Perezida Kagame yabwiye abaturage bose bo muri utu turere, ndetse n’abacuruzi by’umwihariko ko muri aka gace bafite amahirwe yo kuba baturiye igihugu cya Repubulika iharanira Demukarasi ya Congo, yagereranyije n’isoko rinini ku bucuruzi.

Perezida Kagame yagize ati “Muri aka karere by’umwihariko hagaragara urujya n’uruza rw’abantu benshi. Abo bantu ni isoko, namwe muri isoko, ku buryo habayeho uburyo bwo gukorana ikibuze hamwe kikaboneka ahandi, abantu bakagenderana bikaba urujya n’uruza abantu bakunguka kurusha”.

Perezida Kagame kandi yasabye abikorera ko mbere yo kureba ku baturanyi bagomba kubanza gutunganya ibyabo.

Ati “Tubanje tukibonamo isoko ubwacu, tugakora, icyo gihe tubona aho duhera dukorana n’andi masoko yo hanze y’imipaka yacu”.

Perezida Kagame yasabye abikorera kandi bishoboye, gushaka ukuntu bakorana n’abaturage, bakabona ko isoko riri mu Rwanda, muri Rubavu no hakurya muri Kongo ari rinini.

Ati “Iyo bizinesi ukora igirira akamaro abantu benshi, ni ukuvuga ngo muri abo bantu benshi, urabashyiramo ubushobozi, ni bo bazagaruka bakagura ibyo ucuruza.”

“Naho gukorana n’abantu bake, ugacuruza utuntu dukeya kandi ugakuramo inyungu nyinshi, ubwo kandi wanahenze abantu, ibintu byabuze ntibabibona nk’uko bagombaga kubibona, ariko wowe kubera ko witwa ngo wabonye inyungu, ukarekera aho ukumva ari ibyo. Ntabwo ari byo”.

Perezida Kagame yijeje abashoramari ndetse n’abaturage bo muri aka karere ko igihugu na cyo kizakomeza gukora ibishoboka kikaborohereza ku buryo bw’umutekano n’imigenderanire.

Yabasabye kandi na bo kugaragaza uruhare rwabo, kandi abayobozi na bo bakanoza uburyo bwo kugeza ku muturage ibikwiye.

Imibare itangwa n’ubuyobozi bw’akarere ka Rubavu igaragaza ko mu mujyi wa Gisenyi honyine buri joro bacumbikira abantu barenga 3000.

Umupaka muto (petite barriere) uhuza u Rwanda na RDC wo, imibare igaragaza ko wambukiraho abantu barenga ibihumbi 50 buri munsi, naho umupaka munini wo ukaba wambukiraho abantu ibihumbi icyenda buri munsi.

Amafoto: Plaisir Muzogeye

Perezida Kagame yavuze ibi nyuma yo kuganiriza abatuye aka karere gafite amahirwe yo kuba gaturanye n’ibice bitandukanye birimo n’igihugu cya Repubulika Iharanira Demokarasi ya Congo, ibintu byatuma banoza ubucuruzi bwacu, bakareka gukora ubucuruzi buto gusa.

Yagize ati “Iyo ukora business; iyo business igirira abantu benshi akamaro. Ni ukuvuga ngo muri abo bantu benshi ushyiramo ubushobozi, nibo bazagaruka bakagura ibyo ucuruza. Naho kuba wishoboye, ugakora business n’abantu bake cyangwa ibintu bike ukaba ari byo ucuruza, ugakura inyungu nini ku tuntu duke; ubwo wahenze abantu, ibintu byabuze ntibabibone nk’uko bakwiye, ntabwo ari byo.”

Perezida Kagame yagarutse no ku ibara ry’umugezi wa Sebeya usa nabi cyane, avuga ko hakwiye kugira igikorwa ngo ubutaka bw’abaturage bukwiye kuba bubagirira akamaro budakomeza gutwara n’amazi.

Ati “Ubundi ntabwo ari kuriya amazi asa. Ntabwo wamenya niba ari amazi cyangwa ari ubutaka bugendamo amazi. Biriya nabyo ntabwo twabana nabyo kuriya gusa ngo duterere iyo.”

Perezida Kagame yagarutse kandi ku by’amavuriro, imihanda, amashanyarazi, itumanaho n’ibindi, avuga ko bikwiye gukemuka cyane ko hari ibimaze ighie kinini kandi atishimira ko bihora bigaruka. Ati “ibyo nabyo turaza kubihagurukira ariko ntabwo numva merewe neza kubivuga gutyo, kuko hari ibigarutse kenshi.”
Perezida Kagame yavuze ko atari butinde cyane ku mutekano w’igihugu, avuga ko ntawe ufite uburenganzira bwo guhungabanya u Rwanda, ndetse ko uwabitekereza atakwihanganirwa.

Ati “Uwashaka guhungabanya umutekano wacu we, ngirango ajye atekereza kabiri mbere y’uko ashaka kubijyamo. Ababitekereza bagarukira mu mvugo gusa, barasakuza kurusha uko bashobora kubikora. Uko twubaka igihugu cyacu, uko tubanisha abaturage, amateka yacu aho tuva n’aho tujya turabizi.”

Kuri iyo mpamvu, yasabye abaturage guhugira mu bijyanye n’iterambere ryabo n’igihugu muri rusange aho kurangazwa n’abavuga gusa ariko badafite ubushobozi bwo guhagarika umurongo igihugu gifite.

