibizaba kubera ko nzaba nanze kuyategura. Ubushobozi burahari, twabikora. Ariko ntitwayategura tudafite Kivu y’Amajyaruguru na Kivu y’Amajyepfo. Ese turemeranya? Twategura amatora dute?"

Ni ibintu yashimangiye yishingikirije urugero rwa Ukraine, agaragaza ko manda ya Zelenskyy uyobora iki gihugu kuva mu 2019 yarangiye muri Gicurasi 2024 ariko ko yanze ko hategurwa amatora y’Umukuru w’Igihugu kubera intambara imaze imyaka ine u Burusiya bwashoje ku Gihugu cye.

Aya magambo yahise atera impaka zikomeye imbere mu Gihugu no hanze yacyo, aho abatavuga rumwe n’ubutegetsi bagaragaje impungenge ku cyerekezo cya demokarasi muri RDC, cyane cyane ku bijyanye n’iyubahirizwa ry’Itegeko Nshinga no guhererekanya ubutegetsi mu buryo bwubahiriza amategeko.

Tshisekedi ayobora RDC kuva muri Mutarama 2019, ubwo yasimburaga Joseph Kabila batagicana uwaka. Mu ntangiriro za Mata 2026, yaciye amarenga ko umwaka wa 2032 uzagera akiyobora iki gihugu, asobanura ko icyo gihe kizagera cyihagazeho mu bukungu

RIB yavuze ko aba bakurikiranyweho ibyaha byo kunyereza umutungo ufitiye rubanda akamaro, kuwukoresha icyo utagenewe no gukoresha ububasha bahabwa n’itegeko mu nyungu bwite.

Iperereza ry’ibanze ryagaragaje ko hari amafaranga angana na 226,790,877 Frw yanyerejwe.

Abakekwa ubu bafungiye kuri Sitasiyo ya RIB ya Bwishyura mu gihe dosiye yabo iri gutunganywa kugira ngo ishyikirizwe Ubushinjacyaha.

RIB iburira abashinzwe gucunga no gukoresha umutungo wa Leta kubahiriza amategeko abigenga kuko kunyuranya nayo bigira ingaruka ku muturage no ku iterambere ry’igihugu kandi ko bihanwa n’amategeko

Izo nzego ni Urwego rw’Igihugu rw’iterambere rw’u Rwanda, RDB ndetse n’Urwego rushinzwe Ishoramari n’Ubucuruzi muri Botswana, BITC.

Ni amasezerano yahagarikiwe na Perezida wa Repubulika Paul Kagame, ndetse na mugenzi we wa Botswana Duma Gideon Boko.

Ni amasezerano yasinywe mu ntangiriro z’uruzinduko rw’akazi Perezida Kagame yagiriye muri iki gihugu kiri mu Majyepfo ya Afurika.

Perezida Kagame yabanje kugira ikiganiro mu muhezo na mugenzi we wa Botswana, nyuma bahura n’itangazamakuru.

Aha ni ho Perediza Kagame yasobanuye isano iri hagati ya Botswana n’u Rwanda, ndetse n’agaciro uru ruzinduko rufite.

Yagize ati “ Icyo umubano uri hagati y’u Rwanda na Botswana ushingiyeho si ubucuti gusa, ahubwo ni n’intego dusangiye.”

Yongeyeho ati “Ibi bigaragarira mu buryo dukorana no mu bushake dufite bwo kugera ku musaruro ugaragara. Mu bijyanye n’ingendo zo mu kirere, koroshya ibijyanye na visa ndetse no kwirinda gusoresha ibicuruzwa kabiri, intego yacu ni ukurandura inzitizi no gushyiraho uburyo bworohereza ishoramari n’imikoranire. Botswana yakomeje kugaragaza ko ubuyobozi bufite icyerekezo bushobora kugera kuri byinshi.”

Iri Jambo rya Perezida ryashimangiraga amasezerano yasinywe; ko mu by’ukuri ingingo y’ubuhahirane ifite umwanya ukomeye mu mibanire y’ibihgugu byombi.

Perezida Kagame yashimiye Botswana uburyo yita ku mutungo kamere wayo, maze agira ati “Uburyo mwita ku mutungo kamere wanyu, cyane cyane diyama, bugaragaza ubushake bwo kugumana agaciro kawo no kukageza ku nyungu zifatika ku baturage banyu. Uko gushira amanga kugaragarira no mu mbaraga mushyira mu gushimangira umutekano w’ubuzima binyuze mu gushora imari mu bushobozi bwo gukora no kwihaza mu miti.”

Aha ni no Perezida Kagame yahereye avuga ko Botswana irimo gukemura ibibazo byayo imbere mu gihugu, ariko ikanagira uruhare mu kubaka umugabane wihagije kurushaho.

Umukuru w’Igihugu kandi yavuze ko imikoranire mu nzego nk’ubutabera n’umutekano hagato y’ibihugu byombi ikomeje gutera intambwe ihamye, none inzego z’ubucuruzi nazo zije gukomereza kuri iyo ntambwe.

Kagame yagize ati “Ibikorwa biri kuba bijyanye n’uru ruzinduko, cyane cyane ibiganiro hagati y’abikorera bacu, bigaragaza amahirwe afatika kandi yihuse. Icy’ingenzi ni uko ibyo twemeranya hano bigomba kuzana impinduka zigaragara mu mibereho y’abaturage bacu.”
Perezida Kagame kandi yashimiye Botswana yateguye neza amarushanwa ya World Athletics Relays no ku musaruro mwiza yagezeho.

Perezida wa Botswana, Duma Gideon Boko, yavuze ko uruzinduko mugenzi we w’u Rwanda yagiriye muri iki Gihugu, rugaragaza umubano ugenda urushaho gukomera hagati y’ibihugu byombi, aho buri ruhande rushishikajwe no kongerera imbaraga ubufatanye mu nzego zirimo ubucuruzi, ishoramari, guhanga udushya, ndetse n’iterambere ry’Akarere biherereyemo.

Yagize ati “Ibihugu byombi birimo gusiganwa n’Igihe. Twirinde ko igihe cyadusiga ngo kitwangirize ibyo twiyemeje, ahubwo tujyane n’igihe dukore ibyo twiyemeje mu gihe nyacyo. Hari byinshi Botswana iteganya kwigira ku Rwanda."

Aha, yavuze ko na Botswana na yo iifite amasomo yasangiza u Rwanda, akaba yagaragaje ko ibyo Igihugu cye kiyemeje gufatanyamo n’u Rwanda birimo ibirebana n’uburezi, ubuzima, ubuhinzi no kwihaza mu biribwa.

Harimo kandi kongerera ubushobozi urubyiruko, guteza imbere siporo, guhanga imirimo, guteza imbere ibikorwa remezo no guteza imbere ubuhahirane mu Karere.

Perezida wa Botswana aha yagize ati "Bisobanuye ko tugomba kugira imikoranire ya hafi, tukaziba icyuho gihari. Intera iri hagati yacu ntigomba kuba urwitwazo. Ikoranabuhanga ubu ryoroheje imikoranire hagati y’abantu. Rero tugomba kugira imikoranire ya hafi kandi mu buryo bworoshye.”

Abakuru b’ibihugu byombi bagiranye ibiganiro bigaruka ku bucuruzi bukorwa hifashishijwe ikoranabuhanga, ku bukerarugendo, ku bijyanye n’inkingo z’amatungo, gutwara abantu, ubufatanye mu kongerera agaciro amabuye y’agaciro ya Diyama, n’ibindi.

Masai Ujiri, asanzwe azwi cyane mu miyoborere y’amakipe ya basketball, aho yagiye agaragaza ubuhanga budasanzwe mu kubaka amakipe akomeye. Yabaye Perezida na Chairman wa Toronto Raptors kuva mu 2013 kugeza ku wa 27 Kamena 2025, aho yagize uruhare rukomeye mu gutuma iyi kipe yegukana igikombe cya NBA mu mwaka wa 2019, ibintu byabaye amateka kuko byari ku nshuro ya mbere y’iyo kipe.

Ubuyobozi bwa Dallas Mavericks buvuga ko kugira Masai Ujiri Perezida ari intambwe ikomeye izafasha ikipe kongera imbaraga, guteza imbere impano z’abakinnyi no kubaka ikipe ishobora guhangana ku rwego rwo hejuru.

"Masai Ujiri ni umwe mu bayobozi bakomeye muri basketball muri iki gihe, kandi kuba aje muri iyi kipe ni intambwe ikomeye izadufasha kugera ku ntego zacu. Twishimiye cyane kumwakira mu muryango wa Mavericks. Twiteze byinshi ku mbaraga ze, ubushake bwo gutsinda, ubuyobozi bwe, ubunararibonye ndetse n’ibyo yagezeho mu kuyobora amakipe ya basketball. Dufite icyizere gikomeye ku hazaza h’iyi kipe.”

Masai Ujiri w’imyaka 54, yavuze ko yashimishijwe no kuba mu bagize ubuyobozi bw’iyi kipe cyane ko ifite amateka akomeye.

Yagize ati: “Nishimiye cyane kwinjira muri Dallas Mavericks no gutangira izi nshingano mu gihe gikomeye nk’iki ku muryango w’iyi kipe. Iyi ni ikipe ifite amateka ahambaye, abafana bayikunda cyane, kandi ifite intego yo gutsinda. Niyeguye gukorana n’abakinnyi bacu, abatoza ndetse n’abayobozi kugira ngo twubake ikipe ijyanye n’izo ntego kandi ishobora guhatana ku rwego rwo hejuru."

Izi mpinduka mu buyobozi zije mu gihe Dallas Mavericks ishaka kongera kwiyubaka no kwitwara neza mu marushanwa ari imbere ya NBA.

Masai Ujiri, ni umwe mu banyabigwi mu buyobozi b’umukino wa basketball ndetse muri Werurwe 2026, yatangajwe nk’umwe mu banyamigabane b’ikipe nshya ya Toronto Tempo, igiye gukina muri shampiyona y’abagore muri Leta Zunze Ubumwe za Amerika (WNBA).

Dallas Mavericks igiye kuyoborwa na Masai Ujiri, ni imwe mu makipe akomeye akina muri NBA, yashinzwe mu 1980 ikaba ibarizwa mu Mujyi wa Dallas.

Ibihe byiza yagize mu mateka yayo ni mu 2011, ubwo yegukanaga igikombe cya NBA itsinze Miami Heat ku mukino wa nyuma (Finals). Icyo gikombe cyari icya mbere ndetse kugeza ubu ni cyo rukumbi ifite.

Uyu munsi, Mavericks ikomeje kubaka ejo hazaza hayo ishingiye ku bakinnyi bashya bafite impano nka Luka Dončić, ndetse ikaba ifite intego yo kongera guhatanira ibikombe bya shampiyona.

Abaturage b’Ibihugu byombi kandi ntibahwemye kugaragarizanya, urukundo ariko bikarushaho kuryoha no kwishimira umubano uzira amakemwa ibihugu byombi bifitanye, iyo hari inkuru ivuga ko umwe mu bakuru b’Ibihugu byombi, yitegura kugenderera mugenzi we.

Mu ruzinduko Perezida w’u Rwanda Paul Kagame yagiriye muri Tanzania, abaturage b’icyo Gihugu bifashishije ifoto yakozwe n’Ibiro by’Umukuru w’Igihugu wa Tanzania, bakayikoresha ku mbuga nkoranyambaga bamuha ikaze ndetse bamwereka urugwiro rudasanzwe.

Abanyatanzania benshi ku mbuga nkoranyambaga bishimiye bidasanzwe uru ruzinduko aho bamwe batatinye kuvuga ko kuba Perezida Kagame yagendereye Igihugu cyabo ari umugisha.

Ati: "Mama Samia, wakoze cyane kutuzanira umushyitsi nka Kagame kuko ni umugisha ku Gihugu cyacu."

Undi yagize ati: "Perezida Kagame, urakaza neza iwacu muri Tanzania, turagukunda kandi uruzinduko rwawe turarwishimiye, aha niho Afurika ikwiye kugaragariza ubufatanye."

"Nisihimira kubona abayobozi b’Ibihugu byacu mu ifoto nziza nk’iyi. Nyakubahwa, urakaza neza urisanga mu Gihugu cyacu."

Undi ati: "Urugendo rwa Perezida w’u Rwanda, Paul Kagame, muri Tanzania rugaragaza ubushake bw’ibihugu bigize EAC mu guteza imbere amahoro, umutekano n’ubufatanye mu bukungu."

"Twishimiye uruzinduko rwa Perezida wa Repubulika y’u Rwanda, Paul Kagame, mu mujyi wa Dar es Salaam kuko uretse kuba ari ibirori, ni igikorwa cy’ingirakamaro kigamije gushimangira umubano ugira uruhare rutaziguye mu kuzamura ubukungu bw’Akarere."

"Nyakubahwa wakoze kudusura, uruzinduko rwawe uretse kuba abaturanyi beza, u Rwanda na Tanzania tunahuriye ku bufatanye bukomeye kandi bufite agaciro kanini mu karere ka Afurika y’Iburasirazuba."

Uretse urugwiro Perezida Kagame yagaragarijwe n’Abanyatanzaniya ku mbuga nkoranyambaga, ubwo yageraga mu Mujyi wa Dar es Salaam, yakiriwe mu cyubahiro gikomeye, ikimenyetso cy’ubucuti n’icyizere kiri hagati y’abakuru b’ibihugu byombi.

Mu biganiro byabo, hibanzwe kandi ku gushimangira ubufatanye mu nzego zirimo ubucuruzi, ishoramari, ubwikorezi n’umutekano, byose bigamije kuzamura imibereho y’abaturage.

