Kigali Today https://www.kigalitoday.com/ Kigali Today ibagezaho amakuru nyayo ku Rwanda en SPIP - www.spip.net Kigali Today https://www.kigalitoday.com/local/cache-vignettes/L144xH34/siteon0-628cb.gif?1780071413 https://www.kigalitoday.com/ 34 144 Bamwe mu bakinnyi bigaragaje muri CHAN batangiye kubona amakipe hanze https://www.kigalitoday.com/imikino/football/article/bamwe-mu-bakinnyi-bigaragaje-muri-chan-batangiye-kubona-amakipe-hanze https://www.kigalitoday.com/imikino/football/article/bamwe-mu-bakinnyi-bigaragaje-muri-chan-batangiye-kubona-amakipe-hanze 2021-02-04T06:54:46Z text/html en Sports Football Sammy Imanishimwe CHAN2020 Bamwe mu bakinnyi bigaragaje muri CHAN batangiye kubona amakipe hanze

Kuva tariki 16/01/2021 mu gihugu cya Cameroun hari kubera igikombe cya Afurika gihuza abakinnyi bakina imbere mu bihugu byabo, irushanwa ryashyizweho mu rwego kuzamurwa urwego rw’abakina imbere mu bihugu no gutuma bigaragaza ku rwego mpuzamahanga.

Kuri iyi nshuro, n’ubwo irushanwa ritarasaozwa hari bamwe mu bakinnyi bamaze kubona andi makipe muri shampiyona zitandukanye n’izo bakinagamo, ndetse n’abari kwifuzwa ariko ubu batarabasha gusinyira amakipe abashaka.

Saidi Kyeyune wigaragaje muri CHAN 2020 yabonye ikipe
Saidi Kyeyune wigaragaje muri CHAN 2020 yabonye ikipe

Bamwe mu bamaze gihindura amakipe harimo umukinnyi Saidi Kyeyune, ukina mu kibuga mu ikipe ya Uganda ndetse akanakinira URA Fc, ku myaka ye 27 yamaze gusinya mu ikipe ya El Merreikh yo muri Sudan, akaba yarigaragaje atsinda ibitego bibiri by’amashoti ya kure yatsinze Togo na Maroc.

Undi mukinnyi wamaze kubona ikipe, ni myugariro wa Zimbabwe Peter Muduhwa, akaba yaramaze kwerekeza mu ikipe ya Simba SC yo muri Tanzania aho yari avuye mu ikipe ya Highlanders FC yo muri Zimbabwe.

Doxa Gikanji wa DR Congo yamaze kwerekeza muri Simba SC
Doxa Gikanji wa DR Congo yamaze kwerekeza muri Simba SC

Usibye Muduhwa, ikipe ya Simba kandi yanasinyishije umukinnyi wo hagati wa DR Congo Doxa Gikanji, akaba yari asanzwe akinira ikipe ya Daring Club Motema Pembe.

Myugariro wa Burkina Faso Soumaila Ouattara nawe yavuye mu ikipe y’iwabo ya Rahimo FC yerekeza muri shampiona ya Maroc, aho ku myaka ye 25 yamaze gusinya mu ikipe y’igihangange ya Raja Casablanca.

Ikipe ya Mamelodi Sundowns yo muri Afurika y’Epfo, iri gushakisha cyane umukinnyi wa Cameroon Loic Ako Assomo, n’ubwo ibiganiro bigeze kure ariko ntirabasha kumusinyisha.

Mutsinzi Ange ari mu bakinnyi bitwaye neza bashobora kubona amakipe
Mutsinzi Ange ari mu bakinnyi bitwaye neza bashobora kubona amakipe

Amakuru ava muri Cameroun kandi avuga ko abakinnyi b’abanyarwanda barimo nka Mutsinzi Ange, Byiringiro Lague, Omborenga Fitina na Hakizimana Muhadjili, hari amakipe yaba yarabifuje ariko ataramenyekana kugeza ubu.

Morlaye Sylla wasezereye u Rwanda arifuzwa n'amakipe yo mu Bufaransa
Morlaye Sylla wasezereye u Rwanda arifuzwa n’amakipe yo mu Bufaransa

Andi makuru ari kuvugwa ni uko amakipe yo mu Bufaransa arimo AS Monaco na Nantes yifuza gusinyisha abakinnyi bo muri Guinea barimo Morlaye Sylla ndetse ndetse na Ibrahima Kalil Traoré.

]]> #CHAN2020: Hagati ya Morocco na Mali haravamo itwara igikombe https://www.kigalitoday.com/imikino/football/article/chan2020-hagati-ya-morocco-na-mali-haravamo-itwara-igikombe https://www.kigalitoday.com/imikino/football/article/chan2020-hagati-ya-morocco-na-mali-haravamo-itwara-igikombe 2021-02-04T05:15:45Z text/html en Editor Football Isaac Kuradusenge CHAN2020 #CHAN2020: Hagati ya Morocco na Mali haravamo itwara igikombe
Morocco ibitse igikombe cya 2018 irashaka n'icya 2020
Morocco ibitse igikombe cya 2018 irashaka n’icya 2020

Ni nyuma y’uko ku wa Gatatu tariki ya 03 Gashyantare 2021 hakinwe imikino ya 1/2. Umukino wabanje ni uwahuje Mali na Guinea wabereye kuri Jopama Stadium iherereye mu mujyi wa Douala. Iminota 90 y’umukino yarangiye amakipe anganya ubusa ku busa. Hongeyeweho iminota 30 na yo irangira nta kipe irebye mu izamu ry’indi. Nyuma y’iyi minota hitabajwe Penaliti maze Mali itsinda Guinea Penaliti eshanu kuri enye.

Saa tatu z’ijoro kuri Limbe Omnisport Stadium, ikipe y’igihugu ya Morocco yari mu itsinda rimwe n’u Rwanda yanyagiye Cameroon yakiriye imikino ibitego bine ku busa.

Morocco yafunguye amazamu ku munota wa 29, igitego cyatsinzwe na Soufiane Bouftini. Ku munota wa 40 na 70 Soufiane Rahimi yatsinze ibitego bibiri maze Mohammed Ali Bemmamer atsinda igitego cya kane ku munota wa 83.

Morocco yatwaye igikombe cya CHAN 2018 cyabereye iwabo yageze ku mukino wa nyuma idatsinzwe, aho mu mikino itanu imaze gutsindamo ibitego 14.

Gahunda yo guhatanira umwanya wa Gatatu

Ku wa Gatandatu tariki ya 06 Gashyantare 2021:

– Guinea izakina na Cameroon kuri Stade de la Reunification i Douala

Umukino wa Nyuma:

Ku Cyumweru tariki 07 Gashyantare 2021:

– Mali izakina na Morocco kuri Stade Ahmadou Ahidjo i Yaoundé

Mali yashimiye kugera ku mukino wa nyuma isezereye Guinea yari yasezereye u Rwanda
Mali yashimiye kugera ku mukino wa nyuma isezereye Guinea yari yasezereye u Rwanda

Irushanwa rya CHAN rihuza abakinnyi bakina imbere mu bihugu byabo. Iri rushanwa ririmo kuba ku nshuro yaryo ya Gatandatu. CHAN yatangiye mu mwaka wa 2009 yakiriwe na Côte d’Ivoire itwarwa na Repubulika Iharanira Demokarasi ya Congo. Muri 2011 yakiriwe na Sudani yitabirwa n’amakipe 16 yegukanwa na Tunisia. Muri 2014 yabereye muri Afurika y’Epfo yegukanwa na Libya. Muri 2016 yabereye mu Rwanda yegukanwa na Repubulika Iharanira Demokarasi ya Congo. Muri 2018 yabereye muri Morocco, ikipe y’icyo gihugu iba ari na yo iryegukana.

]]> Twabyemeye, ntitwajya kurega VAR-Mashami avuga ku ikarita y'umutuku no gusezererwa https://www.kigalitoday.com/imikino/football/article/twabyemeye-ntitwajya-kurega-var-mashami-avuga-ku-ikarita-y-umutuku-no-gusezererwa https://www.kigalitoday.com/imikino/football/article/twabyemeye-ntitwajya-kurega-var-mashami-avuga-ku-ikarita-y-umutuku-no-gusezererwa 2021-02-01T06:11:31Z text/html en Sports Football Sammy Imanishimwe CHAN2020 Twabyemeye, ntitwajya kurega VAR-Mashami avuga ku ikarita y’umutuku no gusezererwa

Ikipe y’igihugu y’u Rwanda yaraye isezerewe na Sylli Nationale ya Guinea iyitsinze igitego 1-0, ni nyuma y’uko amakipe yombi yarangije umukino ari abakinnyi 10, aho ku ruhande rwa Guinea yahawe Mory Kante, naho ku Rwanda ihabwa Kwizera Olivier

Amavubi yatsinzwe igitego 1-0 na Guinea
Amavubi yatsinzwe igitego 1-0 na Guinea

Nyuma yo gusezererwa n’ikipe y’igihugu ya Guinea muri ¼ cy’irangiza, umutoza Mashami Vincent yatangaje ko baciwe integer n’imvune za Jacques Tuyisenge ndetse na Kalisa Rachid mu minota ya mbere y’umukino, ndetse n’ikarita itukura yahawe Kwizera Olivier.

Yagize ati “Birumvikana intezo zacu ntitwabashje kuzigeraho, ntitwavuga ko twishimye turababaye kuko twifuzagaga kugera mu cyiciro gikurikiyeho kandi byashobokaga byose.”

“Ikarita y’umutuku babonye natwe yadukozeho kuko twahatakarije umukinnyi, kandi ni umukinnyi w’ingenzi kuri twe, nyuma tuza kubura na Kalisa Rachid bituma dukora impinduka zihuse, iyo ukoze impinduka zihuse bituma uko wateguye byose bitagenda neza”

“Ntabwo twashoboye kubyaza umusaruro amahirwe yo kuba twakinaga n’ikipe ituzuye, ntitwakwirengagiza ko ari ikipe ikomeye, gusa twari dukwiye byinshi kurusha ibyo babonye”

Umutoza Mashami yavuze ko bemeye ibyavuye mu mukino

“Urebye n’ikosa twaboneyeho ikarita y’umutuku, abarebye amashusho mwabonye ko nta kosa Olivier yakoreye uriya mukinnyi, ariko umukinnyi yabaye umuhanga cyane, yakiniye ku bwenge bw’abasifuzi, yabarushije ubwenge ni ko navuga, babona Coup-Franc turayitsindwa, rimwe na rimwe ugomba kubyemera twabyemeye ntabwo twajya kurega, ntabwo twajya kurega VAR.”

Umutoza Mashami Vincent ntiyanyuzwe n'imisifurire ariko yemeye ibyavuye mu mukino
Umutoza Mashami Vincent ntiyanyuzwe n’imisifurire ariko yemeye ibyavuye mu mukino
]]> #CHAN2020: Amavubi asezerewe na Guinea mu mukino wabonetsemo amakarita abiri y'umutuku (AMAFOTO) https://www.kigalitoday.com/imikino/football/article/chan2020-amavubi-asezerewe-na-guinea-mu-mukino-wabonetsemo-amakarita-abiri-y-umutuku-amafoto https://www.kigalitoday.com/imikino/football/article/chan2020-amavubi-asezerewe-na-guinea-mu-mukino-wabonetsemo-amakarita-abiri-y-umutuku-amafoto 2021-01-31T20:53:46Z text/html en Sports Football Sammy Imanishimwe CHAN2020 #CHAN2020: Amavubi asezerewe na Guinea mu mukino wabonetsemo amakarita abiri y’umutuku (AMAFOTO)

Ikipe y’igihugu y’u Rwanda Amavubi ntiyabashije gukabya inzozi zo kugera muri 1/2 mu marushanwa ya CHAN ari kubera muri Cameroun, nyuma yo gutsindwa igitego 1-0 na Guinea

Mu rwambariro mbere y’umukino

Abakinnyi b’Amavubi bishyushya...

Mu minota itanu ya mbere y’umukino, ikipe ya Guinea yayihariye ndetse banatera imipira ibiri mu izamu irimo na Coup-Franc, ariko umunyezamu Kwizera Olivier ayikuramo neza

Ku munota wa cyenda w’umukino, nyuma yo guhererekanya neza hagati ya Imanishimwe Emmanuel na Muhadjili, Imanishimwe yahinduye umupira Tuyisenge Jacques awuteye n’umutwe uca hejuru y’izamu.

Tuyisenge Jacques yakiniwe nabi ahita ava mu kibuga hakiri kare
Tuyisenge Jacques yakiniwe nabi ahita ava mu kibuga hakiri kare

Nyuma y’umunota umwe gusa Jacques Tuyisenge Jacques yaje gukorerwa ikosa n’umukinnyi wo hagati wa Guinea witwa Kante, aza kuvunika mu ivi byatumye ahita anasimbuzwa hinjira Sugira Ernest, naho Morey Kante ahita ahabwa ikarita itukura.

Ku munota wa 21 w’umukino, Niyonzima Olivier Sefu yakoreye ikosa ku mukinnyi wa Guinea, ahita ikarita y’umuhondo, Guinea nayo ihabwa Coup-Franc ariko bayiteye ica hejuru y’izamu.

Ku munota wa 27 w’umukino, kuri koruneri yari itewe na Hakzimana Muhadjili, Ernest Sugira yagonganye n’umunyezamu wa Guinea bose baragwa, maze Sugira ahita ahabwa ikarita y’umuhondo.

Ku munota wa 34 w’umukino, Kalisa Rachid wavgiye avunika muri buri mukino Amavubi yakinnye, yaje kongera kubabara ava mu kibuga, asimburwa na Twizerimana Martin Fabrice usanzwe akinira ikipe ya Police Fc.

