Ibi byemejwe nushinzwe itangazamakuru muri iyi kipe Thabit Zakaria wabwiye ikinyamakuru Mwanaspoti cy’iwabo ko nyuma yo gusoza isoko ry’abakinnyi bazahita baza mu Rwanda kuhakomereza imyiteguro.

Ati "Turi gutangaza abakinnyi bacu bashya nyuma yaho tuzajya mu Rwanda. Twizeye ko uyu mwiherero uzadufasha gutegura neza amarushanwa adutegereje."

Azam FC imaze gushora arenga miliyari 1 Frw ku isoko ry’abakinnyi

Iyi kipe yabaye iya gatatu muri shampiyona ya Tanzania muri iyi mpeshyi yasinyishije abakinnyi Kipre Jr yatanzeho ibihumbi 230,000 by’Amayero, myugariro Henri Stanic wavuye muri Stellenbosch wifuzwaga n’amakipe y’i Burayi ariko bikarangira ashimye ibyo yahawe muri iyi kipe.

Azam FC kandi yasinyishije umukinnyi hagati mu kibuga yugarira Lupini Mawuku Dieumerci wavuye mu ikipe ya Maniema Union yo muri DR Congo watanzweho ibihumbi 400,000 by’Amadolari, inasinyisha kandi Enick Molia wa FC Saint Eloi Lupopo nayo muri DRC.

Undi mukinnyi Azam FC igiye kuza kwitegura umwaka w’imikino 2026-2027 mu Rwanda yasinyishije ni Hassan Mubiru wavuye muri Villa SC.

Kugeza ubu nta makuru ajyanye n’imikino ya gicuti iyi kipe ishobora gukinira mu Rwanda yari yatangazwa gusa Kigali Today yamenye ko mu cyumweru cya mbere cya Kanama 2026 bazakina n’ikipe ya Gasogi United.

Azam FC iheruka mu Rwanda mu mpeshyi ya 2025 ubwo yari yitabiriye irushanwa ryo kwitegura umwaka w’imikino 2025-2026 ryari ryateguwe na APR FC.

Ibi uyu muyobozi yabigarutseho mu butumwa yageneye abakunzi ba APR FC aho yabanje kubibutsa ko ubuyobozi bwabumvise bukagura abakinnyi bakwiriye bityo ko ahasigaye ari ahabo.

Ati" Ubuyobozi bw’ Ikipe mukunda bwazirikanye ubusabe bwanyu bubahahira Intwaro zikwiye. Ahasigaye ni ahanyu, kandi birahera kuri uyu wa Gatanu muri CECAFA Kagame Cup 2026. Igikombe kirajya mu bindi twibitseho."

Gen. Mubarakh Muganga yakomeje asaba abakunzi ba APR FC ko itike bazinjiraho ku wa Gatanu Saa Moya z’ijoro bafungura CECAFA Kagame Cup 2026 aho kwinjira amacye ari ibihumbi 2000 Frw bakina na Gor Mahia kuri Stade Amahoro bazayibika kuko izabafasha mu yindi mikino ikipe ubwayo izakina yakira.

Ati" Itike yo ku wa Gatanu muzayibike neza kuko mu mikino yindi twakira izabahesha kureba undi mukino."

Kuva irushanwa rya CECAFA ryatangira guterwa inkunga na Perezida Paul Kagame mu 2002 rikanamwitirirwa, rimaze kubera mu Rwanda inshuro aho eshatu muri zo APR FC yaryegukanye 2004, 2007 na 2010 mu gihe 2010 ryatwawe na El Merriekh SC naho 2019 rigatwarwa na URA FC.

Mbere y’uko APR FC ikina na Gor Mahia ku wa Gatanu Saa Moya, Saa Cyenda z’igicamunsi ikipe ya Vipers SC izabanza gukina na FC Garde Républicaine yo muri Djibouti aho kureba iyi mikino yombi kuri Stade Amahoro, kwinjira ari ibihumbi 2000 Frw ahasanzwe hasi no hejuru, ibihumbi 15000 Frw muri VIP, ibihumbi 30 000 Frw muri VVIP, ibihumbi 100, 000 Frw muri Executive Seat ndetse na miliyoni 1 000 000 Frw muri Sky Box.

Uyu mukinnyi w’imyaka 27 y’amavuko ukina mu mutima w’ubwugarizi yatangiye imyitozo yasanzemo bagenzi be bitegura umwaka mushya w’imikino 2026/2027 uzahera kuri CECAFA Kagame Cup 2026 izabera mu Rwanda kuva tariki 24 Nyakanga kugeza tariki 7 Kanama 2026.

Zon ni umwe mu bakinnyi bashya APR FC yaguze muri iyi mpeshyi barimo Ishimwe Christian wavuye muri Police FC, umunyezamu Ernâni Siluane, Mamadou Traore ukina hagati mu kibuga, Rubuguza Jean Pierre wavuye muri Gicumbi FC, Amani Kouadiokan Michel Breygeneve wavuye muri Cote d’Ivoire ndetse Uwiyaremye Fidali wavuye muri Kiyovu Sports.

APR FC izatangira irushanwa rya CECAFA Kagame Cup 2026 ku wa Gatanu Saa Moya z’ijoro kuri Stade Amahoro ikina Gor Mahia aho aho kwinjira ari ibihumbi 2000 Frw ahasanzwe hasi no hejuru, ibihumbi 15000 Frw muri VIP, ibihumbi 30 000 Frw muri VVIP, ibihumbi 100, 000 Frw muri Executive Seat ndetse na miliyoni 1 000 000 Frw muri Sky Box.

Itandatukana n’uyu mutoza wageze mu Rwanda mu gitondo cyo ku Cyumweru tariki 19 Nyakanga 2026, Mukura VS ibinyujije mu itangazo yashyize hanze aho yavuze ko ryemeranyijweho n’impande zombi kuko yabonye akazi ahandi.

Mu mashusho yashyizwe hanze kandi, Tomas Trucha nawe yavuze ko yabonye andi mahirwe atashobora kureka ndetse anabwira abakunzi b’iyi kipe ko badakwiriye kumva ko hari ikindi kibazo gihari.

Mukura VS yavuze ko uyu mugabo w’imyaka 54 y’amavuko yubahirije ibyari mu masezerano igihe impande zombi zitatandukana ndetse amakuru yizewe agera kuri Kigali Today akavuga ko yayishyuye imishahara yari kuzamuhemba mu mezi ane anongeraho itike y’indege bamuhaye.

Tomas Trucha wari kuzatoza Mukura VS mu myaka ibiri bivugwa ko yabonye akandi kandi ku Birwa bya Maldives. Biteganyijwe ko Mukura VS iatangira imyitozo kuri uyu wa Kabiri yitegura umwaka w’imikino 2026-2027.

Tomas Trucha yari amaze amasaha macye ageze mu Rwanda

Ni imikino izaba ari iy’umunsi wa mbere mu itsinda rya mbere izabera kuri Stade Amahoro aho Saa Cyenda z’igicamunsi ikipe ya Vipers SC yo muri Uganda izakina na FC Garde Républicaine yo muri Djibouti mu gihe Saa Moya z’ijoro ikipe ya APR FC yo mu Rwanda izakina na Gor Mahia yo muri Kenya.

Kwinjira muri iyi mikino yombi ni ibihumbi 2000 Frw ahasanzwe hasi no hejuru, ibihumbi 15000 Frw muri VIP, ibihumbi 30 000 Frw muri VVIP, ibihumbi 100, 000 Frw muri Executive Seat ndetse na miliyoni 1 000 000 Frw muri Sky Box.

Uretse iyi mikino kandi, ku wa Gatandatu hazakina itsinda rya kabiri aho Singida Black Stars yo muri Tanzania izakina na Jamus FC yo muri Sudani Saa Cyenda, Simba SC nayo yo muri Tanzania ikine na Mogadishu City yo muri Somalia Saa Kumi n’Ebyiri z’umugoroba, imikino yose izabera kuri Kigali Pele Stadium.

Ku Cyumweru hazaba hatahiwe itsinda rya gatatu rizakinira kuri Stade Amahoro aho ikipe ya Rayon Sports izakina na KVZ SC yo muri Zanzibar Saa Kumi n’Ebyiri umukino uzakurikira uzaba wabaye Saa Cyenda zuzuye hagati ya Al Hilal SC yo muri Sudani na Tusker FC yo muri Kenya.

Muri rusange iri rushanwa rizitabirwa n’amakipe 12 agabanyije mu matsinda atatu arimo abiri yo mu Rwanda APR FC na Rayon Sports mu gihe hazakoreshwa ibibuba bya Stade Amahoro na Kigali Pele Stadium.

Gahunda y’imikino yose

Amakuru yizewe Kigali Today yamenye ni uko ubwitabire bwari hejuru bwagaragaye muri ibi birori Rayon Sports yatsindiyemo GorMahia ibitego 2-0, bwayinjirije miliyoni 49 Frw mu matike yacurujwe aho kwinjira ahamacye byari ibihumbi 5000 Frw, ibihumbi 10000 Frw ahatwikiriye, ibihumbi 50 000 Frw muri VIP ndetse n’ibihumbi 100 000 Frw muri VVIP.

Iyi ni imbumbe y’ibyinjiye byose hatari havamo ibyo Rayon Sports yatanze mu gutegura iki gikorwa mu buryo butandukanye, umusoro, ayo gukodesha stade, abacuruje amatike ndetse n’ibindi mu gihe iyo havuyemo nk’umusoro ungana na 18%. Muri aya mafaranga yinjiye havuyemo umusoro ikipe isigarana miliyoni 40 n’ibihumbi 180 mu gihe kuri stade, mbere y’uko ijya mu maboko ya Minisiteri ya Siporo ikipe yishyuraga 10% y’ibyinjiye.

Umunsi w’Igikundiro ni ibirori Rayon Sports itegura kuva mu 2019 aho bikaba buri mwaka mbere y’uko itangira umwaka w’imikino mushya aho yerekaniramo abakinnyi bashya haba mu bagabo n’abagore ndetse n’ibindi bikorwa biberamo birimo n’umukino wa gicuti ukinwa.

Ibirori by’uyu mwaka wa 2026, byabereye kuri Kigali Pele Stadium mu gihe bitangira byagombaga kubera kuri Stade Amahoro ariko bigahinduka mu minsi ya nyuma kubera igiciro cyo kuyikodesha kitumvikanweho n’impande zombi cyane cyane ku bijyanye no kugena abazacuruza ibinyobwa n’ibiribwa.

Kuvana ibi birori kuri Stade Amahoro habura iminsi micye byashoboraga gutera impungenge ko abazabyitabira bashobora kuba bacye cyangwa ibibivamo bikaba bicye, gusa ibi siko byagenze kuko ubwitabire kuri Kigali Pele Stadium bwari hejuru ku ijanisha ry’i 100% ariko nanone ikaba yakira abantu bacye ugereranyije n’ibihumbi 45 byakirwa na Stade Amahoro.

Espagne yegukanye Igikombe cy’Isi 2026

Ni umukino wa nyuma wabereye kuri Stade ya MetLife mu Mujyi wa New York muri Leta Zunze Ubumwe za Amerika ukinwa iminota 120 kuko iminota 90 ndetse n’itanu yongerewe yarangiye amakipe yombi anganya 0-0 ariko Argentine ari abakinnyi icumi kuko Enzo Fernandez yabonye umutuku akoreye ikosa Pau Cubarsi agahabwa uhondo wa kabiri.

Enzo Fernandez wa Argentina yabonye ikarita y’umutuku abonye ikarita ya kabiri y’umuhondo nyuma yo gukorera ikosa Pau Cubarissi

Muri rusange kuva ku munota wa mbere Espagne yarushije Argentina mu bintu byose ariko yihagararaho mu kugarira. Mu minota 30 yongereweho, Espagne yakinaga neza yabuze igitego yakibonye gitsinzwe na Ferran Torres ahawe umupira na Nico Williams n’umutwe. Mu minota yari isigaye Lionel Messi na bagenzi be bakomeje kugorwa no gutera ku izamu.

Ferran Torres yishimira igitego rukumbi yatsinze cyahesheje Espagne Igikombe cy’Isi 2026

Ininota 120 yarangiye hongerwaho iminota itanu nayo yarangiye gutyo Espagne itsinze Argentine 1-0, itwara Igikombe cy’Isi cya kabiri mu mateka yayo nyuma y’icya mbere yatwaye 2010 nabwo itsinze u Buholandi igitego 1-0 mu minota 120.

Mu minota 120, ikipe y’igihugu ya Espagne yateyemo amashoti 20 arimo 12 agana mu izamu aho umunyezamu wa Argentina Emiliano Martinez yakuyemo imipira 11.

Argentina yatsindiwe ku mukino wa nyuma w’Igikombe cy’Isi ku nshuro ya kane nyuma yo mu 1978, 1990 na 2014 mu gihe Lionel Messi yakinaga umukino wa nyuma ku nshuro ya gatatu mu 2014 na 2014 atsindwa naho 2022 atwara igikombe.

Mu bihembo byatanzwe umutoza mwiza yabaye De La Fuente wa Espagne, umukinnyi mwiza aba kapiteni wa Espagne Rodri, umunyezamu mwiza aba Unai Simon wa Espagne, umukinnyi mwiza ukiri muto aba Pau Cubarsi.

Uretse aba , Umufaransa Kylian Mbappe yegukanye igihembo cy’uwatsinze ibitego byinshi aho asoje atsinze ibitego icumi ari nawe mu mateka umaze gutsinda ibitego byinshi kuva Igikombe cy’Isi cyatangira gukinwa mu 1930 mu gihe Lionel Messi yasoje afite ibitego umunani.

Lamine Yamal aterura igikombe

Umutoza wa Espagne De La Fuente yishimana igikombe n’abakinnyi

Espagne yatwaye Igikombe cy’Isi cyayo cya kabiri

Perezida Donald Trump yambika umudali Ferran Torres watsinze igikombe

Rodri asoma igikombe

Rodri azamura igikombe

Byari ibyishimo kuri Espagne

Kapiteni wa Espagne Rodri yahembwe nk’umukinnyi mwiza w’irushanwa

Espagne yihariye ibihembo

Pau Cubarsi wa Espagne yahembwe nk’umukinnyi mwiza ukiri muto w’irushanwa

Umunyezamu wa Espagne Unai Simon yahembwe nk’umwiza w’irushanwa

Ni umukino warimo ihangana rikomeye no hanze y’ikibuga

Muri Espagne ni ibyishimo

Ferran Torres watsinze igitego

Umutoza wa Argentina Lionel Scaloni

Murumuna wa Lamine Yamal, Keyne

Ni umukino watangiye Saa Kumi n’Ebyiri n’iminota 45 mu gihe wagombaga gutangira Saa Kumi n’Ebyiri, aho wari ukurikiye ibirori byo kwerekana abakinnyi 27 iyi kipe izakoresha mu mwaka w’imikino 2026-2027 ndetse n’abahanzi barimo Bull Dogg, Kitoko na Chorale de Kigali basusurukije abari bitabiriye ibi birori bari buzuye Kigali Pele Stadium.

Abakinnyi 11 ba Rayon Sports babanje mu kibuga barimo umunyezamu Dande Junior, Nshimiyimana Emmanuel,Ganijuru Elie,Charles Tchouplaou,Matumona Wakonda,Ibrahim Djingarey,Muderi Akbar,Issa Djiguiba,Nizeyimana Mubarak,Atisso Kodjo,Boris Gbenou. Iyi kipe yatangiye umukino neza cyane ndetse mu minota ya mbere GorMahia yahuzagurikaga, Issa Djiguiba ayihusha igitego ku mupira yateye ugakubita umutambiko w’izamu.

GorMahia ariko ntabwo yatinze kwinjira mu mukino kuko nyuma y’iminota 15 yawinjiyemo nayo igatangira gukina neza cyane ndetse inagera imbere y’izamu nubwo uburyo bw’ibitego butabaga bwinshi. Mbere yo kwinjira mu minota 30 ku wa 27 Rayon Sports yasimbuje ikuramo Boris Gbenou utari wakagize icyo agaragaza imbere iburyo ishyiramo Iradukunda Elie Tatu wavuye muri Mukura VS.

Iminota 45 yuzuye amakipe yombi akinganya 0-0 bongeraho ine, maze ku munota wayo wa gatatu Rayon Sports ibona igitego cya mbere cyatsinzwe na Atisso Kodjo ukomoka muri Togo waguzwe muri iyi mpeshyi ku mupira mwiza yahawe na Nizeyimana Mubarak nawe wavuye muri Marine FC, ku burangare bwa ba myugariro ba GorMahia Atisso akisanga ari ku n’umunyezamu yacenze agashyira umupira mu izamu.

Attisso Kodjo yishimira igitego

Rayon Sports yaranzwe no guha umwanya abakinnyi benshi mu bihe bitandukanye, yatangiye igice cya kabiri isimbuza havamo umunyezamu Dande Junior asimburwa na Drissa Kouyate mu gihe myugariro Matumona Wakonda yasimbuwe na Nshuti Didier mu mutima w’ubwugarizi warimo Charles Tchouplaou wakinnye umukino wose.

Ku munota wa 64, Rayon Sports yakoze izindi mpinduka ikuramo Atisso Kodjo, Issa Djiguiba, Nshimiyimana Emmanuel na Ibrahim Djingarey, ishyiramo Muhoza Daniel, Tony Kitoga, Nisingizwe Christian na Ndayishimiye Didier.

Ku munota wa 69 Rayon Sports yongeye gukura mu kibuga Muderi Akbar wasimbuwe na Nkundimana Fabio, Asman Ndikumana wari winjiye asimbura yongera gusimburwa na Junior Kameni, mu gihe Iradukunda Elie Tatu nawe wari wasimbuye yasimbuwe na Tambwe Gloire.

Ibrahim Djingarey

GorMahia yitwaye neza mu gice cya kabiri ubona iri kurusha Rayon Sports ariko bidahambaye ndetse bitigeze binatanga umusaruro ngo ibone igitego. Iminota 90 yuzuye bikiri igitego 1-0, hongerwaho iminota itandatu. Ku munota wa kane w’iyi minota Rayon Sports yabonye igitego cya kabiri cyatsinzwe na Nkundimana Fabio ahawe umupiramu na rutahizamu Junior Kameni nawe wari uwuhawe na Tambwe Ngongo Gloire.

Nkundimana Fabio nyuma yo gutsinda igitego cya kabiri

Umukino warangiye Rayon Sports itisnze ibitego 2-0, ibintu ikoze ku nshuro ya kabiri itsinda umukino ku Munsi w’Igikundiro kuva yatangira kuwutegura tariki 15 Ugushyingo 2019 ubwo yatsindaga Gasogi United 1-0. Muri uyu mukino kandi ku nshuro ya gatatu hatanzwe igikombe Rayon Sports yashyikirijwe, aho gitanzwe ku nshuro ya gatatu nyuma y’icyo Azam FC ndetse na Yanga SC zo muri Tanzania zatwaye.

Ni ibirori byatangijwe n’umukino w’abakanyujije muri Rayon Sports barimo n’abayobozi bayo ndetse n’ababaye abayobozi aho ku isaha ya Saa Saba bakinaga na CSK bakanganya ibitego 3-3. Muri iki gikorwa kandi hari hakurikiyeho kwerekana abakinnyi b’ikipe y’abagore.

Nyuma y’izindu gahunda zitandukanye zabayeho, mu masaha ya Saa Kumi n’Igice umusangiza w’amagambo akaba n’ushinzwe itangazamakuru muri Rayon Sports Wasili yinjiye mu kibuga ajo yari agiye gutangariza Aba-Rayons bari buzuye Kigali Pele Stadium abakinnyi izakoresha mu mwaka w’imikino 2026-2027.

Wasili yahereye ku munyezamu ukomoka muri Cameroon Dande Junior witezweho kuzaba uwa mbere uzajya abanza mu kibuga maze abakinnyi yatangaje baherukwa na rutahizamu Junior Kameni nawe ukomoka muri Cameroon witezweho kuzajya aba mu kibuga ashakira iyi kipe imaze imyaka irindwi idatwara igikombe cya shampiyona ibitego byatuma yongera kibona nyuma ya 2018-2019.

Mu bakinnyi batangajwe harimo abakinnyi 16 bashya iyi kipe imaze gusinyisha barimo umunyezamu Dande Junior, Nshuti Didier, Matumona Wakonda Kanda Abbel, Charles Tchouplaou, Nkundimana Fabio, Nisingingizwe Christian, Muderi Akbar, Ndayishimiye Didier, Ibrahim Djingarey, Issa Djiguiba, Boris Gbenou, Antonio Atisso Kodjo, Muhoza Daniel, Iradukunda Elie Tatou, Hakizimana Zuberi, Junior Kameni Herman aba bariyongeraho abakinnyi babiri bazamuwe mu bavuye mu ikipe nto barimo umunyezamu Muvunyi Aime Christian ndetse na Alexandre Bikorimana.

Ibi birori byo kwerekana abakinnyi bashya byakurikiwe n’abahanzi barimo umuraperi Bull Dogg na Kitoko Patrick Bibarwa baririmbiye bari bari muri Kigali Pele Stadium yari yuzuye.

Abakinnyi 27 Rayon Sports yerekanye izakoresha mu mwaka w’imikino 2026-2027 na nomero bazambara:

35 Dande Junior- Umunyezamu
32 Mugisha Yves-Umunyezamu
23 Drissa Kouyaté- Umunyezamu
33 Muvunyi Aime Christian
2 Alexandre Bikorimana
16 Ishimwe Elie Ganijuru
5 Nshimiyimana Emmanuel ’Kabange’
28 Nshimimana Fabrice
3 Uwumukiza Obed
22 Nshuti Didier
19 Matumona Wakonda Kanda Abbel
18 Charles Tchouplaou
26 Tambwe Gloire
20 Nkundimana Fabio
6 Nisingingizwe Christian
4 Muderi Akbar
13 Ndayishimiye Didier
8 Ibrahim Djingarey
10 Issa Djiguiba
17 Ndikumana Asman
Boris Gbenou
7 Antonio Atisso Kodjo
21 Muhoza Daniel
40 Iradukunda Elie Tatou
39 Hakizimana Zuberi
25 Junior Kameni Herman

Umutoza Haringingo Francis

Rutahizamu Ndikumana Asman

Issa Djiguiba witezwe muri Rayon Sports uyu mwaka hagati mu kibuga

Charles Tchouplaou

Nkundimana Fabio

Aabafana bari bitabiriye ku bwinshi

Ni amasezerano abarirwa muri miliyari 1 Frw hakurikijwe ibyiciro by’abafatanyabikorwa ba Rayon Sports aho Banki ya Kigali iri mu cyiciro cya mbere ’Platnum’, yasinyiwe kuri Stade Amahoro hagati ya Perezida w’agateganyo wa Rayon Sports Murenzi Abdallah n’Umuyobozi Mukuru ushinzwe Serivisi z’Ikoranabuhanga n’Abakiliya ku Giti Cyabo muri Banki ya Kigali, Désiré Rumanyika, aho iyi kipe yamaze guhabwa miliyoni 170 Frw y’amezi atandatu ashize nk’uko byasobanuwe na Murenzi Abdallah.

Ati "Muri byose harimo n’amafaranga afatika aho mu mezi atandatu ashize BK yaduhaye miliyoni 170 Frw mu mikoranire yacu, ubwo mukoze imibare mwakumva arimo mu yindi myaka. Gusa amasezerano ntabwo akubiyemo umubare runaka icya mbere ni ubucuruzuzi tuzakorana. Hari ibicuruzwa byinshi BK izageza ku banyamuryango bacu maze uko babikoresha tukinjiza amafaranga. Hari ibyo wabara mu mafaranga yegeranye ariko hari n’andi azava mu mikoranire."

Hakurikijwe ibyasobanuwe ko mu gice cy’umwaka w’imikino 2025-2026 Rayon Sports yabonye miliyoni 170 Frw byaba bivuze ko ku mwaka wose yajya ibona miliyoni 340 Frw yangana na miliyari imwe na miliyoni 870 Frw mu myaka itanu, gusa Perezida Murenzi Abdallah akaba yavuze ko amafaranga ashobora kugenda yiyongera bitewe nuko imikoranire izaba imeze.Iyi kipe kandi izajya ifashwa mu kwishyura imishahara, mu gihe kandi iri gufasha mu bijyanye n’igurwa ry’abakinnyi bashya.

Banki ya Kigali izajya igaragara imbere ku mwambaro w’ikipe, mu gihe mu byo izakora bihura na Rayon Sports izatangiza serivisi zihariye za banki za Gikundiro, zirimo konti n’amakarita bya banki bifite ibirango bihuriweho, biha abafana uburyo bushya bwo gukoresha serivisi za banki aho muri konti harimo,konti isanzwe ya Gikundiro, konti y’ubucuruzi ya Gikundiro, konti yo kuzigama ya Gikundiro ndetse n’Amakarita ya Gikundiro.

Umuyobozi Mukuru ushinzwe Serivisi z’Ikoranabuhanga n’Abakiliya ku Giti Cyabo muri Banki ya Kigali, Désiré Rumanyika, yagaragaje icyerekezo kiri inyuma y’ubu bufatanye avuga ko burenze gutera inkunga gusa.

"Ubu bufatanye burenze gutera inkunga gusa. Ni ikimenyetso cy’icyizere. Banki ya Kigali yizera ko ejo hazaza ha Rayon Sports ari heza kandi twiyemeje gufasha iyi kipe kugera kure, haba mu rwego rw’imari no mu mikorere."

Banki ya Kigali ije muri Rayon Sports isanga abandi bafatanyabikorwa b’iyi kipe barimo uruganda rwa Skol rwahoze arirwo mufatanyabikorwa mukuru aho kuri ubu basinye umwaka umwe barwambara mu mugongo ku gaciro ka miliyoni 185 Frw zirimo ikibuga cy’imyitozo n’ibindi mu gihe kandi hari na kompanyi ya Jayrutty bafitanye amasezerano y’imyaka itanu afite agaciro ka miliyari 5 Frw muri icyo gihe ndetse ikazajya inabakorera imyambaro n’ibindi bikoresho ikipe inenera.

Ni umwiherero wateguwe n’iyi kipe isanzwe ifite irerero, ikipe y’abagabo ikina mu cyiciro cya gatatu, abagore bakina mu cyiciro cya kabiri ifatanyije na Norge Africa League isanzwe ifasha abakinnyi mu kubazamura ndetse no kubashakira amakipe aho ari umwiherero uzakorwa mu byiciro bine by’imyaka nkuko byasobanuwe n’umuyobozi wa Impeesa FC Kwisanga Janvier.

Yagize ati" Ni umushinga turi gukorana n’abafatanyabikorwa bo muri Norvège, aho twateguye umwiherero uzamara iminsi 30 ahazaba harimo ibikorwa bitandukanye cyane cyane gutoza abana tugendeye ku byiciro bine by’imyaka hagati imyaka 8-12, 13-15, 16-18, 19-20 aho buri kimwe kizajya gitozwa icyumweru kimwe."

Kwisanga Janvier yakomeje avuga ko uyu mwiherero ugamije kuzatoranya impano nziza kurusha izindi zigakurikiranwa aho zishobora no kubona amakipe cyangwa amarerero akomeye ku mugabane w’i Burayi.

Ati "Ikigamijwe ni ukurebamo abafite impano kurusha abandi aho bazakomeza gukurikiranwa kuko bashobora no kubona amakipe cyangwa amarerero yisumbuyeho hanze y’u Rwanda cyane cyane i Burayi, bashobora kujyamo bakazarushaho kuba ababigize umwuga."

Buri cyiciro kizajya kimara iminsi itanu kiri mu mwiherero muri Camp Kigali, baharara, bitozwa banahafatira amafunguro n’izindi gahunda zateganyijwe aho buri mwana asabwa umusanzu ungana n’amafaranga ibihumbi mirongo itandatu (60.000 Frw).

Ibi byiciro kandi birimo abakobwa n’abahungu mu gihe kandi n’abatoza bafite Licence C na D babishaka baziyandikisha nabo bakazitabira bakitabira aho nyuma bazahabwa impamyabushobozi ndetse bakazajya banagenerwa ibirimo amafaranga y’urugendo gusa kuzitabira bagasabwa kuba byibuze umutoza afite abana batanu (5) mu bo asanzwe atoza biyandikishije.

Uretse kwitoza umupira w’amaguru, biteganyijwe ko abana bazajya banatemberezwa hamwe mu hantu nyaburanga cyangwa ndangamateka mu Mujyi wa Kigali mu gihe abiyandikisha babikorera ku biro bya Impeesa biri muri Camp Kigali.

Ikipe ya Impeesa FC yatangiye gukora mu mwaka wa 2018 itanga umusanzu muri ruhago Nyarwanda mu byiciro bitandukanye by’impano haba mu bahungu ndetse n’abakobwa.

Ibi byababaye mu gitondo cyo kuri uyu wa Kabiri, aho u Rwanda rwakinaga umukino wa kamarampaka n’u Bushinwa bwakiriye iyi mikino yatangiye tariki 10 Nyakanga 2026. U Bushinwa bwabaye ubwa mbere mu itsinda rya mbere nyuma y’imikino y’amatsinda bwagombaga gukina n’u Rwanda rwabaye urwa kane mu rya kane.

Ni umukino utari woroshye ariko Abanyarwanda bawitwaramo neza kuko batangiye batwara iseti ya mbere bafite amanota 25-20. Iseti ya kabiri yatwawe n’u Bushinwa butsinze amanota 25-21, ariko iya gatatu u Rwanda ruyitwara ku manota 25-20 gusa u Bushinwa babwo bwisubiza iya kane butsinze amanota 25-18. Amakipe yombi yari anganyije amaseti 2-2 biba ngombwa ngo hitabazwa kamarampaka.

Iyi seti yari iya gatanu u Rwanda ntabwo rwayitangiye neza dore ko u Bushinwa bwageze aho bugira amanota 9-2. U Rwanda ariko rwavuye inyuma rutainda amanota menshi kugeza rufashe u Bushinwa ndetss runabujya imbere, ruranayegukana rutsinze amanota 15-12, rutsinda umukino ku maseti 3-2 runagera muri 1/4.

Mu bagore u Rwanda ntabwo rwashoboye kurenga iki cyiciro cya kamarampaka kuko rwatsinzwe na Ukraine amaseti 3-0, bityo rukaba rugomba gukina imikino yo guhatanira imyanya, ku ku mwanya wa cyenda kugeza ku wa 16 mu gihe mu bagabo muri 1/4 ruzakina na Kazakhstan.

Iri rushanwa riri kubera mu Mujyi wa Hangzhou ryitabiriwe n’amakipe 16 mu bagabo ndetse n’abagore.

Junior Kameni w’imyaka 25 y’amavuko yakiniye amakipe atandukanye arimo Union Touarga na FUS Rabat zo muri Maroc, Næstved BK yo muri Denmark, FC Kaisar yo muri Kazakhstan, Sharjah FC na Khor Fakkan FC zose muri Leta Zunze Ubumwe z’Abarabu.

Uyu mukinnyi mu mwaka w’imikino 2024-2025 yari ku ntebe y’abasimbura mu mukino wa nyuma Asia Champions League Two ubwo ikipe ya Sharjah FC yakiniraga yatwaraga igikombe itsindiye Lion City Sailors ku mukino wa nyuma ibitego 2-1.

Rayon Sports ikomeje imyitozo yitegura umwaka w’imikino 2026-2027 uzabanzirizwa n’ibirori bya #RayonDay2026 biteganyijwe tariki 18 Nyakanga 2026, Saa Kumi n’Ebyiri z’umugoroba kuri Kigali Pele Stadium aho iyi kipe izanakina umukino wa gicuti na GorMahia yo muri Kenya.

Kwinjira muri ibi birori ni ibihumbi 5000 Ftw ahasigaye hose, ibihumbi 10,000 Frw ahatwikiriye, ibihumbi 50,000 Frw muri VIP ndetse n’ibihumbi 100,0000 Frw muri VVIP.

Ibi byanyujijwe mu itangazo ryashyizwe hanze aho Rayon Sports FC ko habayeho impinduka ku kibuga kizaberaho ibi birori ngarukamwaka bya Rayon Day, biteganyijwe ku itariki ya 18 Nyakanga 2026.

Iri tangazo ryaomeje rivuga ko ibi birori byari biteganyijwe kubera kuri Stade Amahoro, byimuriwe kuri Kigali Pelé Stadium ariko amasaha ariyo Saa Kumi n’Ebyiri z’umugoroba, gahunda n’ibirori byateganyijwe byo bikomeje nk’uko byari biri.

Mu mpinduka zabayeho kandi harimo ibiciro byo kwinjira muri ibi birori, aho kuri ubu ari ibihumbi 5000 Frw ahasanzwe, ibihumbi 10,000 Frw ahatwikiriye, ibihumbi 50,000 Frw muri VIP ndetse n’ibihumbi 100,000 Frw muri VVIP.

Rayon Sports Iyi kipe ikomeje imyitozo mu Karere ka Gicumbi yitegura ikipe ya GorMahia bazakina kuri uyu Munsi w’Igikundiro, aho ndetse Umurundi Muderi Akbar iheruka gusinyisha avuye muri Gasogi United yatangiye imyitozo.

Ni amasezerano yasinyiwe kuri Hoteli ya FERWAFA i Remera, asinywa hagati y’Impuzamashyirahamwe y’Umupira w’Amaguru mu Karere ka Afurika y’Iburasirazuba n’iyo Hagati (CECAFA) yari ihagarariwe na Perezida w’Impuzamashyirahamwe ry’Umupira w’Amaguru mu Rwanda Shema Ngoga Fabrice ndetse n’Umuyobozi Nshingwabikorwa wa Al Hilal SC Yassir Hassan aho iyi kipe izajya itanga ibihumbi 100 by’amadolari asaga miliyoni 150 Frw.

Umuyobozi Nshingwabikorwa w’ikipe ya Al Hilal SC yavuze ko uretse gutera inkunga iri rushanwa kuva muri uyu mwaka, banifuza kuzabikomeza mu zindi nshuro ebyiri zizakurikiraho ribera mu Rwanda dore ko rwamaze gusaba kuryakira inshuro eshatu zikurikiranya.

CECAFA Kagame Cup 2026 izitabirwa n’amakipe 12 agabanyije mu matsinda atatu aho buri tsinda rigizwe n’amakipe ane, izakinirwa kuri Stade Amahoro na Kigali Pele Stadium kugeza tariki 7 Kanama 2026.

Umuyobozi Nshingwabikorwa wa Al Hilal SC Yassir Hassan

Perezida w’Impuzamashyirahamwe ry’Umupira w’Amaguru mu Rwanda Shema Ngoga Fabrice

Rayon Sports yisanze mu itsinda rimwe na Al Hilal SC

Ibi byabaye nyuma ya tombola yabereye kuri Stade Amahoro mu gitondo cyo kuri uyu wa Gatanu aho APR FC iri mu itsinda rya mbere aho iri kumwe na Vipers SC yo muri Uganda, GorMahia yo muri Kenya na Guard Republicaine yo muri Djibouti.

Itsinda rya kabiri ririmo ikipe ya Singida Black Stars yo muri Tanzania ari nayo ifite iki gikombe cya 2025, Simba SC zombi zo muri Tanzania, Jamus FC yo muri Sudani y’Epfo na Mogadishu City yo muri Somalia.

Itsinda rya gatatu ririmo ikipe ya Al Hilal SC, Rayon Sports yo mu Rwanda, Tusker FC yo muri Kenya ndetse na KVZ yo muri Zanzibar.

Nyuma y’imikino y’amatsinda, buri kipe yayoboye itsinda izajya muri 1/2 cy’irangiza mu gihe hazashakwa kandi ikipe yabaye nziza mu zabaye iza kabiri igasanga muri iki cyiciro akaba amakipe ane aho abiri azatsinda azakina umukino wa nyuma naho andi abiri agakinira umwanya wa gatatu.

Ni ku nshuro ya gatandatu CECAFA Kagame Cup igiye kubera mu Rwanda dore ko inshuro eshanu yahabereye APR FC yatwayemo eshatu 2004, 2007 na 2010 mu gihe yatsindiwe ku mukino wa nyuma inshuro imwe na Al Merrikh SC mu 2014.

Iri rushanwa rizasozwa tariki tariki 7 Kanama 2026, aho rizakinirwa kuri Stade Amahoro ndetse na Kigali Pele Stadium.

Ibinyujije ku mbugankoranyambaga zayo, Rayon Sports yavuze ko uyu musore ufite imyaka 22 y’amavuko usatira anyuze mu mpande yasinye amasezerano y’imyaka ibiri.

Boris Gbenou yabaye umukinnyi wa 12 mushya Rayon Sports isinyishije hatabariwemo, Nshimiyimana Emmanuel Kabange na Ganijuru Elie Ishimwe yongereye amasezerano mu gihe kandi igikomeje isoko.

APR HC

Ni umukino wari ukomeye cyane hagati y’aba bakeba bombi bagiye gukina, nyuma y’iminsi micye APR HC yigaranzuye Police HC mu mikino itanu yagennye utwara shampiyona 2025-2026 aho iyi kipe yari yabanje gutsindwa imikino ibiri ya mbere yose yavuye inyuma ikayishyura kugeza itsinze itatu yose yakurikiyeho igatwara igikombe ku mikino 3-2.

Police HC yaherukaga gutwara igikombe cya shampiyona 2025-2026 nabwo itsinze Police HC

Police HC yatangiye uyu mukino wa nyuma w’iri rushanwa ryo kwizihiza umunsi wo Kwibohora neza ndetse isoza igice cya mbere iyoboye n’ibitego 16-14 itanga ikizere ko yatsinda umukino. Mu gice cya kabiri ariko byahindutse APR HC ikitwaramo neza irishyura ndetse ijya imbere ho ibitego bitatu gusa iminota 60 isanzwe y’umukino irangira ari amakipe yombi anganya ibitego 27-27.

Nk’uko amategeko abiteganya amakipe hahise hitabazwa iminota icumi(10) y’inyongera aho buri gace kagirwa n’iminota itanu. Iyi minota icumi yongereweho nayo yarangiye amakipe akinganya, aho banganyaga ibitego 31-31, hahita hitabazwa penaliti. Ikipe ya APR HC yahiriwe n’izi penaliti umunyezamu wayo Uwayezu Arsene akuramo penaliti ebyiri, bityo iyi kipe itsinda penaliti 4-2, zahuzwa n’ibitego, umukino urangira ari ibitego 35-33.

Mu bagore Kaminuza ya Kigali(UoK HC) niyo yegukanye igikombe aho ku mukino wa nyuma yatsinze Gorillas ibitego 38-20. Mu bandi bahembwe kandi kipe ya SOF yahawe igikombe cya Fair Play kuko yanabaye iya mbere mu itsinda ryayo ryarimo abasirikare gusa aho uretse yo, hari hanarimo BMTC Nasho, RMA Gako.

UoK HC yegukanye igikombe mu bagore

UoK ishyikirizwa igikombe

Umutoza wa APR HC, Bagirishya Anaclet

APR HC bishimira igikombe

Ni irushanwa ryakinwe kuva tariki ya 1 kugeza ku ya 3 Nyakanga 2026, rikinirwa muri Stade Amahoro aho mu bagore ryitabiriwe n’amakipe ane mu gihe mu bagabo yari amakipe atanu yari agabanyije mu matsinda abiri.

Imikino ya nyuma yakinwe tariki 3 Nyakanga 2026, maze mu bagabo ikipe ya REG VC itwara igikombe itsinze Police VC amaseti 3-1. Iseti ya mbere REG VC yayitwaye itsinze amanota 25-18, iseti ya kabiri yatwawe na Police VC itsinze amanota 25-20 ariko REG VC itwara ebyiri zakurikiyeho itsinze amanota 25-22 ndetse na 25-23.

Mu bagore ikipe Police WVC niyo yegukanye itsindiye APR WVC ku mukino wa nyuma amaseti 3-0 aho iya mbere yayitsinze amanota 29-27, iya kabiri iyitwara ku manota 25-21 ndetse inatwara iya gatatu ku mano 26-24.

Umwanya wa gatatu mu bagabo watwawe n’ikipe ya Gisagara VC yatsinze APR VC amaseti 3-2 mu gihe mu bagore ntawakinwe.

Uyu ni umwe mu myanzuro yafatiwe mu nama ya Komite Nyobozi ya FERWAFA yateranye ku wa 1 Nyakanga 2026 aho yemeje ko kuva mu mwaka wa 2026/2027, abakinnyi bazajya bakorerwa isuzuma ry’ubuzima ku buryo butunguranye hagamijwe kurwanya ikoreshwa ry’ibiyobyabwenge n’imiti itemewe yongerera imbaraga abakinnyi (anti-doping) ivuga ko bizazamura ireme ry’amarushanwa n’imibereho myiza y’abakinnyi.

Undi mwanzuro wafashwe ni uko amakipe akina amarushanwa ategurwa ma FERWAFA agomba kujya yiyandikisha aho nko kwitabira shampiyona mu cyiciro cya mbere mu bagabo n’abagore ari miliyoni 2 Frw.

Komite Nyobozi ya FERWAFA kandi yemeje gahunda yo kuvugurura imiterere y’ibirango byayo birimo byumwihariko kongera gukora ikirango cyayo (Logo), ibirango by’amarushanwa, gukora ibikombe by amarushanwa ategurwa na FERWAFA, no gushushanya (Design) imyambaro y’amakipe y’igihugu mu byiciro byose aho biizakorwa binyuze mu irushanwa ry’abanyempano.

Ni umukino wabereye MetLife Stadium mu Mujyi wa New York muri Leta Zunze Ubumwe za Amerika, utangira Saa Tanu z’ijoro u Bufaransa burawiharira muri rusange, dore ko bwanasoje igice cya mbere butsinze 1-0 cyatsinzwe na Kylian Mbappe ku munota wa 45 ahawe umupira na Ousmane Dembele.

Mu gice cya kabiri, u Bufaransa byatsinze igitego cya kabiri ku munota wa 54 gitsinzwe na Bradley Barcola ahawe umupira na Michael Olise. Uyu musore yongeye gutanga undi mupira kuri Kylian Mbappe ku munota wa 74 atsinda igitego cya gatatu cyari icya kabiri cye, umukino urangira ari ibitego 3-0.

U Bufaransa bwagsze muri 1/8 aho buzakina na Paraguay tariki 4 Nyakanga 2026, Saa Tanu z’ijoro.

Ni umukino wabereye kuri Stade ya AT&T utangira Saa Moya z’umugoroba maze Norvège itangira ariyo itsinda igitego cya mbere gitsinzwe na Antonio Nusa ku munota wa 39 ahawe umupira na Martin Ødegaard igice cya mbere kirangira ari 1-0.

Nubwo yari itsinzwe igitego ariko ikipe ya Côte d’Ivoire yari yatangiye umukino ikina neza. Iyi kipe ku munota wa 60 yasimbuje ishyiramo Amad Diallo wasimbuye Inao Oulai maze ku munota wa 74 ahita ayishyurira igitego ahawe umupira na Nicolas Pépé.

Amakipe yakomeje gushaka igitego cy’intsinzi maze kibonwa mbere na Norvège yatsindiwe na rutahizamu Erling Haaland ku munota wa 86 nyuma yo kwakira umupira mwiza yahawe na Patrick Berg anyuze ku ruhande rw’ibumoso, nawe akawusunikira mu izamu bitamugoye.

Iminota 90 yarangiye Norvège iyoboye umukino n’ibitego 2-1 bongeraho itandatu nayo yarangiye gutyo nta gihindutse, iyi kipe yegukana intsinzi igera muri 1/8 aho izahurira na Brazil tariki 5 Nyakanga 2026, Saa Yine z’ijoro.

Ni imikino yabaye mu ijoro ryo ku wa 29 ndetse no mu rukerera rwo ku wa 30 Kamena 2026. Ku isaha ya Saa Yine n’Igice z’ijoro ikipe y’u Budage yatangiye umukino wayihuzaga na Paraguay maze igice cya mbere kirangira batsinzwe igitego 1-0 cyatsinzwe na Julio Enciso ku munota wa 42.

Mu gice cya kabiri u Budage bwarwanye n’ubuzima bwishyura igitego gitsinzwe na Kai Havertz n’umutwe ku munota wa 54 ahawe umupira na Florian Wirtz iminota 90 isanzwe y’umukino irangira ari 1-1 hitabazwa iminota 30 y’inyongera nayo yarangiye gutyo hakitabazwa penaliti.

Muri izi penaliti, umunyezamu w’u Budage Manuel Neur yakuyemo imwe gusa mugenzi we Nico Woltemade, Jonathan Tah na Kai Havertz nabo bahusha izo bateye muri esheshatu zatewe muri rusange batsindwa penaliti 4-3 basezererwa na Paraguay batageze muri 1/8.

Saa Cyenda z’urukerera rwo kuri uyu wa Kabiri, hatangiye umukino wahuze Morocco n’u Buholandi. Uyu mukino wahoyobowe na Morocco ibintu byose kuko kwiharira umupira yari kuri 54% mu gihe yateyemo amashoti 11 arimo atanu agana mu izamu naho u Buholandi buteramo amashoti atandatu arimo abiri yaganaga mu izamu.

Nubwo byari bimeze gutyo ariko u Buholandi nibwo bwafunguye amazamu ku gitego cyatsinzwe na Cody Gakpo ku munota wa 72 nyuma y’amakosa y’ubwugarizi bwa Morocco ahawe umupira na Summerville.Iki gitego ariko kishyuwe na myugariro Issa Diop ku munota wa mbere mu minota itandatu yari yongerewe ku mukino, iminota isanzwe irangira ari igitego 1-1 hitabazwa iminota 30 nayo yarangiye gutyo hakitabazwa penaliti.

Ku ruhande rw’u Buholandi Quentin Timber, Summerville na Justin Kluivert bahushije penaliti binjiza ebyiri zatewe na Koopmeines na Weghorst mu gihe Achraf Hakimi na El Aynaoui bahushije iza Morocco ariko yinjije eshtatu zatewe na Sofiane Rahimi, Talbi na Saibari wateye iya nyuma maze inatsinda umukino kuri penaliti 3-2.

Paraguay yageze muri 1/8, izahurira n’ikipe irakomeza hagati y’u Bufaransa na Sweeden bakina kuri uyu wa Kabiri Saa Tanu z’ijoro mu gihe Morocco izahura na Canada yasezereye Afurika y’Epfo.

Uyu munsi uteganyijwe ku wa Gatandatu tariki 18 Nyakanga 2026, Rayon Sports izakira GorMahia yegukanye Shampiyona ya Kenya 2025-2026 mu mukino uzabera kuri Stade Amahoro Saa Kumi n’Ebyiri z’umugoroba.

Rayon Sports iri kwitegura umwaka w’imikino 2026-2027, aho kuri uyu wa Mbere yatangiye umwiherero mu Karere ka Gicumbi, itamgiranye abakinnyi 23 barimo 18 bo mu ikipe ya mbere ndetse n’abandi batanu bazamuwe aho biteganyijwe ko bazava muri aka karere baje gukina Rayon Day 2026

Ni umukino wabereye Houston muri Leta Zunze Ubumwe za Amerika utangira Saa Moya z’umugoroba urangwa no kwiharira umupira kwa Brazil. Nubwo yari yihariye guhererekanya ariko ku munota wa 29 yakoze ikosa iha umwanya Sano wazamukanye umupira kugeza ateye ishoti rigendera hasi umunyezamu Becker atakuyemo, atsindira u Buyapani igitego cyatumye isoza igice cya mbere ifite 1-0.

Mu gice cya kabiri Brazil yakomeje gukina neza ishaka uko yakwishyura maze ibikora ku munota wa 56 ubwo Vinicius Junior yahaga umupira myugariro Gabriel Maghalaes nawe wawuhinduye awunyujije mu kirere imbere y’izamu ry’u Buyapani. Uyu mupira wahise wakirwa neza na Casemiro ku mutwe, uruhukira mu izamu rya Suzuki Zion atsindira Brazil igitego.

Ntabwo akazi kari karangiye kuko buri ruhande rwasabwaga gutsinda igitego cya kabiri cyangwa iminota 90 yarangira bakinganya hakitabazwa iminota 30 y’inyongera. Ibi ariko ntabwo Brazil yabyemeeye kuko mu minota itandatu yongereweho, ubwo yari igeze ku wa gatanu, Gabriel Martinelli winjiye asimbura, yatsinze igitego cy’intsinzi cya Brazil ahawe umupira na Bruno Guimaraes, umukino urangira ari ibitego 2-1.

