Ubwo iyo gahunda nshya yatangizwaga

Ni gahunda nshya yerekeranye no kuvura amatungo (Veterinary Sanitary Mandate/VSM), kwandika ba veterineri no kubaha ibyangombwa (Veterinary Registration and Licensing Module), bikubiye muri gahunda y’imicungire y’amakuru ku buhinzi (Agriculture Management Information System /AMIS).

Iyi gahunda nshya igamije guteza imbere serivisi z’ubworozi, gutanga umwanya munini mu ruhare rw’abikorera no kongera ubunyamwuga mu mikorere y’abavuzi b’amatungo mu gihugu hose.

Mu muhango wo gutangiza iyi gahunda wabaye ku wa 12 Ukuboza 2025, bamwe mu baturage bishimiye ko serivisi z’ubuvuzi bw’amatungo zigiye kwegera buri mudugudu.

Bahate Marthe, umworozi wo mu Murenge wa Ruharambuga, mu Kagari ka Ntendezi mu Karere ka Nyamasheke, yagize ati "Kenshi amatungo yacu yapfaga kubera gutinda kubona veterineri. Ariko niba noneho hari abikorera bashobora gukorera mu izina rya Leta, natwe tuzajya tubabona hafi. Byadufasha kugabanya impfu z’amatungo cyane cyane mu bihe by’indwara ziyibasira."

Munyanshongore Jean Nepomscène, umusaza ukorera ubworozi bw’inka n’ingurube mu Kagari ka Wimana mu Murenge wa Ruharambuga, avuga ko bari bakeneye ababageraho byihuse.

Ati “Ikintu twari dukeneye cyane ni serivisi zihuse n’abatekinisiye bafite ubumenyi. Iyo gahunda izatuma tubona serivisi ku gihe kandi natwe abaturage twumve ko ubuzima bw’amatungo yacu buri mu maboko y’ababishoboye."

Abavuzi b’amatungo bahawe ibikoresho bibafasha kunoza serivisi batanga

Nk’uko byasobanuwe mu gihe cyo gutangira iyi gahunda, VSM izafasha gukuraho icyuho cyari mu gutanga serivisi z’ubuvuzi bw’amatungo, cyane ko abikorera 34 bamaze kwemererwa gukora muri iyi gahunda mu turere dutandukanye.

Abo bakorera muri sosiyete zashyizweho mu buryo bwemewe, bashinzwe gutanga serivisi mu izina rya Leta, bagatanga raporo buri kwezi ku karere na RAB.

Ihuriro rishya ryo gufata no gucunga amakuru AMIS, rizafasha gutanga serivisi mu buryo bw’ikoranabuhanga, ritange lisansi, kandi n’ubwitabire bw’abavuzi b’amatungo mu buryo bwihuse buboneye.

Niyonsenga Festus, ni umunyamwuga wikorera mu Karere ka Nyamasheke mu buvuzi bw’amatungo, yashimye igikorwa cyajozwe cyo kwegurira iyi mirimo abikorera kandi bizafasha muri byinshi.

Ati “Uyu ni umunsi mwiza wo kwegurira imirimo abikorera nanjye ndimo, kandi twahawe n’ibikoresho bije kumfasha gukora umwuga, cyane ko ari imwe mu mbogamizi nari mfite kuko nagendaga mpura n’uburwayi butandukanye rimwe na rimwe ugasanga nta n’ibikoresho mfite. Ubu ngiye gukora akazi kanjye neza kuko ahari icyuho ubu kivuyemo”.

Umunyamabanga Uhoraho muri Minisiteri y’Ubuhinzi n’Ubworozi, Kamana Olivier, yavuze ko izi mpinduka zije gukomeza gushyigikira intego za Leta mu gutuma ubuhinzi n’ubworozi biba umusingi w’ubukungu bushingiye ku bumenyi.

Ati “Veterinary Sanitary Mandate ni umurongo mushya wo guteza imbere serivisi z’ubworozi, dushyira imbere ubunyamwuga no gukorana n’abikorera. Ibi bizazamura ireme ry’akazi, kongera imbaraga mu gukumira indwara no kugabanya igihombo cy’aborozi.”

Umunyamabanga Uhoraho muri MINAGRI, Kamana Olivier

Uyu muyobozi yasabye abaturage kurushaho korora kinyamwuga, kuko bafite amahirwe yo kuba begerejwe serivisi.

Ati “Turashishikariza abaturage kurushaho korora kinyamwuga kandi bakagerageza no kwegera abayobozi bo ku murenge, kugira ngo babahuze na Kampani zizabafasha bakabona umuveterineri uza kubavurira mu buryo bwihuse, kuko umworozi aho ari hose yahamagara agahita agerwaho agahabwa serivisi nziza, kinyamwuga kandi ku giciro cyiza”.

Hatanzwe kandi ibikoresho bya ngombwa byifashishwa n’abavuzi b’amatungo, bigamije kubafasha gutanga serivisi ku gihe kandi kinyamwuga, hanatangwa telephone z’imirongo migufi (codes), aborozi bazajya bahamagaraho igihe bakeneye serivisi z’ubuvuzi bw’amatungo.

Iyi gahunda izatuma umworozi aho ari hose ashobora kugera ku muveterineri byihuse, agahabwa ubufasha ku gihe, bityo igihombo gituruka ku gutinda kwa serivisi kikagabanuka, hanongerwe ireme n’imikorere myiza ya serivisi z’ubworozi mu gihugu hose.

Ibikoresho byatanzwe kuri buri muvuzi w’amatungo bifiite agaciro ka 1,180,000 by’Amafaranga y’u Rwanda.

Serivisi za VSM na AMIS Licensing Module zatangijwe uyu munsi, zitegerejweho guhindura imikorere y’ubuvuzi bw’amatungo, kongera umutekano w’ibiribwa, no guteza imbere imibereho y’abaturage bishingiye ku bworozi.

Bemeza ko ibikoresho bahawe bigiye kuborohereza akazi

Abaturage n’inzego z’ibanze baravuga ko iyi gahunda izazamura ireme rya serivisi, mu gihe MINAGRI na RAB bo bemeza ko iyi ari intangiriro yo kubaka ubworozi bushingiye ku makuru, bushoboye guhangana n’ihindagurika ry’ibihe n’izindi mbogamizi zisanzwe mu buhinzi n’ubworozi bw’u Rwanda.

Abaturage bo mu Kagari ka Rushyarara bavuga ko byabereye mu isantere y’ubucuruzi ya Rubyiruko iherereye mu Mudugudu wa Kageyo, tariki 13 Ugushyingo 2024 mu ma saa saba z’ijoro.

Bivugwa ko imwe mu mpamvu yatumye Sergeant Minani arasa abaturage ngo byatewe n’umujinya yagize nyuma yo guterana amagambo na nyiri akabari wamuhaye inzoga yamwishyuza mu ntoki undi agashaka kwishyura kuri telefone, ariko nyiri akabari arabyanga, bituma nyiri akabari agira ati «genda uzagwe mu ishyamba uzerera.»

Abaturage bavuga ko Sergeant Minani yagize umujinya agasohoka akagaruka arasa abari mu kabari ariko uwo bateranye amagambo anyura mu idirishya ashobora gukiza ubuzima bwe.

Icyo gihe Ubuyobozi bw’ Ingabo z’u Rwanda bwatangaje ko bwababajwe n’ibyo uwo musirikare yakoze, bwihanganisha imiryango n’inshuti babuze ababo.

Kureba uko urubanza rwagenze, kanda HANO

Ababyeyi barasabwa guhindura imyumvire bakajya bagaburira abana indyo yuzuye

Ibi babitangaje ku wa Gatanu tariki 25 Ukwakira 2024, ubwo mu Karere ka Nyamasheke hizihirizwaga umunsi mpuzamahanga w’ibiribwa.

Abo babyeyi bagaragaza ko muri aka Karere hari ibyo kurya bihagije, byaba ibikomoka ku buhinzi ndetse n’ibikomoka ku matungo, na cyane ko baturiye Ikiyaga cya Kivu.

Hatangimana Peacemaker utuye mu Murenge wa Kanjongo, avuga ko abaturage benshi bafite imyumvire yo gukora bashaka amafaranga cyane, bigatuma ibyagakwiye kugaburirwa abana byose babishora ku isoko.

Minisitiri Cyubahiro yagaburiye abana bafite imirire mibi

Ati “Urabona hano duturiye Kongo (RDC), abaturage baho baza kugura ibintu byinshi ino. Ugasanga rero abaturage ba Nyamasheke bafite imyumvire yo gushakisha amafaranga kurusha kwita ku mirire y’abana”.

Emmanuel Ngiruwonsanga na we wo mu Murenge wa Kanjongo, avuga ko uretse kuba abaturage bashora imyaka, amatungo ndetse n’ibiyakomokaho mu masoko bishakira amafaranga, hiyongeraho no kuba muri aka Karere hari umuco wo kubyara abana benshi.

Ati “ikindi kintu ni ikijyanye no kubyara cyane. Iki nacyo ni ikibazo kuko usanga imiryango ifite abana benshi, ugasanga kubabonera indyo yuzuye biragoranye”.

Byagaragajwe ko mu Karere ka Nyamasheke hatabuze ibyo kurya

Icyo abatuye muri aka Karere basanga cyaba igisubizo, ngo ni ukwigisha abaturage ko bakwiye gushyira imbere imirire yabo n’abana babo, kuko ibyo kurya bitabuze muri aka Karere.

Minisitiri w’Ubuhinzi n’Ubworozi Dr. Mark Cyubahiro Bagabe, na we yagaragaje ko muri aka Karere ka Nyamasheke hari ibyo kurya bihagije, agaragaza imyumvire ikiri hasi nk’intandaro y’igwingira rigaragara mu bana.

Yasabye abaturage guhindura imyumvire, bagaharanira ko nta mwana n’umwe ugaragara mu mirire mibi.

Minisitiri w’Ubuhinzi n’Ubworozi Dr. Mark Cyubahiro Bagabe

Ati “Nta mwana w’Umunyarwanda ukwiye kurwara bwaki kandi ibiribwa bitabuze. Ntabwo turi Igihugu gitunzwe n’imfashanyo, ibiribwa birahari. Uyu munsi ni uko kubona ibiribwa bihagije ari uburenganzira bwa buri Munyarwanda”.

Arongera ati “Tuzakomeza gukora ibishoboka byose kugira ngo hagerweho kwihaza ku biribwa 100%”.

Umuyobozi w’Akarere ka Nyamasheke, Mupenzi Narcise, yagaragaje gukoresha ubutaka mu buryo budakwiye nk’indi mpamvu ituma muri aka Karere hataboneka ibyo kurya bihagije, hakiyongeraho n’igice ubutaka bunini busharira.

Abaturage 14 bagabiwe inka mu rwego rwo kunoza imirire

Imibare igaragaza ko mu Karere ka Nyamasheke, 36% by’abaturage bose batabasha kubona ibyo kurya bihagije, mu gihe ku rwego rw’Igihugu imibare iri kuri 22%.

Imibare kandi igaragaza ko 38% by’abana bari munsi y’imyaka itanu mu Karere ka Nyamasheke bafite ikibazo cy’igwingira, mu gihe ku Rwego rw’Igihugu igipimo kigeze kuri 33%.

Abaturage basanga hakenewe gufashwa kuzamura imyumvire kuko ibyo kurya birahari

Minisitiri w’Ubumwe bw’Abanyarwanda n’Inshingano Mboneragihugu, Dr. Bizimana Jean Damascene, avuga ko abanyamadini biyita abahanuzi bagamije gusahura bakwiye kwamaganwa kandi bakabireka

Yabitangarije mu biganiro byahuje abagize ihuriro ry’ubumwe n’Ubudaheranwa bw’Abanyarwanda mu Karere ka Nyamasheke kuri uyu wa Gatanu tariki 11 Ukwakira 2024, aho yagaragaje ko abiyita abahanuzi basigaye buririra ku bikomere abantu bafite bakabatwara utwabo, ibyo bikaba biri mu byigaragaza bibangamiye Ubumwe n’Ubudaheranwa bw’Abanyarwanda.

Minisitiri Bizimana avuga ko abiyita abahanuzi bakiba abaturage, bataye indangagaciro zo kunga ubumwe, ubudahemuka n’ubunyangamugayo, n’izindi ziranga Umunyarwanda ugamije gufasha mugenzi we kugira aho ava n’aho agana mu iterambere.

Minisitiri Bizimana avuga ko abo bashingira ku myemerere y’abantu bakabayobya, bityo ko Abanyarwanda bakwiye gufungura amaso bakareba kure, kuko hari ibikwiye guhinduka kuri iyo myemerere.

Icya mbere agarukaho ni ugusubiza amaso inyuma hakarebwa uburyo ibikorwa bimwe by’amadini n’Abanyamadini byagize uruhare mu gusenya Igihugu, kuko biramutse bigarutse byaba ari ikibazo gikomeye.

Agira ati “Irondamoko n’ivangura, kugira uruhare muri Jenoside byose byagizwemo uruhare n’abanyamadini. Kubera imyemerere rero umuntu ufite ibikomere kumubeshyeshya ubuhanuzi biroroha, aho babaka amaturo na yo badafite babizeza ko babasengera bakabona buri kintu cyose bifuza, harimo kubona ubutunzi no kubona ibyangombwa byo kujya mu mahanga”.

Minisitiri Bizimana asaba abaturage gutekereza bakareba kure kuri iyo myemerere bafiteho uburenganzira, burimo no kwemera ariko bidakwiye ko abanyamadini babeshya Abanyarwanda kubona ibintu bitavuye mu bikorwa bifatika.

Agira ati, “Kugira imyemerere ni uburenganzira bwa buri Munyarwanda ariko nta dini rikwiye kwitwaza ibikorwa bidahwitse ngo ribeshye Abanyarwanda ibidashoboka bitavuye mu bwenge bwabo bitavuye ku murimo, bitavuye mu bwitange, ibyo ntibishoboka”.

Hari ababeshya ko u Rwanda rwabohowe n’Imana kandi atari byo

Minisitiri Bizimana avuga ko hari n’Abanyamadini bitwaza ko Igihugu cy’u Rwanda cyabohowe n’Imana, kandi ibyo atari byo kuko Igihugu cyabohowe n’izahoze ari ingabo za RPA Inkotanyi, zigaharanira kurokora Abanyarwanda kuko icyo gihe Interahamwe zitibwirije guhagarika kwica Abatutsi cyangwa ngo Imana izibwire ngo nizihagarare.

Agira ati, “Ibyo bavuga ko Igihugu cyacu cyabohowe n’Imana si byo kuko iyo hataza Inkotanyi ntibyari gushoboka, ntabwo abicanyi bamaze abantu bigeze bibwiriza kubera Imana, ntabwo dushaka ko hagira abagendera ku myemerere ngo bizere kubona byose, kuko Imana ifasha uwifashije. Imyemerere igoramye ituma byorohera abantu bataragera ku budaheranwa kuyoba. Birakwiye ko tugira ubushobozi bwo gusesengura icyiza n’ikibi”.

Umushumba w’Itorero rya Angilikani muri Diyosezi ya Cyangugu, Karemera Francis, avuga ko hari indangagaciro Nyarwanda zirengagijwe, himikwa urwango ruturutse ku irondamoko n’irondakarere kugeza n’aho bavuga izina ry’umuntu ugahita umenya aho asengera, ibyo bikaba bihabanye n’iyogezabutumwa rigamije kwigisha abaturage.

Musenyeri Karemera Francis avuga ko ubusanzwe nta muhanuzi wizeza abantu ibyo batakoreye

Ku kijyanye n’ubuhanuzi bw’ibinyoma bugamije kwiba abaturage, Musenyeri Karemera avuga ko ubundi Imana yatumaga abahanuzi kubwira abantu bayo, ngo bihane birinde ibyaha bakora itabarimbura cyangwa ikabaha ibindi bihano, ariko uyu munsi hari abahanuzi bahanurira abantu gukira no kubona ibitangaza byo kubona ibintu bihabanye n’ubuhanuzi nyabwo.

Avuga ko ahereye nko ku rubyiruko rurangije Kaminuza rudafite akazi, byoroshye koko kurushukisha ubuhanuzi barubwira ko nirutanga ituro ringana ukuntu runaka, ruzabona amahirwe yo kujya gukora hanze ahari imirimo ifatika, bigatuma rwizera ibyo ruhanuriwe kubera ko rwizera ko ababwiriza ubutumwa bwiza bose bavugisha ukuri.

Agira ati, “N’abo banahanurira abantu ngo bazabona za Viza zibajyana mu mahanga, abandi bakabyemera badatekereje ko nta n’amakuru y’abariyo bazi niba koko ubuzima bumeze neza iyo mu mahanga. Ubwo ntabwo ari ubuhanuzi buhindura umuntu mu bikorwa byiza ni ubugamije kumusahura no kumubeshya dukwiye kubirwanya”.

Hari ibikwiye guhinduka

Musenyeri Karemera asaba ko Abanyarwanda bagira Indangagaciro y’ukuri kuko ari ko kuvana abantu mu bukoroni bw’icyaha, bugatanga ubwigenge mu bantu kandi abanyamadini bagaharanira ukuri n’ubwo ngo hari aho gusharira.

Agira ati “Reka insengero zacu zibe urubuga ruhuriramo abantu batandukanye, ku buryo inyigisho zacu zihindura abantu abanyakuri. Twigishe ukuri kuri Jenoside yakorewe Abatutsi, twigishe ukuri ku moko y’Abanyarwanda kuko hari nk’abo tuzi bavuka ku mubyeyi umwe babaye Abatutsi abandi baba Abahutu, ibyo bikaba bivuze ko dukwiye kwigisha ukuri aho gucamo abantu ibice”.

Umukozi wa International Alert ukuriye umushinga wa USAID DUFATANYE URUMURI, Mayobera Omer, avuga ko koroherana ari indi ndangagaciro ikwiye kwimakazwa ndetse n’ubunyangamugayo kuko ahantu habaye ubwicanyi ndengakamere, bisigira abantu gusubira inyuma ku mbaraga bari bifitemo zo guhangana n’ibibazo.

Umukozi wa International Alert ukuriye umushinga wa USAID DUFATANYE URUMURI, Mayobera Omer, avuga ko gukoresha ukuri, koroherana n’ubunyangamugayo ari zimwe mu ndangagaciro zatuma Ubumwe n’Ubudaheranwa bikomeza kugerwaho

Agira ati, “Njye mbona ubwicanyi busigaye bubaho, bishobora gusuzumwa kuko ubworoherane ari ingenzi mu gukomeza imiryango, kubahana mu kazi, no kureba uburyo ubworoherane bwisanisha n’amateka Igihugu cyanyuzemo”.

Avuga ko kandi ashingiye ku mitangire ya serivisi, ubunyangamugayo bugenda bugabanuka ku buryo ibyo abantu bemeye babishyira mu bikorwa, kuko usanga bibangamiye imiyoborere myiza ku baturage.

Asaba ko abihayimana bakora integanyanyigisho ishingiye ku mateka u Rwanda rwanyuzemo, kuko byagira akamaro mu guhuza Indangagaciro Nyarwanda zishingiye ku mateka y’Abanyarwanda aho kwiga iby’ahandi.

Agira ati, “Ni gute naba umukirisitu cyangwa umusilamu mu Gihugu cyabayemo Jenoside yakorewe Abatutsi, nsanga bikwiye ko abanyamadini n’amatorero bagira uruhare mu kwigisha iyobokamana rijyanye n’ukuri kwa Jenoside yakorewe Abatutsi”.

Umuyobozi w’Akarere Wungirije Ushinzwe Imibereho y’Abaturage mu Karere ka Nyamasheke, Mukankusi Athanasie, asanga hakwiye kubaho kwigisha urubyiruko, rukumva ko kuba umwe, kwitwa Umunyarwanda no gukorera mu Rwanda ari ingenzi, aho gushaka kujya mu bihugu byo hanze batazi ibikorerwayo kubera kuba rwashutswe.

Umuyobozi w’Akarere ka Nyamasheke Wungirije Ushinzwe Imibereho y’Abaturage

Hatanzwe ibiganiro byarushaho gutuma Ubumwe n’Ubudaheranwa bugerwaho hashingiwe ku makuru yihariye y’Akarere runaka

Reba ibindi muri iyi video:

Imodoka yahise igwa hepfo mu mugezi

Ababonye iyo mpanuka iba bavuze ko umunyonzi yamanutse ari imbere y’imodoka yari itwaye abo banyeshuri, umunyonzi ari mu nzira y’iyo modoka. Uwari utwaye imodoka ngo yashatse guca ku ruhande ngo anyure kuri uwo wari utwaye igare, ariko utwaye imodoka ahita agonga igare inyuma.

Imodoka yahise igwa hepfo mu mugezi witwa Cyongoroka uri hafi n’agasantere ka Kamabuye, abana babiri bahita bitaba Imana, abandi bakomeretse cyane bajyanwa ku bitaro bya Bushenge no ku kigo nderabuzima cya Kamonyi aho muri Nyamasheke.

Uwari utwaye igare ndetse n’uwari utwaye imodoka hamwe n’abana bari mu modoka bajyanywe kwa muganga, mu gihe imodoka yo ku mugoroba wo kuri uyu wa Kane yari ikiri mu mugezi.

RBA yatangaje ko hari umwarimu wavuze ko iyo modoka yari itwaye abana 31, imodoka ikaba yari imaze akanya gato ihagurutse ku ishuri i Kigenge, ahari urugendo rw’iminota nk’icumi kuva ku ishuri kugera ahabereye impanuka.

Icyakora hari abakunze kunenga ubuziranenge bwa bene izi modoka zitwara abanyeshuri aho zimwe bazishinja kuba ziba zishaje, abandi bakazinenga ko zitwara umubare munini w’abana, aho usanga bagenda babyigana.

Abo amashanyarazi yamaze kugeraho bishimira iryo terambere Leta yabagejejeho

Gasigwa Landfried, umuyobozi w’ishami rya REG mu Karere ka Nyamasheke, avuga ko nibamara guha amashanyarazi izo ngo 26,558, ingo hafi ya zose muri aka Karere zizaba zifite amashanyarazi.

Gasigwa akomeza avuga ko izo ngo zizahabwa amashanyarazi ziherereye mu Mirenge yose 15 igize Akarere ka Nyamasheke, ndetse bateganya ko bizagera muri Kamena 2024 igikorwa cyo gucanira ingo 25,558 cyarangiye.

Akomeza avuga ko icyo gikorwa cyatangiye gukorwa kandi REG iri kugifashwamo na kompanyi ebyiri z’inyamahanga, imwe y’abahinde yitwa MBH Power Ltd ndetse n’indi y’abanyatuniziya yitwa STEG, izo kompanyi akaba ari zo zatsindiye isoko ryo gutanga amashanyarazi kuri izo ngo zitagiraga amashanyarazi muri Nyamasheke.

Uyu muyobozi avuga ko akazi ko kubaka imiyoboro kageze ku kigero cya 60% ndetse hari ingo zisaga 1200 zamaze gucanirwa muri uyu mushinga, ahandi bari kugenda bubaka imiyoboro y’amashanyarazi no kuhashyira za “Transformers”.

Kugeza ubu ingo zisaga 46,500 zingana n’ijanisha rya 74,5% ni zo zifite amashanyarazi muri Nyamasheke, harimo 48,2% zifite amashanyarazi afatiye ku muyoboro mugari na 26,3% zifite amashanyarazi afatiye ku mirasire y’izuba.

Abamaze kugezwaho ayo mashanyarazi bavuga ko barimo kuyabyaza amafaranga

Mukahirwa Francine, umuturage utuye mu Mudugudu wa Ruhinga II, Akagari ka Kagata, Umurenge wa Bushenge muri aka Karere ka Nyamasheke, ari mu baturage bamaze guhabwa amashanyarazi muri iyi gahunda iri gukorwa yo guha amashanyarazi ingo 26,000.

Avuga icyo amaze kugeraho nyuma yo kubona amashanyarazi, yagize ati “turashimira Leta y’u Rwanda kuba yaradutekereje ibicishije muri REG. Mbere serivisi z’amashanyarazi zijyanye no gushesha ibinyampeke, kwiyogoshesha, gufotoza impapuro n’izindi twazikuraga kure muri Santere ya Bushenge ndetse tugategesha amafaranga menshi, ariko ubu byose birahari hano nta kibazo kandi twatangiye kwiteza imbere.

Ukwizagira Anastase na we ni umuturage utuye muri uyu Mudugudu wa Ruhinga II, we amashanyarazi yahise ayabyaza umusaruro ashinga akabari ndetse azana n’icyuma gisya ibinyampeke.

Ukwizagira avuga ko amaze kugera kuri byinshi mu gihe gito birimo kuba yarahise yigurira inzu, ndetse abaturage ntibakijya kure gushesha kuko yabazaniye icyuma kibikora.

Mu Rwanda ingo zisaga 80,5% zimaze kugezwaho amashanyarazi.

Ni inkuru dukesha Sosiyete y’u Rwanda ishinzwe Ingufu (REG)

Imodoka ya Coaster yakoze impanuka abagenzi 28 barakomereka

Ni impanuka yabaye ku gicamunsi cyo kuwa Mbere tariki 19 Kanama 2024, aho iyo modoka yerekezaga mu isantere ya Tyazo mu Karere ka Nyamasheke yageze mu ikorosi kurikata birananirana kubera umuvuduko, ita umuhanda ngo igwa mu kibanza kuri muri metero hafi 100 uvuye ku muhanda.

Nyuma y’impanuka y’iyo modoka yari itwawe na Hatangimana Bertin, hakozwe ubutabazi bwihuse hifashishijwe ambulance z’ibitaro bya Kibogora, inkomere zijyanwa mu bitaro, nk’uko Banziriyiki François Xavier, Umunyamabanga nshingwabikorwa w’umusigire w’Umurenge wa Gihombo yabitangarije Kigali Today.

Yagize ati "Imodoka yataye umuhanda iva mu mukono wayo, njye wahageze nibajije uburyo iyo modoka yageze aho hantu itarabirinduka biranyobera, yagiye igonga ikawa igwa mu kibanza bari gusiza twari twaramaze guhagarika, aho twari tumaze iminsi twarabujije nyiracyo kucyubaka kubera ko kiri mu manegeka".

Iyi mpanuka bivugwa ko yaguyemo umuntu

Biravugwa ko umwe muri abo bagenzi yitabye Imana nk’uko Gitifu Banziriyiki akomeza kubivuga, agira ati "Nibyo biravugwa ko umwe muri abo bagenzi yaba yitabye Imana, tubajyana mu bitaro wabonaga Konvuwayeri w’iyo modoka arembye cyane, ndetse muri abo bagenzi hari n’akana gato kari kacitse ukuguru, ntituramenya neza uwaba yitabye Imana".

Abakomeretse bikomeye bari kuvurirwa mu bitaro bya Kibogora, mu gihe babiri muri abo bagenzi bakomeretse byoroheje bari kuvurirwa mu Kigo Nderabuzima cya Hanika.

Dr Telesphore Ndabamenye

Ku munsi wa karindwi w’ibikorwa byo kwamamaza Chairman wa FPR, Paul Kagame wari utegerejwe n’abaturage benshi ku kibuga cya Kagano mu Karere ka Nyamasheke, Dr Ndabamenye yavuze ko muri aka Karere bamukunda kandi bamwishimiye bitewe n’ibyiza byinshi yabagejejeho bishingiye ku miyoborere ye myiza.

Yavuze ko mbere Nyamasheke itafatwaga nk’akarere k’u Rwanda, ariko ubu byamaze guhinduka babikesha Chairman wa FPR-Inkotanyi, Paul Kagame.

Ati “Chairman ni we wa mbere washushanyije ikarita y’u Rwanda, adukura kuri Banyarwanda namwe Banyacyangugu, adushyira ku ikarita y’u Rwanda iriho uturere 30 harimo n’akarere ka Nyamasheke."

Mu gushimangira imiyoborere myiza ya Kagame ishingiye ku guteza imbere imibereho myiza y’abaturage begerezwa iby’ibanze bakeneye, Dr Ndabamenye yavuze ko aho yagenze hose mu mahanga ntaho yigeze abona umuyobozi ufata umuhanda w’ibilometero n’ibilometero, kuri buri metero ijana agashyiraho itara ndetse muri Nyungwe akahashyira Ingabo zatumye Akarere ka Nyamasheke gasigaye gafite umutekano udadiye.

Yagize ati, "Ibikorwa byanyu birivugira kuko aho abantu batinya mwahashyize umutekano ndetse muhashyira amahoteli nka One and Only yubashywe cyane."

Yakomeje agira ati, "Narize ndaminuje, naminurije mu Buholandi n’Afurika y’Epfo, ngiye gutaha bansaba kumpa akazi, ariko imiyoborere myiza yanyu yatumye ngaruka mu Rwanda."

Dr Ndabamenye avuga ko ikintu gikomeye Perezida Kagame yakoze ari ugufasha abaturage kwiteza imbere binyuze mu buhinzi bw’icyayi ahari ubwatsi bw’amashinge ndetse igiciro cyacyo kiriyongera aho ikilo kigeze ku mafaranga 300.

Mu myaka irindwi ishize mu Karere ka Nyamasheke bashimira Paul Kagame ko yabagejeje ku bikorwa bitandukanye bibateza imbere birimo ibikorwa remezo nk’imihanda, kwegerezwa amashanyarazi hubakwa urugomero rw’amashanyarazi rwa Nyirantaruko rufite ubushobozi bwo gutanga MW 1840. Ingo zifite amashanyarazi zavuye ku 20.639 muri Kamena 2017 zigera ku 74.140.

Abaturage b’Akarere ka Nyamasheke kandi bakomeje gufashwa mu rugendo rwo kwikura mu bukene, bahabwa amatungo magufi. Hubatswe kandi imidugudu itandatu y’icyitegerezo ari yo Bushekeri, Mataba, Kamabuye, Ruhinga, Kamina na Kabarore.

Bashima Chairman wa FPR kuba yarateje imbere uburezi, ndetse Nyamasheke babona Kaminuza ya Kibogora, mu gihe abari bahatuye bakoraga ingendo ndende bajya gushaka Kaminuza i Kigali.

Kureba andi mafoto menshi, kanda HANO

Reba muri iyi Video uko byari byifashe mu kwamamaza Kagame i Nyamasheke:

Perezida Kagame yasabye abanyarwanda kwirinda macakubiri

Yagize ati, "Ntawe twabuza kugira idini iri n’iri n’ubwoko ubu n’ubu, icyo duharanira ni ukuba umunyarwanda, ikindi icyo aricyo cyose washaka wakiba mu gihe kitabangamira abandi batari nkawe."

Yakomeje avuga ko iyo abantu bamaze kwiyumvamo kuba Umunyarwanda hibazwa icyo uwo muntu afite akaba ariho hashyirwa imbaraga.

Agira ati "Niho duhera twubaka ubukungu, ubuhinzi n’ubworozi bizamuka bikaba ibya kijyambere, kwikorera bakishingira imirimo bakiteza imbere, kwiga bakagira ubumenyi."

Umukandida wa FPR-Inkotanyi avuga ko buri wese afite ubwenge ariko adafite ubumenyi kuko ubumenyi bushakwa. Agira ati "Turifuza rero ko Umunyarwanda yiga, akagira ubumenyi akagarukira aho ashaka hose."

Chairman wa FPR, Paul Kagame avuga ko yifuza ko Abanyarwanda bagira ubuzima bwiza, ibikorwa remezo bikagera kuri bose ndetse ibitaro bikubakwa neza atari aho bavugutira imiti mu gikari.

Ati, "N’iyo mihanda mwavuze, amashanyarazi, n’ibikorwa remezo byose, hari ibimaze kugerwaho ariko hari ibindi dushaka kubaka, kandi twabigeraho dufite ubufasha bwanyu mu gikorwa dutegereje imbere tariki 15 Nyakanga 2024, namwe mukongeraho uruhare rwanyu."

Kagame yabwiye abatuye i Nyamasheke ko bazagera ku nganda n’ibindi Abanyarwanda bakenera bakihaza ndetse bagasagurira amahanga mu gihe bafite ibyangombwa byose.

Kimwe mubyo anenga ni uburyo hari ibicuruzwa byoherezwa hanze ku giciro gito bikongererwa agaciro bikagaruka bihenze.

Asaba ko Abanyarwanda bagomba kugira ubumenyi bwongera agaciro ibikorerwa mu Rwanda kuko bitanga akazi ku banyarwanda kandi nibyo FPR-Inkotanyi yifuriza Abanyarwanda.

Ati, "Icyo tubatezeho mwebwe rubyiruko rwacu n’abandi, ntimukitinye, ntimukagire umususu mu gihe cy’ibikorwa bya buri munsi, nibisaba ubumenyi dushake uko tubwongera."

Akomeza agira ati "Tike ya FPR irimo ubufasha ku bashaka kugira ibyo bakora, mujye mutinya ikibi ibindi ntimukitinye, ibidashobotse abantu babifatanya bigashoboka."

Umukandida wa FPR-Inkotanyi yasabye urubyiruko kugana ubuyobozi. Ati "Mubabwire muti turakora ibi, muradufasha iki?."

Yabwiye abaturage b’Akarere ka Nyamasheke ko ibyiza biri imbere, bahereye ku mutekano n’imiyoborere myiza bujyana no gukora kuko hashingiwe kuri ibyo ntagishobora kubananira.

Kureba andi mafoto menshi, kanda HANO

Reba muri iyi Video uko byari byifashe mu kwamamaza Kagame i Nyamasheke:

Mukabaramba wamamaje umukandida wa FPR-Inkotanyi ku mwanya wa Perezida yavuze ko ishyaka rye ryahisemo neza gufatanya na FPR kwamamaza Paul Kagame, bitewe n’agaciro aha indi mitwe ya politiki kuko bigaragaza kubaka ubumwe.

Agira ati "Abayobozi ba kera bananiwe gufatanya, bananirwa no kuyobora ahubwo bimakaza ivangura ryagejeje u Rwanda kuri Jenoside yakorewe abatutsi."

Mukabaramba Alvera

Mukabaramba avuga ko kwamamaza umukandida wa FPR-Inkotanyi bigoye kandi byoroshye kuko ibikorwa byivugira uhereye mu kuyobora urugamba rwo kubohora u Rwanda, kubaka Igihugu uhereye munsi ya zero, kugeza iterambere ku banyarwanda bose kugera mu bice by’icyaro birmo n’Umurenge wa Cyato uri kure.

Mukabaramba yavuze no ku bindi bikorwa remezo biri hirya no hino mu gihugu birimo Stade Amahoro yubatswe mu gihe gito, ati "Ku bwanjye nayise ’Bashize ivuga’."

Yakomeje agira ati "Mwaguye amarembo n’ibindi bihugu ku kiregero kiri hejuru hakoreshejwe indege ya Rwandair, kandi kera hahoze Air Rwanda imikorere yayo ntiyari isobanutse."

Mukabaramba avuga imiyoborere myiza ya Perezida Kagame yahaye ijambo umugore, ubwisungane mu kwivuza ndetse VUP itanga umusaruro.

Aha niho yashimiye umukandida wa FPR-Inkotanyi, Paul Kagame wubakiye abatuye Rusizi na Nyamasheke umuhanda wa Kivu belt, ati "Abatuye Rusizi na Nyamasheke umuhanda wa Kivu belt wadukuye mu bwigunge naho umutekano urigaragaza."

Mukabaramba yakomeje asaba abatuye Akarere ka Nyamasheke kwitura umukandida wa FPR-Inkotanyi bakamutora kumutora 100%. Abaturage bati, "Tumuhorane, tumuhorane washi".

Mukabaramba yasabye abatuye Nyamasheke gufasha umukandida wa FPR-Inkotanyi baharanira kuba abaturage beza kandi basigasira ibikorwa amaze kubagezaho n’aho urubyiruko rukareka kwishora mu biyobyabwenge.

Kureba andi mafoto menshi, kanda HANO

Reba muri iyi Video uko byari byifashe mu kwamamaza Kagame i Nyamasheke:

Nsenga Sandrine (ufite indangururamajwi) yashimye Kagame ku bw’inama aha Abanyarwanda zo gukora bakiteza imbere

Nsenga w’imyaka 25 avuga ko bitari gushoboka iyo atagira imiyoborere myiza kubera ubukene n’umurima wo guhinga ntawo yari afite ahubwo yahingaga mu mirima y’abandi bakagabana umusaruro.

Umukandida w’umuryango wa FPR-Inkotanyi saa tanu n’iminota 19 nibwo yari asesekaye mu murenge wa Kagano mu Karere ka Nyamasheke mu gikorwa cyo kwiyamamaza ku munsi wa Karindwi.

Imbaga y’abaturage benshi baje kumwakira bamweretse ibyishimo byo ku rwego rwo hejuru bavuga bati, "Muzehe wacu, muzehe wacu."

Perezida Kagame yasesekaye Kagano yambaye umupira w’umweru w’amaboko maremare uriho ibirango bya FPR Inkotanyi hamwe n’ipantalo y’umukara itandukanye nizo yari amaze iminsi yambaza zifite imifuka ku rihande "Pauche bombé".

Muneza de Grâce wayoboye ibiganiro byo kwamamaza umukandida w’Umuryango wa FPR-Inkotanyi yabwiye Kagame ko indongozi za Nyamasheke zimukunda kandi zifuza kumuhorana kubera ikoranabuhanga yabagejeho, umuhanda wa Kivu belt washyizwemo kaburimbo n’amatara na interineti ituma itumanaho ryihuta. Agira ati "Muzehe wacu tumuhorane washi"

Nsenga Sandrine ukora ubuhinzi bw’inyanya mu Karere ka Nyamasheke hamwe na Christian Ndayambaje ubyaza umusaruro ukomoka ku buhinzi bw’ibijumba, mu buhamya batanze babwiye Kagame ko batangiye ari ubuzima bugoye batira umurima bakagabana na nyiri umurima umusaruro uvuyemo ariko bishakamo ibisubizo kugera baguze umurima ndetse bafatirana amahirwe Igihugu gitanga.

Senga yavuze ko amaze kubona mu gihe cy’izuba umusaruro ugabanyuka, yashatse imirasire y’izuba izajya imufasha kuhira amazi avuye mu Kiyaga cya Kivu, bituma abasha guhinga mu bihe byose, bituma ava ku biro 50 yezaga agera kuri toni 3.

Aba bombi kandi bavuga ko bari mu batewe inkunga ya miliyoni 4 n’igice nyuma y’uko ibikorwa byabo bagizweho ingaruka n’icyorezo cya COVID-19.

Nsenga yavuze ko kugeza ubu ageze ku rwego agemurira inyanya mu Karere ka Rusizi na Karongi na Goma muri Repulika Iharanira Demukarasi ya Congo kandi ko ubucuruzi bwe akomeje no kubukorera ku ikoranabuhanga.

Nsenga avuga ko kubera iryo koranabuhanga ririmo TikTok, inyanya ze zisigaye zijya Congo Brazzaville kubera imiyoborere myiza.

Nsenga avuga ko urubyiruko rukomeje kurota kandi nibamara kumutora tariki 15 Nyakanga bizeye ko uruganda batangiye kubaka mu Murenge wa Nyabitekeri mu Karere ka Nyamasheke kugeza ubu rugeze ku gipimo cya 30% ruzatanga undi musaruro ufatika mu gutunga umusaruro ukomoka ku buhinzi bw’inyanya rukazivanamo Sauce Tomate na Ketchup.

Yashimiye Chairman wa FPR-Inkotanyi, Paul Kagame kubw’imiyoborere ye yateje imbere urubyiruko n’abana b’abakobwa, ndetse ko urubyiruko rwose rwiteguye kumuhundagazaho amajwi. Ati "Nk’urubyiro dufitanye igihango, tuzabatora ijana ku ijana."

Urubyiruko rwa Nyamasheke ruvuga ko kuba rufite Umuyobozi ukora cyane nabo bibasaba gukora cyane kugira ngo bongere umusaruro ndetse batange akazi no kugeza umusaruro w’ibyo bakora ku rwego mpuzamahanga.

Urubyiruko rw’i Nyamasheke rurashima imiyoborere y’umukandida wa FPR-Inkotanyi, Paul Kagame

Kureba andi mafoto menshi, kanda HANO

Reba muri iyi Video uko byari byifashe mu kwamamaza Kagame i Nyamasheke:

Kwamamaza Kagame bikomereje i Nyamasheke nyuma yo kwiyamamariza i Rusizi tariki 28 Kamena 2024, akaba ndetse akomereza i Karongi kuri sitade ya Mbonwa tariki 30 Kamena 2024, aha hose hakaba ari mu Ntara y’Iburengerazuba.

Abateraniye kuri sita ya Kagano i Nyamasheke, baragaragaza ibyishimo by’uko bagiye kwakira Paul Kagame, nk’uko bigaragara muri aya mafoto:

Kureba andi mafoto menshi, kanda HANO

Reba muri iyi Video uko byari byifashe mu kwamamaza Kagame i Nyamasheke:

Yatotejwe mu gihe cya Jenoside na nyuma yaho aba muri zone Turquoise

Jenoside iba yari afite imyaka 31. Yari afite abana bane, umutoya akaba yari amaze ukwezi kumwe gusa avutse. Mu gihe cya Jenoside yabanye n’abicanyi bamukoreraga ibya mfura mbi, ntibanahweme kumubwira ko amaherezo bazamwica.

Mu buhamya yagejeje ku bitabiriye igikorwa cyo kwibuka ku nshuro ya 30 Jenoside yakorewe Abatutsi mu 1994, mu ruganda rw’icyayi rwa Gisakura, tariki 8 Kamena 2024, hari aho yagize ati “Njyewe rero nicaye ku muhanda, kugeza Jenoside irangiye. Naragaraguwe, ngaraguzwa ubuhiri, ngaraguzwa Ntamponganoyumwanzi; ibintu byose bakoreshaga bica byangaraguritse ku gahanga.”

Umugabo we ngo yishwe mu ba mbere kuko hari ku itariki ya 13 Mata 1994. Uwo munsi umwana we mutoya yari yujuje ukwezi. Ntibyari bimworoheye kubaho kuko yishwe n’inzara nyamara yari akeneye kwitabwaho nk’umubyeyi. Icyakora akabona bucya bukongera bugacya.

Ni ubuhamya yagejeje ku bari bitabiriye kwibuka Jenoside yakorewe Abatutsi mu ruganda rw’icyayi rwa Gisakura

Ati “Bakazana ubuhiri bakambwira bati uyu munsi bwariye benshi, buje kukwikuza. Abandi bakaza bati uru ruhinja, urwica natwe turamwica. Bagatinya ako gahinja. Ariko igihe kiragera bati tuzaguherekesha umusaza.”

Yungamo ati “Ntabwo byari byoroshye, ni ugupfa uhagaze. Hajemo ibintu byo kuvuga bati turabanza tubarongore, tuzave ku kubarongora tuzaborose Habyarimana umunsi tuzaba twashyinguye ivu rye. Si no kuri njyewe njyenyine. Hano ku kigo nderabuzima habaga abakobwa, barababwiraga ngo dusange mumeze uko mwavutse! Bamwe bakurijemo Sida, baranapfa, baranahambwa. Ubwo ni ubuzima buturuka ku butegetsi bubi.”

Aho Inkotanyi zifatiye igihugu hakanashyirwaho Zone Turquoise, Mukarusine yisanze na we ayirimo kuko mu Karere ka Nyamasheke uruganda rw’icyayi rwa Gisakura ruherereyemo hari muri Perefegitura ya Cyangugu na yo yari iri muri iyo zone. Na bwo ntiyagize amahoro kuko yakomeje kwicwa n’inzara ndetse no gutotezwa.

Ati “Igihe kimwe hari uwaje kunshimuta. Yaje nijoro. Niba yari yasinze simbizi, yaryamye ku rugi rw’iwanjye arasinzira. Umuturanyi wari utuye haruguru y’iwanjye asohotse agiye hanze amusangana inkota, umuhoro n’ubuhiri. Ariko ngo yari yazamutse hepfo hariya ku gasoko ababwiye ngo ngiye kurongora umugore wa Gashumba. Natanyemera ndamwica. Nagize amahirwe rero uwo muntu amukiza izo ntwaro, akangutse arabibura, aragenda. Nuko Ukuboko kw’Imana kurankiza.”

Akomeza agira ati “N’aho aba MINUAR basimburiye Abafaransa nakomeje kubaho nabi. Sinabashaga kuvuga ururimi rwabo ngo nibuze nagira unyumva. Nkomeza kubaho ntunzwe n’ibitsinsi by’amateke n’amababi yayo. Ibyo nkabiteka, nkabirya muri ka kabyeyibyeyi.”

Yarushijeho kubabara aho mu kwezi kwa cyenda bahamagariye abana kujya kwiga, abe bajyayo bagenzi babo bakanga kwigana na bo.

Olive Mukarusine kugeza ubu arashimira Inkotanyi zongeye gusubiza Abanyarwanda ubuzima

Ati “Abana banjye babaciriyeho imyenda bavuga ngo ntabwo bashobora kwigana n’abana b’Abatutsi. Ndavuga ngo ndamaramaje, ni amabyi nzajya kurya ay’iwacu mu Ruhango.”

Icyo gihe yateze imodoka zacyuraga impunzi zari zarahunze mu 1959, ageze iwabo asanga na bo barishwe, ariko ntibyamubuza kugaruka gutwara abana be.

Kuri ubu ashima Inkotanyi zarokoye Abanyarwanda, agashima n’Uruganda rw’icyayi rwa Gisakura ku bw’ineza abarukoramo badahwema kumugaragariza.

Ati “Twebwe aho tugereye, ntabwo tuba tugitungwa n’ibintu byinshi. Dutungwa n’ijambo ryiza. Rituma turama, tukabaho, tukumva ubuzima burakomeje.”

Umuhanzi Munyanshoza Dieudone yifatanyije nabo mu muhango wo Kwibuka

Amakuru agera kuri Kigali Today aravuga ko iyo mpanuka yabaye ku mugoroba tariki 29 Mata 2024, ibera ku gice cy’amazi y’Akarere ka Nyamasheke mu Murenge wa Kagano aho bwagonze ibuye rinini, burangirika.

Ubuyobozi bwa ‘Mantis Kivu Queen uBuranga’ bwashyize hanze itangazo bwemeza iby’iyo mpanuka, busobanura ko abari mu bwato bashoboye gutabarwa bakurwamo, naho ubwato burakururwa bushyirwa ku nkombe.

Abatekinisiye b’ubwo bwato bihutiye gusuzuma imiterere y’iyo mpanuka no kugenzura ibyangiritse kugira ngo babusane, ubuyobozi bukizeza ko nyuma yo kubusana buzasubukura ibikorwa byabwo mu gihe kidatinze.

Ubwato ‘Mantis Kivu Queen uBuranga’ nibwo bwato bwa mbere mu Rwanda bukora nka Hoteli y’inyenyeri eshanu bukaba ubwato bukunzwe cyane cyane n’abatembera mu Rwanda.

Busanzwe bukorera mu mazi y’ikiyaga cya Kivu mu Turere twa Karongi, Nyamasheke, Rubavu na Rusizi.

Bufite uburebure bwa metero 35, bukagira ibyumba 10, aho gufatira amafunguro n’ibyo kunywa, ubwogero n’ibindi.

Bufite ibyumba byo mu rwego rwo hejuru birimo ibishobora kwakira Abakuru b’Ibihugu.

Hari zimwe mu nka n’igurube zapfuye

Umuvugizi wa Polisi, ACP Rutikanga Boniface, yemeje aya makuru avuga ko iyi mpanuka y’ubwato ikimara kuba, inzego z’umutekano n’ubuyobozi zahise zitabara babasha kurohora inka 32 basanga hapfuye 4, harokoka inka 28, ingurube 32 zapfuye harokoka 4.

Ati “Ubwato bwarimo inka 50 n’ingurube 45, izari zikirimo kureremba hejuru y’amazi hakomeje ibikorwa byo gushaka uko zikurwamo”.

ACP Rutikanga avuga ko hataramenyekana icyateye iyi mpanuka, ariko hakekwa ko byaturutse ku buremere bw’amatungo bwari bupakiye.

Inka zimwe zarokotse

Aha ni na ho agira inama abantu yo kwitwararika igihe bagenda mu mazi, ndetse n’igihe bakoresha ubwato, kwirinda gupakira ibintu bifite uburemere bwinshi.

Uretse amatungo yaguye muri iyi mpanuka y’ubwato, nta muntu wigeze agirira ikibazo mu mazi kuko bose babashije kuvamo ari bazima.

ACP Rutikanga avuga ko abaturage bo muri Repuburika Iharanira Demokarasi ya Congo, basanzwe barema amasoko yo mu Rwanda, cyane cyane mu turere duhana imbibi n’umupaka wa w’icyo gihugu, akabasaba ko igihe bambuka bakwiye kujya bitwararika gupakira ibintu bifite uburemere bwinshi, mu rwego rwo kwirinda impanuka.

Ati “Abagenda mu bwato bagomba kwambara jire, ubwato bugomba kuba bufite ubwishingizi kandi bugatwara abantu bwagenewe bakirinda kurenza umubare”.

Ahabonetse imibiri y’Abatutsi bishwe muri Jenoside

Perezida w’Umuryango Uharanira Inyungu z’Abarokotse Jenoside yakorewe Abatutsi (IBUKA), Dr Gakwenzire Philbert, yatangaje ko kuva mu cyumweru gishize, imibiri 7 y’abazize Jenoside yakorewe Abatutsi mu 1994 imaze kuboneka aharimo guhangwa amaterasi y’indinganire muri Nyamasheke.

Ati “Ibikorwa byo gushaka indi mibiri biracyakomeje kuko twamenye ko Abatutsi mu gihe cya Jenoside bari bahungiye kuri uyu musozi, bose bishwe hakarokoka abantu babiri gusa”.

Amakuru yatanzwe n’umwe mu barokotse Jenoside yakorewe Abatutsi, warokokeye kuri uyu musozi avuga ko iyo mibiri yabonetse ari Abatutsi bishwe n’interahamwe, ubwo bari bakigerageza kwirwanaho noneho interahamwe zikajya zicamo bake bake bakajya bashyingurwa n’abandi bari kumwe icyo gihe.

Ati “Abatutsi bari bahungiye kuri uwo musozi babanje kugerageza kwirwanaho, nyuma interahamwe zikajya zibatera zikicamo bake, icyo gihe abo bari kumwe bakareba uko babashyingura. Amakuru twamenye ni uko iyi mibiri twabonye ari abishwe muri icyo gihe”.

Dr Gakwenzire avuga ko kuri uyu musozi wa Kizenga hiciwe Abatutsi basaga ibihumbi 15, bakaza kujugunywa mu byobo byari byacukuwe aho babiciye bigera kuri bitatu, nyuma ya Jenoside bashyingurwa mu cyubahiro mu rwibutso rwa Bisesero, ndetse no mu rwibutso ruri kuri uwo musozi wa Kizenga.

Ati “Aba bose bishwe n’igitero cyari kiyobowe n’uwitwa Munyakazi Yusuf wari Superefe w’icyahoze ari Perefegitura ya Kibuye, aho yayoboye ibyo bitero birimo interahamwe ndetse n’abahutu bica Abatutsi bari bahungiye kuri uwo musozi ku itariki 29 Mata 1994”.

Uyu musozi waniciweho Abatutsi mbere ya Jenoside, wahoze uri muri Komine Rwamatamu mu cyahoze ari Perefegitura ya Kibuye, nyuma ya Jenoside haza kuba agace ko muri Nyamasheke.

Perezida wa IBUKA, Dr Gakwenzire, avuga ko bitari bikwiye ko hari abantu bagihisha amakuru y’abishwe muri Jenoside, kuko bigaragaza ko hakiri abantu binangira umutima.

Ati “Nyuma y’imyaka 30 Jenoside ihagaritswe ntibyari bikwiye ko haba hari abantu bagihishira amakuru ku byabaye, kuko bigira ingaruka ku bumwe n’ubwiyunge bw’Abanyarwanda”.

Ahari gukorwa ayo materasi y’indinganire habonetse imibiri

Perezida wa IBUKA asaba Abanyarwanda kubohoka imitima, aho bazi amakuru y’imibiri y’Abatutsi bishwe muri Jenoside bakayatanga kugira ngo bashyingurwe.

Umuhanda Karongi-Nyamasheke wongeye kuba nyabagendwa

Itangazo rya Polisi y’u Rwanda yari yatanze ku cyumweru ryagiraga riti "Turabamenyesha ko kubera imvura nyinshi yateye inkangu ahitwa Dawe uri mu Ijuru mu Murenge wa Gishyita, ubu umuhanda Karongi-Nyamasheke wabaye ufunze by’agateganyo. Muragirwa inama yo gukoresha umuhanda Kigali-Huye-Nyamagabe-Nyamasheke."

Icyakora ibikorwa byo gukura inkangu mu muhanda byahise bitangira, nyuma y’isaha imwe wongeye kuba nyabagendwa.

Uwo muhanda wari wongeye gufungwa n’inkangu mu gitondo cyo kuri uyu wa Mbere tariki 8 Mutarama 2023, kubera imvura nyinshi yari yaraye iguye mu Ntara y’Iburengerazuba bituma nabwo inkangu ifunga umuhanda, ariko bihutira kuwutunganya ukomeza kuba nyabagendwa.

Umuhanda uhuza Akarere ka Karongi na Nyamasheke ukunze guhura n’ibibazo by’inkangu, mu Murenge wa Gishyita aho ibitaka biriduka bikawufunga.

Umumotari biravugwa ko yahiritswe muri uyu mwobo ariko ku bw’amahirwe ararokoka

Mu kiganiro umuvugizi wa RIB yagiranye na Kigali Today, Dr. Murangira Thierry yavuze ko hahise hatangira iperereza kugira ngo hamenyekane impamvu yatumye Nkurunziza acukura umwobo mu nzu ye.

Umuvugizi wa RIB avuga ko Nkurunziza afungiye kuri Sitasiyo ya RIB ya Ruharambuga.

Nkurunziza Ismael yatangiye gushakishwa nyuma yo gushaka guta umumotari mu cyobo ntibimukundire.

Ukomejegusenga Eliezer, Umuyobozi w’umusigire w’Umurenge wa Bushenge, yabwiye Kigali Today ko icyobo cyasibuwe cyari gifite metero eshatu n’igice ariko basanze nta bandi yatayemo uretse uwo yashatse gutamo ariko ntabigereho.

Tariki 30 Ugushyingo 2023 Nkurunziza Ismael yateze umumotari amukuye i Rusizi, bageze mu Murenge wa Bushenge mu Karere ka Nyamasheke amwinjiza mu nzu ngo amwishyure.

Ukomejegusenga yabwiye Kigali Today ati "Umumotari yatubwiye ko yamusabye kwinjira mu nzu, amusaba kumuteruza igifuka kiremereye ariko undi arabyanga niko gushaka kumusunikira mu cyobo yacukuye mu nzu."

Akomeza avuga ko umumotari yinjije ikirenge mu cyobo ariko akigarura vuba ahita atabaza.

Ati "Umumotari yaratabaje abaturage baratabara, naho Nkurunziza we yihutira gusiba icyobo, ajugunyamo ibifuka."

Nkurunziza yari yaburiwe irengero mu gihe umugore we yafungiwe ku biro by’Ubugenzacyaha mu Murenge wa Bushenge aho yarimo atanga amakuru.

Ukomejegusenga avuga ko inzu yaraririwe hategerejwe uburenganzira bwo kureba ibiri mu cyobo, icyakora ngo basanze harimo ibifuka yatayemo ubwo yageragezaga kugisiba.

Ukomejegusenga asaba abaturage kuba maso kandi bagatanga amakuru ku bintu badasobanukiwe kuko ubuyobozi bwabegerejwe.

Agira ati "Nta kintu twasanzemo ariko abaturage tubasaba gutangira amakuru ku gihe tugakumira icyaha kitaraba, bafite Mutwarasibo na Mudugudu, mu gihe babonye ibintu bidasobanutse bajye bababwira."

Inkuru ya Nkurunziza yibukije benshi umugabo uzwi nka Kazungu kuri ubu uri mu nkiko, aho yafashwe nyuma yo kuvugwaho kwica abantu akabata mu cyobo cyari mu nzu yabagamo i Kigali.

Ni icyobo gifite metero eshatu n’igice z’ubujyakuzimu, gisanzwe gicukuye mu nzu ariko kikaba cyari gitwikirijwe imbaho n’inzitiramubu.

Ukomejegusenga Eliezer uyobora Umurenge wa Bushenge yabwiye Kigali Today ko icyobo cyasibuwe ariko basanze nta bandi yatayemo uretse uwo yashatse gutamo ariko ntabigereho.

Umuyobozi urimo kuyobora Umurenge wa Bushenge mu gihe Abanyamabanga Nshingwabikorwa bari mu mahugurwa mu kigo cya Nkumba, asobanura ko tariki 30 Ugushyingo 2023, Nkurunziza Ismael yateze umumotari amukuye i Rusizi, bagera mu Murenge wa Bushenge mu Karere ka Nyamasheke akamwinjiza mu nzu ngo amwishyure.

Agira ati "Umumotari yatubwiye ko yamusabye kwinjira mu nzu, amusaba kumuteruza igifuka kiremereye ariko undi arabyanga niko gushaka kumusunikira mu cyobo yacukuye mu nzu."

Akomeza avuga ko umumotari yinjije ikirenge mu cyobo ariko akigarura vuba agahita atabaza.

Ati "Umumotari yaratabaje abaturage baratabara, naho Nkurunziza we yihutira gusiba icyobo ajugunyamo ibifuka."

Nkurunziza ubu yaburiwe irengero naho umugore we afungiye ku biro by’Ubugenzacyaha mu Murenge wa Bushenge aho arimo gutanga amakuru.

Ukomejegusenga avuga ko inzu yashyziweho uburyo bwo kuyicungaho umutekano, mu gihe hari hategerejwe uburenganzira bwo kureba ibiri mu cyobo, bakaba ngo basanze harimo ibifuka yatayemo ubwo yageragezaga kugisiba.

Naho umugore we ubwo yabazwaga, yatangaje ko umugabo we yagicukuye amubwira ko agiye gukora ubucuruzi kandi azajya ashyiramo ibicuruzwa.

Ukomejegusenga asaba abaturage kuba maso kandi bagatanga amakuru ku bintu badasobanukiwe kuko ubuyobozi bwabegerejwe.

Agira ati "Nta kintu twasanzemo ariko abaturage tubasaba gutangira amakuru ku gihe tugakumira icyaha kitaraba. Bafite Mutwarasibo na Mudugudu, mu gihe babonye ibintu bidasobanutse bajye bababwira."

Inkuru ya Nkurunziza yibukije benshi umugabo uzwi nka Kazungu kuri ubu uri mu nkiko, aho yafashwe nyuma yo kuvugwaho kwica abantu akabata mu cyobo cyari mu nzu yabagamo.

Umuyobozi w’Agateganyo w’Akarere ka Nyamasheke, Muhayeyezu Joseph Desire yatangarije Kigali Today ko ibi byago byabaye ku wa Mbere tariki 02 Ukwakira 2023 saa 10h30 aho abo baturage barimo bubaka urukuta rw’amabuye kuri uwo mukingo nyuma itaka rirariduka rihita ribatwikira.

Ati “Tukimara kumenya ayo makuru twahise tujya kureba abo bantu ngo dutabare ku gihe abagwiriwe n’uwo mukingo dusanga itaka ryabatwikiriye. Mu bantu 10 twakuyemo twasanze babiri muri bo bapfuye, abandi 8 na bo barembye bahise bajyanwa ku bitaro bya Mugonero kugira ngo bitabweho n’abaganga”.

Meya Muhayeyezu avuga ko mu bantu 8 bakomeretse, bane muri bo barembye bikomeye abandi bane bakaba bakomeretse byoroheje.

Umuyobozi w’Agateganyo w’Akarere ka Nyamasheke avuga ko uyu mukingo wari usanzwe ukorwaho n’abakozi 81 ariko ko ibi byago byabaye hari abakozi 41.

Ati “Abandi 31 mu barimo bakoraga uyu munsi kuri uwo mukingo bo nta kibazo bahuye na cyo ubu ariko turi mu bikorwa byo gukuraho itaka kugira ngo turebe niba ntawaba yasigayemo ntitubimenye”.

Kuriduka k’uyu mukingo byaturutse ku kuba itaka ryaroroshye kubera imvura imaze iminsi igwa ndetse n’ubuhaname bwawo.

Appolonie Mukamasabo

Meya Mukamasabo wirukanywe mu kazi ku wa Mbere tariki 28 Kanama 2023, akurikiye Guverineri w’Intara y’Iburengerazuba François Habitegeko na Madamu Mukamana Espérance wari Umuyobozi Mukuru w’Ikigo cy’Igihugu gishinzwe ubutaka, bakuwe ku mirimo na Perezida wa Repubulika Paul Kagame nk’uko byatangajwe n’Ibiro bya Minisitiri w’Intebe.

Kuri uyu wa 28 Kanama 2023, Inama Njyanama y' Akarere yafashe icyemezo cyo gukura mu nshingano uwari Umuyobozi w' Akarere Madame Mukamasabo Appolonie. pic.twitter.com/DzvsKjdnl4

— Nyamasheke District (@Nyamasheke) August 28, 2023

Iby’icyo kibazo byatangiye kugaragara ku itariki 3 Gicurasi 2023, byigeze kubaho mu gihe cy’ibiza biherutse kwibasira Amajyaruguru n’uburengerazuba bw’Igihugu, ariko icyo gihe byari ku rugero ruto, ikibazo cyaje gukomera mu minsi ya vuba aha, ubwo imyotsi yatangiraga gucumba mu musozi ndetse n’umuriro ukaka.

Abatanga ubuhamya babibonye, bavuga ko uwo mwotsi n’umuriro byibasira gusa imizi y’ibiti n’ibindi bimera biri kuri uwo musozi, ntihagire ikindi kintu gishya.

Uwo musozi uri hafi y’Ikiyaga cya Kivu, ndetse ufite n’amateka yihariye, kuko wahoze utuweho n’imiryango igera ku 150, mu Mudugudu wa Rukohwa, nyuma inkangu yabaye mu 2006 ituma iyo miryango yose yimurwa aho. Kuva icyo gihe, ubwo butaka bukoreshwa mu bikorwa by’ubuhinzi gusa.

Abayobozi muri RMB, batangaje ko itsinda ry’abahanga mu by’ubumenyi bw’imiterere y’Isi, bamaze kugera kuri uwo musozi, bakaba barimo gukora isuzuma ry’uko icyo kibazo giteye.

Aganira na The New Times dukesha iyi nkuru, Twagirashema Ivan, inzobere mu bya siyansi ukora muri RMB, yagize ati "RMB yohereje itsinda ry’abahanga mu bumenyi bw’imiterere y’Isi kuri uwo musozi, barimo kubikurikirana mu bushishozi kugeza nimugoroba. Dutegereje kumva ibiva mu busesenguzi bwabo n’ibisobanuro bishingiye ku byo babonye”.

Muhayeyezu Joseph Désiré, Umuyobozi w’Akarere ka Nyamasheke wungirije ushinzwe iterambere ry’ubukungu, yemeje ko Abatekinisiye b’Akarere barimo gukorana n’itsinda ry’abahanga mu by’ubumenyi bw’imiterere y’Isi baturutse muri RMB, nyuma hakazategurwa raporo y’ibyo isuzuma ryagaragaje.

Yagize ati "Itsinda ry’abahanga mu by’ubumenyi bw’imiterere y’Isi bahageze, nyuma bazakora raporo bamenyeshe abaturage ibirimo kuba ndetse batange n’inama y’igikwiye gukorwa”.

Mu rwego rw’ingamba zijyanye n’ubwirinzi, ubuyobozi bw’ako Karere bwabaye buhagaritse abaturage kujya kuri uwo musozi, uherereye mu Murenge wa Shangi.

Yishimira kuba asigaye akundwa n’ababyeyi be

Ni ikigo kizajya gihuza abagore n’abakobwa bafite ubumuga bityo bigishwe ubuzima bw’imyororokere, gutinyuka no kwihangira imirimo binyuze mu budozi n’ubworozi bwa kijyambere, bazajya bigira mu gikumba cy’ihene 100, RNADW yashyizeho, kugira ngo gishobore koroza abafite ubumuga batishoboye.

Umuyobozi wa RNADW, Muhorakeye Pelagie, avuga ko batangije iki gikorwa mu Karere ka Nyamasheke kugira ngo barwanye ihohoterwa rikorerwa abafite ubumuga bwo kutumva no kutavuga riboneka mu miryango.

Agira ati "Abafite ubumuga bwo kutumva no kutavuga barahohoterwa mu miryango, bateshwa agaciro, abana ntibajyanwa mu ishuri kandi no mu miryango bafatwa nk’abatagize icyo bashoboye. Twaje hano kugira ngo twigishe abafite ubumuga bashobore kumenya ururimi rw’amarenga, bamenye ubuzima bw’imyororokere ndetse bashobore no guhurira kuri uru rugo rw’amatungo baganire ku bibazo bibugarije."

Ati "Twakoresheje agera muri Miliyoni 50Frw kugira ngo twubake ibi biraro by’ihene, twashatse imirima igomba kuvamo ubwatsi. Icyo tugamije ni uguha akazi abafite ubumuga bwo kutumva no kutavuga, bazajya bakora bahembwe, izibyaye tuboroze, ibyaye yiture izindi zizabe ize. Gusa uko baza gukora barahura bakaganira, bagahugurana kandi bizajya bituma basohoka."

RNADW yubatse igikumba cy’ihene zizajya zifasha abafite ubumuga bwo kutumva no kutavuga

Ibi byiyongeraho ko bizajya bituma ababyeyi bahisha abafite ubumuga babareka bakajya ahagaragara, kuko hari ikigo kibashyigikiye kandi kibafasha.

Mu Karere ka Nyamasheke umuryango RNADW utangaza ko uhafite abanyamuryango 80, kandi hari abandi bataragerwaho n’ubufasha.

Mukankusi Athanasie, umuyobozi w’Akarere ka Nyamasheke wungirije ushinzwe imibereho myiza y’abaturage, avuga ko babonye umufatanyabikorwa wari ukenewe.

Ati "Tubyakiriye neza kuko tubonye umufatanyabikorwa umenya ibibazo by’abafite ubumuga bw’abatumva n’abatavuga, twizera ko ugiye kuba umwanya wo kubakura mu bwigunge, kubigisha no kubafasha kugira imibereho myiza n’iterambere, kandi muri ubu bworozi bazajya baganira ku bibazo bagira natwe bitworohere kubimenya no kubikemura."

Bamwe mu bafite ubumuga bwo kutumva no kutavuga bavuga ko barinze bakura batarabona amasomo y’ururimi rw’amarenga, naho abandi ngo ntibari bafite ubumenyi ku by’imyororokere.

RNADW yaguze ubutaka bazajya bakuramo ubwatsi bw’ihene

Uwogushimwa Mariam wahawe akazi ko gukora mu rwuri rw’ihene, avuga ko bizera ko ntawe uzongera gusabiriza.

Ati "Iki kigo kigiye guca umuco wo gusabiriza ku bafite ubumuga, kuko tuzajya tuza gukora duhembwe. Tugiye kugira urukundo mu muryango, kuko nkanjye data umbyara yatangiye kunyishimira kuko nkora nkazana amafaranga, mu gihe nahoraga nicaye mu rugo mbasaba buri kintu cyose."

Uwogushimwa avuga ko abafite ubumuga bwo kutumva no kutavuga bahohoterwa mu miryango kuko bumva ntacyo bashobora, ndetse n’abana ntibajyanwa mu ishuri.

Uwineza Jean Aimé usanzwe abana n’undi ufite ubumuga bwo kutumva no kutavuga, avuga ko bigoye kubona akazi ku muntu ufite ubumuga.

Ati "kubera benshi batazi ururimi rw’amarenga biragoye gushaka akazi ukakabona, ubu baduhaye aho duhurira, tuzajya tuganira ku bibazo byacu. Abatazi ururimi rw’amarenga barwigishwe. Hanyuma nzajya nza gukora hano mbone amafaranga kandi nibampa ihene nshobore kuzorora nanjye mbone ubushobozi."

Umwe mu bafite ubumuga bwo kutumva no kutavuga agaburira ihene bahawe

Abafite ubumuga bavuga ko badakunze kujya mu buyobozi, kuko bigorana kumvikana, bagasaba ko ururimi rw’amarenga rwigishwa abafite ubumuga bose, ariko rukwiye kwigishwa n’abakora kwa muganda, mu nzego z’ibanze no z’umutekano kugira ngo nibabasanga bashobore kumvikana.

Umuryango RNADW ufite abanyamuryango 3,200 mu Rwanda, kandi ugiye gukomeza kugera mu turere gufasha abagore n’abakobwa bafite ubumuga bwo kutumva no kutavuga.

Umunyamabanga Nshingwabikorwa w’umusigire w’Akagari ka Kibogora, Niyonsenga Marie Louise, yabwiye Kigali Today ko uwo mugore yafashwe nyuma y’uko umuturage abuze ihene ye mu ijoro, mu gitondo basanga uwo mugore yamaze kuyibaga.

Ati “Umuturage yabuze ihene ye mu ma saa munani z’ijoro, bakomeza gukurikirana amakuru y’irengero ryayo, bukeye mu gitondo nibwo twamenye ko iyo hene yibwe n’uwo mugore, irondo ry’umudugudu na Mudugudu bagiye iwe basanga yamaze kuyibaga”.

Gitifu Niyonsenga avuga ko bimaze kuba inshuro nyinshi uwo mugore afatanwa ihene yibye, ati “Si ubwa mbere afashwe yibye ihene, hari n’indi yafatanwe mu minsi ishize yari akiyishyura”.