Nyuma yo gukina iminota 45, umusifuzi yongeyeho iminota itatu, nayo iza kurangira nta kipe n’imwe ibashije kunyeganyeza inshundura, n’ubwo muri rusange Guinea yakinaga ari abakinnyi 10 gusa yabonye amahirwe menshi yo gutsinda kurusha Amavubi.

Igice cya kabiri kigitangira, Amavubi yatangiye asatira, Nshuti Dominique Savio ahindura umupira mu rubuga rw’amahina, Muhadjili awuhusha kabiri, Sugira Ernest awuteye ukubita igiti cy’izamu uhita ujya hanze.

Ku munota wa 54 w’umukino, rutahizamu wa Guinea yasigaranye n’umunyezamu Kwizera Olivier, agiye gutera umupira arawuhusha umukinnyi wa Guinea aragwa, Kwizera Olivier ahabwa ikarita y’umuhondo ariko nyuma yo kwifashisha amashusho umusfuzi ahita aha Kwizera Olivier ikarita itukura.

Byahise biba ngombwa ko rutahizamu Byiringiro Lague avanwa mu kibuga, ahita asimburwa na Kimenyi Yves, yaje guhita aterwa Coup-Franc na Morlaye Sylla, ariko ntiyabasha kuwugarura Guinea iba iyoboye umukino n’igitego 1-0.

Kimenyi Yves ntiyabashije kugarura Coup-Franc ya Sylla
Kimenyi Yves ntiyabashije kugarura Coup-Franc ya Sylla

Abakinnyi babanje mu kibuga

Kwizera Olivier, Omborenga Fitina, Imanishimwe Emmanuel, Emery Bayisenge, Mutsinzi Ange, Niyonzima Olivier, Kalisa Rachid, Hakizimana Muhadjiri, Tuyisenge Jacques, Nshuti Dominique Savio na Byiringiro Lague.

]]> Abashobora kubanzamo n'ibyo wamenya mbere y'umukino w'u Rwanda na Guinea https://www.kigalitoday.com/imikino/football/article/abashobora-kubanzamo-n-ibyo-wamenya-mbere-y-umukino-w-u-rwanda-na-guinea https://www.kigalitoday.com/imikino/football/article/abashobora-kubanzamo-n-ibyo-wamenya-mbere-y-umukino-w-u-rwanda-na-guinea 2021-01-31T08:52:37Z text/html en Sports Football Sammy Imanishimwe CHAN2020 Abashobora kubanzamo n’ibyo wamenya mbere y’umukino w’u Rwanda na Guinea

Ku i Saa tatu z’ijoro ryo kuri iki Cyumweru, haraba umukino usoza indi mikino ya ¼, umukino uza guhuza ikipe y’u Rwanda Amavubi yabaye iya kabiri mu itsinda C, ndetse n’iya Guinea yabaye iya mbere mu itsinda D.

Amavubi afite intego zo gusezerera Guinea muri 1/4
Amavubi afite intego zo gusezerera Guinea muri 1/4

Ni umukino ku ruhande rw’Amavubi bifuza gutsinda bakandika amateka mashya kuko ari bwo bwa mbere u Rwanda rugeze muri ½ mu marushanwa yo ku rwego rwa Afurika, kuko kure rwari rwarageze ari muri ¼ mu marushanwa ya CHAN 2016 yabereye mu Rwanda.

Abakinnyi bo kwitega

Bamwe mu bakinnyi iyi kipe y’igihugu ya Guinea iza kuba igenderaho, harimo nayo Yakhouba Gnagna Barry umaze kuyitsindira ibitego bitatu, ndetse na Morlaye Sylla ukina hagati mu ikipe ya Horoya Fc, akaba yaranabaye umukinnyi mwiza (Homme du match/Man of the Match) mu mikino ibiri ya mbere Guinea yakinnye.

Amavubi kugeza ubu nta mukino aratsindwa
Amavubi kugeza ubu nta mukino aratsindwa

Nta COVID ku mpande zombi

Aya makipe yombi mbere yo guhura, ibisubizo ku bipimo bya Cornavirus byafashwe ku mpande zombi, byagaragaje ko nta n’umwe urwaye icyo cyorezo cyibasiye amwe mu makipe ari muri aya marushanwa by’umwihariko nka Republika iharanira Demokarasi ya Congo.

Si ubwa mbere aya makipe agiye guhura

U Rwanda na Guinea ni inshuro ya kane bagiye guhura mu marushanwa atandukanye, aho aya makipe yakinnye bwa mbere mu gikombe cya Afurika cya 2004, ibihugu byombi byanganyije igitego 1-1, aho u Rwanda rwishyuriwe na Kamanzi Kharim ku munota wa nyuma w’umukino.

Kamanzi Kharim watsindiye Amavubi igitego ku mukino wabahuje na Guinea muri 2004
Kamanzi Kharim watsindiye Amavubi igitego ku mukino wabahuje na Guinea muri 2004

Mu gushaka itike yo kwerekeza mu gikombe cya Afurika cya 2019, aya makipe yombi yongeye guhurira mu itsinda rimwe, mu mukino ubanza Guinea itsinda u Rwanda ibitego 2-0, naho mu mukino wo kwishyura i Kigali bahanganyiriza igitego 1-1.

Abakinnyi bashobora kubanza mu kibuga ku ruhande rw’Amavubi

Kwizera Olivier, Omborenga Fitina, Imanishimwe Emmanuel, Emery Bayisenge, Mutsinzi Ange, Niyonzima Olivier, Twizerimana Martin Fabrice, Hakizimana Muhadjiri, Tuyisenge Jacques, Sugira Ernest na Byiringiro Lague.

]]> #CHAN2020: Mali na Cameroon zageze muri 1/2 https://www.kigalitoday.com/imikino/football/article/chan2020-mali-na-cameroon-zageze-muri-1-2 https://www.kigalitoday.com/imikino/football/article/chan2020-mali-na-cameroon-zageze-muri-1-2 2021-01-31T05:49:33Z text/html en Editor Football Isaac Kuradusenge CHAN2020 #CHAN2020: Mali na Cameroon zageze muri 1/2
Mali yishimiye kugera muri 1/2 dore ko byasabye ko hitabazwa Penaliti
Mali yishimiye kugera muri 1/2 dore ko byasabye ko hitabazwa Penaliti

Imikino ya mbere ya 1/4 yakinwe ku wa Gatandatu tariki ya 30 Mutarama 2021. Umukino wa mbere watangiye saa kumi n’ebyiri ku isaha yo mu Rwanda wahuje Mali na Congo Brazaville wabereye kuri Sitade Ahmadhou Ahidjo mu mujyi wa Yaoundé. Iminota 90 y’umukino yarangiye amakipe anganya ubusa ku busa, hongerwaho iminota 30 na yo irangira nta gitego kibonetse. Nyuma y’iminota 120 hitabajwe Penaliti maze ikipe ya Mali isezerera Congo Brazaville kuri Penaliti eshanu kuri enye.

Umukino wa Kabiri watangiye saa tatu z’ijoro wabereye kuri Sitade Jopama iri mu mujyi wa Douala wahuje Cameron yakiriye imikino na Repubulika Iharanira Demokarasi ya Congo (DR Congo). Ikipe ya Cameroon yasezereye DR Congo iyitsinze ibitego bibiri kuri kimwe. Ibitego bya Cameroon byatsinzwe na Yannick Ndjeng, Felix Oukine Tcheoude mu gihe icya Congo Kinshasa cyatsinzwe na Glody Makabi Lilepo.

Umukino wa Cameroon na DR Congo warimo imbaraga nyinshi
Umukino wa Cameroon na DR Congo warimo imbaraga nyinshi
Cameroon yasabye abafana guhaguruka bakishimira intsinzi ya 1/2
Cameroon yasabye abafana guhaguruka bakishimira intsinzi ya 1/2

Gahunda y’imikino ya 1/4 kuri iki Cyumweru tariki ya 31 Mutarama 2021:

18:00: Zambia irakina na Morocco kuri Stade de la Reunification
21:00: Guinea irakina n’u Rwanda Rwanda kuri Stade de Limbe

Mu mikino ya 1/2 Ikipe ya Mali izahura n’iri bukomeze hagati y’u Rwanda na Guinea, mu gihe Cameroon izahura n’iri bukomeze hagati ya Zambia na Morocco.

]]> Ni igihugu cy'umupira gifite amakipe ahora muri Champions League ariko tugiye kubitegura-Mashami avuga kuri Guinea https://www.kigalitoday.com/imikino/football/article/ni-igihugu-cy-umupira-gifite-amakipe-ahora-muri-champions-league-ariko-tugiye-kubitegura-mashami-avuga-kuri-guinea https://www.kigalitoday.com/imikino/football/article/ni-igihugu-cy-umupira-gifite-amakipe-ahora-muri-champions-league-ariko-tugiye-kubitegura-mashami-avuga-kuri-guinea 2021-01-28T06:28:10Z text/html en Sports Football Sammy Imanishimwe CHAN2020 Ni igihugu cy’umupira gifite amakipe ahora muri Champions League ariko tugiye kubitegura-Mashami avuga kuri Guinea

Kuri uyu wa Gatatu ni imikino yose y’amatsinda ya CHAN 2020, aho yasojwe n’iyo mu itsinda rya kane, u Rwanda rugomba kuzahura cya Guinea cyasoje imikino yayo kiri ku mwanya wa mbere n’amanota n’amanota atanu, ni nyuma yo kunganya na Tanzania ibitego 2-2.

Umutoza Mashami Vincent yavuze ko bagiye kwiga imikinire ya Guinea
Umutoza Mashami Vincent yavuze ko bagiye kwiga imikinire ya Guinea

Mashami Vincent, umutoza w’ikipe y’igihugu y’u Rwanda Amavubi nyuma yo kumenya ko bazahura na Guinea, yatangaje ko ubu bagiye gufata umwanya wo kwiga imikinire y’iyi kipe, basanzwe bazi ko ari n’igihugu gikomeye mu mupira w’amaguru.

Yagize ati “Ubu iyo uvuye mu mikino y’amatsinda, ni ugutsindwa uvamo ntabwo bikiri iby’amanota, igikurikiyeho ni ugushaka amakuru kuri Guinea, gusa Guinea ni igihugu cy’umupira bafite amakipe akomeye nka za Horoya ni zo zhora muri Champions League.”

Amavubi azahura na Syli Nationale ya Guinea muri 1/4 kuri iki Cyumweru
Amavubi azahura na Syli Nationale ya Guinea muri 1/4 kuri iki Cyumweru

“Tugiye kureba amashusho yayo, turebe imikino bakinnye, kugira ngo turebe ko twarushako kubitegura neza, turabizi ko ariumukino uba ukomeye, ikipe yitwaye neza ni yo ikomeza, twese twari duhugiye mu matsinda, ubu nabo bagiye gutangira gushaka amakuru yacu nk’uko natwe tugiye gushaka amakuru yabo, turitegura dushaka ko twakomeza mu cyiciro gikurikira”

Ikipe y’igihugu y’u Rwanda Amavubi ndetse na Guinea (Syli Nationale), bazakina umukino wa ¼ ku Cyumweru tariki 31/01/2021, guhera i Saa tatu z’ijoro kuri Stade Limbe banatsindiyeho Togo, mu gihe Maroc bari kumwe mu itsinda izaba yakinnye Saa kumi n’ebyiri na Zambia

]]> #CHAN2020: Amavubi yamenye ikipe bazahura muri 1/4 https://www.kigalitoday.com/imikino/football/CHAN2020-Amavubi-yamenye-ikipe-bazahura-muri-1/4 https://www.kigalitoday.com/imikino/football/CHAN2020-Amavubi-yamenye-ikipe-bazahura-muri-1/4 2021-01-28T05:00:23Z text/html en Editor Football Isaac Kuradusenge CHAN2020 #CHAN2020: Amavubi yamenye ikipe bazahura muri 1/4
U Rwanda rwabonye itike ya 1/4 nyuma yo gutsinda TOGO 3-2
U Rwanda rwabonye itike ya 1/4 nyuma yo gutsinda TOGO 3-2

Ku wa Gatatu tariki ya 27 Mutarama 2021 nibwo hakinwe imikino ya nyuma y’amatsinda mu itsinda rya Kane ( Group D). Ikipe y’igihugu ya Guinea yasezereye Tanzania nyuma yo kunganya na yo ibitego bibiri kuri bibiri. Guinea ni yo yafunguye amazamu ku munota wa Kane w’umukino igitego cyatsinzwe na Yakhiuba Gnagna Barry kuri Penality. Tanzania yishyure igitego cya mbere ibifashijwemo na Baraka Majogoro ku munota 23. Tanzania yatsinze igitego cya Kabiri ku munota wa 69 gitsinzwe na Edouard, ariko kiza kwishyurwa na Victor Kantabadouna wa Guinea ku munota wa 82 icyizere cya Tanzania kirangirira aho. Muri iri tsinda Zambia yanganyije na Namibia ubusa ku busa.