Brazil yasezereye u Buyapani igera muri 1/8 aho izahurira n’ikipe izakomeza hagati ya Cote d’Ivoire na Norway zikina kuri uyu wa Kabiri Saa Moya z’ijoro.

Ni imikino yatangiye ku wa Gatanu w’icyumweru gishize hakinwa imikino y’ijonjora ry’ibanze, 1/8, 1/4 , 1/2 ndetse n’imikino ya nyuma aho kuva muri 1/4 yakinwe ku Cyumweru tariki 28 Kamena 2026.

Mu bagabo, nyuma y’imikino y’amajonjora, ikipe ya Vincent/Prince muri 1/8 yasezereye Semwaga/Mugisha iyitsinze amaseti 2-0, muri 1/4 isezerera Shyaka/Valentin iyitsinze amaseti 2-0 naho muri 1/2 isezerera Matsiko na Gasore iyitsinze n’ubundi amaseti 2-0.

Ku rundi ruhande ikipe ya Gloire/Gatsinze muri 1/8 yasezereye Manzi/Ivan iyitsinze amaseti 2-0 kuri mpaga, muri 1/4 isezerera Inema/Joshua iyitsinze amaseti 2-0 naho muri 1/2 isezerera Mandela/Revis nayo iyitsinze amaseti 2-0.

Aya makipe yombi yahuriye ku mukino wa nyuma maze ikipe ya Vincent Mbonigaba na Prince Kanamugire itsinda iseti ya mbere ku manota 21-19, bigenda gutyo kandi ku iseti ya kabiri nayo yatwaye iyitsinze ku manota 21-17 yegukana igikombe.

Mu bagore ikipe igizwe ya Uwasa/ Ingabire muri 1/4 yabanje guseserera Celine/Cynthia itsinze amaseti 2-0 igera muri 1/2 aho naho yasezereye ikipe ya ikipe ye Nirere/Musabyimana iyitsinze amaseti 2-1.

Ku mukino wa nyuma iyi kipe yahahuriye n’ikipe ya Aline/Divine yo muri 1/4 yasezereye ikipe ya Hope/Yvette iyitsinze amaseti iyitsinze amaseti 2-0 mu gihe muri 1/2 yasezereye Leonce/Patience nabwo iyitsinze amaseti 2-0.

Kuri uyu mukino wa nyuma ikipe ya Uwasa/Ingabire yatsinze iseti ya mbere ku manota 21-19 gusa iya kabiri Aline/Divine iyitwara itsinze amanota 21-17.

Nyuma yo kunganya iseti 1-1, hakinwe amaseti abiri gusa, byabaye ngombwa ko hitabazwa iya kamarampaka ikinirwa ku manota 15, maze ikipe ya Uwase/Ingabire yuzuza aya manota ikipe ya Aline/Divine ifite amanota arindwi(15-7), yegukana igikombe itsinze amaseti 2-1.

Mu bagabo, ikipe ya Nzirimo Mandela/Levis yegukanye umwanya wa gatatu intsinze ikipe ya Matsiko/Gasore amaseti 2-0 mu gihe mu bagore wegukanwe na Nirere/Musabyimana batsinze Leonce/ Patience amaseti 2-1.

Wari umukino wa mbere wa 1/16 nyuma y’uko amakipe 32 arenze amatsinda yarimo amakipe 48 yose yitabiriye. Uyu mukino watangiye ku isaha ya Saa Tatu z’ijoro maze igice cya mbere cyawo kirangira ari 0-0 ku mpande zombi, Afurika y’Epfo iteye amashoti ane arimo rimwe rigana mu izamu no kwiharira umupira kuri 55% mu gihe Canada yateye arindwi yarimo ane agana mu izamu yihariye umupira kuri 45%.

Mu gice cya kabiri buri kipe yakomeje kugerageza, Afurika y’Epfo ikomeza kwiharira umupira ku kigero cyo hejuru kurusha Canada dore ko umukino warangiye muri rusange ifite ijanisha rya 58% kuri 42% ya Canada yo ariko muri iki gice yateyemo amashoti atanu yarimo atatu agana mu izamu.

Afurika y’Epfo muri iki gice cya kabiri yateyemo amashoti atatu atarimo na rimwe rigana mu izamu rya Canada, iminota 90 isanzwe irangira bikiri 0-0 hongerwaho itanu. Ku munota wa kabiri w’inyongera Canada yabonye igitego ku ishoti rikomeye Stephen Eustáquio yatereye hanze y’urubuga rw’amahina umunyezamu Ronwen Williams ntiyashobora gukuramo umupira.

Afurika y’Epfo yari isigaranye iminota itatu yonyine yo kwishyura ntacyo yayozemo, umukino urangira itsinzwe 1-0 inasezerewe muri iki Gikombe cy’Isi yakinaga ku nshuro ya kane mu mateka aho ari ubwa mbere yarenze amatsida, kimwe na Canada iri kugikinira ku nshuro ya gatatu ikaba igeze no muri 1/8.

Stephen Eustáquio watsinze igitego

Canada izahura n’ikipe izakomeza hagati ya Morocco n’u Buholandi bazakina mu rukerera rwo ku wa Kabiri, Saa Cyenda zuzuye.

Byari agahinda kuri Afurika y’Epfo

Ni imikino ya nyuma yasorejwe mu karere ka Rubavu kuri Stade Umuganda mu mpera z’iki cyumweru aho ku wa Gatandatu hakinwe imikino ya nyuma mu batarengeje imyaka 14 mu gihe kuri iki Cyumweru hakinwe imikino mu batarengeje imyaka 16.

Mu bahungu ikipe ya Mahembe FTC yatsindiwe ku mukino wa nyuma kuri iki Cyumweru na FC Bayern AC Rwanda ibitego 3-0, iri rerero ry’ikipe ya Bayern Munich mu Rwanda aba ariyo ritwara igikombe cy’aya marushanwa yatangirijwe muri Werurwe 2026 mu Rwanda.

FC Bayern AC Rwanda ihabwa igikombe

Mu bakobwa, igikombe cyegukanwe n’irerero rya PSG Academy ryatsindiye ku mukino wa nyuma ishuri rya APE Rugunga penaliti 8-7 nyuma y’uko impande zombi zari zanganyije 1-1 mu minota isanzwe.

Umushinga wa FIFA TDS watangijwe muri rusange mu 2022 ufungurirwa ku mugaragaro mu Rwanda mu karere ka Huye muri Werurwe uyu mwaka, aho uhuza amashuri n’amarerero mu marushanwa agabanyije mu byiciro bibiri: Abatarengeje imyaka 14 n’abatarengeje imyaka 16 (abahungu n’abakobwa).

PSG Academy ihabwa igikombe

Umunyamabanga Mukuru wa FERWAFA Bonnie Mugabe(Ibumoso) yari yitabiriye isozwa ry’aya marushanwa

Komiseri ushinzwe amarushanwa muri FERWAFA, Niyitanga Desire ari mu bari bitabiriye

Iyi shampiyona yakinwe mu mpera z’iki cyumweru aho ku wa Gatandatu hakinwe agace ko gusiganwa n’isaha umuntu ku giti cye mu bagabo katwawe na Niyonkuru Samuel mu gihe mu bagore Mwamikazi Djazilla ariwe wagatwaye.

Kuri iki Cyumweru, hari hatahiwe isiganwa ryo mu muhanda aho mu bagabo ryahagurukiye i Batsinda ku ntera y’ibilometero 158 banyuze Shyorongi-Base-Gicumbi-Rukomo-Nyacyonga bagasoreza i Batsinda. Niyonkuru Samuel yongeye kwihesha ikuzo aba ariwe uhiga abandi aza ku mwanya wa mbere.

Niyonkuru Samuel

Mu bagore shampiyona yatwawe na Nzayisenga Valentine ukinira ikipe ya Benediction Club aho intera y’ibilometero 115 yahagurukiye ku Kirenge mu karer ka Rulindo igasorezwa Batsinda, yegukanye umwanya wa mbere akoresheje amasaha atatu, iminota 19 n’amasegonda 21. Valentine yakurikiwe na Ingabire Diane nawe ukinira Benediction yarushije iminota itatu n’amasegonda 20 mu gihe Nirere Xaverine ukinira ikipe ya Amani we baye uwa gatatu arushwa n’uwa mbere iminota itatu n’amasegonda 21

Nzayisenga Valentine

Mu bangavu, Donatha Akimana ukinira Ngarama Sports Academy niwe wahize abandi aho mu gusiganwa intera y’ibilometero 62 yakoresheje amasaha abiri, iminota irindwi n’isegonda rikwe akurikirwa na Masengesho Yvonne wa Black Mamba banganyije ibihe ndetse na Kanyange Zawadi wa Bugesera Cycling Team wabaye uwa gatatu arushwa n’uwa mbere amasegonda icumi.

Donatha Akimana

Mu ngimbi Pacifique Byusa ukinira Les Amis Sportifs niwe wabaye uwa mbere mu gusingwa intera y’ibilometero 115.

Mu bagabo basiganwe ibilometero 41 maze Niyonkuru Samuel yegukana umwanya wa mbere akoresheje iminota 50 n’amasegonda 11 akurikirwa na Muhoza Eric nawe ukina muri Amani wakoresheje iminota iminota 50 n’amasegonda 40 mu gihe Nshutiraguma Kevin ukinira Cone Elmay yabaye uwa gatatu.

Abakiri bato basiganwe intera y’ibilometero 30 maze Byusa Pacifique ukinira Les Amis Sportifs aba ariwe wegukana isiganwa akoresheje iminota 40 n’amasegonda 54 akurikirwa na Mugabo Jules ukinira Zip Cycling Team ndetse na Ganza Prince Ferguson ukinira Kayonza Young Stars wabaye uwa gatatu.

Mu bagore basiganwe ibilometero 30 maze Mwamikazi Djazilla wari wanatwaye iki cyiciro mu 2025 abisubiramo akoresheje iminota 41 n’amassgonda 23 akurikirwa na Nirere Xaverine Team Amani wakoresheje iminota 42 n’amasegonda 31 mu gihe Ntakirutimana Martha ukinira Black Mamba yabaye uwa gatatu akoresheje iminota 46 n’amasegonda icumi.

Mu cyiciro cy’abangavu hasiganwa intera y’ibilometero 21 maze Kanyange Zawadi ukinira Bugesera Cycling Team, ahiga abandi yegukana umwanya wa mbere akoresheje iminota 33 n’amasegonda 19 akurikirwa na Akimana Donatha ukinira Ngarama Sports Academy wakoresheje iminota 33 n’amasegonda 26 mu gihe Masengesho Yvonne ukinira Black Mamba DT yabaye uwa gatatu akoresheje iminota 34 n’amasegonda 47.

Kui iki Cyumweru harakinwa icyiciro cyo gusiganwa mu muhanda (Road Race) kuva Saa Tatu za mu gitondo, aho mu bagabo bazahaguruka Batsinda bazamuke Shyorongi batambike kugera kuri Base bazamuke Tetero bamanuke Gicumbi batambike Nyacyonga batsindire basoreze Batsinda ku ntera y’ibilometero 158 intera bazasangira n’abatarengeje imyaka 23.

Mu bagore bazahagurukira ku Kirenge bagasoreza Batsinda ku ntera y’ibilometero 115 bazangira n’abatarengeje imyaka 23 ndetse n’ingimbi mu gihe kandi abangavu bazasiganwa ibilometero 62 bahagurukiye ku Ibanda bagasoreza Batsinda.

Zawadi Kanyange

Kayonza Modern yegukanye igikombe mu bahungu

Aya marushanwa yatangirijwe mu Karere ka Huye muri Werurwe 2026, ari gusorezwa mu Karere ka Rubavu kuri Stade Umuganda kuri uyu wa Gatandatu n’ejo ku Cyumweru aho uyu munsi hasojwe icyiciro cy’abatarengeje imyaka 14 mu bahungu n’abakobwa.

Mu bahungu, ikipe ya Kayonza Modern yegukanye igikombe itsindiye PSG Academy ku mukino wa nyuma ibitego 4-3. Muri uyu mukino igice cya mbere cyarangiye Kayonza Modern itsinze ibitego 2-1, ariko mu gice cya kabiri amakipe agera aho anganya 3-3 gusa iyi kipe ibona igitego cya kane cyayifashije gutwara igikombe.

Mu bakobwa batarengeje inyaka 14, ikipe ya Center for Champions yo mu Karere ka Rwamagana niyo yegukanye igikombe itsindiye Petit Séminaire Baptiste ku mukino wa nyuma ibitego 3-1 aho ibi byose byinjiye mu gice cya mbere cy’umukino. Buri kipe yose yatwaye igikombe yanahwe sheki ya miliyoni imwe n’igice cy’amafaranga y’u Rwanda.

Center for Champions yegukanye igikombe mu bakobwa

Kuri iki Cyumweru, harakinwa imikino ya nyuma mu batarengeje imyaka 14, aho mu bahungu Mahembe FTC yasezereye Tony FA muri 1/2 izakina na FC Bayern AC Rwanda Saa Sita n’Igice mu gihe mu bakobwa Saa Yine za mu gitondo PSG Academy izaba yabanje gukina na APE Rugunga, imikino yose izabera kuri Stade Umuganda mu Karere ka Rubavu.

Aya marushanwa yitabiriwe n’amakipe 54 mu byiciro bine aribyo imyaka 14 na 16 mu bakobwa ndetse n’imyaka 14 na 16 mu bahungu. Muri aya makipe harimo 12 y’abatarengeje imyaka 14 mu bakobwa ma 13 mu bahungu, amakipe 13 y’abakobwa mu batarengeje imyaka 16 na 16 mu bahungu.

Ikipe yatwaye igikombe yahawe sheki ya miliyoni imwe n’igice y’amafaranga y’u Rwanda

Nkundabera Eric watwaye shampiyona ya 2025 mu bagabo

Ku wa Gatandatu, ubwo abakinnyi bazaba basiganwa n’isaha umuntu ku giti cye bazakinira mu muhanda wa Nyacyonga ugiye gukoreshwa ku nshuro ya gatatu yikurikiranya aho mu 2025 Nirere Xaverine wari uhigitse Ingabire Diane wari umaze imyaka itatu aba uwa mbere mu bagore na Niyonkuru Samuel mu bagabo aribo begukanye iki cyiciro muri iyi shampiyona

Muri iki cyiciro cyo gusiganwa n’isaha, mu bagore abakiri bato bazasiganwa ibilometero 21, mu bagabo basiganwe ibilometero 30 bazasangira n’abagore mu cyiciro cy’abakuru ndetse n’abatarengeje imyaka 23 aho bazahaguruka ku isaha ya Saa Munani mu muhanda wa Batsinda, ku Idigiri bagasoreza Batsinda n’ubundi. Mu cyiciro nk’iki Nirere Xaverine yahize abandi mu bagore naho Niyonkuru Samuel ahiga abandi mu bagabo.

Ku Cyumweru hazakinwa icyiciro cyo gusiganwa mu muhanda (Road Race) kuva Saa Tatu za mu gitondo, aho mu bagabo bazahaguruka Batsinda bazamuke Shyorongi batambike kugera kuri Base bazamuke Tetero bamanuke Gicumbi batambike Nyacyonga batsindire basoreze Batsinda, umuhanda n’ubundi wakoreshejwe mu 2025 ubwo Nkundabera Eric "Buravan" yegukanaga umwanya wa mbere.

Muri iri siganwa ryo mu muhanda, mu bagore mu cyiciro cy’abato bazasiganwa intera y’ibilometero 62 bahagurukiye mu Ibanda bagasoreza Batsinda, mu bagabo basiganwe ibilometero 115 bazahuza n’icyiciro cy’abagore mu bakuru ndetse n’abatarengeje imyaka 23 ano bazahagurukira ku Kirenge bagasoreza Batsinda mu gihe abagabo mu bakuru bazasiganwa intera y’ibilometero 158 bazahuza n’abatarengeje imyaka 23 bahagurukiye Batsinda akaba ari naho basoreza.

Mu bagore, mu 2025 mubagore Nirere Xaverine wegukanye agace ko gusiganwa n’isaha umukinnyi ku giti cye, Mwamikazi Djazilla yegukana isiganwa ryo mu muhanda atsinze Ingabire Diane wari umaze kuryegukana inshuro eshatu zikurikiranya mu gihe mu bagabo isiganwa ryegukanywe na Nkundabera Eric.

Mu bagabo, kuva mu 2010 hakinwa shampiyona y’u Rwanda, Niyonshuti Adrien niwe wenyine washoboye kuyisibuza ayitwara 2010, 2011 na 2012.

Nirere Xaverine yegukanye Shampiyona ya 2025 mu bagore mu gusiganwa n’isaha

Niyonkuru Samuel watwaye shampiyona mu gusiganwa n’isaha umuntu ku giti cye mu bagabo

Ni imikino izabera ku nkengero z’ikiyaga cya Muhazi, kuri Falcon Golf & Country Club mu Karere ka Rwamagana kuva tariki ya 26, 27 n’iya 28 Kamena 2026 aho izitabirwa n’amakipe y’abagore n’ay’abagabo aturutse hirya no hino ku Isi, buri kipe igizwe n’abakinnyi babiri.

Iya Shampiyona ya Beach Volleyball iba no ku ngengabihe y’lmpuzamashyirahamwe y’Umukino wa Volleyball ku Isi [FIVB],bituma yitabatirwa n’abaturutse imihanda yose kuko abayitwayemo neza babona amanota ku rwego Mpuzamahanga muri uyu mukino.

Ubwo hakinwaga agace ka mbere mu Ukuboza 2025 ikipe igizwe na Koita Jahara na Akan Paul yatwaye umwanya wa mbere mu bagabo naho mu bagore utwarwa n’ikipe ya Mukandayisenga Benitha na Munezero Valentine.

Urutonde mu bagore

Urutonde mu bagabo

Ni amasezerano yasinyiwe ku cyicaro gikuru cya Rayon Sports hagati ya Perezida wa Komite y’Agateganyo ya Rayon Sports Murenzi Abdallah n’Umuyobozi wa Skol Eric Gilson, afite agaciro ka miliyoni 185 Frw nk’uko byemejwe na Murenzi.

Ati "Agaciro ka masezerano ni miliyoni 185 Frw zizatangwa mu mu ntoki no mu buryo bw’ibikorwa. Nubwo abantu baba bashaka kumva amafaranga gusa ariko igikomeye ni umubano."

Avuga ku mpamvu basinye amasezerano y’umwaka umwe umuyobozi wa Rayon Sports Murenzi Abdallah yavuze ko bawufashe nyuma yo gukora isuzuma bityo ko ari uwo gukosora ibitaragenze neza.

Ati "Mbere yo kuvugurura amasezerano twakoze isuzuma by’umwihariko ryakozwe na Skol ryo kureba ibitaragenze neza mu rugendo twabanyemo. Impamvu dufashe uyu mwaka, twasanze dukeneye igihe cyo gukosora ibitaragenze neza muri byo harimo imiyoborere ya hato na hato yagiye igira ingaruka ku mubano waacu. Muri iki gihe cy’umwaka hazaganirirwamo byinshi bishobora kujya mu myaka myinshi iri imbere."

Muri izi miliyoni niho hakubiyemo ikibuga cy’imyitozo cyo mu Nzove, Rayon Sports izakomeza gukoresha ku myitozo ndetse ikipe y’abagore igakomeza kwakiriraho imikino yayo mu gihe uru ruganda narwo ruzakomeza gucuruza ku mikino iyi kipe yakiriye kongeraho ko kuri iyi nshuro ruzambarwa inyuma mu mugongo mu nsi y’amazina y’abakinnyi na nomero.

Rayon Sports yoranaga na SKOL kuva mu 2014 ari umufatanyabikorwa mukuru watangiye ayiha miliyoni 47 Frw ku mwaka gusa yagiye azamuka uko yagiye yongerwa kugera aho ayaherukaga gusinywa yarangiye mu mpeshyi ya 2026 yari afite agaciro k’asaga miliyari 1 Frw mu gihe kingana n’imyaka itatu.

Rayon Sports irateganya gutangaza ku mugaragaro Banki ya Kigali uzaba umufatanyabikorwa wayo mukuru ndetse ikanya imwambara imbere mu gatuza mu gihe yanamase gusinyana na Jayrutty, ibyo ubuyobozi bwayo bwavuze ko bamaze kugera kuri 70% ku kuba ikipe yagira umutekano mu bukungu.

Abakunzi ba Liverpool basuye Urwibutso rwa Nyarubuye,baremera imiryango umunani yarokotse Jenoside

Ni igikorwa cyabereye mu Karere ka Kirehe mu murenge wa Nyarubuye ku Rwibutso rwa Jenoside rwaho aho aba bafana ba Liverpool barenga 200 biganjemo urubyiruko babanje gusobanurirwa amateka y’uru rwibutso ndetse basobanurirwa amateka ya buri bimenyetso byose bihari.

Aba bakunzi ba Liverpool kandi banasobanuriwe uko Jenoside yateguwe ikanashyirwa mu bikorwa muri aka gace ka Nyarubuye banashyira indabo ku mva ziruhukiyemo imibiri y’Abatutsi basaga ibihumbi 60,000 biciwe ku musozi wa Nyarubuye.

Nyuma yo gusura uru rwibutso aba bafana ba Liverpool mu Rwanda baremeye abarokotse Jenoside aho batanze inka umunani ku miryango umunani ndetse banabasezeranya ko ari igihango bagiranye kandi bazabahora hafi bityo batazongera kwigunga ukundi.

Umuyobozi wungirije w’abafana ba Liverpool mu Rwanda Kabagambe Ignatius yashimiye bikomeye buri muntu wagize uruhare kugira ngo iki gikorwa ngarukamwaka kigerweho, kuko umusanzu wo kuhagera urenze ibifatika biba byatanzwe.

Ati" Umusanzu wo kuza hano mu gatega amatwi mukabyumva, wahise guhaguruka ukagenda, uba wanahisemo ko urabyemera kandi ukagenda ukanabivuga. Uwo musanzu ukubye inshuro icumi amafaranga tuba twatanze, twazanye inka umunani ariko twe turasubiranayo amasomo."

Perezida wa Ibuka mu Karere ka Kirehe Nduwimana Bonaventure yavuze ko iyo ugeze aho ibintu byabereye bifasha gusobanukirwa, bigatuma ubibwira abandi anongera kubibutsa guhangana n’abagoreka amateka ya Jenoside yakorewe Abatutsi mu 1994 byumwihariko bakoresheje imbugankoranyambaga.

Ati"Amateka ya Nyarubuye ni uruhererekane. Dufite ubutumwa twasangiza abandi, kuko hari ukubwirwa no kumva ariko iyo wigereye aho byabereye bigufasha gusobanukirwa byimbitse nawe ukazabona icyo uzabwira abandi. Nk’Abanyarwanda dufite umukoro wo kuvuga amateka yacu hanyuma tukanabona uko duhangana n’abayagoreka bakoresheje imbugankoranyambaga."

Iki gikorwa ihuriro ry’abakunzi ba Liverpool mu Rwanda ’ Official Liverpool Supporters Club-Rwanda’ bagikoze ku nshuro ya 10 kandi bavuga bazakomeza kubikora mu rwego rwo gukomeza gufatanya n’ubuyobozi bw’igihugu mu rugendo rwo kwiyubaka mu gihe kandi hanashimiwe ubuyobozi bw’Akarere ka Kirehe na Ibuka bahurije hamwe kugira ngo kigerweho.

Baremeye imiryango umunani y’abarokotse aho buri muryango wahawe inka imwe

Ni imikino ya nyuma yabaye kuva ku wa Gatandatu w’iki cyumweru ku bibuga bitandukanye mu Mujyi wa Nyamata aho imikino imwe n’imwe yakinwemo icyiciro cya 1/2 ndetse hanakinirwa umwanya wa gatatu mbere yo gukina umukino wa nyuma. Nko muri ruhago, mu bagabo umurenge wa Rubengera wegukanye umwanya wa gatatu utsinze Mbazi ibitego 2-0 mu gihe mu bagore uyu mwanya watwawe na Gatore yo muri Kirehe yatsinze Mbogo yo muri Rulindo ibitego 3-0.

Mu mupira w’amaguru ku Cyumweru hari hatahiwe ndetse hanategerejwe imikino ya nyuma mu bagore n’abagabo. Mu bagore ikipe ya Mahembe yegukanye igikombe itsinze itsinze Kacyiru ku mukino wa nyuma penaliti 5-4 nyuma y’uko iminota 90 isanzwe y’umukino yari yarangiye banganyije 0-0. Uyu mukino wakurikiwe n’uwo mu bagabo wari utegerejwe cyane wahuje Masaka yo mu Karere ka Kicukiro ndetse Nyarugenge.

Ikipe ya Mahembe yo mu karere ka Nyamasheke

Igice cya mbere cy’uyu mukino nawo wabereye kuri Stade ya Bugesera cyarangiye uko abantu batari babyiteze ndetse bisa nkaho igikombe cyabonye nyiracyo kuko Masaka yakirangijr itsinze ibitego 5-2. Iki gice cyari kibonetsemo ibitego birindwi muri rusange, mu gihe mu gice cya kabiri habonetsemo bibiri, Masaka itsinda icya gatandatu mu gihe Nyarugenge yatsinze icya gatatu umukino urangira ari ibitego 6-3.

Mu yindi mikino, muri Volleyball mu bagore ku wa Gatandatu hakinwe imikino ya 1/2 ndetse n’umwanya wa gatatu. Muri 1/2, ikipe ya Gicumbi yasezereye Rusizi naho Ngoma isezerera Musanze.Ngoma na
Gicumbi zahuriye ku mukino wa nyuma ku Cyumweru, maze ikipe ya Ngoma mu buryo butayigoye itwara igikombe itsinze amaseti 3-0 Gicumbi wabonaga itari mu mukino neza mu gihe ariyo yari ifite igikombe cya 2025.

Ikipe ya Ngoma

Mu mukino wo gusimbuka urukirampende, Masengo Gibril wakiniraga Umujyi wa Kigali yahize abandi mu bagabo mu gihe Uwimana Lucie wo mu Ntara y’i Burengerazuba yabaye uwa mbere mu bagore. Mu mukino w’amagare umwanya wa mbere mu bagore watwawe na Nishimwe Gisele wo wo muri Kigali mu bagore na Mfiteyesu Emmanuel wo mu wakiniraga Intara y’Amajyaruguru mu bagabo.

Muri Basketball, ikipe ya Kicukiro yegukanye igikombe mu bagabo itsinze Kamonyi ku mukino wa nyuma amanota 81-69 mu gihe mu bagore igikombe cyatwawe na Kayonza yatsinze Kamonyi ku mukino wa nyuma amanota 73-61.

Ikipe ya Kayonza

Muri Sitball, ikipe y’Akarere ka Kirehe mu bagore niyo yegukanye igikombe cy’Umurenge Kagame Cup 2026, naho ikipe ya Gasabo yegukana iki gikombe mu bagore.

Ikipe ya Kirehe

Ikipe ya Gasabo

Mu bakina ku giti cyabo, mu gusiganwa ku maguru ikilometero kimwe, Niyomugisha Diane wo mu Ntara y’i Burengerazuba niwe wegukanye umwanya wa mbere n’umudali wa zahabu mu bagore mu gihe mu bagabo wegukanwe na Sekabaraga Sildio wo mu Mujyi wa Kigali. Mu bilometero bitatu, umudali wa zahabu watwawe na Yankurije Marthe wo mu Burengerazuba mu bagore wanawegukamye ariko mu bilometero icumi mu gihe mu bagabo watwawe na Manishimwe Jean Baptiste wo mu Mujyi wa Kigali.

Mu gusiganwa mu bilometero 15 kandi mu bagabo, umudali wa zahabu wegukanwe na Munyakazi Felicien wo muri Kigali naho mu gukina igisoro Niyonagize Alfred na Bampire Regis aba bo muri Kigali aba ariho batwara imidali ya zahabu.Gusimbuka urukirampende, Uwimana Lucie wo mu Burengerazuba na Masengo Gibril w’i Kigali bahize abandi.Mu gusiganwa ku magare, Nishimwe Gisele wo mu Mujyi wa Kigali na Mfiteyesu Emmanuel wo mu Ntara y’Amajyaruguru bahize abandi.

Imikino y’Irushanwa ry’Umurenge Kagame Cup 2026 ry’uyu mwaka yitabiriwe n’abarenga miliyoni eshatu hirya no hino mu gihugu, amakipe yahize ayandi akaba yarahwe ibikombe ndetse amafaranga y’u Rwanda anagana na miliyoni imwe n’ibihumbi 800.

Ibi byatangajwe na Perezida w’agateganyo wa Rayon Sports, Murenzi Abdallah wavuze ko bamaze gusinya amasezerano kandi ko Banki ya Kigali ariyo izagaragara imbere ku mwambaro wabo.

Ati" Uyu mwaka tuzakorana na BK, twasinyanye amasezerano. Mu minsi iri mbere tuzageza ku bakunzi b’umupira n’Aba-Rayons muri rusange. BK niyo tuzabona uyu mwaka imbere ku mwambaro."

Murenzi Abdallah kandi yavuze ko mu bafatanyabikorwa bandi iyi kipe izakorana nabo harimo Skol yari umuterankunga mukuru mu myaka hafi icumi ishize gusa bakaba bari kuvugurura amasezerano bakazakomeza gukorana mu bundi buryo.

APR FC ibinyujije ku mbugankoranyambaga yashimye Claude Niyomugabo wayigezemo mu 2019, ivuga ko imushimira ibyo yayihaye mu myaka irindwi birimo ibikombe birindwi bya shampiyona byikurikiranya.

Mbere yo gushimira Claude Niyomugabo, ikipe ya APR FC kuri uyu wa Gatatu yasinyishije myugariro Ishimwe Christian ugiye kumusimbura aho uyu musore wari umaze imyaka ibiri avuye muri iyi kipe akajya muri Police FC yasinye amasezerano y’imyaka ibiri.

Ishimwe Christian yasinyiye APR FC agarutsemo, ari kumwe n’umubyeyi we

Nubwo kugeza ubu hatari hamenyekana ikipe azakinira ariko Niyomugabo Claude, kuva mu mwaka utaha w’imikino 2026-2027 azakina hanze y’u Rwanda.

Uretse Claude Niyomugabo kandi, abakinnyi nka Nshimiyimana Yunusu, Ruboneka Jean Bosco, bose basoje amasezerano muri APR FC yifuza kubagumana ariko ibiganiro bikaba bikomeje kugorana cyane cyane ku kijyanye n’amafaranga aho bivugwa ko babwiye iyi kipe ko igomba kubaha miliyoni 100 Frw buri umwe.

Muri APR FC kandi abarimo umunyezamu Ishimwe Pierre, Mugisha Gilbert na Niyibizi Ramadhan nabo bayasoje ariko iyi kipe ikaba itazayongera ngo ikomezanye nabo kongeraho Denis Omedi wari usigaje amezi atandatu gusa nawe uzagenda.

Ni imikino yo mu itsinda rya cyenda n’irya cumi yakinwe mu ijoro ryo ku wa 16 Kamena 2026 no mu rukerera rwo ku wa 17 Kamena. Ikipe y’u Bufaransa mu itsinda rya cyenda yatsinze Senegal ibitego 3-1 birimo bibiri bya Kylian Mbappe na kimwe cya Bradley Barcola mu gihe Mbaye yatsindiye Senegal.

Ibi bitego bya Kylian Mbappe muri uyu mukino watangiye Saa Tatu z’ijoro, byatumye ahita akora amateka yo kuba ariwe umaze gutsindira bitego byinshi ikipe y’igihugu y’u Bufaransa aho afite 59 akaba yanyuze kuri Olivier Giroud ufite 57 mu gihe yujuje ibitego 14 mu Gikombe cy’Isi bimugira uwa kane umaze kugitsindamo byinshi arushwa bibiri n’uwa mbere.

Saa Cyenda z’igitondo cyo kuri uyu wa Gatatu, ikipe ya Argentina yakinnye na Algeria iyitsinda ibitego 3-0 byose byatsinzwe na Lionel Messi. Uyu mugabo wakinaga umukino wa 200 mu ikipe y’igihugu, yakoze amateka yo kuba amaze gutsinda ibitego byinshi mu mateka y’igikombe cy’Isi aho yujuje ibitego 16 anganya n’Umudage Miloslav Klose wari umaranye igihe aka gahigo.

Mu wundi mukino wabaye, ikipe ya Norway yatsinze inyagiye Iraq ibitego 4-1 birimo bibiri bya Erling Haaland mu gihe kuri uyu wa Gatatu Saa Moya z’ijoro, Portugal irakina na DRC naho Saa Yine z’ijoro, u Bwongereza bugakina na Croatia.

Uretse Algeria na Senegal byo muri Afurika byatsinzwe, mu bindi bihugu byari byakinnye mbere, Brazil yanganyije na Morocco 1-1, Cape Verde inganya na Espagne 0-0 mu gihe Tunisia yatsinzwe na Sweeden 5-1.

Ibi Rayon Sports yabitangaje inyuze ku mbugankoranyambaga zayo aho yavuze ko yishimiye gutangaza isinya rye aho yasinye imyaka ibiri ayikiniraga kugeza mu mpeshyi ya 2028.

Kigali Today yamenye ko Rayon Sports izishyura miliyoni 8 Frw kuri uyu rutahizamu w’imyaka 23 y’amavuko.

Nizeyimana Mubarak yazamukiye mu ikipe y’Intare FA ya APR FC aho yavuye ajya mu ikipe ya Marine FC yakiniye mu mwaka w’imikino 2025-2026 aho yatsinze ibitego bitanu muri shampiyona.

Amakuru yizewe Kigali Today yamenye ni uko ikipe ya Police FC yegereye uyu Munya-Tunisi ndetse bagirana ibiganiro bya mbere byagenze neza bishobora no kugeza ku gukorana igihe batandukana na Ben Mousa, ibintu bateganya nyuma yo kutabaha ibikombe bifuzaga.

Indi kipe yifuza uyu mugabo, ni Kiyovu Sports iheruka gutandukana na Haringingo Francis. Amakuru Kigali Today yemerewe n’umuntu wa hafi muri iyi kipe ni uko ari mu batoza bane bifuza kuba baha akazi ko gutoza Urucaca ariko n’ibiganiro bigikomeje.

Iyi kipe ya Kiyovu Sports iheruka gusinyisha Kambanda Emmanuel umwe mu bakinnyi bo hagati uyu mutoza Hammadi ngo akunda cyane, niyo ihabwa amahirwe yo kuba yamwegukana dore ko ashobora kuba ari umukinnyi yagize uruhare mu igurwa rye.

Ku rundi ruhande ariko ikipe y’Amagaju FC nayo irifuza kuba yakomezanya na Hammadi nyuma yo kuyifasha kuguma mu cyiciro cya mbere nyamara yarayisanze ahantu habi.

Ni umukino watangiye Saa Tatu z’ijoro, utahiriye Afurika y’Epfo kuko yabonyemo amakarita abiri atukura arimo iyahawe Sithole ku munota wa 49 ndetse na Themba Zwane ku munota wa 84 mu gihe Mexico nayo yabonye iyahawe Contes ku munota wa kabiri mu minota irindwi yongerewe ku mukino.

Mbere y’aya makarita ariko, ku munota wa cyenda Mexico yafunguye amazamu ku gitego cyatsinzwe na Quinones ahawe umupira na Erik ndetse igice cya mbere kirangira ari igitego 1-0.

Mu gice cya kabiri ku munota wa 67 Mexico yabonye igitego cya kabiri cyatsinzwe na Raul Jimenez ahawe umupira na Alvarada. Mexico yakomeje kurusha cyane Afurika y’Epfo yari yaje mu mukino yugarira ariko iminota 90 irangira ari ibitego 2-0.

Umukino wa kabiri w’iri rushanwa urakinwa Saa Kumi za mu gitondo hagati ya Czech Republic na Koreya y’Epfo, mu gihe Saa Tatu z’ijoro Bosnia Herzegovina na Canada.

Gutangaza uyu musore w’imyaka 24 y’amavuko wasinye imyaka ibiri, Rayon Sports yabinyujije ku mbugankoranyambaga zayo imuha ikaze.

Rayon Sports kandi ku wa Gatatu tariki 10 Kamena yatangaje abandi bakinnyi babiri bongereye amasezerano aribo uwari visi kapiteni Nshimiyimana Emmanuel Kabange na Ishimwe Ganijuru bose basinye imyaka ibiri.

Rayon Sports ikomeje kwiyubuka ariko inatandukana n’abakinnyi yari isanganywe barimo ba myugariro Youssou Diagne wari kapiteni, Emery Bayisenge na Ramazani Tshimanga bose batazakomezanya nayo.

Rayon Sports irateganya gutangira umwiherero tariki 20 Kamena kugeza tariki 10 Nyakanga 2026 aho uzabera mu Karere ka Gicumbi.

Ni irushanwa riteganyijwe ku Cyumweru, tariki ya 5 Nyakanga 2026, aho rizabera muri Petit Stade Amahoro I Remera rigahuza abakinnyi babigize umwuga baturuka mu bihugu by’u Rwanda, Uganda, Tanzania na Kenya na Repubulika Iharanira Demokarasi ya Congo.

Umuyobozi wa Bodymax Promotion Kalim Fatih Niyonsenga avuga ko ari irushanwa rizitabirwa n’abakinnyi barimo ababigize umwuga bazaturuka mu bihugu byose bya Afurika y’i Burasirazuba.

Ati "Kuri iyi nshuro irushanwa riri ku rwego rwazamutseho,mu biro by’abakinnyi ndetse n’ibyiciro bakinamo. Umwaka ushize twari dufite abakinnyi barenza ibiro 60 ariko ubu dufite n’abafite ibiro 70 kuzamura. Muri aba bakinnyi hazaza ababigize umwuga bo mu bihugu byose bya Afurika y’i Burasirazuba."

Kalim akomeza avuga ko kandi ari irushanwa rizitabirwa n’abakinnyi baje gushaka kuva mu batarabigize umwuga bajye mu babigize umwuga.

Ati" Iteramakofe rigira ibyiciro bibiri, ababigize umwuga ndetse n’abatarabigize umwuga. Gusa habaho abatarabigize umwuga ariko basatira kuba ababigize umwuga aho bibarwa hakurikijwe imikino itegekwa n’Ishyirahamwe ry’Umukino w’iteramakofe ku Isi. Muri iri rushanwa rero harimo abazakuramo kuba ababigize umwuga hagati y’u Rwanda na Uganda."

Kwinjira muri iyi mikino ni amafaranga ibihumbi 2000 Frw ahasanzwe, ibihumbi 10,000 Frw mu myanya ya zahabu ndetse n’ibihumbi 20,000 Frw hafi y’aho abakinnyi bakinira.

Charles w’imyaka 25 y’amavuko, ni myugariro wo mu mutima w’ubwugarizi uhengamira iburyo ndetse akaba akinira ikipe y’igihugu Chad bihoraho kuva tariki 23 Ugushyingo 2023.

Amakuru agaragara ku rubuga rwa murandasi rwa transfermarket agaragaza ko Charles yari yageze muri Casric Stars FC muri Mutarama 2025 avuye muri CR Bernousi yari yaragezemo mu mpeshyi ya 2024.

Casric Stars FC uyu musore yakiniraga, mu mwaka w’imikino wa 2025-2026 yabaye iya kane muri shampoyona y’icyiciro cya kabiri mu gihe 2024-2025 yari yabonye itike yo gukina imikino ya kamparamaka yo kuzamuka mu cyiciro cya mbere gusa itabonyemo itike.

Ni urubanza ruteganyijwe mu Rukiko Rukuru rwa Kigali, ku wa 15 Kamena.

Kalisa Adolphe aregwa n’Ubushinjacyaha ibyaha bibiri byo kunyereza umutungo no gukoresha inyandiko mpimbano bifitanye isano n’urugendo Ikipe y’Igihugu Amavubi yagiriye muri Nigeria mu 2024 bigakekwa ko yanyereje agera ku bihumbi 21$ by’Amadolari ya Amerika(Miliyoni 30.7 Frw) mu gihe yari Umunyamabanga Mukuru wa FERWAFA.

Yatawe muri yombi ku wa 4 Nzeri 2025 maze tariki 29 Nzeri uwo mwaka Urukiko rw’Ibanze rwa Gasabo rutegeka ko afungwa iminsi 30 y’agateganyo kuko urukiko rwabonye ko hari impamvu zikomeye zituma akekwaho ibyaha akurikiranyweho.

Yahise ajuririra iki cyemezo, maze tariki ya 21 Ugushyingo 2025 Urukiko Rwisumbuye rwa Gasabo rutegeka ko akomeza gufungwa iminsi 30 y’agateganyo rugaragaza ko rutahaye ishingiro ubujurire bwe.

Ibi uru ruganda rwabitangarije mu itangazo rigenewe itangazamakuru rwashyize hanze mu ijoro ryo ku wa 7 Kamena 2026, aho rwavuze ko amasezerano yo kuba umuterankunga mukuru wa Rayon Sports yatangiye muri Gicurasi 2014 yagannye ku musozo cyakoze ko imikoranire yo itarangiye ahubwo bashobora gukorana mu bundi buryo.

Muri iyi baruwa, uru ruganda rwavuze ko rwishimira imikoranire yaranze impande zombi mu myaka 12 bari bamaranye ndetse ko rufite ikizere cyo gukomeza gukorana n’ikipe ya Rayon Sports, ibisobanuye ko impande zombi zitatandukanye mu buryo bwa burundu.

Rayon Sports na Skol zirateganya kwinjira mu mikoranire mishya:

Mu cyumweru gishize, Kigali Today yabwiwe n’umwe mu bantu ba hafi mu nzego za Rayon Sports ko imikoranire y’impande zombi igiye guhinduka ariko atari ugutandukana burundu ahubwo hazahinduka imiterere y’amasezerano.

Ati "Tuzagurana imikoranire itandukanye niyo twari dufite."

Nyuma y’ibaruwa ya Skol yasohotse mu ijoro ryakeye kandi, Kigali Today yabwiwe n’undi muntu wo hejuru mu nzego za Rayon Sports ko batigeze batandukana burundu ko ahubwo hagiye guhinduka uburyo bw’imikoranire gusa.

Ati "Amasezerano yari ahari yarangije igihe cyayo. Ikiriho ni uko impande zombi ziyemeje kuganira kugira ngo zumvikane imikoranire mishya. Ibizaba bikubiyemo byumvikanuweho nabyo bizamenyekana vuba. Ntabwo rero habayeho gutandukana ahubwo ni ukuganira imikoranire mishya ifite inyungu ku mpande zombi."

Uwaduhaye amakuru kandi yakomeje avuga ko " Iyo abantu baganiriye bakemeranya ko amasezerano ya mbere yarangiye hakaba guhabwa ubusabe bushya ni ngombwa mu nyungu za buri ruhande ko habaho igihe cyo kubwigaho . Nicyo cyabaye kandi vuba icyavuyemo kizamenyekana."

Rayon Sports irongera gukodesha ikibuga cy’imyitozo cyangwa iraguma mu Nzove?

Ikipe ya Rayon Sports yari isanzwe ikoresha ikibuga cy’imyitozo yubakiwe na Skol mu 2017 ubwo hongerwaga amasezerano ku nshuro ya mbere cyikaba ikibuga ikipe y’abagore yakiriraho imikino yayo yose nacyo cyari kiri mu masezerano ariko mu biri kuganirwaho mu mikoranire mishya hakaba harimo kuba iyi kipe yakomeza kugikoresha.

Rayon Sports yakorana na Banki ya Kigali?

Mu gihe Rayon Sports itandukanye na Skol ku kuyibera umuterankunga mukuru, hamaze iminsi amakuru avuga ko iyi kipe imaze igihe kinini mu biganiro na Banki ya Kigali ndetse mu minsi micye ishize Kigali Today yakiriye amakuru yizewe ahamya ko nubwo batari basinyana ariko ibiganiro biri kugana ku musozo kandi biri no kugenda neza.

Ubwo Banki ya Kigali yasinyaga amasezerano yo kwitirirwa Shampiyona y’Icyiciro cya Mbere mu tariki 24 Mata 2026, Umuyobozi Mukuru wayo Dr. Diane Karusisi akabazwa kuri aya makuru ntiyahakanye cyangwa ngo yemere ahubwo yavuze ko igihe nikigera bizavugwaho.

Ati "Uyu munsi turavuga BK Pro League ntabwo dushaka kuvanga amadosiye. Ibya Rayon Sports cyangwa n’andi makipe tuzavuga amakuru igihe cyageze kuko uyu munsi dushaka ko abanyamakuru bavuga BK Pro League gusa akaba ariyo abakunzi b’imikino bamenya."

Rayon Sports yasinyanye amasezerano na Skol bwa mbere tariki 15 Gicurasi 2014, yari afite igihe kingana n’imyaka itatu, aho yatangiye ibona ibona agera kuri miliyoni 47 Frw buri mwaka yanganaga n’ibihumbi 50 by’ama Euro icyo gihe ndetse n’ibikoresho byo gufasha iyi kipe.

Aya masezerano yavuguruwe mu 2017, 2020 ndetse na 2023 ari nayo yarangiranye n’umwaka w’imikino 2025-2026.

Ni iserukiramuco ryiswe ’The Champions Gymnastics Festival’ ryabereyemo imyitozo yakozwe mu byiciro bibiri birimo umuntu ku giti cye ndetse n’amakipe aho hari harimo abagitangira, abari hagati na hagati ku rwego, abari ku rwego rwo hejuru ndetse haniyerekana abatoza.

Umuyobozi wa The Champions Sports Academy akaba n’umutoza, Nkuranyabahizi Noel,yavuze ko ari iserukiramuco rishya rije risanga ibindi bikorwa bategura.

Ati "Ni igikorwa, cyateguriwe abana basanzwe bakora imyitozo mu bihe by’amashuri, bakina mu mpera z’icyumweru mu rwego rwo kureba icyo bamaze kunguka mu mwaka bamaze bakina. Ni ubwo mbere Festival ibaye ariko hari ibindi bikorwa dukora kuko imikino ngororamubiri yo muri rusange muri The Champions Sports Academy tuyirimo kuva mu 2022."

Umuyobozi wa The Champions Sports Academy akaba n’umutoza, Nkuranyabahizi Noel,yavuze ko ari iserukiramuco rishya rije risanga ibindi bikorwa bategura

Noel yakomeje avuga ko kuva mu 2022 batangira kugira uruhare mu mikino ngororamubiri nka The ChampionsSportsAcademy byahinduye isura yayo kandi ko bafite intego yo gutegura abakinnyi kugeza ku rwego mpuzamahanga.

Ati "Ni ibikorwa byahinduye isura y’imikono ngororamubiri mu rwego rw’igihugu kuko turi gutegura mu buryo bwa Olempike bugezweho tunategurira abana gukina mu marushanwa mpuzamahanga."

Umwe mu babyeyi bari baherekeje abana muri iri serukiramuco Ingabire Clementine avuga ko ari imikino ituna ubwonko bw’umwana bwaguka agafunguka akamenya gukorana n’abandi ndetse n’ikinyabupfura, bishobora kuba byavamo akazi kamutunga.

Ati" Ni imikino myiza kuko ituma ubwonko bw’umwana bwaguka agafunguka, akamenya gukorana n’abandi ndetse n’ikinyabupfura. Iyo abikora biramufasha, hakiyongeraho kuba yaba afite impano. Umukobwa wanjye arabikunda, nahisemo kumuzana ngo azamure ubumenyi kuko ejo ashobora no kubikoramo akazi."

Nyuma y’iri serukiramuco The Champions Sports Academy irategaanya umwiherero wo mu biruhuko by’abanyeshuri muri Nyakanga 2026 aho hateganyijwemo n’amarushanwa azatumirwamo amakipe atandukanye haba mu bato n’abakuru.

Ababyeyi bari baherekeje abana

Aba bakinnyi ni Byiringiro Lague wageze muri iyi kipe muri Mutara 2025 agasinya umwaka umwe n’igice, myugariro David Chimezi na Issa Yakubu, Allan Katerega na Richard Kilongozi bose bari bamazemo imyaka ibiri.

Aba biyongeraho Umurundi Msanga Henry ukina hagati mu kibuga yugarira unifizwa na Rayon Sports bivugwa ko bamaze no kumvikana kuyikinira ndetse na rutahizamu Ani Elijah wari wavuye muri Bugesera FC mu 2024.

Uretse abakinnyi kandi, Police FC ntabwo izakomeza gukorana na Aimable wari ushinzwe ubuzima bwa buri munsi bw’ikipe mu gihe ishobora no gusesa amasezerano n’umutoza Ben Mousa.