Ati “Ubutabera burakora hano mugihugu, hari bumwe tumenyereye bukurikiza amategeko, hari n’ubundi butabera iyo wigize urutare tubagezaho. Nabwo turabufite. Abantu bareke kurangara rero dukore ibishoboka twiteze imbere, twikorere dukorere hamwe igihugu cyacu gikomeze kibe intangarugero, kuko henshi kimaze kuba intangarugero mu gutera imbere.”

Perezida Kagame yavuze kandi ku burezi, ubuzima, avuga ko amavuriro yagaragajwe hari uburyo ashobora kuzamurwa agatezwa imbere, ati “byose turashaka kubikurikirana duhereye kubyo dufite hari ikiza gukorwa.”

Yasoje agaruka ku kibazo cyagaragajwe mu myaka yashize cy’abana bata amashuri bakajya mu mirimo itabagenewe, avuga ko bidakwiye ndetse uzafatirwa mu makosa yo gukoresha abana azabibazwa haherewe ku bayobozi bakwiye kuba babikurikirana.

Minisitiri w’ubutegetsi bw’igihugu Prof Shyaka Anastase, yibukije ko ibijyanye n’iterambere rya Rubavu bihabwa agaciro na guverinoma kuko muri uyu mwaka aka karere kagenewe agera kuri miliyari 9,5, mu gihe myaka ine ishize yari miliyari eshatu.

Umuyobozi w’Akarere ka Rubavu, Habyarimana Gilbert, yagaragaje ko akarere kageze ku ntambwe ishimishije mu iterambere, ariko agaragariza umukuru w’igihugu ko hari bimwe mu bibazo bicyugarije Akarere.

Muri ibyo bibazo harimo icy’ibice by’Akarere ka Rubavu mu mirenge yegereye ibirunga, ahataragera amazi meza n’amashanyarazi.

Habyarimana yavuze ko muri ako karere hakenewe umuhanda wa kaburimbo wanyura inyuma y’umusozi wa Rubavu ukavana abaturage b’inyuma y’uwo musozi mu bwigunge. Uwo muhanda ngo wanafasha kugabanya impanuka zibera mu muhanda munini usanzwe wa kaburimbo kubera ubuhaname bwawo.

Izi nyoni muri iki kirere zirerekana ko aha hantu hari amahoro

Yasabye kandi ko Akarere kafashwa kuvugurura ibitaro bya Gisenyi kuko ngo bitajyanye n’igihe. Ni ibitaro byakira abaturage b’Akarere ka Rubavu, igice cy’abaturage ba Nyabihu na Rutsiro, ndetse n’abanyekongo bakenera serivisi zimwe na zimwe z’ubuzima mu Rwanda.

Umuyobozi w’Akarere ka Rubavu yanavuze ko hari umuhanda watangiye gukorwa akarere kifuza ko kuwukora byakwihutishwa. Uwo muhanda uhuza imipaka itatu y’akarere ka Rubavu (umupaka munini, umuto n’uwa Kabuhanga) witezweho koroshya ibikorwa bibera mu gice uwo muhanda uherereyemo, kandi ukoroshya ubuhahirane hagati y’Abanyarwanda n’Abanyekongo.

Uwo muyobozi kandi yagaragaje ikibazo cy’ibice by’Akarere ka Rubavu byegereye umupaka bitarageramo imiyoboro y’itumanaho ya telefoni, icyo kibazo kikadindiza iterambere ry’abaturage n’iry’Akarere muri rusange.

Perezida Kagame yashimiye abaturage ba Rubavu na Rutsiro by’umwihariko uburyo bamuhundagajeho amajwi mu matora ya Perezida aheruka, abizeza ko ibyo bamusaba na we azabibakorera.

Yagize ati “Twaje aha mu kwiyamamaza mu mwaka wa 2017, icyo twashakaga kandi mwarakiduhaye. Ubu rero natwe icyo mwadushakagamo tugomba kukibaha. Icyo mwashakaga ni umutekano, ni amajyambere. Ibyo tugomba kubibaha byanze bikunze.”

Icyakora Perezida Kagame yavuze ko byose bizava mu bufatanye bw’abaturage n’abayobozi, buri ruhande rukanoza ibyo rukora.

Ku bibazo yagaragarijwe birimo iby’amavuriro, imihanda, amashanyarazi n’iby’itumanaho, yavuze ko na byo baza kubihagurukira, asobanura ko kuri iyi nshuro kubivuga bidahagije kuko hari ibigarutse kenshi, bikavugwa ariko ntibikorwe.

Ati “Nk’ibyo by’itumanaho ababishinzwe ndaza kubonana na bo, turaza kubitunganya mu buryo bumwe cyangwa ubundi. Turaza kubitunganya cyangwa ababishinzwe ndaza kubatunganya!”

Ibyo bibazo by’itumanaho ngo bituma abaturage cyane cyane abegereye umupaka bakoresha imirongo y’itumanaho yo mu bindi bihugu, bakumva n’amaradiyo yo hakurya y’u Rwanda.

Iby’uburezi no guteza imbere ubuvuzi na byo yavuze ko byose bagiye kubikurikirana, haherewe ku buryo buhari bikitabwaho.

Amafoto: Plaisir Muzogeye

Kureba andi mafoto menshi, kanda HANO

Alivera Mukabaramba, Umunyamabanga wa Leta muri MINALOC yandika ikibazo kiri mu nshingano ze

Ku itariki 8 Gicurasi 2019, Perezida wa Repubulika Paul Kagame, yatangiye gahunda yo gusura abaturage mu turere dutandunye tw’igihugu mu rwego rwo kureba aho bageze mu iterambere ndetse no kumva ibibazo bafite kugira ngo bishakirwe umuti ku buryo bwihuse.

