Muri iki kiganiro urumva icyo Minisitiri Kaboneka avuga ku cyo atekereza cyabiteye, impamvu beguriye rimwe mu mvugo yamamaye nka "Tour du Rwanda"

Minisitiri Kaboneka ubwo yari mu kiganiro kuri KT Radio kuri uyu wa Mbere tariki 4 Kamena 2018

Yatorewe mu matora y’abagize Njyanama y’Akarere ka Huye yabaye mu gitondo cyo kuri uyu wa Mbere tariki 4 Kamena 2018.

Abajyanama 25 kuri 25 bemeje ko ari we uba ayobora mu gihe hagitegerejwe amatora azashyiraho umuyobozi w’akarere.

Perezida wa Njyanama yamusabye kwirinda gukora amakosa nk’ay’abamubanjirije kandi akazirikana aho igihgu kigana.

Yagize ati "Aho igihugu kigana urahazi. Turakwizeye. Kuba wayoboraga Komisiyo y’imibereho myiza neza, biranyizeza ko n’ibindi uzabikora neza."

Abagize Inama Njyanama y’Akarere ka Huye bari bitabiriye amatora

Guverineri Mureshyankwano Marie Rose wari witabiriye ayo matora, yasabye Inama Njyanama gukomeza gukorera hamwe kugira ngo bakosore ahari amakosa.

Ati "Kuba mwaravuze muti komite nyobozi yari isanzwe ibe iruhutse, cyangwa ijye gukora ibindi, ni uko mwabonaga bikwiye."

Tariki 31 Gicurasi 2018, Inama Njyanama y’aka karere ni bwo yakuye icyizere Kayiranga Muzuka Eugene wari Umuyobozi w’Akarere, Mutwarasibo Cyprien wari Umuyobozi w’Akarere wungirije ushinzwe ubukungu na Niwemugeni Christine wari ushinzwe imibereho myiza y’abaturage.

Yabashinjaga kutumvira inama bagirwaga ahubwo hakaba ibyo bikoreraga ku giti cyabo nta we babimenyesheje.

Minisitiri Francis Kaboneka muri Studio ya KT Radio, Radiyo ya Kigali Today

Abitangaje nyuma y’uko mu Rwanda hamaze iminsi hagaragara ikibazo cy’abayobozi b’uturere begura mu buryo butunguranye kandi bakegura bakurikiranye ari benshi.

Abenshi muri abo bayobozi b’uturere bagiye batanga amabaruwa y’ubwegure bavuga ko ari “ku mpamvu za bo bwite”.

Ibyo byatumye abaturage bibaza ko abo bayobozi baba barahawe imyanya batabishoboye, inshingano zababana nyinshi bagahitamo kwegura.

Ariko Minisitiri Kanoneka wari witabiriye ikiganiro cyaciye kuri KT Radio, mu gitondo cyo kuri uyu wa Mbere tariki 4 Kamena 2018, yavuze ko buri muyobozi yeguye kubera impamvu zitandukanye n’iz’undi.

Yagize ati “Abayobozi b’uturere batorwa n’inteko ihagarariye imirenge yose. Abagize iyo nteko bava mu karere kose bakaba ari na bo batora umuyobozi w’akarere.”

Muri Gashyantare 2016, nibwo haherukaga kuba amatora y’uturere, ubwo hatorwaga ababyobozi b’uturere 30 tugize igihugu. Ariko nyuma y’imyaka ibiri gusa muri itanu baba bemerewe, abagera ku 10 bamaze kwegura. Bamwe muri abo bagiye begurana n’abari babungirije.

Umuyobozi w’Akarere ka Kamonyi, Aimable Udahemuka, ni we wabimburiye abandi kwegura. N’ubwo yavuze ko yeguye ku mpamvu ze bwite, Inama Njyanama y’akarere yavuze ko yari asigaye arangwa no gusuzugura no kutitabira inama z’akarere bikadindiza imihigo.

Hakurikiyeho Umuyobozi w’Akarere ka Nyamagabe Philbert Mugisha, ariko we yirukanywe na Njyanama akekwaho kunyereza umutungo wa Leta.

Nyuma ye hakurikiyeho ukwegura mu turere dutandukanye, turimo abayobozi ba Ruhango, Huye, Nyaruguru, Rusizi, Nyabihu, Gicumbi, Nyagatare, Kayonza na Bugesera.