Police FC yasoje shampiyona 2025-2026 iri ku mwanya wa gatandatu n’amanota 52 mu gihe yasezerewe muri 1/4 mu Gikombe cy’Amahoro.

Ni umukino wa nyuma amakipe yombi yagezeho, Police HC isezereye PEVIC muri 1/2 mu gihe APR HC yasezereye Ndejje University.Uyu mukino APR HC yawutangiriye hejuru ariko Police HC irayigaranzura ndetse inasoza igice cya mbere iyoboye umukino n’ibitego 16-14.

Police HC yakomeje kwitwara no mu gice cya kabiri binyuze ku bakinnyi bayo nka Kayijamahe Yves na Mbesutunguwe Samuel maze ikibonamo ibitego 16 mu gihe APR HC yatsinzemo ibitego 13 biyifasha gusoza umukino itsinze ibitego 32-27 inegukanye igikombe.

Mu bagabo, umwanya wa gatatu wegukanywe n’ikipe ya PEVIC mu gihe mu umukinnyi mwiza w’irushanwa yabaye Mbesutunguwe Samuel wa Police HC.

Irushanwa nk’iri mu 2025 ryari ryegukanywe n’ikipe ya Equity HC yo muri Kenya aho yari yatsindiye Police HC ku mukino wa nyuma ibitego 28-26.

Mbesutunguwe Samuel wabaye umukinnyi mwiza w’irushanwa ari kummwe na Iragena Joselyne wabaye umukinnyi mwiza w’irushanwa mu bagore

Mbesutunguwe Samuel wabaye umukinnyi mwiza w’irushanwa ari kummwe na Iragena Joselyne wabaye umukinnyi mwiza w’irushanwa mu bagore

Kiziguro SS yegukanye igikombe cy’irushanwa ryo Kwibuka Jenoside yakorewe Abatutsi mu 1994

Ni irushanwa ryatangiriye mu matsinda ku wa Gatanu w’iki Cyumweru maze mu cyiciro cy’abagore Kiziguro SS na ESC Nyamagabe aba arizo zigera ku mukino wa nyuma wakinwe kuri iki Cyumweru asezereye Ndejje University na UR Rukara ku mukino wa nyuma.

Igice cya mbere cy’uyu mukino cyarangiye ikipe ya ESC Nyamagabe iyoboye umukino n’ibitego 10-9 aho amakipe yombi yari yakaniranye kugeza iyi minota 30 irangiye habonetsemo ibitego 19 gusa.

Bitandukanye n’igice cya mbere, Kiziguro SS yitwaye neza mu gice cya kabiri maze ikibonamo ibitego 17 kuri 16 bya ESC Nyamagabe byanatumye ishyiramo ikinyuranyo cy’igitego kimwe yegukana igikombe itsinze ibitego 27-26.

Umwanya wa gatatu wegukanywe n’ikipe ya Ndejje University mu gihe umukinnyi mwiza w’irushanwa yabaye Iragena Joselyne ukinira ikipe Kiziguro SS.

Irushanwa nk’iri ryo Kwibuka Jenoside yakorewe Abatutsi mu 1994 rya 2025 mu bagore ryari ryegukanywe n’ikipe ya Gorillas itsinze UPDF yo muri Uganda ku mukino wa nyuma ibitego 44-36.

Iragena Joselyne wabaye umukinnyi mwiza w’irushanwa ari kumwe na Mbesutunguwe Samuel wabaye umukinnyi mwiza w’irushanwa mu bagabo

Uyu mugabo ukina mu mutima w’ubwugarizi Rayon Sports yamutangaje mu ijoro ryo kuri uyu wa Gatandatu, aho nawe yavuze ko ari umukinnyi wayo mushya binyuze mu mashusho yashyizwe hanze.

Ati "Nitwa Matumona, ndi umukinnyi mushya wa Rayon Sports. Murakoze cyane."

Abdel Matumona Wakonda yari amaze imyaka itatu akinira ikipe y’Amagaju FC yasinyiye mu mpeshyi ya 2023 aho yari anayibereye kapiteni wungirije.

Amakuru Kigali Today yemerewe n’umwe mu bantu yemeza ko uyu musore iyi kipe yifuje mu 2022 bikarangira asinyiye APR FC yaje kumutiza muri Marine FC yasinye amasezerano kuri uyu wa Gatandatu.

Ati" Yego yasinye."

Nkundimana Fabio w’imyaka 24 y’amavuko ukina hagati mu kibuga yasinyiye Rayon Sports imyaka ibiri.

Gorilla FC ibinyujije ku mbugankoranyambaga zayo yavuze ko Sunday Inemesit w’imyaka 30 y’amavuko yayisinyiye imyaka ibiri ayikinira.

Sunday Inemesit yari amaze amezi atandatu akinira AS Kigali yagiyemo muri Mutarama 2026, nyuma yo gutandukana na Musanze FC.

Ibi Rayon Sports yabitangaje inyuze ku mbugankoranyambaga zayo aho yavuze ko yishimiye guha ikaze uyu Nisingizwe Christian w’imyaka 25 y’amavuko wayisinyiye amasezerano y’imyaka ibiri ayikinira hagati mu kibuga yugarira cyangwa akanahakina asatira.

Nisingizwe yiyongereye kuri myugariro Nshuti Didier wavuye mu ikipe ya Gorilla FC ndetse na Ndayishimiye Didier ushobora gukina inyuma ku ruhande rw’iburyo ndetse no hagati wavuye muri AS Kigali bose batangajwe ku wa Gatanu w’iki cyumweru.

Amakuru yizewe Kigali Today yamenye kuri uyu wa Gatanu, ni uko aya makipe yifuza gukina iri rushanwa ndetse ari mu biganiro bya nyuma mu gihe nka Al Ahly Benghazi yo muri Libya ndetse na CS Sfaxien zo yamaze gusaba ko zakina iri rushanwa.

Uretse iyi kipe ya Al Ahly Benghazi yo iri no ku mukino wa nyuma w’Igikombe cya Libya aho izakina na Al Ahly Tripoli inakinamo Manzi Thierry, kandi muri iki gihugu hashobora kuva ikipe ya Al Nasr Benghazi.Aya makipe ashobora no kwiyongeraho ikipe ya CS Sfaxien yo muri Tunisia nayo yasabye kuzitabira iri rushanwa, ndetse ibiganiro biri kugana no ku musozo.

Ku mugoroba wo kuri uyu wa Gatanu, Perezida w’Ishyirahamwe ry’Umupira w’Amaguru mu Rwanda Shema Ngoga Fabrice yakomoje kuri aya makipe nubwo atayavuze amazina, ubwo yavugaga ko hari gahunda yo kwakira CECAFA Kagame Cup mu gihe cy’imyaka itatu iri imbere ndetse ko hagiye gushyirwamo imbaraga kugira ribe irushanwa rifatwa nk’irifasha amakipe gutegura umwaka w’imikino mushya.

Ati" Uyu mwaka dufite amakipe abiri y’abarabu yasabye kuza gukina."

Kigali Today kandi yamenye ko bishoboka, iri rushanwa riteganyijwe gutangira tariki 19 Nyakanga 2026 rikarangira tariki 9 Kanama w026, rishobora kwegezwa inyuma mu rwego rwo guha amakipe yo mu bihugu nka Tanzania bizasoza umwaka w’imikino 2025-2026 mu mpera za Kamena 2026 umwanya wo kwitegura ngo nayo azitabire.

Kugeza ubu, u Rwanda ruzahagararirwa n’amakipe abiri ariyo APR FC na Rayon Sports mu gihe kandi bigishoboka ko yaba ane hakiyongeraho Kiyovu Sports na Police FC.

Rayon Sports yabitangaje inyuze ku mbugankoranyambaga aho yahaye ikaze uyu musore wari umaze imyaka itatu akinira AS Kigali kuva mu 2023.

Ndayishimiye Didier ushobora no gukina hahati mu kibuga asatira, yakiniye Heroes FC hagati ya 2022 na 2023 yavuyemo yerekeza muri AS Kigali, ahamagarwa mu ikipe y’igihugu y’abatarenge imyaka Yakiniye 17 na 20 ndetse no ikipe nkuru y’abakinnyi bakina imbere mu gihugu.

Rayon Sports kandi iravugwamo abandi bakinnyi barimo Hakizimana Zuberi na Nisingizwe Christian bakiniraga Mukura VS ndetse na Muhoza Daniel wakiniraga Etoile de l’Est bose bivugwa ko bashobora gutangazwa isaha iyo ariyo yose.

Ni irushanwa rizahuza abakinnyi b’ingeri zose mu byiciro byose by’imyaka yose birimo abana bato cyane(Tiny Tots), abana (Juniors) ingimbi n’abangavu ndetse n’abakuru rikinirwe mu kigo cy’ishuri cya Iwacu Academy mu mudugudu wa Vision City, i Gacuriro mu Mujyi wa Kigali kuva Saa Tatu za mu gitondo kugeza Saa Cyenda z’igicamunsi, ku Cyumweru tariki 14 Kamena 2026.

Uwayezu Pascal uhagarariye Kigali International Gymnastics Academy yateguye iki gikorwa yavuze ko aba bana bamaze igihe kinini bahugurwa mu mukino wa Gymnastics mu byiciro bitandukanye,bityo ko ari igihe kiza cyo kwerekana impano,ubuhanga n’ubumenyi bawufitemo.

Biteganyijwe ko abana barenga ijana aribo bazitabira iri rushanwa, aho bazaturuka mu bigo bitandakunye byo mu mu Mujyi wa Kigali birimo Iwacu Academy rizaberamo, aho haziyerekana ababigize umwuga, hakanarushanwa amakipe ndetse abantu ku giti cyabo

Ni irushanwa rizahuza abakinnyi b’ingeri zose mu byiciro byose by’imyaka yose birimo abana bato cyane(Tiny Tots), abana (Juniors) ingimbi n’abangavu ndetse n’abakuru

Isinya ry’uyu rutahizamu ukomoka muri Repubulika Iharanira Demokarasi ya Congo Kiyovu Sports yaritangaje ibinyujije ku mbugankoranyambaga zayo aho yavuze ko Lola Kanda Moise w’imyaka 29 y’amavuko yasinye amasezerano y’imyaka ibiri.

Lola Kanda Moise yari amaze umwaka akinira Gicumbi FC aho yayifashije gusoza shampiyona ya 2025-2026 iri ku mwanya wa 12 n’amanota 38 mu gihe aribwo byayifashije kuguma mu cyiciro cya mbere yazamutsemo uyu mwaka.

Mu itangazo ryashyizwe hanze na FERWAFA, yavuze ko imenyesha abakunzi b’umupira w’amaguru n’abaturarwanda muri rusange ko imikino ya gicuti mpuzamahanga Ikipe y’Igihugu Amavubi yari kuzakinira i Marrakech muri Maroc mu gihe cy’ikiruhuko mpuzamahanga cya FIFA cyo muri Kamena 2026, itakibaye.

Iri tangazo rikomeza rivuga ko ibi bije bikurikira ubutumwa FERWAFA yahawe n’ubuyobozi bw’umupira w’amaguru muri Maroc buyimenyesha ko iyo mikino itemewe kubera impamvu z’umutekano kandi ko aya makuru yamenyekanye bamwe mu bagize intumwa z’Amavubi bamaze kugera i Marrakech ku wa 1 Kamena 2026.

FERWAFA yavuze ko yubashye icyemezo cyafashwe n’inzego zibishinzwe muri Maroc, ariko ivuga ko gahunda yo kwitegura imikino yo gushaka itike ya AFCON 2027 ikomeje nk’uko byari biteganyijwe bityo umwiherero ukazakomereza i Cairo mu Misiri kuva kuri uyu wa Kane.

Kugera ubu hari gukorwa ibishoboka byose kugira ngo uretse umwiherero, Amavubi abe yabona imikino ya gicuti yakinira mu gihugu cya Misiri.

Ibi APR FC yabikoze ibinyujije ku mbugankoranyambaga zayo aho yashimiye rutahizamu ukomoka muri Mauritania Mamadou Sy, Mahmadou Lamine Bah ukina hagati mu kibuga asatira ukomoka muri Mali ndetse na myugariro Aliou Souane ukomoka muri Senegal bose bayigezemo mu mpeshyi ya 2024.

Aba bakinnyi bose bavuye muri APR FC bayifashije gutwara ibikombe birimo bibiri bya shampiyona, 2024-2025 na 2025-2026 ibikombe bibiri by’Amahoro, icya 2025 na 2026 ndetse na Super Cup 2025.

Hari abakiri mu nzira zisohoka, abahaguma ndetse n’abashya binjira

Uretse aba bamaze gutandukana na APR FC, abandi basoje amasezerano harimo umunyezamu Ishimwe Pierre na Mugisha Gilbert usatira anyuze ibumoso nabo bari mu bashobora kuva muri iyi kipe, Ruhamyankiko Yvan, myugariro kapiteni Niyomugabo Claude, Nshimiyimana Yunussu na Niyigena Clément.

Aba kandi biyongeraho Ruboneka Bosco ukina hagati mu kibuga asatira aho uretse Ishimwe Pierre na Mugisha Gilbert abandi byitezwe ko bazongererwa amasezerano mu gihe bakumvikana n’iyi kipe mu gihe kandi hari n’abakiyafite bashobora kuba bayisohokamo muri iyi mpeshyi.

Uretse basohoka cyangwa abazongera amasezerano,ikipe ya APR FC yamaze kwinjira ku isoko ry’abakinnyi bashya aho bivugwa ko yamaze no kumvikana n’umunyezamu w’Umunya-Mozambique, Ernan Siluane nkuko byatangajwe n’ikinyamakuru cy’iwabo cyavuze ko yamaze gusezerera bagenzi bakinanaga ku ikipe ya Black Bulls.

Siluane w’imyaka 27, bivugwa ko azagurwa agera ku bihumbi 40 by’amadolori agasinyira APR FC imyaka ibiri.

APR FC izasohokera u Rwanda mu mikino ya CAF Champions League 2026—2027 nyuma yo gutwara igikombe cya shampiyona 2025-2026 mu gihe kandi igomba kwitabira andi marushanwa arimo na CECAFA Kagame Cup izabera mu Rwanda kuva tariki 18 Nyakanga kugeza ku ya 9 Kanama 2026.

Ibi Umujyi wa Kigali wabinyujije mu ibaruwa wandikiye aya makipe yombi, aho byumwihariko mu yo wandikiye Kiyovu Sports Kigali Today ifite kopi ifite impamvu igira iti " Kubashimira imikoranire myiza no kubamenyesha ko amasezerano y’ubufatanye atazongerwa."

Iyi baruwa yasinyweho n’Umuyobozi w’Umujyi wa Kigali Dusengiyumva Samuel, yavuze ko ubwo amasezerano azaba arangiye tariki 30 Kamena 2026 atazongerwa kuko banze kwihuza ngo bakore ikipe imwe nkuko bari babisabwe.

Ati" Nshingiye ku masezerano y’ubufatanye (MoU) mufitanye n’Umujyi wa Kigali yatangiye ku wa 01/07/2025 akazarangira ku wa 30/06/2026; nshingiye kandi ku biganiro twagiranye n’ibaruwa N° 5905/07.01.20/26 yo ku wa 12/03/2026 Umujyi wa Kigali wabandikiye ubagezaho icyifuzo cyo guhuriza hamwe inkunga yahabwaga Kiyovu Sport Football Club n’ayandi makipe Umujyi wa Kigali utera inkunga mu ikipe imwe y’Umujyi wa Kigali n’igisubizo mwatanze mu ibaruwa Ref.01/03/2026 yo ku wa 25/03/2026 muhakana icyo cyifuzo."

Umuyobozi w’Umujyi wa Kigali yakomeje agira ati "Mbandikiye mbamenyesha ko inkunga y’amafaranga mwahabwaga n’Umujyi wa Kigali izahagarara igihe amasezerano y’ubufatanye mufitanye n’Umujyi wa Kigali azaba arangiye ku wa 30/06/2026. Ndabashimira ubufatanye n’umusaruro byatanze mu gihe cyose cy’imikoranire no gukorera hamwe mu guteza imbere siporo n’impano mu Mujyi wa Kigali."

Ku rundi ruhande, iri hagarikwa ry’imikoranire ryanabaye kuri Gasogi United aho mu butumwa bwanyujijwe ku mbuga nkoranyamabaga, Perezida wayo, Kakoza Nkuriza Charles, yashimiye Umujyi wa Kigali ku mikoranire myiza yaranze impande zombi.

Umujyi wa Kigali wahaga Kiyovu Sports miliyoni 150 Frw buri mwaka, ndetse na Gasogi United ihabwa miliyoni 100 Frw, uzasigarana ikipe ya AS Kigali.

Nkurayija Ishimwe Hubert wari usanzwe ari Umuhuzabikorwa wa Tour du Rwanda anakurikirana ibikorwa byayo byose yatowe kuri iki Cyumweru aho yiyamamazaga ari umukandida umwe rukumbi agatorwa ku majwi 10 mu bantu 11 batoye.

Nkurayija si mushya mu magare kuko kuko uretse kuba Umuhuzabikorwa wa Tour du Rwanda kuva mu Ukuboza 2025, yari yarakoze muri iri siganwa mbere yaho aho yari ashinzwe ibijyanye no kwemera abitabira isiganwa akanatanga ubufasha mu bijyanye n’ikoranabuhanga.

Ishimwe Hubert kandi yanabaye umukinnyi w’amagare n’Umuyobozi wa Team Amani mu Rwanda, ari mu bagize uruhare ngo irushanwa rya Rwanda Youth Racing Cup rizamure urwego, aho rigamije guteza imbere impano z’abakiri bato mu gihugu.

Iki gikorwa cyabaye ku wa 29 Gicurasi 2026 kibera ku Rwibutso rwa Jenoside rwa Nyanza ya Kicukiro, aho umuryango mugari w’umupira w’amaguru mu Rwanda wahuriye hamwe wibuka ndetse wunamira abakinnyi, abatoza, abayobozi b’amakipe, abasifuzi, abanyamakuru ba siporo n’abafana bazize Jenoside.

Muri uyu mugoroba wo Kwibuka, Perezida wa FERWAFA, Shema Ngoga Fabrice yagaragaje ko ubumwe ari imwe mu ndangagaciro shingiro za FERWAFA.

Yagize ati: “Twishimira gukorera mu gihugu kirangwa n’ubumwe. Dufite inshingano zo kwamagana no kwima amatwi abapfobya n’abahakana Jenoside yakorewe Abatutsi, cyane cyane ku mbuga nkoranyambaga. Urubyiruko rukunda umupira rukwiye kuba ku isonga muri uru rugamba.”

Iki gikorwa cyateguwe n’Ishyirahamwe ry’Umupira w’Amaguru mu Rwanda rifatanyije n’Ishyirahamwe ry’Abakinira Amavubi kandi cyitabiriwe n’abayobozi b’amakipe, abakinnyi, abatoza n’abandi bakora mu nzego zitandukanye zirimo na Minisiteri ya Siporo.

Urwibutso rwa Jenoside rwa Nyanza ya Kicukiro rushyinguwemo imibiri y’abarenga ibihumbi 105.

Umuyobozi w’Urwego rutegura Shampiyona y’Icyiciro cya Mbere mu Rwanda Hadji Mudaheranwa Yussuf

Murangwa Eugene wahoze ari umunyezamu wa Rayon Sports n’Amavubi

Umuyobozi Mukuru ushinzwe Iterambere rya Siporo muri Minisiteri ya Siporo Gilbert Manier Muvunyi

Ni irushanwa riri kubera mu turere twa Gisagara na Huye aho mu bagabo hitabiriye amakipe atatu ariyo REG VC, Gisagara VC na Police VC. Aya makipe yarahuye hagati yayo Gisagara VC itsinda REG VC amaseti 3-1, REG VC itsinda Police VC 3-0 mu gihe Gisagara VC yanatsinzwe na Police VC 3-0.

Hahise habarwa amanota, hakorwa urutonde rwayobowe n’ikipe REG VC, ikurikirwa na Police VC Gisagara irasezererwa aho aya makipe yabaye abiri ya mbere ariyo arakina umukino wa nyuma kuri uyu wa Gatandatu, Saa Kumi z’umugoroba mu nzu y’imikino y’i Gisagara.

Mu bagore naho hitabiriye amakipe atatu aho RRA WVC yatsinze Police WVC amaseti 3-1, Police WVC itsinda RP Huye amaseti 3-0 mu gihe RRA WVC yongeye gutsinda RP Huye amaseti 3-0.

Mu bagore hakozwe urutonde ruyoborwa na RRA WVC ikurikirwa na Police WVC ari nazo zigomba guhurira ku mukino wa nyuma, kuri uyu wa Gatandatu Saa Munani, umukino nawo urabera mu nzu y’imikino y’i Gisagara.

Ibi byemejwe n’itangazo ry’Ishyirahamwe ry’Umupira w’Amaguru mu Rwanda ryavuze ko " ryakiriye ibaruwa ya Unity FC yo ku wa 27 Gicurasi 2026, itumenyesha ko iyi kipe itazitabira Shampiyona y’Icyiciro cya Mbere mu bagabo (BK Pro League) mu mwaka w’imikino wa 2026-2027 kubera ubushobozi budahagije."

FERWAFA yakomeje ivuuga ko hashingiwe ku ngingo ya 10.4 y’amategeko agenga amarushanwa ya FERWAFA, iteganya ko iyo ikipe yazamutse mu Cyiciro cya Mbere ivuye mu Cyiciro cya Kabiri isabye kutazamuka, isimburwa n’ikipe yabaye iya gatatu muri iryo rushanwa, hashingiwe kandi ku mwanzuro wafashwe na Komisiyo y’amarushanwa yateranye ku wa 28 Gicurasi 2026, yemeje ubusabe bwa Unity FC.

FERWAFA kandi yakomeje ivuga ko nyuma y’ibyo byose ikipe ya Etoile de l’Est FC ari yo izitabira BK Pro League mu mwaka w’imikino wa 2026-2027, nk’ikipe isimbura Unity FC, nk’uko amategeko abiteganya.

Wari umukino wa kabiri wa 1/2 ukurikira uwabaye ku wa Gatatu w’iki Cyumweru aho ikipe ya RSSB Tigers ihagarariye u Rwanda yasezereye Al Ahly SC ikagera ku mukino wa nyuma.

Muri uyu mukino agace ka mbere kegukanwe na Al Ahly Benghazi itsinze amanota 24 kuri 23 ya Petro de Luanda, aka kabiri igatwara ifite amanota 24 kuri 20 mu gihe agace ka gatatu karangiye amakipe yombi anganya amanota 22-22.

Ikipe ya Petro de Luanda yihariye agace ka kane kari na kanyuma ikitwaramo neza cyane kuko yatsinzemo amanota 29 mu gihe Al Ahly Benghazi yatsinze amanota 19 binayifasha kwegukana umukino itsinze amanota 94-88 byatumye inagera ku mukino wa nyuma wa BAL y’uyu mwaka.

Kuri uyu mukino wa nyuma uteganyijwe Cyumweru, Saa Kumi n’Ebyiri z’umugoroba muri BK Arena, ikipe ya Petro de Luanda izahahurira na RSSB Tigers BBC.

Ni umukino warebwe na Perezida Paul Kagame

Ni irushanwa ryiswe ’Climate Action Volleyball Tournament’ biteganyijwe ko rizabera mu Karere ka Gisagara mu nzu yaho y’imikino, rikamara iminsi ibiri kuva kuri uyu wa Gatanu, tariki 29 kugeza ku wa Gatandatu tariki 30 Gicurasi 2026.

Iri rushanwa rizitabirwa n’amakipe yaje mu myanya ine ya mbere ku rutonde rwa shampiyona mu mwaka usanzwe, aho mu bagabo aya makipe ari REG VC, Police VC, Kepler VC na Gisagara VC mu gihe mu bagore ari ikipe ya APR WVC, Kepler WVC, Police WVC ndetse na RRA WVC.

Mu bagabo Gisagara VC yabaye iya mbere izahura na Police VC yabaye iya kane, Kepler VC yabaye iya kabiri ihure na REG VC yabaye iya gatatu mu gihe mu bagore ikipe ya APR WVC yabaye iya mbere izakina na RRA WVC yabaye iya kane, Kepler WVC yabaye iya kabiri igakina na Police WVC yasoreje ku mwanya wa gatatu, imikino yose iteganyijwe kuri uyu wa Gatanu kuva saa saba z’igicamunsi.

Amakipe azagera ku mukino wa nyuma azahatanira ibikombe kuri uyu wa Gatandatu, mu gihe azaba yatsinzwe imikino ya 1/2 azahatanira umwanya wa gatatu.

Ni umukino watangiye Saa Kumi n’Ebyiri z’umugoroba kuri Kigali Pele Stadium, mbere yawo abakinnyi n’abatoza ba Al Merrikh SC babanza gukora imirongo ibiri hagati yayo hanyuramo ikipe ya APR FC mu rwego rwo kuyiha icyubahiro kuko yatwaye shampiyona 2025-2026 ari iya mbere mu makipe yo mu Rwanda.

Aamakipe yombi yatangiye akina neza mu guhererekanya ndetse no kugera imbere y’izamu.Ku munota wa kane ba myugariro ba APR FC bahagaze nabi maze Mohamed Gbane yinjirana umupira mu rubuga rw’amahina awuterekera neza Moise Musa Camara wahise atsindira Al Merrikh SC igitego cya mbere.

Nyuma y’iki gitego amakipe yakomeje kwerekana umukino mwiza ari nako ahusha uburyo butandukanye byatumye igice cya mbere kirangira Al Merrikh SC iyoboye umukino, ifite igitego 1-0.

Mu gice cya kabiri ikipe APR FC yakomeje gusatira maze ku munota wa 64 ibona penaliti nyuma y’umupira Byiringiro Jean Gilbert yahinduriye iburyo abakinnyi ba Al Merrikh SC bakawukora n’ukubo mu rubuga rw’amahina.

Iyi penalti yatewe na Djibril Ouattara neza ayinjiza mu izamu rya Mohamed Saeed yishyurira APR FC igitego. Amakipe yombi yakoze impinduka zitandukanye aho APR FC yazanye abakinnyi Hakim Kiwanuka ndetse na Dauda Yousif.

Iminota 90 yarangiye amakipe yombi anganya 1-1 maze hongereweho ine, APR FC ibonamo igitego cyatsinzwe na Hakim Kiwanuka ku mupira yahawe na Byiringiro Jean Gilbert nawe wari uwuhawe na Djibril Ouattara wawakiriye uturutse hagati ya Dauda Yussif.

Umukino warangiye APR FC itsinze ibitego 2-1, byatumye igira amanota 65 ku mwanya wa kabiri inyuma ya Al Hilal SC ifite amanota 75 ku mwanya wa mbere.

APR FC ya mbere mu makipe yo mu Rwanda ndetse yanatwaye shampiyona, izahabwa igikombe ku Cyumweru, ubwo izaba isoza shampiyona ikina na Gicumbi FC kuri Kigali Pele Stadium, Saa Kumi z’umugoroba.

Ni igikombe yashyikirijwe nyuma yo gutsindira Crystal Palace iwayo ibitego 2-1 ku mukino w’umunsi wa nyuma aho imikino yose uko ari icumi yakiniwe icyarimwe Saa Kumi n’Imwe z’umugoroba.

Delcan Rice asoma igikombe

Gutsinda uyu mukino byatumye isoza iyoboye shampiyona n’amanota 85 mu mikino 38 yatsinzemo 27, inganya irindwi itsindwa itanu.

Umutoza Mikel Arteta ateruye igikombe

Iyi kipe yakurikiwe na Manchester City yo yasoje ifite amanota 78, nyuma yo gutsindirwa na Aston Villa mu rugo ibitego 2-1.

Muri iyi shampiyona amakipe ya Westham United, Burnley na Wolverhampton yamanutse mu cyiciro cya kabiri.

Umutoza Mikel Arteta ateruye igikombe

Ibindi byaranze umunsi wa nyuma wa Premier League 2025-2026:

Tottenham yagumye mu cyiciro cya mbere

Ku munsi wa nyuma wa shampiyona y’u Bwongereza, ikipe ya Tottenham Hotspurs yari ifite ibyago byo kumanuka mu cyiciro cya kabiri yagumye mu cyiciro cya nyuma yo gutsinda Everton igitego 1-0 mu gihe na Everton bari banganye yatsinze Leeds United 3-0.

Liverpool yasezeye Mohamed Salah na Andy Robertson

Ikipe ya Liverpool yasoje shampiyona inganyiriza na Brentford mu rugo igitego 1-1, inasezera Umunya-Misiri Mohamed Salah wari umaze imyaka icyenda ayikinira. Uyu mugabo avuye muri iyi kipe atwaye ibikombe icyenda birimo shampiyona ebyiri na Champions League imwe.

Iyi kipe kandi yasezeye myugariro w’ibumoso Andy Robertson nawe wari umaze imyaka icyenda ayikinira aho nawe yatwaranye ibikombe nk’ibi na Mohamed Salah.

Man City yasezeye umutoza Pep Guardiola wari umaze imyaka icumi, Bernardo Silva na John Stones

Ikipe ya Man City yasoje shampiyona itsindirwa mu rugo na Aston Villa ibitego 2-1, mu mukino wa nyuma umutoza Pep Guardiola yatozaga iyi kipe yagezemo mu 2015 aho ayivuyemo atwaye ibikombe 20 birimo bitandatu bya shampiyona ndetse n’igikombe kimwe cya Champions League.

Iyi kipe kandi yasezeye ku Munya-Portugal Bernardo Silva nawe wayigezemo mu 2014 aho ayivuyemo atwaye ibikombe 20 birimo shampiyona esheshatu na Champions League imwe.

Uyu yajyanye na John Stones wageze muri iyi kipe mu 2016 nawe avuyemo atwaye ibikombe 20 birimo shampiyona esheshatu na Champions League imwe.

Erling Haaland yatsinze ibitego byinshi, Bruno Fernandes akora amateka

Rutahizamu wa Man City, Erling Haaland yatsinze ibitego byinshi 27, byatumye aba ariwe uyobora abandi bose muri uyu mwaka w’imikino.

Umunya-Portugal, Bruno Fernandes ukinira Manchester United yakoze amateka yo gutanga imipira myinshi ivamo ibitego mu mwaka umwe, kuko yatanze 21, akanyura kuri Thierry Henry na Kevin de Bryne bari bafite aka gahigo n’imipira 20.

Ni umukino watangiye ku isaha ya Saa Moya z’ijoro urangwa muri rusange no kwinjira mu mukino kare kwa Al Merrikh SC gusa Al Hilalal nayo yihahagararaho nk’ikipe nkuru, amakipe yombi agerageza uburyo butandukanye bw’ibitego gusa igice cya mbere kirangira ari 0-0.

Mu gice cya kabiri Al Merrikh SC yakomeje kuba hejuru mu mukino maze ku munota wa 54 ibona penaliti ku ikosa ryakorewe kapiteni wayo Mohamed Gbane wanayiteye neza agatsinda igitego cya mbere.

Kubera igitutu Al Merrikh SC yashyiraga kuri Al Hilal SC, ku munota wa 74 yiciwe uburyo bugana ku izamu, ku ikosa ryakozwe na Ali Mohamed wari winjiye mu kibuga asimbuye maze umusifuzi amuha ikarita y’umutuku.

Ku munota wa 87 kapiteni wa Al Hilal SC Faris Abdallah yahinduriye umupira murmure hagati mu kibuga, umunyezamu Adam Saeed wa Al Merriekh SC arasohoka gusa asigana na ba myugariro be ntiyafata umupira, bituma Yasir Mohamed wa Al Hilal SC awushyira mu izamu yishyurira iyi kipe igitego.

Yasir Mohamed yishyura igitego

Umukino warangiye amakipe yombi anganyije igitego 1-1 mu gihe mu mukino ubanza Al Merrikh SC yatsindiye Al Hilal SC kuri Stade Amahoro ibitego 2-1.

Iki gikombe Arsenal yaherukaga mu 2004 ubwo yatwaraga icya 2003-2004, Arsenal yacyegukanye ifite amanota 82 mu gihe habura umukino umwe no Shampoyona irangire, nyuma y’uko Man City bari bagihanganiye inganyije n’ikipe ya AFC Bournemouth igitego 1-1 cyatsinzwe na Kroupi Elie Junior ku munota wa 39 mu gihe Erling Haaland yatsindiye Man City ku munota kane muri itandatu yari yongerewe kuri 90 isanzwe, mu mukino w’umunsi wa 37 wa shampiyona utarabereye igihe.

Kroupi watsinze igitego cyahesheje Arsenal igikombe cya shampiyona yari imaze imyaka 22 idatwara

Gutsindwa uyu mukino kwa Man City, byatumye iyi kipe idashobora kuzageza amanota 82 Arsenal ifite nubwo yaba yatsinzwe na Crystal izasura ku Cyumweru hasozwa shampoyona, iyi Man City igatsinda Aston Villa izakira kuri uwo munsi Saa Kumi n’Imwe z’umugoroba dore ko ubu ifite amanota 77 bivuze ko irushwa atanu.

Ku wa Mbere w’iki cyumweru, Arsenal yari yatsinze Burnley igitego 1-0 byari bivuze ko igihe cyose Man City yatsindwa cyangwa ikanganya na AFC Bournemouth yatwaea igikombe nkuko byagenze. Arsenal itwaye igikombe cya shampiyona 2025-2026, mu mikino 37 imaze gukinwa, itsinzemo 25 inganya irindwi, itsindwa itanu.

Abafaba ba Arsenal mu Mujyi wa London barebaga umukino wa Man City bategereje ko batwara igikombe

William Saliba ubwo Arsenal yari imaze gutsinda Burnley ku wa Mbere w’iki Cyumweru

Unutoza Mikel Arteta amaze gutsinda Burnley, asigaje umukino umwe ngo atware igikombe cya Man City ikananirwa gutsinda AFC Bournemouth nk’uko byagenze

Ifoto ya mbere yafashwe n’abakinnyi ba Arsenal nyuma gurdwara igikombe mu ijoro ryo Kuri uyu wa Kabiri

Ni tombola yakozwe n’abanyabigwi muri ruhago ya Afurika barimo Umunya-Ivory Coast Max-Alain Gradel, William Troost-Ekong ukomoka muri Nigeria, Essam El Hadary wa Misiri na Trésor Mputu wo muri Repubulika Iharanira Demokarasi ya Congo.

U Rwanda rwari mu gakangara ka gatatu muri tune twari tugabanyijemo ibihugu 48 bigiye gutangira uru rugendo rugana muri Tanzania, Uganda na Kenya rwisanze mu itsinda rimwe na Liberia yari mu gakangara ka kane inaheruka guha akazi Umunya-Morocco Adil Mohamed watoje APR FC.

Muri iri tsinda kandi Amavubi ari kumwe n’ikipe y’igihugu Cape Verde yanabonye itike y’igikombe cy’Isi 2026 aho yari iri mu gakangara ka kabiri kabamo amakipe ya kabiri meza mu gihe kandi ari kumwe na Mali yari mu gakangara ka mbere kaba karimo amakipe ya mbere meza muri Afurika.

Umukino wa mbere n’uwa kabiri w’iyi mikino yo gushaka itike y’lgikombe cya Afurika 2027 izakinwa hagati y’itariki 21 Nzeri n’iya 6 Ukwakira 2026, uwa gatatu n’uwa kane ukinwe hagati y’itariki ya 9 n’iya 17 Ugushyingo 2026 mu gihe iminsi ibiri ya nyuma, uwa gatanu n’uwa gatandatu izakinwa hagati y’itariki 22 na 30 Werurwe 2027.

Igikombe cya Afurika 2027, gitenyagijwe gukinwa hagati y’itariki 19 Kamena a 17 Nyakanga 2027.

Aba bakinnyi ni Ndikumana Asman wari warababaye akagombambari, myugari akaba na kapiteni Youssou Diagne, umunyezamu Kwizera Olivier wari ufite ikibazo cy’iryinyo na myugariro Ramazani Tchimanga wari ufite imvune.

Aba bose basubukuranye imyitozo n’abandi ku wa Mbere w’iki cyumweru mu gihe biteganyijwe ko mu mwiherero uteganyijwe gutangira kuri uyu wa Gatatu harajyamo abakinnyi 22.

Uyu mukino wa nyuma w’Igikombe cy’Amahoro 2026 uteganyijwe kubera kuri Stade Amahoro ku wa Gatandatu w’iki cyumweru Saa Kumi n’Ebyiri z’umugoroba mu gihe Kigali Today yamenye ko itike ya macye ari amafaranga ibihumbi 2 Frw naho iya menshi ikazishyurwa miliyoni imwe n’igice.

Ni umukino watangiye ku isaha ya Saa Cyenda zuzuye maze igice cya mbere cy’uyu mukino wabereye kuri Kigali Pele Stadium kirangira Kiyovu Sports inganya na AS Muhanga 0-0.Mu gice cya kabiri Moise Sandja Bulaya yinjiye mu kibuga asimbuye ku ruhande rwa Kiyovu Sports maze ku munota wa 63 ahabwa umupira na Uwimana Yakubu, atera ishoti rikomeye mu izamu rya Hategekimana Bonheur umupira ukubita igiti cy’izamu ugana mu nshundura atsinda igitego cya mbere.

Ku munota wa 76 AS Muhanga yabonye koroneri ku ruhande rw’iburyo, yahererekanyijwe maze Niyonizeye Telesphore Foden ahindura umupira mwiza Twizerimana Onesme yahise atsinda igitego cyiza n’umutwe mu izamu rya James Bienvenue. Amakipe yombi yakomeje gushaka igitego cya kabiri ariko iminota 90 irangira bakinganya 1-1 hongerwaho itanu nayo yarangiye gutyo, umusifuzi Uwikunda Samuel avuga ko umukino urangiye.

Uyu mukino wahaye APR FC Igikombe cya shampiyona 2025-2026

Kunganya uyu mukino byatumye Kiyovu Sports igira amanota 51 ku mwanya wa gatanu ukaba uwa gatatu mu makipe yo mu Rwanda byatumye ibura amahirwe yo gufata umwanya wa kabiri ufitwe na Rayon Sports n’amanota 52. Aya makipe yose akurikira APR FC ifite amanota 59 ku mwanya wa kabiri habariwemo n’amakipe yo muri Sudani.

Iyi mibare ivuze ko mu mikino ibiri Kiyovu Sports na Rayon Sports zisigaranye zidashobora kugira amanota 59 APR FC bivuze ko ariyo izaba iya mbere mu makipe yo mu Rwanda bityo ikaba yatwaye igikombe cya shampiyona 2025-2026 mu makipe yo mu Rwanda hirengagijwe Al Hilal SC yatwaye igikombe cya rusange ndetse na Al Merrikh SC kuri ubu iri ku mwanya wa gatatu.

Iki gikombe icya 24 muri rusange kuri APR FC mu mateka yayo, cyikaba icya karindwi cyikurikiranya kuva mu mwaka w’imikino 2019-2020, abakunzi bayo bazacyishimira kuri iki Cyumweru bakira Rutsiro FC Saa Cyenda zuzuye kuri Kigali Pele Stadium.

Ni umukino iyi kipe yitwayemo neza maze ibona igitego cya mbere ku munota wa 21 gitsinzwe na Mugisha Gilbert wari wahushije byinshi, ku mupira yahawe na Byiringiro Jean Gilbert. Ku munota wa 38 Memel Raouf Dao yabonye igitego cya kabiri nyuma y’umupira wisirisimbye imbere y’izamu rya Irakoze Patience wafatiraga Etincelles FC uyu munsi igice cya mbere kirangira ari ibitego 2-0.

Mugisha Gilbert yatsinze igitego agaragaza ibimenyetso by’uko umufasha we agiye kwibaruka

Mu gice cya kabiri, Djibril Ouattara wari wahushije ibitego byinshi mu gice cya mbere, yatangiye noneho abona izamu ku munota wa 47 ku mupira wahinduriwe neza ibumoso na Niyomugabo Claude atsinda igitego cya gatatu. Etincelles FC yari yicaje abakinnyi benshi basanzwe babanza mu kibuga nka Ishimwe Djabilu, Ciza Hussein, Mwinyi Rodrigue, Dusabimana Anselme maze itangira gukina bitandukanye no mu gice cya mbere.

Aba bakinnyi bakoze itandukaniro maze ku munota wa 81 ku mupira wari mu kavuyo imbere y’izamu rya Hakizimana Adolphe wa APR FC Ciza Hussein atdindira Etincelles FC igitego rukumbi yabonye, uyu mukino bongereyeho iminota ibiri urangira iyi kipe itsinzwe ibitego 3-1 inasezerewe ku giteranyo cy’ibitego 6-2 kuko no mu mukino ubanza yari yatsinzwe 3-1.

APR FC yageze ku mukino wa nyuma ihasanze Rayon Sports yasezereye Gorilla FC muri 1/2, aho amakipe yombi azacakirana ku nshuro ya gatatu muri uyu mwaka w’imikino tariki 23 Gicurasi 2026.

Ibi byabereye mu mukino wo kwishyura wabereye kuri Kigali Pele Stadium, utangira ku isaha ya Saa Kumi n’Ebyiri z’umugoroba. Ni umukino amakipe yerekanyemo umukino mwiza ariko iminota 45 y’igice cya mbere irangira amakipe yombi anganya 0-0.

Mu gice cya kabiri amakipe yombi yakoze impinduka zitandukanye ariko nacyo kirangira amakipe yombi akinganya 0-0, Rayon Sports ikatisha itike y’umukino wa nyuma isezereye Gorilla FC ku gitego cyo hanze yatsinze mu mukino ubanza warangiye banganya 1-1.

Ni umukino umunyezamu Kwizera Olivier yarishije umutima Aba-Rayons inshuro zirenze imwe, aho yafataga imipira agashaka kuyikinisha amaguru abakinnyi ba Gorilla FC bakajya kuyimwambura.

Umukino wa nyuma uteganyijwe tariki 23 Gicurasi 2026, aho Rayon Sports itegereje ikipe izakomeza hagati ya Etincelles FC na APR FC yatsinze ibitego 3-1 mu mukino ubanza, zikina uwo kwishyura kuri uyu wa Gatatu Saa Kumi n’Ebyiri z’umugoroba kuri Kigali Pele Stadium.

Ibi byatangajwe binyuze mu itangazo rya ryashyizwe hanze n’uru rwego rwavuze ko ikipe yo muri Sudani izasoreza ku mwanya wa mbere muri BK Pro League y’uyu mwaka izahabwa igikombe nk’ikipe yahize izindi [BK Pro League Champions 2025/2026] ariko aya makipe y’abashyitsi akaba atazahabwa ibihembo by’amafaranga byagenewe amakipe yitwaye neza.

Rwanda Premier League kandi yavuze ko izatanga ikindi gikombe ku ikipe yahize andi mu makipe yo mu Rwanda [BK Pro League National Champions] ndetse akaba ari yo izahagararira u Rwanda muri CAF Champions League ya 2026/2027 ikomeza kandi yibutsa ko iyo kipe niramuka itwaye n’Igikombe cy’Amahoro, iyayikurikiye ku rutonde rwa Shampiyona mu makipe yo mu Rwanda ari yo izahagararira Igihugu muri CAF Condfederation Cup nk’uko biteganywa n’amategeko agenga amarushanwa ya FERWAFA.

Ubwo hitegurwaga kwakira aya makipe ari gukinira mu Rwanda kubera intambara iri mu gihugu cyabo, mu Ukwakira 2025 Umuyobozi w’Urwego rutegura Shampiyona y’Icyiciro mbere Hadji Mudaheranwa Yussuf n’ubundi yari yavuze ko ikipe yo mu Rwanda izaza hafi itaje ku mwanya wa mbere ku rutonde nayo izahabwa igikombe.

Ni igikorwa cyabaye kuri uyu wa Mbere mu masaha y’igicamunsi aho abakinnyi, abatoza, abayobozi ndetse n’abandi bitabiriye iki gikorwa basobanuriwe amateka yagejeje kuri Jenoside yakorewe Abatutsi mu 1994 igatwara ubuzima bw’abarenga miliyoni bazira uko bavutse, banashyira indabo ku mva zishyinguyemo abarenga 250, 000 baranabunamira mu rwego rwo kubasubiza agaciro bambuwe.

Iki gikorwa cyanitabiriwe n’abayobozi batandukanye barimo Perezida wa FERWAFA, Shema Ngoga Fabrice wavuze ko uru rwego rwifatanyine n’Umuryango mugari wa Kiyovu Sports ndetse n’Abanyarwanda muri rusange, yibutsa abari aho ko buri wese afite uruhare rwo kugira ngo Jenoside itazongera ukundi kandi ko ubumwe ari imwe mu ndangaciro yo gukoresha hubakwa igihugu.

Ati "Uyu munsi twibuka abacu n’Abanyarwanda muri rusange bazize Jenoside yakorewe Abatutsi mu 1994, abakunzi ba Kiyovu Sports by’umwihariko cyangwa n’abayikinagamo, twongeye kwifatanya namwe nk’urwego rwa FERWAFA. Turemeza neza tudashidikanya ko Jenoside itazongera kubaho ukundi, ariko ko twese tubifitemo uruhare rwo gutuma itazongera. Imwe mu ndangagaciro dufite muri FERWAFA ni ubumwe, kugira ngo dushobore kubaka igihugu cyacu tuzirikana amateka ya Jenoside yabaye, ubumwe ni ingenzi cyane."

Shema Ngoga Fabrice yakomeje avuga ko ku giti cye hari n’umwe mu bari bagize umuryango we ari we nyirarume wari umuyobozi muri Kiyovu Sports wishwe muri Jenoside yakorewe Abatutsi mu 1994 ndetse anahishura ko Sekuru ubyara nyina ari umwe mu bashinze iyi kipe ku makuru y’ibanze amaze kumenya.

Ubuyobozi bwa FERWAFA kandi bwavuze ko muri gahunda bafite harimo kwigisha amateka ya Jenoside yakorewe Abatutsi mu 1994 ababagana bityo ko ku bufatanye n’inzego zibifite mu nshingano bifuza kuzagira urwibutso rusange rw’abari bafite aho bahuriye n’imikino bishwe.

Iki gikorwa kandi cyaranzwe no kwibuka abahoze ari abakinnyi n’abanyamuryango ba Kiyovu Sports bazize Jenoside yakorewe Abatutsi mu 1994.

Ibi Perezida yabitangaje kuri uyu wa Mbere mu gihe hakomeje kwibazwa niba hazatangwa ibikombe bibiri, haba ku ikipe yo muri Sudani ariyo Al Hilal SC ya mbere kugeza ubu ndetse no kuri APR FC ya mbere mu makipe yo mu Rwanda aho yavuze ko hazatangwa igikombe kimwe, ikipe ya mbere mu zo mu Rwanda igahabwa amafaranga agenerwa uwabaye uwa mbere.

Ati" Ntekereza ko igikombe cya shampiyona ari igikombe kimwe cy’uwayitwaye ibyo turabyumvikanaho. Ikipe ya mbere mu makipe mu yo mu Rwanda izahabwa miliyoni 80 Frw ariko mu buryo bw’igikombe cya shampiyona 2025-2026 kizahabwa uwabaye uwa mbere. Ubwo rero niba ari ikipe yo muri Sudani bizitwa ko ariyo yagitwaye."

Shema Ngoga Fabrice yakomeje avuga ko yizeye ko uku ari nako Urwego rutegura Shampiyona y’Icyiciro cya Mbere mu Rwanda narwo rubyumva uretse babyumvise ukundi.

Ati "Ngira ngo njyewe ni uko mbyumva, uretse muri BK Pro League nibabibona ukundi ariko nizera ko ari uko tubyumva twese.Ni uko bizagenda."

Al Hilal SC na Al Merrikh SC ziri gukina Shampiyona y’Icyiciro cya Mbere mu Rwanda 2025-2026 nk’abashyitsi kubera intambara iri mu gihugu cyabo cya Sudani, ibintu bakoze ku nshuro ya kabiri kuko mu mwaka w’imikino 2024-2025 bakinnye shampiyona muri Mauritania.

Muri iki gihugu Al Hilal SC ariyo yabaye iya mbere nk’uko byitezwe ko mu mikino ine isigaranye muri BK Pro League ariyo izaba iya mber, aho yahawe igikombe cyo kuyishimira naho FC Noudhibou yabaye iya kabiri ikaba iya mbere mu makipe yo muri Mauritania ihabwa igikombe cyakwitwa icya nyacyo.