Yagize ubutumwa ageza ku baturage ati “Icya mbere ni ugukomeza kwicungira umutekano, kuko iyo bataduha amakuru ntitwari kumenya uwibye iyo hene. Ndashimira abaturage kubera ko batanze amakuru, ariko nkabasaba no gukura amaboko mu mufuka bagakora, umuntu ntiyumve ko azatungwa n’ibyo atakoreye”.

Nyuma y’uko abaturage bashyikirije uwo mugore inzego z’umutekano, ubu ari mu maboko y’Urwego rw’Igihugu rw’Ubugenzacyaha (RIB), Station ya Kanjongo aho akorwaho iperereza.

Bifuza ko impamyabushobozi zabo zakwemerwa ku rwego rw’Igihugu

Ikigo cy’imyuga cya Kagano mu Karere ka Nyamasheke cyubatswe ku bufatanye n’umuryango SFH, hamwe n’umuryango w’Ababiligi, Enabel, bifasha urubyiruko rw’abakobwa babyariye iwabo kwigarurira icyizere no kubarinda ubukene.

Imwe mu myuga urwo rubyiruko rwigishijwe irimo gusuka, gukora inkweto, ubudozi n’ikoranabuhanga (ICT).

Abakirangijemo bavuga ko impamyabumenyi bahabwa zifasha kwihangira imirimo, ariko zitemewe ku rwego rw’Igihugu kandi bibagiraho ingaruka iyo barimo bashaka akazi.

Mahoro Irene waharangije ati “Turashima abazanye iki kigo kuko gifasha urubyiruko ku bumenyi butandukanye ruhabwa, haba kudoda, gusuka no gukora inkweto n’indi myuga, bidufasha kwiyubaka ku bahuye n’ibyago byo guterwa inda, kandi inama duhabwa tugeze muri iki kigo ziratwubaka. Gusa imwe mu mbogamizi dufite ni uko abarangije impamyabushobozi bahabwa badashobora kuzijyana hanze ya Nyamasheke, ngo zemerwe kuko zitari ku rwego rw’Igihugu.”

Urubyiruko rwigishwa no kudoda

Minisitiri w’Urubyiruko n’Umuco, Rosemary Mbabazi, avuga ko basaba urubyiruko kwiga ubumenyi ariko bakagira intumbero y’ubuzima bwabo, birinda ibishuko bahura nabyo.

Ati “Ubumenyi murimo murabuhabwa kandi n’ibishuko birahari, twifuza ko mugira ubudahangarwa mu kwirinda ibishuko muhura nabyo, ntimugomba kwemera kuba insina ngufi, nka rwa rubuto rusoromwaho na buri wese. Mumenye kuvuga oya kandi, oya ikaba oya bitewe n’intumbero mufite.”

Ku kibazo kirebana n’impamyabushobozi avuga ko barimo kukiganiraho na Minisiteri y’Uburezi, kugira ngo isure ibigo by’imyuga mu turere harebwe ireme bitanga, ababyigamo bashobore kubona impamyabushobozi zemewe ku rwego rw’Igihugu.

Minisitiri Mbabazi asura urubyiruko rwigishwa ICT mu Karere ka Nyamasheke

U Rwanda rufite ibigo by’urubyiruko 32 harimo 8 byubatswe na SFH mu turere umunani bifasha urubyiurko kwiga imyuga, kwigisha ubuzima bw’imyororokere nuko bakwirinda inda zitateguwe, ndetse ibi bigo bifasha urubyiruko gukuza impano mu mikono.

Umuyobozi wa SFH, Gihana Wandela Manasseh, avuga ko bishimira ibigo bubatse mu turere 7 mu gufasha urubyiruko kwiyubaka no kurinda ubuzima.

Ati “Turabona bifite umusaruro kuko bizagera ku rubyiruko ibihumbi 147, harimo abakobwa ibihumbi 79 bagomba gusobanukirwa bagafata ingamba zibageza eho hazaza bifuza.”

Minisiteri y’urubyiruko itangaza ko bifuza ko ibigo by’urubyiruko bigera ku murenge, kugira ngo urubyiruko rurusheho kwiga no guhura mu kwirinda ibirwugarije, icyakora ngo mu gihe ubushobozi bwa Leta butaraboneka, bifuza ko ubumenyi buri mu kigo kimwe mu karere busaranganywa mu mirenge hakoreshejwe ikoranabuhanga.

Isoko ryubatswe mu Murenge wa Ntendezi mu Karere ka Nyamasheke

Mu Ntara y’Iburengerazuba, hakorewe imishinga myinshi yakwirakwije amashanyarazi bituma umubare w’ingo ziyafite uzamuka. Mu mwaka ushize w’ingengo y’imari, ingo hafi ibihumbi 30 muri iyi Ntara zahawe amashanyarazi afatiye ku muyoboro rusange, mu gihe izindi zisaga ibihumbi 31 na zo zahawe amashanyarazi akomoka ku mirasire y’izuba.

By’umwihariko mu turere twa Karongi, Nyamasheke na Rusizi, ingo zahawe amashanyarazi zariyongereye cyane mu myaka 5 ishize, ndetse n’Imirenge yari kure cyane y’imiyoboro, aho abaturage batatekerezaga ko babona amashanyarazi bashimishwa no kubona abageraho na bo bajyana n’iterambere.

Umurenge wa Bweyeye uherereye hakurya y’ishyamba rya Nyungwe, wahawe amashanyarazi mu 2017. Abawutuye bavuga ko kuba baragejejweho amashanyarazi n’ubu bakibibona nk’igitangaza. Umuyoboro w’amashanyarazi wahageze uturutse mu Murenge wa Butare, ahantu hareshya n’ibirometero bibarirwa muri 45.

Isoko rya Bigugu muri Karongi

Umwe mu batuye muri uyu Murenge ubwo yari amaze kubona amashanyarazi yagize ati: “Ikintu cyatumaga tubona ko ari inzozi ni uko twabonaga dutuye inyuma y’ishyamba tukabona insinga ntaho zanyura. Mbega muri make ni amajyambere yageze iwacu, Bweyeye yabaye nziza cyane.”

Urundi rugero rw’ahagejejwe amashanyarazi bwa mbere muri iyi myaka mike ishize, ni mu Murenge wa Nyabirasi mu Karere ka Rutsiro. Uyu Murenge utaragiraga urugo na rumwe rucanye amashanyarazi, ubu ufite ingo zibarirwa muri 85% zifite amashanyarazi. Abahatuye na bo barakataje mu iterambere.

Muri rusange muri iyi Ntara, usanga aho amashanyarazi yageze ubuzima bwarahindutse, ibikorwa byariyongereye ndetse n’ubucuruzi bwarateye imbere. Ababonye amashanyarazi bahamya ko mu mibereho yabo hari byinshi byahindutse, batandukana n’umwijima wa nijoro, ndetse babona hafi serivisi z’ibanze batagombye gukora ingendo ndende.

Ahagejejwe amashanyarazi bahawe n’ibikorwa remezo ngo bayabyaze umusaruro

Mu Turere twa Karongi, Nyamasheke na Rusizi, Sosiyete y’u Rwanda Ishinzwe Ingufu (REG) yubatseyo ibikorwa remezo bizafasha cyane cyane abatuye mu bice by’icyaro kubyaza umusaruro amashanyarazi begerejwe. Ibyo bikorwa remezo birimo udukiriro ndetse n’amasoko y’ubucuruzi. Ibi bikorwa byubatswe mu mushinga washyizwe mu bikorwa na Sosiyete Ishinzwe guteza imbere ingufu (EDCL), ishamikiye kuri REG ku bufatanye n’Ikigega cy’Igihugu cy’Ibidukikije (FONERWA).

Isoko ry’amatungo rya Rukuta ni kimwe mu bikorwa remezo byubatswe mu Murenge wa Ntendezi mu Karere ka Nyamasheke

Bwana Vincent Kayigema uhagarariye uyu mushinga, yagize ati : “Amashanyarazi ni inkingi ikomeye y’iterambere, aho ageze hagera ibikorwa bitandukanye bituma ubukungu bwaho buzamuka. Hari aho usanga rero abayahawe batabasha kuyabyaza umusaruro uko bikwiye ahubwo bagatahira gucana gusa, gusharija telefoni no kumva radio cyangwa kureba televiziyo. N’ubwo n’ibi ari ngombwa, ntibihagije kuko ikigambiriwe ari uko afasha abayahawe kwiteza imbere.”

Yagize ati: “Twakoranye n’ubuyobozi bw’utu turere maze dushaka ahantu hakenewe ibikorwa remezo byafasha abaturage guhanga imirimo n’ubucuruzi byabateza imbere cyane cyane udukiriro ndetse n’amasoko. Icyo twifuza ni uko abaturage babona impinduka nziza mu buzima bwabo bagatera imbere bitewe n’amashanyarazi bahawe”.

Muri Karongi hubatswe amasoko ya Rwankuba, Twumba, na Gishyita ndetse n’Agakiriro kubatse mu buryo bugezweho kari mu Murenge wa Mubuga. Naho mu Karere ka Nyamasheke, hubatswe amasoko ya Mahembe, Ruharambuga, Ntendezi na Karengera. Mu Karere ka Rusizi hubatswe amasoko mu Mirenge ya Butare, Gikundamvura, Nyakabuye na Bugarama ndetse n’agakiriro mu Murenge wa Bugarama.

Vincent Kayigema yagize ati: “Ibyo bikorwa remezo uko ari 14 byamaze kuzura ndetse ubu hafi ya byose byatangiye gukoreshwa”.

Ingurube zicururizwa mu isoko rya Rukuta

Niyigena Jean Paul, umuyobozi wa Koperative y’abakozi bakorera mu gakiriro ka Mubuga mu Karere ka Karongi, avuga ko bafite Ishimwe ryinshi kubera uburyo kabafashije mu mikorere yabo.

Ati: “Turashimira cyane Perezida wa Repubulika rwose uburyo yadutekerejeho, aka gakiriro rwose katubereye igisubizo. Mbere ahantu twakoreraga hari habi tunyagirwa, imvura yagwa imashini zacu zikajyamo amazi zikangirika, ndetse n’ibyo twabajije bikangirika, abakiriya bacu ntibabishime, rimwe na rimwe bakanga no kubyakira. Ariko aho twagereye aha mu gakiriro, nta mvura twumva, nta zuba twumva, noneho rero hari n’amatara dushatse twakora tukageza na mugitondo.”

Mukabucyana Agata ufite ibarizo muri aka gakiriro na we yunga mu rya Niyigena avuga ko aka gakiriro kamworohereje akazi ndetse ko umusaruro we uziyongera cyane.

Yagize ati: “Ahantu twakoreraga hari hameze nko mu ishyamba, utabona aho ubika ibikoresho byawe, imashini zikanyagirwa, mbese byari ibibazo. Aha rero hameze neza ndetse n’abakiriya batangiye kuhamenyera mbese turishimye”.

Isoko ry’amatungo rya Rukuta na ryo ryubatswe n’uyu mushinga mu Murenge wa Ntendezi mu Karere ka Nyamasheke. By’umwihariko, iri soko ricururizwamo ingurube nyinshi kuko kariya gace kazwiho kororerwamo no gucururizwamo iri tungo ku bwinshi.

Ingurube ni zo ziganje mu matungo acururizwa muri iri soko rya Rukuta i Nyamasheke

Bwana Hategekimana Pascal uhagarariye abacururiza muri iri soko, avuga ko kuba iri soko rihari ndetse hakaba hari n’umuriro w’amashanyarazi, byafashije cyane aborozi bo muri kariya Karere kuko ubu bakoreramo ubucuruzi bwagutse.

Ati: “Hano hantu hakorerwa ubucuruzi bukomeye bw’ingurube kuko n’abanyekongo baza kuzirangura ino aha. Mbere y’uko tubona iri soko rero, twacuruzaga ingurube zitarenze 300 ku munsi w’isoko. Ariko ubu aho tuboneye iri soko rinatwikiriye, ducuruza ingurube ziri hagati ya 600 na 700 ku munsi. Urumva ko inyungu yiyongereye cyane”.

Perezida Kagame yasabye abaturage kugaragaza ababaka ruswa

Perezida Kagame avuga ko hari abayobozi batinda gutanga serivisi ku baturage bitwaza kwitinza no kwinyuza hirya no hino, bashaka ko umuturage atecyereza icyo abaha nk’aho hari icyo abagomba.

Yagize ati "Mujye mubyanga cyangwa mubitubwire, ni abanyabwoba, iyo bamenyekanye biraboneka."

Perezida Kagame avuga ko hari abantu bagora abaturage bitwaza kubabwira ngo nibatekereze kandi ntacyo bafite ati "Genda utekereze, aratekereza ariko ntafite aho avana, uwo ni umuco ugomba gucika."

Perezida Kagame yasabye abaturage kudatinya ababaha serivisi mbi, ati "Ntimugatinye, iyo twabamenye bajya ku murongo, bahengera bihishe bagahimbira ku banyantege nke, nta ruswa, nta bituga".

Yavuze kandi ko hari ibibazo biba bigoye, bikeneye amikoro, ariko ko nta gisobanuro yumva cy’ibidakorwa kandi bifitiwe ubushobozi, ibyo ngo byakorwa bikaramira abo bigomba kuramira bikava mu burangare.

Umuyobozi w’Akarere ka Nyamasheke, Mukamasabo Appolonie, yagaragarije Perezida Kagame bimwe mu bibazo bibangamiye iterambere ry’Akarere ka Nyamasheke, amusaba kubafasha kongera imihanda ituma umusaruro ugera ku isoko.

Meya Mukamasabo yavuze ko bakuwe mu bwigunge n’umuhanda wa Kivu Belt uhuza uturere twa Rusizi, Nyamasheke, Karongi, Rutsiro na Rubavu. Ni umuhanda wateje imbere ubuhahirane ariko wongera iterambere ry’imiturire muri Nyamasheke.

Yagaragaje ko n’ubwo Akarere ayoboye gakize ku buhinzi n’ubworozi, bakeneye ibikorwa remezo birimo imihanda ituma umusaruro ugera ku isoko harimo umuhanda ugera mu nkengero za Pariki ya Nyungwe hamwe n’uzenguruka ku kiyaga cya Kivu.

Meya Mukamasabo uvuga ko bamaze kubona inganda eshatu zitunganya icyayi, inganda zitunganya ikawa, ariko bavuga ko bifuza ko uwo musaruro ugezwa ku isoko ndetse bakabona imihanda iteza imbere ubukerarugendo.

Bimwe mu bibazo ubuyobozi bw’Akarere ka Nyamasheke busaba ko Perezida Kagame yabafasha, harimo kubaka imidugudu ituma abaturage bava mu manegeka, hagashyirwa ibikorwa biteza imbere abaturage mu bice bya Rangiro na Cyato.

Kuva muri 2018 kugera muri 2022, ibiza bimaze guhitana abantu 33 mu Karere ka Nyamasheke, bikomeretsa abandi 75 hasenyuka inzu 385, hangirika hegitare 257 z’imyaka.

N’ubwo Nyamasheke ikomeje urugamba rwo kurwanya ubukene, ubuyobozi bw’Akarere bw’ako karere busaba ko imishinga ikomatanyije yahagezwa bagashoborwa kurwanya ibiza, kongera amashanyarazi n’amazi mu tugari atarageramo.

Nyamasheke imaze gukusanya miliyari n’igice muri gahunda ya ejo heza, naho imishinga ya VUP imaze gufasha imiryango ibihumbi 18 mu kuva mu bukene, naho gahunda yo kubaka ibyumba by’amashuri 1067 byagabanyije urugendo rukorwa n’abana bajya ku ishuri, ndetse bigabanya n’ubucucike mu mashuri.

Akarere ka Nyamasheke kabarizwamo abaturage ibihumbi 400, ni Akarere gafite umwihariko wo gukora ku kiyaga cya Kivu na Pariki ya Nyungwe, ariko kakaba gafite ubukene kurusha utundi Turere kuko buri ku kigero cya 70%, naho ubukene bukabije buri ku kigero cya 40%.

Niko Karere gakize ku burobyi kuko gafite amazi maremare ndetse haboneka isambaza nyinshi.

Perezida Kagame arakirirwa ku kibuga cya Kagano mu Murenge wa Kagano, ikibuga mberabyombi cyorohereza abaturage kubona Umukuru w’Igihugu.

N’ubwo Nyamasheke ari Akarere gafite abakene benshi, gafite isoko ryambukiranya imipaka kandi rifasha abafite amatungo bagurisha muri Congo.

Nyamasheke, ni Akarere gakize ku buhinzi bw’icyayi n’ikawa kubera ubutaka bwera, ariko kakaba gafite ikibazo cy’igwingira ry’abana.

Bimwe mu bibazo abayobozi bavuga ko bibangamiye abatuye Akarere ka Nyamasheke, harimo icy’ibikorwa remezo bituma bitaborohera kugeza umusaruro ku isoko.

Ni Akarere abafite amashanyarazi bari ku kigero cya 51%, mu gihe abafite amazi hafi bagera kuri 80%.

Akarere ka Nyamasheke gafite imirenge 15 kandi muri yo 12 ikora ku kiyaga cya kivu, mu gihe iyindi ikora kuri pariki ya Nyungwe.

Nyamasheke kabaye Akarere ka gatatu Perezida Kagame asuye mu ruzinduko yatangiriye mu Karere ka Ruhango agakurikizaho Nyamagabe, aho yagiye aganira n’abaturage ndetse akumva ibibazo bafite.

Abafashwe ni Uwimpuhwe Denis, Nsengimana Paul na Ishimwe Steven bakaba bafatiwe ahantu hatandukanye biturutse ku iperereza ryakozwe ku rupfu rw’uwo mukobwa witwa Nyampinga Eugénie, wishwe ku itariki ya 13 Mata 2022 mu Karere ka Nyamasheke, Umurenge wa Kirimbi, Akagali ka Cyimpundu, Umudugudu wa Buha.

Umurambo we wabonetse muri metero 200 uvuye aho yari atuye ubonwa n’ababyeyi be.

Umuvugizi wa Polisi mu Ntara y’Iburengerazuba, SP) Bonaventure Twizere Karekezi, yavuze ko aba bafashwe basanganywe telefoni ebyiri za nyakwigendera n’igikapu cye, icyuma bakoresheje bamwica, hamwe n’amafaranga bamwambuye umunsi bamwiciyeho.

Yagize ati "Iperereza ryatangiye nyuma y’aho ababyeyi ba nyakwigendera bahamagaye Polisi bamenyekanisha igikorwa cy’ubunyamaswa cyakorewe umwana wabo. Polisi yahise itangira ibikorwa byo gushakisha ababikoze, nibwo ku itariki ya 14 Mata hafashwe Nsengimana Paul wakekwaga n’abaturage kuba yaragize uruhare mu rupfu rwa nyakwigendera."

Yongeyeho ko hakozwe iperereza mu bufatanye n’izindi nzego z’umutekano, hagenzuwe Telefone ya nyakwigendera basanga irimo gukoreshwa na Uwimpuhwe Denis, nibwo ku itariki ya 16 Mata 2022, nawe yafatiwe iwe mu rugo ari kumwe n’umuvandimwe we wo kwa nyina wabo, Ishimwe Steven, bose bahise bafatwa barafungwa.

Ati "Uwimpuhwe na Ishimwe bafatwanywe telefone ebyiri za nyakwigendera, bakaba bahise biyemerera ko bafatanyije na Nsengimana mu kwica Nyampinga.

Abapolisi basanze mu rugo rwa Nsengimana amafaranga ibihumbi 177 yari yahishe mu gisenge cyo mu cyumba yararagamo, na yo yibwe Nyakwigendera ku munsi bamwicaga.

Abafashwe kandi beretse abapolisi aho bajugunye icyuma bakoreshe bica nyakwigendera, mu bwiherero butakoreshwaga buherereye mu Murenge wa Macuba, Akagali ka Mutongo, bakaba ari naho baje kugisanga."

Abafashwe bose bashyikirijwe Urwego rw’Ubugenzacyaha (RIB) rukorera kuri sitasiyo ya Ruharambuga, ngo hakurikizwe amategeko, nk’uko byagaragajwe n’urubuga rwa Internet rwa Polisi y’u Rwanda.

Ingingo ya 107 yo mu itegeko riteganya ibyaha n’ibihano muri rusange ivuga ko,
umuntu wica undi abishaka, aba akoze
icyaha. Iyo abihamijwe n’urukiko, ahanishwa igihano cy’igifungo cya burundu.

Ku ikubitiro hatangijwe ishami ry’ububaji, ariko n’andi azubakwa mu bindi byiciro

Iryo shuri rigizwe n’ibyumba bitatu, ryatashywe ku wa Gatatu tariki 16 Gashyantare 2022.

Iryo shuri kandi ryanashyizwemo ibikoresho by’ibanze byo kwigishirizaho ububaji, birimo imashini eshatu zibaza.

Abatuye mu Murenge wa Cyato bavuga ko iri shuri rije ari igisubizo ku bana babo bakoraga urugendo rurerure bashaka amashuri yigisha ubumenyi ngiro, kuko ari hafi ari mu birometero hafi 30.

Umubyeyi witwa Ruzigamanzi Ferdinand, avuga ko yishimiye ko abana babo bagiye kwiga imyuga ndetse bakayigira ahantu heza.

Yongeraho ko abaturage bagiye kurushaho gufatanya na RDB mu bukangurambaga bwo kubungabunga Pariki ya Nyungwe, kuko ari yo babikesha.

Uwiringiyimana Gisele urangije amashuri yisumbuye, na we yishimiye iri shuri, avuga ko n’ubwo yarangije ayisumbuye agiye kwiga n’ umwuga ukazamufasha mu buzima bisanzwe.

Yagize ati “Ubu noneho ubwo ishuri rinyegereye ndashaka kwiga umwuga w’ubudozi nkazabasha kugira icyo nigezaho kuko mbere uwashakaga kwiga byamusabaga kujya mu Kagano bikamugora cyane”.

Ku ikubitiro, iri shuri rizakira abiga ibinyanye n’ububaji.

Umukozi wa RDB ushimzwe guhuza pariki n’abaturage, Mbabazi Marie Louise, avuga ko hari ibikorwa byinshi byari biteganyijwe, ariko byose byakomwe mu nkokora n’icyorezo cya Covid-19.

Icyakora Mbabazi avuga ko uko ubuzima bugenda bugaruka n’ibindi bisigaye birimo ateliers ebyiri (iy’ ububaji n’iyo gusudira ) na byo bizubakwa vuba.

Umuyobozi w’Akarere ka Nyamasheke wungirije ushinzwe imibereho y’abaturage, Mukankusi Athanasie, ashimira Leta kuri iyi gahunda yo gusaranganya umusaruro uva muri Pariki, akagaragaza ko bitera abayituriye kugira umwete wo kuyitaho barinda urusobe rw’ibinyabuzima ruyigaragaramo, ndetse bakanaboneraho kurwanya ba rushimusi.

Muri iyi gahunda yo gusaranganya ibiva mu bukerarugendo ku baturiye za Pariki, mu Karere ka Nyamasheke hamaze kubakwa ibikorwa remezo bitandukanye birimo amashuri, umuyoboro w’amazi, ndetse no kubakira abatishoboye benshi bahoze ari ba rushimusi muri Pariki ya Nyungwe, hamwe no gufasha amakoperative atandukanye.

Imirimo yo kubaka ibi byumba irangiye itwaye asaga miliyoni 100 z’amafaranga y’u Rwanda.

Mu Karere ka Nyamasheke kimwe no mu tundi turere tw’igihugu, hatangijwe iyi gahunda mu mwaka wa 2008 itangirira mu Murenge wa Mahembe hatangwa inkunga y’ingoboka.

Imibare itangazwa n’Akarere ka Nyamasheke igaragaza ko uhereye mu mwaka wa 2017 kugeza ubu, hafi miliyari 15 z’amafaranga y’u Rwanda ari yo amaze guhabwa abaturage b’ibyiciro bitandukanye mu rwego rwo kubafasha kwikura mu bukene ndetse no kwigira. Mu mwaka w’ ingengo y’imari wa 2016-2017 nibwo VUP yagejejwe mu mirenge yose uko ari 15 y’Akarere ka Nyamasheke, aho yafashaga abaturage ibaha inkunga z’ingoboka, imirimo, inguzanyo ziciriritse ndetse n’ibindi.

Appolonie Mukamasabo (hagati), umuyobozi w’ Akarere ka Nyamasheke

Ni ibintu ubuyobozi bw’aka karere buvuga ko byafashije abaturage cyane cyane ababarirwaga mu cyiciro cy’ubukene ku buryo hari icyizere cy’uko ubushakashatsi buri gukorwa ku bipimo by’ubukene mu baturage buzasanga igipimo cy’ubukene muri aka karere cyaragabanutse.

Mukamasabo Appolonie uyobora aka karere, yagize ati: “Muri rusange igipimo cy’ubukene twakigaragarizwa n’ubushakashatsi kuko ni bwo bushobora kubigaragaza neza. Gusa turizera ko buzasanga hari aho twavuye n’aho tumaze kugera kuko hari intambwe tumaze gutera mu gufasha abaturage bacu kuva mu bukene.”

Abatuye Akarere ka Nyamasheke na bo bavuga ko hari byinshi bamaze kugeraho babikesha VUP yabafashije kwinjiza amafaranga bakabasha kwikorera indi mishinga ibyara inyungu.

Nyirandimubanzi Beatrice utuye mu Murenge wa Macuba avuga ko atarajya muri VUP yari abayeho mu buzima buciriritse gusa aho ayigereyemo agahabwa inguzanyo iciriritse ubuzima bwatangiye guhinduka.

Ati: “Bampaye amafaranga agera ku bihumbi ijana na mirongo itanu njya inama n’umugabo tugura ikimasa. Tumaze kugura ikimasa tubona ifumbire turahinga birakunda ku buryo aho twasaruraga ibiro bitageze ku icumi ubu turahasarura umufuka w’ibishyimbo nkabona ibyo ngurisha nkishyura mituweli ndetse n’abana bakabona ibibatunga, yewe ubu ngubu twamaze kubaka inzu tuva mu manegeka tujya gutura mu mudugudu.”

Vianney na we utuye muri Macuba yagize ati: “Nari umukene mpagasa ngera ubwo imbaraga zinshirana njya kwicara mu rugo, ubuzima butangira kuba bubi. VUP ije badushyize mu mihanda tujya gukora bampembye nahise ngura amatungo ndorora bigera ku rwego niyemeza kujya gukwa umugore wanjye kuko igihe twari tumaze tubana ntari naramukoye.”

VUP ni imwe mu nkingi zifashishwa muri gahunda y’igihugu y’imyaka 7 igamije impinduka mu bukungu, imibereho myiza n’imiyoborere myiza (NST1) iva muri 2018 ikagera muri 2024, ibi ngo bikaba byaraturutse ku buryo kuri ubu VUP itagishingira cyane ku gufasha abazahajwe n’ubukene gusa ahubwo yaguye ibikorwa igera no ku gufasha n’ibindi byiciro nk’abafite ubumuga ndetse no kurwanya imirire mibi mu bana.

Gatsinzi Justin, umuyobozi ushinzwe gahunda zo kurengera abatishoboye muri LODA, aragira ati: “Ubu dufite VUP itandukanye n’iyo mu 2008, kuko yita ku bafite ubumuga ndetse no ku mirire y’abana. Ubusanzwe twumvaga turangajwe imbere no gufasha umuntu uzahaye, ariko ubu VUP ifite uruhare mu kubaka ubushobozi bw’ejo hazaza biciye muri gahunda zo kwita ku bana n’ababyeyi.”

Gatsinzi Justin (uhagaze), umuyobozi ushinzwe gahunda zo kurengera abatishoboye muri LODA

Akarere ka Nyamashe ni kamwe mu turere bigaragara ko tugifite umubare munini w’abakiri mu bukene cyane ko mu ngo zisaga ibihumbi 96 zibaririrwa muri aka karere, izigera ku 35302 zibarizwa mu cyiciro cya mbere cy’ubudehe, naho icyiciro cya kabiri kikagira ingo 33988, icyiciiro cya gatatu kikagira ingo 26820 mu gihe ingo 84 gusa ari zo zibarurirwa mu cyiciro cya 4.

Abayobozi batandukanye barimo ba Minisitiri bane, basuye ahazubakwa uwo mudugudu

Imidugudu nkomatanyabikorwa, ni ishusho y’icyerekezo u Rwanda rwihaye mu ntego yo gutuma Umunyarwanda atura neza kandi agatera imbere.

Umushinga wo kubaka uwo mudugudu ukomeje gutegurwa n’ubwo hataragaragazwa igishushanyo mbonera, ariko biragaragara ko umudugudu ugiye kubakwa ufitanye isano n’uwubatswe mu Murenge wa Kinigi.

Aho uwo mudugudu ugiye kubakwa hakomeje gusurwa, ndetse ku wa Mbere tariki 04 Ukwakira 2021, abayobozi batandukanye barimo Minisitiri w’Ubutegetsi bw’igihugu Gatabazi JMV, Minisitiri w’Ingabo, Gen Maj Albert Murasira, Min w’Ubuhinzi n’ubworozi, Geraldine Mukeshimana, Umunyamabanga wa Leta muri Minisiteri y’Ubuzima, Dr Mpunga Tharcisse, n’abandi bayobozi, bagendereye Akarere ka Nyamasheke, mu rwego rwo gutegura iyubakwa ry’uwo mudugudu ntangarugero mu Murenge wa Gihombo.

Aho uwo mudugudu ugiye kubakwa hegereye amazi y’ikiyaga cya Kivu

Minisitiri w’Ubutegetsi bw’igihugu, Gatabazi JMV, avuga ko mu Murenge wa Gihombo ahahoze Komine Rwamatamu, ari ho hagiye kubakwa uwo mudugudu, uzatuzwamo imiryango isaga 140, nk’umushinga mugari uzaherekezwa n’ibikorwa by’ubuhinzi n’ubworozi.

Yagize ati “Hano Nyagahinga hagiye kubakwa Umudugudu w’Icyitegererezo uzatuzwamo imiryango isaga 140, ikigo nderabuzima kigezweho, amashuri mashya harimo na smart class rooms, umuhanda wa kaburimbo, agakiriro, ECD, Salle polyvalente, ibibuga n’ibindi”.

Arongera ati “Uyu ni umushinga mugari, kuko uzaherekezwa n’ibikorwa by’ubuhinzi n’ubworozi bigezweho, bikazatanga akazi ku rubyiruko, abagore n’abagabo, byubake ubumwe bw’abahaturiye bose”.

Ni umushinga washimishije benshi, aho bavuga ko Akarere ka Nyamasheke raporo zagiye zigaragaza ko ari ko karere gafite umubare munini w’abaturage bakennye, ubu bagiye gutera imbere bitewe n’ibyo bikorwa remezo bagiye kwegerezwa.

Ibyishimo byarenze abaturiye ahagiye kubakwa uwo mudugudu

David Mugarura ati “Ni byiza ko ibikorwaremezo bikomeje kwegerezwa abaturage”.

Hatungimana Damien ati “Iyi midugudu ni igisubizo ku iterambere rirambye, amashuri, amavuriro, imyidagaduro kuko ibibuga biri hafi aho, isuku, ubukorikori, iyi gahunda ni nziza”.

Uwimana ati “Aha hantu ni heza cyane, umuyaga uturuka mu kiyaga cya Kivu uzajya uzana amahumbezi mu mudugudu”.

Ndatumuremyi Japhet, ati “Iki ni ikimenyetso cyiza, kigaragaza ko dufite ubuyobozi bwiza bwita ku baturage”.

Mbarushimana Pio ati “Uzaba umeze nk’uwa Kinigi neza neza! Genda Rwanda uraryoshye”.

Tuyiringire Aimable ati “Genda Rwanda uratengamaye, turabashimiye Hon. mukomeze muduhe iterambere twifuza!”

Ni umudugudu uzubakwa hagendewe ku gishushanyo mbonera cy’uwa Kinigi

Theoneste Nsengimana Gasore ati “Koko nta gihugu cyaruta u Rwanda ndabarahiye! Umunsi ku wundi ibyiza biza umusubirizo, Leta y’Ubumwe muri ntagereranwa rwose mureke dutete kuko twarateteshejwe. Umuturage ku Isonga, ni rweme”.

Ingabire Gilbert ati “Njyewe nikundira ukuntu Hon.Gatabazi yicisha bugufi iyo mubonye ari kumwe n’abaturage amarangamutima arazamuka rwose, akunda gusabana nabaturage”.

Abahinzi ba kawa bagiye guhabwa ingemwe zo gusimbura ibiti bishaje

Ben Bizinde Umuyobozi wa TechnoServe yatangarije Kigali Today ko biri mu gufasha abahinzi kubona ingemwe z’ikawa mu gihe ibiti byinshi by’isanzwe mu Rwanda bishaje, hakaba hari ibimaze imyaka 45.

Bizinde avuga ko mu gufasha Abanyarwanda kubona umusaruro w’ikawa yuje uburyohe bagomba gusimbura ibiti bishaje.

Umuyobozi wungirije w’Akarere ka Nyamasheke ushinzwe iterambere ry’Ubukungu, Ntaganira Josue Michael, yabwiye Kigali Today ko muri ako karere bafite ibiti by’ikawa 14,262, 205 bitanga umusaruro ungana na toni 14,983 z’ibitumbwe, na ho ibiti bikeneye gusimburwa bikaba ari 4,738, 968 mu gihe harimo gutegurwa ingemwe nshya 1, 218, 007.

Ikawa y’u Rwanda ni kimwe mu bihingwa byoherezwa hanze y’igihugu bikinjiza amadovisi menshi nk’uko bigaragazwa na NAEB.

Kuva muri Nyakanga 2020 kugeza muri Kamena 2021, ikawa yinjirije u Rwanda miliyoni 61 z’Amadolari ya Amerika avuye muri toni 15.300 zoherejwe mu mahanga, uyu musaruro ukaba ushobora kwiyongera mu gihe Abanyarwanda basimbuje ibiti bishaje.

NAEB igaragaza ko 24% by’ibiti bya kawa birenga miliyoni 99 biri mu Rwanda bishaje, bigatanga umusaruro mukeya.

TechnoServe ivuga ko ifite amafaranga azafasha ba rwayemezamirimo n’abahinzi b’ikawa kuvugurura ibiti by’ikawa bafite mu kongera umusaruro, kuko hari ibiti bidatanga n’ikiro kimwe cy’ikawa kandi igiti cyagombye gutanga nibura ibiro bitanu.

Bizinde avuga ko ingemwe ziri mu ikusanyirizo, bigamije gufasha abahinzi kubona ibiti bishya, basimbuze ibishaje,

Ati “Ibiti byinshi birashaje bifite hejuru y’imyaka 45, mu gihe kiri imbere umusaruro uzashobora kuzamuka, kuko babonye inkunga ya miliyoni 2.5 z’Amayero yatanzwe n’Umuryango w’ibihugu by’Ubumwe bw’Iburayi mu gufasha abahinzi b’ikawa kongera ubwiza bwayo hagendwe mu gutanga ubumenyi no gufasha urubyiruko kwiteza imbere”.

Abakozi b’Umuryango w’Ubumwe bw’u Burayi basura ahatunganyirizwa ingemwe za kawa

Ikawa mu Rwanda ihingwa n’abifite ndetse n’abakuze, urubyiruko narwo rukaba rushishikarizwa kuyihinga no kuyifata neza.

Cyubahiro Bernard, umukozi wa Gasharu Coffee Ltd mu Murenge wa Macuba mu Karere ka Nyamasheke ushinzwe kwita ku bwiza bw’ikawa, avuga ko nibura buri mwaka bohereza hamwe y’u Rwanda kontineri eshanu, icyakora akavuga ko habayeho gusimbuza ibiti bishaje umusaruro ushobora kwiyongera.

Agira ati “Ibiti bishaje birabangamye kuko bimaze igihe, tugerageza gukorana n’abahinzi nibura buri mwaka dutanga ingemwe ngo abaturage bavugurure ikawa, kuko ibiti bishaje ntibitanga umusaruro mwinshi”.

Bamwe mu bahinzi bavuga ko bafite ibiti birengeje imyaka 40 kandi bashima kuba bisimbuzwa.

Gakuru Elizabeth w’imyaka 60, avuga ko yahinze ikawa muri 1973 amaze gushyingirwa kandi n’ubu ikimuha umusaruro n’ubwo itera cyane.

Gakuru avuga ko afite ibiti ibihumbi 2 bimuha umusaruro kandi yatangiye urugendo rwo kubisimbuza ibiti bishyashya, aho amaze gutera ibiti 1,000 yahawe.

Agira ati “Ikawa nayihinze maze umwaka nshyingiwe, gusa yangejeje kuri byinshi birimo amasambu, kugura ibindi bipimo by’iwaka ndetse nigisha abana, n’ubwo bishaje natangiye gahunda yo kubisimbura kuko namaze gutera ibiti bishya bizasimbura ibyo nateye kera”.

Uruganda rutunganya kawa rwa Gasharu mu murenge wa Macuba

Munyendamutsa André atuye mu Kagari ka Raro mu Murenge wa Kanjongo, avuga ko yatangiye guhinga ikawa mu myaka 20 ishize kandi yatumye yagura ubutaka yari afite.

Ati “Nahize ku buso buto, uko ikawa yeze nkagenda ngura nongera ubuso, mva ku biti 500 ngera ku biti 1000, none ubu ngeze ku biti 7,000 kandi nifuza kugira ibiti ibihumbi 10, kugira ngo njye nshobora kwinjiza nibura miliyoni 12 ku mwaka. Umusaruro uzajya umpemba nibura miliyoni ku kwezi”.

Munyendamutsa avuga ko mu biti 7000 afite, ibiti 4,000 ari byo bishaje na ho ibiti ibihumbi 3 ni bishya kandi yasabye no kongererwa izindi ngemwe.

Uretse kuvugurura ingemwe z’ibiti, umuryango TechnoServe uvuga ko wongerera abahinzi ubushobozi mu kwita ku bwiza bw’ikawa.

Abahanga bakurikirana ikawa y’u Rwanda bavuga ko ibiti bivuguruwe, ndetse hagakoreshwa ifumbire ihagije umusaruro warushaho kwiyongera.

Abafashwe ni Ntamakiriro Elisa w’imyaka 30, Ndayishimiye Samuel w’imyaka 48, Ndayizeye Felicien w’imyaka 34 na Aimée Nyirandorwa w’imyaka 28. Bari bafite imodoka, bafatirwa mu Karere ka Nyamasheke, Umurenge wa Mahembe, Akagari ka Kagarama, Umudugudu wa Gabiro, nk’uko bigaragara ku rubuga rwa Internet rwa Polisi y’u Rwanda.

Umuvugizi wa Polisi y’u Rwanda mu Ntara y’Iburengerazuba, CIP Bonaventure Twizere Karekezi, yavuze ko bariya bantu bafashwe nyuma y’amakuru yatanzwe n’abaturage.

Yagize ati “Abapolisi bamaze kubona amakuru ya bariya bantu ko barimo kwinjiza magendu y’imyenda ya Caguwa banyuze mu kiyaga cya Kivu bategura igikorwa cyo kubafata. Iriya myenda yari kujyanwa mu isoko rya Mugonero riri mu Murenge wa Gishyita mu Karere ka Karongi. Abapolisi bashyize bariyeri mu muhanda Nyamasheke-Karongi bafata imodoka yo mu bwoko bwa minibisi yari itwawe na Ntamakiriro ari kumwe na kigingi we witwa Ndayishimiye, basanga harimo amabalo atanu y’imyenda ya caguwa”.

CIP Karekezi yakomeje avuga ko abo babiri bamaze gufatwa bavuze ko bari bahawe akazi n’uwitwa Nyirandorwa Aimée, umucuruzi w’imyenda mu isoko rya Mugonero. Nyirandorwa yahise ashakishwa arafatwa, afatwa ari kumwe na Ndayizeye bari biteguye gupakurura iyo myenda.

CIP Karekezi yashimiye abaturage bafashije Polisi gufata abo bantu binyuze mu gutangira amakuru ku gihe. Yaburiye buri muntu wese ucyijandika mu byaha ariko cyane cyane mu bucuruzi butemewe n’amategeko bwambukiranya imipaka.

Yavuze ko ababikora n’abatekereza kuzabikora nta mahirwe bazagira kandi nta mwanya bafite mu Rwanda kubera imikoranire myiza n’abaturage mu kwicungira umutekano.

Abafashwe bahise bashyikirizwa Urwego rushinzwe Ubugenzacyaha (RIB) rukorera muri sitasiyo ya Polisi ya Bwishyura kugira ngo hakorwe iperereza. Ni mu gihe imyenda yajyanywe mu biro by’ishami rya Polisi rishinzwe kurwanya abanyereza imisoro ishami rya Karongi.

Itegeko ry’umuryango w’ibihugu byo mu Karere k’Iburasirazuba rinakoreshwa mu Rwanda ingingo yaryo ya 199 rivuga ko ibicuruzwa bya magendu byafashwe bitezwa cyamunara. Imodoka yakoreshejwe muri ubwo bucuruzi bwa magendu na yo itezwa cyamunara ndetse umushoferi wayo agacibwa amande angana n’ibihumbi bitanu by’amadorali y’Amerika (US$5000).

Umusozi wiyashije, uratsuka bituma inzu nyinshi zisenyuka

Nk’uko bivugwa n’Umuyobozi w’Akarere ka Nyamasheke, Appolonie Mukamasabo, umusozi watsutse ni uwo mu Murenge wa Bushekeri, mu Kagari ka Ngoma.

Abawukuweho bari batuye kuri hegitari 12, mu midugudu ibiri yegeranye ya Kagarama na Buhembe.

Agira ati "Amahirwe byabaye ari ku manywa turahabakura. Byabaye ejo tariki 10 Gicurasi 2021. Nta n’amanegeka yari ahari, ariko imisozi yagiye yiyasa, ubutaka bukagenda gahoro gahoro, buza kugera aho bugenda cyane, amazu amwe arasenyuka, andi ariyasa".

Gutsuka k’umusozi ngo nta n’abantu byahitanye, ariko ngo byatwaye imyaka y’abaturage harimo ibishyimbo, amashyamba, imboga, ibisheke n’ibindi.

Kuri ubu Minisiteri ishinzwe Ibikorwa by’Ubutabazi irimo gushakisha aho gutuza iyo miryango 117. Hagati aho, imiryango 74 yabaye ibonye icumbi mu bandi baturage, na ho 43 igizwe n’abantu 236 yacumbikiwe mu nsengero zitarafungurirwa.

Meya Mukamasabo anavuga ko uretse uriya musozi witse, nta handi hagaragaye ibiza muri Nyamasheke muri iki gihe.

Aboneraho gusaba abatuye muri Nyamasheke kuba maso, aho babonye hatangiye kwiyasa n’ahatameze neza bakahava, kandi n’abataraziritse ibisenge by’inzu zabo bakabikora kuko imvura irimo kugwa cyane n’umuyaga mwinshi muri ibi bihe.

Umuvugizi wa Polisi mu Ntara y’Iburengerazuba, Chief Inspector of Police (CIP) Bonaventure Twizere Karekezi yavuze ko urwo rumogi rwafashwe biturutse ku makuru yatanzwe n’abaturage.

Yagize ati” Abaturage batanze amakuru kuri Polisi ko hari urumogi rwinjiye mu gihugu ruturutse muri Repubulika iharanira Demokarasi ya Congo hakoreshejwe inzira yo mu mazi mu kiyaga cya Kivu, hahise hategurwa igikorwa cyo gufata urwo rumogi n’abarwinjizaga mu gihugu,rwafatiwe mu rugo rwa Nyirahabimana ruhereye mu Murenge wa Kirimbi,Akagari ka Nyarusange.”

CIP Karekezi yongeyeho ko ibyinshi mu biyobyabwenge bifatirwa mu Ntara y’Iburengerazuba bituruka mu gihugu cya Repubulika iharanira Demokarasi ya Congo.

Yagaragaje ko Polisi yari imaranye iminsi amakuru ko Nyirahabimana asanzwe acuruza urumogi nubwo yari atarafatwa.

Yagize ati” Twari dufite amakuru ko Nyirahabimana afite abaturage bo muri kiriya gihugu cya Repubulika iharanira Demokorasi ya Congo bakorana nawe, afatwa yavuze ko aribo bari bamuzaniye urwo rumogi, bafata ubwato ahurira nabo mu kiyaga cya Kivu abaha ibihumbi 200 abasigaramo andi nk’ayo bigaragara ko bari basanzwe bafitanye imikoranire ya hafi."

Umuvugizi wa Polisi mu Ntara y’Iburengerazuba yibukije abaturage ko urugamba rwo kurwanya ibiyobyabwenge barufitemo uruhare rukomeye,abasaba gutanga amakuru y’ababicuruza n’ababikwirakwiza aboneraho gushimira abaturage bakomeje gufatanya na Polisi mu kurwanya ibiyobyabwenge.

Nyirahabimana yashyikirijwe Urwego rw’Igihugu rw’Ubugenzacyaha(RIB)rukorera muri sitasiyo ya Gihombo kugira ngo hakorwe iperereza.

Iteka rya minisitiri nº 001/moh/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira ikiyobyabwenge cy’urumogi mu biyobyabwenge bihambaye.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

Mu minsi ishize Polisi iri kumwe n’urwego rw’ubushinjacyaha ndetse n’urw’Ubugenzacyaha bakoze igikorwa cyo gutwika ibiyobyabwenge byafatiwe mu gihugu harimo n’ibyafatiwe mu Ntara y’Iburengerazuba.

Ni inkuru dukesha Polisi y’u Rwanda

Uyu mubyeyi wari utuye i Nyamasheke mu Murenge wa Bushekeri, mu Kagari ka Nyarusange (akaba ari ho n’ubutaka bwe buherereye), yari afite umugabo w’Umututsi n’abana 10 mu gihe cya Jenoside yakorewe Abatutsi mu 1994.

Amateka ya Nyirangoragoza agaragaza ko Interahamwe zaje zikamwicira umugabo n’abana umunani, ahungana babiri yari asigaranye ajya mu miryango y’iwabo ariko na ho ntibyamuhira, kuko abo abereye nyinawabo bishe n’abo bana babiri yari asigaranye.

Mukabayire Valerie wa AVEGA Agahozo ashyikiriza Minisitiri Uwizeye irage rya Perezida Kagame(ifoto: RBA)

Kuva icyo gihe Nyirangoragoza ntiyongeye kumvikana n’imiryango ye, byageze ubwo ahungana n’abagiye muri Zaïre(DRC) ariko ingabo zari iza FPR Inkotanyi ziramugarura mu Rwanda, ziramuhumuriza zimwitaho ku buryo ngo atongeye gutekereza ko yatereranywe n’abo mu muryango we.

Uyu mubyeyi wari waravutse mu mwaka wa 1947 ashimira Perezida Kagame avuga ko yamwubakiye inzu (mu mudugudu wiswe Impinganzima), akamusabira amafaranga y’ingoboka yo kumutunga, akanamwambika ku buryo ngo byamurinze gusabiriza abamwimye.

Nyirangoragoza ashingiye kuri ubwo bufasha bwatumye asaza neza, mbere yo kwitaba Imaba yasize avuze ko amasambu ane yari atunze i Nyamasheke agomba kuzahabwa Perezida Kagame akaba irage bwite amusigiye nk’umubyeyi.

Isambu ya mbere ifite ubuso bwa metero kare 586, iya kabiri ifite metero kare 168, ubutaka bwa gatatu buri ku buso bwa metero kare 776, ubwa kane ari na bwo bunini kandi burimo n’inzu, buri ku buso bwa metero kare 1,259, kandi bwose buri mu Mudugudu umwe witwa Mubuga mu Kagari ka Nyarusange.

Kuri uyu wa kabiri tariki 24 Ugushyingo 2020 nibwo Umuyobozi wa AVEGA, Mukabayire Valérie yashyikirije Minisitiri mu biro bya Perezida wa Repubulika, Uwizeye Judith iryo rage ryasigiwe Perezida Kagame.

Minisitiri Uwizeye akimara kwakira ibyangombwa by’ubu butaka Nyirangoragoza yari yaramaze kwandikishaho Perezida Kagame mu mategeko, yavuze ko buzashyirwamo ibikorwa by’inyungu rusange bifitiye abaturage akamaro.

Mu bantu bo mu muryango wa Nyirangoragoza bakiriho, hari murumuna we witwa Nyiragataramano, umwana wa mukuru we witwa Mukankusi, uwari Mukase witwa Zimukwiye Ephrasie ndetse na murumuna w’umugabo we mu miryango witwa Athanase.

Abaturage barema isoko ry’amatungo rya Rugari barasaba ko ryafungurwa

Aba baturage bavuga ko andi masoko yose yafunguwe akubahiriza amabwiriza yo kwirinda coronavirus, ariko ntibamenye impamvu isoko ry’amatungo ryo ryangiwe gufungura.

Ntabyera Augustin atuye mu murenge wa Macuba, avuga ko yabuze uko agurisha amatungo ye ngo yikenure kandi hari byinshi asabwa mu muryango.

Yagize ati “Nta soko dufite riri hafi aha ry’amatungo, iryo twaguriragaho tukanarihariramo ni irya Rugari. Tuzishyura dute ubwisungane tutari bubashe kugurisha amatungo yacu, kuki andi masoko yafunguye iry’amatungo bakaryangira”.

Nyiransabimana wo mu Murenge wa Gihombo, we asanga abayobozi bakwiye kumva ubusabe bwabo bagakoresha uburyo busanzwe bukoreshwa bwo kwirinda icyorezo cya COVID-19 ariko bakabasha kubona amatungo.

Yagize ati “Ubu ushaka kurya agasake bigusaba kujya mu biturage cyangwa irindi tungo, erega hari ukuntu ubona amafaranga utayagura agatungo agapfa ubusa, turi mu bukene rwose batwumve”.

Umuyobozi wungurije w’Akarere ka Nyamasheke ushinzwe iterambere ry’ubukungu, Ntaganira Josue Michel, yasabye abaturage ba Nyamasheke kwihangana mu gihe gito ko iri soko riza gufungurwa vuba, kuko barifunze bashaka gukingira abaturage icyorezo cya COVID-19.

Yagize ati “Ririya soko ryaremwaga n’abantu benshi baturutse hirya no hino yewe n’abo muri Kongo. Mwumvise ko iki cyorezo cyagaragaye mu Murenge wa Gihombo uri hafi ya ririya soko, urwo rujya n’uruza byari kugorana kurugenzura, gusa ndabizeza ko mu gihe cya vuba cyane cyitarenze icyumweru haba inama y’umutekano itaguye, tukabyigaho kandi hazavamo umwanzuro mwiza”.

Isoko rya Rugari ni isoko mpuzamahanga ry’amatungo riremwa n’abaturage b’ingeri zose mu Rwanda no muri Repuburika ya Demukarasi ya Kongo.

Umuhanda Tyazo-Cyato-Yove warangiritse bikomeye

Abaturage batuye muri iyo mirenge n’abahaturiye bakomeje gutaka ko imihanda yabo yangiritse ndetse bagashinja ubuyobozi bw’akarere kubarangarana, kuko ubuhahirane bw’imirenge bwahagaze.

Mutuyimana Focus utuye mu Murenge wa Rangiro, avuga ko ubukene bukomeje kubarembya kuko batakibasha kujyana imyaka yabo ku isoko ndetse n’amatungo yabo ntibabone uko bayagurisha ngo bikenure kuko imihanda itagendeka.

Yagize ati “Biragoye ko wajyana imboga cyangwa itungo ku isoko ngo ubashe kwikenura. Nubwo wabijyana ubigezayo bihenze kuko ubigutwarira araguhenda cyane, ni ikibazo kimaze iminsi, iyi mvura yo yaraje irahica burundu”.

Umwe mu bayobozi b’uruganda bafite icyayi muri kariya gace avuga ko byabahombeje cyane, kuko icyayi kugira ngo kizagere ku ruganda cyangwa se kibagereho biba bigoranye cyane.

Yagize ati “Hano dufite imirima y’ibyayi ariko biragoye cyane gucisha icyayi mu Kirambo, ubwabyo kirapfa kandi bikanahenda cyane”.

Bamwe mu baturage kandi bavuga ko bitoroshye ku batuye muri iriya mirenge kugera ku bitaro bya Kibogora, cyane cyane ku babyeyi badashobora kuhagera mu gihe bagiye kubyara.

Umuyobozi w’Akarere ka Nyamasheke wungiriye ushinzwe iterambere ry’ubukungu, Ntaganira Josué Michel, avuga ko inyigo y’uwo muhanda yarangiye bategereje amafaranga ya Leta kuko ari umuhanda uhenze, gusa akizeza abaturage ko bagiye kwishakamo ibisubizo ku buryo mu kwezi kumwe umuhanda uzaba ari nyabagendwa.

Akarere ka Nyamasheke gasaba Minisiteri ibishinzwe kubibuka amafaranga yo gusana imihanda akaboneka

Yagize ati “Uriya muhanda ufite kilometero 21,5 mu gihe cy’imvura ntuba ari nyabagendwa. Uzakorwa na miliyari 4,4, twawutanze mu buyobozi bukuru ngo badufashe kuwusana, twawushyize mu igenamigambi ry’uyu mwaka”.

Akomeza agira ati “ Turizeza abaturage ko tariki 15 z’ukwezi gutaha uzaba uri nyabagendwa, tuzakora umuganda uhuriweho, akarere gashake ibikoresho ariko twishakemo ibisubizo, mu gihe tugitegereje igisubizo kirambye”.

Ntaganira avuga ko bagiye no kuba bakora indi mihanda ya Shangi-Nyabitekeri ndetse na Ntendezi- Karengera, kugira ngo abaturage babe bayifashisha kuko na yo yangiritse bikomeye mu gihe bagitegereje ko Minisiteri ibishinzwe ishyiramo amafaranga.

Iyo nkangu yafunze umuhanda Nyamagabe - Nyamasheke-Rusizi bituma udakomeza kuba nyabagendwa.

Ubutumwa Polisi yanyujije kuri Twitter bugira inama abifuza kujya muri ibyo bice ko bakoresha umuhanda Muhanga- Karongi, Polisi igasaba abantu kwihanganira izo mbogamizi mu gihe imirimo yo gutunganya uyu muhanda irimo gukorwa.

Mukagakwaya avuga ko akamira n’abamuhemukiye

Hari kandi abaturage bavuga ko iyo gahunda yatumye biteza imbere bakaba bashyize umutima ku koroza na bagenzi babo mu rwego rwo kwitura Umukuru w’Igihugu Paul Kagame wabagabiye.

Mukagakwaya Donatilla warokotse Jenoside yakorewe Abatutsi mu 1994 atuye mu murenge wa Bushekeri mu Karere ka Nyamasheke.

Avuga ko yabuze abe muri Jenoside, akagira imibereho mibi nyuma ya Jenoside, ariko aza guhabwa inka muri ‘Girinka Munyarwanda’, yatumye abasha kwiyubakira inzu no kwibeshaho atibagiwe n’abaturanyi be barimo n’abamuhemukiye.

Agira ati “Iyi nzu ntuyemo nyikesha inka nahawe, ndashimira Perezida Kagame wadutekerejeho, ubundi twari twarihebye. Inka yanjye imbyariye kane kandi narituye, na mugenzi wanjye iramwororokera, ikomeje kumbanisha neza n’abavandimwe barimo n’abampemukiye bansabye imbabazi.

Ndabakamira, barantumira mu bukwe, nkabashyira amata mbatwerereye, urumva ko iyo tuba tugifitanye ibibazo tutariyunze ntibaba bakira ayo mata n’iyo njyewe naba mfite umutima wo kuyabaha. Nahira ubwatsi mu mirima yabo nta kibazo, umwana wanjye akina n’uwabo nta rwikekwe”.

‘Girinka Munyarwanda’ ni ingirakamaro ku mpande zose z’Abanyarwanda

Nyirantibubaha Priscilla uturanye na Mukagakwaya avuga ko ‘Girinka Munyarwanda’ igaragaza uburyo Leta igamije guteza imbere buri wese nta we iteye ishyari, ahubwo Abanyarwanda ikabongerera kubana nta kwishishanya.

Nyirantibubaha (iburyo) avuga ko Mukagakwaya yamukamiye atarabona iye nka

Agira ati “Uyu muvandimwe wanjye arankamira kuva ntarabona iyanjye nka, najyaga kubona nkabona anzaniye amata, kandi njyewe ntarahigwaga muri Jenoside, umubyeyi wacu Kagame ndamushimira ko atigeze avangura Abanyarwanda mu kubagezaho inka”.

Sirikare Sylvestre wo mu Murenge wa Bushekeri mu Kagari ka Buvugira, afite inka yahawe muri gahunda ya ‘Girinka Munyarwanda’, imaze kumubyarira inshuro eshatu kandi yamaze kwitura nk’uko amabwiriza abiteganya.

Avuga ko afite intego yo koroza abaturanyi igihe inka ye yabyara inyana mu rwego rwo gushyigikira gahunda yatangijwe n’Umukuru w’Igihugu, agamije ko Abanyarwanda bose bagira ubuzima bwiza.

Sirikari avuga ko afite gahunda yo koroza abaturanyi nk’uko yorojwe n’Umukuru w’Igihugu

Agira ati “Iyi nka yatumye ubuzima bwanjye burushaho kuba bwiza. Burya ugukunda aguha inka, ni yo mpamvu nshimira Umukuru w’Igihugu kuko yatumye ubuzima bwacu bwongera kuba bwiza kuko yaje areba Umunyarwanda aho kureba abantu bamwe gusa”.

‘Girinka Munyarwanda’ yanageze ku bo amateka agaragaza ko basigaye inyuma

Mukarugwiza Olive n’umugabo we batuye mu Murenge wa Bushekeri, ni umwe mu miryango yahawe inka muri gahunda ya ‘Girinka Munyarwanda’, bakaba bavuga ko nubwo inka yabo itarabyara, bayitezeho kwiteza imbere kandi bayifata nk’ikimenyetso cy’ubumwe Perezida Kagame yazaniye Abanyarwanda agamije kubagira umwe.

Mukarugwiza avuga ko usibye ifumbire bakura ku nka bahawe igatuma babona umusaruro uhagije ugereranyije na mbere, banisanga mu bandi Banyarwanda ugereranyije na mbere.

Mukarugwiza n’umugabo we bavuga ko Girinka yatumye batagihezwa

Agira ati “Twari twarasigajwe inyuma nyine ku buryo bugaragara, ntitwagiraga ijambo ariko Kagame Imana izamugwirize imigisha yatugize Abanyarwanda, yatugize umwe, natwe ntituzazimya igicaniro”.

Umuyobozi wungirije w’Akarere ka Nyamasheke ushizwe ubukungu, Josue Ntaganira, avuga ko kuva kera mu mateka y’Abanyarwanda, inka yari ikimenyetso cy’ubukungu, kugabirana bikagaragaza imibanire myiza n’igihango cy’ubudahemukirana.

Avuga ko kuba Umukuru w’Igihugu yaragaruye uwo muco nyuma ya Jenoside yakorewe Abatutsi, ari uburyo bwo kongera kubaka icyizere mu Banyarwanda ko kuba umwe no kwiteza imbere ari inkingi ya mwamba y’imibereho myiza.

Ntaganira Josué avuga ko Girinka ituma abaturage barushaho kwiyumvanamo

Agira ati “Izi nka zifite uruhare mu bumwe bw’Abanyarwanda kuko iyo zitangwa usanga ari ibirori kuri buri wese, kwitura na byo bikorwa neza kandi abaturage bazitaho nk’inka basangiye kuko uwayihawe aziturira mugenzi we, ibyo bigatuma buri wese ayifata nk’iye kandi bakarushaho gusabana”.

Kuva gahunda ya ‘Girinka Munyarwanda’ yatangira, inzego zitandukanye zagize uruhare mu kuzigeza ku baturage hakaba habarurwa izatanzwe zisaga ibihumbi 320 muri raporo ya 2018.

Abasezereye akazi ni Umunyamabanga Nshingwabikorwa w’Umurenge wa Kagano Niyonzima Jacques, Umunyamabanga Nshingwabikorwa w’Umurenge wa Bushekeri Ngendahimana Léopold, Umunyamabanga Nshingwabikorwa w’Umurenge wa Rangiro Muyisenge Maurice n’Umunyamabanga Nshingwabikorwa w’Umurenge wa Mahembe Ndindayino J.Claude.

Umuyobozi w’agateganyo w’Akarere ka Nyamasheke, Ntaganira Josué Michel yatangaje ko yamaze kwakira inyandiko z’Abanyamabanga Nshingwabikorwa b’Imirenge basezeye, avuga ko batanze impamvu ko beguye kubera impamvu zabo bwite.

Yavuze ko akarere kamaze kwakira amabaruwa yo gusezera kwabo, bakaba bayatanze mu gitondo kuri uyu wa kane.

Ntaganira Josué Michel avuga ko nubwo amakosa atabura mu kazi atari yo mpamvu yatumye basezeraho kuko banditse impamvu zabo bwite kandi bafite ibindi bagiye gukora kuko ari amakosa bayabazwa n’izindi nzego, asaba abaturage kumva ko nta gikuba cyacitse.

Aba bayobozi beguye bakurikira Meya Kamari Aimé Fabien wakuweho icyizere na njyanama y’aka Karere ku wa 4 Nzeri uyu mwaka. Biteganyijwe ko ku wa gatanu tariki ya 27 Nzeri 2019, hazatorwa Meya mushya.

I Karongi na ho hari batatu basezeye

Mu Karere ka Karongi, Umuyobozi ushinzwe abakozi witwa Munezero Eric yasezeye ku kazi. Munezero avugana na Kigali Today yatangaje ko yahagaritse akazi mu gihe kitazwi kubera ko yifuza kujya gukomeza amasomo kandi igihe kikaba cyari kigeze.

Yagize ati “Guhagarika akazi ni impamvu zanjye bwite, nifuza kujya gukomeza amashuri.”

Umukozi w’Akarere ushinzwe imihanda mu Karere ka Karongi Hanyurwimana Jean Damascene na we yemereye Kigali Today ko yasezeye imirimo kugira ngo ashakire ahandi.

Ati “Gahunda yanjye ni uguhindura ubuzima ngakoresha ibyo nize mu buzima busanzwe. Ntabwo nsezeye kubera inkubiri y’abandi barimo gusezera akazi.”

Nyuma yo kwegura kw’abayobozi b’uturere n’ababunganira, hirya no hino mu gihugu haragaragara gusezera ku kazi ku bakozi batandukanye mu mirenge n’uturere, benshi bakavuga ko babikora kubera impamvu zabo bwite.

Hari n’abavuga ko bahatirwa gusezera kubera kutuzuza inshingano zabo, abandi bakaba bazira imikoreshereze y’umutungo wa Leta, aho ibigo bimwe birimo kwitaba komisiyo ishinzwe imikoreshereze y’umutungo wa Leta (PAC) bakanengwa.

Kamali Aimé Fabien wayoboraga Akarere ka Nyamasheke amaze gukurwaho icyizere na Njyanama y’ako karere

Perezida w’Inama Njyanama y’Akarere ka Nyamasheke, Dr Ndabamenye Télésphore, yatangarije Kigali Today ko Kamali atabashije kurwanya ubukene no kwihutisha iterambere ry’abaturage ba Nyamasheke, bituma akarere kaza mu myanya ya mbere mu turere dukennye ndetse iterambere ry’umuturage ntiryihute.

Mu gihe Kamali wari umuyobozi w’ akarere akuweho icyizere, uwari umuyobozi w’akarere wungirije ushinzwe ubukungu n iterambere ni we ugiye kuba ayobora akarere.

Aba baturage basobanura ko batangira kurinda imyaka yabo bakimara kiyishyira mu butaka kugeza umunsi wo kuyisarura. Iyo hagize uwibeshya gato agasa n’unyarukira mu yindi mirimo agaruka asanga inkende zibasiye umurima we. Ni ikibazo kimaze imyaka myinshi bahora bagaragariza ubuyobozi, bakababwira ko izi nyamaswa ziva muri pariki ya Nyungwe zibabangamiye.

Justin Mugemana ati “iyo ucunga inyamaswa ngo zitona ugasiba umunsi umwe gusa zishobora kuyirya ugataha burundu ntuzongere kugira icyo wabarizamo kijyanye n’umusaruro.”

Nubwo bagerageza kurinda izi nyamaswa bacungana nazo ngo zitabonera ntizibura kubanyura murihumye zikibeta mu gice batarimo zikona zikarya imyaka ndetse yewe abandi zikabatwara n’amatungo mu rugo.

Ni mugihe mu mwaka wa 2011 ubuyobozi bwashyizeho ikigega cyihariye gitanga indishyi ku bonewe n’inyamaswa zo muri parike n’ibindi byanya bikomye; ariko nyamara aba bo bakavuga ko birengagijwe kuko bamaze kuruha kubera guhora basiragizwa n’ubuyobozi bubizeza ko bazishyurwa ariko amaso agahera mu kirere.

Aba baturage bo mu murenge wa Bweyeye bavuga ko bonerwa n’inkende zo muri Nyungwe

Singirankabo Jaques ati “njyewe zanyoneye urugano Mugemana zimutwara inkoko ze... Twabimenyesheje ubishinzwe ku kagari ati ikibazo cyanyu ngiye kugikurikirana, tukigeza kuri agoronomi ati ngiye kubikurikirana, tukigeza nanone kuri visi meya ati ikibazo ngiye kugikurikirana kugeza uyu munsi ntakintu turabona.”

Aba baturage barasaba Leta kuzitira iyi pariki cyangwa bakajya bishyurwa.

Ku ruhande rw’inzego z’ibanze zireberera abaturage zemeza ko izi nyamaswa zibonera zabaye nyinshi kandi ngo ziri mu bwoko bw’inyamaswa zitishyurirwa ibyo zonnye, bakaba basaba abaturage gukomera ku ngamba zo gukomeza kurinda imyaka yabo nkuko Uwizeyimana Emmanuel umuyobozi w’umurenge wa Karambi mu karere ka Nyamasheke abisobanura.

Ati “usanga inkende zarabaye nyinshi kandi zangiza imyaka y’abaturage twabitanzemo Raporo ariko ikibazo gihari ni uko zitarajya ku rutonde rw’inyamaswa zonera abaturage zikishyurirwa. Icyo tugerageza kubwira abaturage ni ugukora uburinzi bakagerageza no guhinga imyaka itonywa n’inyamaswa”.

Guverineri Munyantwari Alphonse ntiyumva impamvu inyamaswa zimwe zishyurirwa ibyo zangije izindi ntishyurirwe

Umuyobozi wa Pariki y’igihugu ya Nyungwe Ntihemuka Pierre yunga mu rya gitifu wa Karambi, akavuga ko izi nyamaswa zimaze gukwira hafi mu gihugu hose ariko kugeza ubu ngo ntagisubizo kirambye iki kibazo kirabonerwa usibye kwirwanaho kw’abaturage bakarinda imyaka yabo.

Ati “inkende ziri hafi mu gihugu cyose abaturage ni ukureba uburyo bajya birindira imyaka mu gihe igisubizo kirambye kitaraboneka.”

Umuyobozi w’intara y’uberengerazuba Munyantwari Alphonse we siko abibona aha akaba yizeza aba baturage ko iki kibazo kizakemuka.

Ati “Ndumva tugiye gushyira ingufu muri iki kibazo nk’inzego zihagarariye abaturage kuko kuvuga ko inkende yava muri pariki ikona ntibibarwe ariko indi nyamaswa yakona bikabarwa ndumva ari ibintu bikwiye gukosoka kuko niba yamwoneye kandi irinzwe itakomwa byanze bikunze abaturage bagomba kwishyurwa.”

Mukarusine Oliva avuga ko atarabona umubiri w’umugabo we

Bamwe mu barokokeye mu Gisakura, bavuga ko iyo babonye Nyungwe ndetse n’imirima y’icyayi cy’uruganda rwa Gisakura bibuka ababo batamenye irengero ryabo.

Mukarusine Oliva, ubu utuye mu karere ka Muhanga ni umwe muri bo utarashyingura umugabo we wakoraga muri urwo ruganda mu myaka 25 ishize.

Aragira ati “Ngisohoka Nyungwe mpita ntangira kubona abacu. Ikintu cya mbere nasaba kandi duhora dusaba ni uko abantu badufasha bakatwereka aho abacu baguye.”

Uretse gufasha abarokotse genocide bari bafite ababo barukoragamo, ubuyobozi bw’uru ruganda buvuga ko bwashyizeho uburyo bwose bushoboka bwo gutanga aya makuru ku waba ayafite wese nk’uko Yves Mungwakuzwe uyobora uru ruganda abivuga.

Abayobozi batandukanye n’abaturage bibutse abahoze ari abakozi b’uruganda rw’icyayi rwa Gisakura

Ati “Twabonye bumwe mu buryo twakoresha imibiri itaraboneka ikagaragazwa icyambere ni uko abantu bagomba kubohoka, bwaba ari mu buryo bwo kuba Umunyarwanda mwiza ukeneye kubaka igihigu, ariko natwe nk’ubuyobozi bw’uruganda tugiye kubishyiramo ingufu dufate umwanya wo kubiganiraho bihagije kugira ngo icyo kibazo kive munzira abantu bashyingurwe mu cyubahiro. ikindi ni uko twahaye buri wese karibu yaba uwabicisha mu nyandiko agatanga amakuru cyangwa ubundi buryo ubwo ari bwo bwose.”

Umuyobozi w’akarere ka Nyamasheke Kamali Aime Fabien nawe avuga ko hakiri ibyiringiro ko abantu bazageraho bakabohoka bagatanga amakuru.

