Bamwe muri bo bagize icyo babivugaho basobanura impamvu bataboneka n’icyo bahugiyeho.

Auddy Kelly

Umuhanzi Auddy Kelly wamamaye mu ndirimbo nka ‘Ndakwitegereza’, ‘Utazatinda’ n’izindi yagize icyo avuga ku mpamvu zituma ataboneka muri iyi minsi ati “Nagize impamvu z’ubuzima bwite ndi kwitaho. Gusa ntabwo naretse kuririmba kuko indirimbo zo zararangiye ikibazo gihari ni njyewe utari kubona umwanya ariko abafana banjye bahumure maze gutunganya indirimbo eshanu buriya mu minsi mike imbere nzazisohora.”

Just Family

Itsinda rya Just Family kuri ubu rigizwe na Bahati, Croidja ndetse na Jimmy, Kigali Today yavuganye na Bahati umwe mu barigize, avuga ko impamvu zituma batagaragara ari uko Just Family ihugiye mu mishinga n’ubundi ijyanye n’umuziki w’amajwi (audio) n’amashusho (video).

Ati “Nk’ubu turi gutegura igitaramo kizahuza abafana bacu ariko kandi kuri uyu wa mbere turasohora indirimbo nshya tumaze iminsi dutegura yitwa ese uranyemera? ni byinshi turi gutegura.”

The Brothers

Hari irindi tsinda ryari rikunzwe cyane ryitwa ‘The Brothers’ ryari rigizwe na Danny Vumbi, Ziggy 55 ndetse na Vicky bakaba barahagaritse gukorana guhera mu mwaka wa 2012.

Iryo tsinda rizwi mu ndirimbo nyinshi zitandukanye nka ‘Yambi’. Danny Vumbi, umwe mu bari bagize ‘The Brothers’ yavuze ko babaye basubitse gukorana ariko buri wese agakomeza kuririmba mu gihe batarongera gufata umwanzuro wo kongera gukora nk’itsinda.

Lil G

Umuhanzi Lil G usanzwe ukora injyana ya Hip Hop na we ari mu batacyumvikana cyane. Yasobanuye impamvu yo kubura kwe, ati “Kubura kwanjye kwatewe na Album maze iminsi ndi gutegura yitwa ‘History’ gusa ntabwo mpuze kuko ngenda nkora umuziki hirya no hino mu gihugu.”

Rafiki

Naho uwitwa Rafiki wamamaye mu njyana yise ‘Coga’ yavuze ko atabuze ahubwo umuntu yiha igihe kugira ngo ategure ibyo azasohora ati “ njye ntaho nagiye kuko mperutse gusohora indirimbo yitwa ‘Bariho’ umwaka ushize tariki 29 Ukwakira, 2018 rero ni igihe mba nihaye.”

Miss Jojo

Uretse abo bavuzwe haruguru, hari n’abandi basezeye ku muziki. Muri bo harimo Miss JOJO wahagaritse kuririmba kubera idini n’izindi nshingano yagiyemo.

Umutare Gaby

Umutare Gaby na we mu myaka ya 2016 na 2017 yari amaze kwamamara ndetse akunzwe n’abatari bake, ariko batungurwa no kumva ko ahagaritse umuziki ndetse ahita ashaka n’umugore, bombi bajya gutura muri Australia. Icyo gihe byavuzwe ko umugore we ari we wamusabye guhagarika umuziki.

KGB

Itsinda rya KGB (Kigali Boys) ryahagaze nyuma y’uko batandukanye umwe muri bo witwa Hirwa Henry abavuyemo yitabye Imana. Ni mu gihe abandi babiri basigaye batuye mu bice bitandukanye ku buryo bitaborohera gukorana umuziki. Abo ni MYP ubu usigaye uba muri Leta zunze ubumwe za Amerika na Skizzy uba mu Rwanda.

Hari abandi bahanzi waba udaheruka kumva? Bandike hepfo mu mwanya wagenewe ibitekerezo by’abasomyi tuzabakubarize.

Ubu bwoko bwa moto bufite uburyo bwo kureba umuriro usigaye muri batiri ukamenya n’ibirometero uri bukore. Ibi ngo bizafasha umumotari kumenya uko akora ingendo ze mu muhanda.

Ubu buryo kandi bwo gusharija moto buzajya buri hantu hose mu gihugu haba ahasanzwe kuri sitasiyo ndetse no ku maduka, n’ahandi hose ha bugufi ku buryo umumotari ubukeneye azajya abubona bitamugoye.
.

Umuyobozi wa Safi, Tony Adesina yagize ati “Twe icya mbere twifuza ni ugutanga serivisi yo gutwara abantu hatangijwe ibidukijije. Moto yacu ikozwe ku buryo igenda ibirometero 60km/1hr bivuze ko nta muvuduko. Icya mbere ni uko abantu bagerayo amahoro. Ibiciro ntibirashyirwa ahagaragara gusa ni nk’ibyari bisanzwe kuri moto zisanzwe mu Rwanda.”

Tony B. Adesina, umuyobozi wa Safi

Mutabazi Emmanuel usanzwe ukora umwuga w’ubumotari yagize ati “Ko ubusanzwe moto zacu zajyaga ahantu kure igihe cyo gucomeka murumva atari imbogamizi kuri twe ndetse n’umugenzi? Ese ubundi ko hari aho umuntu agera agasabwa gutwara ku muvuduko runaka nk’ubu ibirometero 60 ku isaha bashyizeho na byo ntibizateza ikibazo wenda nk’umukuru w’igihugu agiye gutambuka ugasabwa kwihuta ngo uve mu nzira.”

Umuyobozi w’ikigo cy’igihugu cyita ku bidukikije Eng. Coletha Ruhamya yavuze ko izi moto zaje zinakenewe mu rwego rwo gukomeza kwita ku bidukikije.

Yagize. ati “Mu gice kinini cy’umujyi wacu, ikinyabiziga gikora cyane ndetse n’amasaha mensha ni moto, twumva rero dushoboye guhera kuri moto byagira urahare runini mu gukumirwa ibyuka byangiza ikirere bishobotse zakwira mu gihugu hose.”

Ubu bwoko bwa moto buzagezwa mu gihugu hose ariko hazabanza mu mujyi wa Kigali n’ahandi hagende hakurikira, abazazitwara bazabanza babihugurirwe bigishwe n’uburyo bakwikemurira akabazo bahura na ko bazitwaye. Buri muntu ufite amafaranga ye yemerewe kuzigura ndetse n’ufite moto ikoresha amashanyarazi atari iturutse muri safi n’ubundi nawe azahabwa iyo serivisi izaboneka mu gihugu hose.

Muri iki gihe isi yose yahagurukiye kugabanya impanuka zifitanye isano n’akazi umuntu akora ahubwo hakabungabungwa ubuzima bw’abakozi hagamijwe kongera umusaruro ndetse no kugera ku ntego z’ikinyagihumbi. Isi yose kandi yiyemeje guteza imbere umurimo kuri bose habungabungwa ubuzima bw’abakozi no guhanga imirimo itagira ingaruka mbi ku buzima bw’abayikora.

Mu rwego rwo gushyigikira iki cyerekezo, Leta y’u Rwanda yashyizeho Politiki y’Igihugu igamije kubungabunga ubuzima n’umutekano by’abakozi, ndetse ikigo cy’igihugu gitsura ubuziranenge (RSB) kigira uruhare mu gushyiraho amabwiriza mpuzamahanga y’ubuziranenge arebana n’uburyo bwo kubungabunga ubuzima n’umutekano by’abakozi.

Ubwo hatangizwaga iyo nama mpuzamahanga, umuyobozi mukuru w’ikigo gitsura ubuziranenge (RSB) Murenzi Raymond, yavuze ko ayo mabwiriza ajyanye no kubungabunga ubuzima n’umutekano by’abakozi akwiye kubahirizwa ahantu hatandukanye nko mu bigo bitanga amashanyarazi, mu nganda n’ahandi.

Yagize ati “Numva ari byiza ku gihugu cyacu cy’u Rwanda kuko aya mabwiriza twamaze kuyashyira ku rutonde rw’ayemewe na Leta ku buryo yatangiye gusobanurirwa ibigo bitandukanye. Muri uku kwezi kwa cumi twatangiye ubukangurambaga ndetse ibigo bikatubwira uko biyashyira mu bikorwa.”

Yakomeje agira ati “ hari amabwiriza yari asanzwe ahari muri politiki y’u Rwanda mu mategeko arenga 300 afite aho ahurira n’ubuzima n’umutekano by’abakozi ariko hakabaho n’amabwiriza y’ubuziranenge afasha gushyira mu bikorwa ibijyanye n’ubuzima n’umutekano kugira ngo ibigo biyakoreshe ndetse ibiyakoresha bihabwe ubiziranenge bityo bigire isura nziza ari imbere mu gihugu cyangwa igihe byohereje ibicuruzwa byabyo mu mahanga bimenyekane ko bifite amabwiriza y’ubuziranenge abigenga”

Imibare itangwa n’urwego mpuzamahanga rushinzwe umurimo ( the International Labour Organization (ILO), igaragaza ko abakozi bangana na miliyoni ebyiri n’ibihumbi 780 bapfa buri mwaka bazize impanuka zituruka ku kazi naho miliyoni 374 bahura n’indwara zituruka mu kazi bakora.

Muri ibyo harimo ubukwe bwa Ange Kagame Ingabire

Ubukwe bwa Ange Kagame na Bertrand Ndengeyingoma

Nyuma y’uko Ange Kagame, umukobwa rukumbi wa Perezida Paul Kagame asabwe tariki 28 Ukuboza 2018, umuhango wo gushyingira Ange Kagame na Bertrand Ndengeyingoma wabaye tariki 6 Nyakanga 2019.

Ibi ni bimwe mu bihe bidasanzwe ku Banyarwanda muri rusange, aho umwana w’umukuru w’igihugu ashyingirwa, byari inkuru nziza ishishikaje benshi bashaka kumenya uko byari byifashe ku buryo buri mafoto yasohokaga yahitaga asakara ku mbuga zose.

Igitaramo cya Diamond Platnumz

Umuhanzi ukomoka mu gihugu cya Tanzania uzwi nka Diamond Platnumz ariko ubusanzwe akaba yitwa Abdul Nasim, yakoze igitaramo mu Rwanda tariki 17 Kanama 2019.

Uyu ni umuhanzi ukunzwe cyane cyane mu bihugu bya Afurika y’Uburasirazuba.

Igitaramo gisoza iserukiramuco rya ‘Iwacu Muzika Festival’ Diamond yakoreye muri parikingi ya stade Amahoro i Remera cyagejeje mu rukerera rwo ku itariki 18 Kanama 2019.

Iki ni igitaramo cyaranzwe n’udushya twinshi, aho Diamond yivugiye ko akunda imibyinire y’Abanyarwandakazi ahamagara bamwe muri bo barabyinana.

Si ibyo gusa, abari bashinzwe umutekano we bazwi nka (bouncer) na bo bafunzwe amasaha make, kubera kwambara imyenda isa n’iya polisi y’u Rwanda, nyuma baza guhindurirwa imyambaro hanyuma bakomeza akazi kabo.

Kigali Peace Marathon 2019

Iri siganwa ryabaye ku nshuro yaryo ya 15 bikaba byari biteganyijwe ko rizitabirwa n’ababarirwa hagati y’ibihumbi umunani n’icumi, barimo ababigize umwuga n’abandi bagamije kwishimisha gusa no gukora siporo.

Ni irushanwa riba umunsi umwe, ariko abasiganwa bakiruka mu byiciro bitanu bitandukanye. Hari basiganwa ku ntera ya kilometero 42 (full marathon), kilometero 21 (half marathon), abazasiganwa ku ntera ya kilometero 10,54, abana bagasiganwa ku ntera ya kilometero eshanu (5km), hakaba n’abasiganwa ku ntera ya kilometero icumi biganjemo abatarabigize umwuga n’abishimisha.

Ibyamamare mu gusiganwa ku maguru byari birangajwe imbere na Usain Bolt na Mohamed Farah byatumiwe mu irushanwa mpuzamahanga ryo gusiganwa ku maguru ariko byarangiye batabonetse.

Ubutekamutwe muri Kigali Convetion Centre

Tariki ya 25 Nyakanga 2019 muri Kigali Convetion Centre, ibyari nama byahindutse isoko n’ubutekamutwe.

Abayobozi b’ikigo ‘Wealth Fitness International’ batwawe n’Urwego rushinzwe Ubugenzacyaha (RIB), nyuma yo gutegura amahugurwa ku bijyanye no kwiyungura ubumenyi mu bucuruzi, ariko ibyari amahugurwa bikavukamo ibibazo.

Umubare w’abari batumiwe warenze uwo abateguye iyo nama bashoboraga kwakira kuko bari bafite ubushobozi bwo kwakira abantu 500, ariko haza ababarirwa mu bihumbi bitandatu.

Abantu bari bitabiriye ayo mahugurwa bavuze ko ari ubutekamutwe kuko nyuma bishyujwe amafaranga, ndetse buri wese mu baje akaba yari yarahawe ubutumire yizezwa no guhabwa amafaranga (Amadorari 197).

Umuhanda w’ibirometero 7 wahanzwe na Niringiyimana Emmanuel

Uwitwa Niringiyimana Emmanuel, yakoze umuhanda ureshya n’ibirometero birindwi ari umwe.

Uwo musore w’imyaka 23 uvuka mu murenge wa Murambi mu Karere ka Karongi.

Igikorwa yakoze cyamuhesheje amahirwe yo kuba umwe mu byamamare byatumiwe mu gikorwa cyo ‘Kwita izina’ ku nshuro ya 15 abana b’ingagi 25 bavukiye muri Pariki y’Ibirunga, mu muhango wabereye mu Kinigi ku wa gatanu tariki 06 Nzeri 2019.

Inkongi z’umuriro mu dukiriro

Inkongi z’umuriro zongeye kwibasira uduce tw’ubucuruzi dutandukanye hirya no hino mu gihugu, hamwe muri ho ni agakiriro ka Kimironko, aka Gisozi kibasiwe n’inkongi inshuro ebyiri, Muhanga ndetse na Rusizi, gusa impamvu ahanini ihuriweho ni uko inkongi zaterwaga n’insinga z’amashanyarazi.

Umukobwa wiyahuye ku nyubako ya Makuza Peace Plaza

Scolastique Hatangimana w’imyaka 25 yiyahuye tariki 6 Nzeri 2019, asiga inzandiko zivuga ko abamureze bamufashe nabi ariko inkomoko y’urupfu rwe yatewe n’umusore wamwanze bakundanaga.