Uyu mukino wa nyuma aya makipe yawugezeho nyuma yo gutsinda imikino yabo yose y’amatsinda aho mu batarengeje imyaka 18 ku munsi wa mbere u Rwanda rwatsinze Tanzania, rugatsinda Djibouti ruyiteye mpaga mu gihe rwasoje rutsinda Kenya. Muri 1/2 u Rwanda rwakinnye na Uganda ruyisezerera rutsinze ibitego 34-30 rugera ku mukino wa nyuma w’iyi mikino mu batarengeje imyaka 18 aho rwagombaga gukina n’u Burundi.

Mu batarengeje imyaka 18 u Rwanda rwatsinze u Burundi ku mukino wa nyuma

Ku mukino wa nyuma wakinwe kuri uyu wa Gatanu, igice cya mbere cyarangiye u Rwanda ruyoboye umukino n’ibitego 20-18. Ni umukino wari ukomeye cyane urimo no guhangana byatumye igice cya kabiri cyegukanwa n’u Burundi butsinze ibitego 20 kuri 19 gusa muri rusange u Rwanda rwegukana intsinzi ku bitego 39-38 runegukanye igikombe.

Mu batarengeje imyaka 20 kandi naho u Rwanda rwatsinze imikino yose y’itsinda aho rwatangiye irushanwa neza ku wa Mbere w’iki Cyumweru rutsinda Tanzania, rukurikizaho Djibouti rusoza itsinda rutsinda Ethiopia yari iwayo, rugera muri 1/2 rwagombaga guhurira na Kenya rwasezereye ruyitsinze ibitego 41-33 n’ubundi rugomba guhura na Ethiopia ku mukino wa nyuma.

U Rwanda rwegukanye igikombe mu batarengeje imyaka 20 rutsinze Ethiopia

Kuri uyu mukino wa nyuma muri iki cyiciro nawo wabaye kuri uyu wa Gatanu, u Rwanda rwasoje igice cya mbere rufite ibitego 17 kuri 12 bya Ethiopia yari mu rugo. Igice cya kabiri cyihariwe na Ethiopia igitsindamo ibitego 25 mu gihe u Rwanda rwatsinzemo 22 gusa kuko rwitwaye mu cya mbere rutsinda umukino ku bitego 39-37, rwegukana igikombe.

Abaherekeje amakipe barimo abatoza n’abayobozi barimo Perezida w’Ishyirahamwe ry’Umukino wa Handball mu Rwanda Twahirwa Alfred (Wa mbere ibumoso)

Ibi yabigarutse mu kiganiro yagiranye n’itangazamakuru nyuma y’uyu mukino w’umunsi wa 30 wa Shampiyona aho yavuze ko yakinnye n’ikipe ikomeye ifite abakinnyi beza yongeraho ko niba APR FC yifuza kugera kure muri marushanwa Nyafurika ikwiriye abakinnyi bo kuri urwo rwego.

Ati "Niba dushaka gukina CAF Champions League umwaka utaha, dukeneye kugira abakinnyi ba Champions League. Niba dushaka kugera kure muri Champions League dukeneye abakinnyi bafite ubunararibonye."

Uyu mutoza kandi yavuze ko gutsindwa ibiteto bine byatewe no kuba atari afite abakinnyi batanu barimi William Togui wari ufite amakarita, Ruboneka Jean Bosco urwaye, Niyigena Clement na Ronald Ssekiganda bavunitse ndetse na Mahmadou Lamine Bah nubwo we atanakina.

Taleb kandi gukina na Al Hilal SC yavuze ko ari nko gukina n’ikipe y’igihugu ya Sudani ifitemo n’Abanyamahanga gusa yongeraho ko adahanganye n’aya makipe yo muri Sudani kuko atazatwara igikombe cya shampiyona ahubwo ahubwo ahanganye n’ayo mu Rwanda kandi ko n’ubundi APR FC ariyo izagitwara.

APR FC kugeza ubu iri ku mwanya wa gatatu muri shampiyona ariko ikaba iya mbere mu makipe yo mu Rwanda aho ifife amanota 56, irushwa na Al Hilal SC ya mbere n’amanota 11 kuko ifite 67 mu gihe Al Merrikh SC iri ku mwanya wa kabiri n’amanota 58.

PSG yageze ku mukino wa nyuma isezereye Bayern Munich muri 1/2

Ni umukino waje ukurikira ubanza wabereye mu Bufaransa mu cyumweru gishize, aho ikipe ya Bayern Munich yari yahatsindiwe ibitego 5-4. Hari hitezwe n’ubundi ibitego iri joro maze, binatanga ikizere kare ubwo ku burangare burimo ab’inyuma ba Bayern Munich, Fabian Luiz yakinanaga umupira na Kvicha Kvaratskhelia wahise anyura hagati mu bakinnyi babiri maze na Fabian Luiz akamucomekera umupira ruhande rw’ibumoso.

Uyu mupira Kvicha Kvaratskhelia yawirukankanye kuri uru ruhande ari hamwe na myugariro Dayot Upamecano wari wazamutse hagati gusa utagize icyo akora kugeza binjiranye mu rubuga rw’amahina. Kvicha yawuhinduye neza maze, usanga Ousmane Dembele wari uhagaze wenyine mu rubuga rw’amahina ahita awutera mu izamu ry’umunyezamu Manuel Neur.

Amakipe yombi yakomeje kwerekana umukino mwiza abakinnyi nka Jamal Musiala batera amashoti akomeye mu izamu ariko umunyezamu Safonov wa PSG akitwara neza mu gihe Michael Olise yagerageje ishoti rikomeye ryagiye hanze. Igice cya mbere cyaranzwe n’ibyemezo by’imisifurire Bayern Munich itishimiye nk’aho Nuno Mendez yakoraga umupira n’akaboko ntahabwe ikarita y’umuhondo yari kuba iya kabiri akabona umutuku.

Harry Kane ntabwo yumvaga imisifurire

Ibi kandi byakurikiwe n’umupira Joao Neves yakoreye mu rubuga rw’amahina n’akaboko bigaragara ubwo mugenzi we wa PSG yari awuteye akiza izamu ariko nabwo umusifuzi avuga ko nta penaliti iratangwa ibyo Bayern Munich itumvise neza. PSG nayo yakomeje kurwana no kubona igitego cya kabiri ariko iminota 45 irangira ifite igitego 1-0, mu mikino ibiri ari 6-4.

Joshua Kimmich yereka umusifuzi ko umupira wakozwe n’akaboko

Mu gice cya kabiri, ku munota wa 57 PSG yahushije uburyo bwahushijwe na Kvicha Kvaratskhelia, bongera guhusha kandi ku munota wa 65 ku buryo bwari bubonywe na Desire Doue, imipira yose yakuwemo n’umunyezamu Manuel Neuer.

Ku rundi ruhande umunyezamu Safonov wa PSG yagiye atabara iyi kipe mu bihe bitandukanye ku mipira igana mu izamu yagiye igeragezwa na Bayern Munich akayikuramo.

Iminota 90 isanzwe y’umukino yarangiye PSG igifite igitego 1-0 cyatsinzwe na Ousmane Dembele wasimbuwe na Bradley Barcola ku munota wa 65 aho uyu musore w’Umufaransa nawe yagiye agerageza amahirwe yo gushaka ibitego ariko umunyezamu Manuel Neur akamubera ibamba.

Ku minota isanzwe y’umukino hongereweho itanu. Ku munota wa gatatu w’iyi minora Harry Kane yakiriye umupira mu rubuga rw’amahina awuhawe na Alphonso Davies maze mu mwanya yari ahawe n’abakinnyi ba PSG atsinda igitego cyo kwishyura cya Bayern Munich.

Iki gitego cyari kije mu minota ya nyuma ariko ntacyo cyamariye Bayern Munich kuko umukino warangiye amakipe yombi anganyije 1-1, PSG isezerera Bayern Munich ku giteranyo cy’ibitego 6-5 dore ko mu mukino ubanza yari yatsinze 5-4, igera ku mukino wa nyuma wa UEFA Champions 2025-2026.

Bayern Munich yagiye igaragaza kutishimira imisifurire inshuro nyinshi

PSG yanegukanye Champions League ya 2024-2025, ku mukino wa nyuma uzabera kuri Puskas Arena i Budapeste muri Hungary tariki 30 Gicurasi 2026, Saa Kumi n’Ebyiri z’umugoroba izahura na Arsenal yasezereye Atletico Madrid ku giteranyo cy’ibitego 2-1 mu mikino ibiri.

Ibi Haringingo Francis yabitangaje ubwo yaganiraga n’itangazamaku aho yavuze ko uyu musore wagize imvune y’akagombambari bigoye ko yakongera gukina.

Ati "Razamazani Tshimanga ntekereza bidakomeye ariko nkurikije uko Fall Ngagne ameze nibaza ko bigoye ko yagaruka[Mu mwaka w’imikino 2026]."

Fall Ngagne yari aheruka gukira imvune yagize muri Gashyantare 2025 igatuma amara amezi 11 adakina aho yagarutse mu kibuga tariki 22 Mutarama 2026 ubwo Rayon Sports yanganyaga na Al Merrikh SC 2-2 mu mukino wa shampiyona.

Ni umukino AS Muhanga iri ku mwanya wa nyuma yatangiye neza itangirana n’umupira w’umuterekano wari ku ruhande rw’ibumoso maze uterwa neza na Twizeyimana Martin Fabrice atsinda igitego cya mbere.

Rayon Sports yakomeje kurwana no kwishyura mu gice ariko umunyezamu Hategekimana Bonheur agatabara nubwo na Aziz Bassane yayitengushye ubwo yahushaga igitego arebana n’izamu wenyine.

Bassane atera umupira yahushijemo igitegi kidahushwa

Rayon Sports yarwanaga no kwishyura yagize ibyago, ubwo ku munota wa 25 myugariro Ramazani Tshimanga agira imvune asimburwa na Nshimiyimana Fabrice, iki gice kirangira ari igitego 1-0.

Bassane nawe ntiyumvise uburyo yahushije igitego

Mu gice cya kabiri Rayon Sports yatangiye isimbuza ikuramo Faustin Likau wasimbuwe na Richard Ndayishimiye umutoza yavuze ko yamubanje kubera imikino myinshi amaze iminsi akina ndetse n’akabazo gato yagize mu mukino wa APR FC.

Rayon Sports yongeye gusimbuza ikuramo Habimana Yves ishyiramo Fall Ngagne ku munota wa 60. Muri iki gihe AS Muhanga y’abakinnyi nka Twizerimana Onesme bashakiraga AS Muhanga ibindi bitego ndetse n’abandi barimo Nizeyimana Telesphore winjiye asimbura.

Ku munota wa 80, Rayon Sports yongeye kuvunikisha rutahizamu Fall Ngagne wavuriwe mu kibuga ariko bikanga kugeza hatumijwe ingobyi akaba ariyo asohokaho.Uyu Munya-Senegal uheruka n’ubundi kugira imvune yatumye amara amara amezi 11 adakina.

Nyuma y’umukino umutoza Haringingo yavuze ko yagize imvune mu kabombambari ndetse avuga ko bigoye ko yazongera kugaragara mu kibuga muri uyu mwaka w’imikino, dore ko yanageze ku ntebe y’abasimbura akajyanwa mu rwambariro na Faustin Likau ahetswe mu mugongo.

Rayon Sports yari yamaze kuzuza abakinnyi isimbuza, yakinnye iminota 10 yari isigaye ari abakinnyi icumi ndetse n’irindwi yongereweho ndetse inarangira itsinzwe na AS Muhanga igitego 1-0.

Fall Ngagne yasohotse ku ngobyi

AS Muhanga yanakoze amateka kuko yaherukaga gutsinda Rayon Sports muri Shampiyona mu mwaka wa 2016. Gutsinda uyu mukino byatumye AS Muhanga igira amanota 27 ku mwanya wa 17 inganya na Etincelles FC ariko yo iri ku mwanya wa 16 mu gihe Rutsiro FC yanganyije na Musanze FC ari iya nyuma n’amanota 26.

Ibi Umukuru w’Igihugu yabinyujije ku rubuga rwa X nyuma y’uko Arsenal yari imaze gusezerera Atletico Madrid iyitsinze igitego 1-0 mu mukino wo kwishyura wa 1/2 gisanga 1-1 banganyije mu mukino ubanza, iyisezerera ku giteranyo cy’ibitego 2-1, inagera ku mukino wa nyuma yaherukagaho mu mwaka wa 2006, ni ukuvuga mu myaka 20 ishize.

Perezida Kagame yashimye umukino mwiza amakipe yombi akaba n’abafatanyabikorwa ba Visit Rwanda yerekanye muri rusange ariko by’umwihariko ashimira Arsenal asanzwe akunda, kubera intsinzi yabonye, jkagera no ku mukino wa nyuma wa UEFA Champions League.

Mu gihe kandi Arsenal itegereje ikipe bazakina umukino wa nyuma hagati ya Bayern Munich na PSG na zo zikorana n’u Rwanda, zikina umukino wo kwishyura kuri uyu wa Gatatu saa tatu z’ijoro, Umukuru w’Igihugu yifurije ikipe nziza kurusha izindi muri aba bafatanyabikorwa bose ba Visit Rwanda kuzatwara igikombe.

Umukino wa nyuma uteganyijwe tariki 30 Gicurasi 2026, i Budapest muri Hungary, saa kumi n’ebyiri z’umugoroba.

Arsenal yatsinze Atletico Madrid igera ku mukino wa nyuma wa UEFA Champions League ku nshuro ya kabiri mu mateka

Aya mateka yashimangiwe n’umukino wo kwishyura wabereye kuri Stade ya Arsenal, Emirates mu gihugu cy’u Bwongereza aho iyi kipe yatsindiye Atletico Madrid igitego 1-0 cyatsinzwe na Bukayo Saka ku munota wa mbere w’inyongera ku gice cya mbere nyuma y’umupira ukomeye Leandro Trossard yatereye mu rubuga rw’amahina ujya mu izamu, ugakurwamo n’umunyeza Jan Oblak watengushywe na ba myugariro be babiri bari bahagazwemo hagati na Bukayo Saka wahise asubiza umupira mu izamu.

Bukayo Saka yishimira igitego cyagejeje Arsenal ku mukino wa nyuma

Igice cya mbere cyihariwe na Arsenal mu guhererekanya umupira ku ijanisha rya 68% Atletico Madrid ifite 32 ntabwo cyagaragayemo uburyo bwinshi kuko Arsenal ubwayo yateyemo ishoti rimwe rigana mu izamu muri arindwi yateye muri rusange mu gihe Atletico Madrid yateye abiri atarimo na rimwe rigana mu izamu, cyarangiye ari igitego 1-0, mu mikino ari 2-1 kubera ubanza wabereye muri Espagne amakipe yombi yanganyijemo 1-1.

Mu gice cya kabiri, ikipe ya Atletico Madrid yihariye. mu minota 15 yacyo ya mbere yabonye uburyo burimo ubwa Simeone ku munota wa 52 w’umukino winjiranye umupira mu rubuga rw’amahina nyuma y’uko Gabriel Maghalaes yari awukojejeho umutwe ntawukureho maze ariko uyu musore ubyarwa n’umutoza w’iyi kipe ananirwa kuwutera mu izamu ukurwaho n’uyu myugariro mu buryo bwiza nubwo Atletico Madrid bavugaga ko Simeone yakorewe ikosa rya penaliti ariko umusifuzi avuga ko ntaryo.

Ubwo Simeone yagushwaga na Gabriel Maghalaes mu rubuga rw’amahina agahusha uburyo bw’igitego cya Atletico Madrid

Ku munota wa 58 Antoine Griezman n yongeye kubona andi mahirwe mu rubuga rw’amahina ahengamiye ku ruhande rw’iburyo akurikiye umupira n’ubundi wari uturutse ku ishoti yari abanje gutera rigakurwamo n’umunyezamu David Raya, ariko uyu ananirwa kuwuhindura mu izamu urarenga, nabwo Atletico Madrid itekereza ko yakabonye penaliti nyuma y’uko akandagiwe na myugariro Ricardo Calafiori ariko umusifuzi avuga ko ntayo.

Ku munota wa 66 w’umukino, rutahizamu wa Arsenal Viktor Gyoneres wanagize uruhare mu gitego yinjiza umupira mu rubuga rw’amahina yongeye kubona andi mahirwe arebana n’izamu ariko akomeza kugaraza ko nubwo yakinnye neza ariko gutsinda byo bitari hafi, ubwo yateraga umupira hejuru y’izamu yarebanaga naryo, ku mupira wari uturutse ku ruhande rw’ibumoso utanzwe na Hincapie.

Viktor Gyoneres nyuma yo guhusha igitego kidahushwa

Viktor Gyokeres ahusha igitego

Nubwo Atletico Madrid yihariye igice cya mbere mu mikinire ku ijanisha 64%, Arsenal ifite 36%, igatera amashoti arindwi arimo abiri agana mu izamu, Arsenal iteye atandatu atagira ishoti na rimwe rigana mu izamu ariko iyi kipe yo muri Espagne yabuze igitego cyo kwishyura nibura cyari gutuma hitabazwa iminota 30 y’inyongera umukino wari kurangira banganya, maze iminota 90 irangira bikiri 1-0 ndetse n’itanu yongerewe irangira Arsenal itsinze 1-0 igera ku mukino wa nyuma itsinze ibitego 2-1 mu mikino ibiri.

Ni inshuro ya kabiri, ikipe ya Arsenal igeze ku mukino wa nyuma UEFA Champions League mu mateka yayo, nyuma yo kubikora mu 2006 ubwo yatsindwaga ba FC Barcelona ibitego 2-1 tariki 17 Gicurasi 2006.

Ni imyanzuro yafashwe na Komisiyo Ishinzwe Imisifurire yateranye ku wa 4 Gicurasi 2026, isuzuma imigendekere y’imikino yo ku munsi wa 29 wa BK Pro-League, by’umwihariko umukino wabereye i Huye Mukura VS yatsinzwemo na Rutsiro FC 2-1 ku wa 3 Gicurasi 2026 mu buryo itemera byanatumye ihita itanga ikirego ku wa Mbere tariki 5 Gicurasi 2026.

Iyi komisiyo yavuze ko igendeye ku itegeko rigenga imyitwarire y’abasifuzi mu Rwanda, raporo ya komiseri n’amashusho y’umukino, umusifuzi wari uwa kabiri wo ku ruhande Nsengiyumva Jean Paul yagaragaje imyitwarire idahwitse idahuye n’inshingano, ahanishwa guhagarikwa amezi 12 adasifura.

Kuri iki gihano kandi hiyongeraho imikino itanu nayo yahagaritswe kubera gutanga penaliti itariyo yavuyemo igitego cya kabiri cya Rustsiro FC ku munota wa 80 aho iri kosa Nsengiyumva Jean Paul yakoze ryiswe ’icyemezo cya tekinike kitari cyo cyagize ingaruka ku uko umukino warangiye’.

Komisiyo yanavuze ko yagaye imiyoborere y’umukino ya Nshimiyimana Remy Victor wari umusifuzi wo hagati maze nawe ahanishwa guhagarikwa imikino itanu adasifura , ibi bivuze umwaka w’imikino 2025-2026 by’umwihariko Shampiyona ibura imikino itanu ngo irangire ku makipe amwe na mwe yamaze gukina imikino 29, izarangira atongeye kugaragara asifura.

Uretse ibi kandi, FERWAFA yabwiye Mukura VS ko nubwo yakubiswe umugeri ariko myugariro Mbonyamahoro Serieux nawe yitwaye nabi bityo ko ikarita y’umutuku yahawe itakurwaho ndetse n’iyahawe umutoza Nshimiyimana Canisius bivuze kuri uyu wa Gatatu batagaragara ku mukino w’umunsi wa 30 wa BK Pro League iyi kipe yakiramo Police FC, Saa Cyenda z’igicamunsi kuri Stade Kamena.

Ni imikino yatangiye kuri uyu wa Mbere maze mu batarengeje imyaka 18 u Rwanda rusoza igice cya mbere rutsinze Tanzania ibitego 22-11 mu gihe mu gice cya kabiri rwabonyemo ibindi bitego 30 Tanzania itsinzemo 13 umukino ukarangira, ruyitsinze 52 kuri 24.

Mu batarengeje imyaka 20 n’ubundi u Rwanda rwakinnye na Tanzania igice cya mbere kirangira rufite ibitego 20-10, mu cya kabiri rutsindamo ibitego 26, Tanzania itsinzemo icyenda byonyine, naho rwegukana intsinzi y’ibitego 46 kuri 19.

Kuri uyu wa Kabiri, imikino y’amatsinda irakomeza aho u Rwanda mu batarengeje imyaka 18 ndetse na 20 hose ruzakina na Djibouti ku i Saa Munani zo mu Rwanda mu gihe umunsi wa nyuma w’amatsinda uzakinwa ku wa Gatatu, mu batarengeje imyaka 18 u Rwanda rukina na Kenya, naho mu batarengeje imyaka 20 rukina na Ethiopia.

Ibyo Mukura VS iregera byabereye kuri Stade Kamena ku wa 3 Gicurasi 2026, aho muri rusange ivuga ko itishimiye imisifurire ihereye kuri penaliti yahawe Rutsiro FC ku munota wa 40 umusifuzi avuga ko Niyonzima Eric yakoreye ikosa Sunzu Bonheur mu rubuga rw’amahina ibyo ariko batemera nubwo n’ubundi umunyezamu Ssebwato Nicholas yayikuyemo.

Uretse ibyo kandi Mukura VS yanaregeye penaliti ya kabiri yahawe Rutsiro FC myugariro Niyonzima Eric ashinjwe gukorera ikosa Maniriho Destin mu rubuga rw’amahina, ibyo Mukura VS itemera kuko yo ivuga ko atamukozeho. Nyuma y’iyi penaliti Mukura VS ivuga ko umukinnyi wayo Mbonyamahoro Serieux yagiye gusobanuza umusifuzi, ariko uyu mukinnyi agakubitwa umugeri n’umusifuzi mu myanya y’ibanga.

Mukura VS kandi mu kirego cyayo yanavuze ko nyuma y’umukino umutoza Nshimiyimana Canisius yagiye kubaza umusifuzi ibisobanuro by’ibyabaye, umusifuzi akamuha ikarita y’umutuku agamije kumuhagarika mu mukino ukurikira, isoza isaba ko harebwa ibimenyetso birimo amashusho nayo yatanze kuko ibyabaye byahonye amategeko ndetse n’amahame y’umupira w’amaguru.

RAC yegukanye igikombe itsinze CHUB ibitego 4-1 ku mukino wa nyuma mu cyiciro cy’ibigo bifite abakozi bari hejuru y’ijana

Ni imikino yasojwe mu mpera z’icyumweru gishize ihuzwa n’umunsi Mpuzamahanga w’umurimo , hakinwa imikino ya nyuma aho mu mupira w’amaguru mu cyiciro cy’ibigo bifite abakozi barenze ijana, mu bagabo ikipe ya RAC yegukanye igikombe itsinze CHUB ibitego 4-1 ku mukino wa nyuma WASAC yegukana umwanya wa gatatu itsinze RBC 3-0. Mu bagabo kandi ariko mu bigo bifite abakozi bari munsi y’ijana ikipe ya DGIE niyo yegukanye igikombe itsinze RBC ibitego 3-0 ku mukino wa nyuma mu gihe REG yatsinze NISR igitego 1-0 ku mwanya wa gatatu.

DGIE niyo yegukanye igikombe itsinze RBC ibitego 3-0 ku mukino wa nyuma cy’ibigo bifite abakozi bari munsi y’ijana mu bagabo muri ruhago

Muri Volleyball, mu cyiciro cy’ibigo bifite abakozi bari hejuru y’inaja mu bagabo, ikipe ya RAC yongeye kwegukana igikombe itsinze MINICT ku mukino wa nyuma amaseti 3-0 naho umwanya wa gatatu utwarwa na RRA yatsinze CHUB amaseti 3-1. Mu cyiciro cy’ibigo bifite abakozi bari munsi y’ijana mu bagabo kandi , igikombe cyatwawe na NISR itsinze RwandAir amaseti 3-2 naho mu bagore Volleyball yakinwe mu cyiciro cy’ibigo bifite abakozi bari munsi y’ijana gusa aho RBC yatwaye igikombe itsinze WASAC amaseti 3-0.

Mu bagore, Volleyball mu cyiciro cy’ibigo bifite abakozi bari munsi y’ijana gusa RBC yatwaye igikombe itsinze WASAC amaseti 3-0

Muri Basketball mu cyiciro cy’ibigo bifite abakozi barenga ijana, mu bagabo ikipe ya RRA yatwaye igikombe itsinze RAC amanota 78-72, umwanya wa gatatu wegukanwa na RTDA yatsinze WASAC amanota 73-64. Mu bagabo kandi, mu cyiciro cy’ibigo bifite abakozi bari munsi y’ijana igikombe cyatwawe na NISR yatsinze DGIE amanota 95-86 naho MOD yegukana umwanya wa gatatu itsinze RwandAir amanota 73-70.

Mu cyiciro cy’ibigo bifite abakozi bari munsi y’ijana igikombe cyatwawe na NISR yatsinze DGIE amanota 95-86 muri Basketball

Mu bagore muri Basketball, mu cyiciro cy’ibigo bifite hejuru y’abakozi ijana ikipe ya CHUB yatsindiye RBC amanota 72-47 yegukana igikombe mu gihe mu cyiciro cy’ibigo bifite abakozi bari munsi y’ijana igikombe cyegukanwe na RBC yatsindiye CHUB ku mukino amanota 78-10.

CHUB yatsindiye RBC amanota 72-47 yegukana igikombe

Ibi uyu Murundi ukina asatira anyuze ibumoso yabigarutseho nyuma y’umukino Al Hilal SC yatsinzemo AS Kigali 2-0 mu mukino w’umunsi wa 29 wa BK Pro League wakinwe ku wa 3 Gicurasi 2026 ubwo yabazwaga ku bakinnyi beza byumwihariko b’Abanyamahanga yabonye akavuga ko harimo Umunya-Ghana ukina hagati muri APR FC Dauda Yussif.

Ati"Hari umukinnyi ukina muri APR FC, witwa Dauda[Yussif Seif] niwe mukinnyi nabonye uva hanze y’u Rwanda ukina umupira neza."

Girumugisha Jean Claude ni umwe mu bakinnyi baranze umwaka w’imikino 2025-2026 kubera ubuhanga bwe haba muri shampiyona aho amaze gukina imikino 15 yatsinzemo ibitego umunani akanatanga imipira irindwi yavuyemo ibitego kuri bagenzi be.

Mu Karere ka Huye Mukura VS yakiriye Rutsiro FC iri kurwana no kutamanuka mu cyiciro cya kabiri maze iyi kipe yo mu Burengerazuba ihatsindira ibitego 2-1 mu mukino wabayemo udushya umusifuzi akubita umugeri umukinnyi.

Muri uyu mukino igice cya mbere cyarangiye amakipe yombi anganya 0-0 ariko Rutsiro FC yabonyemo penaliti Mukura VS itemeye gusa n’ubundi Nizeyimana Jean Claude bita Rutsiro n’ubundi arayihusha kuko umunyezamu Ssebwato Nicholas yayikuyemo.

Mu gice cya kabiri ku munota wa 51, Mumbere Malekidogo Jonas yatereye ishoti rikomeye hanze y’urubuga rw’amahina umunyezamu Ssebwato Nicholas atashoboye gukuramo maze umupira ujya mu izamu havamo igitego cya mbere cya Rutsiro FC.

Ku munota wa 60 ariko Joseph Sackey yakoze ibisa nk’ibi nawe aterera ishoti rikomeye ryagenderaga hasi, aritereye hanze y’urubuga rw’amahina yishyurira Mukura VS igitego.

Ku munota wa 81 Rutsiro FC yahinduye umupira mu rubuga rw’amahina banyuze iburyo, maze umusifuzi wo ku ruhande Nsengiyumva Jean Paul avuga ko umukinnyi w’iyi kipe Maniriho Destin yakorewe ikosa mu rubuga rw’amahina na Niyonshuti Eric atanga penaliti.

Iki cyemezo ntabwo kishimiwe maze myugariro w’ibumoso Mbonyamahoro Serieux agenda yegera uyu musifuzi ashyize amaboko inyuma gusa uyu musifuzi nawe winjiraga mu kibuga azamura akaguru k’imoso amukubita umugeri ku itako.

Serieux wari wagiye ashyize amaboko inyuma nk’uko bisabwa igihe umukinnyi agiye kugira ibyo abwira umusifuzi atishimiye, yahise ayakurayo asa nk’uwirwanaho umusifuzi ariruka asubira inyuma mu mwanya we kugeza Polisi ihagobotse.

Umusifuzi Nshimiyimana Remy Victor yahise aha uyu mukinnyi ikarita y’umutuku Mukura VS ikomeza gukina ari abakinnyi icumi. Penaliti yari yatanzwe yatsinzwe na Aligo Gods Power, umukino unarangira Rutsiro FC itsinze ibitego 2-1.

Kigali Today yamenye ko nyuma y’uyu mukino umutoza Nshimiyimana Canisius yagiye kubaza umusifuzi impamvu yabasifuriye nabi maze Nshimiyimana Remy Victor wari hagati amubwirana umujinya ati "Reka n’uyu muhe umutuku azasibe umukino utaha."

Uyu mutoza yahise ahabwa iyi karita y’umutuku, Mukura VS itsindanwa amakarita abiri y’umutuku.

Mu yindi mikino ikipe ya Al Hilal SC yatsindiye AS Kigali kuri Kigali Pelé Stadium ibitego 2-0 byatsinzwe na Walielidin Daiyeen ku munota wa 41 ndetse na Salah Adil ku munota wa 80 byatumye iyi kipe ikomeza kuba iya mbere n’amanota 64.

Al Hilal SC yatsinze AS Kigali

Mu karere ka Muhanga naho habereye imvururu ndetse abasifuzi bakurwa mu kibuga n’abapolisi kubera igitego 1-0 AS Muhanga yatsindiwe na Twizerimana Onesme ku munota wa 84 cyayitandukanyije na Bugesera FC yavugaga ko cyatsinzwe habayemo kurarira.

AS Muhanga yatsinze Bugesera FC

Nubwo zatsinze imikino yazo ariko Rutsiro FC yagumye ku mwanya ubanziriza uwa nyuma ariwo 17 n’amanota 25 mu gihe AS Muhanga ari iya nyuma ku mwanya wa 18 n’amanota 24.

Urutonde rw’agateganyo

Ni umukino watangiye ku isaha ya Saa Kumi n’Ebyiri z’umugoroba, utangira Rayon Sports ihusha uburyo bukomeye ku mupira w’umuterekano watewe na Richard Ndayishimiye ku ruhande rw’iburyo nyuma y’ikosa ryari rikorewe Aziz Bassane. Uyu mupira watewe neza na Richard ariko umunyezamu Hakizimana Adolphe akora akazi gakomeye umupira awushyira muri koroneri.

Igice cya mbere cyabereye cyiza mu buryo buringaniye abakunzi ba ruhago benshi bari muri Stade Amahoro kuko cyabonetsemo ibitego bibiri. Ku munota wa 32 Tambwe Gloire yahinduriye umupira ku ruhande rw’ibumoso unyura mu rubuga rw’amahina ba myugariro babiri ba APR FC bose barawuhusha usanga inyuma yabo Ndikumana Asman atsinda igitego cya mbere cya Rayon Sports mu izamu rya Hakizimana Adolphe.

Ku munota wa 41 APR FC yazamukanye umupira maze Byiringiro Jean Gilbert acengera hanze gato y’urubuga rw’amahina rwa Rayon Sports arwinjiramo akora akorerwa ikosa na Tambwe Ngongo Gloire, aho umusifuzi wa kabiri w’igitambaro yavuze ko yamugushije hasi, Ishimwe Claude Cucuri wari hagati agahita yemeza ko ari penaliti.

Ikosa ryavuyemo penaliti

Kuva ku bakinnyi ba Rayon Sports kugeza ku bakunzi bayo ntabwo bishimiye iki cyemezo cyo gutanga penaliti ariko iterwa na rutahizamu Djibril Ouattara ayitsinda neza mu izamu rya Kwizera Olivier, igice cya mbere kirangira ari igitego 1-1. Mu gice cya kabiri amakipe yombi yakomeje gushaka ibitego anakora impinduka zitandukanye ariko atagaragaza umukino mwiza nk’uwo mu gice cya mbere.

Iminota 90 isanzwe yarangiye amakipe yombi anganyije na igitego 1-1 Aba-Rayons bataha bavuga ko basifuriwe nabi ariko abandi bavuga ko batabonye umukino bari biteze kuko beretswe umukino utari mwiza. Kunganya uyu mukino byatumye APR FC ikomeza kugumana umwanya wa kabiri ku rutonde rw’agateganyo n’amanota 56 mu gihe Rayon Sports iri ku mwanya wa kane n’amanota 48.

Ni umukino warimo ihangana n’amahane akomeye cyane

Indi mikino ya shampiyona yakinwe Musanze FC yanganyije na Kiyovu Sports 0-0, Al Merrikh SC itsinda Bugesera FC 3-0 naho Amagaju FC anganya na Etincelles FC 0-0.

Ibi Niyigena Clement yabitangarije itangazamakuru ubwo yabazwaga ku hazaza mu gihe habura ukwezi kumwe ngo asoze amasezerano muri APR FC aho yavuze igihe igihe Al Hilal SC yamwifuje muri Mutarama 2026 yaba ikimushaka bavugana

Ati "Al Hilal yari yifuje ko najyayo birangira bidakunze, babonye bakinkeneye twavugana baba batakinkeneye nabwo nkamenye ikindi nabikoraho."

Abajijwe niba yaba yaratangiye ibiganiro byo kongera amasezerano na APR FC Niyigena Clement yavuze ko nta biganiro byari byaba.

Ati"Ntabwo twari twavugana."

Niyigena Clement amaze imyaka ine akinira APR FC yinjiyemo mu mpeshyi ya 2022 avuye muri Rayon Sports.

Ibi byabaye nyuma y’uko mu mikino ya 1/4 cyakinwe ku wa Kane, ikipe ya REG VC isezereye KPA yo muri Kenya iyitsinze amaseti 3-1 mu gihe mu mukino wari ukomeye ikipe ya Police VC yasezereye Kepler VC iyitsinze amaseti 3-2, aya makipe yombi yo mu Rwanda akaba agomba guhurira muri 1/2 kuri uyu wa Gatanu Saa Kumi n’Ebyiri z’umugoroba muri BK Arena.

Ku rundi ruhande amakipe yo Misiri nayo yari ari kwigaragaza muri 1/4 aho ikipe ya PetroJet yasezereye PAD yo muri Cameroun iyitsinze amaseti 3-1 mu gihe Al Ahly yasezereye FUS Rabat yo muri Maroc iyitsinze amaseti 3-0, aya makipe yombi nayo akaza guhurira muri 1/2 kuri uyu wa Gatanu, Saa Mbili z’ijoro muri BK Arena.

Kugira amakipe abiri yo mu Rwanda ahurira muri 1/2 bivuze ko rugomba kugira ikipe ikina umukino wa nyuma ibintu bibaye bwa mbere mu mateka.

Ibi Niyigena Clement yabivuze nyuma y’imyitozo ibanziriza iya nyuma iyi kipe yakoreye i Shyorongi yitegura uyu mukino w’umunsi wa 29 wa BK Pro League uzabera kuri Stade Amahoro aho yavuze ko nubwo yakoze imyitozo atari yamera neza 100%.

Ati "Ntabwo navuga ko nari namera neza ijana ku ijana, rero ntabwo gukina(Umukino wa Rayon Sports) mbiha amahirwe. Nagize ikibazo cy’akagombambari."

Mu kiganiro yagiranye n’itangazamakuru kandi umutoza w’ikipe ya APR FC Abderlahim Taleb nawe yavuze ko uyu musore amaze iminsi icumi yaravunitse ko agomba kugarurwa intambwe ku yindi gusa ko aramutse ageze ku munsi w’umukino ameze nta kintu cyabuza ko yagaragara.

APR FC yakoze imyitozo kandi idafite Umugande Ronald Ssekiganda wagize imvune mu ivi mu mukino iyi kipe yatsinzwemo na Etincelles FC ku wa 18 Mata 2026 ibitego 2-1.

Ibi byabaye nyuma y’uko ikipe ya REG VC isezereye muri 1/4 KPA yo muri Kenya kuri uyu wa Kane iyitsinze amaseti 3-1(28-26, 25-18, 17-25, 30-28). Ibi byahise bivuga ko iyi kipe muri 1/2 izakina nikomeza hagati ya Kepler VC na Police VC zigomba gukina muri 1/4, muri BK Arena.

Ibi byiyongera ku kuba uretse APR VC yasezerewe itarenze 1/8 ikaba izahatanira imyanya kuva ku wa 9 kugeza ku wa 16 andi makipe atatu ahagarariye u Rwanda yose agomba kugaragara mu munani ya mbere arimo abiri nibura abiri agomba kuba ari mu myanya ine ya mbere.

Ni umukino watangiye ku isaha ya Saa Tatu z’ijoro kuri Stade ya Riyadh Air Metropolitano hagati y’aya makipe yombi akorana na yamamaza Visit Rwanda yageze muri iki cyiciro asezereye FC Barcelona na Sporting CP.

Ni umukino wakinwe muri rusange amakipe yegeranye mu mikinire, byatumye hatabonekamo ibitego byinshi. Ku musozo w’igice cya mbere ku munota wa 44 Arsenal yabonye penaliti ku ikosa ryakozwe na Dávid Hancko agusha Viktor Gyokeres.

Iyi penalti yatsinzwe neza na Viktor Gyoneres iki gice kirangira ari 1-0 Arsenal yihariye umukino ku ijanisha rya 52% iteye amashoti ane arimo rimwe rigana mu izamu kuri 48% ya Atletico Madrid yateye amashoti atanu nayo arimo rimwe rigana mu izamu.

Bitandukanye n’igice cya mbere Atletico Madrid yagize igice cya kabiri cyiza haba mu mikinire dore ko yasoje umukino mu kuwuhererekanya ifite 52% kuri 48% ya Arsenal ndetse n’amashoti 15 yateye muri iki gice yarimo atatu agana mu izamu mu gihe Arsenal yateyemo amashoti atanu arimo rimwe gusa ryaganaga mu izamu.

Ibintu byahindutse ubwo ku munota wa 55 Atletico Madrid yabonaga penaliti iturutse ku ishoti riremereye rya myugariro Marcos Llorente yari ateye maze Ben White agakora umupira n’akaboko mu rubuga rw’amahina.

Byasabye kwitaba ikoranabuhanga rya VAR ngo iyi penaliti yemezwe, maze yemejwe iterwa neza na Julian Alvarez mu izamu rya David Raya utamenye uko bigenze kuko yari ahagaze, amakipe yombi anganya 1-1.

Amakipe yombi yakomeje gukina ashakisha uko yatsinda Atletico Madrid ihusha uburyo bwinshi bukomeye ku bakinnyi nka Antoine Griezman na Ademola Lookman.

Arsenal yashyizemo abakinnyi nka Ebereche Eze ndetse na Bukayo Saka nayo yakomeje gushaka uko yatsinda ariko abanyezamu Jan Oblak na David Raya ku mpande zombi hakaba aho bakomeje kwitwara neza indi mipira ijya hanze.

Ku munota wa 80 myugariro wa Atletico Madrid Dávid Hancko yongeye kugusha Ebereche Eze mu rubuga rw’amahina umusifuzi avuga ko ari penaliti ariko abasifuzi bo ku ikoranabuhanga rya VAR bavuga ko atariyo ikurwaho.

Iminota 90 yarangiye amakipe yombi anganyije 1-1, aho agomba kwisobanura mu mukino wo kwishyura uteganyijwe tariki 5 Gicurasi 2026, Saa Tatu z’ijoro mu gihugu cy’u Bwongereza bikuramo ikipe izakina umukino wa nyuma izahuramo n’ikipe izakomeza hagati ya PSG Bayern Munich.

Ni umukino wabereye kuri Stade ya Riyadh Air Metropolitano mu Mujyi wa Madrid aho aya makipe yombi akorana n’u Rwanda mu kwamamaza ubukerarugendo binyuze muri gahunda ya Visit Rwanda, yahuriye nyuma yo kugera muri 1/2 Atletico Madrid isezereye FC Barcelona muri 1/4 mu gihe Arsenal yasezereye Sporting CP yo muri Portugal.

Uyu mukino warangiye amakipe yombi anganyije igitego 1–1.

Uretse Perezida Kagame kandi uyu mukino wakurikiwe n’Umwami wa Espagne Felipe VI, ndetse na Perezida wa Atlético Madrid, Enrique Cerezo.

Perezida Kagame yitabiriye uyu mukino nyuma yo kwitabira uwo PSG yatsindiye mu Bufaransa Bayern Munich ibitego 5-4 ku wa 28 Mata 2026 mu gihe asanzwe kandi by’umwihariko ari umufana wa Arsenal.

Perezida Kagame asuhuzanya n’Umwami wa Espagne, Felipe VI

Umukuru w’Igihugu kandi aheruka kuvuga ko nubwo amasezerano ya Visit Rwanda na Arsenal azarangirana n’umwaka w’imikino 2025-2026 bitazamubuza kuyifana kuko yatangiye kuyifana na mbere yo gukorana na yo.

Perezida Kagame yahawe impano y’ishusho ya stade ya Atlético Madrid

Umukinnyi Antoine Griezmann wa Atletico Madrid yatowe na UEFA nk’umukinnyi wahize abandi muri uyu mukino

Ni tombola yabaye mu byiciro bibiri aho muri rusange hazitabira amakipe 35 yo muri Afurika ariko bitewe nuko amakipe ahagaze ku rutonde rwa FIFA, ibihugu bitandatu aribyo Sudan izakina na Comoros, Sudani y’Epfo izakina na Madagascar ndetse na Mauritius izakina na Djibouti, bikazabanza gukina ijonjoro ry’ibanze bikikuramo bitatu bizasanga ibindi 29 byari bihagaze neza ku rutonde ubwo iyi tombola yabaga.

Muri ibi bihugu 29 bihagaze neza harimo n’u Rwanda aho bizahera mu cyiciro cya kabiri cy’iyi imikino. Tombola y’iki cyiciro yakurikiyeho yasize Amavubi azahura n’ikipe y’igihugu ya Ethiopia bazakina umukino ubanza n’uwo kwishyura ukomeje akajya mu cyiciro cya gatatu muri bitanu bizakinwa kugeza habonetse ibihugu bibiri bizahagararira umugabane wa Afurka.

Imikino y’ijonjora ry’ibanze izakinwa hagati y’itariki 1 n’iya 9 Kamena 2026 mu gihe ibihugu bitatu bizakomeza bisanga 29 birimo n’u Rwanda mu ijonjora rya kabiri aho imikino iteganyijwe hagati y’itariki 5 na 13 Ukwakira 2026, aho Amavubi ariyo azabanza kwakira Ethiopia.

Amavubi yatomboye Ethiopia mu gushaka itike y’Imikino Olempike 2028

Nepal niyo yatsindiye gutangira umukino ikubita udupira ishyiraho amanota menshi,u Rwanda rwo rutangira rujugunya udupira rubuza ikipe y’igihugu Nepal gushyiraho amanota. Igice cya mbere cyarangiye Nepal ishyizeho amanota 103, u Rwanda ikaba rusohoye abakinnyi barindwi bayo.

Igice cya kabiri cyatangiye u Rwanda rusabwa amanota 104 ngo rutsinde uyu mukino bitigeze bibotohera kuko muri overs esheshatu za mbere zingana n’udupira 36 rwari rumaze gushyiraho amanota 18 gusa,Nepal yasohoye abakinnyi babiri barwo.

Muri rusange, u Rwanda rwakoze amanota 65, Nepal yasohoye abakinnyi bose barwo (Allout) maze itsinda uyu mukino ku kinyuranyo cy’amanota 38.

Gutsindwa uyu mukino byagabanyirije u Rwanda amahirwe yo gutwara igikombe kuko rufite intsinzi enye mu mikino irindwi rumaze gukina, zituma ruri ku mwanya wa kabiri n’amanota umunani rusigaje umukino umwe uzaruhuza na Leta Zunze Ubumwe za Amerika zo zisigaje ibiri.

Uyu mukino uteganyijwe tariki 1 Gicurasi 2026 ari nawo munsi wa nyuma w’irushanwa mu gihe ariko iyi Leta Zunze Ubumwe za Amerika inafite undi mukino izabanza gukina n’u Butaliyani kuri uyu wa Kane, Saa Tatu za mu gitondo kuri Stade Mpuzamahanga ya Cricket i Gahanga.

Ni umukino wari uryoheye ijisho

Ni umukino wari witezwe cyane hirya no hino ku Isi kuko wari ugiye guhuza amakipe ari gufatwa nk’aya mbere meza uyu mwaka hakurikijwe uko yitwara mu marushanwa atandukanye kuva mu bihugu byayo dore ko Bayern Munich iheruka gutwara Shampiyona y’u Budage 2025-2026 mu gihe PSG iyoboye urutonde rw’agateganyo mu Bufaransa.

Ibyo abantu bari biteze nibyo babonye ndetse banabibibona hakiri kare ubwo ku munota wa 17, myugariro William Pacho yakoreraga ikosa Luis Diaz mu rubuga rw’amahina hagatangwa penaliti yatewe na Harry Kane akanayinjiza neza Bayern Munich ikayobora umukino.

Harry Kane amaze gutsinda igitego cya mbere cya Bayern Munich

Luis Diaz akorerwa ikosa ryavuyemo penaliti

Kugira ubusatirizi bwiza biri mu bigira aya makipe meza, byatumye PSG yishyura igitego ku munota wa 24 gitsinzwe na Kvicha Kvaratskhelia nyuma yo guhabwa umupira na Desire Doue maze akazenguruka myugariro Stansic kugeza ageze mu rubuga rw’amahina akubura amaso atera umupira ku giti cya kabiri cy’izamu.

Kvivicha watsinze ibitego bikini muri bitanu bya PSG

Nta muntu wari kwemeza ko birangiye kubera ubwiza bw’amakipe cyane cyane mu gusatira, bakomeje kwerekana umupira mwiza.Ku munota wa 33 PSG ibona koroneri yatewe na Ousmane Dembele maze Joao Neves nubwo ariwe mukinnyi mugufi wari mu kibuga, azamuka mu kirere atsinda igitego cya kabiri cy’iyi kipe yari ku rugo.

Joao Neves

Ntabwo byasabaye igihe kinini kuko umukino wakomeje kuryohera abawurebaga, kuko ku munota wa 41 Michael Olise yahawe umupira na Pavlovic maze yinjira mu rubuga rw’amahina arebana n’izamu, abakinnyi ba PSG bamuhaye umwanya wo kurebamo, atera ishoti rikomeye umunyezamu Matvéi Safónov atashoboye gukuramo.

Michael Olise

Byari bibaye 2-2 ku mpande zombi, ariko ubwo bari bongereyeho umunota umwe ku gice cya mbere, Ousmane Dembele yakiriye umupira ku ruhande rw’ibumoso awuhinduye Alphonso Davies awukoraho n’akaboko hatangwa penaliti yatsinzwe n’uyu Mufaransa igice cya mbere kirangira ari ibitego 3-2 , PSG iyoboye umukino.

Ousmane Dembele yishimira igitego

PSG yagarutse yariye karungu, minota 15 ibonamo ibitego bibiri. Ku munota wa 56 Achraf Hakimi yazamukanye umupira awuhindurira iburyo maze unyura mu rubuga rw’amahina Ousmane Dembele arawusimbuka usanga Kvicha Kvaratskeria wari wakurikiye yinjiyemo nawe atsinda igitego cya kane.

Kvicha yishimira icya kabiri yari atsinze

Ku munota wa 58 PSG yongeye kuzamukana umupira ufitwe na Desire Doue wazamukanye na Ousmane Dembele bakisanga bari kumwe n’abakinnyi batatu ba Bayern Munich mu rubuga rw’amahina maze Ousmane Dembele wawuhawe awunyuza mu maguru ya Dayot Upamecano ukubita igiti cy’izamu ujya mu izamu, umumyezamu Manuel Neur atari yamenya ibiri kuba uvamo igitego cya gatanu.

Ousmane Dembele amaze guhabwa na Doue umupira wavuyemo igitego

Bayern Munich yari ishyizwemo ikinyuranyo cy’ibitego bitatu ntabwo yacitse intege ndetse ku munota wa 64 inabona umupira w’umuterekano ku ikosa ryakorewe Luis Diaz hagati mu kibuga. Uyu mupira watewe na Joshua Kimmich maze myugariro Dayot Upamecano akoraho gato n’umutwe uruhukira mu izamu rya PSG uvamo igitego cya gatatu.