Umukino wa Guniea na Tanzania wabonetsemo ibitego bine
Umukino wa Guniea na Tanzania wabonetsemo ibitego bine

Uko itsinda rya D rihagaze

1. Guinea imikino itatu amanota 5
2.Zambia : Imikino itatu amanota 5
3. Tanzania : Imikino itatu amanota 4
4. Namibia : Imikino itatu inota rimwe

Zambia na Namibia basoje buri kipe nta gitego yinjije mu izamu ry'iyindi
Zambia na Namibia basoje buri kipe nta gitego yinjije mu izamu ry’iyindi

Gahunda y’imikino ya 1/4

Ku wa Gatandatu tariki ya 30 Mutarama 2021

18:00 : Mali vs Congo : Stade Ahmadou Ahidjo, Yaoundé
21:00: DR Congo vs Cameroon : Japoma Stadium, Douala

Ku Cyumweru tariki ya 31 Mutarama 2021

18:00 : Morocco vs Zambia : Stade de la Reunification, Douala
21:00: Guinea vs Rwanda : Limbe Stadium, Limbe

Sugira Ernest aritezwe ku mukino w'u Rwanda na Guinea
Sugira Ernest aritezwe ku mukino w’u Rwanda na Guinea

Irushanwa rya CHAN riri kuba ku nshuro ya Gatandatu. Kuri iyi nshuro, mu mikino 24 yakinwe mu matsinda hamaze kubonekamo ibitego 46 bivuze impuzandego ya 1.92 y’igitego kuri buri mukino. Rutahizamu wa Guniea Yakhouba Gnagna Barry asoje imikino y’amatsinda afite ibitego bitatu. Imikino y’amatsinda yakinwe mu mijyi itatu ari yo Yaoundé, Douala na Limbe. Irushanwa rizasozwa ku Cyumweru tariki 07 Gashyantare 2021.

]]> #CHAN2020: Sugira Ernest yijeje Abanyarwanda kugera ku mukino wa nyuma https://www.kigalitoday.com/imikino/football/article/chan2020-sugira-ernest-yijeje-abanyarwanda-kugera-ku-mukino-wa-nyuma https://www.kigalitoday.com/imikino/football/article/chan2020-sugira-ernest-yijeje-abanyarwanda-kugera-ku-mukino-wa-nyuma 2021-01-27T06:42:41Z text/html en Editor Football Isaac Kuradusenge CHAN2020 #CHAN2020: Sugira Ernest yijeje Abanyarwanda kugera ku mukino wa nyuma
Sugira Ernest ni umwe muri ba rutahizamu bakunze kubonera ibitego Amavubi
Sugira Ernest ni umwe muri ba rutahizamu bakunze kubonera ibitego Amavubi

Mu kiganiro yagiranye n’abanyamakuru nyuma yo gutsinda igitego cya Gatatu mu mukino u Rwanda rwasezereyemo Togo , Sugira yijeje Abanyarwanda kugera ku mukino wa nyuma. Yagize ati "Abanyarwanda nabizeza ko tuzagera kure hashoboka bivuze gutwara igikombe byakwanga tukagera ku mukino wa nyuma."

Sugira Ernest yakomeje avuga ko yishimira kuba atsinda ibitego bitanga itike ku ikipe Amavubi kandi bikamutera ishema.

Igitego Sugira Ernest yatsinze ku munota wa 65 ubwo Amavubi yakinaga na Togo cyabaye icya 12 atsinze mu ikipe y’igihugu Amavubi ndetse kikaba n’igitego cya kabiri gitanze itike ku kindi cyiciro.

Mu mwaka wa 2019 igitego cya Sugira Ernest cyahesheje u Rwanda itike yo gukina CHAN 2020 rusezereye Ethiopia.

Igitego yatsinze kuri uyu wa Kabiri tariki ya 26 Mutarama 2021 cyasezereye ikipe y’igihugu ya Togo, u Rwanda rugera mu mikino ya 1/4 mu irushanwa rya CHAN 2020 rihuza abakina imbere mu bihugu byabo.

]]> Abayobozi n'abandi batandukanye bashimye Amavubi yahesheje u Rwanda ishema https://www.kigalitoday.com/imikino/football/Abayobozi-n-abandi-batandukanye-bashimye-Amavubi-yahesheje-u-Rwanda-ishema https://www.kigalitoday.com/imikino/football/Abayobozi-n-abandi-batandukanye-bashimye-Amavubi-yahesheje-u-Rwanda-ishema 2021-01-26T22:20:06Z text/html en Editor Football KT Editorial CHAN2020 Abayobozi n’abandi batandukanye bashimye Amavubi yahesheje u Rwanda ishema
]]> #CHAN2020: Amavubi abonye itike ya 1/4 nyuma yo gutsinda TOGO https://www.kigalitoday.com/imikino/football/CHAN2020-Amavubi-abonye-itike-ya-1/4-nyuma-yo-gutsinda-TOGO https://www.kigalitoday.com/imikino/football/CHAN2020-Amavubi-abonye-itike-ya-1/4-nyuma-yo-gutsinda-TOGO 2021-01-26T20:53:28Z text/html en Editor Football MobileBigStory Sammy Imanishimwe CHAN2020 #CHAN2020: Amavubi abonye itike ya 1/4 nyuma yo gutsinda TOGO

Ku munota wa gatandatu w’umukino, Manzi Thierry yavunitse asimburwa na Emery Bayisenge.

Ku munota wa 17, Byiringiro Lague yakoreye ikosa ku mukinnyi wa Togo, ahita ahabwa ikarita y’umuhondo.

Byiringiro Lague yaje guhita azamukana umupira acenga abakinnyi babiri ba Togo, awuhereza Jacques Tuyisenge ateye mu izamu uca hejuru.

Ku munota wa 37, abakinnyi ba Togo baciye mu rihumye Amavubi, umupira ugera kuri kapiteni wa Togo ahita abatsindira igitego cya mbere.

Nyuma y’iminota Amavubi yari amaze asatira Togo, Emery Bayisenge yaje gutera Coup-franc, maze Niyonzima Olivier Sefu ahita ayitsinda n’umutwe, igice cya mbere kirangira ari igitego 1-1.

Niyonzima Olivier Sefu yatsinze igitego cya mbere cyahaye icyizere ikipe y'u Rwanda
Niyonzima Olivier Sefu yatsinze igitego cya mbere cyahaye icyizere ikipe y’u Rwanda

Ku munota wa 56, umutoza Mashami Vincent yakuyemo Kalisa Rachid utararangiza umukino n’umwe muri iri rushanwa asimburwa na Twizerimana Martin Fabrice.

Nyuma y’umunota umwe gusa, Togo yahise ibona igitego cya kabiri, ariko Amavubi na yo ku mupira wahinduwe na Ombolenga Fitina, Tuyisenge Jacques yahise atsindia Amavubi igitego cya kabiri.

Tuyisenge Jacques yatowe nk'umukinnyi mwiza w'uyu mukino
Tuyisenge Jacques yatowe nk’umukinnyi mwiza w’uyu mukino

Ku munota wa 60, Nshuti Dominique Savio yasimbuwe na rutahizamu Ernest Sugira. Nyuma y’iminota ibiri ageze mu kibuga, Ernest Sugira yaje guhita abona umupira acenga myugariro wa Togo ahita atsindira Amavubi igitego cya gatatu.

Sugira yatsinze igitego cya Gatatu cyahesheje intsinzi u Rwanda
Sugira yatsinze igitego cya Gatatu cyahesheje intsinzi u Rwanda

Abakinnyi babanje mu kibuga ku mpande zombi:

Rwanda: Kwizera Olivier, Omborenga Fitina, Imanishimwe Emmanuel, Manzi Thierry, Mutsinzi Ange, Niyonzima Olivier, Kalisa Rachid, Hakizimana Muhadjiri, Tuyisenge Jacques, Nshuti Dominique Savio na Byiringiro Lague.

]]> Ku mukino wa Uganda twikanze baringa, twari gutsinda - Umutoza Sogonya Kishi https://www.kigalitoday.com/imikino/football/Ku-mukino-wa-Uganda-twikanze-baringa-twari-gutsinda-Umutoza-Sogonya-Kishi https://www.kigalitoday.com/imikino/football/Ku-mukino-wa-Uganda-twikanze-baringa-twari-gutsinda-Umutoza-Sogonya-Kishi 2021-01-26T17:25:49Z text/html en Editor Football Servilien Mutuyimana CHAN2020 Ku mukino wa Uganda twikanze baringa, twari gutsinda - Umutoza Sogonya Kishi
Sogonya Hamisi Kishi
Sogonya Hamisi Kishi

Ni mu kiganiro yagiranye n’umunyamakuru wa KT Radio Nsengumukiza Prudence muri KT Sports yo kuri uyu wa Kabiri tariki 26 Mutarama 2021, aho yari yatumiwe nk’umusesenguzi ku mukino uhuza Amavubi n’ikipe y’igihugu ya Togo, saa tatu z’umugoroba wo kuri uyu wa kabiri.

Uwo mugabo yavuze ko amahirwe y’Amavubi asigaye ari ugutsinda uwo mukino, ariko agarutse ku mukino Amavubi yanganyijemo n’ikipe y’igihugu ya Uganda 0-0, avuga ko Amavubi yari afite ubushobozi bwo gutahana amanota atatu kuri uwo mukino iyo adatinya ikipe ya Uganda.

Agira ati “Ku mukino wa Uganda n’u Rwanda Amavubi yikanze baringa, yari gutsinda uriya mukino akabona amanota atatu ayarinda igitutu cy’umukino w’uyu munsi kandi byarashobokaga”.

Yavuze ko kugira ngo Amavubi akomeze mu kindi cyiciro, ari uko imikinire yahinduka abakinnyi bakabwirwa ko bagomba gusatira kugira ngo haboneke intsinzi nk’amahirwe ya nyuma Amavubi asigaranye.

Yavuze ko mu bigomba guhinduka ari uko hakwiyambazwa umukinnyi ukina hagati witwa Manishimwe Djabel, kandi abakinnyi b’inyuma barimo Fitina Ombolenga na Emmanuel Manishimwe bakina inyuma ku mpande bagafasha ubusatirizi.

Uwo mutoza yavuze ko, nubwo Amavubi agomba gukina asatira bitabujije ko bagomba kuzirikana no kugarira izamu.

Ati “Iyo mvuze kwataka ntabwo twabikora tutugarira, icy’ingenzi ni uko, urugero Omborenga cyangwa se Mangwende (Manishimwe Emmanuel) bagomba gukora uko bashoboye ku buryo umupira udatakara kugira ngo badaterwa Contre attaque, niba turi gusatira ntabwo tugomba kwibagirwa no kugarira, uyu munsi ni ugushaka intsinzi uko byagenda kose kuruta uko byagenze mu mikino ishize”.

Uwo mutoza aravuga ko Umukinnyi witwa Nshuti Dominique Xavio wagaragaye mu mikino ibiri iheruka akwiye kuruhutswa, bakazanamo amaraso mashya mu rwego rwo kongera ubusatirizi.

Ati “Amahirwe yo kuba tutaratsindwa igitego tuyagendereho dushake igitego, urebye ubusatirizi bwacu ntabwo bumeze neza ariko uyu munsi ndumva habaho impinduka. Nka Savio bamuruhutsa bagashyiramo Lague (Byiringiro) kuko nawe yatanga umusaruro, aracyafite ingufu yatanga mu kibuga zo kugenda no kugaruka”.

Sogonya Hamisi Kishi, yavuze ko Amavubi adakwiye kugendera ku ibura ry’umutoza wa Togo udatoza mukino w’uyu munsi nyuma yo kwandura COVID-19.

Ati “Ibyo ntitubyitwaze dukine ibyacu dutsinde ikipe ibindi biraza nyuma, kuko uyu munsi dutsinzwe byaba ari ibyago bikomeye tugize, nk’ikipe ya Togo ije bwa mbere mu marushanwe twe twitabiye inshuro eshatu”.

Uwo umutoza aragira abakinnyi b’Amavubi inama yo gushaka igitego hakiri kare kugira ngo bibahe imbaraga zo gukomeza gukina birinda ingaruka zo gutuma bananirwa mu minota ya nyuma bikaba byatuma babura intsinzi, gusa avuga ko rutahizamu Sugira Ernest byaba byiza atabanje mu kibuga akaza asimbura.

Agira ati “Njye nk’Umutekinisiye ndemeranya n’abandi bavuga ko Sugira agomba kuza mu gice cya kabiri kuko turabizi aba mwiza iyo yasimbuye, n’umukino w’ubushize iyo bamusiga hanze agasimbura byari gutanga umusaruro, ku mushyira hanze ntabwo ari bibi akinjira asimbuye azanye izindi ngufu”.

Kugeza ubu amakipe yo mu itsinda u Rwanda rurimo amase gukina imikono ibiri aho Maroc ifite amanota 4, igakurikirwa na Togo ifite amanota 3 hakaza U Rwanda rufite amanota 2 naho Uganda ikagira inota 1.

Mu mukino wo kuri uyu wa kabiri usoza imikono y’amatsinda buri kipe muri aya uko ari ane, iracyafite amahirwe yo gukomeza bitewe n’ibiva mu mikino isoza y’amatsinda.

]]> Iradukunda Bertrand wavunikiye mu myitozo ntagikinnye umukino wa Togo (AMAFOTO) https://www.kigalitoday.com/imikino/football/article/iradukunda-bertrand-wavunikiye-mu-myitozo-ntagikinnye-umukino-wa-togo-amafoto https://www.kigalitoday.com/imikino/football/article/iradukunda-bertrand-wavunikiye-mu-myitozo-ntagikinnye-umukino-wa-togo-amafoto 2021-01-26T06:44:09Z text/html en Sports Football CHAN2020 Iradukunda Bertrand wavunikiye mu myitozo ntagikinnye umukino wa Togo (AMAFOTO)

Ku mugoroba wo kuri uyu wa Kabiri guhera I Saa tatu z’ijoro, Amavubi aracakirana n’ikipe y’igihugu ya Togo, aho ikipe iza gutsinda uyu mukino ihita ikatisha itike ya ¼ cy’irangiza cy’aya marushanwa ya CHAN.