Kwiyahura k’uyu mukobwa byakoze ku mitima ya benshi, aho abantu benshi babajwe n’uburyo yahisemo kwiyambura ubuzima kubera ibihe yari arimo bimugoye.

Igitaramo cyo Kwita izina

Iki gitaramo twagishyize mu byaranze impeshyi, kuko uretse no kuba cyari igitaramo cyari cyitabiriwe n’ibyamamare bunyuranye, cyanabaye mu ntangiriro z’ukwezi kwa Nzeri.

Urwego rw’igihugu rw’iterambere (RDB) rwatumiye umuhanzi w’Umunyamerika Ne-Yo mu muhango wo Kwita Izina, nyuma afatanya n’abandi bahanzi Nyarwanda gususurutsa abitabiriye igitaramo cyo Kwita izina.

Mu bahanzi Nyarwanda bafatanyije harimo Riderman, Bruce Melody, Charly na Nina ndetse na Meddy.

Iki ni igitaramo kitabiriwe n’imbaga y’abantu, ndetse na Perezida Paul Kagame ubwe yaracyitabiriye.

Indirimbo Ne-Yo yaririmbye zisoza igitaramo zakuye hasi ibihumbi by’abakunzi b’umuziki bari bateraniye muri Kigali Arena, barahaguruka barabyina karahava.

Uyu muhanzi yanyuzagamo akajya mu bafana bagafatanya kuririmba.

Hari n’ibindi bintu byabaye mu mpeshyi tuvuyemo, nawe watubwira ibyo wibuka.

Mu bitera kuzana iminkanyari hakiri kare harimo izuba

Izuba ni kimwe mu biza ku isonga mu bitera iminkanyari ku mubiri muri rusange no mu maso by’umwihariko. Ntabwo ari izuba risanzwe ahubwo izuba rikabije riba ririmo imirasire ya izwiho kwinjira mu ruhu imbere no kurutwika irwangiza dore ko iri no mu bitera kanseri y’uruhu. Iyo mirasire yangiza uruhu ingaruka ikaba kuzana iminkanyari.

Itabi

Nyuma y’izuba, itabi ni ryo ubusanze riza ku mwanya wa kabiri mu gutera iminkanyari. Byaba uburyo ukoreshamo uritumura ndetse n’uburozi buriturukamo byose bigira uruhare mu gutuma uhorana iminkanyari.

Isukari

Isukari yo muri za soda cyangwa iyindi izwiho gutera umubyibuho cyane cyane ku nda nyamara burya iri no mu bitera gusaza imburagihe bikagaragarira ku ruhu. Gukoresha isukari nyinshi rero biri mu bitera iminkanyari kandi udashaje.

Umuhangayiko (stress)

Guhangayika ntibihungabanya ubuzima bwo mu mutwe gusa ahubwo binagira ingaruka ku ruhu. Guhangayika bitera icyitwa ’cortisol’ kizwiho kugabanya ubushobozi bw’uruhu bwo kugumana ubuhehere, kudahehera bikaba bitera iminkanyari mu maso.

Ibihumanya ikirere

Abantu baba mu mijyi bazana iminkanyari vuba ugereranyije n’abibera ahantu hari ikirere cyiza, mu byaro. Iyi myuka iva mu nganda, isohorwa n’ibinyabiziga , ubushyuhe bwinshi, byose biri mu bitera iminkanyari. Ni yo mpamvu ari byiza koga mu maso byibura mbere yo kuryama kugira ngo wikureho ibyo wisize n’indi myanda iba yiriwe ikujyaho.

Kudasinzira

Kubura ibitotsi no kuryama utinze ni bimwe mu bitera isura kwangirika. Iyo umuntu adasinzira bituma azana iminkanyari kuko umubiri utakaza amazi. Umuntu aba akwiye kuryama byibura amasaha arindwi ku munsi ni ingenzi kuko iyo umuntu asinziriye nibwo umubiri usohora uburozi bwari buwurimo kandi kudasohoka kwa bwo byangiza uruhu.

Gukambya agahanga

Impamvu iyo ari yo yose itera umuntu gukambya agahanga byangiza imikaya yo mu maso ukazashiduka iminkanyari ihoraho ntiveho. Ni byiza kwirinda ibitera gukambya agahanga nk’urumuri rwinshi cyangwa rucye. Ni byiza no kwirinda kureba muri mudasobwa cyangwa televiziyo igihe kinini cyane.

Uburyo bwagufasha kurwanya iminkanyari imburagihe

• Gerageza gufata imbuto buri munsi kuko imbuto zirimo za vitamine ndetse n’imyunyu-ngugu ifasha uruhu kugumana ubuto bwarwo. Reka dufate urugero rwa vitamini C yifitemo ubushobozi bwo gukora icyo bita collagene irwanya mu buryo bwihuse kandi bwa gakondo iminkanyari. Iyi vitamini C iboneka mu mbuto nka pomme, amacunga, mu mbonga nk’amashu, n’ahandi.

• Amakuru dukesha www.kigaliwomen.com avuga ko ari ngombwa kurya ibiribwa bibonekamo vitamine ya Omega 3. Ibyo ni nk’amafi abamo amavuta: saldine, saumon,…kuko ayo mavuta ari umuti ukomeye wo kurwanya iminkanyari ku ruhu rw’umuntu.

• Ni byiza kunywa icyayi cy’icyatsi kibisi ( thé vert) kuko cyifitemo ibyo bita polyphénols birwanya iminkanyari.

• Ni byiza kuguyaguya cyangwa se gukorakora uruhu (se masser) wifashishije amavuta yabugenewe muri massage, nk’amavuta ya Olive,…massage na yo ituma uruhu rurambuka, rukareka kwihina, ndetse n’uturemangingo tw’uruhu tukongera tukikora.

• Koresha ibyo bita Masques anti-rides. Ibi ni ibyo bambika uruhu rwo mu maso cyangwa ibyo basiga uruhu rwo mu maso. Ibi bikaba byifitemo imiti irwanya iminkanyari. Masques anti-rides rero ziri ukwinshi, kandi umuntu ashobora kuzikorera ku giti cye atarinze kujya mu ma salon y’ubwiza. Hari izo wakora mu ibumba, mu muneke, cyangwa mu mweru w’igi.

• Ni ngombwa ko umubiri w’umuntu uhorana amazi buri gihe. Ibi wabigeraho ugerageza kunywa amazi kenshi ku munsi kuko bituma uruhu ruhorana ubuzima bwiza. Amazi afasha kandi gukura mu mubiri imyanda yashobora kwangiza uruhu.

Uruhu rufite amazi ruhora rusa neza kandi rwumutse. Gerageza kunywa nibura litiro imwe n’igice y’amazi buri munsi, bizatuma uruhu rwawe rutoha, bitume ntaho uhurira n’iminkanyari ifata abantu imburagihe.

Kwa Rubangura

Hari ibice bimwe na bimwe mu mujyi wa Kigali byitiriwe abahatuye ndetse n’abahafite inyubako zabitiriwe, ariko ubusanzwe hakaba hari hafite amazina yaho.

Hamwe muri ho ni:

Kwa Rubangura: Aha ni mu mujyi wa Kigali rwagati mu karere ka Nyarugenge, umurenge wa Nyarugenge. Hamenyekanye kuri iryo zina kubera igorofa rya Rubangura Vedatse rihubatse.

Rubangura Vedaste yari umwe mu bashoramari bakomeye mu gihugu yatabarutse tariki 06/05/2007 akaba yari umubyeyi w’abana 11.

Kwa Rubangura mu mujyi wa Kigali

Kwa Mutwe: Ni umuhanda w’amabuye uhuza igice cya Nyakabanda na Biryogo mu karere ka Nyarugenge. Ubusanzwe ni mu murenge wa Gitega, akagari ka Munanira mu karere ka Nyarugenge, gusa n’umurenge wa Rwezamenyo urahagera, ni yo mpamvu umuntu ugiye yo agira uburyo aharanga bitewe n’aho agana.

Mutwe witiriwe uyu muhanda, yari umugabo wari uhatuye ubu utakiriho wasize izina kubera ko ari we wakoresheje uriya muhanda, mu gihe kera habaga akayira gato azana imodoka ihaca umuhanda bahamwitirira gutyo.

Kwa Mutwe

Kwa Nyiranuma: Aha ni mu gace gaherereye mu karere ka Nyarugenge mu murenge wa Kimisagara mu mudugudu wa Kimisagara. Hamenyekanye kuri iryo zina kubera ivuriro rihari ryashinzwe n’abihayimana b’ababikira, harimo umwera Abanyarwanda bitaga Nyiranuma n’ubu aracyariho.

Kwa Nyiranuma

Kwa Rwahama: Ni ku muhanda ujya ku Kimironko ku gicumbi cy’Intwali. Hamenyekanye cyane kuri iryo zina ryo kwa Rwahama, ubusanzwe witwa Rtd. Colonel Jackson Rwahama, yahubatse igorofa ry’amabuye mbere bituma hamwitirirwa kugeza ubu.

Kwa Rwahama

Kwa Mushimire: Ni mu karere ka Gasabo umurenge wa Kimironko, akagari ka Kibagabaga ujya ahitwa mu i Zindiro. Iri zina ryatangiye nyuma ya Jenoside yakorewe Abatutsi mu 1994. Mushimire Eric witiriwe ako gace ni umubyeyi w’abana batandatu, akaba akiriho n’ubu niho atuye.

Kwa Mushimire

Kwa Ryambabaje: Iyo ukomeje ujya mu i Zindiro, hari umuhanda ujya ahitwa mu Cyamurunguje hazwi ku izina ryo kwa Ryambabaje. Iryo zina ryafashe kubera uwari umuyobozi mukuru wari uhatuye witwa Dr. Ryambabaje Alexandre wahoze ari Minisitiri w’Ubucuruzi, Inganda n’Ubukerarugendo, ariko ubu yikorera ku giti cye.

Kwa Ryambabaje

Utu ni tumwe mu duce tutazwi ku mazina yanditse ku byangombwa byemewe na Leta, ahubwo hitiriwe abahatuye mbere cyangwa bahafite ibikorwa.

Tubwire nawe ahandi hantu uzi hamenyekanye ku mazina y’abantu, utubwire n’uko ubusanzwe hitwa.

Mu mishinga 97 yahatanaga, hatsinze imishinga 11 y’abashakashatsi baturutse mu bigo bitandukanye haba ibya Leta ndetse n’ibyigenga. Imishinga y’abashakashatsi yatsinze yaturutse muri Kaminuza y’u Rwanda(UR), INES-Ruhengeri, Mount Kenya University Rwanda(MKU), Ikigo cy’Igihugu cy’Ubushakashatsi n’Iterambere mu byerekeye inganda (NIRDA), Ikigo cy’Igihugu cy’Ubuzima (RBC) ndetse na Christian University of Rwanda(CHUR).

Iyo mishinga uko ari 11 yatsinze mu bice bine. Mu buzima harimo imishinga irindwi, mu kwihaza mu biribwa harimo ibiri, mu bushakashatsi mu nganda harimo umwe ndetse no mu byerekeranye n’umutungo kamere harimo umushinga umwe.

Minisitiri w’Uburezi Dr. Eugene Mutimura yashimiye abo imishinga yabo yatsinze. Yagize ati “Guverinoma yiteguye gukomeza gushyigikira imishinga itandukanye iteza imbere Siyansi n’Ikoranabuhanga haba mu bigo bya Leta n’ibyigenga. Mu rwego gukomeza kubaka no gukomeza kwagura ikoranabuhanga na siyansi .”

Minisitiri Mutimura yakomeje agira ati “Mukwiye kubyaza umusaruro ibihembo mwabonye uyu munsi kugira ngo turusheho guteza imbere igihugu biciye no mu burezi.”

Umuyobozi wungirije wa INES Ruhengeri ushinzwe amasomo n’ubushakashatsi , Dr. Niyonzima Niyongabo François, ndetse akaba n’umwe mu bafite umushinga watsinze, yagize ati “Twakiriye neza ibihembo twahawe ndetse no kuba Leta y’u Rwanda ikomeza gushyigikira ikoranabuhanga na siyansi ibinyujije mu nkunga idutera nkatwe dufitemo imishinga igera kuri itatu.”

Amafoto: MINEDUC

Abahanga mu by’imiti mu nama ya munani

Uru rugaga ruvuga ko umuti ugomba gutangwa hari umuhanga mu by’imiti kugira ngo agenzure uko imiti itangwa ndetse anakosore igihe habayeho kwibeshya.

Ibi byatangajwe kuwa gatanu 13 Nzeri 2019, mu nama ya munani y’urugaga rw’abahanga mu by’imiti, yanabereyemo amatora y’ubuyozi bushya bw’urugaga.

Muri iyo nama hagaragajwe ibyagezweho n’ubuyobozi bucyuye igihe, hishimirwa ko mu byo bakoze harimo gushakira urugaga aho rukorera, rukazaba rwahabonye mu gihe cya vuba.

Abahanga mu by’imiti batoye ubuyobozi bushya

Umuyobozi ucyuye igihe w’urugaga rw’abahanga mu by’imiti Dr. Raymond Muganga, yavuze ko mu gihe bari bamaze bayobora uru rugaga babashije kurumenyakanisha kuko rutari ruzwi.

Yavuze ko mu bindi bakoze harimo no gutahura abakora mu by’imiti badakora neza, anaboneraho gusaba abahanga mu by’imiti kurushaho gukunda akazi bakora.

Ati “Turasaba abahanga mu by’imiti kwitanga bakumva ko ari umuhamagaro,umuntu akumvira umutima nama we.”

Dr. Muganga avuga ko iyo umuntu ukora mu by’imiti cyangwa ufite farumasi abikora nta muhanga mu by’imiti afite, aba asa n’uwiba.

Yagize ati “Abakora farumasi cyangwa bagatanga imiti nta muhanga mu by’imiti ni ukwiba. Iyo ukora ibyo ibintu udafitiye ibyangombwa uba wiba.”

Sebastien Nkurikiyimana, umuhanga mu by’imiti umaze imyaka 32 mu mwuga, we ati “Umuti ugomba gutangwa hari umuhanga mu by’imiti kugira ngo agenzure uko imiti itangwa ndetse anakosore niba habayeho kwibeshya.