Ku munota wa 68 Umwongereza, rutahizamu Harry Kane yatangiye umupira udasanzwe hagati mu kibuga awunyujije mu kirere wakirirwa mu rubuga rw’amahina mu buryo budasanzwe n’Umunya-Colombia wari wakurikiye, acenga myugariro Marquinhos bari bahagararanye atsinda igitego cya kane cya Bayern Munich.

Luis Diaz amaze gutsindira Bayern Munich igitego cya kane

Mu minota 20 ya nyuma y’umukino amakipe yombi yagiye akora impinduka, ndetse ashakisha ibindi bitego ariko bitabonetse ariko habonekamo amahirwe arimo aya PSG yo ku munota wa 87 ubwo Seny Mayulu wari winjiye asimbuye yateraga ishoti rikomeye ryagaruwe n’igiti cy’izamu.

Iminota 90 yarangiye PSG ikiyoboye umukino n’ibitego 5-4 hongerwaho ine nayo irangiye gutyo, umukino urangira yegukanye intsinzi mu gihe umukino wo kwishyura uzakinirwa mu Budage tariki 6 Gicurasi 2026.

Kuri uyu wa Gatatu, harakinwa undi mukino wa 1/2 aho muri Espagne Atletico Madrid irakira Arsenal Saa Tatu z’ijoro.

Ni umukino wabaye ukurikira uwo APR FC yari yatsindiye Mukura VS kuri iyi Stade ku wa 25 Mata 2026 ibitego 3-0. Muri uyu mukino Rayon Sports yari yakoze impinduka yakuyemo Obed Uwumukiza wari wabanje hanze maze ku ruhande rw’iburyo habanza Nshimiyimana Kabange.

Nshimiyimana Emmanuel Kabange wari wahawe umwanya ku munota wa 33 yahinduriye umupira ku ruhande rw’iburyo maze awushyira ku mutwe wa Tambwe Gloire atsinda igitego cya mbere mu izamu rya Twagirumukiza Clement. Uyu Murundi wari uhagurukije abafana batari benshi barebye uyu mukino yahise agira imvune asimburwa na Fall Ngagne.

Igice cya mbere cyarangiye, Rayon Sports ifite igitego 1-0 maze mu gice cya kabiri iza ishakira icya kabiri gusa n’Amagaju FC nayo ashaka kwishyura. Abakinnyi nka Rachid Mapoli Yekini, Shaban Gloire, Destin Malanda na Nibibona Eddy bagiye bahusha uburyo bw’ibitego batashoboye kugeza mu izamu rya Kwizera Olivier.

Ku munota wa 75 Rayon Sports yabonye umupira w’umutereka imbere ku ruhande rw’ibumoso nyuma y’ikosa kapiteni w’Amagaju FC Abdel Matumona Wakonda yakoreye Sindi Jesus Paul. Uyu mupira w’umuterekano wahawe Nshimiyimana Emmanuel Kabange arawutera, maze abikora neza yongera kuwushyira ku mutwe wa Youssou Diagne nawe ahita awushyira mu izamu atsinda igitego cya kabiri.

Mu minota 16 yari isigaye, Rayon Sports yakomeje kugerageza gushaka ubundi buryo bw’ibitego ariko ntibyayikundira ari nako ku rundi ruhande Amagaju FC yashakisha uko yabona igitego nayo ariko iminota 90 irangira ari ibitego 2-0.

Rayon Sports yongeye kubona intsinzi nyuma y’amezi abiri idatsinda muri shampiyona kuko yaherukaga gutsinda tariki 22 Gashyantare 2026, itsinda Mukura VS 2-1 iri gukina mu kibuga, hatabariwemo mpaga yateye Gasogi United tariki 22 Werurwe 2026.

Gutsinda uyu mukino byatumye kandi iyi kipe igira amanota 47 ku mwanya wa kane ku rutonde rw’agateganyo aho irushwa na APR FC amanota umunani, mu gihe bitegura gucakirana tariki 2 Gicurasi 2026.

Mu yindi mikino yabaye, Al Merrikh SC yatsinze Bugesera FC 3-0, Etincelles FC inganya na Kiyovu Sports 0-0.

Isinya rya Niyonzima Pacifique ryabaye ku wa Gatanu tariki 24 Mata 2026 aho bivuze ko abaye umukinnyi w’umunyamwuga nyuma yo gusinyira Bodymax aho yamenyekanye cyane mu mikino yitwayemo neza ya Shampiyona y’Isi 2025 yabereye i Dubai aho yari yagiye mu cyiciro cy’abatarabigize umwuga yabereye i Dubai ari kumwe n’ikipe y’igihugu nayo yari yitabiriye bwa mbere.

Nyuma yo gusinya amasezerano Niyonzima Pacifique yahise yerekeza i Nairobi muri Kenya ku wa Gatandatu, tariki 25 Mata 2026 mu rwego rwo gukomeza imyiteguro ye y’amarushanwa ari imbere arimo shampiyona izakomeza muri Gicurasi 2026 ndetse no gutangira urugendo rushya nk’umukinnyi wabigize umwuga.

Niyonzimama Pacifique yerekeje Bodymax Ltd asanzemo Kazungu Frank usanzwe ugenderwaho muri iyi kipe ndetse no mu ikipe y’igihugu aho ari no kwitegura umukino woswe ’Roots Uganda’ uzabera i Kampala muri Uganda tariki 2 Gicurasi 2026 mu gihe kandi iyi kipe ikomeje no kwagurira ibikorwa byayo mu Karere aho igamije gushyira abakinnyi b’Abanyarwanda ku rwego Mpuzamahanga.

Niyonzima Pacifique (Uri hagati) ari kumwe na Perezida wa BodyMax Niyonsenga Karim(Ibumoso) ubwo yari amaze gusinya

Niyonzima Pacifique ubwo yari muri Shampiyona y’Isi 2025

Aba abakinnyi ndetse n’abandi baje muri iri rushanwa bifatanyije n’Abanyarwanda bo mu karere ka Gasabo mu muganda rusange usoza ukwezi kwa Mata 2026 maze bamwe mu bahagarariye aya makipe y’ibihugu bishimira iki gikorwa ngaruka kwezi Abanyarwanda bahuriramo bagahuriza hamwe amaboko maze bagakorera isuku igihugu cyabo.

Aba bagarutse ku isuku idasanzwe babonye mu Rwanda maze bavuga ko babonye inkomoko yayo ndetse banavuga ko babikuyemo isomo rikomeye. Uyu muganda rusange wari witabiriwe kandi n’abarimo Umunyabanga wa Leta muri Minisiteri ya Siporo Rwego Ngarambe.

Abitabiriye uyu Muganda kandi bari barimo Umunyamabanga Nshingwabikorwa w’Akarere ka Gasabo bwana Bernard Bayasese ndetse n’Umuyobozi wungirije w’Ishyirahamwe ry’Umukino wa Cricket mu Rwanda Sonia Uwimana.

Abitabiriye uyu Muganda ni abaturutse mu bihugu birimo Butaliyani, Leta Zunze Ubumwe za Amerika, Vanuatu, Nepal, n’Ikipe y’Igihugu y’u Rwanda.

Ni umuterankunga watangajwe ubwo igice cya mbere cy’umukino iyi kipe yatsinzwemo na APR FC 3-0 kuri Stade Kamena. Jibu isanzwe ikora amazi mu byo izajya itanga muri Mukura VS harimo guhemba umukinnyi w’ukwezi no gutanga amazi ku mukino ndetse no mu myitozo.

Uretse ibi kandi mu myaka iri imbere harimo kuba ashobora kuzajya agira uruhare mu ngendo ikipe ya Mukura VS mu gihe iyi kipe yo izajya yamamaza Jibu ku mbugankoranyambaga zayo.

Uyu muterankunga aje asanga abandi basanzwe bakorana na Mukura VS barimo Light House Hotel, BK Insurance, Volcano Express bose biyongera ku muterankunga mukuru ariwe Akarere ka Huye.

Ni umukino watangiye ku isaha ya Saa Cyenda zuzuye, igice cya mbere kirangwa no gukina neza kwa Mukura VS yakinaga imira mito kuri iki kibuga gito isanzwe imenyereye. Ibyo Mukura VS yakoraga byari byananiye APR FC kuko yagerageza gukina imipira miremire, myinshi bateraga igahita irenga kubera ubuto bw’ikibuga.

Muri iki gice cya mbere APR FC yabonye penaliti ku munota wa gatanu ku ikosa ryakorewe Djibril Ouattara aba ari nawe uyiterera. Uyu mupira wari kwinjiza neza APR FC mu mukino ariko, Djibril Ouattara yahise awutera ku ruhande, igice cya mbere kirangira amakpe yombi anganya 0-0. Muri iki gice APR FC yatakaje umunyezamu Hakizimana Adolphe wajyanywe kwa muganga n’imbangukiragutabara nyuma yo kugira ikibazo ku munota wa 33 ubwo hahindurwaga umupira washatse gukinwa na Mutsinzi Patrick nawe wagize ikibazo ariko we agakomeza umukino.

APR FC yahise isimbuza ishyiramo umunyezamu Ruhamyankiko Yvan wanasoje igice cya mbere.Ibyabaye mu gice cya mbere byicuritse mu cya kabiri, APR FC ikina imipira migufi, kuri iyi nshuro yanayikundiye ahubwo ku rundi ruhande Mukura VS biranga. Ku munota wa 52 Hakim Kiwanuka yahaye umupira mwiza Djibril Ouattara wari mu rubuga rw’amahina atsinda igitego cya mbere kuri uyu mupira wari uturutse iburyo.

Ku munota wa 57, uyu Mugande Hakimi Kiwanuka nawe yatsinze igitego cye ku mupira yakiriye mu rubuga rw’amahina cyari icya kabiri cya APR FC. Nyuma y’iminota itandatu ku munota 63, APR FC yabonye koroneri yatewe neza na Ruboneka Jean Bosco maze myugariro Nduwayo Alex atsinda igitego cya gatatu.

APR FC yakomeje guhusha uburyo butandukanye bwari kuvamo ibindi bitego byakurwagamo n’umunyezamu Ssebwato Nicholas mu gihe ku ruhande ruhande nta buryo bukomeye Mukura VS yigeze ibona bwari kuvamo igitego, umukino urangira APR FC itsinze 3-0.

APR FC gutsinda kwayo kwatumye igira amanota 55 ku mwanya wa kabiri aho ikurikira Al Hilal SC ifite amanota 61 kuko uyu munsi yatsindiye Musanze FC kuri Kigali Pele Stadium ibitego 2-0 mu gihe Mukura VS iri ku mwanya wa karindwi n’amanota 41.

Mu yindi mikino yabaye, AS Muhanga yakomeje kumanuka mu cyiciro cya kabiri kuko yatsinzwe na Gorilla FC 2-1 i Muhanga, maze ikomeza kugira amanota 21 ku mwanya wa 18. Ku isaha ya Saa Kumi n’Ebyiri n’Igice kuri Kigali Pele Stadium, Police FC irakira Marine FC.

Ibi yabigarutseho ubwo iyi banki yasinyanaga amasezerano na Shampiyona y’Icyiciro cya Mbere mu Rwanda byatumye yitwa BK Pro League, aho abajijwe ku makuru yo gukorana na Rayon Sports yavuze ko uyu ari umunsi wa Rwanda Premier League n’ibindi bazabivuga igihe cyayo cyageze.

Ati"Uyu munsi turavuga BK Pro League ntabwo dushaka kuvanga amadosiye. Ibya Rayon Sports cyangwa n’andi makipe tuzavuga amakuru igihe cyageze kuko uyu munsi dushaka ko abanyamakuru bavuga BK Pro League gusa akaba ariyo abakunzi b’imikino bamenya."

Hamaze iminsi mu bakunzi ba ruhago havugwa, gutandukana mwa Rayon Sports n’umuterankunga wayo mukuru isanzwe ifite bijyana no kuvugwa kwa Banki ya Kigali muri iyi kipe.

Amasezerano Banki ya Kigali yasinyanye na Rwanda Premier League afite agaciro ka miliyari 3 na miliyoni 250 Frw mu myaka itanu n’igice y’imikino iri mbere uhera mu gice cya kabiri cy’uwa 2025-2026.

Umuyobozi Mukuru wa Banki ya Kigali Dr. Diane Karusisi (Ibumoso), Umuyobozi Mukuru wa Rwanda Premier League Hadji Mudaheranwa Yussuf (Hagati) na Perezida w’Impuzamashyirahamwe y’Umupira w’Amaguru mu Rwanda Shema Ngoga Fabrice

Iri ni itangiriro ry’ubufatanye bw’ibihe bitanu n’igice(seasons) bufite agaciro ka miliyari 3.25 z’amafaranga y’u Rwanda, ishoramari rikomeye mu gukomeza guteza imbere ruhago mu Rwanda.

Kuri Banki ya Kigali, ubu bufatanye buri mu murongo mugari wo gushyigikira Abanyarwanda mu mibereho yabo ya buri munsi. Nyuma yo gushyigikira siporo zitandukanye zirimo basketball n’amagare, ubu banki yerekeje kuri ruhago, ihinduka “Banki ya Ruhago”, banki y’umukino ukunzwe cyane mu gihugu, nk’intambwe nshya igamije gutanga umusaruro ugaragara.

Iki gikorwa gishingiye ku ntambwe imaze guterwa na Rwanda Premier League mu myaka ishize mu kuzamura urwego rwa ruhago yo mu gihugu. Itangizwa rya BK Pro League rihagarariye icyiciro gishya kigamije gushimangira ubushobozi bw’imari bw’irushanwa, gushyigikira amakipe no kurushaho kwegera abafana ba ruhago.

Nka shampiyona y’icyiciro cya mbere mu Rwanda igizwe n’amakipe 18, BK Pro League igamije kuzamura urwego muri byose binyuze mu gufasha amakipe n’abakinnyi haba mu kibuga no hanze yacyo.

Ku isonga ry’ubu bufatanye harimo no guteza imbere kwinjira mu bikorwa by’imari. Ku bakinnyi benshi basanzwe badakorana na banki, ibi bizana impinduka. Binyuze mu kubona serivisi z’imari zibagenewe n’ubufasha bukwiye, abakinnyi bazashobora kubaka umutekano w’imari uhamye na nyuma y’akazi kabo ko gukina.

Abafana na bo bazungukira muri uru rugendo, binyuze mu kunoza uburyo bwo kwishimira imikino no kurushaho kwegera amakipe n’abakinnyi bagize ruhago nyarwanda.

Agaruka kuri ubu bufatanye, Perezida wa Rwanda Premier League, Yussufu Mudaheranwa, yagize ati:
“Ubu bufatanye ni intambwe ikomeye kuri Rwanda Premier League. Twari tumaze igihe twubaka shampiyona ikomeye kandi ihatana, kandi ubu bufatanye na Banki ya Kigali buzadufasha kwihutisha iterambere, dushyigikire amakipe, dushimangire imizi ya shampiyona, tunashyireho imibereho myiza ku bakinnyi n’abafana.”

Mu muhango wo gutangiza iri rushanwa, Umuyobozi Mukuru wa Banki ya Kigali, Dr. Diane Karusisi, yagize ati:“Ntabwo turi gushyira gusa izina ryacu kuri shampiyona. Turashora imari mu hazaza h’urusobe rwa ruhago nyarwanda, bukaba n’uburyo bwo gushyigikira ahazaza h’u Rwanda. Nka banki y’Abanyarwanda, twiyemeje kubaba hafi mu rugendo rwabo rwose, harimo na siporo. Mu gushyigikira ruhago, tugamije guteza imbere ubushobozi bw’imari no guhanga amahirwe ku bakinnyi, amakipe n’imiryango muri rusange.”

Perezida wa FERWAFA, Fabrice Shema Ngoga, na we yagaragaje akamaro k’ubu bufatanye ku iterambere rya ruhago, agira ati:“Ubufatanye nk’ubu bufite ingamba ni ingenzi mu guteza imbere ruhago mu Rwanda. Twishimiye ubushake bwa Banki ya Kigali, kandi twizeye ko ubu bufatanye buzagira uruhare rwiza mu kuzamura umukino ku nzego zose.”

Ubu bufatanye bufite icyerekezo gihuriweho. BK Pro League itegura ejo hazaza heza kandi hihariye, aho ruhago izakomeza gukura, guhuza abantu, gutanga icyizere no guhanga amahirwe mu Rwanda hose.

Ibi byatangarijwe mu itangazo ryashyizwe hanze aho FERWAFA yavuze ko ibi byakozwe hashingiwe ku ngingo ya 2.1 (igika cya 1) n’iya 2.3.3 z’Amategeko agenga imyitwarire muri FERWAFA bakanahagarika by’agateganyo Japhet Imurora Hakizimana nyuma y’imyitwarire idahwitse yamugaragayeho mbere y’umukino wa Shampiyona wahuje Musanze FC na Amagaju FC ku wa 17 Mata 2026.

Iri shyirahamwe ryanahagaritse kandi Olivier Ndatimana ushinzwe ibikoresho muri Gorilla FC, nyuma y’ibyiswe imyitwarire idahwitse yagaragaje mu mukino w’lgikombe cy’Amahoro wahuje Gorilla FC na Rayon Sports FC ku wa 22 Mata 2026 ubwo mbere y’umukino yagaragaraga amena ibisa n’ifu mu kibuga.

Aba bombi bahagaritswe mu bikorwa byose bijyanye n’umupira w’amaguru, banabujijwe kwinjira mu gace ka tekiniki, mu rwambariro no ku kibuga haba mu myitozo no mu mikino, kugeza igihe hazafatirwa icyemezo cya nyuma na Komisiyo ishinzwe Imyitwarire.

Ishyirahamwe ry’Umupira w’Amaguru mu Rwanda FERWAFA kandi ryakomeje rivuga ko rizakomeza guharanira ubunyangamugayo no kubungabunga isura nziza y’umupira w’amaguru.

Itangazo rya FERWAFA

Kigali, ku wa 24 Mata 2026

Ishyirahamwe ry’Umupira w’Amaguru mu Rwanda (FERWAFA) riramenyesha abakunzi b’umupira w’amaguru ko,

Hashingiwe ku ngingo ya 2.1 (igika cya 1) n’iya 2.3.3 z’Amategeko agenga imyitwarire muri FERWAFA, hafashwe icyemezo cyo guhagarika by’agateganyo,

Bwana Olivier NDATIMANA (ushinzwe ibikoresho muri Gorilla FC), nyuma y’imyitwarire idahwitse yagaragaje mu mukino w’lgikombe cy’Amahoro wahuje Gorilla FC na Rayon Sports FC ku wa 22 Mata 2026,

Na Bwana, Japhet IMURORA HAKIZIMANA (Umutoza wongerera imbaraga abakinnyi b’Amagaju FC) nyuma y’imyitwarire idahwitse yamugaragayeho mbere y’umukino wa Shampiyona wahuje Musanze FC na Amagaju FC ku wa 17 Mata 2026.

Aba bombi bahagaritswe mu bikorwa byose bijyanye n’umupira w’amaguru, banabujijwe kwinjira mu gace ka tekiniki, mu rwambariro no ku kibuga haba mu myitozo no mu mikino, kugeza igihe hazafatirwa icyemezo cya nyuma na Komisiyo ishinzwe Imyitwarire.

FERWAFA izakomeza guharanira ubunyangamugayo no kubungabunga isura nziza y’umupira w’amaguru.

Ibi byabereye mu mikino 11 yabaye kuri uyu wa Kane, muri BK Arena na Petit Stade yakurikiraga ufungura APR VC yatsinzemo Black Rhinos amaseti 3-0 ku wa 22 Mata 2026. Ikipe ya Police VC yakinnye mbere y’andi makipe yo mu Rwanda aho yakiniye na Prisons yo muri Tanzania muri BK Arena.

Muri uyu mukino iseti ya mbere mbere Police VC yayegukanye itsinze amanota 25-15, iya kabiri iyitwara ku manta 25-18 mu gihe iya gatatu yayitwaye itsinze amanota 26-17, igatsinda umukino ku maseti 3-0.

Undi mukino warimo ikipe yo mu Rwanda wabereye muri BK wahuje ikipe ya REG VC itahiriwe n’umunsi wa mbere kuko nubwo yagendanaga mu manota na Port Autonome de Douala yo muri Cameroon ariko byarangiye nta seti nimwe ibonye itsindwa amaseti 3-0.

Undi mukino arimo ikipe yo mu Rwanda wabereye kuri Petit Stade Amahoro, aho Kepler VC yo yahiriwe n’umunsi wa mbere kuko yatsinze AS INJS amaseti 3-0.Iseti ya mbere Kepler VC yayegukanye itsinze amanota 25-20, iya kabiri iyitwara itsinze 25-16 mu gihe yatwaye iya gatatu itsinze amanota 25-21.

Kuri uyu wa Gatanu harakomeza imikino yo mu matsinda haba muri Petit Stade ndetse na BK Arena kuva ku isaha ya Saa Yine za mu gitondo.

Uko indi mikino yagenze

Ni umukino watangiye ku isaha ya Saa Kumi n’Ebyiri z’umugoroba Rayon Sports yaguruye abakinnyi barimo umunyezamu Kwizera Olivier, myugariro Yousou Diagne ndetse na Ndikumana Asman.Gorilla FC isanzwe ikina umukino mwiza cyane n’ubundi yatangiye ikina neza maze ku minota wa cyenda ibona umupira w’umuterekano ku ruhande rw’iburyo imbere.

Uyu mupira watewe na Mosengo Tansele maze ugeze mu rubuga rw’amahina ugarurwa n’umutwe neza Kanamugire Roger awutereka mu izamu neza atsinda igitego cya mere. Rayon Sports yarwanye no kwishyura igerageza uburyo butandukanye ariko umunyezamu wa Gorilla FC Muhawenayo Gad agatabara.

Ubwo iminota 45 isanzwe yari irangiye, hongeweho itatu Rayon Sports yabonye umupira w’umuterekane hanze y’urubuga rw’amahina ahagana iburyo. Uyu mupira watewe neza na Ndayishimiye Richard ujya mu izamu nta wundi uwukozeho yishyurira Rayon Sports igitego, igice cya mbere kirangira ari 1-1.

Mu gice cya kabiri, amakipe yombi yakomeje gushakisha uko yabona igitego cya kabiri akina umukino uromo ihangana ariko uburyo bubonetse ntibubyazwe umusaruro. Iki gice cya kabiri cyari kirimo amahane menshi hagati y’abakinnyi ari nako umusifuzi Nizeyimana Isiaka atanga amakarita y’imihondo.

Umukino wasojwe n’amahirwe Rayon Sports ubwo yabonaga undi mupira w’umuterekano ureba n’izamu neza ariko kuri iyi nshuro utewe na Richard Ndayishimiye awutera mu rukuta ntiwabyara umusaruro, umukino urangira amakipe yombi anganyije igitego 1-1.

Imikino yo kwishyura izakinwa mu cyumweru gitaha aho APR FC izakira Etincelles FC mu gihe Rayon Sports izakira Gorilla FC.

Ibi Zambia yabigezeho nyuma yo gutsinda u Rwanda ibitego 2-1. U Rwanda nirwo rwatangiye rufungura amazamu ku munota wa cyenda ku gitego cyatsinzwe na Sylvie Uwabeza ndetse igice cya mbere kirangira ari igitego 1-0.

U Rwanda rwasabwaga kubona igitego cya kabiri ariko ntirwinjizwe hakaba hakwitabazwa penaliti cyangwa rugatsinda ibindi bibiri nubwo rwo rwari kwinjizwa kimwe rukaba rwakomeza kubera ibitego byinshi byo hanze. Ibi ariko ntabwo byarukundiye kuko Zambia ahubwo yarubonyemo ibitego bibiri byatumye umukino urangira rutsinzwe 2-1.

Ibi bitego byasanze, ibindi 2-0 Zambia yari yatsindiye u Rwanda kuri Kigali Pele Stadium ku wa Gatanu w’icyumweru gishize maze rusezererwa ku giteranyo cy’ibitego 4-1 mu mikino ibiri.

Ikipe y’igihugu y’u Rwanda y’Abangavu ni ubwa mbere yari ibayeho ndetse ubwo basozaga unukino ubanza Perezida w’Ishyirahamwe ry’Umupira w’Amaguru mu Rwanda Shema Ngoga Fabrice akaba yarabijeje gushyigikirwa.

Ni umukino wabaye ukurikira uw’umunsi wa 27 wa shampiyona aya makipe yombi yakiniye kuri iyi stade tariki 18 Mata 2026, Etincelles FC igatsinda APR FC 2-1. Kuri iyi nshuro ariko APR FC yihimuye maze hakiri kare ku munota wa 14 Mugisha Gilbert ayitsindira igitego cya mbere cyarangije igice cya mbere ari 1-0.

Ku munota wa 62 w’umukino Djibril Ouattara yatsndiye APR FC igitego cya kabiri ariko ku munota wa 67 Etincelles FC yishyuramo kimwe gitsinzwe na Ishimwe Jabilu. Nyuma y’iminota itatu rutahizamu Djibril Ouattara yongeye gutsindira APR FC igitego cya gatatu, umukino urangira ari ibitego 3-1.

Muri uyu mukino, u Rwanda nirwo rwatsinze toss(gutombora guhitamo gutangira ujugunya udupira cyangwa gutangira ukubita udupira) maze bahitamo gutangira bakubita udupira bashyiraho amanota, Leta Zunze Ubumwe za Amerika zitangira zijugunya udupira ari nako babuza ikipe y’igihugu y’u Rwanda gushyiraho amanota menshi.Igice cya mbere cyarangiye u Rwanda rushyizeho amanota 127,Leta Zunze Ubumwe za Amerika isohoye abakinnyi bane barwo( 4wickets).

Igice cya kabiri cyatangiye Leta Zunze Ubumwe za Amerika isabwa amanota 128 ngo itsinde uyu mukino mu gihe haburaga udupira dutandatu (1 Over) ngo umukino urangire bitayikundiye kuko yashyizeho amanota 126 u Rwanda rutsinda ku kinyuranyo cy’inota rimwe rwasohoye abakinnyi batanu Leta Zunze Ubumwe za Amerika (5 Wickets) mu gihe Umunyarwandakazi Ishimwe Gisele ari we yabaye umukinnyi mwiza w’umukino.

U Rwanda rwatsinze uyu mukino, usanga uwo rwatsinzemo Vanuatu ku Cyumweru tariki 19 Mata 2026 ndetse n’uwo rwatsinzwe n’u Butaliyani ku munsi wa mbere tariki 18 Mata 2026 mu gihe ruzakina umukino wa kane na Nepal kuri uyu wa Gatatu, Saa Tatu za mu gitondo, imikino yose iri kubera kuri Stade Mpuzamahanga ya Cricket i Gahanga.

Ibi byahamijwe n’ingengabihe y’imikino y’umunsi wa 28 yashyizwe hanze n’urwego rutegura Shampiyona y’Icyiciro cya Mbere mu Rwanda, aho nubwo Stade Mpuzamahanga ya Huye iri gusanwa itari yaboneka ariko imikino Amagaju FC azakiramo Rayon Sports tariki 26 Mata 2026, ndetse n’uwo APR FC izakirwamo na Mukura VS tariki 25 Mata 2026 yose izabera kuri Stade Kamena.

Ni ingengabihe yari itegerejwe na benshi bifuzaga kumenya aho aya makipe abiri y’ubukombe muri ruhago y’u Rwanda azakirirwa n’aya makipe yo mu Ntara y’Amajyepfo, nyuma y’uko mu mikino ibanza aya makipe yakoresheje Stade ya Muhanga ubwo Amagaju FC yakiraga APR FC naho Mukura VS ikahakirira Rayon Sports.

Amagaju FC yashatse kwakirira Rayon Sports i Kigali, asabwa kuyijyana i Bugesera

Mbere yo kwemeza ko imikino izabera mu Karere ka Huye, Kigali Today yamenye ko Amagaju FC yo yabanje gutanga ikifuzo muri Rwanda Premier League ko yakwakirira Rayon Sports i Kigali ariko ibwirwa ko bidashoboka.

Ku ikubitiro Amagaju FC yasabye kuzakirira Rayon Sports kuri Kigali Pele Stadium ariko ibwirwa ko amategeko avuga ko nta kipe yakwakirira indi kuri stade ugiye kwakirwa asanzwe yakiriraho imikino. Imaze gusubizwa gutya, Amagaju FC yahinduye umuvuno isaba ko umukino yawakirira kuri Stade Amahoro ariko nabwo ihabwa igisubizo nk’icyo yahawe kuri Kigali Pele Stadium.

Amagaju FC yabwiwe ko niba atifuza kwakirira Rayon Sports kuri Stade Kamena, ahashoboka ari uko yajya kuyakirira mu Karere ka Bugesera ariko nayo ibona ntaho bitandukaniye no kuba yakwakirira i Muhanga kuko byose ari ugukinira kure kuko nibura yo yashakaga kuzana umukino i Kigali kugira ngo ibe yakwinjiza amafaranga yarenga ayari kwinjira Huye cyangwa Muhanga kuko yaba yegereye abakunzi ba ruhago byumwihariko ba Rayon Sports.

Mu mukino ubanza wabereye kuri Kigali Pele Stadium, Rayon Sports yatsinze Amagaju FC 1-0 mu gihe APR FC yahatsindiye Mukura VS 2-1.

Ni umukino wabereye kuri Stade ya Manchester City Etihad Stadium, iyi kipe inawutangira neza aho ku munota wa 16 Umufaransa Ryan Cherki yakiriye hanze y’urubuga rw’amahina umupira wari utakajwe na Arsenal maze akarwinjira acengacemga abakinnyi barimo Gabriel Magalhães kugeza kuri William Saliba atsinda igitego cya mbere.

Nyuma y’iminota ibiri, ku munota wa 18 umunyezamu wa Man City, Donarruma yahawe umupira ku kirenge maze agishakisha aho awutanga Kai Havertz amutera igitutu cyatumye akora ikora ryavuyemo igitego ahuriye n’uyu Mudage ku mupira, yishyurira Arsenal igice cya mbere kirangira ari 1-1. Mu gice cya kabiri ku munota 59 Arsenal yahushije uburyo aho Martin Ødegaard yahaye umupira mwiza Kai Havertz wateye ishoti ariko umunyezamu Donnaruma awukuramo.

Mu minota ibiri, ku munota wa 61 Arsenal yongeye guhusha uburyo bw’ibitego ku ishoti rigana mu izamu ryatewe na Ebereche Eze maze umupira wari wanacitse umunyezamu Dunarruma ugarurwa n’igiti cy’izamu cy’ibumoso.

Nyuma y’iminota ibiri, ku munota wa 64 Man City yazamukanye umupira uhabwa Erling Haaland wari mu rubuga rw’amahina afashwe na myugariro Gabriel Maghalaes.Uyu rutahizamu yarushije imbaraga uyu myugariro maze atera uyu mupira ari kugwa hasi ariko ujya mu izamu atsindira Man City igitego cya kabiri.

Ku munota wa 72 Arsenal yongeye guhusha uburyo kuri kufura yatewe iterekwa ku mutwe wa Gabriel Maghalaes wateye mu izamu ariko ufata igiti cy’izamu nanone. Arsenal yakomeje kugerageza gushaka uko yakwishyura ngo ibe yanabona intsinzi, ishyiramo abakinnyi nka rutahizamu Victory Gyokeres wari wabanje ariko iminota 90 irangira Man City ikiyoboye n’ibitego 2-1.

Abasifuzi bari bayobowe na Anthony Taylor bongereyeho iminota irindwi maze Arsenal ibonamo andi mahirwe akomeye ubwo Leandro Trossard yahinduriraga umupira iburyo maze Kai Havertz ashyiraho umutwe ugana mu izamu ariko umupira ujya hejuru y’izamu.

Iyi minota nayo yarangiye Man City ikiyoboye umukino n’ibitego 2-1 yegukana amanota atatu yatumye igira 67 ku mwanya wa kabiri irushwa na Arsenal ya mbere n’amanota 70 mu gihe Man City inafite umukino w’ikirarane.

Ni umukino u Rwanda arirwo rwatsinze toss(Gutombora gutangira ujugunya udupira(Bowling) cyangwa gutangira ukubita udupira(Batting) maze bahitamo gutangira bajugunya udupira ari nako babuza ikipe y’igihugu y’u Butaliyani gushyiraho amanota menshi gusa mu gihe biteguraga gutangira umukino hagwa imvura nyinshi yamaze igihe kinini byatumye igihe cyagenwe cy’umukino gihinduka kuko Ikipe y’igihugu y’u Butaliyani yakinnye overs 10 ishyiraho amanota 72,u Rwanda rusohoye umukinnyi umwe w’ Butaliyani (1 Wicket).

Hifashishijwe DLS( Duckworth-Lewis-Stren Method) yifashishwa mu gihe habaye ikibazo nk’icyi hemejwe ko u Rwanda rukina overs zirindwi zingana n’udupira 42 basabwamo amanota 67. Aba bari b’u Rwanda ntabwo byabakundiye kuko basoje izi overs zirindwi bashyizeho amanota 50, u Butaliyani ikaba busohoye abakinnyi batatu b’u Rwanda, u Butaliyani butsinda ku cyinyuranyo cy’amanota 16.

U Rwanda rwihimuriye kuri Vanuatu kuri iki Cyumweru

Mu mukino wa kabiri wakinwe kuri iki Cyumweru, Saa Tatu za mu gitondo, u Rwanda rwatsinze Vanuatu aho rwabanje gutsinda tombora yo guhitamo gutangira ujugunya udupira(Bowling),Cyangwa gutangira ukubita udupira(Batting) maze bahitamo gutangira badukubita barwana no gushyiraho amanota menshi.

Igice cyambere cyarangiye u Rwanda rushyizeho amanota 109,ikipe ya Vanuatu igisoza isohoye abakinnyi umunani b’u Rwanda (8 wicket).

Igice cya kabiri cyatangiye Vanuatu isabwa amanota 110 ngo itsinde uyu mukino, bitaboroheye kuko muri overs 19 n’udupira dutatu u Rwanda rwari rumaze gusohora abakinnyi bose ba Vanuatu (Allout) yari imaze gushyiraho amanota 68 gusa, u Rwanda rutsinda ku kinyuranyo cy’amanota 41. Muri uyu mukino kapiteni w’u Rwanda Marie Diane Bimenyimana niwe wabaye umukinnyi mwiza w’umukino.

Mu mukino wakurikiyeho ikipe y’igihugu ya Nepal yatsinze ku kinyuranyo cy’amanota 50 aho Nepal yashyizeho amanota 112 muri overs 20 u Butaliyani busohoye abakinnyi umunani ba Nepal (8 Wickets). U Butaliyani ntibwashoboye gukuraho icyo kinyuranyo kuko muri overs 18 n’udupira tune Nepal yari imaze gusohora abakinnyi bose babwo(All out) bushyizeho amanota 62.

Imikino izakomeza ku wa kabiri w’icyumweru gitaha, u Rwanda rwisobanura na Leta Zunze Ubumwe za Amerika Saa Tatu za mu gitondo mu gihe Vanuatu n’u Butaliyani bazisobanura Saa Saba z’igicamunsi imikino yose iri kubera kuri Stade Mpuzamahanga ya Gahanga.

Byiringiro Emmanuel ushinzwe ibikorwa by’Ishyirahamwe ry’Umukino wa Cricket mu Rwanda yavuze ko babyakiriye neza kuba barahawe kwakira iri rushanwa dore ko bigaragaza icyizere u Rwanda rufitiwe.

Ati" Ni ibintu twakiriye neza byerekana ko u Rwanda badufitiye icyizere cyo twakakira imikino neza. Iri rushanwa rivuze ikintu kinini kuri twebwe kuko ni irushanwa Mpuzamigabane.Dusanzwe twakira amarushanwa yo ku mugabane wa Afurika ariko ni ni ubwa mbere iri rushanwa ribayeho none batugiriye icyizere baduha kuryakira. Ni ibyerekana ko ICC ifitiye u Rwanda icyizere muri rusange”.

Byiringiro Emmanuel yakomeje avuga ko iki gikombe hari icyizere ko cyasigara mu Rwanda.

Ati ”Muri Cricket tumaze igihe tugerageza gutwara ibikombe cyane cyane ku bakobwa, rero hari icyizere ko n’iki twagitwara”.

Ikipe y’igihugu y’u Rwanda igizwe n’abakinnyi barimo Bimenyimana Diane, Utagushimaninde Fanny, Ishimwe Gisele, Umutoniwase Clarisse, Niyomuhoza Shakila, Ishimwe Henriette, Ikuzwe Alice, Murekatete Belyse, Uwase Geovanis, Irera Rosine, Shimwamana Rosette, Irakoze Flora, Uwase Merveille na Uwimana Ruth.

Gahunda y’imikino yose muri rusange

Ni irushanwa Mpuzamahanga rya Karate rihuza ibyiciro by’abana, ingimbi n’abakuru mu bahungu n’abakobwa kuva ku myaka itandatu y’amavuko kuzamura aho kuri iyi nshuro ya kane rigiye kuba rizabera mu Mujyi wa Kigali mu gihe inshuro eshatu zabanje zose ryabereye mu Mujyi wa Huye.

Muri iri rushanwa byumwihariko bakina barushanwa mu kwiyerekana(Kata) abana barushanwa hakurijwe ibyiciro by’imyaka mu gihe abakuru barushanwa mu kurwana(Kumite) hakurijwe ibyiciro by’ibiro babarirwamo nkuko biteganywa n’Ishyirahamwe ry’umukino wa Karate ku Isi. Iri rushanwa kandi rinarangwa nuko mu gutanga amanota hifashishwa ikoranabuhanga rigezweho kandi hakanakoreshwa ikoranabunga ry’amashusho biha umutoza uburenganzira bwo kubaza igihe umukinnyi we atahawe amanota yabonye.

Mwizerwa Dieudonne, umuyobozi wa Zanshin Sport Solutions itegura iri rushanwa avuga ko kwiyandikisha bizatangirana n’ukwezi kwa Kamena kugeza mu mpera za Nyakanga, 2026 kandi uyu mwaka biteguye neza ndetse hari abakinnyi bakomeye bazitabira n’abasifuzi Mpuzamahanga ku mugabane wa Afurika bazaturuka mu bihugu bitandukanye yongera gukangurira amakipe kwandikisha abakinnyi hakiri kare kandi benshi anasaba abandi kuzaza gushyigikira abazaba bakina.

Ibi byatangarijwe mu itangazo ryashyizwe hanze n’Ishyirahamwe ry’Umupira w’Amaguru mu Rwanda aho ryavuze ko kuri uyu wa Kane, ku cyicaro gikuru cya FERWAFA haabereye inama yahuje ubuyobozi bwayo, Perezida wa Kyovu Sports David nkurunziza, Perezida wa Rayon Sports, Murenzi Abdallah n’umutoza Francis Christian Haringingo ubwe.

Iyi nama yize ku kibazo cy’uyu mutoza uherutse gusezera Kiyovu Sports ajya muri Rayon Sports ariko akibwa ibyangombwa kuko Kiyovu Sports yavugaga ko yagiye mu buryo budakurikije amategeko batigeze bishimira. FERWAFA yavuze ko nyuma y’ibiganiro byahuje impande zose kugira ngo uyu mutoza ahabwe uruhushya rwo gutoza zumvikanye ko yemererwa gutoza ikipe ya ikipe ya Rayon Sports mu buryo bwubahirije amategeko.

Haringingo Francis utari watoje umukino wa Gicumbi FC kubera ibi bibazo, azatoza umukino we wa mbere kuva agarutse muri Rayon Sports yatoje mu 2023, ku Cyumweru tariki 19 Mata 2026 ubwo iyi kipe izaba yasuye Rutsiro FC mu mukino w"umunsi wa 27 wa shampiyona uzabera mu karere ka Rubavu.

Ni ibiciro biri mu byiciro bibiri, aho kugeza tariki 27 Mata 2026 ahasigaye hose muri Stade Amahoro ariko hejuru ari ibihumbi 2 Frw, hasi hakaba ibihumbi 3 Frw, ibihumbi 10 Frw ahiswe Classic Seat, ibihumbi 20 Frw muri VIP, VVIP ibihumbi 40 Frw, Executive Seat yishyurwe ibihumbi 100 Frw mu gihe Sky Box izishyurwa miliyoni 1 Frw.

Nyuma y’iyi tariki ibiciro bizahinduka, ahasanzwe hejuru hishyurwe ibihumbi 3 Frw, hasi ibihumbi 5 Frw, Classic Seat yishyurwe ibihumbi 15 Frw, VIP ibihumbi 30 Frw, VVIP yishyurwe ibihumbi 50 Frw, Executive Seat hishyurwe ibihumbi 150 Frw mu gihe Sky Box izishyurwa miliyoni 2 Frw.

Mu mukino ubanza,wabaye tariki 8 Ugushyingo 2026 ikipe ya APR FC yatsinze Rayon Sports ibitego 3-0.

Ibi byabaye nyuma y’imikino yo kwishyura ya 1/4 yabaye muri iri joro muri Espagne aho Atletico Madrid yari yakiriye FC Barcelona yayihatsindiye 2-1 mu gihe Liverpool mu Bwongereza yari yakiriye PSG yayitsindiye mu rugo 2-0.

Ikipe ya FC Barcelona yari yatsindiwe mu rugo ibitego 2-0 mu rugo mu mukino ubanza yatangiye ku munota wa kane itsinda igitego cya mbere cyatsinzwe na Lamine Yamal inabona icya kabiri ku munota wa 24 cyatsinzwe na Ferran Torres. Kugeza ku munota wa 30, amakipe yombi yashoboraga kwitabaza iminota 30 y’inyongera byakwanga bagatera penaliti ariko iyi mibare yishwe n’Umunya-Nigeria Ademola Lookman watsindiye Atletico Madrid igitego cya mbere ku munota wa 31.

Igice cya mbere cyarangiye FC Barcelona ifite ibitego 2-1 ariko ku giteranyo Atletico Madrid ifite ibitego 3-2 maze mu gice cya kabiri ku munota wa 57 FC Barcelona ibona igitego cyatsinzwe na Ferran Torres nanone ariko cyangwa kubera ko habayemo kurarira. FC Barcelona yakomeje gushaka igitego cyatuma binjira mu minota wa 30 y’inyongera banganya 3-3 ariko iminota 90 isanzwe irangira igifite 2-1 ndetse n’inyongera umunani ishira bimeze gutyo, isezererwa ku giteranyo cy’ibitego 3-2 mu mikino ibiri.

Mu wundi mukino wabereye mu Bwongereza, Liverpool yahatsindiwe na PSG ibitego 2-0 isezererwa itsinzwe ibitego 4-0 mu mikino ibiri. Ni ibitego byatsinzwe na Ousmane Dembele ku munota wa 72 ku ishoti yatereye hanze y’urubuga rw’amahina umunyezamu Giorgi Mamardashvili akananirwa kurikuramo ndetse n’icyo yatsinze ku munota wa wa mbere w’inyongera muri itandatu yongereweho.

Ibi bitego byaje bikurikira uburyo bwinshi bwahushijwe na Liverpool ku bakinnyi barimo Rio Ngumoha, Virgil Van Dijk aho harimo akazi kagiye gakorwa n’umunyezamu Matvéi Safónov wa PSG ndetse na penaliti Liverpool yari ibonye ku munota wa 66 ariko VAR ivuga ko nta kosa ryakorewe Alexis Mac Allister.

PSG yasezereye Liverpool, muri 1/2 izahura n’ikipe izakomeza hagati ya Bayern Munich irakira Real Madrid kuri uyu wa Gatatu Saa Tatu z’ijoro aho umukino ubanza iyi kipe yo mu Budage yatsinze ibitego 2-1 mu gihe Atletico Madrid yasezereye FC Barcelona izahura n’ikipe ikomeza hagati ya Arsenal yakira Sporting CP aho mu mukino ubanza, Arsenal yari yatsinze igitego 1-0.

Gusezererwa kwa Liverpool bivuze ko iyi kipe uyu mwaka nta gikombe na kimwe izatwarwa kuko iri ku mwanya wa gatanu muri shampiyona y’u Bwongereza mu gihe yasezerewe mu bikombe bya FA Cup na Carabao Cup.

Uyu mukino kandi wari uwa nyuma wa UEFA Champions League Mohamed Salah na Andy Robertson bakiniye Liverpool aho byumwihariko urugendo rwabo muri iri rushanwa muri iyi kipe barusoreje mu rugo,dore ko mu mpeshyi y’uyu mwaka bazayivamo aho bombi bayihesheje iki gikombe mu 2019.

Iyi kipe iri kwitegura umukino wa mbere w’ijonjoro ry’ibanze ryo gushaka itike y’lgikombe cy’lsi izahuriramo na Zambia kuri uyu wa Gatanu, yasuye uru Rwibutso rwa Jenoside rwa Kigali, mu gihe u Rwanda n’Isi yose muri rusange kuva tariki 7 Mata 2026 rwatangiye iminsi ijana yo Kwibuka ku nshuro ya 32 Jenoside yakorewe Abatutsi mu 1994 ndetse n’Icyumweru cy’Icyunamo cyasojwe kuri uyu wa Mbere tariki 13 Mata 2026.

Ubwo basuraga uru Rwibutso, abakinnyi ndetse n’abatoza babo basobanuriwe amateka amateka yagejeje kuri Jenoside yakorewe Abatutsi mu 1994 yatwaye ubuzima bw’abarenga miliyoni bazira uko bavutse, banashyira indabo ku mva zishyinguyemo abarenga 250, 000 baranabunamira mu rwego rwo kubasubiza agaciro bambuwe bicwa urw’agashinyaguro.

U Rwanda ruzakira Zambia kuri uyu wa Gatanu, Saa Cyenda kuri Kigali Pele Stadium mu gihe umukino wo kwishyura uzabera muri Zambia tariki 22 Mata 2026.

Ibi iyi kipe yabitangaje binyuze mu mashusho yashyize hanze mu gitondo cyo kuri uyu wa Kabiri, yagaragayemo abakinnyi barimo umunyezamu David Raya, myugariro Ben White ndetse na myugariro Jurien Timber wavuze ko bifatanyije n’Abanyarwanda.

Ati "Ku nshuro ya 32 twibuka Jenoside yakorewe Abatutsi mu 1994, turaha icyubahiro ababuze ubuzima kandi twifatanyije n’Abanyarwanda."

Kuva yatangira gukorana n’u Rwanda mu 2018 muri gahunda ya Visit Rwanda binyuze mu Kigo cy’Igihugu cy’Iterambere(RDB), Arsenal buri mwaka yifatanya n"Abanyarwanda mu bihe byo Kwibuka Jenoside yakorewe Abatutsi mu 1994, itanga ubutumwa.

Mu ikipe ya PSG naho, abarimo Kapiteni Marquinhos, Vitinha, Bradly Barcola, Desire Doue nibo bahagarariye bagenzi babo mu gutanga ubutumwa bwo Kwibuka.

Bavuze ko bifatanyije n’Abanyarwanda baha agaciro abarenga miliyoni imwe bazize uko bavutse ndetse banakomeza abarokotse.

Bati "Uyu munsi turibuka ku nshuro ya 32 Jenoside yakorewe Abatutsi mu 1994 mu Rwanda.Twifatanyije n’u Rwanda kwibuka Jenoside yakorewe Abatutsi mu 1994, duha icyubahiro abarenga miliyoni babuze ubuzima, tunifuriza abarokotse gukomera."

Ikirango gishya cya Rwanda Premier League

Iki kirango gikubiyemo intego, indangagaciro za Rwanda Premier League n’ibyishimo biranga abareba Shampiyona y’umupira w’amaguru mu Rwanda. Hari kandi umwihariko wo gusigasira no kurinda umupira w’amaguru w’u Rwanda nk’imwe mu ntego za Rwanda Premier League, imisozi igihumbi itatse urwa Gasabo n’ingabo nk’ikimenyetso cyo kurinda umupira w’amaguru.

Iki kirango kandi gifite ishusho y’igikombe nka kimwe mu bihembo bihabwa uwahize abandi muri shampiyona gitangira gukoreshwa guhera kuri uyu wa Mbere tariki 6 Mata 2026 gisimbuye icyo Rwanda Premier League yatangiranye mu Ukwakira 2023 ubwo nayo yatangiraga gukora.

Ikirango Rwanda Premier League yari isanzwe ikoresha

Ni umukino wabereye mu Mujyi wa Guadalajara muri Mexico, aho Repubulika Iharanira Demokarasi ya Congo yageze isezereye Nigeria muri kamarampaka zo ku mugabane wa Afurika, maze Iminota 90 isanzwe y’umukino irangira amakipe yombi anganya 0-0, DRC yatsinze ibitego bibiri ariko bagasanga baraririye.