Minisitri Kaboneka asobanura ko bamwe muri abo bayobozi bagiye birukanwa nyuma yo kunanirwa kuzuza inshingano, mu gihe abandi bagiye babona andi mahirwe.

Avuga ko n’ubwo benshi baba batowe kandi bagiriwe icyizere, bitavuze ko hari ureba mu mitima yabo. Ati “Bamwe beguye nyuma yo kubona ko imihigo yari hejuru kurenza uko babiteganyaga.

“Kuba umuyobozi yaratowe n’abaturage ntibivuze ko aba ari malayika. Babatora kubera icyizere baba babafitiye ariko ntawe ureba mu mitima yabo. ”

Uko kwegura kwa hato na hato kwakajije umurego mu gihe abo bayobozi biteguraga gusinyana imihigo na Perezida wa Repubulila Paul Kagame, biteganijwe muri Kamena 2018.

Kamili Athanase, wagizwe umuyobozi w’agateganyo w’Akarere ka Gicumbi

Kamili yari amenyerewe mu biganiro bitandukanye, birimo ibya politiki ndetse no guhagararira RBA mu biganiro bitandukanye kuri televiziyo cyangwa radiyo.

Karangwa asimbuye na we yari yatowe ku itariki 25 Gicurasi 2018 ariko na we aza kwegura nyuma y’iminsi itandatu.

Yari yagiriwe icyizere n’Inama njyanama nyuma y’uko uwari usanzwe ayobora ako karere Mudaheranwa Juvenal atakarijwe icyizere.

Yeguranye na bagenzi be ari bo, ushinzwe ubukungu Muhizi Jules Aimbable n’uwari ushinzwe imibereho myiza Benihirwe Charlotte.

Bose bashinjwa gukora amakosa yo kunanirwa kugaragariza inama njyanama inzira na gahunda zo gukosora amakosa yagaragaye mu gukoresha nabi amafaranga yagenewe uburezi.

Karangwa (Uri mu kaziga) yari yerekanywe na Guverineri Gatabazi imbere y’abaturage mu muganda wabaye kuwa Gatandatu

Guverineri w’Intara y’Amajyaruguru Gatabazi Jean Marie Vianney yatangaje ko yanditse asezera kubera impamvu ze bwite. Yabwiye Njyanama ko hari urubanza agomba kubanza kurangiza, ku bw’ibyo akaba adashobora kubivanga n’akandi kazi.

Tariki 25 Gicurasi ni bwo yari yagiriwe icyizere n’Inama njyanama nyuma y’uko uwari usanzwe ayobora ako karere Mudaheranwa Juvenal aterewe icyizere.

Yeguranye na bagenzi be ari bo,ushinzwe ubukungu Muhizi Jules Aimbable n’uwari ushinzwe imibereho myiza Benihirwe Charlotte.

Bose bashinjwa gukora amakosa yo kunanirwa kugaragariza inama njyanama inzira na gahunda zo gukosora amakosa yagaragaye mu gukoresha nabi amafaranga yagenewe uburezi.

Biteganijwe ko kuri uyu wa Gatanu haba indi nama y’igitaraganya yo gushaka umusimbura.

Muzuka Eugene wahoze ari Meya w’Akarere ka Huye

Uwari Umuyobozi w’Akarere ka Huye Kayiranga Muzuka Eugene yirukananywe na Mutwarasibo Cyprien wari Umuyobozi bw’Akarere wungirije ushinzwe ubukungu na Niwemugeni Christine wari ushinzwe imibereho myiza y’abaturage.

Ngabitsinze Jean Chrisostome Uyobora Inama Njyanama ya Huye yatangaje ko abo bayobozi bagiye bagirwa inama kenshi kugira ngo banoze imikorere bakananirana, bikaba bibaye ngombwa ko hafatwa umwanzuro wo kubirukana.

Yagize ati" Inama twabagiriye zo kunoza imikorere no gushyira mu bikorwa imyanzuro ya njyanama ntibabikoze uko bisabwa. Ibindi ni ibigaragara muri raporo y’Umugenzuzi w’imari ya Leta birimo imishinga idindira, iyangirika n’amasezerano acungwa nabi."

yakomeje agira ati" Bose twabahaye umwanya wo kwisobanura kuri ibyo,inama njyanama ntiyanyurwa n’ibisobanuro batanze, bituma dufata umwanzuro nka Njyanama wo kubakuraho icyizere".

Abo bayobozi birukanywe ku mirimo na Njyanama bakurikira abo mu Karere ka Ruhango, Nyabihu, Rusizi, Gicumbi, Bugesera na Nyagatare.