Rutahizamu Iradukunda Bertrand ntaza kugaragara muri uyu mukino, nyuma y’imvune yagiriye mu myitozo ubwo yagonganaga na myugariro Eric Rutanga, umuganga w’Amavubi akaba yemeje ko uyu mukinnyi atagikinnye umukino wa Togo.

Iradukunda Bertrand aje yiyongera kuri Nsabimana Eric Zidane usanzwe ukinira ikipe ya AS Kigali, uyu akaba yaravunikiye mu mukino wa mbere wahuje u Rwanda na Uganda, bituma atanakina umukino wa Maroc, aha naho umuganga w’Amavubi akaba yaratangaje ko azamara hanze hafi ibyumweru bibiri.

]]> #CHAN2020: Congo zombi zakatishije itike ya 1/4 https://www.kigalitoday.com/imikino/football/article/chan2020-congo-zombi-zakatishije-itike-ya-1-4 https://www.kigalitoday.com/imikino/football/article/chan2020-congo-zombi-zakatishije-itike-ya-1-4 2021-01-26T06:21:48Z text/html en Editor Football Isaac Kuradusenge CHAN2020 #CHAN2020: Congo zombi zakatishije itike ya 1/4
Ikipe ya DR Congo yatsinze Niger
Ikipe ya DR Congo yatsinze Niger

Ni imikino yabaye ku wa mbere tariki ya 25 Mutarama 2021. Umunsi wa Gatatu mu itsinda rya Kabiri wasize abaturanyi biyongereye kuri Cameroon na Mali.

Ikipe ya Congo Brazzaville yatsinze Libya igitego kimwe ku busa. Igitego cyatsinzwe na Gautrand Ngouonimba cyatanze intsinzi kinashimangira amanota ane ndetse kinatanga itike yo kuzacakirana na Mali.

Ikipe ya DR Congo yagiye gukina umukino abandi bakinnyi batatu bayo bagaragayeho Covid-19. Ikipe yasigaye ari abakinnyi 13 gusa. Icyakora iki cyorezo nticyakomye mu nkokora imyitwarire ya DR Congo. Iyi kipe yatsinze Niger ibitego bibiri kuri kimwe, DR Congo ihita ishimangira intsinzi ndetse inayobora itsinda rya Kabiri.

Urutonde mu itsinda rya Kabiri (Group B Standing)

1. DR Congo: Imikino 3,amanota 7
2. Congo Brazzaville : Imikino 3 ,amanota 4
3. Libye: Imikino 3,amanota 2
4. Niger : Imikino 3,amanota 2
4. Libye: Imikino 3,amanota 2

Ikipe ya Congo Brazaville yahaye icyubahiro umukinnyi wayo Ikouma wagize ikibazo cy'imvune
Ikipe ya Congo Brazaville yahaye icyubahiro umukinnyi wayo Ikouma wagize ikibazo cy’imvune

Gahunda yo kuri uyu wa kabiri tariki ya 26 Mutarama 2021

Itsinda rya Gatatu

21:00 . Rwanda vs Togo: Stade de Limbe
21:00: Morocco vs Uganda: Stade de la Réunification

Uko itsinda rya Gatatu rihagaze

1. Morocco : Imikino 2, amanota 4
2. Togo: Imikino 2, amanota 3
3. Rwanda : Imikino 2 , amanota 2
4. Uganda : Imikino 2 ,Inota rimwe .

Imikino ya 1/4 izatangira ku wa Gatandatu tariki ya 30 Mutarama 2021 aho ikipe ya Mali izacakirana na Congo Brazzaville, mu gihe DR Congo izacakirana na Cameroon imikino izabera kuri sitade Japoma iherereye mu mujyi wa Douala. Iyi sitade ifite ubushobozi bwo kwakira abantu ibihumbi 50.

]]> Amavubi arakomeza cyangwa arasezererwa? Ibyo wamenya ku mukino uhuza Togo n'u Rwanda https://www.kigalitoday.com/imikino/football/Amavubi-arakomeza-cyangwa-arasezererwa-Ibyo-wamenya-ku-mukino-uhuza-Togo-n-u-Rwanda https://www.kigalitoday.com/imikino/football/Amavubi-arakomeza-cyangwa-arasezererwa-Ibyo-wamenya-ku-mukino-uhuza-Togo-n-u-Rwanda 2021-01-25T13:01:18Z text/html en Sports Football Sammy Imanishimwe CHAN2020 Amavubi arakomeza cyangwa arasezererwa? Ibyo wamenya ku mukino uhuza Togo n’u Rwanda

Uwo mukino wa Gatatu mu itsinda C urahuza Amavubi na Togo kuri sitade yitwa Limbe Omnisports muri Cameroun.

Amavubi arasabwa ikintu kimwe gusa

Ni umukino witezweho byinshi, by’umwihariko ku bakunzi b’ikipe y’igihugu y’u Rwanda Amavubi, batagereje intsinzi ya mbere ndetse n’igitego cya mbere muri iki gikombe cya CHAN 2020 kiri kubera muri Cameroun.

Abanyarwanda baba muri Cameroun baza gushyigikira Amavubi mu mikino bakinioye i Douala, bifuza ko ikomeza muri 1/4 ikajya na Yaounde
Abanyarwanda baba muri Cameroun baza gushyigikira Amavubi mu mikino bakinioye i Douala, bifuza ko ikomeza muri 1/4 ikajya na Yaounde

Gusa kugeza ubu, gukomeza kw’Amavubi nta mibare myinshi irimo, kuko Amavubi ubu ari ku mwanya wa gatatu mu itsinda n’amanota abiri gusa. Barasabwa gutsinda gusa uyu mukino kuko baramutse banganyije cyangwa bagatsindwa bahita basezererwa.

Ni ikipe itaratsinda igitego

Muri uyu mukino Amavubi ataratsinda igitego na kimwe, arasabwa gukuraho ako gahigo katari keza kuko ibindi bihugu byose bari kumwe mu itsinda byabashije kunyeganyeza inshundura.

Ni ubwa kabiri bagiye gukina

Amavubi n’ikipe y’igihugu ya Togo nta mateka bafitanye kuko nta marushanwa bakunze guhuriramo, gusa mu mwaka wa 2008 aya makipe yombi yigeze gukina umukino wa gicuti, Togo itsinda u Rwanda igitego 1-0.

Amavubi yaraye akoreye imyitozo mu mujyi wa Limbe
Amavubi yaraye akoreye imyitozo mu mujyi wa Limbe

Umutoza ashobora guhindura ikipe n’imikinire

Nyuma y’imikino ibanza u Rwanda rwagaragaye nk’igihugu cyakinaga kirinda kuba cyakwinjizwa igitego, bikaba byitezwe ko kuri uyu mukino umutoza ahindura imikinire, akaba yakongeramo abakinnyi bakina basatira izamu.

Ku ruhandi ruhande, ku masaha amwe, ikipe ya Uganda na yo iraba ikina na Maroc, aho na ho ikipe yabasha gutsinda uwo mukino iba ifite amahirwe yo guhita ibona itike yo kwerekeza muri ¼.

Umutoza Mashami Vincent na kapiteni w'Amavubi Jacques Tuyisenge batangaje ko biteguye kwitwara neza kuri uyu wa Kabiri
Umutoza Mashami Vincent na kapiteni w’Amavubi Jacques Tuyisenge batangaje ko biteguye kwitwara neza kuri uyu wa Kabiri

Umutoza w’ikipe y’igihugu Mashami Vincent, mu kiganiro n’itangazamakuru yavuze ko uyu mukino nta bisobanuro byinshi ufite usibye kuwutsinda.

Yagize ati "Tuwiteguye nk’aho ari umukino wa nyuma, ni umukino nta yandi mahitamo dufite usibye kuwutsinda kugira ngo twizere gukomeza mu cyiciro gikurikiyeho".

Ati "Iyo uzi ko ukina umukino wa nyuma nta wundi uzakurikiraho biragusaba imbaraga, birasaba ko umukino tuwinjiramo hakiri kare, ko dushaka uburyo bwose butuma tugera imbere y’izamu, abakinnyi ubushize berekanye ko babishoboye".

Ku ruhande rwa kapiteni w’Amavubi, Tuyisenge Jacques, yatangaje ko batagiye gutembera ahubwo biteguye guhatana kugera ku mukino wa nyuma, bakaba bizeye ko bagomba gusatira Togo kandi bakayitsinda.

Biteganyijwe ko uwo mukino uba ku wa Kabiri saa tatu z’umugoroba ku isaha yo mu Rwanda.
 

Uko amakipe akurikirana mu itsinda C
Uko amakipe akurikirana mu itsinda C
]]> #CHAN2020: Amakipe ya Cameroon na Mali abaye aya mbere akatishije itike ya 1/4 https://www.kigalitoday.com/imikino/football/article/chan2020-amakipe-ya-cameroon-na-mali-abaye-aya-mbere-akatishije-itike-ya-1-4 https://www.kigalitoday.com/imikino/football/article/chan2020-amakipe-ya-cameroon-na-mali-abaye-aya-mbere-akatishije-itike-ya-1-4 2021-01-25T06:09:59Z text/html en Editor Football Isaac Kuradusenge CHAN2020 #CHAN2020: Amakipe ya Cameroon na Mali abaye aya mbere akatishije itike ya 1/4

Ni imikino yabaye ku cyumweru tariki ya 24 Mutarama 2021 muri Cameroon ahakomeje kubera iyi mikino. Cameroon yageze muri iki cyiciro nyuma yo kunganya na Burkina Faso ubusa ku busa. Ikipe ya Mali yatsinze Zimbabwe igitego kimwe ku busa maze ishimangira bidasubirwaho gukina imikino ya 1/4.

Uko itsinda rya A rihagaze nyuma y’imikino itatu

1. Mali amanota: 7
2. Cameroon : amanota: 5
3. Burkina Faso :amanota: 4
4. Zimbabwe : amanota : 0

Gahunda y’imikino yo mu itsinda rya kabiri kuri uyu wa Mbere tariki ya 25 Mutarama 2021

21:00: DR Congo vs Niger
21:00: Congo Brazaville vs Libya

Urutonde rw’itsinda rya B

1. RD Congo : Imikino 2 amanota 4
2. Niger : Imikino 2 amanota 2
3. Libye : Imikino 2 amanota 2
4. Congo : Imikino 2 ,inota 1.

Ikipe izamuka ari iya mbere mu itsinda rya kabiri izahura na Mali, mu gihe ikipe izamuka ari iya Mbere mu itsinda rya kabiri izahura na Cameroon.

Ikipe ya Mali yishimira gukatisha itike nyuma yo gutsinda Zimbabwe igitego kimwe
Ikipe ya Mali yishimira gukatisha itike nyuma yo gutsinda Zimbabwe igitego kimwe
]]> Amavubi anganyije na Maroc, amahirwe ategerejwe kuri Togo https://www.kigalitoday.com/imikino/football/article/amavubi-anganyije-na-maroc-amahirwe-ategerejwe-kuri-togo https://www.kigalitoday.com/imikino/football/article/amavubi-anganyije-na-maroc-amahirwe-ategerejwe-kuri-togo 2021-01-22T17:54:49Z text/html en Editor Football MobileBigStory Sammy Imanishimwe CHAN2020 Amavubi anganyije na Maroc, amahirwe ategerejwe kuri Togo
Sugira Ernest agerageza gucenga myugariro wa Maroc
Sugira Ernest agerageza gucenga myugariro wa Maroc

Amavubi yabonye amahirwe ya mbere akomeye ku munota wa 34, ku ishoti rikomeye Hakizimana Muhadjili yateye, umunyezamu arasimbuka awushyira hanze.

Amavubi yatangiye gutinyuka agerageza gushaka uburyo bwavamo ibitego, gusa ntibyaje kubahira, igice cya mbere kirangira ari ubusa ku busa.

Ku munota wa 58, umutoza Mashami Vincent yakuyemo Sugira Ernest yinjizamo Iradukunda Bertrand, yaje no guhita atera ishoti ariko myugariro wa Maroc awushyira muri koruneri.

Ku munota wa 74, Kalisa Rachid yagize ikibazo cy’imvune, asimburwa na Ngendahimana Eric usanzwe akinira ikipe ya Kiyovu Sports.

Umukino wa kabiri mu itsinda C, urangiye Amavubi anganyije na Maroc ubusa ku busa, akaba ategereje amahirwe yo gukomeza ku mukino uzabahuza na Togo.

Mutsinzi Ange ni umwe mu bakinnyi bitwaye neza, aha yabuzaga rutahizamu Ayoub El Kaabi wa Maroc gusatira Amavubi
Mutsinzi Ange ni umwe mu bakinnyi bitwaye neza, aha yabuzaga rutahizamu Ayoub El Kaabi wa Maroc gusatira Amavubi
Umunyezamu Kwizera Olivier aririmba indirimbo y'igihugu
Umunyezamu Kwizera Olivier aririmba indirimbo y’igihugu

Abakinnyi babanje mu kibuga ku mpande zombi:

Maroc: Anas Zniti, Abdelkarim Baadi, Yahya Jabrane, Larbi Naji, Ayoub El Kaabi , Walid El Karti, Hamza El Moussaoui, Soufiane Bouftini, Soufiane Rahimi, Naoufel Zerhouni na Abdelmounaim Boutouil.

Rwanda: Kwizera Olivier, Omborenga Fitina, Imanishimwe Emmanuel, Manzi Thierry, Mutsinzi Ange, Niyonzima Olivier, Kalisa Rachid , Hakizimana Muhadjiri, Tuyisenge Jacques, Nshuti Dominique Savio (Usengimana Danny 87’) na Sugira Ernest.