Ati “Ntabwo navuga ngo amakuru ntakibonetse kubera ko hari abantu na n’ubu bakiri kuduha amakuru. Tugize Imana twayagenderaho tukamenya ko hakiri abantu bagitabye ahantu runaka tukabakuramo tukabashyingura mu cyubahiro.”

Kugeza ubu hamaze kumenyekana abari abakozi b’uru ruganda 25 bazize Jenoside baguye mu mbago z’uruganda rw’icyayi rwa Gisakura. Bivugwa ko muri Nyungwe no mu mirima y’icyayi haba harimo imibiri myinshi y’abazize Jenoside itaramenyekana.

Umuyobozi w’akarere ka Nyamasheke Kamali Aime Fabien avuga ko hakiri icyizere cyo kubona imibiri itaraboneka hamwe no gukomeza gutanga amakuru

Guverineri Munyantwari Alphonse asaba abayobozi gukurikirana imihigo yo mu ngo z’abaturage

Ni nyuma y’imurikabikorwa ry’Akarere ka Nyamasheke aho mu baturage baryitabiriye bamwe bagaragaje ko bayifite ariko hakaba hari abandi batayifite kandi ari yo musingi w’imihigo y’akarere.

Adrien Habimana, umwe mu bitabiriye iri murikabikorwa avuga ko we imihigo y’umuryango ayifite ahereye ku by’ingenzi bidahambaye cyane ariko kandi bishobora kugoboka urugo igihe icyo ari cyo cyose.

Ati “mfite ikayi yanjye y’imihigo byaba ibyo nzakora ejo, ejobundi, uko nzatanga mituweli, uko nzarihira abana ku ishuri, ibyo tuzambara n’ibindi, ikindi kandi burya guhiga mu rugo bihera ku kantu gato, akarima k’imboga ukagenda uzamuka gutyo. Burya udafite imihigo y’urugo ntacyo wageraho.”

Abayobozi kuva ku rwego rw’umudugudu basabwe kumenya no gukurikirana imihigo abaturage bahiga kuko ari yo shingiro ry’iterambere

Ibi Habimana arabivuga mu gihe ku rundi ruhande mugenzi we Aphrodis Ngaboyisonga avuga ko nta mihigo afite kandi azi neza ko imihigo y’umuryango ari yo musingi w’iterambere ry’umuryango mu rugo. Icyakora ngo hamwe n’inama bagiriwe n’ubuyobozi yatashye yiyemeje guhiga hamwe na bagenzi be badafite imihigo.

Ati “Muri make ikintu nkuye hano ndagera imuhira mpite nshyira mu bikorwa iyo kaye y’imihigo. Nzorora, Nzatera insina za kijyambere, …inama bampaye zanyigishije kuko zizatuma ngira icyo nimarira.”

Kuba umuturage yaba adafite imihigo ndetse n’uyifite akaba atazi icyo yakora ngo ayese, ni ikibazo Umuyobozi w’Intara y’Iburengerazuba, Munyantwari Alphonse, yasanze gikwiye gukemurwa bihereye ku Mukuru w’Umudugudu, inzego zose zikegera umuturage zigakurikirana imihigo ye, yongeraho ko nibabikora neza hashobora kuziyongeraho agahimbazamusyi.

Ati “Abakuru b’Imidugudu mwe mwegereye abaturage ndagira ngo mbasabe guhagurukira imihigo ihindura imibereho y’ingo z’abaturage tuyikurikirane. Birashoboka ko ingo zigira isuku kandi nimubikora tuzabaha amagare mwasabye.”

Abaturage biyemeje gukorera ku mihigo baba abari babisanganywe n’abatari babisanganywe

Nyuma yo kumurikirwa ibibakorerwa bishingiye ku mihigo hamwe n’inama z’Umuyobozi w’Intara y’Iburengerazuba, aba baturage bavuga ko basanze hari uruhare rwabo batashyizemo ngo bafashe ubuyobozi kwesa imihigo. Abaganiriye na Kigali Today bahise bagaragaza uko bagiye guhiga cyane ko nta kintu kigoye kirimo.

Akarere ka Nyamasheke muri uyu mwaka w’imihigo wa 2018-2019 kahize imihigo 65 irimo 23 yo mu bukungu , 30 yo mu mibereho myiza na 12 yo mu miyoborere myiza. Ubuyobozi buvuga ko mu gihe hasigaye amezi atageze kuri abiri ngo uyu mwaka w’imihigo urangire, bageze hejuru ya 80%. Umwaka ushize bakaba bari ku mwanya wa 17/30, aka karere kandi kakaba karigeze kaza ku mwanya wa mbere muri 2008.

Bamwe muri aba bahinzi bavuga ko imvune bahura nazo ndetse n’ibyo bashora muri ubu buhizi bukorerwa ku butaka bwahujwe bidahuye n’umusaruro bakagombye kuba babona kuko ngo basanga bakorera mu gihombo kubera amafaranga bita inticya ntikize bagurirwaho n’uruganda rutunganya icyayi rwa Gatare.

Nkuriyeho elie ati “Reba guhinga umuhinzi ahabwa igihumbi ku munsi atangira saa moya agataha saa sita naho umusoromyi ikiro ni 40 iyo ukuyemo 1000 cy’umuhinzi na 40 wahaye umusoromyi kuri 80 ugasanga dusigaranye zeru nk’abahinzi bagihinze.”

Aba basobanura ko bakoresha ingufu nyinshi ku girango babashe kwita kuri iki gihingwa, ndetse rimwe narimwe bagashakisha andi mafaranga kuruhande yo guhemba ababafasha gukorera icyayi kuko abasha kukivamo ababana make ntabashe guhemba abakozi bose bacyitaho.

Mukabahire Mariyana ati “Ufata amafaranga y’icyayi ntakwire abakozi wakoresheje ukajya kugurisha ibijumba wahinze ku girango ubishyure kuko utinze gato bajya kukurenga mu buyobozi bakaguhana.”

UWIZEYIMANA Emmanuel, umunyamabanga nshingwabikorwa w’umurenge wa Karambi ntavuga rumwe n’aba baturage

Mbere ngobajyaga bahabwa amafaranga 160 ku kiro cy’ibibabi by’ibyicyayi nibura bikagira icyo bitanga, gusa ngo ntibamenye uko byagenze kuko bahise bayagabanyamo hafi kabiri; aha bakavuga ko aho kugabanuka ahubwo yari kwiyongera ku girango bihure n’imvune bakura muri ubu buhinzi.

Nyiranzabonimana Console ati “ku girango tubone amafaranga yatugirira akamaro nibura bayongera kikagera nko kuri 200 ku girango umusaruro ugire icyo utumarira.”

Ubuyobozi bw’umurenge ntibuvuga rumwe n’aba baturage kuri aya mafaranga make bahabwa aho busobanura ko ikibazo giterwa n’inguzanyo y’amafaranga saga miliyari imwe na miliyoni 700 yahawe koperative bakoreramo igihe batangiraga uyu mushinga wo guhinga icyayi akaba ariyo mpamvu biba ngombwa ko buri muhinzi akatwa amafaranga amafaranga kuri buri kiro ku ruganda; iyo ngo akaba ariyo ntandaro yo ituma amafaranga agera ku muhinzi ari make.

UWIZEYIMANA Emmanuel, umunyamabanga nshingwabikorwa w’umurenge wa Karambi ati “tugereranyije n’izindi nganda zimaze igihe za Gisakura usanga igiciro abaturage bacu bagurirwaho icyayi Atari kibi ahubwo ikibazo abahinzi bacu bafite ni umwenda wa BRD bafashe banjya gukora umushinga wo guhinga icyayi ku buryo kuri buri kiro umuhinzi yasoromye akatwa amafaranga 40 ku kiro ibyo rero ntibabyumva.”

Nubwo ubuyobozi buvuga butyo ariko; abahinzi bo bavuga ko atariko babibona kuko hari n’abatarahawe iyo nguzanyo bakatwa ayo mafaranga.

Ayinkamiye Esther ati “Hari abagurijwe mbere ibihumbi Magana ane ariko hari n’abandi barenga 100 batigeze bagurizwa ariko tukibaza impamvu natwe badukata ayo mafaranga angana kandi twe batarigeze batuguriza.”

Kuri iki ubuyobozi buvuga ko inguzanyo yahawe koperative itahawe umuntu ku giti cye; ibi bigatuma buri muhinzi wese yaba uwatangiye ubu buhinzi kera cyangwa uwinjiyemo vuba agerwaho n’izo ngaruka.

Icyayi kiza ku mwanya wa mbere mu bihingwa ngengabukungu u Rwanda rwohereza mu mahanga nk’isoko y’amadovize; mu mwaka wa 2018, imibare y’ikigo gishinzwe ibyoherezwa mu mahanga ibikomoka ku buhinzi, NAEB yagaragazaga ko icyayi kizinjiza arenga miliyoni 92 z’amadolari ya Amerika zivuye kuri 88 mu wari wabanje wa 2017.

Abafite ababo bashyinguwe mu rwibutso rwa Gashirabwoba barifuza ko rwashyirwa mu murage w’isi

Ibi babisabye ubwo uru rwibutso rwashyingurwagamo imibiri 15,629 y’abazize Jenoside yakorewe Abatutsi yimuwe mu nzibutso zo mu turere twa Rusizi na Nyamasheke, zishaje ndetse n’indi yakuwe aho yari yarashyinguwe mu ngo z’abaturage mu rwego rwo guhuza inzibutso kugira ngo zirusheho kwitabwaho mu buryo burambye.

Abarokotse Jenoside yakorewe Abatutsi bafite ababo bashyinguwe muri uru rwibutso bishimiye ko ababo bishwe muri Jenoside bagiye kuruhukira aheza cyane ko bahoraga bababazwa no guhora babimura bya hato na hato kubera inzibutso zishaje bari bashyinguyemo.

Icyakora na none basaba ko bakurikije amateka ya Jenoside muri aka gace ko uru rwibutso rwa Gashirabwoba rwashyirwa ku rutonde rw’umurage w’isi rwa UNESCO, nk’uko Kayisire Aristarque, uhagarariye imiryango y’abashyinguwe muri uru rwibutso abivuga.

Abantu benshi bitabiriye gushyingura mu cyubahiro imibiri y’abazize Jenoside ba Rusizi na Nyamasheke bashyinguwe mu rwibutso rwa Gashirabwoba

Yagize ati “Ndashimira abavandimwe turi kumwe muri iki gikorwa cyo guherekeza abacu bwa nyuma. Abashyinguye gake ubu ni ubwa kabiri kuko abenshi ubu bashyinguye bwa gatatu.”

Yakomeje ati “Muyobozi wa CNLG twagize amahirwe yo kubana namwe tuzi ko hari inzibutso enye mwasabiye kujya mu rwego rw’inzibutso ziri mu mutungo w’isi. Twabasabaga niba UNESCO itarahagaritse iyo gahunda ko mwadusabira natwe urwibutso rwacu rukajyamo, cyane ko ari n’amateka yadushimisha nk’abantu bakunze kwitwa ko turi ab’inyuma y’ishyamba.”

Umunyamabanga Nshingwabikorwa wa Komisiyo y’Igihugu yo kurwanya Jenoside (CNLG), Dr. Bizimana Jean Damascene, yavuze ko inzibutso zose zifite agaciro kangana, asobanura ko zose zitajya ku rutonde rw’umurage w’isi cyane ko n’izatanzwe harimo urwa Bisesero, Gisozi, Murambi na Nyamata na zo hagitegerejwe ko zemezwa na UNESCO.

Dr BIZIMANA avuga ko inzibutso zose zingana rwaba urwo ku rwego rw’isi n’urwo ku rwego rw’igihugu

Yagize ati “Inzibutso zose zifite agaciro kamwe, icyubahiro kimwe n’umurongo umwe. Kuvuga ngo zimwe zive ku rwego rw’akarere zijye ku rwego rw’Igihugu cyangwa ku rwego rw’isi, ni gahunda Leta yatangiye ku rwego rw’isi twasabiye inzibutso enye ni ukureka icyo kikabanza kigakemuka ntabwo rero twahita dushyiraho izindi ubu ariko inzibutso zose nongere mbisubiremo zifite agaciro kamwe hose mu gihugu.”

Visi Perezida w’Inteko Ishinga Amategeko Umutwe wa Sena, Harerimana Fatu, we yagarutse ku bahoze ari abategetsi bateguye bakanashyira mu bikorwa Jenoside yakorewe Abatutsi ariko bakagirwa abere n’inkiko mpuzamahanga, avuga ko u Rwanda rwo ruzakomeza kubakurikirana cyane ko iki cyaha kidasaza.

Ati “Ku ruhande rwacu nk’u Rwanda twanze kwemera icyemezo cyafashwe n’inkiko zo hanze cyo kurekura cyangwa kugira abere abakoze Jenoside bivuga ko tuzakomeza kubakurikirana, icyaha cya Jenoside ntigisaza.”

Urwibutso rwa Gashirabwoba rugizwe n’icyumba cy’inama, igice cyo kwibukiramo, icy’amateka ya Jenoside, igice kigaragaza amateka ya Jenoside y’abana, ibikoresho byifashishijwe mu gushyira mu bikorwa Jenoside ndetse n’ahagenewe ibitabo bivuga ku mateka ya Jenoside. Urwo rwibutso ruhuriweho n’uturere twa Rusizi na Nyamasheke kuko n’ubwo ruri mu Karere ka Nyamasheke, hari imibiri 1,309 yimuwe i Rusizi ijyanwa muri urwo rwibutso.

Abarokokeye i Gashyirabwoba bavuga inzira y’umusaraba banyuzemo

Abayobozi batandukanye bashyize indabo ku rwibutso

Amasanduku ajyanywe mu rwibutso

Amasanduku arimo imibiri

Hanacanwe urumuri rw’icyizere

Visi Perezida w’Inteko Ishinga Amategeko umutwe wa Sena, Harerimana Fatu, avuga ko bazakomeza gukurikirana abagizwe abere n’inkiko zo mu mahanga

Urwibutso rwa Gashirabwoba rwashyinguwemo imibiri 15,629 bo mu Karere ka Rusizi na Nyamasheke

Urwibutso rwa Jenoside yakorewe Abatutsi rwa Gashirabwoba rwuzuye runashyingurwamo

Kaminuza ya Kibogora Polytechnic iherereye mu Karere ka Nyamasheke mu Ntara y’Iburengerazuba. Kugera i Kigali uturutseyo bisaba gukora urugendo rw’amasaha ari hagati y’atanu n’atandatu mu modoka.

Dr Sosthene Habumuremyi, umuyobozi wungirije wa Kaminuza ya Kibogora Polytechnic avuga ko impamvu bakoze urwo rugendo bakaza gusura urwibutso rwa Kigali ari uko rufite amateka, rukagira n’ibimenyetso bifatika kandi bivuga neza amateka ya Jenoside yakorewe Abatutsi.

Yagize ati “Turaza tukongera tukareba amateka ya Jenoside yakorewe Abatutsi, uko yakozwe, bikadutera umwete wo kurushaho kurwanya ingengabitekerezo ya Jenoside no kwiyemeza ko bitazongera.”

Dr Sosthene Habumuremyi, umuyobozi wungirije wa Kaminuza ya Kibogora Polytechnic

Dr Habumuremyi avuga ko by’umwihariko kuba basuye urwibutso rwa Kigali babijyanisha n’ibyo bakora by’uburezi bagasanga ibyo babonye hari isomo bikwiye kubasigira.

Ati “Mu by’ukuri kaminuza zahoze zibanda kera ku guha ubumenyi (Science) abanyeshuri, ariko muri iki gihe kaminuza hejuru y’ubumenyi zitanga, zifite n’inshingano zo kwigisha ubumuntu.

Ati “Kuko wigishije umwana ubumenyi, akarangiza amashuri ariko adafite indangagaciro za kinyarwanda, nta cyo yamarira sosiyete nyarwanda. Kuza hano gusura urwibutso rero ni ukumuha zimwe muri izo ndangagaciro yakagombye kugira, cyane cyane indangagaciro yo kumenya ububi bwa Jenoside no kurwanya ingengabitekerezo yayo, ndetse no kumva ko agomba guharanira ko iyo Jenoside itazongera kubaho haba mu Rwanda ndetse n’ahandi ku isi.”

Ndagijimana Daniel, umwe mu bandi bo muri Kaminuza ya Kibogora basuye urwo rwibutso avuga ko kuri urwo rwibutso bahamenyera amateka y’ibyahise, bigatuma babasha gutegura neza ahazaza.

Ndagijimana Daniel yashimiye Inkotanyi zahagaritse Jenoside

Ati “Twabonye uko u Rwanda rwari rumeze mbere, rwari u Rwanda rufite umuco, rushyira hamwe, ubukoloni nyuma buje bucamo abantu ibice, abantu batangira kurangwa n’amacakubiri yabagejeje kuri Jenoside yakorewe Abatutsi mu 1994. Abantu barapfuye, ndetse amahanga arebera, ariko u Rwanda rwongera kwiyubaka rubifashijwemo n’Inkotanyi zabohoye igihugu zigahagarika Jenoside.”

Ati “Ibyo nkanjye w’urubyiruko bintera imbaraga zo gukorera u Rwanda kuko mfite abambanjirije kandi bafite icyerekezo cyiza.”

Ndagijimana kandi avuga ko nk’urubyiruko bagomba gukura isomo ku rubyiruko rwababanjirije kuko rwakoresheje imbaraga zarwo mu gusenya igihugu, urubyiruko rw’ubu rukaba rugomba gukoresha ingufu zarwo mu byubaka.

Ati “Rero nk’urubyiruko, ibyabaye tuzi ko byagizwemo uruhare n’urubyiruko rwashyizemo imbaraga nyinshi kugira ngo abantu bapfe. Ariko nkanjye w’urubyiruko rwa none, ibyo ntabwo bishobora kubaho kubera amateka mbonye. Twahombye abantu benshi n’ubukungu bwinshi.”

“Nkanjye w’urubyiruko wageze hano rero, nzabasha gushishikariza urundi rubyiruko, mbabwira uko amateka ya mbere yari ameze, ndetse n’aho u Rwanda rugeze rwiyubaka.”

“Ndashima inkotanyi ku bw’igikorwa cyiza zakoze, kandi nanjye ingufu zanjye zose nzaharanira kuzikoresha nubaka u Rwanda rwambyaye.”

Tuyizere Patrick avuga ko gusura urwibutso byabongereye umwete wo kurushaho guharanira ko ibyabaye bitazongera

Mugenzi we witwa Tuyizere Patrick avuga ko gusura urwibutso bibafasha kumenya amateka yaranze igihugu yakigejeje kuri Jenoside, bikabatera gufata ingamba z’uko ibyabaye bitazasubira.

Yagize ati “Amateka nari nsanzwe nyazi, naranayigaga, ariko mbonye byinshi biri muri uru rwibutso ntari nsanzwe nzi. Nka biriya binyamakuru bya Kangura byigishaga uburyo ubwicanyi bugomba gukorwa, bakabyigisha ku maradiyo n’ahandi henshi. Nabyumvaga ariko nari ntarabibona, sinumve neza uburyo byategurwaga n’uburyo byashyirwaga mu bikorwa.”

“Barabyigishijwe barabikangurirwa cyane. Ubushishozi bashyizemo ni bukeya. Inama naha urubyiruko ni ukurangwa n’ubushishozi kandi tugaharanira ko amateka nk’aya atazongera mu gihugu cyacu ndetse n’ahandi ku isi.”

Ubuyobozi bwa Kaminuza ya Kibogora buvuga ko bafite gahunda yo kuzasura izindi nzibutso, gusura inzibutso za Jenoside kikaba ari igikorwa bateganya gukora buri mwaka.
Uyu mwaka wa 2019 basuye urwibutso rwa Kigali tariki 24 Gicurasi, mu gihe mu mwaka utaha bafite gahunda yo gusura urwibutso rwa Bisesero ruherereye i Karongi mu Ntara y’Iburengerazuba.

Kibogora Polytechnic ni kaminuza izwiho kuba yigisha abaforomo n’ababyaza, ikagira n’andi mashami yigamo abiga kwigisha. Hari n’ishami ryigisha abakora muri Laboratwari kwa muganga, hakaba n’ishami ryigisha Iyobokamana (Théologie), ndetse n’ishami ry’ubukungu ribamo utundi dushami dutandukanye.

Kaminuza ya Kibogora Polytechnic yatangiye muri 2012 ishyizweho n’ababyeyi bo muri ako karere, ariko nyuma baza kuyegurira Itorero ry’Abametodiste.

Imaze gushyira hanze abanyeshuri basaga 1000 bakora mu nzego zitandukanye, iyo kaminuza ikaba yarabaye igisubizo cy’abajyaga kwiga hanze mu bihugu bituranye n’u Rwanda by’umwihariko mu Burengerazuba bw’igihugu, aho wasangaga n’ubumenyi bamwe bakuragayo bukemangwa.

Bamwe mu bakozi b’akarere ka Nyamasheke nibwo bwambere batembereye n’amaguru muri pariki ya nyungwe kandi bayituriye

Bamwe mu bakozi b’aka karere bavuga ko batunguwe n’abavuga ko muri iyi Pariki hari umutekano muke, kuko batembereye ibice byayo bitandukanye n’amaguru ari nako bahura n’abanyamahanga batandukanye bari mu bikorwa byabo byo gusura.

Aha ni ho bahera bamara impungenge ibihugu bimwe byagiye bikwirakwiza amakuru avuga ko iyi pariki ndetse nt’intara y’uburengerazuba iherereyemo hakwiye kwitonderwa, bakavuga ko ibyo bavuga ari ibihuha bityo bagashishikariza abifuza kuhakorera ingendo baba ba mukerarugendo n’abandi kuza batikandagira.

Uwitonze Alice ati “Njyewe sinemera ibyo bavuze, kuko nabonye ari amahoro kandi umuntu wese yahagenda uko abyumva.”

Mukeshimana Violette nawe ati “Nkuko mubibona dufite igice kinini cy’iyi Pariki gikora ku karere kacu ka Nyamasheke. ibyo rero bivugwa ngirango uwaba Atari hano yagira ngo ni ibindi, ariko twe tuhegereye tuzi neza ko ntakibazo gihari ari nayo mpamvu twahisemo kuhaza ndetse tukaba twabwira n’abadatuye hafi aha ko ntakibazo cy’umutekano gihari. ibyo bihuha ni ukubyamaganira kure.”

Iki kiraro gihanitse mu kirere kiri muri bimwe mubituma ba Mukerarugendo basura iyi Pariki

Mu butumwa butangwa n’ubuyobozi bw’aka karere ka Nyamasheke ni ubwo gukangurira Abanyarwanda n’abanyamahanga muri rusange kutagira impungenge izo ari zo zose kuko aka karere n’igihugu muri rusange hagendwa nkuko bisobanurwa n’umuyobozi w’aka karere Kamali Aime Fabien.

Ati ”Twabwira abaturage bose n’abanyamahanga ko muri Pariki ya Nyungwe n’akarere ka Nyamasheke yewe n’u Rwanda ari Nyabagendwa.”

Minisitiri w’ububanyi n’amahanga n’ubutwererane Dr Richard Sezibera, aherutse kubwira itangazamakuru ko ibihugu bibwira abaturage byabo amakuru atari ukuri bikwiye kubanza bikegera u Rwanda rukabiha amakuru yizewe.

Abasuye iyi Pariki bagize ibihe byiza

Bishimiye gukorera umunsi mukuru w’abakozi muri Nyungwe

Umuyobozi w’akarere ka Nyamasheke Kamali Aime Fabien amara abanyarawanda n’abanyamahanga impungenge kubirebana n’umutekano muri Nyungwe

Hari aho abantu bagera bakazamuka nk’abagenda ku musozi

Ndahayo Eliezer wicaye hagati ugiye kuyobora ihuriro ry’abarobyi avuga uburyo bagiye kurandura ba Rushimusi mu kiyaga cya Kivu

Hari bamwe mu barobyi bavuga ko hari ikintu bakuye muri uyu mwuga n’ubwo bemeza ko bakabaye bararengejeho ariko bakazitirwa n’abakoresha nabi ikiyaga cya Kivu kubera bamwe muri bagenzi babo bataba mu makoperative bakomeza gutiza umurindi akajagari kabarizwa mu kiyaga.

Bigirimana Jean pierre ati “Hari abajya mu kiyaga kuroba batari mu makoperative kandi bitemewe, ibyo bitera akajagari kuko abakora gutyo batumva ibibazo by’abarobyi kandi ntibashobora no kubavugira akaba ariyo mpamvu abarobyi bahora hasi kuko abakora batyo bangiza umusaruro, cyane ko bakoresha n’imitego ya Kaningini itemewe mu kiyaga.”

Mukamwiza ni umugore ukora uburobyi agira ati ”Hari abantu bita ba Rushimusi bafite imitego itemewe baroba nabi ku buryo bangiza umusaruro mu kiyaga ugashiramo. Abo ntibaba bagenzwa n’akazi ku burobyi bw’umwuga ahubwo baba bashaka inyungu zabo bwite ibyo bigatuma bakora uko bishakiye abo nibo batuma tudatera imbere kuko baduteza akajagari.”

Abarobyi bo mu karere ka Nyamasheke bagiye guhangana naba Rushimusi bangiza umusaruro w’amafi n’isambaza

Kuri ubu, Umuyobozi w’iri huriro Ndahayo Eliezer ugiye kuyobora iri huriro muri manda ya kabiri ariko na we akaba agaragaza ko imikorere mibi ya bamwe mu banyamuryango b’amakoperative yakomeje kumuvangira ntiyuzuze inshingano ze avuga ko mu myaka itatu iri imbere ibibazo bivugwamo bizaba byabaye amateka ndetse bikazanashimangirwa n’ibikorwa byivugira. Ibi yabivuze amaze gutorerwa kuyobora indi manda ku buyobozi bw’iri huriro.

Ndahayo Eliezer ati “Rushimusi we tugiye guhangana nawe kandi azacika mu kiyaga cya kivu mu karere kacu, ikintu kiri kuduha icyizere n’intege zo kurandura burundu ba Rushimusi ni itegeko riri gutegurwa na minisiteri y’ubuhinzi n’ubworozi ryo guhana ba Rushimusi hakurikijwe itegeko ndetse n’igifungo kirahari kuko ejobundi nibwo baduhamagaye tujya gutanga ibitekerezo kuri iryo tegeko. Ikindi turizera ko imyaka itatu izarangira tumaze kuzuza inzu igezweho irihafi y’ikiyaga cya kivu nirwo rugendo tugiye gutangira nk’abarobyi bo mu karere ka Nyamasheke.”

Ihuriro ry’abarobyi mu karere ka Nyamasheke ririmo amakoperative atandatu arimo arimo abanyamuryango 215. Naho ba rushimusi bazwi bakigaragara aha mu kiyaga ku ruhande rw’akarere ka Nyamasheke barasaga 50.

Abahaburiye ababo baje kubibuka

Kankindi Sperata, mu gihe cya Jenoside yakorewe Abatutsi avuga ko yiciwe hafi umuryango wose ndetse n’umugabo we, dore ko ari bwo yari agishaka. Yatangiye guhungana uruhinja rw’icyumweru ari na yo mfura yabo umugabo yari amusigiye.

Mu guhungira mu bitaro bya Bushenge biri mu Karere ka Nyamasheke, uyu mubyeyi avuga ko yiboneye bamwe mu baganga bateraga umugongo Abatutsi babaga babigannye baje kwivuza ibikomere ndetse ngo na we ubwe atamazemo kabiri bamusohoye nabi n’urwo ruhinja rwe ngo abavire mu bitaro asange abo bitaga bene wabo mu bihuru.

Ati “Habayeho abaforomo bazima n’abandi bari bahindutse nk’inyamaswa. Uwitwa Philomène yangiriye impuhwe aravuga ati ‘nubwo utari mu bitaro ndagukorera ifishi kugira ngo ubone aho uryama n’uruhinja rwawe, ariko habonetse n’abandi baforomo barimo Mariya Mukambaraga, ba Mathilde abo, aho kugira ngo bafashe abantu kubaho ahubwo bajyaga kubahururiza bakaranga aho bihishe.”

Igishengura umutima w’uyu mubyeyi ngo ni uko kugeza ubu, imyaka 25 ishize hakiri bamwe mu bamuhemukiye bataratera intambwe ngo nibura bamusabe imbabazi. Muri bo harimo n’abari abaganga muri ibi bitaro ndetse akaba ngo adashobora kwibagirwa umwe mu barimu bakoranaga wayoboye igitero cyishe abo mu muryango.

Kankindi Sperata wiciwe umuryango we hafi ya wose avuga inzira y’umusaraba yanyuzemo kugira ngo arokoke

Akomeza agira ati “Hari nk’umuntu twagiye tuvuga kenshi witwa Mwambari yari umuntu ujijutse w’umwarimu abaturage baramwizeraga cyane, nuko yegeranya abahingwaga abizeza ko agiye kubashakira imfashanyo arangije azana igitero kirabagota kirabica. Twagiye tumuvuga mu gihe cyose twibutse tukanamwingingira gusaba imbabazi kuko imbabazi si izacu ni iz’Imana zitabayeho ntacyo twaba turi cyo igihe cyose azazira twe twiteguye kuzimuha.”

Mu kwibuka ku nshuro ya 25 Jenoside yakorewe Abatutsi mu bitaro bya Bushenge, umuyobozi wabyo CSP Oreste Tuganeyezu yavuze ko kuba abanyamwuga ndetse n’umutima wo gukunda abarwayi ari byo abaganga babuze muri icyo gihe ,none ngo mu byo bari gukora harimo gukomeza kubitoza abaganga bo muri iki gihe.

Ubuyobozi bw’Akarere ka Nyamasheke buvuga ko n’ubwo hari abakoze Jenoside bashobora gukomeza kwinangira, bitazabuza aka karere gukomeza ingamba n’inzira zose zo gushimangira ubumwe n’ubwiyunge bw’Abanyarwanda.

Kugeza ubu ubuyobozi bw’ibi bitaro buvuga ko butaramenya umubare nyawo w’ababiguyemo icyakora ngo hamaze kumenyekana abaganga 13 babikoragamo na 7 bo mu bigo nderabuzima bikorana n’ibi bitaro,abarwayi n’abarwaza bo nta makuru aramenyekana.

CSP Oreste Tuganeyezu avuga ko barimo kubaka bundi bushya abaganga n’abaforomo babereye u Rwanda

Abayobozi batandukanye bitabiriye umuhango wo kwibuka abahoze ari abakozi b’ibigo nderabuzima n’ibitaro bya Bushenge

Niyibizi Ntabyera Hubert, umuyobozi mukuru ushinzwe imirimo rusange mu Karere ka Nyamasheke avuga ko batazigera bacika intege mu gukomeza kunga Abanyarwanda

Umwe mu barokotse Jenoside avuga ko ubu bafashijwe gukomeza kwiyubaka

Nzasabayezu Enock ubu uhagarariye Ibuka mu Murenge wa Kanjongo ibi bitaro biherereyemo avuga ko ibitaro bya Kibogora ari hamwe mu hantu hari hafitiwe icyizere cyo gutanga ubuzima, maze bituma umubare munini w’abahingwaga uhahungira.

Agira ati “Aho abakozi b’ibitaro basengera ubu, mu gisenge cyaho (muri plafond) ni ho abenshi bari bihishe bizeye kurokoka ariko kubera ko bagenzi babo bakoranaga batari babishimiye, ni bo babakuyemo barabica.”

Nyamara n’ubwo ibi bitaro bari babitezeho amakiriro, byaje kubabera ikinyuranyo. Nsengimana Emmanuel avuga ko yabikoragamo. Ikimushengura cyane ngo ni uburyo muri ibi bitaro harimo abaganga batahigwaga ariko ubushobozi bari bafite bakaba batarigeze babukoresha ngo barokore ubuzima bw’abahigwaga baba abaganga bagenzi babo, abarwayi ndetse n’abarwaza.

Ati “Mu bitaro ni ahantu haba utuguni twinshi twihishe ariko ababikoragamo batahigwaga ntibigeze bunga ubumwe ngo barebe aho bahisha abahigwaga, ndabagaya!”

Aba ni abakozi b’ibitaro bya kibogora mu muhango wo kwibuka abari abakozi babyo, abarwaza n’abarwayi babiguyemo

Ubuzima bw’abagiye ntibushobora kugaruka,ndetse ni ikimwaro ku baganga babigizemo uruhare kandi bari bashinzwe gutanga ubuzima. Dogiteri Kanyarukiko Sarathiel ,Umuyobozi mukuru w’ibi bitaro avuga ko icyo ibi bitaro birimo gukora ari ibikorwa by’urukundo ku barokotse Jenoside yakorewe Abatutsi.

Agira ati “Turabasura kandi tukagerageza gukomeza kubaba bugufi n’ubwo ari ikimwaro ku baganga bagombaga gutanga ubuzima ahubwo bakabushyira mu kaga.”

Nsengiyumva Emmanuel, umwe mu baharokokeye mu buryo bugoranye, yemeza ko koko ibi bitaro byakomeje kubaba hafi.

Ati “Abarokokeye hano ibitaro byadufashije kwiyubaka, abenshi ubu twarashatse n’abana bacu bari kwiga muri za kaminuza.”

Umuyobozi w’Akarere ka Nyamasheke wungirije ushinzwe imibereho myiza y’abaturage, Mukamana Claudette, yashimiye ibi bitaro imbaraga bishyira mu gukomeza gusana imitima y’abarokotse ariko kandi anasaba abaganga bo muri iki gihe gukora akazi kabo bazirikana gahunda ya Ndi Umunyarwanda.

Mukamana Claudette asaba abakozi b’ubu kurangwa n’ubumwe

Tariki 10 Mata 1994 ni itariki itazibagirana muri ibi bitaro kuko igitero cyishe Abatutsi bari bahungiye muri ibi bitaro ari bwo cyahageze kivuye mu bindi bice biherereye hafi y’ibyo bitaro.

Kugeza ubu ibitaro bya Kibogora byibuka abari abakozi babyo 30 barimo 15 bo ku bitaro na 15 bo ku bigo nderabuzima bikorana n’ibi bitaro. Icyakora umubare w’abarwayi n’abarwaza nturamenyekana uretse ko hari amakuru avuga ko baba barenga ijana.

Gufata neza kawa byatumye bahabwa ibihembo

Buri wese muri abo bahinzi 20 yahawe inka y’inzungu n’Ikompanyi yitwa Dorman igura ikanohereza kawa mu mahanga. Batoranyijwe nk’abahinzi ba kawa babaye intangarugero kurusha abandi mu kuyitaho, bituma kawa y’i Nyamasheke iza muri eshanu za mbere mu buryohe mu gihugu cyose. Aba bahinzi bemeza ko kawa imaze guhindura ubuzima bwabo ndetse bikaba bigiye kuba byiza kurushaho nyuma yo guhabwa izi nka.

Umwe muri bo witwa Kankesha Bernadette ufite ibiti bya kawa bisaga 2000 yagize ati “Ikawa zampaye umusaruro cyane ngura ikibanza mpita nubaka inzu yo kubamo . Ayo nakuyemo uyu mwaka ushize naguzemo ikindi kibanza cy’ibihumbi magana atanu none dore bampaye n’inka, bizatuma umusaruro wiyongera cyane kuko nabonaga ifumbire y’imborera ari uko nyiguze ariko ubwo mbonye iyanjye bibaye byiza.”

Ukurikiyimfura Félicien yungamo ati “Ubuzima bwanjye bwose mbukesha ikawa n’abana banjye nzabashishikariza guhinga kawa kuko ikawa ugufasha kuguha amafaranga y’izabukuru umaze gusaza. Iyi nka bampaye na yo izamfasha n’umuryango wanjye guca bwaki mu rugo rwacu ndetse binamfashe kurushaho gukorera kawa yanjye kugira ngo ikomeze gutanga umusaruro mwinshi kuko mbonye ifumbire ihagije.”

Abahinzi ba kawa bavuze ko bagiye kurushaho kuzihinga no kuzitaho

Ubuyobozi bw’Akarere ka Nyamasheke buvuga ko n’ubwo kawa iri mu bihingwa bifatiye runini abatuye aka karere. Nyamasheke, ni ko karere ka mbere mu guhinga kawa nyinshi kandi nziza mu gihugu. Icyakora aka karere kavuga ko hamwe na hamwe kawa ikeneye gusazurwa dore ko ngo hari ibiti birengeje imyaka mirongo ine bigaragara ko bitagitanga umusaruro kubera gusaza.

Ntaganira Josué Michel, Umuyobozi w’aka karere wungirije ushinzwe ubukungu ni byo asobanura, ati “Haracyariho ibiti byinshi bya kawa bishaje mu Karere ka Nyamasheke. Hari ibirengeje imyaka 40, iyo itangiye gusaza gutyo bitanga umusaruro muke kandi utari mwiza. Iyo ni imbogamizi, ariko dufitanye gahunda na NAEB, yo kugenda tuvugurura ibiti bishaje tukabisazura. Ubu igiti kimwe gisigaye cyera ibiro biri hagati ya bibiri na bitatu kandi kigomba kwera hagati y’ibiro bine na bitanu.”

Ntaganira Josué Michel, umuyobozi w’akarere wungirije ushinzwe ubukungu avuga ko bagiye kuvugurura ubuhinzi bwa Kawa

Seminega Jean Bosco ukuriye Kompanyi ya Dorman mu Rwanda avuga ko guhemba aba bahinzi biri mu rwego rwo kubatera umwete wo kwita kuri kawa ariko kandi banarebera hamwe n’aka karere uburyo umusaruro wa kawa ku giti warushaho kwiyongera mu buryo bwose bushoboka.

Ati “Turi muri gahunda yo kureba ukuntu umusaruro ku giti wakwiyongera umuturage akabona inyongera ku mafaranga avana mu buhinzi bwa Kawa. Basanzwe batera ifumbire mvaruganda inshuro imwe kandi bagomba gutera inshuro ebyiri ku mwaka. Tuzagerageza gukorana n’abahinzi kugira ngo umusaruro wiyongere mu buryo bushoboka haba mu gukoresha ifumbire mvaruganda n’imborera.”

Amakuru ubuyobozi bw’aka karere butanga, agaragaza ko 40% bya kawa yoherezwa mu mahanga ituruka mu karere ka Nyamasheke. N’ubwo Nyamasheke ifite ibindi bihingwa byinshi, kawa yaho yihariye 40% by’ubukungu bw’aka karere. Ihinze ku buso bwa hegitari ibihumbi bisaga bitanu ikaba ihingwa n’imiryango ibihumbi 67. Muri Kawa 29 ziherutse kwegukana ibihembo mpuzamahanga by’uburyohe, iya Nyamasheke yaje ku mwanya wa gatanu, ubu bakaba bafite intego yo kuyigira iya mbere.

Buri wese mu bahinzi 20 ba kawa yahawe inka

Abakuriye kompanyi ya Dorman mu Rwanda bavuga ko bagiye gufasha abahinzi kurushaho kongera umusaruro wa kawa

Tuyisenge abana na mukuru we na we wabyariye iwabo abana babiri, ndetse na musaza we na we ufite abana babiri yabyaranye n’abakobwa barabamuzanira.

Ibi bivuze ko mu muryango wa Tuyisenge, harimo abana batatu n’abuzukuru batandatu, hamwe n’umubyeyi wa Tuyisenge (nyina).

Tuyisenge avuga ko buri wese ku giti cye mu muryango ashakisha ibimutunga n’abana be.

Uwamuteye inda y’umwana wa mbere, ni umusore wamushutse ubwo yari mu mwaka wa kabiri w’amashuri yisumbuye, kuva ubwo ava mu ishuri.

Kubera imibereho mibi mu muryango, Tuyisenge yanze kurega uwamuteye inda kuko yamwizezaga ko azajya amufasha kurera umwana, ariko ngo ntiyigeze abikora na rimwe.

Uyu musore yaje kwishakira undi mugore, atererana Tuyisenge babyaranye umwana wa mbere, na n’ubu akaba ntacyo amufasha.

Tuyisenge yaje kubona undi mugabo wubatse ndetse ufite abandi bana, amusezeranya kujya amufasha kurera umwana we, ariko bakajya baryamana.

Uyu mugabo yaje kumutera indi nda, ari na yo yavutsemo umwana Tuyisenge ahetse ubu.

Tuyisenge avuga ko uyu mugabo wamwizezaga kumufasha na we yahise abihagarika, ubu akaba ari we wirwanaho ngo arere abana be babiri.

Tuyisenge avuga ko ubuzima bwo kurera abana babiri bumugoye cyane, ku buryo ngo hari ubwo mu rugo barya inshuro imwe ku munsi.

Ati “Hari ubwo turya rimwe ku munsi, cyangwa se twebwe abakuru tukabyihorera ibibonetse tukabiharira abana.”

Hari abakobwa babyariye iwabo bashinjwa kunanirana

Aha mu Karere ka Nyamasheke hari ababyeyi bafite abana b’abakobwa babyariye iwabo, bavuga ko ababyariye iwabo batacyubaha ababyeyi.

Umubyeyi wa Tuyisenge ntitwabashije kumubona ngo tuganire na we ku mibanire ye n’abana be babyariye mu rugo.

Nyiransabimana Mediatrice, umwe mu babyeyi waganiriye na Kigali Today, na we atuye mu Kagari ka Shara, Umurenge wa Kagano, kandi afite umukobwa wabyariye mu rugo.

Nyiransabimana avuga ko abakobwa bamaze kubyarira iwabo bahinduka ibyigomeke, ntibabe bacyubaha ababyeyi.

Ati “Umwana wabyariye iwabo ntaba acyubaha. Yaba akubaha se uba umurusha iki! Aba yamaze kuba umugore nkawe, ibyo wari waramuhishe yarabibonye, urumva yakubaha ate?”

Uyu mubyeyi kandi yemeza ko hari n’abana b’abakobwa batinyuka ababyeyi babo bakabakubita, kubera ko bababuza gukomeza gukururana n’abasore.

Ati “Dore hepfo aha hari uwigeze kumukubita aramwica! Ngo yamukubise mu mutwe rimwe ahita agwa, kandi bapfuye kumubuza gutaha amajoro”.

Nyiransabimana kandi avuga ko ntako ababyeyi batagira ngo bahanure abana babo.

Ku rundi ruhande ariko, hari abana b’abakobwa babyariye iwabo bavuga ko ababyeyi na bo babafata nabi babaziza ko babyaye.

Mukamana Jeannette na we wabyariye iwabo, avuga ko hari ubwo umukobwa abyarira iwabo, ababyeyi bakamutoteza, bikaba byaviramo bamwe kwiheba.

Ati “Hari ubwo umukobwa abyara, bakamuca, bakamugenera inkono ya wenyine mbese bakakugira igicibwa mu muryango. Icyo gihe rero bishobora kukuviramo kwiheba nawe ugahinduka nk’inyamaswa”.

Umuyobozi w’Akarere ka Nyamasheke wungirije ushinzwe imibereho y’abaturage, Claudette Mukamana, avuga ko ubuyobozi bukangurira abakobwa babyariye mu miryango kwitwara neza, ariko bukanaganiriza ababyeyi uburyo bakwiye kubana neza n’abana babyariye mu ngo.

Ati “Hari ubwo dutumiza ababyeyi tukaganira na bo, ariko tukanaganira n’abana uburyo bakwiye kwitwara nyuma yo kubyara. Nk’ubu hari abo twagiriye inama basubira mu mashuri, hari abo twashishikarije kwishyira hamwe mu makoperative, ubu bayagiyemo barakora neza kandi imyitwarire yabo ni myiza”.

Imibare yo mu mwaka wa 2018 igaragaza ko mu Karere ka Nyamasheke habyaye abana 418, bari munsi y’imyaka 18.

Mu gihugu hose, imibare igaragaza ko abana barenga ibihumbi 17 ari bo babyaye imburagihe.

Hakizimana Nathan yemerewe telefone igezweho nyuma yo gukangurira abaturage kubyuka ngo barwanye umwanzi

Babiri muri aba baturage bazahabwa telefoni ngendanwa zigezweho(smart phone) naho umukuru w’umudugudu wanagiye abyutsa abandi baturage ahabwe inka y’inzungu. Muri ibyo bihe kandi hari umuturage umwe wahasize ubuzima akaba yarasize umugore n’abana babiri. Umuryango we uzakomeza kwitabwaho n’Akarere ka Nyamasheke.

Minisitiri w’Ubutegetsi bw’Igihugu, Prof Shyaka Anastase yasabye abaturage bo mu Karere ka Nyamasheke kutarangazwa n’ibyo bumva by’abagamije kubatesha umwanya bashaka guhungabanya umutekano, ahubwo bagakomeza ibikorwa byabo bibateza imbere.

Muri aka karere, abantu batahise bamenyekana baherutse gushaka guhungabanya umutekano ariko bakomwa mu nkokora n’abaturage batanze amakuru ku gihe.

Tabaro Eliyazari umuyobozi w’umudugudu yagabiwe inka nyuma yo gutanga amakuru y’abari bagabye igitero

Mu Murenge wa Karambi ni ho abantu bitwaje intwaro babarirwa muri 80 bambutse ikiyaga cya Kivu mu ijoro ryo ku cyumweru tariki 18 Werurwe 2019, bagerageza guhungabanya umutekano, umuturage umwe arahagwa ubwo abo bagizi ba nabi bahanganaga n’ingabo z’u Rwanda zahise zihagoboka nyuma yo guhabwa amakuru n’abaturage.

Tabaro Eliyazari, umukuru w’Umudugudu wa Cyankuba mu Kagari ka Kagarama ahatungukiye aba bagizi ba nabi ndetse na Hakizimana Nathan ni bo babanje gutabaza. Hari mu ma saa kumi zo mu rukerera.

Tabaro yagize ati “Namaze kumenya amakuru saa kumi z’ijoro ko mu mudugudu nyobora hajemo abantu batahasanzwe kandi badasa n’ingabo z’igihugu mpita mbyuka, ariko mu gihe ntangiye kubyutsa abaturage mpita nkubitana n’abo bantu bavuye muri Congo banyambura telefone bambwira ko mbageza ahitwa mu Rusizi kuko ari ho barimo bajya. Bari bambaye gisivili bafite imbunda.”

Umuyobozi w’Inkeragutabara mu Ntara y’Uburengerazuba Maj. Gen. Eric Murokore yashimiye abaturage kuba baratangiye amakuru ku gihe

Hakizimana Nathan we yavuze ko aho atuye ari ho bahingukiye, ati “Nahise mfata indangururamajwi nshyiramo amabuye ntangira kubyutsa abaturage nti nimubyuke twatewe mwese abagabo nimuze tubatangire ku ishyamba tutayoberwa aho banyuze.”

Umuyobozi w’Inkeragutabara mu Ntara y’Uburengerazuba Maj. Gen. Eric Murokore yashimiye abaturage kuba baratangiye amakuru ku gihe ingabo z’u Rwanda zikahagoboka bagafatanya kurwanya abo bagizi ba nabi ,ariko kandi anahumuriza abatuye muri ako karere ko umutekano ari wose ndetse anongeraho ko abagerageje kuwuhungabanya ubu bari kwicuza.

Yagize ati “Muri Nyamasheke ejobundi mwumvise utubazo twahabaye abantu bakoresheje aya mazi binjira ku butaka bwacu, habayeho kurangara kw’amarondo cyane ko ikiyaga cyari gifunze, ndashimira abaturage ba Karambi bababujije kugira ibikorwa bibi bakora kugeza aho inzego z’umutekano zaziye bagafatanya na zo. Aho binjiriye rero n’aho bagiye ubu bari kubyicuza. Muhumure ingabo z’u Rwanda zirahari ibindi tubasaba ni ukugira ngo ntibazongere kubaca mu rihumye bakinjirira hariya.”

Minisitiri Shyaka yasabye abaturage gukomeza gukora ibibateza imbere ntibarangazwe n’abashaka kubasubiza inyuma

Minisitiri w’Ubutegetsi bw’Igihugu, Prof Shyaka Anastase, yashimiye abaturage b’Akarere ka Nyamasheke ku bw’uruhare rwabo mu kwicungira umutekano. Yabasabye gukomeza gukora ibibateza imbere ntibarangazwe n’abashaka kubasubiza inyuma.

Ati “Mwabyumvise abaturage ubwabo ni bo bavuze ko babanesheje ku buryo na bo ubwabo bivugira ko umutekano wabo urinzwe. Abanyarwanda bamaze kuzamura igipimo cy’imyumvire iri hejuru ni ibintu byiza twishimira mbese umusingi w’iterambere urahari ni yo mpamvu tuganira twagarutse cyane ku bintu byo kurwanya ubukene n’uburyo Abanyarwanda bigirira icyizere kuko umusingi uhari.”

Abaturage bo mu murenge wa Karambi bishimira uburyo ingabo zabagobotse zigahashya abanzi

Akigera mu Karere ka Nyamasheke, yakiriwe n’umuyobozi w’akarere aho yagaragaje uko ubuzima bw’akarere buhagaze. Umuyobozi w’akarere yagaragaje ko umutekano uhari usibye ibintu bike bigerageza kuwuhungabanya birimo urugomo ruturuka ku bantu bakoresha ibiyobyabwenge, amakimbirane mu ngo akunze kuvamo gukubita no gukomeretsa n’ibindi.

Nyuma yo kugaragarizwa ishusho y’umutekano muri rusange, umuyobozi w’inkeragutabara mu Ntara y’Uburengerazuba, Maj. Gen. Eric Murokore, yagarutse ku mutekano, ashimira abaturage uburyo bicungira umutekano ariko avuga ko hari abatishimira ibyo u Rwanda rumaze kugeraho. Yavuze ko mu cyumweru gishize hari abantu banyuze mu kiyaga cya Kivu binjira mu Rwanda bashaka guhungabanya umutekano nubwo ngo ibyo bifuzaga batabigezeho.

Maj. Gen. Murokore yavuze ko abo bantu binjiye mu Rwanda ariko ngo aho bari barimo kwicuza icyabazanye. Yavuze ko kwinjira byaboroheye ariko ngo gusohoka byarabakomereye. Yasabye abaturage gukomeza kuba maso mu gukumira no guhashya abanzi bashaka guhungabanya umutekano n’iterambere ry’u Rwanda. Yijeje abaturage ko umutekano w’u Rwanda urinzwe kandi nta muntu ushobora kuwuhungabanya. Yavuze kandi ko ababigerageza nta mbaraga bafite nk’izo ingabo z’u Rwanda zifite. Maj. Gen. Eric Murokore yavuze ko ntawe uzagerageza guhungabanya umutekano w’u Rwanda ngo atahe amahoro.

Ati "Ugerageza kudukora mu jisho tuzarikuramo."

Abayobozi b’inzego z’ibanze barimo ab’imidugudu, utugari n’ab’imirenge bijeje ubufatanye mu mutekano n’iterambere ry’akarere, bavuga ko bazakomeza kuba maso bakaza amarondo.

Minisitiri w’Ubutegetsi bw’Igihugu, Prof Shyaka Anastase, yatinze ku iterambere ry’abaturage abasaba kutarangazwa n’abifuza kubarangaza.

Yunze mu rya Maj. Gen. Eric Murokore, avuga ko “Abifuza guhungabanya umutekano w’u Rwanda bari mu buyobe”. Yashimiye abaturage uburyo bacunga umutekano abasaba gukomereza aho.

Abahinzi barerekana uko umuceri wabo warwaye

Nyuma y’aho abaturage bahinga umuceri mu gishanga cya Kamiranzovu mu karere ka Nyamasheke bagaragarije ikigo cy’igihugu cy’ubuhinzi (RAB) ko muri iki gishanga hari igice cyacyo kitacyera neza nka mbere aho bakeka ko byaba biterwa na nyiramugengeri ishobora kuba iri hasi, RAB yamaze kubemerera ko igiye kohereza inzobere kugenzura ikiri kubitera ndetse no kugishakira umuti.

Aba bahinzi bavuga ko mu gihembwe cy’ihinga gishize umusaruro watubye ku buryo bugaragara cyane cyane ku bahinga muri zone ya Rurangazi muri iki gishanga. Rukeribuga Jacques avuga ko yezaga ibiro bibarirwa muri Magana atatu none ngo bishobora kuzagera mu ijana naho Mukamudenge Clothilde wezaga ibilo 400 ngo nibura azeza kimwe cya kabiri cyabyo gusa.

Ati” Umuceri warapfuye. Twari dusanzwe tweza tukabona umusaruro ariko twayobewe indwara yajemo iturutse hasi mu mizi. Igihe cyo kurabya imbuto ziruma... najyaga neza ibiro bisaga 400 ubu nineza byinshi nzasarura 200.”

Aba bahinzi bavuga ko mu kwezi kwa cumi k’umwaka ushize mu gihembwe cy’ihinga A, ari bwo bahinze ariko umusaruro ukaba muke cyane.

Abahinzi basobanurira abayobozi iby’uburwayi bwatangiye gufata umuceri bahinga mu gishanga cya Kamiranzovu

Icyo gihe ngo bahise biyambaza akarere na ko kabaha ishwagara yo gushyiramo bisa n’ibyoroha. Umwero wakurikiyeho uza wisumbuyeho ariko n’ubundi ikibazo nticyakemuka.

Ubwo Minisitiri w’Intebe yasuraga uturere twa Nyamasheke na Karongi mu ntangiriro z’icyumweru dusoza, iki kibazo ni kimwe mu byo abaturage bamugejejeho.

Rukeribuga Jacques ati” imiceri yacu yose yarapfuye ubu twarahombye cyane. Nezaga ibiro 350 ariko ubu nzeza ibiro 120. Dutekereza ko ikibazo ari ubutaka bubi... za nyiramugengeri zirazamuka n’amazi byakubitiraho n’ubushyuhe umuceri ugashya.”

Minisitiri w’intebe yahise agishinga RAB, umuyobozi mukuru wayo Dr Karangwa Patrick asubiza ko bagiye kohereza abashakashatsi vuba.

Ati” Itsinda ryacu ry’abashakashatsi rigiye kubikurikirana. Tugiye kureba ikibitera n’umuti ukenewe ngo ikibazo kirangire. Ntabwo dushobora kubareka gutyo ngo birangire.”

Igishanga cya Kamiranzovu gihingwaho umuceri ku buso bungana na hegitari 115 zose hamwe. Ahangana na hegitari imwe ni ho havugwa iki kibazo, gifitwe n’abaturage basaga 50. Muri rusange, abagera ku 1000 ni bo bagihingamo cyose kikaba gisarurwa mo toni 690 iyo cyeze neza ku isizeni imwe.

Abayobozi batandukanye bari kwiga ku bibazo abahinzi babatuye

Abo bahinzi bagaragaje ko mu gihe ubuyobozi bubasaba guhinga bagasagurira amasoko, bo nk’abahinzi babigeraho ariko nyamara umusaruro wabo ukabura isoko, ryanaboneka rikaboneka bitinze, umusaruro warangiritse cyangwa warataye agaciro.

Urugero ni ibiciro bavuga ko biri hasi barimo gutangiraho umuceri, aho ikilo cy’umuceri muremure ari amafaranga 275 n’amafaranga 255 ku muceri mugufi. Abo bahinzi bavuga ko ari make nubwo bemeye kuyafata kuko nta kundi bari kubigira. Icyakora na n’ubu ngo baracyafite toni 42 mu bubiko bwabo zitarabonerwa isoko.

Rukeribuga Jacques ati “Dufite ikibazo cy’uko duhinga umusaruro ukabura isoko tugahomba, ibiciro batubwira twumva biri hasi uko tubibara urabona gusarura ikaro (agace gato ko mu murima) ni ibihumbi umunani, gutera ibihumbi 10 guhinga ibihumbi umunani, gucunga inyoni zona ibihumbi 10, ifumbire ibihumbi umunani ugasanga umuhinzi nta kintu ari kubona. Turifuza isoko bakatuzamura umuhinzi akagira ikintu abona.”

Toni 42 z’umuceri ntizirabona isoko mu gihe barimo gusarura undi

Aba bahinzi bakomeza kuvuga ko abaza kurambagiza umuceri wabo bawunenga kubera ko ari mugufi, abahinzi na bo bagatunga agatoki ikigo cy’igihugu gishinzwe ubuhinzi kutabaha imbuto zijyanye n’igihe cyane ko bo basobanura ko batigeze babona imbuto ndende ngo bananirwe kuyihinga, bakifuza ko bajya bagezwaho imbuto zifuzwa ku isoko akaba ari zo bahinga.

Dr Karangwa Patrick, Umuyobozi mukuru w’ikigo cy’igihugu gishinzwe iterambere ry’ubuhinzi n’ubworozi (RAB) wari uhibereye yavuze ko ku kibazo cy’isoko nawe adahakana ko gihari.

Yagize ati “Ikibazo cy’amasoko y’umuceri kimaze iminsi inzego zikiganiraho ariko ubukana iki kibazo cyari gifite buragenda bugabanuka. Hashyizwemo imbaraga kugira ngo umuceri ugaburirwe abanyeshuri, ku buryo hagabanywa umuceri uturuka hanze, inganda zirimo kongera uwo zafataga. Aho izi mbaraga zishyiriwemo ubona ko ikibazo kigenda kigabanuka.”

Igishanga cya Kamiranzovu gihingwamo umuceri n’abantu 1000 ku buso bwa Hegitari 115

Naho ku birebana n’ikibazo cy’imbuto ndende yasubije ko barimo gutegura imbuto ku buryo mu bihe bitarambiranye bazabazanira imbuto nshya cyane ko mu moko y’umuceri uhingwa mu Rwanda agera kuri 37, abahinga igishanga cya Kamiranzovu hari amoko menshi badahinga kuko bahinga amoko abiri gusa.

Ati “Mu gihugu duhinga amoko y’umuceri 37 harimo 29 y’umuceri muremure andi 8 akaba umuceri mugufi ariko abahinga muri Kamiranzomvu bahinga abiri gusa ni yo bazi, gahunda turimo ni ukugira ngo amoko ari ahandi ataragera hariya na ho ahagere ku buryo hari amoko mashya tuzabazanira.”

Hegitari 115 ni zo aba bahinzi bo muri koperative Dufatanye Kagano babyaza umusaruro mu gishanga cya Kamiranzovu. Gihingwa n’abarenga 1000, bakaba bifuza ko nibura ikilo cy’umuceri cyajya ku mafaranga 295 kuko abawubagurira bagurisha ikilo kuri 700 nyamara kandi ngo bataba bavunitse cyane nk’abahinzi.
Muri izi ngendo Minisitiri w’Intebe yagiriye mu turere twa Karongi na Nyamasheke ku matariki ya 11 na 12 Gashyantare 2019, nta byinshi yatangaje byafatwa nk’imyanzuro, ahubwo icy’ingenzi kwabaga ari ugukusanya amakuru ashobora kuvamo imyanzuro izatangazwa mu minsi iri imbere.

Abahinzi mu gishanga cya Kamiranzovu barasarura umuceri mu gihe n’undi utarabona isoko

Harimo gusuzumwa impamvu y’inkongi za hato na hato muri iri shuri

Bamwe mu banyeshuri bararaga muri aya macumbi bavuga ko batazi ikirimo gutera inkongi z’umuriro muri iki kigo, kuko no ku cyumweru tariki 20 Mutarama 2019 hari ibindi bikoresho byahiriye mu kindi cyumba.

Abo banyeshuri bavuga ko izi nkongi zabasize iheruheru aho ibikoresho byabo byose byahiye.

Ni byo umwe muri bo witwa Ishimwe Queen asobanura ati “Ejobundi ku cyumweru hari habaye impanuka hashya ‘Dortoir’ imwe none ubu ‘Dortoir’ nyinshi zahiye.
Njyewe ndi mu bo ubushize dortoir zitari zahiye ariko ubu iyo ndaramo yahiye ibikoresho by’ingenzi byahiye turi kwibaza unburyo biri bugende byaducanze pe! Nk’abanyeshuri ikibazo dufite amakaye yo mumyaka ishize yahiye nk’abantu bari mu wa gatandatu turi kwibaza uburyo tuzategura ikizamini cya Leta, n’amarangamuntu yahiye.”

Kayirangwa Solange yungamo ati “sinzi uko nabivuga. Ku cyumweru byarahiye ariko hashya bike none ibyo twari dusigaranye byose byahiye ntaho dusigariye bamwe bahahamutse abandi bari kwa muganga, amasabune yahiye, ibikapu, matera ni byinshi turasaba ubufasha pe kuko kubona ibikoresho hashize icyumweru kimwe ababyeyi babiguze amafaranga yose bari bamaze kuyamara sinzi uko tuzabyifatamo niba ari ukwicara simbizi.”

Uwihoreye Boas, umuyobozi w’ishuri ryisumbuye rya Kibogora avuga ko bataramenya neza ikiri gutera iyi nkongi y’umuriro icyakora ngo barakeka ko ari amashanyarazi mu gihe iperereza ryimbitse rigikomeje. Kugeza ubu hifashishijwe ibyumba by’amasengesho n’andi mazu abiri yari ahari ku gira ngo abanyeshuri babone aho barara.

Ati “turacyarimo gushakisha ngo turebe ikibitera turakomeza uburinzi kandi dukomeze gushaka amakuru y’imbitse kugira ngo tumenye nyirizina igitera ibi bintu. ikijyanye n’ibibaranga turabakorera ubuvugizi kimwe n’ibikoresho turakorana n’ababyeyi n’ubuyobozi ndetse n’itorero kugira ngo turebe uburyo twafasha abanyeshuri ku ira ngo ubuzima bukomeze.”

Ishuri ryibasiwe n’inkongi inshuro ebyiri mu gihe gito

Ubuyobozi bw’Akarere ka Nyamasheke buvuga ko icyihutirwa kigiye gukorwa ari ukuba hafi y’abanyeshuri kugira ngo amasomo akomeze, no kubona aho baryama ndetse no kubarura ibyabo byahiriyemo. Naho kubyateje impanuka ngo haracyashakishwa ikibyihishe inyuma.

Kamali Aimé Fabien, Umuyobozi w’Akarere.ati”Icyo tugiye gufasha ni ukuba hafi y’abana kugira ngo bakomeze amasomo yabo, ikindi turimo gufatanya n’ubuyobozi bw’ishuri kugira ngo abana baryamaga muri ibyo byumba bitatu babone aho barara ariko tunamenye ibintu byabo byahiriyemo turebe icyakorwa cy’ihuse.

Harakekwa ko byatwitswe n’amashanyarazi ariko nyuma yo kuvugana na REG batugaragarije ko atari umuriro icyakora n’insinga z’amashanyarazi ntizari ziri mu buryo butunganye. Ariko turaza gushyiraho izindi nzego z’ibizobereyemo barebe niba ntayindi mpamvu.”

Uku gushya kw’inzu zicumbikiye abakobwa mu ishuri rya Kibogora byatumye ubuyobozi bw’akarere buhagurukira gukora isuzuma mu bigo byose bicumbikira abanyeshuri kugira ngo barebe niba uburyo bwakoreshejwe bashyiramo amashanyarazi bwujuje ubuziranenge.

Abahinzi b’icyayi barasaba ko bafashwa kubona imbuto yacyo ngo bahinge cyinshi

Habiyambere Theogene ni umwe muri aba bahinzi bemeza ko ingemwe z’icyayi bazibuze ngo bongere ubuso bagihingaho dore ko ngo ubwabo batashobora kuzitunganyiriza, bagasaba uruganda rwa Gisakura bagemurira icyayi kubafasha kubona ingemwe zacyo.

Ati ”urabona abaturage dufite ubutaka dushaka guhingaho icyayi ariko ikibazo uruganda nirwo ruhumbika ingemwe ntabandi bazihumbika usibye uruganda kuko guhumbika birahenda... bisaba ingufu nyinshi; ifumbire mvaruganda, umukozi uhoraho kandi icyahumbitswe kijya guterwa hashize umwaka urumva ntamuturage wabishobora bisaba ingufu za Leta”.

Ntawiha Ruth yungamo ati ”ndi umuhinzi ufite hegitari imwe na are 84 ariko impamvu ntari kongera ubuso ni ikibazo cy’ingemwe nyakubahwa muyobozi muturwaneho imirima yacu ikeneye ingemwe.”

Umuyobozi w’uruganda rwa Gisakura Mungwakuzwe Yves yizeza abahinzi ko umwaka utaha aribwo bazabona imbuto

Baravuga ko uku gutinda gutera ikindi cyayi byabateye igihombo kuko basabwe guhinga imirima inshuro zirenze imwe basubiramo none amezi atanu arashize batarabona ingemwe.

Nkunzamahanga Jonas ati ” Iyo bavuga bati ntambuto tuzabona ubu ibijumba biba byareze cyangwa imyumbati none hapfuye ubusa.”

Umuyobozi w’uruganda rwa Gisakura Mungwakuzwe Yves arizeza aba bahinzi ko nyuma y’umwaka umwe uhereye ubu ,ingemwe ziri gutegurwa zizaba zigeze igihe cyo kugemuurwa ariko kandi ngo uruganda rukazanabigisha uburyo bwo kuzitegurira.

Ati ”turimo gutegura ingemwe muri uyu mwaka dufite ingemwe zisaga miriyoni esheshatu. Tugiye gushyiramo imbaraga mu ntangiriro z’uyu mwaka dutangirane nawo kugirango tuzakemure icyo kibazo. Urugemwe rw’icyayi rutegurwa amazi 12 ikindi ni uko tugiye kubigisha uko bategura ingemwe kugira ngo bajye bateganya uburyo bazajya bazibona ku giti cyabo.”

Ubuyobozi bw’uru ruganda rutangaza ko ruri gutegura ingemwe zigeze kuri miliyoni esheshatu zose zikazahabwa abahinzi mu kubafasha kongera ubuso bw’iki igihingwa kiri kuri hegitari 1333.

Ingemwe zikenewe zigera ku bihumbi 700, zizajya k’ubuso busaga hegitari 50, nk’uko umuyobozi w’uruganda rwa Gisakura yabitangarije Kigali Today.

Uyu muyobozi kandi yavuze ko abahinzi bashobora guhinga ibindi bihingwa bimara igihe gito mu murima, ku butaka bwabo, mu gihe bagitegereje ko ingemwe ziboneka.

Ku munsi wakabaye uw’ibyishimo, akababaro kari kose ku bageni

Gusezerana imbere y’Imana byari biteganyijwe ku I saa munani ariko ntibabasha kubahiriza amasaha kubera ko imvura yaguye ndetse bakabura imodoka bakahagenda n’amaguru, kugeza ubwo Pasiteri Pasiteri Ntakirutimana Samuel abasabye gutega moto kugirango bubahirize amasaha.

Ubwo bageraga ku rusengero, umujyanama w’urusengero yababwiye ko bagomba kwishyura amane y’ibihumbi 15 by’ubukererwe bitaba ibyo ubukwe ntibube.

Abageni n’ababaherekeje bagerageje ibishoboka byose, harimo gusaba imbabazi Pasiteri, kwishakamo ayo mafaranga ariko byose biranga, pasiteri afata icyemezo cyo gukinga urusengero abageni baritahira n’abari batashye ubukwe basubira iyo bari baturutse bumiwe.

Kugeza ubu aba bageni bavuga ko bahuye n’ibibazo bitoroshye byo guhomba kubera ko ibyo bari bateguriye abashyitsi mu bukwe bitabagezeho, kuko abantu bahise bataha ubukwe butarangiye, ibi byose bakavuga ko Pasiteri Ntakirutimana ariwe wabiteye.

Abageni mu rugo rwa bo n’akababaro kenshi ko kuvutswa ibirori bari bamaze igihe bategura

Sibomana Donath ariwe mukwe agira ati ” Twagendaga tuvugana amakuru y’ikibazo twahuye nacyo cyo kubura Imodoka n’imvura yaguye tugeze shangazi tuvuye gusaba ati mufate moto, mpageze umujyanama ati pasiteri yavuze ko nudatanga ibihumbi 15 utaribushyingirwe mbaza Pasiteri nti ‘uramfasha iki?’ arambwira ati ibyo bakubwiye niba utabikoze singushingira birangira akinze urusengero turataha.”

Mukamuganga Monique wari witeguye gushyingirwa, yagize ati ”Byarambabaje cyane usibye ko kwihangana ari byiza... icyanteye agahinda gakabije ni uko hari abari biyemeje kuzatwishyurira ayo mafaranga ariko Pasiteri agakinga urusengero akigendera.”

Bamwe mu baturage bari batashye ubukwe bavuga ko baguye mu kantu babonye Pasiteri yanze gushingira abayoboke be, bakavuga ko yari kwihangana nk’umukozi w’Imana akabasezeranya kuko impamvu zatumye bakererwa zumvikanaga.

Mukasibo Seraphine wari watashye ubu bukwe bwapfuye yagize ati ”umuntu ntiyagukorera ubugome bungana gutya ngo ubyibagirwe ... Ese hari ikitihanganirwa kibaho? naravuze nti ese kuba ari Pasiteri yararambitsweho ibiganza ntiyagombaga kwihangana? Abantu bose imitima yabo yarashegeshwe kubera iki kintu Pasiteri yadukoreye.”

Twagerageje kuvugisha Pasiteri Ntakirutimana Samuel wo mu itorero Methodiste Libre Paruwasi ya Mwito ntiyabasha kwitaba telefone ye igendanwa, ariko umubwiriza waryo muri Conference ya Kinyaga Pasiteri Habiyambere Celestin avuga ko yagerageje gukosora amakosa mugenzi we yakoze akabwira undi mu pasiteri ngo ajye kubashyingirira mu rugo rwabo kuko bwari bwamaze kwira ariko abageni bakabyanga.

