Iperereza ryagaragaje ko Kizito Mihigo yapfuye yiyahuye (Ifoto: Internet)

Iyo raporo igaragaza ibyavuye mu iperereza ry’aho urwo rupfu rwabereye, raporo y’isuzuma ry’umurambo (Medical – Legal Autopsy Report) yakozwe na Rwanda Forensic Laboratory (iyo raporo ikaba yeretswe umuryango we) n’ibyavuye mu ibazwa ry’abantu babajijwe.

Iperereza ry’aho urwo rupfu rwabereye rigaragaza ko umurambo wa Kizito Mihigo wasanzwe umanitse kuri grillage y’idirishya ry’icyumba yari afungiyemo, uhambiriye mu ijosi n’umugozi ukozwe mu gice cy’ishuka yiyorosaga.

Raporo y’isuzuma ry’umurambo (Medical – Legal Autopsy Report) yakozwe na Rwanda Forensic Laboratory igaragaza ko icyateye urwo rupfu ari kubura umwuka , gushobora guterwa no kuba yariyahuye yimanitse.

Abantu babajijwe harimo Abapolisi bari barinze aho Kizito Mihigo yari afungiye, bahamya ko batashoboraga kumva ibibera mu cyumba Kizito Mihigo yari afungiyemo, bitewe n’uko bagaragaje ko hagati y’aho bari bicaye n’icyumba Kizito Mihigo yari afungiyemo hari intera itatuma bumva ibyabaye.

Itangazo ryashyizweho umukono n’Umushinjacyaha Mukuru, Havugiyaremye Aimable, riravuga ko nyuma yo gusesengura byimbitse raporo yatanzwe na RIB ku iperereza ku rupfu rwa Kizito Mihigo, Ubushinjacyaha Bukuru busanga urupfu rwa Kizito Mihigo rwaratewe no kwiyahura yimanitse , bityo bugasanga nta kurikiranacyaha ryabaho kuri urwo rupfu.

Kizito Mihigo yari amaze iminsi itatu muri kasho ya Polisi aho Ubugenzacyaha bwamukurikiranagaho ibyaha birimo kwambuka umupaka mu buryo bunyuranyije n’amategeko na ruswa.

Itangazo rya Polisi riravuga ko tariki 15 na 16 Gashyantare, yari yasuwe n’abo mu muryango we, ndetse n’umuhagarariye mu mategeko. Iperereza ryatangiye kugira ngo hamenyekane icyateye Kizito Mihigo kwiyambura ubuzima.

Urwego rw’Igihugu rw’Ubugenzacyaha (RIB) ku wa Gatanu tariki 14 Gashyantare 2020 rwari rwatangaje ko Inzego z’Umutekano zashyikirije urwo rwego RIB umuhanzi Kizito Mihigo mbere yaho ku wa kane tariki 13 Gashyantare 2020.

Ni nyuma yo kumufatira mu Karere ka Nyaruguru mu Ntara y’Amajyepfo ashaka kwambuka mu buryo bunyuranyije n’amategeko ajya i Burundi, nk’uko RIB yabitangaje ibinyujije kuri Twitter.

RIB yatangaje ko Kizito Mihigo akekwaho icyaha cyo kwambuka umupaka mu buryo bunyuranyije n’amategeko agamije kujya kwifatanya n’imitwe y’iterabwoba irwanya Igihugu ndetse n’icyaha cya Ruswa.

Iperereza ngo ryahise ritangira kuri ibi byaha akekwaho kugira ngo dosiye ishyikirizwe ubushinjacyaha.

Kizito Mihigo ni umwe mu bagororwa bari barahawe imbabazi na Perezida Paul Kagame, mu bubasha abihererwa n’amategeko.

Icyo gihe Perezida Kagame yakuriyeho Kizito Mihigo na Ingabire Umuhoza Victoire hamwe n’abandi bagororwa 2138 ibihano by’igifungo bari basigaje.

Byatangajwe mu itangazo inama y’Abaminisitiri yashyize ahagaragara ku mugoroba wo ku wa Gatanu tariki 14 Nzeri 2018, nyuma y’imyanzuro yafatiwe mu nama yari iyobowe na Perezida Kagame.

Iyo nama yemeje ko abo bagororwa bose uko ari 2140 bari bujuje ibiteganywa n’amategeko. Kizito, Ingabire na bagenzi be bakaba bari barasabye imbabazi muri Kamena 2018.

Ku ruhande rwa Kizito iyi nkuru isa nk’aho itatunguranye kuko hari hashize iminsi ine gusa asheshe ubujurire yari yagejeje mu Rukiko rw’Ikirenga ku myaka yakatiwe.

Mu bisobanuro Mukamusoni Antoinette wamwunganiraga mu mategeko yatanze, yavuze ko ngo Kizito yasanze ibyo ajurira nta gaciro bifite ahitamo kureka kuburana.

Gusa ababikurikiraniraga hafi bari batangiye guhwihwisa ko Kizito yaba yararetse ubwo bujurire kuko yari amaze gufungwa imyaka imwemerera guhabwa imbabazi.

Kujuririra igihano yahawe mu rw’ikirenga rero bikaba byarahitaga bikuraho ubwo burenganzira, kuko ufunzwe yemererwa izo mbabazi gusa mu gihe atajuririye igihano yakatiwe n’inkiko.

Iyi ni yo foto ya Kizito Mihigo iheruka kugaragara mu itangazamakuru no ku mbuga nkoranyambaga. Bivugwa ko yari mu nzira yerekeza i Burundi (Ifoto: Internet)

Muri 2015 Kizito Mihigo yari yakatiwe igifungo cy’imyaka 10. Yahamijwe ibyaha byo kugambanira igihugu agamije kukibuza umudendezo no kurema umutwe w’abagizi ba nabi.

Ku wa Gatandatu tariki 15 Nzeri 2018, nibwo Kizito Mihigo na Ingabire Victoire basohotse muri Gereza ya Mageragere.

Bagisohoka muri Gereza ya Mageragere, umuhanzi Kizito Mihigo na Ingabire Umuhoza Victoire bashimye ubuyobozi bukuru bw’igihugu by’umwihariko Perezida Paul Kagame.

N’ubwo buri wese yasohotse ukwe ariko bose bari bahuriye ku mashimwe atagira ingano ndetse n’amarangamutima y’imbabazi bahawe na Perezida Kagame.

Kizito Mihigo yatangaje ko yizeye ko aziyunga n’ubuyobozi bw’u Rwanda, by’umwihariko Perezida Kagame.

Kizito wari ufungiye kugambanira igihugu, yabitangarije abanyamakuru nyuma y’iminota mike arekuwe.

Ingabire Victoire we yashimye Perezida Kagame ko yumvise icyifuzo cye agahabwa imbabazi. Na we yemeje ko yari yizeye imbabazi za Perezida Kagame nk’umuntu yari asanzwe aziho kugira impuhwe.

Yanavuze ko muri gereza yahasanze ubumuntu atakekaga, ati "Ndashimira inzego z’ubutabera, abashinzwe imfungwa kuko aho twari turi bubahiriza ubumuntu."

