Uyu munsi wizihizwa tariki 15 Kanama, ukaba ari umunsi w’ikiruhuko ku bagatolika mu Bufaransa n’ahandi ku isi.

Kibeho, agace gaherereye mu Majyepfo y’igihugu, haba ariho hantu hahuriye abantu benshi ku munsi nk’uyu. Abaje mu rugendo rutagatifu barenga ibihumbi 50 baba bitabiriye misa y’umunsi Assomption ndetse n’indi mihago ijyanye no guhamya ko ‘intama za Mariya’.

Kuba aha hantu hahurira abantu bangana gutyo ntabwo ari ku bw’impanuka. Mu myaka ya za 1980, abantu benshi bizera ko Bikira Mariya yabonekeye abakobwa batatu b’abanyeshuri bibereye mu nzu bararaga mo.

Nathalie Mukamazimpaka, ni we gusa muri batatu uhari ubu ubasha kubara inkuru y’amabonekerwa. Afite inzu atuyemo iherereye ikibeho. Ntabwo yigeze ashaka n’ubwo nta muryango uzwi w’ababikira abarizwamo.

Ibijyanye n’aya mabonokerwa ya Kibeho byemejwe na Papa Yohani Pawulo wa II mu 2001, ahita yemeza ko Kibeho ari ‘Ubutaka Butagatifu’ hashobora kubera ingendo ntagatifu nk’uko bigenda i Lourdes mu Bufaransa cyangwa se Fatima muri Portugal.

Kuba ubwo izina Mwamikazi wa Kibeho, ryiyongereye ku mazina menshi ahabwa Bikiramariya nyina wa Yezu.

Amabonekerwa ya Kibeho yizihizwa buri mwaka tariki 28 Ugushyingo.

Mwamikazi wa Kibeho

Abantu benshi bituma bakenera ibikorwaremezo byinshi

Abantu barenga ibihumbi 50, benshi muri bo baza mbere ho iminsi nk’ibiri cyangwa itatu. Umunsi wa Assomption hamwe n’umunsi wo kwizihiza amabonekerwa ni yo minsi ibiri ihuruza imbaga ikayihuriza hamwe kurusha indi yose mu gihugu.

No mu yindi minsi isanzwe, ibihumbi by’abantu bari mungendo ntagatifu barahaza.

Abari mu ngendo ntagatibu baturuka mu bihugu nk’u Bufaransa, u Butaliani, Portugal, u Bubiligi n’ibindi bihugu byinshi Kiriziya Gatolika yashinzemo imizi, mu gihe ibindi bihumbi byinshi byurira imodoka nini bigaturuka mu bihugu bituranye n’u Rwanda nk’u Burundi, Tanzania, Repubulika Iharanira Demokarasi ya Congo na Uganda izwiho naho kwakira ibihe nk’ibi, bibera Namugongo, ahiciwe abahowe Imana b’I Bugande.

Ibi birumvikanisha ko bisaba imyiteguro myinshi kugirango hakirwe umubare munini bigeze aha w’abantu.

Habitegeko Francois, umuyobozi w’akarere ka Nyaruguru agira ati “Umubare uba ari mwinshi cyane ku buryo tutabasha kubagaburira ngo tubahaze ku buryo buri wese waje aba abyifuzamo”.

Akomeza agira ati “Uruguga rw’abikorera, Kiriziya Gatolika natwe, turafatanya ngo turebe ko twabitaho uko bikwirirye”.

Atanga urugero rw’uko mu bihe nk’ibyo bakaza umutekano kugirango buri wese waje yumve atekanye mu gihe cyose azamara i Kibeho. Ati “Dukora ku buryo kandi amazi aboneka ndetse n’umuriro ku buryo buhagije.”

Umwe mu baganiriye na KT Press, yavuze ko mu minsi ibiri ishize, abaturage baturiye Kibeho bari bagiriwe inama yo kubika amazi menshi bitewe n’uko amazi azaba ari koherezwa i Kibeho mu bihe bya Assomption.”

Uretse ibyo kandi, akarere kubaka ivuriro rito ridahoraho ahabera ibirori. Kuri uyu wa kane, abantu bagera kuri bane bari bamaze kugana iri vuriro, harimo urwaye umutwe ndetse n’uwakomeretse byoroheje.

Mayor Habitegeko ati “dufite ibikoresho by’ubutabazi bw’ibanze n’abaganga bahagije ku buryo tuvura umurwayi akitugeraho.”

Uko bigaragara, iyo bigeze ku ruhare rw’abikorera, ibintu ntabwo biba byoroshye, kuko witegereje usanga ibikorwaremezo bihari bitajyanye n’umubare w’abantu uhakirirwa.

Habitegeko avuga ko hoteli ziri i Kibeho zifite ibyumba 135 byose bihora byuzuye umwaka wose.

Ati “Ntabwo usaba icyumba i Kibeho mu mezi nk’abiri cyangwa atatu gusa. Nta cyumba wabona.”

Akomeza agira ati “Ubusanzwe, abaje muri Assomption basiga bafashe ibyumba bazararamo mu Gushyingo hibukwa amabonekerwa. Muri make, nyuma ya Assomption, ibyumba bihita byuzura mu gihe cyose gisigaye cy’umwaka.”

Cyakora, abaje mu rugendo rutagatifu ntabwo batereranwa. Kiriziya yubaka amahema abantu bashobora kuryamamo igihe bananiwe.

Habitegeko, avuga ko benshi mu baje mu ngendo ntagatifu bahitamo kuguma mu kiriziya bagasenga, cyane ko ari cyo kiba cyabazanye kurusha ibindi.

Akomeza akangurira abikorera kudapfusha ubusa aya mahirwe ahoraho Kibeho yabahaye, ubundi bakaza bakongera amacumbi aha hantu.

Umwe mu baganiriye na KT Press, yavuze ko Kibeho ikeneye hotel zihenze cyane, iziciriritse ndetse n’izoroheje kuko hasurwa n’abantu b’ingezi zitandukanye.

Hagati aho mu mezi make, guverinoma izaba yaramaze gutegura ibikenewe byose kugirango ishoramari rishinge imizi i Kibeho.

Urugero, umuhanda wa kaburimbo ugana Kibeho kuri ubu ugeze hagati. Imirimo yo kuwubaka izaba yaruzuye mu mezi 30 ari imbere.

Si ibyo gusa kandi kuko imirimo yo kubaka ibitaro by’akarere bya Munini igeze kuri 70%.

Ku bijyanye n’imyemerere kandi, abashoramari bazi neza ko hari andi mahirwe abategereje bashobora kubyaza umusaruro.

Bari gutegura uburyo bwiza bwo gukoresha amazi matagatifu ya Kibeho, aturu mu isoko ya Kibeho buri mukerarugendo wahaje aba yifuza gutahana murugo iwe.

Abashoramari bashyizeho utujerekani twa litiro eshanu tuba turiho ishusho ya Bikiramariya, ariko ngo kuri assumption ntabwo ushobora kubona aya mazi kuko aba yashize rugikubita.

Uretse ibyo ibyo kandi, haba hari amakaramu, imipira, n’ibindi byinshi bigurwa cyane na ba mukerarugendo baba bizera ko ikintu cyose cy’i Kibeho ari gitagatifu.

Abadafite amafaranga, bo bifatira no kugitaga bayoye hasi, bakagishyira mu mabahasha bakagitahana ubundi bakakibika kure.

Uretse i Kibeho, mu bindi bice by’ikibeho naho habaye misa za Assomption.

Padiri Emmanuel Ndatimana ukuriye paruwasi ya Nyagatare, yagize ati “Sinjya numva imitekerereze y’abakirisitu batizihiza uyu munsi. Igisobanura cy’agakiza kacu gitangirana na Mariya Abyara Yezu.”

Umuhanzi Ngabo Medard muri studio za KT Radio mu mpera za 2018

Ibi bije bikurikira amakuru amaze iminsi azenguruka, avuga ko uyu muhanzi Nyarwanda ubarizwa Dallas muri Leta ya Texas yaba yarambitse impeta y’urudashira amusaba kuzibanira akaramata uyu mukunzi we ukomoka muri Ethiopia.

Uyu muhanzi ufite indirimbo iri kubica bigacika yitwa All Night, yasobanuye ibi mu kiganiro yakoranye na BBC, asobanura ibijyanye n’igitaramo afite i Bujumbura mu minsi iri imbere.

Yagize ati “Nta fiancée ndabona. Mimi ni umukunzi bisanzwe. Abantu bakomeje gukwirakwiza ibihuha by’uko twitegura kurushinga nyamara si ko bimeze. Wenda Imana nibishaka azambera fiancée.”

Meddy uzwi kandi mu ndirimbo yarebwe cyane kurusha izindi zose yakoze yitwa Slowly, yaje mu Rwanda avuye muri Amerika mu Kuboza 2018, ari kumwe n’umukunzi we maze bishimisha abakunzi b’uyu muhanzi cyane.

Meddy, mama we n’umukunzi we bari kwishimana kuri Noheli y’umwaka ushize

Kuri Noheli y’umwaka ushize, uyu mukunzi wa Meddy uzwi kandi ku gahimbano ka Mimi, yagaragaye ari kumwe n’umubyeyi wa Meddy bashyikiranye cyane, mu rugo aho atuye mu Karere ka Gasabo, umurenge wa Remera.

Aba bombi bakunze kugaragara bagirana ibihe byiza kurusha ibindi ku micanga haba muri Amerika ndetse no muri Mexique, bigatuma benshi batekerezako baba benda kurushinga.

Muri iki kiganiro kandi, Meddy yabwiye itangazamakuru ko atekereza ibyo kujya akora igitaramo buri mwaka mu Rwanda, gusa ngo akaba akinoza uwo mushinga.

Meddy yakunze kuza ku isonga ry’abahanzi bakunzwe kurusha abandi kuva yatangira kwamamara mu Rwanda mu 2010 n’indirimbo ze za mbere nk’amayobera. Ubwo yimukiraga muri Leta Zunze Ubumwe za Amerika, uyu muhanzi yakomeje kwamamara atari mu Rwanda gusa, ahubwo ari n’ahandi mu Karere.

Perezida Kagame yasabye uru rubyiruko kutagoreka Ikinyarwanda nk’uko bamwe babikora, bitwaje ko ari ibigezweho.