Nyaruguru na yo ntiyatanzwe mu kwirukana abayobozi batuzuza inshingano

Umuyobozi w’Akarere ka Nyaruguru wungirije ushinzwe ubukungu Bisizi Antoine na we yirukanywe n’inama njyanama y’Akarere.

Impamvu yatumye uwo muyobozi yirukanwe ntitandukanye cyane n’iyo abayobozi ba Huye bazize nk’uko Mungwakuzwe Yves, Perezida w’inama Njyanama ya Nyaruguru yabitangaje.

yagize ati" Nyuma y’isuzuma ry’imishinga y’iterambere muri ako Karere byagaragaye ko imyinshi yadindiye kubera uwo muyobozi, tumusabye ibisobanuro dusanga nta murongo afitera wo kubikemura dufata umwanzuro wo kumwirukana."

Abo bayobozi beguye, nyuma ya Komite nyobozi ya Bugesera yeguye mu mpera z’icyumweru gishize, na bo bakaba bareguye bakurikira Komite nyobozi ya Gicumbi na yo yari yegujwe muri icyo cyumweru

Aya makuru aravuga ko abo bayobozi beguye ku mpamvu zabo bwite.

Mupenzi George wayoboraga Akarere ka Nyagatare yeguranye na komite ye

Rukeba Chantal Atukunda umuyobozi w’inama njyanama y’Akarere ka Nyagatare yemeje ko abo bayobozi bose bamaze kumugezaho ubwegure bwabo.

Avuga ko igisigaye ari uko hagiye gutumizwa inama njyanama igasuzuma ubwegure bwabo hakanemezwa uzaba ayobora akarere by’agateganyo.

Yemeza ko nta mpamvu batanze bashingiyeho basaba kwegura kuko banditse ko babikoze ku mpamvu zabo bwite.

Nsanzumuhire Emmanuel na we yinjiye mu nkundura y’abayobozi b’uturere bamaze iminsi begura ku mirimo yabo

Kuri iki cyumweru tariki 27 Gicurasi 2018, ni bwo umuyobozi w’Akarere ka Bugesera yagejeje ubwegure bwe ku nama njyanama y’Akarere ka Bugesera ariko kimwe n’abandi beguye akaba adatangaza impamvu.

Abamwungirije na bo ari bo umuyobozi w’Akarere wungirije ushinzwe ubukungu Eric Ruzindana, na Priscille Uwiragiye wari umuyobozi wungirije ushinzwe imibereho myiza bahise bamukurikira.

Bimaze kumenyerwa ko abayobozi beguye bavuga ko beguye ku mpamvu zabo bwite.

Akarere ka Gicumbi ni ko kaherukaga kweguza komite nyobozi yose, yari iyobowe n’umuyobozi w’Akarere Mudaheranwa, uwari umwungirije ushinzwe ubukungu n’iterambere, Muhizi Jules Aimbable n’uwari ushinzwe imibereho myiza, Benihirwe Charlotte.

Mudaheranwa Juvenal wegujwe ku mirimo

Aya makuru yashimangiwe na Guverineri w’Intara y’Amajyaruguru, Gatabazi Jean Marie Vianney aho yatangaje ko aba bayobozi beguye kubera imikorere mibi yabarangaga.

Umuyobozi w’Akarere ka Gicumbi wungirije ushinzwe ubukungu n’iterambere, yari Muhizi Jules Aimbable naho Umuyobozi w’Akarere Wungirije ushinzwe imibereho myiza, akaba yari Benihirwe Charlotte.

Aba bayobozi beguye bakurikira Meya wa Rusizi wavuze ko yeguye ku mpamvu ze bwite.

Habarurema Valens watorewe kuyobora Akarere ka Ruhango

Ni nyuma y’amatora yabaye kuri uyu wa 25 Gicurasi 2018, aho abakandida biyamamazaga ku myanya y’umuyobozi w’Akarere n’Abayobozi b’Akarere bungirije harimo ushinzwe ubukungu n’ushinzwe imibereho myiza y’abaturage.

Ku mwanya w’Umuyobozi w’akarere, hatowe Habarurema Valens ku majwi 180/197 batoye naho ku mwanya w’umuyobozi w’akarere wungirije ushinzwe ubukungu hatorwa Rusiribana Jean Marie Vianey agize amajwi 178/199 batoye,

Ku mwanya w’Umuyobozi w’Akarere wungirije ushinzwe imibereho myiza y’abaturage hatowe Mukangenzi Alphonsine n’amajwi 168/197 batoye.

