Ni irushanwa ryasojwe kuri iki cyumweru taliki ya 21 Kamena 2026 i Kigali aho ryari rimaze iminsi itatu riba. Iri rushanwa ryitabiriwe n’amakipe 14 yose hamwe abagabo n’abagore harimo ayavuye mu bihugu bya Uganda, Kenya, Benin ndetse n’u Rwanda rwakiriye.

Mu cyiciro cy’abagabo, ikipe ya kepler VC niyo yegukanye iki gikombe itsinze APR VC ku mukino wa nyuma amaseti 3-0. Mu rugendo ruyerekeza ku mukono wa nyuma, ikipe ya Kepler VC yari yasezereye ikipe ya Finance VC yo mu gihugu cya Benin, nyuma kandi iza no gusezerera ikipe ya Police VC muri ½ iyitsinze nayo amaseti 3-0.

Muri iki cyiciro, ikipe ya Police VC niyo yegukanye umwanya wa gatatu, nyuma yo gutsinda ikipe ya REG VC amaseti 3-1.

Mu cyiciro cy’abagore, ikipe ya Kenya Pipeline Company yo muri Kenya niyo yegukanye igikombe nyuma yo gutsinda ikipe ya APR WVC ku mukino wa nyuma amaseti 3. Mu rugendo rwayo rwo kwerekeza ku mukino wa nyuma, ikipe ya Kenya Pipeline Company yasezereye ikipe ya Kepler women’s volleyball club muri ½ bigoranye nyuma yo kuyitsinda amaseti 3-2.

Muri iki cyiciro, ikipe ye Police WVC niyo yegukanye umwanya wa gatatu nyuma yo gutsinda Kepler amaseti 3-2.

Iterwa Mpaga rya Gisagara VC

Igikuba cyaracitse ndetse n’ibihano bifatirwa bamwe mu bakinnyi b’ikipe ya Gisagara VC nka zimwe mu ngaruka zo guterwa mpaga aho abakinnyi barimo Muvara Ronald na Ngaboyitwari Cedric bamaze guhagarikwa muri iyi kipe.

Ikibazo Muzi

Ubwo imikino yo kwibuka yari irimbanyije, ikipe ya Gisagara VC yagombaga gukina umukino wa ¼ n’ikipe ya Police Volleyball ku munsi wo kuwa gatandatu taliki ya 20 Kamena ku isaha ya saa sita z’amanywa. Abakinnyi ba Police VC yagombaga gukina na Gisagara VC ndetse n’abasifuzi bagombaga kuyobora umukino, bageze ku kibuga bategereza ikipe ya Gisagara baraheba kugeza ubwo amasaha yagenwe y’ubucyerererwe yageze maze abasifuzi bemeza mpaga.

Mbere yo guterwa mpaga, habayeho kubanza guhamagara ikipe ya Gisagara VC yibutswa ko amasaha agiye kugera ariko ikaba itagaragara ku kibuga. Mu kwisobanura, ikipe ya Gisagara yakomezaga ivuga ko yagize akabazo k’imodoka ariko iri mu nzira, gusa ibi bisa naho byari bihabanye n’ukuri.

Nyuma yo guterwa mpaga, ikipe ya Gisagara yasohoye itangazo rihagarika abakinnyi bayo babiri barimo Ngaboyitwari Cedric ndetse na Muvara Ronald aho ubuyobozi bw’ iyi kipe bwagaragaje ko aba bakinnyi bagize uruhare mu guterwa mpaga kw’ikipe ya Gisagara VC.

Nubwo ibyo byose byabaye, amakuru dufite nuko iyi kipe y’akarere ka Gisagara ibyaba byarateye gucyerererwa kugera ku kibuga, byaba bifitanye isano n’ukwigumura kw’abakinnyi bari banze gukina kubera kudahembwa nubwo ngo baje guhembwa kuri uwo mugoroba.

Abakinnyi bahagaritswe, bahagaritswe amazi 3 aho biteganyijwe ko bazagaruka mu ntangiriro z’ Ukwakira uyu mwaka.

Mu mukino witabiriwe n’abarimo perezida wa repubulika Paul Kagame, ikipe ya RSSB-Tigers yari ihagarariye u Rwanda, yegukanye BAL nyuma yo gutsinda ku mukino wa nyuma ikipe ya Petro du Lunda yo muri Angola amanota 90 kuri 88.

Ni amateka yanditswe kuri iyi kipe yari yitabiriye iri rushanwa ku nshuro ya mbere aho nta kipe yo munsi y’ubutayu bwa Sahara yari yarabashije kwegukana iri rushanwa mu nshuro 5 ziheruka kuva ryatangira gukinwa muri 2021.

Nubwo ikipe ya RSSB yatangiye nabi agace ka mbere k’umukino itsindwa amanota 27 kuri 16, ibi yaje kubikosora mu gace ka kabiri k’umukino maze nayo ikegukana ku manota 26 ku manota 10 ya Petro du Luanda byatumye amakipe yombi ajya kuruhuka RSSB Tigers iri imbere n’igiteranyo cy’amanota 42 kuri 37 ya Petro.

Mu gace ka gatatu k’umukino, ikipe ya Petro Du Luanda yongeye kukayivora ibifashishijwemo cyane n’umukinnyi wayo Abou Bacar Pedro Gakou wari wihariye amanota menshi maze Petro yegukana aka gace ku manota 22 kuri 19 ya RSSB Tigers bivuze ko nubwo RSSB yari ikiyoboye umukino ariko ikinyuranyo cyari cyagabanutse Kuko amanota yari yegeranye cyane.

Mu gace ka kane k’umukino ari nako ka nyuma, rwabuze gica ku mpande zombi, nubwo ikipe ya Petro du Luanda wabonaga igenda imbere ikipe ya RSSB Tigers, ibi nti byaje kuyihira kuko aka gace kaje kurangira amakipe yose anganya amanota 29 kuri 29 ibi byatumye ikipe ya RSSB-Tigers yegukana igikombe ku giteranyo cy’amanota 90 kuri 88 ya Petro Du Luanda.

Leonard Craig Randall ukinira RSSB-Tigers niwe mukinnyi wabaye umukinnyi w’irushanwa (MVP)

Umukinnyi w’ikipe ya RSSB-Tigers Leonard Craig Randall niwe mukinnyi wabaye umukinnyi w’irushanwa nkuwahize abandi mugihe ari nawe wanahize abandi mu gutsinda amanota menshi kuko yatsinze amanota 33 wenyine.
RSSB ni ikipe ya Kane ihagarariye u Rwanda kuva iri rushanwa ryatangira gukinwa muri 2021 nyuma Patriots, APR ndetse na REG. RSSB-Tigers kandi, niyo kipe yonyine ibashishe kwegukana iki gikombe munsi y’ubutayu bwa Sahara.

Dore uko amakipe yagiye yegukana BAL kuva yabaho.

2021- Zamaleke (Egypt)
2022- US Monastir (Tunisia
2023- Al Ahly (Egypt)
2024- Petro du Luanda (Angola)
2025- Al Ahly Tripoli (Libya)

Ni ku nshuro ya mbere mu mateka yiri rushanwa ikipe yo mu Rwanda ibashije kugera ku mukino wa nyuma, bikaba n’amateka yanditswe n’iki kipe ku nshuro yayo ya mbere yari yitabiriye ikagera ku mukino wa nyuma.

Mbere y’umukino

Amatsiko yari menshi ku bakunzi ba basketball, aho bibazaga ninde uza kubimburira abandi kugera ku mukino wa nyuma yaba hagati ya A Ahly ndetse na RSSB-Tigers dore ko Tigers ari ubwa mbere yari igeze muri 1/2 naho Al Ahly ikaba ari imwe mu makipe y’ubukombe muri iri rushanwa ndetse n’iwabo

RSSB yinjiye muri uyu mukino wa 1/2 cy’irangiza cya BAL ibizi neza ko yamaze gukora amateka yo kuba ikipe ya gatatu ibikoze nyuma ya Patriots BBC, yabigezeho mu irushanwa rya mbere rya BAL ryabereye i Kigali mu 2021, ndetse na APR BBC yabikoze umwaka ushize wa 2025 i Pretoria muri Afurika y’Epfo, mbere yo kwegukana umwanya wa gatatu.

Ikipe ya RSSB-Tigers kandi, yari yagaruye umukinnyi wayo uri mu bakomeye Teafale Lenard Jr wasibye umukino iyi kipe yateinzemo Fus Rabat yo muri Morocco kubera imvune.

Uko umukino wagendaga

Agace ka mbere gatangiranye ishyaka ku mpande zombi ubona buri kipe ishaka kuyobora umukino gusa nta numwe byahiriye kuko aka gace kaje kurangira amakipe yombi anganya amanota 24-24.

Muri aka gace ka mbere, umukinnyi Zachary Matthew Loftonwa Al Ahly’s niwe wari uyoboye abandi mu gutsinda amanota menshi kuko yari amaze gutsinda amanota 10 wenyine akurikiwe na Leonard Craig wa Tigers we wari umaze gutsinda amanota arindwi.

Agace ka kabiri, nta tandukaniro n’aka mbere kuko amakipe yombi yakomeje gukubana ndetse ubona amanota yegerenye abadasigana cyane. Ibi byaje n’ubundi gutuma aka gace karangira banganya amanota 26 kuri 26 n’igiteranyo cy’amanota 60 kuri 50 maze amakipe yombi ahita ajya kuruhuka.

Perezida wa Repubulika Paul Kagame ari mu barebye uyu mukino wasize amateka.

Aha, umukinnyi Leonard Craig Randall wa RSSB-Tigers, niwe wari imbere mu bamaze gutsinda amanota menshi kuko yari amaze kuzuza amanota 18 mu gihe Kevin Marquis Murphy wa Al Ahly’s we yari amaze gutsinda amanota 16.

Agace ka gatatu, karanzwe n’amakosa menshi ku ikipe ya Al Ahly byanatumye ikipe ya RSSB-Tigers igenda ibyungukiramo maze igashyira igitutu kuri Al Ahly. Ibi byanatumye ikipe ya Tigers inegukana aka gace ku manota 30 kuri 26 ya Al Ahly aha noneho ikipe ya Tigers yari iyoboye umukino ku nshuro ya mbere kuva utangiye. Muri aka gace, umukinnyi Zachary Matthew Lofton wa Al Ahly niwe wari umaze gutsinda amanota menshi kuko yari amaze gutsinda amanota 28 wenyine.

Agace ka kane ari nako ka nyuma, karanzwe n’umurindi w’abafana bari bakubise BK Arena buzuye bashyigikiye ikipe ya RSSB-Tigers yari irimo gukora amateka. Aka gace n’ubundi byaje kurangira gahiriye ikipe ya Tigers maze ik gukana ku manota 26 kuri 21 ya Al Ahly binatuma umukino urangira ari igiteranyo cy’amanota 106-97.

Zachary Matthew Loftonwa wa Al Ahly wari ni umwe mu bakinnyi bitwaye neza

Ikipe ya RSSB Tigers, izahura n’izarokoka hagati ya Petro de Luanda yo muri Angola ndetse na Al Ahly Benghazi yo muri Libya aho umukino wabo bombi uteganyijwe kuri uyu wa kane taliki ya 28 Gicurasi muri BK ARENA.

APR VC yegukanye irushanwa ryo kwibuka Alphonse Rutsindura 2026

Ku nshuro ya 22 iri rushanwa rikinwa, ryasize amakipe ya APR VC na Nyanza TSS begukanye ibikombe mu byiciro by’abakuru n’abato. Ni irushanwa ryakinwe mu minsi itatu bitandukanye nuko ryari risanzwe rikinwa mu rwego rwo kongera igihe bitewe n’umubare w’amakipe yitabiriye wazamutse.

Ikipe ya APR VC mu cyiciro cy’abagabo bakina nk’ababigize umwuga, niyo yegukanye igikombe nyuma yo gutsinda ikipe ya REG VC ku mukino wa nyuma amaseti 3-2. Muri iki cyiciro kandi, ikipe ya Gisagara VC yari yanongeyemo amaraso mashya mu ikipe yabo, niyo yegukanye umwanya wa gatatu nyuma yo gutsinda Police VC amaseti 3-2.

Mu cyiciro cy’abato (Juniors), ikipe ya Nyanza TSS niyo yegukanye igikombe mu mukino wari ugoye nyuma yo gutsinda ikipe ya Gisagara Academy ku mukino wa nyuma amaseti 3-2 naho Petit Séminaire Virgo Fidelis itsinda ikipe ya Groupe Scolaire Officiel de Butare ku mukino w’umwanya wa gatatu amaseti 3-1.

Mu cyiciro cy’abagabo bakina mu cyiciro cya kabiri (Serie B), ikipe ya Keystone niyo yegukanye igikome itsinze ikipe ya Winstar naho ikipe ya Catholic University of Rwanda yegukana umwanya wa gatatu. Mu cyiciro cy’abagore, ikipe ya ESB Kamonyi niyo yegukanye igikombe itsinze ikipe ya RP Kigali ku muki wa nyuma amaseti 3-2 naho Lycee de Nyanza yegukana umwanya wa gatatu.

Amabasaderi Karabaranga Jean Pierre watojwe na Rutsindura Alphonse ubwo yaganirizaga abitabiriye iri rushanwa ku mateka ya Rutsindura

Si ibyo byiciro byakinnye gusa kuko hari hari n’ibindi byiciro byakinnye birimo amashuri yisumbuye, icyiciro rusange, amashuri abanza, abakanyujijeho ndetse n’abakina volleyball yo kumucanga (Beach Volleyball)

Rutsindura Memorial Tournament ni irushanwa ngarukamwaka rya volleyball ritegurwa n’Iseminari nto ya Butare, Petit Seminaire Virgo Fidelis de Butare, rikinwa mu rwego rwo kwibuka Rutsindura Alphonse wishwe muri Jenoside yakorewe Abatutsi mu 1994.

Uretse kuba Rutsindura yarize muri iyi Seminari, yanayibayemo ari umwarimu ndetse ari n’umutoza wa volleyball, yanagize uruhare runini mu iterambere ry’uyu mukino muri iri shuri no kugeza ubu volleyball yabaye nk’umuco.

Ku rwego rw’Igihugu, Rutsindura yabaye umusifuzi wa volleyball, aba visi Perezida w’Ishyirahamwe ry’Umukino wa volleyball mu Rwanda, FRVB, atoza ikipe y’igihugu y’u Rwanda mu bagore ndetse atoza n’ikipe ya Rayon Sports. Ibikorwa byamuranze mbere y’uko yicwa muri Jenoside nibyo byatumye hatangira gutegurwa irushanwa ryo kumwibuka.

Musenyeri Philippe Rukamba uri mu kiruhuko cy’izabukuru mu muhango wo guhema abitwaye neza

Rutsindura Alphonse yavutse mu 1958, avukira i Ndora mu Karere ka Gisagara, yiga amashuri yisumbuye muri Seminari nto ya Karubanda, amashuri makuru ayakomereza muri IPN (Institut Pédagogique National) i Butare.

Yabaye umwarimu w’umuziki n’Ikilatini mu Iseminari, aba Umusifuzi n’Umutoza w’ikipe ya Seminari hagati ya 1983-1994, aba Umutoza mukuru w’Ikipe y’Igihugu y’Abagore hagati ya 1988-1990.
Yanabaye kandi Visi Perezida wa Federasiyo ya Volleyball (FRVB), anaba Umutoza wa Rayon Sports VC mu 1990. Rutsindura Alphonse yishwe muri Jenoside yakorewe Abatutsi mu 1994 hamwe n’umugore we, Mukarubayiza Verena n’abana babo, harokotse umwe gusa.

Ni umukino wa baye kuri uyu wagatanu taliki ya 22 Gicurasi mu nzu y’imikino ya BK ARENA yakiraga iyi mikino ku nshuro ya gatandatu aho wari wabanjirijwe n’umukino ikipe ya ASC Ville de Dakar Senegal yatsinze ikipe ya Al Ahly yo mu gihugu cya misiri amanota 93 kuri 90.

Umukino wahuje ikipe ya RSSB Tigers na FUS Rabat yo muri Maroke, ni umukino wari utegerejwe na benshi dore ko byari ku nshuro ya mbere iyi kipe ihagarariye u Rwanda yitabiriye aya marushanwa ahuza ibihangange ku mugabane w’Afurika mu mukino wa Basketball.

Mbere y’uko uyu mukino utangira, habaye ibirori bifungura ndetse no gususurutsa abari muri BK Arena yari yuzuye , binyuze mu mikino itandukanye n’imbyino bya Mashirika.

Ikipe ya RSSB Tigers yatangiye neza umukino, aho agace ka mbere k’umukino karangiye itsinze ikipe ya FUS Rabat amanota amanota 24 kuri 13. Muri aka gace, umunyamerika Leonard Craig Randall yari amaze gutsinda amanota arindwi mugihe Ntore Habimana we yari amaze gutsinda amanota 6.

Kuany Atem Kuany na Ilias Aqboub ba FUS Rabat bagerageje kuyifasha mu gace ka kabiri kugira ngo bagabanye ikinyuranyo, ariko ntibyakunda igice cya mbere kirangira RSSB ikiyoboye ku manota 45-36.

Abitabiriye bari benshi muri BK Arena

Nyuma y’iki gice hakurikiyeho umuhanzi w’Umunya-Kenya Bien-Aimé Baraza uzwi nka Bien Aimé, akaba umwe mu bagezweho muri Afurika y’Iburasirazuba, ndetse akaba ari nawe wahawe kumenyekanisha iri rushanwa (ambabassador) aho yasusurukije abari muri BK Arena mu ndirimbo ze zirimo ‘Finale’ iri mu zikunzwe muri iki gihe.

RSSB Tigers BBC yakomeje kwitwara neza isoza agace ka gatatu ikiyoboye FUS Rabat ku manota 71-59, ariko mu ka kane itangira yasubiye inyuma kubera amakosa menshi byatumaga FUS Rabat ishaka kugabanya ikinyuranyo cy’amanota.

Perezida Kagame ari mu bitabiriye umukino wahuje ikipe ya RSSB-Tigers na FUS Rabat

Gusa ntibyayikundiye kuko umurindi w’abafana ba RSSB Tigers BBC watumye igaruka mu mukino, ihita itsinda FUS Rabat n’agace ka kane ku manota 95-72, yegukana umukino wayo wa mbere.
Leonard Craig Randall II wa RSSB Tigers BBC ni we watsinze amanota menshi muri uyu mukino, aho yinjije amanota 38 wenyine. Mugenzi we Mangok Mathiang we yakoze Rebound nyinshi, aho yakoze 15.

Umuhanzi w’Umunya-Kenya Bien-Aimé Baraza uzwi nka Bien Aimé yasusurukije abitabiriye iyi mikino

Imikino izakurikiraho ni uwa Club Africain yo muri Tunisia izahura na Al Ahly Ly yo muri Libya, saa Cyenda z’Umugoroba, nurangira hakurikireho Atlético Petróleos de Luanda yo muri Angola izahura na Dar City yo muri Tanzania.

Gisagara VC yatangiye neza Irushanwa ryo kwibuka Alphonse Rutsindura

Ni mukino ufungura wabaye kuri uyu wa gatanu taliki ya 22 Gicurasi, wahuje ikipe ya Gisagara VC ndetse n’ikipe ya Police VC aho uyu mukino wasize ikipe ya Gisagara VC itsinze ikipe ya Police VC amaseti 3-1.

Wari umukino wa mbere wo mu itsinda rya kabiri rigizwe n’amakipe ya Gisagara, Police VC ndetse na Kirehe VC aho uyu mukino wabereye mu nzu y’imikino ya Gisagara (Gisagara Gymnasium)

Ni umukino kandi ikipe ya Police VC yakinnye idafite bamwe mu bakinnyi bayo barimo Makuto Elphase, Melly Brian ndetse na Angiro Gideon bahamagawe mu makipe y’ibihugu byabo Kenya na Uganda mu gihe ikipe ya Gisagara VC yo yari ifite abakinnyi bayo bose ndetse yari yongeyemo n’umugande Apunyo Cosmas usanzwe ukinira ikipe ya CHEMA VC yo mu gihugu cya Kenya.

Ikipe ya Gisagara VC niyo yabanje gutsinda amaseti 2 y’umukino, Police vc itsinda iseti ya gatatu y’umukino ariko Gisagara yongera gutsinda iseti ya kane ari nayo yayihesheje intsinzi bituma iyobora itsinda.

Indi mikino mu byiciro bitandukanye, irakomeza kuri uyu wa gatandatu, ku bibuga bitandukanye yaba muri Gisagara Gymnasium, mu ishuri rya Petit Séminaire Virgo Fidelis n’ahandi.

N’ubwo irushanwa nyirizina ryo kwibuka Rutsindura ryatangiye kuri uyu wa gatanu, imikino ya mbere y’amatsinda yamaze gukinwa mu cyiciro cy’amashuri yisumbuye no mu cyiciro rusange (O’Level).

Iyi mikino y’amatsinda yasize mu cyiciro cy’amashuri yisumbuye hasigayemo amakipe 4 yageze muri 1/2 ariyo Petit Seminaire Virgo Fidelis de Butare, Gisagara Volleyball Academy, Groupe Scolaire Officiel de Butare na Nyanza TSS.

Naho mu cyiciro rusange, amakipe 4 yageze muri 1/2 ni Petit Seminaire Virgo Fidelis de Butare, College Christ Roi Nyanza, Groupe Scolaire Officiel de Butare na Groupe Scolaire Marie Merci Kibeho.

Rutsindura Memorial Tournament ni irushanwa ngarukamwaka rya volleyball ritegurwa n’Iseminari nto ya Butare, Petit Seminaire Virgo Fidelis de Butare, rikinwa mu rwego rwo kwibuka Rutsindura Alphonse wishwe muri Jenoside yakorewe Abatutsi mu 1994.

Uretse kuba Rutsindura yarize muri iyi Seminari, yanayibayemo ari umwarimu ndetse ari n’umutoza wa volleyball, yanagize uruhare runini mu iterambere ry’uyu mukino muri iri shuri no kugeza ubu volleyball yabaye nk’umuco.

Ku rwego rw’Igihugu, Rutsindura yabaye umusifuzi wa volleyball, aba visi Perezida w’Ishyirahamwe ry’Umukino wa volleyball mu Rwanda, FRVB, atoza ikipe y’igihugu y’u Rwanda mu bagore ndetse atoza n’ikipe ya Rayon Sports.

Ibikorwa byamuranze mbere y’uko yicwa muri Jenoside nibyo byatumye hatangira gutegurwa irushanwa ryo kumwibuka.

Rutsindura Alphonse yavutse mu 1958, avukira i Ndora mu Karere ka Gisagara, yiga amashuri yisumbuye muri Seminari nto ya Karubanda, amashuri makuru ayakomereza muri IPN (Institut Pédagogique National) i Butare.

Yabaye umwarimu w’umuziki n’Ikilatini mu Iseminari, aba Umusifuzi n’Umutoza w’ikipe ya Seminari hagati ya 1983-1994, aba Umutoza mukuru w’Ikipe y’Igihugu y’Abagore hagati ya 1988-1990.

Yanabaye kandi Visi Perezida wa Federasiyo ya Volleyball (FRVB), anaba Umutoza wa Rayon Sports VC mu 1990. Rutsindura Alphonse yishwe muri Jenoside yakorewe Abatutsi mu 1994 hamwe n’umugore we, Mukarubayiza Verena n’abana babo, harokotse umwe gusa.

Police VC yaburaga bamwe mu bakinnyi bayo bagiye mu ma kipe y’ibihugu.

REG VC yegukanye igikombe cya shampiyona ivuye inyuma, ni igikombe yegukanye kuri iki cyumweru taliki ya 17 Gicurasi, nyuma yo gutsinda ikipe ya Police VC ivuye inyuma imikino itatu kuri ibiri. Ni imikino ya kamarampaka (Playoffs) bakinaga aho aya makipe yombi yagombaga gutanguranwa imikino itanu (Best of Five)

Ikipe ya Police niyo yatangiye neza uru rugendo aho yabanje gutsinda imikino ibiri ibanza mbere yuko basubika bakerekeza mu mikino ny’Afurika ihuza amakipe yabaye ayambere iwayo CAVB Men’s club championship 2026 aho ndetse aba bombi bitwaye neza Police VC ikegukana umudari w’Ifeza naho REG VC yo ikegukana umudari w’umuringa.

Ubwo bagarukaga, ikipe ya Police VC yasabwaga gutsinda umukino umwe gusa maze ikegukana igikombe, siko byagenze rero kuko ikipe ya REG VC nayo yafatiyeho maze itsinda ikipe ya police VC imikino nayo ibiri yikurikiranya byatumye banganya imikino 2-2 bategereza umukino wa kamarampaka wa gatanu ari nawo wagombaga kugena utwara igikombe.

Police VC yatangiranye amahirwe yo kwegukana igikombe cya shampiyona, nti yasoje urugendo neza.

Ikipe ya REG VC itazuyaje yatsinze ikipe ya Police VC amaseti 3-0 maze yegukana igikombe cya shampiyona ya 2025-2026 kiba icya gatatu mu mateka yiyi kipe nyuma yicyo yatwaye muri 2019 na 2022.

Kepler VC yegukanye umwanya w gatatu.

Ikipe ya Kepler VC niyo yegukanye umwanya wa gatatu, ibi ikaba yarabigezeho nayo nyuma yo gutsinda ikipe ya Gisagara VC imikino 3-0.

Mu cyiciro cy’abagore, ikipe ya APR niyo yegukanye igikombe cya shampiyona yuyu mwaka nyuma yo gutsinda ikipe ya Kepler VC imikino 3-0 maze nayo ikegukana igikombe itazuyaje.

Muri iki cyiciro, ikipe ya Police VC niyo yegukanye umwanya wa gatatu, umwanya yegukanye nyuma yo gutsinda ikipe ya RRA imikino 3-0.

Abakinnyi bahize abandi mu cyiciro cy’abagore

Amakipe ya REG VC, POLICE VC mu bagabo ndetse na APR VC na Kepler VC mu cyiciro cy’abagore, niyo yabonye itike yo kuzakina imikino ny’Afurika ihuza amakipe yabaye ayambere iwayo umwaka utaha.

Abakinnyi bahize abandi mu cyiciro cy’abagabo

Ni igikorwa cyabaye kuri uyu wa gatatu kuri stade Amahoro aho minisiteri ya siporo ikorera aho hashimiwe amakipe ya volleyball yahagarariye u Rwanda muri shampiyona y’Afurika “CAVB Men’s club championship 2026” iherutse kubera mu Rwanda ndetse igasiga amateka.

Ni irushanwa ryasojwe taliki ya 2 Gicurasi, aho ryegukanywe n’ikipe ya Al Ahly yo mu gihugu cya Misiri nyuma yo gutsinda ikipe ya POLICE VC yo mu Rwanda ku mukino wa nyuma amaseti 3-0.

Nubwo ariko ikipe ya POLICE VC yatsindiwe ku mukino wa nyuma, yakoze amateka yo kuba ikipe ya mbere mu karere ishoboye kwegukana umudari w’Ifeza (Sliver) ndetse ikurikirwa n’ikipe ya REG VC nayo yakoze amateka nyuma yo kwegukana umudari w’umuringa (Bronze) ku nshuro ya kabiri mu mateka ya volleyball y’u Rwanda nyuma ya Gisagara volleyball yabikoze muri 2022.

Minisitiri Nelly Mukazayire yashimiye cyane amakipe yose yitabiriye avuga ko bahagarariye neza igihugu kandi ko abanyarwanda bishimye.

Mu ijambo rye rifungura, Perezida w’ishyirahamwe ry’umukino wa volleyball mu Rwanda Ngarambe Raphael, yashimiye amakipe uko bitwaye ndetse abibutsa ko ubu nta gusubira inyuma.

“Turabashimira cyane mwarakoze mwitwaye neza, gusa nanone iki ni igitutu twamaze kwishyiraho, ntabwo tugomba gusubira inyuma yaho twageze “Oya” ahubwo tugomba gukomeza imbere nibura mu myaka itatu iri imbere tukazaba turi aba mbere kuri uyu mu gabane wacu”

Perezida wa federasiyo Ngarambe Raphael yibukije abakinnyi ko ubu nta gusubira inyuma, ahubwo Intego ubu igomba kuba igikombe

Minisitiri wa Siporo akaba ari nawe wari umushyitsi mukuru, yashimiye cyane amakipe yose yitabiriye avuga ko bahagarariye neza igihugu kandi ko abanyarwanda bishimye.

“Turashaka kubashimira kuko mwitwaye neza, mwahagarariye neza amakipe yanyu ndetse n’igihugu, ariko nti bigarukire aha, intego ubu igomba kuba igikombe, kuko ubu mwabonye aho bitagenze neza nicyo gihe rero cyo kubikosora kuko iyo niyo ntabwe ya mbere yo gutegura intsinzi itaha”

Minisitiri yakomeje avuga ko abijeje ubufatanye muri byose kugirango bagere ku ntego zabo.

“Ndashaka kandi kubabwira ko tubijeje ubufatanye muri byose, duhereye no ku bakiri bato, ibi bizadufashaka kugira n’abakinnyi benshi biteguye guhangana no ku isoko mpuzamahanga aho n’ibindi bihugu byajya biza gushaka abakinnyi mu Rwanda”

Usibye amakipe ya POLICE VC na REG VC yabashije kwegukana imidari, andi makipe yari ahagarariye u Rwanda ni Kepler VC yasoreje ku mwanya wa karindwi naho APR yo isoreza ku mwanya wa 11 mu makipe 24 yari avuye mu bihugu 17.

REG VC yahagamye POLICE VC

Ni imikino ya kamarampaka, yakinwe kuri uyu wa gatandatu taliki ya 9 Gicurasi mu nzu y’imikino ya Petit Stade aho yasize ikipe ya APR women volleyball club yegukanye igikombe cya shampiyona yuyu mwaka nyuma yo gutsinda Kepler VC ku giteranyo cy’imikino 3-0 bityo igahita yegukana igikombe cya shampiyona yaherukaga mu mwaka wa 2024.

APR WVC yegukanye igikombe cya shampiyona yaherukaga muri 2024

Mu mukino wahuje aba bombi kuri uyu wa gatandatu, ikipe ya APR WVC yatsinze Kepler amaseti 3-2, ibi byaje bisanga indi mikino ibiri APR yari yaratsinze Kepler maze yuzuza imikino 3-0 muri itanu bagombaga gutanguranwa ariko bidategereje ko igera kuko niyo Kepler yatsinda indi mikino ikurikiraho yose, ntabwo yageze kuri itatu APR yabatsinze.

Police WVC yegukanye umwanya wa gatatu

Muri iki cyiciro kandi, ikipe ya Police WVC, niyo yegukanye umudali w’umuringa (Bronze) uhabwa uwegukanye umwanya wa gatatu, ni nyuma yo gutsinda ikipe ya RRA nayo idakozemo kuko umukino yayitsinze kuri uyu wa gatandatu, wuzuzaga umukino wa gatatu bari bamaze kubatsinda bityo yegukana umudali w’umuringa uhabwa uwegukanye umwanya wa gatatu.

Mu cyiciro cy’abagabo, rwabuze gica aho ikipe ya Police VC yari yizeye kwegukana igikombe kuri uyu wa gatandatu bitayikundiye ahubwo igomba gutegereza umukino wa kane.

Police VC yari iyoboye n’imikino 2-0 yananiwe gutsinda ngo yegukane igikombe

Mu gihe abenshi bumvaga ko ikipe ya REG ishobora gutsindwa imikino 3-0, yo siko yatumye bigenda kuko nubwo uyu mukino wayigoye, yaje kuwegukana itsinze Police VC amaseti 3-1 bituma igira nayo intsinzi imwe muri eshanu bagomba gutanguranwa.

Umuyobozi mukuru wa Police y’igihugu IGP, CG Felix Namuhoranye yari yaje gushyigikira abasore be

Nubwo APR WVC yegukanye igikombe, KEPLER ikegukana umwanya wa kabiri Police ikegukanwa umwanya wa gatatu mu cyiciro cy’abagore, aba bose bagomba gutegereza basaza babo nabo bagasoza imikino yabo kugirango bahabwe igikombe n’imidari.

Biteganyijwe ko umukino wa kane, uzaba kuwa gatandatu w’icyumweru gitaha taliki ya 16 Gicurasi.

Uru rubuga www.rwandavolleyball.rw rwamuritswe kuri uyu wa Mbere, tariki ya 20 Mata 2026, rwubatswe mu buryo bugezweho kandi bworohereza abarureba n’abashakaho amakuru y’ingeri zitandukanye.

Ni igikorwa cyabaye mu gihe u Rwanda rugiye kwakira Shampiyona Nyafurika yʼAmakipe yʼAbagabo muri Volleyball (CAVB Menʼs Club Championship 2026). Iri rushanwa rigiye gukinwa ku nshuro ya 47, rizakinwa ku wa 20 Mata -3 Gicurasi 2026.

Perezida w’Ishyirahamwe ry’Umukino wa Volleyball mu Rwanda (FRVB), Ngarambe Raphaël, yavuze ko uru rubuga tuzafasha mu gusakaza amakuru ya Volleyball ku Isi.

Yagize ati “Ni ingenzi cyane ko Isi imenya buri cyose dukora mu Rwanda. Uru rubuga ruzadufasha kubwira Isi amakuru agezweho muri Volleyball ndetse no kubika neza amakuru, amashusho n’amafoto byerekeranye na n’Ishyiraramwe ry’Umukino wa Volleyball.”

Yongeyeho ko "uru rubuga ari indi nzira izajya inyuzwaho amakuru y’Ishyirahamwe ry’Umukino wa Volleyball, rwiyongera ku mbuga nkoranyambaga zacu zirimo X, Instagram, Facebook na TikTok.”

Ishyirwaho ry’urubuga rwa murandasi rwa FRVB ni intambwe y’ingenzi mu rugendo rw’Ishyirahamwe ry’Umukino wa Volleyball mu Rwanda ryo kwaguka no kugendana n’Isi y’ikoranabuhanga.

Ibi yabikoze kuri iki cyumweru ubwo yatsindaga ikipe ya Petro du Luanda yo muri Angola basangiye itsinda rya kalahari conference amanota 82 kuri 78, Antino Jackson yongera kwigaragaza.

Ni intsinzi ya kabiri ku ikipe ya RSSB-Tigers nyuma yo gutsinda ikipe ya Al Ahly yo muri Libya amanota 103 kuri 93 mu mukino ubanza wiri itsinda rya Kalahari ririmo gukinirwa I Pretoria ho muri Afurika Yepfo.

Agace ka mbere kuyu mukino kegukanywe n’ikipe ya Petro du Luanda n’amanota 17 kuri 12 ya RSSB-Tigers. Agace ka kabiri Kabe kwegukanwa na RSSB-Tigers itsinze Petro amanota 22 kuri 19 byahise bigabanya ikinyuranyo cyari hagati y’amakipe yombi.

Ubwo bari bavuye kuruhuka, ikipe ya RSSB-Tigers yakomeje kotsa igitutu ikipe ya Petro Du Luanda maze yegukana agace ka gatatu n’amanota 23 kuri 20 ya Petro du Luanda.

Mu gace ka kane ari nako ka nyuma, kongeye kwegukanwa n’ikipe ya RSSB-Tigers itsinze Petro du Luanda amanota 25 kuri 22 maze umukino urangira ikipe ya RSSB -Tigers iwegukanye muri rusange n’amanota 82 kuri 78.

Craig Randall ukinira ikipe ya RSSB-Tigers niwe watsinze amanota menshi muri uyu mukino

Umukinnyi wa RSSB- Tigers Leonard Craig Randall Ii niwe wongeye kuyobora abatsinze amanota menshi aho yatsinze amanota 26 wenyine.

Ikipe ya Tigers iragaruka mu kibuga kuri uyu wa gatatu ikina na Johannesburg Giants Basketball Club yo muri Afurika Yepfo.

Gutsinda uyu mukino kuri Tigers, byatumye yiyongerera amahirwe yo kuzakina imikino ya nyuma (Playoffs) izabera I kigali mu kwezi gutaha.

Ni umukino wabaye kuri uyu wa gatanu taliki ya 27 Werurwe mu nzu y’imikino ya SunBet Arena I Pretoria ho muri Afurika yepfo aho RSSB-Tigers yabonye intsinzi yayo ya mbere mu mateka yiri rushanwa.

Wari umukino wa mbere ufungura imikino y’agace ka Kalahari (Kalahari Conference) aho ikipe ya RSSB-Tigers ihagarariye u Rwanda muri iyi mikino yatsinze ikipe ya Al Hilal yo muri Libya amanota 103 kuri 95.

Ni umukino watangiye ikipe ya RSSB-Tigers iyoboye kugeza urangiye. Agace ka mbere Tigers yakegukanye ku manota 35 kuri 27 y’ikipe ya Al Ahly, ikipe ya Al Ahly niyo yegukanye agace ka kabiri ku manota 20 kuri 17 ya RSSB-Tigers gusa ibi ntacyo byahinduye kuko amakipe yombi yagiye kuruhuka ikipe ya Tigers iri imbere n’amanota 52 kuri 47.

Bakiva kuruhuka, ntabwo ikipe ya Tigers yoroheye ikipe ya Al Ahly kuko yongeye kwegukana aka gace ku manota 26 kuri 19 ya Al Ahly. Agace ka kane ari nako ka nyuma, ikipe ya Al Ahly yakegukanye ku manota 29 kuri 25 gusa ibi ntacyo byahinduye ku giteranyo rusange kuko umukino warangiye ikipe ya Tigers iwegukanye ku manota 103 kuri 95.

Amadou Gallo uyobora BAL ubwo yatangizaga uyu mukino

Uretse Tigers BBC, andi makipe arimo gukina Kalahari Conference ni Johannesburg Giants yo muri Afurika y’Epfo, Al Ahly Tripoli yo muri Libya, Dar City yo muri Tanzania, Nairobi City Thunder yo muri Kenya na Petro de Luanda yo muri Angola.

Amakipe ane azitwara neza muri buri tsinda, azahurira i Kigali mu Rwanda, mu mikino ya kamarampaka ya nyuma, izabera I Kigali kuva tariki ya 22 kugeza 31 Gicurasi 2026.

Shampiyona ya volleyball mu Rwanda umwaka wa 2025-2026 igeze aho rukomeye mu mikino ya kamarampaka (Playoffs) aho abambere bamaze kugera ku mikino ya nyuma naho abandi bagasesererwa. Mu nkuru yacu ya none, tugiye kugaruka ku mikino ya ½ aho yasize amakipe ya Kepler na Gisagara volleyball club asezerewe nyamara yarasoje umwaka w’imikino (regular season) ayoboye abandi.

Si ugutandukira cyane ahubwo ni urugero, muri Matayo 20 umurongo wa 16 ku bemera mana hagira hati “Nguko uko aba nyuma bazaba aba mbere, n’aba mbere bakazaba aba nyuma”, ibi bisa neza neza nibyabaye kuri aya makipe abiri ya Gisagara VC ndetse n’ikipe ya Kepler VC mu cyiciro cy’abagabo aho ubwo shampiyona isanzwe (regular season) yuyu mwaka yasojwe aba bombi bari bayoboye abandi ariko ubu bakaba baramaze gusezererwa aho basahatanira umwanya wa gatatu.

Petit Stade irimo kwakira imikino ya Kamarampaka

Uko imikino ya ½ yagenze.

Nkuko amabwiriza y’irushanwa yabitegekaga, amakipe yabaye ane ya mbere muri shampiyona isanzwe (regular season) yagombaga guhita yerekeza mu cyiciro gikurikira aricyo (Playoffs) maze agakina imikino ya ½ kujyeza ageze finali ari naho hamenyakana uwegukanye shampiyona y’umwaka w’imikino wa 2025-2026.

Ikipe ya Gisagara VC yabaye iya mbere yacakiranye na Police VC naho Kepler yari yabaye iya kabiri, yo ihura na REG VC yo yari yasoje ku mwanya wa gatatu mu makipe ane yagomba gukina kamarampaka. Aya makipe yagombaga guhura maze agatanguranwa imikino itanu (Best of Five) ibi bivuze ko uwajyaga gutanga undi nibura imikino itatu ku busa, yajyaga guhita akomeza ku mukino wa nyuma.

Ntabwo byasabye ko imikino itanu igera kuko Gisagara yatsinzwe imikino 3-0 na Police VC ibi kandi ni nabyo byabaye kuri Kepler VC kuko nayo yatsinzwe imikino 3-0 n’ikipe ya REG VC maze iyi Gisagara ndetse na Kepler zari zayoboye abanda zisezererwa gutyo maze REG VC na Police VC zinjiye mu mikino ya kamaramapaka ku munsi wa nyuma, zisanga ku mukino wa nyuma.

Police VC igarutse ku mukino wa nyuma ku nshuro ya kabiri yikurikiranya

Undi mwaka wo kwitekerezaho kuri aba bombi.

Ni inshuro ya gatatu yikurikiranya ikipe ya Gisagara VC idashobora gukina imikino ya nyuma ya shampiyona nyuma ya 2023 umwaka iyi kipe iheruka kwegukanamo igikombe cya shampiyona. Nyuma yuyu mwaka ikipe ya Gisagara VC yamaze imyaka ibiri, idashobora kujyera no mu makipe akina kamarampaka (Playoffs) gusa uyu mwaka wo usa nku wari wabahiriye aho babashije kujyera muri kamarampaka nubwo bitakunze ko bagera ku mukino wa nyuma nyuma yo gusezererwa na Police VC.

Nubwo Kepler VC atari ikipe imaze igihe kinini ishinzwe dore ko yatangiye gukina shampiyona mu mwaka wa 2024, iyi ni imwe mu makipe akunzwe cyane muri shampiyona ya hano mu Rwanda dore ko igiye ifite n’uduhigo yihariye mu bikombe by’imbere mu gihugu harimo nko kwegukana ibikombe by’irushanwa ry’ubutwari imyaka ibiri yikurikiranya 2025 ndetse na 2026 ukongeraho n’ibindi bikombe yagiye yegukana bitandukanye ariko bitarimo shampiyona.

Nubwo ibyo byose imaze kubigeraho kandi mu gihe gito imaze ishinzwe, iyi kipe ya Kepler VC yujuje umwaka wa kabiri yikurikiranya itazi icyo gukina umukino wa nyuma (Final) aricyo kuko iheruka gukina imikino ya nyuma mu mwaka wa 2024.

Mu mikino yo kwishyura uyu mwaka, ikipe ya Kepler VC yongeyemo amaraso mashya aho yinjije umukinnyi ukomoka muri Puerto Rico witwa Jair Santiago ngo afatanye na bagenzi be aho yabisikanye n’umunya Tanzania David. Nubwo imikino ye ya mbere yakiniye Kepler yari imikino y’igikombe cy’intwari (Heroes) ndetse akafasha iyi kipe ibarizwa I Kinyinya ku cyegukana, Santiago ntabwo abashije gukina imikino ya nyuma mu mwaka we wa mbere.

REG VC yasezereye Kepler VC ku mikino 3-o

Kepler VC usibye kwitegura gukina imikino y’umwanya wa gatatu, iyi kipe ifite urugamba rukomeye imbere aho igomba kwitegura imikino nya Afurika ihuza amakipe yabaye aya mbere iwayo (CAVB Club Championship 2026) iteganyijwe kubera I Kigali.

Ikipe ya REG VC igarutse ku mukino wa nyuma nyuma y’imyaka ine itahagera aho yaherukaga ku mukino wa nyuma ndetse inegukana igikombe ari nacyo iheruka muri 2022 ubwo yatozwaga n’umutoza kwizera Marchal, ubu ikaba itozwa n’umutoza ukomoka mu gihugu cya Uganda Mugisha Bavuga Benon.

Amakipe ya Police VC ndetse na REG VC yakomeje ku mikino ya nyuma, azatangira gukina taliki ya 1 Mata 2026 aho nayo agomba gutanguranwa imikino 5 (Best Of Five) hakamenyekana uweguka igikombe cya shampiyona uyu mwaka wa 2026.

Kepler wvc na POLICE wvc ntabwo birasobanuka

Mu cyiciro cy’abagore usibye ikipe ya APR WVC yo yamaze kugera ku mukino wa nyuma isezereye ikipe ya Rwanda Revenue (RRA) nyuma yo kuyitsinda imikino 3-0, kuruhande rwa Police na Kepler ho ruracyageretse aho ubu ikipe ya Police wvc iri imbere n’imikino 2 kuri 1 aho umukino wabo wabo wa kane utegerejwe kuri uyu wa gatatu taliki ya 25 Werurwe 2026.

APR WVC niyo kipe yonyine imaze kugera ku mukino wa nyuma mu cyiciro cy’abagore

Ni imikino igeze ku mukino wa gatatu wa kamarampaka (Playoffs), aho amakipe agomba gutanguranwa imikino itatu muri itanu bityo bakiyongerera ikizere cyo kwerekeza ku mukino wa nyuma. Mu cyiciro cy’abagabo amakipe ya Police VC ndetse na REG VC amaze gutsinda imikino yayo ibiri iheruka bivuze ko igihe batsinda imikino yabo yo kuri uyu wa Gatandatu bahita berekeza ku mukino wa nyuma.

Ikipe ya REG VC imaze gutsinda ikipe ya Kepler VC imikino 2-0, yose yagiye iyitsindira kuri kamarampaka (decisive set) bivuze ko igihe REG VC yakongera gutsinda Kepler VC kuri uyu wa Gatandatu bidasubirwaho yahita yerekeza ku mukino wa nyuma ariko gihe ikipe ya Kepler VC yaba ibonye intsinzi bakazakomeza kugeza batanguranwe imikino itatu.

REG VC imaze gutsinda Kepler imikino 2 ku busa, ibi bivuze ko isigaje gutsinda umukino umwe gusa ikerekeza kuri Final

Ikipe ya Police VC nayo ni uko kuko nyuma y’imikino ibiri bahuyemo na Gisagara VC, iyi kipe nta mukino numwe iratakaza dore ko imaze kuzuza imikino ibiri yose idatsindwa. Ibi bivuze ko igihe Police VC yatsinda ikipe ya Gisagara VC kuri uyu wa Gatandatau, yahita yerekeza ku mukino wa nyuma.

Gisagara volleyball club igiye ya kongera gutsindwa na Police VC yahita isezererwa

Mu cyiciro cy’abagore naho bisa nkaho bitarisobanura nubwo ikipe ya APR WVC yo yamaze kugaragaza ibimenyetso byo kwerekeza ku mukino wa nyuma. Ikipe ya APR WVC imaze gutsinda ikipe ya RRA WVC imikino 2-0, aho nayo isigaje intsinzi imwe gusa ikagera ku mukino wa nyuma.

Undi mukino ni uwa Police WVC ndetse na Kepler WVC mu cyiciro cy’abagore. Mu gihe ku wundi mukino bigana mu gusobanuka, aha ho ntabwo birarangira kuko amakipe yombi ubu anganya umukino 1-1. Mu mukino wabanje, ikipe ya Police WVC yari yatsinze ikipe ya Kepler VC amaseti 3-0 maze kepler WVC nayo iyishyura mu mukino wa kabiri iyitsinda amaseti 3-0 nayo bituma amakipe yombi anganya umukino umwe kuri umwe.

Kepler WVC na Police WVC ubu baranganya umukino 1-1

Iyi mikino iteganyijwe kuri uyu wa Gatandatu taliki ya 21 Werurwe 2026 mu nzu y’imikino ya Petit Stade.

Ni urutonde rw’abakinnyi 31 rwiganjemo amasura mashya nka Johan Marvin Kury wari wahamagawe muri 2024 ariko ntiyitabira ubutumire bw’ikipe y’igihugu kubera imvune, umunyezamu wa Neuchâtel Xamax FCS Hugo Bigirimana, rutahizamu wa Sabah FK yo muri Azerbaijan ndetse na Joy-Lance Mickles na we wigeze guhamagarwa ariko ahita agira ikibazo cy’imvune mu ikipe ye.

Uru rutonde kandi ntabwo rwagaragayeho umunyezamu wa Rayon Sports, Kwizera Olivier uhagaze neza muri iyi minsi, aho umutoza Nshimiyimana Eric yavuze ko bigendanye n’uko ahagaze muri iyi minsi cyane cyane, avuga ko atajya arangiza umukino aticaye hasi ngo bamuvure kandi bigatwara umwanya munini.

Nyuma yuko hatanzwe umwanya w’ibibazo, itangazamakuru ryamugarutseho babaza impamvu atahamagawe, maze perezida wa FERWAFA, Shema Fabrice asaba ko yongerwa mu bakinnyi bahamagawe ariko umutoza mukuru, Stephen Constantine aravuga ko bidakwiye.

Kwizera Olivier mu mayira abiri, Perezida yasabye ko yongerwa mu bandi umutoza arabyanga

Nguru urutonde rw’abakinnyi 31 bahamagawe

Abanyezamu: Ntwari Fiacre [Kaizer Chiefs FC], Bigirimana Hugo [La Chaux-de-Fonds], Niyongira Patience [Police FC] na Hakizimana Adolphe [APR FC].
Ba myugariro: Mutsinzi Ange [Zira FC], Manzi Thierry [Al Ahly Tripoli], Kavita Phanuel Mabaya [Birmingham Legion], Nshimiyimana Yunus [APR FC], Imanishimwe Emmanuel [AEL LIMASSOL], Niyomugabo Claude [APR FC], Byiringiro Jean Gilbert [APR FC] na Uwumukiza Obed [Rayon Sports].