Perezida Kagame yagize ati “Twige ikinyarwanda, kuko kumenya ururimi rwawe ari intambwe imwe mu muco. Mpereza, ntabwo ari mereza, umuntu ntabwo ari umunu”.

Abanyarwanda bafite umwihariko wo kuvuga Ntu. Gushya, ikintu gishya. Ntabwo ari ugusha. Sha ni s h a ... shya ni s h y a...Yego. Ntabwo ari ego. Oya ntabwo ari Hoya.”

Perezida Kagame yasabye abakoresha iyi mvugo bamwe bita iy’abahanzi ko nibabishaka bajya babikorera aho bikwiye ariko mu bihe bisanzwe ‘tuvuge ikinyarwanda’.

Perezida Kagame yasabye kandi uru rubyiruko kugira uruhare mu iterambere ry’igihugu cyarwo, bakoresheje ubumenyi biga mu mashuri.

Yibukije abarangije aya mahugurwa ko igihugu kiri mu nzira y’amajyambere, abasaba kumenya neza gahunda y’ibikorerwa mu Rwanda ari yo Made in Rwanda, bityo bagatekereza uburyo n’ibikoresho bikomeye bishobora kuba byakorerwa mu Rwanda.

Yagize ati “Twese uko twaje hano twaje mu mamodoka... nkibaza ngo imodoka ikorerwa he? Ariko kuki itakorerwa mu Rwanda, kuki tugendera mu modoka zikorerwa ahandi gusa? ... Ariko se twe tuzikoze tukazigurisha ahandi si byo bifite inyungu? Si byo bifite inyungu?”

Perezida Kagame yasabye uru rubyiruko kutagarukira ku gukora ibyoroshye nk’imigati. Ati “Gukora umugati na byo birimo ubumenyi ariko ubigereranyije gukora umugati no gukora imodoka ubumenyi buratandukanye cyane.”

Yavuze kandi ko uretse n’imodoka, abantu bakwiye no gutekereza no ku bigezweho nka telefone.

Ati “Aya matelefone mwese muba mufite y’ibitangaza akanabatwara amafaranga menshi cyane nka iPhone, Samsung, Blackberry... iyo uyifite uyikoresha, igikurikiraho ujye wibaza uti iyi telefone ikorerwa he? Ikorwa ite? Irimo iki? Kuki igezweho? Kuki ifite ingufu muri yo?”

Yibukije ko amashuri biga abemerera kuba batekereza ibi bintu, cyane ko bisaba ubumenyi kandi bakaba babufite. Ati “Ese byakorwa n’abandi gusa twe bikaducika? Si cyo mugira mu mashuri se? ugashingira ku bumenyi ugakora ibyo ukwiye gukora.”

Itorero indangamirwa icyiciro cya 12 ryatangiye tariki 24 Kamena 2019, risozwa tariki 08 Kanama 2019, rikaba rigizwe n’urubyiruko ruturuka mu bihugu 23.

Itorero indangamirwa ryatangiye muri 2008, aho abana bazaga mu biruhuko bagahabwa inyigisho z’indangagaciro zitandukanye, kugira ngo nibasubirayo, bazababwire abo basize ibyiza by’u Rwanda.

Mu 2016, nibwo abarangije amashuri yisumbuye haba abo mu Rwanda n’abo hanze bahurijwe hamwe.

Muri urwo rubyiruko harimo abagera kuri 363 barangije amashuri yisumbuye, 48 rw’indashyikirwa ruyobora abandi, 5 bagarutse gutozwa, abandi 80 b’abanyeshuri biga mu mashuri mpuzamahanga, 69 bo mu nzego za Leta n’ibigo bitandukanye 55 abayobozi b’ibigo by’amashuri abanza n’ayisumbuye. Bose hamwe abaturuka mu Rwanda ni 81.18%.

Bimwe mu bihugu byaturutsemo aba bana, harimo, USA, Canada, India, Kenya, Belgium, UAE, Uganda 12%.

Umuyobozi mukuru w’Itorero ry’igihugu Bamporiki Edouard, yasabye uru rubyiruko gukomera ku murage wa Gihanga, umurage wa Benimana, Abadahemuka, Abadaheranwa, bigira ku mage yagwiriye u Rwanda, bakamenya u Rwanda kandi bakarukunda.

Bamporiki yagize ati “Nta ndangamirwa y’indangazi kirazira... kuba hari igihe tutari duhari ni ikimenyetso ndakuka cy’uko hari igihe tuzaba tudahari. Mukorere u Rwanda nk’abahari.”

Minisitiri w’Ingabo Maj General Albert Murasira, yavuze ko abagera kuri 698 ari bo basoje itorero indangamirwa, aho bigishijwe ubumenyi bw’ibanze ku bya gisirikare kuko 65% by’ibyo batojwe ari byo.

Yasipi Casmir n’abo yari ayoboye bereka umukuru w’igihugu uko bategura urugamba

Ubwo bamwe mu basoje aya masomo berekanaga ibyo bize, mu bijyanye no gutegura urugamba, Yasipi Kasmir Uwihirwe, yagaragaye asobanurira abayobozi bayobowe n’umukuru w’igihugu akaba n’umugaba w’ikirenga w’ingabo z’u Rwanda uburyo bategura urugamba neza ku ikarita, uburyo basubizayo umwanzi, uko bakwitwara igihe baba batunguwe n’ibindi.

Yasipi Kasmir wari wahawe ipeti rya Lieutenant wambaye umwambaro wa gisirikare, inkweto za bote, ingofero y’urumbaga ndetse n’imbunda nini, hamwe n’inkoni mu ntoki, yatangiye asaba abagize itsinda yari ayoboye kwibwira abayobozi.

Nyuma yo gusobanurira abayobozi agace bategura guhanganiramo n’umwanzi, n’uko bazagenda bitwara kuri buri musozi mu bihe bitandukanye, yasabye abasirikare batandatu yari ayoboye kwakira amabwiriza y’uko bagomba kwitwara ku rugamba.

Ubwo Yasipi Casmir yari mu marushanwa ya Nyampinga w’u Rwanda 2019, birangira yegukanye umwanya wa Kabiri

Nyuma y’aya mabwiriza, abasirikare bagiye ku rugamba, bahangana n’umwanzi mu buryo busa neza n’uko urugamba rugenda, ndetse baranarutsinda.

Urubyiruko ruturuka mu bihugu 23, barangije amashuri yisumbuye.

Itorero indangamirwa ryatangiye muri 2008, aho abana b’Abanyarwanda batuye mu mahanga bazaga mu biruhuko bagahabwa inyigisho ku ndangagaciro zitandukanye za Kinyarwanda, kugira ngo nibasubirayo, bazabwire abo basanze ibyiza by’u Rwanda.

Muri 2016, nibwo abarangije amashuri yisumbuye haba abo mu Rwanda n’abo hanze batangiye guhurizwa hamwe mu itorero Indangamirwa.

Abasoje amasomo uyu mwaka, harimo abagera kuri 363 barangije amashuri yisumbuye, urubyiruko 48 rw’indashyikirwa ruyobora abandi, batanu bagarutse gutozwa, hari kandi 80 b’abanyeshuri biga mu mashuri mpuzamahanga, 69 bo mu nzego za Leta n’ibigo bitandukanye, 55 b’abayobozi b’ibigo by’amashuri abanza n’ayisumbuye. Abaturuka mu Rwanda barabarirwa ku ijanisha rya 81.18%.

Aba bari basoje itorero kandi, bashyizwe mu byiciro bibiri aribyo icy’abafite hagati y’imyaka 24 na 35, cyiswe indahangarwa.
Hari kandi abafite imyaka iri hagati ya 18 na 23 biswe indirira.

Abaturutse hanze biyandikishije bageraga kuri 124, ariko abitabiriye ni 78 baturutse mu bihugu 23, birimo USA, Canada, India, Kenya, Belgium, UAE, Uganda n’ibindi.

Yasipi Casmir wabaye igisonga cya Nyampinga w’u Rwanda 2019

The Ben

The Ben ari mu kiciro kiswe Best Male East Africa, bivuze umuhanzi witwaye neza muri Afurika y’Uburasirazuba, aho ari kumwe n’abahanzi nka Diamond Platnumz w’umunya - Tanzania, Harmonize, Khaligraph wo muri Kenya, Nyanshiski nawe wo muri Kenya, Eddy Kenzo w’umunya - Uganda, Ommy Dimpoz wo muri Tanzania, Ali Kiba wo muri Tanzania na Rayvanny.

The Ben ubarizwa muri Chicago muri Leta Zunze Ubumwe za Amerika, yakunze kwigarura imitima ya benshi mu karere yifashishije indirimbo ze nka Am in love, Ndaje na Habibi.

Avugana na Kigali Today kuri uyu wa gatatu, The Ben yasabye Abanyarwanda gushyigikira Abanyarwanda bari muri iri rushanwa kugirango bazegukane ibihembo.

The Ben yagize ati “Ni amahirwe akomeye abahanzi Nyarwanda tuba tubonye ngo ibyo dukora bishimwe ku ruhando mpuzamahanga. Ni dushyigikirwa n’ab’iwacu, birashoboka cyane rwose ko twatahana ibihembo”.

Butera Knowless uhatanye n’abahanzi nka Julianna Kanyomozi muri AFRIMMA

Knowless Butera nawe ari mu cyiciro gikomeye cyizavamo umugore witwaye neza kurusha abandi muri Afurika y’Uburasirazuba (Best Female East Africa), icyiciro ahuriyemo na Sheebah Karungi wo muri Uganda, Vanessa Mdee wo muri Tanzania, Okothee wo muri Kenya, Rema Nakamura wo muri Ugand na Julian Kanyomozi wo muri Uganda.

Umunyarwandakazi w’umubyinnyi wanegukanye MTV Award Sherrie Silver wakoranye n’abahanzi batandukanye nka Childish Gambino na Beyonce nawe ari mu bihembo AFRIMMA bya 2019.

Sherrie ari mu kiciro kimwe cy’umubyinnyi mwiza w’umunyafurika aho ari kumwe n’ababyinnyi nka Kaffy Dance Queen wo muri Nigeria, Grove wo muri Angola, La Petite Zoda wo muri Cote d’ivoire, Manuel Canza Odigie wo muri Nigeria, Bajuni wo muri Tanzania na Rabbit Crew255 wo muri Tanzania na The Team bo muri Angola.