Umuyobozi w’akarere wungirije ushinzwe ubukungu Rusiribana Jean Marie Vianney

Habarurema Valens watorewe kuyobora Akarere ka Ruhango yahoze ashinzwe urwego rushinzwe umutekano n’iperereza mu Ntara y’Amajyaruguru, naho Rusiribana waje amwungirije ku mwanya w’Umuyobozi w’Akarere wungirije ushinzwe ubukungu yahoze ari umuyobozi w’ishami ryo guhuza imishinga y’iterambere muri Minisiteri y’ubuhinzi "MINAGRI".

Umuyobozi w’Akarere wungirije ushinzwe imibereho myiza we yakoraga mu kigo cy’igihugu cy’ubuzima RBC nyuma yo gukorera mu bigo bitandukanye byo kurwanya SIDA.

Umuyobozi w’Akarere wungirije ushinzwe imibereho myiza y’abaturage hatowe Mukangenzi Alphonsine

Ubwo biyamamazaga, abayobozi bose biyemeje guharanira iterambere ry’abaturage b’Akarere ka Ruhango kuko banabifitemo ubunararibonye.

Nyuma yo gutorerwa iyo mirimo abo bayobozi bahise barahirira imbere y’Umunyamabanga wa Leta muri minisiteri y’Ubutegetsi bw’Igihugu ushinzwe imibereho myiza Dr Alvera Mukabaramba.

Umuyobozi w’Akarere yahise anakora ihererekanyabubasha na mugenzi we wari umaze iminsi ayobora ako karere mu nzibacyuho.

Mu muhango w’ihererekanya bubasha

Rwakazina Marie Chantal atorewe kuyobora Umujyi wa Kigali

Rwakazina atowe ku majwi 146 mu gihe Henriette Murekatete bari bahanganiye uyu mwanya agize amajwi umunani.

Uyu muyobozi akimara gutorwa akaba yahise arahirira inshingano nshya agiye gukora.

Aya matora yabimburiwe no gutora Umujyanama rusange uhagarariye Umurenge wa Nduba mu nama Njyanama y’Akarere ka Gasabo.

Muri aya matora ni ho batoye Rwakazina Marie Chantal, wahise atorerwa kujya muri Njyanama y’Umujyi wa Kigali ahagarariye Akarere ka Gasabo.

Bimwe mu Bigwi Rwakazina yagaragaje yiyamamaza

Rwakazina Marie Chantal afite imyaka 45 y’amavuko, arubatse afite umugabo n’abana babiri.

Yize muri Kaminuza y’u Rwanda ndetse aza kuyigishamo kuva mu 2000 kugeza muri 2008.

Kuva mu 2010 kugeza muri 2013 yabaye umuyobozi wungirije wa RALGA.

Kuva mu 2013 kugeza ubu, yakoraga mu muryango w’Abibimbye aho yari umuhuzabikorwa w’inkunga z’Umuryango w’Abibumbye mu bikorwa bya Leta.

Rwakazina yanagize uruhare mu gutegura gahunda ya Guverinoma y’imyaka irindwi, mu cyiciro cy’ubukungu.

Uyu muyobozi akaba atorewe Manda y’imyaka itanu, ishobora kuvugururwa rimwe igihe yongeye kugirirwa icyizere.

Musabimana Odette, wari umuyobozi w’ishuri ryisumbuye rya Rega atorewe kuyobora akarere ka nyabihu

Musabimana wari usanzwe akuriye komisiyo y’imibereho myiza muri Njyanama y’aka Karere atorewe kuyobora aka Karere ku majwi 95.5%, aho ahigitse Ntirugirimbabazi Jean Marie Vianney ukuriye PSF, wagize amajwi 4.5 %.

Uyu muyobozi ngo agiye kuyobora igihe cy’amezi atatu, ubundi hakorwe amatora y’Umuyobozi w’Akarere n’abamwungirije.

Musabimana akimara gutorwa yavuze ko agiye gukomereza aho abandi bari bageze mu murongo w’iterambere ry’akarere. Yavuze ko anizeye ubufatanye n’abo asanze mu Karere kugira ngo abashe kugera ku ntego.