Sebastien Nkurikiyimana, umuhanga mu by’imiti

Turifuza ko ahantu hose hatangirwa imiti hajya haba hari umuhanga mu by’imiti kuko umuti utanzwe ntawuhari uba ari uburozi.”

Shema Ngoga Fabrice watorewe kuba umuyobozi wungirije muri komite nshya, yavuze ko abahanga mu by’imiti bakwiye kurangwa no gukora kinyamwuga, bihesha agaciro kugira ngo n’abandi babubahe.

Ati “Umuntu akwiye gukora kinyamwuga yihesha agaciro kugira ngo n’abandi bamuhe agaciro, niyo mpamvu haboneka ibibazo hirya no hino, kuko hari abakoreshwa n’umuhamagaro abandi bagakoreshwa n’amafaranga”.

Urugaga rw’abahanga mu by’imiti ruvuga ko hakiri ikibazo cyo kuba hari hamwe mu bitaro hagitangwa imiti nta kurebererwa n’umuhanga mu by’imiti, ugasanga ahanini biterwa no kuba hari abitwaza ko nta mafaranga yo kubahemba ariko hari n’ikibazo cy’uko bakiri bake.

Dr. Hahirwa Innocent watorewe kuyobora uru rugaga mu myaka itatu iri imbere, yavuze ko bazanye ingamba z’uko nibura ahantu hose hatangirwa imiti hajya haba hari umuhanga mu by’imiti kuko bifasha cyane.

Ati “Ibibazo twagiraga bitewe no gufata nabi cyangwa ikoreshwa nabi ry’imiti turashaka ko bigabanuka. Ikindi ni ukugira ngo umuhanga mu by’imiti wese aho ari akore kinyamwuga, kimwe mu byo tubigisha ni uko bajya bumva ko inyungu yabo ya mbere iba ku murwayi kuruta amafaranga baba bakeneye.”

Dr. Hahirwa Innocent watorewe kuyobora uru rugaga mu myaka itatu iri imbere

Yakomeje avuga ko bagiye bahura n’ibibazo bitandukanye aho imiti itakivura abarwayi, kubera kuyihabwa nabi.

Atanga urugero rwa antibiyotike ‘antibiotics’ zitakivura neza kubera ko hari abantu bayigura bakagura nke ntibagure doze yose, hanyuma umubiri ukarema ‘resistance’ ubutaha imiti yayinywa ntimufate cyangwa ngo imukize.

Kigali Today yegeranyije izindi mpamvu zishobora gutera umuntu guhora yumva afite inyota.

Muri byo harimo:

Indwara ya diyabete

Guhorana inyota bishobora kuba ikimenyetso cya diyabete iyo bijyaniranye no gushaka kunyara buri kanya, ugahorana umunaniro, gutakaza ibiro bya hato na hato.

Kwiyongera kw’isukari mu mubiri bitera impyiko gukora inkari yinshi zifasha mu gusohora isukari, ibyo bigatanga ubutumwa ku bwonko ko hakenewe amazi mu mubiri asimbura ayagiye mu nkari ibyo byongera inyota ikabije.

Kunywa imiti

Hari ubwoko bw’imiti butera guhorana inyota nka ‘lithium’, imiti igenewe kugabanya amazi mu mubiri, n’imiti y’indwara zo mu mutwe.

Ku muntu umaze kubona ko afite icyo kibazo ni byiza ko asubira kwa muganga kugira ngo ahindurirwe imiti cyangwa bagabanye ikigero cy’iyo afata.

Gutwita

Ku mukobwa cyangwa umugore wakoze imibonano idakingiye akaba kandi yararengeje igihe agira mu mihango, kugira inyota idasanzwe ni kimwe mu bimenyetso ko yaba atwite mu gihe ahorana inyota ikabije bikajyana no kunyara buri kanya, gusa si byo umuntu yashingiraho, kuko byemezwa na muganga.

Kubura amazi mu mubiri

Igabanuka ry’amazi mu mubiri rishobora guterwa n’impamvu zitandukanye zirimo ubushyuhe bukabije, kubira ibyuya byinshi, kuruka igihe kinini, indwara yo gucibwamo ndetse no kutanywa amazi ahagije.

Ubwoko bw’ibiryo runaka ndetse na bimwe mu binyobwa

Hari amwe mu mafunguro atera inyota cyane cyane agizwe n’amavuta menshi nk’ifiriti, urusenda, n’ibiryo bigizwe n’ibirungo byinshi, naho mu byo kunywa harimo inzoga nyinshi ibi iyo ubikora kenshi bikuviramo guhorana inyota.

Dr. Sindayigaya Alphonse, umuganga w’indwara zo mu mubiri muri Bwiza Clinic yagize ati ”Inyota ni ukumva umuntu ashaka kunywa kubera ko amazi yatangiye kuba make mu mubiri ari nabwo umuntu ahita anywa amazi cyangwa ikindi kimufasha, ariko inyota ikabije idaterwa n’akamenyero wihaye aho haba hari ikindi kibazo nk’indwara yigisukari (diyabete).

Hari n’inyota ituruka mu miti abarwayi b’indwara y’umuvuduko w’amaraso, umutima, impyiko ndetse n’abarwayi bafata imiti igabanya kubyimba, bahabwa bigatuma bagira inkari nyinshi iyo na yo itera inyota ikabije.”

RDB na EAP bateguye igitaramo hamwe n’abahanzi batumiwemo bagiranye ikiganiro n’abanyamakuru ku bijyanye n’imyiteguro y’icyo gitaramo

Ni ku nshuro ya 15 u Rwanda rutegura umuhango wo kwita izina abana b’ingangi. Kimwe mu bikorwa biteganyijwe bizajyana no kwita izina abo bana b’ingagi ni igitaramo kizitabirwa na Ne-Yo, Meddy, Riderman, Bruce Melody na Charly&Nina. Icyo gitaramo giteganyijwe kuba ku itariki 07 Nzeri 2019 muri Kigali Arena, aho kwinjira bizatangira saa kumi n’imwe z’umugoroba.

Umuyobozi Mukuru w’Ishami rishinzwe Ubukerarugendo no Kubungabunga Ibidukikije, Ariella Kageruka, yagize ati “Umutungo w’u Rwanda ni Abanyarwanda, ni yo mpamvu tuzana ibyamamare bitandukanye mu gihugu kugira ngo babone u Rwanda mu ndorerwamo y’ibitaramo n’ibyishimo ndetse dukomeza kumenyekanisha gahunda ya Visit Rwanda.”

Umuyobozi wa East African Promoters, Mushyoma Joseph yagize ati “Twifuje ko abahanzi bo mu Rwanda bidagadurira mu nzu Kigali Arena twahawe n’Umukuru w’Igihugu. Ni yo mpamvu ku bo twari twatangaje bazitabira kwita izina concert ari bo Ne-Yo na Meddy twongeyemo itsinda rya Charly na Nina, Riderman, na Bruce Melody akaba ari bo bazataramira abazitabira igitaramo.”

Yakomeje kandi avuga ko guhera kuri uyu wa gatandatu tariki 31 Kanama 2019 batangira ibikorwa byo gutegura aho igitaramo kizabera ati “Uko mubona Kigali Arena ni na rwo rwego igitaramo kizaba kiriho”

Bamwe muri abo bahanzi bavuze ku byo barimo gutegurira abakunzi babo bazitabira igitaramo cyo Kwita Izina.

Gatsinzi Emery uzwi nka Riderman yagize ati “Twiteguye gushimisha Abanyarwanda.”

Meddy we yagize ati “ nazanye na band yuzuye, style zitandukanye, muri make niteguye kubereka impande nyinshi za Meddy. Byose bizaba biri ku murongo decoration, amajwi n’amatara ndetse na performance ubwayo.”

Igitaramo kizaba ari full live. Hazaba hari aba DJs ari bo dream team bagizwe na DJ Marnaud , DJ TOXXYK ndetse na DJ Miller naho amatike yo kwinjira ni 3000 rwf, 10000 rwf, 25000 rwf na 50000 rwf . Biteganyijwe ko umuhanzi Ne-Yo azazana n’itsinda ry’abantu 17 bazamufasha muri icyo gitaramo.

Imvugo nk’izo na zo ziba zifite aho zavuye kuko usanga hari abazikura ku bahanzi, ku basobanura filime, ku mashuri aho biga, izo bihimbira bitewe n’ibihe bidasanzwe byabaye abantu bagasiga umugani cyangwa bagahimba imvugo iturutse ku bo byabayeho.

Hari n’izindi mvugo zaturutse ku byo bumva mu bitangazamakuru bitandukanye nka radio n’ahandi.

Zimwe muri izo mvugo ni nko :

Gukubitwa

Iyi ni imvugo ikoreshwa iyo umuntu agaragaza ko nta kigenda, yakennye cyangwa gahunda ze zitagenze neza. Umuhanzi umaze kubaka izina mu muziki nyarwanda Mico The best yagize icyo avuga kuri iyo mvugo ati “Hari umutipe wahoranaga ikarita ya buri hantu hamwinjiza ahabereye ibirori bikomeye hose nka Serena, Mariott n’andi mahoteli, kandi ni we wayikoreraga. Umunsi umwe ajya mu kirori ahantu hari abayobozi bakomeye nk’ibisanzwe ajya imbere, umwe mu bashinzwe umutekano aramukandagira, ku buryo yagumye aho ahagaze kugeza ibirori birangiye atanyeganyeze.”

Yakomeje agira ati “Ndi mu bantu bahuye na we bwa mbere ndamubaza nti ko uvuye mu birori nkaba mbona utameze neza? Na we ati ‘wapi nakubiswe’ nanjye mbibwira umujama wanjye wari muri showbiz na we atangira kujya abikoresha avuga umuntu wese wagiye muri gahunda ntizicemo.”

Gucanga irangi

Iyi ni imvugo yamenyekanye cyane mu ndirimbo ‘Canga irangi’ y’itsinda Active rikomeye mu muziki wo mu Rwanda rigizwe na Dereck, Olvis na Tizzo. Tizzo yabwiye Kigali Today ko iyo mvugo atari bo bayihimbye n’ubwo bayikoresheje mu ndirimbo yabo.

Abahanzi ni bamwe mu bumvikana bakoresha bene izo mvugo mu bihangano byabo bakagira n’uruhare mu gutuma zisakara

Yagize ati “Iyo ni imvugo isanzwe ikoreshwa n’urubyiruko. Twayikoresheje mu ndirimbo bivuga gukora ikintu cyiza, cyangwa iyo ushaka ko umuntu agukorera ikintu cyiza. Urugero nko kukwishyura ideni yari agufitiye, aba acanze irangi.”

Gukora umuti

Iyi mvugo irakoreshwa cyane n’abantu b’ingeri zitandukanye aho bayikoresha bavuga ko umuntu yakoze ikintu cyiza. Urugero umuhanzi ashobora gukora indirimbo igakundwa cyangwa ikaba nziza, ukumva abantu bavuga ngo wakoze umuti.

Ibi byaturutse ku bahoze ari abanyamakuru ba Radio Salus. Uwitwa Mutuyeyezu Oswald yagize ati “Buri munyeshuri wigaga itangazamakuru muri kaminuza nkuru y’ u Rwanda yabaga afite ikiganiro yahawe gukora kandi bakagira ishyaka ryo kukiryoshya. Iyo rero wabaga wabikoze neza, abandi bakubwiraga ko wacugushije umuti ukawumena. Ibyo bikoreshwa iyo wacapye hanyuma ugasohora urupapuro muri ‘print’ kugira ngo umuti ufate, rusohore inyandiko igaragara cyangwa isa neza.”

Riderman, umwe mu baraperi bakomeye ba hano mu Rwanda bakunze kumvikana bakoresha bene ayo magambo mu ndirimbo ze, yabwiye Kigali Today ati “Ubusanzwe ntabwo wahita umenya aho izo mvugo zituruka neza gusa nyinshi ziva mu rubyiruko. Akenshi bagira imvugo bihariyeho ikagenda imenyekana bitewe n’abandi babisangiza, nta hantu h’umwihariko nkura izo mvugo gusa hari izo nihimbira nkazishyira mu ndirimbo.”

Icyucyi

Indi mvugo imaze igihe ikoreshwa n’urubyiruko bataka ubwiza bw’umukobwa ni icyucyi.

Umuhanzi Danny Vumbi ndetse n’umwanditsi w’indirimbo hano mu Rwanda na we yagize icyo atangaza kuri izi mvugo, ati “Hari amagambo akomoka ku rurimi rw’ikinyarwanda. Urugero icyuki biva ku ijambo ubuki kandi ubuki buraryoha. Uburyohe bw’ubuki bugereranywa n’ubwiza bw’umukobwa.”

Yakomeje avuga ko mu bihangano bye nta mvugo yahimbye kugeza ubu gusa hari imvugo yakoresheje mu ba mbere mu mwaka wa 2000, ariko itaramenyekanye aho avuga ko iyo umuntu atwaye igihangano kitari icye akacyiyitirira mu mvugo izwi nko gushishura we abyita kuvana igikoba ku giti.

Ni mu gihe izindi mvugo zikoreshwa nko kutikoraho (kuba umuntu cyangwa ikintu kiri ku rwego rwo hejuru), kwifunga (kwambara neza), ubukaro(amafaranga) n’izindi nyinshi usanga nta muntu uzwi wazizanye bwa mbere, gusa zimenyekana biciye mu bantu batandukanye bakurikirwa cyane nk’abahanzi, abasobanura filime, abanyamakuru ndetse n’undi wese ukunzwe cyangwa uzwi cyane. Ayo magambo akenshi usanga akomoka ku itsinda runaka ry’urubyiruko, bakayakoresha baganira ku byo baziranyeho bashaka ko abandi batabimenya cyangwa baryoshya ibiganiro byabo.

Nyuma y’umunsi umwe gusa Diamante avutse, uyu mwana yatangiye gukora udushya abifashijwemo na nyina ukiri ku kiriri. Amafoto agaragara kuri whatsapp ya Young Grace, aragaragaza uyu mwana igice, areba hirya hakagaragara umusatsi we gusa n’imyenda ndetse n’ikiganza gifashe inoti y’Amadolari ya Amerika 100 (100$).

Uyu mubyeyi wibarutse umwana we wa mbere yanahimbiye indirimbo zigera kuri ebyiri, yahise yandikaho ngo Baby Boss, munsi y’iyo foto bishatse kuvuga ko ari kumwifuriza kuzatunga agatunganirwa.