Abaturage bo ku mpande zombi bagaragaje ibyishimo batewe n’uru ruzinduko, bavuga ko ari gihamya y’uko umubano wabo atari uw’abayobozi gusa, ahubwo ari uw’abaturage ubwabo basangiye amateka n’icyerekezo.

Uruzinduko rwa Perezida Kagame muri Tanzania ntirwari gusa urw’akazi, ahubwo rwabaye ikimenyetso cy’uko amateka y’ubuvandimwe hagati y’ibihugu byombi akomeje kwiyongera no guhabwa icyerekezo gishya kigamije ejo hazaza heza h’abaturage babyo.

Kuva mu myaka ya za 1960, Tanzania yabaye inshuti ikomeye y’u Rwanda, cyane cyane mu gihe cy’ibibazo bya politiki n’ubuhunzi byabaye mu Karere. Tanzania yakiriye Abanyarwanda benshi bahunze itotezwa bakorerwaga mu gihugu, ibaha ubuhungiro n’uburenganzira bwo kubaho mu mutuzo, ibintu byasize ishusho y’ubuvandimwe bwimbitse hagati y’abaturage b’ibihugu byombi.

Aha ni n’aho Perezida wa Tanzania Dr Suluhu Hassan, mu kiganiro n’itangazamakuru nyuma yo kwakira mugenzi we w’u Rwanda Paul Kagame, yahereye avuga ko Igihugu cye n’u Rwanda atari abaturanyi gusa, ahubwo ni abafatanyabikorwa ba hafi bafite umubano ukomeye kandi ukomeje gutera imbere ku muvuduko mwinshi.

Tudatinze ku ruhare rukomeye mu rugamba rwo kubohora Igihugu, nyuma ya Jenoside yakorewe Abatutsi mu 1994, Tanzania yakomeje kugaragaza ubufatanye mu kongera kubaka u Rwanda, haba mu rwego rwa dipolomasi, ubucuruzi ndetse n’umutekano w’Akarere, ibyo byose byabaye ingenzi mu gufasha u Rwanda kongera kwiyubaka nk’Igihugu cyanyuze mu magorwa akomeye nka Jenoside.

Kubera ayo mateka arimo n’Abaturage bakoze ibikorwa by’ubutwari ubwo u Rwanda rwanyuraga muri ayo mahano, Perezida wa Repubulika Paul Kagame yavuze ko u Rwanda rugiye gutegura uburyo bwo gushimira ku mugaragaro abaturage ba Tanzaniya bakoze ibikorwa by’ubumuntu no gutabara Abanyarwanda muri Jenoside yakorewe Abatutsi mu 1994.

Aho muri Tanzaniya uretse abo Umukuru w’Igihugu yavuze ko bidatinze hari abazashimirwa, uwahoze ari Perezida nyakwigendera Mwalimu Julius Nyerere, yahawe umudari w’Umurinzi w’igihango ndetse n’umudari ujyanye no Kwibohora. Iyo midari yakiriwe n’umugore we Mrs. Maria Nyerere.

Umubano w’u Rwanda na Tanzania, waje kurushaho gukomera binyuze mu miryango y’ubufatanye mu Turere ibihugu bihuriyemo, by’umwihariko nk’Umuryango wa Afurika y’Iburasirazuba (East African Community), aho ibihugu byombi bifatanya mu koroshya ubuhahirane, ubwikorezi n’imigenderanire y’abaturage.

Ibyambu bya Tanzania, cyane cyane icya Dar es Salaam, byabaye umuyoboro w’ingenzi ku bucuruzi bw’u Rwanda no kurufasha kubugeza ku masoko mpuzamahanga.

Kugeza ubu, hafi 70% by’ibicuruzwa byinjira cyangwa bisohoka mu Rwanda binyura ku byambu bya Tanzania.

Yavuze ko mu mwaka wa 2025, ubucuruzi hagati y’ibihugu byombi bwageze kuri miliyari 644 z’amashilingi, kandi ishoramari rituruka ku mpande zombi rikomeje guteza imbere imirimo no kuzamura ubukungu bw’abaturage.

Mu biganiro byabaye, hagati ye na mugenzi we w’u Rwanda, yavuze ko impande zombi zumvikanye ku kongera imbaraga mu bufatanye, zirimo gukuraho inzitizi zitari iz’imisoro zibangamira ubucuruzi, guteza imbere ubucuruzi n’ishoramari, ndetse no kongera gushora imari mu bikorwa remezo birimo ubwikorezi burimo n’ubw’ibintu, itumanaho, ndetse n’ingufu.

Byongeye kandi, yavuze ko ibihugu byombi byiyemeje gukomeza gukorana bya hafi mu bijyanye n’umutekano n’igisirikare, ndetse no guhuza imbaraga mu gukemura ibibazo byo ku rwego rw’akarere n’isi muri rusange.

Ku ruhande rwe, Perezida Kagame yagize ati "Ndabashimira cyane Nyakubahwa Perezida ndetse n’Abanya-Tanzania bose ku gukomeza kubungabunga ubucuti bwiza n’ubuvandimwe hagati y’ibihugu byacu."

Kagame yongeyeho ati "Tanzania ni umufatanyabikorwa w’ingenzi cyane, atari ku Rwanda gusa ahubwo no ku bindi bihugu bituranyi. Icyambu cya Dar es Salaam ni urugero rumwe mu bice byinshi by’ubukungu bifitiye akamaro kanini ibihugu byacu."

Yagize ati "Dufite inshingano mu izina ry’abaturage bacu zo gukomeza guteza imbere no gushimangira ubufatanye hagati y’ibihugu byacu ndetse no mu Muryango wa Afurika y’Iburasirazuba muri rusange."

Mu by’ukuri, Tanzania ni umufatanyabikorwa ukomeye kandi w’ingenzi ku Rwanda.

Aha ni ho yahereye ahagararira Abanyarwanda bose, akavuga ko biteguye gukorana na Tanzaniya mu iterambere, aho yagize ati "Ku ruhande rwacu, twiteguye gukorana namwe ndetse n’itsinda ryanyu ry’abayobozi kugira ngo duteze imbere gahunda y’iterambere ry’u Rwanda na Tanzania, kandi tuyijyane imbere ku muvuduko wo hejuru."

Mu itangazo ryashyizwe ahagaragara n’Ibiro bishinzwe itangazamakuru muri Perezidansi ya Tanzania, rivuga ko Perezida Kagame azagirana ibiganiro byihariye na mugenzi we wa Tanzania, Samia Suluhu Hassan, biganisha ku kwagura umubano uhuriweho n’ibihugu byombi.

Muri uru ruzinduko kandi byitezwe ko hazaganirwa ku kurebera hamwe andi amahirwe mashya y’ubufatanye hagati ya Tanzania n’u Rwanda, rukanashimangira ubumwe n’ubufatanye mu by’ubukungu hagati y’ibihugu bigize Afurika y’Iburasirazuba (East African Community).

U Rwanda na Tanzania by’umwihariko bisanganywe amateka n’umubano wihariye haba mu buhahirane, politiki, ibikorwaremezo, ubukungu n’umutekano.

Muri Kanama ya 2021 ubwo Perezida wa Tanzania, Samia Suluhu Hassan, yagiriraga uruzinduko rwe mu Rwanda, hasinywe amasezerano mu nzego zitandukanye agamije kurushaho gushimangira umubano w’ibihugu byombi.

Hasinywe amasezerano atanu arimo ay’ubufatanye mu ikoranabuhanga n’itumanaho, ay’ubufatanye mu bijyanye n’urujya n’uruza rw’abantu n’ibintu, uburezi n’amabwiriza agenga ibijyanye n’imiti.

Mutarama 2024, ibihugu byombi kandi byashyize umukono ku masezerano y’ubufatanye mu guteza imbere inganda zitunganya umusaruro w’amata. Aya masezerano yakurikiwe n’ayasinywe muri Nyakanga 2025, agamije guteza imbere urwego rw’ubuhinzi ku mpande zombi, byiyemeza gukomeza guteza imbere imikoranire.

Mu rwego rw’ubucuruzi, imibare yo mu 2019, igaragaza ko u Rwanda rwoherezaga muri Tanzania ibicuruzwa bifite agaciro ka miliyoni 5,1$ mu gihe Tanzania yacuruzaga mu Rwanda ibifite agaciro ka miliyoni 224,54$.

Perezida Kagame muri Tanzania, azabisikana na mugenzi we wa Kenya William Ruto uzahagirira uruzinduko rw’iminsi ibiri kuva ku wa 4 kugeza ku wa 5 Gicurasi 2026.

Nshuti Innocent na mugenzi we Mutsinzi Ange

Nshuti Innocent na mugenzi we Mutsinzi Ange ukina mu bwugarizi, nyuma y’uko bombi ari inkingi za mwamba mu Ikipe y’Igihugu y’u Rwanda ‘Amavubi’, ndetse banabanye muri APR FC, bahuje imbaraga bashinga ikigo gikora imyenda ya siporo bise ‘Iwacu Active Wear.’

Mu kiganiro cyihariye Nshuti yagiranye na Kigali Today, avuga ko nk’abakinnyi, batabura gutekereza ko na nyuma y’umupira haba hari ubundi buzima.

Ati: "Ntekereza ko nk’abakinnyi bose tubitekerezaho kuko kariyeri yacu aba ari ntoya, umuntu arangiza akiri mutoya rero uba ugomba no gutekereza nyuma yo guhagarika umupira w’amaguru."

Akomeza avuga ko urebye mu buzima busanzwe, umuntu akora akageza ku myaka 50 cyangwa 60 ndetse hari n’abayirenza bagikora by’umwihariko nk’abari muri business. Ati: "Ariko bitandukanye natwe usanga imyaka yo guhagarika umupira, iyo umuntu amaze kugira imyaka 35 kariyeri ye iba irimo irangira."

Rutahizamu Nshuti, avuga ko abakinnyi bose usanga batekereza ku buzima bundi butari umupira, kuko hari abo azi neza bafite imishinga itandukanye.

Ati: "Ku bwacu, njye na mugenzi wanjye [Mutsinzi Ange] twashinze iduka ry’imyenda, akaba ari business twabonye ko twakora kandi tunakina tutiriwe tuva mu byo dusanzwe dukora nk’abasiportif."

Yavuze ko ahaturutse igitekerezo, bicaye bakareba uburyo nyuma y’umwuga wabo hari ubundi buzima bityo bagomba kwiteganyiriza.

Ati: Igitekerezo uburyo cyaje, harimo kuba twaratekereje ko dufite ubundi buzima nyuma y’umupira tugomba kwiteganyiriza ariko nanone bikaba byiza tugumye muri domain kuko ariho dufite ubunararibonye. Niko gushinga iduka rikora imyenda ya Siporo n’indi ijyanye nayo."

Ni muri ubwo buryo natwe twakoze uwo mushinga mu buryo bwo kwiteganyiriza ahazaza hacu ku giti cyanjye na mugenzi wanjye [Mutsinzi Ange] twakoranye.

Nshuti yavuze ko hari abandi azi neza ko baba bafite imishinga kuko abakinnyi bagira kariyeri ntoya cyane.Iwacu Active Wear ihereye mu Mujyi wa Kigali, Kicukiro ndetse uyu musore akaba asaba Abanyarwanda basanzwe babakunda kubagana.

Ntabwo ari Nshuti Innocent na mugenzi we Mutsinzi Ange bagize igitekerezo cyo guteganyiriza ubuzima bwa nyuma y’umwuga wabo w’umupira w’amaguru.

Haruna Niyonzima

Uyu mugabo wabaye kapiteni w’Ikipe y’Igihugu Amavubi ndetse akamamara muri Ruhago y’u Rwanda n’iyo muri Afurika y’Iburasirazuba, umwe mu bakoreye amafaranga menshi mu mupira w’amaguru, dore ko yakiniye amakipe atandukanye arimo Simba SC na Yanga SC zo muri Tanzania.

Niyonzima Haruna ubu wamazs guhagarika umupira w’amaguru, yashoye imari mu bikorwa bitandukanye, ariko yibanda cyane mu kubaka inzu akodeshwa mu Mujyi wa Kigali no mu nkengero zawo.

Hakizimana Muhadjiri

Hakizimana Muhadjiri ni umukinnyi w’Ikipe y’Igihugu ndetse na Nairobi United ukina mu kibuga hagati, akaba akora ibikorwa byo gukodesha imodoka, bikamwongerera amafaranga yo kumutunga n’umuryango we.

Uyu mukinnyi ni umwe mu bagaragaje ko icya mbere arebaho ari amafaranga, ubundi agakora akazi. Ibi bigaragara iyo asinya amasezerano ye kuko atayashyiraho umukono atarayabona yose.

Hakizimana Muhadjiri yiyemeje gukorera amafaranga binyuze mu gukodesha imodoka zo mu bwoko butandukanye, yaba abazimarana igihe gito cyangwa kirekire.

Muhire Kevin

Umukinnyi wo hagati wa Jamus FC yo muri Sudani y’Epfo, Muhire Kevin, akaba n’umukinnyi w’Ikipe y’u Rwanda ‘Amavubi’, hanze y’ikibuga akora ibijyanye n’ubucuruzi by’umwihariko ubw’ibiribwa n’ibinyobwa ndetse n’imyenda.

Uyu mukinnyi yatangiranye umushinga wo gushinga iduka ricuruza imyenda akaryitirira amazina ye na nimero akunda ‘MK11’, ariko yumvikana n’umugore we bashinga inzu icururizwamo ikawa (Coffee Shop), ari na yo yavuyemo resitora n’akabari.