Icyo gihe umuyobozi w’Urwego rushinzwe imfungwa n’amagereza, Rwigamba George, yemeje ko Ingabire na Kizito banditse basaba imbabazi, kandi bakumvwa kuko baranzwe no kwitwara neza mu myaka bari bamaze mu gihano.

Iri ni itangazo rya Polisi y’u Rwanda rivuga iby’urupfu rwa Kizito Mihigo:

Kizito Mihigo biravugwa ko yafashwe agerageza kwerekeza i Burundi (Ifoto: Internet)

Ni nyuma yo kumufatira mu Karere ka Nyaruguru mu Ntara y’Amajyepfo ashaka kwambuka mu buryo bunyuranyije n’amategeko ajya i Burundi, nk’uko RIB yabitangaje ibinyujije kuri Twitter.

RIB yatangaje ko Kizito Mihigo akekwaho icyaha cyo kwambuka umupaka mu buryo bunyuranyije n’amategeko agamije kujya kwifatanya n’imitwe y’iterabwoba irwanya Igihugu ndetse n’icyaha cya Ruswa.

Iperereza ngo ryahise ritangira kuri ibi byaha akekwaho kugira ngo dosiye ishyikirizwe ubushinjacyaha.

Kizito Mihigo ni umwe mu bagororwa bari barahawe imbabazi na Perezida Paul Kagame, mu bubasha abiherwa n’amategeko.

Icyo gihe Perezida Kagame yakuriyeho Kizito Mihigo na Ingabire Umuhoza Victoire hamwe n’abandi bagororwa 2138 ibihano by’igifungo bari basigaje.

Byatangajwe mu itangazo inama y’Abaminisitiri yashyize ahagaragara ku mugoroba wo ku wa Gatanu tariki 14 Nzeri 2018, nyuma y’imyanzuro yafatiwe mu nama yari iyobowe na Perezida Kagame.

Iyo nama yemeje ko abo bagororwa bose uko ari 2140 bari bujuje ibiteganywa n’amategeko. Kizito, Ingabire na bagenzi be bakaba bari barasabye imbabazi muri Kamena 2018.

Ku ruhande rwa Kizito iyi nkuru isa nk’aho itatunguranye kuko hari hashize iminsi ine gusa asheshe ubujurire yari yagejeje mu Rukiko rw’Ikirenga ku myaka yakatiwe.

Mu bisobanuro Mukamusoni Antoinette wamwunganiraga mu mategeko yatanze, yavuze ko ngo Kizito yasanze ibyo ajurira nta gaciro bifite ahitamo kureka kuburana.

Gusa ababikurikiraniraga hafi bari batangiye guhwihwisa ko Kizito yaba yararetse ubwo bujurire kuko yari amaze gufungwa imyaka imwemerera guhabwa imbabazi.

Kujuririra igihano yahawe mu rw’ikirenga rero bikaba byarahitaga bikuraho ubwo burenganzira, kuko ufunzwe yemererwa izo mbabazi gusa mu gihe atajuririye igihano yakatiwe n’inkiko.

Muri 2015 Kizito Mihigo yari yakatiwe igifungo cy’imyaka 10. Yahamijwe ibyaha byo kugambanira igihugu agamije kukibuza umudendezo no kurema umutwe w’abagizi ba nabi.

Ku wa Gatandatu tariki 15 Nzeri 2018, nibwo Kizito Mihigo na Ingabire Victoire basohotse muri Gereza ya Mageragere.

Bagisohoka muri Gereza ya Mageragere, umuhanzi Kizito Mihigo na Ingabire Umuhoza Victoire bashimye ubuyobozi bukuru bw’igihugu by’umwihariko Perezida Paul Kagame.

N’ubwo buri wese yasohotse ukwe ariko bose bari bahuriye ku mashimwe atagira ingano ndetse n’amarangamutima y’imbabazi bahawe na Perezida Kagame.

Kizito Mihigo yatangaje ko yizeye ko aziyunga n’ubuyobozi bw’u Rwanda, by’umwihariko Perezida Kagame.

Kizito wari ufungiye kugambanira igihugu, yabitangarije abanyamakuru nyuma y’iminota mike arekuwe.

Ingabire Victoire we yashimye Perezida Kagame ko yumvise icyifuzo cye agahabwa imbabazi. Na we yemeje ko yari yizeye imbabazi za Perezida Kagame nk’umuntu yari asanzwe aziho kugira impuhwe.

Yanavuze ko muri gereza yahasanze ubumuntu atakekaga, ati "Ndashimira inzego z’ubutabera, abashinzwe imfungwa kuko aho twari turi bubahiriza ubumuntu."

Icyo gihe umuyobozi w’Urwego rushinzwe imfungwa n’amagereza, Rwigamba George, yemeje ko Ingabire na Kizito banditse basaba imbabazi, kandi bakumvwa kuko baranzwe no kwitwara neza mu myaka bari bamaze mu gihano.

Muri iki gitondo cyo kuri uyu wa Gatandatu tariki 15 Nzeri 2018, ni bwo Kizito na Ingabire Victoire basohotse muri Gereza ya Mageragere.

N’ubwo buri wese yasohotse ukwe ariko bose bari bahuriye ku mashimwe atagira ingano ndetse n’amarangamutima y’imbabazi bahawe na Perezida Kagame.

Kizito Mihigo yatangaje ko yizeye ko aziyunga n’ubuyobozi bw’u Rwanda, by’umwihariko Perezida Kagame.

Kizito Mihigo yababariwe igihano cy’imyaka 10 yari yarakatiwe

Kizito wari ufungiye kugambanira igihugu, yabitangarije abanyamakuru nyuma y’iminota mike arekuwe.

Ingabire Victoire we yashimye Perezida Kagame ko yumvise icyifuzo cye agahabwa imbabazi. Na we yemeje ko yari yizeye imbabazi za Perezida Kagame nk’umuntu yari asanzwe aziho kugira impuhwe.

Yanavuze ko muri gereza yahasanze ubumuntu atakekaga, ati "Ndashimira inzego z’ubutabera, abashinzwe imfungwa kuko aho twari turi bubahiriza ubumuntu."

Ingabire Victoire yereka abanyamakuru icyemezo cyo gufungurwa

Umuyobozi w’Urwego rushinzwe imfungwa n’amagereza, Rwigamba G, yemeje ko Ingabire na Kizito banditse basaba imbabazi, kandi bakumvwa kuko baranzwe no kwitwara neza mu myaka bari bamaze mu gihano.

Kizito na Ingabire barekuwe hamwe n’abandi basaga 2138, bahawe imbabazi na Perezida Kagame, nk’uko byatangarijwe mu nama y’abaminisitiri yateranye kuri uyu wa Gatanu.

Inabire na Kizito baganiriye n’abanyamakuru nyuma yo kurekurwa

Bamwe mu bandi bahawe imbabazi nabo bahise bazinga utwabo barataha

Kureba andi mafoto y’irekurwa ryabo kanda AHA

Bitunguranye, Kizito Mihigo na Ingabire Umuhoza Victoire bahawe imbabazi

Byatangajwe mu itangazo inama y’Abaminisitiri yashyize ahagaragara ku mugoroba wo kuri uyu wa Gatanu tariki 14 Nzeri 2018, nyuma y’imyanzuro yafatiwe mu nama yari iyobowe na Perezida Kagame.