Ni mugihe tariki 9 Kanama 2019 yashyize hanze indirimbo yise “Diamante”, ifite izina n’ubundi yise umwana we. Muri iyi ndirimbo, Young Grace avuga ko harimo impanuro nyinshi umubyeyi wese yaha umwana we, ndetse no kumwaturiraho amagambo meza.

Mu kiganiro kigufi yagiranye na Kigali Today, Young Grace yagize: “Umwana wawe icyo umwaturiyeho kimubaho, ni byiza rero gutangira kumuvugaho ibyiza ataranavuka, ukitegura kuzamurera no kumugira inama ku buzima bwo ku isi”.

Mu magambo ye Young Grace yanditse ku rukuta rwe rwa whatsapp yagize ati “mumfashe duhe ikaze Amata Anca Ae’eedah Ai A K A DIAMANTE mwarakoze kubana natwe muri uru rugendo, Imana ibahe umugisha w’abana kuko ari cyo kintu kiza ku isi.”

Naho umubyeyi wa Young Grace yagize ati “inyenyeri zisendera ikirere zikanezeza, izuba rirasira iburasirazuba rikantahaho nkashima, ariko wowe uri ikibasumba, uwagaciro Diamante. Nezerwa shenge, tunyuzwe kubwawe isi nmbi ariko twe tuzakunezeza. Uzabe urumuri mubandi, uzabe ishema ku babyeyi, uzakunde kandi ukundwe kibondo, uzabahe Imana uhunge ikibi.”

Aya mafoto ya Young Grace yavugishije abatari bake ubwo yari yasohokeye ku mazi

iyi complexe d’oedipe, yayihereye ku ifuhe abana bakiri bato bagaragaza ku mubyeyi bahuje igitsina n’urukundo bagirira uwo batagihuje. Abishingira ku nkuru mpimbano yabaye mu muryango umwe waba Gereki aho umwana w’umuhungu witwaga Oedipe yabwiye ababyeyi be ko azica se agashaka nyina.

Ababyeyi be ngo bahisemo kumutererana arerwa n’abandi bantu, aho umwana akuriye yaje gukunda nyina cyane ariko ataziko ariwe nyina amenye n’umugabo we ariwe se aramwica. Aho amenyeye ukuri yikuramo amaso nk’igihano cy’ibyo yakoze.

Ku bijyanye no kumenya icyo abantu batekereza ku kuba umwana yakunda cyane umubyeyi badahuye igitsinda kususha uwo bagihuje, twaganiriye n’abantu batandukanye hirya no hino mu mujyi wa Kigali, haba ababyeyi ndetse n’abana.

Mukamurigo umubyeyi w’abana babiri yagize ati “mbona impamvu abana b’abakobwa bakunda ba se cyane ari ukubera uburyo amufata. Uwanjye mbona yibonamo se cyane kuko amwumva akanamushyigikira no mu byo ntashaka, naho se abavuga ko adashaka ko umwana we agira icyo yifuza akagihabwa nufite izindi nyungu amushakaho. Ibyo mbifata nko gufuha ku mugabo ku mukobwa we”.

Yakomeje atubwira ko we impamvu akunda umuhungu we cyane ari uko amubonamo ingabo by’umwihariko imbaraga ze.

Yagize ati ”Nta kintu kintera ishema nko kubona ndikumwe n’umuhungu wanjye… naho umukobwa burya aba azajya iw’abandi.”

N’ubwo bimeze bityo, ntabwo ari igihe cyose umwana akunda umubyeyi badahuje igitsina akanabigaragaraza nk’uko twabitangarijwe na Tumwizere umubyeyi w’abana bane barimo abahungu batatu n’umukobwa umwe.

Agira ati “Njye umuhungu wanjye akunda se cyane kundusha. Afite imyaka 10 ariko n’ubu abyuka kare akaza akaba aryamye iruhande rwa se, uw’umukobwa we nawe amukunda nkibisanzwe... ubibonera mu buryo bamwishimira iyo bamubonye bakamwisanzuraho, cyane rimwe na rimwe ukabona umwana yizerera muri se cyane kukurusha.”

Akomeza agira ati “Wamubaza akakubwira ko ikibazo ari bukibirwe papa we mbega ukumirwa.”

Keza Belinda wiga muwa kane w’amashuri abanza na musaza we Emma Ngabo wiga muwa gatanu w’amashuri abanza bari kumwe n’ababyeyi babo bagize icyo bavuga.

Belinda ati “njye nkunda papa cyane kubera ko ampa ibyo nshaka naho maman aba afite impamvu nyinshi agashaka kumpitiramo”.

Emma ati “papa wanjye niwe nkunda cyane kuko iyo turi kumwe numva ntekanye kurusha maman, ikindi papa wanjye niwe mfataho ikitegererezo.”

Albert Gakwaya inzobere mu mitekerereze ya muntu (Psychologie) ndetse no mu by’imikorere n’imihindagurikire ijyanye n’ibitsina (Sexologie), yifashishije ibyabonywe n’abashakashatsi nka muganga John BOWLBY wari umuganga w’indwara zo mumutwe akaba n’impuguke mu mitekerereze n’undi witwa Donald. W. WINICOTT, ndetse n’uwitwa Mary AINSWORTH, yasobanuye ko umwana wese uvutse, uko afashwe nyuma y’ivuka rye bigenda biha umujyo uko azamera mu bihe bizaza.

Ati «Iyo umwana afashwe neza bikwiye kandi bihoraho, bimuremamo umutuzo n’umutekano w’imbere muri we byifatizo bimutera kugenda yiyungura cyangwa yiga byinshi kuko atuje, agira kwitegereza kimwe mu by’ingenzi bituma umuntu afata mu mutwe ibyo arimo.»

Avuga ko ibyo biba bizamufasha kwakira impinduka mu buzima ndetse no kwirwanaho mu buzima ari nako yiyungura byinshi mu mibanire, cyane cyane ko, wa mutuzo uturuka kugufatwa nk’ uko bikwiye, umufasha kuruhuka, gusinzira nta ngingimira bifasha ikura ry’umubiri ndetse no gushyira mu bushyinguro buba muri twe ibishya yungutse. »

Avuga ko bitewe n’uko aba acyiga byinshi, byose biba ari bishya kuri we, bityo umuha ibyo byose akaba aricwe « sura y’ifatizo y’icyitegererezo ». Ati « Akenshi baba ari banyina b’ abantu, bitaba ibyo hakaba habaho undi uhamubera.»

Albert Gakwaya akomeza avuga ko iyo ibyo bitabaye mu mezi abanza 18, cyane cyane guhera ku mezi atandatu, uwo mwana iyo umwitaho abikoze nabi akabura, biturutse ku burangare se cyangwa ku mpanvu zitandukanye, itandukana ry’abashakanye, uburwayi, urupfu se cg ibindi, wa mwana iyo atabonye undi ubimufashamo, bimuremamo akajagari cyane cyane ko wa mutuzo n’itekana riba ritakibaye agahangayika, gusinzira bikaba ingume kuko aryamana ikiniga, ugasanga n’agahinja kajagarajwe n’ibihe karimo.

Ati « ugasanga kameze nk’akagomba guca inshuro ngo kabeho ».

Albert Gakwaya agikomeza ku mikurire y’umwana, yifashishije ubushakashatsi bw’Umuganga witwaga FREUD SIGMUND, n’abo bakoranye, bagaragaje ibice bitatu by’imikurire y’umwana mu mitekerereze, n’ imyitwarire mu rukundo.

Agira ati «igice cya mbere gihera umwana akivuka kugeza ku mezi 15. Umwana umaze igihe gito avutse aba aganisha ku biribwa, kwonka, kunywesha bibero, cyangwa se kurya intoki ndetse icyo asingiriye cyose urebye nabi usanga yagitamiye, (le stade oral), mu mezi yanyuma ni naho atangira kubona amayobera amuganisha ku kumenya ko wa muntu umwitaho atari kimwe mu bice bigize umubiri».

Avuga kandi ko ku mwaka wa kabiri kugeza hafi y’itatu umwana avutse, aba yatangiye kugerageza kubasha kutituma byizanye, ndetse ukabona bimuteye ishema ndetse byanaza ukabona byamuhangayitse. ndetse niho ahera atangira kumenya ibimurimo imbere n ibimuri inyuma kuko mbere yo kwituma abanza kubyiyunvamo aka bo controller etc (le stade anal).

Ikindi gice gikurikiyeho ni icyo kuva ku myaka itatu kuzamura. Aha rero niho akana kavumbura agatsina ke. Usibye kugikinisha, batangira no kwituma batungereza ku twana tw’uduhungu, cyangwa aho bitumye bagacukura akoboIcyo gihe n’ imikino ihita itangira gutandukana.

Albert Gakwaya avuga ko igice cya kane kiva ku myaka ine kuzamura kugeza kuri itandatu. Aha ho biba bikaze kuko haba hatangiye igisa n’ihangana mu bantu batatu bagize umuryango, umwana, nyina na se.

Yifashishije inyandiko z’umuganga nawe w’umu psychanalyste witwaga KAREN HORNEY, yaragize ati «…imyitwarire igamije kugera ku kwinezeza binyuze munzira y’ ibitsina (sexualité), ntitangira mu bugimbi gusa ahubwo ihera umuntu akivuka.»

Nibwo rero nyine kuri iyo myaka ine utwo twana dutangira kwiyunvamo ikibatsi cy’ ingufu zimusunika ashakisha ikimunezeza binyuze mu rukundo (Concepts libido na Pulsion), aribwo kuri iyo myaka, abantu bambere akunda ari ababyeyi be, ariko kuri ino nshuro indoto zikabaganisha ku mubyeyi badahuje igitsina.

Aha ni naho akana k’agahungu gatangira kugira ku buryo budasobanutse urukundo kuri nyina, ku buryo kadasobanukirwa (inconsciemment) ukabona gafite imyitwarire iganisha kumufata nk’umufasha wako, ari nako katihanganira se umubyara cyangwa se undi w’igitsinagabo ugize icyo amwifuzaho. Ariko na none mu buryo bumwe cyangwa ubundi uko iminsi igenda yigira imbere agakomeza gutinya se, kuko aba yikanga ibihano bikomeye se yamuha, ndetse birimo no kumushahura, cyane cyane ko aba yarabonye ko hari abandi bana batagira igitsina nk’icye (abakobwa) akibwira ko ari ko byabagendekeye. Ibijyanye no gufuha bigatangira ubwo.

Albert Gakwaya asobanura ko FREUD SIGMUND na JACQUE LACAN bagerageje guhuriza ko iryo fuha riba rishingiye ku bwoba bwo gutwarwa uwo bafata nk’ubanezeza.

Ariko ibyo ntibitinda bigenda bigabanuka uko ababyeyi bagenda babagarura mu murongo ukwiye, babunvisha ko Maman ari umufasha wa Papa, ndetse ko Papa nawe ari umufasha wa Maman, ariko ko bose bamukunda cyane kuko ari uvutse ku rukundo rwa bombi.

Ndetse aho niho bihera umuhungu atangira gufata ise nk’ urugero rw’icyitegererezo n’umukobwa gutyo agatangira kongera kwunva nyina akanamwigiraho byinshi nk’icyitegererezo cye.

Muri iriya myaka, cya kibatsi kigenda kigabanuka cyane kigana ahandi kuko aba yatangiye kwinjiza muri we ubumenyi butandukanye, bitewe nuko ari bwo atangira ishuri, rigatangira kumusabagiza, agatangira kumenya abandi bana, hagatangira imibanire mu bantu, imikino, ariko cyane cyane ibijyanye amasomo bikamufata umwanya utari muto mu bitekerezo bye.

Albert Gakwaya asoza aka gace avuga ko guca muri biriya byiciro ari ingenzi cyane kuko byubaka, bikanatoza umwana kugenda yivumbura, agenda yongera ubumenyi anyuze mu magerageza atandukanye, akamenya za kirazira, gukoresha ubwenge ahunga icyo yikanga cyaturukaho ibihano byamugiraho ingaruka zikomeye n’ibindi.

Agira ati «Nibwo cya kibatsi gihwekera kikazongera kugaruka ku myaka hagati y’ 10 na 11 kuzamura ariko kitamwerekeza ku gukunda umubyeyi w’igitsina badahuje ahubwo abiganisha ku bandi batari abo mu muryango we, ari nako akomeza kuba mu mihangayiko y’imihindagurire y’umubiri we n’imitekerereze.

Nyuma gato mu myaka 12 kuzamura aha aba yaratangiye kwihagararaho ashaka kwerekana ko abantu bakwiriye guhindura uko bamubonaga n’ibindi. Hakazamo na none guhangana noneho n’umubyeyi bahuje igitsina.

Nyuma gahoro gahoro ni bwo aba arimo gushaka uwo yifuza kuzasa nawe mu bihe bizaza (figure d’identification) cyane cyane ahereye kubabyeyi.

Ingaruka zo kutanyura muri biriya byiciro uko bikwiye

Impuguke mu by’imitekerereze ya muntu Albert Gakwaya, avuga ko iyo umwana afashwa nabi mu mezi ye yambere y’ubuzima biriya byiciro akabinyuramo ahangayitse cyane, nta mutuzo yifitemo, nta muntu yizera, ndetse kenshi kiriya kibatsi iyo kimufashe rimwe na rimwe akaba yagendanirako, akaba yakiganisha ahamworoheye.

Agira ati «kuko nta cyizere aba yifitemo, ndetse akanirinda no gukosorwa kuko bimugora bitewe n’uko we aba yarakomeretse, aba kenshi yarakwamiye muri kwagushakisha ibyibanze agakomeza kwizirika k’umufasha, iyo hatabayeho ubufasha bumugorora akiri muto.»

Gakwaya avuga ko iyo uyu mwana akuze hari byinshi bimuvuna, nko kubana n’abandi, kwirinda guhanga by’indengakamere, gutinyuka gufata ibyemezo bisanzwe mu buzima, nko kumenyera umuhangayiko w’ubuzima; kuzanzamuka nyuma yo guhura n’amakuba; kuzanzamuka wafashwe n’agahinda k’umurengera n’ibindi.

Umuntu uwari we wese yarwara imvuvu hatitawe ku myaka afite, cyangwa aho atuye. Akaba ari yo mpamvu kumenya uburyo bwo kuzirinda ari ngombwa.

Hari uburyo bworoshye wakoresha uri mu rugo ukivura imvuvu ndetse no gucika kw’imisatsi.

