Kanimba Francois ntiyagaragaye muri Guverinoma nshya

Bamwe mu bayobozi batagaragaye muri Guverinoma nshya, harimo Francois Kanimba wahoze ari Minisitiri w’Ubucuruzi, inganda n’ibikorwa by’Umuryango wa Afurika yunze ubumwe, wasimbuwe na Munyeshyaka Vincent wahoze ari Umunyamabanga wa Leta muri Minisiteri y’ubutegetsi bw’igihugu.

Muri iyo Minisiteri yayoborwaga na Kanimba hari n’inshingano z’ibikorwa by’umuryango wa Afurika yunze ubumwe, zakuwemo zishyirwa muri Minisiteri y’ububanyi n’amahanga n’ubutwererane, yakomeje kuyoborwa na Louise Mushikiwabo.

Muri Guverinoma nshya kandi ntihagaragayemo Stella Ford Mugabo wari Minisitiri ushinzwe imirimo y’Inama y’Abaminisitiri, wasimbuwe n’uwitwa Kayisire Marie Solange.

Stella Ford Mugabo nawe yasimbuwe

Tugireyezu Venantia wari Minisitiri muri Perezidansi muri Guverinoma icyuye igihe, na we yasimbuwe na Uwizeye Judith wari Minisitiri w’Abakozi ba Leta n’Umurimo muri Guverinoma icyuye igihe.

Tugireyezu Venantie wari Minisitiri mu biro bya Perezida nawe yasimbuwe

Undi utagaragaye muri Guverinoma nshya ni Mukantabana Seraphine wari Minisitiri w’Impunzi n’Ibiza. Yagizwe Perezida wa Komisiyo yo gusubiza mu buzima busanzwe abavuye ku rugerero, umwanya wahozeho Sayinzoga Jean witabye Imana muri Mata 2017.

Mukantabana Seraphine yashyizwe mu kigo gishinzwe gusubiza mu buzima busanzwe abahoze ku rugerero

Uwihanganye Jean de Dieu yagizwe umunyamabanga wa Leta muri Minisiteri y’Ibikorwaremezo ushinzwe gutwara abantu n’ibintu

Uwihanganye yahawe uwo mwanya ubwo Perezida wa Repubulika Paul Kagame yashyiragaho abagize Guverinoma nshya iyobowe na Minisitiri w’Intebe Dr. Edouard Ngirente, mu ijoro ryo ku itariki ya 30 Kanama 2017.

Uwihanganye ufite imyaka 30 y’amavuko, abaye umunyamabanga wa Leta muri Minisiteri y’Ibikorwa-remezo ushinzwe gutwara abantu n’ibintu, nyuma y’imyaka mike ari umukozi mu kigo gikora iby’ubwubatsi NPD, aho yari umuyobozi ushinzwe gutegura imishinga n’iterambere ryayo.

Afite impamyabushobozi y’icyiciro cya gatatu cya kaminuza mu bijyanye no gucunga imishinga minini y’ubwubatsi yakuye muri Kaminuza ya Manchester mu Bwongereza. Iyo kaminuza yayirangijemo mu mwaka wa 2013.

Afite kandi impamyabushobozi y’icyiciro cya kabiri cya kaminuza mu ishami ry’ibijyanye n’ubwubatsi yakuye mu cyahoze ari Kaminuza nkuru y’u Rwanda mu mwaka wa 2012.

Amashuri yisumbuye yayize muri Seminari ntoya yo ku Rwesero.

Uwihanganye Jean de Dieu (wo hagati wambaye umupira urimo imiringo y’umukara) asobanura aho kubaka imihanda mu mujyi wa Musanze bigeze ubwo yari agikora muri NPD

Uwihanganye uvuka mu Karere ka Gatsibo, arubatse afite umugore n’umwana umwe.

Ubwo yigaga mu yahoze ari Kaminuza nkuru y’u Rwanda, yabaye umunyamakuru kuri Radio Salus, radio y’iyo kaminuza, mu biganiro by’imyidagaduro.

Niwe wayoboye ibirori bya Rwanda Day byabereye i Londres mu Bwongereza, mu mwaka wa 2013, ubwo yigaga muri Kaminuza ya Manchester.

Uwihanganye Jean de Dieu aha yasobanura aho kubaka Stade umuganda bigeze ubwo u Rwanda rwiteguraga kwakira CHAN. Aha nabwo yari agikora muri NPD

Ubwo yayoboraga ibirori bya Rwanda Day yabereye i Londres mu Bwongereza mu mwaka wa 2013

Kuri uyu mwanya asimbuye Cyanzayire Aloysie wari umaze imyaka itanu ari Umuvunyi mukuru, kuko yashyizweho n’inama y’Abaminisitiri yateranye ku itariki ya 27 Kamena 2012.