Abakina hagati: Mugisha Bonheur [Al Masry], Bizimana Djihad [CS Constantine], Samuel Gueulette RAAL La Louviere], Muhire Kevin [Jamus FC], Kalisa Sven [FC Etzella Ettelbruck], Ruboneka Jean Bosco [APR FC], Sahabo Hakim [AEK Athens FC] na Uwineza Rene [Kiyovu Sports].

Ba rutahizamu: Mickels Joy Slayd [FK KARVAN], Ndayishimiye Karl Matteo [KVC WILRIJK], Nshuti Innocent [AL WAFAQ AJDABIA], Mickels Joy Lance [SABA BAKU], Biramahire Abeddy [ASSABAH FC], Byiringiro Lague [Police FC], Kwizera Jojea [RHODE ISLAND], Mickels Leroy Jacques [Zira FC], Kury Johan Marvin [AC BELLINZONA], Niyo David [NK VERES RIVNE FC] na Mugisha Gilbert [APR FC]

U Rwanda ruzakira iyi Imikino ya gicuti mpuzamahanga y’ibihugu izwi nka ’FIFA Series’ guhera tariki 26-31 Werurwe 2026 aho ruherereye mu itsinda rimwe na Kenya, Estonia na Grenada.

Iyi mikino izakinirwa kuri Stade Amahoro ndetse na Kigali Pele Stadium

Mu kiganiro n’itangazamakuru cyabaye kuri uyu wa mbere taliki ya 16 Werurwe ku cyicaro cyiri shyirahamwe kiri I kigali, perezida wuri shyirahamwe Shema Fabrice yahishuye ko uwahoze ari umutoza w’ikipe y’igihugu y’umupira w’amaguru mu bagabo (Amavubi) umunya Algeria Adel Amrouche aherutse kurega u Rwanda ariko ko nta kosa bakoze.

Nubwo iki kiganiro cyari kigamije kwerekana umutoza mushya w’ikipe y’igihugu u mwongereza Stephen Constantine, perezida wa Ferwafa, yemeje ko umutoza Adel Amrouche yamaze kubarega aho yareze avuga ko yirukanywe binyuranyije n’amategeko nubwo bo atariko babibona.

Perezida yashimangiye ko biteguye gutanga ubusobanuro bwose kubo bireba (aho yaregeye u Rwanda) kandi ko batamwirukanye batisunze amategeko nkuko Amrouche abivuga ndetse ko batanamujijije umusaruro mucye.

“Adel Amrouche Yaratureze kandi twiteguye kuburana, dufite abanyamategeko biteguye, ntabwo twakora ikosa ryo kwirukana umutoza tutisunze icyo amategeko, yewe nta nubwo Adel Amrouche yazize unusaruro mucye “Oya” ahubwo hari ibindi byari mu masezerano atubahirije duhitamo gutandukana nawe.

Ntabwo Adel Amrouche yazize umusaruro mucye, hari ibyari mu masezerano atubahirije

Adel Amrouche yatandukanye n’ikipe y’igihugu y’u Rwanda (Amavubi) tariki ya 14 Mutarama 2026, nyuma y’umwaka umwe gusa ari mu nshingano.

Ikipe ya Kepler yisanze igomba gushakira ku mukino wa kabiri

Ku mugoroba wo kuri uyu wa gatandatu taliki ya 14 Werurwe, nibwo imikino ya kamarampaka (Playoffs) muri shampiyona ya volleyball yatangiraga, aho amakipe ya Police abagabo n’abagore, APR y’abagore ndetse na REG VC yatangiye neza naho Gisagara, RRA, na Kepler bisanga basabwa ku rwana inkundura.

Abafana bari benshi muri Petit Stade

Ni imikino ihuza amakipe yabaye ane ya mbere ku rutonde rwa shampiyona isanzwe (regular Season) aho aya makipe ahura maze agatanguranwa imikino itanu (Playoffs-Best Of Five) ari nayo itanga uwegukana igikombe cya shampiyona.

Ikipe ya APR WVC yatsinze RRA biyoroheye amaseti 3-0

Mu mukino wa bimburiye indi mu cyiciro cy’abagore wahuje ikipe ya APR yabaye iya mbere ku rutonde rwa shampiyona yatsinze RRA yo yabaye iya kane idakozemo amaseti 3-0. Uyu mukino wakurikiwe n’umukino wahuje ikipe ya Kepler yabaye iya 2 na Police yabaye iya 3 maze Police nubwo byayisabye imbaraga nyinshi, itsinda Kepler amaseti 3-0.

Uyu mukino kandi warebwe n’umugaba Mukuru w’Ingabo z’u Rwanda zirwanira ku Butaka, Maj Gen Vincent Nyakarundi

Hakurikiyeho imikino yo mu cyiciro cy’abagabo aho ikipe ya Gisagara VC yabaye iya mbere ku rutonde rwa shampiyona, yacakiranye na Police yabaye iya kane maze Police biyoroheye itsinda Gisagara VC amaseti 3-1. Uyu mukino wakurikiwe n’undi mukino ukomeye ndetse wanamaze igihe kinini wahuje ikipe ya KEPLER VC na REG VC.

Mu gukubana kw’amakipe, rwabuze gica maze bitabaza iseti ya kamarampaka (decisive set) maze REG VC yegukana umukino ku maseti 3-2 ya KEPLER.

Nyuma y’umukino wa mbere, urugendo rwo gutanguranwa imikino itanu rurakomeza kuri uyu wa kabiri taliki ya 17 Werurwe, mu nzu y’imikino ya “Petit Stade Amahoro” Iremera aho aya makipe azongera agahura uko yakinnye.

Ku nshuro ya mbere u Rwanda tugiye kwakira shampiyona y’Afurika ya volleyball

Kuri uyu wa Kane, tariki ya 5 Werurwe 2026, Ishyirahamwe ry’Umukino wa Volleyball mu Rwanda (FRVB) ryasinyanye n’Impuzamashyirahamwe y’Umukino wa Volleyball muri Afurika (CAVB) amasezerano yo kwakira irushanwa ritaha rizahuza amakipe yabaye aya mbere kuri uyu Mugabane mu bagabo (CAVB Men’s Club Championship).

Iri rushanwa ngarukamwaka rizaba ku nshuro ya 47, rihuza amakipe yabaye aya mbere iwayo ku Mugabane wa Afurika, iri rushanwa rikazabera i Kigali kuva ku wa 20 Mata kugeza ku wa 3 Gicurasi 2026.

Mbere y’uko riba, federasiyo y’umukino wa volleyball mu Rwanda (FRVB) ndetse n’impuzamashyirahamwe y’umukino wa volleyball muri Afurika (CAVB) basinyanye amasezerano yo kuryakira, mu muhango wabereye muri Kigali Convention Centre kuri uyu wa Kane, tariki ya 5 Werurwe 2026.

Minisitiri wa Siporo mu Rwanda ari kumwe na perezida w’impuzamashyirahamwe muri Africa Bouchra Hajij ndetse na Ngarambe Raphael uyobora (FRVB)

FRVB yari ihagarariwe na Perezida wayo Ngarambe Raphaël mu gihe CAVB yari ihagarariwe na Perezida wayo, Bouchra Hajij.

Perezida w’Impuzamashyirahamwe y’Umukino wa Volleyball muri Afurika, Bouchra Hajij, yashimye Guverinoma y’u Rwanda yashyize imbaraga mu kwakira irushanwa.

Ati “U Rwanda ni umufatanyabikorwa wacu. Korohereza Abanyafurika kubona visa biri mu bituma ibyo rukora bigenda neza. U Rwanda rwerekanye ubushobozi bwo kwakira amarushanwa mpuzamahanga. Mfite icyizere ko irushanwa rya 2026 rizagenda neza. Nizera ko ubuyobozi bwa Perezida Kagame bwagize uruhare mu kuzamura impano kandi byatanze icyerekezo gihamye, mu kuzamura ubukungu bw’Igihugu.”

Perezida w’Ishyirahamwe ry’Umukino wa Volleyball mu Rwanda, FRVB, Ngarambe Raphaël, yavuze ko bishimiye gusinya amasezerano yo kwakira irushanwa nk’iri mu Gihugu.

Ati “Ni ubwa mbere rigiye kubera mu Rwanda. U Rwanda rwishimiye kwemeza umuhate warwo wo kwakira iri rushanwa. Turashimira ubuyobozi bwa CAVB ku cyizere bwagiriye u Rwanda cyo kwakira iri rushanwa. Iri rushanwa rizahuza amakipe akomeye muri Afurika ndetse rinatange itike ku bazitabira Igikombe cy’Isi.”

Minisitiri wa Siporo, Mukazayire Nelly, yavuze ko inshingano z’u Rwanda ari uko iri rushanwa rizahuza amakipe akomeye muri Afurika rizagenda neza.

Ati “Dutegereje kwakira ibihangange, abakinnyi no kwerekana impamvu u Rwanda ruri ku isonga mu kwakira ibikorwa bya siporo. Dufatanyije, twizera ko iri rushanwa rizatanga umusaruro, rikagenda neza.”

Ubwo bageraga mu cyumba cyabereyemo umuhango wo gusinya

Ubwo iri rushanwa riheruka kuba mu 2025, ryabereye mu Mujyi wa Misurata wo muri Libya, ryegukanwa n’ikipe ya Swehly Sports Club yo muri icyo gihugu mu gihe APR VC yo mu Rwanda yabaye iya kane.

Biteganyijwe ko amakipe ya APR, KEPLER ndetse na POLICE ariyo azahagararira u Rwanda mu mikino ya CAVB Men’s club championship

APR VC ntabwo izagaragara mu mikino ya kamarampaka yuyu mwaka

Iyi kipe y’ingabo ndetse ibitse ibikombe 2 bya shampiyona biheruka, igikuba cyaracitse mu mpera z’icyumweru dusoje kubera kwisanga itari mu makipe ane azakina imikino ya kamarampaka (Playoffs) bwa mbere mu mateka yiyi kipe nyuma yo guhindurwa uburyo (Format) shampiyona yakinwagamo.

Abakunzi b’iyi kipe nubu ntibariyumvisha ukuntu ikipe yabo ibitse ibikombe bibiri bya shampiyona biheruka ndetse ubu iri ku mwanya kane muri Afurika itazakina imikino ya nyuma ya shampiyona (playoffs) ikinwa n’amakipe ane meza muri shampiyona.

APR VC yisanze ite inyuma y’amakipe ane ya mbere?

Nkuko bigenwa n’imiterere ndetse n’amategeko agenga shampiyona yuyu mukino, nyuma ya shampiyona isanzwe (regular season), hafatwa amakipe ane yabaye aya mbere bityo agahurira mu mikino ya kamarampaka (Playoffs) ari nayo igena uwegukana igikombe cya shampiyona.

APR VC ntabwo yisanze muri ayo makipe ane kuko yasoreje ku mwanya wa gatanu muri shampiyona bityo yisanga umwaka wayo urangiye muri Gashyantare aho izategereza mu kwakira 2026 muri shampiyona yundi mwaka nubwo aho hagati yemerewe kuba yakina imikino ifunguye ndetse ikaba izanitabira imikino ihuza amakipe yabaye ayambere iwayo muri Afurika (CAVB Champions League).

Ku rutonde rwa shampiyona isanzwe, APR VC yisanze ifite amanota 33 inganya n’andi makipe 2 ariyo REG VC ndetse na POLICE VC. Nubwo ariko APR VC yanganyaga amanota nizi kipe, ntabwo byatumye ikomeza kuko yasezerewe kubera ikinyuranyo n’imikino yatsinze (Wins) ndetse n’amaseti yatsinze nayo yatsinzwe (Sets Ratio).

Niki cyateye umusaruro mubi kuri APR VC kujyeza aho itazakina imikino ya kamarampaka?

Ikipe ya APR VC ni imwe mu makipe meza muri aka karere ndetse no muri Afurika nzima kuko ubu iri ku mwanya wa kane mu makipe meza muri Afurika umwanya yagiyeho umwaka ushize mu mikino ihuza amakipe yabaye ayambere iwayo irushanwa ryabereye muri Libya.

Ubwo uyu mwaka watangiranga, APR VC yatangiranye imbaraga n’igitinyiro nk’ikipe yari ibitse igikombe cya shampiyona ndetse iri no mu makipe ane ya mbere muri Afurika nkuko twabigarutseho haruguru. Nubwo ariko yatangiye neza, yewe ikanasoza imikino ibanza iri imbere, ubushobozi bwayo bwakomeje kuyonga no kuyoyoka nyuma yuko yari itangiye kubura bamwe mu bakinnyi bayo yagenderagaho.

Usibye Dennis Ireke ukomoka mu gihugu cya Kenya wari waranabaye umukinnyi mwiza mu Rwanda umwaka ushize utarabashije kuguma muri APR, APR VC yaje kongera kugira ibyago itakaza undi mukinnyi wayifashaga cyane witwa Hakeem Mukaira waje kugira ikibazo cy’uburwayi nubu akaba atarakira.

Dennis Ireke (witegura gu kubita umupira) ntabwo arabona umusimbura

None se abakinnyi basigaye ni babi?

Nubwo kwemeza ko abasigaye atari babi kandi baratsinzwe bigoranye, ariko si babi habe na gato ugereranyije nabo bari bahanganye ndetse nibyo bibazo twavuze haruguru bagize kuva mu ntangiriro z’uyu mwaka. Ubwo umukinnyi Dennis Ireke yagendaga, ikipe ya APR VC yagiye ku isoko maze izana Yves Mutabazi wari umaze umwaka wose adakina kubera ibibazo by’uburwayi ndetse byumvikane ko umusaruro utajyaga kuba mwiza nkuko yari asanzwe ndetse ugereranyije nuwo yari aje gusimbura nubwo ariko shampiyona irangiye ariwe nkingi ya mwamba.

Yves Mutabazi nubwo yaje aje kuziba icyuho cya Dennis Ireke, ntabwo yorohewe kuko ubwo Hakeem yari amaze kurwara, byabaye ngombwa ko Yves Mutabazi ahindurirwa umwanya ajya ajya gutanga umusada ku mwanya wa Hakeem Mukaira birumvikana ko wenda ashobora kuba atatanze ijana ku ijana yibyo Hakeem yatanganga ndetse ubwo bivuze ko aho yari avuye naho hasigayemo icyuho.

Kubura bamwe mu bakinnyi bayo biri mu byayikozeho

APR VC yarizize?

Urebye uburyo andi makipe bari bahanganye yiyubatse akanasimbuza abari bamaze kuyavamo, wavuga ko APR VC yizize rwose. Nubwo ari umushinga mwiza ariko udatanga umusaruro ako kanya, ikipe ya APR VC usanga yiganjemo abakinnyi bakiri bato bavuye mu ma mashuri yisumbuye kongeraho kuba batarasimbuje abakinnyi bagiye, ibi nabyo ni zimwe mu mpamvu wavugaga ko batari biteguye ndetse neza.

Dennis niwe wabaye umukinnyi wahize abandi mu mwaka ushize w’imikino

Imikino ya kamarampaka (Playoffs) yuyu mwaka mu cyiciro cy’abagabo izakinwa n’amakipe ya Gisagara, Kepler, REG vc ndetse na Police vc

Ikipe ya Gisagara yisubije igikombe cya shampiyona

Ni shampiyona yashyizweho akadomo kuri iki cyumweru I Kigali ahabereye imikino ya nyuma mu byiciro byombi abahungu n’abakobwa aho iyi mikino yose yabereye muri Petit Stade I Remera.

Mu cyiciro cy’abakobwa, ikipe ya St Aloys y’i Rwamagana yegukanye igikombe nyuma yo gutsinda ikipe ya St Bernadette amaseti 3-0 ku mukino wa nyuma biba igikombe cya gatatu yegukanye yikurikiranya. Ikipe ya Lycee de Nyanza niyo yegukanye umwanya wa gatatu nyuma yo gutsinda ikipe ya St Joseph y’ikabgayi.

St Aloys y’i Rwamagana yegukanye shampiyona ku nshuro ya gatatu yikurikiranya

Mu cyiciro cy’abagabo, ikipe ya Gisagara Academy yegukanye igikombe itsinze ku mukino wa nyuma ikipe ya petit seminaire virgo fidelis amaseti 3-1 yegukana igikombe ku nshuro ya kabiri yikurikiranya.

Ikipe ya Groupe Scolaire officiel de Butare (GSO Butare) niyo yegukanye umwanya wa gatatu nyuma yo gutsinda ikipe ya Nyanza TSS amaseti 3-2.

Ikipe ya PSVF yatsindiwe ku mukino wa nyuma

Shampiyona y’abato ya Junior League ni shampiyona isanzwe ikaba ngaruka mwaka aho itegurwa ku bufatanye b’ibigo by’amashuri ndetse na federasiyo y’umukino wa volleyball mu Rwanda.

Shampiyona yuyu mwaka yatangiye mu kwakira umwaka ushize wa 2025 aho yari igizwe n’amakipe 19 yose hamwe harimo amakipe 5 y’akobwa ndetse na 14 y’abahungu.

Abafana bari bitabiriye ku bwinshi

Usibye Gisagara VC, andi amakipe aracyategereje umunsi wa nyuma mu cyiciro cy’abagabo.

Mu mpera z’icyumweru dusoje, nibwo hasozwaga umunsi wa 14 wa shampiyona ya volleyball mu Rwanda umwaka wa 2025-2026 aho amakipe amwe yamaze kubona itike y’imikino ya kamarampaka (Playoffs) mu gihe abandi bo bagomba gutegereza umunsi wa nyuma wa shampiyona isanzwe (Regular Season) ngo bamenye aho berekeza.

Usibye mu cyiciro cy’abagore ho bisa nibyamaze gusobanuka aho amakipe ya APR WVC, KEPLER WVC, POLICE WVC ndetse na RRA WVC yo yamaze kubona itike yo gukina imikino ya kamarampaka, mu cyiciro cy’abagabo ho nti birasobanuka ku makipe 4 azakina imikino ya kamarampaka usibye ikipe ya Gisagara volleyball club.

Ikipe ya Gisagara volleyball ubu iri ku mwanya wa mbere ku rutonde rwa shampiyona n’amanota 34 bivuze ko nubwo isigaje umukino itarakina ariko yo yamaze gukomeza mu makipe ane ya mbere. Ku yandi makipe arimo APR, Kepler, REG VC ndetse na Police bo ntabwo birasobanuka mugihe hasigaye umukino umwe gusa kugirango shampiyona isanzwe ishyirweho akadomo.

Icyo imibare ivuga.

APR VC: Ikipe ya APR VC iri ku mwanya wa kabiri n’amaota 33, aho nibura isabwa gutsinda umukino isigaje kugirango yizere kuba mu makipe ane ya mbere. Umukino iyi kipe y’ingabo isigaje ni umukino izahuramo na REG VC.

KEPLER VC: Ikipe ya Kepler volleyball club, ubu iri ku mwanya wa gatatu n’amanota 33, ikaba isigaje umukino umwe izahuramo n’ikipe ya Police volleyball club. Kugirango iyi kipe y’ishuri rya Kepler college ikomeze, irasabwa nibura inota rimwe kuri Police bivuze ko iramutse itsinze Police cyangwa ikaba yatsindirwa kuri kamaramapaka (decisive set) yaba yamaze gukomeza.

REG VC: Ikipe ya REG Volleyball Club iri ku mwanya wa kane n’amanota 30, kugirango ikipe ya REG VC ikomeze mu makipe ane ya mbere, irasabwa gutsinda ikipe ya APR VC nibura amaseti 3-0 cyangwa se amaseti 3-1 mbese kuburyo igomba gucyura amanota 3.

POLICE VC: Police volleyball club nubwo iri ku mwanya wa gatanu, birashoboka ndetse cyane ko yakina imikino ya Playoffs, mugihe andi makipe asigaje umukino umwe, Police VC yo isigaranye imikino 2 ariyo Kepler VC bagomba guhura kuri uyu wa gatanu taliki ya 27 Gashyantare ndetse na KVC bazakina kuwa gatandatu taliki ya 28 Gashyantare 2026. Ibi bivuze ko igihe Police volleyball yatsinda Kepler ndetse na KVC yabona itike yo gukina imikino ya kamarampaka.

Dore amakipe yamaze kwizera gukina imikino ya kamarampaka

Nkuko bisanzwe iyo shampiyona isanzwe (regular season) irangiye, hakurikiraho icyiciro cy’imikino ya kamarampaka (Playoffs) ari nayo igena uwegukana igikombe. Muri shampiyona ya volleyball umwaka wa 2025-2026 bakomeje gu kubana.

Imikino y’umunsi wa 14 irakomeza mu mpera ziki cyuweru aho uyu munsi uzasiga nibura hari amakipe amenye niba azakina imikino ya kamarampa mu cyiciro cy’abagabo naho mu bagore bo bias nkaho byasobanutse nubwo bazaba bakina umunsi wa nyuma kuri gahunda ya shampiyona isanzwe (regular season).

Mu mikino itegerejwe cyane kuri uyu wa gatanu taliki ya 20 Gashyantare, ni nk’umukino uzahuza ikipe ya Kigali Volleyball club (KVC) izacakirana na REG VC aho gutakaza uyu mukino ku ikipe ya REG VC byakomeza kuyishyira ahabi kabone nubwo ubu iri ku mwanya wa kane n’amanota 27.

Mu cyiciro cy’abagabo rurageretse, amakipe azakina kamaramapaka ntaramenyekana

Uyu mukino uzakurikirwa n’umukino uzahuza ikipe ya Police VC ndetse n’ikipe ya APR VC mu cyiciro cy’abagabo. Uyu mukino uzaba ufite runini mu kugena niba ikipe ya POLICE VC bwa mbere kuva ya shingwa niba itazakina imikino ya kamarampaka cyangwa amahirwe yiyongera igihe yaba yayitsinze.

Imibare ivuga iki?

Ikipe ya Police VC, ubu iri ku mwanya wa gatanu n’amanota 26 bivuze ko kugeza ubu itemerewe gukina imikino ya kamarampaka (Playoffs) gusa ikaba igifite umukino w’ikirarane. Igihe yatsinda uyu mukino, yakwisanga mu makipe ane ya mbere yemerewe guka kamaramapaka nubwo shampiyona izaba ibura imikino ibiri. APR VC yo isa naho inzira yayo iharuye kuko irsabwa nibura gutsinda umukino umwe ubundi ikizera kuba mu makipe 4 azakina kamarampaka.

Gisagara VC iri ku mwanya wa kabiri n’amanota 31, nayo nti yakwicara ngo ishyire akaguru ku kandi kuko igihe yatakaza imikino ibiri isigaranye maze abayiri inyuma bagatsinda, yakwisanga nayo yasigaye. Ibi kandi ibisangiye na Kepler VC iri ku mwanya wa gatatu n’amanota 30 aho nayo isabwa kudakora ikosa na rimwe mu mikino isigaye igihe itaba izi ibyavuye mu yindi mikino.

Mugabe Aristide yasezeye ku gukina Basketball nk’uwabigize umwuga

Abinyujije ku mbuga nkoranya mbaga ze, Mugabe Aristide yatangaje ko asezeye ku gukina umukino wa Basketball nkuwabigize umwuga, imyaka 3 nyuma yo gusezera mu ikipe y’igihugu.

Mu magambo yashyize ku rukuta rwe rwa (X) yagize ati: “Nyuma y’imyaka 18 ntangaje ko nsezeye gukina Basketball. Shimwa Mana, Ndashimira buri wese wagize uruhare muri uru rugendo, Umuryango wa njye n’inshuti, Abatoza bose,abakinnyi twakinanye, abo twari duhanganye, abafana ndetse n’abareberera amakipe”

Mugabe Aristide w’imyaka 37 y’amavuko yakiniye amakipe atandukanye mu Rwanda arimo Rusizi BBC kuva mu 2007 kugeza mu 2009 aho yaje kuyivamo akerekeza muri Espoir BBC yayikiniye kuva mu 2009 akayivamo muri 2015 akerekeza muri Patriots BBC yari ivutse nayo yaje kuvamo muri 2023 yerekeza muri Kepler Basketball Club.

Ikipe ya Patriots BBC yakiniye igihe kirekire yahisemo kubika burundu nomero 88 uyu mukinnyi yambaraga

Kuva mu 2011 mu gikombe cy’Afurika nibwo yatangiye gukinira ikipe y’igihugu ya Basketball y’abakuru mu marushanwa atandukanye mpuzamahanga. Kuva icyo gihe yari umwe mu bari bafatiye runini ikipe y’igihugu.

Mugabe Aristide yashyize akadomo ku gukinira ikipe y’igihugu muri 2022 aho yatangiye urugendo rwo gukinira ikipe y’igihugu muri 2011 asezera amaze imyaka 11 mu ikipe y’igihugu ya Basketball.

Aristide Mugabe yagiye afatwa nk’inkingi ya mwamba mu mukino wa basketball yaba muri shampiyona imbere mu gihugu mu makipe yose yakiniye ndetse no mu ikipe y’igihugu aho yasezeye ari umukinnyi uyobora abanda (Captain) inshingano yahawe kuva muri 2013 kujyeza muri 2019.
Amwe mu marushanwa mpuzamahanga Mugabe Aristide yakinnye harimo nk’igikombe cy’Afurika (Afrobasket) aho yagaragaye muri iri rushanwa ishuro zirenga eshatu zirimo iryabaye muri 2011, 2013, ndetse na 2017.

Mugabe Aristide ubu arabarizwa muri Kepler BBC

Irushanwa rye rya nyuma yakinnye mu ikipe y’igihugu ryari amarushanwa yo gushaka itike y’igikombe cy’isi (FIBA World Cup qualifiers) irushanwa ryabereye i Dakar muri Senegal.

Umunsi wa 11 wasize impinduka ku rutonde rwa shampiyona

Ni umunsi wa shampiyona waranzwe n’imikino ikomeye ndetse no guhindagurika k’urutonde rwa shampiyona aho amakipe nka Police VC y’abagabo ubu itakibarizwa mu makipe ane ya mbere aho ubu yamaze gusimburwa n’ikipe ya REG VC nubwo Police ifite umukino w’ikirarane.

Umunsi wa 11 wa shampiyona watangiye kuwa gatanu taliki ya 7 Gashyantare 2026 ahari hateganyijwe imikino itatu harimo uwo ikipe ya REG VC mu cyiciro cy’abagabo yatsinze ikipe ya RP Ngoma amaseti 3-1, Kepler mu cyiciro cy’abagore itsinda ikipe ya Police WVC amaseti 3-1ku nshuro ya mbere Kepler VC yari itsinze Police VC kuva yashingwa.

Ikipe y’abagore ya Kepler yakoze amateka nyuma yo gutsinda ikipe ya Police bwa mbere mu mateka yayo

Mu cyiciro cy’abagabo, habaye undi mukino wahuje ikipe ya Kepler VC ndete n’ikipe ya Gisagara VC aho ikipe ya Gisagara yegukanye intsinzi ku maseti 3-2. Imikino ya shampiyona ya volleyball umunsi wa 11 yakomeje kuwa gatandatu taliki ya 8 gashyantare ahabaye indi mikino yasize impinduka ku rutonde rwa shampiyona.

Bigoranye, ikipe ya Gisagara VC yatsinze ikipe ya Kepler amaseti 3-2 bituma Gisagara ikomeza kuyobora

Mu cyiciro cy’abagore, ikipe ya APR yatsinze ikipe ya Ruhango amaseti 3-0, East African University (EAUR) itsinda Rwanda Revenue Authority amaseti (RRA) amaseti 3-0 byatumye ikipe ya EAUR yigira imbere ku rutonde rwa shampiyona aho ubu yamaze ku gwiza amanota 12 ku mwanya wa gatanu, inota rimwe gusa irushanwa na RRA yo iri ku mwanya wa kane.

Mu cyiciro cy’abagabo, ikipe ya APR VC yatsinze Kirehe amaseti 3-0, EAUR itsindwa na Kepler VC amaseti 3-1 ibi byatumye ikipe ya Kepler izamura amanota kuko ubu imaze ku gwiza amanota 30 inyuma ya APR VC ndetse na Gisagara VC

Dore uko amakipe akurikiranye ku rutonde rwa shampiyona ku amakipe ane ya mbere.

Abagabo

Gisagara VC 30pts
APR VC 30pts
Kepler VC 30pts (+1)
REG VC 25pts

Abagore

APR WVC 27pts
Kepler WVC 24pts
Police WVC 20pts

Ni umunsi wa 18 wa shampiyona ya Rwanda Premier League wabereye kuri Kigali Pele Stadium ukaba wari n’umunsi wa mbere w’imikino yo kwishyura ku mpande zombi.

Ni umukino ikipe ya Rayon Sports yagiye gukina imaze igihe kingana n’ukwezi nta ntsinzi ibona mu mikino ya shampiyona dore ko nibura mu mikino itanu yaherukaga gukina mu marushanwa yose, iyi kipe yari yaratsinzemo umukino umwe.

Ku ruhande rwa Rayon Sports, ni umukino yagiye gukina yongeye gukora impinduka mu bakinnyi bari babanje mu kibuga mu mukino yaherukaga gukina ndetse ikanawutakaza itsinzwe na Police FC 1-0.

Mu mpinduka ikipe ya Rayon Sports yari yakoze, ni nk’aho umukinnyi Mugisha Didier iyi kipe yari imaze iminsi itijwe na Police FC yari yabanje mu kibuga ndetse na Uwumukiza Obed nawe waguzwe n’iyi kipe avuye muri Mukura Victory Sports.

Ikipe ya As Kigali y’umutoza Shaban Mbarushimana, nayo yari yakoze impinduka aho yari yabanje mu kibuga abakinnyi bane bashya iheruka gu sinyisha barimo Sunday Inemesit Akang, Gedeon Bendeka, Adama Bagayogo ndetse na Sinaly Mory Diarra.

Ni umukino ikipe ya Rayon Sports yatangiye ibona uburyo bwo gutsinda no gufunfura amazamu hakiri kare gusa abugarira ba AS Kigali barimo Mitima Isaac bakomeza kwitwara neza.

Ku munota wa 35, nyuma ya kufura yari itewe na Emery Bayisenge ariko igafata igiti cy’izamu umupira ukagaruka, Mugisha Didier yahise atsindira ikipe ya Rayon Sports FC ari nacyo cyasoje igice cya mbere.

Igice cya kabiri cyaranzwe n’impinduka ku makipe yombi gusa nta cyo byahinduye ku musaruro mbumbe wari wabonetse mu gice cya mbere aho igitego kimwe cya Mugisha Didier ari cyo cyasoje umukino Rayon Sports yongeye kubona amanota atatu nyuma y’igihe kingana n’umwezi itazi intsinzi.

Ubwo iri tsinda ryageraga muri BK Arena

Mu ruzinduko rw’iminsi itatu i Kigali, itsinda ryoherejwe n’impuzamashyirahamwe y’umukino wa volleyball muri Afurika (CAVB) ryasoje rishimira u Rwanda aho rugeze rwitegura kwakira imikino y’igikombe cy’Afurika cy’amakipe (CAVB Men’s club championship) kizabera i kigali kuva taliki ya 20 Mata kujyeza kuri 3 Gicurasi.

Ibi ni bimwe mu byagarutsweho n’umuyobozi wungirije wiyi mpuzamashyirahamwe umunya Zimbabwe Fredreck Ndlovu mu kiganiro yahaye Kigali Today aho yavuze ko bitabatwaye umwanya kwemeza ko u Rwanda rufite byose bisabwa ngo rwakire iyi mikino.

Yagize ati “ Murakoze, uyu munsi twasoje uruzinduko rwacu i Kigali aho rwari rugamije kureba aho imyiteguro yo kwakira imikino y’igikombe cy’Afurika cy’amakipe igeze, rero ndi hano kugirango mbahamirize ko twanyuzwe naho imyiteguro igeze ndetse bikaba bishimangirwa n’amateka u Rwanda rufite mu kwakira ibirori nkibi”

Fredreck Ndlovu yakomeje ashimira u rwanda kubwo kwemera ko CAVB izana imikino i Kigali. Ati “Turashimira cyane minisiteri ya siporo na leta y’u Rwanda kubwo kwemerera CAVB kuzara iri rushanwa ryo ku rwego rwo hejuru i Kigali kandi ndi hano ngo nemeze neza ko mbona ibintu byose biri ku murongo byose biherekejwe nukuntu hano bakira abantu. Rero turifuriza u Rwanda amahirwe masa no gukomeza kwitegura kwakira iyi mikino yo ku rwego rwo hejuru muri Afurika.”

Fredreck yavuze ko hagiye gukurikiraho umuhango wo gusinya amasezerano hagati y’impuzamashyirahamwe y’umukino wa volleyball muri Afurika. Muri iri rushanwa, u Rwanda ruzahagararirwa n’amakipe ya APR VC, Police VC, REG VC ndetse na Kepler

Ku nshuro ya kabiri yikurikiranya Kepler yongeye kwegukana igikombe cy’Intwari

Ni irushanwa ry’iminsi ibiri ryasojwe kuri uyu iki cyumweru mu nzu y’imikino ya Petit Stade i Kigali aho amakipe ya Police abagabo n’abagore, kepler y’abagabo ndetse na APR WVC ariyo yari yabonye itike yo gukina imikino ya nyuma yiri rushanwa rihuzwa n’umunsi wo kwizihiza umunsi w’Intwari z’u Rwanda.

APR WVC niyo yegukanye igikombe cy’Intwari mu cyiciro cy’abagore

Ni irushanwa ryitabiriwe n’amakipe ane ya mbere asanzwe akina mu cyiciro cya mbere ariyo APR VC, Gisagara VC, Kepler VC ndetse na Police VC mu cyiciro cy’abagabo ndetse na APR WVC, Police WVC, Kepler WVC ndetse na RRA WVC mu cyiciro cy’abagore.

Iyi mikino yanarebwe n’umuyobozi wa Polisi y’igihugu CG Felix Namuhoranye

Mu cyiciro cy’abagore, ikipe ya APR WVC niyo yabimburiye abanda kugera ku mukino wa nyuma ku munsi wo kuwa gatandatu nyuma yo gutsinda ikipe ya RRA WVC amaseti 3-0 naho ikipe ya Police WVC nayo iyisangayo nyuma yo gutsinda Kepler WVC bigoranye amaseti 3-2.

APR WVC yishimira gutwara igikombe ikipe ya Police WVC

Mu cyiciro cy’abagabo, ikipe ya Police VC niyo yageze ku mukino wa nyuma mbere nyuma yo gusezerera muri ½ ikipe ya Gisagara VC iyitsinze amaseti 3-0 naho Kepler VC yo igera ku mukino wa nyuma nyuma yo gutsinda ikipe ya APR VC amaseti 3-2.

Kuri iki cyumweru taliki ya 1 Gashyantare 2026 nibwo hakinwaga imikino ya nyuma y’igikombe cy’intwari aho ikipe ya APR WVC mu cyiciro cy’abagore ariyo yegukanye iki gikombe itsinze ku mukino wa nyuma ikipe ya Police WVC amaseti 3-2 (25-21, 14-25, 25-18, 21-25, 15-12) ku nshuro ya mbere nyuma y’umwaka urenga ikipe ya APR WVC idashobora gutsindira ikipe ya Police WVC ku mukino wa nyuma mu irushanwa iryariryo ryose bahuruyemo mu Rwanda.

Ikipe ya Kepler VC ku nshuro ya kabiri yikurikiranya, yongeye kwegukana iki gikombe mu cyiciro cy’abagabo nyuma yo gutsinda ikipe ya Police VC ku mukino wa nyuma amaseti 3-2 (25-21, 25-18, 20-25, 25-18, 10-25).

Mu cyiciro cy’abagore nyuma ya APR WVC kwegukana igikombe, ikipe ya Police wvc niyo yabaye iya kabiri naho ikipe ya Kepler wvc yegukana umwanya wa gatatu nyuma yo gutsinda ikipe ya RRA amaseti 3-1.

Nyuma yo kwegukana igikombe, ikipe ya Kepler WVC yakurikiwe na Police VC ku mwanya wa kabiri naho APR VC iba iya gatatu nyuma yo gutsinda bigoranye ikipe ya Gisagara amaseti 3-0

Irushanwa ry’intwari muri volleyball rirakinwa mu mpera ziki cyumweru

Mu gihe u Rwanda rwitegura kwizihiza umunsi w’Intwari taliki ya 1 Gashyantare 2026, hirya no hino mu mashyirahamwe y’imikino bakomeje guteguera no gukina imikino y’igikombe cy’intwari aho mu mukino wa volleyball barakina mu mpera ziki cyumweru.

Amakipe ane ya mbere ku rutonde rwa shampiyona y’icyiciro cya mbere 2025-2026 aho igeze abagabo n’abagore, niyo azahurira muri iri rushanwa ngaruka mwaka ryo kwizihiza umunsi w’intwari.

Amakipe ya Gisagara,APR, Kepler ndetse na Police mu cyiciro cy’abagabo ndetse na APR WVC, Kepler WVC Police WVC ndetse na RRA WVC niyo azakina iri rushanwa ry’intwari mu mukino wa volleyball riteganyijwe taliki ya 31 Mutarama kugeza taliki ya 1 gashyantare 2026 mu nzu y’imikino ya Petit Stade. Ubwo iri rushanwa ryaherukaga gukinwa, mu cyiciro cy’abagabo ryegukanywe n’ikipe ya Kepler nyuma yo gutsinda ikipe ya REG VC ku mukino wa nyuma amaseti 3-1 (25-18, 20-25, 25-20, 25-18).

Ikipe ya Police WVC mu cyiciro cy’abagore, niyo yegukanye igikombe cy’intwari giheruka nyuma yo gutsindira ikipe ya APR WVC ku mukino wa nyuma bigoranye amaseti 3-2 (16-25, 25-19, 23-25, 26-24, 15-10).

Iyi mikino yose izabera muri Petit Stade I Remera.

Dore uko imikino yose iteye

Igitego cya Byiringiro Lague kuri penaliti, cyatumye ikipe ya Police FC y’umutoza Ben Moussa igiye kongera guhurira na APR FC ku mukino wa nyuma w’igikombe cy’Intwari ku nshuro ya gatatu yikurikiranya.

Urugendo rw’ubuzima bushaririye ku ikipe ya Rayon Sports rurakomeje nyuma y’aho iyi kipe yambara ubururu n’umweru yongeye gutsikira itsindwa na Police FC, nyuma yo gutsindwa ikuzuza imikino itanu yikurikiranya itabona itsinzi aho yatsinzwemo ine iheruka irimo itatu ya Shampiyona y’u Rwanda n’umwe w’Igikombe cya FERWAFA Super Cup 2025 yanyagiweho na APR FC ibitego 4-1.

Rayon sports yabanje mu kibuga

Muri uyu mukino, ikipe ya Rayon Sports y’umutoza Bruno Ferry yari yakoze impinduka zitari nyinshi mu kibuga ugereranyije n’ikipe iheruka guhura na Mukura Victory Sports mu mukino wa nyuma w’imikino ibanza ya shampiyona wabereye kuri stade ya Muhanga amakipe yombi akaganganya igitego 1-1.

Ikipe ya Rayon Sports yari yagaruye Abedi Bigirimana wari umaze iminsi yaravunitse aho yari yasimbuye Umunya-Repubulika Iharanira Demokarasi ya Congo Yannick Bangala Litombo n’aho Tony Kitoga nawe yongera kubona umwanya asimbumbuye Bienvenu Joachim Vigninou wagize ububabare mu rutugu.

Izi mpinduka zose, ntacyo zafashije Rayon Sports nubwo igice cya mbere cyari cyarangiye amakipe yombi anganya 0-0, ariko bitakomeje kuko nyuma yo gukura umupira mu izamu n’ukubiko kwa Tshimanga Ramazani, Police FC yabonye penaliti ku munota wa 69 ikinjizwa neza na Byiringiro Lague.

Fall Ngagne ahanganye na Isaac Ezeh uherutse kwerekeza muri Police

Ikipe ya Police FC nyuma yo gusezerera ikipe ya Rayon Sports, izesurana na APR FC ku mukino wa nyuma uteganyijwe kuri iki cyumweru taliki ya 1 Gashyantare 2026.

Ikipe ya Police FC yabanje mu kibuga

Ni shampiyona yakomeza mu mpera ziki cyumweru mu bagabo n’abagore aho urugamba rwo kugaragara mu makipe ane ya mbere rukomeje gukara nyuma yaho ikipe ya REG VC itsinze ikipe ya Police amaseti 3-0 naho ikipe ya APR VC igatsinda EAUR bigoranye amaseti 3-2.

Nyuma yo gutsinda ikipe ya Police VC, ikipe ya REG VC yafashe umwanya wa gatanu ku rutonde rwa shampiyona n’amanota 22 aho yatangiye gu humekera mu bitugu bya Police VC yo ifite amanota 23 n’umukino w’ikirarane izigamye.

Ikipe ya Gisagara VC kugeza ubu niyo iyoboye urutonde rwa shampiyona n’amanota 28 aho ikurikiwe n’ikipe ya APR VC n’amanota 27, Kepler ku mwanya wa gatatu n’amanota 26 naho Police VC yo ikaba iri ku mwanya wa kane n’amanota 23.

Ikipe ya REG yatsinze Police amaseti 3-0

Mu cyiciro cy’abagore, umukino wari utegerejwe, ni umukino wahuje ikipe ya APR VC ndetse n’ikipe ya EAUR aho nubwo yari yabanjwe iseti, ikipe ya APR WVC yavuye inyuma maze itsinda EAUR amaseti 3-1 (25-23, 15-25, 16-25, 20-25)

Bigoranye APR yatsinze EAUR

Shampiyona igiye guhagarara ho icyumweru kimwe kugirango habanze hakinwe imikino y’irushanwa ry’ubutwari 2026 riteganyijwe ku mataliki ya 31 Mutarama n’italiki ya mbere Gashyantare 2026.

Abafana mu nzu y’imikino ya St Famille

Dore uko imikino yose yagenze.

Abagore

APR 3-1 EAUR
Kepler 3-0 Ruhango
EAUR 3-0 RP Huye

Abagabo

Police 0-3 REG
KEPLER 3-2 KVC
REG 3-0 KIREHE
Gisagara 3-1 RP Ngoma
EAUR 2-3 APR

Mugihe shampiyona ya volleyball umunsi wa 10 yakomezaga, umwe mu mikino yari itegerejwe kuri uyu wa gatandatu hagati y’ikipe ya Gisagara VC na APR VC warangiye ikipe ya Gisagara VC yongeye gutanga ubutumwa nyuma yo gutsinda APR VC amaseti

Imbere y’abafana barenga gato ibihumbi 2500 nkuko imibare y’ubwitabire ibigaragaza, ikipe ya APR VC yari yabanje gutsinda amaseti 2 ya mbere y’umukino, yaje kwisanga itongeye kwinjiza indi seti kuko ikipe ya Gisagara VC yahise ifatiraho maze isoza umukino uwegukanye ku maseti 3-2.

Ni umukino wari witabiriwe cyane

Nyuma yo gutsinda APR VC ikipe ya Gisagara VC yahise yuzuza amaseti 25 mbere yuko ikina na EAUR kuri iki cyumweru. APR VC yo yujuje amanota 22 mugihe nayo igitegereje umukino ugomba kuyihuza na KVC kuri iki cyumweru.

Dore uko indi mikino yagenze kuri uyu wa gatandatu.

Abagore:

RP Huye 0-3 APR
EAUR 0-3 Kepler

Abagabo
Kirehe 0-3 Police
REG 3-2 EAUR
Gisagara 3-2 APR

Imikino iteganyijwe none ku cyumweru taliki ya 18 Mutarama 2026

RP Ngoma vs POLICE
Kirehe vs Kepler
EAUR vs Gisagara
KVC vs APR

Umuvugizi w’ingabo z’igihugu Brigadier General Ronald Rwivanga ni umwe mu bayobozi barebye uyu mukino.

REG VC yongeye gutakaza amanota

Ni shampiyona yakomezaga hakinwa umunsi wa 10 wayo aho kuri iyi nshuro iyi mikino yari imenyerewe mu mujyi wa Kigali yajyanywe mu karere ka Gisagara ho mu ntara y’amajyepfo mu nzu y’imikino yaka karere iri mu murenge wa Ndora.

Ni imikino yatangiye kuri uyu wa gatanu aho umukino wabimburiye indi ari umukino wahuje ikipe ya Police VC y’abagaore na Rwanda Revenue Authority (RRA VC). Uyu mukino utagoye cyane ikipe ya POLICE, warangiye ikipe ya Police VC iwutsinze ku maseti 3-0(20-25, 12-25, 19-25)

Police WVC yongeye kubona amanota 3.

Uyu mukino wakurikiwe n’umukino wari utegerejwe wahuje ikipe ya Kepler volleyball club y’abagabo ndetse n’ikipe ya REG VC. REG VC irimo gushaka uko yakwinjira mu makipe ane ya mbere ngo izabashe gukina imikino ya kamarampaka (Playoffs), niyo yegukanye iseti ya mbere ku manota 25-23, seti ya kabiri yegukanywe na KEPLER VC ku manota 25 kuri 22 ya REG.

Seti ya gatatu yaje kwegukanwa na REG ku manota 25 kuri 22 ya Kepler maze seti ya kane yegukanwa na Kepler ku manota 24 kuri 26 byatumye amakipe yombi ajya gukina seti ya gatanu (Kamarampaka) yaje kwegukanwa na Kepler itsinze REG amanota 15 kuri 13.

Dusenge Wicklif agerageza gucisha umupira kuri Gisubizo Merci na Twagirayezu Emmy

Imikino y’umunsi wa 10 irakomeza kuri uyu wa gatandatu ndetse no ku cyumweru taliki ya 18 I Gisagara.

Ngabo Romeo wari umaze igihe yaravunitse yagaragaye mu mukino wo kuri uyu wa gatanu

Dore uko gahunda y’imikino yose iteye

APR FC bishimira igitego

Wari umukino w’umunsi wa 15 wa shampiyona y’icyiciro cya mbere mu Rwanda (Rwanda Premier League) aho ikipe ya Amagaju FC yari yakiriye ikipe ya APR FC kuri stade ya Muhanga ahasanzwe hakirira ikipe ya AS Muhanga.

Ni umukino utagaragayemo byinshi cyane mu gice cya mbere cy’umukino kuko cyarangiye amakipe yombi anganya 0-0 nyuma yo kugerageza uburyo ku ruhande rwa APR FC ariko ntibigire icyo bitanga kuko Amagaju FC yari ahagaze neza cyane mu gice cy’inyuma.Ikipe ya APR FC yatangiye igice cya kabiri isatira cyane gusa ikipe y’Amagaju FC ukabona ko igerageza uburyo bwose bwo gutakaza iminota binyuze ku munyezamu wayo Twagirumukiza Clement.

Umunyezamu w’Amagaju FC Twagirumukiza Clement yaranzwe no kwicara inshuro nyinshi kubera imvune

Muri iki gice Uwizeyimana Daniel w’Amagaju FC yagerageje uburyo bwashoboraga kubyara igitego ku ishoti rikomeye yatereye inyuma y’urubuga rw’amahina ariko Ishimwe Pierre umupira awohereza muri koroneri.Ku munota wa 65 w’umukino, ku burangare bwa ba myugariro b’Amagaju FC Fitina Ombolenga yinjiye mu rubuga rw’amahina maze atsinda igitego cyatumye ikipe ya APR FC iyobora umukino n’igitego 1-0 anatsinda igitego cye cya mbere muri uyu mwaka.

Uburyo igitego cya Omborenga cyatsinzwe

Ikipe y’Amagaju FC yahise ikora impinduka ikuramo umunyezamu Twagirumukiza Clement wari wagaragaje ko yavunitse asimburwa na Muneza Jacque.Ikipe ya APR FC yakomeje kotsa igitutu ikipe y’Amagaju FC ariko umunyezamu Muneza Jacque akomeza kwitwara neza.Ikipe ya APR FC yakoze impinduka ikuramo Umugande Denis Omedi ndetse na Mamadou Sy yinjiza Mugisha Gilbert ndetse na Togui Mel William.

Ikipe y’Amagaju FC nayo yongeye gukora impinduka ikuramo Sebagenzi Cyrille na Iradukunda Daniel binjiza Ntakirutimana Frank ndetse na Habineza Alphonse ikomeza gushakisha igitego cyo kwishyura ari nako ikora impinduka nk’aho yinjije mu kibuga Nibibona Eddy ndetse na Rwema Amza basimbuye Iradukunda Desire ndetse na Shema Jean Baptiste.

APR FC nayo yakoze impinduka yinjiza Iraguha Hadji ndetse na Byiringiro Jean Gilbert basimbuye Omborenga Fitina ndetse na Djibril Ouattara.Iminota 90 y’umukino yarangiye maze umusifuzi wa kane yongeraho iminota ine nayo yarangiye APR FC yegukanye amanota atatu itsinze igitego 1-0.

Nyuma yo gutsinda Amagaju FC, ikipe ya APR FC yagize amanota 32 ayishyira ku mwanya wa kabiri mbere y’uko Al Hilal SC umukino wayo na AS Muhanga kuri uyu wa Gatatu saa kumi nebyiri z’umugoroba kuri Stade Amahoro mu gihe Ikipe y’Amagaju FC yagiye ku mwanya wa 17 n’amanota 12 akaba anasoje imikino yayo ibanza ya shampiyona.

Abafana ba APR kuri Stade ya Muhanga

Ni umukino w’umunsi wa 15 wabereye kuri Kigali Pele stadium kuri iki cyumweru aho ku mpande zombi habuze uwinjiza undi i gitego maze bagabana amanota ku munsi wa nyuma w’imikino ibanza.