1. Ikinini cya aspirin

Ufata ikinini cya aspirin ukagisya ugashyira ifu muri shampo ukabisiga mu mutwe ukabireka iminota itanu kugirango byinjire mu ruhu, nyuma yaho ugakaraba.

2. Umutobe w’indimu

Ufata umutobe w’indimu ugasiga ahari imvuvu ukabireka mu gihe k’iminota 15 nyuma ukamesa mu mutwe.

3. Indimu n’igikakarubamba

Ufata igitunguru imwe, igikakarubamba n’ikiyiko kimwe cy’amavuta ya olive. Ukamura igitunguru amazi avuyemo ukayavanga nayo mugikakarubamba warangiza ugasukamo ikiyiko cy’amavuta ya olive, urwo ruvange ukarusiga mu mutwe ukabirekeramo mu gihe kiri hagati y’iminota 15 na 20, nyuma ugafurishamo shapo. Ibyo ubikora byibura kabiri mu cyumweru kugirango bitange umusaruro.

4. Amavuta ya COCONUT

Aya nayo afasha cyane mu kurwanya imvuvu. Mbere yo koga mu mutwe wajya ubanza kuyasigamo.

5. Umutobe wa pome na vinegre

Ufata pome ugakamuramo umutobe ukavanga na vinegre ukabisiga mu mutwe buri gihe mbere yo gukarabamo byibura buri munsi.

Ubwo ni bumwe mu buryo wakoresha wivura imvuvu ariko kandi wirinda stress kuko nubwo nayo idatera indwara y’uruhu abashakashatsi bavuga ko yongera izihari. Kurya neza ibiryo bifite intungamubiri ihagije ndetse n’imbuto kuko umusatsi udafite vitamine nawo ucika. Ibyo byose bizatuma ukomeza gusa neza.

Yabigarutseho muri gahunda ya Polisi y’ Igihugu y’ukwezi kw’ibikorwa bya Polisi na gahunda y’ubukangurambaga bwa Gerayo Amahoro. Iyo gahunda mu Mujyi wa Kigali yabereye kuri stade i Nyamirambo tariki 06 Kanama 2019, ahari hateraniye abamotari bo mu bice bitandukanye by’Umujyi wa Kigali, abamotari bashishikarizwa gukora kinyamwuga.

Perezida w’abamotari muri koperative bahuriyemo ya FERWAKOTAMU Ngarambe Daniel yashimiye abamotari bagenda bahinduka, bikagaragaza ko ubukangurambaga butanga umusaruro.

Yagize ati “Turashimira abamotari kuba bakomeje kugenda bahindura imyitwarire yo kwiba abanyamahanga.”

Ngarambe Daniel yakomeje avuga ko ubu umumotari wese agomba kujya mu isibo mu rwego rwo kubasha gukurikiranira hafi ibibazo bahura na byo ndetse n’uwakoze nabi akamenyekana mu buryo bworoshye.

Ati “Kwimuka aho wakoreraga ukajya mu kandi gace bizajya bigusaba uruhushya uhabwa n’uhagarariye koperative ubarizwamo kandi buri mumotari azajya ahabwa ikarita imuranga.”

Umuvugizi wa Polisi mu Mujyi wa Kigali, CIP Umutesi Marie Goretti yagize ati “Nk’uko mubyivugira mu kivugo cyanyu, buri wese nabe ijisho rya mugenzi we, mwirinde ibiyobyabwenge kugira ngo umugenzi mumugezeyo amahoro. Biri muri gahunda ya polisi y’igihugu gukumira icyaha mbere y’uko kiba, ibyo kandi ntabwo twabyishoboza mutabigizemo uruhare.”

CIP Umutesi yakomeje asaba abamotari kugira isuku kugira ngo yaba umumotari cyangwa umugenzi bagire umutekano mu gihe bari mu rugendo.

Umuyobozi wungirije w’ishami rya Polisi rishinzwe umutekano wo mu muhanda, CSP Gerard Mpayimana, mu ijambo rye yashimiye abamotari ko bagenda bashyira mu bikorwa amahugurwa bahabwa, avuga ko nibikomeza kugenda neza bazagera ku rwego rwo guhabwa icyemeza ko bize kandi basobanukiwe ibijyanye n’umutekano wo mu muhanda.

Yakomeje avuga ko ubutumwa polisi yageneye abamotari harimo gukomeza kubahiriza amategeko y’umuhanda by’umwihariko guhagarara bageze mu mirongo abanyamaguru bambukiramo, kudatwara ibitemewe, kutikorera imizigo batemerewe, kwibutsa abagenzi kwambara ingofero irinda impanuka (casque) ndetse no kwirinda gutwara umugenzi urenze umwe(gutendeka).

Abanyamaguru na bo barasabwa korohereza abamotari, ntibabasabe kubihutisha. Abagenzi baba bari kuri moto kandi basabwa kwirinda gukoresha telefone bari kuri moto kuko biteza impanuka.

Ubwo abitabiriye amahugurwa bafataga ifoto y’urwibutso hamwe n’abayobozi

Padiri Dr. Hagenimana Fabien yavuze ibi kuri uyu wa kane tariki 18/07/2019 ubwo hasozwaga amahugurwa y’iminsi ine ku bunyamwuga bw’abunganira abandi mu mategeko, haba abari mu mwuga n’abakiri kuwiga, amahugurwa yateguwe na INES Ruhengeri ku bufatanye n’izindi kaminuza zo muri Ghana, US na UK.

Padiri Hagenimana ati “Iyo umunyeshuri afite ubushobozi burebana n’amikoro hanze arabikora. None kuba dufite abafatanyabikorwa bari hanze ni ibintu byoroshye, cyane cyane nk’ishuri ryo muri Ghana ryigisha ibirebana n’amategeko biroroshye cyane koherezayo umunyeshuri”.

Kayumba Florence, umwe mu banyamategeko bitabiriye aya mahugurwa, avuga ko aya mahugurwa yatumye abasha gutyaza ubwenge mu birebana n’ibyo yari yarize muri Kaminuza, nko kuburanira ababagana, kugira inama ababagana mbere yo gutanga ibirego n’ibindi.

Ati “Mu mahugurwa nk’aya ubasha gusangira ubunararibonye n’abo mukora umwuga umwe baturuka hirya no hino. Buri munyamategeko akwiye kwitabira aya mahugurwa byibura rimwe mu buzima”.

Jean Pierre Habarurema, umushinjacyaha mu bushinjacyaha bukuru, yashimiye abateguye aya mahugurwa, avuga ko amasomo batanze atanga ikizere cy’uko uyu mwuga uzakomeza gutera imbere mu gihugu.

Aya mahugurwa yitabiriwe n’abantu 72 baturuka mu bihugu 12 ari byo Afurika y’Epfo, Ghana, Kenya, Lesotho, Uganda, Nigeria, Zimbabwe, Cameroun, Tanzania, Gambia ndetse n’u Rwanda.

Prof. Sam Rugege

Prof. Rugege yavuze ibi ku wa mbere tariki 15 Nyakanga 2019, ubwo hatangizwaga amahugurwa y’abunganira abandi mu nkiko ndetse n’abiga uyu mwuga baturuka mu bihugu 12, amahugurwa arimo kubera mu mujyi wa Kigali.

Prof. Rugege yagize ati “Abavoka cyangwa se abandi bakora ibijyanye n’amategeko bagomba kumenya uko bitwara, uko bafata ababagana, bakamenya ibyo bagomba kwirinda, uko bagomba kwitwara mu rukiko, batanga inama ku bantu batandukanye, harimo imyitwarire yo kwirinda ruswa, bakavugisha ukuri, kuba inyangamugayo n’ibindi bijyanye n’imyitwarire myiza y’abavoka.”

Aya mahugurwa arebana n’imyitwarire ya kinyamwuga y’abantu bakora mu by’amategeko yateguwe na INES Ruhengeri, ku bufatanye n’izindi kaminuza zo hanze ya Afurika no muri Afurika nko muri Ghana no muri Amerika.

Umuyobozi wa INES Ruhengeri, Padiri Dr Hagenimana Fabien yagize ati “Ntabwo ushobora kuzagira icyerekezo udafite abantu b’abanyamategeko basobanutse. Afurika ikunze kuregwa ruswa. Ni ubwa mbere aya mahugurwa abereye mu Rwanda. Ni mu rwego rwo gutanga umusanzu wacu mu kunoza uyu mwuga.”

Yakomeje agira ati “Icyaha cya ruswa kigira ingaruka ku baburanyi, akenshi hakagira uruhande rubihomberamo. Kigira ingaruka kandi ku muryango, ku mafaranga Leta yinjiza, ku mafaranga yakabaye akoreshwa mu bucuruzi n’ibindi. Amafaranga ajya muri ruswa haba harimo kurenganya abantu, gusesagura umutungo wakabaye ukoreshwa mu bindi fitiye akamaro igihugu muri rusange.”

Umwe mu bitabiriye aya mahugurwa wavuye muri Ghana, yavuze ko kuba baraje mu Rwanda atari uko hari ikibazo cy’ubunyamwuga mu Rwanda.

Yagize ati “Kuba twaraje mu Rwanda mu gihe ubuheruka twari muri Ghana, ni uko u Rwanda ari intangarugero muri byinshi. Ntawe utazi ko u Rwanda ari intangarugero muri Afurika. Ni nk’aho u Rwanda ari Dubai ya Afurika. Hari ibintu byinshi biri kubera hano.”

Aya mahugurwa yitabiriwe n’abantu 72 baturuka mu bihugu 12 ari byo Afurika y’Epfo, Ghana, Kenya, Lesotho, Uganda, Nigeria, Zimbabwe, Kameruni, Tanzania, Gambia ndetse n’u Rwanda.

’Urubyiruko Dufitanye’ igihango ni kimwe mu bitabo byanditswe na Hategekimana Richard uhagarariye urugaga rw’abanditsi mu Rwanda

Kigali Today yaganiriye n’umwanditsi witwa Bavugempore Jean De Dieu wanditse ibitabo nka ‘Kajangwe yitura Imbeba’ cyasohotse mu mwaka wa 2017 ndetse n’ikindi cyitwa ‘Impano iturutse i Bwami’ cyasohotse mu mwaka wa 2016.

Avuga byinshi bahura na byo mu mwuga bakora aho agira ati “Umuco w’Abanyarwanda wo kudasoma uri mu bituma ibyo dukora bitamenyekana. Nigeze kugerageza kujya menyekanisha ibitabo ariko hakabura abaza kandi biba bihenze ibyo binca intege ndabihagarika. Ikindi tubura abadutera ingabo mu bitugu ngo byibura bashime n’ibyo twakoze naho batabigura.”

Bavugempore yakomeje kandi avuga ko abantu bahitamo kwirebera televiziyo n’ibindi ariko badafata gusoma nka kimwe mu bintu bakora mu gihe baruhuka.

Ugendeye ku mateka y’u Rwanda, Abanyarwanda bakoreshaga ubuvanganzo nyemvugo na nyuma y’umwaduko w’abazungu abari barize bari bakiri bake bikuza umuco wo kudasoma. Ibi ni ibyagiye bigarukwaho n’abanditsi.

Uwitwa Hategekimana Richard uhagarariye urugaga rw’abanditsi mu Rwanda akaba n’umwanditsi w’ibitabo bitandukanye nk’ icyitwa ‘Impinduramatwara intwari Paul Kagame’ cyasohotse mu mwaka wa 2017, ‘Igihango cy’urubyiruko na Paul Kagame’ cyasohotse muri 2018 na we yagize icyo avuga ku mpamvu itera kutamenyekana kw’ibitabo by’Abanyarwanda.

Aragira ati “Kuba mu Rwanda nta mategeko agenga imyandikire y’ibitabo ni imwe mu mbogamizi duhura na zo abasomyi ntibatumenye. Uretse ko Abanyarwanda na bo bifitemo umuco wo kudasoma. Nk’ubu urugero naguha muri Karitasi abanditsi bohereje 12 bashyizeyo ibitabo ariko kugeza ubu haguzwe ibitabo 2 gusa mu myaka ibiri ishize. Ibyo ni ibikwereka ko rwose na bo baduca intege.”

Yakomeje kandi avuga ko kubera Perezida Paul Kagame ukomeza kubaha umurongo mwiza bizabafasha gukomeza kubona inganzo nziza yo kwandika, icyakora avuga ko hari n’abatamenyekana kubera ireme ry’ibyo bandika.

Mu Rwanda hari urugaga rw’abanditsi (Rwanda writers federation) rwashinzwe muri uyu mwaka wa 2019 mu kwezi kwa Gashyantare. Rugizwe n’abanyamuryango 83. Kurujyamo nta kindi bisaba uretse kuba uri umwanditsi kandi wandika ibintu bifite ireme by’umwihariko ukaba warasohoye byibura igitabo kimwe.

Ishimwe asobanura uko bakora burete bahereye ku mboga-rwatsi

Aba banyeshuri kandi banavumbuye uburyo bwo gukora tofu iva muri soya, ikundwa cyane n’abatarya inyama kandi ikagira intungamubiri nk’iz’inyama.

Aba banyeshuri berekanye ibikorwa byabo mu imurikagurisha ry’ibikomoka ku buhinzi n’ubworozi, ryaberaga ku Murindi mu mujyi wa Kigali, mu kwezi gushize kwa Kamena 2019.

Valentin Ishimwe Yizerwe, umunyeshuri muri Kaminuza yasobanuye uburyo bakora burete mu mboga rwatsi ndetse no muri soya ku batarya inyama.

Yagize ati “Twe dufata imboga za dodo, epinari, perisire, tungurusumu, karoti, puwaro n’ibitunguru bitukura tukabivanga n’inyama ziseye z’inka, tugakoramo burete”.

Imboga zitandukanye zivamo burete zifite intungamubiri nyinshi

Naho ku bantu batarya inyama dufata tofu iva muri soya igasimbura za nyama tukayivangamo izo mboga nyuma hakavamo burete zikozwe mu nyama ndetse no muri tofu”.

Uyu munyeshuri agaragaza akamaro k’imboga, akavuga ko zigira vitamine c, kandi kuba zivanze n’inyama bigakabanya ingaruka mbi ziterwa n’inyama zitukura, ikindi ku bantu badakunda kurya imboga ubu buryo burabafasha kubera ko ushobora no kuzikoramo isosi ukaba wayirisha ikindi kintu.

Izo burete zifite ubushobozi bwo kumara hagati y’iminsi ine n’itandatu zibitswe ahantu humutse (dry place).