Nk’uko bigaragara kandi mu itangazo ryashyizweho umukono na Minisitiri mushya w’Intebe Dr Ngirente Edouard mu ijoro ryo kuri uyu wa Gatatu, Depite Bamporiki Edouard yagizwe umuyobozi mukuru w’Itorero ry’Igihugu (NIC).

Kuri uyu mwanya Depite Bamporiki asimbuye Rucagu Boniface watangiranye n’Itorero ry’Igihugu mu mwaka wa 2013.

Nyuma y’imyaka ine yari amaze akuriye akanama ko kuzahura Itorero mu Banyarwanda. Ubu yabaye umwe mu bagize inama ngishwanama y’inararibonye.

Ikindi cyagaragaye n’ihindurwa ry’abayobozi b’Intara y’Amajyaruguru n’iy’Uburasirazuba, aho Musabyimana Jean Claude wayoboraga Amajyaruguru yagizwe Umunyamabanga uhoraho muri Minisiteri y’ubutaka n’amashyamba, agasimburwa na Depite Gatabazi Jean Marie Vianney.

Kazayire Judith wayoboraga Uburasirazuba yasimbuwe na Mufulukye Fred, wari usanzwe ari umuyobozi muri Minisiteri y’Ubutegetsi bw’Igihugu.

Ikindi gishya kandi cyagaragaye ni uko Minisiteri y’urubyiruko n’ikoranabuhanga yagabanijwemo Minisiteri ebyiri zirimo iy’urubyiruko ukwayo ihabwa Mbabazi Rose Mary n’iy’ikoranabuhanga n’itumanaho yagumanye Minisitiri Nsengimana Philbert.

Ikindi cyagaragaye nk’igishya, ni uko Ibikorwa by’Umuryango wa Afurika y’Iburasirazuba byakuwe muri Minisiteri y’Ubucuruzi n’Inganda, bigashyirwa muri Minisiteri y’Ububanyi n’amahanga

Ashyizeho abagize Guverinoma nyuma y’amasaha make ashyizeho Minisitiri w’Intebe, Dr. Ngirente Edourad.

Abaminisitiri

Madamu UWIZEYE Judith, Minisitiri muri Perezidansi ya Repubulika

Bwana GATETE Claver, Minisitiri w’Imari n’Igenamigambi

Bwana MUNYESHYAKA Vincent, Minisitiri w’Ubucuruzi n’Inganda

Bwana Dr. BIRUTA Vincent, Minisitiri w’Ibidukikije

Madamu TUMUSHIME Francine, Minisitiri w’Ubutaka n’Amashyamba

Madamu MUKESHIMANA Geraldine, Minisitiri w’Ubuhinzi n’Ubworozi

Madamu MUSHIKIWABO Louise, Minisitiri w’Ububanyi n’Amahanga, Ubutwererane, n’Umuryango w’Ibihugu bya Afurika y’Iburasirazuba

Bwana KABONEKA Francis, Minisitiri w’Ubutegetsi bw’Igihugu

Bwana MUSONI James, Minisitiri w’Ibikorwa Remezo

Bwana KABAREBE James, Minisitiri w’Ingabo

Madamu KAYISIRE Marie Solange, Minisitiri muri Primature ushinzwe Imirimo y’Inama y’Abaminisitiri

Bwana Dr. MUSAFIRI Papias Malimba, Minisitiri w’Uburezi

Madamu MBABAZI Rosemary, Minisitiri w’Urubyiruko

Bwana NSENGIMANA Jean Philbert, Minisitiri w’Ikoranabuhanga n’Itumanaho

Madamu Debonheur Jeanne d’Arc, Minisitiri ushinzwe Impunzi n’Imicungire y’Ibiza

Madamu UWACU Julienne, Minisitiri w’Umuco na Siporo

Bwana BUSINGYE Johnston, Minisitiri w’Ubutabera/Intumwa Nkuru ya Leta

Madamu RWANYINDO KAYIRANGWA Fanfan, Minisitiri w’Abakozi ba Leta n’Umurimo

Madamu Dr. GASHUMBA Diane, Minisitiri w’Ubuzima

Madamu NYIRASAFARI Esperance, Minisitiri w’Uburinganire n’Iterambere ry’Umuryango

Abanyamabanga ba Leta

Bwana RWAMUKWAYA Olivier, Umunyamabanga wa Leta muri Minisiteri y’Uburezi ushinzwe Amashuri y’Imyuga n’Ubumenyingiro.

Bwana MUNYAKAZI Isaac, Umunyamabanga wa Leta muri Minisiteri y’Uburezi ushinzwe Amashuri Abanza n’Ayisumbuye.