Sherrie Silver watwaye MTV Award akora ibyo akora neza kurusha ibindi

Gutora umuhanzi wawe ukunze birakorwa buri munsi ku rubuga www.afrimma.com Mureke twitorere abahanzi bacu bazatahane ibi bihembo iwacu i Rwanda.

Ibirori byo gutanga ibihembo biteganyijwe tariki 02 Ugushyingo uyu mwaka i Dallas muri Texas, ahitwa Bomb Factory, ahantu hazwi cyane hakiriye ibirori bitandukanye kandi bikomeye muri Dallas.

African Music Magazine Awards (AFRIMMA) 2018 byabaye tariki 07 Ukwakira, bibera Dallas no muri Nigeria, abahanzi nka Davido, Burna Boy, Yemi Alade na Wizkid batsindiye ibihembo byinshi.

Perezida Kagame hagati y’impande ebyiri ziyemeje gusenyera umugozi umwe muri Mozambique

Perezida Kagame yavuze ko n’ubwo atari ubwambere izi mpande zimaze igihe zidacana uwaka zitera intambwe nk’iyi ariko ntihagire icyo bitanga, ibyo bakoze atari imfabusa.

Yagize ati “iyi ntambwe idufitiye akamaro twese muri Afurika. Irerekana ko dushobora kwishakira ibisubizo ku bibazo byacu kabone n’ubwo byaba bikomeye”.

Yakomeje agira ati “ibiganiro ndetse no guhitamo ubumwe ntabwo ari ibintu bigomba kuba nk’itegeko ry’abanyamahanga. Ndetse n’igihe hari icyemeranyijweho, kigomba gusigasirwa n’abenegihugu ubwabo”.

Perezida Kagame yavuze ko ubwo Mozambique ihisemo guhindura ipaji, nta kidashoboka mu gihugu cyabo, haba mu iterambere ndetse n’imibereho myiza y’abaturage.

Yavuze kandi ko u Rwanda ruzakomeza gushyigikira Mozambique, cyane ko hari urugamba ibihugu byombi bihuriyeho rwo guteza imbere Afurika nk’umugabane wose.

Aya masezerano yashyiriweho umukono mu murwa mukuru Maputo, yitezweho kurangiza ibihe by’intambara no kutumbikana bimaze imyaka irenga 40, bikaba byarahitanye abarenga miliyoni.

Amaserano nk’aya yasinywe mu 1992, ariko aza guteshwa agaciro mu 2013, ubwo ingabo za Leta zarasaga ku birindiro by’ingabo za RENAMO.

Amasezerano yashyizweho umukono kuri uyu wa kabiri tariki 06 Kanama 2019 hagati ya Perezida Filipe Nyusi ku ruhande rwa Leta ya Mozambique na Ossufo Momade uyoboye RENAMO.

Muri aya masezerano, hemeranyijwe ko bamwe mu basirikare ba RENAMO bashyirwa mu gisirikare na Polisi bya Mozambique mu gihe abandi basubizwa mu buzima busanzwe.

Uyu muhango witabiriwe n’abakuru b’ibihugu batandukanye barimo Perezida Paul Kagame w’u Rwanda, Cyril Ramaphosa wa Afurika y’Epfo, Edgar Lungu Perezida wa Zambia, Hage Geingob Perezida wa Namibia, Umuyobozi w’Umuryango wa Afurika Yunze Ubumwe, Mousa Faki Mahamat, Jakaya Kikwete wahoze ayobora Tanzania ndetse n’abandi.

Perezida Kagame yabwiye abitabiriye inama urugendo igihugu cyagenze ngo kibe kiri aho kiri ubu

Iyi nama itegurwa na Tony Elumelu Foundation, perezida w’u Rwanda yayihuriyemo n’abandi bayobozi ku mugabane wa Afurika nka Perezida Macky Sall wa Senegal, Félix Tshisekedi wa Repubulika iharanira Demokarasi ya Congo, Visi Perezida wa Nigeria Osinbajo na Minisitiri w’Intebe wa Uganda, Ruhakana Rugunda.

Mu kiganiro cyatanzwe mu gitondo cyo kuri uyu wa gatandatu, kigamije gutuma ba rwiyemezamirimo b’abanyafurika batanga ibitekerezo byatuma urwego rw’ubucuruzi rurushaho kwihuta muri Afurika, Perezida Kagame yabajijwe uburyo yabigenje kugirango igihugu kibashe kugera aho kigeze.

Perezida Kagame yagize ati “Nta yandi mahitamo twari dufite. Twageze hasi cyane kuburyo bitashobokaga gukomeza kumanuka. Kujya imbere ni yo nzira yonyine twari dufite kandi ni cyo twiyemeje”.

Asobanura urugendo, Perezida Kagame yavutse ko icyambere cyabaye uguhindura imyumvire y’abaturage bari baramenyerejwe guhabwa iby’ubuntu bivuye imahanga.
Ati “twatekereje uburyo Abanyarwanda bagomba kumva ko bagomba kwigira. Ibi kandi bikwiye no kumera bityo ku bandi banyafurika. Tugomba gukora ibyacu. n’iyo twabona inkunga, tukayikoresha kugirango dushimangire ibikorwa byacu maze tubyubakireho”.

Perezida Kagame yasobanuye uburyo iterambere ndetse n’ubukungu ari ibintu bibiri by’ingenzi igihugu cyiyemeje maze gitangira kubikorera.

Yavuze ko byabaye ngombwa gushora imari mu bumenyi n’ ibikorwaremezo. Yagize ati “igikurikiraho ni ubucuruzi, ishoramari, guhanga udushya n’ibindi. Ntabwo ibi byari gushobora iyo hatabaho imiyoborere myiza”.

Yakomeje agira ati “Nguko uko twabigenje. Niba dukora ibintu uko bigomba gukorwa, tugashyiraho umurongo, sinumva uburyo umuntu umwe, jyewe nshobora kuba ikibazo. Umurage ntabwo ari njyewe, umurage ni ibyo usiga inyuma.”

Perezida Kagame yagaragarije abitabiriye iyi nama uburyo u Rwanda rwari rwaramunzwe na politiki y’amacakubiri, ndetse n’uburyo abanyarwanda babashije kwiyunga bagasenyera umugozi umwe bagana mu iterambere.

Muri iyi nama kandi, hahawe impamyabumenyi ba rwiyemezamirimo bakiri bato bagera ku 3000 b’abanyafurika, barimo 25 b’Abanyarwanda. Ni ba rwiyemezamirimo bakora mu bijyanye n’ubuhinzi, ubukerarugendo n’inganda.

Hypolite (uhetse igikapu) hamwe n’umuhanzi Ben Nganji wamufashije kugenda agace gasoza urugendo rwe kavuye ku Ruyenzi kakagera ku rwibutso rwa Jenoside rwa Kigali

Mu rugendo yise ‘be the peace’ bishatse kuvuga ngo biba Amahoro, yarutangiranye n’iminsi ijana yo kwibuka, akomereza Mibilizi mu karere ka Rusizi aho akomoka, yerekeza i Karongi, Rubavu, Musanze, Gicumbi, ajya mu cyahoze ari Umutara, Kibungo na Kigali Ngali, akomereza Nyamagabe na Muhanga mbere y’uko arusoreza mu mujyi wa Kigali kuri uyu wa Kane.

Ajya gutangira uru rugendo, ntigurirwa yavuze ko uru rugendo rugamije kwereka amahanga ko Abanyarwanda bateye indi ntambwe bakabasha kwiyunga, ku buryo ubu babanye neza bitandukanye n’ibyo bamwe bibwira, bakeka ko badacana uwaka.

Jenoside yakorewe Abatutsi yabaye Hypolite afite imyaka 7, akaba yarabuze abo mu muryango we bagera kuri 30 barimo na se umubyara.

Amafoto

Photos: Plaisir Muzogeye

Reba Video y’umunsi wa nyuma w’urugendo rwa Ntigurirwa

Abinyujije ku rukuta rwe rwa Twitter, Perezida Kagame yagize ati “Mbabajwe n’inkuru y’urupfu rwa Nyakubahwa Beji Caïd Essebsi, perezida wa Tunisia akaba n’umwe mu bayobozi ba Afurika. Twihanganishije cyane abo mu muryango we, guverinoma ndetse n’abaturage ba Tunisia.”

Uyu musaza w’imyaka 92, wabaye wa mbere wa Tunisia watuwe mu matora anyuze mu mucyo nk’uko BBC ibivuga, yajyanywe kwa muganga kuwa gatatu ariko ntihatangazwa indwara yari imushyize hasi.

Perezida Essebsi, ni we wari perezida ukuze kurusha abandi bose ku isi ukiri mu mirimo. Biteganyijwe ko perezida w’inteko ishinga amategeko ya Tunisia Mohamed Ennaceur ari we uba umusimbuye by’agateganyo.

Perezida Essebsi, mu ntangiriro z’uyu mwaka yari yatangaje ko atazongera kwiyamamariza kuyobora iki gihugu, mu matora ateganyijwe mu kwezi kwa 11 uyu mwaka.

Saddened to learn of the passing of His Excellency Beji Caïd Essebsi, President of Tunisia and African statesman. Our sincere condolences to his family, and the Government and people of Tunisia.

— Paul Kagame (@PaulKagame) July 25, 2019

Komisiyo y’amatora muri iki guhugu, itangaza ko amatora yari kuba tariki 17 Ugushyingo 2019 agomba guhita yigizwa imbere.

Essebsi yari umunyamategeko wigiye i Paris mu Bufaransa, mu myaka irenga 60 amaze muri politiki akaba yarakoze imirimo itandukanye irimo nko kuba minisitiri w’umutekano mu gihugu, ndetse na perezida w’inteko ishinga amategeko.

Mohamed Beji Caid Essebsi yayoboraga Tunisia kuva mu Kuboza 2014

Yatangiye kumenyekana nyuma yuko uwahoze ari perezida wa Tunisia Zine el-Abedine Ben Ali ahirikiwe ku butegetsi mu 2011, nyuma y’imyaka 23 yari abumazeho.

Tunisia yakomeje gufatwa nk’urugero rwa demokarasi nyuma y’impinduramatwara yiswe “arab spring” yahiritse benshi mu bari abaperezida mu bihugu by’abarabu.