Muhire Kevin yakiniye Rayon Sports ndetse n’andi makipe yo hanze y’u Rwanda arimo Al-Yarmouk SC yo Koweït.

Ni inkuru yakwirakwijwe hose cyane cyane ku mbuga nkoranyambaga, kuri status z’abantu batandukanye kuri Whatsapp, mu biganiro by’inshuti, mu tubari, mu mazu ahuriramo abakunzi b’umupira w’amaguru bose intero yari imwe bishimira uburyo u Rwanda rukomeje gutsinda amahanga ibitego by’umutwe kubera ubufatanye bwarwo n’amakipe y’ibigugu. Ariko yose ubwo yisangaga mu makipe ane asigaye muri iri rushanwa ry’i Burayi rikinwa n’umugabo rigasiba undi, byarushijeho kuba inkuru idasanzwe.

Ayo makipe arimo Arsenal, Atlético de Madrid, Paris Saint-Germain na Bayern Munich, yose icyo ahuriye ku kuba ari abafatanyabikorwa b’u Rwanda mu bijyanye no kwamamaza ubukerarugendo bwarwo #VisitRwanda, ndetse n’ubufatanye mu guteza imbere impano z’abana b’u Rwanda muri Ruhago.

Ibi byishimo birushaho kugira igisobanuro gikomeye iyo usubije amaso inyuma. Mu 2018, ubwo Abanyarwanda bumvaga inkuru batari barigeze batekereza ko izabaho, ubwo u Rwanda rwatangiraga urugendo rw’ubufatanye na Arsenal. Mu 2019, rukomereza kuri Paris Saint-Germain, mu 2023 amasezerano akomereza mu Budage muri Bayern Munchen, mu 2025 rujya no muri Espagne mu ikipe ya Atlético de Madrid.

Amasezerano y’ubufatanye u Rwanda rwasinyanye n’aya makipe

Muri Gicurasi 2018 ni bwo byatangajwe ko Urwego rw’Igihugu rw’Iterambere (RDB) rwinjiye mu bufatanye n’Ikipe ya Arsenal FC yo muri Premier League, u Rwanda ruyibera umuterankunga wa mbere ku maboko y’imipira, aho yambara ‘Visit Rwanda’ ku kuboko kw’ibumoso ku ikipe nkuru, iy’abatarengeje imyaka 23 no mu ikipe y’abagore.

Ayo masezerano yaje kongera kuvugururwa mu 2021 akaba azageza mu mpera z’umwaka w’imikino wa 2025/2026, yasinywe kandi aza asanga andi y’Ikipe ya Paris Saint-Germain yo mu Bufaransa yo kuva mu 2019 ndetse nayo yaje kuvugururwa mu 2025 akazageza mu 2028.

Ntabwo byagarukiye aho kuko mu 2023, ikipe ya Bayern Munich yo mu Budage yasinyanye amasezerano y’imyaka itanu n’u Rwanda agamije guteza imbere umupira w’amaguru n’ubukerarugendo azageza mu 2028. Gusa mu 2025, aya masezerano yaje kuvugururwa aho kuri iyi nshuro asigaye yibanda gusa mu kuzamura impano z’abana b’Abanyarwanda muri ruhago.

Atlético de Madrid nayo ntabwo yasigaye muri ubwo bufatanye kuko yabaye ikipe ya mbere yo muri Espagne, yasinye amasezerano yo kuzageza mu 2028, yo kwamamaza Visit Rwanda.

Uretse mu mupira w’amaguru, ntabwo gahunda ya Visit Rwanda yagarukiye aho kuko mu mpera za Nzeri 2025, u Rwanda binyuze mu Rwego rw’Igihugu rw’Iterambere (RDB) rwasinye amasezerano y’ubufatanye y’igihe kirekire n’ikipe ya Basketball yo muri Amerika (NBA), Los Angeles Clippers, ndetse n’ikipe ya Football (NFL), Los Angeles Rams.

Ni inkuru yabaye kimomo ku Isi hose kuko byari bibaye ubwa mbere mu mateka ko kigo gikomoka muri Afurika cyamamaza muri Shampiyona ya Basketball muri Amerika (NBA) ndetse n’iy’umukino wa American Footbal (NFL).

Ibi byose ariko bishingira ku musaruro waturutse mu bufatanye bubyara inyungu n’amakipe y’ibigugu ku Mugabane w’i Burayi kuko byitezwe ko ubu bufatanye buzafasha u Rwanda kugera ku ntego yo kwinjiza miliyari 1$ bitarenze mu 2029, binyuze mu bukerarugendo. Ubu bufatanye bwose muri iyi mikino, bugamije kwamamaza ubukerarugendo n’ishoramari.

Perezida Kagame ntiyahwemye gushyigikira aya makipe.

Iyi gahunda ntiyashyigikiwe gusa mu masezerano yasinywe hagati y’u Rwanda n’aya makipe y’umupira w’amaguru by’umwihariko ahubwo yanashyigikiwe ku rwego rwo hejuru n’Umukuru w’Igihugu, Paul Kagame, wagiye agaragaza ko siporo ari imwe mu nzira zikomeye zo guteza imbere ubukerarugendo bw’u Rwanda, kuzamura ubukungu n’ishoramari, kurumenyekanisha ku ruhando mpuzamahanga no kuzamura impano z’abana b’u Rwanda.

Mu bihe bitandukanye, Perezida Kagame yagiye yitabira imikino ikomeye ku masitade yo ku Mugabane w’i Burayi, by’umwihariko muri iki cyumweru yakurikiye umukino ubanza wa 1/2 wahuje Paris Saint-Germain na Bayern Munich wabereye mu Bufaransa, urangira Paris St Germain itsinze Bayern Munchen ibitego 5-4.

Ntabwo ari uwo gusa kuko Perezida Kagame yavuye mu Bufaransa, akomereza muri Espagne, aho yakurikiye undi wahuje Atlético de Madrid na Arsenal, urangira amakipe anganya igitego 1-1. Ni umukino yarebye ari kumwe n’umwami wa Espagne, Philip VI, aho bombi bari mu bafana bakurikiye uyu mukino imbonankubone.

Ariko n’iyo atabashaga kujya kureba iyo mikino, ntiyasigaga inyuma aya makipe. Yifashishaga urubuga rwa X akayanyuzaho ubutumwa buyashimira uko yitwaye, cyane cyane nyuma y’imikino ikomeye cyangwa intsinzi z’ingenzi.

Ni ubutumwa bukunda guhita bwishimirwa n’Abanyarwanda batandukanye ndetse n’abandi batari bake ku Isi bishimira intambwe u Rwanda rwagaragaje ndetse ikwiye kubera n’ibindi bihugu urugero rwiza. Ibyo byose n’ubundi bituma izina ry’u Rwanda rikomeza kugaragara no kumvikana mu bafana ba ruhago ku rwego mpuzamahanga.

Ahantu henshi hahurira abakunzi ba Ruhago hirya no hino mu Rwanda, ayo makuru n’amashusho byagiye bituma ibyishimo byiyongera, aho bagaragazaga ko kubona Perezida wabo ashyigikira aya makipe, yaba ari kuri sitade cyangwa ku mbuga nkoranyambaga, bituma barushaho kumva ko na bo bari mu rugendo rwo kwamamaza Igihugu cyabo.

Abasesenguzi b’imikino by’umwihariko mu mupira w’amaguru bavuga ko kuba aya makipe yose yarageze muri 1/2 cya UEFA Champions League ari amahirwe akomeye cyane, kuko ari urubuga rukurikirwa n’abantu babarirwa muri za miliyari ku isi. Bityo, ubutumwa bwa “Visit Rwanda” bukaba burushaho gukomeza kumvikana no kugaragara cyane kurushaho.

Uretse Abanyarwanda kandi nibitangazamakuru bitandukanye byagiye bibyandikaho. Urugero ni ikinyamakuru Le Monde, cyanditse umutwe w’inkuru ugira uti: "Ligue des Champions: Quatres demi- finalistes et autant Des partenaires du Rwanda".

Ntabwo ari iyo nkuru gusa kuko hari n’indi yanditse na Le Monde ishami rya Afurika, igira iti: "Visit Rwanda, demi-finale de la Ligue des champions, la marque comme douzieme homme". Ikinyamakuru cyo mu Budage, DW giherutse gushyira video ngufi ku mbuga nkoranyambaga zacyo, ikubiyemo ibijyanye no kuba u Rwanda amakipe rusanzwe rufatanya nayo yose yisanze harimo izatwara Champions League".

Izi nkuru zose n’ibyagiye binyuzwa kubuga nkoranyambaga byerekana ko Abanyarwanda bafite ibyo kwirata no kwishimira.

Uwavuga ko iyi nkuru idasanzwe ntiyaba abeshye, kuko ni inkuru y’urugendo rwatangiye mu myaka ishize benshi batarabitekerezaga, rugashyigikirwa ku rwego rwo hejuru, rukagera aho u Rwanda ruba mu biganiro bya benshi binyuze muri Siporo. Iyi kandi ni inkuru y’ishema, y’icyerekezo, n’Igihugu gikomeje kwandika amateka ku rwego mpuzamahanga.
Ibi byatumye hari kimwe mu bihugu byashatse kwigana u Rwanda ndetse gishaka kubikora mu nizra irimo no kurukomanyiriza, ariko bikanga bikaba iby’ubusa ahubwo kiza guca bugufi kiremera ga
Ihitamo kuyoboka n’ubwo uburyo cyabikozemo hajemo amanyanga ndetse amasezerano amwe arahagarikwa.

Icyo Gihugu mvuga ni Repubulika Iharanira Demukarasi ya Congo, yasinyanye amasezerano y’ubufatanye n’ikipe ya FC Barcelona yo muri Espagne ndetse na Monaco yo mu Bufaransa. Ntabwo byatinze kuko ubuyobozi bushinzwe iperereza ku byaha by’imari mu Bufaransa bwatangiye gukora iperereza kuri ubu bufatanye, bukwekwaho ruswa no kunyereza umutungo wa Leta.

Aya masezerano yasinywe muri Nyakanga 2025, akaba yari afite agaciro ka miliyoni 4.8 z’amayero, yagombaga kumara imyaka itatu, agamije kwamamaza "DR Congo, Heart of Africa" ku myambaro ya AS Monaco. Ariko kubera ruswa n’imikoreshereze mibi y’umutungo byatumye ahita ahagarikwa.

Aha niho Abanyarwanda bateruye bagira bati: "Ibanga Abanyarwanda tugendana, abanyamahanga ryarabayobeye."

Iki gitaramo kizaba ku wa 2 Gicurasi 2026, kizabera muri Kigali Universe, ahantu hamaze kubaka izina nk’ahagezweho mu kwakira ibirori bikomeye n’ibitaramo by’imbonekarimwe mu Mujyi wa Kigali.

Iki gitaramo cyateguwe na Watuwave, kikaba kimwe mu bigiye guhuza abakunzi b’umuziki, imyidagaduro n’imyambarire igezweho, mu rwego rwo gutanga ibyishimo no gususurutsa abazakitabira cyane cyane muri iyi weekend ndende yo kwizihiza umunsi mpuzamahanga w’umurimo.

Kwinjira muri iki gitaramo, abazagura amatike hakiri kare, ahasanzwe ni ibihumbi 10Frw, muri VIP ni ibihumbi 15Frw ndetse n’ameza y’abantu batandatu ku bihumbi 200Frw. Abifuza amatike bashobora kuyabona binyuze ku *797*50*2*98#.

Success SA, uzwiho kuvanga neza injyana y’Amapiano n’indi miziki itandukanye, ategerejweho guha ibyishimo bidasanzwe urubyiruko rw’Abanyakigali n’abandi bazitabira iki gitaramo, aho azabasusurutsa akoresheje ubuhanga bwe bugezweho mu kuvanga imiziki.

Abateguye iki gikorwa bavuga ko ari amahirwe akomeye ku rubyiruko n’abakunzi b’imyidagaduro muri rusange, mu kwidagadura mu buryo bugezweho, mu mwanya mwiza by’umwihariko ahantu heza nka Kigali Universe.

Ni igitaramo kidakwiye gucika uwariwe wese ushaka gusoza neza weekend y’umunsi mpuzamahanga w’umurimo muri Kigali Universe mu mwuka w’ibirori bigezweho.

Umuhanga mu myitwarire y’udusimba duto, Deborah Gordon wo muri Kaminuza ya Stanford, avuga ko ubwenge bw’urushishi rumwe gusa ntacyo bwarugezaho ahubwo ko kubaho kwarwo bishingiye ku mikoranire yazo nk’itsinda. Asobanura ko nta rushishi rufata icyemezo rwonyine ariko iyo zikoze nk’itsinda zishobora gufata ibyemezo bikomeye kandi byiza.

Ubushakashatsi bwakozwe muri Weizmann Institute of Science muri Canada bwerekanye ko burya inshishi zikorana neza mu itsinda kurusha uko umuntu yakorana n’abandi mu itsinda ariko ridafite uburyo bwiza bw’imikoranire n’imiyoborere, kuko zo ngo zifite uburyo buhamye bwo gukorana. Ibi byatumye abahanga bavuga ko itsinda ry’inshishi rimeze nk’umubiri ugizwe n’uturemangingo twinshi dukorera hamwe kandi neza bigatanga umusaruro.

Mu bushakashatsi bwinshi bwakozwe, harimo n’ubwa Franks n’abandi bahanga, bwagaragaje ko urushishi buriya rukurikiza amategeko yoroshye cyane, aho usanga rukurikira ibyo rubano hafi yarwo gusa kuko nta gahunda nini ruba rufite ariko kubera gukorera hamwe, birangira havutse ibisa nk’imikorere y’ubwonko bwa muntu.