Madamu Dr. MUKABARAMBA Alivera, Umunyamabanga wa Leta muri Minisiteri y’Ubutegetsi bw’Igihugu ushinzwe Imibereho myiza y’Abaturage.

Bwana HARELIMANA Cyriaque, Umunyamabanga wa Leta muri Minisiteri y’Ubutegetsi bw’Igihugu ushinzwe Iterambere ry’Abaturage.

Dr. NDAGIJIMANA Uzziel, Umunyamabanga wa Leta muri Minisiteri y’Imari n’Igenamigambi ushinzwe Igenamigambi.

Bwana Dr NDIMUBANZI Patrick , Umunyamabanga wa Leta muri Minisiteri y’Ubuzima ushinzwe Ubuzima rusange n’Ubuvuzi bw’ibanze.

Bwana UWIHANGANYE Jean de Dieu, Umunyamabanga wa Leta muri Minisiteri y’Ibikorwaremezo ushinzwe gutwara abantu n’ibintu.

Madamu KAMAYIRESE Germaine, Umunyamabanga wa Leta muri Minisiteri y’Ibikorwaremezo ushinzwe ingufu n’amazi.

Bwana NSENGIYUMVA Fulgence, Umunyamabanga wa Leta muri Minisiteri y’Ubuhinzi n’Ubworozi ushinzwe Ubuhinzi.

Bwana UWIZEYIMANA Evode, Umunyamabanga wa Leta muri Minisiteri y’Ubutabera ushinzwe ibyerekeye Itegeko Nshinga n’andi Mategeko.

Bwana NDUHUNGIREHE Olivier, Umunyamabanga wa Leta muri Minisiteri y’Ububanyi n’Amahanga, Ubutwererane, n’Umuryango w’Ibihugu bya Afurika y‘Iburasirazuba.

Nyakubahwa Perezida wa Repubulika yashyizeho kandi n’abandi Bayobozi bakurikira:

1. Bwana MUREKEZI Anastase, Umuvunyi Mukuru

2. Abayobozi bakurikira bari ku rwego rwa Minisitiri :
a. AKAMANZI Clare, Umuyobozi Mukuru w’Ikigo cy’Igihugu cy’Iterambere/RDB.

b. GATARE Francis, Umuyobozi Mukuru w’Ikigo cy’Igihugu gishinzwe za Mine, Gazi na Peteroli.

3. Madamu UWAMARIYA Odette, Umuyobozi Mukuru mu biro bya Minisitiri w’Intebe/Director of Cabinet

4. Bwana GATABAZI Jean Marie Vianney, Guverineri w’Intara y’Amajyaruguru

5. Bwana MUFULUKYE Fred, Guverineri w’Intara y’Iburasirazuba

6. Bwana NTIGENGWA John, Umunyamabanga uhoraho muri Minisiteri y’Umuco na Siporo

7. Bwana BIGENIMANA Emmanuel, Umunyamabanga uhoraho muri Ministeri y’Urubyiruko

8. Bwana SEBERA Michel, Umunyamabanga uhoraho muri Ministeri y’Ubucuruzi n’Inganda

9. MUSABYIMANA Claude, Umunyamabanga uhoraho muri Ministeri y’Ubutaka n’Amashyamba

10. INGABIRE Assoumpta, Umunyamabanga Uhoraho muri Ministeri y’Ubutegetsi bw’Igihugu

11. Bwana RUGIRA Amandin, Ambasaderi muri Ambasade y’u Rwanda mu Bubiligi

12. KAMPETA SAYINZOGA, Umuyobozi Mukuru w’Ikigo gishinzwe Ubushakashatsi no guteza imbere Inganda (NIRDA)

13. Madame MUKANTABANA Seraphine, Perezida wa Komisiyo yo gusubiza mu buzima busanzwe abavuye ku rugerero

14. Bwana BAMPORIKI Edouard, Perezida w’Itorero ry’Igihugu

15. Bwana HABYARIMANA Gilbert, Umuyobozi Mukuru w’Ikigo cy’Igihugu gishinzwe Amakoperative

16. Bwana SERUBIBI Eric, Umuyobozi Mukuru w’Ikigo cy’Igihugu gishinzwe Imiturire

17. Bwana RUCAGU Boniface, Umwe mubagize Inama ngishwanama y’inararibonye

Bikorewe i Kigali, ku wa 30 Kanama 2017, mu izina rya Nyakubahwa Perezida wa Repubulika, Paul KAGAME

Ministiri w’Intebe mushya Dr. Eduard Ngirente arahira.