Guverineri Munyantwari Alphonse wari muri iki gikorwa, yamugiriye inama yo kurushaho kwegera abaturage no kubabera urugero rwiza, avuga ko ibyo kubigeraho bisaba kugira ubwitange, kwigombwa no gukorera hamwe.

Uyu muyobozi asimbuye Uwanzwenuwe Theoneste weguye kuri uyu mwanya ari kumwe na Mukansanga Clarisse wari umwungirije tariki ya 11 Gicurasi 2018.

Ubwegure bwabo bwakiriwe bunemezwa na Njyanama mu gitondo cyo kuri uyu wa Mbere tariki 14 Gicurasi 2018.

Guverineri Munyantwari yagiriye inama Meya mushya yo gukora nk’ikipe kugira ngo bashobore kwesa imihigo

Harerimana Frederic weguye ku mirimo

Hari hashize iminsi ibiri umuyobozi w’Akarere ka Nyabihu Uwanzwenuwe Théoneste na we ashyikirije Njyanama y’Akarere ibaruwa isaba kwegura.

Yeguye akurikiranye n’uwari umwungirije witwa Clarisse Mukansanga, ubu unakurikiranyweho ingengabitekerezo ya Jenoside.

Mu gitondo cyo kuri iki Cyumweru tariki 13 Gicurasi 2018, ni bwo Harerimana yatangarije itangazamakuru ko na we yamaze kwandika ibaruwa isezera ku kazi.

Nubwo impamvu y’ubwegure bwa Harerimana zitaramenyekana, aka karere kakunze kugaragaraho ikoresha nabi ry’umutungo wa Leta, ndetse no gutanga amasoko ya Leta mu buryo budakurikije amategeko.

Kagaragayeho kandi kuza inyuma mu mihigo y’akarere, ndetse kakaba na kamwe mu turere twagaragayemo ingengabitekerezo ya jenoside kurusha utundi.

Kuva Umwiherero w’abayobozi b’igihugu waba mu ntangiriro za Werurwe 2018, aho Perezida Kagame yanengeye mu ruhame abenshi mu bayobozi bananiwe kuzuza inshingano, bamwe muri bo batangiye gukuramo akabo karenge.

Muri abo harimo n’uwari umuyobozi w’Umujyi wa Kigali, Pascal Nyamurida.

Perezida Kagame yavuze ko abayobozi bitwaza ko beguye ku "mpamvu zabo bwite", nyamara ahubwo ari uko baba bananiwe kuzuza inshingano bahawe.

Umuyobozi w’akarere Uwanzwenuwe na Mukansanga wari umwungirije ashinzwe imibereho myiza y’abaturage ngo bamaze kwwgura

Amakuru agera kuri Kigali Today avuga ko beguye ku mpamvu zabo bwite ariko ababikurikiranira hafi bemeza ko bifite aho bihuriye n’amagambo uyu Mukansanga yavuze ubwo muri aka karere bibukaga.

Uwanzwenuwe Theonetse yabwiye Kigali Today ko kwegura ari impamvu ze ku giti cye.

Ati “Nahoze ndi umurezi kandi nubu ntawabinkuyemo, nibyo nize, nakoze, nshobora no kubisubiramo ngakomeza kurerera igihugu, nabwo ni uburyo bwiza bwo kugikorera.”

Uwanzwenuwe abajijwe niba kwegura kwe ntaho bihuriye n’ikibazo cy’umuyobozi wari umwungirije yavuze ko ntaho bihuriye.

Ati “Ntaho bihuriye kuko umuntu amenya ibye, gusa sinzi impamvu bihuriranye, ariko njye nta kibazo nari mfite.”

Ubwo bari mu gikorwa cyo kwibuka ku itariki 12 Mata 2018, Mukansanga yanze buji bari bamuhereje avuga ko we atayikeneye ahubwo ikwiye guhabwa abafite ababo bibuka.

Ayo magambo ntiyashimishije abenshi mu bayumvise bari muri icyo gikorwa, bituma umuryango uharanira inyungu z’abarokotse Jenoside IBUKA usaba ko yegura ndetse bakaba baratangiye no kumukoraho iperereza.

Uwanzwenuwe na Mukansanga beguye bakurikira uwari umuyobozi w’akarere wungirije ushinzwe Imari n’ iterambere n’Umunyamabanga nshingwabikorwa w’ akarere nabo beguye bavuga ko ari impamvu zabo.

Ariko byakomeje guhwihwiswa ko bishobora kuba biterwa n’amakosa bakoze mu kazi n’arebana n’inyubako y’akarere.