Aha wahita wibaza aho bihurira! Gusa abahanga bavuga ko mu bwonko bw’umuntu Neuron imwe idashobora gukora yonyine, ariko iyo ari nyinshi, zikorera hamwe kandi zigatuma ubwonko bukora neza cyane. Ariyo mpamvu bavuga ko urushishi rumwe ari nka Neuron imwe, mu gihe itsinda ryazo, ari nk’ubwonko.

Indi mibereho y’inshishi abantu batari bazi.

Uretse kuba zikora nk’ubwonko bw’umuntu, buriya ngo inshishi zigira ururimi rw’ibanga zihuriyeho mu gutanga amakuru aribyo abahanga bise "Pheromones".

Ubushakashatsi bwerekanye ko iyo urushishi rubonye ibiryo, rusiga pheromone cyangwa impumuro igamije guha amakuru izindi mu nzira rwanyuzemo. Aha ngo izindi zirayikurikira, nazo zikagenda zisigamo indi Pheromone.

Abahanga bavuga ko uku guhanahana amakuru muri ubwo buryo, bituma habaho ibyo bita “feedback loop” kuko bifasha inshinshi gukomeza gukurikira ya nzira zidaciye ku ruhande. Ubundi bushakashatsi bwerekanye ko ubwo buryo bwa pheromone buyobora izindi neza mu nzira ijya gushaka ibizitunga.

Aha kandi niho abahanga bagaruka bavuga ko imikoranire y’inshishi nk’itsinda (collective intelligence), kuri zo bizifasha mu mibereho yazo kurusha uko rumwe rwaba nyamwigendaho kuko ntacyo rwakwimarira ku giti cyarwo.

Ubushakashatsi bwa Latty bwo mu 2013 bwerekanye ko iriya mirongo y’inshishi tubona burya ngo hari ukuntu zishobora guhindura imyitwarire n’icyerekezo zaganagamo bitewe n’uko hari ibihindutse mu bintu biri hafi yazo.

Mu bushakashatsi bwa vuba aha kuri swarm intelligence bwatangajwe muri Frontiers in Behavioral Neuroscience mu 2025, bwerekanye ko amatsinda y’inshishi ashobora kubanza gutegura inzira mbere ndetse ko hari n’izibanza kujya imbere y’izindi zikajya guharura inzira no kureba ko nta nzitizi zihari.

Abahanga bavuga ko ibyo byerekana ko nta mugambo cyangwa se gahunda urushishi rumwe rushobora kugira ubwarwo, ariko itsinda ryazo rishobora gukora nk’aho rifite gahunda.

Ubushakashatsi bushya bwa 2026 bwerekanye ko urushishi rudatanga amakuru hagati yarwo n’izindi gusa rukoresheje impumuro ya Pheromones, ahubwo rukoresha n’ibindi bimenyetso byinshi icyarimwe (touch, vibration). Ibi bifasha rya tsinda ryazo riri ku murongo kuba ryafata ibyemezo neza cyane.

Muri iyo myitwarire y’inshishi, hari icyo abahanga babyigiyemo mu gukora ubwenge buhangano ndetse na robots kuko hari iyo abashakashatsi bo muri Kaminuza ya Harvard bakoze bigana urushishi.

Buri robot bayihaye ubushobozi buke, ariko mu buryo bwo gukorera hamwe ngo byatanze umusaruro ndetse bituma babasha gukora ikoranabuhanga ry’ubwenge buhangano (Artificial Intelligence -AI) binyuze muri Algorithms zo gushaka inzira nziza itanga igisubizo gifatika.

Abahanga bavuga ko buriya inshishi zagakwiye kwigisha abantu ko burya nta muntu ukwiye kumva ko ari umuhanga cyane ariko iyo muhuje imbaraga mugakorana neza, mushobora gukora ibintu bikomeye cyane kurusha kuba nyamwigendaho.

Ni ubutumwa Umukuru w’Igihugu yabigarutseho mu nama mpuzamahanga ya World Policy Conference (WPC), ibera mu Bufaransa igamije kuganira ku miyoborere n’iterambere mu bice bitandukanye by’isi.

Perezida Kagame yavuze ko icyifuzo cya Afurika cyoroshye, harimo kubanza kwita ku byayo ndetse no gukorana n’abandi mu buryo butanga umusaruro. Yagaragaje ko uko isi igenda irushaho kwigabanyamo ibice no kwitandukanya, bidatanga igisubizo kirambye, ahubwo bishobora guteza amakimbirane n’amacakubiri.

Yagize ati: “Isi irimo kugenda yitandukanya cyane, ariko si byo bizana ibisubizo. Ibi bishobora guteza guhangana no kwicamo ibice.”

Perezida Kagame yashimangiye ko iterambere rikwiye kurebwa nk’inyungu rusange aho buri ruhande rushobora kungukira mu bufatanye, aho kurufata nk’irushanwa rifite abatsinda n’abatsindwa.
Yongeyeho ko uburyo bwo gufatanya ari bwo bushobora gutuma habaho ituze, guteganyiriza ejo hazaza no kugira umurongo uhamye mu mikorere y’Isi.

Perezida Kagame yagaragaje ko ikibazo nyamukuru atari ukubaka isi itagira inenge, ahubwo ari ukwiga kubana n’ubwo abantu batandukanye, bakabasha gutera imbere hamwe. Ati: “Ikibazo si uko dushaka kubaka Isi nziza idafite ubusumbane ahubwo ni ukumenya niba dushobora kubana, n’ubwo dutandukanye, twese tugatera imbere."

Umukuru w’Igihugu ari mu bitabiriye ku nshuro ya 18 iyi nama ihuza abayobozi n’impuguke baturutse hirya no hino ku isi. Iyi nama ya World Policy Conference ihuza abantu baturutse mu nzego zitandukanye bagamije kungurana ibitekerezo ku buryo bwo kurushaho guteza imbere ubufatanye bushingiye ku kubahana hagati y’ibihugu.

Aya mahirwe yaturutse kuri gahunda ya #KtRadioIwacu mu kwegera abakunzi bayo hirya no hino ariko nshaka kureba neza umubano uri hagati y’abayobozi n’abaturage mu buzima busanzwe.

Abaturage bari bateranye ku bwinshi, bafite ibikoresho by’isuku, ariko ikiruta byose nabonye n’uko bafite umutima wo gukora no gufatanya.

Ntibyatinze, mu kanya gato nahise numva amashyi n’ibyishimo byinshi by’abaturage ubwo Umuyobozi w’Akarere ka Muhanga, Kayitare Jacqueline yari ahageze. Uburyo yakiriwe bwahise bunyereka ko atari umuyobozi usanzwe, ahubwo ari umuntu abaturage bafata nk’uwabo.

Muri ako kanya akihagera, yaje asuhuza abaturage be, abahoberana ibyishimo wagira ngo ntibaherukanye, abandi ubona bamufitiye ubwuzu n’ibyishimo, mpita mbona ko byanze bikunze harimo ikindi kintu kidasanzwe hagati ye n’Abaturage ayoboye.

Byanteye kwegera umwe mu baturage, ndakubaza nti, ese Meya wanyu ni uku mubanye? Arambwira ati: "Twebwe ntitumufata nk’umuyobozi ahubwo tumufata nk’umuvandimwe, umubyeyi wacu mbese turamukunda."

Uwo muturage ukorera mu isoko rya Muhanga, yakomeje ambwira ko bababajwe no kuba ashobora kutazongera kubayobora kandi ko bahangayikishijwe n’undi uzamusimbura kuko batazabona undi nka Kayitare Jacqueline.

Ati: "Uziko afata umwanya akagendagenda mu Mujyi wose agenda abaza abantu amakuru, ariko ashaka kumenya ibibazo dufite? Ibaze umuyobozi uza guhaha mu isoko ariko akagenda amenye ibibazo dufite kandi akabikemura bidatinze. Twe turamukunda rwose kandi ntitumufata nk’umuyobozi. Ntiwabonye abagiye bamufashe ku rutugu?."

Ibyo uwo muturage yambwiye, byahise binyereka ko abaturage b’i Muhanga babanye mu rukundo rutavangiye n’abayobozi babo.

Bidatinze Meya Jacqueline yahise yinjira mu gikorwa cy’Igitondo cy’Isuku, afata igikoresho nk’abandi bose, atangira gukorana nabo by’umwihariko afata umweyo atangira gukubura.

Muri icyo gikorwa n’ubundi yaganiraga na buri wese, baseka, yumva ibitekerezo byabo, kandi nta n’umwe wasangaga kumwegereye yumva abifitiye ipfunwe. Aho ni ho nasobanukiwe neza ko urugwiro rwubakwa n’ibikorwa, atari amagambo gusa.

Hari umusore bano bazwi nk’abakarani, wari uri gukupakupa iruhande rw’aho narimpagaze arambwira ati: “Iyo umuyobozi aje hano tugakorana umuganda nk’uku, bidutera imbaraga zo gukora cyane. Tuba twumva natwe tugomba gutanga umusanzu wacu.”

Undi mubyeyi na we aravuga ati: “Iyo tumubonye turi kumwe gutya, bituma n’izindi gahunda zose tuzitabira tutizigamye.”

Mu by’ukuri, Igitondo cy’Isuku cyari kirenze igikorwa cyo gusukura Umujyi mwiza wa Muhanga, ahubwo cyari ishuri nahigiye ry’ubufatanye, aho abaturage bigira ku muyobozi wabo urugero rwo gukora, kubaha no kwegera abo ayobora. Uwo nasanze ari umubano wuzuyemo icyizere cyatuma n’izindi gahunda z’iterambere nko kwitabira inama, ibikorwa byose by’Akarere n’izindi gahunda za Leta zitabirwa ku bwinshi kandi ku bushake.

Gahunda ya #KtRadioIwacu uwo munsi ntiyabaye igikorwa cyo kwegera abakunzi bayo gusa ahubwo yanatumye mpakura inkuru itangaje yabaye ubuhamya bw’uko umuyobozi wegereye abaturage, akabagaragariza urugwiro mu bikorwa, ashobora kubaka umuryango w’abaturage bashyize hamwe kandi ufite intego imwe.

Navuye mu Karere ka Muhanga numva nsobanukiwe neza ko urukundo abaturage bagaragariza umuyobozi wabo ruturuka ku byo bamubonaho, haba mu bikorwa bibahuza nk’Igitondo cy’Isuku. Kandi iyo urwo rugwiro ruhari, abaturage batitabira gusa igikorwa kimwe, ahubwo bahinduka abafatanyabikorwa nyabo mu zindi gahunda zose ziganisha ku iterambere ry’Akarere kabo.

Mu gutereta, iyo nyoni izana imitako, ikubaka ikintu kimeze nka stage, kugira ngo yereke ingore uburyo ihagaze neza

Mu mashyamba yo muri Australia na New Guinea, hari inyoni itangaje yatumye abashakashatsi bamanuka ku bwinshi kugira ngo basobanukirwe neza ibintu bari babonye bikabatera kugira amatsiko cyane cyane mu bijyanye n’uburyo igira imyitwarire yihariye ijyanye no gutereta inyoni y’ingore.

Abashakashatsi bavuga ko mu gihe mu busanzwe inyoni zose zizwiho kuririmba mu majwi yazo yihariye, kuri Bowerbird ngo bitagarukira aho gusa, ko ahubwo ngo igira umwihariko wo guhuza imbaraga zayo mu buhanzi n’ubugeni igategura urubyiniro rutatse indabo nyinshi z’amabara igenda isarura hirya no hino kugira ngo ireshye ngenzi yayo y’ingore.

Iyi myitwarire idasanzwe ni yo yatumye iyi nyoni iba imwe mu zishimisha cyane abashakashatsi biga ku miterere y’urukundo n’uburyo inyamanswa zitegura igikorwa cyazo cyo gutera akabariro.

Inyoni yo mu bwoko bwa Bowerbird (Ijya kumera nk’igishwi), abashakashatsi bavuga ko izwi ho kubaka akazu kitwa bower, ariko ngo si inzu isanzwe yo kubamo ahubwo imeze nk’urubyiniro "Stage” igenewe kwerekana ubuhanga bwayo mu rukundo, igamije kwigaragaza kugira ngo ireshye iy’igitsina gore.

Ubushakashatsi bwakozwe na John Endler, umuhanga mu bijyanye n’ihindagurika ry’ibinyabuzima (evolutionary biology), yise “optical illusion” mu nyamaswa bwagaragaje ikintu gitangaje aho yavuze ko inyoni za Bowerbird zikoresha uburyo bwo gutuma ibintu bigaragara mu buryo butandukanye (optical illusion).

Mu bushakashatsi bwe avuga ko yasanze Bowerbird itondeka ibintu bito hafi y’aho yarabutswe ngenzi yayo y’ingore, ibi bigatuma aho irebera hasa n’aharinganiye neza cyane. Endler yavuze ko ibi byerekana ko iyi nyoni ifite ubushobozi bwo gutekereza ku buryo undi muntu abona ibintu (perspective), ikintu gikunze kuboneka ku bantu kurusha inyamaswa.

Ubushakashatsi bwa Prof. Gerald Borgia, yavuze ko ubwiza bw’ubugeni bwayo n’isuku bigira uruhare mu gukurura inyoni z’ingore. Yagaragaje ko no mu busanzwe igitsina gore gikunda guhitamo cyane inzu zisukuye kandi zitunganyijwe neza bigatuma Bowerbird ihora isukura kandi ikunoza ibikorwa byayo.