]]> Ibyo wamenya mbere y'umukino uhuza Amavubi na Maroc, biteguye gusiba amateka ya 2016 https://www.kigalitoday.com/imikino/football/article/ibyo-wamenya-mbere-y-umukino-uhuza-amavubi-na-maroc-biteguye-gusiba-amateka-ya-2016 https://www.kigalitoday.com/imikino/football/article/ibyo-wamenya-mbere-y-umukino-uhuza-amavubi-na-maroc-biteguye-gusiba-amateka-ya-2016 2021-01-22T09:07:11Z text/html en Sports Football Sammy Imanishimwe CHAN2020 Ibyo wamenya mbere y’umukino uhuza Amavubi na Maroc, biteguye gusiba amateka ya 2016

Kuri uyu wa Gatanu kuri Stade de la Réunification de Bepanda iherereye mu mujyi wa Douala muri Cameroun, harabera imikino y’umunsi wa kabiri mu itsinda C, aho Abanyarwanda bahanze amaso umukino uhuza Amavubi na Maroc.

Amavubi yanganyije na Uganda ubusa ku busa mu mukino wa mbere mu itsinda
Amavubi yanganyije na Uganda ubusa ku busa mu mukino wa mbere mu itsinda

Ni umukino buri gihugu cyifuza gutsinda ngo gitere intambwe igana muri ¼ cy’irangiza. Ikipe ya Maroc iramutse itsinze umukino yahita ibona itike bidasubirwaho, mu gihe Amavubi aramutse atakaje uyu mukino byasaba gutegereza gutsinda Togo, bigasaba ko na Maroc itsinda Uganda ibitego byinshi kugira ngo Amavubi yizere kuzamuka, cyangwa se Togo ikaza kuba yatsinze Uganda uyu munsi.

Si ubwa mbere aya makipe ahuye muri CHAN

Mu marushanwa ya CHAN aheruka kubera mu Rwanda mu mwaka wa 2016, aya makipe yombi nabwo yari mu itsinda rimwe n’Amavubi, aho umukino wa nyuma w’itsinda Amavubi yanyagiwe na Maroc ibitego 4-1, gusa uyu mukino Amavubi yawukinnye yaramaze gukatisha itike ya ¼, aho abakinnyi batatu gusa mu babanzagamo mu yindi mikino ari bo babanje mu kibuga.

Sugira Ernest wakinnye umukino wa 2016 na Maroc, uyu munsi ngo yizeye kuza kwitwara neza
Sugira Ernest wakinnye umukino wa 2016 na Maroc, uyu munsi ngo yizeye kuza kwitwara neza

Mu bakinnyi bakinnye uyu mukino, batatu b’Amavubi n’ubundi byitezwe ko bari buze kongera kubanza mu kibuga. Abo ni umunyezamu Kwizera Olivier, NSHUTI Dominique Savio na rutahizamu Sugira Ernest, mu gihe Usengimana Faustin we ashobora kubanza ku ntebe y’abasimbura.

Abakinnyi bari babanjemo mu mukino Maroc yatsinzemo Amavubi muri 2016

Olivier KWIZERA, Michel RUSHESHANGOGA, Mwemere NGIRINSHUTI, Djihad BIZIMANA, Amran NSHIMIYIMANA, Dominique Savio NSHUTI, Faustin USENGIMANA, Ernest SUGIRA, Yussufu HABIMANA, Hegman NGOMIRAKIZA, Abdul RWATUBYAYE.

Si aha gusa, kuko mu mwaka wa 2008 ubwo hashakagwa itike yo kwerekeza mu gikombe cy’isi cya 2010, Amavubi yari mu itsinda rimwe na Maroc, aho mu mukino ubanza tariki 14/06/2008 Amavubi yatsinze Maroc ibitego 3-1, byatsinzwe na Saidi Abedi Makasi, Bokota Labama ndetse na Karekezi Olivier.

Abakinnyi babanjemo muri 2008 ubwo Amavubi yatsindaga Maroc

Ndoli Jean Claude, Nshutiyamagara Ismael Kodo, Ndikumana Hamadi Katauti, Alua Gaseruka, Ntaganda Elias, Eric Gasana (Mbuyu Twite), Olivier Karekezi, Patrick Mafisango, Haruna Niyonzima, Saidi Abedi Makasi na Bokota Labama.

Mu mukino wo kwishyura wabaye nyuma y’icyumweru kimwe tariki 21/06/2008 habaye umukino wo kwishyura maze Maroc itsinda Amavubi ibitego 2-0.

Umutoza Mashami Vincent nyuma y’imyitozo ya nyuma, yatangaje ko ikipe ye ihagaze neza kandi biteguye kwitanga bakabona intsinzi, kuko ari umukino bazi ko kuwutsinda byabageza ku rundi rwego.

Yagize ati "Turi hano ku rwego rw’amakipe y’ibihugu, nta kipe iri hano yoroshye, twe turakora ibyacu kandi tukinjira mu mukino dufite intego, tugiye kwitanga natwe tukagerageza uko na bo bagendera ku mikinire yacu".

Yongeyeho ati "Ikipe imeze neza twitoje neza kuva twarangiza umukino wa Uganda, twagerageje gukosora amakosa yakozwe mu mukino wa mbere cyane mu busatirizi, twabonye imipira myinshi y’imiterekano ariko ntitwabashije kuyibyaza umusaruro".

]]> Ibitego byaje - Sugira nyuma yo kugaruka mu bazakina na Maroc https://www.kigalitoday.com/imikino/football/article/ibitego-byaje-sugira-nyuma-yo-kugaruka-mu-bazakina-na-maroc https://www.kigalitoday.com/imikino/football/article/ibitego-byaje-sugira-nyuma-yo-kugaruka-mu-bazakina-na-maroc 2021-01-21T09:28:33Z text/html en Sports Football Sammy Imanishimwe CHAN2020 Ibitego byaje - Sugira nyuma yo kugaruka mu bazakina na Maroc

Kuri uyu wa Gatanu guhera I Saa kumi n’ebyiri z’umugoroba,kuri Stade de la Réunification iherereye mu mujyi wa Douala muri Cameroun, hategerejwe umukino uzahuza ikipe y’igihugu y’u Rwanda na Maroc.

Uyu ni umukino usobanuye byinshi ku mpande zombi, kuko igihe Maroc yawutsinda yahita ibona itike ya ¼ cy’irangiza, Amavubi yawutakaza amahirwe agasigara ari make cyane, mu gihe yaramuka iwutsinze amahirwe yo kuzamuka yaba ari menshi.

Ni umukino ku ruhande rw’Amavubi bazaba bagaruye rutahizamu Sugira Ernest utarakinnye umukino ubanza kubera amakarita y’umuhondo yabonye mu mikino yabahuje na Ethiopia mu guhatanira itike ya CHAN.

Sugira Ernest ati ibitego byaje
Sugira Ernest ati ibitego byaje

Mu kiganiro n’itangazamakuru nyuma y’imyitozo yo kuri uyu wa Gatatu, Sugira Ernest yavuze ko ku mukino wa Uganda batagize amahirwe yo kubona ibitego ariko bari bakinnye neza, akaba yizeye ko ku mukino wa Maroc bazabona ibitego.

Yagize ati “Ku mukino wa Uganda nta gitego cyabonetse ariko ni amahirwe makeya kuko uburyo twaraburemye ariko biranga mu mupira ni ko bigenda, ubungubu nacyeka ko bizagenda neza, ibitego byaje tugomba no kubitsinda byinshi”

]]> Mashami yanyuzwe n'umukino wa mbere, avuga ko hari icyizere mu mikino isigaye https://www.kigalitoday.com/imikino/football/article/mashami-yanyuzwe-n-umukino-wa-mbere-avuga-ko-hari-icyizere-mu-mikino-isigaye https://www.kigalitoday.com/imikino/football/article/mashami-yanyuzwe-n-umukino-wa-mbere-avuga-ko-hari-icyizere-mu-mikino-isigaye 2021-01-19T12:00:44Z text/html en Sports Football Sammy Imanishimwe CHAN2020 Mashami yanyuzwe n’umukino wa mbere, avuga ko hari icyizere mu mikino isigaye

Ku mugoroba wo kuri uyu wa Mbere ni bwo ikipe y’igihugu y’u Rwanda “Amavubi” yakinaga umukino wayo wa mbere wa CHAN, aho yanganyije ubusa ku busa n’ikipe y’igihugu y’u Rwanda.

Umutoza Mashami Vincent yanyuzwe n'uko Amavubi yakinnye
Umutoza Mashami Vincent yanyuzwe n’uko Amavubi yakinnye

Nyuma yo kunganya uyu mukino, umutoza w’Amavubi Mashami Vincent yatangaje ko yishimiye urwego abakinnyi be bagaragaje, avuga ko baremye uburyo bwashoboraga kuvamo igitego, bikamuha icyizere cyo kuzitwara neza mu mikino itaha

Yagize ati “ Nabanza gushimira amakipe yombi uburyo yakinnye umukino mwiza, twagerageje kwtwara neza mu mukino n’ubwo tutashoboye kubona ibitego ariko rimwe na rimwe umupira nawo ntabwo watubaniye,urebye uburyo twabonye inshuro ebyiri umupira ukubita umutambiko w’izamu”

“Twagerageje kuyobora umukino, haba mu rwego rwo kubona imipira y’imiterakano haba mu rwego rwo kugera imbere y’izamu kenshi gashoboka, twarri tubizi ko bitari butworohere, na Uganda ni ikipe itiroshye, ifite abakinnyi beza,ifite n’ubunararibonye, ni umukino uba uhishe byinshi urimo amateka y’ibihugu byombi”

“N’ubwo tudatsinze ariko twakwishimira ko tudatsinzwe, kuko umukino wa mbere iyo uwutakaje, uba utakaje ikintu kinini cyane, hari byinshi byiza twabonye mu mukino, turi bwubakireho mu mikino ikurikira”

Amavubi azasubira kuri uyu wa Gatanu ubwo azaba ahatana n’ikipe ya Maroc, mu mukino uzatangira I Saa Kumi n’ebyiri z’umugoroba, aho ndetse Amavubi azaba anafite rutahizamu Sugira Ernest utakinnye uwa Uganda kubera amakarita y’umuhondo”

]]> Amavubi aguye miswi na Uganda, Omborenga atorwa nk'umukinnyi mwiza w'umukino https://www.kigalitoday.com/imikino/football/article/amavubi-aguye-miswi-na-uganda-omborenga-atorwa-nk-umukinnyi-mwiza-w-umukino https://www.kigalitoday.com/imikino/football/article/amavubi-aguye-miswi-na-uganda-omborenga-atorwa-nk-umukinnyi-mwiza-w-umukino 2021-01-18T21:02:02Z text/html en Editor Football Sammy Imanishimwe CHAN2020 Amavubi aguye miswi na Uganda, Omborenga atorwa nk’umukinnyi mwiza w’umukino

Ku mugoroba wo kuri uyu wa Mbere ni bwo Amavubi yakinnye umukino wa mbere wa CHAN 2020 (iri gukinwa muri 2021), aho yari yahuye n’ikipe y’igihugu ya Uganda yanahabwaga amahirwe menshi yo gutsinda Amavubi.

Emmanuel Imanishimwe agerageza ishoti rikomeye ariko rica iruhande rw'izamu
Emmanuel Imanishimwe agerageza ishoti rikomeye ariko rica iruhande rw’izamu

Ku munota wa Gatandatu, Amavubi yabonye amahirwe ya mbere ku mupira watewe na Jacques Tuyisenge, ariko Charles Lukwago wa KCCA awukuramo neza.

Ku munota wa 12, Milton Kalisa wa Uganda yaje kuvunika nyuma yo kugongana na Manzi Thierry, ahita asimburwa na rutahizamu wa KCCA Brian Aheebwa.

Ku munota wa 30, Muhadjili Hakizimana yacenze abakinnyi batatu ba Uganda, ateye ishoti rikomeye umupira ukubita umutambiko w’izamu.

N’ubwo igice cya mbere Uganda yagerazaga guhanahana imipira mu kibuga hagati, ntiyabashije kurema uburyo bwashobora kuvamo ibitego ugereranyije n’Amavubi, igice cya mbere kiza kurangira bikiri ubusa ku busa.

Ku munota wa 64, Kalisa Rachid yaje kugira imvune yo ku kibero asimburwa na Nsabimana Eric basanzwe bakinana muri As Kigali.

Umutoza Mashami Vincent yongeye gukora izindi mpinduka akuramo Iradukunda Bertrand ashyiramo Danny Usengimana, Muhadjili Hakizimana na we asimburwa na Djabel Manishimwe.

Umukino waje kurangira amakipe yombi anganyije ubusa ku busa, naho myugariro Omborenga Fitina atorwa nk’umukinnyi witwaye neza muri uyu mukino.

Amavubi azakina umukino wa kabiri tariki 22/01, aho azaba acakirana na Maroc yatsinze Togo igitego 1-0, iyi Maroc ikaba ari nayo yegukanye igikombe cyakiniwe iwabo mu mwaka wa 2018.