Urugendo rwe rero yaruhereye mu Karere ka Burera, mu Ntara y’Amajyaruguru, akurikizaho Akarere ka Musanze muri iyo ntara.

Umwana we yarasambanyijwe ntiyahabwa ubutabera yishimiye, bituma Perezida asaba ko uyu mubyeyi yarenganurwa byihuse

Abaturage bagaragaje ibibazo bitandukanye bafite,ariko ikibazo gikomeye cyagarutsweho muri iyi minsi ibiri umukuru w’igihugu amaze mu majyaruguru, ni ikibazo cy’ikaragiro ry’amata ryo mu Karere ka Burera ryafunze mu buryo budasobanutse,bigatera aborozi bo muri ako karere igihombo.

Uretse icyo kibazo cy’ikaragiro,Perezida Kagame yakiriye n’ibindi bibazo ndetse n’ibindi bitekerezo binyuranye.

Umuturage witwa Uwamahoro Providence yagaragaje akarengane yahuye na ko, aho yavuze ko umwana we w’imyaka itanu yafashwe ku ngufu mu mwaka wa 2009,urukiko rwanzuye ko uwabikoze yahanishwa igihano cyo gufungwa imyaka irindwi , “ariko icyo cyemezo cy’urukiko ntikigeze cyubahirizwa (ntiyafunzwe).”

Minisitiri Prof Shyaka yandika amazina y’ufite ikibazo, ndetse n’uko ikibazo cye giteye

Nyuma yo kumva icyo kibazo, Perezida Kagame, yasabye Polisi y’igihugu gukurikirana icyo kibazo, no kugikemura mu buryo bukwiye.
Kugira ngo Polisi igikemure ku buryo bukwiye, byasabye ko Umupolisi mukuru abanza kwegera uwo muturage wagaragaje icyo kibazo, akandika imyirondoro ye n’ibindi bizafasha mu gukurikirana icyo kibazo.

Undi muturage witwa Hakizimana Anastase, ukomoka mu Karere ka Nyabihu, Umurenge wa Jenda, na we yagaragaje ikibazo kijyanye n’amata, avuga ko batabona aho bayagurisha.

Uwo mworozi yabwiye Perezida wa Repubulika ati,”Nyakubahwa Perezida wa Repubulika, waduhaye inka, ariko iyo tuzanye amata ku ikaragiro, umunsi umwe barayakira undi bakayanga, bavuga ko atameze neza, twebwe turahomba cyane, twifuzaga ko wadushakira isoko.”

Perezida wa Repubulika yahise amusuza ati, “Nzabashakira isoko rwose kandi rizaboneka.”

Amaze kumusubiza atyo, yahise ahindukira atangira kubaza abayobozi bashinzwe ibijyanye n’ubuhinzi n’ubworozi ikibazo gihari gituma abaturage bahura n’igihombo giterwa no kubura aho bagurisha umusaruro wabo.

Perezida Kagame yabijije uhagarariye ikaragiro ryavuzweho kwanga kwakira amata y’abaturage,amusubiza ko bakira amata yose abaturage bazana, uretse ayo bazana atameze neza.

Tuyishime Faustin ukomoka mu Karere ka Musanze, Umurenge wa Shingiro, Akagari ka Mugari, yabijije ibibazo bitatu kandi byose yatashye abiboneye ibisubizo bimunyuze.

Ibibazo by’ibikorwaremezo nk’amashanyarazi byari byinshi bituma Minisitiri Gatete afata ikayi n’ikaramu arabyandika ngo hato atavaho abyibagirwa

Yavuze ko inyamaswa ziva muri pariki y’ibirunga ziza kona imyaka iri mu mirima yabo, ariko ikibazo kibaho, ni uko abakozi b’ikigo cy’u Rwanda cy’iterambere (RDB), bakora mu kigega cy’indishyi cyashyiriweho gutanga indishyi ku baturage bonewe n’inyamaswa zo muri pariki, iyo baje kubarura imyaka yangijwe mu murima, babishyura kimwe cya gatatu gusa cy’imyaka yonwe.”

Perezida wa Repubilika akimara kumva icyo kibazo, yahise abaza impamvu RDB itubaka uruzitiro rukumira inyamaswa ziva muri pariki zijya kona imyaka y’abaturage, niba ntacyo byabangamira mu bijyanye n’amabwiriza agenga ubukerarugendo.

Gusa yongeyeho ko, mu gihe ibyo kuzitira bitarakorwa, abaturage bonewe n’inyamaswa ziva muri pariki bagomba kujya bahabwa indishyi uko bikwiriye.

Tuyishime Faustin yasobanuriye Minisitiri Ndagijimana Uzziel, ikibazo cye, kijyanye n’indishyi z’imitungo yabo yangijwe hakorwa umuhanda.

Faustin Tuyishime abwira minisitiri Uzziel Ndagijimana w’igenamigambi ikibazo cye cyose

Tuyishime Faustin, kandi yanabwiye Perezida wa Repubulika ko Akagari kabo ka Mugari ari ko konyine mu Murenge wa Shingiro, kadafite umuriro w’amashanyarazi.

Perezida wa Repubulika Paul Kagame yahise asaba Minisitiri ushinzwe ibikorwaremezo, gukurikirana icyo kibazo kigakemuka. Ako kanya Minisitiri Gatete ahita yegera umuturage ngo amubaze neza uko ikibazo kimeze.

Photos: Muzogeye Plaisir

Ibi yabigarutseho ashimangira igitekerezo cya Bimenyimana Bonaventure uzwi nka ‘Cobra’ wahoze mu ngabo za Ex-FAR zari iza Habyarimana zatsinzwe zigahungira mu mashyamba ya Repubulika iharanira Demokarasi ya Kongo mu mutwe w’iterabwoba wa FDLR.