Borgia yemeje ko kwita ku tuntu duto (attention to detail) ari ingenzi cyane mu guhirwa mu rukundo kuri iyi nyoni.

Ubundi bushakashatsi bwakozwe na Gail Patricelli bwibanze ku mbyino n’imyitwarire ya Bowerbird, bwerekanye ko iyi nyoni y’ingabo muri kwa kwiyerekana kwayo, ngo ihindura imbyino bitewe n’uko igitsina gore kiri kwitwara.

Avuga ko iyo ibonye ngenzi yayo y’ingore igaragaje ubwoba, nayo igabanya umuvuduko w’izo mbyino zayo, mugihe iyo ibonye yishimye, ngo irushaho kongera imbaraga muri performance.

Ibi ngo byerekana ko Bowerbird ishobora guhindura uburyo gutwara cyangwa itanga ubutumwa (adaptive behavior) bitewe n’uyireba.

Abahanga bakoze ubushakashatsi bahuriza ku gitekerezo cy’uko Bowerbird ifite ubushobozi bwo guhanga udushya (creativity), ishobora gutunganya neza ibintu byayo hashingiwe ku bwiza (aesthetic sense), kandi ishobora gukoresha ubuhanzi nk’uburyo bwo kwigaragaza mu rukundo.

Bavuga ko nubwo isa n’inyoni ituje, mu by’ukuri ikora ibishoboka byose kugira ihatane n’izindi, ibintu bituma Bowerbird iba imwe mu nyamaswa zifite uburyo bwihariye bwo kurushanwa bikomeye cyane mu gutereta.

Ubushakashatsi bwakozwe n’aba bahanga bugaragaza ko Bowerbird atari inyamaswa isanzwe, ahubwo ari urugero rugaragaza ko inyamaswa zishobora gutekereza ku buryo buhanitse, guhanga udushya no gukoresha ubuhanzi n’ubugeni mu mibereho yazo.

Mu magambo ya John Endler, umuhanga mu bijyanye n’ihindagurika ry’ibinyabuzima (evolutionary biology), yavuze ko iyi nyoni igaragaza ko ubwiza bushobora kuba igikoresho cy’ingenzi mu mibereho, bitari ku bantu gusa, ahubwo no ku nyamaswa.

Guhumbya ni igikorwa gito ariko gikomeye. Hari n’uburyo abantu bagisuzugura nk’iyo ufitanye ikibazo n’undi muntu, ariko ushaka ko akuva imbere, ukavuga ngo mpumbye nsanga wagiye, abandi bati ndakugeraho mu kanya gato nko guhumbya.

Mu buzima bwa buri munsi, umuntu ashobora guhumbya inshuro zigera kuri 15–20 mu munota. Ibi bisobanuye ko uteranyije neza tumara hagati ya 3% na 8% by’igihe turi maso ariko amaso yacu afunze tutareba. Nubwo bimeze bityo ariko, abashakashatsi bavuga ko ari ingenzi cyane.

Ese ubundi guhumbya bifasha iki?

Ubushakashatsi bwo mu gihe cyashize, guhumbya abahanga bavugaga ko bifasha amaso yacu kutumagara agahora abobereye, gukuramo umukungugu n’ibindi byayinjiyemo, kurinda ijisho mu buryo bwihuse.

Mu bushakashatsi bushya, bwakozwe n’abahanga bo muri Kaminuza ya Rochester muri Leta Zunze Ubumwe za Amerika bagaragaje ko guhumbya bifasha kandi ubwonko gutunganya ibyo tubona.

Ubwo bushakashatsi bwerekanye ko iyo duhumbije, uburyo urumuri rwinjira mu jisho burahinduka. Ibi ngo bituma ubwonko bubasha kubona ishusho rusange y’ibiri imbere yacu ndetse kandi bigafasha ubwonko kongera kwibanda no gusobanukirwa neza ibyo tureba.

Abashakashatsi mu by’ubwonko (neuroscience) bagaragaza ko guhumbya bitabangamira kureba, ahubwo bifasha ubwonko gutunganya neza amakuru y’ibyo umuntu areba.

Ubundi bushakashatsi bugaragaza ko guhumbya bifitanye isano n’imikorere y’ubwonko kuko iyo umuntu afite ikintu runaka yibanzeho cyane, (nko gusoma), ahumbya gake mugihe aruhutse cyangwa se ari gutekereza, guhumbya byiyongera.

Guhumbya kandi bifitanye isano n’imihindagurikire y’imisemburo yo mu bwonko nka dopamine, bisobanuye ko bigaragaza ko ari igice cy’imikorere y’ubwonko, atari amaso gusa.

Yamenyekanye cyane ku Isi hose nyuma yo kwemezwa na Guinness World Records nk’umuganga ukuze kurusha abandi wari ugikora umwuga we. Igitangaje ni uko yakomeje gukora nk’inzobere mu ndwara z’imitsi (neurologist) kugeza muri Nzeri 2025.

Yavutse ku wa 10 Nyakanga 1922 mu Mujyi wa Cleveland muri Leta ya Ohio muri Leta Zunze Ubumwe za Amerika, Dr. Tucker yize ubuganga muri Ohio State University aho yakuye impamyabumenyi mu 1947. Nyuma y’amasomo, yinjiye mu gisirikare akorera Igihugu cye nk’umuganga mu gihe cy’intambara ya Kabiri y’Isi yose ndetse no mu ntambara ya Koreya.

Mu buzima bwe bwose, yamaze imyaka irenga 75 akora ubuvuzi, anigisha abandi baganga, ndetse anakomeza kwakira abarwayi kugeza ageze mu zabukuru hahandi abandi bahita basezera akazi bakajya mu kiruhuko cy’jzabukuru. Yari azwiho gukunda umurimo, kugira ubwitange n’ubushake bwo gukomeza kwiga no gusangira n’abandi ubumenyi.

Abamuzi n’abakoranye na we bagaragaje ko ibanga ry’ubuzima bwe byatumye aramba no mu kazi ke, ryari rishingiye ku gukomeza gukora, gukora imyitozo ngororamubiri yoroshye, kuko yakundaga gukora siporo yoroshye nko kugenda n’amaguru (walking) buri gihe, nubwo yari ageze mu zabukuru.

Kubaho afite intego, Dr Tucker yizeraga ko kugira icyo ukora gifasha abandi bituma umuntu akomeza kugira imbaraga n’icyizere cyo kubaho. Ni mugihe yirindaga ibintu byangiza ubuzima birimo kunywa itabi n’ibindi byagira ingaruka ku buzima kandi akarya neza. Yajyaga agaragaza kenshi ko gusezera ku murimo hakiri kare bishobora gutuma ubwonko bugenda bugabanya imbaraga zabwo.

Urupfu rwe rwasize icyuho mu rwego rw’ubuvuzi no mu bantu benshi bamufatiragaho urugero ku Isi hose. Benshi bumva inkuru ye bavuga ko ibabera isomo rikomeye ry’uko gukunda umurimo no kubaho ubuzima bufite intego bishobora gutuma umuntu aramba kandi akagira umumaro kugeza ku ndunduro y’ubuzima bwe. Dr. Howard Tucker yagaragaje ko gusaza bitavuze guhagarika akazi wakoraga cyangwa kwiga.

Yabitangaje ubwo hasozwaga inama ya 12 ihuza Komisiyo ihoraho y’ibihugu byombi yaberaga I Kampala muri Uganda, agaragaza ko u Rwanda ruha agaciro gakomeye ubu bufatanye bumaze igihe kirekire, bukaba bushingiye ku cyizere, ubufatanye ndetse n’ubushake bwa politiki bugamije kurushaho kubuteza imbere.

Dr. Keitesi yavuze ko ibihugu byombi bikomeje gushyira imbaraga mu kubaka umubano ushingiye ku bufatanye bufatika, hagamijwe guteza imbere inyungu z’abaturage babyo no guteza imbere ukwishyira hamwe kw’akarere.

Yagize ati: “U Rwanda ruha agaciro gakomeye umubano warwo na Uganda umaze igihe kirekire, ushingiye ku mateka ahuriweho n’imibanire y’abaturage, kandi ugakomeza gutezwa imbere n’ubushake bwa politiki bwo kwimakaza icyizere, ubufatanye n’ukwishyira hamwe kw’akarere ku nyungu z’abaturage bacu.”

Dr Kaitesi yakomeje avuga ko abayobozi bashinzwe ububanyi n’amahanga n’ubufatanye bafite inshingano nyamukuru zo gushyiraho umurongo ngenderwaho uhamye, gushimangira ubufatanye hagati y’inzego zitandukanye, no kwihutisha ishyirwa mu bikorwa ry’ibyemezo byafashwe.

Yagize bati: “Inshingano zacu ni ugutanga icyerekezo gifatika, gukomeza guhuza ibikorwa no kwihutisha ishyirwa mu bikorwa ry’ibyemeranyijweho, kugira ngo ubufatanye bwacu butange inyungu zigaragara ku baturage bacu.”

Yemeza ko gushyira imbaraga muri izi nshingano ari byo bizatuma ubufatanye hagati y’ibihugu butanga umusaruro ugaragara, by’umwihariko ku mibereho myiza y’abaturage.
Minisitiri wungirije ushinzwe Ububanyi n’Amahanga wa Uganda, Hon. John Mulimba, yashimangiye ko umubano uri hagati ya Uganda n’u Rwanda urenze kuba ibihugu bituranye gusa, ahubwo ko ari ubufatanye bukomeye bushingiye ku mateka, umuco n’intego bihuriyeho.

Yagize ati: “Uganda n’u Rwanda si abaturanyi gusa, turi abafatanyabikorwa duhujwe n’amateka, umuco n’intego dusangiye, kandi abaturage bacu badutegerejeho ko duhindura uwo mubano inyungu zifatika bagaragaramo.”

Yagaragaje ko abaturage b’ibihugu byombi bategereje ko uwo mubano ugaragara mu bikorwa bifatika bibagirira akamaro.

Ibi abayobozi bombi bagarutseho bishimangira ko imikoranire idakwiye kugarukira ku magambo cyangwa amasezerano gusa, ahubwo igomba kugaragarira mu bikorwa bifatika bigira uruhare mu iterambere n’imibereho myiza y’abaturage.

Muri iyi nama ya 12 y’Urwego ruhuriweho rushinzwe ubufatanye hagati y’u Rwanda na Uganda, ibihugu byombi byasinyanye amasezerano y’ubufatanye agamije guteza imbere imikoranire mu nzego zitandukanye z’ingenzi.

Muri aya masezerano harimo ayo mu rwego rw’ubuzima, agamije kunoza serivisi z’ubuvuzi no guteza imbere ubufatanye mu gukumira no kurwanya indwara. Ay’ubufatanye mu rwego rw’ubuhinzi, hagamijwe kongera umusaruro, guteza imbere ikoranabuhanga mu buhinzi no guteza imbere ubuhinzi bukorwa mu buryo burambye.

Hari kandi amasezerano y’ubufatanye mu rwego rw’uburezi, azafasha mu gusangira ubumenyi, guteza imbere ireme ry’uburezi no kongera amahirwe ku banyeshuri ndetse n’amasezerano y’ubufatanye mu miyoborere y’inzego z’ibanze, agamije gusangira ubunararibonye no kunoza imitangire ya serivisi zegerejwe abaturage.

Iyi mikoranire mishya igaragaza ubushake bw’ibihugu byombi bwo kurushaho gushimangira umubano wabyo no gushyira imbaraga mu bikorwa bifatika bigamije kuzamura imibereho y’abaturage.

Yabigarutseho kuri uyu wa Gatatu tariki 22 Mata 2026, mu nama nyunguranabitekerezo (symposium) yibanze ku mateka ya Jenoside, yateguwe na Ambasade y’u Rwanda muri Kenya, ku bufatanye n’imiryango itandukanye irimo PLO Lumumba Foundation, Pan African Institute, Lukenya University ndetse na University of Nairobi.

Iyi nama yahawe insanganyamatsiko igira iti: “From Ashes to Ambition: Rwanda’s Journey of Renewal and the Quest for a United Africa” yateguwe mu rwego rwo kwifatanya n’u Rwanda ndetse n’Isi muri rusange mu kwibuka ku nshuro ya 32 Jenoside yakorewe Abatutsi mu 1994, kugaruka ku rugendo rw’u Rwanda rwo kwiyubaka nyuma yayo no gusangira amasomo yaruvuyemo n’Ibihugu ku mugabane wa Afurika.

Lumumba yagaragaje ko u Rwanda ruri mu bihugu byatanze urugero rudasanzwe mu kongera kubaka Igihugu cyari cyarasenyutse, arushimira uburyo rwabashije kwiyubaka mu nzego zitandukanye byose bishingiye ku buyobozi bw’icyerekezo bwa Perezida Paul Kagame.

Yashimangiye ko ubuyobozi bufite icyerekezo, bushyira imbere ubumwe n’iterambere, ari bwo bwafashije Igihugu kugera ku ntego zifatika mu gihe gito ugereranyije n’amateka rwanyuzemo.
Yavuze ko Kigali ari ikimenyetso kigaragaza iri terambere, aho uyu Mujyi ugaragaramo isuku, ibikorwa remezo bigezweho ndetse n’iterambere rikomeye mu ikoranabuhanga.

Yongeraho ko Kigali ari urugero rwerekana uko Afurika ishobora kwiyubaka ikagera ku rwego rwo hejuru iyo habayeho ubuyobozi bwiza n’icyerekezo gisobanutse.