Iyo nama yemeje ko abo bagororwa bose uko ari 2140 bari bujuje ibiteganywa n’amategeko. Kizito, Ingabire na bagenzi be baherukaga gusaba imbabazi muri Kamena uyu mwaka.

Gusa ku ruhande rwa Kizito iyi nkuru isa nk’aho idatunguranye kuko hari hashize iminsi ine gusa aseshe ubujurire yari yagejeje mu Rukiko rw’Ikirenga ku myaka yakatiwe.

Mu bisobanuro umwunganira mu mategeko yatanze, Mukamusoni Antoinette, yavuze ko ngo Kizito yasanze ibyo ajurira nta gaciro bifite ahitamo kureka kuburana.

Gusa ababikurikiranira hafi bari batangiye guhwihwisa ko Kizito yaba yararetse ubwo bujurire kuko yari amaze gufungwa imyaka imwemerera guhabwa imbabazi.

Kujuririra igihano yahawe mu rw’ikirenga rero bikaba byahitaga bikuraho ubwo burenganzira, kuko ufunzwe yemererwa izo mbabazi gusa mu gihe atajuririye igihano yakatiwe n’inkiko.

Ingabire Victoire we wafunzwe mu 2010 ahamijwe icyaha cy’ingengabitekerezo ya Jenoside kubera amagambo yavugiye ku rwibutso rwa Gisozi ubwo yari aje kwiyamamaza mu matora ya 2010, yakomeje kwitwara neza.

Muri 2015 Kizito Mihigo yari yakatiwe igifungo cy’imyaka 10. Yahamijwe ibyaha byo kugambanira igihugu agamije kukibuza umudendezo no kurema umutwe w’abagizi ba nabi.

Ingabire Victoire we muri 2013 ari ho yari yakatiwe igifungo cy’imyaka 15.

Ibyo byagaragariraga cyane mu gihe ibitangazamakuru byabaga byasuye Gereza ya Kigali yari afungiyemo, bitewe n’uburyo yubahirizaga gahunda za Gereza.

Iyi nkuru ije itunguranye, iraza gushimangira raporo zigaragaza ko u Rwanda rugenda rutera imbere mu butabera.

Gusa iraza no kunyomoza izindi raporo z’imiryango nka Human Right Watch itarahwemye kurwibasira ku bijyanye no kubahiriza uburenganzira bwa muntu.

Imibare y’abarekuwe mu ma gereza atandukanye:

· Bugesera: 23

· Nyarugenge: 447

· Musanze: 149

· Gicumbi: 65

· Nyanza: 63

· Rubavu: 158

· Rwamagana: 455

· Nyagatare: 24

· Huye: 484

· Muhanga: 207

· Ngoma: 35

· Rusizi: 7

· Nyamagabe: 23

2. Ingingo za 245 na 246 ry’Itegeko ryerekeye imiburanishirize y’imanza z’inshinjabyaha riteganya ko umuntu wakatiwe igifungo kitarengeje imyaka itanu akaba amaze gufungwa kimwe cya gatatu (1/3) cyayo; cyangwa uwakatiwe igifungo kirengeje imyaka itanu (5) akaba amaze gufungwa bibiri bya gatatu (2/3) byayo; cyangwa umaze imyaka makubyari akatiwe igifungo cya burundu cyangwa igifungo cya burundu y’umwihariko, ashobora gufungurwa by’agateganyo iyo:

1° yagaragaje ibimenyetso bihagije by’ubwitonzi n’iyo agYragarwaho impamvu nyakuri zihamya ko azabana neza n’abandi; 2° arwaye indwara ikomeye idashobora gukira, byemejwe n’itsinda ry’abaganga nibura batatu (3) bemewe na Leta;

3. Ingingo ya 109 y’Itegeko Nshinga rya Repubulika y’u Rwanda ivuga ko Perezida wa Repubulika afite ububasha bwo gutanga imbabazi mu buryo buteganywa n‟amategeko kandi amaze kubigishamo inama Urukiko rw’Ikirenga

4. Madamu Ingabire yari yarakatiwe imyaka 15 n’Urukiko rw’Ikirenga muri 2013, naho Bwana Mihigo yari yarakatiwe imyaka 10 n’Urukiko Rukuru muri 2015.

Mu rubanza rwabereye ku rukiko Rukuru (Haute Cour) mu mujyi wa Kigali kuri uyu wa mbere tariki 29/12/2014. Kizito Mihigo akimara kumva icyifuzo cy’ubushinjacyaha yavuganye ikiniga asaba imbabazi “Perezida Kagame na Madamu we, ubutegetsi muri rusange,abacitse ku icumu rya Jenoside, Abanyarwanda n’ubutabera”.

Dukuzumuremyi Jean Paul yasabiwe igifungo cy’imyaka 50 kuko we ubushinjacyaha bwavugaga ko bimwe mu byaha aregwa ari isubiracyaha. Agnes Niyibizi we yasabiwe gufungwa imyaka 25 kuko ibyaha aregwa we ubushinjacyaha bwavugaga ko birimo uruhurirane mbonezamugambi.

Uhagarariye ubushinjacyaha yavuze ko ubwo busabe bwabo bwashingiwe ku ngingo z’amategeko y’imiburanishirize y’imanza z’inshinjabyaha, aho ayo mategeko asanga aba bose uko ari bane bahamwa n’ibyaha bitatu birimo; kurema no gufasha umutwe w’abagizi ba nabi, ubugambanyi no kugambira kugirira nabi ubutegetsi buriho cyangwa Perezida wa Republika no gucura umugambi w’iterabwoba.

Mihigo Kizito n’abo bareganwa bari imbere y’urukiko rw’ibanze rwa Kacyiru mu karere ka Gasabo kuwa 24 mata 2014.

Umushinjacyaha yavuze kandi ko ku muhanzi Kizito Mihigo n’umunyamakuru Cassien Ntamuhanga hiyongeraho umugambi w’ubwicanyi bugambiriwe guhitana abayobozi bakuru b’igihugu barimo na Perezida, akaba ariyo mpamvu bo ubushinjacyaha bwabasabiye gufungwa burundu no kwamburwa uburengenzira bwose mu gihugu.

Nyuma yo gusabirwa ibihano n’ubushinjacyaha, aba baburanyi uko ari bane bahawe umwanya wo kugira icyo bavuga kuri ibyo bihano bari basabiwe n’ubushinjyacyaha.

Kizito Mihigo wabimburiye abandi yongera kugaragaza mu mvugo ko agisaba imbabazi Perezida wa Repubulika n’umufasha we ku magambo mabi yabavuzeho, asaba imbabazi abacitse ku icumu rya Jenoside bose, ndetse anisegura ku buyobozi bw’igihugu n’Abanyarwanda muri rusange, aho yasabaga ko yahabwa amahirwe agasubira mu muryango nyarwanda gukosora amakosa yakoze.