Uyu Bimenyimana wari ufite ipeti rya Major muri FDLR yasobanuye uburyo uyu mutwe wagiye uteza umutekano muke mu Rwanda ndetse no muri Repubulika iharanira Demokarasi ya Kongo.

Yagize ati “Imirimo mibi twakoreraga muri iyi misozi y’u Rwanda duhungabanya umutekano w’igihugu ntacyo byatugejejeho. Ibyo twakoraga byose byari bishingiye kuri politiki mbi y’abanyenda nini bakomeje kudushoramo batujarajaza hirya no hino mu mashyamba”.

Ibi abihera ku kuba mu 1997 abagize uwo mutwe w’iterabwoba baracengeye mu Rwanda, bahungabanya umutekano, ariko ingabo za RDF zirabarwanya, zirabirukankana kugeza zibatsinze basubira mu mashyamba ya Kongo mu buzima avuga ko bushaririye, bisanga bongeye guhurirayo n’akaga gakomeye.

Yagize ati: “Mu mashyamba ya Kongo twahuriyeyo n’ubuzima bubi cyane, aho twasanze icyo gihugu kibarizwamo imitwe myinshi ihungabanya umutekano, baturasa amanywa n’ijoro, abana bacu batiga, tutivuza, dutunzwe no kurya ibyo twibye, tutabibona tugatwika amazu. Na n’ubu abo nahasize ni uko babayeho”.

Hari abahora bashaka uko bakongera gutera u Rwanda ngo bahungabanye umutekano
Uyu Bimenyimana asobanura ko mu mwaka wa 2009 akiri muri Kongo yaje guhurira mu nama n’uwitwa Rugema ndetse na Ndengeyinka Barthazar bahoze muri RDF ariko baza kwifatanya n’abanzi b’igihugu. Aba ngo bagenzwaga no kurebera hamwe bundi bushya uko umutwe wa FDLR wakongera gutera u Rwanda.

Ati: “Nabajije Rugema nti nkawe ko wabanje urugamba rwo gutera u Rwanda, ukongera kujya mu mashyamba, ubu ko ushaje uri kubona bizagufata imyaka ingahe kugira ngo ufate igihugu?”

Iki kibazo ngo yanakibajije Barthazar bari kumwe muri iyo nama, bombi bakiburira igisubizo.

Iyi nzira yose Bimenyimana yanyuzemo y’ibibazo no kuba yarakurikiranaga amakuru umunsi ku wundi y’uburyo u Rwanda rutekanye byamufashije gutekereza no kureba kure, afata icyemezo cyo gutahuka mu mwaka wa 2009, Bimenyimana yongera guhabwa ikaze mu Rwanda rwamubyaye.

Aratira abandi ibyiza amaze kwigezaho nyuma yo gutahuka mu gihugu
Akimara kugera mu gihugu, yakiriwe mu kigo cy’i Mutobo kibarizwa mu Karere ka Musanze, ahabwa amahugurwa yamufashije mu buryo bwo kwiteza imbere no kubana neza n’abo yasanze mu gihugu.

Bimenyimana Bonaventure ashishikariza abagifite umugambi wo guhungabanya umutekano w’u Rwanda kubireka ahubwo bagataha mu Rwanda

Yagize ati: “Ngeze muri iki gihugu nakiriwe neza cyane, mpabwa amahugurwa i Mutobo, nyarangije, nta n’umwaka washize, Leta yahise inyohereza muri Sudani mu bikorwa byo kubungabunga amahoro kimwe n’abandi banyarwanda boherezwayo”.

Akiva muri Sudani yakomeje ibindi bikorwa bimuteza imbere binyuze mu mishinga y’Inkeragutabara (Reserve Force) kuko yari yamaze guhabwa akazi ko gutunganya igishanga cya Mugogo giherereye mu Murenge wa Busogo cyari cyarananiranye kubera amazi yakirengeraga, ahabwa amasoko yo gukora imihanda, kubaka imidugudu, amashuri n’ibindi.

Ati: “Mboneyeho umwanya wo guhamagara abakiriyo bagifite ibitekerezo bibi ku Rwanda cyane cyane abajenerari barimo abitwa ba Iyamuremye Gaston uzwi ku izina rya Rumuri, hari na Jenerari Busogo, uwitwa Omega n’abandi bose twabanye, twaryaga ibyo twibye na n’ubu abariyo ni byo babamo gusa”.

Yungamo ati: “Ubu ndatuje nta kibazo cy’umutekano mfite. Icyo mpamagararira urubyiruko rw’ubu ni uko uwishora mu ntambara, mu mashyamba ngo aragerageza guhungabanya umutekano nta kindi cyaba kimujyanye uretse guta igihe; kuko abariyo bacitsemo ibice nta buzima bafite, nta mibereho bafite, mwirinde kujya mu bibashuka”.

Akomoza kuri ubu buhamya Perezida wa Repubulika Paul Kagame yibukije abagifite umugambi wo guhungabanya umutekano w’igihugu ko bizabaviramo ibibazo bikomeye.

Yagize ati: “Abagishaka guhungabanya umutekano batera ibibazo banabyumve, bazahura n’ibintu bibi cyane”.

Perezida Paul Kagame kandi avuga ko ibibazo byakemuwe n’ibitarakemurwa bizashoboka mu gihe igihugu kizaba gitekanye; akaba ari ho yashingiye asaba abaturage kutagira uwo bemerera yaba ari mu gihugu cyangwa hanze yacyo ashaka guhungabanya umutekano.