Ati ”Ntabwo dushingira abantu kubera amafaranga.. ntabwo iyo mihango igurwa pasiteri naramuvugishije mubwira ko yari koroshya ibintu. Njye nk’umuyobozi nagerageje kwirengagiza amakosa yakozwe ku mpande zombie, nohereza undi muntu ngo abashingire mbisabye umukwe arabyanga ngo bwamaze kwira.”

Aba bageni bahise bitahira mu rugo rw’umusore bakabana nk’umugore n’umugabo, bavuga ko ubu bafite ihurizo rikomeye, kuko bibaza niba bazafatwa nk’abashyingiwe cyangwa se bazafatirwa ibihano nk’abishyingiye.

Abatuye Umurenge wa Nyabitekeri bavuga ko aka gasoko bakoresha ari amaburakindi

Akarere ka Nyamasheke ni kamwe mu turere tudakunze kwibasirwa n’inzara kuko ubutaka bwaho bwera. Ariko abaturage bavuga ko umusaruro ubapfira ubusa kuko udashobora kugera ku isoko.

Urugero ni urw’abatuye mu Murenge wa Nyabitekeri ubarirwa mu mirenge y’icyaro, bavuga ko beza imyaka bakabaye bashora mu masoko ariko ngo imyinshi ikabapfira ubusa.

Ntimugura Vedaste, umwe muri abo baturage avuga ko nta bashoramari bahagera kubera kutagira umuhanda, ndetse nta n’isoko ngo na bo ubwabo bahahirane hagati yabo.

Agira ati “Icya mbere cyatumye tutagira isoko ni uko nta muhanda tugira, nta kinyabiziga na kimwe cyagera ino kije gupakira imyaka keretse abavuye kure baje kugura duke bajyana kurya.”

Ibyo bibatera guhora mu bukene bitewe n’uko ibyakagombye kubateza imbere bitabona amasoko, nk’uko byemezwa na Byiringiro Jacques.

Umunyamabanga nshingwabikorwa w’Umurenge wa Nyabitekeri Twagirayezu Zacharie

Ati “Iyo imyumbati yeze hano ikilo tukigurisha 100Frw, kugira ngo umuntu abone Mituweli hano biba bikomeye.”

Umunyamabanga nshingwabikorwa w’Umurenge wa Nyabitekeri, Twagirayezu Zacharie, avuga ko ubuyobozi bw’akarere buzi icyo kibazo ariko bari mu ngamba zo kugikemura n’ubwo nta gihe gitangwa bizaba byakemukiye.

Ati “Umuyobozi w’akarere yakiganiriyeho nya Minisitiri wareberaga akarere ka Nyamasheke kandi hari icyizere batanze ko mu gihe cya vuba uyu muhanda ushobora gukorwa. N’ikibazo cy’isoko twakigejeje ku karere dutegereje ko mu ngengo y’Imari ya 2019-2020 bashobora kuryubaka.”

Ikibazo cyo kutagira ibikorwa Remezo birimo imihanda n’amasoko, bifasha abaturage kubona aho bashora umusaruro, ni bimwe mu byagarutsweho mu bushakashatsi buherutse gushyirwa ahagaragara n’Ikigo cy’Igihgu cy’Ibarurishamibare (NISR).

Ubwo bushakashatsi bugaragaza ko Akarere ka Nyamasheke gafata umwanya wa mbere mu kugira abaturage bakennye kurusha abandi mu gihugu. Uwo mwanya kawumazeho imyaka ibiri yikurikiranya.

Habiyaremye Pierre Celestin gitifu w’intara asaba akarere kureba aho ikibazo kiri bakagikemura

Kubyara abo badashoboye kurera, biza ku isonga mu bibahza hasi, aho abageze kuri 38,9% bfite iki kibazo, ndetse n’ibikorwaremezo bikiri mbarwa muri aka karere cyane cyane imihanda itorohereza abaturage kugeza umusaruro ku isoko.

Aka karere kamaze imyaka ibiri yikurikiranya ari ko kabanziriza utundi twose mu kugira abakene benshi mu gihugu.

Ni mu bushakashatsi bwakozwe n’ikigo cy’igihgu cy’ibarurishamibare, Kamana Roger, umukozi wacyo ushinzwe ishyirwa mu bikorwa ry’ubushakashatsi ku mibereho y’ingo mu Rwanda agaragaza bimwe mu bizahaza aka karere.

Ati ”mu baturage dufite ba Nyamasheke turebye urugo rumwe rufite abantu batanu, usanga bane muri bo batunzwe n’umuntu umwe abandi ntabushobozi".

Akomeza agira ati “Hari igihe tugeza ibikorwa remezo ku baturage ariko ntitumenye n’iba bikoreshwa cyangwa bidakoreshwa ... muri Nyamasheke 15% bavuga ko ivomero ry’amazi meza ribegereye ariko 38,5% bakavuga ko ayo mazi adakora.”

Abajyanama b’akarere hamwe n’abafatanyabikorwa batanga ibitekerezo

Uretse ibyagendeweho muri ubwo bushakashatsi, aba baturage bavuga ko aka karere gafite ibibazo byinshi ariko bihatswe cyane cyane no kutagira ibikorwa remezo ndetse na gahunda yo kuboneza urubyaro ikiri hasi aho biyemerera ko muri aka karere ari hamwe mu babyara abana benshi badashoboye kurera.

Rivuzwenayo Alphonse ati ”papa yadusize turi abana 10 najye maze kubyara abana 15 kandi nabo bari kubyara urumva kakarima yadusigiye kazadutunga?”

Nzayiramya Augustin yungamo ati ”ndi ku kubwira ko mfite abana batandatu ku myaka 36, ubwo bukungu bwaboneka gute n’abo bana ntari kubasha kubagaburira tuzahora muri bwa bukene cyakora ubu natangiye kuboneza urubyaro ariko nakangutse amazi yarenze inzira.”

Abafatanyabikorwa batandukanye muri aka karere ntibiyumvisha iby’ubu bushakashatsi bakagaragaza ko hari byinshi byakorwa bagendeye ku mahirwe ari I Nyamasheke ubukene bukaranduka.

Kayitare Yves ati ”ugereranyije hano dufite ikirere cyiza imvura tuyibura gake. Nyamasheke ikiyaga kiratuzenguruka kandi kirimo amafi, indugu n’isambaza hari inganda nyinshi za kawa… sinzi ikibura ngo abantu basezerere ubukene abayobozi n’ibadufashe.”

Ubuyobozi bw’aka karere buvuga ko hari ikibazo cy’abakabaye bazamura akarere bamara gutera imbere bakimukira ahandi.

Icyakora iyo mpamvu yonyine ntihagije mu gusobanura ubu bukene busa n’ubwabaye karande I Nyamasheke iyo ikaba ari yo mpamvu umunyamabanga nshingwabikorwa w’intara y’uburengerazuba Habiyaremye Pierre Celestin yabasigiye umukoro wo gushyiraho itsinda rito rizacukumbura imizi y’iki kibazo.

Ati ”icyo nasaba ubuyobozi bw’akarere ni uko bicara bagashyiraho itsinda ririmo abakozi b’akarere na njyanama. Bavuge bati twasanze hari ibikorwa bitanu cyangwa umunani byazana impinduka mu mibereho y’ubukungu noneho inama njyanama ijye ikurikirana mu nshingano zayo ivuge iti aho turi kuganisha akarere niho twumvikanye.”

Ubushakashatsi ku mibereho rusange y’ingo bugaragaza ko intara y’uburengerazuba ari yo iza ku isonga mu kugira abakene benshi, nako akarere ka Nyamasheke muri iyi ntara kakaba akambere mu kugira benshi mu gihugu hose.

Imibare igaragaza ko mu baturage 100, 41 muri bo baba ari abakene naho 21 ku ijana bakaba babaye mu bukene bukabije.

Ni kuncuro ya 5 ubu bushakashatsi bukozwe mu Rwanda.
Ubu bushakashatsi bukozwe ku nshuro ya gatanu, bukorwa buri myaka itatu. Ubu buheruka bukaba bwaratangiye mu kwezi 10 mu mwaka wa 2017 bushyirwa ahagaragara tariki 6 ukuboza 2018.

Abana iyo bize bakiri bato batangira guhishura impano zibarimo

Babivugira ko biri muri gahunda ya Leta y’u Rwanda ko abana bose babona uburezi kandi ku buntu, nk’uko bitangazwa n’uwitwa Mukashema Beatrice.

Agira ati “Twabonaga amafaranga avuye ku rutoki none rwishwe na Kirabiranya, n’ibijumba byarabuze isoko kandi ari ho umuntu yagakuye udufaranga!”

Habimana Innocent we avuga ko abana b’incuke kuri ubu batiga neza kubera kubura 1.000Frw yagenwe nk’igihembo cya mwalimu basabwa buri kwezi.

Ati” urugero ino bakorera 700Frw (baca inshuro) noneho wareba ugasanga n’ibibatunga uwo munsi bitari buze kuvamo none urumva umwana yakwiga amashuri y’incuke gute yabuze nayo kurya.”

Uwimana Vedaste we yemeza ko iyo babuze ayo mafaranga iyo umwana ageze ku ishuri baramugarura akamara igihe mu rugo kugeza igihe ababyeyi be bazayabonera bakamusubizayo, ibintu ababyeyi babona ko bibandindiriza abana.

Ati “Twifuza ko abana bajya kwiga koko ariko ikibazo ni uko umutangiza wamara igihe kikagera bakakwaka igihumbi ntacyo ufite umwana bakamusubiza imuhira ntibihangane ngo bategereze ukibone.”

Ababyeyi bavuga ko amafaranga 1000 bakwa atuma batitabira kujyana abana ku ishuri

Nyiravuguziga Julienne umwe mu barimu ntiyemeranywa n’ababyeyi bavuga ko umwana ubuze amafaranga bamusohora.

Ati “Umwana atanga 500Frw ku kwezi ariko ugasanga imyumvire y’ababyeyi ikiri hasi cyane. Leta itwizeza ibitangaza ibitangaza ko haba none cyangwa ejo bari kutuzirikana ko igihe kitari iki dushobora kuzabona umushahara dukwiye.”

Umuryango w’abakorerabushake ugamije kurandura ubukene VSO uri mu bukangurambaga bwo gukangurira ababyeyi kuzajyana abana babo mu mashuri y’incuke, uvuga ko mu myaka ibiri umaze uhakorera wavumbuye ko n’ubwo hari umubare munini w’abakene ariko ko ikibazo nyamukuru gihari ari uguhora bumva ko ari abakene gusa.

Mu bana 18.175, abagera ku 8.063 nibo gusa biga

Claude Gilbert Kamba uyobora VSO mu Karere ka Nyamasheke avuga ko bakangurira abaturage kumva ko umwana wabo ari cyo gishoro cya mbere.

Ati “Ikintu mbasaba tureke kwirengagiza turi bazima dushobora kuva mu bukene tukohereza abana bacu kwiga ni igishoro cya mbere ushobora guha umwana bikaba umunezero wawe n’igihugu.”

Kugeza ubu, uretse hamwe na hamwe mu bigo byigenga, abarimu bigisha mu mashuri y’incuke bagenerwa igihembo n’ababyeyi. Biba ikibazo iyo ababyeyi batabikoze haba ku bwende cyangwa ubukene.

Umuyobozi w’Akarere ka Nyamasheke wungirije ushinzwe imibereho myiza y’abaturage, Mukamana Claudette, avuga ko kugeza ubu ku rwego rw’akarere ikiri gukorwa ari ubuvugizi.

Ati “Ni ikibazo gikomeye kandi kizwi n’inzego zitandukanye ku buryo ngirango Leta nayo iri kwiga uburyo yakemura iki kibazo cy’aba barimu.”

1/2 cy’abana bo mu Karere ka Nyamasheke bakabaye biga mu mashuri y’incuke ntibiga, kuko inzego z’uburezi zigaragaza ko mu bana 1.8175 abagera ku 8.063 ari bo gusa biga.

Niyonkuru ateruwe na madame Jeannette Kagame hamwe n’abandi bana

Video y’uyu mwana avuga umuvugo yahise ijya ku mbuga za whatsapp n’izindi z’abantu benshi yamamara mu minsi itarenga ibiri, bituma Kigali Today tubasurira uyu mwana. Umunyamakuru wacu yamusanze ku karere ka Nyamasheke maze baraganira byinshi hamwe n’umubyeyi we.

Niyonkuru Fabrice ni umwana uvuka mu mudugudu wa Nyagashinge, akagari ka Mubumbano, Umurenge wa Kagano mu karere ka Nyamasheke mu ntara y’u Burengerazuba. Ku babyeyi be Byukusenge Vestine na Nzabihimana Alfred bombi b’abahinzi akaba ari umwana wa kabiri muri batatu babyaranye.

Uyu Vestine avugako umugabo wakabaye ari se atamwemera ngo nta n’ubwo yigeze amwiyandikishaho ku buryo nyina ari we wenyine wishakaho buri kimwe cyo gutunga uyu mwana.

WATCH: Fabrice Niyonkuru from Nyamasheke district recites a poem during the Children's End of Year Party hosted by First Lady, Jeannette Kagame at @UrugwiroVillage . pic.twitter.com/t9mnWTA4Bf

— The New Times (Rwanda) (@NewTimesRwanda) December 10, 2018

Niyonkuru na Nyina umubyara asubiye mu karere avukamo

Uko ari abana batatu bavukana, uwakabaye yitwa se yemeramo umwe gusa ndetse se na nyina baratandukanye umwe akomeza ubwe buzima icyakora Niyonkuru abana na nyina mu rundi rugo yashatsemo.

Niyonkuru ubu yiga mu mwaka wa kane w’amashuri abanza ku ishuri Mutagatifu Catherine-Nyamasheke.

Nyina avuga ko ari umwana uhora asoma ibitabo.Yatangiye ibyo kugerageza guhimba imivugo afite imyaka 6 cyane cyane agahimba uturirimbo iyo yumvaga ko Perezida wa Repubulika yasuye akarere kabo, ariko nyina wamukurikiraniraga hafi akabona ari iby’ubwana ntabihe agaciro ndetse rimwe na rimwe akamucyaha.

Ati ”yabitangiye afite imyaka 6 yakumva ngo Perezida yaje agashaka kujyayo ngo nawe afite akaririmo yamuririmbira nkabona ari ibintu by’ubwana simbihe agaciro, bitewe n’ubuzima nabonaga mbayemo nkavuga nti uyu arahinguka ku karere ngo agiye kuririmbira Perezida? Ndamwihorera mera nk’umuzimirije impano muri iyo myaka ye.”

Mu birori yajemo i Kigali yari anezerewe akina na bagenzi

Impano ya Fabrice yamenyekanye bwa mbere mu matora y’umukuru w’igihugu, ubwo Nyakubahwa Perezida wa repubulika yiyamamarizaga kuyobora igihugu mu matora, umwaka ushize.

#NiyonkuruFabrice, an eminent artist at such a young age. Thanks to whoever took this video! @Rachelmugabo pic.twitter.com/FIFPf8mW0e

— Jean Noel Mugabo (@jnmugabo) December 11, 2018

Amashusho(Video) ya mbere y’uyu mwana icyo gihe yagaragaye uwo mwana ahagaze ku muhanda avuga umuvugo, awutura Perezida.

Yagiraga ati “Ndavuga wa musaza, simvuga ka gasaza, ndavuga wa musaza waduhaye imihanda, amashuri amashanyarazi,…tora Paul Kagame”.

Iyo video yahise itangira gukwirakwira ku mbuga nkoranyambaga nka Whatsapp, Instagram na Twtter.

Kuva icyo gihe abantu batangiye gushaka kumenya uyu mwana uwo ari we

Kuri iyi nshuro, mbere yo kujya i Kigali guhura na Madamu wa Perezida wa Repubulika tariki 09 Ukuboza 2018, Fabrice ngo yabanje guhimba umuvugo we nk’uko bisanzwe aza kubwira nyina ngo amuhe urupapuro yandikaho kandi ngo amuherekeze ku karere ajye kuwereka abayobozi.

Ahabwa impano na madame Jeannette Kagame

Nyina yaje kubimwemerera anamugurira urupapuro rwo kwandikaho birangiye bajya kukarere maze umuyobozi w’akarere wungirije ushinzwe imibereho myiza aramwumva amwemerera ko bazajyana I Kigali.

Igihe cyarageze baragenda ageze yo ashimisha madamu Jeannette Kagame n’abandi bari aho.

Icyakora Umubyeyi wa Niyonkuru avuga ko ubu buhanzi busa nk’aho bwamusubije inyuma gake mu masomo kuko arangiza umwaka wa kane w’amashuri abanza, yabonye umwanya wa kabiri n’amanota 78,7% icyakora ngo mbere yabaga uwa mbere gusa.

Niyonkuru ahimba indirimbo n’imivugo icyakora byose biracyari mu mpapuro nta na kimwe kiratunganywa.

Niyonkuru uvuga ko yashimishijwe cyane no kuba yaraganiriye na madamu wa Perezida wa Repubulika ndetse akanamuterura mu birori yateguye byo kwifuriza abana noheri nziza n’umwaka mushya muhire.

Niyonkuru kugeza ubu utarahitamo neza icyo aziga nagera hejuru, avuga ko inzozi ze ari ukuzaba Visi perezida wa Repubulika namara kwiga. Icyakora ngo ababazwa n’uko se na nyina batumvikana ndetse na se atamwemera akaba abona ibyo byazaba imbogamizi ku myigire ye.

Abajijwe icyo azaba narangiza amashuri yagize ati “Umuyobozi ushinzwe intebe mu biro bya Perezida cyangwa visi perezida kuko ariyo ntego mfite”.

Umuyobozi w’akarere ka Nyamasheke wungirije ushinzwe imibereho myiza y’abaturage Madamu Mukamana Claudette yavuze ko bagiye kumuhuza n’abandi bahanzi bamaze gutera imbere kugira ngo impano ye izamuke.

Icyakora uyu muyobozi akaba yanongeyeho ko bagiye kwihutira gukemura ibibazo by’amakimbirane agaragara hagati y’ababyeyi be kugira ngo atazagira ingaruka ku mpano ye.

Ati “icyambere tugomba kumufasha ni ukumuhuza n’abandi bahanzi babimenyereye bazi n’uburyo bikorwamo”.

Akomeza agira ati “iwabo hari ibibazo bitandukanye by’imibereho bishobora gutuma impano ye igwingira ari nayo mpamvu akarere kagiye kureba icyo kabikoraho”.

Bamwe mu bafite ubumuga bahinduye imyumvire ubu batunze imiryango yabo

Mu karere ka Nyamasheke, abafite ubumuga baravuga ko nyuma yo guhindura imyumvire y’uko bagomba gufashwa ibintu byose, ubu bamaze kwiteza imbere binyuze mu kwibumbira mu makoperative no gutinyuka gukora imirimo bumvaga ko batakora.

Bagororuwanga Joel se w’aba bana, atuye mu murenge wa Kagano. Abana be bane bavukanye ubumuga bwo kutavuga no kutabona barabukurana kugeza magingo aya aho umuto muri bo ari hejuru y’imyaka 10.

Avuga ko kwita kuri aba bana byabanje kumugora dore ko byamusabaga kubitaho bose kandi nta n’umwe muri bo ubasha kugira icyo yimarira kubera ubu bumuga.

Nyuma yaho, umwe muri bo witwa Niyodusenga Anita yabonye uburyo bwo kwiga ubudozi mu kigo cy’imyuga gifasha abafite ubumuga cya Ngwinonawe Ntendezi kiri mu murenge wa Ruharambuga mu karere ka Nyamasheke.

Amahirwe yaje kumusekera, ubwo yajyaga muri imwe mu makoperative yitwa TTCM maze binyuze muri World vision ku nkunga ya ambassade ya Suede mu Rwanda baterwa inkunga bagura ibikorwa.

Kuri ubu umuryango wa Bagororuwanga uvuga ko babasha gukorera muri iyi koperative nibura 50,000 by’amafaranga y’u Rwanda mukwezi kandi bakidodera imyenda bambara batagombye kuyigura.

Bagororuwanga agira ati "N’iyi shati nambaye ni uyu wayidoze, kandi amfasha no kubonera umuryango wacu ibiwutunga"

Mu myaka itatu ishize aba baterankunga bakorera mu karere ka Nyamasheke barashima imikoranire yabo n’inzego zinyuranye mu Rwanda bakaba bizeza ko bizakomeza kugenda neza no mu cyiciro gikurikiyeho cy’indi myaka cumi n’itanu bagiye kuhakorera.

Guverineri w’intara y’uburengerazuba Munyantwali Alphonse, ashingiye ku rugero rwa Bagororuwanga n’umuryango we, asaba n’abandi baturage gukora, buri wese agaharanira kugira icyo yigezaho atishingikirije ku nkunga.

Ati"uyu mushinga ntuzabafasha mwese. Abo utazageraho murasabwa kurebera ku bagize aho bagera namwe mukiteza imbere"

Muri iyi myaka 3 Core project yafashije aba baturage guhanga imirimo 9406, amatsinda yo kubitsa no kugurizabya 1518, koperative 92 z’urubyiruko n’abagore, miliyoni zisaga 400 zagurijwe abaturage bagaragaje imishinga yabo, ibi byose bikaba kwari ugufasha aba baturage guhanga imirimo idashingiye ku buhinzi.

Abatuye ku kirwa cya Mushungu biruhukije nyuma yo guhabwa ubwato bushya buzajya bubafasha kunoza ingendo

Ikirwa cya Mushungu kimwe mu birwa umunani biri mu kiyaga cya kivu ku ruhande rwa Nyamasheke.

Ni cyo cyari gisigaye mu kutagira ubwato bubafasha kwambuka, ugereranije n’ibindi kuko abagituye bari bagikoresha ubwato bw’ingashyo.

Ababyeyi bajya kubyarira hakurya, kimwe n’abarema amasoko yaho babaye aba mbere mu kwishimira ubu bwato, nk’uko uwitwa Nyaminani Claire abitangaza

Agira ati “Mu minsi yashize twari mu bwato bushaje buriyubika ku bwamahirwe turoga ibintu turabita tugera mu rugo Amahoro.

“Izo mbogamizi turizera ko zizagabanuka. Ttuzajya tujya kwa muganga ku gihe. Buzaba nk’imbangukiragutabara izajya idufasha mu rugendo.”

Abaturage n’abayobozi bagendeye muri ubu bwato bagerageza kureba imikorere yabwo

Abanyeshuri baba kuri iki kitwa barangije amashuri abanza, nabo bibazaga uko bazakomeza ay’isumbuye.

Mbonyimana Joel ni umwe mu banyeshuri umunani gusa babashije gukomeza mu gihe bari 29. Abandi babivuyemo kubera uko kugorwa no kwambuka.

Ati “Bamwe bacikaga amashuri bakigira kwirobera andi bakagira ubute bwo guhora Babura uko bambuka ishuri bakarireka.”

Umunyamabanga nshingwabikorwa w’agateganyo w’Akarere ka Nyamasheke Niyibizi Ntabyera Hubert, yabasabye kubufata neza kugira ngo buzaveho n’ubundi bakomeze biteze imbere.

Ati “Icyo tubasaba ni uko babukoresha neza bakumva ko ari umutungo wabo bakabubyaza umusaruro, bugafasha abana kujya ku ishuri, bugafasha ababyeyi kujya kwa muganga akarusho mu bihe biri imbere bakabubyaza ubundi.”

Aba baturage bavuga ko impanuka bahuraga nazo kubera mu kiyaga amato ashaje zigiye kugabanuka

Ubwato aba baturage bahawe ni bushya kandi bwa moteri bukaba bufite agaciro ka miliyoni 5Frw.

Bwazanye n’imyambaro 35 ikingira impanuka mu mazi ndetse na litilo 100 za lisansi y’ubuntu. Lisansi izajya ibukoresha izajya iva mu mafaranga abaturage bazajya bishyura.

Umunyamabanga nshingwabikorwa w’agateganyo w’Akarere ka Nyamasheke Niyibizi Ntabyera Hubert

Bamwe mu bigisha amashuri y’incuke baravuga ko igihe kigeze ngo nabo bagenerwe umushahara

Nyiravuguziga Julienne ni umurezi ku ishuri ribanza rya Ruheru B mu Murenge wa Kanjongo, avuga ko, nk’abandi bakozi bose na we ngo abyuka mu gitondo akajya ku kazi kwigisha abana b’incuke. Ni akazi yishimira kuko yumva ari ugutanga umusanzu we mu kubaka igihugu ariko avuga ko ababazwa n’uko ukwezi gushira ntabone umushahara nk’abandi.

Ati: “ikintu cya mbere kibangamiye umwarimu mu ishuri ry’incuke ni umushahara, kuko mu myaka itatu maze uretse ukwezi kwa kabiri ku mwaka wa 2017 nakiriye amafaranga 15,000 gusa ... abaduhemba ari bo babyeyi nta bushobozi bafite.”

Bamwe mu bahize abandi ku kwita ku bana b’incuke bahembwe amagare

Abo barimu bavuga ko icyo bakora ari ugutanga amaraso gusa,impamvu ngo ni uko nta mushahara w’abarimu bo mu mashuri y’incuke wagenwe kuko ngo bahembwa n’ababyeyi bigishiriza abana kandi ngo abenshi muri abo ntibabikozwa.

Nyiravuguziga akomeza agira ati: ”umwana atanga amafaranga 500 ku kwezi ariko ugasanga imyumvire y’ababyeyi ikiri hasi cyane batabyumva, icyakora leta ihora itwizeza ibitangaza ko igihe kizagera natwe ikatwibuka tukabaho neza.”

Bamwe mu barezi n’abayobozi ba VSO batera igiti

Kuba hari ababyeyi batabyumva bituma batanajyana babo mu ishuri ry’incuke. Imibare igaragaza ko mu bana 18175 bagombye kuba biga mu mashuri y’incuke higamo 8063 gusa.

Umuryango "Voluntary Service Overseas" (VSO), w’abakorerabushake ugamije kurandura ubukene umaze imyaka 20 ukorera mu Rwanda, uvuga ko icyo kibazo mu bibazo bikomeye wakozeho, gushishikariza ababyeyi kujyana abana b’incuke mu ishuri, icyakora ngo hari impinduka zigenda zigaragara.

Kamba Claude Gilbert, ni umuyobozi w’uwo muryango mu Karere ka Nyamasheke.

Aragira ati: ” Dutangira kubona abarimu bita kuri aba bana byari bigoye cyane, ariko ubu hari icyizere n’ababyeyi batangiye guhindura imyumvire. Turizera ko igihe kizagera ibibazo by’abarimu bigisha amashuri y’incuke bikagabanuka.”

Umuyobozi w’Akarere ka Nyamasheke wungirije ushinzwe, imibereho myiza y’abaturage Mukamana Claudette avuga ko ubuyobozi bukomeje gukora ubuvugizi.

Ati” Icyo dukora ni ubukangurambaga ku babyeyi kugira ngo n’utwo dufaranga bemera badutange. Ni ikibazo kizwi n’inzego zitandukanye ku buryo Leta nayo iri kwiga uburyo yakemura ikibazo cy’aba barimu kuko baba barize kimwe n’abandi, bakiga bishyura amafaranga y’ishuri ariko bajya kwigisha ugasanga nta kintu bagenerwa uretse kuvuga ngo ababyeyi babiteho.”

Umuryango VSO wahisemo kwizihiza isabukuru y’imyaka 20 umaze mu Rwanda wifatanya n’abo barimu, uhemba 51 muri bo babaye indashyikirwa ubaha amagare n’ibitenge ndetse abakorerabushake bawo batera ibiti biribwa n’iby’umutako ku rwunge rw’amashuri rwa Mutagatifu Nicolas.

Mu iserukiramuco "Global Citizen Festival" ryaberaga mu gihugu cy’Afurika y’Epfo kuri iki cyumweru tariki 2 Ukuboza 2018, abayobozi b’ibihugu bitandukanye basabwe kuzamura ingengo y’imari igenerwa uburezi , ikagera nibura kuri 20%. u Rwanda rwo rukaba rumaze imyaka rugeze kuri icyo kigero.

Abaturage bemeza ko ibintu byahindutse kuva aho basigaye bagishwa inama ku byo akarere kagomba kwibandaho

Nsengumuremyi Gallican avuga ko byahinduye imyumvire yo kumva ko ari ibya leta bo bitabareba. Bavuga ko babonaga ibintu bibituye hejuru, nta ruhare na mba babigizemo.

Agira ati “Kudutekerereza ibizadukorerwa ntabwo twabihaga agaciro twabonaga ari nk’ibintu bituguye hejuru cyane cyane ko byazaga atari byo byihutirwa kurenza ibyo abaturage bifuzaga.”

Abo baturage bashima ko basigaye bagishwa inama y’ibyo baba bagiye gukorerwa na bo bakabigiramo uruhare. Bakavuga ko babona ibyo ari byo bizihutisha iterambere ry’ako karere kugeza ubu kabarirwa mu dufite umubare munini w’abaturage bakennye.

Hakizimana Anselme ati “Ubu barakora ibintu babanje kutugisha inama nk’abaturage tukabitangaho n’ibitekerezo mpise ntekereza ko hari aho igihugu kiva naho kigana abana bacu bazakurira ahantu heza.”

Umuyobozi w’Akarere ka Nyamasheke Kamali Aimee Fabien, avuga ko bageragezaga kumenyesha abaturage ibibakorerwa ariko bigakorwa gake ari yo mpamvu ubu bahisemo no gukoresha imbuga nkoranyambaga zose ndetse n’itangazamakuru cyane.

Ati “Umwaka ushize byarakozwe ariko ntibyakozwe neza cyane nk’uko uyu mwaka twabikoze, amatangazo yanyuze mu nsengero, kuri Radio, za WhatsApp, ku buryo hirya no hino batanga ibitekerezo kugira ngo bidufashe gukora igenamigambi rinoze.”

Si ubwa mbere abaturage bagaragaza ko gukorerwa ibintu bo batagizemo uruhare bibagiraho ingaruka mbi, aho usanga babahaye ikintu runaka nyamara atari cyo bakeneye cyane cyane mu bikorwa remezo.

Iri ni isoko rya Rugali rihurirwamo Abakongomani n’Abanyarwanda

Hari hashize ukwezi kumwe Kigali Today itangaje ikibazo cy’abo bakongomani baturuka mu bice bya Biraya, bavugaga ko babujijwe kuza kugura inka muri iryo soko.

Birando Katongo umwe muri abo Bakongomani yavugaga ko batasobanuriwe impamvu bakumiriwe, ariko bagatunga agatoki urwego rushinzwe abinjira n’abasohoka muri ako karere.

Agira ati “Urwego rw’abinjira n’abasohoka mu Rwanda niba bafite ikibazo ntibanatubwira impamvu ituma badufungira isoko! ntitukirya inyama. Bahora batubwira ngo bazadufungurira amaso yaheze mu kirere.”

Ku ruhande rw’u Rwanda naho ikibazo ku bacuruzi b’inyama z’inka cyari gitangiye gutera impungenge aborozi b’inka zibagwa, nk’uko uwitwa Nzanywayimana Pascal yabivuze.

Ati “Uyu munsi nahombye ibihumbi 100Frw mu nka eshatu. Birasaba ko Leta y’u Rwanda ikomorera Abakongomani bakagaruka ijana ku ijana.”

Aho Kigali Today isubiriyeyo kuri uyu wa Kane tariki 8 Ugushyingo 2018, yasanze Abakongomani bongeye kwemererwa kuza kugura inka muri iryo soko.

Abanyarwanda n’Abakongomani bavuga ko bishimiye ko bongeye guhahirana

Abakongomani n’Abanyarwanda bose bishimiye icyo cyemezo bemeza ko ubucuruzi bwongeye kumera neza nyuma y’ukwezi bwari butangiye kuzahara.

Uwitwa Nyiramana Julienne ati “Ubu inka zacu twazanye mu isoko ziri kubona amafaranga. Nibareke Abakongomani baze ni bo batugurira amatungo.”

Umuryango uharanira kubaka amahoro arambye mu karere k’ibiyaga bigari "La benevolencia" ni wo wagize uruhare mu gukemura icyo kibazo, ihuza abayobozi b’ibihugu byombi, nk’uko Pasiteri King Ngoma umukozi w’uwo muryango yabitangaje.

Kamali Aime Fabien ubuyobozi w’Akarere ka Nyamasheke, asobanura ko hari Abakongomani bakoreshaga inzira zitemewe baza kugura inka mu Rwanda.

Ati “Bashakaga guca mu inzira zitari zo, ariko nibaze bace ku mupaka bisanzwe.”

Yavuze ko ubundi amabwiriza agena ko umucuruzi uje kugura inka anyura ku mupaka, ariko inka yaguze ikanyuzwa mu nzira y’amazi.

Isoko ry’inka rya Rugali risanzwe rihahirwamo n’Abakongomani, kuko 2/3 by’inka zigurishirizwamo zigurwa n’Abakongomani.

Ku munsi isoko ryaremye rishobora kugurishirizwamo inka zisaga 700 zaturutse mu turere ari two Nyamasheke, Karongi na Rusizi.

Kubera gucunga neza ikiyaga umusaruro w’isambaza wariyongereye

Hashize iminsi abarobyi bo mu Karere ka Nyamasheke beguriwe ububasha bwo gucunga ikiyaga cya Kivu kivuye mu maboko y’itsinda rya KISENYA (Kivu security Nyamasheke).

Simbarikure Emmanuel umwe muri abo barobyi, avuga ko mbere wasangaga ngo iryo tsinda nta cyo rikora ngo rikumire ba rushimusi bakoreshaga imitego itemewe, ibyo bigahora bidindiza umusaruro w’ibikomoka mu kiyaga.

Agira ati “Bacungaga ikiyaga bashyiramo imitego itemewe ariko ubu dusigaye twicungira ikiyaga nk’abarobyi, turwanya iyo mitego itemewe, bigatuma umusaruro wiyongera.”

“Njye namaze amezi abiri ntarabona nibura ibiro 10 by’isambaza ariko ubu nabonye ibiro bigera kuri 50.”

Umusaruro wabaye mwinshi ku mbuga y’ubwanikiro bw’isambaza

Ndahayo Eliezer, umuyobozi wa koperative y’abarobyi yo mu Karere ka Nyamasheke, avuga ko bari barambiwe gukorera ubusa kuko abenshi bacyuraga ibiro bitarenze bitanu ku munsi.

Ati “Twagiriwe inama n’akarere ndetse n’abashinzwe umutekano bitewe n’akajagari kari kari mu kiyaga. Baradufashije cyane kugira ngo ba rushimusi barwanywe.”

Niyibizi Ntabyera Hubert, umunyamabanga nshingwabikorwa w’agateganyo w’Akarere ka Nyamasheke, avuga ko byari bikwiye kongera imbaraga mu kuwanya ba rushimusi mu kiyaga cya Kivu, kugira ngo gikomeze gitange umusaruro.

Ati “Gucunga ikiyaga si ibintu byoroshye. Ni kinini rwose nabo turabashimira barakoze. Ari ukurwanya izo za magendu, kaningini n’ibiyobyabwenge. Ariko hari inenge twababonyeho turavuga tuti ese dusubijemo abarobyi ntibyaba byiza kurushaho ni cyo twabashyiriyeho.”

Kugeza ubu, ikiyaga cya Kivu kiri mu by’ibanze bitunze abatuye mu Ntara y’Uburengerazuba. Ariko haracyagaragara imbogamizi ko hakiri ibidindiza uburobyi birimo cyane cyane imitego itemewe yanze gucika, nka kaningini n’ibingumbi byangiza isambaza zikiri nto.

Abarobyi bifuza ko ari bo bazajya bahora bicungira ikiyaga kubera ko babikora neza umusaruro ukiyongera

Bamwe mu bifuza gusaba imbabazi barasaba bagenzi babo nabo kubohoka

Mukamuhashyi Esperence, akaba umwe mu barinzi b’igihango mu karere ka Nyamasheke, yemeza ko hari bamwe mu bafungiye ibyaha bya Jenoside bakijijisha imiryango yabo ko batazi icyo bafungiye.

Agira ati “Niba twifuza ko ingengabitekerezo iranduka n’imizi yayo wowe ugahora ubwira umwana ngo ‘iso arafunze afungishijwe na Mukamuhashyi Esperence. Nta wundi umuhejeje hariya.’ Umwana yakubaza ati ‘ese byatewe n’iki?’ ati ‘tuza mvanaho induru’”

Nyamara Ayabagabo Emmanuel imwe mu bafungiye muri gereza ya Rusizi kubera uruhare yagize muri Jenoside, avuga ko nyuma yo kwemera icyaha no kugisabira imbabazi bakikiranura n’abo bahemukiye ari bwo amahoro yatashye mu mitima yabo.

Ati “Iyo umaze gusaba imbabazi rwose umuryango wawe uranezerwa maze gusaba imbabazi. Madamu yaje aha ataha anezerewe yishimye mu gihe gito aragaruka arongera anzanira ingemu, ukabona rwose byaragize icyo bigarura mu miryango.”

Mukamuhashyi, umurinzi w’igihango avuga ko hari abafungiye Jenoside babeshya abo mu miryango yabo ko batazi icyo bazira

Mugenzi we bafunganye witwa Musabyimana Domitien avuga ko imyaka yose yamaze muri gereza atarasaba imbabazi atigeze agira Amahoro. Ariko aho gahunda ya “Ndi umunyarwanda” iziye bakamwigisha yahise amenya icyo akwiye gukora ngo abone Amahoro.

Ati “Ndasaba icyo mwankorera ni uko mwanzageza n’aho nakoreye icyaha mukampa umwanya nk’uyu kuko hari abo ntakicyibuka nahemukiye nabo nkabasaba imbabazi.”

Padiri Nzamwita Eric uyobora Paruwasi ya Ntendezi akaba n’umufashamyimvire kuri gahunda y’ubumwe n’ubwiyunge, asanga uwakoze Jenoside akwiye no gusaba imbabazi umukomokaho cyangwa uwo bashakanye aho guhora abajijisha avuga ko afungiye akarengane.

Ati “Saba imbabazi umuryango wawe ubabwire uti ‘narabakoshereje icyaha nakoze cyabasize icyashya mu mateka y’ubuzima bwanyu ariko mbasabye imbabazi.’”

Abafungiye icyaha cya Jenoside barasabwa gusaba imbabazi abo bahekuye ku gira ngo bafatanye kubaka Umunyarwanda muzima

Nyuma y’imyaka 24 Jenoside ihagaritswe, umuryango AVEGA ubumbiye hamwe abapfakazi ba Jenoside n’abakoze Jenoside bataratera intambwe ngo basabe imbabazi kandi abazitanga biteguye.

Kambogo Costasie hagarariye AVEGA mu karere ka Nyamasheke, yabitangaje ubwo uyu muryango wasuraga abafungiye muri gereza ya Rusizi bakomoka i Nyamasheke.

Ati “Ikibabaje ni ukutamenya gusaba imbabazi ngo uve mu bikwicaje hano ujye kubaka umuryango nyarwanda. Twebwe abantu biciwe twamaze kwiyakira turabasaba namwe kugira iki gikorwa icyanyu mwishyire mu mwanya w’abantu mwahekuye.”

Padiri Nzamwita asaba abafungiye icyaha cya Jenoside gusaba imbabazi abo mu miryango yabo

Abenshi mu bagororwa bafungiye muri Gereza ya Rusizi bavuga ko “Ndi Umunyarwanda” igitangira, batabyumvaga ariko uko bakomeza gusobanurirwa ubu abagera kuri 300 mu 1.594 bafungiye muri gereza ya Rusizi bifuza gusaba imbabazi abo bahemukiye.

Kambogo hagarariye AVEGA mu karere ka Nyamasheke avuga ko biteguye gusaba imbabazi ariko bakabura abo baziha

Umuhuzabikorwa w’umushinga RSSP mu Karere ka Nyamasheke Batamuriza Dorothée

Umushinga RSSP wa Minisiteri y’Ubuhinzi ni umwe mu mishinga yabafashije, kuko watangiye bahinga uko bishakiye bigatuma umusaruro wabo uba ari muke.

Aba bahinzi bavuga ko mbere bahinganga uruvangitirane rw’imyaka kandi bagahinga ahantu batuhira.

Uwitwa Munderere Jonathan avuga ko ibyo ngo byakubitiragaho n’uko bahingaga ahantu hatari amaterase y’indinganire ku buryo imvura yagwaga ikabikushumura.

Agira ati “Twahingaga tuvangitiranyije imyaka kandi ku gasi. Agafumbire dushyizemo tunyanyagiza imvura yagwa igatwara, wahinga ibigori ntibirenge metero ebyiri.”

Mugenzi we Hitimana Ezekiel atanga urugero rw’uko mbere kugira ngo bafate amazi bahingamo umuceri bayakotezaga urwiri n’amabuye ariko imvura yagwa ikkabisandaza.

Abahinzi babonye umusaruro basigarana ikibazo cyo kubona isoko

Ngo ariko aho umushinga RSSP uhagereye, waberetse uko bakwiye kuwuvomerera neza ntutwarwe n’amazi, abahinga mu materasi na bo berekwa uko abyazwa umusaruro.

Ati “Amaterasi yareze dukuramo umusaruro mwiza muri site ntitwabura toni 40 cyangwa 50.”

Mushinga RSSP urangije akazi kawo ariko abahinzi bemeza ko urwego bagezeho ubu nta kibazo cy’ubumenyi buke bazongera guhura nacyo.

Umuhuzabikorwa w’umushinga RSSP mu Karere ka Nyamasheke, Batamuriza Dorothée, yemeza ko akarere kazakomeza kubaba hafi.

Ati “Ntabwo twabacukije kuko Leta ntaho yagiye murabibona ko akarere dufatanya mwabonye RAB ko ihari bazakomeza gukorana n’inzego zisanzwe z’ubuyobozi.”

N’ubwo bushimira ko ikibazo cyo kwihaza mu biribwa gisa n’igikemutse ariko baracyahangayikishijwe n’icyo kuba bashobora kutazabona isoko ry’umusaruro wabo.

RSSP ni umushinga ugamije guteza imbere amajyambere y’icyaro. Mu myaka itandatu wari umaze ukorera muri Nyamasheke mu gishanga cya Kamiranzovu n’icya Kirimbi, hatunganyijwe amaterasi kuri Hegitari zigera ku 1.187.

Wanafashije abaturage bubaka n’ingomero eshanu zo kuhira umuceri, ububiko bw’umuceri bubiri n’ubwanikiro bwawo bune.

Bamwe mu babyeyi bahamya bagiye gukora iyo bwabaga ngo bahindure imyumvire y’urubyiruko rwabo

Iyo ngesso igaragara mu Karere ka Nyamasheke, gahana imbibe na Repubulika iharanaira Demokarasi ya Congo (RDC).

Byatangiye kumenyekana nyuma y’aho ababyeyi bo mu mirenge itandukanye igize ako karere baherutse kugaragaza ko babangamiwe n’imico abasore n’inkumi bagenda badukana igasiga ibasahuye.

Kugeza magingo aya ababyeyi bo mu murenge wa Nyabitekereri, umwe mu mirenge yakunze kurangwamo ibi bibazo, basobanura ko izi ngeso abasore n’inkumi badukanye zigenda zifata indi ntera.

Bantubino Vedaste, umwe mu babyeyi babyiruye muri uwo murenge, avuga ko ntako batagira urubyiruko rwabo ngo babicikeho ariko bikanga.

Agira ati “Iyo umukobwa amaze kwemerera umusore ko afite ibintu, umusore nawe aza akurikiye bya bintu ariko biturutse ku mukobwa. Nyamukobwa akabwira nyina ati mawe rero nyabuneka munkorere ibi nibi nabonye umusore.

Akomeza ati “Nyamugore agahita abwira umugabo we ati umwana yabonye umugabo iyo umusore ahageze ntakindi gikorwa bahita bamuzimana inkoko.”

Umunyamabanga nshingwabikorwa w’Intara y’Uburengerazuba Habiyaremye Pierre Celestin

Avuga ko iyo umusore abonye yakiriwe neza ubugira kabiri ahita atangira gusaba umukobwa amafaranga, umukobwa nawe bitewe n’ibyo amaze gutangaho umuhungu akemera kuyashaka.

Migambi Gabriel we avuga ko hari n’ababyeyi batiza umurindi iyo ngeso, kuko batabishyigikiye ababikora bacika intege.

Ati “Intege nkeya nitwe ababyeyi tuzifite. Dushyize mu gaciro ba nyina twabazanye ntabyo baduhaye, tubyara abo bana twagombye kwicaraza abo bana mu muryango tukababwira ko igihe kizagera bakabona abagabo.”

Ubwo hizihizwaga umunsi mpuzamahanga w’umugore wo mu cyaro tariki 18 Ukwakira 2018, umunyamabanga nshingwabikorwa w’Intara y’Uburengerazuba Habiyaremye Pierre Celestin, yasabye ababyeyi guhindura imyumvire.

Ati “Ku bijanye n’isake, kugura abagabo n’ibindi ni imyumvire igomba guhinduka kandi ntibisaba umunsi umwe ariko uko ugenda uganira n’abaturage bagenda babyumva.

“Iyo uguze umugabo igikurikiraho n’uko iyo y’amafaranga ashize aramwirukana akongera agashaka undi ufite andi, bivuze ngo bibafiteho ingaruka.”

Uyu muco wagiye ugaragara mu mirenge ya Nyabitekeri, Shangi, Karambi na Cyato. Abahatuye bakavuga ko babikomora mu baturanyi babo bomuri Congo.

Ababyeyi basabwe guhindura imyumvire ku gira ngo imico mibi abana babo badukanye icike

Abaturage n’abayobozi basobanurirwa amahame ya demokarasi

Babishingira ku kuba hari ibitekerezo n’ibibazo batanga ntibihabwe agaciro n’izinzego, bakabifata nko gupfukirana ibitekerezo byabo ntibigire aho bigera.

Aba baturage bakomeza gusobanura ko u Rwanda rufite inzira nziza ya demokarasi ariko bakanenga uburyo inzego z’ibanze ziyishyira mu bikorwa, kuko hari aho babangamira abaturage ntibatume bagaragaza ibitekerezo byabo.

Urugero ni uyu muturage watinye kwivuga amazina hato ngo ataza guhutazwa n’ubuyobozi kubera ko yabatanzeho amakuru, agira ati “Hari igihe ujya kuvuga nk’ikibazo imbere y’ubuyobozi bakakubaza ikibazo ugiye kuvuga bakumva kitabajyamo bakagusubizayo. Ntabwo iyo ari demokarasi.”

Sirikare Jean Damascene ni umwe mu baturage bo muri aka karere, nawe avuga ko abaturage badashobora kubona ko bafite demokarasi, mu gihe hakiri abayobozi bo mu nzego z’ibanze bakibatsikamira ntibagaragaze ibibazo babatura.

Ati “Niyo mpamvu iyo hagize umuyobozibi wo ku rwego rw’igihugu uza usanga abaturage batonze umurongo ku karere.”

Senateri Mushinzimana Apolinaire asaba abayobozi gufasha abaturage kubahiriza amahame ya demokarasi

Senateri Mushinzimana Apolinaire avuga ko muri demokarasi umuturage akwiye kugira ijambo. Yibukije abayobozi b’inzego z’ibanze ko ari inshingano mu guha abaturage serivisi nziza .

Ati “Demokarasi isaba ko umuturage ari we ugira ijambo.”

Si ubwa mbere abaturage basaba ko bahabwa ijambo na serivisi nziza ndetse akenshi bikagarukwaho n’inzego nkuru z’ubuyobozi, ariko abaturage bakinubira ko n’iyo hari umuyobozi batunze agatoki usanga nta myanzuro afatirwa ku buryo byabera n’abandi urugero.

Bamwe mu bana bavuga ko batereranwa n’ababyeyi

Tariki 16 Kamena 2018,abana bo muri ako karere bizihije umunsi w’umwana w’Umunyafurika.Abana bagaragaje ko bazi neza imvune ababayeyi babo bagira babashakira imibereho,ariko bakabasaba no kubuka kubaha uburere bukwiriye.

Yagize ati “Ntibaduha umwanya ngo tuganire,baba bagomba kutwegera nk’ababyeyi bakatugira inama y’uko tugomba kwitwara. Hari igihe uba ukeneye umubyeyi ushaka kumubaza nk’umukoro,wamubura bigatuma utabimenya.Twabasaba kwisubiraho.”

Undi mwana witwa Niyonsenga Aime yunzemo ati “Hari igihe umwana ashobora kunanira ababyeyi ari bo babigizemo uruhare urugero,gutinda gutaha kw’ababyeyi, umwana yamubaza ikintu,ati ndananiwe agahita yiryamira,ati uzambaze ejo, ejo nabwo bikamera gutyo.”

Nyirakanyana Marie Gorethe ni umubyeyi ufite abana barindwi, yemeza ko ibyo abana bavuga ari byo,ariko aho bigaragara usanga hari ikibazo cy’ubwumvikane buke hagati y’ababyeyi bombi.

Ati “Icyo nshishikariza ababyeyi n’ukugira uruhare runini mu kuganira n’abana niyo yaba n’amasaha abiri baba bamaze kuganira n’umwana icyo akeneye akaba yakimuha.”

Abana bo mu Karere ka Nyamasheke bizihije umunsi mpuzamahanga w’umwana w’Umunyafurika

Umuyobozi w’Akarere ka Nyamasheke wungirije ushinzwe imibereho y’abaturage Mukamana Claudette, yemeza ko abana batereranwa n’ababyeyi babo, bibahungabaniriza ubuzima bw’ejo hazaza.

Ati “Hari aho ukibibona ku babyeyi,bakabyuka bagenda bagataha abana baryamye ibyo biracyahari,biragaragara kandi bibangamira abana. Umwana iyo atabona umubyeyi hari icyo ahungabanaho mu bwonko.”

Abagore bavuga ko bakibangamiwe n’igishoro gito mu iterambere ryabo

Aka karere kimwe n’utundi turere dukora ku mipaka n’ibihugu byegeranye n’u Rwanda, gakunze kugaragaramo ubucuruzi buciriritse kandi bwinjiriza abaturage.

Ariko iryo faranga si ko rigera ku bagore bose batuye muri aka karere kubera umuco nyarwanda wakomeje guheza umugore mu myaka yashize.

Murekakure Felicite, umwe muri aba bagore waganiriye na Kigali Today avuga ko abagore baho bakitinya ariko no kuba nta gishoro babona na byo bikabazahaza.

Agira ati “Harimo kwitinya n’imyumvire ikiri hasi cyane n’ubushobozi bwacu, twebwe bagize imbaraga badutera mu buryo bufatika bw’igishoro babandi bakora bwabucuruzi bakabukora mu buryo bw’umwuga byadufasha kuko turacyafite igishoro gikeya.”

Yolanda Murekatete, umuyobozi w’umuryango Action for Women Foundation, avuga ko bagiye gufasha abagore

Umuyobozi w’akarere ka Nyamasheke Kamali Aime Fabien, avuga ko abagore bo muri Nyamasheke kandi bakigowe n’ibibazo byo kutumvikana mu ngo bitabaha amahwemo ngo babashe gutekereza.

Ati “Hari umugabo wumva ko yakagombye kuba akiri hejuru ariko hari n’umugore wumva ko yazamuka agahita yiruka cyane, niyo mpamvu kwigisha ari uguhozaho ku gira ngo bahindure imyumvire batanyuranyije n’umuco nyarwanda.”

Yolanda Murekatete, umuyobozi w’umuryango Action for Women Foundation, avuga ko bagiye gufasha abagore guhindura imyumvire no kutitinya bityo bakinjira mu bikorwa binini aho guhora mu dushinga duto tudafite aho tubakura naho tubageza mu iterambere.

Ati “Icyo twaje gusanga harimo kwitinya akumva ko biriya abagabo aribo babikora umudamu uramutse umuhaye komande ukamubwira uti ndashaka ruriya rugi urunkorere ibyo ni ibintu bishoboka kandi akabikora neza.”

Uyu mushinga uzibanda mu cyiciro cyambere n’icya kabiri cy’ubudehe hagamijwe kubazamura mu bushobozi, kuko aribo bakigaragara ko bakiri hasi cyane .

ku ikubitiro bakazatangirana n’abagore 150 bo mu Murenge wa Kagano ukorera mu Mujyi wa Kigali mu Karere ka Gasabo no mu Karere ka Nyamasheke.

Abaturage bamurikirwa rimwe mu mavomero y’amazi bahawe n’ingabo z’igihugu

Ingabo za batayo ya 99 ikorera mu turere twa Rusizi na Nyamasheke ni zo zafatanyije n’abaturage bo muri uyu murenge mu kubaka uwo muyoboro.

Abaturage bo mu tugari twa Higiro na Mwezi, bavuga ko baruhutse kunywa amazi y’ibiroha banakuraga kure.

Habiyambere Anaclet ati” Twavomaga ahantu habi bikadutwara n’urugendo rurerure none mutugejejeho amazi. Turashimira Leta y’ubumwe n’Ingabo z’Igihugu mukomeje kutubungabungira ubuzima n’umutekano.”

Abaturage bagezwaho amazi bahawe n’ingabo z’u Rwanda

Col Frank Mutembe , umuyobozi wungirije w’ingabo za Brigade ya 408 ikorera mu turere twa Rusizi na Nyamasheke, yabwiye aba baturage ko ingabo z’u Rwanda zizakomeza gutanga umusanzu mu bikorwa biteza imbere abaturage.

Yagize ati” Ubu turi mu bikorwa byo gufatanya n’abaturage kwiteza imbere ntabwo turi za ngabo zicara mu bigo ngo zitegereze ko bazigaburira.”

Col Frank MUTEMBE , umuyobozi wungirije w’ingabo za brigade ya 408 abwira abaturage ko bazakomeza kubaba hafi mu iterambere

Kuba hari ibindi bice bitarageramo amazi, umuyobozi w’Akarere ka Nyamasheke kamali Aimee Fabien, avugako batazagarukira ku muyoboro bubakiwe n’ingabo gusa,.

Yagize ati” Igisigaye ni uko tuzakomerezaho kwagura uyu muyoboro, abo amazi atarageraho abagereho.”

Muri miliyoni 18 z’amafaranga zagiye kuri uyu muyoboro harimo miliyoni 10 zatanzwe n’Ingabo z’u Rwanda, hakaniyongeraho inzu yubakiwe umukecuru w’incike utishoboye wabaga mu nzu ishaje.

Ingabo zimurikira abaturage amazi zabahaye

Abarokokeye muri uru rusengero bavuga ko iyo barugezemo bikanga interahamwe nk’uko byari bimeze muri Jenoside

Bamwe muri aba baturage basobanura ko uru rusengero bakirusengeramo ariko ngo baba barikurangiza umuhango w’idini kuko iyo bari mu materaniro, aho kugirango bakurikire inyigisho ahubwo ngo bahita babona ukuntu interahamwe zarwinjiyemo zigatemagura abantu bari gusenga Imana ngo ibakize.

Rusanganwa Dieudonne ati” Hari umugabo wavukaga Nyagahinga yarari gutera indirimombo yo mubadive ya 86 baramurashe aragwa. Ruriya rusengero rwaguyemo abantu hagati y’ibihumbi 5000 na 6000, umuntu ajyayo nka rimwe mu mezi atatu cyangwa ane ngenda, kandi ndenda nta mutima wo gusenga mfite.”

Kayinamura Come yungamo ati” Nk’uko twumvise n’ahandi adivantisite bo ku mugonero babikoze natwe turasaba ko ruriya rusengero rwagirwa urwubutso. Amateka y’uru rusengero aramutse atanditswe ngo abana bazayamenye twaba duhombye.”

Depite Kankera Marie Josee, avuga ko bagiye gutekereza ku icyifuzo cy’abarokokeye mucyahoze ari Rwamatamu

Depite Kankera Marie Josee, avuga ko icyifuzo cy’abarokokeye muri uru rusengero kigiye gutekerezwaho cyane ko biramutse binakozwe atariho hambere byaba bibaye.

Yagize ati” Birumvikana iyo ugeze ahantu wagiriye akaga ntabwo byakunda ko ayo mashusho y’ibyo wahakorewe atabura kugaruka. kuba urusengero rwahindurwamo urwibutso cyangwa hagashyirwa ikimenyetso numva ari ikintu cyakomeza kuganirwaho bakareba buryo ki abantu babikora.”

Kuri iyi ncuro ya 24 hibukwa Jenoside yakorewe Abatutsi, hashyinguwe imibiri 336 harimo 308 yimuwe aho yarishyinguye mu ngo z’abaturage na 28 yagiye iboneka mu mirima y’abaturage. Kugeza ubu urwibutso rwa Rwamatamu rukaba rushyinguwemo imibiri 66.450 yabazize Jenoside yakorewe Abatutsi.

Hanashyinguwe n’imibiri yatoraguwe hirya no hino mu ngo z’abaturage

Bamwe mu babyeyi bavuga ko ubukene ari bwo butuma habaho imirire mibi mu bana

Muri aka karere harabarurwa abana bagera kuri 546 bugarijwe n’imirire mibi, ku buryo bibatera indwara zituruka ku mirire mibi zirimo na Bwaki.

Ababyeyi bavuga ko imirire mibi imereye abana babo nabi, ku buryo nabo batazi uko babyifatamo kandi nta bushobozi bafite.

Umwe muri bo witwa Nyirahabimana Aline agira ati “Abenshi Babura uko babigenza muri make nta bushobozi nonese umwana w’imyaka itanu ari gupima ibiro 10 ubwo ntaba afite imirire mibi uranamubona no ku isura ukuntu aba ameze.”

Nyirarubungo Rachel we avuga ko bwaki iri gukwira mu bana benshi kandi ubuyobozi bukaba bubizi n’ubwo nta gifatika buri kubikoraho.

Ati “Leta iri kutwirukaho ubutitsa ati ‘niki kiri gutuma murwaza bwaki.’ Ejobundi gitifu yaraje arobanuramo bamwe barwaje bwaki arababwira ngo nibashake uko bahereza abana amata ariko bwaki pe yatongoye.”

Inzego z’ibanze ziranengwa kujenjeka mu kibazo cyo kurwanya Bwaki

Umuyobozi w’Akarere ka Nyamasheke wungirije ushinzwe imibereho myiza y’abaturage Mukamana Claudette, ntahakana ko icyo kibazo gihari akemeza ko akarere nako gakeneye ubufasha mu kukirandura.

Abafatanyabikorwa ba mbere biyambaza ni umushinga wa USAID Twiyubake kugira ngo babafashe guhangana n’iki kibazo.

Ati” Icyo tubasaba cyane turagira ngo badufashe cyane mu kijyanye no kurwanya imirire mibi. Icyo ndakibasaba cyane kubera ko iyo tugaragaye mu turere twa mbere dufite imirire mibi aba ari ikibazo gikomeye.”

Umushinga USAID Twiyubake ugamije kwita ku bana babayeho nabi mu Karere ka Nyamasheke.

Umuyobozi w’Akarere ka Nyamasheke w’ungirije ushinzwe imibereho y’abaturage Mukamana

Dr Karangwa Innocent, umukozi wa Caritas Rwanda uyobora unayobora uwo, we ntiyemera ko imirire mibi iterwa no kutabora ibiryo gusa, kuko hari n’ubwo biba bihari ariko batazi kubitunganya.

Ati “Kuba Nyamasheke hari urwego ruri hejuru rw’imirire mibi ntabwo biterwa n’uko ntabiryo bihari hano hari ikivu babona isambaza, ushobora guhinga imbuto zikera cyangwa imboga.

“Icyo turi gutoza abantu binyuze mu ishuri ry’abahinzi mu murima ni uguhinga zamboga, guhinga imbuto, kumenya kubitegura, kugira ngo yandyo ishobore kuba yuzuye babana bareke kugwingira bakure neza.”

USAID Twiyubake yageze muri Nyamasheke mu 2016, imaze kugira abagenerwabikorwa bagizwe n’imiryango 9261.

Akanyamuneza ni kose ku bahinzi b’icyayi bo mu Murenge wa Macuba, Karambi na Kanjongo

Aba bahinzi ngo bakoraga urugendo rw’ibirometero bisaga 68 bagana ku ruganda rwa Gisovu ruherereye mu karere ka Karongi, bakagerayo hafi kimwe cya kabiri cy’icyayi bagemuye cyangiritse bikabatera igihombo kinshi cyane.

Ukurikiyimfura Elier, Umuyobozi wa Koperative COTHEGA y’abahinzi b’icyayi bo muri iyi mirenge, avuga ko bahombye amafaranga arenga miliyoni 80 kuva batangira guhinga icyayi kugeza aho baboneye uruganda.

Ati “Kuva muri 2010 kugeza mu Ugushyingo 2017 twahombye hafi toni 280 z’icyayi zifite agaciro ka miliyoni 80Frw. Uyu munsi dufite amahirwe atangaje kuko uruganda rusa n’urwubatse hagati mu mirima y’icyayi, icyo gihombo ntikizasubira ukundi.”

Hehe n’igihombo nyuma y’uko uru ruganda rwatangiye gutunganya icyayi

Umuyobozi w’Akarere ka Nyamasheke wungirije ushinzwe ubukungu, Ntaganira Josue Michael, avuga ko nyuma y’uko urunda rutangiye gukora, bagiye gutangira gutunganya n’imihanda igana mu mirima y’ibyayi by’abaturage, kugira ngo babone uko bageza umusaruro neza ku ruganda.

Ati “Ni ibyishimo kandi n’izindi mbaraga zihawe abahinzi b’icyayi kugira ngo kirusheho kubabyarira umusaruro wisumbuye.”

Uru ruganda rwatangiye kubakwa mu mwaka wa 2016 rwuzuye rutwaye amadorari y’amerika angana na miliyoni 12.3, asaga Miliyari 10 z’amanyarwanda, rukaba rarubatswe na Rwanda Mountain Tea Company. Mu gihe cy’ukwezi rumaze rutangiye gukora, rumaze gutunganya toni zirenga ijana.

Uru ruganda rwubatswe na Rwanda Mountain Tea Company

Ibi biro bishya by’Akarere ka Nyamasheke byuzuye bitwaye arenga miliyari imwe

Ibyo biro bishya by’Akarere ka Nyamasheke byatashywe ku mugaragaro na Minisitiri w’Ubutegetsi bw’Igihugu, Francis Kaboneka kuri uyu wa kane tariki ya 02 Ugushyingo 2017.

Iyo nyubako yuzuye itwaye arenga Miliyari imwe na miliyoni 560RWf. Ifite ibyumba 43 bizakorerwamo n’abakozi 75 bagize inzego zose z’akarere. Ifite kandi ibyumba by’inama bitatu n’ubusitani bwitegeye ikiyaga cya Kivu.

Umuyobozi w’Akarere ka Nyamasheke, Kamali Aimé Fabien avuga ko n’ubwo iyo nyubako yatwaye amafaranga menshi agaciro kayo gakomeye ari ibizakorerwamo.

Agira ati “Iyi nyubako itwibukije aho tuvuye n’aho tugeze tugana inshingano zacu. Ni ugusigasira ibyo twagezeho, kwihuta no gukoresha imbaraga, ubwitange no gukunda abo tuyobora mu bufatanye butajegajega.”

Ibyo biro by’Akarere ka Nyamasheke birimo ibyumba 43 bizakorerwamo n’abakozi 75

Minisitiri Kaboneka yashimiye ubufatanye bw’abikorera n’ubuyobozi bw’akarere mu kubaka ibiro by’akarere bishya.

Yakomeje yibutsa abakozi b’Akarere ka Nyamasheke ko imikorere yarangwaga mu nzu ishaje igomba guhinduka ikajyana n’ibiro bigezweho bimukiyemo.

Agira ati “Byaba bibabaje gukorera mu nzu nk’iyi ariko serivisi ziyitangirwamo zipfuye. Mujye mutega abaturage amatwi mubahe ibibakwiye.”

Minisitiri Kaboneka niwe watashye iyo nyubako y’ibiro by’Akarere ka Nyamasheke

Iyo nyubako nshya y’Akarere ka Nyamasheke yari yaradindiye kuko yatangiye kubakwa mu mwaka wa 2013.

Byari biteganijwe ko yuzura mu mwaka wa 2015 ariko ntibyakunda kuko hari harabuze amakaro yakorewe mu Rwanda.

Iyo nyubako y’akarere ije isanga umuhanda mushya wa kaburimbo wa Kivu Belt uva i Rusizi ukagera i Rubavu.Witezweho gukomeza kuzamura imibereho myiza y’abatuye Akarere ka Nyamasheke.

Babitangaje ubwo habaga ibirori byo kwizihiza isabukuru y’imyaka 75 iryo torero rimaze rigeze mu Rwanda. Ibyo birori bikaba byarabereye i Nyamasheke ku itariki ya 13 Kanama 2017.

Muri ibyo birori hagaragajwe ko iryo torero ryatangiriye i Nyamasheke nyuma riza gukwira no mu tundi turere tw’u Rwanda.

Imyaka 75 ishize rigeze mu Rwanda, ryagejeje ku baturage ibikorwa bitandukanye birimo ibitaro, ibigo nderabuzima birindwi n’amavuriro mato 12.

Kuri ibyo hiyongeraho amashuri y’incuke, abanza n’ayisumbuye ndetse ni naryo ryatangije Kaminuza ya “Kibogora Polytechnic” iri mu Karere ka Nyamashe. Iyo kaminuza yatangiye mu mwaka wa 2012, ubu yigamo abanyeshuri 887.

Abatuye muri ako karere n’abo mu karere ka Rusizi bahamya ko iyo kaminuza yabafashije cyane ikabaruhura gukora ingendo bajya kwiga muri Congo (DRC), i Kigali n’ahandi.

Abashumba batandukanye bitabiriye isabukuru y’itorero ry’Abametodisite

Nsengimana Emmanuel, umwarimu mu mashuri yisumbuye mu rwunge rw’amashuri rwaragijwe mutagatifu Bonavanture rw’i Nkaka, ari mu batangiranye n’iyo kaminuza.

Yizemo ibijyanye no kwigisha amateka n’ubumenyi bw’isi, akaba yararangije kwiga mu mwaka wa 2015.

Avuga ko mbere iyo kaminuza itaratangira yajyaga kwiga muri Congo. Ibintu avuga ko byamugoraga kuko byatumaga atanga amafaranga menshi y’urugendo n’ayo kumutunga.

Akomeza avuga ko mu myaka yize muri Congo, byamutwaraga ibihumbi bibarirwa muri 800RWf ku mwaka. Akavuga ko kuva yatangira kwiga muri Kaminuza ya Kibogora, ku mwaka yishyuraga ibihumbi 480RWf kuko iyo kaminuza iri mu karere atuyemo.

Mukangwije Speciose avuga ko imyaka 15 ishize ari mu itorero ry’Abametodisite, yayigiriyemo imigisha bituma azamura umuryango we.

Agira ati “Ninjiye muri Metodisite nshyingirwa ariko aho nyigereyemo rwose nayigiriyemo ibihe byiza mba umwarimukazi. Byamfashije kurihira abana amashuri nyuma y’aho ngiye mu kiruhuko cy’izabukuru bampa inka zo kumfasha.”

Umuyobozi w’itorero ry’Abametodisite mu Rwanda, Bishop Samuel Kayinamura iryo torero ryatangiriye muri Nyamasheke i Kibogora riza gukwira mu Rwanda hose no mu bihugu bituranye n’u Rwanda.

Abayoboke b’itorero ry’Abametodisite bahamya ko mu myaka 75 rimaze ryabazamuye

Guverineri w’Intara y’Iburengerazuba, Munyantwari Alphonse yashimiye itorero ry’Abametodisite uruhare ryagize mu kubaka abantu mu buryo butandukanye.

Agira ati “Turabashimira uruhare mwagize mu kubaka abantu, kubaka ukwemera kwabo ndetse no mu mibereho myiza. Gukomera ku bumwe niko gukomera ku gaciro kacu.”

Itorero Metodisite ryatangiriye muri Amerika mu mwaka 1860.

Abahinzi b’icyayi barishimira ko batangiye kunywa ku cyayi bihingira.

Bibaye nyuma y’imyaka irenga 50 bifuza kukinywa ariko ntibakibone, kuko cyose cyagemurwaga mu mahanga.

Mu minsi yashize abo bahinzi b’icyayi b’imirenge ya Shangi, Ruharambuga, Bushenge, Nkungu, Karengera na Giheke yo mu Turere twa Rusizi na Nyamasheke, baganiriye na Kigali today bayigaragariza ko babangamiwe no kubona bahinga icyayi ariko cyose kikajyanwa mu mahanga batumvise uburyohe bwacyo.

Sibomana Simon, umwe mu bahinzi b’icyayi yagize ati “Ntabwo tukinywa nyine bitewe n’uko batemera kugicuruza mu maduka icyo tugura kiza gifunze cyo mu mahanga tugura twumva kibishye nta buryohe kigira twifuza ko bajya bakigurisha hano natwe tukakibonaho.”

Abahinzi b’icyayi bahoraga bababazwa nuko bahinga icyayi ariko ntibakinywe.

Niyibizi Azalias umukozi w’uruganda wungirije utunganya icyayi mu ruganda rwa Shagasha, avuga ko nyuma y’iminsi abahinzi babagezaho icyifuzo cyo kujya babaha icyayi, ngo bafashe icyemezo cyo kuborohereza kukibona aho bazajya bakibagurishaho kugira ngo nabo bajye bumva uburyohe bw’icyayi bahinga.

Ati “Hamwe n’icyo kibazo cy’uko abahinzi bagenda bageza ibibazo byabo ku ruganda, uruganda rwicyaye hamwe rufata gahunda rwumvikana n’abahagarariye abahinzi, baraza buri kwezi tukabaha icyayi bakagifunga hanyuma bakagicuruza ku bahinzi no kubaturage baturiye uruganda,hashize amezi atatu.”