Abantu bose bemerewe kuzirya, cyane cyane abana n’abari mu zabukuru kubera intungamubiri nyinshi zifitemo, by’umwihariko zoroshye kurya.

Izi burete zikoze mu mboga na tofu

Aba banyeshuri bavuga ko bataratangira gucuruza izo burete cyangwa tofu bakora, uretse gusa ku baturiye ishuri bigamo.

Burete imwe ikoze mu nyama igura amafaranga 300 y’amanyarwanda, naho ku zikoze muri tofu ni imwe ikagura amafaranga 200.

Izi burete zikoze mu mboga n’inyama

Umwe mu babyeyi bakora ako kazi twamwise Mukamana kuko atifuje ko amazina ye ashyirwa mu itangazamakuru. Mukamana arubatse, akaba afite umugabo n’umwana umwe. Akazi ko gukubura mu muhanda agakorera mu Murenge wa Remera mu Kagari ka Nyarutarama mu Karere ka Gasabo.

Mukamana avuga ko akazi ko gukubura mu muhanda kamutunze. Yasobanuye uko umunsi we uba uteye, ati “Ubundi jyewe mbyuka saa kumi n’igice za mu gitondo, ngateka ku buryo saa kumi n’imwe n’igice mba ndagije gutunganya ibyo mu rugo n’ibyo umwana akenera mbere y’uko ajya ku ishuri ngahita njya ku kazi kubera ko gatangira saa kumi n’ebyiri.”

Ati “Ubwo umwana ajyanwa na se ku ishuri kubera ko we yikorera agenda hakeye. Iyo ngeze ku kazi kanjye rero ntangira gukubura bitewe n’aho bangeneye, nyuma tukaza kurunda ibinshingwe hamwe bigatwarwa n’imodoka ibishinzwe.”

Yasobanuye uko ibihumbi 40 bimubeshaho muri Kigali
Mukamana yasobanuye uburyo umushahara we ungana n’ibihumbi mirongo ine by’amafaranga y’u Rwanda (40,000 Frw) umufasha mu mibereho ye ya buri munsi n’umuryango we muri Kigali benshi bemeza ko ubuzima bwaho buhenze.

Yagize ati “Rwiyemezamirimo udufite mu nshingano aduhembera igihe ntabwo turenza tariki eshanu z’ukundi kwezi tutarabona amafaranga. Urumva umwana wanjye yiga mu ishuri riciriritse ariko akiga mu mafaranga mpembwa. Mbasha gukuramo imyambaro, umwana wanjye nkamugurira ibikoresho by’ibanze akenera ndetse nkabasha no guhahamo, nkishyurira mituweli umuryango wanjye ibindi na byo umugabo na we akabikora.”

Mukamana avuga ko akazi ko gukubura mu muhanda bagasoza saa kumi z’umugoroba, yava mu kazi akerekera iwe mu rugo agakurikizaho ibijyanye no kwita ku muryango we ndetse akagira igihe gihagije cyo kwitegura akazi ku munsi ukurikiyeho. Muri rusange, Mukamana garagaza ko imikorere yo mu kazi kabo nta mbogamizi nyinshi ayibonamo. Ati “Nk’ubu duhabwa umunsi umwe wo kuruhuka mu cyumweru wihitiyemo. Ikindi navuga ni uko batworohereza kuko iyo usabye gukorera hafi y’aho utaha barabikwemerera. Urumva rero ko borohereza abakozi.” Urabona umuntu afite agasura, mbega ntacyo twabashinja agashahara kazira igihe bigatuma natwe dukorana courage (umwete).”

Ikintu uyu mubyeyi asaba Abanyarwanda bagenzi be ni ukwikuramo ubunebwe kandi bakumva ko akazi kose ari akazi kandi katunga umuntu na we akiteza imbere ntahore ategereje umuha.

Umugore utwite ntakwiye kunywa inzoga

Ubushakashatsi bwakozwe na kaminuza yo muri Leta zunze ubumwe za Amerika “Emory”, bwagaragaje ko umugore utwite unywa inzoga bigira ingaruka ku bwonko, ku mutima, ku maso, ku matwi, amaguru, amaboko, amenyo ndetse no ku gitsina cy’umwana.

Uko intanga ikura niko inzoga ikwira hose bigatinza gukura k’umwana utaravuka ku buryo yagira ingaruka ku mubiri inyuma ndetse no ku bwenge.

Ingaruka umwana utaravuka ahura na zo mu gihe nyina anywa inzoga amutwite

–  Umubyeyi unywa inzoga atwite ashobora gutuma umwana uri mu nda avukana ibiro bidahagije.

–  Umwana ashobora kuvuka igihe kitageze.

–  Umwana ashobora kuvukana ibibazo byo kutumva ndetse n’ikibazo cy’umutima .

–  Umwana kandi ashobora kuvuka afite umutwe muto cyane

–  Umwana ashobora kugira ingingo zimwe na zimwe zitakuze

Izindi ngorane umwana yahura na zo harimo kuba yibagirwa vuba, kunanirwa kwiga, gutinda kuvuga, ubwenge buri ku kigero cyo hasi ndetse no kuba atabasha gusobanura ibintu neza. Umwana agira imyitwarire itari myiza kandi nanone ashobora kigira ibibazo by’amagufa n’impyiko.

Umwana kandi ashobora kugira ibibazo byo mu mutwe, nko kurakara cyane no kwigunga. Ashobora no kutabasha kugenzura imyitwarire ye haba mu rugo cyangwa ku ishuri.

Hari abaterwa ipfunwe no kugura agakingirizo mu ruhame

Abenshi bibaza ibibazo byinshi, harimo uburyo bagenzi babo babafata cyangwa ishusho basigarana babonye bakagura.

Hari n’abifashisha izindi mvugo birinda ko hagira umenya icyo bashaka kuvuga mu mwanya w’udukingirizo bakatwita amazina nka ‘godiyo’, ‘contre choc’, ‘umurindankuba’, ‘gorilosi’, ‘agafuka’ n’andi menshi.

Muri iyi nkuru, Kigali Today yaganiriye n’abantu batandukanye, batanga ibitekerezo byabo ku buryo bunyuranye ugura cyangwa ugurisha udukingirizo yitwara.

Ku ruhande rumwe, hari abacuruza udukingirizo bavuga ko hari abaza kutugura nta kibazo bafite, ariko hakaba n’abavuga ko hari abaza kutugura badashaka ko hari undi ubimenya.

Ku rundi ruhande, hari abagura udukingirizo bavuga ko nta pfunwe bibatera, hakaba n’abajya kutugura bikandagira, ndetse bikabasaba guhindura inyito yatwo.

Farumasi yitwa ‘Conseil’ ikorera i Nyarutarama ni hamwe mu bakira abantu bagura udukingirizo benshi, by’umwihariko mu minsi y’impera z’icyumweru (week-ends).

Umwe mu bayikoramo yagize ati "Twe abakiriya duhura na bo nta kibazo baba babifiteho kuko baba ari abasirimu basobanukiwe impamvu bagashaka, kandi abenshi ni abanyamahanga. Nta n’izina batwitirira (udukingirizo) baza bavuga ‘durex’ (ubwoko bw’agakingirizo).

Gusa kuko mba ntekereza ko abandi bakiriya bamwibazaho mpitamo kuzimufungira ntabyerekana ku buryo ntawumenya icyo muhaye”.

Yakomeje avuga ko abantu babisobanukiwe cyane kuko basigaye bagurira rimwe iz’icyumweru nk’ipaki irimo 12 cyangwa 10.

Bamwe mu bagura udukingirizo bavuga ko iyo bagiye kutugura bashobora gukoresha imvugo izimije kugira ngo abandi batamenya icyo bashatse kuvuga.

Uwitwa Emmanuel, umwe mu bakunze kugura udukingirizo avuga ko abantu bafata ugura agakingirizo nk’indaya, ikaba ari yo mpamvu iyo agiye kukagura akoresha imvugo izimije.

Ati “Mperutse kujya kukagura nsanga muri butike harimo abantu mba ntegereje ko bagenda mbona kukagura. Ariko ntekereza ko uri umugabo ufite urugo nta kibazo byagutera wagenda ubaza ngo mpa twa tuntu baringanirisha urubyaro”.

Umucuruzi wa butike utarashatse ko dutangaza izina rye, yagize ati "Abantu bagura udukingirizo bakiri urubyiruko nta kibazo baba bafite ahubwo usanga ababyeyi badukoresha mu kuboneza urubyaro ari bo bitorohera kuza kutugura, ubona bafite isoni mbega ukabona yabuze uko atuvuga mu ibanga”.

Umwe mu bamotari wemereye Kigali Today ko ajya agura udukingirizo, ati “Njye agakingirizo ndagakunda kuko gatuma ntatera inda ntateguye kakamfasha kwirinda kuba nakwandura indwara. Njya kukagura nta kibazo mfite n’iyo mbonye ukagura mpita mbona asobanutse rwose”.

Naho uwitwa Mukamana Judith ati "Nta kibazo mbona ku bantu bagura agakingirizo kuri njye baba basobanutse nubwo ntako ndagura ariko ngize impamvu zituma ngakenera najyayo nta kibazo mfite”.

Kigali Today kandi yaganiriye n’abakorera mu tuzu dutangirwamo udukingirizo ku buntu, bavuga ko babona ababagana baza nta soni bafite.

Umwe mu bakorera ku kazu kari i Remera yagize ati "Twe abantu batugana ubona abenshi nta kibazo cy’isoni bafite, ariko iyo hakiri ku manywa haza bake bake, byagera ku mugoroba bakaza ari benshi ku buryo nshobora kwakira abantu barenga 30, bakikuba kabiri cyangwa bakanarenga mu mpera z’icyumweru”.

Avuga kandi ko abantu bamwe bita udukingirizo andi mazina ahanini ugasanga ari isoni zo kwanga kutuvuga mu izina.

Ati “ugasanga aravuze ngo kampase mwana (kampe mwana)”.

Amaribori ubundi ni uturongo tugaragara mu ibara ritandukanye n’iry’umubiri usanzwe, duhagaze cyangwa dutambitse. Yibasira ibice bimwe na bimwe by’umubiri nko ku mabere, ku maboko, ku nda ,ku mugongo, ku kibuno ndetse no mu ntege.

Ni iki gitera amaribori?

Nk’uko tubikesha www.webmd.com hari amaribori aterwa no kubyibuha byihuse ugahita ubitakaza cyangwa ku bana bavumbutse b’abangavu n’ingimbi. Gutwita na byo bitera amaribori ku nda kubera ko umubiri uba wa kwedutse. Hari abandi bakora siporo, imihindagurikire y’umubiri wabo ikabatera kugira amaribori.

Hari kandi n’amaribori aterwa n’indwara yitwa Cushing iterwa n’imisemburo myinshi ndetse n’indi yitwa Marfan umuntu akura ku ruhererekane rw’imiryango. Iyo ndwara ica intege uruhu bikarutera gukura bidasanzwe.

Ku bantu biyongeresha amabere na byo bitera amaribori( breast implant surgery).

Dore uko wakwivura amaribori

Urubuga rwa Interineti www.stephealth.com ruvuga ko bitewe n’urugero amaribori ariho hari aho adahita agenda, bigasaba igihe kugira ngo ashire ku mubiri. Ibyo bisaba ko umuntu amenya urugero amaribori ye agezeho kugira ngo amenye uburyo yakoresha akabasha kuyivura.

Indimu n’amavuta ya Olive

Uburyo bwa mbere umuntu ufite amaribori yakoresha yivura ni indimu n’amavuta ya Olive. Aha umuntu ufite amaribori afata igice cy’indimu agasiga aho amaribori ari mu gihe cy’iminota 10 yarangiza agasigaho amavuta ya Olive akanogereza na none indi minota 10.

Gukoresha imizabibu

Ufata isahani ukanomberaho imizabibu utabanje kuyitonora warangiza ugasukaho yawurute (yoghurt) y’amagarama 200 hanyuma ukavanga neza ukabisiga ahari amaribori hose ugategereza iminota 20 mbere yo kugakaraba n’amazi akonje.

Igikakarubamba

Igikakarubamba na cyo kirakoreshwa. Usiga ku maribori nyuma yo gukaraba buri munsi, bigeraho bigashira.

Amavuta ya Coconut na yo umuntu ufite amaribori ayasiga ahantu hose amaribori ari bigashira vuba cyane. Ibyo abikora buri munsi keretse ayo mavuta abaye amugiraho ingaruka.

Hari siporo umugore utwite yakora ndetse n’izo atemerewe cyane ko abenshi batekereza ko ubusanzwe umugore utwite aba akwiye kwigengesera.

Hari siporo abagore batwite bemerewe kandi buri wese yakora hatitawe ku ngano y’umugore cyangwa uko inda yaba ingana kose.

Young Grace avuga ko siporo zimufasha kumererwa neza muri iki gihe atwite, no kwitegura kubyara neza

Umwe mu bagore batwite waganiriye na Kigali Today ni uwitwa Abayizera Marie Grace, wamamaye ku izina rya Young Grace, dore ko asanzwe ari n’umuhanzikazi mu njyana ya RAP.

Asobanura uko afata siporo ndetse n’ibyiza byayo kuri we nk’umugore utwite, ati “Umuntu utwite agira siporo akora ariko zoroheje. Kuri jye bituma numva mfite ubuzima bwiza kandi nta bunebwe, nta munaniro ikindi biragufasha bituma n’umwana agubwa neza kandi bigufasha no mu kubyara birihuta.”

Young Grace kandi yagize icyo avuga ku bantu batekereza ko gukora siporo byaba bibangamira umwana. Ni byo yakomeje asobanura ati “Gukora siporo utwite ni byiza, gusa hari abantu bagira ubwoba ariko nyamara hari izo umuntu yakora ntizimubangamire.

Nkanjye izo nkora ndoga. Iyo uri mu mazi umwana agubwa neza cyane ko n’abaganga babikugiramo inama. Hari n’ubundi buryo ushobora kugorora umubiri bitabangamiye umwana kandi burya iyo umwana abangamiwe uba ubyumva.”

Uburyo bukurikira buri mugore utwite yabukoresha akora siporo uko inda yaba ingana kose

Usibye ubu buhamya bwa Young Grace (umwe mu bagore batwite), hari n’ubundi buryo bwafasha umugore utwite gukora siporo nk’uko bigaragara ku rubuga rwa Internet www.umutihealth.com.