Uru ruzinduko Perezida wa Repubulika Paul Kagame ararukomereza mu Ntara y’Iburengerazuba nyuma yo kurugirira mu turere twa Musanze na Burera two mu ntara y’Amajyaruguru.

Mu ijambo rye, perezida Kagame yabwiye abaturage ba Musanze na Nyabihu ko icyazamuzanye ari ukubasura, maze agakemura ibibazo byabo bitandukanye.

Cyakora yibukije ko haba ibyagezweho, n’ibitaragerwaho, byose bitashoboka igihe nta mutekano igihugu gifite.

Ati “n’ibyo bibazo byose tutarakemura, ibyo twifuza gukemura, byongera ku bindi twakemuye byose bishoboka kuko dufite umutekano.”

“Ubu bukerarugendo mubona buzana amadevise menshi mu gihugu ndetse Musanze ikabona umugabane wabwo, bizashoboka kubera ko hari umutekano. Ntabwo ba mukerarugendo bajya ahantu hadafite umutekano.”

Yasabye aba baturage kandi gufata iyambere bakicungira umutekano, bitandukanya n’abashaka kuwuhungabanya, avuga ko icyo ari ikintu bakwiye guha agaciro cyane kuko ari “umurengo udakwiye kurengwa.”

Perezida Kagame yavuze ko ibibazo byose ari kugenda agezwaho mu ntara y’Amajyaruguru ari ibibazo bimaze byakwiye kuba byarakemutse mu bihe byashize iyo abayobozi babishyiramo imbaraga zikwiye.

Yatanze urugero ku kibazo cy’isuku nke kikigaragara mu ntara y’Amajyaruguru, yibutsa ko bidasaba imari ihambaye ngo umuntu atandukane n’umwanda.

Ati “Ibibazo by’umwanda nabyo tumaze imyaka tubivuga. Ibibazo byumwanda kubikemura ntabwo bishaka budget (ingengo y’imari), ntabwo bishaka amafaranga menshi. Umuntu wese yihereyeho, abantu bagafatanya, kubikora bifite ubushobozi bwabyo ntabwo bigomba amafaranga azava muri Leta cyangwa mu baterankunga. Aho biva hambere ni mubayobozi. Bakwiye kuba babona uwo mwanda bagakorana n’abo bayobora kugirango uwo mwanda uveho.”

“Aka karere gateye imbere mu bijyanye n’ubukerarugendo. Ubwo ni ukuvuga ngo mugira n’abashyitsi benshi baza kubasura bazanye amadovise, haba abarara mu mahoteli bakazana amadolari hano, haba abasura ingagi, na rya 10% rijya mu baturage ni aho bituruka.”

“Ntabwo baba bazanywe no kureba umwanda, ahubwo mutarebye neza ushobora no kubakumira ntibirirwe baza.”

Perezida Kagame yagarutse kandi ku bindi bibazo bikiboneka muri aka gace nk’ikijyanye n’amashanyarazi ataragera hose, za telefone na televiziyo zidakora neza hose, avuga ko agiye kubihaguruka bigakemuka.

Yagarutse kandi ku kibazo cy’amazi y’ibirunga asenya amazu akangiza n’ibintu, avuga ko ari ikibazo kimaze igihe, avuga ko hagiye gushwakwa umuti w’uburyo amazi yayoborwa neza cyangwa se agakoreshwa ibindi ariko ntiyangize.

Tens of thousands of residents from across Musanze District and Nyabihu District gathered at Busogo Stadium greeting President Kagame #CitizenOutreach pic.twitter.com/iKvJILaIYs

— Presidency | Rwanda (@UrugwiroVillage) May 9, 2019

Perezida Kagame yavuze kandi ku kibazo cyo gukwirakwiza imbuto kimaze igihe avuga ko nacyo gikwiye kurangira, avuga ko niba ibintu byarananiranye bikwiye guhinduka.

Ati “Ntabwo wahora ugerageza uburyo bumwe butaguha igisubizo. ukwiye gushaka uburyo ibintu bihinduka. Niba hashakwa abikorera ku giti cyabo bakaba bahindura ibintu babuzwa n’iki kubigerageza? Kuko icyangombwa ni uko imbuto zigomba kujya kubazikeneye bagomba kuzikoresha.”

Perezida Kagame yavuze kandi ko ikibazo cy’ikaragiro ry’amata ridakora mu karere ka Burera nacyo kigomba kugarukwaho, nyuma yo kumva ibisobanuro by’ ikigo cy’igihugu gishinzwe iby’inganda NIRDA, BDF, RDB, hamwe n’akarere ka Burera hemezwa ko uyu mwaka urangira iki kibazo gikemuwe burundu uruganda rukongera rugakora.

Ibi umukuru w’igihugu yabivuze ahereye ku bibazo bitandukanye umuyobozi w’Akarere ka Musanze, Habyarimana Jean Damascene, yari amaze kugaragaza nk’ibyugarije akarere ayobora.

Muri byo harimo ikibazo cy’amazi y’imvura ava mu birunga amanuka akangiriza abaturage, rimwe na rimwe akabageraho abatunguye kuko hari n’igihe abageraho nyamara boa ho batuye nta mvura yahaguye.

Habyarimana uyobora Musanze yanavuze ikibazo cy’utugari tumwe na tumwe tutaragezwaho imiyoboro y’amashanyarazi bigatuma itumanaho rigorana.

Hari n’ikibazo cy’amabati atemewe ya Asbestos akarere gasaba ko kafashwa kugira ngo akurwe ku nyubako agaragaraho muri ako karere.

Habyarimana Jean Damascene yanakomoje ku kibazo cy’ubucucike mu mashuri, n’ikibazo cy’urubyiruko rudafite aho rwidagadurira, basaba stade ijyanye n’igihe.