Abahinzi batandukanye banejejwe n’icyo cyemezo kuko ngo bagorwaga no kubona icyayi cy’iwabo ngo bumve uko kimeze kandi ari bo baba bagize uruhare mu kugira ngo kiboneke, nk’uko undi witwa Nzayisenga Emmanuel abivuga.

Ati “Icyayi cyacu kiraryoha cyane dusanzwe tujya kunywa mu ma hoteli y’i Kigali iyo ugiye kunywa icyayi ushaka icyayi cyo mu Rwanda ukigura ibihumbi bibiri, kuba nanjye nakinywa hano mu cyaro iwacu ntabwo bingana no kujya ku kinywa mu ma hoteli, ubu rero noneho nzakinywa nshire inyota kubera imiyoborere myiza.”

Abahinzi basaga ibihumbi bine bagemurira uruganda rwa Shagasha umusaruro w’ibibabi by’icyayi toni miliyoni eshanu ku mwaka. Ibi kandi bikaba bishobora kwiyongera mu minsi iri imbere kuko bagenda barushaho kwagura ubuhinzi bwacyo.

Ibyo Senateri Makuza yabivugiye mu Karere ka Nyamasheke aho umukandida wa FPR-Inkotanyi, Kagame Paul yiyamamarije kuri uyu wa gatandatu tariki ya 29 Nyakanga 2017.

Yagaragaje ko amatora ya 2017,Kagame yamaze kuyatsinda igisigaye ngo ni ukureba indi myaka iri imbere.

Agira ati “Indi myaka irindwi iri imbere twayitangiye kabaye! Turanyuramo! Ariko muri bwa bwisanzure, turareba n’indi irenze myinshi, tunahereye kuri ya yindi itanu inshuro ebyiri twashyize mu itegeko nshinga.

Nyabuneka, aho, aho, aho! Ubundi rero dukataze, twikomereze, dukataze mu majyambere kuko tubafite.”

Mu mwaka wa 2015 Abanyarwanda basabye ko itegeko Nshinga ryo muri 2003 rivugururwa kugira ngo hakurwemo ingingo yabuzaga Paul Kagame kongera kwiyamamaza.

Mu gihundura iryo tegeko habaye amatora ya referendumu aho Abanyarwanda batoye ko iryo tegeko rihindurwa ku majwi 98%.

Iryo tegeko ryatowe ryemereye Kagame kwiyamamaza mu 2017 kuri manda izamara imyaka irindwi, ariko rinateganya ko ashobora no kongera kwiyamamaza muri manda ebyiri z’imyaka itanu itanu nyuma ya 2024.

Senateri Makuza, wigeze kuba Minisitiri w’intebe mu Rwanda, yifuje ko Perezida Kagame yakomeza kuyobora muri izo manda zose.

Yemeza ko Kagame adafite undi wamusimbura muri iki gihe kuko kuva mu 1994 yagaragaje ko ari umuyobozi w’ikirenga waruse abandi.

Ahamya ko yaranzwe no kutiharira, kutarobanura, akarangwa kandi no guha buri Munyarwanda umwanya wo gutanga umusanzu mu kubaka igihugu.

Paul Kagame ubwo yafataga ijambo yagarutse ku byo Senateri Makuza yari amaze kuvuga maze avuga ko ari ngombwa kubanza gutegereza ibizava mu matora ateganyijwe ku itariki ya 04 Kanama 2017.

Agira ati "Tube turetse turebe itariki 04 z’ukwa munani (2017) n’imyaka irindwi iri imbere, tuzaba tureba ibyo (Senateri) Makuza yavugaga."

Amayisilamu b’i Nyamasheke bavuga ko kubura Ifutari byatumana badasiba uko bikwiye

Abo Bayisilamu 200, bashyikirijwe iyo mfashanyo irimo umuceri, isukari, kawunga n’amavuta, tariki ya 08 Kamena 2017.

Uko ari 200 buri wese yahawe ibiro 10 by’umuceri, ibiro 10 by’isukari, ibiro 25 bya kawunga na ritiro indwi z’amavuta.

Bavuga ko ayo mafunguro bahawe azwi nk’Ifutari azakuraho imbogamizi zatumaga badasiba uko bikwiye ku Bayisilamu; nk’uko Musemakweri Haruna abisobanura.

Agira ati “Hari igihe nicaga igisibo kubera kubura icyo ndya naba nabwiriwe nabona icyo ndya sinkirye nasibaga rimwe ubundi sinsibe ariko ubu ngiye gukora igisibo neza.”

Mugenzi we witwa Mukankudwa Firidausi agira ati “Ifutari twabonye twayishimye kandi yatunyuze turashimira Imana ko tuzayikoresha kugeza igihe igisibo cyacu kizarangirira.

Igihe ntayibonaga sinafungaga kubera ko sinabwirirwa ngo mfunge ntabonye Ifutari ariko nkubungubu nayibonye ngomba gufunga kuko mbonye ifunguro.”

Abayisilamu b’i Nyamasheke batishoboye bahawe ibiribwa birimo umuceri, isukari, kawunga n’amavuta

Imamu w’Akarere ka Nyamasheke, Hakizimana Khalid avuga ko iri funguro ry’Ifutari rizafasha Abayisilamu batishoboye. Yabasabye kwiyegereza Imana muri iki gihe cy’igisibo birinda amakosa.

Agira ati “Birafasha Abayisilamu batishoboye gusiba neza dore ko ubona ko bamwe basibaga badafite uburyo bwo gufungura nimugoroba.”

Ibiro bishya by’Akarere ka Nyamasheke bizatangira gukorerwamo bitarenze Gicurasi

Ibyo biro bishya bigizwe ni inyubako y’amagorofa atatu, izuzura itwaye abarirwa muri Miriyari imwe n’ibihumbi 600RWf. Kuri ubu bari kuyikoraho imirimo ya nyuma kugira ngo itangire gukorerwamo.

Umuyobozi w’Akarere ka Nyamasheke, Kamali Aime Fabien avuga ibyo biro bishya bizanoza imikorere kuko ubusanzwe abakozi bakoreraga ahantu hane hatandukanye ku buryo byabavunaga gukorera hamwe kubera intera yabaga iri hagati y’ibiro.

Agira ati “Iyi nzu yakoreragamo abakozi bakeya abandi bagakorera ku biro by’akagari. Ntabwo byari byoroshye kubikurikirana ariko icyo dushaka ni ugukorera ahantu heza no gukora abakozi begeranye bityo bigatuma batanga serivisi nziza.”

Akomeza avuga ko nibimuka, izo nyubako bakoreragamo zitazasenywa kuko ngo hazatekerezwa ikindi kintu cyakorerwamo cyangwa izindi serivizi zidafite aho zikorera.

Ibiro bishya by’Akarere ka Nyamasheke bigizwe n’inyubako y’amagorofa atatu

Inyubako y’ibiro bishya by’Akarere ka Nyamasheke yatangiye kubakwa muri 2014. Yagombaga kuzura muri 2015 ariko ngo idindizwa n’ibibazo bitandukanye birimo guhindura inyigo y’ubutaka. Ikindi cyayidindije ngo ni uko bahinduye ibikoresho byagombaga kuyubaka.

Akarere ka Nyamasheke kugeza ubu kakoreraga mu nyubako amakomini yakoreragamo. Bagendaga bayivugurura kubera gusaza.

Haracyakorwa imirimo ya nyuma kugira ngo ibiro bishya by’Akarere ka Nyamasheke bitangire gukorerwamo.

Ibiro bishya by’Akarere ka Nyamasheke bizuzura neza bitwaye arenga miliyari 1RWf

Imbere mu nyubako y’ibiro bishya by’Akarere ka Nyamasheke

Imirimo yo kubaka uruganda yaratangiye

Aba bahinzi bo mu Mirenge ya Macuba, Karambi na Kanjongo, bagemura icyayi mu ruganda rwa Gisovu mu Karere ka Karongi aho bakora urugendo rw’amasaha arindwi.

Katishitike Jean Damascene avuga ko kubera urugendo rurerure umusaruro wabo ukunze kubapfana utaragezwa ku ruganda.

Urwo bagiye kubakirwa mu Murenge wa Karambi yemeza ko ruzafasha kutongera guhomba.

Yagize ati “Kuva uruganda rugeze hano, urumva ko icyayi kitazongera gupfira mu nzira kuko uru ruganda ruri kubakwa hafi yacu.”

Mu ruzinduko abadepite barimo rw’iminsi icumi, Depite Kankera Marie Josee na Kerenzi Theoneste, mu nteko ishingamategeko basabye abahinzi kongera umusaruro no kwagura ubuso bahingaho icyayi kugirango babashe guhaza urwo ruganda.

Depite Kankera ati “Nimutanga umusaruro mwiza ukagera ku isoko mpuzamahanga ukagurishwa neza, niho NAEB ikura igiciro cy’ukuntu muzagurisha ibibabi by’icyayi mu gihembwe gikurikiyeho ariko birasaba ko namwe mukora cyane.”

Ubuhinzi bw’icyayi bwatangiye kwagurwa

Uru ruganda ruri kubakwa na sosiyete ya "Rwanda mountain tea" ku bufatanye n’abahinzi b’icyayi rwatangiye kubakwa mu kwezi kwa Kanama 2016, rukazuzura rutwaye asaga miriyoni 12 z’amadorari y’Amerika.

Ruzaba rufite ubushobozi bwo kwakira toni 3600 z’icyayi zigomba guhingwa kuri hegitari 2600. Kugeza ubu abahinzi bahinga kuri hegitari 1600.

Ni muri urwo rwego uru ruganda ruri gushaka aho rwakura hegitare 900 z’ubutaka zirimo 600 zo guhingaho icyayi na 300 ziteyeho amashyamba yo kwifashisha nk’ibicanwa.

Uruganda kandi ruvuga ko ruzakomeza kwagura ibikorwa byarwo uko ruzagenda rubona ubushobozi.

Abarokotse jenoside ba Bushenge barishimira ko hatangijwe kumugaragaro kubaka urwibutso rwa Gashirabwoba

Bavuga ko bahoraga bababazwa n’aho imibiri y’ababo ishyinguye, kuko hanyagirwa amazi akajya mu mva kubera ko ari hato kandi hashaje.

Mukayiranga Speciose umwe mu barokokeye muri uyu Murenge, avuga ko bishimye cyane kuba uru Rwibutso rugiye kubakwa, kuko bababazwaga no kubona imibiri y’ababo yangirika, kandi ntacyo babikoraho.

Ati « Uburyo uru rwibutso rwubatse twabonaga bibabaje pe. Amasanduku ukuntu agerekeranye yagiye abomoka, imvura iragwa ikagwa mu mva, mbega ni ikintu kibabaje kubona uwawe anyagirwa kuri ubu buryo.

Twagize icyifuzo dusaba ubuyobozi kudufasha kubona uburyo abantu bacu bashyingurwa neza, none rero twishimiye ko icyo gikorwa cyatangiye. »

Urwibutso rushyinguwemo abazize jenoside ba Gashirabwoba rurashaje kandi ni ruto ku buryo imvura igwa amazi akajya mu mva

Uru rwibutso rugiye kubakwa muri uyu murenge ngo rashyizwemo imbaraga zikomeye. Abarokokeye muri aka gace batuye i Kigali ngo batanze amafaranga agera kuri miliyoni 14, kugirango igishushanyo mbonera cyarwo cyihutishwe imirimo itangire.

Ndayisabye Silas ubagarariye yagize ati « Uru rwibutso ni ikintu kiduha igisubizo kubacu bazize jenoside yakorewe abatutsi bashyinguye hano.»

Umuyobozi w’Akarere ka Nyamasheke wungirije ushinzwe imibereho myiza y’abaturage Mukamana Claudette, avuga ko bihaye intego ko uru rwibutso rwujuje ibyangombwa ruzaba rwuzuye mu Kwakira 2017.

Yagize ati « Uru ni rumwe mu nzibutso nkuru zifatika, zizaba ziri mu karere ka Nyamasheke. »

Umuyobozi w’akarere ka Nyamasheke wungirije ushinzwe imibereho myiza y’abaturage avuga ko batangiye kubaka urwibutso

Uru Rwibutso rwo muri uyu Murenge wa Bushenge rushaje, rwubatswe mu mwaka 1996 mu buryo bwihuse bagamije kubona aho bashyingura byihuse imibiri ibihumbi 13 y’abahaguye.

Uru ruri kubakwa ruzaba rufite ubushobozi bwo kwakira imibiri irenga ibihumbi 30, rukazafasha no kwakira indi mibiri igera ku bihumbi 8 ishyinguye mu buryo butanoze yo mu mirenge ya Bushenge, shangi na Giheke.

Uru rwibutso rushya rugiye kubakwa rufite agaciro ka Miliyoni magana ane n’umunani (408,000,000 Frw).

Igishushanyo mbonera cy’urwibutso rwa Gashirabwoba

Begerejwe uruganda rwa Kawa bakira imvune

Aba bahinzi bo mu Mirenge ya Kanjongo na Macuba bavuga ko bakoraga urugendo rw’amasaha atatu n’amaguru bashyiriye abacuruzi kawa bakavunika, bakanagerayo zatakaje umwimerere n’ubuziranenge bwazo,inyungu ikaba nke.

Mukandanga Annonciata ati “Twarazitonoraga tukazijyana mu Bitaba no mu Kirambo, twakoreshaga amasaha atatu, none kuri ubu dufite uruganda rwa Dorman hafi. Ubu nkoresha iminota 30 gusa.”

Iyakaremye Andre yunzemo ati “Mu myaka itanu uru ruganda rwa Dorman Birembo rumaze, rwatumye twiteza imbere nka njye ndi mu cyiciro cya gatatu, urumva ko mu myaka itanu iri mbere nzaba ndi mu cyiciro cya kane.”

Harerimana Polyphile, umukozi ushinzwe ibihingwa ngengabukungu muri Nyamasheke avuga ko bagiye kongera inganda za kawa kugirango bakomeze guteza imbere ubwiza bwa kawa, hagabanywa n’urugendo abahinzi bazo bakora.

Ati “Mu karere hari inganda za kawa 50 ariko muri sizeni (season) ya 2017 hari izindi nganda zigera kuri 7 zizatangira gukora, zigamije kongera agaciro ka kawa y’u Rwanda kugirango ibashe guhangana n’izindi ku isoko mpuzamahanga.”

Akarere ka Nyamasheke ni akambere mu Rwanda mu kugira ibiti byinshi bya kawa aho gafite ibiti miliyoni 13 gakurikirwa n’Akarere ka Rutsiro gafite ibiti miliyoni eshanu.

Umwaka wa 2016 Akarere ka Nyamasheke kabonye umusaruro wa kawa y’ibitumbwe wa toni ibihumbi 11, Intego ni uko muri uyu mwaka wa 2017 kazagera kuri toni ibihumbi 16 na 500.

Abahinzi b’icyayi bavuga ko icyayi gisigaye kiminjiriza atubutse

Bakomeza bavuga ko kubera amafaranga bakuramo batatekereza kwiruka imisozi bajya gusaba akazi ngo bakorere abandi.

Aha niho bahera bahamagarira abantu batandukanye kwihangira imirimo aho gukorera abandi. Bakomeza bavuga ko nk’abarangiza kwiga bakamara imyaka bicaye barabuze akazi bakwiye gukura amaboko mu mufuka bakikorera.

Minani Innocent, uvuga ko yahinze icyayi kuva mu 1970, kugeza ubu ngo ubukungu afite abukesha amafaranga akura mu cyayi.

Agira ati “Icyayi cyanyubakiye inzu, ihagaze muri miyoni 2RWf n’inka ebyiri. Cyandereye n’umuryango wanjye w’abana icumi.”

Akomeza avuga ko buri kwezi yinjiza ibihumbi 200RWf abikesha ubuhinzi bw’icyayi.

Mugenzi we witwa Uwamurengeye Costasia avuga ko iyo atekereje uburyo icyayi cyamuzamuye yumva afite akanyamuneza.

Agira ati “Umuhinzi uwo ariwe wese uhinga icyayi ntabwo yakena! Buri kwezi neza icyayi nkabona ibihumbi 200RWf, nk’umuhinzi utari umungisiyoneri (fonctionnel) mba numva ndi fiyeri.”

Abahinzi b’icyayi bahabwa 25% y’umusaruro uva mu ruganda rw’icyayi rwa Gisakura, aha akaba ariho bahera bashimira Leta y’u Rwanda.

Bamwe mu bahinzi b’intangarugero bahinga icyayi bahembwe inka

Umuyobozi wungirije w’uruganda rwa Gisakura, Kanyensigye Emmanuel avuga ko abahinzi bahabwa 10% na koperative zabo ebyiri zigahabwa 15% asigaye. Ibyo ngo byatumye abahinzi bamenya agaciro kicyayi bituma umusaruro wiyongera.

Agira ati “Barasarura bakagurisha mu ruganda, umwaka washira tukabaha n’iyo nyungu. Urabona umusaruro uri kugenda wiyongera ugereranyije no mu myaka yashize.”

Akomeza avuga ko kuri ubu babona umusaruro w’icyayi uri hagati y’ibiro miliyoni umunani n’icyenda, mu gihe mu myaka yashize bezaga ibiro bibarirwa muri miliyoni esheshatu ku mwaka.

Umuyobozi wungirije w’uruganda rwa Gisakura, Kanyensigye Emmanuel uvuga ko umusaruro w’icyayi wiyongereye kubera guha abahinzi agaciro

Umuyobozi wungirije w’Akarere ka Nyamasheke ushinzwe iterambere ry’ubukungu, Ntaganira Josue avuga ko hari abahinzi bari batangiye kurandura icyayi, bakanahingamo inturusu.

Ariko ngo babakanguriye kumenya agaciro k’icyayi kandi abaturage bamaze kubimenya.

Mu rwego rwo kurushaho kongera umusaruro, hategurwa umunsi w’umuhinzi w’icyayi. Abahinzi bagaragaje kongera umusaruro barahembwe. Bamwe bahembwe inka, imifariso, telefone byose bifite agaciro kagera kuri miliyoni 12RWf.

87% by’abana bavuye mu mirire mibi abandi bari kwitabwaho ngo batazahura nayo

Babifashijwemo n’umushinga wa Embassy of the kingdon of the Netherlands (EKN) uterwa inkunga na Ambasade y’Ubuhorandi, ugamije kugabanya ikibazo cy’imirire mibi no kugwingira kw’abana bari munsi y’imyaka ibiri.

Ubwo uyu mushinga wasozaga ibikorwa byawo mu karere ka Nyamasheke bamwe mu babyeyi wafashije bavuze ko wabagobotse kuko waje abana babo bamerewe nabi.

Aba babyeyi bavuga ko ubumenyi bahawe bwagize uruhare mu kurwanya izi indwara zikomoka ku mirire mibi, kandi bakaba bizeye ko batazasubira inyuma.

Ababyeyi batanga ubuhamya bavuga ko abana babo bakize imirire mibi

Mukakinani Vestine yagize ati « Umwana wajye yari ananutse cyane yaracuramye umusatsi yagize umwaka apima ibiro bitandatu. Ubu agize imyaka ine afite ibiro 15, ubu umwana ni muzima. »

Mukabutera Christine umuyobozi w’umushinga EKN avuga ko intego bari bafite zo guhangana n’imirire mibi mu bana 3080 zagezweho, bakaba bafite n’abandi ibihumbi icumi bari kwitaho kugira ngo bakumire icyo kibazo.

Avuga ko kuri abo hiyongeraho no gufasha ababyeyi ibihumbi 15 bonsa n’abatwite, mu rwego rwo kurwanya imirire mibi y’umwana kuva yasamwa.

Bankundiye Etienne ushinzwe ibikorwa by’ubuzima mu Karere ka Nyamasheke, avuga ko mu gihe cy’imyaka itatu abana bafashwa n’akarere ndetse n’abafashwa n’umushinga wa EKN, bamaze kugera kuri 87 % badafite ikibazo cy’imirire mibi.

Bankundiye Etienne ushinzwe ibikorwa by’ubuzima mu karere ka Nyamasheke avuga ko umushinga EKN wageze kuntego zawo

Ubwato bwarohamye mu kiyaga cya Kivu umuntu umwe yitaba Imana abandi babiri baburirwa irengero

Iyo mpanuka yabereye mu gice kegereye Akarere ka Nyamasheke, ahagana saa cyenda zo ku itariki ya 13 Ukuboza 2016.

Ababonye iyo mpanuka iba bahamya ko yatewe n’umuyaga mwinshi wari uri mu kiyaga cya Kivu. Abari mu bwato ngo barwanye nabwo kugira ngo boye kurohama ariko biranga umuyaga ubarusha imbaraga bararohama.

Uwarohamye agahita yitaba Imana ngo ni umugore wari twite.

Uwimana Damas, umunyamabanga nshingwabikorwa w’umurenge wa Nyabitekeri, abo baturage bakomokamo avuga ko nta yandi makuru baramenya.

Agira ati "Kugeza ubu amakuru tumaze kubona nuko ubwato bwarimo abantu 16 muri bo 13 babashije kurokoka babiri kugeza ubu ntibaraboneka naho umwe niwe witabye Imana ariko turacyakurikirana."

Abo baturage barohamye bari bavuye mu murenge wa Kagano mu isoko rya Rwesero basubiye mu murenge wabo wa Nyabitekeri.

Uwimana avuga ko ubwo bwato bwakoze impanuko ngo bushobora kuba bwanaremerewe n’abantu 16 bwari butwaye. Ikindi ngo ni uko butanemerewe gutwara abantu kuko butagira ibyangombwa bubyemeza.

Bukimara gukora impanuka ngo nyirabwo yahise aburirwa irengero nyuma yo kubona ko yakoze amakosa.

Uwimana akomeza asaba abaturage kujya bakurikiza inama bagirwa ku bijyanye n’umutekano wo mu mazi bakajya bajya mu bwato bambaye imyambaro yabugenewe ituma batarohama.

Minisitiri w’ubutegetsi bw’igihugu Kaboneka Francis asaba abagize komite nyobozi z’imidugudu guca akarengane mu baturage

Yabibabwiye ibi ubwo yasuragaba abayobozi b’imidugudu 930 baturutse mu mirenge itanu kuri 15 igize akarere ka Nyamasheke, bari mu itorero ribafasha kurushaho kunoza inshingano zabo, tariki ya 07 Ukuboza 2016.

Agira ati « Icya mbere bagiye gukora ni uko bagiye gushyira mu bikorwa za nshingano zabo nyazo bashinzwe.

Barwanya akarengane, barwanya ihohoterwa riri hariya, batoza abanyarwanda kuba abaturage beza kuko iterambere ryose tuvuga rishingiye ku muturage kandi nibo babana n’abaturage umunsi kuwundi. »

Bamwe mu baturage bo mu karere ka Nyamasheke bavuga ko biteze umusaruro ku bayobozi b ;imidugudu yabo nibava mu itorero; nkuko Ngabonziza Charles abisobanura.

Agira ati « Ikintu cya mbere badufasha ni kuri serivisi kuko hari igihe utegereza abayobozi ngo bagukemurire ikibazo ukababura ariko ndizera ko hariya mu itorero bazahava bize indanga gaciro na kirazira bakajya batanga serivisi neza uko bikwiye. »

Mugenzi we witwa Marie Nyirabashyitsi agira ati « Bazadufashe gukura abantu mu manegeka badufashe gutura mu midugudu. »

Abayobozi b’imidugudu bitabiriye itorero bavuga ko amasomo bamaze kwigira mu itorero azabafasha guhindura imyumvire y’abaturage ; nkuko Uwambaje Jeanne, umwe muri bo abisobanura.

Agira ati « Twebwe imbaraga twazihawe, ubushake turabufite tugiye kumanuka tugende muri ba baturage batugiriye icyizere bakadutora duhindure imitekerereze n’imyumvire yabo kugira ngo tubashe kubageza ku iterambere nyakuri. »

Abagize komite z’imidugudu bagera ku 2518 bo mu karere ka Nyamasheke nibo bari mu itorero rizamara icyumweru.

Bamwe mu banyamakuru bavuga ko ibyo ubuyobozi buvuga mu gutanga amakuru bitari mu itegeko

Babigaragaje ubwo umukozi w’urwego rw’umuvunyi, Jean Aimé Kajangana ukuriye ishami rishinzwe kugenzura imyitwarire y’abayobozi no kureba uko itegeko rigena uburyo bwo kubona amakuru rishyirwa mu bikorwa, yabasobanuriraga ibijyanye n’iryo tegeko, tariki ya 06 Ukuboza 2016.

Itegeko nimero 04/2013 ryo ku wa 08 Gashyantare 2013 ryerekeye kubona amakuru rigena Urwego rwa Leta rushyiraho cyangwa rukagena umukozi ushinzwe gutanga amakuru, yaba adahari hakagenwa undi umusimbura.

Kajangana niho ahera ashimangira ko umuyobozi w’akarere ariwe ugomba gutanga amakuru cyangwa undi yahaye izo nshingano.

Abanyamakuru ariko bo bavuga ko iby’iryo tegeko bihabanye n’ibyo bari basanzwe bazi. Bari bazi ko ngo umuyobozi uwariwe wese mu karere yabazwa amakuru amureba byaba ngombwa bakabaza n’umuyobozi w’akarere.

Maniraho Jean Paul umunyamakuru wa RBA avuga ko hari ibyo basobanuriwe ariko bitari mu itegeko bazi.

Agira ati "Icyo tutumvikanaho na bamwe mu bayobozi n’ahantu bavuga ngo hari umuntu runaka mu rwego ugomba gutanga amakuru byanze bikunze cyangwa agatangwa n’undi ahaye uburenganzira nagirango nkubwire ko ntahantu iri tegeko ribivuga."

Umuyobozi w’Akarere ka Nyamasheke, Kamali Fabien asobanura ko ibyo bakoraga hatangwa amakuru hagati y’abanyamakuru n’ubuyobozi binyuranyije n’itegeko.

Akomeza ahamya ko ntamunyamakuru ugomba kujya kwaka amakuru undi muyobozi mu karere uwo ariwe wese mu izina ry’ubuyobozi bw’akarere keretse umuyobozi w’akarere cyangwa undi yahaye uburenganzira.

Agira ati "Itegeko ni itegeko umunyamakuru agomba kumenya ninde asaba amakuru, ni umuyobozi w’akarere uwundi waguha amakuru ni uwo ubuyobozi bw’akarere bwahaye izo nshingano mu gihe umuyobozi w’akarere adahari.

Ariko kuvuga ngo ugiye kubaza gitifu w’umurenge binyuranyije n’itegeko."

Jean Aime Kajangana asobanura ko umuyobozi w’urwego runaka ariwe utanga amakuru

Abanyamakuru bo ariko bahamya ko bigene gutyo kubona amakuru mu karere byajya bigorana kandi agatinda kuboneka. Bahamya ko uburyo bari bamenyereye bwo kubaza amakuru nka ba gitifu b’imirenge bwatumaga babona amakuru byihuse.

Ishuri ry’abahinzi mu murima

Ubu buryo bushya bw’iyamamaza buhinzi bufite intego yo kunoza, gusakaza amakuru y’ubuhinzi umuhinzi abigizemo uruhare.

Biremamo amatsinda bakigira hamwe mu ishuri ry’umurima uko bahinga kinyamwuga, bagamije kuzamura umusaruro w’ibihingwa batoranyije bahisemo guhinga.

Batamuriza Louise umujyanama w’ubuhinzi avuga ko ibigori bateye mu kugerageza gahunda ya Twigire muhinzi babitezeho umusaruro mwinshi kuruta mbere bahinga mu kajagari.

Yagize ati «Nafashe akarima ka metero 5 kuri 5 nkurikiza amabwiriza baduhaye ubu mfite ibigori bishimishije.
Mbona rwose ntakongera guhingira mu kajagari nkurikije ikigori mbona ahongaho.»

Abahinzi bemezako Gahunda ya Twigire Muhinzi iri kubazamura

Nyiranzoga Esperence nawe avuga ko Twigire muhinzi itaraza ngo yateraga imbuto nyinshi yajya gusarura akabona umusaruro muke ariko ubu akaba asigaye abona uhagije.

Ati« Mbere twigire muhinzi itaraza duhingisha umunwa umuntu yateraga indobo 2 akeza indobo 5 ariko ubu ushobora gutera ibikombe 5 agasarura ibiro 150.
Njyewe ngihingira mu akajagari sinarenzaga umufuka 1 w’ibishyimbo ariko ubu ntera indobo 1 nkeza imifuza 4.»

Usabyisa Wilbert umukozi w’ikigo cy’igihugu gishinzwe ubuhinzi n’ubworozi RAB, mu ntara y’uburengerazuba , ashima uburyo iyi gahunda igenda yumvikana mu bahinzi.

Ati «Iyi gahunda ikozwe nkuko yatekerejwe hari icyizere cy’uko abahinzi bazamukira rimwe bakagera ku musaruro bitezweho nabo bakiteza imbere. »

Usabyisa Wilbert umukozi wa RAB

Mu karere ka Nyamasheke bamaze gukora uturima shuri 1600.

Mu imyaka ibiri iyi gahunda imaze, mukarere kose hahujwe amasite 1176 ateyeho ibigori, ibishyimbo, imyumbati soya nibindi. Ari ku ubuso bwa hegitari ibihumbi 35962

Abafite ubumuga Nyamasheke bavuga ko hari abakibita amazina Abapfobya.

Ubuyobozi bw’akarere nabwo bwemeza ko hari bamwe mu baturage bakicyita abafite ubumuga amazina mabi ariko ko ubukangurambaga bugenda bukorwa kugirango bicike.

Abraham ni umwe mu bafite ubumuga bw’ukuguru ariko ngo nicyo kibazo kimuhangayikishije kuko ngo aho anyuze ngo yumva bamwe bavuze ngo dore cyakimuga bikamutera agahinda.

Agira ati “Hariho bamwe banyita ngo dore cyakimuga kubera ko mfite ukuguru kumwe iyo barinyise numva ngize umujinya kuko iyo banyise ngo ndi ikimuga. Na njye nareba nkabona ntameze nk’abandi nkumva ngize agahinda kuko nitwa Abraham bagomba kunyita Abraham iyo ni imvugo mbi.”

Abafite ubumuga Nyamasheke babangamiwe n’ababita amazina y’ibitutsi abatesha agaciro.

Bamwe mu bafite abana bafite ubumuga bw’ingingo zitandukanye bavuga ko birirwa barwana intambara zitoroshye n’abasesereza abana babo babita amazina mabi abatera ipfunywe mu muryango Nyarwanda bakababwira ko ibyo bidakwiye kuko ari abana nk’abandi.

Musabyimana Olive ati “Nyine ibyo bajya babivuga bakabatuka ngo ni ibimuga , ibicumba tugakora intambara nabo nk’ababwira ngo nti nawe yavukiye amezi icyenda nkawe nawe ni umuntu.”

William Safari Umukozi ushinzwe Ubukangurambaga mu Ihuriro nyarwanda ry’abafite ubumuga NUDOR, avuga ko batazahwema zo gukomeza gukora ubukangurambaga bwo kwigisha abagifite imyumvire yo gusesereza abafite ubumuga kugirango babicikeho kuko babita ibintu aho kubita abantu.

Ati “Kuba bigihari byo biracyahari ariko zimwe mu ingamba dufite nugukomeza gukora ubuvugizi mu rwego rwo guhindura imyumvire tubumvisha ko ariya mazina Atari meza kuko apfobya abantu ,ntiyereke umuntu ko ari umuntu ahubwo akamwereka ko ari ikintu.”

Simbarikure Theogene, umukozi w’akarere ushinzwe kwinjiza abafite ubumuga muri gahunda z’igihugu avuga ko hari inyito zashyizweho ziboneye zikoreshwa ku bafite ubumuga harimo abafite ubumuga bw’ingingo, abafite ubumuga bwo mu mutwe , abafite ubumuga bwo kumva no kutabona.

Akomeza avuga ko izindi nyito zitemewe kandi n’abazikoresheje kubushake barabihanirwa kuko byambura abantu uburenganzira bwabo.

tariki ya 3 Ukuboza, isi yose yizihiza umunsi mpuzamahanga wahariwe abafite ubumuga, insanganyamatsiko yuyu mwaka iragira iti “kwita ku iterambere rirambye, duharanira kugira umurimo kuri bose.”

Imwe mu inzu zangijwe n’ikorwa ry’umuhanda.

Aba baturage bavuga ko bari bijejwe n’ubuyobozi bw’akarere ko bwabareka bagakora imihanda aho batuye hanyuma ibizangirika bakabibishyura, ariko nyuma yo gukora imihanda ngo batunguwe n’amafaranga buri wese yagenewe hakurikijwe ibye byangiritse kuko ngo adahwanye n’ibyangijwe.

Ingabire Jean Pierre avuga ko imihanda ya Kabeza-Murwa yo mu Kagari ka Ninzi yabasenyeye inzu ku buryo bamwe batakiziraramo n’abaziraramo bakaba bafite impungenge z’uko zabagwaho kubera ukuntu zashegejwe n’iyo mihanda.

Bamwe mu baturage bo mu Kagari ka Ninzi barasaba akarere kugumana amafaranga kabagenera ku imitungo yabo yangijwe mu ikorwa ry’imihanda kakabasanira inzu.

Avuga ko ubuyobozi bwari bwabijeje ko nibumara gukora imihanda buzatanga amafaranga yo gusana ibyabo byangiritse ariko ngo bababajwe cyane n’amafaranga macye bari guhabwa atabasha gusana inzu zabo zangijwe n’imashini zikora imihanda.

Yagize ati "Abakozi bashinzwe ibijyanye n’ubutaka baje kuturebera ibyangijwe n’umuhanda kabeza-Murwa bemeye ko bazanyubakira urukuta rw’aho umuhanda uzanyura, bemera n’amategura 120 bemera n’irangi ryo gusiga inzu kuko imvura igeramo ariko barikumpa ibihumbi 16 nabimaza iki."

Umwe mu mihanda yangije amazu y’abaturage.

Rugemangango Athanasie yungamo ati "Icyo nkubwiye wagera iwajye wakumirwa inzu yajye yahiritswe n’imashini ubu ndara mu nsina, kubona bayiha agaciro k’ibihumbi 90Frw kandi ntashobora kuyiyubakira kuko mfite ubumuga bw’amaguru yombi, nibura bari kumpa Miliyoni 3Frw n’igice cyangwa bakanyubakira indi."

Abenshi bahuriza hamwe bavuga ko akarere kasubirana amafaranga kari kubagenera ubundi kakaza kubasanira inzu zabo kuko ngo babona atasana ibyabo byangijwe n’ibikorwa remezo by’imihanda.

Nkundineza Juvénal ushinzwe ibikorwa by’igena gaciro mu Karere ka Nyamasheke avuga ko baza kumvikana n’abaturage batanyuzwe n’amafaranga bagenewe.

Nkundineza Juvénal ushinzwe ibikorwa by’igena gaciro mu karere, avuga ko bijeje abaturage ko bazabasanira ibizangizwa n’imihanda koko ariko ngo barabikoze usibye ko ngo harimo abataranyuzwe n’amafaranga bagenewe ariko ngo baraganira nabo ku buryo bumvikana.

Ati "Abo musanze hano ni abagiye bagirwaho n’ingaruka z’imirimo yo kubaka imihanda,hari aho usanga amazu yaramenetse abo musanze bavuga ko batishimira uko byakozwe turaza kuganira nabo kandi ndizera ko babyumva ntakibazo kinini gihari."

Hashize amezi ane aba baturage bijejwe ko bazishyurwa ibyabo byangijwe n’imihanda ya Kabeza-Rugabano na Kabeza-Murwa ifite ibirometero bisaga bitanu.

Abayobozi barasabwa kugira isuku mu myambarire

Ibi biragarukwaho n’umuyobozi w’akarere ka Nyamasheke wungirije ushinzwe ubukungu Ntaganira Michel mu bukangurambaga bwo gukora ibihesha isura nziza akarere.

Ni nyuma yo kubona ko hari bamwe mu bayobozi bambara nabi bagatanga urugero rubi kubo bayobora.

Yagize ati « Umuntu ntakwiye kumva ko ari mu karere k’icyaro ngo abe yajya imbere y’abaturage yambaye nabi. Hari abo tubona turi mu kazi bambaye imyenda igayitse.»

Umuyoyobozi w’aka karere asaba abayobozi bose gutanga urugero rwiza ku bo bayobora, kuko utajya gusaba umuturage kugira isuku nawe umuyobozi utayifite.

Nk’uko bitangazwa na Mukankusi Marie Josiane umunyamabanganshingwabikorwa w’akagari ka Kigarama, kwambara nabi kwa bamwe muri bo bishobora kugira ingaruka ku miyoborere.

Ati « Ntabwo wajya imbere y’umuturage usa nabi kandi ugomba kubigisha isuku. Hari igihe usanga abanyamabanganshigwabikorwa bambaye imyenda wababona ukabona bigayitse.»

Nzigiyimana Azalias umwe muri aba bayobozi, we uvuga ko hari ubwo usanga biterwa n’imyumvire y’abayobozi bamwe ikiri hasi.

Ati «Hari abantu bataba bafite imyumvire isobanutse ugasanga yambaye uko abonye, imyenda isa nabi, kandi umuyobozi aba agomba kuba intangarugero. »

Aba bayobozi bavuga ko nyuma yo kunengwa bagiye kwisubiraho bakagira isuku mu myambarire.

Bamwe mu bahinzi bahinga ibigori mu mishinga iterwa inkunga na Icco Cooperation.

Ubu buryo bwazanywe n’umuryango Icco Coperation, bukubiyemo inyigisho z’abahanga mu buhinzi, bagafasha abahinzi mu gukorana n’ibigo by’imari mu bijyanye n’ubuhinzi no gufasha abahinzi kubona imbuto n’inyongeramusaruro zigezweho hifashishijwe inzobere muri byo.

Kuri uyu wa gatatu tariki 09 Ugushyingo 2016, ubwo hatangizagwa ubu bury ku mugaragaro, Mbonyinshuti Marcel ushinzwe guteza imbere uruhererekane nyongeragaciro muri Icco Cooperation, yavuze ko buzafasha umuhinzi kuva ahinga kugeza agejeje umusaruro we ku isoko.

Icco Cooperation yasobanuye uburyo iherekeza umuhinzi kuva ahinga kugeza asaruye akihaza agasagurira n’isoko.

Ibi ngo bizatuma umuhinzi agirwa inama z’uburyo yahingamo, uburyo yakoresha inyongeramusaruro, bamuhuze n’ibigo by’imari kandi abone amafaranga atamuhenze bityo umusaruro wiyongere ndetse n’amafaranga yashoraga mu buhinzi agabanuke.

Yagize ati “Ubu buryo burafasha umuhinzi uburyo bugezweho mu buhinzi abone ibikoresho bigezweho, agirwe inama y’uburyo ahingamo n’ibyo atera bitewe n’inyigo twahakoreye, kandi azagera ku mafaranga ku buryo butamuhenze, bityo umusaruro we wiyongere kandi yunguke amafaranga menshi.”

Mbonyishuti avuga ko biteze ko nibura umusaruro w’umuhinzi uzikuba kabiri ndetse n’amafaranga yashoraga akagabanuka nibura ishuro ebyiri.

Abahinzi biteze ko ubu buryo buzatuma barushaho kwiteza imbere, kuko bari bagowe no gukorana n’ibigo by’imari, ubumenyi bukaba buke mu bijyanye n’ubuhinzi n’ibikoresho bigezweho ntibabibone, ibi ngo byatumaga bashora amafaranga menshi n’imbaraga nyinshi, kandi ntibabone inyungu ihwanye n’ibyo bashoye.

Munyambanza Evariste yagize ati “Twiteze ubumenyi bwisumbuye mu buhinzi, ibigo by’imari ntibyumvaga ko umuhinzi yashora akunguka akishyura banki, nitubona n’ibikoresho bigezweho, twiteze kuzabona umusaruro ushimishije.”

Uyu mushinga wo guteza imbere abahinzi uri gukorerwa mu bihugu bine, u Rwanda, Senegal, Ethiopie na Burkinafasso, ukaba ari umushinga Icco Cooperation iterwamo inkunga na Master Card Foundation, ukazatwara miriyoni 17 z’amadorari y’Amerika mu gihe cy’imyaka itanu.

Uyu mushinga uzibanda mu ntara y’Uburasirazuba n’Amajyepfo ugere mu gice gito cy’Uburengerazuba n’Amajyaruguru, ukazagera ku bahinzi basaga ibihumbi 44.

Abiga amashuri y’ubumenyingiro ntibagera ku ntego z’ibyo bifuza kubera kutagira ibikoresho bijyanye n’igihe

Uru rubyiruko rwiga imyuga y’ubudozi bw’imyenda n’ububaji ruvuga ko rwigira ku bikoresho bitakijyanye n’igihe. Ibyo bigatuma batabasha gukora imyenda igezweho cyangwa intebe nziza n’ibindi bijyanye n’imyuga biga.

Basaba buyobozi bwishuri kubazanira ibikoresho bigezweho; Nyirabizimana Agnes kwiga kudoda abisobanura.

Agira ati “Nta bikoresho dufite byo gukora iyo myenda bavuga. Duhereye ku mashini turacyakoresha izo kunyonga n’amaguru, indodo nazo ntazo tubona. Dufite imbogamizi nyinshi zituma tutanoza neza ibyo dukora ubuyobozi butuguriye ibikoresho bikoreshwa n’amashanyarazi twazarangiza dufite ubumenyi.”

Ngirinshuti Jonas, uhagarariye ishami rishizwe guteza imbere imirimo y’ubumenyingiro itajyanye n’ubworozi cyangwa ubuhinzi muri “Rwanda Aide”, avuga ko bahereye ku bikoresho abanyeshuri bari gukora, ngo mu minsi iri imbere bazabatera inkunga z’ibikoresho bifuza.

Agira ati “Turabona abanyeshuri bari gukora ibikoresho byiza birimo intebe n’imyenda. Ni byo tugiye gushamikiraho twongera imbaraga kuburyo mu minsi iri imbere hazaboneka imashini zigezweho zikoreshwa n’amashanyarazi, icy’ingenzi nuko urubyiruko rwitabira amashuri y’imyuga.”

Abanyeshuri biga ubumenyingiro barasaba ubuyobozi kubaha ibikoresho bijyanye n’igihe kugira ngo bazarangize bafite ubumenyi

Mugwaneza Emmanuel, umuyobozi w’ishuri rya VTC Ntendezi avuga ko bafite imbogamizi nyinshi z’ibikoresho ariko ngo hari icyizere ko zizagenda zivaho nubwo bigaragara ko bakiri hasi cyane.

Ishuri rya VTC Ntendezi rifite abanyeshuri 150. Usibye kuba badafite ibikoresho bihagije bifashisha mu gihe cyo kwiga, ngo naho bigira ni hato kuko babona abanyeshuri bakabura aho babashyira.

Abari barasigajwe inyuma n’amateka mu murenge wa Nyabitekeri bavuga ko imibereho igenda ihinduka

Aba baturage bavuga ko babaga ahantu habi, amazu babagamo bayagereranya n’ayo amatungo yabo abamo uyu munsi, nk’uko Ntamuhanga Emmauel umwe muri bo abivuga.

Yagize ati “imvura yararaga itunyagira bugacya, iyi nduru ubona ingurube irimo niko amazu twabagamo yari ameze.

Uwavuga ngo ntiyemera ubuyobozi bw’umubyeyi Kagame Paul twamubwira ngo wowe shake ikindi gihugu wimukiramo.”

Borojwe amatungo abafasha kuva mu bukene

Ntamuhanga avuga ko babaga muri Nyakatsi, ariko ubu bubakiwe amazu afite ibyumba bihagije.

Umunyamabanga nshingwabikorwa w’umurenge wa Nyabitekeri Niyonzima Jacques avuga ko imyumvire y’abahejejwe inyuma n’amateka igenda ihinduka uhereye ku imiturire.

Avuga ko n’iterambere ryabo ryizewe kuko, basigaye bemera guhinga no korora. Mbere batarabikozwaga.

Ati”Uko iminsi igenda iza abahejejwe inyuma n’amateka ubona bagenda barushaho gutera imbere icyambere ni imyumvire uko baturana n’abandi niko bagenda bahinduka.”

Avuga ko imiryango umunani ku 10 y’abahejejwe inyuma n’amateka ituye mu mudugudu wa Murenge imaze korozwa amatungo magufi n’amaremare, intego ikaba kuboroza bose.

Mbere ntibakozwaga korozwa none basigaye bahinga bakorora

Umudugudu wa Murenge utuwe n’abaturage bavuye Tanzaniya, abahejejwe inyuma n’amateka, abimuwe mumanegeka ndetse nabavanywe muri Nyakatsi.

Ku nkunga y’ikigega gitera inkunga imishinga yokurengera ibidukikije no guhangana n’imihindagurikire y’ibihe (Fonerwa) bamaze korozwa inka 60 n’ingurube 240.

Mukwezi kw’Ukuboza hazorozwa abandi baturage baho, inka 68 n’ingurube.

Abana bata ishuri bakajya kuroba isambaza mu kivu

Iyo ugeze ahitwa kumurwa ho mu murenge wa Kagano uhasanga abana barikumwe n’abarobyi b’isambaza ku yiga cya Kivu.

Abenshi muri bo bavuga ko baba bararetse ishuri kubera amikoro make yo mu miryango yabo, bakajya gushakisha ibibatunga.

Niyomugabo Moise umwe muri abana yagize ati” umuntu aza hano aje gushaka utujanga yatubona akagura nk’utugori tw’ijana cyangwa magana abiri, irindi jana umuntu akarijyana mu rugo. Nonese amafaranga ibihumbi 5000frw badutuma ku ishuri nayakurahehe?”

Nzabamwita Innocent umwe mu babyeyi bo muri aka karere, avuga ko hari abana koko bava mu ngo kubera ubukene n’ubupfubyi bakaza gushakisha ibibatunga ku kivu.

Avuga ko hari n’ababikorera ingeso, bagata amashuri bakajya kuba ibirara.

Ati”Abenshi mu bana bava mu ngo baba ari ipfubyi abandi ari abakene baza gusaba abarobyi ubugari bwo kwirira, hari n’abandi bata ishuri bakaza kwibera ibirara. Turasaba ubuyobozi kudufasha bugakura abo bana muri izongeso.”

Bata amashuri kubera ubukene bakajya gushakira amaramuko ku kivu

Umuyobozi w’akare ka Nyamasheke Kamali Fabien avuga ko abana bose bakuwe kukiyaga cya kivu ku buryo iyo hagize umurobyi ufatanwa umwana amukoresha imiromo y’uburobyi abihanirwa.

Avuga ko iki kibazo kiramutse kikiriho, byaba ari ikibazo gikomeye cyo gufatirwa izindi ngamba.

Ati ”Kugeza ubu twakuye abana bose mu Kivu, n’umuntu tubisanganye turamuhana, biramutse biriho cyaba ari ikibazo gikomeye. Turajya kureba niba aribyo duhite dufata ingamba zihamye zatuma abana b’abanyarwanda babaho neza.”

Nk’uko abashinzwe uburezi babigaragaza, mu karere ka Nyamasheke, mu banyeshuri 6278 bo mu mashuri abanza bari barataye amashuri, 2475 bamaze kugarurwa.

Mu banyeshuri 1571 bataye ishuri mu mashuri yisumbuye, abamaze kugarurwa ni 191.

Uku gushirira amenyo kw’abaturiye Ikivu ngo ntibiterwa n’umwanda.

Kuva ku mwana muto kugera ku bantu bakuru, abageze mu ishuri ndetse n’abatararikandagiyemo usangamo benshi bafite iki kibazo cy’amenyo y’umuhondo asa n’ashiririye.

Bamwe mu baturage baturiye Ikivu bavuga ko bishobora kuba biterwa n’uko abaturage baturiye Ikivu bacyoga kenshi bakamira amazi arimo urwunyunyu ndetse bakarya udufi duto tubamo, bakunze kwita indugu, batwokeje bigatuma amenyo yabo ashirira cyangwa se agahinduka umuhondo ku buryo bugaragarira buri wese.

Uwitwa Ndahayo Eliezer agira ati “Bishobora kuba biterwa n’urwunyunyu ruri mu mazi y’Ikiyaga cya Kivu na twa dufi botsa bakaturya tudahiye neza bityo amenyo agashirira”.

Ndahayo ariko, avuga ko bishoboka ko no kutagirira isuku y’amenyo ikwiye kandi uba mu mazi bishobora kuba ari kimwe mu ntandaro y’amenyo ashiririye”.

Yagize ati “Kuba natwe twarahakuriye nyamara tukaba dufite amenyo adashiririye byerekana ko hari n’abashirira amenyo kuko batagira ku isuku y’amenyo yabo”.

Umuganga w’amenyo mu Bitaro bya Kibogora, Mukeshimana Chantal, avuga ko kuba hari abantu bavukana cyangwa se bagashirira amenyo ari bakuru bidaterwa n’umwanda ahubwo ari uko umunyu uba mu kiyaga uba ukungahaye ku kinyabutabire kitwa fluor kikaba gishiririza amenyo.

Yagize ati “Abaturiye Ikiyaga cya Kivu benshi bafite ikibazo cyo gushirira amenyo, bituruka kuri Fluor iba mu mazi, ntabwo bituruka ku mwanda ni ko biba byashatse kumera”.

Mukeshimana avuga ko ibi bishobora gukurikirana umuryango ndetse umwana akaba ashobora kumera amenyo ashiririye kandi atarajya mu mazi, gusa akavuga ko abafite iki ikibazo bashobora kwitabaza abaganga.

Ati “Abahanga mu by’amenyo bashobora gukiza ubushirire bw’amenyo, gusa biragoye kubona uko wakwirinda gushirira kwayo kuko byizana”.

Nta bushakashatsi bwimbitse buragaragaza umubare abaturage baturiye Ikiyaga cya Kivu bafite ikibazo cyo gushirira amenyo, gusa abaturage benshi uhura na bo baturiye iki kiyaga ubona amenyo yabo yarabaye umuhondo agaragara ko yashiririye.

Ibi bituma hari abaturage bagira ipfunwe ryo guseka mu bantu ndetse bamwe bagahora kwa muganga bashaka icyabakuraho ubwo busembwa.

Musabyimana avuga ko abagore badakwiye kugira akazi basuzugura.

Musabyimana w’imyaka 48, afite abana bane n’umugabo, yemeza ko ubudozi bw’inkweto amaze imyaka icyenda abukora kandi bukaba bumutungiye umuryango, bukamurinda gusabiriza.

Agira ati “Abantu benshi batangarira ko nywukora kandi utuma ntasabiriza, nkatunga umuryango wanjye ndetse nkabona amafaranga yo kujya muri koperative.”

Musabyimana avuga ko gupfumura inkweto akiboshoboye.

Musabyimana Jaqueline utuye mu Murenge wa kanjongo, akorera hafi y’ibitaro bya Kibogora, avuga ko nubwo bisaba imbaraga z’abagabo mu gupfumura inkweto zikoneye ariko avuga ko kuba bwimwinjiriza hagati ya 200Frw na 3000Frw ku munsi bimuha imbaraga ntananirwe.

Ati “Nkeneye amahugurwa ngo nkore ibisumbye ibyo nkora, nkeneye kubona ibindi bikoresho nk’imashini muri aka kazi kuko bitoroshye gutunga umuryango ngo unatekereze imishinga irambye kandi umugabo wawe ari umuhinzi usanzwe.”

Musabyimana asaba abagore kutagira akazi basuzugura cyangwa kugira ako baharira abagabo gusa, kuko hari byinshi bamwe mu bagore bibwira ko batapfa gushobora nyamara bisaba kugerageza ugashyiramo ingufu.

Abagiye gutangiza uryo huriro bavuga ko biteze impinduka mu mikino n’imyidagaduro muri Nyamasheke.

Iri huriro ngo rizafasha barekeza mu za bukuru gukora siporo kandi rihe umwanya abakiri bato ngo bagaragaze impano zabo cyane cyane bibanda ku mukino wo koga nk’abaturiye Ikiyaga cya Kivu ndetse n’umupira w’amaguru ukunzwe cyane mu Karere ka Nyamasheke.

Eloi Rugomoka, ukuriye iri huriro ry’imikino n’imyidagaduro mu Karere ka Nyamasheke, avuga ko baritekereje nyuma yo kubona ko hari byinshi bikenewe ngo abaturage bo muri ako karere babashe kwidagadura, bakine kandi impano zabo zizamuke zigaragare mu gihugu cyose.

Yagize ati “Tugiye gushinga ihuriro rishingiye cyane guha umwanya abahoze bakina (veterans), duhuze imbaraga tubyaze umusaruro iki kiyaga cya Kivu twigishe abantu umukino wo koga, duhe umurongo abakiri bato cyane cyane mu mupira w’amaguru”.

Rugomoka avuga ko batazita kuri siporo gusa, ko ahubwo bazibanda no ku mpano zishingiye ku myidagaduro nk’imivugo, ubufindo n’ibindi, bakaba bateganya no kuzahita bashinga ishuri ry’umupira w’amaguru (academy) mu bushobozi bazishakamo.

Urubyiruko rwa Nyamasheke ruvuga ko runyotewe no kubona mu karere kabo ibijyanye n’imikino n’imyidagaduro byitabwaho hakaboneka ibibuga byiza, abatoza bo kubishyira mu bikorwa ndetse n’ibikoresho bya ngombwa.

Olivier Mugwaneza, umwe muri bo, ati “Hano iwacu dufite impano nyamara ntizigaragara, urebye nta murongo uhamye twari dufite mu bijyanye n’imikino. Dukeneye ibibuga, ibikoresho n’abatoza; ibyo byose twabiburiraga igisubizo, tunyotewe cyane no kubona iki gitekerezo kigerwaho”.

Bitaganyijwe ko inteko rusange itangiza ku mugaragaro iri huriro ry’imikino n’imyidagaduro, Nyamasheke Sports Club, izaba ku itariki ya 4 Nzeri 2016.

Iri huriro rirateganya kandi umupira w’amaguru ugomba guhuza abakozi b’Akarere ka Nyamasheke n’abarigize kuri uyu wa gatanu tariki ya 26 Kanama 2016, ku kibuga cy’umupira cya Nyamasheke.

Byabaye mu ijoro ryo kuri uyu wa 23 Kanama 2016 mu Mudugudu wa Ruvumbu mu Kagari ka Buvungira mu Murenge wa Bushekeri mu Karere ka Nyamasheke.

Umunyamabanga Nshingwabikorwa w’Umurenge wa Bushekeri, Dukuzumuremyi Anne Marie, avuga ko hafashwe umuntu wari ufite urumogi ari kurunywa, agafatwa n’umunyamabanga nshingwabikorwa w’akagari akamubaza aho arukura.

Inzego z’umutekano zahise zijyayo zibona udupfunyika 21, umugore ahita atabwa muri yombi.

Yagize ati “Umugore yahise atabwa muri yombi ndetse bivugwa ko ari we ucuruza urwo rumogi akanarugemurira mwene nyina uba i Kigali, ntituzi aho arukura”.

Dukuzumuremyi asaba abaturage kudahishira abantu bacuruza ibiyobyabwenge nk’urumogi, bagatanga amakuru y’aho biri kugira ngo bikumirwe.

Yagize ati “Ni byiza ko abaturage batunga agatoki aho abacuruza ibiyobyabwenge bari kugira ngo inzego z’umutekano zibafate nta bikorwa bibi barakora kuko ababinyweye ni bo bahungabanya umutekano”.

Bazimaziki Jean Paul ntarashobora kuboneka mu gihe umugore we Bayavuge Marthe, binavugwa ko ari we ucuruza urumogi, yashyikirijwe Sitasiyo ya Polisi ya Ruharambuga ahakunze kwitwa i Ntandezi.

Silas n’umugore we ngo bahishe abatutsi muri Jenoside bakorera Imana.

Iki gikorwa bagiteguye mu rwego rwo kwerekana ko bashima kandi bagaha agaciro abantu bakoze ibikorwa by’ubutwari bagahagarara ku batutsi bahigwaga bakabahisha bazi neza ko bishobora kubashyira mu kaga bakaba na bo bakicwa.

Umwe mu bateguye iki gikorwa, Jean Paul Habimana, umwarimu mu ishuri rya Scuola Europa ry’i Milan mu Butariyani, na we warokokeye mu Karere ka Nyamasheke, ati “Umusaza waturokoye Silas Habiyaremye twamugeneye inka tuzamuha tumushimira ko yagize ubutwari bukomeye none tukaba turiho, nta kindi twabona twamushimira”.

Silas Habiyaremye avuga ko biteye ibyishimo kuba abantu bishyira hamwe bakibuka ko hari ineza bagiriwe akemeza ko kugira neza iteka bizana umugisha.

Yagize ati “Jyewe nafashije abantu ndabahisha kubera urukundo, numvaga ko ntabapfira gushira nkumva ko nzakora ibishoboka nkagira abantu mfasha kubaho. Ntabwo nabikoze ntegereje igihembo, kuba batekereza kunshimira ni byiza ndabishimira Imana”.

Uhagarariye umuryango Ibuka, urengera inyungu z’abarikotse Jenoside yakorewe Abatutsi mu Karere ka Nyamasheke, Bagirishya Jean Marie Vianney, avuga ko umuco wo gushima ari mwiza agasaba ko ababikora bajya babikorana umutima ushishoza ndetse bakabimenyesha, kugira ngo ejo badashimira uwagize neza ariko agahekura abandi.

Yagize ati “Uyu ni umuco mwiza wo gushimira abadukuye mu menyo ya rubamba mu bihe bikomeye, ariko ababikora bajye bashishoza ndetse banatubwire kuko hari abantu barokoye abantu ariko bica abandi ni byiza kubyitondera”.

Bamwe mu bo Silas Habiyaremye yarokoye baramusuye ku wa gatanu w’icyumweru gishize nanamuha impano.

Bivugwa ko Silas Habiyaremye utuye mu Mudugudu wa Rukerereza mu Kagari ka Kanazi mu Murenge wa Ruharambuga i Nyamasheke, yarokoye abatutsi barenga 50, bamwe muri bo bakaba baheruka kumusura no kumuha impano ndetse bakaba bafite intego yo kumuha inka bamushimira ko yarokoye ubuzima bwabo.

Twagerageje kuvugana n’Ubuyobozi bwa Ibuka mu Karere ka Nyamasheke ngo buduhamirize ibikorwa bya Silas Habiyaremye, ariko ushinzwe ubumwe n’ubwiyunge mu Murenge wa Ruharambuga, Eleuthere Kayiranga, avuga ko Silas Habiyaremye ari umwe mu bakoze ibikorwa by’indashyirwa, akaba ari n’inyangamugayo ku buryo aherutse gutorwa mu barinzi b’igihango.

Ngezahayo aricuza imyaka 15 yamaze yangiza umutungo rusange.

Ngezahayo avuga ko yari amaze kuba umuhanga ukomeye mu gutega inyamaswa zirimo ingurube z’ishyamba, impongo, igisambi, ifumberi n’izindi.

Nubwi yari amaze kumenyera kwihisha abashinzwe kurinda ishyamba rya Nyungwe, ngo yaje kubona ko bidakwiye gukomeza kwangiza ibigirira akamaro abanyagihugu bose.

Uyu mugabo ukomoka mu Mudugudu wa Kavumu mu Kagari ka Mutongo mu Murenge wa Cyato muri Nyamasheke, avuga ko ntacyo yungutse mu myaka 15 yamaze atega inyamaswa, agasaba abaturiye iri shyamba gufatanyiriza hamwe bakarwanya ba rushimusi.

Agira ati “Iri shyamba ridufitiye akamaro kanini; risigira amafaranga menshi igihugu tukabona amashuri, imihanda n’amavuriro. Ndicuza imyaka namaze ndyangiza nica inyamaswa ziribamo”.

Ngezahayo avuga ko asigaye aba muri koperative y’abaturiye Nyungwe bahoze ari ba rushimusi, agasaba n’abandi batarabikora kureka kwangiza ishyamba rya Nyunywe n’urusobe rw’ibinyabuzima birigize.

Ati “Ubu ndi muri koperative mbikesha RDB nta kibazo mfite mu rugo rwanjye. Ndasaba ko n’abandi bataracika ku bikorwa bya barushimusi babireka ahubwo tugafatanya gutanga amakuru ku bagifite bene ibyo bikorwa”.

Abaturage baturiye Parike ya Nyungwe bahamagarirwa kubungabunga ishyamba n’urusobe rw’ibinyabuzima birigize, cyane ko mu mafaranga ava mu bikorwa by’ubukerarugendo bagenerwaho 5% abafasha kubaka amashuri, amavuriro ndetse bakabafasha kwibumbira mu makoperative mu mishinga mitoya ibateza imbere.

Abaturanyi basabwe kuzita ku bana basizwe na nyakwigendera.

Byabereye mu Kagari ka Kagarama mu Murenge wa Mahembe mu Marere ka Nyamasheke kuri uyu wa gatanu tariki 19 Kanama 2016.

Umugabo we Etienne Usabyimbabazi wagaragaza ingufu nke, mu magambo make yashimiye abagore bashamikiye kuri RPF Inkotanyi n’inama y’igihugu y’abagore bibutse umuryango we abasabira umugisha ku Mana.

Abagore ba RPF n’inama y’igihugu y’abagore baremeye uyu muryango.

Yagize ati “Nta kindi mfite cyo kuvuga ndabashimira cyane kumfata mu mugongo, Imana yonyine izahore ibaha imigisha.”

Nyiramana Perusi ukuriye urugaga rw’abagore bashamikiye kuri RPF Inkotanyi mu ntara, yavuze ko iki gikorwa bagikoze kugira ngo batange ubutumwa bw’uko ko iterabwoba n’ubwicanyi nta mwanya bizongera kugira mu Rwanda.

Ati “Twaje guca intege abagome badashaka ko abantu babaho, uyu mugore ni mugenzi wacu wambuwe agaciro tugomba gushyigikirana tugafatana urunana. Abagome nta mwanya bagifite mu gihugu cyacu ni na yo ntego ya RPF Inkotanyi.”

Nyakwigendera yashimiwe ubutwari yagiraga mu kwita ku muryango we.

Umuyobozi w’Akarere ka Nyamasheke, kamali Aime Fabien yijeje abaturage ko Leta yabo izakora ibishoboye ikabaha umutekano.

Yabasabye gukomeza ubwo bufatanye mu kuwubumbatira batanga amakuru hakiri kare mu kuburizamo imigambi mibisha, anabizeza ko uwishe uwo mugore azaburanira mu ruhame bityo n’undi washaka kubigerageza akabona isomo.

Ati “Igihugu cyacu kirabakunda dufatanye tubungabunge umutekano. Twimakaze urukundo twange guhemukirana igisubizo si ukwica kuko turahari ngo tubarenganure.”

umugabo wa nyakwigendera biracyamugoye kubyakira ariko yashimiye abagore bamutekereje.

Uyu mugore Nyirahabiyeremye Jeannette yishwe itariki 31 Nyakanga aciwe umutwe atabwa mu kiyaga cya Kivu n’abagizi ba nabi.

ku itariki ya 02 kanama 2016 nibwo igice kimwe cy’umubiri we cyabonetse umutwe we uboneka ku munsi ukurikiye. Yishwe mu gitondo cya kare ubwo yari agiye mu kazi ke gasanzwe ko kugura no gucuruza isambaza.

Urugaga rw’abagore bashamikiye kuri RPF mu Ntara y’Uburengerazuba begeranyije ibiribwa, bikoresho byo mu rugo n’ibindi byinshi bifite agaciro gasaga miliyoni 1Frw.

Banageneye uyu muryango ibihumbi 500Frw, bakazafatanya n’akarere kureba umushinga wazafasha uyu muryango kurera abana batandatu basizwe na nyakwigendera.

Iyi mpanuka yabaye mu ma saa satanu z’ijoro ubwo imodoka ya Fuso RAA 318 yari ipakiye imyumbati yarengaga umuhanda igahita ihitana babiri mu bari bayirimo.

Byabereye mu Mudugudu wa Rukerereza mu Kagari ka Kanazi mu Murenge wa Ruharambuga mu Karere ka Nyamasheke.

Umunyamabanga Nshingwabikorwa w’Umurenge wa Ruharambuga, Ndindayino Jean Claude, avuga ko iyi mpanuka yari ikomeye cyane kuko yahise ihitana umuntu umwe abandi bagakomereka ku buryo bukabije nyamara kugeza ubu bakaba bataramenya neza icyaba cyateye iyo mpanuka.

Yagize ati “Iyi modoka yari yikoreye imyumbati iva i Rusizi igana Nyamasheke irenga umuhanda abantu bari bayirimo bose barakomereka cyane ndetse umwe ahita ahasiga ubuzima nta kindi kintu turabimenyaho”.

Polisi mu Karere ka Nyamasheke yo yadutangarije ko abantu babiri baguye muri iyi mpanuka, harimo umwe wahise apfa impanuka ikimara kuba mu gihe undi yapfuye ageze kwa muganga.

Kugeza ubu, nta mpamvu iratangazwa yateye iyo mpanuka kuko yabaye mu masaha akuze ya nijoro ndetse n’abari bayirimo bakaba barembye cyane ku buryo nta bushobozi bwo kuba batanga amakuru bafite.

Abakomeretse ni Habimana Emile, Ntihurwa Jean Bosco ndetse na Arankunda Japhet bakaba bari kuvurirwa mu Bitaro bya Bushenge.

Abafite ubumuga basabwe nabo kutitinya bagakorera igihugu cyabo.

Izi mbogamizi hari abo zitera abandi bakiheza mu matora kandi bakabaye amaboko yubaka igihugu cyabo, nk’uko ubu bushakashatsi bwakozwe n’umushingwa wa Handicap Internatinal mu matora aheruka y’abayobozi b’ibanze muri Gashyantare na Werurwe 2016 bwabigaragaje.

Munyaneza Gratien, umwe mu bafite ubumuga, avuga ko abafite ubumuga bashobora kugira umuganda batanga ku gihe bityo ko inzitizi zibazitira zikwiye kuvanwaho mu bijyanye n’amatora.

Yagize ati “Birakwiye ko inzitizi abafite ubumuga bagira zakurwaho, uruhare ruseseuye mu kwitabira amatora,bakaba batanga umusanzu mu kabaka sosiyete nyarwanda nk’abandi baturage.”

Abamurikiwe ubu bushakashatsi basabye ko ababishinzwe bazashyira mu bikorwa imyanzuro yabwo.

Kabanda Appolinaire, umwe mu bakorerabushake b’amatora wemera uburyo buno bushakashatsi bwakoze akavugako n’ubundi abafite ubumuga batategurirwa ibihagije ngo bisange mu matora nk’abandi Banyarwanda.

Ati “Ni byiza ko hategurwa intebe z’abafite ubumuga, ntibashyirwe inyuma bakabanzwa, ndetse aho bagenda ghagategurwa neza kugira biyumve mu gikorwa cy’amatora gusa nibwira ko bizajyana n’ubushobozi bw’igihugu.”

Umuyobozi w’umushinga wa Handicap International, Nkurunziza Alphonse avuga ko ubu bushakashatsi bwakozwe hagamije gukorera ubuvugizi abafite ubumuga, kugira ngo bisange neza mu matora, akemeza ko ibisubizo bitagoye na busa.

Ati “Ibisubizo bitangwa n’ubu bushakashatsi ntibigoye habe namba, gusa bisaba ko inzego bireba zifata umwanzuro mu matora ataha abafite ubumuga bakisanga mu matora.”

Muri ubu bushakashatsi ukorera mu turere rwa Gasabo na Nyamasheke, basanze ko hakwiye ko lisiti y’itora ikwiye kuba igaragaza abafite ubumuga bari butorere kuri site n’ibiteganyijwe ngo baze gufashwa.

Ibi birimo kuba abatabona bashobora kubona ababafasha gutora ku buryo bworoshye, kugaragaza inzira z’itora ku buryo n’utazi gusoma yabona aho yerekeza no gushyiraho impapuro z’itora zikozwe mu buryo abatabona bashobora kwitorera ntawe ubatoreye.

Abanyamabanga nshingwabikorwa b’ubutugari n’imirenge batarara aho bakorera bihanagirijwe kuko biha urwaho abahungabanya umutekano.

Byavuzwe kuri uyu wa 16 Kanama 2016, aho muri iyo nama bagaragaje ko mu kwezi gushize hagaragaye impfu 13.

Ngo zimwe zagiye ziterwa n’amakimbirane mu miryango, izindi zigaturuka ku mpanuka mu gihe izindi zaturutse ku kwiyahura kwa bamwe mu baturage.

Inkongi z’umuriro zo bavuze ko zatewe na bamwe mu baturage bahakura ubuki abandi bagatwika ari impanuka batagizemo ubushake mu gihe hari n’abagiye batwika kubera ubugome cyangwa gushaka ubwatsi bw’inka zabo.

Umuyobozi w’Akarere ka Nyamasheke, Kamali Aime Fabien, yavuze ko umutekano wifashe neza muri rusange mu Karere kose ka Nyamasheke, kandi ko bagiye gukomeza gukaza ingamba kugira ngo bimwe mu byagiye bigaragara biwuhungabanya bihagarare.

Yagize ati “Tugiye kwigisha abaturage bacu bumve ko nta mpamvu yo kwiyambura ubuzima, umugoroba w’ababyeyi wongerwe amakimbirane mu miryango ashire, kandi ni byiza ko abayobozi bagira uruhare rukomeye mu ifungurwa n’ifungwa ry’utubari ku masaha yagenwe”.

Yakomeje yihanangiriza abayobozi b’utugari n’ab’imirenge batarara aho bakorera abibutsa ko ubuyobozi buzafata izindi ngamba mu gihe baba batisubiyeho.