Ku bijyanye n’amateka ya Jenoside, Lumumba yamaganye akomeje abagerageza guhakana cyangwa kugoreka ukuri ku byabaye, avuga ko abahakana bakanapfobya Jenoside yakorewe Abatutsi batazigera bitsinda ukuri. Yashimangiye ko kwibuka no kuvuga ukuri ari ingenzi mu kubaka ejo hazaza heza no gukumira ko ayo mahano yazongera kubaho.

Yasoje atanga ubutumwa bukomeye bwo kudacika intege no kugira icyizere, agaragaza ko Afurika ifite imbaraga zo kwiyubaka no guhangana n’ibibazo biyugarije. Yavuze ko ubumwe bw’Abanyafurika, bushingiye ku kuri no ku ndangagaciro rusange, ari bwo buzatuma umugabane uhagarara ushikamye, ukarwanya icyatuma habaho indi Jenoside cyangwa ibindi byaha byibasira inyokomuntu.

Iyi symposium yabaye umwanya wo kongera kwibutsa amahanga akamaro ko kwigira ku mateka, no gukomeza gushyigikira inzira z’ubutabera, ubwiyunge n’iterambere rirambye.

Ibi yabigarutseho kuri wa Gatatu tariki 22 Mata, mu nama yahuje abikorera, yari igamije kubategura mbere y’iri huriro mpuzamahanga. Twagirumukiza yavuze ko iyi nama itagamije gutanga amakuru gusa, ahubwo ko ari n’umwanya wo gutegura neza abikorera kugira ngo bazabashe kubyaza umusaruro amahirwe azayibonekamo.

Yagize ati: “Iyi nama ni ingenzi cyane kuko idufasha kwitegura no guhuza imbaraga, kugira ngo tuzashobore kubyaza umusaruro amahirwe azava muri Africa CEO Forum.”

Yongeyeho ko biteganyijwe ko izitabirwa n’abantu benshi cyane kurusha iyabaye mbere, bitewe n’intego zayo zikomeje kugerwaho cyane cyane nyuma y’iyabereye i Kigali mu 2024 yitabiriwe ku rwego rwo hejuru.

Yagize ati: "Ibi bigaragaza ko u Rwanda rutakiri gusa ahabera ibiganiro mpuzamahanga, ahubwo ruri kuba igicumbi cyabyo."

Twagirumukiza kandi yagaragaje ko Urugaga rw’Abikorera ruri gushyira imbaraga mu kongera ubushobozi bw’abanyamuryango barwo, binyuze mu kubashishikariza, kwagura ibikorwa byabo no kongera umusaruro w’iby’imbere mu gihugu, gushora imari mu nzego zitandukanye, kuzamura ireme rya serivisi batanga no gukoresha ikoranabuhanga rigezweho mu rwego rwo kongera ihiganwa ku isoko mpuzamahanga.

Yashimangiye ko Africa CEO Forum ari amahirwe akomeye yo kubona abafatanyabikorwa bashya, abakiliya, abatanga serivisi ndetse n’ikoranabuhanga rigezweho. Ati: “Iyi si inama isanzwe. Ni urubuga rutuma ibitekerezo bihindukamo ibikorwa. Ni yo mpamvu dusaba abikorera bose kuyijyamo biteguye neza, bazi neza icyo bashaka kugeraho.”

Yasoje asaba abikorera kwegera iri huriro bafite intego zisobanutse, bateguye neza ibikorwa byabo, kugira ngo bazashobore kungukira ku mahirwe azavamo.

Umuyobozi Mukuru w’urwego rw’Igihugu rw’Iterambere, Jean-Guy Afrika, yagaragaje ko iri huriro ari amahirwe akomeye ku bikorera bo mu Rwanda, kuko ribaha uburyo bwo guhura n’abantu bakomeye mu bucuruzi no gushaka abafatanyabikorwa bashya.

Yagize ati: “Nta zindi mbuga nyinshi zitanga aya mahirwe yo guhura n’abafata ibyemezo n’abashoramari benshi mu gihe gito nk’iki.”

Yavuze ko iyi forum izamara iminsi ibiri, izaba ari urubuga rukomeye ku rwego rwo hejuru ruhuza abayobozi b’ibigo, abashoramari, ibigo by’imari n’abafata ibyemezo muri guverinoma.

Umuyobozi wa RDB, yongeyeho ko ku bigo byo mu Rwanda, agaciro k’iyi forum kari mu nyungu zifatika bihita biyikuramo, zirimo kubona abashoramari bashobora gushyigikira imishinga, gufungura amarembo mashya y’ubucuruzi no kwagura ibikorwa.

Yakomeje asobanura ko iyi forum izafasha kandi ibigo byo mu Rwanda kwigereranya n’ibindi ku rwego rwa Afurika, kumenya aho ishoramari riri kwerekeza, no kunoza ingamba z’iterambere hashingiwe ku mahirwe ari ku isoko.

Iyi nama ije mu gihe u Rwanda rukomeje gushyira imbaraga mu guteza imbere urwego rw’abikorera no kurushaho gukurura ishoramari mvamahanga, hagamijwe iterambere rirambye n’ihangwa ry’imirimo.

Africa CEO Forum izaba kuva ku wa 14 kugeza 15 Gicurasi 2026 muri Kigali Convention Center, ikaba izahuza abayobozi b’ibigo bitandukanye, abashoramari n’abanyapolitike baturutse muri Afurika ndetse no hirya no hino ku Isi. Biteganyijwe ko iyi nama izitabirwa n’abarenga 2500.

Tariki 16 Werurwe 2025, DJ Ira wari mu bantu bagera ku 8000 bitabiriye ibiganiro Perezida Kagame yagiranye n’abatuye Umujyi wa Kigali, nibwo yahawe umwanya maze atangira ashima uko yakiriwe mu Rwanda ndetse anageza ku mukuru w’igihugu icyifuzo cyo guhabwa ubwenegihugu bw’u Rwanda.

Muri uwo mwanya uburyo u Rwanda ruha amahirwe abana b’abanyamahanga kimwe nk’uko Abanyarwanda bayahabwa maze ahita asaba Perezida Kagame ko yahabwa ubwenegihugu na we akaba Umunyarwanda. Ati “Icyifuzo cyanjye ni ukubasaba ubwenegihugu bw’u Rwanda nkitwa umwana w’Umunyarwandazi nkibera uwanyu.”

Perezida Kagame yahise amwemerera ko ubwo bwenegihugu abuhawe, amusaba gukomeza gukurikirana inzira zisabwa ngo umuntu ahabwe ubwenegihugu bw’u Rwanda. Ati “Ababishinzwe hano babyumvise? Ndabikwemereye ahasigaye ubikurikirane. Ibisigaye ni ukubikurikrana mu buryo bigomba gukorwa gusa, nakubwira iki.”

Ntabwo byatinze nk’uko bahora bavuga ko imvugo y’Umukuru w’Igihugu ariyo ngiro, kuko tariki ya 10 Mata 2025, Urwego rw’Igihugu rushinzwe abinjira n’abasohoka rwatangaje urutonde rw’abantu 36 bahawe ubwenegihugu bw’u Rwanda, rugaragaraho amazina ye. Uru rutonde rwari rwasohotse mu Igazeti ya Leta nimero 14 yo ku wa 7 Mata 2025.

Nyuma y’uko asabye ubwenegihugu kandi akabuhabwa, Dj Ira yakomeje kwibasirwa n’Abarundi ku mbuga nkoranyambaga bamwita umugambanyi ndetse bamwe banamubwira ko adakwiye kuzongera gutekereza kugaruka i Burundi.

Nubwo hashize umwaka ahawe ubwenegihugu Nyarwanda, Dj Ira nanubu aracyibasirwa n’Abarundi batandukanye byatumye afata umwanya abinyujije ku mbuga nkoranyambaga ze, ababaza impamvu ikibazo cy’ubwenegihugu bwe gikomeje guteza impaka, nyamara asanga ari uburenganzira bwe nk’umuntu.

Yagize ati: “None se nyuma y’umwaka wose muracyafite uburakari? Muracyantuka, muracyantera ubwoba!. Njye kugeza n’ubu sinumva ikibazo gihari. Reka tuganire gato. Nshobora kuba naracecetse mukagira ngo mfite isoni z’ibyo nasabye, narabihatirijwe cyangwa naba ntatewe ishema n’Ubwenegihugu nasabye.”

DJ Ira yakomeje avuga ko amategeko y’u Burundi yemera ubwenegihugu bubiri, bityo kuba yarasabye ubw’u Rwanda bidakwiye gufatwa nk’ikibazo kidasanzwe. Ati: “Gusaba ubwenegihugu bw’u Rwanda ni kimwe no kuba nasaba ubwa Amerika, Canada n’ibindi. Ariko kubera ko ari ubwenegihugu bw’u Rwanda, byahise biba ikibazo.”

Yabwiye ashimangira abo badahwema kumwibasira ko bamenye izina rye cyane bitewe n’amahirwe yabonye mu Rwanda, aho yahawe urubuga rwo kugaragaza impano ye atitaye ku kuba ari umunyamahanga.

Ati: “DJ Ira mwamumenye kubera u Rwanda, akazi nkora ni ho nagatangiriye, narahageze mpabwa rugari ndakora batitaye ko ndi umunyamahanga, n’ubu aho ngeze sinatinya kuvuga ko ari ukubera Imana n’u Rwanda wenda no gukora neza. Rwose nari mfite impamvu igihumbi zo gusaba ubwenegihugu bwa ho.”

Dj Ira yavuze ko abamwibasira babiterwa n’urwango bamwe bafitiye u Rwanda. Ati: “Ntabwo ikibazo kiri kuri njye, ahubwo ni urwango mufitiye u Rwanda. Njye nta kintu kidasanzwe nakoze. Gusaba ubwenegihugu ntibivuze kwihakana igihugu cyawe.”

DJ Ira ni umwe mu bakobwa bagezweho mu mwuga wo kuvanga imiziki mu Rwanda. Yatangiye uyu mwuga mu 2016 abifashijwemo na mubyara we DJ Bissosso, wamufashije no kumwinjiza mu muziki wo mu Rwanda.

Yageze i Kigali muri Kanama 2015 avuye i Burundi, nyuma yo gusoza amashuri yisumbuye, aho yahise atangira urugendo rwamugize umwe mu ba DJ bazwi cyane mu gihugu.

Ubushakashatsi bugezweho bwerekana ko ubwonko bw’umuntu bukora mu buryo buhambaye kandi mu buryo buhujwe neza kuko nta gice kinini cyabwo kiba kidakora, kuko buri gice gifite umurimo wacyo.

Aba Neuroscientists benshi by’umwihariko nko mu bushakashatsi bwa Carter, Sejnowski n’abandi benshi bagaragaje ko ibice byose by’ubwonko bifite imirimo yihariye, kandi gukoresha byose icyarimwe bidashoboka, ahubwo ko "dufite ibikorwa bihoraho kandi bihindagurika mu bice bitandukanye bitewe n’ibyo dukora".

Bimwe mu bice by’ubwonko n’icyo bikora, harimo nka Cerebral cortex, iki gice kakaba gifite akamaro ko gufata ibyemezo, kwiga, kumva, kureba ndetse no mu bijyanye n’imitekerereze. Buri gice cyabwo kikaba gikora bitewe n’imirimo umuntu ari gukora.

Hari kandi Cerebellum, ifasha mu kugenzura imikoranire y’imitsi n’imyanya y’umubiri, ndetse iki gikorwa kiba igihe cyose mu buryo budahagarara.

Hippocampus ni igice cy’ubwonko gifasha umuntu kwibuka cyane cyane no ku banyeshuri kibafasha mu kwibuka amasomo biga cyangwa se n’abandi bantu bakora ibintu bibasaba kutibagirwa.

Ikindi gice gikomeye cy’ubwonko ni Brainstem, kuko kigenzura imikorere ya muntu y’ibanze nk’umutima n’ubuhumekero, kikaba gikora igihe cyose nta guhagarara.

Uhereye kuri ibi bice by’ubwonko, abashakashatsi bagaragaza ko ibi bisobanura ko ubwonko budakora bwose icyarimwe ku kigero cya 100%, ahubwo bukora mu buryo buhindagurika bitewe n’icyo umuntu ari gukora.

Abahanga bakoresha uburyo bugezweho nka Brain Imaging babashije kwerekana ko n’igihe umuntu asa n’uruhutse, ubwonko bwe buba bugikora. Ibi byatumye basobanukirwa neza ko nta gice kinini cy’ubwonko kiba kiruhutse cyangwa kidakora burundu, nk’uko hari ababitekerezaga batyo.

Abashakashatsi bavuga ko Ikindi abantu batazi neza ni uko igitekerezo cyo gukoresha 100% by’ubwonko icyarimwe kitacyaba cyiza ku buzima bw’umuntu, bavuga ko ubwonko bukoresha ingufu nyinshi cyane ugereranyije n’ibindi bice by’umubiri.

Ni kubw’izo mpamvu bagaragaza ko ubwonko buramutse bukoreshejwe ku kigero cya 100% icyarimwe, byasaba ingufu zidasanzwe kandi bishobora no gutera ibibazo bikomeye nko gushyuha cyane cyangwa kwangirika kw’uturemangingo twabwo.

Icy’ingenzi abashakashatsi bashimangira si ukugera ku “100%”, ahubwo ni uko umuntu yakoresha neza ubushobozi bwe bwo gutekereza. Ibi bikaba byagerwaho binyuze mu kwiga, gusubiramo ibyo umuntu yize, kuruhuka bihagije, no kugira ubuzima bwiza muri rusange kuko bavuga ko ubwonko bukomeza kwiga no kwiyubaka bitewe n’uko umuntu abukoresha neza.

