Guverineri Gasana avuga ko atari ngombwa ko intara ihora ahantu hamwe

Guverineri Gasana aravuga ko agiye kwimuka ku cyicaro cy’Intara I Nyanza, akajya mu karere ka Nyamagabe aho ateganya kuzamara amezi ane cyangwa atandatu ahakorera akazi ka buri munsi.

Yabitangarije mu kiganiro yagiranye n’abanyamakuru kuri uyu wa gatatu 27 Gashyantare 2019, ku cyicaro cy’Intara I Nyanza.

Uyu muyobozi atangaje ibi nyuma y’umunsi umwe gusa, Perezida wa Repubulika Paul Kagame, asuye akarere ka Nyamagabe ko mu ntara iyoborwa na Gasana, akavuga ko ako karere kagifite ibibazo byinshi byakabaye byarakemutse.

Muri ibyo bibazo Perezida wa Repubulika yavuze ko bikwiye gukemuka mu karere ka Nyamagabe, harimo icy’umujyi w’akarere ka Nyamagabe udatera imbere, icy’uruganda rutunganya umusaruro w’ingano rwahagaze,icy’isoko ry’akarere ka Nyamagabe ryanze kuzura, icy’ibazo cy’imbuto nziza zitinda kugera ku bahinzi bo muri ako karere, n’ibindi.

Uruganda rutunganya ingano ubwarwo rwahagaze rurimo umwenda wa miliyoni 600 za banki, none banki yarugize ingwate.

Guverineri Gasana yatangaje ko guhera tariki ya 02 Werurwe 2019, azatangira gukorera mu karere ka Nyamagabe, akazahamara amezi ane, akurikirana ko ibibazo biri muri ako karere bikemuka.

Ati”Si ngombwa ko intara iguma i Nyanza, ishobora kwimukira n’ahandi”.

Uyu muyobozi kandi ngo afite gahunda yo kuzazenguruka uturere tw’Intara y’Amajyepfo haba hari ibibazo bikeneye gukemurwa mu buryo bwihutirwa.

Mu kuzenguruka uturere, Guverineri Gasana azajya ajyana n’abakozi b’aba tekinisiye (technicians), ariko icyicaro cy’intara kikazaguma i Nyanza.

Nzamwita Damien avuga ko ibihano bihabwa abakoresha abana imirimo y’ingufu bituma umubare w’ababikora ugabanuka

Iyo mibare igaragaza ko Umujyi wa Kigali ukoresha abana ku kigero cya 7.7%, Uburengerazuba ku kigero cya 4.8%, Amajyaruguru ku kigero cya 4.6%, Amajyepfo kuri 2.9%.

Uburasirazuba ni bwo bufite abana bake bakoreshwa imirimo ibavuna, aho babarurwa ku kigero cya 2.4%.

Kuri iki kibazo Minisiteri y’Abakozi ba Leta n’Umurimo, ivuga ko yagihagurukiye aho igaragaza ko mu myaka ibiri 2016 na 2017, abantu 352 bahaniwe gukoresha abana imirimo nk’iyi.

Abahaniwe iki cyaha ni abantu ku giti cyabo, abayobora ibigo bitandukanye Ndetse n’abakoreshaga abana mu ngo.

Amategeko ateganya ko umuntu wese ushora cyangwa se ukoresha umwana imirimo mibi, ahanishwa amande ari hagati y’ibihumbi 500 Frw na miliyoni imwe y’amafaranga y’u Rwanda ku mirimo yanditse, ndetse n’amafaranga ibihumbi 100 na 500 ku mirimo itanditse.

Nzamwita Damien ushinzwe kurwanya no gukumira imirimo mibi ikoreshwa abana muri MIFOTRA, avuga ko uku guhana abagaragaweho ibi byaha byatumye umubare w’abakoreshaga abana imirimo mibi ugabanuka.