Mu bihe bya vuba, igihugu cye cyagiye kivugwamo ihungabana ry’ubukungu, kubura akazi ndetse n’ibitero by’imitwe ya kisilamu.

Kagame n’Igikomangoma cy’Ubwongereza batambuka mu busitani

Ibi biganiriro byabereye mu nzu y’iki gikomangoma izwi nka Highgrove House, baganira kuri ino nama ya mbere ifite uburemere mu muryango Commonwealth, inama izaba muri Kamena 2020 nk’uko byatangajwe n’ibiro bya perezida Kagame.

Muri Mata umwaka ushize, u Rwanda rwatorewe kuzakira iyi nama, ifatwa nk’ihenze kurusha izindi zose zihura abakuru b’ibihugu na za Guverinoma.

U Rwanda rwatsindiye iyi tike, nyuma yo gutsinda ibihugu nk’Ikirwa cya Pacifique na Fiji, kiba igihugu cya Kabiri muri Afurika cyakiriye iyi nama nyuma ya Uganda yayakiriye mu 2007.

Uku guhura kw’aba bayobozi bombi kuje gukurikira ugushyigikira u Rwanda kw’ibihugu bigize Commonwealth, ngo u Rwanda ruzakire iyi nama nta nkomyi.

Uku gushyigikirwa kwatangajwe na minisitiri w’ububanyi n’amahanga w’u Rwanda Dr Richard Sezibera, mu nama ihuza abaminisitiri b’ububanyi n’amahanga b’ibihugu bigize Commonwealth; inama yabaye mu ntangiriro z’uku kwezi.

Afurika iza ku mwanya wa mbere w’imigabane ifite ibihugu byinshi muri Commonwealth kuko ifitemo ibigera kuri 19, igakurikirwa na Amerika ifite ibigera kuri 13.

Mu karere u Rwanda rubarizwamo, ibihugu nka Tanzania, Uganda u Rwanda na Kenya ni bimwe mu bigize uyu muryango.

Muri ibi bihe si abantu gusa bari mu kaga kuko n’inyamaswa harimo n’intare ntizari zorohewe n’ibyabereye ku butaka bwazo buherereye muri Parike nkuru y’Akagera mu Burasirazuba bw’igihugu.

Ibi byose byabaye mu 1994, ubwo Jenoside yambere yatwaye ubuzima bwa benshi mu gihe gito mu mateka ya muntu yabaga. Jenoside yakorewe Abatutsi yahitanye ubuzima bw’abarenga miliyoni, yangiza byinshi harimo n’inyamaswa zo muri parike zitandukanye mu gihugu.

Umutontomo w’intare ni ryo jwi rirangurura kurusha ayandi yose mu mateka y’inyamaswa, kuko rishobora kumvikana mu birometero bigera ku munani uvuye aho intare iri.

Ibi kandi iyi nyamaswa ibikora bitayigoye bitewe n’uko ngo iyo igiye gutondoma, imiyoboro y’amajwi yayo ikora inzira imeze nka kare, bigatuma amajwi abasha kwihuta mu muyaga cyane kandi nta mbaraga cyangwa umwuka mwinshi ikoresheje. Ibi byemezwa n’ubushakashatsi.

Abahanga mu nyamaswa bavuga ko buri jwi ry’intare riba rifite ubutumwa rigamije gutanga. Hari ubwo zitontoma zishaka kubwira izinda ntare ko zihari, kandi ko zishinze imizi kandi zuzuye ubukaka n’ubudahangarwa kugirango zitaza kuyivogera ku butaka bwayo.

Nyamara mu Rwanda iyo mitontomo y’intare ntiyongeye kumvikana kuva mu myaka ya za 1990.

Kugirango intare zigaruke mu Rwanda, guverinoma yiyemeje inshinga zitoroshye zo kugarura inyamaswa zazimiye muri Parike y’Akagera harimo n’intare.

Mu 2010, sosiyete yitwa African Parks yo muri Afurika y’Epfo yita ku bijyanye no kwita ku bidukikije, yasinyanye amasezerano yo kwita kuri parike y’Akagera ku bufatanye n’ikigo cy’igihugu cy’iterambere. Kimwe mu byari bigamijwe, ni ugutuma iyi parike ibasha kuva ku rwego ruciriritse ikabashaka kuba parike yihagije kandi itanga ikizere cy’ejo hazaza.

Hari amakuru mashya ku mubare w’intare

Amakuru aheruka yatanzwe n’ikigo African Park n’ikigo cy’igihugu cy’iterambere, aravuga ko hari ukwiyongera cyane kw’intare muri parike y’Akagera. Iki kigo kivuga ko kuva zagarwa mu 2015, izi ntare zikubye gatatu.

Aragira ati “mu myaka ine gusa ishize, intare zirindwi zazanywe muri Parike y’Akagera mu Rwanda, nyuma y’imyaka 20 zarahacitse. Ubu, twishimiye kubasangiza amakuru avuga ko izi ntare zimaze kwikuba gatatu.”

African Park ivuga ko ibi byagezweho nk’umusaruro w’imyaka myinshi yo kwitegura, binyuze mu gufata ibyemezo ndetse no kubishyira mu bikorwa ari nako izi nyamaswa zikomeza kwitabwaho.

Umwaka umwe gusa nyuma yo kugarura izi nyamaswa, izi nyamaswa zari zamaze kwikuba kabiri, nyuma y’ivuka y’utubwana 11, mbere y’uko hazanwa izindi ntare z’ingabo ebyiri zivuye muri Afurika y’Epfomu 2017, kugirango umuryango w’intare zo mu Rwanda ukomeze kugira amaraso akomeye.

Mu kwa gatandatu uyu mwaka, Parike nkuru y’igihugu yakiriye izindi nyamaswa ari zo nkura z’umukara.

Izi nyamaswa ziri kugenda zikendera ku isi, zazanywe zikuwe mu nzu zororerwamo inyamaswa zitandukanye zo ku mugabane w’Uburayi.

Hamaze kwinjira arenga Miliyoni 2 z’Amadolari

Nyuma yo gushyiraho amategeko arengera ndetse akanabungabunga parike, ndetse no kugabanya cyane ibikorwa by aba rushimusi muri parike, amakuru aheruka aravuga ko isura nshya ya parike yakuruye ba mukerarugendo kurusha uko byigeze kugenda ikindi gihe, bituma hinjira agatubutse kurusha indi myaka yose yabanje.

Aya makuru avuga ko bamukerarugendo basura iyi parike biyongereye ku kigero kirenga 900%, kikaba ku bihumbi 200,000 by’amadolari byinjiye mu 2010, bikagera kuri miliyoni ebyiri z’amadolari zinjiye umwaka ushize wa 2018, bituma iyi parike ibasha kwihaza ku kigero cya 75%.

Aya mafaranga yavuye mu bakerarugendo 44,000 basuye iyi parike mu 2018, icyakabiri cyabo kikaba cyari kigizwe n’abanyarwanda ndetse n’abanyamahanga batuye mu Rwanda.
Kugirango barusheho gukurura ba mukerarugendo benshi, byabaye ngombwa ko hubaka ibikorwaremezo bigezweho.

Bimwe mu biheruka ni nka Rusizi Tented Lodge na Karenge Bush Camp.

Ruzizi Camp iherereye ahitegeye ikiyaga cya Ruzizi, ifite amahema icyenda meza cyane yakira ba mukerarugendo biyumvira akayaga kava mu kiyaga.

Aha hantu hakira abantu batarenga 20, ni ahantu heza kandi hiherereye, nk’uko bisobanurwa n’abagenzura iyi parike.

Ku rundi ruhande rwa Parike, hari Karenge Bush Camp, aho abantu bagenda bagatura by’igihe gito, hategurwa kabiri mu mwaka, hakamara amezi atarenga atatu. Iyo ibyayo birangiye, nta kimenyetso na kimwe gisigara cyakwerekana ko yigeze ihabera.

Aha hantu hatanga haba hari amahemba 6 ashobora kwakira abantu batarenga 12.

Parike y’akagera ishobora gusurwa ku manywa n’abanyarwanda ku madolari 7.5, mu gihe abanyamahanga batuye mu Rwanda bishyura amadolari 35, mu gihe abanyamahanga basura u Rwanda bishyura amadolari 50.

Hejuru y’ayo mafaranga yishyurwa na ba mukerarugendo, imodoka ije muri parike yambaye purake z’inyarwanda yishyura amafaranga 10,000 mu gihe imodoka itwarira abantu hamwe y’inyarwanda yishyura 20,000 rfw. Hari kandi amafaranga yishyurwa n’izindi modoka zinjira muri parike zidaturuka mu muryango wa Afurika y’Uburasirazuba.

Muri rusange, inyamaswa zo muri parike y’akagera zikomeje kwiyongera bitewe n’ingamba zafashwe kugirango ikomeje ibungabungwe.

Beyonce yaririmbye ko uyu mugabo we afite inkomoko mu rw’imisozi 1000

Uyu uvugwa ni umuraperi w’umunyamerika Shawn Corey Knowles-Carter uzwi nka Jay - Z, umugabo w’umwirabura w’umunyamerika wavutse tariki 04 Ukuboza 1969, avukira mu mujyi wa New York mu burasirazuba bwa Leta Zunze ubumwe za Amerika.

Mu ndirimbo Beyoncé yafatanyije n’umugabo we Jay Z hamwe n’undi muririmbyi w’umunyarwenya w’umunyamerika witwa Childish Gambino, bise Mood 4 Eva, ikaba iri kuri album hamwe n’izindi ndirimbo 26 yasohoye kuri uyu wa gatandatu yise “The Lion King: The Gift” mu gika cya gatatu, Beyonce avuga amazina ye yose, akongeraho ko ari mushiki w’aba Yoruba, ubu bukaba ari ubwoko bubarirwa muri Afurika y’Uburengerazuba (Nigeria, Benin na Togo).

Akomeza avuga ko se w’abana be afite inkomoko mu Rwanda, abantu bakibaza niba koko ari ukuri cyangwa ari iby’inganzo nta kindi.