Ikipe ya Police FC y’umutoza Ben Moussa yasoje imikino ibanza iyoboye izindi n’amanota 34 ibitaherukaga kuri iyi kipe y’igipolisi cy’u Rwanda naho ikipe ya Kiyovu Sports y’umutoza Haringingo Francis yo igwiza amanota 27.

Police FC isoje imikino ibanza nyuma y’imikino 17 aho yatsinzemo imikino 9 inganya 7 itsindwamo umukino umwe yatsinzwemo na Bugesera igitego 1-0. Elijah Ani niwe mukinnyi wa Police usoje ufite ibitego byinshi aho afite ibitego 6.

Ikipe ya Kiyovu Sports isoje imikino ibanza n’amanota 27 aho mu mikino 17 y’igice cyibanza yatsinzemo imikino 7 inganya 6 itsindwamo imikino 4 aho yatsinze ibitego 16 yinjizwa ibitego 9 ubu ikaba izigamye ibitego 7.

Kiyovu Sports na Police FC bagabanye amanota.

Mu yindi mikino yabaye kuri iki cyumweru, ikipe ya Musanze yatsinze ikipe ya Marine FC ibitego 3-1, Bugesera yatsinze Etincelles ibitego 2-1 naho Mukura VS inganya na Al Merrikh igitego 1-1.

Mu yandi makipe yasoje imikino yayo ibanza dore ko hari abatarasoza ni Gicumbi FC, Bugesera FC, Musanze FC, Marine FC, As Kigali, Rutsiro FC ndetse na Etincelles.

Aya makipe ntarimo APR FC, Al Merrikh, Al Hilal, Mukura VS, Rayon Sports, Gasogi United, Gorilla FC, Amagaju ndetse na Muhanga zo zitarasoza imikino yazo.

Shampiyona ya volleyball yagarutse

Bwa mbere mu mateka kuva amakipe ya Kepler yashingwa, ikipe ya Kepler women volleyball club yatsinze APR VC amaseti 3-0. Ni umukino wabanjirije indi y’umunsi wa cyenda wakinwe mu mpera ziki cyumweru aho iyi kipe y’ingabo yatozwaga n’umutoza Yvette Igihozo nyuma yo gutandukana n’uwari Umutoza mukuru Peter Kamasa, yatsinzwe umukino wa mbere muri iyi shampiyona na Kepler WVC amaseti 3-0.

Kepler WVC yatsinze APR WVC amaseti 3-0

Ibi byahise bishimangira ko ikipe ya Kepler WVC izatanga akazi muri uyu mwaka dore ko yamaze no gusinyisha undi mukinnyi witwa Edwige Kossenda Konwa ukomoka mu gihugu cya Cameroon wamaze kugera no mu Rwanda aho azatangira gukinira iyi kipe ku munsi wa cumi wa shampiyona.

Ubona ko Petit Stade imaze kuba nto ku bakunzi ba Volleyball

Undi mukino wari witezwe, ni umukino wahuje ikipe ya APR VC ndetse na Kepler VC ariko mu cyiciro cy’abagabo aho uyu mukino bigoranye warangiye ikipe APR itsinze ikipe ya KEPLER amaseti 3 kuri 2 ivuye inyuma dore ikipe ya Kepler ariyo yari yatsinze amaseti abiri ya mbere.

Umugaba w’Ingabo zirwanira Ku Butaka Maj Gen Vincent Nyakarundi n’umuvugizi w’ingabo z’u rwanda Umuvugizi w’Ingabo z’u Rwanda, Brig Gen Ronald Rwivanga barebye iyi mikino

Umukino wapfundikiye imikino yo kuwa gatanu ni umukino wahuje ikipe ya Gisagara volleyball club yongeye gutsinda ikipe ya Police VC amaseti 3-0. Iyi tsinzi yabaye iya gatatu yikurikiranya iyi kipe y’ Indora mu karere ka Gisagara itsinda Police.

Police yongeye gutsindwa na Gisagara VC

Iyi mikino yo kwishyura yakomeje kuri uyu wa gatandatu mu nzu y’imikino ya St Famille aho mu cyiciro cy’abagore ikipe ya Police yatsinze Rwanda Polytechnic Huye college amaseti 3-0 naho RRA yo itsinda Ruhango amaseti 3-0.

Mu cyiciro cy’abagabo, ikipe ya Kaminuza ya East Africa yatsinzwe na KVC amaseti 3-2 naho Rwanda Polytechnic Ngoma college yo itsinda Kirehe amaseti 3-0.

Ivuye inyuma, APR yatsinze Kepler amaseti 3-2

Imikino y’umunsi wa cumi, izakomeza mu mpera z’icyumweru gitaha aho biteganyijwe ko izakinirwa mu karere ka Gisagara ho mu majyepfo.

APR FC yanyagiye ikipe ya Rayon Sports ibyasize imitima y’abafana ba Rayon ihagaze

Ni umukino ikipe ya Rayon Sports yongeye gutsindwamo na APR FC mu mukino w’abacyeba uhuza aya makipe y’ubukombe mu Rwanda ibya size abakunzi ba Rayon sports mu gihirahiro, Dusibirane kuri Stade Amahoro.

Ni Rayon Sports yoroshye cyangwa ni APR ikomeye.

Iki gisubizo ishobora kuvuga ko cyoroshye ku gisubiza kuko nyine APR FC yatsinze Rayon Sports ibitego 4-1 ndetse ubonako iyirusha ndetse cyane bityo ukaba wavuga ko nta kabuza APR FC ikomeye.

Habuze iki kuri Rayon Sports

Rayon Sports FC yo kuri uyu mugoroba, yari yacyenyeye yikwije, aho iyi kipe yari yahindutse ku kigero cyo hejuru nyuma yo kongeramo abakinnyi bashya. Umutoza wiyi kipe umufaransa Bruno Ferry nawe wari mushya, yabanje mu kibuga abakinnyi batandatu bashya iyi kipe iheruka kugura aho usibye kuba bamwe muri bo nta n’amakipe bari bafite (bivuze ko batakinaga), banatangiye imyitozo kuwa mbere wiki cyumweru turimo gusoza ndetse bose bakaba bari babanje mu kibuga. Mu mukino wa shampiyona waherukaga guhuza aya makipe yombi mu mezi abiri ashize, nibura Rayon Sports yari yagaruyemo abakinnyi babiri gusa aribo Richard Ndayishimiye ndetse na Serumogo Ali abandi bose bari bashya. Mugihe kuruhande rwa APR nta mpinduka z’abakinnyi bashya ikipe iracyahari.

APR FC yongeye gutanga ibyishimo ku bakunzi bayo muri Stade Amahoro

Ibi bihuzwa gute no gutsindwa?
Si kenshi yewe nta nubwo bisanzwe kubona ikipe yo mu cyiciro cya mbere muri shampiyona z’ibihugu ubona ihindagurika ringana gutya aho nibura mu mezi 5 kuva shampiyona y’umwaka wa 2025-2026 itangiye, Rayon Sports imaze guhindura ikipe nibura inshuro 2 mu gihe kitarenze amazeti 5 wongeyeho n’umutoza udasize n’ubuyobozi mbese ushatse wavuga ko Rayon Sports ari nshya bitandukanye na APR FC yo imenyeranye nta mpinduka z’abakinnyi cyangwa abatoza yewe no mu buyobozi byaba byarabaye.

Nyuma yo gusinyira ikipe ya Rayon Sports, Kwizera Olivier yahise abanza mu izamu

Abasesengura umupira basanga ibi ari ikimenyetse simusiga cy’ikipe ititeguye ndetse itarabonye igihe cyo kumenyerana no guhuza ibyo abakinnyi bafite no gushyira mu ngiro ibyo umutoza mushya abaha kuko aba bakinnyi nta minsi nibura irindwi bari bamarana bari kumwe bityo iyi ikaba yaba imbarutso yo gutsindwa na APR FC iyinyagiye ibitego 4-1 ibitaherukaga vuba aha kuri aya makipe yombi gutsindana ibi bitego.

Abakinnyi bashya ba Rayon Sports bitwaye bate?

Ikipe ya Rayon Sports yinjiranye muri uyu mukino abakinnyi 6 muri 11 bose bashya, abo ni umunyezamu Kwizera Olivier, Yannick Bangala, Ben Aziz Dao Tchimanga Ramazani, Faustin Likau ndetse na Joachim Vigninou

Aho abakunzi ba Rayon Sports bari biteze ku mwenyura hakiri kare, iyi kipe yambara uburu n’umweru yasoje iminota 45 y’igice cya mbere nta nkuru aho igice cya mbere cyarangiye nta mupira numwe iteye mu izamu. Gusa bitandukanye n’gice cya kabiri aho yageraje amashoti 4 ari nayo yaje kuvamo igitego kimwe rukumbi iyi kipe yambara ubururu n’umweru yabonye mu minota y’ingoyera cyatsinzwe na Ndikumana Asman ku mupira wari uhinduwe na Habimana Yves winjiye mu kibuga asimbuye. Ibi nabyo byatuma wibaza ku musaruro mbumbe waba bakinnyi bashya kuko usibye kuba Rayon Sports yatsinzwe yinjijwe ibitego 4, nta n’uruhare umukinnyi mushya uwariwe wese yagize muri icyo gitego rukumbi cyabonetse.

Ni APR FC Nziza?

90% wavuga ko ari APR FC Nziza kuko si muri uyu mukino gusa, ahubwo no muri shampiyona, iyi kipe y’ingazo z’igihugu ubu yicaye ku mwanya wa kabiri n’amanota 29 aho irushwa amanota 4 gusa n’ikipe ya mbere ariyo POLICE FC aho yo ifite amanota 33.

William Togui, Ronald Ssekiganda, ndetse na Mamadou Sy bari batsinze ibitego 3 mu mukino wa shampiyona uheruka guhuza izi mpande zombi, nibo bongeye gutsindira ikipe ya APR FC ndetse na Dauda Yussif.

Dauda Yussif Umwe mu bakinnyi bagize umukino mwiza

Ikipe ya APR FC Claude yashyikirijwe igikombe na sheki ya miliyoni 20 Frw, mu gihe Rayon Sports yatahanye miliyoni 10 Z’amafaranga y’u Rwanda. Aya makipe yombi agiye gukurikizaho kwitegura shampiyona y’icyiciro cya mbere aho Rayon Sports izakirwa na Mukura Victory Sports naho APR yo ikakirwa n’ Amagaju FC.

APR FC yahawe igikombe na sheke ya miliyoni 20 z’amafaranga y’u Rwanda

Ramazani Tshimanga Tshilembi w’imyaka 21 ukomoka muri DR Cong, Umunya Burukinafaso Ben Aziz DAO, ndetse na Bienvenu Joachim Vigninou ukomoka muri Benin ubu ni abakinnyi bashya b’ikipe ya Rayon sports FC nyuma yo gushyira umukono ku masezerano ndetse bakanerekanwa kuri uyu wa mbere nk’abakinnyi bashya ba Rayon Sports kujyeza iyi shampiyona irangiye.

Ramazani Tshimanga Tshilembi, Ben Aziz DAO na Bienvenu Joachim Vigninou baje biyongera kuri Yannick BANGALA Litomb nawe ukomoka muri Congo, Kwizera Olivier ndetse na Faustin Likau Pizzalo Kitoko ukina hagati yugarira nabo bamaze iminsi basinyiye Rayon Sports.

Ramazani TSHIMANGA TSHILEMBI myugariro ukomoka muri Congo yamaze kwerekeza muri Rayon Sports

Nyuma yo gushyira umukono ku masezerano, abakinnyi bashya bose ba Rayon Sports bahise berekeza mu Nzove mu myitozo yabo ya mbere nk’abakinnyi ba Rayon sports aho nibaba babonye ibyangobwa ndetse n’umutoza akabashima, bashobora kwifashishwa mu mukino wa Super Cup uzahuza iyi kipe yambara ubururu n’umweru ndetse n’ikipe ya APR FC uteganyijwe kuri uyu wa gatandatu taliki ya 10 Mutarama 2026 muri Sitade Amahoro.

Myugariro ukomoka mu gihugu cya Burukinafaso Ben Aziz DAO yamaze kwerekeza muri Gikundiro

Ramazani Tshimanga Tshilembi aje muri Rayon Sports avuye mu Buhinde mu ikipe ya Real Kashmir FC yakiniraga kuva mu 2024. Mbere yo kujya muri Aziya, yagaragaye muri Shampiyona ya Afurika y’Epfo mu ikipe ya Cape Town City yasinyiye amasezerano y’imyaka itatu mu 2023, n’ubwo yasezerewe atayasoje.

Kwizera Olivier yagarutse muri Rayon Sports

Ikipe ya Rayon Sports ikomeje kwiyubaka yongeramo abandi bakinnyi aho kuri uyu wa gatanu taliki ya 2 Mutarama 2026 yasinyishije abakinnyi babiri barimo myugariro wo hagati umukongomani Yannick BANGALA Litomb ndetse n’umunyezamu w’umunyarwanda Kwizera Olivier.

Yannick BANGALA Litomb washyize umukono ku masezerano y’amezi atandatu yakiriwe na perezida w’inzibacyuho wa Rayon Sports, Murenzi Abdallah, Bangala yakiniye makipe atandukanye muri Afurika ndetse no mu karere harimo AS Vita Club yo muri Congo, Yanga SC na Azam FC zombi zo muri Tanzanian.

Kwizera Olivier agarutse muri Rayon Sports yaherukagamo muri 2022, ubwo yayivagamo ajya gukinira Gasogi United FC, aho yavuye ajya muri Al-Kawkab yo muri Arabie Saoudite.

Kwizera yaherukaga muri Rayon Sports muri 2022

Kwizera yakiniye amakipe atandukanye mu Rwanda APR FC, Bugesera FC, Gasogi United, ndetse na Rayon Sports agarutsemo. Andi makipe kwizera yakiniye hanze y’u Rwanda arimo Mthatha Bucks na Free State Stars zo muri Afurika y’Epfo, ndetse na Al-Kawkab yo muri Arabie Saoudite ari nayo yaherukagamo.

Rayon Sports yasinyishije kandi Yannick BANGALA Litomb ukomoka muri Congo

Aba bakinnyi baje biyongera kandi kuri Faustin Likau Pizzalo Kitoko ukina hagati yugarira nawe umaze iminsi asinyiye iyi kipe yambara ubururu n’umweru.

Aba bakinnyi bose basinye igihe gito kingana n’amazi 6 aho bazatangirana n’imikino yo kwishyura bagasozanya na shampiyona y’umwaka wa 2025-2026 aho nta gihindutse kandi aba bose bashobora kwifashishwa mu mukino wa Super Cup uzahuza Rayon Sports na APR FC, tariki ya 10 Mutarama 2026, kuri Stade Amahoro.

Aba bombi baje biyongera kuri Faustin Likau Pizzalo Kitoko uherutse gusinyira iyi kipe

Rayon Sports iri ku mwanya ku mwanya wa karindwi n’amanota 21, ikaba iri kwitegura umukino w’Umunsi wa 14 wa Shampiyona y’u Rwanda uzayihuza na AS Muhanga kuri iki cyumweru taliki ya 4 Mutarama.

Mu cyo Bugesera FC yise impano ya Noheli, akenshi bihuzwa n’italiki ya 26 Ukuboza nk’umunsi wagenewe impano (Boxing Day) yavuzeko impano ya Police FC bamaze kuyakira nyuma yo kubatsinda igitego 1-0 kuri Stade ya Bugesera yari imaze iminsi micye iguyeho Rayon Sports.

Ibi byashyize iherezo ku mikino 13 ikipe ya Police FC yari imaze idatsindwa aho yari imaze gutsinda imikino 8 ikanganya imikino 5 ibitaherukaga mu ikipe ya Police FC mbere yuko umunya Tuniziya Ben Moussa utoza iyi kipe y’igipolisi cy’u Rwanda ahagera.

Wari umukino w’unsi wa 13 wa Rwanda Premier League wakomeza hamwe no ku yandi ma sitade atandukanye aho umutoza w’ikipe ya Bugesera FC Banamwana Camarade yongeye kuri koroza yivugana indi kipe y’ikigugu kuri stade ya Bugesera nyuma yo kuhatsindira Rayon Sports.

Ikipe ya POLICE FC yatakaje umukino wa mbere muri shampiyona.

Ni umukino wari waranzwe no gusatira cyane ku ikipe ya Police FC ariko ikipe ya Bugesera FC ikugarira neza ari nako icishamo igasatira ariko idafungura cyane.

Igice cya mbere, cyarangiye ari ubusa ku busa ku mpande. Igice cya kabiri cyaranzwe n’impinduka ku makipe yombi nkaho Police FC yinjije Ingabire Christian, Nsabimana Eric bagasbura Kwitonda na Msanga ariko nti byagira icyo bitanga.

Ubwo haburaga iminota 4 gusa ngo umukino urangire, ikipe ya Bugesera yabonye igitego cyatsinzwe na Clement John ari nacyo cyashyize cyasoje umukino.

Ikipe ya APR FC yavuye I Muhanga yemye nyuma yo kuhatsindira As Muhanga ibitego 2-1

Mu yindi mikino yabaye kuri uyu wa gatanu taliki ya 26 Ukuboza, ikipe ya APR FC yatsinze As Muhanga ibitego 2-1, As Kigali inganya na Gasogi United mu mukino warebwe na perezida wa FIFA Gianni Infantino, Gicumbi inyagira Rutsiro ibitego 4-2, naho Mukura VS yo itsinda ikipe ya Marine Fc ibitego 2-1.

Ubwitabire bw’abafana kuri Stade ya Muhanga

Umunsi wa 13 wa shampiyona urakomeza kuri uyu wa gatandatu aho kuri Kigali Pele Stadium, ikipe ya Kiyovu Sports izakira ikipe ya Amagaju FC ku isaha ya saa 3pm naho ku isaha ya saa 6:30pm, Rayon Sports yakire ikipe ya Etincelles.

Gasogi United yanganyike na As Kigali

Umukino wa As Kigali na Gasogi United warebwe na perezida wa FIFA Gianni Infantino uri I Kigali

Mukura VS yatsinze Marine FC ibitego 2-1

-merrikh Ikomeje kotsa igitutu ikipe ya POLICE FC iri ku mwanya w mbere.

Ni imikino ya shampiyona ya Rwanda Premier League yakinwaga kuri uyu gatatu taliki ya 24 Ukuboza aho aya makipe yo mu gihugu cya Sudan akomeje gukina imikino yayo kugirango isatire aho abandi bageze ku munsi wa 13 wa shampiyona.

Ikipe ya Al-Hilal yari imaze imikino itatu yikurikiranya nta ntsinzi, yongeye kubona amanota atatu kuri uyu mugoroba nyuma yo gutsinda ikipe ya Gorilla FC ibitego 3-0. Ikipe ya Al-Hilal kuva bamwe mu bakinnyi bayo bajya mu gikombe cy’afurika, yagize umusaruro mubi kuko yatakaje nibura imikino ibiri muri itatu baheruka gukina naho undi barawunganya. Al-Hilal yatsinzwe na Rutsiro ndetse na Kiyovu Sports banganya umukino umwe banganyijemo na Marine FC ibitego 2-2.

Ahmed M’Bareck ndetse na Adama Coulibali nibo batsindiye ikipe ya Al-Hilal byatumye ikipe ya Gorilla FC nayo itakaza umukino wa kabiri wikurikiranya nyuma yo gutsindwa na Rayon Sports ibitego 2-1.

Gorilla FC yongeye gutakaza undi mukino

Nyuma yo gutsinda Gorilla FC ikipe ya Al-Hilal yahise ifata umwanya wa 12 n’amanota 14 aho imaze gukina imikino 8 aho irushwa inota rimwe na Gorilla yo iri ku mwanya wa 11.

Ikipe ya Al-merrikh y’umutoza Darko Nović, bigoranye yakuye amanota atatu ku ikipe ya Musanze nyuma yo kuyitsinda ibitego 3-2 ivuye inyuma.

Ikipe ya Musanze FC binyuze muri Hakizimana Tity na Shaban Hussein niyo yabanje gutsinda ibitego bibiri ku busa bwa Al-merrikh ndetse igice cya mbere kirangira ikipe ya Musanze iri imbere n’ibitego 2-0.

Hakizimana Tity Watsinze igitego cya mbere cya Musanze

Igice cya kabiri, cyihariwe na Al-merrikh yaje kwishyura ibitego byose yari yatsinzwe ndetse inongeramo igitego cya gatatu cyatsinzwe na Daba Sugoba byatumye ikipe ya Al-merrikh ifata umwanya wa kabiri bidasubirwaho.

Al-Hilal yongeye kubona intsinzi nyuma y’imikino itatu nta ntsinzi

Ni umukino wa karindwi wikurikiranya ikipe ya Al-merrikh y’umutoza Darko Nović imaze idatsindwa ibi byatumye yuzuza amanota 24 aho irushwa amanota atanu n’ikipe ya POLICE FC iyoboye urutonde rwa shampiyona gusa Al-merrikh ikaba ifite indi mikino itarakina.

Gakwaya Olivier Umuvugizi wa Rayon Sports ashimangira ko bazatsinda APR kuri Super Cup

Ubwo yagarukaga ku myiteguro ya FERWAFA SUPER CUP, Gakwaya Olivier yavuze ko izagera bamaze kongeramo abandi bakinnyi kuko hari imyanya bashaka kongeramo abakinnyi mu ikipe ya Rayon Sports nko mu kibuga hagati, ku mpande imbere usatira ndetse na rutahizamu we biteganyijwe ko azagera I kigali kuwa gatatu nijoro.

Ubwo yasubizaga ku kibazo cya rutahizamu wabo Fall Ngagne bivugwa ko yakize ariko akaba yibereye iwabo muri Senegal, Umuvugizi wa Rayon sports yemeje ko koko aribyo Fall Ngagne yakize ariko nabo bakimutegereje.

Yagize ati “Fall Ngagne akimara gukira ndetse n’impapuro z’abaganga zibigaragaza, yagize ikibazo cy’umubyeyi urwaye asaba uruhushya rwo kujya kumureba. Yatubwiye ko agiye kugaruka ariko nubu turacyamutegereje nkuko n’abakunzi ba Rayon Sports bamutegereje ariko twe tuzakoresha abakinnyi bahari ubwo udahari nyine ntabwo aba ahari”

Fall Ngagne uri I wabo muri Senegal aracyategerejwe muri Rayon Sports

Gakwaya yakomoje kandi kuri Bigirimana Abedi umaze iminsi nawe yaravunitse aho yavuze ko muri iki cyumweru kirangira cyangwa se hagati, azasubira kwa muganga gukoresha isuzuma ngo barebe aho uburwayi bwe bugeze kuko hari imiti ndetse n’ibindi yari yarahawe n’abaganga bigomba kumufasha bityo ko bazagendera ku byo abaganga bazaba bemeje niba yatangira imyitozo.

Bigirimana Abedi agomba gusubira kwa muganga ngo barebe aho uburwayi bwe bugeze

Ubwo yasubizaga ku makuru avugwa ko Rayon Sports ifite gahunda yo gushaka undi munyezamu, Umuvugizi wa Rayon Sports yavuze ko ikijyanye n’umunyezamu bagishyize mu biganza by’umutoza mukuru nyuma yo kureba abahari yabona koko ko acyenewe akaba aribwo babirebaho cyane ko ngo umutoza mukuru yakinnyeho mu izamu bityo ni byiza ko yabyikurikiranira.

Taliki ya 10 Mutarama 2026, nibwo igikombe kiruta ibindi mu Rwanda (FERWAFA SUPER CUP) kizakinirwa hagati y’amakipe ya APR na Rayon Sports mu cyiciro cy’abagabo naho mu cyiciro cy’abagore Rayon Sports ikazesurana na Indahangarwa. Abazegukana iki gikombe ubu bashyizwe igorora kuko ubu uza cyegukana mu bagabo n’abagore, azegukana agera kuri miliyoni 20 z’amafaranga y’u Rwanda.

Ibi byatangajwe na Visi Perezida wa kabiri ushinzwe tekinike mu Ishyirahamwe ry’umupira w’amaguru mu Rwanda Mugisha Richard mu kiganiro n’itangazamakuru kibandaga ku myiteguro yuyu mukino. Ubusanzwe ikipe yegukanye iki gikombe “Ferwafa Super Cup” yahabwaga igikombe ndetse na Miliyoni 10 aho kuri ubu aya azahabwa ikipe yatsinzwe mu bagabo n’abagore.

Bitandukanye nuko bisanzwe aho ubusanzwe umukino wa Super Cup ubanziriza shampiyona kuri iyi nshuro uyu mukino uzakinwa muri shampiyona hagati ahanini bitewe n’ingengabihe z’amarushanwa yaba ay’imbere mu gihugu no hanze zagiye zigongana bityo umwanya ukaba muto. FERWAFA-Super Cup ihuza ikipe yatwaye igikombe cya shampiyona iheruka ndetse n’ikipe yatwaye igikombe cy’amahoro muri uwo mwaka, igihe ikipe imwe muri izo yaba yarabitwaye byombi, hagafatwa ikipe yakinnye finali y’igikombe cy’amahoro.

Iyi mikino yombi izabera muri Stade Amahoro

Ikipe ya APR yegukanye ibi bikombe byombi yaba shampiyona ya 2024/2025 ndetse n’igikombe cy’amahoro bityo rero ikazahura na Rayon Sports yatsindiwe ku mukino wa nyuma w’ikigokombe cy’amahoro.

Mu bagore uyu mukino uzahuza Rayon Sports WFC yegukanye Igikombe cya Shampiyona y’u Rwanda na Indahangarwa yegukana Igikombe cy’Amahoro cya 2024/25.

Rayon Sports ibitse igikombe cya shampiyona izesurana na Indahangarwa

Biteganyijwe ko iyi mikino yombi, izabera muri Stade Amahoro I Remera taliki ya 10 Mutarama aho umukino wa Rayon Sports WFC na Indahangarwa WFC uzatangira ku isaha ya saa 3pm naho umukino wa APR na Rayon Sports wo ukazatangira ku isaha ya saa 6:30pm.

Bruno Ferry yatangiye akazi ko gutoza Rayon Sports

Kuri iki cyumweru taliki ya 21 Ukuboza, ni bwo uyu mugabo ufite amamuko mu gihugu cy’ubufaransa yahawe inshingano zo gutoza ikipe ya Rayon Sports FC mu gihe kingana n’amezi 6 asigaye ngo shampiyona ya 2025-2026 irangire.

Ferry yatangiye akazi ko gutoza ikipe ya Rayon Sports kuri uyu wa mbere aho yatangiye gutegura ikipe azifashisha mu mukino wa shampiyona uzahuza Rayon Sports ndetse na Etincelles FC inyotewe intsinzi dore ko aho shampiyona igeze, Etincelles imaze gutsinda umukino umwe gusa. Uyu mukino uteganyijwe kuwa Gatandatu tariki 27 Ukuboza 2025, Saa 18h30 kuri Kigali Pele Stadium

Bruno aratangira yakira ikipe ya Etincelles FC

Ikipe ya Rayon Sports iri ku mwanya wa gatandatu n’amanota 20 mu mikino 12 imaze gukina aho irushwa amanota 9 na Police FC iri ku mwanya wa mbere.

Bruno aje muri Rayon sports nk’umutoza mukuru aho asimbuye Afhamia Lotfi wirukanwe mu Ukwakira 2025. Uyu mutoza azungirizwa na Lomami Marcel ndetse na Haruna Ferouz.

Ferry yahawe amasezerano y’amezi atandatu asigaye ngo shampiyona irangire

Bruno Ferry w’imyaka 58 yatoje amakipe arimo Azam FC yo muri Tanzania mu 2024, mu gihe yayivuyemo yerekeza muri AS Vita Club yo muri Repubulika Iharanira Demokarasi ya Congo ari na yo aherukamo.

Agace ka mbere mbere ka shampiyona ya volleyball yo kumucanga, kasorejwe I Rwamagana

Ni shampiyona ngaruka mwaka ya volleyball yo ku mucanga yabereye mu karere ka Rwamagana ku nkengero z’ikiyaga cya Muhazi ahazwi nka Falcon Golf and Country Club ho mu ntara y’iburasirazuba aho kuva taliki ya 19 kujyeza kuri iki cyumweru taliki ya 21 Ukuboza hakinwaga agace ka mbere muri tubiri tuzagira iyi shampiyona.

Mu cyiciro cy’abagabo, ikipe yari igizwe na Paul Akan ukomoka muri Ghana ndetse na Gisubizo Merci usanzwe ukinira ikipe ya REG VC nibo begukanye igikombe batsinze ku mukino wa nyuma ikipe ya Nzirimo Mandela ndetse na Elivis amaseti 2-1 (24-22, 14-21, 15-11)

Ikipe ya Niyonshima Samuel na Mbonigaba Vicent nibo begukanye umwanya wa kabiri naho ikipe ya Munezero ndetse na Shema yegukana umwanya wa gatatu.

Umuyobozi w’akarere ka Rwamagana MBONYUMUVUNYI Radjab niwe wahembye Paul Akan na Gisubizo begukanye igikombe mu cyiciro cy’abagabo

Mu cyiciro cy’abagore, ikipe ya Munezero Valentine na Uwiringiyimana Albertine basanzwe bakinira ikipe ya APR WVC, nibo begukanye igikombe nyuma yo gutsinda ku mukino wa nyuma ikipe ya Yankurije Francoise ndetse na Nirere Aliane ba POLICE WVC amaseti 2-1 (21-14, 17-21, 15-8)

Munezero Valentine na Albertine nibo begukanye igikombe mu bagore

Ikipe ya Ainembabazi Catherine wo muri Uganda na Sandra ukomoka muri Ghana, niyo yegukanye umwanya wa kabiri nyuma yo gutsinda Tuyizere Angelique ndetse na Sifa amaseti 2-0 (19-21, 16-21)

Guverineri w’intara y’iburasirazuba Pudence Rubingisa ari mu barebye iyi mikino

Kuri iyi nshuro, hitabiriye amakipe (Couples) 24 yose hamwe abagabo n’abagore. Mu cyiciro cy’abagabo hitabiriye amakipe 13 naho mu bagore hitabira amakipe 11 agizwe n’abakinnyi bavuye mu makipe atandukanye asanzwe muri shampiyona y’u Rwanda.
Uyu mwaka uzagirwa n’uduce tubiri aho agace gakurikira kazaba muri Kanama 2026.

APR FC yongeye gufata umwanya wa kabiri ku rutonde rwa shampiyona rw’agateganyo.

Imikino y’umunsi wa 12 wa Rwanda Premier League yakomezaga kuri uyu wa gatandatu aho umwe mu mikino yari itegerejwe wahuje ikipe ya APR FC na Gasogi United wasize ikipe ya APR FC itsinze Gasogi United ibitego 2-0 bya Djibril Ouattara na Aliou Souane, maze ifata umwanya wa kabiri n’amanota 23 ku rutonde rw’agateganyo rwa shampiyona y’u Rwanda.

Ni umukino wari witezwe na benshi cyane ko aya makipe abiri yari amaze iminsi atitwara neza nkaho ikipe ya APR FC yanganyije imikino ibiri yaherukaga gukina naho Gasogi United yo yari imaze imikino itatu yikurikiranya itsindwa.

Igitego cya Djibril Ouattara ku munota wa 45 w’umukino, nicyo cyatandukanyije impande zombi maze bajya kuruhuka APR FC iri imbere n’igitego 1-0.

Igice cya kabiri, cyaranzwe n’impinduka ku mpande zombi ndetse no gushaka igitego cyo kwishyura ku ikipe ya Gasogi United ariko APR FC ibyitwaramo neza ndetse inatsinda igitego cya kabiri cyinjiye ku munota wa 90 bongeyeho iminota ine gitsinzwe na myugariro wiyi kipe ya APR FC Aliou Souane nyuma y’akazi gakomeye kakozwe na Mamadou Sy maze umukino urangirana b’intsinzi ya APR FC.

Nyuma yo gutsinda uyu mukino, ikipe ya APR FC yahise ijya ku mwanya wa kabiri n’amanota 23 ku rutonde rwa Shampiyona y’u Rwanda naho Gasogi United yo ijya ku mwanya wa cyenda n’amanota 18.

Mu karere ka Rubavu, ikipe ya POLICE FC y’umutoza Beni Moussa, yatsinze ikipe ya Etincelles ayisanze mu rugo bituma POLICE FC yuzuza amanota 29 ku mwanya wa mbere.

Nyuma yo gutsindwa uyu mukino, ikipe ya Etincelles itozwa n’umutoza Masudi Djuma, yujuje imikino 7 itsindwa dore ko aho shampiyona igeze iyi kipe yo mu karere ka Rubavu imaze gutsinda umukino umwe batsinzemo ikipe ya Musanze.

Ubwo uyu mukino wari urangiye, abafana b’ikipe ya Etincelles bagose imodoka y’umuyobozi (Perezida) wa Etincelles Ndagijimana Enock maze bamusaba ko ya kwegura akabarekera ikipe kubera ko irimo gutsindwa umusubirizo.

Mukura VS yatsinze Amagaju igitego 1-0 ihita ifata umwanya wa karindwi n’amanota 19

Mu yindi mikino yabaye, ikipe ya Musanze FC yatsinze As Muhanga ibitego 3-0 ihita ifata umwanya wa gatanu n’amanota 19. Mukura VS yatsinze Amagaju igitego 1-0 ihita ifata umwanya wa karindwi n’amanota 19

Rayon Sports yatsinze Gorilla FC yongera gutanga ikizere

Imbere y’umutoza mushya Bruno Ferrry ugomba gukomezanya nayo, ikipe ya Rayon Sports yongeye kubona amanota atatu nyuma yo gutsindwa n’ikipe ya Bugesera FC ku munsi wa 11 wa shampiyona bituma yuzuza amanota 20, ndetse ihita ijya ku mwanya wa kane ku rutonde rwa Shampiyona y’u Rwanda nyuma y’imikino 12 imaze gukina.

Muri uyu mukino, ikipe ya Rayon Sports yatangiye neza umukino kurusha Gorilla ndetse ubona ko itanga ibimenyetso byo gushaka igitego cyo kuyobora umukino hakiri kare gusa abasore ba Kirasa Alain nabo bihagagararaho.

Nyuma yo gukinira hagati cyane, ku munota wa 21, ikipe ya Rayon Sports yatsinze igitego cya mbere cya Rayon Sports cyatsinze na Emery Bayisenge kuri Coup-franc yateye maze yijyana mu izamu.

Ikipe ya Gorilla nti yacitse intege kuko yakomeje gushaka uburyo ya kwishyura igitego ariko ari nako yugarira ngo hato Rayon Sports itayibonamo igitego cya kabiri.

Ku munota wa 35 ikipe ya Gorilla FC yishyuye igitego yari yatsinzwe na Rayon Sports igitego cyatsinzwe na Nduwimana Franck, ku mupira yinjiranye aturutse iburyo, awohereza mu izamu, umunyezamu Kouyate wa Rayon Sports ananirwa kuwugarura.

Ikipe ya Rayon Sports yongeye kugaragaza inyota yo gutsinda ndatse no kureba ko yakongera kujya imbere ya Gorilla ariko bikomeza kwanga kuko ugice cya mbere cyarangiye ari igitego 1-1.

Igice cya kabiri cyatangiranye impinduka ku ikipe ya Rayon Sports aho Adama Bagayogo yasimbuwe na Habimana Yves mu rwego rwo kongera imbaraga mu gice gi satira.

Umukino wakomeje gukinirwa hagati maze ku munota wa 61 ikipe ya Gorilla FC ikora impinduka impinduka, aho Karifa Traore yasohotse mu kibuga agasimburwa na Aly Saly, mu gihe Duru Mercy we yasimbuye Nduwimana Nduwimana Eric.

Rayon Sports nayo yongeye gukora impinduka maze yinjiza mu kibuga Ishimwe Fiston asimbura Ntarindwa Aimable.

Nyuma y’iminota ine gusa bakoze impinduka, ikipe ya Rayon Sports yabonye igitego cya kabiri cyatsinzwe na Ndayishimiye Richard nacyo kuri Coup-franc yari hafi y’izamu maze umupira uruhukira mu fushundura.

Amakipe yombi yakomeje gukora impinduka ariko nti byagira icyo bihundura ku musariro mbumbe kuko umukino warangiye ari ibitego 2 bya Rayon Sports kuri 1 cya Gorilla FC.

Nyuma yo gutsinda Gorilla FC, ikipe ya Rayon Sports yahise ifata umwanya wa kane n’amanota 20 naho Gorilla FC yo iguma ku mwanya wa 10 n’amanota 15.

Muri uyu mukino, umukinnyi witwaye neza kurusha abandi yabaye Ndayishimiye Richard wa Rayon Sports, ahabwa ibihumbi 100 Frw.

Rayon Sports yongeye kubona amanota 3 nyuma yo gutsindwa na Bugesera FC

Mu mukino wari wabanje, ikipe ya As Kigali yanganyije na Bugesera 0-0.

Shampiyona ya volleyball yo ku mucanga uyu mwaka izagirwa n’uduce tubiri

Ni shampiyona ngaruka mwaka ikinwa mu duce dutandukanye aho agace ka mbere gatangiza uyu mwaka w’imikino katangiriye mu karere ka Rwamagana ahanzwi nka Falcon Golf & Club.

Amakipe ya Police yaserukanye imyambaro iriho ubutumwa bugira buti “Turindane Tugereyo amahoro”

Kuri iyi nshuro, hitabiriye amakipe (Couples) 24 yose hamwe abagabo n’abagore. Mu cyiciro cy’abagabo hitabiriye amakipe 13 naho mu bagore hitabira amakipe 11 agizwe n’abakinnyi bavuye mu makipe atandukanye asanzwe muri shampiyona y’u Rwanda.

Uyu mwaka uzagirwa n’uduce tubiri aho agace gakurikira kazaba muri Kanama 2026.

Iyi mikino irimo kubera ku bibuga bya volleyball yo ku mucanga bya Falcon Golf & Club

Munezero Valentine Kapiteni w’ikipe y’igihugu avuga ko kuva u Rwanda rwa kwemererwa gutegura amarushanwa ya beach volleyball abazamurira amanota byabafashije cyane.

“Mbere na mbere ndashimira federasiyo ya volleyball kuba barakoze ibishoboka byose bakadushyiriraho amarushanwa nkaya atanga amanota kuko biradufasha cyane nkiyo tugiye gukina imikino mpuzamahanga usanga amanota yacu ari hejuru mu gihe mbere twabanzaga kujya kuyashaka mu bindi bihugu”

Munezero Valentine kapiteni w’ikipe y’igihugu

Munezero akomeza avuga ko kandi kuba amarushanwa ya beach volleyball yariyongereye, ubu nabo byabafashije gukomeza kuzamura urwego nubwo hakiri imbogamizi zuko bakivanga volleyball yo ku mucanga ndetse na volleyball isanzwe yo munzu.

Kuri uyu wa gatanu, hakinwe imikino ibanza yo mu matsinda, ikazakomeza kuri uyu wa gatandatu ndetse no ku cyumweru.

Rutsiro FC ikoze amateka yo kuba ikipe ya mbere mu Rwanda itsinze Al-Hilal

Ni umukino w’umunsi wa 11 wa shampiyona wakinwe kuri uyu wa kabiri taliki ya 15 Ukuboza kuri Kigali Pele Stadium aho Rutsiro yahise yuzuza intsinzi ya gatatu muri uyu mwaka w’imikino.

Ni umukino watangiye ikipe ya Al-Hilal ubona yitwara neza ndetse bidatandukanye nibyo abantu bari biteze bijyane nuko iyi kipe yo muri Sudan yari imaze iminsi yitwara ndetse no kuba ari ikipe ikomeye ubu iri mu marushanwa Mpuzamahanga ya CAF Champions League.

Ku munota wa 25 w’umukino, ku mupira w’umuterekano wari inyuma gato y’urubuga rw’umunyezamu, ikipe ya Rutsiro yafunguye amazamu ku mupira watewe na Jean Kabula maze umunyezamu wa Al-Hilal Ali Abdallah ananirwa gukiza izamu uboneza mu rushundura.

Nyuma yo gutsinda igitego, ikipe ya Rutsiro, yari ibaye ikipe ya mbere muri Rwanda Premier League ibashije kubanza igitego ikipe ya Al-Hilal ndetse iba ikipe ya kabiri yari yinjije igitego mu izamu rya Al-Hilal nyuma ya Bugesera FC.

Ku munota wa 30 umukinnyi wa Al-Hilal Girumugisha Jean Claude yahawe ikarita y’umutuku nyuma yo kutishimira icyemezo cy’umusifuzi ndetse akarenzaho n’amagambo ashobora kuba atari meza byatumye umusifuzi Twagirumukiza Abdul Karim amuha ikarita y’umutuku maze asohoka mu kibuga ndetse aba umukinnyi wa Al-Hilal wa kabiri ubonye ikarita y’umutuku muri uyu mwaka w’imikino.

Igice cya mbere cyarangiye ari igitego kimwe cya Rutsiro ku busa bwa Al-Hilal

Igice cya kabiri cyatangiranye impinduka ku ruhande rwa Al-Hilal mu rwego rwo gukomeza igice cy’ubusatirizi ariko Rutsiro FC ikomeza kuba ibamba.

Ku munota wa 61, ikipe ya Al-Hilal yabonye igitego cyo kwishyura cyatsinzwe na El Hadji Kane wari winjiye mu kibuga asimbuye maze umukino usubira ibubisi.

Umukino wakomeje gukinirwa hagati ariko ubona amakipe yombi asatirana ndetse ubona ikipe ya Al-Hilal ariyo icishamo igasatira cyane ariko ikipe ya Rutsiro ikugarira neza ari nako amakipe yombi akora impinduka zitandukanye.

Ku munota wa 82, ikipe ya Rutsiro yaje gutsinda igitego cya kabiri cyatsinzwe na Nkubito Amza maze Rutsiro yandikisha andi mateka yo kuba ikipe ya mbere muri Rwanda ibashije kubona ibitego bibiri mu izamu rya Al-Hilal.

Umukino warangiye ari ibitego 2-1 byatumye ikipe ya Rutsiro ihita ifata umwanya wa 12 n’amanota 13 naho Al-Hilal yo yagiye ku mwanya wa 16 n’amanota 10.

Rayon Sports yongeye gutsindirwa i Bugesera

Ni umukino wari utegerejwe cyane usibye amatsiko y’ibyagombaga kuwuvamo, ariko hari n’amatsiko yo kureba uko Rayon Sports yagombaga kuwitwaramo imbere ya Bugesera FC nyuma gutsindwa ndetse ikanakurwa no kugikombe niyi kipe yo mu ntara y’iburasirazuba umwaka ushize ubwo yabatsindaga ibitego 2-1 mu mukino wa shampiyona y’umunsi wa 28 umukino wakinwe mu minsi ibiri ndetse ukanarangwa n’imvururu.

Rayon Sports yagiye i Bugesera yitwaje ijambo "Ntabwo twabyibagiwe" mu rwego rwo kwibutsa ikipe ya Bugesera FC ko yibuka ibihe bibi iherutse kuhagirira. Rayon Sports yinjiye neza mu mukino isatira ubona ishaka gufungura amazamu hakiri kare ariko ubwugarizi bwa Bugesera FC ndetse n’umunyezamu Daouda Ibrahim Baleri bazibira neza.

Nyuma yo guhusha uburyo butandukanye, ikipe ya Rayon Sports FC yaje gutungurwa nyuma yo kudahuza kwa ba myugariro, Bugesera FC yafunguye amazamu ku munota wa 20 igitego cyatsinzwe na Rugangazi Prosper arobye umunyezamu wa Rayon Sports Mugisha Yves.

Umukino wakomeje gukinirwa hagati arinako ikipe ya Rayon Sports ikomeza gusatira kugeza ku munota wa 45 ikipe ya Bugesera yari ikiri imbere n’igitego 1-0.

Nyuma y’iminota 45, umusifuzi wa kane yongeyeho iminota ibiri maze ubwo haburaga amasegonda, umukinnyi wa Rayon Sports Nshimiyimana Emmanuel yafunze umupira n’igituza, maze agushwa mu rubuga rw’amahina rwa Bugesera FC, umusifuzi Nsabimana Celestin atanga penaliti yinjijwe neza na rutahizamu Habimana Yves.

Mu mikino itanu Rayon Sports imaze gukina, yatsinzwemo 3, itsinda 1,inganya 1

Igice cya kabiri cyatangiranye impinduka kuruhande rwa Rayon Sports Aziz Bassane wari wavunitse, asimburwa na Ndikumana Asman naho Bugesera FC yinjiza Clement Joy asimbura Rugangazi Prosper wari watsinze igitego.

Aha wabonaga ko bishoboka ku mpande zombi kuko basatiranaga bya hato na hato ariko umukino ugakinirwa hagati cyane.

Ku munota wa 63, ikipe ya Bugesera FC yongeye gukora impinduka maze Akipseri Noibe yinjira mu kibuga asimbuye Dukundane Pacifique naho Rayon Sports FC yo ikora impinduka Ishimwe Fiston yinjira mu kibuga asimbura Habimana Yves.

Ku munota wa 77 w’umukino, ikipe ya Bugesera yatsinze igitego cya kabiri cyatsinzwe na Byiringiro Valua ku ishoti rikomeye yatereye inyuma y’urubuga rw’amahina, umunyezamu Mugisha Yves ananirwa guhagarika umupira.

Rayon Sports yakomeje gukora impinduka ireba ko ya kwishyura Bugesera cyangwa ikaba yatsinda n’umukino ariko nti byagira icyo bitanga mu minota 90 ndetse nindi ine y’inyongera yongeweho.

Nyuma yo gutsinda Rayon Sports, Bugesera FC ihise igwiza amanota 13 ifata umwanya wa 10 mu gihe Rayon Sports yagumanye amanota 17 ku mwanya wa gatanu.

Mu yindi mikino yabaye kuri iki cyumweru, ikipe ya Marine FC yafashe umwanya wa kabiri n’amanota 21 nyuma yo gutsinda Kiyovu Sports igitego 1-0.

Mukura VS yafashe umwanya wa munani n’amanota 16 nyuma yo gutsinda Gicumbi FC ibitego 2-0.

Mukura yatsinze Gicumbi ibitego 2-0 ihita ifata umwanya wa munani

Ikipe ya APR women basketball club iresurana na Al Ahly muri 1/2

Ikipe ya APR Women Basketball Club yageze muri 1/2 nyuma yo gusezerera muri 1/4 ikipe ya Kenya Ports Authority yo muri Kenya iyitsinze amanota 79 kuri 76 mu mukino wabaye kuri uyu wa gatanu taliki ya 12 Ukuboza 2025.

Ikipe ya APR Women Basketball Club yageze muri 1/2 nyuma yo gusezerera muri 1/4 ikipe ya Kenya Ports Authority

Ikipe ya REG Women Basketball Club nayo ihagarariye u Rwanda muri iyi mikino, yo nti ya bashije kugera mu mikino ya 1/2 kuko yasezerewe n’ikipe ya ASC Ville de Dakar yo muri Senegal nyuma yo gutsindwa amanota 68 kuri 48 bityo yisanga igomba kujya guhatanira imyanya myiza (Ranking).

Ikipe ya REG WBBC nti yabashije kurenga imikino ya 1/4

Nyuma yo kugera muri 1/2, ikipe ya APR WBBC iracakirana na Al Ahly yo mugihugu cya Misiri ari nayo yakiriye iyi mikino naho ikipe ya REG yo igomba gukina na Sporting Clube de Luanda yo muri Angola ba hatanira umwanya kuva kuri 5-8.

Ikipe ya Gisagara yageze ku mukino wa nyuma nyuma yo gutsinda Police VC biyoroheye

Ni irushanwa ririmo kuba ku nshuro ya mbere ryateguwe na BK ARENA mu mukino wa volleyball aho ryahuje amakipe ane ya mbere ku rutonde rwa shampiyona aho igeze nyuma yuko imikino ibanza yasojwe mu cyumweru gishize. Ayo makipe ni APR, POLICE, KEPLER na RRA mu cyiciro cy’abagore.

Mu cyiciro cy’abagabo, hitabiriye amakipe ya Gisagara, POLICE, KEPLER ndetse na APR aho kuri uyu wa gatanu hakinwaga imikino ya 1/2.

Umukino wabimburiye indi ni umukino wahuje ikipe ya APR na RRA mu cyiciro cy’abagore aho ikipe ya APR biyoroheye yatsinze Rwanda Revenue Authority amaseti 3-0.

APR WVC yageze ku mukino wa nyuma itsinze RRA amaseti 3-0

Uyu mukino wakurikiwe n’umukino wahuje ikipe ya KEPLER ndetse na POLICE nazo mu cyiciro cy’abagore maze ikipe ya POLICE itsinda itazuyaje ikipe ya KEPLER amaseti 3-0. Ibi byatumye POLICE WVC izesurana na APR WVC ku mukino wa nyuma.

Mu cyiciro cy’abagabo ikipe ya Gisagara yerekeje ku mukino wa nyuma, nyuma yo gutsinda POLICE VC idakosemo amaseti 3-0 aho izahura na APR nayo yisengereye KEPLER maze ikayitsinda amaseti 3-1.

Imikino ya nyuma yose iteganyijwe kuri uyu wa gatandatu taliki ya 13 Ukuboza muri BK ARENA.

Dore uko imikino ya nyuma iteye.