Nkuko amategeko y’iyi mikino yabivugaga, hagombaga kongerwaho iminota 30 igizwe n’uduce tubiri buri kamwe gafite iminota 15, maze mu ka mbere ubwo umukino wari ugeze ku munota w’i 100, DRC ibona koroneri yatewe umupira ugasanga myugariro Axel Tuanzebe mu rubuga rw’amahina wahise awushyira mu izamu rya Jamaica.

Agace ka mbere k’iminota 30 y’inyongera karangiye DRC akaguru kamwe kari mu Gikombe cy’Isi 2026, ndetse mu gace ka kabiri ikomeza guhagarara kuri iki gitego kugeza iminota 120 yuzuye. Iyi minota nayo yongereweho indi itandatu kuko ubwo umukino wari ugeze ku munota w’i 113 umusifuzi wo hagati Facundo yavunitse agasimbuzwa uwa kane, ariko n’ubundi urangira Repubulika Iharanira Demokarasi ya Congo ikoze amateka ibonye itike yo gukina iri rushanwa riruta ayandi muri ruhago ku Isi nk’igihugu cya 10 kizaba gihagarariye Afurika mu Gikombe cy’Isi 2026.

Repubulika Iharanira Demokarasi ya Congo yaherukaga Igikombe cy’Isi mu 1974 ubwo yitwaga Zaire aho yavuyeyo nta mukino numwe itsinze ahubwo itsinzwe ibitego 14 mu mikino itatu yose yakinnye mu itsinda birimo 9-0 yatsinzwe n’icyahoze ari Yugoslavia. Nyuma yo kubona itike iki gihugu cyahise kijya mu itsinda rya 11 ririmo
Portugal bazanaka umukino wa mbere tariki 18 Kamena 2026, Uzbekistan na Colombia.

Ntabwo ari Repubulika Iharanira Demokarasi ya Congo gusa yabonye itike y’igikombe cy’Isi 2026 binyuze muri kamarampaka kuko, ku mugabane w’i Burayi, ikipe y’u Butaliyani yongeye guhusha gukina iri rushanwa ku nshuro ya gatatu yikurikiranya nyuma yo gutsindwa na Bosinia & Herzegovina kuri penaliti 4-1, banganyije 1-1 mu minota 120.

Ibi byatumye u Butaliyani butazakina Igikombe cy’Isi nk’uko byagenze 2018 na 2022 kuko bugiherukamo 2014. Ikipe y’igihugu ya Sweeden yabonye itike itsinze Poland ibitego 3-2, Turkey iyobona itsinze Kosovo igitego 1-0 mu gihe Repubulika ya Czech yayibonye itsinze Denmark kuri penaliti 3-1 nyuma yo kunganya igitego 1-1 mu minota 120.

Igaruka ry’uyu mutoza w’Umurundi watozaga Kiyovu Sports kuva mu mpeshyi ya 2025, ryatangarijwe ku mbugankoranyambaga za Rayon Sports aho yavuze ko yishimiye kugaruka kwe nyuma y’iminsi 1035.

Yagize iti" Twishimiye gutangaza igaruka ry’umutoza mukuru Haringingo Francis nyuma y’iminsi 1035."

Haringingo Francis yatoje Rayon Sports umwaka umwe kuva mu mpeshyi ya 2022 kugeza mu mpeshyi ya 2023 aho muri shampiyona yabaye uwa kabiri ariko muri uwo mwaka afasha Rayon Sports kwegukana Igikombe cy’Amahoro 2023 atsindiye APR FC igitego 1-0 cya Eric Ngendahimana ku mukino wa nyuma.

Iyi hoteli yatangiye kubakwa muri Kanama 2015 biteganyijwe ko yuzura mu mpera za 2016, yafunguwe ku mugaragaro na Minisitiri wa Siporo Nellly Mukazayire afatanyije n’Umunyamabanga w’Impuzamashyirahamwe y’Umupira w’Amaguru ku Isi Mattias Grafstöm bari baherekejwe na Perezida w’Impuzamashyirahamwe y’Umupira w’Amaguru mu Rwanda (FERWAFA), Shema Ngoga Fabrice.

Iyi hoteli y’inyenyeri enye umushinga wayo watangiye igomba kuba igizwe n’ibyumba 88 yatangiye gukora mu mpera z’umwaka wa 2025 yagombaga kuzura itwaye miliyoni 4 z’amadolari, arenga miliyari 4 Frw yari kuva ku baterankunga babiri b’ingenzi ari bo Impuzamashyirahamwe y’Umupira w’Amaguru ku Isi ndetse n’Ishyiraramwe ry’Umupira w’Amaguru muri muri Maroc.

Nyuma yo guhura n’imbogamizi zitandukanye, ikamara imyaka irenga icumi itari yuzura, hubatswe igice cyayo kimwe kigizwe n’ibyumba 42, ibyumba bibiri binini byo kuriramo, ibyumba bitandukanye bizifashishwa nk’ibiro n’ibindi byumba bibiri binini by’inama aho mu ntangiriro za 2023 ari bwo imirimo yo kubaka iki gice cy’umushinga wose cyarangiye mu gihe cyari cyarasubukuwe muri Kamena 2021. Uretse hoteli kandi, imbere yayo hubatswe ikibuga kizajya gifasha mu myitozo mu gihe uretse amakipe atandukanye azajya ahitegurira, iyi hoteli kandi izajya yakira n’abantu basanzwe bahasohokera.

Hoteli ya FERWAFA mu bikorwa byagizwemo uruhare na FIFA byatashywe ku mugaragaro

Ubwo bari kuri hoteli ya FERWAFA kandi, Minisitiri wa Siporo Nellly Mukazayire, Umunyamabanga wa FIFA Mattias Grafström na Perezida w’Ishyirahamwe ry’Umupira w’Amaguru mu Rwanda Shema Ngoga Fabrice bari kumwe n’abandi bayobozi batandukanye, bashyikirije bamwe mu bana bakina umupira w’amaguru inkweto zo gukinana binyuze mu mushinga wa FIFA Boots for All ugamije kugeza inkweto kuri buri wese mu rwego rwo guteza imbere umupira w’amaguru kuri bose.

Abana bahawe inkweto zo gukinana binyuze mu mushinga wa FIFA Boots for All

Mu bindi bikorwa byafunguwe harimo ikibuga gito (Mini Pitch) giherereye ku Ishuri Ryisumbuye rya Kagarama mu Karere ka Kicukiro, cyikaba kimwe mu bibuga icumi bito cyane Impuzamashyirahamwe y’Umupira w’Amaguru ku Isi yemereye u Rwanda mu mushinga wa FIFA Arena bizaba bingana na metero 40x20 aho bizubakwa mu turere icyenda tw’u Rwanda hagamijwe guteza imbere impano z’abakiri bato mu gihe biziyongeraho ibindi bibuga 20 byemewe na Perezida w’Impuzamashyirahamwe y’Umupira w’Amaguru ku Isi Gianni Infantino ubwo yari mu Rwanda.

Ikibuga gito (Mini Pitch) giherereye ku Ishuri Ryisumbuye rya Kagarama mu Karere ka Kicukiro, ni kimwe mu bibuga icumi bito cyane Impuzamashyirahamwe y’Umupira w’Amaguru ku Isi yemereye u Rwanda mu mushinga wa FIFA Arena cyatashywe ku mugaragaro

Ibindi bibuga icyenda bizubakwa muri St Joseph Kabgayi mu Karere ka Muhanga, TTC Save mu Karere ka Gisagara, GSOB mu Karere ka Huye, GS Kabare mu Karere ka Ngoma, ES Nyamirama na IPM Mukarange mu Karere ka Kayonza, Collège Inyemeramihigo mu Karere ka Rubavu, Collège SINA Gerard mu Karere ka Rulindo ndetse n’ikizubakwa na Lycée de Kigali mu Karere ka Nyarugenge.

FIFA isanzwe ifatanya n’u Rwanda mu mishinga itandukanye igamije guteza imbere umupira w’amaguru cyane cyane haherewe mu mpano ziri mu bakiri bato haba mu bakobwa ndetse n’abahungu, aho ibi bikorwa byose byatashywe muri iki gihe u Rwanda rwakiraga imikino Mpuzamahanga ya gicuti FIFA Series 2026 yatangiye gukinwa tariki 26 kugeza 30 Werurwe 2026.

Kigali Fight Night izitabirwa abakinnyi 18 babigize umwuga baturutse mu bihugu bitandukanye birimo u Rwanda, Uganda,Cameroon,Gabon,Tanzania, Nigeria, Repubulika Iharanira Demokarasi ya Congo,Malawi n’ibindi aho kuri iyi nshuro abategura irushanwa bavuga ko urwego rw’abitabira rugaragaza ko iri rushanwa rikomeje kugira uruhare rukomeye mu guteza imbere iteramakofe muri Afurika no mu Rwanda .

Iri rushanwa rizitabirwa n’abatoza Mpuzamahanga bazwi cyane baturutse muri Leta Zunze Ubumwe za Amerika, u Bwongereza na Dubai aho bizatanga amahirwe akomeye yo kungurana ubumenyi, gushakisha impano nshya, no gufasha abarwanyi b’Abanyafurika kugera ku rwego mpuzamahanga.Imwe mu mikino izaba ihanzwe amaso cyane, irimo uwo Tamba Merlin azahuramo na Yusufu Changarawe mu mukino w’ingenzi, Jerry Katamba (DRC) ahure na Ali Mkojani (Tanzaniya), ndetse na Kingbo Hans (Gabon) uzakina na Taafu Odoyi (Uganda).

Abategura Kigali Fight Night bavuga ko uyu mwaka izaba itandukanye n’iya 2025

Iyi mikino kandi izakinwa no mu bagore aho hazaba imikino ikomeye irimo Daniella Muleketsi (DRC) uzakina na Martha Akinyi (Uganda), ndetse na Nene Joy Ojo (Nigeria) uzakina na Leila Yazidu (Tanzaniya).Uretse imikino y’ababigize umwuga, hazaba n’imikino irindwi y’abakinnyi bakizamuka mu Rwanda igamije kubaha urubuga rwo kwigaragaza no kwitegura kuzaba abakinnyi bakomeye mu gihe kizaza.

Imiryango izafungurwa guhera Saa Munani z’amanywa aho abazitabira bazanataramana n’abahanzi barimo abaraperi Bull Dogg na Riderman mu gihe imikino nyamukuru izatangira Saa Kumi n’Imwe z’umugoroba. Muri rusange, Kigali Fight Night ni igikorwa gikomeye kigiye gushyira Kigali ku ikarita y’isi mu bijyanye na siporo, cyane cyane iteramakofe, kikaba n’irembo ku bakinnyi b’Abanyafurika bashaka kugera ku rwego mpuzamahanga.

Mohamed Salah yatwaranye shampiyona ebyiri na Liverpool

Ibi Mohamed Salah yabitangarije mu mashusho yanyujije ku mbugankoranyambaga ze ku mugoroba wo kuri uyu wa Gatatu.

Ati" Mu byukuri, umunsi wageze. Iki ni igice cya mbere cyo gusezera kwanjye. Mu mpera z’umwaka w’imikino nzava muri Liverpool. Ndatangira mvuga ko ntigeze ntekereza uburyo iyi kipe, uyu Mujyi(Liverpool) abantu bizaba igice cy’ubuzima bwanjye.Liverpool ntabwo ari ikipe gusa. Ni urukundo, ni amateka, ni umuryango ntashobora gusobanurira mu magambo umuntu wese utagize iyi kipe."

Mohamed Salah wafashije Liverpool gutwara Shampiyona y’u Bwongereza mu 2020 yari imaze imyaka 30 idatwara ndetse na UEFA Champions League yatwaye mu 2019, yakomeje ashimira bagenzi be ndetse n’undi wese wari mu myaka icyenda yahabaye.

Ati "Twishimiye intsinzi, twegukana ibikombe by’ingenzi tunarwanira hamwe mu bihe bikomeye mu buzima bwanjye.Ndashimira buri wese wari ugize iyi kipe mu gihe cyanjye hano byumwihariko bagenzi banjye twakinanye, mu gihe cyashize, ubu ndetse n’abafana."

Salah yasoje ubutumwa bwe avuga ko kugenda bitoroshye ndetse ashimira abafana bamubaye hafi mu bihe byiza n’ibibi ababwira ko ari umwe muri bo kandi kubera bo atazigera abagenda wenyine nk’uko bawira ikipe yabo ko itazigera igenda yonyine.

Ati" Nta magambo ahagije mfite. Kunshyigikira mwanyeretse mu bihe byanjye byiza by’urugendo rwanjye ndetse no kumba hafi mu bihe bikomeye, ni ibintu ntazibagirwa kandi nzahorana iteka. Kugenda ntabwo byoroshye, mwampaye ibihe byiza by’ubuzima bwanjye. Nzahora ndi umwe muri mwe, iyi kipe izahora ari mu rugo kuri njyewe n’umuryango wanjye. Mwarakoze kubwa buri kimwe cyose. Kubera mwebwe mwese ntabwo nzigera ngenda njyenyine."

Mohamed Salah azava muri Liverpool umwaka w’imikino 2025-2026 urangiye

Salah wari ugifite amasezerano muri Liverpool agiye gute? Kubera iki?

Mohamed Salah wageze muri Liverpool mu 2017 avuye muri AS Roma yaherukaga kongera amasezerano y’imyaka ibiri yari kuzarangira mu mpeshyi ya 2027 akiyikinira.Hagati y’Ugushyingo n’Ukuboza 2025, Mohamed Salah yagiranye umubano mubi n’umutoza Arne Slot yafashije gutwara igikombe cya shampiyona 2024-2025, nyuma y’uko yari amaze imikino itatu ashyirwa ku ntebe y’abasimbura maze ariko ubwo banganyaga na Leeds United 3-3 tariki 6 Ukuboza 2025 aganira n’abanyamakuru avuga ko hari umuntu utamushaka mu ikipe.

Ati" Hari umuntu utanshaka mu ikipe."

Nyuma y’aya magambo yatangaje, ku wa Mbere tariki 8 Ukuboza 2025, umutoza Arne Slot wateguraga umukino wa Champions League yavuze ko ikintu cya nyuma aheruka kuvugana na Mohamed Salah kwari ukumubwira ko atari mu bakinnyi bari kujya mu Butaliyani gukina umukino wahuje Liverpool na Inter tariki 9 Ukuboza 2025.

Kuva yavuga amagambo akomeye yatumye akurwa mu ikipe yagiye mu Butaliyani, Salah witeguraga kujya mu Gikombe cya Afurika 2025 hamwe na Misiri, tariki 13 Ukuboza 2025 yongeye kugaragara ku rupapuro rw’umukino ndetse aninjira asimbuye mu mukino wa shampiyona Liverpool yatsinzemo Brighton ibitego 2-0 yanatanzemo umupira wavuyemo igitego.

Ibyabaye icyo gihe byatumye, hakomeza gutekerezwa ahazaza h’uyu mugabo waherukaga kongera amasezerano y’imyaka ibiri mu mpeshyi ya 2025, hagendewe ku mubano mubi wari umaze kuba hagati ye n’umutoza Arne Slot. Uyu mubano mubi usa nkaho uri mu byatumye uyu mugabo w’imyaka 33 n’umuryango we bafata umwanzuro wo kuva mu Mujyi wa Liverpool, mu mpeshyi ya 2026 aho iyi kipe yamwemereye kuzagenda yigurishije nubwo yari ayisigaraniye amasezerano y’umwaka umwe.

Mohamed Salah asigiye iki Liverpool mu mibare n’ibikombe?

Kugeza uyu munsi myaka icyenda Mohamed Salah amaze muri Liverpool amaze gukina imikino 435 yatsinzemo ibitego 255 agatangamo imipira 122 yavuyemo ibitego byatsinzwe na bagenzi be. Ibi byose yakoze muri iyi myaka byatumye afasha Liverpool kwegukanamo ibikombe icumi(10) birimo Shampiyona ebyiri yatwaye 2019-2020 n’iya 2024-2025, Igikombe kiruta ibindi ku mugabane w’i Burayi yatwaye mu 2019 nyuma ya UEFA Champions League yatwaye n’ubundi muri uwo mwaka.

Ibi bikombe kandi byiyongeraho, Igikombe cy’Isi cy’amakipe yatwaranye na Liverpool mu 2019, FA Cup batwaye mu 2022, Carabao Cup ya 2022 na 2024, ndetse na FA Community Shield nayo yo mu 2022.

Salah yashimiye abafana babanye mu bibi n’ibyiza

Ku giti cye Mohamed Salah yegukanye ibihembo bitandukanye, birimo kuba inshuro enye umukinnyi watsinze ibitego byinshi muri shampiyona y’u Bwongereza 2017-2018 atsinda ibitego 32, 2018/19 atsinda ibitego 22 yasangiye na Sadio Mané bakinanaga ndetse na Pierre-Emerick Aubameyang,
2021/22 yatsinze ibitego 23 yasangiye na Son Heung-min wakiniraga Tottenham ndetse n’umwaka wa
2024/25 yatsinzemo ibitego 29 .

Ku giti cye kandi Mohamed Salah yatwaye ibihembo bibiri nk’umukinnyi mwiza w’umwaka muri shampiyona 2017-2018 na 2024-2025 mu gihe yanabaye umukinnyi mwiza w’ukwezi muri iyi shampiyona inshuro zirindwi.

Mohamed Salah agiye yaherukaga kongera amasezerano mu mpeshyi ya 2025, aho azagenda yari asigaje umwaka umwe

Ni imyitozo yatangiye kuri uyu wa Mbere aho iri kubera ku kibuga cy’imyitozo cy’ahazwi nko kuri FERWAFA i Remera, ikorwa n’abakinnyi batandukanye barimo abakina imbere mu gihugu n’abakina hanze y’u Rwanda bamaze kuhagera.Mu gihe abandi batangiye imyitozo kuri uyu wa Mbere, Jojea Kwizera, Samuel Samuel Gueulette, Kavita Phanuel bageze mu Rwanda kuri uyu wa Mbere mu gihe hasigaye Hakim Sahabo.

U Rwanda ruzakina umukino wa mbere n’ikipe ya Grenada tariki 27 Werurwe 2026, Saa Tatu z’ijoro kuri Stade Amahoro aho muri rusange iyi mikino izitabirwa n’ibihugu umunani bizaba bigabanyije mu matsinda abiri, aho irya mbere ririmo u Rwanda, Kenya, Estonia na Grenada irya kabiri rikabamo Tanzania, Aruba, Liechtenstein na Macau.

Uyu mukino ubusanzwe wagombaga kubera kuri Kigali Pele Stadium ku Cyumweru, Saa Cyenda z’igicamunsi ariko wimurirwa kuri Stade Amahoro kuri uwo munsi Saa Yine z’ijoro ibyo Gasogi United itakojejwe kugeza yanze kujya kuwukina igaterwa mpaga. Ubwo yaganiraga n’itangazamakuru nyuma yibyabaye, Umuyobozi Nshingwabikorwa wa Rwanda Premier League Jules Karangwa yavuze ko iyi kipe bayimenyesheje byose kandi mu nzira zikwiriye nubwo yo ivuga ko atari ko byagenze.

Abajijwe niba hari impamvu z’amafaranga Gasogi United yaba yarifuzaga zatumye ititabira uyu mukino, Jules Karangwa yavuze ko mu buryo bw’ibizwi, mu byo bagiye bagirana na Gasogi United iyo mpamvu ntayo bazi icyakora avuga ko Perezida KNC yavuze ko mu buryo bw’imyiteguro hari icyo bizahombya.

Ati" Mu byo yatwandikiye nta hantu na hamwe yigeze avugamo amafaranga, icyakoze mu byo yavuze, yavuze ko impinduka hari igihombo zizateza."

Rayon Sports yahawe amafaranga na Al Hilal SC ngo yimure umukino?

Amakuru yizewe agera kuri Kigali Today ahamya ko ikipe ya Rayon Sports yahawe n’ikipe ya Al Hilal SC miliyoni 13 Frw, kugira ngo yemere kujyana umukino kuri Stade Amahoro ukinwe nyuma y’uwo kwishyura wa 1/4 cya CAF Champions League, iyi kipe yo muri Sudani yari yakiriyemo RS Berkane ku isaha ya Saa Kumi n’Ebyiri z’umugoroba tariki 22 Werurwe 2026.

Ibi ikipe Al Hilal SC yabikoze mu rwego rwo kugira ngo ibone abakunzi benshi ba ruhago biganjemo Aba-Rayons bari kuza kuyishyigikira nubwo nubundi byarangiye itsinzwe na RS Berkane igitego 1-0 ndetse ikanasezererwa itageze muri 1/2 cya CAF Champions League 2025-2026.

Kuri iyi ngingo kandi Jules Karangwa yavuze ko ibyo Gasogi United yakoze, yabikoze nyamara mu Ugushyingo 2025, nayo umukino yari kwakiramo Kiyovu Sports warakuwe kuri Kigali Pele Stadium ugashyirwa kuri Stade Amahoro ku mpamvu zisa neza n’izatumye himurwa uwo bari kwakirwamo na Rayon Sports, hagamijwe gushyigikira Al Hilal SC mu mikino Nyafurika.

Guhabwa amafaranga kwa Rayon Sports birahura neza neza n’ibyabaye mu Ugushyingo 2025, ubwo Gasogi United nayo yahabwaga abarirwa muri miliyoni 3 Frw na Al Hilal SC kugira ngo yemere ko umukino wayo ujyanwa kuri Stade Amahoro ngo ukurikire uwa mbere w’amatsinda ya CAF Champions League iyi kipe yatsinze MC Alger ibitego 2-1.

Iri tangwa ry’amafaranga, niryo rifatwa nk’imbarutso yo kwanga gukina umukino dore ko Perezida KNC mu biganiro yagiye avuga ko impinduka zizagira ingaruka ku myiteguro mu buryo bw’amafaranga nubwo atabitanze nk’impamvu yo kudakina.

Kudahabwa amafaranga ariko bisa nk’ibyabaye ubwo bakiraga Kiyovu Sports nayo ihinduriweho ikibuga ikajyanwa kuri Stade Amahoro nubwo amakuru agera kuri Kigali Today ahamya ko impande zombi ziyumvikaniye Kiyovu Sports ikavuga ko nta kibazo ifite cyatuma ihabwa amafaranga.

Kwanga gukina Gasogi United ibivugaho iki?

Mu kiganiro Rirarashe gitambuka kuri Radio TV 1 muri iki gitondo Perezida wa Gasogi United KNC yarahiriye ko Rwanda Premier League itigeze imumenyesha impinduka.

Ati" Ndahiriye hano imbere y’Imana isumba byose inkuba inkubitire muri Studio mutange iyo baruwa mwahaye Gasogi United. Nimuyizane, mureke gucanganyikisha abantu, muyishyire hanze."

KNC abinyujije mu rubuga rwe rwa X kandi yasabye abakunzi ba ruhago gutuza amategeko akazatanga ubutabera.

Ati" Mwaramutse bakunzi b’umupira wamaguru. Ndasaba ko dutuza amategeko akazatanga ubutababera."

Guterwa mpaga kwa Gasogi United byahaye Rayon Sports amanota atatu byatumye igira, 42 ayishyira ku mwanya wa kane ku rutonde rw’agateganyo rwa Shampiyona y’Icyiciro cya Mbere mu Rwanda mu gihe iyi kipe izanishyura miliyoni 2 Frw.

Gasogi United ivuga ko itamenyeshejwe mu buryo bukwiriye

Ni irushanwa rito ry’imikino ya gicuti rizahuriza ibihugu umunani mu Rwanda hagati y’itariki 26 na 30 Werurwe 2026 aho abakinnyi 31 baheruka guhamagarwa batangiye umwiherero bitegura iyi mikino aho uwa mbere u Rwanda ruzawukina na Grenada tariki 27 Werurwe 2026, Saa Tatu z’ijoro kuri Stade Amahoro.

Ibi bihugu umunani bizaba bigabanyije mu matsinda abiri, aho irya mbere ririmo u Rwanda, Kenya, Estonia na Grenada irya kabiri rikabamo Tanzania, Aruba, Liechtenstein na Macau.

Ibi byabaye ku Cyumweru, tariki 22 Werurwe 2026, aho 1º de Agosto yashakaga ko uyu mukino wayo ukinirwa kuri Stade yayo França Ndala ariko Ishyirahamwe ry’Umupira w’Amagaru muri Angola rikawushyira kuri Stade yitiriwe Tariki 11 Ugushyingo.

Ku munsi w’umukino ikipe ya 1º de Agosto yagiye kuri Stade yayo França Ndala aho yifuzaga ko umukino ubera maze Petro de Luanda yo ijya kuri Stade yitiriwe Tariki 11 Ugushyingo ahari n’abasifuzi mu gihe nta musifuzi wari kuri stade yariho 1º de Agosto.

Nk’uko bisanzwe bigenda mbere y’umukino, ikipe ya Petro de Luanda yari ku kibuga cyemejwe nk’icyakira umukino, yarishyuhije, igihe cyo gutangira umukino Saa Kumi n’Igice zo mu Rwanda, kigeze isohokana n’abasifuzi bategereza iminota 15 uhereye isaha umukino wari utangiriraho irangiye batera 1º de Agosto mpaga y’ibitego 3-0.

Abakinnyi ba Petro de Luanda ubwo bari bategereje ko mpaga yemezwa

Ni umukino watangite Saa Kumi n’Ebyiri n’Igice wari utegerejwe hagati y’aya makipe anahanganiye shampiyona uyu mwaka maze igice cya mbere cyawo kirangira amakipe yombi anganya 0-0.

Mu gice cya kabiri Man City yigaranzuye Arsenal ubwo ku munota wa 61 Nico O’Reilly yatsindaga igitego cya mbere akanongeramo icya kabiri ku munota wa 61 ahawe umupira na Matheus Nunez.

Arsenal yarwanye no kuba yakwishyura ariko umukino urangira itsinzwe na Man City ibitego 2-0 yanahise yegukana iki gikombe ku nshuro ya cyenda.

Arsenal yatsindiwe ku mukino wa nyuma wa Carabao Cup ku nshuro ya karindwi dore yanahatsindiwe mu 1968, 1969, 1988, 2007, 2011, 2018 ndetse na 2026.

Ni unukino watangiye ku isaha ya Saa Kumi n’Ebyiri zuzuye urangira RS Berkane itsinze igitego 1-0 cyatsinzwe na Mounir Chouiar mu minota irindwi y’inyongera mu gihe mu mukino ubanza wabereye muri Maroc mu mpera z’icyumweru gishize bari banganyi 1-1, RS Berkane ikomeza muri 1/2 itsinze ibitego 2-1 mu mikino ibiri.

Igice cya mbere cy’uyu mukino cyarangiye amakipe yombi anganya 0-0. Ku munota wa 58 w’umukino Adama Coulibali yatsindiye Al Hilal igitego ndetse umusifuzi yemeza ko aricyo ariko abasifuzi bakoresha VAR bahamagara bavuga ko mbere yacyo umukinnyi wa RS yakorewe ikosa mu rubuga rw’amahina rwa Al Hilal ndetse umusifuzi wo hagati ajya kubyirebera atanga penaliti igitego gikurwaho.

Iyi penalti RS Berkane yabonye, ku munota wa 60 yatewe na Mounir Chouiar ariko ikurwamo neza n’umunyezamu Sofiane Farid wagiye afasha Al Hilal SC mu bihe bitandukanye akuramo imipira ikomeye yaganaga mu izamu.

Iminota 90 isanzwe yarangiye amakipe yombi akinganya 0-0 maze hongerwaho irindwi. Ku munota wa gatandatu w’inyongera Munir Chouiar yakiriye umupira mu rubuga rw’amahina maze atazuyaje ahita awutera mu izamu rya Al Hilal SC atsindira RS Berkane igitego cyanarangije umukino ari 1-0.

RS Berkane yageze muri 1/2 cya CAF Champions League itsinze ibitego 2-1 mu mikino ibiri, aho izahurira na AS FAR Rabat nayo y’iwabo muri Maroc yo yaraye isezereye Pyramids FC yo mu Misiri.

Uyu musore utari wagaragaye mu bakinnyi 31 bahamagawe ku wa 16 Werurwe 2026, yongerewe mu ikipe y’igihugu kugira ngo asimbure Ntwari Fiacre ukinira ikipe ya Kaizer Chiefs muri Afurika ufite ikibazo cy’uburwayi nkuko byemejwe n’Ishyirahamwe ry’Umupira w’Amaguru.

Ryagize riti "Nyuma y’uko umunyezamu Ntwari Fiacre agize ikibazo cy’imvune, ubu yamaze gusimburwa na Kwizera Olivier usanzwe akinira ikipe ya Rayon Sports."

Nyuma yo guhamagara ikipe, mu biganiro by’abakurikirana umupira humvikanaga kuganira ku kudahamagarwa kwa Kwizera Olivier bavuga ko yari akwiriye guhamagarwa kubera uko ari kwitwara.

Icyo gihe umutoza wungirije, Eric Nshimiyimana ari nawe wahamagaye ikipe yavuze ko atamuhamagaye atari uko atamuzi ahubwo bari kumukurikirana anakomoza ku mpamvu z’umubiri avuga ko kenshi akina aryama cyane itarakiriwe neza na benshi.

Nyuma y’impaka zabereye mu kiganiro n’itangazamakuru cyahamagariwemo ikipe Perezida wa FERWAFA, Shema Ngoga Fabrice yavuze ko n’ubundi gutunga abakinnyi 31 no gutunga 32 mu mwiherero ntaho bitaniye, asaba ko yakongerwamo ariko umutoza mukuru Stephen Constantine avuga ko abahamagawe ari abo.

U Rwanda ruri kwitegura imikino ibiri ya gicuti izabera mu Rwanda binyuze muri FIFA Series hagati y’itariki 26 na 30 Werurwe 2026.

Ibi iyi kipe yabitangaje inyuze ku mbugankoranyambaga zayo aho yamushimiye ku bunyamwuga yagaragaje mu mezi atatu bari bamaranye.

Bruno Ferry yabaye umutoza wa gatatu Rayon Sports itandukanye nawe mu mwaka w’imikino 2025-2026 dore ko yawutangiranye na Afahmia Lotfi nk’umutoza mukuru batangaje ko batandukanye nawe tariki 15 Ugushyingo 2025.

Nyuma yo gutandukana na Lotfi iyi kipe yatojwe na Haruna Ferouz wari mu batoza bungirije ariko ayisigarana nk’umutoza mukuru nawe ariko tariki 22 Mutarama 2026 Rayon Sports yatangaje ko batandukanye.

Imibare:

Bruno Ferry agiye atoje Rayon Sports mikino 12 ya Rwanda Premier League ahereye kuri Etincelles FC aho yanganyijemo irindwi, atsinda imikino ine atsindwa umwe yatsizwemo na Al Hilal SC mu gihe mu yandi marushanwa yakinnye imikino ine 4 y’igikombe cy’Amahoro yatsinzemo itatu akanganya umwe, atsindwa umukino umwe wa Super Cup ndetse n’umwe wa Heroes Cup nawo yatsinzwe.

Rayon Sports itandukanye na Bruno Ferry mu gihe ku Cyumweru izakira Gasogi United mu mukino w’umunsi wa 25 wa shampiyona, Saa Yine z’ijoro kuri Stade Amahoro.

Ibi iri shyirahamwe ryabivuze risubiza ku myanzuro yasohotse mu ijoro ryo ku wa 17 Werurwe 2026, ivuga ko Senegal itewe mpaga ku mukino wa nyuma yari yatsinzemo Maroc 1-0 inamburwa igikombe yatwaye aho yavuze ko igiye kujya mu Rukiko rwa Siporo ku Isi (CAS) ikarenganurwa kuko ibyemezo byayifatiwe bitanyuze mu mucyo ahubwo bibogamiye kuri Maroc kuko batigeze banahabwa umwanya wo kumvwa nk’abaregwa.

Senagal ivuga ko mu ifatwa ry’umwanzuro wo kuyitera mpaga hahonyowe itegeko rya gatanu rya ruhago rivuga ko ibyemezo byafashwe n’umusifuzi mu mukino ari ntakuka, kandi ko abakinnyi ba Senegal bari bavuye mu kibuga, bakigarutsemo, penaliti bari banze igaterwa umukino nawo ugakomeza, kugeza iminota isanzwe irangiye hakanongerwaho 30 y’inyongera yarangiye batsinzwe umukino ukarangizwa n’umusifuzi bisanzwe.

Ishyirahamwe ry’Umupira w’Amagaru muri Senegal kandi ryavuze ko rizakomeza gutanga amakuru kuri iki kibazo aho benshi batunguwe n’umwanzuro wo kuyambura igikombe hisunzwe ingingo ya 84 y’amategeko agenga Igikombe cya Afurika yuzuzanya n’iya 82 ivuga ko ikipe yikuye mu kibuga itabiherewe uburenganzira n’umusifuzi iterwa mpaga.

Senegal yambuwe Igikombe cya Afurka 2025 gihabwa Maroc

Uyu mwanzuro wafashwe n’Akanama ku bujurire muri CAF ku wa 17 Werurwe 2026, aho kavuze ko hisunzwe ingingo ya 82 n’iya 84 z’amategeko agenda Igikombe cya Afurika aho zivuga ku kwikura mu kibuga nk’uko Senegal yabikoze zikunganirwa n’iya 83 ivuga ku kubura ku kibuga kw’ikipe.

Ingingo ya 82 ivuga ko iyo ikipe yikuye mu irushanwa cyangwa ntigaragare ku mukino cyangwa ikikura mu kibuga mbere y’uko umukino urangira itabiherewe uburenganzira n’umusifuzi iterwa mpaga ndetse igakurwa mu irushanwa yakinaga. Iyi ngingo yunganirwa n’iya 83 ivuga ko ikipe itagaragaye ku kibuga ku isaha yagenweho gutangira ku mukino bikarenga iminota 15 igomba guterwa mpaga umusifuzi akandika ko yabuze muri raporo ye, abategura irushanwa bakazafata icyemezo cya nyuma babigendeyeho.

Izi ngingo uko ari ebyiri, zikomatanyirizwa hamwe n’iya 84 ari nayo yashyizwe mu bikorwa, aho ivuga ko ikipe itubahirije iya 82 n’iya 83 ikurwa mu irushanwa, igaterwa mpaga y’ibitego 3-0 ari nabyo byakorewe Senegal kuko yavuye mu kibuga hagashira iminota 16.

Kwamburwa Igikombe cya Afurika kwa Senegal bivuze ko Maroc ariyo yegukanye iri rushanwa ryakiniwe iwayo kuva tariki 21 Ukuboza 2025 kugeza tariki 18 Mutarama 2026, ibintu ikoze ku nshuro ya kabiri nyuma y’igikombe yatwaye mu 1976.

Maroc yegukanye Igikombe cya Afurika 2025 nyuma y’amezi abiri kirangiye itsinzwe

Byagenze gute ku mukino wa nyuma?

Uyu mukino wahuzaga Senegal na Maroc, iminota 90 yarangiye amakipe yombi anganya 0-0 hashyirwaho inyongera. Ku munota wa karindwi w’inyongera ikipe ya Maroc yabonye koroneri yatewe maze hakemezwa ko El Hadji Malick Diouf yakoreye ikosa Brahim Diaz ubwo yamukururaga akagwa hasi mu rubuga rw’amahina.

Iri kosa ntabwo umusifuzi Jean Jacques Ndala yahise aribona byatumye hitabazwa ikoranabuhanga rya VAR birangira penaliti yemejwe. Iyi penalti yateje impaka kugeza abakinnyi ba Senegal bavuye mu kibuga banze ko iterwa, nyuma yo kubisabwa n’umutoza wabo Pape Thiaw byatumye umukino umara iminota 16 uhagaze.Nyuma y’ibiganiro byabaye aba bakinnyi ba Senagal bamwe bari bagiye no mu rwambariro,bigizwemo uruhare na Sadio Mane basabwe kugaruka mu kibuga penaliti iraterwa.

Iyi penalti yari yateje impagarara, igahagarika umukino iminota 16 yatewe mu buryo bubi budasanzwe na Brahim Diaz wateye agapira koroshye ’Panenka’, umunyezamu Edouard Mendy ayikuramo mu buryo bumworoheye afata umupira akawugumana.

Iminota isanzwe y’umukino yahise irangira hongerwaho indi 30. Ibintu byahindutse mu gace ka mbere k’iyi minota aho kuwa kane Idrissa Gana Gueye yahaye umupira Pape Gueye wateye ishoti mu izamu rya Maroc agatsinda igitego cya mbere cya Senagal cyasoje iminota 15 ya mbere y’inyongera ari igitego 1-0.

Iminota 120 yarangiye Senegal ikiyoboranye igitego 1-0 hongerwaho iminota itatu nayo yarangiye iki gihugu cyegukanye Igikombe ibyari inshuro ya kabiri mbere yo kucyamburwa ku wa 17 Werurwe 2026 batewe mpaga y’ibitego 3-0 na Maroc yagihawe.

Senegal yatewe mpaga kubera kwikura mu kibuga

Ibi bikubiye mu ibaruwa Umuyobozi w’Umujyi wa Kigali Dusengiyumva Samuel yandikiye aya makipe arimo iyanditse tariki 12 Werurwe 2026 aho ifite impamvu igira iti" Gushyiraho ikipe imwe y’umupira w’amaguru y’Umujyi wa Kigali." Muri iyi baruwa bavuze ko ari umwanzuro ushingiye ku masezerano y’ubufatanye asanzwe hagati y’aya makipe n’Umujyi ndeyse n’imyanzuro y’inama yabaye ku wa 27 Kanama 2025 haganirwa ku gushinga ikipe y’Umujyi.

Ibaruwa iragira iti "Nshingiye ku myanzuro yinama yabahuje n’ubuyobozi bwUmujyi wa Kigali tariki ya 27 Kamena 2025, ahaganiriwe ku cyerekezo cyo guhuriza hanwe ubushobozi mu kubaka ikipe imwe y’abagabo y’Umujyi wa Kigali izitabira amarushanwa mu mwaka w’imikino 2026/2027."

Iyi baruwa ikomeza igira iti" Hashingiwe kandi ku masezerano y’ubufatanye n’Umujyi wa Kigali, mbandikiye mbamenyesha ko inkunga y’amafaranga yahabwaga ikipe yanyu izakoreshwa mu kubaka ikipe y’Umujyi wa Kigali iriho irubakwa, bityo tukaba tubasaba ko mwihuza n’andi makipe Umujyi wa Kigali usanzwe utera inkunga (Gasogi United FC na Kiyovu Sports FC) kugira ngo icyemezo cyo guhuriza hamwe ubushobozi gishoboke."

Iyi baruwa yasinyweho n’Umuyobozi w’Umujyi wa Kigali isoza isaba aya makipe kuganira n’inzego ziyayobora iki gitekerezo cyo kwihuza n’andi makipe, no bakazawugezaho umwanzuro bafashe nyuma yo kubiganiraho n’abanyamuryango bitarenze tariki ya 30 Werurwe 2026.

Ni amarushanwa ryafunguwe ku mugaragaro na Visi Perezida w’Ishyirahamwe ry’Umupira w’Amaguru mu Rwanda ushinzwe Tekinike Mugisha Richard aho ubwo yarifunguraga yavuze ko aje gukemura ikibazo cyo gutegura umukinnyi mu byuryo bukwiriye.

Ati" Twari tumaze igihe nk’u Rwanda dufite ikibazo cyo gusobanukirwa urugendo umukinnyi kuva bigaragaye ko afite impano anyuramo kugeza ageze aho aba umunyamwuga, wanakinira igihugu. Rero hari uburyo buzwi FIFA yatangije burimo n’ubu bwitwa TDS, aho ari irushanwa ryibanda cyane ku bakinnyi bari munsi y’imyaka 14 na 16."

Mugisha Richard yakomeje ko avuga batangiye bafata amarerero n’ibigo by’ikitegererezo kugira ngo bibafashe kumenya umwana wese ufite impano ibyo bakoze banabanza kongerere ubumenyi abatoza bazabatoza.

Ati"Twabishyize mu byiciro dufata amarerero n’amashuri agera kuri 31 birimo ibigo ariko binasanzwe bifite gahunda zifatika za siporo, bifite ibibuga ndetse n’abayobozi bakunda siporo tubyita ikitegererezo kuko umwana ufite impano iruta iy’abandi ufite imyaka 13 turashaka kumumenya.Twabanje kandi kongera ubumenyi bw’abatoza mu marerero y’ikigegererezo kuko ubu abenshi bamaze kubona impamyabushobozi yo ku rwego rwa gatatu."

Visi Perezida wa FERWAFA Mugisha Richard yavuze ko ari uburyo bwiza bwo gutegura umukinnyi kuzagera ku rwego rwiza

Byumwihariko, abana baboneka ko bafite impano, bashyirwa muri sisiteme bikoroha kubakurikirana, byumwihariko bikoroha ku bari mu bigo by’ikitegererezo kuko bakurikiranwa binyuze muri TDS uburyo buzafasha kuzamenya aho umukinnyi yanyuze ndetse nuko yazamutse igihe cyose yaba agiye guhamagarwa mu byiciro runaka cyangwa ageze ku rwego runaka hakamenyekana uko yakuze.

Mu gutangiza aya marushanwa, kuri Stade Kamena hakiniwe imikino itatu mu bahungu n’abakobwa aho PSG Academy Rwanda yatsinze ES Nyamagabe ibitego 3-2 mu bahungu batarengeje imyaka 14, PSG Academy Rwanda kandi mu bakobwa batarenje iyi myaka itsinda Remera Rukoma Girls ibitego 3-1, PSG Academy Rwanda itsindwa na TSS Runda ibitego 3-2 mu bahungu batarengeje imyaka 16.

Muri rusange aya marushanwa azitabirwa n’amakipe 54 mu byiciro bine aribyo imyaka 14 na 16 mu bakobwa ndetse n’imyaka 14 na 16 mu bahungu. Muri aya makipe harimo 12 y’abatarengeje imyaka 14 mu bakobwa ma 13 mu bahungu, amakipe 13 y’abakobwa mu batarengeje imyaka 16 na 16 mu bahungu.

Ibiro by’Umukuru w’Igihugu byatangaje ko Perezida Paul Kagame yitabiriye uyu mukino wabereye kuri Stade ya Parc des Princes aho Paris Saint Germain isanzwe ari umufatanyabikorwa w’u Rwanda binyuze muri ’Visit Rwanda’ yakirira imikino yayo aho iyi kipe yaboneye intsinzi y’ibitego 5-2.

U Rwanda rusanzwe rukorana na Paris Saint Germain binyuze muri gahunda ya Visit Rwanda kuva mu 2019 hasinywa amasezerano yavuguruwe mu 2025 akazageza mu mwaka wa 2028, aho iyi kipe iyo iri kwishyushya mbere y’umukino yambara imyambaro yanditseho ’Visit Rwanda’.

Ibitego bya PSG byatsinzwe na Bradley Barcola
Ousmane Dembélé, Vitinha ndetse na Kvicha Kvaratskhelia watsinzemo ibitego bibiri, bituma itera intambwe igana muri 1/4 nubwo izasura Chelsea tariki 17 Werurwe 2026 mu mukino wo kwishyura uzabera mu Bwongereza.

Muri aya marushanwa u Rwanda ruzakira CECAFA Kagame hagati y’itariki 18 Nyakanga 2026 kugeza tariki 9 Kanama 2026.Uretse iri rushanwa rihuza amakipe kandi, u Rwanda ruzakira imikino yo gushaka itike y’imikino ya CAF Champions League mu bagore muri aka Karere iteganyijwe hagati y’itariki 22 Kanama 2026 n’itariko 9 Nzeri 2026.

Mu Rwanda kandi hazanabera imikino izashakirwamo itike y’igikombe cya Afurika cy’abatarengeje imyaka 17 hagati y’itariki 10 na 25 Ukwakira 2026 ndetse n’imikino yo gushaka itike yo gukina imikino Nyafurika y’amashuri nayo izabera mu Rwanda hagati y’itariki 22 na 25 Nyakanga 2026.

Ibi byatangajwe n’iyi kipe inyuze ku mbugankoranyambaga zayo aho yavuze ko uyu mugabo yagarutse mu rugo aho yasinye amasezerano azarangirana n’umwaka w’imikino 2025-2026.

Rashid Kalisa yaherukaga muri AS Kigali mu 2023 ubwo yayivagamo yerekeza muri Rayon Sports yakiniye umwaka umwe w’imikino 2023-2024.

Iyi ndege ya Bombardier Global Express ifite agaciro ka miliyari zisaga 119 Frw y’uyu Munya-Portugal, ikinyamakuru Dailymail cyatangaje ko yavuye mu Mujyi wa Riyadh asanzwe abanamo n’umugore we Georgina Rodriguez n’abana batanu, nyuma y’ibitero bibiri byibasiye Ambasade ya Leta Zunze Ubumwe za Amerika iri muri uyu Mujyi.

Amakuru y’iyi ndege yagaragaje ko yahagurutse i Riyadh ku 2 Werurwe 2026, saa moya z’ijoro ku isaha yo mu Rwanda inyura mu kirere cya Misiri n’inyanja ya Méditerranée, igera muri Espagne mu Mujyi wa Madrid, mu masaha ya Saa Sita n’igice z’ijoro mu rugendo rw’amasaha hafi arindwi. Nubwo bimeze gutya ariko nta makuru yari yemeza ko Cristiano Ronaldo yari muri iyi ndege.

Leta Zunze Ubumwe za Amerika na Israel byatangiye kugaba ibitero kuri Iran tariki 28 Werurwe 2026 ndetse bihita binahitana Umuyobozi w’Ikirenga w’iki gihugu Ayatollah Ali Khamenei mu gihe nayo yihimura irasa muri Israel ndetse no ku bikorwa bya Amerika biri hirya no hino ku Isi.

Harabura amezi atatu gusa kugira ngo iri rushanwa ritangire muri Leta Zunze Ubumwe za Amerika, Canada na Mexico ndetse Iran ikaba iri mu bihugu 48 bizakina iri rushanwa aho imikino itatu yo mu itsinda rya karindwi irimo izabera muri Amerika.

Ibitero Iran yagabweho tariki 28 Gashyantare 2026, byahitanye Umuyobozi w’Ikirenga wa Iran Ayatollah Ali Khamenei n’abandi bayobozi bakuru bayo bateganyaga gukora inama yo kurebera hamwe uko bagomba kwitwara muri ibi bihe.

Uru rupfu rwateye benshi kwibaza ibibazo byinshi birimo n’ibireba umupira w’amaguru by’umwihariko irushanwa riruta ayandi muri uyu mukino.

Ese Igihugu cya Iran cyizohereza ikipe yacyo muri iri rushanwa byumwihariko ku butaka bwa Leta Zunze Ubumwe za Amerika ziri mu bihugu byabateye?

Ese Amerika izemera kwakira iki gihugu ku butaka bwayo ko kugeza ubu Abanya-Iran batemerewe kwinjira muri Leta Zunze Ubumwe za Amerika?

Ku wa Gatandatu w’icyumweru gishize, tariki 28 Gashyantare 2026 ubwo Iran yagabwagaho ibitero, Umunyamabanga w’Impuzamashyirahamwe y’Umupira w’Amaguru Mattias Grafstöm yagize ati " Yego, intego yacu ni ukugira Igikombe cy’Isi gitekanye cyitabirwa na buri wese."

Undi muntu wizewe wo muri FIFA waganiriye n’ikinyamamakuru The Athletic akibwira ko kugeza ubu nta kintu cyari cyahinduka mu bazitabira Igikombe cy’Isi 2026.

Iran ibivugaho iki?

Ku ruhande rwa Iran, Perezida w’Ishyirahamwe ry’Umupira w’Amaguru muri iki gihugu Mehdi Taj yabwiye ibitangazamakuru bya Leta ati" Nyuma y’iki gitero, ntabwo dushobora kwitegwaho kwitegurana Igikombe cy’Isi ikizere."

Yongeraho ko abakuriye siporo aribo bazafata icyemezo ku bwitabire bwabo muri iki Gikombe cy’Isi cyizatangira tariki 11 Kamena 2026.

Byagenda bite Iran ititabiriye Igikombe cy’Isi 2026?

Iki gihugu gishobora kutitabira Igikombe cy’Isi nko gushaka gusubiza kuri ibi bitero cyagabweho na Leta Zunze Ubumwe za Amerika aho bazakinira imikino itatu yo mu itsinda rya karindwi baherereyemo hamwe na New Zealand, u Bubiligi na Misiri.