Ntamuhanga Cassien we yasabye urukiko ko rwamugira umwere rukamurekura agataha, atangaza ko nta kimenyetso simusiga ubushinjacyaha bushingiraho bumusabira icyo gihano gisumba ibindi mu gihugu.

Dukuzumuremyi we yabwiye urukiko ko ubushinjacyaha buzi neza ko bumushinja ibinyoma bumukatira imyaka 50, ariko yizeye neza ko ukuri kutajya kwihishitra kuzagaragarira Abanyarwanda bakamenyako yarenganye.

Niyibizi Agnes we yabwiye urukiko ko yagizwe igikoresho ariko nta mugambi yari afite w’ubugizi bwa nabi asaba urukiko ko rwakoresha ubushishozi rukamurekura agataha.
Inteko y’abacamanza imaze kumva icyo buri wese avuga ku byifuzo by’ubushinjacyaha, yiherereye maze yemeza ko imyanzuro y’uru rubanza aba bantu uko ari bane baregwamo, izasomwa kuwa gatanu tariki 27 Gashyantare 2015.

Roger Marc Rutindukanamurego

Urwo rubuga rwasohoye inkuru ivuga ko nyina wa Kizito Mihigo yagize ihungabana bigatuma ajyanwa mu bitaro byitiriwe umwami Faisal kubera ibyabaye ku muhungu we ariko abantu bakora muri ibyo bitaro (batashatse ko tubatangaza amazina) banyomoje ayo makuru bemeza ko nyina wa Mihigo atarwariye muri ibyo bitaro.

Kizito Mihigo.

Umuhanzi Kizito Mihigo afunzwe akurikiranweho ibyaha bijyanye no kugambanira igihugu no gushaka kugirira nabi bamwe mu bayobozi b’igihugu akaba areganwa n’abandi bantu batatu.

Ibyaha Mihigo aregwa arabyemera akanabisabira imbabazi avuga ko yabigiyemo kubera umuntu wamushutse kandi atari azi uburemere bwabyo.

Kigali Today

Abacamanza batangaje ko ibyaha aba bose uko ari bane baregwa bikomeye, ruhita rutegeka ko bakomeza bagafungwa, ubwo rwari rwasubukuwe kuri uyu wa Mbere tariki 28/4/2014.

Ibi bitandukanye n’ibyo Maitre Bigaraba Rwaka John na Maitre Felix Sengabiro Musore bunganira Kizito bari basabye ko yaburana ari hanze. Ibi kandi byari byasabwe n’abandi batatu bafunganywe na Kizito.

Cassien Ntamuhanga yari yavuze ko agomba kubanza gucyemura ibibazo by’abanyeshuri bagomba gusubira ku ishuri, mu gihe Niyibizi Agnes yari yavuze ko afite umwana agomba kurera kandi akaba agomba gukurikirana amasomo.

Ubwo yageraga imbere y’urukiko ku nshuro ya kabiri, abunganizi ba Kizito bari bifuje ko yagirwa umwere ndetse agahita arekurwa kuko ibyaha ashinjwa atigeze abikorera mu ruhame kandi akaba ntawe yari yarabishishikarije.

Mihigo Kizito (hagati y’abamwunganira) hamwe n’abandi bareganwa ubwo bari mu rukiko.

Ku ruhande rwa Kizito n’abamwunganira hari hagaragayemo ugusa no kudahuza, aho Kizito yemeye ibyo aregwa byose ndetse akanasabira imbabazi ibyo yakoze byose we yita umwuka mubi wamuteye kuvuga nabi abayobozi b’igihugu harimo no gutuka Perezida Kagame. Ariko abamwunganira bo bagaragaza ko ibyo nta cyaha yakoze kuko yabiganiraga n’umuntu hagati yabo ariko atigeze agira umugambi wo kubishyira mu bikorwa.

Abandi baregwana na Kizizo basa n’aho bemeye ibyo bashinjwa ndetse bakanabisabira imbabazi, ariko bagashimangira ko ibyo biganiro babishowemo no kutamenya ko bifite ingaruka mbi ku gihugu.
Ntamuhanga na Niyibizi bavuga ko batari babizi naho Jean Paul Dukuzumuremyi akavuga ko yashakaga kwirira amafarnaga yari yemerewe.

Ikindi kigaragra muri uru rubanza ni imbaga y’abagore n’abakobwa baba baaje kwifatanya na Kizito, ku buryo iyo agiye ubona basigaye mu gahinda banakaherekezesha amashyi menshi imodoka imujyanye.
Urukiko ruzongera gusubukura nyuma y’iminsi 30 uhereye umunsi urubanza rwaciriweho, mu gihe iperereza rigikomeza.

Emmanuel N. Hitimana

Urubanza rwari rwongeye guteranira mu rukiko rw’ibanze rwa Kacyiru, kuri uyu wa Kane tariki 24/4/2014. Abacamanza bafashe umwanzuko ko kuwa Mbere tariki 28/4/2014 aribwo bazabwirwa niba bafungurwa by’agateganyo cyangwa bazakomeza kuburana bafunze.

Mihigo Kizito yisobanura ku byaha aregwa.

Umwe mu bunganizi babiri ba Kizito yari yasabye ko umukiriya we yaburanishwa mu muhezo bitewe n’inyungu ze n’uko ibyo aregwa bifitanye isano n’umutekano w’igihugu ariko icyifuzo cye cyatewe utwatsi n’abacanza bavuze ko urubanza rugomba kuburanirwa mu ruhame kuko nta kibazo cy’umutekano w’igihugu byakwangiza.

Kizito wagaragaye mu ikoti ry’umikara, ishati y’ubururu bwerurutse, yabanje gusomerwa ibyo aregwa nyuma nawe ahabwa umwanya yongera kubyemera. Umushinjacyaha yavuye imuzi amavu n’amavuko y’ikibazo cya Kizito, uburyo yamenyanye n’uwitwa Gerard Niyomugabo mu mwaka wa 2012.

Icyumba urubanza rwabereyemo cyabaye gito bamwe barukurikiranira hanze.

Yasomye bwinshi mu butumwa Kizito yagiye agirana n’uwo Niyomugabo ndetse n’uwitwa Sankara, byagaragazaga urwango n’ubugome afitiye Leta iriho. Umushinjacyaha yagaragaje ko Kizito yari azi neza ikirimo gutegurwa kuko yanacuze umugambi wo kwica bamwe mu bayobozi barimo Bamporiki na Perezida Kagame.

Ahawe umwanya wo kwisobanura, abunganizi be babiri (Maitre Bigaraba Rwaka John na Maitre Felix Sengabiro Musore) bagaragaje uburyo amagambo Kizito yavuze n’ubwo yari mabi ariko atafatwa nk’icyaha kuko nta gikorwa cyayagaragaje.

AHo urubanza rwabereye umutekano wari ucunzwe neza. Abinjiraga basakwaga.

Ikindi abunganizi ba Kizito Mihigo bagaragaje ni uko ubutumwa yandikaga butari bugenewe uruhame, ahubwo ko bwari ibiganiro byihariye bitakagombye gushyirwa mu ruhame.
Umwe mu bamwunganira ati "Ibyo Kizito akurikiranyweho byose ntago ariwe wabishyize mu ruhamwe ahubwo byahawe ubwamamare n’ubutabera n’ubushinjacyaha byo byabitangaje."