Ati “Iyo umuyobozi ataraye aho akorera biha urwaho ba baturage ba ntibindeba gukora icyo bashatse mu kwica umutekano”.

Iyi nama yateranye hari abanyambanga nshingabikorwa b’imirenge 15 n’ab’utugari 68 bigize Akarere kose ka Nyamasheke, bibutswa ko bafite inshingano zikomeye zo kubana n’abaturage no kubafasha gushyira mu bikorwa neza gahunda za Leta.

Aba bantu ngo bahawe izina ry’Ibihazi ku bw’imyitwarire mibi irimo kwigira indakoreka no kwishora mu bikorwa bihungabanya umutekano.

Uyu mukwabu wakozwe kuri uyu wa Gatandatu tariki ya 13 Kanama 2016 ku bufatanye bw’Ingabo, abaturage, DASSO ndetse n’inkeragutabara, wafatiwemo abantu 148.

Muri bo, hari umwe wari ufite utubumbe 88 tw’urumogi, hafatwa n’undi muntu washakishwaga na Polisi nyuma y’uko mu minsi ishize yari mu itsinda ry’abajura ryitwaje intwaro gakondo rigatera Abashinwa bakora umuhanda, rikabambura amafaranga n’ibindi bikoresho.

Ukekwaho ubwo bujura bukoresheje intwaro, bamusanganye amafaranga asaga miriyoni 4 n’igice z’amanyarwanda, amadorari asaga ibihumbi bine na magana atanu, na telefoni igendanwa ifite agaciro k’amadorari ya Amerika 800.

Nk’uko bitangazwa n’ubuyobozi bwa Polisi mu Karere ka Nyamasheke, ngo ibi byakozwe mu rwego rwo kurushaho gukaza umutekano no kwima urwaho uwashaka guhungubanya umutekano w’abaturage.

Polisi ivuga ko kuba yabashije gufata abantu bahungabanyaga umutekano, ibikesha ubufatanye bukomeye buri hagati yayo n’abaturage, ikabasaba gukomeza gutangira amakuru ku gihe mu gukumira icyaha kitaraba.

Ibihazi (abantu bananiranye) byafashwe byajyanywe mu kigo kigororerwamo abantu by’igihe gito (Transit Center) cya Nyamasheke kiri mu Murenge wa Kagano.

Abandi barimo ukurikiranyweho ubujura n’ucuruza ibiyobyabwenge, bajyanwe gufungirwa kuri Sitasiyo ya Polisi ya Ruharambuga.

Uwo ukurikiranyweho ubujura bukoresheje intwaro, buramutse bumuhamye, ashobora guhanishwa ingingo ya 304 yo mu gitabo cy’amategeko ahana ibyaha mu Rwanda ivuga ko ukoze ubwo bujura, ahanishwa igifungo kiva ku myaka 8 kugeza ku 10.

Ashobora kandi guhanishwa ingingo ya 305 ivuga ko iyo ubwo bujura bukozwe n’agatsiko k’abantu, igihano gishobora kwiyongera kikaba igifungo cya burundu.

Ukurikiranweho gucuruza ibiyobyabwenge we bimuhamye, yahanwa n’ingingo ya 594 iteganya igifungo kiva ku myaka itatu kugeza kuri itanu n’ihazabu y’amafaranga y’u Rwanda ava ku bihumbi 500 kugeza kuri miliyoni eshanu.

Ibyumba bishaje byarasenywe bubakirwa amashuri mashya.

Kuri uyu wa gatanu tariki 12 Kanama 2016, nibwo babivuze ubwo batahaga ibyumba by’amashuri icyenda ku kigo cy’amashuri cya Gisakura mu Murenge wa Bushekeri.

Ibi byumba byubatswe ku nkunga y’Ikigo cy’Igihugu gishinzwe Iterambere (RDB) gifatanyije n’Akarere ka Nyamasheke. Byubatswe muri gahunda isanzwe ya RDB yo guha abaturage baturiye parike 5% y’umusaruro wavuye mu bukerarugendo bw’iyo parike.

Nzamwita Cassien umwe mu babyeyi barerera mu kigo cy’amashuri abanza cya Gisakura yavuze ko umuntu wize akamenya nta kimubuza gusabana n’ibinyabuzima, bityo agasanga kuba RDB yaratekereje gushyira amafaranga mu burezi yararebye kure.

Dr Ntivuguruzwa (wambayeamadarubindi) yerekwa ibyumba by’amashuri bubatse mu Gisakura.

Yagize ati “Iyo imvura yagwaga abana bacu barekeraga kwiga none tubonye amashuri agezweho, nta muntu wize neza wakwangiza parike ya Nyungwe, baba baduhaye umusanzu wo kuyikunda no kuzayirinda bishoboka.”

Kaliza Belyse ushinzwe ubukerarugendo muri RDB, avuga ko aho ubujiji butari haba iterambere. Agasaba abaturage gukomeza ubufatanye bafitanye mu kubungabunga parike ya Nyungwe ndetse abizeza ko bazakomeza kubaha ibikoresho ngo barusheho kwiga neza.

Ati “Twashyize amafaranga mu burezi kuko tuzi ko umuturage wize amenya ubwenge akishakira imibereho myiza. Tuzakomeza kubafasha kandi dufitanye ubufanye mu kurwanya ba rushimusi.”

Batwitse imitego n’amahembe y’inzovu zishwe na barushimusi mu 1998.

Umunyamabanga uhoraho muri Minisiteri y’Uburezi, Dr Ntivuguruzwa Celestin, yasabye ababyeyi n’ubuyobozi kuzafata neza aya mashuri bakigisha abana babo gukunda no kubungabunga Nyungwe.

Ati “Uyu ni umuganura twahawe na RDB, tuzafatanye dufate neza aya mashuri,tubungabunge Nyungwe tugire isuku abana bacu bahabwe uburezi bukwiye.”

Ibi byumba by’amashuri byatwaye amafaranga asaga miliyoni 26Frw zikubiyemo n’ibindi bikoresho by’ishuri nka mudasobwa n’amakaye.

Muri uyu muhango kandi hatwitswe imitego n’amahembe y’inzovu ziciwe mu ishyamba rya Nyungwe bifite agaciro gasaga miliyoni 230Frw mu rwego rwo kwerekana ko ba rushimusi bazahora barwanywa.

Nubwo Rasta ahakana ko nta mugambi wo kwivugana umuturanyi we yari afite, yakomeretse ngo arwanya abaturage bashakaga kumwambura iyo nkota.

Byabaye ku mugoroba wo kuri uyu wa 11 Kanama 2016 mu Mudugudu wa Rubona mu Kagari ka Nyarusange mu Murenge wa Kilimbi ho mu Karere ka Nyamasheke.

Amakuru atangazwa n‘abaturage avuga ko uyu mugabo Manayera uzwi nka Rasta yafashe icyemezo cyo kujya kwivugana umuturanyi we Siborurema Amiel, kubera ko yari yafashe bugwate inkoko ye bitewe n’amafaranga yari afitiye umwana we wamukoreraga, birakaza uwo Rasta ngo akenyera inkota ajya gushaka uko yamwivugana.

Umwe muri bo yagize ati “Umwana wakoreraga Rasta yatwaye inkoko ye avuga ko azayimusubiza ari uko amwishyuye, uriya mugabo Siborurema arayifata avuga ko Rasta azayihakura ari uko yishyuye uwo mwana. Ni ko gufata inkota ayikenyereraho avuga ko agomba kumurangiza tumufata ataragera kuri uwo mugambi”.

Manayera ahakana ko atari agambiriye kwica umuturanyi we ko ahubwo iyo nkota yari agiye kuyibagisha itungo.

Yagiz ati “Ndarengana rwose nari mfite iyi nkota nshaka kujya kuyibagisha ihene uwazibagaga ntiyari ahari. Gusa nabanje no kubaza impamvu batampa inkoko yanjye, ibindi ni ukumbeshyera”.

Umunyamabanga Nshingwabikorwa w’Umurenge wa Kilimbi, Nkinzingabo Patrice, ashimira abaturage uburyo bakomeje gutangira amakuru ku gihe kugira ngo imigambi mibi nk’iriya iburizwemo akabasaba kubigira umuco uzatuma urugomo rurandurwa burundu.

Yagize ati “Uriya mugambi mubisha watahuwe n’abaturage utaragerwaho uburizwamo, abaturage bacu nibakomeza kujya batangira amakuru ku gihe urugomo ruzacika”.

Manayera uzwi nka Rasta yahise ashyikirizwa Sitasiyo ya Polisi mu Murenge wa Gihombo akaba ari na ho afungiye kugeza magingo aya.

Ntiharamenyekana igitera iyi nkongi.

Kuva iyo nkongi yatangira, abaturage n’ubuyobozi bakomeje kuzimya ariko kugeza magingo aya ntibishoboka ko rizima burundu kuko hamwe hazima ahandi hafatwa.

Ubuyobozi buvuga ko mu mpamvu zishobora kuba zituma iri shyamba rikomeza gushya, harimo kuba hari abaturage babikora ku bushake cyangwa se bakaba babikora bahakura ubuki, mu gihe abandi bashobora kuba babikora batwika amakara.

Umunyamabanga Nshingwabikorwa w’Umurenge wa Gihombo, Nshimiyimana Jean Damascene, ati “Turi gufatanya n’abaturage n’inzego z’umutekano ngo turebe ko twazimya ahafashwe ariko kandi ntitumenya aho izindi nkongi ziturutse gusa turakora ibishoboka byose”.

Nshimiyimana avuga ko kugeza ubu uretse ishyamba ririmo gushya nta bindi bikorwa birangirika kuva uyu muriro watangira kwaka.

Agira ati “Nta bindi bintu birashya nk’amazu y’abaturage cyangwa ibindi bikorwa. Ni amashyamba gusa ari gushya turakora ibishoboka ngo ntihagire ikindi cyakwangizwa n’iyi nkongi y’umuriro”.

Nubwo hamaze gushya ahantu hanini nta ngano nyayo y’amahegitare amaze gushya ndetse n’ingano y’ibimaze kwangirika igaragazwa.

Ibi byumba by’amashuri biri aha byo ngo bimaze gutwara miliyoni 60FRW.

Kugeza ubu, kuri icyo Kigo cy’Amashuri Abanza cya Mwezi kiri mu Murenge wa Karengera muri Nyamasheke, amaze kuhuzuza ibyumba by’amashuri bitandatu bifite agaciro ka miliyoni 120FRW.

Iyo ukigera kuri iryo shuri, ubona ko ryubatse mu buryo butamenyerewe mu Rwanda. Ni ishuri ry’amatafari ahiye, rifite igisenge ubona ko kigezweho, cyubakishije imbaho mu buryo bubereye ijisho, rikagira aho abana bashobora kwidagadurira basobanurirana kandi bandika ku kibaho hanze y’ishuri.

Ibyo byumba bifite amadirishya n’imiryango ubundi tumenyereye kuri zimwe mu nsengero kandi ryubatse ku buryo abana bafite ubumuga bashobora gukirikira amasomo nta mbogamizi.

Andre Nsabimana, wari Umuyobozi w’Ikigo cy’Amashuri Abanza cya Mwezi, aya mashuri yubakwa, avuga ko bari bafite inyubako zishaje cyane zubatswe mu 1946.

Kayiganwa ahasuye ngo yasanze hari icyo akwiye kugira icyo akorera aho yavutse ndetse akanahakura uburere, agira uwo mutima wo gufasha barumuna be b’aho yakuriye.

Agira ati “Uyu mubyeyi yibutse gushima uburere n’ubumenyi yakuye iwabo afata iya mbere akora igikorwa nk’iki cy’indashyikirwa, kandi abikorana umutima we wose akora igikorwa kigaragara, abana bose bazaca hano bazajya bahora bamwibukiraho”.

Ibyo byumba by’amashuri nibyuzura abanyeshuri bazaruhuka kwigira mu byumba by’amashuri bishaje.

Uyu mubyeyi Kayiganwa uba mu gihugu cy’ububiririgi, avuga ko igikorwa yagikoze abonye uko abana b’ i Mwezi bateye ubwuzu, ariko agasanga bigira mu mashuri ashaje, asanga bikwiye ko yarivugurura.

Ati “ Nabonye aba bana bigira mu ishuri rishaje nshaka uko narivugurura ngo babe ahantu hahuye nabo”.

Uyu mubyeyi kandi avuga ko iki gikorwa atari kampara ugereranyije n’ibikorwa bikomeye u Rwanda rumaze kugeraho. Avuga ko iri ari itafari ashyize kuri ibyo bikorwa byinshi u Rwanda rumaze kugeraho.

Yagize ati “Sinshobora gutekereza narimwe ko iki gikorwa cyanjye ari kamara. Imana yampaye ubushobozi ngo nshobore kubikora ntyo nanjye ngire icyo nongeraho. Nk’uko nasabye inshuti zanjye zo mu mahanga, mu bana w’iwacu ubyiyumvamo akumva umutima ubimubwiye yamfasha tukayarangiza”.

Hateganyijwe kubakwa ibyumba 13, mugihe ibyumba 6 byamaze kuzura hakazubakwa n’aho abana bashobora kujya bidagadurira.

Ubu abana bagiye gusezerera amashuri bigagamo ashaje kandi atakijyanye n’igihe babikesha uyu mubyeyi.

Biteganyijwe ko iyi imirimo yose izuzura itwaye amafaranga asaga miriyoni 300 z’amafaranga y’u Rwanda.

Abaturage ngo ntibishimiye kwakirirwa mu nyubako isa itya.

Aba baturage ba Cyato bagereranya inyubako z’uwo murenge na nyakatsi kuko zirutwa n’ibiro by’utugari biyubakiye.

Usibye kuba hari inyubako zishaje abo baturage baranenga kandi ubuto bwazo kuko ngo babura aho bahererwa serivisi ugasanga bazihabwa bahagaze hanze.

Dusingizimana Fiston, umwe muri bo, avuga ko iyo bagiye nko gusezerana usanga abantu babuze uko baherekeza ababo kuko hinjira abageni n’ababasinyira abandi bagasigara bategerereje hanze.

Agira ati “Twibaza icyabuze ngo izi nyubako zimaze imyaka n’imyaniko ziveho! Byaratuyobeye kuko twebwe nk’abaturage zidutera isoni! Dufite imbaraga nibatwiyambaze dutange umuganda aho binaniranye hiyambazwe ubushobozi bw’akarere!”

Ikindi bagarukaho ni uko iyo imvura iguye cyangwa hakava izuba bibabangamira bagataha batameze neza kandi rimwe na rimwe na serivisi baje kwaka ntazo bahawe.

Ubwo Guverineri w’Intara y’Iburengerezuba, Mukandasira Caritas, yasuraga uwo murenge ku wa 15 Nyakanga 2016, bakamugezaho icyo kibazo yasabye ubuyobozi gushaka uko bubaka ibiro by’umurenge bijyanye n’igihe cyane ko abaturage bemera umusanzu wabo.

Yasabye Ubuyobozi bw’Umurenge wa Cyato n’ubw’Akarere ka Nyamasheke gutegura uko batangira kubaka ibiro bishya by’uwo murenge binyuze mu muganda ariko icyifuzo cy’abaturage kikubahirizwa.

Umuceri uhingwa mu Karere ka Nyamasheke.

Aba bahinzi bo mu mirenge ya Macuba, Kirimbi n’ahandi bahinga umuceri muri ako karere, bavuga ko bahinga umuceri ubaruhije abashoramari bakaza kuwugura bawusehera mu nganda ziwutunganya hirya no hino mu gihugu bakanawuzitirira.

Bavuga ko babiterwa n’uko Ibyo ngo biterwa nuko ntaruganda rutunganya umuceri rurangwa mu karere kabo kandi uhingwa kubwinshi muri ako karere.

Nyirandikumana Rachel avuga ko basigaye bagira umusaruro w’umuceri uhagije kuko mu gishanga kimwe basarura toni 453. Ariko ngo uwo musaruro wose ujya mu nganda batazi, ikagaruka yanditseho amazina y’ahandi.

Abahinzi b’umuceri mu Karere ka Nyamasheke barifuza ko umuceri wabo utakwitirirwa utundi turere.

Agira ati “Uzi kugira ngo umuntu yiyitirire ibintu bitari ibye, usanga wanditseho, Bugarama, Ruhango! Ni mudufashe.”

Mukasafari Mariyamu we avuga ko babonye uruganda rw’umuceri byarushaho guteza umuhinzi imbere. Ati “Kutarugira bituma abashoramari babahenda, kuko ngo baba babona ko ntahandi bawushyira. Ikindi byadufasha kubonera amatungo yacu ibiryo n’ibindi bagatera imbere.”

Umunyamabanga wa Leta muri Minisiteri y’Ubuhinzi n’Ubworozi Tony Nsanganira, avuga ko bagiye gufatanya n’abikorera kugira ngo uruganda bifuza ruboneke mu minsi ya vuba.

Umunyamabanga wa Leta muri MINAGRI Tony Nsanganira yizeza abahinzi ba Nyamasheke uruganda rutunganya umuceri.

Ati “Nagira ngo mbizeze ko hari ikintu tugiye gufatanya n’abikorera. Abashoramari ndetse n’ababahagarariye mu ma koperative urwo ruganda rwose rukaba rwaboneka mu gihe cya vuba.”

Yabitangaje tariki 29 Nyakanga 2016, ubwo yagiranagaa ibiganiro n’abaturage bo muri aka karere. Nyamasheke isanzwe ifite ubuso bwa hegitari 800, bweraho toni 4.400 mu bihembwe bibiri.

Guverineri w’intara y’Uburengerazuba Mukandasira Caritas, avuga ko abashyizwe mu byiciro by’ubudehe byambere batabikwiye bagomba gukurikiranwa.

Tariki 15 Nyakanga 2016 ubwo basurwaga na Guverineri w’intara y’uburengerazuba Mukandasira Caritas, bamugaragarije ko abishoboye aribo bashyizwe mu icyiciro cyambere n’icya kabiri abakene babashyira mucya gatatu n’icya kane.

Bagaragaje ingero z’abantu batunze ibinyabiziga n’abapasitori bakomeye bashyizwe mu ibyiciro bitabakwiye, mu gihe abakagombye kubijyamo babashize mubyo badashoboye, nk’uko uwitwa Dusabimana Jacqueline yabitangaje.

Yagize ati “Ubona abantu badakwiye kujya mu icyambere bafite amatungo inka ebyiri, imodoka aribo bari mu byiciro byambere n’ibyakabiri. Nka njye uhingiriza bashyize mu cyagatatu bamwe baravuga ngo ni bituga niba ari umutungo baba bihereye abayobozi sinzi.”

Abaturage b’Umurenge wa Cyato bavuga ko mu ibyiciro by’ubudehe harangwamo ikimenyane.

Aba baturage bavuga ko iyo babajije ubuyobozi impamvu babashyira mu byiciro badakwiye, ngo babasubiza ko ari mudasobwa yabikoze. Gusa bo ntibabyemera, bakavuga ko byakozwe nkana kuko ngo batigeze babagisha inama.

Umunyamabanganshingwabikorwa w’Umurenge wa Cyato Twagirayezu Zakariya, avuga ko ari bantu batarenze batatu bishoboye bashizwe mu byiciro bya mbere n’ibyakabiri ariko ngo bagiye kubakuramo.

Ati “Niba hari hari umuntu umwe wagiyemo kubera impamvu zidasobanutse ni umwe cyangwa babiri. Hari abantu babiri umwe wo kuri santere ya Yove n’abandi babiri bose bageze kuri batat. Abo bagiye bajyamo batabikwiye bazavanwamo.”

Guverineri w’Intara y’Uburengerazuba Mukandasira Caritas, avuga ko hari aho byagiye bigaragara ugasanga umuntu w’umukire ari mu icyiciro adakwiye n’umukene agashyirwa mucyo atagomba kubarizwamo ariko ngo uwumva ari mucyo adakwiye agomba kujurira.

Umunyamabanga nshingwabikorwa w’Umurenge wa Cyato avuga ko abatarenze batatu bishoboye ari bo bashyizwe mu byiciro byambere badakwiye.

Akomeza asobanura ko abakire bashyizwe mu ibyiciro badakwiye bagomba kubikurwamo bakanakurikiranwa kuko bishe amategeko bayazi.

Ati “Hari aho byagiye bigaragara ugasanga umuntu twita umukire ari mu icyiciro adakwiye umukene nawe ugasanga aruko uwo muntu washizwe mu iciciro adakwiye nkana birashoboka ko yaba yaratanze akantu agomba gukurikiranwa kuko yishe amabwiriza nkana.”

Litiro 2850 z’ibiyobyabwenge zamenwe, abazifatanwe batabwa muri yombi.

Ibyo biyobyabwenge byafashwe kuri iki Cyumweru, tariki 17 Nyakanga 2016, ku bufatanye bw’abaturage na Polisi, ni ibiyoga bikorwa mu buryo budafite ubuziranenge bizwi ku izina rya “Muriture”.

Ibyo biyoga ngo byiganje mu mirenge itandukanye y’Akarere ka Nyamasheke kandi bikunze guteza umutekano muke mu baturage nk’urugomo, amakimbirane mu ngo ndetse n’ingorane zirimo igihombo ku babifatanywe kuko bimenwa ariko hakiyongeraho no kubifungirwa kuko ari icyaha.

Umuyobozi wa Polisi y’u Rwanda mu Karere ka Nyamasheke, SP Justin Rukara, yagize ati “Mu by’ukuri, ibi biyoga biteza ibibazo kuko muri iki cy’umweru turangije honyine turabara ibibazo birenga 12 by’urugomo kandi usanga aho byagiye bibera, biterwa n’ubusinzi ndetse bikongera n’amakimbirane.”

Ubwo bamenaga ibi biyobyabwenge, inzego z’umutekano zongeye kwigisha abaturage ububi bw’ibiyobyabwenge n’ingaruka zabyo harimo iz’uburwayi bibateza, kubahombya no gufungwa, ari na yo mpamvu ngo nk’inzego z’umutekano batazatezuka kubirwanya.

Inzego z’umutekano zataye muri yombi abantu 4 bakurikiranweho gucuruza ibiyobyabwenge hashingiwe ku iteka rya Minisitiri w’Ubuzima nimero 20/35 ryo ku wa 9 Kamena 2015, rigena urutonde rw’ibiyobyabwenge n’ibindi bitemewe bifatwa nk’ibiyobyabwenge.

Aba bafashwe baramutse bahamwe n’ibyaha, bahanishwa igifungo kiva ku myaka itatu kugeza ku myaka itanu, nk’uko biri mu ingingo ya 593 n’ingingo 594 z’igitabo cy’amategeko ahana y’u Rwanda, zihana abacuruza, abatwara, n’abanywa ibiyobyabwenge.

Aba baturage batuye mu nkengero za Pariki ya Nyungwe bavuga ko bahora bahingira mu gihombo kuko ntacyo basarura kubera ko bonerwa n’inyamaswa ziganjemo inkende, impundu, ibyondi n’izindi.

Inyamaswa za Pariki ya Nyungwe zibamereye nabi zibonera imyaka.

Ayingeneye Christine avuga ko nta myaka bahinga itonwa n’inyamaswa zo muri Pariki ya Nyungwe kandi kubera ubwinshi bwazo ngo zirya umurima zikawumara umuhinzi agatahira aho

Aba baturage basaba ubuyobozi kubavuganira ku buyobozi bw’Ikigo cy’Igihugu cy’Iterambere (RDB) kigacunga inyamaswa zikajya kubonera.

Nyiramwiza Ange ati ”Biduteza ikibazo cy’inzara kubera ko niba uba wahinze umurima w’imyumbati zikaza zikawujyamo zigahita ziwumara biba ikibazo inzara ihita itera kandi wari wayirwanyije.”

Guverineri w’Intara y’Iburengerazuba, Mukandasira Caritas, yabijeje ko agiye kubakorera ubuvugizi kugira ngo ibyabo byonwe n’inyamaswa byishyurwe kuko bigaragara ko bonerwa.

Yagize ati” Ni byo koko kubera ko urabona ko uyu murenge ukikijwe n’ishyamba! Inkende zirabonera pe ariko bashobora kuba batazi icyo itegeko riteganya, hari komite iriho kuva ku midugudu ni bo bakora raporo bakayijyana mu kigo cy’ingoboka ariko ndakora ubuvugizi ku nzego zibishinzwe.”

Abaturage bagirwa inama zo kwirinda gukora no gucuruza ibiyobyabwenge kuko bibahombya

Hari hashize iminsi Polisi muri ako karere yigisha abaturage ububi bw’ibiyobyabwenge n’ingaruka zabyo kuko ngo biri kugenda biteza ibyaha byinshi birimo n’urugomo, gufata ku ngufu n’ibindi byaha.

Ibiyobyabwenge byafashwe byiganjemo inzoga z’inkorano byo mu bwoko bwa Bareteta na Ruyaga bikunze guteza umutekano muke mu baturage cyane cyane iminsi y’amasoko.

Umuyobozi wa Polisi mu Karere ka Nyamasheke,Superintendent Justin Rukara, avuga ko kwigisha bigiye kujya bijyana no guhana abakora n’abacuruza inzoga zitapimwe ubuziranenge kuko ngo ziri ku rutonde rw’ibiyobyabwenge.

Ati ”Twigisha abaturage tubumvisha ububi bwa ziriya nzoga n’ingaruka zazo, izo dufashe tukazimena ariko ibikurikiyeho ni ukwifashisha inzego z’ubutabera kuko ziriya nzoga zagiye kurutonde rw’ibiyobyabwenge.”

Ku ikubitiro, abazifatanywe ni babiri ariko hari n’abandi barimo gushakishwa n’inzego z’umutekano bivugwa ko bakorewe amadosiye ngo bazashyikirizwe ubutabera.

Abafashwe baramutse bahamwe n’ibyaha bahanishwa igifungo kuva ku myaka itatu kugeza kuri itanu nk’uko ingingo ya 593 n’iya 594 zo mu gitabo cy’amategeko ahana y’u Rwanda zibiteganya ku bacuruza, abatwara n’abanywa ibiyobyabwenge.

Akarere kijeje abaturage ko uyu muhanda utazamurikwa abawukoze badakemuye ibibazo bateje.

Ibi bije nyuma y’uko iyi sosiyete iciye itiyo y’amazi aho bita ku Kabeza mu Murenge wa Kagano, igasabwa kuyisubiranya ikoze neza ahubwo ikabikora nabi kandi ikabikora mu buryo budasobanutse.

“China Road and Bridge Corporation” kandi irashinjwa kuyobya amazi yavaga ku misozi ikayayobora mu baturage, bigatuma imyanda imanuka mu ngo z’abaturage ndetse akanabangiriza ibyabo.

Byatangiye ubwo abakozi bashinzwe iby’amazi basabiye iyi sosiyete ikora umuhanda uva Nyamasheke ugana i Karongi, China Road, kudataba no gutsindagira umuhanda uri hejuru y’amatiyo atwara amazi hatabanje gushyirwamo igituma iyo habaye ikibazo bidasaba ko umuhanda bawuca ahubwo bagasanira itiyo hakurya y’umuhanda.

Umwe mu bahanga mu mazi abisobanura agira ati “Bisaba gushyiraho akantu bita “gain” ni icyuma gituma iyo itiyo icitse bayisanira hanze y’umuhanda bidasabye ko bongera gusenya umuhanda, Abashinwa barashaka kubikora ku ngufu bagahita bigendera kuko benda kumurika umuhanda, ndetse barangije gusubiranya umuhanda batabikoze.”

Abashinwa barashinjwa kuzinzika Akarere ka Nyamasheke ku matiyo y’amazi baciye.

Ubuyobozi bw’Akarere ka Nyamasheke buvuga ko bwamaze gushyikiriza iki kibazo inzego zibishinzwe, kandi ko batemera kwakira uyu muhanda mu gihe China Road idakemuye ibibazo yateje abaturage.

Ntaganira Josué Michel, Umuyobozi w’Akarere ka Nyamasheke Wungirije ushinzwe Iterambere ry’Ubukungu, abisobanura agira ati “Twamenyesheje abashinzwe gukurikirana uyu muhanda, ntabwo tuzemera kuwakira badakosoye amakosa yakozwe! Baciye itiyo turabibabwira aho kuyisana uko bikwiye bitwikira ijoro barongera barasubiranya barigendera”.

Ntaganira avuga ko uretse kuba baraciye itiyo ijyana amazi, China Road ifitanye ibibazo byinshi n’abaturage nyuma yo kuyobora amazi mu baturage, bikabateza ingaruka nyinshi, akizeza abaturage ko abashinzwe imihanda bemeye kuzaza bakareba ibibazo byose biri mu ikorwa ry’umuhanda kandi ko umuhanda uzakirwa byakemutse.

Abahagariye China Road ntibifuje kugira icyo batangaza nubwo bivugwa ko uyu muhanda ushobora kuzamurikwa mu gihe cya vuba ariko kitaratangazwa.

Afite ikibazo cyo kwiyandikisha mu bitabo by’irangamimerere kuko atagira se ntanamenye nyina wamubyaye.

Byabaye ubwo Guverineri Caritas Mukandasira yari ahaye umwanya abaturage ngo bamubaze ibibazo, mu Murenge wa Bushekeri mu Karere ka Nyamasheke kuri uyu wa 23 Kamena 2016 aho bita mu Gisakura.

Ntibyari byoroshye kwiyumvisha icyo umwana w’umukobwa uri mu kigero cy’imyaka 15 wambaye imyenda igaragaza ko ashobora kuba yiga, ijipo ya kaki n’ishati y’umweru, agiye kubaza Guverineri.

Mu ijwi rituje, yasabye Guverineri kumufasha kubona uko yabasha kwandikwa mu bitabo by’irangamimerere kuko kugeza ubu atazi inkomoko ye.

Yagize ati “Sinzi mama wambyaye gusa yambyaye atabana na papa, papa na we yaje gupfa atanyandikishije!”

Yakomeje agira ati “Iyo ngiye kwaka ibyangombwa bambwira ko nzana abantu bane bo mu muryango wa papa, kandi ntabo akigira habe n’umwe, aho mama akomoka simpazi n’abo bavukana simbazi, umuryango undera na wo ntacyo ubiziho”.

Uyu mwana w’umukobwa akimara kuvuga aya magambo abantu benshi bahise bimyoza, ndetse abafite imitima yoroshye amarira atangira gushoka ku matama.

Guverineri Mukandasira yahise asaba ko ikibazo cy’uwo mwana w’umukobwa cyakurikiranwa akazabasha kwandika mu bitabo by’irangamimerere.

Ushinzwe Irangamimerere mu Murenge wa Bushekeri, Ntagayisha Claude, yavuze ko bagiye gukora iperereza kugira ngo hamenyekane inkomoko ye.

Ngo bazamufasha gutanga ikirego mu rukiko kugira ngo azabashe kwandikwa mu bitabo by’irangamimerere, ariko amwizeza ko irangamuntu yo nayikenera azayihabwa.

Yagize ati “Aracyari umwana tuzamufasha kugeza ikirego mu rukiko, abashinzwe ubufasha mu mategeko mu karere, MAJ, natwe tugiye gukora iperereza duhereye mu mudugudu kugira ngo tumenye inkomoko ye n’ababyeyi be aziyandikaho ariko nakenera indangamuntu yo tuzayimuha”.

Bivugwa ko uyu mwana yaba yaratawe na nyina akamusigira se, uyu mwana ntazi nyina ntazi n’amazina ye.

Guverineri Muakandasira yarangije impaka z’ubutaka hagati y’abaturage n’uruganda rw’Icyayi rwa Gisakura.

Zari impaka zishingiye ku butaka buri ruhande rwemezaga ko ari ubwarwo, nyuma y’uko muri Mata 2016 yari yashyizeho itsinda ry’abahanga mu by’ubutaka ngo bacukumbure bamenye ubutaka nyakuri bw’abaturage, ubwa Leta n’ubw’uruganda.

Kuri uyu wa 23 Kamena 2016, mu Murenge wa Bushekeri imbere y’abaturage, Guverineri Mukandasira yagaragaje ko igenzura ry’izo mpuguke ryasanze hari hegitari zisaga 8 zari zarambuwe abaturage ndetse basanga hari izindi hegitari zisaga 11 abaturage bari barihaye.

Guverineri Mukandasira yavuze ko bifashishije ikigo cy’umutungo kamare ngo babashe kumenya ubutaka bwa buri wese.

Yagize ati “Ndemeza ko iki kibazo kibonewe umuti ariko kandi haramutse hari utanyuzwe twamufasha kureba icyo atishimiye ndetse akaba yajya mu nkiko, gusa ntitubyifuza kuko byakozwe mu mucyo”.

Nubwo ntawakwemeza ko ababuraniraga ubutaka bose banyuzwe, ababashije kugira icyo batangaza bavuze ko banyuzwe.

Uwungirije umuyobozi w’uruganda rwa Gisakura, Kanyesigye Emmanuel, yagize ati “Ndanyuzwe rwose twabonye imbago z’uruganda ndetse n’abaturage babonye ubutaka bwabo”.

Abaturage na bo bavuga ko banyuzwe kandi bizera ko nta yandi makimbirane azongera kuko babonye amakuru y’impamo.

Petronille Nyirangendahimana yagize ati “Ubu nta kindi kibazo tuzongera kugira twabonye ubutaka bwacu, ubutari ubwacu buzasubizwa Leta n’uruganda, turishimye kuko twabonye ukuri”.

Ubuyobozi bw’Akarere ka Nyamasheke bwavuze ko bugiye kwandikira buri muturage urebwa n’iki kibazo agasubiza ubutaka yari yariyanditseho kandi atari ubwe, abari barabuze ubutaka bwabo na bo bagahita babuhabwa.

Yatawe muri yombi ashinjwa kwihekura.

Bamufashe mu gitondo cyo ku wa 14 Kamena 2016 mu Mudugudu wa Maseka mu Kagari ka Kibogora mu Murenge wa Kanjongo ho mu Karere ka Nyamasheke, mu gihe ushijwa akomoka mu Kagari ka Kigoya mu Murenge wa Kanjongo.

Umunyamabanga Nshingwabikorwa w’Umurenge wa Kanjongo, Ngendahimana Leopord, avuga ko uwo mukobwa yakoraga mu kabari kitwa Motel du Lac, akaba yari amaze iminsi bizwi ko atwite nyamara akaza kunyuzamo agataha akagaruka ameze nk’urwaye, bamubwira kujya kwa muganga akanga, bikaza kugaragara ko yakuyemo inda.

Yagize ati “Abo babanaga babonye ko atagifite inda kandi ataka cyane bamubwira kujya kwa muganga aranga nyamara biza kugaragara ko ashobora kuba yakuyemo inda kuko hari ibimenyetso babonaga.

Hakurikiyeho ko inzego z’umutekano zihita zimujyana kwa muganga ngo hamenyekane niba koko ari we wihekuye”.

Ngendahimana asaba abakobwa bose kwihangana bakemera kubyara igihe bakoze imibonano mpuzabitsina idakingiye, kuko ibyo bakora bishobora kubakururira akaga k’urupfu kandi ko baba bakoze icyaha cyo kwica umuziranenge.

Yagize ati “Nta mukobwa wishimira kubyara atarashaka ariko kandi bibuke ko baba bagiye kwica umuziranenge udafite icyaha. Ntibaba bazi icyo ashobora kuzaba, niba byabayeho ko batwara inda batarashaka bajye babyihanganira, aho gukora ibintu nka biriya”.

Kugeza ubu, nta mpamvu nyayo ivugwa yaba yatumye uyu mukobwa akuramo inda yari atwite.

Uyu mukobwa yajyanwe gupimwa mu Bitaro bya Kibogora, ahava yerekeza kuri Sitasiyo ya Polisi ya Kanjongo mu gihe hagishakishwa abashobora kuba bamufashije gukuramo inda.

Mukamana Claudette, Umuyobozi Wungirije w’Akarere ka Nyamasheke ushinzwe Imibereho Myiza y’Abaturage, asobanura ingamba zafatiwe abatuma abana bata ishuri.

Ubuyobozi bw’akarere butunga urutoki anahinzi b’icyayi n’uburobyi mu Kivu na bamwe mu babyeyi kuba ahanini mu bitera abana kuva mu ishuri.

Umuyobozi Wungirije w’Akarere ka Nyamasheke ushinzwe Imibereho Myiza y’Abaturage, Mukamana Claudette, avuga ko igihe kigeze ngo aba bose babigiramo uruhare bahanwe.

Zimwe mu ngamba zafashwe harimo ko buri munsi buri mwarimu agomba gutanga raporo ku muyobozi we akerekana abana basibye ushuri, abayobozi babo na bo bagatanga raporo ku nzego z’ibanze, umubyeyi bigaragaye ko yagize uruhare mu guta ishuri k’umwana we agahanwa.

Mukamana avuga kandi ko bagiye gukomeza ubukangurambaga ahateranira abantu benshi buri wese agahabwa inshingano zo guhangana n’icyo kibazo, babona umwana wataye ishuri bakamugarura hatagombye ko ubuyobozi bubizamo.

Yakomeje agira ati “Hari abana bakora mu cyayi, hari n’abandi baba bari ku kiyaga batekera abarobyi, ibi ntabwo tuzabyihanganira tuzabaca amande akarishye cyane”.

Nubwo aya amande bazajya baca azemezwa na Njyanama y’Akarere, biteganyijwe ko umubyeyi watanze umwana we ngo ajye gukora akazi aho kwiga ndetse n’umukoresha, bazajya bacibwa amande kuva ku bihumbi bibira kuzamura, umwana akagarurwa ku ishuri.

Abajyanye abana mu kiyaga cyangwa mu cyayi bon go bakajya bacibwa amande y’ibihumbi 50 kugera ku bihumbi 200 ku mwana umwe bafatanywe.

Umunyamabanga Nshingwabikorwa wa Pro-Femmes Twese Hmwe, Bugingo Emma Marie, yasabye abantu bose kwamagana ihohoterwa rishingiye ku gitsina.

Iyo “Rusake” yabaye nk’umuco karande mu baturage bo muri uwo murenge, ngo ni itekerwa umusore wasuye umukobwa w’inshuti ye, ndetse ngo icyo gihe baba bagomba kumuha n’iyo atahana.

Bamwe mu baturage b’uyu murenge barinubira uwo muco kuko ngo urimo gutuma benshi bagwa mu bukene bukabije buturutse ku nkeke yo guhora bashaka isake zo "kugaburira" no "kugabira" abasore batereta abakobwa babo.

Uwitwa Gasigwa Jean Nepomuscene avuga ko inkoko zimaze kubashiraho ndetse hakaba hari bamwe mu babyeyi bemera bakagurisha imirima yabo kugira ngo babone amafaranga yo kugura za “Rusake”.

Yagize ati “Mfite abakobwa batatu ariko ubu natangiye umushinga wo korora inkoko, gusa turahavunikira cyane. Hari igihe biba ngombwa ko unagurisha umurima ariko Rusake ikaboneka. Twaragowe bikomeye.”

Impuzamiryango “Pro-Femmes Twese Hamwe”, ubwo yari mu Murenge wa Nyabitekeri tariki 10 Kamena 2016, mu bukangurambaga bwo kwirinda ihohoterwa rishingiye ku gitsina no gukumira ubwandu bushya bwa virusi itera SIDA, yamaganye bikomeye iyo “Rusake” ituma benshi bahohoterwa.

Umunyamabanga Nshingwabikorwa w’iyi mpuzamiryango, Bugingo Emma Marie, yavuze ko uyu ari umuco wo kwamaganwa kuko usenya imiryango, ugatera ubukene kandi bigakurura amakimbirane.

Yagize ati “Ni ihohoterwa rikomeye kuko umukobwa aba agomba gushaka rusake buri uko asuwe n’umuhungu umurambagiza. Iyo idahari, intambara irarota, bamwe bakaba bajya mu myenda kubera rusake, abahungu n’abakobwa bakwiye guhagurukira rimwe bakabirwanya.”

Ubuyobozi bw’Akarere ka Nyamasheke busanga iyo ngeso yo "guteka Rusake" yacika.

Umuyobozi w’Akarere ka Nyamasheke Wungirije ushinzwe Imibereho Myiza, Mukamana Claudette, avuga ko uyu muco abahungu batangiye kuwugira ubucuruzi, bakarambagiza ahantu henshi bagamije kurya amasake, bigakurura amakimbirane n’ubukene. Asaba abantu bose guhaguruka bakamagana iyo ngeso.

Yagize ati “Ibi bintu bya rusake bihoza ababyeyi ku nkeke. Umukobwa yarongorwa ataratanze isake, amahoro akabura, ndetse bamwe bagashaka no kwiyahura. Noneho abahungu basa n’abatangiye kubigira ubucuruzi bakarambagiza ahantu hose, ni umuco wo kwamaganwa.”

Ku ruhande rw’abahungu n’abakobwa, bavuga ko muri rusange, uyu muco urimo kugenda ucika kubera ingufu ubuyobozi bushyiramo, bagasanga nibikomeza uzacika burundu.

Nyampinga Helene yagize ati “Ibi bisigaye ku bantu batajijutse turimo turareka uyu muco. Bigaragara ko ari ubusambo no kutanyurwa kwa bamwe, abantu bamaze kumva ko ari ukwitesha agaciro.”

Ku rundi ruhande ariko, hari abakobwa bavuga ko kugabura isake, babyemera nk’umuco mwiza kandi ngo bakaba badashobora kubireka mu rwego rwo kwirinda kugumirwa.

Nyirakamana Joselyne uri mu kigero cy’imyaka 24, avuga ko abashaka guca uyu muco ari abashaka kubabuza gushaka abagabo.

Yagize ati “Jyewe nzatanga isake rwose ariko nubahe umusore undambagiza. Ni ko twakuze tubibona. Nkeneye gushaka (umugabo) kandi si jyewe ugiye guca ibyo nasanze. Icyo bazakora cyose, nzayitanga."

Muri ubu bukangurambaga kandi, abantu b’ingeri zose basabwe kudaceceka mu gihe babonye ihohoterwa rikorewe umugore cyangwa umugabo.

Aba baturage bibukijwe ko gukora imibonano mpuzabitsina idakingiye bikurura ibyago byo kwandura virusi itera SIDA kandi ikaba ikomeje kwica benshi.

Abayobozi mu nzego zitangukanye basura ibikorwa byamurikwaga.

Babisabwe ubwo hatangizwaga imurikabikorwa by’abafatanyabikorwa b’Akarere ka Nyamasheke, mu Murenge wa Kanjongo mu i Tyazo, kuri uyu wa 09 Kamena 2016.

Aya maguriro (selling point) agiye kubakwa ku muhanda mushya uva Nyamasheke ugana Karongi, ngo azafasha abaturage kugurisha umusaruro wabo, kumenyekanisha ibyo bakora no gukangurira ba mukerarugendo gusura aka gace gafite ubwiza buhebuje.

Umuyobozi Wungirije w’Akarere ka Nyamasheke ushinzwe Ubukungu, Ntaganira Josue Michel, yavuze ko aya maguriro agiye gushyirwa ku mihanda azatuma abaturage mu ngeri zose babona aho bagurishiriza umusaruro wabo.

Ngo bazabanza guhugura abazayakoresha ndetse babahe ingendoshuri, kugira ngo bazabashe kuyabyaza umusaruro witezwe.

Yagize ati “Turi mu nyigo yimbitse y’aya masoko yunganira amasoko manini. Tuzashaka amafaranga ahagije tubaze abaturage ibibabereye, twigishe abaturage bacu, ku buryo ibizahajya ari ibintu by’agaciro ku rwego mpuzamahanga. Uyu muhanda twahawe tugomba kuzawubyaza umusaruro”.

Uhagarariye abatanyabikorwa b’Akarere ka Nyamasheke, Albert Nzacahinyeretse, yavuze ko ayo masoko azagera ku ntego abaturage nibakomeza gukorera hamwe bafite intego, bagakora ibintu byinshi kandi by’agaciro bikazaba icyitegererezo.

Yagize ati “Tugomba gufatanya twese tugahindura imyumvire tukava muri gakondo.Bizadusaba gutinyuka gusobanura ibyo dukora no kubyamamaza dufatanyije n’ubuyobozi”.

Umwe mu berekanye ibyo bagezeho,Tuyisenge Placide uhagarariye koperative ikora ibijyanye n’ubukerarugendo bushingiye ku muco (Nyungwe Culture Village), avuga ko ayo masoko mato bayatangiye, bakururira abahisi n’abagenzi kwisanga mu bukerarugendo bushingiye ku muco.

Avuga ko ayo maguriro azasanga babigeze kure kuko berekana uko aba kera bagenzaga benga inzoga, bakora imiti, uburyo basoroma icyayi, n’uburyo abaturiye Nyungwe bahinga.

Ati “Abakerarugendo barabukunda cyane kandi dufite umwihariko utasanga ahandi mu Rwanda”.

Hateganyijwe ko hazashyirwaho amasoko mato cyangwa amaguriro arenga icumi.

Ni igitekerezo cyagarutsweho cyane nyuma yo kubona bimwe mu bikorwa by’indashyikirwa byagaragaraga mu imurikabikorwa ry’abafatanyabikorwa rizamara iminsi ibiri.

Babisabye mu mahugurwa bagenewe n’impuzamiryango iharanira ubuzima bwiza bw’abaturage Fasaco ku nkunga y’umuryango Imbuto Foundation, bigishwa ku buzima bw’imyororokere no kuboneza urubyaro, kuri uyu gatatu tariki 8 Kamena 2016 mu Karere ka Nyamasheke.

Abakobwa b’i Nyamasheke babyariye iwabo bigishwa ku buzima bw’imyororokere.

Aba bakobwa batewe inda bavuga ko biteze ubumenyi mu kubasha gukumira inda zitateguwe bityo amakosa bakoze ntazongere kubaho ukundi, bikazabafasha kurera neza abana babyaye no gukura amaboko mu mifuka bagakorera abo babyaye.

Bavuga kandi ko ntacyo byaba bimaze bagiye bigishwa uko bakwirinda inda zitateguwe, hatigishijwe abasore cyangwa abagabo bazibatera.

Umwe muri bo ati “Guhurira hamwe gutya bituma twumva ko tutari twenyine aho kwigunga tugakora duharanira kutazongera, nyamara abagabo kuko bo batigishwa ntabwo bumva agaciro k’ibyo badukoreye kandi bakomeza kubikora.”

Yakomeje agira ati “Nyamara na bo bahuguwe byafasha, bakabona uburyo twacikirije amashuri kubera bo, tukagira ubuzima bubi bibaturutseho”.

Barasaba ko n’ababateye inda bahugurwa.

Umwe mu bagize Komite Nyobozi ya Fasaco, Nzeyimana Zacharie, avuga ko nubwo bahereye ku bakobwa babyariye iwabo bafite gahunda yo kugera ku babyeyi ndetse no ku bagabo, mu rwego rwo kugabanya abana bavuka batateguwe ndetse no kwandura indwara ziva mu mibonano mpuzabitsina idakingiye.

Yagie ati “Tuzagera ku byiciro byose harimo n’abagabo, abantu bamenye ubuzima bw’imyorokere no kuboneza urubyaro kuko haragaragara ubwiyiyongere bw’abaturage butoroshye! Ubukangurambaga nibukomeza bizagabanuka abantu bamenye uko bakwirinda, unaniwe agakoresha agakingirizo”.

Nzeyimana avuga ko bakomeza gukorera ubuvugizi ababyariye iwabo ngo babashe kwibumbira mu makoperative babashe guhashya ubukene bushobora kuba intandaro yo kongera kubyara batabiteguye.

Kugeza ubu ariko, nta mibare izwi y’abakobwa bamaze kubyarira iwabo batabiteguye nubwo bivugwa ko Umurenge wa Kanjongo uri ku isonga mu bakobwa benshi batwariye inda iwabo, ndetse ngo mu iyubakwa ry’umuhanda w’umukandara wa Kivu (Kivu Belt) uva Rusizi ugana Karongi, abakobwa batwara inda zitateguwe bariyongereye bigaragara.

Ubuyobozi bw’Akarere ka Nyamasheke buvuga bugiye kureba niba nta bana ba baringa bavugwa mu mashuri.

Iri genzura rikozwe nyuma y’uko hagaragaye ko hari umubare w’abana ugaragazwa ko wataye ishuri nyamara imyirondoro yabo itagaragazwa n’abayobora ibigo by’amashuri, n’aho bivugwa ko bareka ishuri bakajya ntibahagaragare.

Akarere kavuga ko harimo abayobozi b’ibigo by’amashuri berekana umubare munini w’abana bafite mu ishuri, kugira ngo babone amafaranga menshi leta igenera buri mwana.

Bikiyongeraho n’abanasibiza abana kugira ngo bazatsinde neza ariko nabo bakababara nk’abataye ishuri.

Umuyobozi w’akarere ka Nyamasheke, Kamali Aime Fabien, avuga ko kugeza ubu hari imibare y’abanyeshuri bataye amashuri nyamara imyirondoro yabo ntibashe kugaragara.

Bamwe mu bana baba bavuye ku_ishuri, mu gihe hari abandi bayavuyemo bakajya mu yindi mirimo.

Agira ati “Twatangiye gukora ubugenzuzi ikigo ku kindi kugira ngo tumenye abana bataye ishuri nyakuri, kuko tubona imibare idahura n’imyirondoro ihari, bikavugwa ko imibare yongerwa n’abana ba baringa abandi bagasibizwa bakagaragazwa nk’abataye ishuri.

Uwo tuzasanga yarakoze bene ayo makosa azabihanirwa n’amategeko.”

Umwe mu barimu bakurikirana abana umunsi ku munsi avuga ko koko aya makosa ashoboka cyane, bikazasaba ubusesenguzi bukomeye kugira ngo iki kibazo cy’abana bata ishuri kigaragare mu buryo burimo ukuri.

Ati “Hari abana bata ishuri babuze ibikoresho nkenerwa nk’imyambaro, ibikoresho by’ishuri, bakigira mu mirima y’ibyayi, gukorera amafaranga mu ngo no gucuruza mu masoko.

Ariko imibare akenshi izamurwa n’abayobozi b’ibigo bashaka kubona indonke mu mafaranga bahabwa na leta.”

Mu karere ka Nyamasheke habarurwa abana barenga ibihumbi bitandatu bataye ishuri. Abana badafite imyirondoro y’amazina yabo n’aho bakomoka ntibaramenyekana umubare.

ubuyobozi bw’akarere butangaza ko mu gihe cy’icyumweru hakwiye kuba hamaze kumenyekana ukuri ku mibare nyakuri y’abana bataye ishuri.

Abayobozi basabwe gufatanya n’abaturage bakamagana ibikorwa bihembera urwango.

Hari mu mahugurwa y’iminsi ibiri abayobozi b’imirenge, ab’Akarere, ab’Ingabo n’aba Polisi mu Karere ka Nyamasheke, bahabwaga agamije guhosha amakimbirane, kuyirinda no kuyakumira ataraba.

Aya mahugurwa bahabwaga n’Umushinga La Benevolencia akaba yasojwe kuri uyu wa Gatandatu, tariki 28 Gicurasi 2016.

King Ngoma, umukozi muri uyu mushinga ushinzwe ibikorwa byo kubaka amahoro arambye mu biyaga bigari, avuga ko amakimbirane azahosha burundu mu baturage b’ibi bihugu, mu gihe abaturage babyo bafashe iya mbere bakamagana ikibi batarya iminwa.

Avuga ko abantu bakwiriye kwirinda guhishahisha ikibi ngo kuko igituma ubugizi bwa nabi bubaho ari uko abantu babiceceka, bityo ababikora bakumva bashyigikiwe.

Yagize ati “Dufite umuco wo kurebera ikibi gikorwa, kuko wumva nta nyungu ubifitemo cyangwa ko urugomo rutari kugukorerwa, bigatuma ababikora bumva bashyigikiwe. Ni uruhare rwacu twese abayobozi n’abaturage gukuza umuco wo kwamagana ikibi ku mugaragaro, cyaba cyabaye cyangwa se gitegurwa kabone nubwo byaba atari twe bizakorerwa.”

Abayobozi bitabiriye aya mahugurwa bemeza ko guha ijambo umuturage akavuga ibitagenda ari byo bizatuma amahoro arambye aboneka mu karere k’ibiyaga bigari. Ibyo ngo bikazatuma abaturage bamenya amakuru meza ku bandi bo mu bindi bihugu aho kwitana bamwana, bamwe bashinja abandi kuba intandaro y’ibyago byabo.

Rugira Amandin Jean Paul ukuriye urubyiruko mu Karere ka Nyamasheke, yagize ati “Umuturage ufite amakuru mazima ntashobora kugira nabi. Twebwe nk’abayobozi dufite inshingano yo gufasha abo tuyobora kubona amakuru y’ukuri, kubakangurira kwamagana ikibi no gutanga amakuru nta bwoba aho bashobora gutahura urugomo.”

Aya mahugurwa yari agamije gukangurira abayobozi guha abaturage ijambo hagamije kurandura umuco w’ubugizi bwa nabi n’amakimbirane mu baturage batuye mu bihugu by’ibiyaga bigari.

Ibihugu by’ibiyaga bigari birimo u Rwanda, Repuburika Iharanira Demokarasi ya Kongo (RDC) n’u Burundi. Aka karere kakaba karakunze kurangwamo ibikorwa bihungabanya amahoro y’abagatuye.

Ibitaro bya Kibogora byo mu Karere ka Nyamasheke.

Mu rubanza baregwamo kunyereza umutungo w’ibitaro bari bashinzwe kuyobora, umuyobozi w’ibi bitaro, Dr Nsabimana Damien, yavuze ko adashobora kuburana atarabona umwunganizi mu mategeko, bituma urubanza rwagobaga kuburanwa ku mugoroba wo ku wa Gatatu, tariki 25 Gicurasi 2016 rusubikwa.

Uru rubanza rukazasubukurwa kuri uyu wa Gatanu, tariki ya 27 Gicurasi 2016 ku Rukiko Rwisumbuye rwa Rusizi.

Dr. Nsabimana Damien uyobora Ibitaro bya Kibogora, Kadogo Aimable ushinzwe ubutegetsi n’abakozi ndetse na Izabiriza Bernadette ushinzwe ibaruramari, batawe muri yombi tariki ya 11 Gicurasi 2016, bashinjwa kunyereza umutungo w’ibitaro.

Icyo gihe, Umuvugizi wa Polisi y’u Rwanda, ACP Celestin Twahirwa yavuze ko bafunzwe bakekwaho kunyereza umutungo w’ibitaro bayoboraga nyuma y’igenzura (audit) ryari rimaze iminsi rikorwa na Minisiteri y’Ubuzima.

Biteganyijwe ko bazaburana kuri uyu wa 27 Gicurasi, isaa mbili zuzuye mu Rukiko Rwisumbuye rwa Rusizi. Bose bazaburana ku bijyanye n’ifungwa n’ifungurwa ry’agateganyo, nubwo bivugwa ko Izabiriza ashobora kuba arwaye ndetse ari mu bitaro.

Uwiringiyimana ushinjwa kwambura umuturage, avuga ko yari yarabuze uwo yishyura.

Uyu muturage yagejeje iki kibazo ku basenateri ubwo baheruka gusura Akarere ka Nyamasheke, aza no kukigeza kuri Guverineri w’Intara y’Iburengerazuba.

Ubuyobozi bw’Akarere ka Nyamasheke buvuga ko bwari bwaragiriye inama uyu munyamabanga nshingwabikorwa w’akagari gaherereye mu Murenge wa Gihombo kwishyura uwo muturage wamutundiye ibikoresho yubakishaga ariko ntamwishyure.

Umuyobozi w’Akarere ka Nyamasheke, Kamali Aime Fabien, yavuze ko bikojeje isoni kubona umuyobozi yambura umuturage amafaranga ibihumbi 30Frw akabwirwa inshuro nyinshi ngo yishyure ariko akinangira.

Ati “Uyu gitifu ashobora kuba yarishyuye umushoferi wamuzaniye ibikoresho, umushoferi akayahakana kandi uwo yagombaga kwishyura ni umutandiboyi."

Yakomeje agira ati "Twamugiriye inama kenshi, inzego zose zimusaba kwishyura umuturage ariko aranga aranangira, yewe umuyobozi we wa Gihombo yari yemeye kumutera inkunga na byo arabyanga.”

Kamali avuga ko amafaranga yamaze kuboneka atanzwe n’uwo mu gitifu yahawe ubuyobozi bw’Umurenge wa Gihombo bukazayageza ku muturage.

Nyir’ukwishyura yavuze ko yagambaniwe n’abantu yajyaga afatira mu makosa, kuko atari yaranze gutanga ayo mafaranga ahubwo ko yari yarabuze uwo yishyura.

Ati “Naragambaniwe. Inzego zose zanga kunyumva, amafaranga nayahaye umushoferi inshuro ebyiri arayahakana, andi yanze kuyafata nabuze uwo nyaha.”

Ubuyobozi bw’akarere buvuga ko nta bindi bihano bazaha uwo muyobozi watinze kwishyura umuturage.

Ushinzwe irangamimerere ku murenge ubundi ashinzwe gukora serivizi za noteri, akandika abana bavutse, abazasezerana n’ibindi byangombwa bikenerwa mu buzima bw’umunyagihugu.

Abaturage barasaba ko babona ushinzwe irangamimerere.

Abavuga bibasaba kwirirwa ku murenge rimwe na rimwe bagataha batanabibonye, ubundi bakajya kubyaka ku Karere ka Nyamasheke aho bakora urugendo rugera ku birometero 30.

Umwe mu baganiriye na Kigali Today avuga ko basiragira bashaka ibyangombwa iyo habonetse undi mukozi wigomwa agakora akazi k’ushinzwe irangamimerere gusa umurongo w’abakenera ibyo byangombwa ukaba utajya ushira.

Umwe yagize ati “Naje gushaka icyangombwa ariko ntacyo ntahana ningira amahirwe nkinjira nzagaruka kugitwara, ibijyanye na noteri byo bidusaba kugenda amasaha menshi kugira ngo tugere ku karere ka Nyamasheke.”

Umunyamabanga nshingwabikorwa w’umurenge wa Kilimbi Nkinzingabo Patrice, avuga ko iki ari ikibazo kibagoye, kuko nabo bakomeje gusaba undi mukozi mushya ariko ntaraboneka. Avuga ko ikibazo cyakomeye ubwo n’uwari ushinzwe kwakira abantu wajyaga abikora yasezeye.

Ati “Ntabwo byoroshye biradukomereye nk’uko bitoroheye abaturage bacu,turakora ubuvugizi, ngo bwa mbere hakozwe ikizamini kibura abagitsinda. Ubu rero turacyategereje ngo tubone igisubizo.”

Umuyobozi w’akarere ka Nyamasheke Kamali Aime Fabien, avuga ko gusimbuza umukozi mu kazi bisaba gukurikiza amategeko. Gusa akizeza abaturage ko bamaze gukoresha ibizami ku buryo mu minsi micye hashoora kuboneka abandi.

Ati “Ibizami byamaze gukorwa. Mu minsi ya vuba abaturage barabona umuntu ubafasha, gusa n’ubwo ataraboneka abaturage ntibabura serivisi n’ubwo batayibona 100% uko bayishaka, ariko abahari barabafasha.”

Abafite ubumuga basabwa kumenya uburenganzira n’inshingano zabo.

Abahagarariye abafite ubumuga bo mu Karere ka Nyamasheke babigarutseho ku wa Kabiri, tariki 17 Gicurasi 2016, nyuma y’amahugurwa ku burenganzira n’inshingano bafite mu kwerekana ubushobozi bwabo, bahabwaga n’Umuryango Handicap International.

Abafite ubumuga bagaragarijwe ko bafite inshingano yo kugaragaza ubushobozi bwabo mu nzego zifata ibyemezo. Muri izo nshingano harimo kwitoresha ndetse no gutora ababayobora.

Murekatete Josephine, Umunyamabanga w’Urwego rw’Abafite Ubumuga mu Ntara y’Iburengerazuba, avuga ko hari amategeko Leta y’u Rwanda yashyizeho ngo arengere abamugaye, nyamara ko abamugaye ari bo bazafata inshingano mu guharanira uburenganzira bahawe n’itegeko, bikaba ari ngombwa ko babimenya.

Yagize ati “Buri Munyarwanda agomba kubaho mu bwisanzure. Dufite inshingano zo kwikorera ubuvugizi mu nzego z’ibanze, hariho amategeko aturengera, tugahaguruka tugatahiriza umugozi umwe twese n’abataramugaye, tukubaka igihugu cyacu.”

Vicky Paul, umwe mu bamugaye bahagarariye abandi mu Murenge wa Ruharambuga, avuga ko uburenganzira bw’abamugaye ari bo ubwabo bazabanza kubwiha bahindura imyumvire, bakumva ko bafite ubushobozi. Ibyo ngo bizatuma bava aho abandi bibwira ko bihishe, barekane ko nubwo baba bafite ingingo zimugaye ariko ubwonko butekereza neza.

Yagize ati “Ni twe ubwacu tugomba kwiheraho, uburenganzira duhabwa n’amategeko tukabuharanira, aho twihezaga tukahava. Niba ari igihe cy’amatora tukerekana ko dushobora kwitoza ndetse tukaba twatora abantu b’ingirakamaro.”

Umukozi w’Akagari ko mu Karere ka Nyamasheke yatawe muri yombi.

Ndahayo Pierre wari yari ashinzwe imibereho myiza n’iterambere ry’abaturage mu Kagari ka Nyagatare, Umurenge wa Mahembe mu Karere ka Nyamasheke.

Yafatiwe mu Karere ka Rusizi ku wa Kabiri tariki 10 Gicurasi 2016 ahita ajyanwa gufungirwa kuri Sitasiyo ya Polisi ya Gihombo mu Karere ka Nyamasheke, kugira ngo akurikiranwe ku byaha akekwaho.

Umunyamabanga Nshingwabikorwa w’Umurenge wa Mahembe, Munyankindi Eloi, avuga ko uwo mukozi yari amaze igihe kigera ku mezi abiri yaraburiwe irengero, biba ngombwa ko Umurenge umenyesha akarere ko umukozi wako yataye akazi.

Yagize ati “Hari hashize igihe gisaga amezi abiri abiri Ndahayo Pierre ataye akazi. Twabibwiye ubuyobozi bw’akarere kuko ni bwo mukoresha we, kugira ngo bufate ingamba zikwiriye umukozi wataye akazi.”

Munyankindi avuga ko nyuma yo kuburirwa irengero k’uyu mukozi, byaje kugaragara ko hari inyongeramusaruro yari igenewe abaturage ikanyerezwa kuko batigeze babona ikigaragaza ko yaba yarabagezeho.

Yagize ati “Nyuma yo kumubura, twaje kubona ko hari toni zisaga 18 zaburiwe irengero ndetse dushaka aho byaba bigaraga ko zatanzwe harabura kuko n’amalisti ari we wayatwaye. Ubwo rero byari ngombwa ko twitabaza inzego bireba kugira ngo yisobanure ku ibura ry’iyo shwagara.”

Munyankindi avuga ko biteguye kwerekana ibimenyetso byose byerekana ko iyo shwagara yageze mu murenge nyamara hakaba harabuze icyagaragaza ko yaba yarageze ku bo yari igenewe.

Polisi y’u Rwanda iracyari mu iperereza kuri iki kibazo. Cyakora, ntiragira byinshi ikivugaho.

Umuyobozi Mukuru w’Ibitaro bya Kibogora n’abamwungirije batawe muri yombi.

Aba bayobozi barimo Umukuru w’ibi bitaro, Dr Nsabimana Damien, ushinzwe imari n’ubutegetsi, ushinzwe imirire ndetse n’ushinzwe ibaruramutungo, bakaba baraye batawe muri yombi kuri uyu wa Gatatu, tariki ya 11 Gicurasi 2016.

Umuvugizi wa polisi y’u Rwanda, ACP Celestin Twahirwa yabwiye Kigali Today ko aba bayobozi bakurikiranweho kunyereza umutungo w’ibitaro bari bashinzwe kuyobora, bakaba barafunzwe nyuma y’igenzura (audit) rimaze iminsi rikorwa muri ibyo bitaro.

Yagize ati “Twabafunze ni byo. Ni nyuma y’ingenzura rimaze iminsi rikorwa na Minisiteri y’Ubuzima ku bijyanye n’uburyo amafaranga y’ibitaro yakoreshejwe. Ni ibikorwa birimo gukorwa hirya no hino mu gihugu. Iyo tumaze kubona ibimenyetso, ubugenzacyaha butangira gukora akazi kabwo.”

ACP Twahirwa avuga ko ibi ari ibyaha bashobora kuba barafatanyije gukora cyangwa se buri umwe akaba yarabikoze ku giti cye, akaba ari na yo mpamvu hagikorwa iperereza bari mu maboko ya polisi.

Kugeza ubu, amafaranga bashinjwa kuba baranyereje ntaratangazwa.

Yagize ati “Ubugenzacyaha bwa polisi buracyakora iperereza, ntitwahita tuvuga ngo barashinjwa amafaranga angana gutya. Gusa, ubugenzacyaha bufite ibimenyetso bizashyikirizwa parike (ubushinjacyaha), bakabasha kwisobanura imbere y’ubutabera.”

Aba bayobozi b’Ibitaro bya Kibogora bafungiye kuri Sitasiyo ya Polisi ya Ruharambuga, aho bakunda kwita i Ntendezi.

Abayobora ibigo nferabuzima bishimiye ibikoresho bahawe.

Ibi bikoresho byatanzwe ku bufatanye bw’umushinga w’Abasuwisi, byiganjemo ibikoresho bikenerwa n’ababyeyi igihe cyo kubyara kwa muganga, birimo ibitanda, imifariso, ibikoresho bakoresha bapima ababyeyi batwite, ibibikira abana bavutse badakuze n’ibindi bitandukanye.

Ndahiro Patrick, Umuyobzi w’Ishami ry’Ubuzima mu Karere ka Nyamasheke, asanga aya ari amahirwe akomeye abashinzwe ubuzima mu mavuriro atandukanye babonye kugira ngo barusheho kunoza serivisi baha abaturage mu bijyanye n’ubuzima, asaba ababihawe kubyitaho bigakoreshwa icyo byagenewe.

Ndahiro asaba abaturage kwitabira gahunda z’ubuzima bibuka ko ubwisungane ari wo musingi mu kugera kuri sirivisi z’ubuvuzi.

Yagize ati “Iyi ni gahunda ya Leta kugira ngo serivisi z’ubuzima zikomeze kuzamura urwego rwazo. Abaturage bahawe amavuriro, ni ngombwa ko haboneka n’ibikoresho bikwiye. Nk’ubu turizera ko nta babyeyi bazongera kubyarira ahandi hatari kwa muganga."

Abayobozi b’ibitaro n’ibigo nderabuzima barasaba abaturage kugira ubwisungane mu kwivuza.

Yongeyeho, ati "Ibikoresho bigomba kwitabwaho maze abaturage bacu na bo bagafata iya mbere bakitabira kuza kwa muganga kandi kugira ngo bishoboke neza, bagomba kugira ubwisungane mu kwivuza.”

Abahawe ibi bikoresho bavuze ko bije byunganira ibyo basanganywe byari bitangiye gusaza, bikaba byatumaga rimwe na rimwe abaturage batishimira servisi babaha.

Bavuga ko nubwo bibonetse, hakiri byinshi bikenewe mu rwego rw’ubuvuzi ku buryo nibigenda biboneka, serivisi z’ubuvuzi mu byaro zizaba ziri ku rwego rushimishije.

Ishimwe Fiacre uyobora Ikigo Nderabuzima cya Kibogora ati “Tubonye ibikoresho bizatuma ababyeyi babyarira ahantu heza, ibikoresho twari dufite byari bitangiye gusaza. Gusa, ntabwo bihagije, turacyakeneye n’ibindi bigezweho, nk’ibikoresho bya laboratwari, ibyuma bipima ababyeyi bari ku nda n’ibipima umutima w’umwana.”

Ibigo nderabuzima 20 bigize agace k’Ibitaro bya Kibogora n’Ibitaro bya Bushenge, ni byo byahawe ibi bikoresho byatanzwe ku bufatanye bw’Akarere ka Nyamasheke n’umushinga wa gahunda y’ubuzima “Programme de Santé Grand Lac” uterwa nk’inkunga n’Abasuwisi.

Ku mwero w’ikawa, inganda zazo zikenera amazi menshi ku buryo abaturage batabasha kubona ayo bakoresha.

Aba baturage bafite ibibazo by’amazi, biganje mu tugari twa Ntango, Muyange na Kigabiro, ahari inganda za Nyamirundi, Muyange n’izindi za kawa zafunze amavomo y’abaturage, zikayobora amazi aho batunganyiriza kawa, bituma abaturage babura amazi meza yo gukoresha.

Aba baturage bavuga ko batangiye gukoresha amazi yo mu kiyaga cya Kivu kuko ari yo babasha kugeraho mu gihe andi mazi batangiye kuyibagirwa bitewe n’izo nganda. Kugeza ubu, amavomo yabo asa n’ayakamye, andi haza utujojoba.

Umwe muri bo yagize ati “Ubu dusigaye twarayobotse amazi y’Ikivu kubera ko ayacu inganda zayitwariye. Dufite ubwoba ko azadutera indwara. Hari aho bafashe menshi ku buryo ijerekani ishobora kuzura itwaye iminota itari munsi ya 15 urumva se abaturage bazavoma ryari?”

Ubuyobozi bw’Akarere ka Nyamasheke buvuga ko iki kibazo kitari aho hose nk’uko abaturage babivuga, bukavuga ko ahari ibibazo bazumvikana n’izo nganda ku buryo niba bishoboka, uruganda rwajya rukoresha amazi nijoro abaturage bakirirwa bavoma umunsi wose ariko bakabona amazi.