Bronze medal game:

Umwanya wa gatatu mu bagore: KEPLER vs RRA saa 2pm
Umwanya wa gatatu mu bagabo: POLICE vs KEPLER saa 4pm

Finali y’abagore: APR vs POLICE saa 6pm
Finali y’abagabo: Gisagara vs APR saa 8pm

Nyuma yo gutsinda POKICE VC muri shampiyona Gisagara yayisubiriye

Abafana ba volleyball bo bamaze kuyisobanukirwa

Abafana ba volleyball bo bamaze kuyisobanukirwa

Al-Hilal imaze gukusanya amanota 10 mu mikino 4 imaze gukina muri shampiyona ya Rwanda Premier League

Wari umukino w’umunsi wa 10 wa shampiyona y’icyiciro cya mbere hano mu Rwanda wa bereye kuri Kigali Pele Stadium kuri uyu wa kane taliki ya 11 Ukuboza 2025.

Ni umukino ikipe ya Al-Hilal yarushije bigaragara ikipe ya Bugesera FC itozwa n’umutoza Banamwana Camarade aho ku munota wa mbere gusa w’igice cya mbere, Bugesera FC yari yamaze kwinjizwa igitego cyatsinzwe na rutahizamu ukomoka I Burundi Jean Claude Girumugisha .

Ikipe ya Al-Hilal FC yakomeje ku genzura umukino ndetse irema n’uburyo bwashobokaga kubyara ibindi bitego gusa umunyezamu wa Bugesera FC Daouda akomeza kwitwara neza byaratumye igice cya mbere cy’umukino kirangira ari igitego Kimwe cya Al-Hilal ku busa bwa Bugesera FC

Mu gice cya kabiri, ikipe ya Bugesera FC yakomeje uburyo bwayo yakinagamo ubona ikinira inyuma yirinda ko yakwinjizwa ibitego byinshi. Ibi nti byabahiriye kuko ku munota wa 65 ikipe ya Al-Hilal yongeye kubona igitego cyatsinzwe na Girumugisha Jean Claude.

Ikipe ya Bugesera FC yahise itangira gusatira maze nyuma y’iminota icyenda gusa batsinzwe igitego, ikipe ya Bugesera FC yafunguye amazamu ku ruhande rwayo igitego kinjiye ku munota wa 67 gitsinzwe na Saddick Sulley.

Nyuma y’imonota umunani gusa, Girumugisha Jean Claude yongeye kunyeganyeza inshundura maze atsindira ikipe ya Al-Hilal igitego cya gatatu cyari icya gatatu kuri we (hat trick)

Nubwo yatsinzwe ibitego 3, umunyezamu wa Bugesera FC yari yagize umukino mwiza

Ku munota wa 77 w’umukino, byashobokaga ko ikipe ya Al-Hilal ibona igitego cya kane gusa kuri penaliti, gusa umunyezamu wa Bugesera Daouda akuramo umupira wa Daniel Barnabas ibi byatumye uyu mukino urangira ari ibitego 3 bya Al-Hilal kuri 1 cya Bugesera FC.

Nyuma yo gutsindwa, ikipe ya Bugesera FC irakurikizaho ikipe ya Rayon Sports kuri iki cyumweru taliki ya 14 Ukuboza bakina umunsi wa 11 wa shampiyona mu gihe ikipe ya Al-Hilal yo izakurikizaho ikipe ya Rutsiro ku wa mbere taliki ya 15 Ukuboza.

Uyu ubaye umukino wa kane wikurikiranya Bugesera itabona intsinzi

Ikipe ya Al-Hilal, yahise igwiza amanota 10 mu mikino 4 ya shampiyona imaze gukina.

Mu mikino y’umunsi wa 11 yabaye kuri uyu wa kane, ikipe ya Rutsiro FC yatsinze Amagaju ibitego 2-1.

Ni irushanwa ngaruka mwaka rizaba riba ku nshuro ya 47 rikaba rihuza amakipe yabaye ayambere iwayo ku mugabane w’Afurika aho kuri iyi nshuro impuzamashyirahamwe ku mugabe w’ Afurika mu mukino wa volleyball CAVB yemeje ko u Rwanda arirwo ruzakira iyi mikino.

KEPLER VC yo mu Rwanda yari muri Libya umwaka ushize

Ubwo iri rushanwa riheruka kuba muri 2024, ryabereye mu mujyi wa Misurata ho mugihugu cya Libya ryegukanwa n’ikipe ya Swehly Sports Club yo muri icyo gihugu.

Nkuko biteganywa, igihugu cyakiriye, gihagararirwa n’amakipe 4 uko akurikirana ku rutonde rwa shampiyona y’umwaka ushize ubwo bivuze ko u Rwanda rwahagararirwa n’amakipe nka APR, POLICE, REG ndetse na KEPLER VC.

APR VC yasoje ku mwanya wa kane muri Libya

Ni inteko rusange yateranye kuri uyu wa gatandatu taliki ya 6 Ukuboza 2025 aho icyari kitezwe cyane ari ukumenya igihe shampiyona y’umwaka utaha w’imikino izatangirira, uko umwaka ushize wagenze ndetse n’ibindi.

Imyanzuro yafatiwe muri iyi nama y’inteko rusange isanzwe.

Shampiyona ya 2026

Nk’uko byemejwe n’inteko rusange, hemejwe ko shampiyona y’umwaka utaha w’imikino (Rwanda Basketball league 2026) izatangira tariki ya 24 Mutarama ariko ikazabanzirizwa n’umukino uruta iyindi wa Super Cup uhuza ikipe yegukanye shampiyona ndetse na Rwanda Cup. Uyu mukino wo ukazakinwa tariki ya 23 Mutarama.

Hemejwe kandi ko imikino ya Rwanda Cup izajya ikinwa hasojwe imikino yo kwishyura ya shampiyona isanzwe, bivuze ko ari imbere yo gukina imikino ya kamarampaka (Playoffs)

Imikino ya Rwanda Cup izajya ikinwa hasojwe imikino yo kwishyura ya shampiyona isanzwe

Kuri Orion Basketball Club

Muri iyi nama y’inteko rusange hafashwe umwanzuro wo gukura burundu ikipe ya Orion Basketball Club muri shampiyona ya Basketball mu Rwanda, kubera ibibazo byisubiyemo byo kwambura abakozi bayo barimo abatoza, abakinnyi ndetse n’abandi bakozi bayo byongeyeho iyi Orion BBC ikaba yari isanzwe atari umunyamuryango wa FERWABA.

Orion Basketball club yinjiye mu cyiciro cya mbere mu mwaka wa 2022 ubwo yari izamutse ivuye mu cyiciro cya kabiri, aho kuva mu mwaka wayo wa mbere yagiye ibarizwamo ibibazo by’amakiro macye yatumye yambura abakozi bayo ndetse bikagera naho ishyirahamwe ry’umukino wa basketball mu Rwanda riyihanangiriza ariko bikananirana. Orion ibaye ikipe ya kabiri isezereye muri ubu buryo kubera kunanirwa kwishyura abakozi bayo.

Umubare w’abanyamahanga

Muri iyi nama y’inteko rusange isanzwe, haganiriwe ku mubare w’abanyamahanga, aho hemejwe ko ikipe yemerewe kugira abanyamahanga 6 muri 20. Kuri iyi ngingo, abanyamahanga 3 nibo bemerewe kujya ku rupapuro rw’umukino ariko umwe muri bo agomba kuba akomoka ku mugabane w’Afurika. Uyu azaba asimbuye uwari usanzwe yemewere ariko amaze imyaka 3 muri shampiyona y’u Rwanda.

Muri iyi nteko rusange kandi haganiriwe ku ikipe y’igihugu nkuru aho hagaragaye ko hari abakinnyi bahamagawe mu ikipe y’igihugu ariko nti bitabire ubutumire bikaviramo n’ikipe y’igihugu kutagira umusaruro mwiza.

Hemejwe ko umukinnyi azajya ahamagarwa binyuze mu ikipe ye (Club) kandi akabyubaha aho kubanza guhamagara umukinnyi nkuko byari bisanzwe.

Muri iyi nama y’inteko rusange kandi, hanakiriwe ikipe ya AZOMCO BBC nk’umunyamuryango wa FERWABA nubwo yari imaze iminsi yitabira ibikorwa n’imikino itegurwa n’ishyirahamwe ry’umukino wa Basketball mu Rwanda.

Shampiyona y’umwaka utaha 2026 izatangira taliki ya 24 Mutarama

Muri iyi nama kandi hemerejwemo hanahabwa ikaze mu cyiciro cya mbere amakipe ya Inspired Generation ndetse na East African University (EAUR) nizo zizakina shampiyona y’icyiciro cya mbere 2026 mugihe ikipe ya Espoir BBC imwe mwe mu makipe y’ubukombe muri Basketball y’u Rwanda ku nshuro ya mbere yamanutse mu cyiciro cya kabiri.

Imwe mu mikino y’umunsi wa munani yari itegerejwe ndetse ari nayo yashyiraga akadomo ku mikino ibanza, harimo umukino wagombaga guhuza ikipe ya REG VC na APR, KEPLER icakirana na POLICE naho APR y’abagore ikisobanura na RRA.

Gisagara VC isoje imikino ibanza iyoboye izindi

Mu mukino wabanjirije indi kuwa gatanu, ikipe ya APR WVC yatsinze biyoroheye ikipe ya RRA amaseti 3-0. Uyu mukino wakurikiwe n’umukino wahuje ikipe ya REG VC ndetse na APR nawo warangiye amakipe yombi akijijwe na kamarampaka maze ikipe ya REG itsinda APR amaseti 3-2.

Kuva uyu mwaka watangira, Volleyball yagize ubwitabire budasanzwe

Hakurikiyeho umukino wahuje ikipe ya POLICE VC ndetse na KEPLER maze nabwo bisabye kamarampaka, ikipe ya POLICE VC itsinda KEPLER amaseti 3-2 gusa ibi ntacyo byahinduye ku rutonde rwa shampiyona kuko Kepler yagumye imbere ya POLICE aho iyirusha amanota abiri kuko KEPLER ubu imaze ku gwiza amanota 19 naho POLICE yo ikaba ifite amanota 17.

Imikino ibanza isize ikipe ya Gisagara volleyball club ariyo iyoboye urutonde rwa shampiyona mu cyiciro cy’abagabo n’amanota 20 aho ikurikiwe na APR n’amanota 19, KEPLER ku mwanya wa gatatu n’amanota 19 naho POLICE yo ikaba isoje imikino ibanza iri ku mwanya wa kane n’amanota 17.

Kepler VC irimo gukina umwaka wayo wa gatatu muri shampiyona, ubu iri ku mwanya wa gatatu

Mu cyiciro cy’abagore, ikipe ya APR iracyayoboye abandi n’amanota 18 aho isoje iyi mikino idatsinzwe umukino numwe. POLICE VC iza ku mwanya wa kabiri n’amanota 14, Kepler ku mwanya wa gatatu n’amanota 12 naho RRA yo ikaba iri ku mwanya wa kane n’amanota 10.

Shampiyona ya imikino yo kwishyura izagaruka mu mpera za Mutarama 2026

Nyuma yo gusoza imikino ibanza, amakuru agera kuri Kigali Today nuko hagiye gukurikiraho irindi rushanwa ry’iminsi 2 rizahuza amakipe 4 ya mbere nyuma bakerekeza mu mikino ya volleyball yo kumucanga (Beach Volleyball) mbere yo gufata akaruhuko bategura imikino yo kwishyura izaba mu mpera za Mutarama 2026.

Umupira w’amaguru uri mu mikino yatangiranywe

Mu isura nshya n’inyito ya“Inter Universities League”, irushanwa rihuza amashuri makuru na za Kaminuzamu rigarutse nyuma y’imyaka myinshi ritaba ndetse bamwe banemeza ko ari nk’ikiraro cyacitse aho abakinnyi bavaga mu mashuri yisumbuye batabonaga aho bajya bityo bakisanga muri za shampiyona z’ababigize umwuga batari ku rwego rwiza bityo nti babone umwanya wo gukina.

Ikipe ya volleyball ya East African Christian College

Kuri iyi nshuro, amashuri makuru na za kaminuza agera kuri 40 niyo azahatana mu mikino ine ariyo Umupira w’amaguru (football) imikino y’intoki nka Volleyball, Basketball ndetse na Handball. Iyi mikino yatangijwe izakinwa kugeza muri Gicurasi umwaka wa 2026. Nkuko kandi byemezwa n’abayobozi ba minisiteri ya siporo ni uko n’indi mikino izagenda yongerwamo buri mwaka.

Ubwo hatangizwaga ku mugaragaro imikino ya za Kaminuza

Ubwo yafunguraga ku mugaragaro iyi mikino umunyamabanga wa leta muri minisiteri ya siporo Rwego Ngarambe yashimangiye ko iyi mikino ya za kaminuza ari mu rwego rwo gukomeza gusigasiga no kunoza inzira abana b’abanyarwanda bafite impano muri siporo bagomba kunyuzwamo.

Umunyamabanga wa leta muri minisiteri ya siporo Rwego Ngarambe asuhuza amakipe ya Basketball yo muri UR na Rwanda polytechnic college yari agiye gukina

Ati “Ni igikorwa twongeye kugarura ndetse kigomba gushyirwamo imbaraga zirenze icyo zahoranye ariko byose intego ari ukubaka umushinga mugari wo kurera impano z’abana b’abanyarwanda kuva umwana akinjira muri siporo kujyeza atangiye gukina nk’uwabigize umwuga”

Ngarambe akomeza kandi avuga ko intumbero ari ngari bityo ko bahamagarira n’abikorera kuza bakifatanya na minisiteri ya siporo ndetse na minisiteri y’uburezi n’amashyirahamwe ya siporo mu Rwanda kugirango bafatanye guteza imbere impano za siporo z’abana b’abanyarwanda.

Umunyamabanga wa leta muri minisiteri y’uburezi Irere Claudette Ubwo hatangizwaga iyi mikino

Iyi ni imwe mu mikino yari itegerejwe na benshi dore ko Petit Stade y’i Remera yari yakubise yuzuye abafana bari baje kwihera ijisho ibi bihangane bisanzwe bihangana muri shampiyona yaba volleyball.

Kuri uyu wa gatanu, hari hateganyijwe imikino itatu yose hamwe harimo uwo REG VC yatsinzemo bigoranye ikipe ya KVC amaseti 3-2, KEPLER y’abagore ivuye inyuma nayo itsinda ikipe ya RRA amaseti amaseti 3-2.

Kepler yatsinze RRA amaseti 3-2 ivuye inyuma

Ikipe ya Rwanda Revenue Authority (RRA) niyo yegukanye amaseti abiri ya mbere (25-16, 25-20), ubwo basabwaga iseti imwe gusa kugirango begukane umukino, ikipe ya Kepler WVC yavuye inyuma yishyura za set ebyiri ndetse inatsinda kamarampa (21-25, 19-25 ndetse na 10-15)

Petit Stade yari yakubise yuzuye abafana

Hakurikiyeho umukino nawo wari utegerejwe na benshi hagati y’ikipe ya APR ndetse na POLICE. Wari umukino ukomeye, ahanini usibye no kuba ari abacyeba, ariko aya makipe yombi yari akeneye aya manota dore ko wanitabiriwe n’abavugizi yaba u w’ingabo z’u Rwanda Brigadier General Ronald Rwivanga ndetse n’umuvugizi wa police y’u Rwanda Assistant Commissioner of Police (ACP) Boniface Rutikanga.

Umuvugizi w’ingabo z’igihugu Brigadier General Ronald Rwivanga ndetse n’umuvugizi wa police y’u Rwanda Assistant Commissioner of Police (ACP) Boniface Rutikanga barebye iyi mikino

Ikipe ya APR VC niyo yinjiye neza mu mukino itsinda iseti ya mbere ku manota 25 kuri 20. Seti ya kabiri rwari rwabuze gica kuko yageze ku manota 37 kuri 35 nayo yegukanwa n’ikipe ya APR.

Police yaje kwegukana seti yari iya 3 y’umukino ikaba iya mbere kuri yo n’amanota 25 kuri 23 ariko itahira iyo kuko APR yongeye kwegukana seti ya kane ku manota 25 kuri 18.

Umukino wa POLICE na APR wari ishiraniro

Shampiyona ya volleyball irakomeza kuri uyu wa gatandatu aho imikino yose izabera muri St Famille ho mu mujyi wa Kigali.

Reba ibindi muri izi video:

Wari umukino ufungura wo mu itsinda rya gatatu u Rwanda rusangiye na Nigeria, Guinea ndetse na Tunisia yakiriye iyi mikino.

Ni umukino watangiye ubona amakipe yombi ari ku rwego rumwe nta gusumbana cyane kuko n’agace ka mbere k’umukino karangiye ari amanota 18 kuri 18.

Mu gace ka kabiri, ikipe ya Guinea yagiye imbere y’u Rwanda ndetse ikomeza kuyobora umukino kugeza aka gace karangiye ndetse ina kegukanye ku manota 26 mu gihe u Rwanda rwo rwari rumaze gutsinda amanota 12 gusa maze bajya kuruhuka ari amanota 44 ya Guinea ku manota 30 y’u Rwanda.

Ubwo amakipe yombi yari avuye mu karuhuko, ikipe ya Guinea yakomeje kuyobora umukino kuko yaje kwegukana agace ka gatatu ku manota 18 kuri 17 y’u Rwanda.

U Rwanda nti rwatangiye neza urugendo rwo gushaka itike y’imikino y’igikombe cy’isi

Mu gace ka kane ari nako ka nyuma, u Rwanda rwihagazeho ndetse rukosora amwe mu makosa yari yabaranze mu duce dutatu twari twabanje maze begukana aka gace ku manota 23 kuri 20 ya Guinea gusa nti byagira icyo bihindura ku giteranyo kuko umukino warangiye ari amanota 82 ya Guinea kuri 70 y’u Rwanda.

Nshobozwabyosenumukiza ashakisha inzira

U Rwanda ruragaruka mu kibuga rukina na Tunisia kuri uyu wa gatandatu taliki ya 29 ugushyingo 2025.

Ni umukino wo mu itsinda rya gatatu u Rwanda ruhuriyemo na Guinea, Nigeria ndetse na Tunisia ari nayo yakiriye iyi mikino aho iza kubera mu mujyi wa Radès mu nzu y’imikino ya Salle Multidisciplinaire de Radès.

Ni urugendo ikipe y’igihugu y’ u Rwanda itozwa n’umutoza Yves Murenzi itangiranye abakinnyi 12 barimo n’umukinnyi usanzwe ukinira ikipe ya Bayern Munich yo mu budage David Joseph Mccormark.

Mu gutangira u Rwanda rurakina na Guinea uyu munsi taliki ya 27 ugushyingo, ruzakurikizeho Tunisia taliki ya 29 rusoreze kuri Nigeria taliki ya 30 ugushyingo.

Birasaba iki ngo u Rwanda rujye mu gikombe k’iki?

Umugabane w’Afurika uzatanga ibihugu 5 mugikombe cy’isi kizabera muri Quatar, Ku mugabane w’Afurika ibihugu 16 nibyo bizishakamo ibihugu 5 bizahagararira uyu mugabane.

Kugeza ubu ibi bihugu 16 bigabanyije mu matsinda 4 agizwe n’amakipe 4 yose hamwe akaba 16. Buri kipe mu itsinda, igomba kuzahura n’indi basangiye itsinda nibura inshuro ebyiri bivuze ko buri kipe izakina imikino itandatu mu bihe bitatu bitandukanye byagenwe (Ugushyingo 2025, Gashyantare 2026, ndetse na Nyakanga 2026)

Amakipe atatu ya mbere azaba yayoboye ayandi, azahita yerekeza mu kindi cyiciro kizaba kigizwe n’amakipe 12 maze nayo ashyirwe mu matsinda ane azaba agizwe n’amakipe atatu.

Bane bazaba bazaba aba mbere muri ayo matsinda, kongeraho umwe watsinzwe neza (Best looser) bahite babona itike bidasubirwaho yerekeza mu gikombe cy’isi.

Abakinnyi 12 bagize ikipe y’igihugu y’ u Rwanda batangiye urugendo two gushaka itike y’igikombe cy’isi

Abakinnyi 12 umutoza Yves Murenzi azakoresha ni: Cadeau de Dieu Furaha , Prince Muhizi, Prince Tokoza Twa, Kenny Manzi, Steven Hagumintwari, Dieudonné Ndizeye, Jean Jacques Wilson Nshobozwabyosenumukiza, Trey Sinze Twa, Chandelier Twizeyimana Cyiza, Bruno Shema, Emile Galois Kazeneza na David Joseph Mc Cormack.

Gisagara VC yatsinze REG VC amaseti 3-1

Ni imikino yabereye mu nzu y’imikino ya Petit Stade I Remera, aho kuri uyu wa gatanu hakinwe imikino ibiri harimo uwahuje ikipe ya Gisagara volleyball club ndetse na APR yahuraga na Police mu cyiciro cy’abagore.

Mu mukino wabimburiye indi, ni umukino wahuje ikipe ya APR na POLICE WVC aho warangiye ikipe ya APR itsinze POLICE amaseti 3-1. Ibi byatumye ikipe ya APR ikomeza kwicara ku mwanya wa mbere ndetse igabanya n’ igitutu yari yarashyizweho na POLICE VC aho nibura mu mikino 12 yaherukaga kubahuza, Police yari yaratsinze APR imikino 10.

APR WVC yihimuye kuri POLICE

Nyuma yo gutsinda ikipe ya Police, APR yahise yuzuza amanota 15 mu mikino 5 bivuze ko nta mukino numwe iratakaza.

Hakurikiyeho umukino wahuje ikipe ya Gisagara VC yari iherutse gutsindwa na APR ndetse na REG VC yifuzaga aya manota.

Nubwo ikipe ya REG VC ariyo yegukanye I seti ya mbere, ikipe ya Gisagara yaje kuva inyuma maze yegukana umukino ku maseti 3-1 ihita ifata umwanya wa mbere n’amanota 17.

Iyi mikino kandi yitabiriwe n’abayobozi batandukanye barimo na Minisitiri wa siporo Nelly Mukazayire.

Minisitiri wa siporo Nelly Mukazayire ari kumwe n’umuyobozi wa polisi y’u Rwanda wungirije

Imikino ya shampiyona irakomeza kuri uyu wa gatandatu ikinirwe muri St Famille ho mu mujyi wa Kigali.

Perezida wa federasiyo ya volleyball mu Rwanda Ngarambe Raphael

Ni imikino iteganyijwe kubera mu nzu y’imikino ya Petit Stade Amahoro iri iremera ho mu mujyi wa Kigali aho iza kubanzirizwa n’umukino wa gicuti uza guhuza ikipe ya Kepler WVC n’ikipe ya A5 WVC yo muri leta zunze ubumwe za America.

Si APR na POLICE bategerejwe gusa kuko kuri uyu mugoroba biraza kuba ari ibicika hagati y’ikipe ya REG VC ndetse n’ikipe ya Gisagara VC iherutse gutsindwa na APR VC amaseti 3-0 mu cyumweru gishize.

Ikipe ya REG VC imaze gukina imikino itanu aho yatakajemo imikino ibiri mu gihe ikipe ya Gisagara VC yo imaze gukina imikino 5 aho yatsinzwemo umukino umwe ikaba iri ku mwanya wa kabiri n’amanota 14.

Gutakaza uyu mukino kuri buri umwe hagati ya REG VC na Gisagara VC, birongera ibyago ku ikipe yaba yatsinzwe ko yakwisanga isoje imikino ibanza itari mu makipe nibura 4 ya mbere.

Kuva muri Gicurasi uyu mwaka, ikipe ya Police women volleyball club ntabwo iratsindwa umukino uwariwo wose imbere mu gihugu mu marushanwa yose dore ko ari nayo ibitse igikombe cya shampiyona.

Iyi mikino iraza kubanzirizwa n’umukino wa gicuti uza guhuza ikipe ya A5 WVC yo muri leta zunze ubumwe za America umukino uteganyijwe ku isaha y’isaa cyenda z’amanywa.

Mu cyiciro cy’abagore ikipe ya APR niyo iyoboye urutonde rwa shampiyona n’amanota 12 mu mikino 4 imaze gukina aho ikurikiwe n’ikipe ya Police ku mwanya wa kabiri n’amanota 8 mu mikino 3 nayo ikaba itaratakaza.

Mu cyiciro cy’abagabo, shampiyona iyobowe n’ikipe ya Kepler VC n’amanota 15 mu mikino 6 imaze gukina aho ikurikiwe na Gisagara VC yo ifite amanota 14 mu mikino 6.

Ni irushanwa ryitabiriwe n’abakinnyi 203 abagabo n’abagore bose hamwe bavuye mu makipe 8 yaturutse mu turere twa Huye, Bugesera, Rubavu ndetse n’umujyi wa kigali.

Umukino wa Table Tennis umaze gutera imbere mu Rwanda

Ibyiciro bine nibyo byahatanye muri iri rushanwa ry’iminsi ibiri ryatangiye ku wa gatandatu taliki ya 15 rigasozwa ku cyumweru taliki ya 16 ugushyingo 2025. Muri uyu mwaka hahatanye ibyiciro 3 birimo abatarengeje imyaka 12, 15, 19 ndetse n’abakuru abagabo n’abagore.

Mu cyiciro cy’abakuru ariko batarengeje imyaka 19, abakinnyi Kelia Hirwa ukinira ikipe ya Ubumwe TTC mu cyiciro cy’abagore, Kellys Ndekwe nawe ukinira ikipe ya Ubumwe mu cyiciro cy’abagabo, nibo wegukanye ibikombe.

Ikipe ya Spero TTC niyo yegukanye imidari myinshi

Birungi John Bosco uyobora ishyirahamwe ry’umukino wa Table Tennis mu Rwanda, yashimiye cyane ambasade y’u bushinwa mu Rwanda ndetse yongera gucyeza abakinnyi buyu mukino kubwo kuzamura u rwego bigaragarira buri wese.

“Ndishimye cyane, nshimishijwe n’u rwego abakinnyi bariho, niba mwabibonye uwegukanye igikombe ari munsi y’imyaka 19. Mu myaka 8 ishize, abasaza nibo begukanaga ibi bikombe”

Yakomeje ashimira uruhare runini rwa ambasade y’ubushinwa mu Rwanda mu iterambere ryuyu mukino.

Ati “Ndashimira cyane amabasade y’ubushinwa mu Rwanda, batuba hafi kuko badutera inkunga mu buryo bw’ibikoresho ndetse n’imyitozo kuko aba bana mubona bahawe abahirwe yo kujya mu bushinwa kwitorezayo bamarayo ukwezi kandi ibi biba kenshi ibyo bikiyongeraho aya marushanwa ya ambassador’s Table Tennis Cup”

Umuyobozi w’Ishyirahamwe ry’umukino wa Table Tennis mu Rwanda John Bosco Birungi aribkumwe na amabasaderi w’ubushinwa mu Rwanda Gao Wenqi

Amakipe ya Spero TTC niyo yegukanye imidari myinshi aho yegukanye imidari 17 ikurikirwa na Ubumwe TTC yo yegukanye imidari 10 ndetse na Rilima yegukanye imidari 6

Kuri iyi nshuro, Iri rushanwa ryitabiriwe na ambasaderi w’ubushinwa mu Rwanda Gao Wenqi. “Chinese Ambasador’s Cup” yakinwaga ku nshuro yayo ya 6 aho ryatangiye gukinwa muri 2018 ariko rikaza gukomwa mu nkokora ho imyaka ibiri ridakinwa kubera icyorezo cya COVID-19.

Usibye shampiyona ya Table Tennis ikinwa mu mpera za buri mwaka binyuzwe mu makipe, uyu mukino umaze kugera nibura mu gihugu hose cyane muri gahunda zagiye zishyirwa mu mashuri hirya no hino mu gihugu.

Imbere ya minisitiri wa Siporo Nelly Mukazayire, wari umugoroba udasanzwe mu nzu y’imikino y’intoki ya Petit Stade I Remera yari yakubise yuzuye ndetse abafana bamwe banasubizwa inyuma kubwo kubura aho bicara.

Gisagara VC yatakaje umukino wayo wa mbere muri shamiyona

Ni umunsi wari ukubiye hamwe imikino itatu ya shampiyona y’umunsi wa gatanu harimo umukino wahuje ikipe ya REG VC yatsinzemo RP Ngoma amaseti 3-0, uyu wakurikiwe n’umukino w’abagore wari ukomeye wahuje ikipe ya Police ndetse na Kepler VC aho rwari rwabuze gica maze amakipe yombi agakiranurwa na Kamarampaka nyuma yuko hari habuze uhigika undi.

APR VC ibitse igikombe cya shampiyona giheruka yongeye kugaragaza ko ari ubukombe

Police WVC niyo yaje kwegukana intsinzi ku maseti 3-2 bituma ikomeza agahigo ko kudatsindwa kuva muri Gicurasi.

Police WVC bigoranye yatsinze Kepler amaseti 3-2 ikomeza agahigo ko kudatsindwa

Iyi mikino yakurikiwe n’umukino w’ishiraniro wari utegerejwe na benshi wahuje ikipe ya APR VC ndetse na Gisagara VC. Gisagara Volleyball yo mu murenge wa Ndora mu karere ka Gisagara ho mu ntara y’amajyepfo, yagiye gukina uyu mukino ifite agahigo ko kuba yari itaratsindwa muri iyi shampiyona mu gihe ikipe ya APR VC yari imaze iminsi itsinzwe na KEPLER VC amaseti 3-0.

Iyi Mikino yarebwe na minisitiri wa siporo Nelly Mukazayire

Petit Stade yari yabaye nto

Ni umukino nubwo wari witezwe na benshi ariko byatunguranye n’ibyavuyemo kuko uyu mukino warangiye ikipe ya Gisagara itsinzwe amaseti 3-0 bishyira akadomo ku rugendo rwayo rwo kudatsindwa.

Umukino wa Volleyball umaze kujyera ku ntera ishimishije

Nyuma yo gutsindwa kwa Gisagara amaseti 3-0 na APR, ubu bivuze ko nta kipe nimwe yo mu cyiciro cya mbere itarasogongera ku ntsinzwi.

Reba ibindi muri izi video:

Uyu ni umwe mu mikino y’umunsi wa gatanu yitezwe cyane ahanini bishingiye ku buhangange bwaya makipe ndetse nuko ahagaze ku rutonde rwa shampiyona kujyeza magingo aya.
Ikipe ya Gisagara kujyeza ubu iri ku mwanya wa kabiri n’amanota 11 aho itaratakaza umukino numwe kuva shampiyona yatangira mu gihe ikipe ya APR VC yo iri ku mwanya wa gatatu n’amanota 6 ariko ikaba irushwa imukino umwe na Gisagara volleyball club.

Iyi mikino yose irabera muro Petit Stade

Si uyu mukino uteganyijwe kuri uyu wa gatanu wonyine kuko uza kubanzirizwa n’umukino uza guhuza ikipe ya REG VC ikina na Rwanda Polytechnic Ngoma College (RP Ngoma) umukino uteganyijwe ku isaha ya saa kumi z’umugoroba.
Ikipe ya APR VC iracakirana na Gisagara VC idafite umwe mu bakinnyi bayo bakomeye bayifashije kwegukana igikombe cya shampiyona umwaka ushize umunya Kenya, Dinnis Ireke ubu wamaze gusubira iwabo muri Kenya gusa iyi kipe y’ingabo ikaba yarinjije Mutabazi Yves nk’uje kuziba icyuho.

Kepler women volleyball club iresurana na Police vc

Nyuma y’umukino uza guhuza ikipe ya REG na RP Ngoma, harakurikiraho umukino uza guhuza ikipe ya Police WVC ndetse na Kepler WVC mu cyiciro cy’abagore. Uyu nowo ni undi mukino wo kwitega aho ikipe ya POLICE VC ibitse igikombe cya shamiyona itaratakaza umukino uwo ari wose muri shamiyona naho Kepler yo ikaba yaratsinzwe na APR WVC.

Police women volleyball club niyo ibitse igikombe cya shampiyona

Dore uko imikino iteye

Saa 16h00: REG VC vs RP Ngoma VC
Saa 18h00: Police wvc vs Kepler wvc
Saa 20h:00: APR VC vs GISAGARA VC

N’ikipe y’igihugu igizwe n’abakinnyi 25 bose bakina imbere mu gihugu barimo na Kwizera Oliver wari umaze igihe kinini atagaragara mu ikipe y’igihugu.

Abakinnyi bahamagawe, harimo abahamagawe ku nshuro ya mbere ndetse n’abakiri bato.

Ikipe y’igihugu yahamagawe ni abakinnyi bakina imbere mu gihugu

Dore abakinnyi bahamagawe ni:
Abanyezamu: Ishimwe Pierre na Niyongira Patience.

Ba myugariro: Niyigena Clement, Nshimiyimana Yunus, Ishimwe Abdul, Mutijima Gilbert, Niyomugabo Claude, Ishimwe Christian, Byiringiro Jean Gilbert na Ntwari Assuman.

Abakina hagati ni: Nisingizwe Christian, Ntirushwa Aime, Ruboneka Jean Bosco, Kwitonda Alain, Niyo David, Nsanzimfura Keddy, Twizeyimana Innocent na Uwizeyimana Daniel.

Ba rutahizamu: Mugisha Gilbert, Mugisha Didier, Uwineza Rene, Ishimwe Djabilu, Sindi Jesus Paul na Rudasingwa Prince.

Biteganyijwe ko umwiherero w’ikipe y’igihugu uzatangira taliki ya 13 kujyeza 16 Ugushyingo aho biteganyijwe ko bashobora no gukina imikino ya gicuti.

Umukinnyi wa Rayon Sports ukiri muto Sindi Jesus nawe yahamagawe

Ni umunsi wa kabiri wiyi mikino y’akarere ka gatanu (Zone V) ariko irimo gushakirwamo itike y’imikino nya Afurika ya (Women’s Basketball League Africa) ihuza amakipe yabaye aya mbere iwayo. Ni umunsi usize amakipe ahagarariye u Rwanda yaba APR ndetse na REG yose ataratsindwa umukino n’umwe mu mikino ibiri buri umwe amaze gukina.

Ikipe ya REG WBBC iri mu itsinda rya kabiri (Group B) yatangiye ikina ndetse inatsinda ikipe ya Don Bosco Lady Lioness yo mu gihugu cya Tanzania amanota 87 kuri 38. REG yakurikijeho ikipe ya Zetech University maze nayo iyitsinda amanota 86 kuri 44.

Amakipe ahagarariye u Rwanda muri Kenya akomeje kwitwara neza.

Ikipe ya APR WBBC nayo imaze gukina imikino 2 aho itaratakaza umukino numwe. Yatangiye ikina n’ikipe ya Gladiators women basketball club yo mu Burundi maze APR WBBC iyitsinda ku manota 97 kuri 42, ikipe ya APR yakomereje ku ikipe ya Foxes Divas yo muri Tanzania maze nayo iyitsinda amanota 89 kuri 51.

Ikipe ya APR WBBC irakurikizaho ikipe ya Magic Stomers yo muri uganda

Ikipe ya APR WBBC irakurikizaho ikipe ya Magic Stomers yo muri uganda kuri uyu wa gatatu naho ikipe ya REG WBBC yo izahure na Les Hippos yo mu gihugu cy’u Burundi kuwa kane taliki ya 13 ugushyingo.

Iyi mikino yatangiye tariki ya 9 ikazageza taliki ya 15 Ugushyingo 2025, ikaba irimo kubera mu gihugu cya Kenya mu nzu y’imikino ya Nyayo Indoor sports Arena.

Ikipe ya REG WBBC irakurikizaho ikipe ya Les Hippos yo mu gihugu cy’u Burundi kuwa kane taliki ya 13 ugushyingo.

Amakipe atatu ya mbere azitwara neza azabona itike y’Imikino Nyafurika ya Women’s Basketball League Africa 2025.

Ni imikino y’umunsi wa kane wa shampiyona mu bagabo naho abagore bakaba bakinaga umunsi wa gatatu yabereye mu nyubako nshya y’imikino y’intoki iri muri St Famille ho mu mujyi wa Kogali.

Abafana bari benshi muri St Famille ahabereye imikino

Kuri uyu wa gatanu, hari hategerejwe imikino ibiri harimo uwa bimburiye undi wahuje ikipe ya APR WVC ndetse na EAUR. Uyu mukino warangiye ikipe ya APR itsinze EAUR amaseti 3-0 (14-25, 21-25, 20-25)

Ni umukino wa kabiri ikipe ya REG VC itakaje

Hakurikiyeho umukino wahuje ikipe ya REG VC ndetse n’ikipe ya Police. Ni umukino wari ukomeye ahanini bitewe nuko aya makipe yombi akomeye ndetse atashakaga gutakaza umukino wa kabiri dore ko yari amaze gutakaza umukino umwe kuri buri ruhande.

Ikipe ya REG VC niyo yegukanye iseti ya mbere itsinze POLICE manota 25 kuri 23. POLICE VC yahise yishyura iyo seti ku manota 25 kuri 18 maze ikomerezaho na seti ya gatatu yari iya kabiri yabo iyitsinda ku manota 25 kuri 21 ndetse na seti ya nyuma ku manota 25 kuri 23.

Nyuma yo gutsinda REG, ikipe ya POLICE VC yahise yuzuza amanota 9 aho inganya na Kepler mu mikino ine bamaze gukina mugihe REG VC yo yagumanye amanota 3 mu mikino itatu imaze gukina.

Shampiyona ya volleyball irakomeza kuri uyu wa gatandatu aho imikino yose n’ubundi ikinirwa muri St Famille.

Irebere uko uyu mukino wagenze:

Imkino ya shampiyona ya volleyball umunsi wa 4 yashizwe ku kibuga gishya

Nyuma y’umunsi wa gatatu wabereye mu karere ka Gisagara, byari biteganyijwe ko ibirori bya volleyball bigaruka I Kigali hakinwa umunsi wa kane. Nkubyo byatangajwe n’ishyirahamwe ry’umukino wa volleyball mu Rwanda, iyi mikino y’umunsi wa kane yose yashyizwe ku kibuga gishya cy’imikino y’intoki kiri muri St Famille.

Amakuru avuga ko Petit Stade yari isanzwe yakira imikino ya volleyball yabereye I Kigali irimo kuvugururwa muri bimwe mu bice biyigize birimo n’u rwambariro bityo ko nta mikino yaberamo cyereka ikinwe nta Mufana urimo.

Iki kibuga cya St Famille ni ikibuga cyubatswe ku bufatanye na St Famille ndetse n’igikigo cy’igihugu gishinzwe ingufu REG mu rwego rwo gufasha amakipe yayo (REG) yaba aya Basketball ndetse na Volleyball kubona aho gukorera imyitozo no kuhakirira imikino igihe byaba bibaye ngombwa.

Iki kibuga gifite ubushobozi bwo kwakira n’abafana

Imwe mu mikino yo kwitega izabera muri iyi nyubako, harimo nk’umukino uzahuza ikipe Police VC iherutse gutsindwa na Gisagara VC aho izacakirana REG VC, EAUR mu bagore nayo yesurane na APR WVC.

Iyi mikino ikazabera muri iyi nyubako ku munsi wo kuwa gatanu nde no kuwa gatandatu.

Petit Stade isanzwe yakira imikino ya shampiyona, irimo kuvugururwa

Ibyishimo byari byinshi i Gisagara

Mu mikino y’umunsi wa gatatu wa shampiyona ya volleyball mu Rwanda yabereye mu karere ka Gisagara, yasize inkuru nyuma yo gutsindwa badakozemo ku makipe ya APR ndetse na POLICE VC byahise bituma POLICE VC inatakaza umwanya wa mbere.

Si kenshi, uzabona aya makipe atsindwa ndetse niyo yatsinzwe, si kenshi uzasanga yatsinzwe amaseti 3-0 mbese atakazemo. Kuri uyu wa gatandatu taliki ya 1 ugushyingo, wari umunsi wo guhabwa ubutumwa aho batsinzwe badakozemo mu nzu y’imikino y’akarere ka Gisagara yari yuzuye abafana.

Police VC ntabwo yahiriwe imbere ya Gisagara

Mu mikino y’umunsi wa gatatu yari iteganyijwe, ikipe ya RP Ngoma yatsinze Kirere VC amaseti 3-1, umukino wakurikiwe nuwahuje ikipe ya East African University Rwanda nayo yatsinzemo ikipe ya KVC amaseti 3-1.

Kepler yatsinze APR ihita ifata umwanya wa mbere

Hakurikiyeho umukino wahuje ikipe ya KEPLER VC ndetse n’ikipe na APR VC maze itayibabariye, ikipe ya KEPLER VC itsinda amaseti 3-0 ikipe ya APR VC yo nti yakoramo.

Ikipe ya Kepler yabaye ikipe ya mbere itsinze APR imikino myinshi mu myaka 2 yikurikiranya aho mu nshuro 13 bamaze guhura, Kepler yatsinze inshuro 7 naho APR yo igatsinda KEPLER ishuro 6.

Hakurikiyeho umukino wahuje ikipe Gisagara VC yari murugo yakira ikipe ya POLICE VC maze ibyo benshi batibwiraga, Gisagara VC itsinda POLICE amaseti 3-0 mu Nzu y’imikino yari yakubise yuzuye.

Ikipe ya Kepler yahise ifata umwanya wa mbere n’amanota 9 naho Gisagara VC ikaba iri ku mwanya wa kabiri n’amanota 8.

Gisagara irakira umunsi wa gatatu wa shampiyona

Nkuko bigaragara ku ngenga bihe y’ishyirahamwe ry’umukono wa volleyball mu Rwanda, shampiyona ya volleyball umunsi wa gatatu (Day 3) irimo imikino ikomeye, yashyizwe mu karere ka Gisagara ho mu ntara y’amajyepfo.

Ni umunsi wa gatatu uzarangwa n’imikino ikomeye cyane mu cyiciro cy’abagabo nkaho ikipe ya Gisagara volleyball club izaba iri murugo izakina na Police VC naho ikipe ya Kepler vc yo igacakirana na APR VC aho iyi mikino yose izakinwa ku wa gatandatu taliki ya 1 Ugushyingo 2025 mu nzu y’imikino ya Gisagara (Gisagara Gymnasium)

Imikino y’umunsi wa gatatu izakinirwa i Gisagara

Kuri uyu munsi wa gatatu, nta mikino iteganyijwe mu cyiciro cy’abagore aho biteganyijwe ko bo bazaruhuka. Muri rusange hateganyijwe imikino ine yose hamwe aho umukino wa mbere uzahuza Kirehe na Rwanda Polytechnic Ngoma College, KVC na EAUR, APR na Kepler hagasoza umukino hagati ya Gisagara na Police.

Gisagara VC izacakirana na Police VC

Amakipe ya Police volleyball club mu bagabo no mu bagore, niyo ayoboye shampiyona aho nyuma y’imikino ibiri, aya makipe yombi ataratakaza umukino n’umwe akaba afite amanota 6.

Shampiyona ya volleyball umwaka wa 2025-2026 yatangiye taliki ya 17 Ukwakira aho igizwe n’amakipe 16 mu byiciro byombi aho abagabo ari amakipe 9 naho abagore akaba ari amakipe 7.

Gisagara irakira umunsi wa gatatu wa shampiyona

Dore imikino iteganyijwe ku munsi wa gatatu n’amasaha.

9h30: Kirehe vs RP Ngoma
12h00: KVC vs EAUR
14h30: APR vs Kepler
17h00: Gisagara vs Police

Tigers izahagararira u Rwanda mu mikino y’akarere ka gatanu

Ni igikombe yegukanye kuri uyu wa gatanu taliki ya 3 Ukwakira, nyuma yo gutsinda ikipe ya REG BBC ku mukino wa nyuma amanota 83 kuri 77 byatumye izahagararira u Rwanda mu mikino y’akarere ka gatanu (Zone)

Ni umukino ikipe ya Tigers yagaragaje imbaraga kuva mu gace ka mbere dore ko mu duce tune (4) tugize umukino, yegukanyemo dutatu naho REG BBC itsindamo kamwe byanatumye REG yisanga ibuze igikombe na kimwe uyu mwaka.

Agace ka mbere, ikipe ya Tigers yakegukanye ku manota 21 kuri 18 ya REG, Agace ka kabiri, nanone Tigers ikegukana ku manota 20 kuri 13 ya REG maze bajya kuruhuka ikipe ya Tigers iri imbere mu giteranyo rusange.

Tigers BBC yegukanye igikombe cya mbere mu mateka yayo

Ubwo bari bavuye kuruhuka, ikipe ya REG BBC yagerageje kugenda imbere ya Tigers maze yegukana agace ka gatatu ku manota 32 kuri 24 ya Tigers BBC ariko ikinyuranyo nti cyavamo.

Agace ka kane ari nako ka nyuma, kegukanywe n’ikipe ya Tigers ku manota 18 kuri 14 ya REG BBC bingana n’amanota 83 kuri 77 y’igiteranyo.

Tigers ni igikombe yegukanye bwa mbere mu mateka yayo ndetse no mu mateka yiri rushanwa ryakinwaga ku nshuro ya kabiri nyuma yo gutangizwa umwaka ushize muri 2024.

Umwanya wa gatatu wegukanywe n’ikipe ya Kepler BBC nyuma yo gutsinda ikipe ya APR BBC amanota 74–62.

Umwanya wa gatatu wegukanywe n’ikipe ya Kepler BBC nyuma yo gutsinda ikipe ya APR BBC amanota 74–62.

Mu cyiciro cy’abagore, iki gikombe cyegukanywe na REG WBBC itsinze APR WBBC ku mukino wa nyuma amanota 79 kuri 52.

Ku nshuro ya mbere iri rushanwa rya Rwanda Cup rikinwa, ryegukanywe n’amakipe ya APR BBC mu byiciro byombi abagore n’abagabo.

Iminsi itatu irashize u Rwanda n’Abanyarwanda bakoze amateka yo kwakira shampiyona y’Isi y’Amagare, UCI Road World Championship 2025, ku nshuro ya mbere ku mugabane wa Afurika, ibyatangaje Isi yose ndetse bikanashimangirwa n’Umuyobozi w’Ishyirahamwe ry’umukino w’Amagare ku isi, David Lappartient.

Mu nkuru yacu y’uyu munsi turakugezaho ibihembo mu mafaranga byahawe abakinnyi bagiye batsinda mu byiciro bitandukanye bagiye barushanwamo.

Ubusanzwe muri shampiyona z’isi nk’izi, yewe n’imikino olempiki, usanga abahatana baba bahatanira imidali ya zahabu, ifeza ndetse n’umulinga, ariko burya hari n’aho babapfumbatiza agafaranga.

Usibye amafaranga, hari kandi n’ibihembo byihariye bihabwa uwatsinze icyiciro runaka, nk’aho muri shampiyona y’isi y’amagare yabereye i Kigali, uwegukanaga icyiciro runaka, yahabwaga ibindi bihembo bitandukanye ndetse n’isaha yo mu bwoko bwa Tissot nk’umuterankunga w’iyi shampiyona. Iyi saha ibarirwa agaciro k’amayero ari hagati ya 560 ndetse na 1,500; ni ukuvuga hagati y’ibihumbi 951.925 Frw na Miliyoni 2.549.801Frw ugendeye ku ivunjisha uko rihagaze ubu.

Amafaranga ahabwa abatsinze.

Muri rusange iyi shampiyona y’isi yari igizwe n’ibyiciro 13, nabyo byari bigabanyijwe mu byiciro 2, ari byo gusiganwa n’ibihe (Time Trial) ndetse no gusiganwa mu muhanda (Road Race).

Ku basiganwaga n’ibihe (Time Trial), abagabo bakuru basiganwe ku ntera ingana na kilometero 40.6 naho abagore bakuru basiganwa ku ntera ya kilometero 31.2.

Buri mukinnyi wegukanye iki cyiciro yatahanye amayero angana n’ibihumbi umunani 8,000 (ni ukuvuga asaga gato Miliyoni 13,000,000Frw), uwa kabiri yegukanye ibihumbi bine 4,000 (ni ukuvuga asaga gato miliyoni 6,000,000Frw), naho uwa gatatu ahabwa amayero 2,000 (ni ukuvuga asaga gato 3,000,000Frw). Yose hamwe akangana na Miliyoni 47Frw.

Mu cyiciro cy’abatarengeje imyaka 23 mu byiciro byombi abagabo n’abagore mu gusiganwa n’igihe, uwa mbere yegukanye amayero 4,000 (ni ukuvuga asaga gato 6,000,000Frw), uwa kabiri yegukanye amayero 2,000 (ni ukuvuga asaga gato 3,000,000Frw), naho uwa gatatu yegukana amayero 1,000 (ni ukuvuga asaga 1,500,000Frw). Yose hamwe akarenga gato Miliyoni 23,000,000Frw.

Mu cyiciro cy’ingimbi n’abangavu, mu gusiganwa n’ibihe (Time Trial), uwa mbere yahawe agera ku mayero 2,000 (ni ukuvuga asaga gato 3,000,000Frw), uwa Kabiri ahabwa amayero 1,000 (ni ukuvuga asaga 1,500,000Frw) naho uwa gatatu ahabwa amayero 500 (Ni ukuvuga asaga 800,000Frw). Yose hamwe muri iki cyiciro akaba yarasagaga gato 11,000,000Frw.

Mu gusiganwa n’ibihe ariko ku makipe avanze (Team Time Trial Mixed relay), ikipe yabaye iya mbere yegukanye amayero 15,000 (Ni ukuvuga saga gato 25,000,000Frw), ikipe yabaye iya kabiri yegukanye amayero 7,500 (ni ukuvuga asaga gato 12,000,000Frw), naho uwa gatatu yegukana amayero 3,750 (Ni ukuvuga asaga gato 6,000,000Frw). Amafaranga yose hamwe muri iki cyiciro akaba yari amayero 26,250 (Ni ukuvuga asaga 44,000,000Frw).