Mu gusoza, si ukuri ko hari igice kinini cy’ubwonko tudakoresha cyangwa ko dushobora kuzagera aho tubukoresha bwose icyarimwe ku kigero cya 100%. Ahubwo, ubwonko bwacu bukora mu buryo bwihariye, buhuza ibice bitandukanye mu gihe gikwiye, kandi ari byo bituma umuntu abasha gukora neza no gutekereza mu buryo bwuzuye.

Iyo filime igaruka ku bihe byo mu myaka ya 1970, ubwo uyu mugabo w’Umwongereza, aho ijyana abayireba mu Rwanda rwo mu myaka hafi 50, ubwo David Attenborough yasuraga bwa mbere ingagi zo mu misozi miremire mu Rwanda.

Ni igitekerezo Attenborough yagize ubwo yicaraga hagati y’umuryango w’ingagi ubwo yarimo afata amashusho ya filime yitwa "Life on Earth" ya BBC. Uyu munsi iyi nkuru yongeye gusubirwamo mu buryo bushya, ihuzwa n’igihe u Rwanda rugezemo mu kurengera ibidukikije no guteza imbere ubukerarugendo.

Iyi filime ntawabura kuvuga ko ije mu gihe cy’ingenzi ku Rwanda, nyuma y’uko umwaka wa 2025 waranzwe no kwizihiza imyaka 100 ishize hashinzwe pariki ya mbere y’Ibirunga muri Afurika, yashinzwe mu 1925, igizwe n’ibirunga bitanu birimo na Karisimbi, byishimirwa na ba mukererugendo basura Ingagi zo mu misozi miremire ndetse no gutembera mu mashyamba y’imigano atoshye kandi abonekamo ibinyabuzima byinshi.

Ntabwo aribyo gusa kuko mu myaka 25 ishize, u Rwanda rwabaye icyitegererezo mu guteza imbere ubukerarugendo bushingiye ku gusura Ingagi zo mu birunga, bugenewe umubare muto w’abasura, bityo bukagira n’uruhare mu kurengera ibidukikije no guteza imbere imibereho myiza y’abaturage begereye Pariki.

Iyi filime igiye gushyira Ingagi z’u Rwanda kuri Netflix, urubuga rumenyerewe mu bijyanye no gutunganya filime n’ibiganiro no kubicuruza kuri internet, yakozwe n’abahanga barimo James Reed wegukanye igihembo cya Academy Awards, iatunganywa na Alastair Fothergill hamwe n’abandi barimo Leonardo DiCaprio, Jennifer Davisson na Phillip Watson.

Muri iyo filime mbarankuru hagaragaramo kuvanga inyandiko za kera za Attenborough n’amashusho ya BBC yo hambere, ikagaragaza uburyo yahuriye bwa mbere n’akana k’ingagi kitwaga Pablo mu myaka ya 1970, ndetse ikanerekana umuryango w’abakomotse kuri Pablo muri Pariki y’Ibirunga muri iki gihe.

Abayikoze bavuga ko iyi filime ari uguha icyubahiro ubuzima bugoye ariko kandi butangaje bw’ingagi zo mu misozi miremire, kandi ikagaragaza uruhare rukomeye rw’umuryango Dian Fossey Gorilla Fund mu kubungabunga no gukora ubushakashatsi kuri izi nyamaswa zitangaje.

Ubukerarugendo bwo gusura Ingagi bukomeje kuba inkingi ikomeye mu bukungu bw’u Rwanda, aho umusaruro wabwo ungana 70% by’amafaranga ava mu bukerarugendo bugamije kwishimisha ndetse mu myaka ya 2024 na 2025, amafaranga yinjijwe muri uru rwego yiyongereyeho 27%.

Abahanga mu by’ingendo bavuga ko iyi filime ishobora kongera umubare w’abasura u Rwanda. Imibare igaragaza ko abakorera ingendo mu Rwanda bamaze kwiyongera ku kigero cya 41% hagati ya Mata 2025 na Mata 2026, kandi biteganyijwe ko bazakomeza kwiyongera cyane cyane mu bihe by’impeshyi.

Nubwo u Rwanda rushobora kungukira cyane kuri iyi filime, izanafasha no kumenyekanisha Ingagi zo mu misozi miremire y’ibirunga, harimo Uganda ndetse na Repubulika Iharanira Demukarasi ya Congo.

Zirara Zishya yari filime yagarukaga ku buzima bwo mu miryango, igaragaza amakimbirane n’imibanire hagati y’abashakanye n’abaturanyi, ibintu byatumye igira abafana benshi mbere y’uko ihagarara.

Ni imwe muri filime kandi zazamuye amazina y’abatari bake, baje kuba ibyamamare muri sinema Nyarwanda, barimo Gratien Niyitegeka (Sekaganda), Ndjoli Kayitankore (Kanyombya), Kalisa Ernest uzwi nka Samusure na Venuste Bahizi (Nzovu).

Charles Habyarimana, watangije akanayobora iyi filime, yavuze ko icyemezo cyo kongera kuyikora cyatewe ahanini n’igitutu cy’abafana bakomeje gusaba ko inkuru yayo bayikora ikarangira kuko ubwo yahagarikwaga bitunguranye bayicishirije hagati.

Yagize ati: “Twafashe icyemezo cyo gukomeza iyi filime kubera ko abafana badahwema kubidusaba. Iyo urebye inkuru yayo, yahagaze itarangiye.”

Charles avuga ko bahagarika kuyikora byatewe n’igihombo cyatewe n’uburyo bayigurishagamo cyane ko yacururizwaga kuri CD ndetse akenshi n’amafaranga yavagamo ntabwo yabageragaho.

Imwe mu mpamvu yatumye iyi filime batekereza kongera kuyikora, harimo kuba uyu munsi hari impinduka ko impinduka zigaragara zabaye mu buryo bwo gukwirakwiza ibihangano no kubibyazamo inyungu, cyane cyane hifashishijwe imbuga za interineti by’umwihariko YouTube.

Ati: “Nafashe icyemezo cyo kuyikomeza kuko nabonye uburyo bwo kuyishyira kuri YouTube no kuyibyaza amafaranga, bitandukanye n’igihe twashingiraga inyungu yayo ku kugurisha CD.”

Biteganyijwe ko amashusho azatangira gufatwa muri uku kwezi nyuma y’icyumweru cyo kwibuka ku nshuro ya 32 Jenoside yakorewe Abatutsi mu 1994.

Icyiciro cya kabiri cya Zirara Zishya, kizagaragaramo bamwe mu bakinnyi bayo bakunzwe cyane barimo nka Samusure, Mukarujanga, Nyagahene, Nyirakanyana, Nyirankende, Kanyamanza, Gasega, Rumende, Nzovu, Nyina wa Mbogo, Nyirankoko, Nyirantama n’abandi benshi.

Nk’uko Habyarimana abitangaza, nibura 90% by’abakinnyi bo mu gice cya mbere bazagaruka, nubwo hari bamwe bashobora kutazagaragara.

Yagize ati: “Sekaganda afite akazi kenshi, bishobora kumugora kugaruka. Naho Kanyombya, byasaba kongera guhanga indi nkuru yamugarura, kuko we yari yarasohotse mu nkuru ya mbere.”

Icyiciro gishya kizajya gitambutswa ku muyoboro wa YouTube "Abasare Films", aho n’ibice bya mbere byatangiye gushyirwaho kugira ngo abataragize amahirwe yo kuyireba ndetse n’abayikunze mu gihe cyashize babashe kongera kwiyibutsa inkuru yayo mbere y’uko isubukurwa.

Muri iyi nkuru tugiye kugaruka ku mateka y’imwe mu zidasanzwe cyane by’umwihariko mu mateka y’igihugu cy’u Buhinde, aho umukobwa witwa Rukhmabai yaharaniye uburenganzira bwe agahangana n’umuco wakandamizaga abana b’abakobwa bakiri bato, bashyingirwaga ku gahato maze ahindura amateka.

Rukhmabai ni umukobwa wavukiye mu Buhinde mu 1864. Akiri umwana muto cyane, nk’uko byari bisanzwe mu muco w’icyo gihe, yaje gushyingirwa ku gahato afite imyaka 11 gusa, ashyingirwa Dadaji Bhikaji.

Ariko nubwo amategeko n’umuco by’icyo gihe byabimutegekaga, Rukhmabai ntiyigeze yemera kubana n’uwo mugabo. Yari afite inzozi zo kwiga no kwiyubaka akagera ku nzozi yari afite, ariko kandi nanone yabonaga neza ko gushyingirwa naramuka atabyemeye byari kumwangiriza ubuzima.

Mu 1884 habaye urubanza rwahinduye amateka y’u Buhinde ndetse ruvugisha benshi. Umugabo yagombaga gushyingirwa, Dadaji yaje kumujyanye mu rukiko, arusaba ko Rukhmabai ategekwa ko babana nk’umugore we. Ibi byabyaye urubanza rukomeye cyane rwiswe Rukhmabai Case rwabaye hagati ya 1884 na 1888.

Muri uru rubanza, Urukiko rwafashe icyemezo gikomeye cyane, kuko icyari gihari nk’uko amategeko yabiteganyaga, Rukhmabai yagombaga kubana n’uwo mugabo cyangwa agafungwa.

Gusa ariko icyo gihe Rukhmabai yakoze ikintu cyatunguye benshi, kuko yafashe umwanzuro wo kwemera agafungwa aho kubana n’uwo mugabo ku gahato, kuko ubuzima yofuzaga ntaho yari kuzahurira nabwo cyane ko yari yaragize amahirwe yo gushyigikirwa n’uwari umugabo wa Mama we.

Icyo cyemezo cya Rukhmabai cyatumye, inkuru ye ikwira mu Buhinde hose no mu Bwongereza nk’Igihugu yakolonozaga u Buhinde icyo gihe, maze abanyamakuru, abanyamategeko n’abaturage batangira kujya impaka hirya no hino bibaza niba koko umugore agomba guhatirwa gushyingirwa.

Izo mpaka zaje kuzana impinduka mu mitekerereze y’abaturage ndetse no mu mategeko. Urubanza rwa Rukhmabai rwahinduye ibintu byinshi birimo no kuzamura ijwi ry’abagore maze na bo batangira kumva ko bafite uburenganzira bwo kuvuga “oya” kandi bakayihagararaho ntacyo bikanga.

Si ibyo gusa kuko imyitwarire ya Rukhmabai yahinduye imyumvire y’abaturage, batangira kubona ko guhatira abana b’abakobwa gushyingirwa bakiri bato ari akarengane.

Ntabwo byarangiriye mu mpinduka zijyanye n’imyumvire cyangwa gukangura abagore n’abakobwa kumenya uburenganzira bwabo, kuko habaye n’impinduka mu mategeko kuko mu 1891 hashyizweho itegeko rikomeye ryitwa "Age of Consent Act" ryazamuye imyaka ntarengwa ku bana b’abakobwa mu bijyanye n’imibanire y’abashakanye.

Nubwo iri tegeko ryari intambwe nto ugereranyije n’ubu, icyo gihe ryari impinduka ikomeye cyane mu kurengera abana b’abakobwa kuko ryazamuye imyaka yo gushyingirwa iva kuri 10 ijya kuri 12. Aha wakumva ko ntacyahindutse kuko n’ubundi umwana aba akiri muto, ariko iyi yabaye intambwe ikomeye kuko byasabye imbaraga zikomeye.

Nyuma y’imyaka myinshi yaranzwe n’impaka, ikibazo cya Rukhmabai cyaje gukemuka mu buryo, kuko nyuma y’uko afunzwe, yemeye kwishyura amafaranga maze aza kurekurwa ndetse ahabwa uburenganzira bwe, ndetse ntiyategekwa kubana n’uwo mugabo.

Ibi byamuhaye amahirwe yo gukomeza ubuzima bwe nk’uko yabyifuzaga ndetse atangira gukurikira inzozi ze zirimo kwiga akiteza imbere cyane ko yaje kugira amahirwe nyuma y’urwo rugamba rwose, ajya kwiga mu Bwongereza ibijyanye n’ubuvuzi ariko kandi ntiyahwemye no gukomeza urugamba rwo guharanira uburenganzira bw’abagore n’abakobwa.

Rukhmabai nyuma kujya kwiga mu Bwongereza, yabaye umwe mu bagore ba mbere b’Abahinde babaye abaganga ndetse amaze kugaruka mu Buhinde, yavuraga cyane cyane abagore n’abana.

Mu rugamba rwo guharanira uburenganzira bw’abagore, yandikaga inyandiko nyinshi zavugaga ku bibazo by’akarengane. Rukhmabai yabaye urugero rw’uko umuntu umwe ashobora guhindura amateka y’Igihugu cyose.

Yavugaga ko uburenganzira buharanirwa, budatangirwa ubuntu kabone n’iyo waba ntawe ufite ugushyigikiye, ushobora gutangiza impinduka zizagira uruhare ku buzima bw’Igihugu cyangwa Isi muri rusange.

Rukhmabai mu Buhinde ntabwo ari izina risanzwe mu mateka y’icyo Gihugu kuko ari ikimenyetso cy’ubutwari. Yari umukobwa muto mu myaka ariko yarahagurutse arwanya umuco wamukandamizaga, ahitamo kubaho uko ashaka kandi mu bwisanzure aho kwemera kubaho ubuzima adahisemo maze avuga "Oya" Isi irahinduka.

Uyu munsi mu Buhinde, imyaka yemewe n’amategeko ku mukobwa ushaka gushyingirwa ni 18. Ibi bigenwa n’amategeko y’icyo gihugu agamije kurinda abana bato ni mugihe ku bahungu ho, imyaka yemewe ni 21.