Umuyobozi w’Akarere ka Musanze, Habyarimana Jean Damascène, yavuze bimwe mu bibazo byugarije akarere ka Musanze

Mu bindi bibazo byagarutsweho na Minisitiri w’Ubutegetsi bw’Igihugu, Prof Shyaka Anastase, bigaragara muri utwo turere twa Nyabihu na Musanze birimo ikibazo cy’isuku nke n’ikibazo cy’imirire mibi.

Minisitiri Shyaka ati “Dukeneye ko abaturage bahinga, bakeza ariko bakanagaburira abana neza.”

Minisitiri Shyaka yanavuze ko hakigaragara ikibazo cy’imyubakire, ahari amazu atameze neza, abandi ugasanga batagira ubwiherero.

Mu ijambo rye, Perezida Kagame yahereye kuri bimwe muri ibyo byagaragajwe nk’ibibazo avuga ko hafi ya byose atari ubwa mbere bivuzwe, yibaza impamvu bihora bisubirwamo.
Yagize ati “Ibyo numvise byavuzwe byose nk’ibibazo, ntabwo ari ibibazo bidashbora gukemuka, nta n’ubwo ari ibibazo twumvise bushya, ahubwo ni ibibazo bihora bigaruka, abantu baganira tukumvikana uko bigomba gukemuka ariko wagaruka nyuma y’umwaka ugasanga ikibazo nticyakemuwe, cyangwa cyasubiye inyuma.”

Perezida Kagame yavuze ko umuntu ufite inshingano ya mbere mu kubikemura ari umuyobozi, ariko ntibivane inshingano no ku muturage, asaba abo bombi gufatanya kubikemura.

Ibihumbi by’abaturage bo mu turere twa Musanze na Nyabihu bateraniye i Busogo baganira n’umukuru w’Igihugu

Ku kibazo cy’inyubako zisakajwe Asbestos, iyi ikaba ari ubwoko bw’isakaro ivugwaho kuba yateza kanseri n’izindi ndwara z’ubuhumekero, Perezida Kagame yavuze ko ibyo guca iryo sakaro babifatiye umwanzuro mu myaka icumi ishize nyamara bikaba bitarakozwe.

Ati “Iyo ubajije, ikintu cya mbere bakubwira ni amafaranga. Amafaranga ntabwo ari ubwonko bw’abantu buri mu mitwe yabo. Ikibazo cy’umwanda, imibereho n’imirire mibi na byo tumaze imyaka myinshi tubivuga. Kubikemura ntibisaba amafaranga menshi, bisaba ko buri wese yiheraho akabigiramo uruhare. Aba mbere bagomba kubikemura ni abayobozi.”

Perezida Kagame ati “Ntabwo abantu ba Musanze musanzwe muri abakozi ngo abe ari mwe mwicarana ibintu nk’ibyo ngo mutegereze umuntu uzaturuka ahandi akabasaba kwikiza umwanda.”

Ibijyanye n’amashanyarazi na telefoni bavuze bidakora neza, na byo umukuru w’igihugu yavuze ko hari ababishinzwe bahora babibwirwa buri munsi.

Ati “Abo bo turaza guhangana na bo, ndaza kubamerera nabi.”

Naho ku kibazo cy’amazi y’ibirunga aza agasenyera abaturage, Perezida Kagame yavuze ko na cyo ari ikibazo gisaba amikoro, avuga ko na cyo baza kugihagurukira ku buryo ayo mazi yayoborwa neza cyangwa akabyazwa undi musaruro aho kugira ngo yangirize abaturage.

Umukuru w’Igihugu yakomereje uruzinduko rwe mu Karere ka Musanze kuri uyu wa kane tariki 09 Gicurasi 2019 nyuma y’uko ku wa gatatu tariki 08 Gicurasi 2019 yari yarugiriye mu Karere ka Burera na ko ko muri iyo Ntara y’Amajyaruguru, mu rwego rwo kwegera abaturage no kuganira na bo, ari na ko haganirwa ku bibazo bihari bigashakirwa ibisubizo.

Aba baturage babarirwa mu bihumbi, bahuriye mu murenge wa Busogo ku kibuga cy’ishami rya Kaminuza y’u Rwanda ryigisha ibijyanye n’ubuhinzi n’ubworozi ngo bakire Perezida Kagame, nyuma y’uko kuri uyu wa gatatu yasuye abatuye akarere ka Burera.

Ni ikibazo cyazamuwe n’umuturage witwa Uwamariya Jeanne wo mu Murenge wa Cyanika mu Karere ka Burera, ubwo Perezida Kagame yari yasuye abaturage bo muri ako karere, kuri uyu wa gatatu tariki 08 Gicurasi 2019.

Uwamariya yabazaga ikibazo cy’abaturage bahaye umusaruro wabo w’amata urwo ruganda, ariko rukaza guhagarara rutabishyuye.

Avuga ko rwahagaze rurimo aborozi amafaranga y’u Rwanda angana na miliyoni imwe n’ibihumbi ijana na mirongo itandatu.

Urwo ruganda rujyaho, rwacungwaga na NIRDA, BDF ndetse n’ubuyobozi bw’Akarere ka Burera, ari na bo bari abanyamigabane, rukaba rwaratangiranye imari shingiro ingana na miliyoni 559 n’ibihumbi 968 mu mafaranga y’u Rwanda.