Mu cyiciro cyo gusiganwa mu muhanda (Road Race) uwabaye uwa mbere mu bagabo n’abagore, yegukanye amayero 8,000 (Ni ukuvuga asagaho gato 13,000,000Frw), ababaye aba kabiri bahawe amayero 4,000 (Ni ukuvuga asaga gato 6,000,000Frw) naho abegukanye umwanya wa gatatu bo bahawe amayero 2,000 (Ni ukuvuga asaga gato 3,000,000Frw). Aya yose hamwe akaba yaranganaga n’amayero 28,000 (Ni ukuvuga asaga 47,000,000Frw)

Tadej Pogačar yegukanye asaga miliyoni 13Frw

Ikindi cyiciro cyahembwe, ni icy’abatarengeje imyaka 23 basiganwa mu muhanda. Iki ni icyiciro cyakinwaga ku nshuro ya mbere muri shampiyona y’isi y’amagre.

Muri iki cyiciro, ababaye aba mbere bahembwe imidali ariko iherekejwe n’agafaranga, aho uwabaye uwa mbere yegukanye Amayero 4,000 (asaga 6,000,000Frw), uwa kabiri yegukana amayero 2,000 (asaga 3,000,000Frw), naho uwa gatatu ahabwa amayero 1,000 (Ni ukuvuga asaga gato 1,500,000Frw). Bivuze ko muri iki cyiciro bahembwe Amayero 14,000 (asaga gato 23.000.000Frw).

Mu cyiciro cy’abato (Ingimbi n’abangavu), uwegukanye umwanya wa mbere, yabonye Amayero 2,000 (asaga gato 3,000,000Frw), uwegukanye umwanya wa kabiri yahawe Amayero 1,000 (ni ukuvuga asaga gato 1.500.000Frw), mu gihe abegukanye umwanya wa gatatu muri iki cyiciro babonye Amayero 500 (Ni ukuvuga 851Frw). Yose hamwe muri iki cyiciro akaba yari amayero 7,000 (asaga gato 11.000.000Frw).

Aya yose uyateranyirije hamwe, angana n’amayero ibihumbi 124,250 ni ukuvuga Miliyoni 211.324.400Frw mu mafaranga y’u Rwanda

Tadej Pogacar wari ubitse umudari wa zahabu muri iki cyicirocy’abakuru basiganwa mu muhanda (Road Race) yongeye kwegukana umudali wa zahabu nyuma yo kujyera ku murongo ari uwa mbere akoresheje amasaha 6:21:20,aho yasize umunota 1:28 umubiligi Evenepoel Remco bari bahanganye we waje ku mwanya wa kabiri akoresheje amasaha 6:22:48

umunya Ireland Healy Ben, niwe wegukanye umudali w’umulinga nyuma yo kwegukana umwanya wa gatatu akoresheje amasaha 6:23:36 aho yarushijwe iminota 2 n’amasegonda 16 na Tadej Pogacar waje ku mwanya wa mbere.

Wari umunsi udasanzwe yaba ku ba nyarwanda benshi bari ku mihanda hirya no hino aho isiganwa ryanyuraga ndetse no ku bakinnyi basiganwaga aho uyu munsi ariwo munsi wari ufite intera ndende ugereranyije n’indi minsi yabanje aho abasiganwaga kuri iyi nshuro basiganwaga ku ntera ingana n’ibirometero 267 na metero Magana atanu. 45.5

Ni isiganwa kandi ryari rikomeye aho kuri iyi nshuro inzira yakoreshwaga mu gusiganwa mu muhanda (Road Race) yari yongeweho ibirometero 45 na metero Magana atanu kuko hongewemo inzira ya Sopetirade - Yamaha - Nyabugogo - Ruliba - Norvege - Tape rouge - Kimisagara - Kwa Mutwe - Onatracom - Gitega - Rond point (Mu Mujyi) – Sopeterade bagakomeza bagasubira mu nzira babanjemo maze bagakomeza kuzenguruka.

Ni isiganwa ryatangiranye abakinnyi 165 ariko abakinnyi 30 akaba ribo bonyine babashije gusoza isiganwa. U Rwanda rwari ruhagarariwe n’abakinnyi batandatu aribo Manizabayo Eric, Masengesho Vainqueur, Byukusenge Patrick, Muhoza Eric, Nkundabera Eric, ndetse na Nsengiyumva Shemu, gusa nta numwe muri aba wabashije gusoza isiganwa.

Umunya Suloveniya Pogacar Tadej ubitse umudali wa zahabu muri iki cyiciro, ni umwe mu bakinnyi b’ibihangange bitezwe cyane ndetse akaza kuba afatanya na bagenzi be 9 bakomoka mu gihugu kimwe.

Muri iki cyiciro cy’abakuru, u Rwanda ruhagarariwe n’abakinnyi batandatu aribo Manizabayo Eric, Masengesho Vainqueur, Byukusenge Patrick, Muhoza Eric, Nkundabera Eric, ndetse na Nsengiyumva Shemu.

Ni umunsi udasanzwe, usibye kuba ari uwanyuma, Isiganwa n’abasiganwa barakora intera nini ugereranyije n’indi minsi yatambutse guhera ku munsi wa mbere kuko uyu munsi abasiganwa ni abagabo baza gukora intera ingana n’ibirometero 267.5 aho abasiganwa baza kuzenguruka inshuro 15 mu nzira ya (KCC - Gishushu - MTN - Mu kabuga ka Nyarutarama- Kuzenguruka kuri Golf - SOS - MINAGRI - Ninzi- KABC - RIB - Mediheal -Women Foundation Ministries (Kwa Mignone) - Ku Muvunyi - KCC)

Nyuma y’inshuro ya cyenda bazenguruka, baraza kongeraho indi nzira baza kuzenguruka rimwe inyura Sopetirade - Yamaha - Nyabugogo - Ruliba - Norvege - Tape rouge - Kimisagara - Kwa Mutwe - Onatracom - Gitega - Rond point (Mu Mujyi) – Sopeterade bagakomeza bagasubira mu nzira babanjemo maze bakazenguruka izindi nshuro esheshatu bingana n’inshuro 15 zose hamwe.

Isiganwa riratangira ku isaha ya saa 9:45 aho abasiganwa bose hamwe ari 165 bavuye mu bihugu 52.

Kigali hasojwe amahugurwa y’abatoza b’umukino wa volleyball yo kumucanga

Ni amahugurwa yahuje abatoza bashya bifuzaga kwinjira mu mwuga wo gutoza uyu mukino baturutse mu Rwanda ndetse no hanze bose hamwe bakaba bari abatoza 30.

Ni amahugurwa yasojwe bahabwa impamyabumenyi n’intumwa ikaba n’impunguke y’ishyirahamwe ry’umukino wa volleyball ku isi (FIVB) Madamu Claudia Costa Oliveira-Laciga ukomoka mu gihugu cya Brazil.

Ni amahugurwa yahuje abatoza 30 barimo batatu bakomoka hanze y’u Rwanda aho bari bamaze iminsi itanu kuva taliki ya 22 kujyeza taliki ya 26 Nzeri bahugurwa.

Umuyobozi wa komite olempike y’imikino mu Rwanda Madamu Umulinga Alice yongeye kwibutsa abatojwe ko bagomba gukorera uyu mukino ukongera kuzamuka

Ni amahugurwa yasojwe n’umuyobozi wa komite olempike y’imikino mu Rwanda Madamu Umulinga Alice ari kumwe n’umuyobozi w’ishyirahamwe ry’umukino wa volleyball mu Rwanda Ngarambe Raphael ndetse n’umunyamabanga wiri shyirahamwe Dukunde Jacques.

Mu ijambo rye ubwo yasozaga aya mahugurwa umuyobozi wa komite olempike y’imikino mu Rwanda Madamu Umulinga Alice, yashimye abitabiriye aya mahugurwa ndetse no kuba barahisemo kwijira muri uyu mwuga.

Amahugurwa yasojwe no gukina hagati y’abatoza

“Ndashimira mwe mwese mwitabiriye aya mahugurwa y’ubutoza ndetse no kuba mwarahisemo kwinjira muri uyu mwuga, turizera ko mugiye gukoresha ubumenyi mwahawe mu kuzamura uyu mukino birushijeho aho wari uri, murabona ko umubare w’abagore ukiri muke, rero namwe mugomba gukora cyane kugirango n’abandi bagore bitabire uyu mwuga”

Paula Ostiz yegukanye umudali wa zahabu muri shampiyona y’isi y’amagare mu bangavu

Paula yageze ku murongo ari u wa mbere nyuma yo gukoresha amasaha 2 iminota icyenda n’amasegonda 19 ku ntera y’ibirometero 74.

Umutaliyanikazi Pegolo Chantal w’imyaka 18 niwe waje ku mwanya wa kabiri mugihe umusuwisikazi Grossmann Anja ariwe waje ku mwanya wa gatatu.

Paula yageze ku murongo ari u wa mbere nyuma yo gukoresha amasaha 2 iminota icyenda n’amasegonda 19 ku ntera y’ibirometero 74

Abanyarwanda Yvonne Masengesho na Liliane Uwiringiyimana babashije gusoza isiganwa aho Yvonne Masengesho yaje ku mwanya wa 48 akoreshehe amasaha 2:21:39 naho Liliane Uwiringiyimana we aza ku mwanya wa 49 akoresheje 2:21:39.

Mu bakinnyi 72 batangiye isiganwa, 57 nibo bonyine babashije gusoza kuko abandi bagiye bavamo.

Nyuma y’icyiciro cy’abangavu, harakurikiraho icyiciro cy’abagore bakuru (Women Elite) aho biteganyijwe ko bo baza guhaguruka ku isaha ya saa sita n’iminota itanu (12:05pm)
Mu cyiciro cy’abagore bakuru, abasiganwa baraza gusiganwa ku ntera ingana n’ibirometero 164 na metero magana atandatu aho abasiganwa bose hamwe ari 106.

Muri iki cyiciro cy’abagore bakuru, u Rwanda ruraza kuba ruhagarariwe n’abakinnyi 4 aribo Ingabire Diane, Irakoze Neza Violette, Nirere Xaveline ndetse na Nzayisenga Valentine

Hatahiwe abangavu, n’abagore bakuru, Ikaze ku munsi wa 7 wa shampiyona y’isi y’amagare I Kigali

Abasiganwa bose (Women Junior) bamaze guhaguruka aho bahagurikiye kuri KCC, bakanyura Gishushu, Nyarutarama-MTN, Nyarutarama-Kabuga - Golf -SOS- Minagri-KBC- Medheal-Ku Muvunyi bakagaruka kuri Kigali convention Centre maze bakazenguruka inshuro 5 bakaza gusoreza kuri KCC.

Muri iki cyiciro cy’abangavu, abasiganwa barasiganwa ku ntera ingana n’ibirometero 74. Abasiganwa batangiye isiganwa, bose hamwe ni 72 bavuye mu bihugu 34.

Abasiganwa bose hamwe ni 72 bavuye mu bihugu 34

Muri iki cyiciro, u Rwanda ruhagarariwe n’abakinnyi babiri aribo Liliane Uwiringiyimana ndetse na Yvonne Masengesho.

Nyuma y’icyiciro cy’abangavu, harakurikiraho icyiciro cy’abagore bakuru (Women Elite) aho biteganyijwe ko bo baza guhaguruka ku isaha ya saa sita n’iminota itanu (12:05pm)

Mu cyiciro cy’abagore bakuru, abasiganwa baraza gusiganwa ku ntera ingana n’ibirometero 164 na metero magana atandatu aho abasiganwa bose hamwe ari 106.

Muri iki cyiciro cy’abangavu, abasiganwa barasiganwa ku ntera y’ibirometero 74

Muri iki cyiciro cy’abagore bakuru, u Rwanda ruraza kuba ruhagarariwe n’abakinnyi 4 aribo Ingabire Diane, Irakoze Neza Violette, Nirere Xaveline ndetse na Nzayisenga Valentine.

Hudson Harry niwe wegukanye shampiyona y’isi y’amagare mu basiganwa mu muhanda (Road Race) mu cyiciro cy’ingimbi akoresheje amasaha 2-55-19

Umufaransa Blanc Johan w’imyaka 18 niwe waje ku mwanya wa kabiri akoresheje amasaha 2:55:35 bivuze ko yasizwe amasegonda 16 na Huson Harry wegukanye umwanya wa mbere mu gihe umunya Polonye Jackowiak Jan yaje ku mwanya wa gatatu akoresheje amasaha 2:55:35.

Ni isiganwa rya mbere mu masiganwa abiri ateganyijwe kuri uyu munsi taliki ya 26 Nzeri 2025, rikaza gukurikirwa n’abatarengeje imyaka 23. Ingimbi zasiganwe ku ntera y’ibirometero 119 na metero Magana atatu. Ni isiganwa kandi ryatangiranye abakinnyi 141 baturutse mu bihugu 71 gusa bose siko babashije gusoza kuko 66 nibo bonyine babashije gusoza isiganwa.

Umufaransa Blanc Johan w’imyaka 18 niwe waje ku mwanya wa gatatu akurikiwe n’umunya Polonye Jackowiak Jan

Mu banyarwanda babiri bari muri iri siganwa Moise Ntirenganya na Nkurikiyinka Jackson, Moise Ntirenganya niwe wenyine wabashije gusoza isiganwa kuko yasoje ku mwanya wa 66 akoresheje amasaha 3 n’iminoya 9 n’amsegonda 32 bivuze ko yasizwe iminota 14 n’amasegonda 13 na Hudson Harry wabaye uwa mbere.

Hudson Harry w’imyaka 18 yegukanye umudali wa zahabu nyuma yo gutanga abandi ku murongo

Shampiyina y’isi irakomeza hasiganwa bakuru babo batarengeje imyaka 23 aho biteganyijwe ko bo bahaguruka ku isaha ya saa sita zuzuzye (12pm) aho bo baza gukora ibirometero 164 na metero magana atandatu. Barakoresha inzira ingimbi zakoresheje gusa bo baraza kuzanguruka inshuro 11

Amafoto: Niyonzima Moise

Umunsi wa kabiri wo gusiganwa mu muhanda wamaze gutangira

Umunsi wa mbere wo gusiganwa mu muhanda (Road Race), wabaye kuri uyu wa kane hasiganwaga abagore batarengeje imyaka 23 aho umufaransakazi w’imyaka 19 Gery Celia ariwe wegukanye umudali wa zahabu akoreshe amasaha 3:24:26 ku ntera y’ibirometero 119 na metero Magana atatu.

Kuri uyu wa gatanu taliki ya 26 Nzeri harasiganwa ibyiciro 2 aribyo ingimbi ndetse n’abagabo batarengeje imyka 23 aho ingimbi zahagurutse ku isaha ya saa mbili za mugitindo (8:00am) aho bagomba gusiganwa ku ntera y’ibirometero 119 na metero magana atatu aho bahagurukiye kuri KCC, bakanyura Gishushu, Nyarutarama-MTN, Nyarutarama-Kabuga - Golf -SOS- Minagri-KBC- Medheal-Ku Muvunyi bakagaruka kuri Kigali convention Centre maze bakazenguruka inshuro 8 bakaza gusoreza kuri KCC.

Abakinnyi bahagurutse bose hamwe ni 141 bavuye mu bihugu 71. U Rwanda ruhagarariwe n’abakinnyi babiri muri iki cyiciro aribo Moise Ntirenganya ndetse na Nkurikiyinka Jackson.

Biteganyijwe ko ubwo ingimbi baza kuba basoje, baraza gukurikirwa na bakuru babo batarengeje imyaka 23 aho biteganyijwe ko bo bahaguruka ku isaha ya saa sita zuzuzye (12pm) aho bo baza gukora ibirometero 164 na metero magana atandatu.

Umufaransakazi Gery Celia niwe wegukanye umudali wa zahabu muri shampiyona y’isi

Umunya silovakiyakazi Viktória Chladoňová niwe waje ku mwanya wa kabiri nyuma yo gukoresha amasaha 3:24:28 bivuze ko yasizwe amasegonda abiri gusa na Gery Celia wabaye uwa mbere, mu gihe umunya Esipanyekazi Paula Blasi ariwe waje ku mwanya wa gatatu akoresheje amasaha 3:24:38 aho yasizwe amasegonda 12 na Gery Celia wabaye uwa mbere.

Ni umunsi utari woroshye ku bakinnyi kuko mu bakinnyi 82 batangiye isiganwa, 47 batabashije gusoza kuko bagiye bavamo mu bihe bitandukanye ubwo bazengurukaga inshuro umunaniro mu mihana ya KCC, Gishushu, Nyarutarama-MTN, Nyarutarama-Kabuga - Golf -SOS- Minagri-KBC- Medheal-Ku Muvunyi bakagaruka kuri Kigali convention Centre

Gery Celia ufite imyaka 19 yazengurutse ibirometero 119 na metero magana atatu akoresheje amasaha 3 n’iminota 24

Ni ku nshuro ya mbere, iyi shampiyona y’isi yari ikinwe muri iki cyiciro cy’abatarengeje imyaka 23 kuko bari basanzwe bakina muri Shampiyona y’Isi y’Amagare, ariko icyiciro cyabo cyatangiye guhembwa mu 2022, harebwa ku bafite munsi y’iyo myaka bitwaye neza mu isiganwa ry’abagore.

Kuri iyi nshuro nta munyarwanda wabashije gusoza

Muri 2024 ni bwo hemejwe ko iki cyiciro cy’abatarengeje imyaka 23 cyajya gikina ukwacyo, iyi nshuro akaba ariyo yari iya mbere gikinwe.

Muri iki cyiciro u Rwanda rwari ruhagarariwe n’abakinnyi bane aribo Iragena Charlotte, Mwamikazi Jazilla, Ntakirutimana Martha na Nyirarukundo Claudette gusa nta numwe muri bo wigeze usoza isiganwa kuko bagiye bavamo mu bihe bitandukanye.

Muri rusange, isiganwa ryuyu munsi ryari rigizwe n’abakinnyi 82 bavuye mu bihugu 40.

Shampiyona y’isi irakomeza kuri uyu wa gatanu hakinwa umunsi wa gatandatu aho abakinnyi bazaba basiganwa mu muhanda (Road Race) mu byiciro bibiri Ingimbi ndetse ndetse n’abato batarengeje imyaka 23 mu cyiciro cy’abagabo.

Ibi Umukuru w’Igihugu yabigarutseho mu ijambo yagejeje ku banyamuryango ba UCI ubwo hatangizwaga Inama y’Inteko Rusange ya UCI ku nshuro y’i 194 (UCI Congress) yateraniye i Kigali, aho yatangiye ashimira abayobozi baryo bayobowe na David Lappartient ku bwo kuzana Shampiyona y’Isi y’Amagare ku mugabane wa Afurika bwa mbere mu mateka by’umwihariko i Kigali.

Yagize ati: “Mbere na mbere ndashaka gushimira UCI n’ubuyobozi bwayo burangwanjwe imbere na David Lappartient ku bwo guhitamo Igihugu cyacu kwakira isiganwa ry’amagare ku Isi ndetse n’Inama y’Inteko rusange y’abanyamuryango babarizwa mu ishyirahamwe ry’umukino wo gusiganwa ku magare ku Isi, ibi bivuze ikintu kinini no kuba bibereye ku mugane wa Afurika ku nshuro ya mbere."

Perezida Kagame yakomeje avuga ko bishimiye cyane kuba ari ubwa mbere mu mateka ya Shampiyona y’Isi Afurika igize ibihugu byinshi biyitabira.

Yagize ati “Turishimye ko ibihugu 108 byitabiriye iyi Shampiyona y’Isi y’Amagare, ari indashyikirwa, muri Afurika gusa dufite ibihugu 36 umubare uri hejuri w’ubwitabire ku mugabane wacu mu mateka y’iyi shampiyona y’Isi. Twishimiye kandi abakinnyi bose ndetse n’abafana baje baturutse hafi cyangwa kure bari hano. Ku bihugu bimaze gutera imbere muri uyu mukino ndetse n’ibikiri mu nzira, ubwitabire bwanyu nibwo bwatumye iyi shampiyona igira igisobanuro.”

Prezida Kagame yongeye gushimira abakinnyi bose bitabiriye ndetse avuga ko kwitabira kwabo aribyo biha imbaraga n’abato, yongera kuvuga ko igare muri Afurika ryifashishwaga mu buryo bw’ingendo gusa mu Rwanda by’umwihariko Leta ikaba yarashyize imbaraga mu guteza imbere umukino w’amagare.

Umukuru w’Igihugu kandi yashimiye abafatanyabikorwa batumye ibi bishoboka ndetse anakomoza kuri Tour du Rwanda nka rimwe mu marushanwa akomeye ku mugabane wa Afurika ari naho yahereye avuga ko siporo ari inzira y’terambere ndetse n’amahirwe.

Ati “Ndashaka gushimira abafatanyabikorwa bakoranye natwe kugira ngo ibi bigerweho, izi mbaraga zatumye Tour du Rwanda iba imwe mu masiganwa yo ku rwego rwo hejuru muri Afurika ndetse iba n’umusingi wo kuzamura impano no kuzana abafana ku mihanda murimo kubona iki cyumweru cyose. Muri uyu mwaka, twafunguye ibigo bitatu bya UCI byatumye u Rwanda ruba igihugu cya kabiri gifite ibi bigo ndetse abakinnyi batandukanye bavuye muri Afurika, batangiye kuhatorezwa babona ubumenyi ndetse n’ibikorwa remezo bigezweho, rero tubona siporo nk’inzira y’iterambere n’amahirwe”

Shampiona y’isi, irakomeza kuri uyu wa Kane hasiganwa abatarengeje imyaka 23 mu bagore ku ntera y’ibirometero 119.8 mu mihanda ya Kigali aho inzira bakoresha bayizenguruka inshuro umunani bahagurukira Kigali Convention Centre akaba ari naho basoreza.

Ibi yabigarutseho muri iki gitondo tariki 25 Nzeri mu ijambo rifungura inama ya 194 y’ihuriro ry’abanyamuryango babarizwa mu ishyirahamwe ry’umukino wo gusiganwa ku magare ku isi (UCI Congress) irimo kubera I Kigali mu Rwanda.

Yagize ati “Ni iby’agaciro kukugira hano uri kumwe natwe uyu munsi. Ndashaka kugushimira by’umwihariko kuba watuboneye umwanaya wo kubana natwe. Ni ubwa mbere mu myaka 125 ishize shampiyona y’isi y’amagre (UCI Road World championship) ibereye muri Afurika, by’umwihariko ikaba iri hano i Kigali mu Rwanda. Abafana, Urukundo, n’akanyamuneza twabonye I Kigali ntabwo bisanzwe kuri twe iki cyumweru cyose.”

Yakomeje agira ati : “Ibi bihe ntabwo tuzabyibagirwa, amashyirahamwe 132 ateraniye hano muri iki cyumba, yansabye kubashimira mwebwe nyakubahwa Paul Kagame ndetse n’u Rwanda muri rusange kubera aya mateka akozwe. Ni amateka atazibagirana n’ibihe byiza twagiriye mu gihugu cyanyu cyiza kandi no kuba turi kumwe namwe nonaha, ni iby’agaciro kuri iyi nama y’ihuriro ry’abanyamuryango b’ishyirahamwe ry’umukino wo gusiganwa ku magare (UCI). Nyakubahwa wagize uruhare runini kugirango iyi shampiyona y’isi y’amagare ize muri Afurika ndetse niyi nama yacu. Mwarakoze cyane”

Iyi nama kandi iraza kuberamo n’amatora ya komite nyobozi nshya ya UCI

Amakipe y’ibihugu yabanje gukora imyitozo

Kuva isiganwa ryatangira taliki ya 21, Nzeri 2025, hasiganwaga abakinnyi bahanganye n’ibihe (Individual Time Trial) mu byiciro bitandukanye Abakuru, Abato batarengeje imyaka 23 ndetse n’ingimbi n’abangavu ari nabo bashyize akadomo ku bakinnyi basiganwaga n’ibihe.

Uyu munsi harasiganwa amakipe y’ibihugu

kuri uyu wa gatatu taliki ya 24 Nzeri, ni umunsi wa kane w’isiganwa aho abasiganwa baza kuba bari mu makipe y’ibihugu ariko bavanze abagabo n’abagore basiganwe ku intera y’ibilometero 41 na Metero 800.

Uyu munsi wari uwo gukora imyitozo

Muri iki gitondo kuva ku isaha ya saa 7:00am, amakipe yose yazindukiye mu myitozo mu mihanda ya Kigali Convention center (KCC) > Gishushu > MTN Center > Mu Kabuga ka Nyarutarama > Kuzenguka Golf SOS > MINAGRI > KABC > RIB > Mediheal > Women Foundation Ministries > Ku Muvunyi bagaruke basoreze KCC.

Mu gutangira gusiganwa, biteganyijwe ko ikipe y’igihugu ya Benin ariyo iza guhagurika mbere aho iza guhaguruka ku isaha ya saa 1:45pm kuri Kigali Convention centre. Iraza gukirikirwa n’ikipe y’igihugu ya Uganda ku isaha ya saa 1:49pm. u Rwanda rurahaguruka ku mwanya wa kane nyuma ya Ethiopia aho biteganyijwe ko ruhaguruka ku isaha ya saa 1:57pm.

Ikipe y’igihugu y’u Rwanda iraza kuba igizwe n’abakinnyi 6 aribo Byukusenge Patrick, Nkundabera Eric, Uwiduhaye Mike, Ingabire Diane, Nirere Xaverine ndetse na Nyirarukundo Claudett

Mouris Michiel wahagurutse kuri BK Arena saa cyenda n’iminota 49 n’amasegonda 30 ari mu ba nyuma, yegukanye umudali wa zahabu n’umwenda w’umukororombya arushije Umunyamerika Barry Ashlin amasegonda atandatu.

Muri iki cyiciro cy’ingimbi, Abanyarwanda Byusa Pacifique ndetse na mugenzi we Briam Ishimwe ntabwo bahiriwe kuko Byusa niwe waje hafi aho yaje ku mwanya wa 53 akoresheje iminota 34 n’amasegonda 34 aho yasizwe iminota itanu n’amsegonda 27, naho Brian Ishimwe we aza ku mwanya wa 55 akoresheje iminota 34 n’amasegonda 59 bivuze ko yasizwe iminota itanu n’amasegonda 52.

Uyu munsi ushyize akadomo ku byiciro byo gusiganywa n’igihe umuntu ku giti cye mu gihe guhera kuri uyu wa gatatu taliki ya 24 Nzeri 2025, hazakinwa n’ubundi gusiganwa n’igihe ariko noneho makipe y’ibihugu yitabiriye (Team Time Trial).

Biteganyijwe ko ikipe y’igihugu ya mbere izahaguruka ku isaha ya saa saba n’iminota 45 basiganwa intera y’ibilometero 41 na Metero 800.
Ikipe y’igihugu y’u Rwanda izahaguruka ku isaha ya saa saba n’iminota 57 aho igizwe n’abakinnyi batandatu aribo Byukusenge Patrick, Nkundabera Eric, Uwiduhaye Mike, Ingabire Diane, Nirere Xaverine ndetse na Nyirarukundo Claudette.

Amafoto: Niyonzima Moise

Uyu munsi ni uwa nyuma abakinnyi basiganwa n’igihe ku giti cyabo, mbere yuko hatangira gusiganwa amakipe.

Uyu munsi abangavu baranyonga ibilometero 18 na metero magana atatu, naho ingimbi zo zirasiganwa ibilometero 22 na metero 600.

Mu cyiciro cy’abangavu, u Rwanda ruhagarariwe na Yvonne Masengesho na Liliane Uwiringiyimana, naho mu cyiciro cy’ingimbi ruhagarariwe na Byusa Pacifique ndetse na Brian Ishimwe.

Umukinnyi wa mbere (Yvonne Masengesho) yahagurutse kuri BK Arena saa 11:06 mu gihe uwa nyuma muri iki cyiciro biteganyijwe ko ahaguruka saa 12:15.

Mu cyiciro cy’abagabo uwa mbere arahaguruka ku saa saba na 35 (1:35pm), naho uwa nyuma ahaguruke saa kumi (4pm).

Nk’uko bimeze kuva ku Cyumweru, isiganwa riratangirira muri BK Arena, risorezwe kuri Kigali Convention Centre (KCC).

Amafoto: Niyonzima Moise

Ni amahugurwa arimo gutangwa n’impuguke muri uyu mukino ndetse akaba n’intumwa ya FIVB (International Volleyball Federation) umunya Brazilekazi Claudia Costa Oliveira-Laciga.

Ni amahugurwa yitabiriwe n’abatoza 35 abagabo n’abagore barimo abanyamahanga 3 (Burundi, Tanzania na Zimbabwe) aho azamara iminsi 4 guhera none kuzajyeza taliki ya 26 Nzeri.

Aya mahugurwa yitabiriwe n’abatoza 35 biganjemo abagikina volleyball

Ni amahugurwa arimo/ azibanda ku bice bibiri aribyo ( Theories na practicals)

Afungura ku mugaragaro aya mahugurwa Perezida wa Federasiyo ya Volleyball mu Rwanda Mr Ngarambe Raphael yavuze ko intego nyamukuru yaya mahugurwa ari ukugira no kuzamurira u rwego abatoza batoza uyu mukino.

Ni amahugurwa babanza kwiga bisanzwe nyuma bakajya no ku kibuga

“Twishimiye kwakira aya mahugurwa ya FIVB, turizerako azabagirira akamaro ndetse n’iterambere ry’umukino wa beach volleyball. Ubushize murabizi ko twakiriye World Tour ndetse nubu turifuza kongera kuyakira rero mwige mushyizeho umwete mbifurije amahirwe masa”

Umunya Brazilekazi Claudia Costa Oliveira-Laciga ubwo yarimo gutanga amasomo

Aho amahugurwa abera: Hill Top Hotel
Ikibuga cy’Imyiyozo: Kicukiro-Mamba Beach volleyball court

Jakob ni umwe mu bakinnyi beza bari bitezwe uyu munsi, akenshi bijyane n’urwego ariho dore ko muri uyu mwaka kugeza muri uku kweizi, amaze gukina amarushanwa agera kuri 29 mu bihugu bitandukanye harimo n’ayo yagiye yegukana.

Umunya Nouvelle-Zelande, Nate Pingle, ni we wegukanye umwanya wa kabiri aho yakoresheje iminota 39 n’amasegonda 28, akaba yasizwe umunota umwe n’amasegonda 3 naho Umufaransa Decomble Maxime yegukana umwanya wa gatatu, aho yakoresheje iminota 39 n’amasegonda 28.

Umunyarwanda Niyonkuru Samuel ni we waje hafi aho yaje ku mwanya wa 28, akoresheje iminota 43 n’amasegonda 15, naho Tuyizere Etienne we aza ku mwanya wa 30 akoresheje iminota 43 n’amasegonda 36.

Isiganwa rirakomeza kuri uyu wa Kabiri taliki ya 23 Nzeri, hakinwa abatoya abagabo n’abagore.

Kureba andi mafoto: KANDA HANO

Zoe niwe mukinnyi wahagurutse nyuma y’abandi kuko yahagurutse kuri BK Arena ku isaha ya saa 12:05pm maze ibirometero 22 na metero 600 abinyonga akoresheje iminota 30 n’amasegonda 56.

Uyu mukobwa ukiri muto si ubwa mbere yambaye umudari wa UCI Road World Championship kuko yagiye atsinda mu marushanwa y’abato kugeza kuri iyi ya Kigali aho ayegukanye mu cyiciro cy’abatarengeje imyaka 23.

Backstedt Zoe yakurikiwe n’umunya Slovakia Viktória Chladoňová waje ku mwanya wa kabiri asizwe umunota umwe n’amasegonda 50 kuko yakoresheje iminota 32 n’amasegonda 47.

Muri iki cyiciro cy’abatarengeje imyaka 23, umunyarwandakazi NTAKIRUTIMANA Martha niwe waje hafi aho yaje ku mwanya wa 27 akoresheje iminota 36 n’amasegonda 27 bivuze ko yasizwe iminota itanu n’amasegonda 31 na Zoe wabaye uwa mbere.

Claudette Nyirarukundo wahagurutse mbere y’abandi, yaje ku mwanya wa 32 aho yakoresheje iminota 37 n’amasegonda 14 bivuze ko yasizwe iminota 6 n’amasegonda 18 nu wabaye uwa mbere.

Kureba andi mafoto: KANDA HANO

Ni umunsi wa kabiri urimo impinduka ugereranyije n’uwambere kuko usibye ko abasiganwa uyu munsi ari abakinnyi batarengeje imyaka 23 (Abagabo n’abagore), ahubwo n’inzira bakoresha ziraza guhinduka ho gato ugereranyije n’izakoreshejwe ku munsi wa mbere mu bakuru.

Abasiganwa bose hamwe baraza kuba ari 110 barimo abagabo 61 naho abagore bakaba 49. Umukinnyi wa mbere uza guhaguruka ni umunyarwandakazi NYIRARUKUNDO Claudette w’imyaka 22 aho aza guhaguruka saa yine n’iminota 51 (10:51am).

Mu bagabo batarengeje imyaka 23, umukinnyi wa mbere uri bahaguruka na we ni umunyarwanda TUYIZERE Etienne uri buhaguruke kuri BK Arena saa saba n’iminota mirongo itanu (1:50pm).

Mu bagore u Rwanda ruraba ruhagarariwe n’abakinnyi babiri aribo NYIRARUKUNDO Claudette ukinira 
Team Amani yo muri (Kenya) ndetse na MWAMIKAZI Jazillah ukinira 
Ndabaga Women cycling team yo mu Rwanda.

Mu bagabo u Rwanda ruraza kuba ruhagarariwe n’abakinnyi babiri aribo TUYIZERE Etienne na Samuel Niyonkuru ukinira Team Amani yo muri Kenya.

Ku nzira ziza gukoreshwa uyu munsi, bitandukanye n’umunsi wa mbere abasiganwa baraza guhagurukira kuri BK Arena - Kimironko (Simba Supermarket) -Rwahama - Chez Lando - Prince House - Sonatube - Nyanza - Gahanga ku isoko maze abasiganwa bakate bagaruke muri uwo muhanda bagere Sonatube - Rwandex - Kanogo maze aho gukomeza ngo bajye mu mujyi, barahita berekeza Mediheal - Women Foundation Ministries (Kwa Mignone) - Ku Muvunyi bakomeze basoreze kuri Kigali Convetion Center (KCC).

Biteganyijwe ko Umukinnyi wa nyuma uyu munsi aza guhaguruka ku isaha ya saa cyenda n’iminota mirongo itanu (3:50pm)

Raphael Ngarambe yongeye gutorerwa kuyobora FRVB

Ni amatora yabaye kuri uyu wa gatandatu taliki ya 20 Nzeri 2025 mu nama y’inteko rusange idasanzwe yateranye igamije gutora komite nyobozi nshya izayobora kugeza muri 2029.

Ni amatora yagaragayemo impinduka kuko muri komite icyuye igihe hagaritsemo Raphael Ngarambe (perezida) gusa naho abandi bose barasimburwa.

Gasasira Janvier yagizwe Perezida wa kabiri wungirije ushinzwe amarushanwa

Usibye Mucyo Philbert wari usanzwe ari umunyamabanga wiri shyirahamwe utaragarutse kubera ko Inteko rusange iheruka yemeje ko nta muyobozi ukiri mu nshingano mu makipe wemerewe kujya muri komite nyobozi, abandi barimo Nsabimana Eric ndetse na Bagirishya Jean de Dieu wari warasimbuwe ku nshingano ze na Geoffrey Zawadi nti bagarutse Ahubwo Geoffrey Zawadi atorwa muri Manda yuzuye.

Dukundane Jean Jacque yagizwe umunyamabanga mushya w’Ishyirahamwe ry’umukino wa volleyball mu Rwanda

Ngarambe Raphael yari amaze imyaka ine ari Perezida wa federasiyo kuva muri Gicurasi 2021 aho manda ye nabo bari bafatanyine kuyobora yarangiye muri Gicurasi uyu mwaka.

Inzego zose zatowe

Dore inzego zatorewe ndetse n’abatowe.

Perezida: Raphael Ngarambe
Perezida wa mbere wungirije ushinzwe imari n’ubutegetsi: Geoffrey Zawadi
Perezida wa kabiri wungirije ushinzwe amarushanwa: Gasasira Janvier
Umunyamabanga Mukuru: Dukundane Jean Jacque
Umubitsi: Umulisa Henriette
Abagize akanama Nkemurampaka:
Ishimwe Clemance
Nsengiyumva Alphonse
Ngenzuzi:
Uwamariya Rose
Bitukuze Scholastique

U Rwanda rurahura na Morocco barikumwe mu itsinda

Nyuma yo gutsinda ikipe y’igihugu ya Algeria amaseti 3-1 kuri uyu wa gatanu taliki ya 19 Nzeri 2025, ikipe y’igihugu y’ingimbi z’u Rwanda, izahura na Morocco bahatanira umwanya wa gatanu nuwa gatandatu mu gikombe cy’ Afurika gishyirwaho akadomo kuri uyu wa gatandatu taliki ya 20 Nzeri 2025.

U Rwanda twatsinze Algeria amaseti 3-1 mu mukino wa igihe imbere

Umukino w’ikipe y’igihugu y’ u Rwanda na Morocco niwo uzatanga uwegukana umwanya wa gatanu n’uwa gatandatu mu bihugu umunani byari muri iki gikombe cy’ Afurika.

Umukino w’u Rwanda na Morocco uteganyijwe ku isaha ya saa yine za mugitondo ku isaha yo mu gihugu cya Misiri bikazaba ari ku isaha ya saa satu ku isaha ya Kigali.

Igihugu cya Misiri na Cameroon, nibo bazahurira ku mukino wa nyuma naho Uganda na Kenya bahatanire umwanya wa gatu na kane.

Nyuma yo gukina, ikipe y’igihugu y’u Rwanda izahita ifata urugendo rugaruka I kigali aho biteganyijwe ko iza haguruka kuri Cairo International AirPort mu rucyerera rwo ku cyumweru saa cyenda (3:00am) ice muri Ethiopia maze igere ku kibuga mpuzamahanga cya Kigali (Kanombe) mu gitondo saa yine (10:00am)

Ikipe y’igihugu y’ingimbi nti yahiriwe n’umunsi wa mbere.

Ni umukino wabaye ku mugoroba wo kuri uyu wa gatandatu mu mujyi wa 6th October ho mu gihugu cya Misiri ahatangiriye imikino y’igikombe cya Afurika.

Ikipe y’igihugu y’ingimbi niyo yabanje kwegukana seti ya mbere imbere ya Morocco ivuye mu gikombe cy’isi

Ikipe y’igihugu y’u Rwanda niyo yegukanye seti ya mbere, Morocco yegukana ebyiri zikurikira, u Rwanda rwegukana iseti yari iya kane maze berekeza muri kamarampaka maze yegukanwa na Morocco ku manota 15 kuri 11 y’u Rwanda.

U Rwanda na Morocco bagabanye amanota

Nyuma yo gutakaza uyu mukino, u Rwanda rwaraye ku mwanya wa gatatu inyuma ya Cameroon na Morocco, mu gihe Kenya iri ku mwanya wa nyuma muri iri tsinda, dore ko nta nota na rimwe ifite.

U Rwanda na Morocco bagabanye amanota

U Rwanda ruragaruka mu kibuga kuri uyu wa mbere rukina na Cameroon, maze ruzasoreze kuri Kenya ku wa gatatu taliki ya 17 Nzeri.

Muri iri tsinda rya kabiri, Cameroon niyo yabashije kubona amanota 3 gusa.

Biteganyijwe ko iyi mikino y’igikombe cya Afurika izasozwa taliki ya 21 ari nabwo ibihugu byose byitabiriye bizataha.

Ikipe y’igihugu y’ingimbi yamaze kugera mu gihugu cya Misiri ahazabera igikombe cy’afurika

Mu rugendo rurerure uvuye i Kigali, ikipe y’igihugu y’ingimbi zitarengeje imyaka 20, yageze ku kibuga cy’indege cya Cairo International Airport mu rucyerera ahagana saa cyenda n’igice z’igitondo (3:30am) aho yakiriwe n’abayobozi mu ishyirahamwe ry’umukino wa volleyball mu gihugu cya Misiri.

Nyuma yo kwakirwa, ikipe y’igihugu yahise yerekeza mu mujyi wa aho irushanwa rizabera mu mujyi wa “6th of October” ho muri Giza Umujyi wa gatatu ukomeye muri iki gihugu cya misiri nyuma ya Cairo ndetse na Alexandria.

Ikipe y’igihugu y’ingimbi yahagurutse I kigali kuri uyu wa gatatu nyuma yo guhabwa ibendera ry’igihugu n’umunyamabanga wa leta muri minisiteri ya siporo Rwego Ngarambe.

Iyi kipe itozwa na Ntawangundi Dominique nk’umutoza mukuru, igizwe n’abakinnyi 12, umutoza wungirije Niyonkuru Yves, Rwamahungu Richard (Umutoza wongerera abakinnyi imbaraga) ndetse n’umuganga Umulisa Henriette.

Umunyamabanga wa leta muri minisiteri ya siporo ashyikiriza ibendera ikipe y’igihugu

Biteganyijwe ko nyuma yo kuruhuka, abakinnyi bakora imyitozo kuri uyu mugoroba dore ko inama itegura irushanwa (Technical Meeting) iri kuri uyu wa gatanu.

Dore abakinnyi bagize ikipe y’igihugu: MUGISHA Moses (Gisagara Academy) MUGISHA Ganza Josue (GSOB), MPAMBARA Pacifique (Umutara Polytechnic), MUPENDA Nshuti Christian (College Christ Roi), MUNYINYA Mugisha (Rusumo High School), KAYIRANGA Tristan (College Christ Roi), GANZA NOLAN Enzo (NYANZA TSS), NTAYOMBA IGABE GUERVY (GSOB), SHARITA Saidi (G.S ST JOSEPH KABGAYI), MANZI Kevin (Nyanza TSS) BUTERA AIME CHRIS (GISAGARA Academy) KANEZA Hugo Denzel (APE RUGUNGA)

Bamwe mu bakinnyi bagize ikipe y’igihugu

REG WBBC yegukanye igikombe cya shampiyona ku nshuro ya kabiri yikurikiranya

Ni shampiyona yashyizweho akadomo mu ijoro ryo kuri uyu wa gatandatu muri Petit Stade Iremera aho ikipe ya REG WBBC yatsinze Kepler WBBC amanota 54 kuri 51 bituma yuzuza imikino 4 kuri 3 bihwanye n’imikino 7 bagombaga gukina ya kamarampaka (Playoffs-Best Of Seven Series)

Ni shampiyona yatinze kurangira ugereranyije na basaza babo ahanini bitewe nuko ikipe y’igihugu y’abagore yitabiriye imikino ya Afurika ya Afro Basket 2025 muri Nyakanga ndetse naho igarukiye habaho guhangana gukomeye hagati yaya makipe yombi kuko byasabye umukino wa karindwi ngo bakiranuke.

KEPLER WBBC yegukanye umwanya wa kabiri ku nshuro yayo ya mbere ikinnye Final

Ni igikombe cya kabiri ki kurikiranya ikipe ya REG WBBC itwaye, kikaba n’igikombe cya kane muri rusange imaze kwegukana kuva yashingwa muri 2021 Ubwo yari imaze kwihuza na Ubumwe Women Basketball club.

Ni ku nshuro ya mbere ikipe ya Kepler WBBC yari igeze ku mukino wa nyuma muri shampiyona ya Basketball mu Rwanda kuva yashingwa muri 2023.

Muri uyu mukino, ikipe ya REG BBC yegukanye agace ka mbere ku manota 14 ku 10 ya Kepler, agace ka kabiri kegukanwa na KEPLER WBBC ku manota 15 kuri 13 ya REG maze amakipe yombi ajya kuruhuka ari amanota 27 ya REG ku manota 25 ya KEPLER.

Ubwo bavaga kuruhuka, ikipe ya Kepler yahise yegukana agace ka gatatu ku manota 12 kuri 8 ya REG aha ikinyuranyo cyari kimaze kugabanuka ndetse ikipe ya Kepler yongeye kuyobora umukino.

Mu gace kanyuma, ikipe ya Kepler WBBC yakozemo amakosa menshi maze REG yegukana aka gace ku manota 19 kuri 14 ya KEPLER bingana n’amanota 54 kuri 51 y’igiteranyo muri Rusange.

Umunya Malikazi Maiga Kadidia niwe wabaye umukinnyi wahize abandi MVP

Umunya Malikazi Maiga Kadidia niwe wabaye umukinnyi wahize abandi muri iyi mikino ya Kamarampaka (Playoffs)

Umunyarwandakazi Uwimpuhwe Henriette niwe wabaye umukinnyi watsinze amanota menshi kurusha abandi kuko yatsinze amanota 476 muri uyu mwaka.

Umukino wa Kepler na REG wari ukomeye kuko byasabye gukiranurwa n’umukino wa karindwii

Irushanwa SportsBiz Golf Africa Championship, ni irushanwa ryahujwe n’amarushanwa asanzwe ya “Sunshine Tour- East African Swing” asanzwe aba agahuza ibihugu n’abakinnyi bakina Golf muri Afurika y’Epfo n’Iburasirazuba ku nshuro yaryo ya gatanu, aho kuri iyi nshuro iri rushanwa ryatewe inkunga na SportsBiz Africa mu rwego rwo kwitegura Inama y’ubucuruzi na Siporo “SportsBiz Africa forum” izabera mu Rwanda i Kigali kuva tariki ya 9 kugeza tariki ya 10 Nzeri 2025 muri Kigali Convention Center.

Celestin asinya kuri sheke yari amaze guhabwa

Ubwo umukinnyi w’Umunyarwanda Nsanzuwera Celestin yari amaze kwegukana iri rushanwa ahigitse ibihangange birimo n’Umunya Afurika y’ Epfo ’Haydn Porteous’ umaze kwegukana inshuro 2 irushanwa mpuzamanga rya DP World Tour champion, umuyobozi wa Rwanda Golf Union Amb. Bill Kayonga yavuze ko bishimye ndetse ko biteye n’ishema kubona Umunyarwanda yegukanye irushanwa rya SportsBiz Golf Africa Championship.

Ati: “ Turishimye kuba Umunyarwanda ari we wegukanye iri rushanwa, bivuze ikintu kinini kuri Golf yo mu Rwanda kandi si ubwa mbere Celestin yegukana amarushanwa nk’aya yahuje ibihugu bitandukanye kuko iyi ni inshuro ya kabiri ikaba ishuro ya gatatu yegukanye iri rushanwa muri ’Sunshine Tour - East African Swing’, mu nshuro eshanu rimaze gukinwa. Rero turamwishimiye kuba irushanwa ryarabereye hano mu Rwanda rikegukanwa n’Umunyarwanda”

Amb. Kayonga yakomeje avuga ko kwitwara neza kwa Nsanzuwera bikomeje kumugira umukinnyi mwiza muri uyu mukino ndetse ko asigaye yitabira imikino mpuzamahanga.

Ati “ Kwitwara neza kwa Celestin birimo biramufasha kwitabira n’andi marushanwa mpuzamanga nkaho akubutse muri Afurika y’Epfo ndetse ubu agiye kwerekeza muri Uganda aho azava asubira muri Afurika y’ Epfo kandi azakomeza gufashwa kuko ayo mahirwe arayafite, afite ikinyabupfura kandi aracyari muto kuburyo dufite ikizere yuko azaba ambasaderi w’umukino wa Golf mu Rwanda.

Nsanzuwera Celestin yegukanye irushanwa rya SportsBiz Golf Africa Championship ryari rimaze iminsi 3 ribera kuri Kigali Golf Resort & Villas aho yayoboye iri rushanwa kuva ku munsi wa mbere kujyeza risoje.

Iri rushanwa ryitabiriwe n’abakinnyi 120 bakina umukino wa Golf nk’ababigize umwuga baturutse mu bihugu 16, aho ryitabiriwe kandi n’ibihangange muri uyu mukino, biyobowe n’umunya afurika y’ Epfo “Haydn Porteous “ umaze kwegukana inshuro 2 irushanwa mpuzamanga rya DP World Tour champion, ndetse n’abandi bakinnyi bakomeye muri uyu mukino bavuye mu bihugu bitandukanye birimo nibyo mu karere.

Nsanzuwera Celestin nyuma yo kwegukana SportsBiz Golf Africa Championship yahawe igikombe na sheke y’ibihumbi bitanu by’Amadolari.

Abahagarariye igihugu umwaka ushize batarengeje imyaka 18 nibo biganje mu batarengeje imyaka 20

Ni ikipe y’igihugu y’ingimbi zitarengeje imyaka 20 aho bazitabira imikino y’igikombe cy’Afurika (CAVB 2025 African Nations U-20 Championship) izabera i Cairo ho mu gihugu cya Misiri kuva taliki ya 11 kujyeza taliki ya 21 Nzeri 2025.

Ni urutonde rw’abakinnyi 12 baturutse mu bigo by’amashuri bitandukanye aho bari basanzwe bakina amarushanwa ahuza amashuri cyane ayisumbuye.

Iyi kipe y’igihugu y’ingimbi yamaze gutangira umwiherero ndetse ikaba ikomeje n’imyitozo aho ndetse imaze iminsi ikina imikino ya gicuti itandukanye n’amakipe yo mu cyiciro cya mbere yo yitegura umwaka utaha w’imikino.