Muri iyi album, Beyoncé yiyegereje cyane Afurika, dore ko hariho indirimbo yafatanyije n’abahanzi b’abanyafurika nka Tekno, Yemi Alade, Mr Eazi, Tiwa Savage, John Kani wo muri Afurika y’Epfo na Salatiel wo muri Cameroun.
Si ibyo gusa kuko kuri iyi Album afiteho indirimbo yise Spirit, aho atangira avuga amagambo y’Igiswahili agira ati “Uishi kwa muda mrefu mfalme” bishatse kuvuga ngo urakarama mwami.

Si ibyo gusa kuko Jay – Z aririmbamo abantu nka Nelson Mandela ufatwa nk’intwari ya Afurika, akavuga ko atunze ibya mirenge nka Mansa Musa, umwami w’abami wo muri Mali, ufatwa nk’umuntu watunze byinshi kurusha abandi bose mu mateka y’isi n’ibindi.

Beyonce kandi muri iyi ndirimbo yigereranya nk’umwamikazi wa Sheba, umwe uvugwa mu mateka ko yavuye muri Afurika akajya gusura umwami Salomoni, uyu uvugwa cyane mu bitabo harimo na Bibiliya.

Benshi bavuga ko ahazaza ha Muzika y’isi hari muri Afurika. Benshi bakibaza ko ari yo mpamvu uyu muhanzi ari kugenda yiyegereza Afurika cyane kugira ngo ejo hazaza hatazamusiga.

Birashoboka cyane ko Jay – Z yaba yifitemo amaraso y’Abanyarwanda

Beyonce na Jay - Z bamaraye imyaka 11 babana nk’umugabo n’umugore, bakaba bafitanye abana batatu

Nk’uko amateka abisobanura, Abirabura bose bakomoka muri Amerika (African Americans), ari nabo Jay Z hamwe n’abandi bakomokamo, bakomoka muri Afurika.

Abasekuruza babo bajyanywe muri kiriya gihugu nk’abacakara bagiye gukoreshwa imirimo y’ingufu mu mu mirima y’ibisheke kuva ahagana mu w’1452, ubwo Abanyaburayi bari bamaze kuvumbura Amerika.

Bifashishije ikoranabuhanga, aba bantu bakomeje gushakisha inkomoko yabo maze, maze begera abahanga babafata ibizamini bya DNA, babaha ibirari by’aho bashobora kuba bakomoka.

Mu ntangiriro za 2016, Abanyamerika barenga miliyoni bari bamaze kwifashisha ikoranabuhanga ryitwa PBS ngo babashe kumenya inkomoko yabo.

Umuryango nk’uwa Jay –Z na Beyonce, bamwe mu bakize kurusha abandi bahanzi muri Amerika no ku isi nzima, ntiwananirwa kwishyura udufaranga duke kuri menshi batunze ariko bakazabasha kubona icyo bazabwira abana babo igihe bazababaza aho bakomoka.

Mu bindi byamamare byabashije kumenya aho bikomoka twavuga nk’umukinnyi wa Filime Chris Rock, wabwiwe n’ikoranabuhanga ko akomoka muri Cameroun, Oprah Winfrey, wigeze kuba ari we mugore w’umuherwe cyane w’umwirabura mu myaka ishize, wabwiwe ko ashobora kuba akomoka hagati ya Liberia, Cameroun cyangwa Zambia na Whoopi Goldberg wabwiwe ko ashobora kuba akomoka muri Guinee Bissau.

Hari kandi umukinnyi w’amafirime uzwi Vanessa A. Williams wabwiwe ko akomoka muri Ghana mu kigero cya 23%.

Reba lyrics video y’indirimbo Mood 4 Eva ya Beyoncé Ft Jay-Z and Childish Gambino

Wellars Gasamagera, arahagararira u Rwanda muri Repubulika ya Angola, mu gihe Prosper Higiro ahagararira u Rwanda muri Canada, naho James Kimonyo agahagararira u Rwanda muri Repubulika ya Rubanda y’u Bushinwa.

Vincent Karega yagizwe ambasaderi muri Repubulika iharanira Demokarasi ya Congo, mu gihe Alfred Kalisa ahagararira u Rwanda muri Repubulika y’Abarabu ya Misiri.

Dr Francois Xavier Ngarambe, aragahararira u Rwanda muri Repubulika y’u Bufaransa, naho Dr Aissa Kirabo Kakira aruhagararire muri repubulika ya Ghana, mu gihe sheikh Saleh Habimana ahagararira u Rwanda mu bwami bwa Morocco.

Yasmin Amri SUED arahagararira u Rwanda muri Repubulika ya Korea, mu gihe Francois Nkurikiyimfura aruhagararira muri leta ya Qatar.

Eugene Segore Kayihura arahagararira u Rwanda muri Afurika y’Epfo, naho Jean de Dieu Uwihanganye ahagararire u Rwanda muri Repubulika ya Singapore.

Marie Chantal Rwakazina, arahagararira u Rwanda mu bu Suwisi, mu gihe Maj. Gen. Charles Karamba ahagararira u Rwanda muri Repubulika yunze ubumwe ya Tanzania.

Emmanuel Hategeka arahagararira u Rwanda mu bihugu byunze ubumwe by’abarabu.

SG Louise Mushikiwabo na Perezida Kagame bagirana ibiganiro

Perezida Paul Kagame w’u Rwanda, yakiriwe n’abayobozi ndetse n’abakozi ku cyicaro gikuru cya OIF, nyuma y’uko muri iki gitondo yagize ikiganiro ku ikoreshwa ry’ikoranabuhanga mu iterambere ry’ubukungu muri Afurika.

En marge de sa visite à Paris pour #VivaTech2019, le Président du #Rwanda, Paul Kagame a rendu visite au siège de L'#OIF où il a été reçu par la Secrétaire générale @LMushikiwabo et son équipe. pic.twitter.com/eTH1y8nb2u

— La Francophonie (@OIFfrancophonie) May 17, 2019

Urubuga rwa Twitter rw’umuryango OIF, ruvuga ko mu biganiro bagiranye, Mushikiwabo yeretse Perezida Kagame inzira zishoboka OIF yafatanyamo n’u Rwanda, mu bijyanye n’ubutwererane no gusangira ubunararibonye.

Zimwe mu ngingo baganiriyeho, harimo ibijyanye n’iterambere ry’ikoranabuhanga, ubwiyunge, uburinganire, ndetse n’iterambere ry’ururimi rw’Igifaransa.

Bafata ifoto y’urwibutso

Louise Mushikiwabo yatorewe kuba Umunyamabanga Mukuru wa kane w’umuryango w’ibihugu bivuga igifaransa tariki 12 Ukwakira 2018, atangira imirimo ye tariki 03 Mutarama 2019.

Yasimbuye kuri uyu mwanya Umunyakanadakazi Michael Jean, wari umaze manda y’imyaka ine kuri uyu mwanya.

Abakozi b’uru rwego bafata ifoto y’urwibutso na Perezida Kagame

Perezida Kagame asanga iterambere n’ikoranabuhanga bidahabanye ahubwo bijyana

Perezida Kagame yavuze ibi mu kiganiro ari kumwe na Perezida Macky Sall wa Senegal bagiriye i Paris mu Bufaransa, kikayoborwa na Maurice Lévy , umuyobozi mukuru w’akanama ngishwanama ka ‘Publicis Groupe’ sosiyete ikomeye mu bijyanye no kwamamaza.

Lévy yatangiye avuga uburyo VivaTech yashyize imbere ibijyanye n’iterambere ry’ikoranabuhanga muri Afurika, kugeza ubwo uyu mugabane uzaba uvugwaho ikoranabuhanga n’iterambere ririshingiyeho.

Yashimiye ba perezida bombi uburyo bari kugaragaza Afurika mu isura nshya, mu gihe bari bamenyereye Afurika mu bibazo, mu mutekano muke n’ibindi nk’ibyo.

Yashimye kandi uburyo Perezida Kagame yemeye kwitabira ubutumire bwabo, mu gihe u Rwanda rukomeje kwibuka ku nshuro ya 25 abazize Jenoside yakorewe Abatutsi mu 1994.

Ati “Ntabwo tumenyereye kumva Afurika mu iterambere ry’ubukungu bushingiye ku ikoranabuhanga”.

Yavuze ko ashima cyane uburyo u Rwanda rwahinduye amateka yarwo kuva Kagame yatangira kuyobora u Rwanda rwari rusohotse muri Jenoside n’ingaruka zayo.

Ati “Habaye iterambere rigaragara mu burezi, ibikorwa remezo, mu iterambere, kugenzura uburyo ifaranga rita agaciro, kugeza ubwo World Economic Forum ishyira u Rwanda ku mwanya wa karindwi w’ibihugu biyobowe neza. Ati iyi ni intambwe ifatika kandi sinatinya kuvuga ko bitangaje”.

Ku kibazo kijyanye n’uburyo u Rwanda rwabashije kwikura mu bibazo, rukagera aho rugeze ndetse n’ibibazo rwagiye ruhura na byo muri urwo rugamba, Perezida Kagame yavuze ko iteka iki kibazo kitajya kimworohera kugisubiza.

Ati “Ntabwo byari byoroshye kubona icyo uheraho kuko byose byarihutirwaga. Duhitamo guhera ku kongera kubanisha Abanyarwanda, umutekano, ubutabera, tubona gutekereza uko twazana iterambere ry’abaturage n’iry’ubukungu”.

Yavuze kandi ko nubwo amahanga yagize uruhare mu gutuma u Rwanda rugera ahabi, ayo mahanga yongeye no gufasha cyane kugira ngo rwongere rubyuke, nubwo yategekaga aho imfashanyo ishyirwa, kabone nubwo bitabaga ari byo byihutirwa. Ati “Ibyo na byo twabiciyemo kandi tubishyira ku murongo neza tubisohokamo”.

Uhereye ibumoso: Maurice Lévy, Perezida Kagame na Perezida Macky Sall

Yavuze kandi uburyo u Rwanda rwabashije kumenya ko atari abandi bazaza gukemura ibibazo by’igihugu, ahubwo ari Abanyarwanda ubwabo, noneho isi ikaba yatanga ubufasha.

Ati “Iyo mitekerereze ni yo yatumye tabasha gutera iyi ntambwe tugezeho uyu munsi. Twatangiye kubona ibintu bigenda bijya ku murongo, kugeza n’ubwo rimwe na rimwe dukora ibintu mu buryo butandukanye n’ubusanzwe bumenyerewe hirya no hino ku isi.”