Uwamariya Jeanne wagaragaje ikibazo cy’uruganda

Muri ayo mafaranga harimo 300,142,848 z’amafaranga y’u Rwanda y’imigabane ya NIRDA, 248,625,792 z’amafaranga y’u Rwanda ya BDF, 10.079.424 z’amafaranga y’u Rwanda y’Akarere ka Burera (katanze ikibanza), ndetse na Koperative CEPTEL yari ifitemo imigabane ya 1, 119, 936 y’amafaranga y’u Rwanda.

Mu gukemura iki kibazo, Perezida Kagame yifuje kumenya impamvu uruganda rwari rwarashyiriweho gutunganya umukamo w’amata uboneka muri ako karere, hanyuma rukaza guhagarara.

Nyuma yo kuzenguruka inzego zirimo ubuyobozi bw’akarere, ubuyobozi bwa BDF, Minisiteri y’Ubucuruzi n’inganda (MINICOM), ndetse na NIRDA itari ihagarariwe, abaza icyateye uru ruganda guhagarara, ikibazo cyaje kugaragazwa na Hon. Marie Thérèse Murekatete, umudepite mu Nteko Ishinga Amategeko.

Depite Murekatete

Hon. Murekatete yavuze ko icyeteye uru ruganda guhagarara ari uko rwaguze imashini zitajyanye n’ibyo uruganda rwagombaga kujya rukora.

Hon. Murekatete yagize ati “Uruganda rumaze kuhajya, haje imashini zidakora ibyo zagombaga gukora, zizanywe na MINICOM, MINAGRI na NIRDA. Ubundi uruganda rwagombaga gukora fromage, ikivuguto n’amata asanzwe. Raporo twarazitanze nk’inteko ishinga amategeko, ariko uruganda rurafunze ntirukora”.

Perezida wa Repubulika abajije Minisitiri w’ubuhinzi n’ubworozi abaguze izo mashini zidakora icyo uruganda rwashyiriweho, Minisitiri Mukeshimana Gerardine yavuze ko izo mashini zaguzwe na NIRDA hamwe na BDF binyuze mu masoko.

Minisiteri y’Ubuhinzi n’Ubworozi na yo yisobanuye kuri iki kibazo

Perezida Kagame kandi yashatse kumenya icyo ubuyobozi bwa NIRDA ari na yo ifite imigabane myinshi muri uru ruganda buvuga kuri iki kibazo, ariko habura umuyobozi n’umwe uyihagarariye.

Perezida Kagame yabajije Minisitiri w’Ubucuruzi n’Inganda, na cyane ko ari yo ifite mu nshingano ikigo cya NIRDA, Minisitiri Soraya Hakuziyaremye avuga ko yari atarakurikirana neza ngo amenye icyatumye uru ruganda ruhagarara.

Gusa Minisitiri Hakuziyaremye yavuze ko muri Minisiteri ayoboye hari isesengura riri gukorwa ku nganda zitunganya umusaruro w’ibikomoka ku buhinzi n’ubworozi zagiye zihagarara bitewe n’imicungire mibi.

Minisitiri Soraya Hakuziyaremye uyobora MINICOM na we yabajijwe iby’urwo ruganda

Uyu muyobozi ariko yavuze ko gahunda ihari kuri uru ruganda ari uko rugiye kwegurirwa abikorera, iyo gahunda ikazarangira mu kwezi kwa Kamena 2019.

Perezida Kagame ariko avuga ko atumva ukuntu abantu b’abayobozi bakora amakosa mu byo bashinzwe, batajya babanza bakabibazwa.

Ati “Ibyo bigomba gukosorwa ariko bihereye no kubangije ibyongibyo, ni ho bihera. Uwagiye akagura ibintu gusa mugiye kujugunya, ayo mafaranga abigiyeho aragenda gusa, ibintu biragenda gutyo! N’ibyo twatakaje, n’izo nganda zitagirira umumaro abaturage, nta muntu ubibazwa bikazimira gutyo gusa”!

“Icyo ni icyaha, mukwiye kuba mwarabwiye polisi, ubutabera bw’igihugu bukabikurikirana. Ndashaka kumenya icyatumye bigenda gutyo. Naho ubundi nta n’ubwo ari privatization (kwegurira abikorera), murimo murabyita uko bitari. Wowe se uza privatizing- a ikintu kidakora, kigurwe na nde?”

Umuyobozi w’urwego rw’ubugenzacyaha (RIB), Col Ruhunga Kibezi Jeannot, we yabwiye Perezida Kagame ko mu bugenzacyaha bakoze basanze uburyo ikigo NIRDA cyari cyarateguye iyi mishinga y’inganda zo kongerera agaciro umusaruro w’ibikomoka ku buhinzi n’ubworozi atari ko yashyizwe mu bikorwa.

Col Ruhunga uyobora RIB yavuze ko icyo kibazo barimo kugikurikirana akarere ku kandi kuko kivugwa no mu tundi turere

Col Ruhunga yavuze ko muri ubwo bugenzacyaha bwakozwe, byanaviriyemo uwahoze ayobora iki kigo Dr. Joseph Mungarurire gufungwa, ubu akaba ari mu butabera.

Yavuze kandi ko iryo perereza kuri izo nganda rikomeje, kuko byagaragaye ko zicungwa nabi.

Perezida Kagame yashimiye uru rwego rw’ubugenzacyaha, ndetse arusaba gukomeza gukurikirana, ababigizemo uruhare bose bakabibazwa.

Perezida Kagame kandi yavuze ko icyo izo nganda zari zashyiriweho kizwi kandi ko kitakurwaho, asaba ko byanozwa ku buryo bubiri.

Ati “Uburyo bwa mbere, ibyari byagenwe gukorwa n’ubundi bikowe, kurusha uko byari byakozwe n’abo turimo dukurikirana. Uburyo bwa kabiri, inzego zikorane zishake abashoramari bakora ibyongibyo n’ubundi byakabaye bikorwa”.