Yongeraho ko hazakomeza gukorwa ubugenzuzi kugira ngo n’abandi bagishora abana mu mirimo mibi cyangwa ababakoresha bene iyo mirimo nabo bahanwe.

Ati” Icyo tugomba gushyiramo imbaraga ni ukongera ubugenzuzi, mu byiciro by’imirimo itandukanye, kugira ngo n’aho bigaragara ko bagikoresha abana imirimo mibi tubashe kubigabanya.

Tugereranije n’imibare yo mu bihe byashize ubona ko imibare yagabanutse cyane, kandi ntibyapfuye kwikora ahubwo ni ukubera ibi bihano”.

Umuntu wese uri munsi y’imyaka 18 mu Rwanda afatwa nk’umwana nubwo itegeko riteganya ko umuntu ugejeje imyaka 16 y’amavuko, ashobora kugira amasezerano y’akazi, ariko agakora imirimo itavunanye.

Umuryango uharanira uburenganzira bw’umwana Children’s Voice Today (CVT), uvuga ko bimwe mu bitera abana gukoreshwa imirimo mibi harimo ubukene bwo mu miryango ndetse n’abana batanyurwa n’imibereho y’imiryango yabo.

Umuhuzabikorwa w’Umushinga ukorera muri CVT, ushinzwe gukumira iyimukacyaro ry’abana bava mu byaro bajya mu mijyi, Benimana Diane, avuga ko hakomeza gutangwa inyigisho ku babyeyi, bakumva ko gushora abana babo mu mirimo mibi bidashobora gutuma imiryango yabo itera imbere.

Ati” Icyo ni cyo kibazo turi kurwana nacyo muri iyi minsi. Icyo dukora ni ukugerageza kumvisha wa mubyeyi ko n’ubwo bari mu bukene, gushyira umwana we mu mirimo mibi bitazabumara, ahubwo ari ukwangiza uburenganzira bwe”.

Itangazamakuru ryakanguriwe kurushaho gushishikariza abakoresha gucika ku muco wo gukoresha abana bato imirimo y’ingufu

Ku bijyanye n’abana batanyurwa n’imibereho y’imiryango yabo bagashaka kubaho mu buzima bwiza, bamwe mu bana banenga bene iyi myitwarire bagasaba bagenzi babo kubyirinda.

Aline Rurangirwa uhagarariye abana mu karere ka Gasabo asaba abana bagenzi be kunyurwa n’uko imiryango yabo ibayeho, ahubwo bagaharanira kwiga kugira ngo ubuzima bwiza bifuza kubaho bazabwibesheho.

Imibare yo muri 2013-2014 igaragaza ko abana 222.918 bakoreshwa imirimo mibi hirya no hino mu gihugu.

59.931 bangana na 41% bakoraga imirimo yo mu ngo, 51.200 bangana na 35.1% bagakora mu mirimo y’ubuhinzi n’ubworozi n’uburobyi.

Iyi mibare kandi yagaragazaga ko 14.181 bangana na 9.7% bo bakoreshwaga mu mirimo y’ubwubatsi, naho 4.888 bangana na 3.3% bo bagakoreshwa mu bucukuzi bw’amabuye y’agaciro.

`

Imodoka zafashwe n’inkongi zirashya zirakongoka

Zafashwe n’inkongi ubwo zari zirimo gukanikwa, ku gicamunsi cyo kuri uyu wa mbere tariki ya 15 Gicurasi 2017.

Abakanishi bakora muri iryo garaje bavuga ko imodoka imwe yo mu bwoko bwa” Toyota Hilux” barimo bayisudira. Umukanishi wayisudiraga avuga ko ngo ibishashi byaturukaga mu gusudira byaba aribyo byateye iyo nkongi.

Avuga ko ibyo bishashi byaguye kuri ‘resevoir’ ya lisansi y’iyo modoka ishobora kuba yari ifite ikibazo.

