Madame Jeannette Kagame yakiriye Madame Peng Liyuan

Bimwe mu bikorwa bya Imbuto Foundation Madame Jeannette Kagame yeretse Peng Liyuan wa Perezida w’u Bushinwa, harimo ibikorwa bijyanye n’ubuzima, uburezi, ndetse n’ibijyanye no kuzamura ubukungu bw’urubyiruko rukabasha kwigira.

Nyuma yo kumumurikira ibi bikorwa, aba bayobozi banaganiriye ku bufatanye mu iterambere ry’ubukungu ndetse n’imibereho myiza y’abaturage.

Nyuma y’iki kiganiro, Mrs Peng Liyuan usanzwe ari n’intumwa y’Umuryango w’abibumbye yita ku burezi UNESCO, wita by’umwihariko ku iterambere ry’uburezi bw’abagore n’abakobwa, aherekejwe na Madame Jeannette Kagame basuye ishuri rya FAWE Girls riherereye i Gacuriro mu Karere ka Gasabo.

Dore mu mafoto ibihe Madame Jeannette Kagame yagiranye na Madame Peng Liyuan wa Perezida w’u Bushinwa

Nyuma yo kugirana ibiganiro basuye FAWE Girls School

Byari umunezero kwakira aba babyeyi bombi

Abanyeshuri ba FAWE Girls school babacinyihe akadiho

Madame Jeannette Kagame yakiriye Peng Liyuan kuva bakigera mu Rwanda

Banajyanye ku meza bari kumwe na Perezida Xi Jinping na Perezida Paul Kagame

Yamwakiriye no muri Village Urugwiro

Ku kibuga cy’Indege cya Kanombe yaramuherekeje

Mugire urugendo rwiza imvura igwa n’isubira

Perezida Kagame na Madame Jeannette Kagame bakiriye Perezida Jinping na madame Peng Liyuan mu Rugwiro

Yabitangaje nyuma y’isinywa ry’amasezerano agera kuri 15 y’ubufatanye hagati y’u Rwanda n’u Bushinwa, amasezerano yasinyiwe imbere ya Perezida Kagame ndetse na Perezida Xi Jinping uri gusoza uruzinduko rw’iminsi ibiri yagiriraga mu Rwanda.

Perezida Kagame yagize ati” Nejejwe cyane n’aya masezerano y’ubufatanye hagati y’u Rwanda n’u Bushinwa kandi ndizera ko ubu bufatanye buzakomeza mu nzego nyinshi z’iterambere hagati y’ibihugu byombi ndetse bukazanaguka bukagera ku rwego rwa Afurika.”

Bakigera muri Village Urugwiro

Perezida Jinping yashimiye Perezida Kagame ku iterambere amaze kugeza ku Rwanda nyuma y’ibihe bibi rwaciyemo ubu, kikaba ari igihugu gihagaze neza mu iterambere, kiri ku murongo kandi gitekanye.

Ati” Ni ubwa mbere ngeze mu bihugu bya kure nyuma y’uko nongeye gutorerwa kuyobora u Bushinwa, nkaba nejejwe cyane no kugera mu Rwanda. Ndashimira cyane Perezida Kagame ndetse n’Abanyarwanda bose muri rusange, kuba u Rwanda rutekanye kandi rukataje mu iterambere.”

Amasezerano yashyizweho umukono hagati y’ubushinwa n’u Rwanda harimo arebana n’imishinga ibiri yo guteza imbere ubukungu.

Amasezerano yasinyiwe imbere y’aba bayobozi bombi

Ministeri z’ubucuruzi ku mpande zombi nazo zashyize umukono ku masezerano abiri:
arimo ay’ ubufatanye mu bucuruzi n’ishoramari n’ayo gutangiza ubufatanye mu bucuruzi bukoresha ikoranabuhanga. E-Commerce.

U Rwanda n’u Bushinwa kandi byashyize umukono ku masezerano y’ubufatanye mu by’ingendo zo mu kirere.

Abarebwa n’ubutabera nabo bashyize umukono ku masezerano arebana no gushyigikira urwego rw’ubutabera.

Amasezerano yabimburiye ayandi yasinywe n’abaminisitiri b’Ububanyi n’amahanga ku mpande zombi

Mu rwego rw’iterambere no kubaka ubushobozi bw’abakozi, RDB n’ikigo cyo mu bushinwa gishinzwe ubufatanye mpuzamahanga mu iterambere nabyo byashyize umukono ku masezerano y’ubufatanye muri izo nzego.