Ariko nubwo ari uko amategeko abiteganya, mu Buhinde nk’Igihugu kinini kandi gituwe cyane ku Isi, hari aho mu duce tumwe na tumwe gushyingira abana bigikorwa rwose bitewe ahanini n’umuco, ubukene cyangwa imyumvire gakondo nubwo bitemewe n’amategeko kandi Leta ikomeje kubirwanya.

Urwego Ngenzuramikorere (RURA) rwatangaje ko rurimo gukurikiranira hafi mu Gihugu hose ishyirwa mu bikorwa ry’ibiciro bishya by’ingendo biherutse gushyirwaho.

Rwasabye abatwara abagenzi kubahiriza no kumanika ibiciro aho abagenzi bategera no mu modoka ndetse kandi abagenzi basabwa gukomeza gutanga amakuru kuri 2222, no ku mbuga nkoranyambaga za RURA.

Ni amasezerano yashyizweho umukono na Minisitiri w’Ubuzima, Dr. Nsanzimana Sabin n’Umuyobozi ushinzwe ibijyanye n’Amavugurura muri Sandoz, Simon Goeller.

Dr. Sabin Nsanzimana, Minisitiri w’Ubuzima yagize ati: “U Rwanda ni rumwe mu bihugu byo muri Afurika yo munsi y’Ubutayu bwa Sahara bishyigikira kwishyurira abarwayi ubuvuzi bwa kanseri binyuze muri gahunda ya leta y’ubwisungane mu kwivuza, kandi rukomeje gufata indwara zanduza nk’ikibazo gikomeye cy’ubuzima rusange."

Yakomeje agira ati: “Iyi mikoranire igaragaza ubushake bwacu bwo gukorana n’inganda zimaze kumenyekana mu gukora imiti mu rwego rwo kwagura uburyo bwo kubona ubuvuzi bwa kanseri bufite iremw kandi buhendutse, ndetse no kubona n’imiti y’ingenzi".

Minisitiri Dr Sabin Nsanzimana yavuze ko binyuze muri aya masezerano, u Rwanda rugamije guteza imbere uburyo bwo gufasha abarwayi kubona ubuvuzi, haba imbere mu gihugu ndetse no mu bihugu bigize Umuryango wa Afurika Yunze Ubumwe.

Simon Goeller, yavuze ko aya masezerano ari intambwe ya mbere igamije gushyiraho uburyo burambye bwo gutuma Akarere kabasha kubona imiti yujuje ubuziranenge kandi ikagurwa ku giciro cyoroheje.

Yagize ati: "Iyi mikoranire ikomeye twagiranye na Guverinoma y’u Rwanda ikubiyemo imiti igera kuri 60, ni intambwe ya mbere iganisha ku gushyiraho uburyo burambye bwo kugura imiti ku rwego rw’Akarere, ku giciro cyoroheje kandi ifite ubuziranenge bwo ku rwego rwo hejuru. Ni urugero rwiza rugaragaza uko duharanira kugera ku ntego ya Sandoz yo korohereza abarwayi kubona ubuvuzi bufite ireme."

Yakomeje agira ati: “Ni inkuru nziza ku Rwanda, kuri Afurika no ku ruganda rwacu rwa Kundl; urwo ruganda rukaba ari ihuriro rikomeye mu gukora imiti mu Burayi, ruri mu nkeya zisigaye zikora ibikorwa byose bijyanye n’ikorwa ry’imiti kuva ku ntangiriro kugeza ku musozo."

Uretse u Rwanda, muri aya masezerano biteganyijwe ko iyo miti izagezwa no mu bindi bihugu bya Afurika bifatanya n’u Rwanda muri iyi gahunda, kandi bishobora no kwagurwa mu gihe kiri imbere.

Iyo miti izagenda yongerwa mu gihe kiri imbere, biteganyijwe ko izaturuka ku ruganda rwa Sandoz ruherereye i Kundl mu gihugu cya Austria, nk’uko byatangajwe n’ubuyobozi bw’iki kigo.

Perezida Kagame yageze muri Congo Brazzaville ku gicamunsi cyo kuri uyu wa Gatatu aho yitabiriye umuhango w’irahira rya Perezida Sassou NGuesso riteganyijwe ku wa Kane tariki 16 Mata 2026.

Aba bayobozi bombi kandi baganiriye ku mubano mwiza usanzwe urangwa hagati y’u Rwanda na Congo, ibibazo by’ingenzi bireba umugabane wa Afurika, ndetse no ku bufatanye mu nzego z’ingenzi hagamijwe kurushaho guteza imbere umubano usanzweho .

Arsenal igeze muri ½ cya UEFA Champions League nyuma yo gusezerera Sporting Portugal, ku giteranyo cy’igitego 1-0 mu mikino yombi.

Umukuru w’Igihugu kandi yavuze ko ari ibyo kwishimira kubona amakipe atatu y’abafatanyabikorwa ba #VisitRwanda (Arsenal, Atlético de Madrid na Paris St Germain), ageze muri ½ cy’irangiza cya UEFA Champions League ahamya ko imikinire yayo igaragaje ubudaheranwa, ubuhanga n’imbaraga, ndetse yizeye ishyaka ryayo ryinshi mu mikino iri imbere.

Proud to see three #VisitRwanda partners qualifying for the UEFA Champions League semi-finals! The performances of @Atleti, @Arsenal and @PSG_inside have shown consistency, excellence and resolve, and we look forward to the games ahead!

— Paul Kagame (@PaulKagame) April 15, 2026

Iki gikorwa cyabaye umwanya w’ingenzi wo guhuza umuco n’amateka hagati y’u Rwanda na Brazil, aho iyi Filime ibara inkuru y’amateka y’u Rwanda yerekanwe mu rurimi rw’Igiporutugali, bituma icyari kigambiriwe kigerwaho kuko yakurikiwe n’abanyeshuri n’abarimu bo muri iki gihugu mu buryo bworoshye kandi bwumvikana.

Ambasaderi wa Brazil mu Rwanda, Irene Vida Gala, wagize uruhare rukomeye mu kwimakaza ubufatanye hagati ry’ibihugu byombi, yashimangiye akamaro ko kwibuka, kongera gutekereza ku mateka, no gusangira inshingano zo kurwanya ingengabitekerezo yaganisha Isi mu makuba nk’ayo u Rwanda rwanyuzemo.

Abanyeshuri barenga 100 baturutse mu mashami atandukanye bitabiriye iki gikorwa, bagaragaje ubushake n’inyota bafite byo kumenya amateka y’u Rwanda n’urugendo rw’isanamitima, ubutabera n’ubudaheranwa Igihugu cyanyuzemo mu myaka irenga 30 ishize.

Mu kiganiro cyakurikiyeho nyuma yo kureba iyi filime, abanyeshuri babajije ibibazo byinshi bijyanye n’inkomoko y’urwango ndetse n’uruhare rw’urubyiruko mu kubaka ejo hazaza harangwa n’amahoro.

Mu gusobanura impamvu yamuteye gukora iyi filime, Matovu yasubije avuga ko n’ubwo usanga amakimbirane hirya no hino ku Isi aba ari hagati y’amatsinda atandukanye. Ariko u Rwanda by’umwihariko, abayobozi barwo bo hambere baciyemo ibice abaturage bakabavutsa ubumwe bari basangiye bityo ko hatagize igikorwa, cyaba ari ikibazo ku hazaza h’Isi muri rusange.

Agaruka ku ruhare rw’urubyiruko ati: “Jenoside ntiyatangiye abantu bica abandi, yatangiye ari ingengabitekerezo y’urwango. Uko byagiye bisubirwamo, byageze aho biramenyerwa birangira bibaye ibisanzwe. Urubyiruko rw’uyu munsi rukwiye kwibaza ibyo rwumva n’ibyo rusubiramo, kuko ari byo bigena uko tubona abandi n’uko tubitwaraho.”

Iki gikorwa cyanakurikiwe n’ikiganiro cyimbitse cyayobowe n’abashakashatsi bo muri Brazil, bagaragaje uko u Rwanda rwiyubatse nyuma ya Jenoside, bashimangira akamaro ko kwibuka, ubumwe, n’ubumenyi bufasha Isi kurushaho gusobanukirwa aya mateka.

Iki gikorwa ntabwo kibanze kuri filime gusa, ahubwo cyabaye umwanya wo gusangiza Isi amateka y’u Rwanda, hagamijwe ko atazibagirana kandi amasomo ayakomokaho agasangizwa abandi.

Mu gihe u Rwanda rukomeje Kwibuka ku nshuro ya 32, ibikorwa nk’ibi bikomeje kugaragaza uruhare rw’igihugu mu gusangira amateka yacyo ku rwego mpuzamahanga mu kubaka isi irangwa no kuzirikana no kugira inshingano zo kurinda ko amateka mabi atazisubira ukundi.

Ni ubutumwa aba bahanzi batanze mu kugaragaza ko bari kumwe n’u Rwanda muri ibi bihe byo kwibuka, kuzirikana amateka no guha icyubahiro abazize Jenoside yakorewe Abatutsi.

Umuhanzi w’icyamamare mu Karere k’Afurika y’Iburasirazuba, Jose Chameleone yifatanyije n’u Rwanda n’Isi muri rusange muri iki gihe cyo Kwibuka ku nshuro ya 32 Jenoside yakorewe Abatutsi mu 1994.

Dr Jose Chameleone yavuze ko yifatanyije n’u Rwanda mu kwibuka ubuzima bw’inzirakarengane zazize Jenoside yakorewe Abatutsi, ndetse no guha agaciro no gushima imbaraga n’ubudaheranwa by’abarokotse.

Umuhanzi w’Umunya-Tanzania, Rajabu Abdulkahali Ibrahim wamamaye nka Harmonize, nawe yagaragaje ko yifatanyije n’Abanyarwanda abinyujije ku mbuga nkoranyambaga ze.

Ni ubutumwa nawe yashyize kuri Instagram ye, ashyiraho ifoto igaragaza Perezida Paul Kagame ari kumwe na Madamu Jeannette Kagame, bacana urumuri rw’icyizere ruzamara iminsi 100 mu gikorwa cyo gutangiza Icyumweru cy’Icyunamo n’iminsi 100 yo Kwibuka cyabaye ku wa 7 Mata 2026.

Ku rundi ruhande, itsinda rya Good Lyfe ryo muri Uganda, ryari rigizwe na Radio na Weasel, naryo ryagaragaje ko ryifatanyije n’Abanyarwanda, ritanga ubutumwa bw’ihumure no guha icyubahiro abazize Jenoside yakorewe Abatutsi.

Bagize bati: “Turibuka duha n’icyubahiro abazize Jenoside yakorewe Abatutsi mu 1994. Urwibutso rwabo rudushishikariza ubumwe n’ubudaheranwa.”

Ubutumwa bw’aba bahanzi bugaragaza ko Kwibuka Jenoside yakorewe Abatutsi bitagarukira ku Banyarwanda gusa, ahubwo ari inshingano n’ubutumwa mpuzamahanga bwo gukomeza kwibuka, kurwanya ingengabitekerezo ya Jenoside no gushimangira ubumwe bw’abatuye Isi.

Ntabwo ari abahanzi b’abanyamahanga gusa bazirikanye ibihe u Rwanda rurimo bakifatanya narwo, kuko n’Abanyarwanda na bo batanze ubutumwa bw’ihumure.

Abo barimo Umuhanzi Rusanganwa Norbert, umaze kumenyekana nka Kenny Sol, wagaragaje ko urubyiruko rukwiye kwitandukanya n’imyumvire ifata Jenoside yakorewe Abatutsi nk’amateka ya kera cyangwa nk’umugani, ashimangira ko ari amateka akwiye kwigwaho no kubakirwaho ejo hazaza heza.

Yavuze ko Jenoside yakorewe Abatutsi mu 1994 yasize ibikomere mu mitima ya benshi, kandi isiga n’amasomo ashimangira ko iyo himitswe urwango n’ivangura, hari abahatakariza ubuzima, asaba urubyiruko gukora ibishoboka byose byatuma bitazasubira ukundi.

Umuhanzikazi Bwiza Emerance, nawe yatanze ubutumwa bureba cyane urubyiruko avuga ko ibihe byo Kwibuka Jenoside yakorewe Abatutsi mu 1994, atari umwanya w’ikiruhuko no kudakoresha imbuga nkoranyambaga, ahubwo ko ari umwanya wo gukoresha ijwi ryabo mu guhangana n’abahakana bakanapfobya Jenoside yakorewe Abatutsi mu 1994.

Umusizi Rumaga, nawe mu butumwa yatanze yifashishije igisigo gito yagize ati: "Izina ni ukubibuka. Ariko mfura nzima, nta narimwe twigeze tubibagirwa, ni uko nyuma y’imyaka 32, uyu munsi, uku kwezi, aya matariki aribwo duherukana. Ineza yanyu izahora itwizihiye nk’ikirezi u Rwanda rw’ubumwe. Ni icyomoro cy’intimba y’urwo mwishwe."

Muyombo Thomas uzwi nka Tom Close nawe yatanze ubutumwa bw’ihumure avuga ko ku nshuro ya 32, u Rwanda rwinjiye mu gihe cyo kwibuka abishwe baziri kubera gusa ko bari Abatutsi.

Yagize ati: "Abana, abagore, abagabo, abasaza n’abakecuru, bose twababuze mu minsi 100. Ntihazongera kuba Jenoside mu gihe turi maso."

Mu bandi bahanzi Nyarwanda nagize ubutumwa batanga, harimo Bruce Melodie, Mike Kayihura, King James, Ish Kevin, Kevin Kade, Alto n’abandi batandukanye.