Abakinnyi babanje mu kibuga

Uganda: Charles Rukwago, Abdu Aziizi Kayondo, Musitafa Mujuzi, Ojera Joackiam, Kagimu Shafiq Kuchi, Viane Ssekajugo, Bright Anukani, Paul Wila, Milton Kalisa, Paul Patrick Mbowa na Abdu Karim Watambala

Amavubi: Kwizera Oivier, Manzi Thierry, Mutsinzi Ange, Omborenga Fitina, Imanishimwe Emmanuel, Kalisa Rachid, Niyonzima Oliver ‘Sefu’, Hakizimana Muhadjiri, Iradukunda Bertrand, Nshuti Dominique Savio na Tuyisenge Jacques

]]> RIB yatangaje ko iri gukurikirana abibye imyambaro y'Amavubi https://www.kigalitoday.com/imikino/football/article/rib-yatangaje-ko-iri-gukurikirana-abibye-imyambaro-y-amavubi https://www.kigalitoday.com/imikino/football/article/rib-yatangaje-ko-iri-gukurikirana-abibye-imyambaro-y-amavubi 2021-01-18T12:34:42Z text/html en Editor Football MobileBigStory Sammy Imanishimwe CHAN2020 RIB yatangaje ko iri gukurikirana abibye imyambaro y’Amavubi

Bitangajwe nyuma y’iminsi mike ishize abantu banenga imyambaro ikipe y’igihugu y’u Rwanda yagaragaje izakoreha mu mikino ya CHAN.

Umuvugizi w’Urwego rw’Ubugenzacyaha (RIB), Dr. Murangira B. Thierry, yabwiye Kigali Today ko ikirego RIB yacyakiriye tariki 23/12/2020 gitanzwe na Ferwafa ivuga ko yibwe ibikoresho by’ikipe y’igihugu.

Yagize ati “Twaracyakiriye kiracyarimo gukorwaho iperereza kugira ngo tumenye uko byibwe n’ababyibye n’ibyibwe ibyo ari byo. Byibiwe aho byari bibitse mu nzu i Kigali.”

Umuvugizi wa RIB yirinze gutangaza byinshi kuri iki kibazo avuga ko ari mu rwego rwo kugira ngo bitica iperereza.

Radio 10 yatangaje ko iyi myambaro yibwe mu gihe cya CECAFA y’abatarengeje imyaka 17 iheruka kubera mu Rwanda.

Umuvugizi wa RIB yirinze kugira icyo avuga ku bibaza niba iki kirego cyaba hari aho gihuriye n’Amavubi yanenzwe ku myambarire, nk’aho abanyezamu bayo bazakina bambaye iriho amagambo RWANDA yasibwe hakandikwaho amazina y’abo banyezamu nk’uko amafoto y’iyo myenda abigaragaza.

Ikibazo cy’imyambaro y’Amavubi Minisiteri ya Siporo ndetse n’Ishyirahamwe ry’Umupira w’Amaguru mu Rwanda (FERWAFA) batanze ubutumwa burimo kwisegura bugaragaza ko kirimo gukurikiranwa.

]]> Rutahizamu Sugira Ernest ntari bukine umukino wa Uganda https://www.kigalitoday.com/imikino/football/article/rutahizamu-sugira-ernest-ntari-bukine-umukino-wa-uganda https://www.kigalitoday.com/imikino/football/article/rutahizamu-sugira-ernest-ntari-bukine-umukino-wa-uganda 2021-01-18T09:40:01Z text/html en Sports Football Sammy Imanishimwe CHAN2020 Rutahizamu Sugira Ernest ntari bukine umukino wa Uganda

Rutahizamu w’Amavubi Sugira Ernest uri mu bari bitezweho byinshi mu mukino uhuza Amavuni na Uganda Cranes, ntabwo akina umukino wo kuri uyu mugoroba kubera amakarita abiri y’umuhondo yabonye ku mukino wahuje u Rwanda na Ethiopia mu gushaka itike ya CHAN.

Sugira Ernest ntakina umukino wa Uganda
Sugira Ernest ntakina umukino wa Uganda

Ku ruhande rw’ikipe y’igihugu, ntibari bazi ko Sugira Ernest atemerewe gukina uyu mukino, byatumye hiyambazwa impuzamashyirahamwe y’umupira w’amaguru muri Afurika “CAF”, iza kubamenyesha ko atemerewe gukina uyu mukino.

]]> FERWAFA yiseguye kubera umwambaro Amavubi azakinana CHAN wasibweho ‘Rwanda' https://www.kigalitoday.com/imikino/football/article/ferwafa-yiseguye-kubera-umwambaro-amavubi-azakinana-chan-wasibweho-rwanda https://www.kigalitoday.com/imikino/football/article/ferwafa-yiseguye-kubera-umwambaro-amavubi-azakinana-chan-wasibweho-rwanda 2021-01-18T07:02:40Z text/html en Sports Football Sammy Imanishimwe CHAN2020 FERWAFA yiseguye kubera umwambaro Amavubi azakinana CHAN wasibweho ‘Rwanda’

Ku wa Gatandatu tariki 16/01/2021 nibwo ikipe y’igihugu y’u Rwanda Amavubi binyuze kuri Ferwafa yashyize hanze umwambaro uzakoreshwa muri CHAN 2021, umwambaro utaravuzweho rumwe n’abakurikirana umupira w’amaguru, ndetse n’abandi badasanzwe bawukurikira.

Umwambaro w'abanyezamu uri mu byakuruye impaka ku mbuga nkoranyambaga
Umwambaro w’abanyezamu uri mu byakuruye impaka ku mbuga nkoranyambaga

Umwambaro wabanje guteza impaka ni umwambaro w’abanyezamu ugaragaraho ahantu hari handitse Rwanda hasibwe ariko bigakomeza kugaragara, ndetse n’imyambaro yindi muri rusange yari isanzwe ikinishwa kuva mu mwaka wa 2018.

Ferwafa ibinyujije ku rubuga rwa Twitter, yasobanyuye ko icyatumye ayo makosa akorwa ari igihe kitari gihagije ndetse n’icyorezo cya COVID-19, isaba imbabazi ku makosa yabaye ndetse ivuga ko ubutaha ku bufatanye na Ministeri ya Siporo izayakosora.

Ibaruwa irambuye ya Ferwafa isobanura ikibazo

]]> Amavubi yamuritse umwambaro utari mushya uzifashishwa muri CHAN, banahabwa numero bazambara (AMAFOTO) https://www.kigalitoday.com/imikino/football/article/amavubi-yamuritse-umwambaro-utari-mushya-uzifashishwa-muri-chan-banahabwa-numero-bazambara-amafoto https://www.kigalitoday.com/imikino/football/article/amavubi-yamuritse-umwambaro-utari-mushya-uzifashishwa-muri-chan-banahabwa-numero-bazambara-amafoto 2021-01-17T09:18:04Z text/html en Sports Football Sammy Imanishimwe CHAN2020 Amavubi yamuritse umwambaro utari mushya uzifashishwa muri CHAN, banahabwa numero bazambara (AMAFOTO)

Ku wa Gatandatu tariki 16 Mutarama 2021 i Douala muri Cameroun nibwo habaye umuhango wo kumurika umwambaro Amavubi azakinana, ndetse no kwifotozanya uwo mwambaro abakinnyi banahabwa numero bazaba bambaye.

Ni umwambaro utavuzweho rumwe ku mbuga nkoranyambaga, cyane ko wari usanzwe umenyerewe ku Mavubi mu gihe cy’imyitozo ndetse no kwishyushya mbere y’umukino.

Uyu mwambaro kandi wanakinanywe bwa mbere n’ikipe y’igihugu y’abagore muri CECAFA yabereye mu Rwanda muri Nyakanga 2018, hakurikiraho n’ikipe y’igihugu y’abatarengeje imyaka 23 yakinnye na Repubulika Iharanira Demokarasi ya Congo.

Umwambaro Amavubi azakinana muri CHAN

Ahari hasanzwe handitse Rwanda harasibwe hashyirwaho Kwizera (Olivier), uyu ni wo mwambaro w'abanyezamu
Ahari hasanzwe handitse Rwanda harasibwe hashyirwaho Kwizera (Olivier), uyu ni wo mwambaro w’abanyezamu
Amavubi y'abatarengeje imyaka 23 yakoresheje uyu mwambaro muri 2018
Amavubi y’abatarengeje imyaka 23 yakoresheje uyu mwambaro muri 2018
Ni imyambaro imaze iminsi ikoreshwa mu myitozo no kwishyushya mbere y'umukino
Ni imyambaro imaze iminsi ikoreshwa mu myitozo no kwishyushya mbere y’umukino

Numero abakinnyi 30 b’Amavubi bazaba bambaye muri CHAN

1. Ndayishimiye Eric Bakame
2. Emmanuel Imanishimwe
3. Eric Rutanga
4. Rugwiro Herve
5. Mutsinzi Ange
6. Nsabimana Eric Zidane
7. Iyabivuze Osee
8. Bayisenge Emery
9. Tuyisenge Jacques
10. Hakizimana Muhadjiri
11. Kalisa Rashid
12. Mico Justin
13. Fitina Omborenga
14. Byiringiro Lague
15. Usengimana Faustin
16. Sugira Ernest
17. Manzi Thierry
18. Kimenyi Yves
19. Usengimana Danny
20. Manishimwe Djabel
21.Niyonzima Olivier Sefu
22. Nsabimana Aimable
23. Kwizera Olivier
24. Niyomugabo Claude
25. Ngendahimana Eric
26. Twizeyimana Martin Fabrice
27. Nshuti Dominique Savio
28. Iradukunda Jean Bertrand
29. Ruboneka Bosco
30.Rwabugiri Umar

]]> Amavubi yakoze imyitozo ya gatatu, Sugira avuga ko igihe kigeze ngo bahe abanyarwanda icyo bakwiye (AMAFOTO) https://www.kigalitoday.com/imikino/football/article/amavubi-yakoze-imyitozo-ya-gatatu-sugira-avuga-ko-igihe-kigeze-ngo-bahe-abanyarwanda-icyo-bakwiye-amafoto https://www.kigalitoday.com/imikino/football/article/amavubi-yakoze-imyitozo-ya-gatatu-sugira-avuga-ko-igihe-kigeze-ngo-bahe-abanyarwanda-icyo-bakwiye-amafoto 2021-01-16T08:46:55Z text/html en Sports Football Sammy Imanishimwe CHAN2020 Amavubi yakoze imyitozo ya gatatu, Sugira avuga ko igihe kigeze ngo bahe abanyarwanda icyo bakwiye (AMAFOTO)

Ikipe y’igihugu y’u Rwanda Amavubi ikomeje imyitozo I Douala muri Cameroun aho izakinira imikino ibanza yo mu itsinda iherereyemo, aho kuri uyu wa Gatanu imyitozo bayikoreye ku kibuga gito cya Stade de la Réunification bazakiniraho imikino ibiri ya mbere.

Mu kiganiro Sugira Ernest yagiranye n’itangazamakuru, yatangaje ko kugeza ubu ikipe ihagaze neza, akaba yumva hari icyizere ko bakwitwara neza, gusa anavuga ko bazi ko hari umwenda bafitiye abanyarwanda kandi bagomba kubaha ibyishimo

Yagize ati “Duhagaze neza kuva twagera hano umwuka ni mwiza, n’abari bafite imvune urabona ko bagarutse. Tugiye gukina n’ikipe tuzi ko itazatworohera, twarebye imikinire yayo tubona n’ikipe ikinana imbaraga."

Sugira Ernest mu myitozo y'Amavubi yo kuri uyu wa Gatanu
Sugira Ernest mu myitozo y’Amavubi yo kuri uyu wa Gatanu

"Turi mu itsinda rikomeye ririmo Maroc yatwaye igikombe, ririmo umuturanyi, ariko natwe ntitworoshye, turi igihugu gikomeye, dufite amahirwe nka 75% yo kuzamuka nituramuka dutsinze Uganda”

“Iriya CHAN ya 2016 yari nziza, hashize imyaka itanu, uko nari meze siko nkimeze, ntaho nagiye ndacyari wawundi nzagerageza gutanga ibyo mfite cyane ko iri rushanwa ndimenyereye”

“Abatadufitiye icyizere bagomba kukitugirira kuko igihugu ni icyacu, ikipe y’igihugu ni iyabo ibyiza tugomba kubisangira, ibibi tukabisangira, igihe kirageze ngo natwe tubihindure tubahe ibyiza nk’uko babikeneye banabikumbuye nk’uko bahoze banabiririmba mu bihe byashize, navuga ko turi mu nzira nziza zo kubikosora”

Ikipe y’igihugu y’u Rwanda Amavubi izakina umukino wa mbere kuri uyu wa Mbere n’ikipe y’igihugu ya Uganda ku I Saa Tatu z’ijoro, mu gihe muri iri tsinda ry’u Rwanda Maroc izaba yahuye na Togo.

Andi mafoto yaranze imyitozo yo kuri uyu wa Gatanu

]]> Jacques Tuyisenge mu bakinnyi batanu bitezweho byinshi muri CHAN https://www.kigalitoday.com/imikino/football/article/jacques-tuyisenge-mu-bakinnyi-batanu-bitezweho-byinshi-muri-chan https://www.kigalitoday.com/imikino/football/article/jacques-tuyisenge-mu-bakinnyi-batanu-bitezweho-byinshi-muri-chan 2021-01-15T06:07:51Z text/html en Sports Football Sammy Imanishimwe CHAN2020 Jacques Tuyisenge mu bakinnyi batanu bitezweho byinshi muri CHAN

Radiyo mpuzamahanga y’abafaransa "RFI" ibinyujije ku rubuga rwayo rwa interineti, yashyize ahagaragara urutonde rw’abakinnyi batanu bategerejweho byinshi muri CHAN izatangira kuri uyu wa Gatandatu.