Amavomo y’abaturage ba afite amazi make cyane. bavuga ko andi aba yayobowe mu nganda za kawa.

Umuyobozi w’Akarere ka Nyamasheke Wungirije ushinzwe Imibereho Myiza, Mukamana Claudette, avuga ko abaturage bafite uburenganzira bwo kubona amazi meza, bityo ahaba hari ibibazo mu kubona amazi muri Nyabitekeri bazafashwa kuyabona.

Yagize ati “Hari aho abaturage bavuga ko inganda zabatwariye amazi nyamara wareba ugasanga ahari. Gusa, kuko abaturage bacu bagomba kubona amazi, tuzareba uburyo izo nganda zakorana n’abaturage, zikabona amazi ariko n’abaturage bakavoma bisanzuye.”

Akarere ka Nyamasheke ni kamwe mu turere duhinga kawa nyinshi mu Rwanda. Igihe cy’umwero w’ikawa, uhabona inganda nyinshi za kawa zikenera amazi menshi, rimwe na rimwe zigakoresha amavomo y’abaturage.

Abaturage basaba ko ibikorwa nk’ibyo byanozwa kugira ngo basaranganye amazi meza.

Abo baturage bavuga ko ibyo barimo gukorerwa bijya kumera nk’urugomo, kuko abakora imihanda bacisha imodoka zabo mu myaka yabo yari igiye kwera batabanje no kubabarira mu gihe hari abadahabwa amafaranga y’ingurane kandi bashyizwe mu manegeka.

Mu gukora iyi mihanda hangijwe imyaka y’abaturage yari yegereje igihe cyo gusarurwa.

Aba baturage bo midugudu ya Ninzi na Rugabano mu Murenge wa Kagano mu Karere ka Nyamasheke, barasaba ubuyobozi kubarenganura bakamenya amafaranga bashobora kuzishyurwa ku myaka yabo yari igeze igihe cyo gusarurwa n’inzu zabo zitabaruwe.

Bamwe muri abo baturage bafata ibyo bakorewe nko gushyirwa mu manegeka kuko hamwe na hamwe imihanda yagiye ikatirwa neza ku nzu ku buryo basohokera mu muhanda.

Umwe muri bo yagize ati “Birababaje kubona abantu birara mu myaka y’abaturage batababajije ndetse batazi n’amafaranga bashobora kubishyura bakavuga ngo barazana iterambere! Ariko dukeneye no guhabwa ingurane z’ibyo twavunikiye.”

Umuyobozi w’Akarere ka Nyamasheke Wungirije ushinzwe Iterambere ry’Ubukungu, Ntaganira Josue Michel, avuga ko iki kibazo kizwi bakaba baratangiye kubarira abaturage yaba abasigaye n’abandi bafite ubujurire.

Abaturage bavuga ko basizwe mu bihe bibi.

Yababwiye ko yizera ko mu byumweru bibiri bashobora kuzaba babonye amafaranga yabo.

Ati “Iki kibazo kirazwi ndetse tuzi ko muri iki gihe abaturage bagakwiye kuba barimo gusarura imyaka yabo, twatangiye kubishyura ku buryo mu gihe cy’ibyumweru bibiri baba babonye amafaranga yabo, ndetse ubishinzwe yahawe itsinda bakorana kugira ngo atirara, ibibazo byose birimo bibonerwe umuti wa vuba.”

Mu rwego rwo kubaka Umujyi w’Akarere ka Nyamasheke, hatangiye kubakwa imihanda ihuza imidugudu, ubuyobozi bukavuga ko biri muri gahunda yo kugeza iterambere ku baturage.

Abaturage bo ariko, bavuga ko iterambere bifuza ryagakwiye kuza rikemura ibibazo byabo aho kubakenesha no kwangiza ibyabo batabanje kubagisha inama.

Umuyobozi wa Pariki ya Nyungwe, Rugerinyange Louis, avuga ko ubushakashatsi bwo kubera niba bishoboka ko hagarurwa inzovu muri iri shyamba bugikomeza ariko butaregera ku bintu bifatika byakwemeza ko inzovu zizagaruka kuba muri iri shyamba.

Inzovu zo mu misozi ngo nizo zabasha kuba muri parike ya Nyungwe.

Agira ati “Kuva twatangira gukora ubushakashatsi nibura twamaze kubona inzovu zishobora kubamo ko ari inzovu za savanes (inzovu z’imisozi migufi).

Aha ni ho abashakashatsi bakomeje kwibaza uko zabaho ziri mu misozi miremire ya Nyungwe, ndetse hari kwibazwa n’uburyo izahabaga zari zimerewe, inzira iracyari ndende.”

Rugerinyange avuga ko igikomeye kuri ubu ari ubushakashatsi ari uko bisaba ko ibizamini bikorwa bikorerwa muri Amerika. Akavuga ko ari ibintu bisaba kwitonderwa ariko bishobora kuzatanga umusaruro.

Ati “Hashize iminsi dutangiye ubu bushakashatsi, nibura twamenye ubwoko bw’inzovu zaba muri Nyungwe, ubushakashatsi bukorerwa muri Amerika bapima ADN y’inzovu ya nyuma yaguye muri Nyungwe, bari kwiga niba inzovu zo mu Kagera zaba muri Nyungwe.”

Igishanga cya Kamiranzovu ngo cyamize inzovu zitari nke muri Nyungwe.

Ubu bushakashatsi bwatangiye mu 2006, akenshi bukifashisha ibice by’inzovu ya nyuma yiciwe muri Pariki ya Nyungwe.

Nta mubare w’inzovu zivugwa zabaga mu Ishyamba rya Nyungwe, gusa inyinshi zishwe n’imitego ya barushimusi bazitegaga bakazirya, izindi ngo zaba zararigitiye mu gishanga cy’aho bita muri Kamiranzovu.

Ni nyuma y’uko hakomeje kuvugwa byinshi by’uko uyu muhanda uzafungwa ugasigara ukoreshwa gusa na ba mukerarugendo, abandi bose bakajya bifashisha umuhanda mushya uva i Karongi ukagera i Rubavu uzwi nk’umukanda wa Kivu (Kivu Belt).

Umuyobozi wa Pariki ya Nyungwe, Rugerinyange Louis, avuga ko imodoka zizakomeza guca mu ishyamba.

Iki ni kimwe mu bibazo byabajijwe n’itsinda ry’abasenateri ubwo basuraga Akarere ka Nyamasheke, kuri uyu wa 20 Mata 2016 bareba uko ubukerarugendo bwarushaho kunozwa muri kano karere.

Umuyobozi wa Parike ya Nyungwe, Rugerinyange Louis, yatangaje ko uyu muhanda utazigera ufungwa, ko abantu bose bakazakomeza kuwucamo uko bisanzwe.

Guusa, ngo hazahinduka uburyo wakoreshwagamo kuko abantu bose bakwiye kwibuka ko ishyamba rya Nyungwe ari ahantu hagomba guhabwa agaciro kaho kandi hakubahirizwa.

Yagize ati “Ni ibihuha ntabwo duteganya kuzafunga uyu muhanda, abantu bose bazakomeza kuwucamo, gusa uburyo bawukoreshaga bizahinduka.

Hari abantu bawucagamo mu muvuduko mwinshi bakica inyamaswa zirimo abandi bagasigamo imodoka zabo n’ibikomoka kuri peterori byangiza ishyamba, abo bose bazagira uko bazajya basubiranya ibyangijwe”.

Umuhanda wa kaburimbo unyura muri Nyungwe ni mushya kandi abantu bose ngo bazakomeza kuwukoresha.

Rugerinyange aboneraho no kunyomoza amakuru avuga ko nubwo abantu bazakomeza guca muri iri shyamba bashobora kuzajya binjira batanze amafaranga nk’uko hari imihanda imwe n’imwe, cyane cyane iyo mu mijyi ikomeye yo ku isi, abantu binjizamo imodoka zabo bamaze kugira amafaranga batanga.

Yagize ati “Ibyo na byo ni ibihuha rwose nta muntu uzishyuzwa uriya muhanda, abantu bazakomeza kuwucamo nk’ibisanzwe.

Gusa amategeko yo kuwucamo azahinduka cyane kuko abantu bagomba kumenya ko ari icyanya gikomye, abantu badakora ibyo bishakiye bawugendamo uko babonye bajugunyamo ibyo babonye byose”.

Rugerinyanye avuga ko bisigaye bitera ishema cyane kubona uburyo Abanyarwanda batangiye gukangukira kuza kureba ibyiza nyaburanga biri muri iryo shyamba, agasaba abaturarwanda bose kwibuka ko ishyamba rya Nyungwe ari iryabo ko bakwiye kuza ku bwinshi kureba urusobe rw’ibyiza birigize.

Babitangaje ubwo basuraga akarere ka Nyamasheke mu kurebera hamwe uko ubukerarugendo buhagaze, kuri uyu wa gatatu tariki 20 Mata 2016.

Abasenateri basabye ubuyobozi gushyiraho gishushanyombonera cy’ubukerarugendo.

Visi perezida wa Komisiyo y’iterambere ry’ubukungu muri Sena, Senateri Sebuhoro Celestin yavuze ko bigoye ko ubukerarugendo bwakorwa neza nta gishushanyombera cyabwo ngo umuntu wese wifuza khaugera amenye aho yasura anabashe kumenya ibyiza bihari.

Yagize ati “Hari imyumvire Abanyarwanda bagomba guhindura bagasura ibyiza nyaburanga mu ba mbere.

Ahari ibiranga amateka bakahabona ariko kandi bikandikwa uje kuhasura akabasha kubisoma,ibyo byose bizaherekezwa n’uko hari igishushanyo mbonera cy’aho ushobora kubisanga.”

Abafatanyabikorwa mu bukerarugendo basabwe kubyaza umusaruro umuhanda witiruwe umukandara wa Kivu.

Ubuyobozi bw’akarere ka Nyamasheke bwavuze ko umwaka utaha icyo gishyushanyo mbonera kizaba cyabonetse, mu gihe abashoramari mu bukerarugendo bakigaragaza ko hakirimo ibibazo kugira ngo bitabire gushora imari yabo mu bijyanye n’ubukerarugendo.

Nsenguyumva Barakabuye ushora imari mu bukerarugendo yavuze ko nk’abashora imari bibagora gushora imari mu turere nka Nyamasheke kuko badahita babona inyungu.

Ati “Hakagombye kuba amategeko yihariye atugenga akurura abashoramari, hari amabanki atita ku mitere y’ahashowe imari, ibikorwaremezo nk’imihanda n’amashanyarazi bikagezwa aho ibyiza nyaburanga biherereye n’ibindi bigikeneye ubuvugizi ngo aka gace kabyare umusaruro w’ubukerarugendo.”

Akarere ka Nyamasheke ni kamwe mu turere gafite ibyiza nyaburanga byinshi, birimo ishyama rya Nyungwe, ikiyaga cya kivu n’ahantu henshi h’amateka.

Kuri ubu, umuhanda wa kaburimbo witiriwe umukandara wa Kivu (Kivu Belt) ukaba uri mu nzira zo kuzura.

Aba baturage bo mu Kagari ka Ntango mu Murenge wa Nyabitekeri bavuga ko babujijwe kongera gusana amazu bacururizamo kuko bari muri metero 50 uvuye ku Kiyaga cya Kivu mu gihe bari barabariwe ngo bazimuke ariko kugeza ubu bakaba barategereje amafaranga y’ingurane bagaheba.

Amazu yarangiritse ariko abaturage ntibemerewe kuyasana kandi nta n’ingurane bahabwa ngo bayavemo burundu.

Aba baturage bavuga ko bakomeje guhomba byinshi birimo ko amazu yabo asa nabi ndetse bakaba batorohewe no kuyakoreramo kandi badashobora kuyasana.

Bakomeza bavuga ko bibatera igihombo gikomeye mu gihe muri iki gihe ari bwo ikawa iba yeze kandi bakeneye kuyigura bakayibika mu mazu yabo y’ubucuruzi.

Umwe muri bo agira ati “Tugeze igihe cyo kugura ikawa no kuyibika ntaho twayibika kuko amazu yacu arenda kutugwaho kuko ntabwo twemerewe kuyasanura.

Ubuyobozi bwaraduhagaritse nyamara hashize imyaka itatu batubwira ko baduha ingurane na n’ubu twarategereje turaheba.”

Ubuyobozi bw’Akarere ka Nyamasheke buvuga ko bwafashe icyemezo cyo gukura abaturage muri metero 50 uvuye ku Kiyaga cya kivu, nk’uko itegeko ribiteganya.

Mu gihe abaturage bari bahatuye barimuwe hasigara abari bafite inzu z’ubucuruzi, ubuyobozi bw’akarere buvuga ko mu gihe amafaranga ataraboneka ngo bimuke abashaka gusana bakwegera ubuyobozi bubari hafi bukabafasha.

Kamali Aime Fabien, Umuyobozi w’Akarere ka Nyamasheke, yagize ati “Nta nzu yo guturamo yasigaye hariya bose barimuwe, ariko hari inzu z’ubucuruzi n’utubari zasigaye.

Amazu ahasigaye ni ayakorerwagamo ubucuruzi.

Haramutse hari umuturage ufite ikibazo yakwegera ubuyobozi bumwegereye agafashwa aho kugira ngo inzu imugweho mu gihe amafaranga y’ingurane yaba ataraboneka”.

Nubwo ubuyobozi buterura ngo buvuge igihe amafaranga y’ingurane azabonekera, abaturage bavuga ko babariwe amafaranga agera kuri miliyoni imwe n’ibihumbi 300 by’amafaranga y’u Rwanda buri nzu.

Muri ako gace, hari amazu arenga umunani agomba kuhava ariko abaturage bo basa n’abataye icyizere ko ayo mafaranga azaboneka bakababazwa n’igihombo byabateye ibikorwa byabo gusubira inyuma.

Ni mu gihe ubundi njyanama zajyaga zikusanya ibibazo mu baturage zikabishyikiriza inzego bireba ngo abe ari zo zibikemura.

Perezida wa Njyanama y’Akarere ka Nyamasheke, Dr Ndabamenye (hagati), avuga ko bagiye guhindura imikorere bakibanda ku gufasha abaturage gukemura ibibazo no ku mishinga ibakura mu bukene.

Muri iyo nama yabaye ku wa 15 Mata 2016, Dr Ndabamenye Telesphore, Perezida wa Njyanama y’Akarere ka Nyamasheke, yavuze ko bazanye imigambi mishya, irimo kugena ibikorwa byihutirwa kandi by’ingenzi bigomba gukorwa no kugenerwa amafaranga menshi.

Avuga ku ruhare rwa njyanama mu gukemura ibibazo by’abaturage, yagize ati “Hari ibibazo by’abaturage byashoboraga gukemuka abajyanama begereye abaturage babagira inama, twahinduye imikorere ntabwo umujyana ari ujya kuzana ibibazo by’abaturage gusa ahubwo ahomba no kubigira ibye aho bishoboka agafasha ko bikemuka. ”

Yakomeje avuga ko bazibanda cyane ku mishinga ikura abaturage mu bukene, ndetse ikaba ari na yo izashyirwamo amafaranga menshi, kuko byagagaye ko hakiri ikibazo gikomeye mu iterambere ry’abaturage ba Nyamasheke.

Ati “Tugiye gushyira ingufu mu guha abaturage bacu amatungo magufi atuma bashobora kubona amafaranga kandi bakikenura.”

Abajyanama 30 b’Akarere ka Nyamasheke batowe mu mpera za Gashyantare 2016, muri iyo nama yabo ya mbere banitoyemo amakomisiyo bazakoreramo agizwe na komisisyo y’ubukungu n’iterambere, iy’imibereho myiza, iy’imiyoborere myiza na polititki n’ubutabera.

Uyu mukecuru yari atuye mu Mudugudu wa Gitsimbwe mu Kagari ka Nyarusange mu Murenge wa Kilimbi mu Karere ka Nyamasheke.

Yishwe mu ijoro ryo kuri uyu wa 11 Mata 2016, bikaba bikekwa ko yishwe n’umukwe we wavuye muri FDLR bari bafitanye amakimbirane ashingiye ku masambu.

Umunyamabanga Nshingwabikorwa w’Umurenge wa Kilimbi, Nkinzingabo Patrice, avuga ko uyu mukecuru yasanzwe mu nzu yatemaguwe mu mutwe yapfuye kandi bigaragara ko nta hantu na hamwe urugi rwishwe ndetse hakinze neza.

Yagize ati “Uyu mukecuru yishwe n’umugizi wa nabi ushobora kuba yihishe mu nzu batabizi akaza gukora ayo mahano, kuko twasanze hakinze neza ndetse nta hantu bigaragara ko hishwe ngo bamugereho kandi abana bato babanaga na we bavuga ko batigeze bumva ikintu na kimwe muri iri joro”.

Nkinzingabo avuga ko bakeka ko yaba yishwe n’umukwe we witwa Akimana Jean Pierre bapfaga amasambu, akaba yari yaranamubwiye ko ayo masambu atazayabamo.

Yagize ati “Ubwo uyu mukecuru yahungukaga avuye muri Kongo yasanze uyu mudemobe wa FDLR w’umukwe we yarigabije amasambu ye, imiryango ibijyamo barayamusubiza ariko amubwira ko atazayabamo! dukeka ko yaba afite uruhare mu rupfu rwe”.

Nkinzingabo asaba abaturage kwimakaza umuco w’amahoro bakamenyesha ubuyobozi ibibazo bafite bigashakirwa umuti bitarinze bigeza ubwo bicana.

Agira ati “Nta mpamvu umuturage yahitamo kwica mugenzi we kubera amasambu. Turahari nk’ubuyobozi ngo tubafashe gukemura ibibazo baba bafite bitarinze bigera hariya”.

Byari biteganyijwe ko nyakwigendera ashyingirwa kuri uyu wa 12 Mata 2016 nyuma yo gukorerwa isuzuma mu Bitaro bya Kibogora mu gihe iperereza rigikomeje.

Ni umuco ukorwa n’ababyeyi, aho umuhungu wasabye umukobwa cyangwa wamusuye atekerwa isake, ndetse ku munsi wo gusaba bagategura n’izo atahana.

Ubuyobozi bwatangiye ubukangurambaga bwo kurandura umuco wo kubagira abakwe amasake.

Abaturage bavuga uwo muco umaze kubakenesha ndetse ku buryo basaba ubuyobozi ko bwakomeza kubafasha kugira ngo ucike, kuko bigaragara ko urubyiruko ruwukomeyeho cyane.

Umwe mu bahatuye, avugana agahinda aterwa n’uwo muco, yagize ati “Tekereza niba ufite abakobwa bane, ni uguhita worora inkoko zitagira ingano cyangwa bikagusaba kugurisha umurima cyangwa itungo kugira ngo umukwe atahe yishimye.”

Uyu mubyeyi yakomeje agira ati “Kandi uramutse utabikoze umukobwa yanagutwikira, birakwiye ko ubuyobozi budufasha guca uyu muco umaze kudukenesha”.

Undi muturage, we yagize ati “Ubu mfite umukobwa mu rugo n’abandi ariko namaze gukora umushinga ukomeye wo korora amasake, kugira ngo ntazagawa umukobwa wanjye akaba yabengwa”.

Umunyamabanga Nshingwabikorwa w’Akagari ka Ntango mu Murenge wa Nyabitekeri, Silas Munyankindi, avuga ko uyu muco bawuhagurukiye ku buryo bukomeye imo bakaba barkuwukumira no kuwamagana, haba mu nsengero, mu Itorero ry’Intore ndetse n’inama zitandukanye.

Yagize ati “Ni umuco mubi ugiye gukenesha abaturage bacu, twatangiye ubukangurambaga bukomeye twereka urubyiruko ko rudakwiye kumera nk’urusabiriza.

Ndetse abakora urugerero n’itorero turabatuma ngo babwire bagenzi babo babikora ko ari ibigwari, nyuma y’ubukangangurambaga hazafatwa izindi ngamba”.

Abaturage bavuga ko uyu muco ukomoka mu gihugu cy’abaturanyi cya Repuburika Iharanira Demukarasi ya Kongo, kuko baturanye kandi bakagenderanacyane.

Abasore n’inkumi bo bavuga ko badateze gucika kuri uyu muco, bemeza ko ari umuco werekana ko umuryango w’umukobwa uha agaciro gakomeye umuryango azashyingirwamo.

“Kivu Belt” ni umuhanda uva mu Karere ka Rusizi ukagera mu Karere ka Rubavu uciye i Nyamasheke, Karongi na Rutsiro.

Agasigwa asaba abaturiye umuhanda "Kivu Belt" kuwubyaza umusaruro.

Kuri ubu, umaze gushyirwamo kaburimbo kuva i Rusizi kugeza i Karongi ndetse ibikorwa byo kuwubaka bikaba bikomereke mu Karere ka Rutsiro bikazasorezwa mu ka Rubavu.

Ni umuhanda Perezida Kagame yemereye abaturage batuye muri utwo turere mu rwego rwo koroshya ubuhahirane no kubakura mu bwigunge.

Gasigwa Pierre, umuririmbyi ukoresha iningiri, avuga ko yahimbye indirimbo ye aririmba ibyiza bazaniwe n’uyu muhanda, bikaba byaratumye abantu bagenderanira bakabasha guhahirana, ku buryo bworoshye.

Agira ati “Nishimira cyane kandi ngashimira Perezida wacu waduhaye uyu muhanda tukaba twaravuye mu bwigunge, turahahirana nta kibazo, ndirimba buri munsi ibyiza twazaniwe n’uyu muhanda”.

Umuhanda "Kivu Belt" witezweho kuba igisubizo ku buhahirane mu Ntara y’Iburengerazuba no koroshya ubukerarugendo.

Gasigwa avuga ko nyuma yo kubona umuhanda abaturage batuye muri utu turere bakwiye guhaguruka bagakora, bakawubyaza umusaruro.

Ati “Kuba twarabonye umuhanda bivuga ko abantu bashobora kugera ku mashuri ku buryo bworoshye, bakabasha kujyana umusaruro wabo ku isoko ndetse bakabasha no kugera aho batashoboraga gupfa kugera”.

Uyu muririmbyi nyuma yo gukora urutonde rw’ibintu Perezida Kagame amaze kubagezaho, agaragaza ko hari icyizere cyo kuzagera ku cyerekezo 2020.

Mu ndirimbo ye, hari aho agira ati "Perezida Kagame arimo kutwegereza Vision 2020."

Umuhanda "Kivu Belt" ushobora kuzafasha umuhanzi Gasigwa Pierre dore ko ubundi yahuraga n’akazi katoroshye ko kuva za Rusizi, agaca i Karongi yerekeza i Rubavu agenda acuruza iningiri ze anaririmbira abantu bakamuha amafaranga.

Gasigwa Pierre afite imyaka 49 akaba atuye mu Mudugudu wa Gisheke mu Kagari ka Nyarusange mu Murenge wa Kilimbi mu Karere ka Nyamasheke akaba afite abana 7 n’umugore umwe.

Byavuzwe n’abayoboke ba Paruwasi Kabuye –Keru bo mu Murenge wa Kanjongo mu Karere ka Nyamasheke ku wa 20 Werurwe 2016 ubwo abagera kuri 200 barihirwaga ubwisungane mu kwivuza (Mutuel de santé) bakemeza ko bivuzaga magendu kubera amikoro make.

Bamwe mu bakirisito bahawe ubwisungane mu kwivuza.

Nyirakanani Jeanine, umwe mu bahawe ubwisungane bwa 2016-2017, avuga ko aheruka kugura ubwisungane bukigura amafaranga 1000.

Abishingiraho ashimira ubuyobozi bw’itorero ryabo ( Eglise de Dieu du Nouveau Testament) kubaba hafi no kubafasha kwivuza kuko bivuzaga magendu.

Yagize ati “Singira aho mpinga sinagiraga mituweri! Nshimiye ubuyobozi buje kudutangira mituweri rwose sinabona uko nashima, ni Imana yonyine ibikoze iyo nabonaga 200 najyaga gusaba utunini ni ubwa mbere ngize mituweri ngiye kujya nivuza nta kibazo.”

Batanze n’amabati 80 yo gusakara uru rusengero.

Nyirabasinga Marie, we avuga ko yari atangiye kubunza umutima yarihebye ko atazabona aho akura mituweri kuko uyu mwaka yari yagize amahirwe akayitangirwa n’umugiraneza none ngo Imana yongeye kumwibuka.

Reverand Pasitoro Charles TWAGIRIMANA akaba n’Umuvugizi w’Itorero ry’Imana ry’isezerano rishya mu Rwanda, avuga ko abakirisito b’itorero ryabo batabeshwaho n’amasengesho gusa ari na yo mpamvu babazaniye ubwisungane bw’abantu 200.

Rev. Pasteur Charles Twagirimana, Umuvuvugizi w’iri Torero, avuga ko abakirisito bakeneye kubaho mu buzima bwiza.

Yagize ati “Ijambo ry’Imana ritubwira ko Mwuka Muzima akorera mu mubiri muzima, abakirisitu b’iri torero ntabwo bakwinjira mu rusengero ngo basenge gusa atari bazima cyane cyane ko aha haba ibiza ndetse n’indwara nyinshi.”

Usibye izi mituweri batanze babazaniye n’amabati 80 yo gusakara urusengero rwangijwe n’ibiza umwaka ushize.

Iyi mpanuka yabaye mu ma saa yine imbere y’Ibiro by’Akarere ka Nyamasheke, ubwo imodoka yari itwaye Ntaganira yari isohotse bagiye mu kazi, igahita icakirana n’itagisi yari itwaye abagenzi.

Iyi mpanuka yakomerekeyemo Umuyobozi Wungirije w’Akarere ka Nyamasheke ushinzwe Ubukungu.

Ababonye iyo mpanuka iba, bavuga ko imodoka yari itwaye umuyobozi w’akarere wungirije yasohotse mu gipangu igiye mu kazi yagera mu muhanda, itagisi itwara abagenzi igasohoka muri parikingi iri inyuma y’indi modoka itabanje kureba imbere, iyari itwaye umuyobozi w’akarere igahita iyigonga mu rubavu.

Umwe mu babibonye yagize ati “Umushoferi wa tagisi yasohotse aho imodoka ziparika ari inyuma y’indi modoka, muri uko gukata ntiyigeze abona ko hari indi modoka iri kumanuka.

Ni bwo akimara gukata ageze mu muhanda yahise agongwa n’imodoka y’umweru, turebye dusanga yari itwaye Umuyobozi w’Akarere Wungirije. Yakubise umutwe kuri paraburise arakomereka cyane”.

Umushoferi wari utwaye itagisi Niyigena Thomas we ari avuga ko atigeze akora amakosa kuko yari avuye muri pariki agenda imodoka ikaza ikamugonga.

Kugeza ubu nta rwego rwa Leta cyangwa se Polisi rwari rwagira icyo ruvuga kuri iyi mpanuka.

Mu gihe abakomeretse byoroheje bari bari mu itagisi bavuriwe ku Kigo nNderabuzima cya Nyamasheke, Ntaganira Josue Michel, we yajyanye kuvurirwa mu Bitaro bya Kibogora.

Babisabwe n’umuryango uharanira amahoro binyuze mu burezi (Rwanda Peace Education Program) nyuma y’ibiganiro n’inyigisho by’ibyumweru bibiri uyu muryango wahaye abaturage b’aka karere.

By’umwihariko, hibanzwe ku barimu n’abanyeshuri mu rwego rwo kurushaho kwimakaza amahoro arambye no gukumira jenoside mu gihe kizaza.

Habineza Jean Michel avuga ko abantu bakwiriye gutinyuka kuvuga ikibi no kucyamagana.

Habineza Jean Michel, Umuyobozi wa Rwanda Peace Education Program (RPEP), avuga ko abantu bagomba guharanira kuba abanyamahoro kugira ngo bayahabwe banayatange, nyamara babona abantu batiza umurindi inabi, ntibatinyuke kubirwanya cyangwa kubyamagana.

Yagize ati “Abica sosiyete si abagira nabi gusa ahubwo ababona ikibi ntibatinyuke ngo bacyamagane kandi bakirwanye.”

Habineza avuga ko bigishije abarimu n’abanyeshuri gukumira jenoside no kubaka amahoro arambye.

Yagize ati “Twaberetse intambwe zituma sosiyete igera kuri jenoside; aho bitangira babwira bamwe ko ibibazo bafite babiterwa n’abandi bikagera ubwo ibyo babwirwa babifata nk’ukuri kuzima”.

Bamwe mu batojwe inyigisho z’amahoro mu Karere ka Nyamasheke.

Tuyishime Fidel, umwarimu wigisha mu Rwunge rw’Amashuri rwa Nyamasheke A, avuga ko abonye ingero n’ubumenyi bufatika buzatuma abasha gufasha abo yigisha kubaka amahoro arambye.

Ati “Nabonye ubuhamya, mbona ingero naheraho nigisha uburyo jenoside yagenze n’uko yateguwe; nkakangurira n’abandi barimu kwitabira bene aya mahugurwa atuma abanyeshuri basonurirwa uko jenoside yagezweho n’uburyo bashobora kuyirwanya.”

Umuyobozi w’Akarere ka Nyamasheke Wungirije ushinzwe Iterambere ry’Ubukungu, Ntaganira Josué Michel, avuga ko ibikorwa nk’ibi byo kwigisha abakiri bato umuco w’amahoro no kubana, bikwiye gushinga imizi kugira ngo u Rwanda ruzabeho nta ngengabitekerezo mbi y’urwango.

Ati “Mu burezi ni ho tuzakura umusingi wo kuba u Rwanda ruzira amacakubiri. Abakiri bato bakwiye kwigishwa icyamunze igihugu cyacu, bagakurana umusingi mwiza w’amahoro n’urukundo.”

Umuryango RPEP umaze ibyumweru bisaga bibiri mu Karere ka Nyamasheke wigisha abarimu, abanyeshuri n’abandi baturage uburyo bashobora kubaka amahoro nyuna ya Jenoside yakorewe Abatutsi.

Mu nyigisho bahawe kandi harimo uburyo bashobora kuyikumira bimakaza amahoro arambye; bakabikora biciye mu biganiro, impaka, ubuhamya n’ingero z’ahandi.

Byabereye mu Mudugudu wa Muko, mu Kagari ka Ntendezi mu Murenge wa Ruharambuga mu Karere ka Nyamasheke mu masaha y’umugoroba.

Umunyamabanga Nshingwabikorwa w’Umurenge wa Ruharambuga, Ndindayino Jean Claude, avuga ko abantu bataramenyekana umubare binjiye mu kigo cy’isosiyete y’Abashinwa ikora umuhanda "China Road and Bridge Corporation", aho bita mu Mwaga, bitwaje ibyuma basimbuka ikigo basangamo Umushinwa baramukubita ndetse baranamukomeretsa hanyuma batwara amafaranga yari afite barahunga.

Yagize ati “Imvura yagwaga abantu barinjira bafite ibyuma baca inyuma y’ikigo, abazamu ntibabasha kubabona, baragenda bakubita Umushinwa bambwambura amafaranga yari afite, basiga banamukomerekeje, ni bwo yahise asohoka aza gutabaza abazamu babirukaho basanga bagiye ni ko kwitabaza inzego z’umutekano”.

Ndindayino avuga ko abantu bose bamaze gutozwa kujya babitsa amafaranga kuri banki, ariko agakeka ko impamvu abo bashinwa batabitsa ayo mafaranga ari nyinshi, akenshi zitungwa agatoki n’abaturage, zirimo ko na bo ubwabo bashaka kuyiba abayobozi babo, ntibamenye ko hari amafaranga bafite kuri banki, cyangwa bakaba baba bayazanye ngo bahembe abakozi.

Kugeza ubu, biravugwa ko amafaranga yibwe ari miliyoni 4 z’amafaranga y’u Rwanda n’amadorari ibihumbi 4,8 ahwanye na miliyoni zisaga 3 n’igice z’amafaranga y’u Rwanda.

Superintendant Hitayezu Emmanuel, Umuvugizi wa Polisi mu Ntara y’Iburengerazuba, yatangaje ko iperereza rigikomeje ngo hamenyekane ababikoze ndetse n’abakigizemo uruhare bose.

Hari mu biganiro byateguwe na Polisi y’u Rwanda ku bufatanye n’abanyeshuri biga muri Kaminuza y’u Rwanda/Ishami rya Nyamishaba (Karongi) na Sosiyete y’Abashinwa ikora umuhanda muri aka karere.

IP Musabyimana yasobanuriye abanyeshuri b’i kanjongo muri Nyamasheke uburyo bwo kugenda neza mu muhanda.

Umuyobozi wa Sitasiyo ya Polisi ya Kanjongo, IP Musabyimana Anastase, yigishije abanyeshuri ko mu kwambuka umuhanda, bagomba kwitonda, bakabanza kureba nib anta kinyabiziga cyabagonga.

IP Musabyimana yanababwiye ko mu kugenda ku nkengero z’umuhanda, bagomba kunyura ibumoso bwawo; hagira ikibazo kiba, bakihutira kubimenyesha abarezi babo na Polisi.

Yabibukije ko umuhanda atari uwo gukiniramo, kuko bishobora gutwara ubuzima bwabo, kandi ari bo bana b’igihugu, bazagikorera “ejo hazaza”.

Yagize ati “Bana bacu, kugenda mu muhanda cyangwa gukiniramo bishobora kubateza impanuka zatuma mumugara cyangwa mugapfa."

Yongeyeho ati "Ni ngombwa guca ibumoso iyo ugenda ku nkengero z’umuhanda kandi iyo hari ikibaye mu muhanda, ubwira mwarimu, ukandika nomero z’imodoka hanyuma mukatumenyesha tukabatabara.”

Abanyeshuri ngo ntibakwiriye gukinira mu muhanda.

Abitabiriye iki gikorwa bavuga ko bikwiye cyane kubera ko umuhanda wa kaburimbo ari bwo ukigera mu karere ka Nyamasheke, bagasaba ko ubu bukangurambaga bwagera no mu yindi mirenge kugira ngo hirindwe impanuka zishobora kuvuka.

Munganyinka Adeline yagize ati “Uyu muhanda uracyari mushya cyane kandi urimo amakorosi menshi. Ni ngombwa ko ubu bukangurambaga bukomeza. Tujya tubona abana batari bake bava ku ishuri bigendera mu muhanda uko bishakiye; ni byiza kubibutsa ko umuhanda atari umuharuro”.

Umuhanda wiswe “Umukandara wa Kivu (Kivu Belt)” uva Nyamasheke ugana Rubavu, uri hafi kurangira. Ukaba ari umuhanda uvugwa n’abaturage ko wabakuye mu bwigunge.

Uyu muhanda witezweho kuzamura ubuhahirane, n’ubukerarugendo bugakomera muri aka gace k’uburengerazuba bw’u Rwanda.

Ni bimwe mu byaganiriweho n’abashinzwe uburezi, abarimu n’abanyeshuri baturutse mu mirenge yose igize Akarere ka Nyamasheke, mu biganiro bagiranye Umuryango w’uburezi bugamije amahoro “Rwanda Peace Education Program”, kuri uyu wa kabiri tariki 1 Werurwe 2016.

Abahwe ibiganiro basanga Abanyarwanda bakwiye kuba umwe bakubaka igihugu cyabo.

Habineza Jean Michel ukuriye uyu muryango, uvuga ko kwigisha abanyeshuri amateka yaranze Jenoside byakoroshya gushakira hamwe ibisubizo byatuma itazongera kubaho mu bihe bizaza.

Yagize ati “Usanga abarimu bataratinyuka ngo bigishe kuri Jenoside bifashishije ubuhamya n’inkuru z’uburyo yagenze, bitume bagira ibiganiro mpaka bituma abantu babohoka, abantu bose bakozweho n’ingaruka zayo ku buryo butandukanye, bityo bagafata ingamba ngo ntizasubire.”

Abarimu bavuga ko bikigoranye kubera imyumvire y’ababakoresha n’iyabo ku giti cyabo, kuko usanga benshi babifata nk’aho ari politiki itabareba, nk’uko uwitwa Hategekimana Salomon yabisobanuye.

Habineza (wambaye costume) avuga ko kuganira ku bitanya abantu bituma babasha kumenya ukuri no kubirenga.

Ati “Twigisha amateka ariko twirinda kuvuga kuri Jenoside, kuko hari aho usanga bayobozi bacu badashaka ko tuvuga kuri jenoside. Gusa ubu twabonye ko kuyikumira ari ukuyigisha dutanga ubuhamya bwiza twerekana ububi bwayo ndetse dushaka n’ingamba zatuma itazongera.”

Abanyeshuri bavuga ko bacikanwa n’amateka yabo azabafasha kubaka amahoro arambye, rimwe na rimwe bagaheranwa n’ibitekerezo bibi bahabwa b’ababyeyi babo, akabura undi wabafasha kumenya ukuri ku byabaye.

Umwe ati “Hari abana usanga bafite ibitekerezo bakura mu miryango by’amoko, nyamara ugasanga nta handi wakumva abantu babivuga ngo umenye ukuri, twumvise ko dukwiye kurenga amateka, tukubaka u Rwanda rwacu.”

Uyu muryango Rwanda Peace Education Program, ugiye kumara ibyumweru bibiri muri aka karere wigisha kuri iki kibazo.

Uyu muryango uhuza abantu b’ingeri zitandukanye bajya impaka kuri Jenoside yakorewe Abatutsi mu 1994, bagatanga ubuhamya ku bantu babashije gufasha abandi muri Jenoside.

Bagira umwanya wo kuvuga no ku mateka yayo n’uburyo Abanyarwanda bakomeje kunga ubumwe nyuma yayo, bifashishije ingero zavuye ahantu hatandukanye mu Rwanda.

Ku wa Mbere, tariki 29 Gashyantare 2016, ni bwo abo bahungu babiri b’imyaka 15 bo mu Murenge wa Kanjongo, basingiriye se avuye ku isoko bamutema amaboko no mu nda bagambiriye kumwambura ayo mafaranga.

Umukuru w’Umudugudu wa Gatare, Bitwayiki Isaac, yabitangaje agira ati “Bamuguye gitumo baramutema bashaka gutwara amafaranga yari afite, arahuruza abaturanyi baratabara ndetse abo basore bombi barafatwa bahita bashyikirizwa abasirikare bari bari ku irondo."

Yakomeje avuga ko bageze mu nzira, umwe agahita yiroha mu mazi akoga arabacika naho undi agezwa kuri Polisi. "Ku bw’amahirwe, n’amafaranga yagarujwe ntayo batwaye”, nk’uko Bitwayiki akomeza abivuga.

Umunyamabanga Nshingwabikorwa w’Umurenge wa Kanjongo, Ngendahimana Leopord, asaba abaturage gukora no gushaka amafaranga mu buryo bukwiye, aho kwikururira ibibazo by’urugomo kandi bishobora kugira ingaruka mbi.

Ati “Ni byiza ko abantu bakomeza kumva ko kubana neza mu rugo ari byo by’ingenzi. Si byiza guca mu nzira nka ziriya mbi zidashobora gutanga ibisubizo nyakuri.”

Aba bana b’impanga bafite imyaka 15 ni Turihokubwayo bita Gakuru na Ahishakiye bita Gatoya. Bavugwaho ko basanzwe ari abanyarugomo.

Hagati aho, baracyarimo gushakisha uwo wacitse.

Bavuga ko bacana akabonesha nk’uko bari babyiteze ariko ikibazo kikaba iyo hagize umuntu ucana ikintu gitwara amashanyarazi arenze ay’itara rimwe, kuko aho batuye hose hahita hazima cyangwa amatara agacana ku buryo budashobora kubonesha.

Ibikorwa bibyara inyungu ariko bigakenera umuriro mwinshi, bituma abandi baturage badacana.

Abaturage baturiye agasanteri ka Karengera gaherereye muri uyu murenge, bavuga ko nubwo bari bishimiye iri terambere ariko ibyishimo byabo bitamaze kabiri, kuko basa nk’aho akaguru kamwe kakiri mu icuraburindi mu gihe batarabyaza umusaruro ayo mashanyarazi.

Umwe yagize ati “Iyo ducanye hakagira ucomekaho n’ipasi cyangwa akatsa imashini zisanzwe yaba izisya cyangwa izindi umuriro uhita ugenda ahantu hose, bigatera ikibazo abandi baturage.”

Umunyamabanga Nshingwabikorwa w’Akarere ka Nyamasheke unakayobora mu nzibacyuho, Habiyaremye Pierre Celestin, avuga ko iki ari ikibazo kiri mu turere twinshi kandi kizwi n’abashinzwe ibijyanye n’amashanyarazi kuko ngo babikoze babizi kugira ngo basaranganye.

Ati “Ni ikibazo kiri mu utundi turere mu guha amashanyarazi abaturage benshi bateganyaga ko ari umuriro wo gucana mu rugo. Kubera iterambere n’icyerecyezo igihugu kiri kuganamo, abantu batangiye gukenera umuriro urenze uwo mu rugo.

Abashinzwe umuriro, ababishinzwe barabizi twatangiye no kugikorera ubuvugizi, ku buryo mu mishinga itaha bazakora inzira nyinshi aho gukora inzira imwe.”

Amashanyarazi yagejejwe mu mirenge yose igize Akarere ka Nyamasheke ariko umuriro ubwawo ntuhagije.

Akarere ka Nyamasheke gafite ingo zirenga ibihumbi 80, ingo zigera kuri 25% zamaze kubona amashanyarazi kandi mu mirenge yose uko ari 15 amashanyarazi amaze kuhagera.

Uyu mubyeyi utuye mu Mudugudu wa Nyarubura mu Kagari ka Susa mu Murenge wa Kanjongo, yavumbitse mu muriro ikiganza cy’umuhungu we w’imyaka icyenda, agahita atoroka akimara kubona ko akoze ibintu bidakwiye ariko nyuma aza gufatwa agahita afungwa.

Uyu mwana yahiye ikiganza ku buryo bukomeye avumbitswe na nyina.

Umunyamabanga Nshingwabikorwa w’aka kagali, Sinumvayabo Thacien, avuga ko uyu mubyeyi yari yasize abana ku rugo, agarutse asanga mukuru wabo yariye ku biryo yari yasigiye barumuna be babiri, ahita amuha igihano cyo kumuvumbika mu muriro arashya arakongoka.

Yagize ati “Nyuma yo kubona ko umwana we yakoze mu nkono agacura barumuna be babiri, nyina yahise afata ikiganza cye aramuvumbika arashya bikomeye ku buryo no kumukuramo umwenda yari yambaye byasabaga gushwanyura umupira yari yambaye.”

Sinumvayabo avuga ko bigayitse kubona umubyeyi witwikira umwana yibyariye ngo aramuhana. Akavuga ko ababyeyi bakwiye kujya bibuka ko umwana aba agikeneye guhanwa bya kibyeyi aho guhohoterwa.

Ati “Biriya ni ubugome ndengakamere, hari ibihano bihabwa abana, nta muntu ukwiye guhana umwana yarakaye cyane.

Umubyeyi wese akwiye guhana umwana we ashyizemo n’impuhwe, kuko nyine aba ari umwana, ni akaga noneho kubona umuntu yotsa umwana yibyariye agakongoka kuriya.”

Uyu mubyeyi afungiye kuri sitasiyo ya Polisi ya Kanjongo, aho ategereje kugezwa imbere y’ubutabera.

Umugabo we aba i Kigali aho akorera amafaranga naho uwo mwana avurirwa mu bitaro bya Kibogora.

Abo bamotari bakorera mu Murenge wa Kanjongo, bakunze kurangwa n’amakosa yo gutwara moto nta byangombwa bafite mu gihe umupolisi abahagaritse. Bikiyongeraho no kuba bashinjwa kugira uruhare mu gufasha kwinjiza ibiyobyabwenge na forode zinyuzwa mu Kivu.

SSptByuma yasabye abamotari gukunda akazi kabo bubahiriza amategeko kandi batanga serivisi nziza.

Ariko mu nama bagiranye n’ubuyobozi bwa Polisi tariki 18 Gashyantare 2016, biyemeje kwisubiraho ahubwo bagashyigikira ko umutekano utangizwa, nk’uko umwe muri bo yabitangarije mu ruhame.

Yagize ati “Dutwara abantu batandukanye, tuba duca ahantu hatandukanye, tugiye gufata iya mbere mu kujya dutanga amakuru yafasha inzego z’umutekano kurushaho kuwubungabunga.

Gusa birakwiye ko amakoperative yacu arushaho gukora no kwiyubaka kugira ngo turwanye bamwe muri bagenzi bacu bashobora kunyuranya natwe.”

Kimwe na bagenzi be, asanga bikwiye ko buri mumotari yita ku mutekano we n’uw’abagenzi atwaye.

Basabye ko amakoperative bakoreramo yarushaho gukomera, bakabasha gukumira bamwe mu bangiza izina ryabo bakora amakosa atandukanye, rimwe na rimwe bakagira uruhare mu guhungabanya umutekano.

Abayobozi batandukanye basabye abamotari kurushaho kubahiriza amategeko.

Umuyobozi wa Polisi mu Karere ka Nyamasheke, SSP Byuma Paul, yababwiye ko imiterere y’akazi bakora umunsi ku munsi, bakwiye kubanza kuzirikana ku mutekano kugira ngo na bo bibafashe kubona inyungu.

Ati “Muhura n’abantu benshi kandi mutwara abantu benshi, mbere yo gutwara umuntu jya ubanza urebe neza, ashobora kuba atwaye ibintu bibi, cyangwa se akaba ashobora kukugirira nabi.

Ni byiza ko niba ubonye ikintu gishobora guhungabanya umutekano uhita ubibwira Polisi."

Abamotari basabye kandi ko Ikigo cy’Igihugu gishinzwe imirimo ifitiye igihugu akamaro (RURA), na cyo gikwiye kubafasha kubona ibyangombwa mu buryo bwihuse kugira ngo ntibakomeze gukorera mu makossa.

Aya majerekani 25 yafashwe mu gitondo cyo kuri uyu wa 17 Gashyantare 2016, ubwo abari bayambukanye bavaga mu nzira zo mu Karere ka Karongi berekeza mu Karere ka Nyamasheke, bakaba bafashwe bageze mu Murenge wa Macuba mu Karere ka Nyamasheke.

Bamwe mu batuye i Nyamasheke bavuga ko atari ubwa mbere hafatirwa mazutu y’inyibano mu Kivu.

Umuyobozi w’Abarobyi mu Karere ka Nyamasheke, Ndahayo Eliezer, avuga ko abo bagabo bari bambukije ayo majerekani yita ay’amibano baturukaga mu Karere ka Karongi bari mu bwato.

Bikekwa ko bari bayakuye mu isosiyete ikora umuhanda y’Abashinwa izwi nka China Road, ariko abashinzwe kurinda Ikivu bakababona bagahita bata ayo majerekani bakiruka bakaburirwa irengero.

Yagize ati “Abahungu bacu bashinzwe kurinda Ikivu (garde- peches) babonye abantu bafite ubwato bambukana ibintu barabakurikira babageze iruhande imusozi bahita biruka. Abo barinzi bahise bagwa kuri ayo bajerekani 25 ya mazutu bishoboka ko yavuye mu isosiyete ikora umuhanda ya China Road”.

Ndahayo avuga ko biri mu mugambi w’abarobyi ndetse n’abandi bakoresha Ikiyaga cya Kivu, mu guca ubujura bwose buca mu kiyaga, ndetse bakaba batazihanganira magendu yose ishobora guca mu Kivu.

Yagize ati “Hari abantu bakora ubujura bakabucisha mu Kivu, abandi bahacisha ibiyobyabwenge nk’urumogi, ndetse forode yose bakumva ko izaca mu Kivu. Twafashe ingamba zikomeye ku buryo n’abatarafatwa barya bari menge”.

Aya majerekani yashyikirijwe abapolisi bashinzwe kurinda amazi mu gihe hagishakishwa abari batwaye ayo majerekani.

Aba bajyanama bavuga ko hari byinshi babonaga mbere y’uko binjira mu bajyanama byari bikwiye guhinduka bityo bakaba biyemeje kuzafatanya n’abaturage kubaka no gukomeza guteza imbere ibyiza byagezweho.

Abajyanama biyemeje kuzabera ijisho abaturage

Sirikare Jean Damscene ni umwe mu bajyanama warahiye akaba ahagarariye abafite ubumuga mu murenge wa Kagano mu karere ka Nyamasheke, avuga ko hari byinshi yanenze abajyanama babanje akaba yizeza abaturage ko azakora ibishoboka byose akaba ijwi ryabo akabafasha kwisanga no gukora neza gahunda za leta.

Yagize ati “Hari byinshi nanenze abajyanama bambanjirije birimo kutegera abaturage babatoye ngo babavuganire uko bikwiye no gushakira hamwe n’ubuyobozi ibisubizo bikwiye bifitiye akamaro abaturage,njyewe nzaharanira ko ntazanengwa, by’umwihariko nzihatira ko abafite ubumuga bumvwa kandi bakisanga muri gahunda za leta”.

Mukamana Joseline na we ni umwe mu barahiriye kujya mu nama njyanama y’Umurenge wa Kagano akaba yanatowe muri biro ya Njyanama nk’umunyamabanga w’iyi njyanama,yavuze ko batagiye ho ngo babe imitako ahubwo bagiye kurushaho kuba umuyoboro mwiza w’ibibazo by’abaturage ndetse na gahunda za Leta, bakazabifashwa n’uko babashije kubona ababanjirije uko bakoraga

Maitre Nkongoli Laurent (wambaye amadarubindi) yemeje ko barahiye bikurikije amategeko

Yagize ati “Ntitwavuga ko abatubanjirije ntacyo bakoze, ariko tugomba kurushaho duharanira iterambere ry’abaturage bacu, dufatanya n’ubuyobozi kuzamura imibereho yabo, tuzababera ijisho, ntabwo bazongera kutubona tugarutse kwiyamamaza”.

Kuri uyu wa kabiri tariki ya 16 Gashyantare 2016, nibwo abajyanama bose bo mu mirenge itandukanye yo mu karere ka Nyamasheke barahiriye kuzahagararira abaturage, bakaba baragiye batorwa n’abaturage guhera mu midugudu, mu kagari kugera ku murenge.

Komisiyo itangaza ko yashyizeho uburyo buzafasha abafite ubumuga kubasha kwitabira amatora ariko ko byagorana kugira abakozi mu midugudu yose bashobora gufasha abafite ubumuga butandukanye kugira ngo babashe gutora cyangwa gutorwa, cyane abatumva ntibavuge.

Abamugaye bazitabira amatora ariko bagasaba gufashwa kugira ngo bazashobore iki gikorwa.

Moise Bokasa, Umukozi w’iyi komisiyo ushinzwe guhuza komisiyo n’izindi nzego, avuga ko hatanzwe amabwiriza ko ahazatorerwa hose, hagomba kuba horohereza buri wese kuhagera, ahari amagorofa bagakorera hanze yayo, abaturage bakazagira uruhare rukomeye mu gufasha abafite ubumuga kwisanga no kwisanzura muri ayo matora.

Yagize ati “Biragoye ko twashyiraho abantu bashinzwe gufasha buri muntu ufite ubumuga. Niyo twaba dufite amafaranga yo kubikora, ntitwabona abahanga muri byo ngo bakwizwe mu midugudu, ariko mu rwego rw’akarere no mu nzego zisumbuye tuzabishaka, yaba inyandiko z’abatabona ndetse n’abasemura ururimi rw’amarenga.

Bokasa avuga ko yizera ko Abanyarwanda bamaze gucengerwa n’umuco wo gufashanya, ku buryo bazagira uruhare mu gufasha abafite ubumuga butandukanye.

Yagize ati “Dukorana n’Inama y’Igihugu y’Abafite Ubumuga, turashaka kumenya ingano yabo, ariko kandi twizera ko Abanyarwanda bazagira uruhare mu gufasha abafite ubumuga babashyira imbere, kandi babafasha gusemura ibivugwa n’abakandida ndetse na bo ubwabo bakaba babasha kwitoza nta nzitizi bahuye nazo.”

Bamwe mu bafite ubumuga bwo kutumva no kutavuga b’i Nyamasheke.

Umwe mu bakurikiranira hafi ibijyanye n’abafite ubumuga akaba ahagarariye umushinga wa Handicap International mu gufasha abafite ubumuga mu kwisanga muri gahunda za Leta, cyane cyane mu matora, mu Karere ka Nyamasheke na Gasabo, Alphonse Nkurunziza, avuga ko hari inzitizi nyinshi zishobora gutuma abafite ubumuga batisanzura mu matora atandukanye.

Nkurunziza avuga ko biterwa n’uko hari abadafite ababasemurira mu rurimi rw’amarenga ndetse na bo ubwabo hari abatazi urwo rurimi cyangwa se ahatorerwa hakaba hadatunganye ugereranyije n’ubumuga bwabo.

Yagize ati “Twavuganye n’inzego zitandukanye zishinzwe abamugaye, batubwiye ko bakoze ubukangurambaga, ku buryo abamugaye bazitabira amatora.”

Yakomeje agira ati “Abamugaye bashobora kwitoza nk’uko bazagira uruhare mu gutora. Nta mibare izwi twari dufite, aya matora ni yo azaduha ibipimo tuzagenderaho ubutaha; gusa twizera ko abatuwe babana na bo bazabafasha bagatora nk’abandi Banyarwanda bose.”

Amatora y’abahagariye inzego z’ibanze ateganyijwe kuri uyu 8 Gashyantare 2016, aho abakandida baziyamamaza cyangwa bakamamazwa, bazajya bavuga imigabo n’imigambi y’ibyo bazakorera abaturage na bo bakazabajya inyuma mu kubatora.

Aha kandi hari icyiciro cyo kuzatora abahagarariye abafite ubumuga mu nzego z’ibanze, bikazasaba ko ubwabo bitoza, bakamamaza cyangwa se bagatora.

Ibi bikaba ari byo bishobora kuzabera imbogamizi abatumva ntibavuge cyangwa se abatabona ndetse n’abafite ubumuga bw’ingingo.

Aba bose bakaba basabirwa kuzafashwa n’inshuti n’abavandimwe kugira ngo batazavutswa uburenganzira bw’umwenegihugu wese mu kuyobora cyangwa kwishyiriraho abazamuyobora.

Ku mugoroba wo ku uyu wa 4 Gashyantare 2016, ni bwo umucamanza yategetse ko Bayigamba Athanase wari ushinzwe abakozi n’umutekano muri iyi sosiyete ikora umuhanda Nyamasheke–Karongi, arekurwa kuko ibyaha yaregwaga bitamuhama.

Umucamanza yavuze ko asanga nta cyaha gihama Bayigamba Athanase kuko nta bimenyetso simusiga byagaragajwe n’ubushinjacyaha ndetse ategeka ko ahita arekurwa.

Bayingana akaba yafunguwe mu gitondo cyo kuri uyu wa Gatanu, tariki 5 Gashyantare 2016.

Ubushinjacyaha bwashinjaga Bayigamba wari ushinzwe gucunga ayo mapine kugira uruhare rukomeye mu iyibwa ryayo, bukanashimangira ko yabanje gutoroka ubutabera. Bayigamba we yahakanaga ko atigeze atoroka.

Bayigamba yari yafashwe tariki 24 Ukuboza 2015. Yaregwaga ibura ry’amapine agera kuri 17 yibwe ubwo abajura binjiye mu bubiko bw’amapine b’iyi sosiyete buri ahitwa i Kanjongo mu Karere ka Nyamasheke.

Icyo gihe, amapine 10 yahise afatwa ku bufatanye bwa Polisi naho andi 7 aburirwa irengero. Ayaburiwe irengero akaba yari afite agaciro gasaga miliyoni 7Frw.

Bayigamba yari afungiye kuri Sitasiyo ya Polisi ya Ruharambuga, aho bita i Ntendezi mu Karere ka Nyamasheke.

Aba bahinzi batuye aho bita mu Gatare mu Murenge wa Karambi w’Akarere ka Nyamasheke, bagemuraga icyayi ku ruganda rwa Gisovu mu bilometero bisaga 35, umusaruro wabo ukagera ku ruganda wapfuye ndetse umwinshi ugasigara mu murima.

Bahizi Charles (wambaye amadarubindi) avuga ko amarira y’abahinzi bayabonye bagakora ubuvugizi.

Ntawangundi Fabien ahagarariye abahinzi b’icyayi ba Gatare akayobora koperative yabo yitwa COTHEGA, avuga ko bamaze igihe kinini bahomba cyane ku buryo guhinga icyayi byari bisigaye ari umutwaro ukomeye kuri bo ndetse abahinzi ntibari bacyumva impamvu yo guhinga icyayi.

Yagize ati “Twasaruraga icyayi hafi toni 30 ariko izo twagezaga ku ruganda ntizirenga toni 10, na zo akenshi zikaba zangiritse. Twari dufite umuhanda mubi cyane kandi muremure kuko kugera ku ruganda byadusabaga byibura kugenda ibilometero 35.”

Ntawangundi yiteze ko umuhanda nuboneka n’abaturage bazabyungukiramo kuko abashoramari bazabasha kuhagera baje kugura imbaho ndetse banazanye ibikenerwa bya buri munsi, bityo ubuhahirane bukiyongera muri ako gace kasaga n’akari mu bwigunge.

Umuyobozi w’Akarere Ka Nyamasheke Wungirije ushinzwe Iterambere ry’Ubukungu, Bahizi Charles, avuga ko iki ari kimwe mu bisubizo bashatse cyihuse, kugira ngo nibura abahinzi b’icyayi babashe kujyana icyayi cyabo ku ruganda mu gihe hagishakwa uko babona ikindi gisubizo kirambye.

Uyu muhanda uraba urangiye mu kwezi kumwe

Yagize ati “Nta mafaranga menshi twari twabonye ariko akababaro k’abahinzi b’icyayi twari tukazi. Ni yo mpamvu twabakoreye ubuvugizi, hakaba hagiye kuba hakozwe uyu muhanda mu buryo bwihuse mu gihe tugishaka igisubizo kirambye.”

Uyu muhanda ufite ibilometero 14 ugiye gutsindagirwa ushyirwemo amabuye ku buryo bizawurinda kunyerera no kwangirika, igihe imvura yavuye. Ibyo bikaba bikozwe mu gihe hagitekerezwa kuwubaka mu buryo burambye.

Uyu muhanda urubakwa mu gihe cy’ukwezi kumwe ukazatwara amafaranga asaga miliyoni 200, mu gihe uruganda rw’icyayi na rwo bavuga ko mu minsi ya vuba rutangira kubakwa.

Iri soko ngo rizaza ari igisubizo ku bacuruzi bacururizaga hanze, ahantu batisanzuye, abaguzi ntibamenye aho babariza ndetse n’abatanga imisoro ntibayitange uko bikwiye kuko bakoraga mu buryo butagaragara neza.

Aha hagiye kubakwa isoko rya kijyambere

Byatangarijwe n’Ubuyobozi bw’Akarere kuri uyu wa 26 Mutarama 2016, ahagiye kubakwa iri soko rya Rwesero mu Murenge wa Kagano.

Abacururiza mu Isoko rya Rwesero basanga nyuma yo kubona isoko, bazaba baruhutse kongera kwicwa n’izuba, kunyagirwa n’ibindi byatumaga ubucuruzi bwabo budatera imbere uko bikwiye.

Umwe mu bacuruzi yavuze ko bakoreraga ahadakwiye ku buryo kubona inyungu byari bigoye.

Yagize ati “Ahantu twakoreraga nta mazi yahabaga, iyo imvura yagwaga twimukaga tugasembera, nta bwiherero bwabaga hano, izuba ryavaga rikatwica, turizera ko iri soko niryuzura tuzaba dukize akajagari n’ibindi byinshi byatubangamiraga”.

Umuyobozi w’Akarere ka Nyamasheke Wungirije ushinzwe Iterambere ry’Ubukungu, Bahizi Charles,yasabye abacuruzi kwihangana mu gihe gito bakaba bashatse aho bakorera imbere y’amangazini, abizeza ko ubwo isoko rizaba ryuzuye bazabona ibisubizo byinshi ku bibazo bahuraga na byo mu bucuruzi bwabo.

Visi meya Bahizi (wambaye ikoti ry’igitare) yabwiye abagana isoko rya Rwesero rizasubiza ibibazo bibazaga

Yagize ati “Iri soko niryuzura abacuruzi n’abaguzi bazajya ahantu hisanzuye hatekanye, twabanje gushakashaka ubushobozi ngo tuzakore igikorwa gifatika. Turizera ko rizuzura rigasubiza ibibazo byinshi abacuruzi bibazaga”.

Biteganyijwe ko iri soko rizuzura ritwaye amafaranga y’Amanyarwanda asaga miliyoni 170, rikazasakarwa rigashyirwamo n’ibitanda, ubwiherero ndetse n’ibindi bizafasha abacuruzi gucuruza mu buryo buboneye.

Babisabye abayobozi guhera ku rwego rw’akagari kugera ku karere, kuri uyu wa 26 Mutarama 2016, ubwo babagezagaho ibyo bakuye mu ngendo bahakoreye basura abaturage, bareba aho bageze mu iterambere.

Abayobozi mu nzego zitandukanye biyemeje gushyira mu bikorwa inama bagiriwe n’abadepite.

Depite Karenzi Theoneste na Kankera Marie Josee basabye abayobozi kumenya kwihanganira abaturage batinyuka bakababwira ibikwiye gukosoka aho bayobora, ntibabifate nko kwerekana cyangwa kubarega ko badakora.

Depite Karenzi yagize ati “Umuturage ukubwiye ibitagenda ntabwo aba ashaka kwerekana ko udakora! Iiyo myumvire ikwiye guhinduka kuko iyo umenye ikibazo umenya n’uko wagikemura, ugira Imana abona umugira inama”.

Depite Karenzi yabasabye kumva inama bagiriwe kandi ntihagire umuturage bahora ko yabwiye abadepite ibitagenda.

Yagize ati “Turizera ko inama twabagiriye bazazikurikiza, n’ubundi tuzagaruka. Dusanze hari umuturage wazize ibyo yatubwiye uwo muyobozi yabibazwa”.

Uretse iyi nama, abadepite basabye abayobozi gukora nk’ikipe bagafashanya gukemura ibibazo, bakamenya gukorera ku ntego ndetse bakihutira gukurikirana ibikorwa hakiri kare, kandi bakamenya ibyihutirwa gukorwa kuko ibikeneye amafaranga bitahita biyabonera rimwe.

Babivugiye kuba basanze hari ikibazo cy’isuku mu baturage, hakiri n’abadafite imisarane n’ingarane hakaba n’abakirarana n’amatungo. Ibi bikaba byiyongera ku kibazo cy’imirire mibi ahanini ishingiye ku kutagira uturima tw’ibikoni.

Basabye kandi ko abayobozi barushaho gusura abaturage bakihutira kubasobanurira gahunda za Leta n’ amategeko mashya nk’ay’imisoro kandi bakajya babagezaho ifumbire n’ibindi bakenera ku gihe.

Umuyobozi w’Akarere ka Nyamasheke, Kamali Aime Fabien, yijeje abo badepite ko inama bagiriwe bazazikurikiza, bagasohoza neza imihigo bahize.

Aba bahinzi bavuga ko gukora mu bishanga nta kintu kibakingira mu birenge bafite, bituma utu dusimba twitwa imisundwe tubinjira, kudukuramo bikagorana kandi ko abantu batari bake batakibasha kugenda kubera kwinjirwa na yo.

Aba baturage babwiye ubuyobozi ko bugarijwe n’imisundwe.

Kadihira Ezechiel utuye mu Murenge wa Kilimbi, asaba Leta kubashakira ibikoresho byo kwikingira kuko abenshi batakiva mu nzu ngo bagire icyo bikorera bitewe no kwinjirwa n’imisundwe.

Agira ati “Niba nta gikozwe ngo tubone ibikoresho, ubuzima bwacu buri mu kaga. Hari benshi batakibasha kugenda kubera kwinjirwa n’imisundwe. Iyo wakwinjiye, uwukuzamo umuhoro cyangwa icyuma ukaba uramugaye burundu.”

Umuyobozi w’Akarere ka Nyamasheke Wungirije ushinzwe Iterambere ry’Ubukungu, Bahizi Charles, avuga ko iki ari ikibazo gikomeye mu Rwanda hose, gusa akavuga ko nk’akarere bagiye kwicara bakareba icyo bamarira abaturage babo.

Ati “Abahinzi b’umuceri ni benshi. Barahinga amazi akabarengera ku buryo bahakura indwara zitandukanye, tuzareba uburyo twabishyira mu ngengo y’imari tukaba twabagurira ibikoresho ariko tukarinda abaturage bacu.”

Abayobozi bavuga ko bazabikorera ubuvugizi, byaba ngombwa bikajya mu ngengo y’imari.

Dr Nsabimana Damien, Umuyobozi w’Ibitaro bya Kibogora, avuga ko kwinjirwa n’imisundwe mu kaguru akenshi bitera uburwayi, amaguru akabyimba akaba yazamo indwara zitandukanye nka kanseri. Cyakora, ngo iyo byavuwe kare birakira.

Ati “Akenshi abaturage baza kwivuza imisundwe yabinjiye hashize iminsi baratinze, ugasanga amaguru yarabyimbye, bikabaviramo ubumuga bw’igihe kirekire; ugasanga amaguru yabaye imidido (abyimbye). Ntabwo byahita byica umuntu ariko aramugara igihe kirekire cy’ubuzima bwe.”

Nta mubare uzwi w’abamaze kwinjirwa n’imisundwe ariko abaturage bavuga ko ari ikibazo kibakomereye mu kazi bakora mu bishanga umunsi ku munsi.

Imisundwe ni udusimba tuba mu gishanga ahantu hari isayo, tugakunda kwinjira mu mubiri w’umuntu akenshi ku maguru. Kudukuramo biragorana kuko akenshi bisaba kubaga aho kinjiye.

Ni nyuma y’uko iyi sosiyete irundiye ibitaka aho bita mu Birogo, mu Mudugudu wa Kigarama, Akagari ka Kibingo mu Murenge wa Gihombo; ibyo bitaka bikaba byarabujije amazi gutemba.

Abaturage n’abayobozi bafite impungenge ko iyi sosiyete yagenda idakuyeho ibitaka yarunze mu Birogo.

Ibyo byatumye hirema ikidendezi kinini kizana imibu myinshi ndetse hakaba hari impungege ko gishobora gutwara ubuzima bw’abantu.

Umunyamabanga Nshingwabikorwa w’Umurenge wa Gihombo, Nshimiyimana Jean Damascene, avuga ko ibyo bitaka byasutswe mu Birogo, byatumye amazi aturuka ku misozi atongera kutemba, havuka ikidendezi kinini cyane.

Nshimiyimana avuga ko bafite impungenge ko abantu bashobora kugwamo, ndetse hakaba havamo imibu myinshi ishobora guteza malariya abaturage.

Abaturage ba Gihombo batewe inkeke n’iki kidendezi kidatemba, gitumaho imibu myinshi, bakaba bikanga ko cyahitana ubuzima bw’abaturage.

Nshimiyimana avuga ko basabye iyi sosiyete y’Abashinwa kubikuraho ariko yo ikaba yaranze kugira icyo ibikoraho. Ngo mu gihe nta cyakorwa, basaba Akarere ka Nyamashek kubajyana mu nkiko.

Yagize ati “Ntako tutagize tubasaba ko bakuraho biriya bitaka, ndetse twabigejeje ku karere, igisigaye ni ugusaba akarere ko kabajyana mu nkiko.”

Umuyobozi w’Akarere ka Nyamasheke, Kamali Aimé Fabien, avuga ko bagikomeje kugoragoza iyi sosiyete ikora umuhanda ngo barebe ko izibwiriza igakuraho ibyo bitaka byabujije amazi kugenda kandi bikaba bikomeje kubatera impungege z’ubuzima bw’abaturage.

Yagize ati “Dufite ikibazo gikomeye cya biriya bitaka byagomeye amazi ashobora kudutwara ubuzima bw’abantu ariko navuganye n’umuyobozi w’iriya sosisyete, dutegereje ko babishyira mu bikorwa kandi twizera ko bazabikora bitarinze iyo bifata indi ntera.”

Ubwo twavuganaga mu gitondo cyo kuri uyu wa 24/01/2016, Kamali yabwiye Kigali Today ko akurikije igihe bavuganiye, iki kibazo kigomba kuba cyakemutse bitarenze ibyumweru bibiri biri imbere.

Mu gihe umuhanda Nyamasheke - Karongi wenda kurangira, abaturage bafite impungege ko iyi sosiyete ishobora kuzagenda idakuyeho ibyo bitaka, ikaba ari na yo mpamvu basaba ko byakwihutishwa bigakurwaho hakiri kare nta ngaruka mbi birateza.

Aba badepite bavuga ko uyu muhanda uri mu Murenge wa Macuba, wagakwiye kuba wararangiye mu kwezi k’Ukuboza 2015, nyamara kugeza magingo aya ukaba utararangira, bikavugwa ko abawubaka basanze hari aho inyigo yakozwe nabi.

Uyu muhanda nubwo watinze kurangira, ngo uzakura abaturage mu bwigunge.

Depite Karenzi Theoneste avuga ko bikwiye ko abakora imishinga n’inyigo babikora neza bagatanga isoko ku bintu byuzuye, bityo bikarangirira igihe kandi bigakorwa neza.

Yagize ati “Uyu muhanda wagakwiye kuba wararangiye mu kwezi k’Ukuboza none ngo basanze hari aho inyigo itakozwe neza, ibi bintu ntibikwiye kuko kongera igihe bivuga no kongera igiciro. Imishinga ikwiye kwigwa neza kandi ikarangirira igihe.”