Hagarara iruhande rw’intebe ndende ufatisheho ikiganza noneho akandi kaboko ugafatishe ku kibero cy’ukuguru biri kumwe. Tandukanya amaguru ariko ku buryo budakabije gusa uko inda ikura niko usabwa kurushaho kuyatandukanya. Manuka buhoro nk’ugiye gusutama ariko wemye, udahese umugongo, wongere uzamuke uhagarare wemye.

Mbere yo kuzamuka, banza wegeranye imbaraga noneho ka kaboko gafashe ku ntebe ube ariko wishingikirizaho uzamuke neza. Iyi siporo ifasha mu gukomeza inyama z’ibibero n’amatako ndetse igatuma n’ikibuno kimera neza. Ikindi ni uko ituma umubiri ugira uburinganire.

Hazamo kandi n’ubundi buryo buzwi nka push up (pompage)

Mera nk’ugiye gukambakamba, ariko upfukamye. Noneho wishingikirije ku nkokora, ni ukuvuga igice cy’ukuboko cyo hepfo cyose kiri hasi, urambure amaguru uyajyana inyuma. Umubiri wawe ube ugororotse n’amaguru arambuye neza ashinze ku mano kandi ntiwikomeze mu nda.

Witsa nka kabiri cyangwa gatatu, gusa ushoboye wanageza kuri gatanu, ukagarura amaguru imbere (upfukamye) noneho wamara kuruhuka ugasubiramo. Ubikora inshuro ubashije. Iyi siporo ikomeza inda, amaboko n’umugongo.

Izindi siporo umugore utwite yakora kandi harimo koga muri pisine kuko bifasha kutababara umugongo kandi ingingo zose z’umubiri zigakora.

Kugendagenda gake ariko ukirinda kwinaniza. Ibi bifasha amaraso kuzenguruka mu mubiri neza.

Kubyina ariko ukabikorera ahantu wisanzuye ku buryo batagucura umwuka`
Hazamo no kunyonga igare, ariko ibi bikorwa igihe inda ikiri nto ukabihagarika igihe itangiye kuba nini.

Urundi rubuga rwa Interineti www.babycentre.com rwo rwerekana ibyo uba utemerewe gukora muri siporo igihe utwite. Muri byo harimo;

Kwirinda gutangirana siporo imbaraga nk’umuntu ubimenyereye, ahubwo rukavuga ko ukora gake gake ukurikije uko wiyumva.

Birabujijwe kujya nko muri Sauna cyangwa mu mazi ashyushye. Muri make ukurikiza uko umubiri wawe uri kuwumva kugira ngo umenye igipimo cy’ubushyuhe udakwiye kujyamo.

Nyuma y’ibyumweru 16, ntabwo byemewe na rimwe ko umugore utwite akora abdomino (sit-ups), cyangwa siporo yose akora agaramye ngo azamure amaguru kuko byamutera kugwa hasi cyangwa n’isereri.

Ukwiriye kandi kwirinda gukora siporo zatuma habaho ingorane zo gukubitwa umupira mu nda. Muri zo harimo Football,Netball,Rugby cyangwa Boxing.

Umutoni Nadine(hagati), Dr. Anita Asiimwe (ibumoso) n’umuyobozi ushinzwe gahunda y’imbonezamikurire muri UNICEF Rwanda baganiriye n’abanyamakuru ku mbonezamikurire y’abana bato

Ibibazo abana bahura na byo kubera imirire mibi, imbogamizi ndetse n’ingaruka ziterwa n’icyo kibazo ni byo byibanzweho muri icyo kiganiro. Icyo kiganio kandi cyagarutse no ku bibazo byagaragaye mu bushakashatsi ku igwingira ry’abana bwakozwe mu mwaka 2015. Ubwo bushakashatsi bwerekanye ko abana bangana na 38% bari munsi y’imyaka itanu bafite ibibazo byo kugwingira.

Umuhuzabikorwa wa Porogaramu y’Igihugu y’Imbonezamikurire y’abana bato, Dr. Anita Asiimwe, yavuze ko ikibazo cy’abana bafite imirire mibi kigenda kigabanuka.

Ati “Ubushakashatsi bukorwa nyuma y’imyaka itanu. Ntabwo harongera gukorwa ubundi ariko nubwo igihe kitaragera tugenda tubona igabanuka ry’uwo mubare.”

Yakomoje no ku kibazo cy’ifu igenewe abana izwi ku izina rya shisha kibondo ariko ababyeyi bakayigurisha. Dr. Anita Asiimwe yasobanuye ko icyo kibazo cyo kugurisha amata na cyo cyagabanyije ubukana kubera ubukangurambaga bwakozwe, ababyeyi bagashishikarizwa kubicikaho kuko baba bangiza ahazaza h’abana babo.

Muri icyo kiganiro, abanyamakuru bamenyeshejwe ko Minisiteri y’ Uburinganire n’Iterambere ry’Umuryango (MIGEPROF), ibinyujije muri Porogaramu y’Igihugu y’Imbonezamikurire y’abana bato (NECDP) n’abafatanyabikorwa bayo , bateguye inama mpuzamahanga y’iminsi ibiri ku mbonezamikurire y’abana bato izabera i Kigali ku matariki ya 11 na 12 Kamena 2019.

Iyo nama ifite insanganyamatsiko igira iti “Kwita ku myaka ya mbere y’ubuzima bw’umwana,ni inkingi y’ubushobozi azagira namara gukura.”

Umwihariko w’iyi nama ni uko izaba ari mpuzamahanga ikaba yaratumiwemo abantu babarirwa muri 350 barimo abo mu Rwanda. Abatumirwa bo mu Rwanda bazaturuka mu nzego nkuru za Leta, inzengo z’ibanze, iz’abikorera, imiryango itegamiye kuri Leta, abaturutse muri za kaminuza, abanyamadini n’amatorero, ndetse n’itangazamakuru.

Abazitabira inama baturuka mu mahanga harimo abo muri Repubulika Iharanira Demukarasi ya Kongo (RDC), u Butaliyani, Malawi, Uganda, Zambiya, u Bwongereza, Nigeria, Senegal, Seychelles, Tanzania ndetse na Leta Zunze Ubumwe za Amerika.

Iyi nama izajya itegurwa buri myaka ibiri. U Rwanda ruyitezeho umusaruro uzatuma rurushaho kwihutisha ibikorwa na serivisi zose zigamije imibereho n’imikurire myiza y’abana bato. Iyi nama kandi yitezweho guhuza abafatanyabikorwa n’izindi nzengo zaba izo mu Rwanda no mu mahanga kugira ngo basangire ubunararibonye kandi bafatire hamwe ingamba zo guteza imbere imbonezamikurire y’abana bato.

Mu Rwanda, gahunda y’imbonezamikurire y’abana bato ihera igihe umwana asamiwe mu nda ya nyina kugera agejeje imyaka itandatu y’amavuko.

Urubuga medicalnewstoday.com ibiryo bikungahaye mu ntungamubiri birinda indwara y’amaso kandi ukarushaho no kureba neza nta mbogamizi.

Dore amwe mu mafunguro yabigufashamo

Amafi

Amafi ni meza muri rusange ariko ku muntu ushaka kwirinda indwara y’amaso akwiye kurya amafi afite amavuta yazo ubwayo. Ubwoko bw’amafi wasangana aya mavuta ni Tuna, Mackerel, Salmon, Sardines.

Ubushakashatsi bwagaragaje ko umuntu ufite mu maso humye cyane cyane abantu bakoresha mudasobwa cyane ubu bwoko bw’amafi afite amavuta bubafasha kongera kuhoroshya.

Ubunyobwa

ubunyobwa ni kimwe mu bindi byinshi bifasha umuntu kuba yakwirinda indwara y’amaso kuko bukungahaye kuri vitamine E.

Imbuto

Hari imbuto zagufasha cyane kwirinda indwara y’amaso zikungahaye kuri vitamine C na E, cyane cyane abantu barwara amaso aterwa n’izabukuru. Muri izo harimo indimu ndetse n’amaronji.

Imboga rwatsi

Imboga rwatsi zifite uruhare runini mu kurinda indwara y’amaso cyane ko zikungahaye kuri vitamine C.

Karoti

Karoti nazo zikungahaye muri vitamine C ndetse nibindi byitwa beta carotene.
Vitamine A igira akamaro kanini kuko yifitemo intungamubiri zifasha imboni kwakira urumuri.

Ibijumba

Kimwe na karoti ibijumba bifite vitamine E kandi bikungahaye muri beta carotene.

Inyama z’inka

Inyama z’inka nazo zikungahaye mu byitwa zinc, ubushakashatsi buvuga ko zinc ifasha gutinza indwara ziterwa n’izabukuru nko gutakaza ubushobozi bwo kureba neza.

Inyama zimwe na zimwe nk’inkoko ndetse n’iz’ingurube nazo zikungahaye kuri zinc nubwo Atari cyane nk’inyama y’inka.

Amagi

Amagi nayo akungahaye cyane muri lutein na zeaxanthin aribyo bifasha kurwanya ibyago byinshi biterwa n’imyaka myinshi aho umuntu atangira gutakaza ubushobozi bwo kureba neza. Amagi akungahaye muri vitamine C na E ndetse na zinc.

Amazi

Amazi ni ingenzi mu buzima bwa muntu byagera ku muntu ufite ikibazo cy’amaso yumagaye birashira iyo uyannywa buri gihe.

Iri rushanwa ribaye ku nshuro ya 46, rizatangira tariki 14 Nyakanga 2019 rikazabera mu migi itanu yo muri Brasil. Amakipe 12 azahatana muri iri rushanwa harimo n’abiri yatumiwe bushyitsi ari yo Ubuyapani na Qatar.

Amerika y’amajyepfo ifite amwe mu makipe akomeye ku isi. StarTimes ivuga ko yishimiye guha abafatabuguzi bacu bagera kuri miliyoni 25 amahirwe yo kureba Messi n’abandi bakinnyi b’ibihanganye bakinira amakipe y’ibihugu byabo.

Umuyobozi ushinzwe imikino kuri startimes Shi Maochu avuga ko uretse Afurika, undi mugabane ufite abafana birekura cyane ari Amerika y’amajyepfo kandi muri uyu mwaka irushanwa riakba rigiye kubera mu gihugu cyambere mu mupira w’amaguru, ari cyo Brasil.

Ati ”Nkuko bimenyerewe mu migabo n’imigambi bya startimes, twifuza ko uyu mugabane uba intangarugero muri siporo no guteza imbere ibijyanye n’ubufatanye ndetse na serivise z’indashyikirwa.
ati “Ni muri urwo rwego, Copa Amerika Brasil 2019 yiteguye gushimisha bihambaye abafana ba Afurika mu minsi iri imbere.”

Startimes izerekana imikino ya copa Amerika yose kuri shene 5 za siporo zayo, ndetse no kuri interineti yayo no kuri telefone ngendanwa.

Startimes yegukanye uburenganzira bwo kwerekana mu cyongereza no mu zindi ndimi zo mu gice cya Afurika yo munsi y’ubutayu bwa sahara no ku bitangazamakuru byose ukuyemo igifaransa iri rushanwa, n’uburenganzira ku bavuga igi-porutigali.

Startimes iyoboye abandi mu bijyanye no gusakaza amashusho muri Afurika, ikaba itanga serivise ku bagera kuri miliyoni 25, ikaba ifite signal igera muri Afurika yose. Iyi sosiyete kandi ifite ububiko bugera ku bihumbi 12, ikagira abakwirakwiza serivisi n’ibikoresho byayo bagera ku bihumbi 11 mu bihugu 30.

Startimes yerekana amashusho y’uburyo butandukanye, kuri shene zigera kuri 480. Shene zayo zerekana amakuru, filime, amafirime y’uruhererekane, siporo, imyidagaduro na shene z’abana. Intego z’iyi sosiyete ni ugukora ku buryo buri muryango muri Afurika ubasha gutunga, kureba no gusangiza abandi ibyiza by’amashusho ya digital.

StarTimes igera kuri ibi yifashishije ikoranabuhanga rya satelite ndetse n’irinyura ku butaka rya DTV hamwe n’iryitwa OTT rifasha mu gusakara singale za digitali binyuze mu buryo budakenera imigozi. ku makuru menshi arebana na startimes wasura startimestv.com.

Iyi ndwara itera bamwe kugenda bunamye (Foto: Nairobi Spine and Orthopaedic Centre)

Ubushakashatsi bwagaragaje ko abageze mu zabukuru ari bo bakunze kwibasirwa n’icyo kibazo cyo kuvunika kw’amagufa. Izi mvune ziboneka cyane cyane mu rukenyerero, mu rutirigongo, mu bujana (aho ikiganza gitereye ku kaboko) ndetse n’andi magufa ashobora kugenda avunika.

Uretse kuba biteza ububabare buhoraho, iyo ari mu rutirigongo biviramo umurwayi guhora yunamye agatakaza n’ibiro.

Bimwe mu bitera indwara ya Osteoporosis

Mu bitera iyo ndwara harimo ibyo umuntu atakumira nk’imyaka, kuyihererekanya biturutse mu miryango cyane cyane ku babyeyi, ndetse n’uburyo amagufa aba ateyemo nko kuba ari mato cyangwa maremare.

Iyo ndwara kandi ishobora no guterwa no gufata ifunguro rituzuye, kunywa itabi, kutarira igihe ndetse no kunywa inzonga nyinshi.

Mu bice by’umubiri byibasirwa n’iyi ndwara harimo uruti rw’umugongo (Foto: Mayo Clinic)

Ishobora guterwa na none no kudakora siporo, kubura ‘Calcium’ mu mubiri, cyangwa se igaterwa no kubura vitamine D itangwa cyane cyane n’akazuba ka mu gitondo. Iyo Vitamine D ifasha amagufa ndetse n’amenyo gukomera, igafasha n’abarwara indwara zo mu ngingo.

Dore uburyo bwo kwirinda iyi ndwara y’amagufa

Muri ubwo buryo bwo kuyirinda, harimo gukora siporo ugorora ingingo z’umubiri, kugerageza guhorana ibilo (kg) biringaniye ukurikije ingano yawe, kurya amafunguro akungahaye kuri ‘Calcium’ na vitamine D, urugero, nko kunywa amata, foromaje, n’ibindi.
Kugabanya kunywa inzoga n’itabi na byo byafasha umuntu kwirinda iyo ndwara.