Dore abakinnyi bari mu mwiherero: MUGISHA Moses (Gisagara Academy) MUGISHA Ganza Josue (GSOB), MPAMBARA Pacifique (Umutara Polytechnic), MUPENDA Nshuti Christian (College Christ Roi), MUNYINYA Mugisha (Rusumo High School), KAYIRANGA Tristan (College Christ Roi), GANZA NOLAN Enzo (NYANZA TSS), NTAYOMBA IGABE GUERVY (GSOB), SHARITA Saidi (G.S ST JOSEPH KABGAYI), MANZI Kevin (Nyanza TSS) BUTERA AIME CHRIS (GISAGARA Academy) KANEZA Hugo Denzel (APE RUGUNGA)

Umutoza Ntawangundi Dominique azungirizwa na Niyonkuru Yves usanzwe utoza Groupe Scholaire officiel de Butare, Rwamahungu Richard ushinzwe kongerera abakinnyi imbaraga ndetse n’umuganga Umulisa Henriette.

Biteganyijwe ko ikipe y’igihugu y’ingimbi izahaguruka i kigali taliki ya 10 Nzeri 2025 yerekeze i Cairo mu Misiri ahazabera iyi mikino y’igikombe cy’Afurika.

Charles Gacheru Umunyakenya ushinzwe ibikorwa no kumenyekanisha irushanwa rya Golf rizwi nka Sunshine Development Tour – East Africa Swing rihuza abakinnyi ba Golf muri a Afurika y’amajyepfo n’iburasirazuba, yagarutse ku byagendeweho bahitamo u Rwanda kuri iyi nshuro yaryo ya gatanu aho yavuze ko hagendewe ku bintu byinshi birangajwe imbere n’ibikorwa remezo, koroshya ingendo, amahoteri ndetse n’ibindi.

Yagize ati “Twagendeye kuri byinshi tuzana iri rushanwa i kigali, nk’uko mubizi Kigali Golf Resort & Villas ni kimwe mu bibuga byiza dufite muri Kano karere, ndetse nanavuga ko ari iya mbere muri Afurika y’Iburasirazuba ndetse no hagati kuko yujuje byose bisabwa kugira ngo yakire irushanwa iryo ari ryo ryose rikomeye rya Golf, rero icyo ni kimwe mu byo twagendeyeho”

Charles Gacheru yakomeje avuga ko n’ibindi bikorwa remezo biboneka mu Mujyi wa Kigali, biri mu byagendeweho.

Ati “Kwakira irushanwa nk’iri ntabwo bigarukira ku kibuga cyiza gusa, ahubwo harebwa n’ibindi nk’amahoteri, uburyo bw’ingendo ku bakinnyi n’ababaherekeza kuza mu irushanwa kandi ibyo byose u Rwanda rurabyujuje kuko ntitwakwirengagiza ko u Rwanda ari Igihugu kimaze kwerekana ko gifite ubushobozi bwo kwakira imikino n’inama mpuzamahanga kandi bikagenda neza. Nari mu Rwanda ubwo habaga kongere (congress) ya FIFA, Inteko rusange ya FIA, BAL, Tour Du Rwanda n’ibindi bikorwa bitandukanye kandi byose byagenze neza. Rero ibyo byose byatumye tuza mu Rwanda”.

Umunyarwanda Celestin Nsanzuwera akomeje kuyobora irushanwa

Irushanwa Golf SportsBiz Africa Championship rigeze ku munsi waryo wa kabiri aho kugeza ubu umunyarwanda Celestin Nsanzuwera akiyoboye abandi mu gihe habura umunsi umwe ngo rishyirweho akadomo.

Umunyakezakazi Naom Wafula ari mu barimo kwitwara neza

Ni irushanwa ryateguwe ndetse rihuzwa n’inama y’ubucuruzi na Siporo “SportsBiz Africa forum” izabera mu Rwanda i Kigali kuva tariki ya 9 kugeza ku ya 10 Nzeri 2025 muri Kigali Convention Centre.

Iri rushanwa kandi ryitabiriwe n’ibihangange muri uyu mukino, biyobowe n’Umunya Afurika y’Epfo ’Haydn Porteous’ umaze kwegukana inshuro 2 irushanwa mpuzamanga rya DP World Tour champion, ndetse n’abandi bakinnyi bakomeye muri uyu mukino bavuye mu bihugu bitandukanye birimo n’ibyo mu karere.

Irushanwa Golf SportsBiz Africa Championship rigeze ku munsi waryo wa kabiri

Ni irushanwa mpuzamahanga ryatangiye kuri uyu wa gatatu taliki 3 Nzeri kuri Kigali Golf Resort & Villas, aho binyuze muri Sunshine “Development Tour” irushanwa risanzwe rihuza abakinnyi ba Golf muri afurika y’amajyepfo n’iburasirazuba ku nshuro yaryo ya gatanu, ryahuje abakinnyi 120 bakina umukino wa Golf nk’ababigize umwuga baturutse mu bihugu 16 bitandukanye aho rizabafasha no kuzamura amanota ku rutonde mpuzamahanga.

Ni irushanwa ryateguwe ndetse rihuzwa n’inama y’ubucuruzi na Siporo “SportsBiz Africa forum” izabera mu Rwanda i Kigali kuva taliki ya 9 kujyeza taliki ya 10 Nzeri 2025 muri Kigali Convention Centre. Iri rushanwa kandi ryitabiriwe n’ibihangange muri uyu mukino, biyobowe n’umunya afurika yepfo “Haydn Porteous “ umaze kwegukana inshuro 2 irushanwa mpuzamanga rya DP World Tour champion, ndetse n’abandi bakinnyi bakomeye muri uyu mukino bavuye mu bihugu bitandukanye birimo nibyo mu karere.

Iri rushanwa, ryatangiye kuri uyu wa gatatu taliki ya 3 Nzeri rikazageza taliki ya 5 Nzeri kuri Kigali Golf Resort & Villas, mbere ho iminsi micye ngo inama ya “SportsBiz Africa forum” itangire.

Ni irushanwa kandi ryashyizwe ku ngengabihe y’amarushanwa asanzwe ya Sunshine Development Tour – East Africa Swing, aho biteganyijwe ko hazanatangwamo asaga miliyoni 36 z’amafaranga y’u Rwanda nk’ibihembo by’abatsinze.

Umunyarwanda Nsanzuwera Celestin wasoje umunsi wa mbere ayoboye abandi.

Nsanzuwera Celestin umunyarwanda wasoje umunsi wa mbere ayoboye, avugako gukinira murugo byamufashije cyane ndetse akomoza no kunama y’ubucuruzi na siporo nibyo abona yafasha muruganda rwa siporo.

“kujyeza ubu ninjye uyiboye nubwo irushanwa aribwo rigitangira gusa mfite ikizere ko ngomba gukomeza kwitwara neza kuko ndi murugo”

Celestin akomeza avuga ko siporo n’ubucuruzi bikwiye kudasigana aho isi igeze.

Ati “Aho isi igeze cyane mu isi ya siporo, ubucuruzi na siporo birajyana, urugero nkatwe iyo twagiye gukina imikino mpuzamahanga, hari amakompanyi adutera inkunga maze natwe tukayamamaza ku myenda twambaye bityo bikagufasha kwitegura neza kubijyanye n’ubushobozi ndetse ukagira nicyo winjiza bitavuye mu gukina gusa”

Usibye Haydn Porteous ukomoka muri afurika yepfo wegukanye DP World Tour champion inshuro 2, Celestin Nsanzuwera ukomoka mu Rwanda wegukanye Johnnie Walker Classic i Diani muri Kenya, Njoroge Kibugu ukomoka muri Kenya wegukanye ishuro 2 SunDev Tour uyu mwaka, ni abandi bakinnyi nabo bo kwitega.

Si abagabo gusa bahanzwe amaso muri iri rushanwa kuko n’umunyafurikayepfokazi Ivanna Samu, umunyakenyakazi Naomi Wafula, umugandekazi Irene Nakalembe ndetse n’umunyarwandakaz ukiri muto Noeline Narubega nabo baritezwe cyane muri iri rushanwa.

Zimwe mu ntego ziri rushanwa ni uguhuza abakinnyi bakomeye muri uyu mukino no kuzamura u rwego rwabo ku rwego mpuzamahanga, ndetse no kugaragaza u Rwanda nk’igicumbi cyo kwakiriramo imikino mpuzamahanga.

Ni amahugurwa yari amaze iminsi ine aho yatangwaga n’impuguke muri uyu mukino akaba n’umuyobozi wungirije ushinzwe tekinike mu ishyirahamwe ry’umukino wa Thriatron mu gihugu cy’ubufaransa Laurent Masaias.

Perezida w’ishyirahamwe ry’umukino wa Triathlon mu Rwanda Mbaraga Alex avuga ko intego nyamukuru yayo ari ukongerera no guha abatoza bashya ubumenyi kugira ngo bakurikirane impano z’abana bakiri bato.

Yagize ati “Amahugurwa twari tuyamazemo iminsi ine, ni amahugurwa yari afite intego zo kongerera ubumenyi abatoza dusanzwe dufite ndetse no guha ubumenyi abatoza bashya bityo bakadufasha gukurikirana impano z’abakinnyi.”

Mbaraga akomeza asobanura impamvu aya mahugurwa yazanywe mu ntara y’iburengerazuba, aho yagize ati “ni mu rwego rwo kwegera cyane impano zo muri utu turere by’umwihariko dukora ku mazi kuko nk’uko mubizi Triathlon ni umukino ukoresha amazi. Rero nituba dufite abatoza muri utu turere twa Karongi, Rutsiro, Rubavu na Nyamasheke, bizadufasha cyane kubona abana bazahagararira n’igihugu mu mikino itandukanye”

Ni amahugurwa yitabiriwe n’abatoza 21 barimo 4 bakomoka mu gihugu cya DR Congo, akaba yasojwe n’irushanwa nk’umwitozo wo gushyira mu ngiro ubumenyi abatoza ba Triathlon bari bamaze iminsi bahabwa.

n’ishyirahamwe ryuyu mukino ukomatanyije (Koga, Kunyonga igare ndetse no gusiganwa ku maguru).

Abakinnyi bitabiriye iri rushanwa ni 21 baturutse mu turere twa Karongi,Rubavu ndetse no muri DR Congo.

Umukino wa Triathlon umaze imyaka 13 ugeze mu Rwanda usibye imikino y’imbere mu gihugu na mpuzamahanga, uyu mukino umaze kunguka abatoza 41 bari hirya no hino mu gihugu mu makipe atandukanye.

Nyuma yo gutsindwa na Police FC, ikipe ya APR FC ntirabona intsinzi nimwe mu mikino ibiri imaze gukina kuko yatsinzwe na AS Kigali kuri penaliti 4-3 mu mukino uheruka kubahuza.Ni umukino watangiye amakipe yombi ashaka amanota atatu kuko bombi batakaje imikino ibanza aho Police FC yatsinzwe na AZAM FC naho APR FC yo igatsindwa na AS Kigali.

Ni umukino kandi abatoza bombi bari bakoze impinduka nkaho kuri Police FC umutoza Ben Mussa yari yakoze impinduka eshatu cyane hagati ndetse no mu busatirizi.Uyu mutoza yakoze impinduka zirimo Henry Musanga, Mugiraneza Froduard ndetse na Emmanuel Okwi wari wasimbuye Ani Elijah.

Ku ruhande rwa APR FC, Abderrahim Taleb umutoza wa APR FC we yari yakoze impinduka imwe gusa aho yari yaruhukije Djibril Ouattara yinjizamo Hakim Kiwanuka.Igice cya mbere cy’umukino, cyatangiranye imbagara ku mpande zombi ubona buri ruhande rushaka gutsinda hakiri kare gusa abugarira bakomeza kuzibira neza byanatumye umupira usa nukinirwa hagati cyane.

Ku munota wa 37 w’umukino nyuma yo gusatira cyane kw’abasore ba Police FC ndetse n’amakosa y’umunyezamu Ishimwe Pierre, Byiringiro Lague wahoze no muri APR FC yatsindiye Police FC igitego cya mbere ahita anahabwa ikarita y’umuhondo nyuma yo kujya kwishimira igitego mu bafana.

Ku munota wa 44 ku makosaya myugariro wa POLICE FC Nzotanga, ikipe ya APR FC yishyuye igitego cyatsinzwe na rutahizamu William Togui.Mu ntangiriro z’igice cya kabiri, nta mpinduka zakozwe ku mpande zombi, gusa APR FC wabonaga ariyo yatangiranye imbaraga nyinshi.

Nyuma y’imvune yagize, Mugiraneza Froduard yasohotse mu kibuga maze asimburwa na Leonard Gakwaya, umukinnyi Police FC yakuye muri Bugesera FC uyu mwaka. Police FC yongeye gukora impinduka ikuramo rutahizamu Emmanuel Arnord Okwi yinjizamo Mugisha Didier naho Muhozi Fred asimbura Kwitonda Alain.

Ku munota wa 72 w’umukino, ikipe ya APR FC yaje kubona igitego cya kabiri cyatsinzwe na rutahizamu Mamadou Sy ku burangare bwaba myugariro ba Police FC.kipe ya APR FC yabaye nkigaruka mu mukino neza ndetse ikomeza kuwugenzura bigaragara.Ku kazi gakomeye kakozwe naba rutahizamu ba Police FC, Muhozi Fred yatsindiye Police FC igitego cyo kwishyura ku munota wa 77 w’umukino muri rusange.

Ku munota wa 80 nyuma y’iminota itatu gusa Police FC itsinze igitego cyo kwishyura, Mugisha Didier yatsindiye igitego cya gatatu ikipe ya Police FC.APR FC yakomeje gukora impinduka gusa ntacyo byahinduye.Ku munota wa gatanu w’inyongera, ikipe ya Police FC yongeye gukora impinduka Byiringiro Lague asohoka mu kibuga asimburwa na Iradukunda Simeon gusa umukino urangira Police FC yegukanye umukino itsinze ibitego 3-2.

Bidasubirwaho ikipe ya APR ntacyo yakora ngo yegukanye igikombe cy’irushanwa yiteguriye nubwo igifite umukino izakina na AZAM FC ku Cyumweru.

Nyuma yo gutsinda ikipe ya APR FC ku munsi wa mbere w’irushanwa ry’Inkera y’Abahizi penaliti 5-4, ikipe ya AS Kigali yongeye kubona amanota atatu itsinda AZAM FC yo muri Tanzania igitego 1-0 bisiga yuzuza amanota atandatu mu gihe isigaje umukino umwe izahuramo na Police FC.Ni umukino watangiye ubona ikipe ya AZAM FC ariyo ihabwa amahirwe kuko AS Kigali y’umutoza Shaban Mbarushimana ikinira inyuma cyane.

Ku munota wa 40 w’umukino, ikipe ya AS Kigali yabaye nkikanguka maze itangira gusatira nkaho rutahizamu wayo Iyabivuze Osée wari wahinduranyije umwanya na Dushimimana Olivier "Muzungu" yarekuye ishoti rirerire ariko umunyezamu wa AZAM FC agatabara bigorange akarikuramo.

Ku munota wa 42, rutahizamu Rudasingwa Prince yashyizwe hasi n’umunyezamu Yassin ageze mu rubuga rw’amahina, umusifuzi Uwikunda Samuel ahita atanga penaliti yatewe neza n’uyu musore wahise atsinda igitego cya mbere muri uyu mukino cyari icya kabiri amaze gutsinda muri iri rushanwa ubariyemo na nicyo yatsinze APR FC n’ubundi kuri penaliti.

Igice cya kabiri cyaranzwe no gukora impinduka zitandukanye ku makipe zombi gusa zitagize icyo zihindura mu mukino ku musaruro wari wabonetse mu gice cya mbere kuko umukino warangiye AS Kigali itsinze AZAM FC igitego 1-0.

Ikipe ya AS Kigali, izakurikizaho ikipe ya Police FC FC ku cyumweru tariki ya 24 Kanama 2025 mu gihe ikipe ya AZAM izakina na APR FC kuri uwo munsi, imikino yose izabera muri Stade Amahoro.

Wari umukino wa kabiri muri iri rushanwa ryo gufasha amakipe kwitegura umwaka w’imikino 2025-2026 aho wabanjirijwe n’umukino ikipe ya APR FC yatsinzemo Power Dynamos yo muri Zambia ibitego 2-0 ku cyumweru taliki ya 17 Kanama kuri Stade Amahoro.

Uyu kandi wari umukino wa gatanu ku ikipe ya Police FC itozwa n’Umunya-Tunisia Ben Moussa nyuma yo gukina na Marine FC, Rutsiro FC, Intare FC ndetse na APR FC aho muri iyi yose yatakajemo umwe batsinzwemo na Intare FC.

Ni umukino ikipe ya Police FC yari ifite abakinnyi batatu bashya yaguze uyu mwaka barimo Gakwaya Leonard bakuye muri Begesera FC, Kwitonda Alain na Nzotanga bavuye mu ikipe ya APR FC, iwutangira ibonana neza ariko AZAM FC ubona ikinira inyuma.

Nyuma yo kumara umwanya munini imbere y’izamu rya AZAM FC, ku mupira mwiza yahawe na Elijah Ani, ku munota wa 20 w’umukino Kwitonda Alain yahise afungura amazamu ku ruhande rw’ikipe ya Police FC.

Mbere yuko igice cya mbere kirangira ku munota wa 37 ikipe ya AZAM FC yishyuye igitego cyatsinzwe na rutahizamu wiyi kipe Tepsie Evance, igice cya mbere kirangira amakipe yombi anganya igitego 1-1.

Mu gice cya kabiri amakipe yagiye akora impinduka ku mpande zombi ariko ntacyo byahinduye ku musaruro mbumbe wari wabonetse mu gice cya mbere.Umukino ukirangira, amakipe yombi yahise ajya gutera penaliti nkuko amabwiriza yiri rushanwa abigena maze AZAM FC yinjiza enye kuri eshatu za naho Police FC(4-3).

Mu bakinnyi ba POLICE FC binjije penaliti zabo ni Emmanuel Okwi, Issah Yakubu, ndetse na Byiringiro Lague mu gihe Ndayishimiye Dieudonne Nzotanga ndetse na Muhadjili Hakizimana bazihushije.

Azam FC izongera gukina ku wa kane w’iki Cyumweru ikina na AS Kigali mu gihe Police FC ihure na APR FC.

Kantore Sandra (Do Me) ashaka inzira

Wari umukino wa kane muri itanu amakipe yombi yagombaga gutanguranwa, kugira ngo hamenyekane uwerekeza ku mukino wa nyuma aho ikipe ya Kepler itatumye imikino itanu igera kuko itsinzi yo kuri iki cyumweru y’amanota 72 kuri 47, yuzuzaga intsinzi ya 3 mu gihe ikipe ya APR yo yatsinze umukino umwe rukumbi.

Uyu mukino ikipe ya Kepler ni yo yawihariye wose, kuko uduce tune tugize umukino, yatwegukanye twose.

Agace ka mbere, ikipe ya Kepler yakegukanye ku manota 16 kuri 15, agace ka kabiri ku manota 13 kuri 3 maze amakipe yombi ajya kuruhuka Kepler iri imbere n’igiteranyo cy’amanota 29 kuri 18.

Bakiva kuruhuka, ikipe ya Kepler yakomerejeho maze agace ka gatatu ikegukana ku manota 16 kuri 13, naho aka nyuma ikegukana ku manota 27 kuri 16.

Ikipe ya Kepler WBBC ni ku nshuro ya mbere igeze ku mukino wa nyuma muri shampiyona y’icyiciro cya mbere, aho izacakirana na REG WBBC yo yageze ku mukino wa nyuma isezereye ikipe ya The Hoops Rwanda, nyuma yo kuyitsinda imikino 3-0.

Ni iki cyahindutse ku ruhande rwa Kepler WBBC?

Nubwo umwaka usanzwe (regular season) utabaye mubi ku ikipe ya Kepler kuko yasoreje ku mwanya wa kabiri, ariko yanongeyemo imbaraga mu ikipe yayo nka bimwe mu byatumye igira umusaruro mwiza mu mikino yankamarampaka.

Bamwe mu bakinnyi bongewe muri iyi kipe ndetse bakanayifasha ni nk’Umunya- Mali Traore Aichata ndetse n’Umunyamerikakazi Young Desi-Rae Yvonne, wanatsinze amanota menshi kuva iyi mikino yatandira kurusha abandi, ndetse n’umutoza Luis Lopez Hernandez.

Young Desi-Rae Yvonne umwe mu bakinnyi ba Kepler bagoye APR muri iyi mikino

U Rwanda rwasezerewe rudatsinze umukino numwe

Nyuma yo gutsindwa na Cape Verde amanota 75 kuri 62 mu mikino y’amatsinda, byatumye u Rwanda rusoza urugendo rwarwo ku mwanya wa nyuma mu itsinda rya mbere (Group A) n’amanota 3 ruhita runasezererwa.

Muri iri rushanwa, u Rwanda rwatsinzwe na Ivory Coast amanota 78 kuri 70 mu mukino ubanza, mu mukino wa kabiri rwongeye gutsindwa na DR Congo amanota 65 kuri 58, ndetse na Cape Verde yatsinze u Rwanda amanota 75 kuri 62.

Ibi bije nyuma y’aho n’ikipe y’Igihugu y’abagore na yo ikubutse mu gikombe cy’Afurika (Afrobasket) mu gihugu cya Ivory Coast na yo nta ntsinzi, kuko yasoreje ku mwanya wa nyuma mu itsinda rya kane (Group D) n’amanota 2, ndetse inanirwa no kurenga umukino wa kamarampaka (Playoffs), aho yatsinzwe na Senegal amanota 80 kuri 37.

Ikipe y’Igihugu yasubiye inyuma ugendeye ku mibare

Mu gikombe cy’Afurika giheruka cya 2023 mu bagore cyabereye i kigali, ikipe y’Igihugu y’abagore yari yasoreje ku mwanya wa kane nyuma yo kugera muri 1/2 ariko ntibaharenge, umusaruro utari mubi.

Nk’uko bigaragara ku rutonde rw’impuzamashyirahamwe y’umukino wa Basketball ku Isi, rwasohotse tariki ya 8 Kanama, ikipe y’Igihugu y’u Rwanda mu bagabo iri ku mwanya wa 15 muri Afurika, ikaba n’iya 93 ku rutonde rw’Isi.

Mu cyiciro cy’abagore, u Rwanda ruri ku mwanya wa 11 muri Africa na 72 ku Isi, rukaba no mu bihugu nibura bitanu byatakaje amanota kuko rwatakaje 7.

Imibare ikomeza igaragaza ko nibura mu myaka itatu ishize, usibye ikipe y’abagore, iy’abagabo yagiye isubira inyuma ugereranyije n’aho yari iri.

Umwaka utarabaye mwiza ku makipe y’Igihugu mu gikombe cy’Afurika.

Ni umukino uri butangize icyiswe ‘Inkera y’Abazi’ yateguwe na APR FC izaba igizwe n’imikino itandukanye ya gicuti, izahuza amakipe yo mu Rwanda, Tanzania ndetse na Uganda.

Mu makipe azitabira iri rushanwa, harimo APR yariteguye, AS Kigali na Police zo mu Rwanda, Power Dynamos, Azam FC yo muri Tanzania na Vipers yo muri Uganda.

Ikipe ya APR FC imaze iminsi ikina imikino ya gicuti itandukanye hano imbere mu gihugu, yitegura shampiyona y’umwaka utaha ndetse n’imikino ya CAF Champions League.

Shampiyona ya Volleball yahinduriwe uburyo izakinwamo

Ku murongo w’ibyari bitegerejwe cyane, ni ukumenya igihe shampiyona y’umwaka utaha w’imikino 2025-2026 izatangirira, amatora ya komite nyobozi ndetse n’utuntu n’utundi.

Ikijyanye n’igihe umwaka mushya w’imikino 2025-2026 uzatangirira, Inteko rusange yemeje ko umwaka w’ikino mushya uzatangira tariki ya 17 Ukwakira 2025. Inteko rusange kandi yunzemo yemeza ko mu gihe cy’imikino ya kamarampaka (Playoffs), amakipe azajya atanguranwa imikino 5 aho kuba imikino 3 nk’uko byari bisanzwe.

Undi mwanzuro wafatiwe muri iyi nama y’Inteko rusange wari uteganyijwe, ni ukumenya igihe amatora ya komite nyobozi azabera, mu gihe komite icyuye igihe manda yabo irimo kurangira, inama y’Inteko rusange yemeje ko amatora ya komite nshya azaba tariki ya 20 Nzeri 2025.

Inama y’Inteko rusange yemeje ko umwaka utaha w’imikino uzatangira tariki ya 17 Nzeri 2025

Undi mwanzuro wafashwe n’inama y’Inteko rusange, ni uko ubuyobozi bw’inteko rusange bwasheshwe, aho ubu byose byashyizwe muri komite nyobozi ya federasiyo.

Muri iyi nama kandi, hemejwe abanyamuryango bashya barimo TSS Mutenderi yo mu Karere ka Ngoma, ndetse na Bukora Secondary School yo mu Karere ka Kirehe.

Geoffrey Zawadi usanzwe uri Perezida wungirije ushinzwe amarushanwa muri Federasiyo ya Volleyball

Wari umukino ukomeye ku mpande zombi

Wari umukino wa gatatu muri rusange muri itanu bagomba gutanguranwa, kugira ngo hamenyekane uwerekeza ku mukino wa nyuma, aho APR WBBC yabonye intsinzi ya mbere mu gihe Kepler yo ifite intsinzi ebyiri ,bivuze ko yaburaga umukino umwe gusa.

Gutsinda kwa APR WBBC byatumye igira intsinzi imwe bivuze ko nibura isabwa gutsinda undi mukino, maze bagategereza umukino wa kamarampaka uwawutsinda agahita yerekeza ku mukino wa nyuma, agasangayo ikipe ya REG WBBC yo yaraye igezeyo nyuma yo gusezerera The Hoops Rwanda iyitsinze imikino 3-0.

Muri uyu mukino, ikipe ya APR ni yo yihariye uduce twose tw’umukino, kuko yegukanye uduce dutatu muri tune tuba tugize umukino, naho Kepler yo ikegukana agace ka kane ku manota 20 kuri 18 ya APR, ariko bitagize icyo biyifasha kuko umukino warangiye ari amanota 77 kuri 71 n’ikinyuranyo cy’amanota 6.

APR WBBC yabonye intsinzi yayo ya mbere bigarura ikizere

Nk’uko amaze iminsi abigaragaza, Umunyamerikakazi Young Desi-Rae Yvonne ukinira ikipe ya Kepler BBC, yongeye kwitwara neza maze atsinda amanota 27 wenyine muri uyu mukino.

Umukino wa kane, uteganyijwe kuri iki Cyumweru tariki ya 17 Kanama 2025 muri Petit Stade i Remera .

REG WBBC yo yerekeje ku mukino wa nyuma isezereye ikipe ya The Hoops ku mikino 3-0

William Robeyns w’u Rwanda ashakisha inzira

Ni umukino u Rwanda rwatsinzwemo na DR Congo amanota 65 kuri 58, bituma rwuzuza imikino 2 nta ntsinzi mu itsinda rya mbere riyobowe na DR Congo.

Ni umukino watangiye neza ku ikipe ya DR Congo kuko ari na yo yegukanye agace ka mbere n’amanota 26 kuri 18 y’ u Rwanda ,ndetse n’agace ka kabiri ku manota 11 kuri 6.

Ubwo amakipe yombi yari avuye kuruhuka, ikipe y’Igihugu y’u Rwanda yegukanye agace ka gatatu n’amanota 19 kuri 14 ya DR Congo ,byatumye ndetse n’ikinyuranyo kigabanuka.

Mu gace ka kane ari nako ka nyuma, ikipe y’u Rwanda yongeye kukegukana ku manota 15 kuri 14 ariko ntibyatuma yegukana intsinzi, kuko umukino warangiye ari amanota 65 ya DR Congo kuri 58 y’u Rwanda.

U Rwanda rutakaje umukino wa kabiri nyuma yo gutsindwa na Ivory Coast

Nyuma yo gutsindwa umukino wa kabiri wikurikiranya, amahirwe yo kwerekeza muri 1/4 ku Rwanda yagabanutse, mu gihe rusigaje gukina na Cape Verde itaratakaza umukino muri iri rushanwa.

U Rwanda ruri mu itsinda rya mbere hamwe na Ivory Coast, Cape Verde ndetse na DR Congo, aho u Rwanda ubu ruri ku mwanya wa 3 n’amanota 2.

U Rwanda ruzagaruka mu kibuga ku Cyumweru tariki ya 17 Kanama 2025, rukina na Cape Verde.

U Rwanda ruzahura na Cape Verde mu mukino wa nyuma mu itsinda

Ni igikorwa cyabaye muri iki gitondo aho cyitabiriwe n’abakinnyi, abatoza n’abayobozi ba Young Africans bagera kuri 40, barimo abakinnyi 22 ndetse n’abatoza kongeraho abayobozi n’ababaherekeje 18.

Young Africans iri mu Rwanda aho yitabiriye ubutumire bwa Rayon Sports mu mukino wa gicuti, uzabahuza kuri uyu wa Gatanu tariki 15 Kanama 2025.

Ni umukino wahujwe n’umunsi w’Igikundiro (Rayon Sports Day), aho iyi kipe yambara ubururu n’umweru imurikiramo abakinnyi ndetse n’imyambaro izakoresha mu mwaka w’imikino 2025-2026.

Biteganyijwe ko nyuma ikipe ya Young Africans iza gusura umudugudu wubakiwe abacitse ku icumu rya Jenoside yakorewe Abatutsi, uherereye i Kinyinya mu Mujyi wa Kigali.

Hamwe n’ubuyobozi bwa Rayon Sports, iyi kipe irateganya guhura na Minisitiri wa Siporo mu Rwanda, ibi bikaza gukurikirwa n’ikiganiro n’itangazamakuru ndetse n’imyitozo.

Umukino uzahuza Rayon Sports na Young Africans, uteganyijwe kuri uyu wa gatanu tariki ya 15 kanama ku isaha ya saa kumi n’ebyiri z’umugoroba, kuri Stade Amahoro i Remera.

VIDEO - Ikipe ya Young Africans yo muri Tanzania yasuye urwibutso rwa Jenoside yakorewe Abatutsi ruri ku Gisozi ruruhukiyemo imibiri y'abasaga ibihumbi 250 bazize Jenoside yakorewe Abatutsi mu 1994.

Iyi kipe iri mu Rwanda aho ifitanye umukino wa gicuti na Rayon Sports FC kuri… pic.twitter.com/Xj9CYgWXXT

— Kigali Today (@kigalitoday) August 14, 2025

Ni umukino wari wegeranye ariko u Rwanda ntirwahiriwe n’agace ka nyuma

Wari umukino wa mbere mu itsinda rya mbere (group A), aho ikipe y’Igihugu yari yatangiye icakirana na Ivory Coast ariko bikarangira itakaje umukino wa mbere, bitumye ihita ijya no ku mwanya wa nyuma nubwo amakipe ya Cape Verde na DR Congo basangiye itsinda atarakina.

Ni umukino wari wegeranye cyane kuva watangira, dore ko n’agace ka mbere karangiye amakipe yombi anganya amanota 14 kuri 14.

U Rwanda rwaje kwegukana agace ka kabiri n’amanota 23 kuri 22, bivuze ko harimo ikinyuranyo cy’inota rimwe gusa.

Ntore Habimana w’u Rwanda agenzura uko bagenzi be bahagaze

Agace ka gatatu kegukanywe n’ikipe ya Ivory Coast itsinze u Rwanda amanota 21 kuri 18, aha wabonaga ko nanone hatarajyamo ikinyuranyo cy’amanota menshi ku mpande zombi.

Agace ka kane ari nako ka nyuma, ntabwo kahiriye ikipe y’u Rwanda kuko iya Ivory coast yakegukanye ku manota 21 kuri 15 y’u Rwanda.

Muri uyu mukino, umukinnyi Matt Costello w’ikipe ya Ivory Coast ni we watsinze amanota mpenshi kuko yatsinze 27, akurikirwa na Ntore Habimana w’u Rwanda we watsinze amanota 21.

U Rwanda ruzagaruka mu kibuga ku wa gatanu tariki ya 15 Kanama 2025 saa kumi n’imwe z’umugoroba, iyi mikino ikaba irimo kubera muri Angola.

Ikipe y’Igihugu y’u Rwanda ntiyatangiye neza igikombe cy’Afurika

Kepler yatangiye neza imikino ya kamarampaka

Ikipe ya REG WBBC yabaye iya mbere mu mwaka w’imikino usanzwe (regular season), yatsinze The Hoops Women Basketball Club yo yari yarabaye iya kane, amanota 83 kuri 50.

Ikipe ya REG WBBC ni yo yihariye umukino aho yayoboye uduce twose tugize umukino ku manota 16 kuri 12, 17 kuri 14, 19 kuri 16 ndetse na 31 ku mnota 8.

Mu mukino wakurikiye, ikipe ya Kepler WBBC yabaye iya kabiri mu mwaka w’imikino usanzwe, yatsinze APR WBBC amanota 65 kuri 46, imikino yose yabereye muri stade nto y’iremera.

Muri uyu mukino, ikipe ya Kepler na yo yihariye umukino wose, aho yegukanye uduce twose. Agace ka mbere, ikipe ya Kepler yakegukanye ku manota 22 kuri 10, agace ka kabiri ku manota 16 kuri 15, agace ka gatatu ku manota 13 kuri 9 naho agace ka nyuma Kepler ikegukana ku manota 14 kuri 12.

REG WBBC yatsinze The Hoops

Mu mukino wahuje ikipe ya REG WBBC, umunya Mali Maiga Kadidia ni we mukinnyi watsinze amanota menshi, kuko yatsinze 18 agakurikirwa na Mugisha Vivine wa The Hoops we watsinze amanota 16.

Ku ruhande rw’ikipe ya Kepler na APR, Kamba Diakite na we ukomoka muri Mali, ni we watsinze amanota menshi kuko yatsinze 20 wenyine muri uyu mukino, akurikirwa na Uwimpuhwe Henriette wa Kepler we watsinze 19.

Ni imikino ibanza ya kamarampaka (Playoffs), aho amakipe agomba gutanguranwa imikino 5 kugira ngo yizere kwerekeza mu cyiciro cya nyuma (Final Phase).

Umukino wa kabiri, uteganyijwe kuri uyu wa gatatu tariki ya 13 Kanama 2025 muri Petit Stade.

Diakite Kamba wa APR ahanganye n’abakinnyi ba Kepler

Bugesera FC yabonye umufatanyabikorwa mushya

Aya masezerano azamara imyaka ibiri aho buri mwaka iyi kipe izajya ihabwa Miliyoni 50 z’Amafaranga y’u Rwanda mu gihe kingana n’imyaka ibiri. Ni ukuvuga angana na Miliyoni 100 mu myaka ibiri.

Uyu mufatanyabikorwa binyuze mu ishami rye rya Cooko Inkoko Koko, azajya agaragara ku myambaro ya Bugesera FC mu mwaka w’imikino wa 2025-2026 ndetse na 2026-2027.

Umuyobozi wa Poultry East Africa Limited, Shumei Lame yavuze ko akunda akarere ka Bugesera

Umuyobozi wa Bugesera FC, Rutayisire Jackson nyuma yo gusinya amasezerano

Umuyobozi w’akarere ka Bugesera, Mutabazi Richard yerekana umwambaro ikipe ya Bugesera izambara

VIDEO - Ikipe ya Bugesera FC yasinyanye amasezerano y’ubufatanye na Kompanyi ya Poultry East Africa Limited ifite ishami ricuruza inyama z’inkoko ya "Cooko Inkoko Koko".

Aya masezerano azamara imyaka ibiri, afite agaciro ka miliyoni 100 Frw, bivuze ko buri mwaka iyi kipe izajya… pic.twitter.com/SWzF8mBhJ3

— KT Radio (@ktradiorw) August 8, 2025

Cyishatse Herve usanzwe ukinira REG Basketball ni umukinnyi ngenderwaho wa BK

Nk’uko bitangazwa na Crystal Event ihagarariwe na Haguma Natasha, ifatanyije na Rwanda Bankers Association (RBA), imikino ihuza abakozi ba za banki (Interbank Sports Tournament) umwaka wa 2025, iratangira kuri uyu wa Gatandatu tariki 2 Kanama kuzageza ku ya 6 Nzeri 2025.

Nk’uko iyi mikino iba buri mwaka, aho iba igamije gutuma abakozi ba za banki bagira ubuzima bwiza binyuze muri siporo, gukorera hamwe, ubumwe ndetse n’ubufatanye mu rwego rwo kuzamura urwego rw’amabanki mu Rwanda.

Uko umwaka ushira undi ukaza, ubona iyi mikino igenda irushaho gukomera ndetse ubu hakaba hari n’igitekerezo cy’uko yaba mpuzamahanga, aho abakozi ba za banki zo mu bindi bihugu bazajya baza gukina mu Rwanda.

Kugeza ubu usanga iyi mikino igaragaramo abakinnyi batandukanye bafite amazina azwi cyane, mu byiciro bitandukanye by’ababigize umwuga ariko batagikina, ndetse n’abandi bagikina nk’ababigize umwuga ariko bahawe akazi muri Banki zitandukanye, aho na bo ari abakozi bahoraho bazo.

Umupira w’amaguru

Mu cyiciro cy’umupira w’amaguru uhasanga ihangana rikomeye, ndetse yewe usanga za banki zimwe zaragiye zitanga akazi ku bakinnyi batakibona umwanya cyane mu cyiciro cy’ababigize umwuga. Urugero nka Ntaribi Steven waciye mu makipe nka APR ndetse na Musanze, Habyarimana Innocent (Dinaria) wakiniye amakipe nka AS Kigali, Police FC, APR FC ndetse na Kiyovu Sports, Kayumba Sotheri waciye mu makipe nka AS Kigali, Rayon Sports, AFC Leopards ndetse na Mukura Victory Sports.

Habyarimana Innocent (Dimaria) wakiniye amakipe nka APR ni umukozi wa Equity Bank

Habamahoro Vicent wanyuze mu makipe nka Pepinières FC, Kiyovu SC, AFC Leopards (Kenya), Mukura VS, Sunrise FC ndetse n’izindi, Idesbald Nshuti wigeze gukinira Police FC, Bertin Dusenge wabaye rutahizamu wa Gicumbi, Mudeyi Akite n’abandi bakinnyi bakanyujijeho muri Ruhago, abenshi babarizwa muri iyi mikino.

Basketball

Kuko bo byemewe kubifatanya no gukina nk’ababigize umwuga, usanga abakinnyi basanzwe bakina mu cyiciro cya mbere ari n’abakozi bahoraho muri izi banki, aha twavuga nka Shyaka Olivier umukinnyi w’ikipe ya REG Basketball Club, Niyonsaba Bienvenue waciye mu makipe nka APR BBC ubu akaba ari umukinnyi wa Patriots BBC, Icyishatse Herve ndetse n’abandi.

Volleyball

Abenshi mu bakinnyi bagaragara muri iri rushanwa, basanzwe ari abakinnyi mu cyiciro cya mbere aho bakina nk’ababigize umwuga, ariko babifatanya no kuba abakozi ba banki, aha twavuga nka Niyonshima Samuel ukinira APR, Habanzintwari Fils ubu ushizwe ubuzima bw’abakinnyi ba APR, Mipangoyamungu ukinira EAUR, Muvunyi Fred na we ukinira EAUR, Murangwa ndetse n’abandi.

Uyu mwaka hitabiriye banki icyenda, aho zizahatana mu byiciro bine aribyo umupira w’amaguru (Football), Basketball, Volleyball ndetse no koga (swimming).

Iyi mikino izajya ibera ku bibuga byo mu Mujyi wa Kigali aribyo Tapis Vert (Football), Lycée de Kigali (Basketball), Maison des Jeunes Kimisagara (Volleyball) ndetse na Green Hills Academy (Koga).

Natasha Haguma uhagarariye Crystal Event itegura aya marushanwa, muri tombora y’uko amakipe azahura

Banki ya Kigali ni yo ibitse igikombe giheruka cya Basketball

Imikino y’umupira w’amaguru izabera i Nyamirambo kuri Tapis Vert

Zaria Court yubatswe na Zaria Court Group ya Masai Ujiri, umushoramari wavukiye mu gihugu cy’u Bwongereza ariko ufite inkomoko mu karere ka Zaria, cyane ko avuka ku babyeyi b’abanya Nigeria ndetse na Kenya. Masai Ujiri kandi yanabaye umuyobozi igihe kirekire w’ikipe y’umukino wa basketball yo muri Leta zunze Ubumwe z’Amarika, Toronto Laptors.

Mu kiganiro cyihariye Che Rupari, umwe mu bayobozi ba Zaria Court yagiranye na Kigali Today, yasobanuye byimbitse igitekerezo cyo kubaka iki cyanya gikubiyemo ibikorwa bitandukanye yaba ubucuruzi, imyidagaduro na hoteli (Ecosystem), aho bagera kuri 500 bahawe akazi.

Ati “Igi kikorwa n’ubundi cyaje kunganira ibindi bikorwa remezo biri hano birimo BK ARENA, Stade Amahoro ndetse na Petit Stade. Uzava muri kimwe muri byo ashaka kuruhuka, ntabwo azarenga hano, yaba ashaka kujya mu mazi akoga, gukina imikino nk’umupira w’amaguru (mini foot), koga (swimming), Basketball, kureba imikino itandukanye y’ahandi ku mateleviziyo ya rutura, kuzana abana bato, guhaha yewe na Hoteli waruhukuramo, byose azabisanga hano atiriwe ajya kuzenguruka Kigali”.

Ni ahantu heza ho kuruhukira, kwidagadura, gukinira, guhahira n’ibindi

Ku bijyanye no gutanga akazi, Che yagize ati “Ubu tuvugana abagera kuri 500 bamaze kubona akazi kandi urabona ko turi mu ntangiriro. Uko tuzagenda twaguka, umubare w’abahabwa akazi cyane cyane urubyiruko uzagenda wiyongera”.

Zaria Court Kigali yatangiye kubakwa tariki ya 14 Kamena 2023, aho yashyizweho ibuye ry’iffatizo na Perezida wa Repuburika y’u Rwanda, Paul Kagame, afatanyije n’umuyobozi wa Zaria Court group, Masai Ujiri. Iyi nyubako ubu yamaze kuzura ndetse yanatangiye no gukorerwamo, ariko ikaba izafungurwa ku mugaragaro kuri uyu wambere taliki ya 28 Nyakanga.

Iki gikorwa remezo cyuzuye gitwaye agera kuri Miliyoni 26 z’Amadorari ya Amerika, ni ukuvuga asaga Miliyari 37 z’Amafaranga y’u Rwanda.

Ibyumba bihebuje byo kuryamamo

Ku yandi mafoto ya Zaria Court, kanda hano

Candy Basomingera yagizwe Umunyamabanga uhoraho muri Minisiteri ya Siporo

Basomingera asimbuye Uwayezu Jean François Régis wari warashyizwe muri izi nshingano tariki ya 20 Ukuboza 2024.

Minisiteri ya Siporo yaba ikirimo gushakirwa umuvuno?

Nibura kuva mu Gushyingo 2019 kugeza tariki 16 Nyakanga 2025, Minisiteri ya Siporo imaze guhabwa abanyamabanga bahoraho batanu, ubariyemo na Candy Basomingera wahawe izi nshingano.

Mu gushyingo 2019, nibwo Perezida Paul Kagame yashyizeho Shema Maboko Didier nk’Umunyamabanga Mukuru wa Minisiteri ya Siporo, umwanya yaje guhagarikwaho n’ubundi n’Umukuru w’Igihugu tariki 16 Nzeri 2022.

Mu nama y’Abaminisitiri yateranye ku wa Mbere tariki 30 Mutarama 2023, iyobowe na Perezida Kagame, yemeje bwana Niyonkuru Zephanie nk’Umunyamabanga mukuru wa Minisiteri ya Siporo, inshingano yaje gukurwamo ku ya 23 Kanama 2024.

Byemejwe nanone n’inama y’Abaminisitiri, Perezida Kagame tariki 11 Nzeri 2024, yagize Madamu Nelly Mukazayire Umunyamabanga uhoraho muri Minisiteri ya S,iporo asimbuye Niyonkuru Zephanie uyu mwanya ataje gutindaho kuko tariki 20 Ukuboza 2024 yaje kuwukurwaho agirwa Minisitiri wa Siporo, inshingano yari asimbuyeho Nyirishema Richard wari uyoboye amezi ane gusa.

Tariki ya 20 Ukuboza 2024, nibwo nanone biciye mu byemezo by’inama y’Abaminisitiri, Perezida Kagame yashyize mu nshingano Uwayezu Jean François Régis nk’umunyamabanga uhoraho muri Minisiteri ya Siporo, na we waje gusimburwa na Candy Basomingera, bivuze ko Uwayezu amaze amezi atandatu mu nshingano zo kuba Umunyamabanga uhoraho muri Minisiteri ya Siporo.

Tugaruke gato kuri Madamu Basomingera

Nubwo yari umuyobozi wungirije muri Rwanda Convetion Bureau, icyo wagereranya n’Ikigo cy’Igihugu gishinzwe gutegura inama nini n’ibindi bikorwa by’ishoramari, Basomingera si mushya mu mishinga n’ibikorwa bya siporo.

Tariki 4 Gicurasi ubwo yari mu kiganiro n’itangazamakuru mu gihugu cya Senegal, mbere gato y’itangizwa ry’agace ka Sahara Conference mu mikino ya BAL (Basketball Africa League), Candy Basomingera yasobanuye ko Siporo yaba imwe mu nzira zafasha Afurika gutera imbere, ndetse n’uburyo yakwinjiza amafaranga (Revenues).

Candy Basomingera ari kumwe n’umuyobozi wa BAL, Amadou Gallo Fall, uyu mwaka muri Senegal

Yagize ati “Nibura kuva muri 2021, u Rwanda rumaze kwakira amarushanwa asaga 70 mpuzamahanga, aho hinjiye asaga Miliyoni 50 z’Amadolari, Basketball Africa League yarenze kuba ari irushanwa ahubwo yabaye inzira nziza yo kugaragza impano ku rubyiruko rwa Afurika, guhanga udushya ndetse no kugaragaza isura y’umugabane wacu wa Afurika”.

Candy Basomingera asanze Minisitiri Nelly Mukazayire bakoranye muri Rwanda Convetion Bureau ubwo yari Umuyobozi mukuru.

Tetero Odole agenzura ikibuga mu mukino u Rwanda rwahuyemo na Misiri

Ikipe y’Igihugu y’u Rwanda iri mu Misiri kuva tariki ya 10 Nyakanga, aho irimo gukina imikino ya gicuti n’ibibihugu bitandukanye mbere yo gufata urugendo kuri uyu wa Gatatu, berekeza muri Côte d’Ivoire ahazabera irushanwa.

Ikipe y’Igihugu imaze gukina imikino 3 ya gicuti, aho ku ikubitiro u Rwanda rwakinnye na Cameroon maze iki gihugu gitsinda u Rwanda amanota 69 kuri 61, umukino wa kabiri u Rwanda rwatsinze ikipe y’igihugu ya Uganda amanota 75 kuri 65, nyuma yo gutsindwa na Misiri kuri uyu wa kabiri amanota 77 kuri 56.

Ikipe y’Igihugu y’u Rwanda, iri mu itsinda rya gatatu aho irikumwe na Nigeria ndetse na Mozambique. Ku ikubitiro u Rwanda ruzatangira rukina na Nigeria tariki ya 26 Nyakanga rusoreze imikino yo mu matsinda ku ikipe ya Mozambique tariki ya 28 Nyakanga 2025.

Ikipe y’Igihigu y’umutoza Cheikh Sarr yahagurukanye abakinnyi 15 aribo:

Urutonde rw’abakinnyi bari mu Misiri

U Rwanda rwatsinzwe na Misiri mu mukino wa gatatu wa gicuti

U Rwanda rwatsinze Uganda muri iyi mikino ya gicuti

Grand Master Isao Yabunaka yerekera Igor Mazimpaka ufite umukandara w’umukara na Dan 3

Ni amahugurwa arimo kwibanda ku mikinire (Style) ya GojoRyu, akaba arimo guhabwa bamwe mu barimu b’uyu mukino binyuze mu ishuri rya Rwanda Karate GojoRyu, aho abahugurwa nibura ari abafite umukandara w’umukara na Dan eshatu kuzamura.

Isao Yabunaka asanzwe ari umutoza w’iri shuri rya Rwanda Karate GojoRyu, gusa akaba akunze kubatoza hifashishijwe ikoranabuhanga (Online Live Training) kuko ataba mu Rwanda.

Umuyobozi wa Rwanda Karate GojoRyu Master, Sinzi Tharcisse, asobanura ko Grand Master Isao Yabunaka kuri iyi nshuro yaje kubahugura ku bundi buryo bw’imikinire bwa GojoRyu.

Atoza abafite Dane 3 kuzamura

Yagize ati “Ni ku nshuro ya kabiri Grand Master Isao Yabunaka aje mu Rwanda, kuri iyi nshuro arimo kudutoza ku mikinire ya GojoRyu. Ni imyitozo irimo guhabwa abasanzwe ari abanyeshuri bacu ndetse n’abandi barium, twatumiye nibura abafite umukandara w’umukara na Dan eshatu kuzamura”.