Urutonde rw’abakinnyi batanu RFI yitezeho byinshi

1. Djigui Diarra (Mali)

Uyu ni umunyezamu w’imyaka 25 ufatira Mali wanakinnye CHAN ya 2016 yabereye mu Rwanda. Uyu munyezamu kandi yanafatanyije na Mali kwegukana umwanya wa gatatu mu gikombe cy’isi cy’abatarengeje imyaka 20 cyo muri 2015, akaba yaranakinnye igikombe cya Afurika "CAN" cya 2019.

Umunyezamu Djigui Diarra wa Mali
Umunyezamu Djigui Diarra wa Mali

2. Ayoub El Kaabi, (Maroc)

Muri 2018 muri CHAN yabereye iwabo muri Maroc, yayisoje ari we rutahizamu uyoboye abandi aho yatsinze ibitego icyenda, ndetse anatorwa nk’umukinnyi w’irushanwa. Nyuma yahoo yahise yerekeza mu Bushinwa, gusa za kugaruka muri Maroc kubera icyorezo cya Coronavirus.

3. Issama Mpeko, (RD Congo

Uyu mukinnyi imbere ku ruhande rw’iburyo muri Republika iharanira Demokarasi ya Congo, ni umwe mu bamaze gukina amarushanwa menshi arimo CAN na CHAN, nka ya CHAN 2011, CAN za 2013, 2015, 2017 ndetse na 2019. Yakiniye kandi amakipe arimo DCMP na AS Vita Club, Kabuscorp yo muri Angola, aza kwerekeza no muri TP Mazembe

4. Jacques Tuyisenge, (Rwanda)

Jacques yari kapiteni w’Amavubi yageze muri ¼ muri CHAN ya 2016 yabereye mu Rwanda, ndetse n’ubu akaba ari we kapiteni uzaba uyoboye Amavubi muri Cameroun.

Jacques Tuyisenge ari mu bitezwe cyane muri CHAN
Jacques Tuyisenge ari mu bitezwe cyane muri CHAN

Jacques Tuyisenge wanakinnye CHAN 2011, ikinyamakuru RFI kibona ari mu bitezweho byinshi, kuva mu itsinda rya gatatu u Rwanda ruherereyemo hamwe na Maroc, Ouganda ndetse na Togo.

5. Jacques Zoua, (Cameroun)

Uyu ni umwe mu bakinnyi bafite ubunararibonye bazaba bakina iri rushanwa, aho ku myaka ye 29 amaze gukina muri shampiyona esheshatu ku mugabane w’I Burayi zirimo u Bufaransa n’u Budage.

Kugeza ubu Jacques Zoua uri gukinira ikipe y’iwabo yitwa AS Futuro, aramutse yegukanye iyi CHAN yaba abaye umukinnyi wa kabiri wegukanye CAN na CHAN, nyuma y’umunya-Tunisia Adel Chedli

]]> Sadate yemereye Amadolari 100 buri mukinnyi w'Amavubi nibaramuka batsinze Uganda https://www.kigalitoday.com/imikino/football/Sadate-yemereye-Amadolari-100-buri-mukinnyi-w-Amavubi-nibaramuka-batsinze-Uganda https://www.kigalitoday.com/imikino/football/Sadate-yemereye-Amadolari-100-buri-mukinnyi-w-Amavubi-nibaramuka-batsinze-Uganda 2021-01-13T16:55:59Z text/html en Editor Football Servilien Mutuyimana CHAN2020 Sadate yemereye Amadolari 100 buri mukinnyi w’Amavubi nibaramuka batsinze Uganda
Munyakazi Sadate
Munyakazi Sadate

Ni nyuma y’uko mu gitondo cyo kuri uyu wa Gatatu tariki 13 Mutarama 2021, abakinnyi b’ikipe y’Igihugu (Amavubi) berekeje mu gihugu cya Cameroun mu gikombe cya Afurika gihuza abakinnyi bakina imbere mu gihugu (CHAN).

Abenshi ku mbuga nkoranyambaga, bakomeje kugaragaza impungenge ku musaruro w’Amavubi muri iryo rushanwa, cyane cyane ku mukino wa mbere uzayahuza n’ikipe y’Igihugu ya Uganda ku itariki ya 18 Mutarama 2021, bagaragaza ko bitoroshye gutsinda ikipe ya Uganda nubwo bakomeje kwifuriza Amavubi intsinzi.

Ikipe y'Amavubi n'abayiherekeje berekeje i Douala muri Cameroun mu marushanwa ya CHAN bambaye imyambaro yakorewe mu Rwanda (Made in Rwanda)
Ikipe y’Amavubi n’abayiherekeje berekeje i Douala muri Cameroun mu marushanwa ya CHAN bambaye imyambaro yakorewe mu Rwanda (Made in Rwanda)

Mubifurije Amavubi intsinzi muri ayo marushanwa, harimo na Munyakazi Sadate wahoze ayobora ikipe ya Rayon Sports, ndetse mu rwego rwo kubereka ko abashyigikiye anabashyiriraho agahimbazamusyi mu gihe baba batsinze ikipe y’igihugu ya Uganda.

Yagize ati “Nta kinini navuga ku basore bacu, gusa uko bizagenda kose turabashyigikiye kuko ndabizi muzitanga bihagije, icyo mbisabiye ku mpamvu zanjye bwite Ntimuzanteze Umugande, rwose muzamutsinde ndetse n’intego ndayemeye rwose 100$ kuri buri muntu uri muri Cameroun iyo ntsinzi niboneka”.

Amavubi ari mu itsinda rigizwe na Togo, Uganda na Cameroun yakiriye iryo rushanwa.

]]> Ibyo wamenya ku makipe azahatana n'u Rwanda muri CHAN mu itsinda C https://www.kigalitoday.com/imikino/football/article/ibyo-wamenya-ku-makipe-azahatana-n-u-rwanda-muri-chan-mu-itsinda-c https://www.kigalitoday.com/imikino/football/article/ibyo-wamenya-ku-makipe-azahatana-n-u-rwanda-muri-chan-mu-itsinda-c 2021-01-13T13:45:37Z text/html en Sports Football Sammy Imanishimwe CHAN2020 Ibyo wamenya ku makipe azahatana n’u Rwanda muri CHAN mu itsinda C

Guhera kuri uyu wa Gatandatu mu mijyi ndetse n’ibibuga bitandukanye muri Cameroun, harabera igikombe cya Afurika gihuza abakinnyi bakina imbere mu gihugu “CHAN”, igikombe cyagombaga kuba umwaka ushize wa 2020 ariko gisubikwa na COVID-19.

U Rwanda ruherereye mu itsinda rya gatatu “C”, aho ruzaba ruhatana na Maroc yegukanye igikombe giheruka mu mwaka wa 2018, ikipe y’igihugu ya Uganda itozwa na Johnathan McKinstry wirukanwe mu Mavubi, ndetse na Togo izaba ikina aya marushanwa bwa mbere.

Aya makipe ahagaze ate mbere yo gutangira irushanwa?

Uganda

Uganda ni imwe mu makipe yageze mbere mu gihugu cya Cameroun, aho yari igiye gukina irushanwa ryahuje ibihugu bitatu ari byo Cameroun, Niger ndetse na Zambia ndetse iza no kuryegukana.

Mu mukino wa mbere ikipe ya Uganda yanganyije na Cameroun igitego 1-1 n’ubwi yari yahawe ikarita itukura ku munota wa 12 gusa, iza gutsinda Chipolopolo ya Zambia ibitego 2-0, ndetse inatsinda Niger ibitego 3-0.

Mu nshuro enye Uganda yitabiriye CHAN, nta na rimwe yari yarenga amatsinda, gusa umutoza Johnathan McKinstry uyitoza, aheruka gutangaza ko ahafi azabagera aria ho yagejeje Amavubi 2016 (Muri ¼ cy’irangiza)

Uganda yakinnye imikino ya gicuti irimo uwo yanganyije na Cameroun
Uganda yakinnye imikino ya gicuti irimo uwo yanganyije na Cameroun
Johnathan McKinstry wahoze atoza Amavubi azaba acakirana nayo ku mukino wa mbere
Johnathan McKinstry wahoze atoza Amavubi azaba acakirana nayo ku mukino wa mbere

Abakinnyi 25 Uganda izifashisha na numero bazambara

Abanyezamu: Lukwago Charles (KCCA FC, 1), Mutakubwa Joel (Kyetume FC, 18), Alionzi Legason Nafian (URA FC, 19), Ikara Tom (Police C, 20)

Ba myugariro: Hassan Muhamud (Police FC, 2), Kayondo Abdu Aziizi (Vipers SC, 3), Mujuzi Musitafa (Kyetume FC, 4), Ssenjobe Eric (Police FC, 5), Iguma Denis (KCCA FC, 12), Willa Paul (Vipers SC, 15), Lwaliwa Halid (Vipers SC, 21), Mbowa Paul Patrick (URA FC, 24)

Abakina hagati: Mawejje Tonny (Police FC, 6), Kagimu Shafik Kuchi (URA FC, 8), Anukani Bright (KCCA FC, 14), Kyeyune Saidi (URA FC, 16), Byaruhanga Bobosi (Vipers SC, 22), Watambala Abdu Karim (Vipers SC, 25)

Ba rutahizamu: Ojera Joackiam (URA FC, 7), Brian Aheebwa (KCCA FC, 9), Ocen Ben (Police FC, 10), Ssekajugo (Wakiso Giants FC, 11), Orit Ibrahim (Vipers SC, 13), Jagason Muhammad Shaban (Vipers SC, 17), Karisa Milton (Vipers SC, 23)

Maroc

Iyi kipe y’igihugu ya Maroc ni yo ihabwa amahirwe cyane muri iri tsinda, ni nyuma y’ahao yanabashije kwegukana irushanwa riheruka ryabereye iwabo mu mwaka wa 2018, ikaba umukino wa mbere izawukina tariki 18/01 na Togo.

Iyi kipe yaraye ikinnye umukino wa gicuti na Guinea, umukino warangiye ikipe y’igihugu ya Maroc itsinze Guinea igitego 1-0, mu gihe undi mukino wa mbere bari bakinnye Maroc nawo yari yawutsinze ibitego 2-1.

Togo

Iyi kipe y’igihugu ya Togo kugeza ubu imaze gukina umukino umwe yahuyemo na Benin ku wa Gatandatu tariki 09/01/2021, urangira Togo iwutinze ku gitego 1-0 cyatsinzwe CHABI Bio mu munota wa 14.

Togo yakinnye umukino wa gicuti na Benin
Togo yakinnye umukino wa gicuti na Benin

Aya makipe yombi yongeye guhura kuri uyu wa Kabiri tariki 12/01/2020, umukino urangira aya makipe yombi anganya ubusa ku busa. Iyi kipe y’igihugu ya Togo kandi ni ubwa mbere igiye kwitabira imikino ya nyuma ya CHAN
U Rwanda (Amavubi)

Ikipe y’igihugu y’u Rwanda “Amavubi” yamaze kugera I Douala muri Cameroun, aho igiye imaze gukina imikino ibiri ya gicuti na Congo-Brazzaville, aho uwa mbere amakipe yombi yanganyije ibitego 2-2, naho uwa kabiri Amavubi atsindwa igitego 1-0.

Amavubi nta mukino n'umwe yatsinze muri ibiri yakinnye na Congo-Brazzaville
Amavubi nta mukino n’umwe yatsinze muri ibiri yakinnye na Congo-Brazzaville

Kuva Amavubi yatangira gukina CHAN, ahantu kure yageze ni muri ¼ muri 2016 mu gikombe cyaberaga mu Rwanda, mu gihe izindi nshuro zose itigeze irenga imikino y’amatsinda.

Gahunda y’imikino mu itsinda C

Umunsi wa mbere tariki 18/01/2021

18:00 Morocco ? - ? Togo
21:00 Rwanda ? - ? Uganda

Umunsi wa kabiri tariki 22/01/2021

18:00 Morocco ? - ? Rwanda
21:00 Uganda ? - ? Togo

Umunsi wa gatatu tariki 26/01/2021

21:00 Togo ? - ? Rwanda
21:00 Uganda ? - ? Morocco

]]> Mu mwambaro wa Made in Rwanda, Amavubi yerekeje muri Cameroun muri CHAN (AMAFOTO) https://www.kigalitoday.com/imikino/football/Mu-mwambaro-wa-Made-in-Rwanda-Amavubi-yerekeje-muri-Cameroun-muri-CHAN-AMAFOTO https://www.kigalitoday.com/imikino/football/Mu-mwambaro-wa-Made-in-Rwanda-Amavubi-yerekeje-muri-Cameroun-muri-CHAN-AMAFOTO 2021-01-13T05:44:29Z text/html en Sports Football Sammy Imanishimwe CHAN2020 Mu mwambaro wa Made in Rwanda, Amavubi yerekeje muri Cameroun muri CHAN (AMAFOTO)

Mu gitondo cyo kuri uyu wa Gatatu tariki 13 ni bwo abakinnyi b’ikipe y’igihugu berekeje mu gihugu cya Cameroun mu gikombe cya Afurika gihuza abakinnyi bakina imbere mu gihugu (CHAN), mu marushanwa atagerejwe gutangira kuri uyu wa Gatandatu.

Ikipe y’igihugu y’u Rwanda iri mu itsinda C hamwe na Uganda, Maroc na Togo, aho Amavubi azakina umukino wa mbere ku wa Mbere tariki 18 Mutarama na Uganda kuri Stade de la Réunification y’i Douala.

Umukino wa kabiri w’Amavubi uzaba tariki 22 Mutarama ahura na Maroc nawo ukazabera kuri Stade de la Réunification , naho uwa gatatu usoza amatsinda ukazaba 26 Mutarama kuri Stade de Limbé/Buea Amavubi akina na Togo.