Yashimiye kandi abagize inteko ishinga amategeko ku kazi bakora ko gukurikirana ishyirwa mu bikorwa rya gahunda zigenewe abaturage.

Perezida Kagame kandi yasabye ko mu gukemura iki kibazo, bigomba guhita bijyana no kwishyura abaturage bahaye urwo ruganda umusaruro w’amata.

Abaturage bishimira umukuru w’igihugu kubera uruhare agira mu gutuma ibibazo byabo bikemuka

Mu ijambo yagejeje ku batuye akarere ka Burera na Musanze ubwo yabasuraga kuri uyu wa gatatu tariki 08 Gicurasi 2019, Perezida Kagame yagarutse ku bijyanye n’umukano w’igihugu yibutsa ko kuri iyi ngingo ntawe ufite uburenganzira bwo kuwuhungabanya.

Yagize ati “Ntabwo twakwingingira umuntu kuduha umutekano. Bagomba kuwuduha byanze bikunze. Ndavuga ababa baturimo n’abari ahandi. Nabo tubageraho. N’abari hanze y’igihugu bahora bashaka guhungabanya umutekano w’igihugu cyacu... bamwe baratwizanira ikibazo tukagikemura. Ni ukubiha igihe gusa. Hari abandi tuzazana batarizana, ni ho mvugira ko umutekano ari ku neza mbere na mbere. Uburyo bundi, ni ku ngufu kandi turazifite.”

Yakomeje agira ati “N’abo bose mujya mwumva bari ku maradiyo no kuri internet n’ahandi... bariya ntibazi ibyo bavuga. Ntibazi icyo bakinisha. Biriya barabivuga nk’abantu bari muri Amerika, Afurika y’Epfo, Ubufaransa n’ahandi bakibwira ngo bari kure. Ntabwo bari kure. Ariko n’aho bari ntaho bahuriye n’umuriro. ariko umunsi begereye umuriro uzabotsa. Ibyo bari bakwiye kuba babizi, baba ari bo ari n’abandi n’ababashyigikiye. Bazi ko hano batahakinira.

Thousands of residents are now welcoming President Kagame to Burera District #CitizenOutreach pic.twitter.com/x3jHInYMQ1

— Presidency | Rwanda (@UrugwiroVillage) May 8, 2019

Perezida Kagame yasabye kandi abaturage kwima amatwi ababazanamo amakuru y’ibihuha kuko byose ari ibinyoma bigamije kubarangaza ngo batezuke ku rugamba rwo kwiteza imbere.

Ati “Ni bababwira ibyo mujye mubabwira ko bakinisha umuriro uzabotsa. N’icyo cy’umutekano ntawe twabyingingira. Umuntu akwiye kuba abyumva. Twabuze umutekano igihe kinini, dutakaza byinshi ariko icyo gihe cyararangiye. Turashaka amahoro ku neza cyangwa ku bundi buryo. Ibyo ndagirango mbibibutse kuko mubifitemo uruhare, ariko ndagirango nabasezeranye ko n’ibiba byabanyuzeho, twe ntabwo bizatunyuraho.”

Avuga ku bibazo byagaragajwe n’umuyobozi w’akarere ka Burera Florence Uwambajemariya, Perezida Kagame yibukije ko byinshi muri byo bikwiye kuba bikemurwa n’abayobozi ku nzego zitandukanye.

Ati “Hari ibibazo bikwiye kuba bitagihari. Ikibazo cy’imbuto z’ibirayi n’ibindi bihingwa mumenyereye guhinga, ntabwo cyari gikwiye kuba ikibazo gikwiye gusubirwamo buri munsi buri munsi.

Ibibazo by’amaradiyo na televiziyo, nabyo bisubirwamo buri munsi. Ndetse n’uburyo abaturage bahitamo kumva amakuru cyangwa ibindi biganiro biriho hirya no hino ku isi, bagahitamo ibituruka mu baturanyi kurusha ibikwiye kuba bibahabwa hano iwacu. Nta mpamvu. Ibyo nabyo bimaze imyaka 5, imyaka 10 ntabwo twari dukwiye kuba twarananiwe icyo kintu.”

Perezida Kagame yagarutse kandi ku kibazo cy’abambuka bakajya gushaka serivisi mu bihugu by’abaturanyi nyamara akenshi izo gahunda ziboneka mu Rwanda kurushaho, cyangwa se zaranatangirijwe mu Rwanda.

Ati “Ingero z’abana bambuka bakajya kwivuza, uburyo bwo kubikora bwratangiriye hano mu Rwanda. Abantu bakaza gukanguka ari uko twagiranye ibibazo n’abaturanyi baduteye. Bakajya gushaka serivisi bakwiye kuba bafite hano kandi bihari. Ntabwo byumvikana.”

“Nta mpamvu abana 100 bajya mu cyumba kimwe, kandi ubwo hari benshi basibye, hari n’abarimu basibye. Usiba ugiye gukora ibiki kandi uri umwarimu. Umwana asiba ishuri kubera iki? Ababyeyi baba bari hehe? Abayobozi baba bari hehe? Umwarimu nasiba ishuri umwana azasiba ishuri. Ntabwo umwana yajya kwiga, abayobozi badahari.”

Muri uru ruzinduko rw’iminsi itatu, biteganyijwe ko Perezida Kagame asura Burera na Musanze mu ntara y’Amajyaruguru, agasura Rubavu na Rutsiro, nyamasheke na Karongi mu ntara y’Uburengerazuba.