Igor Mazimpaka ufite umukandara w’umukara na Dan 3, ni umwe mu barimo guhigurwa, avuga ko hari icyo bamaze kwiyungura muri iyi minsi bamaze abatoza.

Yagize ati “Ni uburyo (Style) tumaze iminsi turimo kwiga, ubona ko hamwe na we hari icyo tumaze kwiyungura kuri ubu buryo bw’imikinire bwa GojoRyu, ndetse no kunoza neza ibyo tuba dusanganywe, kandi ubona ko hari ikintu kinini cyane cyiyongereye”.

Abahugurwa bose hamwe bararenga gato 20, ndetse aya mahugurwa akaba akomeza kuri uyu wa gatandatu, aho biteganyijwe ko haza kwiyongeramo n’abandi barimu baje kwiyungura ubumenyi.

Ku myaka 81 aracyakina Karate

Master Sinzi Tharcisse ari mu batozwa na Isao

Baratorezwa muri Honbu Dojo y’ishuri rya Master Sinzi Tharcisse

Master Sinzi Tharcisse aganira na Kigali Today

Reba ibindi muri iyi video:

Basketball: APR yegukanye igikombe cya shampiyona 2025

Nyuma yo gutsinda ikipe ya REG imikino ine kuri umwe mu ya kamarampaka, ikipe ya APR yongeye kwegukana igikombe ndetse inakatisha itike yo kuzahagararira u Rwanda mu mikino ya BAL (Basketball Africa League 2026), ihuza amakipe yabaye aya mbere iwayo.

Ikipe ya APR isa n’aho yorohewe n’imikino ya kamarampaka, kuko mu mikino irindwi aya amakipe yombi yagombaga gutanguranwa, ikipe ya APR yatsinzemo 4 naho REG BBC itsindamo umukino umwe gusa.

APR BBC ni yo yegukanye agace ka mbere n’amanota 17 kuri 15, REG BBC yegukanye agace ka kabiri ku manota 20 kuri 18 maze agace ka mbere karangira ikipe ya REG BBC iri imbere.

Mu gace ka gatatu ubwo amakipe yari avuye kuruhuka, ikipe ya APR yongeye kuyobora aka gace ku manota 21 kuri 19 ariko REG iguma imbere.

Mu gace ka kane ari na ko ka nyuma, ikipe ya REG BBC ntabwo yorohewe kuko muri aka gace, APR BBC yakozemo amanota 25 mu gihe REG BBC yo yari imaze gukoramo amanota 18 gusa.

Youssoupha NDOYE ukinira ikipe ya APR, ni we watsinze amanota menshi muri uyu mukino kuko yatsinzemo 26 wenyine.

Ikipe ya APR BBC yegukanye igikombe cya 16 kuva yashingwa. APR yegukanye igikombe cya gatatu cyikurikiranya (2023, 2024 na 2025).

Ikindi gihe ikipe ya APR yigeze gutwara ibikombe bitatu byikurikiranya ni muri (1995-1997, 1998-2000, 2001-2003).

Andi makipe yatwaye shampiyona inshuro eshatu yikurikiranya ni Espoir BBC, aho yagitwaye inshuro 4 (2012, 2013, 2014 & 2015). Patriots BBC na yo yagitwaye inshuro 3 (2018, 20219 & 2020).

Wari umukino uryoheye ijisho

Mu mikino irindwi ya kamarampaka aya amakipe yombi agomba gutanguranwa ine (Best of seven series), ikipe ya APR BBC ubu yamaze kuzuza imikino 3 kuri 1 wa REG BBC bivuze ko APR isabwa umukino umwe gusa ubundi ikegukana igikombe cya gatatu cyikurikiranya, nyuma ya 2023 na 2024.

Ni umukino wabaye kuri uyu wa gatatu tariki ya 9 Nyakanga 2025 muri BK ARENA, watangiye neza ku ruhande rwa REG BBC kuko yegukanye agace ka mbere ku manota 25 ku 9 ya APR.

Muri aka kace, wabonaga ko REG BBC ifite umukino mu biganza ndetse ko n’amahirwe yo kuwegukana ari menshi.

Mu gace ka kabiri, ikipe ya APR yakosoye amakosa maze irakegukana ku manota 31 kuri 17 ya REG, bityo igabanya ikinyuranyo yari yashyinzwemo mu gace ka mbere.

Agace ka gatatu na ko ntikahiriye REG BBC kuko APR yaje kukegukana ku manota 25 ku 10 ya REG, aho APR yari itangiye kujya imbere.

Mu gace ka kane ari nako ka nyuma, REG BBC yakegukanye ku manota 25 kuri 16 ya APR, ariko ntacyo byatanze kuko ntiyashoboye kugabanya ikinyuranyo bityo APR yegukana umukino.

Nyuma yo gutsinda REG BBC, APR yujuje imikino itatu kuri umwe wa REG BBC bivuze ko APR isabwa umukino 1 gusa.

Garmine Kande Kieli ukinira ikipe ya REG ni we watsinze amanota menshi kuko yatsinze 28.

Umukino wa gatanu, uteganyijwe kuri uyu wa gatanu tariki ya 11 Nyakanga muri BK Arena.

Police VC yahawe igikombe nyuma yo kwegukana irushanwa ryo Kwibohora

Ni irushanwa ryashyizweho akadomo kuri iki Cyumweru tariki 6 Nyakanga 2025 muri Petit stade, aho mu cyiciro cy’abagabo, ikipe ya Police VC yatsinze iya APR amaseti 3-2 ku mukino wa nyuma, maze itwara igikombe yegukanye ku nshuro yayo ya mbere kuva cyatangira gukinwa muri 2023.

Mu cyiciro cy’abagore, ikipe ya Police nanone yatsinze APR WVC amaseti 3-1, maze yegukana igikombe cyo kwibohora cyuzuza ibikombe 4 muri rusange imaze kwegukana uyu mwana, kikaba igikombe cya 3 cyo Kwibohora cyikurikiranya yegukanye nyuma yo gutwara icyo muri 2023, 2024 na 2025.

Amakipe ya Kepler VC yegukanye umwanya wa gatatu mu byiciro byombi abagabo n’abagore. Abagabo batsinze ikipe ya REG amaseti 3-1 naho abagore batsinda RRA amaseti 3-1.

No mu bagore Police ni yo yatwaye igikombe

Iri rushanwa, ryashyize akadomo ku mwaka usanzwe w’imikino mu Inshyirahamwe ry’umukino wa Volleyball mu Rwanda. Shampiyona y’umwaka utaha wa 2025-2026 ikazatangira mu kwezi k’Ukwakira.

Umuyobozi wa Kigali Today, Charles Kanamugire, ari mu bambitse imidari abakinnyi

Reba uko byari bimeze hagati ya Police VC na APR VC

Amakipe yombi ya Kepler yishimira intsinzi

Nubwo ari bo bari babitse iki gikombe, Kepler Colleyball Club y’abagabo ntabwo yahiriwe n’iri rushanwa, kuko yatsindiwe ku mukino wa 1/2 n’ikipe ya APR amaseti 3-1, bisanga bagomba guhanganira umwanya wa gatatu aho bahuye na REG Volleyball Club, maze bayitsinda amaseti 3-1 bityo begukana umwanya wa gatatu.

Mu cyiciro cy’abagore, ikipe ya Kepler VC irimo gukina umwaka wayo wa mbere, yegukanye umwanya wa gatatu itsinze Rwanda Revenue Authority amaseti 3-1, bityo itahana umudari w’umulinga.

Imikino ya nyuma mu bagabo ndetse n’abagore, irahuza amakipe ya Police ndetse n’aya APR VC.

Iyi mikino yose murayikurikira kuri shene ya Yutube ya Kigali Today.

Ni umukino wari ukomeye ndetse wanatangiye ikipe ya REG VC ubona irusha cyane ikipe ya Police VC, kuko yayitsinze amaseti abiri ya mbere bigaragara ko umukino uza kuyorohera.

Police VC yavuye inyuma yishyura amaseti 2 yari yatsinzwe, ndetse itsinda na seti ya 3 ku manota 15 ku 10.

Ni umukino wari wabanjirijwe n’uwahuje ikipe ya APR na RRA mu cyiciro cy’abagore, aho APR WVC yatsinze RRA WVC amaseti 3-0 bituma na yo yerekeza ku mukino wa nyuma, aho izahura na Police WVC yo yageze ku mukino wa nyuma isezereye Kepler WVC.

Ni umukino wabaye kuri iki Cyumweru tariki ya 29 Kamena 2025 muri BK Arena, aho ikipe ya APR yatsinze Patriots umukino wa gatatu bityo yuzuza imikino 3 kuri 2 ya Patriots ihita isezererwa.

Ni umukino wayobowe n’ikipe ya APR kuva ugitangira, kuko mu duce tune tugize umukino, twose twegukanywe n’ikipe ya APR.

Agace ka mbere kegukanywe na APR ku manota 24 kuri 20, agace ka kabiri APR yongeye kukegukana ku manota 22 kuri 17 ya Patriots maze amakipe yombi ajya kuruhuka APR iri imbere.

Amakipe akiva kuruhuka, Patriots BBC yagerageje kugabanya ikinyuranyo hagati yayo na APR ariko biranga, kuko aka gace ka gatatu kegukanywe na APR ku manota 14 kuri 13.

Mu gace ka kane ari na ko ka nyuma, ikipe ya APR yakomerejeho maze ikegukana ku manota 21 kuri 17, biba amanota 81 kuri 61 muri rusange.

Ikipe ya APR izahura na REG BBC yo yageze ku mukino wa nyuma isezereye ikipe ya UGB, nyuma yo kuyitsinda imikino 3 ku busa.

APR na Patriots zanganyije imikino 2-2, hategerejwe uwo guca impaka

Ni umukino wa kane wa 1/2 muri itanu igize iya kamarampaka bagomba gutanguranwa, wakinwe ku wa Gatanu tariki 27 Kamena 2025 muri BK Arena, aho APR BBC yatsinze ikipe ya Patriots amanota 87 kuri 63.

Ni umukino ikipe ya APR yasabwaga gutsinda kugira ngo nibura itegereze umukino wa gatanu, kuko iyo iwutakaza yari guhita isezererwa kuko Patriots yo yasabwaga intsinzi imwe gusa.

Ikipe ya APR BBC ni yo yatangiye neza uyu mukino, kuko ni nayo yaje kwegukana agace ka mbere ku manota 23 kuri 16.

Mu gace ka kabiri APR BBC ntabwo yigeze yemerera Patriots ko iyijya imbere, kuko yakegukanye ku manota 20 kuri 14 ya Patriots.

Axel Mpoyo wa APR ni umwe mu bakinnyi bitwaye neza

Bakiva kuruhuka, ikipe ya Patriots BBC yagerageje kureba ko yagabanya ikinyuranyo ariko APR iyibera ibamba, bityo nanone yongera gutakaza aka gace ku manota 18 kuri 15 ya Patriots, bituma ikinyuranyo gikomeza kwiyongera.

Mu gace ka kane ari na ko ka nyuma, ntabwo ikipe ya Patriots yorohewe kuko APR yaje kongera kwegukana aka gace ku manota 26 kuri 18 ya Patriots, bityo umukino urangira ku giteranyo cy’amanota 87 kuri 63.

Nyuma yo gutsindwa kwa Patriots, bivuze ko amakipe yombi ubu anganyije imikino 2-2, hakazategerezwa umukino wa nyuma (game 5) uzakinwa kuri iki cyumweru, ndetse akaba ari na wo uzagaragaza uwerekeza ku mukino wa nyuma agasangayo ikipe ya REG BBC, yo yamaze kugerayo nyuma yo gusezerera ikipe ya UGB.

Police VC yafunguye irerero ry’abakina Volleyball

Ni irero yafunguye ku bufatanye n’ishuri ry’isumbuye rya Lycée de Kigali, riherereye mu Mujyi wa kigali.

Ni umushinga wakomotse ku gitekerezo cy’inama y’inteko rusange y’Ishyirahamwe ry’Umukino wa Volleyball iheruka mu Rwanda, aho hifujwe ko nibura buri kipe ikina icyiciro cya mbere mu Rwanda yagira ikipe y’abato (Academy).

Ni umuhango witabiriwe n’abayobozi batandukanye barimo abayobozi b’ishyirahamwe ry’umukino wa volleyball mu Rwanda, abayobozi ba Police ndetse n’umuyobozi w’ishuri rya Lycée de Kigali, Imfurayase Jean (Frère).

Bamwe mu bakinnyi bari mu ikipe y’abato y’abakobwa

Mu ijambo rye afungura ku mugaragaro iri rerero, umunyamabanga wa Police VC (Supt) Ntakirutimana Diane, yavuze ko atari ugushyigikira iterambere rya volleyball mu bana b’Abanyarwanda gusa, ahubwo ko aba bakinnyi bagomba kuzavamo abakinnyi beza b’ejo hazaza barangwa n’ubupfura no kwitanga.

Ati “Turabashimira ko mu bigo bihari muri Kigali mwahisemo LDK, turahari kandi turi tayali gufatanya namwe. Turizera ko aba bakinnyi bato bazavamo abakinnyi beza b’ejo hazaza barangwa n’ubupfura, ubwitange no kwiyemeza.”

Perezida w’Ishyirahamwe ry’Umukino wa Volleyball mu Rwanda, Raphael Ngarambe, yashimye Police VC ashimangira ko kugeza ubu iri ku isonga.

Ati “Police VC kugeza ubu iri ku Isonga muri Siporo, kuko ikoze igikorwa cy’indashyikirwa, turabashimiye cyane n’abandi bakabaye bareberaho ibyo mukoze.”

Abakinnyi bo mu irerero bafatana ifoto na bakuru babo bakina mu cyiciro cya mbere

Mu gufungura iri rerero, Police Volleyball yatangaje ko umutoza w’abakobwa ari Masumbuko Jean De Dieu, naho abahungu bazatozwa na Iradukunda Yves, aba bose bakaba basanzwe ari abatoza mu makipe makuru.

Police Volleyball ikaba yageneye izi kipe z’abato ibikoresho bya siporo bizabafasha mu kwitoza neza.

Mu bikoresho byatanzwe, harimo imyambaro bazajya bakoresha ku bahungu n’abakobwa, imipira yo gukina ndetse Filets.

Uyu muhango witabiriwe n’abayozi batandukanye

Patriots yongeye guha ubutumwa APR

Mu mikino y’umunsi wa gatatu yakinwaga ku wa Gatatu taliki ya 25 Kamena muri BK Arena, ikipe ya REG Basketball Club yatsinze UGB umukino wa gatatu wikurikiranya, ihita inayisezerera maze igera ku mukino wa nyuma n’imikino 3-0 muri itanu bagombaga gutanguranwa, bivuze ko n’iyo UGB yajyaga gutsinda imikino isigaye, ntabwo yari gusezerera REG BBC.

Umukino wari utegerejwe na benshi, ni uwahuje APR na Patriots BBC, aho aya makipe yombi yagiye gukina anganya umukino 1-1.

APR BBC ibitse igikombe cya shampiyona cy’umwaka ushize, yatangiye neza agace ka mbere itsinda Patriots ku manota 22 kuri 18.

Agace ka kabiri, kabaye ingorabahizi ku mpande zombi kuko karangiye amakipe yombi akanganyije ku manota 15 kuri 15, maze ajya kuruhuka ikipe ya APR iri imbere n’igiteranyo cy’amanota 37 kuri 33 ya Patriots.

Agace ka gatatu, ntabwo koroheye ikipe ya APR BBC kuko karangiye Patriots itsinze amanota 19 mu gihe APR yo yagatsinzemo amanota 5 gusa.

Ibi byatumye agace ka kane ari nako ka nyuma kabamo imibare myinshi ku mpande zombi, yaba APR yashakaga kugabanya ikinyuranyo ndetse na Patriots yashakaga kurinda no kongera amanota.

Nubwo APR yaje kwegukana aka gace ku manota 17 kuri 13 ya Patriots, ntabwo byari bihagije ko yegukana intsinzi kuko Patriots yegukanye umukino muri rusange ku manota 65 kuri 59.

Umukino wa kane uteganyijwe kuri uyu wa Gatanu tariki ya 27 Kamena muri BK Arena.

Minisitiri Rwego Ngarambe ari kumwe na perezida wa FRVB Ngarambe Raphael n’abakinnyi bahagarariye Igihugu

Itsinda ry’abantu barindwi ni bo bagize amakipe y’Igihugu barimo abakinnyi 4, Umusifuzi umwe, umutoza ndetse n’umuganga.

U Rwanda ruhagarariwe n’ikipe (couples) ebyiri abagabo n’abagore, mu ikipe umutoza Mudahinyuka Christopher yahagurukanye, harimo impinduka nk’aho ikipe y’abagabo ubu ari bahya, ikaba igizwe na Kanamugire Prince ndetse na Niyonkuru Gloire, akaba ari inshuro ya mbere bagiye gukinana.

Ikipe y’abagore, ntabwo yo yahindutse kuko igizwe na Mukandayisenga Benitha ndetse Munezero Valentine.

Biteganyijwe ko iri rushanwa rizatangira tariki ya 23 kugeza tariki ya 30 Kamena, rikabera mu gihugu cya Morocco mu mujyi wa Tetouan.

Biteganyijwe ko nyuma yo kujyera i Casablanca ejo, abagize ikipe y’igihugu bazongera bafate indi ndege iberekeza Tetouan, ahazabera irushanwa nyirina.

POLICE VC yegukanye igikombe nyuma yo gutsinda RRA ku mukino wa nyuma

Ni irushanwa ngarukamwaka ryo kwibuka abahoze ari abakinnyi, abayobozi n’abakunzi b’umukino wa volleyball bishwe muri Jenoside yakorewe Abatutsi muri Mata 1994.

Ni irushanwa ryari rimaze iminsi itatu ribera mu Mujyi wa Kigali, aho kuri iyi nshuro ryitabiriwe n’amipe 21 aturutse mu bihugu 4 byo mu karere, harimo n’u Rwanda rwaryakiriye.

Mu cyiciro cy’abagabo, ikipe ya REG Volleyball club yo mu Rwanda ni yo yegukanye iki gikombe nyuma yo gutsinda Chema yo muri Kenya amaseti 3-1 (25-18, 25-27, 22-25, 18-25), bivuze ko ikipe ya REG isoje iri rushanwa nta mukino n’umwe itsinzwe.

Mu cyiciro cy’abagore, ikipe ya Police yongeye gutanga ubutumwa nyuma yo gusezerera APR muri 1/2 iyitsinze amaseti 3-1, iyi kipe y’Igiporisi cy’u Rwanda yegukanye igikombe itsinze RRA ku mukino wa nyuma amaseti 3-1, bituma yuzuza ibikombe 3 imaze kwegukana muri uyu mwaka birimo Shampiyona, Heroes Cup ndetse na GMT begukanye uyu munsi.

Umuyobozi Mukuru wa Polisi y’u Rwanda (IGP), CG Felix Namuhoranye yaje gusuhuza abakobwa ba Police nyuma yo kongera kwegukana igikombe

Mu yandi makipe yabonye ibihembo mu cyiciro cy’abagabo ni Chema VC yo muri Kenya, yegukanye umwanya wa kabiri naho KPA nayo yo muri Kenya yegukana umwanya wa 3.

Mu cyiciro cy’abagore, ikipe ya RRA niyo yegukanye umwanya wa kabiri naho APR VC yo yegukana umwanya wa gatatu.

Thon Maker Magembo, Umunya Sudan y’Epfo ukinira ikipe ya REG VC, ni we wegukanye igihembo gihabwa umukinnyi wahize abandi (MVP).

Mu cyiciro cy’abagore, Tata Telly ukinira Police VC, ni we wegukanye igikombe cy’umukinnyi wahize abandi (Most valuable Player).

REG VC ni yo kipe yonyine yo mu Rwanda mu bagabo yabashije kugera ku mukino wa nyuma

Dore bamwe mu bamaze kumenyekana bazize Jenoside yakorewe Abatutsi, nk’uko bitangazwa n’Ishyirahamwe ry’umukino wa Volleyball mu Rwanda (FRVB):

Iminamikore Benjamin (UNR Butare)
Murekezi Regis (UNR Butare)
Ntagugura Placide (UNR Nyakinama)
Ntagwabira Basile (UNR Nyakinama)
Kumuyange Egide (UNR Nyakinama)
Karonji Canisius (UNR Nyakinama
Hategekimana Emmanuel (UNR Nyakinama)
Gasinzigwa Michel (UNR Nyakinama)
Rutayisire Théoneste (UNR Nyakinama),
Niyongira Justin (UNR Nyakinama),
Kagenza Alphonse (UNR Nyakinama)
Rwagashayija Innocent (GSO Butare)
Kayiranga Eric (GSO Butare)
Kamonyo Jean Pierre (yakiniraga ikipe ya GSO Butare),
Gabiro Eugène (GSO Butare),
Ngoga Sebalinda Dominique (GSO Butare),
Butare Alpfred Toto (GSO Butare)
Mukeshimana Martin (Buhiri ubu yitwa KVC)
Urimubenshi Vénant (KVC)
Rukamba Jean Marie Vianney (KVC),
Mugandura Jean de la Croix (KVC),
Gasana Callixte (KVC)
Ntaganira Innocent, Théogène (KVC)
Hategekimana Innocent (Petit Seminaire de Butare)
Sebalinda Gilles (Petit Seminaire Butare)
Gakebuka Camile (Petit Seminaire de Butare)
Ngarambe JMV (Petit Seminaire de Butare)
Tumukuze Jean Bosco (Petit Seminaire de Butare)
Rutiyomba Toussaint (Petit Seminaire de Butare)
Rutsindura Alphonse (Petit Seminaire de Butare),
Uwimana Abdallah (Minitransco)
Rugira Marcellin (Minitransco)
Gakwaya Vincent (Minitransco)
Kayigamba André (Minitransco)
Ngamije Esdras (Electrogaz)
Rudandi Jean Pierre (Electrogaz)
Kabagema Sosthène (Electrogaz),
Rugira Jean Bosco (Kigoma),
Kamanzi Goretti(Les Lionnes),
Mignonne (Les Lionnes),
Karasira (Ouragan),
Rugenera Landouard (College St André),
Ugeziwe Jean Berchmas (Petit Seminaire Ndera),
Mugaragu William (Ecole des Sciences Byimana)

APR yegukanye umwanya wa 3

Umukino wa REG na Chema wari urimo imbaraga

Abafana bari baje ku bwinshi muri Petit Stade

Amakipe 21 ategerejwe i Kigali

Amakipe arimo KCB-Nkumba, Ndejje Elite, Vision VC, Chazpir na Sky Volleyball Club yo muri Uganda ni yo yamaze kwemeza ko azitabira iri rushanwa rizamara iminsi itatu. Amakipe yavuye mu gihugu cya kenya ni Chema VC, KPA VC, Sikri ndetse na Kenya Pipeline Volleyball Club.

Aya makipe yose aziyongeraho andi yo mu Rwanda, aho yose hamwe ari 21. Inama itegura irushanwa ndetse ikanagena uko amakipe azahura, iteganyijwe kuri uyu wa Kane tariki ya 19 Kamena.

Umukino wa Volleyball ni umwe mu yikunzwe cyane mu Rwanda, kandi ufite amateka akomeye. Abenshi batangiye kuwumenya cyane mu myaka ya 1980, ariko Jenoside yakorewe Abatutsi yawusubije inyuma, kuko yatwaye benshi mu banyamuryango bayo.

Ishyirahamwe ry’umukino wa Volleyball mu Rwanda ni rimwe mu mashyirahamwe ya siporo yashegeshwe bikomeye n’amahano yagwiriye u Rwanda. Mu bakinnyi, abatoza, abafana n’abayobozi hose watakaje imbaraga zikomeye mu gihe cy’iminsi 100 gusa.

KPA yo muri Kenya yamaze kugera i Kigali

Aba bose bahabwa icyubahiro mu minsi yo kwibuka kuva mu 1995, hagategurwa amarushanwa yo kubazirikana.

Ikipe ya Police VC mu bagabo ni yo ibitse iki gikombe, naho APR VC akaba ari yo yegukanye igikombe mu bagabo mu irushanwa riheruka rya 2024.

Dore bamwe mu bamaze kumenyekana bazize Jenoside yakorewe Abatutsi, nk’uko bitangazwa n’Ishyirahamwe ry’umukino wa Volleyball mu Rwanda (FRVB):

Iminamikore Benjamin (UNR Butare)
Murekezi Regis (UNR Butare)
Ntagugura Placide (UNR Nyakinama)
Ntagwabira Basile (UNR Nyakinama)
Kumuyange Egide (UNR Nyakinama)
Karonji Canisius (UNR Nyakinama
Hategekimana Emmanuel (UNR Nyakinama)
Gasinzigwa Michel (UNR Nyakinama)
Rutayisire Théoneste (UNR Nyakinama),
Niyongira Justin (UNR Nyakinama),
Kagenza Alphonse (UNR Nyakinama)
Rwagashayija Innocent (GSO Butare)
Kayiranga Eric (GSO Butare)
Kamonyo Jean Pierre (yakiniraga ikipe ya GSO Butare),
Gabiro Eugène (GSO Butare),
Ngoga Sebalinda Dominique (GSO Butare),
Butare Alpfred Toto (GSO Butare)
Mukeshimana Martin (Buhiri ubu yitwa KVC)
Urimubenshi Vénant (KVC)
Rukamba Jean Marie Vianney (KVC),
Mugandura Jean de la Croix (KVC),
Gasana Callixte (KVC)
Ntaganira Innocent, Théogène (KVC)
Hategekimana Innocent (Petit Seminaire de Butare)
Sebalinda Gilles (Petit Seminaire Butare)
Gakebuka Camile (Petit Seminaire de Butare)
Ngarambe JMV (Petit Seminaire de Butare)
Tumukuze Jean Bosco (Petit Seminaire de Butare)
Rutiyomba Toussaint (Petit Seminaire de Butare)
Rutsindura Alphonse (Petit Seminaire de Butare),
Uwimana Abdallah (Minitransco)
Rugira Marcellin (Minitransco)
Gakwaya Vincent (Minitransco)
Kayigamba André (Minitransco)
Ngamije Esdras (Electrogaz)
Rudandi Jean Pierre (Electrogaz)
Kabagema Sosthène (Electrogaz),
Rugira Jean Bosco (Kigoma),
Kamanzi Goretti(Les Lionnes),
Mignonne (Les Lionnes),
Karasira (Ouragan),
Rugenera Landouard (College St André),
Ugeziwe Jean Berchmas (Petit Seminaire Ndera),
Mugaragu William (Ecole des Sciences Byimana)

Police ni yo ibitse igikombe cya GMT giheruka

Imikino yose izabera muri Petit Stade Amahoro

Abagukanye ibihembo mu bagabo

Ni agace ka gatatu gasoza imikino ya volleyball yo ku mucanga muri uyu mwaka, aho kuri iyi nshuro iri rushanwa ryari ryiganjemo abakinnyi bakomoka mu bihugu umunani bitandukanye birimo n’u Rwanda.

Munezero Valentine ukinana na Mukandayisenga Benitha ni bo begukanye iri rushanwa mu cyiciro cy’abagore, batsinze ku mukino wa nyuma Musabyimana Penelope na Amito Sharon amaseti 2 ku busa.

Mu cyiciro cy’abagabo, Paul Akan ukinana na Ibrahim bombi bakomoka muri Ghana, ni bo begukanye iri rushanwa batsinze ku mukino wa nyuma Revis wakinanaga na Mandela Nzirimo amaseti 2-1.

Munezero Valentine na Mukandayisenga bongeye kwegukana irushanwa na Beach Volleyball

Aka gace ka gatatu ka Beach Volleyball National Tour, kitabirwe n’abakinnyi 58 bose hamwe, aho mu bagore yari amakipe 13 naho mu bagabo akaba amakipe 16.

Aka gace ka gatatu ni ko kashyize akadomo ku ngengabihe y’amarushanwa ya volleyball yo ku mucanga, mu ishyirahamwe ry’umukino wa volleyball 2025.

Iri rushanwa ryari rimaze iminsi itatu ribera mu Karere ka Rubavu, ahasanzwe habera imikino yo ku mucanga, utundi duce tubiri duheruka twabereye King Fisher Resort ku Rwesero mu Mujyi wa Kigali.

Abandi bakinnyi bagukanye ibihembo ku mwanya wa gatatu ni Ijeoma ukinana na Jennifer Tembo begukanye umwanya wa gatatu mu cyiciro cy’abagore, naho David Neeke na Bure Hassan bo mu gihugu cya Tanzania begukana umwanya wa gatatu mu cyiciro cy’abagabo.

David Neeke na Bure bo muri Tanzania begukanye umwanya wa gatatu

APR isezererewe muri 1/2 cya BAL

Wari umukino wa mbere wa 1/2 muri BAL, ikomeje kubera mu mujyi wa Pretoria mu gihugu cya Afurika y’Epfo, aho Al Ahli ibaye ikipe ya mbere ibonye itike yo gukina imikino ya nyuma y’iri rushanwa ririmo kuba ku nshuro ya gatanu.

Mu gace ka mbere k’umukino, APR yagaragazaga ibimenyetso by’uko yiteguye ndetse idashaka kwemerera Al Ahli kuyijya imbere, kuko yanegukanye aka gace ku manota 18 kuri 17 ya Al Ahli Tripoli.

Mu gace ka kabiri, ikipe ya Al Ahli yitwaye neza maze yegukana aka gace ku manota 19 kuri 11 ya APR BBC, gusa nta kinyuranyo kinini cyarimo hagati y’amakipe yombi, maze ajya kuruhuka ari amanota 36 ya Al Ahli ku manota 29 ya APR BBC.

Mu gace ka gatatu k’umukino, ikipe ya APR yongeye kuwuyobora kuko yegukanye aka gace ku manota 28, mu gihe Al Ahli yo yatsinzemo amanota 19 ibi byagaragaraga ko bigishoboka.

Al ahli yageze ku mukino wa nyuma

Agace ka kane ari nako ka nyuma k’umukino, ntabwo kabaye keza kuri iyi kipe y’Ingabo kuko Al Ahli yegukanye aka gace ku manota 29 kuri 14 ya APR BBC bingana n’igiteranyo cy’amanota 84 ya Al Ahli kuri 71 ya APR.

APR ihise isezererwa, gusa ikaba izakina umukino wo guhatanira umwanya wa gatatu n’ikipe iza gutsindwa hagati ya Petro du Luanda yo muri Angola ndetse na Al Ittihad yo mu Misiri.

Kuva iri rushanwa ryatangira gukinwa muri 2021, nta kipe yo mu Rwanda irashobora kurenga imikino ya 1/2.

U Rwanda rumaze guhagararirwa n’amakipe 3 ariyo APR ishuro ebyiri, REG BBC inshuro ebyiri ndetse na Patriots BBC inshuro imwe.

Ni imikino yayo nyuma y’ irushanwa rya BAL (Basketball Africa League) ikomeje kubera mu mujyi wa Pretoria ho mu gihugu cya Afurika yepfo, aho ikipe ya APR BBC isezereye River Hoopers yo muri Nigeria nyuma yo kuyitsinda amanota 104 Kuri 73

Gutsinda River Hoops, bitumye ikipe ya APR BBC ikatisha itike ya 1/2 cyirangiza cy’imikino ya BAL aho izahura na Al Ahli Tripoli yo mugihugu cya Libya.

Ni ku nshuro ya kabiri yikurikiranya ikipe ya APR BBC yitabira iyi mikino ihuza amakipe yabaye ayambere iwayo gusa ku nshuro ya mbere ubwo yitabiraga iyi mikino, ntabwo yigeze igera mu gice cy’imikino ya nyuma.

Ikipe ya APR ikuyeho agahigo kari gafitwe na Patriots BBC ko kugera muri 1/2 aho Patriots yaribigezeho muri 2021 ubwo iri rushanwa ryakinwaga ku nshuro ya mbere gusa ikaza guserererwa muri 1/2 ndetse ikanatsindirwa ku mukino w’umwanya wa gatatu.

Ikipe ya APR BBC yayoboye umukino Guhera mu ntangiriro nkaho yegukanye agace ka mbere ku manota 24 kuri 11 ya River Hoopers.

Mu gace ka kabiri k’umukino, ikipe ya APR BBC yakomeje gutanga isomo kuri aba basore bo muri Nigeria kuko aka gace nako APR yakegukanye ku manota 33 kuri 21 ya River Hoopers.

Amakipe yombi akicva kuruhuka, ntabwo APR yoroheye na busa ikipe ya River Hoopers kuko yongeye kwegukana aka gace ku manota 26 kuri 20 ya APR.

Mu gace ka nyuma ka kane, ikipe ya River Hoopers yagerageje kugabanya ikinyuranyo gusa nti byabakundira kuko aga gace amakipe yombi yanganyije amanota 21 kuri 21 byatumye APR igwiza amanota 104 kuri 73 ya River Hoopers

Umunyasudani yepfo, Anunwa Omot ukinira ikipe ya APR niwe watsinze amanota menshi kuko yatsinze amanota 21.

Undi mukino wa 1/2 uzabuza ikipe ya Al Ittihad yo mugihugu cya Misiri n’ikipe igomba gukomeza hagati ya Us Monastil yo muri Tunisia na Petro de Luanda yo muri Angola umukino uteganyijwe muri iri joro.

APR itsinze Petro de Luanda

Mbere yo kwerekeza mu mikino ya 1/4, amakipe yose hamwe uko ari umunani yavuye mu matsinda (conferences) yagombaga kubanza gukina umukino wo kugaragaza uko ahagaze (Ranking), mbere yo kumenya uko bazahura muri 1/4.

Ikipe ya APR yo mu Rwanda yatsinze Petro de Luanda yo muri Angola amanota 75 kuri 57, bituma APR ijya ku mwanya wa gatanu. Nyuma yo kujya ku mwanya wa gatanu, bivuze ko ikipe ya APR igomba guhura n’ikipe ya kane muri 1/4 cy’irangiza.

Ikipe ya kane ni igomba gutsindwa hagati ya US Monastir yo muri Tunisia ndetse na River Hooper yo muri Nigeria, aho umukino uhuza aba bombi urimo ukinwa ubwo twandikaga iyi nkuru.

Muri uyu mukino, Aliou Diarra w’ikipe ya APR BBC ni we watsinze amanota menshi, kuko yatsinze 19 aho yakurikiwe na mugenzi we bakinana mu ikipe ya APR, Umunyasudani y’Epfo, Anunwa Omot, we watsinze amanota 15.

Imikino ya 1/4 izakinwa ku wa Mbere tariki ya 9 Kanama 2025.

Irushanwa ryo Kwibuka ryasubitswe, ryimurirwa ku yandi matariki

Mu itangazo iri shyirahamwe ryashyize kurubuga rwa X, bavuze ko kubera impamvu zitabaturitseho iri rushanwa risubitswe, rikaba ryimuriwe ku yandi mataliki.

Rigira riti “Kubera impavu zitaduturutseho, irushanwa ryo kwibuka rya Volleyball Genocide Memorial Tournament 2025, ryari riteganyijwe kuba ku matariki ya 6, 7 na 8 Kamena 2025, ntirikibaye kuri ayo matariki, ahubwo ryimuriwe ku matariki ya 20, 21 na 22 Kamena 2025”. Bakomeje bisegura ku ngaruka izi mpinduka zateza.

Amakuru agera kuri Kigali Today aravuga ko impamvu nyamukuru ari uko ku itariki ya 8 hazaba isiganwa mpuzamahanga ry’Amahoro rya Kigali International Peace Marathon.

Amakipe yo mu gihugu cya Uganda ndetse na Kenya ni yo yari yaramaze kwemeza kuzitabira iri rushanwa ngarukamwaka ryo kwibuka abari abakinnyi, abatoza, abayobozi n’abakunzi ba volleyball bishwe muri Jenoside yakorewe Abatutsi muri Mata 1994.

Mu gihe habura iminsi itatu gusa, amakipe amwe yari yaramaze guhaguruka nk’ikipe imwe yo muri Kenya yari mu nzira iza i Kigali, ndetse abandi bakavuga ko bitaza kuborohera kuko bari baramaze kwishyura aho bazaba i Kigali.

Police VC yegukanye igikombe itsinze REG ku mukino wa nyuma mu kiciro cy’abakina nk’ababigize umwuga

Ni irushanwa ngarukamwaka rya Volleyball rigamije kwibuka Alphonse Rutsindura wabaye umwarimu mu Ishuri rya Petit Séminaire Virgo Fidelis de Butare, wishwe muri Jenoside yakorewe Abatutsi mu 1994, rikaba ryabaye ku nshuro ya 21.

Ni irushanwa ryitabiriwe n’ibyiciro 12 uhereye mu bato kugeza mu bakina nk’ababigize umwuga, abagabo n’abagore.

Ikipe ya Police VC ni yo yegukanye igikombe mu bagabo bakina mu cyiciro cya mbere, itsinze ku mukino wa nyuma REG VC amaseti 3-1.

Mu cyiciro cy’abagore, ikipe ya APR ni yo yegukanye igikombe itsinze ikipe ya Rwanda Revenue Authority ku mukino wa nyuma amaseti 3-0.

Mu bagore, ikipe ya APR WVC ni yo yegukanye igikombe

Mu cyiciro cy’akabato (Junior) ikipe ya Petit Séminaire ni yo yegukanye igikombe, itsinze ikipe ya Gisagara Volleyball Academy amaseti 3-2, biba inshuro ya mbere iyi kipe yegukanye iki Gikombe kuva cyatangira gukinwa.

Mu bakanyujijeho, ikipe ya Kinyinya ni yo yegukanye igikombe naho mu cyiciro cya za kaminuza no mu cyiciro cya kabiri, ikipe ya Kinyinya volleyball ni yo yegukanye igikombe mu bagabo naho mu bagore cyegukanwa na UR Gikondo.

Mu cyiciro cy’amashuri mato (primary) abahungu, ikipe ya GS Kigeme ni yo yegukanye igikombe naho mu bagore cyegukanwa na GS Gatovu.

Mu cyiciro rusange, mu bagabo, igikombe cyegukanwe na Groupe Scolaire de Butare, naho mu bagore cyegukanwa na GS Gikore.

Petit Seminaire Virgo Fidelis yatwaye igikombe cyayo cya mbere cy’iri rushanwa itegura

Groupe Officiel de Butare yatwaye igikombe mu cyiciro cya Tronc Commun mu bahungu

Kepler VC yegukanye umwanya wa gatatu

Umuyobozi wa Kigali Today, Kanamugire Charles ni umwe mu baryohewe n’imikino ya nyuma ya Memorial Rutsindura

Kureba amafoto menshi yaranze iri rushanwa, kanda HANO

Amafoto: Eric Ruzindana

Reba ibindi muri iyi video

Umukino wa REG na Police wari ishiraniro

Ibyiciro 11 bitandukanye, ni byo byahuriye muri aka gace ku bibuga bitandukanye aho bamwe bamaze kugera ku mikino ya nyuma, igomba gukinwa kuri iki cyumweru.

Bimwe mu byiciro biba byitezwe cyane ni nko mu babigize umwuga, aho nko mu cyiciro cy’abagore, ikipe ya APR Volleyball Club ihura na RRA ku mukino wa nyuma.

Mu cyiciro cy’abagabo mu mikino y’amatsinda yakinwe ku wa gatandatu, ikipe ya REG VC yatsinze Police amaseti 3-1 ariko na yo itsindwa na Gisagara VC amaseti 3-2.

Police VC nyuma yo gutsindwa na REG, na yo yisasiye Gisagara n’amaseti 3-0 maze isoza imikino yo mu matsinda iri ku mwanya wa kabiri.

Mu rindi tsinda ikipe ya Kepler yatsinze APR amaseti 3-0 byatumye Kepler iyobora itsinda.

Mu mikino ya 1/2 ikipe ya APR irakina na REG VC na ho Police ihure na Kepler VC.

Mu bindi byiciro nabo baraye bageze ku mikino ya nyuma, yose igomba gukinwa kuri iki Cyumweru tariki ya 25 Gicurasi 2025.

Alphonse Rutsindura wabaye umwarimu mu ishuri rya Petit Séminaire Virgo Fidelis, yishwe muri Jenoside yakorewe Abatutsi mu 1994.

Rutsindura Alphonse yavutse mu 1958, avukira i Ndora mu Karere ka Gisagara, yiga amashuri yisumbuye muri Seminari nto ya Karubanda, amashuri makuru ayakomereza muri IPN (Institut Pédagogique National) i Butare.

Yabaye umwarimu w’umuziki n’Ikilatini mu Iseminari, aba umusifuzi n’umutoza w’ikipe ya Seminari hagati ya 1983-1994, aba Umutoza mukuru w’Ikipe y’Igihugu y’Abagore hagati ya 1988-1990.

Yanabaye kandi Visi Perezida wa Federasiyo ya Volleyball (FRVB), anaba Umutoza wa Rayon Sports VC mu 1990.

Rutsindura Alphonse yishwe muri Jenoside yakorewe Abatutsi mu 1994 hamwe n’umugore we, Mukarubayiza Verena n’abana babo, harokotse umwe gusa.

Amafoto & video: Eric Ruzindana

Wari umukino wa mbere mu yo kwishyura, aho APR imaze gutsinda imikino ibiri ariko na yo ikaba imaze gutsindwa indi mikino ibiri.

Dore uko umukino wagendaga agace ku kandi

APR ntabwo yatangiye neza agace ka mbere k’umukino, kuko kegukanywe na Made By Ball Basketball Club yo muri Afurika y’Epfo n’amanota 16 kuri 15 ya APR, bivuze ko harimo ikinyuranyo cy’inota rimwe.

Mu gace ka kabiri, ikipe ya APR yagabanyije amakosa ndetse yongera n’amanota kuko yaje kukegukana ku manota 24 kuri 22 ya Made By Ball Basketball Club, maze amakipe yombi ajya kuruhuka ari amanota 39 ya APR kuri 38 ya MBB.

APR yongeye gutangira agace ka gatatu nabi ubwo bari bavuye kuruhuka, maze MBB ikegukana ku manota 29 kuri 19 ya APR ndetse ikomeza no kuyigenda imbere.

Mu gace ka kane ari na ko ka nyuma, ikipe ya APR yagowe cyane no kuyobora umukino kuko yaje kwisanga abakinnyi bayo benshi bagwije amakosa, bityo umukino urushaho kubagora nubwo muri aka gace aribo batsinze amanota menshi 30 kuri 27, ariko MBB yegukana umukino ku giteranyo rusange cy’amanota 94 kuri 88.

APR izagaruka mu kibuga ku wa gatandatu ikina na Alahli Tripoli yo muri Libya.

Rutsindura Alphonse (uri hagati wambaye umupira w’umuhondo) yagize uruhare rukomeye mu guteza imbere umukino wa Volleyball mu Rwanda

Alphonse Rutsindura wabaye umwarimu mu ishuri rya Petit Séminaire Virgo Fidelis, yishwe muri Jenoside yakorewe Abatutsi mu 1994.

İri rushanwa rizaba rikinwa ku nshuro ya 21, kuri iyi nshuro ibyiciro byaryitabiraga byavuye ku munani bigirwa 11. Ibyiciro bizarushanwa ni amakipe yo mu cyiciro cya mbere abagabo n’abagore, amakipe y’abakobwa bo mu mashuri yisumbuye, amakipe y’amashuri makuru na kaminuza ndetse n’amakipe y’abato.

Ibi byiyongera ku bindi byiciro birimo amashuri makuru na kaminuza (abahungu), ingimbi (abahungu n’abakobwa), icyiciro rusange (abahungu), abakanyujijeho (abahungu), Volleyball yo ku mucanga (abato n’abakanyujijeho) n’amashuri abanza (abahungu n’abakobwa).

Rutsindura Alphonse yavutse mu 1958, avukira i Ndora mu Karere ka Gisagara, yiga amashuri yisumbuye muri Seminari nto ya Karubanda, amashuri makuru ayakomereza muri IPN (Institut Pédagogique National) i Butare.

Yabaye umwarimu w’umuziki n’Ikilatini mu Iseminari, aba umusifuzi n’umutoza w’ikipe ya Seminari hagati ya 1983-1994, aba Umutoza mukuru w’Ikipe y’Igihugu y’Abagore hagati ya 1988-1990.

Yanabaye kandi Visi Perezida wa Federasiyo ya Volleyball (FRVB), anaba Umutoza wa Rayon Sports VC mu 1990.

Rutsindura Alphonse yishwe muri Jenoside yakorewe Abatutsi mu 1994 hamwe n’umugore we, Mukarubayiza Verena n’abana babo, harokotse umwe gusa.

APR BBC yatsinzwe na Alahli itakaza umwanya wa mbere

Wari umukino wa gatatu usoza imikino ibanza, aho ikipe ya Alahli nyuma yo gutsinda imikino yayo yose ibanza, ihise yizera kwerekeza mu cyiciro gikurikira cya (Final).

Ikipe ya APR BBC yaburaga Aliou Diarra yinjiye neza muri uyu mukino, ndetse yaje kwegukana agace ka mbere ku manota 17 kuri 11 ya Alahli.

Mu gace ka kabiri k’umukino, ikipe ya APR BBC yakozemo amakosa menshi aho ndetse bamwe mu bakinnyi yagenderagaho nka Habimana Ntore na Miller, bari bamaze kuzuza amanota atatu buri umwe.

Ibi byatumye APR itakaza aka gace kuko Alahli yakegukanye ku manota 31 kuri 21.

Umusaruro mucye wa APR BBC wakomereje mu gace ka gatatu k’umukino, kuko Alahli yegukanye aka gace ku manota 19 kuri 11 ya APR BBC, byatumye Alahli ikomeza kuyobora ku giteranyo rusange.

Jean Jacques Boissy ahanganye na Ntore Habimana

Mu gace ka kane ari na ko ka nyuma, ikipe ya APR BBC yasaga n’iyamaze kwiyakira ko yatakaje umukino kuko Alahli yakomeje kuyigenda imbere, kugeza aho yegukanye aka gace ku manota 26 kuri 16 n’igiteranyo cy’amanota 90 kuri 68.

Jean Jacques Boissy wa Alahli ni we watsinze amanota menshi muri uyu mukino kuko yagize amanota 27.

APR iragaruka mu kibuga kuri uyu wa kane, ikina na Made By Ball Basketball Club yo muri Afurika y’Epfo.

Nshobozwabyose Wilson ashakisha inzira

REG VC ni yo ibitse iki gikombe

Mu buryo bushya butari busanzwe, aho iri rushanwa ryakinwaga mu minsi ibiri gusa, nyuma kandi y’uko hongerewe umubare w’ibyiciro byari bisanzwe byitabira iri rushanwa bikava ku munani bigashyirwa kuri 11, ubu ibyiciro bimwe byamaze kugera ku mikino ya nyuma.

Iri rushwa ubusanzwe riteganyijwe tariki ya 24 na 25 Gicurasi, gusa kubera ko ibyiciro bizahatana ari byinshi, byabaye ngombwa ko bamwe batangira gukina hakiri kare mu rwego rwo kugira ngo umubare mwinshi w’imikino utazakoma mu nkokora imigendekere myiza y’irushanwa.

Mu byiciro byamaze gusoza imikino y’ibanze, harimo nk’icyiciro cy’abato (Junior) aho bamaze kugera muri ¼, bakazagaruka bakina imikino ya nyuma.

Ibindi byiciro byasoje, ni icyiciro rusange (O’Level) ndetse n’amashuri mato (Primary), aho nabo bazaza bakina imikino ya nyuma uhereye muri ½.

Kuri iyi nshuro biteganyijwe ko abakinnyi basaga 1000 baturutse mu makipe arenga 60, ari bo bazitabira iri rushanwa.

RRA yakinnye umukino wa nyuma na APR VC

Ibindi byiciro bizakinwa birimo amakipe yo mu cyiciro cya mbere (abahungu n’abakobwa), amashuri makuru na kaminuza (abahungu), ingimbi (abahungu n’abakobwa), icyiciro rusange (abahungu), abakanyujijeho (abahungu), Volleyball yo ku mucanga (abato n’abakanyujijeho) n’amashuri abanza (abahungu n’abakobwa).

Amakipe ya Rwanda Revenue Authority mu bagore na REG VC mu bagabo, ni yo abitse iri rushanwa rya Memorial Rutsindura ry’umwaka ushize wa ya 2024.

Rutsindura Alphonse yavutse mu 1958, avukira i Ndora mu Karere ka Gisagara, yiga amashuri yisumbuye muri Seminari nto ya Karubanda, amashuri makuru ayakomereza muri IPN (Institut Pédagogique National) i Butare.

Yabaye umwarimu w’umuziki n’Ikilatini mu Iseminari, aba Umusifuzi n’Umutoza w’ikipe ya Seminari hagati ya 1983-1994, aba Umutoza mukuru w’Ikipe y’Igihugu y’Abagore hagati ya 1988-1990.

Yanabaye kandi Visi Perezida wa Federasiyo ya Volleyball (FRVB), anaba Umutoza wa Rayon Sports VC mu 1990.

Rutsindura Alphonse yishwe muri Jenoside yakorewe Abatutsi mu 1994 hamwe n’umugore we, Mukarubayiza Verena n’abana babo, harokotse umwe gusa.

RRA ni yo ibitse iki gikombe mu bagore

Youssoupha Ndoye ni we watsinze amanota menshi muri uyu mukino

Umunya Senegal Youssoupha Ndoye ukinira ikipe ya APR BBC, ni imwe mu ntwaro z’iyi kipe, aho mu manota 103 ikipe ya APR yatsinze, uyu mukinnyi yatsinzemo amanota 25 wenyine.