Kumva ko batazaba batekanye cyangwa bakangirwa kwinjira muri iki gihugu biramutse bibaye amategeko ya FIFA yemera ko hahamagarwa igihugu cyasimbura uwaba avuye mu irushanwa cyangwa rigakinwa n’amakipe asigayemo mu buryo bwagenwa.

Ni nde wasimbura Iran ivuyemo?

Igihe Iran itakwitabira Igikombe cy’Isi 2026 kubera impamvu twagarutseho hejuru, mbere na mbere hasubirwa mu nzira yanyuzemo ibona itike ku mugabane wayo. Iki gihugu cyabonye itike nyuma kuyobora itsinda rya mbere ku mugabane wa Asia aho cyakurikiwe na Uzbekistan nayo yayibonye ibaye iya kabiri mu gihe Leta Zunze Ubumwe z’Abarabu yabaye iya gatatu igakurikirwa na Qatar ya kane.

Ibi bihugu bibiri bya nyuma byagiye mu kindi cyiciro aho Qatar yiboneye itike mu gihe Leta Zunze Ubumwe z’Abarabu zo zatsindiwe muri kamarampaka ya Asia na Iraq byatumye inagera muri kamarampaka Mpuzamigabane zizakinwa muri uku kwezi kwa Werurwe 2026.

Iraq izakina n’ikipe izakomeza hagati Bolivia na Suriname tariki 31 Werurwe 2026, igihe yatsinda ikabona itike byaha amahirwe Leta Zunze Ubumwe z’Abarabu yo kuba zasimbura Iran mu gihe itsinzwe ikabura itike hatoranywa hagati yayo na Leta Zunze Ubumwe z’Abarabu.

Mu gutoranya uwasimbura Iran kandi mu gihe itakina Igikombe cy’Isi 2026, hashobora kurebwa hanze y’umugabane wa Asia, aharebwa Bolivia cyangwa Suriname igihe zaba zatsindiwe mu mikino ya kamarampaka Mpuzamigabane iteganyijwe muri uku kwezi muri Mexico.

Hari ikindi gihe kwikura no gusimbuzwa mu Gikombe cy’Isi byabayeho?

Yego, Iran idakinnye Igikombe cy’Isi 2026 ntabwo bwaba ari ubwa mbere igihugu gifite itike kivuye mu irushanwa kuko mu 1950, Scotland na Turkey zikuyemo mbere y’uko hakorwa tombola y’amatsinda, u Bufaransa n’Ubuhinde nabyo bikikuramo nyuma ya tombola y’iki Gikombe cy’Isi cyari kigiye gukinwa bwa mbere harangiye Intambara ya Kabiri y’Isi.

Icyo gihe hari havuyemo ibihugu bine muri 17 byari kwitabira irushanwa, maze 13 byari bisigaye bigabanywa mu matsinda abiri yarimo amakipe ane buri tsinda, rimwe ryari rigizwe n’ibihugu bitatu ndetse na rimwe ryari rigizwe n’amakipe abiri.

No muri 2025, mbere y’amezi atatu ngo irushanwa ritangire ikipe ya León yakuwe mu Gikombe cy’Isi cy’amakipe kuko yari igiye gukina na CF Pacuka, kandi bahuriye muri Campany imwe.

Icyo gihe FIFA yafashe ikipe ya Club Amerika yo Mexico nk’iyoboye izindi muri icyo gihugu ndetse na LA FC yari yaratsindiwe ku mukino wa nyuma wa Champions League ya Asia mu myaka ibiri yari yabanje, bakina umukino wa kamarampaka kugira ngo haboneke ikipe isimbura León.

Ubu uburyo bushobora no gukoreshwa hashakwa uwasimbura Iran igihe itakina Igikombe cy’Isi 2026 kubera impamvu zifitanye isano n’ibitero iri kugabwaho na Israel ifatanyije na Leta Zunze Ubumwe za Amerika ziri mu bihugu bizakira iri rushanwa kuva tariki 11 Kamena kugeza 19 Nyakakanga 2026.

Ni isiganwa ryatangiye ku isaha ya saa tanu za mu gitondo rihagurukira mu Mujyi wa Musanze aho ibilometero 145.3 byagombaga gusorezwa mu Mujyi wa Kigali imbere ya Kigali Pele. Muri aka gace hahagurutse abakinnyi 67 basoje isigwana ku gace ka gatandatu dore ko hari abarimo Umunyarwanda Tuyizere Etienne bataasoje aka gace kasorejwe mu Karere ka Musanze.

Nyuma yo kuva mu Karere ka Musanze abasiganwa bagomba gukatira kuri Base mu karere ka Gakenke, bakanyura mu Mujyi wa Gicumbi, mu Rukomo, bakinjira i Kigali bahingukiye Nyabugogo mbere yo gusoreza Kigali Pele Stadium. Muri uru rugendo Martins yegukanye amanota y’agasozi ka mbere, Thompson yegukana amanota y’ahatambika ha mbere mu gihe yanatwaye amanota y’agasozi ka kabiri.

Uyu mugabo kandi yanegukanye amanota y’agasozi ka gatatu dore ko yari akiri kumwe na Novak wabaye uwa kabiri kuri aka gasozi ndetse na Pareta wabaye uwa gatatu. Aba bakinnyi binjiye ku kilometero cy’ijana bakiyoboye isiganwa aho bari bafitemo ikinyuranyo cy’iminota ibiri n’amasegonda 20 hagati yabo n’igikundi.Uyu mugabo kandi yanegukanye amanota y’agasozi ka gatatu dore ko yari akiri kumwe na Novak wabaye uwa kabiri kuri aka gasozi ndetse na Pareta wabaye uwa gatatu.

Aba bakinnyi binjiye ku kilometero cy’ijana bakiyoboye isiganwa aho bari bafitemo ikinyuranyo cy’iminota ibiri n’amasegonda 20 hagati yabo n’igikundi. Thompson yakomeje kuyobora isiganwa ari hamwe n’abakinnyi babiri b’ikipe ya Movistar bageragezaga kumujya imbere ariko agera mu bilometero 25 bya nyuma akiyoboye.

Isiganwa ryinjiye mu bilometero icumi bya nyuma Thompson akiyoboye, ariko ubwo bageraga ku gasozi ko kwa Mutwe i Nyamirambo afatwa n’igikundi bagendera hamwe. Umunya-Brazil Henrique Ribeiro Bravo yasohotsemo asiga abandi kugeza ageze ahasorejwe isiganwa imbere y’amarembo ya Kigali Pele Stadium, yegukana Agace ka Gatandatu ka Tour du Rwanda 2026 kahagurukiye mu Karere ka Musanze akoresheje amasaha atatu, iminota 20 n’amasegonda 59.

Umunyarwanda waje imbere yabaye Masengesho Vianqeur wakoresheje amasaha atatu, iminota 21 n’amasegonda 29. Moritz Kretschy wambariye umwambaro w’umuhondo mu Karere ka Rubavu ubwo hakinwaga agace ka Kane, kuri uyu wa Gatandatu yegukanye umwanya wa gatanu arushwa amasegonda icyenda n’uwa mbere gusa agumana umwanya wa mbere ku rutonde rusange aho amaze gukoresha amasaha 21, iminota icyenda n’amasegonda umunani.

Ni agace kakinwe kuva ku isaha ya Saa Cyenda z’igicamunsi nyuma y’uko mu masaha ya mu gitondo hasiganwe abatarabigize umwuga bishimisha. Aka gace kandi katangiye nyuma y’imvura yaguye mu mu Mujyi wa Rubavu kugeza mu masaha ya saa munani z’igicamunsi aho bwari ubwa kabiri mu mateka ya Tour du Rwanda, isiganwa rigiye gutangirira mu Mujyi umwe utari Kigali akaba ari naho risorezwa, byaherukaga mu 2018 rikinirwa i Rwamagana.

Tour du Rwanda kandi yaherukaga gusorezwa mu Mujyi umwe, ikahaguma, hagakinirwa undi munsi, abakinnyi bakongera kuharara mu 2024 ubwo yari igeze i Musanze hakiniwe gusiganwa n’isaha umuntu ku giti cye. Ku kilometero cya kabiri Ribeiro wa Soudal Quick-Step na Jurgen Zomermaand wa Picnic, bahise bava mu bandi ndetse bashyiramo amasegonda 15 hagati yabo n’igikundi cyari kiyobowe n’Ikipe ya NSN banasoza inshuro ya mbere mu icyenda zazengurutse Umujyi wa Rubavu aribo bayoboye isiganwa.

Iki kinyuranyo ariko cyageze ku kilometero cya munani ari amasegonda umunani ndetse ku cya 10 abari bayoboye bafatwa n’igikundi ariko ku kilometero cya 11 Umunya-Slovenia Valjavec nawe ukira Soudal Quick Step agisohokamo ayobora isiganwa wenyine.Uyu ariko yafashwe n’igikundi abakinnyi bagenderaha hamwe igihe kinini. Umunya-Eritrea Henock Mulbrhan yegukanye amasegonda atatu ahabwa umukinnyi ugeze ahatambika hagenwe ari uwa mbere aho yakurikiwe na Cuylits wahawe amasegonda abiri naho Da Silva wahageze ari uwa gatatu ahabwa isegonda rimwe.

Isiganwa ryageze ku kilometero cya 43 rikigendera mu gikundi cyari kiyobowe imbere n’amakipe ya NSN, Movistar na Soudal Quick Step ariko ubwo bageraga ku kilometero cya 52 kapiteni w’ikipe y’igihugu y’u Rwanda Byukusenge Patrick agerageza gusohokamo ngo agende wenyine biranamukundira ashyiramo intera y’amasezerano icumi yiyongereye akagera kuri 15 gusa asubira ku icumi ku kilometero cya 55.

Byukusenge Patrick yongeye gushyiramo ikinyuranyo cy’amasegonda 15 bigera ku kilometero cya 60 harimo amasegonda 10 hagati ye n’igikundi cyageragezaga kumufata ndetse kinabigeraho bongera kugendera hamwe ubwo hari hasigaye kuzenguruka kabiri. Jurgen Zomermaand yasohotse mu gikundi ku kilometero cya 73 ayobora isiganwa ari wenyine. Uyu Muholandi wegukanye agace ka gatatu kasorejwe i Huye, yinjiye mu nshuro ya cyenda yari nayo ya nyuma mu kuzenguruka Umujyi wa Rubavu akiri imbere y’abandi n’ikinyuranyo cy’amasegonda 15 hagati ye n’igikundi.

Mu nshuro ya cyenda yari iya nyuma abakinnyi bahatanye maze Umudage w’imyaka 20 y’amavuko Zemke Jermaine aba ariwe aka gace ka gatanu ka Tour du Rwanda 2026, akoresheje isaha imwe n’iminota 44 n’amasegonda 27, ibihe byagizwe n’abakinnyi 45 muri rusange ariko bakagenda barushanwa iby’ijana aho ku mwanya wa kabiri haje Umunya-Israel Itamar Einhorn wegukanye agace ka mbere kasorejwe i Rwamagana kavuye mu Rukomo i Gicumbi, Henock Mulbrhan yabaye uwa gatatu mu gihe Umunyarwanda wa mbere yabaye Muhoza Eric ukinira ikipe ya Amani wabaye uwa 15.

Moritz Kretschy wari wambaye umwambaro w’umuhondo ku Gace ka Kane, muri aka Gace ka gatanu kakiniwe i Rubavu yabaye uwa 31 ariko ntibyamubuza gukomeza kuyobora urutonde rusange kugeza aho isiganwa rigeze mu gihe hasigaye uduce dutatu rigasozwa. Kuri uyu wa Gatanu, harakinwa Agace ka Gatandatu kangana n’ibilometero 84 na metero ijana karahagurukira mu Karere ka Rubavu Saa Saba z’amanywa kagasorezwa i Musanze.

Uyu Mubiligi yegukanye aka gace akoresheje amasaha atatu, iminota 55 n’amasegonda 55 yanganyije n’Umudage Kretschy Moritz banganyije ariko akamurusha iby’ijana.Kari agace ka kane ka Tour du Rwanda 2026, katangiriye mu karere ka Karongi, kagomba kunyura mu karere ka Rustsiro nko mu ishyamba rya Gishwati rigatungukira kuri Pfunda mu karere ka Rubavu mu gihe ryagomba gusorezwa mu Mujyi imbere y’isoko rishya aho isiganwa ry’uyu munsi ryaranzwe no kuyoborerwa mu matsinda y’abakinnyi benshi kurusha kuba ryayoborwa n’umuntu umwe.

Saa sita zuzuye nibwo abasiganwa bari bahagurutse mu Mujyi wa Karongi babanza kugenda ikilometero kimwe na metero 900 hataratangira kubarwa ibihe. Isiganwa ryatangiye abakinnyi batandukanye batangiye gushaka gusohoka mu gikundi ariko cyikabagarura aho muri bo hari harimo abakinnyi b’ikipe y’u Rwanda na Benediction.

Isiganwa ryatangiye ikivunge gicikamo amatsinda atandukanye ariko ku kilometero cya gatanu abakinnyi 19 bagisohokamo bayobora isiganwa. Aba bakinnyi bari barimo Abanyarwanda Byukusenge Patrick,Manizabayo Eric, Merhawi Kudus n’abandi batandukanye aho ku kilometero cya gatanu bari bafitemo ikinyuranyo cy’umunota umwe n’amasegonda 20 mu gihe Borresch nawe wari ubarimo yatwaye amanota y’agasozi ka mbere.

Igikundi cyari cyasigaye cyakomeje kuyoborwa n’ikipe ya Istanbul kuko itari ifite umukinnyi numwe muri 19 bari bayoboye isiganwa mu gihe kugeza ku kilometero cya 26 bari bafitemo ikinyuranyo cy’umunota umwe n’amasegonda 40 mu gihe ku cya 28 abakinnyi babiri bavuye muri 19 bahita bayobora isiganwa bafitemo ikinyuramo cy’iminota ibiri n’amasegonda 30 naho Borresch yongera kwegukana amanota y’agasozi ka kabiri.

Ku kilometero cya 40 abakinnyi ba NSN nibo bari bayoboye igikundi cyari kiyoboye cyari kinarimo Manizabayo Eric wahise akivamo akagenda wenyine. Isiganwa ryageze ku kilometero cya 50 Abanyarwanda babiri Manizabayo Eric na Byukusenge Patrick aribo bayoboye aho bari bafite ikinyuranyo cy’amasegonda 15 mu gihe igikundi cyari inyuma iminota itatu n’amasegonda 30 nubwo bafashwe ku cya 54 n’itsinda ryari ribari inyuma bagakomeza kuyoborana isiganwa.

Manizabayo Eric yongeye kugerageza gusohoka biranamukundira ashyiramo amasegonda icumi ariko bahita bongera kumufata. Abakinnyi bakomeje kuyoborera isiganwa mu itsinda kugeza ubwo ku kilometero cya 73 Sousa wa Localiza abavuyemo ariko akagarurwa. Abakinnyi 16 bari bayoboye isiganwa, mbere yo gutangira kuzenguruka bageze ahasorezwa isiganwa rwagati mu Mujyi wa Rubavu basiga igikundi iminota itandatu ari nayo isiganwa ryinjiranye mu bilometero 25 bya nyuma.

Abakinnyi batatu Kretschy, Cuylits n De Clercq basohotse mu itsinda ry’abakinnyi 16 bari bayoboye isiganwa bashyiramo ikinyuramo cy’amasegonda 20 binjiranye mu bilometero 20 bya nyuma. De Clercq wari mu bakinnyi batatu bayoboye isiganwa yegukanye amanota y’agasozi ka kane kari aka nyuma muri aka gace ka kane aho yahageze akurikiwe na Kretschy ndetse na Cuylits bose baninjiranye mu bilometero icumi ya nyuma mbere y’uko basoza isiganwa.

Cuylits ukinira ikipe ya Lotto yinjiye mu bilometero bitanu bya nyuma arushwa na bagenzi be babiri bari bayoboranye isiganwa amasegonda 40 ndetse De Clercq na Kretschy banagerana ku murongo w’ahasorezwa isiganwa bari kumwe gusa De Clercq Matthijs ukinira ikipe ya Soudal Quick Step aba ariwe wegukana agece ka kane ka Tour du Rwanda 2026 akojeje mu rungo ipine bwa mbere nyuma yo gukoresha amasaha atatu iminota 55 n’amasegonda55 yanganyije na mugenzi we ariko amurusha ibyijana.

Umunyarwanda waje hafi yabaye ni kapiteni w’ikipe y’igihugu y’u Rwanda Byukusenge Patrick wabaye uwa 12 arushwa n’uwa mbere iminota ibiri n’amasegonda 21.Nubwo Kretschy Moritz atashoboye kwegukana agace ka kane ariko yahise yambara umwambaro w’umuhondo wari wambawe na Jurgen Zomermaand utahiriwe n’agace ka kane kuko yasoreje ku mwanya wa 25 arushwa iminota itanu. Ku rutonde rusange kandi Umunyarwanda uza hafi ni Niyonkuru Samuel uri ku mwanya wa 17.

Ni agace ka gatatu ka Tour du Rwanda 2026 kahagurutse mu Karere ka Huye saa tanu za mu gitondo aho hahagurutse abasiganwa 79 bakabanza gusiganwa ibilometero bibiri mbere yuko hatangira kubarwa ibihe. Bagitangira kubara ibihe abakinnyi bageragezaga gusohoka mu gikundi ariko inshuro babikoze cyikabagarura aho kugeza ku kilometero cya gatandatu abakinnyi bari bakiri mu kivunge cyari kiyobowe nabakinnyi 15 bari bari imbere.

Ku kilometero cya karindwi abakinnyi batanu Mugalu Shafik ukinira Amani, Sousa ukinira Localiza, Manizabayo Eric ukinira Benediction, Zemke ukinira Rembe na Eyob Mektel ukinira Istanbul basohotse mu gikundi batangira kugenda bayoboye isiganwa bonyine ariko kibagarura ku kilometero cya 10 cyiyobowe n’ikipe ya PiCNIC team.

Iki gikundi cyakuyemo amasegonda icumi, bakomeza kugendera hamwe kugeza ku kilometero cya 18 aho abakinnyi batanu Mewael Girmay wa Istanbul, Muhoza Eric wa Amani, Vidal wa Bikaid ,Theiler wa Rembe Rad-Net na Tuyizere Etienne bashoboye gusohoka bayobora isiganwa aho kugeza ku bilometero 20 bari bamaze gushyiramo ikinyura cy’umunota umwe.

Umunya-Eritrea Mewael Girmay yegukanye amanota y’agasozi ka mbere mu karere ka Nyamagabe aho yakagezeho ari kumwe na Vidal na Theiler mu gihe kugeza ku kilometero cya 27 abakinnyi batanu bari bayoboye isiganwa barushaga igikundi umunota umwe n’amasegonda 50 naho uko basoje aka gasozi ka mbere ari aba ari nako basoza aka kabiri uyu Munya-Eritrea yongeye kwegukana amanota.

Ku Kilometero cya 45 abakinnyi batanu bari bayoboye isiganwa bafashwe n’igikundi batangira kugendera hamwe. Uretse gutwara amanota y’ahazamuka yatwawe na Girmay Mewael uyu musore yanatwaye amanota y’ahatambika ha mbere aya kabiri atwarwa na Miguel Heidemann wakurikiwe na Henock Mulbrhan na Mugalu Shafik.

Igikundi cyageze aho gicikamo kabiri ariko ku kilometero cya 55 Umunya-New Zealand Reuben Thompson ukinira ikipe ya Lotto ava mu bandi ayobora isiganwa anegukana amanota y’agasozi ka kane mu gihe kandi yanatwaye aka gatanu. Uyu mugabo ariko ku kilometero cya 83 yagize ikibazo cy’igare biba ngombwa ko ahindurirwa ahabwa irindi.

Ibi byatumye ahita afatwa n’igikundi ariko yunganirwa na mugenzi we bakinana muri Lotto Marvoete wahise ayobora isiganwa aho yarenze yinjira mu bilometero 103 ari gusiga igikundi umunota umwe n’amasegonda atanu mu gihe yinjiye mu bilometero 25 bya nyuma by’isigana harimo ikinyuranyo cy’umunota umwe n’amasegonda 25.

Marvoet yafashwe na n’Umunya-Eritrea Araya bakomeje kuyoborana isiganwa ariko nawe wahise amusiga akariyobora wenyine afitemo ikinyuranyo cy’amasegonda 15, gusa nawe atamaranye igihe kuko igikundi cyahise kimufata bakiri mu bilometero 20 bya nyuma. Muri ibi bilometero afatwa n’igikundi byatumye Umuholandi Jurgen Zomermaand atwara amanota y’agasozi ka gatandatu kari aka nyuma muri aka gace. Muri ibi bilometero kandi igikundi cyacitsemo kabiri kivamo amatsinda abiri Pau Soriano wari wambaye umwamba w’umuhondo yayoboye itsinda rimwe irindi riyobowe na Heno Mulbrhan.

Abakinnyi 12 basohotse mu gikundi bagisiga amasegonda 50 baninjira mu bilometero 10 bya nyuma aho nabo bahise basigwa na Zomermaand Jurgen w’ikipe ya PiCNIC waninjiye mu bilometero bine bya nyuma abasiga amasegonda 25. Uyu Muholandi yinjiye kandi mu bilometero bitatu bya nyuma agifitemo ikinyuranyo cy’amasegonda 25 agera mu cya nyuma afitemo amasegonda 35, anagera ku murongo ari imbere aho ibilometero 145.3 yabisiganwe akoresheje amasaha atatu, iminota 44 n’amasegonda 53 yegukana agace ka gatatu ka Tour du Rwanda 2026 kasorejwe mu Mujyi wa Rusizi.

Uyu musore wahise anambara umwambaro w’umuhondo nk’uyoboye urutonde rusange, muri aka gace ka kabiri yakurikiwe na Van Gils Lucas ukinira Lotto Groupe Wanty yarushije amasegonda 20 mu gihe Niyonkuru Samuel ukinira ikipe ya Amani ariwe Munyarwanda waje imbere ku mwanya wa 11 arushwa n’uwa mbere amasegonda 48 mu gihe Muhoza Eric ari ku mwanya wa 20 arushwa umunota umwe n’amasegonda 26 naho Masengesho Vianqeur asoreza ku mwanya wa 27 arushwa iminota ine.

Ku rutonde rusange Jurgen Zomermaand niwe uyoboye aho amaze gukoresha amasaha icumi, iminota 55 n’amasegonda atandatu mu gihe Umunyarwanda uza hafi ari Niyonkuru Samuel uri ku mwanya wa 11 arushwa amasegonda 44.

Ibi byatangajwe binyuze mu itangazo ryashyizwe hanze aho ubuyobozi bwa Tour du Rwanda bwavuze ko aba bantu babiri bazize impanuka yabereye i Gabiro mu Karere ka Gatsibo aho imodoka iri mu zigenda imbere yarenze umuhanda ikagonga abantu aho mu bagonzwe babiri bitabye Imana naho abandi batandatu bagakomereka.

Minisitiri wa Siporo Nellly Mukazayire abinyujije ku rubuga rwa X yihanganishije imiryango y’ababuze ababo muri iyi mpanuka anifuriza gukira abakomeretse, gusa anibutsa abantu ko bagomba kwitwararika no kuba maso buri gihe.

This is a very sad moment for Tour du Rwanda.
Our thoughts and prayers are with the families of the victims and we wish quick recovery to the injured.
This accident reminds us of the importance of road safety and always remain vigilant whether driving or cheering on the riders… https://t.co/DZyGtRZZ2j

— Nelly Mukazayire (@nmukazayire) February 22, 2026

Aka gace ka mbere kahagurukiye mu Rukomo mu karere ka Gicumbi katwawe n’Umunya-Israel Itamar wakoresheje amasaha ane n’amasegonda atanu n’ibyijana biri.

Ni agace ka mbere kahagurutse ku isaha ya Saa Tanu za mu gitondo aho abakinnyi 84 bari mu makipe 17 batangiye Tour du Rwanda 2026 bahagurutse mu Rukomo mu karere ka Gicumbi hari hari abantu benshi cyane kagomba gusorezwa mu karere ka Rwamagana ku ntera ingana n’ibilometero 174.

Umunya-Brazil Da Silva yegukanye igihembo cy’amasegonda atatu ahabwa umukinnyi ugeze ahatambika ari uwa mbere ubwo yari ageze Nyagatare ku kilometero cya 72.6 ariwe uyoboye, akurikiwe na Heidermann ukinira Bikaid we wahawe amasegonda abiri naho Umunyarwanda Uwiduhaye ahabwa isegonda rimwe ahageze ari uwa gatatu.

Iki gihembo cy’aya masegonda kandi Da Silva yongeye kucyegukana ubwo yageraga n’ubundi ahatambika yagombaga gutangirwa ku kilometero cy’i 113.4 i Kabarore mu karere ka Gatsibo naho yageze ari uwa mbere agahabwa andi masegonda atatu, akurikiwe n’ubundi na Heidemann wahawe amasegonda abiri naho Marti ahagera ari uwa gatatu yegukana isegonda rimwe.

Kuva mu Rukomo aho abasiganwa bahagurukiye, Nyagahanga, Ngarama, Cyabayaga, Ryabega, Nyagatare Karangazi, Rwagitima, Gakenke hose abakunzi b’igare n’Abanyarwanda benshi bari ku muhanda bafana ndetse banareba uko abakinnyi batandukanye banyonga igare.

Iri siganwa ryasorejwe mu Mujyi wa Rwamagana imbere ya Rwamagana Pension Plazza hatambika, byatumye abakinnyi bagera ahasorejwe ibilometero 173.4 bari mu kivunge ariko Umunya-Israel Itamar Einhorn ukinira ikipe ya NSN aba ariwe ukoza ipine ku murongo bwe aba umukino wa mbere wegukanye aka gace ka mbere ka Tour du Rwanda 2026akoresheje amasaha ane n’amasegonda atanu n’ibyijana bibiri.

Uyu mugabo w’imyaka 28 yakurikiwe na Munoz Hodei Gabina ukinira Soudal Quick Step wahageze akoresheje amasaha ane n’amasegonda atanu n’ibyijana 15 mu gihe Girmay Mewael ukinira Istanbul yabaye uwa gatatu akoresheje amasaha ane, amasegonda atanu n’ibyijana 17 naho Umunyarwanda waje hafi Muhoza Eric ukinira ikipe ya Amani aba uwa 11 akoresheje amasaha ane n’iminota itanu n’ibyijana 88 mu gihe Tuyizere Etienne w’ikipe y’igihugu y’u Rwanda yabaye uwa 14 akoresheje amasaha ane n’amasegonda atandatu n’ibyijana 14.

Agace ka kabiri karakinwa kuri uyu wa Mbere, aho abasiganwa barahagurukira i Nyamata mu karere ka Bugesera berekeza mu Karere ka Huye ku ntera y’ibilometero 134, 6 aho abasiganwa bazahaguruka Saa Sita z’amanywa mu gihe biteganyijwe ko bazagera i Huye Saa cyenda n’iminota 26.

Kubera intambara imaze igihe ibera muri Sudani, amakipe akomeye ya Al Hilal SC na Al Merrikh SC byatumye ahitamo kuba akinira hanze y’igihugu cyayo kugira ngo atazatakaza urwego yari ariho.

Mu mwaka w’imikino wa 2024-2025 yakinnye muri Mauritania, ariko muri uyu mwaka yahisemo gukinira muri Rwanda Premier League, nyuma yo kubisaba no kubyemererwa n’inzego zibishinzwe.

Uku kwimukira mu Rwanda kwahinduye byinshi mu mupira w’amaguru w’imbere mu gihugu.

Shampiyona yarushijeho gukomera, irushaho gukurura amaso y’akarere ndetse n’aya Afurika muri rusange.

Abakunzi b’umupira w’amaguru babonye ihangana rikomeye, imikinire yihuta n’inyota yo gutsinda bigaragara ku makipe asanzwe amenyerewe mu marushanwa nyafurika.

Icyashimishije benshi kurushaho, ni uko ku nshuro ya mbere mu mateka, imikino y’amatsinda ya CAF Champions League yakiniwe ku butaka bw’u Rwanda.

Al Hilal SC yakiriye iyi mikino i Kigali, biha Abanyarwanda amahirwe yo kwihera ijisho aya marushanwa akomeye aho kuyarebera kure.

Uretse kongera urwego rw’amarushanwa, aya makipe yanazamuye umubare w’abafana ku bibuga.

Abanyasudani bahungiye cyangwa batuye mu Rwanda babonye aho bahurira n’amarangamutima yabo, ariko n’Abanyarwanda ubwabo ntibyabatwaye igihe kirekire ngo biyumvemo aya makipe, bayashyigikire kandi bayagire isoko y’ibyishimo.

Impamvu yo guhitamo u Rwanda ntisobanutse ku rwego rwa siporo gusa

Umutekano usesuye, kwakira neza ababagana, ibikorwaremezo biteye imbere birimo Stade Amahoro ivuguruye, ndetse n’imiyoborere inoze ni bimwe mu byo aya makipe ahamya ko byayakuruye.

Al Hilal SC ubwayo yanyujije ubutumwa ku mbuga nkoranyambaga ishimira u Rwanda n’abafana bayibaye hafi, cyane cyane nyuma yo gutsinda imikino yayo yose ya CAF Champions League yakiniye i Kigali.

Na Al Merrikh SC ntiyasigaye inyuma mu gushima kuko mbere y’umukino wahuje aya makipe yombi, abafana bayo binjiye muri Stade Amahoro bitwaje igitambaro kinini cyanditseho amagambo agira ati “Murakoze Rwanda.”

Nubwo hari abavuga ko aya makipe yakagombye gukomeza gukina muri Rwanda Premier League n’umwaka utaha, si ukubifuriza ko ibibazo biri iwabo byakomeza, ahubwo ni ukwishimira urwego, ubunyamwuga n’ihangana byazanye, bikazamura isura y’umupira w’amaguru w’u Rwanda.

Mu gihe hategerejwe umukino wa 1/4 cya CAF Champions League, aho Al Hilal SC izakiramo RS Berkane i Kigali, biragaragara ko uru rugendo rwasize ikimenyetso gikomeye — atari ku makipe gusa, ahubwo no ku mupira w’amaguru w’u Rwanda muri rusange.

Ibi Kimenyi Yves yabitangarije mu itangazo yashyize ahagaragara aho yavuze ko gukina ruhago ari ibintu yatangiye ari umwana muto muri 2012 kubera inzozi n’urukundo rw’umukino, aho yahereye mu Isonga FC akanyura muri APR FC mbere yo kujya muri Rayon Sports mu 2019 yamazemo amezi atandatu akahava ajya muri Kiyovu Sports.

Kimenyi Yves wavuye muri Kiyovu Sports ajya muri AS Kigali yanakomoje ku mvune ikomeye yagiriye muri iyi kipe mu Ukwakira 2023 ubwo Musanze FC yari yakiriye AS Kigali aho yavuze ko ariyo yatumye ajya kure ya ruhago kugeza uyu munsi mu gihe we yakoze ibishoboka byose ngo abe yagaruka mu kibuga.

Kimenyi Yves yakiniye APR FC imyaka itanu hagati ya 2014 na 2019 ubwo yajyaga muri Rayon Sports muri Nyakanga nayo yavuyemo mu Ukwakira 2020 ajya muri Kiyovu Sports yabayemo kugeza muri Nyakanga 2023 ubwo yerekezaga muri AS Kigali ari nayo asorejemo gukina ku myaka 33 y’amavuko.

Kimenyi Yves yasezeye gukina ruhago nk’ubigize umwuga

Ni imikino yatangiye ku isaha ya Saa Sita n’igice aho Gicumbi FC yabanje kwakira Police banganyije 1-1, Ani Elijah yafunguye amazamu ku igitego yatsindiye Police FC ku. munota wa 36 kuri penaliti igice cya mbere cyikarangira ari 1-0 mu gihe mu gice cya kabiri Ntibazonkiza Djuma yishyuriye Gicumbi FC ku munota wa 84 umukino ukarangira ari 1-1.

Umukino wa kabiri wari uteganyijwe Saa Cyenda n’Igice ariko utangura ukereweho iminota itandatu, aho Kiyovu Sports yari yakiriye APR FC. Aya makipe yaherukaga guhura muri shampiyona tariki 14 Gashyantare 2026 akanganyiriza 1-1 kuri Stade Amahoro, n’ubundi mu minota 45 y’igice yerekanye umukino mwiza nubwo cyarangiye anganya 0-0.

Mu gice cya kabiri, APR FC yatanguye ibona igitego cyatsinzwe na Djibril Ouattara nyuma y’ikosa myugariro wa Kiyovu Sports Obiang wari winjiye asimbura yakoze akitangira umupira maze uyu Munya-Burkina Faso nawe ntazuyaze kuwushyira mu izamu rya James Desire Bienvenue. Obiang wari wasimbuye Rwabuhihi Placide yakomeje kugira umukino mubi kugeza ubwo nanone yakoraga ikosa ku munota 73 agashaka gushyira umupira ku mutwe ntawufatishe, maze ukifatirwa na William Togui Mel wari umaze gusimbura Ouattara.

Uyu mupira William Togui yawuhaye neza Mamadou Sy bari binjiranye mu kibuga nawe ahita awushyira mu izamu rya Kiyovu Sports atsinda igitego cya kabiri. Kiyovu Sports itagize igice cya kabiri cyiza mu mikinire nk’uko yari yabigenje mu gice cya mbere, yakomeje gusunika ngo ibe yabona igitego ariko yaba Uwineza Rene, Moise Sandja Bulaya waje asimbura bose ntibyashoboka ko bareba mu izamu rya Hakizimana Adolphe, umukino urangira APR FC itsinze ibitego 2-0.

Imikino yo kwishyura iteganijwe mu cyumweru gitaha hagati y’itariki 24 na 25 Gashyantare 2026.

Ibi byatangajwe n’Urwego rutegura Shampiyona y’Icyiciro cya Mbere aho rwavuze ko "Rwanda Premier League iramenyesha abafatanyabikorwa n’abakunzi b’umupira w’amaguru bose ko umukino w’ikirarane cy’umunsi wa 15 uzahuza Al Hilal SC na Al Merrikh SC uzabera kuri Stade Amahoro ku wa kabiri tariki 17/02/2026 saa 18:30."

Uyu ni umukino uba ukomeye kuko aya makipe ari abakeba muri ruhago ya Sudani dore ko ari nayo yiharira ibikombe dore ko Al Hilal SC ariyo imaze gutwara shampiyona inshuro nyinshi (31) mu gihe Al Merrikh SC imaze kuyegukana inshuro 19.

Ubwo amakipe yombi yahuriraga muri shampiyona ya Mauritania muri Werurwe 2025, Al Merrikh SC yatsinze igitego 1-0 aho yari inshuro ya mbere iyi kipe ibonye intsinzi kuri mukeba wayo bari hanze ya Sudani.

Ni umukino watangiye ku isaha Saa Moya zuzuye, uryohera abari bawitabiriye kubera imikinire y’amakipe yombi yerekanya umukino uryoheye ijisho aho Kiyovu Sports abakinnyi nka Uwineza Rene, Bukuru Christophe kongeraho Rwabuhihi Placide na Mbonyingabo Regis bari mu bwugarizi bwayo bitwaye neza.

Ku ruhande rwa APR FC abakinnyi nka Memel Raouf Dao ntabwo bahiriwe n’umukino icyakora Dauda Yussif, Ronald Ssekiganda bakora ibishoboka byose nubwo ubusatirizi bwari buyobowe na Djibril Ouattar,a Hakim Kim Kiwanuka na William Togui batashoboye kumenera mu bwugarizi bwa Kiyovu Sports ndetse bakanagorwa n’umunyezamu James Desire Bienvenue wakuyemo imipira itandukanye yari ikomeye.

Igice cya mbere cyarangiye amakipe yombi anganya 0-0 ariko mu gice cya kabiri nabwo akomeza kwerekana umukino uryoheye ijisho kugeza ubwo ku munota wa 83 Harerimana Abdoulraziz wari winjiye mu kibuga asimbuye, atsindiye Kiyovu igitego cya mbere ku mupira wari uvuye ku ruhande rw’iburyo akawurenza umunyezamu Hakizimana Adolphe.

Ku munota wa gatatu muri itandatu bongereyeho, APR FC yishyuye ibitego ubwo Denis Omedi nawe wari winjiye asimbuye yafashe umupira agaterera ishoti rikomeye hanze y’urubuga rw’amahina, umunyezamu wa Kiyovu Sports atashoboye gukuramo, umukino urangira amakipe agabanye amanota anganyije 1-1.

Harerimana Abdoulraziz watsindiye Kiyovu Sports yishimana n’abafana

Nyuma yo kunganya uyu mukino APR FC yahise yuzuza imikino itatu idatsinda aho yatsinzwe umwe ikanganyamo ibiri, gusa bitayibuza kuba ku mwanya wa kabiri n’amanota 38 mu gihe Kiyovu Sports iri ku mwanya wa gatanu n’amanota 32.

Amafoto: Isimbi Melissa

Ni mu mukino wabaye kuri uyu wa Gatanu, ubera kuri Stade ya Kigali Pele ku isaha ya Saa Cyenda, utangirana ishyaka ridasazwe ku makipe yombi ariko cyane cyane ku ruhande rwa Police FC, kuko wabonaga igera imbere y’izamu rya Kwizera Olivier.Abatoza ku mpande zombi bari bakoze impinduka zitandukanye mu bakinnyi 11 basanzwe babanza mu kibuga, Ben Moussa yahisemo kugarura mu kibuga Henry Msanga ndetse abanzamo Jean De Dieu Udahemuka na Ekeson Okorie baguzwe muri uku kwa Mbere.

Ku rundi ruhande umutoza wa Rayon Sports, Bruno Ferry agarura Emmanuel Nshimiyima, Yannick Bangala Litombo, Elie Ishimwe Ganijuru na Bassane Koulagna Aziz batakinnye ku mukino uheruka. ‎Ku munota wa 18 myugariro wa Police FC Ndayishimiye Dieudonne, yagize ikibazo cy’imvune gituma adakomeza umukino asimburwa na Richard Kilongozi Bazombwa, wakinaga uruhande rw’iburyo rwose.
‎
‎Amakipe yombi yakomeje gusatirana ariko ibitego birabura, binyuze mu busatirizi bwa Gikundiro bwari buyobowe na Aziz Bassane, Mugisha Didier na Asman Ndikumana bagerageje kwataka cyane izamu rya Rukundo Onesime ariko ababera ibamba iguce cya mbere kirangira ari ubusa ku busa, hagati y’makipe yombi.

‎Igice cya kabiri cyatangiranye imbaraga zidasazwe cyane ko nta mpinduka zari zabayeho ku makipe yombi, maze abakinnyi ba Rayon Sports bgarukana imbaraga zidasazwe maze ku munota wa 51 iyi kipe yambara ubururu n’umweru itsinda igitego cyatsizwe na Tambwe Ngongo Gloire nyuma y’amakosa yakozwe na Iradukunda Simeon washatse gusubiza umupira inyuma akawihera uyu Murundi.
‎

‎Nyuma yo gutsindwa igitego ikipe ya Polisi y’Igihugu yakoze impinduka Iradukunda Simeon na Ekeson Okorie baha umwanya Kwitonda Alain Bacca na Emmanuel Okwi, maze bakomeza kotsa igitutu Rayon Sports ariko ubwigarizi bwa Bayisenge Emery na Ramazani Tshimanga bahagarara neza.
‎

‎Ku munota wa 83 Kwizera Olivier yagonganye na Ani Elijah, abaganga binjira mu kibuga ndetse banahamagara imbangukiragutabara, gusa nyuma y’iminota abakinnyi bombi barahaguruka unukino urakomeza, iminota 90 yuzuye maze umusifuzi wa kane ashyiraho iminota 10 y’inyongera, nayo irangira ari 1-0.
‎

‎Nyuma y’uyu mukino Rayon Sports yujuje amanota 32 ayishyira ku mwanya wa gatanu ku rutonde rwa Shampiyona y’u Rwanda igeze ku Munsi wa 20, naho undi mukino wabaye kuri uyu munsi wasize Musanze FC inganyije na Al Merrikh igitego 1-1, Karere ka Musanze.

Reba ibindi muri iyi Video:

Ibi byatangajwe n’ubuyobozi bw’Urwego rutegura Shampiyona y’Icyiciro cya Mbere aho rwavuze ko "Rwanda Premier League iramenyesha abakunzi b’umupira w’amaguru ko umukino w’umunsi wa 20 uzahuza APR FC na Kiyovu SC uzabera kuri Stade Amahoro saa Moya z’ijoro (19:00)."

Uyu mukino uzakurikira umukino wa CAF Total Energies Champions League uzahuza Al Hilal na FC St Éloi Lupopo uzatangira ku isaha ya saa cyenda ndetse itike imwe izahesha abafana kureba imikino yombi.

Iri siganwa rizatangira tariki 22 Gashyantare 2026 rigasozwa tariki 1 Werurwe 2026, rizitabirwa n’amakipe 18 muri rusange, aho aho kuba 16 yari yatangajwe ubwo hatangazwaga amakipe azaryitabira. Amakipe yiyongereyeho ni Bike Aid ndetse na CAC Team izaba igizwe na n’abakinnyi b’Abanyafurika bo mu bihugu bitandukanye.

Uretse aya makipe abiri nayo yemeje ko azitabira, andi 16 yemeje ko azakina Tour du Rwanda 2026 ni UAE Team Emirates Gen Z, Movistar, NSN, PiCNIC PostNL, Lotto Intermarché, Soudal Quick Step, Madar, Rembe Rat, Swift Pro Cycling, Eritrea, South Africa, Ethiopia mu gihe azaba arimo ane yo mu Rwanda ariyo Team Rwanda, Benediction Club, May Stars na Team Amani.

Tour du Rwanda izatangirana na gace ka mbere kazahaguruka i Rukomo kagasorezwa i Rwanda aho kangana n’intera y’ibirometero 174 igasozwa n’agace ko kuzenguruka muri Kigali tariki 1 Werurwe 2025, mu gihe mu gace ka gatandatu izazenguruka mu Mujyi wa Rubavu kuva ku isaha ya saa cyenda zuzuye.

Rubavu izazengurukwa byihariye:

Tariki 24 Gashyantare 2026, agace ka gatanu ka Tour du Rwanda 2026, kazakinwa abakinnyi bazenguruka Umujyi wa Rubavu ku ntera y’ibilometero 82, aho bazahaguruka saa cyenda z’igicamunsi mu gihe mbere ya saa sita, abantu bazaba bari muri aka Karere bakunda umukino w’amagare bazi no kunyonga igare bazakora bazabikora byo kwishimisha banyuze mu nzira abakinnyi bazakorwsha.

Abasiganwa bazaba bageze i Rubavu tariki 25 Gashyantare 2026 bamaze gusiganwa agace ka kane kazahagurukira i Karongi ku ntera y’ibilometero 174.

Abanyarwanda bahize kwegukana Tour du Rwanda 2026

Umutoza w’ikipe y’igihuguy’uRwanda Sempoma Felix avuga ko akurikije uko abona ikipe ye, hari ikizere cyo kwambara umwambaro w’umuhondo kugeza ku munsi wa nyuma bakegukana isiganwa byakwanga bagatwaramo uduce.

Ati "Abakinnyi bameze neza. Amakipe yose azaza, azaba afite ikizere natwe ubwacu nk’ikipe y’igihugu nzaba nyoboye turagifife. Icya mbere ni ugushaka umwenda w’umuhondo, tukawugumana kugeza ku munsi wa nyuma byakwanga tugatwara uko dutwara uduce kandi ubushobozi burahari."

Inzira zizakoreshwa muri Tour du Rwanda 2026

Agace ka mbere: Ku Cyumweru tariki ya 22 Gashyantare: Rukomo – Rwamagana (ibilometero 174).

Agace ka Kabiri: Ku wa Mbere tariki ya ya 23 Gashyantare: Nyamata – Huye (ibilometero 135).

Agace ka Gatatu: Ku wa Kabiri tariki ya 24 Gashyantare: Huye – Rusizi (ibilometero 144).

Agace ka Kane: Ku wa Gatatu tariki ya 25 Gashyantare: Karongi – Rubavu (ibilometero 127).

Agace ka Gatanu: Ku wa Kane tariki ya ya 26 Gashyantare: Kuzenguruka mu Karere ka Rubavu (ibilometero 82).

Agace ka Gatandatu: Ku wa Gatanu tariki 27 Gashyantare: Rubavu – Musanze (ibilometero 84).

Agace ka Karindwi: Ku wa Gatandatu tariki ya 28 Gashyantare: Musanze – Kigali (ibilometero 147).

Agace ka Munani: Ku Cyumweru tariki ya 1 Werurwe: Kuzenguruka mu Mujyi wa Kigali (ibilometero 99).

Umutoza wa Team Sempoma Felix avuga ko bafite ikizere cyo kwegukana Tour du Rwanda 2026

Iyi kipe yageze mu Rwanda mu gitondo cyo kuri uyu wa Gatatu, izakina na Al Hilal SC ku wa Gatandatu tariki 14 Gashyantare 2026 mu mukino w’umunsi wa gatandatu w’amatsinda ya CAF Champions League uzabera kuri Stade Amahoro saa cyenda zuzuye.

Ni umukino ukomeye kandi uhanzwe amaso kuko mu itsinda rya gatatu aya makipe ahuriyemo na Mamelodi Sundowns yo muri Afurika y’Epfo na MC Alger yo muri Algeria, Al Hilal SC iri ku mwanya wa mbere n’amanota umunani mu gihe FC Saint-Éloi Lupopo iri ku mwanya wa kane ariwo wa nyuma n’amanota atanu gusa nayo mu mibare ikaba igifite amahirwe yo gukomeza muri 1/4 igihe yakwitara neza i Kigali.

Uyu mukino kandi ukomeye kuko ubwo ubwo uzaba uri kuba hazaba hari no kuba umukino uzahuza Mamelodi Sundowns iri ku mwanya wa gatatu n’amanota atandatu izaba yakiriye MC Alger iri ku mwanya wa kabiri n’amanota arindwi zose zizaba zirwanira kugeza muri 1/4.

Mu mukino ubanza wabereye i Lubumbashi, FC Saint-Eloi Lupopo yanganyije na Al Hilal SC igitego 1-1 ku munsi wa kabiri w’amatsinda.

Adeline Djonreba yasifuye umukino atwite inda y’amezi atanu

Ibi byabereye mu mukino w’injojora rya gatatu ryo gushaka itike y’igikombe cy’Isi 2026 cy’abagore Uganda yanganyirijemo iwayo na Zambia igitego 1-1 ku wa Gatandatu tariki 7 Gashyantare 2026. Adeline yari umusifuzi w’igitambaro muri uyu mukino wabereye kuri FUFA Stadium Kadiba i Kampala.

Adeline Djonreba uheruka guhembwa nk’umusifuzi mwiza wo ku ruhande muri Cameroon mu 2025, binyuze mu bihembo bitangwa muri shampiyona y’Icyiciro mbere mu bagore, yasifuye uyu mukino ubanza muri iki cyiciro atwite inda y’amezi atanu byatumye aba ikimenyabose ku mbugankoranyambaga.

Uretse gusifura imikino y’abagore kandi Adeline Djonerba anasifura imikino ya Shampiyona y’Icyiciro cya Mbere mu bagabo iwabo muri Cameroon, aho aheruka kuvuga ko ashimira umugabo we umwemerera gukora aka kazi.

Adeline Djonerba (Ubanza iburyo) yasifuye umukino wahuje Uganda U20 na Zambian 20 mu bagore, atwite inda y’amezi atanu

Adeline Djonerba aheruka guhembwa nk’umusifuzi mwiza wo ku ruhande muri Shampiyona y’Icyiciro cya Mbere muri Cameroon

APR FC yatangaje uyu musore kuri uyu wa Gatatu aho yahaye nomero 16 uyu musore uheruka kuva muri Mukura VS nk’umukinnyi Intare FC yari yaratije muri iyi kipe yo mu Karere ka Huye kuva mu mwaka w’imikino wa 2024-2025.

Uyu musore atizwa, impande zombi zemeranyije ko umwaka w’imikino nurangira Mukura VS izishyura Intare FC miliyoni 10 Frw bitarenze tariki 31 Mutarama 2025, ibyo iyi kipe ivuga ko yakoze nk’uko Kigali Today yabyemerejwe n’Umuyobozi Nshingwabikorwa wa Mukura VS Musoni Protais.