Bikigwaho ngo umupfundikizo wayo wahise uturika, ujya mu kirere imodoka ihita ifatwa n’umuriro ubwo.

Izo modoka zakorerwaga mu igaraji iri mu Rwabayanga i Huye

Abari aho ngo bashatse kuyizimya biranga, umuriro ubarusha imbaraga. Uwo muriro ngo wahise ufata indi modoka yari hafi aho ya "Twegerane", zombi ziragurumana.

Nyuma batabaje Polisi, irabatabara. Ubwo twandikaga iyi nkuru nta kizimyamwoto yari yahagera.

Umuvugizi wa Polisi y’igihugu, ACP Theos Badege ahamya ko iyo nkongi yatewe n’umuntu wasudiraga imodoka hafi y’ahaba hari Lisansi.

Ahamagarira abakora mu magaraje kujya bakora ibintu basobanukiwe mu rwego rwo kwirinda impanuka za hato na hato.

Abwira kandi abafite ibinyabiziga kujya bakoresha mu magaraje bizeye neza ko afite ubwishingizi.

Ku bijyanye na kizimyamoto nini ya polisi, ACP Theos Badege avuga ko biri mu igenamigambi rya Polisi n’inzego z’ubuyobozi kuzigura.

Avuga ko ariko igihe zitaraboneha hari uburyo bwashyizweho bwo kwigisha abantu kwirinda inkongi ndetse no kuzimya byoroheje, igihe bategereje ubufasha bwisumbuye.

Intore z’abaganga mu karere ka Gisagara

Ibi babivugira ko ngo inyigisho bahawe zatumye barushaho gukunda umurimo wabo, ku buryo nk’intore z’Impeshakurama bazarushaho gutanga serivisi nziza.

Dr. Cyprien Ntirenganya akora ku bitaro bya Kaminuza by’i Butare, avuga ko bagiye kurangwa n’ubufatanye buzatuma akazi kabo kagenda neza, ku buryo nta mukobwa utukisha abandi uzongera kuboneka iwabo.

Agira ati “Abanyarwanda baravuga ngo umukobwa aba umwe agatukisha bose. Kwa muganga, uwo mukobwa ni buri mukozi watungukaho akaguha serivisi mbi. Ubu n’uwo mukobwa wari mubi yabaye intore.”

Impeshakurama zo mu karere ka Huye ziyemeje ko nta wuzongera kwinubira serivisi mbi kwa muganga

Urayeneza Cecile ukora mu bitaro bya Kibilizi mu karere ka Gisagara avuga ko biyemeje gukumira indwara bigisha abaturage,ariko nanone abageze kwa muganga bakabakira vuba.

Ati ”Twiyemeje gukumira indwara,kugirango imirongo yo kwa muganga igabanuke.

Ni ukujya mu giturage yukabigisha kwirinda indwara,bakisuzumisha hakiri kare,hanyuma abaje kwa muganga tukabaha serivisi vuba kugirango batahe bajye mu zindi gahunda”.

Sr. Florentine Iribagiza akora ku bitaro bya Kabutare. We ngo yasanze kuba intore ntako bisa, akaba anabishishikariza n’abandi bantu bose.

Ati “Twakoraga, ariko tugakora nk’abanyamwuga batari intore. Ubu tugiye kuzajya dukora nk’abantu bakunda igihugu.”

Kubera ko abaganga batavira rimwe muri serivisi kandi baba bakenewe, bagenda batozwa mu byiciro.

Biyemeje guca imirongo miremire y’abarwayi kwa muganga

Mu karere ka Gisagara iki cyiciro cya kabiri hatojwe abagera ku171. Mu cyiciro cya mbere hatojwe 134, naho mu cya gatatu hakazatozwa 238.

Mu Karere ka Huye abatojwwe ubu ni icyiciro cya kabiri kigizwe n’abantu 355 harimo abagore 182 n’abagabo 173