Kizito nawe yahawe umwanya yongera kugira icyo atangaza avuga ko yicuza kuba yarasebeje umukuru w’igihugu, akavuga nabi ubutegetsi buriho.Yatangarije ubutabera ko yamaze kwandika amabaruwa menshi asaba imbabazi Perezida Kagame, kubera ubuhemu yagaragaje nyamara ariwe wamugiriye neza.

Yatangaje ko atigeze atekereza ko ibyo yavugaga byajya mu bikorwa, ndetse anagaragaza uburyo atanga Leta iriho kuko yagize uruhare mu gushyigikira ibikorwa bya Leta.

Abandi bose bahawe ijambo ku kwiregura ku birego baregwa n’ubushinjacyaha, ntibahakanye ibyo baregwa ariko bavuga ko batari bazi uburemere byari bifite. Bose basabye imbabazi Abanyarwanda bose, banicuza kuba batararanze amakuru.

Kizito Mihigo arareganwa n’umunyamakuru Cassien Ntamuhanga, Jean Paul Dukuzumuremyi na Agnes Niyibizi.

Emmanuel N. Hitimana

Ibi Minisitiri Mitali yabitangaje kuri uyu wa Kabiri tariki 15/5/2014, mu muhango wo kwibuka abazize Jenoside yakorewe Abatutsi mu 1994, wabereye mu murenge wa Rusororo mu karere ka Gasabo, avuga ko yirengagije uburyo yakoranaga na Leta mu bikorwa byubaka.

Yagize ati “Ntago Kizito akwiriye gukomeza kuba umusitari. Yari umusitari mu ndirimbo no mu buhanzi bwe ariko ntabe umusitari kubera ko yafashwe. Nimumufate nk’umugizi wa nabi nk’abandi bose.

Hari abashobora gukeka ko wenda byaba bidafatika, inzego z’umutekano wacu ntago zihubuka. Amakuru zatangaje ni uko zifite gihamya y’uko hari agatsiko k’abantu n’uriya arimo bamaze igihe kitari gito bakorana n’abariya bagizi ba nabi navugaga (FDLR na RNC).”

Minisitiri Mitali ubwo yavugaga ku kibazo cya Kizito Mihigo.

Minisitiri Mitali yakomeje asaba Abanyarwanda kutibeshya ku bantu ngo kuko bacitse ku icumu cyangwa yaba yarahagaritse Jenoside ngo ahinduke igihugu. Gusa ku rundi ruhande yatangaje ko ababajwe n’uko ingufu z’igihugu arizo zahahombeye kuko Kizito yari urubyiruko rwitezweho byinshi.

Kizito Mihigo wamamaye cyane mu Rwanda kubera indirimbo yahanganga zitanga ubutumwa kandi zubaka Abanyarwanda, yafashwe mu cyumweru gishize, akurikiranyweho ibikorwa by’ubugambanyi n’iterabwoba, nk’uko byatangajwe na Polisi y’igihugu.

Ubwo yagezwaga imbere y’abanyamakuru kuri uyu wa Kabiri, yiyemereye ibyo aregwa byose nta na kimwe ahakanye. Gusa yatangaje ko yifuza kuzaganira n’itangazamakuru akagira byinshi avuga ku gufungwa kwe.

Kizito Mihigo ubwo Polisi yamwerekaga itangazamakuru.

Kizito yivugiye ko yari ashinzwe ubukangurambaga mu gushakira RNC na FDLR abayoboke biganjemo urubyiruko, ariko akavuga ko yari amaze amezi abiri atangiye ibyo bikorwa nyuma y’uko abayobozi b’aya mashyaka bamwegereye.

Ifatwa rya Kizito ryababaje benshi mu mbaga y’abaturage n’abakiri bato bakundaga ibihangano bye, ariko na none bitera kwibaza byinshi ku buzima bw’uyu muhanzi ubundi usanzwe uzwiho kutavuga menshi mu buzima bwe.

Emmanuel N. Hitimana

Ibi Kizito Mihigo yabitangarije ku cyicaro gikuru cya Polisi ku Kacyiru, aho we n’abandi bantu batatu bafatanyije muri ibi byaha berekwaga abanyamakuru.

Iki gikorwa cyabanjirijwe n’ikiganiro n’abanyamakuru cyateguwe na Polisi y’u Rwanda, kikaba cyayobowe n’umuvugizi wa Polisi ACP Damas Gatare ari kumwe n’umuyobozi w’ibiro by’ubugenzacyaha muri Polisi, ACP Theos Badege.

Kizito Mihigo afunganywe n’abandi bantu batatu aribo; Cassien Ntamuhanga uyobora radiyo Amazinga Grace, Jean Paul Dukuzumuremyi wahoze mu ngabo z’u Rwanda n’undi mugore witwa Agnes.

Kizito Mihigo.

Aganira n’abanyamakuru, ACP Theos Badege yavuze ko mu bibazo aba bakurikiranweho ibyaha babajije, ngo yaba umuhanzi Kizito Mihigo, umunyamakuru Cassien Ntamuhanga na Jean Paul Dukuzumuremyi bemera ko bari bararahiriye kuzahorera urupfu rwa Patrick Karegeya.
Kizito Mihigo aremera ku mugaragaro ko ibyo ashinjwa ari ukuri ndetse agahamya ko byabera abantu bose isomo.

Yagize ati: “Hari umugabo witwa Niyomugabo Gerald ngirango mwese muramuzi nanamutumiraga mu biganiro byanjye byahitaga kuri Televiziyo, hanyuma aza gutuma menyana n’undi muntu wakoranaga niyo mitwe biza gutuma tuganira ibiganiro bibi…Ibiganiro bisebanya, bisebya Leta, bikora ibyaha bababwiye. Ibyo biganiro rero nibyo nakoreyemo ibyaha byose mbikorera kuri Skype no kuri WhatsApp.

Ndizera ko iki kibazo ndimo kizaha amasomo akomeye Abanyarwanda.”
Umuyobozi ushinzwe ubugenzacyaha muri Polisi y’u Rwanda ACP Theos Badege avuga ko Kizito Mihigo yari ashinzwe ubukangurambaga n’icengezamatwara (Mobilization) ashakira RNC & FDLR abayoboke mu rubyiruko mu Rwanda.

Kizito ngo yiyemerera ko yari amaze amezi abiri avugana kandi afite imikoranire na RNC na FDLR. Cassien Ntamuhanga we yari umwe mu bayobozi bakuru naho uwitwa Agnes ashinzwe imari. Yafashwe ubwo yashakaga gutoroka yamenye ko ari gukorwaho iperereza.

Kizito Mihigo avugana n’itangazamakuru kuri uyu wa 15/04/2014.

ACP Badege akomeza avuga ko Jean Paul Dukuzumuremyi yari ashinzwe gukora ibitero by’iterabwoba bya RNC na FDLR kandi yari yamaze kwishyurwa amafaranga ya mbere.