Ibimenyetso byayo

Indwara ya Osteoporosis igira ibimenyetso bikurikira: guhinamirana, kuvunika kw’amagufa bya hato na hato, no kuvunika kw’inzara ntakizivunnye.
Mu bindi biranga iyo ndwara harimo gucika intege mu mubiri, kubabara mu ngingo, no kubabara umugongo.

Urubuga rwa Interineti www.passeportsante.net ruvuga ko iyi ndwara y’amagufa yibasira cyane abantu bari hejuru y’imyaka 65 ndetse n’abato babikuye ku babyeyi. Muri Canada, umugore 1 muri 4, n’umugabo 1 mu bagabo 8 bapfa bazize indwara y’amagufa. Naho abagore 4 ku bagore 10 bagira imvune ziturutse kuri iyo ndwara.

Hari abatekereza ko guhitamo indorerwamo z’izuba byoroshye nyamara siko biri. Kuko hari imiterere y’indorerwamo ijyanye n’isura yawe bityo ukarushaho kugaragara neza, n’ukubonye akabona ko usirimutse.

Nkuko tubikesha theychromosome.com mbere na mbere menya imiterere y’isura yawe niba ufite mu maso h’uruziga, kare, mu maso harehare nukuvuga imisaya miremire cyangwa se nk’ ahakoze nk’umutima. Ibi nabyo kubimenya biroroshye ubaza inshuti yawe cyangwa ukireba mu ndorerwamo kubafite telephone zifotora wafata ifoto imenyerewe ku izina rya selfie hanyuma ukamenya ubwoko bw’indorerwamo wambara.

Uburyo bwagufasha guhitamo indorerwamo z’izuba wambara

1. Umuntu ufite mu maso h’uruziga:

Urubuga suglasswarehouse.com ruvuga ko uyu muntu aba akwiye gushaka indorerwamo zifite mpande enye: Twavugamo kare, urukiramende (rectangular). Izi zigaragaza neza isura yawe kandi ukaba unaberewe.

2. Umuntu ufite imisaya miremire:

Uyu we agira umwihariko wo kuberwa n’ubwoko bwose, ariko akirinda indorerwamo zuzura isura cyangwa se nto cyane. Ahuza n’ingano y’isura ku buryo ingohe zigaragara kandi zikaba zimufashe.

3. Umuntu ufite mu maso hakoze nk’umutima:

Uyu nawe aberwa n’indorerwamo zikoze mu ruziga ku buryo hejuru haba hanini ariko munsi zikaba hato, kugira ngo zigaragaze neza imiterere yo mumaso ku buryo bwiza. Aha twavugamo izizwi nka (butterfly, aviator, shield...) ubu ni ubwoko wagura bundi kugirango urusheho kuberwa.

4. Umuntu ufite mu maso hameze nka kare:

Ku muntu nanone ufite isura ikoze mu buryo bwa kare na we agira ubwoko bw’indorerwamo zimubera. Aha twavuga izikoze mu buryo bw’uruziga, kandi akibanda ku zikwira isura zidahishe ingohe. Ibyo bituma agaragara neza igihe azambaye.

Muri ibyo harimo amakuru, filime z’uruhererekane, filime z’abana(cartoon), bikaba byateza kutumvikana kubera ko buri wese ashaka kureba icyo akunda.

Ikigo cy’abanya - Canada gihugura ku bijyanye n’itangazamakuru (Media Awareness Network), mu nkuru yacyo cyise ‘The good Thing About Television’ bavuga ko televiziyo ari ingenzi ikaba n’umwarimu mwiza ku bana bato igihe ikoreshejwe neza.

Iyo nkuru isobanura neza ko ishobora gufasha abana bakiri bato kugira icyerekezo cy’ubuzima ndetse ikabafasha kumva no gusobanukirwa ibibazo biri muri sosiyete.

Icyakora si ingenzi ku bana gusa, ahubwo n’abantu bakuru na bo hari ubumenyi n’amakuru bashobora kwiyungura bifashishije televiziyo.

Ni nde ushobora guharira undi?

Ibi ni bimwe rero abagize imiryango baganiriye na Kigali Today binyuze mu kiganiro cyaciye kuri KT Radio bavuze ku bijyanye na televiziyo mu ngo by’umwihariko abafite imwe baba bagomba gusangira.
Uwitwa Venuste yagize ati “Ku muntu ufite abana, televiziyo iharirwa abana kuko ari bo uba warayiguriye, uba uvuga uti reka ndeke kuriza abana.”

Uwitwa Justin wo mu Karere ka Rutsiro we yagize ati “Abana bagakwiye guharira ababyeyi. Impamvu mbyumva gutyo ni uko abana bakwiye guhabwa amasaha yo kureba televiziyo noneho n’ababyeyi babona umwanya wo kuyireba bakareba naho abana bakagira umwanya wo kuruhuka ndetse no gusubiramo amasomo.”

Mu bandi batanze ibitekerezo kuri iyi ngingo, barimo uwitwa Kwizera wavuze ati “Hari ahantu njyewe nzi neza hano ndi umugabo yabwiye umugore we ko atagomba kureba televiziyo. Ni ukuyireba ari uko umugabo ahari kandi bakareba ibyo ashaka. Umugore iyo amubwiye ati ‘shyiramo ikiganiro runaka’, ahita amubwira ati ‘ntabwo wayiguze, ni njye wayiguze.’ Ngo yaramubwiye ati ‘nukenera kuyireba uzigurire iyawe.”

Uwo mugabo afite abana ariko ngo ntiyemera ko bicarana n’ababyeyi ngo barebe televiziyo, ndetse ngo ntiyemera ko bacana televiziyo no mu gihe umugabo adahari kuko ngo ababonye yabicisha inkoni. Umugore na we ngo ntiyemererwa gucana televiziyo ku buryo bisaba ko ategereza umugabo kuko iyo aje ari we ufungura televiziyo.

Abatishimiye imibereho yabo ngo ni bo bareba televiziyo cyane

Ubushakashatsi bwo muri 2008 bwakozwe na John Robinson na Steven Martin bo muri Kaminuza ya Maryland muri Leta zunze ubumwe za Amerika, bwagaragaje ko abantu batishimiye imibereho yabo bamara igihe kinini imbere ya television (ni ukuvuga igihe kirengaho 30%) ugereranyije n’abishimiye imibereho yabo.

Ubu bushakashatsi bwaje buvuguruza ubundi bwagaragazaga ko iyo umuntu ari kureba Televiziyo ari cyo gihe cya mbere agira cy’ibyishimo. Ashingiye kuri ubu bushakashatsi, Robinson avuga ko ibyo byishimo bifitanye isano no kuba imbata ya televiziyo, bikaba ari ibyishimo biba ari iby’akanya gato ariko biherekezwa n’agahinda no kwicuza kw’igihe kirekire.

Si byiza ko umwana muto areba televiziyo umwanya munini

Ubundi bushakashatsi bugaragaza ko kureba television uhereye ku myaka mito bigira ingaruka ku mikurire y’umwana. Izo ngaruka zirimo umubyibuho ukabije, gutinda kuvuga, ndetse no gutakaza ubushobozi bwo kwiga no kumenya ibintu bishya.

Ni ukuvuga amasaha menshi umwana amara yicaye imbere ya televiziyo atuma kenshi atinyagambura kubera ukuntu aba ashyize umutima ku byo areba, kandi kenshi bigaherekezwa no kurya cyane bikaba byamuviramo umubyibuho ukabije.

Umwana ureba televiziyo cyane akiri muto anatinda kuvuga bitewe n’uko aba atabona umwanya wo kuganira n’abandi bana cyangwa ababyeyi, kuko n’ubundi umwana yigira ururimi mu kiganiro agirana n’ababyeyi be cyangwa abandi bantu barimo n’abana bagenzi be.

Gutakaza ubushobozi bwo gufata no kumenya ibintu bishya kubera kureba televiziyo cyane, biterwa n’impamvu zitandukanye zirimo kugabanuka ko kwita ku bindi bintu, ndetse no kugabanuka k’ubushobozi bwo gukora ibintu byinshi icyarimwe ku mwana, ibyo bita (Attention-deficit &hyperactivity disorder), ibi bigakurikirwa no kugabanuka kw’igipimo cy’ubwenge kizwi nka IQ.

Abana bareba televiziyo cyane kandi bashobora kugira ingorane zo gutangira kwiga bitewe n’uko baba batitaye ku barimu babo.
Ihuriro ry’abaganga bavura indwara z’abana muri Leta zunze Ubumwe za Amerika, rivuga ko umwana uri munsi y’imyaka ibiri aba adakwiye kureba televiziyo, naho umwana w’imyaka ibiri gusubiza hejuru akaba adakwiye kuyireba igihe kirenze amasaha abiri ku munsi, kuko byagaragaye ko abana bayireba amasaha arenze ane ku munsi bakunze kugira ibibazo by’umubyibuho ukabije.

Aba kandi banagaragaza ko kureba televiziyo umwanya munini cyangwa gukora ibindi bintu bituma umara umwanya munini wicaye bishobora kugukururira indwara z’umutima, diyabete, indwara zifitanye isano no kwifunga kw’imitsi y’amaraso ndetse bikaba byagera no ku rupfu.

Televiziyo ni nziza kuko ituma tumenya ibibera hirya no hino, ndetse tukanayibonaho inkuru z’abantu bafite ibyo bagezeho twafataho urugero, ariko ibibi byayo biruta kure ibyiza tuyikurikiraho.

Ubushakashatsi bwinshi bukorwa muri iki gihe bugaragaza ko abantu bafite ikibazo cy’ubwigunge bashakira ubuhungiro kuri televiziyo. Bakora icyo twagereranya no kubaka umubano utari nyawo bibwira ko bari kugirana n’abantu bareba mu biganiro cyangwa filimi zitandukanye, ibyo bakabikora muri bo bumva ko bari kwigobotora ubwo bwigunge.

Abantu akenshi bagerwaho n’ingaruka z’ibyo bareba kuri televiziyo, kandi ugasanga bamwe bagwa mu mutego wo gushaka gukora nk’ibyo babona mu biganiro bitandukanye bareba kuri televiziyo. Ubushakashatsi bugaragaza ko ibikorwa by’urugomo bica kuri televiziyo bigira ingaruka ku bantu bo mu byiciro byose by’imyaka.

Wowe usanga Televiziyo ikwiye kurebwa ite cyangwa ari nde ukwiye guharira undi kureba televiziyo mu bagize umuryango?

Ibi binini by’abagabo bibarinda gutera inda byitezwe ko bizajya ku isoko mu myaka icumi iri imbere

Nubwo ubushakashatsi bwagaragaje ko bizafata nibura igihe gisaga imyaka icumi kugira ngo bijye ku isoko, abantu bamwe batangiye kubigaragazaho impungenge, hakabamo n’ababyamagana barimo n’abagabo.

Uwitwa Emmanuel Rutaganira ni umwe mu bagabo bamaganira kure ikoreshwa ry’iryo binini. Avuga ko we atakoresha ibyo binini kuko atemera ibyo abashakashatsi bavuga kuko ahanini baba bagamije kugurisha.

Mugenzi we witwa Yakobo na we yabwiye Kigali Today ko adashobora kwemera gukoresha ibyo binini kubera ko ngo n’ibindi binini bisanzwe bisigaye bifite ingaruka nyinshi kandi mbi ziboneka haciye igihe, akaba yumva nta mpamvu yo kwishyira mu ngorane cyane ko yumva na kanseri yaziramo.

Umusore witwa Kalisa Munyendamutsa na we ntiyemera ikoreshwa ry’iryo binini. Avuga ko kuba bikora ku misemburo y’abagabo bituma abigiraho impungenge z’uko bishobora kuba byatuma umugabo atazongera kubyara.

Ntabwo ari abagabo gusa kuko n’abagore bamwe bagaragaza impungenge kuri ibyo binini. Uwitwa Nyiragatozo aravuga ko kuba bigabanyiriza abagabo ubushake na none byaba ari imbogamizi, akavuga ko kuri we asanga abashakanye ibyiza ari uko bakoresha ubundi buryo busanzwe bwo kwirinda gusama inda zitateganyijwe.

Isuzuma rya mbere ryakozwe ku binini byafasha abagabo kuboneza urubyaro ryagaragaje ko bishoboka cyane, bikazaza byunganira uburyo busanzwe buhari mu kuboneza urubyaro.

Impuguke z’abaganga zabikozeho ubushakashatsi zivuga ko icyo kinini umugabo agifata inshuro imwe ku munsi kikaba cyifitemo imisemburo ihagarika ikorwa ry’intanga ngabo.

Ibyo binini nibitangira gukoreshwa, buzaba ari uburyo bwo kuboneza urubyaro buje bwiyongera ku gukoresha agakingirizo no kwifungisha kw’abagabo (vasectomie), kuko ubwo buryo bubiri ari bwo bwonyine bugenewe abagabo buhari kugeza ubu.

Gusa ihuriro ry’abaganga bibumbiye mu cyitwa “Endocrine Society”, rimwe mu mahuriro y’abo baganga akomeye ku isi, babwiwe ko bizasaba gutegereza indi myaka 10, kugira ngo ibyo binini bitangire gucuruzwa.

Ibinini bifasha abagore mu kuboneza urubyaro byavumburiwe mu Bwongereza mu myaka 50 ishize. Bamwe bibaza igituma kubona ibinini bifasha abagabo kuboneza urubyaro byaragoranye.

Hari abavuga ko byaba biterwa n’uko nta ngufu sosiyete yabishyizemo ndetse n’abari mu gice cy’ubucuruzi basa nk’abatarabishatse, kuko iyo babishaka ubushakashatsi ku binini byo kuboneza urubyaro buba bwaratangiye kera. Gusa mu bitekerezo byakusanyijwe bigaragaza ko abagabo benshi bakwemera kunywa ibinini byo kuboneza urubyaro mu gihe byaramuka bibonetse.

Mu bagabo bakoreweho ubushakatsi bakanywa ibyo binini, bavuze ko nta mpinduka zikomeye bibonyeho. Batanu muri abo bagabo bavuze ko ubushake bwo gukora imibonano bwagabanutse gahoro, naho babiri muri bo bavuga ko batindaga gato gufata umurego, ariko igikorwa cyo gutera akabariro kikaguma ari nta makemwa.

Nta n’umwe mu bagabo bakorerwagaho ubushakashatsi wigeze ahagarika kunywa ibyo binini avuga ko byamuteye ibibazo, kandi bose barasuzumwe basanga ubuzima bwabo buhagaze neza.

Inkuru bijyanye:

Habonetse ibinini bifasha abagabo kuboneza urubyaro