Muberankiko Aloys wubaka uyu muhanda avuga ko hari aho babonye ibibazo bitari byitezwe. Ibyo bibazo bitagaragaye mu nyigo ngo byatumye basaba ko bakongererwa amezi 4 ku gihe cyari giteganyijwe.

Yagize ati “Mu mezi make turaba dusoje. Twakererejwe n’uko hari ahantu twagombaga guhindura hatandukanye n’ahari hashyizwe mu nyigo, bityo biba ngombwa ko dusaba kongererwa igihe.”

Abakoze inyigo bavuga ko ubutaka buhinduka umunsi ku munsi, ahatabaga amaninda (ahantu hari amazi ava mu butaka adashira), ukabona arahavutse bitari byitezwe, bityo bikaba byabangamira inyigo yari yakozwe.

Depite Kankera na Karenzi basabye ko imishinga yajya ishyirwa mu bikorwa yamaze kunonosorwa.

Ku ruhande rw’abaturage, bavuga ko nubwo uyu muhanda utinze kurangira, bizera ko uzakemura byinshi mu bibazo bari bafite birimo ubwigunge, gukererwa no gudahahirana n’abandi.

Umwe yagize ati “Uyu muhanda igihe uzuzurira tuzabasha guhahirana n’abaturanyi bacu ba Kongo, tuzava mu bwigunge. Byari bigoye kugera ku cyambu cya Rugari, iyo imvura yagusangaga yo wararaga yo. Twiteze impinduka zikomeye mu buzima bwacu.”

Uyu muhanda wa Rembo - Rugari uturuka ku muhanda mushya wa kaburimbo igana i Karongi ukagera ahagiye kubakwa isoko nyambukiranya-mipaka rya Rugari (Cross Border Trade Market), ukazuzura utwaye amafaranga asaga miliyoni 250 z’amafaranga y’u Rwanda.

Babisabye ubwo hasozwaga Itorero mu ishuri rya St Joseph i Nyamasheke ku mugoroba wo kuri uyu wa 19 Mutarama 2015.

Ubwo basozaga icyiciro cya mbere cy’Itorero.

Abari baririmo bavuga ko bahungukiye kumenya amateka y’igihugu, barushaho kumenya gahunda nziza igihugu kibafitiye ndetse banatozwa kugikunda no kugikorera.

Ariko, basabye ko ubutaha ibiganiro bitaba byinshi cyane kandi ntibirambirane.

Umwe muri bo yagize ati “Badutoje indangagaciro na kirazira, twarasabanye twigishwa amateka y’igihugu cyacu, twiyemeza kuzagikorera uko bikwiye.

Gusa ubutaha bazibuke bagabanye ibiganiro kuko twabivagamo tunaniwe cyane ndetse bamwe bagasinzira ntibagire icyo batahana”.

Umuyobozi Wungirije w’Akarere ka Nyamasheke ushinzwe Iterambere ry’Ubukungu akaba ari na we wari ushinzwe guhuza ibikorwa by’Itorero, Bahizi Charles, yasabye abarisoje kuzaba umusemburo w’iterambere mu mico, ubupfura , no mu bukungu aho batuye.

Asaba kandi ko abazategura ibiganiro ubutaha bakwihatira gutegura ibiganiro bigusha ku ntego kandi bigufi ku buryo bitarambira ababikurikira.

Yagize ati “Turizera ko ubutaha abategura ibiganiro bazabihina kuko iyo ibiganiro birambiranye bituma ababikurikiye ntacyo bakuramo”.

Intore zasoje icyiciro cya mbere cy’Itorero zasabye ko ubutaha bitajya birambirana.

Bahizi yakomeje avuga ko bizera ko abavuye mu Itorero bazakorera igihugu cyabo batiganda ndetse aho batuye bakagaragaza ubupfura n’umuco w’Abanyarwanda kandi bagasangiza abandi ibyo barikuyemo.

Intore zasoje iki icyiciro cya mbere cy’Itorero zahize ibyo zizakora ku rugerero, byiganjemo gushishikariza abaturage kwitabira ubwisungane mu kwivuza, kurwanya ubujiji, gufatanya n’abandi baturage gukora umuganda, gufatanya n’inzego z’umutekano mu gutanga amakuru, kurwanya ibiyobyabwenge n’ibindi.

Mu Karere ka Nyamasheke hatojwe abanyeshuri barenga ibihumbi bibiri batorezwa mu bigo by’amashuri bitandatu.

Bamwe mu babyeyi biyemeje kurera abo bana bavuga ko bagiye babakura mu bigo bitandukanye byabareraga nk’imfubyi.

Bamwe mu barererwa muri Ngwinonawe bamaze gukura ariko bari baza uko bizagenda kandi nta mikoro yo kwiremera imiryango.

Abo bana ntibafite aho bakomoka hazwi kandi ntibanazi iwabo kandi nyamara na bo bakaba bakeneye kubaka bakagira imiryango nk’abandi.

Thereze Mukandariyo, umwe mu babyeyi bakiriye abana b’impfubyi nk’abo bakabarera mu rugo bise "Ngwinonawe, agira ati “Iki ni ikibazo kidukomereye cyane, nk’ubu twakiriye abana bavuye I Mbare mu muri 2009, bageze igihe cyo gushaka.”

Komeza agira ati “Nta miryango bagira ntibazi n’aho bakomoka, akenera kubaka urugo,arakubaza ati ‘ndashaka gushaka’, ni nde uzamuremera, ni nde uzamwubakira cyangwa ngo amushyingire nk’abandi bana, ko natwe tudafite igisubizo nyacyo”!

Umuyobozi w’Akarere ka Nyamasheke Wungirije ushinzwe Imibereho Myiza y’Abaturage, Gatete Catherine, avuga ko bidakwiye ko hari umuryango cyangwa ikigo cy’imfubyi cyavuga ko nta bushobozi gifite bwo kuremera umwana.

Cyakora, ngo mu gihe umuryango wakiriye umwana udafite ubushobozi, hari uburyo Leta ishobora kubafasha, nk’uko n’umwana ku giti cye ashobora gukura akaba yakwishakira ubushobozi.

Agira ati “Umuntu ugeze mu myaka 18 aba amaze gukura ku buryo iyo yabanye neza ashobora na we kwiremera akubaka urugo. Gusa, iyo umuryango wamwakiriye udashoboye na we akaba adashoboye Leta ishobora kumwunganira.”

Akomeza avuga ko hari abubakiwe amazu ndetse hari n’abahabwa inka, ariko kandi ko bitabaho ko ikigo kirera umwana w’imfubyi cyavuga ko kitabasha kumuremera kandi cyakiramwakiriye.

“Ngwinonawe” ni ikigo cyashinzwe n’ababyeyi bishyize hamwe kugira ngo barere abana barimo impfubyi zitazi aho zikomoka n’abafite ibibazo bitandukanye birimo n’ubumuga bwo mu mutwe bakaharererwa nk’abari mu muryango.

Iki kigo gifatwa nk’urugo kuri ubu rufite ibibazo by’abana bamaze gukura ariko badashoboye badafite ubushobozi bwo kwiyubakire ngo bagire imiryango yabo.

Ibi ngo bigiye gukorwa nyuma y’uko bigaragaye ko Kinyaga Award ari irushanwa rimaze gukura no gukomera muri utu turere twa Rusizi na Nyamasheke, bityo bikaba ari ngombwa kwagura itsinda ryayiteguraga no kurushaho gufatanya n’abandi bo mu tundi turere kubona neza impano z’abahanzi babo no kubigiramo uruhare ku buryo bufatika.

Boston avuga ko bakeneye kwagura Kinyaga Award

Umwe mu basanzwe bategura iri rushanwa rya Kinyaga Award, Tuyisenge Jean Bosco uzwi nka Boston Pro akaba na nyir’inzu y’umuziki ya Boston Records, avuga ko kwagura itsinda ry’abategura Kinyaga Award, bizatuma rirushaho kuryohera abazaribona kandi rikarushaho kumenyekana mu bice bitandukanye muri Rusizi na Nyamasheke ndetse no mu Rwanda hose.

Yagize ati “Turashaka kwagura iki gikorwa cya Kinyaga Award ni na yo mpamvu dukeneye andi maboko, kuko hari byinshi biba bikenewe gukorwa mu irushanwa nk’iri, dukeneye kwegera abaterankunga bacu ku buryo buhoraho kandi tukagera ahantu hatandukanye, twifuza ko Kinyaga Award ya 3 izaba icyitegererezo”.

Boston avuga ko mu gutoranya abo bazafatanya mu gutegura Kinyaga Award bazagendera ku byo bakeneye kugira ngo iri rushanwa rizagende neza.

Yagize ati “Dukeneye abantu badufasha mu kuduha inama, badufasha kwamamaza igikorwa cyacu, kudushakira abaterankunga benshi kurusha abo twari dufite ariko kandi bakadufasha guha umwimerere w’ubuhanzi ku bitabira Kinyaga Award”.

Kinyaga Award ya 2 iheruka kwegukanwa na Harerimana Olivier uzwi nka Pusher, abayitegura bavuga ko Kinyaga Award y’uyu mwaka izaba ifite umwihariko kurusha izabanje, gusa ntibaratangaza amatariki izaberaho.

Byabereye mu mudugudu wa Bizenga mu kagari ka Kibogora mu murenge wa Kanjongo mu karere ka Nyamasheke, ahagana isaa munani z’amanywa kuri uyu wa kane tariki 14 Mutarama 2016.

Icyatumye yiyahura ntikiramenyekana.

Abaturage batabaye mbere bemeza ko badashobora gukeka icyatumye yiyahura cyangwa se ngo abe yishwe, kuko bamuzi nta bibazo agirana n’abaturanyi be cyangwa n’umugore we.

Umwe yagize ati “Baduhuruje ngo Fideli yiyahuye tuza duhuruye dusanga yimanitse yashizemo umwuka, yari umunyamahoro cyane ku buryo gucyeka icyamwishe bigoye cyane.”

Umugore we Mukamparirwa Francine avuga ko umuhungu wabo yavuye kwahirira amatungo agashaka urufunguzo akarubura. Ngo yaje kubona ahantu havuyeho ibati yuriye abona papa we amanitse mu mugozi niko kuvuza induru baratabara.

Ati “Umwana yagiye kuragira ingurube agarutse ajya kuyahirira avuyeyo abura urufunguzo ashaka se aramubura, arungurutse abona ibati ryavuyeho arurira asanga amanitse ahita ahuruza abaturanyi, nta kibazo na kimwe nzi yarafite, nta kibazo twagiranaga habe na mba.”

Umunyamabanga nshingwabikorwa w’umurenge wa Kanjongo, Ngendahimana Leopord, avuga ko bumvise inkuru y’inshamugongo bakihutira gutabara bagasanga yashizemo umwuka.

Yaboneyeho gusaba abaturage kwizera ubuyobozi bakabugezaho ibibazo bafite aho kwiyambura ubuzima.

Ati “Bigaragara ko uyu wiyahuye yari afite ibibazo, ni byiza ko abaturage bagirira icyizere inzego zabo z’ubuyobozi aho kwiyambura ubuzima bakaba bazegera bakazibwira ibibazo bafite zikabafasha kubisohokamo.”

Torero Fideli wari ufite imyaka 43 asize umugore n’umwana umwe w’umuhungu, yari umuhinzi usanzwe wanyuzagamo agacuruza inzoga z’urwagwa.

Umurambo we wajyanywe mu bitaro bya Kibogora gukorerwa isuzuma ngo hamenyekane icyamwishe.

Uyu muhango wabereye mu bitaro bya Kibogora kuri uyu wa gatatu tariki ya 13 Mutarama 2015, imbere y’abanyamuryango ba FPR inkotanyi.

Barahiriye gukunda igihugu no kugikorera

Umuyobozi w’ibitaro bya Kibogora Dr Nsabimana Damien yasabye abakozi b’ibitaro bashya 41 barahiye kuri uyu munsi guhora bazirikana indahiro barahiriye imbere y’imbaga, abasaba gukunda igihugu cyabo , kwitangira abanyagihugu, bubahiriza amategeko y’igihugu, kujya no kugira abandi inama.

Yagize ati “Ni umugisha kuba tubonye abandi banyamuryango bashyashya mu muryango wacu wa FPR inkotanyi, abarahiye twabasabye ko bakwiye guhora bazirikana indahiro barahiye mu maso y’abandi, bihatira gukunda igihugu cyabo, bakakitangira kandi bakitangira n’abanyagihugu birinda amafuti kandi bakagirwa inama ndetse na bo bakazitanga”.

Nyirangezahayo Eugenie ni umuforomo mu bitaro bya Kibogora akaba ari umwe mu banyamuryango bashya barahiye, yavuze ko urukundo no gucengerwa n’amatwara ya FPR Inkotanyi ari byo byatumye afata icyemezo cyo kuwinjiramo akaba yiyemeje kuzafatanya n’abandi kubaka uyu muryango no kuwuteza imbere kurushaho.

Yagize ati “Nta muntu utakwishimira kuba muri FPR Inkotanyi, amaso araduha; ibyo tumaze kugeraho dufatanyije ni byinshi, ino aha nta muhanda twagiraga, kubona amatara byari bigoye cyane, igihugu kiratera imbere mu ngeri zose ku buryo bwihuse, numvise ntewe ishema no kwinjira muri uyu muryango ngo mfatanye n’abandi dukomeze gusigasira ibyo tumaze kugeraho”.

Abanyamuryango ba FPR Inkotanyi bari benshi

Ibitaro bya Kibogora bifite abakozi bagera kuri 241, byari bisanzwe bifite abanyamuryango ba FPR Inkotanyi bagera kuri 184 none bungutse abandi bayoboke bagera kuri 41.

Mukandariyo afatanyije na bamwe mu nshuti ze bashinze ikigo cyitwa Ngwinonawe, bahurizamo abana bafite ubumuga butandukanye bakabafasha kongera gusubirana ubuzima no kwisanga mu muryango nta pfunwe bafite.

Mukandariyo ngo aterwa ishema no kubona utagirirwaga icyizere ahindutse umuntu ukomeye.

Mukandariyo avuga ko iki gitekerezo yakigize ubwo yakoraga muri Minisiteri y’Ubuzima mu mwaka wa 1988, yita ku bafite ubumuga bwo mu mutwe. Ageze i Cyangugu aho akomoka yifuza ko yashinga ikigo akajya afasha abafite ubumuga bwo mu mutwe.

Agira ati “Twatangiranye abana 5 bakomoka i Rusizi. Nifuzaga gufasha abana bafite ibibazo byo mu mutwe igihe nari ntagiye ikiruhuko cy’izabukuru mu mwaka wa 2006. Byasabaga ubwitange bukomeye, kwihangana no kugira umutima w’impuhwe.”

Mukandariyo avuga ko ashimishwa cyane no kubona yakiriye umwana akabona aratera intambwe aba umuntu, yajya kwiga agahatana ukabona aratsinda nk’abandi.

Cyakora ngo ababazwa no kubona hakiri ababyeyi baterera iyo abana babo ngo ni uko bamugaye.

Ikindi kimubabaza bikomeye ngo ni uko nta bushobozi buhagije afite bwo kwakira abana bose aba abona bababaye.

Aba bana ntibumva, ntibavuga ndetse bamwe bavutse badashoboye... ariko ku bwo kwitabwaho, bagera ubwo bavamo abantu bazi ubwenge.

Mukandariyo asaba abantu bose kutagereranya abana bavukanye ubumuga n’abandi ngo bibwire ko ari shitani yatumye bamugara ahubwo abasaba kubafasha no kubateza intambwe ikomeye.

Mukandariyo washinze urugo “Ngwinonawe” mu Murenge wa Ruharambuga ubu rurererwamo abana 71, avuga ko yumva ari umuhamagaro we kubera umubyeyi abana bafite ubumuga bwo mu mutwe n’abamugaye ingingo cyangwa se batavuga ntibanumve.

Uyu mubyeyi uvuga ko yumva bimuhesha umugisha w’Imana, aterwa inkunga na Rwanda Aid.

Ibi babisabwe n’ubuyobozi bw’Akarere ka Nyamasheke, ubwo hatangizwaga iri torero mu Murenge wa Rangiro, ku mugoroba wo kuri uyu Mbere, tariki11 Mutarama 2016.

Abitabiriye Itorero ngo bazarisoza bamenye indangagaciro z’Abanyarwanda.

Umuyobozi w’Akarere Wungirije ushinzwe Iterambere ry’Ubukungu, Bahizi Charles, yabwiye aba banyeshuri batangiye Itorero ko bakwiye kwibuka buri gihe ko ari bo Rwanda rw’ejo, ko bakwiye kugaragaza impinduka zikomeye aho batuye, bagakunda igihugu cyabo kandi bakagikorera, abasaba kuzakurikirana amasomo neza bikazabahesha kuba Abanyarwanda bazima koko.

Yagize ati “Tubafata nk’abanyabwenge, mukwiye kugaragaza impinduka nziza aho mutuye, ibyo mwize n’amasomo mugiye guhabwa azatume muhora mutekereza gukorera igihugu cyanyu, mube Abanyarwanda bazima bazira umwiryane n’amacakubiri, ni cyo u Rwanda rubitezeho.”

Abayobozi ba Nyamasheke basabye abitabiriye Itorero kuba urumuri rw’abaturanyi babo.

Abitabiriye iri torero biteze ko bazasoza amasomo yabo bamenye indangagaciro z’Umunyarwanda, barusheho kumenya aho igihugu kiva n’aho kigana bikazatuma bamenyana ndetse barebe uko bafatanya mu kwishyira hamwe bashaka ibisubizo by’ibibazo bahura na byo mu miryango aho baturuka.

Umwe yagize ati “Kuba turi hano bitwereka ko igihugu kidukunda kandi cyifuza ko dutera imbere. Dufite uruhare rukomeye mu kuzana impinduka nziza aho dutuye, aya amasomo tuzayakuramo kumenya indangagaciro z’Umunyarwanda ukwiye, bityo bizatume dukorera igihugu yacu tuzi aho tuva n’aho tugana.”

Abanyeshuri basoje amasomo mu mashuri yisumbuye bose batangiye Itorero rizamara iminsi icyenda ku masite atandukanye, aho bazahabwa amasomo ku burere mboneragihugu, amateka y’u Rwanda, indangagaciro na kirazira by’Umunyarwanda n’andi masomo afasha urubyiruko kwiteza imbere.

Biteganyijwe ko mu Karere ka Nyamasheke, abanyeshuri barenga ibihumbi 2 ari bo bazitabira Itorero, bakazatorezwa ku masite 6.

Niyonkuru Albert uzwi nka Dig Dog wegukanye Kinyaga Award I na Harerimana Olivier uzwi nka Pusher wegukanye iya kabiri, bakaba ngo bashaka gususurutsa abakunzi babo muri ako karere.

Pusher wegukanye Kinyaga Award II ngo araba ari kumwe n’ababyinnyi be.

N’igitaramo kandi ngo baza kuba bishimiramo banamurika ibikombe batwaye muri Kinyaga Award ndetse no kwerekana urwego bamaze kugeraho nyuma yo kubyegukana.

Dig Dog umaze kumenyekana mu Rwanda ku ndirimbo yahimbiye Perezida wa Repuburika yitwa “Umusaza ni umusaza (Komeza imihigo)”, avuga ko iki ari gihe cyo gutaramira abaturage ba Nyamasheke bakishimira ibyiza Abanyarwanda bamaze kugeraho kandi bakerekana ko ari abahanzi bakomeye mu karere no mu Rwanda hose.

Yagize ati “Nakoze amateka mu ihuriro ry’urubyiruko, youth conekt, aho uciye hose baravuga bati umusaza ni umusaza, ndashaka kwereka abaturage ba Nyamasheke ko nshoboye kandi niteguye kwereka Abanyarwanda bose ko ndi umuhanzi ufite impano utabyihingamo”.

Dig Dog ngo yatangiye urugendo rwo kwemeza ko ari umuraperi wa mbere mu Rwanda.

Pusher we avuga ko atabonye umwanya wo kwerekana ibihangano bye byose muri Kinyaga Award akaba ari yo mpamvu ashaka kwereka abaturage ba Nyamasheke ko ibihangano bye byose byuzuye ubwiza.

Yagize ati “Muri Kinyaga Award twerekanaga indirimbo nkeya ndetse n’umwanya ntiwari mwinshi. Uyu munsi nderekana ko ndi igihangange kandi ko natwaye iri rushanwa mbikwiye”.

Biteganyijwe ko aba bahanzi b’ibyamamare mu turere twa Nyamasheke na Rusizi bataramira muri Café de l’Ouest guhera saa kumi n’ebyiri kugeza mu gitondo.

Ubwo yasuraga Akarere ka Nyamasheke muri Kamena 2015, Perezida Kagame yari yasabye ko iki kibazo cyarangizwa mu gihe cya vuba, nyamara abaturage bakomeje kuvuga ko batarabona amafaranga yabo kandi ntibasobanurirwe aho byapfiriye.

Umwenda abo baturage bishyuza n’uw’ibikorwa bakoze mu kubaka amashuri i Banda na Kamitira yo muri Rangiro, Icyavumu na Ruhengeri byo mu Murenge wa Macuba ndetse na Gitaba, muri 2008 ariko kugeza ubu bakaba batarahembwa.

Umwe mu baturage ufitiwe umwenda n’uyu rwiyemezamirimo Rurangirwa Jean Baptiste,avuga ko bahamagawe ngo batange amazina, nyamara kugeza magingo aya bakaba bagitegereje barahebye.

Yagize ati “Kuva Perezida yavuga ngo bagikemure vuba twaje ku karere twandika amazina yacu na konti zacu turategereza na n’ubu twarahebye.”

Umuyobozi w’Akarere ka Nyamasheke, Kamali Aimé Fabien, avuga ko bahamagaye rwiyemezamirimo, Minisiteri y’Uburezi n’Ikigo cy’Igihugu gishinzwe Uburezi, REB, Rurangirwa akemeza ko abereyemo abaturage umwenda.

Yagize ati “Twahamaje inzego zirebwa n’iki kibazo rwiyemezamirimo yemera ko afitiye abaturage amafaranga, ndetse abaturage batanga konti zabo hasigaye ko REB ishyira amafaranga yabo ku makonti. Gusa tuzakomeza gukora ubuvugizi kugira ngo iki kibazo kirangire vuba”.

Rurangirwa Jean Baptiste uhagarariye sosiyete RGP yubakaga amashuri mu Karere ka Nyamasheke, avuga ko ababajwe no kuba atarishyurwa ngo na we abashe kwishyura.

Rurangirwa yavugaga ko Leta imufitiye amafaranga arenga miliyoni 70 kandi muri Nyamasheke ngo akaba agomba kwishyura miliyoni abarirwa muri 2 n’ibihumbi 700.

Twagerageje kuvugana na REB ngo tumenye icyo ivuga kuri iki kibazo ariko ntibyadukundira.

Nubwo rwiyemezamirimo avuga ko umwenda ababereyemo ari miliyoni 2,7 abo baturage basaga 50 bo bavuga ko bari kwishyurwa asa miliyoni eshatu z’amafaranga y’u Rwanda.

Abo bajyanama bavuga ko bidakwiye ko umukozi yajya ahabwa amafaranga yo gukoresha mu rugendo (frais de mission) yaruvuyemo kandi ari yo yagakoresheje mu byo aba yagiyemo.

Abajyanama b’Akarere ka Nyamasheke basanga abakozi bakwiye kujya bajya mu ngendo z’akazi bitwaje amafaranga bemererwa n’amategko yo kubafasha.

Umwe mubajyanama yagize ati “Twifuza ko twajya tubona amafaranga atugenewe mbere y’uko igikorwa gikorwa, abajya mu butumwa bw’akazi bakayitwaza kuko n’ahandi mu tundi turere birakorwa”.

Ubuyobozi bw’Akarere ka Nyamasheke buvuga ko byajyaga bibaho ko abakozi bahabwa amafaranga mbere ariko baza gusanga hari abatazana raporo yavuye mu kazi bagiyemo bituma ubu buryo babukuraho umukozi akabona amafaranga ari uko amaze kwerekana ibyangomba byerekana ko koko yavuye mu butumwa bw’akazi.

Umunyamabanga Nshingwabikorwa w’Akarere ka Nyamasheke, Habiyaremye Pierre Celestin, agira ati “Twasanze ibyiza ari uko abakozi b’akarere bajya bahabwa amafaranga nyuma yo kuva mu butumwa kuko hari abatarazanaga ibyangombwa (supporting documents) byerekana icyo ayo mafaranga yakoreshejwe bikadutera ikibazo”.

Perezida wa Njyanama y’Akarere ka Nyamasheke, Dr Ndabamenye Telesphore, avuga ko bikwiye gukosoka umukozi udatanze raporo agahabwa ibaruwa imusaba ibisobanuro ariko mu gihe umukozi agiye mu butumwa bw’akazi bwamenyeshejwe hakiri kare akabona amafaranga ye y’urugendo.

Yagize ati “Ibi bizakosoka, niba hari umukozi utatanze raporo y’ubutumwa bw’akazi yagiyemo akandikirwa agatanga ubusobanuro, ubutaha kandi bikaba byamugiraho ingaruka ariko ubundi umukozi agomba kujyana amafaranga azakoresha nyine muri ubwo butumwa aba agiyemo”.

Mu busanzwe, umukozi wo mu Karere ka Nyamasheke ahabwa amafaranga y’ubutumwa bw’akazi nyuma yo kwerekana ibyangombwa (supporting documents) zerekana ko yavuye mu butumwa bw’akazi koko, nubwo hari aho amafaranga y’ubutumwa bw’akazi abagiye bagenda bayitwaje, mu tundi turere.

Ibi bitare byagwaga mu mazi no ku nkengero z’Ikiyaga cya Kivu ubwo haturitswaga intambi ku ibuye rya Kariba mu murenge wa Bushekeri.

Uku ni ko amabuye yavuye kuri Kariba ameze ku nkombe z’Ikiyaga cya Kivu.

Ikigo cy’Umutungo Kamere cyari cyagaragaje ko byabangamiye cyane iki kiyaga, ndetse basaba ko akarere kahita gafata imyanzuro kuri iki kibazo.

Ubwo basozaga igenzura mu kwezi kwa Kanama 2015, Kayumba Francis ukora mu kigo cy’umutungo kamere yavuze ko hari ibigo byagiye byangiza ibidukikije ku buryo bukomeye bikwiye gufatirwa ibihano hakurikijwe amategeko mu gihe ibindi byagombaga kugirwa inama kugira ngo byisubireho.

Iyangizwa ry’Ikiyaga cya Kivu biturutse ku bitare by’ibuye rya Kariba ryacukuwemo amabuye na sosiyete “China Road & Bridge Corporation” ryavuzwe nka kimwe mu bibazo bikomeye byagombaga gufatirwa ingamba n’ibihano.

Ubuyobozi bw’Akarere ka Nyamasheke buvuga ko bwamaze kubwira iyi sosiyete gukuraho ibitare bibangamiye ikiyaga cya kivu mu gihe ibyamaze kugwa mu kiyaga cya kivu ku bwinshi ntacyo babikoraho.

Umuyobozi w’Akarere ka Nyamasheke, Kamali Aimée Fabien, avuga ko basabye iyo sosiyete gusubiranya ibitare yanyanyagije ku nkombe z’Ikiyaga cya Kivu naho ngo ibyaguye mu mazi, byagorana ko bivamo.

Kamali avuga ko hari icyizere cy’uko bizakorwa vuba kugira ngo iki kiyaga ntikigumye kwangirika kandi ngo nibidakorwa, bazahita bafatira ibihano iyo sosiyete.

Ku ibuye rya Kariba riri mu murenge wa Bushekeri ni ho hacukuwe amabuye yakoraga umuhanda wa Kivu belt, uva Nyamasheke ugana Karongi, rikaba ryegereye Ikiyaga cya Kivu.

Amabuye yagwaga muri iki kiyaga ndetse n’ayajugunywe ku nkengero zacyo yavuzwe cyane nk’imwe mu mbogamizi zabangamiye cyane ibinyabuzima n’Ikiyaga cya Kivu by’umwihariko.

Ubuyobozi bwa “China Road & Bridge Corporation” ntibwifuje kugira icyo bubivugaho.

Byatangajwe n’Ubuyobozi bw’Akarere ka Nyamasheke bwemeza ko ari icyemezo cyashyizweho na njyanama, mu rwego rwo gukimira ibyaha no kurinda umutekano w’abaturage.

Abayobozi basanga ibikorwa by’iterambere bikorerwa abaturage ubwabyo bibungabunga umutekano.

Byavuzwe nyuma y’inama y’umutekano yaguye yabaye kuri uyu wa 30 Ukuboza 2015 ku cyicaro cy’aka karere.

Umuyobozi w’Akarere ka Nyamasheke, Kamali Aimé Fabien, yatangaje ko umutekano wifashe neza mu karere kose ka Nyamasheke.

Yibutsa abaturage ko, mu minsi mikuru, bagomba kubahiriza amabwiriza yo gufunga utubari ku masaha bahawe kugira ngo umutekano uzakomeze gucungwa neza.

Yagize ati “Ni byiza ko umuturage waguwe neza ataha kare akajya gusabana n’abo mu rugo hakiri kare agacungirwa umutekano neza”.

Nubwo mu bihe bya Noheri hari utubari twafunzwe ayo masaha ataragera, Umuyobozi w’Akarere ka Nyamasheke, avuga ko bidakwiye kuko amabwiriza ya njyanama asobanutse, agashimira abaturage uburyo babungabunze umutekano mu bihe bya noheri.

Yagize ati “Nta mabwiriza yatanzwe yo gufunga utubari mu mujyi mbere ya saa yine. Gusa, turashimira abaturage uko babungabunze umutekano, tubibutsa ko buri wese akwiye kuba ijisho rya mugenzi we”.

Inama y’umutekano yasabwe kurushaho gushyiraho ingamba zo gukumira ibyaha.

Muri iyi nama y’umutekano kandi, Kamali yasabye ko inama ihuza abayobozi n’inzego z’umutekano buri munsi yakomeza gushyirwamo ingufu, abayobozi bibutswa ko bakwiye gushyiraho ingamba zikomeye mu gukumira ibyaha bitaraba.

Bsabwe kandi gukomeza gushyira imbaraga mu gukora ubukangurambaga ku bwisungane mu kwivuza kandi bibutswa gukomeza kubungabunga neza inkengero z’ikiyaga cya Kivu.

Utetiwabo Monica ni umubyeyi wo muri uyu mudugudu uherereye kagari ka Kirebe umurenge wa Rwimiyaga mu karere ka Nyamasheke, avuga ko bimutwara amafaranga 6.000Frw buri mezi atatu kugira ngo abone iyi gahunda, kuko bimusaba kujya ku kigo nderabuzima cya Bugaragara.

Utetiwabo Monica ari mu bifuza ko kuboneza urubyaro byasubizwa abajyanama b’ubuzima.

Agira ati “Urabona abanyabuzima bagifite iriya miti bari borohereje ba rubanda rugufi batabona amafaranga ya moto kujya ku kigo nderabuzima. Aho babikuyeho ni ikibazo, umubyeyi binamutunguye ntiyabona umutabara vuba.”

Gakwerere Camille ushinzwe abajyanama b’ubuzima ku kigo nderabuzima cya Bugaragara, yemeza ko gahunda yo kuboneza urubyaro yari yarahagaritswe ku bajyanama b’ubuzima.

Avuga ko byaturutse ku mabwiriza ya Minisiteri y’Ubuzima y’umwaka ushize, yasabaga ko ababyeyi bagomba kugira uruhare muri gahunda yo kuboneza urubyaro, bishyura amafaranga make bitewe n’uburyo umubyeyi yahisemo gukoresha.

Avuga ko byateye ikibazo gikomeye kuko ubundi umujyanama w’ubuzima atemerewe kwishyuza bituma gahunda yo kuboneza urubyaro ikurwa mu bajyanama b’ubuzima, kugira ngo habanze hanozwe uburyo iyi gahunda yakorwamo.

Yemeza ariko ko nyuma yo kubaza no kugirwa inama y’uburyo byakorwa, ngo muri uku kwezi k’ukuboza abajyanama b’ubuzima basubijwe imiti ku buryo bongeye gutanga serivise yo kuboneza urubyaro.

Ati “Twari twarabihagaritse ariko muri uku kwezi abajyanama b’ubuzima twabasubije imiti. Abaturage babagane rwose, ikibazo cyarimo cyarakemutse.”

Ku bijyanye n’amafaranga ushaka kuboneza urubyaro yishyura ku bakoresha gahunda y’urushinge ngo umubyeyi azajya ayishyura agitangira iyi gahunda kuko bikorerwa kwa muganga.

Ababyeyi bemerewe gufashwa n’abajyanama b’ubuzima kuboneza urubyaro ni abakoresha uburyo bw’agakingirizo, ibinini n’urushinge rw’amezi atatu.

Ibi bikaba ari ibyatangajwe nyuma y’inama ya Njyanama ibanziriza iya nyuma kuri uyu wa kabiri tariki ya 29 Ukuboza 2015.

Abajyanama bishimiye ko bakemuye byinshi mu bibazo by’abaturage

Akarere ka Nyamasheke kakaba karagaragajwe n’abashinzwe ibarurishamibare nk’akagifite abakene benshi mu Rwanda.

Dr Ndabamenye Telesphore, Perezida wa inama Njyanama y’Akarere ka Nyamasheke, yatangaje ko hari byinshi bagezeho mu bufatanye n’Akarere ka Nyamasheke, avuga ko bagiye gusoza manda yabo Akarere ka Nyamasheke kari mu myanya itari myiza mu bijyanye no kuvana abaturage mu bukene, akizera ko bari bafite icyerecyezo cyiza bityo ingamba basize zikaba zizazamura aka Karere.

Yagize ati “Twagerageje gukora byinshi byiza dutanga umurongo ukwiye ariko dusoje manda yacu Akarere kacu kari mu bukene bukiri hejuru, gusa twakemuye ibibazo byinshi kandi tuzakomeza imihigo ku buryo Akarere kazazamuka kakava aho kari ubu”.

Dr Ndabamenye yavuze ko hari umusingi basize nk’abajyanama b’Akarere aho bari basigaye bafite imyumvire yo gukemura ibibazo bahereye mu mizi bityo bikarangira burundu.

Yagize ati “Twari tumaze kumenya gukemura ibibazo nyuma yo gukora isuzuma ku buryo bwimbitse, gukemura ibibazo gutyo bituma ushobora kumenya uko ibyo wubatse bizaramba”.

Perezida wa njyanama Dr Ndabamenye (uri hagati) asanga gukorera hamwe nk’ikipe bizakomeza kubavana mu bukene

Muri iyi nama hafashwe imyanzuro ku bibazo by’abaturage basaba Akarere kujya kishyura ku gihe ba rwiyemezamirimo, abakozi bakabonera amafaranga abajyana mu ngendo ku gihe, basaba ko abayobozi barushaho kwegera abaturage no gukorera hamwe bagamije guha serivisi nziza abaturage.

Abajyanama basabye ko ibibazo bikiri mu buhinzi mu kubona ishwagara byashakirwa umuti urambye abaturage bakabona umusaruro, ndetse n’ibibazo bikiri mu bijyanye n’ubutaka n’imisoro bigakemuka vuba.

Biteganyijwe ko inama njyanama izasoza imirimo yabo ku itariki ya 15 Mutarama 2016, abajyanama bazatorwa n’abaturage bakazatangira imirimo mu kwezi kwa Werurwe 2016.

Mu birori byitabiriwe n’abantu benshi , abahanzi bagera ku 10 barushanyijwe kwiyereka abakunzi babo mu dushya dutandukanye kandi bacuranga ku buryo kamere (live).

Pusher n’abaririmbyi birabye ingondo binjiye bacanye umuriro.

Akimara kwegukana iri rushanwa rikomeye mu Kinyaga, Pusher, w’imyaka 20 ukomoka mu Karere ka Rusizi yavuze ko atunguwe cyane agereranyije n’abo bari bahanganye.

Yemeza ko Kinyaga Award ari irushanwa ridasanzwe kandi rizatuma impano z’abakiri bato zitera imbere kandi zigateza imbere igihugu.

Yagize ati “Ndanezerewe cyane, hano hari abahanzi b’abahanga kandi bategura cyane ibyo bari bukoreshe. Sinari nzi ko nabatwara umwanya wa mbere, gusa nari nakoze neza ndizera ko nzakomeza gukora neza nkagera no ku rwego rwisumbuye mu buhanzi bwanjye”.

Dig Dog (useka) wegukanya Kinyaga Award 1 na we yari ahari.

Umuyobozi w’Akarere ka Nyamasheke Wungirije ushinzwe Imibereho Myiza y’Abaturage, Getete Cetherine, yavuze ko Kinyaga Award imaze kugaragaza ko ari irushanwa rikomeye kandi rikwiye gushyigikirwa uko bishoboka.

Yabijeje ko Akarere ka Nyamasheke kazakora ibishoboka byose iri rushanwa rigakomeza kugenda neza.

Yagize ati “Bigaragara ko iri rushanwa rimaze kugera ku rwego rwo hejuru, iyi nzu mberabyombi imaze kuba ntoya. Tuzakora uko dushoboye rikomeze gutera imbere kandi ubufasha bwacu buzakomeza kugira ngo impano zanyu zikomeze gutera imbere”.

Umuhanzi wa mbere yahembwe igikombe ndetse ahabwa ibihumbi 300 by’amafaranga y’u Rwanda, uwa kabiri ahabwa ibihumbi 100 abandi batatu bahabwa ibihumbi 50.

Hari abafana benshi bo mu nzego zitandukanye kandi wabonaga banyuzwe.

Iri rushanwa ritegurwa n’inzu y’umuziki ya Boston Records ifatanyije n’Ikigo cy’Igihugu cy’Urubyiruko cya Nyamasheke, bigaterwa inkunga na Minisiteri y’Urubyiruko n’Ikoranabuhanga, Inama Nkuru y’Urubyiruko, Kibogora Polytechinic ndetse na Café de l’Ouest.

Umuhanzi wa mbere yabaye Pusher akurikirwa na Master P,uwa gatatu aba The Pax Masunzu, uwa kane aba King Peace hamwe na Enjoy,uwa gatandatu aba P2 Sean Jon, uwa karindwi Sister Lina na Frezzo boy,uwa cyenda aba TJ uwa cumi aba Uncle G.

Uyu mugabo bayigamba yagejejwe kuri polisi ya Nyamasheke, kuri uyu wa Kane tariki 24 Ukuboza 2015, bivugwa ko yakuwe mu karere ka karongi aho yari amaze iminsi yihishe nyuma yo guhamagazwa kuri polisi agahita acika.

China Rads ni isosiyete imenyerewe mu Rwanda (Photo internet)

Amakuru atangazwa n’abantu badashaka kugaragara mu itangazamakuru avuga ko abajura binjiye mu bubiko bw’amapine y’isosiyete ikora umuhanda ya China Road iri mu murenge wa Kanjongo mu karere ka Nyamasheke, bakiba amapine agera kuri 17, hagafatwa amapine agera 10 andi mapine akaba yaraburiwe irengero.

Abantu bagera kuri btandatu bahise bataba muri yombi Bayigamba Athanase ahita abura mu gihe polisi yamusabaga kuza gutanga ibisobanuro.

Umwe mu batangaza aya makuru avuga ko uyu Athanase nawe ari mu bakekwa ba mbere mu ibura ry’aya mapine.

Yagize ati “uyu mugabo yagize uruhare rukomeye mu iyibwa ry’aya mapine, ikimenyimenyi yahise abura burundu kugeza ubwo polisi imushatse maze iramubura.”

Aya amakuru yemezwa n’ubuyobozi bw’umurenge wa kanjongo, bwemeza ko habuze amapine y’isosiyete ikora umuhanda ya China Road mu cyumweru gishize, hakaba hari hakiri abagishakishwa.

Ngendahimana Leopord, umunyamabanga nshingwabikorwa w’umurenge wa Kanjongo yagize ati “Nta byinshi nabivugaho gusa ayo mapine yaribwe kandi hari abari bagishakishwa.”

Uyu mugabo witwa Athanase Bayigamba yari ashinzwe ibijyanye n’umutekano n’abakozi mu isosiyete ikora umuhanda ya China Road, yagejejwe kuri sitasiyo ya Ruharambuga mu myenda isanzwe n’amapingu ku maboko.

Bivugwa ko aya mapine 17 yibwe yari afite agaciro k’amafaranga asaga miriyoni 7Frw z’amafaranga y’u Rwanda.

Ubuyobozi bw’utu turere bubisobanura buvuga ko umwenda bamwe bafitiye isosiyete ikora ibijyanye n’itumanaho ari wo ntandaro yo kuba terefoni bemerewe zitarabageraho.

Umwenda uturere tubereyemo MTN watumye abanyamabanga nshingwabikorwa b’ubutugari twa Rusizi na Nyamasheke batinda kubona smartphone bemerewe na Perezida Kagame.

Abanyamabanga Nshingwabikorwa b’utugari bemerewe na Perezida wa Repubulika terefoni zigezweho (smartphones) mu rwego rwo kubafasha akazi no kurushaho kugendana n’ibihe bahanahana amakuru.

Bavuga ko bakizitegereje n’amatsiko menshi kandi bizera ko zizoroshya akazi kabo zikanatuma babasha kurushaho kumenya amakuru y’ibibera hirya no hino.

Umwe muri bo yagize ati “Turazitegereje cyane twumva ahantu hatandukanye ko bamaze kuzibona. Ntituramenya igihe zizatugereraho, batubwira ko zizaza vuba gusa amaso atangiye guhera mu kirere”.

Guverinrei w’Intara y’Iburengerazuba, Mukandasira Caritas, avuga ko yamenye ko batarabona ibyo bemerewe na Perezida wa Repuburika, akaza kumenya ko hari bamwe bari batarongera kontaro bari bafitanye na MTN.

Ngo akaba ari byo byatumye amaterefoni yabo atinda, abizeza ko mu cyumweru kimwe na bo baba bazibonye.

Yagize ati “Abenshi mu bayobozi b’utugari baba mu itumanaho rya rusange, hari bamwe bari batararangiza kwishyura.

Byatumye MTN idahita ibongerera amasezerano, ariko batwijeje ko icyumweru kimwe biba birangiye na bo bakabona terefoni bemerewe n’umukuru w’igihugu”.

Mu gihe uturere twari twifuje ko twahabwa amaterefoni n’isosiyete y’itumanaho ya MTN, byasabaga ko babanza kwishyura umwenda bari bafite mu buryo bishyuragamo itumanaho rya rusange (CUG), gusa umubare w’ayo bari bebereyemo iyo sosiyete ntiwatangaje.

Uru rubyiruko ruturuka muri Canada, Ububirigi, Amerika, mu Rwanda n’ahandi rwakusanyije amafaranga y’u Rwanda agera kuri miliyoni imwe n’igice bayagenera mituweri z’abatishoboye mu Murenge wa Gihombo, kuri uyu wa 15 Ukuboza 2015.

Ukuriye "Agaciro Generation", kagabo Jacques, yemeza ko uyu muryango uzakomeza kwagura ibikorwa bihesha u Rwanda agaciro.

Abo baturage bavuga ko bakennye cyane ku buryo byari bibagoye kubona amafaranga yo kwivuza kuko bamwe ari inshike abandi bakaba ari imfubyi ndetse hakabamo n’abafite ubumuga butandukanye n’abasaza.

Umwe muri bo yagize ati “Ndashimira Umukuru w’Igihugu cyacu watwibutse sinatekerezaga ko nzivuza ariko ubu ngize icyizere ko nzabaho,ndanezerewe bikomeye”.

Lilianne Iradukunda umwe mu batangije iki gikorwa cy’urubyiruko rwitwa “Agaciro Generation”, atuye muri Canada.

Yemeza ko ari igikorwa gikwiye gutekerezwa na buri Munyarwanda wese ukunda igihugu, akavuga ko ibikorwa nk’ibi ari byo bizatuma u Rwanda rutera imbere.

Yagize ati “Twabonye ko aka karere gakennye kandi hari abaturage batabona ubwisungane mu kwivuza. Niba dushaka kugira igihugu gifite agaciro dukwiye kugira abaturage bafite imibereho myiza”.

Aha bandikiraga abaturage ubwisungane mu kwivuza.

Kagabo Jaques, uhagarariye ‘Agaciro Generation’ avuga ko urubyiruko rufite inshingano yo gushyigikira gahunda z’iterambere u Rwanda rugezeho imiyoborere yiza igakomeza gutera imbere mu ngeri zose.

Agira ati “Ibyo dukora byose tubikesha imiyoborere myiza. Ni twe tugomba gusigasira uyu musingi w’iterambere,nidushyira hamwe nta kizatunanira.

Ni yo mpamvu twahisemo ‘Agaciro Generation’ nk’abahisemo guha u Rwanda ako gaciro rukwiye”.

Abaturage bashimira "Agaciro Generation" ubwisungane bahawe.

Umunyamabanga Nshingwabikorwa w’Umurenge wa Gihombo, Nshimiyimana Leonard, yasabye ko ubukangurambaga mu bwisungane bwakomeza uyu mutima wo gufashanya ugakomeza.

Yagize ati “Jenoside yashegeshe bikomeye uyu murenge, urimo abatishoboye benshi kuri 51%, nidufatanya tuzazamuka n’ubwitabire bushoboke”.

Agaciro Generation ihuza urubyiruko 78 rugenda rwiyongera mu Rwanda no mu mahanga, bakaba bateganya kuzakomeza gutanga umusanzu wabo mu bwisungane,mu kurwanya imirire mibi, uburezi n’ibindi.

Ibi bakaba babitangaje mu nama yabahuje n’abayobozi ku rwego rw’Intara y’uburengerazuba, kuri uyu wa mbere tariki ya 14 Ukuboza 2015 mu karere ka Nyamasheke.

Abayobozi b’intara basabye ko umuhigo wa MUSA washyirwamo imbaraga bakava ku myanya ya nyuma

Ibi bikaba bije nyuma y’uko bigaragariye ko iyi ntara ikiri inyuma cyane mu bijyanye n’ubwisungane mu kwivuza ikaba igeze kuri 74% mu gihe hari imirenge ikiri kuri 50%.

Nyuma yo kubagira inama no kugaya abagifite imibare iri hasi mu bwisungane mu kwivuza Mutiwele de sante, Mukandasira Cartas, guverineri w’intera y’uburengezuba, yasabye ko mu kwezi kwa mbere uturere twa Rusizi na Nyamasheke, tugomba kuba tugeze ku 100%, mu gihe uyu mwaka ugomba kurangira bageze kuri 80%.

Abayobozi b’utugari n’imirenge bemeje ko uyu mwaka urangira bageze kuri 80%

Yagize ati “Nta kibura ngo abaturage bacu bose babe bafite ubwisungane mu kwivuza, bisaba ubuyobozi kubikora babishyizeho umutima, abakijenjetse hari uburyo buzakurikizwa mu kubakura mu myanya cyangwa se bahindurirwe imirimo, turifuza ko mu kwezi kwa mbere abaturage bose bakwiye kuba bari mu bwisungane mu kwivuza”.

Abayobozi b’Utugari n’imirenge bagaragaje ko habayemo kurangara ntibakore ubukangurambaga bugombwa bavuga ko bagiye kuzamura ijanisha mu bwisungane mu kwivuza, gusa bagaragaza ko hari aho bafite abaturage bitabira gutanga ubwisungane mu kwivuza mu yindi mirenge cyangwa se abakene batangirwa ubwisungane bakaba ari benshi bose ntibabashe kububona uko bigomba.

Umurenge wa Kamembe washimiwe ko wageze ku 100%

Umwe yagize ati “Umubare w’abakene bahabwa Mitiweli wabaye munini bose ntibayibona ndetse ubundi ugasanga ahari abaturage bacu batanga imisanzu ahandi, ibyo byose byaratudindije ariko nyuma y’inama twagiriwe mu kwezi k’ukuboza turaba nibura tugeze kuri 80%”.

Iyi nama yari yitabiriwe n’abayobozi ku rwego rw’intara barimo abakuru ba polisi n’igisirikare,Gen. Mubarack Muganga ukuriye igisirikare mu burengerazuba, akaba yibukije aba bayobozi ko uko bayobora neza abaturage bituma na bo babiyumvamo kandi bagafatanya mu kwesa imihigo.

Uyu muhango ukaba wabaye kuri mugoroba wo kuri uyu wa gatanu tariki 11 Ukuboza 2015, ku cyicaro cy’iyi kaminuza ya kibogora, imbere y’abayobozi b’iri shuri n’abayobozi batandukanye bari bahagarariye akarere ka Nyamasheke.

Barahiriye kuzaba inyangamugayo mu kazi bazakora.

Ntaganda Edwin watorewe kuyobora abanyeshuri ba Kibogora Polytechinc mu gihe cy’umwaka umwe yijeje, aba banyeshuri ko bazafatanya bagateza imbere iyi kaminuza kandi bakazababera abavugizi beza ku nzego zitandukanye.

Yagize ati “Twasezeranyije abanyeshuri kuzababera abavugizi ku bibazo byabo,kandi tuzaharanira ko bategura neza ejo habo heza,bimakaza indangagaciro zizatuma bateza imbere iyi kaminuza n’igihugu cyacu muri rusange.”

Uwimana Focas niwe ucyuye igihe mu bayoboraga abanyeshuri, yasabye komite igiyeho kuzihatira gukorera hamwe nk’ikipe kandi bakajya bumva ibibazo by’abanyeshuri bakabigeza aho bishoboka.

Abatowe biyemeje kuza abavugizi beza b’abanyeshuri.

Ati “Twishimira ko twabashije gukemura ibibazo by’abanyeshuri kandi twamenyekanishije kaminuza yacu,turasaba abadusimbuye kuzakorera hamwe kuko twe twagize ikibazo cya bamwe batabashaga kuboneka uko bikwiye kubera kwimenyereza amasomo bityo ntidukemure ibibazo uko bikwiye.”

Ku ruhande rw’abanyeshuri basaba komite igiyeho kutazirengagiza ibibazo byabo bababera umuhuza mwiza imbere y’abayobozi.

Ntibeshya yagize ati “Hari ibibazo bimwe twataganga ntibibonerwe ibisubizo,turasaba abagiyeho kuzatubera intumwa nta kibazo na kimwe basubije inyuma.”

Nibajije Alphonze ashinzwe uburezi mu karere akaba yari umushyitsi mukuru yasabye komite nshya kuzakorera mu mucyo, asaba abanyeshuri gufasha abatowe kugera ku nshingano zabo,bose bimakaza indagagaciro z’Umunyarwanda.

Ati “Abatowe bagomba gukorera mu mucyo bafatanya n’ababatoye kugera ku nshingano zabo bimakaza indangagaciro z’abanyarwanda baharanira guteza imbere igihugu cyabo.”

Abayobozi b’abanyeshuri bazwi nka KPSU (Kibogora Polytechnic Stundents Union) barahirira kuzaba umuhuza w’abanyeshuri n’ubuyobozi, baharanira kuzateza imbere abo bashinzwe, birinda gukoresha ububasha bahawe mu nyungu zabo no kwirinda kubiba amacakubiri.

KP irimo abanyeshuri basaba 800 bari mu mashami y’ubuforomo, uburezi, ubumenyamana (theologie), amajyambere y’icyaro n’andi.

Kuri uyu wa kabiri tariki 8 Ukuboza 2015, nibwo Mukundiyukuri utuye mu kirwa cy’umudugudu wa Murwa akagari ka Ninzi mu murenge wa kagano yashatse gusambanya umwana yibyariye ku ngufu. Abaturage nabo bakemeza ko iyi ngeso yari ayisanganywe.

Uyu mukobwa uteye ibitugu, amaze kubyarana na se umubyara umwana umwe.

Abaturanyi bavuga ko aho uyu mukobwa amenyeye ko se yanduye visuri itera Sida ariko asanga we ari muzima, yiyemeje kutazongera kuryamana na we. Bavuga ko ibyo byatumye ahora ateza umutekano muke mu mudugudu arwana n’umukobwa we.

Umwe yagize ati “Turambiwe induru y’uyu mugabo ashaka gusambanya umukobwa we, buri gihe nitwe tujya kumufasha tugatabara tukamucumbikira ngo se atamwica.”

Undi ati “Uriya mugabo duhora tumushyikiriza ubuyobozi agakingirwa ikibaba na mukuru we uyobora akagari yahoze ayobora aka dutuyemo.

Baramutwara bugacya yagarutse yarushijeho kuba mubi, ndetse bashatse ko umwana yamugereka ku wundi ariko biranga biba iby’ubusa, bose bemeza ko umwana ari uwe.”

Uyu mukobwa wabyaranye na se, avuga ko se ahora amutoteza akamukubita ashaka ko baryamana kandi akumva ko kuba barabyaranye umwana umwe bihagije.

Ati “Papa ampoza ku nkeke akancunaguza, akankubita ndetse akanamenesha, yanteye inda mfite imyaka 21 ubu mfite 24, yankuye mu ishuri ngeze mu wa gatatu y’ayisumbuye, ashaka ko twakomeza tukajya turyamana ariko narabyanze, agashaka kumfata ku ngufu ariko naranze rwose.”

Nyina w’uyu mukobwa n’ubuyobozi ntibabashije kubonekera igihe ngo bagire icyo bavuga kuri aya makuru. Hagati aho Mukundiyukuri afungiye kuri sitasiyo ya polisi ya Kanjongo.

The Pax avuga ko ubwo yigaga muri CEFOTEC i Butare yashakishije uko yajya abasha gutereka umusatsi we bikamuyobera yigira inama yo kubeshya ubuyobozi ko iyo akuyeho umusatsi ahita asara agakora ibikorwa by’abarwayi bo mu mutwe.

Kubera gukunda umusatsi we, The Pax Masunzu yabeshye ko iyo yiyogoshesheje asara.

Ngo byaramuhiriye kuko ubuyobozi bwa CEFOTEC bwamwemereye gutega amasunzu, bimubera umugisha kuko hari abantu bahise baza gushaka abana bo gukina firime y’amateka bigatuma bamusaba kujya kwiyogoshesha amasunzu, abasha gukina muri iyo firime.

Abisobanura agira ati “Nyuma yo kubeshya ko iyo nkuyeho umusatsi nsara,ndasaba Imana imbabazi.

Gusa haje abantu bansaba gukina muri firime yabo nteze amasunzu, umukecuru ukorera muri museum (inzu ndangamurage) amfasha kuyogosha abantu barabikunda nkomeza kuyatega kugeza magingo aya”.

The Pax Masunzu avuga ko amasunzu ye yamugize icyamamare agakunda gutumirwa n’abantu batandukanye, ndetse agatangazwa n’uko abantu benshi bayakunda.

Agira ati “Amasunzu yanjye yangize icyamamare, abantu benshi barayakunda, kuko Abanyarwanda bakunda amateka yabo kandi bibibutsa ko aba kera bategaga amasunzu. Ni ibintu by’igiciro gikomeye”.

Nyuma yo guhirwa n’amasunzu, The Pax arayakundisha abandi Banyarwanda.

The Pax Masunzu avuga ko amasunzu ye yatumye atinyuka akabasha kubona ko afite impano mu bintu itandukanye, birimo guhimba utuntu dushya ndetse no guhimba indirimbo, byatumye ashinga itorero aryita “Imbanzabigwi”.

Uyu muhanzi uririmba mu njyana ya Rap akavangamo n’injyana gakondo, avuga ko ubuhanzi bwe ahanini abukomora kuri nyina wabo muto waririmbaga mu Masimbi n’Amakombe ya Rugamba Cyprien, yakongeraho amasunzu bikamugira icyamamare.

The Pax Masunzu ni umwe mu bahanzi bakomeye ba Kinyaga Award. Akomoka mu Karere ka Rusizi, akaba azwi mu ndirimbo nka Mwana wanjye, Nyashya ya Baba, Usenya urwe n’izindi.

Byatangajwe na bamwe mu bamugaye kuri uyu wa 03 Ukuboza 2015, mu kwizihiza Umunsi Mpuzamahanga w’Abamugaye, wizihirijwe mu Murenge wa Kirimbi ku rwego rw’Akarere ka Nyamasheke.

Abamugaye bakoze neza babiherewe urupapuro rw’ishimwe.

Shyirambere Bruno uhagariye abamugaye mu karere ka Nyamasheke, atangaza ko gusabiriza byari bizwi ku bamugaye bitangiye gucika ku buryo bugaragara.

Yemeza ko i Nyamasheke uwo muco umaze kuba amateka, agasaba ko abamugaye bose bakomeza kwibumbira hamwe bagashakirwa ibyo bakora, bityo uwo muco abantu bari babaziho ugacika burundu.

Akomeza avuga ko bamaze guhugura abamugaye bagera 168 bababumbira mu makoperative ku buryo muri Nyamasheke nta bamugaye bagisabiriza.

Agira ati “Ndetse twifuza ko byaba amateka, gusa turasaba Leta gushyira mu bikorwa itegeko rihari riturengera, tukabasha kwiga neza kandi tukagera mu nzu z’ubuyobozi nta kibazo”.

Umuyobozi w’Akarere ka Nyamasheke Wungirije ushinzwe Imibereho Myiza y’Abaturage, Gatete Catherine, yasabye abamugaye kutitinya bagatinyuka bagakoresha intege bafite.

Abamugaye na bo bemeza ko gusabiriza atari umuco ukwiye kubaranga.

Avuga ko byagaragaye ko hari benshi bagiye bagera ku bikorwa bikomeye n’abatamugaye batagezeho, akabizeza ko ibibazo bagifite bigiye gushakirwa ibisubizo maze iterambere ryifuzwa rigakomeza kwihuta.

Yagize ati “Twishimira ko abamugaye bamaze guhabwa agaciro, tumaze kumenya ko namwe mushoboye kandi muri ingirakamaro. Muhaguruke mukore kandi murashoboye”.

Ibarura riheruka ryo muri 2011 ryagaragaje ko mu Karere ka Nyamasheke hari abafite ubumuga butandukanye babarirwa mu bihumbi 4.

Uyu munsi wasusurikjwe n’imbyino z’abamugaye batumva ntibavuge, n’umukino w’intoki wa volleyball w’abamugaye wahuje Umurenge Kirimbi n’uwa Ruharambuga.

Byatangajwe ubwo hizihizwaga Umunsi Mpuzamahanga wo Kurwanya Ubuhumyi mu Bitaro bya Kibogora biri i Nyamasheke kuri uyu wa gatatu tariki ya 02 Ukuboza 2015.

Dr Nsabimana Damien, Umuyobozi w’Ibitaro bya Kibogora, asaba abantu kwitwararika ku ndwara z’amaso kuko iyo umuntu ahumye ubuzima bwe buba bugiye mu kaga.

Umuyobozi w’Ibitaro bya Kibogora, Nsabimana Damien, yatangaje ko indwara y’amaso ari imwe mu ndwara zikomeye zivuzwa n’abantu benshi mu bivuriza muri ibi bitaro, asaba ko abantu bakwiye gukomeza kwitwararika isuku,indyo iboneye, ndetse no kwivuriza ku gihe kugira ngo ingaruka z’ubuhumyi zigabanuke.

Yagize ati “Amaso ni nk’urumuri rwa muntu iyo rudahari ubuzima bwe buba bugowe, abantu barenga ibihumbi 3 bivuza amaso hano, rimwe na rimwe ugasanga abivuza baratindanye amaso kubavura ntibyorohe. Ni byiza ko abantu bitwararika kugira isuku no kurya neza kuko ni imwe mu ntandaro yo kurwara amaso”.

Emile Safari Bizimungu, Umuhuzabikorwa w’Umushinga Vision Foundation ufatanya na Ministeri y’Ubuzima mu gufasha Abanywaranda kurwanya indwara y’ubuhumyi, avuga ko bagiye kongera abaganga b’inzobere n’abaforomo, bakegereza ubuvuzi abaturage no mu biturage bya kure.

Agira ati “Turashaka gufatanya na Leta abaganga babishoboye bakagera ahantu hose mu giturage abaturage bakabona ubuvuzi bw’amaso kandi bakabona n’amataratara ku buryo iyi ndwara y’amaso yahashywa ku buryo bushoboka”.

Ku Munsi Mpuzamahanga wo Kurwanya Ubuhumyi abaturage basabwe kujya bivuza amaso hakiri kare.

Mugabekazi Marie Regine, wivuriza amaso mu bitaro bya kibogora, asaba abantu bose kwitwaririka amaso yabo kuko iyo utabona uba ubuze ibintu byinshi.

Yagize ati “Nabashaga gusoma ubu sinabishobora meze nk’uri mu mwijima, gusa mfite icyizere cyo gukira kuko ndi kwivuza. Abantu bose bakunda ubuzima bakwiye kwitwararika amaso yabo ntagire ibiyatera uburwayi”.

Guhera muri 2012 habarurwa abarwayi barenga ibihumbi 30 bivuje amaso mu Rwanda hose. Ubu abaturage b’Akarere ka Nyamasheke bashobora kubona amataratara ku mafaranga igihumbi ku bufatanye na Vision Foundation.

Ibi babisabwe mu gikorwa cyo kongera kubibutsa inshingano zabo mu bufatanye bagirana na Polisi y’u Rwanda, mu kwicungira umutekano no gukumira ibyaha bitaraba, no gutangira amakuru ku gihe, kuri uyu wa mbere tariki ya 30 Ugushyingo 2015, mu murenge wa Kagano.

Abayobozi mu midugudu biyemeje guhwitura abo bakorana na bo

IP Deo Mutabaruka Higiro ushinzwe guhuza ibikorwa bya polisi n’abaturage (community policing) mu karere ka Nyamasheke, yasabye abagarariye imidugudu igize umurenge wa Kagano, kwibuka inshingano zabo, bagakoreraha hamwe nk’ikipe mu guteza imbere abaturage babo no kurushaho gufatanya mu gucunga umutekano w’abo bayobora.

Yagize ati “Birakwiye ko buri wese akora inshingano ze, nta numwe wihungije izo nshingano kuko hari ubwo usanga barabishyize ku muntu umwe, nyamara iyo mukrera hamwe akazi karoroha, bityo mukihatira gukumira ibyaha bitaraba, mutangira amakuru ku gihe, kandi mugashyiraho uburyo bukomeye bwo kwicungira umutekano”.

Abayobora imidugudu bavuga ko bakigorwa n’imyumvire y’abo bayobora, usanga inshingano zose bazirunda ku mukuru w’umudugudu wenyine, komite bayoborana igasa nk’aho itagikora, biyemeza ko bakikwiye gufata inshingano, abadohotse bagahwiturwa bityo abaturage bakaomeza gukataza mu iterambere kandi bari mu mutekano usesuye.

Inspector Deo Mutabaruka yasabye abayobozi mu midugudu gukora nk’ikipe imwe

Tuyizere Viateur uyobora Umudgudu wa Mujabagiro, yagize ati “Birakwiye koko ko dukorera hamwe, tukicungira umutekano, kwaba ari ugutanga amakuru tukabikorera hamwe kwaba ari ugupanga irondo twese tukumva ko bitureba ni umwanya wacu rero kongera kwibutsa abo dukorana na bo kugura ngo inshingano zacu zorohe kandi zikorwe neza”.

Community policing bisobanurwa nk’uburyo abaturage bakorana n’abashinzwe umutekano, mu gukumira ibyaha bitaraba, abaturage batangira amakuru ku gihe, kandi buri wese akaba ijisho ra mugenzi we.

Ibi bigatuma abaturage bafata inshingano zo gufatanya n’abashinzwe umutekano mu kwicungira umutekano no kugorora abashobora gutana bagatandukira ituze n’umutekano bya rubanda.

Iri rushanwa ryatangiye kuri uyu wa gatandatu tariki ya 28 Ugushyingo 2015, aho bita mu i Tyazo mu kagari ka Kibogora mu murenge wa Kanjongo mu karere ka Nyamasheke, rihuza abahanzi b’ibyamamare, Kinyaga award, yatangiye mu mbyino zidasanzwe, ubufindo, amasiporo, imyambarire idasanzwe ndetse n’imbaga y’abaturage yari yaje kwihera amaso.

Abahanzi batangiye bafata ifunguro muri Cafe de l’Ouest

Umwe mu bahanzi bigaragaje muri iri rushanwa Pasher, yari yazanye ababyinnnyi babyinaga ku buryo budasanzwe bakagenda bahinduranya imyenda ndetse biteye amabara atandukanye yavuze ko iri rushanwa asanga ari irya mbere mu Rwanda, agasaba ko bakomeza gushyigikirwa impano z’ abakiri bato zikagaragara.

Abafana bari benshi bafite n’ibyapa byamamaza abahanzi

Yagize ati “Naje niteguye kandi ndizera kuzegukana iri rushanwa, nabonye ko iri rushanwa rishobora kuba riri mu ya mbere, kuko ririmo udushya twinshi n’abantu benshi batandukanye, kandi buri muhanzi abyina ubona ko afite itandukaniro n’abandi”.

Umwe mu bateguye iri rushanwa akaba n’umuyobozi w’ikigo cy’urubyiruko cya Nyamasheke, Ndanga Janvier, yavuze ko yatunguwe cyane bitewe n’uburyo abahanzi bitwaye ku munsi wa mbere wa Kinyaga Award, agasaba ko bakomeza gutera imbere ndetse no gufashwa ngo bazamure impano zabo.

Aba nibo bagize akanama nkemurampaka

Yagize ati “Ndatunguwe cyane ntabwo nari nz iko dufite impano zikomeye kuriya mu muziki, abantu baryohewe cyane, dukwiye gushyigikira izi mpano zikabyara undi musaruro urenze uyu, kandi biratanga icyizere ko mu minsi iri mbere tuzaba dufite umuziki ukomeye muri aka karere”.

Pasher yari afite ababyinnyi batangaje kandi birabye ingondo

Iri rushanwa Kinyaga Award rihuza abahanzi 10 b’ibyamamare mu turere twa Nyamasheke na Rusizi, rigategurwa n’inzu ikora umuziki Boston Records n’ikigo cy’urubyiruko cya Nyamasheke, ryatewe inkunga na Minisiteri y’urubyiruko n’ikoranabuhanga, akabari kagezweho ka Café de l’Ouest, Kibogora polytechnic n’Akarere ka Nyamasheke.

Ni uku byari byifashe babyina

Iri rushanwa rirakomereza mu karere ka Rusizi muri iki cyumweru, abahanzi bagahabwa amanota n’akanama nkemurampaka, rikazasozwa ku itariki ya 19 Ukuboza 2015.

Umugwaneza Jean Claude

Abaturage bagaragaza ko bafite imitungo myinshi yatikiriye mu ikorwa ry’umuhanda Nyamasheke-Karongi,nyamara abashinzwe kubishyura ibyangijwe ari bo China Road and Bridge Corporation bagiye bagaragaza ubushake buke mu kubishyura ndetse bamwe mu baturage bagategekwa gusinyira bike mu byo bagombaga guhabwa.

Abaturage baratakambira ubuyobozi ngo bubishyurize China Road imitungo yabo yangije mu ikorwa ry’umuhanda Nyamasheke-Karongi.

Umwe mu baturage avuga ko yagombaga kwishyurwa ibintu byangiritse ku buso bwa are zisaga 2800 nyamara akishyurwa are 800 agaterwa ubwoba ko ashobora kuzira gukomeza gukurikirana izo zindi zisigaye.

Yagize ati “Hari abamamyi b’Abashinwa (bamwe abavuga amazina) badutera ubwoba, ndetse bakavuga ko ntaho twarega, abaturage benshi bafite ibibazo kuko imitungo yabo ntibizeye ko izishyurwa”.

Umunyamabanga Nshingwabikorwa w’Umurenge wa Kanjongo, Ngandahimana Leopord, avuga ko iki kibazo kibarenze nk’umurenge kuko hari abaturage benshi batishimiye kuba ibyabo byarangijwe nyamara ntibyishyurwe agasanga bikwiye gukemurwa bityo ntibibere imbogamizi imiyoborere myiza.

Yagize ati “Iki kibazo kirareba cyane Abashinwa n’akarere, turasaba ko byafatirwa ingamba hakiri kare,abaturage bacu bakabona ingurane z’ibyabo byangijwe, bityo natwe tugatura umuzigo w’ibibazo byinshi kandi bidashira by’abaturage n’iyo sosiyete y’Abashinwa ya China Road”.

Ibyinshi mu bibazo byakiriwe muri iki cyumwe cy’imiyoborere myiza byibanze ku mitungo y’abaturage yangijwe na China Road.

Umuyobozi w’Akarere ka Nyamasheke Wungirije ushinzwe Iterambere ry’Ubukungu, Bahizi Charles, yavuze ko iki kibazo kimaze guhangayikisha ubuyobozi bw’akarere, avuga ko kigiye gukorerwa ubuvugizi bwisumbuyeho kandi ko batazemera ko umuhanda umurikwa hakiri ibibazo nk’ibihari ubu ngubu.

Yagize ati “Tugiye gukora ubuvugizi ibibazo mufitanye n’abashinwa birangire, mbijeje ko tutazemera kwakira umuhanda hakiri ibibazo nk’ibi ngibi.

Abangirijwe ibikorwa byabo bagomba kwishyurwa icyo tubasaba ni ukwihangana mukaba mutegereje natwe turifuza ko ibi bibazo byarangira vuba, mugakomeza ibikorwa byanyu by’iterambere ry’igihugu cyacu”.

Ibibazo by’ibyangijwe n’ikorwa ry’umuhanda Nyamasheke –Karongi ni byo byafashe umwanya munini muri iki cyumweru cy’imiyoborere myiza mu Murenge wa Kanjongo, abayobozi bakaba bakomeza kwizeza abaturage ko umuhanda uzamurikwa umwaka utaha ibi bibazo byarakemutse.

Umugwaneza Jean Claude