Abaregwa uko ari batatu bari bararahiriye kuzahorera urupfu rwa Patrick Karegeya bica bamwe mu bayobozi b’igihugu cy’u Rwanda.

Patrick Karegeya wahoze ashinzwe iperereza ryo hanze yishwe tariki ya 1 Mutarama 2014 muri Afurika y’Epfo, akaba yari umwe mu barwanya Leta y’u Rwanda ndetse agashinjwa kuba inyuma y’ibitero bya gerenade byibasiye u Rwanda mu minsi ishize.

Kizito Mihigo na Ntamuhanga Cassien bari bamaze iminsi bavugwaho kuburirwa irengero barabarizwa mu maboko ya polisi y’u Rwanda. Ntamuhanga ngo yabuze ku mugoroba wa tariki 07/04/2014 mu gihe Kizito we ngo yabuze kuwa gatanu w’icyumweru cyabanje.

Kuwa mbere tariki 14/04/2014 nibwo Polisi y’u Rwanda yasohoye itangazo ivuga ko abo bagabo bari mu maboko ya Polisi bashinjwa kuba bakorana na FDLR ndetse na RNC ya Kayumba Nyamwasa mu guhungabanya umudendezo w’igihugu, gutegura ibikorwa byo kwica abayobozi bakuru no gutera za grenades.

Komisiyo y’igenzura ry’imikorere y’itangazamakuru yagize icyo ivuga ku munyamakuru Ntamuhanga

Nyuma yo kwerekwa abanyamakuru, ku kicaro cya Komisiyo ishinzwe kugenzura imikorere y’abanyamakuru-Rwanda Media Commission, habereye ikindi kiganiro n’abanyamakuru kigamije kugaragaza aho ayi komisiyo igeze mu gukurikirana iby’umunyamakuru Cassien Ntamuhanga.

Fred Muvunyi uyobora Komisiyo ishinzwe kugenzura imikorere y’abanyamakuru mu kiganiro n’abanyamakuru.

Fred Muvunyi, umuyobozi w’iyi komisiyo yavuze ko bahangayikishijwe n’ifungwa ry’umunyamuryango wabo, ahamagarira inzego zibishinzwe ko zafasha umunyamakuru Cassien Ntamuhanga kubona uburenganzira busesuye.

“Nubwo Polisi ivuga ko ifunze Ntamuhanga imukurikiranyeho gukorana n’imitwe nka FDLR na RNC, turahamagarira inzego zibishinzwe guha Cassien Ntamuhanga uburenganzira busesuye nkuko biteganywa n’itegeko; agahabwa umwunganizi ndetse n’umuryango we ukemererwa kumusura.

Tuboneyeho n’umwanya wo gushimangira ko Ntamuhanga Cassien afite uburenganzira bwo guceceka ntagire icyo avuga kugeza ubucamanza bumuhamije ibyaha aregwa.”

Dan Ngabonziza

Muri iri tangazo ryashyizwe ahagaragara, Polisi y’u Rwanda yavuze ko Kizito Mihigo yafashwe kuwa Gatanu w’icyumweru gishize; Cassien Ntamuhanga, umunyamakuru kuri radiyo Amazing Grace wari umaze iminsi bivugwa ko yaburiwe irengero yafashwe ku wa mbere naho Jean Paul Dukuzumuremyi wahoze ari umusirikare yatawe muri yombi kuwa gatandatu w’icyumweru gishize.

Police kandi ikomeza ivuga ko Kizito Mihigo, Dukuzumuremyi na Ntamuhanga ngo bari gukorwaho iperereza mu bikorwa by’iterabwoba mu Rwanda, gutegura umugambi wo guhirika Leta, ndetse no gutegura umugambi wo kwica abayobozi batandukanye b’igihugu, no gukora ibikorwa by’urugomo mu baturage.

Polisi ikomeza ivuga ko ngo aba batatu bakorana bya hafi n’abayobozi bakuru ba RNC na FDLR, ngo bakaba banakorana cyane n’agatsiko kamaze iminsi gatera ama grenade hirya no hino ndetse bakaba ngo banakomezaga gutegura ibindi bikorwa by’iterabwoba mu Rwanda.

Umuhanzi Kizito Mihigo.

Umuvugizi wa Polisi y’u Rwanda, ACP Damas Gatare yagize ati: “Polisi ifite ibimenyetso simusiga birimo ama grenades ndetse n’ubuhamya bwatanzwe mu bihe bitandukanye hakorwa iperereza. Kizito Mihigo, Cassien Ntamuhanga na Jean Paul Dukuzumuremyi biyemereye ko bakorana bya hafi n’abayoboke bakuru ba RNC na FDLR, agatsiko kamaze igihe gatera Grenades nyinshi mu Rwanda.

Dosiye yabo igiye koherezwa mu bushinja cyaha. Harimo gukorwa irindi perereza ryo guta muri yombi abandi bakekwaho gukorana n’aka gatsiko. Turasaba abantu bose gukomeza guhana hana amakuru na Polisi.”

Hari hashize iminsi havugwa ibihuha by’uko umuhanzi Kizito Mihigo yaburiwe irengero, ndetse hanavugwa iby’ibura ry’umunyamakuru Cassien Ntamuhanga wayoboraga Radiyo y’ivugabutumwa Amazing Grace Radio (Ubuntu butangaje).

Umuhanzi Kizito Mihigo yamenyekanye cyane mu Rwanda mu mwaka wa 2011, ubwo yaririmbaga indirimbo ‘Amateka’ mu gihe cyo kwibuka ku nshuro ya 17 Jenoside yakorewe Abatutsi mu Rwanda.

Dan Ngabonziza

Ubutumwa Kizito Mihigo yabutanze mu ndirimbo ze ndetse no mu ijambo yagejeje ku bari ku kibuga cy’umupira cya Paroisse Gatorika ya Kibungo. Mu ijambo rye Mihigo Kizito yabwiye Abanyangoma ko amahoro atari ikintu kizana ahubwo ko aharanirwa, ko buri wese abigiramo ururhare.

Yagize ati “Amahoro abaho kuberako buri wese yagize uruhare mu kuyubaka, buri wese afite ikintu agomba gukora. Amahoro ntiyizana araharanirwa. Kimwe mubyo tugombwa ni ukwishyiriraho abayobozi beza.”

Urubyiruko rwiganjemo abanyeshuri baratamurutse karahava n’umuhanzi Kizito.

Umuhuzabikorwa w’akomisiyo y’amatora n’uburere mboneragihugu mu turere twa Kayonza na Ngoma, Mukabagirishya Constance, yavuze ko imyiteguro ku gukangurira Abanyangoma kuzitabira amatora bayigeze kure.

Yagize ati “Tumaze guhugura inzego nyinshi, abanyamashyaka, abavuga rikijyana n’abandi kugikorwa cyo kwitabira amatora y’abadepite. Abandi bantu nabo tubakangurira kuzatora ingirakamaro binyuze mu bitaramo nk’ibi bibakurura tukabaheramo ubutumwa.”