Hari n’andi masezerano y’ubufatanye atatu yashyizweho umukono, harimo arebana no kwagura ibitaro bya Masaka, arebana n’ubucukuzi bw’amabuye n’undi mutungo kamere.

Harimo n’arebana n’inguzanyo yo gutunganya umuhanda Huye- Kibeho- Munini wa km 66 no gutunganya umuhanda uzagera ku kibuga mpuzamahanga cy’indege cya Bugesera.

Min Oziel Ndagijimana ni we wasinye menshi muri aya masezerano

Nyuma y’isinywa ry’ayo masezerano, Perezida Kagame na Madame Jeannette Kagame bakiriye ku meza Perezida Jinping na Madame Peng Liyuan.

Uruzinduko rwa Perezida Jin Ping rukaza gusozwa no gusura Urwibutso rwa Jenoside rwa Kigali, aho yunamira Abatutsi bahashyinguye basaga ibihumbi 250.

RwandAir iri mu biganiro byo gutangira gukorera mu bushinwa muri Gashyantare 2019

Miliyoni 352,581 z’Amadorari zikaba ziri mu mishinga y’ubukerarugendo, ubucukuzi bw’amabuye y’agaciro, ubuhinzi ndetse n’ubwubatsi.

Ikompanyi y’indege ya RwandAir na yo iri mu biganiro byo kugira ngo ishobore kubona ibyangombwa biyemerera gukora ingendo mu Bushinwa mu Mujyi wa Guangzhou. Izo ngendo zikaba ziteganijwe gutangira muri Gashyantare 2019.

Ni muri urwo rwego rw’ubuhahirane Perezida Xi Jinping ari mu ruzinduko rw’iminsi ibiri mu Rwanda, urugendo rugamije gukomeza ubufatanye n’ubuhahirane hagati y’ibihugu byombi.

Perezida Kagame yifurije ikaze mugenzi we w’u Bushinwa Xi Jinping uri mu ruzinduko mu Rwanda, amwifuriza ishya n’ihirwe mu minsi ibiri amara mu Rwanda.

Abinyujije ku rubuga rwe rwa Twitter Perezida Kagame yagize ati” Tunejejwe cyane no guha ikaze Perezida Xi Jinping na Madame Peng Liyuan.

Tunejejwe no kubakira mu Rwanda, tukaba twizeye ko uru ruzinduko rurushaho gukomeza umubano mwiza usanzwe hagati y’ibihugu byacu n’ababituye.”

Mu nyandiko Perezida Xi Jinping yasohoye mbere y’uko agera mu Rwanda, yavuze ko yiteze byinshi mu ruzinduko yatumiwemo na Perezida Kagame.

Yagize ati “ Binyuze mu buyobozi bwiza bwa Perezida Kagame, u Rwanda rwakoresheje imbaraga nyinshi, mu kubaka no kugana mu nzira y’iterambere ihamye rwifuza kugeraho.“

Xi Jimping yanagaragaje ko ashyigikiye intambwe u Rwanda rumaze kugeraho mu iterambere, anarwifuriza kurushaho gutera imbere.

Perezida Kagame na Perezida Xi Jinping

Perezida w’u Bushinwa, Xi Jinping wazanye n’umugore we Peng Liyuan ndetse n’itsinda ry’ abayobozi batandukanye bo mu gihugu cye, yakiriwe ku Kibuga cy’Indege Mpuzamahanga cya Kigali na Perezida Paul Kagame wari kumwe na Madame Jeannette Kagame ndetse n’abandi bayobozi batandukanye muri Guverinoma.

Madame Jeannette Kagame na Madame Peng Liyuan

Kuri gahunda y’uru ruzinduko rwa mbere mu mateka y’umubano w’u Rwanda n’u Bushinwa, biteganyijwe ko mu gitondo cyo kuri uyu wa Mbere, Perezida Jinping yakirwa na Perezida Kagame muri Village Urugwiro ahagomba gusinyirwa amasezerano 15 y’ubufatanye hagati y’ibihugu byombi.

Nyuma y’isinywa ry’aya masezerano, Perezida Kagame arakira Perezida Jinping ku meza.

Nyuma yo kwakirwa ku meza Perezida Jinping aranasura Urwibutso rwa Jenoside rwa Kigali ku Gisozi mbere yo gusoza uruzinduko rwe yagiriraga mu Rwanda.

Umubano w’u Rwanda n’u Bushinwa umaze imyaka 47, ukaba ari umubano ushingiye ku bufatanye, ubwubahane n’ubucuti.

Dore mu mafoto Perezida Xi Jinping yakirwa Ku kibuga cy’Indege i Kanombe