Abakinnyi berekeje muri Cameroon

Abanyezamu: Kimenyi Yves (Kiyovu Sports), Ndayishimiye Eric ‘Bakame’ (AS Kigali), Kwizera Olivier (Rayon Sports) na Rwabugiri Umar (APR FC).

Ba myugariro: Manzi Thierry (APR FC), Mutsinzi Ange (APR FC), Rugwiro Hervé (Rayon Sports), Nsabimana Aimable (Police FC), Fitina Omborenga (APR FC), Imanishimwe Emmanuel (APR FC), Rutanga Eric (Police FC), Niyomugabo Claude (APR FC) na Usengimana Faustin (Police FC) na Bayisenge Emery (AS Kigali).

Abakina hagati: Niyonzima Olivier ‘Seif’ (APR FC), Ngendahimana Eric (Kiyovu Sports), Twizeyimana Martin Fabrice (Police FC), Nsabimana Eric (AS Kigali), Ruboneka Jean Bosco (APR FC), Manishimwe Djabel (APR FC), Nshuti Dominique Savio (Police FC) na Kalisa Rachid (AS Kigali).

Ba rutahizamu: Byiringiro Lague (APR FC), Sugira Ernest (Rayon Sports), Usengimana Danny (APR FC), Iradukunda Bertrand (Gasogi United), Iyabivuze Osée (Police FC), Mico Justin (Police FC), Tuyisenge Jacques (APR FC)na Hakizimana Muhadjiri (AS Kigali).

]]> Amavubi atsinzwe na Congo-Brazzaville mu mukino wa nyuma utegura CHAN (AMAFOTO) https://www.kigalitoday.com/imikino/football/article/amavubi-atsinzwe-na-congo-brazzaville-mu-mukino-wa-nyuma-utegura-chan https://www.kigalitoday.com/imikino/football/article/amavubi-atsinzwe-na-congo-brazzaville-mu-mukino-wa-nyuma-utegura-chan 2021-01-10T16:08:49Z text/html en Editor Football Sammy Imanishimwe CHAN2020 Amavubi atsinzwe na Congo-Brazzaville mu mukino wa nyuma utegura CHAN (AMAFOTO)

Kuri iki Cyumweru kuri Stade Amahoro nibwo hasojwe irushanwa ryahuzaga u Rwanda na Congo-Brazzaville, aho mu mukino wa mbere amakipe yombi yari yanganyije ibitego 2-2.

Mu mukino wa kabiri, ikipe ya Congo-Brazzaville itsinze Amavubi igitego 1-0, cyatsinzwe na Cervelie Ikouma Epoyo n’umutwe ku munota wa cyenda.

Sugira Ernest mu gice cya mbere yateye ishoti rikomeye ryashoboraga kuvamo igitego
Sugira Ernest mu gice cya mbere yateye ishoti rikomeye ryashoboraga kuvamo igitego

Biteganyijwe ko ku wa Gatatu tariki 13/01/2020 Amavubi azahaguruka i Kigali yerekeza i Douala muri Cameroon ahazabera iyi mikino.

Iyi mikino ya CHAN izatangira ku wa Gatandatu tariki 16/01/2020, naho Amavubi akazakina umukino wa mbere na Uganda ku wa Mbere tariki 18/01/2020 ku i Saa tatu z’ijoro.

Abakinnyi babanje mu kibuga:

Congo-Brazzaville:

Ndzila Pavelh, Ondongo Haria, Rozan Varel, Nsenda Francis, Ikouma Cervelie, Ngoma Nzadu, Mohendiki Brel, Binguila Hardy, Nkounkou Aimé, Bintsouka Archange na Obongo Prince.

Rwanda:

Kwizera Olivier, Mutsinzi Ange, Niyomugabo Jean Claude, Usengimana Faustin, Bayisenge Emery, Nsabimana Eric ’Zidane’, Ruboneka Jean Bosco, Byiringiro Lague, Mico Justin, Iradukunda Jean Bertrand na Sugira Ernest.

Andi mafoto kuri uyu mukino

]]> CHAN 2021: Mashami Vincent yatangaje abakinnyi 30 batarimo Patrick Sibomana https://www.kigalitoday.com/imikino/football/article/chan-2021-mashami-vincent-yatangaje-abakinnyi-30-batarimo-patrick-sibomana https://www.kigalitoday.com/imikino/football/article/chan-2021-mashami-vincent-yatangaje-abakinnyi-30-batarimo-patrick-sibomana 2021-01-08T19:21:07Z text/html en Editor Football Isaac Kuradusenge CHAN2020 CHAN 2021: Mashami Vincent yatangaje abakinnyi 30 batarimo Patrick Sibomana
Amavubi yahize kuzagera mu mikino ya 1/4 cya CHAN 2021
Amavubi yahize kuzagera mu mikino ya 1/4 cya CHAN 2021

Mu bakinnyi basezerewe ,habayemo gutungurana aho rutahizamu wa Police fc Patrick Sibomana bakunda kwita Pappy yasezerewe mu bakinnyi batatu basigaye. Uretse Pappy mu bandi bakinnyi basezerewe barimo myugariro wa Kiyovu Sports Serumogo Ally na Rutahizamu wa Musanze fc Onesme Twizerimana.

Abakinnyi bazerekeza muri Cameroon

Abanyezamu: Kimenyi Yves (Kiyovu Sports), Ndayishimiye Eric ‘Bakame’ (AS Kigali), Kwizera Olivier (Rayon Sports) na Rwabugiri Umar (APR FC).

Ba myugariro: Manzi Thierry (APR FC), Mutsinzi Ange (APR FC), Rugwiro Hervé (Rayon Sports), Nsabimana Aimable (Police FC), Fitina Omborenga (APR FC), Imanishimwe Emmanuel (APR FC), Rutanga Eric (Police FC), Niyomugabo Claude (APR FC) na Usengimana Faustin (Police FC) na Bayisenge Emery (AS Kigali).

Abakina hagati: Niyonzima Olivier ‘Seif’ (APR FC), Ngendahimana Eric (Kiyovu Sports), Twizeyimana Martin Fabrice (Police FC), Nsabimana Eric (AS Kigali), Ruboneka Jean Bosco (APR FC), Manishimwe Djabel (APR FC), Nshuti Dominique Savio (Police FC) na Kalisa Rachid (AS Kigali).

Ba rutahizamu: Byiringiro Lague (APR FC), Sugira Ernest (Rayon Sports), Usengimana Danny (APR FC), Iradukunda Bertrand (Gasogi United), Iyabivuze Osée (Police FC), Mico Justin (Police FC), Tuyisenge Jacques (APR FC)na Hakizimana Muhadjiri (AS Kigali).

Rutahizamu wa Police FC yatunguranye mu bakinnyi batatu basigaye
Rutahizamu wa Police FC yatunguranye mu bakinnyi batatu basigaye

Kuwa Kane tariki ya 07 Mutarama 2021 ikipe y’igihugu yakinnye umukino wa gicuti na Congo Brazzaville mu rwego rwo kwitegura CHAN umukino warangiye amakipe yombi anganya ibitego bibiri. Aya makipe azobgera gukina umukino wa Kabiri ku Cyumweru tariki ya 10 Mutarama 2021 kuri Sitade Amahoro i Remera.

Bitenganyijwe ko U Rwanda ruzagera muri Cameroon tariki ya 13 Mutarama 2021 rukazakina umukino wa mbere na Uganda tariki ya 18 Mutarama 2021 ,umukino wa Kabiri ,U Rwanda ruzawukina tariki ya 22 aho ruzakina na Morocco ,umukino wa nyuma wo mu matsinda rukazakina na Togo tariki ya 26 Mutarama 2021.

]]> Pre-CHAN tournament 2021: Amavubi yanganyije na Congo Brazzaville https://www.kigalitoday.com/imikino/football/article/pre-chan-tournament-2021-amavubi-yanganyije-na-congo-brazzaville https://www.kigalitoday.com/imikino/football/article/pre-chan-tournament-2021-amavubi-yanganyije-na-congo-brazzaville 2021-01-07T17:30:33Z text/html en Editor Football Isaac Kuradusenge CHAN2020 Pre-CHAN tournament 2021: Amavubi yanganyije na Congo Brazzaville

Ni umukino wabaye kuri uyu wa Kane tariki 07 Mutarama 2021 kuri Sitade Amahoro i Remera. Uyu mukino wakinwe nta bafana bari kuri stade mu rwego rwo kwirinda icyorezo cya Covid-19.

Umutoza wa Congo Brazzaville Barthelemy Ngaisono yabanje mu kibuga abakinnyi bakurikira:

Massa Chansel
Magnokele Dimitri (c)
Nsenda Francis
Ondongo Tulfin
Mounoza Prince
Massanga Chandrel
Langa Bercy
Ngouenimba Gautrand
Bintsouka Archange
Obassi Bersyl

Umutoza w’Amavubi Mashami Vincent yitabaje mu kibuga aba bakinnyi:

Kwizera Olivier (umunyezamu)

Ba myugariro: Omborenga Fitina, Imanishimwe Emmanuel, Mutsinzi Ange na Manzi Thierry.

Hagati: Niyonzima Olivier ’Seif’, Twizeyimana Martin Fabrice, Manishimwe Djabel.

Ikipe ya Congo Brazzaville yinjiye mo kare aho yafunguye amazamu ku munota wa cyenda ku gitego cyatsinzwe na Obassi Bersly nyuma yo kunanirwa gutera umutwe n’umupira kwa Manzi Thierry. Congo Brazzaville yakomeje gusatira U Rwanda ibona igitego cya Kabiri ku munota wa 26 ari nako igice cya mbere cyarangiye.

Igice cya Kabiri cyatangiranye impinduka ku ruhande rw’amavubi umutoza Mashami Vincent yinjije Usengimana Faustin asimbura Manzi Thierry , Byiringiro Lague asimbura Iyabivuze Osee na Ruboneka Bosco wasimbuye Niyonzima Olivier.Nyuma y’Isi mpinduka u Rwanda rwaremye uburyo bushoboka bwo gutsinda ariko Umunyezamu wa Congo Brazzaville.

Izindi mpinduka zabaye ku ruhande rw’Amavubi Mico Justin yasimbuye Djabel Manishimwe , Iradukunda Jean Bertrand yasimbuye Nshuti Dominique Savio na Twizerimana Onesme. izi mpinduka zaje gutanga umusaruro ku munota wa 87 ku kazi kakozwe na Bertrand maze Mico Justin atsinda igitego cya Kabiri ari nako umukino warangiye.

Ku cyumweru tariki ya 10 Mutarama 2021 u Rwanda ruzongera gukina na Congo Brazzaville umukino wa Kabiri mbere yo kwerekeza muri CHAN 2021 igomba gutangira tariki ya 16 Mutarama kugeza 07 Gashyantare 2021 muri Cameroon.

U Rwanda ruri mu itsinda rya Gatatu hamwe na Togo , Morocco na Uganda ruzagera muri Cameroon tariki ya 13 Mutarama 2021 rukinwe umukino wa mbere na Uganda tariki ya 18 Mutarama 2021.

]]> Abakinnyi batatu ba Rayon Sports bari mu bahamagawe mu Mavubi yitegura CHAN 2020 https://www.kigalitoday.com/imikino/football/article/abakinnyi-batatu-ba-rayon-sports-bari-mu-bahamagawe-mu-mavubi-yitegura-chan-2020 https://www.kigalitoday.com/imikino/football/article/abakinnyi-batatu-ba-rayon-sports-bari-mu-bahamagawe-mu-mavubi-yitegura-chan-2020 2020-12-22T20:14:53Z text/html en Editor Football Isaac Kuradusenge CHAN2020 Abakinnyi batatu ba Rayon Sports bari mu bahamagawe mu Mavubi yitegura CHAN 2020
Urutonde rw'agateganyo rw'abakinnyi bahamagawe
Urutonde rw’agateganyo rw’abakinnyi bahamagawe

Kapiteni wa Rayon Sports Rugwiro Hervé, Umunyezamu wayo Kwizera Olivier na rutahizamu Sugira Ernest ni bo bakinnyi batatu bahamagawe mu myiteguro ya CHAN.

Ikipe ya APR FC ni yo ifite abakinnyi benshi mu ikipe yahamagawe aho ifite abakinnyi icumi. Abo ni: Umunyezamu Rwabugiri Ndayisenga Omar, ba myugariro Manzi Thierry ,Mutsinzi Ange, Fitina Ombolenga ,Imanishimwe Emmanuel ,abakina hagati ni : Niyonzima Olivier, Manishimwe Djabel na ba rutahizamu Byiringiro Lague, Usengimana Danny na Tuyisenge Jacques.

As Kigali ifitemo abakinnyi batandatu ari bo : Ndayishimiye Eric, Bayisenge Emery, Rusheshangoga Michel, Nsabimana Eric, Kalisa Rashid na Hakizimana Muhadjiri.

Police FC ifitemo abakinnyi batarindwi ari bo : Nsabimana Aimable, Usengimana Faustin,Twizerimana Martin Fabrice, Nshuti Dominique Savio, Iyabivuze Osée na Mico Justin.

Kiyovu Sports ifitemo abakinnyi batatu ari bo Kimenyi Yves, Serumogo Ally na Ngendahimana Eric.

Musanze FC ifitemo umukinnyi umwe ari we Twizerimana Onesme, na Gasogi United ikagiramo umukinnyi umwe ari we Iradukunda Jean Bertrand.

U Rwanda ruri mu itsinda rya Gatatu ririmo amakipe ya Uganda, Morocco na Togo. U Rwanda rukazakina umukino warwo wa mbere rukina na Uganda.

]]>