Perezida Kagame mu ijambo rye,yabanje gushimira Minisitiri w’Intebe mushya kuba yaremeye imirimo yashinzwe.

Perezida Kagame yavuze ko kandi Minisitiri w’Intebe Dr. Ngirente atazakora wenyine kuko azafatanya n’abandi, bityo rero ngo akazi agiye gukora ntikazamugora.

Perezida Kagame n’abandi bagize guverinoma baha ikaze Minisitiri w’Intebe mushya.

Yakomeje ashimira Minisitiri w’Intebe ucyuye igihe, Anastase Murekezi ku kazi keza yakoze mu gihe yari amaze ayoboye Guverinoma.

Yavuze kandi ko ku mugoroba wo kuri uyu wa gatatu, amazina y’abagize Guverinoma nshya atangazwa, hanyuma hagategurwa igikorwa cyo kubarahiza bityo na bo bagatangira imirimo yabo.

Minisitiri w’Intebe mushya Dr Edouard Ngirente, ni umugabo w’imyaka 44 y’amavuko. Yavukiye mu karere ka Gakenke, mu Murenge wa Coko ho mu Majyaruguru y’u Rwanda.

Yize ibijyanye n’ubukungu muri kaminuza y’u Rwanda, ahava ajya gukomereza muri Kaminuza Gaturlika ya Louvain mu Bubiligi, ahavana impamyabumenyi y’ikirenga PhD, mu guteza imbere ubukungu bushingiye ku ibarurishamibare.

Yakoze imirimo itandukanye mu Rwanda no mu mahanga, aho mu Rwanda, yabaye umujyanama mu bukungu, aza no kuyobora urwego rushinzwe igenamigambi muri minisiteri y’imari n’igenamigambi.

Agizwe Minisitiri w’Intebe muri Guverinoma y’u Rwanda mu gihe yari umujyanama mu bukungu wo ku rwego rwo hejuru muri Banki y’isi, aho yarebereraga ibihugu bisaga 20.

Perezida Kagame yatangaje ko guverinoma nshya irara igezeho, nyuma yo kurahiza Minisitiri w’Intebe mushya Eduard Ngirente.

Yabitangaje ubwo yakiraga indahiro ya Minisitiri w’Intebe mushya Dr. Eduard Ngirente, wagiyeho asimbuye Hon. Anastase Murekezi.

Perezida Kagame yavuze ko yagerageje kubahiriza ibijyenwa n’amategeko ashyiraho Guverinoma nshya, irimo abagore bagize 30% nk’uko amategeko abiteganya. Yagize ati "Turajya muri Weekend dufite Guverinoma nshya."

Yavuze ko guverinoma nshya izaba irimo amazina mashya n’abari basanzwe muri Guverinoma icyuye igihe.

Yasezeranije impinduka muri guverinoma nshya ariko anavuga ko izaba ari Guverinoma Abanyarwanda bose bibonamo, irimo abagabo n’abagore bahagarariye Abanyarwanda.

Minisitiri w’Intebe Dr. Ngirente Edouard

Dr.Ngirente yashyizwe kuri uyu mwanya ahagana mu ma saa sita zo kuri uyu wa Gatatu tariki 30 Kanama 2017.

Iryo tangazo rigira riti "Ashingiye ku biteganywa n’Itegeko Nshinga rya Repubulika y’u Rwanda ryo mu 2003 ryavuguruwe muri 2015, cyane cyane mu ngingo yaryo ya 116, none ku wa 30 Kanama 2017, Nyakubahwa Perezida wa Repubulika yashyizeho Minisitiri w’Intebe, Bwana NGIRENTE ."

Biteganyijwe ko ari we uzashyiraho guverinoma nshya izamufasha kuyobora.

Dr. Ngirente Edouard yabaye umujyanama mu by’ubukungu muri Minisiteri y’Imari n’Igenamigambi (MINECOFIN).

Inama y’abaminisitiri yateranye ku itariki ya 30 Werurwe 2011, iyobowe na Perezida Paul Kagame, yamwemereye guhagarika akazi mu gihe kitazwi.

Dr. Ngirente yize icyiciro cya kabiri cya kaminuza ibijyanye n’ubukungu, mu cyahoze ari Kaminuza y’u Rwanda guhera mu mwaka wa 1996 kugeza mu 2000.

Guhera mu mwaka wa 2005 kugeza mu mwaka wa 2006 nibwo yize icyiciro cya gatatu cya kaminuza mu bijyanye n’ubukungu naho impamyabushobozi y’ikirenga (PhD ) mu bijyanye n’ubukungu ayikura muri Kaminuza Gatolika ya Louvin mu Bubiligi, mu mwaka wa 2010.

Itangazo ryaturutse muri Perezidansi ya Repubulika