Ati “Twarebye mu mateka yacu uko ibintu byakorwaga. Uburyo ushobora no kwita ko butemeranyijweho mu ruhando mpuzamahanga. Twarenze ku byo amategeko asanzwe ateganya. Dufashe urugero nko mu butabera, twaravuze tuti ntawategereza uburyo busanzwe bwo gutanga ubutabera. Ni gute wacira imanza miliyoni y’abantu? Hakenewe inkiko zingahe? Hakenewe abacamanza bangahe? Mu gihe kingana gute? Ibyo byose twarabirebye.”

Bamwe mu bitabiriye inama

Avuga uburyo u Rwanda rwarebye mu mateka, rukitabaza Gacaca, maze mu myaka 12, rukaburanisha imanza zirenga miliyoni, rukoresheje miliyoni 37 z’amadolari y’Amerika, mu gihe urukiko mpuzamahanga mpanabyaha rwashyiriweho u Rwanda rwaciye imanza 62, rugakoresha amafaranga arenga miliyari ebyiri z’amadolari.”

Avuga kandi ko muri urwo rugendo rwose rw’iterambere ry’inzego zitandukanye, u Rwanda rutibagiwe gukoresha ikoranabuhanga ngo rwubake ahazaza h’igihugu.

Ati “Hari abatubwira bati ariko Abanyarwanda murabona bishoboka? Mu gihe igihugu gifite byinshi bitarajya mu buryo mutekereza mute ko mwatangiza iby’ikoranabuhanga? Tukababwira tuti ko twamenyereye gukorera rimwe byinshi ni gute tutanifashisha ikoranabuhanga ahubwo tukihuta kurushaho?”

Kugira ngo u Rwanda rubashe kugera kuri byinshi, u Rwanda rwakoranye n’inzego zizwi mu ruhando rw’isi zifite uburambe mu nzego zitandukanye mu guteza imbere ikoranabuhanga.

Perezida Kagame asubiza ku kibazo kibaza icyo Afurika n’u Rwanda by’umwihariko biri gukora kugira ngo ikoranabuhanga ritezwe imbere, Perezida Kagame yavuze ko Ikigo Nyafurika cy’imibare na Siyansi cyimuriye ibiro byacyo bikuru i Kigali kuva muri 2016.

Ibindi ni Kaminuza ya Carnegie Mellon, na Kaminuza Nyafurika y’imiyoborere.

Ku bwa Perezida Kagame, kugira ngo iterambere ry’ikoranabuhanga rigerweho, hakenerwa ibintu bitatu.

Ati “Tugomba gushoramo imari – tugashora mu bikorwaremezo bikenerwa mu ikoranabuhanga, hagashyirwaho ibigo bifasha iterambere ry’impano, ndetse tukamenya ko haboneka uburyo bwo gushoramo”.

Hagati aho umushinga ugamije guhindura u Rwanda ihuriro ry’ikoranabuhanga muri Afurika (Kigali Innovation City), urateganya guhuza abanyempano n’abashoramari kugira ngo ubumenyi bubyazwe imishinga ikemura ibibazo mu muryango nyarwanda.

Maurice Lévy yabajije kandi igihe Afurika izaba ifite imishinga y’ikoranabuhanga iteye imbere cyane nka Alibaba ya Jack Ma, maze Perezida Macky Sall arasubiza.

Ati “Afurika ntabwo yohereza hanze abahanga mu mupira w’amaguru no mu muziki gusa. Dufite n’abahanga mu bushakashatsi, abaganga bakomeye batanga umusanzu munini ku ruhando rw’isi no muri Afurika by’umwihariko.”

Kuri iki kibazo, Perezida Kagame yagaragaje imishinga myinshi Afurika ifite nka Smart Africa Alliance igamije iterambere ry’ubukungu.

Minisitiri w’intebe Dr Edouard Ngirente

Iyi nama ibera i Kigali, yahuje abagera ku 4,000 barimo abayobozi, abakora mu byo guhanga udushya, abashoramari, ibihangange mu ikoranabuhanga n’abandi, ikaba iri kurebera hamwe uko ikoranabuhanga ryafata iyambere mu guhindura ubukungu bwa Afurika.

Minisitiri w’intebe Ngirente yagaragaje imibare y’urubyiruko muri Afurika, yagakwiye kuba intandaro y’ahazaza heza ha Afurika mu bijyanye n’iterambere ry’ikoranabuhanga.

Yavuze ko Afurika ifite urubyiruko rwiyongera kurusha ahandi, aho kuri ubu habarurwa abagera kuri miliyoni 140 bayongereye mu myaka icumi ishize. Bitarenze mu 2028, umugabane wa Afurika uzaba ubarura abaturage bagera kuri Miliyari batarengeje imyaka 25.

Ngirente avuga ko aya ari amahirwe aho kuba umutwari ku mugabane wa Afurika.

Ati “Uru rubyiruko dufite ni amahirwe yo kuba twakwisanga cyane mu ikoranabuhanga kuko abakiri bato baba bafite ubushake bwo kwakira ibishya byihuse.”

Ati “aha ni ho tubonera agaciro ka sosiyete zigitangira, umumaro wazo ukagera no ku rwego rw’isi mu bijyanye n’iterambere ry’ubukungu.”

Ku isi yose, Minisitiri Ngirente yavuze ko sosiyete zigitangira nyinshi ziyobowe n’urubyiruko, ruhugiye mu guhanga imirimo ndetse no guhindurira amateka ibihugu byabo. Uru rubyiruko ruzana ibitekerezo bishya, biba akenshi bikenewe ngo hahangwe udushya ndetse habeho no kurushanwa.

Mu Rwanda, ibitekerezo byinshi by’urubyiruko biri kuzana ibisubizo by’ ibibazo igihugu gifite.

Aha yatanze urugero rwa tap and go app, ikoranabuhanga rifasha kwishyura udakoresheje amafaranga mu ngendo zitandukanye abakoresha imodoka zitwarira abantu hamwe bifashisha muri Kigali. Umwaka ushize iri koranabuhanga ryanagejejwe muri Cameroun.

Mu myaka mike ishize, u Rwanda rwatangije Miss Geek Award, irushanwa rihuza ba rwiyemezamirimo b’abakobwa bafite imishinga irimo udushya mu ikoranabuhanga dushobora kuzanira ibisubizo bimwe mu bibazo igihugu gifite.

Iri rushanwa rya Miss Geek Rwanda ryaje kwaguka ubu rigeze ku kuba Miss Geek Africa.
Abatsinda iri rushanwa bahembwa ibihembo birimo amafaranga, amahirwe yo guhabwa amahugurwa ndetse no kuba babona abandi bafatanyabikorwa bagura imigabane mu mishinga yabo.
Ku bwa minisitiri wIntebe Ngirente, ikoranabuhanga ni ingirakamaro cyane kuko ari ryo musingi uzahuza Afurika mu buryo busobanutse kandi bwihuse.

Kuri iki kintu Minisitiri Ngirente yerekanye aho u Rwanda ruhagaze agira ati “Guverinoma y’u Rwanda, binyuze mu ngamba z’igihugu z’impinduka mu iterambere hagati ya 2017 -2014, zigamije guhugura urubyiruko rwose (kuva ku myaka 16 kugeza ku myaka 30) mu bijyanye n’ikoranabuhanga bitarenze 2024.

Asobanura ibi, yavuze ko ibi bizashoboka binyuze muri gahunda y’igihugu yo kwigisha ikoranabuhanga igamije gutuma abakuze bamenya ikoranabuhanga bazaba bari byibura kuri 60% bitarenze mu 2024.

Mu biganiro bya mugitondo kandi, abari aho bagaragaje ko Afurika ikeneye rwose gukoresha ikoranabuhanga kugirango irenge imbogamizi zayo.

Fatoumata Ba, umuyobozi mukuru wa Janngo, sositye yo muri Cote d’Ivoire y’ikoranabuhanga, yagize ati “Afurika ni yo iza imbere y’iyindi migabana mu gukoresha cyane telefone zigendanwa, kandi ikomeje kuza imbere mu bijyanye no gukoresha ikoranabuhanga mu bucuruzi (e-commerce) nyamara igakomeza gusigara inyuma.”

Abitabiriye iyi nama bemeranyijwe ko kugirango umugabnae ugire iterambere rirambye mu by’ubukungu, guverinoma n’abakora ubucuruzi bagomba gukora ku buryo ikoranabuhanga rikora ku buryo bworoshye kugirango abikorera bagire uruhare rufatika mu kugabanya ubukene ari nako bazamura ubukungu.
Inama ya Transform Africa Summit yatangiye kuri uyu wa kabiri tariki 14 Gicurasi 2019, ikazasozwa tariki 17 Gicurasi 2019, ikaba iri kubera muri Kigali Convention Center.

Benshi mu bazwi cyane mu ikoranabuhanga ku isi bazabona umwanya wo kuganirira abitabiriye iyi nama, barimo Dr Donald Kaberuka, wahoze ari perezida wa Banki Nyafurika Itsura Amajyambere, ubu akaba ayoboye inama ya Global Fund, Strive Masiyiwa, umuyobozi nshingabikorwa akaba n’uwashinze Econet Wireless n’abandi.

Ku ruhande rwa Transform Africa Summit, hari kuba kandi inama nyinshi ku iterambere ry’ikoranabuhanga, zigamije gushakira ibisubizo ibibazo byinshi biboneka hirya no hino ku isi.

Mu ijambo rye, perezida Kagame yabwiye abaturage ba Musanze na Nyabihu ko icyazamuzanye ari ukubasura, maze agakemura ibibazo byabo bitandukanye.

Cyakora yibukije ko haba ibyagezweho, n’ibitaragerwaho, byose bitashoboka igihe nta mutekano igihugu gifite.

Ati “n’ibyo bibazo byose tutarakemura, ibyo twifuza gukemura, byongera ku bindi twakemuye byose bishoboka kuko dufite umutekano.”

“Ubu bukerarugendo mubona buzana amadevise menshi mu gihugu ndetse Musanze ikabona umugabane wabwo, bizashoboka kubera ko hari umutekano. Ntabwo ba mukerarugendo bajya ahantu hadafite umutekano.”

Yasabye aba baturage kandi gufata iyambere bakicungira umutekano, bitandukanya n’abashaka kuwuhungabanya, avuga ko icyo ari ikintu bakwiye guha agaciro cyane kuko ari “umurengo udakwiye kurengwa.”