Ati" Mukura VS izi neza ko yishyuye amafaranga yose mbere y’itariki 31 Mutarama 2025. Icyo twemera icyiciro cya mbere ntabwo kishyuriwe ku gihe ariko habayeho ibiganiro byerekana impamvu yabyo kandi byemewe n’amategeko ya FIFA."

Nyuma yo kubona ibi, tariki 1 Gashyantare 2026 Mukura VS yandikiye Umunyamabanga bw’Ishyirahamwe ry’Umupira w’amaguru mu Rwanda ivuga ko ibyabaye byose bitubahirije amasezerano kuko Ishimwe Abdoul ari umukinnyi ukiyifitiye amasezerano.

Ibi Kigali Today yabyemerejwe na Perezida wa Etincelles FC wavuze ko byakozwe mu rwego rw’impinduka rusange zakozwe kuva mu batoza.

Ati" Papy ni kapiteni w’ikipe ariko amaze iminsi yaravunitse, mu kuziba icyuho niwe wabaye afashe inshingano za Team Manager by’igihe gito. Staff yose twagombaga kuyihagarika kuko twabona harimo umwuka utari mwiza kandi nubwo umuti ushaririye wagombaga kunyobwa."

Etincelles FC iheruka gutandukana na Masudi Djuma wari umutoza wayo, imusimbuza Bizimana Abdou Bekeni wungirijwe n’Umunye-Congo Todet ariko ubuyobozi buvuga ko ari ab’igihe gito kuko hari gushakwa abatoza bashya.

Ibi byabaye kuri uyu wa mbere aho uyu mugabo w’imyaka 41 y’amavuko aribwo yasinye amasezerano y’amezi atandatu atoza iyi kipe iri ku mwanya wa 16 muri shampiyona aho ibanziriza ebyiri za nyuma arizo AS Muhanga ya 17 na ya 18 ariyo ya nyuma.

Hammid yatoza mu makipe atandukanye aho bigaragara ko yanyuze muri Young Africans nk’umutoza wungirije mu mwaka w’imikono 2021-2022 aho yageze avuye muri Al Merrikh SC 2020-2021 mu gihe aheruka muri Ismaily yo mu Misiri mu mwaka w’imikino 2025-2026 nabwo nk’umutoza wungirije ariko yavuyemo tariki 13 Ukwakira 2025.

Ibi byatangarijwe mu itangazo Urwego rutegura Shampiyona y’Icyiciro cya Mbere mu Rwanda rwashyize hanze aho rwavuze ko "Rwanda Premier League iramenyesha abakunzi b’umupira w’amaguru ko habayeho impinduka ku masaha yo gutangira imikino ibiri iteganijwe kubera kuri Stade Kigali Pelé, tariki 4 Gashyantare 2026, Gasogi United na APR FC, tariki 4 Gashyantare 2026 AS Kigali na Rayon Sports."

Rwanda Premier League yakomeje ivuga ko iyi mikino yombi izatangira saa cyenda z’igicamunsi aho kuba saa kumi n’ebyiri z’umugoroba aho izi mpinduka zatewe n’uko gukemura ikibazo cy’amatara acanira ikibuga bizatwara igihe kirenze icyari giteganyijwe.

Ni imikino izaba ari iy’umunsi sa mbere w’imikino yo kwishyura aho muri rusange yatangiye tariki 30 Mutarama 2026.

Ibi iyi kipe yabitangaje ibinyujije mu itangazo yashyize ahagaragara aho yavuze ko "Ubuyobozi bwa Etincelles FC bumaze gusezerera abatoza bayo kubera umusaruro mucye."

Ikipe yakomeje ivuga ko "Ikipe iraba itozwa na Bizimana Abdou (Bekeni) mu gihe hagishakwa abandi bo kubasimbura."

Muri Mutarama 2026, Kigali Today yakiriye amakuru yizewe ahamya ko abakinnyi ubwabo babwiye ubuyobozi ko batakifuza gutozwa na Masudi Djuma ndetse banabubwira ko" Muzahitamo umutoza cyangwa abakinnyi."

Masudi Djuma yemejwe nk’umutoza wa Etincelles FC tariki 18 Ukwakira 2025 asinya amasezerano y’umwaka umwe ugomba kurangira mu Ukwakira 2026.

Ibi byabaye ku nshuro ya gatatu nyuma y’aho banze gukora imyitozo yo ku wa Gatandatu tariki 31 Mutarama 2026 no ku Cyumweru tariki 1 Gashyantare 2026, aho babwiye ubuyobozi ko igihe batari bahembwa nta myitozo bazakora.

Kigali Today yamenye ko no kuri uyu wa Mbere, nk’uko bisanzwe abatoza bo bageze ku kibuga cya Nzove basanzwe bakoreraho imyitozo, hakanagera abakinnyi babarirwa mu icumi ariko batigeze bakora imyitozo nk’uko babibwiye ubuyobozi ko igihe cyose batari bahembwa batazakora imyitozo.

Uretse abatoza n’abakinnyi bacye bageze ku kibuga cy’imyitozo, nta muyobozi wigeze ahagaragara.Abakinnyi bari basanzwe muri Rayon Sports baberewemo ibirane by’umushahara w’amezi abiri, ibi kandi binameze gutyo ku batoza.

Rayon Sports ntabwo yongeye gukora imyitozo mu gihe yitegura umukino w’umunsi wa 18 izakina na AS Kigali ku wa Kane, tariki 5 Gashyantare 2026, saa kumi n’ebyiri z’umugoroba kuri Kigali Pelé Stadium.

Police FC yegukanye Igikombe cy’Intwari 2026 itsinze APR FC ku mukino wa nyuma

Ni umukino wa nyuma wari uryoheye ijisho wabereye kuri Stade Amahoro, aho buri kipe yerekanye umupira mwiza. Uretse gukina neza, mu gice cya mbere amakipe yombi yagerageje gutera mu izamu ariko abanyezamu ku mpande zombi bitwara. Umunyezamu wa Police FC Rukundo Onesime yakuyemo amashoti abiri yatewe na rutahizamu William Togui mu gihe Ishimwe Pierre wa APR FC yakuyemo umupira watewe na Byiringiro Lague, igice cya mbere kirangira ari 0-0.

Mu ntangiriro z’igice cya kabiri, ikipe ya APR FC yafunguye amazamu ku gitego cyiza cyatsinzwe na William Togui witambitse mu kirere agatera mu izamu umupira wari uhinduwe na Hakim Kiwanuka anyuze ku ruhande rw’iburyo. Ku munota wa 62 w’umukino Police FC yishyuye igitego, ku mupira nawo wahinduriwe iburyo na Richard Kilongozi ugendera hasi maze umunyezamu Ishimwe Pierre utavuganye na myugariro we Nshimiyimana Yunusu, awufashe uyu musore awumukura mu biganza, uhita ushyirwa mu izamu na Gakwaya Leonard.

Amakipe yose yakomeje kugaragaza umupira mwiza asatirana, kugeza iminota 90 irangiye bongeraho itatu nayo yarangiye amakipe akinganya 1-1. Hahise hitabazwa penaliti aho zatewe buri kipe itera icyenda Police FC yinjijemo zirindwi, APR FC ikinjizamo esheshatu. Abakinnyi nka Ronald Ssekiganda, William Togui na Dauda Yussif bazihushije ku ruhande rwa APR FC mu gihe Nsabimana Eric Zidane na Ekeson Okorie nabo bazihushije kuri Police FC bigatuma iyi kipe itwaye igikombe itsinze penaliti 7-6.

David Chimezi niwe wateye penaliti ya nyuma yahesheje Police FC igikombe

Mu bagore, Rayon Sports WFC yatwaye igikombe itsinze Indahangarwa WFC ibitego 2-0.Indahangarwa WFC yabaye iya kabiri yahawe sheki ya miliyoni 3 Frw, Rayon Sports yatwaye Igikombe cy’Intwari cya 2026 mu bagore, ihabwa ya miliyoni 6 Frw mu gihe mu bagabo APR FC yabaye iya kabiri, yahawe ya miliyoni 3 Frw naho Police FC yegukanye Igikombe igahabwa miliyoni 6 Frw.

Rayon Sports yegukanye igikombe mu bagore

Abasifuzi bayoboye umukino, bambikwa imidali

Byiringiro Lague yishimira igikombe hammer n’umugore we

Ni umukino watangiye ku isaha ya saa kumi z’umugoroba, Misiri inawutangira neza dore ko yasoje igice cya mbere ifite ibitego 17-10. Mu gice cya kabiri yakomerejeho itsindamo ibitego 17 nanone, mu gihe Tunisia yabonyemo ibitego 14 byonyine umukino ukarangira, Misiri yegukanye igikombe cya 11 cyayo mu mateka.

Mu mukino wo guhatanira umwanya wa gatatu nawo wabaye kuri uyu wa Gatandatu, Cape Verde yawegukanye itsinze Algeria ibitego 29-23 mu gihe igice cya mbere cyari cyarangiye banganya 16-16. Angola yegukanye umwanya wa gatanu itsinze Nigeria yegukanye umwany wa gatandatu ibitego 25-20 mu gihe umwanya wa karindwi wegukanywe na Maroc itsinze Guinnea yabaye iya munani ibitego 38-37.

Uretse aya makipe yasoje mu myanya umunani, umwanya cyenda wegukanywee na Gabon itsinze Cameroon yegukanye umwanya wa cumi ibitego 29-27 mu gihe mu guhatanira umwanya wa 11, u Rwanda rwatsinzwe na Congo Brazzaville ibitego 30-28 rukegukana umwanya wa 12. Ikipe y’igihugu ya Benin yegukanye umwanya wa 13 itsinze Zambia yabaye iya 14 ibitego 42-25.

Amakipe 16 yari amaze hafi ukwezi akina iki Gikombe cya Afurika, yaherekejwe na Uganda yabaye iya nyuma itsinzwe na Kenya mu guhatanira umwanya wa 15 ibitego 35-29.

Abakinnyi beza bitwaye neza muri iri rushanwa

Ni imikino yarebwe n’abantu batandukanye bari umutoza wa Police FC Ben Mousa wari waje gushyigikira Tunisia aho akomoka

Ibi byatangiye kuvugwa ubwo kuri uyu wa Kane hari hamaze kujya hanze amakuru avuga ko myugariro wo hagati Niyigena Clement wari umaze imyaka ine akinira APR FC yamaze gusinyira Al Hilal SC yo muri Sudani, amasezerano y’imyaka itatu bityo ko agomba gusimburwa na Ishimwe Abdoul wakuriye mu irerero ry’Intare za APR FC kuva ku myaka icyenda y’amavuko.

Nubwo bimeze gutya ariko, kuri ubu Ishimwe Abdoul akinira Mukura VS inavuga ko ayifitiye amasezerano nk’umukinnyi wayo gusa yagurisha igihe yabona ibyo ibona bikwiriye. Mu gihe benshi batekereza ko iyi kipe yamugurisha ikabonamo amafaranga, Intare FC yahise iyandikira iyibwira ko itubahirije ibyo bari bumvikanye babatiza uyu musore, bityo ko basesa amasezerano bagiranye ndetse Kigali Today ikaba yanabyemerejwe mu makuru yahawe n’abantu ba hafi, ibwirwa ko Mukura VS itigeze yubahiriza igihe cyo kwishyura yari yahawe kuri uyu musore Intare FC zivuga ko azifitiye amasezerano y’imyaka ibiri izarangira mu 2027 ariyo yari kugurwa.

Ku rundi ruhande ariko, Kigali Today yanahawe amakuru n’umuntu wizewe wanayemereye ko koko batijwe Ishimwe Abdoul muri Mukura VS, gusa ko ubw umwaka umwe w’intizanyo warangiranaga n’umwaka w’imikino 2024-2025, iyi kipe yaguze Ishimwe Abdoul ndetse akanasinya imyaka itatu kuri ubu amaze gukinamo amezi atandatu yonyine, kandi ko iyi kipe byayitwaye miliyoni 15 Frw bityo ko ari umukinnyi wayo.

Ibyo kwishyurwa amafaranga ayo ariyo yose ariko Intare FC zivuga ko ntabyo zizi, nayo mafaranga batigeze bayabona kuko bitabaye mu gihe cyari cyumvikanyweoho kandi ko umuntu atabanza kukubwira ko musesa amasezerano kugira ngo wibukwe kwishyura ibyo wasabwaga bityo ko Ishimwe Abdoul ari umukinnyi wazo ufite amasezerano, gusa ko nibikenera kuburana nabyo amategeko azabisonura dore ko hari n’ibimenyetso by’ibyo impande zombi zumvikanye.

Uretse kuba Ishimwe Abdoul yajya mu ikipe ya APR FC uyu musore kandi muri Kemena 2026, biteganyijwe ko azajya gukora igeragezwa muri TS Galaxy yo muri Afurika y’Epfo kuko ubutumire bwamaze kuhagera dore yagombaga kuba yaragiye muri Mutarama 2026.

Ni imikino yabaye kuri uyu wa Kane ibera muri BK Arena na Petit Stade Amahoro i Remera, aho muri 1/2 ikipe y’igihugu ya Misiri yasezereye Cape Verde iyitsinze ibitego 32-26. Igice cya mbere cy’uyu mukino cyarangiye Misiri iri imbere n’ibitego 16 kuri 11 mu gihe mu gice cya kabiri yatsinzemo ibitego 21, Cape Verde itsinzemo ibitego 15.

Mu wundi mukino wa 1/2 ikipe ya Tunisia yatsinze Algeria ibitego 33-24, aho igice cya mbere cyari cyarangiye n’ubundi Tunisia iyoboranye umukino ibitego 19-11 ariko mu gice cya kabiri yongeraho ibindi 14 mu gihe Algeria yatsinzemo ibitego 13. Misiri na Algeria zageze ku mukino wa nyuma zizahatanira igikombe muri uyu mukino uteganyijwe ku wa Gatandatu saa kumi z’umugoroba muri BK Arena.

Mu mikino yo guhatanira imyanya, u Rwanda rwasoje itsinda rya President’s Cup rutsindwa na Gabon ibitego 32-28 rurisoza ari u rwa kabiri n’amanota ane, ibyatumye ruhita rujya mu makipe abiri azahatanira umwanya wa 11 aho ruzakina na Congo Brazzaville kuri uyu wa Gatanu saa yine za mu gitondo muri BK Arena mu gihe umwanya wa cyenda uzahatanirwa na Gabon na Cameroon zayoboye amatsinda President’s Cup, saa munani z’igicamunsi.

Mu guhatanira imyanya mu munani ya mbere kandi, saa kumi z’umugoroba muri BK Arena, Cape Verde na Algeria zizahatanira umwanya wa gatatu, saa moya zuzuye Nigeria na Angola zihatanire umwanya wa gatanu mu gihe Guinnnea na Maroc bazaba babanje gukina umukino wo guhatanira umwanya wa karindwi, imikino yose izabera muri BK Arena.

Mu yindi mikino yo guhatanira imyanya, Uganda na Kenya bazahurira muri Petit Stade Amahoro saa yine za mu gitondo bahatanira umwanya wa 15 itsinzwe ibe iya 16 ari nayo ya nyuma. Saa sita zuzuye muri iyi stade Zambia na Benin zizahatanira umwanya wa 13 utsinzwe abe uwa 14.

Amakuru dukesha umunyamakuru Micky Jr uzobereye mu nkuru z’isoko ry’igura n’igurishwa ry’abakinnyi ku mugabane wa Afurika, yavuze ko "Byarangiye,Niyigena Clement yasinye amasezerano y’imyaka itatu avuye muri APR FC."

Niyigena Clement yakiniraga APR FC kuva mu mwaka wa 2022 aho yayigiyemo avuye mu ikipe ya Rayon Sports.

APR FC yatsinze AS Kigali mu mukino w’igikombe cy’Intwari

Ni umukino igice cya mbere kitaranzwe n’uburyo bwinshi bwari kuvamo ibitego kuko nubwo Dauda Yussif Seif yateyemo amashoti abiri akomeye, Ruboneka agatera irindi ku ruhande rwa APR FC ariko iminota 45 yarangiye nta kipe iteye ishoti rigana mu izamu. Sunday Inemeste ku ruhande rwa AS Kigali yatangiye umukino avunda ashyiramo imbaraga ariko kimwe na Dushimimana Olivier na Tuyisenge Arsene bari bayoboranye ubusatirizu mbere y’uko asimburwa na Gedeon Bendeka kubera imvune, nta kintu gikomeye bakoze imbere y’izamu rya APR FC ryari ririnzwe na Ishimwe Pierre, iki gice cya mbere kirangira ari 0-0.

Dauda Yussif yongeye kugaragaza mu gutera imipira ikomeye cyane nubwo nta gitego yatsinze

Mu ntangiriro z’igice cya kabiri, ku munota wa 49 William Togui ari mu rubuga rw’amahina yahaye umupira Hakim Kiwanuka ariko ashatse kuwutera mu izamu ujya hejuru.Ku munota wa 54 APR FC yateye bwa mbere umupira ugana mu izamu, wari n’uwa mbere mu mukino wose ubwo Hakim Kiwanuka yatereraga umupira mu rubuga rw’amahina umunyezamu Ndikuriyo Patient akawukuramo, Mugisha Gilbert yawusubizamo abakinnyi bakawuzibira.

Hakim Kiwanuka watsinze igitego cya mbere akanatanga umupira wavuyemo ikindi gitego

APR FC yakomeje gukina neza igice cya kabiri, ku munota wa 60 ibona ibitego cya mbere cyatsinzwe na Hakim Kiwanuka ku mupira yahawe na Ronald Ssekiganda agacenga yinjira mu rubuga rw’amahina kugeza ateye umupira mu izamu umunyezamu Ndikuriyo Patient atashoboye gukuramo. APR FC yakomeje koroherwa n’umukino, yabonye igitego cya kabiri ku munota wa 65 gitsinzwe na William Togui Mel ahawe umupira na Hakim Kiwanuka.

William Togui nawe yatsinze igitego

Hakim Kiwanuka wagize umupira mwiza cyane, ku munota 78 wa yongeye kugira uruhare mu gitego cya gatatu cyatsinzwe na Ruboneka Jean Bosco, ubwo yacengaga agaha umupira William Togui nawe wawuhaye Niyigena Clement mu rubuga rw’amahina maze nawe agahita asiga umupira inyuma akoresheje agatsinsino, awuterekeye Ruboneka Jean Bosco wateye ishoti ryiza mu izamu. Abarimo Djibril Ouattara, Niyibizi Ramadhan na Ngabonziza Pacifique binjiye mu kibuga basimbuye abarimo Dauda Yussif Seif na Ruboneka, bakina iminota yari isigaye ndetse n’inyongera yarangiye APR FC ikiyoboye n’ibitego 3-0 inegukanye intsinzi.

APR yahise igera ku mukino wa nyuma uzakinwa ku Cyumweru tariki 1 Gashyantare 2026, umunsi nyirizina u Rwanda ruzirakaho Intwari z’Igihugu aho izakina n’ikipe izakomeza hagati ya Rayon Sports na Police FC bakina umukino wa 1/2 kuri uyu wa Kane, saa cyenda zuzuye kuri Kigali Pele Stadium.

Chairman wa APR FC, Brig Gen. Deo Rusanganwa yarebye uyu mukino

Isinya ry’uyu musore wugarira anyuze iburyo, Rayon Sports yabitangarije ku mbuga nkoranyambaga zayo aho yavuze ko " Yahisemo kugaruka mu rugo. Uwumukiza Obed uvuka i Nyanza ni umukinnyi wa Rayon Sports ku mugaragaro. Duhuje amateka n’aho tuvuka."

Uwumukiza Obed wasinye imyaka ibiri akinira Rayon Sports y’iwabo i Nyanza mu Ntara y’Amajyepfo, yari amaze umwaka n’igice akinira Mukura VS yagezemo mu mpeshyi ya 2024 avuye mu ikipe ya Muhazi United.

Amakuru Kigali Today yamenye ni uko uyu mugabo wari umaze umwaka akinira Mukura VS arasubira mu Amagaju FC yavuyemo muri Mutarama 2025, aho araba arekuwe na Mukura VS yari asigajemo amezi atandatu ku y’amasezerano y’umwaka n’igice yari yayisinyiye.

Destin Malanda wamaze kumvikana byose n’Amagaju FC ngo ayasubiremo, araba abaye umukinnyi wa kabiri Amagaju FC asinyishije muri uku kwezi nyuma y’Umunya-Ivory Coast Koué Bi Jean Junior usatira anyuze ku mpande iheruka gusinyisha, kugira ngo bayifashe kuva kuva ku mwaka wa 17 iri n’amanota 12, mu makipe 18.

Ni umukino wo mu itsinda rya mbere ry’igikombe cya President’s Cup gikinwa n’amakipe atarageze muri 1/4 akajya guhatanira imyanya, wabereye muri BK Arena kuva saa munani z’igicamunsi cyo kuri uyu wa Kabiri, utangirana imbaraga ku mpande zombi byatumye igice cya mbere kirangira u Rwanda runganya na Zambia ibitego 17-17.

Bitandukanye n’igice cya mbere, mu gice kabiri u Rwanda rwashyizemo intera rutsindamo ibitego 17 mu gihe Zambia yo yatsinzemo ibitego icyenda byonyine, umukino ukarangira rutsinze ibitego 34-26 runatsinze umukino wa kabiri muri rusange mu itsinda ryo guhatanira imyanya, ibi bihugu byombi bihuriyemo na Gabon na Uganda.

Amakipe abiri ya mbere muri aya matsinda abiri ari gukina President’s Cup azahatanira hagati y’umwanya wa cyenda n’uwa 12, iya mbere mu itsinda rimwe ihura n’iya kabiri mu rindi tsinda mu gihe ebyiri za nyuma zihatanira kuva ku mwanya wa 13 kugeza ku ya 16 iya gatatu ihura n’iya kane.

Cameroon yatsinze Kenya mu gikombe cya President’s Cup

Muri President’s Cup kandi Gabon yatsinze Uganda

Mu cyiciro cy’amakipe yabaye abiri ya mbere mu matsinda Algeria yatsinze Angola

Amakuru yizewe agera kuri Kigali Today ahamya ko iyi kipe yakomanze muri Mukura VS, kandi ikahakomanga idashaka umukinnyi umwe ahubwo yageze yo yifuzayo abakinnyi batatu. Ku ikubitiro, iyi kipe irifuza myugariro Uwumukiza Obed ngo aze gusimbura Serumogo Ally ndetse kuri uyu musore uvuka i Nyanza ngo ibiganiro bigeze ku kigero cya 90% kuba yakwambara ubururu n’umweru vuba kuko hategerejwe ko iyi kipe ikora ibyo yabwiwe na Mukura VS gusa kuko yo yiteguye kumurekura mu gihe yari asigaje amezi atandatu ku masezerano.

Abandi bakinnyi Rayon Sports yagiye i Huye ibaza ibyabo, ni Iradukunda Elie Tatou ukina ku ruhande asatira gusa we bishobora kugorana ko yakwerekeza muri iyi kipe dore ko agifite amasezerano y’umwaka n’igice nyuma yo gusinya imyaka ibiri mu mpeshyi ya 2025, ibyatuma igiciro cye kijya hejuru bikagora iyi kipe hakurikijwe uko isanzwe igura. Uretse igiciro ariko, kugura uyu musore muri Mutarama 2026 bisa nk’ibyagize amahirwe macye nyuma y’uko Rayon Sports itijwe na Police FC Mugisha Didier nawe ukina aciye ku mpande.

Rayon Sports kandi, yanabajije icyo bisaba kugira ibone Umunya-Ghana Joseph Sackey ukina hagati mu kibuga yugarira yanifuje mu mpeshyi ya 2025 adafite ikipe ariko ikanga kumusinyisha kugeza asinyishijwe na Mukura VS imyaka ibiri. Kimwe na Iradukunda Elie Tatou, nubwo Rayon Sports yabajije ibye ariko uyu musore nubwo bishoboka, biragoye ukurikije amasezerano y’umwaka n’igice asigaranye gusa ngo ibyamwifuzwaho bitanzwe nawe ntabwo yakumirwa kuba yajya gukomereza akazi mu Nzove.

Uretse kuba ikibazo cyaba amafaranga yo kugura amasezerano basigaranye muri MukuraVS, ariko Iradukunda Elie Tatou na Joseph Sackey Rayon Sports ntabwo yari yakurayo amaso burundu kuko ngo ibiganiro bikirimo kandi biri no ku rwego rwiza.

Imurora Japhet yasinye amasezerano nk’ushinzwe ubuzima bwa buri munsi bw’ikipe y’Amagaju FC azafatanya no kuba umutoza wungirije

Kigali Today yamenye ko Imurora Japhet yasinye amasezerano nk’ushinzwe ubuzima bwa buri munsi bw’ikipe(Team Manager) ariko icyarimwe akazajya anakora inshingano zo kuba umutoza wungirije nk’uko byari bimeze muri Musanze FC.

Kugeza ubu Amagaju FC atari yabona umutoza mukuru mushya nyuma yo kwirukana Niyongabo Amars n’abungiriza be batanu ari gutozwa na Hakizimana Jean Baptiste wanatoje umukino batsinzwemo na APR FC igitego 1-0 ku wa 14 Mutarama 2026, mu gihe ariko azaba ari umutoza wongerera imbaraga abakinnyi, iyi kipe nimara kubona itsinda tekinike ryuzuye.

Amagaju FC yagiranye ibiganiro n’abatoza batandukanye barimo Afahmia Lotfi watoje Mukura VS na Rayon Sports, Umwongereza Callum Wilson nk’abavamo umutoza mukuru, gusa Kigali Today ikaba yamenye ko izi nshingano zishobora guhabwa Umunya-Tunisia witwa Mohamed mu gihe kandi iyi kipe yanaganiriye na Mateso Jean de Dieu nk’uwari kuba umutoza wungirije.

Imurora Japhet uri mu batoza bari kwigira kubona impamyabushobozi yo ku rwego rwa B mu gutoza, aho kuri uyu wa Mbere banakoze ikizamini cyo gushyira mu bikorwa ibyo bize cyabereye kuri Kigali Pele Stadium, agiye gukomereza akazi mu Amagaju FC yasoje igice kibanza cya shampiyona ari ku mwanya wa 17 mu makipe 18 n’amanota 12 mu mikino 17 yakinwe.

Byasabye ko habaho kungwa na FERWAFA kugira ngo Imurora Japhet atandukane na Musanze FC yashinje kutubahiriza amasezerano

Mbere yo gusinyira Amagaju FC Imurora Japhet yari umukozi w’ikipe ya Musanze FC wari ufite amasezerano yari kuzarangirana n’umwaka w’imikino wa 2026-2027, icyakora nubwo byari bimeze gutya uyu mugabo ntabwo yari akigaragara muri iyi kipe kuko kuva mu hashyirwaho ubuyobozi bushya bugashyiraho abatoza bashya bayobowe na Ruremesha Emmanuel yahise akurwa mu nshingano zo kuba umutoza wungirije, icyakora abanza gufasha iyi kipe mu kubona ibyangombwa by’abakinnyi hitegurwa umwaka w’imikino 2025-2026 nka zimwe mu nshingano yari afite mu kuba ushinzwe ubuzima bwa buri munsi bw’abakinnyi.

Mu ntangiriro z’umwaka w’imikino 2025-2026 ubuyobozi bw’ikipe ya Musanze FC bwafashe icyemezo guhindurira uyu mugabo inshingano agirwa ushinzwe amakipe y’abakiri bato. Ibi byakurikiwe no kuba iyi kipe yarasabye Imurora Japhet ko asinya andi masezerano mashya haherewe ku igeragezwa ry’amezi atandatu ariko ababwira ko adashobora gusinyira amasezerano ku yandi dore ko tariki 1 Nyakanga 2024 yari yasinye imyaka utatu.

Mu mpera z’Ugushyingo 2025, Musanze FC yasabwe ko basesa amasezerano ariko akabyanga cyangwa bakamwirukana ibyatumye ahubwo we abandikira ibaruwa ibibutsa ko batubahiriza amasezerano dore kuva muri Nyakanga 2025 umushahara we wari waragabanyijwemo kabiri atabimenyeshejwe.Nyuma yo kwandikira ibaruwa Musanze FC ayisaba kubahiriza amasezerano bafitanye yo mu gihe yo yamusabaga ko batandukana, iyi kipe ntabwo yigeze imusubiza, Imurora Japhet nawe afata icyemezo cyo gutanga ikirego mu kana gashyinzwe gukemura impaka mu Ishyirahamwe ry’Umupira w’Amagaru mu Rwanda.

Impande zombi zitabye tariki 9 Mutarama 2026, Akanama Gashinzwe gukemura impaka kagerageza kubunga, aho kabwiye Musanze FC yari ihagarariwe n’Umunyabanga Mukuru wayo Siradji ko itubahirije amasezerano bari bafitanye ndetse kuba barahinduriye umukozi inshingano bitavuze ko amasezerano yahindutse kuko guhinduka kwayo bigirwamo uruhare n’umukozi n’umukoresha kabasaba kugenda bakumvikana bakazagaha umwanzuro impande zombi zafashe.

Mu biganiro byahuje impande zombi zitashatse gusubira muri FERWAFA ahubwo zigahitamo kiganira ubwazo, Imurora Japhet na Musanze FC bumvikanye ko yishyurwa 1/2 cy’umushahara yakaswe mu mezi atandatu hagati ya Nyakanga n’Ukuboza 2025, agahembwa umushahara wuzuye w’ukwezi kwa Mutarama 2026 ndetse akanahabwa imperekeza z’amezi atatu.

Ni umukino watangiye ku isaha ya saa moya zuzuye muri BK Arena ugenda mu buryo bwari bwitezwe kuko Algeria iri mu makipe ahabwa amahirwe yo kwegukana igikombe. Igice cya mbere cy’uyu mukino witabiriwe n’abantu benshi cyarangiye ifite ibitego 23-10.

Iki gihugu gifite ibikombe birindwi cyakomeje koroherwa n’umukino ari nako u Rwanda rugorwa mu gice cya kabiri cyarangiye rutsinzemo ibitego 15 mu gihe Algeria yatsinzemo ibitego 23, ikanasoza umukino itsinze 46 kuri 25, itsinda umukino wa mbere kuko yari yabanje gutsindwa na Nigeria mu gihe u Rwanda rwo rwatsinze Zambia ku munsi wa mbere.

Mu yindi mikino yabaye, Cameroon yatsinze Kenya ibitego 28-24, Cape Verde itsinda Maroc 33-28, Gabon itsinda Uganda 33-16, Congo Brazzaville itsinda Benin 26-22, Misiri itsinda Angola 41-28, Nigeria itsinda Zambia 38-18 mu gihe Tunisia yatsinze Guinnea 35 kuri 25.

Kuri uyu wa Gatanu, amakipe yose uko ari 16 yitabiriye azaruhuka imikino ikazakomeza mu mpera z’iki cyumweru, ku wa Gatandatu no ku Cyumweru aho u Rwanda ruzakina na Nigeria mu mukino usoza itsinda rya mbere.

Ibi iyi kipe yabitangaje inyuze ku mbuga nkoranyambaga zayo aho yavuze yavuze ko Nshimirimana Ismael Pitchou utari ufite ikipe, myugariro w’ibumoso Udahemuka Jean de Dieu wakiniraga Gasogi United n’uwo hagati Isaac Eze wakiniraga AS Kigali ndetse na rutahizamu wayo Rudasingwa Prince ari abakinnyi bayo bashya.

Police FC isinyishije aba bakinnyi mu gihe yitegura igice cya kabiri cya shampiyona 2025-2026 nyuma yo gusoza imikino ibanza ifite amanota 34 mu mikino 17 yakinnye biyishyira ku mwanya wa kabiri.

Ni amasezerano yasinyiwe ku cyicaro cy’iyi kipe mu Mujyi wa Kigali aho umuyobozi wa Jayrutty Investment Limited ,Joseph Rwegasira yavuze ko izaha iyi kipe ikina Shampiyona y’Icyiciro cya Mbere mu Rwanda miliyari 1,453,000,000 ndetse n’ibikoresho birimo imyambaro.

Ati" Mu myaka itanu tuzashyiramo miliyoni y’amadolari mu mafaranga n’ibirenze iyo miliyoni mu bindi byose ikipe ikenere uhereye ku myambaro yo gukinana.Ntabwo ari ugutera inkunga bizaba ari imikoranire, ni ugufatana ikiganza, Gasogi United ikabona ibyo igombwa natwe tukabona ibyo tugombwa. Hari inyungu nyinshi zizavamo harimo amafaranga n’ibitari amafaranga."

Perezida w’ikipe ya Gasogi United, Kakooza Nkuriza Charles yavuze ko uyu muterankunga azabambika ndetse akanabaha ibikoresho byose kugeza no ku myenda y’abafana.

Ati"Dushingiye ku mateka ya Jayrutty Investiment Ltd, imyenda bazaduha bazatwambika guhera ku myenda, amasogisi kugeza ku nkweto zo gukinana ndetse abafana babibone ku giciro gito mu gihe bazanambika amakipe yacu y’abato."

Jayrutty Investment Limited isanzwe ikorana na Simba SC yo muri Tanzania aho mu myaka itanu bazakorana kuva 2025 kugeza 2030 basinye amasezerano afite agaciro ka miliyoni 17 z’amadolari.

umuyobozi wa Jayrutty Investment Limited ,Joseph Rwegasira yavuze ko izaha iyi kipe ikina Shampiyona y’Icyiciro cya Mbere mu Rwanda miliyari 1,453,000,000 ndetse n’ibikoresho birimo imyambaro

Perezida w’ikipe ya Gasogi United, Kakooza Nkuriza Charles yavuze ko uyu muterankunga azabambika ndetse akanabaha ibikoresho byose kugeza no ku myenda y’abafana

Uyu mukino wabanjirijwe n’ibirori byo gufungura iri rushanwa, byatangiye ku isaha ya saa moya z’ijoro ryafunguwe ku mugaragaro na Minisitiri wa Siporo Nellly Mukazayire wahaye ikaze ibihugu byose byitabiriye. Mu bagejeje ijambo ku bitabiriye ibi birori kandi harimo Perezida w’Ishyirahamwe ry’Umukino wa Handball mu Rwanda Twahirwa na Alfred na Perezida w’Impuzamashyirahamwe y’uyu mukino muri Afurika Dr. Mansourou Aremou mu gihe ibi birori byanasusurukijwe n’itorere Inganzongari.

Ni umukino utagoye ikipe y’u Rwanda cyane kuko yawutangiriye hejuru, byatumye iminota icumi ya mbere y’umukino irangira rufite ibitego 7-1. Ikipe ya Zambia yitwaye neza mu minota icumi yakurikyeho kuko yatsinzemo ibitego bine u Rwanda rugatsindamo bitanu byatumye umukino winjira mu minota icumi ya nyuma y’igice cya mbere ari ibitego 12-5.

Iminota icumi ya nyuma y’igice cya mbere u Rwanda rwongeye kuzamuka rutsindamo ibitego bitanu mu gihe Zambia yatsinzemo ibitego bitatu, byatumye igice cya mbere kigizwe n’iminota 30 kirangira ruyoboye umukino n’ibitego 17-8.Iminota icumi ya mbere y’igice cya kabiri yarangiye habonetsemo ibitego bitanu ku mpande zombi, birimo bitatu by’u Rwanda na bibiri bya Zambia, u Rwanda ruyoboye n’ibitego 20-10 mu gihe umukino wari usigaje iminota 20.

Zambia mu gice cya kabiri wabonaga ko yihagazeho ugereranyije nuko yatangiye umukino, yatumaga u Rwanda rudatsinda ibitego byinshi, kuko mu minota icumi yakurikiyeho rwatsinzemo ibitego bine iyi kipe nayo itsinze bine rukinjira mu minota icumi ya nyuma y’umukino rukiyoboye n’ibitego 24-14. Ibi ariko batandukanye n’iminota icumi ya nyuma y’umukino kuko u Rwanda rubifashinwe na Kayijamahe Yves cyane, rwayitsinzemo ibitego bitandatu Zambia igatsindindamo bitanu byatumye runegukana umukino wa mbere muri iki Gikombe cya Afurika rutsinze ibitego 30-19.

Mu yindi mikino yabaye ku munsi wa mbere w’iki Gikombe cya Afurika uyu ikipe ya Algeria iri mu zibahabwa amahirwe yo gutwara igikombe yatsinzwe na Nigeria ibitego 25-23, Misiri itsinda Gabon 36-25, Guinnea itsinda Kenya 36-27, Angola itsinda Uganda 37-21, Cape Verde itsinda Congo Brazzaville 34-28, Maroc itsinda Benin 52-28 mu gihe Tunisia yatsinze Cameroon 41-22.

Biteganyijwe ko kuri uyu wa Kane, u Rwanda rukina umukino wa kabiri aho rurahura na Algeria yatsinzwe na Nigeria mu mukino wa mbere.

Ni umukino, ikipe ya Rayon Sports yatangiye neza ndetse inagira igice cya mbere cyiza aho gutsinda yabitangiye hakiri kare dore ko ku munota wa munani yabonye igitego cya mbere cyatsinzwe na Tambwe Ngongo Gloire ahawe umupira na Vigninou. Ku munota wa 33 iyi kipe yari yagaruye rutahizamu Fall Ngagne wari umaze amezi 11 adakina kubera imvune, yabonye igitego cya kabiri cyatsinzwe na Faustin Likau, igice cya mbere kirangira ifite ibitego 2-0.

Mu ntangiriro z’igice cya kabiri, ikipe ya Al Merrikh SC yishyuye igitego cya mbere binyuze kuri Bachir Bangoura ku burangare bwab’inyuma ba Rayon Sports, ahita ashyira umupira mu izamu ryari ririnzwe na Mugisha Yves. Rutahizamu Fall Ngagne wari wongeye kubanza mu kibuga nyuma y’amezi 11 adakina akaba atabonye imipira myinshi yatuma atsinda igitego,yasimbuwe ku munota wa 62 w’umukino hinjira Sindi Jesus Paul.

Iminota 20 yakurikiyeho kugeza ku munota wa 70 w’umukino, ikipe ya Al Merrikh SC yakomeje gushaka uko yakwishyura ariko Rayon Sports nayo ishaka uko yatsinda ikindi gitego gusa muri iyi minota buri kipe nta buryo bukomeye bwari kuvamo igitego yabonye. Ikipe ya Al Merrikh SC ku munota wa 70 yasimbuje ikuramo Razafimaro ishyiramo Moise Mousa Camara. Ku munota wa 75 Ishimwe Fiston ysimbuye Joachim Vigninou ku ruhande rwa Rayon Sports, maze uyu musore wari winjiye mu kibuga akorerwaho ikosa hanze gato y’urubuga rw’amahina, ariko uburyo bwiza bwari bubonetse ntibwabyara umusaruro kuko Yannick Bangala wateye iyi kufura yayiteye hejuru y’izamu kure.

Ku munota wa 88, ikipe ya Al Merrikh SC yishyuye igitego cya kabiri n’ubundi ku burangare bwa ba myugariro ba Rayon Sports aho Mousa Moise Camara wari winjiye asimbura yatereye ishoti ku murongo w’urubuga rw’amahina, umunyezamu Mugisha Yves atashoboye gukuramo. Iminota 90 isanzwe yuzuye amakipe yombi anganya ibitego 2-2, bongeraho iminota ine Rayon Sports yabonyemo koroneri eshatu zikurikiranya ariko itashoboye kubonamo igitego cy’itsinzi kugeza umukino urangiye ari ibitego 2-2.

Ibi byemerejwe mu itangazo Ishyirahamwe ry’Umupira w’Amaguru mu Rwanda ryashyize hanze mu rukerera rwo kuri uyu wa Kabiri aho ryavuze hasanzwe iki gitego cyaranzwe hashingiwe ku cyemezo cyitaricyo aho Jabo Aristote yavuze ko habayeho kurarira.

Ryagize riti" Komisiyo y’imisifurire muri FERWAFA yateranye ku wa 19 Mutarama 2026 isuzuma imisifurire ku mukino wahuje APR FC na El Merrikh SC (umukino wabaye ku wa 18/01/2026) mu marushanwa ya Rwanda Premier League, yasanze ku munota wa 88’ w’umukino harabaye ikosa rikomeye ryakozwe n’umusifuzi wungirije wa kabiri (2nd assistant referee), aho igitego cya APR FC cyanzwe hashingiwe ku cyemezo kitari cyo cy’uko habaye kurarira."

FERWAFA yakomeze ivuga ko "Kubera iryo kosa, komisiyo y’imisifurire yafatiye umusifuzi ibihano bikurikira: Jabo Aristote ahagaritswe gusifura imikino ine (4).FERWAFA izakomeza guharanira ubutabera, ubunyangamugayo n’izamuka ry’ireme ry’imisifurire mu mupira w’amaguru mu Rwanda."

Iki gitego cyanzwe na Jabo Aristote cyari gitsinzwe na Dauda Yussif Seif ku mupira Ruboneka Jean Bosco yari amuhaye agaterera ishoti rikomeye hanze y’urubuga rw’amahina ariko umusifuzi avuga ko hari abakinnyi ba APR FC bari baraririye.

Itangazo rya FERWAFA

RGP yegukanye Rwanda Cue Kings Championship yakinwaga ku nshuro ya gatatu

Aya makipe yari agabanyije mu matsinda ane aho itsinda rya mbere ryari ririmo amakipe ane ryazamutsemo ikipe ya Drums yariyoboye, RGP yatwaye igikombe iyobora irya kabiri naryo ryari rigizwe n’amakipe ane, Snipers iyobora itsinda rya gatatu ryari rigizwe n’amakipe ane mu gihe Eza Breakers yayoboye itsinda rya kane ryari rigizwe n’amakipe atatu.

Mu mikino ya 1/2 cy’iri rushanwa ryakinwe hagati y’itariki 16 na 18 Mutarama 2026, ikipe RGP mbere yo kugera ku mukino wa nyuma yahatsindiye Drums, ku rundi ruhande isangwa ku mukino wa nyuma na
Eza Breakers yatsindiye Snipers muri 1/2. Kuri uyu mukino wa nyuma utari woroshye, RGP yahatsindiye Eza Breakers yegukana igikombe inahabwa igihembo cya miliyoni 1 Ftw mu gihe Eza Breakers ya kabiri yahawe ibihumbi 700 Frw naho Snipers yabaye iya gatatu itsinze Drums ihabwa ibihumbi 400 Frw.

Perezida w’Ishyirahamwe ry’Umukino wa Biyari mu Rwanda Shema Jean Claude yavuze ko "Twishimiye intambwe iri guterwa mu mikino wa Billiards mu Rwanda. Nyuma yo gutegura neza shampiyona ya gatatu ya Rwanda Cue Kings Championship, ahazaza hasa neza cyane, byongeye kandi ubu turi mu nzira yo kwandikisha ishyirahamwe mu buryo bwemewe n’amategeko, kandi muri iki gihe cy’impeshyi rizaba ryanditswe mu Rwego rw’Igihugu rw’Imiyoborere (RGB)."

Abarimo Perezida w’Ishyirahamwe ry’Umukino wa Biyari mu Rwanda Shema Jean Claude(Ubanza ibumoso) bari bakurikiye iyi mikino

Shampiyona ya Biyari mu Rwanda yakinwe bwa mbere muri Kamena 2025 yegukanwa n’ikipe ya Drums, yongera no kuyisubiza ubwo yakinwaga ku nshuro ya kabiri muri Nzeri 2025 mu gihe muri uyu mwaka, hari gutegurwa gahunda yagutse yo kuzenguruka intara zose z’igihugu hategurwa amarushanwa.

Uko amakipe yari agabanyije mu matsinda

Aba bakinnyi berekanywe nyuma y’uko Serumogo Ally atandukanye na Rayon Sports ku mugaragaro tariki 17 Mutarama 2026 nyuma y’imyaka ibiri n’igice ayikinira mu gihe Shaban Hussein Tshabalala we yaherukaga kugurishwa na Musanze FC tariki 11 Mutarama 2026 aho iyi kipe yamubonyemo miliyoni 11 Frw mu gihe we yahawe miliyoni 9 Frw.

Iyi kipe yatangaje ko Shaban Hussein Tshabalala yasinye amasezerano y’umwaka umwe mu gihe Serumogo Ally yayisinye amasezerano y’imyaka ibiri ayikinira, ibi byose bikaba byakoze aba bombi basoje gukora ikizamini cy’ubuzima.

Shaban Hussein Tshabalala ubwo yakorerwaga ikizimani cy’ubuzima

Serumogo Ally akorerwa ikizamini cy’ubuzima

Ibi Ishyirahamwe ry’Umupira w’Amagaru na Rwanda Premier League babikoze babinyujije mu itangaza bashyize hanze mu gitondo cyo kuri uyu wa Mbere, aho bavuze ko" Ubuyobozi bw’Ishyirahamwe ry’Umupira w’amaguru mu Rwanda (FERWAFA) bufatanyije n’ubwa Rwanda Premier League buramagana ibikorwa byaranze bamwe mu bafana ba APR FC nyuma y’umukino wahuje APR FC na Al-Merrikh SC kuri iki cyumweru, tariki ya 18/01/2026."

Iri tangazo rikomeza rivuga ko "Abo bafana bagaragaje kutishimira ibyemezo by’abasifuzi bituma bakora imyigaragambyo imbere y’icyicaro cya FERWAFA.Hari kandi abakoresheje imvugo n’ibikorwa bishobora guteza ubushyamirane no kubangamira ituze bya rubanda."

FERWAFA na Rwanda Premier League basoje bibutse abafana ko kutishimira ibyemezo by’abasifuzi bidakwiye kuba intandaro yo gushyamirana, ahubwo abakunzi b’umupira w’amaguru bose bakwiye gutegereza inzego zibifitiye ububasha zigafata ibyemezo ndetse ko nk’Abanyarwanda, umupira w’amaguru ukwiye gushimangira ubumwe n’ubworoherane, nta na rimwe ukwiye kuba impamvu y’ubushyamirane.

APR FC nayo yamaganye aba bafana inavuga ko iratanga ikirego

Binyuze mu butumwa yageneye abakuriye abafana, Umuyobozi w’Icyubahiro wa APR FC Gen Mubarak Muganga yabasabye kubwira abafana kwirinda kugwa mu mutego wo gusagarira abasifuzi ndetse ko ikipe iratanga ikirego.

Yagize ati "Bayobozi ba Fan Clubs, muraho n’abandi mwiriwe.Mukomere, numvise ko mukemanze imisifurire y’uyu munsi, ngo ndetse bamwe mu bafana ba APR F C bagaragaza imico itaranga Ikipe bafana/bakunda bajya gushaka gusagarira umusifuzi wo ku ruhande wanze igitego."

Yakomeje avuga ko "Ndagira ngo nsabe kandi nibutse abo bafana kutagwa mu mutego wo gukosa bakorera urugomo uwo musifuzi. Ubuyobozi bwa APR F C buratanga ikirego uwakosheje akurikiranwe n’amategeko. Nk’abayobozi, ubu butumwa mubugeze kuri bose ababirengaho babwirwe ko natwe ubwacu tuzabakurikirana bagahanwa. Ikipe ya APR F C n’Abafana barangwa n’Ikinyabufura."

Igitego cyateye abakunzi ba APR FC batishimira imisifurire cyatsinzwe na Dauda Yussif Seif ku munota wa 87 ariko umusifuzi wa kabiri w’igitambaro Jabo Aristote avuga ko habayemo kurarira.

Uyu mukino wa nyuma wabereye kuri Stade ya Prince Moulay Abdellah mu Mujyi wa Rabat aho Senegal yatwariyemo igikombe cya Afurika cyayo cya kabiri mu mateka.

Mu butumwa yanyujije ku rubuga rwa X Kagame yashimiye iyi kipe, hamwe na Morocco uburyo yateguye iri rushanwa.

Perezida Kagame yari kumwe n’Umunyamabanga wa Leta muri Minisiteri ya Siporo Rwego Ngarambe ndetse na Perezida w’Ishyirahamwe ry’Umupira w’Amaguru mu Rwanda(FERWAFA) Shema Ngoga Fabrice.

Senegal yegukanye Igikombe cya Afurika 2025, itsindiye Morocco ku mukino wa nyuma igitego 1-0 cyatsinzwe na Pape Gueye ku munota wa 94 ku mupira yahawe na Idrissa Gana Gueye.

Perezida Paul Kagame aganira n’abarimo Perezida wa FIFA Giani Infantino na Perezida wa CAF Patrice Motsepe

Senegal yegukanye Igikombe cya Afurika 2025 mu mukino wa nyuma warebwe na Perezida Paul Kagame