Abitabiriye iki gitaramo cyitabiriwe n’abahanzi nk’Ama G The Black, Sofiya ndetse na Kizito nyuma yo guhabwa ubutumwa ku matora n’uruhare rwabo kugirango azagende neza, babajijwe ibibazo bitandukanye maze abatsinze bagahabwa ibihembo.

Jean Claude Gakwaya

Kizito abana bari bamushageye ubwo yaririmbaga.

Iki gitaramo cyabaye kuri uyu wa 11/06/2013 cyari gifite insanganyamatsiko igira iti “Umusanzu w’umuhanzi mu burere mboneragihugu ku matora” cyanagaragayemo abahanzi nka Amag The Black hamwe na Sofiya uzwi mu gucuranga inanga.

Igitaramo cyitabiriwe n’abantu benshi barimo abari baje kurema isoko.

Oscar Uwayisaba, umukozi muri komisiyo y’igihugu y’amatora, yasobanuye uburyo amatora y’abadepite azakorwa yibutsa abitabiriye icyo gitaramo ko basabwa gushishoza mbere yo gutora kugira ngo bahitemo abadepite bazabagirira akamaro,aho abaturage bazajya babagezaho ibibazo byabo nabo bakaba babigeza ku bashobora kubibakemurira.

Umuyobozi w’Akarere ka Kirehe mu gitaramo.

Umuyobozi w’Akarere ka Kirehe, Murayire Protais, we yafashe umwanya wo kwibutsa abaturage ko kugira ngo bagire iterambere bisaba ko hatorwa ababavuganira ku bibazo bagira kandi bakaba bafata n’umwanya wo kubikemura.

Grégoire Kagenzi

Mihigo yaririmbye indirimbo ze zitandukanye zirimo “inuma” na “Agaciro” zikundwa n’abantu benshi ari ko anacishamo ubutumwa bukangurira abantu kwitabira amatora.

Yagize ati: “Mbazaniye ubutumwa bwo gukunda igihugu, ubutumwa bwerekana ko igihugu cyubakwa mu buryo bwinshi ariko cyane cyane cyubakwa buri wese abigizemo uruhare. Buri wese agomba kugira uruhare kugira ngo igihugu cyigire imiyoborere myiza;

Buri wese agomba kwitorera abayobozi ejo n’ejobundi hatazagira n’ugira ingingimira ngo uriya muyobozi yaturutse he. Oya! azaba ari twe yaturutseho kandi ari twe akorera kugira ngo duhore twishimiye ubuyobozi bwacu”.

Kizito Mihigo aririmba indirimbo “inuma”, ababyinnyi be bacinya umudiho. (Foto: L. Nshimiyimana)

Kizito Mihigo yagarutse ku butumwa bw’indirimbo ze ndetse n’intego ya fondasiyo ye yitwa Kizito Mihigo pour la Paix (KMP), akangurira abantu kwibuka Jenoside yakorewe Abatutsi kuko ari umuti uzadukiza gusubira muri ayo mateka mabi u Rwanda rwanyuzemo.

Umuhanzi gakondo wamenyekanye kubera gucuranga inanga, Nzayisenga Sophia mu mupira wa yakirigise umurya w’inanga, abaturage baranezerwa cyane. Bamufashije kuririmba indirimbo basanzwe bazi nka “Inganzwa na “Baramutse” nayo irimo ubutumwa bw’amatora.

Atanga ubutumwa bw’amatora, Nzayisenga Sophia ati: “Nanjye ndi umugore w’Umunyarwandakazi ushimishijwe no kwitabira igikorwa cy’amatora kizaba muri Nzeri; na mwe turi kumwe ?”

Umuhanzi ukomoka mu Karere ka Gakenke witwa Bigirimana Fulgence yazamutse ku ruhimbi na we aririmba indirimbo ze zo hambere nka “Musaninyange” n’inshyashya amaze igihe gito asohoye ari zo “Iz’ubu” na “Ibanga”.

Nzayisenga Sphia yerekana ubuhanga bwe mu gucuranga inanga gakondo. (Foto:L.Nshimiyimana)

Umuyobozi w’Akarere ka Gakenke, Nzamwita Deo, witabiriye icyo gitaramo ari mu bakunda umuhanzi Kizito Mihigo, yashishikarije abaturage kwitabira amatora ku byinshi kandi bakazatora abadepite bazabagirira akamaro.

Kuva tariki 16-18/09/2013 Abanyarwanda bazitorera abadepite 80 bazabahagararira mu Nteko Ishinga Amategeko, 53 bakomoka mu mitwe ya Politiki, 24 bahagarariye abagore, babiri bahagarariye urubyiruko n’umwe uhagarariye abafite ubumuga.

Icyo gitaramo cyateguwe na Foundation Kizito Mihigo for Peace (KMP) ikangurira Abanyarwanda umuco wo kwibuka, kubabarira, ubumwe n’ubwiyunge ifatanyije na Komisiyo y’Amatora mu rwego rwo gukangurira abantu kwitabira amatora.

Nshimiyimana Leonard

Aganiriza uru rubyiruko, tariki 24/04/2013, umuhanzi Kizito Mihigo yavuze ko yatangije fondation agamije gukomeza ibikorwa by’ubuhanzi bifite intego yo gutanga ubutumwa bwubaka ikiremwamuntu n’imibanire myiza y’Abanyarwanda nyuma ya Jenoside, dore ko mbere yayo hari abahanzi babukoresheje mu nzira mbi basenya umuryango nyarwanda.

Kizito Mihigo aririmbira Abanyamagabe.

KMP ngo yari yaje kubwira urubyiruko rwiga mu mashuri yisumbuye amateka igihugu cyanyuzemo mu bihe bya Jenoside kugira ngo babashe kuyasobanukirwa dore ko batayizi, kugira ngo nibumva abantu bavuga ibyo kwiyubaka no gusana umuryango nyarwanda bajye bumva ibyo aribyo.

Kizito yagize ati: “Tuje kubabwira ibyabaye kugira ngo mumenye amateka uko ari, nimuzajya mwumva bavuga ngo ubwiyunge mujye mumenya ninde wiyunga na nde? Nimuzajya mwumva bavuga gutanga imbabazi mumenye umuntu uzitanga uwo ari we n’uzisaba uwo ariwe”.

Kizito yakanguriye urubyiruko kugira umuco w’amahoro n’ubumwe n’ubwiyunge.

Kizito Mihigo yaririmbiye abitabiriye iki gitaramo indirimbo ze zitandukanye ariko akabanza gusobanura mu magambo make ubutumwa burimo bugizwe ahanini no gukunda igihugu, kurangwa n’urukundo ndetse no kubabarira nyuma ya Jenoside yakorewe Abatutsi, byose bigamije kunga ubumwe no gufatanya mu guteza imbere igihugu n’abagituye.

Umuyobozi w’umushinga World Vision mu ntara y’amajyepfo, Frank Muhwezi yatangaje ko uyu mushinga ugamije iterambere ry’Abanyarwanda, ariko ko bitapfa gushoboka hatari umuco uhuza abanyarwanda.

Urubyiruko rwiganjemo urwiga mu mashuri yisumbuye rwitabiriye ari rwinshi.