Perezida Kagame yavuze ko ibibazo byose ari kugenda agezwaho mu ntara y’Amajyaruguru ari ibibazo bimaze byakwiye kuba byarakemutse mu bihe byashize iyo abayobozi babishyiramo imbaraga zikwiye.

Yatanze urugero ku kibazo cy’isuku nke kikigaragara mu ntara y’Amajyaruguru, yibutsa ko bidasaba imari ihambaye ngo umuntu atandukane n’umwanda.

Ati “Ibibazo by’umwanda nabyo tumaze imyaka tubivuga. Ibibazo byumwanda kubikemura ntabwo bishaka budget (ingengo y’imari), ntabwo bishaka amafaranga menshi. Umuntu wese yihereyeho, abantu bagafatanya, kubikora bifite ubushobozi bwabyo ntabwo bigomba amafaranga azava muri Leta cyangwa mu baterankunga. Aho biva hambere ni mubayobozi. Bakwiye kuba babona uwo mwanda bagakorana n’abo bayobora kugirango uwo mwanda uveho.”

“Aka karere gateye imbere mu bijyanye n’ubukerarugendo. Ubwo ni ukuvuga ngo mugira n’abashyitsi benshi baza kubasura bazanye amadovise, haba abarara mu mahoteli bakazana amadolari hano, haba abasura ingagi, na rya 10% rijya mu baturage ni aho bituruka.”

“Ntabwo baba bazanywe no kureba umwanda, ahubwo mutarebye neza ushobora no kubakumira ntibirirwe baza.”

Perezida Kagame yagarutse kandi ku bindi bibazo bikiboneka muri aka gace nk’ikijyanye n’amashanyarazi ataragera hose, za telefone na televiziyo zidakora neza hose, avuga ko agiye kubihaguruka bigakemuka.

Yagarutse kandi ku kibazo cy’amazi y’ibirunga asenya amazu akangiza n’ibintu, avuga ko ari ikibazo kimaze igihe, avuga ko hagiye gushwakwa umuti w’uburyo amazi yayoborwa neza cyangwa se agakoreshwa ibindi ariko ntiyangize.

Tens of thousands of residents from across Musanze District and Nyabihu District gathered at Busogo Stadium greeting President Kagame #CitizenOutreach pic.twitter.com/iKvJILaIYs

— Presidency | Rwanda (@UrugwiroVillage) May 9, 2019

Perezida Kagame yavuze kandi ku kibazo cyo gukwirakwiza imbuto kimaze igihe avuga ko nacyo gikwiye kurangira, avuga ko niba ibintu byarananiranye bikwiye guhinduka.

Ati “Ntabwo wahora ugerageza uburyo bumwe butaguha igisubizo. ukwiye gushaka uburyo ibintu bihinduka. Niba hashakwa abikorera ku giti cyabo bakaba bahindura ibintu babuzwa n’iki kubigerageza? Kuko icyangombwa ni uko imbuto zigomba kujya kubazikeneye bagomba kuzikoresha.”

Perezida Kagame yavuze kandi ko ikibazo cy’ikaragiro ry’amata ridakora mu karere ka Burera nacyo kigomba kugarukwaho, nyuma yo kumva ibisobanuro by’ ikigo cy’igihugu gishinzwe iby’inganda NIRDA, BDF, RDB, hamwe n’akarere ka Burera hemezwa ko uyu mwaka urangira iki kibazo gikemuwe burundu uruganda rukongera rugakora.

Minisitiri Mukeshimana yibukije ijambo rya Perezida yavuze agira ati ’twabuze imiryango, ababyeyi, tubura abana ariko dufite igihugu. Aya mateka ni ayacu tugomba kuyemera uko ari kuko tudashobora kugira icyo tuyahinduraho ariko dushobora kwitegurira ejo hazaza’.

Minisitiri Mukeshimana yabivuze kuri iki cyumweru tariki 28 Mata 2019, ubwo abatuye imirenge ya Rusatira na Kinazi, mu cyahoze ari komine Rusatira ho mu ntara y’Amajyepfo bibukaga ku nshuro ya 25 Jenoside yakorewe Abatutsi.

Yagize ati “Ibibazo twabazwaga turi abana ubu nta mwana ukibibazwa (kubazwa ubwoko, cyangwa akarere). Nta muyobozi tugifite utubwira ko umwanzi wacu ari uwo duturanye ngo adusabe kumwica, ubuyobozi buratubwira ko umwanzi wacu ari ubukene n’ubujiji gusa, bukaduha ningamba zo kubivamo.”

Yongeyeho ko ubuyobozi bw’igihugu bwa none butanga ibisubizo byo kwibohora uwo mwanzi, yongeraho ko Leta izakomeza kwimakaza politiki ziha abaturage icyerekezo cy’amajyambere no gukundisha urubyiruko igihugu.

Umuyobozi w’urwego rw’igihugu rw’abinjira n’abasohoka nawe yitabiriye uyu muhango

Minisitiri Mukeshimana, yunze mu ry’abandi bavuze, asaba abafite amakuru ku hashyizwe imibiri y’abishwe muri Jenoside kuyigaragaza kugirango ishyingurwe mu cyubahiro, bityo n’abarokotse babashe kuruhuka.

Yagize ati “Nagirango nongere nsabe abanya - Rusatira na Kinazi ko batanga amakuru y’ aho abishwe bari kugirango basubizwe icyubahiro. Abarokotse bazasaba iki kintu bageze ryari? Nta kindi basaba kirenze kugaragaza aho imibiri iri.”

Sinzi Tharcisse, umwe mu barokokeye i Songa wanagizwe umurinzi w’igihango kubera uruhare yagize mu kurwana ku bahigwaga akabasha kurokora abarenga ijana, yasabye abari aho kongera bakunga ubumwe nk’uko byahoze.

Muri uyu muhango kandi, hashyinguwe imibiri 25 yakuwe hirya no hino muri iyo mirenge yombi, ishyingurwa mu cyubahiro ku rwibutso rwa Songa, rubitse imibiri 75,311.

Gatari Serapion wavuze mu izina ry’abashyinguye ababo, wanahoze ari umwarimu, yibukije amwe mu mateka yaranze aka gace, agizwe n’ivangura ryakorerwaga Abatutsi mbere ya Jenoside, haba mu kazi mumashuri n’ahandi.

Bamwe mu baje kunamira ababo bashyinguye i Songa

Yaboneyeho gushimira ingabo zahoze ari iza RPF Inkotanyi zahagaritse Jenoside, anasaba urubyiruko gukora cyane rukiteza imbere rukabyaza umusaruro amahirwe ruhabwa n’igihugu.

Uwavuze mu izina ry’imiryango yashyinguye abagera kuri 25

Imibiri yashyinguwe

Uwatanze ubuhamya bwa Jenoside mu cyahoze ari komine Rusatira

Ubwo bari bageze kuri RDB i Kigali

Aba bagore bibumbiye mukitwa Throttle queens bishatse kuvuga abagore batwara moto, bakaba bari mu bukangurambaga bugamije gushishikariza abantu kwitwararika mu birebana n’umutekano wo mumuhanda.

Belise Kariza, ushinzwe ubukerarugendo muri RDB, yashimye aba bagore umuhate bagize, avuga ko bikwiye kubera abandi urugero.

Ati “Birashimishije cyane kubona itsinda ry’abagore rikora uru rugendo mu gihe gito. Abagore nta cyo batakora. Urugendo rwabo ruratwereka ko umugore ashoboye gutwara moto, ikintu tudafite ino. Birashimishije kandi biratuma natwe tubigiraho.”

Aba bagore bakaba barazengurutse ibihugu bitandukanye bigize Afurika y’Uburasirazuba, bakaba bagenda berekana ububi bwo kwica amategeko y’umuhanda cyane ko impanuka zikomeje gutwara ubuzima bwa benshi muri iki gice cya Afurika.

Ubwo aba bagore bari bagiye guhaguruka i Nairobi (photo: Daily Nation)

Ms Rhoda Omenya, Ms Aisha Mohammed, Ms Shiku Njenga, Ms Mary Wanjiku, Ms Victoria Musyoka and Mrs Njeri Mwangi babwiye ikinyamakuru the Nation cyo muri Kenya ko bari gukora ibi mu rwego rwo kwishimisha ndetse no guharanira umutekano wo mumuhanda.

Umwe muri aba bagore wavuganye na Radio y’Abongereza bakigera i Kigali, yaguze ko uru rugendo turaboroheye bitewe no kuba hari aho banyuraga imihanda iri kubakwa, kuba hari ibinyabiiga byinshi mu muhanda ndetse n’abantu, hakiyongeraho ko hari ahatari ibirango bibayobora mu muhanda.

Yagize ati “Imihanda dufite ikoreshwa n’abafite imodoka nini, izitwarira abantu hamwe, abagenda mu modoka zayo bwite, abatwara amagare, za moto, abagenda mu magare y’abafite ubumuga n’abandi, nyamara imihand ni mito gusa ni yo dufite. Tugomba kuyikoresha twitonze.”

Yavuze ko ibyo bari gukora ari ukugenda baha ubutumwa buri wese ukoresha umuhanda bamusaba korohera mugenzi we ngo buri wese abone uko atambuka.

Uyu mugore abajijwe ahabagoye kurusha ahandi yavuze ko ari mu mujyi wa Kampala kuko ngo buri wese akoresha umuhanda nk’aho ari we gusa uri mumuhanda nyamara urujya n’uruza ari rwinshi cyane.

Yavuze ko n’ubwo byari bimeze bityo, ngo bagize urugendo rushimishije, kuko kubona moto nyinshi byahuruzaga benshi, bakareba ibirango biri ku mapikipiki yabo, hakaba ubwo bahagarara bagatanga ubutumwa busaba abantu gukoresha neza umuhanda, ari nako babasobanurira abo ari bo n’ikibagenza.

Aba bagore baganira na Belise Kariza ushinzwe ubukerarugendo muri RDB

Andy Bumuntu muri Studio za KT Radio

Uyu muhanzi yavuze ibi ubwo yari yakiriwe mu kiganiro KT Parade cya KT Radio, mu gikorwa cyo kugaragariza abakunzi be n’aba Radio indirimbo ye nshya yise Stay, yasohoye mu ntangiriro z’iki cyumweru, haba amajwi n’amashusho.