APR BBC ntabwo yatangiye neza umukino nubwo nta kinyuranyo kinini cyarimo, kuko agace ka mbere kegukanywe na Made By Ball Basketball Club n’amanota 26 kuri 23 ya APR.

Mu gace ka kabiri, amakipe yombi yongeye gukubana ndetse APR yegukana aka gace ku manota 22 kuri 21 ya Made By Ball Basketball Club, ariko ibi n’ubundi ntibyatumye iyi kipe y’Ingabo iyobora umukino, kuko amakipe yombi yagiye kuruhuka MBB iri imbere ku giteranyo rusange.

Amakipe akiva kuruhuka, APR BBC yaje yakosoye byinshi cyane mu bwugarizi. Ibi byatumye APR yegukana agace ka gatatu ku manota 28 kuri 12, bigaragara ko yari imaze gushyiramo ikinyuranyo.

Mu gace ka kane ari na ko ka nyuma, APR BBC yakomeje kuyobora umukino, byaje no kuyihesha kwegukana aka gace ku manota 30 kuri 22 ya Made By Ball Basketball Club.

APR yaje kwegukana umukino wose ku manota 103 kuri 81, bituma yuzuza imikino ibiri yikurikiranya itsindwa.

APR izagaruka mu kibuga ku wa Kabiri tariki ya 20 Gicurasi, ikina na Alahli Tripoli yo muri Libya mbere y’uko imikino yo kwishyura itangira.

Ikipe ya APR yabonye intsinzi ya kabiri

Perezida Kagame yarebye uyu mukino

Perezida Paul Kagame yarebye uyu mukino

Iri rushanwa rihuza amakipe yatwaye ibikombe bya shampiyona mu bihugu byabo, ikipe ya APR BBC itari yahirwa naryo muri kuva yatangira ku ryitabira umwaka ushize ngo ibe yarenga 1/4, imikino yo gushaka itike yo kugera muri iki cyiciro iri kubera muri BK Arena yayitangiye neza itsinda Nairobi City Thunder yo muri Kenya amanota 92 kuri 63, aho ari no ku nshuro ya mbere u Rwanda rwakiriye iki cyiciro (Conference) kuko inshuro enye ziheruka kuva iri rushanwa ryatangizwa muri 2021, rwakiraga imikino ya nyuma ihera muri 1/4 (Finals).

Ikipe ya APR BBC, ni inshuro ya kabiri yitabira iri rushanwa nyuma ya 2024 ubwo yitabiraga icyiciro nk’iki gusa ntiyakirenga ngo igere muri 1/4 biyigira ikipe ya mbere mu Rwanda itaragera ku mikino ya nyuma ya BAL, nyuma ya Patriots BBC yageze muri 1/2 mu 2021 na REG BBC yageze muri 1/4 inshuro ebyiri yikurikiranya, 2022 na 2023.

Aliou Diarra wa APR BBC niwe watsinze amanota menshi kuko yatsinze amanota 23 wenyine muri uyu mukino.Ikipe ya APR iragaruka mu kibuga kuri iki cyumweru ikina na Made By Ball Basketball club yo muri Afurika y’Epfo.

Undi mukino wabaye, ni uwahuje Al Ahli Tripoli yo muri Libya yatsinze Made By Ball BBC yo muri Afurika Y’epfo amanota 87 kuri 77.

Umuyobozi wa BAL Amadou Gallo Fall atangiza umukino hagati ya APR BBC na Nairobi City Thunders

Ni umukino w’umunsi wa 27 wa shampiyona wabereye kuri Kigali Pele Stadium aho APR yatsinze Gorilla FC igitego 1 ku busa bituma yuzuza amanota 61 aho irusha Rayon Sports iyikurikiye amanota 2.

Ni umukino watangiye ubona amakipe yombi yigana, nta gusatirana cyane ndetse byaje gutuma iminota 45 y’igice cya mbere, irangira ari ubusa ku busa.

Igice cya kabiri, cyatangiranye imbaraga ku ikipe ya APR FC ishaka kuyobora umukino hakiri kare.

Mugisha Ndori atsinze umukino we wa mbere nk’umutoza mukuru

Ku munota wa 56 nyuma yo gukora umupira kwa myugariro wa Gorilla FC, ikipe ya APR FC yabonye penaliti maze yinjizwa neza na rutahizamu w’umunya burukinafaso Djibril Ouattara.

Cheick Djibril Ouattara rutahizamu wa APR FC niwe wayitsindiye igitego rukumbi cyabonetse muri uyu mukino

Ni umukino ikipe ya APR yatojwe n’abatoza basanzwe batoza amakipe y’abato ya APR FC nyuma yuko iyi kipe y’ingabo itandukanye nuwari umutoza mukuru wayo umunya seribiya Darco Novic.

APR FC irakurikizaho ikipe ya Muhazi Football Club nyuma isoreze kuri Musanze FC.

Gorilla FC irakurikizaho ikipe ya Gasogi United mbere yo guhura na Rayon Sports ku mukino wa nyuma.

APR yegukanye Shampiyona

Ni nyuma yaho ikipe ya APR yatsinze ku mukino wa nyuma Police VC imikino 2-1 mu ya kamarampaka.

Mu mikino 3 yahuje aya makipe, ikipe ya Police VC ni yo yegukanye umukino wa mbere itsinze APR amaseti 3-0, APR itsinda umukino wa kabiri ku maseti 3-1, aha bivuze ko bari bamaze kunganya umukino umwe kuri umwe.

Ibi byatumye bategereza umukino wa gatatu ari na wo wa nyuma, aho baje gutsinda Police VC amaseti 3-2 maze APR VC yegukana igikombe ityo.

Ku ruhande rw’abagore, ku nshuro yayo ya mbere mu mateka, ikipe ya Police VC yegukanye igikombe cya shampiyona nyuma yo gutsinda APR VC imikino 2-1.

Ikipe ya APR VC ni yo yatangiye neza ubwo yatsindaga umukino wa mbere ku maseti 3-1, mu gihe APR VC yiteguraga gutsinda umukino wa kabiri maze ikegukana igikombe, Police VC yavuye inyuma maze itsinda APR amaseti 3-2 bivuze ko bagombaga gutegereza umukino wa gatatu.

Police VC yegukanye igikombe cya shampiyona mu bagore ku nshuro yayo ya mbere mu mateka

Mu mukino wa gatatu, ikipe ya Police yaje nta mwanya ifite wo guha APR, kuko yayitsinze amaseti 3-1 bityo yegukana igikombe cya shampiyona cyayo cya mbere mu mateka.

Urugendo ruganisha kugikombe rwatangiye ubwo umwaka w’imikino (regular season) wasozwaga, maze amakipe yitwaye neza (ane ya mbere) akerekeza mu mikino ya kamarampaka (Playoffs).

Ubwo imikino ya kamarampaka yatangiraga, mu cyiciro cy’abagabo, ikipe ya Police VC ni yo yasoje iyoboye izindi, aho yagombaga guhura n’ikipe yabaye iya kane ariyo REG VC. APR yari yasoje ari iya kabiri maze na yo igahura na Kepler VC yo yari yasoje ari iya 4.

Ku ikubitiro bitagoranye, ikipe ya Police yatsinze REG VC imikino ibiri yikurikiranya, ndetse na APR itsinda Kepler VC imikino ibiri ku busa.

Mu bagore, Police VC ni yo yasoje urutonde rwa shampiyona (regular season) iyoboye izindi, aho yari ikurikiwe na APR, RRA ndetse na Kepler.

Umukino wa APR na Police wakijijwe na kamarampaka

Police VC yahuye na Kepler VC mu mikino ya 1/2 cya kamarampaka, maze bitabagoye basezerera Kepler ku mikino ibiri ku busa.

Ikipe ya APR yari yabaye iya kabiri, yaje gucakirana na RRA yo yari yasoje ku mwanya wa gatatu, maze na yo biyoroheye iyitsinda imikino 2-0.

Shampiyona ya Volleyball yashyizweho akadomo, gusa amarushanwa yo ntabwo ahagaze kuko mu minsi iri imbere kuva tariki ya 20 hazakinwa irushanwa ngarukamwaka rya Memorial Rutsindura, rizabera mu karere ka Huye.

Mu ntangiriro za Kamena kandi, hazakinwa irushanwa mpuzamahanga ryo kwibuka Jenoside yakorewe Abatutsi (GMT), aho biteganyijwe ko hari amakipe azitabira avuye hanze y’u Rwanda.

Mu ntangiriro za Nyakanga, hazakinwa irushanwa ngarukamwaka ryo kwizihiza umunsi wo kwibohora, Liberation.

Polioce yigaranzuye APR iyitsinda imikino 2-1

Iyi kipe yasinyanye amasezerano y’imyaka ibiri na Poultry East Africa Ltd ifite “CooKo Inkoko koko” isanzwe itunganya inyama z’inkoko aho aya masezerano angana na Miliyoni 25 ku mwaka bivuze ko angana na Miliyoni 50 mu myaka ibiri.

“Bugesera Cycling team” ni ikipe isanzwe yitabira amarushanwa atandukanye yo gusiganwa ku magare hano mu Rwanda aho ubu yamaze no kwagura umubano wayo kuko ubu inafitanye ubucuti n’imikoranire ya hafi n’ikipe ya Israel – Premier Tech yo muri Isiraheri yabaye ubukombe muri uyu mukino wo gusiganwa ku magare.

Umuyobozi w’Agateganyo wa Bugesera Cycling Team, Kayirebwa Liliane, avuga ko aya masezerano bizeye ko azagirira akamaro ikipe harimo no kongera umubare w’abakinnyi kuko bajyaga bakomwa mu nkokora n’amikoro.

“Ni amasezerano twitezemo ibintu byinshi. Uretse kuduha miliyoni 25 Frw buri mwaka, bazajya baduha n’inyama z’inkoko kandi murabizi ko abakinnyi baba bakeneye vitamini. Bazajya batumenyekanisha nk’uko tuzabikora kandi iyo ubonye umuterankunga umwe n’abandi baziraho, ikipe yacu nkuru yari igizwe n’abakinnyi barindwi, ariko ubu tuzabongera kuko tubonye inkunga ihagije”

Bugesera Cycling Team yashinzwe mu 2019, itangirana abakinnyi bane gusa, kuri ubu ifite abakinnyi 180 bakina mu byiciro bitandukanye, guhera ku myaka 11 kugeza ku bafite imyaka 20 n’abayirengeje,

Yakomeje agira ati “Mu masiganwa y’abato ya Youth Racing Cup tugiramo abakinnyi bahagije kuko ni irushanwa ritangira ku bafite imyaka 11 kugeza ku bafite imyaka 19.”

Umuyobozi Mukuru wa Poultry East Africa Ltd “Cooko-Inkoko koko”, Shumei Lam, yavuze ko impamvu bahisemo gukorana n’Ikipe ya Bugesera Cycling Team ari uko ari ho ibikorwa byabo byatangiriye ndetse bashaka kugira uruhare mu iterambere ry’aka Karere.

Ati “Bugesera ni ahantu heza, njye mpafata nko mu rugo ha kabiri. Ni ugushyigikira aho tuba kandi dukorera. Dufite amashami atandukanye arimo atandatu i Kigali, ariko mu rugo ni i Mayange. Gukorana n’iyi kipe bizadufasha kugaragara ariko natwe tuzaba dushyigikiye siporo.”

Umukino wahuje APR na POLICE wari ukomeye

Uku gutsindwa kuruhande rwa POLICE WVC byongereye amahirwe ikipe ya APR VC yo kwegukana igikombe cya shampiyona kuko ubu ibura umukino umwe ikagitwara.Ni umukino utagendekeye neza ikipe ya Police WVC kuko iseti ya mbere yatsinzwe ku manota 25 kuri 23, iseti ya kabiri bayitsindwa ku manota 26 kuri 24 naho iseti ya gatatu bayitsindwa ku manota 25 kuri 20.

Ku ruhande rw’abahatanira umwanya wa gatatu, ikipe ya Kepler Women Volleyball Club yongeye gusubira RRA WVC maze iyitsinda amaseti 3-1.Ibi bivuze ko ikipe ya KEPLER VC nayo ibura umukino umwe maze ikegukana umwanya wa 3.

APR WVC yateye intabwe iyiganisha ku gikombe

Mu bagabo ikipe ya Kepler VC iri guhangana na REG VC bahatanira umwanya wa gatatu aho mu mukino wa mbere w’iyi mikino ya kamarampaka, ikipe ya REG VC yegukanye itsinzi naho Police VC itsinda APR VC batangira igikombe mu gihe kimwe no mu bagore umunsi wa kabiri uzakinwa mu mpera z’icyumweru gitaga, ikipe itsinze umukino wa kabiri wikurikiranya igatwara igikombe naho hagira iyari yatsinzwe umukino wa mbere itsinda hakazitabazwa umukino wa gatatu.

Mbere ya buri mukino wahagatwaga umunota wo Kwibuka ku nshuro ya 31 Jenoside yakorewe Abatutsi mu 1994

Kepler WVC yatsinze RRA WVC yiyongerera amahirwe yo kwegukana umwanya wa gatatu

Ubwo yagera ku kibuga cy’indege i Kanombe yakiriwe n’abakunzi bayo bayishimiye

APR VC itarabashije kugera ku mukino wa nyuma kuko yasezerewe muri 1/2, izanye umwanya wa kane ku mugabane w’Afurika, nyuma yo gutsindwa ku mukino w’umwanya wa gatatu n’ikipe ya Al Ahly yo mu Misiri bityo igasoza ku mwanya kane.

Nubwo intego yakabaye igikombe, ariko ikipe ya APR VC yakoze amateka yo kuboneka mu makipe 4 meza muri Afurika, ndetse bishimangira ko u Rwanda ubu rugize nibura amakipe 3 ashoboye kugera muri 1/2 nyuma ya Kaminuza y’u Rwanda yabigezeho muri 2011 ndetse na Gisagara Volleyball Club yegukanye umudari w’umurimga muri 2022.

APR VC irasubukura imyitozo vuba yitegura umukino wa kabiri mu ya nyuma ya kamarampaka, aho izahura na Police VC yo itarigeze isohoka kuko yagumye i Kigali.

Mu mukino ubanza wahuje aya makipe yombi, ikipe ya Police VC yatsinze APR amaseti 3-0.

Dennis Ireke wabaye umwe mu bakinnyi beza b’irushanwa

Col. (Rtd) Muyango Jean Bosco na Capt. Jeannet Mukangabo

Colonel (Rtd) Muyango Jean Bosco ni we wagizwe Perezida wa APR WVC aho azaba yungirijwe na Major Jemimah Kabageni wari usanzwe ari muri izi nshingano, kuva mu kwakira umwaka ushize wa 2024.

Undi muyobozi wahawe iyi kipe ni Captain Jeannet Mukangabo, wagizwe ushinzwe ubuzima bw’abakinnyi (Team Manager), aho yasimbuye kuri uyu mwanya Captain Mugema Alphonse we wagizwe umunyamabanga w’ikipe (SG).

Colonel (Rtd) Muyango Jean Bosco si ubwa mbere agaragaye mu makipe ya APR ya volleyball, kuko yigeze no kuyobora ikipe y’abagabo.

Ikipe ya APR WVC ifite umukino ubanza wa kamarampaka igomba guhuramo na Police WVC kuri uyu wa gatanu.

Maj. Kabageni Jemimah, aha yasuhuzaga Amb. Christophe Bazivamo

Wari umukino ukomeye

Mu mukino w’ishiraniro waranzwe n’imyotsi myinshi yoherezwaga mu kibuga n’abafana ba Swehly, ikipe ya APR ntibashije kugera ku mukino wa nyuma, aho ubu igiye guhatanira umwanya wa gatatu.

Ikipe ya Swehly ni yo yegukanye amaseti 2 ya mbere, mu gihe ikipe ya APR VC yahise yegukana seti ya 3.

Seti ya 4 yabaye ishiraniro kuko abafana bari muri Stade ya Misurata International Stadium, bari bahagurutse maze bacana ibishashi bizana imyotsi mu kibuga mu rwego rwo gushaka kunaniza ikipe bari bahanganye.

Swehly yahise igera ku mukino wa nyuma

Ikipe ya Swehly yaje kwegukana iyi seti ku manota 25 kuri 22 byatumye yuzuza amaseti 3-1 maze ihita inerekeza ku mukino wa nyuma.

Ikipe ya APR izakinira umwanya wa gatatu n’ikipe igomba kuva hagati ya Al Ahly yo mu misiri ndetse na Esperance de Tunis yo muri Tunisia.

Kepler VC na yo ihagarariye u Rwanda muri iri rushanwa, ntabwo yabashije kurenga imikino ya 1/8 cy’irangiza.

Paul Akan kuri serivisi

VIDEO - APR VC yari ihagarariye u Rwanda mu irushanwa rihuza amakipe yabaye aya mbere iwayo (Men's African Volleyball Club Championship), yasezerewe muri 1/2 na Swehly Sports Club yo muri Libya iyitsinze amaseti 3-1 (25-17, 25-18, 27-29, 25-22). pic.twitter.com/gcUDcqaRJg

— Kigali Today (@kigalitoday) April 28, 2025

Ikipe ya APR BBC ni yo yegukanye igikombe cyo #Kwibuka31

Ni irushanwa ryashyirwagaho akadomo nyuma y’iminsi itanu ryari rimaze rikinwa, aho ryitabiriwe n’amakipe atandukanye yaba aya hano mu Rwanda ndetse no mu bihugu by’abaturanyi nka Kenya, Tanzania ndetse na Uganda.

Ikipe ya APR BBC yegukanye iki gikombe itsinze ikipe ya UGB ku mukino wa nyuma iyitsinze amanota 94 kuri 92. Mu cyiciro cy’abagore, ikipe ya REG WBBC yegukanye igikombe itsinze ikipe ya JKL Dolphines yo mu gihugu cya Uganda amanota 65 kuri 61.

Muri iri rushanwa, ikipe ya Dar City yo mu gihugu cya Tanzania ni yo yegukanye umwanya wa gatatu, itsinze ikipe ya KPA yo mu gihugu cya Kenya amanota 68-65 naho mu cyiciro cy’abagore, ikipe ya KPA ni yo yegukanye uyu mwanya itsinze ikipe ya APR WBBC amanota 72 kuri 58.

Iri rushanwa riba mu rwego rwo kwibuka abari abakinnyi, abatoza n’abakunzi ba Basketball bazize Jenoside yakorewe abatutsi mu 1994, aho ryateguwe mu gihe u Rwanda n’Isi muri rusange, bari mu gihe cyo kwibuka ku nshuro ya 31 Jenoside yakorewe Abatutsi mu 1994.

REG WBBC yegukanye igikombe mu cyiciro cy’abagore ihigitse Dolphines yo muri Uganda

UBG nubwo yatsindiwe ku mukino wa nyuma ariko yagaragaje urwego ruri hejuru

Dar City yo muri Tanzania yegukanye umwanya wa gatatu

KPA yo muri Kenya ni yo yegukanye umwanya wa gatatu mu cyiciro cy’abagore

APR yakoze amateka igera muri 1/2 cy’irushanwa nyafurika

Ni umukino wari ukomeye ndetse ikipe ya APR VC itatangiye neza, kuko yatangiye itsindwa seti ya mbere ku manota 25 kuri 17.

Ikipe ya APR VC yagarutse muri seti 2,3 ndetse ni iya 4 yahindutse, kuko ntabwo yigeze yemerera ikipe ya Al Itihad ko iyobora umukino, maze yegukana umukino ityo n’amaseti 3-1.

APR yabaye ikipe ya 3 mu mateka ya volleyball mu Rwanda igeze muri 1/2 cy’iyi mikino, nyuma ya Kaminuza y’u Rwanda yabikoze muri 2011 ndetse na Gisagara Volleyball muri 2022.

Ikipe ya APR VC iri mu gihugu cya Libya kuva tariki ya 17 aho iri kumwe kandi na Kepler VC na yo ihagarariye u Rwanda, gusa yo ikaba itaragize amahirwe yo kurenga 1/8 cy’irangiza.

Ikipe ya APR VC iragaruka mu kibuga kuri uyu wa mbere, ikina imikino ya 1/2.

APR yari ihagaze neza

AL Itihad yari yatsinze set ya mbere, ntiyahiriwe kuko APR yahise iyicira akarongo

Kepler VC ku nshuro yayo ya mbere yitabira aya marushanwa, yamaze kugera muri 1/8

APR na Kepler Volleyball, amakipe ahagarariye u Rwanda muri iyi mikino, yamaze gutambuka icyiciro cy’amatsinda aho bamaze kwerekeza muri 1/8. APR VC yasoje imikino y’amatsinda iri ku mwanya wa 3 mu itsinda rya kane, naho Kepler VC isoreza ku mwanya wa 2 mu isinda rya gatatu.

Muri 1/8, ikipe ya Kepler izahura na Volleyball Club Espoir yo muri Congo (DRC), naho APR yo izakina na GSU (General Service Unit-Kenya).

Iyi mikino irimo kubera mu gihugu cya Libya mu mujyi wa Misurata, aho iteganyijwe kuzasozwa tariki 30 Mata 2025.

APR VC izahura na GSU yo muri Kenya

APR yatsinze Kepler

Mu mikino yakinwe kuri uyu wa kane mu cyiciro cy’abagore, ikipe ya APR Women Basketball Club yatsinze Kepler amanota 58 kuri 55, naho JKL Dolphins yo muri Uganda itsinda ikipe ya East African University Rwanda amanota 96 kuri 73.

Mu bagabo hakinwe imikino itatu harimo n’uwikirarane utari warabereye igihe, kuko ikipe ya Kenya Ports Authority yari itaragera mu Rwanda.

Mu mukino wari waraye utarangiye, ikipe ya Kenya Ports yatsinze REG BBC yo mu Rwanda amanota 58 kuri 55.

Uyu mukino wakurikiwe n’uwahuje ikipe ya UGB yo mu Rwanda na Dar City yo muri Tanzania, maze UGB itsinda Dar City amanota 75 kuri 71.

Mu mukino wari ukomeye, UGB yatsinze Dar City yo muri Tanzania

Umukino wasoje indi, ni uwahuje ikipe ya APR BBC yatsinzemo KPA yo muri Kenya amanota 99 Kuri 61

Iri rushanwa rigamije kwibuka abari abakinnyi, abatoza n’abakunzi ba Basketball bazize Jenoside yakorewe abatutsi mu 1994, aho ryateguwe mu gihe u Rwanda n’Isi muri rusange bari kwibuka ku nshuro ya 31 Jenoside yakorewe Abatutsi mu 1994.

Ni irushanwa ryatangiye kuva tariki ya 23 Mata, rikazageza tariki ya 27 Mata 2025 muri Petit Stade, mu byiciro byombi.

Uretse aya makipe yo mu karere yatumiwe, iri kandi rushanwa ryitabiriwe n’amakipe yo mu Rwanda ariyo APR BBC abagabo n’abagore, REG BBC abagabo n’abagore, Patriots BBC na UGB mu bagabo.

APR yatsinze KPA yo muri Kenya

Iyi mikino irakomeza kuri uyu wa gatanu, aho mu bagabo ikipe ya Dar City ikina na Patriots naho REG igakina na APR.

Mu cyiciro cy’abagore ikipe ya APR irakina na KPA naho REG ikine na Dolphins.

Ubwo iri rushanwa ryaherukaga kuba, ryegukanwe n’ikipe ya APR mu bagabo n’abagore.

Kepler VC yatangiye itsinda Rodrigue Orange Club yo muri Mauritius

APR VC bigoranye yatsinze Kenya Ports Authority (KPA) amaseti 3-2, mu gihe Kepler yo yihanangirije Rodrigue Orange VC yo muri Mauritius iyitsinda amaseti 3-1.

Ni imikino yitabiriwe n’amakipe 23 yabaye ayambere mu bihugu byayo muri afurika, ikaba yatangiye ku wa gatandatu tariki ya 20 ikazageza tariki ya 30 Mata 2025.

Amakipe yo mu Rwanda arakomeza uyu munsi aho ikipe ya Kepler VC iza gucakirana na Pord Autonome de Douala yo muri Cameroon, saa kumi (4pm) ku isaha y’i Kigali.

APR VC iragaruka mu kibuga ikina na Espérance Sportive yo mu gihugu cya Tuniziya.

Kepler bishimira intsinzi

APR yatsinze bigoranye KPA yo muri Kenya

Ubwo APR yasesekaraga ku kibuga cy’indege cya Misrata

Ni irushanwa ryitabiriwe ku buryo budasanzwe, rikaba rigizwe n’amakipe 23 avuye mu bihugu bitandukanye maze ashyirwa mu matsinda 4, aho buri tsinda rigizwe n’amakipe 6 usibye irya mbere ryo rigizwe n’amakipe 5.

Kepler Volleyball yakinnye umukino wa nyuma muri shampiyona y’u Rwanda umwaka ushize, yisanze mu itsinda rya gatatu aho iri kumwe na Kenya Prisons(Kenya), Port de Doual (Cameroon), Wolaita Sporting (Ethiopia), Rodrigue Volley (Mauritius) ndetse na Al Ittihad (Libya).

APR Volleyball Club yo yisanze mu itsinda rya kane, aho iri kumwe na Al Nassr Sporting (Libya), KPA (Kenya), Litto Team (Cameroon), Volleyball Club Emmanuel (DR Congo) ndetse na Espérance Sportive (Tunisia).

Kepler ubwo yageraga muri Libya

Nk’uko amategeko y’irushanwa abigena, amakipe yose azahura hagati yayo mu matsinda, hanyuma amakipe 2 ya nyuma asezererwe andi yerekeze muri 1/8.

Si ubwa mbere amakipe yo mu Rwanda yitabira aya marushanwa, kuko inshuro iheruka, ikipe ya Police VC yegukanye umwanya wa 6 mu irushanwa ryabereye mu gihugu cya Misiri.

Ikipe ya Kepler iratangira ikina na Al Ittihad yo mu gihugu cya Libya, naho APR yo ikaza gutangirana na Volleyball Club Emmanuel yo muri Congo.

Claude Kabengera ushinzwe siporo muri Kepler ubwo bari mu nama itegura irushanwa

Bafashe umunota wo Kwibuka mbere y’umukino

Abakinnyi ba VC La Loi yo muri Repubulika Iharanira Demokarasi ya Congo (RDC), bifatanyije na APR kwibuka ku nshuro ya 31 Jenoside yakorewe Abatutsi mu 1994.

Ni mu irushanwa nyafurika ririmo kubera mu gihugu cya Nigeria, aho rihuza amakipe yabaye aya mbere iwayo mu bagore (African Women’s Club Championship 2025).

Nk’uko byemejwe n’akanama gashinzwe gutegura no gukurikirana irushanwa (Organizing Committee), hemejwe ko muri iki cyumweru cyahariwe kwibuka ku nshuro ya 31 Jenoside yakorewe Abatutsi, kuri buri mukino urimo ikipe yo mu Rwanda hazajya hafatwa umunota wo kwibuka.

Iki gikorwa cyanitabiriwe na Amb. Christophe Bazivamo

Ni umugoroba wo kwibuka wabereye mu mujyi mukuru wa Nigeria, Abuja, ukaba wayobowe na Ambasaderi w’u Rwanda muri icyo gihugu, Christophe Bazivamo.

Uyu mugoroba wo kwibuka kandi, witabiriwe n’abantu batandukanye biganjemo abahagarariye ibihugu byabo muri Nigeria, abahagarariye amadini n’amatorero, Intumwa y’Umuryango w’Abibumbye ndetse n’inshuti z’u Rwanda.

Ikipe ya APR ndetse na Police WVC, barakomeza imikino yabo kuri uyu wa kabiri bakina imikino ya 1/8, aho ikipe ya APR igomba gukina na VC La Loi yo muri Repubulika Iharanira Demokarasi ya Congo (RDC), naho Police VC yo ikine na Kenya Prisons yo mu gihugu cya Kenya.

Amakipe yo mu Rwanda nta kosa agomba gukora mu mikino yayo ya nyuma mu matsinda

Yaba ikipe ya Police ndetse na APR Women Volleyball Club, nta n’imwe iraharura inzira iyerekeza muri 1/8, dore ko bose bari ku mwanya wa gatatu mu matsinda yabo, bityo ko bagomba kwirinda gukora ikosa ryo kuba batsindwa undi mukino wo mu matsinda yabo.

Ikipe ya APR WVC nubwo yatangiye yisasira ikipe yo mu Barabu ya Carthage WVC iyitsinze amaseti 3-1, ariko yaje gutungurwa itsindwa na Mayo Kani Evolution yo mu gihugu cya Cameroon amaseti 3-1, bituma itakaza umwanya wa mbere aho ubu iri ku mwanya wa gatatu n’amanota 3 gusa.

Police VC na yo yatangiye nabi ubwo yatsindwaga na Kenya Pipeline amaseti 3-1, gusa iza kwivugana Club Omnisports Descartes yo muri Ivory Coast, iyitsinda amaseti 3-0, gusa na yo ntibyayiha umwanya wa mbere.

Mu mikino yabo ya nyuma mu itsinda, ikipe ya Police VC igomba guhura na Litto Volleyball Club kuri iki cyumweru, naho APR VC ikisobanura na Nigeria Customs yakiriye iri rushanwa.

APR Ejo yatsinzwe na Mayo Kani Evolution yo muri Cameroon

Barasabwa iki?

Ikipe ya APR gutsinda Customs biratuma ifata umwanya wa mbere, ariko igihe yaba iyitsinze ku ma seti 3-0, iramutse itsinze yinjijwe iseti, byagorana cyane igihe Carthage ya mbere yo yaba yatsinze Mayo Kani evolution.

Ikipe ya APR iramutse itsinzwe uyu mukino, Carthage igatsinda Mayo Kani, ibi bivuze ko ikipe ya APR yaguma ku mwanya wa gatatu.

Igihe kandi Mayo Kani yatsinda Carthage, APR yatsinzwe na Customs, APR yakwisanga ku mwanya wa nyuma.

Police WVC irasabwa gustinda umukino w’uyu munsi ubundi ikizera gusoza imikino yayo ku mwanya wa kabiri, bityo muri 1/8 bikaba byayifasha guca mu nzira nziza.

Police VC irasabwa na yo gutsinda Igafata umwanya wa kabiri

APR VC irasabwa kudakora ikosa

Police VC ntiyahiriwe n’intangiriro

Ni umukino wagoye cyane abakobwa b’umutoza Hatumimana Christian, kuko iseti ya mbere, bayitsinzwe ku manota 25 ku 10, bidasanzwe kuri iyi kipe iri mu zikomeye muri iri rushanwa.

Wari umukino wa mbere mu itsinda ryayo (itsinda rya 4), aho isabwa nibura gutsinda indi mikino isigaye kugira ngo yizere umwanya muri 1/8.

Umukino wa Police WVC waje usanga uwa APR WVC yo yakinnye ku wa kane, ikanatsinda ikipe ya Carthage VC yo muri Tunisia amaseti 3-1, byanatumye ikizere cyo kuyobora itsinda ryayo cyiyongera.

Imikino irakomeza kuri uyu wa gatandatu aho Police WVC igaruka mu kibuga ikina n’ikipe ya Descartes VC yo mu gihugu cya Ivory Coast, naho APR yo igakina na Mayo Kani Evolution yo mu gihugu cya Cameroon.

Iyi mikino yose irimo kubera mu gihugu cya Nigeria mu mujyi wa Abuja, aho yatangiye tariki ya 3 ikazasozwa tariki ya 14 Mata 2024.

Umukino wa APR VC na Mayo Kani Evolution, uteganyijwe ku isaha ya saa sita z’amanywa ku masaha yo hano muri Nigeria, biraza kuba ari ku isaha ya saa saba ku isaha yo mu Rwanda.

Umukino wa Police WVC na Descartes VC wo uteganyijwe ku isaha ya saa kumi n’ebyiri 6pm ku isaha yo muri Nigeria, bikaza kuba ari ku isaha ya saa 7pm ku isaha y’i Kigali.

Amb. Bazivamo yafatanyije na APR WVC kwishimira intsinzi

Ni umukino wabereye mu nzu y’imikino iri mu cyanya cyahariwe ibikorwa bya Siporo, mu mujyi wa Abuja muri Nigeria.

Ikipe ya APR WVC kimwe na bagenzi babo ba Police WVC bari mu gihugu cya Nigeria kuva ku wa gatatu, aho bitabiriye iyi mikino inzwi nka CAVB Women’s Club Championship, ihuza amakipe yabaye aya mbere iwayo.

Umukino wa APR WVC na Carthage VC yo muri Tunisia, ni wo wabanjirije indi yose kuko hari hateganyijwe imikino ibiri uyu munsi, harimo n’uwo gufunguriraho irushanwa nyirizina.

Ikipe ya APR WVC ni yo yabanjwe iseti ubwo yatsindwaga amanota 25 kuri 18. APR WVC yahise ica akarongo maze kuva ubwo Carthage ntiyongera kubona iseti, kugeza yegukanye umukino ku maseti 3-1.

Wari umukino utoroshye

Uyu mukino kandi warebwe na Ambasaderi w’u Rwanda muri Nigeria, Christopher Bazivamo.

Ku yindi ikipe ihagarariye u Rwanda muri aya manurushwa ariyo Police WVC, yo ntabwo yakinnye kuko ku ngengabihe yayo igomba gukina kuri uyu wa gatanu n’ikipe ya Kenya Pipeline yo mu gihugu cya Kenya.

Ikipe ya APR WVC iri mu itsinda rya mbere aho iri kumwe na Carthage yo muri Tuniziya, Mayo Kani yo mu gihugu cya Cameroon ndetse na Nigeria Customs yo mu gihugu cya Nigeria.

Police WVC iri mu itsinda rya kane aho iri kumwe na Kenya Pipeline yo muri Kenya, Litto Volleyball yo muri Cameroon ndetse na Descartes yo muri Ivory Coast.

Ikipe ya APR WVC izagaruka mu kibuga ku wa gatandatu, ikina hagati ya Nigeria Customs ndetse na Mayo kani.

Police VC na APR ziresurana kuri uyu wa gatandatu

Mu mpera z’icyumweru gishize, nibwo amakipe ya APR na Police VC abagabo n’abagore, yageze ku mukino wa nyuma mu ya kamarampaka (Playoffs), aho mu bagore ikipe ya APR yasezereye RRA iyitsinze imikino 2-0, naho Police VC yo isezerera Kepler VC na yo iyitsinze imikino 2-0.

Mu cyiciro cy’abagabo, ikipe ya APR ku nshuro yayo ya kabiri yikurikiranya, yageze ku mukino wa nyuma isezereye Kepler VC ku mikino 2-0, naho Police VC yo isezerera ikipe ya REG VC na yo iyitsinze imikino 2-0.

Nk’uko ingengabihe y’ishyirahamwe ry’umukino wa volleyball mu Rwanda ibigaragaza, mu cyiciro cy’abagabo barakomeza bakina imikino ya nyuma ndetse no guhatanira umwanya wa gatatu, aho bagomba gukina mu mpera z’iki cyumweru.

APR VC ni yo ibitse igikombe giheruka

Nk’uko bigaragara ku ngengabihe, kuri uyu wa gatandatu ikipe ya Kepler ndetse na REG VC baracakirana bahatanira umwanya wa gatatu, nyuma yaho ikipe ya Police VC icakirane na APR, ku mukino wa nyuma ariko ubanza.

Ni ku nshuro ya kabiri ikipe ya APR VC igeze ku mukino wa nyuma, aho umwaka ushize yakinnye imikino ya nyuma ndetse inegukana igikombe itsinze Kepler VC imikino 2-1. Police VC ni ku nshuro yayo ya mbere ikinnye imikino ya nyuma kuva yashingwa muri 2023, aho umwaka ushize yasezererewe muri ½ itsinzwe na Kepler VC.

Imikino ya nyuma izakinwa ite?

Nk’uko amabwiriza abigena, amakipe yose agomba gutanguranwa imikino 3 kugira ngo wizere ko wegukanye igikombe, aha bivuze ko niba wegukanye imikino 2 yikurikiranya, uhita wegukana igikombe.

Amakipe yose azakina umukino umwe ahite asubika azongere muri Gicurasi

Kubera ingengabihe y’imikino ihuza amakipe yatwaye ibikombe iwayo, izitabirwa n’amakipe yo mu Rwanda, iyi mikino ntabwo izakomeza gukinwa aho hazakinwa umukino umwe gusa, noneho hagategerezwa umukino wa nyuma muri Gicurasi ubwo amakipe yose azaba avuye mu mikino nyafurika.

Kubera umwanya udahagije ku bagore, ntabwo bazakina imikino ya nyuma kuko amakipe ya APR, Police na RRA yose azerekeza mu mikino ya Champions League muri Nigeria, izaba guhera tariki ya 1 kugeza tariki ya 14 Mata 2025, bityo imikino yabo ya nyuma nabo ikazakinwa muri Gicurasi.

REG VC izakina na KEPLER bakinira umwanya wa gatatu

BK Arena, Petit Stade na Stade Amahoro birakira ibirori icyarimwe

Ku wa Gatanu tariki 21 werurwe, mu Mujyi wa Kigali inzira zose kuba siporutifu zizaba zerekeza i Remera, bamwe bajya muri Sitade Amahoro kureba umukino uzahuza amavubi na Nigeria, abandi berekeza muri BK Arena kureba shampiyona ya Basketball, mu gihe abandi bazaba berekeza muri Petit Stade kureba umunsi wa kabiri w’imikino wa kamarampaka muri Volleyball, igeze ahakomeye.

Nubwo akenshi usanga buri mukino ugira impirimbanyi zawo, ariko ntiwabura kuvuga ko amahitamo ku basiporutifu kuri uyu wa gatanu agoye, kuko iyi mikino yose izaba iryoheye ijisho.

Muri stade Amahoro ku isaha ya saa kumi n’ebyiri (18h00), ikipe y’Igihugu y’u Rwanda mu mupira w’amaguru, izacakirana na Nigeria mu mukino w’umunsi wa gatanu wo mu matsinda mu gushaka itike y’Igikombe cy’Isi.

U Rwanda ruyoboye itsinda C rusangiye na Nigeria, aho ubu u Rwanda rufite amanota 7 mu mikino 4 rumaze gukina, mu gihe Nigeria ifite amanota 3 gusa.

Abakunda Volleyball bazaba bari muri Petit stade

Kuri uwo munsi ndetse no ku isaha imwe, muri Petit Stade, abakunzi ba volleyball nabo bazaba bari mu buryohe, aho bazaba bakina umunsi wa kabiri w’imikino ya kamarampaka.

Ikipe ya APR y’abagore izakina na RRA, naho nyuma yaho ikipe ya APR y’abagabo icakirane na Kepler VC.

Muri BK Arena naho bizaba bicika kuri uwo munsi, aho ikipe ya APR BBC izaba ikina na Tigers BBC naho nyuma yaho, ikipe ya REG BBC icakirane na Patriots BBC.

Nubwo ariko amahitamo agoye ku bakunzi b’imikino, abandi babifata nk’ibyo kwishimira cyane nk’ingaruka nziza zo kwihaza mu bikorwa remezo, bityo abakunda kwidagadura bakabona aho bidagadurira.

Abakunda Basketball bazaba bari muri BK Arena

Muri stade Amahoro naho bizaba ari uburyohe

Imikino ya kamaparampaka (playoffs) muri volleyball yatangiye taliki ya 14 Werurwe, aho amakipe ane ya mbere, agomba kwishakamo agera ku mukino wa nyuma.

Umunsi wa mbere waciye amarenga ko amakipe ya APR na POLICE VC ashobora kuzisanga ku mukino wa nyuma.

Mu cyiciro cy’abagore, ikipe ya POLICE VC yabaye iya mbere yatsinze ikipe ya Kepler VC yabaye iya kane muri shampiyona amaseti 3-1 aha bivuze ko Police isabwa gutsinda umukino umwe gusa ubundi ikizera kugera ku mukino wa nyuma.

APR VC n’ubwo yatsinze RRA amaseti 3-2, bigaragara ko uyu mukino utoroheye APR VC ku buryo wawushingiraho uvuga ko APR izasezerera RRA ku buryo bworoshye n’ubwo bishoboka ahanini bishingiye ku musaruro APR imaze iminsi igaragaza no mu mikino mpuzamahanga.

RRA yagizweho ingaruka no kuvunikisha umukinnyi wayo Jennifer Tembo ubu irimo kugaruka buhoro buhoro, irasabwa gutsinda APR mu mukino wa kabiri nibura igategereza umukino wa gatatu bitaba ibyo yasezererwa muri ½ ku nshuro ya kabiri yikurikiranya nyuma yo gusezererwa na POLICE VC umwaka ushize.

Kepler Women volleyball club, nubwo yagoye cyane ikipe ya POLICE VC, ikizere cyo gukomeza mu cyiciro gukurikira si cyinshi ahanini ujyendeye kuwo bahanganye (POLICE VC).

Kepler si iyo gutemerwaho ibisinde kuko ni umwaka wayo wa mbere irimo gukina muri shampiyona y’u Rwanda aho mu mwaka wayo wa mbere imaze gutwara imidari ibiri harimo uw’umuringa yegukanye mu gikombe cy’Intwari ndetse na Feza yegukanye mu irushanwa rya “Memorial Kayumba”.

Mu cyiciro cy’abagabo, ikipe za Police vc na APR VC nazo zatanze ubutumwa ku nta ngiriro yiyi mikino. Police vc yabaye iya mbere muri shampiyona, yatsinze REG VC amaseti 3-1 naho APR VC yo yihererana KEPLER VC iyitsinda amaseti 3-0.

Police vc irashaka gukina umukino wa nyuma bwa mbere mu mateka yayo kuko kuva yashingwa muri 2023 itarabasha gukina umukino wa nyuma dore ko umwaka ushize yasezerewe muri ½ n’ikipe ya Kepler VC.

APR VC ifite amahirwe menshi yo gusezerera Kepler VC bijyanye nibyo umukino wa mbere wagaragaje gusa byose birashoboka kuko bagomba gukina umukino wa kabiri kuri uyu wa gatandatu ari nawo uzemeza niba APR ijya ku mukino wa nyuma cya bagomba guteghereza umukino wa gatatu.

Dore uko umunsi wa kabiri uteye

Kuwa gatanu taliki ya 21 Werurwe

Saa 18h00: Police vs Kepler (Abagore)
Saa 20h00: Police vs REG (Abagabo)

Kuwa gatandatu taliki ya 22 Werurwe

Saa 16h00: APR vs RRA (Abagore)
Saa 18h00: APR vs Kepler (Abagabo)

Imikino ya kamarampaka iratangira kuri uyu wa gatanu

Nyuma yo gusoza umwaka w’imikino (regural season), amakipe yabaye 4 ya mbere mu byiciro byombi abagabo n’abagore, arakomereza mu cyiciro cya kamarampaka aho biteganyijwe ko imikino itangira kuri uyu wa Gatanu tariki 14 Werurwe 2025.

Nk’uko amategeko abigena, ikipe yabaye iya mbere, ihura n’ikipe yabaye iya kane, iyabaye iya kabiri igahura n’iyabaye iya 3, maze bagatanguranwa imikino itatu, aho ikipe ibashije gutsinda indi mikino 2 ihita yerekeza ku mukino wa nyuma.

Mu makipe azakina kamarampaka mu cyiciro cy’abagabo harimo Police VC yabaye iya mbere, APR VC iri ku mwanya wa 2, Kepler VC iri ku mwanya wa 3 naho REG VC yo ikaza ku mwanya wa kane.

Mu cyiciro cy’abagore, ikipe ya Police VC ni yo yasoje iri ku mwanya wa mbere, aho ikurikiwe na APR VC ku mwanya wa 2, RRA ku mwanya wa 3 ndetse na Kepler VC yaje ku mwanya wa 4.

Imikino iratangira kuri uyu wa gatanu

Aya makipe yatsindanywe ate mu mikino bakinnye muri shampiyona?

Reka turebere hamwe mu mikino yahuje aya amakipe muri shampiyona uko yatsindanye, dukurikije uko azatangira ahura muri kamarampaka.

Abagabo

Police VC na REG VC

Umukino ubanza: Police VC 3-0 REG VC
Umukino wo kwishyura: REG VC 0-3 Police VC

Kepler VC na APR VC

Umukino ubanza: APR 3-1 Kepler

Umukino wo kwishyura: Kepler 3-2 APR

Abagore

Police VC na Kepler VC

Umukino ubanza: Police 3-1 Kepler

Umukino wo kwishyura: Kepler 1-3 Police

APR VC na RRA VC

Umukino ubanza: APR 1-3 RRA

Umukino wo kwishyura RRA 1-3 APR

Amakipe ya APR na Kepler mu bagabo, umwaka ushize ni yo yakinnye umukino wa nyuma, kuri iyi nshuro bagiye guhurira muri ½.

Kepler VC mu cyiciro cy’abagore, igiye gukina iyi mikino ku nshuro yayo ya mbere nyuma y’umwaka umwe ivutse.

Iyi mikino yose, izabera muri stade nto y’imikino yo munzu (Petit Stade). Biteganyijwe ko imikino ya nyuma izakinwa tariki ya 10 Gicurasi 2025.

Kepler WVC igiye gukina imikino ya kamarampaka ku nshuro yayo ya mbere

APR VC ni yo yegukanye igikombe itsinze Kepler VC ku mukino wa nyuma

Ni irushanwa ryakinwaga ku nshuro ya 15, aho rihuriza hamwe imikino inyuranye mu byiciro bitandukanye abagabo n’abagore, gusa umukino wa Volleyball ukaba ari wo wiharira umwanya munini, aho muri aya marushanwa hitabira amakipe menshi yo mu Rwanda kandi akomeye.

Aha harimo ayo mu bagabo bakina mu cyiciro cya mbere no mu cya kabiri, abagore, abato, amashuri y’icyiciro rusange (Tronc Commun), amashuri abanza n’abakanyujijeho.

Ku nshuro ya 15 iri rushanwa ryakinwaga mu rwego rwo kwibuka padiri Kayumba Emmanuel, wari umuyobozi wa Groupe Scolaire Officiel de Butare ndetse akaba umukunzi w’uyu mukino by’umwihariko. Padiri Kayumba yitabye Imana muri 2009, kuva mu 2010 hatangizwa irushanwa rya Volleyball rigamije kumwibuka.

Amakipe ya Gisagara y’abakuru n’abato yose yegukanye ibikombe

Nyuma yo gushinga imizi kw’iri rushanwa, abaritegura bagiye bongeramo n’indi mikino nka Volleyball yo ku mucanga (Beach Volleyball), Koga (Swimming) no gusiganwa ku magare (cycling).

Mu cyiciro cya volleyball ari nacyo kiba cyitezwe cyane, ikipe ya Gisagara VC, ni yo yegukanye iri rushanwa itsinze ikipe ya East African University Rwanda, ku mukino wa nyuma amaseti 3-0.

Mu cyiciro cy’abagore, ikipe ya APR WVC ni yo yegukanye iri rushanwa nyuma yo gutsinda ikipe ya Kepler VC ku mukino wa nyuma amaseti 3-2.

APR VC yegukanye iki gikombe nyuma y’iminsi mike yegukanye irushanwa ry’akarere ka gatanu mu gihugu cya Uganda, nyuma yo gutsinda ku mukino wa nyuma ikipe ya Kenya Pipeline amaseti 3-1.

EAUR yegukanye umwanya wa kabiri

Kepler VC yegukanye umwanya wa 2

Ubwo APR WVC yahabwaga igikombe

Irushanwa CAVB Zone V Club Championship 2025, ryashyizweho akadomo mu rukererara rushyira uyu wa kabiri, rikaba ryegukanywe n’amakipe ya APR VC yo mu Rwanda nyuma yaho APR y’abagore itsinze Kenya Pipeline amaseti 3-1 ndetse na APR VC y’abagabo na yo igatsinda ku mukino wa nyuma Police VC yo mu Rwanda amaseti 3-1.

Ni irushanwa ryari rimaze icyumweru ribera muri iki gihugu cya Uganda, aho amakipe yose yari ahagarariye u Rwanda yaje imbere ndetse atahana n’imidari.

Ni amateka yakozwe ku ikipe ya APR VC nyuma yo kwegukana iri rushanwa kuko kuva ryatangizwa yari itararyegukana, gusa si ubwa mbere ritashye mu Rwanda kuko usibye mu bagore 2023 ryegukanywe na Pipeline, izindi nshuro zose ryatashye mu Rwanda.

APR VC ihabwa igikombe na sheki nyuma yo kwegukana irushanwa

Mu nzira iberekeza ku gikombe, ikipe ya APR VC y’abagabo nyuma yo kuva mu matsinda idatsinzwe umukino n’umwe, yahuye na Nemo Stars yo muri Uganda maze iyitsinda amaseti 3-0, byatumye yerekeza ku mukino wa 1/2 aho yahuye na REG VC yo mu Rwanda na yo iyitsinda biyoroheye amaseti 3-0, maze yerekeza ku mukino wa nyuma yatsinzemo Police VC amaseti 3-1.

Mu cyiciro cy’abagore, ikipe ya APR WVC, nyuma na yo yo kuva mu itsinda ihagaze neza, yaje guhura na KCB Nkumba yo muri Uganda maze iyitsinda amaseti 3-0 yerekeza ku mukino wa nyuma, na wo yaje gutsindamo Pipeline amaseti 3-1.

Ni ku nshuro ya gatatu iri rushanwa ryabaga, aho inshuro 2 zitambutse ryabereye mu Rwanda ndetse rikegukanwa n’amakipe yo mu Rwanda.