Ati: “Ubundi World Vision ikora ibikorwa by’amajyambere bisanzwe, ikubaka amashuri, igafatanya na Leta y’u Rwanda guteza imbere gahunda ya Girinka no guteza imbere Abanyarwanda, ariko ibyo byose ntitwabigeraho hatariho ibintu nk’Abanyarwanda byaduhuza nk’ubumwe n’ubwiyunge. Iki rero ni igikorwa dukomeje gushyigikira.”

Umuyobozi wa World Vision mu ntara y’amajyepfo yasabye urubyiruko rwitabiriye iki gitaramo gusangiza bagenzi babo ubumenyi bungukiyemo, ikanatangaza ko ifite intego yo gufasha abahanzi bafite intumbero yo gutoza abana umuco w’ubumwe n’ubwiyunge, bo gihugu cy’ejo.

Urubyiruko rwitabiriye iki gitaramo rwatangaje ko rwungukiyemo byinshi cyane cyane ubutumwa bw’urukundo batavanguye, ndetse bakaba bagiye gushishikariza urundi rubyiruko guharanira ubumwe n’ubwiyunge no gukora bakiteza imbere n’igihugu muri rusange.

Inzego zitandukanye zitabiriye igitaramo cya Mihigo Kizito.

Iki gitaramo cyaranzwe kandi n’ikinamico yiswe “umujinya mwiza” n’umuvugo wiswe “nyuma y’ubugi hari ubuki”, byatangaga ubutumwa ku rubyiruko rwarokotse Jenoside bwo kugira umujinya mwiza bagahangana n’ingaruka batewe na Jenoside biyubaka aho kwishora mu ngeso mbi zabangiriza ubuzima nk’ubusinzi, ndetse ko nyuma y’ibyabaye byose hari ibindi byiza bimaze kugerwaho aribyo byagereranijwe n’ubuki.

Umuyobozi w’akarere ka Nyamagabe, Mugisha Philbert yashimiye KMP ko yahisemo insanganyamatsiko nziza y’uruhare rw’umuhanzi mu kwimakaza umuco w’amahoro n’ubwiyunge mu rubyiruko ngo kuko bikenewe.

Emmanuel Nshimiyimana

Muri uwo muhango wabaye tariki 07/12/2012, ukuriye umuryango ADRA mu Rwanda, Kern Jefferson, nawe yagaragaje ko kuba umuntu akenera abandi mu buzima ari ikimenyetso cy’uko buri wese aba afite ubumuga.

Kizito Mihigo yatanze ubutumwa buvuga ko kugira ubumuga bitagomba kwambura agaciro ikiremwa muntu.

Urugero yatanze rwa hafi ni ukuba atabasha kwivugira Ikinyarwanda agakenera umufasha. Ibi rero ngo bigomba kubera buri wese urugero rwo gufasha by’umwihariko ufite ubumuga bugaragarira buri wese.

Imbyino, imivugo, indirimbo, n’amagambo byavugiwe muri uwo muhango byashimangiye gukuraho inzitizi zituma abafite ubumuga batibona mu muryango nyarwanda cyane mu bikorwa by’iterambere.

Badege Sam uhagarariye abafite ubumuga mu nama njyanama y’akarere ka Nyagatare yashimye intambwe imaze guterwa mu kwita ku bafite ubumuga. Icyiciro cy’abafite ubumuga kirishimira ko cyinjijwe muri gahunda zo kuzamura imibereho y’abanyarwanda no mu iterambere rusange.

Badege kandi yatanze urugero ko mu myaka yashize hari ubwo wasangaga abafite ubumuga ubwabo nta wegeraga undi bakagira ipfunwe byagera ku badafite ubumuga ho bigakabya.

Ukuriye umuryango ADRA mu Rwanda, Kern Jefferson, yavuze ko kuba atabasha kuvuga Ikinyarwanda nabyo ari ubumuga.

Mu nzitizi zikwiye gukurwaho harimo imyumvire ikiri hasi kuri bamwe bakirangwa no guheza abafite ubumuga, ibi bikagaragara nko mu nyubako usanga zitaberanye n’abafite bumuga. Hari kandi n’imiterere kamere y’uduce runaka usanga ituma abafite ubumuga batabasha guhura ngo bungurane ibitekerezo.

Honorable Rwaka Peter uhagarariye abafite ubumuga mu nteko ishinga amategeko we avuga ko abafite iki cyiciro ari abantu bagomba gukundwa no kwitabwaho by’umwihariko, ashingiye ku bushobozi bifitemo n’uruhare rwabo mu iterambere ry’igihugu.

Hagamijwe kandi gushyigikira ibitekerezo byo kwihangira imirimo ku bafite ubumuga, koperative y’ubukorikori yo mu murenge wa Mukama yahawe inkunga y’amafaranga miliyoni zisaga icumi, yatanzwe n’umuryango ADRA Rwanda, akazifashishwa mu kunoza inyubako za koperative COABATWIMU zimaze gusakarwa.

Honorable Rwaka Peter uhagarariye abafite ubumuga mu nteko ishinga amategeko.

Akarere ka Nyagatare gatangaza ko kiteguye gukomeza gufasha iki cyiciro cy’abaturage. Usibye cheque y’ibihumbi 500 yahawe koperative y’abafite ubumuga mu murenge wa Gatunda, akarere kanatangiye ibarura hagamijwe kumenya umubare nyakuri w’abafite ubumuga no kubashyira mu byiciro ngo bitabweho.

Badege Sam uhagariye abafite ubumuga mu nama njyanama y’akarere ka Nyagatare yagaragaje ko ikibazo kinini atari icy’abafite ubumuga ahubwo ari icy’umuryango nyarwanda aho bamwe bagifite ingeso yo guha akato abafite ubumuga.

Gusa abafite ubumuga babishoboye barakangurirwa kwibumbira mu makoperative n’amatsinda yo kwiteza imbere, ikindi kandi bagashira impungenge kuko ubuyobozi n’umuryango nyarwanda ubashyigikiye.

Dan Ngabonziza

Ubwo hafungurwaga ikigega AgDF, Mihigo we na Fondation ye KMP yahise atanga miliyoni imwe y’amafaranga y’u Rwanda yemera no kuzaririmba indirimbo ihamagarira Abanyarwanda gushyigikira icyo kigega.

Indirimbo ya Kizito yayise « Agaciro k’Abanyarwanda ». Amwe mu magambo agize iyi ndirimbo aragira ati : « Agaciro k’Abanyarwanda niyo ntero, niyo ngendo, mucyo twese tugasigasire tukarinde kwandavura uwo mwambaro w’uruzinduko tuwurinde icyasha no guhinamirana».

Iyi ndirimbo yageze kurubuga rwe rwa www.kizitomihigo.rw ku itariki 30/09/2012.

Abahanzi nyarwanda benshi bamaze gushyira ahagaragara indirimbo zihamagarira Abanyarwanda gushyigikira AgDF ndetse bamaze no kwibumbira hamwe mu rwego rwo gukora ibitaramo mu rwego rwo gushyigikira ikigega AgDF.

Marie Clemence CYIZA UWIMANIMPAYE