Uyu muhanzi ufite ijwi rikundwa n’abatari bake ndetse n’injyana aririmba ikanyura benshi bitewe n’umwimerere wayo, yavuze ko indirimbo zose yumva ko zizaba zigize album ye ziri kurangira, gusa ngo birashoboka ko wabona yongeyeho, zikaba zagera no kuri 12.

“Album yanjye irasohoka mu mpeshyi y’umwaka utaha, ahagana mu kwezi kwa karindwi, ubu kugeza ubu hari indirimbo 4 ziri hanze, hakaba hari n’izindi eshatu zizasohoka muminsi iri imbere”.

Ubwo yasubizaga ikibazo ku mpamvu imutera gutinda gusohora indirimbo nshya, uyu muhanzi yavuze ko iki kibazo yakigejejweho kenshi n’abakunzi be ndetse ko yagifatiye umuti urambye.

Ati: “Naratekereje maze ndavuga nti reka nkorere abakunzi banjye indirimbo nyinshi, aho kugira ngo njye mbaha imwe hashire igihe mbahe indi. Ubu mbafitiye indirimbo nyinshi zigiye gusohoka zikurikiranye”.

Kayigi Andy Dick Fred, ni umusore wavutse tariki 14/05/1995, atangira muzika mu 2009. Uyu muhanzi kandi azwiho kwitondera indirimbo ze cyane mbere yo kuzishyira hanze. Indirimbo ye yise Ndashaje yayanditse 2012 ariko ayishyira hanze mu 2016.

Uretse kuba ari umuhanzi mu ndirimbo zivuga ubuzima busanzwe ndetse n’izurukundo, uyu muhanzi ni n’umubyinnyi mu itorero mashirika aho yakunze kuriserukira hamwe na bagenzi be mu bihugu bitandukanye.

Kugeza ubu afite indirimbo ze bwite zigera kuri enye arizo Ndashaje, Mukadata, Mine n’inshyaya yise Stay, akaba kandi yarakoranye n’abahanzi bandi batandukanye mu Rwanda barimo Ben Kayiranga na Yvan Buravan.

Ryoherwa n’indirimbo nsya ya Andy Bumuntu yise Stay

Pasiteri Mpyisi avuga ko amasengesho ntaho ataniye no guterekera

Pasiteri Mpyisi w’imyaka 96, azwiho kutarya iminwa ku bijyanye n’ijambo ry’Imana, aho akunda kugaragara anenga uburyo amadini yose y’iki gihe atangamo ubutumwa bwiza.

Kuri iki Cyumweru tariki 14 Mutarama 2018, yari umutumirwa mu Kiganiro “Inspiration on Sunday” kuri KT Radio, aho yavuze ko byose byishwe n’abazungu batashoboye gutanga amasomo nyayo ajyanye n’iyobokamana.

Yagize ati “Aho kutwigisha kumenya uw’iteka baza kutubwira kuvuga amasengesho. Amasengesho burya ni uguterekera. Twese ntitwaterekeraga! Twarayavugaga. Twaterekeraga abazimu. Imana ni umuzimu se? Bayihinduye umuzimu, ntiterekerwa, ntibwirwa, izi byose n’ibyo utekereza utarabivuga wa njiji we urayibwira iki!”

Yakomeje ati “Wowe umuntu azi ibyawe ukajya kubimubwira, ubwo nturondogoye!? Amasengesho ni ukurondogora. Gusenga ni ukuganira n’Imana muri Bibiliya niko babivuga.”

Pasiteri Mpyisi yari mu kiganiro Inspiration on Sunday, hamwe na Charles Kwizera

Uyu mukambwe avuga ko muntu yayobye abikomora kuri Adamu waremwe atunganye ariko akemera ibinyoma bya Satani ahita aba ata inzira atyo bityo nawe akabyara abagoryamye.

Ati “Nagiye mu by’Imana ndi agahungu gato, ariko mpura n’abanyobya, nanjye mara imyaka 70 nyobya abantu kdi ntigiza nkana. Njya kwiga ibijyanye n’Imana (Theologie) imyaka ine mu mahanga banyigisha bene ibyo, mvayo nkiri wawundi.

“Mfite ubu theologie bwo kuyobora itorero, kuyobora inama, gushyingira kwaka amafaranga, kubaka urusengero… ibyo kumenya kubwirwa na bibiliya reka da.”

Avuga ko abo yigishije bamusaba kureka kuvuga ko yabayobeje kuko ubu ari abayobozi mu iterero gusa ngo nta kundi yabigenza agomba kubivuga. Ati “Icyaha cyakorewe ku mugaragaro kicyurizwa ku mugaragaro.”

Pasiteri Mpyisi kandi akunda kumvikana asaba imbabazi abakirisitu yigishije, kuko yabayobeje, abaha inyigisho nawe atari asobanukiwe ku bijyanye no kumenya Imana.

Abangavu bo muri Ngoma bahamya ko bamwe baterwa inda kubera kudasobanukirwa n’ubuzima bw’imyororokere

Ubuyobozi buvuga ko mu mwaka wa 2016 habaruwe abangavu 700 bamaze guterwa inda.

Kirenga Providence, umuyobozi wungirije w’Akarere ka Ngoma ushinzwe imibereho myiza y’abaturage, avuga ko hafashwe ingamba zo gukumira inda mu bana b’abakobwa batarageza ku myaka 21 yemewe yo gushinga urugo.

Agira ati “Ingamba ni ubukangurambaga buhoraho mu rubyiruko tubigisha kwirinda icyorezo cya SIDA kuko nibayirinda bazaba banirinze izo nda. Nibwo bazanakoresha agakingirizo igihe bananiwe kwifata.

Hari na gahunda z’umugoroba w’ababyeyi nabyo bazakangurirwa kuganiriza abana babo ku buzima bw’imyororokere.”

Akomeza yizeza ko abo bangavu bose batewe inda bazababa hafi kugira ngo uburenganzira bwabo bwubahirizwe.

Bamwe mu rubyiruko rwo mu Murenge wa Sake, ahagaragaye abangavu 50 batwaye inda, bavuga ko hakiri ikibazo cy’amakuru adahagije ku bijyanye ku buzima bw’imyororokere; nk’uko umwe muri bo abisobanura.

Agira ati “Ni ukuri pe ni ubujiji mutwegere mutwigishe ntacyo tuzi. Hari abazitwara batabizi. Ababyeyi ntibatuganiriza ku buzima bwacu, usanga babyanga wanamubaza akakubwira ko byagutera uburara ubimenye.”

Kirenga Providence, umuyobozi wungirije w’Akarere ka Ngoma ushinzwe imibereho myiza y’abaturage ahamya ko bazakomeza ubukangurambaga bwo kwirinda SIDA

Uwitwa Uwitonze, wiga mu kigo cya GS Rukoma ahamya ko hari n’abatwara inda kubera kugira isoni zo gukoresha agakingirizo.

Agira ati “Isoni zo kujya kukagura mu iduka nazo zibaho, bamwe bagatuma abana bato atabona uwo agatuma agakorera aho. Gusa no kugakoresha benshi ntitubizi rwose ababyeyi nibatwegere.”

Uwimana Malachie, uyobora umuryango CREDI mu Ntara y’Iburasirazuba, ukora imirimo yo kurwanya icyorezo cya SIDA, wibanda cyane ku bana b’abakobwa, avuga ko bagiye kongera ubukangurambaga bakangurira abana b’abakobwa kwirinda imibonano mpuzabitsina no kwipimisha bakamenya uko bahagaze.

Ikindi ngo ni uko abo bangavu baterwa inda bituma bata ishuri, bamwe bakaba banakwandura SIDA.

Igisha bahingagamo ibijumba basigaye bahingamo soya n’ibigori

Bavuga ko ubusanzwe ibijumba babihingaga mu bishanga bikabagoboka mu bihe by’inzara,none ubu bikaba bibujijwe kubihahinga.

Ibihingwa byemewe ngo ni ibigori bisimburana na soya,kandi nabyo ngo nta musaruro uhagije bitanga.

Kubera iyi mpamvu Hakizimana Stanislas na bagenzi be batuye muri aka gace bavuga ko hari inzara kubera kutabona ibijumba kandi ngo aribyo bishobora guhangana nayo.

Yagize ati "Ino aha,ibijumba bibiri biragura amafaranga 400!Nabwo kandi ni ibiba byaturutse za Nyaruguru.
Kuba badutegeka guhinga ibigori,inzara itumereye nabi kandi mbere nta nzara twagiraga ino”.

Aba baturage bavuga ko batarwanya gahunda ya Leta yo kubyaza umusaruro ibishanga hahingwamo ibigori ndetse n’indi myaka ibasha guhunikwa.

Gusa bavuga ko byaba byiza bemerewe iyo myaka ikajya isimburana n’ibijumba kuko ngo ari igihingwa kibafasha kurwanya inzara,nk’uko bivugwa na Mukashyaka Chantal.

Ati "Iyaba nibura barekaga tugasimburanya.Ibyo bigori n’ubwo bitera ntitubirwanya.Ariko nibura bakareka tukabisimburanya n’ibijumba”.

Guhinga ibijumba bavuga ko byabafashaga kurwanya inzara

Umunyamabanga nshingwabikorwa w’umurenge wa Save Kimonyo Innocent nawe yemera koko ko aka gace kahuye n’ikibazo cy’inzara kurusha utundi duce tw’uyu murenge,kuko ho ngo n’imvura bayibonye batinze.

Avuga ko guhinga ibigori mu bishanga atari itegeko ubuyobozi buha abaturage,ko ahubwo abaturage ubwabo aribo bihitiramo igihingwa bashaka guhinga.

Aha ni naho ahera avuga ko abifuza gusimburanya ibigori n’ibijumba bashobora kubyemererwa,igihe ubuyobozi bwaba bumaze kubasura bakabyemeranywaho.

Ati "Gukora rotation (gusimburanya) mu myaka biremewe.
Ubwo rero numva dushobora kuganira nabo,aho bishoboka cyane cyane nk’ibi bijumba byerera amezi atatu bakaba babihinga nta kibazo”.

Agace ka Shyanda karimo ibishanga bike,ariko nk’icyo bahingagamo bemeza ko bahasaruraga ibijumba byinshi byabatungaga mu bihe bategereje ko indi myaka yera.